བོད་ཡིག |
539a3 / //gsar bcug kha bskong gras/ //rgya gar skad du/ DA ki nI sarba tsit+ta a dwa ya a tsin+ta dz+nyA na badzra bA rA
539a4 hi a d+hi b+ha ba tan+t+ra rA dza nA ma/ bod skad du/ mkha' 'gro ma thams cad kyi thugs gnyis su med pa bsam gyis mi khyab pa'i ye shes rdo rje phag mo mngon par 'byung ba'i rgyud
539a5 kyi rgyal po zhes bya ba/ mgon po dpa' bo 'jigs byed dpal he ru ka la phyag 'tshal lo/ /'di skad bdag gis thos pa dus gcig na/ phyi dang nang dang gsang ba'i dur khrod
539a6 chen po'i gnas mchog tu gyur pa na/ bcom ldan 'das zhe sdang 'joms pa'i he ru ka dang / gti mug 'joms pa'i he ru ka dang / nga rgyal 'joms pa'i he ru ka dang /
539a7 'dod chags 'joms pa'i he ru ka dang / phrag dog 'joms pa'i he ru ka dang / yum sangs rgyas spyan dang / /yu ma mA ma kI dang / yum gos dkar mo dang / yum dam tshig
539b1 sgrol ma dang / yum kun tu bzang mo dang / de rnams kyi b+ha ga la lhan cig skyes pa'i ye shes bsam gyis mi khyab pa'i tshul du bzhugs so/ /de'i tshe de'i dus na ye shes kyi mkha' 'gro ma
539b2 dur khrod kyi bdag mo dang / khros ma nag mo dang / bde chen dkar mo dang / ser mo don grub ma dang / dmar mo sgra sgrog ma dang / sna tshogs mthar phyin ma dang / las kyi gtso mo la
539b3 sogs pa'i ye shes dang / las las grub pa'i mkha' 'gro ma'i tshogs dpag tu med pa dang / gzhan yang badzra DA ki nI dang / rat+na DA ki nI dang / pad+ma DA ki nI dang / karma DA ki nI dang /
539b4 sa ma ya DA ki nI dang / bi shwa DA ki nI dang / sarba DA ki nI dang / lo ka DA ki nI la sogs te dur khrod brgyad kyi mkha' 'gro ma dang / dpa' bo dang dpa' mo'i tshogs dpag tu med pa
539b5 dang / gzhan yang 'jig rten pa'i mes po tshangs pa dang / brgya byin la sogs pa'i lha'i tshogs dpag tu med pa dang / gzhan yang rgyal po chen po bzhi po rang gi 'khor dang bcas
539b6 pa dang / phyogs skyong ba bcu dang / lha ma srin sde brgyad dang / 'khor dpag tu med pa dang thabs cig pa'i tshul gyis gnas so/ /yang de'i tshe na ye shes kyi mkha' 'gra ma dur
539b7 khrod kyi bdag mo zhes bya ba rang gi stan las langs nas mgon po dpa' bo 'jigs byed he ru ka la 'di skad ces gsol to/ /kye kye mgon po bdag la gson/ /khyed kyi 'khor du
540a1 'dus pa yi/ /skal dang ldan pa 'di rnams la/ /lam log mu stegs ma lags pa'i/ /dman pa nyan thos ma lags pa'i/ /ma smin mtshan nyid ma lags
540a2 pa'i| |bsam gyis mi khyab chos cig zhu/ /phyogs ris med pa lta ba'i mchog /sam gyis mi khyab bshad du gsol/ /dgag sgrub med pa spyod pa'i mchog /bsam gyis mi
540a3 khyab bshad du gsol/ /bar chod sel ba brda yi mchog /bsam gyis mi khyab bshad du gsol/ /smin par byed pa dbang gi mchog /bsam gyis mi khyab bshad du gsol/ /
540a4 sangs rgyas thob byed 'bras bu'i mchog /ye shes lnga yi gzugs brnyan te/ /bsam gyis mi khyab bshad du gsol/ /rnam rtog sel byed rnam rgyal lnga/ /bsam gyis mi khyab
540a5 bshad du gsol/ /mkha' 'gro ma thams cad kyi thugs gnyis su med pa'i ye shes bsam gyis mi khyab pa phag mo mngon par 'byung ba zhes bya ba las/ gleng gzhi'i le'u ste
540a6 dang po'o// //de nas mgon po des spyan phyogs mtshams kun la gzigs nas zhal rdo rje'i mgur 'dzum pa mdzad nas bka' stsal pa ni/ e ma ho/
540a7 nyon cig dur khrod bdag mo khyod/ /dus 'dir tshogs pa'i 'khor rnams la/ /mngon par 'byung ba'i rgyud bshad kyis/ /kha sbub zhabs rdol dri ma can/ /snod skyon
540b1 gsum po spang byas la/ /rtse gcig sems kyis mnyan par gyis/ /phyogs ris med pa'i lta ba de/ /gnyug ma'i sems kyis blta bar gyis/ /dmigs gtad med pa'i sgom pa ni/ /gnyug
540b2 ma'i yid kyis bsgom par bya/ /dgag sgrub med pa spyod pa'i mchog /gnyug ma'i yid kyis spyad par bya/ /bar chod sel ba brda yi chos/ /gnyug ma'i yid kyis bsal bar bya/ /smin par
540b3 byed pa dbang gi mchog /gnyug ma'i sems kyis bskur bar bya/ /tshe gcig 'bras bu sangs rgyas de/ /gnyug ma'i sems kyis bsgrub par bya/ /ye shes lnga yi gzugs brnyan de/ /ma
540b4 bcos sems kyis bsgrub par bya/ /rnam rtog sel byed rnam rgyal lnga/ /ma bcos sems kyis gcod par bya/ /mkha' 'gro ma thams cad kyi thugs gnyis su med pa'i ye shes bsam
540b5 gyis mi khyab pa las phag mo mngon par 'byung ba'i rgyud las ston pas zhal gyis bzhes pa'i le'u ste gnyis pa'o// //de nas ston pas bka' stsal pa/ /tshe gcig
540b6 sangs rgyas thob 'dod pas/ /dang po gdeng chen lta ba gces/ /des na lta ba dang por bstan/ /phyogs ris med pa lta ba'i mchog /nam mkha' lta bu shes par gyis/ /thams cad
540b7 'dogs pa lta ba'i mchog /sa gzhi lta bu shes par gyis/ /thams cad sdud pa lta ba'i mchog /'byung ba chu ltar shes par gyis/ /nyon mongs sreg pa lta ba'i mchog /'byung
541a1 ba me ltar shes par gyis/ /ngos bzung med pa lta ba'i mchog /'byung ba rlung ltar shes par gyis/ /de nas yang ston pas gsungs pa/ 'pho 'gyur med pa lta
541a2 ba'i mchog /ri bo lta bur shes par gyis/ /g.yo 'gul med pa lta ba'i mchog /rgya mtsho lta bur shes par bya/ /gsal la ma 'dres lta ba'i mchog /'ja' tshon lta bur shes par
541a3 gyis| |gnyis su med pa lta ba'i mchog /ga pur lta bur shes par bya/ /de nas yang gsang bas tshig 'di gsungs te/ zil gyis gnon pa lta ba'i mchog /seng ge lta bur shes
541a4 par bya/ /nyam nga med pa lta ba'i mchog /glang chen lta bur shes par bya/ /stobs dang ldan pa lta ba'i mchog /rta mchog lta bur shes par bya/ /kun tu rgyug pa lta ba'i mchog
541a5 stag mo lta bur shes par bya/ /'jigs pa med pa lta ba'i mchog /dom bu lta bur shes par bya/ /de nas yang gsang ba'i tshig 'di gsungs te/ skyon gyis ma gos lta ba'i
541a6 mchog /byang chub sems de dkar por snang / /dus gsum mi 'gyur lta ba'i mchog /byang chub sems de nag por snang / /yon tan rgyas pa lta ba'i mchog /byang chub
541a7 sems de ser por snang / /kun la khyab pa lta ba'i mchog /byang chub sems de dmar por snang / /phrin las rdzogs pa lta ba'i mchog /byang chub sems de ljang khur shar//
541b1 de nas yang gsang ba'i tshig gsungs te/ /dus gsum snang ba lta ba'i mchog /rnam par snang mdzad lta bur shar/ /chos nyid don la rtag sems pas/ /rdo rje sems dpa' lta bur shar/ /
541b2 thams cad mnyam pa nyid rtogs pas/ /rin chen 'byung ldan lta bur shar/ /chos can so sor ma 'dres pas/ /snang ba mtha' yas lta bur shar/ /sna tshogs snang la ma 'dres pas/ /
541b3 don yod grub pa lta bur shar/ /zhes pa gsungs so/ /mkha' 'gro ma thams cad kyi thugs gnyis su med pa'i ye shes bsam gyis mi khyab pa phag mo mngon par 'byung ba'i rgyud
541b4 las lta ba bstan pa'i le'u ste gsum pa'o// //de nas dur khrod bdag mo des/ /ston pa la ni 'di skad zhus/ /rtogs pa lta ba'i rjes thogs la/ /bsgom pa'i
541b5 go rims ji lta bu/ /zhes zhus pas/ de nas ston pas bka' stsal pa/ /sangs rgyas thob par 'dod pa yis/ /rtogs pa'i don go bsgoms las byung / /gzhan du 'bras bu 'byung
541b6 mi 'gyur/ /sna tshogs snang ba'i chos rnams kun/ /ye nas spros dang bral ba la/ /rtag par 'dzin pa bsgom pa'i skyon/ /phyi dang nang gi chos nyid la/ /chad par 'dzin pa'i sgom pha'i
541b7 skyon| |'o na ji ltar bsgom zhe na/ /lam med lam gol dman pa'i lam/ /'di rnams spangs te bsgom par bya/ /dang po byang chub sems bskyed de/ /smon 'jug gnyis po sngon du
542a1 gces/ /gzung ba yul med sgom pa'i mchog /chos kyi bdag med rtogs par bya/ /'dzin pa'i sems med sgom pa'i mchog /gang zag bdag med rtogs
542a2 par bya/ /chos rnams gang yin mi 'gegs pas/ /thabs kyi lam du shes par bya/ /ngo bo ci yang ma grub pas/ /shes rab lam du shes par bya/ /chos rnams rgya med sgom pa'i
542a3 mchog /stong pa nyid kyi rnam thar yin/ /'bras bu stong pa sgom pa'i mchog /mtshan med pa yi rnam thar yin/ /rgyu 'bras dbyer med sgom pa'i mchog /smon pa med pa'i rnam thar
542a4 yin| |kun la byams pa sgom pa'i mchog /byams pa tshad med rang bzhin yin/ /kun la brtse ba sgom pa'i mchog /snying rje tshad med ngo bo nyid/ /kun la phan pa sgom pa'i
542a5 mchog /dga' ba tshad med ngo bo nyid/ /kun la khyab ba sgom pa'i mchog /btang snyoms tshad med ngo bo nyid/ /bsod nams tshogs sog sgom pa'i mchog /bzhi gsum bcu
542a6 gnyis bdag nyid can/ /lam la bsgoms pa sgom pa'i mchog /nges 'byed bzhi yi bdag nyid can/ /ye shes mthong ba sgom pa'i mchog /byang chub yan lag rnam bdun
542a7 yin| |goms par byed pa sgom pa'i lam/ /'phags lam brgyad gyi bdag nyid can/ /goms pa mthar phyin sgom pa'i mchog /bcu pa la ni yongs su grol/ /sangs rgyas
542b1 pa yi rnam thar yin/ /chags sems bal ba sgom pa'i mchog /sbyin pa'i pha rol phyin pa yin/ /rang sems dag pa sgom pa'i mchog /tshul khrims pha rol phyin pa yin/ /ji mi snyam pa sgom
542b2 pa'i mchog /bzod pa'i pha rol phyin pa yin/ /go cha sbyor ba sgom pa'i mchog /brtson 'grus pha rol phyin pa yin/ /g.yeng ba med pa sgom pa'i mchog /bsam gtan pha rol phyin pa yin//
542b3 'khor 'das shes pa sgom ba'i mchog /shes rab pha rol phyin pa yin/ /nyon mongs mi spong sgom pa'i mchog /thabs kyi pha rol phyin pa yin/ /mi mthun zil gnon sgom pa'i
542b4 mchog /stobs kyi pha rol phyin pa yin/ /ci bsam 'grub pa sgom pa'i mchog /smon lam pha rol phyin pa yin/ /ji snyed mkhyen bya sgom pa'i mchog /ye shes pha rol phyin pa
542b5 yin| |chos dbyings ye shes sgom pa'i mchog /spros pa med pa'i rang bzhin yin/ /me long ye shes sgom pa'i mchog /thams cad gzugs brnyan ltar shes yin/ /mnyam nyid
542b6 ye shes sgom pa'i mchog /kun la snyoms pa'i bdag nyid yin/ /kun rtog ye shes sgom pa'i mchog /ma 'dres gsal ba'i ngo bo nyid/ /bya grub ye shes sgom pa'i mchog /phrin
542b7 las thams cad dus gcig rdzogs/ /mkha' 'gro ma thams cad kyi thugs gnyis su med pa'i ye shes bsam gyis mi khyab pa phag mo mngon par 'byung ba'i rgyud ces bya ba las sgom
543a1 pa'i le'u ste bzhi pa'o// //de nas dur khrod bdag mo des/ /he ru ka la 'di skad gsol/ /goms par bya ba'i rjes thog
543a2 la| |spyod pa'i go rims ji ltar bgyi/ /de nas ston pas gsang ba'i tshig 'di skad ces bka' stsal to/ /cung zad drod ni thob pa dang / /de tshe spyod pa spyad par bya/ /dang po
543a3 gsang ba'i spyod pa bya/ /byang chub sems ni drod thob nas/ /rig pa brtul zhugs spyod bar bya/ /lhan cig skyes pa'i drod thob nas/ /ma dad zlog pa'i spyod par bya/ /chu chod
543a4 lta bu'i drod thob nas/ /tshogs kyi spyod pa ci bder spyad/ /smyon pa lta bu'i sems thog nas/ /phyogs med rnam rgyal spyod pa bya/ /de yi dbye ba gzhan na gsal/ /gnas ngang grog
543a5 dang dus dang zas/ /le'u gzhan nas shes par bya/ /kun gyis bkur ba spyod pa'i mchog /rgyal po lta bu'i spyod pa bya/ /ngo tsha shes pa spyod pa'i mchog /rje rigs lta bu'i spyod
543a6 pa bya| |chags sdang 'khru ba spyod pa'i mchog /bram ze lta bu'i spyod pa bya/ /srid dang bral ba spyod pa'i mchog /dmangs rigs lta bu'i spyod pa bya/ /dman sa 'dzin pa spyod
543a7 pa'i mchog /gdol pa lta bu'i spyod pa bya/ /de nas gzhan yang bshad bya ste/ /mtho sa 'dzin pa spyod pa'i mchog /seng ge lta bu'i spyod pa bya/ /nyam nga med pa spyod pa'i
543b1 mchog /glang chen lta bu'i spyod pa bya/ /shugs dang ldan pa spyod pa'i mchog /rta mchog lta bu'i spyod pa bya/ /rnam rtog gsod pa spyod pa'i mchog /spyang ki lta bu'i spyod pa bya/ /drag
543b2 shul lta byed spyod pa'i mchog /dred mo lta bu'i spyod pa bya/ /de nas gzhan yang bshad bya ste/ /gza' gtad med pa spyod pa'i mchog /ri dwags lta bu'i spyod pa bya/ /ngo tsha bral ba spyod pa'i
543b3 mchog /ro langs lta bu'i spyod pa bya/ /ro dang 'grogs ba spyod pa'i mchog /rigs dan lta bu'i spyod pa bya/ /dur khrod gnas pa spyod pa'i mchog /ce spyang lta bu'i spyod pa bya/ /bag yod rngan
543b4 pa spyod pa'i mchog /wa mo lta bu'i spyod pa bya/ /de las gzhan yang bshad par bya/ /zung du 'brel ba spyod pa'i mchog /ngur pa lta bu'i spyod pa bya/ /gzhan gyis mi mthong spyod pa'i mchog/
543b5 khwa ta lta bu'i spyod pa bya/ /dug lnga spyod pa spyod pa'i mchog /rma bya lta bu'i spyod pa bya/ /dus tshod 'dzin pa spyod pa'i mchog /khu byug lta bu'i spyod pa bya/ /nyes pas ma gos spyod pa'i
543b6 mchog /bya rgod lta bu'i spyod pa bya/ /de nas gzhan yang bshad bya ste/ /rim gyis 'dzeg pa spyod pa'i mchog /spre'u lta bu'i spyod pa bya/ /'jigs pa med pa spyod pa'i mchog /dom
543b7 bu lta bu'i spyod pa bya/ /mtshan mo rgyu ba spyod pa'i mchog /zhag mig can gyi spyod pa bya/ /gang la mi gnas spyod pa'i mchog /bung ba lta bu'i spyod pa bya/ /snang ba lta ba spyod pa'i mchog
544a1 'bar ba lta bu'i spyod ba bya/ /de las gzhan yang bshad bya ste/ /dgos 'dod 'byung ba spyod pa'i mchog /nor bu lta bu'i spyod pa bya/ /sman dug gnyid
544a2 med spyod pa'i mchog /ga pur lta bur shes par bya/ /cis kyang mi tshugs spyod pa'i mchog /rdo rje lta bur shes par bya/ /mi mthun gcod ba spyod pa'i mchog /ral gri lta bur shes par
544a3 bya| |de nas gzhan yang bshad bya ste/ /thabs dang shes rab spyod pa'i mchog /mda' gzhu lta bur shes par bya/ /stong pa'i kha 'byed spyod pa'i mchog /shaka ti lta bur shes
544a4 par bya/ /'bigs par byed pa spyod pa'i mchog /mdung thung lta bur shes par bya/ /nga bdag gsod pa spyod pa'i mchog /sta re lta bur shes par bya/ /gdul bya 'dren pa spyod pa'i
544a5 mchog /lcags kyu lta bur shes par bya/ /dgon pa'i gnas dang dur khrod dang / /grong khyer dag tu rnal 'byor rgyu ba'i tshe/ /de 'dra'i skyes bu'i phyag rgya cher rtogs byed/ /de
544a6 nyid sems kyi khyad par mthong gyur na/ /brtul zhugs med kyang sangs rgyas sa la 'gro/ /sems nyid gnyis kyi gnad dang ma bral na/ /brtul zhugs sbyad kyang sdug bsngal
544a7 sna tshogs skye/ /bsam gyis mi khyab brtul zhugs rab ldan na/ /rgyal po rgyal rigs spyi bor dbang bskur ltar/ /thogs pa med ba phyag rgya chen po de/ /skye ba 'di la sangs
544b1 rgyas sa la reg /ces gsungs so/ /mkha' 'gro ma thams cad kyi thugs gnyis su med pa'i ye shes bsam gyi sa mi khyab pa phag mo mngon par 'byung ba'i rgyud las spyod pa'i rab tu dbye
544b2 pa'i le'u ste lnga pa'o// //de nas dur khrod bdag mo des/ /ston ba la ni 'di skad gsol/ /yang dag brda ni brda chen po// kun gyis mi rtog sbas ba'i don/ /bar
544b3 chad sel ba brda yi chos/ /bsam gyis mi khyab bshad du gsol/ /de nas ston pas bka' stsal pa/ /snang ba thams cad las kyi brda/ /tshig ni ji snyed ngag gi brda/ /de la bsam
544b4 gyis mi khyab gnas/ /don gyi brda ru shes par bya/ /de nas dur khrod bdag mos yang zhus pa/ gang zag 'jug pa'i rim pa dang / /dpa' po brtag pa'i rim pa dang / /phyag rgya mo yi
544b5 brtag pa dang / /mchog dang thun mong dngos grub dang / /tshogs kyi 'khor lo'i dus dag dang / /rnal 'byor phag mo rdzogs byed dang / /brda yi bye brag ji snyed pa /'gro mgon khyod
544b6 kyis bshad du gsol/ /mgon po dpa' bos bka' stsal pa/ /thams cad kun gyi brda chen po/ /sbas pa'i brda ni bshad bya ba/ /g.yas pa thabs kyi rang bzhin dang / /g.yon pa
544b7 shes rab rang bzhin dang / /lus kyi brda rnams rdzogs par bya/ /mi rtog sgom pa ston pa la/ /lag pa g.yon pa bstan pa ni/ /sa ro zhes ni brjod par bya/ /rkang pa grong khyer sa bgrod
545a1 pas| |spyod pa nyams myong gis 'gro ba/ /go ba'i phyir nas rkang bstan te/ /a g+hu la zhes brjod par bya/ /srin lag mkha' 'gro ma yi rtsa/ /de yi phyir na de
545a2 bstan te/ /shes rab chen por go bya'i phyir/ /b+ha ta ri zhes brjod par bya/ /lce yis zas kyi ro myong ltar/ /stong pas bde ba myong bstan phyir/ /lce bstan tsaR+ya g+ha zhes brjod/ /skal
545a3 bar ldan pa'i bdag nyid ni/ /yul la rig par bya ba'i phyir/ /lto ba zas kyi snod bstan pa/ /an b+ha li zhes brjod par bya/ /lto ba zas kyi snod yin phyir/ /de bzhin snod ni bsten
545a4 par bya/ /bla ma'i brgyud pa go cha'i phyir/ /paM ka ta zhes brjod par bya/ /sor mo lnga'i ni rgyud gcig ltar/ /lnga yi rtsa ba e baM du/ /bsdus phyir sor mo lnga bstan la/ /tshan d+ho ha zhes
545a5 brjod par bya/ /so yi stobs kyis zas 'dul ltar/ /e baM ji bzhin rtogs par byed/ /gang gis so ni bstan byas pas/ /tsa la ni zhes brjod par bya/ /byin pas lus kyi stobs
545a6 bskyed ltar/ /goms pas 'bras bu skyed pa'i phyir/ /go phyin pa ni bstan byas la/ /me ga pa zhes brjod par bya/ /sa gzhi 'gro ba kun 'degs ltar/ /'bras bu dam tshig gis
545a7 bsten ltar/ /sa gzhi gru bzhir bstan byas la/ /maN Dal zhes su brjod par bya/ /sor mo lnga ni rgyu mthun phyir/ /phung lnga rigs lngar rgyas btab pas/ /g.yas pa'i sor mo lnga
545b1 bstan pa/ /s+pha ra na zhes brjod par bya/ /mi bskyod pa dang rdo rje 'chang / /rgyas gdab gnyis ni go bya'i phyir/ /dbugs ni la ni dbyung bar bya/ /dpa' kun sham zhes brjod par bya/ /so
545b2 'cha' ba yi zhe sdang gis/ /'bras pu'i rtags ni yin pa'i phyir/ /gnyis snang gcod phyir so 'cha' bas/ /ma ta khra zhes brjod par bya/ /sha ni srog chags thams cad las/ /'byung zhing
545b3 chos rnams thams cad ni/ /sems yin phyir nas sha bstan pas/ /ra tsa na zhes brjod par bya/ /khro gnyer khros pa'i rtags yin pas/ /bya ba thams cad sdug bsngal gyi/ /rtags
545b4 yin phyir na khro gnyer bstan/ /ni ri ha zhes brjod par bya/ /bsdums pas dbye ba med pa ltar/ /'khor 'das dbyer mi phyed pa ltar/ /b+ha ga ni zhes brjod par bya/ /dpe yis mtshon pa'i
545b5 don du ni/ /dri ma kun las grol ba'i phyir/ /bsdams pa bkrol nas gre nan brjod/ /byin gyis brlabs pa'i gtor ma yin/ /thams cad tshim par byed pa ltar/ /sna tshogs snang
545b6 ba'i chos kun la/ /bde ba chen po'i ros tshim phyir/ /gtor ma btang la hi ka ka brjod/ /lto ba zas kyi snod yin ltar/ /sems can sangs rgyas snod yin pas/ /don du lto ba
545b7 bstan nas ni/ /ni gar ma zhes brjod par bya/ /de rnams phan yon dang yid pas/ /snying po rgyud du gsal bar bstan/ /brda dang ldan pa'i rnal 'byor pas/ /bdud rtsi rnam pa
546a1 lnga po la/ /longs spyod ba ni thabs kyi mchog /byin gyis brlabs dang sa bon dang / /rang bzhin bdud rtsi la 'bad pas/ /dpag med rim gyis
546a2 phan yon 'byung / /de nas gzhan yang bshad bya ste/ /lnga bsdus rtse mo mnan pa ni/ /bum pa'i dbang ste lus kyi brda/ /mtheb srin e yi drang ro gcig/ /gsang ba'i dbang ste
546a3 lus kyi brda/ /byang chub mchog gi phyag rgya ni/ /gsum pa shes rab ye shes yin/ /skyes dang ma skyes gnyis med pas/ /bzhi pa yin te lus kyi brda/ /de yi ngag gi brda smras
546a4 smras pa/ /ka la sha ya bum pa'i dbang / /yar la wa gsang ba'i brda'o/ /e baM ma ya gsum pa'i brda'o/ /e hUM oM AHbzhi pa'o/ /mkha' 'gro ma thams cad kyi thugs gnyis
546a5 su med pa'i ye shes bsam gyis mi khyab pa phag mo mngon par 'byung pa'i rgyud las brda'i le'u ste drug pa'o// //de nas dur khrod bdag mo des/ ston
546a6 ba mtshan nyid bzhi dang ldan pa de la phyi'i mchog pa'i tshogs dpag tu med pa dang / nang gi mchod pa'i tshogs dpag tu med pa dang / gsang ba'i mchod pa'i tshogs dpag tu med
546a7 pa dang / de kho na nyid kyi mchod pa phul nas 'di skad zhus so/ /bla med ston pa he ru ka /'khor ba'i sems can 'dren mdzad pa/ /thugs rje che dang ldan pa khyod/ /nad pa lta bu'i
546b1 sems can la/ /chos kyi sman mchog bstan du gsol/ /long ba lta bu'i sems can la/ /chos kyi sgron me sbar du gsol/ /rgyal po lta bu'i ston pa khyod/ /kun la byams pa mdzad du
546b2 gsol/ /blo na po lta bu'i ston pa khyod/ /kun la phan pa mdzad du gsol/ /zhes zhus so/ /de nas ston pa 'jigs byed he ru ka de thugs rab tu dgyes te/ sku'i sgo nas mdzes gar rnam
546b3 pa gsum mdzad/ gsung gi sgo nas rdo rje'i tshig rnam pa gsum mdzad/ thugs kyi sgo nas khyad par gyi ye shes rnam pa gsum bskyed nas/ 'khor rnams la spyan gzigs nas tshangs
546b4 pa'i gsung gis rdo rje'i tshig 'di bka' stsal to/ /nyon cig dur khrod bdag mo khyod/ /'khor ba'i sems can thams cad la/ /ma rig pa yi mun pas bsgribs/ /'khor ba'i rgya mtsho chen por ltung / /nyon
546b5 mongs 'dam du bying ba yis/ /dus gsum sangs rgyas thams cad kyis/ /chos kyi sgo mo brgyad khri dang / /bzhi stong gi ni grangs rnyed kun/ /nyon mongs pa yi gnyen por bstan/ /dbang po rab 'bring dang sbyar nas/ /thun mong
546b6 theg pa rim gyis bstan/ /mdo sde 'dul ba mngon pa gsum/ /bstan pa kun gyi rtsa ba yin/ /bder gshegs thugs rje bsam mi khyab/ /sems can rnams la de ltar bstan/ /de nas dur khrod bdag
546b7 mo des yang 'di skad ces gsol to/ /bla med ston pa he ru ka/ /thun mong theg pa de ltar bstan/ /khyad par gsang sngags ji ltar lags/ /rgyud sde rnams kyi dbye ba zhu/ /smin pa'i lam ni
547a1 ji ltar lags/ /grol ba'i lam ni gang la bgyi/ /dpa' bo chen pos bshad du gsol/ /zhes zhus so/ /de nas ston pa he ru kas/ /nyon cig dur
547a2 khrod bdag mo khyod/ /skal bar ldan pa'i gang zag la/ /gsang sngags rgyud sde ngas bshad kyis/ /snod skyon gsum po spangs la nyon/ /bya ba gtso bor byed pa la/ /kri ya'i rgyud
547a3 sde rnam lnga bstan/ /spyod pa gtso bor byed pa la/ /gnyis pa'i rgyud sde rnam lnga bstan/ /sems nyid gtso bor byed pa la/ /rnal 'byor rgyud sde rnam lnga bstan/ /bde stong gtso bor
547a4 byed pa la/ /bla na med pa'i rgyud lnga bstan/ /yid la byed pa med rnams la/ /gong na med pa'i rgyud lnga bstan/ /de'i phyir rgyud sde rnam pa lnga/ /gsang sngags rgyud ces bya bar
547a5 grags/ /re re la yang lnga lnga ste/ /rgyud chen nyi shu rtsa lnga ni/ /ma byung 'byung bar mi 'gyur ro/ /zhes gsungs so/ /de nas yang dur khrod bdag mo des yang zhus pa/ rgyud kyi
547a6 dbye ba de ltar na/ /smin zhes bgyi ba ji ltar lags/ /lam zhes bgyi ba ngag la bgyi/ /de yi dbye ba bshad du gsol/ /zhes zhus so/ /de nas ston pas bka' stsal pa//
547a7 nyon cig dur khrod bdag mo khyod/ /'khor ba'i sems can thams cad la/ /de nyid yod de smin lam med/ /des na 'bras bu thob mi 'gyur/ /lam log mu stegs byed rnams
547b1 la| |de nyid yod de smin lam med/ /des na 'bras bu thob mi 'gyur/ /dman pa nyan thos rang rgyal la/ /de nyid yod de smin lam med/ /de phyir bskal pa grangs med du/ /dka' thub
547b2 spyod pa nyon re mongs/ /ma smin mdo sder zhugs rnams la/ /de nyid yod de smin lam med/ /des na tshe gcig sangs rgyas dka'/ /zhes so/ /de nas dur khrod bdag mo des yang zhus pa/
547b3 smin zhes bya ba gang la bgyis/ /lam zhes bya ba ji ltar lags/ /dpa' bo chen pos bshad du gsol/ /nyon cig dur khrod dag mo khyod/ /smin zhes bya ba ni sang dga'i sgra las shes par
547b4 bya'o| |lam zhes bya ba'i sgra ni a tha mi tha'i sgra las shes par bya/ 'jig rten pa'i lam dang sbyar ro/ /lus dang ngag dang sems dang gsum/ /ma smin smin par byed pa'i thabs/
547b5 dbang bskur cho ga ji snyed bstan/ /dang po bsnyen pa bya ba gces/ /grangs dang dus dang mtshan ma yi/ /bsnyen pa rnam gsum rdzogs byas nas/ /sa cho ga sta gon tshul bzhin bya/ /dang
547b6 po sa gzhi yongs su gzung / /gnyis pa sta gon gnas pa ste/ /nub gsum pa la 'jug par bya/ /rgyud rnams gzhan du shes par bya/ /de nas dkyil 'khor shar gyi sgor/ ba yi
547b7 rnam lnga'i maN+Dal bri/ /skal ldan slob ma der bzhag la/ /bum pa'i dbang rnams rdzogs par bskur/ /dkyil 'khor de yi lho'i sgo ru/ /bdud rtsi lnga yi maN+Dal bya/ /skal ldan slob
548a1 ma der bzhag la/ /gsang ba'i dbang rnams rdzogs par bskur/ /dkyil 'khor de yi nub sgo ru/ /dal gyi chos 'byung e dbyibs bri/ /skal ldan
548a2 slob ma der bzhag la/ /shes rab ye shes dbang bskur te/ /gsum pa'i dbang rnams rdzogs par bskur/ /dkyil 'khor de yi byang sgo ru/ /phrin las rnam bzhi'i maN+Dal
548a3 bri| |skal ldan slob ma der bzhag la/ /bzhi pa'i dbang rnams rdzogs par bskur/ /dkyil 'khor de yi pho brang du/ /seng chen bsnol ba'i khri steng sa su/ skal ldan slob
548a4 ma deng bzhag la/ /rdo rje slob dpon byed pa'i dbang / /cho ga thams cad rdzogs par bskur/ /sku gsung thugs kyi dbang gsum po/ /thog ma nyid du bskur bar bya/ /de nas
548a5 dur khrod brgyad rnams kyis/ /dbang ni rnam pa brgyad po bskur/ /de nas zas rnams bdud rtsi'i dbang / /ji lta bar ni bskur bar bya/ /de nas phyag mtshan rnams kyi dbang //
548a6 go rims bzhin du bskur bar bya/ /de nas nyan pa'i dbang rnams bskur/ /de nas bshad pa'i dbang rnams bskur/ /de nas skal ldan gang zag la/ /mnga' gsol sum
548a7 cu rtsa lnga bya/ /de nas bkra shis rdzas brgyad kyis/ /dbang rnams ma lus rdzogs par bskur/ /de nas dbang rdzogs gang zag de/ /bder gshegs rnams kyi sras yin te//
548b1 mkhyen rab bde gshegs rnams dang mnyam/ /mthu stobs khro rgyal rnams dang mnyam/ /tshe tshad nyi zla gnyis dang mnyam/ /dang po las can sbyor ba yis/ /sa brgyad pa la rab tu
548b2 gnas/ /dbang bskur gnang ba ma thob na/ /rig pa shes rab rtsal rdzogs kyang / /slob dpon bya ba yod mi nus/ /dbang bskur gnang ba ma mthong na/ /gzhan gyi yon tan kun 'chang
548b3 yang / /'khor lo srog shing med pa 'dra/ /dbang ma thob bar las rtsom dang / /sgyid ma ma rtags khal 'gel pa/ /'di dag phung po'i rgyu yin no/ /slob dpon mnyes par ma byas shing //
548b4 dbang rnams thob par ma byas na/ /nyan pa la sogs rtsom pa ni/ /'bras bu med cing brlag par 'gyur/ /mkha' 'gro ma thams cad kyi thugs gnyis su med pa'i ye shes bsam
548b5 gyis mi khyab pa phag mo mngon par 'byung ba'i rgyud pas dbang bskur ba'i le'u ste bdun pa'o// //de nas dur khrod phag mo des/ /he ru ka la 'di
548b6 skad zhus/ /sangs rgyas thob byed 'bras bu'i chos/ /bsam gyis mi khyab bshad du gsol/ /dbang po rab 'bring tham gsum/ /gang dang gang gis grol ba lags/ /dug
548b7 lnga spyod pa'i gang zag lnga/ /gang dang gang gis 'joms par byed/ /de nas ston pas bka' stsal te/ /nyon cig dur khrod bdag mo khyod/ /dbang pho rab gyi gang zag la/ rang
549a1 bzhin rnam dag phag mo bstan/ /dbang po 'bring gi gang zag la/ /brjod pa sgra yi phag mo bstan/ /dbang po tha ma'i gang zag la/ /mtshon pa
549a2 brda yi phag mo bstan/ /zhes bka' stsal to/ /de nas dur khrod bdag mo des/ /ston pa la ni tshig 'di gsol/ /rang bzhin rnam par dag pa yi/ /rdo rje phag mo ji lta bu/
549a3 sgra yi phag mo ji lta bu/ /dbyibs kyi phag mo ji lta bu/ /zhes pa la sogs pa zhus so/ /nyon cig dur khrod bdag mo khyod/ /rang bzhin nyid nas dag pa de/ chos kyi sku yi ngo
549a4 po nyid/ /skad cig drug gis rdzogs sangs rgyas/ /grol 'gyur 'di la the tshom med/ /brjod pa sgra yi phag mo de/ /longs spyod sgra yi ngo bo nyid/ /longs spyod rdzogs sku'i ngo
549a5 po nyid/ /zla drug goms pa'i sbyor ba yis/ /'grub 'gyur 'di la the tshom med/ /mtshon pa brda yi phag mo de/ /sprul pa sku yi ngo bo nyid/ /zla drug goms pa'i sbyor po yis//
549a6 'grub 'gyur 'di la the tshom med/ /ces bka' stsal to/ /de nas dur khrod bdag mo des/ /dpa' bo che la yang zhus pa/ /gang zag rigs la lnga yod de/ /gti mug can gyi
549a7 gang zag dang / /zhes dang can gyi gang zag dang / /'dod pa gtsor byeng gang zag dang / /nga rgyal can gyi gang zag dang / /phrag dog can gyi gang zag lnga/ /de rnams
549b1 gang zag gang gis grol/ /zhes zhus so/ /de nas ston pas bka' stsal te/ /gti mug can gyi gang zag la/ /sku yi phag mo dkar mo bstan/ /gti mug tshul gyis gti mug 'joms/
549b2 'dod pa gtsor byed skyes bu la/ /gsung gi phag mo dmar mo bstan/ /'dod chags tshul gyis 'dod chags 'joms/ /zhe sdangs can gyi gang zag la/ /thugs kyi phag mo nag mo
549b3 bstan/ /zhe sdang tshul gyis zhe sdang 'joms/ /nga rgyal can gyi gang zag la/ /yon tan can gyi phag mo bstan/ /nga rgyal tshul gyis nga rgyal 'joms/ /phrag dog can gyi gang zag la/ /
549b4 phrin las phag mo ljang khu bstan /phrag dog tshul gyis phrag dog 'joms/ /de nas dur khrod bdag mo des/ /he ru ka la tshig 'di gsol/ /dug lnga shas che gang zag la/ /'bras bu
549b5 bu sku lnga ni ji ltar thob/ /ye shes lnga ni ji ltar snang / /rigs lnga zhes ni gang la bgyi/ /khro mo lnga ni ji ltar bsgom/ /'khor lo lnga ni ji ltar gnas/ /snying po lnga ni ji ltar bzlas/ /dam
549b6 tshig lnga ni ji ltar bsrung / /nyams myong lnga ni ji ltar 'byung / /nyon mongs lnga ni ji ltar 'byung / /ye shes lnga ni ji ltar 'phel/ /grangs kyi tshad ni ji ltar bzlas/ /mtshan ma'i rtags
549b7 ni ji ltar 'byung / /dus kyi tshad ni ji ltar lags/ /las tshogs rnams ni ji ltar 'grub/ /ces zhugs so/ /de nas dpa' bo he ru kas/ /thugs rab tu dgyes te brda'i tshig 'di/
550a1 bka' stsal to/ /nyon cig dur khrod bdag mo khyod/ /dug lnga spyod pa'i gang zag lnga/ /'bras bu rnam pa lnga thob ste/ /kun la khyab pa chos sku dang / /
550a2 theg chen spyod pa longs sku dang / /gang la gang 'dul sprul sku dang / /cis kyang mi shigs rdo rje'i sku/ /ngo bo nyid kyi sku mchog dang / /skye ba gcig gis thob par 'gyur/ thob
550a3 pa'i don la goms par byed/ /tshe 'di nyid la sangs rgyas 'thob/ /rdzogs sangs rgyas kyis rgyud du bshad/ /thob bya'i ye shes rnam lnga yang / /spros bral chos dbyings ye shes
550a4 dang / /me long ye shes gzugs brnyan ltar/ /bdag gzhan gnyis med mnyam pa nyid/ /gsal la ma 'dres so sor rtog /phrin las mthar phyin bya ba rtogs/ /ye shes lnga ni
550a5 ni de ltar skye/ /gzhan nas ma yin rang nyid la'o/ /dug lnga spyod pa'i gang zag lnga/ /rigs ni rnam pa lnga thob ste/ /spros med de bzhin gshegs pa'i rigs/ /dgos 'dod
550a6 'byung ba rin chen rigs/ /skyon gyis ma gos pad+ma'i rigs/ /sems can don grub las kyi rigs/ /gzhan nas ma yin rang nyid la/ /dug lnga spyod pa'i gang zag de/ /
550a7 ye shes khro mo lnga bsgoms nas/ /bde ba skye ba sku yin pas/ /bde chen dkar mo bsgom par bya/ /nus pa 'byung ba gsung yin pas/ /dmar mo sgra sgrogs bsgom par bya/ /
550b1 rtogs tshad 'char ba thugs yin pas/ /khros ma nag mo bsgom par bya/ /brtan par byed pa yon tan te/ /ser mo don grub bsgom par bya/ /bar chad sel ba phrin las te/ /sna tshogs mthar
550b2 phyin bsgom par bya/ /rim gyis ma yin cig car yin/ /rgya dang 'bur gyi tshul du bya/ /yig 'bru rnams kyi gnas lugs ni/ /spyi gtsug bde chen 'khor lo na/ /bde byed sku yi yi ge bzhi//
550b3 rang bzhin rtsa yi gzugs can no/ /mgrin pa longs spyod 'khor lo na/ /gsung mchog yi ge rnam bzhi ni/ /rang bzhin rtsa yi tshul du gnas/ /snying ga chos kyi 'khor lo na/ /thags mchog
550b4 yi ge rnam bzhi ni/ /rtsa yi dbyibs dang mthun par gnas/ /lte ba sprul pa'i 'khor lo na/ /rten byed yon tan yi ge bzhi/ /de yi rang bzhin rtsa yi dbyibs/ /phrin las yi ge rnam
550b5 bzhi ni/ /zhi rgyas dbang drag yi ge bzhi/ /las dang rjes mthun gzugs su gnas/ /snying po lnga yi bzlas thebs ni/ /phyi dang nang dang gsang ba dang / /phrin las bzhi yi tshul du
550b6 bzlas/ /dam tshig lnga yi bsrung tshul ni/ /bde chen dkar mo'i dam tshig tu/ /sems can kun la byams pa bsgoms/ /khros ma nag mo'i dam tshig tu/ /drag cing rtsub pa'i spyod pa
550b7 bya| |ser mo don grub dam tshig tu/ /dngos po kun la chags med bya/ /dmar po sgra sgrogs dam tshig tu/ /smra zhing bud med bsten par bya/ /sna tshogs mthar phyin dam tshig tu/
551a1 rgyud cing mchod pa'i spyod pa bya/ /mkha' 'gro spyi yi dam tshig tu/ /bdud rtsi lnga dang sha lnga la/ /rtag tu longs spyod bya ba ni/ bza' ba'i dam tshig
551a2 rnam lnga ste/ /gsang sngags spyod pas bsten par bya/ /de nas nyams dang byin brlabs ni/ /go rims skye tshul 'di lta ste/ /dmigs pa med pa'i snying rje skye/ /sangs rgyas mkha'
551a3 'gro'i nyams myong yin/ /chos rnams gzugs brnyan ltar mthong ba/ /rdo rje mkha' 'gro'i nyams myong yin/ /thams cad mnyam pa nyid skye ba/ /rin chen mkha' 'gro'i nyams myong
551a4 yin| |chos rnams ma 'dres so sor gsal/ /pad+ma mkha' 'gro'i nyams myong yin/ /dngos po gang la'ang thogs med pa/ /las kyi mkha' 'gro'i nyams myong yin/ /nyon mongs
551a5 lnga yi 'gyur lugs ni/ /gti mug chos kyi dbyings su 'gyur/ /zhe sdang me long ye shes 'gyur/ /nga rgyal mnyam pa nyid kyir 'gyur/ /'dod chags so sor rtog par 'gyur/ /phrag
551a6 dog bya ba nan tan 'gyur/ /de nas 'gyur ba lam du byed/ /de nas gzhan yang bshad bya ste/ /sku yi yi ge rnam bzhi yis/ /chos kyi dbyings kyi ye shes 'phel/ /gsung gi yi ge
551a7 rnam bzhi yis/ /so sor rtog pa'i ye shes 'phel/ /thugs kyi yi ge rnam bzhi yis/ /me long lta bu'i ye shes 'phel/ /yon tan yi ge rnam bzhi yis/ /mnyam pa nyid kyi ye
551b1 shes 'phel/ /phrin las yi ge rnam bzhi yis/ /bya ba grub pa'i ye shes 'phel/ /A li dang ni kA li yis/ /sgra don dag gis rtogs par 'gyur/ /zhes so/ /de nas gsang ba bshad bya
551b2 ste| |grangs kyi tshad ni 'di lta ste/ /'bum phrag gcig gis bgegs rnams skrod/ /'bum phrag gnyis kyis grong khyer skrod/ /'bum phrag gsum gyis rgyal po 'joms/ /'bum
551b3 phrag bzhi yis bud med 'gugs/ /'bum phrag lnga yis phyogs rnams bsreg /'bum phrag drug gis 'byung ba bzlog /'bum phrag bdun gyis gnas khang g.yo/ /'bum phrag
551b4 brgyad kyis mngon shes 'char/ /'bum phrag dgu yis zas nor 'du/ /'bum phrag bcu yis gang 'dod 'grub/ /de nas gsang ba bshad bya ste/ /mtshan ltas rab 'bring tha ma
551b5 gsum/ /skal dang ldan pa'i gang zag la/ /ye shes khro mo rnam pa lnga/ /mngon sum dag tu mthong bar 'gyur/ /dbang po rab kyi snang ba ste/ /las 'phro can gyi snang ba yin/ /skal
551b6 pa 'bring gi gang zag la/ /ye shes khro mo rnam pa lnga/ /rang gi las dang gang mthun par/ /rmi lam dag tu mchog tu gsel/ /skal ba 'bring gi mtshan ltas yin/ /skal pa dman pa'i
551b7 gang zag la/ /tshul bzhin bris pa'i thang sku ste/ /'od dang sgra dang 'dzum pa dang / /mkha' 'gro lung bstan 'byung ba dang / /skye ba 'di la nges par 'grub/ sbyor ba dman pa'i
552a1 gang zag la/ /bar ma do nas lam sna 'dren/ /mkha' spyod gnas su 'khrid par byed/ /dus kyi tshad ni rnam gsum ste/ /rab la skad cig rnam drug yin/ /
552a2 'bring la zla ba drug gis grol/ /tha ma lo drug sbyar ba'o/ /phyi dang nang dang gsang ba gsum/ /rnam pa gsum du shes par bya/ /las tshogs rang bzhin dbye ba zhi/ /rgyas dang bsdus pa
552a3 shin tu rgyas/ /rnam pa gsum du shes par bya/ /bsdus pa tshar gcad rjes gzung gnyis/ /rgyas pa phrin las rnam pa bzhi/ /shin tu rgyas pa thun mong brgyad/ /de las 'phros pa nyi shu
552a4 lnga| |bde chen dkar mo'i ting 'dzin gyis/ /zhi ba'i las tshogs rnam lnga 'grub/ /ser mo don grub ting 'dzin gyis/ /rgyas pa'i las tshogs rnam lnga 'grub/ /dmar po sgra sgrogs
552a5 ting 'dzin gyis/ /dbang gi las tshogs rnam lnga 'grub/ /khros ma nag mo'i ting 'dzin gyis/ /drag po'i las tshogs rnam lnga 'grub/ /sna tshogs mthar phyin ting 'dzin gyis/ /
552a6 phrin las bzhi yi las rnams 'grub/ /mkha' 'gro ma thams cad kyi thugs gnyis su med pa'i ye shes bsam gyis mi khyab pa'i phag mo mngon par 'byung ba'i rgyud las 'bras
552a7 bu'i le'u ste brgyad pa'o// //de nas dur khrod bdag mo des/ /ston pa mtshan nyid bzhi ldan la/ /phyi nang gsang ba'i mchod pa 'di phul nas 'di skad
552b1 zhus te/ skal bar ldan pa'i gang zag gis/ /bdag dang gzhan la phan gdags phyir/ /sku dang mchod rten ji ltar bgyi/ /de yi go rims bshad du gsol/ /zhes zhus pa'o/ /de nas ston pas
552b2 bka' stsal te/ /nyon cig dur khrod bdag mo khyod/ /rigs can lnga yi gang zag des/ /bdag don gzhan don byed 'dod pas/ /sku lnga gdung lnga mchod rten lnga/ /rgyu lnga sngags lnga las rim
552b3 lnga| |lnga tshan lnga ru shes par bya/ /de yi bya ba'i rim pa ni/ /de nyid gsum dang ldan par bya/ /dang po bdag gi de nyid dang / /gnyis pa rgyu yi de nyid dang / /gsum pa 'bras bu'i de nyid do/ /dang po
552b4 po bdag gi de nyid ni/ /de bzhin rigs kyi gang zag de/ /dad dang brtson 'grus rab ldan pas/ /sku dang mchod rten 'debs dus su/ /'du shes gsum dang ldan par bya/ /gnyis pa rgyu yi de
552b5 nyid ni/ /rnam pa lnga ru shes par bya/ /sa gzhi dkar zhing snum pa la/ /rin chen sna lnga la sogs pa'i/ /lnga tshan lnga ni legs sbyar te/ /lus ngag yid gsum sbyor ba yis/ /sku dang mchod
552b6 rten ci rigs gdab/ /'og min gnas nas sbyan drangs la/ /rab tu gnas pa gzhung bzhin bya/ /de nas mnga' gsol na bza' gsol/ /de la mchod dang bstod pa bya/ /bzhugs
552b7 su gsol ba'i rim pa ni/ /dam chos gzhan dang mthun par bya/ /zhi ba'i las rnams 'grub par 'gyur/ /dang po bdag gi de nyid ni/ /rin chen rigs kyi gang zag des/ /dad dang
553a1 brtson 'grus rab ldan pas/ /sku 'am mchod rten 'debs dus su/ /'du shes gsum dang ldan par bya/ /gnyis pa rgyu yi de nyid ni/ rnam pa lnga ru shes
553a2 par bya/ /sa gzhi ser la 'tsher ba la/ /gong du bstan pa ji lta bar/ /sku dang mchod rten ci rigs gdab/ /'og min gnas nas spyan drangs nas/ /rab tu gnas pa gzhung bzhin bya/ de
553a3 la mnga' gsol na bza' gsol/ /mchod dang bstod pa bzhugs pa rnams/ /dam chos gzhan dang mthun par bya/ /rgyas pa'i las rnams 'grub par 'gyur/ /dang po bdag gi de
553a4 nyid ni/ /pad+ma rigs kyi gang zag de/ /dad dang brtson 'grus rab ldan pas/ /sku dang mchod rten byed dus su/ /'du shes gsum dang ldan par bya/ /gnyis pa rgyu yi de nyid ni/ rnam
553a5 pa lnga ru shes par bya/ /sa gzhi dmar la gdang ba la/ /lnga tshan lnga dang legs sbyar te/ /lus ngag yid gsum sbyor ba yis/ /sku dang mchod rten ci rigs gdab/ /'og min gnas
553a6 nas spyan drangs la/ /rab tu gnas pa gzhung bzhin bya/ /de la mnga' gsol na bza' gsol/ /mchod dang bstod dang bzhugs pa kun/ /dam chos gzhan dang mthun par bya/ /
553a7 dbang gi las rnams 'grub par 'gyur/ /dang po bdag gi de nyid ni/ /rdo rje rigs kyi gang zag de/ /dad dang brtson 'grus rab ldan pas/ /sku dang mchod rten 'debs dus su/ /
553b1 shes gsum dang ldan par bya/ /gnyis pa rgyu yi de nyid ni/ /rnam pa lnga ru shes par bya/ /sa gzhi gnag cing rtsub pa la/ /khrag dang dug dang tsher ma dang / /yungs kar yungs nag skye che dang / /lnga
553b2 tshan lnga dang bcas pa la/ /lus ngag yid gsum sbyor ba yis/ /sku dang mchod rten ci rigs gdab/ /'og min gnas nas spyan drangs la/ /rab tu gnas pa gzhung bzhin bya/ /de la mnga'
553b3 gsol na bza' gsol/ /mchod dang bstod pa bzhugs pa kun/ /dam chos gzhan dang mthun par bya/ /drag po'i las rnams 'grub par byed/ /dang po bdag gi de nyid ni/ /las kyi rigs
553b4 kyi gang zag de/ /dad dang brtson 'grus rab ldan pas/ /sku dang mchod rten 'debs dus su/ /'du shes gsum dang ldan par bya/ /gnyis pa rgyu yi de nyid ni/ /rnam pa lnga ru shes par bya/ /
553b5 sa gzhi ljang zhing kha dog ser/ /gong du lnga tshan lnga dang sbyar/ /de la sku dang mchod rten rnams/ /ji ltar nus pa bzhin du gdab/ /'og min gnas nas spyan drangs la/ /rab tu gnas pa gzhung
553b6 bzhin bya/ /de la mnga' gsol na bza' gsol/ /mchod dang bstod pa bzhugs pa rnams/ /dam chos gzhan dang mthun par bya/ /drag po'i las rnams 'grub par 'gyur/ /bstod pa lnga
553b7 ni so sor bstod/ /mkha' 'gro ma thams cad kyi thugs gnyis su med pa'i ye shes bsam gyis mi khyab pa phag mo mngon par 'byung ba'i rgyud las sku dang mchod rten gdab pa'i le'u ste dgu
554a1 pa'o// //de nas dur khrod bdag mo des ston pa mtshan nyid bzhi ldan la phyi nang gsad pa'i mchod pa gsum phul nas 'di skad zhus so/ /
554a2 kye kye mgon po bdag la gson/ /khams gsum 'khor ba'i sems can rnams/ /nyon mongs brgyad khri bzhi stong dang / /rnam rtog brgyad khri bzhi stong gis/ dus gsum kun tu sdug
554a3 bsngal bskyed/ /de yi gnyen po bshad du gsol/ /khams gsum 'khor ba'i sems can rnams/ /rgyu ni ma rig pa yis bskyed/ /rkyen ni rnam par rtog pa ste/ /de rnams rnam rtog ji ltar
554a4 bsal/ /phyogs ngan la sogs 'gro ba'i tshe/ /de yi rtog pa gcad par zhu/ /legs nyes kun gyi stangs gcod pa'i/ /mna' dang gal gyis 'jigs pa la/ /de yi rtog pa gcad par
554a5 zhu| |nyon mongs nad kyis nyen pa la/ /de las thar ba'i thabs cig zhu/ /bdag gzhan gnyis po rtsod dus su/ /de las rgyal ba'i thabs cig zhu/ /lus sems gnyis po 'bral dus
554a6 der| |de las thar ba'i thabs cig zhu/ /de nas ston pas tshig 'di skad ces bka' stsal to/ /rgyu 'bras kun tu sdug bsngal ba/ /ma lus dbyer med shes gyur na/ /sdug bsngal ma
554a7 lus bde bar 'gyur/ /gzhan yang thun mong 'di lta ste/ /phyogs ngan la sogs 'gro ba'i tshe/ /phyogs las rnam par rgyal bar bya/ /nyes legs kun gyi stangs gcod pa/ /mna'
554b1 'am gal gyis 'jigs pa la/ /mna' las rnam par rgyal bar bya/ /nad dang gdon gyis nyen pa la/ /bgegs las rnam par rgyal bar bya/ /bdag gzhan gnyis po rtsod pa la/ /dgra las rnam
554b2 par rgyal bar bya/ /lus sems gnyis po 'bral dus der/ /rlung las rnam par rgyal bar bya/ /mkha' 'gro ma thams cad kyi thugs gnyis su med pa'i ye shes bsam gyis mi khyab pa phag mo
554b3 mngon par 'byung ba'i rgyud las rnam par rgyal ba rnam pa lnga'i le'u ste bcu pa'o// //de nas mgon po he ru kas 'khor rnams la de skad ces bka' stsal pa dang / gsang
554b4 sngags kyi sdud pa mo rab tu dga' ste/ 'khor rnams 'dus pa'i tshogs kyis kyang de ltar dga' mgu yi rangs te/ phyi nang gsang ba'i mchod pa phul nas/ mgon po thugs rje dang ldan
554b5 pas| |bdag dang 'dus pa'i 'khor rnams dang / /'khor ba'i sems can thams cad la/ /thugs rjes gnang ba bka' drin lags/ /zhes dga' mgu yi rang te/ bcom ldan 'das
554b6 kyis gsungs pa la mngon par bstod do// //mkha' 'gro ma thams cad kyi thugs gnyis su med pa'i ye shes bsam gyis mi khyab pa phag mo mngon par 'byung ba
554b7 rtsa ba'i rgyud bcom ldan 'das 'jigs byed he ru kas gsungs pa rdzogs so// //dur khrod bdag mos gsol pa/ lha mo rnams kyi sku mdog ni/ /ji ltar shes ni grol
555a1 grol bar 'gyur/ /phag mo zhes bya/ /phag mo zhes bya gang la bya/ /yi ge'i don ni gang la bskyal/ /bskyed rdzogs ngo bo gang la bya/ /dpa' bo he ru kas bka' stsal pa/ nyon
555a2 cig dur khrod phag mo khyod/ /nyes pa'i skyon gyis ma gos ba/ /dkar zhing sbros bral zhi bar byed/ /ma chags skyon gyis ma gos pa/ /dmar la gdang ba sgra sgrogs yum/ skyon med
555a3 sems nyid rang dbang 'dus/ /gnyen po gcig kyang mi 'gyur bas/ /khros ma nam mkha'i kha dog bzhin/ /mi 'gyur rang sems dbyings su grol/ /che ba ye shes la rgyas pa/ /ser mo
555a4 skyon med don grub ma/ /ngo bo rgyal la g.yo dang bral/ /sna tshogs skyon gyis ma gos pas/ /in+d+ra nI la'i mthar phyin ma/ /sna tshogs ngo bo gcig tu 'dus/ /rnam pa gang yang 'gyur ba
555a5 med/ /chos kyi dbyings las 'gyur ba med/ /rnam rtog cis kyang ma gos pas/ /phag ces bya ba rtog med yin/ /dbyings nyid rtog pa sbros bral bas/ /me zhas bya ba dbyings su thim/ /
555a6 de la phye na rnam pa gsum/ /dam chos skye med phag mo ni/ /skye 'gag med pas chos sku yin/ /brjod pa sga yi phag mo ni/ /phag ni kA li thabs yin la/ /mo ni A li longs skur
555a7 'dod/ /mtshon pa dbyings kyi phag mo ni/ /stong nyid mtshon pa'i sku mdog la/ /rtog med snying rje phag gi gdong / /thabs dang shes rab phag mo la/ /bde stong skyon bral gcer bu
555b1 ni| |rtog pa med pas sbrul sku'o/ /yig 'bru gsal la mi rtog pas/ /thim pa na yang cang te'u/ /snang stong mtha' dang bral ba'o/ /bskyed rdzogs ngo bo dbyer med pas/ /mtshon pa snang ba stong pa'i ngang / /de nyid
555b2 snang ba'i ngo bo nyid/ /dbyer med zung 'jug khas len bral/ /gcig la gcig rgyas gdab par bya/ /grol 'gyur 'di la the tshom med/ /ces gsungs so/ /mkha' 'gro ma thams cad kyi thugs gnyis su med pa'i
555b3 ye shes bsam gyis mi khyab pa phag mo mngon par 'byung ba'i rgyud las rgyud phyi ma bskyed rim bstan pa'i le'u ste dang pa'o// //de nas dur khrod bdag mo des dpa' bo chen po la 'dzum pa dang bcas nas
555b4 zhus pa/ gsang sngags rnams kyi sngags ni gang / /bzlas par bya ba'i yi ge gang / /'khor lo rnam bzhi dgod pa gang / /zhes zhus pas/ he ru kas bka' stsal pa/ dur khrod bdag mos gus par gyis/ /gsang
555b5 sngags rnams kyi yi ge ni/ /thams cad byed pa yi ge oM/ /dgyes pa sku yi yi ge ni/ /badzra bA ra hi zhes 'byung / /nus pa 'byung ba gsung gi kro tA kA li/ /rtogs pa thugs ni ha ri sa/ /yon tan 'byung ba A be Sha ya/ /phrin
555b6 las mdzad pa e baM ma yA/ /de las gzhan yang 'di lta ste/ /'khor lo lnga yi dbus nyid du/ /yi ge bzhi pas rgyas btab nas/ /bzlas pa phyi nang gsang ba gsum/ /zhi ba phyi yi bzlas pa ni/ /yig 'a bru rnams ni kha
555b7 dog dkar/ /de las 'od zer dkar po 'phros/ /nyon mongs shes bya'i sgrib pa kun/ /ba sbu'i sgo nas bstan pa yi/ /sems can kun la phog pas kyang / /sgrib pa thams cad dag par bsam/ /de bzhin
556a1 gshegs la phog pas kyang / /mnyes pa'i mchod pa phul bas so/ /bdag la slar thim zhi ba 'grub/ /rgyas pa ser po 'phro 'du yis/ gong bzhin spro bsdu
556a2 shes par bya/ /dmar po dbang gi 'phro 'du bya/ /drag po nag po'i 'phro 'du bya/ /sna tshogs 'phros pas phrin las bzhi'i/ /dngos grub thams cad 'grub pa yin/ /nang dang gsang ba'i
556a3 bzlas pa yang / /gong bzhin sbro bsdu shes par bya/ /dur khrod phag mos yang gsol pa/ /zad cing 'phel bar byed pa gang / /mthar thug pa yi yi ge gang / /zhes zhus so/ /dpa' bo chen
556a4 pos yang gsungs pa/ /gti mug zad byed a yin te/ /has ni zhe sdang zad par byed/ /da rgyal zad byed ri yin te/ /ni yis 'dod chags zad par byed/ /phrag dog zad byed sa yin no/ /a
556a5 ni chos dbyings ye shes 'phel/ /ha ni me long ye shes 'phel/ /ri yis mnyam nyid ye shes 'phel/ /ni yis so sor rtog byed 'phel/ /sa yis bya grub ye shes 'phel/ /a ni sangs
556a6 rgyas mkha' 'gror snang / /ha ni rdo rje mkha' 'gror snang / /ri ni rin chen mkha' 'gror snang / /ni yis pad+ma mkha' 'gror snang / /sa yis las kyi mkha' 'gror snang / /as ni de bzhin rigs
556a7 thob ste/ /has ni rdo rje'i rigs chen thob/ /ri ni rin chen rigs thob ste/ /ni yis pad+ma'i rigs thob bo/ /sa ni las kyi rigs chen thob/ /chos sku'i mthar thug a yin te/ /longs sku'i rnam pa yi ge
556b1 ha| |sbrul pa sku ni ri yin no/ /ngo bo nyid sku'i yi ge ni/ /rdo rje'i sku ni yi ge sa/ /zhes gsungs so/ /dur khrod bdag mos yang zhus pa/ /dbang po rab 'bring rim pa yis/ /ji ltar shes na grol bar 'gyur/ /
556b2 dpa' bo chen pos yang gsungs pa/ /dbang po rab 'bring gsum yin te/ /dbang po rab kyi gang zag la/ /skad cig drug gi gdams ngag bstan/ /ye shes skad cig dang po yis/ /gzung ba'i rnam par rtog
556b3 pa gcad/ /skad cig gnyis pa'i ye shes kyis/ /'dzin pa'i rnam par rtog pa gcad/ /skad cig gsum pa'i ye shes kyis/ /gzung 'dzin gnyis kyi rtog pa gcad/ /skad cig bzhi pa'i ye shes
556b4 kyis| |nyams la zhe na pa'i rnam rtog gcad/ /skad cig lnga pa'i ye shes kyis/ /nyams myong bde pa'i rnam rtog gcad/ /skad cig drug pa'i ye shes kyis/ /yid la byed pa'i rnam tog bcad/ /grol
556b5 'gyur rab la the tshom med/ /dbang po 'bring po'i gang zag la/ /rlung drug man ngag bstan pa ni/ /lhan cig skyes pa'i rlung goms pas/ /rang bzhin sgrib pa sel bar byed/ /thad kar 'byung ba'i
556b6 rlung goms pas/ /mtshan mo lta bu'i sgrib pa sel/ /rang las skyes pa'i rlung goms pas/ /chod pa'i sgrib pa sel bar byed/ /spong byed rlung la goms pa yis/ /sngon du rgyu ba'i sgrib pa sel/ /
556b7 sbyong byed rlung la goms pa yis/ /shes bya'i sgrib pa sel bar byed/ /rdzogs byed rlung la goms pa yis/ /sa rnams rim gyis gnon par byed/ /ye shes rnams ni du sa gcig 'char/ /shes bya
557a1 thams cad dus gcig chod/ /rlung drug ma yin ye shes yin/ /mun ba rnams ni bsgribs pa yis/ /ye shes rim gyis skye ba dang /sgrib pa rim gyis sel
557a2 bar byed/ /grol 'gyur 'di la the tshom med/ /dbang po tha ma'i gang zag la/ /yul ni dag pa'i sangs rgyas zhing / /lus dag pa ni dkyil 'khor yin/ /rang sems dag pa phag mo'i sku/ /
557a3 ngag dag pa ni sngags su gsungs/ /lta bsgom dag pa dngos grub yin/ /dpe don gnyis su med pa gang / /skal med dngos grub mi 'byung bas/ /lo drug bsgoms na the tshom med/ /
557a4 ces gsungs so/ /mkha' 'gro ma thams cad kyi thugs gnyis su med pa'i ye shes bsam gyis mi khyab pa phag mo mngon par 'byung pa'i rgyud las rgyud phyi ma dzogs rim bstan
557a5 pa'i le'u ste gnyis pa rdzogs so// //paN+Di ta ga ya d+ha ra'i zhal snga nas lo ts+tsha ba gyi jo zla ba 'od zer gyis bsgyur ba'o// //
557b1 empty page
CLOSE WINDOW