CLOSE WINDOW

H385
བོད་ཡིག

rgya gar skad du/a b+hi d+ha na ut+ta ra tan+t+ra nA ma/ /bod skad du/ mngon par brjod pa'i rgyud bla ma zhes bya ba/ bcom ldan 'das dpal rdo rje mkha' 'gro la phyag 'tshal lo/ /ji srid 'gro ba drug gi mthar/ /sangs rgyas thams cad rnam par 'byung / /rdo rje sems dpa' yis ni byed/ /chos kyi dbyings la phyag 'tshal bstod/ /dpal ldan rdo rje mkha' 'gro ni/ /sku gsum ye shes lnga yi dngos/ /mkha' 'gro ma yi 'khor lor bzhugs/ /'gro ba sgrol la phyag 'tshal bstod| |ji srid rdo rje mkha' 'gro ma/ /kun tu rtog pa'i bcings ba bcad/ /'jig rten bya ba rab tu 'jug /de srid rtag tu phyag 'tshal bstod/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi rdo rje khro bo dang / mkha' 'gro dang / mkha' 'gro ma rnams gsang ba'i snying po la rnam par bzhugs te/ der bcom ldan 'das de bzhin gshegs pa thams cad pa bcom ldan 'das thog ma med pa'i rdo rje sems dpa' la zhus te bcom ldan 'das kyis gsungs pa/ de bzhin gshegs pa thams cad kyi rdo rje khro bo dang / mkha' 'gro dang / mkha' 'gro ma'i dra ba mngon par brjod pa'i bla ma'i snying po ngas bshad kyi/ /lag na rdo rje khro bo chen po'i bdag po 'khor sna tshogs par rnam par 'khrul pa rgyas par bshad kyi/ legs par rab tu nyon la yid la zungs shig /de la bcom ldan 'das la legs so/ /zhes gsol te thal mo sbyar ba btud pa la bcom ldan 'das kyis gsungs pa/ de nas gsang pa bshad bya ba/ /mdor bsdus pa ste rgyas par min/ /dpal he ru ka yang dag sbyor/ /'dod pa'i don kun sgrub byed yin/ /bla ma las kyang bla ma ni/ /mngon par brjod pa'i phyi ma ste/ /mkha' 'gro ma yi dra ba'i sdom/ /gsang ba mchog gi dgyes pa na/ /thams cad bdag nyid rtag tu bzhugs/ /mkha' 'gro sgyu ma sems dpa' ni/ / rdo rje sems dpa' bde ba'i mchog /'dir ni rang byung bcom ldan dpa'/ /mkha' 'gro dra ba'i sdom ba yin/ /thog ma med pa'i tshul chen 'di/ /b+ha gar srid sgra gzugs skyes gnas/ /dam tshig spyod pa'i spyod yul yin/ /thog ma dbus mthar dri ma med/ /'jig rten gsum du rnyed dka' ba/ /srub dang bsrub par yang dag sbyor/ /gang la de la ji ltar bzhin/ /rang bzhin dag pa 'od gsal ba/ /gsung ba'i gnas las byung ba yin/ /rtag tu nyes bral zhi ba ste/ /nam mkha' dang ni mnyam gyur pa/ /spro dang bsdu ba byed pa yin/ /rang bzhin dag pa rang byung ste/ /rnal 'byor ma yi bde ba ster/ /bzlas dang bsam gtan ldan pa dang / /sbyor nyid cho ga'i ye shes kyi/ /de dag rgyud las gsungs pa dag /gsang ba'i bdag po rab tu nyon/ /dbugs 'byin par ma mchog dag dang / /dri yi chu dang bcas pa dag /mkhas pas ril bur byas nas ni// 'khor gyi dkyil 'khor dag la mchod/ /'byung ba'i dus kyi khyad par la/ /pho nyas lhan cig skyes pa 'grub/ /mchog dang 'bring dang tha ma ste/ /mthar thug dngos grub thams cad 'byung / /dga' ba yid la 'dod pa yi/ /dngos grub kyang ni 'grub par 'gyur/ /rang rdzas thig legs sangs rgyas dang / /byang chub sems dpa' mchod pa bya/ /rang gi lha yi sbyor ba yis/ /rang dang gzhan yang mchod par bya/ /mthong ba dang ni reg pa dang / /thos pa dang ni dran pa yis/ /sdig pa kun las grol 'gyur te| |de ltar 'di la the tshom med/ /rnal 'byor pa nyid bsod nams mchog /dag byed sdig pa 'jig par byed/ /bzlas dang bsam gtan dag pas kyang / /skye ba 'di la dngos grub 'gyur/ /mngon par brjod pa'i rgyud bla ma'i bla ma las/ dam tshig la 'jug pa'i gsang ba sbas pa bstan pa ste le'u dang po'o// //de nas bcom ldan 'das rdo rje sems dpa' chos kyi dbyings la rnam par 'khrul pa zhes bya ba khro bo chen po'i ting nge 'dzin la snyoms par zhugs nas dngos grub thams cad kyi gsang ba gsungs pa/ chags pa med cing chags pa dang bral ba'i sangs rgyas kyi zhing grangs med pa'i rdul dang mnyam pa'i byang chub sems dpa' sems dpa' chen po la 'di lta ste/ dpa' bo chen mo gzugs rdo rje zhes bya ba dang / dpa' bo chen po tshor ba rdo rje zhes bya ba dang / dpa' bo chen po 'du shes rdo rje zhes bya ba dang / dpa' bo chen po 'du byed rdo rje zhes bya ba dang / dpa' bo chen po rnam par shes pa rdo rje zhes bya ba dang / chos kyi dbyings kyi de bzhin gshegs pa thams cad gtso bo rdo rje dbang phyug chen po dang / dpa' bo chen po gti mug rdo rje dang / dpa' bo chen po rna ba rdo rje dang / dpa' bo chen po sna rdo rje dang / dpa' bo chen po chags pa rdo rje dang / dpa' bo chen po phrag dog rdo rje dang / de bzhin gshegs pa thams cad kyi dbang phyug ces bya ba'i dpa' bo chen po dang / dpa' bo chen po sa rdo rje dang / dpa' bo chen po chu rdo rje dang / dpa' bo chen po me rdo rje dang / dpa' bo chen po rlung rdo rje dang / dpa' bo chen po mkha' dbyings rdo rje dang / 'di lta bu la sogs pa ma lus shing lus pa med pa chos kyi dbyings kyi mthas gtugs pa mtha' yas pa rnam par 'phro ba'i gsang ba'i snying po 'byung bas dkyil 'khor gyi 'khor lo sna tshogs 'dus pa gsang ba gsum gyi dam tshig gi 'khor lo dang thabs cig tu bzhugs te/ dpa' bo chen po rdo rje thod pa'i dum bu dang / dpa' bo chen po rdo rje keng rus chen po dang / dpa' bo chen po rdo rje keng rus dang / dpa' bo chen po rdo rje mche ba rnam par gtsigs pa dang / dpa' bo chen po rdo rje lha dgra dang / dpa' bo chen po rdo rje dpag med dang / dpa' po chen po rdo rje 'od dang / dpa' bo chen po rdo rje lus dang / dpa' bo chen po rdo rje myu gu dang / dpa' bo chen po rdo rje ral pa can dang / dpa' po chen po rdo rje dpa' bo chen po dang / dpa' bo chen po rdo rje hUM mdzad dang / dpa' bo chen po rdo rje rab bzang dang / dpa' bo chen po rdo rje bzang po dang / dpa' po chen po rdo rje 'jigs byed chen po dang / dpa' bo chen po rdo rje mig mi bzang dang / dpa' bo chen po rdo rje stobs po che dang / dpa' bo chen po rdo rje rin chen dang / dpa' bo chen po rdo rje rta mchog dang / dpa' bo chen po rdo rje nam mkha'i snying po dang / dpa' bo chen po rdo rje dpal he ru ka chen po dang / dpa' bo chen po rdo rje pad+ma gar gyi dbang phyug dang / dpa' bo chen po rdo rje rnam par snang mdzad dang / dpa' bo chen po rdo rje sems dpa' dang / 'di lta bu la sogs pa'i dpa' bo dang / de bzhin gshegs pa thams cad kyis nam mkha'i khams thams cad yongs su gang bar mthong ngo / /de nas bcom ldan 'das rigs thams cad kyi bdag po rdo rje gsum gyi dam tshig gnyis su med pa zhes bya ba'i ting nge 'dzin la snyoms par zhugs te/ rang gi gsang ba'i dam tshig gsang ba'i b+ha ga las 'byung ba rnal 'byor ma dang / dpa' bo'i gsang ba'i dam tshig gnyis su med pa'i sbyor ba'i dam tshig chen po gsungs ba 'di lta ste/ rnal 'byor ma chen mo ltung byed ma zhes bya ba dang / rnal 'byor ma chen mo gsod byed ma zhes bya ba dang / rnal 'byor ma chan mo 'gugs byed ma zhes bya ba dang / rnal 'byor ma chen mo gar gyi dbang phyug ma zhes bya ba dang / rnal 'byor ma chen mo pad+ma'i dra ba mo zhes bya ba dang / mkha' 'gro ma chen mo rdo rje mkha' 'gro ma zhes bya ba dang / mkha' 'gro ma chen mo rdo rje lA ma zhes bya ba dang / mkha' 'gro ma chen mo rdo rje dum skyes ma zhes bya ba dang / mkha' 'gro ma chen mo rdo rje gzugs can ma zhes bya ba dang / rnal 'byor ma chen mo rab gtum ma zhes bya ba dang / rnal 'byor ma chen mo gtum mig ma zhes bya ba dang / rnal 'byor ma chen mo 'od ldan ma zhes bya ba dang / rnal 'byor ma chen mo sna chen mo zhes bya ba dang / rnal 'byor ma chen mo dpa' ba'i blo gros ma zhes bya ba dang / rnal 'byor ma chen mo mi'u thung ma zhes bya ba dang / rnal 'byor ma chen mo lang+ka'i dbang phyug ma zhes bya ba dang / rnal 'byor ma chen mo shing grib ma zhes bya ba dang / rnal 'byor ma chen mos srung ma zhes bya ba dang / rnal 'byor ma chen mo 'jigs byed chen mo zhes bya ba dang / rnal 'byor ma chen mo rlung gi shugs can ma zhes bya ba dang / rnal 'byor ma chen mo chang 'thung ma zhes bya ba dang / rnal 'byor ma chen mo sngo sangs ma zhes bya ba dang / rnal 'byor ma chen mo rab bzang ma zhes bya ba dang / rnal 'byor ma chen mo rta rna ma zhes bya ba dang / rnal 'byor ma chen mo bya gdong ma zhes bya ba dang / rnal 'byor ma chen mo 'khor lo'i shugs can ma zhes bya ba dang / rnal 'byor ma chen mo dum skyes ma zhes bya ba dang / rnal 'byor ma chen mo chang tshong ma zhes bya ba dang / rnal 'byor ma chen mo 'khor lo'i go cha ma zhes bya ba dang / rnal 'byor ma chen mo rab dpa' mo zhes bya ba dang / rnal 'byor ma chen mo stobs chen ma zhes bya ba dang / rnal 'byor ma chen mo 'khor los bsgyur ma zhes bya ba dang / rnal 'byor ma chen mo brtson 'grus chen mo zhes bya ba dang / de lta bu la sogs pa sna tshogs pas nam mkha'i khams kyi mthar thug par hUM dang phaT kyi sgra sgrog pa| gar sna tshogs byed cing rang gi dam tshig dang 'khyud pa dang / tsum pa nas snying rje chen po'i ro yongs su rdzogs pa'i dpa' bo dang / rnal 'byor ma rnams kyis gang bar mthong ngo / /mthong nas zhugs te dpa' bo'i mchog rnams kyi dam tshig rjes su dran no/ /dpal rdo rje mkha' 'gro dang / mkha' 'gro ma rdo rje phag mo'i dam tshig gnyis su med pa'i ye shes yang dag par 'byung zhing shes rab kyi pha rol tu phyin pa 'byung ngo / /de nas bcom ldan 'das kyis ma mo'i tshogs thams cad kyi rigs dang gsang ba gsungs pa 'di lta ste/ rdo rje ma mo khwa gdong ma zhes bya ba dang / rdo rje ma mo 'ug gdong ma zhes bya ba dang / rdo rje ma mo kyi gdong ma zhes bya ba dang / rdo rje ma mo phag gdong ma zhes bya ba dang / rdo rje ma mo gshin rje sreg ma zhes bya ba dang / rdo rje ma mo gshin rje pho nya mo zhes bya ba dang / rdo rje ma mo gshin rje mche ba ma zhes bya ba dang / rdo rje ma mo gshin rje 'joms ma zhes bya ba dang / 'di lta bu'i ma mo'i tshogs kyi mchog thams cad kyis nam mkha'i khams thams cad gang ste/ rigs kyi bdag po rnam par dag pa chos kyi dbyings kyi rang bzhin gnyis su med pa'i ye shes 'byung ba/ dpal he ru ka shes rab kyi pha rol tu phyin pa'i bdag nyid/ dam tshig chen po rdo rje rigs kyi dam tshig yin te/ chos rnams thams cad dngos po med/ /mtshan nyid thams cad rnam par spangs/ /bdag med chos las yang dag byung / /'di ni dam tshig mchog yin no/ /de nas bcom ldan 'das kyis gnyis su med pa'i rdo rje go cha zhes bya ba'i rdo rje dam tshig gsungs pa 'di lta ste/ rnal 'byor gyi dbang phyug chen po rdo rje sems dpa' dang / rnal 'byor gyi dbang phug chen po rnam par snang mdzad rdo rje dang / rnal 'byor gyi dbang phyug chen po pad+ma gar gyi dbang phyug dang / rnal 'byor gyi dbang phyug chen po rdo rje he ru ka dang / rnal 'byor gyi dbang phyug chen po rdo rje nyi ma dang / rnal 'byor gyi dbang phyug chen po rdo rje rta mchog dang / rigs drug po de ni| yan lag drug tu dgod pa ste/ srung ba gnyis su med pa'i dam tshig gi mchog de ni/ thabs dang shes rab gnyis su med pa las byung ngo / /rnal 'byor chen po'i mchog tu gsang ba sbas pa bshad par bya ste/ rdo rje dbang phyug chen mo rdo rje phag mo dang / rdo rje dbang phyug chen mo ya mi ni dang / rdo rje dbang phyug chen mo rmongs byed ma dang / rdo rje dbang phyug chen mo g.yo byed ma dang / rdo rje dbang phyug chen mo skrag byed ma dang / rdo rje dbang phyug chen po tsaN+Ti ka ste/ 'di lta bus yang nam mkha'i khams dang / chos kyi dbyings thams cad kyi gnyis su med pa'i dam tshig yang dag par srung ba'i sbyor ba'i thugs gsang ba chen po ste/ de lta bu sna tshogs du ma'i rnal 'byor ma rang gi lag pas khrag dron mo mchog gis mchod pa byas nas thal mo sbyar te mos pa mchog gis spyi bos gtugs so/ /de nas dam tshig chen po rnam par 'phrul pa rdo rje sna tshogs pa zhes bya ba'i ting nge 'dzin la snyoms par zhugs te/ rang gi ba spu'i bu gnas sems dpa' sna tshogs spros te phyung nas gdul ba du ma la thabs sna tshogs pa ma lus shing lus pa med pa'i chos kyi dbyings yongs su gang bar byas te sna tshogs pas mdun gyi nam mkha' yongs su gang bar mthong ngo / /bcom ldan 'das kyis rigs sna tshogs pa'i snying rje chen po'i khro bo'i cha lugs 'dzin cing sems can rnams la phan pa'i phyir gnyis su med pa'i ro dga' ba sna tshogs kyi cho 'phrul rdul snyed dang mnyam pa bstan te khams gsum gyi bdag pos gsungs pa/ chu dang / me dang / rlung dang / dbang chen gyi steng du sna tshogs pa'i ri'i rgyal po ri rab sna tshogs rin po che sna tshogs pa'i gzi brjid kyis mdzes pa/ de'i steng du dpal rdo rje sems dpa' chos kyi dbyings las rdo rje khro bo chen po phyung nas spros te/ rdo rje chen po'i gzhal yas khang dkyil 'khor chen por sprul pa la kun tu bzang po chen po byung ste/ rdo rje 'khor dang lhan cig byung nas brtan par bzhugs so/ /phun sum tshogs pa sna tshogs pas brgyan pa/ rdo rje rin po che'i rgyan gyis spud pa/ zla ba dang nyi ma'i mdog ltar sdug pa/ dril bu dang / rnga yab dang / rgyal mtshan dang / g.yer ka'i dra bas mig mang ris su bris pa/ rdo rje dam tshig srad bu chos kyi 'khor lo la 'jug pa'i sgra sgrog pa sna tshogs pa'i lha dang / klu dang / gnod sbyin dang / srin bu dang / 'byung po dang / yi dwags dang / sha za dang / smyo byed dang / brjed byed dang / grib gnon dang / ma rungs pa dang / shin tu gdug pa dang / ro langs dang / ro dang / ro sreg pa dang / khyi dang / lce spyang dang / lce spyang mo'i sgra sgrog pa/ dpa' bo dang / mkha' 'gro dang / mkha' 'gro ma'i sgra pheM dang / a la la'i sgra sgrog pa/ dril bu dang / cang te'u'i sgra sgrog pa/ mgo bcad pa gar byed pas nye bar brgyan pa/ bcom ldan 'das phyag na rdo rje'i spyod pa dang / dge ba'i las kyis grol ba/ sems can thams cad la snying rje'i ros phan 'dogs pa/ rnam par 'khor bas bskor ba/ pad+ma'i gar gyis gar byed cing thal mo sbyor ba| g.yas brkyang bas gnas pa/ lag pa'i thal mo sbyar ba/ sangs rgyas thod pa'i dum bu'i chos kyi mchog zab mo'i tshul dang / khro bo'i rgyal po chen po'i 'dod pa ston pa/ sku lus chen po 'dzin pa/ zab mo'i sgra sgrog pa/ rang gi 'khor gyi dkyil 'khor can/ mngon par brjod pa'i bla ma chen mo nye bar 'byung ba/ mkha' 'gro dang mkha' 'gro ma'i sdom pa'i rgyal po'i dra ba'i dra ba can/ chos sna tshogs pa'i rjes su bstan pa'i ston pa/ sems can gyi bsam pa sna tshogs kyi bde ba ster zhing ston par byed pa sems dpa' chen po legs so legs so/ /lag na rdo rje legs par nyon cig /mngon par brjod pa'i rgyud bla ma'i bla ma las/ zhu ba'i le'u ste gnyis pa'o|| ||de nas bcom ldan 'das kyis 'khor gyi dkyil 'khor thams cad la rdo rje gsang ba'i snying po gsungs pa/ snying gar zla ba bsgoms nas ni/ /rdo rje phra mo'i rnam 'phral ba/ /bde gshegs thams cad gsang ba ni/ /mkha' 'gro ma yi dra ba'i sdom/ /der ni gsang ba byin brlabs pa/ / snying po mchog ni legs par nyon// bla ma yi yang bla ma ste/ /mkha' 'gro ma yi dra ba'i sdom/ /oM swa b+hA ba shud+d+hAHsar+b+ba d+harmAHswa b+hA ba shud+d+hou0f85haM/ oM shU nya tA dz+nyA na badzra swa b+hA ba At+ma kou0f85haM/ oM badzra shud+d+hAHsarba/ d+harmA badzra shud+d+hou0f85haM/ oM yo ga shud+d+hAHsarba d+harmAHyo ga shud+d+hA+ou0f85haM/ oM dz+nyA na shud+d+haHsarbA d+harmA dz+nyA na shud+d+hou0f85haM/ oM sa ma ya shud+d+hAHsarba d+harmAHsa ma ya shud+d+hou0f85haM/ oM sarba ta thA ga ta shU n+ya tA a nu rA ga Na badzra swa b+hA ba At+ma kou0f85haM/ oM sarba ta thA ga ta su pra ti bi shud+d+hAHsarba d+harmA b+hA tu dz+nyA na badzra swa b+hA ba At+ma kou0f85haM/ oM man+t+ra shud+d+haHsarba d+harmAHsarba man+t+ra shud+d+hou0f85haM/ oM kro d+ha shud+d+hAHsarba d+harmAHkro d+ha shud+d+hou0f85haM/ oM tsit+ta shud+d+hAHsarba d+harmAHtsit+ta shud+d+hou0f85haM/ oM wA ka shud+d+hAHsarba d+harmA wA ka shud+d+hou0f85haM/ oM kA ya shud+d+hAHsarba d+harmAHkA ya shud+d+hou0f85haM/ oM dz+nyA na a mr-i ta shud+d+hAHsarba d+harmA dz+nyA na a mr-i ta shud+d+hou0f85haM/ oM nA nA sa ma ya shud+d+hAHsarba d+harmA nA nA sa ma ya shud+d+hou0f85haM/ oM tsA R+ya na ya s hud+d+hAHsarba d+harmAHtsAR+ya na ya shud+d+hou0f85haM/ oM tri yo ga pa ri shud+d+hAHsarba d+harmAHtri yo ga pa ri shud+d+hou0f85haM/ oM a phi She ka shud+d+hAHsarba d+harmAHa b+hi She ka shud+d+hou0f85haM/ oM pU dza shud+d+hAHsarba d +harmAHpU dza shud+d+hou0f85haM/ oM sarba ta thA ga ta a dwa ya pU dza badzra swa b+hA pa At+ma kou0f85haM/ oM maN+Dal la shud+d+hAHsarba d+harmAHmaN+Dal la shud+d+hou0f85haM/ oM a d+hi pa ti shud+d+hAHsarba d+harmAHa d+hi pa t i shud+d+hou0f85haM/ oM bI ra shud+d+haHsarba d+harmAHbI ra shud+d+hou0f85haM/ oM yo gI ni shud+d+hAHsarba d+harmAHyo gI ni shud+d+hou0f85haM/ oM ta twa shud+d+haHsarba d+harmAHta twa shud+d+hou0f85haM/ he i ti he tu a pa ga ta sarba d+harmA he tu a ba ga tou0f85haM/ ru i ti rU ka ra a pa ga ta sarba d+harmA rU ka ra a ba ga tou0f85haM/ ka i ti nA kA tsit+ta s+thi ta sarba d+harmA nA kA tsit+ta s+thi tou0f85haM/ oM dz+ha Ti ta kA ra shud+d+hAHsarba d+harmA dz+ha Ti ta kA ra shud+d+hou0f85haM/ oM b+ha pa shud+d+hAHsarba d+harmAHb+ha ba shud+d+hou0f85haM/ oM dzA la shud+d+hAHsarba d+harmAHdzA la shud+d+hou0f85haM/ oM A ha ra shud+d+hAHsarba d+harmAHAM ha ra shud+d+hou0f85haM/ oM b+hak+Sha shud+d+hAHsarba d+harmAH b+ hak+Sha shud+d+hau0f85haM/ oM a sa mA hi ta shud+d+hAHsarba d+harmAHa sa mA hi te shud+d+hou0f85haM/ oM si saM be da na shud+d+hAHsarba d+harmAHsi saM be da na shud+d+hou0f85haM/ oM dwe Sha shud+d+hAHsarba d+harmAHdwe Sha s hud+d+hou0f85haM/ oM mo ha shud+d+hAHsarba d+harmAHmo ha shud+d+hou0f85haM/ oM rA ga shud+d+hAHsarba d+harmAHrA ga shud+d+hou0f85haM/ oM mA na shud+d+hAHsarba d+harmAHmA na shud+d+hou0f85haM/ oM i R+Sha shud+d+hAHsarba d+harmAHiR+Sha sh ud+d+hou0f85haM/ oM kha badzra shud+d+hAHsarba d+harmAHkha badzra shud+d+hou0f85haM/ oM tri tsa kra pa ri shud+d+hAHsarba d+harmAHtri tsa kra pa ri shud+d+hou0f85haM/ oM DA ki ni shud+d+hAHsarba d+harmAHDA ki ni shud+d+hou0f85haM/ oM shad+ku la shud+d+hAH sa rba d+harmAHshad+ku la shud+d+hou0f85haM/ oM mA tri shud+d+hAH sarba d+harmAHmA tri shud+d+hou0f85haM/ oM pi tri shud+d+hAH sarba d+harmAHpi tri shud+d+hou0f85haM/ 'di ltar ji nye ba'i dur khrod kyi bar thams cad rnam par dag p ar shes par bya'o/ /pu dza o a gor de ma ka o tri ko ka la ka haM pre gri sau su na si ma ku/ sa bcu rnam par dag pa'i bdag /pha rol phyin bcu'ang de bzhin te/ /shes pa bcu yang rnam dag bdag /bcu po de dag rnam par bsgom/ /'khor lo gsum yang yongs dag phyir/ /nyi shu rtsa bzhi bdag nyid dge /dus dang tshod rnams rnam grol bas/ / rnal 'byor ma yi yid dga' ba/ /sum cu rtsa bdun rnam dag don/ /mngon mtho he ru ka las byung / /mngon brjod rgyud ni bla ma'i bla/ /gsang chen mchog gi dam pa 'o/ / g.yon dang g.yas su bskor ba yis/ /dgod cing mchod dang bskor bar bya/ /gang gis de nyid shes pa yis/ /brda ni lnga po bstan par bya/ /gang yang dbang bskur med pa la| |gzhan du de nyid ma bstan cig /mngon brjod rgyud la bla ma yis/ /dbang bskur slob ma dag la sbyin/ /gzhan du slob ma smyo ba dang / /brgyal dang rmongs pa dag tu 'gro/ /mnar med 'jigs pa chen po dang / /ngan pa der ni lhung bar 'gyur/ /glegs bam bshes min la ster ba/ /ngan pa de ma thag tu 'chi/ /phol mig rims dang dug dang nad/ /mkha' 'gro gdon gyis gtses par 'gyur/ /mi srun bgegs dang tshogs bdag gis/ /gsod cing dmyal bar ltung bar 'gyur/ /ji srid 'bad pa thams cad kyis/ /bla ma slob mas rim bzhin du/ /de nyid rtag tu sbas na ni/ /myur du sngags kyi dngos grub 'gyur/ /bla mas thams cad rim bzhin du/ /mngon brjod rgyud kyi rim pa bzhin/ /lha yi rnal 'byor la sbyor ba/ /gnyis su med pa'i ye shes 'gyur/ /de ma thag tu byang chub ste/ /mchog ni nges par rnyed par 'gyur/ /mi yi bu mo 'di 'dra spang / /bdag gi dam tshig mi shes shing / /drag cing log lta rang bzhin ngan/ /mi srun snying rje med pa dang / /brkam chags ser snar ldan pa dang / /spyang zhing ngan la phrag dog can/ /skyes pa gzhan la chags pa dang / /rnam par rtog pa mang ba dang / /'di 'dra'i phyag rgya spang bar bya/ /sbyor ba'i dngos grub ring ba yin/ /puk+ka sI ni mdzes sdug blang / /gzugs sdug gzhon pas rnam par brgyan/ /sbyor ba la ni gcig tu sems/ /brtul zhugs brtan zhing dam tshig shes/ /dpa' zhing chags bral ngo tsha med/ / nga rgyal med cing ser sna med/ /sngags pa rang gi spyod pa ste/ /rig ma brtul zhugs khyod kyis longs/ /phyag rgya lnga ni rtag tu 'chang / /mgo la thod pa'i rgyan yang byas/ / thod pa dang ni kha T+wAM 'dzin/ /thal ba'i rdul gyis rnam par byugs/ /rtag tu ma hA mA sa bza'/ /thams cad btung bas myos pa dang / /ro yi gdan la 'dug pa dang / /pags pa chen po gos su gyon/ /rjes su mthun pa'i bza' ba za/ /zhag dang khrag gis tshim pa dang / /grong ngam dgon pa dag tu yang / /gang zhig yul du 'gro ba na/ /rtag tu chags bas mi gnas shing / /rtag tu dur khrod spyod byed la/ /yang na tshong 'dus gnas pa dang / /nyan thos 'jig rten skal med pa'i/ /mi shes gti mug gis khyab pa/ /nyan thos yongs su longs spyod pa'i/ /gtsug lag khang du gnas mi bya/ /ji ltar skyes bu dbul po bzhin/ /byang chub sems dpa' de bzhin gnas/ /rdo rje gar gyis rnam par rol/ /rtag tu dur khrod la gnas shing / /dri chen sha chen zas su bza'/ /myos byed btung bar ldan pa yi/ /dpa' ba'i gtso bos rtse gcig pa'i/ /sems kyis rab tu bsgom par bya/ /phyag rgya chen po ma rnyed na| |g.yeng ba thams cad rnam spangs pa'i/ /de ni ye shes 'byung gnas te/ /shes rab pha rol phyin las 'byung / /gzung dngos yin pa mi dmigs pa'i/ /gnyis su med pa nyid la gnas/ /rtse gcig sems ni byas nas kyang / /sgom pa'i spyod pa la gnas na/ /bde la dga' ba'i dngos grub 'gyur// shes rab thabs kyi cho ga'i rim/ /phyag rgya che dang nges par rol/ /sgom pa mngon du gyur pa yis/ /rnam grol sangs rgyas thams cad kyang / /skye ba 'di la dngos grub 'gyur/ /g.yon pa'i spyod pa shes rab ste/ /g.yas pa de bzhin thabs yin no/ /sgom par ldan pa'i mthu stobs ni/ /sum cu'i dbang phyug la dbang byed// rnal 'byor ma ni dngos grub dang / /gnod sbyin klu yi bu mo dang / /gzhan yang sna tshogs dri za mo/ 'dod pa'i longs spyod dag la spyod/ /de nyid gsang ba'i mchog gyur pa| |A li kA li rtag tu bsgom/ /rang gi lha yi sbyor ba yis/ /thams cad de bzhin rnam par brtag /dpa' bos brda rnams bstan pa ni/ /rnal 'byor pa yi lag g.yon gyis/ /brda rnams la ni 'jug par bya/ /dpa' bo'i gnas su gyur pa 'di/ /rgyu dang mi rgyu'i 'jig rten gsum/ /'gro kun g.yon las byung ba yin/ / rdo rje sems dpa' mthe bong nyid/ /mdzub mor rnam par snang mdzad bzhugs/ /gung mor pad+ma gar dbang gnas/ /srin lag dpa' bo dngos grub can/ /tha ma la ni mi zad sku/ /sen mo'i ngos la rta mgrin gnas/ /g.yon pa'i rgyu las byung ba ni/ /dpa' bo thams cad yin par bshad/ /lag mthil pho nya 'dus pa'i mchog /rgyab tu shin tu nges byas te// brda ni lnga po brtan par bya/ /sgrub pa po yis shes par gyis/ /sa ni spyan zhes bya bar bshad/ /chu khams mA ma kI ru bshad/ /me ni gos dkar mo ru bshad/ /rlung ni sgrol ma dag tu grags// 'o byed ma ni stong pa ste/ /de bzhin pha rol phyin pa yin/ /dbus kyi dpa' bo thams cad ni/ /mkhas pas rgyab tu gshegs su gsol/ /gsang ba 'di ni mi bstan cing / /rab tu 'bad de sba bar bya/ /de ltar brda yis dpa' bo rnams/ /de dang lhan cig bza' ba bza'/ /dpa' bos thams cad mnyam sbyor ba/ /mkha' 'gro dra ba'i bde mchog yin/ /phan tshun rjes 'gro thams cad kyi/ /sna tshogs brda ni bshad par bya/ /mkha' 'gro ma yi mtshan nyid dang / /pho nya rnams kyi mtshan nyid dang / / sgrub pa po la phan pa'i phyir/ /de dag thams cad bshad par bya/ /ras bris dang ni sku gzugs dang / /'bri na de bzhin dam tshig dang / /sku mdog gi ni khyad par gyis/ /gang gis sgrub pa po 'grub pa/ /sna tshogs sngags kyis mdzes pa yi/ /phun sum tshogs pa'i dkyil 'khor dang / /lha yi dam tshig yid 'ong ba/ /rnal 'byor ma ni sna tshogs mchog /dpa' bo sna tshogs yid 'ong ba'i/ /rnal 'byor ma ni yang dag 'dus/ /mkha' 'gro ma yang yang dag 'dus/ /rang rigs sna tshogs mchog dam pa/ /bla ma brgyud pa'i bka' bzhin du/ /slob ma la ni phan pa'i phyir/ /bdag po'i las la shin tu mkhas/ / sngags dang rgyud la legs par bslabs/ /gzhan yang cho ga'i rim pa dang / /mngon brjod bla ma'i las la mkhas/ /phyugs kyi mtshan nyid sngags pas rtogs// sna tshogs rigs kyi khyad par dang / /rnal 'byor ma yi spyod pa dang / /mkha' 'gro ma yang de bzhin te/ /phyi rol ma mo'i phyag rgya dag /phag mo yi ni rigs las byung / /dpa' po kun gyi spyod pa dang / /'khor lo'i spyod pa shin tu bslabs/ /phyi yi rnal 'byor dbang phyug gi /mtshan nyid spyod pa dag la mkhas/ /he ru ka dpal rigs las byung / /dge ba'i spyod pa dag la bslabs/ /yul gyi spyod pa'i khyad par dang / /slob dpon spyod pa dag la mkhas/ /rnal 'byor ma yi rgyud spyod dang / /rnal 'byor rgyud ni rgya che ba/ /bya ba'i rgyud kyi dbye ba'i rim/ /thams cad rgyud rnams rnam par shes/ /'grub pa'i lung dang bstan bcos dang / /mdo sde skyes rabs de bzhin te| |bla na med pa'i spyod pa dag /shes rab pha rol phyin las byung / /phyi rol bstan bcos yongs la mkhas/ /phun sum tshogs pa slob dpon mchog /sbyor ba'i sgom par ldan pa dang / /yid gnyis med pa nyid kyis ni/ /bza' ba thams cad bza' bar bya/ /yi ge brgya pas thams cad du/ /gsang sngags brtan par bsgoms nas su/ /rang gi ming dang ldan par ni/ /gcig tu spel nas bzla bar bya/ /rtag tu phreng ba'i sngags kyang bzla/ /don rnams thams cad 'grub par 'gyur/ /bla ma las kyang bla ma ste/ /mkha' 'gro ma yi dra ba'i sdom/ /gsang sngags btus pas go cha dang / /snying po dang ni nye snying dang / /gsang sngags btus par rjes su bsrung / /dkyil 'khor shin tu mdzes pa la| |yi ge'i dkyil 'khor legs bkod nas/ /dpa' bo rnal 'byor ma rnams bskyed/ /'di ni gsang sngags thams cad do/ /ma mo rnams kyi dam pa mchog / gsang ba dga' ba sbas pa ste/ /gsang sngags thams cad bsdus pa yin/ /gsang sngags kun gyi gnas yin no/ /'gro ba 'byung ba'ang ma mos khyab/ /de nyid 'di ni mi bstan te/ /dngos grub 'joms par 'gyur ba yin/ /sgom pa 'di ni mchog yin te/ /'dod pa'i dngos grub bla na med/ /skye 'gros 'di ni bsgoms tsam gyis/ /rdo rje sems dpa'i go 'phang rnyed/ /byams pa'i go cha bgos pa ste/ /snying rje chos kyi go cha yin/ /shes rab mtshon char ldan pa yin/ /nyon mongs bdud ni rnam par spangs/ /phyir ldog chen mos srung ba dang / /rdo rje zhal bzhis rnam par mtshan/ /sku gsung thugs kyi dbye ba yis/ /kha sbyar gsum gyi rdo rjes mtshan/ /thams cad mchog gi srung ba che/ /dngos grub thams cad rab tu stsol/ /bka' yi 'khor lo srung ba che/ /phur bus bgegs med dngos grub 'gyur/ / srung ba mchog ni 'di dag gis/ /sgrub pa po la byang chub stsol/ /rdo rje phur bus ra ba dang / /rdo rje'i sa dang dra ba dang / /steng gi gur dang bla re yis/ /gdug pa'i bdud ni bskrad byas nas/ /mi gsod gsod pa med pa yin/ /gang gis rang sems thul ba yis/ /bdag gi sems ni bcings pa yin/ /gang la gang gis gsod pa yin| |mnyam pa'i sems ni dri yin te/ /gru bzhi pa ni byug pa yin/ /tsan+dan dkar po lus yin te/ /mnyam par gnas pa nyid yin no/ /me tog bzod pa rnal 'byor pa/ /'bad pas gtor pa yin par bshad/ /rang bzhin dag pa bdug pa ste/ /mnyam pa'i sgom pa bdug pa yin/ /mngon par brjod pa'i rgyud bla ma chen pe las/ de kho na nyid kyi snying po'i don dam pa bstan pa ste le'u gsum pa'o// //de nas bcom ldan 'das rdo rje mkha' 'gros de kho na nyid kyi gsang ba gsungs pa| de nas yang dag bshad bya ba/ /mngon brjod rgyud ni bla ma'i bla/ /bla ma brgyud pas bshad pa bzhin/ /phyi rol rnam rtog spangs nas ni/ /mnyam pa'i dam tshig mchog dam pa| |rtog pa med cing dpyod pa med/ /'jigs pa thams cad rnam par spangs/ /tshes grangs med cing skar ma med/ /bslab pa'i cho ga'ang yod ma yin/ /gtsang spra med cing mi gtsang med/ /dag pa'i bya ba'ang yod ma yin/ /dus dang tshod las rnam par grol/ /dag pa'i spyod pa rnam par spangs/ /rang gi sngags rgyud sbyor ba shes/ / sems can kun gyi don yang byed/ /ril bu dang ni ri rtsi dang / /chu bo chen po'i ngogs dag dang / /rgya mtsho chen po'i 'gram dag dang / /shing gcig dang ni dge ba'i gnas| |ma mo'i khyim mam dur khrod dam/ /sna tshogs dam pa'i ldum ra dang / /lha khang dang ni mchod rten gnas/ /khyim mam bzhi mdo dag tu ni/ /sgrub pa po yis sbyor bsgrubs na/ /'dod pa kun gyi 'bras bu ster/ /gnas ni brtag pa byas nas kyang / /yid ni gang du dga' ba der/ /sna tshogs bde mchod dam pa ni/ /de ru bsgrubs na dngos grub 'gyur/ /sems sbyor med pa nyid las ni/ /du mar dbye ba'i sgom pa yis/ /ye shes lnga yi bdud rtsis ni/ /sa ni byug pa byas nas kyang / /bzod pa'i pha rol phyin pa yi/ /me tog 'bad pas dgram par bya/ /sna tshogs phyag rgya yid 'ong gdan/ /mnyam par bzhag pas rgya cher bya/ /rtse gcig pa yi sems kyis ni/ /bsam gtan pha rol phyin pa sgrub/ /tshangs pa'i gnas bzhi la gnas te/ /bsdu ba'i dngos po bzhi po bya/ /dge ba bcu yang dmigs nas ni/ /sems can kun gyi don yang bya/ /phyi dang nang du bltas na ni/ /chos rnams thams cad stong pa yin/ /byang chub tshogs kyi mchog dam pa/ /sems tsam la ni rab tu gnas/ /rang gi snying ga mkha' dkyil du/ /nyi ma'i dkyil 'khor gnas par bsgom/ /de steng de nyid mchog gyur pa| |ye shes lnga po zhi ba yin/ /sna tshogs 'od zer gsal ba yi/ /rnam par 'phro bas kun tu khyab/ /sngon grub pa rnams bskul nas ni/ /byin gyis brlabs pa'ang byed pa yin/ /nam mkha'i khams ni sgom dga' bas/ /dkyil 'khor mchog ni mthong ba yin/ /til gyi gang bu lta bu yi/ /lha dang khro bos khyab par mthong / /sangs rgyas byang chub sems dpa' dang / /byang chub sems dang bla ma'i gtso/ /lha mo sna tshogs mthong nas ni/ /bdag gis mchod cing brjed par bya/ /sangs rgyas spros te sprul pa'i tshogs/ /khro bo'i rgyal po rnal 'byor mas/ /'gro ba rigs drug sems can rnams/ /sangs rgyas gnas su dgod par byed/ /nam mkha'i dkyil ni kun khyab pa'i/ /mchog de mthong nas bsdus nas su/ /thams cad gsum la skyabs su mchi/ /byang chub mthar thug bar du ni/ /sems can ma lus gyur pa rnams/ / sangs rgyas go 'phang de la gzhag /de la sgrub pa pos gsol gdab/ /dge ba'i las las byung ba la/ /rtag tu bdag ni skyabs su mchi/ /rmongs pa'i gzugs can nga rgyal dang / /gzugs dang tshor ba 'du shes dang / /'du byed rnam shes de bzhin no/ /oM b+h+ruM oM hrIM hoHhUM/ de ni rnam par snang mdzad dang / /rdo rje nyi ma gar dbang phyug / rdo rje rgyal pos khyab pa yin/ /rdo rje sems dpa' mchog de bzhin/ /de bzhin gshegs pa thams cad ni/ /he ru ka dpal rdo rje yi/ /mig dang rna ba sna dang ni/ /lce dang reg pa yid de bzhin/ /oM hUM traM aM khaM haM/ gti mug dang ni zhe sdang dang / /de bzhin phrag dog 'dod chags dang / /ser sna dang ni rmongs pa nyid| |skye mched dag ni thams cad la/ /dbang phyug rdo rje nyid yin no/ /sa dang chu dang de bzhin me/ /rlung dang nam mkha' nyid dag go /lAM mAM pAM tAM khAM/ ltung byed ma dang gsod ma dang / /'gugs byed dang ni gar dbang dang / /pad+ma'i dra ba mo lha 'o/ /mkha' mnyam nam mkha' lta bu 'o/ /de ltar phung po khams dang ni/ /skye mched rnams ni rnal 'byor pas/ /tha mal dngos po'i rang bzhin ni/ /yongs su dag par shes par bya/ /tha mal chos kun yongs dag ste/ /bdag kyang yongs su dag pa yin/ /de nas gsum la skyabs su 'gro/ /sngags kyi sku ru 'gyur ba yis/ /he ru ka dpal dag gyur nas/ /sems can kun gyi don yang byed/ / he ru ka yi go 'phang mchog /thob nas sems can ma lus pa/ /'di la 'jog cing 'god par shog /oM pra kr-i ti pa ri shud+d+hAHsarba d+harmAHpra kr-i ti pa ri shud+d+hou0f85haM/ oM swa b+hA baHshud+d+hAHsarba d+harmAHswa b+hA ba shud+d+hou0f85haM/ lan gsum bar du bzla bar bya/ /dngos med mdun sogs phyogs bcu ru/ /snying po'i phreng ba spro bar bya/ / des na snying po de mthong nas/ /dra ba ra ba de bzhin te/ /rdo rjes sogs byin gyis brlabs/ /bla re mda' yi dra ba dang / /rdo rje me ni 'bar bar bskor/ /phyi rol ring nas dgod par bya/ /oM me de ni badzri b+ha ba badzra ban+d+ha hUM/ oM badzra pra ka ra hUM baM hUM/ oM badzra pany+tsa ra hUM baM hUM/ oM badzra bi tA na hUM khaM hUM/ oM badzra sha ra dzA la trAM shaM trAM/ oM badzra dzA lA na lA rka hUM hUM hUM/ he ru ka yi bka' 'khor lo| |gtso bo brgyad po 'bar ba dag /de mthong nas ni legs pa ru/ /nyi ma'i dkyil 'khor dbus bzhugs pa/ /rdo rje sems dpa' rnam par bsgom/ /zhal gsum phyag drug zhi ba ste| |dag pa'i shel dang zla mdog 'dra/ /phyag rgya che dang mnyam par ldan/ /shes rab skyil krung legs par bzhugs/ /thod pa'i phreng 'dra ldan pa'i dbu/ /mi bskyod pa ni dbu rgyan bzhugs/ /rgyan rnams thams cad yongs su rdzogs/ /thams cad mtshan mas mtshan pa yin/ /dpe byad kun gyis brgyan pa ste/ /thod pa kha T+wAM ga 'dzin cing / /rdo rje dril bus legs par 'khyud/ /zhags pa lcags kyu 'dzin mdzad cing / /dpa' chen bde ba'i go 'phang bzhugs/ /dkar zhing ser la ljang gu ste/ /zhal gdong gnyis po rnam par 'gyur/ /lugs su 'byung dang ldog tshul gyis/ /de yi khro bo brgyad dag spro/ /rdo rje drag po na larkaM/ /rdo rje gtsug tor de bzhin te/ /thab sbyor rdo rje gnod sbyin dang / /rdo rje nag po stobs po che/ /rdo rje 'jigs byed ces bya ba/ /khro bo 'di dag rnam par dgod/ /sngo zhing ser la de bzhin dmar/ /ljang gu du ba'i mdog can te| |dkar zhing nag la gur gum mdog /rab 'jigs thod pa'i dbu rgyan can/ /zhal gsum pa la phyag drug pa/ /thams cad na ra'i rus pa yi/ /rgyan gyi sa spud pa rab tu 'bar| |g.yas brkyang pa yi zhabs kyis ni/ /sna tshogs pad+ma'i nang bzhugs shing / /nyi ma'i dkyil 'khor dbus na bzhugs/ /'jig rten skyong ba brgyad po dag /zhabs kyis mnan par rnam par bsam/ /thod pa dang ni kha T+wAM 'dzin/ /zhags pa lcags kyu mchog kyang 'chang / /thams cad dril bu cang te'u/ /shes rab bde bas legs par 'khyud// dmar ser dbu skra dag gis brgyan/ /mche ba rnam gtsigs 'jigs pa can/ /stag gi pags pa gos su mnabs/ /'jigs pa'i phreng ba'i rgyan can te/ /des ni bdag nyid rgyan du byas/ /rdo rje hUM mdzad rnam par bsgom/ /khro zhing 'bar la g.yo ba dang / /drag cing 'jigs la rnam par 'gyur/ /rgyan rnams kun gyis legs par brgyan| |g.yas brkyang ba yi gnas pas bzhugs/ /lcags kyu zhags pa kha T+wAM 'chang / /dril bu rdo rje thod pa 'dzin/ /mgo yi do shal sku la 'chang / /thod pa'i phreng ba'i ska rags can/ /gdug pa thams cad zhabs 'og mnan/ /thabs dang shes rab mnyam par ldan/ /rdo rje sems dpa' dbu rgyan can/ /rdo rje 'jigs byed bsgom par bya/ /khro go gnyis po rnam par bsgom/ /steng du gtsug tor 'khor bsgyur te/ /rdo rje 'jigs byed rnam par bsgom/ /'og tu rdo rje sa 'og go /dkar la sngo ba'i mdog can yin/ /thod pa dang ni kha T+wAM 'dzin/ / 'khor lo dang ni mdung 'dzin cing / /zhabs pa lcags kyu dril rdo rje/ /g.yas brkyang ba yi gnas pas bzhugs/ /phur bu khro bo byas nas su/ /de ni phyogs bcur rnam par spro/ /de la bka' lung bsgo ba ni/ /bgegs ni myur du med par gyis/ /gsang sngags rjes su dran nas su/ /phyogs bzhi dag tu mnyam par gzugs/ /mthe bong sdigs mdzub sbyor ba yis/ / phyogs bcu dag tu se gol brdab/ /oM suM b+ha ni suM b+ha hUM hUM phaT shar du'o/ /oM gr-ih+Na gr-ih+Na hUM hUM phaT byang du'o/ /oM gr-ih+NA pa ya gr-ih+NA pa ya hUM hUM phaT nub tu'o/ /oM a na ya hoHb+ha ga bAM bi d+yA rA dza hUM hUM phaT lho phyogs su'o/ /gsang sngags rgyal po 'di yis ni/ /bgegs kun gyi ni klad pa la/ /rdo rje phur bus dgod cing mnan/ /lugs su 'byung dang ldog pa yin/ /oM g+ha g+ha g+ha ta ya sarba duSh+TaM big+hA na hUM phaT/ oM kI la ya kI la yA sarba pA paM hUM hUM phaT/ /hUM hUM hUM badzra kI la ya badzra d+ha ra A dz+nyA pa ya ti kA ya wAk+tsi t+ta badzra kI la ya hUM phaT/ phur bu do rje khro bo ru/ /bltar nas yongs su brtag par bya/ /lugs su 'byung dang ldog pa yis/ /dngos grub rdo rjes brdung bar bya/ /oM badzra hUM mung+ga ra badzra kI la ya A ko Ta ya hUM hUM phaT phaT/ mkhas pas rdo rje khro bo'i tshig /gsang sngags tshig ni drag tu bzla/ /oM kha badzra d+h+r-ika badzra hUM kA ra hUM phaT/ oM badzra tsaN+Da badzra hUM phaT/ /oM badzra a na lA rka badzra hUM phaT/ oM badzra uSh+NI Sha badzra hUM phaT/ oM badzra kuN+Da li badzra hUM phaT/ oM badzra yak+Sha badzra hUM phaT/ oM badzra kA ra la badzra hUM phaT/ oM badzra ma hA ba la badzra hUM phaT/ oM badzra b+hI Sha na badzra hUM phaT/ oM badzra uSh+NI Sha tsakra brti badzra hUM phaT/ oM badzra pA tA la badzra hUM phaT/ bka' 'di dag ni sgrub pa yis/ /de ma thag tu bgegs med 'gyur/ /mAM sa rkang dang zhag kha chu/ /shu kra rak+ta lhan cig sbyar/ /rnal 'byor pa yis ril bur byas/ /zos na dngos grub nges par 'gyur/ /sngo zhing ser la ljang gu ni/ /rdo rje hUM mdzad rang byas te/ /ser zhing nag la ljang gu dang / /dud ka ser la ser skya dang / /dkar zhing ser la ljang gu dang / /dmar zhing ser la ljang bdag /de ltar bzhi ni bdag po bzhin/ /mi bskyod dbu rgyan dam tshig can/ /bsgoms pas rdo rje 'dzin pa dgyes/ / 'di ltar khro bo thams cad kyang / /dam tshig las ni 'gal ma byed/ /'di ltar sna tshogs du ma yi/ /gtso bo'i bka' ni blang bar gyis/ /rnal 'byor pa ni gar gnas pa/ /bgegs rnams thams cad med par mthong / /gcer ba'am yang na mi gcer ba'am/ /skra grol thal bas yan lag byugs/ /ji ltar ji srid ma ngal bar/ /'khor lo dag gi bzlas pa bya/ /stong pa'i ye shes rdo rje ni/ /dad pas dran zhing mnyam par gzhag /oM shU n+ya tA dz+nyA na badzra swa b+hA ba At+ma kou0f85haM/ oM a ni mit+ta dz+nyA na badzra swa b+hA ba At+ma kou0f85haM/ oM a pra Ni hi ta dz+nyA na badzra swa b+hA ba at+ma kou0f85haM/ smig rgyu tsam gyi ye shes ni/ /sems tsam du ni rnam par brtag /'di ni mkha' dang mnyam pa yi/ /chos med chos min pa yang med/ /nam mkha' gos pa med pa ltar/ /dngos po med cing dmigs su med/ /gang gi snying gi kha sbyar dbus gnas gsal/ /phra bar lta ba rang byung myong ba'i sems 'jug pa/ /khams gsum ma lus gnyis med par ni nye bar 'gre/ /gsal ba chos kyi dbyings mchog de la bdag phyag 'tshal/ /dbang po'i g.yo ba rta kun nang du nges sbyar ba'i/ /ye shes rgyal ba ma lus 'dus pa'i snod gyur pa/ /khams gsum ma lus gnyis med par ni nyer 'gro ba'i/ /mthong ba mkha' dang 'dra bar dri med dpal du gyur/ /sangs rgyas rjes dran rnal 'byor gyis/ /chos ni rjes su dran pa bsgom/ /chos rjes dran pa'i rnal 'byor gyis/ /chos kyi sku ni rang byung 'gyur/ /dbus na gsal byed rnam par shes/ /ye shes mchog ni shes rnams kyi/ /shin tu gsal bar bsgoms pa las/ /'bar ba 'di ni the tshom med| |rtag tu snying la gnas pa yi/ /thig le gcig pu yi ge med/ /skyes bus de ni bsgoms gyur na/ /ye shes skye bar gyur pa mchog /sems pa rjes dran rnal 'byor gyis/ /sems dpa' rjes su dran par bsgom/ /sems dpa' rjes dran chos kyis ni/ /chos kyi sems dpa' khyad par 'byung / /bdag ni snying rjes phan 'dogs pa/ /smon lam dbang gis mthong ba dang / /mthong nas ji srid 'og tu ni/ /zla ba'i dkyil 'khor dbus su ni/ /rdo rje sems dpa' kun mkhyen dag /dgar dang ser dang de bzhin dmar/ /sngon po yi ni zhal dang bzhi/ /rlung gi dkyil 'khor rnam par bsam/ /yi ge yaM las yang dag 'byung / /sngo pa'i mdog can gzhu lta bu'o/ /rgyal mtshan gyis ni mtshan par bsgom/ /dud pa'i phreng ba khyab par dmigs/ /de yi steng du yi ge raM/ /me yi dkyil 'khor mchog dam pa/ /gru gsum pa la dmar ba'i mdog /'bar ba'i phreng ba 'bar bas khyab/ /nyi ma bye ba 'od mtha' yas/ /rdo rjes mtshan pa bsgom par bya/ /de yi steng du chu nyid de/ /yi ge baM mchog las byung ba/ /du sha ra yi mdog 'dra ba/ /zlum la 'od zer phreng ba can/ /de yi steng dus dkyil 'khor/ /laM las byung ba ser po ste/ /zur bzhi pa la rdo rjes mtshan/ /'od zer ser po khyab par 'khrigs/ /rnal 'byor de steng bsgom pa ni/ /ri rab lhun po mchog gyur pa/ /zur bzhi pa la rin chen bzhi/ /rtse mo brgyad kyis rnam par mdzes/ /yi ge suM las legs par byung / /'od zer gzi brjid mchog dam pa'o/ /de yi steng du bsam pa ni/ /bruM ni dkar po las byung ba/ /de steng 'khor lor bcas pa dag /khang pa brtsegs pa rnam par bsam/ /zur bzhi pa la sgo bzhi pa/ /rta babs bzhis ni rnam par brgyan/ /dra ba dra phyed kyis mdzes shing / /ba dan phreng bas rnam par rgyan/ /zur gyi cha ni thams cad dang / /sgo dang sgo khyud mtshams rnams su/ /rdo rje rin chen gyis brgyan cing / /phyi yi dkyil 'khor thig gdab bo/ /de yi nang du 'khor lo ni/ /brgyad po dkar po'i mdog can la/ /de yi dbus su pad+ma che/ /sna tshogs 'dab ma brgyad pa la/ /lte ba ge sar gyis khyab pa/ /zla ba'i dkyil 'khor dbus su ni/ /rdo rje sems dpa' rig mar bcas/ /dkar po ser po de bzhin te/ /dmar dang ljang gu zhal bzhi pa/ /zhi zhing dgod dang khro ba dang / /rnam par 'gyur ba shin tu 'jigs/ /rdo rje dril bus mnyam par ldan/ /mdung dang dgra sta cang te'u dang / /gri gug thod pa kha T+wAM ga /tshangs pa'i pags pa gos su mnabs/ /zhags pa tshangs pa'i mgo bo dag /phyag ni bcu gnyis de bzhin te/ /sems dpa'i skyil mo krung du bzhugs/ /dbu rgyan thod pa'i cod pan can/ /rgyan rnams thams cad yongs su rdzogs/ /dpe byad mtshan dang yang dag ldan/ /thugs kyi ye shes dam tshig can/ /cod pan rdo rje 'dzin pa yin/ /ji ltar thabs bzhin shes rab de/ /phyag rgya lnga po byin gyis brlab/ /rigs kyi dbye bas phye nas ni/ /rdo rje dbyings kyi dbang phyug mchog /bde ba chen po'i thabs sbyor bas/ /sku ni gnyis su med par thim/ /mnyam pa nyid las byung ba'i sku/ /mkha' 'gro'i 'khor ni dpa' bo dang / /rnal 'byor ma dang bcas par byung / /g.yas bskum g.yon brkyang tshul gyis bzhugs/ /dkar sngon ser dmar zhal mdog ste/ /'khor lo dril bus 'khyud pa'i phyag /sngar gyi rdo rje sems sogs pa'i/ /phyag mtshan rim par 'dzin pa yin/ /thod pa'i phreng ba'i rgyan dang ni/ /mgo bo'i phreng ba rlon pas spud/ /zla ba phyed pa rab 'dzin pa/ /zhal bzhi mche ba rnam par gtsigs/ /spyan gsum phyag ni bcu gnyis pa/ /tshangs pa la sogs pa'i lha zhabs kyis gnon pa/ na ra'i rus pa'i rgyan can/ rnam par snang mdzad kyi dbu rgyan can/ phyag rgya drug gis brgyan pa/ stag gi pags pa bgos pa/ sangs rgyas mkha' 'gro mas pang du 'khyud pa/ sku la thod pa dang gdug pa la sdigs mdzub kyi 'khor lo 'dzin pas 'khyud pa/ byin pa gnyis kyis 'khril ba/ bde ba dang dgyes pas myos pa/ khams dang / phung po dang / skye mched rnams byin gyis brlabs te sa'i khams ni/ laM ste/ ltung byed ma'o/ /chu'i khams ni/ maM ste/ gsod byed ma'o/ /me'i khams ni/ raM ste/ 'gugs byed ma'o/ /rlung gi khams ni/ yaM ste/ gar gyi dbang phyug ma'o/ /nam mkha'i khams ni| khaM ste| pad+ma'i dra ba ma'o/ /ser ba dang / sngo ba dang / dmar ba dang / dud ka dang / /sngo ba'o/ /gzugs kyi phung po rnam par snang mdzad de/ oM mdog dkar po/ tshor ba'i phung po rdo rje rin chen te/ aM gser btso ma'i mdog lta bu/ 'du shes hri ste/ pad+ma gar gyi dbang phyug dmar po/ 'du byed rdo rje rgyal po ho ljang gu /rnam par shes pa rdo rje sems dpa' hUM dkar po/ de bzhin gshegs pa thams cad kyi de kho na nyid ni/ dpal he ru ka ste/ hi mdog nag po/ mig bruM ste/ gti mug rdo rje dkar po/ rna ba hUM zhe sdang rdo rje ste/ nag po'o/ /sna ni/ khaM phrag dog rdo rje ste| ser po'o/ /ngag chags pa rdo rje ste/ a dmar pa'o/ /reg pa ni/ ser sna rdo rje ste/ haM ljang gu'o/ /skye mched thams cad dbang phyug rdo rje ste/ haM dkar po'o/ /lus ni/ hUM ste/ dkar po'o/ /ngag ni/ AHste/ dmar po'o/ /yid ni/ oM ste/ sngon po'o/ /de ltar lus ngag yid gsum gyi bar byin gyis brlab cing dmigs so/ /de la shar gyi 'dab ma'i mkha' 'gro ma ni/ sku mdog sngon po'o/ /lho phyogs kyi 'dab ma la lA ma ni/ ljang gu ste/ sngo sangs so/ /nub phyogs kyi 'dab ma la dum skyes ma dmar mo/ byang gi 'dab ma la gzugs can ma gser gyi mdog ser skya zhal gcig pa/ phyag bzhi pa/ spyan gsum pa/ skra grol ba/ phyogs kyi gos 'chang ba/ g.yas brkyang bas gnas pa/ 'jigs pa'i rnam par 'gyur ba/ phyag rgya lngas rnam par brgyan pa/ thod pa dang kha T+wAM ga dang cang te'u dang gri gug 'dzin pa/ zhal gdong rjes su chags pas gnas pa/ dgyes pa'i chags pas lta zhing reg pa'o/ /mtshams bzhir bdud rtsi lnga'i bum pa'i steng du byang chub kyi sems kyis gang ba'i snod bzhi gzhag go /shar du pre ta pu rir stobs po che dang / 'khor lo'i shugs can ma nag po/ /byang du gr-i ha de ba tar rdo rje rin chen dang / dum skyes ma ser mo/ /nub tu sau raSh+Tar rta mgrin dang / chang tshong ma dmar po'o/ /lhor su war+Na dwI par nam mkha'i snying po dang / 'khor lo'i go cha ma ljang gu'o/ /mer nag rar dpal khrag 'thung dang / rab dpa' mo dmar po'o// bden bral du sin+d+hur pad+ma gar gyi dbang phyug dang / stobs chen ma ste zla ba dang / ser skya'o/ /rlung phyogs na ma ru tar rnam par snang mdzad dang / 'khor los bsgyur ma dud ka'i mdog dang / dbang ldan du ku lu tar rdo rje sems dpa' dang / brtson 'grus chen mo dkar po'o/ /stobs po che la sogs pa'i dpa' bo ni/ zhal gcig pa/ phyag bzhi pa/ ral pa'i dbu rgyan 'chang ba/ phyag gnyis la 'khor lo dang dril bus 'khyud pa/ phyag gzhan la kha T+wAM ga dang cang te'u 'dzin pa/ phyag rgya lngas brgyan pa/ g.yas brkyang bas bzhugs pa'o/ /'khor lo'i shugs can ma la sogs pa'i lha mo ni/ gdong gcig pa/ phyag gnyis pa/ thod pa dang / sdigs mdzub 'khor lo 'dzin pas 'khyud pa/ spyan gsum pa| drag po'i gzugs can/ skra grol pa/ gcer bu gnyis su med par sbyor bar mnyam par gnas pa/ phyogs kyi gos can ma mgrin pa'i nor bu dang / gdu bu dang / dpung rgyan dang / rna cha dang / tshangs pa'i skud pa dang / mgul rgyan dang / mgo'i phreng ba dang / g.yer kas 'og pag byas pa shar dang / byang dang / nub dang / lho'i sgor kha gdong ma dang / 'ug gdong ma dang / khyi gdong ma dang / phag gdong ma rnams so/ /me dang / bden bral dang / rlung dang / dbang ldan du ni gshin rje sreg ma dang / gshin rje'i pho nya mo dang / gshin rje mche ba ma dang / gshin rje 'joms ma rnams so/ /ji ltar mkha' 'gro ma bzhi ni/ khwa gdong ma la sogs pa'i dbye ba yang de bzhin no/ /mtshams kyi lha mo gzugs gnyis pa/ yid 'phrog ba'i tshul can/ yi dwags kyi gdan la bzhugs pa/ drag po chen po thugs rjes sems can gyi don mdzad pa'o/ /dpa' bo 'di dag thams cad kyang dpral bar 'khor lo'i phreng ba can no/ /'di dag ni/ sku'i 'khor lo sa 'og na gnas pa'o/ /bcom ldan 'das dkyil 'khor la bzhugs te dpa' bo dang rnal 'byor ma rnam pa sna tshogs pa chags pa'i mig gis blta zhing / sna tshogs ro bcud bde ba ste/ /chags pa'i bde ba chen po ni/ /de ring du ni bdag gis rnyed/ /a la la ho dgyes pa che/ /bde ba chen po de nyid yin/ /bde gshegs lha ni shin tu mdzes/ /glu 'di blangs pa tsam gyis ni/ /dga' bas srid pa dag las grol/ /bde bar gshegs pa dag pa ste/ /dkyil 'khor du ni rnam par brtag /mngal skyes glu yi dbang gyur par/ /rnal 'byor kha cig 'dod pa yin/ /mngal skyes sku yi 'khor lo ste/ /ye shes dkyil 'khor bltas nas ni| |mchod dang bstod pa byas nas gzhug /spro dang bsdu ba'i sbyor ba yis/ /dngos dang dngos med rnam par bsgom/ /rnal 'byor pa yis ma nor bar/ / bzlas pa khri 'am 'bum du bzla/ /skye ba can gyi lus grub ste/ /mkha' la spyod par the tshom med/ /oM shrI kA ya DA ka ru lu ru lu b+h+rUM hUM phaT/ DA ki nI dzA la shaM wa ra swAhA/ snying po'o/ /oM b+h+rUM haM ha b+h+rUM hUM phaT/ nye ba'i snying po'o/ /oM bud+d+ha DA ki nI ye b+h+rUM bai ro tsa nI ye b+h+rUM hUM phaT swAhA/ snying po'o/ /oM b+h+rUM sarba bud+d+ha DA ki nI ye hUM b+h+rUM phaT/ nye ba'i snying po'o/ /oM k+Sh+mAM ma hA ba la k+Sh+mAM huM hUM phaT/ oM tsakra be ge huM hUM phaT/ oM haM raM badzra hUM hUM hUM phaT/ oM khaN+Da ro he huM hUM phaT/ oM ha ya grI bA hi huM hUM phaT/ oM shoN+Di nI ye huM hUM phaT/ oM hUM A kA shA gar+b+ha huM hUM phaT/ oM tsakra warma NI ye huM hUM phaT/ oM ki li shrI he ru ka ki li huM hUM phaT/ oM su bI re huM hUM phaT/ oM si li pad+ma ni rte shwa ra si li huM hUM phaT/ oM ma hA ba le huM hUM phaT/ oM hi le bai ro tsa nI ye hi li huM hUM phaT/ oM tsakra brti nI ye huM hUM phaT/ oM d+hi li badzra satwa d+hi li huM hUM phaT/ oM ma hA biR+ya huM hUM phaT/ oM kA kA s+ye huM hUM phaT/ oM u lU kA s+ye huM hUM phaT/ oM shwA nA s+ye huM hUM phaT| oM sU ka rA s+ye huM hUM phaT/ oM ya ma dA D+hI ye huM hUM phaT/ oM ya ma dU tI huM hUM phaT/ oM ya ma daMSh+TI NI ye huM hUM phaT/ oM ma ma ma tha nI ye huM hUM phaT/ oM DA ki nI ye huM hUM phaT/ oM lA me huM hUM phaT/ oM khaN+Da ro he huM hUM phaT/ oM rU bi NI ye huM hUM phaT/ mkha' 'gro mkha' 'gro ma sogs la/ /thog ma pad+ma la gnas nas/ /mchod pa bya zhing sngags kyang bzla/ /rtag tu bdag nyid lnga po dag /'grub par 'gyur gyi gzhan du min/ / zhi ba dang ni dbang nyid dang / /rmongs par bya dang gnon pa dag /sku yi mkha' 'gros byed pa ste/ /dngos grub dam pa 'grub par 'gyur/ /dam tshig can dag langs dus su/ /yan lag drug tu bsgom bya ba/ /rnam dag ye shes mig gis ni/ /dpa' bo rnal 'byor ma rnams blta/ /oM ha snying ga la/ na maH hi mgo bo la/ swA hA hu spyi gtsug la/ oM bau ShaT he go cha 'o/ hUM hUM ho mig la'o/ /phaT haM yan lag kun gyi mtshon cha'o/ /dkar ba ser dang dmar ba dang / /sngo dang ljang gu dud kha dang / /yid kyis mdog drug rnam par bsgom/ /oM baM sangs rgyas mkha' 'gro ma ste/ lte ba la'o/ /hAM oM ya mi ni ste/ snying ga la'o/ /hrIM moM rmongs byed ma ste/ kha la'o/ /hriM hrIM g.yo byed ma ste/ mgo bo la'o/ /hUM hUM skrag byed ma ste/ spyi gtsug la 'o/ /phaT na maH tsaN+Ti ka ste/ yan lag thams cad kyi mtshon cha'o| |dpa' bo rnal 'byor ma thams cad/ /mkha' 'gro rnams ni bzhugs nas kyang / /rang gi lha yi sbyor ba yis/ /thams cad 'di yis rnam par brtag/ 'chi med ye shes lnga bza' zhing / /ji ltar bde bar gnas par bya/ /rdo rje dam tshig can mchod nas/ /dus bzhi dag tu bsnyen pa bya/ /mngon par brjod ba'i rgyud bla ma'i bla ma las/ sku'i sdom pa'i cho ga'i le'u ste bzhi pa'o// //de nas gzhan yang bshad bya ba/ /gsung gi dkyil 'khor rnam bsgoms te/ /sngar gyi dkyil 'khor dbus dag tu/ / gsung gi 'khor lo rnam par bsgom/ /rtsibs brgyad dmar po'i mdog can la/ /nang gi 'dab ma snga ma bzhin/ /rdo rje sems dpa' bla med pa/ /gsung gi rdo rje rnam par bsgom/ / gdong bzhi pa la phyag bcu gnyis/ /g.yas brkyang ba yi gnas pas bzhugs/ /pad+ma'i mkha' 'gro mas 'khyud cing / /rtag tu bde ba che la bzhugs/ /pad+ma dril bus mnyam par 'khyud/ /dbang phyug chen po'i mgo bsnams shing / /dbang phyug chen po'i pags pa ni/ /phyag gnyis dag gis brkyang nas 'dzin/ /lhag ma ni/ snga ma'i rim pa bzhin du 'gyur ro/ /dbang phyug chen po'i 'khor rnams ni/ /zhabs 'og mnan par rnam par blta/ /dmar zhing sngo la de bzhin ser/ /g.yon pa dkar la spyan gsum pa/ /ral ba'i dbu rgyan dag gis brgyan/ /thod pa'i phreng bas dbu la mdzes/ /zla ba phyed pa 'chang ba dang / /sna tshogs pad+ma rnam dgod cing / /mche ba rnam par gtsigs pa dang / /'jigs pa'i zhal ni rnam 'gyur zhing / /sgeg pa la sogs nyams dang ldan/ /stag gi pags pa gos su bgos/ /mi mgo rlon pa'i phreng ba can/ /mgul rgyan gdu bu rna cha dang / /mgo bo'i phreng bas rnam par brgyan/ /mchod phyir thogs dang thal ba ste/ /phyag rgya drug tu rab tu grags/ /de dag pha rol phyin drug ste/ /phyag rgya drug gis rgyas btab pa'o/ /de yi pang na bcom ldan ma/ /pad+ma'i mkha' 'gro ma rang mdog/ zhal gcig phyag gnyis spyan gsum pa/ /gcer bu skra ni grol ba ni/ /dum bus brgyan pa'i ska rags can/ /phyag g.yon thod 'dzin 'khyud pa dang / /gdug pa'i bdud kyi khrag 'chang zhing / /pad ldan lag pas phyogs kun tu/ /gdug pa kun la sdigs mdzub byed/ /bskal pa'i me lha gzi brjid 'bar/ /zhal nas kyang na khrag 'dzag cing / /byin pa gnyis kyis rnam par 'khril/ /bde ba chen po thugs rje'i bdag/ /mkha' 'gro ma sogs sngar bshad bzhin/ /pad+ma la sogs phyogs bkod na/ /dngos grub thams cad rab tu stsol/ /sngar bshad mdog tu gnas pa ste// 'on kyang mkha' 'gro ma dkar po/ /dum skyes ma ni de bzhin nag/ lha mo gnyis po mdog de bzhin/ /phyag g.yon kha T+wAM thod pa dang / /g.yas pa cang te'u gri gug 'dzin/ /mtsham pa ni bzhi po dag tu yang / /'chi med lnga po'i bum steng du/ /byang chub sems kyi snod kyang gzhag /gsung gi 'khor lo'i shar du kA ma ru pa na myu gu can dang / sa srung ma ste/ dkar po'o/ /byang du o te na rdo rje ral pa can dang / 'jigs byed ma chen mo ste/ dmar po'o/ /nu ba tu tri sha ku na na dpa' bo chen po dang / rlung gi shugs can ma ste/ nag po'o// lho ru ko sa lar rdo rje hUM mdzad dang / chang 'thung ma ste/ gnam mdog ljang gu'o/ /me'i phyogs su ka ling+ka na rab bzang dang / sngo sangs ma ste/ ser skya'o/ /bden bral du lAM pa ka na rdo rje bzang dang / rab bzang ma ste/ dkar po'o/ /rlung gi phyogs su kA ny+tsi na 'jigs byed chen po dang / rta rnam ste/ ljang gu'o/ /dbang ldan na hi ma la ya na mig mi bzang dang / bya gdong ma ste/ gnam mdog sngo sangs so/ /gsung gi 'khor lo sa la spyod pa'o/ /myu gu can la sogs pa'i dpa' bo ni/ zhal gcig pa/ phyag bzhi pa/ spyan gsum pa /ral pa'i cod pan can/ dar dpyang dang ldan pa/ phyag gnyis na pad+ma dang / dril bus 'khyud pa/ g.yon pa'i phyag na kha T+waM ga /g.yas na cang te'u/ phyag rgya lnga la sogs pas brgyan pa/ /g.yas brkyang ba'i gnas pas bzhugs pa'o/ /e rA ba ti la sogs pa'i lha mo rnams ni/ phyag gnyis pa/ zhal gcig pa/ thod pa dang / sdigs mdzub pad+ma can gyis 'khyud pa/ mgul rgyan dang / gdu bu dang / dpung rgyan dang / rna rgyan dang / tshangs pa'i skud pa dang ldan pa'o/ /thod pa'i phreng ba'i mgul rgyan can/ /'og pag dag gi sku rags ldan/ /kha gdong la sogs dbye ba yis/ /sngar bshad sgo srung la sogs bzhin/ /gshin rje sreg sogs lha mo rnams/ /mtshams bzhi 'di ltar shes par bya| |dpa' bo 'di dag thams cad kyang / /dpral pa pad+ma'i phreng ba can/ /phung po skye mched khams rnams kun/ /sku gsung thugs su rnam par brtag/ sngar bshad pa yi cho ga bzhin/ /yi ge rnams ni dgod cing sgom/ /thugs ni AH ste dmar po yin/ /gsung ni oM ste dkar por bshad/ /rdo rje sku ni hUM yin te/ /nam mkha' zla ba lta bu'o// dkyil 'khor dag ni thams cad kyang / /thams cad sbyor zhing bsgoms nas su/ /ye shes 'khor lo de mthong nas/ /dbang bskur bas ni gzhug par bya/ /thams cad byung ste thim nas su/ /thams cad sgom zhing bsam par bya/ /sku gsung thugs kyi rim pa yis/ /spro bsdu dag gi sbyor bar bya/ /oM shrI wA ka DA ka A ro li ka hUM phaT/ hUM DA ki nI dzA la shaM pa raM swA hA/ snying po'o/ /oM A ro li ka hrIH hUM phaT/ nye ba'i snying po'o/ /oM pad+ma DA ki ni ye hrIH huM hUM phaT swA hA/ snying po'o/ /oM sarba pad+ma DA ki nI pe a huM hUM phaT swA hA/ nye ba'i snying po'o/ /oM DA ki nI ye huM hUM phaT/ oM lA me huM hUM phaT/ oM khaN+Da ro he huM hUM phaT/ oM rU pi NI ye huM hUM phaT/ oM phaT aM ku ri ka phaT huM hUM phaT/ oM ai rA ba tI ye huM hUM phaT/ oM da ha badzra dza Ti la da ha huM hUM phaT/ oM ma hA b+hai ra bI ye huM hUM phaT/ oM pa tsa ma hA bI ra pa tsa huM hUM phaT/ oM bA yu be ge huM hUM phaT/ oM b+hak+Sha badzra hUM ka ra b+hak+Sha ba sa ru d+hi ra an+t+ra mA lA ba laM bi ne huM hUM phaT/ oM su ra b+ha k+ShI ye huM hUM phaT/ oM gr-ih+Na su b+ha dre gr-ih+Na sab+ta pA tA ga ga ta b+hu dzaM ga sarba bA/ tardza ya ta rdza ya huM hUM phaT/ oM sh+yA ma de bI ye huM hUM phaT/ oM a ka D+D+h+ya badzra badzra b+ha dra A kaD+D+h+ya huM hUM phaT/ oM su b+ha dre huM hUM phaT/ oM hr-I ma hA b+hai ra ba hrAM huM hUM phaT/ oM ha ya kar+Ne huM hUM phaT/ oM dz+NauM bi rU pAk+Sha ye dz+NauM huM hUM phaT/ oM kha gA na ne huM hUM phaT/ oM kA kA s+ye hUM hUM phaT/ oM u lU ka s+ye huM hUM phaT/ oM shA nA s+ye huM hUM phaT/ oM sU kA rA s+ye huM hUM phaT/ oM ya ma dA D+hI ya huM hUM phaT/ oM ya ma du tI ye huM hUM phaT/ oM ya ma daMSh+Ti NI ye huM hUM phaT/ oM ya ma ma tha nI ye huM hUM phaT/ rdo rje dam tshig gis mchod nas/ /bzlas pa'i cho ga rab tu bya/ /dgug pa dang ni rgyas pa nyid/ /sna tshogs las ni 'grub par 'gyur/ /chos can yid 'ong gyur pa ste/ /ngag gi dngos grub 'grub par 'gyur/ /mchog dang bar ma thams cad dang / /tha ma thams cad mthar gnas la/ /de la thams cad gnas pa ste/ /sna tshogs gdul ba'i mchog dam pa| |'dod pa'i chags pas rjes su chags pas rjes su chags/ /'dod pa'i dga' bas myos pa dag/ bdag nyid chen po sgrub pa po/ /de yi dbang du gnas pa yin/ /sna tshogs pad+ma mdzes gnas nas/ /rnal 'byor chen po rnam par spyod/ /b+hur+b+hu 'dod chags chos kyi bdag/ bde ba che la rnam par bzhugs/ /langs pa'i dus su dam tshig ni/ /dri chen rdo rje chu bza' zhing / /chos kyi phung po rdzogs gyur nas/ /rig pa'i rgyal po la sogs 'grub/ /oM ha snying ga la/ na maH hi mgo la/ Sha swA hA hu A ro li ka spyi gtsug la/ bauShaT he go cha/ hUM hUM ho mig la'o/ /phaT haM mtshon cha'o/ /chos kyi rdo rje dang / rnam par snang mdzad dang / pad+ma gar gyi dbang phyug dang / rdo rje 'jigs byed dang / rdo rje nyi ma dang / rta mchog ste/ dmar ba dang / ser ba dang / dkar ba dang / sngo ba dang / dmar ba dang /gur gum gyi mdog dang / ljang gu ste/ bye brag go/ oM baM pad+ma'i mkha' 'gro ma ste/ lte ba la'o/ /haM yoM pad+ma ya mi ni dang / hrIM moM pad+ma rmongs byed ma dang / hrIM hrIM pad+ma g.yo byed ma dang / hUM hUM pad+ma skrag byed ma dang / phaT phaT haM pad+ma tsaN+Dika ste/ snying ga dang / mgo dang / spyi gtsug dang / mig dang / chos kyi mtshon cha rnams so/ /dmar ba dang / sngo ba dang / dkar ba dang / ser ba dang / ljang gu dang / dud ka'i mdog can no/ /bzlas pa'i dus su dgod pa ste/ /ji ltar bde bar spyad par bya/ /dpa' bo rnal 'byor ma rnams kyi/ /go 'phang gnas ni bzhugs pa yin/ /mnyam par bzhag pas drod 'byung ba/ /rtse gcig dmigs pas blang bya ste/ /gsung gi rdo rje mnyam pa nyid/ /rang gi lha yi sbyor ba yi/ /chos rnams thams cad rab tu brtag /rdo rje chu dang rnam snang dang / /sbrang rtsi mar dkar lhan cig sbyar/ /lce yi dam tshig sbyor ba yis/ /snying po'i ye shes de nyid do/ /bdag po dbu rgyan la bsgoms la/ /ci bde bar ni bza' ba bza'/ /lha yi gzugs su gyur nas su/ /'dod pa'i lha yi bdag por skye/ /bza' ba'o ma'i btung ba yis/ /nad dang rga ba rnam par spangs/ /sems can rjes su chags pa yi/ /lha mo glu 'dis bskul ba yis/ /byang chub chos rnams thams cad kyi/ /sems can don ni bla med mdzad/ /brtson 'grus pha rol phyin pa yis/ /thugs rje bskyed cing bstan par mdzad/ /gsang ba'i chos ni bstan nas kyang / /ngag gi dngos grub mchog kyang 'grub/ /sems can kun la phan pa'i phyir/ /ji lta bar ni bstan pas grol/ /de nyid rnal 'byor mas bskul nas/ /sna tshogs du ma mang po yi/ /dam tshig mchod pa ngo mtshar rmad/ /mig bye nas ni bstod pa ni/ /A par ta ru su ra ta su kha bA hA su kha me tA sau khya ma ya/ sa ma ya ra ma ra ma ho/ /sur ta so bya ya tre sa ma tsa ri ti/ su ra ta sau khya ya tre sa ma tsa ri ti/ /su ga ta sA n+ta ma ya pra bi 'i bi kurba bi kurba/ su ra ta di ya pad+ma dz+wa le/ pra bi dzim+pa dzim+pa/ su ra to su kha pad+ma dz+wa le/ pra bi nan+ta na rta su kha sa da na pad+ma dz+wa le/ pra bi marda su ra ta ma ba si bi shwa dza le ho ha hUM ha ha ho/ /dza ya mahA su kha su kha te dze ma ya ra ma ra ma ho/ /su ra ke tu su kha ba hUM bi ti te dza mu ka dza ya te dza ra/ ha na ta ho ba rA ha/ sa su kha ho hUM ho ho su ra to twA ra ga su kha ra ti rI dzi na par ma shrI ra ti ho| |pa ra ma he tu ma hA su kha ho/ /su kha ma nu yo na ra ba ra me shwa ra ho/ /ho b+ha ga wA na ma hA su khaM hUM ho/ /ba huM bi ti bi shwa dzA la ri ta bi shwa ma ho/ /su ra ti su khaM ga tsit+ta pa ra ma mahA su kha ho/ /su khu ma nu gr-ih+dz+ya ho/ /su ra ta ut+ta ma san+di su khaM a A ro li ka/ a ma hA su kha gr-i h+dz+ya ho/ /glu 'di dag ni blangs tsam gyis/ /dga' zhing bde ba yang dag 'dus/ /bde ba chen po yid 'dod pa/ /dngos grub kyang ni 'thob par 'gyur/ /'khor tshogs chen po byin brlabs nas/ /dkyil 'khor chen po dgyes pa che/ /pad+ma dra ba'i sdom pa yin/ /mngon par brjod pa'i rgyud bla ma las/ gsung gi sdom pa'i le'u ste lnga pa'o// //de nas gzhan yang bshad bya ba/ /thugs kyi dkyil 'khor dam pa ste/ /gzhal yas brtsegs ma'i dbus dag tu/ /'khor lo mchog ni dgod par bya/ /sngon po'i mdog can gzi brjid che/ /gsang ba las byung rtsibs brgyad pa/ /de yi dbus su pad+ma ni/ /sna tshogs pad+ma ge sar can/ /'dab ma brgyad du bshad pa ste/ /rnam dag gdan du byas pa yin/ /de yi dbus su zla ba bsgom/ /der ni zla ba khyab par ni/ /rdo rje sems dpa' bde ba che/ /lha mchog grol zhing bzhengs par gyur/ /oM hUM a mahA su kha a la la ho/ /ma hA su ra ta s+t+waM su ra ta su kha bi yo ga su ra ta ut+ta ma bo d+hi su khaM/ su kha ma nu sid+d+hi ho/ /su ra ta ba ya sau khya ma ya oM AH hUM hoH b+ha ga wA na ma hA su kha ut+ta ra ut+ta ra/ sar+b+ba ut+ta ma sau khya ma ya hUM/ a la la ho/ /mahA su kha s+t+waM/ ba ra ma su khA ma lai du bi bi ut+ta ma dzA la su khaM a la la ho/ /su ra te sau khya ma ya/ bcom ldan bde ba chen po ni/ /'khor dang bcas par mnyam par bzhengs/ /thugs kyi 'khor lo zhal bzhi pa/ phyag bcu gnyis pa/ g.yas brkyang g.yon bskum pa'i zhabs kyis bzhugs pa/ spyan gsum pa/ mche ba rnam par gtsigs pa/ sngo ba dang / dkar ba dang / ser ba dang / dmar ba'i zhal/ rdo rje dang dril bus 'khyud pa/ khyab 'jug gi mgo bo phyag na bsnams pa/ khyab 'jug gi pags pa rlon pa brkyang nas phyag gzhan gnyis na bsnams pa'o/ /lhag ma sku'i mkha' 'gro dang mtshungs so/ /thod pa'i phreng ba can| mgo'i phreng ba 'chang ba/ mgo'i phreng bas sku rags bcings pa/ rdo rje sems dpa' dbu rgyan can/ /zla ba phyed pa'i rgyan yang 'chang / /sna tshogs rdo rje cod pa na gnon/ /stag gi pags pa gos su man bas/ /phyag rgya drug gis rnam par brgyan/ /mdun gyi mkha' 'gro ma ni/ zhal gcig pa/ phyag gnyis pa/ spyan gsum pa| skra grol ba/ gtser bu dum bus brgyan pa/ ska rags can/ phyag g.yon pa thod pa thogs pas 'khyud pa/ g.yas pa rdo rje sdigs mdzub can/ /ska rags g.yer ka'i sgra sgrog pa/ /chos kyi sgra ni yid 'ong ba/ /'byung bar 'gyur ba bye ba snyed/ chos kyi dbyings te stong pa yin/ /mnyam pa nyid dang so sor rtog/ /bya byed pa yang de bzhin bsgom/ /sbyor ba mchog gi dam pa ste/ /rnam dag legs par brtags nas su/ /mnyam nyid chos kyi ro gcig byas/ /'khor lo la ni rnam par blta/ /shar gyi 'dab mar mkha' 'gro dang // lho phyogs lA ma de bzhin te/ /nub phyogs dum skyes ma dang ni/ /byang phyogs gzugs can ma de bzhin/ /dkar dang ser dang de bzhin dmar/ /ljang gu'i mdog can mchog dam pa| |thod pa dang ni kha T+wAM 'dzin/ /cang te'u gri gug de bzhin te/ /spyan gsum pa la bzhin rnams bsgyur/ /gcer bu skra grol 'jigs ba can/ /g.yas brkyang ba yi gnas pas bzhugs/ /'dod pa'i chags pas legs par myos/ /cung zad ngo tsha'i mig zur dang / /nu ma rab rgyas dga' ba 'dzin/ /zhal gyi mche ba cung zad gtsigs/ /phyag rgya lnga yis rgya yang gdab/ /mtshams bzhi ru ni bum pa dag/ ye shes bdud rtsi gang bas dgod/ /de steng byang chub sems kyis ni/ /yongs su gang bar gzhag par bya/ /thugs kyi 'khor lo'i shar phyogs su pU li ra ma la ya na thod pa'i dum bu dang / rab gtum ma ste/ dkar po'o/ /byang du dzA lan+d+ha ra na keng rus chen po dang / gtum mig ma ste/ ser bo'o/ /nub tu au D+yan na keng rus can dang / 'od ldan ma ste/ dmar po'o/ /lho phyogs su arbu ta na ma che ba rnam par gtsigs pa dang / sna chen ma ste/ ljang gu'o/ /me'i phyogs na go dA ba ri na lha dgra dang / dpa' ba'i blo gros ma nam mkha'i mdog can ma'o/ /bden bral du rA me shwa ra na 'od dpag med dang / mi'u thung ma ste/ dkar skya'o/ /rlung gi phyogs na de bi ko Ti na rdo rje'i 'od dang / lang+ka'i dbang phyug ma ste/ ljang gu dang / mu tig lta bu'o/ /dbang ldan na ma lA ba na rdo rje lus dang / shing grib ma ste/ pad+ma dang / ser skya'o/ /thugs kyi 'khor lo nam mkha' la spyod pa'o/ /thod pa'i dum bu la sogs pa'i dpa' bo ni/ gdong gcig pa/ phyag bzhi pa/ ral pa'i cod pan can/ thugs rjes khro zhing 'jigs pa/ rdo rje dang dril bu'i phyag gnyis kyis 'khyud pa/ g.yon pa dang g.yas pa'i phyag gnyis la khwa T+wAM ga dang / cang te'u 'chang ba/ phyag rgya lngas brgyan pa/ g.yas brkyang pas bzhugs pa'o/ /rab gtum ma la sogs pa'i lha mo rnams ni/ zhal gcig pa/ phyag gnyis pa/ sdigs mdzub kyis thod ba 'khyud pa/ spyan gsum pa/ ser skya'i gzugs can no| |skra grol ba/ gzugs gnyis pa/ gnyis su med par mnyam par ldan pa/ phyogs kyi gos can rnam par rol pa/ mgrin pa'i nor bu dang / gdu bu dang / dpung rgyan dang / rna cha dang / tshangs pa'i skud pa dang / mgul rgyan dang / mgo bo'i phreng ba dang / g.yer ka'i sku rags can/ sgo dang zur gyi lha mo rnams/ /khwa gdong gshin rje sreg la sogs// ji ltar mkha' 'gro mdog bzhin du/ /khwa gdong la sogs de bzhin no/ /mtshams rnams lha mo de bzhin te/ /gzugs gnyis 'dzin cing yid 'phrog pa'o/ /phyag sogs de ltar bsgoms nas ni/ /dngos grub thams cad rab tu stsol/ /ye shes 'khor lo de mthong nas/ /mchod dang bstod dang dbang yang bskur/ /sgom pa rtse gcig byas na ni/ /bdag med ma yi go 'phang gnas/ /snying po ye shes dam tshig ni/ /sgrub pos 'dod pa kun gyi phyir/ /sku gsung thugs la rnam bkod nas/ /sangs rgyas mchog ni rnam par spro/ /rtag tu dam tshig bskyang bya zhing / /ye shes lnga yi bdud rtsi chu/ /dam tshig mchod pa'i sbyor ba yis/ /cho ga bzhin du bzlas pa bya/ /oM shri tsit+ta DA ki d+hi ka a khaM huM hUM phaT/ DA ki nI dzA la shaM ba ra huM hUM phaT/ snying po'o/ /oM hrIH ha ha huM hUM phaT/ nye ba'i snying po'o/ /oM badzra DA ki nI huM hUM phaT/ nye ba'i snying po'o/ /oM sarba badzra DA ki nI ye badzra bar+Na nI ye huM hUM phaT/ snying po dang nye ba'i snying po'o/ /oM DA ki nI ye huM hUM phaT/ oM lA me huM hUM phaT/ oM khaN+Da ro he huM hUM phaT/ oM rU pi Ni huM hUM phaT/ oM ka raM khaN+Da ka pA la ka ra huM hUM phaT/ oM pra tsa N+De huM hUM phaT/ oM ku ru mahA kaM kA la ku ru huM hUM phaT/ oM tsaN+DA k+Shi ye huM hUM phaT/ oM ban+d+ha kaM kA la ban+d+ha huM hUM phaT/ oM pra b+ha pa tI ye huM hUM phaT/ oM tA sa ya bi ka Da daM Sh+TaM Ni tA sa ya huM hUM phaT/ oM ma hA na se huM hUM phaT/ oM k+Sho b+ha ya su ra bai ri Na k+Sho b+ha ya huM hUM phaT/ oM bI ra ma tI ye huM hUM phaT/ oM hroM a mi tA b+hA hroM huM hUM phaT/ oM kharba rI ye huM hUM phaT/ oM hra badzra b+hA hra huM hUM phaT/ oM laM ke shwA rI ye huM hUM phaT/ oM pheM badzra de ha pheM huM hUM phaT/ oM dru mats+tsha ye huM hUM phaT/ oM kA kA s+ye huM hUM phaT/ oM u lU kA s+ye huM hUM phaT/ oM shwA nA s+ye huM hUM phaT/ oM sU ka rA s+ye huM hUM phaT/ oM ya ma dA D+hI ye huM hUM phaT/ oM ya ma du tI ye huM hUM phaT/ oM ya ma daM Sh+Ti NI ye huM hUM phaT/ oM ya ma ma tha nI ye huM hUM phaT/ bzlas pa sgom par ldan byas nas/ /spro dang bsdu ba'i rim pa yis/ /sngags pa myur du 'grub pa ste// rdo rje sems dpa'i go 'phang rnyed/ /mnyam pa'i dam tshig dam tshig mchog /thugs kyi rnyed pas khyab pa la/ /rnal 'byor chen po rnam par spyod/ /mkha' la spyod pa nyad thob 'gyur/ /'di ni khams gsum thams cad du/ /go 'phang mchog la legs par bzhugs/ /langs ba'i dus su dam tshig can/ /yan lag drug tu sbyor ba bshad/ /oM haH snying ga ste/ rdo rje sems dpa' dkar po/ /na ma hi mgo la ste/ rnam par snang mdzad ser po/ /swA hA hu spyi gtsug la ste/ pad+ma gar gyi dbang phyug zla ba dang ser skya'o| |bau ShaT he go cha ste/ he ru ka nam mkha'i mdog can no/ /hUM hUM ho mig la ste/ rdo rje nyi ma gser btso ma lta bu'o/ /phaT haM ni/ yan lag thams cad kyi mtshon cha ste/ rta mchog ljang gu ser skya'o/ /oM baM lte ba la ste/ rdo rje mkha' 'gro nam mkha' dang ser skya'o/ /haM yoM snying ga la ya mi ni/ dkar mo'o/ /hrIM moM kha la ste/ rmongs byed ma dmar mo'o/ /hreM hrIM mgo la ste/ g.yo byed ma ser mo'o/ /hUM hUM spyi gtsug la ste/ skrag byed ma sngon mo'o/ /phaT phaT yan lag thams cad kyi mtshon cha ste/ tsa N+Di ka dmar ser ro/ /ji ltar bde bar cho ga bzhin du spyod cing gnas so/ /'gro ba du ma'i bsam pal/ /thugs kyi rdo rje tshul can 'di/ /gnyis med sbyor ba mtha' yas pa/ /srid pa kun gyi dngos por gnas/ /dri ma med cing nga rgyal med/ /yi ge med cing brjod du med/ /mngon par brjod pa'i rgyud bla ma las/ thugs kyi sdom pa dang / bla ma'i bsnyen bkur gyi le'u ste drug pa'o// //de nas gzhan yang bshad bya ba/ /dkyil 'khor dam tshig mchog gyur pa/ /'dod pa'i gsang ba kun ster ba/ /shin tu gsang ba'i dngos grub stsol/ /sgrub pa po la phan pa'i phyir/ /sgrub pa'i don ni bshad par bya/ /dkyil 'khor snga ma'i dbus su ni/ /pad+ma 'dab ma brgyad pa bri/ /sna tshogs mdog can ge sar bcas/ /'dod pa kun gyi 'dras bu ster/ /de yi dbus su yi ge hUM/ /rdo rje sems dpa' rnam par bsgom/ /mtshan rnams thams cad yongs su rdzogs/ /dpe byad kun gyis rnam par brgyan/ /dgyes pa chen po'i sbyor ba yis/ /gnyis med gnyis su med pa'i mchog/ byang chub sems kyi rgyu las ni/ /byang chub zla ba dri med pa/ /de mthong lha mo langs nas ni/ /glu 'di yis ni bskul bar byed/ /hUM/ rol cig rol cig dgyes pa ho/ /bde ba chen po'i rdo rje ni/ /bde ba chen po ro nyid las/ /'di nyid du ni bzhengs su gsol/ /a la la ho dgyes pa che/ /khyod ni bde ba'i mchog yin te/ /khyod kyi zhal ni khums tsam gyis/ /bdag gis 'dir ni ro gcig rnyed/ /kye ma'o bcom ldan bde chen dgyes/ /oM/ rdo rje sems dpa' legs dgyes khyod/ /ro dang ro mchog thams cad de// dgyes pa chen po bde ba rnams/ /rtag par dngos grub kun la yang / /rol cig rol cig lha mo la/ /rnal 'byor ma ni thams cad dang / /bcom ldan rdo rje chen po ni/ /lha mo'i pad+ma dgyes la rol/ /hUM/ a la la ho dgyes pa che/ /bcom ldan 'dod la dgyes pa khyod/ /'dod pa'i dngos grub legs par stsol/ /pad+ma mchog la dgyes par rol/ /oM/ a la la ho dgyes pa che/ /tshogs kyi bde bas dus rtag tu/ /rdo rje mchog ni 'dzin pa yis/ /pad+ma'i zhal mchog bye ba yi/ /pad+ma la ni rol par mdzod// ji ltar bung bas sbrang rtsi bzhin/ /lha rnams pad+ma nyid la rol/ /kye ma grogs po dgyes chen 'dir/ /rdo rje mchog ni bde bar sbyar/ /dus kun bde ba 'dir mdzod cig/ de ring dus ni 'di nyid du/ /yang dag byang chub 'dus pa yin/ /a la la ho dgyes pa che/ /bde chen kun tu dgyes mchog rol/ /a la la ho dgyes pa che/ /glu 'di dag gis bskul nas su| |mnyam nyid las ni bcom ldan 'das/ /sdom pa'i rdo rje bzhengs par gyur/ /'khor dang bcas par gzigs nas ni/ /bcom ldan 'das ni zhal bzhi pa/ /sngo ba dang | ser ba dang / dmar ba dang / ljang gu'i zhal te/ spyan gsum pa/ phyag bcu gnyis pa/ g.yas brkyang bas 'jigs byed chen po dang dus mtshan zhabs 'og tu mnan pa/ phyag gnyis rdo rje dril bu bsnams pas dam tshig rdo rje phag mo la 'khyung pa/ phyag gzhan gnyis po na tshogs bdag gi pags pa 'dzin pa/ g.yas pa'i gsum pa na cang te'u bzhi pa la dgra sta/ lnga ba la gri gug/ drug pa la rdo rje mdung bsnams pa/ phyag g.yon pa'i gsum na rdo rje kha T+wAM ga/ bzhi pa la khrag gis bkang ba'i thod pa/ lnga pa la rdo rje zhags pa/ drug pa la bdud bzhi'i mgo bo bsnams pa'o/ /ral pa'i cod pan rgyan cha can/ /dbu la thod pa'i phreng ba 'chang / /zla ba phyed pa dbu la 'dzin/ /dbu la sna tshogs rdo rjes mtshan/ /'jigs pa'i mche ba rnam bsgyur zhal/ /sgeg pa la sogs nyams dang ldan/ /stag gi pags pa gos su mnabs/ /mi yi mgo bo'i phreng ba 'dzin/ /mgrin nor gdu bur na cha dang / /mgo yi nor bus rnam par brgyan/ /tshangs pa'i skud pa thal ba ste/ /phyag rgya drug tu rab tu grags/ /de yi pang na bcom ldan ma/ /dam tshig rdo rje phag mo ni/ /sku mdog de dang 'dra bar bya/ /zhal gcig pa la phyag gnyis pa/ /spyan gnyis pa la skra grol ba/ /gcer bu ska rags 'og pag gis rnam par brgyan pa/ phyag g.yon pas 'khyud pa ste/ bdud kyi khrag gis yongs su gang ba'i thod pa bsnams ba/ g.yas pa na sdigs mdzub rdo rje dang bcas pas phyogs bcur sdigs par byed pa/ bskal pa'i me yi gzi brjid can/ /khrag la dgyes shing zhal nas 'dzag/ byin ba gnyis kyis mnyam par 'khyud/ /thugs rje chen po'i bdag nyid can/ /chos kun gnas ni dge ba yin/ /A li kA li las byung ba/ /rnam par rtog pa med pa ste/ /chos dang chos min rnam par spangs/ /pad 'dab lha mo dgod pa yis/ /dngos grub thams cad rab tu stsol/ /mkha' 'gro ma dang lA ma dang / /dum skyes ma dang gzugs can ma/ /g.yon phyogs bskor ba'i dgod pa yis/ /rnal 'byor ma la dngos grub stsol/ /nag cing ser la de bzhin dmar/ /ljang gu drag po'i gzugs can te/ /thams cad zhal gsum phyag drug pa/ /spyan gsum g.yas brkyang gnas pas bzhugs/ /gcer bu dbu skra grol ba ste/ /bdud bzhi zhabs kyis gnon pa dang / /chags shing zhen pas myos pa dang / /thod pa dag gi dbu rgyan can/ /phyag rgya lngas ni rnam par brgyan/ /nag cing sngo la ljang ba dang / /shin tu 'jigs shing sdang mig can/ /ser zhing nag la ljang gu ste/ /snying rje'i ro ni yongs su rdzogs/ /dmar zhing nag la ljang ba dang / /sgeg pa la sogs nyams kyi 'khor/ /ljang zhing nag la ser ba dang / /'jam zhing khro bas 'jigs pa dang / /thod pa dang ni kha T+wAM 'dzin/ /g.yon pa cang ta'u gri gug ste/ /mgo bo rdo rje mdung g.yas na/ /mtshams ni bzhi bo dag tu yang / /bum pa bdud rtsi lnga yi chus/ /yongs su gang ba'i steng du yang / /byang chub sems kyis gang snod gzhug/ khwa gdong la sogs lha mo rnams/ /g.yas brkyang ba yi gnas pas bzhugs/ /nag dang sngo sangs dmar ser skya/ /zhal gcig pa la phyag bzhi pa/ /spyan gsum drag po'i gzugs can la/ /skra grol ba yis rnam par brgyan/ /thod pa'i phreng ba'i dbu rgyan can/ /phyag rgya lnga yis rnam par brgyan/ /gcer bu yi dwags gdan du mnan/ /'dod pa'i snying rjes rnam par myos/ /g.yon par mgo bo kha T+wAM ga/ g.yas na thod pa gri gug go/ /mtshams ni bzhi po dag tu yang / /gshin rje sreg sogs mkha' 'gro ma/ /zhal gcig pa la phyag bzhi pa/ /g.yas brkyang pa yi gnas pas bzhugs/ /spyan gsum pa la yi dwags gdan/ /skra grol pa yang rab tu 'jigs/ /thod pa'i phreng ba'i dbu rgyan can/ /phyag rgya lnga yis rnam par brgyan/ /gcer bu sna tshogs gzugs can la/ /dga' zhing bde bas rnam par myos/ /g.yon la thod pa kha T+wAM ga/ g.yas la cang te'u gri gug ste/ /g.yon nas bskor zhing dgod byas na/ /mtshams kyi dngos grub stsol bar 'gyur/ /khwa gdong la sogs sgor dgod pa/ /g.yas nas bskor zhing dgong par bya| |khams dang skye mched phung po rnams/ /sku gsung thugs su rnam par bsgom/ /sngar bshad rim pa'i sbyor ba yis/ /go cha bzhin du dgod par bya/ /dbang chen dang ni chu dang ni/ /me dang rlung gi dkyil 'khor gyi/ /de yi dbus su bkod pa ni/ /sa sogs bzhi po dag yin no/ /ltung byed ma dang gsod ma nyid/ /'gugs byed ma dang gar ma dag/ de nyid nam mkha'i khams yin te/ /pad+ma'i dra ba stong pa yin/ /gzugs ni rnam par snang mdzad yin/ /tshor ba rdo rje nyi ma yin/ /'du shas gar dbang rgyal po ste| |'du byed rdo rje rgyal po yin/ /rnam shes rdo rje sems dpa' ste/ /bde gshegs kun nyid he ru ka/ /mig ni gti mug rdo rje ste/ /rna ba zhi sdang rdo rje yin/ /sna ni phrag dog rdo rje ste// lce ni chags pa rdo rje yin/ /lus ni ser sna rdo rje'o/ /skye mched kun dbang rdo rje'o/ /hUM ni thugs kyi rdo rje ste/ /A zhes bya ba gsung du 'gyur/ /oM ni sku yi rdo rje ste/ /he ni rdo rje ye shes yin| |lus sogs rim pa'i sbyor ba yin/ /dngos po thams cad rnam par bsgom/ /bde ba'i chags pa bcom ldan 'das/ /chags pa med pa'ang de bzhin te/ /ye shes 'khor lo de mthong nas/ /mchod dang bstod dang dbang yang bskur/ /rjes su chags pa'i sbyor ba dag/ 'jug bas mnyam pa'i bcud du 'gyur/ /dngos dang dngos med rnam bsgoms nas/ /spro dang bsdu ba'i sbyor byas nas/ /sbyor ba'i dam tshig mchod pa yis/ /cho ga bzhin du bzlas par bya/ /oM shrI badzra he he ru ru kaM hUM hUM phaT/ DA ki nI dzA la saM ba ra swAhA/ snying po'o/ /oM hrIH ha ha hUM hUM phaT/ nye ba'i snying po'o/ /oM badzra bai ro tsa na ni ye hUM hUM phaT swAhA/ oM sarba bud+d+ha TA ki nI ye badzra war+N+Na nI ye hUM hUM phaT/ phag mo'i snying po dang / nye ba'i snying po'o/ /oM DA ki nI hUM hUM phaT/ oM lA me hUM hUM phaT/ oM khaN+Ta ro he hUM hUM phaT/ oM ru pi NI ye hUM hUM phaT/ oM kA kA s+ye hUM hUM phaT/ /oM u lU s+ye hUM hUM phaT/ oM swA nA s+ye hUM hUM phaT/ oM sU ka rA s+ye hUM hUM phaT/ oM ya ma dA D+hI ye hUM hUM phaT/ oM ya ma dU tI ye hUM hUM phaT/ oM ya ma daM Sh+Ti NI ye hUM hUM phaT/ oM ya ma ma tha nI ye hUM hUM phaT/ spros dang bsdu ba'i sbyor ba yis/ /sgom pa mchog ni bsgom par bya/ /'di ni rnal 'byor ma rnams kyi/ /mchog tu gsang ba smras pa yin/ /bcu drug cha ni yongs rdzogs pa/ /sngags dang gsang sngags kun gyi gtso/ /sgom pa'i dus las langs nas ni/ /go cha gnyis ni rnam par dgod/ /oM ha rdo rje sems dpa' snying ga la/ na maH hi rnam bar snang mdzad mgo bo la/ swAhA hu pad+ma gar gyi dbang phyug spyi gtsug la/ bau ShaT he khrag 'thung ste/ dpung pa la'o/ /hUM hUM ho rdo rje nyi ma ste/ mig la'o/ /phaT haM rta mchog ste/ yan lag thams cad kyi mtshon cha'o/ /oM baM rdo rje phag mo ste/ lte ba la'o/ /haM yoM ya mi ni steng / /snying ga la'o/ /hriM moM rmongs byed ma ste/ lce la'o/ /hreM hrIM g.yo byed ma ste/ mgo bo la'o/ /hUM hUM skrag byed ma ste/ spyi gtsug la'o/ /phaT haM gtum mo ste/ yan lag thams cad kyi mtshon cha'o/ /'di ltar dngos dang dngos med mnyam/ /thams cad chos su ro gcig ste/ /mnyam pa nyid la rnam par bzhugs/ / mnyam pa'i ye shes lnga po 'di/ /rnal 'byor dam tshig can gyis skyongs/ /dus bzhi'am yang na dus gsum du/ /ci tsam nus pa bsrung bar bya/ /'di ni gsang ba'i mchog yin te/ /gang la yang ni bstan mi bya/ /mngon par brjod pa'i rgyud bla ma chen po las/ sdom pa'i dam tshig bstan pa ste le'u bdun ba'o// //de nas cho ga'i gzhung bzhin bshad/ /pad+ma 'dab brgyad legs par mdzes/ /sna tshogs 'dab ma yid 'ong ba/ /nyi ma'i dkyil 'khor dbus su ni/ /pad+ma'i rgyal po rnam par bsam// lte bar sna tshogs rdo rje ste/ /rdo rje rtse mo lnga pa'o/ /de la lte ba'i dbus su ni/ /nyi ma'i dkyil 'khor gyis mtshan pa/ /de steng A li kA li ste/ /dbus su reg bya stong pa yin// rdo rje sems dpa' mchog gis khyab/ /bdag nyid he ru ka dpal nyid/ /zhal gdong lnga la phyag bcu gnyis/ /spyan gsum rnam par 'gyur ba ste/ /g.yas brkyang ba yi gnas pas bzhugs/ /g.yon brkyang ba yang de bzhin bzhugs/ /'jigs byed dang ni dus mtshan nyid/ /zhabs kyi 'og tu mnan par bri/ /stag gi pags pa gos su mnabs/ /thugs rje khro bos rnam par rol/ /thod pa'i phreng ba'i dbu rgyan can/ /ral pa'i cod pan rgyan du thogs/ /zla ba phyed pa'i spyi gtsug la/ /sna tshogs rdo rjes dbu la mnan| |sgeg pa la sogs nyams dang ldan/ /mi mgo'i phreng ba 'dzin pa ste/ /thod rlon phreng bas rnam par brgyan/ /mgul rgyan gdu bu rna cha dang / /thod ba'i phreng bas dbu la brgyan| |tshangs pa'i skud pa thal ba ste/ /phyag rgya drug po rnam par bsgom/ /phyag gnyis thod pa'i dril bu yis/ /phag mo la ni rnam par 'khyud/ /phyag gzhan gnyis po dag gis ni/ /'jigs byed chen po'i pags rlon bsnams/ /g.yas pa'i phyag gsum pa la rdo rje gsor zhing bdan gsum pa 'dzin pa/ phyag bzhi pa la mdung rtse lnga pa/ lnga pa la dgra sta/ drug pa la rdo rje cang te'u rnams so/ /g.yon pa'i phyag gsum pa rdo rje kha T+wAM ga/ bzhi pa la rdo rje zhags pa/ lnga pa la gri gug/ drug pa la drag po'i mgo bo/ /pang na gnas pa'i phag mo ni/ bcom ldan 'das kyi mdog can phyag gnyis pa/ zhal gcig pa/ spyan gsum pa/ skra grol ba/ /gcer bu dum bus brgyan pa'i ska rags can/ /phyag g.yon pa la byang chub kyi sems kyis gang ba'i thod pa bsnams pas 'khyud pa/ phyag g.yas ba'i sdigs mdzub kyis gdug pa kun la phyogs su sdig mdzub byed cing gri gug 'dzin pa/ /bskal pa'i me yi gzi brjid can/ /khrag la dgyes shing khrag 'dzag pa/ /byin pa gnyis kyis legs par 'khril/ /bde ba'i mchog gi dam pa'o/ /drag po'i gzugs can rnam par 'gyur/ /thugs rje'i chags pas rnam par rol/ /rdo rje sems dpa'i dbu rgyan can/ /he ru ka dpal rnam par bsgom/ /nam mkha'i mdog can ser ba dang / /dmar dang ljang gu ser skya'o/ /khro dang bzhad dang sgeg pa dang / /rngam dang zhi bar ldan pa dang / /khams dang skye mched phung po dang / /reg pa'ang de bzhin sgom pa ste/ /mkha' 'gro lA ma de bzhin te/ /dum skyes ma dang gzugs can ma/ /phyag bzhi pa la gdong gcig pa/ /spyan gsum pa la drag po'i gzugs/ skyil mo krung ni phyed par bzhugs/ /phyogs kyi gos can mchog yin no/ /thod pa'i phreng ba'i dbu rgyan can/ /skra grol ba yis rnam par brgyan/ /lha mo phyag rgya lnga 'chang zhing / /'dod pa'i rnam grol rab tu ste/ /shar dang lho dang nub dang ni/ /byang gi phyogs su rnam par dgod/ /dkar dang ser ba de bzhin du/ /dmar dang ljang gu chags pas myos// thod pa dang ni kha T+wAM 'dzin/ /dril bu cang te'u gri gug 'chang / /mtshams bzhi dag tu bum pa bzhi/ /ye shes lnga yis yongs gang ba/ /thod pa'o mas yongs gang bas/ /bum pa'i steng du gzhag par bya/ /g.yon nas bskor zhing bkod nas kyang / /ye shes sems dpa' bkug nas su/ /mchod dang bstod dang gzhug par bya/ /yid ngag lus la bkod nas ni// go 'phang mchog ni bsgom par bya/ /hUM AH oM ni rnam par bsgom/ /gsang sngags ji bzhin bzlas na ni/ /dngos grub thams cad rab tu stsol/ /oM shrI badzra he he ru ru kaM hUM hUM paT/ / DA ki nI dzA la saM ba ra swAhA/ oM hrIH ha ha hUM hUM phaT/ snying po dang / nye ba'i snying po'o/ /oM badzra bai ro tsa ni ye hUM hUM phaT swAhA/ /oM sarba bud+d+ha Ta ki nI ye badzra bar+Na ni ye hUM hUM phaT swAhA/ /lha mo'i snying po dang / /nya ba'i snying po'o/ /oM DA ki nI hUM hUM phaT/ oM lA me hUM hUM phaT/ oM khaN+Ta ro he hUM hUM phaT/ oM rU pi NI ya hUM hUM phaT/ khro bo'i sprul pa spros nas ni/ /'gro ba gsum po rdzogs par byas/ /sgom par bzlas par ldan pa yis/ /bdag gis spro dang bsdu bar bya/ /khams gsum ma lus kun tu yang / /lus ngag yid gsum ci bder spyad/ /dam tshig can bsgoms langs nas ni/ /go cha gnyis po bgo bar bya/ /oM ha rdo rje sems dba' ste/ snying ga la'o/ /na maH hi rnam par snang mdzad ste/ mgo bo la'o/ /swAhA hu pad+ma gar dbang ste/ spyi gtsug la'o/ /bau ShaT he dpal khrag 'thung ste/ dpung pa gnyis la'o/ /hUM hUM ho rdo rje nyi ma ste/ mig la'o/ /phaT haM rta mchog ste/ yan lag thams cad kyi go cha'o/ / oM baM rdo rje phag me ste/ lte ba la'o/ /haM yoM ya mi ni ste/ /snying ga la'o/ /hrI moM rmongs byed ma ste/ kha la'o/ /hreM hrIM g.yo byed ma ste/ mgo bo la'o/ /hUM hUM skrag byed ma ste/ spyi gtsug la'o/ /phaT phaT oM ni/ tsaN+Di ka ste/ yan lag thams cad kyi mtshon cha'o/ /'di ni dam tshig ngo bo ste/ /dngos po kun gyi rang bzhin no/ /sngags dbyi bas chos bdag rnal 'byor ni/ /bdag nyid chos su sbyor ba yis/ /ji ltar bde bar spyad par bya/ /mngon par brjod pa'i rgyud bla ma las/ /gnas kyi rim pa ste le'u brgyad pa'o// //de nas gzhan yang bshad bya ba/ /dpa' bo gcig bu'i cho ga ni/ /sngags pas lte bar rnam bsams pa/ /rlung dang me yi dbus su na/ /de'i steng du sna tshogs pad+ma/ de'i steng du nyi ma'i dkyil 'khor/ de'i steng du thod pa ye shes lnga'i bdud rtsis gang ba/ de'i dbus su A li kA li lugs su 'byung ba dang / lugs las ldog pa'i tshul du gnyis ltab tu byas la/ hUM byin gyis brlabs pa'i rdo rje sems dpa'i sbyor ba dga' zhing dgyes ba las byung ba ni/ dpal thugs rje'i bdag nyid he ru ka chags pas rnam par 'khor bar bsgom mo/ /de yang zhal bzhi pa/ phyag bcu gnyis pa/ zhabs g.yas pa brkyang bas bzhugs pa/ mche ba rnam par gtsigs pa/ spyan gsum pa/ zhal rnam par 'gyur ba/ thod pa'i phreng ba can/ /dpa' bo'i phyag rgya drug gis sku lus phyag rgyas btab pa/ 'jigs byed chen po dang / dus mtshan gnyis kyi mgo dang nu ma mnan pa/ stag gi pags pa mnabs pa/ snying rje'i ros 'khor ba/ rdo rje phag mo la 'khyud ba'i phyag gnyis la rdo rje rtse dgu pa/ rdo rje dril bu/ phyag gzhan gnyis la tshogs kyi bdag po'i phags pa'i stobs 'dzin pa/ g.yas pa'i phyag gsum pa la rdo rje mdung / bzhi pa la lcags kyu/ /lnga pa la rdo rje gri gug/ drug pa la rdo rje cang te'u /phyag g.yon pa'i gsum pa na thod pa rkang gis yongs su gang ba/ rnal 'byor gyi mchod phyir thogs pa dang / rdo rje kha T+wAM ga/ steng du rtse mo lnga pa'i rdo rje rab tu 'jigs pa'i rdo rje dril bu rab tu 'phyang ba/ sna tshogs ba dan rab tu dpyangs pa/ dbus su sna tshogs rdo rjes mtshan pa/ 'og nas rdo rje rtse gcig pa/ bzhi pa la rdo rje zhags pa/ lnga pa la tshangs pa'i mgo bo| |drug pa la dgra sta bsnams pa/ zhal mdog sngo ba dang / ser ba dang / dmar ba dang / ljang gu rab tu 'jigs su rung ba/ sgeg pa dang / dgod pa dang / 'gying bag can du bzhugs pa'o/ /de'i mdun du A li kA li las byung ba'i bcom ldan 'das ma rdo rje phag mo 'khyud nas bzhugs te/ sku mdog dmar po/ phyag bzhi pa/ zhal bzhi pa/ spyan gsum pa/ dbu skra grol ba/ gcer bu dum bu'i ska rags can/ /phyag g.yon ba na thod ba/ byang chub kyi sems dang gdug pa'i bdud kyi rak+tas yongs su gang ba/ g.yas pa'i sdigs mdzub can la rdo rje gri gug thogs pa/ phyag gzhan gnyis la cang te'u dang / kha T+wAM ga bsnams pa/ bskal pa'i me ltar gzi brjid can/ zhal nas khrag 'dzag cing khrag la dga' ba/ byin pa gnyis mnyam par bsnol ba/ bde ba chen po'i snying rje'i bdag nyid can/ dmar ba dang / ljang gu dang / ser ba dang / sngo ba'i zhal/ gdug cing 'jigs par mdzad pa'o/ /bcom ldan 'das kyi zhal dang / sku mdog ji lta ba phyag dang sku mdog kyang de bzhin du bris te/ 'di la rnal 'byor pa mchog gis nang gi gnas la sogs pa'i rim par dgod do/ /pu ste thod pa'i dum bu dang / /rab gtum min mgo la'o/ / dzA ste/ keng rus chen po dang / gtum ma'i mig can ma ni/ spyi gtsug la'o/ /oM ste/ keng rus can dang / 'od ldan ma ni/ rna ba g.yas par ro/ /a ste/ mche ba rnam par gtsigs pa dang / sna chen ma ni/ spyi bo'i rgyab tu gnas so/ /go ste/ lha dgra dang / dpa' bo'i blo gros ma ni/ rna ba g.yon par ro/ /rA ste/ smin ma'i dbus su ni 'od dpag med dang / mi thung ma'o/ /de ste/ mig gnyis su ni rdo rje'i 'od dang / lang+ka'i dbang phyug ma'o/ /mA ste/ dpung rtsar ni rdo rje lus dang / shing grib ma'o/ /nye ba'i gnas te/ thugs kyi dkyil 'khor nam mkha' la spyod pa'o/ /kA ste/ mchan khung gnyis su ni myu gu can dang / sa srung ma'o/ /oM ste/ nu ma gnyis su rdo rje ral pa can dang 'jigs byed chen mo ste/ zhing ngo / /tri ste/ lte ba'i dbus su stobs po che dang / rlung gi shugs can ma'o/ /ko ste/ sna rtser ni rdo rje hUM mdzad dang / chang 'thung ma ste/ nye ba'i zhing ngo / /ka ste/ kha la ni rab bzang dang / sngo sangs lha mo'o/ /lA ste/ mgrin par ni rdo rje 'od dang / rab bzang ma ste/ tshan+do hA+o/ /ka ste/ snying la ni rdo rje 'jigs byed dang | rta rna ma'o/ /hi ste/ bshad sgo la mig mi bzang dang / bya gdong ma ste/ nye ba'i tshan+do hA+o/ /gsung gi 'khor los la spyod pa'o/ /pre ste/ mtshan ma la ni stobs po che dang / 'khor lo'i shugs ma'o/ /gr-i ste/ gzhang la ni rdo rje rin chen dang / dum skyes ma'o/ /'dus ba can no/ /sau ste/ brla gnyis su rta mgrin dang chang tshong ma'o/ /su ste| byin pa gnyis la ni nam mkha'i snying po dang / 'khor lo'i go cha ma'o/ /nye ba'i 'dus ba can no/ /na ste/ sor mo rnams la ni dpal he ru ka dang / shin tu dpa' mo'o// si ste/ rkang pa gnyis su ni pad+ma gar gyi dbang phyug dang / stobs chen mo'o/ /dur khrod do/ /sa ste/ mthe bong gnyis la ni rnam par snang mdzad dang | 'khor los bsgyur ma'o/ /ku ste/ pus mo gnyis su rdo rje sems dpa' dang / brtson 'grus chen mo'o/ /nye ba'i dur khrod de/ sku'i 'khor lo sa 'og na gnas pa'o// mkha' 'gro ma ni/ rdo rje/ lA ma ni/ dril bu/ dum skyes ma dang gzugs can ma ni/ /glang po che'i pags pa 'dzin pa'i khu tshur/ /khwa gdong ma ni/ /rdo rje mdung / 'ug gdong ma ni/ lcags kyu/ khyi gdong ma ni/ gri gug/ /phag gdong ma ni/ cang te'u/ gshin rje sreg ma ni/ thod pa'i kha T+wAM ga ma/ gshin rje pho nya ma ni/ zhags pa ma/ gshin rje mche ba ma ni/ tshangs pa'i mgo bo ma/ gshin rje 'joms ma ni/ dgra sta ma/ byang chub sems kyi snod ni/ zhal bzhi'i ngo bo/ /sa'i khams ni/ 'bebs ma/ chu'i khams ni/ gsod ma/ me'i khams ni/ 'gugs ma/ rlung gi khams ni/ gar gyi dbang phyug ma/ nam mkha'i khams ni/ pad+ma'i dra ba can no/ /gzugs kyi phung po ni/ rnam par snang mdzad/ tshor ba'i phung po ni/ rdo rje nyi ma/ 'du shes kyi phung po ni/ pad+ma gar gyi dbang phyug/ 'du byed kyi phung po ni /rdo rje rgyal po/ rnam par shes pa'i phung po ni/ rdo rje sems dpa' ste/ de bzhin gshegs pa thams cad kyi de kho na nyid ni/ dpal rdo rje he ru ka'o/ /mig gnyis ni/ gti mug rdo rje/ rna ba gnyis ni/ zhe sdang rdo rje/ sna ni/ ser sna rdo rje/ kha ni/ 'dod chags rdo rje/ reg bya ni/ phrag dog rdo rje/ skye mched thams cad ni dbang phyug rdo rje/ yid ni/ mi 'khrugs pa/ ngag ni/ tshe dpag med/ lus ni/ rnam par snang mdzad do/ /oM ha snying la rdo rje sems dpa'/ na maH hi mgo la rnam par snang mdzad/ swAhA hu spyi gtsug la pad+ma gar gyi dbang phyug/ bau ShaT he dpung pa gnyis la he ru ka/ hUM hUM ho mig gnyis su rdo rje nyi ma/ phaT haM yan lag thams cad du rta mchog gi go cha'o/ /oM baM lte ba la rdo rje phag mo'o/ /haM yoM snying la ya mi ni'o/ /hrIM moM ni/ kha la rmongs byed ma'o/ /hrIM hrIM ni/ mgo la skyod byed ma'o/ /hUM hUM spyi gtsug la skrag byed ma'o/ /phaT phaT tsaN+Ti ka ste/ yan lag thams cad kyi go cha'o/ /mdzub mo mdud byas gung mo nges par sbyar/ /mthe bong rdo rje brtan por rab tu sbyar/ /de yi dpral ba'i dbus su rab bzhag nas/ /bskor zhing bskor bas kun tu bskor bar bya/ /rkang pa mnan cing steng du blta/ /gyen du pheM gyi sgra sgrog cing / / phyogs bcu'i 'jig rten khams bzhugs pa'i/ /dpa' bo rnal 'byor ma rnams 'gugs/ /dzaHhUM baM hoH/ rdo rje lcags kyu la sogs pa'i sbyor bas dgug cing rab tu gzhug ste bcing la dbang du bsdu'o/ /dpa' bo dang rnal 'byor ma des nam mkha'i dkyil yongs su gang bar mthong bzhin du thod pa bdud rtsi lngas yongs su gang bas stangs thabs dang bcas pas dbang bskur dbul lo/ /ji ltar bltams pa tsam gyis kyang / /de bzhin gshegs kun khrus gsol pa/ /lha yi chu ni dag pa yis/ /de bzhin bdag gis khrus bya'o/ /oM sarba ta thA ga ta a b+hi She ka ta sa ma ya shri ye huM hUM/ rlung dang me'i dkyil 'khor gyi steng du thod pa/ der yi ge a bskyed pa la ye shes lnga'i bdud rtsis yongs su gang ba/ zla ba'i cha bcu drug pa la yi ge hUM dang AH oM gyis byin gyis brlabs te/ yi ge gsum pa'i spro ba las 'khor lo gsum 'byung bar bsgom mo| |oM sa ma ya shud+d+haH sarba d+harmaH sa ma ya shud+d+hony+haM/ chos thams cad kyi bcud mnyam par gnas par bsam mo/ /ye shes lnga yi sbyor ba yis/ /rdo rje bdud rtsi'i chu btung ngo / /oM badzra a mr-i ta u ta ka hUM Tha Tha traM a khaM hUM oM/ /ye shes bzlas pa'i sbyor ba yis/ /'khor lo mchog ni rnam par spro/ /dung chen phreng ba blangs nas ni/ /de nas de la bzlas par bya/ /rang srog rtsol ba byas nas ni/ /bsgoms pas de ma thag tu 'bar/ /oM badzra shrI he he ru ru kaM hUM hUM phaT/ oM TA ki nA dzI la saM ba ra swAhA/ oM hrIH ha ha huM hUM phaT/ snying po dang / nye ba'i snying po'o/ /oM badzra bai ro tsa na nI ye huM hUM phaT swAhA/ oM sarba bud+d+ha TA ki nI ye badzra bar+N+Na nI ye huM hUM phaT swAhA/ lha mo'i snying po dang / nye ba'i snying bo'o/ /ci steng bar ma gyur na/ /de ltar bzlas shing bsam gtan bya/ /ngal bar gyur na rnam dag bsgom/ /de la byang chub kyi phyogs kyi chos sum cu rtsa bdun te/ gang zhe na/ lus dran pa nye bar gzhag pa ni/ mkha' 'gro ma'o/ /tshor ba dran pa nye bar gzhag pa ni/ lA ma'o/ /chos dran pa nye bar gzhag pa ni/ dum skyes ma'o/ /sems dran pa nye bar gzhag pa ni/ gzugs can ma'o/ /'dun ba'i rdzu 'phrul gyi rkang pa ni/ rab tu gtum mo'o/ /brtson 'grus kyi rdzu 'phrul gyi rkang pa ni/ gtum pa'i mig can ma'o/ /dpyod pa'i rdzu 'phrul gyi rkang pa ni/ 'od ldan ma'o/ /sems kyi rdzu 'phrul gyi rkang pa ni/ sna chen mo'o/ /ye shes kyi pad+ma rnam par sbyang ba'o/ /dad pa'i dbang po ni/ brtan pa'i blo chen ma'o/ /brtson 'grus kyi dbang po ni/ mi'u thung ma'o/ /dran pa'i dbang po ni/ lang+ka'i dbang phyug ma'o/ /ting nge 'dzin gyi dbang po ni/ shing grib ma'o/ /thugs kyi 'khor lo rnam par sbyang ba'o/ /shes rab kyi dbang po ni/ /sa srung ma'o| |dad pa'i stobs ni/ 'jigs byed ma'o/ /brtson 'grus kyi stobs ni/ rlung gi shugs can ma'o/ /dran pa'i stobs ni/ chang 'thung ma'o/ /ting nge 'dzin gyi stobs ni/ sngo sangs lha mo'o| |shes rab kyi stobs ni/ shin tu bzang mo'o/ /ting nge 'dzin yang dag byang chub kyi yan lag ni/ rta rna ma'o/ /brtson 'grus yang dag byang chub kyi yan lag ni/ khwa gdong ma'o/ /gsung gi 'khor lo rnam par sbyang ba'o/ /dga' ba yang dag byang chub kyi yan lag ni/ 'khor lo'i shugs can ma'o/ /shin tu sbyangs pa yang dag byang chub kyi yan lag ni/ dum skyes ma'o/ /chos rnam par 'byed pa yang dag byang chub kyi yan lag ni/ chang tshong ma'o/ /dran pa yang dag byang chub kyi yan lag ni/ 'khor lo'i go cha ma'o/ /btang snyoms yang dag byang chub kyi yan lag ni/ shin tu dpa' mo'o/ /yang dag pa'i lta ba ni/ stobs chen ma'o/ /yang dag pa'i rtog pa ni/ 'khor los bsgyur ma'o/ /yang dag pa'i ngag ni/ dpa' mo chen mo'o/ /sku'i 'khor lo rnam par sbyang ba'o/ /yang dag pa'i las kyi mtha' ni/ khwa gdong ma'o/ /yang dag pa'i 'tsho ba ni/ 'ug pa'i gdong can no/ /yang dag ba'i rtsol ba ni/ khyi gdong can no/ /yang dag pa'i dran pa ni/ phag gdong ma'o/ /rnam par thar pa bzhi'i sgo'o/ /yang dag pa'i ting nge 'dzin ni| bcom ldan 'das dpal he ru ka ste/ shin tu rnam par dag pa'i chos kyi dbyings kyi ye shes kyi rdo rje'i rang gi ngo bo ni/ bdag kho na'o/ /dge ba'i chos ma skyes pa rnams bskyed pa ni/ gshin rje sreg ma'o/ /dge ba'i chos skyes pa rnams yang dag par srung ba ni/ gshin rje pho nya ma'o/ /mi dge ba'i chos skyes pa rnams yang dag par spong ba ni/ gshin rje mche ba ma'o/ /mi dge ba'i chos ma skyes pa rnams mi skyed pa ni/ gshin rje 'joms ma'o/ /dam tshig gi 'khor lo'i rnam par sbyong ba'o/ /'di ltar ma lus pa bsgoms na/ /sgrub pos nges par 'grub par 'gyur/ /sems can don du rnal 'byor bdag/ mnyam nyid dam tshig dam pa'o/ /'khor lo lnga po so so yi/ /cho ga so so'i dbye ba bsgom/ /mngal skyes so so'i dbye ba dag /'khor lo lnga yi mchog nyid can/ /rnal 'byor ma sogs gtsor sgom pa/ /so so'i dbye ba'i dbye ba yin/ /ji ltar rdo rje he ru ka/ /de bzhin lha mo'i dbus su ni/ sangs rgyas mkha' 'gro ma sbyor ba/ /rnal 'byor ma yi 'khor de bzhin/ /rdo rje sku yi dpa' bo dag/ b+ha ga'i dbus su rnam par bsgom/ /ji ltar sgom pa'i rim pa yis/ /de ltar 'khor lo gsum du sbyor/ /b+ha ga lnga po bdag gis bsgom/ /dbus su mkha' 'gro ma sbyor dang / /pad+ma'i mkha' 'gro ma sbyor dang / /rdo rje mkha' 'gro ma dbye la/ b+ha ga'i dbus su 'khor lo gsum/ /he ru ka ni mchog nyid bsgom/ /dam tshig 'khor lo bsgoms pa la/ /dam tshig mkha' 'gro ma'i dkyil 'khor/ /ye shes mkha' 'gro ma'i dkyil 'khor/ /sna tshogs pad+ma la sogs dbus/ /ye shes 'khor lo'i sbyor ba dag/ /de 'di b+ha ga'i dbus dag tu/ /'khor lo lnga pa dag la bsgom/ /dpa' bo gcig pu he ru ka/ ji bzhin phag mo de bzhin du/ /sku mdog zhal dang phyag dang mtshan/ /de nyid sna tshogs pad+mar bsgom/ /da nyid pad+ma'i dbus dag tu| |he ru ka ni mchog nyid bsgom/ /thod pa lhan cig mnyam par ni/ /lnga yi dbye ba bdag sbyor te/ /rnal 'byor ma yi rim pa bsgom/ /b+ha ga'i dbus su rnam par bsgom| |'khor lo'i bdag po mthong ma gyur/ /'khyud pa yi ni phyag rgya can/ /dpa' bo 'khor lo de la bsam/ /rang rang gi ni rnal 'byor ma/ /snying du sbas pa rnam par bsgom| |tshogs kyi 'khor lo'i rnal 'byor ni/ /phyag bzhi yis ni rnam par mdzes/ /gnyis ni 'khyud pa'i phyag yin te/ /gzhan ni sna tshogs mtshan ma 'dzin/ / phyag gnyis dag ni 'khyud pa dang / /de yi b+ha ga'i dbus su ni/ /dpa' bo sa sgom pa ma mthong ngo / /kun rdzob spas pa'i sbyor ba ni/ /sgom pa'i mchog kyang ma mthong ngo / /sgo pa las skyes rim sbyor ba'i/ /sgom pa'i rnam par sgom pa ni/ /lnga po 'dus pa'i bsam pa ste/ /sgong skyes mchog ni sgom pa'o/ /'khor lo'i dbye ba'i dbye ba yis/ /'di ltar rnal 'byor sgom pa'o/ /ji ltar bsam pa'i bye brag gis/ /de ltar 'dod pa sgom pa'o/ /bdag po'i dbye ba'i dbye ba yis/ /rigs kyi dbye ba rnam par bsgom/ /lha mo'i dbye ba'i dbye ba mis/ /bdag po yang ni rnam par bsgom/ /mig gi dbye ba'i dbye ba yis/ /mkha' 'gro ma yi sgra la sbyor/ /yang na sku gsum dbye gang gis/ /de ni bdag por bya gang yin/ /bdag la sogs dbye ba yis/ /'khor lo'i dbye ba'i dbye ba yin/ /rigs kyi dbye ba thams cad kyis/ /dpa' bo rnal 'byor ma yis dbye/ /mngal skyes glu yi sbyor ba yis/ /sgom pa rnams ni yongs su brtag/ sgong skyes glu ni med pa ste/ /sgra dang sgra nyams spangs pa'o/ /'di ni rang byung bcom ldan 'das/ /rnal 'byor bde ba'i mchog dam pa/ kha cig gi ni rnal 'byor 'dod| kha cig rnal 'byor 'dod min te/ /glu sgra la sogs spangs pa yi/ /dngos po med pa'i go 'phang bzhugs/ /phra zhing mi zad dngos po med/ /gzung dang 'dzin pa rnam spangs pa'o| |glu sgra la sogs bcas pa yis/ /go 'phang mchog gi longs spyod ni/ /glu sgra la sogs spangs pa yi/ /dngos po med pa'i go 'phang bzhugs/ /phra zhing mi zad dngos po med/ gzung dang 'dzin pa rnam spangs pa'o/ /go 'phang mchog gi longs spyod ni/ /glu sgra la sogs bcas pa yi/ /'dod pa'i yon tan thams cad kyang / /phan dang snying brtser bdag gis bza'| |sems can don la brtson pa yis/ /bzod pa brtson 'grus mchog dam pa/ /rnal 'byor pas glu mi smad cing / /mkha' 'gro mas ni phan par dbyes/ /ho| srid pa gsum na bde brnyes gtso/ /a la la ho/ /rgyal ba bde can greng ba'i tshogs/ /pad+ma la ni rdo rje rol/ /a la la ho/ /bde gshegs bral ba'i bzhad las grol/ /bdag po dgyes pa kun gyi bcud/ /chags pas rab tu dgyes mdzad cing / /srid pa gsum na tshogs kyi bcud/ /a la la ho/ /dgyes pas mngon par grol ba po| |bdag ni 'dod las rang grol mdzod/ /A la las ni byung ba yis/ /pad+ma yi ni rnal 'byor pas/ /glu yi rgyal po 'di blangs pas/ /rdo rje'i rnal 'byor bde ba ni/ / pad+ma'i dra ba las bzhengs so/ /'dis bskul bas ni mgon po rnams/ /bde chen bde phyir gzhal yas nas/ /sangs rgyas thams cad bzhengs 'khrungs te/ /rgyal ba ma lus skye bar 'gyur/ /glu dang bcas pa'i dngos po med/ /sgong skyes cha ni spangs pa yis/ /de yi gzugs ni ma mthong ste/ /bde ba med cing sdug bsngal med/ /gnyis su med cing dngos po med/ /brtag pa'i spyod yul rnam par brtag /tshes dang chos las rnam grol zhing / /sdig pa nyas pas mi gos so/ /thams cad gnyis med rnam grol ba'i/ /sgong skyes dngos po dang bcas yin/ /glus ni gnyid las sad pas na/ /rmongs pas mkhas pa mi smad do/ /ma rtogs pa dang rtogs bya'i phyir/ /sems can don du sangs rgyas so/ /zhing skyes lhan cig skyes lha mo/ /gnas skyes rnal 'byor ma de bzhin/ /rigs skyes lha mo skyes lha mo/ /mi snang mkha' spyod ma de bzhin/ /tha ma'i skye ba mchog nyid de/ /bar ma sna tshogs dam pa yin| |sum cu pa ni sa la spyod/ /sa 'og spyod pa 'og na gnas/ /gnod sbyin ma dang glu mo dang / /mi 'am ci mo dri za mo/ /lha mo thams cad sngon grub dang / /gzhan yang bde gshegs bsam pa can/ /dkon mchog gsum la bdag dga' ba/ thams cad phyi yi dkyil 'khor lo/ /sna tshogs glu ni nyer spyad cing / /rtag tu glu ni blang bar bya/ / sna tshogs ro yi bde ba yis/ /lha mo mkha' 'gro'i gtso bo mchod/ /rlung gi dkyil 'khor la gnas nas/ /sku yi 'khor lo rnam par bsgom/ /mkhas pas chu la rab gnas nas| |gsung gi dkyil 'khor rnam par bsgom/ /me yi dkyil 'khor la gnas nas/ /thugs kyi dkyil 'khor bde ba che/ /dbang chen dkyil 'khor la gnas nas/ /dam tshig dkyil 'khor mchog dam pa/ /ye shes dkyil 'khor de nyid ni/ /de las bsam zhing rnam par bsgom/ /b+ha ga'i dkyil 'khor dbus su ni/ /sna tshogs pad+ma'i rnam pa bsgom| |nyi ma'i dkyil 'khor dbus su ni/ /dpa' bo gcig pu rnam par bsgom/ /'khor lo pad+ma rdo rje phreng / /'khor lo gsum po yongs su bskor| |ji ltar dam tshig mchog 'khro lo/ /sna tshogs rdo rje'i phreng gis bskor/ /yi dwags rnam pa lngas de bzhin/ /phyi rol dkyil 'khor yongs su bskor/ /phyi rol dur khrod ma rungs pa'i/ /sna tshogs mdog can mchog dam pa/ /sna tshogs shing ni nyams dga' ba/ /khyi dang lce spyang 'jigs pa dang / /bya rog 'ug pa chu skyar dang / /bya rgod dang ni si bi ka/ sreg pa'i sa yang de bzhin te/ /keng rus gsal zhing bskyon pa dang / /rag rog bsregs pa rnam par 'phyang / /de bzhin phyed tshig phyed ma tshig /mgo bo thod pa rje ngar dang / /khog pa lag pa mgo bo dang / /lce spyang sgra ni sgrog pa dang / /sbrul ni sna tshogs dga' bar gnas/ /seng+ge phag dang stag dang ni/ /ra dang lug dang de bzhin te/ /glang po khyi dang bong bu glang / /rnga mo sna chogs bde ba'i mchog /bza' ba rnam pa sna tshogs dang / /chang gi btung ba'i mchog rnams dang / /dpa' bo 'dus pa'i mchog dag dang / /rnal 'byor ma ni mchog sna tshogs/ /thod pa kha T+wAM ga 'dzin cing / /gri gug cang te'u mchog rnams dang / /sna tshogs lha yi rnga dag dang / /ro mchog bza' ba sna tshogs dang / /sna tshogs tsum+pa A li ka /ku sha le mchog dam pa dag /de lta bu yi dur khrod du/ /gnod sbyin ro langs srin po la/ /gtor ma de la sbyin bya zhing / /he ru ka yi gzugs rnams bsgom/ /cang te'u rdo rje dril bu dang / / sil snyan gar rnams rab tu bya/ /phyogs kyi gos can phyag rgya sbyor/ /hUM phaT ca co'i sgra 'byin cing / /zhabs g.yas brkyang ba'i sbyor ba yis/ /'bar ba'i phyag rgya bcings nas su| |kha ni dam tshig gis bkang nas/ /'di la gsang sngags rjes dran bya/ /oM A a ra li ho dzaHhUM baM hoH/ badzra DA ki nI sa ma ya s+t+waM dri sh+ya ho/ /'di ni gsum maM bzhi lnga ru/ /yang dang yang du brjod par bya/ /lugs su 'byung dang lhag pa yis/ /thod par de rnams la yang sbyin/ /rdo rje thal mo gye na phye nas/ /'di la gsang sngags 'dab par bya/ /oM kha kha khA hi khA hi/ sarba yak+Sha rak+Sha sa b+hU ta pre ta pi shA tsa un mA da a pasmA ra DA ka DA ki n+yA da ya/ i maM bi laM grih+Na n+tu/ sa ma ya rak+ShaM tu/ ma ma sarba sid+d+him+me pra ya ts+tshan+tu/ ya thai baM ya theSh+TaM| b+huny+dza tha/ dzi g+h+ra tha/ mA ti kra ma tha/ ma ma sarba kArta yA sa da su kha bi shud+d+ha ye sa ha yi kaM b+ha ban+tu hUM hUM phaT phaT swAhA/ cho ga 'di yi rim pa yis/ /thun mtshams bzhi ru sbyin par bya/ /gcig pu bde bar gnas nas su/ /ma hA ma sa don bya bsten/ /rnal 'byor mnyam par bzhag nas ni/ /'di la thams cad bza' bar bya/ /nges par brjod pa'i rgyud bla ma'i bla ma las/ gnyis su med pa'i 'khor lo'i rim par phye ba bstan pa ste le'u dgu pa'o// //de nas gzhan yang bshad bya ba/ /dag pa'i gnas kyi cho ga ste/ /gsang ba'i cho ga'i gsang ba ni/ /mkha' 'gro ma yi snying po mchog /gsang sngags kun gyi gnas sbyor ba/ /dngos grub thams cad stsol ba yin/ /de nas de bzhin gshegs pa thams cad la dbang phyug chen po'i rdo rje'i 'khor dang / mngag gzhug dang bcas pa mkha' 'gro chen po dang / mkha' 'gro ma'i tshogs rnams dang / gzhan yang bcom ldan 'das kun tu bzang po chen po rdo rje 'dzin pa rnams rang gi bdag po la phyag byas te gsol pa/ e ma'o bde ba'i sems dpa' khyod/ /e ma'o bde ba'i gtso bo yis/ /mkha' 'gro ma yi gsang ba mchog /rang gi dkyil 'khor bshad du gsol/ /sangs rgyas rnal 'byor rnal 'byor che/ /rdo rje rnal 'byor mchog gyur pa/ /rang gi gsang ba'i dkyil 'khor gsungs/ /'jig rten gsum gyi bde ba 'byung / /rdo rje rin chen pad+ma che/ /sna tshogs sbyor dang sna tshogs gar| |rang gi dkyil 'khor dag pa gsungs/ /gzhal yas zur bzhi rab tu mdzes/ /sgo bzhi dang ni yang dag ldan/ /rgyan rnams thams cad yongs su rdzogs/ /dkyil 'khor bde ba las byung ba/ /de yi dbus su 'khor lo gnyis/ /thugs dang gsung gi 'khor lo mchog /rtsibs brgyad pa la sngo dang dmar/ /rdo rje pad+mas rnam par bskor/ /phyi rol 'khor los bskor bar bri/ /dkyil 'khor dkyil 'khor mchog gi ni/ /phyi rol rnal 'byor ma sna tshogs/ /glu dang gar gyi rnam par rol/ /phyi rol yi dwags phreng pa yi/ /sna tshogs mdog ni mchog dam pa/ /lag pa'i gar gyis gar byed pa/ /gdong ni rnam bsgyur lce yang bskyod/ /de dbus stong par gyur pa ste/ /zla bar yi ge hUM mchog yin/ /der ni rdo rje khyab pa ste/ /rdo rje sems dpa' rnam par bsgom/ /zhal gsum phyag ni drug pa ste/ /sku gsum snying rje'i nyams dang ldan/ /phyag rgya che dang yang dag ldan/ /rdo rje'i skyil mo krung gis bzhugs/ /sna tshogs pad+ma'i gdan steng du/ /zla ba'i dkyil 'khor dbus su ni/ /dkar zhing sngo la gur gum zhal/ /sku gsung thugs kyi rdo rje yi/ /thod pa dang ni kha T+wAM 'dzin/ /rdo rje dril bus yang dag 'khyud/ /cang ti'u tshangs pa'i mgo bo 'chang / mi bskyod pa yi cod ban 'dzin/ /mkha' 'gro'i gnas ni dgod bya ste/ /dpa' bo'ang de bzhin dgod par bya/ /khams dang phung po skye mched rnams/ /sku gsung thugs su rnam par bsgom/ /lha mo'ang de 'dra'i gzugs can te/ /phyag rgya chen po bde ba yin/ /snying gar maM gyi sa bon ni/ /zla ba'i dkyil 'khor dbus dag tu/ /ho gnyis dang ni bcas pa ru/ /sngon du dngos grub rjes dran nas/ /phyag rgya 'di yis rgyas btab ste/ /de ma thag tu lha mo yi| |snying ga'i gsang ba'i pad+ma la/ /chags par spyod par gyur nas su/ /mgon po chen po chags pa yis/ /rdo rje sems dpa'i bde ba chos/ /de dang lhan cig rol pa ste| |dbang po gnyis ni sbyor bar 'gyur/ /dpa' bo rnal 'byor ma rnams kyi/ /yid ni dga' bar gyur nas su/ /dga' ba yi ni bsam pa yis/ /cang te'u'i sgra yis bskul na ni| |mnyam nyid dga' las bzhengs par 'gyur/ /A li kA li mnyam sbyor ba/ /bde ba chen po dgyes par 'gyur/ /de nas nam mkha' dang chos kyi dbyings kyi mtha' gtugs pa thams cad kyi rdul dang mnyam pa'i de bzhin gshegs pa thams cad 'khor dang bcas pa dang / gsang ba'i dpa' bo dang / mkha' 'gro ma dang bcas pas khyab pa/ byang chub sems dpa'i tshogs chen pos mdun du bdar ba/ /ma lus shing lus pa med pa'i mkha' 'gro dang / mkha' 'gro ma'i tshogs dang / phyi'i rig ma'i bdag nyid pho nya dang / pho nya ma'i tshogs rgya che ba rnams ngo mtshar du gyur nas mig gis lta zhing mnyam par 'khyud de/ gar gyi rnam par 'phrul pa yis/ /dga' bo chen pos langs nas ni/ /spyi bor thal mo sbyar byas nas/ /byin gyi rlabs kyis dgyes pa yis/ /mgon po chen po dgyes pa yis /glu 'di dag gis bskul bar bya/ /e ma'o ngo mtshar rmad kyi chos/ /e ma'o ngo mtshar rmad kyi lugs/ /e ma'o ngo mtshar rmad kyi gsang / /e ma'o bde ba las byung ba/ /e ma'o kun tu bzang po'i don/ /e ma'o bde ba yang dag 'dus/ /e ma'o bde chen dag pa ste/ /e ma'o bde ba bde ba'i mchog /e ma'o gsang sngags mnyam sbyor ba/ /e ma'o thugs kyi spyod pa ste/ /e ma'o mnyam nyid phyag rgyar ldan/ /e ma grub pa yang dag 'byung / /e ma pha rol phyin pa yis/ /e ma rig pa rjes chags pa/ /e ma sna tshogs las chen po/ /e ma kha sbyar gsum dag pa/ /e ma rdo rje mnyam la sbyor/ /e ma pad+ma rnam 'byed pa/ /e ma dbang po gnyis mnyam ldan/ /e ma rmad byung mnyam pa ste/ /e ma dag pa'i gar chen te/ /e ma dri med glu re legs| |e ma rol mo legs sbyor ba/ /e ma phaT kyis mun sel ba/ /e ma me tog na bza' mdzes/ /e ma bdug pa g+ha ti bdug /e ma sgron ma gti mug sel/ /e ma dri mchog bsil ba ste/ /e ma rnal 'byor mnyam sbyor ba/ /e ma sgyu 'phrul mkha' lta bu/ /e ma gdod nas sangs rgyas gdod nas rdo rje ste/ /e ma gdod nas rin chen bde ba rab stsol ba/ /e ma gdod nas pad+ma gdod nas bris pa ste/ /e ma sna tshogs sgyu 'phrul rnam par 'phrul pa yin/ /e ma ngo mtshar rmad sangs rgyas/ /e ma ngo mtshar 'di nyid rmad/ /e ma ngo mtshar sems can rnams/ /e ma ngo mtshar lha mo yin/ /'dis bskul bas ni mgon po rnams/ /mchog tu sbyor ba'i sa bon las/ /gur gum gyi ni mdog lta bu/ /rdo rjes mtshan pa 'byung bar 'gyur/ /zhal drug phyag ni bcu gnyis pa/ /phag mo yis ni rnam par brgyan/ /dpa' chen 'jam pa'i rdo rje ni/ /skyil krung phyed par yang dag gnas/ /spyan gsum pa la rab tu bzhad/ /drag cing 'jigs la rngam pa dang / /snying rje gar gyi nyams can te/ /'jigs byed dang ni dus mtshan dag/ /zhabs kyi 'og tu mnan par bzhugs/ /yang na g.yas brkyang gnas pa yis/ /rnal 'byor 'byung ba chen po skyes/ /zla ba'i dkyil 'khor dbus su ni/ / sna tshogs pad+ma dag la bzhugs/ /ge sar gsar pa'i mdog can la/ /phyag rgya des ni rnam par brgyan/ /sngo zhing ljang la ser ba dang / /dmar zhing dkar la zhi ba ste/ /thod pa'i phreng ba'i dbu rgyan can/ /sangs rgyas gzugs kyis rnam par mdzes/ /rdo rje dril bu mnyam par ldan/ /lha mo'i sku tsa 'chir ba dang / /tshangs pa'i skud pa 'dzin mdzad cing / /drag po'i 'jigs byed pags pa ni/ /rked par 'ching zhing bzhugs pa yin/ /thod pa khaT+wAM ga 'dzin cing / /ral gri ud+pal 'dab bsnams shing / /lcags kyu zhags pa cang te'u/ / mgo bo gzhu yang de bzhin no/ /de yi sku mdog phyag mtshan bzhin/ /rdo rje phag mo chen mo ni/ /chags pa chen po'i go 'phang gnas/ /byin pa gnyis kyis legs par 'khril/ /dga' ba chen po yid 'ong ba/ /mgo bo'i phreng bas sku lus brgyan/ /phyag rgya drug gis rnam par mtshan/ /'di ltar sngags pas bsgoms byas te/ /'jam dpal rdo rje bde ba che/ / gnas sogs bdag por sbyor ba yis/ /ye shes la sogs bdag po kun/ /mkha' 'gro dra ba'i sbyor ba ste/ /sdom pa sdom pa'i mchog yin no/ /thog ma thugs kyi 'khor lo ste/ /shar phyogs kyi rtsibs su pul+lIr ma la ya na thod pa'i dum bu dang / rang gtum ma ste/ dkar ba dang / sngo ba dang / ljang gu'o/ /byang phyogs su dzA lan+d+ha ra na keng rus chen po dang / gtum mig ma ste/ ser ba dang / sngo ba dang / ljang gu'o/ /nub phyogs su au Di yA na na keng rus can dang / 'od ldan ma ste/ dmar ba dang / sngo ba dang / ljang gu'o/ /lho ru ar bu da na mche ba rnam par gtsigs pa dang / sna chen ma ste ljang gu dang / ser ba dang / dmar ba'o/ /me'i phyogs la gA+o dA ba rir lha dgra dang / dpa' bo'i blo gros ma ste/ dmar ba dang / ser ba dang / ljang gu'o/ /bden bral du rA me shwa ra na 'od dpag med dang / mi thung ma ste/ dkar ba dang / ser ba dang ljang gu'o/ /rlung gi phyogs su de bi ko Ti na rdo rje'i 'od dang / lang+ka'i dbang phyug ma ste/ nam mkha'i mdog can/ ser ba dang / ljang gu'o/ /dbang ldan du mA la ba na rdo rje lus dang / shing grib ma ste/ ljang gu dang / ser ba dang / sngo ba'o/ /thugs kyi 'khor lo ste thod pa'i dum bu la sogs pa'i dpa' bo ni/ rab gtum ma la sogs pa rdo rje dang dril bu 'dzin pas 'khyud pa'o/ /gnyis pa gsung gi 'khor lo yang shar phyogs kyi rtsibs su kA ma ru phan myu gu can dang / sa srung ma ste/ dkar ba dang / sngo ba dang / ljang gu'o/ /byang phyogs su o tre na rdo rje ral pa can dang / 'jigs byed chen mo ste/ ljang gu dang / ser ba dang / sngo ba'o/ /nub tu tri sha ku ne na dpa' bo chen po dang / rlung gi shugs can ma ste/ sngo ba dang / ser ba dang / ljang gu'o/ /lho ru ko sa la na rdo rje hUM mdzad dang / chang 'thung ma ste/ dmar ba dang / ser ba dam/ ljang gu'o/ /me'i phyogs su ka ling+kar rab bzang dang / sngo ba sangs ma ste/ ljang gu dang / ser ba dang / dmar ba'o/ /bden bral du lAM pa ka na rdo rje 'od dang / rab bzang ma ste/ ser ba dang / sngo ba dang / ljang gu'o/ /rlung gi phyogs su kAny+tsi na 'jigs byed chen po dang / rta rnam ste/ dud pa'i mdog dang / ser ba dang / sngo ba'o/ /dbang ldan gyi phyogs su hi ma la ya na mig mi bzang dang / bya gdong ma ste/ gnam gyi mdog dang / ser ba dang / ljang gu'o/ /gsung gi 'khor lo ste myu gu can la sogs pa dang / sa srung ma la sogs pa ni/ pad+ma dang pad+ma'i dril bu 'dzin pas 'khyud pa/ de ltar mkha' la spyod pa dang / sa la spyod pa'i 'khor lo gnyis po yin no/ /gsum pa'i sku rdo rje 'byung ba ni/ zur bzhi pa la sgo bzhi pa ste/ shar phyogs kyi sgor pre ta pu ri na stobs po che dang / 'khor lo'i shugs can ma ste/ sngo ba dang / ser ba dang / ljang gu'o/ /byang phyogs kyi sgo la gr-i ha de ba tA na rdo rje rin chen dang / dum skyes ma ste/ ser ba dang / sngo ba dang / ljang gu'o/ /nub kyi sgor sau raSh+Ta na rta mgrin dang / chang tshong ma ste/ dmar ba dang / ser ba dang / ljang gu'o| |lho'i sgor su war+Na dwI pa na nam mkha'i snying po dang / 'khor lo'i go cha ma ste/ dkar ba dang / sngo ba dang / ljang gu'o/ /me'i phyogs su na ga ra na khrag 'thung ma dang / rab dpa' mo ste/ nam mkha'i mdog dang / ser ba dang / ljang gu'o/ /bden bral du sin+d+hu na pad+ma gar gyi dbang phyug dang / stobs chen ma ste/ ser ba dang / sngo ba dang / ljang gu'o| |rlung gi phyogs su ma ru ta na rnam par snang mdzad dang / 'khor los bsgyur ma ste/ dkar ba dang / sngo ba dang / ljang gu'o/ /dbang ldan du ku lu tA na rdo rje sems dpa' dang / brtson 'grus chen mo ste/ dkar ba dang / sngo ba dang / ljang gu'o/ /sku'i 'khor lo ste stobs po che la sogs pa ni/ 'khor lo'i shugs can ma la sogs pas 'khor lo dang / 'khor lo'i dril bu la sogs pas 'khyud pa'o/ /dpa' bo 'di thams cad g.yas brkyang pas bzhugs pa/ spyan gsum ba/ zhal gsum pa| phyag drug pa/ thod pa dang / kha T+wAM ga dang / cang te'u dang / gri gug bsnams pa/ ji ltar dpa' bo'i phyag dang / phyag mtshan bzhin du mkha' 'gro ma rnams kyang de bzhin te/ thod pa'i phreng ba'i dbu rgyan can/ /rang gi rigs kyi mchog gis brgyan/ /thams cad phyag rgya lnga 'dzin cing / /stag gi pags pa gos su mnabs/ /lha mo dgu skra grol ba ste/ /byin pa gnyis kyis legs par 'khril/ /thams cad phyogs kyi gos 'chang zhing / /sku lus 'jigs pa rnam par bsgyur/ /de'i dbus 'jam pa'i rdo rje ni/ /zla ba phyed pa 'dzin pa'i mchog /sna tshogs rdo rje rnam gnon pa'o/ /phag mdong bu skra grol ba ste/ /gcer bu 'og pag ska rags can/ /ye shes 'khor lo bkug nas ni/ /snga ma'i cho ga'i rim pa bzhin/ /bcu gnas thim par rnam par bsgom/ /spyod pa bzhi ru byin gyis brlabs/ /dpa' bo rnal 'byor ma thams cad/ /gnas la sogs pa'i rim par dgod| |khams dang phung po skye mched rnams/ /sku gsung thugs kyi dam pa ste/ /snying po ye shes mchog gyur pa/ /dbang bskur yang ni dbul bar bya/ /de nas go cha dgod bya ste| |mkhas pas ye shes bzlas ba ni/ /srog rtsol bsngams te legs bzlas pa/ /sgom pa'i bsgoms pas gsang bar bya/ /oM AHmaM hUM/ spro bsdu dag gi sbyor ba yis/ / gnyis med phreng pa'i sngags kyang bzla/ /de nas dam tshig sems dpa' ni/ cho ga bzhin du bzla bar bya/ /oM shrI many+dzu badzra d+h+r-i ka AHhaM hUM phaT/ DA ki nI dzA la saM ba ram hUM phaDa swAhA/ oM badzra bA rA hi huM hUM phaT swAhA/ oM ka ra ka ra khaN+Da ka pA li huM hUM phaT/ oM pra tsaN+Da huM hUM phaT/ oM ku ru ku ru ma hA kaM kA la huM hUM phaT/ oM tsaN+DA k+ShI ye huM hUM phaT/ oM ban+d+ha kaM kA la huM hUM phaT| oM pra b+ha ba tI ye huM hUM phaT/ oM trA sa ya trA sa ya bi ka Ta daM Sh+Ti Ni huM hUM phaT/ oM ma hA nA se huM hUM phaT/ oM k+Sho b+ha ya k+Sho b+ha ya su ra bai ri Ni huM hUM phaT/ oM bI ra ma tI ye huM hUM phaT/ oM hrauM hrauM a mi tA b+hA huM hUM phaT/ oM kharba rI ye huM hUM phaT/ oM hra hra badzra pra b+ha huM hUM phaT/ oM lang+ke shwa ri ye huM hUM phaT/ oM pheM pheM badzra de ha huM hUM phaT/ oM dru mats+tshA ye huM hUM phaT/ oM phaT phaT ang+ku ri ka huM hUM phaT/ oM ai rA ba tI ye huM hUM phaT/ oM da ha da ha badzra Ti la huM hUM phaT/ oM ma hA bA+ai ra bi huM hUM phaT/ oM pa tsa pa tsa mahA bI ra huM hUM phaT| oM bA yu be ge huM hUM phaT/ oM b+hak+Sha b+hak+Sha badzra hUM kA ra ba saM ru d+hi ra an+t+ra mAM lAM ba li ni huM hUM phaT/ oM su ra b+hak+ShI ye huM hUM phaT/ oM gr-ih+Na gr-ih+Na su b+ha dra sap+ta pA tA la ga ta b+hu dzi ga sarbaM bA ta rdza ya ta rdza ya huM hUM phaT/ oM sh+yA ma de bI huM hUM phaT/ oM A kaD+D+h+ya A kaD+D+h+ya badra b+ha dra huM hUM phaT/ oM suM b+ha dro huM hUM phaT/ oM hrIM hrIM ma hA b+hai ra pa huM hUM phaT/ oM ha ya ka r+N+Na huM hUM phaT/ oM j+NauM j+NauM bi ru bAk+Sha huM hUM phaT/ oM kha gA na na huM hUM phaT/ oM k+Sh+mAM k+Sh+mAM ma hA pa le huM hUM phaT/ oM tsa kra be ge huM hUM phaT/ oM haM haM rat+na badzra huM hUM phaT/ oM khaN+Da ro he huM hUM phaT| oM hrIM hrIM ha ya gr-I ba huM hUM phaT/ oM shoN+Di nI ye huM hUM phaT/ oM huM hUM A kA sha gar+b+ha huM hUM phaT/ oM tsa kra pa rmi NI ye huM hUM phaT/ oM ki li ki li he ru ka huM hUM phaT/ oM su bi re huM hUM phaT/ oM si li si li pad+ma narte shwa ri huM hUM phaT/ oM ma hA ba le huM hUM phaT/ oM hi li bai ro tsa nI huM hUM phaT/ oM tsakra ba r+t+ti nI ye huM hUM phata/ oM d+hi li d+hi li badzra satwa huM hUM phaT/ oM mahA bIR+ye huM hUM phaT/ dung chen phreng ba blangs nas ni/ /gsang sngags cho ga bzhin du bzla/ /dus bzhir sbyor ba byas nas ni/ /bzlas dang sgom pa rtse gcig bya/ /rnal 'byor myur du grub nas ni/ /gsang sngags grub pa'i rim pa yis/ /bdag nyid phyag rgyar ldan byas nas/ /sngags pas rtag tu mchod par bya/ /sngags pas dkyil 'khor zhugs nas ni/ /sku gsung thugs kyi dkyil 'khor bsgom/ /rang gi lha yi sbyor ba yis/ /dkyil 'khor mchog ni 'grub pa yin/ /dkyil 'khor lha yi sbyor ba yis/ /dngos grub thams cad rab tu stsol/ /mngon par brjod pa'i rgyud bla ma'i yang bla ma las/ 'khor lo gsum gyi dkyil 'khor gyi cho ga'i rim pa ste le'u bcu pa'o// //de nas gzhan yang bshad bya ba/ /rigs kyi dbye ba'i mchog dam pa/ /gnas sogs spyor ba'i rim pa yis/ /phyogs kyi rim pa rnam par dbye/ /thams cad mchog gi sbyor chen po/ /rnal 'byor dbang phyug rab tu 'grub/ /rdo rje sku las nges 'byung ba/ /dkyil 'khor dkyil 'khor dam pa'o/ /de nas bcom ldan 'das de bzhin gshegs pa thams cad dang / yang dpa' bo dang / rnal 'byor ma thams cad 'dus shing 'ongs nas sangs rgyas bcom ldan 'das bde ba chen po'i bdag po rdo rje 'dzin pa chen po dang / /mig yangs dga' bas gar byed cing / /myur bas bsdus pa'i rim pa yis/ /rkang pa g.yas dang g.yon gyis ni/ /mdun du gom stabs spros pa yis/ /'di ltar rnam bsgyur khros pa'i spyan/ /smin ma 'degs dang 'khor bar ldan/ /skye med phyag rgyar 'gro ba dag / mig gi phyag rgyas phyag 'tshal te/ /rdo rje sems dpa' chen po la rnam pa du mas bskul nas zhus te rnal 'byor ma chen mo thams cad dgyes pa'i dkyil 'khor gsungs pa| bcom ldan 'das kyi de nyid dang / /dkyil 'khor mchog ni mdzes pa ste/ /dgyes pa chen po'i rdo rje ni/ /thams cad sangs rgyas bde ba che/ /rol pa'i bde ba chen po ni/ /de ring du ni bdag gis rnyed/ /a la la ho/ /de bzhin gshegs pa thams cad kyi/ /bde ba chen po mchog tu dgyes/ /glu 'di dag ni blangs pa yis/ / shin tu srid pa nges ldog pa/ /de bzhin gshegs pa dag pa che/ /dkyil 'khor du ni rnam par brtag /de nas bcom ldan 'das bde ba chen po rdo rje sems dpa' dgongs shing spyan rnam par phye ste 'khor bzhi rnam par 'khor ba'i gar gyis smin ma 'degs shing / mdun du gzigs shing gom stabs kyis/ /dregs pas snyems par rnam 'khor ba'i/ /sku gsung thugs ni rdo rje rang / /de nyid 'di la bzhugs pa yin/ /dkyil 'khor dang ni dkyil 'khor ming / /rdo rje ye shes thugs la gnas/ /rtogs med par bdag sbyor ba/ /rdo rje dkyil 'khor mchog yin no/ /zla ba'i dkyil 'khor mchog yin no/ /zla ba'i dkyil 'khor gang pa ni/ dgyes pa chen po'i rdo rje 'o/ /ri mo mkhan gyis dkar po ltar/ /bang chub sems mchog 'di lta bu/ /sngo zhing 'bar ba sna tshogs pa'i //rlung gis bskyod pa'i me lta bu/ /zla ba phyed pas bdag nyid mdzes/ /rdo rje'i dkyil 'khor dag la bzhugs/ /cha brgyad dkyil 'khor yid 'ong ba/ /'bar ba'i nyi ma dang bcas pa/ /dkyil 'khor rdo rje rin chen de/ /bde ba mchog ni 'grub pa 'gyur/ /pad+ma 'dab brgyad kha phye ba/ /lte ba ge sar gyis khyab pa/ /pad+ma pad+ma nyid las ni/ /dga' ba'i dkyil 'khor 'byung ba yin/ /dkyil 'khor mchog ni mthong ba na/ /byin za 'bar ba ji bzhin du/ / las kyi rdo rje dkyil 'khor du/ /las rnams thams cad 'grub par 'gyur/ /'di ltar de dag mtha' yas pa/ /dkyil 'khor du ni rab tu brtag /gang du gang la sprul pa ni/ /rdo rje sems dpa' las byung yin/ /thams cad bdag nyid kun tu bzang / /nam mkha'i khams ni kun tu khyab/ /mkha' dbyings sa yi mchog gyur par/ /khang pa brtsegs par rnam par bsgom/ /khang pa brtsegs pa'i dbus dkyil du/ /dkyil 'khor lnga ni rnam par brtag /sna tshogs pad+ma mdzes pa la/ /ji lta'i gnas su rnam par dgod/ / dbus ma'i dkyil 'khor dbus su ni/ /he ru ka ni rnam par bsgom/ /sngar bshad sku mdog gnas rnams dang / /phag mo'i bde la rnam par gnas| |shar du pu li ra ma la yar thod pa'i dum bu dang / rab gtum ma'o/ /byang du dza lan+d+ha rar keng rus chen po dang / rab gtum ma'i mig can ma'o/ /nub tu uD+yi na la keng rus can dang / /'od ldan ma'o/ /lho ru ar bu dar mche ba rnam par gtsigs pa dang // sna chen ma'o/ /dbus ma'i dkyil 'khor de'i shar gyi dkyil 'khor gyis dbus su go da ba rir lha dgra dang / dpa' bo'i blo gros ma'o/ /shar gyi phyogs su rA me shwa rar 'od dpag med dang / mi'u thung ma'o/ /byang phyogs su de bi ko Ti na rdo rje'i 'od dang / lang+ka'i dbang phyug ma'o/ /nub tu mA lA ba na rdo rje'i sku dang / shing grib ma'o/ /lho phyogs su kA ma ru pa na myu gu can dang / sa srung ma'o/ /byang phyogs kyi dkyil 'khor gyi dbus su o tre na rdo rje ral pa can dang / 'jigs byed chen mo'o/ /shar du tri sha ku nan dpa' bo chen po dang // rlung gi shugs can ma'o/ /byang du ko sa la na rdo rje hUM mdzad dang / chang 'thung ma'o/ /nub phyogs su ka ling+ka na rab bzang dang / sngo bsangs lha mo'o/ /lho phyogs su lAM pa ka na rdo rje rab bzang dang / shin tu bzang mo'o/ /nub kyi dkyil 'khor gyi dbus su kA tsI na 'jigs byed chen po dang / rta rna ma'o/ /shar phyogs su hi ma la ya na mig mi bzang dang / bya gdong ma'o/ /byang du pre ta pu rir stobs po che dang / 'khor lo'i shugs can ma'o/ /nub tu gr-i ha de ba tA na rdo rje rin chen dang / dum skyes ma'o/ /lho ru sau rASh+Ta na rta mgrin dang / /chang tshong ma'o/ /lho phyogs kyi dkyil 'khor gyi dbus su war+Na dwi pa na nam mkha'i snying po dang / 'khor lo'i go cha ma'o/ /shar du na ga ra na dpal khrag 'thung dang / /rab dpa' mo'o/ /byang du sin+d+hu na pad+ma gar gyi dbang phyug dang / stobs chen ma'o/ /nub tu ma ru na rnam par snang mdzad dang / 'khor los bsgyur ma'o/ /lho ru ku lu tA na rdo rje sems dpa' dang / brtson 'grus chen mo'o/ /thod pa'i dum bu la sogs pa'i dpa' bo dang / rab tu gtum ma la sogs pa thams cad kyang gzugs sna tshogs pa/ zhal gsum pa/ phyag drug pa/ spyan gsum pa/ g.yas brkyang bas bzhugs pa/ phyag rgya lngas rgyas btab pa/ lha mo gcer bu skra grol ba/ thod pa dang / kha T+wAM ga dang / cang te 'u dang / gri gug dang / rdo rje dang / dril bus 'khyud pa/ lha mo'i byin pa gnyis kyis 'khril ba/ dgyes pa chen po'i dga' ba'i ros rnam par myos pa'o/ /dbus kyi dkyil 'khor dpa' po yin/ /zur bzhi bum pa'i steng du ni/ /byang chub sems kyis yongs gang ba'i/ thod pa'i snod ni gzhag par bya/ /dkyil 'khor gzhan gyi zur la ni/ /bum pa'i thod pa gnyis po dgod/ /mtshams kyi char mkha' 'gro ma la sogs pa'i lha mo bzhi po gzugs phyed pa bud med dbang phyug ma ste/ zhal gsum pa/ spyan gsum pa/ g.yas brkyang ba'i gnas pas bzhugs pa/ phyogs kyi gos can| skra grol ba/ phyag rgya lnga brtan par 'dzin pa'o/ /rdo rje phreng bas yongs bskor ba/ /dkyil 'khor lnga yi phyi rol tu/ /'bar ba'i dkyil 'khor sna tshogs bri/ /dpa' bo dang rnal 'byor ma thams cad kyang sna tshogs pad+ma'i steng du yi dwags kyi gdan la bzhugs pa/ sgo bzhi'i shar phyogs su khwa gdong ma khros pa'i mig can/ /shel mig khros pa'i zhal mnga' ba/ gri gug dang / mgo bo dang / thod pa dang / kha T+wAM ga dang / dril bu dang / cang te'u 'chang ba/ spyan gsum pa/ zhal gsum pa/ skra grol ba/ gcer bu sna tshogs pa'i mdog can g.yas brkyang bas gnas pa/ yi dwags dang sna tshogs pad+ma la bzhugs pa/ 'bar ba'i dkyil 'khor gyi dbus na bzhugs te phyag rgya lngas rnam par brgyan pa'o/ /'ug gdong ma dang / khyi gdong ma dang / phag gdong ma ni/ ji ltar khwa gdong ma'i mdog dang / phyag dang / 'dug stangs dang / gdan bzhin no/ /bong bu dang / rnga mo dang / ra dang / byi la'i zhal te/ shin tu drag pos mngon du gsol ba'o/ /gshin rje sreg ma nas gshin rje 'joms ma'i bar ni/ gang byed pa'i dbang phyug ma ste/ zhal gsum pa/ phyag drug pa/ spyan gsum pa/ g.yas brkyang bas gnas pa/ phyogs kyi gos can/ skra grol ba/ sna tshogs pad+ma dang yi dwags mnan pa/ phyag rgya lngas byin gyis brlabs pa/ thod pa dang / kha T+wAM 'dzin pa/ mgo bo dang / gri gug bsnams pa/ cang te'u dang / rdo rje dang / mdung 'dzin pa/ mche ba rnam par gtsigs pa/ 'jigs su rung ba/ thams cad kyang mi mgo'i thod pa'i phreng brgyan du 'chang ba/ thod pa'i phreng ba'i dbu rgyan can/ /rdo rje sems dpa'i dbu rgyan can/ /cod pan rdo rje'i phreng bas byas/ /rdo rje las byas rgyan can te/ /sna tshogs rdo rje zla phyed kyis/ /dbu la mnan cing brgyan pa yin/ /ji ltar bcom ldan mdog bzhin du/ /rdo rje phag mo'i zhal mdog phyag /phyag rgya 'dug stangs las kyang de/ /gcer bu skra ni grol ba ste/ /dum bu'i ska rags rgyan can te/ / 'od kyang rdo rje phag mo yi/ /steng gi zhal gdong dkar po ste/ /mche ba rnam par gtsigs pa 'o/ /ji ltar gnas kyi rim pa dag /'bum pa mngon brjod rim pa las| rnal 'byor ma yi dkyil 'khor gyi/ /le'u rdo rje sems dpas bshad/ /gzhan du rdo rje mkha' 'gro dang / /mngon ba rjod rgyud kyi dang po yi| |le'u la nge par 'gal ba med/ /snyoms pa'i dkyil 'khor gyi ni cho ga ste/ /lnga po lnga pa'i bdag nyid sbyor chen po/ /sdom pa'i cho ga sbas pa gsang ba ste/ /mkha' 'gro ma ni ma lus thams cad kyi/ /'di ltar gzhan du bka' yi phyogs bzhin du/ /bum pa rnam pa sna tshogs pa/ /bum ba sna tshogs cho ga bzhin/ /gser dang dngul las byas pa ste/ /sna tshogs gos kyis mdzes pa dang / /me tog phreng bas rnam par brgyan/ /'chi med lnga yis yongs su bkang / /rnam lnga sman dang yang dag ldan/ /rin chen lnga dang bcas pa dang / /'bru lnga dag gis rnam par mdzes/ /dkyil 'khor phyogs dang mtshams rnams su/ /bum pa bcu drug bzhag nas kyang / /mkha' 'gro ma ni sna tshogs mchod/ /glu dang gar dang bde ba che/ /phyogs kyi gos can skra grol ba/ /sna tshogs rol mo'i sgra dang / /sna tshogs yi dwags phreng ba yis/ /dkyil 'khor phyi rol yongs su bskor/ /de yi phyi rol mu khyud kyi/ /dbus su mkha' 'gro ma yin te/ /phyi rol ska rags kyis bskor ba/ /dur khrod rnam par 'jigs pa dag /sna tshogs du mas rnam par mdzes/ /mdun du ye shes dam tshig gi /dkyil 'khro mchog ni mthong nas kyang / /mngon brjod dam tshig de bzhin mchod/ /rim pa bzhi du dbang yang bskur/ /mkhas pas lus la bkod nas ni/ /gcig tu bsdus te thim nas su/ /dpa' bo dang ni rnal 'byor ma/ /phung po khams dang skye mched gnas/ /go cha gnyis po bgo bar bya/ /'khro lo thams cad rnam bsgoms nas/ /phung po khams dang skye mched dang / /lus ngang yid la rnam par dgod/ /ye shes sems dpa' snying la dgod/ /sna tshogs yid du 'ong ba yi/ /dam tshig lha yi mchod pas mchod/ /ye shes bzlas pa'i bya ba dag /rangs med pa ni rnam bar spros/ /dung chen phreng ba blangs nas su| |mnyam par bzhag nas bzlas pa bya/ /der ni ye shes 'khor lo la/ /mkhas pas mchod bstod bzlas pa bya/ /sems can rnams la phan pa'i phyir/ /rnal 'byor pa yis smon lam gdab/ /theg pa chen po'i chos rnams ni/ /rnal 'byor pa yis myur bar 'grub/ /oM badzra he he ru ru kaM shrI DA ki nI dzA la shaM ba raM hUM hUM phaT swAhA/ oM hrIH ha ha hUM hUM phaT/ snying po dang nye ba'i snying pa'o/ /oM badzra pai ro tsa nI ye huM hUM phaT swAhA/ oM sarba bud+d+ha DA ki nI ye badzra bar+Na nI ye huM hUM phaT swAhA/ lha mo'i snying po dang nye ba'i snying po'o| |oM khaN+Da ka pA li ka ra ka ra huM hUM phaT swAhA/ oM pra tsaN+De huM hUM phaT swAhA/ oM ma hA kaM kA la ku ru ku ru huM hUM phaT swAhA/ oM tsaN+Da k+Shi me huM hUM phaT swAhA/ oM kaM kA la ban+d+ha ban+d+ha huM hUM phaT swAhA/ oM pra b+hA ba tI ya huM hUM phaT swAhA/ oM bi ka Ta daM Sh+Ti Na tra sa ya tra sa ya huM hUM phaT swAhA/ oM ma hA nA se huM hUM phaT swAhA/ oM su ru bI ri NI k+Sho b+ha ma k+Sho b+ha ya swAhA/ oM bI ra ma tI ye huM hUM phaT swAhA/ oM a mi tA b+ha hrauM hA+auM huM hUM phaT swAhA/ oM kharba ri ye huM hUM phaT swAhA/ oM badzra phra b+hA hra hra hu hU phaT swAhA/ oM laM ke shwa rI ye huM hUM phaT swAhA/ oM badzra de ha phaiM phaiM huM hUM phaT swAhA/ oM badzra dru mats+tsha ye huM hUM phaT swAhA/ oM aM ku ri ka phaT huM hUM phaT swAhA/ oM ai ra ba tI ye hUM hUM phaT swAhA/ oM badzra dza Ti la da ha da ha huM hUM phaT swAhA/ oM ma hA b+hai ra pI ye huM hUM phaT swAhA/ oM ma hA bI ra pa tsa pa tsa huM hUM phaT swAhA/ oM bA yu be ge huM hUM phaT swAhA/ oM badzra hUM kA ra b+hak+Sha b+hak+Sha ba sa ru d+hi ra an+ta mA lA ba laM pi ni huM hUM phaT swAhA/ oM su ra b+hak+ShI ye huM hUM phaT swAhA/ oM su b+ha dra gr-ih+Na gr-ih+Na sap+ta pA tA la ga ta b+hu dzaM ga sarbaM bA tar+dz+dza ya tAr+dz+dza ya huM hUM phaT swAhA/ oM sh+yA ma de bI ye huM hUM phaT swAhA/ oM badzra b+ha dra A kaD+D+h+ya a kaD+D+h+ya huM hUM phaT swAhA/ oM su b+ha dre huM hUM phaT swAhA/ oM hA b+hai ra ba hriM hriM huM hUM phaT swAhA/ oM ha ya kar+Ne huM hUM phaT swAhA/ oM bi rU pAk+Shi dz+NauM dz+NauM huM hUM phaT swAhA/ oM kha gA na ne huM hUM phaT swAhA/ oM ma hA pa la k+Sh+mAM k+Sh+mAM huM hUM phaT swAhA/ oM tsakra be ke huM hUM nga Ta swAhA/ oM rat+na badzra haM haM hraM hUM phaT swAhA/ oM khan+Da ngo he huM hUM phaT swAhA/ oM ha ya grI ba hrIM hrIM huM hUM phaT swAhA/ oM she N+Di nI ye huM hUM phaT swAhA/ oM a kA sha gar+b+ha hUM hUM hUM phaT swAhA/ oM tsa kra wa rmi NI ye hUM hUM phaT swAhA/ oM he ru ka ki li ki li huM hUM phaT swAhA/ oM su bI re hUM hUM phaT swAhA/ oM pad+ma narte shwa ra si li si li huM hUM phaT swAhA/ oM ma hA ba la huM hUM phaT swAhA/ oM bai ro tsa na hi li hi li huM hUM phaT swAhA/ oM tsakra warte ni ye huM hUM phaT swAhA/ oM badzra satwa d+hi li d+hi li huM hUM phaT swAhA/ oM ma hA bIR+ye huM hUM phaT swAhA/ oM DA kI nI ye huM hUM phaT swAhA oM lA me huM hUM phaT swAhA/ oM khaN+Da ro he huM hUM phaT swAhA/ oM rU pi NI ye huM hUM phaT swAhA/ oM kA kA s+ye huM hUM swAhA/ oM u lU kA s+ye huM hUM phaT swAhA/ oM shwa nA s+ye hUM hUM phaT swAhA/ oM sU ka rA s+ye huM hUM phaT swAhA/ oM ya ma dA D+hI ye hUM hUM phaT swAhA/ oM ya ma dU tI ye huM hUM phaT swAhA/ oM ya ma daMSh+T+ri NI ye huM hUM phaT swAhA/ oM ya ma ma tha na ye huM hUM phaT swAhA/ 'di ni ji lta'i rim pa yis/ /gzhan la phan phyir dam tshig can/ / mchod dang sgom dang bzlas pa bya/ /zhi ba dang ni rgyas pa 'phel/ /yid du 'ong ba'i dngos grub thob/ /sgong skyes dbye ba'i mchog dam pa/ /sbyor bas 'dod pas thams cad stsol/ /ji lta'i las rnams byas nas ni/ /'grub par yang ni tha tshom med/ /sbyong ba'i dngos grub dam pa'i mchog /bla ma'i ngang las rnyed par 'gyur/ /gzhan yang na la 'byor ma yi gnas/ /brgyud pa'i rim pa'i mchog gyur pa/ /yang na sngon gyi dngos grub ni/ /rmi lam du ni ston pa yin/ /gzhan yang bla ma'i go 'phang brnyes ba ni/ /rna la 'byor ma yis rab tu stsol/ /dam tshig mchog gi gsang ba dang / /sbas pa 'di ni bstan mi bya/ /rnal 'byor ma yi thugs dang ni/ /sangs rgyas thugs ni mchog gyur ba| |mkha' 'gro ma yi snying po gsang / /rnal 'byor sbyor ba'i mchog yin no/ /mngon par brjod pa'i rgyud bla ma'i bla ma las/ dngos grub kyi gnas kyi rim pa'i le'u ste bcu gcig pa'o// //de nas sbyor ba bshad bya ba/ /'dod pa'i don kun sgrub byed pa/ /bla ma las kyang bla ma sta/ /mkha' 'gro ma yi dra ba'i sdom| |phag mo bdag mo chen mo ni/ /rnal 'byor ma yis legs bsgrubs pa/ /'di ni kun gyi rnal 'byor te/ /rnal 'byor snying po bsdus pa yin/ /pad+ma 'dab brgyad la bri ba| |sna tshogs mdog can mchog dam pa/ /lte ba ge sar bcas pa la/ /thams cad yongs su dag pa'i gdan/ /de yi dbus su zla ba'i cha/ /de bzhin dag cing dri ma med| |de steng A li kA li ste/ /dbus su baM gyis rnam par brgyan/ /de dbus lha mo bzhengs pa ni/ /rdo rje phag mo rnal 'byor ma/ /zhal bzhi pa la phyag bcu gnyis/ /sbyan gsum pa la zhal rnam bsgyur/ skyil mo krung ni phyed par bzhugs/ /gar gyis rnam par legs brgyan cing / /phyogs kyi gos can skra grol ba/ /phyed ni bud med bang phyug zhal/ /dkar la dmar pa'i gzugs 'dzin cing / /thod pa'i cod pan rnam par brgyan/ /rdo rje dril bu phyag na 'chang / /pad+ma 'khyil bas rnam bskor cing / /dpral ba yi ni phyag rgya 'bar/ / gnyis kyis mi yi pags pa mnabs/ /thod pa dang ni kha T+wAM 'chang / /zhags pa lcags kyu mchog kyang 'dzin/ /cang te'u gri gug tshangs pa yi/ /mgo bo gdong ni bzhi pa ste// sngo zhing ser la ljang ba yis/ /zhal gyis lha mo rnam bar brgyan/ /zhal gdong mche ba rnam gtsigs shing / /zla ba phyed pas rnam bar brgyan/ /sna tshogs rdo rje dbu rgya na mtshan/ / dngos grub thams cad rab tu stsol/ /phyag rgya drug gis rgyas btab cing / /lha mo dum bu'i ska rags rgyan/ /g.yer ka'i sku rags sgra dang ldan/ /rkang gdub dag gis legs par brgyan/ /dpung dag gis rnam bar mdzes/ /dpral ba la ni rdo rje'i phreng / /rdo rjes mtshan pa'i phyag rgya can/ /sku lus mdzes shing yid 'phrog pa'o/ /shar gyi 'dab mar mkha' 'gro ma/ /seng+ge'i gdong ste rnam par 'jig /g.yon du phag gi gdong can te/ /lha mo/ /mA ma rab 'jigs ma/ /nub tu lha mo glang po'i gdong dum skyes ma ni dbang ma'o/ /lho ru lha mo'i tshul can no/ /gzugs can ma ste rta yi gdong / /spyan gsum pa la sna tshogs gzugs/ /thod pa kha T+waM ga 'dzin cing / /mgo dang gri gug phyag na bsnams/ /gcer bu dbu skra grol ba la/ /gar gyis kyang ni legs par mdzes/ /yi dwags rgyab la skyil krung phyed/ /bzhin rnams bsgyur zhing rab tu 'jigs/ / 'jigs byed dang ni dus mtshan dag /lha mo'i zhabs kyi 'gro tu mnan/ /me sogs mtshams ni bzhi po la/ /byang chub sems la sogs pa'i snod/ /bum pa'i steng du rnam par dgod/ /dung dang kun da zla ba'i mdog /'khro lo rtsi bas na drug pa bri/ /mkhas pas de dbus bri ba ni/ /ma mo'i rigs ni bzhi pa ste/ /mA ma kI dang spyan dang ni/ /lha mo sgrol ma gos dkar ma/ /sngo dang dkar dang dmar ba ste/ /lha mo rdo rje rigs dbang phyug /dkar dang sdo dang dmar ba'i zhal/ /lha mo rtag pa'i rigs yin no/ /ljang dang dkar dang dmar pa yi/ /lha mo las kyi rigs yin no/ /dmar dang ser dang ljang gu yi/ /lha mo pad+ma'i rigs yin no/ /spyan gsum pa la skra grol zhing / /phyogs kyi gos mchog 'jig pa yin| |rgyan rnams thams cad yongs su rdzogs/ /phyag rgya drug gis rnam bar brgyan/ /thod pa dang ni kha T+wAM 'dzin/ /rang gi phyag mchan bzhi pa ste/ /rdo rje la bor lo kun rdo rje/ /pad+ma dmar po mchog dam pa/ /thams cad de bzhin dril bu 'dzin/ /thod pa 'khyil bas rnam bar bskor /bdud bzhi zhabs kyis rnam gnon cing / ga ra dang glu yis bzhad pa'i/ zhal| |sna tshogs pad+ma zla dbus bzhugs/ /rigs kyi dngos grub rab ster ba'o/ /phyag na mgo bo cang te'u bsnams/ /rdo rje gri gug gis rnam brgyan/ ta/hod pa'i brang ba'i dbu rgyan can/ /mgo yi phreng bas rnam bar brgyan/ /zur gyi cha ni thams cad du/ /gnas la sogs pa'i rim ba dgod/ /shar du rtsibs drug 'khor lo la/ /ji lta'i rjes 'brang lha mo dgod| |thog ma'i zur la pu lI ra/ /ma la ya na rab gtum ma'o// gnyis pa dza lan+d+ha ra gtum mig ma'o/ /gsum pa uD+yan na 'od ldan ma'o/ /bzhi pa ar bud na sna chen ma'o| |lnga pa go da bA ri na dpa' ba'i blo gros ma'o/ /drug pa rA me shwa ra na mi'u thung ma'o/ /gnyis pa byang gi 'khro lo'i rtsibs drug pa di pI ko Ti na lang+ka'i dbang phyug ma'o/ / gnyis pa mA la ba na shing grib ma'o/ /gsum pa kA ma ru pa na sa srung ma'o/ /bzhi pa o dre na 'jigs byed ma'o/ /lnga pa tri sha ku ni na rlung gi shugs can ma'o/ /drug pa ko sa la na chang 'thung ma'o/ /nub kyi 'khor lo gsum pa'i rtsibs drug gi shar du ka ling+ka na sngo bsangs lha mo'o/ /gnyis pa lam pa ka na rab bzang ma'o/ /gsum pa kAM tsi na rta rna ma'o bzhi pa hi ma la yan bya gdong ma'o/ /lnga pa pre ta pu rin 'khor lo'i shugs can ma'o/ /drug pa gr-i ha de ba tA na du ma skyes ma'o/ /lho'i 'khor lo bzhi pa'i rtsibs drug gi shar la sai rASh+Ta na chang tshang ma'o/ / gnyis pa na su bar+Na dwi pa na 'khro lo'i go cha ma'o/ gsum pa na rab tu dpa' mo'o/ /bzhi pa sin+d+hU na stobs chen ma'o/ /lnga pa ma ru ta na 'khro los bsgyur ma'o/ /drug pa ku lu tA na brtson 'grus chen mo'o| |thog ma dkar zhing ljang ba dang / /thod pa dang ni kha T+wAM ga/ /'khor lo cang te'u gri gug go/ /gnyis pa byad ni sngo la ser/ /rdo rje thod pa kha T+waM ga/ /cang te'u dang ni gri gug go/ /gsum pa nub ni dmar pa ser| |thod pa dang ni kha T+waM ga /pad+ma cang te'u gri gug go /bzhi pa lho yi lha mo ni/ /ser dmar sna tshogs rdo rje dang /cang te'u gri gug ga thod ba dang / /kha T+waM ga yang yongs su 'dzin/ /lha mo de dag thams cad kyang / /phyed ni bud med dbang phyug ma'o/ /spyan gsum pa la phyag bzhi pa/ /gcer bu dbu skra grol ba dang / /skyil mo krung phyed gar bcas pas/ /yi dwags rgyab la zhabs kyis bzhugs/ / thod pa'i phrod pa'i dbu rgyan can/ /phyag rgya lnga yis rnam par brgyan/ /rkang rgyan dang ni ska rags dang / /dbu rgyan rdo rjes mtshan pa'o/ /'khor lo de yi rgyab tu ni/ shar du rdo rje phreng bas bskor/ /byang du 'khro lo'i phreng ba ste/ /nub tu sna tshogs rdo rje phreng / /lho ru pad+ma'i phreng ba'o/ /dbus su rdo rje phreng bas brgyan/ /zur gyi cha ni thams cad du/ /sna tshogs rdo rje mnyam bar bri/ /de rgyab yi dwags sna tshogs kyi/ /phreng bas mkhas pas bskor bar bya/ /phyir rol dkyil 'khro sgo rnams dang / /zur gyi cha ni bzhi po la/ mkha' lo/ 'dus pa'i gzugs de ni/ /mnyam par bzhag nas bri zhing dgos/ /khwa gdong shar du dgod pa ste/ /sngo la dmar dang yid 'phrog pa/ /'gug gdong byang sgor dgod pa ste/ /ljang zhing dmar la legs par mdzes/ /khyi gdong nub kyi sgo la ni/ /ser zhing dud ka rab tu gdug /phag gdong lho ru dgod pa ni/ /ljang zhing sngo ba'i gzugs can no/ /spyan gsum bzhin bsgyur rab gdug cing // dam pa phyogs kyi gos 'chang ba'o/ /mig g.yan dang ni gzugs mi sdug /g.yas brkyang pa yi zhabs kyis bzhugs/ /sna tshogs pad+ma'i nyi dbus bzhugs/ /phyag rgya lnga yis rnam bar brgyan/ /thod pa'i phreng ba'i dbu rgyan can/ /sna tshogs gzugs can yid 'phrog pa/ /gcir bu skra grol rnam bar 'jigs/ /gshin rje sreg ma ma he gdong / /me yi phyogs su rnam par bzhugs/ /gshin rje pho nya bong bu'i gdong / /bden bral phyogs su rnam par bzhugs/ /gshin rje mche ba rnga mo'i gdong / /gdug pa rlung phyogs rab tu bzhugs/ /gshin rje 'joms ma rta yi gdong / /'di dag chags pas rab tu myos/ /thod pa'i phreng ba'i dbu rgyan can/ /sna tshogs gzugs can yid 'phrog ma'o/ /gcer bu dbu skra grol ba la/ /skyil krung phyed par gar dang bcas/ /mche ba rnam par gcigs pa'i zhal/ /spyan gsum pa la g.yo ba'i sku| |sna tshogs pad+ma'i nyi dbus bzhugs/ /mi sdug rjes su chags pas myos/ /thams cad yi dwags steng na bzhugs/ /'khor lo sogs pa'i dkyil 'khor rnams/ /thod pa kha T+wAM ga 'dzin cing / /gri gug dang ni mgo bo 'chang / /phyag g.yas dag na cang te'u yi/ /shin tu 'jigs pa'i sgra yang sgrog /phyi rol bskor ba'i tshul can no/ /gzhan du rnam pa du ma yi/ /glu dang gar gyi mchod pa dang / /sna tshogs dam tshig dam pa yi/ /me tog spos dang mar me dang / /dri dang phreng ba byug pa dang / /lha yi gos kyi rnam pa dang / / lha mo si la snyan mchog dam pa/ /phyi rol rnal 'byor ma dag mchod/ /de yi dbus mdun mtha' yas pa'i/ /thams cad du ni 'khor yongs kyis/ /nam mkha'i khams ni yongs gang ba'i/ /phag mo'i mchog ni dam pa dang / /rnal 'byor ma gdug rnams kyang mchod/ /mchog 'di dag ni gsang zhing sba/ /su la yang ni mi brjod do/ /phyi rol yi dgas phreng ba yis/ /dkyil 'khor mchog gi rang bzhin ni/ /rnam par 'phrul pa dgod bya ste/ /ji lta'i rim pas rjes su dgod/ /sen mo so ni rab gtum ma'o/ /skra dang spu ni gtum mig ma'o/ /pags pa dang dri ma ni/ 'od ldan ma'o/ /sha ni/ sna chen ma'o/ /rtsa rgyus ni/ dpa' bo'i blo gros ma'o/ /rus pa ni/ mi'u thung ma'o/ /mkhal ma ni/ lang+ka'i dbang phyug ma'o/ /snying ni/ shing grib ma'o/ /mig ni/ sa srung ma'o/ /mkhris pa ni/ 'jigs byed chen mo'o/ /glo ba ni/ rlung gi shugs can ma'o/ /rgyu ma ni/ chang 'thung ma'o/ / gnye ma ni/ sngo bsangs lha mo'o/ /lto ba ni/ rab bzang lha mo'o/ /lgang ba ni/ rta rna ma'o/ /skra mtshams ni/ bya gdong ma'o/ /bad kan ni/ 'khor lo'i shugs can ma'o/ / rang ni| dum skyes ma'o/ /khrag ni/ chang tshong ma'o/ /rdul ni/ 'khor lo'i go cha ma'o/ /tshil ni/ shin tu dpa' mo'o/ /mchi ma ni/ stobs chen ma'o/ /mchil ma ni / 'khor los bsgyur ma'o/ /snabs ni/ brtson chen ma'o/ /pu l+lI ra ma la ya ste/ mgo po la rab gtum ma'o/ /dzA lan+d+ha ra ste/ spyi gtsug la gtum ma'i mig can ma'o/ / u D+yin te/ rna ba g.yas par 'od ldan ma'o/ /ar bu da ste/ spyi bo'i rgyab tu sna chen ma'o/ /go da ba ri ste/ rna ba g.yon par brtan pa'i blo can ma'o/ /rA me shwa ra ste/ smin ma'i dbus su mi'u thung ma'o/ /de bI ko Ti ste/ mig tu lang+ka'i dbang phyug ma'o/ /mA la ba ste/ phrag ba gnyis su shing grib ma'o/ /kA ma rU ba ste| mig gnyis la sa srung ma'o/ /o tre ste/ nu ma gnyis su 'jigs byed chen mo'o/ /tri sha ku ni ste/ lte bar rlung gi shugs can ma'o/ /ko sa la ste/ sna rtser chang 'thung ma'o/ /ka ling+ka ste/ khar sh+yA ma de ba'o/ /laM pA ka ste/ mgrin par shin tu bzang mo'o/ /kAM tsi ste/ snying gar rta rnam ma'o/ /hi ma la ya ste/ 'doms su bya gdong ma'o| |phre ta pu ri ste/ mtshan ma la /'khor lo'i shugs can ma'o/ /gr-i had ba tA ste/ gzhad la du ma skyes ma'o/ /sau rASh+Ta ste/ brla gnyis la chang tshong ma'o/ / su bar+Na dwI ba ste/ rje rar gnyis la 'khor lo'i go cha ma'o/ /na ga ra ste/ sor mo rnams la dpa' bo'i blo gros ma'o/ /sin+d+hu ste/ rkang pa'i bo la la stobs chen ma'o/ /ma ru ste| mthe bong gnyis la 'khor los bsgyur ma'o/ /ku lu tA ste/ pus mo gnyis la brtson chen ma'o/ /sa'i khams ni/ 'phebs ma/ chu'i khams ni/ gsod ma/ ma'i khams ni/ 'gugs ma/ rlung gi khams ni/ gar gyi dbang phyug ma'o/ /nam mkha'i khams ni/ pad+ma'i dra ba ma'o/ /gzugs kyi phung po ni/ rnam par snang mdzad/ tshor ba'i pung po ni/ rdo rje nyi ma/ 'du shes kyi phung po ni/ gar gyi dbang phyug /'du byed kyi phung po ni/ rdo rje chags pa/ rnam par shes pa'i byang po ni/ rdo rje sems dpa'/ de bzhin gshegs pa thams cad kyi bdag nyid ni/ rdo rje shrI he ru ka'o/ /mig ni/ gti mug rdo rje/ rna ba ni/ zhe sdang rdo rje/ sna ni/ ser sna rdo rje/ dag ni/ chags ba rdo rje/ lus ni phrag dog rdo rje/ skye mched thams cad ni/ dbang phyug rdo rje/ yid ni/ mi 'khrugs rdo rje/ ngag ni/ dpag med rdo rje/ lus ni/ snang mdzad rdo rje/ 'di dag dgod par bya ba ni| ye shes 'khor lo mthong ba yin/ /sbyor ba 'di la gnas na ni/ /de yis thams cad bsgoms par 'gyur/ /dbang bskur mchod dang dam tshig dang / /sgom pa mnyam pa bcud du byed/ /de snying ye shes sems dpa' la/ /ye shes bdud rtsi bcud kyis mchod/ /lus ngag yid kyi dam tshig rnams/ /sems dang sems min legs par brtag /bzlas dang sgam pa'i sbyor ba yis/ /rnam rtog thams cad spangs nas ni/ /dam tshig mchog gi bzlas pa yis/ /gsang sngags rgyal po mchog kyang 'grub/ /oM bai ro tsa nI ye hUM hUM phaT swAhA/ oM sarba bud+d+ha DA kI nI ye badzra bar+Na NI ye huM hUM phaT swAhA/ bstod dang ming du yang dag sbyar/ /hUM hUM phaT dang ldan pa yi/ /rab gtum ma sogs gsang sngags dag /sbyar nas mchog gi bzlas pa bya/ /bzlas pa yongs su rdzogs nas ni/ /zhi ba'i btung ba mchog kyang btung / /chos rnams thams cad yongs mnyam pa'i/ /mnyam pa'i dam tshig mchog yin te/ /de bas de bsgom rnam par dag /sum cu bdun pa'i go 'phang mchog /bdag med chos dang lam dang ni| |dkyil 'khor mchog la rab tu bzhugs/ /shes rab pha rol rnal 'byor ma/ /rnal 'byor las ni ngal bsos nas/ /mtshan med go 'phang gnas nas su/ /mtshan med la ni mnyam par brten/ /chos rnams med cing mtshan ma med/ /chos min chos can dag kyang med/ /rten 'brel chos kyang mkha' dang mnyam/ /dngos po med cing mtshan ma med/ /de nyid bzhi la 'dir gnas na/ /ye shes mig gis mthong ba yin/ /gnas sogs 'khor lo nges par yang / /nyi zer rdul dang mnyam par mthong / /skra yi rtse mo 'bum bshags pa'i/ /cha yang yongs su rtogs shing mthong / /b+ha ga'i dbus na bzhugs pa yis/ /he ru rnal 'byor ma lhan cig /'khor los bsgyur ba rab sbyor ba| |khwa gdong la sogs phyi rol dgod/ /he ru ka dpal bdag po ni/ /mkha' 'gro bzhi yis yongs su bskor/ /phan tshun bdag pos bya ba ni/ /rdo rje sems sogs sbyor ba ni/ /rnal 'byor ma dang thun mong 'grub/ /sbyor ba gsum ni dam tshig mchog /khams gsum bdag po chen po ni/ /rnam par spyod par mthong ma gyur/ /mi 'grub 'khor los bsgyur ba dang / /khams gsum bdag po'i rgyal por 'gyur/ /grub na de na rnal 'byor che/ /srid pa gsum gyi bdag po 'thob/ /de bzhin cho ga'i sbyor ba yis/ /stobs kyis shi ba bza' bar bya/ /mtshams med pa ni byed pa dag /bkug la mkhas pas byin gyis brlab/ /gzhan du dngos grub 'jig par 'gyur/ /ji ltar 'dod pa'i 'tsho ba'i 'bras| |phyugs gsad pa yi sbyor ba ni/ /rnal 'byor ma la zhus te bya/ /lha bshos sgrub pa'i sbyor ba 'o/ /ma dang sring mo lhan cig tu/ /mchog dang bar ma de bzhin te/ / gzhan du bu mo lhan cig tu/ /dbang po gnyis ni mnyam sbyor ba/ /mnyam pa mchog gi sgrub pa'o/ /rang gi lha yi sbyor ba yis/ /'dod pa lnga ni spyad par bya/ /phag mo ru ni bdag bsgoms te/ /lte bar sdigs mdzub bzhag nas ni/ /mkha' 'gro ma sogs 'khor lor bzhugs/ /lha mo rab tu dang byas nas/ /sgo dgu la ni zhugs nas kyang / / snying po pad+ma phug nas ni/ /rnal 'byor ma ni brgyab tsam gyis/ /rma skyes mchog ni btung bar bya/ /bsnun pa de yis zos na ni/ /sangs rgyas 'gyur gyi gzhan du min/ /mngon par brjod pa'i rgyud bla ma'i bla ma las/ rnal 'byor ma'i gnas sgrub pa'i mtshan ma'i rim pa bstan pa'i le'u ste bcu gnyis pa'o// //de nas gzhan yang bshad bya ba/ /rnal 'byor dpa' bo'i cho ga dang / /rnal 'byor ma yi gnas 'byung ba/ /'dus pa bdag gis bshad par bya/ /dpa' bo rnal 'byor ma thams cad| |bla ma'i bka' las gzhan du min/ /thams cad mkha' 'gro ma rnams ni/ /nges par legs ba stsol bar 'gyur/ /re'u mig dgu pa dbus su ste/ /phyi rol du ni bcu drug bri| |re'u mig dbus kyi dkyil du yang / /shin tu mdzes pa'i pad+ma bri/ /sna tshogs pad+ma brgyad pa ste/ /lte pa dang ni ge sar bcas/ /de dbus zla ba blta byas te/ /a la sogs ba rnam par sbyar/ /A li kA li mnyam byas te/ /hUM ni nang du chud par bya/ /rdo rje sems dpas kun khyab pa/ /he ru ka ni rnam par bsgom/ /zhal lnga phyag ni bcu pa ste/ / phag mo yis ni yongs su brgyan/ /dkar zhing sngo la de bzhin dmar/ /ljang gu ser po steng du ste/ /spyan gsum pa la 'jigs pa'i zhal/ /g.yas brkyang pa yi gnas pas bzhugs/ /'jigs byed dang ni dus mtshan nyid/ /shin tu myos pas zhabs 'og gnon/ /thod pa'i phreng pa'i dbu rgyan can/ /zla ba phyed pa 'dzin pas mdzes/ /sna tshogs rdo rje cod pan can/ /ral pa'i dbu rgyan dbu la 'ching / /phyag rgya drug gis rgyas btab cing / /sku la rdo rje rgyan gyis spud/ /rdo rje dril pu mnyam par ldan/ /bde ba chen po'i bde ba mchog / rtse gsum dang ni cang te'u 'dzin/ /rdo rje gri gug de bzhin te/ /thod pa kha T+wAM tshangs pa'i mgo /dgra sta dang ni zhags pa'o/ /g.yas dang g.yon gyi phyag la ni/ /na ra'i phags pa gos su man bas/ /zhabs gnyis mnyam par 'khril ba ni/ /phag mo yis ni kha sbyar byas/ /de mdog phyag dang bzhugs stangs can/ /dbu skra grol zhing gcer bu ste/ /stag gi pags pa gos su man bas/ /dum bu'i rgyan gyi ska rags can/ /drag po'i thod pa'i phreng ba can/ /thugs rje'i chags pas rnam par myos/ /shar gyi 'dab la mkha' 'gro ma| |byang du lA ma mkha' 'gro ma/ /nub tu dum skyes ma yin no/ /lho ru gzugs can mkha' 'gro ma/ /nag dang sngo bsangs dmar ser skya/ /phyogs kyi gos 'chang g.yas brkyang bzhugs/ /thod pa'i phreng ba'i dbu rgyan can/ /skra grol gnyis su med pa ste/ /zur gyi cha ni thams cad du/ /byang chub sems kyi snod kyang bzhag /thod pa kha T+wAM dril bu dang / /cang te'u gri gug mgo bo thogs/ /zhal gsum spyan gsum bzhin rnams bsgyur/ /drag po chags pa'i chags pas myos/ /bcom ldan bde bas gzigs nas ni// bde ba che la rjes su chags/ /mgo po'i do shal 'chang ba yis/ /he ru ka ni rnam par bsgom/ /'di ltar re'u mig dbus dkyil du/ /mchog de dag kyang bsgom par bya/ /de yi shar gyi re mig la pu l+lI ra ma la yan thod pa'i dum bu dang / rab gtum ma ste/ ser po'o/ /byang du dzA lan+d+ha ra na keng dus chen po dang / gtum mig ma ste/ sngon po'o/ /nub tu u T+yan na keng rus can dang / 'od ldan ma ste/ dkar po'o/ /lho ru ar bu da na mche ba rnam par gtsigs pa dang / sna chen ma ste / ljang gu'o/ /me'i phyogs su go da pa ri na lha dgra dang / dpa' bo'i blo gros ma ste/ dmar po'o/ /bden bral du rA me shwa ra na 'od dpag med dang / mi'u thung ma ste/ pad+ma'i mdog can no/ /rlung phyogs su de bi ko ti na rdo rje 'od dang / lang+ka'i dbang phyug ma ste/ dud ka sngon po'o/ /dbang ldan du mA la ba na rdo rje lus dang / shing grib ma ste/ ljang gu dang / mu tig lta bu'o/ /phyag na rdo rje dang dril bus 'khyud pa'o/ /de la re'u mig gnyis pa'i shar phyogs su kA ma rU pa na myu gu can dang / sa srung ma ste/ dmar po'o/ /byang du oM dren rdo rje ral bcan dang / 'jigs byed chen mo ste/ ljang gu'o/ /nub tu tri sha ku ni na dpa' bo chen po dang / rlung gi shugs can ma ste/ sngon po'o/ /lho phyogs ko sa la na rdo rje hUM mdzad dang / chang 'thung ma ste/ dkar po'o/ /me'i phyogs su ka ling+ka na rab bzang dang / sngo bsangs lha mo ste/ nam mkha' ser skya'o/ /bden bral du laM pA ka na rdo rje bzang dang / rab bzang ma ste/ dmar po'o/ /rlung gi phyogs su kAM po tsin 'jigs byed chen po dang / rta rnam ste/ ser bo'o/ /dbang ldan du hi ma la yan mig mi bzang dang / bya gdong ma ste| sngon po'o/ /pad+ma dang dril bu 'dzin pas 'khyud pa'o/ /re'u mig gsum pa'i shar du pre ta pu ri na stobs po che dang / /'khor lo'i shugs can ma ste/ nam mkha' dang ser skya'o/ /byang du gr-i ha de bA tA na rdo rje 'od dang du ma skyes ma ste ser po'o/ /nub tu sau rASh+Da na rta mgrin dang / chang tshong ma ste/ dmar po'o/ /lho phyogs su bar+Na dwi pa na nam mkha'i snying po dang / 'khor lo'i go cha ma ste/ sngon po'o/ /me'i phyogs su na ga ra na dpal khrag 'thung dang / rab dpa' mo ste/ dud pa'i mdog can no/ /bde na bral du sin+d+hu na pad+ma gar gyi dbang phyug dang / stobs chen ma ste/ ljang gu'o/ /rlung gi phyogs su ma ru ta na rnam par snang mdzad dang / 'khor los bsgyur ma ste/ sngon po'o/ /dbang ldan du ku lu tA ma rdo rje sems dpa' dang / brtson 'grus chen mo ste/ dkar po'o/ /'khor lo dang dril bu 'dzin pas 'khyud pa'o/ /gzhan yang thod pa dang / kha T+wAM ga dang / cang te'u dang / gri gug dang / mgo bo 'dzin pa/ phyag drug pa/ zhal gsum pa ste/ zhal ni/ man ngag gi rjes su 'brang bas bstan/ spyan gsum pa/ g.yas brkyang bas bzhugs pa/ phyag rgya lnga yis rnam par brgyan/ /stag gi pags pa gos su man bas/ /mgo bo'i phreng bas brgyan pa ste/ /thod pa'i phreng ba'i cod pan can/ /rdo rje phreng dang phad 'khor lo/ /ji lta'i rim pas dpral bar brgyan/ /lha mo skra grol gcar bu ste/ /byin pa gnyis kyis legs par 'khril/ /ji ltar thabs bzhin shes rab ste/ / mtshan ma'i phyag rgya legs khyab pa/ /zur bzhi pa la sgo bzhi pa/ /rta babs bzhis ni rnam par brgyan/ /dra ba dra phyed kyis brgyan pa/ /dar dang phreng bas rnam par brgyan/ /'khor lo'i gzugs can la bkod nas/ /ji ltar mdzes par rab tu brtag/ /'di ltar phyi yi 'khor lo yi/ /de la sgo srung rnams kyang dgod/ /mtshams dang zur du lha mo rnams// mkhas pas bri bar bya ba ste/ /cho ga du ma thos nas ni/ /'bad pas gcig tu bsdus pa yin/ /shar gyi sgor ni khwa gdong ma/ /zhal gsum pa la phyag drug pa/ /g.yas dang g.yon gyi zhal gdong ni/ /bya rog chu skyar zhal yin te/ /mi 'u thung la mi sdug zhal/ /byang gi sgor ni 'ug gu dang / /'ug pa byi la rnam mdzes te/ /g.yas dang g.yon gyi zhal gdong gi /lce bskyod 'jigs pa'i gzugs can ma/ /nub tu b+ha ba gi zhes pa/ /khyi dang seng+ge'i gdong pa can/ /g.yon ba dang ni g.yas pa yi/ /lce bskyod shin tu mdzes pa'o| |lho phyogs sa 'dzin lha mo ni/ /phag gdong ma he'i gzugs can te/ /g.yas dang g.yon gyi zhal gdong ni/ /zab cing drag la 'jigs pa 'o/ /thog ma khwa gdong zhes bya ba| |gnyis pa 'ug pa de bzhin te/ /gsum pa khyi yi gdong can la/ /bzhi pa dag ni phag nyid do/ /sngo dang dud ka dkar po'i gdong / /ljang gu ser po dmar po ste/ /ser zhing dmar la sngo ba'i zhal/ /dkar dang sngo dang ljang gu'i mdog /dang po me nas dbang ldan bar/ /gshin rje sreg ma pho nya mo/ /gshin rje mche ba 'joms pa nyid/ /dmar dang ser dang ljang gu dang / /sngo dang ser dang ljang gu dang / /dud ka ser dang ljang gu dang / /dkar dang ser dang ljang gu ste/ /de dag zhal gsum phyag drug ste/ /spyan gsum g.yas pa brkyang bas bzhugs// phyogs kyi gos 'chang gsus pa 'phyang / /dbu skra dag ni grol ba ste/ /phyag rgya lnga yis rgyas btab cing / /'khor lo dag ni thams cad kyang / /yi dwags steng du rnam par bzhugs/ sna tshogs pad+ma nyi ma dang / /zla ba'i dkyil 'khor dag la bzhugs/ /thod pa dang ni kha T+wAM ga /zhags pa lcags kyu cang te'u dang / /mgo bo gri gug phyag na 'chang / /thod pa'i phreng bas rnam par brgyan/ /dga' zhing dgyes pas rnam par myos/ /rjes su chags pa'i zhal gdong ni/ /'jigs pa'i sdang mig 'gyur ba 'o/ /de nas gshin rje sreg sogs sgo/ /khwa gdong la sogs mtshams su ste/ /rang gi thabs dang mnyam par gzhag /sbyor ba'i rim pa bsgoms nas ni/ /'khor lo dpa' bo thams cad kyang / /ji bzhin rdo rje mkha' 'gro ste/ /snga ma'i rjes su thams cad kyang / /mkha' 'gro ma sogs kun de bzhin/ /ji bzhin bla ma'i bka' bzhin du/ /ji ltar 'dod pa gnas de bzhin/ /ji ltar sems kyi khyad par gyis/ /rnal 'byor ma yi dkyil 'khor bsgom/ /bum pa sna tshogs sbyor ba yis/ /thod pa yis ni yongs su brgyan/ / 'o mas bkang ba'i thod pa ni/ /bum pa'i steng du gzhag par bya/ /phyi rol yongs su bskor ba ste/ /sna tshogs mkha' 'gro ma gnas pa/ /glu dang gar ni nyer ldan pas/ / sna tshogs rol mo rnam par sprul/ /me tog bdug spos mar me dang / /dri dang gos mchog dam pa ste/ /sna tshogs dam tshig ro yi zas/ /sna tshogs bza' ba chang gis mchod| |dkyil 'khor sna tshogs mchog dam pa/ /phyi rol yi dwags gyis yongs bskor/ /dngos dang dngos med rnam par bsgom/ /bla ma'i man ngag bka' bzhin du| |rdo rje pad bskor 'khor lo ni/ /zur bzhi par ni rab tu gnas/ /mtshams su rdo rje phyed pas mtshan/ /rdo rje ka ba'i mdun dbus su/ /re'u mig rdo rje ldan par bya/ /sna tshogs pa yi cho ga mchog /gnas sogs rim pas dgod par bya/ /khams dang phung po de bzhin te/ /skye mched drug kyang rnam par dgod/ /ye shes rdo rje rnam par bsgom/ /sku gsung thugs su sbyor ba yis/ /ye shes 'khor lo mthong ba na/ /ar+g+haM zhabs bsil dag gis mchod/ /dam tshig sna tshogs mchog dam pa/ /sna tshogs pa yi khyad par gyis/ /mAM sa rak+ta dag gis mchod/ /go cha gnyis po sbyor ba yis/ /phyag rgya ye shes mchog dam pa/ /ro gcig ma lus bsgoms na ni/ /ye shes 'khor lo rnam par bsgom/ /reg pa yi ni khyad par gyis/ /mkhas pas sbyor ba gsum du sbyar/ /bsgoms pas rnam par dag pa'i don/ /mkhas pas sum cu rtsa bdun te/ /ye shes bzlas pa'i sbyor ba yis/ /dam tshig gsum gyi mchog gis bza'/ /spro dang bsdu ba'i sbyor ba yis/ /bzlas pa'i bsgom ba rnam par bsgom/ /dus bzhi dag tu dam tshig can/ /gnas sbyor mkhas bas bsrung bar bya| |sa steng du ni mthong ba kun/ /thams cad he ru ka dpal gzugs/ /'gro ba drug po'i srid pa sbyangs/ /sems can don ni gzhal med byas/ /thams cad zhugs te zhugs sbyor bas/ /'dis ni thams cad gzhug par bya/ /'di ni sbyor ba nges pa ste/ /nges pa'i dngos grub thob par 'gyur/ /dung chen phreng ba dag gis ni| |dam tshig mchog gis bzlas pa bya/ /tshogs kyi go cha'i rim pa bzhin/ /rnal 'byor pa yis sngags mchog bzla/ /oM shrI badzra he he ru ru kaM DA ki nI dzA la saM ba raM huM hUM phaT swAhA/ oM hrIH ha ha huM hUM phaT swAhA/ snying po dang nye ba'i snying po'o/ /oM badzra bai ro tsa nI ye huM hUM phaT swAhA/ oM sarba bud+d+ha DA ki nI ye badzra war+Na nI ye huM hUM phaT swAhA/ phag mo'i snying po dang nye ba'i snying po'o/ /oM ka ra ka ra khaN+Da ka pA li huM hUM phaT/ oM pra tsaN+De huM hUM phaT/ oM ku ru ku ru ma hA kaM ka la huM hUM phaT/ oM tsaN+DA k+ShI ye huM hUM phaT/ oM ban+d+ha ban+d+ha kaM ka la huM hUM phaT/ oM pra b+hA ba tI ye huM hUM phaT/ oM trA sa ya trA sa ya bi ka Ta daM Sh+Ti Ni huM hUM phaT/ oM ma hA nA se huM hUM phaT/ oM k+Sho b+ha ya k+Sho b+ha ya su ra bai ri Ni huM hUM phaT/ oM bI ra ma trI ye huM hUM phaT/ oM hrauM hrauM a mi trA b+he huM hUM phaT/ oM kharba ri ye huM hUM phaT/ oM hra hra badzra pra b+he huM hUM phaT/ oM laM ke shwa rI ye huM hUM phaT/ oM pheM pheM badzra de he huM hUM phaT/ oM dru mats+tsha ye huM hUM phaT/ oM phaT phaT aM ku ri ke huM hUM phaT/ oM ai rA ba tI ye huM hUM phaT/ oM da ha da ha badzra dza Ti la huM hUM phaT/ oM ma hA b+hai ra ba ye huM hUM phaT/ oM pa tsa pa tsa ma hA bI ra huM hUM phaT/ oM bA yu be ge huM hUM phaT/ oM b+hak+Sha b+hak+Sha badzra hUM kA ra ba sa ru d+hi ra an+t+ra mA lA ba laM bi ni huM hUM phaT/ oM su ra b+hak+Shi ye huM hUM phaT/ oM gr-ih+Na gr-ih+Na su b+ha dra sa pa pA tA la ga ta b+hu dzaM ga sarba bA ta r+dz+dza ya tar+dz+dza ya huM hUM phaT/ oM sh+yA ma de bI ye huM hUM phaT/ oM A kaD+D+h+ya A kaD+D+h+ya badzra b+ha dre huM hUM phaT/ oM su b+ha dre huM hUM phaT/ oM hriM hriM ma hA b+hai ra ba huM hUM phaT/ oM ha ya kar+Ne huM hUM phaT/ oM dz+NauM dz+NauM bi rU pAk+Sha huM hUM phaT/ oM kha ga na ne huM hUM phaT/ oM k+Sh+mAM k+Sh+mAM ma hA ba la huM hUM phaT/ oM tsakra be ge huM hUM phaT/ oM haM haM rat+na badzra huM hUM phaT/ oM khaN+Da ro he huM hUM phaT/ oM hriM hriM ha ya grI ba huM hUM phaT/ oM shauN+Di nI ye huM hUM phaT/ oM hUM hUM A kA sha gar+b+he huM hUM phaT/ oM tsakra ba rmi NI ye huM hUM phaT/ oM ki li ki li he ru ka huM hUM phaT/ oM su bI re huM hUM phaT/ oM shi li shi li pad+ma na rte shwa ri huM hUM phaT/ oM ma hA b+ha le huM hUM phaT/ oM hi li hi li bai ro tsa nI ye huM hUM phaT/ oM tsa kra brti nI ye huM hUM phaT/ oM d+hi li d+hi li badzra satwa huM hUM phaT/ oM ma hA bIR+ye huM hUM phaT/ oM DA ki nI ye huM hUM phaT/ oM lA me huM hUM phaT/ oM khaN+Da ro he huM hUM phaT/ oM rU pi NI ye huM hUM phaT/ oM kA kA s+ye huM hUM phaT/ oM u lU kA s+ye huM hUM phaT/ oM shwA nA s+ye huM hUM phaT/ oM sU ka rA s+ye huM hUM phaT| oM ya ma dA D+hI ye huM hUM phaT/ oM ya ma du tI ye huM hUM phaT/ oM ya ma daMSh+TI nI ye huM hUM phaT/ oM ya ma ma tha nI ye huM hUM phaT/ rnal 'byor cho ga bzlas tsam gyis/ /rdo rje bkug cing gnas nas su/ /'khrug cing rab tu g.yo ba ste/ /lus las 'od 'bar dgod pa dang / /de yi mig ni 'bar ba dang / /tshig 'jam pa dang 'bar ba dang / /rnal 'byor pas ni bzlas tsam gyis/ /rdo rje 'jug pa mthong ba dang / /sngags pa mnyam bzhag bzlas nas ni/ /dam tshig spyod pa ldan byas nas/ /srog dang rtsol ba bsngams byas te/ /gsal byed huM ni brjod nas kyang / /chos kyi dbyings su spro bar bya/ /sems can kun la phan pa dang / /gdul dka' ba dag 'dul ba'i phyir| |sangs rgyas chos rnams mdun du spro/ /khro bo'i go 'phang de mthong nas/ /khams gsum dag tu bsdu bar bya/ /lus ngag yid la bcug nas kyang / /sa steng du ni spyod pa spyad/ /mnyam gzhag min pa'i rnal 'byor pas/ /snying rjes brlan pa nyid kyis ni/ /sems can thams cad mthong ba ni/ /srid pa gsum po he ru ka/ /sngags pa ci dang ci za ba/ /dam tshig mchog ni bsgoms nas kyang / /thams cad chos kyi dbang phyug rgyal/ /mnyam pa nyid la rab tu gnas/ /dam tshig can ni langs dus su// bla ma mchod pa rjes dran nas/ /byang chub sems kyi chus khrus bya/ /yid 'ong phyag rgya la gnas nas/ /khro bo sangs rgyas dpa' bo dang / /rnal 'byor ma dang mkha' 'gro ma'i| |go 'phang du ni byin brlabs nas/ /yid 'ong mchod pa dag tu bshad/ /mkha' dbyings dkyil 'khor khyab pa la/ /smon lam dag ni bya ba yin/ /de ma thag pa'i rnal 'byor gyis| |rgyu dang mi rgyu mthong ba ni/ /rang bzhin dag pa bcom ldan 'das/ /rang bzhin yang ni dngos med byas/ /sems can rang bzhin dag pa ste/ /srid pa mchog tu byas pa yin| |rdo rje phag mo bla med pa/ /phyag rgya ru ni byin brlabs nas/ /rang gi lha yi sbyor ba yis/ /thams cad 'di ltar rab tu brtag /mngon par brjod pa'i rgyud bla ma'i bla ma las| re'u mig dgod pa dang / gnas bsdu ba bstan pa ste le'u bcu gsum pa'o// //de nas gsang ba bshad bya ba/ /gnas dang 'dus pa mchog yin pas| |dngos grub kun gyi rang bzhin ni/ /mnyam par 'dres pa bcud du 'gyur/ /gnyis med blos ni mnyam bzhag ste/ /'khor lo gsum mdog ldan par ni/ /dkyil 'khor gru bzhi'i dbus dag tu/ /nyi shu rtsa bzhi'i 'khor lo mchog /de yi dbus su pad+ma che/ /sna tshogs pad+ma legs par mdzes/ /'dab ma brgyad pa lte bar bcas/ /ge sar dag gis nye bar mdzes/ /gru bzhi pa la sgo bzhi pa/ /rta babs bzhis ni rnam par brgyan/ /phreng ba dang ni phreng phyed brgyan/ /mtshan nyid kun dang yang dag ldan/ /nyi ma'i dkyil 'khor dbus su ni/ /rdo rje sems dpa' bde ba che/ /A li kA li zhu gyur las/ /ye shes lnga ni rnam par bsgom/ /de yi yongs su 'phel 'gyur bas/ /rdo rje he ru ka rnam bsgom/ /dus mtha'i me chen tshol ba yis/ /gdul dka' thams cad rab tu gsheg /'jigs byed dang ni dus mtshan dag /zhabs kyi 'og tu rnam gnon cing / /zhal gyi mche ba rnam par gtsigs/ /spyan gsum 'jigs pa rab tu 'jigs/ /sku lus dag ni sngon po las/ /sdo zhing 'bar ba'i sku yang sprul/ /thod pa'i phreng ba'i dbu rgyan can/ /sangs rgyas lngas ni byin gyis brlabs/ /sna tshogs rdo rje dbu rgyan can/ /zla ba phyed pa rnam par mdzes/ /zhal drug dpa' po mi sdug pa/ /sgeg pa dang ni bzhad ba dang / /drag shul 'jigs pa'i sku lus can/ /phyag rgya drug gis rgyas btab cing / /sku ni sna tshogs rgyan gyis spud/ /phag mo dang ni yang dag ldan/ /byin pa dag gis gnyis med 'khyud/ /g.yas brkyang ba yi zhabs gnas shing / /g.yon brkyang ba yi zhabs kyis bzhugs/ /ha ha mdzad cing huM hUM mdzad/ /hi hi mdzad cing 'jigs pa can/ / huM hUM mdzad cing phaT phaT can/ /a Ta Ta yi sgra chen smra/ /sngo zhing ser la de bzhin dmar/ /ljang gu dkar po de bzhin te/ /steng gi zhal gdong gdug pa che/ /zas su gdug pa longs spyod cing / /rdo rje dril bu mnyam ldan pas/ /lha mo dag gi nu ma 'tshir/ /drag po'i pags pa'i gos mnabs shing / /khrag rlon 'dzag par ba gsol te/ /thod pa dang ni kha T+wAM 'dzin/ / mdung dang gri gug lcags kyu dang / /zhags pa dang ni mgo bo 'dzin/ /gdug pa gtum zhing cang te'u dang / /mdung ni 'bar ba'i phyag rgya can/ /dpral ba dag tu nye bar mdzes/ / de lta'i phyag dang sku mdog bzhugs/ /dbu skra grol zhing gcer bu ste/ /'di lta'i phyag rgya rnam par bsgom/ /dum bu'i ska rags kyis brgyan cing / /phag mo yang ni 'di 'drar bsgom| |rnal 'byor som nyi spangs nas ni/ /thabs dang shes rab mnyam ldan pas/ /thugs rje chags pa'i bde ba yis/ /sems can don gyi phyir byung ste/ /snying rje chen pos brlan pa yis/ /nam mkha'i sbyor ba'i longs spyod kyis/ /thugs rje chen po'i bcud bde bas/ /'gro drug srid pa rnam sbyangs nas/ /sems can de ni mchog nyid mdzad/ /stong pa'i ye shes las byung zhing / /rtogs pa med pa'i gnas bzhi la/ /rang bzhin med cing mchog tu phra/ /thig le sgra ni rnam spangs pa/ /mnyam pa'i dam tshig mthong nas ni| |phyi dang nang gi mchog gyur pa/ /snying po ye shes dam tshig ni/ /zla ba'i dkyil 'khor dbus dag tu/ /der ni phyag mtshan mdog mthong nas/ /zla ba'i rdo rje sa bon ni/ /de 'dir snying po bsgom bya ste/ /bsnyen pa'i rnal 'byor dag tu brtag /mkha' 'gro la sogs rim pa yis/ /pad+ma dag ni dgod par bya/ /shar du mkha' 'gro dgod par bya/ /byang du de bzhin lA ma ste/ /nub tu dum skyes ma yin no/ /lho ru de bzhin gzugs can ma/ /sngo dang ljang dang dmar ba dang / /ser de de bzhin bzhi po ni/ /bzhin rnams bsgyur zhing spyan gsum gdug /skra grol phyogs kyi gos can yin/ /rgyan rnams thams cad yongs su rdzogs/ /phyag rgya lnga yis rgyas btab cing / /thod pa dang ni kha T+wAM ga /g.yon gyi dpung pa la brten cing / /cang te'u gri gug mgo bo ni/ /mkha' 'gro ma yi dam tshig mchog /byang chub sems kyi chus gang ba'i/ / thod pa bum pa'i steng du bzhag /'khor lo dgod par bya ba ni/ /sngon du grub pa'i rnal 'byor ma/ /byin gyis brlab sogs rim pa yis/ /shar phyogs byang gi rim pa ste// pul+li ra ma la ya na thod pa'i dum bu dang / rab gtum ma ste/ nam mkha' ser skya'o/ /dzA lan+d+ha ra na keng rus chen po dang / gtum mig ma ste/ mdog ser po'o/ /au D+yan na keng rus can dang / 'od ldan ma ste/ mdog ljang gu'o/ /ar bu da na mche ba rnam par gtsigs pa dang / sna chen ma ste/ mdog nam mkha' ser skya'o/ /go da ba ri na lha dgra dang / dpa' ba'i blo gros ma ste/ mdog ser po'o/ /rA me shwa ra na 'od dpag med dang / mi'u thung ma ste/ mdog ljang gu'o/ /de bI ko Ta na rdo rje 'od dang / lang+ka'i dbang phyug ma ste/ nam mkha' ser skya'o/ /mA la ba na rdo rje lus dang / shing grib ma ste/ mdog ser po'o/ /kA ma ru ba na myu gu can dang / sa srung ma ste/ mdog ljang gu'o/ /o dre na rdo rje ral pa can dang / 'jigs byed chen mo ste/ nam mkha' ser skya'o/ /tri sha ku ni na 'jigs byed chen po dang / rlung gi shugs can ma ste/ mdog ser po'o/ /ko sa la na rdo rje hUM mdzad dang / chang 'thung ma ste/ mdog ljang gu'o/ /ka ling+ka na rab bzang dang / sngo bsangs lha mo ste/ nam mkha' ser skya'o/ /laM pA ka na rdo rje bzang po dang / rab bzang mo ste/ mdog ser po'o| |kAny+tsi na 'jigs byed chen po dang / rta rnam ste/ mdog ljang gu'o/ /hi ma la ya na mig mi bzang dang / bya gdong ma ste/ nam mkha' ser skya'o/ /pre ta pu ri na stobs po che dang / 'khor lo'i shugs can ma ste/ mdog ser po'o/ /gri ha de ba tA na rdo rje rin chen dang / dum skyes ma ste/ mdog ljang gu'o/ /sau rASh+Ta na rta mgrin dang / chang tshong ma ste| nam mkha' ser skya'o/ /su bar+Na dwi pa na nam mkha'i snying po dang / 'khor lo'i go cha ma ste/ mdog ser po'o/ /na ga ra na he ru ka dang / rab dpa' mo ste/ mdog ljang gu'o| |sin+d+hu na pad+ma gar gyi dbang phyug dang / stobs chen ma ste/ nam mkha' ser skya'o/ /ma ru ta na rnam par snang mdzad dang / 'khor los bsgyur ma ste| mdog ser po'o/ /ku lu tA na rdo rje sems dpa' dang / brtson chen mo ste/ mdog ljang gu'o/ /yang na sku gsung thugs kyi ni/ /ci 'dod mdog ni dbye ba bya/ / g.yon gyi rim pa ji lta bar/ /sgo rnams dag ni bya ba ste/ /shar du khwa gdong ma/ byang du 'ug gdong ma/ nub tu khyi gdong ma/ lho ru phag gdong ma sngo ba dang / ljang gu dang / dmar ba dang / ser po'i mdog can no/ /me'i phyogs su gshin rje sreg ma mdog dmar po/ /bden bral gyi phyogs su gshin rje pho nya ma mdog sngon po| |rlung gi phyogs su gshin rje mche ba ma dud ka'am char sprin gyi mdog lta bu/ dbang ldan gyi phyogs su gshin rje 'joms ma mdog dkar po ser skya'o/ / thod pa'i dum bu la sogs pa'i dpa' bo dang / rab gtum ma la sogs pa 'dra bar gdong gcig pa/ phyag bzhi pa/ zhabs g.yas brkyang bas bzhugs pa/ thod pa'i phreng ba can/ stag gi pags pa mnabs pa/ phyag rgya lnga 'chang ba/ lha mo'i zhabs kyis 'khyud pa/ gcer bu mgo bo'i phreng bas brgyan pa/ spyan gsum pa| thod pa'i phreng bas dpral ba brgyan pa/ rdo rje dang dril bus 'khyud pa/ gnyis su med pa'i sbyor ba'i mnyam pa dang ldan pa/ lha mo'i nu ma 'tshir ba/ thod pa dang kha T+wAM 'dzin pa/ cang te'u 'chang ba/ yang na rigs gsum dbye bas rtsa ba'i mtshan ma 'dzin pa/ thams cad phyogs kyi gos 'chang zhing / lha mo skra grol gdug pa mo// khwa gdong la sogs lha mo rnams/ /skra grol phyogs kyi gos can la/ /g.yas brkyang pa yi gnas pas bzhugs/ /spyan gsum pa la zhal rnams bsgyur/ /thod pa'i phreng ba'i dbu rgyan can/ /mgo bo'i phreng ba'i se ral brgyan/ /thams cad phyag rgya lnga yang 'chang / /'dod pa'i chags pas rab tu myos/ /rang gi thabs dang lhan cig tu| |mi g.yo ba dang de bzhin sbyor/ /lto ba 'phyang zhing lag pa 'phyang / /sku lus 'jigs shing gdong yang bsgyur/ /rab 'jigs nyi ma pad+ma yi/ /steng du sgrub par rab gnas nas/ /gang zhing ji ltar 'dod pa bzhin/ /rjes su chags pas zhal nyid ni/ /de lta bu yi bsam pa yis/ /rnal 'byor pas ni bsgom par bya/ /thod pa kha T+wAM ga 'dzin cing / /cang te'u gri gug mgo bo 'chang / /dkyil 'khor dag ni thams cad kun/ /yi dwags la ni bzhugs par bsgom/ /mkha' 'gro'i tshogs kyi dkyil 'khor la/ /nye bsnyen rjes su rnal 'byor te/ /dpa' bo'i yan lag sbyar ba yis/ /sgrub pa lhag pa'i snyoms par 'jug /sen mo dang so dag ni thod pa'i dum bu'o/ /skra dang spu dag ni keng rus chen po'o/ /pags pa dang dri ma dag ni keng rus can no/ /sha ni mche ba rnam par gtsigs pa'o/ /rtsa rgyus ni lha dgra'o/ /rus pa ni 'od dpag tu med pa'o/ /mkhal ma dag ni rdo rje 'od do/ /snying ni rdo rje sku'o/ /mig ni rdo rje myu gu can no/ /mkhris pa ni rdo rje ral pa can/ glo ba ni dpa' bo chen po'o/ / rgyu ma ni rdo rje hUM mdzad do/ /gnye ma ni rab tu bzang po'o/ /lte ba ni rdo rje bzang po'o/ /lgang pa ni 'jigs byed chen po'o/ /skra mtshams ni mig mi bzang ngo / / bad kan ni stobs po che'o/ /rnag ni rin chen rdo rje'o/ /khrag ni rta mgrin no/ /rdul ni nam mkha'i snying po'o/ /tshil ni dpal he ru ka'o/ /mchi ma ni pad+ma gar gyi dbang phyug go /mchil ma ni rnam par snang mdzad do/ /snabs ni rdo rje sems dpa'o/ /pu l+li ra ma la ya ste/ mgo bor rab tu gtum ma'o/ /dzA lan+d+ha ra ste/ spyi gtsug tu gtum pa'i mig can ma'o/ /uD+yin ste/ rnab g.yas par 'od ldan ma'o/ /ar bu da ste/ spyi bo'i rgyab tu sna chen ma ste/ gnas so/ / gong ba ri ste/ rna ba g.yon par brtan pa'i blo can ma'o/ /ra me shwa ra ste/ smin ma'i dbus su mi'u thung ma'o/ /de bI ko Ta ste/ mig tu lang+ka'i dbang phyug ma'o/ /ma la ba ste/ phrag pa gnyis su shing grib ma ste/ nye ba'i gnas so/ /kA ma ru pa ste/ mchan khung dag tu sa srung ma'o/ /o dre ste/ nu ma gnyis su 'jigs byed chen mo ste/ zhing ngo / /tri sha ku ni ste/ lte bar rlung gi shugs can ma'o/ /ko sa la ste/ sna rtser chang 'thung ma ste/ nye ba'i zhing ngo / /ka ling+ka ste/ khar sngo bsangs lha mo'o// laM pA ka ste/ mgrin par shin tu bzang mo ste/ 'dus pa can no/ /kAny+tsi ste/ snying gar rta rna ma'o/ /hi ma la ya ste/ mdoms su bya gdong ma ste/ nye ba'i 'dus pa can no/ /pre ta pu ri ste/ mtshan ma la 'khor lo'i shugs can ma'o/ /gri ha de ba tA ste/ bshang ba'i lam la du ma skyes ma'i ste/ 'dus pa can no/ /sau rASh+Ta ste/ brla gnyis su chang 'tshong ma'o/ /su brtsa dwi ba ste/ byin pa gnyis la 'khor lo'i go cha ma'o/ /nye ba'i 'dus ba can no/ /na ga ra ste/ sor mo rnams la shin tu dpa' mo'o/ /sin+d+hu ste/ rkang pa'i bol la stobs chen ma ste/ 'di dag ni dur khrod do/ /ma ru ste/ mthe bong dag la 'khor los bsgyur ma'o/ /ku lu tA ste/ pus mo gnyis la brtson 'grus ma chen mo'o| |'di dag ni/ nye ba'i dur khrod do/ /sa'i khams ni/ ltung byed ma'o/ /chu'i khams ni/ gsod byed ma'o/ /me'i khams ni/ 'gugs byed ma'o| |rlung gi khams ni/ gar gyi dbang phyug ma'o/ /nam mkha'i khams ni/ pad+ma'i dra ba ma'o/ /gzugs kyi phung po ni/ rnam par snang mdzad do/ /tshor ba'i phung po ni/ rdo rje nyi ma'o| |'du shes kyi phung po ni/ pad+ma gar gyi dbang phyug go /'du byed kyi phung po ni/ rdo rje rgyal po'o/ /rnam par shes pa'i phung po ni/ rdo rje sems dpa' ste/ de bzhin gshegs pa thams cad kyi bdag nyid ni/ dpal he ru ka'o/ /mig gnyis ni/ gti mug rdo rje'o/ /rna ba gnyis ni/ zhe sdang rdo rje'o/ /sna gnyis ni/ ser sna rdo rje'o/ kha ni/ 'dod chags rdo rje/ reg bya ni/ phrag dog rdo rje/ skye mched thams cad ni/ dbang phyug rdo rje/ yid ni/ mi 'khrugs rdo rje/ ngag ni/ dpag med rdo rje/ lus ni/ rdo rje rnam snang ngo / /'di dag sgrub pa'i rnal 'byor yin/ /rang snying lcags kyu'i sbyor ba yis/ /ye shes 'khor lo bkug nas su/ /de dag sprul cing bkod nas ni/ /ji lta'i rim pas dbang yang bskur/ /zhugs par gyur nas bcing bar bya/ /dgyes pas rjes su chags pas sbyor/ /rang gi ngo bo gcig gyur nas/ /de la go cha gnyis po dgod/ /oM ha snying ga la rdo rje sems dpa'/ na ma hi mgo bo la rnam par snang mdzad/ swAhA hu spyi gtsug la pad+ma gar gyi dbang phyug /bau ShaT he phrag pa gnyis la he ru ka /hUM hUM hoH mig gnyis la rdo rje nyi ma'o| |phaT haM lus thams cad kyi go cha ste/ rta mchog go /oM baM lte ba la rdo rje phag mo'o/ /haM yoM snying ga la ya mi ni'o/ /hrIM yoM kha la rmongs byed ma'o/ /hreM hreM mgo la bskyod byed ma'o/ /hUM hUM spyi gtsug la skrag byed ma'o/ /phaT phaT tsaN+Di ka ste/ yan lag thams cad kyi mtshon cha'o/ /mdzub mo 'dud byas gung mo nges par sbyar/ /mthe bong rdo rje brtan por rab tu sbyar/ /de ni dpral ba'i dbus su rang bzhag nas/ /bskor cing bskor bar kun tu sbyar bar bya/ /rkang pa phyed mnan steng du blta/ /gyen du pheM gyi sgra sgrog cing / /phyogs bcu'i 'jig rten khams bzhugs pa'i/ /dpa' bo rnal 'byor ma rnams bkug /dzaH hUM baM hoH/ sbyor bas bkug nas gzhug pa dang / /bcings nas dbang du bya ba yin/ /dpa' bo rnal 'byor ma rnams kyis/ /mkha' dkyil yongs su gang mthong nas/ /ye shes chu yi bdud rtsi yis/ /gang ba'i bum pa blangs nas ni/ /lag pas de la dbang bskur bya/ /glu dang gar gyi mchod pa yis/ /dbang bskur dag ni dbul bar bya/ /de la sngags ni/ oM sarba ta thA ga ta a b+hi She ka ta sa ma ya shri ye hUM hUM/ glu 'di blangs pas bskul ba'am/ yang na mkha' 'gro ma chen mo rnams thugs dgyes pa dang / rab tu dgyes par gyur te/ dbang bskur rol mo'i bde chen po/ /mkha' 'gro dra ba'i bde chen po/ /dgyes chen gsol ba'i bde chen po/ /mkha' 'gro dra ba'i bde chen po/ /gsal mdzad bde ba chen po ste/ / mkha' 'gro dra ba'i bde chen po/ /a la la ho/ /mchog tu gyur pa bde chen po/ /mkha' 'gro dra ba'i bde chen po/ /a la la ho/ /bde chen ye shes dgyes nas ni/ / dam tshig dam tshig can la bzhugs/ /ye shes ro gcig bsgoms nas ni/ /ro gcig 'khor lo'ang de bzhin bsgom/ /rdo rje sems dpa'i dbu rgyan can/ /ye shes lnga dang yang dag ldan/ /rtsa ba'i sngags sogs dpa' bo gang / /tshangs pa'i skud pa la sogs brtag /rdo rje phag mo'i sngags gang yin/ /mgul nas mgul du rnam par brgyan| |lha mo'i snying po'i sngags kyis ni/ /phreng ba brgya phyed kyis brgyan cing / /gsang sngags yi ge bdun pa yis/ /nor bu rna cha legs mdzes shing / /sangs rgyas kun gyi mkha' 'gro ma/ /pags pa'i gos ni 'dzin pa'i mchog /rnal 'byor ma drug gsang sngags kyis/ /ska rags rgyad du byas pa yin/ /go cha drug po dag gis ni/ /phyag rgya lus ni rab tu mdzes/ /'khor lo kun gyi rnal 'byor ma/ /sngags kyi btung ba'i thod pa yin/ /rnam snang mdzad ma sngags gang gis/ /thod pas spyi gtsug rgyan du byas/ /dpa' bo nyi shu rtsa bzhi yis/ /lus kyi khams la rnam par brtag /de ltar bdag nyid rnam bsams te/ /tsham dam sngags kyis legs par bsrung / /tshangs par spyod pa brtags gyur nas/ /rkang pa brgyad pa'i sngags kyis mchod/ /'jigs pa thams cad rnam spangs te/ /de ltar rnal 'byor bdag nyid bsam/ /spro dang bsdu ba'i ye shes bsgom/ / snyoms 'jug ye shes bzlas pa bya/ /rnal 'byor chen po sgrub chen po/ /rdo rje khro bo'i thig le las/ /khams gsum du ni spro bar bya/ /rdo rje'i sna yi rtse mo 'bar/ /spro bya nam mkhar thig le las/ /rdo rje phra mo mthong gyur pa/ /ba spu'i khung bu'i bar dag nas/ /rgyu ba dang ni mi rgyu bar/ /khro bo sangs rgyas sprin rnams spro/ /rnam par dag pa'i rnal 'byor ni| |sum cu rtsa bdun rim pa yin/ /lus dran pa nye bar gzhag pa ni/ mkha' 'gro ma'o/ /tshor ba dran pa nye bar gzhag pa ni/ lA ma'o/ /chos dran pa nye bar gzhag pa ni/ dum skyes ma'o/ /sems dran pa nye bar gzhag pa ni/ gzugs can ma'o/ /'dun pa'i rdzu 'phrul gyi rkang pa ni/ rab gtum ma'o/ /brtson 'grus kyi rdzu 'phrul gyi rkang pa ni/ mi'u thang ma'o/ /dpyod pa'i rdzu 'phrul gyi rkang pa ni/ 'od ldan ma'o/ /sems kyi rdzu 'phrul gyi rkang pa ni/ sna chen ma'o/ /dad pa'i dbang po ni/ dpa' ba'i blo gros can ma'o/ /brtson 'grus kyi dbang po ni/ mi'u thung ma'o/ /dran pa'i dbang po ni/ lang+ka'i dbang phyug ma'o/ /ting nge 'dzin gyi dbang po ni/ shing grib ma'o/ / shes rab kyi dbang po ni/ sa srung ma'o/ /dad pa'i stobs ni/ 'jigs byed chen mo'o/ /brtson 'grus kyi stobs ni/ rlung gi shugs can ma'o/ /dran pa'i stobs ni/ chang 'thung ma'o/ /ting nge 'dzin gyi stobs ni/ sngo bsangs lha mo'o/ /shes rab kyi stobs ni/ shin tu bzang mo'o/ /ting nge 'dzin yang dag byang chub kyi yan lag ni/ rta rna ma'o// brtson 'grus yang dag byang chub kyi yan lag ni/ bya gdong ma'o/ /dga' ba yang dag byang chub kyi yan lag ni/ 'khor lo'i shugs can ma'o/ /shin tu sbyangs pa yang dag byang chub kyi yan lag ni/ dum skyes ma'o/ /chos rnam par 'byed pa yang dag byang chub kyi yan lag ni/ chang tshong ma'o/ /dran pa yang dag byang chub kyi yan lag ni/ 'khor lo'i go cha ma'o/ /btang snyoms yang dag byang chub kyi yan lag ni/ shin tu dpa' mo'o/ /yang dag pa'i lta ba ni/ stobs chen ma'o/ /yang dag pa'i rtog pa ni| 'khor los bsgyur ma'o/ /yang dag pa'i ngag ni/ dpa' bo chen mo'o/ /yang dag pa'i las kyi mtha' ni/ bya rog gdong can ma'o/ /yang dag pa'i 'tsho ba ni/ 'ug pa'i gdong can ma'o| |yang dag pa'i rtsol ba ni/ khyi'i gdong can ma'o/ /yang dag pa'i dran pa ni/ phag gi gdong can ma'o/ /yang dag pa'i ting nge 'dzin ni/ bcom ldan 'das dpal he ru ka'o/ /dge ba'i chos ma skyes pa rnams bskyed pa ni/ gshin rje sreg ma'o/ /dge ba'i chos skyes pa rnams yang dag par srung ba ni/ gshin rje pho nya ma'o/ /mi dge ba'i chos skyes pa rnams yang dag par spong ba ni/ gshin rje mche ba ma'o/ /mi dge ba'i chos ma skyes pa rnams mi skyed pa ni/ gshin rje 'joms ma'o/ /dam tshig gi 'khor lo rnam par sbyang ba'i sgom pa'o/ /de nas dam tshig 'khor lo dag /mnyam par bzhag ste bzla bar bya/ ha ha/ hUM hUM/ hi hi/ phaT/ hUM hUM/ a a/ oM shrI badzra he he ru ru ki hUM hUM phaT/ DA ki nI dzA la shaM ba ra hUM hUM phaT swAhA/ oM hrIH ha ha huM hUM phaT swAhA/ snying po dang nye ba'i snying po'o/ /oM badzra pai ro tsa nI ye huM hUM phaT swAhA/ oM sarba bud+d+ha Da ki nI ye badzra bar+Na nI ye huM hUM phaT swAhA/ lha mo'i snying po dang nye ba'i snying po'o/ /oM DA ki nI ye hUM hUM phaT swAhA/ oM lA me huM hUM phaT swAhA/ oM khaN+Da ro he huM hUM phaT swAhA/ oM rU pi NI ye huM hUM phaT swAhA/ oM khaN+Da ka pA li ni kar ka ra huM hUM phaT/ oM pra tsaN+De huM hUM phaT/ oM ma hA kaM ka la ku ru ku ru huM hUM phaT/ oM tsaN+DA k+ShI ye huM hUM phaT/ oM kaM ka la ban+d+ha ban+d+ha huM hUM phaT/ oM pra b+hA ba tI ye huM hUM phaT/ oM bi ka Ta daM Sh+T+ri Ni tra sa ya trA sa ya huM hUM phaT/ oM ma hA nA se huM hUM phaT/ oM su rA bai ri Ni k+Sho b+ha ya k+Sho b+ha ya huM hUM phaT/ oM bI ra ma tI ye huM hUM phaT/ oM a mi tA b+he hroM hroM huM hUM phaT/ oM kharba rI ye huM hUM phaT/ oM badzra pra b+hA hraH hraH huM hUM phaT/ oM laM ke shwa rI ye huM hUM phaT/ oM badzra de ha pheM pheM huM hUM phaT/ oM dru mats+tsha ye huM hUM phaT/ oM ang+ku ri ka phaT phaT huM hUM phaT/ oM ai ra ba tI ye huM hUM phaT| oM badzra dza Ti la da ha da ha huM hUM phaT/ oM ma hA b+hai ra ba ye huM hUM phaT/ oM ma hA bI ra pa tsa pa tsa huM hUM phaT/ oM bA yu be ge huM hUM phaT/ oM badzra hUM kA ra b+hak+Sha b+hak+Sha ba sa ru d+hi ra an+t+ra mA lA ba laM bi ni huM hUM phaT/ oM su ra b+hak+Shi ye duM hUM phaT/ oM su b+ha de gr-ih+Na gr-ih+Na sap+ta pA tA la b+hu dzaM ga sarbaM pA tar+dz+dza ya ta r+dz+dza ya huM hUM phaT/ oM sh+ya ma de bI ye huM hUM phaT / oM badzra b+ha dra A kaD+D+h+ya A kaD+D+h+ya huM hUM phaT/ oM su b+ha dre huM hUM phaT/ oM ma hA b+hai ra ba hriM hriM huM hUM phaT/ oM ha ya kar+Ne huM hUM phaT/ oM bi rU pAk+Sha dz+Nau dz+Nau huM hUM phaT/ oM kha ga na ne huM hUM phaT| oM ma hA ba la k+Sh+mAM k+Sh+mAM huM hUM phaT/ oM tsakra be ge huM hUM phaT/ oM rat+na badzra haM haM huM hUM phaT/ oM khaN+Da ro hi huM hUM phaT/ oM ha ya grI ba haM haM huM hUM phaT/ oM shauN+Di ni ye huM hUM phaT| oM A kA sha gar+b+he hUM hUM hUM hUM phaT/ oM tsakra barmI NI ye huM hUM phaT/ oM he ru ka ki li ki li huM hUM phaT/ oM su ra bI rI ye huM hUM phaT/ oM pad+ma na rte shwA ri si li si li huM hUM phaT/ oM ma hA ba le huM hUM phaT/ oM bai ro tsa na hi li hi li huM hUM phaT/ oM tsakra brti ni ye huM hUM phaT/ oM badzra satwa d+hi li d+hi li huM hUM phaT/ oM ma hA bIR+ye huM hUM phaT/ oM kA kA s+ye huM hUM phaT/ oM u lU kA s+ye huM hUM phaT/ oM shwa nA s+ye huM hUM phaT/ oM sU ka rA s+ye huM hUM phaT/ oM ya ma dA D+hi ye huM hUM phaT/ oM ya ma dU tI e huM hUM phaT/ oM ya ma daMSh+t+ri NI ye huM hUM phaT/ oM ya ma ma tha nI ye huM hUM phaT/ 'di dag ji lta'i rim pa yis/ /dung chen phreng ba blangs nas su/ /lag g.yon mthe bong srin lag gis/ /gsang sngags dag ni bzlas pa bya/ /dus bzhin ji lta 'dod pa ru/ /rnal 'byor pas ni bzlas pa bya/ /sgom pa rtse gcig bya ba ste/ /dam tshig dang ni dam tshig sbyor/ /bza' dang bzlas pa bsdus nas su/ /cho ga bzhin du gtor ma sbyin/ /dkyil 'khor la ni ci bde bar/ /gcer bu skra grol 'dug pa yis/ /brtul zhugs can gyis gtor ma sbyin/ /rkang pa g.yas brkyang gnas nas su/ / mnyam par bzhag ste phyag rgya bcing / /mdzub mo 'dud byas gung mo nges par sbyar/ /mthe bong rdo rje brtan por rab tu sbyar/ /dpral ba'i dbus kyi phyogs su rab bzhag nas/ /gcu zhing gcu zhing bskor nas 'di brjod do/ /oM A ra l+li hoH dzaH hUM baM hoH badzra DA ki nI sa ma ya s+t+wAM dri sh+yA hoH/ 'di ni gsum dang bzhi dang ni/ /lnga yi bar du brjod par bya/ /skra grol gcer bur byung ba yis/ /rnal 'byor mtho ba'i gnas nas langs/ /lho phyogs kha bltas gnas pa yi/ /mtshan phyed du ni gtor ma sbyin/ / ji lta'i las kyi rjes 'brangs nas/ /de nyid gsum gyis mngon bsngags te/ /rdo rje thal mo gyen phye nas/ /gsang sngags 'di dag rab tu brjod/ /oM kha kha khA hi khA hi/ sarba yak+Sha rak+Sha sa/ b+hu ta/ pre ta/ pi shA tsa/ un mA da/ a pasmA ra/ DA ka DA ki n+ya da ya/ i maM ba laM gr-ih+Na tu sa ma ya rak+Shan+tu sarba sid+d+hi m+me pra yats+tshan+tu/ ya thai baM/ ya theSh+TaM/ b+huny+dza tha/ pi pa tha| ji g+h+ra tha/ mA ti kra ma tha/ ma ma sarbA kA ra ta yA/ sata su khaM bi shud+d+ha ye/ sa ha yi ka b+ha ban+tu hUM hUM phaT swAhA/ dpa' bo rnal 'byor ma thams cad/ /bde chen mchan gyis gar mdzad cing / /bcom ldan sku gsung thugs la bzhugs/ /A li kA li mnyam byas te/ /der ni re ba'i sbyor ba yis/ /steng du 'bar ba'i re pha ni/ /'og tu 'dzag par byed pa yin/ /'dzag pa'i khu ba'i tshul can ni/ /'chi med thigs pa'i gzugs su 'gyur/ /srub dang bsrub pa yang dag sbyor/ /ye shes me la las kyi rlung / /rab tu bskyod pas byas pa yis/ /lte ba'i dkyil 'khor dud pa 'byung / /'od zer dag ni 'bar bar byed/ /dam tshig 'khor lo nges de bzhin gshegs pa thams cad bsregs nas de bzhin gshegs pa thams cad kyi longs spyod kyi 'khor lor song ste/ thabs des lan gsum du bskor ba byas nas smin mtshams kyi mdzod spu nas gnad 'byed pa'i sgo las 'das te byung nas phyogs bcu'i 'jig rten gyi khams su de bzhin gshegs pa rnams bzhugs pa la ye shes lnga'i bdud rtsi blangs te spyi bo'i gtsug gser sgo dzA lan+d+ha ra zhes bya bar zhugs te /so'i mtshams kyi bu ga'i nang du song nas longs spyod kyi 'khor lor ngal bsos nas bsregs pa'i de bzhin gshegs pa thams cad kyi dga' ba bskyed nas lte ba'i dkyil 'khor du gnas par 'gyur ro/ /des skra'i rtse mo 'bum du gshags pa'i cha tsam yang 'byung ba dang / 'jug pa mthong ste dga' zhing ji ltar bde bar gnas so/ /rang lhag lha yi rnal 'byor gyis/ /thams cad 'di ltar rab tu brtag /bsam pa med la bsam pa ste/ /sems kyang mtshon par bya ba min/ /bsam du med pa'i sgom pa yis/ /dngos dang dngos min rnam spangs yin/ /sems kyis bsams pa'i sems de ni/ /rnyed pa gang yin gzung bar bya/ /kha T+wAM ga ni lha yi sku/ /Da ma ru sgra shes rab yin/ /nyin mo bcom ldan dpa' bo ste/ /mtshan mo rnal 'byor ma ru bshad/ /dag pa'i chos kyi sprul pa ni/ /phag mo dag gi gzugs su bstan/ /shrI gnyis med ye shes te/ /he ni rgyu tshogs rnam par spangs/ /ru ni bkod pa dang bral ba/ /ka ni gang na'ang mi gnas pa'o/ /rnal 'byor sems ni ngal bso sa la| |mya ngan 'das zhes bstan pa yin/ /rnal 'byor 'pho ba'i dus kyi tshe/ /he ru ka sems dpa' rnal 'byor/ /lag na me tog sna tshogs bsnams/ /sna tshogs rgyal mtshan bdan can/ /sna tshogs rol mo'i sgra sgrog cing / /sna tshogs glu yis mchod par bya/ /'chi ba zhes bya'i rnam rtog 'di/ /mkha' la spyod pa'i gnas su khyer/ / mngon par brjod pa'i rgyud bla ma'i bla ma las/ gnyis su med par sbyar ba'i gnas kyi le'u ste bcu bzhi pa'o// //de nas gzhan yang bshad bya ba/ /ma mo'i sgom pa dgye bar bya/ /gsang sngags kun gyi gnas sbyor ba/ /de bzhin gshegs pa kun gyi gnas/ /thams cad mkhyen cing thams cad mdzad/ /bde ba chen pos kun la khyab/ /mgon po sangs rgyas kun bdag ste/ /sems can kun gyi snying la gnas/ /oM aM AM/ i IM/ uM UM/ eM aiM/ oM auM/ /aM aH hUM/ 'di ni bcom ldan de nyid kyi/ /he ru ka ni dbang phyug mchog /mkha' la dri med zla ba yi/ /lte ba'i dbus su bsgom par bya/ /r-iM r-IM l-iM l-IM/ mkha' 'gro ma ni pad 'dab bzhugs/ /kaM khaM gaM g+haM ngaM / tsaM tshaM dzaM dz+haM nyaM/ TaM ThaM DaM D+haM NaM/ taM thaM daM d+haM naM/ paM phaM baM b+haM maM/ de yi thod pa'i dum sogs dang / /gtum mig ma la sogs kun gyis/ /sku gsung thugs kyi 'khor lo ste| |dngos grub thams cad rab tu stsol/ /yaM raM laM waM/ shaM ShaM saM haM k+ShaM/ de yi khwa gdong la sogs dang / /gshin rje sreg sogs kun gyi 'o/ /yi ge k+Sha yi bdag nyid ni/ / bde ba chen po'i shu kra'i gzugs/ /thams cad mkhyen cing thams cad gzigs/ /sangs rgyas kun gyi gnas yin zhing / /kun la khyab cing rtag tu stong / /brjod du med cing phra ba'i dbus/ /'di ni tshad med rtag pa'i thugs/ /rang gi gzugs ni mkha' lta bu/ /'di ni bdag nyid bcings pa ste/ /'di ni dgrol la mkhas pa yin/ /'di ni lte ba'i dbus bzhugs shing / /shu kra'i gzugs kyis bde chen gnas/ /sku gsung thugs kyi sbyor ba yis/ /'khor lo gsum gyi dbus su dgod/ /'di ni gsang ba mchog yin te/ /gang la yang ni bstan mi bya/ /sngar bshad phyag dang phyag mtshan dang / /go cha yang ni de bzhin te/ /sngar bshad bzhin du bkod nas kyang / /phung po khams dang skye mched dag /dpa' bo'i yan lag rnam dag nyid/ /byang chub phyogs kyang de bzhin te/ /lugs su 'byung dang ldog pa yis// sngar bshad 'khor lo rnam par dgod/ /thams cad dkar ba'i mdog can la/ /'khor lo gsum ni bcu drug go /dpa' bo yang ni so sor dgod/ /rnal 'byor ma yang so sor te| |rang gi thabs kyi sbyor ba yis/ /gnyis su med pa'i gnas pa yin/ /dpa' bo'i rang gi rig pa dang / /gnyis su med par gnas pa yin/ /mkha' 'gro sogs dang khyi gdong sogs/ /rang gi thabs dang gnyis med gnas/ /de ni rdo rje snying po'o/ /rnal 'byor ma yi dam pa ste/ /mchog tu gsang ba sbas pa dag /rdo rje snying pos zhus nas ni/ /bcom ldan 'das kyis gsungs pa yin/ /mngon par brjod pa'i rgyud bla ma'i bla ma las/ dpal he ru ka dang / mkha' 'gro ma dang / dpa' bo dang / rnal 'byor ma rnams sgom pas bskyed pa ste le'u bco lnga pa'o// //de nas gzhan yang bshad bya ba/ /dang po'i las kyi sgom pa ste/ /rnal 'byor sbyor ba'i mchog gyur pa/ /gcig car du ni bskyed pa dag /rdo rje snying pos gsungs pa yin/ /phyag gnyis pa la zhal gcig pa/ /spyan gsum pa la zhal rnams bsgyur/ /'jig byed dang ni dus mtshan dag /g.yas brkyang ba yis mgo la mnan/ /rgyan drug sna tshogs rdo rje dang / /zla ba phyed pas rnam par brgyan/ /stag gi pags pa gos su mnabs/ / mgo bo'i phreng bas rnam par brgyan/ /thod pa kha T+wAM ga bsnams shing / /de ni rdo rje mchog kyang gsor/ /phag mos kyang ni rnam par khril/ /de yi mdog dang phyag gis gnas/ /byin pa gnyis kyis mnyam par 'khyud/ /thod pa rdo rje bsdigs mdzub kyis/ /phyogs su bsdigs shing skra grol la/ /dum bu'i rgyan gyis ska rags can/ /'khor la sogs ba'i dkyil 'khor rnams/ /phyag gnyis zhal ni gcig pa ste/ /phyag rgya lnga ni mnyam par sbyor/ /spyan gsum pa la drag po'i gzugs/ /thams cad yi dwags gdan la bzhugs/ /sgom pa mchog gi sgom pa'o/ /dbus su khrag 'thung rdo rje ni/ /sngo ba'i mdog can bde ba che/ /pad+ma'i dbus su sgom pa ni/ /mkha' 'gro ma ni ser po'i mdog /thugs kyi 'khor lo'i dpa' bo dang / /mkha' 'gro ma yi khyad par ni/ /dpa' bo mdog ni nag po la/ /mkha' 'gro ma ni dkar ba nyid/ /gsung gi 'khor lo'i dpa' bo ni/ /dmar ba'i mdog can cher 'bar ba/ /mkha' 'gro'ang de bzhin nag po ste/ /sku mdog gnyis su rnam par bsgom/ /sku yi 'khor lo'i dpa' bo ni/ /zla ba ser skyas legs brgyan pas/ /de la mkha' 'gro ma yang dmar/ /ci 'dod gzugs su'ang 'gyur ba yin/ /khwa gdong la sogs kun ljang gu/ /gshin rje sreg sogs nun dud ka /de ltar mdog gi bye brag gis/ /sgom pa'i mchog gis shes par bya/ /mkha' 'gro ma thod kha T+wAM 'dzin/ /cang te'u gar gyis rnam par bzhugs/ /thams cad dbu skra grol ba ste| |phyogs kyi gos can bzhad pa'i zhal/ /thugs kyi 'khor lo'i dpa' bo rnams/ /rdo rje dril bus legs par 'khyud/ /rnal 'byor ma ni thod rdo rje/ /sdigs mdzub dang ni lhan cig bcas/ /gsung gi 'khor lo'i dpa' bo rnams/ /rnal 'byor ma 'khor sdigs mdzub can/ /pad+ma dril bus rnam par brgyan/ /rnal 'byor ma ni thod pad+ma/ /bsdigs mdzub dang ni lhan cig bcas/ /sku yi 'khor lo'i dpa' bo rnams/ /'khor lo dril bu rab tu 'bar/ /rnal 'byor ma 'khor sdigs mdzub can/ /thod pa rkang gis gang ba'o/ /khwa gdong la sogs lha mo ni/ /thod pa dang ni kha T+wAM ga /gri gug dang ni sdigs mdzub bcas/ /gshin rje sreg sogs lha mo ni/ /cang te'u mgo bo bsdigs mdzub dang / /thod pa'i phreng ba'i dbu rgyan can/ /skyil krung phyed pas gar dang bcas/ /dpa' bo g.yas brkyang gnas pa ste/ /mkha' 'gro ma yi byin pas 'khril/ / gnyis su med par mnyam ldan pa/ /thugs rje chags pa'i bde ba che/ /ye shes 'khor lo mnyam ldan pas/ /bde ba'i bde ba gcig tu 'gyur/ /chos kyi ro las yang dag 'byung / /rang min sa bon dang bcas pa/ /phreng ba'i sngags dang mnyam par sbyar/ /gsal byed mnyam par sbyar nas su/ /hUM gnyis phaT dang yang dag sbyar/ /dpa' bo'i gsang sngags yang dag sbyar/ /rnal 'byor ma yang de bzhin bshad/ /rang gi ming gi sa bon dbus/ /gsal byed dang ni mnyam par ldan/ /hUM hUM phaT kyang de bzhin te/ /sngags pa 'di ltar sbyar bar bya/ /dbus su khrag 'thung rdo rje ste/ /gsang sngags 'di ni mkhas pas bzla/ /oM shrI badzra he he ru ru kaM hUM hUM phaT/ oM hrIH ha ha huM hUM phaT/ snying po dang nye ba'i snying po'o/ / oM badzra bA rA hi huM hUM phaT/ oM badzra bai ro tsa nI ye hUM hUM phaT/ lha mo'i snying po dang nye ba'i snying po'o/ /dus bzhi dag tu cho ga bzhin/ /rnal 'byor pa yis bzlas pa bya/ /mdun du ba spu'i khung bu las/ /chos dang longs spyod rnam par spro/ /sems can rnams la phan gdags phyir/ /chos kyi 'khor lo bstan par bya/ /'gro ba rigs drug grol nas ni/ /bla med gnas su 'jog par byed/ /sngags pas ji ltar 'dod sbyor ba/ /rigs lnga rnams kyi dbus su yang / /gang gis rigs gsum dbus khyab pa/ /khams gsum gyi ni bdag po ste| |sangs rgyas thams cad yang dag 'dus/ /sku gsung thugs kyi dbye ba'o/ /mngon par brjod pa'i rgyud bla ma'i bla ma las/ las dang po pa'i sbyor ba'i sgom pa bstan pa ste le'u bcu drug pa'o// //rdo rje snying pos rab bshad pa/ /dngos grub thams cad 'grub pa ste/ /phyag bzhi po yi cho ga yis/ /dbang po bar ma rnam par bsgom/ /gcig car skyed pa'i sbyor ba yis/ /sgom pa dag ni rnam par bsgom/ /phyag bzhi pa la zhal bzhi pa/ /spyan gsum drag po 'jigs pa ste/ /g.yas brkyang pa yi gnas pas bzhugs/ /'jigs byed dang ni dus mtshan gnon/ /sku lus mi mgo'i do shal can/ /thod pa'i dbu rgyan mchog can te/ /zla ba phyed pas mdzes pa yin/ /sna tshogs rdo rjes rnam par mtshan/ /phyag rgya drug po drag po'i gzugs/ /sku mdog dkar po 'jigs pa ste/ /sngo zhing ljang gu dmar po ste/ /steng gi zhal gdong rnam par bsgom/ /thod pa dang ni kha T+wAM 'dzin/ /rdo rje dril bu cang te'u dang / /rdo rje phag mo mnyam par ldan/ /lha mo'i ku tsa 'tshir ba ste/ /stag gi pags pa gos su mnabs/ /phyogs kyi gos mchog 'dzin pa ste/ /skra grol dum bu'i ska rags can/ /de phyag zhal dang mdog gis mtshan/ / mkha' 'gro ma ni sngo la ser/ /lA ma ljang dang ser po ste/ /dum skyes ma ni dmar la ljang / /gzugs can ma ni ser la dmar/ /thod pa dang ni kha T+wAM 'dzin/ /gri gug mgo ni 'dzin pa'i mchog /cang te'u sgra ni du ma sgrog /gcer bu skra ni grol ba ste/ /thod pa dag gis cod pan byas/ /spyan gsum pa la drag po'i zhal/ /rang gi mdog dang phyag de bzhin/ /skyil krung phyed pa'i gar can te/ /bdud bzhi zhabs 'og gnon pa dang / /'dod pas lta zhing rtog pa ste/ /thugs kyi 'khor lo'i dpa' bo ni/ /sngo dang ser bar rnam par bsgom/ /de bzhin rdo rje mkha' 'gro ma'ang / /dkar zhing sngo bar rnam par bsgom/ /thod pa dang ni kha T+wAM 'dzin/ /rdo rje dril bus legs par 'khyud/ /cang te'u yi ni sna tshogs sgra/ /rdo rje sgra ni yongs su rdzogs/ /thod pa dang ni sdigs mdzub dang / /gri gug dang ni mi thod 'dzin/ /lha mo'i phyag rnams de bzhin te/ /byin pa gnyis kyis legs par 'khril/ /g.yas brkyang pa yi gnas pas bzhugs/ /'jigs pa chen po bzhin rnam bsgyur/ /rdo rje phreng ba'i cod pan byas/ /dpa' bo rdo rjes mtshan pa'o/ /gsung gi 'khor lo'i dpa' bo gang / /dmar zhing nag la 'jigs pa ste/ /pad+ma'i dpa' bos rnam par khyab/ /rang gi phyag mtshan 'dzin pa ste/ /pad+ma'i mkha' 'gro ma de bzhin/ /ljang dang dkar ba'i sku lus can/ /sku yi 'khor lo'i dpa' bo yang / /ser dang ljang ba'i sku lus can/ /'khor los dpa' bo yongs su khyab| |'khor los bsgyur ba'ang ster bar byed/ /'khor lo mkha' 'gro ma de bzhin/ /dkar dmar dang ni yid 'phrog pa'o/ /rang gi mtshan dang yang dag ldan/ /chos kyi 'khor lor rab bskor ba/ /khwa gdong sogs bzhi mkha' 'gro ma/ /sna tshogs mdog can yid 'phrog pa'o/ /thod pa dang ni kha T+wAM 'dzin/ /gri gug mgo bo cang te'u 'dzin/ /gshin rje sreg sogs lha mo ni/ /dud ka dmar po de bzhin no/ /gshin rje dbyig to gri gug mgo /thod pa dang ni kha T+wAM 'dzin/ /'khor gyi ma sogs mkha' 'gro ma/ /yi dwags gdan la rnam par bzhugs/ /byin pa gnyis kyis mnyam par 'khril/ /mkha' 'gro ma ni dgyes pa che/ /skra grol phyogs kyi gos 'chang zhing / /thod pa'i phreng ba'i dbu rgyan can/ / thams cad phyag rgya lnga 'dzin cing / /dpa' bo mkha' 'gro ma yi 'khor/ /spyan gsum drag po rnam bsgyur ba/ /dpa' bo 'dod pa'i zas la rol/ /chags pa'i mig gis rnam par lta/ /sngar bshad cho ga'i rim pa bzhin/ /gsang sngags rang ming sa bon dang / /dpa' bo gsang sngags 'di ru bshad/ /mkha' 'gro ma yang de bzhin te/ / rtsa ba'i gsang sngags 'di nyid ni/ /gsang sngags mchog kyang de bzhin no/ /oM shrI badzra he he ru ru kaM huM hUM phaT swAhA/ oM hrIH ha ha huM hUM phaT/ oM badzra bA rA hi baM huM hUM phaT swAhA/ oM badzra be ro tsa nI ye huM hUM phaT swAhA/ thams cad bsgoms te mthong ba na/ /bdag po dang ni 'khor la sogs/ /ya shes 'khor lo de mthong nas/ /legs par dbang bskur gzhug par bya| |bsgoms pas gcig tu byas nas ni/ /bdud rtsi mchog gis tshim par bya/ /ye shes bzlas pa'i sbyor ba yis/ /khro bo tshogs mchog spros nas ni/ /dpa' bo mkha' 'gro mthong ba na/ /sku gsung thugs kyi rim pa yis/ /dam tshig can gyis bzlas pa bya/ /'khor sogs dpa' bo mkha' 'gro ma/ /'di ni kun gyi gsang sngags te/ /don dam bzlas par bshad pa yin/ /mngon par brjod pa'i rgyud bla ma'i bla ma las/ dbang po bar ma'i sgom pa bstan pa ste le'u bcu bdun pa'o// //de nas gzhan yang bshad bya ba/ /rdo rje snying po'i gsang ba ste/ /gang yang de nyid rim pa dag /sgrub pa po la phan pa'i phyir/ /dbang po rnon po'i sgom pa bshad/ /bskyed pa'i rim pa'i sbyor ba dag /sgom pa de yis bsgom par bya/ /thams cad mkhyen pa'i ye shes dang / /lam gyi rnam mkhyen ye shes so/ /A li kA li mnyam sbyor ba/ /bdag nyid he ru kar yang bya/ / mgon po zhal gsum phyag drug pa/ /spyan gsum rnam par bsgyur ba'i zhal/ /g.yas brkyang ba yi gnas pas bzhugs/ /'jigs byed dang ni dus mtshan gyi/ /mgo bo la ni zhabs kyis gnon/ /na ra'i pags pa gos su mnabs/ /zla ba phyed pas rnam par brgyan/ /sna tshogs rdo rjes dbu la mnan/ /thod pa'i phred ba'i dbu rgyan can/ /sku lus phyag rgya drug gis btab/ /rdo rje phag mo mnyam par ldan/ /gnyis su med par sbyor ba yi/ /byin pa gnyis kyis legs par 'khril/ /gcer bu skra ni grol ba ste/ /dum bu'i rgyan gyi ska rags can/ /thod pa yi ni phreng ba ste/ /snying rje bde bas rnam par myos/ /rdo rje dril bu mnyam ldan pa/ /'dod pa'i chags pas bde bar dgyes/ /thod pa dang ni kha T+wAM 'dzin/ /ral gri dang ni cang te'u 'chang / /tshangs pa'i mgo bos phyag gzhan la/ /phyag rgya drug gis rnam par brgyan/ /de yi sku mdog zhal phyag mtshan/ /'on kyang gri gug 'dzin pa yin/ /gnam mdog sar skya dmar dang dkar/ /rnam thar gsum dang sku gsum dang / /thams cad 'khor sogs mkha' 'gro ma/ /dpa' po rnal 'byor ma mkha' 'gro/ /thams cad zhal gsum phyag drug pa/ /spyan gsum g.yas brkyang gnas pas bzhugs/ /yi dwags gdan la brtan par gnas/ /gnyis su med pa'i sbyor bas bzhugs/ /mkha' 'gro ma ni dkar sngo dmar/ /lA ma ljang gu sngo la dkar/ /dum skyes ma ni dmar dkar sngo/ /gzugs can ma ni ser sngo dmar/ /'di dag ni/ spyan gsum pa/ gcer bu skra grol ba/ yi dwags kyi steng du g.yas brkyang bas bzhugs pa/ thod pa dang / khwa T+wAM ga dang / ral gri dang / 'khor lo dang / gri gug dang / mgo bo dang / cang te'u bsnams pa'o/ /thugs kyi 'khor lo'i dpa' bo dang / rnal 'byor ma rnams la shar du thod pa'i dum bu dang / rab gtum ma ste/ sngo ba dang / dkar ba dang / dmar ba'o/ /byang du keng rus chen po dang / gtum mig ma ste/ dmar ba dang / dkar ba dang / sngo ba'o/ /nub tu keng rus can dang / 'od ldan ma ste/ dkar ba dang / dmar pa dang / ljang gu'o/ /lho ru mche ba rnam par gtsigs pa dang / sna chen ma ste/ ljang gu dang / dkar ba dang / dmar ba'o/ /me'i phyogs su lha dgra dang / dpa' ba'i blo gros ma ste/ dmar ba dang / sngo ba dang / dkar ba'o/ /bden bral du 'od dpag tu med pa dang / mi'u thung ma ste/ ser ba dang / sngo ba dang / dkar ba'o/ /rlung gi phyogs su rdo rje'i 'od dang / lang+ka'i dbang phyug ma ste/ sngo ba dang / dkar ba dang / dmar ba'o/ /dbang ldan du rdo rje lus dang / shing grib ma ste/ ljang ba dang / dkar ba dang / dmar ba'o/ /gsung gi 'khor lo'i shar phyogs su myu gu can dang / sa srung ma ste/ dmar ba dang / sngo ba dang / dkar ba'o/ /byang phyogs su rdo rje ral pa can dang / 'jigs byed chen mo ste/ sngo ba dang / dkar ba dang / dmar ba'o/ /nub tu dpa' bo chen po dang / rlung gi shugs can ma ste/ ljang ba dang / dkar ba dang / dmar ba'o/ /lho ru rdo rje hUM mdzad dang / chang 'thung ma ste/ ser ba dang / sngo ba dang / dmar ba'o/ /me'i phyogs su rab bzang dang / sngo bsangs lha mo ste/ ljang ba dang / ser ba dang / dmar ba'o/ /bden bral gyi phyogs su rdo rje bzang dang / rab bzang ma ste/ sngo ba dang / dkar ba dang / dmar ba'o/ /rlung gi phyogs su 'jigs byed chen po dang / rta rnam ste/ dmar ba dang / sngo ba dang / ser ba'o/ /dbang ldan du mig mi bzang dang / bya gdong ma ste/ dkar ba dang / sngo ba dang / ljang gu'o/ /sku'i 'khor lo'i shar phyogs su stobs po che dang / 'khor lo'i shugs can ma ste/ dkar po dang / sngon po dang / ser po'o/ /byang phyogs su rdo rje rin chen dang / dum skyes ma ste/ ser ba dang / sngo ba dang / ljang gu'o/ /nub phyogs su rta mgrin dang / chang tshong ma ste/ dmar ba dang / sngo ba dang / dkar ba'o/ /lho phyogs su nam mkha'i snying po dang / 'khor lo'i go cha ma ste/ sngo ba dang / dmar ba dang / ljang gu'o/ /me'i phyogs su khrag 'thung dang / rab dpa' mo ste/ ljang gu dang / ser po dang / dmar po'o/ /bden bral du pad+ma gar gyi dbang phyug dang / stobs chen mo ste/ dkar ba dang / sngo ba dang / ljang gu'o/ /rlung gi phyogs su rnam par snang mdzad dang / 'khor los bsgyur ma ste/ ljang ba dang / dmar ba dang / ser ba'o/ /dbang ldan gyi phyogs su rdo rje sems dpa' dang / brtson 'grus chen mo ste/ nam mkha'i mdog can sngo bsangs dang / ser ba dang / ljang gu'o/ / shar phyogs kyi sgor khwa gdong ma ste/ sngo ba dang / ser ba dang / dmar ba'o/ /byang du 'ug gdong ma ste/ ljang gu dang / dmar ba dang / dkar ba'o/ /nub tu khyi gdong ma ste/ ser ba dang / sngo ba dang / ljang gu'o/ /lho ru phag gdong ma ste/ dmar ba dang / sngo ba dang / ljang gu'o/ /me'i phyogs su gshin rje sreg ma ste/ dkar ba dang / sngo ba dang / ljang gu'o/ /bden bral du gshin rje pho nya ma ste/ sngo ba dang / dkar ba dang / dmar ba'o/ /rlung gi phyogs su gshin rje mche ba ma ste/ /dud ka dang / dmar ba dang / dkar ba'o/ /dbang ldan du gshin rje 'joms ma ste/ dmar ba dang / sngo ba dang / dkar ba'o/ /thod pa'i dum bu la sogs pa dang / rab gtum ma la sogs pa rdo rje dril bus mnyam par ldan pa ral gri dang /cang te'u dang / mgo bo dang / thod pa dang / kha T+wAM ga 'dzin pa/ pad+ma pad+ma'i dril bu dang / 'khor lo 'khor lo'i dril bu ste/ /sku gsung dag ni gnyis po yang / /thugs kyi 'khor lo ji lta pa'o| |lha mo cang te'u ral gri dang / gri gug kyang ni de bzhin te/ /khwa gdong la sogs pa ni/ ral gri dang / cang te 'u dang / gri gug dang / thod pa dang / kha T+wAM ga dang / mgo po dang / dril bu 'dzin pa'o/ /gshin rje sreg ma la sogs pa ni/ thod pa dang / kha T+wAM ga dang / ral gri dang / lcags kyu dang / cang te'u dang / dril bu dang / mgo bo 'dzin pa'o/ /de thams cad kyang spyan gsum pa/ phyag rgya lngas rnam par brgyan pa/ na ra'i pags pa mnabs pa/ dpa' bo rnams ni/ g.yas brkyang bas bzhugs pa/ thod pa'i phreng ba can/ rang gi rigs kyi cod pan can/ yi dwags kyi steng na bzhugs pa/ rnal 'byor ma'i byin pa gnyis kyis legs par 'khril ba/ /gcer bu sla grol ba| dum bu'i rgyan gyi ska rags can/ /khwa gdong ma la sogs pa dang / gshin rje sreg ma la sogs pa'i lha mo rnams ni/ gcer bu skra grol ba/ yi dwags kyi steng du g.yas brkyang ba'i zhabs kyis gnas pa/ spyan gsum pa/ phyag rgya lngas rnam par brgyan pa/ thod pa'i phreng ba can/ gsus pa rlo ba/ skye gnas ring ba mche ba rnam par gtsigs pa'i zhal mnga' ba/ thugs rje'i chags pa'i ros rnam par myos pa/ 'jigs pa'i g.yo bas 'jigs su rung ba/ 'di ltar ma lus bsgoms nas ni/ /ye shes 'khor lo mthong ba dang / /ye shes chu sogs arga dang / /dam tshig mchog gis mchod par bya/ /mthong ma thag tu dbang yang bskur/ /mchod nas thim par byas nas ni/ /ye shes bzlas pa'i cho ga bzhin/ /btab nas 'thor 'thung rab tu bya/ /srog dang rtsol ba'i sbyor ba yis/ /'dod pa'i dngos grub thob pa yin/ /dam tshig 'khor lo bzlas byas nas| |'chi med ye shes lnga lhan cig /gsang sngags khro bo'i tshig gis bzla/ /bde ba'i dngos grub ster bar mdzad/ /dkyil 'khor ma lus thams cad bya/ /mnyam par bzhag ste bzlas pa bya/ /shes rab thabs kyi cho ga bzhin/ /rnal 'byor bzlas pa don chen ster/ /rnal 'byor ma dang mkha' 'gro dpa'/ /mngon sum du ni mchog kyang stsol| |oM shrI a badzra he he ru ru kaM huM hUM phaT/ oM a A/ i I/ u U e ai/ o au/ aM aH hUM hUM hUM phaT swAhA/ oM hrIH ha ha huM hUM phaT/ oM badzra bai ro tsa nA ye huM hUM phaT swAhA/ oM sarba bud+d+ha DA ki nI ye badzra bar+N+Na nI ye huM hUM phaT swAhA/ dpal khrag 'thung dang / phag mo'i snying po dang nye ba'i snying po'o/ /oM DA ki nI DA+oM DAM huM hUM phaT/ oM lA me lAM huM hUM phaT| oM khaN+Da ro he khaM huM hUM phaT/ oM rU pi NI ye ruM huM hUM phaT/ oM ka ra ka ra kaM huM hUM phaT/ oM pra tsaN+De huM hUM phaT/ oM ku ru ku ru ma huM hUM phaT/ oM N+DA k+ShI ye hUM hUM phaT/ oM b+han+d+ha b+han+d+ha kaM huM hUM phaT/ oM pra b+ha ba ti ye huM hUM phaT/ oM trA sa ya trA sa ya baM huM hUM phaT/ oM mahA nA se huM hUM phaT/ oM k+Sho b+ha ya k+Sho b+ha ya saM huM hUM phaT/ oM bI ra ma tI ye huM hUM phaT/ oM hroM hroM AM huM hUM phaT/ oM kharba rI ye huM hUM phaT/ oM hraH hraH baM huM hUM phaT/ oM laM ke shwa rI ye huM hUM phaT/ oM pheM pheM baM huM hUM phaT/ oM dru ma ts+tsha ye huM hUM phaT/ oM phaT phaT oM huM hUM phaT/ oM e ra ba tI ye huM hUM phaT/ oM da ha da ha baM huM hUM phaT/ oM mahA b+hai ra bi ye huM hUM phaT/ oM pa tsa pa tsa maM huM hUM phaT/ oM bA yu be ge huM hUM phaT/ oM b+hak+Sha b+hak+Sha ba sa ru d+hi ra an+ta mA la ba laM bi nAM ye huM hUM phaT/ oM su ra b+hak+Shi ye huM hUM phaT/ oM grih+Na grih+Na su sab+ta pA tA la ga ta b+hu dzaM ga sarbaM pA tar+dz+dza ya tar+dz+dza ya huM hUM phaT/ oM sh+yA ma de bI ye huM hUM phaT/ oM A kaD+D+h+ya aD+D+h+ya baM huM hUM phaT/ oM su b+ha dre huM hUM phaT/ oM hriM hriM maM huM hUM phaT/ oM ha ya kar+N+Ne huM hUM phaT/ oM j+NauM oM j+NauM baM huM hUM phaT/ oM kha gA na ne huM hUM phaT/ oM k+Sh+maM k+Sh+mAM saM huM hUM phaT/ oM tsakra be ge huM hUM phaT/ oM haM haM rA huM hUM phaT/ oM khaN+Da ro hi huM hUM phaT/ oM hiM hi haM huM hUM phaT/ oM shauN+Di nI ye huM hUM phaT/ oM hUM hUM haM huM hUM phaT/ oM tsakra warmi Ni ye huM hUM phaT/ oM ki li ki li haM huM hUM phaT/ oM su bI re huM hUM phaT/ oM si li si li baM huM hUM phaT/ oM mahA ba le huM hUM phaT/ oM hi li hi li baM huM hUM phaT/ oM tsakra brti ni ye huM hUM phaT/ oM d+hi li d+hi li baM hUM hUM phaT/ oM mahA bIR+ye huM hUM phaT/ oM kA kA s+yA+e huM hUM phaT/ oM u lU kA s+ye huM hUM phaT/ oM shwA nA s+ye huM hUM phaT/ oM sU ka rA s+ye huM hUM phaT/ oM ya ma dA D+hI ye huM hUM phaT/ oM ya ma du tI ye huM hUM phaT/ oM ya ma daMSh+Ti NA ye huM hUM phaT/ oM ya ma ma tha nI ye huM hUM phaT/ 'di dag ji lta'i rim pa yis/ /bzlas dang sgom pa byas nas ni/ /ye shes bdud rtsi sgom byas nas// rang gi lha yi sbyor bas gnas/ /mngon par brjod pa'i rgyud bla ma'i bla ma las/ dbang po rnon po'i sgom pa rjes su bstan pa'i le'u ste bco brgyad pa'o// //rdo rje snying pos gsungs pa/ de nas mchog gi dam pa bshad/ /mnyam par sbyor ba'i sdom pa dag /sangs rgyas kun dang mnyam sbyor ba/ /mkha' 'gro ma yi sdom ba mchog /gcig car 'jug pa mthong nas su/ /rdo rje sems dpa' bsgoms nas spro/ /A li kA li las byung ba/ /he ru kar ni bdag nyid byas/ /ser dang sngo dang ljang ku ste/ /steng ni dkar po zhi ba'o// dbu rgyan thod pa'i cod pan can/ /spyan gsum thugs rje drag po ste/ /phag mo yis ni rnam par brgyan/ /'jigs byed dang ni dus mtshan gyi/ /mgo la g.yas brkyang gnas bas bzhugs/ /drag po gdul dka' 'dul mdzad cing / /bgegs rnams thams cad 'dul bar mdzad/ /zla ba phyed dang ral pa 'ching / /sna tshogs rdo rje rnam par gnon/ /sku la phyag rgya drug gis mtshan/ /phyag rgya sdom pa mchog yin te/ /stag gi pags pa gos su mnabs/ /mgo bo'i phreng bas rnam par brgyan/ /rdo rje phag mo dmar mo ste| |gcer bu skra ni grol ba yin/ /de yi sku dang zhal dang mtshan/ /byin ba gnyis kyis legs par 'khril/ /thod pa'i phreng ba'i dbu rgyan can/ /mchu dang mchu ni bi di dam// g.yer kha yi ni ska rags can/ /rigs kyi dga' bas rnam par mos/ /rdo rje dril bu mnyam ldan pas/ /phag mo yi ni ku tsa 'dzin/ /thod pa dang ni kha T+wAM 'dzin/ /zhags pa lcags kyu mchog kyang 'dzin/ /tshangs pa'i pags pa brkyang nas ni/ /mgo bo'i steng du phyag gis 'dzin/ /cang te'u sgra ni snyan bdag /chos kyi sgras ni rab tu 'gengs/ /g.yon dang g.yas kyi thad du ni/ /mkha' 'gro bzhi po rnam par bsgom/ /g.yas phyogs mkha' 'gro ma lA ma/ /byang du bu ma skyes gzugs can ma/ /sngo dang dur smrig dkar la ser/ / spyan gsum rnam bsgyur drag po dang / /dkar sngon ljang dmar dur smrig ste/ /de ni rab tu cher 'bar ba'o/ /g.yas pa'i phyogs su bsgoms nas ni/ /dngos grub thams cad rab tu stsol/ /g.yon phyogs dmar dang sngo dang ljang / /dkar po steng gi zhal de bzhin/ /ljang dang dmar po ser po ste/ /steng gi sngon po bde ba'ang de/ /g.yas brkyang ba yi zhabs kyis bzhugs/ /phyogs kyi gos mchog 'chang ba dang / /skra grol ba ni 'jigs pa ste/ /mgo bo'i phreng bas rnam par brgyan/ /bdud bzhi po ni zhabs 'o ga gnon/ /phyag rgya lnga yis rnam par brgyan/ /thod pa dang ni kha T+wAM 'dzin/ /rdo rje mdung ni phyag na bsnams/ /na ra'i pags pa gos su mnabs/ /dril bu cang te'u de bzhin te/ /mgo bo'i gri gug phyag na bsnams/ /g.yer kha'i ska rags sgra sgrog pa/ /rkang rgyan ru lu ru lu'i sgra/ /sna tshogs pad+ma'i steng du ni/ /nyi ma'i dkyil 'khor dbus bzhugs te/ /gdan gcig la ni rnam par bzhugs/ /snying la dam tshig ye shes ni/ /de mchog phyag dang phyag mtshan te/ /rdo rje sems dpa' he ru ka /mi bskyod pa yi cod pan can/ /thams cad de ltar bsgoms nas ni// mtshan dang dpe byad dang bcas pa/ /ye shes gcig tu byas nas ni/ /mkha' 'gro ma yi sdom pa bzla/ /oM AH shrIH badzra he he ru ru kaM DA ki nI dzA la shaM ba raM hUM hUM phaT swAhA/ oM hrIH ha ha huM hUM phaT/ oM AHbadzra bA rA hI h+ye baM/ DA ki nI dzA la shaM ba raM huM hUM phaT swAhA /oM badzra bai ro tsa nI ye huM hUM phaT swAhA/ dpal khrag 'thung dang / /phag mo'i snying po dang nye ba'i snying po'o/ /oM badzra rA ki nI ye huM hUM phaT/ /oM badzra lA me huM hUM phaT/ oM badzra khaN+Da ro he huM hUM phaT/ oM badzra rU pi NI ye swAhA/ 'di dag ji lta'i rim pa yis/ /bzlas pa dang ni bsgom pa bya/ /dus bzhi'i rjes 'brang rim pa yis/ /dam tshig sdom pa gnyis med pa/ /mar me lnga yang bza' bar bya/ /rtag tu dur khrod nang du bsgom/ /nub bdun du ni sbyor ba yis/ /mi snang dngos grub nges par 'grub/ /mthong bar byed par yang kun 'gro/ /sna tshogs gzugs can bde ba che/ /bza' ba rnams ni bza' bya zhing / /sgom gyi btung ba'ang de bzhin te/ /phyogs kyi gos can gar gyis ni/ /myos shing myos pa lta bur gnas/ /grib ma yang ni med pa ru/ /rnal 'byor chen po rnam par spyod// ma hA ru d+hir bcas pa yi/ /dri chen chu ni mnyam ldan pas/ /mAM sa sna tshogs du ma dag /rtse gcig pa yi bza' ba bza'/ /nang gi bdag nyid sbyor ldan pas/ /rtag tu zhen pas 'gro bar bya/ /mnyam par ma bzhag sbyor ba'i bdag /ye shes mig gis mthong ba yin/ /mngon par brjod pa'i rgyud bla ma'i bla ma las/ mkha' 'gro ma bzhi'i sbyor ba'i sdom pa'i cho ga ste le'u bcu dgu pa'o// //de nas gzhan yang bshad bya ba/ /cho ga bzang po bzhin du ni/ /zhal brgyad pa la phyag bcu drug /yang na zhal ni bcu gnyis te/ /phyag ni nyi shu rtsa bzhi'o/ /yang na sna tshogs phyugs kyi zhal/ /phyag ni brgya dang ldan par bya/ /yang na de bzhin gshegs pa'i rigs/ /byang chub sems dpa' dpa' bo dang / /mkha' 'gro ma dang gzugs dang ni/ /pha rol phyin pa'ang de bzhin te/ /phan tshun bye brag can gyis zhal/ /mdog gi bye brag sna tshogs dang / phyag ni stong dang 'bum gyi bar/ /sna tshogs phyag mtshan 'dzin pa dang / /sna tshogs pa yi zhal ldan pa/ /sna tshogs pa yi gar mdzad cing / /g.yas brkyang pa yi g.yengs pas bzhugs/ /'jigs byed chen po dang / dus mtshan la sogs pa dang / tshangs pa dang / dbang po dang / nye dbang dang / drag po dang / khyab 'jug dang / kun 'gyed gzhon nu dang / /karti ka dang / nag po chen po dang / dga' byed dbang phyug dang / gshin rje dang / chu lha dang / ku be ra dang / zla ba dang / nyi ma dang / sna tshogs pa'i bdud dang / bgegs thams cad kha sbub tu zhabs kyis mnan par bltas te/ 'jigs su rung ba/ bzhin rnam par 'gyur ba/ drag po mche ba rnam par gtsigs pa/ bzhad pa/ mi sdug pa/ rab tu 'jigs pa/ dpa' ba/ sgeg pa/ rngam pa/ smin pa rnam par g.yo ba/ snyems pa/ zhi ba/ g.yo ba/ zhal mi g.yo ba/ zhal rnam par gdangs pa/ rnam par rol pa/ ljags rnam par bskyod pa/ sna tshogs pa'i nyams kyis mchog ster bar mdzad ba'o/ /thod ba'i phreng ba dang / zla ba phyed dang / sna tshogs rdo rjes dbu la mnan/ /sangs rgyas lnga yi cod pan can/ /rdo rje sems dpa' spyi gtsug rgyan/ /spyan gsum stag gi pags pa mnabs/ / mgo rlon phreng bas sku lus brgyan/ /phyag rgya drug po sku la rdzogs/ /phreng ba'i rgyan gyis spud mdzad pa'o/ /sku la pag mos 'khril mdzad cing / /phyogs kyi gos can skra grol ba| |phyag gnyis pa la zhal gcig pa/ /dum bu'i rgyan gyi ska rags can/ /thod pa'i phreng ba'i rgyan can te/ /rdo rje sdigs mdzub thod pas 'khyud/ /byin pa gnyis kyis mnyam par 'khyud/ /dga' bas khyab cing rnam par myos/ /rdo rje dril bus mnyam par ldan/ /lha mo'i ku tsa 'tshir ba dang / /thod pa dang ni kha T+wAM 'dzin/ / glang po'i pags pa brkyang pa ste/ /lcags kyu zhags pa dgra sta dang / /mdung rtse gsum pa mgo bo nyid/ /cang te'u dang ni gri gug dang / /mda' dang gzhu yang de bzhin te| |thod pa'i dbyig to mdung thung dang / /bsdigs mdzub dang ni gtun shing dang / /'khor lo ral gri rin chen dang / /pad+ma sna tshogs rdo rje dang / /dbyug to yu ba rdo rje can| |ga da mdung dang pa Ti sa/ /gshin rje dbyug to chu gri dang / /dung dang rwa dung pa Ta ha/ /pi wang gling bu rdza rnga che/ /rdza rnga mtshon cha phyag mtshan bsnams/ /rtse mo rno bar bltas nas su/ /sna tshogs phyag mtshan sna tshogs 'byung / /ji srid phyag ni 'bum gyi bar/ /phyag rgya sna tshogs de bzhin te/ /cho ga sna tshogs de bzhin no/ /mkha' 'gro ma sogs 'khor rnams dang / /dpa' bo dag ni thams cad dang / /rnal 'byor ma ni sna tshogs dag /mdog ni mtha' yas sna tshogs mdog /phyag mtshan sna tshogs 'dzin pa yin| |phyogs kyi gos 'chang skra grol zhing / /sna tshogs nyams kyis bde ba can/ /'jigs rung drag po ha ha bzhad/ /sna tshogs gar gyis longs spyod cing / /glu dang rol mo nyams de bzhin/ /sna tshogs dam tshig zas rnams dang / /me tog sna tshogs yid 'ong ba/ /dri dang bdug pa de bzhin gos/ /mar me phreng ba yid 'ong ba/ /phun sum tshogs pa'i mchod pa rnams/ /mdog ni sna tshogs mchog dam pa/ /'di ltar sngags pas bsgoms nas ni/ /rnal 'byor mchog gis rdzogs byas nas/ /der ni phreng ba sngags kyang bzlas// yi ge nyi shu gnyis bsres nas/ /lha mo rdo rje phag mo ni/ /'di ltar de bzhin bsgom bar bya/ /zhal gdong sna tshogs legs mdzes pa/ /phyag mtshan sna tshogs 'dzin pa ste/ /phyogs kyi gos can skra grol ba/ /byang chub pha rol phyin pa ste/ /sa 'dzin thams cad de bzhin no/ /'di ltar cho ga byas nas ni/ /phreng bas gsang sngags bzla bar bya/ /oM shrI badzra he he ru ru kaM /ka ra ka ra/ ku ru ku ru/ ban+d+ha ban+d+ha/ tra sa ya tra sa ya/ k+Sho b+ha ya k+Sho b+ha ya/ hroM hroM/ hraHhraH/ pheM pheM/ phaT phaT/ da ha da ha/ pa tsa pa tsa/ b+hak+Sha b+hak+Sha ba sa ru d+hi ra/ an+ta mA lA ba laM bi ne/ grih+Na grih+Na/ sap+ta pA tA la ga ta b+hu dzaM ga sarbaM pA tar+dz+dza ya tar+dz+dza ya/ A kaD+D+ha A kaD+D+ha/ hrIM hrIM/ dz+NauM dz+NauM/ k+Sh+mAM k+Sh+mAM/ hAM hAM/ hIM hIM/ hUM hUM/ ki li ki le/ si li si li/ hi li ha li/ d+hi li d+hi li/ huM hUM phaT/ DA ki nI dzA la saM ba raM huM hUM phaT swAhA/ 'di ni snying po mchog yin te/ /las rnams thams cad byed pa dge /dpa' bos sa bon rang ming dang / /rnal 'byor mos pas rtag bzlas na/ /ma lus lus pa med 'grub cing / /'gro ba'i gnas su 'gro bar byed/ /dus ni de ma thag tu yang / /sdom pa mchog ni grub pa yin/ /rdo rje phag mo'i gsang sngags 'di/ /'dod pa'i bde ba thams cad stsol/ /oM badzra bA rA hi/ pro taM ge pro taM ge /ha na ha na/ prA NI/ kiM ki ni kiM ki ni/ khiM khi Ni khu la ni/ d+hu na d+hu na/ badzra ha ste/ sho Sha ya sho Sha ya/ kha T+wAM ga ka pA la d+hI ri Ni/ ma hA bi shi ta/ mAM sA sha ni/ mA nu Sha aM tra prA br-it+te/ sin+ni d+ya na ra si ra mA la gran+thi ta d+ha ri Ni/ sum+b+ha ni sum+b+ha/ ha na ha na/ prA NAM/ sarba pA pa satwA naM/ sarba pa shUM nAM/ ma hA mA sats+tshe da ni/ kro d+ha mUrte daMSh+Ta ka rA li ni ma hA mu dre/ shrI he ru ka de ba s+yA/ a gra ma hi Shi/ sa ha sra shi re /sa ha sra bA ha be sha ta sa ha sra A na no/ dz+wa li ta te dza se/ dz+wa la mu khe/ big la lo tsa ne badzra shA rI re badzra A sa ne/ mi li ti/ mi li ti/ he he/ ha ha/ hUM hUM/ kha kha/ d+hu d+hu/ ru ru/ d+hu ru d+hu ru/ mu ru mu ru/ a dwai te/ ma hA yo gi naM pa thi ta sid+d+he/ dreM d+h+reM/ dreM d+h+reM/ daM daM/ d+heM d+heM/ graM graM/ he ha/ ha ha/ b+hI me ha sa ha sa bI re hA hA ho he hUM hUM/ trai lo kya bi nA sha ni/ sha ta sa ha sre ko Ti ta thA ga ta pa ri pA ri te hUM hUM phaT/ si ha rU pe khaH ga dza rU pe gaH trai lo kya u da re/ sa mu dra me kha le gra sa huM hUM phaT/ bI ra dwai te huM hUM hA hA ma hA pa shu mo ha ni/ yo gI shwa ri twAM Da ki nI sarba lo kA nAM/ bad+d+ha ni/ sat+ya huM hUM phaT/ b+hU ta tra sa ni/ ma hA bI re pa ra ma sid+d+he yo gI bid+ye shwa ra phaT/ huM hUM phaT swAhA/ rdo rje phag mo'i rtsa ba'i sngags so/ /'di ni rdo rje phag mo mchog snying po mchog tu grub pa yin/ /gang gis bzlas dang sgom pa yi/ /de yis las rnams kun 'grub ste/ /the tshom med par mod la 'grub/ /bdag nyid gnas su mchod pa ste// phyi rol nam yang ma yin no/ /grub pa'i khrag 'thung de nyid kyi/ /gsang sngags rtsa ba brgyad ldan pa/ /oM na mo b+ha ga ba te bI re shA ya huM hUM phaT/ oM mahA kalpA g+ni saM ni b+ha ya huM hUM phaT| oM dza TA ma ku Tot+ka Ta ya hUM hUM phaT/ oM daMSh+T+rA ka rA lo gra b+hI Sha na mu khA ya huM hUM phaT/ oM sa ha sra b+hu dza b+hA su rA ya huM hUM phaT/ oM pa ra shu pA sho d+ya tra shU la kha T+wAM ga d+hA ri Ni huM hUM phaT/ oM byA g+h+rA dzi nAm+pa ra d+ha ra ya huM hUM phaT/ oM mahA d+hu mrAn+d+ha kA ra ba pu ShA ya huM hUM phaT/ 'di ni khrag 'thung gsang sngags te/ /bdag nyid bsgom zhing mchod par bya| |oM na mo b+ha ga ba te badzra bA ra hi baM huM hUM phaT/ oM AR+yA pa ra dzi te trai lokya mA te bid+ye shwa ri huM hUM phaT/ oM badzra sarba b+hu ta b+ha ya ba he ma hA badzre huM hUM phaT/ oM badzra A sa ne a pa rA dzi te ba sh+yaM ka ri ne tra b+h+ra ma ci hUM hUM phaT/ oM sho Sha Ni ro Sha Ni kro d+ha kA ra li ni huM hUM phaT/ oM tra sa ni mA ra Ni su pra b+he da ni pa rA dza ye huM hUM phaT/ oM bi dza ye dzaM b+ha ni staM b+ha ni mo ha ni huM hUM phaT/ oM badzra pA ra hi ma hA yo gi nI kI me shwa ri kha ge huM hUM phaT/ na maHni/ thams cad du bya'o/ /gsang sngags 'di yis las kun bya/ /A li kA li rdo rje ni/ /phag mor bdag nyid bsgoms byas nas/ /rtsa ba brgyad kya sngags ldan bas/ /bdag nyid kyang ni mchod par bya/ /zhal bzhi byin brlabs byas nas su/ /oM suM b+ha ni sum+b+has mchod// yang na zhal bzhi kun rdo rje/ /de yi lte bar he ru dpal/ /bdag nyid sgom pa byas na ni/ /'khor dang bcas pa'ang de bzhin bsgom/ /ba sha la sogs bza' zhing bsgrub/ /bde gshegs bstan la 'gro ba 'dug /skye ba can ni ba shar grags/ /dkon mchog gsum gyi dkor 'phrog dang / /mtshams med pa ni byed pa dang / /gang zhig slob dpon smod pa dang / /theg pa chen po smod pa dang / /phyugs de rnams ni bsad nas kyang / /rnal 'byor ma dang lhan cig bza'/ /phyugs de rnams ni dgug pa yang / /sgrub pas sngon du bskyed pas bya/ /phyugs bdun dang ni de bzhin phyugs/ /bong bu mi dang rus sbal dang / /khyi dang rnga mo ce spyang rta/ /phyugs kyi mar me 'di rnams ni/ /sgrub pa'i dbye ba'i yan lag grags| |rigs kyi kha dog dbye ba'i phyugs/ /rkang bzhi rnams la glang po che/ /bya rnams las ni ngang bsgyur te/ /dud 'gro rnams las mchu g.yo ba'i/ /lha rnams kha ru lha bshos te/ /'di ni phyugs kyi brtag par bshad/ /grub pa'i sgrub pa rnam bshad pa/ /bya rog bya skya lce spyang dang / /skye gnyis dang sngags chen po dang / /krung krung bzhad dang kang bu ka /bza' dang sbyin sreg gtor ma bya/ /dngos grub 'dod pas bsgom bya ba/ /khyi mo nag mo'i 'o ma dang / /sran ma nag po 'bras dang ldan/ /ro yi khar ni sbyin sreg bye// sbyin sreg brgya rtsa brgyad par bya/ /de nas ro de langs nas ni/ /ci bgyi zhes ni smra 'gyur zhing / /sa 'og 'gro ba'am ral gri 'am/ /tshar gcod phan 'dogs nyid dang ni/ /ril bu mig sman gser rnams sam/ /rkang mgyogs dag gam bcud kyis len/ /gcig cig sbyin par byas nas ni/ /'gro bar 'gyur gyi gzhan du min/ /steng dang 'og tu pho nya 'grub// rgyud 'dir the tshom med pa yin/ /mngon par brjod pa'i bla ma'i bla ma las/ /rnal 'byor gyi sdom pa'i cho ga'i le'u ste nyi shu pa'o// //de nas gzhan yang bshad bya ba/ /srung dang phyir zlog rim pa ni/ /rgyud gzhan las ni sbas pa yin/ /srung ba'i mchog ni rnyed dka' ba/ /rgyud 'dir rab tu bshad par bya/ / nges brjod rgyud ni bla ma'i blar/ /the tshom bza' bar mi bya ste/ /sems can rjes su bsrung ba'i phyir/ /pad+ma 'dab brgyad bri bar bya/ /pad+ma'i lte ba ge sar can/ /de rgyab sna tshogs rdo rje ste| |gnod mdzes gsang sngags yang dag sbyar/ /de yi phyi rol ska rags can/ /'dab ma bcu drug bri bar bya/ /der ni cha rnams rnam bkod de/ /de yis phyi rol yongs su bskor/ /mkhas pas lte bar bri ba ni/ /rdo rje rtse mo bcu gnyis pa/ /de yi lte bar dgod pa ni/ /hUM ni 'jigs pa rnam 'jigs pa/ /hUM gi lte bar yi ge paM/ /baM gyi lte bar yi ge gsum/ /bsgrub bya'i ming dang spel zhing bri/ /mkha' 'gro ma ni bzhi po dag /de yi g.yon nas dgod bskor ba/ /DA lAM khaM rUM de ru dgod/ /r-i r-I l-i l-I lhan cig tu// mkha' 'gro dgod cing ming dang ni/ /rnam par spel zhing bri bar bya/ /thugs kyi 'khor lo'i rim ji bzhin/ /mkhas pas 'dab mar dgod bya ba/ /khaM praM shar gyi 'dab ma la| |byang du kaM tsaM nyid yin te/ /nub tu kaM paM kho na 'o/ /lho ru baM maM nyid yin no/ /me sogs dbang ldan phyogs rnams su/ /su paM aM khaM baM laM hriM/ /'di dag ji lta'i rim pa yis| |yi ge hUM dang spel nas su/ /sa bon dag ni bri bar bya/ /kaM khaM gaM g+haM ngaM / /tsaM tshaM dzaM/ 'di dag ni/ pad+ma'i ska rags su bri'o/ /rdo rje cha ni bcu gnyis pa/ /bskor la bin dus rnam par brgyan/ /'dab ma'i phyi rol bcu drug tu/ /'khor lo rtsibs bcu drug pa bri/ /de 'dir shar phyogs lha sogs pa/ /g.yon nas bskor zhing dgod par bya/ /mkha' 'gro dang ni dpa' bo 'o/ /aM a bAM maM pAM maM baM suM suM shaM baM suM maM haM baM khaM maM tsaM raM khaM haM saM aM tsaM heM suM paM maM baiM tsaM baM maM/ 'di ni hri dang spel nas su/ /oM dang spel zhing bri bar bya/ / sgrub pa'i ming ni nang du bya/ /ji lta'i las kyi rjes 'brang bri/ /dz+haM nyaM TaM ThaM DaM D+haM NaM/ taM thaM daM d+haM naM/ paM phaM baM d+haM maM/ phyi rol tu ska rags bri'o/ /'khor lo'i phyi rol gru bzhi pa'i/ /nang du sgo ni 'brel bar bri/ /ji ltar/ khwa gdong la sogs rim pa'i bar/ /gshin rje 'joms sogs sa bon dgod/ /kaM aM shwaM suM/ yaM yaM yaM yaM/ yaM raM laM waM shaM ShaM saM haM sbyar zhing / hUM dang phaT dang rnam par spel/ /ming dang yang ni spel bar bya/ /sgo yi steng du rtse bzhi pa'i/ /rdo rje phyed pa bri bar bya/ /zur rnams su ni nyi zla dang / /rdo rje phyed pa bri bar bya/ /de steng rkang brgyad kyis brjod pa'i/ /khro bo brgyad pa'i zhal du blta/ /phyi rol ska rags dbus dag tu/ /phyir zlog 'di dag bri bar bya/ /na maHsa man+ta kA ya wak+tsit+ta badzra he ru kA nAM/ oM hUM badzra he ru ka tsakra brti sarba lo ki ka lau kot+ta rA Ni/ yan+ta man+ta tan+ta tsur+n+Na pra yo ga d+hi ni ya na ke na tsit+tan tan sarba ni A kaD+D+ha A kaD+D+ha/ ta rdza ya ta rdza ya/ gr-ih+na gr-ih+na/ b+hak+Sha ya b+hak+Sha ya/ tA sa ya trA sa ya/ ha na ha na/ da ha da ha/ pa tsa pa tsa/ k+Sh+mAM k+Sh+mAM/ dz+NauM dz+NauM/ ma tha ma tha/ bi d+h+waM sa ya bi d+h+waM sa ya/ sha ta sa ha sra ha tsur+N+Na ya tsur+N+Na ya/ oM phaT/ badzra he ru koSh+Ni Sha tsa kra bar+t+ti ta s+ya ba mu khaM tsak+Shu ra ban+d+ha ban+d+ha/ hUM hUM/ a mu ka s+ye shAn+tiM ku ru huM hUM phaT oM swA hA/ 'di yis yongs su bskor byas nas/ /k+Sha yi lto ba'i dbus su dgod/ /yi ge k+Sha yi phyi rol du/ /tha yis yongs su bskor byas nas/ /dbyangs kyi mtshan nyid kyis yongs bskor/ /he ru kar bdag bsgoms byas nas/ /yi ge bdun pa'i sngags kyang bzla/ /oM hrIH ha ha a mu ka s+ya shAn+tiM ku ru huM hUM phaT/ rigs nga yang na bram ze 'am/ /rgyal po'i bu mo'i khyad par du/ / rang byung me tog blangs nas su/ /glang chen me tog dang bsres nas/ /byang chub sems ni mnyam ldan pa/ /ro tsa na dang lhan cig sbyar/ /pad+ma rdo rje chu de bzhin/ /mig sman chen po dang bsres nas/ /lha mchog 'khor lo bri bar bya/ /rdo rje phreng bas rnam par bskor/ /mi yi pags pa'am gro ga 'am/ /yang ni yi dwags gos kyang rung / /bdud rtsi lnga dang ldan pa yi/ /mar dang 'o ma blangs nas su/ /gsang sngags rkang pa brgyad ni brjod/ /de bzhin brtul zhugs can gyis mchod/ /gser ram dngul gyi bum pa dag /ye shes lnga yi bdud rtsi'i chus/ /gang ba'i dbus su bcug nas su/ /'khor lo srid bu dkar pos dkri/ /phreng ba'i gsang sngags de la bzla/ /de nas dbang bskur sbyin par bya| |nad yod pa ni nad med byed/ /nad med pa yang nad du byed/ /myos byed chang gi dbus su ni/ /mkhas pas de la bcug nas ni/ /nad med nad du byed pa ste/ /ji lta'i las kyi rjes su 'brang / /gang yang rung ba'i las rnams la/ /phreng ba'i sngags kyis rnam par bskor/ /rnal 'byor sgrub pa'i 'khor lo ni/ /mgo bo'i nang du sbas byas na/ /mkha' 'gros de la byin rlabs ni/ /gdon mi za bar byed par 'gyur/ /ci 'dod thams cad 'grub 'gyur te/ /bgegs med par ni dngos grub 'gyur/ /mngon par brjod pa'i rgyud bla ma'i bla ma las/ srung ba'i phyir zlog gi le'u ste nyi shu rtsa gcig pa'o// //de nas de yi sgom ba bshad/ /sems can kun la phan 'dogs pa'i/ /skad cig gis ni bdag nyid dag /lha mo phyir zlog rim pa ste/ /zhal bzhi pa las phyag bcu drug /gdug pa rnam pa sna tshogs pa'i/ /bgegs ni pad+ma'i 'og mnan nas/ /g.yas brkyang ba yi zhabs kyis bzhugs/ /zla ba'i dkyil 'khor dbus na gnas/ /dkar zhing sngo la dmar dang ser/ /steng gi zhal gyis rnam par brgyan| |rgyan rnams thams cad yongs su rdzogs/ /na bza' dkar ba'i rgyan dang ldan/ /sangs rgyas lnga yi dbu rgyan can/ /'chi ba yang dag 'tsho ba'i mchog/ spyan gsum pa la 'jam pa'i ngag /gzhan ni gdug cing gtum pa la/ /sdigs mdzub rdo rje gsor mdzad cing / /dril bu zhags pa 'dzin pa'i mchog /rdo rje ral gri mdung dang ni/ /dgra sta thod pa lcags kyu dang / /gzhu dang kha T+wAM ga 'dzin cing / /mda' ni dam pa 'gongs par byed/ /tho ba 'khor lo mi 'jigs pa/ /dngos grub thams cad rab stsol ba'o// yang na 'di la zhal brgyad pa/ /g.yas dang g.yon pa'i ngos dag tu/ /g.yas pa sngo zhing dmar la ser/ /drag shul ha har bzhad pa'o/ /g.yon pa ljang zhing dmar ba dang / /dud ka dag gi mdog can yin/ /steng ni mdzes shing zhi ba ste/ /sku lus zla ba'i mdog can no/ /de yi thugs kar 'khor lo ni/ /zla ba'i dkyil 'khor dbus dag tu| |dad pas shin tu mnyam bzhag ste/ /'chi ba 'tsho ba'i rig sngags bzla/ /oM a mr-i ta saM dzI ba ni/ ma hA a mr-i ta su mu khe dzI baM/ pra be sha ya phra be sha ya/ sarba badzra pad+ma sa ma yo ga mA ya/ bo d+hi tsit+ta bas bi ta mU rti huM hUM/ a A| aM a haM swAhA/ 'di ni khri tsam bzlas byas pas/ /'chi ba thams cad 'tsho bar byed/ /dus min 'chi ba zhi 'gyur zhing / /'chi ba las ni nges par slong / /gzhan du rnal 'byor ma dgyes nas/ /rmad du byung bar mdzad pa ni/ /so so nas ni gang mdzad cing / /hi hi dag gis dga' ba dang // ho ho dag gis dgyes pa dang / /he he dag gis tshig ta smra/ /huM huM dag gis rdzogs pa'o/ /huM huM dag ni bsam gtan no/ /phaT phaT dag gis gsod pa dang / /hUM hUM dag gis phur bu'o/ /dzaHdzaH dag gis legs par drongs/ /sa sa dag ni bden par byed/ /nges par legs so zhes pa'i sgra'o/ /huM baM dag ni gsod pa 'o/ /hUM b+hUM hUM hUM hUM dag ni thal bar rlog pa'o/ /ha ha dag gis gsal bar byed pa'o/ /b+huM b+huM dag ni gzi byin byed/ /hrI hrIM dag gis legs par drongs/ /t+r+ya t+r+yaM dag ni mchod pa'o/ /saM saM dag gis dngos grub thams cad kyi 'bras bu ster ba'o/ /hi hi dag ni rmongs pa'o/ /laM laM dag ni shis pa'o/ /di di dag ni 'dzin pa'o/ /dzi dzi dag ni legs par drongs/ /huM huM dag ni 'khor ba 'o/ /hri hri dag ni gsod pa 'o/ /dzAM dzAM dag ni rmugs par mdzad pa 'o/ /ho ho mdzad pa rjes su chags par bya'o/ /haM haM dag ni srung ba 'o/ /ho ho dag ni dgyes pa 'o/ /TaM TaM dag ni gdug pa 'o/ /g+hUM g+hUM dag ni me tog go /gaM gaM ni/ dri'o/ /raM raM ni/ gsang ba'o/ /'di dag ji lta'i rim pa yis// zhi ba la sogs cho ga yi/ /rim pa 'di la rjes su gnas/ /mngon par brjod pa'i rgyud bla ma'i bla ma las/ /'chi ba slong bar byed pa'i las thams cad byed pa sgom pa bstan pa ste le'u nyi shu rtsa gnyis pa'o// //de nas gzhan yang bshad bya ba/ /sngags kyi de nyid cho ga'i rim/ /rdo rje snying pos bshad pa ste// gsang ba kun gyi mchog tu bshad/ /rnal 'byor ma yi bde ba mchog /rnal 'byor ma yi brgyud pa'i rim/ /gsang zhing gsang la mchog tu gsang / /bskyed pa'i rim pa'i sbyor ba yis/ /bsam gtan sgom pa'i mchog yin te/ /bdag nyid he ru kar byas nas/ /mkha' 'gro mas ni yongs su khyab/ /sku lus dmar po 'jigs pa che/ /ye shes lnga las nges byung ba/ /dmar zhing sngo la ljang ba dang / /ser zhing zhi la steng zhal dkar/ /spyan gsum pa la phyag bcu gnyis/ /g.yas brkyang ba yi zhabs kyis bzhugs/ /'jigs byed che dang dus mtshan dag /skyabs su 'ongs nas zhabs 'og gnon/ /phyag rgya drug dang zla ba phyed/ /sna tshogs rdo rje ral pa 'chang // glang po'i pags pa gos su banabs/ /rdo rje dril bu mnyam par ldan/ /ral gri mdung ni 'jigs pa'i mchog /thod pa dang ni kha T+wAM 'dzin/ /zhags pa lcags kyu 'chang ba'i mchog |cang te'u tshangs pa'i mgo bo dang / /mgo bo'i phreng bas rnam par brgyan/ /thod pa'i phreng ba'i dbu rgyan can/ /sangs rgyas lnga yis rnam par brgyan/ /de mdun rdo rje phag mo ni/ /de yi mdog dang phyag mtshan 'dzin/ /zhags pa lcags kyu 'chang ba'i mchog /cang te'u tshangs pa'i mgo bo dang / /mgo bo'i phreng bas rnam par brgyan/ /byin pa gnyis kyis legs par 'khril/ /gnyis med sbyor ba mnyam ldan pa/ /phyag rgya lnga yis rnam par brgyan/ /k+Sha yi ye shes las byung ba/ /de yi sku dang zhal phyag mtshan// zla ba'i dkyil 'khor dbus gnas par/ /ye shes sems dpa' rnam par bsgom/ /bcu gnyis cha las nges 'byung ba/ /dam tshig sems dpa' bde ba che/ /thams cad mkhyen r+pa nges 'byung ba/ /sngags kyi rgyud ni 'di ru bzla/ /oM shrI badzra he he ru ru kaM /a A/ i I/ u U/ e ai/ o au/ /aM aH/ DA ki nI dzA la saM ba raM huM hUM phaT swAhA/ oM a A a aHhUM hUM phaT/ snying po dang / nye ba'i snying po'o/ /oM badzra bA ra hi a A/ i I/ u U/ e ai/ o au/ aM aHhUM hUM phaT swAhA/ oM badzra bai ro tsa nI ye a A aM AH huM hUM phaT swAhA/ lha mo'i snying po dang / nye ba'i snying po'o/ /oM DA kI nI r-iM huM hUM phaT/ oM lA me r-IM huM hUM phaT/ oM khaN+Da ro he l-iM huM hUM phaT/ oM ru pi NI ye l-IM huM hUM phaT/ oM khaN+Da kA pA la kaM huM hUM phaT/ oM praM huM hUM phaT/ oM gaM kA la khaM huM hUM phaT/ oM tsaM huM hUM phaT/ oM ma hA kaM kA la kaM huM hUM phaT/ oM praM huM hUM phaT/ oM bi ka Ta daMSh+Ti Ne g+haM huM hUM phaT/ oM maM huM hUM phaT/ oM su ra bai ri Ni daM daM huM hUM phaT/ oM bIM huM hUM phaT/ oM a mi tA b+hA tsaM huM hUM phaT/ oM khaM huM hUM phaT| oM badzra pra b+hA tsha huM hUM phaT/ oM laM huM hUM phaT/ oM badzra de ha dzaM huM hUM phaT/ oM huM huM hUM phaT/ oM a ku ri kaM dz+ha huM hUM phaT/ oM ai huM hUM phaT/ oM badzra dzA Ti la nyaM huM hUM phaT/ oM maM huM hUM phaT/ oM ma hA bI ra TaM hUM hUM phaT/ oM baM huM hUM phaT/ oM badzra hUM kA ra ThaM huM hUM phaT/ oM suM huM hUM phaT/ oM su b+ha dra TaM huM hUM phaT/ oM Sh+T+raM huM hUM phaT/ oM badzra b+ha dra D+haM huM hUM phaT/ oM suM huM hUM phaT/ mahA b+he ra ba NaM huM hUM phaT/ oM haM huM hUM phata/ oM bi ru pAk+Sha taM huM hUM phaT/ oM khaM huM hUM phaT/ oM ma hA ba la thaM huM hUM phaT/ oM tsaM huM hUM phaT/ oM rat+na badzra daM huM hUM phaT/ oM khaM huM hUM phaT/ oM ha ya gri ba d+haM huM hUM phaT/ oM shoM huM hUM phaT/ oM A gA sha gar+b+ha naM huM hUM phaT/ oM tsaM huM hUM phaT/ oM he ru ka baM huM hUM phaT/ oM suM huM hUM phaT/ oM pad+ma nir+t+ne shwa ra phaM huM hUM phaT/ oM maM huM hUM phaT/ oM bai ro tsa na baM huM hUM phaT/ oM tsuM huM hUM phaT/ oM badzra satwa b+haM huM hUM phaT/ oM maM huM hUM phaT/ oM yaM huM hUM phaT/ oM raM huM hUM phaT/ oM laM huM hUM phaT/ oM baM huM hUM phaT/ oM shaM huM hUM phaT/ oM ShaM huM hUM phaT/ oM saM huM hUM phaT/ oM haM huM hUM phaT/ 'di dag ni dpa' bo dang / rnal 'byor ma'i 'khor gyi snying po'i gsang sngags gsang ba'i mchog tu gyur pa/ de nyid sbas pa 'khor lo gsum gyi yin te/ thugs kyi 'khor lo'i dpa' bo dmar/ /mkha' 'gro ma ni sngon po ste/ /rdo rje dril bu mnyam par ldan/ /'jigs byed chen po bzhin rnam sgyur/ /zhe sdang gis khyab bde chen po/ /gsung gi 'khor lo dpa' bo dkar/ /mkha' 'gro ma ni dmar po ste/ /pad+ma dril bu mnyam par ldan/ /'dod chags kyis khyab bde chen po/ /sku yi 'khor lo'i dpa' bo ser/ /mkha' 'gro ma dkar me yi mdog /gti mug gis khyab bde ba che/ /mkha' 'gro ma sogs lha mo rnams/ /sna tshogs mdog can snod chen po'o/ /khwa gdong la sogs lha mo rnams/ /dmar ser dkar la ljang gu'o/ /gshin rje sreg sogs lha mo rnams/ /sngo zhing ser la ljang ba dang / /de bzhin dkar ba'i mdog can no/ /'khor la sogs pa thams cad kun/ spyan gsum g.yas brkyangs zhabs kyis bzhugs/ /dpa' bo stag gi bags mnabs shing / /lha mo thams cad gcer bu ste/ /skra grol ba ni rnam par mdzes/ /byin pa gnyis kyis legs par 'khril/ /dum bu'i rgyan gyi ska rags can/ /thams cad thod ba'i phreng ba 'chang / /phyag rgya lnga yis rnam par brgyan/ /thod pa kha T+wAM ga 'dzin cing / /dpa' bo dang ni lha mo rnams/ /thod pa rdo rje pad+ma dang / /'khor lo yang ni de bzhin no/ /mkha' 'gro ma sogs khwa gdong dang / /gshin tu sreg sogs lha mo rnams| |thod pa dang ni kha T+wAM 'dzin/ /me long dri dang ro dang reg /gos mchog yid du 'ong ba dang / /cang te'u dang ni dril bu 'dzin/ /mkha' 'gro ma ni thod pa dang / /kha T+wAM ga yang 'dzin mdzad cing / /dril bu cang te'u gri gug bsnabs/ /khwa gdong la sogs lha mo rnams/ /phyag mtshan 'di yis rab tu brtag /thams cad yi dwags gdan la bzhugs/ /phyogs kyi gos ni 'dzin pa'i mchog /thugs kyi 'khor lo drag po ste/ /gsung gi 'khor lo bskyod pa'i zhal/ /sku yi 'khor lo zhi ba ste/ /mkha' 'gro ma ni bzhin rnam sgyur/ /ji ltar 'dod bzhin bsgoms nas ni/ /dbus kyi gtso bor rnam par brtag /sangs rgyas byang chub sems dpa' 'am/ /khro bo sna tshogs du ma 'am| |kha cig de bzhin gshegs pa 'am/ /ma mo rigs kyi khyad par dang / /'od zer can nam skul byed ma/ /shes rab pha rol phyin de bzhin/ /gang dang gang dag sgom pa ni| |yid kyi dbang po sbyor ba dag /de yis dregs par byas pa ni/ /sna tshogs gzugs can rin chen bzhin/ /yang na rdo rje sems dpa' ni/ /sna tshogs gzugs kyis 'gro bar gnas/ /thams cad mkhyen cing thams cad mdzad/ /bde ba chen pos kun khyab yin/ /mngon par brjod pa'i rgyud bla ma'i bla ma las/ rnal 'byor ma'i gsang ba'i dam tshig gi de kho na nyid kyi sgom pa bstan pa ste le'u nyi shu rtsa gsum pa'o// //de nas gzhan yang bshad bya ba/ /mkha' 'gro rigs kyi cho ga'i rim| |sna tshogs du ma'i rigs su bshad/ /mdor bsdus na ni gsum dang ldan/ /drug tu yang ni rab tu grags/ /rnal 'byor sbyor ba'i bla ma ste/ /mkha' 'gro ma 'khor la sogs kun/ /khams gsum dag ni ma lus pa/ /rigs las yang dag 'byung ba yin/ /sku kun so sor 'byung ba ste/ /gzhan du thams cad ma mo'i rigs/ /dga' zhing dgyes la yid 'ong pa/ /yid las skye zhing 'byung ba yin/ /bcom ldan 'das dgyes pa chen po bde ba'i rigs kyi bdag pos de kho na nyid kyi gsang ba'i snying po'i sa bon 'di bshad cing bstan pa/ hUM bruM aM hrIM khaM baM/ de nas sngags chen bshad pa yis/ /sangs rgyas kun gyi sras po rnams// rab tu g.yo zhing brgyal nas kyang / /rdo rje ye shes rjes su dran/ /mi 'khrugs pa dang rtag pa'i rigs/ /rdo rje nyi ma de bzhin te/ /'od dpag med dang don yod grub/ /rdo rje sems dpa' bde ba che| |'di ltar sangs rgyas sku lus kyang / /rdo rje mkha' 'gro rab tu grags/ /thog mar rdo rje mkha' 'gro ste/ /gnyis pa sangs rgyas mkha' 'gro yin/ /gsum pa rin chen mkha' 'gro ste/ /bzhi pa pad+ma'i mkha' 'gro yin/ /lnga pa sna tshogs mkha' 'gro ste/ /drug pa rdo rje sems dpa' yin/ /lnga po he ru kar shes bya/ /rdo rje dpa' bo yang de nyid| |nam mkha'i zas kyis longs spyod cing / /zla ba'i zas kyi longs kyang spyod/ /sprul pa'i longs spyod nam mkha' ste/ /pad+ma'i zas kyi longs spyod kyang / /sna tshogs longs spyod sprul pa ste/ /sna tshogs rigs kyi mchog dam pa/ /mkha' mnyam dri med rnam par dag /gangs kyi rang bzhin lta bur bsil/ /dag pa'i mdog can mchog gi mdog /zla ba'i zer dang 'dra ba'i mchog /spyan gsum skal pa sna tshogs bzang / /sna tshogs pad+ma'i gdan la bzhugs/ /zla ba nyi ma'i dbus na gnas/ /rdo rje skyil mo krung du bzhugs/ / thams cad ral pa'i cod pan can/ /thod pa'i phreng ba'ang de bzhin te/ /phyag rgya drug ni thams cad rgya/ /rang gi gdan la legs par bzhugs/ /glang po seng+ge rta dang ni/ /rma bya dang ni nam mkha' lding / /de yi steng du yi dwags gdan/ /bsgoms na dngos grub rab tu stsol/ /rdo rje lag gis sa la reg /rdo rje dril bu dkur brten cing / /zhal gyi mchu ni rnam par bsgyur/ /'khor lo dril bu 'gying dang bcas/ /rin chen dril bu'ang de bzhin te/ /pad+ma'i dril bu'i rim pa dang / /dril bu sna tshogs rdo rje nyid/ /thams cad snyems par rnam bsgoms te/ /rigs kyi rdo rje mchog dam pa/ /dkyil 'khor drug ni bri bar bya/ /sgo bzhi dang ni yang dag ldan/ /rdo rje 'khor los bskor ba ste/ /rin chen pad+mas de bzhin bskor| |sna tshogs rdo rjes bskor ba ste/ /dbus su rdo rjes bskor bar bya/ /phyi rol dkyil 'khor bri bar ni/ /khang pa brtsegs pa yid 'ong mchog /rigs drug dag ni rnam par dgod| |der ni gnas sogs rim pa dgod/ /dkyil 'khor dbus su dgod pa ni/ /rdo rje sems dpa' bde ba che/ /de yi shar phyogs kyi sgo la/ /pu li ra ma yan thod pa'i dum bu dang / rab gtu ma ma'o/ /byang du dzA lan+d+ha ran keng rus chen po dang / gtum mig ma'o/ /nub tu au n+yan na keng rus can dang / 'od ldan ma'o/ /lho ru ar bu da na mche ba rnam par gtsigs pa dang / sna chen ma ste dbus su ni/ sa dang po rab tu dga' ba ste/ dpa' bo sku mdog nag po/ mkha' 'gro ma thal ba dang / sprin gyi mdog can/ dpa' bo ni/ rdo rje dang / rdo rje dril bu dang / mkha' 'gro ma ni/ thod pa dang / /rdo rje sdigs mdzub bo/ /rnam par snang mdzad kyi dkyil 'khor dbus su bcom ldan 'das sangs rgyas mkha' 'gro bde ba chen po'o/ /shar phyogs kyi sgor go da ba rin lha dgra dang / dpa' bo'i blo can ma'o/ /byang du rA me shwa ra na 'od dpag med dang / mi'u thung ma'o/ /nub du de bI ko Ta na rdo rje 'od dang / lang+ka'i dbang phyug ma'o/ /lho ru mA la ba na rdo rje sku dang / shing grib ma'o/ /dpa' bo'i sku lus dkar po/ mkha' 'gro ma ni ser po'o/ /dri ma med pa'i sa na dbus ma ste/ sangs rgyas mkha' 'gro ma'o/ /'od byed pa'i sa'i dbus na rin chen mkha' 'gro ste/ shar gyi sgo ru kA ma rU pa na myu gu can dang / sa srung ma'o/ /byang du o tre na rdo rje ral pa can dang / 'jigs byed chen mo'o/ /nub tu tri sha ku ni na dpa' bo chen po dang / rlung gi shugs can ma'o/ /lho ru ko sa la na rdo rje hUM mdzad dang / chang 'thung ma ste dpa' bo ser po/ mkha' 'gro ma ljang gu'o/ /'od 'gro ba'i sa'i dbus su pad+ma'i mkha' 'gro/ /de'i shar phyogs kyi sgor ka ling+ka na rab bzang dang / sngo bsangs lha mo'o/ /byang du laM pA ka na rdo rje bzang dang / rab bzang ma'o/ /nub tu kaM ci na 'jigs byed chen po dang / rta rna ma'o/ /lho ru hi ma la ya na mig mi bzang dang / bya gdong ma ste/ dpa' bo dmar po/ /mkha' 'gro ma ni/ dkar mo'o/ /sbyang dka' ba'i dbus su rdo rje mkha' 'gro /de'i shar gyi sgor pre ta pu rin stobs po che dang / 'khor lo'i shugs can ma'o/ /byang du gri ha de ba ta na rdo rje rin chen dang / dum skyes ma'o/ /nub tu sau rASh+Ta na rta mgrin dang / chang tshong ma'o/ /lho ru su bar+Na dwI pa na nam mkha'i snying po dang / 'khor lo'i go cha ma'o/ /dpa' bo nag po/ mkha' 'gro ma ser mo'o/ /mngon du gyur pa'i sa'i dbus su sna tshogs mkha' 'gro /de'i shar phyogs kyi sgor na ga ra na he ru ka dang / ra ba dpa' mo'o/ /byang du sin+d+hu na pad+ma gar gyi dbang phyug dang / stobs chen ma'o/ /nub tu ma ru tan rnam par snang mdzad dang / 'khor los bsgyur ma'o/ /lho ru ku lu tA na rdo rje sems dpa' dang / brtson chen mo ste/ dpa' bo ni/ sna tshogs kyi mdog can la/ mkha' 'gro ma dud pa'i mdog can no/ /dkyil 'khor de yi phyi rol tu/ /yi dwags phreng bas yongs su bskor/ /de yi phyi rol kun rdo rje/ /zur du mkha' 'gro ma yang bri/ /mkha' 'gro ma dang lA ma dang / /dum skyes ma dang gzugs can ma| |thod pa bzhi ni mtshams su bri/ /dbus kyi dkyil 'khor mtshams su ni/ /ring du song sa mkha' 'gro ma/ /lA ma mi g.yo ba yi sa/ / legs pa'i blo gros dum skyes ma/ /gzugs can ma ni chos kyi sprin/ /sngo zhing ser la ljang ba dang / /bzhi pa dmar ba'i mdog can yin/ /khwa gdong la sogs mkha' 'gro ma| |sna tshogs mdog can yid 'phrog ma/ /gshin rje sreg sogs mkha' 'gro ma/ /phyed ni bud med dbang phyug zhal/ /dpa' bo thams cad g.yas brkyang gnas/ / phyag rgya lnga yis rnam par brgyan/ /stag gi pags pa gos su mnabs/ /mgo bo'i phreng bas rnam par brgyan/ /phyogs kyi gos 'chang skra grol ba/ /yid 'ong mkha' 'gro ma yi rigs/ /thams cad yi dwags steng du bzhugs/ /dkyil 'khor mchog ni rnam par bsgoms/ /pad+ma la gnas 'khor lo ni/ /dkyil 'khor sdom pa'i mchog yin no/ /thod pa dang ni kha T+wAM 'dzin/ /cang te'u ni phyag g.yas na/ /'di ltar mkha' 'gro ma yi gzugs/ /phyag mtshan dag gis rnam par brgyan/ /khwa gdong la sogs mkha' 'gro ma/ /lcags kyu zhags pa la sogs mtshan/ /g.yon par kha T+wAM g.yas par ni/ /ji srid zhags pa lcags sgrog dang / /dril bu yang ni de bzhin no| |gshin rje sreg sogs mkha' 'gro ma/ /me long dang ni pi wang dang / /dri dang ro ni g.yas pa na/ /g.yon pa thod pa kha T+wAM ga /dngos grub thams cad rab stsol ba'i/ /rang gi rigs kyi dbu rgyan can/ /thod pa'i steng na yang dag gnas/ /'khor lo so sor bsgoms nas ni/ /'khor dang bcas pas yongs su khyab/ /ye shes sems dpa' thugs kar blta/ /rnal 'byor kun gyi sbyor ba yis/ /ye shes 'khor lo de mthong nas/ /bsgoms pas thim par byas nas su/ /sku gsung thugs kyi ye shes kyis/ /dbang bskur nas ni rim par spro/ /oM AHbaM hUM/ 'di dag ji lta'i rim pa yis/ /srog dang stsol ba rim pas bya/ /mnyam par spros nas dbang bskur sbyin/ /ji ltar rim pa'i sbyor ba yis/ /dogs pa med par bzlas bsgom bya/ /ji ltar gsang sngags rjes mthun par/ /dam tshig can gyis bzlas pa bya/ /hUM bruM/ oM hrIM khaM baM/ oM a baM hUM/ oM shrI ma hA su khaM badzra satwa DA ki nI dzA la shaM ba raM hUM phaT swAhA/ oM shrI bud+d+ha DA ka a la la la aHhUM DA ki nI dzA la shaM bar hUM phaT swAhA/ oM shrI rat+na DA ki trAM aM a DA ki nI dzA la saM baM raM hUM phaT swAhA/ oM shrI pad+ma DA ki hrIM hrIM a huM a huM DA ki nI dzA la shaM ba raM hUM phaT swAhA/ oM shrI badzra DA ki aHhUM phaT DA ki nI dzA la shaM ba raM hUM phaT swAhA/ oM shrI bi shwa DA ki ho khaM A hUM DA ki ni dzA la saM ba ra hUM phaT swAhA/ oM khaM hUM phaT/ oM praM hUM phaT/ oM kaM hUM phaT/ oM kaM tsaM hUM phaT/ oM maM hUM phaT/ oM praM hUM phaT/ oM baM hUM phaT/ oM maM hUM phaT/ oM suM hUM phaT/ oM bi hUM phaT/ oM aM hUM phaT/ oM khaM hUM phaT/ oM baM hUM phaT/ oM laM hUM phaT/ oM baM hUM phaT/ oM truM hUM phaT/ oM aM hUM phaT/ oM aiM hUM phaT/ oM baM hUM phaT/ oM maM hUM phaT/ oM baM hUM phaT/ oM suM hUM phaT/ oM shwaM hUM phaT/ oM baM hUM phaT/ oM suM hUM phaT/ oM maM hUM phaT/ oM paM hUM phaT/ oM khaM hUM phaT/ oM maM hUM phaT/ oM tsaM hUM phaT/ oM raM hUM phaT/ oM khaM hUM phaT/ oM hUM hUM phaT/ oM shoM hUM phaT/ oM aiM hUM phaT/ oM tsaM hUM phaT/ oM haiM hUM phaT/ oM suM hUM phaT/ oM phaM hUM phaT/ oM maM hUM phaT/ oM phaiM hUM phaT| oM tsaM hUM phaT/ oM baM hUM phaT/ oM maM hUM phaT/ oM DAM hUM phaT/ oM laM hUM phaT/ oM khaM hUM phaT/ oM rUM hUM phaT/ oM kaM hUM phaT/ oM uM hUM phaT/ oM shaM hUM phaT/ oM suM hUM phaT/ oM yaM hUM phaT/ oM yaM hUM phaT/ oM yaM hUM phaT/ oM yaM hUM phaT/ 'khor la sogs pa thams cad kun/ /sgom la gnas nas bzlas pa bya/ /'khor los bsgyur drug lhan cig tu/ /mkha' 'gro mkha' 'gro ma bzlas bya/ /dam tshig chen po'i sbyor ba yis/ /dam tshig dam tshig mchog gyur pa/ /gnyis med 'khyud pa'i sbyor ba yis/ /gsang sngags bzlas na dngos grub 'gyur/ /zla drug nges te gzhan min par/ /'khor los bsgyur drug dngos grub 'thob/ /yang na rdo rje sems dpa' dang / /rnam snang rdo rje nyi ma dang / /pad+ma gar dbang rgyal po dang / /dbang phyug rta mchog he ru ka /gnas sogs pa yi sbyor ba yis/ /mkhas pas nges par bsgoms nas ni/ /rim par sbyor ba'i rim pa dang / /brgyud pa'i gnas kyi rim pa dang / /rnal 'byor ma yi bka' dag ni/ /bla ma'i brgyud pas 'thob par 'gyur/ /gzhan du sngags pa 'khor byed cing / /bka' ni nam yang mthong ma yin/ /mngon par brjod pa'i rgyud bla ma'i bla ma las/ rigs drug gi 'khor los bsgyur ba'i bka'i le'u ste nyi shu rtsa bzhi pa'o// //de nas gzhan yang bshad bya ba/ /rnal 'byor lam ni rnyed dka' ba/ /rnal 'byor ma yi sbyor snying po/ /gzhan gyi rnal 'byor rjes mthun par/ /yi ge las byung gcag car tshul| |gcig car mtshan ma phyag mtshan yin/ /gcig car rdo rje sems dpa' ste/ /bde ba chen po bla na med/ /de ru 'jug cing de yi tshul/ /gcig car he ru ka dpal mchog /ston ka'i nam mkha' dri med ltar/ /zar ma'i me tog dang mtshungs pa/ /phyag brgyad pa la zhal bzhi pa/ /'jigs shing rab tu 'jigs par mdzad/ /g.yas brkyang ba la zhabs kyis bzhugs/ /spyan gsum rnal 'byor ma yi gtso/ /zhal gdong g.yon dkar g.yas dmar te/ /steng gi zhal ni ser la mdzes dpa' bo thod pa'i phreng ba can/ /sangs rgyas lnga yi byin rlabs can/ /stag gi pags pa gos su banabs/ /mgo bo'i phreng bas rnam par brgyan/ /'jigs byed dang ni dus mtshan dag /zhabs kyis pad+mar gnon par bzhugs/ /rdo rje dril bu mnyam pas 'khyud/ /phag mo yis ni byin pas 'khril/ /gnyis mad sbyor pa mnyam ldan pas| |dbu skra grol ba phyogs gos can/ /sku mdog mnyam zhing mtshungs par ldan/ /dum bu'i rgyan gyi ska rags can/ /de yi zhal dang phyag mtshan can/ /rnal 'byor dngos grub rab tu stsol/ /thod pa dang ni kha T+wAM 'dzin/ /rgyal ba'i pags pa steng du ste/ /tho ba mdung ste gzhan du ni/ /tshangs pa'i mgo po brgyan pa la/ /zla ba phyed sa zhi ba 'dzin| |sna tshogs rdo rje dbu la brgyan/ /phyag rgya drug gis sku la brgyan/ /rdo rje mtshan ma dag gis brgyan/ /rdo rje phreng ba'i dbu rgyan can/ /'og pag dag gis ska rags byas| |dpung rgyan rdo rje mtshan pa ste/ /sngags pa'i gtso bos gsang sngags ni/ /'di ltar cho ga'i snying po shes/ /phag mo bde bar gnas pa ni/ /rgyal ba'i pags pa rnam par spangs/ /phag mo rgyal ba'i mtshan sogs las/ /cang te'u gri gug rnams kyis brgyan/ /bcom ldan 'das ni lte ba'i dbus/ /pad+ma 'dab brgyad yid 'ong ba/ / sna tshogs pad+ma mdog mdzes la/ /thams cad rnam dag mchog dam pa/ /shar gyi 'dab sogs phyogs cha la/ /mkha' 'gro ma sogs bzhi po dgod/ /shar du mkha' 'gro ma dgod cing / /byang du lA ma de bzhin te/ /nub tu dum skyes ma yin no/ /lho ru gzugs can ma yin te/ /sngo dang ser dang de bzhin dmar/ /ljang gu dag ni bzhi pa 'o/ / zhal bzhi pa la phyag brgyad pa/ /spyan gsum drag po gzi brjid can/ /skyil mo krung ni phyed par bzhugs/ /skra grol ba ni yid 'ong ba/ /phyogs kyi gos can mgo yi phreng // phyag rgya lnga yis rnam par brgyan/ /thod pa kha T+wAM ga 'dzin cing / /dril bu cang te'u gri gug dang / /de bzhin gzhu dang mda' 'dzin cing / /rdo rje mdung mchog phyag na 'dzin// snyems pa'i phyag gis gar mdzad cing / /thugs rje chags pas rnam par myos/ /sngo ba dang ni ser ba dang / /ljang gu steng gi zhal dkar po/ /ser zhing sngo la ljang ba dang // steng gi zhal gdong drag la dmar/ /dmar dang sngo dang ljang ba dang / /steng gi zhal ni dkar la zhi/ /ljang dang dmar dang sngo ba dang / /steng gi zhal ni ser po mchog /bdud bzhi bo ni zhabs kyis gnon/ /bcom ldan 'das la gdong gis lta/ /zur gyi char ni bum pa dag /ye shes bdud rtsis yongs gang ba/ /de yi steng du thong pa ni/ /byang chub 'o mas rab gang ba/ /phyi rol dam tshig gsum 'khor la/ /khang pa brtsegs pa legs par mdzes/ /shar phyogs su ni gau rI ste/ /byang du de bzhin tsau ri ma/ /nub tu rab rmongs ma yin no/ /lho ru yang ni ro langs ma/ /me la spos byed ma yin te/ /bden bral du ni gtum mo yin/ /rlung phyogs sme mo nyid yin te// dbang ldan he ru ka ma ste/ /de bzhin rnal 'byor ma brgyad ni/ /dkar mo ser la sngo ljang gu/ /skul byed dmar la sngo ljang gu/ /rab rmongs ma ni sngo ser ljang / /ro langs ma ni dkar sngo ljang / /spos byed ma ni sna tshogs mdog /dmar dang sngo dang ljang gu'o/ /gtum mo yang ni ljang sngo ser/ /sme mo yang ni dud sngo ljang / /he ru ka ma sngo ljang dmar| |'di ltar de dag thams cad kyang / /spyan gsum pa la skra grol ba/ /phyogs kyi gos 'chang gar dang bcas/ /yi dwags gdan la legs par bzhugs// phyag rgya lnga yis rnam par brgyan/ /kha T+wAM thod pa dril bu dang / /cang te'u zhags pa lcags kyu thogs/ /thams cad thod pa'i phreng bas brgyan/ /mi bskyod pa yis cod phan byas/ /'di ltar gnas dang nye gnas kyi/ /dngos grub thams cad rab tu stsol/ /'di ltar thugs kyi 'khor lo ni/ /lha mo dkar mo la sogs pa/ /rnal 'byor ma ni rab tu bshad/ /bsnyen pas bka' drin stsol mdzad de/ /thogs pa med pa'i 'bras bu 'grub/ /lha mo mkha' spyod grub nas ni/ /mkha' la spyod pa'i go 'phang rnyed/ /de yi phyi rol gsung 'khor lo/ /shar du pi paM stangs thabs ma/ /byang du gling bu'i stangs thabs ma/ /nub tu rdza rnga che stangs thabs/ /lho ru rdza rnga'i stangs stabs te/ /sngo dang ser dang dmar ljang gu/ /me sogs rdo rje bzhad ma ste/ /rdo rje sgeg mo rdo rje glu/ /rdo rje gar te dmar ba dang / /sngo dang ser dang ljang gu'o/ /de dag zhal gcig phyag bzhi pa/ /gcer bu dbu skra grol ba dang / /thod pa yi ni phreng ba can/ /spyan gsum pa la yid 'ong ba/ /thod pa dang ni kha T+wAM 'dzin/ /tsham ngam lag pa'i stangs thabs kyis/ /rdo rje dril bu stangs thabs can/ /mkhrig ma mnyam par byas nas ni/ /pad+ma bskor ba'i stangs thabs can/ /zhing dang nye ba'i zhing dang ni/ /tshan+do dang ni tshan+do ha/ /de dag 'od dpag med dbu rgyan/ /sku yi 'khor lo'i shar du ni/ /me tog ma byang bdug pa ma/ /nub tu mar me lho ru dri/ /ser dang dud ka dmar dkar po/ /me long ro dang reg bya chos/ /me phyogs la sogs mtshams bzhi ste| |zla ba'i mdog can dmar ljang dkar/ /de dag spyan ni gsum pa ste/ /gcer bu dbu skra grol ba dang / /zhabs kyis kun tu gar byed cing / /phyag tu mchod pa thogs nas ni/ /thod pa kha T+wAM ga 'dzin cing / /cang te'u ni phyag ni bsnams/ /thod pa yi ni phreng ba can/ /lha mo de dag 'du sa dang / /nye ba'i 'du sa dur khrod dang / /nye ba'i dur khrod dag yin te/ /rnam par snang mdzad dbu rgyan byas/ /sgo rnams rdo rje lcags kyu dang / /rdo rje zhags pa rdo rje sgrog /rdo rje dril bu de bzhin te/ /sngo dang ljang dang dmar dang ser/ /shar dang byang dang nub dang ni/ /lho yi phyogs kyang de bzhin no/ /me la sogs pa'i mtshams su ni/ /gshin rje sreg la sogs pa dag /dmar dang sngo dang dud ka ser/ /thod pa dang ni kha T+wAM ga /rang gi mtshan ma cang te'u dang / /gri gug dang ni mgo bo 'chang / /spyan gsum dbu skra grol ba ste/ /gcer bu gar gyis gnas pas bzhugs/ /thams cad phyag rgya lnga yis brgyan/ /thod pa yi ni phreng ba can/ /rang gi rigs kyi cod pan can/ /ji lta'i rim pas rjes su gnas/ /de yi snying gar ye shes sems/ /sku gsung thugs kyi 'khor lo gsum/ /gtso bo'i bdag po bsgom par bya/ /dkar dang dmar dang sngo ba yod| |dpa' bo rnal 'byor ma lhan cig /ji lta bu yis bsgoms pa ni/ /rjes su bstan pa'i sgom pa las/ /ye shes lcags kyu dag gis ni/ /ye shes 'khor lo bkug nas ni| |ji ltar rim pas mchod dbang bskur/ /gcig tu bsdus te bstims nas su/ /ji lta'i rim pa bsgoms nas su/ /ye shes bzlas pa dag kyang bya/ /spro bsdu srog dang rtsol ba yis| |'thor 'thung rim pas byas pa yis/ /slob dpon gyis ni bzlas pa bya/ /oM AHhUM hUM/ 'di lta bu yi rim pa yis/ /grangs med par ni byas nas su/ /ji srid skyo bar ma gyur par/ /gong gi dam tshig 'khor lo ni/ /mnyam par bzhag ste bzlas pa bya/ /dung chen phreng ba blangs nas ni/ /sdom pa mchog gi bzlas pa bya/ /oM AHhUM/ oM shrI badzra he he ru ru kaM huM hUM phaT DA ki nI dzA la saM ba raM swAhA/ oM badzra bA ra hi huM hUM phaT/ oM DA ki nI ye huM hUM phaT/ oM lA me huM hUM phaT/ oM khaN+Da ro he huM hUM phaT/ oM rU pi NI ye huM hUM phaT/ oM gau rI huM hUM phaT/ oM tsau rI huM hUM phaT/ oM pA ma he huM hUM phaT/ oM pai tA li huM hUM phaT/ oM puk+ka si huM hUM phaT/ oM tsaN+Da li huM hUM phaT/ oM g+hasma ri huM hUM phata/oM he ru ka san+ni b+ha huM hUM phaT| oM badzra bi ne huM hUM phaT/ oM badzra baM she huM hUM phaT/ oM badzra mr-i daM ge huM hUM phaT/ oM badzra muM ra dze huM hUM phaT/ oM badzra hA s+ye huM hUM phaT/ oM badzra lA s+ye huM hUM phaT/ oM badzra gI te huM hUM phaT/ oM badzra nri t+ye huM hUM phaT/ oM badzra puSh+pe huM hUM phaT/ oM badzra d+hu pe huM hUM phaT/ oM badzra dI pe hUM hUM phaT/ oM badzra gan+d+he huM hUM phaT/ oM rU pa badzri huM hUM phaT/ oM ra sa badzri huM hUM phaT/ oM spaR+Sha badzri huM hUM phaT/ oM d+harma d+ha tu badzri huM hUM phaT/ oM badzra aM ku sha dzaH huM hUM phaT/ oM badzra pA sha huM hUM phaT/ oM badzra s+pho Ta baM huM hUM phaT/ oM badzra A be sha hoH huM hUM phaT/ oM ya ma dA D+hi ye huM hUM phaT/ oM ya ma dU tI ye huM hUM phaT/ oM ya ma daMSh+Ti NAM ye huM hUM phaT/ oM ya ma ma tha nI ye huM hUM phaT| dam tshig can gyis tshig dag pas/ /mos pa'i yid kyis rtag tu bzla/ /nang gi bdag nyid sbyor ldan pas/ /shes rab thabs kyi bdag nyid can/ /rang gi thabs dang rigs pa'i lus/ /gnyis su med par mnyam pa'i bdag /khro bo sprul pa'i tshogs spros pas/ /'gro ba gsum po bcas par ni/ /he ru kar ni byas nas kyang / /sa rnams gsum po ma lus par/ /thams cad der ni bsdus nas kyang / /sku gsung thugs la rnam par gnas/ /'di ni rnal 'byor cho ga ste/ /'khor lo sgom pa'i bzlas pa 'o/ /rang gi lha yi sbyor ba yis/ /rgyu dang mi rgyu mthong ba na/ /dam tshig can nyid langs dus su/ /de bzhin gshegs pa thams cad dang / /dpa' bo dang ni rnal 'byor ma/ /mkha' 'gro dang ni mkha' 'gro ma/ /kun gyis gsol ba gdab par bya/ /khro bo bde ba'i dgyes pa yi/ /longs spyod las ni byung ba yi/ /rab rmongs ma yis bsnyen byas nas/ /bde ba'i sbyor ba la zhugs te/ /ra ma he nad+Ta Na su ra A ma hA su hU ba ra dzo i ni ka ma la su hu/ a la la la ho/ /su ra a ut+ta ma ma hUM/ ma hA sidz+dza/ u ma dzo i ni dza la ma ho/ /a I/ A a ra ho/ /a ru he byi nu su ba ya nA he/ su ra a su hu de hi ba ra TA i ni/ dza la su hU bi sa pha na ta ro Na Na pa de hi ma hA su hU ma dz+dza mu hU mo k+Shu pa la ga kha u/ tut+tu sa hU na i su hUM/ badz+dzi u mo khu su hUM/ i na i du/ kha la tha i mo khu su hu/ ba su i paM ka u mdza ta nu na ba rA/ A pa da triM/ b+hu dza ta nu muny+ma hA su hU/ i la daR+pa ya/ u ma hU/ a ra bI a gi a paM u ra su/ 'di yis mgon po bskul na ni/ /dkyil 'khor dngos grub nges pa ste/ /snyan cing 'jam pa'i mgrin pa'i dbyangs/ /dpyid kyi rgyal po'i glu blangs pas/ /mkha' 'gro'i dra ba dri med rnams/ /gzigs shing las kun mdzad pa yin/ /rdo rje pad+ma yid 'ong ma/ /sbyor pas dngos grub thams cad 'grub/ /dgyes pa 'di yis bskul na ni/ /bde ba chen po stsol ba yin/ /sbyor ba yi ni dus dag tu/ /rdo rje can gyis rab tu sbyar/ /thog ma dbus dang mthar thug par| |yi ge brgya pa'i gsang sngags bzla/ /'khor lo dag ni brtan byas te/ /dpa' bo dang ni mkha' 'gro ma/ /'di ni kun gyi gsang sngags te| |khro bo sangs rgyas de bzhin gshegs/ /thams cad snying gar brtan byas te/ /bsgoms pas thams cad brtan par 'gyur/ /gal te bdag nyid dngos grub 'dod| |dngos grub thams cad gnas pa yin/ /oM badzra he ru ka sa ma ya ma nu pA la ya badzra he ru ka /twe no pa tiSh+Tha/ dri D+ho me b+ha ba/ su toSh+yo me b+ha ba/ a nu rak+to me b+ha b+ha ba| |su po Sh+yo me b+ha ba/ sarba sid+d+hi m+me pra yats+tsha/ sarba karma su tsa me tsit+taM shri yaH ku ru hUM/ ha ha ha ha ho/ /badzra he ru ka mA me muny+tsa he ru ka b+ha ba/ ma hA sa ma ya satwa aH hUM phaT swAhA/ 'di ni bcom ldan kun khyab cing / /yi ge brgya pa mchog gyur pa/ /he ru ka mchog rang nyid yin/ /phyir zlog pa ni gang yin pa/ /bcu drug 'dab ma la bkod cing / /rjes su bstan pa'i dkyil 'khor kun/ /bdag gis bsgoms shing brtan par bya/ /rang gi lha yi sbyor ba yis/ /ji ltar bde bar gnas par bya/ / rnal 'byor 'di 'dra bsgoms na ni/ /khams gsum pa yang mthong 'gyur te/ /bdag nyid dpa' bo'i mtshan nyid de/ /de ltar srid ba'ang stong pa yin/ /bsgoms bas bdag nyid yang dag gnas/ /'dir ni dka' thub bshad pa med/ /phreng ba med cing sngags kyang med/ /gzungs dang sbyin sreg las rnams dang / /cho ga'i rim pa'i gzhi yang med/ /rnal 'byor phyag rgya byed pa'ang med/ /g.yas brkyang zhabs kyi rim pa'ang med/ /rdo rje chen po dngos 'dzin pa/ /rang byung dngos grub kun mdzad pa/ /'gog pa nyid kyang mdzad pa med/ /bdag nyid bdag gis mchod par bya/ /zla ba'i dkyil 'khor gang ba ni/ /lte ba'i dbus su rnam par bsgom/ /yi ge gnas kyi mchog gyur pa/ /lha yi gzugs su sgom pa ni/ /de yi dbus su rnam par bsam/ /sku gsung thugs ni 'dus pa can/ /de yi lus las 'das gyur te/ /sems kyi dngos kyang btsal du med// chags pa med cing chags bral med/ /chags bral dang ni ldan gyur pa/ /snying gi pad+ma'i dbus su ni/ /brtags pas legs par rnyed pa ni/ /yid kyis ngal bsos byas pa ste| |rnal 'byor ma kun bud med yin/ /phyag rgya mchog tu bshad pa 'o/ /zla ba'i steng du brgya phyed rgyan/ /ye shes sems ni bsam pa ni/ /mchog ste spyad par bya ba med/ /bla ma'i man ngag lam dang ni/ /sems ni mchog tu 'bar ba yis/ /'di ltar zhi ba'i gnas de ni/ /'jig rten du mas ma rtogs te/ /sbyor dang sbyor ba bral byas nas/ /go 'phang gcig bus khyab pa yin/ /'di ltar byang chub 'bras bu rnyed par dka' ba ste/ /dang por dbyangs kyi yi ge las byung gzhan du yang / /steg dan gzhung lugs log pa'i blo gros de nyid ni/ /ma ning shes rab long ba gzugs bzhin 'bras bu med/ /mngon par brjod pa'i rgyud bla ma'i bla ma las/ /sku gsung thugs kyi gnas kyi rim pa'i le'u ste nyi shu rtsa lnga pa'o// //de nas sbyor ba bshad bya ba/ /thod pa sangs rgyas mchog dam pa/ /de nyid sbyor ba kun gyi mchog /dngos grub thams cad rab stsol ba/ /gsang ba legs par sba bya zhing / /gang gis su la 'ang mi bstan to/ /de nyid mchog gi sgom pa gzung / /rnal 'byor ma yi snying la gnas// gsang ba bstan par sba bya zhing / /bla ma'i ngag ni bsgom par bya/ /dur khrod gnas ni yid 'ong ba/ /sgrub pa po yis nges bstan pa/ /bskyed pa'i rim pa'i sbyor ba yis/ /sa dang gnas kyi rim pa dang / /rdo rje lte ba'i dbus su ni/ /yi ge hUM ni bsgom par bya/ /de yis khyab par bdag nyid ni/ /sangs rgyas thod pa can gyi mchog /gnas med zhi zhing dag pa ste/ /rtog pa thams cad rnam spangs yin/ /A li kA li las rang byung / /gnyis med mchog tu zhi ba ste/ /phyag gnyis pa la zhal gcig pa/ /phyag rgya drug gis rnam par brgyan/ /'dzam bu'i mdog can mnyam pas khyab/ /'od zer phreng bas kun tu 'khrigs/ /thod ba'i phreng ba'i dbu rgyan can/ /spyan gsum pa la bzhad pa'i zhal| |sems dpa' kun gyi sgom pa ste/ /gnyis med chos ni bla na med/ /stag gi pags pa gos su banabs/ /na ra'i pags pa steng du brkyang / /thod pa dang ni kha twAM 'dzin/ / g.yas pa mi 'jigs phyag rgya can/ /sangs rgyas lnga yi dbu rgyan can/ /mgo bo'i phreng bas rnam par brgyan/ /de yi phyag g.yon thod pa ni/ /rkang gis rab tu gang ba dang / sems can kun gyi don gyi phyir/ /ye shes 'chi med lngas bsres pa/ /kha T+wAM ga ni lha'i rnal 'byor/ /thod pa dpa' bo rnal 'byor ma/ /g.yas pa mi 'jigs dag pa ste/ /'jigs pa ma lus mi 'jigs grol/ /gdug cing 'jigs pa ma lus kun/ /'dir ni zhabs kyis gnon par mdzad/ /gdug pas 'jigs pa thams cad spong / /zla ba phyed pa zhi ba 'dzin| |sna tshogs rdo rje dbu la mtshan/ /rdo rje phreng bas dpral ba mdzes/ /rkang rgyan yid 'ong rgyan cha can/ /sna tshogs pad+ma 'dab brgyad kyi/ /lte ba'i dbus nas bzhengs pa ni// 'jigs byed dang ni dus mtshan dag /chags pa zhe sdang zhabs kyis gnon/ /ye shes sems dpa' de gzugs can/ /yi ge bruM las byung bar bsgom/ /thugs kyi 'khor lo snying ga ru/ /he ru ka ni rnam par bsgom/ /gsung gi 'khor lo kha la bsgom/ /sku yi 'khor lo snga ma bzhin/ /sngo dang dmar dang dkar ba dang / / phyag drug pa la zhal gsum pa/ /rdo rje dril bu mnyam par ldan/ /spyan gsum pa la bzhin rnam sgyur/ /thod pa dang ni kha T+wAM 'dzin/ /rtse gsum pa dang thod pa 'chang / /rang rig lus dang yang dag 'dus/ /bde ba chen po'i go 'phang gnas/ /dkyil 'khor bzhi yi dbus dag tu/ /yi ge gsum sogs las byung ba/ /thod pa'i phreng ba'i dbu rgyan can/ /rang gi mtshan ma'i mchog dang ldan/ /gnas la sogs pa'i rim sbyor ba/ /sdom pa gsum gyi mchog dam pa/ /mkha' 'gro ma dang lA ma dang / /dum skyes ma dang gzugs can ma/ /pad+ma'i phyogs kyi gnas la dgod/ /thod pa bzhi po mchog yin te/ /mkha' 'gro ma ni kha dog ser/ /lA ma pa la sha yi mdog /dum skyes ma ni sngon po ste| |gzugs can ma ni dmar la 'bar/ /thod pa dang ni kha T+wAM 'dzin/ /g.yas pa mi 'jigs mchog yin te/ /sgo rnams su ni lha mo bzhi/ /khwa gdong la sogs mkha' 'gro ma| |sngo dang ser dang de bzhin dmar/ /ljang gu drag po'i gzugs can no/ /mtshams su gshin rje sreg la sogs/ /rab 'jigs shin tu 'jigs pa ste/ /thod pa dang ni kha T+wAM 'dzin/ /mi 'jigs mchog kyang de bzhin te/ /cang te'u dang ni gri gug nyid/ /bdud ni bzhi po'i steng na bzhugs/ /spyan gsum pa la skra grol ba/ /phyogs kyi gos mchog 'dzin pa ste/ /thod pa'i phreng ba'i dbu rgyan can/ /phyag rgya lnga yis rnam par brgyan/ /me long ro dang dri dang ni/ /reg gi mchod pa bzhi po ste/ /sa bcu dag ni rim pa dang / /sku gsung thugs kyi sbyor ba yis/ /phyi dang nang gi chos rnams kun/ /byang chub phyogs kyis rnam par dag /ka la sogs pa nyi shu bzhi/ /mgo la bin+dus mnan pa ste/ /gsal byed hUM gnyis dang yang sbyar/ /mthar ni phaT dang rab tu sbyar/ /dpa' bo kun gyi gsang sngags ni/ /'dod pa'i 'bras bu thams cad ster/ /gsal byed mkha' 'gro ma yi ming / / mthar ni hUM hUM phaT yin te/ /'di ltar rab gtum mkha' 'gro ma/ /sngags kyi de nyid bde ba ster/ /sku gsung thugs kyi rdo rje ni/ /hUM AHoM/ 'di ni rab tu gsang ba ste/ /pad+ma'i 'dab la mkha' 'gro ma/ /gsal byed ma ning dang bcas pa/ /hUM ni gnyis pa nyid yin te/ /mkhas pas mthar ni phaT dang sbyar/ /kha gdong la sogs gsang sngags ni/ /ya ra la wa| gsal byed dang ni bcas pa ste/ /mthar ni hUM dang phaT dang sbyar/ /gshin rje sreg ma la sogs pa/ /sha Sha sa ha/ gsal byed dang ni hUM gnyis dang / /phaT kyang de bzhin sbyar bar bya/ /dbus su sangs rgyas thod pa yi/ /gsang sngags de bzhin rjes su dran/ /oM aM AM/ iM IM/ uM UM/ e ai/ aM aH Sha swA hA khams dang phung po skye mched la/ /go cha rnams ni sbyar bar bya/ /ye shes 'khor lo dam tshig dang / /mnyam pa'i ro yis mchod par bya/ /mchod pa bzhi po'i gsang sngags rnams| |rang ming gsal byed hUM byas te/ /'di ltar dkyil 'khor dag dang sbyar/ /sangs rgyas thod pa las byung ba/ /rdo rje rgyan ni bgos pa ste/ /thams cad rim pa bzhin du sbyar| |'thor 'thung du ni rab sbyar bas/ /gsang ba bzhi po bzla bar bya/ /spro dang bsdu ba'i sbyor ba yis/ /'khor lo gsum gyi rim pa dang / /'dir ni cho ga'i sbyor ba yis| |dus bzhi dag tu sbyar nas su/ /dam tshig 'khor lo'i bzlas pa bya/ /dam tshig mchog ni dngos grub 'gyur/ /dam tshig can gyi gsang sngags kun/ /sangs rgyas thod pa mchog yin te/ /mnyam par ma bzhag sbyor ba yis/ /'di ltar thams cad rab tu brtag /dam tshig rtag tu bskyang bya zhing / /ye shes 'chi med lnga yi mchog/ yang na rang ming bzlas pa bya/ /sngags kyi de nyid bzlas par bya/ /oM shrI bud+d+ha ka pA li bruM AH hUM DA ki nI dzA la shaM ba raM hUM phaT swAhA/ 'di ni yid 'ong sbyor ba'i mchog /rnal 'byor ma yi ye shes mchog /gang du dam tshig nyams pa la/ /sbyor ba 'di ni sbyin par bya/ /zhi bar gyur nas bla med pa/ /rnal 'byor me yis dbang yang bskur/ /dus bzhi dag tu rim pa yis/ /phyi dang nang gi chus khrus bya/ /yang na dam tshig sdom pa blang / /bla ma la ni gsol ba gdab/ /bdag ni mi shes rmongs pa ste/ /dam tshig las ni 'gal zhing nyams/ /bla ma mgon pos skyabs mdzod cig /gtso bo rdo rje 'dzin pa ste/ /thugs rje chen po'i bdag nyid can/ /'gro ba'i gtso la skyabs su mchi/ /des ni the tshom med byas nas/ /nges par dngos grub can du 'gyur/ /mngon par brjod pa'i rgyud bla ma'i bla ma las/ dam tshig las ldang ba sangs rgyas thod pa bskyed pa ste le'u nyi shu rtsa drug pa'o// //de nas gzhan yang bshad bya ba/ /gsang ba'i de nyid rnyed dka' ba/ /gsang sngags kun ni bskyed pa dang / /'gro ba'i gnas dang 'gro ba dang / /rnal 'byor ma dang dpa' bo kun/ /sangs rgyas rnams kyi gnas mchog yin/ /mi zad gnyis med rnam par dag /thog ma dbus mthar dri ma med/ /a yi ye shes las byung ba/ /rdo rje sems dpa' bde ba che/ /zhal gsum phyag drug zhi ba ste/ /spyan gsum pa la thugs rje'i nyams/ /phyag rgya che dang yang dag ldan/ /rang bzhin dag cing dri ma med/ /ral pa zla phyed dbu la brgyan/ /sna tshogs rdo rjes dbu la mtshan/ /thod pa'i phreng ba'i dbu rgyan can/ /sangs rgyas lnga yis rnam par brgyan/ /sems dpa' skyil mo krung gis bzhugs/ /phyag rgya drug gis rnam par brgyan/ /rdo rje dril bu mnyam par ldan/ /ral gri lcags kyu phyag na bsnams/ /rin chen zhags pa mdzes pa 'dzin/ /dngos grub thams cad rab tu stsol/ /dkar dang sngo dang dmar ba'i zhal/ /rnam thar gsum gyi gnas kyi mchog /ye shes sems dpa' snying ga ru/ /'khor lo gsum gyi mchog kyang sgom/ /hUM las thugs kyi 'khor lo ste/ /de yi phyag mtshan sngon po dang / /AH las gsung gi 'khor lo ste/ /de yi phyag mtshan dmar po 'o/ /oM las sku yi 'khor lo ste/ /de yi phyag mtshan dkar po yin/ /dpa' bo rnal 'byor ma mnyam sbyor/ /sku gsung thugs ni dri ma med/ /raM las phyag rgya chen po ste/ /lte ba'i dbus su rnam par bsam/ /i las b+ha ga pad+ma ste/ /byang chub zla ba dri ma med/ /u ni snying gar bsam pa ste/ /e ni mgo la rnam par dgod| |e ni spyi gtsug dag tu dgod/ /aM ni mig tu dgod pa ste/ /i ni go char byas nas su/ /a ni mdun gyi mtshon cha'o/ /l-i las lha mo spyan yin te/ /r-i las dam tshig sgrol ma yin/ /l-I las lha mo gos dkar mo/ /r-I las rin chen yang dag 'byung / /rin chen sgron dang ye shes sgron/ /dkar zhing pa la sha yi mdog /dmar zhing dzam bu chu bo'i mdog /zhal gsum pa la phyag drug pa/ /spyan gsum dgyes pas rnam par myos/ /thams cad phyogs kyis gos can te/ /rang gi thabs dang mnyam par ldan| |'khor lo sna tshogs rdo rje dang / /pad+ma dmar po rin chen dang / /rdo rje dril bu lhan cig sbyar/ /'dod pa thams cad rab tu stsol/ /ral gri mda' dang lcags kyu 'dzin// gzhu ni 'gugs par 'dzin pa ste/ /mtshan rnams thams cad yongs su rdzogs/ /thod pa yi ni cod pan can/ /sna tshogs pad+ma'i dbus su ni/ /sems dpa'i skyil mo krung du bzhugs/ /de dag sgo ru dgod pa ste/ /dbus su gtso bo'i zla ba'i gdan/ /zur la mchod pa rnam pa bzhi/ /phyogs kyi gos can skra grol ba/ /zhal gsum pa la phyag drug pa// sbyan gsum thod pa'i phreng ba can/ /me long dang ni pi wang dang / /dri dang dung dang bcud kyis len/ /chang gi btung ba lag pas mchod/ /gzhan du ji ltar bdag po bzhin/ /rgyan rnams thams cad yongs su rdzogs/ /skyil krung phyed par legs par bzhugs/ /lag pa snyim pa'i thal mo yis/ /mchod pa lag tu thogs nas ni/ /'di lta'i cho gas thams cad mkhyen/ /A li de nyid dri ma med/ /gsang ba mchog ni rnyed dka' ba/ /rdo rje sems dpa' bshad pa yin/ /sngags kyi de nyid cho ga dag /sku gsung thugs su yang dag sbyar/ /oM shrI ma hA su kha badzra sa twa a AH hUM DA ki nI dzA la shaM ba raM swAhA/ oM sid+d+hi lo tsa nI li AH hUM swAhA/ oM sa ma ya tA re tut+ta re tu re r-i AH hUM swAhA/ oM pad+mo d+d+ha we pAN+Da ra ba si ni si li AH hUM swAhA/ oM rat+na ku la ke ka rat+na dzA li nI r-I AH hUM swAhA/ oM rU pa badzri bruM/ oM shab+da badzri hUM/ oM gan+d+ha badzri khaM/ oM ra sa badzri hrIH/ thams cad mkhyen pa dbang phyug mchog /b+ha ga'i dbus su gnas par bsgom/ /A li rdo rje gsang ba ste/ /sems can kun gyi snying la gnas/ /gang gis dngos po kun gsang ba/ /de yi gsang ba bshad pa yin/ /rnal 'byor pa yis dus bzhi ru/ /bzlas dang bsgom par ldan par bya/ /som nyi thams cad spangs nas ni/ /sems dpa' chen po brtson 'grus brtan/ /ye shes 'khor lo mthong nas ni/ /dam tshig can gyis mchod dbang bskur/ /de dag gcig tu bstims nas su/ /spro dang bsdu ba'i sbyor ba yis/ /khams gsum dag ni ma lus pa/ /thams cad rdo rje 'dzin lta bu/ /'das pa dang ni da ltar dang / /ma 'ongs pa yi du sa gsum po/ /de ltar sems can gsum pa la/ /rdo rje sems dpa'i go 'phang gnas/ /lhan cig skyes dga' dag pa'i bdag /thog ma med pa'i mchog yin no/ /mngon par brjod pa'i rgyud bla ma'i bla ma las/ rdo rje sems dpa' bskyed ba'i le'u ste nyi shu rtsa bdun pa'o// //de nas mchog gi cho ga bshad/ /'jam pa'i rdo rje sgrub pa ni| |maM gyi ye shes las byung ba'i/ /'jam pa'i rdo rje bde ba che/ /zhal drug phyag drug zhi ba ste/ /sku mdog dkar bo dri ma med/ /spyan gsum rdo rje skyil krung can/ /phyag rgya drug ni 'bar bas brgyan/ /mi bskyod pa yi cod pan can/ /thod pa'i phreng bas rnam par brgyan/ /zla ba che ba zhi ba 'dzin/ /ral pa'i thor tshug ba cings pa ste/ /dkar dang sngo dang dur smrig nyid/ /ser dang ljang gu de bzhin te/ /steng gi zhal ni zhi ba ste/ /lha yi dngos grub 'bras bu stsol/ /rdo rje dril bu mnyam par ldan /ral gri po ti 'dzin ba ste/ /ut+pa la dang lcags kyu nyid/ /ye shes lus can rnam par bsgom/ /sku gsung thugs kyi snying po ni/ /'khor lo'i dbus su rnam par bsgom/ /sngar bshad gnas kyi sbyor ba yis/ /ji ltar rdo rje sems dpa' ltar/ /gsang sngags 'di ni rjes su dran/ /'jam pa'i rdo rje gsang ba ni/ /gsang gsum ye shes dam tshig can/ /dpa' bo rnal 'byor ma sbyor bya'o/ /oM shrI ma hA su kha many+dzu badzra a maM hUM DA ki nI dzA la saM ba raM swAhA/ rang gis dbang bskur byas nas ni/ /brtul zhugs chen po gsang sngags bzla| |gsang gsum 'khor lo spros nas ni/ /khams gsum dag ni bsdu bar bya/ /'di ni mchog tu gsang ba ste/ /gang gis su la'ang bstan mi bya/ /mngon par brjod pa'i rgyad bla ma'i bla ma las/ 'jam pa'i rdo rje sgrub pa'i le'u ste nyi shu rtsa brgyad pa'o// //de nas gzhan yang bshad bya ba/ /yi ge dgu pa sgrub pa ste/ /k+Sha yi ye shes las byung ba/ /gdug pa thams cad za byed pa/ /za byed mkha' 'gro za byed cing / /rnam rtog zos shing zad par byed/ /mkha' mnyam stong pa las byung ba// nam mkha'i longs spyod za byed cing / /zhal drug phyag ni bcu gnyis pa/ /spyan gsum pa la zhal rnam sgyur/ /g.yas brkyang pa yi zhabs kyis bzhugs/ /gdug pa'i bdud ni za byed cing / /'jigs byed dang ni 'jigs byed ma'o/ /khas bub zhabs kyis mnan par bzhugs/ /stag gi pags pa gos su mnabs/ /mgo bo'i phreng bas rnam par brgyan/ /thod pa'i phreng ba'i dbu rgyan can/ /zla ba'i phyed pas nye bar mdzes/ /sna tshogs rdo rje ral pa mnan/ /phyag rgya drug gis sku lus brgyan// zhal gyi mche ba rnam par gtsigs/ /'jigs byed rab tu cher 'jigs shing / /sngo dang dung ka ljang gu dang / /dmar dang lnga pa ser po 'o/ /drug pa dag ni bong bu'i mgo /steng gi zhal gdong rab tu 'jigs/ /thal ba sprin gyi mdog can la/ /gdug pa thams cad rab 'joms ma/ /rdo rje dril bu mnyam par ldan/ /dgyes pa'i longs spyod longs spyod cing / /dpang du rdo rje phag mo ni/ /de mdog steng zhal phag mgo ste/ /gnyis su med par mnyam par ldan/ /skra grol ba dang phyogs gos can/ /byin pa gnyis kyis mnyam par 'khril/ /thugs rje'i chags pas rnam par myos/ /thod pa kha T+wAM ga 'dzin cing / /tshangs pa'i pags pa mnabs pa ste/ /rdo rje mdung dang cang te'u dang / /gri gug zhags pa mgo bo dang / /phyag tu ral gri 'phyar ba ste/ /drag po gdug pa kun 'joms pa/ /snying gar ye shes mkha' 'gro ni/ /kha gdong la sogs yongs kyis khyab/ /'khor lo 'dab brgyad dbus dag tu/ /g.yon nas g.yas su bskor nas ni/ /dur khrod dang ni nye dur khrod/ /mkha' 'gro mchog ni dgod par bya/ /yaM raM laM waM/ shaM ShaM saM haM/ ye shes 'khor lo mkha' 'gro dgod/ /zhag bdun bar du bsgoms nas ni/ /gang yang thun ni bzhi yi rim/ /chu 'gram dang ni dur khrod du/ /bsgoms pas dngos grub nges par rnyed// 'phrog pa dang ni gsod byed cing / /gang du las ni ci 'dod pa/ /mkha' 'gro ma yi 'khor los 'grub/ /las 'dir yid gnyis dpyod pa med/ / sngo dang pa la sha yi mdog /dmar dang bzhi pa ser po ste/ /gshin rje sreg sogs bzhi po ni/ /sna tshogs mdog can mdzes pa'i zhal/ /dmar dang sngo dang dud ka ste// zhal mdog dkar po mchog tu mdzes/ /thams cad sbyan gsum pa yi zhal/ /skra grol ba la phyogs gos can/ /khwa gdong g.yon dang g.yas kyi zhal/ /'ug gdong zhal yang de bzhin te/ /gsum pa khyi yi zhal gdong yin/ /bzhi pa phag gi zhal gdong ste/ /g.yon dang g.yas pa'i zhal gdong ni/ /drag po'i gzugs can cho ga bzhin| |gshin rje sreg sogs zhal gdong ni/ /g.yon dang g.yas pa gnyis de bzhin/ /thug ri rnga mo rta dang ni/ /seng+ge ra dang glad ma he/ /gzhan yang dom gyi zhal yin te| |thams cad kyang ni mnyam par bya/ /thod pa dang ni kha T+wAM 'dzin/ /zhags pa lcags kyu phyag na bsnams/ /dril bu cang te'u gri gug dang / /thod pa'i phreng ba'i dbu rgyan can/ /phyag rgya lnga yis rnam par brgyan/ /yi dwags gdan la gar gyis bzhugs/ /mi 'u thung la skyes gnas ring / /mche ba rnam par gtsigs pa'i zhal| |thugs rje'i ro yis rnam par myos/ /sku gsung thugs kyi gsang ba ni/ /sgom zhing rab tu bsgom par bya/ /hUM AH oM/ /'di ni gsang bar bshad pa ste/ /rdo rje pad+ma 'khor lo dbus/ /ye shes mkha' 'gro snying ga ru/ /mkha' 'gro'i yi ge'i 'khor lo ni/ /ye shes 'khor lo de mthong nas/ /mchod cing thim par rnam par bsgom/ /mnyam par bzhag nas yi ge rnams/ /srog dang rtsol bas gsang sngags bzla/ /rang gis 'thor 'thung byas nas su/ /gsang ba gsum gyi ye shes spro/ /oM shrI k+Sha DA ki nI dzA la sa ba raM huM hUM phaT swAhA/ thog mar gsal byed ming dang hUM/ /mthar ni phaT dang rnam par sbyar/ /mkha' 'gro zla bas bshad pa yi/ /'dod pa'i 'bras bu thams cad stsol/ /mchog 'di dag ni gsang ba ste/ /su la yang ni sbyin mi bya/ /zhag bdun gyis ni dbang 'gyur te/ /rtse gcig pa yis bsgoms nas ni/ /'khor lo gsum gsang mkha' 'gro ma'i/ / dngos grub myur du thob par 'gyur/ /nges par brjod pa'i rgyud bla ma'i bla ma las/ k+Sha'i mkha' 'gro sgrub pa'i le'u ste nyi shu rtsa dgu pa'o// //de nas mchog tu bshad bya ba/ /A li mkha' 'gro sgrub pa ste/ /A li ye shes las byung ba/ /A li mkha' 'gro mchog dam pa/ /zhal brgyad pa la phyag bcu drug /spyan gsum 'jigs pa rab 'jigs pa/ /zhal gyi mche ba rnam par gtsigs/ /g.yas brkyang ba yi zhabs kyis bzhugs/ /zla ba phyed pa ral pa 'chang / /thod pa'i phreng bas rnam par brgyan/ /sna tshogs rdo rjes spyi gtsug mnan/ /dpral ba la ni rdo rje phreng / /stag gi pags pa gos su mnabs/ /phyag rgya drug gis sku la brgyan/ /rnam par rtog pa 'jigs byed nyid/ /sred dang phrag dog dus mtshan nyid/ /zhabs kyi 'og tu gnon par mdzad/ /gdul dka' thams cad 'dul mdzad cing / /bgegs kyi mgo bo'i phreng ba can/ /sna tshogs mdog can legs par mdzes/ /dkar ba'i mdog can sked pa phra/ /lha yi gzi brjid 'bar ba can/ /sngo zhing ser la dud ka dang / /g.yas pa'i zhal yang de bzhin te/ /ljang gu dmar dang ser skya ste/ /g.yon pa'i zhal yang sna tshogs mdzes/ /steng gi thal kha sprin mdog zhi/ /chags shing rjes su chags pas lta/ /thugs rje'i ro ni yang dag rdzogs/ /sku lus ldem zhing 'dzo bag can/ /A li mkha' 'gro ma yi sku/ /phyag gnyis pa la gcer bu'i lus| |thod pa'i phreng bas dbu la brgyan/ /skra grol ba yis rnam par myos/ /spyan gsum nag po 'jigs pa can/ /de yi mdog can ska rags can/ /byin pa gnyis kyis legs par 'khril/ /gnyis med sbyor bas yang dag gnas/ /rdo rje dril bu yang dag ldan/ /lha mo'i ku tsa 'tshir ba'o/ /ji ltar mkha' 'gro'i phyag rgya ltar/ /mkha' 'gro ma yang de bzhin sbyar/ /phyag gnyis dag ni brkyang ba la/ /khyab 'jug pags pa mnabs pa yin/ /thod pa dang ni kha T+wAM 'dzin/ /ral gri dang ni thod pa 'chang / /mdung rtse gsum pa cang te'u nyid/ /dgra sta lcags gyu de bzhin te/ /zhags pa tshangs pa'i mgo bo dang / /gri gug dang ni 'khor lo nyid/ /snying gar rtsibs ni bcu gnyis pa'i/ /'khor lo'i rgyal po legs par mdzes/ /de yi lte ba'i dbus su ni/ /ye shes mkha' 'gro rnam par bsgom/ /de mdog zhal dang 'dug stangs dang / /phyag dang phyag rgya de bzhin te| |shar du dam tshig mchog ces bya ba'i rdo rje mkha' 'gro ma yi ge a'i rigs las byung ba'o/ /byang phyogs su sna tshogs mchog ces bya ba'i mkha' 'gro ma yi ge I las gyur te bzhugs pa'o/ /nub phyogs su nam mkha'i mchog ces bya ba'i mkha' 'gro ma yi ge e dang sbyar bar bya'o/ /lho phyogs su gnas kyi mchog ces bya ba'i mkha' 'gro ma yi ge ai las yang dag par bzhugs pa'o/ /me'i phyogs la sogs pa'i mtshams rnams su mkha' 'gro ma bzhi po dgod par bya ste/ thog ma che ba'i mchog ce bya ba'i mkha' 'gro ma yi ge u dang sbyar bya'o/ /bden bral du drag po mchog ces bya ba'i mkha' 'gro ma yi ge U dang sbyar bar bya'o/ /rlung gi phyogs su dpa' bo'i mchog ces bya ba'i mkha' 'gro ma yi ge o dang sbyar bar bya'o/ /dbang ldan du khro bo'i mchog ces bya ba'i mkha' 'gro ma yi ge au dang sbyar bar bya'o/ /de bzhin 'dis ni mtshams bzhi ru/ /dbang ldan la sogs phyogs dgod pa/ /yi ge ri las dngos grub kyi mchog ces bya ba'i mkha' 'gro ma dang / yi ge li las dur khrod kyi mchog ces bya ba'i mkha' 'gro ma dang / yi ge r-I las rnal 'byor gyi mchog ces bya ba'i mkha' 'gro ma dang / yi ge l-I las gtum pa'i mchog ces bya ba'i mkha' 'gro ma dang / mkha' 'gro ma ni de kun gyi/ /yan lag bcu gnyis rnam par dag /zhal gsum phyag ni drug pa ste/ /thams cad spyan gsum rnam sgyur la/ /sku lus dkar po thams cad zhal/ /sngo dang ljang gu gnyis med bde/ /g.yon dang g.yas pa'i zhal gnyis ni/ /mkhas pas rnam par bsgom par bya/ /phyogs kyi gos can gar dang bcas/ /skra grol ba la rab tu 'jigs/ /thod pa dang ni kha T+wAM 'dzin/ /cang te'u dang ni gri gug mchog /mdung dang mgo po thams cad kun/ /sna tshogs mdog dang phyag mtshan bsnams/ /ro yi mgo yi steng bzhugs shing / /thugs rje'i ro ni yongs su rdzogs/ /phyag rgya lnga ni 'dzin pa ste/ /thams cad thod pa'i phreng bas brgyan/ /mgo bo'i phreng ba 'dzin pa ste/ /thams cad a la la yi sgra/ /oM ni thugs kyi rdo rje ste/ /AH ni gsung du 'gyur ba yin/ /a ni sku yi rdo rje ste/ / rdo rje pad+ma 'khor lo'i dbus/ /'di ni mchog tu gsang ba ste/ /rnal 'byor ma yi sbyor ba mchog /rdo rje sems dpas gsungs pa ste/ /rdo rje snying pos zhus pa yin/ /dkyil 'khor 'khor lo'i mkha' 'gro ma/ /'khor la sogs pa thams cad dgod/ /ye shes 'khor lo de mthong nas/ /gcig pu chos kyi ro yang bsgom/ /ye shes bzlas pa'i sbyor ba yis/ /rang gi sngags kyi 'thor 'thung bya/ /nang gi bdag nyid sbyor ldan pas/ /'khor lo mchog gi tshogs dang spro/ /mchog de mthong na slar yang bsdu/ /yan lag bcu gnyis mchog dam pa/ /sa ni bcu gnyis dag nyid de/ /rdo rje sa ni bcu gsum pa/ /rab tu dga' dang dri ma med/ /'od byed pa dang 'od 'phro ba/ /spyang dka' ba dang mngon du gyur/ /ring du song dang mi g.yo ba/ /legs pa'i blo gros chos kyi sprin/ /gzugs med pa dang ye shes ldan/ /de ltar sa ni bcu gnyis po/ /'khor lo'i lha mo rnam par dgod/ /dgyes pa chen po bde ba'i mchog ces bya ba'i rdo rje sems dpas dbus su'o/ /'khor la sogs pa kun gyi sngags| |ming dang gsal byed hUM byas te/ /de dag mthar ni phaT dang sbyar/ /sngags kyi gtso bos gsang sngags ni/ /rang snying rang gi sa bon dgod/ /sku gsung thugs dang rnam par sbyar/ /ye shes 'khor lo 'di mthong nas/ /gcig tu bsdus te mchod par bya/ /bdag gis phyi dang nang du yang / /mnyam par bzhag ste mi smra bzla/ / rang gi 'thor 'thung byas nas ni/ /blo ldan srog rtsol bzlas pa bya/ /oM shrI A li DA ka a aM DA ki nI dzA la shaM ba raM hUM phaT swAhA/ srid pa ma lus thams cad kun/ / dngos po med pa'i rang bzhin te/ /sngags dang dbyibs dang chos bdag nyid/ /sbyor ba yi ni bdag nyid rnams/ /sems can khams ni cha gnas pas/ /rang gi lha yi sbyor ba yis/ /bdag nyid sbyor zhing mchod par bya/ /mnyam par ma bzhag sems kyis ni/ /sgom zhing rab tu bsgoms byas te/ /sngags dang dbyibs dang chos nyid de| |chos gcig ro ni stong pa yin/ /chos rnams bdag med nyid yin te/ /rang bzhin med pa'i chos la ni/ /rjes su brtag par bya ba yin/ /mngon par brjod pa'i rgyud bla ma'i bla ma las/ /gsang ba chen po'i gsang ba A li'i mkha' 'gro sgrub pa ste le'u sum cu tham pa'o// //de nas sbyor ba bshad bya ba/ / sna tshogs gar gyi dbang phyug mchog /thams cad mchog ste rnal 'byor che/ /dngos grub chen po legs stsol ba/ /bskyed pa'i rim pa'i sbyor ba yis/ /sgom zhing rab tu bsgom par bya/ /nyi ma'i dkyil 'khor dbus su ni/ /siM oM dwaM las rdo rje 'byung / /de nyid yongs gyur bdag nyid de/ /gsal byed mkha' 'gro mchog gyur pa/ /sna tshogs dbang phyug sna tshogs mdog /thams cad rigs kyi mchog dam pa/ /zhal drug pa la phyag bcu gnyis/ /spyan gsum pa la g.yo ba'i sgra/ /zla ba phyed pa zhi ba 'dzin/ / thod pa'i phreng bas spud pa ste/ /sna tshogs rdo rje dbu la 'chang / /spyi gtsug ral pa 'chang ba ste/ /phyag rgya drug gis sku la mtshan/ /lha yi rgyan gyis sdud pa ste/ /skal ngan mu stegs can rnams ni/ /zhabs kyi pad+ma'i 'og tu mnan/ /lta pa lnga yi rim pa dag /g.yas brkyang ba yi zhabs kyis mnan/ /skyil krung phyed pa'i gar zhabs can/ / zhal drug gis ni rnam par brgyan/ /khyab 'jug gi ni pags pa mnabs/ /mgo bo'i phreng bas brgyan pa ste/ /rdo rje lha mos rnam par 'khyud/ /gcer bu 'og pag ska rags can/ /skra grol ba la spyan gsum can/ /mchu dang mchu ni rnam 'tshir zhing / /rdo rje dril bu mnyam par 'khril/ /byang chub yan lag gnas 'tshir zhing / /byin pa gnyis kyis mnyam par 'khril/ /thugs rje chags pa'i ro yis bde/ /tshangs pa'i pags pa yan lag ni/ /phyag gnyis dag gis brkyang nas 'dzin/ /thod pa dang ni kha T+wAM 'chang / /dbang phyug chen po'i mgo bo thogs/ /mdud rtse gsum dang ral gri dang / /cang te'u zhags pa lcags kyu bsnams/ / dkar dang sngo dang ljang ba nyid/ /ser dang dud ka dur smrig ste/ /g.yon dang g.yas pa'i ngos dag tu/ /pi la dang ni nye bi la/ /mkha' 'gro ma ni gnyis po sbyar/ /chos kyi mchog ces bya ba yi/ /rdo rje mkha' 'gro ma nyid ni/ /yi ge dwaM las yang dag 'byung / /g.yon gyi phyogs su dgod par bya/ /yi ge si las nges byung ba/ /rgya mtsho'i mchog ces bya ba yi/ /rdo rje mkha' 'gro ma gnyis ni/ /sna tshogs mdog can sna tshogs zhal/ /spyan gsum pa la bzhin rnam bsgyur/ /skyil krung phyed pas gnas pa ste/ /zhabs ni gar dang bcas pa'o/ /zhal lnga pa la phyag bcu pa/ /spyan gsum drag po 'jigs pa ste/ /'jigs byed dang ni dus mtshan dag /zhabs kyi 'og tu mnan par bzhugs/ /mgrin pa dag ni drug dang bzhi/ /phyag rgya lnga yis rnam par brgyan/ /phyogs kyi gos can skra grol ba/ /thod pa'i phreng ba'i sku rags can/ / rkang gdub g.yer ka'i sil sgra can/ /thod pa'i phreng bas rnam par brgyan/ /zla ba'i dkyil 'khor dbus su ni/ /'khyud pa yi ni mchog dam pa/ /rdo rje gsor zhing sdigs mdzub kyis/ /gnyis su med par rnam par brgyan/ /thod pa gnyis med rnam brgyan te/ /zhags pa lcags kyu phyag na bsnams/ /thod pa dang ni gri gug mchog /sku gsung thugs kyi dbu rgyan can/ /dngos grub thams cad rab stsol ba/ /ye shes mkha' 'gro ma dbus su/ /'khor lo gsum gyi thabs kyang sgom/ /oM gyi ye shes mkha' 'gro ni/ / thugs kyi 'khor lo'i dbus su ste/ /sku gsung thugs kyi mkha' 'gro ni/ /rang gi snying gar de dag bsgom/ /sngar bshad sbyor ba'i rim pa yis/ /gnas la sogs pa'i rjes rim pa/ /de ru bsam zhing rnam bsgoms te/ /gsum po'i rim pa rjes su spro/ /des ni dngos grub gnyis med pa/ /mkha' 'gro ma dang lhan cig bsgom/ /ye shes 'khor lo'i ro rnams ni/ /bsgoms la gsang sngags bzlas par bya/ /oM shrI pra Na baDA ka A A oM hUM DA ki nI dzA la saM ba raM a swAhA/ oM hrIM d+harma ut+ta me ma hA badzra DA ki nI ye dwaM hUM phaT swAhA/ oM siM sA ga ra ut+ta me ma hA badzra DA ki nI ye siM huM hUM phaT swAhA/ gsang gsum ye shes bzlas nas ni/ /dpa' bo mkha' 'gro ma bzla bya/ /gsal byed rang ming hUM gnyis dang / /mthar ni phaT dang sbyar bar bya/ /gsang gsum 'khor lo bsgoms nas ni/ /gsum po bsdu zhing bsgoms nas su/ / dam tshig gsang gsum sbyor ba yis/ /b+ha ga'i dbus su bsgom par bya/ /byang chub zla ba dri ma med/ /thugs kyi 'khor lo nA da gsum/ /gtso bo dag ni gsum yin te| |mkha' 'gro ma gsum gsum mkha' 'gro/ /sdud cing skyed par mdzad pa ste/ /b+ha gar rdo rje phag mo ni/ /gsang ba gsum du rnam par bsgom/ /de nyid sgom pa'i sbyor ba yis/ /de na nga rgyal rnams spangs nas/ /dus bzhi dag tu sbyor ba yis/ /de bzhin bsgom dang bzlas pa bya/ /rtag tu dam tshig bskyang bya zhing / /'o ma sna tshogs pas byung ba/ /bram ze tsha dang sbrang rtsi mar/ /ma hA mAM sa mnyam ldan pa/ /de nyid gsum gyis mngon bsngags te/ /bza' ba dag ni bza' bar bya/ /'du 'dzi med cing sred pa med/ /yongs su bzung ba'i 'khor yang med/ /longs spyod min pas longs spyod la/ /'chi ba med pa'i zas bza' zhing / /'dod pa'i yon tan lnga yang bsten| |longs spyod med pa'i zas bza' zhing / /rnal 'byor sgom pa'i skom yang btung / /gzhan du gang yang btung ba min/ /nang gi bdag nyid sbyor ldan pas/ /rang nyid byin gyis brlabs byas nas/ /bcom ldan mkha' 'gro pi la ba/ /rnal 'byor ma ni nye pi la/ /thabs ni pi la bar shes bya/ /shes rab nye ba'i pi lang / /grong khyer mthar ni pi la nyid| |grong gi mtha' ni nye pi la/ /zla ba nyi ma mnyam sbyor ba/ /pi la dang ni nye bi yin/ /skad cig sbyor ba pi la ba/ /dga' ba nye ba'i pi la ste/ /mthu stobs du ma ldan par ni| |skye ba 'di la 'grub pa yin/ /pa shu thams cad bza' bya zhing / /lha bshos dag kyang de bzhin bsgrub/ /dpa' bo mkha' 'gro ma 'dus nas/ /dus la mthun pa 'dus byas nas/ /glu dang gar dang bza' ba dang / /'dus pa mchog gis mchod par bya/ /rtog pa thams cad rnam spangs nas/ /dam tshig gi ni spyad pa spyod/ /mngon par brjod pa'i rgyud bla ma'i bla ma las/ gsal byed mkha' 'gro sgrub pa'i mtshan ma bstan pa ste le'u sum cu rtsa gcig pa'o// //de nas gzhan yang bshad bya ba/ /dngos grub sbyor ba'i rim pa ste/ /mkha' 'gro ma dang mkha' 'gro sbyor/ /dam tshig mchog gi sdom pa yin/ /chos rnams kun gyi sdom pa ste/ /mkha' 'gro ma yi bde ba che/ /mkha' dbyings rdo rje'i dbus gnas pa/ /dkyil 'khor dam tshig mchog dam pa/ /de yi dbus su 'khor lo che/ /dkyil 'khor lnga yis rnam par brgyan/ / dbus su nyi ma'i gdan yang mdzes/ /A li kA li mnyam par ldan/ /sum cu rtsa gnyis mtshan dang ldan/ /dpe byad bzang po brgyad cus brgyan/ /byin gyis brlabs/ pa byas nas ni/ /rang gi sa bon las bskyed de/ /yi ge hi las yang dag 'byung / /dus mtha'i me ltar rab tu 'jigs/ /zhal gyi mche ba rnam par btsigs/ /spyan gsum ljags ni bskyod pa'i zhal/ /gdug pa thams cad zhabs 'og gnon/ /khro bo dang ni bzhad pa'i zhal/ /bskal pa'i mthar yang 'khrug pa ste/ /ral pa yi ni dbu rgyan can/ /g.yas brkyang ba yi zhabs kyis bzhugs/ /mgo bo'i phreng bas rnam par brgyan/ /'jigs byed chen po'i pags pa yis/ /rked par ska rags bcings pa yin/ /thod pa'i phreng ba'i dbu rgyan can/ /sna tshogs rdo rje zla phyed 'chang / /dpral ba las ni rdo rje phreng / /khro bo mthong nas rnam par brtag /lha rnams thams cad tshar yang gcod/ /keng rus can gyi brtul zhugs 'dzin/ /'chi ba 'tsho bar byed pa'i mchog /gdug pa thams cad nges par gnon/ /phyag rgya drug gis sku lus brgyan/ /sna tshogs rgyan gyis spung pa ste/ /phyag drug pa la zhal lnga pa/ /sna tshogs ro yi bcud mchog can/ /sngo dang ser dang de bzhin dmar/ /ljang gu dkar po zhi ba ste// rdo rje dril bu mnyam ldan pa/ /phag mo yi ni sku lus khyab/ /lha chen pags pa 'dzin mdzad cing / /bla re tshul du brkyang bar mdzad/ /thod pa dang ni kha T+wAM 'dzin/ /drug pa na ni cang te'u dang / /zhabs g.yon du ni dus mtshan mnan/ /g.yas pa yis ni 'jigs byed de/ /zhabs kyi sa 'og tu mnan mdzad cing / /rmongs shing rab tu myos par mdzad/ / rdo rje phag mo de mdog can/ /skra grol ba dang gcer bu ste/ /thod pa'i phreng ba'i dbu rgyan can/ /dum bu'i rgyan gyi ska rags can/ /byin pa gnyis kyis legs par 'khril/ / mgul nas 'khyud cing myos pa ste/ /de yi phyag mtshan phyag rgya bsnams/ /gri gug cang te'u mchog kyang 'dzin/ /drug pa la ni tshangs pa'i mgo /'di 'drar rdo rje mkha' 'gro ni| |mkhas pas re'u mig dbus su dgod/ /shar du sangs rgyas mkha' 'gro ste/ /byang du las kyi mkha' 'gro yin/ /nub tu pad+ma'i mkha' 'gro ste/ /lho ru rin chen mkha' 'gro yin/ /dkar dang sngo dang dmar ba dang / /ljang gu dang ni ser po 'o/ /'khor lo dril bu mnyam par ldan/ /g.yas brkyang ba yi zhabs kyis bzhugs/ /ljang gu ser po dmar po sngo/ /dkar po steng bltas dril bu dang / /sna tshogs rdo rje bde chen 'khyud/ /g.yas brkyang ba yi tshul gyis bzhugs/ /dmar po ser dang ljang gu dang / /dkar po yang ni de bzhin no/ /pad+ma dril bus snyoms 'jug cing / /lha mo'i nu ma 'tshir ba'o/ /ser po sngon po de bzhin dmar/ /ljang gu dkar po'i kha dog ste/ /rin chen dril bus snyoms par 'jug/ /g.yas brkyang ba yi zhabs kyis bzhugs/ /de dag mkha' 'gro lnga yin te/ /sdom pa lnga yang de nyid do/ /me dang bden bral rlung dang ni/ /dbang ldan de ni bzhi po ru/ /sangs rgyas mkha' 'gro las mkha' 'gro/ /pad+ma'i mkha' 'gro rin chen mkha'/ /zhal gsum pa la phyag drug pa| |spyan gsum pa la skra grol ba/ /thod pa'i phreng bas rnam par brgyan/ /rgyan rnams thams cad yongs su rdzogs/ /phyag rgya lnga yis rnam par brgyan/ /phyogs kyi gos can gar mchog can/ /mgo yi phreng bas rnam par brgyan/ /thod pa dang ni kha T+wAM 'dzin/ /rdo rje mda' la sogs pas brgyan/ /zhags pa lcags kyu phyag na mdzes| |'dod pa thams cad stsol mdzad cing / /thugs rje'i ro ni yang dag rdzogs/ /thugs rje'i 'dod pas rnam par myos/ /cung zad ngo tsha'i mig zur can/ /dgyes pa stsol bas bde ba ste/ /de ltar sna tshogs du ma yis/ /dkyil 'khor rnams ni yongs su khyab/ /du ma'i gzugs dang gzugs sdug ma/ /rdo rje mchu dang 'od byed ma/ /rta gdong dang ni drag po'i gdong / /rdo rje drag po snyan grags ma/ /rdo rje pho nya rdo rje sen/ /rdo rje gzhon nu ma de bzhin/ /kaM bo ci yang de bzhin te/ /rdo rje ro langs ma dang ni/ /rdo rje ma mo'ang de bzhin te/ /dri can ma dang 'jigs byed zhal/ /zla ba'i spyi gtsug de bzhin te/ /khro gnyer can dang sna tshogs gzugs/ /rdo rje gri gug de bzhin te/ /rdo rje lu gu rgyud dang ni/ / sgyu 'phrul lha mo grags byed ma/ /na lar ki dang ser skya ma/ /rdo rje 'bar ma thal sbyor ma/ /rdo rje 'jigs byed ma nyid de/ /dkyil 'khor grub pa'i mkha' 'gro ma/ /mkha' 'gro ma ni de dag kun/ /spyan gsum pa la zhal rnam sgyur/ /gsus pa 'chang la skra grol ba/ /thod pa'i phreng bas rnam par brgyan/ /rgyan rnams thams cad yang dag rdzogs/ / phyag rgya lnga yis rnam par brgyan/ /phyogs kyi gos can gang mchog ste/ /mgo bo'i phreng bas rnam par brgyan/ /thams cad ro yi gdan la bzhugs/ /sna tshogs gzugs can yid 'phrog pa/ /thod pa kha T+wAM ga 'dzin cing / /zhags pa lcags kyu phyag na bsnams/ /rdo rje mchog ni gsor byed cing / /dril bu dang ni cang te'u mchog /zhal gsum dpa' zhing sgeg pa ste/ /thugs rje'i nyams ni yongs su rdzogs/ /spyan ni zur gyis gzigs mdzad cing / /dgyes pa'i stsol bas g.yo ba ste| |dngos grub thams cad stsol mdzad cing / /sgrub pa po kun rjes su chags/ /zla ba drug gis sgrub pa po/ /mkha' 'gro ma yi 'khor lo 'grub/ /yid gnyis med par dngos grub mchog /mkha' 'gro thod par byed pa yin/ /dus 'dir de ma thag tu yang / /mkha' la spyod par the tshom med/ /nang gi pho brang de nyid ni/ /re'u mig dgu sogs sgo dang bcas/ /sgo ru lha mo bzhi bkod la/ /mkha' 'gro ma ni dngos grub ste/ /phyi rol dkyil 'khor lha mo bri/ /snam bu'i mtshams bzhi de ru ni/ / lha mo nyi shu dgod bya zhing / /mkha' 'gro ma sogs mtshams rnams su/ /zur bzhi pa la sgo bzhi pa/ /phyi rol dkyil 'khor dag tu brtag /sgo rnams su ni lha mo bzhi| |'dod pa'i 'bras bu thams cad du/ /rta babs bzhis ni rnam par brgyan/ /zur bzhi cha ni thams cad dang / /sgo dang sgo khyud mtshams rnams su/ /rdo rje rin chen gyis brgyan cing / /phyi rol dkyil 'khor thig gdab bo/ /de yi nang du re'u mig dgu/ /sgo rnams kyang ni bya ba ste/ /'di ltar mkha' 'gro mkha' 'gro ma/ /dra ba'i sdom pa stong pa ste/ /byang chub phyogs ni sum cu bdun/ /chos kyi rnam par dag pa yin/ /dbus su sa ni bcu gsum ste/ /phyi rol gnas dang nye ba'i gnas/ /dur khrod dang ni nye dur khrod/ /'di ltar sbyor bas rnam dag par/ /sdom pa mchog ni bsgom par bya/ /de ni thugs kyi ye shes te/ /ye shes mkha' 'gro mkha' 'gro ma'o/ /phung po khams dang skye mched la/ /cho ga gnyis po sbyar bar bya/ /ye shes mchog gi sgom pa ste/ /gsang ba gsum gyi 'khor lo dgod/ /phyed dang phyed du rnam par dgod/ /mkha' 'gro gsum ni 'khor lo'i dbus/ /dam tshig rnal 'byor 'byung ba che/ /ye shes 'khor lo bkug nas ni/ /zhabs bsil byas nas gzhug par bya/ /ye shes chu yis dbang bskur nas/ /gtso bo dag ni rnam par bsgom/ /bdag med chos kyi ro kun gyis/ /dam tshig mchog ni dri ma med/ /ba spu khung bu thams cad las/ /dam tshig gsang ba gsum spros nas/ /sems can ma lus dam tshig gi /mkha' 'gro ru ni rab gnas bya/ /'bad pa yis ni bsdus nas kyang / /gsang ba gsum du gzhug par bya/ / sngon grub pa yi mkha' 'gro ni/ /byin rlabs gnas su dgod par bya/ /'di ni rdo rje theg chen te/ /mkha' 'gro spyod pa'i gnas la bzhugs/ /sdom pa mchog ni bzlas pa yis| |bla na med pa'i go 'phang ster/ /dus bzhi dag tu ci 'dod par/ /skyo ba med par rtag tu sgom/ /lugs su 'byung dang ldog pa yis| |'khor lo mchog ni rnam par spro/ /ba spu'i khung bu las mdun du/ /bde mchog spros nas mchod par bya/ /rdo rje gsum ni dbang bskur nas/ /'gog pa'i khro bo rnam par bsgom/ /ye shes khro bo lhan cig tu/ /sprin gyi 'brug sgra lta bur bzla/ /'gro zhing 'ong ba sbyor ba yis/ /mi smra rdo rje brtul zhugs che/ /zhag bdun gyis ni nges par yang / /mthu dang stobs ni 'grub 'gyur te/ /g.yo zhing ldeg par byed pa dang / /'khrug cing g.yengs dang gzhug pa dang / /nad med pa ni nad yod byed/ /nad yod pa ni nad med byed/ /de ltar sgom pa byas nas ni/ /las 'dir the tshom med pa yin/ /nang gi bdag nyid sbyor ldan pas/ /bsgom dang bzlas la dga' ba dang / /dam tshig zas la dga' ba ni/ /thogs pa med par tshe yang brtan/ /'di ltar rang gi cho gas bzlas/ /sangs rgyas gnas su legs par 'jug /der ni dam tshig 'khor lo ni| |mkhas pas sgom mchod bzlas pa bya/ /gsang sngags 'di dag bshad bar bya/ /oM shrI badzra DA ki nI AH d+hi hUM DA ki nI dzA la shaM ba raM huM hUM phaT swAhA/ oM shrI bud+d+ha DA kI nI A b+h+ruM hUM DA ki nI dzA la shaM ba ra huM hUM phaT swAhA/ oM shrI karmA DA ki a khaM hUM DA ki nI dzA la shaM ba ra huM hUM phaT swAhA/ oM shrI pad+ma DA ka a hrI hUM DA ki nI dzA la shaM ba ra huM hUM phaT/ oM shrI rat+na DA ka aM hUM DA ki nI dzA la shaM ba ra huM hUM phaT swAhA/ mkha' 'gro bzhi po de dag dang / /mkha' 'gro ma dang lA ma dang / /dum skyes ma dang gzugs can ma/ /mgrin pa mnyam par bsnol ba ste/ /byin pa gnyis kyis legs par 'khril/ /de yi mdog dang phyag dang zhal/ /phyag mtshan rnams kyang rnam par bsgom/ /lha mo mngon du byas nas ni| |snying po'i gsang sngags so so yin/ /oM shrI badzra bA rA hi baM huM hUM phaT swAhA/ oM shrI DA ki nI DAM huM hUM phaT swAhA/ oM shrI lA me lAM huM hUM phaT swAhA/ oM shrI khaN+Da ro he khaM huM hUM phaT swAhA/ oM shrI rU pa Ni rUM huM hUM phaT swAhA/ 'di ni lnga po'i bdag nyid kyi'o/ /mtshams kyi mkha' 'gro ma'i sngags ni/ oM shrI bud+d+ha DA ki nI huM hUM phaT swAhA/ oM shrI karmA DA ki nI huM hUM phaT swAhA/ oM shrI pad+ma DA ki nI huM hUM phaT swAhA/ oM shrI rat+na huM hUM phaT swAhA/ sgo ru mkha' gro ma yi sngags/ /'dod pa'i 'bras bu thams cad ster/ /bzhi po sna tshogs mdog can te/ /ji bzhin rigs kyis kun la khyab/ /oM hUM rU pe huM hUM phaT/ /oM su rU pe huM hUM phaT/ oM badzra dun+ti huM hUM phaT/ oM pra b+hA ka ri huM hUM phaT/ shar phyogs kyi ni snam bu la/ /lha mo bzhi po dgod pa ste/ /sku lus dkar po'i mdog can la/ /de yi gsang sngags bshad pa yin/ /oM badzra pa DA ba mu khI huM hUM phaT| oM g+ho ra mu khi huM hUM phaT/ oM badzra g+ho Ne huM hUM phaT/ oM ya sha swi ni hUM hUM phaT/ lho phyogs kyi ni snam bu la/ /lha mo bzhi po dgod par bya/ /sku mdog dag ni ser ba ste/ de yi sngags su bshad pa yin/ /oM badzra dU ti huM hUM phaT/ oM badzra na kha huM hUM phaT/ oM badzra kau ma rI huM hUM phaT/ oM badzra kaM puts+dzi huM hUM phaT/ nub phyogs kyi ni snam bu la/ / lha mo bzhi po sku mdog dmar po can gyi sngags yin no/ /oM badzra be tA li huM hUM phaT/ oM badzra sa yi ki hUM hUM phaT/ oM gan+d+ha ri huM hUM phaT/ oM ba mi ba da ne huM hUM phaT/ byad gi snam bu la lha mo bzhi sku mdog ljang gu ste/ de'i gsang sngags bshad pa yin/ /o tsaN+Da shaM kha re huM hUM phaT/ oM b+h+r-i ku Ta huM hUM phaT/ oM bi shwa rU pe huM hUM phaT/ oM badzra kaD+D+ha ni huM hUM phaT/ dbang ldan la sogs pa'i mtshams bzhi ru lha mo bzhi po gzugs gnyis pa'i mdog can te/ de'i sngags bshad pa/ oM shrI badzra kha le huM hUM phaT/ oM badzra ma le huM hUM phaT/ oM badzra ya shaH ka ri huM hUM phaT/ oM badzra nA lA ra ke huM hUM phaT/ sgo rnams su ni lha mo bzhi po sna tshogs pa'i mdog can drag po'i gzugs ldan pa ste| de'i sngags su bshad pa/ shar du oM shri badzra paM ge le dzaH dzaH huM hUM phaT/ lho ru oM shrI badzra dz+wa li ni hUM huM hUM phaT/ nub tu oM shrI badzra kuN+Da li paM baM huM hUM phaT/ byang du oM shrI badzra phai ra bi ho huM hUM phaT/ thams cad gsal byed mtha' ru ni/ /shrI ni sbyar zhing mchog rim bzhin/ /sngags pas de ltar bzlas na ni/ /mkha' 'gro ma ni dra ba yi/ /sdom pa'i dngos grub thob pa ste/ /zla ba drug gis bde dbang 'gyur/ /gcug tu byas te bsdus na ni/ /rnal 'byor chen po gzi byin can/ /dra ba'i mchog ni 'grub par 'gyur/ /gsang sngags 'di dag thams cad ni/ /khri 'am du bzlas na ni/ /gsang sngags rgyal po 'grub pa yin/ /snying po dag ni bzlas pa yis/ /dpa' bo mkha' 'gro ma grub cing / /rang nyid ji ltar 'dod par 'gyur/ /gzhan gyi lus su zhugs 'gro zhing / /mi snang ba dag thob nas ni/ /rnal 'byor chen po rnam par spyod/ /sna tshogs gzugs ni 'dzin pa yin/ / mngon par brjod pa'i rgyud bla ma'i bla ma las/ dam tshig gi sdom pa las 'byung ba'i dkyil 'khor gyi rgyal po zhes bya ba'i le'u ste sum cu rtsa gnyis pa'o// //de nas gzhan yang bshad bya ba/ /sangs rgyas mkha' 'gro'i cho ga'i rim/ /sngar bshad sangs rgyas mkha' 'gro yi/ /lung la sogs pa'i rim pa bya/ /rnal 'byor lung ni mi shes pa/ /sangs rgyas mu stegs can yin te/ /rtag tu lung ni spang mi bya/ /dkon mchog gsum ni mi spang zhing / /sangs rgyas chos dang dge 'dun la/ /rtag tu bdag ni skyabs su 'gro/ /shes rab pha rol phyin dmigs na/ /rnal 'byor gyi ni dngos grub 'grub/ /gcig car 'jug pa'i sbyor ba yis/ /bdag gi lus ni rnam par bsam/ /sngo zhing drag la bzhin rnam sgyur/ /gtum zhing 'jigs pa 'jigs par mdzad/ /zhal gyi mche ba rnam par gtsigs/ /ral pa zla phyed spyi gtsug 'chid/ /sna tshogs rdo rjes ral pa gnod/ /thod pa'i phreng bas rnam par brgyan/ /rgyan rnams thams cad yongs su rdzogs/ /baM hUM badzra las byung sku lus can/ / phyag rgya drug dang yang dag ldan/ /stag gi pags pa gos su mnabs/ /skyil krung phyed pas legs par gnas/ /spyan gsum drag po'i sku lus can/ /mgrin pa bzhi la zhal bzhi pa/ /bcu gnyis phyag dang yang dag ldan/ /stong pa'i ye shes yang dag mchog /gdug pa kun gyi thod pa'i phreng / /dus mtha' las byung do shal can/ /gdug pa kun ni zhabs 'og gnon/ /nyon mongs 'jigs byed mgo bo dang / /sred pa gti mug phrag dog ste/ /dus mtshan mo ni khas phub la/ /gdug pa'i bgegs ni 'jigs pa can/ /thams cad zhabs kyi 'og tu gnon/ /nam mkha' dang ni skya ba dang / /dkar ba dang ni dmar ba dang / /ljang gu steng du bltas pa'i zhal/ /rdo rje dril bu mnyam ldan pa| |phag mo dag dang bde bas 'khyud/ /kun tu gnyis med sbyor ba yis/ /chos rnams kun gyi ro gcig tu/ /sbyangs pa'i yon tan zhes bya ba/ /dpal gyi bde ba chen po ni| |rdo rje he ru ka nyid yin/ /thod pa dang ni kha T+wAM 'dzin/ /chos kyi 'khor lo mkhar gsil dang / /lhung bzed mdung dang zhags pa dang / /lcags kyu mgo bo cang te'u dang / /g.yas dang g.yon pa'i phyag dag gis/ /na ra'i pags pa brkyang nas bsnams/ /shar du mA tang+gi dang DoM bi ka /dza ra ki dang puk+ki si/ /kha Ta ki dang sha ba ri/ /dzi ba ri dang sa ma ri/ /lha mo brgyad po de dag ni/ /ji bzhin rim pas rjes su dgod/ /ser dang sngo dang de bzhin dmar/ /dud pa yi ni mdog can te/ /dmar dang ljang dang dud ka'i mdog /brgyad pa dkar po nyid yin no/ /sgo rnams su ni dgod bya ba/ /khrag 'thung rdo rje gtum mo dang / /rdo rje srid mchog ma dang ni/ /rdo rje 'jigs byed drag mo ste/ /gdul dka' thams cad gsol mdzad cing / /thal pa sprin mdog ljang gu dang / /dmar dang sngo dang lhag par 'jigs/ /brgyad pa'i dbus su chos mkhar gsil/ /thod pa cang te'u gri gug ste/ /phrag ba'i steng du gos 'dzin pa'o/ /sgo rnams su ni lha mo bzhi/ /thod pa kha T+wAM mi 'jigs pa/ /chos kyi mkhar gsil cang te'u/ /zhal gcig pa la phyag bzhi pa/ /yi dwags gdan gyi steng du ni/ /skyil krung phyed pa'i gar gyis bzhugs/ /bsod snyoms pa dang chos gos gsum/ /phyis mi len dang tsog bu ba// gzhi ji bzhin dang stan cig pa/ /bla gab med dang shing drung pa/ /dgon pa pa dang dur khrod dang / /khrod pa dang ni phying ba pa'o/ /'di dag ji lta'i rim pa yis/ /sbyangs pa'i yon tan rnam dag bsgom/ /ye shes mnyam pa'i dam tshig mchog /ro gcig tu ni rnam par bsgom/ /oM shrI ma hA su kha badzra he he ru ru kaM AH huM hUM phaT/ oM maM ma taM gi huM hUM phaT/ oM DaM badzra DoM bi ni huM hUM phaT/ oM raM rA dza ki huM hUM phaT/ oM puM puk+ka si huM hUM phaT/ oM khaM kha ta kaM huM hUM phaT/ oM shaM shA ba ri huM hUM phaT/ oM dziM dzi ba ri huM hUM phaT/ oM saM sa ma ri hUM hUM phaT/ oM teM he he ru ki huM hUM phaT/ oM baM badzra tsaN+Di huM hUM phaT/ oM hUM badzra rAk+Sha si huM hUM phaT/ oM b+heM badzra b+hai ra bI huM hUM phaT/ de kun gcer bu skra grol ba/ /spyan gsum pa la zhi ba ste/ /mche ba rnam gtsigs lce bskyod cing / /phyag rgya lnga yis sku lus brgyan/ /thod pa'i phreng ba'i dbu rgyan can/ /bzhad dang zhi dang snying rje dang / /sgeg pa dang ni rngam pa dang / /drag cing khro ba'i nyams can te/ /bzlas dang sgom pa spro zhing bsdu/ /lus dag yid la bde bar gnas/ /sems can mos pa sna tshogs pa/ /gdul ba'i thabs kyi bde ba yis/ /yul la yongs su spyod pa na/ /bla med ye shes 'bras bu 'thob/ /sems can thams cad 'di yis bde/ /'chi med bde ba'i longs spyod kyis/ /ye shes 'bras bu rnyed pa yin/ /'di ni sems can thams cad kyi/ /mchog gi go 'phang thob pa'o/ /mngon par brjod pa'i rgyud bla ma'i bla ma las/ sbyangs pa'i yon tan bskyed pa'i le'u ste sum cu rtsa gsum pa'o// //de nas gzhan yang bshad bya ba/ /char dbab cho ga'i rim pa ni/ /pad+ma 'dab ma brgyad mchog gi/ /lte ba ge sar bcas pa la// de yi dbus su rdo rje che/ /mche ba rnam gtsigs 'jigs pa can/ /phyag brgyad pa la zhal bzhi pa/ /spyan gsum 'jigs pa'ang rab tu 'jigs/ /rdo rje mtshon ni gsor mdzad cing / /sdigs mdzub zhags par ldan pa dang / /thod pa dang ni kha T+wAM 'dzin/ /lcags kyu dang ni mdung bsnams shing / /dpa' bo'i pags pa bsnams shing 'dzin/ /cang te'u dang ni brgyad par bshad/ /g.yas brkyang ba yi zhabs kyis ni/ /chu lha 'jigs pa myos pa gnon/ /zla ba phyed pa ral pa 'ching / /sna tshogs rdo rjes rnam par brgyan/ /phyag rgya drug gis sku la brgyan/ /thod pa'i phreng bas rnam par brgyan/ /stag gi pags pa gos su man bas/ /thod pa'i phreng ba'i cod pan mchog/ mchus gnon zhal gdong rnam sgyur zhing / /khro bar lta zhing 'jigs par gzigs/ /'dab ma brgyad la klu brgyad bri/ /mtha' yas dang ni nor rgyas dang / /'jog po pad+ma pad+ma che/ /dung skyong dang ni stobs kyi rgyu/ /dga' bo dang ni brgyad yin te/ /dkar dang sngo dang dmar dang ljang / /ser dang dud pa'i mdog can te/ /ljang gu dang ni ser po ste| |thal mo sbyar bar byas nas ni/ /bcom ldan 'das la mngon phyogs pa/ /'jigs pas bka' drin slong bar byed/ /skrag pas lta zhing gnas pa 'o/ /bcom ldan sku lus sngon po can/ /'jigs shing shin tu 'jigs par mdzad/ /g.yas pa dud ka dmar po ste/ /g.yon pa ljang gu dud ka 'o/ /steng gi zhal ni mkha' lding gdong / /zhal rnam sgyur zhing 'jigs pa 'o/ /nyi ma dmar po'i gzi brjid can/ /nyi ma bcu gnyis nyi mnyam 'od/ /phag mo dag gis mgul 'khyud cing / /byin pa gnyis kyis legs par 'khril/ /yang na phyag ni bcu gnyis pa/ /bde chen mchog ni bcu gnyis pa/ /gri gug tshangs pa'i mgo bo dang / /rdo rje dril bu yang dag ldan/ /lha mo'i mchu ni rnam par 'tshir/ /gcer bu dbu skra grol ba dang / /spyan gsum pa la sku rags can/ /dzam+bu'i chu bo mchog gi sku/ /gnyis su med par sbyor bar gnas/ /klu ni rang gi chung mar bcas/ /chu lha'ang chung mar bcas pa dang / /chu lha'i lus ni dkar po can/ /bka' drin dag ni slong bar byed/ /snying gar ye shes 'khor lo dag /de mdog phyag dang zhal yang skyed/ /de yi snying ga hUM nAM hUM dgod cing / /lus ngag yid kyang de bzhin te/ /klu yi rang snying de nyid la/ /hUM nAM hUM ni rnam par dgod/ /gsang sngags rgyal po'i cho ga ni/ /khro bo'i tshig ltar bzlas brjod bya/ /chu bo'i 'gram mam rgya mtsho 'am/ khron pa'am klu yi mtsho dang ni/ /rdzing bu lteng ka rnams su ni/ /blo can khro bo'i bzlas pa bya| |yang na klu yi gnas su ni/ /sgom pa bzlas pa dag la 'jug /oM shrI badzra he he ru ru kaM hUM nAM nA ga bar ShA pa ya hUM DA ki nI dzA la shaM ba ra hUM phaT swAhA/ 'di dag bsgom te khri tsam bzla/ /dus bzhi dag tu stong du 'o/ /zhag bdun gyis ni nges par yang / /sa rnams kun tu char 'bab 'gyur/ /dam tshig sbyin sreg mchod dus su/ /glu dang gar ni nyer ldan pas/ /'o ma dag ni bza' zhing btung / /rnal 'byor pas ni klu brgyad bzla/ /'o ma'i khrus kyi cho ga yis/ /'o mas sbyin sreg bsreg blugs bya/ /'o ma'i shing gi bud shing bya/ /'o ma'i shing gi yam shing dang / /'o mar bcas pas sbyin sreg bya/ /bum pa 'o mas yongs su dgang / /me sogs mtshams dang phyogs rnams su/ /'o mar bcas pa'i gtor ma sbyin/ /oM aM a nan+ta ya hUM nAM hUM swAhA/ oM baM bA su ke hUM nAM hUM swAhA/ oM taM tak+Sha ka hUM nAM hUM swAhA/ oM paM pad+ma hUM nAM hUM swAhA/ oM maM mahA pad+ma hUM nAM hUM swAhA/ oM shaM shaM kha pA la hUM nAM hUM swAhA/ oM kaM karko Ta hUM nAM hUM swAhA/ oM aM a nan+ta tap+ta hUM nAM hUM swAhA/ oM hUM baM ba ru Na ya nA gA d+hi pa te ye nA gaM baR+ShA pa ya hUM nAM hUM swAhA/ 'di bzlas khro bo dang bcas pas/ /kun gyi bzlas pa khri tsam bya/ /'o ma 'bras snying zas su bza'/ /dbang po thul cing yod mi smra| |bri gzugs spangs pa'i mngon sum du/ /khri tsam bzlas na mngon du 'gyur/ /mngon sum du ni dngos grub cing / /smras pa tsam gyis char 'bebs te/ /'di la the tshom ma byed cig /dngul gyi snod kyi nang du ni/ /yungs kar dang ni chu blugs la/ /de la nyi shu rtsa gcig gi bar du yongs su bzlas te sangs rgyas kyi sku gzugs la dri chu dang 'om bsres pas khrus byas te chu 'gram gyis sbrus pa las klu'i gzugs byas la nub tu mgo bstan te mgo bo dgu la chus dbang bskur te/ /de nas chu bo'i nang du bzhug go/ /de ma thag tu lhas char 'bebs shing / dzam+bu'i gling du char 'bebs 'gyur/ /sa rnams 'bru yis gang 'gyur zhing / /nags tshal rnams ni 'phel bar byed/ / sems can thams cad bde reg nas/ /phan tshun khro bo'i gzugs can ni/ /bdag bsgoms rgyud kyi rjes 'brangs nas/ /rang gti snyin ga kho nar ni/ /he ru rdo rje bsgoms pa yi// char pa yang ni 'bab par 'gyur/ /ri'i steng du 'dzegs te rtse gsum pa la yongs su bzlas na ser ba gcod par 'gyur ro/ /cang te'u la yongs su bzlas na me mched pa'i me rengs par 'gyur ro/ /zhags pa la yongs su bzlas na 'gugs par byed/ thod pa la yongs su bzlas na khrag 'gugs par byed do/ /dgra sta la yongs su bzlas na gsod par byed do/ /kha T+wAM ga la yongs su bzlas na zhi bar byed do/ /gri gug la yongs su bzlas na 'jig rten gsum du rgyu ba gsod par byed do/ /mgo bo la yongs su bzlas na 'chi ba slong bar byed do/ /rdo rje gsor zhing yongs su bzlas na sa 'og gi dngos grub tu 'gyur ro/ /dril bu la yongs su bzlas na mi dga' ba yongs su 'gugs par byed do/ /glang po che'i pags pa la yongs su bzlas te bting na bar snang la 'phur bar 'gyur te/ dpag tshad stong phrag brgyar 'gro zhing slar ldog go /phyag rgya drug la yongs su bzlas na pha rol gyi mdun du mi snang bar 'gyur ro/ /sa steng du ni kun spyod cing / /ci bde bar ni gnas par 'gyur/ /mngon par brjod pa'i rgyud bal ma'i bla ma las/ char dbab pa'i cho ga'i le'u ste sum cu rtsa bzhi'o// //de nas gzhan yang bshad bya ba/ /gsang ba mchog ni mdor pa sdus nas/ /skad cig gis ni bdag sgom pa/ /he ru ka dpal gzugs su bya/ /sdo zhing drag po rnam sgyur pa/ /drag po spyang sum zhal drug mchog /zla ba phyed pa ral pa 'dzin/ /sna tshogs rdo rje dbu mchog la/ /thod pa'i phreng ba'i dbu rgyan can/ /rdo rje phreng bas rnam par brgyan/ /sku la mgo bo'i do shal can/ /phyag rgya drug gis rnam par brgyan/ /stag gi pags pa gos su mnabs/ /phag mo yis ni sku la brgyan/ /zhabs gcig pa ni bzhengs pa ste/ /g.yas pa ser la dud pa'i mdog /g.yon pa dmar la ljang gu 'o/ /steng gi zhal ni rta gdong ste/ /dkar zhing sprin mdog drag cing 'jigs/ /rdo rje dril bu mnyam par ldan/ /lha mo mchu ni 'tshir ba ste/ /rgyal ba'i pags pa gos su man bas/ /mkha' 'gro ma yi rigs 'dzin cing / /thod pa dang ni kha T+wAM 'dzin/ /rdo rje mtshan gyis brgyan pa ste/ /zhags pa lcags kyu phyag na bsnams/ /cang te'u dang ni mgo bo 'dzin/ /gri gug zhags pa de bzhin te/ /phyag ni bcu gnyis dag tu bshad/ /dkyil 'khor dag ni thams cad kyang / / zhabs gcig tu ni rnam par bsgom/ /glang po'i gdong dang byi 'u'i gdong / /seng+ge'i gdong yang de bzhin te/ /dang po khyi yi gdong yin te/ /gnyis pa 'ug pa'i gdong yang yin| |gsum pa phag gi gdong yin te/ /bzhi pa khra yi gdong can no/ /gnas kyi dbyibs kyi chos bdag nyid/ /sna tshogs gzugs ri chen po 'dzin/ /mtha' yas rnam rgyal grags pa ste/ /thams cad mkhyen cing thams cad pa/ /ji ltar 'dod pa'i sku lus 'chang / /de bzhin bsgom zhing rnam bsgom ste/ /sna tshogs gzugs can rin chen bzhin| |bdag nyid chen po rnam par rol/ /mngon par brjod pa'i rgyud bla ma'i bla ma las/ /las sna tshogs sgrub pa'i le'u ste sum cu rtsa lnga pa'o// //de nas gzhan yang bshad bya ba/ /phag mo'i mchog ni sgrub ba ste/ /bskyed pa'i rim pa'i sbyor ba yis/ /bdag nyid bsgom zhing rnam par bsgom/ /sku ni nyi ma bcu gnyis gzi// sku lus sin+dur 'dra mi g.yo/ /me tog ban+tu ka lta bu/ /zhal gsum pa la phyag drug pa/ /rgyan rnams thams cad yongs su rdzogs/ /sems dpa'i skyil mo krung gis bzhugs/ /thod pa'i phreng ba'i dbu rgyan can/ /rdo rje dril bu mnyam par ldan/ /dbu skra mdzes pas 'khril ba ste/ /thabs kyi zhal mchu rnam 'tshir zhing / /mda' dang gzhu ni 'dzin pa ste/ /rna ba'i mthar thug 'gengs par byed/ /thod pa dang ni kha T+wAM 'dzin/ /lcags kyu mchog gis 'gugs pa ste/ /pad+ma dmar po'i dbus bzhugs shing / /'dod pa thams cad rab tu stsol/ /yang na phyag ni bcu gnyis pa/ /zhal drug lha mo'i sku lus 'byung / /steng gi zhal ni phag rgod gdong / drag po gzi brjid 'jigs pa'i gzi/ /shar gyi 'dab la rdo rje gsang ba'i mchog /g.yon pa'i phyogs su rdo rje dam tshig mchog /nub kyi phyogs su rdo rje gzi brjid mchog /lho yi phyogs su rdo rje rin chen mchog /me yi phyogs su rdo rje ye shes mchog /bden bral phyogs su rdo rje rig mchog ma/ /rlung gi phyogs su rdo rje grub mchog ma/ /dbang ldan phyogs su rdo rje thal mchog ma/ /sgo la rdo rje 'bar mchog ma/ /rdo rje gzi brjid mchog ma ste/ /rdo rje khro bo mchog ma dang / /rdo rje mche ba mchog ma 'o/ /lha mo de dag thams cad kyang / /dmar ba'i mdog can zhal gsum pa/ /phyag drug pa la spyan gsum pa/ /sems dpa'i skyil mo krung du bzhugs/ /dbu skra dag ni grol ba ste/ thams cad rgyan gyis rnam brgyan cing / /rdo rje dril bu mnyam ldan pas/ /rang gi lus kyis thabs la 'khril/ /zhags pa dang ni lcags kyu dang / /thod pa dang ni kha T+wAM 'dzin// grwa bzhi dag tu mda' gzhu dag /yongs su 'gengs pa gnas par bzhag/ /sgo ru g.yas brkyang zhabs kyis bzhugs/ /gcer bu rnam par 'gyur ba'i zhal/ /thams cad yi dwags gdan la bzhugs/ /rdo rje gsor zhing sdigs mdzub dang / /zhags pa dang ni yang dag ldan/ /gzhan yang phan tshun dag tu yang / /ji ltar 'khor la sogs phyag 'tshal| |de snyid ye shes lha mo ni/ /sku gsung thugs dang bcas pa bsgom/ /ye shes dkyil 'khor sbyor ba yis/ /chos kyi ro ni mnyam par thim/ /ye shes bzlas pa spros nas ni| |cho ga'i rim pas yang dag bsdu/ /dam tshig mchog gi bzlas pa yis/ /zla ba'i de nyid 'grub par 'gyur/ /oM shrI badzra bA rA hi A baM huM hUM phaT swAhA/ oM shrI badzra gu h+ya ut+ta me huM hUM phaT swAhA/ oM shri badzra sa ma ya ut+ta me huM hUM phaT swAhA/ oM shrI badzra te dzot+ta me huM hUM phaT swAhA/ oM shrI badzra rat+not+ta me huM hUM phaT swAhA/ oM shrI badzra dz+nya no t+ta me huM hUM phaT swAhA/ oM shrI badzra bid+ya ut+ta me huM hUM phaT swA hA/ oM shrI badzra sid+d+he t+ta me huM hUM phaT swAhA/ oM shrI badzra b+hasmot+ta me huM hUM phaT swAhA/ oM shrI badzra dzA lot+ta me dzeH huM hUM phaT swAhA/ oM shrI badzra aM mr-i tot+ta me huM hUM phaT swAhA/ oM shrI badzra kro d+hot+ta me baM huM hUM phaT swAhA/ oM shrI badzra daMSh+Tot+ta me hoHhuM hUM phaT swAhA/ 'di dag ji lta'i rim pa yis/ /sgom pa dang ni bzlas pa bya| |bsdu dang spro ba byas nas ni/ /chos rnams kun dang chos tsan ni/ /rang gi lha yi sbyor bas dag /sems can thams cad rab tu brtag /rnal 'byor gnas ni chos yin te| |gsang ba gsum la rab tu gzhug /gsang gsum gnas ni chos yin te/ /chos kyang de bzhin de lta bu/ /bdag med chos ni chos yin te/ /chos las chos ni yod ma yin/ /mngon par brjod pa'i rgyud bla ma'i bla ma las/ gsang ba gsum gyi dam tshig gi mchog ces bya ba'i le'u ste sum cu rtsa drug pa'o// //de nas gzhan yang bshad bya ba/ /rnal 'byor ma drug cho ga'i rim/ /pad+ma 'dab lnga bris nas ni/ /lte ba ge sar khyab par ni/ /de yi dbus su phag mo ni/ /dmar zhing sna tshogs 'bar ba'i 'od/ /zhal gsum pa la phyag drug mdzes/ /spyan gsum dbu skra grol ba ste/ /thod pa'i phreng pa'i dbu rgyan can/ /phyogs kyi gos ni 'dzin pa'i mchog /skyil krung byed pa gar dang bcas/ /phyag rgya drug gis sku brgyan cing / /mgo bo'i phreng ba 'dzin pa ste/ /gdug pa'i bdud ni thams cad dang / /dus mtshan khas spub byas pa la/ /zhabs kyis kyang ni mnan par bzhugs/ /dmar dang sngo dang ljang ba ste/ /sangs rgyas lngas ni rnam par brgyan/ /thod pa dang ni kha T+rAM 'dzin/ /zhags pa lcags kyu phyag na bsnams/ /mgo bo dang ni gri gug 'dzin/ /dngos grub thams cad rab tu stsol/ /snying gar ye shes dam tshig ni/ /sku gsung thugs su sbyor las byung // shar phyogs lha mo ya mi ni/ /g.yon du bskor nas rnam par dgod/ /rmongs byed ma dang skyong byed ma/ /skrag byed ma dang tsaN+Di ka/ /spyan gsum dbu skra grol ba ste/ /zhal gcig pa la phyag bzhi pa/ /sngo dang dkar dang ser ba dang / /ljang gu dud pa'i mdog can te/ /thod pa dang ni kha TaM 'dzin/ /dril bu cang te'u gri gug dang / /thod pa'i phreng ba'i dbu rgyan can/ /phyag rgya lnga yis rnam par brgyan/ /phyogs kyi gos can gar gyi mchog /mgo bo'i phreng bas rnam par brgyan/ /mi bskyod pa yi cod phan 'chang / /thugs rje'i nyams kyi bde ba ste/ /gnyis med sbyor pas mnyam par ldan/ /rdo rje sems sogs mchog de nyid/ /phag mo dang ni rdo rje sems/ /ya mi ni dang rnam snang mdzad/ /rmongs byed ma dang pad+ma'i gar/ /skyong byed ma dang khrag 'thung ste/ /skrag byed rdo rje nyi ma dang / /tsaN+Di ka dang rta mchog ste/ /rdo rje sems sku dkar po ste/ /rnam par snang mdzad ser po yin/ /pad+ma bkad dbang dmar ba ste/ /he ru ka dpal sngon po yin/ /rdo rje nyi ma dmar po ste/ /rta mchog dag ni ljang gu 'o/ /yang na so sor bsgom par bya| |rdo rje sems dpa' zhal gsum pa/ /phyag drug spyan ni gsum pa ste/ /phyag rgya drug gi mtshan gyis brgyan/ /rdo rje dril bu thod kha T+wAM/ /ral gri cang ti'u mgo bo 'chang / /na ra'i pags mnabs gar dang bcas/ /rnam snang la sogs dpa' bo kun/ /zhal gcig pa la phyag bzhi pa/ /thod pa dang ni kha TaM dang / /cang te'u dril bus mtshan pa'i mchog /yang na thams cad phyag bcu gnyis/ /zhal gdong drug par bsgom par bya/ /de dag gsang sngags 'di yin te/ /oM shri oM baM baM huM hUM phaT swAhA/ oM shri hAM yoM yaM huM hUM phaT swAhA/ oM shrI hI moM maM huM hUM phaT swAhA/ oM shrI hreM hriM saM huM hUM phaT swAhA/ oM shrI hUM hUM saM huM hUM phaT swAhA/ oM shrI phaT phaT tsam hUM hUM phaT swAhA/ de dag ni/ rnal 'byor ma drug gi gsang sngags so/ /oM haHbaM hUM phaT swAhA/ oM na ma hi b+h+ruM hUM phaT swAhA/ oM swAhA hu hri huM hUM phaT swAhA/ oM bau ShaT he hiM hUM phaT swAhA/ oM hUM hUM ho trAM huM hUM phaT swAhA/ oM phaT haM hIM huM hUM phaT swAhA/ 'di ni dpa' bo drug gi sngags/ /bzlas pa dang ni bsgoms tsam gyis/ /'khor lo drug ni mchog grub cing / /'khor los bsgyur ba thob pa ste/ /'khor los bsgyur drug rgyal por 'gyur/ /mi pham rgyal ba yang dag rdzogs/ /stobs chen rtsal mchog rnyed pa yin| |phyag mtshan drug la rtag mchod cing / /cho ga bzhin du mngon bsngags ni/ /de ni myur du grub nas ni/ /rnal 'byor rgyal bo mchog kyang thob/ /mi snang la sogs grub nas ni/ /khams gsum dag tu rnam par dpyod/ /'gro ba drug gi sems can grol/ /bsgoms pas rdo rje 'dzin dang mtshungs/ /yang na 'khor lo zur drug la// bde ba chen po rnam snang mdzad/ /'jam pa'i rdo rje 'chang rgyal po/ 'khor los bsgyur ba bdag po ni/ /gur gum gyi ni mdog lta bu/ /gzi mdangs 'bar ba'i 'od can te| |phyag rgya che dang yang dag ldan/ /chos kyi dbyings kyi rang ngo bo/ /rdo rje dril bu dang ldan pa'i/ /g.yas dang g.yon pa'i phyag gis 'khyud/ /ral gri po ti kha T+wAM ga/ thod pa lcags kyu zhags pa dang / /ut+pa la dang cang te'u/ /gur gum mdog dang sngo pa dang / /dmar dang ljang gu steng zhal dkar/ /chos kyi dbyings ni dag pa che// sems can khams ni rab grol byed/ /shar sogs g.yon bskor dgong pa ni/ /sta mchog rtsa ba'i ka dang bcas/ /de dag da ru dgong byas pas/ /'jam pa'i rdo rje rang nyid grub/ /dkar dang dmar dang ser ba dang / /sngo dang dmar dang dkar sngo ljang / /yan lag drug tu dpa' bo dag /mkha' 'gro/ ma dang lhan cig bcas/ /rdo rje sems dang phag mo dang / /rnam snang mdzad dang ya mi ni/ /pad+ma gar dbang rmongs byed bcas/ /khrag 'thung dang ni skyong byed ma/ /rdo rje nyi ma skrag byed ma/ /ljang dang dud pa'i mdog can te/ /de lta'i sku mdog rnam par bsgom/ /zhal gcig pa la phyag bzhi pa'o/ /lha mo rnams ni phyag gnyis pa'o// thod pa dang ni gri gug 'dzin/ /dpa' bo thod pa kha T+wAM ga /rang gi phyag mtshan gnyis med sbyor/ /dril bu lhan cig yang dag ldan/ /cang te'u ni 'dzin pa'i mchog /spyan gsum pa la g.yas brkyang bzhugs/ /stag gi pags pa'i sham thabs can/ /thod pa'i phreng ba'i dbu rgyan can/ /mgo bo'i do shal 'dzin pa ste| |thams cad yi dags steng du bzhugs/ /dbus su 'jigs byed dus mtshan dag /lha mo byin pa gnyis kyis 'khril/ /skra grol ba la phyogs gos can// snying gar ye shes dam tshig ni/ /sku gsung thugs dang rnam par sbyar/ /cho ga gnyis pa yang dag sbyar/ /gnas kyi 'khor lo bsgoms nas ni/ /dpa' bo mkha' 'gre ma rnams dgod/ /gsang ba gsum ni snying gar gnas/ /khwa gdong la sogs mkha' 'gro ma/ /phyi rol sgo ru rnam par dgod/ /zur du gshin rje sreg la sogs// thams cad gcer bu rnam par bsgom/ /sngar bshad mdog dang phyag mtshan te/ /yi dwags gdan la yang dag bzhugs/ /g.yas brkyang pa yi zhabs kyis gnas// drag po skra ni grol ba ste/ /thams cad thod pa'i phreng ba can/ /rang gi phyi dang nang du yang / /pha rol phyin drug rnam par dag /bsgom zhing rab tu bsgom par bya/ /spro zhing bsdu ba'i sbyor ba yis/ /gsang ba'i 'khor lo bzlas pa bya/ /dpa' bo rnal 'byor ma bzlas na/ /bsgom zhing rab tu bsgom par bya/ /sprul pa'i 'khor lo'i tshogs spros nas/ /'gro ba gsum po rdzogs par byas/ /nang gi bdag nyid bsgoms pa yis/ /'khor lo gsum gsang bsgoms nas bzlas/ /de nyid gsum dang sngags lhan cig /dpa' bo dang ni mkha' 'gro ma/ /hu hUM phaT ni mtha' ru ste/ /'khor lo gsum gyi bzlas pa bya/ /rnal 'byor cho ga bzhin du ni/ /dam tshig can gyis de bzlas bya| |oM shrI many+dzu badzra aHhUM maM huM hUM phaT swAhA/ oM ha badzra satwa huM hUM phaT swAhA/ oM baM badzra bA rA hi huM hUM phaT swAhA/ oM na maHhi badzra bai ro tsa na hUM hUM phaT swAhA/ oM haM yoM ya ma ni huM hUM phaT swAhA/ oM swAhA hUM pad+ma na rte shwa ra huM hUM phaT swAhA/ oM hrIM moM mo ha ni huM hUM phaT swAhA/ oM bo Sha T+wa he he ru kaM huM hUM phaT swAhA/ oM hrA+eM hriM sany+tsa la ni huM hUM phaT swAhA/ oM hUM hUM ho badzra suR+ya huM hUM phaT swAhA/ oM hUM hUM saM trA sa ni huM hUM phaT swAhA/ oM phaT haM pa ra mA shwa huM hUM phaT swAhA/ oM phaT phaT tsaN+Di ka huM hUM phaT swAhA/ oM kA kA s+ye hUM hUM phaT/ oM u lU kA s+ye huM hUM phaT/ oM shwA nA s+ye huM hUM phaT/ oM sU ka rA s+ye huM hUM phaT/ oM ya ma dA D+hi ye huM hUM phaT/ oM ya ma du tI ye huM hUM phaT/ oM ya ma daMSh+Ti NI ye huM hUM phaT/ oM ya ma ma tha nI ye huM hUM phaT/ g.yon dang g.yas kyi lag gnyis su/ /go cha gnyis po bkod nas ni/ /gang zhig ji ltar 'dod pa ru/ /las rnams thams cad byed pa yin/ /the tshom med par las byas na/ /nges par dngos grub gzhan du min// yang na mgon pos bcu'i dbang / /pha rol phyin pa bcu la gnas/ /sbyin dang tshul khrims bzod brtson 'grus/ /bsam gtan shes rab drug pa ste/ /thabs dang stobs dang smon lam// dang / /ye shes sgo skyong rnam dag pa'o/ /rab tu dga' dang dri ma med/ /'od byed pa dang 'od 'phro can/ /sbyang dka' ba dang mngon du gyur/ /ring du song dang mi g.yo ba| |legs pa'i blo gros chos kyi sprin/ /'di yis rnam par dag pa bsgom/ /gshin rje sreg sogs bzhi po ni/ /'phags pa'i bden par rnam par bsgom/ /sdug bsngal dang ni kun 'byung dang / /'gog pa dang ni lam rnams te/ /bcom ldan 'jam pa'i rdo rje dpal/ /chos kyi dbyings kyis rnam dag ste/ /ye shes rang gi ngo bo yin/ /'di ltar rnam par dag pa bsgom/ /gnyis su med par sbyor ba'i lam/ /gsang zhing mchog tu gsang ba ste/ /rnal 'byor stobs kyis gsang ba mchog /sgrub pas rjes su bstan pa dang / /ji bzhin bdag po'i dbye ba dang / /bla ma'i rim pa legs par bslangs/ /'di ltar cho ga gnyis med pa/ /sbyor ba'i dam tshig mchog yin te/ /dngos grub kun gyi thabs kyi rgyu/ /rnal 'byor ma thugs gsang ba che/ /las rnams kun gyi 'bras bu ster/ /mngon par brjod pa'i rgyud bla ma'i bla ma las/ gnyis su med pa'i go cha'i sbyor ba bskyed pa'i sgom pa'i le'u ste sum cu rtsa bdun pa'o// //de nas gzhan yang bshad bya ba/ /brda ni mchog tu gsang ba ste/ /brda ni yongs su mi shes par/ /sbyor ba'i dngos grub mi 'grub ste/ /'di ni nges par shes pa na/ /dngos grub 'grub par the tshom med/ /dra zhes bya ba skyes bur bshad/ /di zhes bya ba bud med yin/ /bu zhes bya ba gnon pa yin/ /su zhes bya bzang nyid/ /ma zhes bya ba ma ru bshad/ /ya zhes bya ba chung ma nyid/ /b+ha zhes bya ba sring mo can/ /b+hi zhes bya ba mdza' mor bshad/ /lu zhes bya ba bu mo yin/ /sri zhes bya ba khrag tu bshad/ /so ni zhi ba'i btung ba yin// pe zhes bya ba thug pa ste/ /di zhes bya ba de bzhin sha /ba zhes bya ba za ba yin/ /b+hu zhes bya ba 'dres pa yin/ /pi zhes bya ba dur khrod yin/ /du zhes bya ba ro yin no// TI zhes bya ba rnal 'byor ma/ /gA zhes bya ba lA ma yin/ /tri zhes bya ba gzugs can ma/ /ku zhes bya ba mkha' 'gro ma/ /ha ni khaN+Da ro nyid ma/ /dza zhes bya ba byin pa gnyis/ /ba zhes bya ba gsong bor smra/ /swa zhes bya ba legs 'ongs yin/ /mi zhes bya ba nya yin la/ /byo zhes bya ba bza' ba yin/ /phyo zhes bya ba btung ba yin/ / ga ni bgrod dang bgrod min yin/ /ka zhes bya ba 'dod pa yin/ /sa zhes bya ba gzhan mi 'gro/ /ra zhes bya ba khyo mid mo/ /du zhes bya ba spyod ngan mo/ / su zhes bya ba skal bzang mo/ /na zhes bya ba skal ngan/ /sa zhes bya ba dam tshig can/ /a zhes bya ba dam tshig med/ /i zhes bya ba 'ongs pa yin/ /na zhes bya ba ma 'ongs yin/ /so zhes bya ba chags pa yin/ /'di dag yi ge'i brda yin te/ /dbang bskur dus su rnal 'byor pas/ /bza' dang bza' med sbyin par bya/ /dbang bskur ba ni mchog yin te/ /dam tshig mchog ni shes pa dang / /dam tshig can gyi dam tshig dus/ /dam tshig 'khor lo 'dus pa dang / /dad pa rnams la sbyin par bya// ma dad pa la sbyin mi bya/ /mngon par brjod pa'i rgyud bla ma'i bla ma las/ brda'i le'u ste sum cu rtsa brgyad pa'o// //de nas gzhan yang bshad bya ba// rnal 'byor ma yi mtshan nyid ni/ /gang gis shes pa tsam gyis ni/ /sgrub pa po yis dngos grub thob/ /bud med pad rtsa ltar dkar zhing / /pad+ma'i 'dab ltar dkyus ring mig /rtag tu gos ni dkar la dga'/ /tsan+dan gsar pa'i dri dang ldan/ /de gshegs 'dus pa nyid la dga'/ /de rigs las byung shes par bya/ /bud gang btso ma'i gser 'dra zhing / /dmar dang ser ba'i gos la dga'/ /dzA ti tsam pa'i dri dang ldan/ /de yang bzang po'i rjes 'gror 'gyur/ /thams cad ut+pal ltar sdo bsangs// dri dang gos ni sdo la dga'/ /ut+pal sngon po'i dri yod pa/ /de /ni dpa' bo bzang rjes 'gro/ /bud med pad dkar 'dra mdog gang / /rtag tu pad+ma'i rtsa ba dri/ /de yang de bzhin dpa' mo'i blo/ /dmar zhing ser skya'i bud med gang / /gzugs bzang gos ni dmar ba dang / /ma la ki dang ut+pal dri/ /de ni rdo rje'i rigs byung yin/ /ser zhing ljang ba'i bud med gang / /gos ni dkar la dga' ba dang / /mgo la me tog dri dang ldan/ /de bzhin gshegs rigs rjes 'gro yin/ /bud med gang zhig kha dog dmar/ /de'i mdog can gyi gos 'chang zhing / /rtag tu ga bur dri dang ldan/ /rnam snang rigs kyi rjes 'gro zhing / /rnal 'byor ma yi rigs rnams ni/ /de ltar bdun po ngas bshad pa/ /g.yon pa'i kun spyod la rtag dga'/ /rang gi mdog gis rigs drug ldan/ /rigs kyi rigs pa'i yi ge yang / /kha dog drug tu 'gyur ba yin/ /rang gi phyag rgya 'ching ba dang / rang rigs las byung tshig tu smra/ /g.yon las 'gro ba'i bud med gang / /rnal 'byor pa la g.yon la rtag /lag pa g.yon gyis mtshon pa dang / /g.yon nas lta bas rnam par blta/ /lha mo rnams dang gar smra ba/ /de ni dam tshig ldan par bshad| |bud med gang byas de nyan cing / /rigs kyis bon rab tu smra/ /rigs kyi bya ba mi spong ste/ /rang gi bstan bshad mi 'dor la/ /rang gi rigs kyi rig pa zlos| |de ni dam tshig ldan par bshad/ /phyag 'tshal ba ni gang 'ching ba/ /g.yon pa'i lus kyis rtag tu bdud/ /lha mo rnams dang kun smra ba/ /de ni nges par bde bar 'gro| |mthe bong g.yon pas sa la ni/ /rkang pas ri mo 'bri byed cing / /mgo ni 'phrug par byed pa dang / /zur gyis lta zhing lag pa ston/ /sgrub pa po la khyad par du/ /de yis rang rig dran pa dang / /'khur pa'am kos ko dag dang ni/ /sna dag tu ni thal mo ston/ /zur gyis lta zhing lan gcig bsngags/ /zlos shing rigs la rnam par lta/ / bden par 'gro ba'i rnal 'byor ma/ /nges par dam tshig can yin na/ /de nas rnyed dka' rnal 'byor ma/ /de bzhin mkha' 'gro ma rnams kyi/ /bdud rtsi lnga rnams yang dag 'byung / /ya mi ni dang skrag byed ma/ /'dod ldan phag mo 'jigs gzugs ma/ /kun tu spyod pa bsu ra/ /rnal 'byor ma ni rnam pa bdun/ /mdor bsdus rang mtshan bshad pa yin/ /gzugs can ma dang tsum+ba ki/ /lA ma yongs gyur byis bcas mo/ /mi ldog a hi ka lha mo/ /mkha' 'gro ma ni bdun du bshad/ /mngon par zhen pas lta ba dang / /smin ma 'degs par gar byed cing / /sngon bzhin gzugs ni sdud byed la/ /phyis ni 'jigs par byed pa dag /gzugs can ma ni yin par bshad/ /gnyis med dpa' bos bsnyen par bya/ /sdug pa'am yang na mi sdug pa/ /byis pa 'khyud cing tsum pa na/ /de ni tsum+pa kir zhes bya| |mkha' 'gro mchog kyang de nyid yin/ /zas mi lta bar zur du lta/ /khro gnyer dang ni gdong dag dang / /smin ma sgyur zhing sdigs mdzub dang / /'di ni gzhan yang dbugs mi 'byin/ /'jigs par byed pa gang yin pa/ /de ni lA ma yin par bstan/ /phag dang dred dang byil dang / /lce spyang rigs dang rta dag dang / /thams cad dar ni 'jigs byed pa/ /yongs su gyur par de bshad de/ /shin tu dga' bas dgod pa dang / /song nas slar yang mi ldog la/ /rjes su chags pas gsal bar dgod/ /du ma skyes mar ni de bshad de/ /yid ni kun tu skye ba dang / /rkang pa lag pas bong ba'am/ /gos mtha' ma yang na shing dag gis/ / des reg pa ni 'tsho mi 'gyur/ /mi ldog par ni shes bya ste/ /sgrub min par ni de bshad do/ /mkha' 'gro ma yi rigs phyag rgya/ /dpa' bos bsnyen cing mtshan ma blta| |thod pa dgra sta mche ba dang / /ral gri kun tu skrag byed yin/ /rdo rje dang ni dung nyid dang / /rigs kyi phyag rgya yin par bshad/ /mngon par brjod pa'i rgyud bla ma'i bla ma las/ rnal 'byor ma'i mtshan ma'i le'u ste sum cu rtsa dgu pa'o// //de nas gzhan yang bshad bya ba/ /mkha' 'gro rnams kyi mtshan nyid ni/ / gang zhig yang dag shes pa yis/ /mkha' 'gro'i dam tshig la gnas pa'o/ /dmar zhing ser ba'i bud med gang / /pad+ma'i dri ni rnam par gtong / /lta stangs rang bzhin zhi pa dang / /zhen pas lta ba'i rjes 'gro ba/ /bud med gang gi sen mo dmar/ /mig ni kun tu zhen pa dang / /khyim du pad+ma 'bri ba ni/ /pad+ma gar dbang rigs 'byung yin// smin pa'i dbus na rtse gsum yod/ /lus ni sngo bsangs skya ba dang / /rtag tu rdo rje rigs sgom pa/ /gang gi khyim du rdo rje 'bri/ /rtag par mchod pa byed pa yi/ /mkha' 'gro ma ste dpal ldan ni/ /he ru ka yis rigs byung yin/ /gang gi dpral bar rtse gsum ni/ /mdung thung dag ni snang 'gyur zhing / /mig dmar mdog ni dmar ser dang / /de bzhin rkang pa lag pa dmar/ /ra skyes khyim bya dag la yang / /rtag tu yid ni dgar 'gyur zhing / /de yi khyim du rdo rje mtshan/ /rtag tu gang zhig mchod byed pa// shrI he ru ka'i rigs byung ba/ /mkha' 'gro yin par gdon mi za/ /'khor lo gang gi dpral ba'am/ /lag par yang ni snang 'gyur ba/ /sprin sngon dag dang 'dra ba ni/ / rtag tu dpral bar 'chang byed pa/ /skal ba chen po kun tshogs shing / /mchog tu bden pa gang yin dang / /khyim du 'khor lo 'bri byed cing / /rtag tu de la mchod byed pa/ /rdo rje phag mo rigs byung ba'i/ /mkha' 'gro ma ni stobs kyis dregs/ /gang zhig mig sman nag 'dra zhing / /so ni dkar zhing mtho ba dang / /rtag tu gdug par gyur pa dang / /sems stobs ldan par gyur pa dang / /rtag tu khrus la dga' ba dang / /mang du smra bar mi byed cing // khyim du rdo rje 'bri ba dang / /rtag tu dge bas mchod byed pa/ /rdo rje phag mo'i rigs byung ba/ /stong phrag bcu dang lnga pa yin/ /ser zhing gser gyi mdog 'drar snang / /mig mi g.yo zhing kha spu ser/ /rdo rje gang gi dpral ba'am/ /lag par yang ni snang 'gyur ba/ /rtag tu rgyal srid dag la gnas/ /snyems shing bden par smra ba dang / /mi li ka yi dri 'byung zhing / /gang gi khyim du rdo rje ni/ /rtag tu 'bri zhing cher mchod pa/ /dum skyes ma yi rigs las byur/ /rnal 'byor ma yi dbang phyug mchog/ /gang zhig rtag par sha la dga'/ /skem zhing mig sman nag pa'i mdog/ /dpral ba mdung rtse lta bu yod/ /gang zhig gdug pa'i las la dga'/ /rtag tu dur khrod dag tu 'gro/ /'jigs pa med cing rtse med de/ /gang gis dpral bar thig le dang / /khyim du thong pa 'bri zhing mchod/ /dpal ldan he ru ka de yi/ /mkha' 'gro'i rigs las byung ba yin/ /sprin gyi mdog 'dra'i bud med gang / /so ni mi mnyam par gnas shing / /rtag tu gdug pa'i las la dga'// g.yon gyi mche ba gtsigs pa dang / /de yi khyim du dgra sta ni/ /'bri zhing rtag tu mchod byed pa/ /rnam par 'dren pa'i rigs byung ba'i/ /mkha' 'gro mar ni the tshom med// mkha' 'gro ma yi tshogs 'di dag /shri he ru ka'i rigs las byung / /sgrub pa po la phan pa'i phyir/ /mtshan nyid yang dag bshad pa yin/ /mngon par brjod pa'i rgyud bla ma'i bla ma las/ mkha' 'gro ma'i mtshan nyid kyi le'u ste bzhi bcu pa'o// //de nas gzhan yang bshad bya ba/ /sgrub pa po yis lA ma yi/ / mtshan nyid kyi ni khyad par dang / /yan lag tshogs ni shes par bya'o/ /gang gi bzhin gyi dkyil 'khor ni/ /kun tu zlum por snang 'gyur zhing / /kha yi smra ra rtag tu yod| |spu dang smin ma ring ba dang / /gos bzang gtsang zhing zhi ba dang / /mi 'khrug ba den par smra ba dang / /rtag tu dam pa'i chos la dga'/ /dpa' bo'i sring mor de shes bya/ /pad+ma'i phyag rgyar sbyin bya ba/ /yang na rus spal phyag rgya bya/ /pags pa bum pa spyi blugs nyid/ /phyag rgya'i lan du shes par bya/ /de ni tshes bcu'i res dag la/ /khyim du pad+ma 'bri bar 'gyur/ /lA ma yi ni bud med kyi/ /mtshan nyid gyur pa 'di dag yin/ /gsus pa rlo zhing mig dkyus ring / /mig ni dmar zhing ser skyar gnas/ /phyug cing skal bzang dpal yon tan/ /ser zhing tsam pa lta bur snang / /shin tu ring min thung ba'am min| |sna tshogs pa yi gos la dga'/ /dpral bar ri mo gsum yod cing / /mtshams kyi gyen du bltas pa nas/ /rgod cing dga' pa nyid dag dang / /lam ni rnam par gnon cing gnas/ /g.yul du 'chi ba rnams kyi ni/ /gtam dag la ni rtag tu dga'/ /de lta'i rab dregs mthong na ni/ /mdung gi phyag rgya bstan par bya| |rkang pa g.yon pa bskum pa yi/ /bdag nyid kyang ni bstan par bya/ /g.yon pa dag ni yongs ldog pa/ /phyag rgya'i lan ni yin par bshad/ /bcu bzhi dang ni tshes brgyad ni/ /de ni dus tshigs yin par bshad/ /khyim du mdung rtse gsum pa yang / /bris nas de ni rtag tu mchod/ /'jig rten dbang phyug lA ma yi/ / mtshan nyid gyur pa 'di dag yin/ /gang gi mkhur tshos dag tu ni/ /khung bur snang ba gnas gyur cing / /de bzhin bzhin rtag tu dmar zhing ser/ /mig ni ljang ser dag tu snang / / ska ni de bzhin 'khyil ba dang / /mgo dang dpral bar dar bcings snang / /ri mo gcig par rab tu gnas/ /de bzhin mgrin pa ring ba dang / /rtag tu gos dmar la dga' zhing / /dgod cing lug ni len pa nyid/ /lan 'ga' zhig ni khro ba dang / /sems ni rnam par g.yo ba dang / /rtsod pa la ni dga' ba ste/ /'di 'dra'i rab dregs mthong na ni// mdung gi phyag rgya bstan par bya/ /gnyis pa nyid ni 'bad pa yis/ /dril bu'i phyag rgya bstan par bya/ /g.yon gyi phyogs su ldog pa ni/ /phyag rgya'i lan ni yin par bshad| |thung zhing byin pa sbom pa dang / /rtag tu gos ser la dga' zhing / /phrag pa dag na gos kyang 'phyang / /de 'dra'i bud med mthong na ni/ /rdo rje'i phyag rgya bstan bya zhing / /'bad pa yis ni gnyis pa yang / /dung gi phyag rgya bstan par bya/ /g.yon nas yongs su ldog pa ni/ /phyag rgya'i lan ni yin par bshad/ /bcu bzhi de yi dus yin te/ /de yi khyim du rdo rje 'bri/ /shrI he ru ka lA ma yi/ /mtshan nyid gyur ba de dag yin/ /lus kun la ni ba spu yod/ /mig ni nag cing ser ba dang / /sbom zhing rnam sgyur mi bzod pa/ /bzhin 'phel che zhing kha che la/ /ma mchu rlo zhing kha dog nag /mig zlum sna ni nyams pa dang / /rtag tu glu ni mkhas pa dang / /sprin gyi mdog can yid 'phrog pa/ /'di 'dra'i rab dregs mthong na ni/ /glu yi phyag rgya bstan par bya/ /gnyis pa yang ni 'bad pa yis/ /mdud gi phyag rgya bstan par bya/ /g.yon nas yongs su ldog pa ni/ /phyag rgya'i lan ni yin par bshad/ /chos grangs bcu gcig de yi dus/ /khyim du mche ba 'bri bar byed/ /rdo rje phag mo lA ma yi/ /mtshan nyid gyur pa 'di dag yin/ /mngon par brjod pa'i rgyud bla ma'i bla ma las/ lA ma'i mtshan nyid kyi le'u ste bzhi bcu rtsa gcig pa'o// //de nas gzhan yang bshad bya ba/ /mkha' 'gro rnams kyi brda rnams te/ /gang zhig spun dang sring mo ru/ /yang dag shes par 'gyur pa'o/ /gang zhig lag g.yon ston pa ni/ /gsong bor smra ba ston pa yin/ /gang zhig srin lag ston pa ni/ /gsong por smra ba lan 'gyur yin// gang zhig lto ba rdeb pa ni/ /bdag ni bkres par sten pa yin/ /gang zhig dpral ba ston pa ni/ /nam mkha' las ni 'ongs zhes pa'o/ /gang zhig khar ni sor mo 'dzud// zos zin zhes ni smra ba yin/ /gang zhig lce ni bskyod pa dag /za 'o zhes ni smra ba yin/ /gang zhig pus mo la reg pa/ /ngal lo zhes ni ston pa yin/ /gang zhig sor mo rtse la reg /ngal sos zhes ni smra ba yin/ /gang zhig so ni 'cha' byed pa/ /sha za'o zhas ni smra ba yin/ /lag pa g.yas pa ston pa ni/ /'di ltar gyis zhes ston pa yin/ / gang zhig khro gnyer ston pa ni/ /bcings so zhes ni smra ba yin/ /gang zhig mkha' lding ston pa ni/ /grol lo zhes ni ston pa yin/ /gang zhig khu tshur ston pa ni/ /de la pa ta ti bstan bya/ /gang zhig skra ni ston pa la/ /rnam par 'gyur ba bltas nas ni/ /kha T+wAM ga ni de la bstan/ /gang zhig yan lag bskyod pa dang / /de la mche ba bstan par bya/ /gang zhig lag pas lag pa ston/ /gtor ma za zhes smra ba yin/ /gang zhig lag pa g.yas pa ston/ /de ltar gyis shig smra ba yin/ /gang zhig rna ba la reg pa/ /gnas par bya zhes ston pa yin/ /gang zhig sen mos sen mo reg /she yi khyer ces bya ba yin/ /gang zhig sa 'bri dkyil 'khor du/ /de rig 'jug ces smra ba yin/ /gang zhig nu ma la reg pa/ /bdag gi bu ni srungs zhes bya/ /gang zhig mthe g.yon sa la 'bri/ /gnyen dag srungs shig pa ru bshad/ /gang zhig mig ni rnam 'dzum pa/ /de ltar bya zhes smra ba yin/ /gang zhig tshigs la reg byed pa/ /bde bar nyal zhes smra ba yin/ /pho nya ma/ ni gang yang rung / /de dag kun gyis yang dag spyad/ /mngon par brjod pa'i rgyud bla ma'i bla ma las/ brda'i le'u ste bzhi bcu rtsa gnyis pa'o// //de nas yan lag phyag rgya yi/ /mtshan nyid de yis bshad par bya/ /bud gang spyi gtsug reg byed pa/ /mgo bo de la bstan par bya/ /gang zhig dpral ba ston pa ni| |de la mkhur tshos bstan par bya/ /gang zhig so ni ston pa la/ /de la lce ni bstan par bya/ /gang zhig mchu ni ston byed pa/ /de la dpung ba bstan par bya// gang zhig rked rgyab ston byed pa/ /de las ni bstan par bya/ /gang zhig nu ma ston byed pa/ /de la kos ko bstan par bya/ /gang zhig lto ba ston byed pa/ /de la lte ba bstan par bya/ /gang zhig gsang ba ston byed pa/ /de la ling+ga bstan par bya/ /gang zhig brla ni ston byed pa/ /de la 'og ni bstan par bya/ /gang zhig pus mo ston byed pa/ /de la byin pa bstan par bya/ /gang zhig rked pa ston byed pa/ /de la ling+ga bstan par bya/ /gang zhig sor tshigs ston byed pa/ /de la sen mo bstan par bya/ /gang zhig sa ni ston byed pa/ /de la nam mkha' bstan par bya/ /gang zhig nam mkha' ston byed pa/ /de la nyi ma bstan par bya/ /gang zhig chu bo ston byed pa| |de la rgya mtsho bstan par bya/ /mngon par brjod pa'i rgyud bla ma'i bla ma las/ yan lag gi phyag rgya'i mtshan nyid kyi le'u ste bzhi bcu rtsa gsum pa'o// //de nas gzhan yang rab bshad pa/ /yan lag ji bzhin phyag rgya'i mchog /gang zhig shes pas spun nam ni/ /sring mor the tshom med 'gyur ro/ /sor mo gcig ni ston pa yis/ /legs par 'ongs zhes smra ba yin/ /sor mo gnyis ni bstan pa yis/ /legs 'ongs lan ni smra ba yin/ /'di ni rnal 'byor ma kun gyi/ /yan lag phyag rgyar rab tu bshad/ /mdzub mo gnyis bkug mig gi rgyu/ /sngags pas gang la de bstan te/ /de mod ji srid 'tsho ba'i bar/ /dbang du 'gyur bar the tshom med/ /gang zhig gung mo ston byed pa/ /de la mdzub mo bstan par bya/ /gang zhig srin lag ston byed pa/ /de la lce ni bstan par bya/ /gang zhig pa ti sa ston pa| |de la mdun ni bstan par bya/ /gang zhig spyi bo ston byed pa/ /de la mtshams kyi mtha' bstan bya/ /gang zhig sa ni ston byed pa/ /de la kha ni bstan bar bya/ /gang zhig khro gnyer ston byed pa/ /de la mtshams ni bstan par bya/ /gang zhig so ni ston byed pa/ /de la mchu ni bstan par bya/ /gang zhig mgrin pa ston byed pa/ /de la kha ni bstan par bya/ /gang zhig dpral ba ston byed pa/ /de la lte ba bstan par bya/ /'di ni rnal 'byor ma kun gyi/ /rim bzhin yan lag phyag rgya yin/ /'di dag rtag bsten gsang ba pa/ /yang dag lta bar 'gro bar 'gyur/ /mngon par brjod pa'i rgyud bla ma'i bla ma las/ mkha' 'gro ma'i yan lag gi phyag rgya'i le'u ste bzhi bcu rtsa bzhi pa'o// //de nas gzhan yang bshad bya ba// mkha' 'gro ma yi mtshan nyid do/ /gang gis ring nas dpa' bo dang / /dpa' mo sring mor shes 'gyur ba'o/ /dam tshig can gang rjes chags pa/ /rnal 'byor longs spyod sa gzhi yin/ /gzhir ni sa gzhi byas nas su/ /rnal 'byor pa yi sdom pa mchod/ /go ldog pa yis lta ba ni/ /bzhin ni rnam par 'gyur ba dang / / rtag tu bzhin gyi smin ma g.yo/ /sna tshogs myur du shes bya ba/ /de bzhin mkha' 'gro las byung ba'o/ /rnam bsgyur 'khyil par shes bya ste/ /ri mo gsum pa yongs su zlum/ /mkha' 'gro ma rnams des 'gro ba'i/ /de yi mtshan ma shes par bya/ /gal te ldog par gyur na ni/ /sngar bshad don ni btang bar 'gyur/ /de yi dngos ni 'jig gyur pa/ /rdo rje lta bur gsal ba yin/ /sgra ni khu byug skad lta pur/ /gsal ba de ni rtag tu gyur/ /'di ni mtshan ma'i khyim du ni/ /rdo rje lta bu me long bcas| |ral gri 'dra ba'i me long bcas/ /phyag mtshan mdung 'drar rtag tu 'byung / /de gsal me long yin zhes bya/ /mtshan mar byas pa'i gzugs dag ni| |mtshan nyid 'di dag dang ldan pa/ /de ni mkha' 'gro ma rnams kyi/ /mchog yin par ni shes par bya/ /po taM gi zhes bya ba ni/ gsong bor smra ba'o/ /pra ti po taM gi zhes bya ba ni/ /gsong por smra ba'i lan no/ /ga mu zhes bya ba ni/ 'gro'o zhes bya ba yin no/ /luM baM zhes bya ba ni/ /'ong ngo zhes bya ba yin no/ /de hi zhes bya ba ni/ zas zhes bya ba yin no/ /gri ha na zhes bya ba ni/ bram ze zhes smra ba yin no/ /pi ra NaM zhes bya ba ni/ /snying nyid do/ /ma ra Na zhes bya ba ni/ sgra dan no| |g+han+d+ha zhes bya ba ni/ /ka ra ni ka'o/ /shi ro ni/ rdzun no/ /ka ra ni/ lto ba'o/ /ba ra ni/ sgra'o/ /shra ra mo No n-i/ rna ba'o/ /a mr-i ta swa ni/ srub pa'o/ /sa ma ga ma ni| mi'o/ /ta li ka ni/ mkha' 'gro ma'o/ /na ra ka ni/ dkyil 'khor ro/ /a mo ka ni/ dur khrod do/ /ka li ka ni/ sgo'o/ / shwa sa ni| bram ze'i rigs so/ /ba ri d+hi ni/ rgyal rigs so/ /bi ra ti ni/ rje'i rigs so/ /kru ra ni/ dmangs so/ /an+ta s+tha ni/ sme sha can no/ /ba shu li ka ni| khyim mo/ /TA ka ni/ sring mo'o/ /me la ba ka ni/ chu'o/ /gri ha ra Na ni/ rdo rje chu gtong ba'o/ /lce so la reg pa ni/ ltogs par ston pa'o/ /hri sham ni| dris bsgo ba'o/ /ku ta ni/ gnas che ge mo nas 'ongs so zhes bya ba'o/ /ki ra ni ni/ me tog go /tu mu la ni/ rgod pa'o/ /tan+ta ni/ char dbab pa zlog pa'o// tri p+ta ni| zhu ba'o/ /d+hur R+yo ni/ shes pa'o/ /nri ha ni/ sprin no/ /d+hu pa ni/ bdug pa'o/ /sa nu ni/ ri bo'o/ /sa ri ta ni/ chu bo'o/ /a gu li ni/ yan lag go /ba da na ni/ ga dong ngo / /dza ti ka ni/ lce'o/ /an+ta na ni/ so'o/ /pak+Shi ni/ rgyal mtshan no/ /tshan+do ni/ phreng ba'o/ /tsa la ni/ rlung ngo / /pa shu ni| ri dwags so/ /yan+ti ni/ dkyil 'khor ro/ /sha na ma ni/ bzhi mdo'o/ /phal ku shi ni/ skye ba'o/ /ma hA k+Sha ra ba ni/ phyugs chen po'o/ /ga ni/ ra skyes so| |na ni/ mi'o/ /go ni/ khyu mchog go /ma ni/ ma he'o/ /b+ha ni/ bza' ba'o/ /ha ni/ rnam grangs so/ /a d+h+ya ni/ rgyal po'o/ /kha la reg pa ni/ zos so zhes pa'o| |lce la reg pa ni/ ngoms so zhes pa'o/ /na sti ni/ snying po'o/ /hri ni/ ngo tsha'o/ /me thun gyis shig pa'o/ /brla la reg pa ni/ stong pa'o/ /steng du gcig go /'og tu med pa'o/ /phyag rgya dang phyag rgya'i lan no/ /dpa' bo'i gsung gi gsang ba'i brda'o/ /mngon par brjod pa'i rgyud bla ma'i bla ma las/ mkha' 'gro ma'i brda'i cho ga'i le'u ste bzhi bcu rtsa lnga pa'o// //de nas rnal 'byor rgyud du ni/ /rnyed dka'i dam tshig nga yis bshad/ /skyes pa'am bud med g.yon nas 'gro/ /'dod pa'i dngos grub ster bar byed/ /khyim dang zhing du rnam gnas pa/ /shin tu ring yang shes par 'gyur/ /he ru ka las sbyor gzhan med| |slob dpon rnal 'byor ma nyid ni/ /rgyud 'di ru ni sgrub pa 'o/ /legs par gyur pa nyid yin te/ /brnyas mi bya zhing spang mi bya/ /nus pa yis ni mchod par bya| |pho nya mo brgyad 'di dag ni/ /mos dang dad pa 'phal byed pa/ /rtag par dngos grub rnams kyi rgyu/ /dam tshig rnams kyang skyong ba 'o/ /lha mo gzhan dag kun sbyor ba'i/ /'dod la rmongs par gyur pa dang / /gnyis su med dang thogs med dang / /dam tshig spyad par spyod pa dang / /bud med dbang phyug shin tu sbyor/ /tshangs par spyod pa de bzhin gzhi/ /khro med rgyun gyi kun tu spyod/ /'di brgyad dam tshig kun spyod yin/ /sgrub pa la ni gnas pa yi| |sgrub pa po yis rtag shes bya/ /rgyud kun gyi ni thun mong ste/ /rgyu med pa ni gzhom mi bya/ /dad pa nyid kyis blang bya yi/ /mig dang lag pas ma yin no| |gsang ba 'di ni mi bstan cing / /rab tu 'bad de sba ba dang / /blo ldan mthe chung bskyed par ni/ /pho nya mo rnams yang dag gnas/ /dag dang ma dag 'dres pa ste/ /sgrub pa po ni gsum du gnas/ /mnyes byed rnam par dag pa dang / /gsal byed yon tan ldan pa'i mi'o/ /yul yul du ni dka' thub can| |pho nya'i gzugs kyi mtshan ma brtag /pho nya ral gri so 'dra zhing / /dag byed pa bsod nams 'phel byed yin/ /de bzhin pho nya legs 'dres pas/ / sgrub pa po yis dngos grub thob/ /bzlas mchod bsam gtan med par yang / /myur ba nyid du 'grub par 'gyur/ /sngags dang phyag rgya sgrub pa pos/ /mchod pa nyid la rab tu 'jug /'di las gzhan pa'i mchod med de/ /de ltar bstan bcos nges pa yin/ /pho nya'i lam la dga' ba dang / /sgrub pa po ni dngos grub brtson| |rig sngags phyag rgyar yang dag ldan/ /zas la rtag tu spyad par bya/ /sgrub pa po ni legs pa ru/ /mnyam par bzhag pa'i rigs rnams ni/ /kun la nye bar spyad bya zhing / /bza' min par ni mi brtag go /'di nyid du ni de dbyer med/ /pho nya mo yi sgrub pa nyid/ /dngos grub cho ga la spyod tshe/ /pho nya gcig pu kho na yin| |byang chub phyogs kyi dngos grub ni/ /sgrub pa dag dang nye bar dang / /bla ma brgyud rim gyis thob pa'i/ /dbang bskur bas ni sngags legs ldan/ /pho nya rnams su yang dag bshad/ /phyag rgya legs sbyor ngang tshul dang / /chags med gtong dang tshul khrims dang / /ye shes chu skyes yang dag rdzogs/ /sems kyis bdag nyid nang par langs/ /lus kyi bya ba kun byas te/ /lus la shin tu mtshon cha ni/ /lus la gnas par kun tu spyad/ /dag byed byas pa'i lus kyis ni/ /rtag tu sngags ni brjod par bya| |rnal 'byor gnas rnams nges bstan cing / /mtshon cha rnams ni 'gom mi bya/ /dam tshig can la khro mi bya/ /mngon par brtson las 'da' mi bya/ /de dang lta lhan cig bde bar bya/ /bdag gi don dang gzhan don du/ /dam tshig spyod pa nyid du bya/ /'di la lhan cig longs spyod bya/ /mtshan mo rtag par nam mkha'i gos/ /nag dang dmar bar rtag 'gyur bya/ /srog chags yan lag las byung gyon/ /bde ba 'dod pas bde thob 'gyur/ /mchod phyir thogs ni yongs spangs gtsang / /shra'i he ru kas byin brlabs pas/ /phyag rgya lnga dang yang dag ldan/ /dus kun tu ni yang dag gnas/ /rigs dang rigs min dor mi blta| |spyi gtsug la sogs bcing pa spang / /pho nya gtsang sbra dang po yin/ /gnyis pa sbyor ba yin par 'dod/ /zas gcig tu ni za ba nyid/ /gtsang sbra gsum pa yin par bshad/ /gtsang sbra 'di dag rab sbyangs pas/ /gtsang ma'i dag pa'i rim thob na/ /dngos grub gang la 'byung mi 'gyur/ /de nyid bsdus las gang gsungs dang / /de bzhin bde mchog las gang gsungs/ /gsang ba'i rgyud las yang dag bshad/ /de bzhin dpal mchog dang po dang / /rdo rje 'jigs byed nyid las gsungs/ /bzlas dang brtul zhugs sogs pa 'grub/ /de 'dir bsam gtan tsam gyis ni/ /sngags pas skad cig gis 'grub 'gyur/ /rnal 'byor lam la dga' bas kyang / /gtsang sbra 'di ni yang dag spyad/ /bsod nams gtsang sbra las byung gang / /sgrub pa'i yon tan rgya chen po| |stong phrag gcig pa'i zhal min par/ /kha cig gis ni brjod mi nus/ /dpal ldan khrag 'thung ye shes che/ /rnam dag mtshan nyid kun sgrub pa/ /bde ba'i bsod nams chu 'thung ba/ /dag byed sdig pa 'jigs byed yin/ /reg pa dang ni smras pas kyang / /sdig pa kun las rnam grol zhing / /lus ngag skyon ni med pa yi| |gang zhig spyod pa byed pa yi/ /mi mchog sdig pa thams cad ni/ /rnam dag bdag nyid bde gshegs kyi/ /sa rnams kyang ni thob par 'gyur/ /skye zhing skyo bar de bzhin gshegs/ /rigs 'gyur chos ldan rgyal por 'gyur/ /de ltar rtag tu mchod byas nas/ /dad pa yis ni gtor ma sbyin/ /de nas mchod pa rnam dag pas/ /mya ngan 'das las byung ba 'o/ /de bzhin bdag nyid mchod pa dang / /sangs rgyas kun tshogs sras bcas dang / /dpa' bo kun dang rnal 'byor ma// brtan pa dag dang g.yo ba dang / /spun gyi mchod pa'i dus 'dzin pa/ /zla ba'i dus la gnas pa yi/ /spun dang bu dang lhan cig tu/ /bde dang sdug bsngal kun 'byung ba/ /sngags dang de bzhin phyag rgya dang / /ye shes der ni bstan mi bya/ /dag byed zas la spyod pa ni/ /rtag tu dam tshig spyod byas 'gyur/ /gsang sngags su la'ang sbyin mi bya/ /man ngag rnam par nyams mi bya/ /dam tshig gnas la ci rigs par/ /man ngag rnams kyang sbyin par bya| |pho nya ma gtogs gzhan dag la/ /'dod pa rmongs par 'gro mi byed/ /rtag tu pho nya chags bral ba/ /mi 'da' ba yis longs spyod bya/ /skye gnas dman la mi gnas pa/ /bsnyen bkur nyid ni bya ba min/ /ma dang sring mo bu mo dang / /chung ma pho nya mo nyid gnas/ /'khor lo'am de bzhin grub pa la// dka' ba nges par zad par 'gyur/ /mchog dang tha ma ldan cig 'gugs/ /de ltar rdzas ni rnam nges yin/ /rnal 'byor pa rtag g.yon nas spyod/ /rkang pa g.yon pa sngon du 'dor/ /lag pa g.yon pa yongs su bsgyur/ /g.yon gyi phyed ni rab mchod byed/ /lus ni g.yon ni rnam par gnon/ /g.yon pa yis ni tshim dang za/ /brtul bzhugs ma nyams brtul zhugs rdzogs/ /sgrub pa po ni dam tshig brtson/ /dam tshig rigs la spyod pa dang / /lhan cig zas la spyod par byed/ /rigs lnga la ni kun spyod pa'i/ /rigs ni rnam pa bzhi ru bsgrags/ /rigs gcig la ni kun spyod pa'i/ /rnal 'byor sgrub la rab tu mchod// pa lang sha dang rta sha dang / /khyi sha dag dang sna tshogs pas/ /dkyil 'khor gru gsum byas na ni/ /sangs rgyas dag kyang nges par 'jig /de bzhin dpa' bo rnams/ kyi zas| |sngags pas phyag rgya yang dag ldan/ /shrI he ru ka'i sprul pa yi/ /nyer spyod bstan bcos kun la brtag /rtag tu de dag gzung zhing bsrung / /las rnams dag ni thams cad la/ /bgegs med ji bzhin 'grub 'gyur bar/ /'dir ni gzhan dag 'gyur ma yin/ /'di ni pho nya mchog bzang po/ /brtson zhing lhan cig ldan pa yin/ /ma chags dga' ba'i longs spyod rdzogs/ /rnal 'byor rdzas kyi rnam dbye nyid/ /bla ma'i man ngag la dga' zhing / /de yi don ni mchog mtshungs pa'o| |spun dang yang na pha dang ni/ /bdag po nyid du skad cig mthong / /lce sbom mig ni dmar ser la/ /rtsub cing spu ni dmar ser yin/ /dngos grub kun gyi thun mong du/ /bzlas dang brtul zhugs la rtag dga'/ /dran pa dang ni yang dag ldan/ /pho nya la sogs gnas dang bcas/ /mkha' 'gro ma mchog nyi shu bzhi| |spyod dang grol ba'i 'bras rab ster/ /'dod pa'i don kun sgrub byed pa'i/ /rtsa ba'i sngags ni rtag tu zlos/ /rgyu dang mi rgyu'i 'jig rten gsum/ /rnal 'byor 'bras bu rab ster ba/ /gsang sngags 'di las byung ba yin/ /sngags dang phyag rgyar yang dag ldan/ /phyag rgya dang bral gsang sngags ni/ /lus can rnams la byin mi rlob/ /ji srid 'gro ba'i bya ba dang / /shin tu sbyor bas rtogs par bya/ /'dod pa'i don kun sgrub byed pa/ /rnal 'byor pa la gang zhig sdang / /khyi yi skye gnas brgyar skye ste/ /sme sha can du skye bar 'gyur/ /dper na la la mar 'dod pas/ /'bad pas chu ni bsrubs gyur kyang | |mar gsar 'byung bar mi 'gyur gyi/ /lus nyon mongs pa kho nar zad/ /'dzin cing mchod par byed pa ni/ /'tsho ba'i thabs kyi rgyur gyur pa'i/ /rnal 'byor gzhan la brtan pa ni/ /gzhan du de bzhin don med 'gyur/ /rnal 'byor che mchog dpa' bo ni/ /yul phyogs gang na gnas gyur pa/ /rigs ngan kla klo yin na yang / /yul de yongs su brtags pa yin/ /sems can rjes su gzung ba'i rgyur/ /da rung da ni rtag tu gnas/ /mngon par brjod pa'i rgyud bla ma'i bla ma las/ pho nya'i grangs kyi le'u ste bzhi bcu rtsa drug pa'o// //de nas gzhan yang bshad bya ba/ /mkha' 'gro ma yi snying po mchod/ /dpa' bo rnams kyi khyad par ni| |gang zhig dran pa tsam gyis ni/ /'jig rten gsum po g.yo byed cing / /rjes su dran pa tsam gyis ni/ /yang dag dngos grub rim gyis ster/ /oM sarba bud+d+ha TA ki nI ye badzra ra war+Na nI ye huM hUM phaT swAhA/ gsang sngags 'di ni gsang sngags che/ /las rnams thams cad byed pa'i mchog /sngags chen bklags pas grub pa sta| |'dod pa thams cad grub pa yin/ /mkha' 'gro ma dang rnal 'byor ma/ /dum skyes ma dang lA ma'ang de/ /oM hrIH ha ha huM hUM phaT/ gsang sngags 'di ni gsang sngags che/ /las rnams thams cad byed pa'i mchog /'di ni bklags pa tsam gyis 'grub/ /gsang sngags kun gyi gsang sngags gtso/ /thod pa'i dum bu la sogs pa/ /dpa' bo kun gyi snying po mchog /gsang sngags de dag mchog dam pa/ /'dod pa'i don kun 'grub byed yin/ /bla ma las kyang bla ma ste/ /dpa' bo'i sdom pa mchog yin no/ /'di ni kun gyi gsang sngags te/ /'di ni sngags su grags pa yin/ /sa 'og dang ni mtho ris dang / /ji ltar mtshams kyang de bzhin te// gang yang ji bzhin las rnams kyis/ /'jig rten gsum po grub pa yin/ /de yis thams cad grub nas ni/ /gsang sngags mchog ni bla med pas/ /'jig rten gsum po grub pa yin/ /gang gis bla na med pa dag /sgrub pa pos ni thams cad 'grub/ /mkha' 'gro ma dang dpa' bo kun// mdor bsdus rgyas par ma yin no/ /ri bo mdzes par bris nas ni/ /sna tshogs me tog 'bras bur ldan/ /de yi steng du dkyil 'khor bsgom/ /mkha' 'gro ma dang lA ma dang / /rnal 'byor ma dang dum skyes ma/ /dpa' bo dang ni dpa' mo nyid/ /ha ha he he zhes bshad pa/ /nyi shu rtsa bzhi dpa' bo'i rigs/ /mkha' 'gro ma yi dra ba'i sdom/ /sngar bshad dpa' bo dpa' ba'i mchog /dpa' bo'i mchog ni thams cad nyid/ /nyi shu rtsa bzhi dpa' bo rnams/ /de yi 'gro ba grangs med khyab| |dpa' bo dang ni mkha' 'gro nyid/ /rnal 'byor ma dang lA ma dang / /dum skyes ma dang de bzhin te/ /'khor lo'i gnas su rnam par blta/ /las rnams thams cad 'grub byed cing / /'khor lor bzhugs la rtag tu mchod/ /legs par mnyam gzhag 'dod pa 'grub/ /sngar bshad cho ga bzhin bzlas shing / / mkha' 'gro ma yi dra ba'i sdom/ /bsam pas 'khor lo chen po yi/ /dngos grub kyang ni thams cad 'grub/ /sangs rgyas bye bas gsungs pa ste/ /mkha' 'gro ma ni re re la| |'khor gyi grangs kyang bya ba rnyed/ /rnal 'byor ma dang lA ma dang / /dum skyes ma ni khyad par du/ /dngos grub thams cad byed pa dge /mngon par brjod pa'i rgyud bla ma'i bla ma las/ mkha' 'gro ma dang dpa' bo'i las kyi rim pa sgrub pa rnal 'byor ma dang dpa' bo gnyis su med pa'i snying po'i le'u ste bzhi bcu rtsa bdun pa'o|| ||de nas gzhan yang bshad bya ba/ /sku gzugs ri mo'i mtshan nyid ni/ /dung chen dag ni kho na las/ /mkhas pas gzugs ni bsgrub bya ste/ / mtshan nyid thams cad yongs su rdzogs/ /yan lag dang ni nyid lag mchog /mos ba'i yid ni sngon 'gro ba'i/ /rnal 'byor pas ni gzung zhing bsgrub/ /dri chen chu dang rak+ta dang / /shu kras bcas pas mchod par bya/ /na ra dpal chen bdug spos ni/ /dpa' bo'i las kyi sgrub pa ste/ /bla ma yi ni go 'phang 'grub/ /de nas bdag nyid mchod byas te/ /'dod pa thams cad thob 'gyur zhing / /rgyal po'i bud med rnyed par 'gyur/ /ji lta'i las kyi rjes 'brangs nas/ /lag pa'i mchod pa rab tu bya/ /pags chen ri mo bris nas ni/ /sgrub pa po yis mnyam bzhag na/ /zhag bdun gyis ni 'grub 'gyur te/ /the tshom med par rnam par spyod/ /rnal 'byor ma dang bla ma mchod/ /mkha' 'gro'i gnas su de bzhin skye/ /des ni bde ba rnyed nas kyang / /las ni rtag tu byed par 'gyur| |rtag tu bla ma mchod nas ni/ /de yi dngos grub myur du 'grub/ /mkha' 'gro ma ni sgrub pa yis/ /glang po'i pags la sku gzugs bri/ /rnal 'byor ma yi sgrub pa yis/ /ba lang pags la ri mo bri/ /mkha' spyod dag ni sgrub pa yis/ /rta yi pags la ri mo bri/ /sa la spyod pa'i sgrub pa yis/ /ma he'i pags la ri mo bri/ /sa 'og spyod pa'i sgrub pa yis/ /phag gi pags la ri mo bri/ /gnod sbyin mo ni sgrub pa yis/ /shing spang leb la sku gzugs bri/ /lha yi bu mo sgrub pa yis/ /tsam pa'i spang leb sku gzugs bri/ /klu mo sgrub pa dag gis ni/ /klu shing spang leb ri mo bri/ /mi ni sgrub par 'dod pa yis/ /dur khrod gos la sku gzugs bri/ /pha rol lta ba'i sgrub pa dag /bong bu'i pags la sku gzugs bri/ /nor rnams sgrub par 'dod pa yis/ /byi pa'i pags la sku gzugs bri/ /chang ni 'gugs par 'dod pa yis/ /spre'u'i pags la sku gzugs bri/ /khrag ni 'gugs par 'dod pa yis/ /thod pa la ni sku gzugs bri/ /sa bon 'gugs par 'dod pa yis/ /phug ron pags la sku gzugs bri/ /lha ni 'gugs par 'dod pa yis/ /thang shing spang leb sku gzugs bri/ /grong khyer 'gugs par 'dod pa yis/ /ce spyang pags la sku gzugs bri/ /zhi ba'i las la bram ze mo/ /zla mtshan byung dus gos la bri/ /des na zhi bar gyur pa yin/ / rgyas pa rgyal rigs mo yi ni/ /zla mtshan byung dus gos la bri/ /dbang la rje'u rigs mo yi ni/ /zla mtshan byung dus gos la bri/ /mngon spyod la ni dmangs rigs kyi| |zla mtshan byung dus gos la bri/ /brgyal bar bya ba dag la ni/ /rgyal mtshan gos la ri mo bri/ /rengs par bya ba rdo leb ste/ /dgar ba la ni rnga mo'i pags// dgugs pa la ni seng+ge'i 'o/ /las kun la ni bya yi pags/ /yang na lcags ni kho na'o/ /gzhan du sna tshogs las rnams ni/ /dran pa tsam gyis nges par 'grub// bgegs rnams med par bya ba'i phyir/ /ri bong pags pa dag la bri/ /bgegs ni ldang bar byed pa la/ /shi ba'i pags pa rnams la bri/ /gser dang dngul la sogs pa la/ /zangs dang shel dang thang shing dang / /rdo rje las ni bya ba ste/ /dngos grub mchog ni khyad par yin/ /tsan+dan dang ni thang shing dang / /tsan+dan dmar po tsam pa ka /a sho ka ni grub pa 'o/ /shrI brik+Sha nor sbyin 'gyur/ /a ga ru dang star ka shing / /'o ma shing gi bye brag dang / /stag pa'i shing la sogs pa rnams/ /grub pa yi ni dngos grub 'gyur/ /sbal pa'i rus pa las byas dang / /klu shing dag gi bye brag dang / /rus sbal rus pa glang po'i so// khyad par du ni char yang 'bebs/ /bram ze'i rus pa zhi ba ste/ /glang po'i rus pa rgyas pa yin/ /dbang la rta yi rus pa ste/ /gsad pa la ni ma he'i rus/ /dgar ba la ni rnga mo'i rus/ /sdang la rta dang ma he'i 'o/ /rengs par bya la khyi yi rus/ /dgug pa la ni seng+ge'i rus/ /sa yi 'og tu 'gro ba la/ /phag gi rus pa dag la bya| |sa dkar dag las byas pa ni/ /rtag tu zhi bar 'gyur ba yin/ /rgyas pa la ni ser ba'i sa/ /dbang la dmar po'i sa yin la/ /gsod pa la ni sa nag ste| |'di ni mdor bsdus cho ga 'o/ /dri chen chu dang zhag dang khrag /mig sman chen po de bzhin te/ /mi yi rus pa brdar ba yi/ /mdog tu lhan cig sbyar nas kyang | |rang byung me tog sa bon dang / /rigs ngan dang ni bram ze dang / /gdol pa ma dang g.yung mo dang / /khrus mkhan ma dang gar mkhan ma/ /ma 'am yang na sring mo 'am/ /bu mo yi ni bye brag gi /'di dag drung du blangs nas su/ /shu kra rak+ta'i khyad par dag /sna tshogs 'di dag bsres nas kyang / /cho ga bzhin du sku gzugs bri/ /grog mkhar gyi ni sa dag la/ /shi ba'i skra dang rus pa yis/ /pir gyis dam pa bri bar bya/ /thig skud shi ba'i skud pa yis/ /sku gzugs thig skud mchog yin no/ /yi dwags phreng sogs bsnyen nas ni/ /ba sas kyang ni mar me bya/ /dpa' bo chen po'i bdug spos dang / /rkang gis lha bshos bya ba ste/ dri chen rdo rje chu yi dri/ /thod pa dag gi bum pa ste/ /arga'i snod ni thod pa'o/ /arga rus pa'i tsUr+Na ste/ /'bad pas skyes bu dbul 'byin no/ /ji ltar nus pa dag tu spyad| |sna tshogs phyag rgya'i sbyor ba yis/ /thabs dang shes rab ldan par ni/ /sku gzugs yang ni ri mo 'am/ /gzhan yang mkhas pas cho ga bya/ /ji lta'i las kyi rjes mthun par/ /de lta'i gos kyi rjes 'chang zhing / /gcer bu skra ni grol ba dang / /gzugs mdog dag ni bsgyur nas kyang / /gtso bo dang ni rnal 'byor pa/ /slob dpon yang ni de bzhin te/ /phyag rgya'i rigs par gnas nas su/ /dri chen chu dang dpa' bo bza'/ /mnyam par bzhag nas bzlas pa bya/ /rnam pa du ma bye brag gi /glu dang gar ni rnam pa dang / /bza' btung mchog ni spyad par bya/ /de dag rdzogs kyi bar bya ste/ /de 'di cho ga'i rim pa 'o| |rab tu gnas pa'i dus dag tu/ /nyis 'gyur tshogs kyis spel ba ste/ /gdu bu dang ni kang+ka dang / /dpung rgyan gos kyi bye brag dang / /sor gdub dang ni mchod phyir thogs/ /rkang rgyan dang ni thod pa dang / /gdugs dang rnga yab de bzhin te/ /sna tshogs skyes bu sbyin zhing dbul/ /sna tshogs dpa' bo mchog dam pa/ /myos byed btud ba'i bye brag rnams/ /dam tshig tsho ga'i mchog rnams dang / /sna tshogs ro dang bcud rnams dang / /sna tshogs me tog mchog rnams dang // lha mo mchog gi lus rnams dang / /rol mo sna tshogs sgra rnams dang / /slob dpon phyag rgyar sbyor ba dang / /slob ma'i tshogs kyi khyad par rnams/ /bza' ba'i mchod pa dag gis mchod/ /bdug pa'i dri mchog rnams dang ni/ /sna tshogs rgyal ba'i bdug pa dang / /khyad par du ni mar me'i phreng / /gdugs dang bla re de bzhin te/ /me long dang ni rnga yab dang / /dra ba dang ni dra phyed dang / /chun po dag gis rnam par brgyan/ /bum par ras dang ldan pa dag /ye shes bdud rtsis yongs gang ba| |rin chen lnga dang sman dang ni/ /dri yi bye brag dag gis ni/ /arga'i snod ni khyad par du/ /tsu ta pa la ba lnga dang / /aM bu dzaM bu ka dam pa/ /bil ba bI dza pu ras dgang / /ba la mo ta kri tan dza/ /ke dri ka ri kar ldan pa/ /e ka bI ra sa ha de/ /sman rnams kun ces bya ba la/ /lda po de dag shes bya ste/ /mkhas pas bum par gzhug par bya/ /gser dang dzA ti pha la dang / /gla gor zho sha de bzhin no/ /gser gyi mchod phyir thogs dang ni/ /phyag rgya drug gis rnam par brgyan/ /sgrub pa po kun gcer bu yis/ /bkra shis glu yis glu len cing / /rnam par dag pa'i sems kyis ni/ /dad pa'i blo ni sngon 'gro bas/ /dus dang gnas skabs thams cad du| |sna tshogs rgya che'i mchod par bya/ /mngon par brjod pa'i rgyud bla ma'i bla ma las/ ras ris la sogs pa rab tu gnas pa'i cho ga'i le'u ste bzhi bcu rtsa brgyad pa'o|| ||de nas gzhan yang bshad bya ba/ /dkyil 'khor dkyil 'khor dam pa ste/ /mngon mtho he ru ka zhas bya/ /dkyil 'khor snying po bsdus pa yin| |shin tu mnyam bzhag sgrub pa pos/ /dam tshig rtag tu bskyang bar bya/ /dam tshig nyams pas dkyil 'khor du/ /dbang bskur dngos grub 'thob mi 'gyur/ /sbrang rtsi mtshal dang ga pur bcas/ /dmar dang tsan+dan sbyar ba ni/ /tshogs kyi nang du zhugs pa ni/ /thams cad bcud kyis lan du gnas/ /thams cad rdo rje'i mtshan ma 'dzin/ /sbom po mtha' ltag rtse sbyar bas/ /rnal 'byor rim pas rtag tu spyad/ /zhi ba'i btung bas bzhin myangs na/ /dngos grub rtag tu thob par 'gyur/ /'di ni mi 'chi bcu phyed 'gyur/ /dngos grub thams cad 'jug pa yin/ /mchod bzhi de bzhin dpa' bo ni// dbang gnyis snyoms par 'jug pa yis/ /snyoms par 'jug pa'i de nyid 'dzin/ /mngon du bsnyen pa bya ba ni/ /cho ga bzhin du 'bum du bzla/ /'khor lo'i gsang sngags 'bum bzlas shing / /rang gi lha'i yang 'bum du bzla/ /gzhan ni khri ru bzla bar bya/ /bka' bzhin 'khor lo bri bya zhing / /mdangs ldan mi mchog dag gis ni/ /dkyil 'khor bri zhing dgod par bya/ /sngar bshad gnas ni gang yin pa/ /der ni dkyil 'khor bri par bya/ /sa ni yongs su sbyar bar bya| |brdung zhing legs par brdungs nas su/ /mnyam zhing zug rdu rnam par spang / /sa la ma lhung lci ba yis/ /dkyil 'khor sa ni nye bar byug /dur khrod thal bar ldan pa dang / /mi 'chi bcu phyed bcas pa yis/ /dkyil 'khor sa ni nyer byugs te/ /der ni dkyil 'khor yang dag brtsam/ /dur khrod du ni kun spyod cing // ro bsregs sol ba'i phye ma dang / /dur khrod brgyad dang ldan pa yis/ /slob dpon legs par mnyam bzhag ste/ /dkyil 'khor bzang po bri bar bya/ /slob dpon mtshan nyid thams cad ldan/ /mtshan ma ngan pa kun spangs shing / /yang dag shes shing rgyud shes pa/ /dpal ldan khrag 'thung gsang sngags shes/ /khro med gtsang zhing mkhas pa dang / /sbyor shes ye shes pha rol 'gro/ /thod pas spyi bor brgyan byas shing / /yan lag thal bas byugs pa dang / /gug skyed dag gis lus brgyan cing / /rus phreng rus par yang dag gnas/ /dum gcig spyi bor brgyan pa dang / /rus pa'i phreng bas rnam par brgyan/ /kha T+wAM ga ni lag na gnas/ / bdag nyid shrI he ru kar ni/ /byas nas de yi 'og tu ni/ /dpal ldan he ru ka dran bya/ /'khor lo 'di yi snying gar dgod/ /de ltar bdag nyid go bgos nas/ /ra ba rnams ni phyogs su dgod/ /'og tu'ang mtshon cha dgod par bya/ /'khor lo'i bdag nyid bkod nas ni/ /steng du mda' yi dra ba dang / /bdag nyid mtshon cha'i dra ba bya/ /de ltar go bgos sum cu ni/ /rtsa gsum pas kyang gzhig mi nus/ /de lta bdag nyid rab bsrungs shing / /sngags dang phyag rgyas rnam brgyan nas/ /dngos grub thams cad rab ster ba'i/ /dkyil 'khor 'jigs ba bri bar bya/ /de nas sems med srad bu la/ /ru d+hi ra ni chen pos brlan/ /dpal ldan khrag 'thung grong mchog gi /dkyil 'khor 'jigs pa thig gdab bya/ /khru bzhi pa la khru brgyad pa/ /sgo bzhi kun nas zur bzhi pa/ /sngags pas nyis gyur rnam spyod cing / /mkha' 'gro dra ba bde mchog bzlas/ /de yi dbus su gzhag pa ni/ /'dab chags lte ba 'bar dang bcas/ /ge sar yang dag ldan pa yi/ /sna tshogs pad+ma 'dab brgyad pa/ /lte bar bkod bya dpa' bo ni/ /'jigs byed chen po'i gzugs can la/ /mdangs dang ldan zhing rab tu 'bar| |ha ha zhes byar sgra cher bzhad/ /thod pa'i phreng ba'i rgyan dang ldan/ /bzang po spyan gsum zhal bzhi mnga'/ /glang po'i pags pa rnam par bgos/ /smin ma bzang po rdo rje 'byes/ /phyag na kha T+wAM ga bsnams shing / /brgya phyed phreng bas rnam par brgyan/ /de mdun gnas pa'i lha mo ni/ /rdo rje phag mo zhes bya ba/ /rab 'jigs 'jigs byed che la phyogs/ /spyan gsum drag po'i gzugs can bya/ /ka pA la ni an+t+ras bkang / /kha nas ru d+hi ra 'dzag cing / /lha dang lha min mir bcas dang / /phyogs kun tu ni bsdigs mdzub byed/ /mkha' 'gro ma ni nyi shu bzhi/ /phag mo yi ni rigs las byung / /phyogs dang phyogs kyi mtshams rnams ni/ /'khor lo'i lte bar mchod par bya/ /de bzhin 'dir ni dpa' bo yang / /'khor lor yang dag gnas pa mchod/ /sgrub po gal te dngos grub 'dod/ /gnyis med dpa' bo mchod par bya/ /de nas bum pa bya ba ni/ /rtsab nag po la sogs med/ /mu tig gser dang rin chen dang / /byi ru dngul dang zangs ma ste/ /bza' ba kun gyis legs bkang ba'i/ /snod ni steng du gzhag par bya/ /mgrin pa srad bus dkris pa dang / /kha ni 'dab mas brgyan par bya/ /gos zung gis ni legs dkris pa/ /brgyad ni sgo ru rnam par dgod/ /gos zung gis ni dkris pa yi/ /bum pa dgu pa dbus su gzhag /gser ram dngul lam rin chen nam/ /mu tig rnams ni mdzes par bya/ /dkyil 'khor kun tu rin chen dang / /gser rnams kyis ni mdzes par spyad// grong mchog yid 'ong mchod nas ni/ /grub pa nyid du the tshom med/ /bdag nyid kyi ni gdong lus kun/ /dri yi chu yis legs par bsang / /gal te dngos grub mchog 'dod na/ /mar me brgya ni dbul bar bya/ /nam mkha'i mkha' 'gro ma rnams ni/ /yid kyi thams cad steng du dgod/ /sa steng mkha' 'gro ma gang yin/ /dkyil 'khor kun tu dgod par bya/ /gang yang sa 'og rnams su dgod/ /ma mo thams cad phyogs dang ni/ /phyogs mtshams rnams su dgod par bya/ /gal te dngos grub mchog 'dod na| |dri dang me tog bdug spos dang / /mar me brgya yang dbul bya zhing / /dpal ldan khrag 'thung dkyil 'khor gnas/ /dpa' bo rnal 'byor ma mchod bya/ /rgyal mtshan dmar dang de bzhin ser/ /dkar dang nag dang ser skya dang / /de bzhin gos ni sna tshogs dang / /me tog phreng ba du ma dang / /bla re dag dang dang bcas pa'i/ /mda' ni shin tu mdzes pa dang / /de bzhin bza' bca' btung ba yis/ /rab mnyam bzhag ste mchod par bya/ /de nas sgrub bos dngos grub gyis/ /dang por slob dpon mnyes par bya| |grub 'dod shin tu mnyam bzhag pas/ /ci nus par ni bla ma mchod/ /dril dbyangs me tog spos kyis brgyan/ /shin tu sgra snyan dril bu dkrol/ /sgrub pa po yis rnga brdungs shing / /ha ha zhes ni brjod pa'ang bya/ /de ltar cho ga bzhin dkyil 'khor/ /'dod pa kun ldan mchod nas ni/ /de yi bu sdug gdong la ni/ /dar gyis legs par bka' nas su| |me tog gis bkang thal mo dag /pad+mas gtor nas bskor ba ni/ /g.yon phyogs bskor nas phyag byas te/ /hUM dang phaT kyi sgra yang brjod/ /g.yas brkyang ba yi gnas pa yis| |dngos grub sras po gzhag par bya/ /thal mo me tog gtor nas ni/ /gang du babs pa'i bsam pa ni/ /bskor ba dag kyang byas nas su/ /shin tu mnyam par bzhag pa yis| |sgrub pa po yis byas nas gzhug /de nas yon thogs grong khyer du/ /g.yas pa'i phyogs su brten nas ni/ /snyim pa'i me tog dkyil 'khor dor/ /dkyil 'khor gang du me tog babs/ /de yi rigs ni bstan par bya/ /de nas slob dpon legs par ni/ /rab mnyam bzhag ste phyag rgya mchod/ /de nas slob ma gnyis pa la/ /mtshal chen lan gsum bzlas pa yis/ /de la thig le bya ba yin/ /de nas slob ma'i gdong phye la/ /dkyil 'khor dag ni bstan par bya/ /gang gi lha yi gnas gang yin/ /der de yang dag bstan pa bya/ /slob dpon dang ni lhan cig tu/ /rab tu btud pa byas nas ni/ /g.yon nas brtsams pa'i rim pa yis/ /de nas bskor ba rab tu bya/ /dkyil 'khor dang ni bla ma la// ji bzhin cho gas phyag bya 'o/ /de nas bla ma dag la yon/ /de bzhin gshegs pas gsungs pa dbul/ /gser ni brgya stong dbul ba dang / /rin chen rnam pa sna tshogs dang / /ras ni zung gyur brgya nyid dang / /glang po rta 'am yul 'khor ram/ /rna rgyan dang ni gdu bu dang / /mgul gdub sor gdub dam pa dang / /gser las byas pa'i mchod phyir thogs/ /chung ma bzad dang bu mo nyid/ /bran pho bran mo sring mo rnams/ /phyag byas nas ni dbul bar bya/ /ded nas brtsams te bran du ni/ /khyed la bdag ni dbul lags zhes/ /blo ldan kun nas dang ba yis/ /bdag nyid kyang ni dbul bar bya/ /de ltar nges par bya ba ni/ /sgrub pa po yis rab nges byas/ /de nas de la mkha' 'gro ma// rnal 'byor ma rnams mnyes par 'gyur/ /mkha' 'gro ma dang lA ma dang / /dum skyes ma dang gzugs can ma/ /sgrub po mkha' 'gro ma lhan cig /de dang rnam spyod 'gro ba kun| |sgrub pa po ni de dag gi /ci bgyi byed par the tshom med/ /rnal 'byor 'di ni grub gyur na/ /'jig rten gsum du mi ldog cing / /mi snang phug dang gnas mkha' rgyu| |rkang mgyogs de bzhin bcud kyis len/ /sgrub pa po ni 'dod tsam gyis/ /rtag par rgyun du skyes par 'gyur/ /gzugs ni du ma byed pa dang / /nam mkha' la ni 'gro bar 'gyur/ /mkha' 'gro rnams kyi khyad par du/ /nges gnon 'gro ba thams cad kyang / /lan cig bltas pa'i sbyor ba yis/ /skad cig gis ni sbyor nyid skyed/ /sngags pas dkyil 'khor ma mthong bar/ /gang zhig rnal 'byor pa nyid 'dod/ /mkha' la khu tshur gyis rdeg dang / /smig rgyu'i chu ni 'thungs dang mtshungs/ /rnal 'byor 'di ni mchog rab dang / / sbyor ba kun gyi dam pa'i yin/ /gang zhig rtag tu 'dod gyur pa/ /de ni lha mi zil gnon 'gro/ /de nyid bsdus par gyur pa'am/ /gsang ba'am rdo rje 'jigs byed las/ /dkyil 'khor rnams kyi rgyal po 'di/ /ma byung 'byung bar mi 'gyur ro/ /bshad dang ma bshad gang ci'ang rung / /de kun dpal ldan khrag 'thung gnas/ /mngon par brjod pa'i rgyud bla ma'i bla ma las/ dkyil 'khor gyi cho ga'i le'u ste bzhi bcu rtsa dgu pa'o// //de nas gzhan yang bshad bya ba/ /sbyor ba'i mtshams dang yang dag ldan/ /chu med pa ni mtshams yin te/ /gos pa med cing chags spangs pa/ /mtshams ni 'byung po thams cad pa/ /de ni sems can thams cad de/ /mtshams ni srid pa dag pa ste/ /dbyangs skyong he ru ka nyid yin/ /rnal 'byor pa yis bsgom shing bzla/ /gcig car 'byung bar snang ba ste/ /dung dang kun da'i mdog kyang 'dzin/ /rgyan rnams thams cad yongs su rdzogs/ / mtshan rnams kun gyis mtshan pa ste/ /zhal gsum pa la phyag drug pa/ /spyan gsum pa la thugs rje'i nyams/ /skra grol dpral bar thod pa ste/ /spyi gtsug tu ni zla ba 'o/ /he ru ka dpal yang dag ldan/ /mtshams rnams grub pa'i mchog dam pa/ /thun bzhi ru ni bya ba 'o/ /dga' ba bzhi po dga' ba dang / /lte ba'i snying pad nu ma'i dbus/ /lce yi rtsa dang mgo steng du/ /dga' ba dang ni mchog dga' nyid/ /dam par dga' dang lhan cig skyes/ /dang po 'dab ma drug cu bzhi/ /gnyis pa brgyad pa mchog yin te| |gsum pa 'dab ma bcu drug pa/ /bzhi pa sum cu rtsa gnyis 'dab/ /phag mo'i lte ba'i rtsar gnas pa/ /lhan cig skyes dga' khrag 'thung mchog /sbyor ba'i dus kyi mtshams su ni/ /'phags pa'i bden pa bzhi bsgom bya/ /sdug bsngal sprul pa'i 'khor lo ste/ /kun 'byung chos kyi 'khor lo yin/ /'gog pa longs spyod 'khor lo ste/ /lam ni bde ba chen po yin/ /de ltar mtshams su byin brlabs nas/ /rnal 'byor nges pa byas pa ste/ dkar dang sngo dang ljang ba dang / /spyan gsum thugs rje stong pa'i nyams/ /rnam thar gsum dang sku gsum gyis/ /yongs su dag par rim par sbyor/ /rdo rje dril bu mnyam par ldan/ /thod pa dang ni kha T+wAM 'dzin/ /mgo bo gri gug phyag na bsnams/ /sems dpa'i dkyil mo krung du bzhugs/ /zla ba yi dwags pad dbus su/ /skra grol phyogs kyi gos can yin/ /dgyes pa'i nyams kyis myos pa ste/ /dus rtag tu ni mtshams bsgoms na/ /sdom pa mchog ni grub pa yin/ /dri chen rdo rje chu dang ni/ /rin chen snang ba mtha' yas dang / /don yod grub pa'ang de bzhin te/ /de dag rtag tu bsres nas su/ /rnal 'byor rtag tu mtshams la 'dud gsang sngags 'di dag rtag tu yang / /he ru ka ni dbyangs skyong mchog /oM shrI he ru kA ya bi ma he bid+yA rA dza ya d+hIHma he taM no bI ra pra dzo da ya AH hUM/ rtag tu mtshams ni rnam bsgoms na| |dbyangs skyong mchog gi bzlas pa bya/ /dbyangs skyong ming ni rig byed de/ /las rnams thams cad byed pa dge/ /dus min 'chi bar mi 'gyur zhing / /zhi dang rgyas dang dbang yang grub| |'das dang ma 'ongs da ltar gyi/ /don ni sngags pa rtag tu smra/ /dngos grub 'di ni rab tu 'grub/ /de ma thag tu grub chen bcas/ /'jig rten gsum po grub pa yin/ / sgrub po'i dbang pos rnam bsgoms te/ /khrag 'thung cho ga bzhin shes nas/ /zhag gsum brtul zhugs la gnas na/ /lha yi gnas su 'gro ba yin/ /lha yi ye shes thob nas ni/ /lha yi lus kyi mchog kyang 'dzin/ /ngag rnams kun la dbang thob cing / /thams cad mkhyen par gyur nas su/ /rga dang 'chi ba rnam par spangs/ sangs rgyas lha yis bsten pa ste/ /srid par sangs rgyas rol par mdzad/ /nyin zhag gsum gyi bar du yang / /phyag rgya lhan cig 'byung pa spyad| |mthong nas srid mo yang dag sgrub/ /zhag gsum bar du mchod byas nas/ /rdo rje he ru ka dpal lha/ /thams cad kyang ni byon par 'gyur/ /pus mo sa la btsugs nas ni| |de yis phyag ni byas nas kyang / /sgrub pos rtag tu mchod par bya/ /sgrub po 'dod la dga' bas ni/ mod la dpa' bos thams cad mkhyen/ /gtso bo thams cad 'dzin pa ste/ /khams gsum kun tu rnam spyod cing / /sgrub pa po ni mchog tu 'gyur/ /'di ni dpa' chen dpa' bo ste/ /gnyis pa thams cad rnam par spangs/ /de ni rnam par shes tsam gyis/ /sa gzhi ska rags kyis bskor ba/ /lha dang lha min mi rnams kyang / /sgrub pa po ni de nyid kyi/ /mod la dbang du gyur pa yin/ /mngon par brjod pa'i rgyud bla ma'i bla ma las/ /dbyangs skyong gi mtshams kyi le'u ste lnga bcu pa'o// //de nas gzhan yang bshad bya ba/ /yi ge bdun pa sgom pa ste/ /yi ge hUM las yang dag 'byung / /rdo rje mkha' 'gro bde ba che/ /phyag drug zhal gsum spyan gsum pa/ /mtshan rnams thams cad kyis mtshan cing / /dpe byad bzang po brgyad cur ldan/ /A li kA li las byung gtso/ /phag mo dang ni mnyam par ldan/ /stong zhing thugs rjes khyab pa ste/ /rdo rje dril bus mnyam par ldan| |na ra'i pags pa gos su mnabs/ /thod pa kha T+wAM ga 'dzin cing / /g.yas pa'i phyag na mdud rtse gsum/ /'dod pa'i 'bras bu thams cad stsol/ /thod pa'i phreng ba'i dbu rgyan can/ /sna tshogs rdo rje ral pa 'chang / /zla ba phyed pa'i spyi gtsug gtsang / /phyag rgya drug gis sku lus brgyan/ /'jigs byed chung mar bcas pa dag /g.yas brkyang ba yi zhabs kyis mnan/ /sna tshogs pad+ma nyid la bzhugs/ /'khor lo drug gi dbus su bzhugs/ /rnal 'byor ma drug mnyam par sbyar/ /myur du dngos grub stsol ba yin| |dang po khrag 'thung lha mo ste/ /gnyis pa rdo rje 'jigs byed ma/ /gsum pa drag ga tum ma yin te/ /bzhi pa rdo rje nyi ma mo/ /lnga pa rdo rje drag mo ste/ /drug pa rdo rje mkha' 'gro ma| |g.yon gyi phyogs nas dgod par bya/ /lha mo de dag cher gtum zhing / /spyan gsum dbu skra grol ba ste/ /phyogs kyi gos mchog 'dzin pa yin/ /thams cad yi dwags nyi steng bzhugs/ /sngo zhing ser la ljang ba dang / /dmar dang dud ka de bzhin dkar/ /cang te'u dang ni dril bu 'dzin/ /thams cad na ra'i pags pa 'dzin/ /thod pa'i phreng ba'i ba'i dbu rgyan can/ /g.yas brkyang g.yon brkyang tshul gyis bzhugs/ /yi ge drug las yang dag byung / /lha mo gzigs pa mtshan ma yin/ /ji ltar mgon po mdog bzhin du/ /phag mo yang ni de bzhin te/ /phyag rgya phyag mtshan de bzhin no/ /sngo dang ser dang ljang ba dang / /stag gi pags pa gos su mnabs/ /lha mo'i byin par mnyam par 'khril/ /mchog tu dga' bar rnam par mos/ /oM hrIH ha ha hUM hUM phaT/ yi ge de las mkha' 'gro ma/ /yan lag drug pa rnam par bsgom/ /bdun pa dbus su dgod pa ni/ /yi ge hUM las he ru ka /dbus su dran pa yang dag byang chub kyi yan lag ste/ bcom ldan 'das dpal he ru ka'o/ /chos rnam par 'byed pa yang dag byang chub kyi yan lag ni/ rdo rje he ru ka ma'o/ /brtson 'grus yang dag byang chub kyi yan lag ni/ /rdo rje 'jigs byed ma'o/ /dga' ba yang dag byang chub kyi yan lag ni/ drag gtum ma'o/ /shin tu sbyangs pa yang dag byang chub kyi yan lag ni/ /rdo rje nyi ma'o/ /ting nge 'dzin yang dag byang chub kyi yan lag ni/ rdo rje drag mo'o/ /btang snyoms yang dag byang chub kyi yan lag ni/ rdo rje mkha' 'gro ma ste/ byang chub yan lag 'di bdun bsgom/ /ji lta'i rim pas sbyor zhing bsgom/ /gsang sngags gzhal med pa bzlas shing / /khro bo kun gyi gnas mchog ste/ /bsod nams chung ba'i sgrub pos kyang / /zla phyed nang du dngos grub ste/ /rtag tu zhag re bsgoms pa ni/ zhag bdun gyis ni the tshom med/ /dpyid zla tha chung nya la ni/ /ma sring bu mo tsha mo dang / /shes rab thabs kyi cho ga yis/ /nyin mtshan bzlas shing bsgoms byas bas/ /tho rangs dpal khrag 'thung mnyam 'gyur/ /mngon par brjod pa'i rgyud bla ma'i bla ma las/ nye ba'i snying po bsgoms pas bskyed pa'i le'u ste lnga bcu rtsa gcig pa'o// //gzhan yang snying po bshad bya ba/ /sems can kun la phan 'dogs pa/ /hUM gi yi ge las byung ba/ /bde ba chen po bde las byung / /sngo zhing dkar la drag po ste/ /zhal brgyad pa la shin tu 'jigs// spyan gsum pa la phyag bcu drug /mgo yi phreng bas rnam par brgyan/ /thod pa'i phreng pa'i dbu rgyan can/ /zla ba phyed pa'i ral pa 'chang / /sna tshogs rdo rje dbu la mnan/ /phyag rgya drug gis sku la brgyan/ /'jigs byed chen po 'jigs pa ni/ /g.yas brkyang ba yi zhabs kyis gnon/ /dus mtshan shin tu 'jigs pa yang / /g.yon bskum pa yi zhabs kyis gnon/ /rdo rje dril bu mnyam ldan pas/ /phag mo yi ni ku tsha 'tshir/ /tshangs lpags bshus nas rgyan du 'dzin/ /mdung rtse gsum dang dgra sta dang / /kha T+wAM cang te'u gri gug mchog /brgyad pa la ni lcags kyu thogs/ /g.yas pa'i phyag rnams de bzhin no/ /thod pa dang ni kha T+wAM ga /mgo bo zhags pa 'dzin pa'i mchog /tho ba bsdigs mdzub dam pa ste/ /shrI'i ye shes yang dag rdzogs/ /pang du phag mo'i gzugs yin te/ /drag cing dmar la dkar ba yin/ /byin pa gnyis kyis legs par 'khril/ /skra grol ba la spyan gsum pa/ /thod pa'i phreng bas rnam par brgyan/ /de yi zhal dang phyag tu gnas/ /dum bu'i rgyan gyi ska rags can/ /mche ba rnam par gtsigs pa'i zhal/ /phyogs kyi gos can chags pas gzigs/ /rked pa'i dkyil 'khor rgya yang che/ /sngo zhing dkar la de bzhin dmar/ /ser zhing ljang la dud ka ste/ /du ba thal ba sprin gyi mdog /'di 'dra'i zhal dang gzugs su gnas/ /lha mo mda' dang gzhu 'dzin cing / /tshangs pa'i pags pa rnam par spangs/ /sna tshogs pad+ma'i steng du ni/ /zla ba nyi ma'i dbus su bzhugs/ /'khor lo brgyad pa'i dbus bzhugs par/ /phyi yi dkyil 'khor rnam par bsgom/ /pad+ma'i lte ba'i dbus su ni/ /bcom ldan 'das ni nges par dgod/ /oM ni shar gyi 'dab ma la/ /gsal byed mkha' 'gro ma yang dgod/ /ba ni byang gi 'dab la ste/ /rta gdong mkha' 'gro ma yang dgod/ /dzra ni rdo rje drag mo ste/ /mkha' 'gro nub tu dgod par bya| |he ru lho phyogs 'dab la dgod/ /gser gyi mdog can mkha' 'gro ma/ /ser dang sngo bsangs dkar dang dmar/ /zhal gsum rnam bsgyur drag po ste/ /phyogs kyi gos can skra grol ba// ro yi steng du bzhugs pa ste/ /g.yas brkyang ba yis bdud bzhi 'joms/ /thod pa'i phreng ba drag po ste/ /pad+ma spom po'i 'dab ma la/ /chags pa can gyis gzigs shing bzhed// thugs rje'i nyams kyis bde ba yin/ /mda' dang gzhu yang 'chang ba ste/ /zhags pa lcags kyu 'dzin pa'i mchog /thod pa dang ni kha T+wAM bsnams/ /cang te'u ni sgra yang sgrog /ser dang ljang gu sngo ba dang / /sngo bsangs dmar dang dkar ba dang / /dkar dang ljang gu sngo ba dang / /dmar dang sngo dang ljang ba ste/ /'di ltar mdog ni khyad par gyis/ /dam tshig mchog ni bsgom par bya| |mtshams bzhi ru ni bum pa dag /byang chub sems kyis gang bar gzhag /shar gyi phyogs su he yin te/ /ming ni he la ka zhes bya/ /byang gi phyogs su ru yin te/ /mkha' 'gro ma ni ru tsa ki /nub kyi phyogs su ru yin te/ /ru tsa ka ma li zhes bya/ /lho yi phyogs su kaM yin te/ /keng rus ma zhes grags pa yin/ /me yi phyogs su hUM mdzad ma/ /bden bral phyogs su phaT mdzad ma/ /rlung gi phyogs su Da ma ri/ /dbang ldan ki li ki la ste/ /de brgyad lha mo chen mo ste/ /dngos grub thams cad rab tu stsol/ /ji ltar zhal dang gzugs bzhin du/ / de bzhin 'dir yang 'gyur ba yin/ /thod pa dang ni kha T+wAM 'dzin/ /dril bu cang te'u gri gug dang / /spyan gsum pa la skra grol ba/ /phyogs kyi gos can g.yas brkyang bzhugs/ /thod pa'i phreng ba'i rgyan can te/ /phyag rgya lnga yis rnam par brgyan/ /rgyan rnams thams cad yang dag ldan/ /drag cing gtum la rab 'jigs pa'i// thams cad ro yi steng bzhugs bsgom/ /spyan gsum pa la chags pas myos/ /dbang ldan zur la ut+pal sngon po zhes bya ba/ /rlung gi phyogs la dra ba'i mchog ces bya ba ste| |bden bral phyogs la gsus pa 'phyang ma zhes bya ba/ /me yi phyogs la sha ba ri zhes bya ba ste/ /ser dang sngo bsangs sngo ba dang / /dmar ser dang ni bzhi pa ste// thod pa dang ni kha T+wAM 'dzin/ /gri gug cang te'u mchog yin te/ /bzhi pa rdo rje mdung yin no/ /phyogs kyi gos can chags pas rol/ /bzang mo lto ba 'phyang ma ste/ /skye gnas ring la rgya yang che/ /spyan gsum rnam par 'gyur zhing drag /skra grol ba la rab tu 'jigs/ /thod pa'i phreng ba'i dbu rgyan can/ /rgyan rnams thams cad spud pa'o/ / shar sgor baM las gtum mo zhes bya ba'i mkha' 'gro ma dang / lho'i sgor raM las rol gtum mo zhes bya ba'i mkha' 'gro ma dang / nub kyi sgor sa las 'bar ba'i mchog ces bya ba'i mkha' 'gro ma dgod do/ /byang gi sgor ha las phreng ba rnam bar rgyal ba'i mchog ces bya ba'i mkha' 'gro ma ste/ sngo dang dkar ser nyid yin te/ /lcags kyu dang ni cang te'u 'dzin/ /thod pa kha T+wAM ga bsnams te/ /gri gug mgo bo sdigs mdzub dang / /dkar dang sngo dang ljang ba dang / /zhags pa dang ni cang te'u 'dzin/ /thod pa kha T+wAM ga 'dzin cing / /sdigs mdzub gri gug mgo bo 'dzin/ /dmar dang sngo dang ljang gu ste/ /lcags sgrog cang te'u gri gug dang / /thod pa kha T+wAM ga 'dzin cing / /mgo po dang ni sdigs mdzub mchog /ljang dang dkar po 'dres pa dang / /ser dang dmar ba'i zhal mchog yin/ /dril bu cang te'u gri gug dang / /kha T+wAM ga dang thod pa dang / /mgo bo dang ni sdigs mdzub phyag /skra grol ba la gdug pa che/ /spyan gsum rnam par 'gyur pa'i zhal/ /zhal gdangs ljags ni bskyod pa ste/ /g.yas brkyang g.yon bskum tshul gyis bzhugs/ /thod pa'i phreng ba'i dbu rgyan can/ /phyogs kyi gos mchog 'dzin pa ste/ /ro dang pad+ma'i dbus bzhugs/ /mgo bo'i phreng bas rnam par brgyan/ /thams cad phyag rgya lnga 'chang zhing / /mgo bo'i do shal rnams kyis brgyan/ /mi bskyod pa yi cod pan 'ching / /rnam bsgyur spyan ni g.yo ba ste/ /yi ge nyi shu gnyis las byung / /snying gar mchog ni bsgom par bya| |'di ni gsang sngags thams cad kyi/ /yi ge nyi shu rtsa gnyis mchog /oM shrI badzra he he ru ru kaM hUM DA ki nI dzA la shaM ba raM hUM phaT swAhA/ yi ge re re dgod pa ste| |mkha' 'gro ma yi snying de bzhin/ /hUM shrI lha dang lha mo ste/ /sku gsung thugs kyi sbyor ba'o/ /dbus su rnam dag bcom ldan 'das/ /sgom zhing rnam par bsgom par bya// rnam par thar brgyad sgo sna tshogs/ /gzugs su lta ba stong pa ste/ /nang gzugs med par phyi rol gzugs su lta ba'ang stong pa yin/ /sdug dang mi sdug mthong bar byed pa lta ba'ang stong pa yin/ /nam mkha' mtha' yas skye mched dag tu lta ba'ang stong pa ste/ /rnam shes mtha' yas skye mched dag tu lta ba'ang stong pa yin/ /ci yang med pa'i skye mched dag tu lta ba'ang stong pa yin/ /'du shes med cing 'du shes med min skye mched rnams kyang stong pa'o/ /'du shes dang ni tshor ba'ang 'gog par lta ba stong pa yin// phyag bcu drug pa'ang stong pa ste/ /nang stong pa nyid dang / /phyi stong pa nyid dang / phyi nang stong pa nyid dang / /stong pa nyid stong pa nyid dang / /chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / /rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid de/ ji ltar bcom ldan 'das bzhin du/ /phag mo yang ni de bzhin te/ /gnyis med gzugs can bcom ldan 'das/ /he ru ka dpa' rnam par shes/ /phag mo nam mkha' lta bu'o/ /lha mo bzhi yis rnam dag pa/ /gsal byed mkha' 'gro ma nyid ni/ /don rnams so sor yang dag rig /rta gdong ma gang yin pa 'o| |chos rnams so sor yang dag rig /rdo rje drag mo mkha' 'gro ma/ /nges tshig so so yang dag rig /gser mdog can gyi mkha' 'gro ma/ /spobs pa so sor yang dag rig /lha mo de dag 'dab ma'i dbus/ /rton pa rnam pa bzhi po ni/ /he li ka ni don la rton pa ste/ /ru tsa ki ni tshig 'brur rton pa yin/ /ru tsa ka me la ni ye shes rton/ /keng rus ma ni rnam shes rton pa yin/ /shar dang byang dang nub dang ni/ /lho phyogs kyi ni 'khor lo la/ /chos kyi mdo ni bzhi po dgod/ /hUM ni/ 'du byed thams cad mi rtag pa'o/ /phaT ni/ 'du byed thams cad sdug bsngal ba'o/ /Da ma ri ni/ chos thams cad bdag med pa'o/ /ki li ki la ni/ chos thams cad zhi ba'o/ /me dang bden bral rlung dang ni/ /dbang ldan 'khor lo de dag kun/ /lha mo yis ni rnam par dag /mi 'jigs pa bzhi dngos po'i chos thams cad rtogs pa la 'jigs pa med pa ni/ ut+pal sngon po ma'o/ /chos thams cad ston pa la 'jigs pa med pa ni/ dran pa'i mchog go /nges par 'byung ba'i lam la 'jug pa la 'jigs pa med pa ni/ gsus pa 'phyang ma'o/ /zag pa zad pa shes pa la 'jigs pa med pa ni/ sa ba ri ma'o/ /mtshams su dkyil 'khor lha mo ni/ /'di yis zur bzhi rnam par dag /sgo bzhi dag tu lha mo ni/ /gtum byed ma ste/ dad pa'i dbang po'o/ /rol gtum ma ni/ brtson 'grus kyi dbang po'o/ /'bar mchog ma ni/ dran pa'i dbang po'o/ /rnam par rgyal ba'i mchog ni| ting nge 'dzin gyi dbang po'o/ /dpe byad bzang po brgyad cu ni/ bcom ldan 'das dpal khrag 'thung rdo rje'o/ /sum cu rtsa gnyis mtshan rnams ni/ /'phags pa shes rab bcom ldan ma/ /rdo rje phag mo nyid yin no/ /mngon par brjod pa'i rgyud bla ma'i bla ma las/ yi ge nyi shu rtsa gnyis kyi snying po bsgoms pas bskyed pa'i le'u ste lnga bcu gnyis pa'o// //de nas gzhan yang bshad bya ba/ /dkyil 'khor dag ni rnam dag ni/ /'byung ba kun gyi spyan yin te/ /rnam par snang mdzad thig tu grags/ /b+ha gas khyab pa'i rim pa ni/ /mkhas pas dkyil 'khor thig tu shes/ /dus ni sna tshogs rigs su shes/ /mchod pa sna tshogs cho ga bzhan/ /pu li rim pad+ma ma'o/ /dzA lan+d+ha ra thugs 'khor lo/ /u D+yan gsung gi 'khor lo ste/ /ar bu da ni sku'i 'khor lo/ /go da ba ri zur bzhi'o/ /rA me shwa ra me phyogs so/ /de bI kau Ta bden bral yin/ /mA la ba ni rlung gi zur/ / dbang ldan kA ma rU pa ste/ /gra bzhi rnam par dag pa ni/ /'di la the tshom med pa yin/ /o tre dag ni shar gyi sgo'o/ /tri sha ku ni lho phyogs sgo/ /ko sa la ni nub kyi sgo'o/ /ka ling+ka ni byang sgo ste/ /shar gyi rta babs lam+pA ka /kAM tsi lho yi rta babs yin/ /hi ma la ya nub phyogs so/ /pre ta pu ri byang yin te/ /gr-i ha de bu lha snam bu/ /sau rASh+Ta ni rin chen sa/ /su bar dwI pa dra ba phyed/ /na ga ra ni rda yab dang / /dril bu rgyal mtshan ba dan no/ /sin+d+hu rdo rje thig zlum po/ /ma ru ti na sgo khyud do/ /ku lu tA ni rdo rje dang / /rin po che dang dkyil 'khor gyi// thig ni bla na med pa yin/ /zur bzhi pa la sgo bzhi pa/ /rta babs bzhis ni rnam par brgyan/ /dra ba dra phyed kyis brgyan cing / /dar dang phred bas rnam par brgyan/ /zur gyi cha ni thams cad dang / /sgo dang sgo khyud mtshams rnams su/ /rdo rje rin chen gyis brgyan cing / /sku yi 'khor lo'i sku nyid ni/ /don yod grub pa rnam par spyod/ /gsung gi 'khor lo 'od dpag med/ /thugs kyi 'khor lo mi bskyod pa/ /pad+ma'i dbus ni rin chen 'dzin/ /phyi yi dkyil 'khor tshul can ni/ /rnam par snang mdzad rnam par bsgom/ /tshor ba sku yi 'khor lo ste/ /'du shes gsung gi 'khor lo yin/ /thugs kyi 'khor lo 'du byed de/ /rnam shes pad+ma gdon mi za/ /ri mo lnga pa mchog gyur pa// de yis rnam dag rang bzhin can/ /sa dang ri mo thams cad kun/ /dpa' bos yongs su dag par bsgom/ /ri mo nyi shu rtsa bzhi pa/ /de dag dpa' bos rnam par dag /'khor lo mkha' 'gro ma yis dag /lte bar phag mo'i sa bon k+Sha/ /he ru ka dpal mchog yin no/ /'dab ma mkha' 'gro ma yis dag /dkyil 'khor dkyil 'khor mchog dag ni| |sum cu rtsa bdun rnam par dag /dkyil 'khor snying po mdor bsdus na/ /dkyil 'khor dang po yi ge ste/ /dkyil 'khor gnyis pa phyag mtshan yin/ /gsum pa lag pa'i phyag rgyar bshad/ /bzhi pa gzugs su gyur pa ste/ /lnga pa me tog mchod pa yin/ /drug pa tshogs kyi dkyil 'khor nyid/ /dbus ni rab tu dga' ba'i sa/ /pad+ma'i lte ba dang bcas pa| |thugs kyi 'khor lo dri ma med/ /gsung gi 'khor lo 'od byed pa/ /sku yi 'khor lo 'od byed pa/ /sku yi 'khor lo 'od 'phro ba/ /zur bzhi pa ni sbyang dka' ba/ /ring du song ba sgo bzhi yin/ /zur gyi cha ni mi g.yo ba/ /legs pa'i blo gros rdo rje'i theg /chos kyi sbrin ni rta babs yin/ /'di lta'i dkyil 'khor bris nas ni/ /rtag tu bsgom zhing mchod par bya/ / dngos grub rgya chen thob par 'gyur/ /sdom pa'i 'khor lo sdom pa yi/ /dkyil 'khor mchog gi de nyid ni/ /he ru ka dpal ye shes mchog /b+ha ga'i pad+ma'i dkyil 'khor ni// phag mo'i sku lus mchog gyur pa/ /de ni dkyil 'khor 'dus pa ste/ /dkyil 'khor bde chen mchog yin no/ /dkyil 'khor dpa' bo rnal 'byor ma/ /gnyis med kha sbyor dkyil 'khor yin/ /bdag gi de nyid ting 'dzin yin/ /lha yi de nyid de bzhin te/ /sngags kyi de nyid phyag rgya yin/ /de lta'i dkyil 'khor dam pa'i mchog /yan lag kun bsgoms las 'das shing / /rtog dang rnam rtog rnam par spangs/ /phyi mo'i thig le las 'das shing / /de ni dkyil 'khor mchog yin no/ /chos rnams thams cad rtag tu med/ /chos dang chos min rnam par spyod/ /de lta'i dkyil 'khor bshad pa ni/ /rnam dag nam mkha' dang mtshungs pa/ /chags dang chags med chags par mnyam/ /pad+ma rA ga chu mnyam byung / /rang sems chags pa dmar po'i mchog /de dag dkyil 'khor mchog yin te/ /yid ni khams rnams thams cad de/ /gzugs dang gzugs med dri ma med/ /bskul zhing sad pa yid yin te| |sems ni thugs kyi dkyil 'khor yin/ /dkyil 'khor lus su bshad pa ste/ /dkyil 'khor b+ha ga yin par bshad/ /dkyil 'khor byang chub sems yin te/ /rgyu ba dang ni mi rgyu ba/ /sa 'og sa steng sa blar khyab/ /mngon par brjod pa'i rgyud bla ma'i bla ma las/ /dkyil 'khor gyi sgom pa bstan pa'i le'u ste lnga bcu gsum pa'o// //de nas gsang ba bshad bya ba/ /sems can kun la phan stsol ba/ /A li kA li las byung ba/ /chos kyi dbyings kyi grong khyer mchog /dra ba dra phyed kyis brgyan pa// dar dang phreng bas rnam par brgyan/ /de yi dbus su rdo rje che/ /zhal bzhi pa la rnam par 'gyur/ /de la lte ba'i dbus su ni/ /sna tshogs 'khor lo lte bar bcas/ /thugs kyi 'khor lo brgyad pa ste/ /nyi ma'i dkyil 'khor dbus su ni/ /'khor lo'i lte ba'i dbus dag tu/ /sna tshogs pad+ma 'dab brgyad pa/ /sna tshogs rdo rjes rnam 'dres pa/ /lha yi bzhugs gnas nyi shu pa/ /lte ba'i dbus su bstan pa ste/ /nyi ma'i dkyil 'khor dbus su ni/ /hUM las he ru kar byas te/ /zhal bzhi pa la phyag brgyad pa/ /spyan gsum sku lus dkar po ste/ /rdo rje dril bu mnyam ldan pas/ /phag mo yi ni ku tsha'ang 'tshir/ /stag gi pags pa gos su mnabs/ /phyag rgya drug gis sku la brgyan/ /gdug pa kun gyi klad pa la/ /g.yas brkyang pa yi zhabs kyis mnan/ /'jigs byed dang ni dus mtshan dag /brgyal zhing rnam par myos pa yis/ /klad pa la ni zhabs kyis mnan/ /gcer 'o dod 'bod pa mnan/ /rgyal ba'i pags pa steng du ste/ /lcags kyu phyag gis 'dzin pa dang / /gzhan yang cang te'u de bzhin te/ /thod pa kha T+wAM ga yang 'dzin/ /gzhan du yang ni mgo bo 'chang / /sna tshogs rdo rjes dbu la mnan/ /zla ba phyed pa dbu la 'chang / /thod pa'i phreng ba'i dbu rgyan can/ /mi bskyod pa yis spyi gtsug 'ching / /tshangs pa'i do shal 'dzin pa ste/ /bdag gi khro bo bdun spros nas/ /ji ltar bcom ldan mdog bzhin du/ /phag mo mchog dang de bzhin te/ /sku lus nag po dmar ba'i mdangs/ /gzi byin mdangs kyis mdzes pa ste/ /gri gug thod pa kha T+wAM ga /dril bu cang te'u mdung dang ni/ /lcags kyu zhags pa de bzhin no/ /lha mo phyag ni brgyad pa ste/ /dkar zhing sngo la ljang ba'o/ /steng gi zhal ni dmar po mdzes/ /g.yas dang g.yon gyi zhal gdong ni/ /ser zhing ljang ba'i gzugs can te/ /gzhan du bdag po ji bzhin du/ /phag mo yang ni de bzhin gyur/ /gcer bu skra ni grol ba ste/ /ma nyams dum bu'i ska rags can/ /pad+ma bzhi la mkha' 'gro ma/ /zur la bum pa thod pa ste/ /thugs kyi 'khor lo sngar bshad pa'o/ /dpa' bo mkha' 'gro ma de bzhin/ /gsung dang sku yi 'khor lo gnyis/ /shar dang byang nub lho ru'o/ /sgo rnams su ni sgo srung ste/ /khwa gdong la sogs thams cad do// zur la gshin rje sreg la sogs/ /ji ltar 'dod pa'i khyad par ni/ /rdo rje snying pos bshad pa ste/ /kha cig rnal 'byor ma ru 'dod/ /bla ma'i gnas kyi rjes rim pa/ /sngar bshad sna tshogs rigs rnams ni/ /ji ltar 'dod pas bsgom par bya/ /gzhan yang zhal dang mdog rnams ni/ /mkha' 'gro ma yi mdog bzhin dang / /phyag mtshan phyag rgyar sngar bshad bzhin/ /gnas sogs rim pa de ltar dgod/ /sngar bshad pa yi cho ga bzhin/ /gsang sngags ji bzhin rim par dgod/ /sum cu rtsa bdun rnam dag don/ /sgom pa mchog ni bsgom par bya/ /A li kA li'i nang byung ba/ /sgom zhing rnam par bsgom par bya/ /chos dbyings grong khyer rnam dag par/ /sems can khams ni rab tu 'jug /rnal 'byor 'di ni gsang ba ste/ /su la yang ni bstan mi bya/ /mngon par brjod pa'i rgyud bla ma'i bla ma las/ /chos kyi dbyings kyi grong khyer sgom pa'i le'u ste lnga bcu rtsa bzhi pa'o// //de nas gzhan yang bshad bya ba/ /b+ha ga pad+ma sgom pa ni/ /rdo rje snying pos zhus pa las/ /bcom ldan 'das kyis bka' stsal pa/ /yang dag gsang ba nges gsang ba/ /A li kA li zur gsum gnas/ /pad+ma 'dab gsum rnam par bsgom/ /rdo rje phag mo he ru ka /lte ba la ni rnam par bsgom/ /rdo rje mkha' 'gro lA ma dang / /gsum pa dum skyes ma nyid do/ /bcom ldan 'das ni dmar la sngo/ /phag mo yang ni dmar sngo ste/ /mkha' 'gro sngo la ser ba dang // lA ma ljang la ser ba ste/ /dum skyes ma ni dmar la ser/ /zhal gcig pa la phyag bzhi pa/ /bcom ldan mgon po zhal bzhi pa/ /zhabs bzhi pa la phyag bzhi pa/ /thod pa dang ni kha T+wAM 'dzin/ /dril bu rdo rjes legs par mtshon/ /thod pa'i phreng ba'i dbu rgyan can/ /sna tshogs rdo rjes mtshan pa ste/ /zhi ba zla ba phyed pa 'chang / /mi 'khrugs pa ni spyi gtsug 'ching / /rtag par gsang ba'i gos mnabs shing / /thod pa'i phreng bas rnam par brgyan/ /phag mo'i zhal mtshan de yin te/ byi pa gnyis kyis legs 'khyud cing / /gcer bu dbu skra grol ba la/ /spyan gsum pa la legs chags 'khril/ /'jigs byed dang ni dus mtshan nyid/ /zhabs kyis rnam par gnon pa ste/ /g.yas brkyang ba yi gnas pas bzhugs/ /sku lus phyag rgya drug 'jin cing / /mche ba rnam par gtsigs pa dang / /thugs rje'i chags pas rnam par myos/ /g.yas pa dkar zhing g.yon ljang gu| |steng ni sngo skya sku lus dkar/ /gzugs can ma ni b+ha gar brtag /A li kA li b+ha ga'i mchog /gzhan yang zur gsum dbus dag tu| |pad+ma'i 'khor lo rnam par bsgom/ /thugs kyi 'khor lo'i dbus su ni/ /sna tshogs pad+ma dag tu brtag /dbus su he ru ka phag mo/ /'dab mar mkha' 'gro ma sogs dgod/ /zur du thod pa dkar po dag /thugs kyi 'khor lo mkha' la spyod/ /shar gyi zur la sku 'khor lo/ /rlung gi zur gyi 'khor lo la/ /khwa gdong la sogs rnam brgyad do/ /gsung gi 'khor lo bden bral zur/ /'khor lo bzhi po zur gsum la/ /shar ni sku yi mkha' 'gro ste/ /rlung phyogs gshin rje'i mkha' 'gro'o/ / bden bral gsung gi mkha' 'gro ste/ /dbus su rdo rje he ru ka /sngo zhing dkar po dud ka dang / /sngo zhing dmar ba bzhi po yin/ /rang gi phyag mtshan mnyam par ldan/ / gzhan du rang bdag mdog de bzhin/ /thugs kyi 'khor lo'i mkha' 'gro ma/ /dmar ba'i mdog can rnam par bsam/ /dpa' bo'i mdog ni nag po la/ /gnyis med 'khyud pa'i sbyor ba'o/ /sku yi 'khor lo'i dpa' bo dag /sku lus dkar po rnam par bsam/ /mkha' 'gro ma ni ser po'i mdog /dpa' bo gnyis ni rab tu sbyor/ /khwa gdong gshin rje brtan la sogs/ /gzugs gnyis phyed ni bud med nyid/ /rang gi thabs dang lhan cig tu/ /dgyes shing chags pas rnam par myos/ /gsung gi 'khor lo'i dpa' bo dmar/ /mkha' 'gro ma ni ljang gu'o/ /sngar bshad rim pa'i mtshan ma rnams/ /de yang rigs kyi dbye bas so/ /thams cad yi dwags gdan la bzhugs/ /mgo bo'i phreng bas rnam par brgyan/ /thams cad phyag rgya lnga 'chang zhing / /phyag rgya drug gis bdag po dgod/ /thams cad rang rigs cod pan can/ /ji lta ba yi rim pas bsgom/ /mkha' 'gro'i dus kyi sbyor ba yis/ /ji lta'i rjes su rnam bsgoms nas/ /go cha'i gsang sngags dgod par bya/ /sku gsung thugs kyi rim pa dag /sngar bshad cho ga'i sbyor ba yi/ /dpa' bo'i yan lag rim pa bsgom/ / gsang zhing sba ba'i zhi gnas ni/ /mkha' 'gro ma yi bde 'khor lo/ /rtag tu mnyam par bzhag nas su/ /sbyor ba'i mchog ni rtag tu bsgom/ /'di ni su la'ang mi bstan te/ /de nyid su la'ang brjod mi bya/ /dbang po gnyis kyi sbyor ba dag /rtag tu bsgoms na dngos grub 'gyur/ /dam tshig rtag tu bsrung bya zhing / /bza' dang bca' ba'ang spyad par bya/ /'gro zhing 'gro zhing dus kun tu/ /'char nub dag tu rnam par spyad/ /gang zhig ye shes 'di nyan pa/ /sngags pas myur du 'grub par 'gyur/ /mngon par brjod pa'i rgyud bla ma'i bla ma las/ gsang ba sbyor ba'i sgom pa'i le'u ste lnga bcu rtsa lnga pa'o// //de nas gzhan yang bshad bya ba/ /gsang ba'i ye shes mchog gyur pa/ / lnga gsang sngags rgya che ba'i/ /sgom pa bdag gis bshad pa yin/ /log pa'i shes pa'i shes pa can/ /gang la'ang khyod kyis bshad mi bya/ /bla ma'i rim las ji ltar bstan/ / gang gis myur du shes 'gyur ba/ /skye ba bye ba stong phrag tu/ /sgyu 'phrul ye shes kyis bskul zhing / /dad pa yang dag bskyed pa dang / /rnal 'byor spyod tshul gnas pa yin/ / lkug cing glen la sdig ngan can/ /byis pa'i shes pa'i shes pa can/ /sems can yongs su ma smin dang / /phyi rol bstan bcos kyis 'tshal ba/ /de dag kun gyis mi shes te/ /mi shes mun pas khebs pa dang / /khengs pa la ni rtag par dga'/ /nga rgyal la sogs gdug sems ldan/ /de kun gyis kyang sangs rgyas kyi/ /spyod yul gsang ba mi shes so/ /he ru ka dpal yang dag 'jug /slob dpon bdag nyid chen po yis/ /myur du dngos grub skyed byed de/ /'phral du yid ches byed pa yin/ /sna tshogs sdom pa shes pa yis/ /cho ga'i bya ba bstan par bya/ /srid pa gsum po ma lus ni/ /de ni kun mkhyen bstan pa shes/ /mthong ba dang ni reg pa dang / /thos pa dang ni dran pa yis| |sdig pa kun las grol 'gyur pa/ /de ltar de ni the tshom med/ /lha rnams ldog ste bkod pa dang / /sngags kyi dbye ba bzlog pa dang / /dkyil 'khor kun yang bzlog pa dang | |so so bsgom pa'ang mi bya ste/ /bzlog pa'i yi ge btus nas ni/ /sgom pa gsang ba bzlog pa de/ /snying po thams cad sgrub pa yin/ /rtog pa thams cad bsdus pa dang | |rgyud rnams kun gyi spyi yi ni/ /sems ni yongs su smin pa dag /'dir ni sbyor sogs sngags rnams kyi/ /dam tshig de ltar bstan pa yin/ /bde gshegs dbugs 'byin gsungs pa yin/ /dag pa'i lus ni skyon med pa/ /bsod nams chung ba'i sngags pas kyang / /nga dga' bas ni rnyed par 'gyur/ /de na bsrung med bza' ba med/ /dkyil 'khor dkyil 'khor bdag po med/ /bzlas dang brtul zhugs sbyin sreg med/ /mdor na sems bsdus tshul can yin/ /gzung byas rnam shes ye shes ni/ /bla mas bstan las brtson las te| |phyi rol gyi ni bstan bcos la/ /lam de shin tu ring ba yin/ /rnal 'byor pa rnams thabs kyis ni/ /bla ma'i bsnyen bkur la brtson pa/ /ston pa'i mtshan nyid bstan pa dang | |dpa' ba'i de nyid bstan pa yin/ /skad cig rnam par rnal 'byor bdag /skad cag rnam par phyag rgyar ldan/ /kun nas thams cad skad cig ste/ /skad cig gis ni gsang sngags brjod/ /pus mos la btsugs nas su/ /bdag nyid kyis ni gsol ba gdab/ /bcom ldan lha mos zhus pa ni/ /go 'phang rgya che gnyis med pa/ /'di ni 'byung po kun la gnas/ /rgyu ba dang ni mi rgyu rol/ /rdo rje snying pos gsungs pa ni/ /ci rigs bshad kyi legs par nyon/ /brtags pa'i yid kyis gzung bar gyis/ /thams cad bdag nyid rtag bzhugs par/ /gang zhig sngar ni bshad pa nyid/ /dkyil 'khor lus ni yin par bshad/ /de ni sgo dgu dag tu 'gyur/ /de la lte ba'i 'khor lo che/ /thams cad mkhyen pa zhes byar bshad/ /rdo rje can ni der zhugs pa/ /cha med cha ni rnam spangs pa/ /lus can rnams kyi nang na rol/ /lus las 'das shing gos pa med/ /la lar gzugs can dag tu bzhugs/ /la lar sna dang dag dag dang / /la lar rna bar sgra dag dang / /la lar dri chen rdo rje chu/ /la lar tshor bar bcas pa'i sems/ /la lar sgom dang la lar bkres/ /la lar khro dang la lar zhi/ /la lar bde la rnam par gzigs/ /la lar bud med 'dod chags te/ /la lar gsod dang 'joms pa ste/ /la lar rol mo rdung bar mdzad/ /la lar me tog 'bras bur gnas/ /la lar rol cing spyod par 'gyur/ /la lar srog tu rnam par gnas/ /la lar sa dang chu dang me/ /la lar 'byung ba chen po lnga/ /la lar rigs kyi bye brag gis/ /bram ze dang ni gdol pa dang / /la lar ma dang sring mo ru/ /la lar chung ma bu mo ru/ /la lar tshangs dang dbang ldan dang / /khyab 'jug dang ni nyi ma nyid/ /la lar zla ba skar mar bcas/ / la lar nyin dang mtshan mor gyur/ /la lar khams gsum pa rnams kun/ /byed pa po dang mi zad rgyal/ /la lar zhi ba'i dbang gis zhum/ /mi gsal stong pa'i rdo rje can/ /la lar byang chub chen por gshegs/ /la lar pha rol bdud las rgyal/ /la lar byis pa'i rang bzhin nyid/ /la lar rgas shing 'khogs pa'o/ /la lar nad chen gyis zin pa/ /la lar rgyu dang mi rgyu ba/ /la lar sngo dang le brgan dang / /la lar dkar dang ser ba'o/ /la lar sangs rgyas rnam snang mdzad/ /la lar sgrol ma gos dkar mo/ /la lar spyan dang mA ma kI/ /la lar dka' zlog zhi ba mo/ /la lar 'dab chags mkha' lding dang / /nam mkha' dang ni mkha' 'gro nyid/ /la lar klu dang sbrul chen po/ /la lar smad 'tshong spre'u dang ni/ /la lar rmi lam mthong ba dang / /la lar gnyid kyis log pa nas/ /la lar rlung dang mkhris pa dang / /la lar khrag dang pags par 'gyur/ /la lar mya ngan du ba dang / /la lar sreg pa'i me dag yin/ /la lar mtho ris skye ba ste/ /rnam par 'phrul pa 'di lta bu/ /thams cad bdag nyid bzhugs 'di la/ /lha gang cha ni rnam spangs pa'i/ /de yi sgyu ma'i sna tshogs 'di'o/ /rtag pa min pa rdo rje can/ / gzugs med par ni b+ha ga'i nang / /lte ba'i nang na pad+ma che/ /bcu drug thig gis thig gdab par/ /yi ge dang yang mnyam sbyor bas/ /kha sbyor bya ba byas pa yin/ /de dbus rtag tu gsang pa che/ /'byin dang sdud par byed pa'o/ /de nyid rang nyid rdo rje can/ /gcig pu rang byung che ba'i lha/ /de ni sangs rgyas kun dngos zhes/ / mtshan ni rab tu bshad pa yin/ /gsang ba'i mchog gi dgyes pa na/ /thams cad bdag nyid rtag tu bzhugs/ /thams cad mkhyen pas 'di bshad pa'am/ /mi 'gyur ba yi lam bshad pa/ /skra ni nyag ma brgya yi cha/ /mchog gi gzugs can bsam pa ste/ /stong pa ma yin dmigs su med/ /yi ge med cing stong pa'ang med/ / gos pa med cing sa bon med/ /gzugs med mtshan ma'ang med pa ste/ /rnam shes rang gi dngos po ni/ /rnam shes ye shes dag tu gzung / /thams cad gsal byed sgron ma ni/ /dang po'i mtshan ma dag tu blta/ /gsal byed glog gi cha tsam ste/ /mtshan ma gnyis pa dag tu brtag /dkar po'i 'od kyi tshul can ni/ /phyogs bcu dag tu blta byas te| |nyon mongs 'byin pa gsungs pa yin/ /rnal 'byor pa yis rnam par brtag /'dod pa'i lha yi longs spyod ni/ /bzhi pa rnam shes dag tu bstan/ /gzugs dang reg sogs lha mo ni/ /phyogs kyi ye shes lnga po yin/ /drug pa gzugs med ye shes te/ /bdun pa dag ni chos kyi dbyings/ /brgyad par rang nyid 'dod bzhin du/ /sangs rgyas 'bras bu dag yin no/ /sbas pa lta dang lag pa dang / /'khyud dang gnyis gnyis la sogs pa/ /de bzhin gshegs pas dbugs 'byin gsungs/ /dgu pa bla ma bla ma ste/ /thams cad 'dir ni bstan pa yin/ /rnam pa gzhan dag rtswa dang 'dra/ /de nyid srog chags rnams kyi srog /de nyid mi 'gyur dam pa yin/ /de nyid thams cad khyab byed de/ /lus kun la ni rnam par gnas/ /de nyid sangs rgyas ye shes te/ /he ru ka dpal yin par bshad/ /skyes pa ma ni nga la sogs nyid/ /phra ba'i snying po'ang 'dzin pa yin/ /ye shes dag tu 'byung de la/ /gang zhig sa la gnas rnams dang / /bstan bcos dag ni ma lus dang / /rig byed grub mthar gnas pa rnams| |'jig rten 'di dang gzhan dag tu/ /de med par ni 'grub mi 'gyur/ /rig byed grub pa'i mtha' rnams la/ /'di ni snying po rab tu bshad/ / 'dug dang ldang ba nyid dang ni/ /'jug pa rdzogs pa nyid dag dang / /byin gyis brlabs dang dbang bskur dang / /ting 'dzin mchod pa bsdus pa yin/ /de nas cho ga ming gzhan pa| |thabs dang shes rab gnyis med pa/ /de nyid du ni kun skyes pa/ /'byin dang sdud par byed pa yin/ /a A/ i I/ u U/ r-i r-I/ l-i l-I/ e ai/ o au/ aM aH/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaH oM hUM hUM phaT/ 'di ni bcom ldan lha de yin/ /mchog nyid lhag par gnas pa yin/ /lha kun gyi ni bskyed pa dang / /sgrub byas de bzhin shes byas nas/ /don dam mchog kyang de bzhin te/ /brgyad cu rtsa bzhi theg pa ste/ /sngags kyi spyod pa la gnas na/ /des ni 'di ni nges rgyal te/ /thams cad shes rab thabs kyis 'gro/ /thog mar gsang sngags brjod par bya/ /dge dang mi dge gang yin pa/ /de ni lha tshogs rgyan yin te/ /ska rags gnas rnams thams cad yin/ /rtag tu 'di ni 'dzin byed pa/ /chos rnams thams cad rtogs pa yin/ /A li kA li mdun bsams na/ /rnal 'byor chen po ngal bsos te/ /bsam gyis mi khyab sems nyid de/ /sems kyang brtag par mi bya'o/ /sems de nyid kyang mi bsam ste/ /des na 'dzin pa thob par 'gyur/ /gang gis rgyud kun las gsang ba/ /khyod la yang ni bshad pa yin/ /'di ni 'bad pas sba bya ste/ /gnyis med gnyis su med pa'i sdom/ /rnal 'byor ma sogs thams cad dang / /dpa' bo'i yan lag thams cad kyi/ /rnal 'byor pa yis 'bras bu thob/ /srid pa'i nang nas 'byung ba yin/ /bla ma'i rgyud kyi thabs la ni/ /bsnyen bkur med pa la mi bshad/ /gal te bshad na sdug bsngal zhing / /sdug bsngal gyis ni sems kyang 'khor/ /sems ni rnam 'khor rnal 'byor pa/ /mya ngan 'das pa mi mthong ngo / /ji ltar bud med byis gtam rjes yi rang / /kun smra bsten pa'i gtam yang rjod par byed/ /lam yang ma bshad 'ching bar 'gyur ba yin/ /rnal 'byor lam ngan de dang 'dra bar bshad/ /he ru ka dpal sku'i yan lag /sku kun brtan g.yo bdag nyid can/ /gnas ni rab tu dga' ba'i sa/ /de bzhin nye gnas dri ma med/ /zhing ni 'od byed shes par bya/ /nye ba'i zhing ni 'od 'phro ba/ /'dun pa mngon du gyur pa nyid/ / nye ba'i 'dun pa sbyang dka' ba/ /'dus pa ring du song ba yin/ /nye bar 'dus pa mi g.yo ba/ /dur khrod legs pa'i blo gros nyid/ /nye ba'i dur khrod chos kyi sprin/ /shrI he ru ka'i gzhung spyod ba/ /'di ni nang gi bdag nyid can/ /pha rol phyin bcu sa rnams ni/ /rnal 'byor ma ni brda yi skad/ /mtho ris sa steng sa 'og tu/ /dpa' bo'i yan lag brtan g.yo'i bdag /thogs med dus su gang bstan pa/ /phyi nang bdag nyid can du gnas/ /dpal ldan khrag 'thung rgyal po che/ /'dod pa kun gyi dbang phyug gtso| |kun tu phyag dang zhabs ldan zhing / /kun tu mig dang mgo bo'i zhal/ /kun tu thos ldan 'jig rten na/ /thams cad g.yogs te rnam par bzhugs/ /de nas dngos grub bsgrub bya ba/ /bsam gtan ldan pa'i sems kyis te/ /sgrub pa po la phan pa'i phyir/ /gsang ba'i de nyid gsungs pa yin/ /de nas gzhan yang bshad bya ba/ /man ngag shin tu rnyed dka' ste/ /dpa' bo'i brda yi skad du ni/ /nga yis rgyud du sbas pa yin/ /gos ni phyag rgya lnga la sogs/ /shes rab yan lag phur bu dra/ /A li kA li zhes brjod pa/ rgyu la sogs stong sngon 'gro yin/ /'jug pa sgra la sogs pa nas/ /ji srid bsdus pa'i sbyor ldan nyid/ /bdud rtsi tshim byed mya ngan 'das/ /lag pa'i mchod pas dbang bskur ba/ /go cha chen pos yang dag bsrung / /sngags rnams kun gyis mchod pa yin/ /de ltar de nyid bcu bzhi ni/ /mdor bsdus nas ni bshad pa yin/ /mi mchog gang zhig kun spyod pa/ /sdig pa thams cad rnam dag bdag /de bzhin gshegs pa'i sa thob cing / /skye dang dga' bar bde gshegs kyi/ /rigs skyes rgyal po chos ldan 'gyur| |de ltar cha ga ldan rgyas na/ /dngos grub thams cad rab tu stsol/ /zla ba nya la sa steng du/ /'di ltar rnal 'byor pas bsgoms na/ /de yi bsod nams gyur pa yin/ /lha klu mi la sogs pa kun/ /de yi bsod nams gang gyur des/ /bdag gzhan yang dag ye shes ldan/ /bsam gtan sems pa tsam gyis sam/ /klog cing 'don dang bris pa yis/ /mtho ris longs spyod thob 'gyur ba'am/ /yang na 'khor los bsgyur ba 'thob/ /rnal 'byor ma rnams 'pho ba'i tshe/ /dpal ldan khrag 'thung sogs mkha' 'gro/ /lag na me tog sna tshogs thogs/ /rgyal mtshan ba dan sna tshogs dang / /rol mo'i sgra ni sna tshogs dang / /sna tshogs glu yis mchod pas mchod/ /'chi ba zhes bya'i rnam rtog 'di/ /mkha' la 'gro ba'i gnas su 'khyer/ /de 'dra'i dpal chen rnal 'byor pa/ /sa steng du ni rnyed par dka'/ /mngon par brjod pa'i rgyud bla ma'i bla ma las/ gsang ba'i yi ge bskyed cing sgrub pa'i le'u ste lnga bcu rtsa drug pa'o// //de nas gzhan yang bshad bya ba/ /cho ga'i rim bzhin sngags btu ba/ /gcig tu dben pa'i sa phyogs su/ /mkhas pas sa ni mnyam nas su/ /bshang gci yis ni phyug par bya/ /mahA rak+ta byugs nas kyang / /bdag nyid he ru kar byas nas/ /rigs can shan pa mo blangs nas| |me tog la sogs gdab par bya/ /dpa' po chen po'i bdug spos dbul/ /zhag la sogs pa mar me sbar/ /cang te'u dril bu brdung bar bya/ /glu dang gar gyis mchod par bya| |lha yi rol mo'i bye brag dang / /phyogs kyi gos can skra grol ba/ /lus ni phyag rgya drug dang ldan/ /A li kA li mnyam byas te/ /sde tshan la ni thim par bya/ /bzhi bzhi ru ni shes byas la/ /thub pa'i mchog gis rgyas par bya/ /der gnas dpa' bo btu bar bya/ /don 'dod thams cad grub byed pa/ /bzhi pa'i lnga pa gang yin dang / /lnga pa yi yang lnga ba dang / /lnga pa yi ni bzhi pa dang / /dang po'i gsum pa gang yin dang / /de bzhin nyi shu rtsa dgu pa/ /bzhi pa'i dang po gang yin dang / /mthar gnas pa yi bzhi pa dang / /de nyid kyi ni gnyis pa dang / /sum cu pa ni yang dag blang / /nyi shu drug pa nyid dang ni/ /de bzhin brgya yi phyed phyed dang / /de nas sum cu rtsa gsum dang // dang po'i dang po nyid dag dang / /mthar gnas pa yi gsum pa dang / /lnga pa yi ni dang po dang / /dang po yi ni gsum pa nyid/ /sum cu rtsa gnyis pa nyid ni/ /bzhi pa yi ni lnga pa dang / /lnga pa yi yang bzhi pa dang / /mthar gnas pa yi dang po dang / /gnyis pa yi ni gsum pa dang / /gsum pa'i dang po gang yin dang / /lnga pa yi yang lnga pa dang / dang po yi ni dang po dang / /de bzhin bcu gcig pa nyid dang / /de bzhin mkhas pas bcu drug pa/ /gsum pa'i dang po gang yin dang / /de bzhin nyi shu rtsa drug pa/ /bzhi ba'i gsum pa gang yin dang / /uSh+ma yi ni gnyis pa nyid/ /dang po'i dang po gang yin dang / /de bzhin nyi shu rtsa bdun pa/ /nyi shu rtsa brgyad pa yang ngo / /dang po yi ni gsum pa dang / /lnga pa yi yang bzhi pa dang / /de bzhin sum cu rtsa gcig blang / /bco lnga pa ni nyid dag dang / /de bzhin nyi shu rtsa lnga pa/ /dang po'i gnyis pa gang yin dang / /de bzhin nyi shu rtsa drug pa/ / yi ge sum cu rtsa gnyis pa/ /uSh+ma yi ni tha ma nyid/ /sum cu rtsa gnyis pa nyid dang / /lnga pa yi ni bzhi pa dang / /gnyis pa yi ni bzhi pa dang / /lnga pa yi ni bzhi pa dang // uSh+ma yi ni gsum pa dang / /gzhan yang nyi shu rtsa bdun pa/ /an+tas+tha yi dang po dang / /de bzhin nyi shu rtsa gcig pa/ /an+ta s+tha yi gnyis pa dang / /de bzhin yang ni sum cu pa/ /lnga pa yi ni dang po dang / /uSh+ma yi ni dang po nyid/ /de bzhin yi ge bya nyid dang / /bzhi pa'i dang po gang yin dang / /u Sh+ma'i dang po gang yin dang / /de bzhin nyi shu rtsa brgyad pa/ /dang po'i gnyis pa gang yin dang / /gsum pa'i dang po nyid dag dang / /dang po'i gsum pa gang yin dang / /bzhi pa'i bzhi pa gang yin dang / /an+ta s+tha yi gnyis pa dang / /gsum pa'i yang ni lnga pa dang / /yi ge bya ni de nas blang / /dang po yi ni bzhi pa dang / /mthar gnas pa yi gnyis pa dag /de nas brgyad pa nyid dag dang / /bzhi pa'i lnga pa gang yin dang / /lnga pa yi yang lnga pa dang / /nyi shu rtsa gsum pa yang blang / /de bzhin nyi shu rtsa bdun dang / /bzhi pa yi ni bzhi pa dang / / slar yang nyi shu rtsa bdun pa/ /de bzhin nyi shu rtsa drug pa/ /nyi shu rtsa lnga yang dag blang / /sum cu rtsa gsum nyid dag dang / /bzhi pa yi ni bzhi pa dang / /lnga pa yi ni lnga pa dang / /mthar gnas pa yi gnyis pa blang / /bzhi pa yi ni lnga pa dang / /bzhi pa yi ni bzhi pa dang / /dang po'i dang po nyid dag dang / /de bzhin nyi shu rtsa bdun pa/ /an+ta s+tha yi bzhi pa dang / /de bzhin nyi shu rtsa gcig pa/ /uSh+ma yi ni gnyis pa nyid/ /de bzhin nyi shu rtsa drug pa/ /thog ma yi ni dang po dang / /mthar gnas pa yi gnyis pa nyid/ / gnyis pa yi ni dang po dang / /drug pa yi ni gnyis pa nyid/ /thog ma yi ni dang po dang / /mthar gnas pa yi gnyis pa dang / /gnyis pa yi ni dang po dang / /bdun pa yi ni gnyis pa dang / /drug pa yi ni gsum pa dang / /bzhi pa yi ni lnga pa dang / /bzhi pa yis ni sbyar bar bya/ /mthar gnas pa yi bzhi pa dang / /lnga pa yi ni lnga pa la/ /bzhi pa yi ni gnas su bya/ /lnga pa yi ni thog ma la/ /steng du sbyar zhing me dang bcas/ /uSh+ma yi ni gsum pa dang / /mthar gnas pa yi thog ma dang / /bzhi pa yi ni thog ma la/ /gzi brjid can gyis gdan du byas/ /bdun pa yi ni gsum pa dang / /drug pa yi yang dang po ste/ /ka dang sha yi yi ge ni/ /thog ma dag ni blangs nas su/ /lnga pa yi ni bzhi pa dang / mthar gnas pa yi dang po ste/ /de bzhin yang ni bsdus te blang / /drug pa yi ni bzhi pa dang / /bdun pa yi ni dang po dang / /uSh+ma yi ni bzhi pa blang / /bdun pa yi ni bzhi pa dag /rdo rje sems dpas phye ba yin/ /uSh+ma Na yi bzhi pa nyid/ /nyi ma yang ni gdan du byas/ /bdun pa yi ni bzhi pa la/ /me yi 'og tu sbyar bar bya/ /gshegs su gsol dang yang dag ldan/ /lnga pa yi ni gnyis pa dang / /de bzhin nyi shu gnyis pa nyid/ /drug pa yi ni gnyis de bzhin/ /bcu gcig pa dang nyi shu gnyis/ /gsum pa'i dang po blangs nas ni/ /bzhi pa yi ni gsum pa dang / /uSh+ma Na yi bzhi pa nyid/ /lnga pa yi ni gsum pa dang / /bdun pa'i bzhi pa blang bar bya/ /nyi shu rtsa gcig de blangs nas| |gnyis pa yi ni dang po dang / /lnga pa yi yang thog ma dang / /gnyis pa yi ni yi ge drug/ lnga pa yi ni bzhi pa la/ /k+Sha yi yi ge de bzhin no/ /nyi shu rtsa bzhi de blangs nas/ /slar yang bsdu ba bshad pa yin/ /lnga pa yi ni gsum pa dang / /uSh+ma Na ni gsum pa dang / /mthar gnas pa yi gnyis pa nyid/ /lnga pa yi ni bzhi pa dang / /nyi mas slar yang gdab par bya/ /yi ge nyi shu btab nas ni/ /bcu drug pa yis stan du byas/ /'og tu me yi gzi brjid can/ /lnga pa yi ni lnga pa dang / /mthar gnas pa yi gsum pa dang / /lnga pa yi ni gsum pa dang / /drug pa yi ni gsum pa dang / /mthar gnas pa yi bzhi pa dang / /nyi shu rtsa lnga pa yis dbye/ /bzhi pa yi ni lnga pa dang / /gnyis pa yi yang gsum pa dang / /nyi ma'i bu yis rnam par dbye/ /uSh+ma Na yi bzhi po dang / /dang po yi ni gsum pa la/ /gzi brjid kyis ni gdan du byas/ /bdun pa yi ni bzhi pa dang / /bco lnga pa yis gdan gnyis bya/ /uSh+ma Na yi gsum pa nyid/ /lnga pa yi ni thog ma la/ /bcu drug pa yi gdan du byas/ /nyi shu rtsa gcig de yis blangs/ /bzhi pa yi ni thog ma dang / /mthar gnas pa yi gsum pa ngang / /gnyis pa yi ni gsum pa dang / /bzhi pa yi ni dang po dang / /lnga pa yi ni bzhi pa dang / /gsum pa yi ni gsum pa dang / /dang po yi ni gsum pa dang / /a Sh+ma Na yi gsum pa nyid/ /nyi shu rtsa gcig de bzhin te/ /nyi ma yis ni mnyam par mnan/ /lnga pa yi ni gsum pa dang | |bzhi pa yi ni dang po dang / /gsum pa yi ni gsum pa la/ /gzi brjid kyis ni gsal bar bya/ /mthar gnas pa yi thog mar shes/ /der yang bcu drug pa yis gdab/ / gnyis pa yi ni gsum pa dang / /de bzhin nyi shu rtsa drug pa/ /dang po yi ni gnyis pa dang / /thog ma yi yang dang po dang / /bzhi pa yi yang gsum pa dang / /thog ma yi yang dang po dang / /gnyis pa yi yang dang po dang / /de bzhin du ni bcu bzhi pa'o/ /bcu bzhi uSh+ma bzhi pa dang / /nyi shu rtsa bdun gdan du byas/ /ya sogs brgyad po'i sa bon dang | |nyi ma yi ni gzi brjid can/ /gsum pa yi yang gsum pa dang / /bco lnga pa yis gdan du byas/ /gnyis pa yi yang gsum pa dang / /gsum pa yi yang lnga pa dang / / ka sha'i yi ge sa bon te/ /nyi shu lnga pa gdan du byas/ /slar yang bsdu bar bya ba ste/ /sku ni legs pa rab tu ba ste/ /dbang chen gyis ni gdan du byas/ /uSh+ma yi ni bzhi pa dang / /bdun pa yi ni bzhi pa dang / /ya tshogs brgyad pa'i sa bon dang / /de bzhin sum cu gsum pa nyid/ /sum cu rtsa gsum de bzhin te/ /lnga pa'i bdag nyid kun bsdu ba'o/ /de nas kyang ni btu bya ba/ /gnyis pa yang ni de bzhin te/ /gnyis pa yi ni dang po dang / /mthar gnas pa yi gsum pa dang / /uSh+ma Na yi gsum pa dang / /de bzhin nyi shu rtsa brgyad pa/ /bdun pa yi ni bzhi pa dang / /drug pa yi ni gsum pa dang / lnga pa yi yang bzhi pa dang / /drug pa yi yang gsum pa dang / gnyis gnyis rkang pa bzhi pa ste/ /ka ra ka ra/ ku ru ku ru/ ban+d+ha ban+d+ha/ tA sa ya tA sa ya/ k+Sho b+ha ya k+Sho b+ha ya/ hrauM hrauM/ hraH hraH/ pheM pheM/ phaT phaT/ da ha da ha/ pa tsa pa tsa/ b+hak+Sha b+hak+Sha/ ba sa ru d+hi rAn+t+ra mA lA ba laM wi ni/ grih+na grih+na/ sap+ta pA tA la ga ta/ b+hu dzaM ga sa rbaM bA tardza ya tardza ya/ A ka D+D+h+ya A kaD+D+h+ya/ hrIM hrIM/ dz+NauM dz+NauM/ k+Sh+mAM k+Sh+mAM/ hAM hAM/ hIM hIM/ hUM hUM/ ki li ki li/ si li si li/ hi li hi li/ d+hi li d+hi li/ huM hUM phaT/ rig pa'i rgyal po gsang sngags te/ /bya ba thams cad sgrub byed pa'o/ /'di las shin tu mchog gyur pa/ / 'jig rten gsum na yod min te/ /dpal ldan khrag 'thung sngags shes na/ /gzhan dag snying po med rtsar mtshungs/ /rtsa ba'i sngags su bshad pa yin/ /mngon par brjod pa'i rgyud bla ma las/ rtsa ba'i sngags kyi yi ge btu ba'i rdo rgyus kyi cho ga'i le'u ste lnga bcu rtsa bdun pa'o// //gzhan yang yi ge nyi shu gnyis/ /snying po'i yig bdun nye snying po/ /ya tshogs brgyad pa'i sa bon dang / /de bzhin gug skyed bcu gnyis kyis/ /yi ge bar ma dor byas pa/ /yan lag drug ni he ru ka dpa' bo drug dang mnyam sbyor ba/ /re'u mig drug tu sgom pa ste/ /he ru ka yi bdag por 'gyur/ /yi ge gcig tu yang dag gnas/ /oM na ma swA hA bo Sha Te/ /hUM hUM phaT dang yang dag ldan/ /sgrub pos snying por shes par bya/ /dang po snying ga nyid du ste/ /gnyis pa spyi bor shes par bya/ /gsum pa spyi gtsug dag tu sbyar/ /bzhi pa go char gyur pa yin/ /lnga pa mig tu gyur pa ste/ /drug pa mtshon cha zhes byar 'dod/ /de nas dbyangs yig bcu gsum nyid/ /yi ge gnyis pa dag dang sbyar/ /dbyangs yig bcu gcig yang dag sbyar/ /yi ge drug pa brgyan par bya/ /dbyangs kyi bzhi pa nyid kyang ni/ /yi ge bdun pa nyid kyang sbyar/ /dbyangs yi ge bcu gcig pa nyid ni/ /mkhas pas yi ge brgyad par sbyar/ /dbyangs yi ge gnyis ba dang sbyar ba'i/ /yi ge dgu pas brgyan par bya/ /dbyangs kyi yi ge gnyis pa nyid/ /yi ge bcu gnyis pa dang sbyar/ /dbyangs yig gnyis par ldan pa ni/ /yi ge nyi shu gcig pa gzung / /mkhas pas yi ge bcu bzhi pa/ /yi ge nyi shu pa dang sbyar/ /dbyangs kyi gsum pa nyid dag ni/ /yi ge bco lnga pa dang sbyar/ /dbyangs yig bco lngar yang dag ldan/ /yi ge bcu drug pa mdzes bya/ /dbyangs yig gsum pa dang ldan pa'i/ /yi ge bcu bdun pa ru 'dod/ /dbyangs kyi gnyis pa nyid dang ni// yi ge bco brgyad pa ru sbyar/ /dbyangs yig gi ni gnyis pa nyid/ /yi ge nyi shu gcig par sbyar/ /phyi mo'i lnga pa dang yang sbyar/ /yi ge nyi shu gsum par sbyar/ /phyi mo'i lnga pa dang yang sbyar/ /yi ge nyi shu bzhi par sbyar/ /dbyangs yig bcu gsum pa nyid ni/ /yi ge nyi shu bzhi par sbyar/ /sde tshan dang po blangs nas ni/ /yi ge nyi shu lnga par sbyar/ / dbyangs yig gnyis pa dang ldan par/ /yi ge nyi shu rtsa drug 'gyur/ /yi ge nyi shu brgyad dag ni/ /yi ge bco lnga pa dang sbyar/ /gsum pa'i dang por yang dag ldan/ / 'og gi cha ni me dang bcas/ /de bzhin dbyangs yig gnyis par sbyar/ /yi ge nyi shu rtsa dgu pa/ /yi ge sum cu rtsa gcig par/ /dbyangs yig gnyis pa dag dang sbyar| |yi ge sum cu gnyis pa yang / /dbyangs yig gnyis par ldan par bya/ /yi ge sum cu rtsa gsum pa/ /nyi mar yang dag ldan par bya/ /phyi mo'i bzhi pa nyid dag ni| |yi ge sum cu bzhir ldan pa'i/ /'dod pa'i don kun grub byed yin/ /phyi mo'i lnga pa nyid dag ni/ /sum cu bdun par yang dag ldan/ /mkha' 'gro ma rnams sgrub byed yin/ /sum cu brgyad pa nyid dag ni/ /dbyangs yig gnyis pa dang sbyar ba/ /lha rnams thams cad sgrub pa ni/ /'di nyid yin par the tshom med/ /bzhi bcu rtsa gnyis pa nyid ni/ / me dang 'og tu bsgrub par bya/ /bzhi bcu gsum pa nyid dag ni/ /dbyangs yig lnga pa nyid dang sbyar/ /yi ge bzhi bcu lnga pa ni/ /dbyangs kyi yi ge gnyis par sbyor/ /dbyangs yig lnga pa nyid dag kyang / /bzhi bcu rtsa drug par ldan pa/ /dpa' bo thams cad rab mchod cing / /bzhi bcu rtsa bdun pa nyid ni/ /dbyangs yig gnyis pa dang sbyar ba/ /rdo rje sems dpa' mchog tu 'dod/ /de bzhin lnga bcu rtsa gcig pa/ /dbyangs yig lnga pa nyid dag gis/ /mdzes pa mchog ni yin par 'dod/ /lnga bcu rtsa gnyis pa nyid ni/ /dbyangs yig gnyis dang dang sbyar ba/ /lha rnams thams cad 'grub byed pa/ /'di nyid yin par the tshom med/ /de bzhin lnga bcu rtsa gsum pa'ang / /dbyangs yig bcu gsum pa dang sbyar/ /yi ge rnams las 'di mchog ste/ /dgra rnams nges par gsod byed yin/ /sde tshan bzhi las d+ya nyid do/ /yi ge lnga bcu rtsa drug pa/ /dbyangs yig drug pa dag dang sbyar/ /an+tas+tha yi bzhi pa dang / / dbyangs yig gnyis par sbyar bar bya/ /de bzhin bco lnga pa dang sbyar/ /dngos grub thams cad sgrub pa yin/ /yi ge lnga bcu rtsa dgur 'gyur/ /yi ge drug cu rtsa gcig nyid/ /dbyangs yig gnyis pa dag dang sbyar/ /'di nyid mchog ni yin par bshad/ /de bzhin drug cu rtsa gnyis pa/ /dbyangs yig gnyis par sbyar ba ni/ /mkha' 'gro ma yi mchog tu 'dod/ /yi ge drug cu rtsa gsum nyid/ /dbyangs yig bcu gcig dag dang ldan/ /mdzes pa'i yi ge kun mchog yin/ /drug cu rtsa bzhi pa nyid ni/ /rdo rje sems dpa' phye ba dag /dbyangs yig gnyis par yang dag lngan/ /grub sbyin thar pa chen po'o/ /yi ge drug cu rtsa lnga pa/ /me la gnas par yang dag ldan/ /dbyangs yig gsum pa dang sbyar ba/ /dngos grub kun sbyin bde gshegs gsungs/ /yi ge drug cu rtsa drug pa/ /dbyangs yig gsum pa dang sbyar ba/ /bya ba kun las grub sbyin par/ /de ltar de bzhin gshegs pas gsungs/ /yi ge drug cu rtsa bdun pa/ /yi ge gnyis pa yang dag ldan/ /rnal 'byor ma yi dgos pa kun/ /'di nyid byed par the tshom med/ /drug cu brgyad pa nyid dag las/ /der ni yi ge ba sbyar ba/ /'og gi char ni brtag par bya/ /yi ge bdun cu rtsa gcig pa/ /yi ge gnyis par yang dag sbyar/ /yi ge kun la mdzes pa ni/ / 'di nyid yin par the tshom med/ /sum cu rtsa bzhi pa nyid ni/ /dbyangs yig gnyis par sbyar ba dag/ gdod nas grub pa yin par ni/ /de bzhin gshegs pa'i zhal nas gsungs/ /yi ge bdun bcu lnga pa nyid/ /ma mo'i drug pa dang ldan pa/ /'di ni rnal 'byor mchog yin te/ /dge ba kun las dam pa yin/ /bdun cu rtsa drug pa nyid na/ /dbyangs yig gnyis pa dang ldan zhing / /'og tu me dang ldan pa las/ /gzhan dag mdzes pa yod ma yin/ /yi ge bdun cu rtsa bdun pa/ /der ni da dang sbyar bar bya/ /mkha' 'gro ma yi mdzes par 'dod/ /bdun cu rtsa brgyad pa nyid ni/ /dbyangs yig gnyis pa dag dang sbyar/ /rgyu yi mchog ni yin par 'dod/ /yi ge brgyad cu rtsa gcig pa/ /bzhi pa'i mtha' yis khyad par dbye| |gdod nas grub byed 'di yin te/ /dngos grub kun la 'jug byed pa'o/ /yi ge brgyad cu rtsa gnyis pa/ /de bzhin dbyangs yig gnyis par sbyar/ /phyi mo yi ni lnga pa la/ /de bzhin yi ge brgyad cu brgyad/ /ma mo yi ni lnga pa dang / /brgyad cu dgu pa de bzhin te/ /ma mo lnga pa blangs byas te/ /de bzhin yi ge dgu bcu pa/ /ma mo'i lnga pa blangs byas te/ /yi ge dgu bcu gcig par sbyor/ /ma mo yi ni gnyis pa dang / /yi ge dgu bcu rtsa drug pa/ /dbyangs yig gnyis pa ldan pa yi/ /yi ge dgu bcu rtsa dgu pa/ /gdug pa thams cad skrag byed pa| |ma mo kun gyi bde ba'i gnas/ /dbyangs kyi yi ge bcu gsum pa/ /yi ge gnyis pa dag dang ldan/ /ma mo bcu gsum pa nyid ni/ /yi ge lnga pa dag dang sbyar/ /gdug pa thams cad 'khrug byed de/ /mkha' 'gro ma yi bde ba'i gnas/ /dbyangs yig bcu bzhi pa yis ni/ /yi ge brgyad pa dag dang sbyar/ /bco lnga pa yis rab tu sbyar/ /dbyangs yig bcu bzhi pa nyid ni/ /yi ge dgu pa dag dang sbyar/ /steng du thig le yang dag gnas/ /yi ge dag ni sgrub pa ste/ /mkha' 'gro ma yi khyad par yin/ /dbyangs yig bcu gcig pa nyid ni/ /yi ge bcu gnyis pa dang sbyar/ /steng du bi n+du sa rnam par brgyan/ /dbyangs kyi yi ge bcu gcig pa/ /yi ge bcu gsum pa dang sbyar/ /thig les kyang ni rnam par brgyan/ /'byung po kun ni skrag byed cing / /sgrub pa pos ni dga' ba yin/ /dbyangs kyi yi ge lnga pa la/ /yi ge sum cu rtsa gnyis sbyar| |dbyangs kyi gsum pa nyid dag ni/ /yi ge sum cu gsum dang sbyar/ /ma mo gnyis pa nyid dag dang / /yi ge sum cu rtsa bzhir sbyar/ /dbyangs kyi gnyis pa dag dang ni/ /yi ge sum cu drug dang sbyar/ /dang po yi ni gnyis pa dag/ yi ge sum cu bdun dang sbyar/ /dbyangs kyi yi ge gsum pa ni/ /yi ge bzhi bcu dang sbyar ba/ /ma mo bcu gcig pa nyid ni/ /yi ge bzhi bcu gcig dang sbyar/ /dbyangs kyi yi ge gnyis pa yin/ /yi ge bzhi bcu gnyis par sbyar/ /dbyangs kyi gsum pa dag dang ni| |yi ge bzhi bcu bzhi dang sbyar/ /ma mo'i gnyis pa nyid dang yang / /yi ge bzhi bcu brgyad bar sbyar/ /dbyangs kyi yi ge gnyis pa dang / /yi ge bzhi bcu dgu dang sbyar/ /dbyangs kyi yi ge gnyis pa dag/ yi ge lnga bcu gnyis par sbyar/ /phyi mo'i lnga pa nyid dang ni/ /yi ge lnga bcu lnga dang sbyar/ /yi ge lnga bcu rtsa bzhi pa/ /thig les kyang ni rnam par brgyan/ /yi ge lnga bcu rtsa lnga pa/ /thig les kyang ni rnam par brgyan/ /dbyangs kyi yi ge gnyis par sbyar/ /yi ge lnga bcu rtsa brgyad pa/ /thig les mgo la mnan par bya/ /dbyangs kyi yi ge gnyis pa dag/ yi ge drug cu drug cu sbyar/ /phyi mo gnyis pa nyid kyang ni/ /yi ge drug cu bdun dang sbyar/ /gdug pa'i dngos grub kun 'grub cing / /sgrub pa po la dpal yang stsol/ /dbyangs kyi yi ge bzhi pa dang / /yi ge bdun cu pa dang sbyor/ /thig les kyang ni rnam par brgyan/ /phyi mo yi ni bzhi pa yis/ /yi ge bdun cu gsum dang sbyar/ /bco lnga pa ni rab blangs te/ /dbyangs yig bcu bzhi pa dang ni/ /yi ge bdun cu bzhi par sbyar/ /phyi mo bcu bzhi dag pa ni/ /yi ge bdun cu gsum dang sbyar/ /de bzhin bco lnga pa dang sbyar/ /dbyangs kyi yi ge gnyis pa ni/ /yi ge bdun cu bzhi dang sbyar/ /phyi mo'i yi ge gnyis pa yang / /yi ge bdun cu bdun dang sbyar/ /thig les kyang ni rnam par brgyan/ /phyi mo yi ni gnyis pa yang / /yi ge bdun cu brgyad dang sbyar/ /thig le gnyis kyis rnam par brgyan/ /phyi mo yi ni gnyis pa yang / /yi ge bdun cu dgu dang sbyar/ /ma mo'i bzhi pa nyid dang ni| |yi ge brgyad cu pa dang sbyar/ /thig les mgo la mnan par bya/ /dbyangs yig bzhi pa dag kyang ni/ /yi ge bdun cu dgu dang sbyar/ /thig le sgra yis bskyed pa ste| |thig les kyang ni rnam par brgyan/ /dbyangs kyi yi ge gsum pa dag/ yi ge bcu drug pa dang sbyar/ /'og dang steng gi yi ge grangs/ /dgu bcu rtsa bdun bshad pa ste| |'di ni rtsa ba'i gsang sngags su/ /mkhas pa rnams kyis shes par bya/ /dngos grub kyi ni gnas yin zhing / /mkha' 'gro'i snying ni 'joms pa na/ /dpal ldan khrag 'thung lha rigs rgyal/ /bklags pas grub pa don yod pa/ /oM ni dang por sbyar bar bya/ /hUM hUM phaT ni mthar sbyar ba/ /'di ni rtsa ba'i gsang sngags te/ / grub pa thams cad grub byed yin/ /de nas rang gi bdag nyid kyi/ /dpa' bo thams cad mnyam sbyor ba/ /mkha' 'gro ma ni dra ba yi/ /'khor lo bde mchog yin par 'dod/ /oM shrI badzra he he ru ru kaM huM hUM phaT/ DA ki nI dzA la shaM ba raM swAhA/ hA swA raM ba saM la dzA nI ki DA Ta pha hUM hUM kaM ru ru he he dzrab shrI oM/ /rig pa'i rgyal po'i snying po ni/ / ma byung 'byung bar mi 'gyur ro/ /Ta pha hUM huM ha ha hriH oM/ /yi ge baM dang yoM dang ni/ /yi ge moM dang tri nyid dang / /hUM dang phaT ces bshad pa yin/ /oM baM badzra bA rA hi/ haM yoM ya mi nI/ hriM moM mo ha nI/ hreM hrIM saM tsa la nI/ hUM hUM saM trA sa ni/ phaT phaT tsa N+Di ka /rnal 'byor ma ni drug tu bsgrags/ /re'u mig drug la rnam par bsgom/ /mngon par brjod pa'i rgyud bla ma'i bla ma las/ go cha'i snying po sgom pa'i le'u ste lnga bcu rtsa brgyad pa'o// //de nas gzhan yang lha mo yi/ /snying po bla med bshad par bya/ /oM badzra bai ro tsa nI ye hUM hUM phaT swAhA/ /lha mo'i snying po'i sbyor ba ni/ /bcu gsum pa ni bdag nyid dge/ pad+mo dbus su phag mo ste/ /'dab ma la ni lha mo dgod/ /sgo bzhi dag gi phyogs su ni/ /lha mo'i snying po rnam par bsgom/ /oM las byung ba'i rta gdong dang / /rdo rje snying po gdug pa'i sgra/ /drag po yang ni g.yo ma dang / /mi 'phrog ma dang dri med ma/ /hUM mdzad ma dang ldan lha mo/ /bsreg blugs ma dang phaT byed ma| |rang 'byung ma dang bcu gnyis te/ /ha mdzad g.yas pa'i gtso bo yin/ /rdo rje phag mo zhes bya ba/ /dngos grub thams cad stsol mdzad pa/ /sngo dang ser dang dmar ba dang / /ljang gu steng zhal dkar po ste/ /spyan gsum pa la bzhin rnam sgyur/ /ma che ba rnam par gtsigs pa ste/ /g.yas brkyang bzhugs shing thod phreng can/ /gsus pa rlo zhing skra grol ba/ /phyogs kyi gos can 'jin pa ste/ /rang gi thabs dang sbyor bas gnas/ /'jigs byed tso muN+De 'jigs mos/ /zhabs kyi 'og tu gnon pas bzhugs/ /thod pa dang ni kha T+wAM ga /mdung dang gri gug cang te'u dang / /rdo rje dril bu zhags pa dang / /lcags kyu tshangs pa'i mgo bo dang / /dgra sta dang ni sdigs mdzub dang / /na ra'i lpags pa steng du brkyang / /sku rags dang ni dpung rgyan dang / /phyag rgya lnga yis rnam par brgyan/ /sangs rgyas lnga yi cod pan can/ /thugs rje khro gnyer 'jigs pa ste/ /'dab la lha mo thams cad dgod/ /ma mo dag ni brgyad pa ste/ /ser dang dmar dang ljang ba dang / /lho ni sngo ba'i mdog can te/ /me phyogs dmar la dud ka ste/ /sngo ba dang ni dkar ba dang / /dbang ldan du ni dgod pa ste/ /spyan gsum pa la skra grol ba/ /phyag rgya lnga dang yang dag ldan/ /skyil krung phyed pas legs par bzhugs/ /thod pa yi ni dbu rgyan can| |phyogs kyi gos can bzhin rnams sgyur/ /thams cad yi dwags gdan la bzhugs/ /thugs rje'i chags pas rnam par myos/ /rdo rje'i mchog ni gar mdzad cing / /thod pa rak+tas bkang ba dang / /dril bu cang te'u sgra yang sgrog/ /lha rnams dga' bar byed pa yin/ /sgo rnams su ni sgo srung ste/ /dbang po'i steng du rnam par bzhugs/ / g.yas brkyang ba yi zhabs kyis bzhugs/ /spyan gsum pa la dbu skra brdzes/ /thod pa'i phreng ba'i dbu rgyan can/ /phreng ba'i rgyan gyis spud pa ste/ /thod pa dang ni kha T+wAM ga/ rdo rje mgo bo phyag na bsnams/ /thams cad rnam bsgyur gsus pa 'phyang / /thams cad mgo bo'i phreng bas brgyan/ /sngo dang ljang dang dkar po ste/ /ser zhing phyag bzhi mdog gnyis pa| |gcer bu pad+ma'i rgya yang che/ /rang gi rigs kyi dbu rgyan can/ /thams cad rang thabs gnyis pa ste/ /bcu gsum pa ni rnam par bsgom/ /snying po mchog ni sgom pa yin// 'dod pa thams cad rab tu stsol/ /mngon par brjod pa'i rgyud bla ma'i bla ma las/ go cha dang lha mo'i snying po sgom pa bstan pa'i le'u ste lnga bcu rtsa dgu pa 'o// //de nas gzhan yang bshad bya ba/ /shin tu rnyed dka'i dgod pa ste/ /gang zhig shes pa tsam gyis ni/ /myur du dngos grub 'grub pa 'o/ /sa yi cha ni mnyam yid 'ong / /tsan+dan gyis ni nye bar bsku/ /dri bzang dri ldan sa la ni/ /me tog sil ma gcal bkram shing / /spos kyi dri yis nyams dgar bya/ /bdag gi bya ba kun byas shing / /phyogs bcing ba bzhin byas nas su/ /de nas rdza rnga'i bcing byas te/ /re mig bzhi bcu dgu zlum la/ /yi ge'i phyi mo dgod par bya/ /der gnas pa las dpa' bo ni/ /'dod pa'i don kun grub/ byed btu/ /rim bzhin 'byung dang rim min sa/ /dbyangs dang yi ge sgrub pos so/ /thub pa de lta'i grangs 'gyur las/ /re'u mig sum cu gnyis pa blang / / lnga pa yi ni khyad par bya/ /brgya phyed phyed pa yang dag blang / /nyi shu rtsa bzhi pa yis phye/ /re'u mig sum cu drug pa blang / /gsum pa yis ni khyad par dbye/ /de nas sum cu gnyis pa blang / /lnga pa yis ni khyad par bya/ /de nas nyi shu lnga pa gzung / /nyi shu bzhi pa dag dang sbyar/ /sum cu rtsa gsum yang dag blang / /re'u mig bco lnga la yir ldan// lnga pa dag dang yang dag bcas/ /de nas nyi shu gnyis pa gzung / /bcu gcig pa yang de bzhin no/ /mdzes pa mchog ni yin par 'dod/ /re'u mig gi ni bcu dgu pa// ma yi bu dang yang dag ldan/ /re'u mig gsum par rnam par dbye/ /ya mtshan brgyad pa'i sa bon la/ /re'u mig sum cu drug pa dang / /yang dag ldan pa'i yi ger 'gyur| |slar yang yi ge de dag nyid/ /'dod pa'i don kun grub byed yin/ /de nas rang phyung blangs nas su/ /re'u mig la ni lnga par sbyar/ /spyi bor thig le dag dang sbyar| |de nas nyi shu gnyis pa gzung / /bcu gcig pa yang de bzhin no/ /don kun grub byed ces bya ba'i/ /tshig ni gnyis pa yin par bshad/ /re'u mig bcu dgu pa nyid la| |nyi shu rtsa bdun pa yis phye/ /gsum pa dag dang yang dag ldan/ /sum cu gsum pa legs blangs te/ /re'u mig ni gnyis par sbyar/ /nyi shu pa dang yang dag ldan// mdzes pa'i mchog ni yin par 'dod/ /de bzhin nyi shu gcig pa nyid/ /de bzhin nyi shu drug pa yin/ /lan gnyis bzlas pa'i tshig tu ni/ /shin tu mnyam par bzhag ste btu| |de nas go rims bzlog pas gzung / /re'u mig las ni dang po nyid/ /bzhi pa'i mtha' dang yang dag ldan/ /de bzhin bco lnga pa dang sbyar/ /de nas nyi shu gnyis pa gzung / /bcu gcig pa yang de bzhin no/ /chos don 'dod dang thar pa yi/ /tshig ni gsum pa yin par bshad/ /re'u mig gnyis pa'i sa bon dang / /re'u mig sum cu drug pa nyid/ /de bzhin nyi shu drug pa dang / /sum cu gsum pa yang dag blang / /re'u mig bcu gsum pa yir ldan/ /re'u mig las ni bcu pa nyid/ /go rim ldog pa sgrub pas blang / /re'u mig las ni bcu dgu pa/ /re'u mig nyi shu gsum pa la/ /gnyis pa dag ni yang dag ldan/ /steng du thig les brgyan par bya/ /de nas chu yi sa bon gzung / /brgyad pa yang ni de bzhin te/ /me yi bu yis khyad par dbye/ /yi ge hUM phaT mtha' ru sbyar/ /'di ni khams gsum rgyal zhes bya/ /sngags tshig bzhi yis rnam brgyan pa'o/ /oM ni sku la gsal byed yin/ /hUM dang phaT ni mtha' ru sbyar/ /rig rgyal 'khor lo sgyur ba'i sngags/ /'di ni ma byung 'byung mi 'gyur| |de nyid bsdus dang dpal mchog dang / /bde mchog rdo rje 'jigs byed du/ /khro bo bzhi dang yang dag ldan/ /sku brgyad dang ni bcas pa ru/ /dkyil 'khor bsrung ba'i don du ni// gdug pa kun la khyad par du/ /'di ni rnyed pa tsam gyis kyang / /brtag mi dgos par 'chi bar 'gyur/ /sha chen dag gis thams cad kun/ /rdo rje yang ni med par bshad/ /rnal 'byor thun mong brjod pa ni/ /dngos grub kun gyi 'bras bskyed pa'o/ /oM sum+b+ha ni sum+b+ha huM hUM phaT/ oM gr-ih+na gr-ih+na huM hUM phaT/ oM gr-ih+na pa ya gr-ih+na pa ya huM hUM phaT/ oM A na ya ho b+ha ga baM badzra huM hUM phaT/ 'di ni gdug pa thams cad du/ /'jigs byed mi bzad par bshad do/ /nam mkha'i khams kyi sa yi mchog /pad+ma'i lte ba'i dbus su ni/ /rdo rje hUM mdzad rnam par sgom| |gdug pa thams cad nges par gnon/ /phyag ni bcu drug yang dag ldan/ /zhal brgyad pa la bzhin rnam sgyur/ /zhal gyi mche ba rnam par gtsigs/ /thod pa'i phreng bas rnam par brgyan/ /sangs rgyas lnga yi cod pan can/ /thams cad kun gyis rnam par spud/ /rdo rjes mtshan pa'i phyag rgya drug /sku lus drug pa thugs rje'i nyams/ /g.yas brkyang ba yi gnas pa yis/ /dbang ldan gyi ni thod pa gnon/ /u ma mchog gi ku tsa gnon/ /khros pa'i spyan gyis rnam par gzigs/ /sku la mgo yi do shal can/ /mgo po'i phreng ba dbu la bcings/ rdo rje dril bu'i phyag rgya can/ /'jig rten gsum rgyal de bzhin te/ /lcags kyu sdigs mdzub 'ching ba ste/ /dpral ba'i steng du yang dag gnas/ /thugs kar dpral ba phyag rgya ste/ / bgegs ni rnam par gnon pa yin/ /thod pa dang ni kha T+wAM 'dzin/ /ral gri lcags kyu 'chang ba ste/ /mdung dang mgo bo cang te'u dang / /na ra'i pags pa'i steng du ste/ /phyag ni bcu drug de bzhin no/ /stag gi pags pa gos su man bas/ /rang rig gnyis med bde ba'i sku/ /sngo dang dkar dang ser ba dang / /dmar po de bzhin g.yon pa mdzes/ /dkar dang sngo dang ser ba dang / /steng gi zhal ni dmar po ste/ /spyan gsum pa la dmar ba'i spyan/ /khro bo bzhi dang yang dag ldan/ /las rnams thams cad byed pa dge /'dod pa'i rdo rje rdo rje sngon/ /bskyed pa'i rdo rje nyid dang ni/ /mi g.yo ba yi rdo rje ste/ /sngo dang ljang dang dmar ba dang / /dud ka ngur smrig bsres pa ste/ /mche ba rnam par gtsigs pa'i zhal| |thod pa'i phreng bas rnam par brgyan/ /g.yas brkyang pa yi zhabs kyis ni/ /bdud bzhi po ni rnam par gnon/ /na ra'i rus pas sku brgyan cing / /sna tshogs khro bo'i rigs kyang 'phro/ /thod pa dang ni kha T+wAM 'dzin/ /rdo rje sdigs mdzub brkyang ba ste/ /rang gi rigs dang gnyis med 'khyud/ /khro bo'i lta bas gzigs mdzad cing | |dril bu phyag mtshan yang dag ldan/ /'dzin pa'i phyag rgya 'ching ba ste/ /'jig rten gsum rgyal phyag rgya mis/ /khro bo thams cad bcings pa yin/ /stag gi pags pa gos su mnabs/ /spyan gsum mi bzad 'jigs pa ste/ /tho ba dbyug to mda' dang ni/ /ral gri dril bu de bzhin te/ /yang na rdo rje dril bu dang / /thams cad khre bo'i rigs rjes 'gro/ / 'khyud pa'i phyag kyang de bzhin te/ /zhal gsum pa la phyag drug pa/ /thams cad spyan gsum dngos grub mchog /sku gsung thugs su sbyor ba yis/ /dkyil 'khor dngos grub mchog dam pa/ /sum cu rtsa bdun rnam par dag /yi ge'i dkyil 'khor bsgom par bya/ /oM sum+b+ha ni sum+b+ha hUM hUM phaT/ oM gr-ih+na gr-ih+na hUM hUM phaT/ oM gr-ih+na pa ya gr-ih+na pa ya gr-ih+Na pa ya hUM hUM phaT/ oM A na ya ho b+ha ga bAM badzra hUM hUM phaT/ /dpa' bo rnal 'byor ma mthong nas/ /thams cad bskyed par rnam par bsgom/ /dkyil 'khor chen po'i sbyor ba te| |kha sbyar lnga yis ngo bo nyid/ /rnal 'byor pa yi dkyil 'khor yin/ /snying po mchog gi sgom pa yin/ /de bzhin khyi dang phag gi sha /zangs kyi gtsug phung can de bzhin/ /mngon spyod kyi ni bya ba la/ /bza' dang sbyin sreg gtor ma bya/ /ma lus lus pa med grub cing / /rgyal srid thams cad rab grub 'gyur/ /dung dang nya phyis mu tig ste/ /gsum char rgyur las byung ba yin/ /chos kyi ye shes lus can gyi/ /thod pa la ni su zhig smod/ /dpa' bo thod pa'i phreng ba 'chang / /zla ba phyed pas rgyan du byas/ /dpa' bo'i dpa' dbang yin par bshad/ /khrag 'thung rdo rje can rnam pa/ /mngon par brjod pa'i rgyud bla ma'i bla ma las/ /srung ba zhal bzhi par byin gyis brlabs pa khro bo bzhi'i dkyil 'khor rdo rgyus kyis bris pa rdo rje hUM mdzad bskyed pa'i le'u ste drug cu pa'o// //de nas gzhan yang bshad bya ba/ /sde tshan brgyad ni rnam sgom pa/ /mkha' dbyings pad+ma'i dbus gnas par/ /khrag 'thung rdo rje rnam par bsgom/ /zhal lnga pa la phyag bcu pa/ /spyan gsum shin tu dmar ba ste/ /g.yas brkyang ba yi zhabs kyis bzhugs/ /zhal rnam sgyur zhing 'jigs pa ste/ /mche ba rnam par gtsigs pa'i zhal/ /thod pa'i phreng bas rnam par brgyan/ /drag po zla ba phyed pa 'dzin/ /sna tshogs rdo rjes dbu la mnan/ /ral pa'i cod pan 'ching ba ste/ /phyag rgya drug gi mtshan gyis rgyan/ /stag gi pags pa gos su mnabs/ /rig pa gnyis med bde ba'i nyams/ /sku la thod rlon do shal can/ /thugs rje'i nyams kyis khyab par myos/ /dkar dang sngo dang sprin gyi gzugs/ /sku ni sgeg cing ldem bag can/ /g.yas dang g.yon gyi zhal dag ni/ /ser dang dmar dang ljang ba dang / /dud pa yi ni mdog can no/ /rdo rje dril bus mnyam ldan pas/ /rang gi rigs dang yang dag 'khril/ /tshangs lpags bshus nas mnabs par mdzad/ / rgyab tu nges par 'dzin pa yin/ /thod pa kha T+wAM ga 'dzin cing / /mdung dang cang te'u gri gug dang / /thod pa dag ni 'dzin pa ste/ /bcom ldan baM hUM nges 'byung ba/ /'jigs byed rang gi chung mar bcas/ /zhabs kyi 'og tu mnan par sbyar/ /shar 'dab lha mor dgod pa ste/ /ji srid lho phyogs de bzhin te/ /me la sogs pa'ang dgod par bya/ /de srid dbang ldan sogs de bzhin/ /A yi mkha' 'gro ma dang ni/ /kA yi mkha' 'gro ma de bzhi/ /tsa yi mkha' 'gro ma dang ni/ /Ta yi mkha' 'gro ma dag ste/ /dkar dang dmar dang ser ba dang / /sngo ba'i mdog can lho phyogs so/ /dmar dang dud ka ljang gu dang / /ser po dbang ldan yang dag gnas/ /ta yi mkha' 'gro ma dang ni/ /pa yi mkha' 'gro ma de bzhin/ /de nas ya yi mkha' 'gro ma/ /sha yi mkha' 'gro ma brgyad pa/ /de dag kun ni spyan gsum ste/ /zhal gcig pa la phyag bzhi pa/ /'jig rten skyong ba brgyad po yi/ /rkang pa g.yas brkyang zhabs kyis gnon/ /rnam gyur mche ba rnam gtsigs zhal/ /phyogs kyi gos mchog 'dzin pa ste/ /phyag rgya lnga yis rnam par brgyan/ /skra grol thugs rje khro bo bzhin/ /drag po yul 'khrug byed pa ste/ /'dod pa'i don kun grub byed yin/ /'gro ba thams cad smon byed de/ /thams cad ci 'dod rdzogs pa yin/ /thod pa dang ni kha T+wAM 'dzin/ /dril bu cang te'u yis brgyan pa/ /sde tshan mkha' 'gro bde ba ste/ /'di dag rnal 'byor ma yis bsgom/ /yang na phag mo dgod bya ste/ /bdag mo yang ni gzhag par bya/ /rdo rje sems dpa'i bdag po ste/ /mkhas pas kyang ni bsgom par bya/ /sku gsung thugs su sbyor ba dang / /sa 'og sa steng rab tu 'khrug /oM a ka tsa Ta ta pa ya sha huM hUM phaT swAhA/ brtan pa dang ni g.yo ba'i bdag /ma lus ji srid 'di yis 'grub/ /sde tshan mkha' 'gro dam pa mchog /b+ha ga'i dbus su bsgom par bya/ /a sha /kA kaM /tsarma tsa/ TaM ta pa ka /ta pa sa ta tha/ pa ba na dza yaM ma b+ha haM tsa/ sha ra b+ha tsa ta tha/ sbrang rtsi mar dang bcas pa ni/ /rtag tu dus su 'di brgyad bza'/ /rgas dang nad dang 'chi med par/ /skye ba 'di la dngos grub 'byung / /chang gi btung ba dang bcas pa/ /zos pa tsam gyis dbang du 'gyur/ /de ma rnyed na'ang sa lus bya/ /skye ba bdun pa'i nang gnas shing / /phyugs ni zas su rta spyad na| |skad cig gis ni mkha' spyod 'gyur/ /'di la yid gnyis dpyod pa med/ /mngon par brjod pa'i rgyud bla ma'i bla ma las/ sde tshan gyi sbyor ba'i le'u ste drug cu rtsa gcig pa'o// //de nas gzhan yang bshad bya ba/ /rnal 'byor mchog gis gar da ba/ /dpa' bo dang ni rnal 'byor ma/ /ma mo'i dkyil 'khor sngar bshad do/ /mkha' 'gro ma sogs mkha' 'gro ni/ /gar da pa yi gzugs su bya/ /phag mo'i gzugs ni de nyid kyang / /zhal ni gar da ba ru bya/ /sngar bshad gnas dang phyag mtshan dang / /zhal ni gzhan yang rtogs par bya/ /sngar bshad mtshan ma'i rim pa yis/ /mkha' 'gro ma ni lag mdung thogs/ /thugs kyi 'khor lo thams cad kun/ / mkha' lding gdong ni 'jigs pa can/ /gsung gi 'khor lo rma bya'i gdong / /sku yi 'khor lo seng+ge'i gdong / /khyi dang phag dang 'ug pa dang / /khwa yi zhal gdong de bzhin te/ / zur la gshin rje sreg sogs kun/ /ma he ri dwags zhal gdong yin/ /dkyil 'khor ma lus can rnams kyang / /spyan gsum mig ni shin tu dmar/ /'di ni rnal 'byor mchog dam pa/ /sdug bsngal thams cad zad par byed/ /rnal 'byor blo gros dngos grub dag /rnal 'byor mchog ni ster bar 'gyur/ /rdo rje theg pa'i man ngag dang / /ngag gi dngos grub rab tu ster/ /ma thos pa yi chos bstan pas/ /sems can rnams ni srid las grol/ /bla na med pa nyid bstan pas/ /mi snang la sogs dngos grub 'gyur/ /su yang rung bas 'jig rten gsum/ /de kun de ma thag tu mthong / /sngar bshad dpa' bo rnal 'byor ma'i/ /gsang sngags rnams kyang de bzhin te/ /mkha' 'gro ma mo de bzhin no/ /sngar bshad sngags kyi bdag po rnams/ /bzlas na dngos grub rab ster cing / /rtag tu bde ba thams cad 'thob/ /rnal 'byor nye snying bzlas na ni/ /gar da'i dngos grub mkha' la 'gro/ /brtul zhugs med pa'ang brtul zhugs 'thob/ /mi gtsang pa'ang gcang bar 'gyur/ /dbul po'ang nor gyi bdag por 'gyur/ /nad yod pa yang med par 'gyur/ /long ba yis kyang mthong bar 'gyur/ /mngon par shes pa lnga thob 'gyur/ /bong bu'i sha dang rta sha dang / /khyi dang ba lang glang po mi/ /rnga mo lce spyang de bzhin te/ / brgyad po'ang mnyam pa mchog yin no/ /rnal 'byor bdag gis de brgyad bza'/ /dri chen chu dang sbrang rtsi mar/ /bsam gtan bsgoms te bza' byas nas/ /yang ba'i dngos grub thob par 'gyur/ /gzugs yongs bsgyur pa'i dngos grub cing / /rang gi gzugs su'ang 'gyur ba yin/ /rnal 'byor gang dang gar gnas par/ /bza' ba yang ni bza' bar bshad/ /'gro dang mi 'gro de bzhin te/ /btung zhing btung zhing dngos grub 'gyur/ /ma dang bu mo sring mo dang / /rang gi gnyen dang tsha mo dang / /blo ldan ji ltar 'dod pa yis/ /phyag rgya phyag rgya chen po 'grub/ /gar da'i mkha' 'gro bsgoms na ni/ /myur du 'gugs pa'i dngos grub 'gyur/ /mchog 'di yang ni gsang ba ste/ / su la yang ni brjod mi bya/ /mngon par brjod pa'i rgyud bla ma'i bla ma las/ ji ltar 'dod pa'i bong bu'i mdzad pa dngos grub kyi rgyu sgrub pa'i le'u ste drug cu rtsa gnyis pa'o// //da nas gzhan yang bshad bya ba/ /mkha' 'gro lnga yi rnam sgom pa/ /rigs las brgyad pa'i cho ga yin/ /gdan dang phyag mtshan sa bon te/ /'di ni sa bon mchog gyur pa'o/ /nga nya Na na ma zhes pa/ /'di ni sa bon mchog grub pa/ /nga ni rdo rje mkha' 'gro ste/ /nya ni sangs rgyas mkha' 'gro yin/ /Na ni rin chen mkha' 'gro ste/ /na ni pad+ma mkha' 'gro yin/ /ma ni sna tshogs mkha' 'gro ste/ /mkha' 'gro lnga ni mchog yin te/ /zhe sdang gti mug nga rgyal dang / /chags dang phrag dog de bzhin te/ /rigs ni lnga po 'di dag gis/ /'dod las grol ba'i 'bras bu stsol/ /rdo rje 'khor lo rin chen dang / /pad+ma ral gri lnga pa yin/ /sngo dang dkar ba nyid dang ni/ /ser dang dmar po ljang gu dang / /rdo rje'i phyag rgya byang chub mchog /rin chen phyag rgya'ang de bzhin te/ /pad+ma'i phyag rgya bzhi pa ste/ /ral gri'i phyag rgya lnga pa yin/ /glang po seng+ge rta dang ni/ /rma bya mkha' lding de bzhin te/ /khyab 'jug tshangs pa nyi ma dang / /dbang phyug che dbang po yang de/ /rang rig yan lag dang bcas pa/ /gnyis med bde bas yang dag gnas/ /shar dang lho dang nub dang ni/ /byang du yang ni de bzhin 'dir/ /dpa' bo'i 'khor dang bcas par dgod/ /lnga po yang dag lnga sangs rgyas/ /lnga po bdag nyid lnga yin no/ /nyi ma'i dkyil 'khor dbus su ste/ /zla ba'i dkyil 'khor shar du'o/ /lho dang nub dang de bzhin te/ /byang na nyi ma'i dkyil 'khor lo/ /yang na dbus su zla ba ste/ /shar du yang ni nyi ma'i gdan/ /de dag dpa' bor gyur pa ste/ /'di lta ste| rdo rje thod pa dang / rdo rje mkha' mnyam dang / rdo rje snying po dang / rdo rje sra ba dang bzhi po de dag ni/ rdo rje mkha' 'gro'i dkyil 'khor te/ glang po che'i gdan khri bya'o/ /rdo rje zla ba dang / rdo rje rgyal mtshan dang / rdo rje rgyal po dang / rdo rje sgra dang de dag ni/ sangs rgyas mkha' 'gro'i dkyil 'khor te/ seng+ge'i gdan khri'o/ /'dod pa'i rdo rje dang / rdo rje sprin dang / rdo rje Ta har dang / rdo rje bzhad pa dang de dag ni/ rin chen mkha' 'gro'i dkyil 'khor ste/ rta'i gdan khri'o/ /rdo rje mes dpal dang / rdo rje 'joms pa dang / rdo rje sreg byed dang / rdo rje dri bral dang / de dag gi pad+ma'i dkyil 'khor te/ rma bya'i gdan khri'o/ /rdo rje ba dan dang / rdo rje glu dang / rdo rje dpa' ba dan dang / rdo rje 'jigs byed dang de dag ni/ las kyi mkha' 'gro'i dkyil 'khor te/ /mkha' lding gi gdan khri'o/ /dpa' bo de dag kyang rang gi rigs dang / thod pa'i phreng ba can/ spyan gsum pa/ rang gi shes rab dang 'khyud pa/ rdo rje skyil mo krung gis yi dwags kyi gdan la bzhugs pa'o/ /mche ba rnam bar gtsigs shing rnam par 'gyur ba/ stag gi pags pa gos su mnabs pa/ zhal gcig pa/ phyag bzhi pa/ thod pa dang kha T+wAM 'dzin pa/ cang te'u'i sgra hUM dang bcas pa/ mgo bo'i phreng ba'i do shal gyis brgyan pa/ phyag rgya lnga 'chang ba/ rang gi rigs kyi dbu rgyan can/ ral pa dang zla ba 'dzin pa'o/ /rdo rje mkha' 'gro'i shar dkar po/ byang ljang gu /nub dmar po/ lho ser po/ las kyi mkha' 'gro'i shar ser po| byang sngon po/ nub dkar po/ lho dmar po/ pad+ma'i mkha' 'gro'i shar dkar ba/ byang ljang gu /nub sngon po/ lho ser po/ rin chen mkha' 'gro'i shar ljang gu / byang ser po/ nub dkar po/ lho sngon po/ sangs rgyas mkha' 'gro'i shar sngon po/ byang ljang gu /nub dmar po/ lho ser po/ 'di dag ji lta'i rim pa yis/ /rdo rje 'khor lo ral gri dang / /pad+ma rin chen phreng ba yin/ /chas ni yongs su bskor bar bya/ /grwA bzhi ma mo bzhi bsgom ste/ /ma mo rmongs byed ma dang ni/ /ma mo zhe sdang nyid yin te/ / chags pa yi ni ma mo dang / /phrag dog ma mo de bzhin te/ /me yi phyogs la sogs par dgod/ /dkar dang sngo dang dmar dang ljang / /skra grol ma la bzhin rnam sgyur/ /spyan gsum pa la gcer bu ste/ /phyag rgya lnga ni 'dzin pa yin/ /phyag bzhi pa la zhal gcig pa/ /yi dwags gdan la rnam par bzhugs/ /dbang chen me dang chu dang ni/ /rlung gi dkyil 'khor dag tu gnas/ /rigs kyi gdan la bzhugs pa yin/ /'khor lo rdo rje pad+ma dang / /ral gri thod pa kha T+wAM ga /gri gug yang ni phyag na 'chang / /ma ning las byung lha mo bsgom| |thod pa yi ni phreng ba can/ /skyil mo krung ni phyed pa'o/ /rdo rje gnod sbyin dang / rdo rje srung ba dang / rdo rje 'gying ba dang / rdo rje rta gdong dang / rdo rje dred gdong dang / rdo rje bde mchog dang / rdo rje dam tshig dang / rdo rje rta mchog ste/ khro bo'i rgyal po de dag ni/ /sgo rnams dang ni mtshams su ste/ /sngo dang ljang dang dmar ser po/ /dmar dang sngo dang dud ka dkar/ / lcags kyu zhags pa lcags sgrog dang / /dril bu thod pa kha T+wAM ga /cang te'u yang ni de bzhin te/ /thod pa dbyig to mdung dang ni/ /dgra sta thod pa kha T+wAM ga /mgo bo phyag na bsnams pa'o| |zhal gcig pa la phyag bzhi pa/ /dbu skra dmar ser gyen du brdzes/ /phyag rgya lnga ni 'dzin pa ste/ /stag gi pags pa gos su mnabs/ /thod pa yi ni phreng ba 'chang / /mgo bo'i dor shal rnam par brgyan/ /nyi ma pad+ma'i steng du ni/ /g.yas brkyang ba yis zhabs kyis bzhugs/ /phyogs skyong brgyad kyi khri la bzhugs/ / mche ba rnam gtsigs rnam gyur zhal/ /spyan gsum rang rigs cod pan can/ /rang gi rigs dang gnyis med sbyor/ /snying rje yi ni nyams can te/ /phyi rol rdo rje yi dwags kyis| |yongs su bskor bar bsgom par bya/ /thog mar gsal byed ming dang hUM/ /mtha' ru phaT dang sbyar bar bya/ /sngar bshad cho ga'i srung ba bya/ /phung po khams dang sgye mched dang / /lus ngag yid las bsgom par bya/ /mkha' 'gro zhal drug phyag bcu gnyis/ /rang gi mtshan ma dril bu yis/ /gnyis su med par mnyam par ldan// mdung dang lcags kyu thod pa dang / /kha T+wAM ga dang mgo bo dang / /cang te'u dang ni gri gug dang / /na ra'i pags pa 'dzin pa yin/ /sngo dang ser dang dmar ljang gu/ /dud ka dang ni dkar ba dang / /dkar dang sngo dang ser dmar dang / /ljang dang thal ba'i mdog lta bu'o/ /ser dang sngo dang dkar ba dang / /dmar dang ljang gu pad+ma'i mdog /dmar dang dkar dang sngon po dang // ser dang ljang dang nam mkha'i mdog /ljang dang dkar dang dmar ba dang / /sngo dang ser dang dkar ba'i mdog /de dag mkha' 'gro lnga yi ni/ /zhal mdog gi ni khyad par yin/ /yang na zhal gcig phyag gnyis bsgom/ /phreng ba'i gsang sngags ming dang bcas/ /mkhas pas zur bzhi mtshams nas so/ /mthar ni hUM hUM phaT dang sbyar/ /oM ma hA su kha badzra DA ka hUM Da ki nI dzA la shaM ba ra AH hUM phaT swAhA/ /oM ma hA su kha bud+d+ha DA ka bruM DA ki nI dzA la shaM ba ra AH hUM phaT swAhA/ /oM ma hA su kha rak+Sha DA ka traM DA ki nI dzA la shaM ba ra AH hUM phaT swAhA/ /oM ma hA su kha pad+ma DA ki hrIH DA ki nI dzA la shaM ba ra A hUM phaT swAhA/ oM ma hA su kha bi shwa DA ka khaM DA ki nI dzA la shaM ba ra AH hUM phaT swAhA/ /de dag ni/ mkha' 'gro lnga'i snying po'i gsang sngags te 'di ni/ ye shes kyi snying por gyur pa yin no/ /oM badzra DA ka daM hUM phaT swAhA/ oM bud+d+ha DA ka nyaM hUM phaT/ oM rat+na DA ka NaM hUM phaT/ oM pad+ma DA ka naM hUM phaT/ oM bi shwa DA ka maM hUM phaT| ye shes dam tshig ro gcig pa/ /mkhas pas bsgoms par byas nas su/ /dam tshig gis ni legs dbang bskur/ /sna tshogs mchod pa rnam par bsgom/ /dkyil 'khor dag ni thams cad kyang / /go 'phang dran nas dbang yang bskur/ /sna tshogs phun sum tshogs pa'i mchog /de bzhin 'khyud dang tsum pa na/ /b+ha ga'i ling+ga'i sbyor ba dag /ye shes rnam smin dpa' ba'i mchog /shes rab thabs kyi phyag rgya drug /rnam par lta zhing nges par brtag /dga' pa dang po ye shes te/ /mchog tu dga' ba mnyam par sbyor/ /bde bar dga' bar grub pa che/ /lhan cig skyes dga' bla med yin/ /sbyor ba dang ni shin tu sbyor/ /sbyor ba che dang ye shes sbyor/ /de dag cho ga'i rim pa'o/ /thig le'i gzhung gi spyor shes na/ /phra ba'i sbyor bas blta bar bya/ /thams cad mkhyen pa'i ye shes rgyu/ /chos kyi dbyings kyi go 'phang thob/ /cho ga nges par bsgrubs nas ni/ /myur du rnal 'byor pa yis 'grub/ /'di ni nges pa kho na'o/ /mngon par brjod pa'i rgyud bla ma'i bla ma las/ gsang ba'i ye shes kyi le'u ste drug cu rtsa gsum pa'o// //de nas gzhan yang bshad bya ba/ /thugs kyi snying po mchog gyur pa/ /mkha' dbyings rdo rje'i dbus gnas par/ /ye shes zla ba rnam par bsgom/ /A yi yi ge las byung ba/ /rdo rje sems dpa' bde ba che/ /kha ba kun da'i mdog lta bu/ /dag pa'i shel dang mtshungs pa'o/ /zhal gsum phyag drug zhi ba ste/ /spyan gsum pa la thugs rje'i nyams/ /sna tshogs pad+ma zla dbus bzhugs/ /stong pa'i ye shes las byung ba/ /zla ba phyed pa ral pa 'ching / /thod pa yi ni dbu rgyan can/ /rgyan rnams thams cad yang dag rdzogs/ /rdo rje skyil mo krung gis bzhugs/ /rang gi lus dang sbyor bar gnas/ /snying rje chags dang mngon gyur pa/ /dkar zhing sngo la dmar ba'i zhal/ /rnam pa gsum gyi rang bzhin can/ /rdo rje dril bu mnyam par ldan/ /lha mo mchu ni rnam 'tshir te/ /rdo rje mdung dang thod pa dang / /kha T+wAM ga dang thod pa 'dzin/ /yi ge A dang nyi dbus bzhugs/ /rdo rje sems dpa' rnam par bsgom// i las rdo rje zla ba ste/ /I las rdo rje sgyu 'phrul lo/ /e las chos kyi rdo rje ste/ /ai las sna tshogs sgyu 'phrul ma/ /lha mo bzhi po de dag ni/ /de yi zhal mdog 'dzin pa'o/ / skra grol ba la mig po che/ /snying rje chags pas rnam par myos/ /rang gi thabs dang lhan cig bcas/ /zla ba'i dkyil 'khor dbus su ni/ /sna tshogs yi dwags steng du bsgom/ /gtso bo shes rab skyil mo krung / /thod pa'i phreng ba'i dbu rgyan can/ /phyag rgya lnga yis rnam par brgyan/ /rdo rje dril bus mnyam par ldan/ /mdung dang gri gug phyag na bsnams/ /thod pa kha T+wAM ga 'dzin cing / /dngos grub thams cad rab tu stsol/ /ji ltar dpa' bo'i rnal 'byor bzhin/ /de yi mdog dang phyag mtshan 'dzin/ /lha mo bzhi yi kha sbyar gsang / /snying po sbyor ba mchog yin no| |gsang ba mchog gi dgyes pa na| /thams cad bdag nyid rtag tu bzhugs/ /gsang ba kun gyi mchog de nyid/ /mkha' 'gro ma yi snying po mchog /gsang ba'i ye shes dam tshig ste/ / chos kyi dbyings kyi rang bzhin yin/ /u ni snying gar sgom pa ste/ /U ni mgo bor de bzhin no/ /oM ni spyi gtsug dag tu ste/ /oM ni mig tu dgod par bya// aM ni go char dgod pa ste/ /aH ni mtshon du rnam par dgod/ /sku gsung thugs su sbyor pa yis/ /bdag nyid kyang ni sgom par gnas/ /ye shes dam tshig sbyor ba yis/ /bla med mchog dang dbang yang bskur/ /mnyam pa'i dam tshig sbyor ba yis/ /chos kyang de bzhin mnyam pa yis/ /dngos po kun ni ro gcig ste/ /gnyis su med pa'i mchog grub pa| |dam tshig thun mtshams bzhin du ste/ /dus bzhi dag tu rnam par bsgom/ /kha sbyor bzhi yi sbyor ba ni/ /thun bzhi la ni rnam par bsam/ /snying rjes kun la 'gro bya zhing / / cha med par ni rnam par bsgom/ /thams cad rdo rje sems dpa' ste/ /shes rab cha med rjes su 'gro/ /rdo rje rnal 'byor dbang phyug sbyor/ /bdag nyid rdo rje bdag po yin/ /bgrang du med pa'i rus pa yin/ /ye shes bzlas pa yin par bshad/ /bzlas pa ye shes sgom pa ste/ /sprul pa drug ni spro ba'o/ /de bas dam tshig bzlas pa yin/ /cho ga bzhin du bzlas pa bya| |u o o uH/ AM aH/ oM AH/ a AH/ i I/ u U/ e A+ai/ o au/ aM AH hUM swAhA/ dung chen phreng ba blangs nas ni/ /rtag tu gsang sngags rgyal po bzla| |dag byed bsod nams chen po ste/ /dge zhing nyes pa 'joms pa yin/ /sdug bsngal thams cad 'joms byed cing / /dge ba kun gyi 'bras bu ste/ /gsang sngags kun gyi ston pa ste/ /rnam par dben pa'i sa phyogs su/ /mkha' 'gro ma yi snying po yi/ /dgyes pa'i bde ba las byung ba/ /lha mo bzhi po dga' ba ste/ /rnal 'byor dbang phyug mchog tu bde| |rigs kyi bde ba bcom ldan 'das/ /rang byung rdo rje sems dpa' yin/ /mngon par brjod pa'i rgyud bla ma'i bla ma las/ lha mo bzhi'i gsang ba kha sbyor gyi le'u ste drug cu rtsa bzhi pa'o// //de nas sbyor ba'i mchog bshad pa/ /gdug pa thams cad za byed pa/ /ma rungs phyi dang nang 'joms pa/ /nam mkha' stong ba lta bu las/ /yi ge k+Sha las mngon byung zhing / /mkha' 'gro dra ba bde mchog ni/ /phyag gnyis pa la zhal gcig pa/ /spyan gsum pa la 'jigs pa'i zhal/ /g.yas brkyang ba yis bzhugs pa la/ /ma rungs bdud kyi dgra gnon cing / /phyag rgya chen po mnyam ldan pas/ /thod pa dril bus yang dag 'khyud/ /thod pa'i dbus su yid 'ong ba'i/ /rdo rje mchog gis rnam par mtshan/ /ye shes bdud rtsis yongs gang ba/ /lag pa g.yas par bzhag nas ni/ /sna tshogs pa yi sku lus la/ /phyag rgya drug gis sku yang brgyan/ /zhal gdong mche ba rnam gtsigs shing / /spyi gtsug thod pas rgyan du byas/ /sna tshogs rdo rjes spyi bor mtshan/ /zla ba byed par la pa 'chang / /rdo rje sems dpa'i dbu rgyan can/ /rdo rje 'jigs byed sgom pa yin| |dogs pa rnam par spangs shing yongs su dag pa'i blos/ /rnam par rtog pa'i dri ma'i khyad par med par byed/ /byams dang snying rje'i rgyan gyis lus la rgyan du byas/ / 'dzem med bde ba'i rnal 'byor legs par bslabs pa'i bdag /shin tu 'jigs pa'i dud 'gro'i dur khrod chen po na/ /ro langs srin po sna tshogs sgra rnams sgrog par byed/ /pheM gyi sgra byed pa yi 'jigs pas khyad par byed/ /gzhan yang sgrub po rnal 'byor mthun pa'i yul du sgrub/ /yang na zhal ni bzhi pa dang / /'di la phyag brgyad rnam par bsgom/ /dkar dang sngo dang dmar ser po/ /zhal dag sgyur zhing 'jigs par mdzad/ /mdung dang rdo rje kha T+wAM ga /cang te'u mgo bo gri gug thogs/ /sna tshogs phyag la bskyod pa'i ljags/ /hA hA hI hI hUM hUM phaT/ /phaT ces bya ba'i sgra sgrog cing / /dpa' bo'i gcig pu 'jigs mdzad pa/ /gdul dka' thams cad 'dul mdzad cing | |sku gsung thugs kyi sbyor ba yis/ /khro bo'i sprin ni mkhas pas spro/ /bsam gtan dga' ba bsgrub pa'i phyir/ /khro bo yi ni sku ru sgrub/ /dam tshig bza' zhing bzlas pa bya/ /dam tshig kha sbyar byas nas bzla/ /mnyam par gnas shing bzlas nas su/ /chos rnams ma lus bsgom par bya/ /oM ak+sha hUM phaT/ srid gsum sdig pa zad byed cing / /mtshams med lnga yang zad byed par/ /sdug bsngal thams cad zad byed cing / /srid pa dag kyang sbyong bar byed/ /sbyor ba yi ni mchog dam pa/ /bklags tsam gyis ni nges par 'grub/ /gdug gcig gnod byed sems can dang / /ma rungs las la chags pa dang / /log par lta dang bcas pa las/ /'di dag nges par bza' bar bya/ /sangs rgyas sprul pa'i rgyan rnams spro/ /khams gsum dag ni sgrol bar byed/ /sngags pas sngags kyi mchog de ni/ /ming dang bcas pas lhan cig bzla/ /oM phaT che ge mo b+hak+Sha ya phaT/ k+Sha hUM phaT/ bdag nyid khro bo'i sems kyis ni/ /mAM sa bza' zhing gcer bu dang / /skra grol ro la mnan pa dang / /zhags pa lcags kyu phyag gis 'dzin/ /gsang sngags cho ga bzhin du ni/ /khri phrag stong du bzla zhing bsgom/ /rnal 'byor cho ga bzhin du ni/ /khams gsum po dag gsod par 'gyur/ /mkha' 'gro ma ni 'khor bcas pas/ /bza' bar yang ni rnam par bsam/ /bdag nyid rdo rje khab thogs pa'i/ /khro bo snying du gzhug par bya/ /snying dang sgyu ma rkang dang rus/ /sha dang khrag rnams 'dral byed cing / /mtshams med lnga rnams byed pa dang / /gdugs pa can rnams bza' bar bya/ /mkha' 'gro lte bar bzhugs nas ni/ /mkha' 'gro ma dang lhan cig sbyor// rdo rje blo ldan rab sbyor bas/ /zhag bdun gyis ni phebs par 'gyur/ /bsam gtan byas pa tsam gyis ni/ /gdug pa bdag gis zos par 'gyur/ /nyi ma phyed dang mtshan phyed dang / /las 'di dag la 'jug par bya/ /gcer bu skra grol byas pa yis/ /gshin rje'i phyogs su kha bltas te/ /khyim bya'i stan gyi sbyor ba yis/ /me yi gsang sngags bzla bar bya/ /hUM phaT raM raM raM/ mtshams med pa 'dis zhes bya ba/ /raM raM raM hUM phaT/ ji bzhin bzlas pa byas tsam gyis/ /nyin zhag bcu pa dag gis ni/ /rdo rje 'dzin pa mngon sum pa'ang / /'chi bar yang ni the tshom med/ /gal te sdig can slar log na/ /'di la zhi ba'i las rnams bya/ /gsang sngags bzlas pa ches byas nas/ /'dis kyang zhi bar 'gyur ba yin/ /oM swAhA/ a A baM a mu ka pA pa ba'i ra ho b+ha bi Sh+ya ti ta saM/ si pa shin+taM b+ha baM tu/ baM aM a oM swAhA/ 'o ma btung zhing gos dkar gyon/ /zhi ba'i sems kyis stong nyid gnas/ /dkar po'i dri yis lus byug go /bya rog khyi dang byi la dang / /na ku la yi sha rnams bza'/ /thams cad rab tu gnas gyur te/ / 'di la yid gnyis dpyod pa med/ /mngon par brjod pa'i rgyud bla ma'i bla ma las/ khro bo rdo rje 'jigs byed chen po'i bdag po kha sbyar gnon pa'i le'u ste drug cu rtsa lnga pa'o// //de nas gzhan yang bshad bya ba/ /srid pa'i nang na skye ba bdun/ /sna tshogs pa shu'i dam tshig ni/ /lha yi gzugs can yid 'phrog pa/ /lha yi gzugs can gzi brjid dpal/ /ba shu'i nang na rgyal po yin/ /skal bzang yid 'ong bde bar 'gro/ /skra yi myu gu de bzhin ring / /mig ni dkyus ring mig kyang dmar/ /pad+ma'i 'dab ma 'dra ba'i gzugs/ /de yi lus la rdul rab 'byung / /lus las lha yi dri 'byung zhing / /kha yi dbugs ni ga pur dri/ /ldan pas sbrang ma rtag tu 'khor/ /gcin dang phyi sa gla rtsi pro| |tshig ni 'jam par 'gyur ba dang / /lag pa dang ni rkang pa 'jam/ /ut+pal la yi dri dang ldan/ /skra dkar gnyer ma las rnam grol/ /lus kyang snum zhing mnyen pa dang / /snying dang thod pa lte ba ste/ /des na ro tsa na ru 'gyur/ /grib bdun ngang pa'i 'gros su 'gro/ /snying rje'i bsam pa can yin te/ /dkon mchog gsum la rtag tu dad/ /sbyin dang tshul khrims dag dang ldan/ /'di 'dra rnal 'byor pas rtogs na/ /mi gsod me yis tshig mi 'gyur/ /srog chags sna tshogs gdug pa dag /gang yang rlung bas za mi nus/ / de ni mtshan mo mi mthong ste/ /mi snang ba yi dbang phyug mchog /'di 'dra sngags pas rtogs nas ni/ /bdag gis blangs te sbyin pa spyad/ / dri chen chu dang byang chub sems/ /mkhas pas blangs te ril bu bya/ /lcags gsum gyis ni rnam dkris te/ /blo dang ldan pas bsgrub par bya/ /dbang po gnyis ni rab sbyar nas/ /nye ba'i snying po lan 'bum bzlas/ /de 'di lag tu byin nas ni/ /sbyin pa 'di las bdag la byin/ /de 'di de ma thag tu yang / /mi bskyod pa yi bya ba rnyed/ /de ni dben par khyer nas su/ /mnyam par bzhag ste bsgrub par bya/ /gzhan yang las rnams rab bshad bya/ /dngos grub sgrub pa'i mchog dam pa/ /de yi spyi bo'i skra bcad nas/ /gzhan yang dud 'gro'i spu dang ni/ /de bsgres the gur byas nas su/ /gang gi mgul du bcings byas pas/ /de 'dra ba yi gzugs su 'gyur/ /sna tshogs gzugs kyang byed pa yin/ /de yi pags pa blangs nas ni/ /de la he ru ka dpal bri/ /mngon sum khro bo'i dngos grub ni/ /he ru ka dpal byed pa yin/ /rkang lag pags pa glangs nas ni/ /'byung ba'i skra dang bcas bsres nas/ /phyi ma'i ril bur byas nas su| /mngon par bsngags te cho ga bya/ /mkhas pas rgyal gyi nyi ma la/ /lcags gsum gyi ni rnam dkris nas/ /lag pa g.yon pas de blangs te/ /mthe bong sbas pa'i khu tshur gyis/ /khu tshur de ni mgor bzhag na/ /de ma thag tu rkun ma rengs/ /rang gi lag gis dpung gnyis blangs/ /rang skra zhags pa blangs nas thogs/ /g.yas pa lcags kyu thogs nas ni/ /the gu lnga yis rnam bar dkri/ /phyogs gar nor gyis gang ba yi| |de yi phyogs mthong blang bar bya/ /khyim du bkod cing steng 'dug nas/ /sngags bzlas nas ni mkha' la spyod/ /oM dz+waH a bAM ba hUM ba hUM a ba rA na du khe tsa ri dza ri hrIH swAhA| nor dang 'bru dang de bzhin gos/ /yid la gang 'dod ci yang rung / /de dag thams cad myur du 'gugs/ /khyim ni gang bar yongs su mthong / /maM sa dag ni zos nas su| |lha yi lus su gyur pa yin/ /rnal 'byor rdo rje'i lus gyur te/ /des ni shi ba dbang du 'gyur/ /chu ba cho ga bzhin blangs nas/ /skra dang bsres nas de bsgril te/ /the gu cho ga bzhin du ni/ /bsgril nas zhags pa dag tu bya/ /g.yas brkyang gnas shing khro gnas par/ /gang gi ming gi bzlas brjod kyis/ /zhags pa btab na de ma thag /lha mo 'gugs shing de mdun gnas/ /de yi rus pa'i phye ma yis/ /mkhas pas dkyil 'khor bris nas ni/ /'di la dkyil 'khor dngos grub ni/ /ci 'dod pa ni de la gnas/ / gzhan yang rgyun du byas pa dang / /rdo rje mtshan gyis mdzes par bya/ /chu ba dag gis mchod phyir thogs/ /de ru bdar ba'i tsan+dan gyis/ /byug pa'i brtul zhugs 'dzin pa ni/ /mkha' la spyod par 'gyur ba yin/ /sgrub pa til mar chen po yi/ /mig sman nges par byas nas ni/ /grib ma yang ni mthong mi 'gyur| |rnal 'byor zhag gis bskus na ni/ /mtshan mo'ang nyin par lta bur 'gyur/ /rnal 'byor rkang dag zos nas ni/ /tshim par 'gyur gyi gzhan du min/ /ji srid gnas par mi bkres shing / /yid gzhungs dran pa 'phel bar 'gyur/ /rnal 'byor sngon gyi skye ba dran/ /rdo rje sems dpar 'gyur ba yin/ /sgyu ma phye mar byas nas su/ /mkhas pas grib ma la yang bskam/ /gang gis mgo la bzhag pa na/ /de ma thag tu dbang du 'gugs/ /sngags pas glo ba zos na ni/ /de ma thag tu nad med 'gyur/ /rkang pa blangs nas sar bsnun na/ /char gyi rgyun ni 'bebs par byed/ /blo ldan gsang ba blangs nas bskam/ /tsan+dan dmar po dang bsres nas/ /de ni phye mar byas nas su/ /bud med gang la byin na ni/ /'dod pas gdungs pa'i bu med gang / /dbang du gyur te mang ga gzhug byed/ /pus mo'i rus pa ki la ya/ /sor ni bcu gnyis tshad tsam zhig/ gang gi ming bcas sbas pa yis/ /de yi rigs rgyud med par 'gyur/ /rnal 'byor ji hwA zos na ni/ /ngag gi dngos grub dag tu 'gyur/ /rnal 'byor hr-i da zos na ni/ /sems ni thub pa nyid du 'gyur/ /so yi rgyal po bzhi po dag /steng 'og dag ni blangs nas kyang / /bung pa yi ni gshog pa dang / /tshub ma'i 'dab ma rdul dang ni/ /rdul 'dir sgrub pa byas nas ni/ /rgyu ba dang ni mi rgyu rmongs/ /rtswa rnams phye mar byas pa yi/ /bud med thams cad skam par 'gyur/ /rang byung me tog ro tsa na/ /a lag ta dang gur gum gyis/ /thig le sngags pas sbyar na ni/ /'khor los bsgyur pa'ang dbang du 'gyur/ /rnal 'byor mig 'bras che ba yis/ /pha rol sde ni 'byed par 'gyur/ /nu ma zos pa tsam gyis ni/ /de ma thag tu 'o ma 'gugs/ /rnal 'byor mtshan ni zos cam gyis/ /bud med sa bon mod la 'gugs/ /rnal 'byor so deng sen mo phyes/ /gang gis gang gis mgo la gtor/ / grub pa brgyad po 'grub pa yin/ /pha dang bu ni yin na yang / /rnam par sdang bar byas par 'gyur/ /mchu phyer byas pa'i sbyor ba yis/ /kha ni gnon par 'gyur ba yin/ / sna phyer byas pa'i sbyor ba yis/ /dbugs ni gnon par 'gyur pa yin/ /rna ba'i sbyor bas 'on par 'gyur/ /mgo bo'i pags pas mngon btags te/ /kha yi drung du mngon bzlas na/ /lha rnams kun gyi gtso bor 'gyur/ /thod pa yi ni sbyor ba yis/ /rak+ta 'gugs par byed pa yin/ /thod pa kha ni sbub pa yis/ / gnod par byas pa kho na yin/ /in+d+ra ba ru ro tsa na/ /de gnyis gcig tu bsres byas nas/ /gang la thig le gcig gyur na/ /dbang po'i gnas ni mthong bar 'gyur/ / ro tsa na dang myang spras dag /lhan cig tu ni byug pa yis/ /thub pa med pa'i stobs 'gyur te/ /pha rol dag ni gnon par 'gyur/ /pu tran dza li ro tsa na/ /lhan cig tu ni phyer byas nas/ /bud med gang la phyes gtor na/ /de ni 'dod pas myos gyur nas/ /ji srid 'tsho ba'i bar du gnas/ /ro tsa na dang pu tras gnyis/ /lhan cig tu ni bskus pa yis/ /'byung po kun dang 'byung mo rnams/ /ci bgyi zhes ni smra bzhin du/ /de yi drung du 'khod par 'gyur/ /ci 'dod pa dag ster bar 'gyur/ /ro tsa na dang dzi ban+ti/ /lhan cig tu ni phyer byas te/ /shi ba'i mig dang mig sman sbyar/ /bskal par gnas kyi bar du ni/ /'tsho bar yang ni 'gyur ba yin/ /chu srin lag ni ro tsa na/ / lhan cig tu ni phyer byas nas/ /nA ga ma do lhan cig tu/ /ril bu dag tu byas nas kyang / /rdo rje gzi brjid dang bsres nas/ /mig gi sman ni byas gyur na/ /nor skyong gi ni glang po yang / /mngon sum du ni gnas nas kyang / /de la bdag gis zhon na ni/ /glang chen 'khor ni mang po dang / /gzhan gyis mi thub par 'gyur ro/ /pha rol sde ni 'joms byed cing / /gzhan gyi yul la dbang byed pa'i/ /ci 'dod pa ni ster bar 'gyur/ /brah+ma daN+Ti ro tsa ni/ /lhan cig tu ni sbyor ba yis/ /rig byed rgod pa med par 'gyur| |rma bya'i mkhris pa'i ro tsa na/ /ri bong khrag dang lhan cig tu/ /ril bu dag tu bsgrubs byas nas/ /rma bya'i mjug mas bcings na ni/ /bung ba bzhin du 'phur 'gyur te/ /lha rnams 'gugs pa'i dngos grub cing / /rig pa 'dzin pa 'ongs par 'gyur/ /de yi lan ni 'ga' tsam gyis/ /ji ltar 'dod pa ster bar 'gyur/ /lha yi gzhal med khang 'phrog cing / /lha yi bu mo'ang 'gugs par 'gyur/ /'dod na dbang du sdod byed cing / /mi 'dod sems can don yang byed/ /mjug ma thur bltas byas na ni/ /gter rnams kyang ni mthong bar 'gyur/ /blangs pas sbyin pa'i pha rol phyin/ /yongs su rdzogs par 'gyur ba yin/ /sa 'og gter gyi sgo dag la/ /mjug ma bskor ba byas na ni/ /sgo dbye bas ni 'jug par bya/ /lha min bu mo lhan cig rol/ /lha yi bcud dang bcud kyis len/ /'phrog cing des ni zos gyur te/ /'dod pa'i lha yi gzugs su 'gyur/ /grub pa'i rdzas ni blangs pa yis/ /sems can don rnams byed cing 'gro/ /de nas yan lag lnga pa yi/ /cho ga dag tu 'gyur ba ni/ /spu dang pags pa sha dang ni/ /rus pa rkang pa blangs nas su/ /dri chen chu dang shu kra dang / /mtshal rnams dag ni lhan cig tu/ /ril bu byas ras bsgrub par bya| |lcags gsum gyis ni rnam dkris nas/ /kha yi nang du sbas na ni/ /nam mkha' la ni 'gro bar 'gyur/ /ro tsa na dang lhan cig tu/ /khams gsum du ni rgyal cher 'gyur| |mngon par brjod pa'i rgyud bla ma'i bla ma las/ skye ba bdun pa'i phyugs chen sgrub pa'i le'u ste drug cu rtsa drug pa'o// //de nas gzhan yang bshad bya ba| |rang gi chos kyi yig sgom pa/ /rang gi chos kyi yi ger sbyor/ /bdag med chos ni yang dag bsgom/ /rang chos yi ge mchog dga' ba/ /chos kyi sku lus rang byung yin/ /yi ge he las nges 'byung ba/ /he ru ka ni rnam par bsgom/ /yi ge hi las nges 'byung ba/ /rdo rje mkha' 'gro rnam par bsgom/ /hUM gi ye shes las byung ba/ /rdo rje hUM mdzad rnam par bsgom/ /hUM gi yi ge las byung ba/ /mi bskyod pa ni rnam par bsgom/ /baM gyi ye shes las bskyed pa/ /rdo rje sems dpa' rnam par bsgom/ /oM b+hUM aM b+hUM las byung ba/ /sangs rgyas mkha' 'gro rnam par bsgom/ /aM trAM raM swa las byung ba/ /rin chen mkha' 'gro rnam par bsgom/ /hrIM hrIM a las nges 'byung ba/ /pad+ma'i mkha' 'gro rnam par bsgom/ /khaM ho ho haM las byung ba/ /sna tshogs mkha' 'gro rnam par bsgom/ /DA las mkha' 'gro ma nyid do/ /yaM las rnal 'byor ma de bzhin/ /b+hUM las lha mo sa la spyod/ /baM las mkha' la spyod pa yin/ /maM las ma mo nyid yin te/ /dpa' ba'i btsun mo snyan grags ma/ /he ni thugs kyi gtso bo ste/ /ru las ngag na byung ba yin| |ka ni lus kyi rdo rje ste/ /yig gsum las byung he ru ka /maM las 'jam pa'i rdo rje ste/ /saM las kun tu bzang po yin/ /laM las 'jig rten mgon po ste/ /k+ShiM las sa yi snying po'o/ /baM las phyag na rdo rje ste/ /meM las byams pa nyid yin te/ /khaM las nam mkha'i snying por grags/ /gaM las nam mkha'i mdzod yin no/ /saM las sgrib pa kun sel ba| |gaM las spos kyi glang po yin/ /dz+nyAM las ye shes rtogs kyang yin/ /aM las blo gros mi bzad pa/ /praM las spobs pa brtsegs pa ste/ /saM las ngan song kun 'dren pa/ /saM las ngan song kun 'joms pa/ /dzaM las dra ba can gyi 'od/ /tsaM las zla ba'i 'od yin te/ /raM las byung ba'i rin chen 'od/ /sUM las nyi ma'i 'od yin no/ / baM las rdo rje 'od kyang yin/ /maM las mthu chen thob pa ste/ /suM ni su d+ha na yin no/ /b+haM las bzang skyong nyid yin te/ /saM las blo gros rgya mtsho'o/ /kun tu bzang po 'jam pa'i dbyangs/ /'jig rten mgon pos snying po/ /phyag na rdo rje byams pa dang / /nam mkha'i snying po nam mkha' mdzod/ /sgrib pa rnam par sel ba dang / /spos kyi glang po nyid yin te/ /mi zad pa dang ye shes tog /spobs pa brtsegs pa mchog yin te/ /mya ngan kun 'joms nyid yin no ngan song kun 'dren nyid dang ni/ /dra ba zla ba rin chen dang / /nyi ma rdo rje 'od mchog ste/ /su d+ha na dang rin chen thob/ /rgya mtsho dang ni bzang skyong ngo / /de dag sngon nyid grub pa ste/ /phreng ba'i gsang sngags rnam par sbyar/ /de dag dam tshig tu bshad de/ /dngos grub kyi ni grub pa stsol/ /rdo rje pho nya ma nyid dang / /skul byed dang ni rin chen sgron/ /rdo rje nyi ma de bzhin te/ /ro langs rdo rje gzhon du ma/ /kaM po dzi dang de bzhin te/ /sangs rgyas byang chub ma de bzhin/ /ye shes sgron dang rdor 'jigs ma| |ye shes sgron dang rgyal byed ma/ /sgrol ma ngang ni gos dkar mo/ /spyan dang mA ma kA ma chog dang / /rgyal mtshan so sor 'brang ma dang / /rma bya dang ni ri khrod ma| |lu gu rgyud dang phyir zlog ma/ /lha mo gtsug tor rdor 'jigs ma/ /sngon grub pa yi lha mo ste/ /'dod pa'i 'bras bu thams cad stsol/ /gsal byed ming dang bcas par ni| |mthar ni hUM phaDa sbyar bar bya/ /tha mar swAhA mnyam par sbyar/ /sngags kyi dngos grub rab tu stsol/ /gshin rje gshed dang rta mchog rgyal/ /bgegs ni gnon par mdzad pa yin/ /shes rab mthar byed bzhi po ni/ /'dod pa'i don kun sgrub byed yin/ /'dod rgyal dbyug sngon stobs pa che/ /brgyad par mi g.yo grags pa ste/ / khro bo chen po sngon grub pa/ /gdug pa thams cad nges par gnon/ /dkar mo sogs dam tshig lha mo/ /khrag 'thung lha mo brgyad pa yin/ /sngar bshad mkha' 'gro ma rnams te/ /khro bo brgyad dang gnyis med gnas/ /rtsa ba'i brgyad dang ldan pa'i sngags/ /ming dang yang dag sbyar bar bya/ /gsal byed oM ni kun tu yang / /mthar ni hUM phaDa swA hAr sbyar/ /gsal byed ming dang hUM dang ni/ /mthar ni phaDa dang swA hAr sbyar/ /gzugs dang sgra yi lha mo dang / /dri dang ro yi lha mo ste/ /'dab ma bzhi la rnam par sbyar/ /phyogs kyi gos can skra grol ma/ /reg pas reg pa'i rdo rjer grags/ /gnyis su med par yang dag gnas/ /dbus su khrag 'thung rgyal po ni/ /lha mo'i reg pas bde bar bzhugs/ /snying po chos kyi dbyings su grags/ /shes rab pha rol phyin las byung / /ye shes sems dpa' gnyis med bzhugs/ /rdo rje chos kyi dbyings ma ste/ /gnyis med mnyam pa'i ye shes ni/ /chos kyi dbyings de mi dmigs pa'o/ /de ni gsang ba de nyid mchog /rdo rje can ni yang dag stsol/ /che ba'i mchog ni 'dus pa ste/ /rdo rje sems dpa' bde ba'i mchog /sbyor ba rgyud kyi rjes 'brangs pa/ /bgrod dang bgrod min rnal 'byor ma| |rig pa'i rgya mtsho mchog yin te/ /rdo rje mkha' 'gro nyung zad cig /sgyu 'phrul sdom pa'i rgyud yin no/ /rnal 'byor ma ni 'byung ba'i rgyud/ /gsang ba'i rgya mtsho rgyud yin te/ /nges brjod rgyud ni bla med pa/ /'dus pa mchog ni bshad pa yin/ /ji ltar bsam pa'i khyad par gyis/ /sems can rjes su gzung pa'i rgyur| |'dus pa mchog gi dam pa 'di/ /sangs rgyas byang chub 'bras bu ste/ /rigs ni rnam pa lnga bshad pa/ /byang chub sems dpa' du ma dag /ji ltar 'dod pa de ltar ni/ /bdag po nyid du bya ba yin/ /ji ltar ming gi rjes mthun par/ /nges brjod rgyud kyi rim pa dag/ /rdo rje sgrub pa po yis ni/ /nges brjod rgyud kyi las rnams bya| |yid kyis dogs pa kun spangs te/ /gnyis su med pa'i sgom pa nyid/ /theg pa chen po'i dam pa mchog /dngos grub che dang ldan par 'gro/ /de nas phyag mtshan mchog bshad bya/ /gzugs dang mdog gi cho ga'i rim/ /yi ge he las nges 'byung ba/ /bdag nyid he ru ka ra bsgom bya/ /sku lus dkar la drag shul che/ /mche ba rnam gtsigs 'jigs pa ste| |spyan gsum pa la zhal lnga pa/ /phyag drug zhabs ni bzhi pa ste/ /thod pa'i phreng ba'i dbu rgyan can/ /ral ba zla phyed dbu la bcings/ /sna tshogs rdo rje'i dbu rgyan can/ /phyag rgya drug gis sku lus brgyan/ /stag gi pags pa gos su mnabs/ /mgo bo'i do shal gyis brgyan pa/ /dkar dang ser dang de bzhin dmar/ / ljang gu steng zhal sngo ba'o/ /bzhad dang dpa' dang sgeg pa dang / /rngam dang zhi dang drag po ste/ /rdo rje dril bu mnyam ldan pas/ /rdo rje reg pas gnyis med gnas/ /rgyal ba'i pags pa mchog kyang 'dzin/ /bde ba kun gyi 'bras bu stsol/ /thod pa dang ni kha T+wAM 'dzin/ /rdo rje mdung ni phyag mchog ste/ /g.yas brkyang ba yi gnas pa yis/ /bdud bzhi po yi zhabs 'og gnon/ /rig pa'i rdo rje ljang ba dang / /dkar ba'i mdangs kyis gzugs can la/ /ljang dang ser dang dmar ba dang / /dkar ba'i g.yon pa'i zhal gdong ste/ /steng gi zhal gdong sngo la 'jigs/ /skra grol ba ni rnam par myos/ /seng+ge'i rnam grol phyag rgya can/ /byin pa gnyis ni legs par 'khril/ /thod pa'i phreng ba'i dbu rgyan can/ /spyan gsum shin tu dmar ba ste/ /rdo rje thod par mnyam par ldan/ /dril bu cang te'u yis brgyan/ /mdung dang kha T+wAM phyag na bsnams/ /chags pa chen po me yi 'od/ /phyogs kyi gos can zhi ba'i nyams/ /gdul dka' thams cad 'dul mdzad cing / /sna tshogs sems can 'dul bar mdzad/ /thugs rje'i nyams ni yongs su rdzogs/ /zla ba nyi ma'i dbus su yang / /sna tshogs pad+ma'i dkyil na bzhugs/ /'jigs byed dang ni dus mtshan dag /zhabs kyis gnon par rnam par bsgom/ /'khor kun dag ni zhal gsum pa/ /thod par phreng ba'i dbu rgyan can/ /drag cing zhi ba nyid yin te/ / rigs gsum gyis ni phye ba'i gzugs/ /rigs gsum gyi ni phyag mtshan 'dzin/ /lha mos phye ba'i gzugs can ni/ /dam tshig gnyis su med par sbyor/ / thams cad yi dwags gdan la bzhugs/ /g.yas brkyang ba yi zhabs kyis gnon/ /byin pa gnyis kyis legs par 'khril/ /shes rab thabs ni rnam par bsgom| |mtshams rnams su ni bum pa dag /thod pa zla ba yongs su gang / /zur rnams su ni sgo srung ste/ /ji ltar mdog gi cha rnams so/ /g.yas brkyang ba yi zhabs kyis bzhugs/ /'jig rten skyong ba zhabs 'og gnon/ /thod pa'i phreng ba'i dbu rgyan can/ /thugs rje khro bas rnam par myos/ /dkar po la sogs mdog sbyor ba/ /ji ltar g.yas pa'i zhal rim pa zhin/ /phyag rgya rim pa'ang de bzhin no/ /lugs 'byung lugs las ldog par ni/ /'khor sogs mchog kyang dgod par bya/ /rdo rje pad+ma'i dbus su ni/ /rigs kyi 'khor lo gsum dkyil na/ /rang gi byin rlabs 'chang ba'i mchog /sangs rgyas mu stegs can la sba/ /'di ni rab tu gsang ba ste/ /bla ma'i ngag la gnas pa yin/ /rnal 'byor ma yi drin yin no/ /gnas la sogs pa'i rim sbyor ba/ /sum cu rtsa bdun rnam dag dgod/ /shes rab thabs bdag 'gro ba yin/ / sa bcu pa yi mchog kyang 'gugs/ /pha rol phyin pa bcu la gnas/ /sbyor ba gsum gyi rnam dag don/ /'di ni dri mad sgom pa mchog /mngon par brjod pa'i rgyud bla ma'i bla ma las/ bdag nyid chos kyi yi ge las bskyed pa'i byin gyis brlabs pa'i sgom pa'i le'u ste drug cu rtsa bdun pa'o// //de nas mchog tu bshad bya ba/ / bdag nyid cho ga'i sgom pa'i rim/ /mA ma kI dang spyan dang ni/ /lha mo sgrol ma gos dkar mo/ /'od zer can dang dzaM b+ha la/ /lha mo skul byed sa 'dzin ma/ /rang gi sa bon las byung ba/ /phyag bcu gnyis kyis rnam par brgyan/ /spyan gsum pa la g.yas brkyang bzhugs/ /sems dpa'i skyil mo krung gis bzhugs/ /rdo rje skyil mo krung gis gnas/ /rig byed bzhi yi zhal gdong ste/ /phyogs kyi gos can ro yi gdan/ /skra grol ba la 'jigs pa ste/ /thod pa'i phreng ba'i dbu rgyan can/ /khro bas lta zhing thugs rje'i nyams/ /shes rab pha rol phyin lha mo/ /de nyid ye shes mchog las byung / /so so yang dag sbyor ba'i bdag/ de nyid ye shes gdon mi za/ /khro bo sna tshogs gzugs can ni/ /dpa' bo rang nyid las byung ba/ /khro mchog mkha' 'gro 'byung ba yang / /gos pa med par nyams pa yi/ /bdag po nyid du sbyar bar bya/ /bdag nyid sgom pa nyid yin no/ /mnyam par ma bzhag sbyor ba yis/ /sgom zhing rnam par bsgom par bya/ /phra ba'i khro bo'i rdo rje can/ /snying ga'i pad+ma'i dbus su ni/ /rdo rje mkha' 'gro thugs brtse can| |'di nyid du ni gnas mdzod cing / /rdzogs sangs rgyas kun byang chub sems/ /'gro ba gsum po 'di lag gnas/ /'di nyid kyis mchod pa nyid kyis/ /mchod 'os thams cad mchod pa yin/ /gang zhig 'di la rtag lta ba/ /de ni rgyal bas mchod par bzhed/ /nang gi sbyor ba rdo rje yis/ /rnal 'byor rdo rje can du 'dod/ /de bas rdo rje mchod pa yis| |yid 'dod rnams kyi lus la 'dod/ /mchog pa lnga yi sbyor ba yis/ /myur du sangs rgyas nyid thob par/ /gang 'di rgyud las gsungs pa dag /de ni pha rol gzhan du 'dod/ /dngos med bzhi la dgod pa yis/ /lha yi gzugs su sgom pa yi/ /mnyam nyid mchod pa chen po ste/ /sangs rgyas thams cad rab sgrub pa'o/ /sngags dang de nyid bstan pa yi/ /bstan pa tsam du legs 'byung ba'i/ /rgyud ni don dam ma yin te/ /don dam yang dag skyes pa na/ /ston pa med cing bstan pa'ang med/ /nyi shu rtsa bzhir phye ba yi| |gnas sogs 'di nyid la gnas te/ /de bas de ru 'khor ba nyid/ /skyo bya de nyid can gyis min/ /gal te de nyid med gyur na/ /de yi 'khrul pas ci zhig bya/ / 'on te de nyid ldan gyur na/ /de la 'khrul pa ci zhig yod/ /gnas dang nye ba'i gnas mchog rnams/ /bstan pas dri ma med par 'gyur/ /yang na mi nus bag med pa'i/ /mi yi gnas ni bsgrag par bya/ /nga yis 'di ltar bshad pa ni/ /sems can bsam pa'i dbang gis te/ /bsam gtan las gzhan bde med phyir/ /de bas bsam gtan mchog gzhol bya/ /rnal 'byor pa ni phyi rol 'khor/ /de yi khams rnams zad par 'gyur/ /de bas phyi rol spangs nas ni| |rnal 'byor rol pas gnas par bya/ /dpal ldan rdo rje rnal 'byor can/ /rnam dag ye shes spyan gyis ni/ /thugs rje thugs gdungs ring po nas/ /rdo rje rnal 'byor can dag gzigs/ /de rnams dgyes pas dngos grub mchog /ci 'dod par ni stsol bar 'gyur/ /des ni rje btsun ye shes kyang / /rab tu 'bad de bsgrub par bya/ /sna tshogs spyod pa yang dag ldan/ /spyod dang brtul zhugs spyad pa yi/ /spyod dang brtul zhugs 'dir spongs la/ /de nyid brtul zhugs la dgar bya/ / gang yang rung ba'i zas gnas pa/ /rnam pa des byas brtul zhugs can/ /bsam gtan zas mchog gzhol 'gyur bas/ /smyon pa'i spyod pas gnas par gyis/ / gcer bu'am yang na gcer bu min/ /gang rung ji lta de ltar 'gyur/ /rang gi lhag pa'i lha dmigs la/ /de nyid gcig pu rnam par bsam/ /skugs pa'i dngos por gyur pa yis/ /zla drug tsam gyis nges par ni/ /rnal 'byor can gyis nyer bsten na/ /rnal 'byor chen mo 'di gsal 'gyur/ /ye shes sgron ma'i mchog mthong na/ /rnal 'byor ma rnams legs 'dus te/ /pad+ma'i 'byung gnas nyams dga' bar/ /dang pa'i tshogs 'dus ji bzhin no/ /mig 'phrul mkhan ltar 'jig rten du| |'gro kun don ni byed pa 'o/ /dpal ldan rdo rje 'dzin par ni/ /mngon 'gyur 'di la the tshom med/ /spyod pa 'di la nges par ni/ /ji skad bshad pa der 'gyur bar/ / sems ni dag par gyis shig ces/ /sems can rnams la bdag gsol 'debs/ /gang gis rmad byung snying rjer ldan/ /gang gis gsung ba de nyid 'gyur/ /rdo rje drag po'i sbyor ba yis/ /mkha' 'gro ma ni snying gar dgod/ /snying gar rdo rje lcags kyur sbyor/ /thugs kyi rdo rjes nang sbyar te/ /gzhan yang rdo rje dgod bya ba/ / chos kyi dbyings su rnam par brtag /rang gis nam mkhar sbyor nas su/ /gzi brjid gzugs ni 'dzin par bsgom /rang gi chos kyi yid dgod pa/ /rang drod rang bzhin dri ma med/ /rang gi sgom pa'i sbyor ba yis/ /rang gi chos kyi yi ge bsgom/ /ji lta ji ltar rtogs pa yi/ /gzhan nyid gzugs kyi sgom pa la/ /yid kyi gti mug grub pa yi/ /dbang po gzhan na bsgom par bya/ /ji lta ji ltar mos pa yis/ /gzhan nyid gzugs la blta bar bya/ /mngon par brjod pa'i rgyud bla ma'i bla ma las/ bdag 'dul ba'i mchod pa'i le'u ste drug cu rtsa brgyad pa'o// //de nas bcom ldan 'das de bzhin gshegs pa thams cad kyis gsang ba'i ye shes gsang ba 'di gsungs so/ /rang bzhin bdag med chos rnams ni/ /nam mkha' lta bur dri ma med/ /stong nyid ye shes rdo rje yis/ /stong nyid rtag tu bsgom par bya/ /legs so bya ba rnams byin nas/ /rgyud skyes pa yi sbyor ba las/ /legs so legs so ye shes che/ /nges par brjod pa mchog gi mchog /legs so rdo rje tshul drag po/ /sangs rgyas byang chub bka' drin rab/ /legs so gnyis med sbyor ba ni/ /mchog dang mchog ni grub pa la/ /legs so zhes bya nges par sbyor/ /'dod pa med pa'i sgom pa ni/ /legs so thams cad 'gro ba'i mgon/ /theg pa chen po bstan pa 'di/ / gnyis med ye shes mchog dang ni/ /man ngag thob pa'i dang po ste/ /legs so rdo rje bla ma kun/ /de la bstan pa rnal 'byor ma/ /legs so 'khor gyi dkyil 'khor la/ /dngos grub bla na med pa byin/ /rdzogs te cang mi gsung bar gyur/ /bcom ldan 'das de bzhin gshegs pas de skad ces bka' stsal nas de bzhin gshegs pa thams cad kyi khro bo'i rdo rje rnams nges par brjod pa'i rgyud bla na med pa'i mkha' 'gro ma'i dra ba'i sdom pa bcom ldan 'das kyis gsungs pa la mngon par bstod do/ /mngon par brjod pa'i rgyud bla ma'i bla ma zhes bya ba gsang ba'i yang gsang ba bde mchog rgyud kyi rgyal po chen po the tshom med par de kho na sgom pa bstan pa'i le'u ste drug cu rtsa dgu pa'o// //mngon par brjod pa'i rgyud bla ma'i bla ma las/ gsang ba las gsang ba'i bde mchog gi rgyud kyi rgyal po chen po zhes bya ba rdzogs so// //rgya gar gyi mkhan po paN+Di ta chen po dI paM ka ra shrI dz+nyA na dang / bod kyi lo tsA ba chen po dge slong rin chen bzang pos bsgyur zhing zhus te gtan la phab pa/ phyis paN+Di ta chen po dz+nyA na shrI dang / lo tsA ba khyung po chos kyi brtson 'grus kyis kyang zhus pa'o/ /phyis paN+Di ta A nan+da dang /

CLOSE WINDOW