བོད་ཡིག |
246a5 rgya gar skad du/ shrI sarba bud+d+ha sa ma yo ga DA ki nI dza la saM wa ra nA ma ut+ta ra tan+t+ra/ bod skad du/ dpal sangs rgyas thams cad dang mnyam par sbyor ba mkha' 'gro
246a6 ma sgyu ma bde ba'i mchog ces bya ba'i rgyud phyi ma/ dpal rdo rje sems dpa' la phyag 'tshal lo/ /sems dpa' sangs rgyas kun gyi dngos/ /rdo rje sems dpa' bde ba'i mchog /
246a7 gsang ba mchog gi dgyes pa na/ /thams cad bdag nyid rtag tu bzhugs/ /'di ni rang byung bcom ldan 'das/ /gcig pu rab tu che ba'i lha/ /sangs rgyas thams cad mnyam sbyor
246b1 ba| |mkha' 'gro sgyu ma bde ba'i mchog /chags med chags dang bral ba min/ /dbu mar yang ni mi dmigs so/ /bud med kun gyi sgyu ma'i rgyu/ /'di ni gnyis med theg pa'i mchog /sgyu ma
246b2 dag ni thams cad pas/ /bud med sgyu ma khyad par che/ /ngo bo nyid kyi mthu dag gis/ /rang bzhin gyis ni de 'grub pa'o/ /'jig rten gsum 'dir bud med 'dis/ /gus bar byed pa dag tu
246b3 'gyur| |rnyed dang bde dang dga' kun gyis/ /ngan par spyod pa'ang 'grub par 'gyur/ /rang gi ngo bo yongs bsgyur na/ /bud med kun gyi sgyu mas 'grub/ /ngo mtshar sgyu ma'i phyag rgya 'di/ /mkha'
246b4 'gro ma zhes brdar bstan to/ /DA ni nam mkha' 'gro ba zhes/ /khams las mngon du brtags pa ste/ /nam mkha' kun tu spyod 'grub pa/ /mkha' 'gro ma zhes rab tu grags/ /thams cad
246b5 ma lus phyag rgya yis/ /thams cad ma lus bde mchog gis/ /sangs rgyas thams cad mnyam sbyor ba/ /mkha' 'gro ma zhes rab tu grags/ /de ni nam mkha' 'gro ba zhes/ /sangs rgyas
246b6 khams las rnam par brtags/ /kun tu 'gro bar grub pa ni/ /sangs rgyas kun bdag mkha' 'gro ma'o/ /shaM zhes bya ba bde bar bshad/ /sangs rgyas kun gyi bde chen yin/ /sgyu ma
246b7 thams cad rab sbyor ba/ /mchog tu bde bas bde ba'i mchog /kun tu kun nas thams cad ni/ /bdag nyid rtag tu rnam pa kun/ /sangs rgyas la sogs brtan g.yo kun/ /kun gyi dngos
247a1 por bdag gyur to/ /sems dang sems pa'i ting 'dzin dang / /byang chub spyod pa sna tshogs nyid/ /de bzhin bdud dang bdud las rgyal/ /de ni byang chub sangs rgyas
247a2 yin| |rdo rje rdo rje 'dzin nyid dang / /de bzhin pad+mo pad+mo 'chang / /nor bu nor bu 'dzin nyid dang / /de dag gi yang rigs yin no/ /de nyid 'dod chags 'dod chags bral/ /'dod pa dang ni
247a3 grel ba'ang yin/ /dus gsum srid gsum mchog gsum dang / /'jig rten gsum dang khams gsum dang / /rnam pa sna tshogs tha dad pa'i/ /gnas pa thams cad de nyid do/ /'gro ba dag
247a4 ni ma lus kun/ /thams cad du ni 'di 'gyur ro/ /de la sogs pa mtha' yas mchog /chos dbyangs mnyam dang mi mnyam pa/ /nam mkha'i dbyings kyi mtha' klas pa'i/ /dngos
247a5 po thams cad de yin te/ /nam mkha' kun gyi skabs na dpal/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde mchog
247a6 go /bskal pa bye ba grangs med par/ /sangs rgyas thams cad ma thob pa/ /phyag rgya'i cho ga gang dag gis/ /tshe 'di nyid kyis thob 'gyur ba/ /de ni bdag gis brtag par bya/ /
247a7 sangs rgyas kun bdag bde ba'i mchog /bdag nyid shin tu bsgrubs pa las/ /sangs rgyas kun bdag bde mchog go /rnal 'byor yang dag ma yin sems/ /lha la dmigs par
247b1 byed pa dag /rnal 'byor gzugs brtan rang bzhin te/ /lcags ma la sogs rnal 'byor skye/ /yang dag mchog sems rnal 'byor la/ /lha la dmigs par byed pa dag /rang gi dam tshig bdag
247b2 sbyor ba| |mi 'gyur dam pa 'grub par 'gyur/ /gzugs brnyan lugs la sogs pa la/ /rnal 'byor skye bar mi 'gyur gyi/ /byang chub sems la rab brtson na/ /de las rnal 'byor lhar
247b3 'gyur ro/ /byang chub sems ni rdo rje ste/ /sangs rgyas kun gyi bdag nyid yin/ /de bas thams cad bdag sbyor bas/ /sangs rgyas thams cad thob par 'gyur/ /bdag nyid sangs rgyas thams
247b4 cad dang / /dpa' bo thams cad bdag yin no/ /de bas bdag nyid lhar sbyor bas/ /bdag nyid rab tu bsgrub par bya/ /de yis sangs rgyas thams cad dang / /dpa' bo rnams kyang thams cad
247b5 dang / /rdo rje 'dzin pa thams cad du/ /tshe 'di nyid la 'grub par 'gyur/ /zhes bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor
247b6 ba mkha' 'gro sgyu ma bde ba'i mchog las/ de kho na nyid snang ba dam pa'i yul la 'jug pa ye shes kyi phyag rgya'i rtog pa ste dang pa'o// //'di ni rnal 'byor bcom ldan 'das//
247b7 rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde pa'i mchog /rdo rje sems dpa'i bdag sbyor bas/ /dbab pa thams cad rab tu 'grub//
248a1 sangs rgyas thams cad mnyam sbyor ba/ /rnal 'byor dbang phyug bde ba che/ /de bas bde ba nyid kyi ni/ /sangs rgyas bde ba kun 'thob bo/ /sangs rgyas thams cad
248a2 mnyam sbyor ba/ /rnal 'byor dbang phyug bde chen po/ /'di la khrus dang sdom mi dgos/ /dka' thub dka' ba spyad mi dgos/ /dka' thub sdom pa med pa dang / /bde ba dang ni dka' bas
248a3 'grub| |de bas ji ltar 'dod spyod cing / /kun za de bzhin thams cad spyod/ /spyad pa ji ltar 'dod par byed/ /g.yo ba dag kyang ci dgar byed/ /langs pa dang ni 'dug pa'am/ /'chag
248a4 gam ji ltar gnas kyang rung / /dgod dam rab tu smra yang rung / /gang na ji ltar spyod kyang rung / /dkyil 'khor du yang ma zhugs pa/ /sgrib pa kun dang ldan pa'ang rung / /rang gi lhar ni
248a5 bdag sbyor na/ /bsod nams chung yang 'grub par 'gyur/ /de nyid rnal 'byor 'di yis ni/ /thams cad sgrub par byed pa na/ /ngas zos ngan spyod thams cad kyis/ /nyes pa dag tu yong
248a6 mi 'gyur/ /bskal pa bye bar mi 'thob pa/ /sangs rgyas dam pa thams cad de/ /phyag rgya'i cho ga dag gis ni/ /bsgrubs na kun tu 'thob 'gyur ba/ /bdag nyid grub par byed pa'i
248a7 mchog /'di ni bdag gi sa brtag par bya/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /rdo rje sems dpar bdag sbyor ba/ /cha lugs ji bzhin
248b1 bsgyur ba yis/ /thams cad sna tshogs phyag rgya'i bdag /bsod nams chung yang 'grub par 'gyur/ /rgya 'di sgrub pa tsam gyis ni/ /sangs rgyas thams cad byin gyis rlob/ /shin tu byin
248b2 gyis brlabs na ni/ /sangs rgyas thams cad 'du bar 'gyur/ /sangs rgyas kun dang mnyam sbyor bas/ /sangs rgyas kun dang mnyam par 'gyur/ /sangs rgyas kun dang mnyam pa'i phyir/ /
248b3 sangs rgyas thams cad 'grub par 'gyur/ /gang gis ldan pa 'di mthong zhing / /rnam pa kun tu mchod byed na/ /de yis sangs rgyas thams cad kyang / /mthong zhing mchod pa byas par
248b4 'gyur| |'di dang sangs rgyas thams cad la/ /mthong ba dang ni reg pa yis/ /dkyil 'khor dag tu ma zhugs pa'ang / /bden pa dag kyang mthong bar 'gyur/ /mthong ba dang ni reg pa dang //
248b5 thos pa dang ni dran pa yis/ /sdig pa kun las rnam grol zhing / /sangs rgyas dngos grub thams cad 'grub/ /'di dang sangs rgyas thams cad la/ /rnal 'byor thams cad mnyam sbyor
248b6 bas| |bud med dag kyang rnam grol zhing / /sangs rgyas byang chub reg par 'gyur/ /kun tu kun nas thams cad ni/ /bdag nyid rnam pa thams cad du/ /sangs rgyas thams cad dngos grub
248b7 par| |de yis bdag nyid mthong bar 'gyur/ /'di ni bdag nyid kun gnas pas/ /mchod pa'i sprin chen thams cad kyis/ /bkod pa rab 'byams tshogs dag gis/ /de bzhin gshegs pa
249a1 mchod pa mdzad/ /thams cad bdag nyid sbyor mchod dpal/ /rdo rje sems dpa' mchog gyur pa/ /sangs rgyas kun gyi rang bzhin te/ /bde ba'i mchog ni thob par
249a2 'gyur| |rnal 'byor kun la nyer sbyor bas/ /dpal ni bzhir 'gyur grub par 'gyur/ /rnal 'byor kun ni bcom ldan 'das/ /rdo rje sems dpa' de bzhin gshegs/ /de yi nye bar
249a3 sbyor ba ni/ /khams gsum ma lus thams cad do/ /rnal 'byor kun gyi longs spyod kyis/ /ji ltar bde bar sten byed cing / /rang gi lha yi rnal 'byor gyis/ /bdag nyid rab tu mchod
249a4 par bya| |rjes su sbyor bas mchod byed cing / /rnal 'byor kun gyi bde ba dag /bdag nyid kun tu myang byed na/ /shin tu sbyor bas 'grub par 'gyur/ /sangs rgyas kun gyi bdag nyid kyi//
249a5 ras yan bde ba 'dis/ /rdo rje sems dpa'i dpal tshe dang / /lang tsho nad med bde mchog 'grub/ /kun tu kun nas thams cad du/ /sangs rgyas thams cad mnyam sbyor ba/ /mkha' 'gro
249a6 sgyu ma bde ba'i mchog /rtag tu de ni 'grub par 'gyur/ /zhes bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha'
249a7 'gro ma sgyu ma bde ba'i mchog las/ dpal rdo rje sems dpar kun tu sbyor ba'i rtog pa ste gnyis pa'o// //'di ni rnal 'byor bcom ldan 'das/ /rdo rje sems dpa'
249b1 de bzhin gshegs/ /sangs rgyas thams cad mnyam sbyor ba'i/ /mkha' 'gro sgyu ma bde ba'i mchog /rdo rje sems dpa'i rnal 'byor pa/ /dpal ldan rang gi dam tshig bde/ /sangs rgyas thams
249b2 cad mnyam sbyor ba'i/ /rnal 'byor dbang phyug bde ba che/ /rdo rje sems dpar sbyor ba yi/ /mthu nyid kyis ni thams cad du/ /phyag rgya bde ba chen po kun/ /so so rjes su rang 'grub 'gyur/ /rdo rje
249b3 sems dpar sbyor ba yi/ /mthu nyid kyis ni thams cad du/ /rnal 'byor bde ba myos pa kun/ /so so rjes su rang 'grub 'gyur/ /rdo rje sems dpar sbyor ba yi/ /mthu nyid kyis ni thams cad du//
249b4 bde bas myos pa'i dngos grub kun/ /so so rjes su rang 'grub 'gyur/ /rdo rje sems dpar sbyor ba yi/ /mthu nyid kyis ni thams cad du/ /bde bas myos pa'i dbang phyug kun/ /so so rjes su
249b5 rang 'grub 'gyur/ /rdo rje sems dpar sbyor ba yi/ /mthu nyid kyis ni thams cad du/ /nam mkha'i dbyings kyi mtha' yas pa'i/ /bud med mchog rnams skye bar 'gyur/ /de yi dam tshig de byung
249b6 ba| |sdug pa'i dam tshig bdag rjes 'brang / /shin tu sbyor dang sbyor chen po/ /thams cad bdag nyid dam tshig mchog /gcig bzhin du ni gcig spyod pa/ /lhan cig spyod pas rjes spyod
249b7 sdug /sangs rgyas thams cad mnyam sbyor ba'i/ /mkha' 'gro sgyu ma mchog tu 'bar/ /thams cad dga' ba ma lus pa'i/ /phyag rgya thams cad bde ba che/ /rtag pa dam pa lha mo yis/ /rgyal
250a1 mos mchod pa thams cad mchog /rdo rje sems dpar sbyor ba dang / /thams cad lha mo 'dus pas ni/ /ma lus skal pa bzang po kun/ /bde ba so so rjes su
250a2 'grub| |phyag rgya 'di yis btab pa las/ /rdo rje sems dpa' che ba'i lha/ /nam mkha'i dbyings kyi mtha' klas pa'i/ /lha mo bde ba chen mo kun/ /thams cad rnal 'byor bde bas myos//
250a3 sdig med stobs kyis ngo thon du/ /phan tshun du ni rab dga' bas/ /skyes bu'i tshul gyis dga' bar byed/ /dbang po kun nas byung ba yi/ /mchod pa'i sprin chen thams cad kyi/ /bkod
250a4 pa rab 'byams tshogs rnams kyis/ /thams cad bdag nyid mchod par byed/ /rnal 'byor bde ba thams cad kyi/ /dbang bskur bde chen las byung ba/ /rin chen tshogs rnams
250a5 thams cad kyis/ /rab tu rmongs pas dbang bskur 'gyur/ /lha mo kun gyi longs spyod la/ /ci bde bar ni bsten bya ba/ /bdag ni che ba'i lhar sbyor bas/ /bdag la bdag gis rab tu
250a6 mchod| |rnal 'byor thams cad bde ba yis/ /rjes su sbyor ba mchod byed cing / /rtag tu myang bar byed pa na/ /shin tu sbyor bas rab 'grub 'gyur/ /sangs rgyas thams cad bdag
250a7 nyid kyi/ /ra sa ya na bde ba des/ /rdo rje sems dpa'i dpal tshe dang / /lang tsho nad med bde mchog 'grub/ /sangs rgyas kun gyi sku chen dang / /sangs rgyas kun gyi gsung snyan pa/ /sangs
250b1 rgyas kun gyi thugs chen po/ /sangs rgyas kun gyi mchod pa che/ /sangs rgyas kun gyi rgyal chen po/ /rdo rje 'dzin pa kun gyi bdag /'jig rten dbang phyug kun gyi gtso/ /rin chen dbang phyug kun
250b2 gyi bdag /de dag dang ni dga' spyod na/ /'dod pa bzhin du 'gro 'ong lding / /lha mo thams cad grub chen po/ /'khor los bsgyur ba rab tu 'grub/ /chos dbyings mnyam dang mi mnyam pa/ /nam
250b3 mkha'i dbyings kyi mthas klas par/ /dngos grub kun gyi bde myos pa/ /de las rgya chen mchog gzhan med/ /sangs rgyas thams cad mnyam sbyor ba/ /rnal 'byor dbang phyug bde chen des//
250b4 'di la tshe 'di nyid kyis ni/ /rnam pa kun tu mi 'grub pa'i/ /dngos grub kun gyis bde myos pa/ /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /dbang
250b5 phyug kun gyi bde myos pa/ /dam pa rgya chen gang yang med/ /sangs rgyas thams cad mnyam sbyor ba/ /mkha' 'gro sgyu ma bde mchog des/ /'di la tshe 'di nyid kyis ni/ /rnam pa kun tu mi
250b6 'grub med/ /ces bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las/ lha mo
250b7 thams cad dang mnyam par sbyor ba skal pa mchog bzang po dpal rdo rje dam tshig gi rtog pa ste gsum pa'o// //'di ni rnal 'byor bcom ldan 'das/ /rdo rje sems dpa'
251a1 de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /lha mo kun dang mnyam sbyor ba/ /skal ba bzang mchog 'dod pa ste//
251a2 yang dag sbyor ba'i bde myong ba/ /'dod chags ther zug brtan pa'o/ /sangs rgyas kun gyi gzugs che dang / /dbyangs dang dri dang ro dag dang / /sangs rgyas kun gyi reg bde mchog /rang gi sbyong
251a3 par de spyod do/ /sangs rgyas pha rol phyin grub pa/ /gzungs dang sa rnams de bzhin du/ /dga' bar spyod na lha dang mi'i/ /skal bzang bud med ci zhig smos/ /lha yi dngos grub dga' ba dang //
251a4 sangs rgyas byang chub bde chen po/ /skal pa bzang po bde myong bas/ /so so rjes su rang 'grub 'gyur/ /dngos grub thams cad las byung ba/ /de bzhin gshegs pa kun gyi dpal/ /skal pa bzang
251a5 po longs spyod kun/ /rang gi spyad par de spyod do/ /rdo rje can gyi grub mchog dang / /'jig rten dang po mchog gi dpal/ /sangs rgyas dga' bas bde dam pa/ /'phrog nas nye bar spyod par
251a6 byed/ /khams gsum dag na ma lus pa'i/ /sangs rgyas rgyal srid chen po kun/ /rtsal gyi stobs kyis ngo thon du/ /'phrog nas nye bar spyod par byed/ /sangs rgyas kun gyi grub chen po/ /
251a7 mchog gi dbang phyug dam pa dag /kun nas 'phrog nas de spyod na/ /longs spyod gzhan lta ci zhig smos/ /mthu chen las ni bkra shis brtan/ /'phrog las grub dang dran las dga'//
251b1 'o thon stobs kyis 'phrog nas kyang / /de ni dad la sbyin par byed/ /ma lus 'jig rten gsum rgyal srid/ /'jig rten dbang phyug kun dang bcas/ /ngo thon stobs kyis 'phrog nas kyang / /de ni
251b2 dad la sbyin par byed/ /tshangs pa 'jug sel dbang chen gyi/ /mchog gi dbang phyug dam pa dag /kun nas 'phrog ste myur sbyin na/ /longs spyod gzhan lta ci zhig smos/ /de yis mi sbyin ci
251b3 yang med/ /sangs rgyas don du bya ba kun/ /mi bya ba ni gang yang med/ /sbyin pa dang ni byed pa'ang yin/ /sangs rgyas byang chub sems dpa' yang / /'phrog nas kyang ni sbyin byed na/ /las mchog
251b4 dag ni rab 'byams dang / /dngos grub gzhan lta ci zhig smos/ /dngos grub mchog ni gdon mi za/ /sde rnams thams cad rab 'joms pa/ /sangs rgyas kun gyi grub chen po/ /'khor los
251b5 bsgyur ba rab grub pa/ /sangs rgyas thams cad mnyam sbyor ba/ /mkha' 'gro sgyu ma bde mchog gis/ /sangs rgyas kun gyi rdzu 'phrul che/ /rnam par 'phrul pa rab tu 'jug /la lar byang chub
251b6 sems chen po/ /la lar spyod pa mthun par 'gro/ /la lar dga' ldan lha dag las/ /dam pa shin tu 'pho ba'o/ /la lar skye ba rnam par dag /la lar nges par 'byung bar gsal/ /
251b7 la lar byang chub chen por gshegs/ /la lar bdud las rab tu rgyal/ /la lar byang chub mngon 'tshang rgya/ /la lar chos kyi 'khor lo bskor/ /la lar pha rol mu stegs rnams/ /chos
252a1 dang mthun par tshar gcod do/ /la lar 'jig rten gsum rgyal ba/ /grub pa kun gyi dbang phyug nyid/ /la lar rtog pa thams cad mchog /grub pa'i dbang phyug
252a2 bla na med/ /de la sogs pa mtha' yas mchog /sangs rgyas kun bdag bde mchog gis/ /'dul ba'i thabs su nges pa'i gar/ /rnam par sprul pa dgyes shing rol/ /dngos grub chen
252a3 po kun gyi mchog /brtan pa dbang phyug chen po'i bdag /gzugs dang tshe dang kha dog stobs/ /dpal ldan rdo rje sems dpa' bzhin/ /'gro ba dag gis bsnyen bya zhing / /de bzhin
252a4 gshegs pa kun gyis mchod/ /lha mo kun gyi dpal ldan mchog /rdo rje sems dpar rab tu 'grub/ /sems can khams ni du ma dag /ma lus par ni phyag rgyas 'debs/ /lha dang
252a5 byang chub dka' ba rnams/ /brtan par sems can dag la smin/ /sangs rgyas kun bdag bde mchog gis/ /sems can kun gyi don byed cing / /ma lus lus pa med pa yi/ /bskal pa
252a6 kun tu srid par gnas/ /zhes bcom ldan 'das rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las/
252a7 sna tshogs thams cad kyi skal pa bzang po mchog gi dngos grub ces bya ste/ dpal dam tshig gi rtog pa ste bzhi pa'o// //'di ni rnal 'byor bcom ldan 'das/ /rdo rje sems
252b1 dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /yang dag grub pa gcig pu nyid/ /ji ltar 'dod pa bzhin du sbyar/ /rtog pa'i cho ga
252b2 thams cad la/ /grub pa dam pa mchog gi mchog /sna tshogs las kyi sbyor ba yis/ /cho ga sna tshogs 'dod pa yi/ /sems can rnams ni 'dul ba dang / /bde ba thams cad 'grub pa'i
252b3 phyir| |bcom ldan rnal 'byor de nyid ni/ /sangs rgyas thams cad rnam 'phrul pas/ /sems can kun don rnam sprul na/ /myur du shin tu 'grub par 'gyur/ /nyin re'am yang na zla re
252b4 'am| |yang na de bzhin lo re ni/ /ji bzhin byin gyis brlabs nas kyang / /sangs rgyas bde mchog gar bya'o/ /khams kyi ngo bo thams cad dang / /de bzhin srog dang rtsa las 'byung / /rang
252b5 gi lha yi cha lugs su/ /sgrub pa'i phyag rgyar rab tu bya/ /dkyil 'khor gang dang gang bsten pa/ /sna tshogs phyag rgya'i mchod pa yis/ /slob ma'i tshogs kun de dang der/ /mchod pa byas
252b6 nas des sgrub bo/ /de las gzhan yang rtog kun gyis/ /sangs rgyas thams cad rnam sprul pa/ /ci rigs par ni sprul byas pa'i/ /gtam dag rab tu bshad par bya/ /sems dpa'
252b7 sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /'di ni rnal 'byor bcom ldan 'das/ /
253a1 rtag pa dam pa brtan pa ste/ /rtag tu da ltar 'byung ba bzhin/ /ngo bo nyid ni 'da' bar dka'/ /cho ga sna tshogs 'dod rnams la/ /las kyi sbyor ba sna tshogs
253a2 kyis| |sangs rgyas rdo rje 'dzin la sogs/ /'dul ba'i phyir ni byas pa yin/ /sangs rgyas la sogs brtan g.yo kun/ /kun gyi dngos por 'di 'gyur ro/ /sangs rgyas thams cad
253a3 mnyam sbyor ba/ /mkha' 'gro sgyu ma bde ba'i mchog /sgyu ma'i sbyor ba 'di yis ni/ /rnam pa sna tshogs kun gyi mchog /sems can kun gyi don mchog rnams/ /sangs rgyas la
253a4 sogs 'dul bas 'grub/ /dpal rdo rje sems dpas dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab
253a5 la| |'gro ba'i tshul ni sngon byung ba/ /de tshe sems can thams cad ni/ /shin tu stong pa nyid la brtson/ /'gog pa'i chos nyid la sbyor bas/ /'gags shing yongs su mya ngan
253a6 'das| |rnal 'byor de nyid bcom ldan 'das/ /rdo rje sems dpa' de bzhin gshegs/ /grol ba thams cad rnam sbyang phyir/ /sangs rgyas sprul pa kun tu bskyed/ /stong pa ma
253a7 yin mi stong min/ /dbu mar yang ni mi dmigs te/ /shes rab pha rol phyin sbyor ba/ /thabs kyi snying rje bdag nyid rnams/ /de bas de ni snying rje'i thabs/ /shes rab pha rol phyin
253b1 par gsal/ /rtog pa med pa'i chos rnams la/ /sems can don du yongs brtags pa/ /rnam par mi rtog la mos pas/ /thams cad rtog pas brtag par bya/ /brag tsa yi ni sgra 'dra ba/ /tshe
253b2 kyi tshig tu de 'gyur te/ /de las theg pa chen po yi/ /yang dag yon tan rgyas pa'i glus/ /dus gsum pa yi dam tshig gsum/ /de bzhin gshegs pa thams cad bstod/ /mnyam med mi g.yo
253b3 mnyam med mchog gi chos nyid can/ /thugs rje'i bdag nyid 'gro ba'i sdug bsngal sel bar mdzad/ /yon tan mtha' yas dngos grub thams cad sbyin mdzad pa/ /dri med mi g.yo mnyam med
253b4 dam pa'i mchog chos can/ /yon tan shin tu phra ba'i cha la'ang tshad med de/ /dpe ni nam mkha' dang yang bskrun du yod pa'ang min/ /dngos grub mtha' yas mnyam med dpe dang bral ba rnams/ /sems can
253b5 khams la dngos grub mchog rnams nges par stsol/ /rtag tu dri ma med pa'i thugs rje shugs las byung / /smon lam grub pa 'gag pa med pa'i chos nyid can/ /'gro ba'i don grub rab tu
253b6 brtson pa mtha' yas pa/ /thugs rje chen po'i bdag nyid rtag tu rnam par snang / /tshad med tshad dang bral bas shin tu rdzogs pa yi/ /bde bar gshegs pa'i go 'phang dam pa brnyes gyur kyang //
253b7 khams gsum kun la rtag tu dngos grub mchog stsol mdzad/ /thugs rje spyod pa mi g.yo 'gag par yod mi 'gyur/ /e ma'o shin tu bzang po'i chos nyid mchog dang ldan/ /mchog sbyin
254a1 rnams kyi nang na go 'phang dam pa brnyes/ /khams gsum kun la rtag tu dngos grub mchog stsol mdzad/ /mgon po dus gsum sgrib pa med par rab mkhyen pa/ /
254a2 dam tshig mchog gsum dngos grub dam pa bdag la stsol/ /'di ni sangs rgyas thams cad kyi/ /yang dag yon tan rgya chen te/ /lan gcig tsam ni brjod pas kyang / /sangs rgyas thams
254a3 cad grub par 'gyur/ /sangs rgyas kun bdag nyid sbyor bas/ /bstod pa'i rgyal po 'di nyid kyis/ /dus gsum pa yi rgyal ba kun/ /dam tshig gsum gyis 'grub par 'gyur/ /sku ni blta
254a4 bas mi ngoms pa/ /thams cad bdag nyid bstan nas kyang / /legs so zhes nas dngos grub ni/ /mchog rnams kun ni rab smin mdzad/ /thams cad bdag nyid 'grub dga' dang / /bsam
254a5 pa thams cad yongs su rdzogs/ /sangs rgyas 'grub pa mchog kun dang / /rnal 'byor dam pa'ang sbyin par mdzad/ /de nas de yis sgrub pa dang / /shin tu brtag pa'i dngos grub dag /gang
254a6 gis srid pa 'di nyid la/ /dngos grub shin tu rtag thob pa shad/ /rdo rje se gol gtogs pa yis/ /sangs rgyas thams cad bsdu bar bya/ /thal mo legs par sbyar ba yis/ /thal mo lan
254a7 gsum rnam par brdab/ /dbang po gang dag gang lam gyur/ /de dang de yi ngo bor bya/ /shin tu mnyam gzhag sbyor ba yis/ /sangs rgyas kun dang mnyam sbyor zhing / /ji ltar mos pa'i
254b1 chags pa dang / /Sha Da ba la sogs pa yi/ /ci nas yongs su ma skyo bar/ /rtag tu tshad med bzlas par bya/ /kun tu kun na ma thams cad ni/ /bdag nyid rtag tu rnam pa kun/ /sangs rgyas kun
254b2 tu dngos grub pa/ /rab tu mthong zhing mchog grub pa'o/ /'di yis sangs rgyas thams cad dang / /de bzhin dpa' bo thams cad dang / /rdo rje 'dzin pa thams cad du/ /tshe 'di nyid kyis 'grub
254b3 par 'gyur/ /sangs rgyas kun gyi yon tan bsngags pa rgya che ba/ /bstod pa'i rgyal po mchog ni lan gcig glur blangs pas/ /kun tu 'gro ba'i rnal 'byor dam pa rtag pa'i mchog /dngos
254b4 grub mi zad bde ba'i mchog nyid thob par 'gyur/ /bstod pa'i rgyal po 'di yis ni/ /thams cad bdag nyid dbang phyug mchog /sna tshogs kun gyis rnam 'dul ba/ /de bzhin gshegs pa
254b5 kun grub ste/ /de bas dam tshig gsum la sogs/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams ni rnam par dkrol/ /dpal rnam par snang
254b6 mdzad kyis dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul du sngon byung ba/ /de tshes sems can thams
254b7 cad ni| |shin tu khro gtum gdug par gyur/ /shin tu gdug par khro ba yis/ /'o dod 'bod par lhung bar 'gyur/ /de nas 'phos nas sems can de/ /bag chags kyis ni mtshams
255a1 sbyor bas/ /shin tu gdug pa chen por gyur/ /blo ni bdud kyis byin brlabs nas/ /rims dang dug dang dbyig dug nad/ /phra men ma dang gnod byed gdon/ /bdud
255a2 dang rnam par log 'dren nyid/ /shin tu gdug pa chen por gyur/ /gnas gsum po ni 'jigs byed cing / /sgrub pa po rnams la yang za/ /lha la sogs pa'ang 'pho bar byed/ /bstan pa
255a3 dag kyang 'jig par byed/ /de nas dbang por bcas pa'i lha/ /tshangs pa'i drung du nye bar dong / /tshangs pa'ang lha dang dbang por bcas/ /'jug sel la yang skyabs su dong / /tshangs dang
255a4 'jug sel lha rnams kyang / /lha chen drung du nye bar dong / /tshangs pa 'jug sel dbang chen dang / /rdo rje can la skyabs su dong / /de nas bcom ldan rdo rje can/ /rdo rje sems dpa'i sbyor ba
255a5 yis| |rdo rje se gol phyag rgyas ni/ /sangs rgyas thams cad bsdu bar mdzad/ /rdo rje sems dpa'i sbyor ba yis/ /dpung pa gnyis ni rdo rjer bcings/ /rdo rje se gol brdabs pa yis/ /
255a6 sangs rgyas thams cad bsdu mdzad na/ /de yi bka' tsam gyis skrag nas/ /'khor dang 'khor lo'i tshogs bcings pa/ /sangs rgyas thams cad gshegs 'gyur na/ /gzhan lta
255a7 smos kyang ci zhig dgos/ /rdo rje se gol gtog pa yis/ /'jig rten khams ni ma lus pas/ /sangs rgyas rdo rje 'dzin bcas pa/ /kun gyis til 'bru bzhin du rgyas/ /shin tu
255b1 gdug par gtum po la/ /zhi bas phan par mi 'gyur te/ /shes rab thabs kyi ngo bo yi/ /khro bor de bzhin gshegs kun mdzad/ /khro bo'i tshul can khros pas kyang / /'jig rten gsum
255b2 dag sreg byed na/ /sangs rgyas thams cad khros pa yis/ /khams gsum ma lus smos ci dgos/ /de nas sna yi rtse mo la/ /yid ni brtan par yang dag gzung / /sna yi dbugs ring dro
255b3 ba las| |rgyal bas phyag rgya'i sbyor ba byung / /bcom ldan de nyid rnal 'byor pa/ /rdo rje khro bor gyur nas byung / /dpal chen rdo rje he ru ka/ /'bar bas thal bas rab tu 'jig /sems
255b4 dpa' sngon por 'bar ba'i ngang / /'od kyi dkyil 'khor dmar por 'bar/ /'jig pa chen po'i dus ltar drag /dur khrod kyi ni me dang 'dra/ /'bar ba chen po sgra 'bar ba/ /thod pa mang po'i
255b5 dbu rgyan can/ /'jig pa chen po dus ltar drag /dur khrod bzhin du rab tu 'jig /khro la sogs pa'i tshul ldan pa/ /zhal rnams sna tshogs 'gyur ba dang / /smin ma khro gnyer bcas par
255b6 'gyur| |'bar ba'i lta bas gar byas pas/ /gu lang dbang chen nye dbang bcas/ /nyi zla gshin rje tshangs par bcas/ /gnas gsum dag ni 'bar byas nas/ /thal ba bzhin du rab tu
255b7 ba shig /rdo rje rdo rje kha TAM ga /dril bu'i sgra ni gsil ba yis/ /thams cad phab nas slar yang ni/ /thal bar gyur pa'ang 'tsho bar byed/ /de yi 'bar ba nyi ma las/ /byung ba'i grib ma mi
256a1 bzad pa/ /bskyed nas ma lus bdud la sogs/ /gdug pa rnams kyi khrag za nus/ /rgyal po de ni de dag dang / /lhan cig dur khrod rnam par rol/ /thams cad
256a2 rdo rje mnyam sbyor ba/ /mkha' 'gro dkyil 'khor 'bar ba yis/ /shin tu gdug cing khro drag pa'i/ /sems can khams ni rnam sbyangs nas/ /dag pa'i sangs rgyas zhing rnams su/ /
256a3 sangs rgyas byang chub dag la bkod/ /rdo rje 'dod khro la sogs kyi/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams ni rnam par
256a4 sbyangs| |dpal he ru ka sa dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung
256a5 pa| |de tshe sems can thams cad ni/ /log par lta la gnas par 'gyur/ /shin tu lta ba ngan pa yis/ /'o dod 'bod pa chen por lhung / /rnal 'byor de nyid bcom ldan 'das/ /byang
256a6 chub sems ni rnam sbyang phyir/ /pad+mo chags par sbyor ba yis/ /rdo rje chos su gnas par gyur/ /ji ltar pad+mo dmar po 'di/ /tshon gyi nyes pas mi gos pa/ /de bzhin bag chags
256a7 khams gsum gyi/ /nyes pa sna tshogs rnam par dag /'dis ni kun tu gzigs pas na/ /rgyal ba dbang phyug nyid du 'gyur/ /dpal ldan spyan ras gzigs kyi dbang / /rdo rje
256b1 sems dpa' de bzhin gshegs/ /'dod chags thams cad dag pas na/ /mchog sbyin dam pa bcom ldan 'das/ /'dul ba'i thabs ni sna tshogs kyis/ /sna tshogs pa ni 'dul bar spro/ /
256b2 kun tu spyan ras gzigs dbang rgyal/ /pad+mo gar gyi dbang phyug gyur/ /pad+mo'i rgyal po mnyam sbyor ba/ /mkha' 'gro sgyu ma bde mchog des/ /pad+mo gar dbang la sogs kyi/ /rtog pa bla med
256b3 thams cad kyis/ /nam mkha'i dbyings kyi mtha' klas pa'i/ /sems can khams ni rnam par sbyangs/ /dpal pad+mo gar gyi dbang phyug gis dbugs phyung ba'o/ /'das pa'i dus na sngon
256b4 byung ba| |bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin tu gdug cing brkam par gyur/ /
256b5 shin tu 'jungs par gyur pa yis/ /yi dwags rnams dang dmyal bar ltung / /de nas 'phos nas slar yang ni/ /shin tu dbul por skyes par gyur/ /bkres dang skom pa'i skyon rnams kyis//
256b6 de dag phan tshun gsod par byed/ /shin tu gdug pa sbyang ba'i phyir/ /rnal 'byor de ni bcom ldan 'das/ /dam pa'i don gyi nor chen po/ /rdo rje nyi ma byung bar gyur/ /nam mkha'i snying pos
256b7 thams cad phyogs/ /kun gyi re ba yongs rdzogs mdzad/ /bud med la sogs rin chen mchog /mkha' las rin chen thams cad 'bebs/ /shin tu gdug cing khro ba la/ /zhi bas
257a1 phan par mi 'gyur te/ /shes rab thabs kyi nyi ma ni/ /rab tu gdung ba kun bsgrubs pas/ /bya ba dang ni bzlog pa dang / /brog pas kyang ni khyad par du/ /rgyal
257a2 bar byas nas gnas gsum gyi/ /nor gyi tshogs kun sdud par byed/ /'jig rten gsum rgyal la sogs kyi/ /rtog pa bla med thams cad kyis/ /nam mkha'i dbyings kyi mtha' klas
257a3 pa'i| |sems can khams ni rab tu dkrol/ /dpal rdo rje nyi mas dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung
257a4 rab la| |'gro ba'i tshul ni sngon byung ba/ /de tshe sems can thams cad ni/ /brtson 'grus shin tu chung bar gyur/ /shin tu brtson 'grus chung ba yis/ /mnar med pa yi dmyal bar
257a5 ltung / /rnal 'byor de nyid bcom ldan 'das/ /rdo rje sems dpa' de bzhin gshegs/ /drag shul sbyor ba'i tshul dag tu/ /rta mchog dpal ni byung bar gyur/ /thams cad dag par
257a6 mos pa yis/ /sdig med stobs kyis ngo thon du/ /pha rol gnon pa'i rtsal dag gis/ /shin tu gdug cing khro gtum pa'i/ /sems can rnam pa mang po'i khams/ /'jig rten thams
257a7 cad rab tu 'jig /byi ba rkun po chom po yis/ /thams cad rnam par sbyong bar byed/ /khrid pa dang ni sgyu dag dang / /ngo thon stobs kyis de bzhin du/ /dgra cha lnga yis brgal nas ni/ /
257b1 de tshe 'khrig 'jig rten gsum las rgyal/ /skye 'gro gnas pa 'gro ba rnams/ /mtha' dag brtul nas 'grub par 'gyur/ /'dul ba'i thabs rnams sna tshogs kyis/ /rang gi rgyal srid rtag tu
257b2 skyong / /g.yem pa rnams la g.yem par gyur/ /khro ba rnams la khro ba'i mchog /zhi ba rnams la zhi ba'i mchog /drag shul can la drag pos gnon/ /sdig med stobs kyis ngo thon du//
257b3 dbang phyug dam pa rab mnan nas/ /lha mo b+hi mo 'phrog nas ni/ /de tshe longs spyod rang gir spyod/ /sdig med stobs kyis ngo thon du/ /mthu bo che yang rab mnan nas/ /rug mi ni yang 'phrog
257b4 nas ni| |de tshe longs spyod rang gir spyod/ /sdig med stobs kyis ngo thon du/ /skye rgu'i bdag po rab mnan nas/ /lha mo rab tu zhi ba 'phrog /de tshe longs spyod rang gis spyod/ /sdig med stobs
257b5 kyis ngo thon du/ /'dod pa'i lha ni rab mnan nas/ /dga' sdug mi yi dbang phyug ma/ /'phrog nas de tshe nye bar spyod/ /de la sogs pa mtha' yas mchog /chos dbyings mnyam dang mi mnyam
257b6 pa| |nam mkha'i dbyings kyi mtha' klas par/ /rdo rje las mchog rnam gnon pa/ /nam mkha' kun gyi skabs na dpal/ /rdo rje sems dpa' rab tu gnas/ /thabs dang rtsal gyis grub pa
257b7 yis| |drag shul sbyor bas bsgrubs na ni/ /khams gsum rgyal srid ma lus par/ /rdo rje 'dzin pa des thob nas/ /byang chub sems dpa' mtha' yas mchog /drag shul sbyor bas grub
258a1 par byed/ /thams cad dag par mos pa yis/ /sdig med stobs kyis ngo thon du/ /rtsal gyis pha rol gnon pa yis/ /sangs rgyas byang chub rab tu 'grel/ /lha yi dngos grub dka' ba
258a2 dang / /sangs rgyas byang chub bde chen po/ /go 'phang mchog gi rtag pa dag/ rang gi rnal 'byor gyis thob nas/ /sems can khams ni du ma dag /ma lus par ni rgyas 'debs shing / /'chi med byang
258a3 chub dka' ba dag/ sems can rnams la brtan par sbyin/ /rta mchog rnam par sprul pa yis/ /ma lus lus pa med pa yis/ /bskal pa kun tu srid par gnas/ /sems can kun gyi don
258a4 kyang byed/ /de ltar rta mchog dpal la sogs/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams rnams rab tu bsgrubs/ /dpal rta mchog
258a5 gis dbugs phyung ba'o/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /rang byung rnams kyi gtam gyi rtags/ /nam mkha'
258a6 kun gyi skabs na dpal/ /rdo rje sems dpa' rab tu gnas/ /grub pa'i dbang phyug rab grub pas/ /thams cad bdag nyid 'jug par byed/ /ces bcom ldan 'das rdo rje sems dpas de skad
258a7 gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las gtam gyi phyag rgya zhes pa'i rtog pa ste lnga pa'o// //de
258b1 nas gzhan yang thams cad du/ /rnam pa sna tshogs mchog 'byung ba'i/ /sangs rgyas thams cad mnyam sbyor ba/ /mkha' 'gro sgyu ma'i bde mchog bshad/ /dpal ldan sangs rgyas kun/ /
258b2 dngos| |rdo rje sems dpa' bde 'byung ba/ /gsang ba mchog gi dgyes pa na/ /thams cad bdag nyid rtag tu bzhugs/ /sangs rgyas kun gyi dam tshig dpal/ /rdo rje sems dpa' snang ba
258b3 bde| |de bzhin gshegs pa'i lha rdzas mchog /rin chen rgyan la sogs pas spras/ /dril bu rgyal mtshan mchog ldan pa'i/ /bla re dam pa bres pa na/ /rdo rje glu dang mchod la sogs/ /glu
258b4 dang sil snyan rnam par 'phrul/ /me tog bdug pa'i sbyor ba dang / /mar me dri dang sogs ldan pa/ /sangs rgyas thams cad mnyam sbyor ba/ /mkha' 'gro sgyu ma bde mchog bsgrub/ /yang na
258b5 bdag gi gnas dag gam/ /skyed mos tshal la sogs pa bsgrub/ /der ni dang por gdan bshams te/ /'jam zhing reg na bde 'gyur ba/ /sna tshogs pad+mar ras kyis g.yogs/ /de
258b6 ni thams cad dag pa'i gdan/ /sangs rgyas thams cad mnyam sbyor ba/ /sbyor ba'i dbang phyug rnam 'phrul pas/ /rdo rje sems dpa' dpal gyi lha/ /de ni rnam par 'phrul pa mdzad/ /
258b7 stan de dag ni thams cad la/ /ji ltar gnas pa bzhin du dgod/ /gru bzhi pa la sgo bzhi pa/ /rta babs bzhi yis mdzes par byas/ /rdo rje rin chen pad+ma sogs/ /sgo srung dang ni ldan par
259a1 byas| |rang gi lha dang 'dra ba yi/ /bud med dag ni legs bsgrubs pa/ /skel bzang rang gi phyag rgyas mtshan/ /tshogs kyi dkyil 'khor brtag par bya/ /mi yi tshal ni
259a2 grub pa la/ /dmar chen po zhes pa bar bshad/ /ngo bo nyid kyi mthu dag dang / /rang bzhin gyis ni de grub pa'o/ /rdo rje'i chu dang rdo rjer bcas/ /mtshal chen po dag sgrub pa ni/ /mthu yis rab tu
259a3 grub pa ste/ /pad+mo'i snod kyi nang du bzhag /chags pa chen po bcom ldan 'das/ /rdo rje sems dpa' de bzhin shegs/ /sangs rgyas kun gyi rdo rje'i thugs/ /dam tshig 'di ni 'da'
259a4 bar dka'/ /de yi mtshal dang khu ba dang / /mtshan chen po ni sgrub pa dag /chags pa chen po las byung bas/ /dmar chen po zhes bya bar bshad/ /dmar chen dang ni ga bur bcas/
259a5 tsan+dan dmar por sbyar ba dag /tshogs kyi dbus su bzhag pa ni/ /ra sa ya na kun slong ba/ /rang gi lha yi sbyor ldan pas/ /srin lag dang ni mthe bo'i rtses/ /zhi ba'i btung ba bzhin
259a6 myangs nas/ /rtag pa yin dngos grub thob/ /sangs rgyas kun gyi bdag nyid kyi/ /ra sa ya na bde ba 'dis/ /rdo rje sems dpa'i tshe dang gzhan/ /nad med pa dang bde mchog 'grub/ /
259a7 sangs rgyas thams cad mnyam sbyor ba/ /mkha' 'gro sgyu ma bde mchog gis/ /'dus pa der mi zhugs pa dag /'dod pa bzhin du 'gro 'ong lding / /kun tu kun nas thams cad ni//
259b1 bdag| nyid rtag tu rnam pa kun/ /sangs rgyas la sogs brtan g.yo kun/ /kun gyi dngos por de 'gyur ro/ /'dis ni srung ba byas pas dpal/ /rdo rje sems dpa' bzhin du 'gyur/ /rnal
259b2 'byor mkha' 'gro bde mchog gis/ /sangs rgyas thams cad bdag nyid 'grub/ /de nas khrus byas dri zhim lus/ /ci 'byor ba yi gos dang rgyan/ /sna tshogs gos bzang bgos dang
259b3 ni| |me tog phreng ldan kha dri zhim/ /sna tshogs kun gyi skal bzang pos/ /slong pas dpal gyis dal gyis su/ /gos gdab pa yi sbyor ba yis/ /bdag gi 'byung ba bskul bar bya/ /rdzogs
259b4 pa'i sangs rgyas nyi zla rnams/ /shar ba dag ni mthong ba yis/ /sdig pa kun las grol 'gyur zhing / /bsod nams thams cad 'grub par 'gyur/ /nges pa'i lam dang kun ldan pa//
259b5 rnam par 'das pas rnam par brgyan/ /brtan zhing grub pa slong byed pa/ /kun nas slong ba'i bde ba ni/ /stong pa shin tu rnal 'byor yod med mthus/ /nam mkha' nyid du dam tshig nye bar
259b6 gnas/ /bde gshegs bde bar gshegs pas bzhengs su gsol/ /rdo rje sems dpa' skal bzang dpal khyod bdag /'di dag nyid kyi glur blangs na/ /shin tu mya ngan yongs
259b7 'das pa'i/ shi ba'ang slar ni slong 'gyur na/ /yang srid pa lta ci zhig smos/ /lam bzhi dang ni mnyam ldan pa/ /rnam par 'das pas mdzes par byas/ /sna tshogs 'brang ba rab
260a1 tu 'grub/ /'jig rten gsum ni rab bsgrub pa/ /'jig rten gsum gyis phyag byas pa/ /'jig rten gsum gyi ston pa'o/ /'jig rten gsum la skyid
260a2 sbyin pa/ /'jig rten gsum po bdag la bsgrub/ /rdo rje sems dpa' dpal sbyor ba/ /lha mo kun dang 'grogs pa yis/ /sna tshogs kun gyi skal bzang po/ /a ra li ni kun
260a3 'grub 'gyur/ /nam mkha'i dbyings kyi mtha' klas pa'i/ /lha mo kun dang bde myos pa/ /rdo rje sems dpa' yang dag rdzogs/ /nyi ma zla ba gsal bar 'char/ /rdo rje sems dpa'
260a4 yang dag sbyor/ /mkha' 'gro sgyu ma bde mchog 'byung / /lan gcig dmigs pa tsam gyis kyang / /bde ba'i dngos grub kun 'byung ba/ /brtan cing grub pa slong byed pa/ /sna tshogs 'brang
260a5 bas de bzhin du/ /gan+d+har+b+ha pa dang Sha Da ba'i/ /glu dbyangs sna tshogs glus bsgrub po/ /de nas de nyid dam pa yis/ /thar pa thams cad rmongs pa yis/ /rdo rje sems dpa'i bdag nyid
260a6 la| |glu 'di yis ni bskul bar bya/ /rjes su chags pa'i rnam mang dga' ba'i pad+mo rnam dag pa'i/ /mchod pas gsal bar rjes su mchod byas nas/ /mchog tu rtag pa'i rnal 'byor
260a7 bde bas bde ba grub par mdzod/ /kye ma'o mchog tu bde ba'i dam tshig ngo bo nyid/ /mchog tu bde ba shin tu rnal 'byor skal bzang mchog dgyes pa/ /rang gi dam tshig skyon med/
260b1 dag la rol cig rol cig to/ /kye ma mchog tu gsang ba'i bdag po rang gi dam tshig yin pa'i phyir/ /rab tu gsang ba'i lha mo mchog rnams so/ /'gro ba'i rgyud ni rnam pa sna tshogs 'dul ba
260b2 gsal bar mkhyen/ /dam tshig thams cad dngos po brtan g.yo kun gyi ngo bor gyur/ /rgyal ba kun gyi bdag nyid rnal 'byor bde ba mkha' 'gro sgyu ma ho/ /kye ma dam pa rtag pa'i dngos grub
260b3 chen po rab tu sgrub pa ston/ /dzaH hUM baM ho e ma'o bde mchog bde bar drongs/ /rnam par sprul hUM snang bar mdzod/ /a la la ho/ /de bzhin gshegs pa thams cad kyi/ /mkha' 'gro sgyu ma
260b4 sna tshogs kyis/ /slob ma dag ni gzhug tu gsol/ /glu yi rgyal po 'di dag ni/ /rdo rje sems dpa' dpal la gnas/ /kun gyi sgyu ma bde ba'i mchog /ma lus lus pa med par 'grub/ /glu
260b5 'di dag ni len pa na/ /dkyil 'khor sna tshogs thams cad du/ /sangs rgyas thams cad rnam 'phrul pa/ /ma lus lus pa med par snang / /rnam pa mang po'i 'dod chags rgyud kyi sems can
260b6 ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams cad rab sprul rnam par sprul/ /te na te te hUM/ rnam mang rab tu dga' ba'i rgyud
260b7 kyis sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams cad rab sprul rnam par sprul/ /hUM hUM hUM/ rnam pa mang po khro
261a1 pa'i rgyud kyis sems can ma lus lus pa med par 'dul mkhas pa/ /de bzhin gshegs pas kun gyi sgyu ma bde mchog sgyu mas thams cad rab sprul rnam
261a2 par sprul/ /ru lu ru lu hUM b+h+yo hUM/ rnam pa mang po srog gi rgyud kyi sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas
261a3 thams cad rab sprul rnam par sprul/ /hUM shi Sh+ya pi Sha hUM/ de la sogs te mtha' yas mchog /chos dbyings mnyam dang mi mnyam pa'i/ /nam mkha'i dbyings kyi mtha' klas pa'i/ /
261a4 rab byung rnams kyi glu yi rgya/ /nam mkha' kun gyi skabs na dpal/ /rdo rje sems dpa' la ni gnas/ /grub pa'i dbang phyug rab grub pas/ /thams cad bdag nyid grub par 'gyur/ /
261a5 glu 'di dag ni blangs pa dang / /lha mo kun gyis rab bskul nas/ /mkha' 'gro sgyu ma bde mchog gis/ /sangs rgyas kun gyi bdag nyid 'grub/ /dbang po kun las byung ba yi/ /mchod
261a6 pa sprin chen rnam bkod pa/ /rab 'byams tshogs rnams thams cad kyis/ /kun gyi bdag nyid mchod par byed/ /sangs rgyas thams cad mnyam sbyor ba/ /mkha' 'gro sgyu ma bde
261a7 mchog gis/ /dngos po kun gyi bdag nyid lus/ /ma lus lus pa med par 'grub/ /ston pa'i phyag rgya phab pa yis/ /bud med dag kyang bsgrubs nas ni/ /rdo rjer bcas pa'i
261b1 mtshan ma 'dzin/ /rnal 'byor mar gyi rab tu 'gyur/ /de dag rang gi lha rnams dang / /'dra bar byin gyis brlabs bsgrubs nas/ /sngon med rol mo'i sil snyan dang / /rnam par 'phrul
261b2 pas 'grub par 'gyur/ /lha yi gzugs dang sgra dang dri/ /ro dang reg pa'i bde myos pas/ /bdag nyid rang gi lhar mthong zhing / /mchod pa dag kyang byed par 'gyur/ /lha yi mchod pa mnyam
261b3 sbyor ba/ /skal bzang mchog gi 'dod chags can/ /rnam pa kun tu skal bzang po'i/ /bde ba yang dag grub par byed/ /sangs rgyas sgyu mas byin brlabs pas/ /rdo rje sems dpa' mnyam
261b4 sbyor ba'i/ /dngos grub kun gyi bde ba rnams/ /dkyil 'khor mthong dka' myong bar 'gyur/ /rdo rje sems dpar mnyam sbyor ba'i/ /mthu nyid kyis ni thams cad du/ /sna tshogs kun gyi
261b5 skal bzang po/ /rang gi bde ba nyid kyis 'grub/ /sangs rgyas kun gyi gzugs chen dang / /dbyangs dang dri dang ro bde bas/ /rdo rje sems dpa'i bdag nyid du/ /de yis rab mthong mchod par
261b6 byed| |mchod pa thams cad mnyam sbyor ba/ /skal bzang mchog gi 'dod chags can/ /sangs rgyas thams cad nyid kyi ni/ /dngos grub ma lus lus med 'grub/ /sangs rgyas thams cad
261b7 mnyam sbyor ba'i/ /mkha' 'gro sgyu ma bde mchog gis/ /sangs rgyas kun gyi bdag nyid gar/ /rnam par rol pa mchog tu snang / /de nas yang dag rab gsang bas/ /bud med dag ni bzhi
262a1 rnams dang / /gar gyi phyag rgya mchod pa yis/ /mchod pa thams cad dbul bar bya/ /rab tu dga' ba'i lha la phyag 'tshal lo/ /de bzhin gshegs pa'i dam par
262a2 grub par mdzod/ /oM hUM/ dam tshig dam pa grub par mdzad du gsol/ /oM hUM/ mchod pa chen po thams cad dag par mdzod/ /oM hUM/ mchod pa chen po thams cad grub par mdzod/ /
262a3 glu yi phyag rgya 'di ni dpal/ /rdo rje sems dpa' la gnas te/ /mchod pa ma lus lus med pa'i/ /rab 'byams las la'ang sbyar du rung / /gang dag grub par ma gyur dang / /mchod
262a4 pa dag ni mi 'byor ba/ /phyag rgya 'di yis mchod byas nas/ /mchod pa thams cad myur du 'grub/ /mchod pa'i sbyor ba 'di dag dang / /lha mo bzhi po dag gis ni/ /me tog la sogs
262a5 mchod byas nas/ /slob ma thams cad gzung bar bya/ /dngos grub 'dod pas ci 'dod par/ /snyim pa'i gar ni kun bskyong nas/ /de dag gdong ni mdzes pa yi/ /ras kyis g.yogs
262a6 te gzung bar bya/ /dngos grub ji ltar 'thob 'dod par/ /slob ma me tog 'thor du gzhug /lha mo gang la lhung ba ni/ /lha de de la 'grub par 'gyur/ /de nas gdong ni dkrol nas
262a7 kyang / /yon gyi mchog ni blang bar bya/ /sangs rgyas rin chen dbang bskur bas/ /ji lta bar ni dbang bskur ro/ /dmar chen po dang ga bur bcas/ /tsan+dan dmar mo sbyar ba rnams/ /
262b1 tshogs kyi dbus su bzhag pa la/ /g.yon pa mtshan 'dzin rdo rje bcas/ /rang gi lha yi rnal 'byor ldan/ /srin lag dang ni mthe bong rtses/ /zhi ba'i btung ba bzhin myangs na/ /rtag pa'i
262b2 dngos grub thob par 'gyur/ /sangs rgyas thams cad mnyam sbyor ba'i/ /mkha' 'gro sgyu ma'i tshogs kyis kyang / /rgyas mi thebs shing mi rmongs te/ /de la gnod par mi 'gyur ro/ /de
262b3 nas mna' ni bgegs byas nas/ /sangs rgyas thams cad mthun pa yis/ /mchog tu rtag pa'i bka' stsal pa/ /dam tshig sdom pa sbyin par bya/ /sangs rgyas thams cad mnyam sbyor ba'i/ /
262b4 sdom pa nyams par khyod byed pa/ /ji snyed sangs rgyas thams cad dang / /byang chub sems dpa' rdo rje 'dzin/ /lha dag dang ni mi rnams dang / /de bzhin rnal 'byor grub pa po/ /de dag la ni
262b5 snying rings nas/ /snying nas khrag chen 'thungs pa bzhin/ /sems can khams ni ma lus don/ /srid pa shin tu dag bya'i phyir/ /mi 'gog chos nyid sbyor ba yis/ /rtag pa nyid du bsgrub
262b6 par bya| |bdag gi ngo bo yongs spangs shing / /dka' thub kyis ni gzir mi bya/ /ci bde bar ni bde bar spyod/ /'di ni phyi dus sangs rgyas yin/ /rnal 'byor longs spyod thams cad la/ /
262b7 cis kyang mi 'jigs dga' bar gyis/ /sdig pa med kyi khyed ma 'jigs/ /dam tshig 'da' bar dka' ba'o/ /grub pa gcig pu gcig la spyod/ /lhan cig spyod dang rjes spyod sdug /
263a1 sangs rgyas byang chub bla med yin/ /yang dag nyid kyis rtag tu bsten/ /rdo rje sems dpa' de bzhin gshegs/ /de skad bka' stsal dpal ldan gyis/ /yang dag
263a2 rdzogs pa'i sangs rgyas dang / /rdo rje can gyis bka' stsal to/ /rnal 'byor bcas dang gsang bcas pa'i/ /bdag gi ye shes rgya bsgrubs nas/ /ji lta'i tshul bzhin gar byed par/ /slob
263a3 ma rnams la bde bar sbyin/ /slob ma dam pas de phyin chad/ /phyag rgya'i ye shes rjes bzung nas/ /rnam par snang mdzad mchog bzhin du/ /sangs rgyas kun gyi bdag nyid grub/ /de nas
263a4 ro dang zas dang gnas/ /glu dang sil snyan la sogs pa/ /de dag mgon po rnams la dbul/ /rdo rje bla ma chen po dang / /bdag dang gzhan la 'dod rgus mchod/ /'dod don 'bras
263a5 bu phun tshogs 'grub/ /de nas bdag nyid rab bsgrubs nas/ /kun gyi slob dpon rab gnas pa/ /ji lta'i tshul bzhin 'jug pa yis/ /bden pa'i chos ni brjod par bya/ /rdo rje sems
263a6 dpa' dpal gyi tshul/ /rtog pa thams cad rab bsgrubs shing / /rtog pa kun rab sbyor ba yis/ /ngo bo nyid phyir chen po'i mchog /sna tshogs las kyi sbyor ba dang / /'dul ba'i bdag
263a7 nyid sna tshogs pas/ /sems can rnams ni 'dul ba'i phyir/ /de las gzhan pa'i tshul du bstan/ /rnal 'byor de nyid bcom ldan 'das/ /rdo rje sems dpa' de bzhin gshegs//
263b1 thar pa thams cad rnam sbyang phyir/ /grol ba'i mkha' 'gro byung bar gyur/ /rang gi lha dang 'dra ba yis/ /rang gi byin rlabs sgrub pa'i rgyas/ /phyag rgya ji bzhin rjes mthun pa'i/ /sangs
263b2 rgyas sprul pa bsgrub par bya/ /gzhan yang rnal 'byor bcom ldan 'das/ /dam tshig la sdang rnam sbyang phyir/ /thams cad rnal 'byor dbang phyug mchog /rdo rje mkha' 'gro byung bar
263b3 'gyur| |gzhan yang shin tu rnal 'byor pa/ /ma lus pad+mo rnam sbyang phyir/ /skal bzang dam pa mi 'gyur ba/ /pad+mo sgyu ma 'byung bar 'gyur/ /gzhan yang rnal 'byor bcom ldan 'das/ /
263b4 nor gyi mchog gis rnam sbyang phyir/ /nam mkha' kun gyi bdag po che/ /rdo rje nyi ma dpal 'byung 'gyur/ /rnal 'byor de nyid bcom ldan 'das/ /drag shul sbyor ba sbyang ba'i phyir/ /rta
263b5 mgrin pha rol rab gnon pa/ /rta mchog rab tu 'byung bar 'gyur/ /rang gi lha dang 'dra ba yis/ /rang gi byin rlabs bsgrub pa'i phyir/ /gzugs brnyan ngo bor sbyor ba yis/ /phyag rgya'i sbyor
263b6 bas gar bya'o/ /dam tshig rnam pa sna tshogs kyis/ /de ltar rnam par spyod na ni/ /sangs rgyas thams cad mnyam sbyar ba/ /mkha' 'gro sgyu ma bde mchog 'grub/ /kun tu kun nas
263b7 thams cad ni/ /sangs rgyas 'phrul pa thams cad kyis/ /bdag nyid rtag tu rnam pa kun/ /sangs rgyas la sogs brtan g.yo kun/ /kun gyi dngos por de 'gyur ro/ /kun tu sangs
264a1 rgyas thams cad kyi/ /sangs rgyas sprul pa thams cad kyis/ /bdag nyid rnam par 'phrul pa ston/ /lha mo kun dang 'dus pa yis/ /sangs rgyas zhing ni ma lus pa/ /
264a2 sangs rgyas sprul pa grub par byed/ /sangs rgyas sprul pa sgyu ma yis/ /sangs rgyas rnams kyi mdzad pa ston/ /sangs rgyas thams cad mnyam sbyor ba'i/ /mkha' 'gro sgyu ma gar byed pas/
264a3 khams gsum dag ni ma lus par/ /dngos po kun tu de 'gyur ro/ /pad+mo sgyu ma rnam 'phrul pas/ /sangs rgyas rdo rje 'dzin la sogs/ /sna tshogs gzugs byed rim pa yis/ /'gro ba thams
264a4 cad mgu bar byed/ /khams gsum pa yi rgyal srid che/ /'jal dum g.yul 'byed grub pa dag /rgyal srid sgyu ma rnam 'phrul pas/ /bya ba thams cad ston par byed/ /khams gsum pa yi
264a5 rgyal srid che/ /bdag rtul phod pas mnan nas ni/ /'gro ba thams cad rab 'joms par/ /rta yi gar gyis ston par byed/ /de la sogs pa mtha' yas mchog /chos dbyings mnyam dang
264a6 mi mnyam pa/ /nam mkha'i dbyings kyi mtha' klas pa'i/ /sna tshogs kun gyi bde mchog gis/ /nam mkha' kun gyi skabs na dpal/ /rdo rje sems dpa' de bzhin gshegs/ /dpal dgyes
264a7 rol pa rnam 'phrul pa/ /sna tshogs kyis ni rnam par rol/ /rnam pa sna tshogs skal bzang po/ /rnam pa sna tshogs bde mchog gis/ /'dul ba rnam pa sna tshogs kyis/ /sems can khams
264b1 ni rab tu bsgrub/ /de la sogs pa mtha' yas mchog/ /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /sangs rgyas thams cad 'byung ba'i mchog /nam mkha'
264b2 kun gyi skabs na dpal/ /rdo rje sems dpa' la gnas te/ /grub pa'i dbang phyug rab bsgrubs pas/ /thams cad bdag nyid grub par byed/ /ces bcom ldan 'das dpal rdo rje sems dpas
264b3 de skad gsungs so/ /sangs rgyas thams cad dang mnyam par sbyor ba mkha' 'gro ba bde ba'i mchog las/ sangs rgyas thams cad mnyam par sbyor ba mkha' 'gro ma sgyu ma'i dkyil 'khor
264b4 gyi rtog pa ste drug pa'o// //de nas gzhan yang bshad bya ba/ /rdo rje sems dpa' dpal gyi lha/ /rnam pa sna tshogs kun gyi mchog /'khor lo thams cad rnam sprul pa'o/ /gsang ba
264b5 mchog gi dgyes pa na/ /thams cad bdag nyid rjes su sgrub/ /dben pa yi ni gnas dag gam/ /rang gi skyed mos tshal sogs par/ /kun tu sna tshogs skal bzang po/ /kun tu sna tshogs bde
264b6 mchog gis/ /kun tu sna tshogs dgos pa rnams/ /ci bde bar ni bsgrub par bya/ /rten dang dgon pa gtsug lag khang / /ri yi rtse rnams thams cad du/ /rnam pa du ma sna tshogs pa'i/ /sangs
264b7 rgyas dgongs pa bsgrub par bya/ /dur khrod dang ni lha rten dang / /ma mo'i gnas la sogs 'dug na/ /rdo rje 'dzin pa'i dgos pa dag /rnam pa du mar 'grub par 'gyur/ /pad+mo'i skyed mos tshal
265a1 dga' dang / /chu bo dag gi mdo dag tu/ /pad+mo 'dzin pa'i dgos pa rnams/ /yang dag par ni 'grub par 'gyur/ /rgyal po'i pho brang dga' ba dang / /rgyal po'i skyed
265a2 mos tshal dag tu/ /rnam pa sna tshogs du ma yi/ /rgyal po'i dgos pa bsgrub par bya/ /mkhar ni rnam pa sna tshogs dang / /de bzhin chu bo'i 'gram dag gam/ /rgyal khams gzhan las
265a3 grub pa ru/ /rdo rje rta ni bsgrub par bya/ /cha lugs rnam pa sna tshogs dang / /sgrub pa rnam pa sna tshogs kyis/ /rdo rje sems dpa'i dgos pa la/ /dkyil 'khor la sogs rab tu bsgrub/ /
265a4 sangs rgyas rnams kyi pad+mo dmar/ /phyag na rdo rje sna tshogs la/ /'jig rten dbang gi kha dog dkar/ /rdo rje nyi ma dpal gyi ser/ /kha dog kun dang ci 'byor ba/ /bla bre rgyal mtshan rgyan gyis
265a5 rnams/ /thams cad rab tu sgrub pa dang la/ /rta mchog rdo rje can gyi'o/ /gnas dang 'khor rnams ci 'dra dang / /bkod dang 'gro ba ci 'dra dang / /'khor rnams bkod pa ci 'dra bar/ /de
265a6 'dra'i 'khor lo mchog gis mdzad/ /rdo rje sems dpa'i lha rnams kyi/ /'khor lo mngon sum mthong ba las/ /bsod nams brtags pa ci 'dra ba/ /phyis bris pa yang de bzhin no/ /
265a7 dkyil 'khor thig btab shes rab can/ /phyogs kun mnyam pa nyid sgrub cing / /shar nub byang gi phyogs dag tu/ /thig bzhi btab pas dkyil 'khor brgyad/ /dkyil 'khor yang dag
265b1 ci 'dra bar/ /rab tu brtag par su zhig nus/ /rang gi lha yi rang bzhin gyis/ /dkyil 'khor brtag pa 'grub par 'gyur/ /bdag nyid rang gi lhar sbyor bas/ /dngos grub thams cad bsgrub
265b2 par bya/ /cho ga lhag gam ma tshang na'ang / /nyes pa med de 'grub par 'gyur/ /kun tu sna tshogs skal bzang po/ /kun tu sna tshogs 'khor lo can/ /kun tu sna tshogs 'grub pa'i phyir/ /dkyil
265b3 'khor kun tu sna tshogs pa'o/ /dkyil 'khor zlum po sangs rgyas kyi/ /rdo rje can gyi zla gam bzhin/ /pad+mo'i dbang gi pad+mo'i dbyibs/ /rin chen mchog gi rin chen dbyibs/ /ji ltar 'dod
265b4 pa ci 'byor ba/ /ji lta'i dus dang ci bde bar/ /dkyil 'khor kun tu gnas par dpal/ /rta mchog phyag rgya rdo rje'o/ /dkyil 'khor du ni ma zhugs shing / /dam tshig rnams ni spangs pa dag /
265b5 gsang ba yang dag mi shes pas/ /bsgrubs kyang ci yang mi 'grub bo/ /srog chags gsad par mi bya zhing / /dkon mchog gsum ni yong mi spang / /byang chub sems ni mi gtang ste/ /
265b6 slob dpon skal bzang yong mi gtang / /kun tu sna tshogs skal bzang por/ /bdag rang bsgrubs pas skal ba bzang / /bdag med chos nyid dang ldan pa/ /dam tshig la sdang skal ba ngan/ /
265b7 srid pa shin tu bsgrubs pas na/ /skal bzang sangs rgyas bcom ldan 'das/ /skal ngan nyan thos 'jig rten na/ /shin tu yongs su mya ngan 'das/ /rtog pa thams cad bsgrubs pa'i
266a1 phyir/ /skal bzang phyag na rdo rje dpal/ /stong pa nyid la rab sbyor bas/ /rang rgyal rnams ni skal ba ngan/ /'dod chags thams cad rnam dag pas/ /skal bzang
266a2 spyan ras gzigs kyi dbang / /log par lta dang ldan pas na/ /skal ngan 'jig rten mu stegs na/ /dam pa'i nor mchog sdud pa'i phyir/ /skal bzang rdo rje nyi ma dpal/ /bdag gi bu yang ma
266a3 chags pas/ /skal ngan dka' thub spyod pa kun/ /rgyal srid mchog rnams kun bsdus pas/ /rta mchog dpal ni skal pa bzang / /bdag med yongs su 'dzin med pas/ /thub pa thams
266a4 cad skal ba ngan/ /bde ba thams cad bdag sgrub phyir/ /kun gyi slob dpon skal ba bzang / /lta ngan dam tshig la ldang ba'i/ /slob ma thams cad skal ba ngan/ /gsang ba'i don ni yang dag
266a5 nyid/ /'di ni gsal bar shes pa yis/ /sangs rgyas kun gyi bka' bzhin du/ /sangs rgyas kun tu 'grub par 'gyur/ /kun gyi slob dpon la gnas pas/ /'khor lor 'jug par byed
266a6 pa na/ /dkyil 'khor 'dod pa'i slob ma la/ /gsang ba yang dag mtha' yas mchog /thog ma nyid du gsang brjod pas/ /kye khyod ci la dga' zhes dri/ /skal ba bzang la bdag dga' zhes//
266a7 'jug pa pos kyang smra bar bya/ /gsang ba'i yan lag 'di shes na/ /ji ltar 'dod par rab tu gzhug /gsang ba yang dag mi shes te/ /g.yas pa yis ni gzhug par bya/ /de ltar dkyil
266b1 'khor du zhugs nas/ /de bzhin shin tu yon 'bul te/ /gsang ba'i cho ga nyid shes pas/ /mi 'gyur pa yi mchog 'grub bo/ /kun tu sna tshogs bla ma la/ /yon mchog dag ni dbul bar nges//
266b2 gang la yongs su gtang dka' gang / /da ni mchog tu bshad pa yin/ /gang dang gang ni sdug pa'i mchog /yang na shin tu khyad par can/ /de dang de ni bla ma la/ /de nyid mi zad 'dod pas dbul/ /yang na
266b3 de ni 'dod 'gyur ba'am/ /'on te sems la dgos pa dag /de sbyin yang na dgos pa bya/ /de ni chung yang mchog yin no/ /de la gal te mchog bdog la/ /de yang ngan pa'i yon 'bul na/ /kun gyi
266b4 slob dpon brnyas pas na/ /de ni rtag tu sdug bsngal 'thob/ /bu mo shin tu brgyan pa'am/ /de bzhin chung ma sdug pa dag /phul nas rin gyis blu ba ni/ /sangs rgyas byang chub mchog gi yon/ /ma chen
266b5 dag ni phul nas su/ /slar yang rin gyis blu ba ni/ /rdo rje 'dzin dpal sbyor ba yi/ /'on te mchog gi yon yin no/ /mu tig bzang dang nor bu dang / /shin tu dkar ba'i ras zung dang / /de bzhin rta ni
266b6 dkar po dag /pad+mo can gyi yon mchog yin/ /rgyal srid longs spyod gter rnams dang / /gos dang rgyan gyi tshogs rnams dang / /de bzhin mchod pa thams cad ni/ /rdo rje nyi ma'i yon yin no//
266b7 shin tu brgyan pa'i rta dag dang / /glang po shin tu brgyan pa dang / /shing rta rin chen gang ba dag /rta yi rgyal po'i yon yin no/ /khams kyi rang bzhin thams cad dam/ /srog dang rtsa ba'i de bzhin
267a1 te| |sangs rgyas rin chen dbang bskur ba/ /mkhas pas rnam pa sna tshogs brtag /spyi bo dang ni dpral ba dang / /ldan pa gnyis dang lhag pa ru/ /sangs rgyas rin
267a2 chen thams cad kyi/ /dbu rgyan mi 'gyur dam pa'o/ /khams kyi rang bzhin thams cad dam/ /srog dang rtsa ba de bzhin te/ /thod pa rin chen dbu rgyan nam/ /sangs rgyas gtsug gi
267a3 nor bu dag /kun tu sna tshogs bla mar ni/ /kun gyi slob dpon kun la bya/ /rgyal srid thams cad rnam dag la/ /ma lus lus pa med par 'grub/ /rin chen ngo mtshar gcig las
267a4 byas| |de bzhin sna tshogs rgyan gyis spras/ /sangs rgyas pad+mo'i dbang bskur bas/ /slob ma thams cad dbang bskur ro/ /sangs rgyas rin chen rdo rje byed/ /rdo rje rigs la rdo rje yin/ /
267a5 spyan ras gzigs kyi sangs rgyas sku/ /nor bu 'dzin gyi nor bu yin/ /sangs rgyas rin chen pad+mo dang / /rdo rje nor bu de bzhin du/ /thams cad mchog ni rta mchog la/ /rang gi dbang
267a6 bskur bsdus pa'o/ /blugs pa dang ni byas pa'am/ /brdungs pa'am yang na khris pa'ang rung / /sna tshogs rab tu legs pa yi/ /mtshan ma'i phyag rgya rab tu brtag /kun tu sna tshogs
267a7 skal bzang po/ /rang byung rnams kyi mtshan ma'i rgya/ /nam mkha'i dbyings kyi mtha' klas pa'i/ /lha mo rnams kyi bde ba'i mchog /gzhu dang mda' dang de bzhin du/ /skal ldan de
267b1 bzhin skal ba bzang / /thod pa dang ni kha T+wAM ga /rdo rje rgya gram de bzhin no/ /pad+mo rgya gram dpag med tshe'i/ /sangs rgyas kun gyi tshe sgrub pa/ /lha mo tshogs rnams thams cad kyi/ /mtshan ma
267b2 phyag rgya tshogs sgrub bzhin/ /mda' dang de bzhin tshangs pa'i mgo /de bzhin 'khor lo'i phyag rgya dang / /rdo rje tri shul phyag rgya'i mchog /dpag bsam shing dang lcug ma dang / /pad+mo rta
267b3 mgrin 'phang mtho ba/ /rta mgrin ljang gu de bzhin no/ /phag gi mche ba grub pa dang / /zla ba nyi ma de bzhin no/ /rin chen sna tshogs snod chen du/ /sangs rgyas gzugs kyi ra sa yi/ /thams
267b4 cad bdag nyid myong skal bzang / /mtshan ma'i phyag rgya'i tshogs gzhan no/ /gling bu dang ni pi wang kun/ /ku mun+Da dang mu ra dza/ /me tog bdug pa mar me dang / /sna tshogs dri rnams
267b5 de bzhin no/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /mtshan ma'i phyag rgya dam pa'i tshogs/ /nam
267b6 mkha' kun gyi skabs na dpal/ /rdo rje sems dpa' nyid la gnas/ /grub pa'i dbang phyug rab grub pas/ /thams cad bdag nyid grub par 'gyur/ /chos gos dang ni lhung bzed dang //
267b7 de bzhin du ni 'khar sil dang / /dam pa'i chos ni glegs bam dag /mtshan ma'i phyag rgya'i tshogs gzhan no/ /de bzhin rtse yi phyag rgya dang / /cha lang dang ni rnga dag dang / /rdo rje dang ni rin chen
268a1 snod/ /mtshan ma'i phyag rgya'i tshogs gzhan no/ /de bzhin sangs rgyas gzugs brnyan dang / /me long dang ni rlung yab dang / /rdo rje ser ba'i sprin dang bcas/ /de
268a2 bzhin mig gi phyag rgya dang / /rdo rje 'bar ba kha T+wAM ga /thod pa kham phor de bzhin no/ /dmar chen dang ni snying rje dang / /sha chen dang ni de bzhin te/ /rnon po mda' dang de bzhin 'dren/ /chang
268a3 dang chu dang de bzhin te/ /lcug ma rlung gi sa bskyod pa dang / /ras dang de bzhin me dang ni/ /rdo rje khro bo rgyal po'i dpal/ /gdug pa thams cad za ba yi/ /mtshan ma'i phyag rgya grub pa'i tshogs/ /
268a4 rnal 'byor dngos grub rab sgrub pa'o/ /pad+mo sna tshogs dmar po dang / /ljang gu de bzhin dkar po dang / /mthing ga ser po le brgan dag /pad+mo mtshan mchog rnam pa bdun/ /pad+ma smyung po
268a5 bud med rgya/ /de bzhin chos kyi 'khor lo dang / /gsal zhing dpal bskyed rdo rje dag /pad+mo mtshan ma'i tshogs gzhan no/ /gzhu dang mda' dang ral gri dang / /de bzhin du ni 'bar ba'i
268a6 me| |dbang bskur gter dang rgyal mtshan dag /mchod pa'i mtshan ma bsdus pa'o/ /de bzhin sna tshogs pad+mo dang / /rdo rje rgya gram de bzhin te/ /mtshan ma'i phyag rgya grub pa yis/ /rgyal
268a7 srid thams cad 'joms pa ste/ /sangs rgyas thams cad la sogs pa/ /dngos po brtan g.yo ma lus kun/ /rang byung rnams kyi mtshan ma'i rgya/ /nam mkha'i dbyings kyi mtha' klas
268b1 pa'o/ /de skad bcom ldan de bzhin gshegs/ /rdo rje sems dpa' dpal gyi gsungs/ /sangs rgyas thams cad dang mnyam par sbyor ba mkha' 'gro sgyu ma'i bde ba'i mchog las/ dkyil
268b2 'khor thams cad kyi phyag rgya zhes pa'i rtog pa ste bdun pa'o// //de nas gzhan dag bshad ba ni/ /rdo rje sems dpa' dpal gyi lha'i/ /rnam pa kun tu sna tshogs mchog /
268b3 mchod pa thams cad rnam sprul pa'o/ /lag pa g.yas g.yon gnyis dag gis/ /mdzub mo mthe'u chung mdzes par bsgyur/ /dpal ldan g.yon pa 'gying ba'i thabs/ /g.yas pa bdan gsum
268b4 du bya| |srid zhur bcas pa'i steg pa'i mchog /bdag nyid rdo rje sems dpa' dpal/ /'dzum dang bcas pa'i mig gis blta/ /bsam pa g.yos pa'i phyag rgya'o/ /sangs rgyas rdo rje pad+mo
268b5 'dzin/ /rdo rje nyi ma khams gsum pas/ /skad cig gis kyang phyag byed na/ /khengs pa gzhan lta ci zhig smos/ /drag po dbang po nye dbang bcas/ /nyi zla gshin rje tshangs par bcas/ /btud
268b6 de rab tu phyag 'tshal nas/ /las rnams thams cad byed par 'gyur/ /rdo rje dpal gyi thal mo bsgyur/ /bsam pa g.yos pas phyag byas pa'i/ /sangs rgyas mchod pa legs byas na/ /
268b7 ma lus lus pa med par 'grub/ /smin ma g.yon du 'degs tshul gyis/ /ru lu ru lur bcas bgad na/ /tshangs pa nye dbang drag por bcas/ /khams gsum pa rnams phyag byed 'gyur/ /
269a1 thal mo pad+mo kha 'bus bzhin/ /rang gi sbyor ldan snying gar bcing / /mthe bong mthe'u chung 'dab ma bzhin/ /rgyas pa btud pa'i phyag kyang bya/ /lus kyi yan
269a2 lag thams cad ni/ /sa la bsnyal te phyag bya ba/ /snying ga kha dang spyi gtsug tu/ /thal mo sbyar te phyag bya'o/ /dpal ldan rdo rje 'gying ba'i thabs/ /'dzum pa'i mig gi sa phyag
269a3 byas nas/ /khams gsum pa yang phyag byas nas/ /mthu snyems gzhan lta ci zhig smos/ /phyag 'tshal ba'i phyag rgya zhes pa'o/ /gar gyi rgyun rnams ji snyed dang / /de bzhin bya
269a4 ba'i tshul ston kun/ /de dag rdo rje sems dpa'i rgya/ /rang gi don rnams grub par byed pa'o/ /'gying dang bcas pa'i tshul byas nas/ /ji lta'i tshul bzhin gar byed cing / /bskor ba'i
269a5 gar rnams sna tshogs kyis/ /mchod pa thams cad dbul bar bya/ /lag pa g.yas g.yon gnyis dag gis/ /mdzub mo mthe'u chung mdzes bsgyur te/ /g.yon pa'i mdzub mo khu
269a6 tshur bcang / /g.yas pa ba dan gsum par bya/ /phyag rgya 'di yis btab na ni/ /sangs rgyas kun dang 'grogs pa dang / /dngos grub chen po mchog kun gyi/ /dbang phyug chen po
269a7 'grub par 'gyur/ /sangs rgyas thams cad dang 'grogs pa/ /dpal skal pa bzang po zhes bya ba'i phyag rgya'o/ /snyems 'dzin chen por bcas pa yi/ /sbyor ba de nyid btegs
269b1 nas su/ /'gram pa'i phyogs su yongs bsgyur nas/ /spyi bo'i mtshams su gzhag par bya/ /thams cad 'bebs pa'i gar byed pas/ /gar byas de nas phab nas su/ /skal bzang hUM
269b2 zhes bya ba'i glus/ /mchod pa thams cad dbul bar bya/ /sangs rgyas thams cad dang mnyam par sbyor bskal ba bzang po bde ba chen po zhes bya ba'i phyag rgya'o/ /lag pa g.yas
269b3 g.yon gnyis dag gis/ /mdzub mo mthe'u chung mdzes bsgyur ba'i/ /rdo rje thal mo sbyar nas su/ /de bzhin g.yon du bsgyur bar bya/ /de ni sbyor bas btegs nas su/ /spyi bo'i mtshams
269b4 su gzhag par bya/ /skal bzang oM zhes bya ba'i glus/ /mchod pa thams cad dbul bar bya/ /dpal rdo rje thal mo sbyar ba sangs rgyas kyi mchod pa'o/ /lag pa g.yas g.yon gnyis
269b5 dag gis/ /mdzub mo mthe'u chung mdzes bsgyur te/ /rdo rje thal mo gyen du dgrol/ /mchod pa'i gtor ma kun gyi tshul/ /dur khrod cha lugs gar byed pas/ /phyag rgya 'di yis gar byed
269b6 cing / /skal bzang rdo rje drag por dgod/ /mchod pa thams cad dbul bar bya/ /dpal rdo rje he ru ka'i thod pa'i thal mo ste mchod pa'i gtor ma thams cad kyi cho ga'o/ /lag pa g.yas
269b7 g.yon gnyis dag gis/ /mdzub mo mthe'u chung mdzes bsgyur te/ /g.yas g.yon thal mo brdabs pa yis/ /mchod pa thams cad dbul bar bya/ /dpal pad+mo gar gyi dbang phyug gi
270a1 thal mo'o/ /lag pa g.yas g.yon gnyis dag gis/ /mdzub mo mthe'u chung mdzes bsgyur te/ /rdo rje rin chen thal sbyar nas/ /mchod pa thams cad dbul
270a2 bar bya/ /re ba thams cad yongs su rdzogs par byed pa dpal rdo rje rin chen zhes bya ba'i phyag rgya'o/ /gyen du 'thor zhing thur du 'bebs/ /bskor zhing de bzhin nyug pa dang / /me tog
270a3 bdug pa mar me mchog /dri yi mchod pa 'byung ba'o/ /gang ba'am 'on te stong pa'ang rung / /yang na ci 'byor ba yis kyang / /dam tshig mnyam par sgrub pa yis/ /mchod pa thams cad
270a4 'grub par 'gyur/ /phyag rgya 'di rnams bcings nas ni/ /sangs rgyas thams cad mchod par 'gyur/ /dngos grub dbang phyug grub pas kyang / /kun gyi bdag nyid mchod par 'gyur/
270a5 chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /rang byung rnams kyi mchod pa kun/ /gang dag de yis ma byas shing / /spel bar yang ni ma gyur pa'i//
270a6 rlabs chen dam pa gang yang med/ /sangs rgyas thams cad mnyam sbyor ba/ /sbyor ba'i dbang phyug bde chen dang / /dngos grub las dang bde ba dag /'di yis mi 'grub gang yang
270a7 med| |mchod pa rab 'byams grub pa rnams/ /ma lus lus pa med pa 'grub/ /bcom ldan rdo rje sems dpas gsungs/ /sangs rgyas thams cad dang mnyam par sbyor ba
270b1 mkha' 'gro sgyu ma bde ba'i mchog las/ mchod pa thams cad dang mnyam par sbyor ba dpal skal pa bzang po dam tshig gi rtog pa ste brgyad pa'o// //de nas gzhan yang
270b2 bshad pa ni/ /rdo rje sems dpa' dpal gyi lha'i/ /kun tu sna tshogs mchog rnams kyi/ /phyag rgya thams cad rnam sprul pa'o/ /sems dpa' sangs rgyas kun gyi dngos/ /rdo rje sems
270b3 dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /bde ba thams cad rnam dag phyir/ /rdo rje sems dpa' bde ba'i mchog /zla ba nya ltar
270b4 rtsa dmar sku/ /'dod chags kun la chags pa'i phyir/ /chags pa chen po bcom ldan 'das/ /rdo rje sems dpa'i phyag rgya 'di/ /dmar po sna tshogs 'bar ba'i 'ong / /khams gsum
270b5 dag na rin chen gzhan/ /sangs rgyas rin chen lta bu med/ /sangs rgyas kun gyi rin chen che/ /dbu rgyan can ni bde ba'i mchog /gzhan gyi nor min mi 'phrog pa/ /lha yi chu
270b6 'dis dag pa ste/ /mthu dang ngo bo nyid dag dang / /rang bzhin gyis ni de 'grub bo/ /thod pa'i phreng ba'i dbu rgyan drang / /sangs rgyas gtsug gi nor bu can/ /kun nas nyon mongs 'jig rten
270b7 dbang / /mi mjed la sogs de 'grub bo/ /rdo rje sems dpa' dpal sbyor ba/ /lha mo kun dang 'dus pa yis/ /kun tu sna tshogs skal bzang po/ /mkha' 'gro ma ni thams cad 'grub/
271a1 sangs rgyas rdo rje pad+mo 'dzin/ /rdo rje nyi ma khams gsum pa/ /rgyas btab rmongs pas bslangs nas ni/ /las rnams kun la sbyor bar byed/ /phyag rgya 'di
271a2 yis btab pa ni/ /'dod pa bzhin du 'gro 'ong lding / /lha mo kun mchog dpal dang ldan/ /rdo rje sems dpa' rab tu 'grub/ /mchog tu dga' ba la rab tu sbyor ba skal ba bzang
271a3 po dpal rdo rje sems dpa' bde ba'i mchog rol pa zhes bya ba mchog gi phyag rgya'o/ /g.yas dang g.yon gyi sbyor ba yi/ /bde ba'i cha lugs gar byed cing / /sems dpa'i skyil
271a4 mo krung bcas nas/ /dpung rnams thams cad rab tu 'joms/ /dpal rdo rje sems dpa'i skyil mo krung ngo / /zla ba'i kha dog 'dzum pa'i zhal/ /dngos grub thams cad dag pa
271a5 dang | |pad+mo'i 'dod chags rnam dag phyir/ /brla yi dbus ni dmar la dkar/ /phyag mchog lo ma sngon po 'dra/ /de bzhin bde ba'i dbang phyug dang / /bde bar reg pa'i dbang
271a6 phyug pas/ /dkar zhing ser ba'i brla dang ldan/ /lha rdzas sna tshogs kha dog mchog /'bar ba sna tshogs 'khrigs pa'i 'od/ /pad+mo sna tshogs la gnas pa/ /thams cad dag par
271a7 rab tu gnas/ /sangs rgyas pad+mo la sogs mchog /rin chen sna tshogs rgyan dang gos/ /sangs rgyas thams cad 'dus pa yin/ /mi mjed pa sogs brgyan pa bzhin/ /bya ba dang
271b1 ni bzlog pa dang / /'phrog pa dag kyang lhag par mdzad/ /bdag la 'khyud pa'i phyag rgya yis/ /yan lag thams cad 'phrog par 'grub/ /phyag rgya 'di yis btab na ni/ /'dod pa bzhin du
271b2 'gro 'ong lding / /dpal ldan 'dod pa kun la dbang / /rdo rje sems dpa' rab tu 'grub/ /mchog tu dga' ba la rab tu sbyor ba skal ba bzang po dpal rdo rje mda' bde ba'i mchog rol pa
271b3 zhes bya ba'i phyag rgya'o/ /rnam pa sna tshogs dam tshig chags/ /bde ba'i 'bebs pa'i gar byed pas/ /bdag la 'khyud pa'i phyag rgya mchog /dbus kyi lha mchog chen po yis/ /phyag rgya 'di
271b4 yis rnal 'byor pa/ /'dod pa bzhin du 'gro 'ong lding / /bde chen dbang phyug dpal dang ldan/ /rdo rje sems dpa' rab tu 'grub/ /mchog tu dga' la rab sbyor ba/ /skal ba bzang po dpal
271b5 rdo rje sems dpa'i dam tshig bde ba'i mchog rol pa zhes bya ba'i phyag rgya'o/ /ser la kha yi tshul dag tu/ /rdo rje kha T+wAM ga bzung ste/ /bdag la 'khyud pa'i phyag rgya ni/ /pad bcas rdo rje rgya
271b6 gram mchog /phyag rgya 'di yis btab na ni/ /'dod pa bzhin du 'gro 'ong lding / /rnal 'byor kun gyi dbang phyug rgyal/ /rdo rje sems dpa' rab tu 'grub/ /mchog tu dga' ba la rab tu
271b7 sbyor ba skal ba bzang po dpal rdo rje rnal 'byor bde ba'i mchog rol pa zhes bya ba'i phyag rgya'o/ /rdzogs sangs rgyas kyi kham phor 'grub/ /bdag la 'khyud pa'i phyag rgya yis/ /rdo rje sems
272a1 dpa' dpal sbyor ba/ /dbus kyi lha mchog chen po'o/ /phyag rgya 'di yis rnal 'byor pa/ /'dod pa bzhin du 'gro 'od lding / /dpal ldan tshe dang gzhon 'grub pa/
272a2 rdo rje sems dpa' rab tu 'grub/ /mchog tu dga' ba la rab tu sbyor ba skal ba bzang po dpal rdo rje tshe bde ba'i mchog rol pa zhes bya ba'i phyag rgya'o/ /de la sogs pa mtha' yas
272a3 mchog /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /rang byung phyag rgya sna tshogs rnams/ /nam mkha' kun gyi skabs na dpal/ /rdo rje sems
272a4 dpa' la gnas te/ /grub pa'i dbang phyug rab grub pas/ /thams cad bdag nyid 'bab 'grub 'gyur/ /sangs rgyas thams cad mnyam sbyor ba'i/ /mkha' 'gro sgyu ma bde ba'i
272a5 mchog gi rtsa ba'i phyag rgya'i tshogs so/ /gtsug lag ji lta'i rjes mthun pa'i/ /dpal rdzogs rgya chen gar dag gis/ /mda' bzhi yongs su 'phangs na ni/ /bdud bzhi dag las
272a6 rgyal bar 'gyur/ /tshangs pa chen po'i mgo dpal rdo rje mda' zhes bya ba'i phyag rgya'o/ /rkang pa 'deg cing phab pa dang / /gshibs te mchong ba'i stabs dag gis/ /'khor lo'i
272a7 phyag rgyas bstod nas ni/ /khams gsum dag las mchod par 'gyur/ /dpal rdo rje mthu bo che zhes bya ba'i phyag rgya'o/ /bya ba dang ni bzlog pa dang / /'phrog pa dag gi khyad par
272b1 du| |sna tshogs phyag rgyas gar byed cing / /khams gsum dag ni bsdu bar bya/ /dpal rdo rje gar gyi dbang phyug zhes bya ba'i phyag rgya'o/ /lhug ma gang yang rung bzung nas/ /bdag la 'khyud
272b2 pa'i phyag rgya yis/ /bud med thams cad rtses nas ni/ /dpag bsam shing ltar rtag tu 'grub/ /dpal rdo rje 'dod pa'i lha mo zhes bya ba'i phyag rgya'o/ /myang ba btung ba ltar byas pas/
272b3 drag po dbang po nye dbang bcas/ /nyi zla gshin rje tshangs pa yi/ /'jig rten gsum dag skam par byed/ /dpal rdo rje rta gdong zhes bya ba'i phyag rgya'o/ /sna yi myang ba'i rdub pa yis/ /drag po
272b4 dbang po nye dbang bcas/ /nyi zla gshin rje tshangs bcas pa'i/ /khams gsum yang ni sdud par byed/ /dpal rdo rje phag mo zhas bya ba'i phyag rgya'o/ /mig tshugs zhen par lta ba yis/ /drag
272b5 po dbang po nye dbang bcas/ /nyi zla gshin rje tshangs bcas pa'i/ /'jig rten gsum yang za bar byed/ /dpal rdo rje spyan nyi zla zhes bya ba'i phyag rgya'o/ /thams cad bdag nyid myangs pa
272b6 yis| |drag po dbang po nye dbang bcas/ /nyi zla gshin rje tshangs bcas pa'i/ /thal bar gyur pa'ang 'tsho bar byed/ /dpal rdo rje kun gyi bdag nyid khams gsum slar 'tsho ba zhes bya ba'i
272b7 phyag rgya'o/ /gling bu len pa'i tshul ston cing / /ji ltar 'bab pa'i gar byed pas/ /tshangs dang nye dbang drag por bcas/ /'gro ba gsum dag dbang du byed/ /dpal rdo rje gling bu'i dbang byed
273a1 ces bya ba'i phyag rgya'o/ /pi wang len pa'i tshul ston cing / /ji ltar 'bab pa'i gar byed pas/ /las rnams grub pa rab 'byams dang / /dngos grub ma lus
273a2 myur du 'grub/ /dpal rdo rje pi wang bde bas rmongs par byed pa zhes bya ba'i phyag rgya'o/ /cang te'u tshul ston rnal 'byor pa/ /ji ltar 'bab pa'i gar byed pas/ /rims dang gdon
273a3 dang dug zhen pa'i/ /sdug bsngal thams cad myur du sel/ /dpal rdo rje cang te'u sdug bsngal thams cad sel bar byed pa zhes bya ba'i phyag rgya'o/ /rdza rnga'i tshul ston rnal 'byor pa/ /ji
273a4 ltar 'bab pa'i gar byed pa/ /gnas gsum dag ni ma lus pa/ /skad cig tsam gyis 'bebs par byed/ /dpal rdo rje rdza rdzas myos par byed pa zhes bya ba'i phyag rgya'o/ /phyag rgya
273a5 gar gyi mchod pa yis/ /mchod pa thams cad byas nas ni/ /rang byung gar gyi mchod pa rnams/ /ma lus lus pa med par 'grub/ /rims dang dug dang dbyig dug byed/ /phra men
273a6 gdon gyi gnod pa rnams/ /bskor ba'i gar rnams sna tshogs kyis/ /skad cig tsam gyis zhi bar 'gyur/ /drag po dbang po nye dbang bcas/ /nyi zla gshin rje tshangs bcas pa'i/ /
273a7 rgyas btab rmongs byas zos pa dag /skad cig tsam gyis 'tsho bar byed/ /de la sogs pa mtha' yas mchog /chos dbyings mnyam dang mi mnyam pa'i/ /nam mkha'i dbyings kyi
273b1 mtha' klas pa/ /rang byung lha mo phyag rgya rnams/ /nam mkha' kun gyi skabs na dpal/ /rdo rje sems dpa' la gnas te/ /dngos grub dbang phyug rang nub pas/ /thams cad bdag nyid
273b2 babs par 'gyur/ /sangs rgyas thams cad mnyam sbyor ba/ /mkha' 'gro sgyu ma bde mchog gis/ /rab tu grub pa'i glu rnams kyis/ /bla med pa yi dngos grub 'thob/ /de nas phyag rgya ye
273b3 shes 'di/ /dpal ldan rdo rje mchog gi glu/ /las rnams thams cad rab grub cing / /srid pa shin tu sgrub pa ni/ /rdo rje sems dpa' bde chen skal bzang dpal khyod bdag la bsgrubs
273b4 la rtogs par mdzad du gsol/ /kye de bzhin gshegs pa kun gyi bdag nyid bde ba mkha' 'gro sgyu ma sna tshogs bde ba'i mchog /'gro ba'i rgyud rnams rnam pa sna tshogs 'dul
273b5 mchog sgrub pa bdag la grub par mdzad du gsol/ /a la la la ho/ /de bzhin gshegs pa'i sbyor ba rnam pa sna tshogs gar rnams bstan du gsol/ /dzaHhUM baM ho/ /kye bde mchog
273b6 bde bas zungs la rnam par sprul/ /hUM snang bar mdzad du gsol/ /a la la la ho/ /de bzhin gshegs kun sna tshogs mkha' 'gro sgyu mas slob ma gzung du gsol/ /sangs rgyas
273b7 thams cad mnyam sbyor ba/ /mkha' 'gro sgyu ma bde ba'i mchog /kun tu kun nas thams cad du/ /'di nyid kyis ni myur du 'grub/ /sangs rgyas thams cad dang mnyam par sbyor ba
274a1 mkha' 'gro ma'i rnal 'byor gyi dkyil 'khor gyi phyag rgya zhes bya'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /thar
274a2 thams cad bla ma dag phyir/ /sangs rgyas phyag rgya dpal du gnas/ /'dod dam rnam par dag pa'i phyir/ /bcom gser gyi kha dog bzhin/ /chags med la sogs chags tshon
274a3 phyir| |dkar zhing sma tshogs gsal ba'i mdangs/ /chos kyi rgyal srid rab bsgrubs pas/ /rin chen chos las lhag pa med/ /de bas theg chen byang chub sems/ /rgyal ba rdo rje
274a4 rin chen can/ /g.yas pa'i mthe bong gung mo gnyis/ /g.yon pa'i khu tshur bcangs pa ni/ /sor mo kun la reg pa ni/ /rtsa ba'i phyag rgya yin par grags/ /'di ni sangs rgyas thams
274a5 cad kyi| |shes rab pha rol phyin gsal yin/ /byang chub sems chen skye ba dang / /chos kyi 'khor lo bskor ba ste/ /phyag rgya 'di yis btab na ni/ /shes rab pha rol phyin pa'i tshul/
274a6 nam mkha'i dbyings kyi mtha' klas par/ /rab tu bsgrags par 'gyur ba yin/ /byang chub sems chen bskyed pa dang / /chos kyi 'khor lo bskor ba ste/ /sangs rgyas nyid du rig par
274a7 bya| |mchog tu rtag pa'i sangs rgyas so/ /gang gis ldan pa 'di mthong zhing / /rnam pa kun tu mchod byed pa/ /de yi sangs rgyas rtag pa'i mchog /mthong zhing mchod pa byed
274b1 par 'gyur/ /sems ni bskyed ma thag tu yang / /chos kyi 'khor lo legs pa bskor/ /dpal dam tshig ces bya ba'i phyag rgya'o/ /g.yas pa'i yan lag gnon pa yis/ /g.yon pa'i
274b2 yan lag kun las rgyal/ /sems dpa'i skyil mo krung bcas nas/ /bdud rnams thams cad rab tu 'joms/ /dpal rdo rje sems dpa'i skyil mo krung ngo / /rdo rje khu tshur bcangs nas su/ /lag
274b3 pa g.yon pas bkab pa ni/ /sangs rgyas kun blo dngos grub rnams/ /ma lus lus pa med pa'i 'grub/ /de bzhin dpal ldan he ru ka'i/ /rdo rje khu tshur chen po dag pa/ /dpa' bo 'dod pa'i dngos
274b4 grub rnams/ /ma lus lus pa med par 'grub/ /pad+mo'i bud med khu tshur ni/ /de bzhin g.yon pas bkab na yang / /byang chub spyod rab 'grub pa rnams/ /ma lus lus pa med par 'grub/ /rin
274b5 chen 'dzin pa'i khu tshur yang / /lag pa g.yon pas bkab na ni/ /sangs rgyas nor kun dngos grub pa/ /ma lus lus pa med par 'grub/ /sangs rgyas khu tshur bcangs nas su/ /lag pa g.yon
274b6 pas bkab na ni/ /sangs rgyas kun gyi tshe 'grub pa/ /ma lus lus pa med par 'grub/ /bud med phyag rgya bcings nas su/ /lag pa g.yon pas bkab na ni/ /dngos grub thams cad myur
274b7 'grub pa/ /ma lus lus pa med par 'grub/ /rta gdong dpal gyi khu tshur yang / /lag pa g.yon pas bkab na ni/ /thams cad 'gugs par rab grub pa/ /ma lus lus pa med par
275a1 'grub| |dpal grub spyan gyi khu tshur yang / /lag pa g.yon pas bkab ba ni/ /snang ba thams cad rab 'grub pa/ /ma lus lus pa med par 'grub/ /dang po sangs rgyas
275a2 kun snod pa/ /gnyis pa de bzhin dpa' bo yin/ /gsum pa kun tu bzang po'i lo/ /bzhi pa mi zad snod yin no/ /sangs rgyas yan lag kun ldan dpal/ /de bzhin zhal bzang gzungs ma
275a3 yin| |sprin chen mo ni bdun pa ste/ /brgyad pa nam mkha'i spyan yin no/ /gzungs ma thams cad kyi phyag rgya'o/ /phyag rgya shes pa 'di dag gi /sangs rgyas sprul pa'i glu mchog ni/ /'grub
275a4 par 'gyur pa byed pa'i mchog /las rnams thams cad rab sgrub pa/ /slong bar byed pa bstan sgrub pa/ /de bzhin sna tshogs rgyas pa dag /drug pa'i dbyangs kyi glu blangs nas/ /de pa ta yi
275a5 glu blang ngo / /'jig rten khams mang rdul phran grangs snyed khyab par 'phros pa yi/ /rgyal ba'i don rnams rab tu phra ba'i rdul gyi grangs snyed pa/ /sprul pa'i sku rnams phra ba'i rdul gyi grangs
275a6 snyed ni/ /srid pa bde chen de bzhin gshegs kun rnam 'phrul sna tshogs kyis/ /rdul phran grangs snyed de bzhin gshegs pa'i rnam par sprul pa mdzod ho/ /dpal rnam par snang mdzad
275a7 sbyor ba a la la la ho/ /de ring grub par mdzod/ /glu 'di dag ni blangs pa yis/ /nam mkha' thams cad mnyam sbyor ba/ /mkha' 'gro sgyu ma bde ba'i mchog /grub par 'gyur ba gdon
275b1 mi za| |de nas bud med bzhi rnams dang / /rang gi yang dag gsang ba yis/ /cho ga rgyas pa'i tshul bzhin du/ /me tog la sogs mchod pa bya/ /de bzhin gshegs pa'i phyag rgya zhes pa'o/ /rnal
275b2 'byor de nyid bcom ldan 'das/ /rdo rje sems dpa' de bzhin gshegs/ /dam tshig la sdang rnam sbyang phyir/ /dur khrod dpal gyis phyag rgyar gsal/ /shin tu gdug cing gtum po la/ /zhi
275b3 pas phan par mi 'gyur te/ /shes rab thabs kyi rnal 'byor gyis/ /rnal 'byor bde mchog dam par 'gyur/ /sangs rgyas khros byung khro bo ni/ /thal bar 'jig pa mchog yin te/ /sems
275b4 dpa' sngon po 'bar ba can/ /'bar ba'i dkyil 'khor dmar po snang / /gzhan gyis ma yin mi 'phrog pa/ /lha rdzas chu yis dgang ba ste/ /'di ni rang bzhin nyid dag dang / /mthu dang ngo bo
275b5 nyid kyis 'grub/ /gos chen po dang blugs pa che/ /sha chen po dang sbrang rtsi che/ /dur khrod kun gyi 'byung po yi/ /phyag rgya dpal ldan dbang phyug mchog /shin tu khro gdug gtum pa yi/ /
275b6 sems can khams rnams rnam sbyang phyir/ /'di ni dpal ldan he ru ka'i/ /rdo rje rgyal chen dbang phyug mchog /thod pa'i phreng ba'i dbu rgyan dang / /sangs rgyas gtsug gi nor bu dag /rgyal
275b7 srid thams cad rab sgrub pa/ /ma lus lus pa med pa 'grub/ /rdo rje kha T+wAM rdo rje bcas/ /dril bu dkrol ba'i sgrar bcas pa/ /dpal ldan he ru ka babs pa'i/ /phyag rgya sna tshogs rnam
276a1 sprul pas/ /sangs rgyas rdo rje pad+mo 'dzin/ /rdo rje nyi ma khams gsum pa/ /rgyas btab rmongs byas de zos nas/ /thal bar gyur ba'ang 'tsho bar byed/ /dpal rdo rje
276a2 he ru ka rdo rje 'bab pa rnam par 'phrul pa pad+ma gar gyi dbang phyug bcas bya ba'i phyag rgya'o/ /se ral kha yi tshul dag tu/ /kha T+wAM ga la rgya brten byas/ /lag pa g.yon na thod pa thogs//
276a3 g.yas pa ba dang gsum par byas/ /nam mkha'i phyag rgyas rnal 'byor pa/ /nam mkha' kun tu 'gro bar 'gyur/ /bud med la sogs rin chen mchog /dngos po thams cad mkha'
276a4 las 'byin/ /phyag rgya 'di yis yongs btab nas/ /bde bar lhag pa'i tshul ston pas/ /nam mkha' las ni kun lhags te/ /bdag gi spyod par de spyod do/ /drag po dbang po nye dbang
276a5 bcas| |nyi zla mkha' 'gro mi bzad tshogs/ /mkha' las sgyu ma kun blags nas/ /lus pa med par de za'o/ /nam mkha' thams cad mnyam sbyor bskal ba bzang po dpal rdo rje
276a6 mkha' 'gro ma'i bde ba'i mchog ces bya ba'i phyag rgya'o/ /g.yas dang g.yon pa'i sbyor ba yis/ /bde bar 'bab pa'i gar byed pas/ /skyil mo krung ni phyed bcas la/ /rkang pa rang gi
276a7 brla bsdams na/ /drag po dbang po nye dbang bcas/ /nyi zla gshin rje tshangs bcas pa/ /rgyas btab rmongs byas bslangs nas su/ /gar dag byed cing de za'o/ /de nyid kyi ni sbyor ba yis/ /
276b1 de nas bde bar brla bsdams pas/ /legs par bsdams de phyir btags nas/ /rab tu bkram ste btung bar bya/ /sgyu ma de dag nyid kyis ni/ /de nas bla phrag bskyod pa yis/ /skal bzang lha dang
276b2 mi rnams kyi/ /bud med kun la de spyod do/ /bde bar reg pa thams cad mnyam par sbyor ba skal ba bzang po dpal rdo rje drag po gnas pa zhes bya ba'i phyag rgya'o/ /de nas gzhan yang rab bshad pa
276b3 sangs rgyas mkha' 'gro'i dkyil 'khor du/ /dpal ldan he ru ka babs pa'i/ /phyag rgya sna tshogs gnas pa'o/ /zhi dang drag po rmongs pa'i mchog /dga' ba'i gar byed 'gyur bar bcas/ /shi ba
276b4 ldang ba'i sbyor ba yis/ /bde ba'i phyag rgya rab tu gnas/ /zhi dang drag po rmongs byed dang / /gyen du dbugs 'byin gar byed lus/ /lta ba'i phyag rgya grub pa'i mchog /gsang ba'i sbyor ba bde
276b5 mchog gis/ /me tog bdug pa'i sbyor ba mchog /chang dang chu dang lcug ma dang / /ras dang me gtong grub pa yis/ /khyad par du ni rgyas 'debs so/ /rtse gcig mnyam par sbyor ba yis/ /sbyor
276b6 ba'i gnyer ba bde ba sbyin/ /mngon par gtor zhing sa gol rdeb/ /dal bus gyen du dbugs 'byin pas/ /g.yon du lta zhing lag pas drangs/ /'o byed 'khyud pa de bzhin te/ /gar byed rab tu
276b7 rmongs pa dang / /za dang gsang ba'i lus rnams dang / /tshangs pa chen po'i mgo dang ni/ /de bzhin 'jig rten gsum las rgal/ /de bzhin gzhan las 'dren pa dang / /rang gi phyag rgya'i tshul
277a1 ston dang / /dur khrod dag gi gar byed dang / /de bzhin rlung gi dkyil 'khor dang / /rab tu 'jigs par sreg pa'i me/ /las kyi phyag rgya rab tu gnas/ /dang po
277a2 rgyas 'debs ma yi rgya/ /snying 'dren ma yi gnyis pa'o/ /gsum pa shin tu rmongs byed pa'o/ /de bzhin bzhi pa 'deg byed ma'o/ /lnga pa gar byed pa yi rgya/ /drug pa gsod ma'i yin
277a3 bar bshad/ /bdun pa zab mo ba yi rgya/ /brgyad pa las kyi phyag rgya yin/ /de nas phyag rgya 'di kun gyi/ /phyag rgya'i lan rnams bla na med/ /phyag rgya'i bdag nyid kun 'joms pa/ /khyad
277a4 bar du ni bshad par bya/ /dpal ldan rdo rje pad+mo slong / /gar dag byed cing byas na ni/ /rgyas btab rmongs byas zos pa dang / /thal bar gyur pa'ang 'tsho bar byed/ /de nas phyag rgya shes pa
277a5 'di| |dpal ldan rdo rje sbyor ba'i glu/ /las rnams thams cad rab sgrub pa/ /khyad par du ni bshad par bya/ /gzigs pa rnam pa sna tshogs 'gyur ba'i rgyas thob la/ /rnam pa sna tshogs
277a6 'o byed 'khyud pas rmongs mdzad de/ /rnam pa sna tshogs bde ba'i mchod ston kun gsol ba/ /rnam pa sna tshogs bde mchog ngo mtshar bstan du gsol/ /rgyas btab rmongs byas
277a7 man bas su gsol/ /bde mchog ngo mtshar bde ba zhugs/ /hUM a la la la ho snang bar mdzod/ /rnal 'byor bde mchog sgyu mas sprul/ /dam tshig dag la 'jug tu gsol/ /nyon
277b1 mongs kun las rgyal bar mdzod/ /ma lus pa dag mnabs su gsol/ /nyon mongs thams cad bsal bar mdzod/ /glu 'di dag ni blangs pa yis/ /rdo rje thams cad mnyam sbyor ba/ /mkha'
277b2 'gro rgyu ma bde ba'i mchog /gdon mi za bar 'grub par 'gyur/ /dpal he ru ka'i rdo rje'i phyag rgya zhes pa'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /
277b3 'dod chags thams cad rnam dag phyir/ /pad+mo phyag rgya dpal du gnas/ /mi 'gyur dam pa grub pa'i phyir/ /shel sgong shin tu dag pa 'dra/ /'dod chags thams cad bsal ba'i phyir/ /'bar
277b4 ba sna tshogs 'khrigs pa'i 'od/ /sangs rgyas tshe ni rin chen spras/ /gos dang sna tshogs rgyan gyis brgyan/ /sangs rgyas thams cad 'dus pa yis/ /bde ba can bzhin dam par 'gyur/ /gar
277b5 thabs rnam pa sna tshogs kyis/ /yongs su bsgyur zhing gar byas pas/ /pad+mo'i mtshan mchog pad+mor bcas/ /phyag ni brgya rnams 'khor lo bskor/ /sangs rgyas rdo rje pad+mo 'dzin/ /rdo rje nyi ma
277b6 khams gsum pa/ /pad+mo sgyu mas rnam sbyangs nas/ /sangs rgyas byang chub sgrub par mdzad/ /'dul ba'i thabs ni sna tshogs pa'o/ /skal pa bzang po dpal pad+mo gar gyi dbang phyug ces bya ba'i
277b7 phyag rgya'o/ /g.yas dang g.yon pa'i sbyor ba yis/ /skyil mo krung ni phye mar gnas/ /rgyal bo'i skyil mo krung bcas na/ /sdug bsngal thams cad sel bar byed/ /dpal pad+mo rgyal po gnas pa
278a1 zhes bya ba'i phyag rgya'o/ /snyems pa'i lag pa g.yon pa yis/ /pad+mo dmar po ci bder bzung / /rang gi snying gar 'dren pa'i tshul/ /pad+ma 'dab ma kha 'byed pa'o/ /
278a2 snyems pa'i lag pa g.yon pa yis/ /pad+mo sngon po ci bder bzung / /rang gi snying gar 'dren tshul gyis/ /bud med phyag rgya bcing bar bya/ /snyems pa'i lag pa g.yon pa yis/ /pad+mo dkar
278a3 po ci bder bzung / /'khor lo'i phyag rgya bcings nas ni/ /chos kyi 'khor lo rab tu bskor/ /snyems pa'i lag pa g.yon pa yis/ /pad+mo mthing kha ci bder bzung / /g.yas pas rab tu gar
278a4 byed pa| |dpal gyi phyag rgya ba dan gsum/ /snyems pa'i lag pa g.yon pa yis/ /pad+mo ser po ci bder bzung / /g.yas pa rab tu gar byed pas/ /chu srin tshul du bsgreng bar bya/ /snyems pa'i
278a5 lag pa g.yon pa yis/ /pad+mo la brgan mchog bzung ste/ /rang gi snying gar 'dren tshul gyis/ /rdo rje'i phyag rgya bcing bar bya/ /rnam par gzigs pa'i rnam dag dpal/ /sgrol ma'i byang
278a6 chub mchog yin no/ /rgya chen ma yi 'khor lo bskor/ /khro gnyer ma ni phyag rgya'i lan/ /pad+mo gnas pa'i dpal chen yin/ /'dod pa'i dbang mo'i 'gro ba gsum/ /dpal pad+mo'i rgyal po'i
278a7 rig pa'i lha mo chen mo rnams so/ /de nas phyag rgya shes pa 'di/ /pad+mo rgyal po dpal gyi glu/ /las rnams thams cad rab sgrub pa/ /khyad par du ni bshad par bya/ /de bzhin gshegs
278b1 pa kun la sogs pa'i gzugs mchog sna tshogs 'dzin/ /sems can rnam pa sna tshogs 'dul mchog dngos grub mchog mnga' ba/ /kye sems dpa' pad+mo dga' mchog sgyu ma'i
278b2 dga' ba bstan du gsol/ /a la la la ho/ /kye gar dbang thar dga' dga' ba'i gar mdzod cig /sangs rgyas rdo rje 'dzin bdag tshangs pa 'jug sel dbang phyug bdag /nyi zla bdag lags
278b3 a la la la ho/ /pad+ma sgyu ma sna tshogs 'dul mdzad dag pa'i tshul gyis gar mdzad pa/ /pad+mo dam tshig dbang phyug sangs rgyas gar rnams mdzad du gsol/ /'dod chags rnam par spyod pa
278b4 thams cad da dung rnam par sbyongs/ /pad+mo 'dzin pa de yi spyan sngar gar mkhan gar mdzod cig /glu 'di dag ni blangs pa yis/ /sna tshogs pad+mo mnyam sbyor ba/ mkha' 'gro sgyu ma bde ba'i mchog
278b5 gdon mi za bar 'grub par 'gyur/ /dpal pad+mo gar gyi dbang phyug gi phyag rgya'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /nor mchog rnam par
278b6 sbyang ba'i phyir/ /dpal ldan nyi ma phyag rgyar gnas/ /nam mkha'i snying po thams cad phyogs/ /re ba thams cad rdzogs mdzad pa/ /bud med la sogs rin chen mchog /rin chen thams cad
278b7 mkha' las 'bebs/ /shin tu gdug cing gtum po la/ /zhi bas phan par mi 'gyur te/ /shes rab thabs kyi nyi ma ni/ /dam pa'i don du drag por gyur/ /drag pos 'dul ba'i 'jig rten
279a1 rnams/ /drag po nyid kyis sgrub par byed/ /nyi ma'i gzugs dang spyod lam dang / /tshul dang gzi brjid chen pos ston/ /rdo rje gzhu dang mda' mchog dag /shin tu legs
279a2 par 'gengs pa ste/ /mdangs gsal 'dzum dang bcas pa'i spyan/ /g.yon pa 'byed cing gyen du 'deg /drag po dbang po nye dbang bcas/ /nyi zla gshin rje tshangs bcas pa'i/ /'jig rten
279a3 gsum po ma lus pa/ /drag shul nyid kyis 'dul bar mdzad/ /dpal khams gsum rnam par rgyal ba zhes bya ba'i phyag rgya'o/ /rdo rje bus mo gnyis bcings te/ /rdo rje skyil mo krung
279a4 bcas nas/ /bdag ni stan la 'dug nas ni/ /bgegs rnams thams cad gzhig par bya/ /dpal rdo rje skyil mo krung ngo / /dbang bskur ba dang gter dag dang / /rgyal mtshan mchog
279a5 ldan mchod pa che/ /ji lta'i tshul dag ston pa drag /rang gi don rnams 'grub pa'o/ /de nas phyag rgya shes pa 'di/ /rgyal po'i sgyu ma mchog gi glu/ /las rnams thams cad rab sgrub
279a6 pa| |khyad par du ni bshad par bya/ /khams gsum kun gyi rgyal srid sna tshogs mchog gi nor ldan pas/ /mjal du ma g.yul 'gyed rnam mang khyad par sangs rgyas kyis 'dul ba/
279a7 rnam pa sna tshogs mjal du ma rnam par rgyal ba'i rgyal mtshan can/ /rdo rje nyi ma rgyal po bde mchog sgyu ma bstan du gsol/ /sems can sprin la byang chub mchog sbyin sna tshogs
279b1 char 'bebs pa/ /bdag gi re ba kun sgrub myur du ston/ /a la la la ho/ /mi zad gter gyi dbang bskur khyad par bdag la stsal du gsol/ /khyad par rin chen 'di dag thams cad bud med
279b2 rin chen rnams kyi phyir/ /rin chen tshogs kun nang na bud med rin chen gcig bu mchog /bud med rin chen dag pa dam pa'i don du thams cad 'gro/ /glu 'di dag ni blangs pa yis/ /rgyal srid
279b3 thams cad mnyam sbyor ba/ /mkha' 'gro sgyu ma bde ba'i mchog /gdon mi za bar 'grub par 'gyur/ /dpal rdo rje nyi ma'i phyag rgya zhes pa'o/ /rnal 'byor de nyid bcom ldan 'das/ /rdo rje sems
279b4 dpa' de bzhin gshegs/ /drag shul sbyor bas rnal 'byor dpal/ /rta yi phyag rgya rab tu gnas/ /thams cad dag par mos pa yi/ /sdig med stobs kyis ngo thon du/ /rab tu gdon pa'i rtsal
279b5 dag gis/ /'jig rten thams cad rab tu 'joms/ /'dod chags can la g.yem par ston/ /gdug pa rnams la gdug par ston/ /zhi ba rnams la zhi bar 'gyur/ /drag shul can la drag shul
279b6 sbyor| |'di la bzhi pa la phyag bzhi pa/ /zhabs bzhi pa la rmig pa bzhi/ /rta mgrin rgyal po chen po ste/ /dbang phyug dam pa grub par 'gyur/ /g.yon pa'i mdzub mo khu tshur gyis/ /dpal ldan pad+mo sna
279b7 tshogs 'dzin/ /rdo rje bcas shing slong bsgrub/ /g.yas pa ba dan gsum par bya/ /phyag rgya 'di yis btab na ni/ /shin tu ltung bar gyur pa yang / /de ma thag tu kun bslangs nas/ /ldang ba thams
280a1 cad rab tu 'grub/ /thams cad dag pa mnyam par sbyor ba skal ba bzang po dpal rdo rje slong ba zhes bya ba'i phyag rgya'o/ /g.yas dang g.yon pa'i sbyor ba yis/ /brkyang
280a2 brkum pa yi tshul byas nas/ /khro bo'i skyil mo krung bcas te/ /'jig rten thams cad rab tu bshig /dpal rdo rje khro bo gnas pa'o/ /de nas phyag rgya shes pa 'di'i/ /rta mchog dpal dang
280a3 ldan pa'i glu/ /las rnams thams cad rab sgrub pa/ /khyad par du ni bshad par bya/ /myos byed stong pas lhag par bde ba 'dod pa'i gzugs ston pa/ /'dul ba'i dbang gis gshin rje stong
280a4 pas lhag par rab tu 'jigs/ /zhi ba'i skur yang tshangs pa stong pas shin tu lhag par ston/ /dkyil 'khor kun gyi mchog tu de bzhin gshegs kun 'grub par mdzod/ /thams cad
280a5 rnam par dag pas ngo thon stobs kyis gnon pas non/ /hi he he he he/ dbang phyug thams cad rab shig rab tu shig /rab kyi rtsal gyis gnon pa'i stobs kyis ngo thon dbang phyug non/ /
280a6 sbyor chen hu lu hu lu mig gsum pa las gsum grub drongs/ /rab kyi rtsal gyis gnon pa'i stobs kyis ngo thon mthu chen non/ /mnyam sbyor ru Ta ma Ta snying las dpal mo drongs
280a7 shig rab drongs shig /rab kyi rtsal gyis gnon pa'i stobs kyis ngo thon tshangs pa non/ /sbyor chen tshangs las grol ma drongs shig sma ra Ta/ /rab kyi rtsal gyis gnon pa'i stobs
280b1 sa ngo thon dga' dbang non/ /mnyam sbyor kun gyi dbang la dga' drongs a la la la ho/ /gdug cing khro la rab tu gtum pa'i sems can bsgral ba'i phyir/ /sgrub zhugs a la la la ho/ /
280b2 oM su m+b+ha ni sum+b+ha hUM phaT phaT/ mdza' bo mi la bya 'am mi bya yongs rtog de dag med kyang bla/ /de 'dra'i mdza' bo sgyu ma yin pas de la mdza' bshes su zhig zer/ /rgol ba la yang bya 'am mi bya
280b3 yongs su rtog pa med kyang bla/ /de 'dra'i rgol ba sgyu ma yin pas de la dpa' zhes su zhig zer/ /glu 'di blangs pa tsam gyis ni/ /rta mchog mnyam pas sbyor ba yi/ /mkha' 'gro sgyu ma bde ba'i
280b4 mchog /gdon mi za bar 'grub par 'gyur/ /thams cad 'byung ba'i phyag rgya zhes pa'o/ /mdzub mos mthe bong mnan nas ni/ /rang gi mthe bos mdzub mo mnan/ /dpal grub spyan gyi phyag rgya
280b5 ste| |mdzub mo mig gi 'bras bur byas/ /rdo rje thal mo mnyam sbyar nas/ /rdo rje spyan ni gnyis dag tu/ /khong stong du ni sbyar bar bya/ /dpal grub rdo rje'i spyan yin no/ /'di ni sangs rgyas thams
280b6 cad dang / /de bzhin dpa' bo thams cad dang / /rdo rje 'dzin pa thams cad du/ /tshe 'di nyid la 'grub par 'gyur/ /dpal grub spyan ni grub pa ste/ /sems can thams cad dbang byed pa/ /las
280b7 kyi dngos grub rab 'byams rnams/ /ma lus dngos grub myur du 'grub/ /rdo rje thal mo mnyam sbyar te/ /mdzub mo gnyis kyi rtse mo dgug /mthe bo'i rtse mo mnyam par gzhag /khong stong mi
281a1 'gyur dam pa'o/ /spyi bo'i mtshams su rab bzhag nas/ /'di yis bsrung ba byas na ni/ /sangs rgyas dngos grub ma lus pa/ /lus pa med par 'grub par 'gyur/ /
281a2 sems dpa'i gtsug tor gyi phyag rgya'o/ /rdo rje thal mo gyen du dbye/ /mdzub mo gnyis kyi rtse mo dgug /mthe bong gnyis kyi mche ba gtsigs/ /'jigs pa'i rdo rje gnod sbyin ma/ /'grub
281a3 pa bdud la sogs pa za/ /de bzhin du ni rmongs par byed/ /dbab pa thams cad rab tu 'grub/ /de bzhin rnam par shes pa sgrub/ /gter rnams 'byin par byed pa dang / /de bzhin nor
281a4 kun 'phrog par byed/ /ngal bso po ni dpal mnan te/ /dpal mo dag kyang 'phrog nas ni/ /mngag gzhug mar ni byed pa dang / /gnod sbyin ma dang dga' ba spyod/ /gnod sbyin dag gi sde
281a5 dpon du/ /'dis ni myur du 'grub par 'gyur/ /dpal rdo rje gnod sbyin gyi phyag rgya'o/ /rdo rje thal mo mnyam sbyar nas/ /gung mo mnyam par rab tu sgrub/ /mthe bong mthe'u chung 'dab ma
281a6 bzhi| |pad+mo dri med rab tu rgyas/ /'dis ni sdig rnams 'byang bar 'gyur/ /sdig pa byang na rab tu 'grub/ /sangs rgyas byang chub mngon sangs rgyas/ /rdo rje sems dpa' nyid du 'gyur/ /
281a7 dpal ldan pad+mo'i phyag rgya'o/ /rdo rje thal mo mnyam sbyar la/ /mdzub mo mnyam bar phyir bkug ste/ /mthe bong rdo rje g.yogs pa ni/ /rdo rje dpal gyi nor bu ste/ /phyag rgya 'di yis btab
281b1 na ni| |nam mkha' thams cad rab 'grub ste/ /bud med la sogs rin chen mchog /mkha' las dngos rnams thams cad spyod/ /rdo rje thal mo mnyam sbyar nas/ /mthe'u chung srin lag
281b2 mnyam par brkyang / /mdzub mo rtse bsnyams bkug pa ni/ /dpal mchog rta zhes grags pa ste/ /phyag rgya 'di yis btab na ni/ /sangs rgyas byang chub rab 'brel na/ /thams cad dga' bar
281b3 byed pa'i dpal/ /lha yi skal bzang smos ci dgos/ /dam tshig gi phyag rgya shes pa'o/ /lus dang ngag sems rdo rje yi/ /mtshan ma'i phyag rgyar ldan byas te/ /thams cad 'byung ba'i sbyor
281b4 ba yis| |bdag gi lhar ni bdag nyid bya/ /'dis ni sangs rgyas thams cad dpal/ /de bzhin dpa' bo thams cad dang / /rdo rje 'dzin pa thams cad du/ /tshe 'di nyid la 'grub par 'gyur//
281b5 sangs rgyas bdag la dngos grub ni/ /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /sangs rgyas thams cad mnyam sbyor ba'i/ /mkha' 'gro sgyu ma bde
281b6 mchog 'dis/ /mi 'grub sbyor bar mi 'gyur ba'i/ /dam pa rgya chen gang yang med/ /dam tshig chen po'i phyag rgya shes pa'o/ /rdo rje sems dpa' dpal sbyor ba'i/ /ji lta'i gzugs dang
281b7 dbyibs su ldan/ /bde ba nyid kyis kun gyi bdag /kun gyi bdag la zhugs par bya/ /phyag rgya 'di yis rnal 'byor pa/ /'dod pa bzhin du 'gro 'ong lding / /rgyal po'i sangs rgyas kun dang
282a1 'dra| |rdo rje sems dpa' rab tu 'grub/ /sangs rgyas thams cad dang mnyam par sbyor ba skal pa bzang po'i dpal rdo rje sems dpa' zhes bya ba'i phyag rgya'o/ /chags
282a2 pa med cing ma chags med/ /dbu mar yang ni dmigs su med/ /bud med kun gyi sgyu sbyor 'di/ /gnyis su med cing theg pa'i mchog /phyag rgya 'di yis btab na ni/ /'dod pa bzhin du 'gro
282a3 'ong lding / /dpal ldan sgyu ma kun gyi bdag /rdo rje sems dpa' rab tu 'grub/ /sgyu ma thams cad kyi lha mo'i phyag rgya shes pa'o/ /yod pa ma yin med pa'ang min/ /dbu mar yang ni dmigs
282a4 su med| |shes rab pha rol phyin sbyor ba/ /sangs rgyas byang chub rab 'grub pa'o/ /thams cad nam mkha'i mtshan nyid de/ /nam mkha' la yang mtshan nyid med/ /khams gsum dag ni ma
282a5 lus pa| |thams cad sgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa'ang ma yin te/ /de bzhin 'gro ba kun gyi tshul/ /phyag rgya 'di yis
282a6 rnal 'byor pa/ /'dod pa bzhin du 'gro 'ong lding / /bud med la sogs rin chen mchog /mkha' las dngos rnams thams cad spyod/ /dngos po med par bdag sbyor bas/ /nam mkha'
282a7 kun dang mnyam sbyor ba/ /mkha' 'gro sgyu ma bde ba'i mchog /shin tu rtag par 'grub par 'gyur/ /ji ltar pad+ma dmar po 'di/ /chags pa'i nyes pas mi gos pa/ /rnal 'byor ldan pa'ang
282b1 de bzhin du/ /gnas kyi nyes pas yong mi gos/ /shin tu gdug cing drag po la/ /zhi bas phan par mi 'gyur te/ /shes rab thabs kyi sbyor ba ni/ /rnam par rgyal phyir rab tu drag /thams cad
282b2 dag par mos pa yis/ /sdig med stobs kyis ngo thon du/ /drag shul sbyor bas mnyam sbyor ba/ /'jig rten thams cad gzhom par bya/ /sbyor ba'i phyag rgya shes pa'o/ /sbyor ba ji snyed yod kun
282b3 dang / /byed pa rnam pa sna tshogs la/ /rdo rje sems dpa' dpal gyi rgya/ /dngos grub thams cad rab sgrub pa'o/ /byed pa'i phyag rgya 'di rnams kyis/ /'dod pa bzhin du 'gro 'ong lding / /chags pa
282b4 chen po dbang phyug dpal/ /rdo rje sems dpa' rab tu 'grub/ /kun tu sna tshogs skal pa bzang po dpal dam tshig ces bya ba'i phyag rgya'o/ /bya ba dang ni bzlog pa dang / /khyad par du ni 'phrog pa
282b5 dang / /yan lag kun tu byed pa yis/ /de ni nor rnams kun kyang 'phrog /'o byed 'khyud la sogs pa yis/ /khams gsum pa yang rgyas 'debs so/ /thar par byed cing gsod par byed/ /shi ba'ang
282b6 mod la sos par byed/ /sbyor ba'i longs spyod thams cad kyis/ /gnas gsum po ni ma lus par/ /rgyas btab rmongs byas bslangs nas su/ /gar byas nas ni za bar byed/ /sbyor ba kun gyi
282b7 bde myong bas/ /khams gsum pa ni ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ /sbyor ba thams cad kyi phyag rgya shes pa'o/ /lha mo kun gyi bde
283a1 ba'i mchog /mdzes pa'i zhal ni rnam bsgyur zhing / /bde ba myong bar rab sbyor ba/ /mdzes par lta ba'i gar byed pas/ /sangs rgyas rdo rje pad+mo 'dzin/ /rdo rje nyi ma
283a2 khams gsum pa/ /rgyas btab rmongs byas zos pa dang / /thal bar gyur pa'ang 'tsho bar byed/ /bud med mkhas pa sgyu ma che/ /mdzes pa'i bzhin ni rnam bsgyur ba/ /rim gror bcas shing
283a3 steg pa'i mchog /mdzes par lta bas gar byas pa/ /sangs rgyas pad+mo rdo rje 'dzin/ /rdo rje nyi ma khams gsum pa/ /rgyas btab rmongs byas bslangs nas ni/ /zos nas slar yang 'tsho
283a4 bar byed/ /sangs rgyas byang chub mnyam sbyor ba/ /rab tu dga' bar lta zhing 'dzum/ /shin tu srid pa yang dag sgrub/ /gsang bar lta la gnas na ni/ /drag po dbang po nye dbang bcas/ /nyi
283a5 zla gshin rje tshangs bcas pa'i/ /srid pa kun tu kun bsgrubs nas/ /gnas gsum dag ni sgrub par byed/ /steg la sogs pa'i nyams dang ldan/ /mdzes pa'i bzhin ni rnam bsgyur
283a6 zhing / /rim gror bcas shing steg pa'i mchog /steg pa'i lta bas gar byed cing / /mdzes pa'i tshul dang thabs rnams kyis/ /drag po dbang po nye dbang bcas/ /nyi zla gshin rje
283a7 tshangs bcas pa'i/ /'jig rten gsum dag sgrub par byed/ /mche ba chung zad gtsigs pa'i kha/ khro zhing 'dzum dang bcas pa bzhin/ khro la 'gyur bar bcas shing 'dzum/ /
283b1 gsal bar lta zhing legs par gnas/ /drag po dbang po nye dbang bcas/ /nyi zla gshin rje tshangs bcas pa/ /rgyal po sgyu mas rnam rgyal nas/ khams gsum dag ni sgrub par byed/ /
283b2 'dod chags myos pas g.yem spyo ba/ /mdzes pa'i bzhin ni rnam par bsgyur/ /'di ni bzhin gyi phyag rgya mchog /khams gsum dag kyang dga' bar byed/ /drag po mche ba rnon po
283b3 gtsigs/ /gdug pa za ba 'jigs 'jigs lta/ /g.yas pa'i bzhin gyi phyag rgya yis/ /khams gsum dag kyang za bar byed/ /dngos grub kun gyi bde ba'i mchog /rab tu dga' bar
283b4 lta zhing 'dzum/ /g.yon pa'i bzhin gyi phyag rgya yis/ /khams gsum dag kyang thar par byed/ /spyi bor rta mgrin gsang mtho ba/ /rta gdong ljang ser kha dog gsal/ /so gtsigs
283b5 pas ni mchu mnan na/ /'jig rten thams cad 'jigs par byed/ /bzhin gyi phyag rgya shes pa'o/ /lha mo kun gyi bde ba'i mchog/ /mdzes ma'i mchu ni sos mnan te/ /'dzum pa'i
283b6 phyag rgya mchog 'di ni/ /sangs rgyas thams cad dgyes par byed/ /'dod chags bde bas g.yem spyo ba/ /steg pa'i ma mchu sos mnan pa'i/ /'dzum pa'i phyag rgya mchog 'di ni/ /khams
283b7 gsum dag kyang dga' bar byed/ /sbyor ba kun gyi bde ba mchog /mdzes pa'i ma mchu g.yo bar byed/ /'dzum pa'i phyag rgya mchog 'di ni/ khams gsum dag kyang dga' bar byed/ /sha chen
284a1 gyi ni ro myong zhing / /ma mchu so yis mnan pa yi/ /'dzum pa'i phyag rgya mchog 'di ni/ khams gsum dag kyang za bar byed/ /bde ba kun gyi ro myong zhing / /
284a2 ma mchu rnam bar mdzes byas pa/ /'dzum pa'i phyag rgya mchog 'di ni/ /thal bar gyur pa'ang 'tsho bar byed/ /'dzum pa'i phyag rgya mchog shes pa'o/ /bde ba myong bar rab sbyor ba//
284a3 zam zim lta ba rnam bsgyur bas/ /rgyas btab rmongs byas zos pa yi/ /khams gsum dag kyang 'tsho bar byed/ /bud med mkhas pa sgyu ma'i mchog /mdzes par lta ba'i gar
284a4 byas nas/ /rgyas btab rmongs byas bslangs nas ni/ /khams gsum dag kyang sgrub par byed/ /sangs rgyas gsang ba'i mnyam sbyor ba/ /lta ba rab zhi bde bar gnas/ /lta
284a5 ba'i phyag rgya mchog 'di ni/ /bud med thams cad dbang du byed/ /smin mtshams khro gnyer 'gyur bar bcas/ /lta ba rab 'bar rnam par bsgyur/ /lta ba'i phyag rgya mchog 'di ni/ /
284a6 khams gsum dag kyang 'bar bar byed/ /khro zhing 'gyur bar bcas par 'dzum/ /lta ba gsal la bde ba gnas/ /lta ba'i phyag rgya mchog 'di ni/ /khros pa thams cad rab
284a7 tu sgrub| |steg la sogs pa'i ro dang ldan/ /steg bcas lta ba'i gar byed pa/ /lta ba'i phyag rgya mchog 'di ni/ /khams gsum dag kyang gar byed 'jug /lta ba'i phyag rgya shes
284b1 pa'o| |na mastu sar+b+ba bud+d+he b+h+yaH/ zhes pa'i phyag rgya la gnas na/ /las dang mchod pa ma lus pa/ /lus pa med par thams cad 'grub/ /rang byung rnams kyi mchod pa kun/ /chos dbyings mnyam
284b2 dang mi mnyam pa/ /nam mkha'i dbyings kyi mtha' klas pa/ /lan gcig brjod pas 'grub pa'i phyir/ /dam pa'i chos kyi phyag rgya 'dis/ /gang dag byas par ma gyur cing / /spel ba dag tu ma
284b3 gyur pa'i/ /dam pa rgya chen de dag med/ /oM ru ru spu ru dz+wA la tiSh+Tha sid+d+ha lo tsa ne sarba ar+tha sA d+ha ni swAhA/ chos kyi phyag rgya mchog 'di ni/ /sems can thams cad dbang byed pa/ /stobs
284b4 kyis myur du bkug nas ni/ /bran bzhin du ni byed du 'jug /su b+ha gA s+t+waM ma hAn de bi hi ri/ mi ri/ ri ti/ ni ri shri ye swAhA/ chos kyi phyag rgya dam pa 'di/ /'dod pa'i bde ba kun sbyin pa'o/ /oM
284b5 tA re tut+tA re tu re swAhA/ chos kyi phyag rgya la gnas pa/ /sangs rgyas byang chub rab sgrub na/ /bud med gzhan lta ci zhig smos/ /traM b+ha ba TA TA/ tra Ta tra Ta/ re ba thams cad kun nas rdzogs/ /
284b6 chos kyi phyag rgya dam pa dang / /re ba thams cad rdzogs byed pa'o/ /shri badzra pad+ma ba Da ba mu kha yo gI shA ra hi hi hi hi hi/ chos kyi phyag rgya dam pa 'di/ /'jig rten thams cad rab tu 'jig /chos
284b7 kyi phyag rgya shes pa'o/ /skad kyi gsang ni mthon dman dang / /gre bsgyur bcos shing bzlas pa dang / /dus rab zhi ba mchog rnams kyis/ /hUM la sogs pa'i glu blang zhing / /tshig rnams kun
285a1 gyis ci 'dod par/ /ji ltar spro bar glu kun gyis/ /hUM gi glu yi phyag rgya dpal/ /rdo rje sems dpa' rab sgrub pa'o/ /lha mo kun gyi lha mo mchog /cha lugs bzhin
285a2 du gar bya zhing / /ka ka la shaM b+ha la sogs/ /glu rnams thams cad rjes su blang / /oM gyi glu yi phyag rgya ni/ /tshangs pa'i dbyangs kyis ci dgar slang / /ma lus lus pa med pa yis/ /
285a3 sems can thams cad thar par byed/ /rdo rje drag po gad me che/ /mkhur ba'i dbugs kyi sa rlung 'byin cing / /'brug gi sgra ltar zab pa yi/ /ru lu ru lu'i sgra byung na/ /phyag rgya 'di yis
285a4 rnal 'byor pa/ /khams gsum dag kyang rgyas 'debs shing / /thar par byed cing gsod par byed/ /shi ba mod la 'tsho bar byed/ /rdo rje drag tu bzhad pa zhes bya ba'i phyag rgya'o/ /Te
285a5 zhes bya ba'i glu yi rgya/ /thams cad dag par rab bsgrubs pa'o/ /hi zhes bya ba glu yi rgya/ /khams gsum rnam par rgyal bar byed/ /ka ka la l+ye dang co ra'i dbyangs/ /de bzhin rab tu
285a6 gdangs snyan dang / /ka ta sha yi glu yi rgya/ /'joms pa thams cad grub pa'o/ /glu yi phyag rgya shes pa'o/ /gling bu dang ni rgyud gcig dang / /de bzhin rgyud mang rgyud stug dang / /sil
285a7 snyan phyag rgya bshad pa rnams/ /las rnams thams cad rab sgrub pa'o/ /cha lugs bzhin du gar byed pas/ /ma brdungs par yang rab tu 'grub/ /las rnams kun la mchog tu ni/ /
285b1 brdungs na dpal ni bzhi 'gyur 'grub/ /snying po phyag rgya sngags rig dang / /bya ba rnam pa sna tshogs dang / /rnam par sel la sogs pa'i thabs/ /dngos grub thams cad rab sgrub pa'o/ /dzaHhUM
285b2 baM hoHruT+Ta maT+Ta/ sma rA ra Ta/ hu lu hu lu/ pra sid+d+h+ya/ Tak+ki hUM dzaH ki ni d+hu ni hUM truM/ Tak+ki hUM dzaH hu lu hu lu/ a la la la ho/ /shud+d+h+ya sid+d+h+ya/ da riShA ya sar+b+ba na Ta g+hai g+hai/ Ta Ta g+hai g+hai g+hai/ Ta g+hai Ta ka
285b3 gai gai gai /Ta ta kai /Ta ta kai /Ta ge /haM To Na/ Tak+ki hUM dzaH ge ta ge d+ho na/ Tak+ki hUM truM/ a la la la ho/ /ruT+Ta maT+Ta/ thal mo brdab pa brtag pa'o/ /Ta g+he g+he/ Ta g+he g+he/ Ta ke na Ta g+heM g+heM g+heM/ Ta g+heM g+heM
285b4 Ta g+heM/ rgyun gyi rnga'o/ /AM AM AM/ hUM hUM hUM/ bAM bAM bAM/ d+haM d+haM d+haM/ dam tshig gsum gyi rnga'o/ /d+he k+hoM k+hoM k+hoM k+hoM/ d+he badzra badzra N+yang / koM koM koM koM /hUM b+h+yo hUM b+h+yo hUM b+h+yo/ ru lu ru lu hUM b+h+yo/ d+heM/ k+hoM k+hoM k+hoM k+hoM/
285b5 D+NeM| k+hoM k+hoM k+hoM/ D+Ne koM koM koM /dpal rdo rje he ru ka'i rdo rje rnga'i phyag rgya'o/ /pad+ma pad+ma hri/ pad+ma pad+ma shi /pad+ma pad+ma hri/ dpal pad+mo brdab pa'i rnga'o/ /trAM trAM trAM/ b+ha b+ha b+ha b+ha b+ha b+ha b+ha/ tA TA tA TA TA TA
285b6 TA TA| tAM/ tA tA tA/ trA trA trA trA trA/ traM TaM ke tang+kut+ta/ tuT+Tat+t+ra/ rgyal po'i rnga'o/ /Tak+ki hUM dzaH Tak+ki hUM dzaH snyems pa'i 'gros so/ /trAT+Ta trA trA trA trA tra/ myur zhing rab tu myur ba'o/ /ta Ta b+ha ta/ ba truM/ ta
285b7 thA ga ta| ba hUM/ ta TA b+ha ta ta b+ha hi na/ dpal rta mchog rnam par rol pa'o/ /ta tA b+ha Ta Ta b+ha tA tA/ shin tu myur ba'i rnga'i phyag rgya ste/ sil snyan gyi phyag rgya shes pa'o/ /rdo rje sems dpa'
286a1 bdag sbyor bas/ /lag gnyis rdo rjer bcings pa yi/ /rdo rje se gol brdabs pa yis/ /sangs rgyas thams cad bsdu bar bya/ /de yi bka' tsam gyis skrag nas/ /'khor
286a2 gyi dkyil 'khor dang bcas pa'i/ /sangs rgyas kun kyang 'du 'gyur na/ /gzhan lta smos kyang ci zhig smos/ /g.yon pa'i se gol brdabs pa dang / /thal mo dal bus brdabs pas 'grub//
286a3 g.yas ba'i thal mo yin par gsungs/ /gnyis ka kun tu sdud pa yin/ /thal mo'i sbyor ba rab sbyor bas/ /las kyi tshul bzhin 'brang ba dang / /thal mo dal bus bsdu ba dang / /glu dang
286a4 sil snyan gar byed pas/ /steg dang dpa' dang snying rje dang / /dgod dang khro dang 'jigs pa dang / /mi sdug ngo mtshar zhi ba yi/ /nyams kyi phyag rgya rang don sgrub/ /steg la sogs ba'i
286a5 nyams dang ldan/ /sna tshogs phyag rgya'i gar byas pas/ /thams cad bdag nyid rgyar sbyor bas/ /dbab pa thams cad rab tu 'grub/ /rdo rje sems dpa' steg pa la/ /dpal la dpa'
286a6 bo de bzhin gshegs/ /rdo rje 'dzin pa snying rje la/ /dgod pa 'jig rten dbang phyug mchog /rdo rje nyi ma khro ba la/ /rdo rje drag po 'jigs pa la/ /shAkya thub pa mi sdug la/ /ngo mtshar la
286a7 ni a ra li/ /rab tu zhi la sangs rgyas rtag /sdug bsngal thams cad zhi ba'i phyir/ /dngos po kun gyi rang bzhin gyis/ /nye bar gnas shing byin gyis rlob/ /blta bas mi ngoms pa yi
286b1 gzugs/ /thams cad bdag nyid ston par mdzad/ /legs so zhes bya 'grub pa yi/ /mchog tu gyur pa'ang rab tu stsol/ /thams cad bdag nyid grub pa'i mchog /re ba thams cad
286b2 yongs rdzogs pa/ /sangs rgyas kun tu 'gyur ba'i mchog /rnal 'byor dam pa ster bar 'gyur/ /phyag rgya sbyor ba 'di dag gis/ /rang gi mchod pa rab tu sbyar/ /rdo rje sems dpa' dpal
286b3 gyi lha'i| |sbyor ba thams cad rnam 'phrul dang / /phyag rgya phyag rgya'i lan rnams dang / /sna tshogs phyag rgya rnam 'phrul pas/ /yid la bsam pa kun rdzogs phyir/ /mchod pa dam pa sbyar
286b4 bar bya| |kun tu sna tshogs skal bzang po/ /kun gyi slob dpon bdag nyid bsgyur/ /kun 'byung la sogs sbyor ba yis/ /rgol ba bdag dang gar byas te/ /de nas rgol ba ci rigs par/ /
286b5 sangs rgyas thams cad 'byung bar 'gyur/ /de nas slar ni rgol ba yang / /rdo rje 'dzin pa chen por bsgyur/ /rgol ba'ang de nas tshul bzhin du/ /pad+mo gar 'byung mchog tu bsgyur/ /de nas
286b6 slar du rgol ba yang / /rdo rje nyi ma mchog tu bsgyur/ /de nas phyir yang rgol ba ni/ /rta mchog 'byung bar bsgyur bar bya/ /de nas slar ni rgol ba yang / /bdag nyid 'byung bar rab tu 'grub/ /de
286b7 nas phyag rgya shes pa 'di/ /sdom pa thams cad rab ston pa/ /rdo rje sems dpa' dpal gyi glu/ /khyad par du ni bshad par bya/ /la lar dri med zla ba'i dkyil 'khor stong las mdzes
287a1 pa'i gzugs su rnam par snang / /la lar rab tu 'jigs pa'i nyi ma bye ba phrag dgu'i 'od zer mchog bas 'jigs/ /la lar mdangs bzang gzi che bde
287a2 dang zhi bar ldan pa rgyal ba'i gzugs su snang / /la lar 'gro ba thams cad mnyam par 'jog pa'i gzugs ldan gsung mchog ldan par ston/ /rdo rje sems dpa' 'grub phyir
287a3 'dul la mkhas pa ma lus bde ba'i mchog rnams las/ /a ra li rnams mnyam sbyor srung mdzod ruT+Ta maT+Te a la la la ho/ /rnam pa mang po 'dul bar mdzad pa'i tshul la gar
287a4 mkhan mchog gis gar mdzad pa/ /dam tshig gar gyi dbang phyug sangs rgyas gar mdzod a la la ho/ /rnam mang bde mchog rab tu bar mdzad pa yis thar pa'i bde ba'ang
287a5 thob par mdzod/ /'di dag glur ni blangs pa yis/ /sangs rgyas thams cad mnyam sbyor ba'i/ /mkha' 'gro sgyu ma bde ba'i mchog/ /'grub par 'gyur ba gdon mi za/ /de ltar rab tu
287a6 gar byas te/ /de las gang zhig pham gyur pa/ /tshogs la de yis tshogs kyi zas/ /yon dang bcas par dbul bar bya/ /mchod pa'i cho ga 'di dag gis/ /sdig pa kun las thar
287a7 par 'gyur/ /bsod nams thams cad 'phel par 'gyur/ /de bzhin rtag par srung bar 'gyur/ /rims dang dug dang dbyig dug dang / /mkha' 'gros gtse dang gdon rnams dang //
287b1 bdud dang sems can dmyal ba rnams/ /'di yis rab tu zhi bar 'gyur/ /dngos grub rnams dang phun sum tshogs/ /dga' dang de bzhin bdag po dang / /sangs rgyas dam pa thams cad
287b2 dang / /phyag rgya'i mchog rnams 'grub par 'gyur/ /gar gyi phyag rgya shes pa'o/ /rab tu dga' ba rjes su rab chags dga' ba'i mda' gzhu rab tu phra ba'i rgyas btab pas/ /rab tu dga'
287b3 bar sbyor ba'i bde bas myos pa bde ba thams cad bdag la grub par mdzod/ /rab tu bde mchog rnam pa sna tshogs rnam par rgyal ba'i rgyal mtshan bsgreng ba'i longs spyod dang / /rab tu dga'
287b4 ba'i dbang phyug tshe mchog grub pas de bzhin gshegs pa zhugs ho rta mchog ho/ /rab tu sna tshogs bde ba'i mchog la rol cig ho/ /bde bas slong la rnam par rol cig hUM snang mdzod/ /
287b5 a la la la ho/ /de bzhin gshegs pa kun gyi mkha' 'gro sgyu ma sna tshogs kyis/ /slob ma rab tu gzung du gsol/ /kye ma'o bde mchog grub par mdzod/ /kye ma'o bde ba bde ba stsol/ /
287b6 dam par rab tu zhugs par mdzod/ /bdag la rab tu dgyes par gyur/ /a la la ho/ /e ma'o shi shi zhugs shig zhugs shig /mkha' 'gro bde mchog yongs bskor kun tu zhugs/ /
287b7 'di dag glur ni blangs pa yis/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /'grub par 'gyur ba gdon mi za/ /rdo rje sems dpa' sdud pa dang / /rdo rje
288a1 rin chen bla med pa/ /rdo rje chos ni gsung ba dang / /rdo rje las ni byed bar 'gyur/ /hUM rdo rje las kyi mda' gzhu la phyag 'tshal lo/ /dpal rdo rje chags pa'i dam
288a2 tshig la phyag 'tshal lo/ /rdo rje kha T+wAM ga rab tu 'jigs pa la phyag 'tshal lo/ /dpal rdo rje dril bu rab tu 'khrol ba la phyag 'tshal lo/ /la lar rab tu drag cing skye bor drag la drag
288a3 pa'i bud med sku ltar rab tu snang / /'gro ba mtha' yas 'dul phyir la lar rab tu rno ba'i 'khor lo phyag na bsnams pa'i sku/ /la lar rab tu des shing zhi ba mi 'gyur sbyin pa
288a4 tshangs pa'i skur yang ston par mdzad/ /la lar rab tu 'bar ba'i chags pa pad+ma rgyal po'i dam tshig bdag la grub par mdzod/ /thams cad dbang bskur dbang phyug dam pa mi zad
288a5 gter mchog bdag la grub bar mdzad du gsol/ /kun mchog rgyal mtshan rnam rgyal bsgreng ba'i rdo rje rin chen shin tu che ba bdag la grub par mdzod/ /la lar mkhas pa'i gzugs
288a6 kyang 'dzin/ /la lar dus mtha'i dus ltar drag /la lar rgyal ba'i dbang po bzhin du zhi/ /la lar rta mchog sbyor bas 'dod pa sgrub/ /rdo rje glu'i mchod pa'i phyag rgya shes pa'o/ /me
288a7 tog dkar dang dmar ba dang / /mthing kha ser po kun bsdus pa/ /me tog phyag rgya mchog 'di ni/ /'dod pa'i yon tan lnga la spro/ /rgya skyegs mthing kha ljang gu'i mdog /tshon sna
288b1 bzhi yis bcos pa dang / /dkar bo lnga yi phyag rgya dag /snga ma bzhin du mnyam par sgrub/ /khams las byung ba thams cad dang / /srog dang rtsa ba de bzhin te/ /rnam par mdzes shing dri zhim
288b2 pa| |snga ma bzhin du mnyam par sgrub/ /tsan+dan gnyis dang gla rtsi dang / /ga pur nA ga sha la ki /bdug pa bu ram dang sbyar ba/ /las rnams thams cad rab sgrub pa'o/ /gan+d+har dri dang gu gu la dang / /
288b3 sardza ga pur gla rtsi dang / /rdzas 'di dag las btsos pa'i mar/ /me mar byas na snang ba skye/ /tsan+dan gur gum sbr-i ka dang / /ga bur dang ni gla rtsi dang / /bcas pa bdug pa grub pa ste/ /spos kyi phyag
288b4 rgya spos mchog 'gyur/ /ka ko la dang sug smel dang / /gla sgang ga pur gla rtsi dang / /'di rnams zhib tu btags pa ni/ /seng ldeng bu ram dag dang sbyar/ /shing tshwa ba twa lo dra dang / /na le sham
288b5 dang ga pur sbyar/ /sa ha ka ra'i shing mngar gyis/ /sbrus pa kha yi spos yin no/ /dpal rdo rje sems dpa'i phyag rgya sbyor ba'o/ /me tog dmar po sangs rgyas la/ /rdo rje can la sna tshogs pa/ /
288b6 'jig rten dbang la me tog dkar/ /ser bo mkha' las byung ba la/ /tsan+dan bdug ba sangs rgyas la/ /rdo rje can la du ru ska/ /spyan ras gzigs dbang ka pi ta/ /ce pog rdo rje nyi ma la/ /mar me
288b7 phreng ba sangs rgyas la/ /rdo rje can la mar me bdun/ /spyan ras gzigs la mar me brgya/ /stong ni rdo rje nyi ma la/ /sangs rgyas rnams la tsan+dan spos/ /rdo rje can la gur gum yin/ /
289a1 spyan ras gzigs la tsan+dan dmar/ /ga pur rdo rje nyi ma la/ /me tog kun dang bdug pa kun/ /de bzhin mar me thams cad dang / /spos rnams thams cad ci
289a2 snyed pa| |rdo rje rta la dbul du rung / /mchod pa thams cad kyi phyag rgya shes pa'o/ /sgeg mo dang ni na chung dang / /myos dang de bzhin bdud rtsi dang / /gcig tu dpa' dang 'dod chags sra/ /
289a3 g.yon can bran mo de bzhin te/ /lan tshwa la sogs ro kun dang / /kha ra la sogs bdud rtsi bzhin/ /bdag nyid kun gyi ro sgrub ba/ /ma lus lus pa med par 'grub/ /sha dang chang du ldan
289a4 pa yi| |bza' ba sna tshogs grub pa ni/ /dga' ba'i longs spyod skal mchog ste/ /tshe yi dam ba rab tu 'grub/ /a 'bra smin dang rgun 'brum dang / /pa na sa dang na le kar/ /arka la
289a5 sogs 'bras bu'i/ /phyag rgya'i mchog ni 'di rnams te/ /dngos grub 'bras bu thams cad 'thob/ /kha ra sbrang rtsi byugs pa yi/ /a 'bra la sogs tshig gus byug /sa ha ra yi mar la
289a6 sogs| |mnyam pa'i dri yis bsku bar bya/ /yungs dang rgya skegs la sogs pa'i/ /tshon gyis mthun par kha bsgyur nas/ /shun pa gro ba la sogs byas/ /mchod pa'i tshe na dbul bar
289a7 bya| |'bras bur bcas pa'i phyag rgya shes pa'o/ /sangs rgyas rnams la bshos dbul lo/ /sha dang chang ni rnam par spang / /glu dang sil snyan grub pa dang / /gdugs dang rgyal
289b1 mtshan ba dan dang / /sha dang chang du bcas pa ni/ /gtor ma'i mchog ste sna tshogs pa'o/ /bdag gi phyug chen skal bzang bo/ /rdo rje'i las ni dpal grub pa'o/ /bshos dang gtor ma dkar po
289b2 dang / /pad+ma'i me tog ldan pa ni/ /spyan ras gzigs dbang gtso bo la/ /phul na dgos pa thams cad 'grub/ /rgyal po'i kha zas sna tshogs pa/ /sha dang chang du ldan pa dang / /glu dang sil
289b3 snyan skal bzang dag /rdo rje nyi ma'i 'khor la dbul/ /kha zas kun gyi ro rnams dang / /sha dang sha yi mchog rnams dang / /sha yi sbyor dang sha skam dang / /bshos dag rdo rje rta la dbul//
289b4 mchod pa dang gtor ma thams cad kyi cho ga'i phyag rgya'o/ /mthe bong sems dpa'i skyil mo krung / /mdzub mo gnyis kyi rtse mo dgug /gung mo gnyis ni mnyam par sbyar/ /lhag ma rdo rje
289b5 thal mo sbyar/ /sangs rgyas rin chen phyag rgya 'di/ /rang byung rnams kyi dbang bskur ba/ /rgyal srid thams cad ma lus pa/ /lus pa med pa myur du 'grub/ /spyi bo dang ni dpral ba dang / /ldan
289b6 pa gnyis dang rtag par ni/ /sangs rgyas kun gyi rin chen mchog /dbu rgyan kun tu brgyan par bya/ /dbu rgyan bcing bas bcings nas ni/ /'gying zhing mtha' nas dgrol bar bya/ /dar gyi
289b7 mtha' ma dpyangs pa ltar/ /byas nas thal mo brdab par bya/ /sangs rgyas pad+mo rdo rje 'dzin/ /rdo rje nyi ma khams gsum pa/ /de yis dgra med sdig med par/ /bdag gi longs spyod nyid du
290a1 spyod| |'di yis bsrung ba byas nas ni/ /rdo rje sems dpa' dpal dang 'dra/ /sangs rgyas kun gyi dngos grub che/ /'khor los bsgyur ba rab tu 'grub/ /de bzhin
290a2 gshegs pa thams cad kyi nor bu rin po che'i dbu rgyan mnyam par sbyor bskal pa bzang po dpal gyi phreng ba zhes bya ba'i phyag rgya'o/ /sor mo thams cad nang du bsnol/ /sor mo
290a3 rtse mo kun sprad nas/ /mthe bong rdo rjes mnan pa ni/ /sna dang mig phugs lta bu ste/ /pad+mo'i rin chen phyag rgya 'di/ /bdag nyid chen por dbang bskur ba/ /rgyal srid thams cad ma lus
290a4 pa| |lus pa med par myur du 'grub/ /spyi bo dang ni dpral ba dang / /ldan pa gnyis dang lhag par sbyar/ /thod pa'i phreng ba dbu rgyan te/ /sangs rgyas gtsug gi nor bu 'bar/ /dbu
290a5 rgyan bcing bas bcings nas ni/ /'gying ba'i mtha' nas dgrol bar bya/ /dar gyi mtha' ma dpyangs pa ltar/ /byas nas thal mo brdab par bya/ /'di yis bsrung ba byas nas
290a6 ni| |rdo rje sems dpa' dpal dang 'dra/ /khams gsum dag ni rgyal srid che/ /'khor los bsgyur ba rab tu 'grub/ /dpal rdo rje he ru ka pad+mo'i nor bu rin po che'i dbu rgyan
290a7 mnyam par sbyor ba skal pa bzang po dpal gyi phreng ba zhes bya ba'i phyag rgya'o/ /rdo rje thal mo mnyam sbyar te/ /lag gnyis nor bu rin chen du/ /ji ltar rigs par mnyam sbyar
290b1 nas| |mdzub mo mthe bo'i rtse mo bzhi/ /yongs su bsgyur te bteg nas su/ /dpral bar legs par bzhag nas ni/ /khams gsum bdag po rgyal bar bdag /ma lus lus pa med par
290b2 'grub| |dpal rdo rje rin chen gyi phyag rgya'o/ /lag pa shin tu brkyang ba yis/ /mdzub mo gnyis pa'i mdud par bcing / /gung mo mthe bo'i rtse mo can/ /rdo rje'i phyag rgya yongs su bsgyur/ /yongs
290b3 su bsgyur te bteg nas kyang / /khro gnyer du ni legs bzhag na/ /rgyal srid thams cad legs 'grub pa/ /ma lus lus pa med par 'grub/ /'di yis bsrung ba byas na ni/ /rdo rje las kyi
290b4 dpal dang 'dra/ /rnal 'byor dbang phyug rab bsgrubs pa/ /ma lus lus pa med par 'grub/ /ma mo dang ni byad ma dang / /mkha' 'gro ma yang lhag par 'grub/ /dur khrod dngos grub thams
290b5 cad dang / /las rnams thams cad byed par 'gyur/ /dpal rdo rje he ru ka'i phyag rgya'o/ /mthe bong dpa' bo'i skyil mo krung / /mdzub mo gnyis kyi rtse mo dgug /gung mo gnyis ni mnyam
290b6 par sbyar/ /lhag ma rdo rje thal mo'i 'od/ /rdo rje rin chen phyag rgya 'di/ /rang byung rnams kyi dbang bskur ba'o/ /'jig rten dbang po dam pa kun/ /ma lus lus pa med par 'grub/ /'di yis
290b7 bsrung ba byas na ni/ /rnam par snang mdzad dpal dang 'dra/ /sangs rgyas kun gyi tshe 'grub pa/ /ma lus lus pa med par 'grub/ /tshe dang ye shes dpag tu med pa rnam par nges pa zhes
291a1 bya ba'i phyag rgya'o/ /rdo rje thal mo mnyam sbyar la/ /mdzub mo bsnyams te phyi rol dgug /mthe bong gnyis ni rab tu brkyang / /rdo rje nor bu zhes kyang bya/ /dpral bar
291a2 myur du bzhag pa ni/ /bsam pa thams cad yongs rdzogs shing / /rgyal srid thams cad rab sgrub pa/ /ma lus lus pa med par 'grub/ /dpal nor bu rin po che dbang bskur ba'i
291a3 phyag rgya'o/ /sangs rgyas rin chen pad+mo dang / /de bzhin rdo rje rin chen dang / /yid bzhin nor bu rin chen mchog /rta mchog rab tu 'grub par 'gyur/ /phyag rgyas rab tu dbang bskur ba'i
291a4 phyag rgya shes pa'o/ /sor mo phan tshun bsnol ba ni/ /rdo rje thal mo yin par bshad/ /sor mo thams cad bsdams pa ni/ /rdo rje bsdams pa yin par bshad/ /rdo rje bsdams ba byas
291a5 nas ni| |mdzub mo mthe bo'i nang dag tu/ /g.yas pa'i mthe bo'i mtshan ma 'di/ /rtse mo bcug la bsdam par bya/ /dga' chen dpal gyi phyag rgya ste/ /phyag rgya thams cad rang byung ba/ /rab
291a6 'byams las rnams dngos grub ni/ /ma lus lus pa med par 'grub/ /dga' ba'i rdo rje bcings nas ni/ /gung mo bcings pa'i nang du gzhug/ /mthe bong mthe'u chung rtse mo can/ /rdo rje'i
291a7 phyag rgya yongs su bsgyur/ /'di yis sangs rgyas thams cad dang / /de bzhin dpa' bo thams cad dang / /rdo rje 'dzin pa thams cad ni/ /tshe 'di nyid la 'grub par 'gyur/ /dpal bde
291b1 ba chen po'i rdo rje'i phyag rgya'o/ /de las gung mo lcags kyu ni/ /bdag gi snying gar sbyar bar bya/ /'di ni thams cad 'gugs pa'i rgya/ /de ma thag tu phyag rgya 'dis/ /sangs rgyas pad+mo rdo rje 'dzin//
291b2 rdo rje nyi ma khams gsum pa/ /bkug ste dbang du byas nas ni/ /las rnams kun la sbyor bar byed/ /dpal bde ba chen po rdo rje lcags kyu zhes bya ba'i phyag rgya'o/ /rdo rje bsdams pa byas nas
291b3 ni| |gung mo bcings pa'i nang du gzhug /mthe'u chung mthe bong rtse mo can/ /rdo rje'i phyag rgyar yongs bsgyur na/ /sangs rgyas byang chub sems dpar yang / /sbyor ba 'di yis mi dka' na/ /
291b4 dngos grub gzhan dang las kyi mchog /rab 'byams gzhan lta ci zhig smos/ /de bzhin gshegs pa thams cad kyi dpal rdo rje'i phyag rgya'o/ /rdo rje'i phyag rgya bcings pa las/ /sbyor ldan
291b5 thal mo khong stong sbyar/ /khams gsum dag ni ma lus pa/ /de ma thag tu 'bebs par byed/ /dpal rdo rje dbab pa'i phyag rgya'o/ /rdo rje'i phyag rgya bcings pa las/ /gung mo de bzhin bkug
291b6 nas ni| |rdo rje rdo rje zhes brjod de/ /gung mo nam mkha'i rdo rje mchog /phyag rgya 'di yis btab na ni/ /'dod pa bzhin du 'gro 'ong lding / /dpal ldan 'dod pa kun gyi bdag /rdo rje sems
291b7 dpa' rab tu 'grub/ /dpal rdo rje snying po'i phyag rgya'o/ /rdo rje bsdams pa la gnas te/ /mthe bo'i rtse mo de bzhin bsnyams/ /mdzub mo gnyis kyi rtse mo dgug /rdo rje'i phyag rgya bcing bar
292a1 bya| |phyag rgya 'di yis rnal 'byor pa/ /dag pa kun la rab tu gnas/ /byang chub sems ni mtha' yas mchog /dngos grub thams cad rab tu 'grub/ /dpal
292a2 rdo rje rab tu gnas pa rdo rje'i phyag rgya'o/ /rdo rje'i pad+mor byas pa las/ /gung mo bcings pa'i dbus na gnas/ /mthe'u chung bsnyams pa'i rtse mo mde'u/ /rdo rje mda' ni yongs su 'phang //
292a3 phyag rgya 'di yis btab na ni/ /tshangs pa nye dbang dga' byed bcas/ /mthu yis myur du brgyal byas nas/ khams gsum dag ni sgrub par byed/ /dpal rdo rje mda'i phyag rgya'o/ /rdo rje'i
292a4 phyag rgya yongs bcings na/ /gung mo bcings pa'i phyi rol bzhag /rdo rje sna tshogs dpal gyi rgya/ /ldang ba thams cad rab grub pa'o/ /rdo rje phyag rgya thams cad shes pa'o/ /A li kA li
292a5 mnyam byas nas/ /mkha' yi thad kar bsdu bar bya/ /de yi 'og tu ri mo rnams/ /yi ge thams cad dgod par bya/ /gug skyed dag gi lcug mar bya/ /yi ge ra ni myu gur bya/ /klad kor
292a6 zla ba kham pa dang / /tsheg gnyis zla ba gnyis su bya/ /'di ni sangs rgyas thams cad kyi/ /phyag rgya mi 'gyur dam pa ste/ /sangs rgyas dpal gyi ri mor bshad/ /yi ge dag kyang mi
292a7 'gyur mchog /rdo rje sems dpa' dpal gyi lha'i/ /bstod dang bcas pa'i mtshan bris na/ /sdig pa kun las thar par 'gyur/ /bsod nams thams cad rab tu 'grub/ /rdo rje sems
292b1 dpa' dpal sbyor zhes/ /rab tu chags pa'i mtshan bris na/ /sdug bsngal kun las thar par 'gyur/ /bde ba thams cad rab tu 'grub/ /chags chen grol ba dpal zhes pa'i/ /chags
292b2 pa'i mtshan dag bris na ni/ /sdig pa kun las thar par 'gyur/ /'gro ba kun la rab tu gnas/ /snying rje dri med khro dpal zhes/ /bstod dang bcas pa'i mtshan bris na/ /sdig pa kun las
292b3 thar par 'gyur/ /dngos grub kun gyi mchog kyang 'grub/ /pad+mo chags pa dpal dag ces/ /chags pa'i mtshan dag bris na ni/ /sdig pa kun las thar par 'gyur/ /dag pa thams cad
292b4 rnam par dag /rdo rje nyi ma'i dpal mdangs zhes/ /bstod dang bcas pa'i mtshan bris na/ /sdig pa kun las thar par 'gyur/ /longs sbyod kun la rab tu gnas/ /rta mchog pha rol gnon
292b5 dpal zhes/ /chags pa'i mtshan dag bris na ni/ /sdig pa kun las thar par 'gyur/ /dbang phyug thams cad rab tu 'grub/ /brjod pa dag kyang de bzhin te/ las kyi dngos grub rab
292b6 'byams dag /ma lus par ni myur du 'grub/ /lhag pa'i lha ni gang gang gis/ /slob dpon gang dang gang yin pas/ /de dang de yi mtshan dag ni/ /dpal gyi tshig dang ldan par brjod/ /
292b7 slob ma dkyil 'khor btsud nas kyang / /yon gyi mchog dag blangs nas ni/ /rdo rje ming ni dbang bskur bas/ /de bzhin gshegs par de lung bstan/ /phyag rgya'i sbyor ba 'di dag gis//
293a1 byang chub snying po'i bar du ni/ /rdo rje'i ming du rab tu gnas/ /de nas sangs rgyas su yang 'gyur/ /bstod pa dang bcas pa'i ming gi phyag rgya zhes pa'o/ /sbyi bor nyug
293a2 pa gang yin pa/ /phyag 'tshal bar ni ston pa yin/ /dpral bar reg par byed pa ni/ /phyag lan yin par shes par bya/ /smin ma bskul ba gang yin pa/ /sangs rgyas thams cad
293a3 gnas pa'i brda/ /g.yas pas nam mkhar 'gro ba 'grub/ /g.yon pa rnam par rgyal ba yis/ /rang byung rnams kyi brda yi rgya/ /mig gnyis g.yo bar 'grub ba ste/ /g.yon pa bud
293a4 med bzang mo yin/ /g.yas pa skyes pa bzang po 'o/ /rna ba dag la reg pa'i brda/ /g.yas g.yon gnyis ka de bzhin te/ /g.yon pa legs par blangs pa yi/ /g.yas pa legs
293a5 par smras pa'o/ /sna yi bu ga gnyis kyi brda/ /sangs rgyas thams cad gnas pa ste/ /g.yas pa bdag la bdug pa slong / /g.yon pa bdag la dri slong pa'o/ /lce ni bldag pa ltar
293a6 byed pa| |brda yi phyag rgyar gnas pa ste/ /g.yas pa sha yi phyag rgya yin/ /g.yon pa chang gi phyag rgya yin/ /mche ba g.yas dang g.yon pa yi/ /bar du ma mchu mnan pa ni/ /g.yon pa
293a7 bud med reg na bde/ /g.yas pa de bzhin skyes pa'o/ /lkog mar reg pa'ang de bzhin te/ /brda yi phyag rgyar gnas pa ste/ /theg pa chen po bla med pa'i/ /rtog pa thams cad smra
293b1 ba'i mchog /snying gar gyen du 'dren pa ni/ /rang byung phyag rgya'i brda grub pa/ /rdo rje thams cad 'dren pa ste/ /'khor ba shin tu sdud pa'o/ /lte ba'i dkyil du reg pa ni/ /brda yi phyag rgyar
293b2 gnas pa ste/ /dbu ma'i nan tan bsgrubs pa yis/ /chos kyi 'khor lo chen po'i dkyil/ /rang gi dbang po bsgreng ba ni/ /rang byung rnams kyi brda yi rgya/ /de las de bzhin bde ba yis/ /
293b3 sangs rgyas thams cad thob par 'gyur/ /phrag pa gnyis ni kun bstod pa/ /brda yi phyag rgyar gnas pa ste/ /g.yas pa 'gugs pa'i phyag rgya yin/ /g.yon pa slad du gtong pa'o/ /dpung pa
293b4 g.yas g.yon gnyis ka yis/ /bdag la 'khyud pa'i phyag rgya ni/ /g.yas pa thams cad 'grub pa yin/ /g.yon pa dbang phyug thams cad 'grub/ /khu tshur g.yas g.yon gnyis ka yis/ /
293b5 khu tshur bcings dang dgrol ba dag /g.yas pa rgyas 'debs phyag rgya yin/ /g.yon pa mi rnams thong zhig pa'o/ /brla gnyis rab tu bsdams pa ni/ /g.yas dang g.yon pa de bzhin te//
293b6 g.yon pa 'dod la rab tu brtson/ /g.yas pa chos la brtson pa 'o/ /pus mo lha nga'i brda dag kyang / /g.yas dang g.yon pa de bzhin te/ /g.yon pa 'dud pa'i phyag rgya ste/ /g.yas par
293b7 rab tu phyag 'tshal lo/ /bus mo g.yas g.yon gnyis dag gis/ /brda yi phyag rgyar rab tu gnas/ /g.yas pa bcing pa'i phyag rgya ste/ /g.yon pa thams cad rnam par dgrol/ /rkang
294a1 pa gnyis kyis sa gnon pa/ /g.yas dang g.yon pa de bzhin te/ /g.yon pa thams cad gnod par byed/ /g.yas pa thams cad rab tu 'joms/ /dngos grub
294a2 las dang bde ba dang / /'di yis mi 'grub gang yang med/ /rang don las rnams rab grub pa/ /ma lus lus pa med par 'grub/ /brda yi phyag rgya shes pa'o/ /oM a ti b+hu zhes bya ba'i
294a3 brda| |'di ni phyag 'tshal ba zhes pa'o/ /bra ti oM d+hi b+hu zhes pa/ /phyag lan yin par shes par bya'o/ /sems dpa' sngon dang mtha' med pa/ /rdo rje sems dpa' bde ba'i mchog/ /sangs
294a4 rgyas brda yi phyag rgya yis/ /e ma'o bde ba yin par bshad/ /e ma'o bde ba dpal gyi mtshan/ /rdo rje sems dpa' gang brjod pa/ /sdig pa kun las thar par 'gyur/ /bde ba thams
294a5 cad rab tu 'grub/ /bde mchog e ma'o bde ba dang / /sgron ma de bzhin shi shi dag /rgyas 'debs ma dang rmongs byed dang / /za ba mo dang tshe 'phel ma/ /sangs rgyas byang chub chos 'khor
294a6 lo| |de bzhin khams gsum rnam par rgyal/ /'dod pa'i lcug ma thams cad kyang / /phyag rgya brda yi phyag rgya 'o/ /rta dang rdo rje snang ba dang / /thal par rlog pa'i ro langs ma/ /sangs
294a7 rgyas kun gyi brda yin no/ /gling bu dang ni rgyud rnams dang / /de bzhin du ni rgyud gcig dang / /stug po dang ni rdza rda dag /sangs rgyas brda yi phyag rgya'o/ /me tog mchod dang bdug pa'i
294b1 mchod| |de bzhin mar me'i mchod pa dang / /spos kyi mchod pa gla rtsi dag /longs sbyod phyag rgya'i brda yin no/ /de la sogs pa mtha' yas mchog /chos dbyings mnyam dang mi mnyam pa/ /
294b2 nam mkha'i dbyings kyi mtha' klas pa'i/ /lha mo kun gyi brda yin no/ /smin ma bskyod pa mda' bzhi yin/ /b+ha ga ling+ga e ma'o bde/ /thod pa pad+mo yin par bshad/ /kha T+wAM ga yang rgyal mtshan
294b3 che| |sangs rgyas phyag rgya pad+mor gnas/ /bde ba kun gyi bdud rtsi yin/ /sangs rgyas brda yi phyag rgya yis/ /shi shi sangs rgyas kun tu bshad/ /dkyil 'khor la ni 'khor lor bshad/ /de
294b4 nyid dam tshig yin par bshad/ /lha rnams thams cad tshogs pas na/ /skye po dam pa kun tshogs pa/ /tshogs kyi 'khor lo dam pa ni/ /mdza' ba thams cad 'dus pa ste/ /sangs rgyas
294b5 kun gyi brda dag gis/ /de bzhin mdza' ba 'dus par gsungs/ /rdo rje sems dpa' dpal sbyor bas/ /dkyil 'khor thams cad yin par bshad/ /lha mo thams cad kun 'dus pas/ /
294b6 thams cad sna tshogs skal ba bzang / /rdo rje sems dpa' dpal sbyor ba/ /sangs rgyas kun tu bdag sbyor bas/ /rnam pa kun mkhyen shes pa'i phyir/ /kun gyi slob dpon yin par bshad/ /
294b7 kun gyi slob dpon rab gnas pa/ /lha mo thams cad 'dus pas na/ /sangs rgyas kun gyi mchog dag gis/ /kun tu sna tshogs skal bzang po'o/ /de yi slob ma grub pa ni/ /grub pa'i rjes
295a1 su grub pas na/ /sangs rgyas brda yi gsang ba yis/ /rgyal mtshan yin par rnam par bshad/ /de las gzhan pa'i slob ma kun/ /mchog dang 'bring dang tha ma'i
295a2 rnams| |sangs rgyas kun gyi brda dag gis/ /byang chub sems dpa' yin par bshad/ /sangs rgyas thams cad rin chen mchog/ /dbu rgyan mi 'gyur dam pa yin/ /sangs rgyas kun gyi
295a3 rgyal srid mchog /yin par rang byung rnams kyis gsungs/ /thod pa'i phreng ba'i dbu rgyan dang / /sangs rgyas gtsug gi nor bu dag /sangs rgyas brda yi phyag rgya yi/ /dpal gyi pad+mo'i tshul
295a4 du bshad/ /sangs rgyas rang bzhin grub gcig dang / /de bzhin pad+mo'i rang bzhin gcig /thams cad dbang bskur dbang bskur che/ /yin par don kun grub pas gsungs/ /yon gyi dam
295a5 pa grub pa ni/ /nor gyi dbyig tu bshad pa ste/ /snying yang nor gyi mchog yin par/ /sangs rgyas brda yi phyag rgyar bshad/ /ga bur tsan+dan dmar po dang / /sbyar ba brag chen yin par
295a6 bshad| |tshogs kyi dbus su bzhag pa dpal/ /thams cad ldang pa'i ra sa yin/ /bag zan las ni byas pa'i phyugs/ /tsan+dan dmar pos bskus pa dang / /bag phye'i zan las byas
295a7 pa'i sha /rgyal po'i zan zhes gang bshad pa'o/ /de nas grub pa'i mna' bsgags pa/ /dam tshig ces par gnas pa'o/ /bde mchog bde mchog ces gsungs pa/ /sangs rgyas bde mchog
295b1 thams cad kyis/ /phyag rgya'i bde ba mchog tu gsungs/ /de bzhin e ma'o bde ba dang / /snang ba shes pa'ang rab tu gnas/ /shi shi srid pa'ang srid pa'o/ /de bzhin gshegs pa kun gyis kyang //
295b2 'da' bar bya ba'ang ma yin pas/ /sangs rgyas brda yi phyag rgya yis/ /phyag rgya yin par bshad/ /phyag rgya'ang sbyor ba yin par bshad/ /sbyor ba'ang phyag rgya yin par bshad/ /rdo rje sems
295b3 dpa' dpal sbyor ba/ /sbyor ba thams cad yin par bshad/ /nga ni sna tshogs dam tshig ste/ /rdo rje sems dpa' bde ba che/ /sangs rgyas brda yi phyag rgya yis/ /sbyor ba thams cad yin par bshad//
295b4 de yi nye pa'i longs sbyod ni/ /khams gsum thams cad ma lus pa'o/ /de yi gzugs dang sgra dang dri/ /ro dang reg pa bde myos pa'o/ /gzugs ni ri mo yin par gsungs/ /sgra ni glu yin zhes
295b5 bshad do/ /dri ni rab tu tshim par gsungs/ /ro ni ra sa ya na yin/ /reg pa bde ba yin par bshad/ /rab tu reg pa dga' ba'i bde/ /sangs rgyas brda yi phyag rgya yi/ /chos ni sbyor ba yin par
295b6 bshad| |sbyor ba'i longs sbyod thams cad kyis/ /ji ltar bde bar sten byed cing / /bdag gi lhag pa'i lhar sbyar ba/ /rang gi mchod pa'i dam tshig yin/ /rjes su sbyor bas mchod na ni/ /sbyor ba
295b7 kun gyi bde ba'i mchog /sangs rgyas brda yi phyag rgya yis/ /bde ba chen po yin par bshad/ /lha mo kun dang mnyam sbyor ba/ /sangs rgyas thams cad 'dus pa 'o/ /ye shes tsam la snyoms
296a1 'jug pa/ /rnal 'byor zhes ni bshad pa yin/ /sangs rgyas brda yi phyag rgya yis/ /ting 'dzin rab tu sbyor ba'ang bshad/ /lha mo kun dang mnyam sbyor ba/ /sangs
296a2 rgyas thams cad 'dus pa 'o/ /sangs rgyas thams cad mnyam sbyor ba/ /sangs rgyas kun gyis byin brlabs pa'o/ /dga' bar sbyod pa grub par bshad/ /rjes su sbyor ba rjes su sgrub/ /skyes
296a3 pa ltar byed dga' sbyod pa/ /slar yang rjes su sgrub par mdzad/ /lha mo kun la bde sdug pa/ /sbyor ba kun la mos pa ni/ /kun tu sangs rgyas kun gyi bdag /ras ya na bde bar bshad/ /
296a4 thams cad ldang pa kun 'gro ba/ /dngos grub dam par rab tu bshad/ /dngos grub chen po ldang ba cher/ /sangs rgyas brda yi phyag rgyar bshad/ /dngos grub chen po kun gyi mchog/ dbang phyug
296a5 chen po bla na med/ /sangs rgyas dam pa kun gyi mchog /sangs rgyas kun gyi brda yis bshad/ /dngos grub chen po kun gyi mchog /dbang phyug chen po bde ba'i mchog /sangs rgyas
296a6 thams cad mnyam sbyor ba/ /sbyor ba'i dbang phyug bde chen no/ /khrag ni me tog yin par bshad/ /mdangs ni bdug pa yin par bshad/ /sha chen dag ni mar me ste/ /thal mo dag ni
296a7 spos su bshad/ /chang ni sgeg mo yin par bshad/ /rab tu myos pa sbrang rtsi 'o/ /bu ram chang ni myos byed gsungs/ /rgun chang dag ni bdud rtsi yin/ /bdud rtsi lam gyi yan lag brgyad/ /
296b1 sangs rgyas kun gyi brda yin no/ /rgun dang sbrang rtsi mchog tu dpa'/ /tshwa ni 'dod chags sra ba yin/ /skyur po'i khu ba g.yon can yin/ /kaM b+hi la ni bran mor bshad/ /phyur ba zla ba nya ba yin/ /sha ni
296b2 sman gyi mchog yin te/ /dbang phyug dam pa kun gyi mchog/ /sangs rgyas kun gyi brda yis bshad/ /dngos grub chen po kun gyi mchog /chang ni ra sa ya nar bshad/ /zas ni tshe zhes bya bar
296b3 bshad| |bza' ba sna tshogs grub pa ni/ /sha dang chang du ldan pa dag/ /dga' ba'i longs spyod skal bzang po/ /tshe yi dam pa yin par bshad/ /a 'bra rgun 'bru pa nas/ /na li ke ra a ru ka/ 'bras bu chen po'i
296b4 khyad par dag /bdud rtsi'i 'bras bu yin par bshad/ /a mra smin pa grol bar bshad/ /de bzhin bde bar nyal ba dang / /bde bas rab tu rmongs pa dag /sangs rgyas kun gyi brda yin no/ /'bras bu chen po pa na
296b5 sa| |rgun 'brum khu ba khu ba'i mchog /na le ke ra'i dngos grub che/ /dam chos 'bras bu a ru ka /glu yi tshig tu brjod par bshad/ /dar dir dag ni sil snyan yin/ /sangs rgyas brda yi phyag rgya
296b6 yis| |gar ni rnams par rol par bshad/ /rdo rje sems dpa' dpal sbyor ba'i/ /glu dang sil snyan gar byed pa/ brda yi dam par bshad pa ni/ /sangs rgyas kun gyi rnam sprul pa'o/ /rab tu zhi ba'i
296b7 sil snyan glu/ /dur khrod glu dang sil snyan dang / /gar ni shin tu rnam sprul pa'o/ /chags bcas glu dang sil snyan dang / /gar ni shin tu rnam sprul pa'o/ /mi yi dbang po'i sil snyan glu/ /gar ni
297a1 shin tu rnam sprul pa'o/ /rab tu dga' ba'i sil snyan glu/ /rang gi rtsal gyi gar byas pa/ /rta mchog rnam par sprul pa ni/ /brda yi dam par rab tu bshad/ /DI zhes bya ba
297a2 mkha' 'gro yi/ /khams gsum 'dir ni rnam par brtag /nam mkhar 'gro ba'i phyag rgya dag /mkha' 'gro zhes ni rab tu grags/ /kun tu sna tshogs phyag rgya ni/ /thams cad nam mkhar
297a3 'gro ba ste/ /sangs rgyas thams cad mnyam sbyor ba/ /mkha' 'gro ma zhes rab tu grags/ /sgyu ma'i gar dbang grub pa ni/ /a ra li zhes ming du btags/ /mkha' 'gro ma yang a ra li/ /
297a4 sang rgyas brda yi phyag rgya 'o/ /sangs rgyas thams cad mnyam sbyor ba/ /sgyu ma kun gyi gar byed pa/ /sangs rgyas thams cad mnyam sbyor ba'i/ /mkha' 'gro ma yi dam tshig mchog /bcom
297a5 ldan rdo rje sems dpa' dpal/ /rdo rje a ra li zhes bshad/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /sems dpa' sngon dang mtha' med pa/ /rdo rje
297a6 sems dpa' dga' ba'i mchog/ /sangs rgyas brda yi phyag rgya yis/ /de ni skal pa bzang por bshad/ /gang zhig rdo rje sems dpa'i mtshan/ /skal pa bzang po zhes brjod na/ /shin tu srid
297a7 pa kun 'grub cing / /de ni dbang phyug chen po 'grub/ /Tak+ki 'dod pa yin par bshad/ /dga' ba ki li ki li la yin/ /byams pa chu srin yin par bshad/ /'dod pa'i dbang po dbang phyug
297b1 mchog /rdo rje dril bu'i phyag rgya dag /dam tshig gsum gyi dam pa yin/ /oM dang b+hu khaM kun bshad pa/ /sangs rgyas brda yi phyag rgya yin/ /grangs te bcug nas bcings pa dang / /zhugs nas dbang
297b2 du gyur pa ni/ /dzaHhUM baM hoH bshad pa ste/ /sangs rgyas kun gyi brda yin no/ /e hi ya hi zhes bshad pa/ /tshur sbyon phar bzhud zhes bsgrags pa'o/ /tis+ha zhes gsungs pa ni/ /longs la drongs shig
297b3 drongs shig pa'o/ /kha kha khA hi zo zhig pa'o/ /a pi zhes pa 'thungs shig pa'o/ /da ra da ra byin ces pa'o/ /ru ta ma ta rol cig pa'o/ /hu lu hu lu zhugs shig pa'o/ /a ra ra rar skul cig pa'o/ /e
297b4 ma'o bde mchog ngo mtshar ni/ /a la la la ho zhes bshad pa'o/ /bde mchog rgyas 'debs phyag rgya yin/ /e ma'o bde ba rmongs byed ma'o/ /snang ba zhes ba zab mo'o/ /hUM shi shi ni tshe 'phel ma'o/ /shin
297b5 tu brtan dang rab tu brtan/ /kun tu brtan dang cher brtan pa/ /sangs rgyas rdo rje 'dzin pa dang / /'jig rten dbang dang mkha' las skyes/ /shes 'gyur dag 'gyur grub par 'gyur/ /zhugs la dbang
297b6 du 'gyur par mdzod/ /aM aM a a kun bshad pa/ /sangs rgyas brda yi phyag rgya yin/ /thams cad mkhyen par gyur pa dang / /de bzhin bde bar mkhyen pa ni/ /oM sarba bid ces bshad pa ste/ /sangs
297b7 rgyas brda yi phyag rgya yin/ /oM ru ru s+phu ru dz+wA la tiSh+Tha sid+d+ha lo tsa ne sar+b+ba a r+tha sA d+ha ni swAhA/ 'khor lo dngos grub mkhyen pa dang / /don dam nye bar zhi ba'i phyir/ /sangs rgyas rang byung bcom ldan
298a1 'das| |rnam snang mdzad chen gtso bo ni/ /sangs rgyas brda yi phyag rgya yin/ /skal pa bzang po zhes bshad pa'o/ /ke Ta Sha/ ko Ta ba/ ko Ta bash+tsa/ ko Ta ri ka /ko la gak+Sha/
298a2 ko la ba| ko la/ ko la bash+tsa/ ko la b+ha sta thA/ phyag na rdo rje rang don gyi/ /mtshan 'di rnams ni gang brjod pa/ /de la rgyal po rdo rje 'dzin/ /bran bzhin dngos grub gter bar 'gyur/ /rgyal srid
298a3 dang ni longs sbyod dang / /gter gyi rnams kyang lhag par ster/ /dgos pa thams cad byed par 'gyur/ /de bzhin dgra yang med par byed/ /mig dang rna ba sna dag dang / /lce dang lus kyang de
298a4 bzhin te/ /gzugs dang sgra dang dri dag dang / /ro dang reg kyang bdag gi don/ /rdo rje mtshon cha be di dang / /dgra bo dag tu rab grags pa/ /de yi phyag na rdo rjer 'gyur/ /lag na rdo rje zhes kyang
298a5 bya| |nyon mongs thams cad gang zad dang / /dgra rnams kyang ni gang zad pa/ /phyag na rdo rjes 'dul ba'i phyir/ /de ni yak+Sha yin par bshad/ /he ru dpal ni rdo rje che/ /thal bar 'jig pa'i mchog
298a6 yin te| |sangs rgyas kun gyi khro bo che/ /brda yis rab tu bshad pa yin/ /rdo rje 'bar ba rab tu 'jigs/ /kha T+wAM ga ni rgyal mtshan che/ /thod pa kham phor pad+ma'i snod/ /khrag chen dang ni sbrang
298a7 rtsi che| |dkar me rku byed rab rmongs dang / /ro langs dang ni spos byed dang / /gtum mo dang ni smra ma dang / /lha mo bdun ni brda yin no/ /srungs shig myur du rnam rgyal dpal/ /thal ba bzhin
298b1 du rab tu lhogs/ /haM haM hri hUM kun bshad pa/ /sangs rgyas brda yi phyag rgya yin/ /rol cig dgongs shig de bzhin du/ /rol du chug cig gsod du chug /mar Ta phaT phaT ces bshad pa/ sangs rgyas
298b2 kun gyi brda yin te/ rgyal po chen po rdo rje 'dzin/ /dbang phyug dam pa'i rig pa ni/ /sangs rgyas brda yi phyag rgya yis/ /skal pa bzang po yin par bshad/ /rgyal po spyan ras gzigs dbang phyug
298b3 'jig rten dbang phyug ces bshad de/ /sangs rgyas kun gyi brda dag gis/ /de yang skal ba bzang zhes bshad/ /dag dang grub dang de bzhin blo/ /rju 'phrul 'phel dang 'byor pa dang / /rnam par lta
298b4 dang sgrol ma dang / /rgyal chen ma dang khro gnyer ma/ /pad+mor gnas zhes bya ba dang / /rdo rje pad+mo'i dbang phyug ma/ /pad+mo lha mo rigs chen te/ /sangs rgyas brda yi phyag rgyas bshad/ /nam mkha'i snying
298b5 po thams cad phyogs/ /re ba thams cad rdzogs mdzad pa/ /skal ba bzang zhes rnam par grags/ /rdo rje nyi ma nor po che/ /trI dang ba ba Ta Ta dang / /tra Ta tra Ta kun grags pa/ /sangs rgyas kun gyi brda
298b6 yin te| |dbang bskur ba dang gter dag dang / /rgyal mtshan rtse mo mchod chen po/ /sna tshogs pad+mo thams cad sbyan/ /de bzhin 'jig rten thams cad pa/ /byang chub kun gyi sems chen po/ /sna tshogs
298b7 rdo rje bla na med/ /thams cad dag par mos pa yis/ /'jig rten thams cad rab 'jigs pa/ /rta mchog pad+ma dpal dang ldan/ /skal pa bzang zhes brda yis bstan/ /brda yi phyag rgya 'di rnams
299a1 kyis| |dkyil 'khor sbyor bas nges pa ni/ /grogs po mkhas par bcas pa yi/ /dngos grub thams cad grub par 'gyur/ /brda yi phyag rgya shes pa'o/ /rjes su chags
299a2 par bya'o zhes/ /cha lugs shes pa bzhin byed cing / /dngos grub kun la rjes chags pa/ /mi 'gyur dam pa 'grub par 'gyur/ /kun tu kun nas thams cad ni/ /bdag nyid rtag tu rnam pa
299a3 kun| |las kyi dngos grub rab 'byams dag /ma lus par ni myur du 'grub/ /rjes su chud par bya'o zhes/ /cha lugs shes pa bzhin byed pas/ /sku gsung thugs kyi rdo rje mchog/ /cho 'phrul
299a4 dag ni ston par byed/ /rjes su chud par bya 'o zhes/ /cha lugs shes pa bzhin byed pas/ /mkha' 'gro sgyu ma bde ba'i mchog /ma lus lus pa med par 'grub/ /rjes su sbyang bar bya 'o
299a5 zhes| |cha lugs shes pa bzhin byed pas/ /sgrib sbyang thams cad dngos grub rnams/ /ma lus lus pa med par 'grub/ /rjes su yi rang bya 'o zhes/ /cha lugs shes pa bzhin byed pas/ /
299a6 bud med la sogs rin chen mchog/ mchod pa'i las kun myur du 'grub/ /rjes su gzhom par bya'o zhes/ /cha lugs shes pa bzhin byed pas/ /rtul phod las rnams thams cad ni/ /ma
299a7 lus lus pa med par 'grub/ /ye shes kyi phyag rgya shes pa'o/ /rdo rje sems dpa' dpal sbyor ba/ /dbyibs dang gzugs ni ci 'drar ldan/ /thams cad bdag nyid rgyar sbyor ba/ /mi
299b1 'gyur dam pa 'grub par 'gyur/ /kun tu kun nas thams cad ni/ /bdag nyid rtag tu rnam pa kun/ /pra se na yi dngos grub mchog /ma lus lus pa med par 'grub/ /sangs rgyas thams
299b2 cad mnyam sbyor ba/ /mkha' 'gro sgyu ma bde mchog gis/ /yang dag bde ba tshul bzhin du/ /mthong ba dang ni thos par byed/ /sa chu me rlung nam mkha' dang / /khams rnams kun ni thams cad
299b3 las| |thams cad mthong zhing thos par byed/ /rnam par shes pa kun 'grub cing / /kun tu thams cad kun gyi bdag /'dod pa'i yon tan thams cad dang / /rnam par shes pa'i las kun la/ /
299b4 thams cad mthong zhing shes par byed/ /pad+mor chags par rjes chags shing / /sna tshogs pad+mor kha 'byed pas/ /pra se na ni sna tshogs pa/ /mthong ba dang ni thos par byed/ /me tog bdug pa
299b5 mar me mchog /spos dang mchod pa thams cad la/ /rnam par shes pa kun grub pa/ /thams cad mthong zhing thos par byed/ /reg dang ma reg rdo rje che/ /ral gri me long mda' gzhu dang / /shing
299b6 dang chu dang 'bab chu brag /gzugs brnyan byung ba'i khyim dag las/ /bya dang de bzhin mi bya dang / /stor ba dang ni ma stor dang / /'phrog pa dang ni ma 'phrog dang / /de bzhin rnyed dang ma rnyed dang / /
299b7 gson pa dang ni shi ba dang / /de bzhin rgyal dang pham pa dang / /don yod dang ni don med dang / /de bzhin grub dang mi grub dang / /bde dang mi bde cho ga bzhin/ /lha yul dag ni don rnams dang //
300a1 sangs rgyas zhing gi don rnams kyang / /kun tu kun nas thams cad ni/ /bsam pa mthong zhing thos par byed/ /rnam par shes pa'i phyag rgya shes pa'o/ /rdo rje sems
300a2 dpa' dpal sbyor ba/ /ji lta'i dbyibs dang gzugs ldan pas/ /dur khrod lha yi gnas rnams dang / /ma mo gnas kyi thal ba mchog /thams cad dpral ba'i srung ba ni/ /thig le sor ris
300a3 gsum du bya/ /phyogs mtshams nam mkha' bcings na/ /srung ba kun gyi bla med pa'o/ /dpal rdo rje thal ba'i dam tshig ces bya ba'i srung ba'o/ /rdo rje sems dpa' dpal sbyor ba/ /ji
300a4 lta'i dbyibs dang gzugs ldan pas/ /rgya mtshor 'bab pa'i gzugs chu'i 'gram/ /lha rdzas zhi ba'i chu mchog gis/ /gtor ba dang ni blugs pa dang / /khrus bya ba dang 'bogs pa
300a5 yis| |phyogs mtshams nam mkha' sa bcings na/ /srung ba kun gyi bla med pa'o/ /dpal rdo rje bdud rtsi dri ma med pa'i rgya mtsho zhes bya ba'i phyag rgya'o/ /rdo rje sems dpa' dpal sbyor
300a6 ba| |ji lta'i gzugs dang dbyibs ldan pas/ /mi yi thod pa'i nang du ni/ /nyungs ka ra bskyed nas blang bar bya/ /lo ma nyungs mar zas su bza'/ /mgo bskul de bzhin 'bras bu yis/ /
300a7 phyogs mtshams nam mkha' sa bcings na/ /srung ba kun gyi bla med pa'o/ /dpal don thams cad grub pa zhes bya ba'i phyag rgya'o/ /rdo rje sems dpa' dpal sbyor ba/ /ma mchu so yis
300b1 legs mnan nas/ /dpal ldan g.yon du 'gying dang bcas/ /gsal bar phyogs su 'khor lo'i tshul/ /bla 'og tu ni byin brlabs na/ /gnas gsum dag ni rgyas 'debs so/ /gzhug dka'
300b2 bdag nyid ngan pa'i rnams/ /sangs rgyas kun gyi ngo bor 'grub/ /thams cad kyi mchog gnas kyi dbang phyug byin gyis brlabs pa dpal skal ba bzang po zhes bya ba'i phyag rgya'o/ /rdo rje
300b3 sems dpa' dpal sbyor ba/ /lha mo kun dang 'dus pa yis/ /kun tu sna tshogs skal bzang po/ /bde bar rab tu 'grub par 'gyur/ /rgya 'dis btab ma thag tu ni/ /sangs rgyas kun gyis
300b4 byin brlabs 'gyur/ /shin tu byin gyis brlabs pa las/ /sangs rgyas kun dang phrad par 'gyur/ /sangs rgyas kun dang mnyam sbyor bas/ /sangs rgyas kun dang mnyam par 'gyur/ /
300b5 sangs rgyas kun dang mnyam pas na/ /sangs rgyas thams cad rab tu 'grub/ /sangs rgyas kun dang mnyam sbyor ba/ /dpal skal pa bzang po'i dam tshig ces bya ba'i srung ba'o/ /rdo rje sems
300b6 dpa' dpal sbyor ba/ /sangs rgyas kun bdag sbyor ldan pas/ /phyogs su legs par 'khor lo'i tshul/ /bla dang 'og tu byin brlabs nas/ /'di yis bsrung ba byas na ni/ /khams gsum
300b7 dag ni ma lus par/ /gzhug dka' bdag nyid ngan ba rnams/ /sangs rgyas kun gyis byin brlabs 'gyur/ /thams cad kyi mchog gnas kyi dbang phyug dpal zhes bya ba'i phyag rgya'o/ /rdo
301a1 rje sems dpa' dpal sbyor ba/ /he ru dpal gyis rnam sprul pas/ /thams cad kun tu kun gyi bdag /thams cad srung ba mi 'gyur che/ /rims dang dug dang
301a2 dbyig dug nad/ /mkha' 'gros gtse dang gnod rnams dang / /bdud dang ngan khrid thams cad ni/ /mod la rab tu zhi bar 'gyur/ /dpal rdo rje he ru ka dbab pa rnam par sprul pa zhes bya
301a3 ba'i phyag rgya'o/ /rdo rje sems dpa' dpal sbyor ba/ /ji lta'i dbyibs dang gzugs ldan zhing / /sna tshogs pad+mo kha 'byed pas/ /sgrib pa med par 'grub par 'gyur/ /sgrib pa kun
301a4 las rnam par grol/ /dag pa thams cad thob par 'gyur/ /dag pa thams cad rnam dag na/ /mi 'gyur dam pa 'grub par 'gyur/ /chos thams cad la sgrib pa med pa'i ye shes rdo
301a5 rje'i pad+mo zhes bya ba'i srung ba'o/ /rdo rje sems dpa' dpal sbyor ba/ /'bar ba lta ba'i tshul zhugs na/ /rdo rje rab tu 'bar ba'am/ /rab tu 'jigs pa mi bzod 'gyur/ /'di yis
301a6 bsrung ba byas na ni/ /bskal pa yi ni me ltar 'bar/ /'di yis ngan 'gro rnam gsum dang / /khams gsum dag kyang thal bar rlog /rdo rje chen po'i me rab tu 'jigs pa 'bar ba
301a7 mi bzod pa'i dam tshig chen po'i dpal zhes bya ba'i phyag rgya'o/ /rdo rje sems dpa' dpal sbyor ba/ /ji lta'i tshul bzhin byed pa yis/ /rdo rje'i khu tshur gnyis bcings nas/ /go cha
301b1 bgo ba'i thabs su bya/ /spyi bo dang ni dpral bar gnyis/ /glo gnyis dang ni rgyab tu gnyis/ /rdo rje phreng ba bcing ba dang / /sangs rgyas gtsug gi nor bu dag /dar bcings thabs su bcings
301b2 nas ni| |'gying dang bcas par mtha' nas dgrol/ /dar dpyangs ba yi thabs byas nas/ /thal mo brdabs pas bstan par bya/ /'di yis bsrung ba byas na ni/ /rdo rje sems dpa' dpal
301b3 dang 'dra/ /mi chod pa dang mi phyed pa'i/ /rdo rje'i sku ni rab tu 'grub/ /rims nad dug dang dbyig dug nad/ /mkha' 'gros gtse dang gdon rnams dang / /yan lag ma rungs byed pa kun/ /
301b4 'di yis bsrungs na yong mi tshugs/ /dpal rdo rje go cha zhes bya ba'i phyag rgya'o/ /srung ba thams cad kyi phyag rgya shes pa'o/ /chos sems pa yi tshul ston cing / /rdo rje khu tshur gnyis dag
301b5 dang / /zhi ba'i lta bas bltas nas ni/ /rims dang dug rnams thams cad sel/ /rdo rje khu tshur gnyis bcings nas/ /mthe'u chung lcags kyu lta bur bcing / /mdzub mo bsnyams pa'i rtse
301b6 mos mnan/ /nad rnams thams cad zlog par byed/ /yongs su bsgyur te bteg nas ni/ /dpal bar bde bar gzhag par bya/ /ma lus lus pa med pa yi/ /sdug bsngal thams cad sel bar
301b7 byed| |dpal rdo rje smin mtshams lus kyi nad gso pa'o/ /rdo rje bsdams pa byas pa las/ /mdzub mo phan tshun mngon phyogs pa/ /ma lus lus pa med pa yi/ /zug rngu kun las grol bar
302a1 'gyur| |bu nad lhog rgal skran dag dang / /dmu rdzing la sogs kun las thar/ /'di nyid grub par gyur nas ni/ /nang rnams kun gyis gnod pa med/ /zug rngu
302a2 thams cad med par byed/ /grub pa dpal gyi spyan bcings te/ /'di yis mig gnyis phyis na ni/ /phyag rgya'i sbyor ba mchog 'di yis/ /long ba dag kyang mthong bar 'gyur/ /bdag
302a3 nyid sbyor bas ldan byas la/ /rdo rje khu tshur dam po yis/ /drang ba'i tshul du klad pa nas/ /kha phyogs drang zhing btung bar bya/ /rims dang dug dang gdon rnams kun/ /rdo rje khu tshur dpal gyis
302a4 bzung / /bdag gis lhar ni sbyor ldan pas/ /'thungs na thams cad med par 'gyur/ /klad pa'i sman no/ /ta thA ga ta gar+b+ha s+t+waM si ho/ /'di ni rna bar bzlas pa'i mchog /zug rngu med cing myur
302a5 du thar| |zug rngu thams cad 'byin pa po/ /g.yas pa yi ni lag pa yis/ /sems dpa'i gtsug tor bcings na ni/ /byis pa nad med 'tsho bar 'gyur/ /thams cad srungs shig bde ba 'thob/ /
302a6 gzhon nu gso ba'o/ /g.yas pa yi ni lag pa yis/ /klu yi gdengs ka lta bur bya/ /'bar ba'i tshul ston 'debs bcas na/ /dug gi las rnams bsgrub par bya/ /'bar dang 'dul dang bcing
302a7 ba dang / /za ba'i dug rnams med par byed/ /gdug pas zin dang lu ta dang / /shi ba sos par byed pa'i mchog /gdengs ka'i phyag rgya'o/ /g.yas pa'i mthe bong gung mo gnyis/ /g.yon
302b1 pa'i khu tshur bcangs pa yi/ /gung mo la ni reg byas na/ /gdon rnams kun las thar par 'gyur/ /dug gso ba dang gdon gyi cho ga 'o/ /ba dan gsum po gnyis bcings nas/ /gung mo gnyis ni
302b2 mdud par bcing / /mdzub mo mthe'u chung rtse mo can/ /rdo rje'i phyag rgya yongs bcings la/ /yongs su bsgyur te bteg nas su/ /smin ma'i mtshams su bzhag pa ni/ /mkha' 'gro'i las rnams ma
302b3 lus par/ /lus pa med par thams cad 'grub/ /phyag rgya 'di yis btab na ni/ /gnas gsum po ni ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ /
302b4 dpal rdo rje he ru ka'i khro gnyer zhes bya ba'i phyag rgya ste ma mo shes pa'o/ /rdo rje sems dpa' dpal sbyor bas/ /rta rnams thams cad zhon na ni/ /rta rnams nad med sos pa dang / /nyam skye
302b5 thar zhing mgyogs par 'gyur/ /dpal rta mchog gi phyag rgya'o/ /rdo rje sems dpa' dpal sbyor bas/ /glang po kun la zhon na ni/ /glang po thams cad nad med sos/ /nyam skye spro ldan myos par
302b6 'gyur| |shrI badzra satwa s+t+waM ma si ho/ /'di ni rna bar bzlas pa'i mchog /bya rnams nad med 'tsho bar 'gyur/ /mi yi skad du smra bar 'gyur/ /bya gso ba yi phyag rgya 'o/ /rdo rje sems dpa' dpal
302b7 sbyor bas/ /'byor pa kun la rjes chags na/ /shing rnams nad med mi skam zhing / /rtag tu me tog 'bras bur ldan/ /shing rnams skyed pa'i gtsug lag las/ /sbyor pa'i cho ga gang
303a1 bshad pa/ /phyag rgya 'di yis thams cad ni/ /yid la bsam pa bzhin du 'grub/ /shing skyed pa'i phyag rgya shes pa'o/ /'khrul 'khor gyis 'phangs ma 'phangs
303a2 dang / /de bzhin lag pas 'phangs pa dang / /'phangs nas slar du gzung ba dang / /stobs su 'gyed pa lnga yin te/ /rang byung rnams kyi dgra cha'i dpyad/ /phyag rgya lnga la rab tu gnas/ /rdo
303a3 rje sems dpa' dpal gyis bshad/ /dam pa de dag bshad par bya/ /dbyibs dang bde blag sbyor ba dang / /kun tu sbyor dang 'dren mar myur/ /'gengs dang 'phen dang gsal ba 'o/ /
303a4 rkang pa gshibs pas sa mnan cing / /rkang pa 'gyed pas sa gnon to/ /dkyil 'khor dag kyang mnan par bya/ /brkyang bskum gyis kyang gnas gsum mnan/ /dbyibs kyi phyag rgya'o/ /
303a5 mi ltod pa dang sran gzugs dang / /mnyen cing yan lag brten pa dang / /rgya cher 'gengs shing rnam par dag /lus kyi phyag rgya bde blag can/ /'di yis lus la gnon pa dang / /rims
303a6 dang dug dang dbyig dug dang / /mkha' 'gros gtse dang gdon rnams kyis/ /nam yang tshugs par yong mi 'gyur/ /rgya cher 'gengs pa'i phyag rgya'o/ /rang gi snying gar 'dren tshul du/ /bde
303a7 blag can gyis gzhu bzung nas/ /g.yas pa rab tu gar byed cing / /mda' 'phangs na ni 'grub par 'gyur/ /dpal khams gsum rnam par rgyal ba'i 'o/ /lag pa g.yon pa legs
303b1 bsrangs la/ /skyon med pa yi g.yas pa dgug /gzhu rgyud dal bus drangs nas ni/ /'gro ba thams cad dgug par bya/ /thams cad dgug pa'i phyag rgya'o/ /rna drung bar du zlum bor ni/ /ji ltar rigs
303b2 par legs bkang la/ /yi ge oM tsam rang gi khar/ /bzung na 'gro ba 'dzin par 'gyur/ /'dzin pa'i phyag rgya'o/ /ji ltar rigs pas drangs nas ni/ /cho ga bzhin du bzung nas kyang / /der ni cung
303b3 zad dbye bar bya/ /'gengs pa thams cad 'grub par 'gyur/ /'gengs pa'i phyag rgya'o/ /chang pas 'ben ni bsgrib par bya/ /'dzum dang bcas pa'i mig gis blta/ /lta ba chang pa la gtad nas//
303b4 myur du 'phangs na dam pa 'grub/ /mda' gzhus rgyal bar bya ba'i phyag rgya'o/ /gru bzhi pa la rno ba dang / /de bzhin kun nas bskor bar bya/ /g.yas phyogs nas ni mda' bskor nas/ /smad de de
303b5 bzhin bstod pa dang / /rkang pas mnan cing rmig pas mnan/ /'bigs pa bcu yi rgya mchog gis/ /khams gsum rgyal srid chen po dag /bde bar thub nas nye bar spyod/ /dpal khams gsum
303b6 rnam par rgyal ba'i 'o/ /rab tu 'phangs dang mnyam par 'phangs/ /de bzhin glog ltar 'phangs pa dang / /glog ltar 'khrug pa de bzhin te/ /phyag rgya thabs rnams sgrub pa'o/ /thabs thams
303b7 cad kyi phyag rgya'o/ /nyam nga lag dang bde phyogs dang / /thad ka de bzhin gyen du 'debs/ /'di dag zlog pa'i phyag rgya ste/ /gnas gsum dag ni bzlog par bya/ /nges par zlog pa thams cad kyi
304a1 phyag rgya'o/ /thams cad 'debs dang nges par 'debs/ /kun 'debs gyen du 'debs pa'i gar/ /'di dag 'phrog pa'i phyag rgya ste/ /gnas gsum dag kyang 'phrog
304a2 par byed/ /'phrog pa thams cad kyi phyag rgya'o/ /kun tu kun nas thams cad kyi/ /rtag tu bdag nyid rnam pa kun/ /mda' gzhu'i dpyad kyi phyag rgya'i mchog /mi 'gyur dam pa 'grub par
304a3 'gyur| |dgra cha thams cad kyi phyag rgya shes pa'o/ /srin lag gnyis kyi nang du ni/ /mthe bo legs par gzhag par bya/ /de nas khu tshur bcangs nas ni/ /mdzub mo legs bar dgug
304a4 par bya| |rdo rje khu tshur dpal gyi rgya/ /rdo rje sems dpa' dpal la gnas/ /las kyi dngos grub rab 'byams rnams/ /ma lus par ni myur du 'grub/ /dpal rdo rje khu tshur gyi phyag rgya'o/ /
304a5 rdo rje khu tshur legs bcangs la/ /bdag gi mthe bo'i nang du gzhug /zhi ba'i las rnams rab grub pas/ /ma lus lus pa med par 'grub/ /de bzhin gshegs pa thams cad kyi khu tshur
304a6 ro| |rdo rje khu tshur legs bcangs la/ /mthe'u chung gnyis ni rab brkyangs nas/ /mkha' 'gro'i las rnams thams cad ni/ /ma lus lus pa med par 'grub/ /dpal rdo rje he ru ka'i
304a7 khu tshur gyi phyag rgya'o/ /brdeg pa'i khu tshur bcangs pa las/ /mthe bong dag la gung mo bzhag /dpal pad+mo'i khu tshur grub pa ste/ /thams cad dag pa'i las la sbyar/ /dpal pad+mo'i khu
304b1 tshur ro| |khu tshur rdo rje rin chen mchog /'bebs pa thams cad yongs rdzogs pa/ /rang don las rnams grub pa ni/ /ma lus lus pa med par 'grub/ /dpal rdo rje rin po che'i khu tshur gyi
304b2 phyag rgya'o/ /rdo rje khu tshur dpal bcangs la/ /sor mo thams cad yongs su bzung / /rtul phod las rnams thams cad ni/ /ma lus lus pa med par 'grub/ /las thams cad kyi phyag rgya shes
304b3 pa'o| |rkang pa brkyang dang gnon pa dang / /bskums nas bteg pa'i stabs dag dang / /g.yas dang g.yon gyi sbyor ba yis/ /gzugs rnams thams cad mnan par bya/ /sdig med stobs kyis ngo
304b4 thon du| |rnam par snang mdzad dpal mnan nas/ /kun tu byang chub yongs bkug ste/ /bdag gi spyad par de spyod do/ /sdig med stobs kyis ngo thon du/ /rdo rje 'dzin pa dpal mnan nas/ /kun tu
304b5 grub pa yongs bkug ste/ /bdag gi spyad par de spyod do/ /sdig med stobs kyis ngo thon du/ /spyan ras gzigs dbang dpal mnan nas/ /kun tu dpal mo yongs bkug ste/ /bdag gi spyad par
304b6 de spyod do/ /sdig med stobs kyis ngo thon du/ /rdo rje nyi ma dpal mnan nas/ /kun tu longs spyod yongs bkug ste/ /bdag gi spyad par de spyod do/ /sdig med stobs kyis ngo thon du/ /rta mchog
304b7 dam pa dpal mnan nas/ /thams cad dbang phyug yongs bkug ste/ /bdag gi spyad bar do spyod do/ /byang chub pha rol phyin pa dang / /grub dang gzugs dang sa rnams dang / /rig dang phyag rgya
305a1 rnams mnan nas/ /bdag gi spyad par de spyod do/ /sdig med stobs kyis ngo thon du/ /dbang phyug dam pa mnan nas ni/ /mig gsum pa las gsum grub bkug /
305a2 bdag gi spyad par de spyod do/ /sdig med stobs kyis ngo thon du/ /mthu po che yang mnan nas ni/ /snying las dpal mo yongs bkug ste/ /bdag gi spyad par de spyod do/ /sdig med stobs kyis
305a3 ngo thon du/ /skye rgu'i bdag mo mnan nas ni/ /mos las grol ma yongs bkug nas/ /bdag gi spyad par de spyod do/ /sdig med stobs kyis ngo thon du/ /rab dga'i dbang phyug mnan nas ni/ /
305a4 kun gyi bdag las dga' ba bkug /bdag gi spyad par nges spyod do/ /'jigs la sogs pa'i lha mo dang / /ma mo byang ma'i ma mo dang / /mkha' 'gro ma rnams mnan nas ni/ /bdag gi spyad
305a5 par de spyod do/ /de bzhin ku be ra la sogs/ /rig pa 'grub pa spyod pa dang / /mi yi rgyal po la sogs kyang / /mnan nas bdag gi spyad pa spyod/ /'gro ba dang ni mi 'gro ba'i/ /dngos po thams
305a6 cad ma lus pa'ang / /rnal 'byor bdag nyid des mnan nas/ /bdag gi spyad par de spyod do/ /dpal rdo rje gnon pa'i phyag rgya shes pa'o/ /khu tshur snying gar bcangs pa ni/ /bud med phyag rgyar
305a7 de bshad do/ /bud med sbyor ba ma lus pa/ /lus pa med pa'ang thams cad 'grub/ /g.yon pa 'gying pa'i tshul byas nas/ /lag g.yas bdag gi snying gar ni/ /gyen du drang ba'i tshul byas na/ /
305b1 bud med thams cad dbang du 'gyur/ /dpal rdo rje 'gying ba'o/ /dpal ldan sna tshogs pad+mo 'dzin/ /g.yon pa brdeg pa'i khu tshur dang / /g.yas par ldang bar gyur pa dang / /sangs rgyas dbang phyug
305b2 ting 'dzin bya/ /sangs rgyas thams cad du 'phar ba'o/ /g.yon pa dril bu'i sgra sgrog cing / /g.yas pa yi ni lag pa yis/ /rdo rje gyen du gsor zhing bskor/ /sgyu ma thams cad 'byung bar bya/ /dpal rdo
305b3 rje sgyu ma'i dbang phyug ma'o/ /g.yon pa g.yon pa'i brla la bzhag /lag pa g.yas pa'i mdzub mo yi/ /rtse mos pad+mo dam par 'dzin/ /g.yas pa'i brla la lag ngar gzhag /mi dge ba thams cad
305b4 sel ba'i phyag rgya'o/ /bdag gi snying gar 'dren tshul du/ /g.yon pa nor bu rin chen 'dzin/ /g.yas pa re ba kun rdzogs pa'i/ /bud med la sogs rin chen 'dzin/ /bsam pa thams cad yongs su
305b5 rdzogs par byed pa'o/ /bdag gi snying gar 'dren tshul du/ /pad+mo sna tshogs dam pa 'dzin/ /g.yas pa rdo rje 'gying ba yis/ /dbang phyug dam pa thob par 'gyur/ /dngos grub kun gyi dbang phyug gi phyag
305b6 rgya shes pa'o/ /zhes bcom ldan 'das rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las/ kun tu rnam pa sna
305b7 tshogs kyi dam tshig gi phyag rgya'i rtog pa ste dgu pa'o// //de nas kun tu sna tshogs 'di/ /phyag rgya shes pa'ang grub pa ni/ /kun tu sna tshogs sbyor ba yis/ /kun tu sna tshogs
306a1 bshad par bya/ /smin ma mig dang so dang mchu/ /kha dang lus dang rkang lag gis/ /cha lugs bzhin du gar byed pas/ /phyag rgya thams cad yongs su dgrol/ /rdo rje
306a2 sems dpa' dpal sbyor bas/ /lha mo kun dang 'dus pa ni/ /kun tu sna tshogs skal bzang po/ /rab tu bde bar grub par 'gyur/ /phyag rgya 'di yis btab na ni/ /sangs rgyas thams cad
306a3 byin gyis rlob/ /legs par byin gyis brlabs na ni/ /sangs rgyas thams cad 'dus par 'gyur/ /sangs rgyas kun dang mnyam spyod bas/ /sangs rgyas kun dang mnyam par 'gyur/ /
306a4 sangs rgyas kun dang mnyam pas na/ /sangs rgyas thams cad rab tu 'grub/ /rdo rje sems dpa' dpal sbyor ba'i/ /mthu nyid kyis ni thams cad du/ /mdor na phyag rgya thams cad ni/ /so
306a5 so dag nas grub par 'gyur/ /blta bas mi ngoms pa yi sku/ /thams cad bdag nyid ston par mdzad/ /legs so legs so zhes grub pa'i/ /dam pa dag kyang rab tu stsol/
306a6 bsam pa thams cad yongs rdzogs pa'i/ /grub pa kun mchog nyams dga' ba/ /ji ltar 'dod pa'i longs spyod du/ /thams cad kyi ni bdag nyid stsol/ /dang po kun las byung ba yi/ /
306a7 mchod pa'i sprin chen thams cad kyi/ /bkod pa rab 'byams tshogs rnams kyi/ /thams cad bdag nyid mchod pa mdzad/ /dpal ldan g.yon pa 'gying dang bcas/ /dpal ldan lag pa
306b1 g.yas pa yi/ /pad+mo khu tshur dpral bar bzhag /bdag gi mig ni gyen du lta/ /'di ni rdo rje sems dpa' yi/ /phyag rgya thams cad rab sgrub pa'o/ /gyen du 'phar ba'i dngos grub dang / /rab 'byams
306b2 las rnams myur du 'grub/ /phyag rgya 'di yis btab na ni/ /khams gsum pa dag ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ /bcom ldan 'das rdo
306b3 rje sems dpas de skad gsungs so/ /kun tu sna tshogs skal bzang po/ /dpal rdo rje pad+mo gyen du 'phar ba'i spyan zhes bya ba'i phyag rgya ste/ rnam pa sna tshogs thams cad kyi phyag rgya dang / phyag
306b4 rgya'i lan zhes bya'o/ /sangs rgyas thams cad 'dus pa yis/ /rtag tu dpag med tshe dang ldan/ /nam mkha'i dbyings kyi mtha' klas pa'i/ /bden pa'i tshig ni rab tu smra/ /mtha' yas pa dang mu
306b5 med pa'i/ /rtog pa kun dang 'di yi ni/ /mthu dang yon tan bsngags pa'i mtha'/ /brjod pa dag tu yong mi nus/ /mthu dang rang bzhin dag gis grub/ /ngo bo nyid kyis rtag tu grub/ /so so rjes
306b6 grub bde ba ster/ /'di ni gsang mchog mchog gi mchog /sems can don phyir las rnams sbyong ba dang / /rnam par dag par rgyal ba yong mi mdzad/ /'di la bgegs med bdud kyang
306b7 yod ma yin/ /rtog pas mi 'grub thar par yong mi nus/ /mi brtan pa dang bdud du nga mi 'gyur/ /brtan par bya ba'i phyir yang nga mi 'doms/ /gang zhig rang gi bde bas da sgrub na/ /dngos grub
307a1 mchog gis de ni brtan par byed/ /kun tu sna tshogs pas ni de skad gsungs/ /bcom ldan de bzhin gshegs pa rtag tu dgyes/ /rdo rje sems dpa' dpal
307a2 gyis legs gsungs la/ /mngon par bstod cing rab tu dgyes par gyur/ /le'u bcu pa'o// //rnam mang rjes chags dga' ba'i pad+mo rnam dag mchod pa dang / /rta mchog rnal
307a3 'byor bde bas gsal bar rjes su mchod na ni/ /rab tu bde ba'i rnal 'byor dam pa skal bzang dga' ba'i mchog /rab mchog bde ba'i rang bzhin dam tshig bde bas rjes su grub
307a4 par 'gyur/ /bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog ces bya ba'i rtog pa/
CLOSE WINDOW