བོད་ཡིག |
314a1 bod skad du/ 'phags pa legs nyes kyi rgyu dang / 'bras bu bstan pa zhes bya ba theg po chen po'i mdo/ sangs rgyas dang / byang chub sems dpa' thams cad la
314a2 phyag 'tshal lo/ /'di skad bdag gis thos pa dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de'i tshe bcom
314a3 ldan 'das byang chub sems dpa' tshad med pa dang / lha dang / mi'i 'khor mang pos yongs su bskor cing / sems rtse gcig tu chos nyan pa dag la chos ston par mdzad do/ /de nas
314a4 tshe dang ldan pa kun dga' bos sems can rnams kyi ched du/ bcom ldan 'das la 'di skad ces gsol to/ /bcom ldan 'das/ da ltar 'jig rten na rnam pa gcig tu mir skyes
314a5 par mtshungs pa la/ kha cig ni sdug cing kha cig ni byad bzhin mi sdug pa dang / kha cig ni dpa' zhing / kha cig ni zhan pa dang / kha cig ni dbul zhing / kha cig ni phyug pa dang / kha
314a6 cig ni sdug bsngal zhing / kha cig ni bde ba dang ldan pa dang / kha cig ni ya rabs su gyur cing / kha cig ni ma rabs su gyur te/ sgra dbyangs mi mtshungs shing skad tha dad par gyur
314a7 pa dang / kha cig ni lo brgyar lon kyang 'chi bar mi 'gyur la/ kha cig ni lo sum cu lon nas sngar 'gum pa dang / kha cig ni lo bco lnga lon nas glo bur 'chi ba dang / kha cig
314b1 ni ma'i mngal nyid du 'gum pa dang / kha cig ni byad bzhin sdug cing mdzes pa dang / kha cig ni dbul zhing ma rabs su gyur la byad bzhin mi sdug pa dang / kha cig ni phyug cing ya rabs
314b2 su skye ba dang / kha cig ni dpa' zhing dman par gyur la/ kha cig ni zhan cing rigs mthong por skyes pa dang / kha cig ni sdug bsngal zhing tshe ring la/ kha cig ni bde zhing tshe thung ba dang / kha
314b3 cig ni dge ba spyad kyang / nongs skyon dang bcas par 'gyur la/ kha cig ni sdig pa bgyis kyang bsod nams kyi phan yon thob pa dang / kha cig ni tsho zhing dkar yang mig ya yor gyur cing
314b4 mi gsal la/ kha cig ni sngo zhing gang kyang mngal byad dang ldan pa dang / kha cig ni thung zhing bong thung yang sems rtsal dang ldan pa dang / kha cig ni ring zhing bong che'ang gzhan
314b5 dag gi g.yog bgyid pa dang / kha cig ni bu tsha mngal/ kha cig ni gcig pu gnas pa dang / kha cig ni slad rol tu rgyu zhing bkres pa dang / grang ba dag gis nyen par 'gyur la/ kha
314b6 cig ni khyim na gnas kyang gos zas dag la dga' 'byor pa dang / kha cig ni gzhon pa'i tshe dbul zhing phongs la/ rgas pa'i tshe gdod phyug por 'gyur pa dang / kha cig ni yus ma mchis
314b7 bzhin du'ang nongs pa ma mchis par nan gyis go rar stsal pa dang / kha cig ni pha ma'ang snying rje dang ldan pa/ bu'ang sri zhu che zhing mdo sde dang / gtsug lag gi don gleng bar bgyid
315a1 la| kha cig ni phu bo nu bo so sor phye nas 'thab cing rtsod par bgyid pa dang / kha cig ni khang khyim dag brtsigs nas 'byor pa sna tshogs dang ldan la/ kha cig
315a2 ni khang khyim ma mchis pas gzhan dag la rten pa dang / kha cig ni bya 'dab chags bzhin du shing dang / thang la gnas pa dang / kha cig ni gcan gzan gyi rnam pa dang mtshungs shing
315a3 spu'i gsod dang ldan pa zas su rtswa 'tshal zhing khrag 'thung ba dang / kha cig ni yi ge ma 'tshal ba dang / kha cig ni ci yang ma bgyis par bde ba'i rnam par smin pa myong bar 'gyur la/
315a4 kha cig ni sla bar bgyid pa'i gnas kyang mi rnyed pa dang / kha cig ni dbang po gsal bas shes pa dang ldan la/ kha cig ni dbang po mi gsal bas shes pa dang ldan pa dang / kha cig ni
315a5 btsal na gdod thob par 'gyur la/ kha cig ni ma btsal bar yang rnyed par 'gyur ba dang / kha cig ni phyug kyang ser sna che la/ kha cig ni dbul por gyur kyang gtong ba la dga'
315a6 ba dang / kha cig ni tshig smras pa rnams mnyen zhing des la/ kha cig ni tshig smras pa rnams gtum zhing brlang ba dang / kha cig ni mang po kun gyis bkur zhing snying du sdug par
315a7 'gyur la/ kha cig ni mang po kun gyis thag ring du spong bar bgyid pa dang / kha cig ni byams pa'i sems kyis srog chags gso bar bgyid la/ kha cig ni srog chags dpag tu
315b1 ma mchis pa dag gsod par bgyid pa dang / kha cig ni yangs pa mang po kun gyis yid du mchi bar 'gyur la/ kha cig ni gzhan dag gis spong bar bgyid pa dang / kha cig ni chung ma dang
315b2 gyos sgyug la sogs pas sdang bar 'gyur la/ kha cig ni gnyen bshes kun dga' bar 'gyur ba dang / kha cig ni chos kyi tshig mnyan par dga' ba dang / kha cig ni mdo sde thos nas gnyid
315b3 log bgyid pa dang / kha cig ni dpa' zhing rtsal dang ldan kyang zhes ma mchis la/ kha cig ni tshig 'bru dang / don dag la slob par mos pa dang / kha cig ni dud 'gro'i dbyibs tha dad pa sna
315b4 tshogs bgyis pa dag gda' na/ bcom ldan 'das/ de dag gi rgyu dang / 'bras bu gang lags pa rgya cher bkas bshad du gsol/ 'khor mang po rnams kyis thos shing rtogs par 'gyur
315b5 la sems rtse gcig tu dge ba la gzhol bar 'gyur ba lags so/ /bcom ldan 'das kyis bka' stsal pa/ kun dga' bo/ khyod kyis ji skad dris pa de de bzhin te/ rnam par smin pa
315b6 myong bar mi mtshungs par gyur pa de dag thams cad ni/ tshe rabs snga ma dag las kyi spyod pa mi mnyam pa'i dbang gis na/ tha dad pa'i bye brag brgya stong mang po myong bar gyur pa yin
315b7 te| tshe 'di la byad bzhin sdug pa gang yin pa de ni/ bzod pa dang du blangs par las 'ongs pa yin no/ /byad mi sdug pa gang yin pa de ni/ khong khro ba las 'ongs pa yin no/ /mir
316a1 gyur kyang dbul por gyur pa gang yin pa de ni/ ser sna byas pa las 'ongs pa yin no/ /mir gyur kyang phyug por gyur pa gang yin pa de ni/ sbyin pa btang ba las 'ongs
316a2 pa yin no/ /ya rabs mthong por gyur pa gang yin pa de ni/ gzhan dag la gus par phyag byas pa las 'ongs pa yin no/ /ma rabs su gyur pa gang yin pa de ni/ nga rgyal byas pa las
316a3 'ongs pa yin no/ /mir gyur kyang lus ring zhing bong che ba gang yin pa de ni/ gus pas bkur sti byas pa las 'ongs pa yin no/ /lus thud du gang yin pa de ni/ chos las brnyas
316a4 pa las 'ongs pa yin no/ /mir gyur kyang bka' blo mi bde ba gang yin pa de ni/ sngon lug byas pa las 'ongs pa yin no/ /mir gyur kyang mang cing rid pa gang yin pa de ni/ de bzhin
316a5 gshegs pa'i snang ba bsgribs pa las 'ongs pa yin no/ /mir gyur kyang mchu mi sdug pa gang yin pa de ni/ mchod rten gyi bras myangs pa las 'ongs pa yin no/ /mir gyur kyang mig
316a6 dmar ba gang yin pa de ni/ me'i ser sna byas pa las 'ongs pa yin no/ /mir gyur kyang mig mi gsal ba gang yin pa de ni/ khra'i mig brus pa las 'ongs pa yin no/ /mir gyur kyang
316a7 lkugs pa gang yin pa de ni/ chos las skur pa btab pa las 'ongs pa yin no/ /mir gyur kyang 'on bar gyur pa gang yin pa de ni/ chos thos par mi dga' ba las 'ongs pa yin no/ /
316b1 mir gyur kyang so rnon por gyur pa gang yin pa de ni/ rus pa 'cha' zhing sha za bar mngon par dga' ba las 'ongs pa yin no/ /mir gyur kyang sna dgye bor gyur pa gang yin pa de ni/ dri
316b2 mi zhim pa dag gis de bzhin gshegs pa la mchod pa byas pa las 'ongs pa yin no/ /mir gyur kyang mchu sho rer gyur pa gang yin pa de ni/ nya'i 'gram pa phug pa las gyur pa
316b3 yin no/ /mir gyur kyang skra ser por gyur pa gang yin pa de ni/ phag gi spu gtogs pa las 'ongs pa yin no/ /mir gyur kyang rnam ba ral ba gang yin pa de ni/ gzhan dag gi rna ba phug
316b4 pa las gyur pa yin no/ /mir gyur kyang lus kyi sha brur lta bur gyur pa gang yin pa de ni/ gos yang zhing srab pa dag bgos nas/ de nas de bzhin gshegs pa'i sku gzugs kyi spyan sngar
316b5 'ongs pa las gyur pa yin no/ /mir gyur kyang mdog gang pa gang yin pa de ni/ de bzhin gshegs pa'i sku gzugs khyams dag gi 'og tu bzhag nas dud pas bdugs pa las gyur pa yin
316b6 no| |mir gyur kyang rkang lag zha bor gyur pa gang yin pa de ni/ mkhan po dang / slob dpon dang / bla ma rnams mthong yang ldang ba med pa las gyur pa yin no/ /mir gyur kyang sgur por gyur pa gang
316b7 yin pa de ni/ gos yang zhing srab pa dag bgos nas phan tshun du 'gro ba'i tshe/ de bzhin gshegs pa'i sku gzugs la rgyab kyis phyogs pa las gyur pa yin no/ /mir gyur kyang dpral ba
317a1 mi sdug pa gang yin pa de ni/ de bzhin gshegs pa mthong ba'i tshe phyag kyang mi byed la/ lag pas dpral bar brdabs pa las gyur pa yin no/ /mir gyur
317a2 kyang gnya' ba thung ba gang yin pa de ni/ bla ma dag mthong nas mgo spas te bros nas 'byol ba las gyur pa yin no/ /mir gyur kyang rtag par snying na ba gang yin pa de ni/ sems
317a3 can gyi lus kyi yan lag bcad cing gtubs pa las gyur pa yin no/ /mir gyur kyang mdze can du gyur pa gang yin pa de ni/ nyes pa med par gzhan dag gi nor blangs pa las
317a4 gyur pa yin no/ /mir gyur kyang dbugs thung ba gang yin pa de ni dgun grang ba'i dus kyi tshe/ gzhan dag la zas grang mo dag byin pa las gyur pa yin no/ /mir gyur kyang bu khye'u
317a5 dang | bu mo med par gyur pa gang yin pa de ni/ bya mang po dag gi phru gu bsad pa las gyur pa yin no/ /mir gyur nas bu tsha mang ba gang yin pa de ni/ sems can gso bar dga' ba las
317a6 'ongs pa yin no/ /mir gyur nas tshe ring ba gang yin pa de ni/ byams pa'i sems dang ldan pa las 'ongs pa yin no/ /mir gyur nas tshe thung ba gang yin pa de ni/ srog chags
317a7 mang po bsad pa las gyur pa yin no/ /mir gyur nas phyug por gyur pa gang yin pa de ni/ sbyin pa btang ba las gyur pa yin no/ /mir gyur nas rta dang / shing rta dang ldan pa gang
317b1 yin pa de ni/ dkon mchog gsum la rta dang / shing rta phul ba las gyur pa yin no/ /mir gyur nas dbang po gsal ba gang yin pa de ni/ mdo sde 'dri zhing kha ton 'don pa las gyur
317b2 pa yin no/ /mir gyur kyang dbang po mi gsal ba gang yin pa de ni/ dud 'gro'i gnas nas 'ongs pa yin no/ /mir gyur kyang gzhan gyi bran dang / bran mo byed pa gang yin pa de ni/ bu
317b3 lon chags pa las 'ongs pa yin no/ /mir gyur kyang mi brtan cing yangs pa gang yin pa de ni/ sngon spre'u byas pa las 'ongs pa yin no/ /mir gyur kyang mdze nad kyis btab pa gang yin pa
317b4 de ni/ dkon mchog gsum rnam par bshig pa las gyur pa yin no/ /mir gyur kyang rkang lag 'jam 'grus su gyur pa gang yin pa de ni/ sems can gyi rkang lag dam du bcings
317b5 ba las 'ongs pa yin no/ /mir gyur kyang lus la rma dang / shu ba 'byung zhing yun ring por sman dang / dpyad byas kyang sos su mi btub pa gang yin pa de ni/ sems can la brdeg btsog
317b6 byas pa las 'ongs pa yin no/ /mir gyur kyang rang bzhin mi srun pa gang yin pa de ni/ sdig sbrul byas pa las 'ongs pa yin no/ /mir gyur nas dbang po drug tshang ba gang yin pa de ni/
317b7 tshul khrims bsrungs pa las 'ongs pa yin no/ /mir gyur kyang dbang po rnams ma tshang ba gang yin pa de ni/ tshul khrims 'chal ba las 'ongs pa yin no/ /mir gyur kyang gtsang
318a1 sbra med pa gang yin pa de ni/ phag byas pa las 'ongs pa yin no/ /mir gyur nas glu gar la dga' ba gang yin pa de ni/ rol mo mkhan byas pa las 'ongs
318a2 pa yin no/ /mir gyur kyang 'dod chen che ba gang yin pa de ni/ khyi byas pa las 'ongs pa yin no/ /mir gyur kyang gnya' bar lba pa yod pa gang yin pa de ni/ gcig pu bsnogs pa
318a3 las 'ongs pa yin no/ /mir gyur nas kha'i dri mnam pa gang yin pa de ni/ tshig ngan gyis gzhan la spyod pa las 'ongs pa yin no/ /mir gyur kyang pho mtshan dang mi ldan pa de ni/
318a4 khyi dang / phag rnams kyi rlig pa bcad pa las gyur pa yin no/ /mir gyur nas lce thung ba gang yin pa de ni/ dben pa dag tu bla ma dag la tshig mi snyan pa brjod pa las 'ongs pa yin no/ /
318a5 mir gyur kyang gzhan gyi chung ma la g.yem par dga' ba de ni/ shi 'phos nas bya ngang pa dag tu ltung bar 'gyur ro/ /mir gyur kyang bdag dang nye zhing gnyen du 'brel ba dag la g.yem
318a6 par mngon par dga' ba gang yin pa de ni/ shi 'phos nas bye'u mchil ba dag tu ltung bar 'gyur ro/ /mir gyur nas mdo sde dang / bstan bcos dag la ser sna byed cing shes kyang
318a7 sbas nas gzhan dag la mi ston pa gang yin pa de ni/ shi 'phos nas shing srin dag tu skye bar 'gyur ro/ /mir gyur nas mda' gzhu thogs shing gzhom pa la mngon par dga' ba
318b1 gang yin pa de ni/ shi 'phos nas kla klo can du ltung bar 'gyur ro/ /rngon pa byed cing srog chags bsod pa la mngon par dga' ba gang yin pa de ni/ shi 'phos nas 'phar spyad dag tu
318b2 ltung bar 'gyur ro/ /mgo rgyan dang / me tog thogs pa la mngon par dga' ba gang yin pa de ni/ shi 'phos nas gcin rtug gi srin bu byed par 'gyur ro/ /gos ring po gyon par dga' ba de ni/
318b3 shi 'phos nas srin bu mjug ring byed par 'gyur ro/ /nyal zhing za bar mngon par dga' ba de ni/ shi 'phos nas phag tu skye bar 'gyur ro/ /gos tshon can gyon pa la mngon par
318b4 dga' ba gang yin pa de ni/ shi 'phos nas bye'u khre'u byed par 'gyur ro/ /gzhan gyi tshig zlos shing ku re byed pa mngon par dga' ba de ni/ shi 'phos nas bya ne tso byed par 'gyur
318b5 ro| |phra ma byed pa la mngon par dga' ba gang yin pa de ni/ shi 'phos nas sbrul lus po che dag tu skye bar 'gyur ro/ /nyes pa med par dag la rnam par 'tshe ba gang yin pa de ni/
318b6 shi 'phos nas srin bu 'khon du 'dzin pa'i sems dang bcas pa dag tu skye bar 'gyur ro/ /gzhan gyi dbyen byed par dga' ba gang yin pa de ni/ shi 'phos nas srin bya dag tu skye
318b7 bar 'gyur ro/ /dmod mo'i tshig smra ba la mngon par dga' ba gang yin pa de ni/ shi 'phos nas wa dag tu skye bar 'gyur ro/ /gzhan dag skrag cing dngangs par mngon par dga'
319a1 ba gang yin pa de ni/ shi 'phos nas ri dwags sha ba'i rigs su skye bar 'gyur ro/ /tshe snga ma la shing gi lha ma gon nas dri gtsang khang du zhugs pa gang yin
319a2 pa de ni/ tshe 'di la rta'i rigs su skye bar 'gyur ro/ /tshe snga ma la 'phyen gtong ba la mngon par dga' ba gang yin pa de ni/ srin bu gnam po'i rigs su skye bar 'gyur ro/ /tshe snga ma
319a3 la dge 'dun gyi gtun dang / rang thag yongs su spyod pa gang yin pa de ni/ tshe 'di la srog chags srin bu mgo rdebs pa dag tu skye bar 'gyur ro/ /tshe snga ma la gzhan dag gi zas
319a4 kyi bgegs byas na/ tshe 'di la shing srin byed par 'gyur ro/ /dge 'dun gyi chu brkus nas yongs su spyad pa gang yin pa de ni/ tshe 'di la nya dang / chu srin dag tu skye bar 'gyur ro/ /
319a5 dge 'dun gyi sa gzhi dag la mi gtsang ba 'dor ba gang yin pa de ni/ bshad gci'i nang du srin bu dag tu skye bar 'gyur ro/ /dge 'dun gyi shing tog brkus pa gang yin pa de ni/
319a6 'jim rdzab za ba'i srin bu byed par 'gyur ro/ /dge 'dun gyi dkor brkus pa gang yin pa de ni/ rang thag 'dren pa'i glang dang / bong bu byed par 'gyur ro/ /dge 'dun gyi dkor la
319a7 la nan gyis slong zhing snga skyin byed na/ phug ron dkar po byed par 'gyur ro/ /dge 'dun la 'phya zhing smod par byed na glang gi gnya' ba'i srin bur skye bar 'gyur ro/ /dge 'dun gyi
319b1 tshod ldum zos na tshod ma'i srin bur skye bar 'gyur ro/ /dge 'dun gyi khri stan la 'dug na sa'i srin bu mjug ring du skye bar 'gyur ro/ /dge 'dun gyi yo byad sna tshogs dag la yongs
319b2 su spyod par byed na phye ma leb tu skye bar 'gyur ro/ /rus pa dag thogs nas gtsug lag khang du byed na bya mchu ring du skye bar 'gyur ro/ /dmar rtsi dang / dkar rtsi dag mchu la brkus
319b3 nas gtsug lag khang du 'jug par byed na/ bya mchu dmar dag tu skye bar 'gyur ro/ /gos tshon can bgos te gtsug lag khang du 'gro bar byed na bya kha dog ser po dag tu skye bar 'gyur
319b4 ro| |khyo shug gtsug lag khang du gnas nas nyal po byas na bya mgo sngon dag tu skye bar 'gyur ro/ /de bzhin gshegs pa'i mchod rten la brdzis na rnga mo'i lus byed par 'gyur ro/ /
319b5 lham bgos te de bzhin gshegs pa'i dri gtsang khang du 'gro bar byed na/ sbal bar skye bar 'gyur ro/ /chos nyan pa'i tshe klag cor zer na ni bya lce brgya pa dag tu skye bar 'gyur ro/ /dge
319b6 slong ma gtsang ma sun par byed na/ shi 'phos nas sems can dmyal ba'i gnas lcags kyi brag phug tu ltung zhing ral gri'i 'khor lo brgya stong du ma gcig tu babs nas lus
319b7 gcod par 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das kyis 'di skad gsungs pa lta na dge 'dun gyi
320a1 rdzas yongs su spyod pa gang lags pa de dag la yang dag par shin tu lci ba zhig lags par gyur na/ sbyin bdag bzhi po ji ltar gtsug lag khang du mchi zhing
320a2 bkur sti dang | phyag 'tshal bar bgyid pa lags/ bcom ldan 'das kyis bka' stsal pa/ dge 'dun gyi gtsug lag khang du 'gro ba la sems rnam pa gnyis yod de/ dge ba'i
320a3 sems dang / mi dge ba'i sems gang yin pa'o/ /dge ba'i sems zhes bya ba ni ji lta bu zhe na/ gang gis gtsug lag khang du phyin nas/ de bzhin gshegs pa mthong na phyag
320a4 byed pa dang / dge 'dun mthong na gus par bkur sti byas nas/ mdo sde'i don 'dri bar byed pa dang / sdom pa yang dag par blangs nas nyes pa 'chags par byed pa dang / nor
320a5 rdzas dag yongs su btang nas dkon mchog gsum gyi zhal ta byed pa dang / lus dang / srog la 'phangs pa med par chos chen po yongs su srung zhing yang dag par 'dzin par byed pa'i
320a6 gang zag de lta bu dag ni gom pa gcig 'dor bar byed na yang / lha'i gzhal med khang drung du 'ong zhing / ma 'ongs pa na khyim bdag shug de ka bzhin du rnam par smin pa'i 'bras bu
320a7 myong bar 'gyur ba gang yin pa de ni/ skyes bu mchog tu dge ba zhes bya'o/ /mi dge ba'i sems dang ldan pa ji lta bu zhe na/ sems can gang la la zhig gtsug lag khang du 'jug
320b1 pa'i tshe/ dge 'dun la slong mo dang / g.yar po dang / snga skyin 'ba' zhig bya bar sems pa dang / dge 'dun gyi skyon tshol zhing rtse gcig tu rnam par bshig pa 'ba' zhig tu 'dod pa
320b2 dang | dge slong gi dge 'dun gyi zas zos na'ang sems la gnod pa ci yang med cing / khur ba dang / shing tog dang / ldam ldum dag khyer nas/ rang gi khyim du 'gro bar byed pa'i
320b3 gang zag de lta bu dag shi 'phos ma thag tu lcags kyi thu lum za ba'i sems can dmyal bar ltung zhing / zangs kyi nang du btso ba dang / spar ba'i mes bsregs pa dang / ral gri lta bu'i
320b4 ri lo ma can gyi ljon shing la 'dzeg pa la sogs pa'i sdug bsngal gang yang mi myong ba med par 'gyur te/ 'di ni skyes bu mchog mi dge ba zhes bya'o/ /bcom ldan 'das kyis bka' stsal
320b5 pa| kun dga' bo/ 'di ni ngas ma 'ongs pa'i dus kyi slob ma rnams la rjes su bstan pa yin gyi/ bag yod par bsgrims te/ dkon mchog gsum po dag la nyes pa mi byed pa
320b6 pa dang / nur ba'i sems skye ba med par de bzhin gshegs pa'i bka' stsal pa bzhin byed na/ de bzhin gshegs pa byams pa 'jig rten du byung ba'i tshe/ yongs su mya ngan las
320b7 'da' bar 'gyur ba the tshom med do/ /bcom ldan 'das kyis bka' stsal pa/ tshe 'di la gzhan gyi lus las gos bshus te 'phrog par byed na/ shi 'phos nas grang ba'i sems
321a1 can dmyal bar ltung ba dang / gzhan yang / dar gyi srin bur skyes nas 'tshed par 'gyur ro/ /tshe 'di la sku gzugs dang / mdo sde'i spyan sngar mar me sbar ba la
321a2 mngon par mi dga' na/ shi 'phos nas ri 'khor yug gi bar na sems can dmyal ba'i gnas mug nag yod pa dag tu ltung bar 'gyur ro/ /tshe 'di la sems can gyi srog bcad
321a3 pas dmyal zhing gtub par byed na/ shi 'phos nas sems can dmyal ba mtshon ltar rab tu rno ba'i ri la/ ral gri lo ma can gyi ljon shing 'dzegs pa dag tu ltung bar 'gyur ro//
321a4 tshe 'di la kha cig sdig gtong zhing rngon pa byed par mngon par dga' ba de dag ni/ shi 'phos nas sog les 'dral ba'i sems can dmyal bar ltung bar 'gyur ro/ /tshe 'di la mang du 'dod
321a5 pas log par g.yem pa gang yin pa de ni/ shi 'phos nas zangs kyi ka ba rab tu 'bar ba la 'ju ba dang / lcags kyi khri rab tu tsha ba la nyal ba'i sems can dmyal bar ltung
321a6 bar 'gyur ro/ /tshe 'di la chung ma mang po 'chang ba gang yin pa de ni/ lcags kyi rang thag tu 'thag pa'i sems can dmyal bar ltung bar 'gyur ro/ /tshe 'di la khyim thab mang po bdog
321a7 pa gang yin pa de ni/ shi 'phos nas sbrul gdug pa dang ldan pa'i sems can dmyal bar ltung bar 'gyur ro/ /tshe 'di la sgo nga bsregs pa gang yin pa de ni/ shi 'phos nas me ma
321b1 mur rab tu tsha ba dang ldan pa'i sems can dmyal bar ltung bar 'gyur ro/ /tshe 'di la phag dang / bya rnams bshu zhing 'thog pa gang yin pa de ni/ shi 'phos nas zangs dag tu 'tshed
321b2 pa'i sems can dmyal ba dag tu ltung bar 'gyur ro/ /tshe 'di la phag dang / khyi'i rlig pa 'byin pa gang yin pa de ni/ shi 'phos nas rdo zur dang ldan pa'i sems can dmyal bar ltung
321b3 bar 'gyur ro/ /tshe 'di la chang 'thungs nas myos par byas pa gang yin pa de ni/ shi 'phos nas lcags khu 'thungs pa'i sems can dmyal bar ltung bar 'gyur ro/ /tshe 'di la
321b4 sems can gyi lus kyi yan lag bcad cing gtubs pa gang yin pa de ni/ shi 'phos nas lcags kyi 'khor lo dang ldan pa'i sems can dmyal bar ltung bar 'gyur ro/ /tshe 'di la
321b5 dge 'dun gyi shing tog brkus pa gang yin pa de ni/ shi 'phos nas lcags kyi thu lum za ba'i sems can dmyal bar ltung bar 'gyur ro/ /tshe 'di la phag gi rgyu ma dang / sha zos pa gang
321b6 yin pa de ni/ shi 'phos nas ljan ljin gyis gang ba'i sems can dmyal bar ltung bar 'gyur ro/ /tshe 'di la nya gson por zos pa gang yin pa de ni/ shi 'phos nas mtshon cha dang /
321b7 dbyig pa dang / ral gri so can gyi ljon shing dang ldan pa'i sems can dmyal bar ltung bar 'gyur ro/ /tshe 'di la ma yar mor gyur nas chung ma sngan ma'i bu dag la ner pa byas pa
322a1 gang yin pa de ni/ shi 'phos nas me rab tu 'bar ba'i shing rta dang ldan pa'i sems can dmyal bar ltung bar 'gyur ro/ /tshe 'di la phra ma byas
322a2 nas dkrugs ma byas pa gang yin pa de ni/ shi 'phos nas lcags kyi thong gshol gyis rmo ba'i sems can dmyal bar ltung bar 'gyur ro/ /tshe 'di la mi snyan pas gzhan dag la
322a3 spyos pa gang yin pa de ni/ shi 'phos nas lce rab tu 'byin pa'i sems can dmyal bar ltung bar 'gyur ro/ /tshe 'di la rdzun mang du smras pa gang yin pa de ni/ shi 'phos nas lce
322a4 lcags kyi gzer gyis 'debs pa'i sems can dmyal bar ltung bar 'gyur ro/ /tshe 'di la srog bcad nas log pa'i lha la mchod sbyin byas pa gang yin pa de ni/ shi 'phos
322a5 nas lcags kyi rtun gyis brdungs pa'i sems can dmyal bar ltung bar 'gyur ro/ /tshe 'di la bon mo byas nas 'dre gdon gyi tshig 'don cing gzhan dag bslus te nor blangs
322a6 pa gang yin pa de ni/ shi 'phos nas sha'i ri lta bu'i sems can dmyal bar ltung bar 'gyur ro/ /tshe 'di la bon mo byas nas mig btsums te/ sa la nyal nas gzhan dag
322a7 la mtho ris su skye bar 'gyur ro zhes drang po ma yin pa'i 'dre gdon dag gis len pa gang yin pa de ni/ shi 'phos nas rked pa gtub pa'i sems can dmyal bar ltung bar
322b1 'gyur ro/ /tshe 'di la bon mo byas nas gzhan dag gi srog bcad/ lha 'dre dang / lam lnga'i sa'i bdag po dang / srin mo la sogs pa la mchod pa byed du bcug pa gang yin pa 'di lta bu la
322b2 sogs pa de dag thams cad ni skyes bu blun po rnams 'drid pa yin pas/ shi 'phos nas sta res gcod pa'i sems can dmyal bar ltung bar 'gyur ro/ /sems can dmyal
322b3 ba'i srung ma rnams kyis yan lag bcad cing gtub pa dang / bya lcags kyi mchu can gyis mig gi 'bras bu gnyis la 'thog par 'gyur ro/ /tshe 'di la bon mo byas nas mi shi ba'i
322b4 ro rnams sbed pa dang / khang khyim rnams kyi bzang ngan dang / rigs lnga po rnams kyis khe 'thob pa dang / mi 'thob pa lta ba dang / klu rnams bde bar 'god pa dang / dar gyi srin
322b5 bu dag la gtang rag gtong ba dang / srin mnan nas skyes bu blun po dag bslus te/ nor mang po blangs pa dang / rdzun tshig gis bzang ngan ston pa gang yin pa de dag ni shi 'phos
322b6 nas| lcags kyi dra ba can gyi sems can dmyal bar ltung bar 'gyur bas/ bya 'dab chags ma rungs pa tshad med pa snyed de'i lus la 'du ste/ sha rnams ma lus par zos
322b7 nas rus pa dang / rgyus pa rnams kyang 'thog par byed pas sdug bsngal dpag tu med pa dag myong bar 'gyur ro/ /tshe 'di la sman pa byas te/ nad gso bar mi nus bzhin du
323a1 gzhan dag bslus te nor blangs pa gang yin pa de ni/ shi 'phos nas gtar ba dang / me btsas bsregs pa'i sems can dmyal bar ltung bar
323a2 'gyur bas lus la kun tu me rab tu 'bar ba'i sems can dmyal ba chen por ltung bar 'gyur ro/ /tshe 'di la mchod rten dang / gtsug lag khang bshig pa dang / mkhan
323a3 po dang / slob dpon gyi bsgo ba ma nyan pa dang / pha ma la srid zhu med pa gang yin pa de dag ni/ shi 'phos nas mnar med pa'i sems can dmyal ba chen po dang / sems
323a4 can dmyal ba chen po brgyad po dag tu sdug bsngal sna tshogs myong ba dang / gzhan yang / sems can dmyal ba chung du brgya sum cu rtsa drug po kun tu 'jug cing / bskal pa
323a5 gcig gam/ bskal pa gnyis sam/ bskal pa lnga brgya'i bar du sdug bsngal myong nas/ de'i 'og tu gdod thar bar 'gyur te/ dge ba'i bshes gnyen dang phrad na
323a6 ni| byang chub tu sems bskyed par 'gyur la/ gal te phrad par mi gyur na ni/ slar yang sems can dmyal bar ltung bar 'gyur ro/ /bcom ldan 'das kyis bka'
323a7 stsal pa/ mir gyur kyang lus kyi bong che zhing shin tu mnam pa dang / khro skyen zhing dgrol dka' ba gang yin pa de ni/ sngon gyi rnga mo byas pa las 'ongs pa yin no/ /mir
323b1 gyur kyang 'gro ba la dga' zhing / zan za ba 'grus pa dang / nyam nga ba dag la 'byol ba med pa gang yin pa de ni/ sngon rta byas pa la 'os pa'i yin no/ /mir gyur kyang grang ba
323b2 dang | tsha ba dag bzod cing sems la 'dzin pa med pa gang yin pa de ni/ sngon glang byas pa las 'ongs pa yin no/ /mir gyur kyang sgra skad che ba dang / ngo tsha med cing khrel med pa
323b3 dang | sred pa dang / grang ba mang zhing legs nyes kyi bye brag mi phyed pa gang yin pa de ni/ sngon gyi bong bu byas pa las 'ongs pa yin no/ /mir gyur kyang rtag par sha la brkam
323b4 zhing | bya ba dag la 'jigs pa med pa gang yin pa de ni/ sngon seng ge byas pa las 'ongs pa yin no/ /mir gyur kyang lus ring zhing mig zlum pa dang / 'brog dgon pa na mang du
323b5 rgyu ba dang / bu dang / chung ma la sdang ba gang yin pa de ni/ sngon stag byas pa las 'ongs pa yin no/ /mir gyur kyang sran zhing mig chung ba dang / gnas gcig tu gnas par mos
323b6 pa med pa gang yin pa de ni/ sngon bya 'dab chags byas pa las 'ongs pa yin no/ /mir gyur kyang rang bzhin mi brtan zhing srog chags phra mo gsod pa la dga' ba gang yin pa
323b7 de ni/ sngon gyi wa byas pa las 'ongs pa yin no/ /mir gyur kyang dpa' zhing bshor ba dang / 'dod chags chung zhing chung ma la sred pa med pa gang yin pa de ni/ sngon spyang gi byas
324a1 pa las 'ongs pa yin no/ /mir gyur kyang gos bzang po la mi dga' ba dang / ma yin pa byas pa dag la rtog pa dang / gnyid chung zhing zhe sdang mang ba gang
324a2 yin pa de ni/ sngon gyi byas pa las 'ongs pa yin no/ /mir gyur kyang g.yem pa la dga' zhing skye bo mang po'i yid du 'ong ba'i gtam brjod pa la mngon par dga' ba gang yin
324a3 pa de ni/ sngon ne tso byas pa las 'ongs pa yin no/ /mir gyur kyang lus kyi bong chung zhing g.yem pa la dga' ba dang / sems rtse gcig tu mi gnas pa dang / gzugs mthong
324a4 ma thag tu mngon par zhen pa'i sems 'byung ba gang yin pa de ni/ sngon bye'u mchil pa byas pa las 'ongs pa yin no/ /mir gyur kyang mig dmar zhing so thung ba dang / smra ba'i
324a5 tshe lbu ba 'byung zhing / nyal nan gos kyis lus dkri bar byed pa gang yin pa de ni/ sngon sprul dang / rtsangs par byas pa las 'ongs pa yin no/ /mir gyur kyang smras mi thag tu khong khro
324a6 zhing pha rol gyi don la so sor mi rtog pa dag gi gdug pa 'byin pa gang yin pa de ni/ sngon sdig pa byas pa las 'ongs pa yin no/ /mir gyur kyang gcig pu dben par gnas
324a7 shing zas la brkam pa dang / mtshan mo gnyid chung ba gang yin pa de ni/ sngon byi la byas pa las 'ongs ba yin no/ /mir gyur kyang rtsig pa phug nas rkun po byed pa dang / nor la
324b1 brkam zhing 'khon 'byung sla ba dang / nye ring gi mtshan ma med pa gang yin pa de ni/ sngon byi ba byas pa las 'ongs pa yin no/ /bcom ldan 'das kyis bka' stsal pa/ mir gyur kyang
324b2 mchod rten dang / gtsug lag khang bshig pa dang / dkon mchog gsum gyi dkor sbas nas/ bdag nyid kyis yongs su spyod pa gang yin pa de ni/ shi 'phos nas sems can
324b3 dmyal ba chen por mnar med par ltung bar 'gyur ro/ /sems can dmyal ba las thar bar gyur na'ang / dud 'gro'i skye gnas kyi lus/ 'di lta ste/ phug ron dang / mchil pa
324b4 dang | dur pa dang / ne tso dang / bye'u sngon po dang / nya dang / rus spal dang / spre'u dang / ri dwags kyi lus len par 'gyur ro/ /brgya lam na mi'i lus thob par gyur na'ang ma ning
324b5 dang | bud med dang / mtshan gnyis pa dang / dbang po med pa dang / smad 'tshong ma dag tu 'gyur ro/ /mir gyur kyang khong khro ba dag la mngon par dga' ba de ni/ shi 'phos nas
324b6 sprul gdug pa dang / stag dang / seng ge dang / spyang ki dang / dom dang / dred dang / byi la dang / bya khra'i rnam pa dag tu ltung bar 'gyur ro/ /brgya la brgya lam ni mi'i lus thob
324b7 par gyur na'ang khyim bya dang / phag gsod pa dang / bshan pa dang / rngon pa byed pa dang / bya shor ba dang / brtson srung byed pa la mngon par dga' bar 'gyur ro/ /mir gyur kyang
325a1 glen zhing gti mug pa dang / rigs pa'i tshul gang yin pa mi shes pa de ni/ shi 'phos nas glang po che dang / phag dang / ba lang dang / chu glang dang / sro
325a2 shig dang / sbrang ma dang / sbrang bu mchu ring dang / grog ma la sogs pa'i lus len par 'gyur te/ gal te mi'i lus thob par gyur na'ang 'on pa dang / long ba dang / klugs
325a3 pa dang / lus kyi yan lag ma tshang ba dang / rgyab sgur ba dang / dbang po ma tshang ba dag tu 'gyur ro/ /mir gyur kyang khengs shing nga rgyal che ba gang yin pa de ni/ shi 'phos nas
325a4 mi gtsang ba'i gnas kyi srin bu dang / rnga mo dang / bong bu dang / rta dang / khyi dag tu ltung bar 'gyur te/ gal te mir skyes na'ang bran mo'i lus len cing dbul phongs pas slong
325a5 mo byed pa dang / mang po kun gyis brnyas shing smad pa dag tu ltung bar 'gyur ro/ /mir gyur kyang bla ma'i mthu bsnyems pa'i rgyus gzhan gyi nor len pa gang yin pa de ni/ shi
325a6 'phos nas sha'i ri lta bu'i sems can dmyal bar ltung bar 'gyur zhing / skye bo brgya stong mang pos lus kyi sha bcad nas za bar 'gyur ro/ /tshe 'di la gzhan dag bgrang du
325a7 bzhugs pa la mngon par dga' ba gang yin pa de ni/ tshe 'phos nas glang po che dag tu skye zhing rkang lag drang bas nyal du med pa dag tu ltung bar 'gyur ro/ /tshe 'di la mchod rten
325b1 dral nas nub mo zan zos pa gang yin pa de ni/ tshe 'phos nas yi dwags 'dre bkren dag tu ltung bas/ lo brgya phrag mang por bza' ba dang / btung ba thob par mi 'gyur ro/ /'gro ba'i
325b2 tshe lhu tshigs kun tu me rab tu 'bar bar 'gyur ro/ /tshe 'di la sgron mor 'dug pa la mngon par dga' ba gang yin pa de ni/ tshe 'phos nas grang bas sbrebs pa'i srin bu dag tu
325b3 skye bar 'gyur ro/ /tshe 'di la mchod rten gyi zas lhag ma khyer ba gang yin pa de ni/ shi 'phos nas lcags kyi sa gzhi rab tu tshe ba'i sems can dmyal bar ltung bar 'gyur
325b4 ro| |brgya la mir skyes par gyur na'ang lkog ma nad kyis btab pa dang / tshe thung bar 'gyur ro/ /tshe 'di la de bzhin gshegs pa'i sku gzugs la phyag byed na'ang mgo bo sa
325b5 la mi gtug pa gang yin pa de ni/ shi 'phos nas mgo thur du dbyangs pa'i sems can dmyal bar ltung bar 'gyur te/ brgya lam na mi'i nang du skyes na'ang / gzhan dag gis
325b6 mang du slu bar 'gyur ro/ /tshe 'di la de bzhin gshegs pa'i sku gzugs la phyag byas pa na/ thal mo mi sbyor bar byed pa gang yin pa de ni/ shi 'phos nas yul mtha'
325b7 'khob dag tu skye bar 'gyur zhing / 'bad pa mang po btsal yang ci yang 'thob par mi 'gyur ro/ /tshe 'di la dril can gyi sgra thos kyang mi ldang ba gang yin pa de ni/ shi 'phos nas
326a1 sprul lus chen po dag tu ltung bar 'gyur zhing / lus ring la che bas srog chags phra mo mang po rnams kyis bza' bar 'gyur ro/ /tshe 'di la lag pa
326a2 rgyab tu bstan te/ de bzhin gshegs pa la phyag byas pa gang yin pa de ni/ shi 'phos nas phyin ka log tu bcings pa'i sems can dmyal bar ltung bar 'gyur te/ gal te
326a3 mir skyes par gyur na/ nyes pa med par gyod 'byung bar 'gyur ro/ /tshe 'di la thal mo sbyar nas yan lag lnga sa la gtugs te/ phyag byas pa gang yin pa de ni/ rtag par cho
326a4 rigs btsun par 'gyur zhing / rgyun du bde ba myong bar 'gyur ro/ /tshe 'di la khro skyon zhing lto la 'khod pa gang yin pa de ni/ sngon smyon pa byas pa las 'ongs pa yin no/ /tshe
326a5 'di la mig ya yor gyur pa gang yin pa de ni/ sngon log pa'i sems kyis gzhan gyi chung ma la bltas pa las gyur pa yin no/ /tshe 'di la chung ma'i non byas nas pha ma la
326a6 spyos pa gang yin pa de ni/ shi 'phos nas lce thong gshol gyis rmod pa'i sems can dmyal bar ltung bar 'gyur ro/ /tshe 'di la chang gi nang du bsnan te/ gzhan dag la
326a7 byin pa gang yin pa de ni/ shi 'phos nas chu'i nang du srin bu dag tu skye bar 'gyur ro/ /brgya la mi'i nang du skyes bar gyur na'ang lus skrad zhing dbugs thung bas 'chi ba'i
326b1 dus byed par 'gyur ro/ /bcom ldan 'das kyis bka' stsal pa/ ji skad du bstan pa'i sdug bsngal sna tshogs mang po de dag thams cad ni/ sdig pa mi dge ba'i las rnams pa bcu'i
326b2 dbang las gyur pa yin pas/ rab gang yin pa de ni sems can dmyal ba'i rgyu dang / rkyen byed par 'gyur ro/ /'bring gang yin pa de ni dud 'gro'i skye gnas kyi rgyu dang / rkyen byed par 'gyur
326b3 ro| tha ma gang yin pa de ni yi dwags kyi rgyu dang / rkyen byed par 'gyur ro/ /srog gcod pa'i kha na mtho ba des ni/ sems can dmyal ba dang / dud 'gro'i skye gnas dang / gshin rje'i
326b4 'jig rten dag tu ltung bar 'gyur ro/ /gal te mir skyes par gyur na'ang rnam par smin pa'i 'bras bu rnam par gnyis 'thob par 'gyur te/ tshe thung ba dang / nad mang ba gang yin
326b5 pa'o| |ma byin par len pa'i kha na ma thob pa gang yin pa de ni/ sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te
326b6 mir skyes par gyur na yang rnam par smin pa'i 'bras bu rnam pa gnyis 'thob par 'gyur te/ dbul zhing phongs pa dang / nor thun mong du 'gyur zhing rang dbang med pa gang yin pa'o//
326b7 'dod pas log par g.yem pa'i kha na ma tho ba gang yin pa de ni/ sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung
327a1 bar byed do/ /gal te mir skyes par gyur na'ang rnam par smin pa'i 'bras bu rnam pa gnyis 'thob par gyur te/ chung ma gzhan gyis byi ba byed pa dang /
327a2 chung ma dang / phan tshun rtsod cing bdag gi sems kyis bsams pa bzhin du mi 'gyur ba gang yin pa'o/ /brdzun du smra ba'i kha na ma tho ba gang yin pa de ni/ sems can rnams
327a3 sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na'ang rnam par smin pa'i 'bras bu
327a4 rnam pa gnyis 'thob par 'gyur te/ skur pa mang ba dang / rtag par gzhan gyi mang du bslus par 'gyur ba gang yin pa'o/ /phra ma byas pa'i kha na ma tho ba gang yin pa
327a5 des ni/ sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na'ang
327a6 rnam par smin pa'i 'bras bu rnam pa gnyis 'thob par 'gyur te/ rtag par sgra mi snyan pa thos par 'gyur ba dang / gang ci smras kyang rung ba ste/ rgyun du rtsod pa can 'gyur ba gang
327a7 yin pa'o/ /tshig kyal ba smras pa'i kha na ma tho ba gang yin pa des ni/ sems can rnams sems can dmyal ba dang / dud 'gro'i skye gnas dang / gshin rje'i 'jig rten
327b1 dag tu ltung bar byed do/ /gal te mir skyes par gyur na'ang rnam par smin pa'i 'bras bu rnam pa gnyis 'thob par 'gyur te/ bden pa zhig smras na'ang gzhan dag yid ches bar
327b2 mi 'gyur ba dang / tshig smras pa rnams gzhan gyis go bar mi 'gyur ba gang yin pa'o/ /brnab sems bskyed pa'i kha na ma tho ba gang yin pa des ni/ sems can rnams sems can
327b3 dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes na'ang rnam par smin pa'i 'bras bu rnam pa gnyis 'thob par 'gyur
327b4 te| nor la brkam zhing chog shes pa med pa dang / mang du tshol zhing rtag par yid bzhin du mngon par grub par mi 'gyur ba gang yin pa'o/ /gnod sems kyi kha na ma tho ba gang
327b5 yin pa de ni/ sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur
327b6 na'ang rnam par smin pa'i 'bras bu rnam pa gnyis myong bar 'gyur te/ rtag par gzhan gyis glags tshol bar 'gyur ba dang / rtag par gzhan gyis gnod pa byed par 'gyur ba gang
327b7 yin pa'o/ /log par lta ba'i kha na ma tho ba gang yin pa des ni/ sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar
328a1 byed do/ /gal te mir skyes par gyur na'ang rnam par smin pa'i 'bras bu rnam pa gnyis 'thob par 'gyur te/ rtag par log par lta ba'i khyim dag tu
328a2 skye bar 'gyur ba dang / sems g.yo sgyu dang bcas par 'gyur ba gang yin pa'o/ /kye sangs rgyas kyi sras rnams/ de ltar na sdig pa mi dge ba'i las kyi lam bcu po rnams ni
328a3 sdug bsngal mang po sna tshogs kyis phung po chen po'i rgyu dang / rkyen du gyur pa yin no/ /de nas de'i tshe 'khor 'dus pa chen po de nyid du sdig pa mi dge ba'i las bcu po dag byas pa
328a4 gang yin pa de dag bcom ldan 'das kyis sems can dmyal ba'i sdug bsngal gyi rnam par smin pa bkas bshad pa thos pa dang / de dag thams cad skad cher phyung ste dus
328a5 nas| bcom ldan 'das la 'di skad ces gsol to/ /bcom ldan 'das/ bdag cag dge ba ji lta bu zhig spyad na/ sdug bsngal 'di dag las thar par 'gyur lags/
328a6 bcom ldan 'das kyis bka' stsal pa/ sems can thams cad bsod nams kyi las la gzud par bya ste/ ji ltar bsod nams mngon par bsgrub par bya zhe na/ sems
328a7 can gang la la zhig tshe 'di la yongs su bskul ba'i bdag po chen po byas te/ de bzhin gshegs pa'i mchod rten dang / dri gtsang khang dang / gtsug lag khang brtsigs na
328b1 ma 'ongs pa na/ gdon mi za bar rgyal po byed cing / skye bo mang po la dbang byed par 'gyur bas/ gang yang dag mi nyan pa med par 'gyur ro/ /tshe 'di la grong dang / grong gi gtso bor
328b2 gyur kyang drang rkan che zhing chos bzhin du skyong bar byed pa gang yin pa de ni/ ma 'ongs pa na gdon mi za bar rgyal po'i blon po byed par 'gyur zhing / gos zas dang / rta phun sum tshogs
328b3 pa dang / ci dang / ci 'dod pa 'byor bar 'gyur ro/ /tshe 'di la skye bo mang po bsod nams byed par bskul zhing gzung ba gang yin pa de ni/ ma 'ongs pa na gdon mi za bar cho rigs
328b4 btsun zhing shin tu phyug pa'i khyim bdag tu 'gyur bar skye'o/ /skye bo mang po kun gyis bkur ba dang / phyogs bcu po dag tu don gnyer ba dag kyang 'grub par 'gyur ro/ /tshe 'di
328b5 la mar me btsugs nas mchod pa byed pa la mngon par dga' ba gang yin pa de ni/ nyi zla'i lhar skye bar 'gyur bas 'od zer gyis bdag nyid gsal bar byed par 'gyur ro/ /tshe
328b6 'di la sbyin pa gtong ba la dga' ba dang / byams pa'i sems kyis srog chags gso bar dga' ba gang yin pa de ni/ skye ba thams cad du phyug por 'gyur bas gos zas dag
328b7 rang 'byung bar 'gyur ro/ /tshe 'di la skye bo mang po rnams la bza' ba dang / btung ba sbyin pa la mngon par dga' ba gang yin pa de ni/ skye ba thams cad du lha'i zas rang 'byung
329a1 bar 'gyur ba dang / gzugs dang / stobs phun sum tshogs pa dang / dbang po rno zhing spobs pa dang ldan pa dang tshe ring bar 'gyur ro/ /gang gis dud 'gro'i
329a2 gnas su song ba rnams la sbyin pa yongs su btang na/ rnam par smin pa'i 'bras bu brgya 'gyur snyed 'thob par 'gyur ro/ /'dod chen po dag la sbyin pa yongs su btang na rnam
329a3 par smin pa stong 'gyur snyed 'thob par 'gyur ro/ /tshul khrims dang ldan pa'i dge slong la sbyin pa yongs su btang na rnam par smin pa khri 'gyur snyed 'thob par 'gyur ro/ /
329a4 gang gis theg pa chen po de bzhin gshegs pa'i gsang ba'i snying po 'khor mang po la yang dag par bsgrags nas/ sems kyi mig 'byed pa'i chos smra ba gang dag la sbyin pa
329a5 yongs su btang na rnam par smin pa'i 'bras bu tshad med pa snyed 'thob par 'gyur ro/ /gang gis sangs rgyas dang / byang chub sems dpa' rnams la sbyin pa yongs su btang na/
329a6 rnam par smin pa'i 'bras bu mthar thug pa med pa snyed la longs spyod par 'gyur ro/ /gzhan yang / gang zag rnam pa gsum la sbyin pa yongs su btang na rnam par smin pa'i
329a7 'bras bu yongs su gtugs par mi 'gyur te/ de bzhin gshegs pa rnams dang / pha ma dang / nad pa rnams so/ /zas za gcig tsam yongs su btang bas kyang rnam
329b1 par smin pa'i 'bras bu tshad med pa snyed 'thob par 'gyur ro/ /rtag par yongs su btang bas yongs su gtugs par mi 'gyur ba lta smos kyang ci dgos/ tshe 'di la dge 'dun mang po'i
329b2 sku bsil ba gang yin pa de ni/ skye ba thams cad du byang bzhin sdug cing mdzes pa dang / rang bzhin gyis gos zas dang ldan pa dang / skye bo mang po la kun gyis bkur bar 'gyur ro/ /tshe
329b3 'di la bsngags pa brjod pa dang / mdo sde'i chos klog cing kha ton du 'don par dga' ba gang yin pa de ni/ skye ba'i gnas thams cad du sgra dbyangs snyan cing thos pa rnams rab tu dga'
329b4 bar 'gyur ro/ /tshe 'di la tshul khrims bsrung bar mngon par dga' ba gang yin pa de ni/ skye ba thams cad du byad bzhin sdug cing / mi'i nang na mchog tu 'gyur ro/ /tshe 'di la lam
329b5 kar khron pa brkos nas skyed shing btsugs nas grib ma mang po kun la bsgribs par mngon par dga' ba gang yin pa de ni/ skye ba thams cad du mi'i rgyal po byed cing ro brgya dang ldan
329b6 pa'i bza' ba dang / btung ba bsams pa tsam gyis 'byor bar 'gyur ro/ /tshe 'di la mdo sde bris te gzhan dag la byin nas klog tu bcug pa la mngon par dga' ba gang yin pa de
329b7 ni| skye ba thams cad du bdag gi spobs pa mang po dang ldan pa dang / chos bslabs pa la lan gcig thos pa tsam gyis go bar 'gyur ba dang / sangs rgyas dang / byang chub sems
330a1 dpa' rnams kyis byin gyis rlob cing / yongs su bsrung ba dang / rtag par mi'i nang du mchog dam pa gtso bo byed par 'gyur ro/ /tshe 'di la zam pa dang /
330a2 gru gzings bcas nas skye bo mang po sgrol bar mngon par dga' ba gang yin pa de ni/ skye ba thams cad du rin po che sna bdun phun sum tshogs pa dang / skye bo mang po kun gyis
330a3 bkur zhing bsngags pa brjod nas mngon par dga' ba dang / phan tshun 'gro zhing 'ong ba'i tshe mang po kun gyis bsnyen bkur dang / rim gro byed par 'gyur ro/ /bcom ldan 'das
330a4 kyis bka' stsal pa/ kun dga' bo/ ngas ji skad du mdo sde de dang / de dag tu rgyu dang / 'bras bu bstan nas sems can mang po rnams klog pa dang / kha ton du 'don pa dang / mngon
330a5 par bsgrub par bskul nas sdug bsngal gyis bgegs las yongs su bzlas pa de bzhin du 'dir yang de ltar bstan pa yin pas/ gang la la zhig gis chos kyi rnam grangs 'di thos
330a6 nas| skur pa 'debs par byed pa de ni/ tshe 'di nyid la lce'i dbang po ltung bar 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /
330a7 bcom ldan 'das/ chos kyi rnam grangs 'di'i ming ci lags/ ci ltar yongs su gzung bar bgyi/ bcom ldan 'das kyis bka' stsal pa/ kun dga' bo/ chos kyi rnam grangs
330b1 'di ni legs nyes kyi rgyu dang / 'bras bu bstan pa zhes bya ste/ byang chub sems dpa'i spyod pa mngon par sgrub par smon lam btab pa zhes bya bar yang zungs shig /bcom ldan 'das kyis
330b2 chos kyi rnam grangs 'di bstan pa na/ lha dang / mi stong phrag brgyad cu bla na med pa yang dag par rdzogs pa'i byang chub tu sems bskyed par gyur to/ /bud med brgya stong du ma tshe 'di
330b3 nyid la bud med kyi dbang po med par gyur nas/ skyes pa'i lus mngon par grub par gyur to/ /sdig pa spyod pa'i skye dgu stong nyis brgya ni/ gdug pa'i sems spangs nas/ bdag gi
330b4 tshe rabs dran par gyur to/ /dge ba spyod pa'i skye bo tshad med pa dag ni mi skye ba'i bzod pa thob nas/ rtag par bde ba myong bar gyur to/ /tshe 'pho bar 'gyur ba tshad med pa snyed ni sangs
330b5 rgyas kyi zhing yongs su dag par skyes nas/ byang chub sems dpa' rnams dang mnyam zhing mtshungs pa'i grogs su gyur to/ /bcom ldan 'das kyis de skad ces bka' stsal nas/
330b6 'khor 'dus pa thams cad rang gi gnas su dong ste/ bsod nams mngon par 'du byed cing / rab tu dga' bar dga' bzhin du spyod par gyur to/ /'phags pa legs nyes kyi rgyu
dang | 'bras bu bstan pa zhes bya ba'i mdo rdzogs so/
CLOSE WINDOW