CLOSE WINDOW

H392
བོད་ཡིག

/yon tan 'bar gyi sa bsgyur cing zhus te gtan la phab pa'o// //rgya gar skad du/ A khyA ta tan+t+rot+ta ra badzra bA h+ya b+hi d+ha nA da bA rA h+ya b+hi bo d+ha naM nA ma/ bod skad du/ phag mo mngon par brjod pa bshad pa'i rgyud phyi ma las/ phag mo mngon par byang chub pa zhes bya ba/ sangs rgyas la phyag 'tshal lo/ /de nas rnal 'byor bshad bya ba/ /'dod pa'i don kun sgrub byed pa'o/ /phyi ma las kyang phyi ma ste/ /mkha' 'gro ma yi dra ba sdom/ /phag mo yi ni gtso mo yang / /rnal 'byor rnams kyi grub ster ma'o| |rnal 'byor ma lus rnams kyi yang / /snying po rnal 'byor btus pa 'o/ /sgrub pa pa la phan don phyir/ /bla ma'i brgyud pa gsal ba'o/ /phyi rol rnam rtog med pa dang / / kun tu dam tshig chos nyid dang / /spyod dang dogs pa med pa dang / /kun tu ser sna rnam spangs te/ /tshes grangs dang ni rgyu skar med/ /bsnyen gnas cho ga gtsor med de/ / dag dang ma dag gtsang yang med/ /chu yi gtsang sbra bya ba med/ /dus dang chos las rnam par grol/ /gtsang sbra'i spyod pa rnam par spangs/ /rang rgyud sngags dang rnal 'byor shes| |sems can kun gyi don brtson bas/ /ri sul tshang tshing phug rnams dang / /chu bo'i 'gram dang 'dus pa dang / /rgya mtsho chen po'i 'gram dag dang / /shing gcig sa dang khang stong dang / /ma mo'i khyim dang dur khrod dang / /skyed mos tshal mchog sna tshogs dang / /lha khang dang ni mchod rten gnas/ /khyim mam yang ni bzhi mdo ru/ /'dod pa thams cad rab ster ba'i/ /sgrub pa po yis bsgrub par bya/ /gnas ni bstan par byas pa'am/ /gang du yid ni dga' ba ru/ /sdom pa sna tshogs srung 'dod pa'i/ /der ni dngos grub yang dag 'grub/ /gdul bya'i bsam pa'i sbyor ba yis/ /sgom pa'i dbye ba mang po'o/ /ye shes lnga yi bdud rtsi yis/ /sa gzhi byug pa bya ba dang / /bzod pa'i pha rol phyin nan tan/ /me tog gcal du dgram par bya/ /sna tshogs phyag rgya'i gdan dag la/ /gtong bar shin tu mnyam par bzhag /bsam gtan pha rol phyin dmigs te/ /sems ni rtse gcig pa yis su/ /tshangs pa'i gnas ni bzhi po dang / /bsdu ba'i dngos po bzhi dag dang / /sems can kun la bde 'byung ba'i/ /dge ba bcu ni dmigs par bya'o/ /chos rnams stong pa nyid du ni/ /phyi nang bdag nyid mthong bya ste/ /de nas sems tsam du gnas te/ /byang chub kyi ni tshogs mchog go /snying gi mkha' dbyings bad dbus gnas/ /nyi ma'i dkyil 'khor bsgom par bya/ /ye shes lnga yi rang bzhin ni/ /mchog gi de nyid der mthong ste/ /'od zer sna tshogs rang bzhin bzang / /kun tu rnam par spros pa las/ / @#/ /sngar grub rnams ni yang dag bskul/ /nam mkha'i khams ni nyams dga' bar/ /dkyil 'khor dam pa mthong ba ste/ /byin gyis brlang pa dag kyang ngo / /til gyi gang bu bzhin mthong ste/ /khro bo lha mo thams cad dang / /sangs rgyas byang chub sems dpa' dang / /bla ma byang chub sems dpa' dag /mchod dang mchod pa byed pa'i bdag /lha mo rnam pa dgu mthong ste/ /sangs rgyas tshogs kyi sprul pa spro/ /khro bo rgyal po rnal 'byor ma/ /'gro ba rigs drug sems can yang / /de ni sangs rgyas nyid du bzhag /nam mkha'i khams zhes bya ba'i dbus/ /de nyid du ni zhugs mthong ste/ /ji srid byang chub snying po'i bar/ /thams cad du ni skyabs su mchi| |sems can ma lus gyur pa rnams/ /sangs rgyas go 'phang la bzhag bya/ /sgrub pos de la gsol ba gdab/ /rtag tu skyabs su gsol bar bya/ /phung po lnga la nga rgyal ni/ /sems bzang po ni bskyed par bya/ /gzugs dang tshor dang 'du shes dang / /'du byed rnam par shes nyid kyang / /bruM aM hrIH hoH hUM zhes pa/ /rnam snang rdo rje nyi ma dang / /de bzhin pad+ma gar gyi dbang / /rdo rje rgyal po zhes grags dang / /de bzhin rdo rje sems dpa' mchog /de bzhin gshegs pa thams cad nyid/ / dpal ldan rdo rje he ru ka /mig dang rna ba sna dag dang / /lus dang ngag dang de bzhin nyid/ /oM hUM trAM AH khaM hUM/ /gti mug zhe sdang phrag dog dang / /'dod chags ser sna nyid kyang ngo| |skye mched kun la rdo rje dbang / /sa dang chu dang me dang ni/ /rlung dang nam mkha' nyid dang ni/ /lAM bAM pAM tAM khAM zhes pas/ /ltung bar byed dang gsod pa dang / /'gugs par byed dang gar byed nyid/ /pad+ma'i dra ba lha mo ni/ /nam mkha' dang mnyam lta bu'o/ /de ltar phung po khams dang skye mched rnams la rnal 'byor pa tha mal pa'i rang bzhin gyis rang bzhin yongs su dag pa'i chos thams cad rang gis yongs su dag pa'o zhes rnam par dag pa'i nga rgyal bya'o/ /de'i 'og tu gsum la skyabs su gsol te/ sngags kyi lus su 'gyur bar bya'o/ /bdag nyid he ru kar bsgoms te/ /sems can kun gyi don kyang byed/ /he ru ka yi gnas thob par/ /bla na med pa'i go 'phang la/ /sems can thams cad gzhag par bya/ /oM swa b+hA pa shud+d+haH sarba d+harmA swa b+hA ba shud+d+honya haM/ zhes lan gsum brjod do/ /nyi ma'i 'od zer phreng lta bu'o/ /dngos po kun brtse phyogs bcu ru/ / 'od zer de las ra ba dang / /de bzhin du ni dra bar blta/ /rdo rje sa gzhi byin gyis brlabs/ /bla re mda' yi ra ba dang / /rdo rje me 'bar dra ba ni/ /de yi phyi rol ring du bsam/ / @#/ /oM me de nI badzri b+ha pa badzra ban+d+ha hUM/ oM badzra prA kA ra hUM baM hUM/ oM badzra pany+dza ra hUM baM hUM/ oM badzra bi tA na hUM khaM hUM/ oM sha ra dz+wa la traM saM traM/ /oM badzra dz+wa la a na lArka hUM hUM hUM/ /mdzub mo mthe bong dag sbyar te/ /se gol gtogs te phyogs bcur yang / /oM sum b+ha ni sum b+ha hUM hUM phaT shar du'o/ /oM gr-ih+Na gr-ih+Na hUM hUM phaT byang du'o/ / oM gr-ih+Na pa ya gr-ih+Na pa ya hUM hUM phaT nub tu'o/ /oM A na ya ho b+ha ga bAn badzra hUM hUM phaT lho ru'o/ /sngags kyi rgyal po 'dis bgegs thams cad kyi mgo la phur bu btab ste g.yas skor dang / g.yon pa bskor ba ma yin pa'o/ /oM g+ha g+ha g+hA ta ya g+hA ta ya/ sarba duSh+TA na big+h+NaM hUM phaT/ kI li kI li ya/ sarba pA paM hUM hUM hUM/ badzra kI la ya badzra d+ha ra A dz+nyA pa ya ti/ sarba duSh+TA Na bi g+h+NAM kA ya pA k+tsit+ta badzra kI la ya hUM phaT/ brdung bar bya ste/ rdo rje phur pa la khro bo'i lta bas bltas nas/ go rim dang / go rim ma yin pas rdo rje sgrub pa pos brdungs te/ oM badzra mud ga ra badzra kI la ya A ko Ta ya hUM phaT/ bdud med bdud kyi las kyang med/ /rang gi sems kyis bcings pa bzhin/ /rang gis rang gi sems 'dul na/ /gang las bdud ni gnas par 'gyur/ /stong nyid ye shes rdo rje yang / /mnyam bzhag dang bas dran par bya/ /oM mahA shU n+ya tA dz+nyA na badzra swa b+hA ba At+ma ko nyahaM/ oM a ni mi d+ha dz+nyA na badzra swa b+hA ba At+ma ko nya haM/ oM a pra Ni hi ta dz+nyA na badzra swa b+hA ba At+ma ko nyahaM/ mig yor tsam gyi ye shes ni/ /sems tsam rnam par brtag par bya/ /nam mkha' lta bu'i chos 'di dag /chos can med cing chos nyid med/ /nam mkha' lta bur gos pa med/ /dngos po med cing rtog pa med/ /snying rje'i bdag nyid phan bya'i phyir/ /smon lam dbang gis dmigs bya ste/ /ji srid sa yi 'og dmigs pa/ /rlung gi dkyil 'khor bsam par bya/ /yaM gi yi ge las 'byung ba/ /gzhu 'dra kha dog sngo dang ldan/ /rgyal mtshan gyis mtshan bsam bya ste/ /du ba'i phreng ba 'khrigs pa'o/ /de yi steng du raM las ni/ /me yi dkyil 'khor mchog yin te/ /zur gsum po la kha dog dmar/ /'bar ba'i phreng ba 'khrug cing dmar/ /nyi ma bye ba lta bur gnas/ /rdo rjes mtshan pa bsam par bya/ /de yi steng du chu nyid kyang / /paM las bum pa mchog tu gyur/ /zlum zhing 'od zer phreng bar ldan/ /kha ba lta bu nyid kyang ngo / /de yi steng du bsam bya ba/ /laM las byung ba ser por ldan/ /gru bzhi pa la rdo rjes mtshan/ /'od zer ser po'i tshogs 'khrug pa'o| |de steng rnal 'byor pa bsgoms pas/ /ri yi rgyal po ri rab mchog /zur bzhi rin chen bzhi rang bzhin/ /rtse mo brgyad kyis nye bar mdzes/ /suM las byung ba bzang @#/ /po'o| |'od zer bzang po mchog gi mchog /de yi steng du bsgom bya ba/ /bru las byung ba brtag pa ste/ /de yongs gyur las 'khor lo mchog / gzhal yas khang pa rnam par bsam/ /gru bzhi pa la sgo bzhi pa/ /rta babs bzhi yis rnam par brgyan/ /dra ba dra ba phyed pas spras/ /dar dang me tog chun bus brgyan/ / grwa yi cha ni thams cad dang / /sgo khyud kyi ni mtshams rnams su/ /rdo rje rin po che yis spras/ /phyi yi dkyil 'khor thig gdab bya/ /pad ma 'dab ma brgyad pa bri/ /sna tshogs kha dog mchog gi mchog /lte ba dang ni ge sar bcas/ /thams cad dag pa nyid kyi gdan/ /de yi dbus su zla ba'i cha/ /gsal ba'i rang bzhin dri ma med/ /de steng A li kA li ni/ /dbus su baM gyis brgyan pa'o/ /de yi dbus bzhengs gtso mo ni/ /phag mo rdo rje rnal 'byor ma/ /zhal bzhi phyag ni bcu gnyis te/ /spyan gsum shin tu chags pa'o| |gdan la phyed dkyil gyis bzhugs te/ /shin tu mdzes pas gar byed pa'o/ /phyogs kyi gos can skra grol ba/ /phyed ni dbus ma dbang phyug zhal/ /dkar dang dmar dang 'di 'dra'i gzugs/ /thod pa yi ni dbu rgyan mdzes/ /rdo rje dril bu phyag rgya bsams/ /pad ma bskor cing 'khor bar ldan/ /dpral bar phyag rgya 'bar ba dang / /mi yi lpags pa'i bla gos dang / /thod pa kha T+wAM ga 'dzin cing / /zhags pa lcags kyu 'dzin pa bzhag /cang te'u gri gug mgo bo yang / /zhal bzhi pa ni tshangs pa yi/ /sdo dang ser dang ljang gu yi/ /bzang po'i zhal gyis nye bar mdzes/ /zhal nas mche ba gtsigs pa ste/ /zla ba phyed pas steng du brgyan/ /sna tshogs rdo rjes dbu rgyan mtshan/ /dngos grub thams cad rab sbyin byed/ /lha mo phyag rgya drug gis brgyan/ /dum bu brgyad pas ska rags ni/ /ska rags sil sil sgra sgrogs pa/ /rkang pa'i gdub kyis nye bar mdzes/ /dpung rgyan mdzes par byed pa dang / /dpral bar rdo rje phreng ba dang / /phyag rgya rdo rjes mtshan pas so/ /shin tu gzugs bzang yid du 'ong / /shar gyi 'dab mar mkha' 'gro ma/ /seng gdong ma ste 'jigs par byed/ /byang gi phyogs su phag gdong ma/ /lha mo lA ma 'jigs byed ma/ /nub tu lha mo glang po'i gdong / /dum skyes ma ste drag ma 'o/ /lho ru lha mo gzugs can ma/ /rta yi gdong pa lhag pa'i gzugs/ /spyan gsum sna tshogs gzugs can ma'o/ /thod pa kha T+wAM ga 'dzin cing / /mgo bo gri gug 'dzin pa can/ /gcer bu skra ni grol ba ste/ /gar byed pa yis shin tu mdzes/ /yi dwags gdan la phyed dkyil gyis/ /drag cing gtum pa 'jigs pa 'o/ /'jigs byed dang ni dus mtshan ma/ /lha mo'i zhabs kyi 'og tu mnan/ / @#/ /me la sogs pa mtshams bzhi ru/ /byang chub sems la sogs pa'i snod/ /bum pa'i steng du rnam par dgod/ /dung dang kun da zla 'dra ba'i/ /byang shar la sogs phyogs bzhi ru/ /rtsibs drug pa yi 'khor lo bri/ /'khor lo'i dbus su bri bya ba/ /rigs kyi lha mo bzhi po ni/ /lha mo yA ma kI dang spyan/ /sgrol ma gos dkar mo dag ste/ /sngo dang dkar dang dmar ba ste/ /lha mo rdo rje rigs dbang phyug /dkar dang sngo dang dmar ba yi/ /lha mo rtag pa'i rigs yin no/ /ljang gu dkar dang dmar ba yi/ /lha mo las kyi rigs yin no/ /dmar dang ser dang ljang gu yi/ /lha mo pad ma'i rigs las byung / /spyan gsum skra ni grol ba yin/ /phyogs kyi gos ni 'dzin pa yin/ /rgyan rnams thams cad yang dag rdzogs/ /phyag rgya drug gis rnam par brgyan/ /thod pa kha T+wAM ga 'dzin cing / /rang gi mtshan ma rnam pa bzhi| |rdo rje 'khor lo rgya gram dang / /pad ma dmar po mchog gi mchog /de bzhin thams cad dril bu 'dzin/ /pad+ma skor ba byed pa 'o/ /bdud bzhi po ni zhabs kyis mnan/ /gar dang bcas shing bzhad pa'i zhal/ /sna tshogs pad ma zla dbus bzhugs/ /rigs kyi dngos grub rang bzhin byed/ /mgo dang cang te'u phyag na bsnams/ / rdo rje gri gug gis kyang mdzes/ /thod pa'i phreng ba'i dbu rgyan can/ /mgo bos phreng bas brgyan pa'o/ /mtshams kyi cha ni thams cad du/ /gnas la sogs pa'i rim pa dgod/ / shar gyi 'khor lo rtsibs drug la/ /lha mo ji ltar rjes mthun dgod/ /'khor lo'i rtsibs drug dang po la/ /pUl+lir ma yar rab gtum ma'o/ /rtsibs gnyis pa la dzA lan d+ha ra ra gtum pa'i mig can no/ /gsum pa ud+yan du 'od ldan ma'o/ /bzhi pa ar bu dar sna chen mo'o/ /lnga pa go da ba rir brtan pa'i blo can ma'o/ /drug pa rA me shwa rar mi'u thung ma'o/ /gnyis pa byang gi 'khor lo rtsibs drug pa la/ /dang po de bi ko Tir laM ka'i dbang phyug ma'o/ /gnyis pa mA la yar shing grib ma'o/ /gsum pa kA ma ru par sa srung ma'o| |bzhi pa o Ter 'jigs byed chen mo'o/ /lnga pa tri sha ku ni ra rlung gi shugs can ma'o/ /drug pa ko sa lar chad 'thung ma'o/ /gsum pa nub kyi 'khor lo rtsibs drug gi shar gyi 'khor lo'i rtsibs dang po la ka liM kar ljang lha mo'o/ /gnyis pa laM pa kar shin tu bzang mo'o/ /gsum pa kany+tsi kAr rta rna ma'o/ /bzhi pa kha ba can du bya gdong ma'o/ /lnga pa pre ta pu ri ra 'khor lo'i shugs can ma'o/ /drug pa gr-i ha de ba tA ra dum skyes ma'o/ /bzhi pa lho'i 'khor lo'i rtsibs kyi shar du sau raSh+Ta chad 'tshong ma'o/ /gnyis pa gser @#/ /gling du 'khor lo'i go cha ma'o/ /gsum pa nA ga rar shin tu dpa' mo'o/ /bzhi pa sin+d+hur stobs chen ma'o/ /lnga pa ma rur 'khor los bsgyur ma'o/ / drug pa kun lu tAr brtson 'grus chen mo'o/ /dang po dkar ljang thod pa dang / /kha T+wAM ga dang 'khor lo dang / /cang te'u dang gri gug go /gnyis pa byang du ljang ser/ rdo rje dang | thod pa dang / kha T+wAM ga dang / cang te'u dang / gri gug go /gsum pa nub tu dmar ser thod pa dang / kha T+wAM ga dang / pad ma dang / cang te'u dang / gri gug go /bzhi pa lho'i lha mo ser dmar sna tshogs rdo rje dang / cang te'u dang / gri gug dang / thod pa dang / kha T+wAM ga 'dzin pa'o/ /lha mo thams cad bud med phyed dbang phyug spyan gsum pa/ phyag bzhi ba/ gcer bu/ skra grol ba/ phyed dkyil gyi gar gyi zhabs kyis bzhugs pa/ yi dwags kyi gdan gyi steng na thod pa'i phreng ba'i dbu rgyan can/ phyag rgya lngas brgyan pa/ rkang gdub dang / ska rags dang / dbu rgyan rnams rdo rjes mtshan pa'o/ /de nas 'khor lo phyi bskor te/ rdo rje'i phreng ba shar du 'o/ /'khor lo'i phreng ba byang du 'o/ /sna tshogs rdo rje'i phreng ba nub tu'o/ /pad+ma'i phreng ba lho ru'o/ /dbus su rdo rje ra bas mdzes/ /mtshams kyi cha rnams thams cad du/ /sna tshogs rdo rje yang dag bri| |blo ldan de yi phyi rol bskor/ /yi dwags phreng ba sna tshogs ldan/ /phyi rol dkyil 'khor sgo rnams dang / /mtshams kyi cha ni bzhi rnams su/ /mkha' 'gro drag po'i gzugs can no/ /de la mnyam par gzhag pas dgod/ /khwa gdong ma ni shar du dgod/ /kha dog sngon po yid 'phrog ma'o/ /'ug gdong ma ni byang gi sgor/ /dmar zhing ljang la mdzes pa'o/ /khyi gdong ma ni nub kyi sgor/ /drag cing ser mo du ba 'dra/ /lho yi ngos su phag gdong ma/ /ljang zhing sngo ba'i gzugs can ma'o/ /spyan gsum drag po 'jigs pa'o| |phyogs kyi gos ni 'dzin pa'i mchog /'bru tshugs blta zhing bong thung ma/ /g.yas brkyang ba yi zhabs kyis bzhugs/ /sna tshogs pad+ma nyid bus gnas/ /phyag rgya lngas ni rnam par brgyan/ /thod pa'i phreng ba'i dbu rgyan can/ /dbu skra grol zhing rnam par brtags/ /gshin rje brtan ma ma he gdong / /me yi phyogs su bzhugs pa'o/ /gshin rje pho nya bong bu'i gdong / /bden bral gyi ni phyogs su bzhugs/ /gshin rje'i mche ba rnga mo'i gdong / /rlung du rten cing drag por ldan/ /gshin rje 'joms ma rta yi gdong / / dbang ldan rten cing rnam par 'khor/ /thod pa'i phreng ba'i dbu rgyan can/ /sna tshogs gzugs can yid 'phrog ma/ /gcer bu skra ni grol ba dang / /phyed dkyil gyi ni gar dang @#/ /ldan| |mche ba rnam par gtsigs pa'i zhal/ /spyan gsum zhal ni g.yo ba ste/ /sna tshogs pad+ma nyi dbus gnas/ /'dod pa drag pos brtag pa'o| |'khor gyi lha mo dkyil 'khor rnams/ /thams cad yi dwags steng du bzhugs/ /thod pa kha T+wAM ga 'dzin cing / /gri gug mgo bo 'dzin par byed/ /lag pa g.yon na rnga chung ni/ /rdung bar byed cing shin tu 'jigs/ /phyi rol bskor ba'i rnam pa ni/ /gzhan yang rnam pa mang por 'gyur/ /glu dang gar gyi yo byad dang / /sna tshogs dam tshig mchog rnams dang / /spos dang me tog mar me sogs/ /dri dang phreng ba byug pa dang / /lha yi na bza' gzhal yas khang / /lha yi rol mo mchog gi rnams/ / kun nas yongs su bskor ba yis/ /phyi yi rnal 'byor mas mchod byed/ /de la sogs pa mtha' yas mchog /nam mkha'i khams ni yongs gang las/ /rnal 'byor ma yi sbyor pa mchog /phag mo mngon par 'byung ba'i mchog /gsang ba chen po'i mchog 'di ni/ /cung zad smra bar mi bya ste/ /phyi rol yi dwags phreng ba dang / /dkyil 'khor dam pa bsgom par bya/ /'di ltar dgod par bya ba ni/ /ji ltar 'khor lo de rnams dgod/ /sen mo dang / so dag la ni rab tu gtum ma'o/ /skra dang / ba spu dag la gtum pa'i mig can ma'o/ /pags pa dang / dri ma dag la 'od ldan ma'o/ /sha la sna chen ma'o/ /rtsa rgyus la brtan pa'i blo can ma'o/ /rus pa la mi'u thung ma'o/ /mkhal ma la lang ka'i dbang phyug ma'o/ /snying la ni shing grib ma'o/ /mig la srung ma'o/ /mkhris pa la 'jigs byed chen mo'o/ /glo ba la rlung gi shugs can ma'o/ /rgyu ma la chang 'thung ma'o| |gnye ma la ljang lha mo'o/ /lte ba la shin tu bzang mo'o/ /rkang pa la rta rna ma'o/ /'doms su bya gdong ma'o/ /bad kan la 'khor lo'i shugs can ma'o/ /rnag la dum skyes ma'o/ /khrag la chang 'tshong ma'o/ /rdul la 'khor lo'i go cha ma'o/ /tshil la shin tu dpa' mo'o/ /mchin pa la shin tu stobs can ma'o/ /mchil ma la 'khor los bsgyur ma'o/ /snabs la brtson 'grus chen mo'o/ /pU l+li ra ma la ya ste mgo la rab tu gtum ma'o/ /dzA lan d+ha ra ste spyi gtsug la gtum pa'i mig can ma'o/ /uD+yan te rna ba g.yas pa la 'od ldan ma'o/ /ar bu ta ste lhag par sna chen ma'o/ /go da ma ri ste rna ba g.yon pa la brtan pa'i blo can ma'o/ /rA me shwa ra ste smin ma'i dbus su mi'u thung ma'o| |de bi ko Ta ste mig gnyis su lang ka'i dbang phyug ma'o/ /mU la wA ste phrag pa gnyis la shing grib ma'o/ /kA ma ru pa ste mchan khung gnyis su sa srung ma'o/ /o @#/ /Di ste nu ma gnyis su 'jigs byed chen mo'o/ /tri sha ku ni ste lte ba la rlung gi shugs can ma'o/ /ko sa la ste sna rtser chang 'thung ma'o/ /ka liM ka ste kha la ljang lha mo'o/ /laM ba ka ste mgrin par shin tu bzang mo'o/ /kany+tsi ste snying gar rta rna ma'o/ /hi ma la ya ste 'doms su bya gdong ma'o/ /pre ta pu ri ste gsang bar 'khor lo'i shugs can ma'o/ /gr-i ha de ba tA ste bshang lam du dum skyes ma'o/ /sau rASh+Ta ste brla gnyis la chang 'tshong ma'o/ /su brna dwi pa ste rje ngar gnyis la 'khor lo'i go cha ma'o/ /nA ga ra ste sor mo rnams la shin tu dpa' mo'o/ /sin+d+hu ste rkang pa'i bol la stobs chen ma'o/ /ma ru ste mthe bong gnyis la 'khor los bsgyur ma'o/ /ku lu tA ste pus mo gnyis la brtson 'grus chen mo'o/ /sa'i khams ni ltung bar byed ma'o/ /chu'i khams ni gsod par byed ma'o/ /me'i khams ni 'gugs par byed ma'o/ /rlung gi khams ni gar gyi dbang phyug ma'o/ /nam mkha'i khams ni pad ma'i dra ba can no/ /gzugs kyi phung po ni rnam par snang mdzad do/ /tshor ba'i phung po ni rdo rje nyi ma'o/ /'du shes kyi phung po la pad+ma gar gyi dbang phyug go /'du byed kyi phung po la rdo rje rgyal po'o/ /rnam par shes pa'i phung po la rdo rje sems dpa'o/ /de bzhin gshegs pa thams cad nyid la dpal he ru ka'o/ /mig gnyis la gti mug rdo rje'o/ /rna ba gnyis la zhe sdang rdo rje'o/ /sna gnyis la phrag dog rdo rje'o/ /kha la 'dod chags rdo rje'o/ /reg la ser sna rdo rje'o/ /skye mched thams cad la dbang phyug rdo rje'o/ /thugs la rdo rje mi bskyod pa/ /kha la rdo rje 'od dpag med/ /sku la rdo rje rnam snang mdzad/ /oM baM lte ba la rdo rje phag mo'o/ /hUM yoM snying gar ya mi nA'o/ /hrIM moM kha la rmongs byed ma'o/ /hriM hriM mgo bo la skyod byed ma'o/ /hUM hUM spyi gtsug la skrag byed ma'o/ /phaT phaT yan lag thams cad la mtshon cha ma ste gtum byed ma'o/ /de ltar rab tu dgod byas te/ /ye shes 'khor lo de mthong nas/ /de yi rnal 'byor brtsam par bya/ /dngos po kun gyi ngo bo 'dis/ /mdzub mo mdud bya gung mo nges par sbyar| |mthe bong rdo rje brtan por rab sbyar te/ /de ni dpral ba'i dbyings su rab sbyar nas/ /bskor zhing bskor zhing kun tu bskor bar bya/ /rkang pa mnan cing gyen du blta/ /gyen du phaiM gyi sgra sgrogs pas/ /phyogs bcu 'jig rten khams gnas pa'i/ /dpa' bo rnal 'byor ma rnams 'gugs/ /dzaHhUM baM hoHrdo rje lcags kyu la sogs pa'i sbyor bas dgug pa dang | gzhug pa dang / bcing ba dang / dbang du bya'o/ /dpa' bo dang / rnal 'byor ma rnams kyis nam mkha'i dkyil yongs su gang bar bltas te/ bdud rtsi lngas yongs su @#/ /gang ba'i bum pas mngon par dbang bskur pa'i tshul gyis de dag la dbang bskur ba sbyin par bya'o/ /ji ltar bltams pa tsam gyis kyang / /de bzhin gshegs kun khrus gsol pa'i/ /lha yi chu 'di dag pa yis/ /de bzhin bdag gis khrus bya'o/ /oM sarba ta thA ga ta a b+hi She ka ta sa ma ya shri hUM AHhUM/ rlung dang me'i dkyil 'khor gyi steng du a las byung ba'i thod par ye shes lnga'i bdud rtsi gang ba cha bcu drug dang / hUM baM dang / oM gyis byin gyis brlabs te/ yi ge gsum du gyur par bsams la 'khor lo gsum bsgom par bya'o/ /oM sa ma ya shud+d+haHsarba d+harma sa ma ya shud+d+ho nya haM/ chos thams cad kun tu ro gcig pas gnas par sems kyis bya'o| |ye shes bdud rtsi spyin pa yis/ /ye shes bdud rtsi'i chu btung ngo / /oM a mr-i ta u da ka hUM hUM Tha Tha le hUM/ a khaM hUM phaT swAhA/ ye shes bzlas pa'i sbyor ba yis/ /'khor lo'i tshogs mchog spro bar bya/ /rus pa chen po'i phreng ba yis/ /phyis ni bzlas pa de gnas bya/ /srog dang rtsol ba rab bsdams te/ /bsam na skad cig gis 'char ro/ / dbang bskur mchod dang dam tshig ni/ /ro gcig byas te bsgoms pa yis/ /de snying ye shes sems dpa' dang / /mchod pa ye shes bdud rtsi yis/ /lus dang ngag yid dam tshig ni/ /sems ni bsam med shin tu brtag /bzlas dang sgom pa yang dag ldan/ /rtog pa thams cad rnam spangs te/ /dam tshig mchog gi bzlas pa 'dis/ /gsang sngags rgyal po'i mchog bzlas so/ /oM bai ro tsA nI ye hUM hUM phaT swAhA/ /oM sarba bud+d+ha DA ki nI ye hUM hUM phaT swAhA/ oM dang ming ni yang dag ldan/ /hUM hUM phaT dang yang dag ldan/ /rab tu gtum sogs de sngags sogs/ /bzlas pa'i mchog la sbyar bar bya/ /oM badzra bA ra hi pro taM ga pro taM ge/ /ha na ha na prA NAM/ kiM ki Ni khiM khi Ni/ d+hu na d+hu na/ badzra ha ste sho Sha ya/ sho Sha ya/ badzra kha T+wAM ga ka pA la d+ha ri Ni/ mahA bi shi ta mAM sA sha ni/ ma nu ShAn+t+ra prA br-it+te sAn ni d+h+yaM nar shi ro mA lA grAM thi ta d+hA ri Ni/ suM b+ha ni suM b+ha/ ha na ha na/ prA NAM sarba pA paM satwA nAM sarba pa shU nAM mahA sats+tshe da ni/ kro d+ha mUrta daMSh+Ta ka rA li ni/ mahA mu dri shrIHhe ru ka de ba s+ya gra ma hi Shi sa ha sri re sa ha sra bA+e ha be sha ta sa ha sra A na ne dz+wa li ta te dza se dz+wa la mu khe pa ga la/ lo tsa ni badzra sha rI re/ badzra A sa ni mi li mi li/ ti mi li ti mi li/ he he/ ha ha/ hUM hUM/ kha kha/ d+hu d+hu/ ru ru/ d+hu ru d+hu ru/ mu ru mu ru/ a drai te mahA yo gi nI pa Tha ti sid+d+ha draiM d+hi draiM d+haM graM graM he he ha ha/ b+hI me ha sa ha sa bI re hA hA/ hoH hoH hUM hUM/ trai lo kya bi nA shA ni sha ta sa ha sra ko Ti ta thA ga ta pa ri wA ri te hUM hUM phaDa/ siM ha ru pe kha/ ga dza ru pe gaHtrai lo kya @#/ /u da ra ma hA sa mu dra me kha le gra sa gra sa hUM hUM phaT/ bI rI de te/ hUM hUM ha haH ma hA pa shu mo ha ni mahA yo gI shwa re twaM/ DA ki nI sarba lo kAM naM ban+d+ha ni sad+ya/ pra t+ya ya kA ri Ni hUM hUM phaT/ b+hUM ta trA sa ni mahA bI re pa ra ma sid+d+he yo gI shwa ri phaT/ hUM hUM/ hUM hUM hUM phaT swAhA/ de ltar rdo rje phag mo'i mchog tu grub pa'i snying po dam pa'o/ /oM na mo b+ha ga ba ti badzra bA ra hi baM hUM hUM phaT/ oM nA ma AR+ya pa rA dzi te trai lo kya mA te mahA bi d+ye shwa ri hUM hUM phaDa/ oM na ma sarba b+hU ta b+ha yA ba te mahA badzre hUM hUM phaT/ oM na mo badzra sa ni a dzi te a pa rA dzi te bar sh+yaM ka ri ne tra b+ha ma Ni hUM hUM phaT/ oM na mo sho Sha Ni ro Sha Ni kro d+ha na ka rA le hUM hUM phaT/ oM na ma trA sa ri mA ra Ni su pra b+he da ni pa rA dza ye hUM hUM phaDa/ oM na mo dza ye bi dza ye dzam+b+ha ni stam+b+ha ni mo ha ne hUM hUM phaT/ oM na mo badzra bA rA hi ma hA yo gi nI kA me shwa ri kha ge hUM hUM phaT/ sngags 'di thams cad du byas te/ A li kA li rdo rje phag mo'i bdag nyid kyi dngos por bya ste/ rkang pa brgyad pa cho ga'i bdag nyid kyis mchod par bya'o/ /bzlas pa yongs su rdzogs nas ni/ /zhi ba'i btung ba btung ba'i mchog / chos rnams mnyam zhing dam tshig mchog /sum cu rtsa bdun gnas kyi mchog /de 'og rnam par dag pa sgom/ /lus rjes su dran pa mkha' 'gro ma'o/ /tshor ba rjes su dran ba lA ma'o/ /chos rjes su dran pa khaN+Da ro hi'o/ /sems rjes su dran pa rU pi nI'o/ /'dun pa'i rdzu 'phrul bskyed pa ni rab tu gtum ma'o/ /brtson 'grus rdzu 'phrul bskyed pa ni gtum pa'i mig can ma'o/ /spyod pa'i rdzu 'phrul bskyed pa ni 'od ldan ma'o/ /sems kyi rdzu 'phrul bskyed pa ni sna chen ma'o/ /dad pa'i dbang po ni brtan pa'i blo can ma'o/ /brtson 'grus kyi dbang po ni mi'u thung ma'o/ /dran pa'i dbang po ni lang ka'i dbang phyug ma'o/ /ting nge 'dzin gyi dbang po ni shing grib ma'o/ /shes rab kyi dbang po ni sa srung ma'o/ /dad pa'i stobs ni 'jigs byed chen mo'o/ /brtson 'grus kyi stobs ni rlung gi shugs can ma'o/ /dran pa'i stobs ni chang 'thung ma'o/ /ting nge 'dzin gyi stobs ni ljang lha mo'o/ /shes rab kyi stobs ni shin tu bzang mo'o/ /ting nge 'dzin yang dag byang chub kyi yan lag ni rta rna ma'o/ /brtson 'grus yang dag byang chub kyi yan lag ni bya gdong ma'o/ /dga' ba yang dag byang chub kyi yan lag ni 'khor lo'i shugs can ma'o/ /shin tu sbyangs pa yang dag byang chub kyi yan lag ni du ma skyes ma'o/ /chos rnam par 'byed pa yang dag byang chub kyi yan lag ni chang 'tshong ma'o/ /dran pa yang dag byang chub kyi yan lag ni 'khor lo'i go cha ma'o/ /btang snyoms yang dag byang chub kyi yan lag ni shin tu dpa' mo'o/ / @#/ /yang dag pa'i lta ba ni stobs chen ma'o/ /yang dag pa'i rtog pa ni 'khor los bsgyur ma'o/ /yang dag pa'i ngag ni brtson 'grus chen mo'o/ /yang dag pa'i las kyi mtha' ni khwa gdong ma'o/ /yang dag pa'i 'tsho ba ni 'ug gdong ma'o/ /yang dag pa'i rtsol ba ni khyi gdong ma'o/ /yang dag pa'i dran pa ni phag gdong ma ste| rnam par thar pa'i sgo bzhi'o/ /yang dag pa'i ting nge 'dzin ni bcom ldan 'das rdo rje phag mo'o/ /dge ba'i chos ma skyes pa rnams bskyed par byed pa ni gshin rje brtan ma'o/ /dge ba'i chos skyes pa rnams rjes su gnas pa dang / srung bar byed pa ni gshin rje'i pho nya ma'o/ /mi dge ba'i chos skyes pa rnams spong bar byed pa ni gshin rje mche ba ma'o/ /mi dge ba'i chos ma skyes pa rnams mi skye bar byed pa ni gshin rje 'joms ma'o/ /chos bdag med pa'i lam gnas su/ /dkyil 'khor dam par bzhugs pa ni/ /shes rab pha rol phyin sbyor ba/ /de bzhin rnal 'byor pa gnas bya/ /snang ba med pa'i gnas la gnas/ /snang ba med la yang dag brten/ /spyod pa med pa'i chos rnams la/ /chos can med cing chos nyid med/ /rten 'brel mkha' dang mnyam pa'i chos/ /dngos med mtshan ma med pa'o/ /'di ni de nyid go 'phang gnas/ /ye shes dag gi mig gis mthong / /phra rab rdul bral dang mnyam pa/ /'khor lo'i gnas mthong shin tu nges/ /skra rtse stong phrag brgya yis ni/ /cha dang cha ru yongs su brtag /he ru ka dang rnal 'byor ma| |lhan cig b+ha ga'i gnas mthong ba/ /'khor los bsgyur ba rab brtson pas/ /khwa gdong ma ni phyi rol dgod/ /he ru ka sogs bdag po khyod/ /mkha' 'gro bzhi yis yongs su bskor/ /phan tshun du ni bdag po byed/ /rdo rje sems sogs sbyor bar ldan/ /phyi rol dur khrod drag po dang / /kha dog sna tshogs mchog gi mchog /shing mchog sna tshogs mdzes pa dang / /khyi dang ce spyang 'jigs pa dang / /khwa dang 'ug pa bya gar rgod/ /ce spyang de bzhin ro bsregs pa/ /keng rus gsal shing gis phug dang / /'gegs nas 'phyang dang phyed bsregs dang / /thod pa skam po pus mo dang / /mgo med lag na thod pa dkar/ /rnam pa sna tshogs sbrul gyis mdzes/ /drag po'i sbrul dang de bzhin rnga/ /seng ge phag dang stag dang ni/ /de bzhin ra dang lug dag dang / /glang po rta dang bong bu dang / /rnga mo sna tshogs dam tshig mchog /rnam pa sna tshogs chang dang ni/ /'bru chang btung ba'i mchog rnams kyis/ /dbang po bzang po 'dus pa dang / /sna tshogs rnal 'byor ma tshogs dang / /thod pa kha T+wAM ga dag dang / /gri gug cang te'u mchog rnams 'dzin/ /sna tshogs @#/ /rol mo bzang po dang / /bza' ba'i ro mchog longs spyod dang / /sna tshogs 'o dang 'khyud pa dang / /bca' dang bldag pa'i mchog rnams kyis// rnam pa de ltar dur khrod ni/ /gnod sbyin ro langs srin po rnams/ /he ru ka yi nga rgyal gyis/ /de la gtor ma sbyin par bya/ /cang te'u rdo rje dril bu dang / /gar dang rol mo byed pa dang | |phyogs kyi gos can phyag rgyar ldan/ /hUM hUM phaT ki li ki la bya/ /g.yas brkyang pa yi sbyor ba yis/ /'bar ba'i phyag rgya bcing bar bya/ /dam tshig kha ru bcug nas ni/ / sngags 'di rjes su dran par bya/ /oM A ra li ho/ /badzra DA ki nI sa ma ya s+t+waM dr-i sh+ya ho/ /de skad gsum dang bzhi dang lnga brjod par bya'o/ /g.yas skor dang g.yon skor gyis kyang thod pa'i nang gi sbyin par bya ba rnams/ /rdo rje thal mo kha gyen du phye la sngags 'di brjod do/ /oM kha kha khA hi kA hi/ sarba yak+Sha rak+Sha sa sarba b+hU ta pre te pi shA tsa u na mA da a pa smA ra DA ka DA ki n+ya da ya i maM ba liM gr-i h+NaM tu/ sa ma ya rak+Sha n+tu ma ma sar+b+ba sid d+him+me pra yats+tshan du/ ya thai baM ya theSh+TaM mUny+dza thA/ pi ba tho dza b+h+ra tha mA ti kra ma thA/ ma ma sar+b+ba kar+t+tA ya sat+su khaM/ bi shud d+hA ya sa hA yi ka b+ha ban+tu hUM hUM phaT phaT swAhA/ de ltar cho ga dang chogs thun mtshams bzhir sbyin par bya'o/ /de nas bcom ldan 'das de bzhin gshegs pa thams cad kyi ye shes gsang ba'i gsang chen 'di gsungs pa/ dngos po med pa'i bdag nyid chos/ /nam mkha' lta bu dri ma med/ /stong nyid ye shes rdo rje yis/ /stong pa shin tu rnam par bsgom/ /legs so zhes ni bya ba byin/ /rgyud rdzogs pa yi sbyor pa las/ /legs so legs so ye shes che/ /bshad pa'i rgyud phyi ma las/ phag mo mngon par byang chub pa zhes bya ba rdzogs so// //

CLOSE WINDOW