བོད་ཡིག |
433b1 / //rgya gar skad du/ shrI mahA mu drA ti la kaM nA ma mahA yo gI ni tan+t+ra rA dza a d+hi ba ti/ bod skad du/ dpal phyag rgya chen po'i thig le zhes bya ba
433b2 rnal 'byor ma chen mo'i rgyud kyi rgyal po'i mnga' bdag/ dpal phyag rgya chen po'i thig le la phyag 'tshal lo/ /bcom ldan mkha' 'gro ye shes nyid/ /gsang pad snying po'i kha 'byed
433b3 pa| |gsang pad lte ba'i nang na bzhugs/ /bdag gi zhu ba khyod gson cig/ ye shes rgya mtsho'i kye rdo rje/ /'bum lnga yi ni bdag nyid rgyud/ /gang zhig khyod kyis de nyid gsungs/ /sbyor
433b4 drug rnal 'byor ma yi gzhung / /thams cad mkhyen pa dbang phyug mchog/ de ni dpa' bo bdag gis shes/ /don dam pa ni ci lta bu/ /de ru bdag ni the tshom skyes/ /char dang thig le
433b5 tshul dang ni/ /tshul tsam mchog gi mchog gzhan yin/ /sbyor ba drug gis rnam par shes/ /de yi gnas ni gang na yod/ /srog ni gang nas 'byung ba yin/ /rdo rje 'dzin pa gang du brlag/
433b6 rdor sems mtshan mo gang nyid ci/ /mtshams gang shar ba gang zhig lags/ /gang na nub pa'i dus dang rtsa/ /mchog gi dbang phyug du tsam mchis/ /dus kyi mtshan nyid gang lags
433b7 gsungs| |de yi dus kyis don ci byed/ /A li kA li bya ba gang / /mnga' bdag gang nas 'byung ba lags/ /ro yi bye brag du zhig bstan/ /dga' ba yang ni de bzhin no/ /gang gi
434a1 dus kyi dga' ba rnams/ /rdo rje dbang phyug 'byung ba gsungs/ /chos kyi dbyings ni ji ltar bshad/ /rdo rje yang ni ji ltar bstan/ /bdag gi sgra ni ji ltar
434a2 gsungs/ /gsang ba zhes bgyi ji ltar lags/ /mchog ces bgyi ba ji ltar bshad/ /dgyes pa'i don ni gsal bar mdzod/ /rigs kyi bye brag du tsam bstan/ /
434a3 phung po la sogs skye mched ci/ /tshangs dang khyab 'jug drag po dang / /dbang phyug rtag tu zhi ba dang / /gang nas skyes shing gang du gnas/ /chen bo'i chen po de ji ltar/ /phyag
434a4 rgya'i bye brag du zhig bshad/ /phyag rgya chen po ji ltar lags/ /mgon po mchod pa'i bye brag ci/ /de ru me tog ji ltar yin/ /mgon po chen po mchod sbyin ni/ /ji lta bu zhig
434a5 'tshal ba lags/ /mchog gi dngos po'i dkyil 'khor ni/ /bcom ldan 'das de ci lta bu/ /de ru lha mo ci 'dra ba/ /lha mo bgyi ba gang lags gsungs/ /bcom ldan dur khrod du zhig
434a6 mchis| |de ru shing ni ji ltar bshad/ /dur khrod dang ni shing rnams ni/ /rgyal ba'i dbang phyug de gnas gsungs/ /mgon po nang gi sbyin sreg dang / /bdud rtsi lnga yi cho ga dang / /
434a7 rnal 'byor ma yi 'du shes dang / /de ru skad ni ci lta bu/ /bdag nyid kyi ni rang ngo bo/ /mgon po chen po khyod kyis gsungs/ /dpal phyag rgya chen po thig le las/ rgyud thams
434b1 cad kyi rgyu zhes bya ba'i le'u ste dang po'o// //bcom ldan 'das kyis bka' stsal pa/ dris ba yang dag gting dpag dka'/ /snying po yi ni snying po mchog/ sangs
434b2 rgyas kun gyi gsang chen po/ /mchog las mchog gi yang dag mchog/ lha chen po ni la sogs pa/ /bzang mo de ru byol song yin/ /don dam de ni khyod gcig pu/ /zhal bzang mo
434b3 yi snod yin no/ /gsang ba'i gsang ba yang dag rab/ /nyon cig yang dag bdag gis bshad/ /dang po re zhig slob ma la/ /dbang rnams lan gcig bskur ba yis/ /de tshe gsang
434b4 chen bshad pa yi/ /nges par snod du gyur pa'o/ /dbang med na ni dngos grub med/ /bye ma btsir yang mar med ltar/ /gang zhig rgyud lung nga rgyal gyis/ /dbang bskur med la
434b5 gsal byed pa/ /slob dpon slob ma shi ma thag/ dngos grub thob kyang dmyal bar 'gro/ /de bas 'bad pa thams cad kyis/ /bla ma la ni dbang don zhu/ /dbang bskur yod dang
434b6 de nyid shes/ /ye shes shes dang thugs rje che/ /yang dag rlabs chen dpa' bo dang / /ser sna med dang rang bzhin bzang / /skal ldan mtshan nyid thams cad rdzogs/ /phrag
434b7 dog yul ni rnam par spangs/ /rtag tu dga' ba'i yid ldan pa/ /'dod chags chen po gcig pu'i yid/ /sdom pa de ni shes pa na/ /bla ma de lta bu la bya/ /de lta bu yi bla ma
435a1 yis| |'bad pas slob ma brtag par bya/ /ji ltar bsregs la sogs pas gser/ /ji ltar mkhas pas rin po che/ /ji ltar bde ldan bu mo ni/ /de
435a2 ltar slob ma brtag par bya/ /de bas thams cad rab 'bad de/ /phan tshun so sor brtag par bya/ /de ltar min na skyon du 'gyur/ /nam yang dngos grub thob mi 'gyur/ /ji ltar
435a3 dug la rab sngags kyis/ /dag pa byas nas bdud rtsir 'gyur/ /de bzhin slob ma dbang sogs kyis/ /lus ni dri ma med par 'gyur/ /gang zhig dbang bskur sbyin byed pa/ /
435a4 de ni rdor sems lta bur blta/ /bla ma sprul rgyal lta bur blta/ /dpal ni bla ma me 'drar blta/ /bla ma ston pa bas lhag blta/ /yid bzhin rin chen mnyam par blta/ /ji
435a5 ltar rab sbyor dang sngags kyis/ /sprul gyi rgyal po'i spyi bo las/ /tshad med pa yi rin chen rnyed/ /dbul ba thams cad med par byed/ /rab sbyor log dang sngags log gi/
435a6 dga' mo nges par tshig par byed/ /de lta bu yi cho ga yi/ /khrims la sogs pa'i spyod ba yis/ /dpa' zhal de nyid rin dbang phyug/ tshe 'di nyid kyis rnyed par 'gyur/ /de
435a7 ltar min te ma gus na/ /gsung gi me yis nges tshig byed/ /ji ltar me yis shing tshig pa/ /skad cig gis ni thal bar byed/ /gal te de bzhin dpal bla ma/ /mnyes na skad
435b1 cig gis sdig 'tshig/ rgyud 'di la ni mchog gi ni/ /bcom ldan dbang bskur du zhig mchis/ /bcom ldan 'das kyis bka' stsal ba/ dbang bskur bzhi yi rim pa la/ /'bras bu
435b2 yis ni gsum du bstan/ /dang por slob dpon dbang gcig ste/ /gnyis pa gsang ba'i dbang mchog go/ gsum pa shes rab ye shes dbang / /de ltar de bzhin bzhi pa'o/ /slob dpon
435b3 dbang la bcu gcig dbye/ /gsang ba'i dbang dang bcu gnyis mchog/ shes rab ye shes bcu gsum pa/ /de ltar de bzhin bcu bzhi'o/ /dbang re la ni sa re ste/ /de rnams sa yi dbang
435b4 phyug bdag/ /rgyu rtsa gsum gyis shes par bya/ /de yi 'bras bu bzhi pa'o/ /yang na 'bras bu gsum dang bral/ /yang na bdag nyid gsum po yin/ /dga' ba'i bye brag shes par
435b5 bya| |'khor lo rnams kyi rim pas so/ /yar ngo yi ni gsum pa'i tshe/ /slob ma rab la dbang bskur bya/ /bzhin bzang mig gi dkyus ring ba/ /gzugs bzang lang tshos brgyan pa
435b6 yis| |bcu gnyis yang na bcu drug gam/ /ma rnyed nyi shu lon pa'ang rung / /nyi shu yan chad phyag rgya gzhan/ /des ni dngos grub thag ring byed/ /sring mo yang na bu mo'am/ /chung
435b7 ma bla ma la dbul bya/ /de nas sna tshogs rdzas kyis ni/ /bla ma dad bas mchod par bya/ /sna tshogs ras ni brgya sogs dang / /rin chen sna tshogs rgyal mtshan mchog /mu tig phreng ba
436a1 rin thang med/ /grangs med gser gyis mchod bya'o/ /de ring phan chad bdag ni 'bangs/ /chen po'i chen po mchod pa bzhes/ /de lta bu yi cho ga yis/ /
436a2 'bad de bla ma mchod par bya/ bla ma'i gzugs ni bdag rang yin/ /bdag mchod byas na dngos grub thob/ /de yis skad cig phyag rgya che/ /mchod pa byas nas bsnyen par bya/ /
436a3 bsnyen pa las ni gnag zhig 'byung / /slob ma'i kha ru dbab par bya/ /spom po mtha' ltag sbyar ba yis/ /longs spyod nang du gzhug par bya/ /de tshe yang dag ye shes skye/ /bu mo'i
436a4 bde ba ci lta bu/ /srog dang rtsol ba mnyam byas nas/ /shin tu legs dgyes kyis mchod bya/ /rin chen kha la hUM phaT sngags/ /bkod nas mda' la bskyon par bya/ /de yi dus
436a5 su dga' skad cig/ ji ltar rang bzhin skye bar 'gyur/ /de ltar phyag rgyal bshad bya/ /'di ni dga' ba'i mtshan nyid do/ /de nas slob ma'i lag tu ni/ /byin nas 'di skad
436a6 smra bar bya/ /nga yi bka' lung rtog med pas/ /pad+ma'i don la ji bzhin gyis/ /pad+mo'i snying po'i dbus na ni/ /rdor dbyings dbang phyug mi ni bzhugs/ /de ma rnyed pa'i bar du
436a7 ni| |thabs gzhan la ni byang chub med/ /de ni rang bzhin dga' ba'i gzugs/ /phra mo'i phra mo yang dag mchod/ /dpal phyag rgya chen po'i thig le las/ /slob dpon dang slob
436b1 ma brtag pa dang / yon dbul ba dang / dbang bskur ba zhes bya ba'i le'u ste gnyis pa'o// //de nas gsang ba bshad bya ba/ /mchog dang rab mchog mchog gi mchog /phung
436b2 po lnga yi bdag nyid sku/ /legs dgyes dbang po 'khor lo drug /zla phyed byad gzugs char yang ni/ /rlung gi 'khor lo'i nang na bzhugs/ /phyed min gang ba yang ma yin/ /chu yi zla ba bzhin
436b3 du mthong / /sgyu 'phrul chen po 'gro ba'i ma/ /char yang grangs med rten pa yin/ /de ni mchog dang gzhan mchog phra/ /skye med gnyis med bsam du med/ /rlung gi 'khor lo skyed
436b4 byed ma/ /sangs rgyas kyis kyang rnyed dka' ba'o/ /me yi 'khor lo'i nang na ni/ /thig le gcig pa yi ge med/ /thams cad nang yod yig kun yin/ /thams cad khyab dang bde ba 'byung / /
436b5 bde ba 'phel bar byed pa'o/ /dbyangs dang dpe byad dang bral lo/ /grangs med pa yi khams gsum ni/ /rgyu dang skye bar byed pa'o/ /tshul ni glo bur ba yi gnas/ /rnam pa thams cad
436b6 dang bral lo/ /dngos po sbrul lce 'dra ba yin/ /mtho ris sa ni skyed byed pa'o/ /yi ge ma yin khams kyang med/ /zla tshes thig le rgyan dang bral/ /skye med grangs med mi zad pa/ /de ni
436b7 don dam tshul yin no/ /sprul pa yi ni 'khor lo'i gnas/ /lte ba'i snyoms pa zhes su grags /chos kyi 'khor lo'i tshul tsam ni/ /dri ma med pa'i sbrul mig 'dra/ /dri med ma
437a1 bcos pa yi gnas/ /gnas med rnam pa med pa'o/ /g.yo ba med dang brjod du med/ /dbugs kyi rgyu ba med pa'o/ /mchog gi ye shes tshul tsam ni/ /bcu
437a2 gsum dbang phyug gis ma shes/ /mchog gi longs spyod 'khor lor gnas/ /mchog gi rnam pa bdud rtsi mchog/ theg mchog mchog gi mtha' na yod/ /ji lta chang gi mthu
437a3 bzhin no/ /thams cad bdag nyid byad gzugs bral/ /gzugs med bdag nyid kyis bzhugs so/ /gzhan mchog bde chen 'khor lo la/ /thams cad mtha' yi mtha' na
437a4 bzhugs/ /lta bar byed dang blta bya med/ /mtshan ngan thams cad med pa'o/ /brjod med mi zad zhi ba ste/ /rang dga' nyams myong rnam pa'o/ /bla ma yi ni bka' drin gyis/ /
437a5 legs dgyes dbang mo rnyed par 'gyur/ /de lta bu yi ye shes che/ /rnam par shes drug rang bzhin can/ /'khor lo drug gi dbus su ni/ /don dam bar ni bshad pa'o/ /steng
437a6 dang 'og gi sbyor ba yis/ /kha sbyar byad gzugs kyis ni yod/ /bcu gnyis phyed dang drug gi phyed/ /drug cu rtsa bzhi de bzhin brgyad/ /brgyad gnyis dang ni brgyad bzhi ni/ /
437a7 'di ni 'khor lo chu skyes drug /dpal phyag rgya chen po'i theg le las/ /sbyor ba drug gi mtshan nyid dang / /'khor lo drug gi rang gi ngo bo zhes bya ba'i le'u ste gsum
437b1 pa'o|| ||nyon cig lha mo skal chen mo/ /rtsa yi 'khor lo 'byung ba mchog /stong phrag bdun cu rtsa gnyis te/ /rtsa rnams kyi ni rigs bshad do/ /rigs chen po yi rgyud
437b2 chen por/ /rgyas par bdag gis gsal bar byas/ /'di ru 'khor lo drug gi grangs/ /mdor bsdus pa ni bshad bar bya/ /rlung gi 'khor lo'i rtsa drug ni/ /g.yo ba nam mkha' med
437b3 dang sbubs/ /rab bskor dang ni 'jigs chen po/ /rtsa de rlung gi 'khor lo'i gnas/ /'dzin ma dang ni ro ma dang / /rtog med ma ni gru gsum gnas/ /me yi 'khor lo'i nang du ni/ /
437b4 rtsa yi dbang mo lngar shes bya/ /mgyogs ma dang ni yang dag mgyogs/ /shin tu bzang dang bzang 'gro dang / /stobs chen ma dang 'jigs chen ma/ /nga rgyal chen dang 'jigs byed che/ /
437b5 mthus myur ma dang mthu yi cha/ /mthu yi chu dang mthu dri dang / /mthu ma dang ni mthus 'bab ma/ /rtsub dang nur dang mthu du ma/ /rngam pa za ba nam mkhar 'gro/ /bya yi yan lag bya 'gro ma//
437b6 phyug mo 'jigs ma nga ro dang / /brtul ma mchod ma myos ma dang / /sgra ma sgra 'byung sdig can ma/ /pad+ma'i sdong bu ma sngon mo/ /zil pa zil 'byung sgra ma dang / /phyin phyogs kha dang dbyig
437b7 pa dang / /dbyig pa'i nga rgyal dang po ma/ /tshe'u lto ma dang tshe'u drug ma/ /tshe'u bdud me dang brtson 'grus ma/ /tshe'u khyim ma dang tshe'u kham/ /tshe'u 'od ma dang tshe'u lus rgyud/ 'bud/
438a1 ma bdag ma 'od ma dang / /dri med dang ni dri sreg dang / /thag lto ma dang thag dga' ma/ /thag mo dang ni thag dus ma/ /phug ron phum skye gra ma dang / /lo ma dang ni
438a2 tsher lo dang / /gos gyon ma dang gsal byed ma/ /rtsa 'di brgyad pa brgyad du dran/ /drug cu rtsa bzhi chu skyes ni/ /lte ba'i sprul pa'i 'khor lor gnas/ /rin chen ma dang pad chen mo//
438a3 gshe chen ma dang stobs chen ma/ /mgo chen ma dang myos chen ma/ /dga' chen ma dang mi dga' che/ /de brgyad chos 'khor 'dam skyes na/ /zhal bzang snying ga'i rgya mtshor ro/ /
438a4 chags ma longs spyod longs spyod min/ /nyi 'od 'od ma b+ha ga dang / /lum dang ni thal gdong ma/ /bza' ster rang za ltogs ma dang / /ra sa yan ro skyur ma/ ro 'dzag dang ni ro ma dang //
438a5 sgur ma longs spyod 'khor lo'i gnas/ /brgyad gnyis 'dam skyes 'dab ma ni/ /mgrin pa yi ni rim pa'i rigs/ /'dod ma 'dod spyod tshe'u lus ma/ /zla 'thung zla lto mdzod ma dang //
438a6 skad snyan lkugs ma dur ba ma/ /lce spyang brgya ma skam pa ma/ /me ma rngon ma zla ba ma/ /gang ba gnyis ma gnyis skyes ma/ /chang tshod chang ster bdud rtsi ma/ /dung ma dang ni dud rnam/
438a7 dung mig ma dang dur sna ma/ /mthus phyug ma dang mthu ser ma/ /mthu rmongs ma dang mthu rngam ma/ /'gying ma dang ni ri sten ma/ /sum cu rtsa gnyis thod pa'i gnas/ /bde chen 'khor
438b1 lo rgyal po 'di/ /des ni 'khor lo rnams la khyab/ /thams cad phra mo reg bya med/ /gzung dang 'dzin pa rnam par spangs/ /bde chen bde ba'i rnam pa can/ /bde chen la sogs sbyin par
438b2 byed| |de yi rtsa ba'i 'byung ba ni/ /yang dag thar 'dod pas shes bya/ /lha mo rtsa 'byung med gyur na/ /phung po'i 'byung ba ji ltar 'gyur/ /phung po med na ye shes che/ /rnal 'byor rnams
438b3 kyis ji ltar rnyed/ /phung po lnga ni bdag nyid sku/ /mkha' 'gro lngar ni rab tu grags/ /mkha' 'gro lnga ni ye shes lnga/ /'byung ba lnga ni rang bzhin can/ /rtsa nyid 'byung ba med gyur na/ /
438b4 phung po rnams ni 'byung ba med/ /phung po med na dngos grub ni/ /rnal 'byor chen pos rnyed mi 'gyur/ /de bas 'bad ba thams cad kyis/ /rtsa yi 'khor lo btsal bar bya/ /ji ltar
438b5 sprin gyi char gyis ni/ /rtag par de ni che bar 'phel/ /'bras bu mang zhing mtha' yas ni/ /the tshom med par sbyin par byed/ /de ltar phung po'i shing zhes bya/ /rtsa yi chu yis che bar
438b6 'phel| |cher gyur 'bras bu thar pa ni/ /the tshom med par sbyin par byed/ /lha mo'i dngos po gzugs su ni/ /rtsa yi byad gzugs yin par 'gyur/ /reg khams rgyal mtshan sbyor
438b7 ba yis| |me 'khor nang du chu skyes pa/ /gang tshe rdo rjes bskyod par byed/ /de tshe me ni khong du chud/ /'khor lo chu skyes thams cad ni/ /je gsal je gsal kha 'byer 'gyur/ /de nas
439a1 rtsa kun 'dzag 'gyur te/ /snod 'dzag pa yi chu thigs bzhin/ /de nas sprul ba'i 'khor lor ni/ /'dus nas gcig tu gyur pa'o/ /rtsa gnyis kha yi rtse mo
439a2 las| |zla ba dang ni nyi ma 'dzag/ mngal gyi dbus na rtsa gnas pa/ /thag pa'i rnam pa'i gzugs su yod/ /de ni gcig pu rgyu zhes bya/ /'bras bu'i bye brag gnyis su 'gyur/ /g.yon
439a3 nas khu ba 'byung ba dang / /g.yas nas khrag ni 'byung ba'o/ /gang tshe g.yas phyogs nyi ma ni/ /de tshe bde ba dmar bor 'gyur/ /g.yon nas zla ba 'byung ba'i phyir/ /de ni bde ba dkar
439a4 por 'gyur/ /de gnyis nang na mi gnas bar/ /sgong skyes gnyid log ji bzhin no/ /sngon gyi las rlung rnam shes ni/ /gang tshe 'khor bar gyur ba na/ /de yi tshe na b+ha ga'i nang / /'dod
439a5 chags chen bos yid 'gyur ro/ /gang tshe ma yi zla mtshan 'byung / /me dang nyi ma gsal bar 'byung / /de tshe 'dod chags chen po'i yid/ /reg bya 'dun pa mchog tu 'gyur//
439a6 bo la kak+ko la zhugs nas/ /ji ltar chu la chu bzhag bzhin/ /de tshe sa bon 'byung ba yin/ /sa bon las ni gong bu 'byung / /lha mo de las rtsa rnams 'byung / /'bras bu nges par
439a7 'byung ba'o/ /dpal phyag rgya chen po'i thig le las/ 'khor lo drug gi rtsa 'byung ba zhes bya ba'i le'u ste bzhi pa'o// //srog ni 'byung bar thim
439b1 tshul/ /nyon cig lha mo bdag gis bshad/ /ma skyes pa yi char yang ni/ /gsang ba'i mnga' gyi nang du bzhugs/ /de ni rnam shes med ba dang / /bdag nyid med pa'i ye shes sku/ /
439b2 de yi gnas nas srog 'byung ste/ /srog can rnams kyi srog ni mchog/ rtag tu bdag nyid srog chen po/ /gnas lnga'i gnas na gzhugs pa'o/ /nam mkha' lnga zhes bya bar grags/ /nam
439b3 mkha' lnga yi nang du thim/ /'byung ba chen po bzhi bo ni/ /srog gi rten du shes par bya/ /yang na srog ni de rnams rten/ /legs dgyes dbang mo shes par 'gyur/ /rnam shes las
439b4 ni rlung skye'o/ /de las me ni skye bar 'gyur/ /de las chu ni skye 'gyur te/ /de las sa ni skye ba'o/ /de rnams kun las phung po 'byung / /de nas skye mched 'byung bar 'gyur/ /de nas
439b5 ye shes rang bzhin skye/ /brgya rtsa brgyad kyi rim pas so/ /rdo rje phreng ba'i rgyud chen las/ /sngar ni bdag gis bstan ba'o/ /mtshan mo gang yin nyi gang yin/ /mtshan mo bdag
439b6 gis bshad bar bya/ /mtshan mo shes rab tu ni grags/ /shes rab mtshan mo yin par 'gyur/ /mtshan mo'i rnam pa zla bar 'gyur/ /zla ba mya ngan 'das rang bzhin/ /kun rdzob
439b7 dang ni don dam bar/ /shes rab gnyis kyis shes par bya/ /kun rdzob reg byar shes par bya/ /gang zhig reg bya med par bde/ /blta bar dka' ba'i mtshan nyid do/ /rang bzhin
440a1 med pa'i rang bzhin can/ /de ni bdag gis mtshan mor bshad/ /nyin mo thabs su grags pa ste/ /thabs ni nyi ma yin par 'gyur/ /b+ha ga'i 'byung ba nyi ma yin/ /
440a2 nyi ma b+ha ga'i bdag por 'gyur/ /srid ba'i rnam pa nyi ma yin/ /zla ba mya ngan 'das pa'i gzugs/ /srid pa de ni rigs zhes bstan/ /nyi las 'byung ba zla ba rigs/ /dri ma med phyir nyi
440a3 ma ste| |rtog pa'i dra ba med pa'o/ /dri ma med pa mchog phra ba/ /shin tu gsal ba stong sku'o/ /yang dag dri med gnas zhi ba/ /thams cad kun na bzhugs pa'o/ /rgyud rnams kun
440a4 tu sbas pa yi/ /de lta'i nyin mo'i bdag gis bshad/ /mtshams ni gnyis ka phrang ba ste/ /rdo rje pad+ma nyi zla 'byung / /lte ba gnyis ka phrad pa ni/ /phra ltar skad cig mtshan nyid
440a5 do| |nyon mongs las grol mtshams yin te/ /rnam pa med pa mchog gi mchog/ sbyor gnyis dbus na yod pa ste/ /byug pa dang ni sred pa med/ /de mtshams sems can
440a6 thams cad kyi/ /'khor ba'i lam rab dag par byed/ /shar ni mchog tu grags pa ste/ /dga' bral la sogs dang bral ba/ /mdud ba'i rtse mo mchog gi gnas/ /rtsa na
440a7 ka yi rus rnams gzugs/ /de yi kha ni gnyis yod do/ /shar ni zla ba'i bdag bor shes/ /zla ba gyen du 'gro ba'i phyir/ /zla ba thig le mnyam par grags/ /thig le bzhir
440b1 gyes bstan pa'o/ /thog mtha' ma'i dbus gnas na/ /bzhi pa gang na'ang med pa'o/ /rang gi rig pa'i bdag nyid phyir/ /de bas brjod du med pa'o/ /de ni gsang bar bstan pa ste/ /zhar
440b2 ba'i don ni 'dus pa'o/ /nyon cig lha mo bde sbyin ma/ /nub pa'i yang dag bdag gis bstan/ /gang tshe sems ni nub pa na/ /sngar ni zla ba'i rnam par 'gyur/ /de tshe nub pa'i gnas su
440b3 'gro| |mi 'gro ba ni 'gro bar 'gyur/ /gang tshe thog ma tha mar 'gro/ /de tshe nub par bstan pa'o/ /tha ma nub par bstan pa ni/ rten pa'i gnas las rten med gnas/ /rten ba yis ni
440b4 mchog bde la/ /rten med bde ba ga la yod/ /dpal phyag rgya chen po'i thig le las/ /srog dang / mtshan mo dang / nyin mo dang / mtshams dang / shar pa dang / nub pa bstan pa
440b5 zhes bya ba'i le'u ste lnga pa'o// //rtsa yi 'byung ba thog mar bstan/ /dus ni nyon cig bdag gis bshad/ /dus ni tshod ces bstan pa ste/ /dus la bye brag
440b6 gnyis su dbye/ /dus ni bsam du med ba dang / shin tu'i dus ni dus yin no/ /shin tu dus dang ngan dus dang / /sna yi 'phar ma bu ga gnyis/ /'ong ba de ni bzang dus bstan/ /
440b7 'gro ba bzang min dus su bshad/ /bzang ba min dus chad ces bya/ /bzang ba de ni mchog tu dran/ /gnyi ga dang bral de kho nyid/ /de ni sngar med 'di ru dus/ /lta ba med dang blta
441a1 ru mod| |mtshan ngan thams cad dang bral lo/ /da lta'i dus ni bdag gis gzhan/ /zhal bzang yang dag bshad pa yin/ /de yi dus su gzhan du yid//
441a2 rnal 'byor ba de mi bgyid na/ /dam tshig dbang mo bdag ji ltar/ /gzhan min rdo rje 'dzin par 'gyur/ /A li kA li gang las 'byung / /nyon cig de ni bdag gis bshad/ /yang dag
441a3 dri med gnas nas 'byung / /snang ba mched pa'i gzugs can no/ /dpe byad sum cu gsum dang ldan/ /kA li'i dkyil 'khor shin tu gsal/ /snang ba mched pa'i gnas nas te//
441a4 snang ba de ni gsal bar 'byung / /dbyangs kyi yi ge bcu drug ldan/ /rgyas pa A li'i dkyil 'khor ro/ /de gnyis mnyam par sbyor ba yis/ /dal bus ro chen skye bar 'gyur/ /mchog
441a5 gi bdud rtsi rnam pa ni/ /bde ba chen po'i bde ba'i gnas/ /rigs ma'i sna rtse'i gnas na bzhugs/ /chu skyes 'khor lo drug gsal byed/ /de yi reg bya bde sbyin pa/ /ro chen brgyad
441a6 ni shes par bya/ /'dar dang rdul dang ba sbu langs/ /skad 'gag pa dang mdog gsal dang / /kha dog 'gyur zhing mchi ma myos/ /de ni snying po'i ro brgyad do/ /ro yis dgug byas
441a7 dga' ba rnams/ /shin tu bzang po skye bar 'gyur/ /dga' dang mchog gi dga' ba dang / /dga' bral lhan skyes de bzhin no/ /dga' ba zhes bya snang ba yin/ /mchog dga'
441b1 snang ba mched par bstan/ /dga' bral snang ba thob ces bya/ /lhan skyes de ni yang dag 'ong / /de yi dus na skad cig skyo/ /sna tshogs la sogs mtshan nyid do/ /snang ba zla ba zhes su bstan//
441b2 snang ba mched pa nyi ma 'o/ /mtshams ni snang ba thob par grags/ /gsum dang bral ba yang dag 'od/ /gang tshe mdud pa'i nang du sems/ /de cho dga' ba 'byung bar 'gyur/ /mdud pa'i
441b3 mtshams nas nas gsum tsam/ /mchog gi dga' ba 'byung bar 'gyur/ /gsum gyi gnas nas gsum du 'gro/ /dga' bral 'byung bar 'gyur ba'o/ /gang zhig gsum dang gsum
441b4 spangs pa/ /de kho na nyid rang bzhin shar/ /de ni gsang ba chen po'i mchog/ /gsang ba'i gsang ba yang dag mchog/ /'dus pa la sogs rgyud rnams su/ /legs dgyes dbang
441b5 mo sbas par bya/ /sdom pa 'am ni kyai rdo rje/ /der yang gsal bar ma byas so/ /khyod kyi ngor mdzad mchog de ni/ /gsang chen bdag gis gsal bar byas/ /sangs rgyas byang chub
441b6 sems dpa' dang / /gzhan ma shi med kun nyon mongs/ /de lta'i mchog gi de kho na/ /bdag min na ni de mi shes/ /gzhan yang chos kyi dbyings grags pa/ /de nyid nyon cig
441b7 bdag gis bshad/ /nam mkha' chos kyi dbyings yin te/ /dbyings ni sa bon zhes su dran/ /chos rnams kun gyi nang na yod/ /rgyu dang mchog gi gnas yin no/ /ji ltar
442a1 til la mar yod dang / /ji ltar shing la me yod pa/ /de bzhin chos rnams kun la yang / /chos kyi dbyings kyis khyab par ni/ /yod na yang ni mthong mi 'gyur/
442a2 chos kyi dbyings ni b+ha gar grags/ /b+ha ga rin chen snod yin no/ /dbang phyug la sogs yon tan ldan/ /de ni b+ha gar kun tu grags/ /chos ni b+ha ga zhes byar bstan/ /dbyings ni
442a3 sems su shes par dran/ /khams gsum gyi ni mtha' yas la/ /sems ni de yi rgyu yin no/ /kun rdzob rnam pa'i gzugs su ni/ /chu zla lta bur mthong bar 'gyur/ /don dam de
442a4 ni mthong ba med/ /mthong med ma yin dngos med min/ /rang rig pa ni mchog zhi ba/ /dngos dang dngos med dang bral ba/ /de ni mchog gi de kho na/ /chos kyi dbyings bdag zhi
442a5 pa'o| |dpal phyag rgya chen po'i thig le las/ A li kA li 'byung ba dang / dus kyi mtshan nyid dang / chos kyi dbyings bstan pa zhes bya ba'i le'u ste drug pa'o// //gzhan yang nyon cig bdag gis bshad/ /ji bzhin rdo rje'i mtshan nyid can/ /mi phyed rdo rje zhes su bstan/ /ye shes lnga yi bdag nyid mchog /nam mkha' lnga yi dbus su
442a6 thim| |nam mkha' lnga yi bdag nyid do/ /pad+ma'i lte ba'i nang na bzhugs/ /thig le gcig pu yi ge med/ /rnam pa thams cad rnam pa med/ /de ni rdo rjer kun tu grags/ /
442b1 bdag gi sgra yi nges pa'i don/ /nyon cig bdag gis de nyid bshad/ /a ni yig 'bru gzugs kyi mchog/ /thams cad kun kyi lus nang yod/ /rnam pa thams cad mchog ni rdzogs/ /kun
442b2 yong ma skyes thams cad mkhyen/ /rtag tu stong pa thams cad khyab/ /thams cad kun gcig byed pa'i rgyu/ /srid pa srid mchog nyin mo ni/ /sprul ba'i sku yi bde ba'o/ /lus ni de
442b3 bzhin gshegs skyabs sbyin/ /thams cad don ni byed nus pa'o/ /haM gi yig 'bru gzugs dang bral/ /lus gnas lus las ma skyes pa'o/ /rnam pa kun las rnam par grol//
442b4 byad gzugs dpe byad kun dang bral/ /dngos dang dngos min rnam par grol/ /skye dang 'jig pa'i byed pa po/ /dngos po thams cad nub pa po/ /chos kyi sku yi rang bzhin can/ /sems
442b5 ni rdo rje 'dzin skyabs sbyin/ /yi ge thams cad dang bral la/ /stong pa'i rnam pa mya ngan 'das/ /ye shes sku yi rang bzhin can/ /dri med brjod med zhi ba ste/ /de ni haM du kun tu grags//
442b6 bdag ni thams cad kun gyi nang / /thams cad bdag nyid rtag tu bzhugs/ /dngos po kun gyi bdag nyid la/ /de ni khyab par yod pa ste/ /bdag ni med na 'gro ba kun/ /ji ltar rtsa
442b7 bcad shing bzhin no/ /haM gi yig 'bru mtshams kyi mthar/ /a ni yig 'bru mgo bo'i rtser/ /a ni yig 'bru zla ba dag /haM gi yig 'bru nyi ma'i 'od/ /a ni yig 'bru rten yin
443a1 te| |haM gi yig 'bru brten pa'o/ /a yi yig 'bru srog ces bshad/ /haM gi yig 'bru rtsol bar dran/ /gang zhig gnas su de gnyis sbyor/ /de ni bdag
443a2 nyid gsal bar 'gyur/ /rgyud rnams kun las rnyed dka' ba/ /de ni yang dag bdag sgrar bshad/ /dpal phyag rgya chen po'i thig le las/ rdo rje'i mtshan nyid dang / bdag
443a3 sgra'i nges pa'i don zhes bya ba'i le'u ste bdun pa'o// //gsang ba'i don ni bshad bya ba/ /gsang ba zhes bya ci zhes brjod/ /gsang ba zhes bya dga'
443a4 bar bstan/ /mchog ces bya ba mchog yin no/ /dgyes pa zhes bya dga' bral bstan/ /thams cad bdag nyid lhan skyes dran/ /gsang ba nyid ni gsang ba yin/ /gsang ba
443a5 khu bar bstan pa'o/ /khu ba srog ces bstan pa ste/ /srog ni rten du dran pa'o/ /rten ni sar ni shes par bya/ /khams gsum kun ni 'byung ba'o/ /mchog ni chu zhes bstan
443a6 pa ste| |chu ni srog gi tshe yin no/ /cha dal de ni 'od ces bstan/ /'od ni rnam par dag ces dran/ /rnam par dag pa bde chen dngos/ /de ni rang bzhin bstan pa'o/ /rnam
443a7 par dag pa 'byung min gnas/ /babs pa rnam dag brjod pa yin/ /babs pa dngos min zhes byar bstan/ /dngos min rnam dag brjod ma yin/ /rnam dag phra ba'i phra mo ste/
443b1 phra mo'i rnam dag gzhan na gnas/ /phra mo'i rang bzhin zhes byar bstan/ /gzung dang 'dzin ba rnam par sbangs/ /rang dngos bde ba chen po ni/ /ye shes rlung du rab tu grags/ /de ni nam mkha'
443b2 zhes su bshad/ /nam mkha' stong par bstan pa'o/ /stong pa las ni thams cad 'byung / /stong pa'i nang du thams cad thim/ /stong pa yang dag dri med gnas/ /rnam pa thams cad dang
443b3 bral ba| |mchog gi rnam pa skye med dag/ rang dga'i nyams su myong ba dngos/ de ni rang bzhin zhes su bshad/ /thams cad bdag nyid rtag tu bzhugs/ /rigs lnga yi ni mtshan
443b4 nyid de| |nyon cig bdag gis bshad par bya/ /rigs ni ka pA la zhes brjod/ /ka pA la ni ka ru bshad/ /ka ni rtsa ba zhes byar grags/ /rtsa ba bye brag lnga ru dran/ /de bzhin gshegs pa
443b5 lnga yi sku/ /de ni phung po lnga zhes dran/ /phung po lnga ni grub pa'i sku/ /'byung ba lnga yi rang bzhin can/ /tshangs pa khyab 'jug drag po dang / /dbang phyug rtag tu zhi ba la/ /lnga la khyab pa gcig
443b6 pu ste| |bdag ni don dam pa yi pha/ /thams cad khyab pa'i stong chen po/ /bdag ni 'pho med ma skyes pa/ /ka ni gang zhig thugs rje 'thung / /bA ni dam tshig skyong ba yin/ /la ni ngan
443b7 'gre'i pha rol phyin/ /de ni ka pA la ru bshad/ /ka yi sgra ni rang bzhin yin/ /kra ni gang du'ang mi gnas pa'o/ /dngos po thams cad khyab pa'o/ /des na ka zhes bstan pa'o/ /de bdag
444a1 he ru ka yi dngos/ /chos kyi 'khor lo'i gnas na bzhugs/ /rtag tu zhi ba longs spyod 'khor/ /dbang phyug bde chen 'khor lo 'o/ /drag po lte ba'i 'khor
444a2 lor gnas/ /khyab 'jug me yi 'khor lor ro/ /tshangs pa rlung gi 'khor lor te/ /rlung ni thams cad nang yod tshe/ /bdag ni 'khor lo drug gi dbus/ /kun la de ni khyab par bzhugs//
444a3 stong nyid gzhan mchog stong pa nyid/ /bdag dpal he ru yi mchog/ mkha' 'gro lnga yi gtso bo ste/ /ye shes mkha' 'gro dbang phyug bdag/ 'byung ba lnga yi rang bzhin can//
444a4 mkha' 'gro ma yis kun tu bskor/ /dpal phyag rgya chen po'i thig le las/ gsang ba dang / dga' ba bzhi dang / rigs lnga'i mtshan nyid ces bya ba'i le'u ste brgyad pa'o// //de nas gzhan yang bshad bya ba/ /phyag rgya'i brda ni rab yin te/ /rna cha gdu bu 'khor lo dang / /'gul do de bzhin thal ba dang / /tshangs pa'i skud pa phyag rgya drug/ pha rol phyin
444a5 drug dran pa'o/ /sbyin pa tshul khrims bzong brtson 'grus/ /bsam gtan shes rab drug yin no/ /sbyin pa chos zhes bstan pa ste/ /tshul khrims las zhes dran pa'o/ /bzod pa
444a6 dam tshig ces su dran/ /brtson 'grus ting 'dzin shes par bya/ /bsam gtan ye shes zhes byar dran/ /shes rab zhes bya phyag rgya che/ /don dam par ni shes par bya/ /skye mched
444b1 drug ni dag par bya/ /phyag rgya drug tu rab tu grags/ /rigs drug rim par shes par bya/ /lha mo'i bdag nyid phyag rgya drug/ yaM raM laM baM aM haM ste/ /lha mo yi ni rim pas so/ /de ru mchod
444b2 pa rab tu bya/ /mchod pa ro mnyam rim pa'o/ /thim dang longs spyod dbang gis ni/ /gnas kun gyi ni de bzhin no/ /gtum mo btso blag DoM b+hi dang / /gar mkhan thod pa bram ze mo/ /gtum
444b3 mo pad+ma'i rigs yin te/ /btso blag rin chen rigs su dran/ /DoM b+hi rdo rje'i rigs zhes bya/ /gar mkhan ral gri'i rigs su dran/ /thod pa can ni 'khor lo'i rigs/ /de lnga dag pa phyag
444b4 rgya'o| |ye shes phyag rgya bram ze mo/ /rdo rje sems dpa'i rigs su dran/ /bram ze mo ni ma yin te/ /thod pa ma ni sring mor dran/ /gar mkhan bu mor shes par bya/ /DoM b+hi chung mar rab tu
444b5 grags| |btso blag mkhan ni mna' ma yin/ /gtum mo sgyug mor dran pa'o/ /shes rab thabs kyi cho ga yis/ /rtog pa med pas mchod par bya/ /rnam rtog med pas dngos grub 'grub/
444b6 ji ltar bsnyen pa skad cig gis/ /ma ni sems zhes bstan pa ste/ /gsung ni 'di ru sring mor dran/ /bu mo sku ru rnam par grags/ /chung ma srog ces bya bar dran/ /mna' ma rtsol par dran
444b7 pa ste| |sgyug mo mnyam par dran pa'o/ /ma ni mthu yi rtsa yin te/ /sangs rgyas rin po che yi snod/ /sring mo khu ba'i rtsa yin te/ /mtshog ma'i gnas na yod pa'o/ /bu mo khrag gi rtsa
445a1 yin te| |khu ba'i rtsa yi 'og na yod/ /chung ma dri chu'i rtsa yin te/ /gnyis kyi bar na yod pa'o/ /mna' ma mchi ma'i rtsa yin te/ /mgrin pa'i gnas na
445a2 yod pa'o/ /sgyug mo snabs kyi rtsa yin te/ /dpral ba'i gnas na yod pa'o/ /ma ni sa ru shes par bya/ /sring mo chu ru dran pa'o/ /bu mo me ni yin par dran/ /chung ma rlung du rab tu grags//
445a3 mna' ma de ni nam mkha' ste/ /sgyug mo nam mkha' ma yin no/ /ma ni mngar ba yin par 'gyur/ /sring mo de ni skyur bar dran/ /bu mo kha bar shes bya ste/ /chung ma lan tshwar 'di ru dran//
445a4 tsha ba de ni mna' ma ste/ /sgyug mo bska bar dran pa'o/ /de rnams 'bad pas mchod par bya/ /myur du dngos grub thob par 'gyur/ /rnal 'byor rgyud las rnyed dka' ba/ /phyag rgya'i rigs
445a5 su bdag gis bshad/ /dpal phyag rgya chen po'i thig le las/ /phyag rgya'i brda dang / mchod pa'i cho ga zhes bya ba'i le'u ste dgu pa'o// //de nas mchod
445a6 pa'i cho ga ni/ /phyi dang nang ni bdag gis bstan/ /sa rdo la sogs mchod rten la/ /nam yang de la phyag mi bya/ /rab gnas dkyil 'khor sbyin sreg rnams/ /nam yang de ni mi
445a7 bya'o| |dri chen rdor chu sa bon sogs/ /rtag tu bdag nyid mchod par bya/ /'gro dang mi 'gro grang zhig ni/ /de ni thams cad sems yin no/ /de yi gzugs grub sems ma
445b1 yin| |sems ni stong pa'i rang bzhin no/ /ngo bo nyid bral stong pa ste/ /de bas 'gro ba sems su grub/ /de lta bu yi dag byas na/ /rtsa sogs la yang mchod pa bya/ /nyid ni mnga' bdag rdo rje
445b2 sems| |sems ni bdag nyid dran pa'o/ /sems ma yin pa lha yi dngos/ /phyi rol gzhan ma med pa'o/ /de ltar shes nas bdag nyid ni/ /dang po de nyid mchod par bya/ /rigs lnga
445b3 dag tu kun spyod pa/ /rigs gcig tu ni rnam par brtag/ byams dang sdang pa'i bye brag dang / /btung dang mi btung sbang bar bya/ /bud med gang yang snod min med/ /dge dang mi dge smra mi bya//
445b4 dngos grub rnal 'byor med pa dang / /sngags med sngags pa med par ni/ /dngos grub chen po thob 'dod na/ /de lta bu yi sems mi bya/ /rlabs che gting ring yang dag pa'i/ /skyes bu chen
445b5 pos sems de bya/ /nyan thos rnams dang mnyam pa'i sems/ /nam yang de ltar mi bya 'o/ /bstan med nyan thos skal ldan min/ /log pa'i mun pas ye shes g.yogs/ /de rnams la
445b6 ni gtam tsam yang / /skyes bu chen pos mi sbyin no/ /smad par yang ni yod mi bya/ /de la nam yang phyag mi bya/ /phyi dang nang gi sbyor ba yi/ /'di ru gnas ni bdag gis bshad/ /rdo
445b7 rje'i gnas ni u rgyan dang / /gnas ni dzA lan+d+ha rar dun/ /gnas ni pu lI ra ma dang / /gnas ni kA ma rU pa'o/ /nye ba'i gnas ni mA lar bstan/ /sin+d+hu nA gar sing+ga la/ /zhing ni mum+ma ni ru
446a1 grags| |de bzhin de wi ko Ti dang / /nye ba'i zhing ni ku lu ta/ /arbu dar ni de bzhin dran/ /ha ri ke la tshan+do har/ /go dA wa ri de bzhin no/ /laM pa ka dang
446a2 kAM tsi ste/ /nye ba'i tsha n+dor bstan pa'o/ /'dus pa de ni kar mar te/ /de bzhin du ni gser gling ngo / /kong+ka dang ni b+hin+da ste/ /nye ba'i 'dus par dran pa'o/ /yi dwags 'dus pa'i dur khrod
446a3 dang / /dur khrod rgya mtsho'i dogs su'o/ /nye ba'i dur khrod tsa ri tra/ /de bzhin ko mar par 'o/ /kasmir pI la wa ru grags/ /de bzhin ke rang yul yin no/ /nye ba'i pI la ne pa la/ /
446a4 nye ba'i pI la karno dzo/ /o Di ya na spyi bo'i gnas/ /dza lan+d+ha ra spyi gtsug dran/ /pul+lI ra ni mtshog ma ste/ /kA ma rU ni smin phrag dbus/ /mA la ba ni sna rtse ste/ /sin+d+hu mig gnyis
446a5 yin par grags/ /nA gar rna ba gnyis su dran/ /sing+ga nam mkha'i pad+mar gnas/ /mum+mu ni ni kos ko 'o/ /de bi ko Ti mgrin gling du/ /ku lu ta ni rgyab gling du/ /arbu da ni nu gnyis
446a6 su| |ha ri ke la snying ga 'o/ /go dA wa ri lte ba'i gnas/ /lAM pa ka ni gsang bar ro/ /kAM tsi ling+ga'i dbus su gnas/ /kar ma ling+ga'i rtse mor ro/ /gser gling gzhang ga'i gnas
446a7 sa ste| |kong+ka na ni brla gnyis dran/ /b+hin+da pus mo gnyis yin no/ /yi dwags 'dus pa byin pa ste/ /rkang bol gnyis su rgya mtsho'i dogs/ /kau mA ri ni mthe bong ste/ /tsa ri tra ni
446b1 sor mor ro/ /kha che'i yul ni lus rnams kun/ /ker ta ni rkang mthil lo/ /nai ba la ni ltag pa ste/ /kaM po ji ni rked pa'o/ /de ni don dam pa yi gnas/ /ri bong can 'od me tog dang / /me tog dmar
446b2 po nyi mnyam gyis/ /mchod pa'i dus su mchod par bya/ /srog gcod pa yi mchod sbyin ni/ /'bad pas de ru dbul bar bya/ /pad+ma chen po'i mtshog gnas su/ /srog ni gcad par bya ba'o//
446b3 chad pa nam yang mi bya ste/ /de la brtson 'grus chen po bya/ /srog gcod pa yi bsod nams bya/ /mchog gi mchog ni yang dag rnyed/ /gru gsum dri med dag par ni/ /de ru dkyil 'khor
446b4 'phar ma gnyis/ /nang gi 'phar mar dpal bcom ldan/ /byang chub sems nyid ldan pa'o/ /phyi rol rigs gsum rnal 'byor ma/ /'dzin ma la sogs mchog chen no/ /lus kyi nang
446b5 nas 'byung ba'i phyir/ /de ni lha mo zhes su bstan/ /dkyil 'khor lus su bstan pa dang / /b+ha ga dkyil 'khor yin par bshad/ /dkyil 'khor byang chub kyi ni sems/ /dkyil 'khor
446b6 gsum ni rtogs pa'o/ /dur khrod brgyad kyi dbus gnas su/ /dkyil 'khor gsum ni sgom pa'o/ /dbugs 'byung dur khrod ces su bshad/ /sgo dgu dang ni ldan pa'o/ /yang dag nyon
446b7 cig zhal bzang mo/ /de yi 'byung ba bdag gis bshad/ /gtum drag gzhang ga'i dbyibs can ni/ /gsang ba'i tshad tshing kha ru 'o/ /'bar ba zhes bya'i dur khrod ni/ /sna yi bu ga gnyis
447a1 na gnas/ /dmyal sogs de bzhin mi bzad pa/ /mig gnyis la ni gnas pa 'o/ /ha har dgod dang g.yer ka can/ /rna ba gnyis la gnas pa'o/ /dur khrod re re'i
447a2 shing re ni/ /dbang byed pa ni de na yod/ /gtum drag pa ta la yi shing / /dbyibs can nang na shi ka ra'o/ /tshang tshing sa li shing yin no/ /'bar ba zhes bya so ri sha'o/ /dmyal sogs
447a3 u dum wa ra ste/ /mi bzad pa ni ba ta'i shing / /ha ha dgod na a shwat+tha/ /g.yer ka'i nang na ge sar shing / /shing gi rnam pa rtsa brgyad ni/ /yan lag mang po yod pa'o/ /gzhang mthu
447a4 rtsi mo mthus byed ma/ /ro yi rtse mor ro lus ma/ /nam mkha' ma dang char sbyin ma/ /ru la pa ma dang ltogs ma ste/ /bye brag brgyad du gyes bar dran/ /shing gi sgra ni rtsa yin te/ /shing
447a5 ni me tog yod phyir ro/ /mchog gi dkyil 'khor steng du ni/ /me tog med na ji ltar mchod/ /dpal phyag rgya chen po'i thig le las/ dkyil 'khor dang / lha mo dang / gnas dang /
447a6 dur khrod dang / shing dang / mchod pa zhes bya ba'i le'u ste bcu pa'o// //nyon mongs thams cad med byed pa/ /nyon cig sbyin sreg bdag gis bshad/ /lte ba'i
447a7 gnas na tshul yod pa/ /tshul gyi mtha' na gsang bad do/ /de ru rang 'bar gyi ni rlung / /bskor ba byas nas ngal bso ste/ /dbang po gnyis shing sbyor ba yis/ /rlung gi me ni sbar
447b1 ba'o| |mar yod pa ni steng 'khor lo/ /de ni mar snod ces su dran/ /ha ni blugs gzar zhes su bshad/ /dgang gzar 'di ru rdo rjer bstan/ /ho ma khud b+ha ga zhes su bshad/ /'bru ni dbang po lnga ru dran/
447b2 yam shing phung po zhes byar bstan/ /byang chub sems ni mar du bsreg/ mar ngo yi ni man chad du/ /nya la thug nas gshegs su gsol/ /thigs pa phyed tsam dgang gzar las/ /hom khung phyi rol
447b3 yang mi bya/ /sangs rgyas byang chub sems dpa' dang / lha dang lha min srin po dang / /'jig rten skyong ba brgyad rnams la/ bsreg bya yis ni rab tshim bya/ /mchod ba gang zhig rdor
447b4 sems la/ /bsreg rdzas gang bas dbul bar bya/ /hUM phaT rnam pa'i sngags kyis ni/ /mkhas pas bsreg rdzas sbyin par bya/ /de yis mkha' 'gro ma rnams dang / /gzhan yang rnal
447b5 'byor ma mo mnyes/ /gang zhig yid la ci bsam pa/ /dngos grub chen po mtha' yas ster/ /re ba thams cad 'grub byed ba/ /de lta'i sbyin sreg bdag gis bshad/ /dpal
447b6 phyag rgya chen po'i thig le las/ don dam pa'i sbyin sreg gi cho ga zhes bya ba'i le'u ste bcu gcig pa'o// //bdud rtsi lnga yi cho ga'i rab/ /mdor bsdus pa
447b7 ni bdag gis bshad/ /rnam snang mi bskyod don yod grub/ /dpag med rin 'byung zhes sngar bstan/ /rin chen 'byung ldan khrag ces bstan/ /snang ba mtha' yas khu bar brjod/
448a1 don yod grub pa sha chen te/ /mi bskyod pa ni rdo rje chu'o| |rnam par snang mdzad dri chen bshad/ /de ni bdud rtsi lnga yin no/ /dben dang mi med dgyes pa yis/ /gnod
448a2 pa thams cad dang bral ba'i/ /de ru khang pa rab tu bya/ /nyis brtsegs dad ni sgo dang ldan/ /gcig ni sa yi 'og tu bya/ /de yi steng ni gnyis pa'o/ /'jig rten pa yis gcig tu shes/ /de ltar
448a3 mkhas pas khang pa bya/ /re zhig sgrub dbang skal ldan pa/ /thos pa che shing ser sna med/ /snying rje chen po'i rlan dang ldan/ /zhe sdang phrag dog bral ba dang / /dpa' ba che dang rlabs che ba//
448a4 sgrub pa'i grogs dang de bzhin te/ /'dod chags chags bral gnyis med pa/ /ser sna med cing brtson 'grus ldan/ /khro ba med cing dpa' chen po/ /bla ma la gus thos pa che/ /'bras
448a5 bu gsum la sogs pas lus/ /dang por yang dag des dag bya/ /de nas sngags pas 'bum phrag gcig /suM b+ha'i sdags ni gsal bar bzla/ /oM su b+ha ni suM b+ha hUM hUM phaT/ oM
448a6 gr-ih+na gr-ih+na hUM hUM phaT/ oM gr-ih+na pa ya gr-ih+na pa ya hUM hUM phaT/ oM A na ya ho b+ha ga wAn badzra bid+ya rA dza hUM hUM phaT/ de ni yi ge gsum gyi sngags/ /sgrub pa'i dbang pos yid kyis bzla//
448a7 rmi lam na ni 'di ltar mthong / /rnal 'byor ma yi tshogs kyi 'dus/ /de yi gsung gi sbyin pa ni/ /yid 'phrog ma yi bu mo khyer/ /sems can don ni tshad med gyis/ /ji ltar rdo rje 'dzin
448b1 sa mdzad/ /mig mdzes bu mo rnyed pa ni/ /gzugs dang lang tsho rgyan dang ldan/ /'dod chags chen pos rgyags pa dang / /legs dgyes rings par g.yo ba dang / /sngo bsangs nu sra dpa' mo dang //
448b2 rtog med pa dang thos pa che/ /de 'dra'i bu mo chen mo la/ /gang tshe zla mtshan 'byung bar 'gyur/ /de la grong pa'i sbyor ba yis/ /shes rab thabs kyi cho ga bya/ /gang tshe ro ni 'byung bar 'gyur/ /de
448b3 tsam de tsam rab tu bya/ /de tshe kha yi pad+ma yis/ /zhag bdun bar du blang bar bya/ /shin tu gsal ba'i pad snod du/ /rin chen 'dra ba'i rak+ta gzhag/ nyi ma gsum du kha yis ni/ /dag pa'i
448b4 pad rgyal gzhib par bya/ /shes rab thabs kyi cho ga ni/ /yang ni rnal 'byor ba yis brtsam/ /de ru chang ni btung bar bya/ /stobs kyi sA lu bza' bar bya/ /yang na ra yi 'o ma 'am/ /yang
448b5 na nam mkha'i stobs bza' 'o/ /mtshan mo nyin mo sbyar ba yis/ /srub thabs chen po dpyad par bya/ /gang tshe khu chen 'od 'gyur bas/ /bu mo myos par gyur pa na/ /de tshe kha yis blang
448b6 bar bya/ /lce la sogs pa'i gtsag bu yis/ /skyon med pa yi gnas su ni/ /pad+ma'i snod du gzhag par bya/ /brgyad dang yang na bcu bzhi dang / /yang na bcu ni mar gyi ngo / /mdung rtse
448b7 yang ni ral gris gsad/ /rigs lnga'i nang na rigs gcig go /na tsha med dang bde ba 'grub/ /gzugs dang lang tsho ldan pa dang / /skye ba bdun nam yang na gsum/ /sgrub pa'i grogs
449a1 kyis khyer nas 'ong / /sna tshogs mchod sbyin mchod pa yis/ /rtse gcig gis ni mchod bar bya/ /de yi yan lag rab ni blang / /pad+ma'i snod ni de la bya/ /shes
449a2 rab dang ldan thabs kyis ni/ /de yi snod du chang btung bya/ /stobs chen rang nyid cung zad tsam/ /dngos grub phyir ni bza' bar bya/ /pad+ma'i snod du bsrubs pa las/ /cung zad 'bad de
449a3 gzhag par bya/ /gzhan ma sman gyis 'bad de ni/ /grogs kyi dbang pos btso bar bya/ /ra yi 'o ma til mar dang / /mar ni sha ka ra dang bcas/ /kha ra la sogs mnyam pa'i cha/ /
449a4 stobs ni lnga ru gyur dran pa 'o/ /kha ru tshwa dang tsha ba gsum/ /sug smel nA ga ge sar dang / /dzA ti pha la dwa tshwa dang / /ga pur rim par che bar bya/ /shin tu 'dzem pa'i dri med snod/ /a
449a5 ga ru sogs kyis bdug bya/ /'bad de gzhan gyi snod du btso/ /bdug pa byas par gzhag par bya'o/ /nyi ma bdun gyi bar du ni/ /stobs chen sA lu bza' bar bya/ /de ni
449a6 zos pa tsam gyis ni/ /gang zhig mi bskyod sngar 'ong 'gyur/ /de ni pad+ma'i snod du blang / /steng dang 'og ni mkhas pas bor/ /tho rangs cung zad tsam ni btung / /cung zad
449a7 tsam ni snod du gzhag/ shes rab thabs kyi gnyis 'byung ba/ /de yi snang mdzad 'dus pa ni/ /rnal 'byor pa yis rtse gcig bya/ /rnal 'byor grogs po'i sgrub pa'o//
449b1 'bras bu ur shing man shing dang / /ti kar kuta pus kar ma/ /'o ma dang ni chang ror ldan/ /rtse gcig gis ni btso ba ni/ /lcags kyi snod du btso bar bya/ /ma rnyed na ni rdza snod
449b2 du| |dag pa'i rigs kyi me tog gis/ /nyi ma bdun du bdug par bya/ /de nas snying po'i sman de ni/ /rim pas che bar blugs par bya/ /li shi ga pur la ta dang / /gla rtsi tsan+dan
449b3 dzA ti dang / /dzA ti pha la sug smel dang / /dwa tshwa tsha ba gsum dang ro/ /dkar po'i sha kar dang ldan pa'i/ /mar dang bcas nas btso bar bya/ /me ni 'jam par smin pa yis/ /
449b4 grogs kyi dbang pos btso bar bya/ /a ga ru sogs kyis bdug gi/ rdo yi snod du gzhag bar bya/ /nyin re zhing ni zho gnyis ni/ /zhu ba yin na bza' bar bya/ /zhu ba yin na
449b5 zho bzhi dang / /de nas zho drug rtag tu bza'/ /bdud rtsi lnga yi cho ga de/ /gsang chen bdag gis bshad pa'o/ /gzhan ma yan lag lnga yi sman/ /mkhas pas de la
449b6 ril bu bya/ /skyu ru ra tsam du byas te/ /grib ma la ni bskam par bya/ /ras dang yan lag bkrus byas te/ /de bzhin thig le bya ba'o/ /'bad de kha la gzhag par
449b7 bya| |tshogs kyi dkyil 'khor spos kyang bya/ /zhi dang rgyas dang dbang byed dang / /drag po dregs la sogs pa yin/ /ril bu yis ni byas tsam na/ /the tshom med par
450a1 'grub par 'gyur/ /dpal phyag rgya chen po'i thig le las/ bdud rtsi lnga bstan pa zhes bya ba'i le'u ste bcu gnyis pa'o// //u rgyan
450a2 gnas la sogs par ni/ /rnal 'byor ma ni 'dus pa 'o/ /de yi gnas su skad smra ba/ /gsang ba'i sgra ni yod pa'o/ /nyon cig sems ni rtse gcig gis/ /de ni yang dag bdag gis
450a3 bshad| |ma da na chang ba la sha/ a ma la tsa 'dus par dran/ /'gro ba khe Ta ro shrA ba/ /ni raM shu ka rus pa'i rgyan/ /phreng kha na ni 'ong ba yin/ /kun tu ru ni dbang po sbyor/ /du dur
450a4 skal ldan min par bshad/ /kA lin+dza ra skal ldan gzhung / /DiN+Di reg bya min par bstan/ /thod pa pad+ma b+ha dza na/ /dri chen bzhi mnyam yin par bstan/ /dri chu gla rtsir dran pa'o/ /khu
450a5 pa ga pur bstan pa ste/ /sha chen sA li dza ru dran/ /b+ha ha ka ni chu zhes bya/ /sgro ni yan lag ces byar dran/ /sha ka bzang po zhes su bshad/ /ho zhes bya ba 'grangs bar bshad/ /dze
450a6 g+h+re k+Sha ba laM kar bkres/ /dbyung ma g+ha na tshogs 'khor lo/ /ka po laM ni gyis su 'gyur/ /nA ga raM ni bdag byin bshad/ /b+ha ta ka ni khyod khyer 'gyur/ /ag+ni bor ba zhes su bstan//
450a7 gsang ba rin chen zhes su dran/ /bza' ba dung du shes par bya/ /sha dab bza' ba min du dran/ /dag pa zhes bya sngags su bshad/ /dag pa min pa nyi mar brjod/ /raM ba tshangs
450b1 pa grags pa ste/ /rgyal rigs lus su bstan pa'o/ /chags bral rje zhes bstan pa ste/ /chags pa dmangs rigs zhes byar dran/ /tsaN+DA li ni gzhu zhes bshad/ /shwa pa tsa na mda' ru bshad//
450b2 tsam ka ra srid 'khor lo/ /puk+ka sI ni ral grir bstan/ /'da' ba ka ni stong zhes bshad/ /ha ri ka ni thal bar bshad/ /ra tsa rgya mtsho zhes su bshad/ /mi naM shi bar bstan pa'o/ /rgyas pa phag
450b3 ces bya bar dran/ /phag ni bram zer bstan pa'o/ /nya ni pa la sha zhes bstan/ /ra ni nyi na mor bstan pa'o/ /lug ni mtshan mor shes par bya/ /bya la sogs pa nyi ma phyed/ /me tog gser ni
450b4 zhes su bstan/ /spos ni shar du la ru brjod/ /dri ni ma la ti ru bshad/ /me mar sha ko ni kar dran/ /gos ni ka shi ka ru bshad/ /bde ba kA ma la ru bstan/ /dpral pa chu zhes bya bar brjod/
450b5 smin ma phreng ba zhes su dran/ /mig ni ut+pal shes par bya/ /so ni a da na ru bstan/ /chu ni pa la wa ru shes/ /mgrin pa gling bur bstan pa'o/ /phung po nga pa zhes su bstan/ /lag dar myur
450b6 gur bstan pa'o/ /lag pa mtsho skyes bstan par grags/ /nu ma dpal 'bras brjod pa'o/ /dbus ni ri 'byung shes par bya/ /lte ba ma da na ru bstan/ /brla ni ka tam+pa ru grags/ /pad+ma dza
450b7 ga na ru dran/ /byin pa dza na bi ru brjod/ /rkang pa a tsa shi rar dran/ /sen mo yan lag ge sar rab/ /sna ni ma da sha ba ri/ /stan ni sha ta ku suM ste/ /nus pa bu ni zhes su dran/ /mi nus pa ni
451a1 pad+ma'i sdong / /thams cad ming gi rdza mar dran/ /gzhon nu rdzing zhes bya bar grags/ /'bar ma mtsho zhes bya bar dran/ /rgan po rgya mtsho zhes bar dran/ /myong ba
451a2 mi smra zhes su 'gyur/ /myong ba ma yin gsal bar dran/ /mi smra ri dwags zhes su brjod/ /glu ni bag chags zhes su bshad/ /gar ni grogs po zhes par dran/ /sgra ni tshul 'chos zhes
451a3 su bshad| |reg bya zhags pa zhes su dran/ /ro ni sgeg po zhes su bstan/ /gzugs ni ri zhes brjod pa'o/ /gsod pa sgra ni zhes su brjod/ /tshe ni phug ron dran pa'o/ /grong ni ta la'i
451a4 me tog ste/ /grong khyer 'bras bu yin par brjod/ /ljongs ni 'dod pa zhes byar bstan/ /'dod pa srog ces bya bar dran/ /mi shes de ni 'dul bar dran/ /shes pa spang par shes
451a5 par bya| |dgod pa zhes bya byis par bsten/ /du ba khrag tu dran pa'o/ /nyin mo gzhon nur shes par bya/ /mtshan mo bu mor rab tu grags/ /mtshams ni bud med shes par bya/ /
451a6 nyin phyed bran du bstan pa'o/ /'dus pa yi ni dbus gnas su/ /rnal 'byor ma ni rtag tu brjod/ /dpal phyag rgya chen po'i thig le las/ /rnal 'byor ma 'dus pa'i gnas su
451a7 gsang ba'i skad bstan pa zhes bya ba'i le'u ste bcu gsum pa'o/ /de nas gzhan yang bshad bya ba/ /yan lag phyag rgya sogs mtshan nyid/ /gang zhig sor
451b1 mo gcig ni ston/ /snyun rmed pa zhes spyan 'dren no/ /sor mo gnyis ni bstan pa yis/ /legs par snyan lan ldon pa yin/ /gang zhig gung mo ston byed pa/ /de la srin lag bstan par bya/ /gang
451b2 zhig srin lag ston byed pa/ /de la lce ni bstan par bya/ /gang zhig gzhibs pa ston byed pa/ /de la rtse gsum bstan par bya/ /gang zhig gtsug phud ston byed pa/ /de la mtshog ma bstan par
451b3 bya| |gang zhig dpral ba ston byed pa/ /de la mkhur tshos bstan par bya/ /gang zhig ltag khung ston byed pa/ /de las gzhi bstan par bya/ /gang zhig lag gnyis ston byed pa/ /de la lag
451b4 ngar bstan par bya/ /gang zhig mgrin pa ston byed pa/ /de la lto ba bstan par bya/ /gang zhig ma mchu ston byed pa/ /de la kos ko bstan par bya/ /gang zhig so ni ston byed pa/ /de la lce ni
451b5 bstan par bya/ /gang zhig nu ma ston byed pa/ /de la kos khur bstan par bya/ /gang zhig lto ba ston byed pa/ /de la lte ba bstan par bya/ /gang zhig gsang bston byed pa/ /de la ling+ga
451b6 bstan par bya/ /gang zhig brla ni ston byed pa/ /de la gzhang ni bstan par bya/ /gang zhig rkang pa ston byed pa/ /de la rkang mthil bstan par bya/ /gang zhig sor mo ston byed pa/ /de la
451b7 sen mo bstan par bya/ /gang zhig gtsang po ston byed pa/ /de la rgya mtsho bstan par bya/ /gang zhig nam mkha' ston byed pa/ /de la nyi ma bstan par bya/ /gang zhig sa ni ston byed pa/ /de
452a1 la nam mkha' bstan par bya/ /gang zhig khro gnyer ston byed pa/ /de la mtshams ni bstan bar bya/ /gang zhig so ni ston byed pa/ /de la chu ni bstan par bya//
452a2 gang zhig mgrin pa ston byed pa/ /de la kha ni bstan par bya/ /gang zhig dpral ba ston byed pa/ /de la rgyab ni bstan par bya/ /'di ni thams cad rnal 'byor ma'i/ /yan lag rgya
452a3 sogs mtshan nyid do/ /dpal phyag rgya chen po'i thig le las/ /rnal 'byor ma thams cad kyi yan lag gi phyag rgyal sogs pa zhes bya ba'i le'u ste bcu bzhi pa'o// //de nas gzhan yang bshad bya ba/ /gzugs dang rtags sogs mtshan nyid ni/ /dmar zhing ser ba'i bud med gang / /pad+ma'i dri ni rnam par gtong / /lta stangs rang bzhin zhi ba
452a4 dang / /zhen pas lta ba'i rjes 'gro ba/ /ser po dmar po pad+ma 'dra/ /mig ni nyi ma'i 'od dang ldan/ /de la khyim na pad+ma yod/ /rtag tu mchod pa'i cho ga byed/ /pad+ma gar gyi dbang
452a5 phyug rigs/ /pad+ma'i gtso mor de shes bya/ /smin mtshams bar na rtse gsum yod/ /lus ni sngo bsangs skya ba dang / /de yi khyim na rdo rje yod/ /tang+ku dmar pos mchod pa bya/ /
452a6 he ru ka dpal rigs 'byung ba'i/ /kun gyi ma mor shes par bya/ /rtse gsum gang gi dpral ba 'am/ /yang na shak+ti gsal 'gyur ba/ /mig dmar gdong ni dmar ba dang / /de
452b1 bzhin rkang pa lag pa dmar/ /rtag tu phug ron la rtsed tsa/ /de bzhin khyi dang khyim bya'o/ /de yi khyim du rdo rje'i mtshan/ /rtag tu gang zhig mchod byed pa/ /dpal ldan rdo rje'i rigs su byung //
452b2 mkha' 'gro ma yin dpa' bo gces/ /sprin sngo dag dang 'dra ba ni/ /rtag tu dpral bar thod yod pa/ khyim du 'khor lo 'bri byed cing / /rtag tu de la mchod byed pa/ /rdo rje phag mo'i rigs
452b3 byung ba'i/ /mkha' 'gro mi ni stobs kyis dregs/ /mig sman nam mkha' sngon po'i mdog/ so ni mtho ba drag mo dang / /rtag tu khrus la dga' ba dang / /mang du smra bar mi byed cing //
452b4 khyim du rdo rje 'bri ba dang / /mtshan mo phyed na mchod pa byed/ /rdo rje phag mo'i rigs 'byung ba'i/ /dpal ldan rdo rje mkha' 'gro ma/ /btso ma gser dang mnyam pa'i 'od/ /mig mi
452b5 g.yo zhing ba spu mang / /rdo rje gang gi dpral ba'am/ /khyim du yang ni gsal 'gyur ba/ /rgyal bo'i btsun mo rtag tu sgeg/ skal ldan mchog ni bden smra dang / /mA li ka yi dri 'byung
452b6 zhing / /khyim du rdo rje mchod byed pa/ /khaN+Da ro hi'i rigs 'byung ba'i/ /mkha' 'gro ma ni ye shes rgyal/ /shin tu sha li dga' ba dang / /mig sman nag po'am nam mkha' 'dra/ /rtse
452b7 gsum rnam pa phra ba ru/ /gdug pa'i las la rtag tu dga'/ /dur khrod rtag tu 'gro ba dang / /'jigs pa med cing snying rje med/ /de la khyim du mchod pa ni/ /chang la sogs pas mchod
453a1 byed pa| |he ru ka dpal rigs 'byung ba'i/ /mkha' 'gro yin par gdon mi za/ /gsar pa sprin gyi mdog 'dra ba/ /g.yon gyi mche ba gtsigs pa dag/ de yi
453a2 khyim du dgra sta ni/ /'bri zhing rtag tu mchod byed pa/ /he ru ka dpal rigs 'byung ba'i/ /mkha' 'gro mar ni the tshom med/ /mkha' 'gro ma ni thams cad kyi/ /mdog dang mtshan ma
453a3 rigs 'byung ba/ /mdor bsdus pa ni 'di ru bshad/ /rgyas par ye shes snying por ro/ /dpal phyag rgya chen po'i thig le las/ mkha' 'gro ma'i gzugs dang / mtshan nyid
453a4 dang | rigs 'byung ba zhes bya ba'i le'u ste bco lnga pa'o// //gang zhig gzhan min bdag nyid bzhugs/ /nyon cig dkyil 'khor rgyal dbang po/ /hUM gi rnam pa'i
453a5 rnam pa can/ /bdag nyid hUM gi dngos po yin/ /hUM gi rnam pa las gzugs 'byung / /mtshan dang dpe byed ldan pa dag/ nyi ma'i dkyil 'khor steng na bzhugs/ /nyi ma bye ba'i
453a6 'od dang mnyam/ /khyod dang lhan cig sbyor ba yis/ /chu skyes sngon po'i gzugs dang ldan/ /zhal bzhi spyan gsum phyag brgyad de/ /g.yas brkyangs pas ni gnas na bzhugs//
453a7 rdo rje dril bu nyi zla dang / /mda' gzhu dag ni 'gengs pa dang / /kha T+wAM ga dang ka pA la/ /khrag chen po yis gang ba'o/ /bde ba'i gnas su bdag dang khyod/ /legs
453b1 dgyes dgyes par rol bgyid de/ /de nas dang po'i ro langs ni/ /spro nas rdo rje ro langs ma/ /gzugs nag pa la phyag bzhi ba/ /mda' gzhu la ga na 'gengs pa dang / /chu srin g.yas na
453b2 thogs pa dang / /ka pA la dang kha T+wAM ga/ g.yon gyi lag na thogs pa ste/ /shar gyi sgo na gnas pa ste/ /yang ni srub thabs sbyor ba yis/ /gnyis pa yi ni ro rab las/ /rdo rje dra ba 'phros
453b3 pa ni| |gcer pu dang ni spyan gsum pa/ /mdog dmar lag na nya thogs te/ /byang gi sgo yi gnas na bzhugs/ /yang ni ro ni gsum pa las/ /rdo rje rtse mo spros pa ni/ /mdog
453b4 ser lag na seng+ge thogs/ /nub sgo yi ni gnas na bzhugs/ /yang ni ro ni bzhi pa las/ /rdo rje zlum po 'phros pa ni/ /mdog dkar lag na bya khyung ste/ /lho yi sgo na bzhugs
453b5 pa'o| |ro lnga de ni rnyed pa yis/ /rdo rje ska rags ma ni spros/ /rdza rnga gling bu lag na thogs/ /shar lho mtshams na gzugs gnyis pa'o/ /yang ni drug pa'i 'byung ba las/ /rdo rje
453b6 sor mo spro ba ni/ /rgyud mang rnga chen lag na thogs/ /lho nub mtshams na bzhugs pa'o/ /yang dag bdun pas rnyed pa ni/ /rdo rje rgod ma 'phro ba ste/ /rdza rda dang ni cha lang thogs//
453b7 nub byang mtshams na bzhugs pa'o/ /ro brgyad pa ni rnyed pa yis/ /rdo rje nyi ma spro ba ni/ /tam+bu ra dang ka ra thogs/ /phyag gnyis rtag tu 'dzin pa'o/ /spros nas byang shar mtshams
454a1 su ni| |bdud kun bcom nas bzhugs pa'o/ /yang ni srub dang srub thabs las/ /dang po dga' ba 'byung ba yis/ /rdo rje legs dgyes 'phros pa ni/ /ro yi
454a2 snod ni lag na 'dzin/ /spros nas shar gyi phyogs kyi grwar/ /chos 'byung gi ni grwa na bzhugs/ /b+ha ga'i phyag rgya spyi por ni/ /mdzub mo tshangs pa'i bu ga'i gnas/ /yang ni mchog gi
454a3 dga' ba las/ /rdo rje mtsho ma 'phros pa ni/ /khrag gi snod ni lag na brel/ /lho nub gra na bzhugs pa'o/ /yang ni dga' bral 'byung ba las/ /rdo rje glang chen ma 'phros pa/ /khu ba'i
454a4 snod ni lag na thogs/ /nub byang phyogs kyi grwa na bzhugs/ /de rnams nag dang ser dang dmar/ /g.yon brkyang bas ni bzhugs pa'o/ /yang ni yang dag srub thabs las/ /lhan cig
454a5 skyes dga' 'byung ba ste/ /lhan cig skyes dga' 'dod chags che/ /me chen rab tu 'bar ba'o/ /khyod dang lhan cig de ru bdag/ /rang bzhin gyis ni yongs su 'gyur/ /dngos po
454a6 med par bdag mi 'gyur/ /bdag ni rang bzhin gnas su bzhugs/ /bdag gi ngo bo brjod mi nus/ /sangs rgyas kun gyis kyang rnyed dka'/ /yang dag rdzogs pa'i sangs rgyas
454a7 kyis| |gal te kun rdzob gzugs su rnyed/ /'jig rten khams ni grangs med pa/ /gzhan ni ma yin bdag gis khyab/ /khyod dang lhan cig kun rdzob tu/ /'byung ba'i rgyu phyir rol
454b1 pa byed| |bdag ni rol pa mi byed na/ /sangs rgyas thams cad 'byung mi 'gyur/ /'di ni thams cad mi g.yo bar/ /'gro 'gyur bar ni the tshom med/ /rang bzhin las ni mchog gnas su//
454b2 de dus bdag ni cang mi smra/ /bde chen legs dgyes mgon po bzhengs/ /rdo rje bzang dgyes bdag dga' mdzod/ /mgon po khyod min bdag ro 'dra/ /thugs rje ro yis bdag skye mdzod//
454b3 kye mgon chad pa'i stong bar min/ /mgon po stong pa'i rang bzhin min/ /rdo rje mtsho ma bdag dga' mdzod/ /pad+ma kha phye rol cig rol/ /a la la la a la la/ /a la la la legs
454b4 dgyes mgon/ /rdo rje glang chen ma dga' mdzod/ /khyed rang gis gsungs bdag min na/ /sangs rgyas 'byung bar mi 'gyur ro/ /ye shes sku las oM hUM 'dir/ /bdag dang khyod ni lhan
454b5 cig bzhengs/ /'khor lo dang bcas khro sku mchog/ sum cu rtsa gnyis yan lag ldan/ /bde ba'i gnas su bdag dang khyod/ /dur khrod brgyad kyi dbus su ni/ /skye ba'i rgyu yi don phyir
454b6 rol| |bskyed pa'i rim pa yi ni phyogs/ /mdog nag pa la 'od che ba/ /dbu skra me bzhin 'bar ba dang / /zhal ni bcu drug spyan gsum pa/ /phyag ni bcu drug ldan pa dang / /zhabs
454b7 ni rnam pa bzhi yis ni/ /bdud bzhi yi ni steng na bzhugs/ /legs dgyes dbang phyug ma khyod bcas/ /ye shes mkha' 'gro dbang phyug bdag/ khyod kyang nga yi gzugs
455a1 dang mnyam/ /'jigs byed chud mar bcas pa'i steng / /gru gsum dbus su nyi ma'i gdan/ /gyen du zhabs ni gar dang ldan/ /'jigs ma dpa' mo chang
455a2 'thung ma/ /'jigs byed pho nya stobs ma dang / /rta mgrin ma dang rta rnam/ /glang chen sna dang lto ba ma/ /me ma dang ni chu rgyun ma/ /zla ba ma dang nyi 'ong ma/ /dung rnam dang dung gtsug
455a3 ma| |dung lte ma dang stobs chen ma/ /bya rgod rgod kha hor pa ma/ /hor mig ma dang hor mgo ma/ /mig dmar skra dmar rin chen ma/ /phug ron dmar mo nag mo ma/ /ri bong
455a4 ri dwags ra ma mo/ /phyag bzhi ma la sna tshogs gzugs/ /spyan gsum pa la bzhin yang 'jigs/ /phyag gnyis mda' gzhu 'gengs par ldan/ /gzhan gyis gri dang thod
455a5 pa 'dzin/ /rdo rje phreng ba dpral ba ru/ /phyag rgya lnga yis yan lag brgyan/ /de lta bu yi 'khor lo che/ /khyod dang bcas pa bdag gi gnas/ /gang zhig nyi shu rtsa brgyad gnas//
455a6 de ni tshogs kyi gnas su dran/ /rdor dril rin chen 'khor lo dang / /ral gri rtse gsum mda' nyi ma/ /zla ba dgra sta DA ma ru/ /gzhu dang tho ba ka pA la/ /b+hU ta'i pags pa
455a7 gyen du 'phyar/ /gshin rje'i pags pa rked la dkris/ /zhal gcig pa la phyag gnyis te/ /khyod kyang bdag gi mdog yin no/ /thams cad rgyan gyis brgyan pa dang / /phyag
455b1 gnyis mda' gzhu 'gengs pa'o/ /de nas rdzogs pa'i rim pa ni/ /rtsa yi 'byung ba rim pa mchog/ lha mo re re rtsa re ste/ /de yi bde ba bdag dang khyod/ /'dzum pa dang ni 'byed pa
455b2 yis| |rlung gis me ni khong du chud/ /yang dag pa yi dbang po'i shing / /de yis gtum mo 'bar ba'o/ /rnam par rtog pa'i phung po'i gzugs/ /thams cad lus ni sreg ba'o/ /
455b3 de yi me 'bar yang dag gis/ /bde chen 'khor lo bzhu bar 'gyur/ /bzhu bas rtsa ni thams cad las/ /mchog gi bdud rtsi 'dzag pa'o/ /yang na lus ni sos 'gyur te/ /lha
455b4 yi sku ni thob par 'gyur/ /de ni goms pa'i sbyor ba yis/ /rtse gcig gis ni goms par bya/ /phyi yi phyag rgya med na yang / /bde ba 'byung bar 'gyur ba yod/ /blta ba tsam
455b5 ni dgos pa ste/ /de bzhin thams cad thams cad min/ /phyi nas rnam par rtog pa skyes/ /de la dngos grub med par 'gyur/ /ji ltar mun pa'i snod rnams ni/ /mar me med na
455b6 mthong mi 'gyur/ /mar mes mthong bar gyur tsam na/ /phyi nas mar me dor bar bya/ /snod ni 'bad de bsrung bya ste/ /mar mes don bya mi dgos so/ /mar me'i mtshan nyid
455b7 'di ru rtsa/ /rtsa ni shes rab mtshan nyid do/ /thabs ni bde ba zhes su bstan/ /bde ba ye shes zhes byar dran/ /bde ba'i ye shes rang bzhin ni/ /gang zhig shes rab ma las
456a1 rnyed| |de ni shes rab ye shes dbang / /de ni rdzogs pa'i rim pa'o/ /de dngos bde chen ye shes ni/ /dkyil 'khor nang du yang dag bzhugs/ /bde
456a2 ba chen po gnyis su gyes/ /kun rdzob dang ni don dam mo/ /dga' ba la sogs nyid las ni/ /bde ba gnyis gyes shes par bya/ /de yi rim pa yang dag gnyis/ /dad pas nyon
456a3 cig bdag gis bshad/ /snang ba reg bya sbyor ba dang / /'gro ba de ni bzhi pa'o/ /rim pa yis ni shes par bya/ /bskyed pa'i rim pa'i phyogs kyi ni/ /shes rab ma yi lta ba yis/ /
456a4 gnyis ka'i 'dod chags 'byung bar 'gyur/ /de tshe dga' ba byung ba ste/ /rnam pa sna tshogs skad cig ldan/ /gang tshe de dang lhan cig tu/ /dad pas reg bya yod gyur
456a5 na| |de tshe mchog gi dga' ba ni/ /dri ma med pa 'byung bar 'gyur/ /yang ni dbang po gnyis phrad las/ /gang tshe de dang lhan cig sbyor/ /de yi tshe na dga' bral ni/ /gsal
456a6 bar 'byung bar 'gyur ba'o/ /gang tshe dbang po gnyis shing las/ /yang dag pa yi me 'bar na/ /de tshe lhan cig skyes dga' ni/ /srid pa med pa 'byung bar 'gyur/ /nu
456a7 mas reg pas blta ba ni/ /'dod pa de ni dad por dga'/ /phyi nas de dngos rgyas pa ni/ /gang tshe nges par yin par 'gyur/ /de tshe skad cig gis de rgyas/ /mchog gi
456b1 dga' ba byed pa'o/ /gang tshe de nyid shin tu yis/ /'dod chags me ni 'bar 'gyur na/ /de tshe 'bar ba'i thig le ni/ /dga' bral dga' ba 'bab pa'o/ /rdo rje pad+ma rol byed pa/ /de bzhi
456b2 dga' bral dga' ba'o/ /de ni skyes pa'i rim pa yin/ /u ta'i ye shes dang bral lo/ /yang ni gang tshe u ta ni/ /skad cig gcig las gcig tu 'gro/ /de yi u ta'i thig le
456b3 ni| |gsum gyis rnam par dag par 'gro/ /de nas der ni lhan cig skyes/ /rdo rje lta bu'i bde ba byed/ /de ni bcom ldan shes rab ma/ /rdzogs pa'i rim pa'i phyogs
456b4 yin no| |u ti'i sgras ni bde bar bstan/ /legs dgyes dbang mo de ni bdag /de ru sbyor ba bzhi rnams ni/ /rgyas par bdag gis bshad par bya/ /'dod dang 'dar
456b5 dang 'gro ba dang / /dga' ba dang ni bzhi yin te/ /de ni dang po sbyor ba yin/ /de ni dga' ba'i don yin no/ /rgyas dang 'dun dang 'byung ba dang / /mchog gi dga' ba bzhi
456b6 yin te/ /de ni sbyor ba gnyis pa yin/ /mchog gi dga' ba'i don yin no/ /'bar dang thig le myos pa dang / /dga' bral dang ni bzhi yin te/ /de ni sbyor ba gsum
456b7 pa yin| |dga' bral dga' ba'i don yin no/ /u ta dang ni tshul dang gnyid/ /lhan cig skyes dga' bzhi pa'o/ /de ni sbyor ba bzhi pa yin/ /dga' ba'i bye brag
457a1 bcu drug go/ bzhi rnams gzhan min 'di ru ni/ /rab kyi don ni 'di ltar 'gyur/ /'dod pa 'dun pa yin par bshad/ /dpal ldan shes rab mas
457a2 sprul lo| |de ni 'dun pa las ni dkrug/ /rang gi yid kyis byed pa'o/ /'dod pa'i sgras ni dga' ba yin/ /mthong ba las ni byed pa'o/ /de nyid bcom ldan shes rab ma/ /'dod
457a3 chags chen pos rgyas pa na/ /de tshe rgyas pa yin par 'gyur/ /mchog gi dga' ba gnyis pa'o/ /rgyas pa'i dus su phyi dang nang / /gang tshe shin tu 'bar gyur na/ /de tshe yan
457a4 lag rab de ni/ /skad cig gis ni zhu bar 'gyur/ /de ni 'bar ba'i thig les ni/ /ming ni gsal bar gyur pa'o/ /de ni dga' bral dga' ba ste/ /gsum pa zhes byar bshad
457a5 pa'o| |yang ni de nyid gtso mo ni/ /mchog gi rnam pa rab bde ba/ /de tshe u ta'i dgug pa ni/ /srid pa dang bral byed pa'o/ /de ni bzhi pa yang dag mchog/ lhan cig skyes
457a6 dga' bstan pa'o/ /de ni u ti'i dgug pa ni/ /thig le'i thar pa gsum gyi mtha'/ /lhan skyes kyi ni gnas su'o/ /dga' ba la sogs bye brag gis/ /lhan cig skyes rim
457a7 shes par bya/ /bde ba chen po'i gtsug tor nas/ /smin phrag 'khor lo'i dbus yan chad/ /de tsam dga' ba'i gnas yin te/ /thig le gcig pu'i mtshan nyid do/ /smin
457b1 phrag 'khor los mgrin 'khor lo/ /de tsam mchog gi dga' ba'o/ /mgrin pa'i gnas nas snying 'khor lo/ /de tsam dga' bral dga' ba'o/ /de nas yang ni rim pa yis/ /rim pa'i
457b2 gnas ni rab tu bshad/ /lte ba'i 'khor nas rgyu zhabs su/ /de tsam du ni dga' ba yin/ /rgyu zhabs su ni mdud pa'i rtsar/ /de tsam mchog gi dga' ba'o/ /mdud pa'i gnas nas
457b3 rin chen khar/ /de tsam dga' bral dga' ba'o/ /rdo rje rin chen rtse nang yod/ /lhan skyes de ni don dam pa'o/ /dpal phyag rgya chen po'i thig le las/ dkyil 'khor dang / dga'
457b4 ba'i bye brag dang / thig le'i mtshan nyid dang / bskyed pa dang / rdzogs pa'i rim pa zhes bya ba'i le'u ste bcu drug pa'o// //ye shes mkha' 'gro bcom
457b5 ldan 'das/ /bdag ni the tshom cung zad skyes/ /char yang dag ni thig le'i tshul/ /ye shes gang nas shes par bya/ /bcom ldan 'das kyis bka' stsal pa/ tshul ni
457b6 dpral ba'i gnas su ste/ /thig le mgrin pa'i gnas su bzhugs/ /char yang snying ga'i gnas su shes/ /ye shes lte ba'i gnas su bzhugs/ /rtog pa las ni
457b7 rtog pa med/ /gang du phyin nas 'gro ba na/ /de ni de rnams rang bzhin gnas/ /lte ba'i gnas su rab tu grags/ /gang tshe bdud rtsi gnas su 'gro/ /de tshe ye shes zhes
458a1 su dran| |bdud rtsi byang chub sems su grags/ /tshul la sogs pa'i thig le bzhi/ /de yi gnas ni bzhi yin te/ /dga' ba'i bye brag 'gro
458a2 bar 'gyur/ /dpral bar dga' ba'i thig le dang / /mgrin par mchog tu dran pa'o/ /snying ga ru ni dga' bral te/ /lte ba ru ni lhan cig skyes/ /rtsa yi kun spyod
458a3 sbyor ba yis/ /dga' ba la sogs rnyed par 'gyur/ /dpral ba'i steng na pad+ma yod/ /de yi steng na gtsug tor ro/ /de ni gsang chen ye shes te/ /rgyal ba yis
458a4 kyang mi shes so/ /lte ba'i 'og gi gsum gnas su/ /de yi steng du rgyu zhabs so/ /gsum dngos 'og gi lte ba'i dbyibs/ /de ru rdo rje byad gzugs gsal/ /
458a5 gsum dngos gnas na rtsa rnams kyi/ /yang dag mchog gi gnas yin no/ /ro ma 'dzin ma gnyis yin te/ /gsum pa de ni rtog med na/ /rtog med de ni gcig
458a6 pu ste| |kun rdzob tu ni gsum du 'gyur/ /de ni gcig tu lu gu rgyud/ /ji ltar sbrul 'khyil bzhin du'o/ /sku gsung thugs kyi dbye ba yis/ /rtsa ni bye brag gsum
458a7 du 'gyur/ /rdo rje rtse mo thugs rdo rje/ /gsum gyi dngos po gsung yin no/ /lte ba sku zhes bya bar grags/ /de ni rdo rje gsum nges don/ /snying gar thugs kyi rdo rje ste/ /mgrin
458b1 ba gsung gi rdo rje'o/ /dpral ba sku ye rdo rje ste/ /rgyas par bdag gis rab tu gsal/ /de yi dbus su srog yod pa/ /de bzhin du ni nye ba'i srog/ snying ga'i steng las srog gi rlung
458b2 lte ba'i 'og las gso ba'i rlung / /gang tshe rkang mthil las gso rlung / /gal te 'byung ba yin par 'gyur/ /de yi tshe na srog gi rlung / /gyen du lam du 'gro ba'o/ /gso rlung
458b3 lte ba'i gnas su ni/ /nges pa yis ni gnas byed do/ /yang ni gang tshe srog gi rlung / /gtsug tor las ni phyir 'gro na/ /de tshe gso ba'i rlung de ni/ /rang gi gnas su 'gro ba'o/ /
458b4 de ni srog gi rlung yin te/ /lte ba'i gnas su 'dugs byed/ /dpal phyag rgya chen po'i thig le las/ tshul dang / char yang dang / thig le dang / ye shes kyi gnas dang / rtsa'i
458b5 kun spyod ces bya pa'i le'u ste bcu bdun pa'o// //bcom ldan de ru bdag zhu ste/ /de yi bsam gtan ci lta bu/ /kha sbyar rnam pa'i sbyor ba yi/ /pad
458b6 rnams 'dug sa'i mtshan nyid do/ /rim pa gang gis sams de ni/ /'gro dang 'ong ba ji ltar 'gyur/ /bcom ldan 'das kyis bka' stsal pa/ dris pa yang dag gsang ba ste/ /'di ni sus
458b7 kyang mi shes so/ /gang gis khyod kyis gsal bar shes/ /nyon cig yang dag bdag gis bshad/ /gang tshe legs dgyes shin tu bde/ /shes rab thabs kyi sbyor ba las/ /
459a1 de tshe rtog pa med pa'i lam/ /byang chub sems ni 'byung bar 'gyur/ /lte ba'i rtsa bar srog rlung ni/ /skad cig tsam yang mi byed na/ /gang zhig pad+ma khas sbubs
459a2 'di| |skad cig gis ni gyen du 'gyur/ /de yi lte ba'i dbus su ni/ /sems ni brtan par 'gyur ba'o/ /de tshe thur du 'gro mi 'gyur/ /ji ltar ma rdol snod du ni/ /chu ni 'jeg pa
459a3 med par gnas/ /de bzhin nges par sems 'gyur ro/ /de ni skad cig sgom byed do/ /sangs rgyas nyid 'gyur the tshom med/ /dpal phyag rgya chen po'i thig le las/ byang chub kyi
459a4 sems brtan par byed pa dang / bsam gtan brtan pa zhes bya ba'i le'u ste bco brgyad pa'o// //dbang bskur ye shes mtshan nyid ni/ /bcom ldan de nyid don ni gsungs/ /
459a5 bcom ldan 'das kyis bka' stsal pa/ /dbang bskur ba yi ye shes don/ /nyon cig yang dag bdag gis bshad/ /gzugs bzang bcu drug lon pa dang / /sih+la ga pur yod pa
459a6 yi| |phyag rgya gcer bur byas nas ni/ /legs dgyes kyis ni mchod par bya/ /pad+ma kha sbyar sbyor ba yis/ /yang dang yang du 'dod pa bya/ /rim pa yis ni bskyod par bya/ /khu ba ji ltar
459a7 'byung 'gyur ba/ /thams cad 'byung bar gyur pa na/ /pad+ma'i nang du spang bar bya/ /legs dgyes kyi ni dbang phyug ma/ /'di ni slob dpon dbang gi rab/ /yang ni gsang ba'i dbang
459b1 'di ni| |dad pas nyon cig bdag gis bshad/ /gang tshe gsang gnas na sems yod/ /de ni gsang bar rab tu grags/ /gsang ba pad+ma'i khu ba yin/ /mdud pa'i nang du gsang
459b2 ba 'o| |de yi gnas su brtan par bya/ /sems ni nam mkha'i pad+mar min/ /thams cad rgyud las rnyed dka' ba'i/ /shes rab ye shes bdag gis bshad/ /shes rab mya ngan 'das
459b3 zhes bshad| |ye shes srid pa zhes byar dran/ /'khor ba de ni mchog dga' ba/ /mya ngan 'das pa dga' bral dran/ /yang na mya ngan 'das grags pa/ /sangs rgyas rin chen pad+ma'i
459b4 snod| |bud med b+ha ga'i phyag rgya'o/ /de ni shes rab ces byar dran/ /ye shes snod ni yin par grags/ /thams cad bde ba'i mchog gi gnas/ /khu ba shes rab ces su shes/ /
459b5 ye shes bde ba zhes su dran/ /dbang bskur 'od du zhu par 'gyur/ /ye shes dus las gzhan pa'o/ /de ni 'gog pa bzhi pa ste/ /rang bzhin ye shes mtshan nyid do/ /'ong dang stobs
459b6 dang sprin dang tshul/ /dbugs dang ut+pal sa dang yid/ /snying po zla nyi mun pa dang / /mchog dang sgra dang ro dang glog /de ni bcu drug shes par bya/ /bde ba'i thig le dri med do/ /tshangs
459b7 bu gnas ni mgrin gnas su/ /de tsam du ni thig le bzhi/ /de yi gnas su dga' ba bzhi/ /ro gnyis dang ni ldan pa'o/ /mgrin pa nas ni snying gar gnas/ /yang ni de tsam bzhi
460a1 yin no| |mchog gi dga' ba'i bzhi yin te/ /ro gnyis dang ni ldan pa'o/ /snying ga'i gnas nas rin chen sker/ /yang ni de tsam bzhi yin no/ /dga'
460a2 bral dga' ba'i bzhi yin te/ /ro gnyis dang ni ldan pa'o/ /rin chen ske nas steng gi gnas/ /yang ni de tsam bzhi yin no/ /lhan cig skyes dga' bzhi yin te/ /ro gnyis dang
460a3 ni ldan pa'o/ /dga' ba bcu drug thig le ste/ /thig le zla ba'i cha ru dran/ /A li thig ler shes par bya/ /'khor lo bzhi yi rim pas so/ /tshangs pa yi ni zhal dang bral/ /ro
460a4 dang bcas pa bdag gi zhal/ /bcu gnyis de ni nyi zhes shes/ /kA li thig ler rab tu grags/ /bcu gnyis phyed ni bde thig le/ /dga' dang mchog gi dga' bar dran/ /dga'
460a5 bral dga' ba'i thig le gsum/ /rang bzhin gsum dang bral ba'o/ /yang ni thams cad bdag nyid nyid/ /bzhi po'i don ni bdag gis bshad/ /gnas bzhi la ni dbang bzhi
460a6 ste| |legs dgyes dbang mor shes par bya/ /rgyu dang 'bras bu'i rim pa yis/ /mdor bsdus pa ni bzhi yin te/ /sprul dang chos dang longs spyod dang / /bde ba chen po bzhi pa'o/ /
460a7 de dag sku ni bzhi yin te/ /don dam par ni shes bya'o/ /sum cu gnyis phyed rtsa nang du/ /A li thig le bcu drug go /gzhan phyed kA li thig le ste/ /rtag tu lam nas 'bab pa'o/ /
460b1 A li ye shes sems su 'gyur/ /kA li ye shes sems las 'byung / /bde ba chen po gcig pu ste/ /kun rdzob gnyis su 'byed par 'gyur/ /shes rab rang bzhin zla ba ste/ /thabs
460b2 ni nyi ma'i rang bzhin no/ /zla rgyu A li 'bras bu ste/ /A li rgyu ste zla 'bras bu/ /nyi ma rgyu ste kA li 'bras/ /kA li rgyu ste nyi 'bras bu/ /nyi ma'i dbus las zla 'byung ste/ /khu ba'i gzugs
460b3 ni bde chen po/ /kA li bde ba gsang ba'i dbang / /A li shes rab ye shes dang / /de gnyis dbus su bde chen po/ /rang bzhin de ltar dran pa'o/ /reg bya 'khyud pa la sogs pas/
460b4 slob dpon gyi ni dbang bskur ro/ /dpal phyag rgya chen po'i thig le las/ dbang gi ye shes dang / A li kA li'i rgyu 'bras dang / zla ba 'byung ba dang / rtsa dang / thig le dang / dga' ba bstan
460b5 pa zhes bya ba'i le'u ste bcu dgu pa'o// //rnal 'byor dbang phyug spyod pa ni/ /yang ni bcom ldan bka' stsol cig /bcom ldan 'das kyis bka' stsal pa/ rnal 'byor
460b6 dbang phyug spyod pa ni/ /skal ba ldan ma khyod nyon cig /zla ba gcig tu gsang ba spyod/ /yul gyi mtha' 'am yang na tshal/ /thams cad don 'grub 'gyur ba yi/ /sngags 'di rtag tu
460b7 bzla bar bya/ /hA swA ka ro ro ta taM ba dai ro d+ha Na la ma ta tsi ko ra d+ha da markalA na dzrA ba oM/ de nas mkha' la rnal 'byor ma/ /'dus nas bka' stsal sbyin par bya/ /bu kye bu mo 'di khyod
461a1 khyer| |spyod pa rab ni khyod kyis gyis/ /bu mo bcu drug lon pa dang / /si h+la ga pur yod pa dang / /ut+pal sngon po'i mdog 'dra ba/ /tsan+dan gsar ba'i dri yod
461a2 cing / /sgeg pa yi ni rgyan dang ldan/ /las rnams kun la mkhas pa'o/ /'bad de gsang ba'i gzugs su ni/ /de dang lhan cig bde bar song / /don zin nas ni so sor ni/ /sna
461a3 tshogs kyi ni gzugs nyid kyis/ /la lar 'dod chags spyod pa dang / /la lar 'dod chags phral ba'i yid/ /la lar zhi ba'i gzugs dang ni/ /la lar brgyal ldan pa'i
461a4 yid| |la lar na bas zos pa dang / /la lar bde ba'i lus ni rab/ /la lar slong mo byed pa dang / /la lar rgyal po chen po rgyal/ /la lar gcer bu dri ma can/ /la lar dag
461a5 pa gtsang sgra can/ /la lar cung zad tsam gyis 'grangs/ /la lar mang pos 'grangs par byed/ /la lar ngo tshar byed pa dang / /la lar ngo tsha med pa'i yid/ /la lar lkugs
461a6 par 'dug pa dang / /la lar sgra chen sgrog pa dang / /la lar dri chen za ba dang / /la lar 'o ma 'thung bar byed/ /la lar sdig pa byed pa dang / /la lar bsod nams chen
461a7 por byed/ /la lar du bar byed pa dang / /la lar dgod pa la gcig tu dga'/ /la lar cho long rtse ba dang / /la lar gar ni gcig pu byed/ /la lar chang gis ra ro dang / /la
461b1 lar bram ze'i spyod pa dang / /la lar thod pa'i spyod pa dang / /la lar gtum pa'i bran byed dang / /la lar chos ni ston pa dang / /la lar chos ni nyan pa dang / /la lar sgyu ma byed pa dang /
461b2 la lar sgyu ma bral ba dang / /la lar rdzun ni smra ba dang / /la lar byis pa'i gzugs ni ston/ /la lar rgan po lo mang dang / /la lar smad tshong ma yi gzugs/ /la lar 'dod pa mchog
461b3 spyod dang / /la lar ser sna yis ni 'gugs/ /la lar ser sna dang bral yid/ /la lar byol song yan lag nyid/ /la lar rnam shes med pa dang / /la lar brjod du med pa dang / /la
461b4 lar yang dag gzugs can ston/ /de lta'i rnal 'byor dbang phyug ni/ /rang dbang gis ni kun tu spyod/ /dpal phyag rgya chen po'i thig le las/ /rnal 'byor gyi dbang phyug chen po'i spyod
461b5 pa zhes bya ba'i le'u ste nyi shu pa'o// //bcom ldan 'das ye shes rgya mtsho khyed/ /bdag la the tshom ma skyes pa mchis/ /sngar gsungs pa yi 'khor lo drug /de yi sa bon ji
461b6 lta bu| |gang gi sngags kyis bdud rtsi lnga'i/ /bza' ba dang ni spyod pa'o/ /khyod dang bdag gi snying po ni/ /ji ltar de ni nges par yod/ /sems can rnams ni bsrung don du/ /'dus pa'i
461b7 gnas kyi dbus su ni/ /tshogs kyi 'khor lo ji lta bu/ /bcom ldan 'das kyis bka' stsal ba/ /nyon cig lha mo spyan bzang mo/ /'khor lo drug gi sa bon ni/ /k+Sh+liM m+laM p+laM dz+laM rlaM h+laM/
462a1 dbus su re re dgod par bya/ /khaM raM shaM baM saM maM paM ni/ rlung gi 'khor lo'i sa bon drug /bliM kliM dz+liM/ me 'khor lo/ /mkhas pas gru gsum dgod par bya/
462a2 ka kha ga g+ha nga / /tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa/ sprul pa'i 'khor lo'i 'dab ma la/ /gnyis su byas pa'i sa bon gdab/ traM hrIH
462a3 aM khaM dang / laM maM paM taM/ chos kyi 'khor lo'i sa bon brgyad/ /a A i I u U r-i r-I l-i l-I e ai o au aM aH/ longs spyod 'khor lo brgyad gnyis 'di/ /g.yon bskor
462a4 du ni bri bar bya/ /de ni gnyis su byas pa ni/ /bde chen 'khor lo'i sa bon no/ /mnyam pa yi ni sa yi cha/ /chang la sogs pas byug par bya/ /tsan+dan dang ni gur gum mchog/
462a5 sna tshogs mchog gi me tog dang / /sna tshogs mchod pa la sogs kyis/ /mkhas pas sa la mchod par bya/ /bu mo yid 'phrog lha yi gzugs/ /nyi shu yon pa g.yo ba med//
462a6 gnas ni gang du sngags rgyal btu/ /re zhig dang po de ru gzhug /mchog gi dga' ba'i sbyor ba yis/ /rtse gcig gis ni bsnyen par bya/ /bsnyen pa'i las ni rdzogs pa dang / /de
462a7 nas sa la bsang gtor bya/ /slob ma de yis thig le bya/ /bu mo la yang de ltar ro/ /sha chen la sogs kyis gang ba'i/ /gtor ma phyogs bzhir gtang bar bya/ /tshogs la 'bad de
462b1 mchod par bya/ /med na yang ni 'bad pas so/ /sngags btu ba yi dus su ni/ /'bad de bla ma mchod par bya/ /bla ma dgyes na sngags rgyal ni/ /the tshom med par thob par 'gyur/ /de
462b2 ltar min na skyon yod de/ /sngags kyang thob par mi 'gyur ro/ /rdo rje phreng bas bskor ba yi/ /'dab ma brgyad pa'i pad+ma bri/ /dbus su k+Sha yi sa bon ni/ /rdo rje sems dpa'i rang bzhin
462b3 can| |A li kA li mnyam sbyar nas/ /thub pa bdun ni btu bar bya/ /dang por rnam par snang mdzad bri/ /lnga pa yi ni lnga pa dang / /uSh+ma yi ni bzhi pa dang / /bcu drug pa yi gnyis par
462b4 ldan| |dang po yi ni dang po dang / /me yis 'og tu brgyan pa'o/ /dbyangs yig bcu gsum pa dang ldan/ /gti mug thams cad mtshon cha'o/ /bzhi pa yi ni bzhi pa dang / /dbyangs yig
462b5 bcu gcig pa dang ldan/ /uSh+ma Sha yi dang po dang / /an+tas+tha yi bzhi par ldan/ /de nas me yi sa bon dang / /gnyis pa yi ni gsum pa dang / /an+ta s+tha yi dang po dang / /an+ta s+tha yi bzhi
462b6 pa dang / /dbyangs yig gsum pa dang ldan pa/ /thams cad kyi ni snying po bcom/ /gnyis pa yi ni gsum pa dang / /de nas brgyad pa'i dang po dang / /dbyangs yig gnyis pa dang ldan pa/ /
462b7 yi ge mchog nyid gnas yin no/ /gsum pa yi ni dang po dang / /de nyid kyi ni 'og tu brgyan/ /yang na de nyid bri bar bya/ /uSh+ma yi ni bzhi pa dang / /dbyangs yig gnyis pa dang ldan pa/ /
463a1 rdo rje sems dpa'i rang bzhin can/ /uSh+ma yi ni gsum pa dang / /lnga pa yi ni lnga pa dang / /uSh+ma yi ni bzhi pa dang / /dbyangs yig gnyis pas brgyan pa'o/ /
463a2 dang po yi ni dang po dang / /an+tas+tha yi gsum pa dang / /lnga pa yi ni dang po dang / /dbyangs yig gnyis pas brgyan pa'o/ /dang po yi ni gsum pa dang / /nyi shu pa yis brgyan pa'o/ /
463a3 dbyangs yig gsum pa dang ldan pa/ /khro bo yi ni gzugs chen che/ /uSh+ma yi ni gsum pa dang / /bzhi pa yi ni lnga pa dang / /de nyid 'og tu ldan par bya/ /dbyangs yig gsum pas
463a4 brgyan pa ste/ /lha rnams kun gyi byed pa'o/ /lnga pa yi ni bzhi pa dang / /dbyangs yig gnyis pas brgyan pa'o/ /brgyad pa yi ni dang po dang / /thams cad kun gyi pha yin no/ /uSh+ma yi
463a5 ni bzhi pa dang / /dbyangs yig drug pas brgyan pa ni/ /zla tshes thig le dang ldan pa/ /sems kyi dbang phyug yi ge mchog /de nyid yang ni bri bar bya/ /de nas lnga pa'i gnyis pa dang / /
463a6 gsum pa yi ni dang po dang / /uSh+ma yi ni gsum pa dang / /an+ta s+tha yi bzhi par ldan/ /dbyangs yig gnyis pas brgyan pa'o/ /a yi sde tshan brgyad pa dang / /dbyangs yig gnyis
463a7 pa dang ldan pa/ /thams cad don grub mchog yin te/ /bdag gi snying po'i sngags rgyal lo/ /dbang po gzugs kyi bdag po dang / /an+ta s+tha yi bzhi pa dang / /gnyis pa yi ni gsum
463b1 pa dang / /me yis 'og tu brgyan pa'o/ /bzhi pa yi ni dang po dang / /dbyangs yig bcu gcig dang ldan pa/ /gnyis pa yi ni gsum pa dang / /dbyangs yig bcu gsum pas brgyan pa//
463b2 dang po yi ni gsum pa dang / /me yis 'og tu brgyan ldan pa/ /uSh+ma yi ni bzhi pa dang / /ri yig 'og tu brgyan pa ni/ /dbyangs yig bzhi pa dang ldan pa/ /sems can thams cad dbang du
463b3 byed| |yang ni de nyid bri bar bya/ /de bzhin lnga pa'i gnyis pa dang / /gsum pa yi ni dang po dang / /nye ba'i snying po mchog gi sngags/ /dang por rnam par snang mdzad dang / /de nas uSh+ma'i gsum
463b4 pa dang / /dbyangs yig lnga pa dang ldan pa/ /lha rnams kyi sems gti mug byed/ /de nas me yi sa bon dang / /de nas bzhi pa'i dang po dang / /uSh+ma yi ni gsum pa dang / /de nas nyi shu rtsa lnga
463b5 pa| |de nas rlung gi sa bon bri/ /dbyangs yig bcu gcig pa dang ldan/ /gzhan gyi phyag rgya rab tu 'joms/ /uSh+ma yi ni dang po dang / /an+tas+tha yi bzhi par ldan/ /de nas nyi ma'i sa bon
463b6 dang / /dbyangs yig gsum pas brgyan pa'o/ /uSh+ma yi ni bzhi pa dang / /dbyangs yig drug pa dang ldan pa/ /zla tshes thig les brgyan pa'o/ /yang na de nyid bris pa ni/ /gzhan gyi
463b7 sngags ni 'joms pa'o/ /lnga pa yi ni gnyis pa dang / /de nas gsum pa'i dang po dang / /uSh+ma yi ni gsum pa dang / /an+tas+tha yi bzhi par ldan/ /dbyangs yig gnyis par ldan pa ni/ /
464a1 sdug bsngal thams cad med byed pa/ /ya yi sde tshan brgyad pa dang / /dbyangs yig gnyis pa dang ldan pa/ /dngos grub thams cad 'grub pa ste/ /khyod kyi
464a2 snying po'i sngags rgyal lo/ /dang po lha yi bdag po dang / /de nas dang po'i dang po dang / /'og tu sa yig dang ldan pa/ /dbyangs yig gi ni bzhi pas brgyan/ /zla tshes thig le yis ni
464a3 brgyan| |thams cad kun gyi byed pa po/ /an+tas+tha yi bzhi pa dang / /sa yig 'og tu ldan pa dang / /dbyangs yig gi ni bzhi pa ldan/ /zla tshes thig le yis ni brgyan/ /gnyis pa yi
464a4 ni gsum pa dang / /sa yi yi ge 'og tu ldan/ /dbyangs yig bzhi pa dang ldan pa/ /zla tshes thig les brgyan pa'o/ /lnga pa yi ni gnyis pa dang / /gsum pa yi ni dang po dang / /swAhA
464a5 tha mar ldan pa ni/ /khyod kyi nye ba'i snying po'o/ /de nas sngags kyi gsang chen po/ /su la yang ni mi sbyin te/ /lha mo de bzhin man ngag 'di/ /su la yang ni mi sbyin no/ /bye ba 'bum
464a6 gyi nang nas gcig /de ni man ngag gi ni snod/ /sngags sa ma yang na man ngag 'di/ /brtags par byas te de nas sbyin/ /bskal pa bye ba brgya yis kyang / /de ltar min na 'grub
464a7 pa med| |bla ma'i kha las man ngag 'di/ /legs dgyes dbang po rnyed par 'gyur/ /bstan bcos lung las yang dag ni/ /nam yang rnyed par mi 'gyur ro/ /man ngag don du dang bla ma
464b1 mchog /yang dang yang du zhu mi bya/ /bla ma mnyes na yang dag nyid/ /man ngag de la sbyin par byed/ /ji ltar bu mo lang tsho bab/ /la zhu bar mi byed na/ /pha rang nyid kyis shes nas ni/ /da
464b2 ni bu mo sbyin dus snyam/ /trAM hrI khaM gi sngags rgyal gyis/ /bdud rtsi lnga ni spyad par bya/ /sa chu me rlung rnams kyis ni/ /sa bon gyis ni bza' bar bya/ /dpal phyag rgya chen po'i thig le las
464b3 'khor lo drug gi sa bon dang / sngags btu ba dang / /bdud rtsi lnga bza' ba dang / /spyad pa zhes bya ba'i le'u ste nyi shu gcig pa'o// //'byung po rnams ni bsrung don du/
464b4 nyon cig gtor ma bdag gis bshad/ /dur khrod yang na chu ngogs sam/ /yul gyi mtha' 'am yang na ni/ /shing gcig dang ni khang stong du/ /gtor ma 'bad de sbyin par bya/ /
464b5 tshangs pa ma dang / /drag mo dang / dbang phyug chen mo dang / khyab 'jug ma dang / phag mo dang / mi'i seng+ge mo dang / /brgya byin mo dang / me mo dang / chu lha mo dang / rlung lha mo dang /
464b6 gzhon nu mo dang / gnod sbyin mo dang / mkha' lding mo dang / sprul mo dang / glung chen mo dang / gshin rje mo dang / nor sbyin mo dang / nyi ma mo dang / gtum mo dang / de lta bu'i rnal
464b7 'byor ma 'khor dang bcas pa thams cad rnal 'byor pas 'dir phyag rgya 'dis dgug par bya'o/ /rdo rje khu tshur gnyis byas te/ /rgyab dang rgyab tu bsnol bar bya/ /mthe'u chung lu gu
465a1 rgyud du sbrel/ /mdzub mo drang por bsgrengs byas te/ /g.yas dang g.yon gyi phyag gnyis ni/ /cung zad tsam ni dgug par bya/ /rnal 'byor ma thams
465a2 cad dang / /mkha' 'gro ma thams cad dang / /'byung po dang / yi dwags dang / sha za dang / /drag po chen po dang / /brjed byed rnams tshur shog /tshur shog /nya dang / sha dang / khrag chen
465a3 po dang / bza' ba sna tshogs dang ldan pa/ me tog dang / spos dang / mar me dang / dri dang / bdud rtsi lnga dang / chang dang / rgyal mtshan dang / ba dan la sogs pa dang / gdugs dang /
465a4 rdul yab kyis brgyan pa'i gtor ma 'di snoms shig /dam tshig 'di srungs shig /bdag gi don thams cad kyi grogs kyis shig /rgyud 'di la gang zhig dad pa yod pa de
465a5 rnams bsrung ba'i don du gsol cig /'thung zhig /rol cig /hUM hUM phaDa phaDa swAhA/ b+ha ga'i phyag rgya mgo steng bca'/ /phyag rgya 'di yis gtor ma sbyin/ /rkang pa mnan cing
465a6 steng du blta/ /ha ha'i sgra ni sgrog byed cing / /rus pa'i rgyan dang ldan pa yi/ /he ru kar ni bdag nyid bsam/ /brgya byin 'dra ba'i lha ma yin/ /mdun du byung bar gyur na yang / /de
465a7 la 'jigs par mi bya ste/ /gzhan rnams smos kyang ci zhig dgos/ /dpal phyag rgya chen po'i thig le las/ /gtor ma'i las zhes bya ba'i le'u ste nyi shu rtsa gnyis pa'o/ /
465b1 tshogs kyi 'khor lo'i cho ga ni/ /nyon cig lha mo spyan bzang mo/ /gsang ba mchog gi dgyes pa yi/ /de ru 'khor lo rab tu bskor/ /thams cad dam tshig gcig pa dang / /thams
465b2 cad rtog pa med pa dang / /ser sna nga rgyal spangs pa dang / 'dod chags zhe sdang bral ba dang / /bla ma la gus bsam gtan ldan/ /phrag dog med cing rtse gcig pa/ /de ltar dgyes pa
465b3 tshogs 'khor lo/ /mkhas pas 'bad de gzhug par bya/ /de ltar min na skyon yod de/ /'khor lo yang ni 'grub mi 'gyur/ /thabs dang mnyam pa shes rab ma/ /nyi shu rtsa lnga yan
465b4 chad spang / /thabs re shes rab re rer ldan/ /kun la gcig ni mi mdzes so/ /dang po yid 'phrog dgyes pa yi/ /me tog dkyil 'khor bri bar bya/ /de ru sna tshogs mchod pa ni/ /
465b5 rtse gcig gis ni legs par bya/ /bla ma dngos po thams cad kyis/ /dad pa yis ni mchod par bya/ /tshogs pa la yang 'bad de mchod/ /mnyam nyid blta ba sems kyis so/ /ji ltar bla
465b6 mas phyag rgya 'dzin/ /tshogs kyis kyang ni de ltar ro/ /rtse gsum yang na ral gris bsad/ /nam phyed na ni blang bar bya/ /sna tshogs mchod pa'i mchod sbyin gyis/ /mchod nas bla ma'i
465b7 gdan bya'o/ /dbus su bdag nyid he ru kar/ /phyag rgya chen po dang ldan pa/ /de ni bla ma zhes su bstan/ /legs dgyes dbang mo bdag nyid do/ /tshogs kyi 'khor lo'i dbus su ni/
466a1 mchil ma la sogs dor mi bya/ /gtam yang smra bar mi bya ste/ /rkang pa la sogs brkyang mi bya/ /phyag rgya'i brda dang gsang ba'i skad/ /de la 'bad pas
466a2 bya ba'o| |bka' lung med na gar dang glu/ /nam yang tshogs kyis mi bya'o/ /dum bu gcig pa'i mtshan ldan snod/ /bla ma'i mdun du gzhag par bya/ /yang na dum bu gsum pa
466a3 ni| |lha yi chang gis bkang bar bya/ /sna tshogs mchod pa'i mchod sbyin gyis/ /snod de la ni mchod par bya/ /tshogs kyi 'khor lo snod gzhan ni/ /me tog rgyan gyis brgyan
466a4 pa'o| |gza' ba sna tshogs dang ldan pa'i/ /dang po gtor ma chen po bzhin/ /ji ltar dga' ba med mi 'gyur/ /rje mang je mang btung bar bya/ /yang dang yang du phyag bya zhing /
466a5 phyag rgya bcings la btung bar bya/ /de nas bza' ba thams cad kun/ /dag par byas nas bza' bar bya/ /lte bar ri bong 'dzin dkar dang / /rta mgrin mchog dang ldan pa
466a6 dang / /hUM gis rdo rjes dkar legs sbyangs/ /A li sa rab tu rtogs byas shing / /oM gyi 'od kyi 'bar 'gyur bar/ /byin gyis brlabs nas mngon par bza'/ /rang lce
466a7 pad 'dab dbus ma ru/ /hUM byung rdo rje dkar po dgod/ /phyi nang bdag nyid thams cad kun/ /'khor lo de yis rab tshim bya/ /'khor lo bzhi yi dbye ba yis/ /'khor lo
466b1 ma lus kun sbyang bya/ /dpa' bo'i lce la dpa' bo ni/ /dpa' bo'i dpa' bo dbus su'o/ /dpa' bo'i kha la dpa' bo ni/ /mchod pa'i dus su mchod par bya/ /lte ba gnyis kyi dbus
466b2 su ni| |dpa' bo kun gyi mchog gi gnas/ /dpa' bo rnams kyi mchog gi don/ /dpa' bo de kun mi shes na/ /de yis tshogs kyi 'khor lo ni/ /rnam yang thob par mi 'gyur ro/ /gang
466b3 ci de lta'i rnam pa yis/ /phyi dang nang gi bya ba'o/ /de ltar byas na dngos grub 'thob/ /mkha' 'gro ma yang lhan cig 'dus/ /gal te gzhan ma'i rnal 'byor ma/ /brtag pa'i don du
466b4 'ong 'gyur na/ /de la re zhig the tshom ni/ /mkhas pas nam yang mi bya'o/ /gtam ni smra bar mi bya ste/ /phyag rgyas snyun ni gsol bar bya/ /gang zhig de ru bla ma yis/ /gsung ba dang ni
466b5 mdzad pa'ang de/ /yang na las kyi rdo rjes ni/ /thams cad don kun byed pa'ang rung / /ji ltar rdo rje sems dpa' rol/ /las kyi rdo rje sa de ltar ro/ /sna tshogs gzugs kyis rnal 'byor
466b6 ma| |yang dang yang ni 'ong 'gyur na/ /de ru re zhig 'jigs mi bya/ /dpa' bo yi ni gzugs su spyod/ /bsdam pa la lar byed pa ni/ /de la chad pa rab rtogs bya/ /yang dag dga' ba
466b7 byung gyur na/ /thar pa'i rgyu phyir gar bya'o/ /'on kyang rdo rje rkang pa'i gar/ /ji ltar rnal 'byor ma mnyes pa'o/ /ma'am sring mo chung ma dang / /sgyug mo dang ni mna' ma la/ /shes rab
467a1 thabs kyis cho ga yis/ /'bad de la mchod par bya/ /de rnams mchod pas dngos grub ni/ /gang zhig sems la bsam pa yod/ /lhag pa'i gtor ma
467a2 bzung nas ni/ /dgon pa chen por gtang bar bya/ /gal te de ru rnal 'byor ma/ /blta ba de ni ston byed na/ /de rnams mtshan nyid 'di lta bu/ /mkhas pas 'bad pas shes par
467a3 bya| |gang zhig bzhin gyi dkyil 'khor ni/ /kun tu zlum por snang 'gyur zhing / /kha ni smra rtag par yod/ /spu dang mtshan ma ring ba dang / /gos bzang gtsang zhing zhi ba dang / /mi
467a4 g.yo bden par smra ba dang / /rtag tu dam pa'i chos la dga'/ /dpa' bo'i sring mo de ni dran/ pad+ma'i phyag rgya sbyin par bya/ /de bzhin rus spal phyag rgya'o/ /phags pa bum pa spyi
467a5 blugs nyid/ /phyag rgya'i lan du shes par bya'o/ /de ni tshes bcu'i res dag la/ /khyim du pad+ma 'bri bar 'gyur/ /l+la ma yi ni bud med kyi/ mtshan nyid gyur ba 'di nyid ni/ /ma mchu
467a6 'phyang zhing mig dkyus ring / /mig ni dmar zhing ser skya gnas/ /phyug cing skal bzang yon tan can/ /ser zhing tsam pa lta bur snang /shin tu ring dang thung ba'ang min/ /sna tshogs
467a7 pa yi gos la dga'/ /dbral bar ri mo gsum yod cing / /mtshan ngan gyen du bltas pa las/ /rgod cing dga' ba nyid dag dang / /lam ni rnam phar mnan cing gnas/ /g.yul du
467b1 shi ba rnams kyi ni/ /gtam dag la ni rtag tu dga'/ /de ltar rab dregs mthong na ni/ /rtse gsum phyag rgya bstan par bya/ /rkang pa g.yon pa bskum pa yis/ /gar nyid kyang ni bstan par
467b2 bya| |g.yon pa dag ni yongs bzlog pa/ /phyag rgya'i lan ni yin par bshad/ /tshes bcu dang ni bco brgyad ni/ /de yi dus tshig yin par bstan/ /khyim du mdud rtse gsum pa yang / /
467b3 bris nas de ni rtag tu mchod/ /'jig rten dbang phyug bla ma yi/ /mtshan nyid gyur ba 'di dag yin/ /gang gi mkhur tshogs dag tu ni/ /khung bur snang bar gnas gyur cing / /de bzhin
467b4 dmar ser lag pa dmar/ /mig ni ljang ser dag tu snang / /skra ni de bzhin 'khyil pa dang / /mgo la dar ni bcings ba dang / /dpral ba la ni gsal bar ni/ /gzhu yi dngos po rab tu
467b5 gnas| |de bzhin mgrin ring sna ring ba/ /rtag tu gos dmar la dga' zhing / /dgod cing glu ni len pa dang / /lan 'ga' zhig ni khro ba dang / /sems ni rnam par dag g.yo ba dang / /rtsod pa
467b6 la ni dga' ba ste/ /'di 'dra'i rab dregs mthong nas ni/ /sha ga ti'i phyag rgya bstan par bya/ /gnyis pa nyid ni 'bad pa yis/ /dril bu'i phyag rgya bstan par bya/ /g.yon gyi phyogs su
467b7 ldog pa ni/ /phyag rgya'i lan ni yin par bstan/ /thung zhing byin pa sdom pa dang / /rtag tu gos ser la dga' zhing / /phrag pa dag nas gos kyang 'phyang / /de 'dra'i bud med mthong nas ni//
468a1 'khor lo'i phyag rgya bstan bya zhing / /'bad pa yis ni gnyis pa yang / /dung gi phyag rgya bstan par bya/ /g.yon nas yongs su ldog pa ni/ /phyag rgya'i lan ni
468a2 yin par bshad/ /bcu bzhi de yi dus yin te/ /de yi khyim du rdo rje 'bri/ /he ru ka dpal bla ma yi/ /mtshan nyid gyur pa 'di dag yin/ /lus kun la ni ba sbu yod/ /mig ni
468a3 nag cing ser ba dang / /sbom zhing rnam 'gyur mi bzad pa/ /bzhin 'pho chen zhing kha che la/ /mchu ni 'phyang zhing kha dog nas /mi ga zlum sna ni nyag pa dang / /rtag tu glu dang gar
468a4 la mkhas/ /sprin gyi gzugs can gsum pa che/ /'di 'dra'i rab dregs mthong nas ni/ /glu yi phyag rgya bstan par bya/ /gnyis pa yang ni 'bad pa yis/ /mdung gi phyag rgya
468a5 bstan par bya/ /g.yon nas yongs su ldog na ni/ /phyag rgya'i lan ni yin par bshad/ /tshes grangs bcu gcig de yi dus/ /khyim du mche ba 'bri byed pa/ /rdo rje phag mo lA ma yi/ /
468a6 mtshan nyid gyur pa 'di dag yin/ /mtshan mo'i dus su lam du ni/ /de ltar 'bad de shes par bya/ /de kun 'jigs par yongs mi bya/ /phyag rgya rnams kyis mnyes par bya/ /ji ltar
468a7 bsam pa bzhin du ni/ /mnyes nas dngos grub ster ba'o/ /dpal phyag rgya chen po'i thig le las/ /tshogs kyi 'khor lo'i cho ga dang / /mkha' 'gro ma'i yan lag gi mtshan nyid
468b1 ces bya ba'i le'u ste nyi shu rtsa gsum pa'o// //de nas gzhan yang bshad bya ba/ /de ru las ni rab yin te/ /gang zhig bsten pa tsam gyis ni/ /myur du dngos grub la 'jug
468b2 pa| |yan lag dri zhim shin tu 'jam/ /rdul ni dri zhim gyur pa dang / /do tsha che zhing bden par smra/ /yun ring mig ni mi 'dzum pa/ /khro ba med cing snying rje che/ /skad cig 'jam par smra
468b3 ba dang / /skye ba bdun nam yang na gsum/ /'bad pa yis ni btsal bar bya/ /bsod nams dang ldan sems pa yi/ /des ni lag tu rnyed par 'gyur/ /de yang zos par byas nas ni/ /de yi
468b4 snying gar ro tsa na/ /rtse gcig pa yi sems kyis ni/ /he ru ka yi sngags lan bdun/ /bzlas nas 'bad pas thig le bya/ /'phral du steng du lding 'gyur zhing / /dpag tshad bye bar
468b5 'gro ba'o/ /de ni zos pa tsam gyis ni/ /khams gsum ye shes can du 'gyur/ /dpag tshad bye ba lnga bcur ni/ /nyin mtshan kun tu 'gro ba'o/ /lha yi lus kyang thob 'gyur te/ /
468b6 bskal ba stong du gnas par 'gyur/ /brgya byin gyis ni stobs 'dra'o/ /bud med bltas pa tsam gyis ni/ /ji ltar me yis mar bzhu ltar/ /dpal phyag rgya chen po'i thig le las
468b7 las kyi cho ga zhes bya ba'i le'u ste nyi shu rtsa bzhi pa'o// //bcom ldan 'das ye shes rgyal dbang po/ /bdag la the tshom skyes pa mchis/ /sngags pa sngags rnams 'grub
469a1 don du/ /bzlas brjod de ni ji ltar lags/ /bcom ldan 'das kyis bka' stsal pa/ /rnal 'byor rnams kyis bzlas dang sgom/ /nyon cig lha mo 'gro ba
469a2 ma/ /srog dang rtsol pa mnyam byas nas/ /srog dang rtsol ba bza' bar bya/ /srog dang rtsol bar 'gog byas te/ /srog dang rtsol ba la blta'o/ /pad+ma'i kha sbyar sbyor ba las/ /
469a3 shes rab thabs kyi spyad par bya/ /lte ba gnyis kyi nam mkha' las/ /khab rtse dbye ba med pa yi/ /yi ge shel gyi 'od ldan pa/ /A li'i phreng ba dren par bya/ /yi ge re re yid kyis ni/ /
469a4 rtag tu rgyun mi 'chad par bzlas/ /'khor lo rnams kyi lte ba'i nang / /bzlog pa byas nas drang bar bya/ /ha ha'i sgra ni 'jam pa yis/ /mgrin pa yar rkang mgul med pas/ /nang gi
469a5 reg bya 'jam pa yis/ /snying ge kho na'i gnas su bya/ /shes rab gtum mo'i gzugs su grags/ /rnam pa dang bral ba de sbyin ma/ /reg bya med pa'i reg skyed ma/ /de lta'i shes rab dang ldan pa gcig /rdo rje
469a6 skyil krung sems kyis ni/ /sems ni g.yo ba med par bya/ /thig tshul char yang dang bral ba/ /thig tshul char yang bdag nyid dang / /thig le tshul dang char yang nang / /rnal 'byor gyis ni
469a7 der sems bya/ /char yang gi ni nang du sems/ /yang ni tshul gyi nang du sems/ /tshul ni thig ler 'gro bar bsgom/ /thig le yang ni stong par 'gro/ /stong par rang bzhin zhes su
469b1 bstan| |gsum dang bral ba ma skyes mchog /'di yi cho ga'i thabs kyis ni/ /gang zhig rtse gcig gis ni bzlas/ /des ni dngos grub chen po 'thob/ /zla ba gcig gi sngon mi za//
469b2 dpal phyag rgya chen po'i thig le las/ /rang bzhin gyi bzlas pa zhes bya ba'i le'u ste nyi shu rtsa lnga pa'o// //bcom ldan 'das dpa' bo dpa' dbang phyug /sngar ni khyod kyis dus
469b3 bka' stsal/ /thams cad mkhyen pa mchog dbang phyug /de yi don ni bshad du gsol/ /de yi dus kyi don 'di ni/ /spyan ring lha mo khyod nyon cig /dus ni char yang zhes su bshad/ /
469b4 de rnams kyi ni sbyor ba'i don/ /sbyor ba bzhi yang bzhi bzhir gyis/ /yan lag gcig gi spangs pa'o/ /rgyal ba rnams kyis rnyed dka' ba/ /de yi skye ba bdag gis bshad/ /rten gyis
469b5 srog gi dbyig pa la/ /de ru sbyor ba bstan pa'o/ /srog gi dbyig pa dbus su gnas/ /phra ba'i phra ba yang dag mchog /sum cu rtsa gnyis mdud dang ldan/ /de ni phyi rol nang du min/ /
469b6 mdud pa yi ni gnas su sbyor/ /de ni char yang rnams kyi don/ /char yang sbyor ba nang du min/ /nang du de ni rtog med ma/ /mdud pa'i nang du g.yas dang g.yon/ /ro ma dang ni rkyang ma gnas/ /
469b7 mdud pa gnyis dbus gcig gcig ste/ /sum cu gnyis kyis bcu drug drang / /bde chen 'khor lo mgrin pa gnas/ /lta ba'i steng ni yan chad do/ /sor bcu gnyis kyi skud pa ni/ /mdud
470a1 pa med pa gcig pu'o/ /de 'og mdud pa dang ldan pa/ /rlung gi 'khor lo yan chad do/ /spyi bo nas ni mgrin yan chad/ /de tsam sbyor ba bzhi yin no/ /mgrin
470a2 pa'i 'og nas snying ga'i gnas/ /de tsam gzhan ni bzhi yin no/ / /snying ga'i gnas nas lte ba'i bar/ /de tsam gzhan yang bzhi yin no/ /lte ba nas ni nor bu'i mgrin/ /de tsam
470a3 gzhan ni bzhi yin no/ /de ni sbyor ba bzhi ru bshad/ /char yang dga' ba dang ldan pa/ /'dod dang rdul dang 'dar dang stobs/ /'gro dang bdud rtsi yang yin te/ /dga' dang pad+mo
470a4 de bzhin te/ /de ni dang po'i sbyor ba bzhi/ /rgyas dang rdul dang mdud dang myos/ /'byung ba dang ni mtshan mo dang / /mchog gi dga' dang ro yin te/ /de ni gnyis pa'i sbyor ba'o/ /
470a5 'bar dang zhi dang thig le gnas/ /myos dang 'og ma de bzhin no/ /dga' bral dga' ba 'gugs pa ste/ /de ni gsum pa'i sbyor ba'o/ /u ta 'dab ma tshul rlung ma/ /gnyid
470a6 dang me ma de bzhin no/ /lhan cig skyes dga' ma skyes pa/ /de ni sbyor ba bzhi pa'o/ /rin chen ske ru phyin tsam na/ /de ni zla ba gang bar dran/ /dga' ba yod pa'i sbyor ba ni/ /de ni
470a7 shar bar shes par bya/ /bco lnga pa ni 'byung ba'i rgyu/ /bcu drug pa la rtog mi byed/ /skye dang 'jig pa med pa'i phyir/ /de la sbyor ba med pa'o/ /char yang rnam skyed sbyor ba ni/ /rtse
470b1 gcig gis ni khyod nyon cig /bcu drug de bzhin nyi ma dang / /gang du gnyis ka sbyor bar 'gyur/ /de lam skyes cha zhes bya/ /de rang ngo bo rang bzhin no/ /bcu drug de bzhin nyi ma dang / /
470b2 char yang 'byung ba rgyu yin no/ /de ni 'byung ba kun gyi pha/ /thabs dang shes rab mnyam par ldan/ /bcu drug pa ni shes rab yin/ /nyi ma thabs su bstan pa'o/ /bcu drug phan chad shes
470b3 par bya/ /nyi ma mchog tu dran pa'o/ /de nyid dbus bzhugs rang bzhin ni/ /dag gi lam gyis rnyed par dka'/ /de lta bu yi dus kyi don/ /yang dag par ni bdag gis bshad/ /'di
470b4 las gzhan mchog gsang ba ni/ /zhal bzang yang dag med pa'o/ /'bad pa yis ni sba bar bya/ /su la yang ni mi sbyin no/ /dpal phyag rgya chen po'i thig le las/ /dus kyi don gyi
470b5 rang bzhin gyi don zhes bya ba'i le'u ste nyi shu rtsa drug pa'o// //sngar sbas sngags kyi gsal ba de/ /nyon cig lha mo bdag gis bshad/ /dad ldan rnams kyis
470b6 shes don du/ /dad pa med la nam yang min/ /hA swA Ta pa hUM hUM a b+ha nyis ni pA la ka hA ma sa hAT+Ta T+TA rA ya dza bi dza ya rA shwa d+he ko hA ma oM/ /gsang chen bo yi sngags 'di ni/ thams cad
470b7 don kun grub byed pa/ /Ta pha hrIM hrI gri dzo te dzra ba oM/ /nye ba'i snying po'i sngags chen po/ /thams cad kun gyi dbang du byed/ /hA swA Ta pha hUM hUM ri shwo ye ma ta ra su oM/ /khyod kyi snying po'i
471a1 sngags dbang po/ /grangs med yon tan dang ldan no/ /sngags pa'i ye shes grub don du/ /gsang ba'i sngags ni gsal byas so/ /hA swA Ta pha dz+liM biM kiM oM/ /
471a2 khyod kyi nye ba'i snying po 'di/ /sangs rgyas kyis kyang rnyed dka' ba/ /bdag gis de yi sngags kyis ni/ /grangs med dbang du byas pa'o/ /dpal phyag rgya chen po'i thig le las/
471a3 sbas pa'i sngags gsal ba zhes bya ba'i le'u ste nyi shu rtsa bdun pa'o// //yang dam du 'khyud pa byas nas skad snyan pas bcom ldan 'das ma legs dgyes
471a4 dbang phyug mas 'di skad ces zhus so/ /bcom ldan ye shes mkha' 'gro nyi/ /mi shes mun pa 'jig byed pa/ /gsang ba kun ni gsungs pa las/ /phyag rgya chen po de ma gsungs//
471a5 phyag rgya chen po ji ltar lags/ /rgyal ba'i dbang phyug yang dag gsungs/ /bcom ldan 'das kyis bka' stsal pa/ /rab tu bde ba'i rnam pa mchog /nyon cig lha mo phyag rgya
471a6 che| |phyag rgya chen po gsang ba che/ /brjod med mi zad ma skyes pa/ /thams cad gzugs can gzugs dang bral/ /gzugs med gzugs kyi bdag nyid mchog /sbom phra la
471a7 sogs dang bral ba/ /gzhal du med pa'i rang bzhin no/ /yang dag dri med rnam pa'i 'od/ /gang du yang ni gnas med pa/ /shar ba ma yin nub pa min/ /rtag tu shar ba char
471b1 yang mchog /dus dang gnas skabs grol ba ste/ /skye dang 'jig par byed pa'o/ /rnal 'byor ma rnams rnyed mi dka'/ /rnal 'byor cung zad rnyed dka' ba/ /thabs mchog gis ni rnyed
471b2 'gyur te/ /thabs mchog med na nam yang min/ /dpa' bo chen po bcom ldan 'das/ /de la thabs ni bka' stsol cing / /bcom ldan 'das kyis bka' stsal pa/ /rtsa yi kun spyod
471b3 sbyor ba yis/ /slob dpon kha las rnyed par 'gyur/ /rlung 'khor char yang gnas na ni/ /rlung ma gnyid ma yod pa'o/ /g.yas pa dang ni g.yon gyi cha/ /char yang la ni shin tu bskor//
471b4 de gnyis khong du chud pa yis/ /de las mchog gi bde ba 'byung / /bde ba'i nad nas phyag rgya che/ /the tshom med par rnyed par 'gyur/ /char yang dbus na rtsa yi gnas/ /phra mo'i phra
471b5 mo yang dag mchog /rtsa yi gnas na rtsa yi gnas/ /de tsam la ni nges khyab bo/ /phyag rgya chen po'i rang bzhin ni/ /lha mo chen mo de ni khyod/ /nga yi 'od ni yang dag khyod/ /phyi dang nang
471b6 ma yod pa'o/ /gang zhig phyag rgya mi shes pa/ /sangs rgyas yin yang rnal 'byor min/ /phyag rgya chen po'i thig le 'di/ /gang zhig dri med shes pa min/ /rnal 'byor rnal 'byor
471b7 ma yi rgyud/ /'bum gcig rnal 'byor des shes kyang / /de lta mod kyi 'bras rab des/ /nam yang 'byung bar mi 'gyur ro/ /thams cad chos kun rab shes na/ /de ni nges par
472a1 sangs rgyas yin/ /phyag rgya chen po rab shes na/ /de ni dpal rdor sems dpar 'gyur/ /de yi rang bzhin ye shes ni/ /phyag rgya chen po'i mtshan nyid do//
472a2 de skad ces thos nas bcom ldan 'das ma bye ba 'bum phrag bdun cu rtsa gnyis kyi mkha' 'gro ma dang bcas pas bskor ba lan gsum byas nas phyag 'tshal te khrag dron
472a3 mos mchod do/ /bcom ldan 'das la mkha' 'gro ma thams cad kyis phyag rgya chen po thig le'i rgyud thos nas dga' mgu yid rangs te cang mi smra bar bzhugs so/ /yang dam
472a4 du 'khyud pa byas nas 'di skad ces gsol to/ /bcom ldan rnal 'byor ma yi bdag /cung zad bdag la the tshom skyes/ /gang zhig dkyil 'khor cho ga ni/ /rtsa ba yi ni rgyud du
472a5 bshad| |bdag dang gzhan gyi gnas de ni/ /sngar ni bdag gis ma shes so/ /bcom ldan 'das kyis bka' stsal pa/ bdag gi gnas dang gzhan de bzhin/ /nyon cig yang
472a6 dag bdag gis bshad/ /gzhan gyi gnas ni b+ha gar brjod/ /bdag gi gnas ni snying po'o/ /sgo yi phyi rol gzhan gyi gnas/ /bdag gi gnas ni dkyil 'khor ro/ /yang na
472a7 gzhan gnas sbyor ba yin/ /nye ba'i sbyor ba bdag gnas so/ /sbyor ba mtho ris zhes su bstan/ /de bzhin du yang mi yul sbyor/ /nye ba'i sbyor bas 'og ste/ /mtho ri sa chos
472b1 kyi snying pad+ma/ /nye ba'i sbyor ba ri rab rtse/ /mi yul lte ba'i lte ba 'o/ /sa 'og sprul pa'i snying po ste/ /ri rab rtse mo gsang sna 'o/ /de ltar gzhan ni gsang chen po/ /yang dag gzhan
472b2 du ngas ma bshad/ /'bad de de ni bsrung bya ste/ /su la yang ni mi sbyin no/ /rnal 'byor ma rgyud dbang phyug rgyal/ /rnal 'byor ma la bshad par bya/ /yang na sems dpa' chen po 'di
472b3 legs par brtags nas gsal bar bya/ /dpal he ru ka chen po'i dang po'i dang po grub pa/ de bzhin gshegs pa thams cad kyi gsang ba las kyang ches gsang ba'i rgyud phyi ma/
472b4 dpal phyag rgya chen po'i thig le rnal 'byor ma chen po'i rgyud kyi rgyal po'i mnga' bdag /thams cad mkhyen pas kyang rnyed par dka' ba/ rmad du byung ba'i rmad du byung ba zhes bya ba'i
472b5 le'u ste nyi shu rtsa brgyad pa'o// //dpal phyag rgya chen po'i thig le rnal 'byor ma chen po'i rgyud kyi rgyal po'i mnga' bdag ces bya ba rdzogs so// //rgya gar
472b6 gyi slob dpon rnal 'byor gyi dbang phyug chen po dpal shes rab gsang ba'i zhal sngar kaM chos kyi ye shes dang / phyug mtshams dgra bcom gyis dad cing gus pas zhus te bsgyur cing
gtan la phab pa/
CLOSE WINDOW