CLOSE WINDOW

H378
བོད་ཡིག

yon bdag bod kyi mkhan po gzhon nu grags pas zhus te bshad nas gtan la phab pa/ rgya gar skad du/ he badzra tan+t+ra rA dza nA ma/ bod skad du/ kye'i rdo rje zhes bya ba rgyud kyi rgyal po/ /kye'i rdo rje la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga la bzhugs so/ /de bzhin gshegs pa thams cad kyi sku dang gsung dang thugs kyi snying po rje btsun gsang ba las shin tu ches gsang ba'ang de nas bcom ldan 'das kyi bka' stsal pa/ e ma'o byang chub sems dpa' sems dpa' chen po rdo rje snying po snying rje chen po lags so legs so/ /rdo rje sems dpa' dang / sems dpa' chen po dang / dam tshig sems dpa' chen po snying po kye'i rdo rje zhes bya ba nyon cig /rdo rje snying pos gsol pa/ gang phyir rdo rje sems dpa' lags/ /ji ltar sems dpa' chen po lags/ /gang gis dam tshig sems dpa' lags/ /bcom ldan 'das kyis bdag la gsungs/ /bcom ldan 'das kyis bka' stsal pa/ rdo rje mi phyed ces byar brjod/ /sems dpa' srid pa gsum gcig pa/ /'dis ni shes rab rigs pa yis/ /rdo rje sems dpa' zhes byar brjod/ /ye shes chen po'i ros gang ba/ /sems dpa' chen por brjod par bya| |rtag tu dam tshig la spyod phyir/ /dam tshig sems dpar brjod par bya/ /rdo rje snying pos gsol pa/ ming bsdus pa ni ji lta bu/ /gang gis kye yi rdo rje lags/ /he yi rnam pas ci zhig bshad/ /badzra yis kyang de bzhin ci/ /bcom ldan 'das kyis bka' stsal pa/ /he ni snying rje chen po nyid/ /badzra'ang shes rab brjod par bya/ /thabs dang shes rab bdag nyid rgyud/ /de ni nga yis bshad kyi nyon/ /lta stangs dgug dang brda chen dang / /don byed rnam mang brjod pa dang / /rangs par byed dang skrod pa nyid/ /sde rengs byed dang mngon spyod dang / /ji ltar rigs par rnal 'byor ma'i/ /bskyed dang gnas dang phyed rgyu dang / /don byed ye shes rnam shes dang / /lha rnams ji ltar 'byung ba 'o/ /he ru ka ni skyed pa'i rgyu/ /dang por gcig ni bsgom par bya/ /rdo rje snying po snying rje che/ /dngos po nyid kyis rnam grol zhing / /dngos po'i 'ching bas 'ching bar 'gyur/ /de yongs shes pas grol ba yin/ /dngos po med par yongs shes pas/ /dngos po sgom 'gyur shes rab can/ /dngos po med pa yongs shes pas/ /de ltar he ru ka bsgom bya/ /lus la ye shes chen po gnas/ /rtog pa thams cad yang dag sbangs/ /dngos po kun la khyab pa po/ /lus gnas lus las ma skyes pa 'o/ /rdo rje snying pos gsol pa/ kye bcom ldan 'das/ rdo rje'i lus la rtsa du lags/ /bcom ldan 'das kyis bka' stsal ba/ rtsa rnams ni/ sum cu rtsa gnyis te/ byang chub kyi sems sum cu rtsa gnyis 'bab pa bde ba chen po'i gnas su 'dzag pa'o/ /de rnams kyi nang nas rtsa rnam pa gsum ni/ gtso bo ste/ rkyang ma dang / ro ma dang / kun 'dar ma'o/ /rkyang ma shes rab rang bzhin gyis/ /thabs kyis ro ma yang dag gnas/ /kun 'dar ma ni dbus gnas su/ /gzung dang 'dzin pa rnam par spangs/ /rkyang ma mi bskyod 'bab pa ste/ /ro ma de bzhin khrag 'bab cing / /shes rab zla ba 'bab bshad pa/ /de ni kun 'dar ma rab grags/ /mi phyed ma dang / phra gzugs ma dang / rtse ba ma dang / g.yon pa ma dang / thung du ma dang / rus sbal skyes ma dang / sgom pa ma dang / dbang ma dang / skyon ma dang / 'jug ma dang / ma mo dang / mtshan mo dang / bsil sbyin ma dang / tsha ba ma dang / rkyang ma dang / kun 'dar ma dang / ro ma dang / gzhol ma dang / rengs ma dang / shin tu gzugs can ma dang / spyi ma dang / rgyu sbyin ma dang / sbyor bral ma dang / sdug gu ma dang / grub ma dang / 'tshed ma dang / de bzhin du yid bzang ma dang / sum skor ma dang / 'dod ma dang / khyim ma dang / gtum mo dang / bdud dral ma'o/ /rdo rje snying pos gsol pa/ bcom ldan 'das/ rtsa sum cu rtsa gnyis po 'di rnams ji lta bu lags/ bcom ldan 'das kyis bka' stsal pa/ srid gsum yongs gyur thams cad ni/ /gzung dang 'dzin pa rnam par spangs/ /yang na thabs ni thams cad kyis/ /dngos po'i mtshan nyid du ni brtag /sdom pa'i dbye ba'ang bshad par bya ste/ /A li kA li ni/ zla ba dang / nyi ma dang / shes rab dang / thabs so/ /chos dang / longs spyod rdzogs pa dang / sprul pa ni/ sku dang / gsung dang / thugs so/ /e waM ma ya ni/ e yi rnam pa lha mo spyan/ /wa gyi rnam pa bdag mar brjod/ /ma ni lha mo gos dkar mo/ /ya yi rnam pas sgrol mar brjod/ /sprul pa'i 'khor lo la pad+ma 'dab ma drug cu rtsa bzhi dang / chos kyi 'khor lo la 'dab ma brgyad dang / longs spyod rdzogs pa'i 'khor lo la 'dab ma bcu drug dang / bde ba chen po'i 'khor lo la 'dab ma sum cu rtsa gnyis so/ /'khor lo'i grangs kyi rim pas rnam par bzhag pa/ skad cig ma bzhi ni/ rnam pa sna tshogs dang / rnam par smin pa dang / rnam par nyed pa dang / mtshan nyid dang bral ba'o/ /'phags pa'i bden pa bzhi ni/ sdug bsngal ba dang / kun 'byung ba dang / 'gog pa dang / lam mo/ /de kho na nyid bzhi ni/ bdag gi de kho na dang / sngags kyi de kho na dang / lha'i de kho na dang / ye shes kyi de kho na nyid do/ /dga' ba bzhi ni/ dga' ba dang / mchog tu dga' ba dang / dga' bral gyi dga' ba dang / lhan cig skyes pa'i dga' ba'o/ /sde pa bzhi ni/ gnas brtan pa dang / thams cad yod par smra ba dang / kun gyi bkur ba dang / dge 'dun phal chen no/ /zla ba dang / nyi ma dang / A li dang / kA li dang / 'pho ba bcu drug dang / dbyug gu drug cu rtsa bzhi dang / chu tshod sum cu rtsa gnyis dang / thun tshong bzhi ste/ de ltar thams cad bzhi'o/ /lte bar gtum mo 'bar ba yis/ /de bzhin gshegs pa lnga bsregs shing // spyan la sogs pa yang bsregs te/ /bsregs pas ri bong can haM 'dzag /rdo rje rigs kyi le'u ste dang po'o// //sngags kyi le'u bshad par bya'o/ /oM a kA ro mu khaM sar+b+ba d+har+m+ma NAM/ Ad+ya nut+pan+ma twa ta oM AH hUM phaT swAhA/ 'byung po thams cad kyi gtor ma'i sngags so/ /bruM aM dzriM khaM hUM/ de bzhin gshegs pa rnams kyi sa bon no/ /oM de ba pi tsu badzra hUM hUM hUM phaT swAhA/ kye rdo rje'i snying po'o/ /sngags thams cad kyi rkang pa dang por oM gyi rnam pa dang / mthar ni swAhA dang / hUM phaT kyi rnam pa ni/ nang du gzhug go /oM a ka tsa Ta ta pa ya sha swAhA| grong khyer dkrugs pa'i sngags so/ /a A/ i I/ u U/ r-i r-I/ l-i l-I/ e ai/ o o/ aM aH/ rnal 'byor ma rnams kyi sa bon no/ /oM trai lokyA k+She pa hUM hUM hUM phaT swAhA/ phyag gnyis pa'i 'o/ /oM dz+wa la dz+wa la b+h+yo hUM hUM hUM phaT swAhA/ phyag bzhi pa'i 'o/ /oM ki Ti ki Ti badzra hUM hUM hUM phaT swAhA/ phyag drug pa'i 'o/ /oM AHhUM/ sku dang gsung dang thugs byin gyis brlab pa'i sngags so/ /oM rak+Sha rak+Sha hUM hUM hUM phaT swAhA/ sa sbyong pa'i sngags so/ /oM hUM swAhA/ rangs par byed pa'i 'o/ /oM aM swAhA/ dbang du byed pa'o/ /oM khaM swAhA/ sgrod par byed pa'i 'o/ /oM dzraM swAhA/ sdang bar byed pa'i 'o/ /oM buM swAhA/ mngon spyod kyi'o/ /oM hUM swAhA/ 'gugs par byed pa'i 'o/ /oM hUM swAhA/ gsod par byed pa'o/ /oM ku ru ku l+le hrIHswAhA/ ku ru kul+le'i sngags so/ /a phuH'i rnam pas mtha' yas kyi gzugs brnyan byas la bdud rtsi lngas ni/ blug /me tog nag pos ni/ mchod/ klu 'dul bar byed pa'i khu bas ni/ byug /glang po che'i chang gis ni| byug /kham phor kha sbyar du ni/ gzhag /ba nag po'i 'o mas ni/ dgang / gzhon nu ma nag mos bkal ba'i skud pas ni/ dkri/ rlung gi phyogs su rdzing bu byas te mtha' yas der gzhag go/ de'i 'gram du dkyil 'khor bzhengs bar bya ste/ dur khrod kyi sol bas ni/ rdul tshon nag po/ skyes pa'i rus pa'i phye mas ni/ rdul tshon dkar po/ ldong rus kyis ni/ rdul tshon ser po/ dur khrod kyi so phag gis ni/ rdul tshon dmar po/ rkun ma'i lo ma dang / skyes pa'i rus pa'i phye ma dag gis ni/ rdul tshon ljang gu ste/ rdul tshon 'di rnams kyis dkyil 'khor bzhengs so/ /dur khrod kyi srad pus thig gdab cing dkyil 'khor khru gsum pa bya ste/ de'i dbus su mtha' yas mnan pa'i kye'i rdo rje zhal brgyad pa/ zhabs bzhi pa/ phyag bcu drug gis brgyan pa/ spyan nyi shu rtsa bzhis che ba/ 'jigs pa'ang 'jigs par mdzad pa bri'o/ /de nas slob dpon gyis nang gi ma rungs pa'i sems kyis dben pa'i gnas su sngags bzla ste/ oM g+hu ru g+hu ru g+ha Du g+ha Du ma sa ma sa g+ha Ta g+ho Ta g+ho Ta ya g+ho Ta ya/ a nan+ta k+Sho b+ha ka ra ye nA gA d+hi pa ta ye he he ru ru kaM sap+ta pA tA la ga tAn nA gA kaR+Sha ya paR+Sha ya/ gar+dz+dza ya tar+dz+dza ya/ phuHphuHphuHphuHphuHphuHphuHphuHhUM hUM hUM phaT swAhA/ gal te char mi 'bab na de'i tshe sngags 'di ldog la bzla ste/ char 'bab bo/ /gal te mi 'bab na/ de'i tshe mgo ardza ka'i dog pa ltar 'gas so/ /char dbab pa zhes bya ba'i cho ga'o/ /sbrin dral ba bshad de/ dur khrod kyi ras la nye bar 'dug nas sngags bzlas shing dral te/ oM AR+ya sh+ma shA na pri yA ya hUM hUM hUM phaT swAhA/ sprin dral ba'i cho ga'o/ /pha rol gyi sde rnam par gzhig par bya ba'i phyir kha Ti ka'i sgrub pa bshad de/ kha Ti ka dang / bdud rtsi lnga dang / ku ThA ra ts+tshin+na dang lhan cig btags la ril bu bya ste/ sngags ni/ oM badzra karta ri he badzra ya hUM hUM hUM phaT/ dngos grub kyi don du bye ba bzlas shing sngon du bsnyen pa 'bum byas te/ de bsgrubs la ril ba spyi blugs kyi mgrin par bskor zhing bskor nas bcad na dgra thams cad kyi mgo med par 'gyur ro/ /rdo rje gri gug gi cho ga'o/ /lha rnams dgas par 'dod pas thig le bsgrub ste/ tshangs pa'i sa bon rgyal la bsgrubs nas ku ThA ra ts+tshin+na dang bsres la nyi ma gzas zin pa na mi bskyod pa dang btags shing btags nas dgra sta byas te/ de rkang pas mnan nas sngags bzla ste/ oM badzra ku khrA ra pA Ta ya pA Ta ya hUM hUM hUM phaT swAhA/ bye ba bzlas la thig le byas te gang la phyag byas pa de 'gas so/ /lha dgas pa'i cho ga'o/ /tsha bas gdung bar 'dod pas ar+k+ka'i lo ma la dug dang skye tshe dang tsi tra ka'i khu bas dgra bo'i ming bri zhing 'bras phub kyi me la gdungs te sngags khri bzla'o/ /oM ha badzra dz+wA ra dz+wA ra sha truM b+h+ruM hUM hUM hUM phaT swAhA/ cho ba'i cho ga'o/ /khri bzlas pas 'grub bo/ /chang skyug par bya bar 'dod pas bsgrub bya'i lte bar yaM gyi rnam pa bsgom zhing maM gyi rnam par gyur pa las chang lto bar rnam par bsgoms te skyug par byed par bltas na chang skyug go /rab tu myos ma dbang du bya bar 'dod bas mya ngan med pa'i brgyad la mya ngan med pa'i 'og tu song ste gos dmar po bgos nas myos byed kyi 'bras bu bza' zhing / ka kA ma tsi ka'i khu bas thig le byas nas sngags bzla ste| oM a mu kaM me hrIH ba sI b+ha ba tu swAhA/ khris 'ong bar 'gyur ro/ /zla ba dang nyi ma dbang du bya bar 'dod pas sA lu btags pa'i 'gyur ba la zla ba dang nyi ma byas nas rdo rje'i chu la gzhug cing sngags bzla ste/ oM badzra ar+k+ka mA tse la mA tsa la tiSh+Tha tiSh+Tha he badzra ya hUM hUM hUM phaT swAhA/ bye ba phrag bdun bzlas te nyi ma dang zla ba dag yang dag par gnas shing nyin mtshan bye brag med bar 'gyur ro/ /zla ba dang nyi ma rnam par 'dzin pa zhes bya ba'i cho ga'o/ /oM na grAn grA zhes bya ba'i sngags 'dis dus ma yin pa'i dus su don bsgrub pa'i phyir gzhon nu ma'i mig dag la brgya rtsa brgyad mngon par bsngags nas me tog la sogs pa'i mchod pa lngas yang dag par mchod cing snyan gsan dbab bo/ bcu bzhi pa'am brgyad pa'i snga ba'i dus su bum pa la sogs pa bzhag cing 'bru mar dang a lak+ta'i khu ba la sngags 'di nyid kyis lan brgya rtsa brgyad mngon par bsngags so/ /de nas mngon par bsngags pa'i a lak+ta'i khu bas bsngags pa'i mthe bong rgan pos bskus nas 'bru mar gyis kyang blugs la gzhon nu ma la bstan te/ nga'i rdzas sus khyer smos/ de la nges smras pa/ che ge mo zhes bya bas khyer ro/ /rdo rje skar ma'o/ /be Tu yA be Tu yA zhes brjod na glang po che 'bros par 'gyur ro/ /mar+m+mA mar+m+mA zhes brjod na stag 'bros par 'gyur ro/ til+li yA til+li yA zhes brjod na bse 'bros par 'gyur ro/ /i li mi li phuHphuH zhes brjod na sbrul 'bros par 'gyur ro/ /nor skyong 'dul ba'i phyag gis lag pa rab tu bstan na khyi 'bros par 'gyur ro// rdo rje ma dang / dkar mo dang / chu ma dang / rdo rje mkha' 'gro ma dang / bdag med ma dang / sa spyod ma dang / mkha' spyod ma'i rnal 'byor las rengs par byed pa la sogs pa brtul zhugs can gyis byed do/ /sngags kyi le'u ste gnyis pa'o// //de nas lha'i le'u bshad par bya'o/ /dang por byams pa bsgom par bya/ /gnyis par snying rje rnam bsgom zhing / /gsum par dga' pa bsgom pa dang / /kun gyi mthar ni btang snyoms so/ /yang ni stong pa'i byang chub ste/ /gnyis pa la ni sa bon bsdu/ /gsum pa la ni gzugs brnyen rdzogs/ /bzhi pa la ni yig 'bru dgod/ /re phas nyi ma sngon du rnam pa bsgoms nas/ /nyi der hUM byung sna tshogs rdo rje ste/ /rdo rje de nyid kyis ni rab dang / /gur bcing ba yang rnam par sgom pa nyid/ /dang po ra ro ni rnam bsgoms pa/ /chos kyi dbyings kyi bdag nyid brjod/ /de steng rnal 'byor pa gnas nas/ /he ru ka nyid rnam par bsgom/ /rang gi snying gar re pha bsgom| |de las byung ba'i nyi dkyil 'khor/ /der ni hUM gi rnam pa nyid/ /thabs dang shes rab rang bzhin can/ /hUM las byung ba'i rdo rje ni/ kha dog nag po 'jigs chen po/ /rdo rje lte ba'i dbus gnas par/ /yang ni hUM gi de nyid bsgom/ /hUM gi rnam par gyur bltas nas/ /zhes dang bdag nyid rnam par bsgom/ /rdo rje skye ba nag po che/ /'dam skyes sngon po 'dra ba'i mdog /yang na sngo dang nyi ma'i ma dog/ /dad pas nges par rnam par bsgom/ /nam mkhar rje btsun bltas nas ni/ /rdo rje skye ba snying rje che/ /rgya na rnams thams cad 'dzin pa yi/ / lha mo brgyad po rnams kyis mchod/ /dkar mo ri dwags mtshan ma 'dzin/ /chim rkun bdud las rgyal ba'i snod/ /ro langs ma ni chu lag ma/ /g+ha sma ri ni sman 'dzin cing / /puk+ka si ni rdo rje'i lag /de bzhin ri khrod ma ro 'dzin/ /gdol pa mo ni cang te'u rdung / /'di rnams kyis ni gtso bo mchod/ /'dod chags chen po'i rjes chags pas// g.yung mos sku la 'khyud pa nyid/ /A li zla ba kA li nyi/ /sa bon nang du son gyur pa/ /de nyid sems dpa' zhes byar brjod/ /mchog tu dga' ba'i rang bzhin can/ /nam mkha'i dkyil 'khor khyab pa yi/ /rang gi lus mtshungs rnam par spro/ /bsdus nas snying gar dgug pa na/ /yo gi zhe sdang bdag nyid 'gyur/ /sngo dang nyi ma mtshungs pa'i mdog/ ban+d+hu dmar po'i spyan dang ldan/ /skra ser gyen du 'khyil ba dang / /phyag rgya lngas ni rnam par brgyan/ /'khor lo rna cha nor bu dang / /lag gdub dang ni ska rags nyid/ /sangs rgyas lnga ni rnam dag pa| |'di rnams phyag rgyar rab tu grags/ /sdang mig brgyad gnyis lo yi tshul/ /g.yon na rdo rje thod pa dang / /g.yon pa nas kyang kha T+wAM ga/ g.yas na rdo rje nag po nyid/ /hUM gi yi ge 'don pa'i bdag /rnal 'byor ma brgyad yongs bskor nas/ /dur khrod du ni mgon po rol/ /dbugs rgyu zhes bya'i rigs pa 'dis/ /dur khrod ces ni mngon par brjod/ /phyag bzhi ni/ bdud bzhi las rnam par rgyal ba rnam par dag ba ste/ gong du brjod pa'i gzugs dang / sku mdog dang / hUM las byung ba'o/ /phyag g.yon gyi dang po na skyes pa'i thod pa lha dang lha ma yin gyi khrag gis bkang ba/ de bzhin du g.yas kyi phyag na rdo rje/ phyag lhag ma dag gis shes rab la 'khyud pa/ shes rab rdo rje phag mo ni/ bcom ldan 'das kyi gzugs can no/ /phyag drug pa/ zhal gsum pa/ g.yon dmar ba/ g.yas zla ba dang nyi ma lta bu dang po sngon po/ /gcer bu gong du brjod pa'i sku mdog dang gzugs can/ phyag rnams ni| pha rol tu phyin pa rnam par dag pa'o/ /phyag g.yon gyi dang po na rtse gsum pa/ phyag g.yas kyi dang po na rdo rje/ phyag g.yon gyi gnyis pa na dril bu/ phyag g.yas kyi gnyis pa na gri gug /phyag lhag ma dag gis rdo rje lu gu rgyud ma la snyoms par 'jug pa/ bcom ldan 'das ji lta ba de ltar shes rab ste/ g.yas pa dang g.yon pa na gri gug dang thod pa/ khams gsum gyi bdag nyid can gyi ro mnan pa'o/ /lha'i le'u ste gsum pa'o// //de nas lha dbang bskur ba'i le'u bshad par bya'o/ /rang gi snying gar sa bon bsam mo/ /sa bon las ni/ 'od zer nag po lcags kyu'i rnam pa'i gzugs kyis phyung nas des khams gsum du bzhugs pa'i sangs rgyas thams cad spyan drangs la ma mo brgyad kyis yang dag par mchod nas gsol ba gdab par bya'o/ /oM a b+hi ShIny+tsan+tu mAM sarba ta thA ga ta zhes sangs rgyas de rnams he ru ka'i rnam pa'i gzugs kyis de bzhin gshegs pa lnga'i bdag nyid kyi bdud rtsi lngas gang ba'i bum pa lngas dbang bskur bar bya'o/ /dbang bskur ba na me tog gi char 'bab par 'gyur ro| |rnga'i sgra 'byung bar 'gyur ro/ /gur gum gyi char 'bab par 'gyur ro/ /gzugs kyi rdo rje ma la sogs pa rnams kyis mchod par bya'o/ /rdo rje'i glu spyan la sogs pa rnams kyis blang bar bya'o/ /dbang bskur nas spyi bor rang gi rigs kyi bdag por 'gyur ro/ /'dis ni/ he ru ka rdzogs pa nyid do/ /thun gsum du byin gyis brlab pa'i sgom pa rnam par bsgoms nas langs te lha'i gzugs su gzhag go /dbang gi le'u ste bzhi pa'o// //de nas de kho na nyid kyi le'u bshad par bya'o/ /ngo bos gzugs med mthong ba po/ /sgra med thos pa po yang med/ /dri med snom pa po yang med/ /ro med myong ba po yang med/ /reg med reg pa po yang med/ /sems med sems las byung ba'ang med| |skyed byed ma dang sring mo nyid/ /rnal 'byor rig pas rtag tu mchod/ /gar ma tshos ma rdo rje ma/ /gdol ma de bzhin bram ze mo/ /thabs dang shes rab cho ga yis/ /de nyid rig pas rtag tu mchod/ /ji ltar bye bar mi 'gyur bar/ /rab tu 'bad pas bsten pa nyid/ /ma gsang sbrul dang chom rkun dang / /sa spyod me yis sdug bsngal byed/ /rigs lnga'i phyag rgya zhes bya ba/ /thar pa'i rgyur ni brjod par bya/ /rdo rje 'dis ni gdab pa nyid/ /des na phyag rgyar brjod par bya/ /rdo rje pad+ma de bzhin las/ /de bzhin gshegs dang rin chen nyid/ /snying rje chen po dam pa yi/ /rigs ni rnam pa lnga ru brjod/ /rdo rje'i phyag rgya g.yung mo nyid/ /de bzhin pad+ma'i gar ma nyid/ /las ni tshogs mar rab tu bshad/ /de bzhin gshegs pa'i bram ze mo/ /rin chen gdol mar shes par bya/ /phyag rgya lngar ni rnam par nges/ /'di rnams de bzhin gshegs pa'i rigs/ /mdor bsdus pas ni brjod par bya| |dpal ldan de bzhin nyid gshegs shing / /de bzhin slar yang gshegs pa nyid/ /'dis ni shes rab rigs pa yis/ /de bzhin gshegs zhes brjod par bya/ /rigs ni rnam pa drug brjod cing / /mdor bsdus pas ni rnam pa lnga/ /sku gsung thugs kyi dbye ba yis/ /phyi nas rnam pa gsum du 'gyur/ /rigs dang 'byung ba lnga rnams dang / /phung po lnga yi rang bzhin gyis/ /rigs dang bgrang bya 'di yis ni/ /rigs zhes mngon par brjod par bya/ /bsgom pa po med sgom pa'ang med/ /lha med sngags kyang yod ma yin/ /spros pa med pa'i rang bzhin las/ /sngags dang lha ni yang dag gnas/ /rnam snang mi bskyod don yod dang / /rin chen dpag med sems dpa' po/ /tshangs pa khyab 'jug zhi ba dang / /thams cad sangs rgyas de nyid brjod/ /tshangs pa sgrib bral sangs rgyas nyid/ /'jug phyir khyab 'jug brjod par bya/ /rtag tu dge bas zhi ba nyid/ /thams cad kun gyi bdag nyid gnas/ /dam pa'i bde bas de nyid de/ /bde ba rtogs phyir rnam sangs rgyas/ /gang phyir lus las byung ba nyid/ /lha zhes mngon par brjod par bya/ /sangs rgyas 'di la b+ha ga mnga'/ /bcom ldan 'das zhes brjod par bya/ /b+ha ga rnam pa drug tu brjod/ /dbang phyug la sogs yon tan kun/ /yang na nyon mongs la sogs bdud/ /bcom phyir bcom ldan 'das zhes bya/ /gang phyir skye 'gro skyed pa yi/ /shes rab ma zhes brjod par bya/ /gang phyi skal pa ston pa yi/ /shes rab sring mo zhes bya nyid/ /btso blag ma dang bu mo dang // gar mkhan ma zhes brjod par bya/ /sems can thams cad 'tshed pa'i phyir/ /btso blag ma zhes de bzhin brjod/ /yon tan 'jo phyir shes rab ni/ /bu mo zhes ni brjod par bya/ / snying rje chen po g.yo ba'i phyir/ /shes rab gar mar brjod par bya/ /gang phyir bcom ldan mi reg pa/ /de phyir g.yung mor brjod par bya/ /A li kA li rab brtags pas/ / brjod pa bzlas par yang dag bshad/ /rkang pa'i rjes ni dkyil 'khor nyid/ /nyed phyir dkyil 'khor brjod par bya/ /lag pa bsgyur ba phyag rgya yin/ /sor mo nyed pa'ang de bzhin no/ /gang phyir rnam sems bsam gtan ni/ /gang bsam de ni bsam gtan no/ /ji ltar pha las bde thob pa/ /de yi bde ba rang gis bza'/ /bde ba gang gis 'chi ba 'di| |de yi bde ba bsam gtan brjod/ /de kho na nyid kyi le'u ste lnga pa'o// //de nas gzhan yang rab bshad bya/ /spyod pa pha rol phyin mchog nyid/ /gang gis dngos grub mthar 'gro ba/ /kye yi rdo rje dngos grub rgyus/ /sgom pa po yis rnam 'dzin pa/ /rna ba dag la rna cha bzang / /spyi bor 'khor lo rnam par 'dzin/ /lag pa dag la lag gdub nyid/ rked pa la yang ska rags nyid/ /rkang par de bzhin rkang gdub bo/ /lag pa'i rtsa bar dpung rgyan nyid/ /mgrin par rus pa'i phreng ba ste/ /bgo ba stag gi pags pa nyid/ /bza' ba mi 'chi bcu phyed de/ /he ru ka sbyor skyes bu ste/ /kha dog lnga la rnam par gnas/ /rigs lnga dag dang mnyam ldan pa/ /rigs ni gcig tu rnam par brtag /kha dog du ma nyid kyis ni/ / gang phyir dbye ba mtshon mi bya/ /shing gcig dang ni dur khrod dang / /ma mo'i khyim dang mtshan mo dang / /yang na dben pa'am bas mtha' ru/ /sgom pa bzang por brjod par bya/ /cung zad drod ni thob pa na/ /gal te spyod pa byed 'dod pas/ /gal te 'grub 'gyur 'dod yod na/ /'dis ni spyod pa spyad pa nyid/ /shin tu bzhin bzang mig yangs ma/ /rang gis dbang bskur snying rje can/ /rdo rje'i bu mo 'di khyer nas/ /spyod par bya bar rtogs par bya/ /rdo rje rigs kyi dngos med na/ /rang 'dod lha yi rigs kyis bya/ /yang na gzhan gyi rigs byung ba/ /byang chub sa bon gdab pa dang / /sbyang ba yis ni gzung bar bya/ /gal te dga' bas glu blang ste/ /de tshe rdo rje mchog ldan no/ /gal te dga' ba skyes pa na| |thar pa'i rgyur ni gar bya ste/ /de tshe rdo rje rkang pas gar/ /yo gis mnyam par bzhag pas byed/ /'khor lo'i gzugs kyis mi bskyod pa/ /rna cha'i bdag nyid 'od dpag med// mgul gyi phreng ba rin chen bdag /lag gdub rnam par snang mdzad brjod/ /ska rags la ni don yod gnas/ /kha T+wAM ga gzugs shes rab ste/ /thabs kyi gzugs kyis cang te'u nyid/ /zhe sdang rnam dag rnal 'byor pa/ /glu ni rnam dag sngags su gnas/ /gar ni sgom pa byas pa nyid/ /de yi phyir na glu dang gar/ /yo gis rtag tu rtag tu bya/ /sman ni rnam par bza' ba ste/ /chu ni rtag par btung ba nyid/ /rga shis zil gyis mi gnon cing / /rtag tu srung bar 'gyur ba yin/ /rkun ma'i skra las cod phan byas/ /de la hUM byung sbyar bar bya/ /sangs rgyas lnga yi yod pa rnams/ /rnal 'byor spyod pas rnam par 'dzin/ /thod pa sor lnga pa yi tshad/ /byas pas cod pan 'dzin par byed/ /thabs dang shes rab rang bzhin las/ /sgra yi sga rags nyid bskor nyid/ /thal ba skra yi mchod phyir thogs/ /rnal 'byor pa yi spyod pas 'dzin/ /cang te'u sgra ni bzlas pa ste/ /kha T+wAM ga sgom shes rab nyid| |rdo rje thod pa'i spyod pa yis/ /'di dag bzlas bzlas dang sgom pa yin/ /brkam dang rmongs dang 'jigs dang khro/ /ngo tsha'i 'bras bu rnam par spang / /bdag nyid kyi ni gnyid spangs nas| |the tshom med par spyod par bya/ /lus kyis sbyin pa byin nas ni/ /phyi nas spyod pa yang dag spyad/ /skal dang skal min rnam spyad pas/ /de phyir sbyin pa sbyin mi bya/ /bza' bca' bzhin btung ba nyid/ /ji ltar rnyed pa rab tu bza'/ /yid 'ong mi 'ong rnam rtog phyir/ /zhen pa tsam du mi bya'o/ /bza' dang bza' min spyod pa dang / /de bzhin btung dang btung min nyid| |bgrod dang bgrod min sngags pa yis/ /rnam rtog nyid du mi bya 'o/ /dngos grub rnyed pa'i slob ma gang / /yang dag ye shes snang ba po/ /mnar med spang ba'i rgyu yi phyir/ /grub pa bla ma mngon phyag btsal/ /bslab dang dbang las rnam par grol/ /de bzhin ngo tsha'i 'bras bu nyid/ /dngos po kun gyi rang bzhin gyi/ /yo gis rnam dpyad snying rje che/ /sbyin sreg mchog sbyin dka' thub 'das/ /sngags dang bsam gtan rnam par spangs/ /dam tshig sdom las rnam par grol/ /rnal 'byor ldan par spyod pa byed/ /nges par sngon du lha min gang / /brgya byin lta bu yin na yang / /de la 'jigs par mi bya ste/ /seng+ge'i gzugs kyis rnam par rgyu/ /sems can kun gyi don gyi phyir/ /rtag tu snying rjes btung bar bya/ /rnal 'byor btung dga' rnal 'byor pa/ /gzhan gyi btung bas bzi ba med/ /spyod pa'i le'u ste drug pa'o// //de nas ts+tsho ma'i le'u bshad par bya'o/ /gang gis spun dang sring mor yang / /the tshom med par shes par bya/ /gang zhig sor mo gcig ston dang / /gnyis kyis legs par 'ongs pa yin/ /g.yon pa'i mthe bong bcangs pa las/ /snyun gyi phyag rgyar rnam par shes/ /gang zhig srin lag ston pa la/ /de yi mthe'u chung rnam par sbyin/ /gang zhig gung mo ston pa la/ /de yi mdzub mo rnam par sbyin/ /gang zhig srin lag ston pa la/ /de yi mgrin pa rab tu bstan/ /gang zhig gos ni ston pa la/ /de yi rtse gsum rab tu bstan/ /gang zhig nu ma ston pa la/ /de yi mtshams ni rab tu bstan/ /gang zhig so ni ston pa la/ /de yi kha ni rab tu bstan/ /gang zhig khro gnyer ston pa la/ /gtsug phud dgrol bar brjod par bya/ /gang zhig dpral ba ston pa la/ /de yi rgyab ni rab tu bstan/ /gang zhig rkang mthil ston pa la/ /lto yis rnam par rtse bar bya/ /phyag rgya phyag rgya'i lan gyis ni/ /dam tshig gis ni rnam par dbye/ /de la rnal 'byor mas smras pas/ /e ma bu ni snying rje che/ /gal te phreng ba'i lag ston na/ /'du bar bya zhes smra ba yin/ /phreng ba mngon par gtad byas na/ /dam tshig la gnas brtul zhugs bzang / /de la phyi rol zhes 'du ba/ /bzang po'i spyod yul la gnas pa/ /de la 'du bar rnal 'byor mas/ /gang smras de ltar thams cad bya/ /kye bcom ldan 'das/ 'du ba'i gnas du lags/ bcom ldan 'das kyis bka' stsal pa/ gnas dang nye ba'i gnas dang ni/ /zhing dang nye ba'i zhing nyid dang / /ts+tshan+do nye ba'i ts+tshan+do dang / /de bzhin 'du ba nye 'du ba/ /'thung gcod nye ba'i 'thung gcod nyid/ /dur khrod nye ba'i dur khrod nyid/ /'di rnams sa ni bcu gnyis te/ /sa bcu'i dbang phyug mgon po nyid/ /'dis ni gzhan gyis brjod mi bya/ /kye bcom ldan 'das/ gnas la sogs pa gang lags/ / bcom ldan 'das kyis bka' stsal pa/ gnas ni dzA lan+d+ha rar bshad/ /de bzhin du ni u Di nyid/ /gnas ni ko lA gi rI nyid/ /de bzhin du ni kAM rU nyid/ /nye gnas mA la wa zhes brjod| |sin+d+hu nA ga ra nyid do/ /zhing ni mu m+mu nir bshad de/ /zhing ni byed pa'i brang nyid do/ /de wi ko Ti de bzhin zhing / /zhing ni lcags pa'i brang nyid do/ /nye zhing ku la ta zhes brjod/ /de bzhin arbu ta nyid dang / /ba yi mchog sbyin kha ba'i ri/ /nye ba'i zhing ni mdor bsdus pa'o/ /ts+tshan+do ha ri ke la dang / /lan tshwa rgya mtsho'i nang skyes dang / /laM pa kA dang kAny+tsi nyid/ /de bzhin so so raSh+Ta nyid/ /nye ba'i ts+tshan+do ka ling+ka/ /gser dang ldan pa'i gling dang ni/ /kong+ka Na yang nye ts+tshan+dor/ /mdor bsdus pa ni brjod par bya/ /'thung gcod grong khyer gyi dang yang / /'thung gcod grong gi mthar gnas pa/ /tsa ri tra ta ko sa la/ /bin+d+ha gzhon nu'i grong khyer ro/ /rdo rje snying po snying rje che/ /nye ba'i 'thung gcod de nye ba'o/ /dur khrod rab gson dge 'dun dang / /dur khrod rgya mtsho'i 'gram nyid do/ /skyed tshal ra ba rdzing bu'i 'gram/ /nye ba'i dur khrod brjod par bya/ /sems can kun gyi don gyi phyir// rnal 'byor ma rgyud kyai rdo rje/ /rnal 'byor ma yi legs 'du ba/ /nyin bar nyid kyang rab bshad bya/ /kye bcom ldan 'das/ nyi ma gang lags/ bcom ldan 'das kyis bka' stsal pa/ yi dwags zla phyed bcu bzhi dang / /de bzhin du yang brgyad pa nyid/ /rgyal mtshan dang ni mtshon bsnun nyid/ /lan bdun pa'ang bza' bar bya/ /'bang pas snying rje bskyed pa yis/ /gsad par bya bar brjod pa nying / /snying rje med na mi 'grub pas/ /de phyir snying rje bskyed pa nyid/ /thams cad bdug par gzhug pa ste/ /cho ga'i gtso bos dgag par bya| |de la 'di ltar blta ba nyid/ /nyin mo bcom ldan rdo rje can/ /mtshan mo shes rab brtag par bya/ /mi bya cung zad yod ma yin/ /rtag tu mi bza' yod ma yin/ /'di la mi bsam yod ma yin/ /bzang ngan mi smra gang yang med/ /ji ltar bdag nyid de ltar gzhan/ /de bzhin bdag nyid nga mchog nyid/ /'di ltar sems pa'i rnal 'byor bdag /bza' dang btung ba la sogs spyad/ /yan lag ji snyed bsgyur ba dang / /tshig rnams rab tu rgyas pa nyid/ /he ru ka dpal gnas bzhugs pas/ /de snyed sngags dang phyag rgya yin/ /shrI ni gnyis med ye shes te/ /he ni rgyu sogs stong pa nyid/ /ru ni tshogs dang bral ba nyid/ /ka ni gang du 'ang mi gnas pa'o/ /rdo rje thod pa'i sbyor ba yis/ /skye bo gang dang gang rnams kyi/ /sha ni mkhas pas bza' bar bya/ /sems can de de dbang du 'gyur/ /brda dang gnas gtan la phab pa'i le'u ste bdun pa'o// //de nas rnal 'byor ma'i 'khor lo bshad bar bya'o/ /nam mkha'i khams su b+ha ga bsam/ /dbus su rnam par bsgom pa ni/ /'khor lo sngon du ci rigs par/ /lha rnams ji ltar 'byung ba nyid/ /'khor lo sa dang chu ni sngo| |ji ltar rigs par byin za dang / /lha rnams kyis ni rlung chen dang / /ji ltar sgom pa po 'byung ba'ang / /chos 'byung las skyes 'khor lo nyid/ /'phar ma gnyis dag skyon med pa| |ze 'bru las ni gcig 'gyur te/ /gru gsum gyis ni phyi mar brjod/ /de dbus shi ba bco lnga yi/ /gdan gyi bdag nyid rnam par bsam/ /de yi steng du zla ba yin/ /zla ba'i steng du sa bon nyid/ /phyi nas bdud las rgyal bas mnan/ /gnyis 'dus pa las bde chen po/ /A li zla ba'i gzugs kyis gnas/ /kA li'i gzugs kyis snang byed do/ /zla ba nyi ma 'dus pa las/ /dkar mo la sogs rab tu grags/ /zla ba me long ye shes ldan/ /bdun gyi bdun pa mnyam nyid ldan/ /rang lha'i sa bon phyag mtshan ni/ / so sor rtog par brjod par bya/ /thams cad gcig gyur nan tan nyid/ /rdzogs pa chos dbyings dag pa ste/ /mkhas pas cho ga gsungs pa yis/ /rnam pa lnga po sgom pa nyid/ / A li kA li mnyam sbyor bas/ /rdo rje sems dpa' nyid kyi gdan/ /yi ge las byung gong bu la/ /hUM phaT rnam pa'ang 'dod mi bya/ /sems dpa'i gzugs brnyan las byung ba'i// dkyil 'khor bdag po rnam par bsgom/ /phyag mtshan zhal sogs gong ma bzhin/ /zla ba chu shel nor bu'i 'od/ /thabs dang shes rab rang bzhin las/ /'di ltar thams cad rdzogs pa nyid| |zla ba nyi ma'i rab dbye bas/ /A li shes rab kA li thabs/ /'di las dkar mo la sogs pa/ /kha dog dbye bas so so yin/ /re zhig nang gi 'phar ma la/ /rnal 'byor ma lnga nges gnas pa/ /phung po lnga yi rang bzhin gyis/ /rnal 'byor rig pas rtag tu bsgom/ /dbang por rdo rje gshin rjer dkar/ /chu bdag chu yi rnal 'byor ma/ /lus ngan rdo rje mkha' 'gro ma/ /dbus su bdag med rnal 'byor ma/ /phyi rol gyi ni 'phar ma la/ /dkar mo chom rkun ro langs ma/ /g+hasma rI dang puk+ka sI/ /ri khrod ma dang gdol pa mo/ /brgyad pa Dom+b+hi ni ru brjod/ /'og ldan ma dang steng ldan nyid/ /mkha' spyod ma dang sa spyod brjod/ /srid dang zhi ba'i rang bzhin gyis/ /snying rje chen po 'di dag gnas/ /lha mo thams cad kha dog nag /drag chen phyag rgya lnga yis brgyan/ /zhal gcig spyan ni dmar ba dang / /lag par gri gug thod pas khyab/ /'khor lo rna cha mgul rgyan dang / /lag par lag gdub ska rags ni/ /sangs rgyas lnga ni rnam dag pas/ /'di lnga phyag rgya dag pa 'o/ /ji ltar bdag med rnal 'byor ma/ /de ltar thams cad rnam par bshad/ /lag pa gcig ni thod pas brel| |g.yas pa na ni gri gug 'dzin/ /g.yon pas kha T+wAM ga nyid do/ /stag gi pags pas rnam dkris shing / /ro la zhon zhing gzi brjid 'bar/ /phyag gnyis gyen du dbu skyes ser| |nga rgyal la sogs skyon drug rnams/ /gcod phyir gri gug rnam par gnas/ /dngos dang dngos med rnam rtog gi /mgo bo pad+ma'i snod du ni/ /bdud rnams rnam pa bzhi yi khrag /dngos grub phyir ni btung par bya/ /stong pa'i rnam pas kha T+wAM ga /thabs kyis ro ni rnam par brtag /'dis ni 'khor lo rnams bsgoms na/ /dngos grub myur du thong par 'gyur/ /dang por nag po rab tu bsgom/ /gnyis par dmar po rnam par bsgom/ /gsum pa la ni ser po bsgom/ /bzhi par ljang gu de bzhin no/ /lnga par kha dog sngon po dang / /drug par dkar po'i lus can te/ /yan lag drug sgom rnal 'byor pas/ /dga' bral mthar yang de bzhin no/ /bskyed pa'i rim pa nyid dang ni/ /rdzogs pa yi yang rim pa nyid/ /rim gnyis mnyam par gnas nas ni/ /rdo rje can gyis chos 'chad do/ /bskyed pa yi ni cha bshad do/ /nam mkha'i khams ni pad+ma la/ /b+ha ga zhes bya ye shes brjod| |sgom pa zhes bya snyoms 'jug nyid/ /de yi bde ba 'khor lor brjod/ /sngon du byung ba zhu ba nyid/ /rim pa ji bzhin rang rig nyid/ /lha zhes bya ba byang chub sems/ /ji ltar 'byung ba khu ba yin/ /lhan cig skyes pa rnam pa gnyis/ /re zhig btsun mo shes rab yin/ /skyes bu thabs su brjod pa nyid/ /kun rdzob don dam dbye ba las/ /phyi nas de yi rnam pa gnyis/ /re zhig skyes bu rnam pa gnyis/ /de yi khu ba'ang bde ba nyid/ /skyes bu ji bzhin shes rab la'ang / /de yi khu ba bde ba nyid/ /de nyid phyir na dga' ba nyid| |bzhi yi rab tu dbye ba yis/ /skyes med rim pa'i phyogs las ni/ /'di ltar lhan cig skyes rnam bzhi/ /dga' ba dang po dpa' bo nyid/ /mchog tu dga' ba rnal 'byor ma// shin tu bde dga' thams cad nges/ /de bde'i thabs las thams cad rig /dga' ba bde ba cung zad de/ /mchog tu dga' ba de bas lhag /dga' bral dga' pas chags bral yin| |lhag ma lhan cig skyes dga' nyid/ /dang po leg par 'dod pa dang / /gnyis pa bde bar 'dod pa dang / /gsum pa 'dod chags 'jig pa nyid/ /des na bzhi pa bsgom par bya/ / mchog tu dga' ba srid par brjod/ /dga' bral las ni mya ngan 'das/ /dbu ma dga' ba tsam nyid de/ /'dis ni lhan cig skyes pa spangs/ /'dod chags med cing chags bral med/ / dbu mar dmigs par mi 'gyur ro/ /'di las thabs dang shes rab med/ /yang dag de nyid snang ba 'o/ /gzhan gyis brjod min lhan cig skyes/ /gang du yang ni mi rnyed de/ /bla ma'i dus thabs bsten pa yis/ /bdag gis bsod nams las shes bya/ /dman pa 'bring dang mchog rnams dang / /gzhan dang gang rnams de rnams kyang / /ro mnyam de nyid bsgoms pa yis| |'di kun mnyam pa nyid du blta/ /dman pa rnams ni phra ba'i don/ /mchog ni dngos por brjod par bya/ /dbu ma gnyis kyis spangs pa nyid/ /gzhan rnams zhes bya dbang po drug /gang rnams de rnams brtan dang g.yo/ /'di kun zhes bya ba nyid de/ /mnyam nyid mtshungs par 'dod pa nyid/ /ro mnyam de nyid bsgoms pa ni/ /mnyam zhes bya ba mtshungs par brjod| |de yi 'khor lo ro zhes brjod/ /sgom pa ro gcig mnyam pa nyid/ /'dis ni don gyis brjod par bya/ /nga las 'gro ba thams cad 'byung / /nga las gnas gsum po yang 'byung / /nga yis 'di kun khyab pa ste/ /'gro ba'i rang bzhin gzhan ma mthong / /de ltar rnal 'byor pas shes na/ /shin tu mnyam bzhag gang goms pa/ /bsod nams chung ba'i mi yis kyang / /de ni 'grub par the tshom med/ /bza' dang btung dang blugs pa dang / /nyal dang log dang sems pa na/ /phyag rgya chen po mngon 'dod pas/ /de nas mngon du 'gro bar 'gyur/ /gang phyir yid kyis mi sgom par/ /'gro ba thams cad bsgom par bya/ /thams cad chos ni yongs shes na/ /sgom pa nyid ni sgom pa min/ /brtan dang g.yo ba'i dngos po gang / /rtswa lcug 'khri shing la sogs pa/ /bdag gi dngos po'i rang bzhin las/ /dam pa'i de nyid nges bsgom bya/ /de rnams dam pa gcig yod min/ /rang rig bad ba chen po nyid/ /rang rig nas ni byang chub 'gyur/ /rang rig phyir na sgom pa nyid/ /rang gi rig pa'i 'gyur ba las/ /mnan pa las ni las skyes te/ /rang gis 'phrog cing rang gis byed/ / rang rig rgyal po rang gtso bo/ /'dod chags zhe sdang phrag dog dang / /de bzhin gti mug nga rgyal nyid/ /de kun gnas ni nyams dga' bar/ /bcu drug char yang mi phod do/ /chos 'byung las skyes ye shes ni/ /mkha' mnyam lhan cig thabs dang bcas/ /thabs dang shes rab rang bzhin las/ /'jig rten gsum po de las skyes/ /khu ba'i rnam pa bcom ldan yin de yi bde ba 'dod mar brjod/ /gcig dang du ma bral ba ste/ /skad cig gcig las mchog dga' ba/ /rang gi rig pa'i ye shes 'di/ /ngag gi lam 'das spyod yul te/ /'di ni byin rlabs rim pa'i phyir/ /kun mkhyen ye shes de lta bu/ /sa dang chu dang rlung dang ni/ /me dang nam mkha' nyid dag ni/ /rang gzhan rig pa'i tshor ba yis/ /kun gyis skad cig mi gnod de/ /mtho ris mi yul rkang 'og gi /skad cig las ni gzugs gcig 'gyur/ /rang gzhan cha yis rnam rtog gis/ /gnod pa nyid ni nus pa min/ /thams cad rig byed grub mtha' dang / /de bzhin las rgyas la sogs pas/ /srid pa dag pa'i dngos grub min/ /yang ni srid mthar skye bar 'gyur/ /'jig rten 'di dang pha rol du/ /de med pas kyang dngos grub med/ /gang gis mi shes kyai'i rdo rje| |de ni ngal ba don med 'gyur/ /chu bo'i rgyun ni rab 'bab dang / /mar me'i rtse mo rab bcings ltar/ /rtag tu de nyid rnal 'byor gyis/ /nyin dang mtshan du mnyam par gzhag /rnal 'byor ma'i 'khor lo zhes bya ba 'du ba'i le'u ste brgyad pa'o// //de nas mchog tu rnam par dag pa'i le'u bshad par bya'o/ /nges par dngos po thams cad kyi/ /dag pa de bzhin nyid du brjod/ /phyi nas re re'i dbye ba yis/ /lha rnams kyi ni brjod par bya/ /phung po lnga dang dbang po drug /skye mched drug dang 'byung chen lnga/ /rang bzhin gyis ni rnam par dag /nyon mongs shes bya'i sgrib byang bya/ /rang rig bdag nyid dag pa nyid/ /dag pa gzhan gyis rnam grol min/ /yul gyi dngos po dag pa'i phyir/ /rang gis rig pa'i bde chen mchog /gzugs la sogs pa'i yul rnams dang / /gzhan yang rnal 'byor pas mthong ba/ /dngos po de kun dag pa ste/ /'di ltar 'gro ba sangs rgyas 'gyur/ /kye bcom ldan 'das/ /rnam par ma dag pa gang lags/ bcom ldan 'das kyis bka' stsal pa/ gzugs la sogs pa'o/ /ci'i slad du zhe na/ gzung ba dang 'dzin pa'i dngos po'i phyir ro/ /rdo rje snying pos gsol pa/ kye bcom ldan 'das/ gzung ba dang 'dzin pa gang lags/ bcom ldan 'das kyis bka' stsal pa/ mig gis gzugs ni gzung bar bya/ /sgra ni rna bas mnyan par bya/ /dri ni sna yis tshor bar bya/ /lce yis ro ni myong bar bya/ /dngos po lus kyis reg par bya/ /yid kyis bde sogs thob pa ni/ /dag pas dug med byas nas ni/ /bsten bya 'di dag bsten pa nyid/ /gzugs phung rdo rje ma yin te/ /tshor ba la yang dkar mor brjod/ /'du shes chu yi rnal 'byor ma/ /'du byed rdo rje mkha' 'gro ma/ /rnam shes phung po'i tshul gyis ni/ /bdag med rnal 'byor ma gnas so/ /rtag tu 'di dag rnam dag pas/ /de nyid rnal 'byor pas 'grub 'gyur/ /nang gi 'phar ma'o/ /de nas phyi yi 'phar ma bshad/ /dbang ldan du ni puk+ka sI/ /mer ni de bzhin ri khrod ma/ /bden bral gdol pa mo gzhag cing / /rlung du g.yung mo rnam par gzhag /phyi ma lha mo dkar mo sogs/ /dbang dkar gshin rjer chom rkun ma/ /chu bdag phyogs su ro langs ma/ /lus ngan por ni g+hasma rI/ /'og tu sa spyod ma zhes brjod/ /steng du mkha' spyod ma zhes bshad/ /bskyed pa'i rim pa nyid kyi phyogs/ /srid dang zhi ba'i rang bzhin gyis/ /lha mo 'di gnyis rnam par gnas/ /gzugs la dkar mor rtag tu bshad/ /sgra la chom rkun ma rab grags/ /dri yi cha la ro langs ma/ /ro la g+hasma rI rab grags/ /reg la sa spyod ma zhes bshad/ /chos kyi dbyings la mkha' spyod ma/ /rtag tu 'di dag rnam dag pas/ /de nyid rnal 'byor pas 'grub 'gyur/ /phyag gi dag pa stong pa nyid/ /bdud dag pa las zhabs rnams nyid/ /rnam thar brgyad kyis zhal rnams nyid/ /rdo rje gsum gyis dag pa'i spyan/ / sa ni puk+ka sI zhes bshad/ /chu khams rngon pa ma zhes brjod/ /me ni gtum mor shes par bya/ /rlung ni g.yung mor rab tu grags/ /zhe sdang zhes bshad rdo rje ma/ /'dod chags chu yi rnal 'byor ma/ /phrag dog rdo rje mkha' 'gro ma/ /ser sna gsang ba'i dkar mo nyid/ /gti mug de bzhin rdo rjer bshad/ /zhe sdang la sogs rnam sbyong ba/ /bskyed pa'i rim pa'i phyogs la ni/ /'dis ni phung po sbyang bar bya/ /gang dang gang gis 'jig rten 'ching 'gyur ba/ /de dang des ni 'ching ba las grol te/ /de nyid mi shes 'jig rten mi grol zhing / /de nyid rnam spangs dngos grub rnyed mi 'gyur/ /de phyir dri med sgra med gzugs nyid med/ /ro dang sems kyi rnam par dag pa med/ /reg med chos med thams cad rnam par dag /rang bzhin dag pa'i 'gro la 'gro bar shes/ /rnam par dag pa'i le'u ste dgu pa'o// //de nas ji ltar dkyil 'khor gyi/ /rim pa yang dag rab tu bshad/ / gang gis slob ma dbang bskur ba'i/ /cho ga'ang rab tu bshad par bya/ /dang po lha yi bdag nyid kyi/ /rnal 'byor pas ni nor 'dzin sbyang / /'bad pas hUM las rdo rje can/ /byas te phyi nas dkyil 'khor bri/ /tshal dang skye bo med gnas dang / /byang chub sems dpa'i khyim dang ni/ /dkyil 'khor khang pa'i nang du yang / /dkyil 'khor dam pa rab tu bzhengs/ /rdul mtshon dam pa'i tshon dang ni/ /yang na 'bring po nyid kyis te/ /rin chen lnga yi phye ma 'am/ /yang na 'bras la sogs pas so/ /de nas dkyil 'khor khru gsum dang / /mthe bong gsum ni lhag par bya/ /der ni rigs lnga las byung ba'i/ /rigs ma bzang mo rnam par gzhug /yang na ji ltar gang rnyed de/ /de ltar bcu drug lon pa nyid/ /ji srid khu ba ldan gyur pa/ /de srid phyag rgya bsten par bya/ /phyag rgya'i gdong yang bcing ba dang / /thabs kyi gdong yang de bzhin no/ /bsten pa de las gang byung ba/ /slob ma'i khar ni btung bar bya/ /ro mnyam slob ma'i spyod yul nyid| |de nyid la yang bya bar bya/ /rang rig ye shes nyid du 'gyur/ /rang bzhin yang dag rig pa spangs/ /mkha' mnyam rdul bral stong pa nyid/ /dngos dang dngos med bdag nyid mchog/ thabs dang shes rab shin tu 'dres/ /chags dang chags bral rnam par 'dres/ /de nyid srog chags rnams kyi srog /de nyid yi ge dam pa nyid/ /de nyid 'gro ba'i bdag nyid de/ /de nyid thams cad khyab pa po/ /thams cad lus la rnam par gnas/ /dngos dang dngos med de las byung / /gzhan dang gang rnams de rnams dang / /rnam par shes pa kun gyi tshul/ /skyes bu sngon rabs dbang phyug dang / /bdag dang gso ba sems can dang / /dus dang gang zag nyid dang ni/ /dngos po kun gyi rang bzhin 'di/ /sgyu ma'i gzugs kyis yang dag gnas/ /dang po dga' ba tsam nyid de| |gnyis pa'i grangs las mchog dga' nyid/ /gsum pa las ni dga' bral bshad/ /bzhi pa lhan cig skyes par brjod/ /de bzhin gshegs pa rnams dang ni/ /rdo rje snying po la sogs kun| |mkhas pas de skad nges thos nas/ /mchog tu ngo mtshar gyur nas ni/ /brgyal zhing sa la 'gyel bar 'gyur/ /dang po dga' ba 'gro ba'i gzugs/ /de bzhin mchog dga' 'gro ba nyid/ /dga' bral dga' ba'ang 'gro ba nyid/ /gsum pa lhan cig skyes pa med/ /bcom ldan bka' stsal kye'i rdo rje/ /sangs rgyas kun gyi sku gcig pa// rdo rje snying pos rtogs bya'i phyir/ /the tshom legs par sel ba ni/ /'dod chags med cing chags bral med/ /dbu mar dmigs par mi 'gyur ro/ /gsum po spangs pa nyid kyi phyir| |lhan cig skyes pa byang chub brjod/ /yang na de nyid thams cad bdag /yang na kun gyis rnam par spangs/ /de yang dga' bral dang por mtshon/ /dga' ba gsum po rnam par spangs| |dang po sprin dang 'dra ba yin/ /grub pa sgyu ma lta bur 'gyur/ /gnyid log sad par mi byed par/ /nyal dang log pa'i khyad par las/ /rtag tu rmi lam 'dra bar 'gyur// dngos grub mtshan nyid mi phyed pa'i/ /phyag rgya rnal 'byor pa yis 'grub/ /ston pas dkyil 'khor 'di skad gsungs/ /gru bzhi yang dag 'bar ba nyid/ /sgo bzhi gzi brjid chen po ste| |do shal do shal phyed pas brgyan/ /phreng ba sna tshogs rnga yab ldan/ /ka ba brgyad kyis nye bar brgyan/ /rdo rje srad bu mnyam par ldan/ /me tog sna tshogs nye bar brgyan// bdug pa mar me de bzhin dri/ /bum pa brgyad la sogs pa ldan/ /de yang yal ga la sogs brgyan/ /mgrin pa gos kyis dgab pa dang / /rin chen lnga ni yongs su gzhug /rnam par rgyal ba shar du sbyin/ /rang 'dod lha yi gzugs kyis ni/ /gsar ba legs par bkal ba dang / /shin tu tshad ma mdzes pa yi/ /srad bus shes rab can gyis gdab/ /'khor lo'i bdag po'i bzlas pa 'bum/ /dkyil 'khor can gyi de bzhin khri/ /gong du gsungs pa'i sngags nyid kyis/ /mkhas pas nor 'dzin rnam par sbyang / /gong gi A sogs sngags kyis ni| |de la gtor ma rnam par sbyin/ /ji ltar bsam gtan de bzhin 'dir/ /srung ba ji ltar gsungs pa nyid/ /gang zhig dbang ni rab phye ba/ /rang gi dkyil 'khor cho gas sbyin/ /mchod dang gsol ba gdab pa nyid/ /ji ltar bshad pa de bzhin 'dir/ /'phar ma gnyis bzang rnam bris nas/ /myur du dkar mo la sogs bri/ /shar du gri gug rnam par bri/ /lho dang nub tu'ang de bzhin no/ /byang dang me yi mtshams dang ni/ /bden bral rlung du 'ang de bzhin no/ /dbang ldan du ni ci gsungs pa/ /de lta de ltar 'og dang steng / /rdo rje sems dpa'i snyems byas nas/ /rkang pa g.yas pa brkyangs byas te/ /phyag gnyis kye rdo rjer sbyor bas/ /slob dpon dkyil 'khor 'jug pa nyid/ /khrus dang gtsang sbra dri zhim lus/ /sna tshogs rgyan gyis rnam par brgyan/ /hUM hUM snyems pa byas nas ni/ /hi hi rnam par 'jig byed dag /phyi nas de nyid yang dag bshad/ /rnam dag ye shes gzugs can dang / /'khor ba dang ni mya ngan 'das/ /khyad par cung zad yod ma yin/ /mchog dgar sgom pa med cing sgom pa po yang med/ /lus kyang med cing gzung ba med dang 'dzin pa'ang med/ /sha dang khrag kyang med cing bshad dang gci ba'ang med/ /skyug bro rmongs med gtsang sbra mchod phyir thogs med dang / /chags med sdang ba med dang rmongs med phrag dog med/ /ser sna med dang nga rgyal med cing mthong bya med/ /sgom dang sgom pa po med bshes dang dgra med cing / /rlom sems med pa'i lhan cig skyes pa sna tshogs nyid/ /rdo rje snying pos 'di skad gsol// gzod nas rang bzhin med pa yi/ /lus kyi rang bzhin dag pa ni/ /ci slad 'byung ba'i bdag nyid lags/ /de nas bcom ldan rdo rje can/ /mkha' 'gro bde ba sbyin pas gsungs// rlom sems med pa'i rang bzhin bdag/ thams cad lus la rnam par gnas/ /kye bcom ldan 'das/ /ci'i slad du 'byung ba chen po las gyur pa'i phung po lags/ bcom ldan 'das kyis bka' stsal pa/ po la kak+ko la sbyor bas/ /reg pa sra ba'i chos kyis ni/ /sa ni de las skye bar 'gyur/ /byang sems khu ba'i rnam pa las/ /chu yi khams ni 'byung bar 'gyur// bskyod pa las ni drod skye ste/ /'gro bas rlung du rab tu grags/ /bde ba nam mkha' nyid kyi khams/ /lnga po rnams kyis yongs su bskor/ /gang phyir 'byung ba che bde ba/ /de phyir bde ba de nyid min| |lhan cig skyes pas gang skyes pa/ /lhan cig skyes par de brjod bya/ /rang bzhin lhan cig skyes zhes brjod/ /rnam pa thams cad sdom pa gcig /phyag rgya rgyu dang bral ba las yo gi snying rje thabs su 'gyur/ /stong nyid snying rje dbyer med pa/ /byang chub sems zhes rab tu brjod/ /sngags kyi bzlas med dka' thub med dang sbyin sreg med/ /dkyil 'khor can yang me cing dkyil 'khor yang ni med/ /de ni sngags bzlas de dka' thub dang de sbyin sreg /de ni dkyil 'khor can dang de ni dkyil 'khor nyid/ /mdor bsdus nas ni sems ni 'dus pa'i gzugs can no| |dbang gi le'u zhes bya ba ste bcu pa'o// //mnyam par ma rungs dpral ba can/ /rtag tu ltung bar byed par brjod/ /dbang gi lta stangs g.yon na gnas/ /g.yon pa nas ni gzugs brnyan gnyis/ /g.yas pa'i cha la dgug pa nyid/ /steng nas kyang ni gzugs brnyan gnyis/ /dbu ma rengs pa'i lta stangs nyid/ /sna yi rtse mo'i dbus su gnyis/ /'byung ba nyid kyis ltung bar byed/ /rdub pa yis ni dbang du byed/ /dgang ba yis ni dgug pa nyid/ /zhi ba yis ni rengs par byed/ /rlom pa'i shing la ltung byed nyid/ /dbang ni me tog rab tu grags rdo rje'i shing la dgug pa nyid/ /g.yo bcas rtsa la rengs byed nyid/ /zla drug goms pa'i sbyor ba yis/ /'grub 'gyur 'di la the tshom med/ /'di la 'khrul bar mi bya ste| |sangs rgyas rdzu 'phrul bsam mi khyab/ /lta stangs bzhi po bsgrubs nas ni/ /mkhas pas sems can gzhug par bya/ /gsad par 'di la bya ma yin/ /dam tshig nges par nyams par 'gyur/ /sems can slu ba spangs nas ni/ /bya ba ma yin thams cad bya/ /sems can gnod pa tsam gyis ni/ /phyag rgya'i dngos grub rnyed mi 'gyur/ /de la dam tshig bza' bya ba/ /na dang ga ha dang po dang / /mtha' yi shwa dang dang bo'i shA/ /kye yi rdo rje'i dngos grub phyir/ /bdud rtsi lnga yang de bzhin bza'/ /kye yi rdo rjes gsungs mtshan nyid/ /skye ba bdun pa'ang de nas mtshon/ /dga' bral dga' ba la smod pa/ /lan bdun pas ni 'grub par 'gyur/ /skad snyan mig dang ldan pa dang / /dri lus gzi brjid chen po dang / /de yi grib ma bdun du 'gyur/ /mthong nas rnal 'byor pa yis mtshon/ /de ni zos pa tsam gyis ni/ /skad cig la ni mkha' spyod 'gyur/ /ku ru kul+le'i sgrub thabs bshad par bya ste/ gong du brtag pa bcu gnyis par/ /rgyas par gsungs pa mdo ru bsdu/ /hrIH las byung ba'i lha mo ni/ /kha dog dmar zhing phyag bzhi ma/ /mda' dang gzhu yi lag pa ma/ /ut+pa la dang lcags kyu 'dzin/ /'di ni bsgoms pa tsam gyis ni/ /'jig rten gsum po dbang du byed/ /'bum phrag gcig gis rgyal po rnams/ /khri yis 'jig rten phal pa nyid/ /bye bas phyugs dang gnod sbyin sogs/ /'bum phrag bdun gyis lha ma yin/ /'bum phrag gnyis kyis lha rnams nyid/ /brgya phrag gcig gis sngags pa nyid/ /kye'i rdo rje mkha' 'gro ma dra ba'i sdom pa las/ rdo rje snying po mngon par byang chub pa zhes bya ba brtag pa'i rgyal po rdzogs so// //rdo rje'i snying ngos gsol/ bcom ldan rdo rje snying po bdag/ sangs rgyas thams cad gcig snga nas bod kyi lo ts+tsha bad ge slong shAkya ye shes kyis bsgyur cing zhas te gtan la phab ba/

CLOSE WINDOW