བོད་ཡིག |
519a1 rgya gar skad du/ badzra DA ka nA ma ut+ta ra tan+t+ra/ bod skad du/ rdo rje mkha' 'gro zhes bya ba'i rgyud phyi ma/ 'jig rten dbang phyug la phyag 'tshal
519a2 lo| |gsang dang mchog dang dgyes pa dang / /thams cad bdag nyid la rtag bzhugs/ /mkha' 'gro kun dngos sems dpa' ste/ /rdo rje mkha' 'gro bde ba'i
519a3 mchog /'di ni rang byung bcom ldan 'das/ /'di nyid gcig pu lhag pa'i lha/ /'byung gnas sgra gzugs las nges 'byung / /dam tshig spyod yul bcom ldan
519a4 rnams| |thog mtha' dbus mthar yang dag gnas/ /'jig rten gsum rnams na rnyed dka'/ /'dod chags ma yin chags bral min/ /dbu mar yang ni dmig
519a5 pa med| |sgyu ma'i phyag rgya bud med kun/ /gnyis med ye shes dam pa yin/ /spyod nam yang 'grub 'gyur te/ /bde dang spro bas thams cad 'thob/ /nam
519a6 mkha' kun tu spyod 'grub pa/ /mkha' 'gro ma zhes rab tu grags/ /sna tshogs phyag rgya thams cad dang / /kun nas sna tshogs sdom pa ni/ /mkha' 'gro ma
519a7 kun mnyam sbyor bas/ /rdo rje mkha' 'gror rab tu grags/ /so so'i lha la dmigs pa ni/ /de nyid bsam bral rnal 'byor te/ /dbang bskur ba las nges
519b1 par skye| |gzugs brnyan rang bzhin rnal 'byor te/ /rnal 'byor chen po byang chub sems/ /rnal 'byor dbang phyug bdag po rang / /byang chub sems ni rdo rje ste/ /sangs
519b2 rgyas kun gyi rang bzhin phyir/ /de phyir kun nas 'bad pa yis/ /sna tshogs rang bzhin la mchod bya/ /gnyis gnyis 'khyud pa'i rang bzhin gyis/ /sna tshogs 'gro ba
519b3 khyab par gnas/ /sangs rgyas nyid dang bdag dang ni/ /sems can dang ni nus ldan rnams/ /rang gi lha yi rnal 'byor pas/ /bsgrub bya'i bdag nyid de yi phyir/ /'di
519b4 yis sangs rgyas thams cad dang / /nus ldan kun gyi de nyid ni/ /thams cad rdo rje 'dzin nyid du/ /skye ba 'dir ni 'grub par 'gyur/ /zhes bcom ldan 'das dpal
519b5 rdo rje sems dpa' de bzhin gshegs pas bka' stsal to/ /rdo rje mkha' 'gro bde ba'i mchog /mkha' 'gro thams cad mnyam sbyor te/ /khams gsum po ni ma
519b6 lus pa| |nam mkha' pa yi mtshan nyid du/ /thams cad nam mkha'i mtshan nyid dang / /thams cad sgyu ma lta bu'o/ /mthong ba dang ni reg pa rnams/ /thams cad
519b7 sgyu ma ji bzhin du/ /'gro ba kun tu gnas pa rnams/ /'ga' yang dmigs pa ma yin no/ /rnal 'byor pa yi phyag rgya 'dis/ /'jig rten gsum du rgyu bar byed/ /
520a1 rmongs pa gang gis 'ching 'gyur ba/ /mkhas pas de yi rol bas grol/ /tshogs gnas gang ba'i sems can rnams/ /gzhan dang gzhan
520a2 du gsal skye zhing / /gzugs ni sangs rgyas rnam snang mdzad/ /tshor ba rdo rje nyi ma yin/ /'du shes pad+ma gar dbang phyug /de bzhin 'du byed rdo rje rgyal/ /rnam shes
520a3 rdo rje sems dpa' ste/ /dngos po kun gyi rang bzhin la/ /rdo rje mkha' 'gror rab tu grags/ /de dag 'byung chen gcig pu ste/ /thams cad bde ba stsol ba'o/ /
520a4 rdul dang rdul med du brjod pa/ /sgyu ma chen mo'i rang bzhin nyid/ /sa ni ltung bar byed ma ste/ /chu khams gsod par byed ma'o/ /me yi khams ni 'gugs byed
520a5 ma| |gar dbang phyug ma de bzhin rlung / /nam mkha'i khams kyi rang bzhin ni/ /sgyu ma chen mo'i rang bzhin no/ /'byung ba lnga yi rang bzhin gyis/ /gtso bo rdo rje de
520a6 bzhugs so/ /'byung ba kun dang mnyam sbyor bas/ /mkha' 'gro ma mchog 'bar ma'o/ /mig la gti mug rdo rjer bshad/ /thos byed zhe sdang rdo rjer bshad/ /ser
520a7 sna rdo rje de bzhin sna/ /kha la 'dod chags rdo rjer brjod/ /reg la phrag dog rdo rje ste/ /skye mched thams cad mnyam sbyor ba/ /rdo rje mkha' 'gro bde ba'i mchog/
520b1 mig gis mthong sogs stong bas na/ /'di kun stong pa'i rang bzhin gyis/ /rnam par rtog med mthong ba yis/ /de ni thogs pa med par 'gyur/ /'di dag nam mkha'i
520b2 rang bzhin te/ /thams cad nam mkha'i rang bzhin sems/ /sgom pa thogs med dang ldan na/ /rnam par mi thog rab tu skye/ /zhes bcom ldan 'das dpal rdo rje
520b3 sems dpa' de bzhin gshegs pas de skad ces bka' stsal to/ /de bzhin gshegs pa thams cad kyi thogs pa med pa don yod pa'i bde ba chen po'i dam tshig
520b4 ces bya ba'i ting nge 'dzin gyi rim par bya ba gsungs pa/ /ji srid 'khor ba'i gnas na mkhyen pa mchog dang ldan pa bzhugs par gyur pa de srid du sems can gyi
520b5 don thams cad nus pa mtshungs pa med par mi ldog ste/ 'di nyid kyis na sems can dam pa de srid pa'i zhags pa ni/ rtag tu mi 'jigs pa dang / brtson 'grus kyis
520b6 sems can gyi don mi 'dor bar rtag tu myur bar byed pa dang / smon lam dag pa'i phyir na nam mkha'i gnas gzhi ji tsam du gyur pa dang / /srid pa dag phyir sems
520b7 can gyi don sems kyis 'dod pa'i nus pa can te/ /de dag ni/ /lha'i bu rnams rtag tu chags pa'i dga' ba can rnams dang / gzhan yang 'dod chags can rnams
521a1 kyi don du chags pa rnam par dag pa'i phyir na bskal par yang mi zad pa'i bde ba chen po rnam par dag pa sbyin par bya ba'i phyir te/ gdod ma nas gnas gzhi med pa bskal pa la sogs pa thams cad du bstan pa mngon du gdod ma nas byung ba/
521a2 bskal pa thog ma nas bde ba chen po rdo rje
521a3 sems dpa'ang der lhag pa'i lha gcig pur yod de/ sems can thams cad skyed par byed pa/ 'jig rten gyi khams cad kyi rtse mo ste/ glu dang dbyangs
521a4 sogs rol mo dang / /dngos po kun bdag de yi phyir/ /nga ni kun tu bde bar bzhugs/ /sems dpa' thams cad bskyed pa yin/ /'dod la chags pa rnam
521a5 bral ba| |der byung ba yi sems dpa' rnams/ /gdul bya de rnams mkhyen pa ste/ /yi ge las byung rnam par spangs/ /ye shes 'di de mchod par bya/ /de
521a6 yongs mchod na mchod par bya/ /de yongs mchod dang srid pa zad/ /'o na ye shes las srid byung / /rang bzhin dngos po bem po min/ /de ltar na nga tshor ba ste//
521a7 'gro ba rnam shes tsam du brjod/ /rang rig pas na gang 'di dag /ye shes bdag nyid la las gzhan med/ /tshangs pa'i sgong brjod rang bzhin med/ /nam mkha'
521b1 dang mnyam bdag med de/ /sems can mang yang 'ga' yis kyang / /sems can don gang yod min la/ /bla med sangs rgyas don yang med/ /bdag don dang ni
521b2 gzhan don dang / /de las gzhan pa'i nus pa med/ /stong pa nyid la rtag gnas na/ /de las 'gro ba'i don du 'ong / /de med sems can don kun med/ /dmyal
521b3 bar yang ni 'gro 'gyur te/ /de nas gzhan yang 'jig rten gyi/ /khams rnams kun na bzhugs pa yi/ /sangs rgyas thams cad 'dus nas ni/ /nga la myur du bskul
521b4 bar byas/ /ma hA su kha badzra satwa dza hUM baM ho su ra ta s+t+waM/ nga la 'di yis bskul ma thag /kun la bde ba stsol ba'o/ /'dod pa dag pa don grub pa/ /'gro ba thams
521b5 cad bde ba skyed/ /nga ni 'dod pa mchog gi gzugs/ /sangs rgyas kun gyis byin brlabs pa/ /nga yang chos kyi 'dod pa can/ /sangs rgyas kun gyi bdag po ste//
521b6 sangs rgyas kun gyi 'dod chags che/ /sangs rgyas kun gyi bde chen po/ /sangs rgyas kun gyi sku che ba/ /sangs rgyas kun gyi gsung dbyangs yin/ /sangs rgyas kun
521b7 gyi sems chen po/ /sangs rgyas kun gyi rgyal po che/ /rdo rje 'dzin pa kun gyi bdag /'jig rten dbang phyug kun gyi bdag /rin chen kun bdag dbang phyug ste//
522a1 mkha' 'gro ma ni thams cad dang / /mnyam pa nyid du rab sbyor phyir/ /sangs rgyas kun kyang mnyam sbyor yin/ /sangs rgyas
522a2 kun dang mnyam pa'i phyir/ /rdo rje mkha' 'gror rab tu brjod/ /de nas dkyil 'khor chen po'i sbyor ba dkyil 'khor thams cad bri bar bya ste/ de dbus
522a3 ji lta'i tshul du ni/ /rdo rje sems dpa' rnam dgod de/ /zla ba'i mdog la 'dzum bag can/ /de bzhin 'od zer dmar po 'khrigs/ /sangs rgyas phreng bas
522a4 rnam par mdzes/ /rgyan rnams kun gyis rnam par brgyan/ /zhal bzhi pa la phyag bzhi pa/ /spyan gsum ral ba'i thor tshugs can/ /rig ma bzhi dang mnyam
522a5 par ldan/ /sangs rgyas gzugs kyis nye bar mdzes/ /g.yas zhal zhi ba dkar po yin/ /de bzhin g.yon pa dmar po mchog /nub kyi yang ni ser por
522a6 mtshungs/ /thod pa la bzhugs gar dang ldan/ /lha rnams 'jigs par mdzad pa po/ /rdo rje dang ni kha T+wAM 'dzin/ /dril bu thod pa de bzhin no/ /mkha'
522a7 'gro ma rnams dang mnyam ldan/ /rgya chen por ni bri bar bya/ /mkha' 'gro ma rnams dang mnyam mo/ /rdo rje mkha' 'gro bde ba'i mchog /bcom ldan
522b1 'das rdo rje 'dzin pa rdo rje sems dpa' de bzhin gshegs pas de skad ces bka' stsal to/ /ma dang cha blangs ma nyid dang / /gnyen po de bzhin bzho byas la//
522b2 gnyis gnyis sbyor bas 'dod spyad nas/ /dngos grub thams cad rab tu ster/ /ba lang sha dang rta sha sogs/ /thogs pa med par bza' bar bya/ /'jig rten la rtag
522b3 g.yon la spyad/ /'bad de g.yon pas bsnyen bkur bya/ /brtan dang g.yo la sogs pa yi/ /'gro kun g.yon las byung bas na/ /pho nya mo la chags bral bas//
522b4 grol ba nyid du 'gro ba min/ /rtag tu pho nya mor chags grol/ /'di la the tshom yod ma yin/ /sgrub pos de la 'bad byas na/ /brtul zhugs med na'ang brtul
522b5 zhugs rdzogs/ /dam tshig gzhung lugs la spyod cing / /zas gcig tu ni mdzes par bza'/ /rigs gcig gi ni mtshan nyid phyir/ /rigs lnga la ni mnyam
522b6 par spyod/ /sbrang rtsi mtshal dang ga bur bcas/ /tsan+dan dmar po dang sbyar te/ /rdo rje las byung mnyam ldan pa/ /'di dag bdud rtsi lnga yin te/ /dngos grub kun
522b7 ni rab stsol mdzad/ /sbom po mtha' ltag kha sbyar bas/ /rtag tu rnal 'byor bzhin blangs te/ /zhi ba'i btung ba bzhin myangs na/ /dngos grub rtag par 'thob par
523a1 'gyur| |mchog gi dam tshig 'di rnams ni/ /zhal bzang mo khyod la bshad yin/ /thabs dang bcas pa'i las rnams kun/ /thogs
523a2 chags med par rtag tu spyod/ /rnam par rtog med bsgoms pa yis/ /brtul zhugs rnams kyi mchog gi mchog /rnam par rtog med bsgoms pa yis//
523a3 las rnams thams cad rtag tu bya/ /thogs pa med pas spyod pa ni/ /de bzhin bka' thub rnams kyi mchog /thogs pa med pa'i sems kyis ni/ /skra shad 'jings
523a4 pa 'dra bar ni/ /yid la yul rnams rten byed pa/ /de ni 'da' dka'i dka' thub yin/ /gang zhig las rnams thams cad la/ /shes rab kyis ni nges par spyad//
523a5 stong pa'i man ngag can de ni/ /bdag nyid chen po'i dka' thub 'di'o/ /shes rab gzugs brnyan lta bu la/ /rnam rtog med pa'i sems kyis ni/ /don la
523a6 thogs pa med spyod ma/ /de yi bka' thub bdag nyid yin/ /shes rab thabs las gzhan pa min/ /gang gis sems ni gnas mi bya/ /de 'drar yang dag
523a7 gnas byas na/ /byang chub chen po nye bar ster/ /rnam par mi rtog rjer gnas pa'i/ /rnal 'byor ba la mngon ldan na/ /de rnams kyi ni 'byung ba kun/ /shes
523b1 rab pha rol phyin par nges/ /shes rab me long gzugs brnyan bzhin/ /'dus byas dngos po de 'dra bar/ /shes rab blo yis dran par bya/ /de yi rnam rtog
523b2 med sems ni/ /me long nang gi gzugs brnyan dang / /rmi lam sgyu ma chu bur bzhin/ /mig 'phrul lta bur blta ba ni/ /de ni gtso bo yin par bshad/ /glog dang
523b3 dri za'i grong khyer bzhin/ /'dus byas 'di dag rnam par smin/ /'di ltar dngos rnams rab gsal bar/ /gang de'i rnam grangs rtse mo mchog /des na sems ni gang
523b4 zhig tu| |gnas pa yod par gzhag pa min/ /'di dag lta bur kun du byung ba'i dngos po rnams kyang sgyu ma khyad par can rnams yang dag par rdzogs par longs
523b5 spyod pa bskyed de/ /bde bas yongs su bzhu bas khyad par can 'ga' zhig tu rdzogs par longs spyod pa skye'o/ /bzang po yongs su gyur pas ni/ /'bras bu khyad
523b6 par can 'ga' 'thob bo/ /des ni/ /brtan pa dang g.yo ba'i dngos po rnams grib ma lta bu las gzhan 'ga' ci yang ma mthong ngo / /gang yang khyad par 'di
523b7 dag bsgom pa goms pa'i stobs las bde ba mchog tu zhi ba la sogs pa'i khyad par can gyi dgos pa bskyed na bla na med pa'i 'bras bu mngon du thob par byed
524a1 pa'i rgyu'i dngos por 'gyur ba de'i tshe bcom ldan 'das skyon 'ga' yang ma mchis so/ /de'i phyir 'bad pa thams cad kyis/ /rab
524a2 tu mchod par kun tu gnas/ /dka' thub sdug bsngal drag pos yis/ /rmongs pa bskams shing sdug bsngal te/ /sdug bsngal gyis ni sems g.yengs pa/ /g.yengs
524a3 pa yis ni dngos grub med/ /bde ba kun tu brtan 'gyur ba/ /sems kyi rang bzhin brtan 'gyur gyi/ /sdug bsngal gyis ni sems g.yo zhing / /'gog par yang ni
524a4 lhag par 'gro/ /lus dang ngag dang sems rnams ni/ /bde bar gnas na byang chub 'thob/ /gzhan du dus min 'chi ba dang / /dmyal bar nges par ltung bar 'gyur//
524a5 bcom ldan 'das rdo rje 'dzin rdo rje sems dpa' de bzhin gshegs pas de skad ces bka' stsal to/ /mkha' 'gro ma thams cad dang mnyam par sbyor ba rdo rje
524a6 mkha' 'gro bde ba'i mchog rdo rje mkha' 'gro'i rgyud chen po las/ /mchog gi de kho na nyid snang bar byed pa dang / /yul la shes pa 'jug pa'i le'u ste dang
524a7 pa'o|| //de nas bcom ldan 'das la yang lha mos mchod pa byas nas phyag 'tshal te 'di skad ces gsol to/ /snying po gang gis gdug pa can rab
524b1 tu 'dul ba ste/ /de bzhin gshegs pa thams cad kyi bstan pa la smod pa'i gdug pa can thams cad 'dul ba dang / lha gdug pa can la sogs pa'i sems can
524b2 thams cad gdul zhing zhi ba'i gnas la btul te/ byang chub kyi snying po'i bar du gdug par byed par mi 'gyur bar gnas pa bcom ldan 'das kyis gsung du gsol/
524b3 de nas bcom ldan 'das de bzhin gshegs pa thams cad kyi sku gsung thugs kyi bdag pos 'di glur blangs te bka' stsal to/ /dang por rnam pa snang mdzad
524b4 gzhag /de rjes ces tha ma ste/ /rgyu ba der lhung ba yis mthong / /snying po'i spyi bor gsum pas brgyan/ /la yi mtha' na gnas pa la/ /steng du yi ge sa dang ldan/ /gnyis
524b5 pa yis ni gnyes bya ste/ /snying po de la a yig ldan/ /sa mtha' kun dngos de nyid do/ /rjod byed dang ni rjod byed de/ /rjod byed lnga pas gdan du byas/ /zla phyed thig les
524b6 brgyan pa can/ /dbus gnas pa las zha bor ldan/ /sreg pa'i mtha' yis yongs su brgyan/ /sa yi de ma thag gnas pa/ /rlung gzugs su gnas 'og tu sbyar/ /de
524b7 'og huM huM thung du gnyis/ /yi ge phaT dang bcas rdzogs pa/ /aM dngos yi ger rdzogs par ldan/ /lnga pa'i dbus na gnas de la/ /gzhan pa'i i yis steng du brgyan//
525a1 de nas rjod byed ra la zhon/ /spyi gtsug tu gnas dbang phyug dang / /rjod byed pa yi 'khor 'gyur ba/ /yang dang yang du gzhag par bya/ /
525a2 rjod byed ra la skyon pa dang / /e yig rna ba dag la brgyan/ /de nas rjod byed ra nyid ni /yang ni lnga pa dag la bskyon/ /'di yang thams cad pa nyid de/ /rjod
525a3 byed mgo bor zla phyed brgyan/ /lnga pa dang ldan nyis 'gyur bya/ /kun gyi mgon po de nyid mchog /phaT dang rin chen dag gis brgyan/ /ha ni mjug thogs nyid
525a4 du'o| |rnam par snang mdzad kyi tshogs kun la yongs su mnyes par bya'o/ /bcom ldan 'das rdo rje sems dpa' de bzhin gshegs pas dpa' bo drug dang
525a5 mnyam par sbyor ba'i mkha' 'gro ma dra ba'i sdom pas de skad ces bka' stsal to/ /yang 'dir hUM yig las byung bar/ /sna tshogs pad+ma nyid dkyil 'khor//
525a6 las kyi rdo rje dbus gnas par/ /de nyid hUM ni rnam bsgoms te/ /'od phreng du ma ldan pa yi/ /mkha' 'gro yi ni 'khor lo spro/ /zhal gcig phyag gnyis spyan
525a7 gsum ma/ /kha dog dmar mo 'jigs chen mo/ /'jigs pa'i dngos po'i nga ro can/ /spyan gsum dbu skra kham ser gyen/ /na so gzhon byed phun tshogs ma//
525b1 stag gi pags pa'i smad dkris can/ /'jigs byed chen po ljags 'dril ma/ /'jigs pa yang ni 'jigs mdzad ma/ /mkha' 'gro ma kun dang mnyam sbyor/ /rdo rje
525b2 mkha' 'gror rab grub pa'o/ /bcom ldan 'das rdo rje 'dzin pa rdo rje sems dpa' de bzhin gshegs pas de skad ces bka' stsal to/ /sngon gyi rim pa ji bzhin dang //
525b3 me dang mnyam pa gnyis brjod dang / /ka ra ka ra bdun pa sbyar/ /ban+d+ha de bzhin dgra snying ste/ /'di yang lan gnyis rjod par byed/ /sa sde la ni ma dang bcas/ /'jig rten
525b4 gzugs bral gyi mthar gnas/ /rang bzhin 'di yang gnyis su brjod/ /gzhan dang gzhan dang ldan par bya/ /b+ha dza dag dang nyer gnas pa/ /de ni lan gnyis dag tu
525b5 brjod| |rjod byed la ni gsum pa dang / /khong na gnas pas ldan par bya/ /de nas zla ba gzhon nu phyed/ /yengs su gang bas brgyan par bya/ /de dag yang dang yang du
525b6 brjod/ /nyin mor phyed pa'i rang bzhin dang / /yongs su ldan pa nyid du bya/ /rjod byed dang ni gshegs gsol gnas/ /lnga par ldan pa nyid 'gyur ro/ /phe yig drag cing
525b7 myur ba la/ /zla ba gzhon nu dang ldan pa/ /yang gcig kyang ni brjod par bya/ /drag myur brjod pa phaDa gnyis so/ /rnam rtog kun gyi bud shing ni/ /bsreg pas da ha da ha
526a1 ste| |de skad ces pa 'bod pa'i sngags/ /lnga pa'i nye tsher gnyis par sbyar/ /a nyi dang yang yang dag ldan/ /rjod byed gtso dang yang
526a2 ldan pa| |yang dang yang du brjod par bya/ /b+hak+Sha b+hak+Sha zhes rjes su/ /ba sa ru d+hi ra dang ni/ /an+t+ra mA lA ba la smi ne/ /gr-ih+Na gr-ih+Na dag dang ni/ /sap+ta bA tA la ka ta sbyar/ /b+hu
526a3 dzang+ga dang sar+b+bam+bA/ /tardza ya ni gnyis brjod do/ /ka yig sde las ga nyid la/ /gnyis pa dang ni bzhi pa sbyar/ /rlung gi ngo bor gnas pa'o/ /i mtha' sa mtha' zhes
526a4 brjod la/ /nyi ma bdun gyis gnas par brgyan/ /rjod byed la ni bzhi pas brgyan/ /yang dang yang du brjod par bya/ /ka sha o dang pa sde dang / /de 'og dang po dang
526a5 ldan gzhag /ra dang har sprel gnyis dag la/ /thig le gnyis gnyis rab tu sbyar/ /a dang sde tshan sa bon brjod/ /sde tshan gyi ni bzhi pa dang / /dang po ru ni ldan
526a6 par bya| |gsum pas kyang ni dang po sbyar/ /gsum pa la yang des mnyes bya/ /rjod byed kyang ni rjod byed ni/ /i yi stan du ldan par bya/ /sa sde la e ra yis
526a7 brgyan| |zla dum dang ni thig ler ldan/ /de ni yang yang brjod par bya/ /de nyid e phyogs bzhi par ldan/ /de nas yang dang yang du bzlas/ /rjod byed dang ni bzhi
526b1 ba sbyar| |mtha' ru la gcig i dang sbyar/ /de yang yang dang yang du bzlas/ /rjod byed yi ge ha yang sbyar/ /de steng zla dum thig les bskyon/ /lnga pa yang ni mnyes par
526b2 bya| |de yang yang dang yang du bzlas/ /rnam mang mtha' yas rab bsgrub cing / /dge ba'i me tog mang spud pa/ /'di ni lha mo sgyu chen mo/ /dngos grub kun rab stsol ba'o//
526b3 'dir ni gsungs ma thag tu yang / /'jig rten khams ni thams cad g.yos/ /de bzhin gshegs pa kun kyang skrag /slar yang de bzhin gshegs pa kun/ /mngon
526b4 par byang chub rdzogs sangs rgyas/ /ri bo kun yang g.yo shing 'gas/ /gdug pa kun 'dul dul zhing zhi/ /dkyil 'khor du ni bkug nas bcug /dam tshig gis
526b5 bcings dbang du 'dus/ /ma mo'i tshogs dang 'byung po'i tshogs/ /gza' dang rims nad thams cad dang / /gnod sbyin srin po log 'dren dang / /sdig pa can dang
526b6 dmyal ba kun/ /bkas shing bsgyel te rnam par bshig /bcom ldan 'das rdo rje 'dzin pa rdo rje sems dpa' de bzhin gshegs pa mkha' 'gro ma thams cad
526b7 mnyam par sbyor ba'i rdo rje mkha' 'gro bde ba'i mchog gis de skad ces bka' stsal to/ /gru bzhi pa la sgo bzhi pa/ /sgo skyong rnams dang yang dag ldan/ /de yi
527a1 dbus su rdo rje bri/ kha dog dmar po 'od chen po/ /phyi rol ri mo zlum pos bskor/ /de yi dbus su bcom ldan 'das/ khro bo chen po
527a2 zhal bzhis mdzes/ /cung zad mche gtsigs 'jigs bag can/ /cung zad 'dzum zhing bzhad pa'i zhal/ /g.yas pa dkar po zhi ba ste/ /gzhon pa dmar po 'jigs
527a3 pa che| |nub kyi zhal ni mdangs ser po/ /lha mo bzhi dang mnyam ldan zhing / /phyag bzhi yis ni rnam par mdzes/ /'jigs pa'i bdud bzhi mnan pa po/ /sangs rgyas
527a4 gzugs kyis nye bar mdzes/ /dpa' bo g.yas na kha T+wAM ga/ /thod pa yang ni g.yon na'o/ /g.yas na rdo rje 'bar ba bri/ /thod pa yi ni khyad par ro/ /dpa' bo gzhu dang
527a5 mda' 'dzin cing / /shes rab dga' mas rab tu mdzes/ /'bar ba dmar po'i dkyil 'khor gsal/ /sems dpa' 'bar ba 'khyil bar ldan/ /'jigs pa chen
527a6 po'i dus dang ni/ /dur khrod kyi ni me bzhin 'bar/ /dbu skra 'bar ba chen po gsal/ /dbu rgyan thod pas rnam par phye/ /rol pa thams cad 'tshogs pa na/ /he ru ka
527a7 ni gar la spyod/ /ma mo'i 'khor lo'i gnas mchog tu/ /sa rnams kyi ni dbang phyug nyid/ /kun nas kun tu thams cad pa/ /rang nyid rtag tu thams cad kun/ /mkha'
527b1 'gro kun kyang mnyam sbyor ba'o/ /rdo rje mkha' 'gro bde ba'i mchog /bzlas dang bsgom pa'i rab sbyor gyis/ /'grub pa 'di la the tshom med/ /thun mtshams nas ni rab
527b2 sbyor bas/ /mchog gi sdom pa bsgom par bya/ /'bum rdzogs nas ni rdo rje che/ khro bo'i rgyal po dang mnyam 'gyur/ /rdo rje 'dzin pa chen po yi/ /tshe dang mdog dang
527b3 na so dang / /gzugs dang stobs dang brtson 'grus dang / /rdzu 'phrul grub pa chen por ldan/ /sems can don byed nus par 'gyur/ /yang na gsang sngags ting 'dzin
527b4 gyis| |cung zad tsam zhig bzlas pa bya/ /las ni brgya tsam byed par 'gyur/ /'di lta ste/ brtan pa dang g.yo ba thams cad nges par mnon pa dang / ltung bar byed pa dang /
527b5 'jig par byed pa dang / rgyas 'debs pa dang / lkugs par byed pa dang / rengs par byed pa dang / dbugs 'byin par byed pa dang / rmongs par byed pa dang / 'ching ba dang /
527b6 'gyes pa dang / dbang du byed pa dang / rnam par sgyur bar byed pa dang / smyo bar byed pa dang / rnam par 'gyur zhing skrod par byed pa dang / sdang ba dang / nor rdzas 'joms
527b7 shing 'jigs par byed pa dang / dud mo byed du 'jug pa dang / sdigs par byed pa dang / bdag nyid bcings nas 'tshor ba dang / brdung ba dang / long bar byed pa
528a1 dang / sa bon 'joms par byed pa dang / rims dang / khong nad dang / dug gis 'dzin pa dang / rang gis brkos nas 'jug pa dang
528a2 dmyal bar ltung bar byed pa dang / dud 'gro'i gnas yongs su sgyur bar byed pa dang / skyes pa bud med du byed pa dang / bu chung lto nas lhung bar byed pa dang / b+ha
528a3 ga 'ching ba dang / ma ning du byed pa dang / 'dod pa la chags la snyoms par byed pa dang / rgod cing 'ching ba dang / gzhan gyis rang gsod du 'jug pa dang /
528a4 mtshon rdug par byed pa dang / dgos rgu byed pa dang / yud kyis skrod pa dang / gcer bur byed pa dang / b+ha ga dang bshang lam sgrog par byed pa dang / b+ha ga dang
528a5 bshang lam rang lug tu byed pa dang / khu ba khrag tu byed pa dang / nad rnams myur du sel bar byed pa dang / khrag las gyur pa'i mdze nad la sogs pa sud
528a6 par byed pa dang / mya ngan dang sdug bsngal gyis bcings shing gzir bar byed pa dang / dum bu dum bur byed pa dang / lus can thams cad phye mar byed cing
528a7 gsad pa dang / thams cad rjes su chags pas dgug pa dang / gzhug pa dang / g.yo ba dang / 'dar ba dang / dgod pa dang / sems can thams cad la
528b1 rgyun du ca blar smra ba dang / sngon gyi gnas so sor thob pa ltar ston pa dang / dbang du byed pa'i las thams cad la rab tu sbyor ba dang / bran du byed pa dang / lha dang /
528b2 klu dang / gnod sbyin dang / srin po dang / log 'dren dang / 'byung po dang / ma mo dang / mkha' 'gro ma thams cad 'dul bar byed pa dang / nor sbyin pa dang / sa dang /
528b3 chu dang / me dang / rlung dang / nam mkha' thams cad la bka' bsgo bar byed pa dang / tshangs pa dang / khyab 'jug dang / dbang phyug chen po dag las rnam par rgyal
528b4 bar 'gyur ba dang / chags pa thams cad 'jig par byed pa dang / rims dang / yams dang / dug dang / mkha' 'gro ma thams cad las grol bar byed pa dang /
528b5 de bzhin gshegs pa thams cad chags pa dang bral ba 'bigs par byed pa dang / byang chub sems dpa' thams cad 'khor ba la skyo ba 'jig par byed pa ste/
528b6 de lta bur 'di dag ni/ lha mo thams cad grub par byed par brjod pa ste/ sngags kyi rgyal po 'di dag nyid ni/ ma byung 'byung bar mi 'gyur ro/ /bcom ldan 'das
528b7 rdo rje 'dzin pa ste/ rdo rje sems dpa' de bzhin gshegs pas mkha' 'gro ma'i sgyu ma thams cad dang mnyam par sbyor ba'i rab tu 'grub pa de skad ces bka' stsal
529a1 to| |'di dag ni/ rdo rje mkha' 'gro'i rgyud chen po las/ /las kyi tshogs thams cad kyi cho ga dang / sgyu 'phrul chen mo'i rnam par
529a2 'phrul pa'i sngags kyi cho ga'i le'u ste gnyis pa'o// //de nas gsang ba brjod par bya/ /mdor bsdus phyir na rgyas par min/ /thams
529a3 cad sgyu mar mnyam sbyor na/ /las rnams thams cad mnyam par byed/ /dngos grub chen po sgyu ma kun/ /dbang phyug thams cad rab grub pa'o/ /rig pa rnam
529a4 par 'phro byed pa/ /'byung po'i gdon rnams 'gugs par byed/ /hi ma ban+ta s+ye ut+ta re Na b+ha pa ts+tshi bo na ma/ ma hA ma so/ so ba i a d+ha ma si haM bi hi ma se hi ma se hi
529a5 ba ti bu dz+dza i/ i so/ ni do/ ma hi/ nI to/ kum+b+ha kaN+Da/ sin+na do/ sA ga ras sat+ya pa Da pe sin+na sin+na daM/ ban+d+ha mi/ ku ru ra sas+sa bi Da las/ tuN+Da ban+d+hA me/ dzA ba su ra u da
529a6 ni/ ja ba ra bi ba b+ha a d+hi a ha to baN+Na a nu ba de na sA d+hu na/ ma ma ri a sar+b+ba si d+ha na swAhA/ bcom ldan 'das rdo rje 'dzin pa rdo rje sems dpa' de bzhin gshegs pas
529a7 de skad ces bka' stsal to/ /'dis lan bdun du mngon par brjod pas bsngags pa byas te khyim gyi thog tu bzhag na/ rjod par byed par 'gyur ro/ /bas ha to
529b1 la i mi dz+nya a/ ba sa ba dza na mo hi a/ e sa bidz+dza tsa ha i na man+ta i in+d+ha na/ ha a bA i dza be na diN+Na Ni/ d+ha tam+b+ha hi mahA swa ba a na no bA d+ho si/ rAM dza ku la khaN+Da/ Da Ni
529b2 Da| dze bA i ba d+ha/ ta d+hi Na ta Na/ na ma sid+ha na/ na ma bu pa ja dza pA da na/ ma sa wa rA Ne/ tad+ya da re ma hA da N+De da ha he du na he he swAhA/ 'dis bye ma la lan bdun du bsngags
529b3 pa byas te 'bru rnams la btab na/ ce sbyang la sogs pa'i srog chags rnams kyis mi za zhing sprin rnam par zlog par byed/ rat+na ra ti/ oM a la la bar tsu li la tsor bag+g+ha
529b4 ka na da sa bA mu ha ban+d+hA mi swAhA/ shing bu sor bzhi pa la lan bdun du bzlas te rna ba g.yas pa la btags na/ chom rkun rnams rengs par byed do/ /i da si/ a ti Ni dza ha
529b5 a ka li lo hi di/ bing+ga le/ ma me ga b+ha na i/ ha aM si la u sa ri mi a ba ra b+ha Na i/ a haM bA da u sA ra mi a ba ra b+ha Na mi a ham du ha mi b+hi to badz+dza ba/ mi lo li ka li/
529b6 lo hi di pang+ga li hUM phaT/ glang gi rwas brus pa'i sa dbus ma blangs la sngags 'dis lan bdun du mngon par btab na/ nags khrod dang / 'jigs pa'i lam dang / rgyal
529b7 pos bkrabs pa la sogs pa thams cad kyis gnod pa byed par mi 'gyur te/ ba lang gi gdong pa can du byas nas cho ga 'di lta ste/ sa de lag par bzhag la ser
530a1 ba 'bab pa la sogs pa la btab na/ ldog par 'gyur te/ 'di'i cho ga 'di'o/ /oM dzaM bi li a ba a bi dz+dzi su ti tha da si/ i su b+ha de su
530a2 b+ha de o/ so Na o sa tsa la hi suN+Na pa da ne/ i si la ba da ba ra Sha badz+dza hi swAhA/ snod bzang por chu blugs te rjes su mthun pa'i gnas su 'dug ste lan bdun du bsngags
530a3 nas chu de nam mkha' la gtor na/ ser ba dang rlung 'bab pa la sogs pa rengs par byed do/ /na a mo d+he/ b+ha ga pa ti/ ki b+hi ku re Na sha tra ya/ tha ma ke ha tha ka ra la pA ke /
530a4 ni ta saM ru bi ti b+ha tu ya/ ru dza ri Ta ra ma Ta ku ke to li Ta lu ya/ /lu TaM hiSh+Tha le ka si ra le lo ti gra le b+hi Shi Sha le na si mu la kha a ya the sar+b+ba ha de sran b+hu dza ku b+ha na su ther Sha ya
530a5 na ba ya ra ti Shu d+ha ya na sho pa d+ya ti ta ka su sa la ka kha se sid+d+ha pa hA la sa hi pa Na swAhA/ chu la lan bdun bsngags nas kha gdong bkrus na/ thams cad 'grub par byed
530a6 do| |rim pa bzhin du he ru ka dang 'dab ma rnams la mkha' 'gro ma rnams bkod de/ dbugs mi 'byung bar sbyar ba las/ /'grub pa 'di la the tshom med/ /yang ni rnal
530a7 'byor pa rnams 'dir/ /pad+ma la ni rab bsams te/ /yid ni rlabs med par byas te/ /sngags ni pho nya mor sbyar na/ /de yis rtag tu 'grub 'gyur ba/ /'di la sngags pa
530b1 the tshom med/ /dpal rdo rje mkha' 'gro ma'i rgyud chen po las le'u gsum pa'o// //de nas gzhan yang bshad bya ba/ /rab tu rtogs bya'i dpa' bo drug /
530b2 dpa' mo drug dang mnyam sbyor phyir/ /gnas rnams re re yi ge ste/ /dang po snying ga nyid du'o/ /mgo bo la ni gnyis par brjod/ /spyi gtsug la ni gsum pa sbyin/ /dpung ba
530b3 go cha bzhi ba nyid/ /mig dag la ni lnga pa yin/ /drug pa thams cad la ni brjod/ /dpal rdo rje mkha' 'gro'i rgyud chen po las le'u bzhi pa'o// //de
530b4 nas gzhan yang bshad bya ba/ /mkha' 'gro ma rnams nyer 'dus mchog /gang du mnyes par 'gyur ba yi/ /mkha' 'gro ma kun rab sdom pa'o/ /yi dwags gnas
530b5 bzhir rab sbyar ram/ /yang na rgya mtsho'i 'gram du'am/ /lam gyi bzhi mdor rab bsgrub cing / /mchog rnams thams cad bsgrub par bya/ /ri bo phug dang nags tshal dang //
530b6 de bzhin shing gcig tu brjod par/ /mtshan mo 'jigs pa'i gzugs kyis rab bsgrubs nas/ /rnal 'byor bla na med pa skye bar 'gyur/ /der ni rtag tu mkha' 'gro
530b7 ma rnams dang / /lhan cig 'dug par sgrub po the tshom med/ /dpal rdo rje mkha' 'gro'i rgyud chen po las le'u lnga pa'o// //sngar spyod cho ga'i rim
531a1 pa rnams/ /rab tu bshad kyi lha mo nyon/ /dka' thub rnal 'byor pas mi bya/ /gzhan pa kun dang gnas mi bya/ /lus la mchog
531a2 tu'ang mchod mi bya/ /brnyas pa nyid du'ang mi bya ste/ /sna tshogs rang bzhin med mnyam lta/ /gseg ma sol bas bsgos bya zhing / /thal bas 'bad
531a3 de brgyan par bya/ /bza' dang bza' min la sogs la/ /sngags pas kun tu rtog mi bya/ /me tog rnyed rnyed thams cad kyis/ /rtag tu phreng ba nyid du
531a4 bya| |dpal rdo rje mkha' 'gro'i rgyud chen po las le'u drug pa'o// //de nas go cha rnams kyi ni/ /las kyi tshogs rnams bshad bya ba/ /
531a5 'jig rten gsum na bcud yod gang / /smyo byed 'bras skyes la bsres na/ /de la skad cig gis kun grub/ /go cha bzlas bzhin 'gro byed na/ /lha rnams
531a6 kyis kyang mi mthong zhing / /chom rkun stag sogs kyis mi 'jigs/ /go cha bzlos bzhin du rgyal po'i grong du byin gyis brlabs te zhugs na/ mi mthong
531a7 par yang 'dod pa de blangs nas slar yod pa dang / go cha bzlos bzhin bzlas pas gang la reg na de mdung bzhin du rengs par 'gyur ro/ /sum cu rtsa gsum
531b1 pas kyang mi g.yo'o/ /sngags bzlas pa'i rkang pas bsnun na ni/ slar grol bar 'gyur ro/ /dpal rdo rje mkha' 'gro'i rgyud chen po las le'u bdun pa'o// //de nas rtsa ba'i sngags kyi las bshad de/ sha lnga las gzugs brnyan gyi rab tu sbyor ba las las thams cad byed pa yin te/ lha dang / lha ma yin dang / klu
531b2 dang / gnod sbyin thams cad dang / dri za thams cad dang / lha'i skye gnas thams cad dran pa nyid kyis mchi'o/ /sprin rnams skrag par byed pa dang / char
531b3 'bebs par byed pa dang / zlog par byed pa dang / rgya mtsho skem par byed pa dang / chu bo rgyun phyogs las zlog par byed pa dang / dbang po zlog par byed pa dang /
531b4 dbang po zlog par byed pas dur khrod kyi sol ba la ji tsam 'dod pa bzlas nas gang la bsnun na/ de de'i skad cig ma nyid la ltung ngo / /dur khrod kyi sol ba
531b5 la yongs su bzlas te gang la bsnun na/ de de'i skad cig nyid la sha zas 'dzin no/ /dpal rdo rje mkha' 'gro'i rgyud chen po las le'u brgyad pa'o// //de nas gzhan yang bshad bya ba/ /mkha' 'gro ma yi spyod pa ste/ /dpa' bo'i dpa' dang cha blangs ma/ /gang gis pho nyar shes byas te/ /dpa' bos mdzes ma
532a1 spyad par bya/ /sa ni rten du byas nas ni/ /dam pa'i spyod pa'i bzlas brjod bya/ /rim las ldog pa'i ldang tshul dang / /kha yi rang bzhin
532a2 'jigs bag can/ /rtag tu smyon ma bsus pa'i gdong / /chos kyi rim pa myur shes pa/ /mkha' 'gro ma yi rnam spyod yin/ /ri mo gsum po yongs zlum por/ /
532a3 rim dang rim ldog ji bzhin shes/ /'gro dang 'ong bas mkha' 'gro ma'i/ /mtshan ma kun gyi mtshan nyid do/ /dgrol las bzhin gyi gnyer ma can/ /ci zhig
532a4 gis ni slar ldog byed/ /de las rdo rje'i dgug pa gsal/ /de dbyangs ko ka la yi skad/ /rnal 'byor dam pa de lta'i dngos/ /shes par byas na dngos grub
532a5 ster| |de la mtshan nyid bsam byas na/ /de yis de yi dngos por 'gyur/ /dpal rdo rje mkha' 'gro'i rgyud chen po las le'u dgu pa'o// //dngos
532a6 grub kun ni rab ster ba/ /nga yis bshad kyi lha mo nyon/ /lus ngag sems la rtag tu ni/ /yid kyi rdul dang bral bar bya/ /mkha' 'gro kun dang mnyam sbyor ba'i/ /
532a7 lus kyi dkyil 'khor rnam bsam par/ /gang du'ang pho nya mo gnas min/ /yongs su bsgoms pas 'ong min gyi/ /dad pa tsam gyis gzung bya ste/ /mig dang lag
532b1 pas ma yin no/ /gsang ba 'di gsal mi bya zhing / /rab tu 'bad de sba bar bya/ /rnal 'byor ma rnams kun bsdus blta/ /de phyir lus nyid du mi blta/ /dpal rdo rje mkha' 'gro
532b2 'gro'i rgyud chen po las le'u bcu pa'o// //de nas gzhan yang bshad bya ba/ /dam tshig spyod pa'i spyod yul te/ /dam tshig rab bsrungs rab 'grub ste/ /
532b3 dam tshig las ni sngags par gnas/ /rtag tu 'bras skyes stobs brten cing / /rnal 'byor ma rnams smad mi bya/ /rjes su 'jug rnams mi bzlog go /dam can mi rnams
532b4 la mi smad/ /brtson ldan rnams la gnod mi bya/ /'di rnams dang ldan ci bder bya/ /grol bar 'dod pa de don du/ /dam tshig rnams ni spyad par bya/ /sangs rgyas rnams
532b5 kyis gsungs pa la/ /cung zad tsam yang smad mi bya/ /khros te rab sbyor 'ga' mi bya/ /sngags la sbyar bar mi bya'o/ /dpal rdo rje mkha' 'gro'i rgyud chen po las le'u
532b6 bcu gcig pa'o// //rdo rje mkha' 'gro sgrub pa'i thabs/ /nga yis bshad kyi lha mo nyon/ /dang por bsgom bya ro nyid do/ /chos dbyings dag tu rig par bya//
532b7 de yi steng nus rnal 'byor pa/ /go 'phang mchog ni bsgoms byas te/ /de nyid du ni rnam par dgod/ /rang gi snying ga'i zla dbus su/ /'od las lha mo kun phyung ba/ /
533a1 phyag 'tshal mchod sogs 'di ltar gsungs/ /dang por snying gar zla dbus su/ /yi ge a yis zla dkyil 'khor/ /rnam par bsams
533a2 la de steng du/ /yi ge hUM ni rnam par bsgom/ /de nas byams pa'i sems byas te/ /de nas re zhig dkyil 'khor bri/ /gru bzhi pa la sgo bzhi pa/ /kha khyer rdo rjes
533a3 nges par mtshan/ /skud pa bzhi dang yang dag ldan/ /'phan gyi phreng ba shin tu mdzes/ /dkyil 'khor kun gyi grwa rnams dang / /sgo khyud kyi ni mtshams
533a4 rnams su/ /rdo rje rin po ches mtshan par/ /dkyil 'khor phyi rim thig gdab bo/ /shes rab can gyis thig gdab bo/ /'khor lo'i phreng bas rnam
533a5 par mdzes/ /de nang du yang pad+ma ni/ /mdog dkar rab tu mdzes pa bri/ /gzhan yang de yi steng du ni/ /mdog dmar pad+ma 'od dang ldan/ /pad+ma'i phreng
533a6 bas bskor bas so/ /sngags pa de yi nang du yang / /rdo rje phreng ba 'khrigs par bri/ /yang na pad chen 'dab brgyad pa/ /in+d+ra nI la'i 'od mnyam pa'o/ /de dbus
533a7 dkyil 'khor lngas brgyan par/ /g.yas na rdo rje gtso bor bzhugs/ /ri rab re yi steng du ni/ /sna tshogs gzugs can yid 'ong ba/ /sangs rgyas byang chub
533b1 sems dpa' rnams/ /thams cad bdag la dgongs su gsol/ /bdag ming che ge mo zhes pa/ /dus 'di nas ni bzung nas ni/ /ji srid byang chub ma thob par/ /
533b2 ji ltar dus gsum mgon po rnams/ /byang chub tu ni nges mdzad pa'i/ /bla na med pa'i byang chub sems/ /dam pa bdag gis bskyed par bgyi/ /tshul khrims
533b3 kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan por so sor gzung / /sangs rgyas
533b4 rnal 'byor sdom pa la/ /sangs rgyas chos dang dge 'dun la/ /bla na med pa'i dkon mchog gsum/ /deng nas brtsams te gzung bar bgyi/ /rdo rje rigs
533b5 mchog chen po la/ /rdo rje dril bu phyag rgya dag /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog rnal 'byor
533b6 la| |dam tshig yid du 'ong ba ni/ /nyin re zhing ni yang dang yang / /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs
533b7 chen dag pa la/ /phyi dang gsang ba theg pa gsum/ /dam pa'i chos rnams so sor gzung / /las kyi rigs mchog chen po la/ /sdom pa thams
534a1 cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla na med/ /
534a2 dam pa bdag gis bskyed par bgyi/ /sems can kun gyi don gyi phyir/ /sdom pa thams cad gzung bgyi zhing / /ma bsgral ba rnams bdag gis
534a3 bsgral| |ma grol ba rnams bdag gis dgrol/ /dbugs ma phyin pa bdag gis dbyung / /sems can mya ngan 'das la dgong / /oM swa b+hA wa/
534a4 shud+d+hAHsar+b+ba d+harmAHswa b+hA ba shud+d+hou0f85haM/ de nas thams cad bdag med pa gnas gzhi dang ngan par bral bar bltas te/ de nyid bcom ldan
534a5 rdo rje can/ /rdo rje sems dpa' de bzhin gshegs/ kha dog sngon po drag po che/ /thod pa'i phreng bas rnam par brgyan/ /phyag bzhi pa la zhal
534a6 bzhi pa| |spyan gsum gyis ni rnam par mdzes/ /yi dwags chen po gdan du mdzad/ /nyi ma la bzhugs gar bcas mdzad/ /thod pa dang
534a7 ni kha T+wAM ga /gzhu dang de bzhin gzhan mda' 'o/ /de lta'i cho ga'i rim pa 'di/ /ye shes kyi ni rnam par bsgom/ /shar du dkar po sdo mdangs
534b1 can| |g.yon na kha T+wAM ga dril bu/ /rdo rje thod pa de bzhin gzhan/ /byang na dmar po'am cung zad ser/ /g.yon na kha T+wAM ga zhags pa/ /phyag
534b2 g.yas cang te'u thod pa nyid/ /nub na dmar ba'am cung zad ser/ /'bad bas mda' dang gzhu 'dzin cing / /thod pa sna tshogs pad+ma dag /g.yas
534b3 dang g.yon gyi phyag na'o/ /lho na dkar ba'am ser ba'am/ /g.yon phyag rtse gsum rin po che/ /g.yas na de bzhin thod pa'o/ /glang
534b4 po dang ni ce spyang dang / /mi dang ba lang nyid dag ni/ /thod pa rnams na cho ga bzhin/ /dang por ltung bar byed ma nyid/ /gnyis pa gsod par byed
534b5 ma ste/ /gsum pa 'gugs par byed ma'o/ /bzhi pa gar gyi dbang phyug ma'o/ /rig ma de dag dbu skra ni/ /gyen du 'bar zhing rgyan rnams
534b6 kyis| |brgyan nas gar mdzad bzhugs ba'o/ /mtshams bzhir gnas pa'i thod par ni/ /sangs rgyas gzugs lngas nye bar brgyan/ /btung
534b7 ba mchog dang yang dag ldan/ /dang por yi ger yang dag ldan/ /skad cig las ni 'bar bar bsam/ /lha mo de ltar bsgoms byas nas/ /'bras bu nor
535a1 gyi dngos grub 'thob/ /rig pa chen po sbyor 'grub pa/ /yang dag mngon sum rab tu bsgom/ /mi snang bar gnas thams cad bdag /rnal 'byor
535a2 pas ni yud kyis mthong / /lha mchog las skyes bu mo rnams/ /sangs rgyas kun la 'phrog nas spyod/ /rdo rje gsum gyi gnas bzhugs pa'i/ /sangs rgyas gang+ga'i
535a3 bye mnyam rnams/ /rang lag skyu ru ra bzhag bzhin/ /rdo rje mig gis mthong bar 'gyur/ /gang+gA'i bya mnyam sangs rgyas zhing / /sku gsung thugs rnams kyis mtshan
535a4 pa'i| |sems dngos gar mkhan dngos po ni/ /thams cad bdag nyid du mthong 'gyur/ /rgyud dang sngags rnams rnam bsgoms pa/ /yi ge phyin ci log tu sbyar/ /
535a5 mchog tu gsang ba 'di dag ni/ /khyod la legs par bshad pa yin/ /mkha' 'gro ma kun mnyam sbyor ba'i/ /rdo rje mkha' 'gro bde ba'i mchog /rdo rje sems
535a6 dpa' de bzhin gshegs/ /bcom ldan rdo rjes de skad gsungs/ /'di dag ni/ rdo rje mkha' 'gro'i rgyud chen po las rdo rje mkha' 'gro chen po bzhengs pa'i
535a7 le'u ste bcu gnyis pa'o// //de nas dngos grub kun ster ba/ /gang gis dngos grub myur byed cing / /the tshom med par skyed pa yi/ /mkha' 'gro
535b1 ma yi snying po bshad/ /mtshan ma gnyis la sngags mnyam sbyar/ /dpa' bo mkha' 'gro ma gnyis med/ /rab tu sbyor ba'i don 'di dag /rnal 'byor ma la rab tu bsgrub
535b2 de las 'grub par rab tu grags/ /lha dang lha min mir bcas rnams/ /bsgrub bya rnams ni myur bar 'dis/ /ji bzhin rtag tu nye ba dang / /ring yang de bzhin myur
535b3 bskyed de/ /'di dag nye bar 'gyur ba ni/ /de yi gzugs sku 'gugs par byed/ /pad+ma'i lte bar rab gnas la/ /dbugs kyi brda yis bsgom par bya/ /der ni sna tshogs
535b4 sku bsams te/ /sna tshogs sku la mchod bya zhing / /byang chub sems ni rtogs byas nas/ /bdag nyid rab tu sbyar bar bya/ /mkha' 'gro ma dang mnyam sbyor ba/ /de la
535b5 mkha' bzhin gnas par bya/ /'byung gnas thams cad de lta nyid/ /der ni mkha' 'gro ma kun no/ /gnas sogs 'byung gnas mkha' 'gro ma/ /yul rnams kun
535b6 la gnas pa yin/ /yul yul du ni skyes ldan ma/ /rang skye'i gnas su yang dag bshad/ /dkyil 'khor la zhugs mkha' 'gro ma/ /de nas mtshan mo shar nas
535b7 bza'/ /de yis mnyam par rab sbyar nas/ /sngags pas rtag tu rab bsgrub bya/ /der ni rol pa chen spyod cing / /thams cad sgyu ma lta bur bsgrub/ /dam tshig rang
536a1 bzhin du byas nas/ /de la sdom par rab skye ba/ /snang med dga' bar rang rig pa'o/ /de dag ni/ dpal rdo rje mkha' 'gro'i rgyud
536a2 chen po las le'u bcu gsum pa'o// //de nas yang dag bshad bya ba/ /ma mo'i dkyil 'khor dge ba dang / /lha rnams kun gyi sgrub thabs kun/ /pho
536a3 nya rnams kyi khyad par dang / /'byung po gdon dang rig pa che/ /lus srul po ni gang zhig dang / /de bzhin sngags kyi phreng ba dang / /de ltar bshad kyi lha mo
536a4 nyon| |gru bzhi pa la sgo bzhi pa/ /sgo skyong rnams dang yang dag ldan/ /dngos grub yon tan kun gyi gzhi/ /dkyil 'khor mdzes par bri bar bya/ /'dod pa'i
536a5 yon tan lnga dang ldan/ /nye bar spyod pa lnga yis brgyan/ /ri mo mkhan ni dam tshig can/ /sgrub po mchog gis 'bri ru gzhug /ro la dkris pa'i ras dag
536a6 gam| |yang na mtshon gyis btab pa'i zas/ /'byung po dag gi ras dag ni/ /ba lang ko ba tsam zhig la/ /nag po'i brgyad dam bcu bzhi la/ /'byung po rnams
536a7 kyi dkyil 'khor bsgrub/ /de nas 'bum gcig bzlas byin na/ /mdun du mngon sum nyid du 'gyur/ /tshangs pa mo dang shis byed ma/ /gzhon nu ma dang phag
536b1 mo dang / /dbang po ma dang rgan byed ma/ /tshogs kyi dbang phyug ma dang ni/ /byin za yi ni bdag can ma'o/ /rim pa gnyis pa dag la ni/ /tshangs dang gshin rje chu lha
536b2 dang / /nor sbyin dang ni yi dwags dang / /byin za dang ni dbang ldan dang / /bden bral de bzhin rlung lha'o/ /rim pa gsum pa dag la ni/ /nyi ma dang ni zla ba dang / /mig
536b3 dmar dang ni gza' lag dang / /phur bu dang ni pa ba sangs/ /spen pa sgra gcan 'dzin dag go /khyim pa bzhi la sgo bzhir ni/ /tshangs dang khyab 'jug de bzhin du/ /
536b4 drag po dang ni karti ka /sa dang chu dang me dang rlung / /'byung ba chen po bzhi rnams so/ /rim pa dang po'i dbus nyid kyi/ /phyogs bzhi dang por mkha' 'gro ma/ /mar me ma
536b5 dang mdzes pa mo/ /'jigs byed ma dang de bzhin du/ /dbus su khyab bdag nyid gnas so/ /yang dag mtha' las mthar 'gyur ba'i/ /rang bzhin gyis ni cho ga bzhin/ /
536b6 rnal 'byor pas ni bsgrub par bya/ /dkyil 'khor chen po'i sbyor ba yis/ /phyi yi dkyil 'khor de bzhin bri/ /dbus su yongs su zlum po ru/ /ri mo shin tu mdzes pas
536b7 bskor| |lte ba sbas pa'i spyod yul can/ /pad+ma 'dab brgyad bri bar bya/ /de dbus khro bo chen po ni/ /zhal gcig pa la phyag bzhi pa/ /mche ba cung zad gtsigs pa
537a1 can| |cung zad bzhad pa'i zhal dang ldan/ /kha dog sngon po gtsigs pa che/ /thod pa'i phreng bas rnam par brgyan/ /ro gcig gar ldan nyi
537a2 mar bzhugs/ /lha rnams 'jigs par mdzad pa po/ /stag gi pags pa'i smad dkris can/ /spyan gsum gzigs mchog dang ldan pa/ /rdo rje 'bar ba phyag
537a3 g.yas na/ /'phan lce gsum pa g.yon na 'o/ /mda' gzhu de bzhin g.yas g.yon phyag /mkha' 'gro ma ni shar du bri/ /lho ru 'jigs byed ma nyid de/ /nub
537a4 tu lha mo mdzes ma'o/ /byang du mar me ma dgod de/ /yi ge hUM las byung ba yi/ /phag mo zhal gcig phyag bzhi ma/ /mda' gzhu dang ni de bzhin du/ /rgyal
537a5 mtshan dang ni thod pa nyid/ /kha dog sngon mo 'jigs chen mo/ /phag gi gdong bas 'jigs par mdzad/ /yi ge phaT las shis byed ma/ /kha dog dmar mo
537a6 phyag bzhi ma/ /thod pa dang ni lcags kyu nyid/ /de bzhin kha T+wAM gcang te'u/ /yi ge ha las gzhon nu ma/ /kha dog ser mo phyag bzhi ma/ /rtse gsum dang ni
537a7 'phan lce gsum/ /de bzhin gzhu dang mda' nyid do/ /ho yig las ni rgan byad ma/ /kha dog nag mo phyag bzhi ma/ /kha T+wAM ga dang thod pa nyid/ /de bzhin
537b1 ral gri cang te'u/ /baM yig las byung tshangs pa mo/ /kha dog dkar mo phyag bzhi ma/ /pad+ma dang ni thod pa nyid/ /de bzhin gzhan na gzhu dang mda'/ /g+ha yig las
537b2 byung tshogs dbang mo/ /sngo bsangs mdog la phyag bzhi ma/ /rtse gsum de bzhin thod pa dang / /bgrang phreng dang ni la du'o/ /baM yig las ni khyab 'jug ma/ /kha dog
537b3 sngon mo phyag bzhi ma/ /dbyug to dang ni thod pa 'dzin/ /de bzhin zhags pa ral gri bzhin/ /yi ge las byung dbang po ma/ /kha dog ser mo phyag bzhi ma/ /rdo rje
537b4 gsal shing thod pa dang / /sdigs mdzub dang ni zhags pa'o/ /kun kyang dbu skra gyen du 'bar/ /sna tshogs rgyan gyis rnam par brgyan/ /spyan gsum dang ni ro la
537b5 zhon/ /stag gi pags pa'i smad dkris can/ /shar gyi sgo ni tshangs ba bri/ /kha dog dkar po zhal bzhi pa/ /thod pa dang ni bgrang phreng dang / /gan+d+ha dang ni
537b6 pad+ma'o/ /byang du de bzhin khyab 'jug ste/ /kha dog nag po lag bzhi pa/ /ral gri de bzhin 'khor lo dang / /thod pa dang ni dbyug pa'o/ /lho ru drag mo
537b7 bri bya ste/ /du ba'i mdog la lag bzhi pa/ /rtse gsum nyid dang ka pA la/ /de bzhin zhags pa bgrang phreng 'dzin/ /nub tu karti ka bri ste/ /kha dog
538a1 ser po lag bzhi pa/ /dpa' bo gsal shing dbyug pa dang / /de bzhin thod pa bgrang phreng 'dzin/ /dbang ldan khyu mchog la zhon
538a2 pa| |kha dog dkar po lag bzhi pa/ /thod pa dang ni rtse gsum 'dzin/ /de bzhin gzhan ni thal mo sbyar/ /glang po zhon pa dbang po ste/ /kha dog ser po lag
538a3 bzhi pa/ /rdo rje dang ni thod pa 'dzin/ /gzhan ni thal mo kha sbyar byed/ /ra skyes zhon pa me phyogs 'dzin/ /kha dog dmar po lag bzhi pa/ /me thab dang ni
538a4 thod par ldan/ /skrag nas gzhan ni thal mo sbyar/ /gshin rje ma he la zhon pa/ /kha dog nag po lag bzhi pa/ /dbyug pa dang ni thod pa 'dzin/ /de
538a5 bzhin skrag nas thal mo byed/ /bden bral dang ni khyi la zhon/ /kha dog ljang gu lag bzhi pa/ /ral gri nyid dang thod pa 'dzin/ /skrag nas gzhan dag
538a6 thal mo sbyor/ /chu yi phyogs ni chu srin zhon/ /kha dog dkar po lag bzhi pa/ /zhags pa dang ni thod par ldan/ /gzhan dag thal mo kha sbyor byed/ /
538a7 rlung ni ri dwags zhon pa ste/ /du ba'i mdog can lag bzhi pa/ /ba dan dang ni thod par ldan/ /de bzhin gzhan ni thal mo sbyor/ /nor sbyin na ni gter la
538b1 zhon| |kha dog ser po lag bzhi pa/ /rin po che dang thod par ldan/ /gzhan dag thal mo sbyar ba'o/ /gza' dang rgyu skar thams cad ni/ /so so'i dkyil
538b2 'khor la bsam bya/ /rang gi dam tshig las byung ba/ /stobs po che la rdzu 'phrul ldan/ /ma mo kun gyi yang ma mo/ /de bzhin rig par gyur pa'i mchog /
538b3 nyon cig lha mo che chen mo/ /gtor ma re res gzung bar bya/ /dngos grub thams cad rab ster ba'i/ /rtag tu rnal 'byor gar spyod na/ /de la 'bad pas
538b4 khur byed pa'i/ /pho nya'i sgrub thabs rab bshad pa/ /rgyud rnams kun nas rnyed dka' ba'i/ /de yis ldan byas dngos grub 'gyur/ /rnal 'byor gcig pas rtag
538b5 gnas pas/ /'khor ba'i skyon dang nges par grol/ /pho nya mor chags rtag par grol/ /mchog gi rim pas spyad par bya/ /bsnyen bkur tsam chib min gyi/
538b6 skye gnas dman pa'ang dga' bde'i gnas/ /ma dang sring mo bu mo dang / /chung ma yang ni pho nyar gnas/ /'jig rten la rtag g.yon pas spyod/ /rkang pa g.yon
538b7 ba sngon du 'dor/ /lag pa g.yon pas yongs su bsgyur/ /g.yon pa dang por mchod par bya/ /g.yon pa phyogs kyis bskyur bya zhing / /g.yon pas 'bad pas
539a1 tshim par byed/ /dpal rdo rje mkha' 'gro'i snying po'i rgyud chen po las le'u bcu bzhi pa'o// //dpal rdo rje mkha' 'gro'i rgyud phyi ma snying po
539a2 bsdus pa zhes bya ba rdzogs so// //rgya gar gyi mkhan po chen po mchog gi dbang phyug gi zhal snga nas dang / bod kyi dge slong shAkya brtson 'grus kyis grom pa
ru lag rgyang bu'i lha ri mo'i mgul gyi dben gnas su bsgyur ba'o/
CLOSE WINDOW