བོད་ཡིག |
135b6 dmyugs dang kun nas rmongs pa dang / brten dang reg pa dge slong dang / rgyu dang don chos 'dra ba ste/ the ma tshangs pa'i dra ba'o/ /tshangs pa'i dra ba rdzogs so// //rgya yi skad du
135b7 de'i phung bya na ph+hur po'u in kyeng sU phim de'i a+yir/ bod skad du/ thabs mkhas pa chen po sangs rgyas drin lan bsab ba'i mdo/ bam po dang / 'di skad bdag gis thos pa'i
136a1 dus gcig na/ bcom ldan 'das rgyal po'i khab bya rgod spungs pa'i ri ldeg slong gi dge 'dun chen po dge slong nyi khri brgyad stong thams cad kyang bya
136a2 pa byas pa/ tshangs par spyod pa spyad pa/ srid pa kun tu sbyor ba yongs su zad pa/ klu chen po ltar sems kyi dbang thob pa sha stag la/ 'di lta ste/ 'od srung chen po dang / rab 'byor
136a3 dang | kun shes kauN+Di n+ya dang / mdzes bzang dang / byams ma'i bu gang po dang / lam chen brtan dang / shA ri'i bu dang / ka t+ya'i bu chen po dang / kun dga' bo dang / sgra
136a4 gcan 'dzin las sogs pa cang shes pa dag dang thabs gcig tu bzhugs so/ /byang chub sems dpa' sems dpa' chen po sum khri brgyad stong dag dag thabs gcig ste /
136a5 byang chub sems dpa' de dag thams cad kyang yun ring por dge ba'i rtsa ba bskyed pas/ sangs rgyas bye ba brgyad stong tshad med pa rnams la rtag tu sangs par spyad pa/ smon lam
136a6 chen po yongs su rdzogs pa/ ting nge 'dzin brgya stong snyed khong du chud cing rtogs pa/ gzungs yongs su rdzogs pa/ snying rje chen po mi gtang ba/ sems can chen po ji lta ba bzhin
136a7 thams cad la phan par brtson pa/ dkon mchog gsum gyi gdung mi 'chad par 'tsho ba pa/ chos kyi rgyal mtshan rnam par 'jugs pa/ so so'i skye bo'i ma bskul ba'i dge ba'i
136b1 bshes gnyen du gyur pa/ ye shes chen po'i 'gram du phyin pas kun tu grangs med pa sha stag la/ 'di lta ste/ byang chub sems dpa' spyan ras gzigs dbang phyug dang / byang chub
136b2 sems dpa' mthu chen thob dang / byang chub sems dpa' rtag par brtson pa dang / byang chub sems dpa' yon tan dam pa dang / byang chub sems dpa' yon tan dbyangs dang /
136b3 byang chub sems dpa' glog gi 'od dang / byang chub sems dpa' kun tu mnyam pa dang / byang chub sems dpa' yon tan gtso bo dang / byang chub sems dpa' ri rab rgyal po
136b4 dang | byang chub sems dpa' spos kyi glang po dang / byang chub sems dpa' spos kyi glang po chen po dang / byang chub sems dpa' stobs 'dzin dang / byang chub sems dpa' khams
136b5 gsum 'phags dang / byang chub sems dpa' rtag par snying rje dang / byang chub sems dpa' lag na rin chen dang / byang chub sems dpa' 'od can dang / byang chub sems
136b6 dpa' dam pa'i dpal dang / byang chub sems dpa' rin po chen zla ba dang / byang chub sems dpa' stobs po che dang / byang chub sems dpa' blo gros tshod med dang / byang chub
136b7 sems dpa' bzang skyong dang / byang chub sems dpa' seng ge'i sgra dang / byang chub sems dpa' seng ge byed dang / byang chub sems dpa' seng ge rnam par bsgyings pa dang / byang
137a1 chub sems dpa' smon lam rdzogs dang / byang chub sems dpa' rin chen brtsegs dang / byang chub sems dpa' byams pa dang / byang chub sems
137a2 dpa' 'jam dpal gzhon nur gyur pa la sogs pa 'khor mang po dang yang thabs gcig tu bzhugs so/ /de ma yin pa/ gzhan yang / 'dod pa'i khams kyi lha'i bu tshad med pa
137a3 brgya stong dag kyang lhags nas/ lha rdzas kyi me tog dang / spos rnams thogs shing lha rdzas kyi rol mo dkrol nas/ steng gi nam mkha' la 'khod do/ /de ma yin pa lha dang / klu
137a4 dang | gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dang / de la sogs pa so so nas
137a5 'khor brgya stong snyed lhags nas/ sangs rgyas kyi zhabs la mgo bos phyag btsal te/ phyogs gcig tu 'khod do/ /de'i tshe na bcom ldan 'das la 'khor mang pos yongs su
137a6 bskor te/ rim gro dang / mchod pa byas/ bkur sdi dang bcas pas yongs su bstod pa byas so/ /de'i tshe na bcom ldan 'das kyi byin gyi rlabs kyis kun dga' bo snga dro'i dus kyi tshe
137a7 rgyal po'i khab tu zhugs nas/ mthar gyis bsod snyams blangs so/ /de'i dus na bram ze pha ma la sre zhu cher byed pa/ khyim so zhig nas ci yang mi bdog pa/ chig rkyang ma rgan khur
137b1 du khyer te mthar gyis slong mo byed de/ de yang kha zas zhi ma po ro dang ldan pa'am/ shing rtog bzang po dag snyed na/ pha ma la stobs so/ /kha zas ngan po ro med pa'am/ shing tog skam
137b2 po dag rnyed na bdag rang za'o/ /kun dga' bos de lta bu dag ma thong nas rab tu dga' ba'i sems skyes te/ mi de la legs so/ /legs so zhes snyan par bstod nas/ rigs kyi bu/ pha
137b3 ma la sri zhu byed cing mchod pa byed pa ngo mtshar che ste/ legs so zhes smras so/ /de nas kun tu rgyu ston pa drug gi bstan pa la phyogs shing grogs su gyur pa gcig dbang po rno la gtsug
137b4 lag dang / rig byed rnam pa bzhi la mkhas par gyur pa dang / skar ma dang / rtsis la mkhas pa/ dge sdig gi ltas rno ba/ mo dang / gtsug lag gi rigs pas pha rol gyis sems shes
137b5 pa| pha la mang po'i slob dpon du gyur pa/ kun gyis bkur ba gcig lta ba ngan pa la zhen nas/ khe dang / grags pa'i phyir dam pa'i chos 'jig par byed do/ /sangs rgyas dang / chos
137b6 dang / dge 'dun la phrag dog byed de/ smod pa'i phyir kun dga' bo la 'di skad ces smras so/ /khyod kyi ston pa gau ta ma shaka rigs kyi bu nga ni dge pa yin te/ yon tan chen po
137b7 dang ldan no zhes smra ba yang ming tsam du zad de/ bden pa'i dngos po med do/ /khyod kyi ston pa gau ta ma ni yang dag par na sdig pa can yin te/ btsas nas zhag bdun lon pa na
138a1 ma yang shi bas sdig can yin par mngon no/ /rgyal po'i pho brang na 'dug pa las/ pho brang nang nas bros pas yab rgyal po yang mya ngan gyis non to/ /sems
138a2 'khrugs nas brgyal ba las chus gtor te/ zhag bdun lon pa dang dran pa phyir rnyed de/ cho nges btab nas nga'i lha'i bu gcig deng du stor ro zhes snying rje rje skad du dus nas nga'i yul
138a3 dang / srid kyang khyod 'ba' zhig dbang bar zad la bu yang khyod gcig pur zad na ci'i phyir nged spangs te ri dgon par chas zhes smre sngags 'don du bcug pas/ khyod kyi ston pa go ta
138a4 ma drin mi shes te/ ci la yang ma ltas par langs te song bas na sri zhu med par yang mngon no/ /yab rgyal bos pho brang brtsigs nas chung ma blangs pa las kyang chung ma'i las ma
138a5 byas te/ mya ngan gyis gdungs par byas pas na/ khrel med pa yang yin par mngon no/ /kun dga' bos de skad ces smras pa'i tshig de dag thos nas/ ngo tsha zhing skyengs te bsod
138a6 snyoms blangs te phyir sangs rgyas gang na bar 'ongs nas/ zhabs la mgo bos phyag btsal te/ phyogs gcig tu thal mo sbyar ba btud de/ bcom ldan 'das la 'di skad ces
138a7 gsol to/ /bcom ldan 'das/ sangs rgyas kyis bstan pa'i chos la pha ma la sri zhu bgyi ba lta ma mchis sam/ sangs rgyas kyis kun dga' bo la bka' stsal pa/ 'di skad du
138b1 zhu ba 'di khyod la su zhig gis bstan/ lha'am/ mi'am/ mi ma yin pas bstan tam/ 'on te khyod nyid kyi shes pa'i blos de bzhin gshegs pa la zhu bar gyur ces bka' stsal pa
138b2 dang | kun dga' bos gsol pa/ bdag la lha'am/ klu'am/ yi dwags sam/ mi'am/ mi ma lags pa gang gis kyang bstan pa ma mchis te/ snga dro bsod snyoms slong du mchis pa'i
138b3 shul du/ ston pa drug gi 'khor kun tu rgyu gcer bu pa zhig dang mjal ba dang / bdag la tshig rtsub mo dag mchi'o/ /zhes rgyas par gsol to/ /de'i tshe bcom ldan 'das 'dzum pa mdzad
138b4 nas| zhal gyi sgo nas kha dog rnam pa du ma dang ldan pa'i 'od byung bas/ shar phyogs logs su sangs rgyas kyi zhing tshad med pa bye ba brgya stong 'das pa'i pha rol na/ 'jig rten gyi
138b5 khams bla ma mchog ces bya ba snang bar byas so/ /'jig rten gyi khams de nas sangs rgyas dga' ba'i rgyal po zhes bya ba/ de bzhin gshegs pa/ dgra bcom pa/ yang dag par rdzogs pa'i
138b6 sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan
138b7 'das/ sangs rgyas kyi zhing rab tu bkod pa zhes bya ba na bzhugs te/ sangs rgyas kyi zhing de yang shin tu mnyam zhing gzhi bai DU R+ya las byas pa/ gser btso mas thig re 'ur bris pa/
139a1 rin po che sna bdun gyi shing bskyed pa/ shing de dag kyang mda' rgyang gang tsam du mtho ba/ me tog dang / 'bras bu dang / yal ga dang / 'dab mas shin
139a2 tu brgyan pa/ rlung mi drag pas bskyod na sgra snyan pa 'byung ba/ sgra de dag so so'i skye bos thos pas mi ngoms pa/ skabs skabs na chu mig dang / mtshe'u dang / khrus kyi rdzing bu yod la/
139a3 yon tan brgyad dang ldan pa'i chus yongs su gang ba/ rdzing gi zhabs kyang gser gyi bye mas bdal ba/ rdzing gi ngos bzhin bsung dam pa dang ldan pa'i me tog pad+ma dang / puN+Da ri
139a4 ka dang / pA ru sha ka dang / de ma yin pa'i me tog sngon po dang / ser po dang / dmar po dang / dkar po shing rta'i phang lo tsam gyis chu'i steng yongs su khebs te/ chu de'i nang na
139a5 bya rnam pa sna tshogs kyang shin tu yed du 'ong ba'i sgra snyan pa 'byin to/ /rdzing de'i nang na rin po che sna bdun las byas pa'i gru yod de/ de na sems can mang po 'dod dgur rtse zhing
139a6 longs spyod do/ /rin po che'i shing de dag gi bar bar na seng ge'i khri mtho khyad kyi tshad dpag tshad gcig pa bshams nas rin po che sna bdun gyis brgyan te/ lha rdzas kyi na bza'
139a7 khri'i steng du rim par bting ba/ lha rdzas kyi spos kyi dri thul ba/ lha rdzas kyi me tog gis chal bar bkram pa'i khri de la de bzhin gshegs pa dga' ba'i rgyal po skyil mo krung du
139b1 bcas shing bzhugs pa la/ byang chub sems dpa' tshad med pa bye ba brgya stong snyed mdun du bdar te thal mo sbyar ba btud nas/ de bzhin gshegs pa de la so so nas tshig mthun
139b2 par 'di skad ces gsol to/ /bcom ldan 'das/ ci'i rgyu ci'i rkyen gyis 'od bzang po kha dog sngon po dang / ser po dang / dmar po dang / dkar po dang ldan pa/ rab tu gsal ba
139b3 dper mi bzod pa 'di nub phyogs logs nas 'khor mang po 'di dag la snang bar gyur te/ gang la 'od kyi reg pa de dag thams cad lus dang / sems bde bar gyur pa de thugs
139b4 brtse ba'i slad du bcom ldan 'das kyi bstan du gsol/ de la bcom ldan 'das des 'di skad ces bka' stsal to/ /rigs kyi bu dag /legs par nyon la yid la zungs shig dang /
139b5 khyod la dgrol zhing bshad par bya'o/ /'di nas nub phyogs yongs su 'jig rten gyi khams tshad med ba bye ba brgya stong 'das pa'i pha rol na sangs rgyas kyi zhing mi mjed ces bya ba
139b6 yod de/ de na sangs rgyas shAkya thub pa zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs
139b7 pa| 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das zhes bya ba 'khor mang pos yongs su bskor nas /
140a1 'khor mang po thams cad la thabs mkhas pa chen po drin lan bsab pa'i mdo sde ston cing sems can thams cad la phan pa dang / bde ba'i don gyi
140a2 phyir sems can thams cad kyi log par lta ba'i zug rdu rtsa nas gdon pa'i phyir/ sems thog ma pa'i byang chub sems dpa' dag byang chub kyi lam las phyir mi ldog cing
140a3 brtan par bya ba'i phyir/ nyan thos dang / rang sangs rgyas thams cad mthar phyin pa'i theg pa gcig gi lam la dgod pa'i phyir/ byang chub sems dpa' chen po rnams myur
140a4 du mngon par byang chub cing sangs rgyas drin lan bsab pa'i phyir/ sems can thams cad kyi drin lci ba dran par bya ba'i phyir/ sems can thams cad sdug bsngal gyi rgya
140a5 mtsho las dgrol ba'i phyir/ so so'i skye bo mtha' dag pha ma dag la sri zhu bya bar 'dod pa'i phyir 'od 'di snang bar gyur pa yin no/ /de'i tshe 'khor de'i nang na byang chub sems
140a6 dpa' 'khor mang po'i ston pa dang gtso bor gyur pa/ stong phrag bcu snyed stan las langs te/ bla gos phyogs gcig tu byas nas/ pus mo g.yas pa'i lha ngas la btsugs
140a7 te| bcom ldan 'das la 'di skad ces gsol to/ /bcom ldan 'das kyi byin gyi rlabs kyis bdag cag rnams mi mjed kyi 'jig rten gyi khams der mchi zhing / de bzhin
140b1 gshegs pa shAkya thub pa la mchod pa dang / bsnyen bkur bgyi ba dang / thabs mkhas pa chen po sangs rgyas kyi drin lan bsab pa'i mdo dam pa nyan cing mchi bar byin gyis brlab tu
140b2 gsol/ de nas sangs rgyas des byang chub sems dpa' de rnams la 'di skad ces bka' stsal to/ /rigs kyi bu dag /khyed mi mjed kyi 'jig rten gyi khams der phyin nas/ sangs
140b3 rgyas bcom ldan 'das de la mchod cing bkur sti bya ba dang / shin tu phrad par dka' ba'i 'du shes bskyed par bya'o/ /de ci'i phyir zhe na/ sangs rgyas shAkya thub pa ni bskal pa grangs med
140b4 pa bye ba khrag khrig gi bar du shin tu spyad dka' ba spyad de/ snying rje chen po'i smon lam 'di skad ces btab bo/ /gal te mngon par sangs rgyas pa ni/ 'jig rten gyi khams sdig pa
140b5 can ri dang / shang shong dang / gyo mo dang / gseg ma dang / tsher ma la sogs pa yod pa'i gnas su sems can dag kyang nyon mongs pa dang bcas pa/ mtshams med pa lnga dang / mi
140b6 dge ba bcu rdzogs par spyod pa'i gnas der mngon par rdzogs par sangs rgyas te/ phan pa dang / bde ba'i don du sdug bsngal thams cad yongs su bcad de/ bde ba thams cad dang
140b7 yongs su ldan par byas nas/ chos kyi sku yongs su rdzogs par byas shing / lhag ma ma lus pa'i mya ngan las 'das par gyur cig ces smon lam du btab bo/ /sangs rgyas bcom
141a1 ldan 'das des thog mar de skad ces smon lam btab pas/ khyed rnams 'jig rten gyi khams der phyin nas/ ji ltar sangs rgyas nyid gshegs pa dang /
141a2 ji ltar sangs rgyas nyid bzhugs pa dang 'dra bar gnas par bya'o zhes bka' stsal pa dang / byang chub sems dpa' de dag thams cad kyi tshig mthun par bcom ldan 'das kyis
141a3 bka' bzhin du bgyi'o/ /zhes gsol nas/ byang chub sems dpa' de dag re re yang 'khor byang chub sems dpa' bye ba khrag khrig brgya stong snyed kyis yongs su bskor te/ mi mjed
141a4 kyi 'jig rten gyi khams gang na ba der song ngo / /de dag 'jig rten gyi khams gang dang / gang du phyin par 'jig rten gyi khams de dag rnam pa drug tu g.yos te/ 'od zer chen pos
141a5 kun tu snang bar gyur/ steng gi bar snang las lha rnams kyis me tog man dA ra ba dang / man dA ra ba chen po yang char bzhin du phab bo/ /'od zer chen pos snang bar byas shing /
141a6 rdzu 'phrul gyis 'jig rten gyi khams gang+gA'i klung gi bye ma snyed dag kyang g.yos so/ /de ma yin pa/ gzhan yang / lha rdzas kyi rol mo tshad med pa brgya stong snyed kyang steng gi bar snang
141a7 las ma dkrol bar rang zer bzhin du/ byang chub sems dpa' de dag bya rgod spungs pa'i ri ga la ba der de bzhin gshegs pa'i spyan sngar lhags nas zhabs la mgo bos phyag
141b1 btsal te/ sangs rgyas la lan gsum bskor ba byas nas phyogs gcig tu 'khod do/ /de'i tshe de bzhin gshegs pa'i 'od zer gyis lho phyogs logs su sangs rgyas kyi zhing bye ba khrag khrig
141b2 brgyad cu 'das pa'i pha rol na/ 'jig rten gyi khams yon tan 'od ces bya ba snang bar byas so/ /'jig rten gyi khams de na sangs rgyas mtshan mar dgongs zhes bya ba/ de bzhin gshegs
141b3 pa| dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba kha lo sgyur ba/ bla na med pa/ ston
141b4 pa rgyal ba/ sangs rgyas bcom ldan 'das sangs rgyas kyi zhing shin tu dag pa zhes bya ba na bzhugs te/ sangs rgyas kyi zhing de yang shin tu mnyam zhing gzhi bai DUR+ya las byas pa/
141b5 gser btso mas thig re 'u ra bris pa/ rin po che sna bdun gyi shing bskyed pa/ shing de dag kyang mda' rgyang gang tsam du mtho ba/ me tog dang / 'bras bu dang / yal ga dang / 'dab
141b6 mas brgyan pa/ rlung mi drag pas bskyod na sgra snyan pa 'byung ba/ sgra de dag so so'i skye bos thos pas mi ngoms pa/ skabs skabs na chu mig dang / mtshe'u dang / khrus kyi rdzing bu
141b7 yod la/ yon tan brgyad dang ldan pa'i chus yongs su gang zhing / rdzing gi zhabs kyang gser gyi bye mas bdal ba/ rdzing gi ngos bzhin bsung dam pa dang ldan pa'i me tog bad ma
142a1 dang / puN+Da rI ka dang / pA ru Sha ka dang / de ma yin pa'i me tog sngon po dang / ser po dang / dmar po dang / dkar po shing rta'i phang lo tsam chu'i steng
142a2 yongs su khebs te/ chu de'i nang na bya rnam pa sna tshogs kyang shin tu yid du 'ong ba'i sgra snyan pa 'byin to/ /rdzing de'i nang na rin po che sna bdun las byas pa'i gru yod de/ de na sems
142a3 can mang po 'dod dgur rtse zhing longs spyod do/ /rin po che'i shing de dag gi bar bar na seng ge'i khri mtho khyad dpag tshad gcig bshams nas/ rin po che sna bdun gyis
142a4 brgyan te/ lha rdzas kyi na bza' khri'i steng du rim par bting ba lha rdzas kyi spos kyi dri 'thul ba/ lha rdzas kyi me tog gi chal bar bkram pa'i khri de la/ de bzhin gshegs pa mtshan
142a5 ma dgongs skyil mo krung bcas shing bzhugs pa la/ byang chub sems dpa' tshad med pa bye ba brgya stong snyed mdun du bdar te thal mo sbyar ba btud nas/ de bzhin gshegs
142a6 pa de la so so nas tshig mthun par 'di skad ces gsol to/ /bcom ldan 'das/ ci'i rgyu ci'i rkyen gyis 'od zer kha dog bzang po/ kha dog sngon po dang / ser po dang / dmar po
142a7 dang / dkar por ldan pa rab tu gsal ba dper mi bzod pa 'di/ byang phyogs logs nas 'khor mang po 'di dag la snang bar gyur te/ gang la 'od kyis reg pa de dag thams
142b1 cad lus dang sems bde bar gyur par thugs brtse ba'i slad du bcom ldan 'das kyis bstan du gsol/ de nas bcom ldan 'das des 'di skad ces bka' stsal to/ /rigs kyi bu dag /
142b2 legs par rab tu nyon la yid la zungs shig dang khyed la dgrol zhing bshad par bya'o/ /'di nas byang phyogs logs kyi 'jig rten gyi khams bye ba khrag khrig brgyad cu 'das pa'i pha rol
142b3 na| sangs rgyas kyi zhing mi mjed ces bya ba yod do/ de na sangs rgyas shAkya thub pa zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs
142b4 su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ sangs rgyas bcom ldan 'das zhes bya ba 'khor mang pos yongs su bskor nas/ 'khor
142b5 mang po thams cad thabs mkhas pa chen po drin lan bsab pa'i mdo sde ston cing / sems can thams cad la phan pa dang / bde ba'i don gyi phyir/ sems can thams cad kyi log
142b6 par lta ba'i zug rdu rtsa nas 'don pa'i phyir/ sems thog ma pa'i byang chub sems dpa' dag byang chub kyi lam las phyir mi ldog cing / brtan par bya ba'i phyir/ nyan thos dang / rang
142b7 sangs rgyas thams cad mthar phyin pa'i theg pa gcig gi lam la dgod pa'i phyir/ byang chub sems dpa' chen po rnams myur du mngon par byang chub cing / sangs rgyas kyi drin lan
143a1 bsab pa'i phyir/ sems can thams cad kyis drin lci ba dran par bya ba'i phyir/ sems can thams cad sdug bsngal gyi rgya mtsho las sgrol ba'i phyir/ so
143a2 so'i skye bo dag pha ma la sri zhu bya bar 'dod pa'i phyir/ 'od 'di snang bar gyur pa yin no/ /de'i tshe 'khor de'i nang na byang chub sems dpa' 'khor mang po'i gtso bo dang / ston
143a3 par gyur pa stong phrag bcu snyed stan las langs te/ bla gos phyogs gcig tu byas nas/ pus mo g.yas pa'i lha nga sa la btsugs te/ bcom ldan 'das de la 'di skad ces gsol to/ /bcom ldan 'das kyi byin
143a4 gyi rlabs kyis/ bdag cag rnams mi mjed kyi 'jig rten gyi khams der mchi zhing / de bzhin gshegs pa shAkya thub pa la mchod pa dang / bsnyen bkur bgyi ba dang / thabs mkhas pa chen
143a5 po sangs rgyas drin lan bsab pa'i mdo sde dam pa nyan cing mchi bar byin gyis brlab tu gsol/ de nas sangs rgyas des byang chub sems dpa' rnams la 'di skad ces bka' stsal
143a6 to| |rigs kyi bu dag /khyed mi mjed kyi 'jig rten gyi khams der phyin nas sangs rgyas bcom ldan 'das de la mchod pa dang / bkur sti bya ba dang / shin tu phrad dka' ba'i 'du shes
143a7 bskyed par bya'o/ /de ci'i phyir zhe na/ sangs rgyas shAkya thub pa ni bskal pa grangs med pa bya ba khrag khrig gi bar du shin tu spyad dka' ba spyad de/ snying rje chen pos smon lam
143b1 'di skad ces btab bo/ /gal te mngon par sangs rgyas pa na/ 'jig rten gyi khams sdig pa can/ ri dang / shang shong dang / g.yo mo dang / gseg ma dang / tsher ma la sogs pa yod pa'i gnas
143b2 su| sems can dag kyang nyon mongs pa dang bcas pa/ mtshams med lnga dang / mi dge bcu rdzogs par spyod pa'i gnas der mngon par sangs rgyas te/ phan pa dang bde ba'i don du
143b3 sdug bsngal thams cad yongs su bcad de/ bde ba thams cad dang ldan par byas nas/ chos kyi sku yongs su rdzogs shing / lhag ma ma lus pa'i mya ngan las 'das par gyur cig ces
143b4 smon lam btab bo/ /sangs rgyas bcom ldan 'das des thog ma de skad ces smon lam btab pas/ khyed rnams 'jig rten gyi khams der phyin nas/ ci ltar sangs rgyas nyid gshegs
143b5 pa dang / ci ltar sangs rgyas nyid bzhugs pa dang 'dra bar bya'o zhes bka' stsal pa dang / byang chub sems dpa' de dag thams cad tshig mthun par bcom ldan 'das kyi bka' bzhin
143b6 du bgyi'o zhes gsol nas/ byang chub sems dpa' de dag re re yang 'khor byang chub sems dpa' bye ba khrag khrig brgya stong snyed kyis yongs su bskor te/ mi mjed kyi 'jig rten gyi
143b7 khams gang na ba der song ngo / /de dag 'jig rten gyi khams gang dang / gang du phyin par 'jig rten gyi khams de dag rnam pa drug tu g.yos te/ 'od zer chen po kun tu snang bar gyur/
144a1 steng gi bar snang las lha rnams kyis me tog man dA ra ba dang / man dA ra ba chen po yang char bzhin du phab bo/ /'od zer chen pos snang bar byas
144a2 shing / rdzu 'phrul gyis 'jig rten gyi khams gang+gA'i klung gi bye ma snyed dag kyang g.yos so/ /de ma yin pa/ gzhan yang / lha rdzas kyi rol mo tshad med pa brgya stong snyed kyang steng gi
144a3 bar snang la ma dkrol bar rang zer bzhin du/ byang chub sems dpa' de dag bya rgod spungs pa'i rig la ba der de bzhin gshegs pa'i spyan sngar lhags nas/ zhabs la
144a4 mgo bos phyag btsal te sangs rgyas la lan gsum bskor ba byas nas phyogs gcig tu 'khod do/ /de'i tshe de bzhin gshegs pa'i 'od zer nub phyogs logs su sangs rgyas
144a5 kyi zhing tshad med pa bye ba khrag khrig brgya stong 'das pa'i pha rol na/ 'jig rten gyi khams dag pa'i gnas zhes bya ba snang bar byas so/ /'jig rten gyi khams de na sangs rgyas kyi
144a6 mtshan nyi zla mar me'i 'od ces bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
144a7 rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das sangs rgyas kyi zhing bde ba can zhes bya ba na bzhugs te /
144b1 sangs rgyas kyi zhing de yang shin tu mnyam zhing gzhi bai DUR+ya las byas pa/ gser btso mas thig re 'ur bres pa/ rin po che sna bdun gyi shing skyed pa/ shing de dag kyang mda' rgyang gang
144b2 tsam du mtho ba/ me tog dang / 'bras bu dang / yal ga dang / 'dab mas shin tu brgyan pa/ rlung mi drag pas bskyod pas sgra snyan pa 'byung ba/ sgra de dag so so'i skye bos thos pas
144b3 mi ngoms pa/ skabs skabs na chu mig dang / mtshe'u dang / khrus kyi rdzing bu yod la/ yon tan brgyad dang ldan pa'i chus yongs su gang zhing rdzing gi zhabs kyang gser gyi bye mas
144b4 bdal ba/ rdzing gi ngos bzhin bsung dam pa dang ldan pa'i me tog pad+ma dang / puN+Da ri ka dang / pA ru sha ka dang / de ma yin pa me tog sngon po dang / ser po dang / dmar po dang /
144b5 dkar po shing rta'i 'phang lo tsam chu'i steng yongs su khebs te/ chu'i nang na yang bya rnam pa sna tshogs kyang shin tu yid du 'ong ba'i sgra snyan pa 'byin to/ /rdzing de'i nang na rin po che sna
144b6 bdun las byas pa'i gru yod de/ de na sems can mang po 'dod dgur rtse zhing longs spyod de/ rin po che'i shing de dag gi bar bar na seng ge'i khri mtho khyad dpag tshad gcig pa bshams
144b7 nas| rin po che sna bdun gyis brgyan pa/ lha rdzas kyi na bzas khri'i steng du rim par bting ba/ lha rdzas kyi spos kyi dri 'thul ba/ lha rdzas kyi me tog gi chal par bkram pa'i khri de la
145a1 de bzhin gshegs pa nyi zla mar me'i 'od skyil mo krung bcas shing bzhugs pa la/ byang chub sems dpa' tshad med pa bye ba brgya stong snyed mdun du bdar
145a2 te| thal mo sbyar ba btud nas/ de bzhin gshegs pa de la so so nas tshig mthun par 'di skad ces gsol to/ /bcom ldan 'das/ ci'i rgyu ci'i rkyen gyis 'od bzang po/ kha dog
145a3 sngon po dang / ser po dang / dmar po dang / dkar por bcas pa dang ldan pa/ rab tu gsal ba/ dper mi bzod pa 'di shar phyogs logs su 'khor mang po 'di dag la snang bar
145a4 gyur te/ gang la 'od kyis reg pa thams cad lus dang / sems bde bar gyur pa/ thugs brtse ba'i slad du bcom ldan 'das kyis bstan du gsol/ de la bcom ldan 'das des
145a5 'di skad ces bka' stsal to/ /rigs kyi bu/ legs par nyon la shin tu yid la legs par zungs shig dang / khyed la dgrol bar bshad par bya'o/ /'di nas shar phyogs
145a6 logs su 'jig rten gyi khams tshad med pa bye ba khrag khrig brgya stong 'das pa'i pha rol na/ sangs rgyas kyi zhing mi mjed ces bya ba yod de/ de na sangs rgyas shAkya thub pa zhes
145a7 bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul
145b1 ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das zhes bya ba 'khor mang pos yongs su bskor nas/ 'khor mang po thams cad la thabs mkhas pa chen
145b2 po drin lan bsab pa'i mdo sde ston cing sems can thams cad la phan pa dang / bde ba'i don gyi phyin/ sems can thams cad kyi log par lta ba'i zug rdu rtsad nas 'don pa'i phyir /
145b3 sems thog ma pa'i byang chub sems dpa' dag byang chub kyi lam las phyir mi ldog cing brtan par bya ba'i phyir/ nyan thos dang / rang sangs rgyas thams cad mthar phyin pa'i theg pa
145b4 gcig gi lam la dgod pa'i phyir byang chub sems dpa' sems dpa' chen po rnams myur du mngon par byang chub cing sangs rgyas kyi drin lan bsab pa'i phyir/ sems can thams
145b5 cad kyi drin lci ba dran par bya ba'i phyir/ sems can thams cad sdug bsngal gyi rgya mtsho las bsgral ba'i phyir/ so so'i skye bo dag pha ma la sri zhu bya bar 'dod pa'i phyir 'od 'di snang
145b6 bar gyur pa yin no/ /de'i tshe 'khor de'i nang na byang chub sems dpa' 'khor mang po'i gtso bo dang / ston par gyur pa/ stong phrag bcu snyed stan las langs te/ bla gos phyogs gcig
145b7 tu byas nas/ pus mo g.yas pa'i lha nga sa la btsugs te/ bcom ldan 'das de la 'di skad ces gsol to/ /bcom ldan 'das kyi byin gyi rlabs kyis bdag cag rnams mi mjed
146a1 kyi 'jig rten gyi khams der mchi zhing / de bzhin gshegs pa shAkya thub pa la mchod pa dang / bkur sti bgyi ba dang / thabs mkhas pa chen po sangs rgyas
146a2 drin lan bsab pa'i mdo sde dam pa nyan cing mchi bar byin gyis brlab tu gsol/ de nas sangs rgyas des byang chub sems dpa' de dag la 'di skad ces bka' stsal to/ /rigs
146a3 kyi bu dag /khyed mi mjed kyi 'jig rten gyi khams der phyin nas/ sangs rgyas bcom ldan 'das de la mchod cing bkur sti bya ba dang / shin tu phrad dka' ba'i 'du shes
146a4 bskyed par bya'o/ /de ci'i phyir zhe na/ sangs rgyas shAkya thub pa ni bskal pa grangs med pa bye ba khrag khrig gi bar du shin tu spyad dka' ba spyad de/ snying rje chen po'i smon lam
146a5 'di skad ces btab bo/ /gal te mngon par sangs rgyas pa na/ 'jig rten gyi khams sdig pa can ri dang / shang shong dang / gyo mo dang / gseg ma dang / tsher ma la sogs pa
146a6 yod pa'i gnas su sems can dag kyang nyon mongs pa dang bcas pa/ mtshams med pa lnga dang / mi dge ba bcu rdzogs spyod pa'i gnas der mngon par sangs rgyas te/ phan pa dang / bde ba'i don
146a7 du sdug bsngal thams cad yongs su bcad de/ bde ba thams cad dang ldan par byas nas/ chos kyi sku yongs su rdzogs shing lhag ma ma lus pa'i mya ngan las 'da' bar
146b1 gyur cig ces smon lam btab bo/ /sangs rgyas bcom ldan 'das des thog ma de skad ces smon lam btab pas/ khyed rnams 'jig rten gyi khams der phyin nas/ ji ltar sangs rgyas
146b2 nyid gshegs pa dang / ji ltar sangs rgyas nyid bzhugs pa dang 'dra bar gnas par bya'o zhes bka' stsal pa dang / byang chub sems dpa' de dag thams cad kyis tshig mthun par bcom
146b3 ldan 'das kyis bka' bzhin du bgyi'o zhes gsol nas/ byang chub sems dpa' de dag re re yang 'khor byang chub sems dpa' bye ba khrag khrig brgya stong snyed kyis yongs su bskor te/
146b4 mi mjed kyi 'jig rten gyi khams gang na ba der song ste/ de dag 'jig rten gyi khams gang dang / gang du phyin par 'jig rten gyi khams de dag rnam pa drug tu g.yos te/ 'od zer chen
146b5 po yang kun tu snang bar gyur/ steng gi bar snang las lha rnams kyis me tog man dA ra ba dang / man dA ra ba chen po yang char bzhin du phab po/ /'od zer chen pos snang bar byas shing
146b6 rdzu 'phrul gyis 'jig rten gyi khams gang+gA'i klung gi bye ma snyed dag kyang g.yos so/ /de ma yin pa/ gzhan yang / lha rdzas kyi rol mo tshad med pa brgya stong snyed kyang steng gi bar snang la ma
146b7 dkrol bar rang zer bzhin du byang chub sems dpa' de dag bya rgod spungs pa'i rig la ba der de bzhin gshegs pa'i spyan sngar lhags nas/ zhabs la mgo bos phyag btsal te/ sangs
147a1 rgyas la lan gsum bskor ba byas nas phyogs gcig tu 'khod do/ /de'i tshe de bzhin gshegs pa shAkya thub pas kha dog rnam pa lnga dang ldan pa'i 'od
147a2 zer gyis byang phyogs logs su sangs rgyas kyi zhing bye ba khrag khrig lnga brgya 'das pa'i pha rol na/ 'jig rten gyi khams dbang phyug grags pa'i rgyal po zhes bya ba snang bar byas so//
147a3 'jig rten gyi khams de na sangs rgyas pad+mo leb rgan gyi 'od ces bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde
147a4 bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das sangs rgyas kyi zhing dri ma dang bral
147a5 ba zhes bya ba na bzhugs te/ sangs rgyas kyi zhing de yang shin tu mnyam zhing gzhi be DUR+ya las byas pa/ gser btso mas thig re 'ur bres pa/ rin po che sna bdun gyi shing
147a6 bskyed pa/ shing de dag kyang mda' rgyang gang tsam du mtho ba/ me tog dang / 'bras bu dang / yal ga dang / 'dab mas shin tu brgyan pa/ rlung mi drag pas bskyod na sgra snyan
147a7 pa 'byung ba/ sgra de yang so so'i skye bos thos na mi ngoms pa/ skabs skabs na chu mig dang / mtshe'u dang / khrus kyi rdzing bu yod la/ yon tan brgyad dang ldan pa'i chus yongs su
147b1 gang zhing rdzing gi zhabs kyang gser gyi bye mas bdal ba/ rdzing gi ngos bzhir bsung dam pa/ dang ldan pa'i me tog pad+ma dang / puN+Da ri ka dang / pA ru sha ka dang / de ma yin pa'i me tog
147b2 sngon po dang / ser po dang / dmar po dang / dkar po shing rta'i 'phang lo tsam chu'i steng yongs su khebs te/ chu de'i nang na bya sna tshogs kyang shin tu yid du 'ong ba'i sgra snyan pa 'byin
147b3 to| |rdzing de'i nang na rin po che sna bdun las byas pa'i gru yod de/ de na sems can mang po 'dod dgur rtse zhing longs spyod do/ /rin po che'i shing de dag gi bar bar na/ seng ge'i khri mtho khyad
147b4 dpag tshad gcig pa bshams nas/ rin po che sna bdun gyis brgyan te/ lha rdzas kyi na bzas khri'i steng du rim par bting ba/ lha rdzas kyi spos kyi dri 'thul ba/ lha rdzas kyi me tog gis
147b5 char par bkra ma pa'i khri'i thog na/ de bzhin gshegs pa pad+mo leb rgan gyi 'od chags pa/ skyil mo krung du bcas shing bzhugs pa la byang chub sems dpa' tshad med pa bye ba
147b6 brgya stong snyed mdun du bdar te/ thal mo sbyar ba btud nas de bzhin gshegs pa de la so so nas tshig mthun par 'di skad ces gsol to/ /bcom ldan 'das/ ci'i rgyu ci'i
147b7 rkyen gyis 'od bzang po kha dog sngon po dang / ser po dang / /dmar po dang / dkar po bcas pa dang ldan pa rab tu gsal ba dper mi bzod pa 'di lho phyogs logs nas 'khor mang po 'di dag
148a1 la snang bar gyur te/ gang la 'od kyis reg pa de dag thams cad lus dang / sems bde bar 'gyur ba thugs brtse ba'i slad du bcom ldan 'das kyis
148a2 bstan du gsol/ de la bcom ldan 'das kyis 'di skad ces bka' stsal to/ /rigs kyi bu dag/ legs par nyon la shin tu yid la zungs shig dang / khyed la dgrol zhing bshad
148a3 par bya'o/ /'di nas lho phyogs logs su 'jig rten gyi khams bye ba khrag khrig brgya stong 'das pa'i pha rol na/ sangs rgyas kyi zhing mi mjed ces bya ba yod de/ de na sangs
148a4 rgyas shAkya thub pa zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten
148a5 mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das zhes bya ba 'khor mang pos yongs su bskor nas/ 'khor mang
148a6 po thams cad la thabs mkhas pa chen po drin lan bsab pa'i mdo sde ston cing sems can thams cad la phan pa dang / bde ba'i don gyi phyir/ sems can thams cad kyi
148a7 zug rngu rtsa nas 'don pa'i phyir/ sems thog ma pa'i byang chub sems dpa' dag byang chub las phyir mi ldog cing brtan par bya ba'i phyir/ nyan thos dang / rang sangs rgyas
148b1 thams cad mthar phyin pa'i theg pa gcig la dgod pa'i phyir/ byang chub sems dpa' chen po rnams myur du mngon par byang chub ci yang sangs rgyas kyi drin lan bsab pa'i phyir/ sems
148b2 can thams cad kyis drin lci ba dran par bya ba'i phyir/ sems can thams cad sdug bsngal gyi rgya mtsho las bsgral ba'i phyir/ so so'i skye bo dag pham la sri zhu bya bar 'dod pa'i phyir
148b3 'od 'di snang bar gyur pa yin no/ /de'i tshe 'khor de'i nang nas byang chub sems dpa' 'khor mang po'i gtso bo dang / ston par gyur pa stong phrag bcu snyed stan las langs par gyur
148b4 nas/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das de la 'di skad ces gsol to/ /bcom ldan 'das kyi byin gyi rlabs
148b5 kyis bdag cag rnams mi mjed kyi 'jig rten gyi khams der mchi zhing / de bzhin gshegs pa shAkya thub pa la mchod pa dang / bsnyen bkur bgyi ba dang / thabs mkhas pa
148b6 chen po sangs rgyas kyi drin lan bsab pa'i mdo sde dam pa nyan cing mchi bar byin gyi brlab tu gsol/ de nas sangs rgyas des byang chub sems dpa' de rnams la 'di skad ces
148b7 bka' stsal to/ /rigs kyi bu dag /khyed mi mjed kyi 'jig rten gyi khams der phyin nas/ sangs rgyas bcom ldan 'das de la mchod cing bkur sti bya ba dang / shin tu phrad dka'
149a1 ba'i 'du shes bskyed par bya'o/ /de ci'i phyir zhe na/ sangs rgyas shAkya thub pa ni bskal pa grangs med pa bye ba khrag khrig gi bar du shin tu spyad dka' ba
149a2 spyad pas/ snying rje chen po'i smon lam 'di skad ces btab bo/ /gal te mngon par sangs rgyas pa na/ 'jig rten gyi khams sdig pa can ri dang / shang shong dang / gyo mo dang /
149a3 gseg ma dang / tsher ma la sogs pa yod pa'i gnas su sems can dag kyang nyon mongs pa dang bcas pa| mtshams med pa lnga dang / mi dge ba bcu rdzogs par spyad pa'i gnas dar
149a4 mngon par sangs rgyas te/ phan pa dang / bde ba'i don du sdug bsngal thams cad yongs su bcad de/ bde ba thams cad dang ldan par byas nas/ chos kyi sku yongs su rdzogs shing
149a5 lhag ma ma lus pa'i mya ngan las 'das par gyur cig ces smon lam btab bo/ /sangs rgyas bcom ldan 'das des thog ma de skad ces smon lam btab bas/ khyed rnams 'jig rten gyi khams
149a6 der phyin nas/ ji ltar sangs rgyas nyid gshegs pa dang / ji ltar sangs rgyas nyid bzhugs pa dang 'dra bar sems par bya'o zhes bka' stsal pa dang / byang chub sems dpa'
149a7 de dag thams cad kyis tshig mthun par bcom ldan 'das kyi bka' bzhin du bgyi'o zhes gsol nas/ byang chub sems dpa' de dag re re yang 'khor byang chub sems dpa'
149b1 bye ba khrag khrig brgya stong snyed kyis yongs su bskor te/ mi mjed kyi 'jig rten gyi khams gang na ba der song ste/ de dag 'jig rten gyi khams gang dang / gang du phyin par 'jig rten gyi khams
149b2 de dag rnam pa drug tu g.yos te 'od zer chen po yang kun tu snang bar gyur/ steng gi bar snang las lha rnams kyis me tog man dA ra ba dang / ma nad ra ba chen po yang char bzhin du bab bo/
149b3 'od zer chen pos snang bar byas shing / rdzu 'phrul gyis 'jig rten gyi khams gang+gA'i klung gi bye ma snyed dag kyang g.yos so/ /de ma yin pa/ gzhan yang / lha rdzas kyi rol mo tshad med pa brgya
149b4 stong snyed kyang steng gi bar snang la ma dkrol bar rang zer bzhin du/ byang chub sems dpa' de dag bya rgod spungs pa'i rig la ba der de bzhin gshegs pa'i spyan sngar lhags
149b5 nas zhabs la mgo bos phyag btsal te/ sangs rgyas la lan gsum bskor ba byas nas phyogs gcig tu 'khod do/ /de bzhin du phyogs mtshams bzhi dang / steng dang / 'og gi
149b6 phyogs dang / phyogs bcu nas lhags pa'i byang chub sems dpa' chen po thams cad kyis so so nas 'khor brgya stong grangs med pa dang bcas te/ bcom ldan 'das gang na ra
149b7 der lhags nas/ mchod pa dang / bkur sti byas/ mchod pa byas nas/ thams cad kyis mgrin gcig tu tshigs su bcad pa brgya stong snyed kyis bcom ldan 'das la yongs su
150a1 bstod do/ /de ltar sangs rgyas la bstod nas kyang phyogs gcig tu 'khod do/ /de'i tshe mi mjed kyi 'jig rten gyi khams kyang yongs su dag par gyur
150a2 te| ri khrad khrod dang / ri chen po dang / chung du dang / gtsang po dang / chu klung dang / mtshe'u dang / rdzing dang / lteng ka dang / shang shong dang / ngam grog dag med cing / de na
150a3 gnas pa'i sems can rnams kyang 'od kyis snang bar byas pas/ sangs rgyas gang na ba der lhags nas dga' zhing mgu ba'i sems kyis thal mo sbyar ba btud nas mgo bos
150a4 phyag btsal te/ mig mi 'dzum par chags pa'i yid kyis lta zhing 'khod do/ /de nas bcom ldan 'das kyis 'od zer phyir 'dus par mdzad de/ 'od zer de dag gis sku la
150a5 lan bdun bskor nas/ dbu'i spyi gtsug tu nub par gyur to/ /de ltar gyur pa kun dga' bos mthong nas/ 'khor mang po thams cad the tshom skyes par sems kyis rab tu
150a6 shes pas de bzhin gshegs pa'i mdzad pa thabs mkhas pa mngon par bstan pa dang / phyis ma 'ongs pa'i skye bo dag gi shes rab kyi mig dbye ba dang / so so'i skye bo
150a7 thams cad sred pa'i chu klung las brgal zhing pha rol tu phyin pas bde ba la dgod pa dang / so so'i skye bo dag la pha ma dang / slob dpon dang / bla ma'i drin lci ba dran zhing
150b1 shes par bya ba'i phyir stan las langs nas/ gos tshags su bcos nas bla gos phyogs gcig tu byas te/ pus mo g.yas pa'i lha nga sa la btsugs nas thal mo sbyar ba btud de/
150b2 bcom ldan 'das la 'di skad ces gsol to/ /btsun pa bcom ldan 'das/ bdag kun dga' bos sangs rgyas kyi zham 'bring na mchis nas 'dzum pa mdzad pa mthong ste/ 'di la
150b3 nges par dgongs pa ni mnga' na 'khor mang po'i the tshom gyi dra ba bcad pa'i slad du bcom ldan 'das kyis bstan du gsol/ sangs rgyas kyis bshad du gsol/ thabs mkhas pa
150b4 chen po sangs rgyas drin lan bsab pa'i mdo las/ gleng gzhi'i le'u zhes bya ba ste dang po'o// //de'i tshe de'i dus na 'khor mang po 'dus pa der rin po che sna bdun las
150b5 byas pa'i pad+mo'i sdong po dngul las byas/ 'dab ma ni gser las byas/ gzhi ni rin po che shel las byas pa/ mu tig gi dra bas kun tu brgyan pa gcig sa de nyid nas byung bar gyur
150b6 to| |de nas bcom ldan 'das shAkya thub pa bzhugs pa las bzhengs nas/ pad po de la skyil mo krung bcas nas bzhugs so/ /de la bzhugs ma thag tu yongs su dag pa'i sku mngon
150b7 par bstan to/ /sku de las lam rgyud lnga'i lus kyi tshogs bstan/ lus kyi tshogs re re la yang gzugs tha dad pa rnam pa khri brgya stong snyed bstan to/ /gzugs rnam pa de re re la
151a1 yang sku'i tshogs sku'i tshogs brgya stong snyed bstan/ sku'i tshogs de dag re re la yang gang+gA'i klung bzhi'i phye ma snyed kyi sku'i tshogs snyed bstan to/ /gang+gA'i klung bzhi'i
151a2 bye ma snyed kyi sku'i tshogs de dag re re la yang gling bzhi'i rdul phra rab snyed kyi sku'i tshogs bstan/ /rdul phra rab nyid kyi sku'i tshogs de dag re re la yang stong gsum gyi stong chen po'i
151a3 'jig rten gyi khams kyi rdul phra rab snyed kyi sku'i tshogs bstan to/ /rdul phra rab nyid kyi sku'i tshogs de dag re re la yang phyogs bcur phyogs re rer yang sangs rgyas kyi zhing bye ba
151a4 khrag khrig brgya stong gi rdul phra rab kyi sku'i tshogs bstan nas/ nam mkha' dbyings kyis klas pa/ chos kyi dbyings dang mnyam pa/ bsam gyis mi khyab pa snyed kyi sems can
151a5 gyi lus kyi tshogs mngon par bstan to/ /de'i tshe de bzhin gshegs pas de snyed kyi lus kyi tshogs mngon par bstan nas/ kun dga' bo dang / phyogs bcu nas 'dus shing tshogs
151a6 pa'i byang chub sems dpa' sems dpa' chen po rnams dang / 'khor mang po rnams la 'di skad ces bka' stsal to/ /rigs kyi bu dag /deng de bzhin gshegs
151a7 pas thams cad mkhyen pa'i ye shes kyis yang dag pa'i tshig gang yin pa de bka' stsal bar bya'o/ /chos la tshig tu bzod pa med mod kyi/ de bzhin gshegs pas thabs
151b1 mkhas pa'i dbang gis mtshan ma dang / ming med pa'i chos la ming dang / mtshan mar bstan par bya'o/ /'di lta ste/ de bzhin gshegs pa ni thog mar skyes shing 'khor bar 'khor ba'i
151b2 tshe| bsam gyis mi khyab pa'i rdul phra rab snyed kyi lus kyi tshogs rnam pa tha dad pa de dag thams cad rdzogs par myong ste/ de ltar lus kyi tshogs de dag kun myong bas na/ sems can
151b3 thams cad kyang de bzhin gshegs pa'i pha mar ma gyur pa med/ de bzhin gshegs pas kyang sems can gyi pha mar ma gyur pa med de/ pha mar gyur pa thams cad kyi phyir rgyun du shin
151b4 tu spyad dka' ba yang spyad/ shin tu gtang dka' ba'i yan lag gi dam pa mgo dang / mig dang / klad rgyas dang / yul dang / grong khyer dang / chung ma dang / bu pho dang / bu mo dang /
151b5 ban glang dang / rta dang / rin po che sna bdun gyi shing rta dang / theg pa dang / gos dang / zas dang / skom dang / mal cha dang / nad kyi rkyen rtsi dang / dgos pa'i yo byad thams cad
151b6 gang yang ma btang ba med do/ /shin tu 'bad pa'i brtson 'grus kyis tshul khrims bsrungs pa dang / sbyin pa byas pa dang / mang du thos pa dang / bsam gtan bsgoms pa dang /
151b7 shes rab spyod pa nas/ spyod pa dka' ba thams cad spyad de/ skyo ba dang / ngal ba med cing rgyun mi 'chad par brtson 'grus su 'bad pa yang pha ma la sri zhu bya ba dang / drin shes pa
152a1 dang | drin lan bsab pa dang / sems can thams cad myur du bla na med pa yang dag par rdzogs pa'i byang chub la dgod pa dang / de bzhin gshegs
152a2 pa'i sngon gyi smon lam yongs su rdzogs par bya ba dang / de ltar na sems can thams cad la sangs rgyas kyi bka' drin chen po yod par shes par bya ba dang / de bzhin
152a3 gshegs pa'i thugs rje chen pos sems can yongs su mi gtong ba dang / rtag par shin tu thabs mkhas pas khams gsum pa'i srid pa nyi shu rtsa lngar gnas pa'i
152a4 sems can thams cad la bskal pa bsam gyis mi khyab pa'i bar du mnyam snyoms pa'i byams pa bsgoms shing / btang snyoms dang ldan pa'i thabs mkhas pas
152a5 spyod de/ sems can thams cad stong pa nyid du rtogs pa dang / chos stong pa nyid dang / phung po lnga stong pa nyid du rtogs shing phyir mi nur ba dang / mi 'bying ba dang / mi
152a6 rgod pa stong pa nyid du yang dag pa'i mtshan nyid la thabs mkhas pas bsgom par bya ba dang / theg pa gsum mi spong zhing chub par slob pa'i thabs la mkhas pas shin
152a7 tu zab mo'i spyod yul dam pa spyad pa la thabs mkhas bar bya ba'i phyir/ chos kyi mtshan nyid la shin tu gsal bar rtogs te/ sangs rgyas kyi chos rnams thog ma dang /
152b1 tha ma'i bar du gcig ma yin par rtogs shing chud kyang / so so'i skye bo dag ni myos shing bslad pas/ gdung ba gsum gyis yongs su gdungs te/ sdug bsngal gyi rgya mtshor nub
152b2 par gyur to/ /phyin ci log bzhis bsgribs pas zag pa dang bcas pa'i chos la phyin ci log tu gyur to/ /mi bden par kun tu rtog pas bdag med pa la bdag tu lta/ mi rtag pa
152b3 la rtag par lta/ mi bde ba la bde bar lta/ mi gtsang ba la gtsang bar lta zhing / skye ba dang / rga ba dang / na ba dang / 'chi bas gzir te/ skad cig tu mi rtag pas sgrib pa lnga
152b4 dang | kun nas glag pa bcus kun tu glags te/ srid pa gsum du 'khor zhing skye shi thog ma dang / tha ma med pa myong bar gyur to/ /de bas na de bzhin gshegs pas ci dang / cir
152b5 'phrod pa bzhin sde snod gsum dang / mdo sde dgu nas mdo sde bcu gnyis kyi bar du rnam par phye zhing bstan to/ /so so'i 'dod pa bzhin mdo sde mang po gsungs so/ /tshig la chags
152b6 pa kha cig bdag ni 'di kho nas chog ste/ mya ngan las 'das pa thob ces 'dzin pa yang yod do/ /de yang de bzhin gshegs pa'i sngon gyi thugs rje chen po'i smon lam gyi shugs kyis
152b7 phyogs bcu'i 'jig rten gyi khams na las mthun pa thams cad bsdus so/ /de ltar las mthun pa kun 'dus pa 'khor mang po'i dkyil 'khor 'dir dam pa'i chos mdo sde gsungs
153a1 par dgongs te/ gzugs brnyan gyi chos nam du yang rgyun mi 'chad cing / so so'i skye bo thams cad bde ba chen po thob par mdzad do/ /de bas na de
153a2 bzhin gshegs pa 'dul zhing ston pa yang dus las mi yol bar gshegs/ dus las mi yol bar mya ngan las 'da'o/ /'jig rten gyi khams kha cig tu de bzhin gshegs
153a3 pa rnam par snang mdzad ces bya ba/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul
153a4 ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das zhes grags so/ /skabs kha cig tu ni dga' ldan gnas su gshegs nas lha rnams kyi ston pa
153a5 mdzad do/ /skabs kha cig tu ni dga' ldan gnas nas babs te/ 'dzam bu'i gling du sku tshe lo brgyad cur bzhugs par yang ston to/ /de bas na de bzhin gshegs pa ni
153a6 bsam gyis mi khyab bo/ /'jig rten gyi khams kyang bsam gyis mi khyab bo/ /las kyi rnam par smin pa yang bsam gyis mi khyab bo/ /sems can gyi bsam pa yang bsam gyis mi khyab bo/
153a7 bsam gtan gyi ting nge 'dzin yang bsam gyis mi khyab bo/ /klu'i mthu yang bsam gyis mi khyab bo/ /'di ni sangs rgyas bsam gyis mi khyab pa ste/ sems can thams cad
153b1 kyis sangs rgyas kyi thugs la dgongs pa shes par 'dod na/ sems can dbang po zhan pa tha ma'i bar du yang kun shes par mdzad do/ /sems can thams cad las gang yang sangs
153b2 rgyas mthong bar 'dod na/ de ma thag tu mthong bar mdzad do/ /gal te mthong bar mi mdzad na/ mig sngar bab kyang mi mthong ngo / /de bas na nyan thos dang / rang sangs rgyas dag lha'i
153b3 mig gi mngon par shes pa yod kyang mthong bar mi nus so/ /de ma yin pa/ gzhan yang / sangs rgyas kyis 'od zer chen po bskyed nas/ srid pa'i rtse mo man chad mtshams med pa'i
153b4 sems can dmyal ba yan chad snang bar mdzad kyang gang 'dul ba'i skal ba dang ldan pas ni mthong bar 'gyur/ gang skal ba dang mi ldan pas ni mig sngar bab kyang mi mthong ngo / /
153b5 de bzhin gshegs pa skabs kha cig tu ni ched du skul ba mdzad/ skabs cig tu ni cang mi gsung bas na/ sangs rgyas bcom ldan 'das ni bsam gyis mi khyab ste/ shin tu dpag
153b6 par dka' ba/ shin tu shes shing rtogs par dka' na/ ji ltar khyod kyis de bzhin gshegs pa la spyod pa dka' ba shin tu zab mo dri ba spobs par gyur/ khyod kyis zhus pa
153b7 'di ni yang dag par sems can thams cad la byams shing snying brtse ba yin te/ ngan 'gro gsum gyi lam bkag nas/ lha dang / mi'i lam btod pa yin no/ /kun dga' bo/
154a1 ngas da khyod la pha ma la sri zhu bya ba'i spyad dka' ba mdo tsam zhig bstan par bya yi/ legs par nyon la yid la zungs shig /de nas bcom
154a2 ldan 'das kyis kun dga' bo dang / byang chub sems dpa' sems dpa' chen po rnams dang / 'khor mang po rnams la 'di skad ces bka' stsal to/ /sngon byung ba bskal ba
154a3 tshad med pa mtha' yas grangs med pa 'das pa'i pha rol na/ yul wA ra NA sir sangs rgyas rnam par gzigs zhes bya ba'i de bzhin gshegs pa/ dgra bcom pa/ yang dag par
154a4 rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/
154a5 'jig rten gyi gtso bo/ lha dang / mi'i ston pa 'jig rten du byung ngo / /sangs rgyas de'i sku tshe'i tshad kyang bskal pa chung ngu nyi shur bzhugs so/ /dam pa'i chos kyang bskal pa
154a6 chung ngu nyi shur gnas so/ /gzugs brnyan gyi chos kyang bskal pa chung ngu nyi shur gnas so/ /gzugs brnyan gyi chos la spyod pa'i tshe/ mi'i rgyal po rA dza zhes bya ba 'jig
154a7 rten du byung ste/ yul wA ra NA si la dbang sgyur ro/ /rgyal po de la btsun mo ni nyi khri yod/ blon po ni bzhi stong snyed yod do/ /bal gyi glang po che yang lnga brgya yod/ rgyal
154b1 phran drug cu la dbang / grong khyer brgyad brgya zhig yod/ rgyal po de la bu gsum yod de/ gsum char yang rgyal phran re re byed do/ /de'i tshe de'i dus na yul wA ra NA si'i rgyal po
154b2 de mkhas shing shes rab dang ldan te/ rtag tu yang drang ba'i chos kyis yul gyi srid 'dzin pas/ gang yang gtams las chad ces bya ba med do/ /rgyal po'i bsod nams dang / yon
154b3 tan gyi mthus char chu dus las mi yol te/ lo tog rgyun du legs pas de na gnas pa'i mi rnams kyang bde skyid do/ /de'i tshe na wA ra NA si'i rgyal po de la blon po nag po sgra
154b4 gcan zhes bya ba zhig yod do/ /blon po sgra gcan rgyal po la 'khus nas/ dmag rnam bzhi bshams pa la/ 'di lta ste/ ban glang gi tshogs dang / shing rta'i tshogs dang / rta'i
154b5 tshogs dang / dpung bu chung gi tshogs bshams nas/ wA ra NA si'i rgyal po la brgal nas rgyal po'i srog bcad do/ /de ltar rgyal po bsad nas kyang dmag gi tshogs rnam pa
154b6 bzhi bkye nas/ mtha'i rgyal phran rgyal bu rab kyang bsad do/ /de nas rgyal bu 'bring po yang phab nas/ mtha'i rgyal phran rgyal bu tha chung gi thog tu dmag drang bar bshams so/ /
154b7 rgyal bu tha chung de ngo mtshar du gzugs byad bzang la 'phags par mdzes shing rang bzhin gyis dge ba/ dul ba/ 'dzum zhing smra ba/ smra'o cog kyang phan pa'i don tu smra zhing
155a1 'gyur gyi gnod pa med pa/ rtag tu drang po'i chos kyis yul gyi srid 'dzin te/ log pas mi 'tsho bas yul mi rnams kyang bde skyid la dar ba/ longs
155a2 spyod dang nor ni rin po cher ldan pa/ bang mdzod gang ba/ rgyal po de'i yon tan la kun gyis bsngags shing bstod pa/ bar snang gi lha dang / 'jig rten gyi lha thams cad kyis
155a3 kyang dga' zhing bkur ba/ de'i tshe na rgyal po de la rgyal bu su sha de ba zhes bya ba gcig pu zhig yod de/ shin tu yid gzhungs shing gsal ba/ byams pa'i sems dang ldan
155a4 pa| sbyin pa la dga' ba/ lus kyi mdog gser du 'dug pa/ gnas bdun mnyam par gang ba/ skyes bu'i mtshan rdzogs par ldan pa/ lo bdun lon pa zhig yod pa de
155a5 la yab rgyal po yang shin tu byams shing sdug par sems so/ /de'i tshe na pho brang srung ba'i lha zhig rgyal po de la 'di skad ces smras so/ /rgyal po/ mkhyen tam/ blon po sgra
155a6 gcan 'khus nas yul srid phrogs te/ rgyal po yab kyang dkrongs/ dmag gi tshogs bzhi yang bkye nas/ rgyal po gcen gnyis kyang srog gi dbang po dang phral te/ dmag
155a7 gi tshogs rnams ring po mi thogs par 'dir phyin na/ rgyal po ci'i phyir srog bskyabs shing gud du mi 'gro /de'i tshe na rgyal po des de skad ces smras pa thos nas/ lus kyi
155b1 ba spu kun zing zhes byed de/ lus kyang 'dar nas yi mug cing mya ngan gyis sems gdungs te/ sa la 'gre zhing brgyal bar gyur nas ring zhig lon pa dang cung zad sangs te/ dal gyis
155b2 nam mkha'i lha la 'di skad ces smras so/ /'di ltar smra ba'i skad ni yod la gzugs ni mi snang ba khyod ci yin/ smras pa'i tshig 'di yang dag par bden nam/ lhas smras pa/ bdag
155b3 ni rgyal po'i pho brang srung ba'i lha yin te/ rgyal po khyod shes pa dang ldan zhing bsod nams dang yon tan bcas pas drang po'i chos kyi yul srid 'dzin te/ de bas na bdag gis
155b4 sngar smras pa yin te/ sdug bsngal gyis nyon mongs par ma gyur par myur du byol zhing 'gro ba'i rigs so/ /de nas rgyal po de pho brang du zhugs nas/ da ni bdag yul gzhan zhig
155b5 tu 'gro dgos so snyam du bsams so/ /yang 'di snyam du bsams so/ /yul pha rol tu 'gro ba'i lam gnyis yod do/ /lam nye bar zhugs na ni zhag bdun gyis pha rol tu phyin
155b6 par 'gyur/ lam ring por zhugs na ni zhag bcu bzhis phyin par 'gyur bas/ ci nas lam nye bar 'gro'o snyam bsams nas/ zhag bdun gyi rgyags dang chas te pho brang gi phyi rol
155b7 tu phyin pa dang / phyir pho brang gi nang du log nas/ rgyal bu su sha de ba pang du blangs te/ mig mi 'dzum par lta zhing dngangs pa ltar langs nas phyir yang 'dug go /de'i tshe na
156a1 btsun mos de ltar mi bde zhing skrag pa ltar gyur pa mthong nas/ rgyal po la 'di skad ces gsol to/ /rgyal po chen po/ ci'i slad du 'jigs shing
156a2 skrag pa lta bu'i gzugs ston cing sku la yang rdul gyis gos pa lta bu skra yang 'dzings te/ dbugs kyang mi bde ste yul stor la thug pa'am/ mdza' sdug pa dang bye ba'am /
156a3 dgra sdang ba dang phrad pa lta bu dang / bkra mi shis pa'i mtshan ma dag gda' ba 'di ci lags bstan du gsol/ rgyal po smras pa/ kho bo ci nyes pa khyod kyis shes pa ma
156a4 yin gyi/ ma smra zhig /btsun mos gsol ba/ bdag dang / rgyal por lus gzugs gnyis kyang sems gcig ste/ dper na/ bya'i 'dab ma gnyis sam/ lus kyi rkang pa
156a5 gnyis sam/ mgo'i mig gnyis sam/ de dang 'dra na ci'i slad du bdag la gsang ste mi gsung / rgyal pos btsun mo la smras pa/ khyod mi shes sam/ blon po sgra gcan
156a6 ngan sems skyes nas/ rgyal po la 'khus te/ yab rgyal po yang dkrongs te/ gcen rgyal bu gnyis kyi srog gi bar chad byas nas/ da lta dmag dang chas te nga la rgol du 'ongs
156a7 pas kho bo yul gzhan du 'byol du 'gro zhes smras nas/ rgyal bu dge don bang du blangs te lam du zhugs so/ /de nas btsun mo yang rgyal po'i phyir 'brangs te song ngo / /de'i
156b1 tshe rgyal po mya ngan gyis non te yid 'khrugs nas/ zhag bcu bzhi'i lam du zhugs pas lam yang nor te/ lam de yang bgrod dka' zhing rtswa yang rtsub pa chu tsam yang med de/ zhag du
156b2 ma zhig song song ba las rgyags kyang chad do/ /thog ma gsang ste rgyal po gcig pu 'gro bar byas nas/ zhag bdun gyi rgyags las kyang ma brdzangs pa las lam yang nor/ mi
156b3 gsum gyis kyang zos te/ zhag bcu bzhi'i lam du zhugs pas da dung lam ring zhig yod pa las/ rgyags kyang chad nas de'i tshe rgyal po dang btsun mos skad phyung nas ngus so/ /
156b4 kyi hud/ kyi hud re sdug /thog ma btsas nas da tsam gyi bar du 'di 'dra ba ma myong ba da 'dir myong bar gyur te/ da 'dir sdug cing phongs so zhes zer te lag pas mgo la
156b5 brdabs so/ /sa la 'gre zhing lus la rdul gyis gos nas/ tshig 'di skad du smre sngags 'don to/ /bdag cag gis tshe snga ma la sdig pa mi dge ba'i las ci zhig byas/ 'on
156b6 te pha ma dang / dgra bcom pa bsad dam/ 'on te dam pa'i chos la skur pa btab bam/ 'on te mthun pa'i dge 'dun gyi dbyen bgyis sam/ 'on te rngon pa dang / nya pa byas
156b7 sam| 'on te srang dang / pre bcos te pha rol la phrog rlom byas sam/ 'on te dge 'dun gyi nor la spyod spyod dam/ ci byas na 'di 'dra ba'i sdug bsngal myong bar gyur cig gu /
157a1 de skad smra zhing cung zad bstir ni dgras slebs na/ srog gi bar chad nges par 'byung / lam du zhugs nas 'gror ni bkres pa dang / skom pas nyen
157a2 nas srog la bab tu cha'o/ /rgyal po dang / btsun mo de lta bu'i sdug bsngal gyis nyen te skad phyung ste dus pa dang / sa la 'gyel nas brgyal bar gyur to/ /de nas ring zhig lon pa
157a3 dang sangs nas 'di snyam du/ gsum char lhan cig tu 'di kho nar 'chi bar 'gyur gyi/ btsun mo bsad la bdag dang / bu'i srog thar bar bya'o snyam bsams nas/ ral
157a4 gri phyung ste btsun mo gsad par bshams pa dang / rgyal bu dge don gyis rgyal po'i lag pa nas bzung ste/ da ltar ci zhig mdzad dgongs zhes gsol to/ /yab rgyal pos
157a5 mig nas mchi mas gang bzhin du rgyal bu la 'di skad ces smras so/ /khyod kyi ma btsun mo dam pa bsad la khyod kyis srog gso snyam mo/ /gal te ma bsad kyang rang 'chi bar
157a6 'gyur te/ kho bo ni 'chi'am/ gson yang rung na/ bu khyod kyi srog gso ba'i phyir/ khyod kyi ma btsun mo dam pa bsad snyam mo/ /de nas rgyal bu dge don gyis yab rgyal po
157a7 la 'di skad ces gsol to/ /gal te btsun mo bsad par gyur na/ de'i sha la bdag mi 'tshal te/ gang na yang ma'i sha la bu za ba mi srid pas/ bdag kyang 'chi bar 'gyur
157b1 na| yab rgyal po ci'i slad du bdag bkum ste pha ma'i srog thar par mi mdzad/ yab rgyal pos de skad smras pa thos nas/ mod la khams te 'gyel nas sa la 'gre zhing rgyal bu la
157b2 'di skad ces smras so/ /khyod kho po'i mig dang 'dra na su zhig rang gi mig phyung ste za bar byed/ kho bo ni shi yang sla bas bu mi gsod do/ /bu bsad de sha za mi nus so/ /de nas rgyal bu
157b3 dge don gyis yang yab rgyal po la 'di skad ces gsol to/ /gal te yab yum gyis bdag bkum na sha khrag kyang ring po mi thogs par rul sums nas dgongs pa ma mchis par
157b4 'gyur te/ bdag gi gsol pa gcig cig ma gnang na byams pa'i yab yum ma lags pas/ bdag gi yid dang mi 'gal bar mdzad du gsol/ de nas yab rgyal pos sras rgyal
157b5 bu la khyod kyi yid dang mi 'gal bar bya bas/ ci gsol ba rnams myur du smros shig ces bsgo ba dang / rgyal bu dge don gyis yab rgyal po la 'di skad ces gsol to/ /yab yum
157b6 gyis bdag la thugs brtse ba'i slad du nyin re zhing bdag gi lus las sha rgya ma gsum gsum bcad de/ cha gnyis ni yab yum la dbul/ gcig ni bdag rang 'tshal na/
157b7 lus srog gi zungs su 'gyur ro/ /de nas rgyal pos kyang rgyal bus gsol ba bzhin du gnang nas/ nyin gcig bzhin sha rgya ma gsum gsum bcad de/ cha gsum du bgos nas/
158a1 cha gnyis ni rgyal po dang / btsun mo za/ cha gcig ni rgyal bu rang za ste/ lus dang srog gi zungs byas nas/ lam du zhugs te song song ba las zhag gnyis
158a2 kyis yul pha rol ma slebs par rgyal bu'i lus kyi sha zad de/ rus pa'i tshigs dang / chu ba tsam zhig 'brel te/ srog gi lhag ma tsam zhig lus nas sa la 'gyel to/ /de nas
158a3 rgyal po dang / btsun mos rgyal bu pang du blangs nas/ skad chen po phyung nas cho nges chen po btab ste/ 'di skad ces smras so/ /nged gnyis kyis ma rig pas khyod kyi sha zos te/ khyod
158a4 'di lta bu'i na tsha'i sdug bsngal myong bar gyur la/ lam yang da dung ring bas khyod kyis lus kyi sha ni zad de| da ni lhan cig tu gnas 'dir ro bzhag go /de nas rgyal bu
158a5 dge don gyis skad chung dus yab rgyal po la 'di skad ces gsol to/ /da ni 'di nas pha rol du zhag gcig tsam gyis lam las ma lus te/ bdag ni g.yo zhing bskyod mi nus
158a6 pas srog 'dir 'dor ro/ /rgyal po dang / btsun mo ni mi ma rabs ngan pa ltar lhan cig tu gnas 'dir ro gzhag go ma gsungs shig /bdag la byams shing thugs brtse bar
158a7 dgongs na bdag gis bsams pa dang mi 'gal bar mdzad du gsol/ da dung yang bdag gis rus pa'i gseb na sha ci yod pa ma lus par gtogs la yul pha rol tu
158b1 gshegs su gsol/ de nas rgyal pos yang rgyal bus gsol pa bzhin du tshigs dang / rus pa'i gseb na sha ci yod pa zad par btogs nas cha gsum du bgos te/ cha gnyis ni rgyal
158b2 po dang / btsun mos zos/ cha gcig ni rgyal bu rang gis zos te/ rgyal po dang / btsun mo yang lam du zhugs nas dong ngo / /rgyal bu dge don langs nas 'greng bzhin rgyal po dang
158b3 btsun mo song ba la lta'o/ /rgyal po dang / btsun mo gnyis skad chung nas ngu bzhin song nas/ rgyal bu dge don gyi mig gis mi song kyi bar du rgyal po dang / btsun mo la chags pa'i sems
158b4 kyis mig mi 'dzum par lta lta nas ring zhig lon pa dang / phyir sa la 'gyel to/ /sha dang / khrag gi dri bro pas phyogs bcu nas sbrang ma dang / sha sbrang mang po 'dus nas/ rgyal bu
158b5 yo ga pa tsam du lus la za zhing 'jus te/ sdug bsngal gyis gdungs so/ /de'i tshe na rgyal bu de srog gi lhag ma tsam zhig ma chad de/ skad phyung nas 'di skad ces smon lam du
158b6 btab bo/ /bdag gi sngon gyi mi dge ba'i las rnams ni 'dis byang zhing zad par gyur cig /deng slan chad mi bgyid do/ /bdag gi lus pha ma la phul te/ sbyin pa byas pas
158b7 bdag gi pha ma snga ma bas lhag pa'i bsod nams bcu gcig dang ldan te/ bde bar nyal ba dang / bde bar sad pa dang / rmi lam ngan pa mi rmi ba dang / lhas bsrung ba dang /
159a1 mis bkur ba dang / zhal mchu dang / rkun po dang / dgra dang / rku lto byed pa med cing / dus thams cad du bkra shis par shog cig /bdag gi
159a2 lus lhag ma tsam sha khrag sbrang ma la byin pas thams cad du 'drangs shing tshim par gyur te/ bdag ma 'ongs pa'i dus na sangs rgyas su grub par shog cig /sangs
159a3 rgyas su grub nas chos kyi sku thob nas kyang chos kyi skus thams cad kyis bkres skom pa'i mu ge dang / skye shir 'khor ba'i nad lci ba sel bar shog cig /rgyal bus de
159a4 skad smon lam btab pa na/ gnam sa yang rnam pa drug tu g.yos/ nyi ma yang 'od mi gsal bar gyur/ gcan gzan dang / ri dwags rnams kyang skrag nas kun tu rgyug /rgya
159a5 mtsho yang rab tu 'khrugs/ ri rab kyang 'gul zhing ldeg /sum cu rtsa gsum gnam gyi bar du yang rab tu g.yas so/ /de'i tshe brgya byin lha'i dbang pos 'dod pa'i khams
159a6 kyi lha dag dang / 'dzam bu'i gling dag tu babs nas/ rgyal bu dge don bsdigs pa'i phyir/ seng ge dang / stag dang / 'phar sbyang las sogs pa'i lus su sprul nas mig
159a7 bsgrad/ kha gdangs/ spu bsgreng nas skad chen po'i nga ro phyung ste/ rgyal bu la mchong ba bzhin bsdigs so/ /de'i tshe rgyal bu dge don gyis gcan gzan khro bo de dag mthong
159b1 nas kyang skad mi che bas 'di skad ces smras so/ /khyed rnams kho bo za 'dod na ci bder zo zhig /'di 'dra ba'i mthu rtsal gyis bsdigs ci dgos zhes bsgo'o/ /de nas brgya byin
159b2 lha'i dbang pos smras pa/ bdag cag ni seng ge'am/ gcan gzan ma yin te/ brgya byin lha'i dbang po yin te/ khyod bgam zhing sad du 'ongs so/ /de'i tshe rgyal bus brgya byin
159b3 lha'i dbang po mthong nas shin tu dga' mgu rangs par yang gyur to/ /de nas brgya byin gyis rgyal bu la smras pa/ khyod kyis shin tu gtong dka' ba btang ste lus kyi sha khrag gis
159b4 pha ma la bstabs pa 'di'i bsod nams kyis khyod bdud kyi rgyal po 'dod dam/ 'on te tshangs pa'i rgyal po 'dod dam/ lha'i dbang po'am/ mi'i rgyal po'am/ 'khor los bsgyur
159b5 ba'i rgyal po 'dod/ rgyal bus smras pa/ bdag ni bdud kyi rgyal po'am/ tshangs pa'am/ lha'i rgyal po'am/ mi'i rgyal po'am/ 'khor los bsgyur ba'i rgyal po gang yang mi
159b6 'dod de/ sems can thams cad rnam par grol bar bya ba'i phyir/ bla na med pa yang dag par rdzogs pa'i byang chub 'dod do/ /brgya byin gyis smras pa/ khyod ni shin tu yang gti
159b7 mug can zhig yin pa 'dra/ bla na med pa yang dag par rdzogs pa'i byang chub ni yun ring po nas shin tu dga' pas bsgrubs pas gzod 'grub ce'o/ /khyod kyis shin tu sdug
160a1 bsngal ba bzod dam/ rgyal bus smras pa/ gal te lcags kyi 'khor lo 'bar ba bdag gi spyi bo'i steng na rgyun du 'khor yang sdug bsngal de tsam gyis
160a2 bdag bla na med pa yang dag par rdzogs pa'i byang chub las phyir mi ldog go /brgya byin gyis smras pa/ khyod kyis smras pa stong pa 'di la su zhig yid ches par 'gyur/ de nas
160a3 rgyal bus dam bcas nas smon lam 'di skad ces btab bo/ /gal te bdag gi smra ba'i chig rdzun te lha'i dbang po bslus par gyur na/ bdag gi lus kyi rma 'di nam du yang
160a4 'tsho bar ma gyur cig /gal te smra ba'i tshig bden na bdag gi lus kyang sor chud cing khrag kyang 'o mar gyur cig ces smras ma thag tu/ lus kyi rma yang snga mkho bzhin sor chud
160a5 de| khrag kyang 'o mar gyur nas rgyal bu'i byad gzugs kyang snga ma bas lhag par bzang zhing sdug pa dang / mdzes par gyur te/ langs nas lha'i dbang po'i rkang pa la mgo bos
160a6 phyag byas so/ /de nas lha'i dbang po brgya byin gyis rgyal bu khyod legs so/ /shin tu legs so/ /shin tu dpa' ba'i brtson 'grus kyis gdon mi za bar bla na med pa yang dag
160a7 par rdzogs pa'i byang chub thob par 'gyur ro/ /ring por mi thogs par bla na med pa yang dag par rdzogs pa'i byang chub thob pa na/ thog mar bdag gis don mdzad par gyur
160b1 cig ces smras nas/ brgya byin lha'i dbang po yang nam mkha'i phyogs de nyid du mi snang bar gyur to/ /de'i tshe rgyal po dang / btsun mo yang rgyal po pha rol po de'i drung du phyin nas/ rgyal po des kyang rgyang
160b2 ma nas bsu nas/ dgos pa'i yo byad yid bzhin du sbyar ro/ /de'i tshe rgyal po dang / btsun mo des rgyal bus lus kyi sha khrag gis pha ma la ji ltar bstabs pa rgyal po de la zhib tu brjod
160b3 pa dang / rgyal po des ji ltar brjod pa de dag thos nas/ rgyal bu des lus gyi sha khrag gis pha ma la bstabs pas sri zhu cher byas pa'i drin lan bsabs nas dmag rnam bzhi
160b4 bshams nas/ rgyal po de dang yul wA ra NA sir dmag drangs so/ /de'i tshe rgyal po de dmag rnam bzhi dang chas nas lam du zhugs te/ rgyal bu dang bral ba'i gnas su phyin pa
160b5 dang | 'di snyam du bdag gi bu ni gdon mi za bar 'di nyid du shi na/ bu'i rus ba tsam bsdus te phyir bdag gi yul du bkur ro snyam du bsams nas/ skad phyung nas ngu zhing bu'i
160b6 rus bu sdud du song song ba la/ rgyang ma nas bdag gi bu lus kyi rma yang sos nas/ sngar bas kyang bzang zhing mdzes te drung du 'ongs so/ /de nas rgyal pos pang du blangs te/ khyod
160b7 da dung gson nam zhes smras pa dang / rgyal bus ji ltar gyur pa yab rgyal po dang / btsun mo la smras so/ /rgyal po dang / btsun mo rab tu dga' ste/ thams cad ban glang la zhon
161a1 nas| phyir bdag gi yul du phyin pa dang / rgyal bu de'i bsod nams kyi mthus bdag gi yul yang phyir thob nas/ rgyal bu don grub rgyal
161a2 por dbang bskur te rgyal por bcug go /bcom ldan 'das kyi kun dga' bo la bka' stsal pa/ de'i tshe de'i dus na yab rgyal por gyur pa de gzhan yin snyam du khyod sems
161a3 na| de de ltar mi blta'o/ /de ci'i phyir zhe na/ de'i tshe de'i dus na yab rgyal po de ni da ltar nga'i yab zas gtsang ma zhes bya bar gyur to/ /de'i tshe de'i dus na yum du gyur pa
161a4 de ni gzhan yin pa snyam du khyod sems na/ de de ltar mi lta'o/ /de ni da ltar nga'i yum lha mdzes zhes bya ba yin no/ /de'i tshe de'i dus na rgyal bu don grub ces bya bar gyur pa de
161a5 gzhan zhig yin snyam du khyod sems na/ de de ltar mi lta'o/ /de'i tshe de'i dus na rgyal bu de ni da ltar shAkya thub pa zhes bya ba nga yin no/ /de'i tshe de'i dus na brgya byin lha'i dbang
161a6 por gyur pa de ni da ltar kun shes kauN+Di n+ya zhes bya ba yin no/ /bcom ldan 'das kyi pha ma la sri zhu byed pa'i le'u 'di bstan pa'i tshe/ 'khor gyi dkyil 'khor de na byang chub
161a7 sems dpa' khri phrag nyi shu snyed kyi 'gro ba thams cad la phan pa dang / bde ba'i don la mkhas pa'i tshig gi spobs pa thob par gyur to/ /byang chub sems dpa' khri phrag bcu
161b1 gnyis kyis mi skye ba'i chos la chos kyi bzod pa thob bo/ /gzhan yang / phyogs bcu nas 'dus pa'i nyan thos dang / rang sangs rgyas dang / rdul phra rab snyed kyis theg pa gnyis kyi sems
161b2 spangs te/ theg pa gcig gis mthar phyin par gyur to/ /dge bsnyen dang / dge bsnyen ma rdul phra rab snyed kyis 'bras bu dang po nas/ theg pa gnyis kyi 'bras bu'i bar du thob par
161b3 gyur to/ /lha dang / mi brgya stong snyed ni bla na med pa yang dag par rdzogs pa'i byang chub tu sems bskyed do/ /de ma yin pa lha dang / klu dang / yi dwags dang / lha ma yin dang / dri za
161b4 dang | nam mkha' lding dang / mi'am ci dang / lto 'phye chen po dang / mi dang / mi ma lags pa la sogs pa'i tshogs mang po rnams la la ni bla na med pa'i byang chub tu sems
161b5 bskyed pa nas/ nyan thos dang / rang sangs rgyas kyi bar du sems bskyed par gyur to/ /bcom ldan 'das kyis kun dga' bo la bka' stsal pa dang / byang chub sems dpa' dag
161b6 gis sems can thams cad kyi don du pha ma la sri zhu bya ba'i phyir lus kyi sha dang / khrag gis kyang pha ma la bstabs shing / shin tu spyad dka' ba spyod pa ni 'di lta bu yin no/ /'khor
161b7 mang po thams cad kyis sangs rgyas kyis gsungs pa thos nas/ so so nas phan pa dang / bde ba'i don rnyed de/ dga' mgu rangs nas mgo bos phyag btsal te/ g.yas phyogs
162a1 nas bskor ba byas nas phyir dong ngo / /thabs mkhas pa chen po sangs rgyas drin lan bsab pa'i mdo las/ sri zhu'i le'u zhes bya ste gnyis pa'o// //thabs mkhas
162a2 pa chen po sangs rgyas drin lan bsab pa'i mdo/ bam po gnyis pa/ de'i tshe de'i dus na bcom ldan 'das 'khor gyi dkyil 'khor mang po'i nang na/ nyi ma'i dkyil 'khor gyis skar ma mang po zil gyis mnan
162a3 pa lta bu 'am/ klu 'khyil ba'i 'ja' tshon ltar 'tsher zhing gsal ba la lta na mig mi chags pa bzhin nam/ bsam na yid 'phrul ba tsam du 'od zer lham me lhang nger bzhugs te dper
162a4 mi bzod pa ni srin bu me khyer gyis 'od nyi ma shar ma thag tu mi snang pa'am/ nyi zla la 'od zer brgya stong snyed yod kyang brgya byin gyis drung na sol phung lta bu 'am/ brgya byin
162a5 la 'od gsal ba yod kyang / tshangs pa chen po'i 'od zer gyi drung na gyo mo 'am/ gseg ma lta bu 'am/ mtshan mo dang / nor bu rin po che'i 'od du bskrun pa tsam
162a6 mam/ tshangs pa'i rgyal po chen po la 'od zer dam pa brgya stong snyed yod pa'i 'od thams cad kyang / de bzhin gshegs pa'i 'od zer gyi drung na sol ba'i
162a7 phung po ltar gyur to/ /de ci'i phyir zhe na/ de bzhin gshegs pa'i 'od zer gyi mdog gang gis phyogs bcu'i 'jig rten gyi khams kun tu snang bar gyur to/ /
162b1 de dag na gnas pa'i sems can dag la 'od zer des reg na/ dmus long ni mig gis gzugs mthong bar 'gyur/ lus sgur bo ni lus rangs par 'gyur/ dbang po nyams
162b2 pa rnams ni dbang po tshang zhing yan lag dang / nying lag dang ldan par 'gyur ro/ /myos pa rnams ni dran pa phyir rnyed par 'gyur/ mdor na ji tsam du yid du mi 'ong ba thams cad
162b3 dang bral te 'dod pa bzhin thob par 'gyur ro/ /de'i tshe 'khor gyi dkyil 'khor de nyid du byang chub sems dpa' sems dpa' chen po bdun cu snyed stan las langs nas/ sangs
162b4 rgyas kyi zhabs la mgo bos phyag btsal te/ lan brgya stong bskor ba byas nas phyogs gcig tu 'khod de/ thams cad kyis skad mthun par tshigs su bcad pa brgya stong gis
162b5 de bzhin gshegs pa la mngon par bstod pa byas pa la/ 'di lta ste/ byang chub sems dpa' bsam gyis mi khyab pa dang / byang chub sems dpa' rtog med dbyangs dang / byang
162b6 chub sems dpa' bde ba 'ba' zhig sems dang / byang chub sems dpa' dri ma med par grags pa dang / byang chub sems dpa' tshad med dbyings dang / byang chub sems dpa'
162b7 grags pa chen po dang / byang chub sems dpa' gtsug phud 'od dang / byang chub sems dpa' brtan pa'i seng ge dang / byang chub sems dpa' 'ba' zhig rol dang / byang
163a1 chub sems dpa' rtog pa spong ba dang / byang chub sems dpa' ye shes brtsegs dang / byang chub sems dpa' dge gnas blo gros dang / byang
163a2 chub sems dpa' rab tu mtshan med dang / byang chub sems dpa' blo gros 'od zer dang / byang chub sems dpa' khro zhi blo gros dang / byang chub sems dpa' shin tu
163a3 srung 'gyur dang / byang chub sems dpa' dad pa brtson dang / byang chub sems dpa' me tog 'phags dang / byang chub sems dpa' kun tu bde dang / byang chub sems
163a4 dpa' 'phags pa'i shes rab las dang / byang chub sems dpa' ngo 'phral 'chad dang / byang chub sems dpa' bsam du med pa dang / byang chub sems dpa' tshangs
163a5 pa sbyin dang / byang chub sems dpa' rin chen las dang / byang chub sems dpa' lha'i me tog gnas dang / byang chub sems dpa' shin tu sems dang / byang chub
163a6 sems dpa' dpag med chos dang / byang chub sems dpa' grags pa'i yid dang / byang chub sems dpa' spobs pa brtsegs dang / byang chub sems dpa' dbang
163a7 phyug sgo dang / byang chub sems dpa' stobs bcu dang / byang chub sems dpa' stobs bcu 'chang dang / byang chub sems dpa' 'phags pa chen pos skyong dang / byang
163b1 chub sems dpa' 'das pa med pa dang / byang chub sems dpa' zhi ba rol dang / byang chub sems dpa' de na gnas dang / byang chub sems dpa' grangs med lha dang / byang
163b2 chub sems dpa' ri rab 'od dang / byang chub sems dpa' rab tu lci ba'i sdong po dang / byang chub sems dpa' rgyu las 'phags dang / byang chub sems dpa' gcig pu
163b3 'gro dang / byang chub sems dpa' gzi brjid 'phags dang / byang chub sems dpa' sde chen mkhas dang / byang chub sems dpa' ris skyob dang / byang chub sems dpa'
163b4 'jig rten gsum 'dzin dang / byang chub sems dpa' ngo 'phral yod dang / byang chub sems dpa' grags pa brjod dang / byang chub sems dpa' nyi 'od gsal dang /
163b5 byang chub sems dpa' seng ge btsan dang / byang chub sems dpa' dus tshod rgyal po dang / byang chub sems dpa' seng ge'i snying po dang / byang chub sems dpa' srid
163b6 mngon ston dang / byang chub sems dpa' 'od rgyang gsal dang / byang chub sems dpa' seng ge'i ri dang / byang chub sems dpa' srid len byin dang / byang chub sems
163b7 dpa' rgyal ba byin dang / byang chub sems dpa' rgyal mtshan mchog dang / byang chub sems dpa' dga' mgu rangs dang / byang chub sems dpa' brtson 'grus brtan
164a1 dang | byang chub sems dpa' 'gribs med dang / byang chub sems dpa' grags ldan dang / byang chub sems dpa' 'jigs med dang / byang
164a2 chub sems dpa' ma chags dang / byang chub sems dpa' sgron ma chen po dang / byang chub sems dpa' 'jig rten 'od dang / byang chub sems dpa' dam pa'i
164a3 dbyangs dang / byang chub sems dpa' thabs chen stobs dang / byang chub sems dpa' mun nag bsal dang / byang chub sems dpa' mnyam med phyogs la sogs
164a4 pa byang chub sems dpa' de dag thams cad kyis sangs rgyas kyi spyan sngar yi dam 'di skad bcas so/ /bdag cag rnams kyis bcom ldan 'das mya ngan las 'das
164a5 pa'i 'og tu sangs rgyas kyi chos bsrung zhing / phyogs bcu'i 'jig rten gyi khams kun tu rgyas par bgyi zhing rgyun mi 'chad par bgyi'o/ /de ci'i slad du zhe na/ bdag
164a6 cag gis de bzhin gshegs pa'i 'od zer dam pa bsam gyis mi khyab pa mthong nas/ 'od zer de dag las sangs rgyas kyi chos bsam gyis mi khyab pa yang thos par
164a7 'gyur/ chos de dag thos nas sems kyi sgrib pa dang bral te/ kun nas nyon mongs pa thams cad byang nas/ lha'i rin po che gser ltar sems rnam par dag par
164b1 'gyur bas thams cad gsal bar snang bar gyur pa'i phyir ro/ /bdag gis phan pa dang / bde ba'i yon tan 'di lta bu dag dran phas de bzhin gshegs pa la ston pa chen por 'du
164b2 shes skyes so/ /byams pa'i pha ma lta bu'i 'du shes skyes nas/ rtag tu sangs rgyas kyi bka' drin dran te/ sangs rgyas kyi bka' drin shes par bgyid do/ /de ci'i phyir zhe na/ dam pa'i
164b3 chos thos pas ring po mi thogs par byang chub kyi snying po la 'dug cing / dam pa'i chos kyi 'khor lo bskor te/ sems can thams cad sgrol bar 'gyur ro/ /de dag kyang chos
164b4 thos pas bla na med pa yang dag par rdzogs pa'i byang chub thob par 'gyur ba'i phyir ro/ /de nas de bzhin gshegs pas 'khor mang po la 'di skad ces bka' stsal to/ /byang chub
164b5 sems dpa' sems dpa' chen po bdun cu po 'di dag yun ring po nas bskal pa grangs med pa bye ba khrag khrig brgya stong gi rdul phra rab snyed kyi sngon rol na/ sangs rgyas bcom
164b6 ldan 'das gang+gA'i klung gi bye ma snyed kyi 'jig rten gyi khams rdul phra rab snyed la bsnyen bkur byas te/ sangs rgyas de dag las rtag tu tshangs par spyad pa spyod cing / rgyal ba
164b7 de dag la mi skyo ba'i sems kyis mnyes par byas nas/ byams pas bdag gis lus bsrungs te/ sangs rgyas kyi chos 'dzin cing / snying rje chen pos rgyun du phyogs bcur
165a1 thams cad la phan pa dang / bde ba'i don byed do/ /sems can gang zhig tha ma shi kar byang chub sems dpa' de dag la gcig gi ming ngam/ gnyis
165a2 sam| gsum mam/ bzhi nas/ bdun cu'i bar du rdzogs par thos te/ de la srog phyogs skyabs su song na/ tshe 'phos ma thag tu gang na sangs rgyas bzhugs pa'i 'jig rten
165a3 gyi khams su pad mo las rdzus te skye bar 'gyur zhing / 'dod chags dang yongs su bral ba dang / mngal gyi gnas nas mi skye ba dang / mnam zhing btsog pa dang bral bar
165a4 'gyur te/ lus yongs su dag cing / lus dri zhim pa dang / thams cad yid du 'ong zhing bkur sti byed par 'gyur ro/ /kun gyi yid du 'ong zhing bkur sti byas pas sems rab
165a5 tu dga' bar 'gyur ro/ /sems rab tu dga' bas bla na med pa yang dag par rdzogs pa'i byang chub tu sems bskyed par 'gyur ro/ /bla na med pa yang dag par rdzogs pa'i
165a6 byang chub tu sems bskyed pas/ sems can thams cad la byams pa dang / snying rje chen po'i sems bskyed par 'gyur/ de ltar byams pa dang / snying rje'i sems bskyed
165a7 pas 'gro ba ma lus pa la btang snyoms su mi gtong pa'i sems skye bar 'gyur/ gzhan yang / sems can thams cad la phan pa dang / bde bar 'gyur ba'i sems dang /
165b1 bdag dang / gzhan gyi don byed pa'i sems dang / sgrib pa dang / bar chad du 'gyur ba bsal ba'i sems dang / nyon mongs pa zhi bar byed pa'i sems dang / dge ba'i ba shes gnyen
165b2 la bsnyen cing rtag tu bkur sti byed pa'i sems dang / 'dun pa'i yid kyi chos nyan pa'i sems dang / mi brjed par yid la byed cing / don bzang po gzungs su 'dzin pa'i sems
165b3 dang | nyung du thos la don mang du shes pa'i sems dang / mang du thos la don mi shes pa mi 'dod pa'i sems skye bar 'gyur ro/ /de nas yang dag nyid la dad pa'i sems dang /
165b4 de bzhin nyid kyi don bden pa la dad pa'i sems skye bar 'gyur/ yang dag pa'i don bden pa la dad pa'i sems skyes pas ji ltar bstan pa bzhin du rnal 'byor spyod pa'i sems skye
165b5 bar 'gyur ro/ /ji ltar bstan pa bzhin du rnal 'byor spyod pa'i sems skyes pas phyir mi ldog pa'i sems skye bar 'gyur/ de ltar phyir mi ldog pa'i sems skyes pas sems
165b6 can thams cad la mnyam snyoms pa'i gnyen po'i sems skye bar 'gyur ro/ /ji ltar bdag khams gsum pa'i srid pa nyi shu rtsa lngar skye bar mi dga' ba bzhin du gzugs yod
165b7 pa dang / gzugs med pa dang / rkang bzhi dang / rkang mang dang / grog sbur nas srog chags thams cad kyang de dang 'dra ste/ de bas na byang chub sems dpa' ni lus dang / srog
166a1 gi bar du stor yang pha rol po'i srog 'phrog pa'i las mi byed do/ /ji ltar bdag la nor rdzas dang / 'bru dang / gos dang / zas dang / skom
166a2 dang | ban glang dang / shing rta dang / theg pa dang / yul dang / grong khyer dang / chung ma dang / bu dang / lus kyi yan lag gi bar du longs spyod rnams la srung zhing
166a3 rim gro byed do/ /gzhan gyis khyer zhing 'phrog pa la mi dga' ba bzhin du sems can thams cad kyang de dang 'dra ste/ de bas na byang chub sems dpa' ni bdag gi lus
166a4 dang srog stor kyang sems can rnams kyi nor dang / gos dang / zas dang / skom dang / longs spyod la 'phrog pa'i sems mi skyed do/ /ji ltar bdag gi gzugs dam
166a5 pa sring mo'am/ chung ma'am/ slas la gzhan gyis mi rigs par byed mi 'dod pa de bzhin du sems can thams cad kyang de dang 'dra ste/ de bas na byang chub sems dpa'
166a6 ni bdag gi lus dang srog stor kyang / pha rol po'i gzugs dam pa la 'du shes ngan pa log pa'i sems mi skyed na/ mi rigs pa'i chos ngan pa lta ci smos/ ji ltar bdag
166a7 phra ma dang tshig rtsub po 'khrug par 'gyur ba la mi dga' ba bzhin du/ sems can rnams kyang de dang 'dra ste/ de bas na byang chub sems dpa' ni bdag gi lus dang / srog
166b1 yal yang brdzun du smra ba dang / phan tshun 'khrug pa'i tshig mi smra'o/ /ji ltar bdag rdo dbyug gis rdeg pa dang / lcag gis gzhu ba dang / nan la 'bor ba la mi dga' ba bzhin du
166b2 sems can thams cad kyang de dang 'dra ste/ de bas na byang chub sems dpa' ni bdag gi lus dang srog yal yang rdo dbyug dang / lcag dang / chad pas gcad pa'i las kyis sems
166b3 can rnams la mi 'tshe'o/ /ji ltar bdag lcags sgrog dang / khong sgril dang / mtshon cha dang / bzung ba dang / brtags pa dang / bcing bas bcings pa'i gnod pa rnams la mi
166b4 dga' ba bzhin du sems can kun kyang de dang 'dra ste/ de bas na byang chub sems dpa' ni lus dang / srog yal yang lcags sgrog dang / khong sgril dang / bzung ba dang / bcing
166b5 ba la sogs pa'i gnod pas 'tshe bar mi byed do/ /ji ltar bdag gzhan gyis brnyas pa dang / dbang dang / drag shul byed pa dang / dbang rlom btsan byed pa snyems shing ngan du
166b6 byed pa la mi dga' ba bzhin du sems can thams cad kyang de dang 'dra ste/ de bas na byang chub sems dpa' ni bdag gcig pu'i lus dang / srog yal yang / tshul bzhin ma
166b7 yin pa'i mi rigs pas sems can la gnod pa mi byed do/ /ji ltar bdag la pha rol po gzhan gyis bkur sti byed cing mchod dam/ tshig snyan pas bstod na/ bdag bde ba
167a1 ba la dga' ba bzhin du bdag kyang sems can rnams la gos dang / zas dang / skom dang / mal cha dang / nad kyi rkyen rtsi dang / bde ba'i yo byad
167a2 thams cad kyis sbyin par byed do/ /gal te bdag gis las chen po zhig bsgrub bam/ sangs rgyas kyi phyir ram/ chos kyi phyir ram/ dge 'dun gyi phyir ram/ don bsgrub pa
167a3 las blos mi lcogs te/ don bsgrub par ma gyur nas mi dga' zhing mya ngan gyis gdungs pa las mkhas pa blo dang ldan pa zhig gis/ bdag gis bsgrub pa'i don ma
167a4 grub pas mi dga' zhing mya ngan byed par mthong na bdag la 'di skad zer ro/ /rigs kyi bu/ khyod mi dga' ba ma byed cig /khyod kyi don grub pa'i grogs bya ste/ don yid
167a5 bzhin du grub par bya'o zhes zer na/ de la rab tu dga' ba'i sems skye bar 'gyur te/ de bas na bdag gis sems can la phan pa dang / bde ba'i don du bsgrub pa'i las
167a6 kyis grogs bya'o/ /ji ltar bdag la rgyal po dang / rkun po dang / chu'am/ mes gnod par 'gyur ram/ blon po la sogs pas bzung ngam/ btags sam/ bcings
167a7 na mi dga' ba'i mya ngan gyis gdungs par gyur pa las mkhas pa blo dang ldan pa zhig gis bdag de ltar mya ngan gyis gdungs pa mthong na/ snyan pa sgra'i tshig gis bdag
167b1 la khyed mya ngan ma byed cig /khyod kyi phyir kho bos rgyal po'am/ blon po chen po la gsol ba btab ste/ gal te na nor gsug sbyin pa'am/ thabs rnam pa sna tshogs kyis ci nas kyang
167b2 khyod mi bde ba'i sdug bsngal las thar bar bya'o zhes zer na/ bdag gis tshig de thos pa tsam gyis sems dga' bar 'gyur te/ de bas na byang chub sems dpa' ni shes par
167b3 bya ba'i sgyu rtsal dang / bzo'i bar du yang mthar phyin par brtson 'grus su slob bo/ /'di lta ste/ shes par bya ba rig pa'i gnas dang / bzo'i gnas dang / rol mo
167b4 dang | rtsed mo dang / grangs dang / rtsis dang / mig 'phrul gyi sngags dang / sman dang / ban glang dang / rta dang / bzhon pa dang / dgra chos dang / dmag drang ba dang /
167b5 dpyad la sogs pa la mkhas par slob ste/ de ltar sgyu rtsal ci la yang mkhas par bslabs nas/ 'gro ba mang po dang / rgyal po dang / blon po chen po la sogs pa yang
167b6 bsams pa'i yid dang 'gal bar mi byed/ de ma yin pa/ gzhan yang / longs spyod kyi rkyen gos sam/ nor ram/ zas sam/ bza' ba'am/ btung ba'am/ nor bu'am/
167b7 gdu bu'am/ lus kyi rgyan nam/ gser ram/ dngul lam/ bai DUR+ya'am/ byu ru'am/ man shel lam/ spug gam/ mu tig gam/ asma ga b+ho'am/ nor bu rin
168a1 po che'am/ ban glang ngam/ rta'am/ theg pa'am/ bran pho'am/ las byed pa'i mi'am/ chung ma'am/ slas kyang yod/ chu mig gam/ khrus
168a2 kyi rdzing bu'am/ rin po che'i yang tog bzang po'am/ longs spyod kyi yo byad rnam pa sna tshogs yod kyang / byang chub sems dpa' de la rlo ma pa'am/ rgyags pa'i sems
168a3 med do/ /de ltar rgyu rtsal kun la yang mkhas/ rin po che'i bang mdzod brgya stong dang yang ldan/ ban glang dang / rta dang / theg pa yang yod/ na chung bzang mo yang grangs
168a4 med par yod/ yang tog bzang po yang yod/ chu mig dang / khrus kyi rdzing bu la sogs pa 'dod pa'i longs spyod gang yang yod mod kyi/ de la ma chags te rtag tu 'dod
168a5 pa nyung ba dang / chog shes pa la dga' zhing / bas mtha' dgon pa dang / ri dang / tshal dang / shing drung du bsam gtan la zhi bar gnas pa la mos so/ /skye bo mang po
168a6 dang smra zhing gtam zer yang / sems ni rtag tu gnyen po'i sgor 'jug par byed do/ /so so'i skye bo dang spyod tshul mthun pa ltar byed kyang sems can la phan pa'i don du nor
168a7 bu rin po che gtong bar byed kyi/ sems can la gnod pa mi phan pa'i don mi byed do/ /gang dbul ba phongs pa nyam thag par gyur pa dag byang chub sems dpa' la slong
168b1 du 'ongs na/ de la ci 'dod pa bzhin byang chub sems dpa' sbyin par byed do/ /sems can gang zhig sangs rgyas kyi chos la mos shing dad de/ byang chub sems dpa' la bsnyen
168b2 bkur dang / mchod pa bya ba'i phyir rim gro dang / g.yog byed cing / rkang pa 'khru ba'i las byed dam/ lus bkru ba dang / mnye ba'i las byed dam/ chag chag dang / phyag dar
168b3 byed dam/ so shing dang / khrus chur sbyor ram/ mal stan 'dings shing / mal gos spug pa'i las byed dam/ srod dang / tho rang sa la mar me 'bud dam/ khye'u sus dang / dro
168b4 la kha zas tha na pa na dang / pu she ni dang / kha da ne 'bul lam/ 'thung ba'i skom yu li shi dang / bu lar sha ka'i 'bras bu'i skom dang / rgun chu dang / kha ra nag po'i chu la
168b5 sogs pa sbyar sbyar nas/ yo byad de lta bus zhag bdun nam/ zhag dug bcu'i bar du byang chub sems dpa' la chos 'dod pa'i phyir 'bul bar byed na/ byang chub sems dpa'
168b6 de'i tshe mchod pa'i yo byad 'bul ba de la dga' ba'i sems med do/ /de ci'i phyir zhe na/ byang chub sems dpa' ni bskal pa grangs med pa yun ring po nas sangs rgyas
168b7 kyi chos tshol ba'i phyir/ sems can thams cad la skyed 'bri'i sems med pa'i phyir/ byams pa dang / snying rje'i sems dang ldan pa'i phyir/ mnyam snyoms pa'i sems la
169a1 gnas pa'i phyir ro/ /de bas na dus kha cig tu 'khor los bsgyur ba'i rgyal po byed de/ rtag tu dge ba bcu'i chos kyis sems can gyi don byed do/ /
169a2 sems can de dag kyang rgyal po'i yid bzhin du dga' zhing spyod pa'i tshe'i dus byas na yang lha dang / mi'i 'jig rten du 'dod pa lnga'i longs spyod mchog dam pa dang ldan te/ rigs
169a3 che zhing mtho bar skye bar 'gyur/ bsams pa'i yid bzhin du nyal ba dang / ldang ba dang / 'gro ba la gnod pa med par 'gyur/ gnas gang du 'gro yang bzhon pa'i rta
169a4 dang theg par ldan pa ste skyed mos tshal tu rtsed mo dang / rol mo la rtse zhing longs spyod par 'gyur/ bza' ba dang / btung ba dam pa dang / dga' mgur spyod par 'gyur yang / tha
169a5 ma mi rtag pa brten te rga ba dang / na bas gzir te/ shi bar gyur na/ khyim gyi bu smad mya ngan gyis gdungs te skad phyung nas ngu zhing / la la ni mgo la thal mo rdebs/ la la
169a6 ni rang rang gi skra 'bal te/ mchi ma 'dzag cing sa la 'dre'o/ /de nas 'khyogs sam/ shing rta'i steng du bzhag nas/ dur khrod du bskyal te/ de ltar bskyal nas kyang bu
169a7 smad dag phyir khyim du 'ongs nas mya ngan gyis gdungs te/ la la ni brgyal nas sa la 'gre /la la ni de'i rkyen gyis nad du gyur/ la la ni mi dran pas myos/ la la tshe'i
169b1 bar chad du shi bar byas te/ de ltar byas kyang gson pa rnams la ni phan pa med/ shi ba la ni rab tu gnod do/ /de'i tshe de'i dus na 'khor los bsgyur ba'i rgyal po 'khor dang
169b2 bcas te yul rgyu zhing song ba las/ sems can mya ngan gyis gzir ba mthong nas snying brtse ba'i sems skyes te 'di skad zer ro/ /rgyal po zhes bya ba ni yul sa dbang gis
169b3 'gro ba mang po'i dbang bsgyur te/ de ltar dge ba bcu'i lam gyis 'gro ba rnams 'dul te/ 'bras bu 'dod pa lnga mchog dam pa thob tu zin kyang skye ba dang / rga ba dang / na ba
169b4 dang / 'chi ba dang / mi rtag pa 'jigs pa las thar par ma gyur na bdag gis drang po'i chos kyis yul gyi srid btsas kyang phan pa'i don med do/ /de ltar 'gro ba rnams la phan pa'i
169b5 don med na/ 'khor los bsgyur ba'i rgyal po chen po zhes kyang ji skad ces kyang bya/ byams pa chen po pha zhe'am/ sman pa'i rgyal po chen po zhe'am/ 'dren pa'i ston pa chen po
169b6 zhes ji skad du gdags/ 'dren pa'i ston pa chen po zhes bya ba ni/ yang dag pa'i lam du 'dren cing / mya ngan las 'das pa'i lam ston te/ 'dus ma byas pa'i rab tu bde ba
169b7 thob par byed do/ /bdag cag ni ming dang / spyod par mi mthun te/ dper na/ mi zhig skom pas gdungs nas srog la bab pa las/ chu 'dod pa'i phyir phan tshun rgyugs te
170a1 khron pa skam po zhig dang phrad nas rab tu dga' ba'i sems skyes te 'di snyam du sems so/ /da ni bdag gi lus 'di 'chi ba las phyir
170a2 sos so/ /de ci'i phyir zhe na/ gal te chu dang ma phrad na/ srog 'di 'chi ba las yun mi ring ba las da khron pa bzang po dang phrad nas/ gdon mi za bar chu dong grang
170a3 mo gtsang ma dang phrad de ngoms shing tshim par 'gyur bas srog 'tsho bar 'gyur ro snyam bsams nas/ myur ba myur bar khron pa'i drung du bsnyen to/ /khron pa'i drung
170a4 du phyin nas lus la gyon pa'i gos phud de phyogs gcig tu sbas nas/ chu 'dod pa'i phyir khron pa'i nang du zhugs so/ /khron pa'i gting du phyin nas chu ni med kyi
170a5 sbrul gdug pa dang / smigs pa dang / sdig pa dang / rtsangs pa dang / sbal ba dang / gyo mo dang / de la sogs pa gseg ma dang / shing dang / rtsa nyal nyil 'ba' zhig
170a6 mthong bar gyur to/ /de'i tshe skom pas nyam thag par gyur pa de thog ma re ba bzhin du chu yang ma rnyed la gdug pa mang po gzas nas/ khron pa de las phyir byung bar
170a7 gzas kyang khron pa rnyings shing zhig la zab kyang mda' rgyang gang tsam yod de/ de'i nang nas skas sam/ thag srad dam/ 'bru ba'i shing tsam yang med de/ mas
170b1 mchong du stsal yang nyam thag la stobs zhan pas 'phar mi nus te/ phyir yang zhabs su lhung nas sbrul gdug pa la sogs pas za zhing 'jib bo/ /de cung zad cig srog ma
170b2 chad kyi bar du 'di skad ces zer ro/ /bdag khron pa 'di'i nang na chu med par sngar shes na lha khron pa la mig gis lta yang mi phod na 'di'i nang du zhugs pa lta smos kyang ci
170b3 dgos te/ de ni khron pa 'di'i rkyen gyis sdug bsngal ba'i sdug bsngal myong bar 'gyur ro/ /zhes smre sngags 'don no/ /'khor los bsgyur ba'i rgyal po yang de ltar so so'i skye
170b4 bo dag gcig shi ba'i 'og tu khyim gang gis smad dang / gnyen rnams kyi sdug pa dang / bye bral ba'i sdug bsngal gyis gdungs pa mthong nas 'di skad zer ro/ /bdag gi lus
170b5 'di ni khron pa skam po de dang 'dra ste/ khron pa'i ming tsam yod kyi chu ni med pas na/ 'jug pa yod kyang thob pa med pas de lta bu'i lus dang / srog stor ba'i sdug bsngal
170b6 myong bar gyur to/ /da ltar bdag 'khor los bsgyur ba'i rgyal po'i dbang bsgyur zhing rin po che sna bdun dang ldan te/ dge ba bcu'i las kyi 'gro ba 'dul zhing drang po'i
170b7 chos kyi yul gyi srid btsas nas/ skye bo mang po dag lha dang / mi'i mtho ris kyi gnas su bkod de/ 'dod pa lnga'i yon tan mchog dam pa la longs spyod du bcug kyang de
171a1 dag skye ba dang / rga ba dang / na ba dang / 'chi ba dang / sdug pa dang / bye bral dang / dgra sdang ba dang phrad pa'i sdug bsngal las thar bar mi nus te/ gcig
171a2 la gcig du zhing cho nge byed pa 'di ni bdag gis nyes kyi/ sems can rnams kyis ma nyes so/ /de ji lta zhe na/ bdag la 'jig rten las 'das pa'i chos 'gro ba mang po
171a3 la phan pa'i don du 'gyur ba med de/ bdag las dge ba'i chos 'dod cing rab tu bde ba 'dod kyang sdug bsngal gyi mtsho las brgal mi nus so/ /de'i tshe 'khor
171a4 los bsgyur ba'i rgyal po/ yang 'di snyam du sems so/ /de ltar bdag gi lus 'di ni/ dper na/ shes pa med pa/ gti mug can gyi sbyin bdag dang 'dra'o/ /de'i tshe
171a5 dus gzhan zhig na lo bdun gyi bar du char pa ma bab pas/ than pa chen po byung ste rtsi shing yang bskams/ 'bru yang rab tu dkon par gyur/ mu ge chen po byung ste/
171a6 gcig la gcig 'cha' zhing za bar 'gyur/ gcig gi sha khrag la gcig za ste/ la la ni bu'i sha khrag la pha ma za/ la la ni pha ma'i sha la bu za zhing / pha ma dang /
171a7 phu nu dang / khyo shug dang / bu pho dang / bu mo yang gcig gi sha la gcig za bar gyur to/ /de'i tshe na sbyin bdag chen po de 'chag cing 'phyan du song song ba las /
171b1 sems can mang po dag ltogs nas/ da rod nyams te/ rid cing bskams la nyam chung la mdog ngan pa dang / skra yang 'dzings bras lus gnag la rke ba dag /phrag pa la mi
171b2 ro khur du khyer te/ kha cig ni mi'i mgo dang / lag pa dang / rkang pa dang / lhu tshigs dang / lag ngar dang / phrag pa dang / tshigs pa dang / sgal pa dang / brla dang / rje/
171b3 ngar dang / yan lag dang / nying lag gi bar du khyer/ kha cig ni/ nang khrol mchin pa dang / mtsher ba dang / glo ba dang / rgyu ma dang / gzhang rnams khyer pa mthong ngo / /
171b4 de lta bu dag mthong nas sbyin bdag des de dag mthong nas/ khyed khur du khyer ba 'di dag ci yin zhes dris so/ /de dag gis smras pa/ bdag cag gi khur du khyer ba 'di dag
171b5 ni mi ro ste/ mi'i mgo dang / rkang lag dang / brla dang / rje ngar dang / yan lag dang / nying lag gi bar du'o/ /khyed mi'i mgo dang / yan lag dang / nying lag gi bar du
171b6 khyer ba 'di ci dgos/ ci zhig bya zhes dris pa dang / de dag gis smras pa/ khyod mi shes sam/ mu ge chen po byung nas/ 'bru rab tu dkon par gyur te/ mi kun ltogs
171b7 nas da ltar gcig la gcig za bas bdag cag gi khur du khyer ba 'dri ni bdag cag gi zas yin no/ /de'i tshe sbyin bdag chen po des de skad ces smras pa de thos nas
172a1 dngangs te/ spu zing zhes byed nas khams te sa la 'gyel ba las/ chu grang mos gdong du gtor nas ring zhig lon pa dang / sems sor
172a2 chud nas 'o na khyed kyi zas yin na/ 'di dag su'i sha yin zhes dris pa dang / de dag skad chen po phyung nas dus te/ sbyin bdag la brjod du mi rung ngo zhes smras
172a3 so| |kye ma'o bdag cag ni sdug go /kye ma'o bdag cag ni sdug go / kye hud/ kyi hud/ khyod la drang por mi smrar mi rung ste/ bdag cag khur du khyer ba 'di/ la la ni
172a4 pha'i sha/ la la ni ma'i sha/ la la ni bu'i sha/ la la ni phu nu'i sha/ la la ni gnyen bshes kyi sha yin no zhes ltogs pa de dag gis so so nas khyim bdag la
172a5 drang po'i gtam byas nas/ bdag cag ni shin tu ltogs pas gcig la gcig nying sha za bar gyur to/ /de'i tshe sbyin bdag des dbugs kyis brnangs pa tsam du
172a6 mi ltogs pa rnams la 'di skad ces smras so/ /khyed rnams deng phyin chad gcig la gcig nying sha za bar ma byed cig /khyed rnams la dgos pa'i yo byad gang
172a7 yang rung / bgo ba'i gos sam/ bza' ba'am/ btung ba'am/ nad kyi rkyen rtsi'am/ yo byad ci dgos pa thams cad sbyin par bya ste/ zhag bdun na khyed rnams
172b1 kho bo'i sgor shog cig dang / yid bzhin du gos sam/ kha zas sam/ nad kyi rkyen rtsi'am/ ci 'dod pa tshim par bya'o zhes bsgo ba dang / de dag rab tu dga' rangs nas/
172b2 shin tu legs so/ /legs so/ /ngo mtshar che'o zhes bstod pa byas so/ /de nas sbyin bdag de phyir khyim du 'ongs nas/ chung ma dang / bu rnams dang / bran khol dang / las
172b3 byed pa'i mi rnams kyang bsdus te/ dga' ba'i mdangs phyung ste/ 'jam zhing yid du 'ong ba'i tshig snyan pas bu smad dang / bran khol dang / las byed pa'i mi rnams la
172b4 'di skad ces bsgo'o/ /khyed rnams shes par gyis shig /kho bos smras pa'i tshig legs par nyon cig /khyed shes sam/ than pa chen pos mu ge byung nas/ mi thams
172b5 cad ltogs te grangs med pa zhig shi bar gyur to/ /bdag gi khyim na bang mdzod kun gang zhing lud de/ 'bru yang grangs med pa zhig yod pas dus las ma yol bar bdag
172b6 cag bsod nams bya'o zhes/ bu smad kun gyis de skad ces bsgo ba thos nas/ legs so/ /legs so/ /bdag cag gi srog lus sbyin pa byas kyang mi 'phangs na/ bang mdzod
172b7 dang / nor rdzas dang / kha zas lta smos kyang ci dgos/ de nas sbyin bdag kyang rab tu dga' rangs nas/ khyed rnams ni yang dag par kho bo'i bla na med pa'i byang chub thob
173a1 par byed pa'i grogs yin pa lta dge'o/ /legs so/ /khyed rnams kyang so so nas ci dang / ci bya ba rnams ci dang / ci bsgrub pa skol bya ba'i
173a2 rigs pa yang mod la bya/ bsgrub pa'i rigs pa yang myur du bsgrub ste/ da ste zhag bdun na nges par 'byor bar bya'o/ /de'i tshe sbyin bdag des so sor bsgo nas /
173a3 khyim gyi phyi rol tu byung ste/ gang nas mnyam zhing yang la bde ba'i gnas shig bltas nas/ mod las gzhi dag par nyal nyil sa rdo med par byas/ phyags te khri stan
173a4 bshams so/ /de ltar mang po'i 'du ba'i gnas sbyin pa sbyin pa'i sa gzhi bshams nas/ ban glang lnga brgya la kha zas bkal te/ sbyin pa'i sar bskyal nas/ kha zas
173a5 ni ri bzhin du spungs/ zho chu ni mtsho bzhin du bskyil/ mar dang / 'bru mar dang / khur ba la sogs pa kha zas ro brgya dang ldan pa cho ma cho dgu sbyar te/ de ma yin
173a6 pa| gzhan yang / gos dang / gdu bu dang / phreng ba dang / lus kyi rgyan sna tshogs pa dang / ban glang dang / rta dang / rin po che sna bdun la sogs te thams cad phun
173a7 sum tshogs par sbyar nas/ zhag bdun lon pa'i skya rengs shar nas/ zhag bdun gyi nyi ma dril rnga brdungs/ dung bus te/ skad chen pos thams cad sbyin pa'i
173b1 gnas 'dir 'dus shig ces bos so/ /de'i tshe na thams cad kyis bos pa'i skad thos nas/ 'phags pas byin gyis brlabs pa tsam du rab tu dga' ba'i sems skyes te /
173b2 thams cad sbyin pa gtong ba'i gnas su lhags te/ yid bzhin du gos dang / mal cha dang / zas skom dang / lus kyi rgyan sna tshogs pa dang / nad kyi rtsi sman mang po dang /
173b3 ban glang dang / rta dang / rin po che sna bdun la sogs pa ci dang / ci 'dod pa yid bzhin du drangs nas sbyin pa'i rdzas ci yod pa thams cad kyis ma lus par khyer ro/ /
173b4 de nas sbyin bdag de dga' nas phyir khyim du 'ongs nas/ chung ma dang / bu rnams dga' ba bzhin du 'dod pa lnga la longs spyod do/ /de nas kyang zhag bdun tsam lon pa dang /
173b5 mi dag na re/ sbyin bdag des sngar gos dang / zas dang / skom la sogs pa'i sbyin pa byas na/ kha zas zos pa rnams dug langs nas thams cad shi'o zhes zer ro/ /de ltar
173b6 shi bar gyur bas thams cad kyis tshig tu brjod de/ ngo mtshar che'o/ /ngo mtshar che'o/ /de ltar sbyin bdag chen po des kun la snying brtse ba'i phyir ci 'dod pa bzhin du kha zas la sogs
173b7 pas tshim par byas te/ lus dang / srog gson par gyur na/ phyis zhag mang po ma lon par dug langs nas thams cad shi'o par sgra sgrogs par gyur to/ /de'i tshe sbyin
174a1 bdag chen po des de ltar gyur pa de thos nas yi mug cing mi dga' bar gyur te/ chung ma dang / bu la sogs pa la khyed kyis kha zas ji ltar sbyar na/
174a2 kha zas kyi nang du dug ma rungs pa ji ltar 'ongs zhes dris pa dang / chung ma dang / bu dang / bran khol dang / las byed pa'i mi rnams kyi mchid nas dug mi srid/ dug 'di
174a3 ga las 'ongs zhib tu rtogs shig ces smras so/ /de nas sbyin bdag de khyim gyi zhal te byed cing mthar gyis song song ba las/ khron pa zhig steng bkab cing g.yogs
174a4 pa mthong ngo / /khron pa 'di ci'i phyir g.yogs zhes dris pa dang / khron pa 'di ni khyim bdag khyod bus pa chung ngu'i tshe na/ sbrul gdug pa gsum zhig gso gso ba las/
174a5 khron pa 'di brkos nas sbrul gdug pa gsum bcug go /khron pa 'di ni sbrul gdug pa 'dug pa'i khron pa yin no/ /chu yang gdug pas chu 'di yang 'thungs pas na ste
174a6 'chi bar 'gyur ro/ /sbyin bdag des tshig de dag thos nas/ las byed pa dag la khyed da bar kha zas g.yo ba'i tshe/ khron chu 'di las bcus te/ kha zas ma g.yos
174a7 sam| las byed pas smras pa/ kha zas mang du g.yos pas rings nas chu 'di yang bcus nas kha zas kyi g.yos byas so zhes bsgo'o/ /khyim bdag mi dga' ste/ ngo
174b1 mtshar che'o/ /bdag ni gti mug can shes pa'i blo med pa yin pa 'dra ste/ ci'i phyir sbrul gdug pa gso zhing khron pa gdug pa rko zhes 'gyod nas/ chung ma dang / bu la bsgo ba/
174b2 sbrul gdug pa gsum gyi khron pa myur du thongs shig /sbrul gdug pa gsum yang kho bo bdag gis bsreg go zhes bsgo ba dang / las byed pa'i mi rnams kyis de ma thag tu
174b3 khron pa de yang bsub nas med par byas so/ /de nas sbyin bdag des sbrul gdug pa'i khron pa de med par byas nas/ phyi rol tu 'chag tu song song ba las/ sbyin bdag gi kha
174b4 zas dug can gyis shi bar gyur ba las thams cad tshig mthun par sbyin bdag 'dis bdag cag la kha zas dug can byin nas/ bdag cag sngar shi bar gyur pa yin no/ /bdag
174b5 cag gis de ltar shes na/ der ma song yang rung zhes 'gyod pa skyes so/ /de bzhin du 'khor los bsgyur ba'i rgyal po de yang dge ba bcus sems can btul te/ sems can
174b6 dag lha dang / mi'i mtho ris skye zhing 'dod pa lnga la 'dod dgur longs spyod mod kyi/ skye ba dang / rga ba dang / na ba dang / 'chi ba las mi thar ba yang de dang 'dra'o/ /de nas 'khor
174b7 los bsgyur ba'i rgyal po de de'i mod la bdag bla na med pa'i sangs rgyas kyi chos dang / 'jig rten las 'das pa'i chos bsgrubs te sems can rnams kyang de la klog pa dang /
175a1 'don pa dang / 'dri ba dang / goms par bya ste/ skye shi'i 'khor ba yongs su spangs shing mya ngan las 'das pa thob par bya'o zhes dam bcas
175a2 so| |de'i tshe na 'khor los sgyur ba'i rgyal po sangs rgyas kyi chos tshol ba'i phyir/ 'dzam bu'i gling na sangs rgyas kyi chos sus shes zhes gnas kun tu bkar btags so/ /
175a3 'khor los sgyur ba'i rgyal po chos 'dod pa'i phyir gnas kun tu bkar btags kyang shes pa ma byung ngo / /mtha' 'khob kyi yul chung ngu gcig tu phyin pa dang / de na bram ze
175a4 gcig cig sangs rgyas kyi chos shes so zhes zer ro/ /de nas bram ze de'i steng du pho nya btang nas/ pho nya de bram ze ga la bder phyin nas/ btsun pa/ sangs rgyas kyi chos
175a5 shes sam zhes dris na/ shes so zhes zer ro/ /de nas pho nyas bram ze'i rkang pa la mgo bos phyag byas nas/ btsun pa/ 'khor los sgyur ba'i rgyal pos spyan 'dren
175a6 du btang gis/ 'khor los sgyur ba'i rgyal po de ga la ba der gshegs su gsol/ de nas bram ze yang der 'ongs nas 'khor los sgyur ba'i rgyal pos rgyang ma nas
175a7 bsu ste/ rkang pa la mgo bos phyag btsal nas bde bar byon tam/ lam du nyon mongs par ma gyur tam/ ngal bar ma gyur tam zhes gtam dris te/ pho brang gi nang
175b1 du khrid nas pho brang gi dbus su rgyal po'i gdan la bzhag go /bram zes kyang gdan la skyil mo krung bcas te 'dug go /de'i tshe rgyal pos bram ze de bde bar 'dug nas /
175b2 dgos pa'i yo byad rnams kun phul te sbyin pa byas nas/ thal mo sbyar te bram ze de la/ ston pa chen po/ sangs rgyas kyi chos shes sam zhes dris pa dang / bram ze na re/ bdag
175b3 gis sangs rgyas kyi chos shes so zhes zer ro/ /de nas rgyal pos bram ze la/ ston pa chen po/ bdag la bstan cing bshad du gsol/ zhes byas nas/ bram ze na re/ rgyal
175b4 po khyod ni shin tu glen no/ /kho bos sangs rgyas kyi chos bslabs pa na/ yun ring du dka' ba'i sdug bsngal myong nas gdod lobs pa yin na/ nga rgyal pos thal phyung du
175b5 thos par 'dod dam/ rgyal pos smras pa/ ston pa chen po/ 'o na ci zhig 'dod/ bram zes smras pa/ bdag la mchod pa phul cig /rgyal pos smras pa/ ston pa chen po/
175b6 mchod pa ci zhig 'dod/ gos sam/ mal cha'am/ bza' ba'am/ btung ba 'dod dam/ 'on te gser ram/ dngul lam/ rin po che 'dod dam/ bram zes smras pa /
175b7 bdag de 'dra ba'i mchod pa mi 'dod do/ /rgyal pos smras pa/ mchod pa de dag mi 'dod na/ 'o na ban glang ngam/ rta'am/ theg pa 'dod dam/ 'on te yul lam/ grong
176a1 khyer ram/ chung ma'am/ bu 'dod dam/ rol mo'am/ glu'am/ gar byed pa 'dod dam/ bram zes smras pa/ bdag ni de dag gang yang mi 'dod
176a2 do| |gal te lus la rma stong phyung ste/ rma'i nang du mar blugs la me mar snying po btsugs te/ mar me stong 'bar bas mchod na/ sangs rgyas kyi chos bstan cing bshad
176a3 par bya'o/ /gal te de ltar mi nus na bdag langs te 'gro zhes smras nas/ rgyal pos skad cig tsam lan ma smras kyi bar du khri las babs so/ /de nas rgyal pos pang du
176a4 blangs nas/ ston pa chen po/ cung zad nyag bsring du gsol/ bdag shes pa zhan zhing bsod nams chung bas cung zad bsams te mchod par bgyid do zhes smras so/ /
176a5 de'i tshe 'khor los bsgyur ba'i rgyal po de 'di snyam du sems par gyur te/ bdag gis lus 'di thog ma med pa'i dus nas shi ba grangs med par myong na yang chos kyi phyir
176a6 ma shi yi/ da yang bdag gi lus 'di yang mthar 'jig cing rul bar gyur pas phan pa med de/ da ni dus la bab bo snyam bsams nas/ ston pa bram ze la 'di skad
176a7 ces smras so/ /ston pa chen po/ bdag mchod pa 'dod pa bzhin bgyid do/ /de nas rgyal po pho brang du song nas/ btsun mo rnams la da ni bdag cag bye 'bral lo zhes
176b1 smras so/ /btsun mo rnams de skad ces smras pa thos nas dngangs shing 'khyams te/ ci nyes gtol med de/ rgyal po de ltar ci zhig mdzed snyam dgongs zhes gsol lo/ /rgyal pos
176b2 smras pa/ bdag gi lus 'di la mar me stong zhig btsugs te ston pa bram ze la mchod pa bya snyam mo/ /btsun mo rnams kyis de skad ces smras pa thos nas/ sa la 'gre zhing cho nges
176b3 btab ste brgyal lo/ /ring zhig lon pa dang phyir dran pa rnyed do/ /rgyal po chen po/ 'jig rten na bdag gi lus las phangs pa med de/ nyes te dogs nas gso ba'i rim gro cher byed
176b4 na| ci'i phyir bdag gi lus la mtho 'tsham zhing gnod par bgyid/ rgyal po ni mkhas pa'i blo dang ldan pa lags na/ da ltar myos sam/ 'on te yi dwags kyis brlams sam/
176b5 ci nongs/ rgyal pos smras pa/ de lta bu gang yang ma yin no/ /'o na ci'i phyir de lta bu'i gnod pa mdzad cing bram ze la mchod par dgongs/ rgyal pos smras pa/ bdag ni sangs
176b6 rgyas kyi chos 'dod de/ sems can thams cad kyi don byed par sems so/ /de ltar sems can thams cad la dgongs na/ de ci'i phyir bdag cag rnams bkol bar gyur/
176b7 rgyal pos smras pa/ 'jig rten na mdza' sdug thams cad mthar bye 'bral du 'gyur te/ de bas na bdag gis lus kyi mchod pa byas te/ khyed dang / sems can thams cad mun
177a1 nag gi khang bar ye shes chen po'i sgron ma gzugs shing / skye shir 'khor ba'i ma rig pa'i mun pa snang bar byas la/ kun nas dkris pa'i
177a2 nyon mongs pa'i mdud pa bcad de/ 'khor ba'i skyon las bsgral nas mya ngan las 'das pa'i gnas su dgod pa'i ched du bsam gyi/ khyed rnams bar chad dang / bgegs ma
177a3 byed cig /de'i tshe btsun mo rnams de skad ces bsgo ba thos nas/ brnangs pa ltar cang mi smra zhing skad chen po byung ste ngu zhing rang rang gi skra 'bal lo/ /bdag cag la
177a4 bsod nams med de/ bkra mi shis pas gson por bdag cag la lha med par gyur ces smra'o/ /rgyal po de la rgyal bu lnga brgya yod de/ thams cad kyang mnga' byad
177a5 bzang zhing sdug pa/ yid gzhungs shing mkhas pa'i blo dang ldan pa/ mi'i mtshan dang rdzogs par ldan pa/ rgyal po yang mig bzhin du phangs shing byams so/ /de'i
177a6 tshe rgyal pos rgyal bu rnams la smras pa/ kho bo da mchod pa'i las shig byed snyam na/ lus dang / srog nyam chung du dogs te khyed dang bral ba snyam/ yul gyi srid
177a7 dang / 'bangs rnams kyi tshis ni che rims kyis byos shig ces bsgo'o/ /rgyal bu rnams de skad bsgo ba de thos nas/ lus kyi yan lag dang / rtsa rnams bcad pa tsam
177b1 du sdug bsngal gyis gdungs te/ dper na/ mi brnangs pa la skyug tu'ang med/ mid du yang med pa bzhin du rgyal po la 'di skad ces gsol to/ /ci'i slad du bdag cag
177b2 rnams spangs te skyabs su ma mchis par mdzad/ la la ni rgyal po'i gnya' ba nas 'khyud/ la la ni lag pa dang / rkang pa nas bzung nas skad phyung zhing du/ kyi hud/ kyi hud/
177b3 ci'i phyir mgon dang / skyabs med par 'gyur zhes smras so/ /de nas rgyal pos rgyal bu rnams la spro ba bskyed pa'i phyir/ 'jig rten na mdza' zhing sdug pa thams cad mthar bye
177b4 'bral bar 'gyur ro zhes bsgo'o/ /de skad ces bsgo ba thos kyang yid la gcags te 'bral mi phod na bdag gis gsol ba gcig gnang bar mdzad du gsol/ bdag cag gis
177b5 lus dang / srog rgyal po la 'bul na/ ston pa bram ze la mchod pa mdzad du gsol/ rgyal pos smras pa/ bu/ khyed rnams ni da dung shed ma bye la/ chung bas de 'dra ba'i mchod
177b6 pa byed mi bzod kyi/ kho bo ni ston pa lam ring po nas gnyer te mchod pa bya bar khas blangs pa'i yid dang 'gal bar byar mi rung bas/ bu sri zhu can ni pha'i yid dang
177b7 'gal bar mi byed na/ khyed rnams kho bo'i yid dang 'gal bar byed dam/ rgyal bu rnams de skad smras pa thos nas skad phyung ste/ cho nges btab pas/ yul gyi lha rnams
178a1 kyang dngangs te/ ri 'gyel ba bzhin du thams cad lus brdabs so/ /de'i tshe rgyal po la yul mtha'i rgyal phran thams cad kyis kyang mchi
178a2 phyag byas nas pho brang gi nang ston pa chen po ga la ba der song ste/ de'i drung du phyin nas lus kyi rgyan thams cad kyang bkrol nas gos kyang phud de phyogs gcig tu bzhag
178a3 nas lus drang por bsrang ste 'dug go /'dug ma thag tu rgyal phran rnams dang / blon po dang / rgyal bu lnga brgya dang / btsun mo nyi khri la bsgo'o/ /khyed rnams las gang
178a4 gi kho bo'i lus la rma stong zhig gcod sus nus zhes smras na/ btsun mo dang / rgyal bu dang / blon po dang / rgyal phran gyi mi rnams tshig mthun par bdag cag gi rang gi
178a5 lus la gri thogs te mig phyung yang bla yi/ rgyal po'i lus la rma 'byin mi phod do/ /de nas rgyal po mi dga' bar gyur nas/ de ni bdag ye 'ur gyur pa lta/ 'khor mang
178a6 po 'di snyed kyi nang na mi 'ga' yang kho bo'i grogs su 'gyur ba med dam zhes smra bar gyur te/ de'i tshe na rgyal po de la rigs ngan bshan pa rang bzhin gyis khro la/ kun
178a7 kyang 'jigs su rung ba zhig yod pa zhig pos so/ /bshan pa de der 'ongs nas rgyal bu rnams la khyed mya ngan ma byed cig /rgyal po chen po'i don mi 'grub pa'i thabs
178b1 bdag la mchis kyi/ don ma grub na snga mkho bzhin du rgyal po'i srid bzung du zad do zhes smras so/ /rgyal bu rnams kyis tshig de skad ces smras pa thos nas/ rab tu dga' ba'i
178b2 sems skyes par gyur te/ de nas bshan pa de rgyal po'i drung du 'ongs nas/ rgyal po chen po/ da ltar ci zhig mdzad par dgongs zhes gsol ba dang / rgyal pos smras pa/ kho bo'i
178b3 lus la mar me stong btsugs la ston pa chen po bram ze la mchod par sems so/ /bshan pas smras pa/ de ltar na sku la gcod nus so/ /rgyal pos de skad smra ba thos nas rab
178b4 tu dga' ba'i sems su gyur nas/ bshan pa la khyod ni yang dag par kho bo'i bla na med pa'i byang chub sgrub pa'i grogs yin no zhes smras so/ /de nas bshan pas rgyal po'i
178b5 drung du 'greng bzhin du ngam ngur ba'i skad chen pos rgyal po la 'di skad ces gsol to/ /rgyal po mkhyen tam/ mi bsad pa'i chos kyis ni sngar mgo bcad dgos te/ gnya'
178b6 ba btubs la rkang lag dang phral te/ chu ba dang / rgyus pa yang dbyung dgos na/ rgyal po chen po/ de 'dra ba'i na tsha'i sdug bsngal bzod dam/ rgyal pos de skad smras pa thos
178b7 nas/ rab tu dga' ba'i sems su gyur nas de nas bshan pas gnag lce lta bu'i gri thogs te/ ring po ma thogs par rgyal po'i lus la rma stong tshang bar bcad do/ /bshan pa
179a1 rgyal po'i sems phyir nur ba tsam du sems pa las/ sems ma nur bas gri yang sa la bor nas bros so/ /de nas rgyal po chen po'i lus la rma
179a2 stong bcad pa'i nang du mar khu blugs nas/ ras bzang po'i snying po btsugs te/ mar me stong btsugs so/ /de'i tshe bram ze ston pa chen pos de ltar byas pa mthong nas/
179a3 'di snyam du da ni myur du chos ma bshad na lus srog 'tsho'am/ mi 'tsho gtol med pas/ gal te srog ma sos na sus chos mnyan par 'gyur bsams nas/ rgyal po la
179a4 'di skad ces smras so/ /sangs rgyas kyi chos thos par 'dod pas/ shin tu dpa' ba'i brtson 'grus kyis bya dka' ba'i spyod pa spyad pas/ legs par nyon la shin tu
179a5 yid la zungs shig dang / da rgyal po la sangs rgyas kyi chos bstan par bya'o/ /de skad ces smras pa thos nas rgyal po rab tu dga' ba'i sems su gyur te/ dper na/
179a6 bu sri zhu can zhig pha ma shi na rab tu mi dga' ste/ sdug bsngal gyis gdungs pa las pha ma phyir sos pa na/ bu de ji ltar rab tu dga' ba ltar/ rgyal po de yang rab tu
179a7 dga' bar gyur to/ /de nas bram ze des rgyal po la smras pa/ skye ba yod na 'chi bar 'gyur/ /'gog pa 'di ni bde ba yin/ /zhes tshigs su bcad pa phyed pa 'di bstan to/ /
179b1 rgyal pos dam pa'i chos bstan pa thos nas/ rab tu dga' ba'i sems su gyur te/ rgyal bu dang / blon po rnams la 'di skad ces bsgo'o/ /khyed rnams la kho bo la sdug cing brtse ba'i
179b2 sems yod na chos 'di ma brjed par yid la gzung la/ yul phyogs su gang na mang po 'dus pa'i gnas dang / grong dang / grong khyer dang / tshong 'dus su 'gro ba mang po la 'di skad
179b3 ces bkar thogs shig /'khor los bsgyur ba'i rgyal po chen pos sems can mang po sdug bsngal gyi rgya mtshor bying ba dag 'don pa dang / sems can thams cad la snying
179b4 rje chen po'i sems bskyed nas/ lus la mar me stong btsugs te/ tshigs su bcad pa'i tshigs bcad phyed pa thos pa 'di rgyal po chen po 'di'i byams pa dang / snying rje'i
179b5 sems grub par bya ba'i phyir/ thams cad kyis yi ger bris te 'don pa dang / kha don tu bya ba dang / 'dri ba dang / goms par byed pa dang / don yang yid la bya zhing ji ltar
179b6 gtams pa bzhin du nan tan du spyad par bya'o/ /de'i tshe na mi mang pos de skad ces bsgo ba thos nas/ rab tu dga' zhing mgu bar gyur te/ thams cad kyis tshig mthun par
179b7 rgyal po la bstod nas shin tu dga'o/ /rgyal po chen po/ bdag cag gi snying rje chen po'i pha yang dag pa yin no/ /sems can thams cad kyi phyir shin tu spyad dka' ba spyod do
180a1 zhes kun gyis bsngags te/ kun gyis shog shog dang / dar dang / shun dang / shing dang / rdo la yi ger bris te kha ton du slob bo/ /
180a2 gang na mi mang po 'du ba'i gnas su yang yi ger bris te/ thams cad kyis mthong zhing thos par byas nas/ bla na med pa'i byang chub tu sems bskyed du bcug go /de'i
180a3 tshe rgyal po chen pos lus la mar me stong btsugs te/ ston pa chen po bram ze la mchod pa byas pa'i 'od zer gyis/ phyogs bcu'i zhing 'jig rten gyi khams snang bar
180a4 gyur te/ mar me de'i 'od de las tshigs su bcad pa'i tshigs bcad phyed kyi chos kyi sgra yang grags par gyur nas/ thams cad bla na med pa yang dag par rdzogs
180a5 pa'i byang chub tu sems bskyed do/ /mar me de'i 'od des sum cu rtsa gsum gnam gyi lha'i khang pa yang snang bar byas nas/ mar me'i 'od des lha'i 'od kun zil
180a6 gyis mnan pas/ sum cu rtsa gsum gnam gyi lha rnams mar me'i 'od des kun tu snang bar byas pas/ de dag 'di snyam du gyur to/ /ci'i rgyu ci'i rkyen gyis 'od zer
180a7 'di lta bu snang bar 'gyur snyam lha'i mig gis bltas pas/ 'jig rten gyi khams na 'khor los bsgyur ba'i rgyal po chen pos snying rje'i sems bskyed de/ 'gro ba
180b1 thams cad kyi phyir lus la mar me stong btsugs nas/ ston pa chen po bram ze la mchod pa byas pa mthong ngo / /lha de dag rab tu dga' ba'i sems skyes nas /
180b2 'jig rten gyi khams su babs nas/ mi tha mal pa'i lus su sprul nas/ rgyal po ga la bar lhags te/ rgyal po chen po la 'di skad ces smras so/ /rgyal po chen
180b3 po| lus la mar me stong btsugs te/ shin tu yang spyod dka' ba spyad cing / tshigs su bcad pa phyed cig thos pas ci zhig bya/ rgyal pos smras pa/ rigs kyi
180b4 bu| bdag ni sems can thams cad bla na med pa yang dag par rdzogs pa'i byang chub tu sems bskyed du gzhug pa'i phyir ro/ /de nas sprul pa'i mi de phyir brgya byin gyi lus
180b5 su bsgyur nas/ lus kyi 'od kyis kun tu snang bar byas te/ rgyal po chen po la 'di skad ces smras so/ /rgyal po chen po/ 'di ltar mchod pa byas pa 'dis/ lha'i rgyal po
180b6 'dod dam/ bdud kyi rgyal po 'dod dam/ tshangs pa'i rgyal po 'dod/ 'khor los bsgyur ba'i rgyal pos brgya byin la smras pa/ lha'i dbang po/ bdag ni lha dang / mi'i
180b7 longs spyod gang yang mi 'dod kyi/ bla na med pa yang dag par rdzogs pa'i byang chub 'dod de/ so so'i skye bo thams cad mi bde ba rnams bde ba'i gnas su dgod pa dang /
181a1 ma grol ba rnams grol bar bya ba dang / pha rol tu ma phyin pa rnams phyin par bya ba dang / byang chub ma thob pa rnams thob par bya bar 'dod/ brgya
181a2 byin gyis smras pa/ rgyal po chen po/ khyed ni rab tu blun po'o/ /bla na med pa yang dag par rdzogs pa'i byang chub ni/ yun ring po shin tu spyod dka' ba spyad pas thob
181a3 par 'gyur na/ ci'i phyir bla na med pa'i byang chub thob par 'gyur/ rgyal pos brgya byin la smras pa/ ci ste bdag gi spyi bo'i steng na lcags kyi 'khor lo shin tu
181a4 'bar ba rgyun du 'khor yang sdug bsngal de tsam gyis bla na med pa'i byang chub las phyir mi ldog go /brgya byin gyis smras pa/ tshig de skad ces smras pa la su zhig
181a5 yid ches par 'gyur/ de nas 'khor los bsgyur ba'i rgyal pos brgya byin la smras pa/ gal te bdag bla na med pa yang dag par rdzogs pa'i byang chub 'dod pa ma
181a6 yin la/ lha'i rgyal po khyod slus par gyur na bdag gi lus kyi rma 'di dag nam du yang 'tsho bar ma gyur cig /gal te de lta ma yin na/ khrag kyang 'o mar gyur
181a7 cing rma rnams kyang sos par gyur cig ces dam bcas ma thag tu rma rnams kyang sos par gyur to/ /brgya byin lha'i dbang pos rgyal po la shin tu dge'o/ /shin
181b1 tu dge'o zhes bstod nas/ rgyal po chen po khyod ni yang dag par snying rje chen po dang ldan pa ste/ snying rje chen po'i spyod pa'o/ /de ltar spyod dka' ba spyod pas/ ring po mi thogs
181b2 par bla na med pa yang dag par rdzogs pa'i byang chub 'thob par 'gyur bas/ nam bla na med pa'i byang chub thob pa na/ thog ma bdag gi don sngar byas par shog cig ces
181b3 smras nas/ brgya byin lha'i dbang pos lus kyi 'od zer gyis rgyal po'i lus kun tu snang bar byas nas/ lha'i 'khor brgya stong dang bla na med pa yang dag par rdzogs pa'i byang chub
181b4 tu sems bskyed do/ /rgyal bu lnga brgya rnams de ltar yab rgyal po'i lus kyi rma sos te snga ma bzhin du gyur pa mthong nas/ rab tu dga' rangs te rgyal po'i rkang pa la mgo bos phyag
181b5 btsal nas/ phyogs gcig tu 'khod de/ thal mo sbyar ba btud nas/ tshig mthun par 'di skad ces smras so/ /'di lta bu mdzad pa ngo mtshar che ste/ yab rgyal po ni yang dag
181b6 par 'gro ba thams cad la snying rje che ba'o zhes bstod do/ /rgyal pos smras pa/ bu/ khyed nga la sri zhu byed pa bden na/ thams cad bla na med pa yang dag par rdzogs pa'i byang chub
181b7 tu sems skyed cig ces bsgo bas rgyal bu rnams yang dag par rdzogs pa'i byang chub tu sems bskyed par gyur to/ /de bzhin du btsun mo nyi khri dang / pho brang gi slas brgya
182a1 stong snyed kyang byang chub tu sems bskyed do/ /de'i tshe 'khor de'i nang na gnas pa'i sems can gang+gA'i klung gi bye ma bcu bdun snyed kyis nyan thos
182a2 dang rang sangs rgyas su sems bskyed par gyur to/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lte 'phye chen po dang /
182a3 mi dang mi ma yin pa la sogs pa grangs med pa rnams de lta bur gyur pa mthong thos nas thams cad kyis byang chub tu sems bskyed de/ rab tu dga' nas phyir dong
182a4 ngo| |thabs mkhas pa chen po sangs rgyas drin lan bsab pa'i mdo las/ gnyen po'i le'u zhes bya ste gsum pa'o// //de'i tshe na 'khor gyi dkyil 'khor
182a5 de na| byang chub sems dpa' sems dpa' chen po dga' ba'i rgyal po stan las langs te/ bla gos phyogs gcig tu byas nas pus mo g.yas pa'i lha nga sa la btsugs
182a6 nas| bcom ldan 'das gang na ba de logs su thal mo sbyar ba btud nas/ bcom ldan 'das la 'di skad ces gsol to/ /byang chub sems dpa' ji ltar na
182a7 drin shes par bgyi/ ji ltar na drin bsab par bgyi zhes gsol pa dang / bcom ldan 'das kyis byang chub sems dpa' dga' ba'i rgyal po la 'di skad ces bka'
182b1 stsal to/ /rigs kyi bu/ legs par nyon cig /byang chub sems dpa' sems dpa' chen po drin shes pa ni/ bla na med pa yang dag par rdzogs pa'i byang chub tu
182b2 sems bskyed pa'o/ /drin lan bsab pa ni sems can pha rol po thams cad bla na med pa yang dag par rdzogs pa'i byang chub tu sems bskyed du gzhug pa'o/ /gsol
182b3 pa| byang chub tu sems bskyed ces bgyi ba/ ji ltar sems bskyed par bgyi/ byang chub sems dpa' dngos po gang gi rkyen gyis byang chub tu sems bskyed par 'gyur/
182b4 rigs kyi bu/ byang chub sems dpa' sems dpa' chen po thog ma bla na med pa yang dag par rdzogs pa'i byang chub tu sems bskyed pa'i tshe/ 'di skad du| yi dam chen
182b5 po bca'o/ /bdag bla na med pa yang dag par rdzogs pa'i byang chub thob pa'i tshe sems can thams cad la phan pa dang / bde ba'i don du/ sems can thams cad mya ngan
182b6 las 'das pa chen po la nges par dgod par dam bca'o/ /gzhan yang / sems can thams cad shes rab kyi pha rol tu phyin pa yongs su rdzogs par bya bar dam bca'
182b7 bar bya'o/ /de ni bdag gi don dang / gzhan gyi don byed pa zhes bya ste/ de bas na thog ma byang chub tu sems bskyed nas byang chub kyi rgyu dang ldan pa zhes bya/ sems can gyi
183a1 rgyu dang ldan pa zhes bya/ yang dag par don gyi rgyu dang ldan pa zhes bya/ byang chub kyi phyogs kyi chos sum cu rtsa bdun gyi chos dang ldan pa zhes bya/ dge ba'i
183a2 chos thams cad sdud pa'i gzhi zhes bya/ de bas na byang chub sems dpa' ni dge ba zhes bya/ dge ba chen po zhes bya/ sems can thams cad kyi dge ba'i rtsa ba zhes
183a3 kyang bya/ sems can thams cad kyi lus dang / ngag dang / yid kyi las sbyong ba zhes bya ste/ las ngan pa gsum sbyangs pas 'jig rten na smon lam gang yang bla na med
183a4 pa yang dag par rdzogs pa'i byang chub tu sems bskyed pa las 'da' ba med de/ smon lam mchog dam pa bla na med pa'o/ /byang chub sems dpa' sems dpa' chen
183a5 po thog ma byang chub tu sems bskyed pa'i tshe/ dngos po lnga dang ldan par bya'o/ /lnga gang zhe na/ rang bzhin dang / spyod pa dang / spyod yul dang / yon tan dang / bskyed
183a6 pa'o| |byang chub sems dpa' sde ltar byang chub tu sems bskyed na/ byang chub sems dpa' sems dpa' chen po zhes bya ste/ gdon mi za bar bla na med pa yang dag par
183a7 rdzogs pa'i byang chub thob cing theg pa chen po spyod par 'gyur ro/ /de bas na thog ma byang chub tu sems bskyed pas dge ba'i chos thams cad sdud par 'gyur ro/ /
183b1 byang chub sems dpa' sems dpa' chen po byang chub tu sems bskyed nas ji ltar spyod pa bzhin du bla na med pa yang dag pa'i byang chub thob par 'gyur ro/ /gal te byang chub
183b2 tu sems ma bskyed na/ nam du yang byang chub thob par mi 'gyur te/ de bas na byang chub tu sems bskyed na/ bla na med pa yang dag par rdzogs pa'i byang chub kyi gzhi thob
183b3 par 'gyur ro/ /byang chub sems dpa' sems dpa' chen po/ sems can sdug bsngal gyis gzir ba mthong na byams shing snying rje ba'i sems skye ste/ de bas na byang chub
183b4 sems dpa' ni byams pa dang snying rje'i sems kyis rgyu byas pas bla na med pa yang dag par rdzogs pa'i byang chub tu sems bskyed par 'gyur ro/ /bla na med pa yang dag
183b5 par rdzogs pa'i byang chub tu sems bskyed pa'i rgyus/ byang chub kyi phyogs kyi chos sum cu rtsa bdun bsgrub par 'gyur ro/ /byang chub kyi phyogs kyi chos sum cu rtsa bdun bsgrubs
183b6 pa'i rgyus/ bla na med pa yang dag par rdzogs pa'i byang chub 'thob ste/ de bas na byang chub tu sems bskyed pa ni gzhi'am/ rtsa ba zhes bya'o/ /byang chub tu sems bskyed
183b7 pas| byang chub sems dpa'i tshul khrims spyod par 'gyur te/ de bas na byang chub tu sems bskyed pa ni rtsa ba zhes bya'o/ /yan lag ces byang bya/ sdud pa zhes kyang
184a1 bya| go rims zhes kyang bya/ sa bon zhes kyang bya/ byang chub sems dpa' byang chub tu sems bskyed pa yang mthar phyin pa dang / mthar mi phyin
184a2 pa yod de/ bla na med pa yang dag par rdzogs pa'i byang chub kyi bar du thob par byed pa ni nam du yang phyir ldog pa'am/ nur ba med pas mthar phyin pa'o/ /mthar mi phyin
184a3 pa ni ldog pa dang nyams par 'gyur te/ phyir ldog pa la rnam pa gnyis te/ mthar ldog pa dang / mthar ldog pa ma yin pa yod do/ /mthar phyir ldog pa ni bla na med
184a4 pa yang dag par rdzogs pa'i byang chub tu sems bskyed pa las/ phyir mi ldog pa'i chos gang yin pa de bsgrub pa'am/ nan tan du spyod mi nus pa'o/ /mthar phyir ldog
184a5 pa ma yin pa ni byang chub tu sems bskyed nas/ chos gang yin pa bsgrub cing / nan tan du spyod pa'o/ /byang chub sems dpa'i spyod pa la rnam pa bzhi ste/ rigs kyi
184a6 bu'am/ rigs kyi bu mo'am/ gang zhig sangs rgyas sam/ byang chub sems dpa'i don gyi dngos po bsam gyis mi khyab pa thos sam/ mthong na/ de'i tshe dang cing 'dun
184a7 pa'i sems skye bar 'gyur te/ 'di snyam du sangs rgyas dang / byang chub sems dpa'i don gyi dngos po ni bsam gyis mi khyab pa ste/ sangs rgyas dang / byang chub sems
184b1 dpa'i don gyi dngos po bsam gyis mi khyab pa de ni thob par bya ba yin pas/ bdag gis bla na med pa yang dag par rdzogs pa'i byang chub thob par bya'o snyam sems te/ de
184b2 bas na sems rtse gcig tu byang chub dran par byed cing / byang chub tu sems bskyed pa dang / kha cig ni sangs rgyas dang / byang chub sems dpa' rnams kyi don gyi dngos po bsam
184b3 gyis mi khyab pa ma mthong yang / sangs rgyas dang / byang chub sems dpas dgongs te gsungs pa'i snying po thos pa tsam gyis dad cing 'dun pa'i sems skyes te/ dad pa'i sems
184b4 skyes pas/ bla na med pa yang dag par rdzogs pa'i byang chub dang / rnam pa thams cad mkhyen pa nyid thob par bya ba'i phyir byang chub tu sems bskyed pa dang / kha cig ni sangs
184b5 rgyas dang byang chub sems dpa'i don gyi dngos po bsam gyis mi khyab pa yang ma mthong / dgongs te gsungs pa'i chos ma thos kyang dam pa'i chos 'jig par 'gyur bar
184b6 mthong na/ de 'di snyam du bla na med pa'i sangs rgyas kyi chos sems can rnams kyi nyon mongs pa grangs med pa zhi bar byed cing / bde ba dang / phan pa'i don du 'gyur ba 'di
184b7 ni/ sangs rgyas dang / byang chub sems dpa' 'ba' zhig gis yun ring du gnas shing mi nub par mdzad de/ da bdag kyang byang chub tu sems bskyed la/ sems can
185a1 thams cad kyi nyon mongs pa yongs su spangs pa'i phyir/ bdag gi lus 'di sdug bsngal chen po myong yang sangs rgyas kyi chos 'jig rten na yun
185a2 ring du gnas par bya'o snyam sems nas byang chub tu sems bskyed pa dang / kha cig ni sangs rgyas kyi chos 'jig pa ma mthong yang dus ngan pa'i sems can rnams nyon
185a3 mongs pa shin tu lci ba 'dod chags dang / zhe sdang dang / gti mug rnams dang / ngo tsha med pa dang / khrel med pa dang / ser sna rnams dang / phrag dog dang / khong khro ba dang /
185a4 'khrugs pa rnams dang / ma dad pa dang / the tshom dang / le lo la sogs pa nyon mongs pa'i dngos po 'di dag mthong na/ de 'di snyam du shin tu dus ngan pas sems can
185a5 'di dag ni dge ba mi spyod de/ de ltar dus ngan pas theg pa gnyis kyi sems kyang skyed mi nus na/ bla na med pa yang dag par rdzogs pa'i byang chub tu sems bskyed pa
185a6 lta ci smos snyam sems nas/ byang chub tu sems bskyed pa'o/ /de ltar byang chub tu sems bskyed nas sems can thams cad kyang bla na med pa yang dag par rdzogs
185a7 pa'i byang chub tu sems bskyed pa la brtson par byed do/ /de nas byang chub sems dpa' dga' ba'i rgyal pos/ bcom ldan 'das la 'di skad ces gsol to/ /
185b1 bcom ldan 'das/ byang chub sems dpa' drin lan shes pa ni/ bdag byang chub tu sems bskyed pa'o/ /byang chub sems dpa' drin lan bsab pa ni/ sems can pha
185b2 rol po byang chub tu sems bskyed du bcug pa'o zhes bgyi na/ de bzhin gshegs pa sngon 'khor ba na 'khor ba'i che thog ma dngos po ci'i rgyus byang chub tu sems bskyed
185b3 par gyur/ bcom ldan 'das kyis bka' stsal pa/ rigs kyi bu/ sngon gyi bskal ba grangs med pa'i bar du skye shir 'khor ba na 'khor zhing / lus dang / ngag dang / yid kyi nyon mongs
185b4 pa'i las chen pos sems can dmyal ba chen po brgyad myong bar 'gyur to/ /'di lta ste/ a ha ha'i sems can dmyal ba dang / a la la'i sems can dmyal ba dang / a
185b5 tsa tsa'i sems can dmyal ba dang / zangs khol ma'i sems can dmyal ba dang / zangs khol ba chen po'i sems can dmyal ba dang / rdo nag po'i sems can dmyal ba
185b6 ba dang / rdo nag po chen po'i sems can dmyal ba nas/ me'i shing rta'i dmyal ba'i bar du'o/ /nga de'i tshe na me'i shing rta'i dmyal bar lhung nas/ gud nas gcig dang / gnyis kyis me'i shing
185b7 rta 'dren te/ dmyal ba'i srung ma a bang ni shing rti'i steng na 'dug cing mig bgrad/ so gcigs te me 'bud pa kha dang / mig dang / rna ba dang / sna nas me 'bar/ dud pa
186a1 thul te/ srung ma de yang lus shin tu che zhing gnag la/ shing rta'i steng na skyil mo krung bcas te 'dug nas/ lag pa na lcags kyi dbyug pa thogs te
186a2 nga la rdeg go /de'i tshe ngan pa'i sdug bsngal ma bzod nas stobs ci nus kyis shing rta drangs so/ /nga'i grogs shig nyam chung ste 'dren ma nus pas dmyal ba'i srung ma a
186a3 pang gis lcags kyi mdung rtse gsum pa thogs nas brang du btsugs te/ lcags thos brdegs nas/ khrag char par phab bo/ /de'i tshe mi de na ba'i sdug bsngal mi bzod
186a4 pas na tsha ba'i skad chen po byung nas par 'ga' ni pha ma zhas 'bod/ bar 'ga' ni chung ma bu zhe bos kyang phan pa med do/ /nga de'i tshe na de lta bu'i sdug bsngal chen po myong ba mthong
186a5 nas snying rje'i sems skyes so/ /de ltar snying rje'i sems chen po skyes pa'i rkyen gyis byang chub tu sems bskyed par gyur to/ /de nas sdug bsngal myong ba de'i phyir/ dmyal ba'i srung
186a6 ma a bang la sdug bsngal myong ba'i mi 'di la snying rje'i sems cung zad skyed cig ces gsol ba btab pa dang / dmyal ba'i srung ma khros nas zhe sdang gi sems skyes pas /
186a7 lcags kyi mdung rtse gsum pa thogs nas/ nga'i gnya' bar btsugs nas/ de'i tshe'i dus byas pas me'i shing rta'i sems can dmyal ba las thar te/ bskal ba brgya snyed kyi mi
186b1 dge ba'i sdig pa byang bar gyur to/ /de ltar ngas bla na med pa yang dag par rdzogs pa'i byang chub tu sems bskyed pas/ me'i shing rta'i sems can dmyal ba las thar bar gyur to/ /bcom
186b2 ldan 'das kyis dga' ba'i rgyal po la bka' stsal pa/ de'i tshe me'i shing rta 'drin pa de ni da ltar nga yin te/ byang chub tu sems bskyed pas myur du sangs rgyas su grub par gyur to/ /de
186b3 bas na sems can thams cad kyis byang chub tu sems bskyed pa ni/ don gyi dngos po ni gcig tu ma zad de/ la la ni snying rje'i rkyen gyis skye'o/ /la la ni zhe sdang gi rkyen gyis skye'o/ /la la
186b4 ni sbyin pa'i rkyen gyis skye'o/ /la la ni ser sna'i rkyen gyis skye'o/ /la la ni dga' ba'i rkyen gyis skye'o/ /la la ni mya ngan gyi rkyen gyis skye'o/ /la la ni 'dod pa dang bye bral gyi rkyen gyis
186b5 skye'o| |la la ni dgra sdang ba dang phrad pa'i rkyen gyis skye'o/ /la la ni dge ba'i bshes gnyen la sten pa'i rkyen gyis skye'o/ /la la ni mi dge ba'i bshes gnyen gyi rkyen gyis skye'o/ /la la
186b6 ni sangs rgyas mthong ba'i rkyen gyis skye'o/ /la la ni chos thos pa'i rkyen gyis skye'o/ /de bas na sems can rnams la byang chub tu sems bskyed pa ni de ltar so sor mi mthun te/ dga'
186b7 ba'i rgyal po/ byang chub sems dpa' sems dpa' chen pos/ drin lan shes pa dang / drin lan bsab pa'i don gyi dngos po 'di ltar rig par bya'o/ /de'i tshe chos 'di bstan
187a1 pa na skye bo khri brgya stong snyed kyis bla na med pa yang dag par rdzogs pa'i byang chub tu sems bskyed par gyur to/ /'khor mang po de dag las la la ni rgyun
187a2 du zhugs pa'i 'bras bu thob pa nas/ dgra bcom pa'i 'bras bu'i bar du thob par gyur to/ /lha dang / klu dang / yi dwags dang / mi dang / mi ma yin pa la sogs pa thams cad nyan
187a3 thos dang / rang sangs rgyas su sems bskyed par gyur te/ chos thos pa la rab tu dga' rangs nas mgo bos phyag btsal te/ g.yas phyogs nas bskor ba byas nas phyir dong
187a4 ngo | |thabs la mkhas pa chen po sangs rgyas drin lan bsab pa'i mdo las/ byang chub tu sems bskyed pa zhes bya ba'i le'u ste bzhi pa'o// //bam po gsum pa/
187a5 de'i tshe de bzhin gshegs pa'i yum lha mdzes dang / lha rnams kyi don du zhag dgu bcu'i bar du lha rnams la chos ston tu gshegs te/ 'jam bu'i gling gi mi rnams zhag dgu
187a6 bcu'i bar du de bzhin gshegs pa ga la bzhugs pa ma rtogs so/ /mo'u 'gal gyi bu chen po rdzu 'phrul gyi mchog tu gyur pas kyang / rdzu 'phrul gyi mthus gtugs te/ phyogs
187a7 bcur brtags kyang ma rtogs so/ /'phags pa nye bar skyong lta bu lha'i mig mchog gis phyogs bcur stong gsum gyi stong chen po'i 'jig rten gyi khams kun tu bltas kyang ma mthong
187b1 to| |de bzhin du 'phags pa'i 'khor lnga brgya'i bar du kun gyis brtags kyang ma mthong ngo / /de ltar de bzhin gshegs pa ma mthong bas de dag mi dga' ste/ mya ngan gyis sems
187b2 gdungs par gyur to/ /de'i tshe rgyal po u tra ya nas de bzhin gshegs pa ma mthong bas mi dga' ba'i sems skyes te/ de bzhin gshegs pa dran pa'i phyir/ glang mgo'i shing
187b3 tsan+dan las de bzhin gshegs pa'i sku gzugs byas nas phyag 'tshal ba dang / mchod pa byed pa de yang de bzhin gshegs pa mngon sum dang 'dra bar bzhugs par dmigs
187b4 nas mchod pa byas so/ /de'i tshe rgyal po chen pos mu stegs can gyi ston pa drug pos nas/ de bzhin gshegs pa da ltar ga la bzhugs zhes dris na/ ston pa drug gis rgyal po
187b5 la 'di skad smras so/ /rgyal po chen po/ mi mkhyen nam/ dge sbyong gau ta ma ni sgyu 'phrul can yin te/ sgyu ma'o/ /sgyu 'phrul gyi sgyu ma ni bden pa'i dngos po med pas/ bdag
187b6 cag gi gtsug lag las lo stong ngam/ nyis stong na sgyu 'phrul can sgyu ma zhig 'byung ngo zhes 'chad pas/ dge sbyong gau ta ma ni sgyu ma de kho na yin no/ /de'i tshe 'phags pa nye bar skyod
187b7 rgyal po chen po ga la bar song nas rgyal po la 'di skad ces gsol to/ /rgyal po chen po mkhyen tam/ de bzhin gshegs pa ni da ste zhag bdun na sum cu rtsa gsum gnam nas
188a1 'dzam bu'i gling du gshegs so/ /rgyal pos de skad ces smras pa thos nas rab tu dga' ba'i sems su gyur te/ yul mi bsdus nas chag chag dang /
188a2 phyag dar byas te/ spos dang / me tog kyang bshams/ dar gyi lnga ldi dang / ba dan dang / gdugs bres te/ zhal zas mang po dang / rol mo la sogs pa mchod pa'i yo byad
188a3 rnam pa sna tshogs bshams shing sbyar ba dang / mu stegs can gyi ston pa drug der 'ongs nas/ khyed rnams 'di ltar mchod pa'i yo byad rnam pa sna tshogs bshams
188a4 shing sbyar ba 'di/ rgyal po spyan 'dren nam/ 'on te rgyal bu spyan 'dren nam/ de dag gis de ma yin no zhes smras pa dang / 'o na blon po chen po 'bod dam/ bram ze'am
188a5 khyim bdag 'bod dam/ de ma yin na gnyen bshes kyi dus ston byed dam/ smras pa/ de ma yin te/ sangs rgyas bcom ldan 'das gshegs su gsol lo/ /ston pa drug
188a6 gis smras pa/ sangs rgyas zhes bya ba su zhig /smras pa/ rnam pa thams cad mkhyen pa'o/ /yang rnam pa thams cad mkhyen pa zhes bya ba de su zhig /smras pa/ byams pa
188a7 dang | snying rje chen po'i yab bo/ /khyed mi shes sam/ rgyal po zas gtsang ma'i rigs mtho zhing btsun la mchog tu gyur pa/ thog ma bskal pa dang po nas btsun mo chen
188b1 mo'i sras gcig cig gis gdung bsams te/ 'khor los bsgyur ba'i rgyal po byas so/ /bar du rabs gnyis kyis 'khor los bsgyur ba'i rgyal po ma byas mod kyi/ 'dzam bu'i
188b2 gling gi rgyal po byas so/ /rgyal po de la sras mched gsum thog mnga'o/ /rab ni rgyal po zas gtsang ma zhes bya/ de'i bar ma de bre bo zas zhes bya/ de'i tha chung ni zas zil mngar gyi
188b3 zas zhes bya'o/ /rgyal po zas gtsang ma la sras gnyis shig mnga'/ chen po ni don grub ces bya/ sras chung du ni dga' bo zhes bya/ rgyal po zas bre bo zas la sras gnyis shig mnga'/ chen
188b4 po ni lhas byin zhes bya/ sras chung ngu ni kun dga' bo'o/ /rgyal po zil mngar gyi zas la sras mo gcig yod de/ bu mo zil mngar gyi ro zhes bya'o/ /de'i tshe na spun gyi rab rgyal bu
188b5 don grub pho brang gi phyi rol du 'chag tu ltad mo ltar song song ba las rgas pa dang / na ba dang / shi ba dag mthong nas mi dga' bar gyur te/ kha zas kyang mi za zhing snying rje'i
188b6 sems kyi sems pa la zhugs te/ mir skyes pa la mtho dman med par gzugs su red pa thams cad la/ de 'dra ba'i nad dang / skyon yod de/ gcig kyang mi thar ro snyam bsams
188b7 nas| mtshan mo pho brang nas gros nas byang chub kyi shing drung du lo drug gi bar du spyod pa dka' ba spyad nas/ rnam pa thams cad mkhyen pa zhes bya bar gyur te/ thams cad
189a1 mkhyen pa'i ye shes can zhes mngon par sangs rgyas te/ stobs bcu dang / mi 'jigs pa bzhi dang / ma 'dres pa'i chos bco brgyad dang ldan zhing
189a2 rnam pa thams cad mkhyen pa zhes bya bar gyur to/ /bltams nas zhag bdun lon nas yum lha mdzes dus byas te/ sum cu rtsa gsum gnam gyi lha'i nang du skyes nas yum
189a3 la zhag dgu bcu'i bar du chos bshad de/ da ste zhag bdun na 'dzam bu'i gling du gshegs so/ /de'i tshe mu stegs can gyi ston pa drug gis de skad ces smras pa thos
189a4 nas| phrag dog gi sems skyes te rab tu mi dga' ba'i mya ngan gyi gdungs nas/ ston pa drug 'khor dang bcas te lhan cig tu 'dug ste 'di skad ces bgros so/ /
189a5 dge sbyong gau ta ma gal te 'dzam bu'i gling 'dir phyir 'ongs na/ mi thams cad kyis bdag cag spong zhing / dge sbyong gau ta ma la mchod pa byed par 'gyur bas/ bdag
189a6 cag ni brel zhing phongs la srog la bab par 'gyur ro zhes bgros nas mu stegs can gyi ston pa drug /yang 'di snyam du bsams so/ /bdag cag mi mang po 'dus pa'i
189a7 gnas su myur du song la/ mi mang po'i nang du 'di skad ces bsgrag par bya'o/ /de skad kun shes par gyis/ dge sbyong gau ta ma ni yang dag par na ci yang shes pa med de
189b1 byis pa chung ngu na kha nyag cig shAkya rigs kyi pho brang nas byung ste/ byang chub kyi shing drung na 'dug 'dug nas/ nga ni rnam pa thams cad mkhyen pa'i ye shes thob bo zhes zer
189b2 te| tshig de ni rdzun te bden pa ma yin no/ /de ci'i phyir zhe na/ rgyal po a khyi tas bsod snyoms sbyin par bos nas/ rta chas 'ba' zhig byin te ngan du byas kyang ma shes
189b3 te| der song bas na thams cad mkhyen pa ma yin no/ /gzhan yang / kun dga' bo la da ste zhag du na tshul du 'jug ces dris na kun dga' bos zhag bdun zhig lus zhes
189b4 smras so/ /yang kun dga' bo la kun dga' ra ba na bya mang po ci'i phyir ca co'i skad 'byin ces dris na/ byang mang po zas gtod pa'i phyir ro zhes smras so/ /btsas nas zhag
189b5 bdun lon nas ma yang shi bar gyur pas/ de dang sbyar na thams cad shes pa ma yin no/ /bkra mi shis te shin tu sdig pa can yin no/ /de cis mngon zhe na/ btsas ma
189b6 thag tu ma yang shi'o/ /yang gcig tu na sri zhus pha la rim gro byed pa'i rigs na/ rim gro mi byed par ri la langs te song ba las drin mi shes pa yin no/ /yab rgyal
189b7 pos btsun mo skye dgu'i bdag mo blangs pa las/ chung ma'i tshul du ma byas te/ btsun mo skye dgu'i bdag mo sdug bsngal chen po myong bar byas pas/ drin mi shes shing
190a1 drin mi dran pa yin no/ /dge sbyong gau ta ma'i 'khor ni bzang ngan med de/ slob ma lnga brgya po yang so so nas nga ni mchog yin no zhes zer te/ mkhan
190a2 po la yang chos lugs med pas/ slob ma la yang chos lugs sam/ spyod pa'i las med do/ /chung ngu na stan 'dings pa'i mi dge slong than bye'u lta bu yang nga ni kun gyi
190a3 mchog go zhes zer/ yid gzhungs shing shes rab che ba blo rno ba'i mchog shA ri'i bu lta bu yang de na yod/ shes rab brtul ba shes pa med pa dge slong phan thig
190a4 de yang de la 'jug /chung ngu na 'dod chags chung ba dge slong ma grags 'dzin yang de la 'jug /mnyan du yod pa na sprul 'tshong ma ma rung ma ut+pa la'i mdog kyang de la
190a5 'jug /chung ngu na shed ma bye ba shes pa med pa/ bus pa tsun da yang de la 'jug /nang gi rgas 'khogs pa de su bar ta la zhes bya ba lo brgya nyi shu lon pa de yang
190a6 de la 'jug /rigs btsun pa che ba shAka ris kyang de la 'jug /mnyan du yod pa na nang gi rigs ngan phyag dar lung skyed pa yang de la 'jug ste/ de bas na dge sbyong gau
190a7 ta ma'i chos ni go 'dun bsdus pa bzang ngan med pa ste/ mchod par 'os pa'am/ bkur sti bya ba'i gnas ma yin no/ /dper na/ rlung chen po langs na shing lo
190b1 ma'am| 'dab ma thams cad lhan cig 'phungs pa ltar sangs rgyas kyi chos kyang de dang 'dra'o/ /dper na/ bya mang po ni mis bor ba'i kha zas sam/ bar bur la 'du ba
190b2 ltar| dge sbyong gau ta ma'i 'khor yang de dang 'dra ste/ rnyed rnyed len cing za'o/ /de bas na khyed rnams ci'i phyir dge sbyong gau ta ma la mchod pa bya bar sems zhes bsgrags
190b3 so| |de'i tshe na mi mang pos de skad smras pa thos kyang / dper na/ sa chen po bskyod du med pa bzhin/ de bzhin gshegs pa la skom pas gdungs pa tsam du mos shing 'dud
190b4 pa'i sems ma nur to/ /'khor mang po rnams su mu stegs can gyi ston pa drug gis smras pa'i tshig gis sems phyir ma nur ba ni ji ltar rdo rje ltar brtan par gyur te/ skyed bri
190b5 med pa de bzhin gshegs pa la skom pas gdungs pa ltar/ mos shing dad pas zhag bdun lon nas/ de bzhin gshegs pa yang sum cu rtsa gsum gnam nas slar
190b6 'dzam bu'i gling du gshegs te/ lha'i 'khor grangs med pa brgya stong gis bskor cing / de bzhin gshegs pa'i 'od zer gyis kun tu snang la gsal bar byas nas/ lha'i
190b7 rol mo tshad med pa brgya stong snyed kyis mchod nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen
191a1 po dang / mi dang / mi ma yin pa'i bar du thams cad 'dus te phyag btsal nas mchod pa byas so/ /de'i tshe rgyal po u tra ya na yang 'khor dang bcas
191a2 te| rgyang ma nas de bzhin gshegs pa'i zhabs la phyag btsal nas phyogs gcig tu 'khod do/ /de nas mu stegs can gyi ston pa drug kyang / phyogs gcig tu 'dus nas
191a3 'di snyam du sems par gyur to/ /bdag cag gi byur zhes bya ba 'dir 'ongs te/ mi mang po'i nang du de skad ces bsgrags kyang yid ches la ma phan pas/ da ni bdag gis
191a4 lha dang / mi tshogs pa'i nang du bsgrags na bye brag ma phyed do snyam bsams so/ /de'i tshe mu stegs can gyi ston pa drug gis de snyam bsams nas/ 'khor brgyad stong
191a5 snyed dang mdun gyis byas te/ 'khor mang po 'dus pa'i nang du 'ongs nas/ phyogs gcig tu 'khod do/ /de'i tshe na dri za'i bu chos kyi phreng ba zhes bya ba rin po che sna
191a6 bdun las byas pa'i pi wang thogs nas de bzhin gshegs pa gang na bar 'ongs te/ zhabs la mgo bos phyag btsal nas phyogs gcig tu 'khod do/ /phyogs
191a7 gcig tu 'dug nas glu dang bcas pa'i rol mo byas nas/ rol me'i sgra skad shin tu snyan pa des 'khor thams cad kyi yid kyang tshim par gyur te/ nyan thos shA ri'i
191b1 bu la sogs pa ma tshor bar lus bskyod cing g.yos te gar byas par gyur/ ri rab lhun po yang 'gul zhing g.yos par gyur to/ /de'i tshe de bzhin gshegs pa mtshan ma yod
191b2 ces bya ba'i ting nge 'dzin du zhugs nas/ ting nge 'dzin de'i mthus pa'i wang gi sgras stong gsum gyi stong chen po'i 'jig rten gyi khams kun tu grags shing / pi wang gi sgra
191b3 de las sdug bsngal ba dang / stong pa dang / mi rtag pa dang / mi gtsang ba dang / bdag med pa zhes bya ba'i sgra byung ste/ sems can thams cad kyis rol mo'i sgra de las
191b4 de bzhin gshegs pas drin gzo ba dang / drin lan bsab pa dang / bskal ba tshad med pa grangs med pa'i bar pha ma la sri zhu bya ba'i sgra grags par gyur to/ /sgra de
191b5 thos pa'i sems can thams cad 'dzam bu'i gling du sangs rgyas gang na ba der lhags nas/ zhabs la mgo bos phyag btsal te phyogs gcig tu 'khod do/ /de'i tshe de
191b6 bzhin gshegs pa ting nge 'dzin du zhugs pa la/ 'khor mang po rnams mig mi 'dzum par de bzhin gshegs pa la lta zhing cang mi smra bar 'khong pa las/ 'khor gyi
191b7 dkyil 'khor de nyid du rin po che sna bdun las byas pa'i mchod rten/ rgyal mtshan dang / ba dan grangs med pas brgyan pa rin po che'i dril bu brgya stong gis btags pa/
192a1 rlung gis bskyod na shin tu sgra snyan pa 'byung ba/ sa'i nang nas byung ba nam mkha' la 'phags te gnas so/ /de'i tshe 'khor mang po thams
192a2 cad rin po che'i mchod rten sa las byung ba de la the tshom du gyur te/ ci'i rgyu ci'i rkyen gyis rin po che'i mchod rten 'di lta bu sa las byung snyam the tshom du gyur te/ shA ri'i
192a3 bu la sogs pa'i shes pa'i blos gtugs te brtags kyang ma rtogs/ mi mjed kyi 'jig rten gyi khams nyid na gnas pa'i byang chub sems dpa' sems dpa' chen
192a4 po byams pa'i bar du yang ma rtogs so/ /de nas mu stegs can gyi ston pa drug 'di snyam du sems par gyur te/ ci'i rgyu ci'i rkyen gyis rin po che'i mchod rten 'di lta
192a5 bu byung bar gyur pa mi gzhan zhig gis gal te bdag cag la dris la/ ci de bdag gis ma shes na/ thams cad mthong zhing shes pa zhes kyang ji skad bya/ /da
192a6 dge sbyong gau ta mas 'khor mang po la myur du bstan cing bshad na/ ci ma rung snyam par sems par gyur to/ /de nas bcom ldan 'das ting nge 'dzin de las bzhengs
192a7 pa dang / brgya byin lha'i dbang po sum cu rtsa gsum gnam gyi lha dang / seng ge'i khri bshams te/ lha rdzas kyi gos bting ngo / /de nas de bzhin gshegs pa seng ge'i khri
192b1 la ji ltar ri rab lhun po rgya mtsho'i nang na gnas pa bzhin/ skyil mo krung bcas nas bzhugs so/ /de'i tshe byang chub sems dpa' byams pas 'khor mang po the tshom du
192b2 byung ba yang sems kyis shes/ bdag kyang the tshom du gyur te ma rtogs pas stan las langs nas sangs rgyas gang na ba logs su zhabs la mgo bos phyag btsal nas
192b3 thal mo sbyar ba btud de/ bcom ldan 'das/ ci'i rgyu ci'i rkyen gyis rin po che'i mchod rten 'di lta bu byung bar gyur ces gsol ba dang / bcom ldan 'das
192b4 kyis byang chub sems dpa' byams pa la 'di skad ces bka' stsal to/ /nga sngon 'das pa bskal pa grangs med pa bsam gyis mi khyab pa'i pha rol na/ sangs rgyas rnam
192b5 bar gzigs zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten
192b6 mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba zhes bya ba 'jig rten du byung nas so so'i skye bo grangs med pa/ bye ba khrag khrig brgya stong
192b7 snyed bla na med pa yang dag par rdzogs pa'i byang chub la brtan par byas so/ /sangs rgyas de mya ngan las 'das nas/ gzugs brnyan gyi chos la spyod pa'i tshe/ yul
193a1 wA ra NA si zhes bya ba zhig yod de/ wA ra NA si zhes bya ba'i rgyal po chen po de mkhas pa'i blo dang ldan zhing rtag tu drang po'i chos kyis yul gyi
193a2 srid 'tsho ste/ mi rnams kyang bde skyid/ rgyal po chen po de rgyal phran drug cu la dbang bsgyur te/ grong khyer brgyad brgya yod kyang rgyal po la sras med do/ /de ltar sras
193a3 med pas 'jig rten gyi lha dang / lha thams cad la lo bcu gnyis kyi bar du mi ngal mi skyo bar mchod 'brang byas pas/ btsun mo chen mo la sras shig mnga' bar
193a4 gyur te/ zla ba bcu tshang nas sras bu zhig bltams so/ /sras bu de yang sdug cing mdzes la/ mtshan phun sum tshogs pa gcig btsas ma thag tu blon po chen po rnams
193a5 dang | mtha'i rgyal po rgyal phran kun bsdus te/ rgyal bu'i mtshan bltas na rgyal bu rang bzhin gyis khro mi shes shing dge ba zhig ste mtshan yang rgyal bu bzod pa
193a6 zhes btags so/ /rgyal bu bzod pa de cher skyes nas/ sbyin pa sbyin pa la dga' zhing mkhas pa'i blo dang ldan te/ sems can mang po la snying rje ba'i sems cher
193a7 skyes so/ /de'i tshe na rgyal po chen po de la blon po chen po rang bzhin gyis khro ba g.yo dang / sgyus 'tsho ba nyes pa med par stabs las gcod pa/ kun gyis mi 'dod cing
193b1 snying du mi sdug pa drug zhig yod do/ /blon po chen po drug po de dag bdag gi lus la skyon yod par shes nas/ rtag tu phrag dog byed do/ /rgyal bu de la mi dga'o/ /de'i tshe rgyal
193b2 po nad tshabs chen po btab nas nad kyis gzir te nyam chung zhing rid par gyur pas/ srog la bab tu nye ba dang / rgyal bu bzod pas blon po rnams la yab rgyal po snyun
193b3 tshabs che'am/ sku tshe'i bar chad du mi 'gyur ram zhes dris na/ blon po rnams khros te/ rgyal bu la rgyal po'i sku tshe ring po mi thogs so zhes smras so/ /de ci'i phyir zhe na/
193b4 sman bzang po ma rnyed pas/ de bas na sku tshe ring po mi thogs so/ /rgyal bus de skad ces smras pa thos nas/ rab tu mi dga' ba'i sems su gyur te 'khams nas sa la 'gyel
193b5 pa dang / blon po chen po drug po gnas dben par song nas 'di skad ces bgros so/ /rgyal bu bzod pa 'di med par ma byas nas bdag cag nam du yang bde bar mi 'gyur ro snyam
193b6 bsams shing bgros pa las/ blon po gcig gis smras pa/ rgyal bu 'di la nyes pa ye med na ji ltar med par bya/ blon po gcig gis smras pa/ bdag la rgyal bu med
193b7 par bya ba'i thabs yod do zhes smras nas/ rgyal bu gang na ba der song nas/ rgyal bu la 'di skad ces smras so/ /bdag cag gis mtha'i rgyal phran drug cu'i yul dang /
194a1 grong khyer brgyad brgya'i nang du sman btsal yang rnyed par ma gyur to/ /rgyal bus smras pa/ rgyal po la sman du ci zhig dgos na de ltar mi rnyed ces
194a2 bsgo ba dang / blon pos smras pa/ rgyal bu/ mkhyen tam/ rgyal po'i sman du gces pa ni thog ma btsas nas tha ma skyes kyi bar du khro mi shes pa'i mi'i mig gi 'bras bu
194a3 dang | rkang dgos te sman 'di lta bu rnyed na rgyal po'i srog 'tsho yi/ gal te mi rnyed na mi 'tsho bas 'di lta bu ni gang nas kyang ma byung ngo / /rgyal bus de skad smras pa thos
194a4 nas mi dga' zhing mya ngan gyi sems skyes te/ blon po rnams la de ni da ltar bdag de dang ldan no zhes smras so/ /de ci'i phyir zhe na/ bdag ni thog ma btsas nas da tsam
194a5 gyi bar du khro ba ma myong ngo / /blon pos smras pa/ rgyal bu de dang ldan pa yang don 'di ni shin tu bya dka' ba yin no/ /de ci'i phyir zhe na/ 'jig rten na bdag gi lus las
194a6 phangs pa med pa'i phyir ro/ /rgyal bus smras pa/ blon po khyed smra ba ltar ma yin te/ yab rgyal po snyung ba las 'tsho bar gyur na lta bdag gis lus brgya stong gtong na
194a7 yang nus te dka' ba ma yin no/ bdag gi lus mi gtsang ba 'di gtang ba lta ci smos/ blon pos smras pa/ don 'di lta bu dag ni rgyal bus ci mdzad du bas so/ /de nas rgyal
194b1 bu bzod par rab tu dga' nas dga' ba'i sems skyes te/ sman 'dis yab rgyal po'i snyun 'tsho na lta myur du bya ba'i dus la bab bo snyam bsams nas/ pho brang gi nang du
194b2 song ste yum gyi drung du phyin nas/ yum gyi rkang pa la mgo bos phyag btsal te/ thal mo sbyar ba btud nas yum la 'di skad ces smras so/ /da ltar bdag gis lus 'di
194b3 yab rgyal po'i sman du dgos te/ gal te na srog mi 'tshor dzogs pas yum la mchi phyag 'tshal gyi/ yum mi dgyes par ma mdzad cig /yum gyis de skad ces smras pa
194b4 thos nas/ 'khams te phyogs kyang bslad par gyur nas/ dper na/ mi brnangs pa ming du yang med la/ skyug tu yang med par ltar skrag nas rgyal bu pang du blangs nas sa
194b5 la 'gyel to/ /de nas gdong du chu grang mo gtor nas ring zhig lon pa dang / phyir sangs te yum la yang 'di skad ces gsol to/ /yab rgyal po sku tshe ring po mi thogs te /
194b6 bdag gi don 'di myur du bsgrubs la rgyal po'i sku tshe 'tsho ba bgyi'o/ /de nas rgyal bu bzod pas blon po rnams dang / rgyal phran rnams dang / 'khor mang po rnams la
194b7 bdag mchi phyag bya'o zhes smras so/ /de'i tshe blon po chen pos rigs ngan pa'i shan pa gcig bos nas/ rgyal bu'i rus pa ni bcag /rkang ni phyung / mig gnyis kyi
195a1 'bras bu yang phyung ngo / /de nas blon po de dag gis sman de dag brdungs nas sbyar te rgyal po la byin pa dang / rgyal po chen po yang sman de zos
195a2 nas nad kyang sos par gyur to/ /rgyal po nad sos nas blon po rnams la khyed kyis 'di lta bu'i sman bzang po nga'i nad sos shing srog las thar ba ga las rnyed ces
195a3 smras so/ /blon po rnams kyis gsol pa/ sman 'di ni rgyal bu bzod pas sbyar ba lags so/ /bdag cag gis rnyed cing sbyar ba ni ma lags so/ /rgyal pos de skad
195a4 smras pa thos nas dngangs te 'gyel lo/ /lus kyi ba spu yang langs so/ /blon po rnams la rgyal bu bzod pa da ltar ga re zhes dal gyis dris so/ /blon pos gsol pa /
195a5 rgyal bu bzod pa da ltar phyi rol na lus kyi rma gso zhing mchis te/ srog mi 'tshor dogs so/ /rgyal pos tshig de thos nas skad chen po phyung nas/ kyi hud/ kyi hud
195a6 ces smras nas lus sa la brdabs te sa dang / rdul gyis lus la gos nas/ kho bo ni yang dag par khrel med pa yin te/ ci'i phyir bu'i sha sman du zos zhes smras nas bu
195a7 ga la bar song ba las ma slebs par rgyal bu yang tshe 'das so/ /rgyal po dang / btsun mo rnams dang / blon po rnams dang / 'khor mang po thams cad kyis bskor
195b1 cing | yum yang rgyal bu'i ro'i steng du lus brdabs nas/ bdag gis sngon sdig pa ci zhig byas nas/ bdag gi bu 'di ltar sdug bsngal myong bar 'gyur/ bdag gi lus
195b2 'di rdul du btags kyang sla na/ ci'i phyir bu 'di shi bar gyur ces smre sngags 'don to/ /de nas yab rgyal po dang / rgyal phran rnams kyis spos glang mgo'i tsan+dan spungs
195b3 te| rgyal bu'i ro bsregs nas/ rgyal bu'i rus pa bsdus te rin po che sna bdun gyi mchod rten byas so/ /de'i tshe bcom ldan 'das kyis/ byang chub sems dpa' byams pa
195b4 la 'di skad ces bka' stsal to/ /rigs kyi bu dag /khyed rnams shes par gyis shig /de'i tshe de'i dus na wA ra NA si'i rgyal po chen po de gzhan yin par sems na/ de
195b5 ltar mi blta'o/ /de'i tshe de'i dus na rgyal po de ni da ltar nga'i yab rgyal po zas gtsang ma yin no/ /de'i tshe de'i dus na btsun mo de ni gzhan yin par sems na/ de ltar mi
195b6 blta ste/ de'i tshe de'i dus na btsun mo de ni de ltar yum lha mdzes yin no/ /de'i tshe de'i dus na rgyal bu bzod pa de ni da ltar nga yin te/ byang chub sems dpa' ni bskal
195b7 pa tshad med grangs med pa'i bar du pha ma la sri zhu bya ba'i phyir gos dang / zas dang / btung ba dang / gnas dang / mal cha dang / lus kyi sha dang / khrag dang / rkang
196a1 gi bar du sbyin par byed do/ /de'i rgyu de'i rkyen gyis mngon par sangs rgyas pa'i bar du'o/ /da ltar rin po che'i mchod rten sa las byung ba 'di ni/
196a2 ngas sngon pha ma'i phyir lus kyi rkang dang / srog gi bar du phul te 'di nyid du mchod rten brtsigs te mchod pa byas pas/ da mngon par sangs rgyas na yang mngon par byung
196a3 nas snang bar gyur pa yin no/ /de'i tshe de'i dus na 'khor mang po lha dang / klu dang / gnod sbyin dang / mi la sogs pa grangs med pa rnams de skad ces gsungs pa thos
196a4 nas| dga' ba dang / mi dga' ba 'dres par byung ste/ thams cad mchi ma blags nas skad mthun par de bzhin gshegs pas yon tan brgya stong bsngags shing bstod
196a5 de dus gcig tu bla na med pa yang dag par rdzogs pa'i byang chub tu sems bskyed do/ /gzhan yang / sems can tshad med pa brgya stong gis nyan thos dang / rang sangs
196a6 rgyas su sems bskyed do/ /de ma yin pa/ gzhan yang /skye bo tshad med pa skyed rgyun du zhugs pa'i 'bras bu thob nas/ dgra bcom pa'i 'bras bu'i bar du thob par gyur to/ /
196a7 gzhan yang / byang chub sems dpa' sems dpa' chen po tshad med pa bye ba khrag khrig brgya stong snyed ring po mi thogs par bla na med pa yang dag par rdzogs pa'i byang
196b1 chub tu mngon par sangs rgyas so/ /de bas na de bzhin gshegs pa ni yang dag par pha ma la sri zhu byed pa'o/ /gzhan yang / byang chub sems dpa' ni pha ma'i yon tan shes
196b2 shing sngon gyi smon lam gyis de bzhin gshegs pa'i sku btsas par shes so/ /de ltar de bzhin gshegs pa'i smon lam rdzogs par bya ba'i phyir/ yum gyis phyag bya bar
196b3 mi 'dod pa'i phyir tshe'i dus byas pa yin no/ /de'i tshe na 'khor mang po thams cad kyis tshig mthun par yum lha mdzes la legs so/ /yum lha mdzes/ de bzhin gshegs pa
196b4 lha dang / mi'i ston pa/ 'jig rten na dpe zla med pa btsas pa shin tu legs so/ /de nas dri za'i bu chos kyi phreng ba 'dug pa las langs te/ bla gos phrag pa gcig la gzar
196b5 te| bus mo g.yas pa'i lha nga sa la btsugs nas sangs rgyas gang na bar thal mo sbyar ba btud de bcom ldan 'das la 'di skad ces gsol to/ /yum lha mdzes 'di
196b6 bsod nams ci bgyis na ci'i rgyu ci'i rkyen gyis de bzhin gshegs pa bltams par gyur/ bcom ldan 'das kyis bka' stsal pa/ legs par nyon la shin tu yid la
196b7 zungs shig dang / khyod la bshad par bya'o/ /sngon 'das pa grangs med pa bsam gyis mi khyab pa'i pha rol na/ sangs rgyas rnams par gzigs zhes bya ba/ de bzhin gshegs
197a1 pa| dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa 'jig rten mkhyen pa/ skyes
197a2 bu 'dul ba kha lo sgyur ba/ bla na med pa/ blon po rgyal po zhes bya ba 'jig rten du byung ngo / /sangs rgyas de dam pa'i chos nub nas gzugs brnyan la chos spyod pa'i bar du nub
197a3 par gyur nas/ de'i tshe yul wA ra NA si zhes bya ba na/ 'phags pa gnas zhes bya ba'i ri zhig yod de/ ri de la rang sangs rgyas zhes bya ba brgya stong snyed gnas so/ /
197a4 drang srong mngon par shes pa lnga dang ldan pa grangs med pa zhig kyang ri de la gnas so/ /ngas de ltar 'phags pa dang / drang srong mang po gnas pa'i phyir ri de yang 'phags
197a5 pa gnas zhes btags so/ /ri de la drang srong gcig ni ri de'i lho phyogs na gnas so/ /drang srong gcig ni ri de'i byang phyogs na gnas te/ drang srong de gnyis gnas pa'i
197a6 bar na chu mig gcig yod de/ chu mig de'i drung na pha bong phya le ba bzang po gcig yod do/ /de'i tshe de'i dus gcig na ri lho phyogs logs na gnas pa'i drang srong de
197a7 pha bong de'i steng du gos dang / rkang pa bkrus te phyir gnas su song ba dang / ring po ma lon par sha ba yu mo gcig chu mig la chu 'thung ngu 'ongs pa dang / chu mig la chu
197b1 'thungs pa'i 'og tu pha bong de'i steng na drang srong gis gos bkrus pa'i khu ba 'thungs so/ /gos bkrus pa'i khu ba 'thungs pa'i 'og tu phyir phongs rol tu bltas te mo mtshan
197b2 la bldags so/ /de nas sha ba yu mo de'i ltor bu chags te zla ba tshang ba dang / ri dwags kyi chos kyis bu 'byung ba na/ thog ma gnas gang du mngal du chags pa der bu 'byin
197b3 pas| chu mig gi dngor 'ongs te pha bong de'i steng du ngu zhing 'gre nas bu mo gcig byung ngo / /de'i tshe na lho phyogs logs kyi drang srong de sha ba ngu ba'i skad thos nas snying rje
197b4 ba'i sems skyes te/ sha ba'i drung du ltar song ba dang / sha ba yu mo de la bu mo gcig byung ste/ sha ba de la ldag cing 'dug pa las/ drang srong der 'ongs pa dang / sha ba
197b5 yang bu bor nas song ngo / /de nas drang srong des sha ba la btsas pa'i bu mo de mdzes shing sdug la mtshan dang ldan par mthong bas/ snying rje'i sems kyis rtswa'i gos kyis
197b6 dkris te pang du blangs nas/ phyir gnas su 'ongs nas shing tog dang / 'bras bu brngas nas gsos gsos pa dang / mthar gyis cher skyes nas lo bcu bzhi lon
197b7 pa dang / drang srong yang bu mo de la shin tu byams te/ rtag tu rgyun mi 'chad par me gsor bcug pa las/ nyi ma gcig le lo byas nas me shi bar gyur pa dang / drang srong
198a1 gis tshig gis spyos te/ bu mo thog ma bskyed nas nga tsam gyi bar du me shi ma myong na/ ci'i phyir me bsad ces gshes te/ ri byang phyogs logs
198a2 na gnas pa'i drang srong gi thad du me len du btang ngo / /de nas bu mo de phas bsgo ba bzhin du/ ri byang phyogs kyi ngos su song ba las/ gom pa re re zhing rkang pa'i 'og nas
198a3 pad+mo re re skyes te/ 'gro ba'i rjes bzhin khod mnyam par dngar ba dang / pad+mo skyes nas ri byang phyogs logs nas me len du song ngo / /de'i tshe na drang srong des bu mo de shin tu
198a4 bsod nams dang ldan zhing rkang pa'i 'og nas pad+ma skyes pa mthong nas/ bu mo de la 'di skad ces smras so/ /khyod me 'dod na kho bo'i spyil po 'di lan bdun bskor la/ gom
198a5 pa'i bar mnyam pa dang / nye ring thag ran par gom pa'i 'og nas pad+mo skyes par byes shig /de ltar lan bdun bskor ba byas nas kyang bu mo la khyod me 'dod na/ phyir yang
198a6 g.yas phyogs nas bskor te song zhig dang / me sbyin no bar bsgo'o/ /de'i tshe bu mo de me 'dod pa'i phyir drang srong gis bsgo ba bzhin du byas te me blangs nas phyir song ngo / /
198a7 bu mo de phyir song nas ring po ma lon par wA ra NA si'i rgyal po blon po chen po dang 'khor brgya stong snyed dang bcas nas su ri de la 'chag cing ri de la ri dwags la lings
198b1 'debs su 'ongs pa dang / de nas wA ra NA si'i rgyal po bal gyi glang po che la zhon nas/ ri byang phyogs logs su drang srong ga la pa der 'ongs nas der phyin pa dang / drang srong de'i spyil po
198b2 la pad+mos 'khor bar bskor ba de mthong nas rab tu dga' rangs pa'i sems skyes te/ drang srong chen po la shin tu legs so/ /legs so/ /yon tan chen po dang ldan pa'i drang srong ston
198b3 cing 'dren pa yon tan dang ldan pa dge'o zhes bstod do/ /de nas drang srong des rgyal po la 'di skad ces gsol to/ /rgyal po chen po/ mkhyen tam/ pad+ma 'di dag ni bdag gi nus pa ma
198b4 lags so/ /rgyal pos smras pa/ 'o na 'di sus byas/ drang srong gis gsol pa/ rgyal po chen po/ ri lho phyogs na gnas pa'i drang srong la ri dwags kyis btsas pa'i bu mo byad bzhin bzang
198b5 zhing sdug pa mi'i mtshan dang ldan pa/ 'jig rten na dkon pa/ 'gro ba'i rjes bzhin rkang pa'i 'og nas pad+mo skyes pa gcig yod do/ /rgyal pos de skad smras pa thos nas sems rab tu
198b6 dga' rangs te/ ri lho phyogs logs kyi drang srong ga la ba logs su song ste phyin pa dang / drang srong de'i rkang pa la mgo bos phyag btsal nas drang srong des sgor byung nas bsus te/ rgyal
198b7 po chen po shul ring po nas gshegs na rab tu ngal bar ma gyur tam zhes bro dris so/ /de nas rgyal po chen pos drang srong de la 'di skad ces smras so/ /btsun pa/ khyod la bu mo zhig yod pa de gnyen bya
199a1 bar 'dod do/ /drang srong gis smras pa/ rgyal po chen po/ bdag phongs pa la bu mo gcig pu zhig yod pa de chung la ci yang mi shes te/ chung nas ni la bskyed bskyed
199a2 pas| mi'i chos tshul ci yang ma rtogs te/ rtswa'i rtsa ba dang / 'bras bu las gzhan mi za na/ ji ltar rgyal po chen po la dbul du rung / bu mo 'di yang ri dwags kyis btsas te/ dbul
199a3 du mi rung ngo zhes ji ltar gyur pa rgyus kyis zhib tu gsol ba'i bar du'o/ /rgyal pos smras pa/ de lta bu yin yang bla/ 'di ltar ga na 'dug ston cig /drang srong gis smras pa/ da ltar
199a4 spyil po'i nang na 'dug go zhes smras so/ /de'i tshe rgyal po chen po spyil po'i nang du zhugs nas bu mo la bltas te/ rab tu dga' ba'i sems skyes te/ ri dwags kyi bu mo spos
199a5 chus bkrus nas rin thang med pa'i gos bskon te/ rin po che'i rgyan sna tshogs kyis brgyan nas bal gyi glang po che'i steng du bzhag nas/ 'khor brgya stong snyed kyis bskor
199a6 te rol mo byed cing phyir yul du 'ongs so/ /de'i tshe ri dwags kyi bu mo de thog ma btsas nas de lta bu'i mi mang po ma mthong bas dngang shing skrag go /de'i tshe drang srong de ri mthon po'i
199a7 khar song nas bu mo de la mig mi 'dzum par lta zhing 'di snyam du da ni bdag gi bu mo yang je ring je ring song bas ma mthong bar gyur nas/ phyir gnas su 'gro snyam bsams
199b1 nas| mig mchi ma zag cing mchis te/ bdag gis bu mo gsos pa 'di ci'ang shes pa med par bral bar gyur to/ /yang 'di snyam du bsams te/ bdag da dung gnas 'di las mi
199b2 g.yo bar bya'o/ /de ci'i phyir zhe na/ gal te bdag gi bu mo phyir bdag la lta bar gyur la/ ci ste ma mthong bar gyur na mi dga' zhing / sdug bsngal gyis gdungs par 'gyur gyi/ re zhig
199b3 'di kho nar bsdad do snyam nas/ de nas kyang ring zhig bsdad de/ ma mthong gi bar du bltas kyang bu mos phyir ma bltas so/ /de ltar bu mos phyir ma bltas pas/ drang srong de khro ba'i
199b4 sems skyes nas 'di skad ces smras so/ /yong yang byol song las skyes pas nga la phyir ma bltas te/ ngas chung ngu nas gsos gsos nas da mir gyur te rgyal pos phrogs pas bdag
199b5 ye 'ur gyur to zhes spyil bor zhugs nas rig sngags byas te/ gal te rgyal pos bor bar gyur na ni der yang zad do/ /ci ste gces su byas la bor bar ma gyur na/ bsams pa
199b6 ltar ma grub cig ces sngags kyis btab bo/ /de'i tshe wA ra NA si'i rgyal po chen po de pho brang du phyin nas gces su byas nas/ mtshan yang btsun mo ri dwags ma zhes btags so/ /
199b7 mtha'i rgyal phran dang / blon po rnams kyang 'dus nas rgyal po la tshig snyan pas bstod nas/ rgyal po yang rab tu dga' rangs par gyur to/ /de nas kyang ring po ma lon par mngal du
200a1 bu chags par gyur nas/ rgyal po nyid btsun mo'i rim gro byed de/ mal cha dang / kha zas dang / btung ba la sogs pa bzang zhing 'jam por sbyar
200a2 to| |de nas zla ba bcu tshang nas bu khye'u zhig btsas na rgyal po'i gdung 'tshob par re ba las/ zla ba tshang nas pad mo gcig btsas so/ /drang srong gi rig sngags kyi mthus rgyal
200a3 po khros par gyur nas/ 'di skad du/ byol song las skyes pa bden zhes btsun mo las phyung ste/ pad mo yang bor du bcug go /de nas zhag ring zhig lon pa dang wA ra NA si'i blon
200a4 po rnams dang / skyed mos tshal du ltad mo lta zhing rtser phyin pa dang / rtse zhing rol mo byed de/ rta dang / glang po che yang 'thab tu bcug /gyad rnams kyang stobs 'gyed du bcug
200a5 pa las/ gyad kyi nang na gyad rab tu mchog tu stobs che ba gcig rdog pa sa la brdabs na/ sa yang 'gul te/ drung na pad+mo'i rdzing zhig yod pa yang 'gul bar gyur to/ /
200a6 pad+ma'i rdzing gi drung du pha bong zhig yod de/ de'i 'og na pad+mo zhig yod pa rdzing gi nang du lhung ngo / /rdzing du lhung ba'i pad mo de mdog rab tu bzang ba/ kha dog le brgan du
200a7 'dug la 'tshe ra ba'i 'od chags pa/ rgyal pos mthong nas sems rab tu dga' ste/ blon po rnams la pad+mo 'di lta bu ni sngon chad yang mthong ma myong ngo zhes smras so/ /de nas
200b1 pad+mo de chu'i nang nas phyungs shig ces bsgo nas pad+mo len du btang ba las/ pad+mo de la 'dab ma lnga brgya yod de/ 'dab ma re re'i 'og na khye'u gzhon nu byad bzhin bzang zhing mdzes la phal las
200b2 'phags pa re re yod par mthong ngo / /de nas pad+mo len pa'i mi des pad+mo de ngo mtshar che ba de lta bu dag mthong nas/ rgyal po chen po/ pad+mo de la 'dab ma lnga brgya mchis te/ 'dab ma re
200b3 re'i 'og na lha'i bu re re yod do zhes gsol lo/ /rgyal pos tshig de thos nas ba sbu kun langs pa tsam du dngangs nas/ mi de la yang dag par bden nam zhes bka' stsal to/ /de nyid
200b4 btsun mo ri dwags mas btsas pa'i pad+mo yin nam/ zhes btsun mo las btsas pa'i pad+mo gar bor zhes dris na/ btsun mos gsol pa/ rgyal po chen po/ pad+ma de rdzing gi 'gram na pha bong
200b5 zhig mchis pa'i 'og tu sbas so zhes gsol pa dang / de nyid btsun mo ri dwags mas btsas pa yin par yid ches nas/ phyir pho brang gi nang du 'ongs so/ /phyir pho brang du phyin nas btsun
200b6 mo ri dwags ma la bdag ni gti mug can shes pa med pa/ mdzangs ngan mi rtogs pas btsun mo bden par 'ong ngo snyam nas/ btsun mo'i yid dang 'gal bar gyur pa bshags so
200b7 zhes smras nas/ phyir btsun mo dam par dbang bskur ro/ /de nas rgyal po shin tu dga' nas/ blon po rnams dang / bram ze dang / rgyal phran dang / mtshan mkhan kun bsdus nas /
201a1 rgyal bu lnga brgya pang du blangs nas/ mtshan mkhan rnams la mtshan bzang ngan ltar bcug go /mtshan mkhan gyis gsol pa/ rgyal bu 'di dag ni rgyal po'i bsod
201a2 nams dang / dbang thang gis grub ste/ gal te khyim na gnas na mtha' bzhi rang 'du zhing lha rnams kyang 'go bar 'gyur/ gal te rab tu byung na gdon mi za ba skye shi rtsa ba gcod cing /
201a3 'dod pa'i chu klung las thar te/ 'khor ba'i rgya mtsho'i pha rol tu phyin cing rig pa gsum dang / mngon par shes pa drug dang ldan zhing / dge sbyong gi 'bras bu bzhi thob par 'gyur ro/ /
201a4 rgyal pos tshig de thos nas lhag par dga' bar gyur nas/ rgyal bu lnga brgya gso ba'i ma ma lnga brgya btus pa dang / de nas btsun mo ri dwags mas rgyal po la 'di skad ces gsol to/ /
201a5 rgyal po chen pos yul khams kun tu ma ma btu mi dgos te/ da ltar rgyal po'i pho brang na btsun mo lnga brgya yod la/ btsun mo de dag bdag la bu yod pas thams cad phrag dog byed do/ /
201a6 de rgyal pos btsun mo re re gsor bcug na rgyal bu rnams kyang sos par 'gyur ro/ /rgyal pos btsun mo la smras pa/ btsun mo lnga brgya btsun mo la phrag dog byed par gyur na/ gzhu ba
201a7 dang | brdeg pa dang / spang ba dang / bskrad pa dang / srog la dbab pa'i bar du btsun mo'i yid dang mi 'gal bar bdag byed na/ ci'i phyir dgrar gyur pa de dag la de lta bu'i
201b1 shin tu bzod dka' ba nyams su len cing / gnam sa'i bar na drin che ba bdag gi bu btsun mo rnams la sbyin par sems/ de'i tshe btsun mo lnga brgyas de skad ces smras pa thos te rab tu
201b2 dga' nas/ btsun mo ri dwags mas bdag cag la bde ba dang / skyid pa rgyun du bstabs la/ da yang sras bu bdag cag la byin pas rab tu dga'o zhes smras so/ /de'i tshe 'khor brgya
201b3 stong snyed kyang tshig de dag thos nas rab tu dga' ba'i sems skyes te/ byang chub tu sems bskyed par gyur to/ /de nas rgyal po chen pos btsun mo la ngo mtshar che ste/ bdag ni khyod
201b4 tsam mi phod do zhes smras so/ /btsun mos smras pa/ phrag dog gi dbang gis zhe sdang skyes te/ nyes pa'i gnyen por ni bzod pa bsgoms/ khro bo'i gnyen por ni byams sems
201b5 bskyed dgos te/ bdag ni thog ma nas ci la yang rtsod pa ma myong ste/ btsun mo rnams rang la 'tshe zhing gnod par byed du zad do/ /dper na/ mi zhig mtshan mo song song ba zhig las
201b6 shing dum gcig mthong ba las dga' ma/ yi dwags su 'du shes skyes te/ mod la dngangs skrag nas bros so/ /mun khung du bros pas la la ni brag mthon po las g.yang du lhung / la la
201b7 ni chu'am/ me'am/ tsher phung ngam/ nags tshal gyi nang du lhung nas lus smas shing zhig par gyur te/ de ltar 'du shes log pa'i rkyen gyis de lta bu'i gnod pa dang phrad do/ /
202a1 de bzhin du sems can thams cad kyang rang skye/ rang 'chi ba ni/ dar gyi srin bu'am/ phye ma leb mer song ba dang 'dra ste/ sus kyang bzhen ma btab bo/ /
202a2 nyes pa thams cad ni mi bden par 'du shes pa las byung ste/ btsun mo rnams kyang de dang 'dra bas na/ bdag ni shes pa med pa'am/ phal dang rtsod pa ci yang med do/ /btsun
202a3 mo lnga brgya po rnams btsun mo ri dwags ma la phyag byas te rang gi nyes pa mthol bshags nas/ btsun mo ri dwags ma'i g.yog dang / rim gro byed cing ma'am/ bu mo ltar sems
202a4 te| rgyal bu yang bdag gi bu dang 'dra bar gso zhing rim gro byed do/ /de nas rgyal bu lnga brgya bags kyis cher skyes nas/ rgyal bu gcig cig gi mthu stobs ni mi stong thub
202a5 pas| mtha'i rgyal phran dag ldog cing bka' mi nyan pa yod na/ dmag rnam bzhi mi dgos par rgyal bu nyid 'bebs shing rgol du 'gro ste/ de'i tshe na yul yang bde zhing
202a6 skyid la/ srung ma'i lha yang dga' bas/ rlung dang / char chu yang dus bzhin du ldang zhing 'bebs so/ /mi rnams kyang dal la bde skyid do/ /rgyal bu lnga brgya yang bal gyi
202a7 glang po che dam pa la zhon zhing / skyed mos tshal du yid bzhin du rtse dga' zhing 'khod pa la pha ma yang rgyal bu de dag la mig gi 'bras bu dang 'dra bar sems te byams
202b1 so| |de'i tshe rgyal bu lnga brgya cher skyes te/ shed rdzogs nas phyis dus gzhan zhig na/ thams cad pad mo'i rdzing de'i 'gram du 'dus te 'dug 'dug pa las so so'i gzugs brnyan rdzing
202b2 gi chu la snang bar gyur nas/ gcig la gcig 'di skad ces smras so/ /'di lta ste/ chos thams cad ni sgyu ma'am/ sprul pa'am/ rmi lam mam/ chu'i gzugs brnyan lta bu ste/ bden
202b3 pa'am/ yang dag pa med do/ /bdag cag kyang da ltar de dang 'dra ste/ rigs che zhing btsun pa pho brang gi nang na gnas nas/ 'dod pa lnga la bag med par spyod pas longs spyod
202b4 mod kyi/ dar ba'i tshe lo dang / gzugs bzang po ni/ yid brtan du mi rung ste/ grub pa yod na 'jig par 'gyur/ skye ba yod na 'chi bar 'gyur te/ gzhon zhing dar ba yang ring
202b5 po mi thogs te rgas shing rgud par 'gyur/ kha zas kyi tshod ma zin na na bar 'gyur/ tshe lo brgya thub na yang tha mar shi dgos so zhes rgyal bu rnams mi dga' ba'i mya ngan gyis
202b6 non to/ /zas dang / skom yang mi 'dod par phyir pho brang du 'ongs nas/ yab rgyal po la 'di skad ces gsol to/ /'jig rten dag ni sdug bsngal ba ste bde ba ma mchis pas /
202b7 yab rgyal po/ bdag cag rab tu 'byung bar gsol lo/ /rgyal pos rgyal bu rnams la smras pa/ skye ba dang / rga ba dang / na ba dang / shi ba ni thams cad la yod pa
203a1 'dra na/ khyed 'ba' zhig mya ngan byar yang ci yod rgyal bus gsol pa/ bdag cag ni shi nas skye ba yang nas yang du len pa'i nyon mongs pa dang / 'gro ba
203a2 lngar rgyun du 'gro ba mi bzod do/ /de nas rgyal pos kyang rgyal bu'i yi dam ma bzlogs te rab tu 'byung bar gnang ngo / /btsun mos rgyal bu rnams la smras pa/ khyed rab tu byung
203a3 nas kho mo spangs la lam ring du ma 'gro bar/ pho brang rgyab kyi skyed mos tshal na rab tu dben pa shing dang / tshal yang dben pa yod kyi der 'dug cig dang / yo byad rnam bzhis
203a4 mi brel bar bya zhing dbul lo/ /rgyal bu rnams rab tu byung nas/ btsun mos gsol pa bzhin rgyab kyi skyed mos tshal na gnas pa las/ rgyal bu de dag thams cad kyis
203a5 re re mthar gyis rang sangs rgyas kyis byang chub thob par gyur to/ /de ltar rgyal bu bzhi brgya dgu bcu rtsa dgu mthar gyis rab tu byung / byang chub kyi 'bras bu thob par gyur
203a6 nas| rgyal po'i pho brang du lhags te/ yab rgyal po dang / yum la bdag cag rab tu byung ba'i don de thob bo zhes smras nas/ dge slong de dag steng gi nam mkha' la 'phags
203a7 te| shar phyogs nas mi snang bar gyur nas/ nub phyogs nas byung ngo / /nub phyogs nas mi snang bar gyur nas/ shar phyogs nas byung ngo / /lho phyogs nas mi snang bar gyur
203b1 nas| byang phyogs nas byung ngo / /byang phyogs nas mi snang bar gyur nas/ lho phyogs nas byung ngo / /ched 'ga' ni lus chen pos nam mkha'i khams gang bar gyur/ ched dga' ni
203b2 lus gcig las lus grangs med par sprul/ ched dga' ni lus kyi cha stod na chu 'bab na lus kyi cha smad na me 'bar ba la sogs pa cho 'phrul rnam pa sna tshogs bstan nas
203b3 lus la me btang nas mya ngan las 'das so/ /de nas btsun mo ri dwags mas sku gdung bsdus nas/ rgyab kyi skyed mos tshal du mchod rten bzhi brgya dgu bcu rtsa dgu byas nas
203b4 mchod pa byed do/ /rgyal bu nang gi chung ngu'ang zhag dgu bcu 'das nas/ rang sangs rgyas kyi byang chub thob ste/ de yang yab dang / yum la cho 'phrul chen po bstan to/ /cho 'phrul chen
203b5 po bstan nas mya ngan las 'das so/ /de nas btsun mo ri dwags mas sku gdung bsdus nas mchod rten brtsigs te mchod pa byas so/ /de'i tshe na btsun mo ri dwags mas nyin
203b6 gcig bzhin bdug spos dam pa dang / me tog dam pa dang / rol mo sna tshogs kyis rang sangs rgyas lnga brgya'i mchod rten la mchod pa byed cing mchod rten de dag gi drung na
203b7 mi dga' zhing mya ngan byed de 'di skad ces smras so/ /bdag gis bu lnga brgya btsas nas rab tu byung mod kyi de la gcig tsam yang bla na med pa'i byang chub tu sems bskyed pa med
204a1 pas 'di skad ces smon lam du btab bo/ /bdag gis rang sangs rgyas lnga brgya mchod pa byas shing / mchod rten lnga brgya brtsigs te/ sku gdung
204a2 la mchod pa'i bsod nams ci yod pa sems can thams cad la bsngo'o/ /bdag ma 'ongs pa'i dus na bu mang du btsas shing bla na med pa'i byang chub tu sems mi skyed
204a3 pa mi 'dod kyi/ bu gcig pu zhig btsas la bla na med pa'i byang chub tu sems bskyed de/ tshe de nyid la rab tu byung nas thams cad mkhyen pa'i ye shes dang ldan
204a4 par shog cig ces smon lam du btab bo/ /bcom ldan 'das kyis kun dga' bo la bka' stsal pa/ de'i tshe de'i dus na btsun mo ri dwags ma de gzhan zhig yin
204a5 snyam du sems na de ltar mi lta ste/ de'i tshe de'i dus na btsun mo ri dwags ma de nyid ni da ltar yum lha mdzes nyid yin no/ /yum lha mdzes de ltar rang sangs rgyas lnga
204a6 brgya la mchod pa byas te/ dge ba'i rtsa ba grangs med pa bskyed pas de bas na da ltar de bzhin gshegs pa'i sku bltams pa yin no/ /sangs rgyas kyis chos 'di bstan pa na/
204a7 lha dang mi grangs med pa 'bras bu dang po thob pa nas/ 'bras bu bzhi pa'i bar du thob par gyur to/ /sems can tshad med pa snyed ni/ bla na med pa yang dag par rdzogs
204b1 pa'i byang chub tu sems bskyed par gyur to/ /de nas kun dga' bos bcom ldan 'das la 'di skad ces gsol to/ /yum lha mdzes sngon las ci zhig bgyis na/ dud 'gro'i nang du dung
204b2 'gror btsas te rigs kyi bu mor gyur/ bcom ldan 'das kyis kun dga' bo la bka' stsal pa/ khyod legs par nyon cig /yum lha mdzes sngon 'das pa'i dus na las ci
204b3 byas pa'i rgyu dang / rkyen khyod la dgrol zhing bshad par bya'o/ /sngon 'das pa'i dus na bskal pa grangs med tshad med pa 'das pa'i pha rol na/ de'i tshe de'i dus na sangs rgyas bcom ldan
204b4 'das rnam par gzigs zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
204b5 rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba 'jig rten du byung ste/ sems can gyi don mdzad nas/ mya ngan las 'das pa'i 'og tu gzugs
204b6 brnyan la chos spyod pa na/ de'i tshe de'i dus na yul wA ra NA si zhes bya bar bram ze zhig la bu mo gcig pu zhig byung nas bram ze de tshe'i dus byas so/ /bram ze de'i chung ma des
204b7 bu mo de gsos so/ /bu mo de yang bags kyis cher skyes so/ /bu mo ma smad la bza' shing gi ra ba zhig yod de/ mas bu mo ra ba srung du bcug go /bu mo bdag ni tshol zhing ci
205a1 snyed pa phyir 'ongs nas bu mo dang lhan cig za'o/ /rtag tu de bzhin du zas tshol ba las nyi ma gcig 'phyis nas dus las yol nas/ bu mo bkres pa dang /
205a2 skom pas gdungs pas khro sems skyes nas/ bdag gi ma de rkyen ci byung na da tsam gyi bar du kha zas ma byin te/ bdag 'di ltar bkres shing skom par byas zhes khros nas bdag gi
205a3 ma dud 'gro tsam du yang mi phod de/ dud 'gros gcan zan dang / ri dwags dang / bya yang bu la bkres skom dran te/ dus bzhin du snyod du 'ong ngo zhes smras so/ /de skad ces smras
205a4 pas| ring po ma lon par mas zas thogs te 'ongs nas/ za ba'i 'phro las rang sangs rgyas dge sbyong gi gzugs can zhig lho phyogs nas byang phyogs su nam mkha' la 'gro ba
205a5 de bu mo des mthong nas/ dge slong de la dga' ba'i sems skyes te/ 'dug pa las langs nas thal mo sbyar te mgo bos phyag btsal nas spyan drangs so/ /stan gtsang ma bting ste
205a6 me tog bzang pos mchod nas/ kha zas de las bgos nas dge slong de la phul lo/ /dge slong des zas kyi bya ba byas nas dam pa'i chos bstan nas spro ba dang / dga' bar byas pas/
205a7 de'i tshe bu mo des 'di skad ces smon lam du btab bo/ /bdag ma 'ongs pa'i dus na 'phags pa dang phrad cing / de la rim gro dang / mchod pa dang / phyag byed par gyur cig /bdag byad
205b1 bzhin bzang zhing mdzes pa dang / che zhing btsan pa dang / 'gro ba'i gom pa'i 'og nas pad+mo skyes te rkang pa 'degs par shog cig ces smon lam btab bo/ /bcom ldan 'das kyis
205b2 kun dga' bo la bka' stsal pa/ de'i tshe de'i dus kyi bu mo de ni btsun mo ri dwags ma yin no/ /de ltar rang sangs rgyas la bsod snyoms gcig phul te/ me tog bzang pos mchod
205b3 pas| tshe rabs lnga brgya'i bar du che zhing btsan la/ gos dang / zas yid bzhin du ldan te/ rkang pa'i 'og nas pad+mo skyes so/ /smon lam gyi mthus da yang rang sangs rgyas lnga brgya dang
205b4 phrad de mchod pa dang / rim gro dang / phyag byas par 'gyur ro/ /de'i tshe drin mi shes te tshig ngan pa gcig gis ma la dud 'gro dang 'dra'o zhes smras pa'i ngag gis las ngan pa'i rkyen
205b5 gyis/ tshe rabs lnga brgya'i bar du ri dwags kyi ltor skyes so/ /bcom ldan 'das kyis kun dga' bo la bka' stsal pa/ 'jig rten du skyes so cog gi nyes pa ni rang gi kha nas
205b6 byung bas ngag gi las bsrung bar bya'o/ /ngag gi las ni me 'bar bas tshig pa bas lhag ste me 'bar bas tshig pa de ni tshe gcig par zad do/ /ngag gi las mi dge ba'i me
205b7 'bar bas ni skye ba grangs med par 'tshig go /me 'bar bas ni 'jig rten nor tsam 'tshig go /ngag mi dge ba'i me 'bar bas ni 'phags pa'i nor bdun 'tshig par 'gyur
206a1 ro| |de bas na/ kun dga' bo/ sems can thams cad kyi nyes pa ni kha nas byung ste/ kha dang / lce ni lus gcod pa'i mtshon zhes kyang bya'o/ /bcom ldan 'das
206a2 kyis de skad ces gsungs pa na/ dge bsnyen ma stong snyed dag gis ngag gi las bsrungs pas 'bras bu dang po thob par gyur to/ /lha dang / mi grangs med pa snyed ni bla na med pa yang
206a3 dag par rdzogs pa'i byang chub tu sems bskyed pa nas/ rang sangs rgyas kyi bar du sems bskyed par gyur to/ /'khor mang po thams cad bcom ldan 'das kyis gsungs
206a4 pa la mngon par rab tu dga' nas phyag byas te phyir dong ngo / /de'i tshe bcom ldan 'das dang / kun dga' bo rgyal po'i khab tu bsod snyoms blangs nas slar gshegs pa dang /
206a5 grong khyer gyi phyi rol na grog po zab mo gcig yod/ rgyal po'i khab kyi grong khyer gyi mi rnams bshad gci dang / mi gtsang ba thams cad grog po der skyel lo/ /char ba bab
206a6 na gru char gyi chu rnams kyang der 'bab bo/ /de'i tshe grog po'i chu btsog pa de'i nang na/ srin bu mi'i gzugs 'dra ba la rkang lag mang ba zhig rgyang ma nas de bzhin gshegs
206a7 pa byon pa mthong nas/ chu'i nang nas mgo bteg nas/ de bzhin gshegs pa la bltas nas mig nas mchi ma zag go /bcom ldan 'das kyis de gzigs nas thugs rje bar
206b1 dgongs te mi dgyes par gyur nas/ slar bya rgod spungs pa'i ri la gshegs so/ /de nas kun dga' bos de bzhin gshegs pa'i gdan gding ba bting nas skyil mo krung bcas nas bzhugs so/ /de
206b2 nas kun dga' bos 'khor thams cad la bltas te/ 'khor gyi bsam pa sems kyis shes nas bcom ldan 'das la 'di skad ces gsol to/ /bcom ldan 'das/ da ci chab btsog pa'i
206b3 nang na srin bu zhig mchis pa de/ sngon las ci bgyis pas chab btsog pa de'i nang du skyes/ der skyes nas ni ji srid cig lags/ da yang nam zhig de las thar bar 'gyur/ bcom ldan 'das kyis
206b4 kun dga' bo dang / 'khor mang po la 'di skad ces bka' stsal to/ /khyed legs par nyon cig /khyed la legs par dgrol bar bshad par bya'o/ /kun dga' bo/ sngon 'das pa'i dus na bskal pa grangs
206b5 med pa stong 'das pa'i sngon rol na/ de'i tshe de'i dus na sangs rgyas 'jig rten du gshegs nas/ sems can gyi don mdzad de/ yongs su mya ngan las 'das so/ /mya ngan las 'das
206b6 nas gzugs brnyan la chos spyod pa na/ bram ze zhig gis dge 'dun gyi gnas khang byas te/ dge 'dun la phul lo/ /de'i tshe na yon bdag zhig gis dge 'dun la mar
206b7 dang | 'bru mar dag phul te/ de na dge slong 'dron po dag cig kyang lhags so/ /de'i tshe gang zag gi las gtsang sbyor byed pa zhig dge slong 'dron po 'ongs pa mthong nas/ mkhren te mar dang / 'bru
207a1 mar bcabs shing bsregs nas dge 'dun 'dron po la ma byin no/ /dge 'dun 'dron pos gtsang sbyor la mar dang / 'bru mar dang / sbrang rtsi 'ongs pa nged la
207a2 mi sbyin nam zhes dris pa dang / gtsang sbyor gyis khyed ni 'dron po/ nged ni gza' yin no zhes smras so/ /dge slong 'dron pos/ yon bdag gis mngon sum gyi dge 'dun la phul ba
207a3 ma yin nam zhes smras pa dang / de'i tshe na gtsang sbyor gyi las byed pa de khros shing 'jigs su rung ba zhig pas/ dge slong 'dron po la khyed bshang gci mi za bar nga la
207a4 mar dang / 'bru mar 'dod dam zhes tshig ngan pa smras so/ /de ltar tshig ngan pa smras pa'i las kyis bskal pa bye ba dgu bcu'i bar du rgyun du chu btsog pa 'dir skyes par
207a5 gyur te/ de'i tshe de'i dus na gtsang sbyor gyi las byed pa de ni/ de ci chu btsog pa'i nang na 'dug pa'i srin bu de yin no/ /de ltar 'das pa'i dus na/ tshig ngan pa gcig dge
207a6 'dun la smras pas/ tshe rabs bgrangs pa brgya stong gi bar du gnas btsog pa der skyes so/ /bcom ldan 'das kyis nye gnas rnams bka' stsal pa/ khyed rnams ngag
207a7 gi las sdom zhing srungs shig /ngag gi nyes pa ni me 'bar ba las lhag go /pha ma dang / dge 'dun ni bsngags shing bstod par 'os pas tshig 'jam por smra zhing rgyun
207b1 du drin dran par bya'o/ /dge 'dun zhes bya ba ni khams gsum las 'da' bar byed pa'i bsod nams kyi zhing ngo / /pha ma ni khams gsum gyi bsod nams kyi zhing mchog dam pa'o/ /de
207b2 ci'i phyir zhe na/ dge 'dun gyi nang na skyes bu zung bzhi ya brgyad dang / 'phags pa bcu gnyis yod de/ rim gro byas na bsod nams 'thob la bsgrubs na byang chub 'grub bo/ /pha ma ni
207b3 zla ba bcu'i bar du ltor bzhag la byung nas kyang gsher ni bor/ skam ni len to/ /nu zho bsnun nas cher bskyed do/ /skyes nas yang rig byed mkhas pas slob cing dus las mi yol
207b4 bar rim gro byed do/ /gal te rab tu byung na bsod nams byed pas skye shi'i 'khor ba'i rgya mtsho las brgal te/ bdag gi don dang / sems can thams cad la phan pa dang / bde ba'i
207b5 don byed do/ /de bas na/ kun dga' bo/ pha ma dang / dge 'dun ni sems can thams cad kyi bsod nams kyi zhing gnyis zhes bya ste/ lha dang / mi gnyis de rnams kyi rkyen gyis mya ngan
207b6 las 'das pa rnam par grol ba'i 'bras bu dam pa thob pa nas/ sangs rgyas kyi bar du 'grub par 'gyur ro/ /bcom ldan 'das kyis de skad ces gsungs nas /mi dang / mi ma yin
207b7 pa sems can tshad med pa brgya stong snyed 'bras bu dang po nas 'bras bu bzhi pa'i bar du thob par gyur to/ /la la ni bla na med par yang dag par rdzogs pa'i byang chub tu sems/
208a1 bskyed de/ la la ni nyan thos dang / rang sangs rgyas su sems bskyed do/ /so so nas thal mo sbyar nas sangs rgyas la phyag btsal nas bskor ba byas
208a2 te| rab tu dga' bas phyir dong ngo / /gzhan yang / yul wA ra NA si na blon po bram ze rab tu phyug pa nor rin po che mang ba dang / gser dang / dngul dang / bai DUR+ya dang / man shel
208a3 dang | byu ru dang / spug dang / bal gyi glang po che dang / rta dang / ba lang dang / lug dang / zhing 'brog dang / bran khol dang / las byed pa'i mi mang du yod pa zhig la/ lo brgyad cu
208a4 lon nas khye'u zhig byung ngo / /khye'u de yang byad bzhin bzang la sdug pa mdzes pa/ mi'i mtshan rdzogs par ldan pas pha ma gnyis rab tu dga' nas/ mtshan mkhan pos te mtshan
208a5 bltas so/ /mtshan mkhan gyis mtshan bltas nas/ khye'u de'i ming yang tsun da zhes btags nas/ gsos bskyed de/ lo bdun lon nas pha ma gnyis byams ches pas rab
208a6 tu byung bar gnang ngo / /rab tu byung ba'i phyir dbang phyug gi ri zhes bya bar de bzhin gshegs pa gang na bzhugs par khrid do/ /de'i tshe na de bzhin gshegs pa la 'khor rnam
208a7 bzhi dang / lha dang / klu dang / gnod sbyin dang / de la sogs pa la mdun gyis byas te 'khor mang po 'jig rten gyi rig byed kyi gtsug lag dang / 'jig rten las 'das pa'i
208b1 chos ston to/ /de nas bram ze des bcom ldan 'das la 'di skad ces gsol to/ /bcom ldan 'das/ bdag rgas 'khogs nas khye'u zhig gi mchis pa/ bcom ldan 'das la
208b2 'bul gyi/ thugs rje chen pos bskyab cing bdag gi bu 'di nye gnas su bzhes su gsol lo zhes smras so/ /de nas bcom ldan 'das kyis legs par 'ongs so/ /zhes bka'
208b3 stsal nas skra yang rang byi nas chos gos lus la rang yod par gyur nas/ gzengs bstod do/ /spro ba dang / dga' ba'i sems bskyed de/ lam gyi 'bras bu yang thob ste/ rig pa gsum
208b4 dang | mngon par shes pa drug dang / rnam par grol ba brgyad dang ldan par gyur to/ /de'i tshe kun dga' bos 'khor mang po la bltas te/ kun gyi the tshom dgrol ba'i phyir stan las
208b5 langs te gos tshags bcos nas bla gos phyogs gcig tu byas nas/ thal mo sbyar ba btud de/ bcom ldan 'das la 'di skad ces gsol to/ /dge sbyong tsun da sngon 'das
208b6 pa'i dus na bsod nams ci zhig bgyis na/ bcom ldan 'das dang 'dir phrad de myur du 'bras bu thob par gyur/ bcom ldan 'das kyis kun dga' bo la 'di skad ces bka'
208b7 stsal to/ /dge sbyong tsun da 'di dus 'di gcig pur ma zad de/ sngon 'das pa'i dus na yang pha ma dang / dge 'dun la bsod nams mchog byas pas/ dge ba'i bshes gnyen
209a1 dang phrad de/ lam gyi 'bras bu thob pa yin no/ /kun dga' bos gsol pa/ bcom ldan 'das/ de'i dngos po bstan du gsol/ bcom ldan 'das kyis
209a2 kun dga' bo la bka' stsal pa/ legs par nyon cig /sngon 'das pa'i dus tshe lo tshad med pa stong 'das pa'i pha rol na/ sangs rgyas bcom ldan 'das rnam par gzigs
209a3 zhes bya ba 'jig rten du byung ste/ lha dang / mi la phan pa dang / bde ba'i don mdzad nas yongs su mya ngan las 'das so/ /mya ngan las 'das nas dam pa'i chos la spyod pa'i dge
209a4 slong gzhon nu zhig /ma mo dang / mdo sde dang / 'dul ba la shin tu mkhas pa byad gzugs mdzes shing bzang ba mi'i mtshan dang ldan pa chos ston pa la spobs pa/ chos
209a5 smra ba'i nga ro dang / tshig snyan pas rgyal rigs dang / bram ze rnams kyang de dang bshes shing de la rim gro dang / mchod pa byed do/ /de'i tshe na dge slong rgan po gcig byad bzhin rab tu
209a6 mi sdug la/ mi'i mtshan dang yang mi ldan pa/ skad nga ro yang mi snyan pa/ rgyun du dkon mchog gsum la tshig dang / nga ror bcas pas bstod pa zhig byung ngo / /de'i tshe na mdzod
209a7 gsum dang ldan pa'i dge slong gzhon nu des dge slong nga ro mi snyan pa de la 'di skad ces smras so/ /de nas 'di lta bu'i nga ro mi snyan ba zer ba ni khyi zugs pa'i skad dang 'dra'o
209b1 zhes smras so/ /de nas dge slong rgan po des dge slong gzhon nu la/ ci/ khyod nga mi shes sam/ nga la tshig ngan pa brjod ces smras so/ /dge slong mdzod gsum dang ldan pas smras
209b2 pa| bdag khyod shes te/ khyod ni sangs rgyas rnam par gzigs kyi dam pa'i chos la rab tu byung ba'i dge slong rgan po ma ha la zhes bya ba yin te/ ngas ci'i phyir mi shes/ dge slong
209b3 ma ha las smras pa/ nga ni bya ba byas so/ /tshangs par spyod pa spyad do/ /srid pa phyi ma mi len no zhes smras so/ /de nas mdzod gsum dang ldan pa'i dge slong gzhon nus tshig de thos pa
209b4 dang | skyi bung zhes byas te dngangs par gyur to/ /de nas dge slong gzhon nus dge slong ma ha la lag pa g.yas pas bteg ste/ lag pa las 'od zer chen po bkye nas phyogs
209b5 bcur snang bar byas so/ /de nas mdzod gsum dang ldan pa'i dge slong gzhon nus/ dge slong rgan po'i rkang pa la mgo bos phyag btsal nas/ 'gyod tshangs byas te/ bdag ni
209b6 mi shes pa'i gti mug gis khebs pas 'phags pa yin par mi shes te/ sdig pa'i las byas pa ma shes pa 'di sdig par mi 'gyur zhing bdag ma 'ong pa'i dus su dge
209b7 ba'i bshes gnyen dang phrad cing ston pa 'phags pa khyod dang phrad de/ zag pa zad par shog cig ces bshags shing mthol lo/ /bcom ldan 'das kyis kun dga' bo la
210a1 bka' stsal pa/ de'i tshe de'i dus na dge slong gzhon nu mdzod gsum dang ldan pa de tshig brlang po gcig gis/ dge slong rgan po la smras pas//
210a2 tshe rabs lnga brgya'i bar du khyi'i lus myong bar gyur to/ /bcom ldan 'das kyis de skad ces gsungs nas/ 'khor mang po rnams e ma'o/ /e ma'o/ /'jig rten
210a3 'di na gdug pa'i mchog ni ngag gi las las 'da' ba med do zhes/ 'khor mang po thams cad kyis tshigs su bcad de/ 'di skad ces dam bcas so/ /lcags kyi 'khor
210a4 lo tsha ba dag /spyi bo'i steng na rgyun 'khor yang / /sdug bsngal bar ni mi 'dzin te/ /nam du'ang tshig ngan mi smra'o/ /lcags kyi 'khor lo tsha ba dag /spyi bo'i thog na rgyun
210a5 'khor yang / /sdug bsngal bar ni mi 'dzin te/ /tshig ngan 'phags la mi smra'o/ /bcom ldan 'das kyis bka' stsal pa/ shA ri'i bu ni sems can mang po'i dge ba'i
210a6 bshes gnyen du gyur pas/ nyin mtshan dus drug tu lha'i mig gis 'gro ba lnga'i skye bo rnams la rtog cing lta ste/ 'dul ba'i dus la bab na de'i don byed do/ /de'i tshe
210a7 na yul ma ga d+ha dang / yul 'di gnyis kyi bar na/ tshong pa lnga brgya zhig rtag tu phan tshun rgyu ba las/ phan tshun du rgyu ba'i lam de yang 'jigs pa che bas/ tshong pa gcig
210b1 la khyi dkar po gcig yod de/ de'i tshe tshong pa gcig srod la sha btsos nas bzhag pa las/ nam gyi cha smad la khyi des brkus nas zas so/ /phyi de nyin nam nangs nas tshong pa grogs
210b2 pos sha bza' bar byas pa las/ ma rnyed pas gdungs nas khros te mtshon thogs te khyi de'i rkang lag bzhi bcad de su ra khung du bor nas dong ngo / /su ra khung na khyi de sdug
210b3 bsngal chen po myong ba de/ sha ri'i bus nam gyi cha stod la lha'i mig gis kun tu brtags nas rgyang ma nas khyi sdug bsngal ba de mthong ngo / /de nas phyi de nyin par nam langs
210b4 nas chos gos bgos lhung bzed thogs te/ grong khyer nas bsod snyoms blangs nas/ gang na 'jigs pa'i lam su ra khung du phyin nas/ bsod snyoms bslangs pa khyi de la
210b5 bsnyod do/ /de nas spro ba dang / dga' ba'i chos bshad do/ /khyi des thos nas ngo tsha zhing mi dga' ste/ de nas zhag bdun lon nas/ sdig pa'i las bor nas thar te/ de nas
210b6 mir skyes so/ /bcom ldan 'das kyis kun dga' bo la bka' stsal pa/ de'i tshe de'i dus na khyi dkar po de ni da ltar dge sbyong tsun da 'di yin no/ /sngon 'das pa'i dus na
210b7 'phags pa la tshig ngan pa smras pas/ ngan 'gror skyes te/ de ma thag tu 'gyod cing bshags nas ngo tsha ba'i sems skyes te/ bdag ma 'ongs pa'i dus na dge ba'i gnyen
211a1 dang phrad par shog cig par smon lam btab bo/ /de ltar smon lam btab pas dge ba'i bshes gnyen dang phrad de/ sdig pa'i las byang nas
211a2 mir skyes te| sangs rgyas dang phrad pas zag pa zad par gyur to/ /bcom ldan 'das kyis kun dga' bo la bka' stsal pa/ pha ma dang / dge ba'i bshes gnyen gyi drin
211a3 dran par gyis shig /de nas de ltar drin du gzo bar shes nas/ drin lan bsab par bya'o/ /dge ba'i bshes gnyen zhes bya ba ni/ phan pa'i don 'gyur ba'i rgyu yin
211a4 no zhes bka' stsal pa dang / de'i tshe sems can tshad med pa brgya stong snyed bla na med pa yang dag par rdzogs pa'i byang chub tu sems bskyed pa nas nyan thos dang / rang
211a5 sangs rgyas kyi bar du sems bskyed do/ /'khor mang po rnams sangs rgyas kyis gsungs pa la rab tu dga' nas phyag byas te phyir dong ngo / /thabs mkhas pa chen po sangs
211a6 rgyas drin lan bsab pa'i mdo las/ bstan bcos kyi le'u zhes bya ste lnga pa'o// //bam po bzhi pa/ de'i tshe bcom ldan 'das la 'khor bzhi pos mdun
211a7 gyis byas nas mchod pa byas/ rim gro byas/ bkur sti byas te/ tshig gis bstod pa byas so/ /de'i tshe de bzhin gshegs pa 'dzum pa mdzad de/ zhal gyi sgo nas 'od
211b1 zer sngon po dang / ser po dang / dmar po dang / dkar po dang ldan pa/ snying rje chen po zhes bya ba bkye nas phyogs bcu'i 'jig rten gyi khams srid pa'i rtse mo man chad sems can dmyal ba chen
211b2 po bco brgyad kyi bar du snang bar byas nas/ lhas byin gyi lus la yang 'od kyis snang bar gyur te/ lhas byin sdug bsngal myong ba las bde bar byas so/ /de nas 'khor mang po rnams
211b3 thams cad tshig mthun par de bzhin gshegs pa la legs so/ /legs so zhes bstod do/ /bcom ldan 'das ni byams pa chen po dang ldan pa/ thugs rje chen po dang ldan pa
211b4 yang dag pa ste dgra dang gnyen la thugs snyoms pa'o/ /lhas byin lta bu rtag par bcom ldan 'das la gnod pa dang / dgra bgyid pa lags na/ bcom ldan 'das ni gnod pa byed
211b5 pa la yang thugs brtse bar dgongs te/ thugs rje chen po'i 'od bkye nas lhas byin gyi lus la reg par byas te/ sdug bsngal las thar par mdzad do/ /de nas bcom ldan 'das
211b6 kyis 'khor mang po la 'di skad ces bka' stsal to/ /lhas byin 'di ni tshe 'di 'ba' zhig la nga la gnod par byed par ma zad kyi sngon 'das pa'i dus na yang nga la rtag tu gnod la
211b7 byas kyang / byams pa dang / snying rje'i shugs kyis rtag par phan pa dang / bde ba'i don byas so/ /de nas kun dga' bos 'khor mang po'i bsam pa sems kyis shes te/ kun gyis the
212a1 tshom gcod pa'i phyir/ stan las langs nas bla gos phyogs gcig tu byas te/ pus mo g.yas pa'i lha nga sa la btsugs nas/ thal mo sbyar ba btud de/ de
212a2 nas bcom ldan 'das la 'di skad ces gsol to/ /lhas byin 'di sngon 'das pa'i dus na bcom ldan 'das la gnod pa ci dag bgyis pa/ bcom ldan 'das kyis dngos po
212a3 de dag bstan du gsol/ bcom ldan 'das kyis kun dga' bo la bka' stsal pa/ legs par nyon cig dang / khyod la dgrol zhing bshad par bya'o/ /bcom ldan 'das kyis
212a4 bka' stsal pa/ sngon lo tshad med pa stong 'das pa'i pha rol na/ yul wA ra NA si zhes bya bar sangs rgyas bcom ldan 'das/ de bzhin gshegs pa/ dgra bcom pa/ yang dag
212a5 par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba
212a6 'jig rten du byung ste/ lo stong phrag bcu'i bar du sems can gyi don mdzad nas mya ngan las 'das so/ /mya ngan las 'das pa'i 'og tu/ dam pa'i chos lo khri phrag nyi shu'i
212a7 bar du gnas par gyur to/ /gzugs brnyan gyi chos kyang nub cing med par gyur nas/ yul wA ra NA si zhes bya ba'i rgyal po ma hA rA dzA zhes bya ba/ rang bzhin gyis dge zhing
212b1 mkhas pa'i blo dang ldan pa/ yang dag pa'i chos kyis yul kyi srid 'tsho ste/ mi rnams kyang bde skyid do/ /rgyal po de mtha'i rgyal phran drug cu dang / grong khyer chen po brgyad brgya la dbang
212b2 sgyur te/ bal gyi glang po che lnga brgya yang yod do/ /btsun mo nyi khri yod kyang sras med pas rgyal po de rgyun du 'jig rten gyi lha dang / ri dang / chu klung dang / shing gi lha rnams la mchod
212b3 'brang byed cing / gsol ba btab nas/ lo bcu gnyis lon pa dang / btsun mo chen mo la yang sras mnga' bar gyur/ btsun mo 'bring mo la yang sras mnga' bar gyur te/ rgyal po
212b4 shin tu dga' nas rgyal po lag dar te rim gro dang / bkur sti dang / mal cha dang / zas dang / skom dang / de la sogs pa yo byad kyi bar du 'jam zhing bzang ba sbyar te/ rim gro
212b5 byas so/ /de ltar zla ba bcu'i bar rim gro byas nas/ btsun mo chen mo la sras mnga' byad bzang la mdzes shing mtshan bzang pos brgyan pa/ mi'i mtshan rdzogs par ldan pa zhig
212b6 byung ngo / /btsun mo 'bring mo la yang sras gcig byung nas/ rgyal po rab tu dga' bas blon po rnams dang / mtshan mkhan rnams dang / bram ze rnams bsdus nas/ sras bu
212b7 bstan nas mtshan bstan no/ /mtshan mkhan gyis mtshan bltas nas/ rgyal bu mtshan gdags pa'i phyir/ sras bu 'di bltams pa'i tshe ltas ji lta bu byung zhes dris so/
213a1 rgyal pos smras pa/ rgyal po chen po'i yum btsun mo chen mo ni sngon rang bzhin gyis khro ba phrag dog che la/ nga rgyal byed pa las sras mngal du chags nas ni
213a2 rang bzhin gyis dge des par gyur nas/ rtag tu 'dzum pa dang ldan zhing sems can la yang bu gcig pa dang 'dra bar byams shing brtse ba'i sems kyis 'dzum pa dang
213a3 ldan zhing gsong por smra bar gyur to/ /de nas mtshan mkhan gyis kyang rgyal bu'i mtshan dge don zhes btags so/ /btsun mo 'bring mo la sras mnga' ba'i tshe snga ltas
213a4 ji lta bu byung zhes dris na/ sras bu 'di'i ma rang bzhin gyis dge zhing des te 'dzum pa dang ldan zhing tshig gis sngar srong por smra zhing kun gyis yid tshim par byed pa las
213a5 sras mngal du chags nas rang bzhin gyis khro zhing zhe sdang che ba dang / phrag dog dang / nga rgyal byed par gyur to/ /mtshan mkhan gyis smras pa/ 'di yang sras bu'i sngon gyi
213a6 las 'phro yin pas/ sras bu'i mtshan ngan don zhes btags so/ /de nas rgyal bu gnyis gsos bskyed de/ lo bcu bzhi lon nas/ rgyal bu dge don rang bzhin gyis
213a7 mkhas pa'i blo dang / byams pa'i sems su ldan te/ sbyin pa byed pa la dga' bas/ pha ma yang lhag par sras bu de la mig dang 'dra bar sdug par sems so/ /rgyal bu ngan
213b1 ngon ni rang bzhin gyis khro bas na/ pha ma yang de la mi dga' ste/ sdang bas rgyal bu ngan don rgyun du phrag dog byed de/ phu po la gnod pa bya bar sems so/ /phyis dus gzhan
213b2 zhig na rgyal bu dge don 'khor dang bcas pha rol mo byed cing pho brang gi phyi rol tu ltad mo lta zhing 'chag tu song ba las/ zhing rmo ba dag zhing rmo ba'i rol nas srin bu dag byung ba la
213b3 bya mang pos thu zhing za ba mthong ngo / /rgyal bu dge don gyis de lta bu dag mthong nas snying rje'i sems skyes te/ bdag ni pho brang zab mo nas skyes pas/ 'di lta bu'i dngos po ma mthong ma
213b4 thos na/ 'khor rnams la 'di dag ci'i phyir gcig la gcig gnod pa byed cing za zhes dris so/ /'khor rnams kyis rgyal bu la smras pa/ da ltar rgyal bu mnga' ba'i yul 'di yang
213b5 'bangs la rten te/ 'bangs kyang kha zas la ltos te/ kha zas ni zhing rmos pa las 'bru sna lnga skyes te/ sems can gyi srog 'dzin to/ /rgyal bus de la re sdug /re sdug ces smras te /
213b6 yang song song ba las/ skyes pa dang / bud med dag skud pa 'khal ba dang / 'thag pa'i las byed de/ phan tshun bskyod cing nyon mongs pa mthong ngo / /de dag mthong nas mi 'di dag
213b7 ci byed ces/ g.yog po g.yas g.yon na 'dug pa la dris so/ /de dag gis smras pa/ mi 'di dag ni bkal ba dang / 'thag pa'i las byed do/ /des bdag gi lus g.yog cid
214a1 dgab pas gos byed do/ /'di dag re sdug /nyon mongs par 'gyur ba'i las byed do/ /de nas yang song song ba las/ mi mang po dag pa lang dang / rnga mo dang /
214a2 rta dang / phag dang / lug gsod cing lpags pa bshu ba dag mthong nas/ 'di dag ci byed ces dris so/ /smras pa/ 'di dag ni gsod pa'i las byed de/ sha 'tshong zhing bgo ba
214a3 dang | bza' ba'i sbogs byed cing des srog 'tsho bar byed do/ /rgyal bus de skad ces thos nas/ ba spu dang / lus kyi sha kun 'gul te kyi hud/ kyi hud/ gsod pa la snying mi
214a4 bzod do/ /gcig gis gcig gi nyid sha nyid gi za zhing bskal ba bgrangs pa'i bar du gcig la gcig gsod pa'i las byed de/ /de nas yang song song ba las/ mi mchis
214a5 pa dag gcig nya rgya dang / bya rgya thogs shing bya dang / nya gsod de/ gcig la gcig nyid sha za ba mthong ngo / /de nas 'di ci byed ces dris so/ /gsol ba/ 'di dag ni bya dang /
214a6 nya shor ba yin te/ gsod pa'i las 'di lta bu byed cing bgo ba dang / zas tshol lo/ /rgyal bu dge don gyis de skad ces smras pa'i tshig thos nas mig mchi mas gang ste/ 'jig
214a7 rten gyi sems can 'di dag ni sdig pa mi dge bar 'gyur ba'i las byed de/ sdug bsngal las nam du yang mi thar ro snyam nas/ mi dga' zhing mya ngan gyis non te phyir pho brang du 'ongs
214b1 so| |yab rgyal pos rgyal bu mi dga' zhing mya ngan byed pa'i tshul gyis phyir 'ongs pa mthong nas/ rgyal bu la ci zhig gis mi dga' zhes dris pa dang / rgyal bus kyang ji ltar mthong
214b2 ba'i dngos po de dag yab rgyal po la zhib tu gsol lo/ /rgyal pos rgyal bu la smras pa/ 'di lta bu'i dngos po ni yongs kyi yod cing srid pa yin na/ mya ngan byar yang ci zhig yod/
214b3 rgyal bus gsol pa/ bdag rgyal po la 'dod pa gcig cig gsol na rgyal pos gnang dam/ rgyal pos smras pa/ nga la bu khyod gcig pur zad de/ byams shing sdug pas khyod
214b4 kyi yid dang 'gal bar mi byed do/ /rgyal bus gsol pa/ bdag ni yab rgyal po'i bang mdzod na nor dang / rin po che dang / bza' ba dang / btung ba ci mnga' ba thams cad sems can
214b5 thams cad la sbyin par bgyi'o zhes gsol pa dang / rgyal pos kyang khyod kyi yid dang 'gal bar mi byed kyi/ ci dga' dgur sbyin pa gyis shig ces bka' stsal to/ /de nas rgyal
214b6 bu dge don gyi blon po bkug nas/ rgyal po'i bang mdzod phye nas/ bal gyi glang po che lnga brgya la nor dang / rin po che bkal te/ grong khyer gyi sgo bzhir spungs nas/ 'gro ba mang po dag/ bgo ba
214b7 'dod dam/ bza' ba dang / btung ba 'dod dam/ ci 'dod pa la yid bzhin du long la khyer cig ces phyogs bzhir bsgrags so/ /de ltar rgyal bu dge don gyis snyan pa phyogs su
215a1 bsgrags pas/ thams cad 'dus nas ci 'dod pa yid bzhin du khyer ro/ /ring po ma lon par rgyal po'i bang mdzod sum cha gcig zad nas/ blon po
215a2 rnams kyis rgyal po la dkor mdzod sum cha gcig bas te/ rgyal bus ma mchis par bgyis kyi/ rgyal po/ dgongs shig ces gsol pa dang / rgyal pos/ nga ni rgyal bu'i
215a3 yid dang 'gal bar byed mi nus so zhes bka' stsal to/ /da ni rgyal po'i bang mdzod sum cha gnyis bas kyi/ rgyal po/ dgongs shig bka' stsal pa/ nga ni rgyal bu'i yid dang
215a4 'gal bar byed mi nus so/ /khyod kyis thabs ci legs su cung zad bkag ste/ yid dang mi 'gal bar gyis shig par bka' stsal to/ /de nas yang rgyal bu dge don
215a5 bang mdzod 'byed du song ba las/ bang mdzod la dbang ba'i blon po don gnyer du song nas/ ring zhig ma khugs te/ 'phyis par gyur pas/ rgyal bu dge don/ 'di skad
215a6 du bang mdzod la dbang ba'i blon po chung ngu na bdag gi yid dang 'gal bar byed pa'i thugs mi thub ste/ 'di ni rgyal po yab kyi bka' yin du nges pas bu sri zhu can zhes bya ba/
215a7 pha'i bang mdzod stong par bya bar mi rigs kyi/ da bdag nyid kyis nor dang / rin po che btsal la sems can thams cad la tshim par bya'o/ /gal te bdag gis sems can
215b1 thams cad la bgo ba dang / bza' ba dang / btung ba yid bzhin du tshogs par sbyin mi nus na/ rgyal po chen po'i sras su ji skad gdags/ zhes smras pa/ blon po chen po dang / blon po phra mo yan chad
215b2 bsdus te/ nor dang / khe spogs tshol ba dag ci'i sgo nas bsgrub na mchog tu 'gyur zhes bgos so/ /de la blon po chen po gcig gis smras pa/ da ltar spogs shig bya na/ zhing rmo ba
215b3 las 'da' ba med de/ gcig las khrir 'gyur ro/ /yang blon po gcig gis smras pa/ 'jig rten na khe spogs bya ba'i nang na/ rkang 'gros las khyug btsugs la 'brog bzang por bzhag
215b4 na mang du 'phel te/ spogs de las che ba med do/ /yang blon po gcig gis smras pa/ 'jig rten khe spogs shig bya na/ rgya mtshor zhugs la nor bu rin po che btsal ba las 'da' ba
215b5 med do/ /gal te yid bzhin gyi nor bu rin po che rnyed na/ yid bzhin du sems can thams cad la tshim par sbyin par 'gyur ro/ /dge don gyis smras pa/ 'di ni bdag gi yid la bab
215b6 ste| rung ngo zhes pho brang du song ste/ yab rgyal po la/ bdag ni rgya mtsho chen por zhugs shing / nor bu rin po che len du 'gro bar 'dod do zhes gsol to/ /rgyal pos tshig de thos
215b7 nas| dper na/ mi brnangs pa ltar skyug tu yang med la ming du yang med pa ltar/ mi bde bar gyur na/ rgyal bu la 'di skad ces smras so/ /yul 'di yang khyod kyi yul yin te /
216a1 bang mdzod dang / nor ril dang / rin po che ci yod pa yang khyod dbang bas yid bzhin du spyad du yod pas na/ bdag nyid rgya mtshor 'jug ci dgos/ khyod
216a2 ni rgyal po'i sras yin te/ pho brang zab mo'i nang du skyes pas/ nyal na ni gur yol ba can gyis bskor/ kha zas ni ci 'dod pa dang ldan te/ da lam du zhugs te 'dron du 'gro na /
216a3 nyon mongs shing bkres pa dang / skom pa dang / grang ba dang / tsha bas nyen par 'gyur yang sus shes/ de ma yin pa rgya mtsho'i nang na bgegs su gyur pa yang gcig tu ma zad de mang
216a4 ngo| |'di lta ste/ yi dwags ma rungs pa dang / klu gdug pa dang / dpa' rlabs 'khyil ba dang / rlung drag pos bsgul zhing g.yeng ba dang / chu'i mdog dang / ri dang / chu srin dang /
216a5 nya chen po la sogs pa bgegs mang bas/ brgya stong tsam song yang phyir yang 'khor ba ni gcig gnyis tsam las med na/ ci'i phyir/ khyod/ rgya mtsho chen por 'gro bar sems/
216a6 de ni kho bo mi nyan no/ /de nas rgyal bu dge don lus smad lnga sa la sbub tu phab ste/ rkang lag bzhi yang brkyang nas/ yab rgyal po dang / yum la 'di skad ces gsol to/ /gal
216a7 te bdag rgya mtshor mchir ma gnang na/ bdag 'di kho nar srog yongs su 'dor gyi 'di las mi ldang ngo / /de'i tshe rgyal po chen po dang / btsun mo dag de ltar gyur pa mthong nas/
216b1 mig mi 'dzum pa ltar lta zhing / rgyal bu khyod long la bza' ba dang / btung ba 'thungs shig /ces thabs sna tshogs kyis spro ba bskyed kyang / rgyal bu dge don mnyan te/ bdag rgya mtsho chen
216b2 por mchir mi gnang na/ nam du yang bza' ba dang / btung ba dag mi 'tshal lo/ /zhes gsol to/ /rgyal po dang / btsun mo mi dga' ba'i mya ngan gyis gdungs te drung na du zhing smre
216b3 sngags 'don nas/ sa la 'gre'o/ /de bzhin du nyi ma gcig ma zos ma 'thungs pa nas/ zhag gnyis/ zhag gsum/ zhag drug gi bar du ma zos ma 'thungs pas/ yab yum lhag
216b4 par yang mya ngan gyis gdungs par gyur te/ srog mi 'tsho bar dogs nas zhag bdun lon pa dang / yab yum gyis rkang lag pang du blangs te/ rkang lag la 'o byas te/ tshig
216b5 snyan pa 'jam pos da longs la bza' ba dang / btung ba 'thungs shig /kha zas kyis bsdus pa'i lus 'di ni kha zas la brten pa'i rkyen gyis gson pa yin gyi/ ma zos ma 'thungs na
216b6 khyod srog mi 'tsho'o zhes spro ba bskyed kyang rgyal bu ma nyan te/ yab dang / yum gyis bdag mchi bar ma gnang na/ nges par 'di kho na las nam du yang mi ldang ngo zhes gsol to/ /de'i
216b7 tshe na btsun mo chen mos/ rgyal po la 'di skad ces gsol to/ /rgyal bus bsams pa'i sems 'di shin tu bskyod dka' bas/ rgyal bu 'di nyid du tshe'i dus byed par thugs
217a1 bzod dam| yid dang 'gal bar mdzad par mi rigs kyi/ thugs rje bar dgongs te/ rgya mtsho chen por mchi bar gnang ba'i rigs so/ /mchir gnang
217a2 na gal te brgya lam na slar 'khor yang srid kyi/ dam gnang na gdon mi za bar tshe'i dus bgyid par 'gyur ro zhes gsol to/ /rgyal pos kyang thugs ma bzod nas 'gro bar
217a3 gnang ngo / /de ltar gnang nas de'i tshe rgyal bu dge don nyal ba las langs te/ rab tu dga' mgur ngas nas/ yab rgyal po'i zhabs la mgo bos phyag btsal to/ /rgyal po'i 'khor
217a4 btsun mo dang / slas rnams dang / mi mang po brgya stong snyed gcig la gcig/ 'di skad du/ rgyal bu dge don da ltar shi'am/ gson zhes gtam zer ba las rgyal bu dge don da ltar
217a5 langs te rab tu dga' nas bza' ba dang / btung ba'i las kyang byed do/ /zhes smras so/ /de nas rgyal pos rgyal bu la khyod 'di ltar dus kyis rgya mtshor 'gror gsol pa
217a6 'di'i don ci zhig yod/ rgyal bus gsol pa/ rgyal po chen po/ bdag yid bzhin gyis nor bu rin po che chen po blangs te/ sems can thams cad kyi dgos pa chog par
217a7 bgyid 'tshal lo/ /de na rgyal po chen pos kun bka' btags te/ su dag /rgya mtshor 'gro bar 'dod/ gal te rgya mtsho nas slar 'khor na rabs bdun gyi bar du bgo ba
217b1 dang | kha zas dang / nor dang / rin po che mi brel bar sbyin la/ rgya mtshor 'jug pa'i yo byad ci dgos pa thams cad kyang sbyin zhing sbyar ro zhes bkar btags so/ /rgyal bu dge don rgya mtshor
217b2 'jug cing nor bu rin po che lan du 'gro zhes thos nas/ thams cad rab tu dga' nas 'dus so/ /de'i nang na mi lnga brgya zhig bdag cag kyang rgyal bu'i zhabs 'bring du mchi bar
217b3 gsol lo/ /zhes khas blangs so/ /de'i tshe na yul wA ra NA si na rgya mtsho'i sa mkhan gcig cig snga phyir lan du ma zhig rgya mtshor phyin te/ thar pa dang / mi thar ba'i lam rgyus shin tu
217b4 mkhas pa/ lo brgyad cu lon pa/ mig gnyis kyang mi mthong ba zhig yod de/ de'i tshe rgyal po chen po nyid lam mkhan gyi der gshegs nas/ lam mkhan la 'di skad ces bka'
217b5 stsal to/ /nga la bu gcig las med pas sgor byung yang ma myong na/ rgya mtshor 'gro bar 'dod de/ khyod kyang zham ring du 'gro dgos so/ /de'i tshe lam mkhan des rgyal po'i gsung
217b6 thos nas/ skad chen po phyung nas dus te/ rgyal po chen po rgya mtsho chen por 'jug pa ni bgegs dang / bar chad mang ste/ nyon mongs par 'gyur ba yang gcig tu ma zad pas/
217b7 brgya stong grangs med pa gcig song yang slar 'khor ba gcig gnyis tsam las med na/ rgyal po chen po ci'i slad du rgyal bu 'di lta bu'i lam ring po yang bar gtong / rgyal
218a1 pos smras pa/ rgyal bu la byams shing brtse bas ngo ma bzlog ste btang ba yin no/ /lam mkhan gyis bdag kyang 'o na mchi'o zhes gsol to/ /de nas
218a2 rgyal bu dge don gyis mi lnga brgya'i lam rgyags dang yo byad sbyar te/ rgya mtsho'i dogs su bskyas so/ /de'i tshe nu bo ngan don 'di snyam du rgyal bu dge don la yang yang yab yum
218a3 lhag par byams te/ de rgya mtshor nor bu rin po che len du 'gro ba gal te phyir yang 'khor na/ dge don la je byams je byams shing / bdag la ni lhag par sdang zhing ngan par
218a4 'gyur ro snyam bsams nas/ bdag kyang rgyal bu dge don gyi phyi bzhin du rin po che len du 'gro'o zhes gsol ba dang / yab yum gyis 'gro bar gnang ste/ 'di yang song
218a5 na lam yang ba'am/ mi bde ba dag tu spun gnyis 'grogs nas/ gdon mi za bar gcig la gcig phan no zhes gsungs nas/ rgyal bu ngan don yang btang ngo / /de nas rgyal
218a6 bu dge don gru'i nang du zhugs na/ gru la lcags kyi nyag thag bdun btags te zhag bdun gyi bar du bsdad do/ /thog mar grur zhugs pa'i nang par nyi ma shar ba na/ rgyal bu dge
218a7 don gyis rnga brdungs te skad chen pos 'di skad ces bos so/ /khyed la sogs pa su rgya mtshor 'gro 'dod pa ni cang ma smra zhig /su pha ma dang / phu nu dang / bu smad la chags te
218b1 'dzam bu'i gling gis longs spyod dang / bde ba la dang pa rnams ni 'di nas phyir dengs shig /bdag gi phyir 'gyod par gyur ta re/ de ci'i phyir zhe na/ rgya mtsho'i nang na bgegs rab
218b2 tu mang bas/ song ba grangs med kyang phyir 'khor ba gcig gnyis tsam las med do zhes skad chen pos bos kyang 'khor mang po rnams ni cang mi smra bas/ nyag thag gcig bcad
218b3 de gru'i steng du drangs so/ /de bzhin nyin re lan re zhag bdun gyi bar du bos kyang kun kha rog 'dug ste/ cang mi smra bas nyag thag bdun char bcad de nyag thag gru'i steng du drangs so//
218b4 de nas rlung phyogs su g.yor mo bsgreng nas song ngo / /rgyal bu'i snying rje'i sems dang / bsod nams kyi shugs kyis nye zho med par rgya mtsho'i gling nor bu rin po che'i drung du phyin to/ /
218b5 rin po che'i drung du phyin nas rgyal bu dge don gyis/ yang rnga brdungs te/ mi mang po la lam ring zhing yang bas/ khyed rnams 'di nas rin po che long la/ zhag bdun zhig bltas la
218b6 phyir dengs shig par bsgo'o/ /yang 'di skad du/ rin po che 'di dag ni 'dzam bu'i gling na ngo mtshar du rin che ba yin gyi/ ha cang yang ma lci zhig /lcis na gru 'bying bar 'gyur ro/ /ha
218b7 cang yang na yang lam ring por nyon mongs pa'i don med pas/ ran par byos la dengs shig ces/ mi de dag la khyed rnams bde bar yul du phyin par gyur cig /bdag ni yid
219a1 bzhin gyi nor bu rin po che tshol du 'gro'o zhes bsgo nas/ mchi phyag byas te so sor dong ngo / /de'i tshe rgyal bu dge don ni lam mkhan dang gnyis chas
219a2 nas| zhag bdun gya bar du chu pus mo las mi nub pa'i nang du song ngo / /de nas zhag bdun ni rgyal te pha rol rgya mtsho'i gling du phyin to/ /rgya mtsho'i gling der sa gzhi dngul gyi
219a3 bye ma bdal ba zhig tu phyin nas/ lam mkhan gyis sa gzhi 'di ci yin zhes dris na/ rgyal bus sa gzhi 'di ni dngul gyi bye ma 'ba' zhig yod do zhes smras so/ /lam mkhan
219a4 gyis smras pa/ phyogs bzhir ltos shig dang / ri dkar po zhig snang ba'i rigs na khyod mthong ngam/ rgyal bus smras pa/ shar lho'i mtshams na ri dkar po zhig snang ngo //
219a5 lam mkhan gyis smras pa/ phar 'gro ba'i lam ni ri de'i drung na yod de/ de'i 'gram pha zad cig na/ gser gyi bye ma bda' ba'i sa gzhi zhig yod pa'i rigs zhes smras
219a6 nas/ ngal chad de nyam thag nas sa la 'gyel te/ rgyal bu la 'di skad ces smras so/ /bdag ni nyam thag nas ma nus 'dir 'chi'o/ /rgyal bu/ khyod 'di nas shar phyogs su
219a7 zhag bdun gyi bar du song zhig dang / gser gyi ri dang phrad pa'i rigs so/ /de nas zhag bdun gyi bar du song zhig dang / sa gzhi bad mo sngon po 'ba' zhig yod par phyin
219b1 pa'i rigs so/ /de nas yang zhag bdun song zhig dang / sa gzhi pad+mo leb rgan 'ba' zhig yod pa dang phrad pa'i rigs so/ /pad mo de'i pha rol na rin po che sna bdun gyi mkhar zhig
219b2 yod de/ mkhar de'i nyen ni gser las byas/ cog par dngul las byas/ mda' yab ke ke ru dmar po las byas/ man shel dang / spug la sogs pa rin po che sna tshogs kyis spras
219b3 te| mu tig dmar po'i dra bas steng g.yogs la/ mtha' ma bai DUR+ya mthon mthing gi 'obs rim pa bdun gyis bskor ba'i nang na/ klu'i rgyal po'i pho brang yod kyi/ klu'i rgyal po de'i
219b4 rna ba'i nang na yid bzhin gyi nor bu rin po che yod kyi/ slongs shig /de thob par gyur na/ 'dzam bu'i gling du rin po che sna bdun gyi char 'bebs shing gos dang / zas dang / nad
219b5 kyi rkyen sman dang / rol mo dang / dgos pa'i yo byad thams cad yid bzhin du char 'bebs so/ /de bas na yid bzhin gyi nor bu rin po che zhes bya'o/ /gal te rgyal bus thob na
219b6 smon pa thams cad nges par 'gyur ro zhes smras nas/ tshe'i dus byas par gyur te/ de'i tshe rgyal bu dge don gyis lam mkhan de pang du blangs nas/ skad phyung ste dus so/ /
219b7 kyi hud/ kyi hud/ ci'i phyir bdag gi lhan cig stor bar gyur ces lam mkhan gyi rus bu gser gyi bye ma'i nang du sbas nas/ g.yas phyogs nas lan gsum bskor ba byas te
220a1 phyag byas nas song ngo / /de nas song song ba las gser gyi ri'i drung du phyin no/ /gser gyi ri'i pha rol tu phyin nas/ bad mo sngon pos sa gzhi khebs
220a2 par 'dug pa de na pad mo de dag gi 'og na/ sbrul gdug pa chen pos gang bar mthong ngo / /sbrul gdug pa can de dag la/ gdug pa rnam pa gsum yod de/ 'di lta ste/ zin pa'i gdug
220a3 pa dang / reg pa'i gdug pa dang / kha rlangs kyi gdug pa'o/ /sprul gdug pa de dag pad mo sngon po'i sdong bu la 'khril zhing / kha ni gdangs/ mig ni bgrad de/ rgyal bu la lta'o/ /de'i tshe na
220a4 rgyal bu dge don byams pa'i sems kyi ting nge 'dzin du zhugs nas /ting nge 'dzin gyi mthus de nas chas te/ bad mo de dag la rdog pas rdzis shing song yang / sbrul gdug pa de
220a5 dag gis gnod par ma gyur to/ /de ltar byams pa'i sems kyi ting nge 'dzin gyi shugs kyis song song ba las klu'i pho brang gi drung du phyin no/ /klu'i rgyal po'i pho brang gi phyi
220a6 rol 'obs rim pa bdun gyis bskor te 'obs de dag gi nang na/ klu gdug pa gcig la gcig 'khri zhing mgo bteg ste mkhar sgo srung ngo / /de'i tshe na rgyal bu dge don
220a7 mkhar sgo der phyin te/ klu gdug pa de mthong nas byams pa'i sems kyis 'dzam bu'i gling gi sems can thams cad yid la byas te/ bdag sems can gyi don tu song song
220b1 ba las/ gal te klu gdug pas gnod pa byas na phan pa dang bde ba'i don med par 'gyur ro snyam du bsams nas/ rgyal bu dge don gyis lag ba g.yas pa bteg nas/ klu gdug
220b2 pa rnams la 'di skad ces bsgo'o/ /khyed rnams shes par gyis shig/ bdag ni sems can thams cad kyi don du klu'i rgyal po dang phrad par 'dod do/ /de nas klu gdug pa rnams kyis
220b3 lam phye ste/ 'obs rim pa bdun gyi bar du thal te song nas mkhar sgor phyin no/ /mkhar sgo de na shel gyi bu mo gnyis shig shel gyi skud pa 'khal zhing 'dug pa mthong ngo / /khyed
220b4 ci yin zhes dris na/ kho mo ni klu'i rgyal po'i phyi sgo srung ba'i bran mo yin no zhes zer ro/ /de nas yang nang du zhugs te/ song ba las bar sgor phyin pa dang bar sgo na/ shel gyi bu mo
220b5 bzhi zhig dngul gyi skud pa 'khal zhing 'dug pa mthong ngo / /bu mo de la khyod klu'i rgyal po'i btsun mo yin nam zhes dris na ma yin te/ bdag ni klu'i rgyal po'i bar sgo srung ba'i
220b6 bran mo yin no/ /zhes zer ro/ /de nas yang rgyal bu sgo de'i nang du zhugs te song ba las/ nang sgo de na shel gyi bu mo brgyad cig gser gyi skud pa 'khal zhing 'dug pa mthong ngo //
220b7 khyed ci yin zhes dris na/ bdag cag ni klu'i rgyal po'i pho brang nang sgo srung ba'i bran mo yin no zhes zer ro/ /de nas rgyal bu dge don gyis bu mo de dag la/ bdag ni
221a1 'dzam bu'i gling gi yul wA ra NA si'i rgyal po'i bu dge don zhes bya ba yin te/ rgyal po dang phrad 'dod pas da ltar sgo na 'dug go zhes
221a2 'phrin gyis shig ces bsgo'o/ /de nas sgo srung des kyang klu'i rgyal po la de bzhin du gsol pa dang / klu'i rgyal po do mtshar du 'dzin te/ 'di snyam du 'di ni bsod nams
221a3 dang / dge ba'i rtsa pa shin tu byed pa zhig ma yin par tha mal pa gzhan zhig gis lam 'di lta bu bgrod cing 'ong mi nus so snyam bsams nas nang du bos te/ klu'i rgyal po nyid
221a4 kyis bsu nas pho brang gi nang du khrid do/ /klu'i rgyal po'i pho brang gi nang ni sa gzhi bai DUR+ya las byas/ khri stan ni rin po che sna bdun las byas so/ /'od rnam pa sna tshogs
221a5 ni mig gis mi bzod pa tsam du 'tsher ro/ /de nas klu'i rgyal pos rgyal bu dge don stan bting ba la bzhag nas gtam byas so/ /de nas rgyal bu dge don de las glengs te/
221a6 klu'i rgyal po la spro ba dang / gzengs bstod pa dang / dga' ba'i gtam rnam pa sna tshogs dang / sbyin pa'i gtam dang / tshul khrims kyi gtam dang / lha dang / mi'i gtam
221a7 la sogs pa rgyas par smras te chos bshad do/ /de nas klu'i rgyal po rab tu dga' zhing rangs par gyur te/ 'di ltar bgrod dka' ba bgrod cing lam ring
221b1 po nas 'ongs pa 'di ci 'dod ces smras pa dang / rgyal bu dge don gyis klu'i rgyal po la 'di skad ces smras so/ /'dzam bu'i gling gi sems can rnams ni gos dang / nor
221b2 dang | zas dang / skom gyi phyir/ mtha' med pa'i sdug bsngal chen po myong bar 'gyur bas/ rgyal po'i snyan g.yon pa'i nang nas nor bu rin po che 'dod do/ /klu'i rgyal
221b3 pos smras pa/ zhag bdun gyi bar du bdag gis mchod pa sbyar ba tsam bzhes su gnang na/ nor bu sbyin no zhes smras so/ /de nas rgyal bu dge don klu'i rgyal pos spyan
221b4 drangs pa bzhin zhag bdun gyi bar du klu'i pho phrang na 'dug 'dug nas/ yid bzhin gyi nor bu rin po che khyer te phyir 'dzam bu'i gling du 'gro bar chas pa las/ de'i tshe na
221b5 klu'i rgyal po chen pos klu rnams kyis mthus nam mkha' la 'phur te/ rgya mtsho'i tshu rol gyi ngogs su bsgral to/ /der phyin pa dang / nu bo ngan don dang phrad do/ /rgyal bus
221b6 nu bo ngan don la khyod kyi grogs po kun ga re/ zhes dris nas/ khyod gcig bu 'di na 'dug gam zhes byas ba dang / rgyal bu ngan don na re/ gru bying nas thams cad
221b7 shi ste/ bdag 'ba' zhig ro zhig la 'ju 'ju ma shi nas phyin te/ gzhan ni gcig car kun shi'o/ /rgyal bu dge don gyis smras pa/ 'jig rten na rin po che'i mchog
222a1 ni bdag gi lus las 'da' ba med do/ /nu bos smras pa/ de ltar ma yin te/ phyug bzhin du shi yang bla yi/ dbul bzhin du mi gson no/ /der
222a2 ci sngon zhe na/ bdag dur khrod gcig na 'dug par phyin pa na/ dur khrod de na yod pa'i ro dag de skad ces zer ba thos so/ /rgyal bu dge don rang bzhin gyis drang bas/
222a3 nu bo la khyod rin po che med kyang tshod yod kyi/ bdag la klu'i rgyal po'i yid bzhin gyi nor bu rin po che yod do/ /nu bos nor bu ga re zhes dris na/ phu bos smras pa/ yid
222a4 bzhin gyi nor bu rin po che bdag gi do ker gyi nang na yod do zhes smras so/ /nu bos de skad ces smras pa thos nas phrag dog gi sems kyis lhag par 'khrug cing zhe sdang
222a5 gi sems bskyed de/ 'di snyam du yab rgyal po dang / yum bdag la lhag par sdang ba'i steng du da phu bos ni yid bzhin gyi nor bu rin po che rnyed pas/ da ni lhag par bdag
222a6 la sdang zhing sa rdo dang 'dra bar ben par 'gyur ro snyam bsams nas/ phu bo dge don la 'di skad ces smras so/ /shin tu legs so/ /nor bu rin po che thob pa shin tu
222a7 legs kyi/ da 'jigs pa 'dir legs par bsrung dgos so/ /de nas rgyal bu dge don gyis do ker bkrol te/ nor bu ni nu bo ngan don gyi lag tu byin te/ khyod ngal zhing
222b1 chad de nyal ba'i tshe/ kho bos btsa' zhing srung ngo / /kho bo ngal te nyal ba'i tshe na/ khyod kyis btsa' zhing srungs shig /de'i tshe ngan don nor bu srung res la bab na/ phu bo
222b2 dge don de gnyid log cing 'dug pa las/ ngan don gyi sa smyug ma skam po'i tshal pa gnyis kyis/ dge don gyis mig gnyis kyi nang du btsugs nas/ nor bu rin po che
222b3 khyer te bros so/ /de nas rgyal bu dge don gyis/ nu bo ngan don bos te/ nga'i mig gnyis su rkun pos shing tshal btsugs kyi/ nor bu rin po che thogs la bros shig ces
222b4 bos na cang mi grags pas/ de na bdag gi nu bo ngan don yang dgras bsad pa lta/ cang mi grag go zhes skad chen pos lha rnams thos pa tsam du bos kyang / ring zhig gi bar
222b5 du cang mi grag go /de nas shing ljon pa'i lha zhig 'di skad ces smra'o/ /khyod kyi nu bo ngan don nyid dgra yin te/ khyod kyi mig gnyis phyung nas nor bu rin po che khyer te bros nas
222b6 song ba las/ ngan don zhes bos pas ci phan zhes smras so/ /rgyal bu dge don gyis tshig de thos nas mya ngan gyis gdungs te/ yi mug par gyur te/ /de'i tshe rgyal bu ngan
222b7 don nor bu rin po che khyer te phyir bdag gi yul du phyin nas/ yab yum dang phrad de/ yab rgyal po dang / yum la 'di skad ces smras so/ /bdag ni bsod nams dang ldan
223a1 te| nye zho med par slar mchis so/ /rgyal bu dge don dang grogs gzhan ni bsod nams chung bas chur gum ste/ zad par shi'o/ /yab rgyal po
223a2 dang / yum gyis tshig de thos nas/ skad chen po phyung nas dus so/ /brgyal te sa la 'gyel to/ /de nas chu grang mo gtor bas ring zhig lon pa dang phyir sangs nas rgyal bu
223a3 ngan don la ngo so ci zhig yod na nged dang phrad cing 'ongs zhes smras pa dang / rgyal bu ngan don mi dga' nas khros te nor bu rin po che dben pa zhig tu sa rkos nas spas so//
223a4 de'i tshe rgyal bu dge don mig gnyis su smyug ma'i tshal pa skam po zug pa 'don pa'i mi med pas/ sdug bsngal gyis gdungs te sa la 'gre'o/ /gar 'gro yang mi shes
223a5 te| bkres pa dang / skom pas kyang gdungs nas/ gson na gson du med/ shi na shir yang med de/ bags kyi 'thom zhing song ba las/ rgyal po li shi bar gyi yul
223a6 'dab tu phyin to/ /li shi bar gyi rgyal po de la bu mo zhig yod pa ni/ yul wA ra NA si'i rgyal po'i sras rgyal bu dge don la sbyin par byas so/ /rgyal po li shi bar de la
223a7 rdzi'u ba lang lnga brgya 'tsho ba zhig yod de/ rtswa dang / chu ga la yod bar 'tsho zhing 'gro'o/ /de'i tshe na rgyal bu dge don lam ka zhig na 'dug pa las/ rdzi'u des gnag
223b1 phal mo che de de nas der phyin pa dang / ba lang phal gyis brdzis la khad pa las/ ba lang de'i nang na khyu mchog gi rgyal po gcig yod pas/ rgyal bu'i steng du zhon te ba lang
223b2 phal kun thal ba'i 'og tu/ pha zas song nas sa la 'gre zhing rgyal bu la lta zhing phyir langs te/ rgyal bu'i mig gnyis su lces bldags nas smyug ma'i tshal pa yang phyung ngo / /de
223b3 nas gnag rdzi yang phyi bzhin der 'ongs nas/ khyod su zhig yin ces dris so/ /dge don gyis 'di snyam du/ bdag gi cho rigs dang / ji ltar gyur pa zhib tu smras na/ gal te bdag
223b4 gi nu bo sdug bsngal chen po myong ngo snyam bsams nas/ bdag ni long ba mu lto ba yin no zhes smras so/ /de nas gnag rdzi des bltas na/ mtshan gzhan las dpags te/
223b5 tha mal pa ma yin par mthong nas/ kho bo'i khyim 'di nas mi ring ba zhig na yod de/ khyod kyi 'tsho ba sbyar gyi nga'i khyim du 'dong ngo zhes smras nas/ rgyal bu dge don khyim du
223b6 khrid do/ /gnag rdzi des khyim du khrid nas/ zas dang / skom dang / dgos pa thams cad sbyar nas/ khyim gyi bu dang / bu mo dang / khyim gang ba'i mi thams cad la khyed thams cad kyis
223b7 long ba 'di la nga dang 'dra bar rim gro byos shig ces bsgo'o/ /de nas de bzhin du zla ba gcig lhag gi bar du khyim nas gso gso ba las/ skyo bar gyur nas 'di skad du
224a1 da ni so tshis kyang dmas pas/ rtag tu long ba 'di gso sus nus zhes smras so/ /dge don gyis tshig de skad smras pa de thos nas/ sems nyam nga
224a2 bar gyur te/ de'i mtshan mo 'das nas/ phyi de nyin khyim bdag la da mchi'o zhes smras pa dang / khyim bdag gis smras pa/ ci zhig ma rangs na bdag cag spangs nas 'gro
224a3 bar sems/ dge don gyis smras pa/ bza' dang / mgron ni chos kyis yun ring du 'grogs shing gnas pa ma yin no/ /dge don gyis/ yang smras pa/ khyod 'di ltar bdag
224a4 la byams na/ bdag la rol mo jeng snyan pa gcig byas te/ gang na mi mang po 'du ba'i gnas sam/ grong khyer chen po zhig tu skyol zhig /de nas khyim bdag des kyang de'i
224a5 yid bzhin du dgos pa sbyar nas/ rgyal po li shi bar gyi grong khyer du mi mang po'i nang du bskyal nas/ bde bar phyir log go /de nas rgyal bu dge don jeng la shin tu
224a6 mkhas pas/ jeng gi sgra snyan pas kun gyis yid du 'ong pas/ thams cad kyis 'tsho ba'i yo byad byin no/ /bza' ba dang / btung bas mi brel bar byas so/ /de'i tshe
224a7 na li shi bar gyi yul na sprang po lnga brgya yod pa yang / thams cad bza' ba dang / btung bas chog par byas so/ /de'i tshe na rgyal po de la bza' shing gi ra ba zhig yod de/ 'bras
224b1 bu rab tu rgyas nas rtag tu bya mi thub ste ra ba srung ba'i sna bos de'i tshe na rgyal bu dge don la 'di skad ces smras so/ /khyod/ bdag gi shing tog gi ra ba srung zhing 'dug mi nus sam /
224b2 bdag gis khyod la dgos pa'i yo byad sbyar ro/ /dge don gyis smras pa/ bdag la mig gnyis med de/ mi mthong na ji ltar khyod kyi ra ba bsrung zhing bya rnams bskrad nus/ ra
224b3 ba'i sna bos smras pa/ bdag la thabs yod de/ bdag gis skyed shing gi khar thag pa sbrel te/ thag pa la dril bu btags la thag pa khyod kyi lag tu bzhag la/ bya skad nam
224b4 grag pa dang thag pa las drangs pas chog go /dge don gyis smras pa/ de ltar byas na bdag gis nus kyi/ shing drung du khrid cig ces smras nas der song ngo / /rgyal bu dge
224b5 don ra ba de na shing tog srung zhing rol mo byed byed de/ rtse zhing 'dug go /de'i tshe na rgyal po'i bu mo 'khor rnams dang / bza' shing gi ra bar 'chag cing ltad mi ltar song
224b6 ba las/ long ba de mthong nas long ba'i drung du song ste/ khyod su'i mi yin zhes dris so/ /smras pa/ bdag ni dmus long mu lto ba yin no/ /rgyal po'i bu mos long ba de mthong
224b7 nas de la snying chags te gtong ma phod do/ /rgyal pos bu mo 'bod du gtang ba las kham mi 'gro'o/ /bza' ba dang / /btung ba 'dir skyol cig /bdag long ba 'di dang lhan
225a1 cig za'o/ /de ltar long ba dang lhan cig zan zos nas rgyal po la 'di skad ces gsol to/ /bdag long ba 'di la stsal du gsol/ de la
225a2 stsal na bdag gi yid tshim par 'gyur ro/ /rgyal pos smras pa/ bu mo khyod 'dre gdon gyis brlams sam/ 'on te myos sam/ snying myos sam/ ci'i phyir na long ba de dang lhan cig
225a3 gnas| khyod mi shes sam/ sngar wA ra NA si'i rgyal po'i bu dge don gyis chung mar blangs te/ de la sbyin par byas nas/ rgyal bu da ltar rgya mtshor song ba las phyir ma
225a4 'khor na/ ci'i phyir na mu lto ba zhig gi chung ma byed par sems/ bu mos gsol pa/ de ltar lags mod kyi/ srog 'di yal yang long ba mi gtong ngo / /rgyal pos tshig
225a5 de thos nas/ bu mo'i ngo ma bzlog nas/ long ba bkug nas pho brang gi nang du khang pa dben pa zhig tu bzhag go /de nas rgyal po'i bu mo de long ba'i thad du song nas 'di skad
225a6 ces smras so/ /mkhyen tam/ da bdag khyod dang bza' shug tu 'du'o/ /dge don gyis smras pa/ khyod su'i bu mo yin te/ bdag dang bza' shug tu 'du bar sems/
225a7 smras pa/ bdag ni rgyal po li shi bar gyi bu mo yin no/ /dge don gyis smras pa/ khyod ni rgyal po'i bu mo yin te/ bdag ni mu lto ba yin na gcig la gcig ji ltar bkur
225b1 sti byed par 'gyur/ chung mas smras pa/ bdag snying nas khyod kyi rim gro bya ste yid dang 'gal par mi bya'o/ /de ltar zhag dgu bcu'i bar du 'dus shing 'khod pa las nyin
225b2 gcig chung mas khyim thab la gtam ma byas par phyi rol du song ba las ring zhig lon pa dang phyir 'ongs so/ /dge don gyis chung ma la khyod gsang ste gar song song / bdag
225b3 la yang gtam ma byas par gang du phyin/ gang nas phyir log ces smras so/ /chung mas smras pa/ bdag gsang ste song ba med do/ /dge don gyis smras pa/ khyod gsang
225b4 ngam| mi gsang mi sus shes/ chung mas mi dga' ste yi chad nas/ mig mchi mas gang bzhin du 'di skad du smre ste dam bcas so/ /gal te bdag khyod la gsang ba
225b5 zhig la song bar gyur na/ khyod kyi mig gnyis nam du yang 'tsho bar ma gyur cig /gal te de ltar ma yin na khyod kyi mig ya gcig sngon bzhin du mthong bar gyur cig ces
225b6 dam bcas pa'i tshig smras ma thag tu/ khyim thab kyi mig ya gcig sngon bzhin du mthong zhing gsal bar gyur te/ skar ma ltar bkra la mngon par chung mas mthong bar gyur
225b7 pa dang / chung mas smras pa/ da khyod yid ches sam/ dge don 'dzum dmul te cang mi smra'o/ /chung mas smras pa/ khyod ni khrel med pa/ drin mi shes pa zhig ste/ bdag ni rgyal
226a1 po chen po'i bu mo zhig ste| khyod ni mi tha mal pa zhig las bdag gis snying nas rim gro byas na 'on kyang khyod yid mi ches so/ /khyim thab kyis
226a2 smras pa/ nga su yin pa khyod kyis shes sam/ smras pa/ mi shes te/ khyod ni mu lto ba yin no/ /khyim thabs kyis smras pa/ ma yin no/ /kho bo ni yul wA ra NA si'i sras
226a3 rgyal bu dge don bya ba yin no/ /chung mas smras pa/ khyod ni cher glen pa zhig go /ci'i phyir de skad ces smra/ wA ra NA si'i rgyal po'i sras rgya mtshor zhugs te rin po che len
226a4 du song ba las da dung phyir ma 'khor na/ ci'i phyir khyod de yin zhes zer/ khyod rdzun zer bas kho mo yid mi ches so/ /rgyal bu dge don gyis smras pa/ bdag ni thog ma
226a5 skyes nas da tsam gyi bar du rdzun zer ma myong ngo / /chung mas smras pa/ khyod smras pa bden nam/ rdzun ba su zhig yid ches par 'gyur/ khyim thab kyis smras pa/ kho bo smras
226a6 pa'i tshig 'di rdzun te khyod bslus par gyur na/ kho bo'i mig ya gcig gtan mi mthong bar shog cig /gal te tshig 'di bden na bdag gi mig ya gcig kyang sngon
226a7 bzhin du mthong bar shog cig /ces smras ma thag tu/ mig ya gcig gi 'bras bu yang sngon bzhin du gsal zhing mthong bar gyur to/ /rgyal bu dge don gyis mig gnyis
226b1 sngon bzhin du gsal zhing mdzes pa dang / mi'i mtshan dang ldan zhing yid du 'ong la/ 'jig rten na dpe med par bzang bar chung mas mthong nas/ rab tu dga' ba'i sems
226b2 skyes te/ 'phags pas byin gyis brlabs pa tsam du spro zhing / mig mi 'dzum pa tsam du lta'o/ /de nas pho brang du song ste/ yab rgyal po/ bdag gi khyim thab de ni rgyal bu dge
226b3 don yin zhes gsol ba dang / rgyal po smras pa/ glen ma 'di smyos sam/ yi dwags kyis bslus sam/ ci nyes nas 'di skad ces zer/ rgyal bu dge don ni rgya mtshor zhugs
226b4 te da dung yang ma 'khor zhes zer na/ ci'i phyir khyod mu lto ba zhig la rgyal bu dge don zhes zer/ bu mos gsol pa/ de ltar ma lags te/ rgyal po thugs mi ches na spyan gyis
226b5 gzigs par ci gnang zhes gsol pa dang / rgyal pos gzigs ma thag tu rgyal bu dge don yin par rtogs so/ /de ltar rtogs nas dngangs te/ 'di skad du/ gal te wA ra NA si'i rgyal
226b6 pos thos na/ bdag la dpyas par 'gyur ro/ /zhes smras nas/ rgyal bu dge don la bdag gis sngar rgyal bu yin par ma shes pa nyes bshags so zhes smras so/ /
226b7 rgyal bus smras pa/ de la nyes pa med de/ rgyal po'i gnag rdzi de la sbyin pa byin cig ces smras so/ /de nas rgyal po li shi bar gyis gnag rdzi de la gser dang / dngul dang / rin
227a1 po che dang / gos dang / bza' ba dang / btung ba yang byin/ gnag lnga brgya yang thal byung byin no/ /de nas gnag rdzi de yang shin tu dga' nas/ rgyal
227a2 bu dge don la bdag gis phan pa'i drin ci zhig byas na bdag la nor dang / rin po che 'di snyed cig byin zhes/ mi mang po'i nang du skad chen pos gsang ma khyud de sbyin pa byas
227a3 kyang drin mngon sum du 'ongs pas/ sbyin pa byas pa'i 'bras bu'i rnam par smin pa ni 'di ltar rgya che'o zhes bsgrags so/ /de'i tshe na 'khor mang po kun rab tu dga' nas/
227a4 sbyin pa la dga' ba'i sems skyes so/ /gang sangs rgyas 'dod pas ni thams cad la sbyin pa bya'o/ /zhes lha rnams kyang mi de la bsngags shing bstod pas de bzhin du
227a5 grub par gyur to/ /de'i tshe na rgyal po dge don rgya mtshor ma zhugs pa/ pho brang na 'dug pa na ngang pa dkar po gcig gsos te rtag tu 'grogs shing bza' ba dang / btung
227a6 ba dang / 'gro ba dang / sdod pa dang / 'dug pa dang / nyal ba na rtag par lhan cig go /de nas yum btsun mos bya ngang pa'i drung du song nas/ 'di skad ces smras so/ /rgyal bu
227a7 'dug pa'i tshe khyod dang rtag par 'grogs na/ da rgya mtshor song ste shi'am/ gson gtol med te/ bdag mi shes na khyod rgyal bu mi dran nam/ ngang pas tshig de thos nas skad
227b1 phyung ste sa la 'gre nas/ mig mchi mas gang bzhin du btsun mo la 'di skad ces smras so/ /btsun mo/ bdag rgyal bu tshal bar bka' stsal na mchi'o zhes smras nas/ de'i tshe na
227b2 btsun mos yi ger bris te ngang pa'i mgul du btags nas rgyal bu tshol du btang ngo / /de nas ngang pa des rgyal bu gang logs su song ba dris nas/ nam mkha' la 'phur nas/
227b3 rgya mtsho logs su song ngo / /btsun mos de ltar ngang pa song ba mthong nas/ da ni gdon mi za bar bdag gi bu gson nam/ shi ba'i gtam nges par nye bar thos par 'gyur snyam sems
227b4 so| |de nas ngang pa des rgya mtsho'i steng gi nam mkha' la lding lding nas kun tu brtags nas btsal kyang rgyal bu ma mthong nas/ mthar gyis rgyal bu li shi'i bar gyis yul du
227b5 phyin pa dang / rgyang ma nas rgyal bu dge don rgyal po'i pho brang na 'dug pa mthong ngo / /de nas ngang pa de de nyid du babs te/ rgyal bu gang na bar 'ongs te/ snying rje rje skad skad phyung ste
227b6 rab tu dga' bas rgyal bu la lta'o/ /de nas rgyal bus ngang pa'i mgul nas yi ge blangs nas mgo bos gus par phyag btsal to/ /de nas yi ge phye nas bklags so/ /rgyal po
227b7 yab yum gnyis nyin mtshan du rgyal bu dran pas/ rtag tu ngu ngu bas mig gnyis ldongs par rtogs so/ /de nas rgyal bu dge don gyis ji ltar gyur pa zhib tu yi ger bris te/ phyir
228a1 yang ngang pa'i mgul du btags na phyir btang ngo / /de nas ngang pa rab tu dga' zhing phyir yul wA ra NA sir yab rgyal po dang yum gyi der 'ongs so//
228a2 rgyal pos yi ge 'ongs pa mthong nas rab tu dga' mgu rangs te spro ba tshad med par gyur/ rgyal bu dge don yang ngan don gyis rku byas te/ rin po che yang phrogs pas sdug bsngal
228a3 mang po myong bar rtogs so/ /de nas yab rgyal pos de ma thag tu ngan don bzung nas lag pa dang / rkang pa khong sgril tu bcug /gnya' ba yang lcags thag gis btags nas
228a4 khri mun du bor ro/ /de nas rgyal po li shi bar gyi steng du pho nya btang nas/ ci'i phyir rgyal bu bkag ste bdag cag mya ngan gyis gdungs par byas shes springs so/ /de nas
228a5 rgyal po li shi bar skrag nas/ rgyal bu dge don gos dang / rgyan gyis brgyan te/ sa mtshams su bzhag ste/ pho nya la spring bar ltar byas nas/ rgyal bu dge don rgya mtsho
228a6 nas slar 'khor te da 'dir gshegs so/ /zhes pho nya 'ongs pa ltar byas so/ /de'i tshe rgyal po li shi bar gyis/ gang nas 'ongs pa'i sa phyogs de kun phyag dar byas/ chag
228a7 chag btab nas/ rgyal mtshan dang / ba dan dang / gdugs bres te/ dril bu dang / rda brdungs/ rol mo sna tshogs byas te/ rgyang ma nas rgyal po nyid 'khor dang bcas pas/ rgyal bu pho
228b1 brang gi nang nas bsus nas/ bu mo chung mar byin te yul wA ra NA sir skyel du btang ngo / /wA ra NA si'i rgyal po dang btsun mos rgyal bu 'ongs zhes thos nas rab tu dga' mgu rangs
228b2 te| bal gyi glang po che rab la zhon nas rgyal bu bsus so/ /bsu ba'i sa phyogs de yang phyag dar dang / chag chag byas te bdug spos dang / ba dan dang / rgyal mtshan dang / gdugs
228b3 la sogs pa sbyar cing bres nas rol mo rnam pa sna tshogs kyang byas so/ /yul de na gnas pa'i yul mi pho mo thams cad kyis/ rgyal bu dge don rgya mtsho nas bde bar phyir 'khor
228b4 bar thos nas/ thams cad rab tu dga' nas kun gyis rgyal bu bsus so/ /de nas rgyal bu dge don gyis yab rgyal po dang / yum btsun mo'i zhabs la mgo bos phyag btsal te/
228b5 rgyal po dang / btsun mo mig ldongs te rgyal bu mi mthong bas/ lag pas mnams byugs nas/ khyod nga'i bu dge don yin nam/ khyod rtag par dran te mya ngan gyis gdungs
228b6 bas 'di ltar gyur to/ rgyal bus yab rgyal po dang / btsun mo la phyag byas nas/ rgyal phran rnams dang / blon po rnams dang / mi mang po la lag pa bteg ste skad chen pos
228b7 spro ba bskyed do/ /bdag nyon mongs kyang khyed kyi yon tan gyis phyir 'khor ro zhes smras so/ /de nas rgyal bu dge don gyis yab rgyal po la bdag gis nu bo ngan don da ltar ga
229a1 re| gang na mchis zhes gsol pa dang / yab rgyal pos bka' stsal pa/ khyed de'i gtam ma 'dri zhig /sdig pa can de da ltar khri mon na yod de
229a2 gtang zhes bya ba med do/ /rgyal bu dge don gyis gsol pa/ bdag ngan don dang 'phrad du gsol cig ces/ de bzhin du lan gnyis lan gsum gyi bar du dus kyis
229a3 gsol nas/ yid ma bzlog ste khri mon nas ngan don phyung ngo / /ngan don gyi lag pa dang / rkang pa las lcags dang / khong sgril phyungs shig par gsol lo/ /de nas btson ra nas
229a4 phyung nas/ ngan don pang du 'khyud nas/ khyod rab tu nyon mongs sam zhes tshig 'jam pos spro ba bskyed de gtam byas nas/ nga'i nor bu rin po che khyer ba ga re/ zhes lan
229a5 gnyis lan gsum gyi bar du dris nas/ gdod sa'i 'og nas spas shing 'dug go zhes smras so/ /de nas rgyal bu dge don gyis gnas de nas rin po che phyung nas blangs so/ /
229a6 de nas yab rgyal po dang / yum btsun mo'i drung du 'ongs te/ nor bu rin po che la bdug spos bzang pos bdugs nas/ pus mo btsugs te smon lam 'di skad ces btab
229a7 bo| |yid bzhin gyi nor bu rin po che yin yang dag na/ yab rgyal po dang / yum btsun mo'i spyan sngon bzhin phyir mthong bar shog cig ces smras ma thag tu/ yab rgyal po dang /
229b1 yum gnyis kyi spyan sngon bzhin du gsal bar mthong bar gyur nas/ rab tu dga' mgu rangs par gyur to/ /de'i tshe rgyal bu dge don zla ba nya ba'i dus/ tshes bco lnga'i nyin par
229b2 khrus byas nas gos sar pa gtsang ma gyon nas/ nor bu rin po che yang tog gi steng du bzhag nas/ lag na bdug spos kyi snod thogs nas/ yid bzhin gyi nor bu rin po che
229b3 la mgo bos phyag btsal nas/ 'di skad ces smon lam btab bo/ /bdag gis 'dzam bu'i gling gi sems can thams cad kyi phyir/ sdug bsngal chen po nyams su blangs te/
229b4 nor bu rin po che blangs so zhes smras ma thag tu de'i tshe shar phyogs nas rlung chen po langs nas/ sprin dang / na bun bus te nam mkha' yongs su dag par byas te/ 'dzam bu'i gling
229b5 gi mi gtsang ba'i nyal nyil dang / bshang gci dang / phyag dar dang / mi sdug pa thams cad rlung gis bus te yongs su dag par byas nas/ nor bu rin po che'i byin rlabs kyis
229b6 'dzam bu'i gling du ma rmos par rang grub pa'i 'bras sA lu char bzhin du bab nas 'bras sA lu de yang 'jam zhing kha dog dang / ror ldan pa/ shang shong thams cad kyang gang
229b7 nas pus mo nub tsam du bab bo/ /de'i 'og tu bgo ba'i gos dam pa dang / lus kyi rgyan gdub dang / nor bu dang / gdu bu la sogs pa char bzhin bab bo/ /de'i 'og tu gser
230a1 dang / dngul dang / rin po che sna bdun dang / de la sogs te/ rol mo sna tshogs dang / mdor na sems can thams cad kyi dgos pa'i yo byad ci 'dod pa
230a2 thams cad char bzhin du bab nas/ thams cad chog cing tshim par byas so/ /byang chub sems dpa'i snying rje chen po'i shugs kyis sbyin pa'i pha rol tu phyin pa la
230a3 spyod de/ sems can thams cad la dgos pa'i yo byad chog par sbyin pa'i don ni 'di lta bu yin no/ /bcom ldan 'das kyis kun dga' bo la bka' stsal pa/ de'i tshe
230a4 de'i dus na yul wA ra NA si'i rgyal po chen po de gzhan zhig yin snyam du sems na de ltar mi blta'o/ /de'i tshe de'i dus na rgyal po chen po de ni de ltar na nga'i yab rgyal po zas
230a5 gtsang ma yin no/ /de'i tshe de'i dus na btsun mo de gzhan zhig yin snyam du sems na de ltar mi blta'o/ /de'i tshe de'i dus na btsun mor gyur pa de ni da ltar nga'i yum lha mdzes yin
230a6 no| |de'i tshe de'i dus na rgyal bu ngan don de ni da ltar lhas byin nyid yin no/ /de'i tshe de'i dus na rgyal bu dge don de ni da ltar nga nyid yin te/ lhas byin 'di ni sngon 'das pa'i dus
230a7 na yang rgyun du ngan sems kyis nga la gnod pa byas kyang / ngas ni rtag tu bzod pa dang du blangs nas/ rtag tu de la drin byin pas rgyun du bde bar byas na/ da mngon par
230b1 sangs rgyas pa na lta smos kyang ci dgos/ bcom ldan 'das kyis de skad ces gsungs pa na/ lha dang / mi brgya stong snyed rgyun du zhugs pa'i 'bras bu thob pa nas/ dgra bcom
230b2 pa'i 'bras bu'i bar du thob par gyur to/ /gzhan yang / lha dang / mi tshad med pa brgya stong snyed bla na med pa yang dag par rdzogs pa'i byang chub tu sems bskyed nas/ sems
230b3 can tshad med pa brgya stong snyed nyan thos dang / rang sangs rgyas kyi bar du sems bskyed par gyur to/ /kun dga' bos sangs rgyas la gsol pa/ bcom ldan 'das/ mdo sde
230b4 'di'i ming ci zhes bgyi/ ji ltar gzung bar bgyi/ bcom ldan 'das kyis bka' stsal pa/ mdo sde 'di'i ming thabs mkhas pa/ sangs rgyas drin lan bsab pa/ sems can
230b5 thams cad la tshim par sbyin pa zhes bya'o/ /'khor mang po rnams mdo sde 'di gsungs pa la rab tu dga' nas/ phyag byas te phyir dong ngo / /gzhan yang / lhas byin ni sangs rgyas kyis
230b6 bstan pa'i rjes su rab tu byung mod kyi/ khe bkur dang / rnyed pa'i phyir rgyun du phrag dog byed de/ lha sbyin mdo sde spos kyi glang po che'i khal drug khri snyed kha ton du 'don shes kyang /
230b7 mtshams med pa'i sems can dmyal ba las mthar ro/ /de'i tshe na lhas byin rgyal po ma skyes dgra dang rab tu mdza' nas/ gcig la gcig dga' zhing nye bar sems te gcig gi
231a1 tshig la gcig yid ches so/ /de nas lhas byin gyis rgyal po ma skyes dgra la 'di skad ces smras so/ /khyod ni rgyal po sar pa byos shig /bdag ni sangs
231a2 rgyas sar pa bgyi'o/ /rgyal po ma skyes dgras smras pa/ da ltar yab rgyal po yang bzhugs pas da ltar mi rung ngo / /lhas byin gyis smras pa/ de med par byar rung ngo / /bdag
231a3 kyang sangs rgyas med par byas la/ de'i 'og tu rgyal po sar pa dang / sangs rgyas sar pas sems can gyi don byas pa mi bgyid dam/ de nas rgyal po ma skyes dgras lhas
231a4 byin gyis smras pa bzhin yab rgyal po bkrongs te rgyal po'i khab yul ma ga d+ha bzung ngo / /lha sbyin gyis rgyal po ma skyes dgra la smras pa/ bdag kyang de bzhin gshegs
231a5 pa med par bya'o/ /ma skyes dgras smras pa/ de bzhin gshegs pa ni rdzu 'phrul chen po'i mthu mnga' bas/ gzhan gyis bsams pa'i sems shes na/ khyod kyis ji
231a6 ltar med par bya bar nus/ de bzhin gshegs pa la gzhan yang nye gnas chen po shA ri'i bu dang / mo'u dgal gyi bu chen po dang / na bun dang / ma 'gags pa la sogs
231a7 pa yod pas mi nus so/ /lhas byin gyis rgyal po ma skyes dgra la smras pa/ rgyal po/ khyod kyis bdag gi grogs byos shig /rgyal pos smras pa/ khyod las ci zhig byed par
231b1 sems/ lha sbyin gyis smras pa/ rgyal po chen pos yul phyogs su bkar btags te su yang dge slong rnams la gos dang / bza' ba dang / btung ba dang / bsod snyoms sbyin du
231b2 ma stsal cig/ de nas rgyal po ma skyes dgras kyang bkar btags te/ dge slong rnams la su yang gos dang / zas dang / bsod snyoms sbyin par gyur na/ rkang lag gcad do zhes
231b3 bkar btags so/ /de'i tshe bcom ldan 'das dge slong gi dge 'dun chen po'i 'khor dang bcas te/ bya rgod spungs pa'i ri nas bsod snyoms slong du song ba las ci yang ma rnyed
231b4 do| |de bzhin du zhag gcig nas zhag bdun gyi bar ci yang ma rnyed pas/ shA ri'i bu la sogs pa slob ma chen po rnams ni rdzu 'phrul gyi mthus yul khams gzhan du gos dang /
231b5 zas dang / bsod snyoms slong du song ste/ de'i tshe na lhas byin gyis rgyal po ma skyes dgra la 'di skad ces smras so/ /da ltar sangs rgyas kyi slob ma chen po gcig kyang med de/
231b6 de bzhin gshegs pa gcig pu bzhugs kyi/ rgyal pos de bzhin gshegs pa spyan 'dren du thongs shig /pho brang gi nang du 'ongs na/ bdag cag gis bal gyi glang po che nag po
231b7 ma rungs pa lnga brgya chang blud de/ rab tu myos par byas la/ sangs rgyas spyan drangs te/ pho brang gi nang du 'ongs nas bal glang rmis shing myos pa de dag gis brdzis te gsad
232a1 par bya'o/ /de nas rgyal po ma skyes dgras de bzhin gshegs pa spyan 'dren du btang nas/ sangs rgyas dang / dgra bcom pa lnga brgya rgyal po sa spyan
232a2 drangs par gshegs par gnang ste/ rgyal po'i khab tu gshegs so/ /de nas rgyal po ma skyes dgras bal glang rmis shing myos pa lnga brgya bkye nas/ bal glang rmis pas
232a3 shing bcag/ ra ba yang dral/ rtsig pa yang bsgyel te ngar ba'i sgra chen po phyung ste/ de bzhin gshegs pa dang / dgra bcom pa lnga brgya'i logs su mchongs te song ngo / /de
232a4 nas dgra bcom pa lnga brgya rab tu skrag nas steng gi nam mkha' la 'phags te/ sangs rgyas kyi steng gi nam mkha' la 'khod do/ /de'i tshe kun dga' bo 'ba' zhig de
232a5 bzhin gshegs pa dang ma bral te 'dug go /de'i tshe de bzhin gshegs pa byams pa dang / snying rje'i shugs kyis/ phyag g.yas pa bteg pas phyag sor lnga las
232a6 seng ge kha gdangs shing sgra chen po sgrogs pas sprul nas/ ban glang rmis pa lnga brgya 'jigs skrag nas sa la 'gyel to/ /de nas de bzhin gshegs pa 'khor mang
232a7 pos bskor te/ rgyal po'i pho brang du gshegs nas/ rgyal po ma skyes dgra phyi rol tu byung ste/ de bzhin gshegs pa bsus nas gdan la bzhugs su gsol lo/ /gdan
232b1 la bzhugs nas/ mthol zhing 'gyod tshangs byas te/ sangs rgyas la 'di skad ces gsol to/ /bcom ldan 'das/ 'di ni bdag gis bgyis pa ma lags so/ /lha sbyin
232b2 gyis bgyid du stsal lo/ /bcom ldan 'das kyis bka' stsal pa/ de ngas shes te lha sbyin 'dis rtag tu nga la gnod pa byas te/ da ltar 'ba' zhig tu ma zad de/ 'das pa'i
232b3 dus na yang rtag tu nga la gnod pa byas na yang / ngas ni thugs rje chen po'i shugs kyis rtag tu phan pa byas so/ /de'i tshe rgyal po ma skyes dgras thal mo sbyar te/ bcom ldan 'das
232b4 la 'di skad ces gsol to/ /lhas byin 'dis sngon 'das pa'i dus na/ de bzhin gshegs pa la gnod pa bgyis pa gang dang / gang lags/ bcom ldan 'das kyis bka' stsal pa/
232b5 legs par nyon cig dang / dgrol zhing bshad par bya'o/ /sngon 'das pa'i dus na bskal pa grangs med pa 'das pa'i pha rol na/ rgyal po chen po ngang pa'i sha la dga' ba
232b6 zhig yod de/ rgyun du rngon pa zhig bya ngang pa bshor du bcug go /de'i tshe bya ngang pa lnga brgya zhig byang phyogs nas nam mkha' la lho phyogs su 'phur ba las/ ngang pa'i rgyal po de ta
232b7 rngon pa'i bya rgya la zin no/ /de'i tshe rngon pa de rab tu dga' ba'i sems su gyur nas/ spyil bu nas byung ste/ gsad par gzas pa las ngang pa mo zhig 'phur te drung du 'ongs nas snying
233a1 rje rje skad du zer ba'i sgra byung ngo / /de nas rngon pa des gzhu brdungs/ mda' stong du bcug ste/ gsad par gzas na yang mdas ma skrag ste/ 'dab
233a2 ma gnyis brdabs nas dang pa'i rgyal po'i steng du mchongs so/ /ngang pa phal lnga brgya yang de'i steng gi nam mkha' la 'khor zhing lding ngo / /de'i tshe na rngon pa des ngang mo de
233a3 snying rje ba'i skad phyung ste/ kha nas khrag skyug cing srog la yang mi lta bar ngang pa'i rgyal po la chags pa mthong nas/ rngon pa de 'di snyam du/ dud 'gro'i skye gnas su gyur
233a4 pa'i bya yang 'di ltar gcig la gcig chags te lus dang / srog kyang 'dor na/ bdag ji lta bu'i snyi zhig gis ngang pa'i rgyal po 'di gsad snyam bsams nas/ bya rgya bteg
233a5 ste btang ngo / /de'i tshe ngang mo yang rab tu dga' ste/ phyi bzhin 'phur te/ ngang pa lnga brgyas bskor nas nam mkha' la 'phur te song ngo / /de'i tshe rngon pa des rgyal po la
233a6 'di skad ces gsol to/ /bdag gis ngang pa'i rgyal po gcig zin te dbul bar bgyis pa las/ ngang pa mo zhig kha nas khrag skyug cing mda' gzhu la yang mi 'dzem par ngang ba'i
233a7 rgyal po'i steng du mchongs pas bdag snying gis ma bzod nas btang ba las/ ngang pa lnga brgyas bskor nas nam mkha' la 'phur te song ngo / /de'i tshe rgyal po de tshig de thos nas/
233b1 sems mi bde bar gyur te/ snying rje ba'i sems skye nas dud 'gro'i skye gnas su gyur pa la yang gcig la gcig chu gang byed de lus dang / srog kyang mi 'phangs so snyam bsams
233b2 nas/ rgyal po yang ngang pa'i sha mi za bar yi dam bcas so/ /de'i tshe de'i dus na rgyal po chen po de ni da ltar rgyal po chen po nyid yin no/ /de'i tshe de'i dus na rngon par gyur pa de ni/ da
233b3 ltar lhas byin nyid yin no/ /de'i tshe de'i dus na ngang pa mo kha nas khrag skyug pa de ni/ da ltar kun dga' bo yin no/ /de'i tshe de'i dus na ngang pa lnga brgya ni/ da ltar dgra bcom lnga brgya
233b4 yin no/ /de'i tshe de'i dus na ngang pa'i rgyal por gyur pa de ni/ da ltar nga yin no/ /de bas na de ltar kun dga' bos/ da ltar nga la chags pa yang sngon dang 'dra'o/ /de'i tshe na
233b5 dgra bcom pa lnga brgya steng gi nam mkha' la 'phags pa yang sngon gyur pa dang 'dra'o/ /de'i tshe na'ang lhas byin nga la gnod pa byed pa yang ngas ni snying rje chen po'i shugs kyis
233b6 rgyun du phan pa'i don byas so/ /chos 'di bstan pa'i tshe/ lha dang / mi brgya stong snyed 'bras bu dang po thob pa nas 'bras bu bzhi pa'i bar du thob par gyur to/ /la la ni bla na med pa yang
233b7 dag par rdzogs pa'i byang chub tu sems bskyed nas/ nyan thos dang / rang sangs rgyas kyi bar du sems bskyed par gyur to/ /gzhan yang / lhas byin ngan sems ma zhi nas/ 'di
234a1 snyam du bdag gi sor mo bcu'i sen mo ring du bskyed la/ sen mo'i bar du dug bcug la/ de bzhin gshegs pa gang na bar song la mgo bos
234a2 zhabs la phyag 'tshal la/ de ltar phyag btsal te zhabs la bzung ba'i tshe/ sen mo bcu'i 'og na dug yod pas zhabs la bskus te/ dug langs nas gdon mi za bar
234a3 tshe'i dus byed par 'gyur ro snyam bsams nas/ ji ltar bsams ba ltar de bzhin gshegs pa gang na bar song nas der phyin pa dang / zhabs la mgo bos phyag
234a4 btsal nas zhabs la lag pas bzung ste dug bskus pa dang / de'i tshe dug de dag ni zil dngar du gyur te/ de bzhin gshegs pa la gnod par ma gyur to/ /de ltar
234a5 lhas byin gyis bsams pa ltar ma gyur nas/ yang 'di snyam du de bzhin gshegs pa da ltar bya rgod spungs pa'i ri la gcig pu bzhugs kyi/ ri de'i steng du song la pha
234a6 bong rbab tu gtang la gsad par bya'o snyam bsams nas/ ri'i rtse mor song ste rbab btang ba las/ sangs rgyas kyi zhabs kyi mthe'u chung rmas kyang nga'i thugs rje chen
234a7 po'i shugs kyis dgra dang / gnyen la mnyam snyoms so/ /gzhan yang / lhas byin gyis sngon 'das pa'i dus bskal pa grangs med pa'i pha rol de'i tshe de'i dus na sangs
234b1 rgyas bcom ldan 'das rigs par ston pa zhes bya ba/ de bzhin gshegs pa/ dgra bcom pa yang dag par rdzogs pa'i sangs rgyas/ rig pa dang / zhabs su ldan pa/ bde bar
234b2 gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba 'jig rten du byung ngo / /sangs rgyas de mya ngan las 'das nas gzugs brnyan
234b3 la chos spyod pa'i tshe/ bsam gtan byed pa'i dge slong zhig dgon pa'i tshal na 'dug pa las/ de'i tshe dge slong de la shig mang du za'o/ /de nas dge slong des shig dang 'di
234b4 skad du dam bcas so/ /kho bo bsam gtan byed pa'i tshe khyed ma 'gul bar yib cing sdod cig ces dam bcas pas/ shig rnams kyang de bzhin du byed do/ /de nas dus
234b5 gzhan zhig lji ba zhig der 'ongs nas shig la 'di skad ces smras so/ /khyed 'di ltar tsho zhing nyam 'tshag bzang ba ci las gyur ces dris na/ shig gis smras pa/ bdag
234b6 gi gnas po rtag tu bsam gtan byed pa des/ bdag cag gi zas dang / skom dus las mi yol bar dus bzhin du za bas na nyam 'tshag bzang ba yin no/ /lji bas smras pa/
234b7 bdag kyang khyed dang lhan cig tu 'dug go zhes smras nas/ de na lhan cig tu 'dug go /de'i tshe dge slong de bsam gtan byed pa las lji ba des sha dang / khrag gi dri tshor nas dge
235a1 slong de la btsugs so/ /de nas dge slong de sems 'khrugs nas gos bud de/ me'i nang du bor nas bsregs so/ /de'i tshe de'i dus na bsam
235a2 gtan byed pa'i dge slong de ni sangs rgyas 'od srung yin no/ /de'i tshe de'i dus na lji ba de ni lhas byin nyid yin no/ /de'i tshe de'i dus na shig tu gyur pa de ni da ltar nga yin
235a3 no| |lhas byin de khe bkur dang / rnyed pa'i phyir nga la gnod pa byas na/ da mngon par sangs rgyas na yang khe bkur dang / grags pa'i phyir sangs rgyas kyi sku la khrag phyung
235a4 bas sems can dmyal ba chen por lhung ngo / /lhas byin gyis rtag tu nga la ngan sems kyis de bzhin gshegs pa la gnod ba byas pa ni bskal par yang brjod kyis mi
235a5 rdzogs te/ de bzhin gshegs pa ni rtag tu thugs rje chen pos byams shing brtse ba'i thugs kyis bskyabs so/ /nga ni lhas byin dang phrad pas myur du sangs rgyas su grub
235a6 par gyur te/ drin dran pa'i phyir rtag tu thugs rjes bskyabs so/ /de'i tshe na de bzhin gshegs pas kun dga' bo la 'di skad ces bka' stsal to/ /khyed sems
235a7 can dmyal ba'i nang du song la/ lhas byin/ khyod sdug bsngal gyis rab tu nyon mongs sam/ zhes dris la shog cig /de nas kun dga' bos sangs rgyas kyi bka'
235b1 bzhin du/ sems can dmyal ba'i nang du song nas dmyal ba'i sgor phyin te/ dmyal ba'i srung ma a bang la/ khyod/ lhas byin bos shig ces smras so/ /a bang gi smras pa/ khyod
235b2 sangs rgyas gang gi lhas byin 'dod/ 'das pa'i sangs rgyas thams cad la sangs rgyas zhes bya ba yod do zhes smras nas/ de nas a bang gis/ lhas byin la kun dga' bo da
235b3 ltar sgo'i phyi rol na sdod de khyod dang phrad dgos so zhes zer ro/ /lhas byin der 'ongs te/ kun dga' bo la legs par 'ongs sam/ ci/ de bzhin gshegs pa gsung /
235b4 bdag la da ltar mtshams med pa'i sems can dmyal ba 'di na bde ba ni dge slong bsam gtan gsum pa la zhugs pa'i bde ba thob pa dang 'dra'o/ /bcom ldan 'das
235b5 kyis bka' stsal pa/ byang chub sems dpa' chen po/ sems can gyi don du thabs mkhas pa chen pos/ skye shi'i 'khor ba'i sdug bsngal chen po grangs med pa myong yang
235b6 de la gnod par mi 'dzin no/ /gang zhig lhas byin ni yang dag par sdig pa can yin te/ mtshams med pa'i sems can dmyal bar ltung snyam sems na de ni gnas med
235b7 do| |de'i tshe de bzhin gshegs pa las 'khor mang po rnams/ lha sbyin gyi spyod pa thabs mkhas pa shin tu zab mo 'di gsungs pa thos nas/ byang chub sems dpa' tshad med
236a1 pa brgya stong snyed mi skye ba'i chos la bzod pa thob par gyur to/ /lha dang / mi tshad med pa brgya stong snyed ni/ bla na med pa yang dag par rdzogs pa'i
236a2 byang chub tu sems bskyed do/ /lha dang / mi tshad med pa brgya stong snyed ni/ rgyun du zhugs pa'i 'bras bu thob pa nas/ dgra bcom pa'i 'bras bu'i bar du thob par gyur to/ /
236a3 de'i tshe bar snang gi lha rnams kyis steng gi nam mkha' las lha rdzas kyi me tog char bzhin du phab/ lha rdzas kyi rol mo byas nas/ 'od zer chen pos kun tu snang bar byas
236a4 te| de bzhin gshegs pas gsungs pa ngo mtshar che ste/ dge'o zhes bstod do/ /bcom ldan 'das kyis de skad ces gsungs pa la 'khor mang po mngon par dga' nas
236a5 mgo bos phyag btsal te phyir dong ngo / /thabs mkhas pa chen po sangs rgyas drin lan bsab pa'i mdo las/ ngan don gyi le'u zhes bya ste drug pa'o// //bam
236a6 po lnga pa/ de'i tshe bcom ldan 'das la 'khor mang pos rim gro byas/ bkur sti byas/ mchod pa byas nas/ bsngags shing bstod pa byas te/ yongs su bskor nas mdun
236a7 gyis bltas te bzhugs so/ /de nas de bzhin gshegs pa shin tu zab mo'i sbyod yul tshad med pa la rol te/ skye bo mang po srid pa gsum gyi mi bzod pa'i sdug bsngal
236b1 las 'don pa dang / sgrib pa lnga bsal ba dang / kun nas glags shing 'ching ba dgrol ba dang / sems can thams cad rnam par grol ba thob par bya zhing / 'dus ma byas pa'i
236b2 bde ba la dgod pa'i phyir/ bsod nams kyi zhing rnam pa gnyis phye zhing bstan to/ /gnyis gang zhe na/ mngon par 'du byed pa'i bsod nams kyi zhing dang / mngon par 'du byed
236b3 pa ma yin pa'i bsod nams kyi zhing ngo / /de yang gang zhe na/ pha ma dang / mkhan po dang / bla ma dang / sangs rgyas dang / chos dang / dge 'dun dang / byang chub sems dpa' rnams
236b4 yin te/ sems can gyis de'i phyogs su mchod pa'i bsod nams byas nas/ lam gyi 'bras bu thob par 'gyur ro/ /de nas bcom ldan 'das kyis/ shes rab can gyi mchog
236b5 shA ri'i bu la sogs pa nye gnas chen po rnams la 'di skad ces bka' stsal to/ /khyed rnams shes par gyis shig/ de bzhin gshegs pa ni ring por mi thogs par mya
236b6 ngan las 'da'o/ /shA ri'i bus de skad ces bka' stsal pa thos nas/ lus kyi yan lag la khab kyis btsags pa ltar mi bde zhing / mya ngan gyis non nas sa la 'gyel te
236b7 brgyal ba las/ gdong du chu grang mos gtor nas ring zhig lon pa dang phyis sangs te/ langs nas thal mo sbyar ba btud de/ tshigs su bcad pa 'di dag gis mngon par bstod
237a1 do| |sangs rgyas bstan pa'i bdud rtsi la/ /nyan pa ngal zhing skyo ba med/ /le lo'i dbang du gyur pa'am/ /phan par mi 'gyur gang yang med/ /rgyud ldar
237a2 'khor ba'i rgya mtsho ni/ /rnyog pa'i 'dam du 'bying ba bzhin/ /sred cing 'dod pas bcings pas na/ /shes pa med pas 'jig rten 'khor/ /sngon tshe yang dag drang spyad de//
237a3 sbyin pa snyoms par mdzad pas na/ /smin mtshams mtshan dang ldan 'gyur te/ /'od kyi snang ba dpag tu med/ /spyan ni zla ba tshes pa 'dra/ /phyogs bcu'i yul khams ma
237a4 lus gzigs/ /'gro ba kun gyi sems kyi mig /mthong bas rab tu dga' bar 'gyur/ /de'i tshe shA ri'i bus tshigs su bcad pa brgya stong gis de bzhin gshegs pa la
237a5 bstod nas/ mgo bos zhabs la phyag btsal te/ lan brgya stong gi bar du bskor ba byas nas/ lha rnams dang / klu dang / mi dang / mi ma yin pa rnams la 'di skad ces
237a6 smras so/ /rigs kyi bu dag /kyi hud/ kyi hud/ 'jig rten stongs so/ /e ma'o/ /e ma'o/ /'jig rten stongs so/ re sdug/ re sdug /'jig rten stongs so/ /rin po che
237a7 dam pa'i chos kyi gru zam zhig go /bla na med pa'i byang chub kyi shing chag go /rin po che dam pa'i rgyal mtshan 'gyel lo/ /bla na med pa'i sangs rgyas kyi nyi ma mya ngan las
237b1 'das pa chen po'i ri phag tu nub bo/ /de skad ces smras pa dang / 'khor mang po thams cad dngangs nas lus kyi ba spu langs pa tsam du skrag par gyur to/ /nyi ma yang 'od mi gsal zhing
237b2 ri rnams kyang 'gyel lo/ /sa chen po yang rab tu g.yos so/ /de nas shA ri'i bus 'khor mang po la tshigs su bcad pa 'di dag smras so/ /bdag gis sangs rgyas sku mthong ba//
237b3 btso ma gser gyi ri bo 'dra/ /mtshan dang yon tan kun 'gags te/ /ming tsam 'ba' zhig lus bar 'gyur/ /'jig rten gsum las 'byung ba'i phyir/ /brtson 'grus dbang
237b4 du 'bad par bya/ /dge ba'i las rnams 'dam bya na/ /mya ngan 'da' ba mchog tu bde/ /de nas shA ri'i bus/ 'khor mang po la spro ba bskyed nas rdzu 'phrul gyi mthu mngon du bstan
237b5 to| |rdzu 'phrul gyi mthus steng gi nam mkha' la 'phags nas/ rin po che'i bal glang chen po mgo bo stong dang ldan pa zhig tu sprul to/ /bal gyi glang po che gcig la gcig 'khri
237b6 zhing mgo bo stong phyir lta bar bstan to/ /bal gyi glang po de re re yang mche ba bdun bdun dang ldan te/ mche ba re re la yang khrus kyi rdzing bu re re yod do/ /rdzing bu re re la yang me
237b7 tog| bad mo bdun bdun yod do/ /bad mo re re la yang sprul pa'i sangs rgyas re re bzhugs so/ /sprul pa'i sangs rgyas re re la yang nye gnas shA ri'i bu re re yod la/ shA ri'i bu re
238a1 res kyang 'od zer chen po bkye nas phyogs bcu'i 'jig rten gyi khams gang+gA'i klung gi bye ma snyed snang bar byas te/ rgyu mthun pa thams cad bsdus so//
238a2 rgyu dang ldan pa thams cad 'dus nas/ de nas shA ri'i bus lus chen pos nam mkha' yongs su gang ba bstan to/ /lus chen po las lus chung ngur bsgyur ba bstan pa
238a3 yang bstan te/ sa'i nang du chu la bya ba bzhin du 'jug cing 'byung ba dang / zhugs par yang mi mngon ste/ lus kyi smad nas me 'bar ba dang / lus kyi stod nas chu 'bab
238a4 pa yang bstan to/ /steng gi nam mkha' la thogs pa med par brgya nas stong gi bar du cho 'phrul grangs med pa rnam pa sna tshogs pa bstan nas/ nam mkha' las 'bab te/
238a5 'khor mang po la chos rgyas par bstan nas/ spro ba dang / gzengs bstod pa dang / dga' bar byas nas/ sems can tshad med pa brgya stong snyed ni/ bla na med pa yang dag
238a6 par rdzogs pa'i byang chub tu sems bskyed du bcug/ sems can tshad med pa brgya stong snyed ni/ rgyun du zhug pa nas dgra bcom pa'i 'bras bu'i bar du thob par byas nas/
238a7 gzhan yang / sems can tshad med pa brgya stong snyed ni/ nyan thos dang / rang sangs rgyas su sems bskyed du bcug go/ shA ri'i bus de ltar phan pa dang / bde ba'i don tshad
238b1 med pa byas pas/ 'khor mang po la 'di skad ces smras so/ /bdag gis ji lta bu zhig snyed kyis/ de bzhin gshegs pa sngar mya ngan las 'da' ba mi mthong bar bya zhes te/
238b2 steng gi nam mkha' la 'phags nas bdag gi lus las me phyung nas bsregs nas mya ngan las 'das so/ /de'i tshe na 'khor mang po rnams yid la gcags nas/ mig mi
238b3 'dzugs par shA ri'i bu la lta zhing skad chen pos cho nges btab ste/ lus la sa rdul gyis gos par gyur/ nyi ma yang 'od mi gsal zhing / gnam sa yang cher g.yos so/ /
238b4 de nas 'khor mang pos shA ri'i bu'i rus pa bsdus te/ mchod rten brtsigs te mchod pa byas so/ /de'i tshe na 'khor mang po brgya stong snyed ni shA ri'i bu dran pa'i phyir/ sdug bsngal gyis
238b5 sems gdungs nas myos shing 'thoms te/ dran pa nyams par gyur to/ /de nas de bzhin gshegs pa thugs rje'i shugs kyis shA ri'i bur sprul nas/ 'khor gyi nang du
238b6 'dug par byas pas 'khor mang po de dag shA ri'i bu de mthong nas mi dga' ba'i sdug bsngal zhi nas/ phyir rab tu dga' bar gyur to/ /de ltar dga' ba'i sems su gyur nas/
238b7 thams cad kyis bla na med pa yang dag par rdzogs pa'i byang chub tu sems bskyed do/ /de nas kun dga' bos de bzhin gshegs pa'i byin gyi rlabs kyis 'khor mang po the tshom du
239a1 gyur pa sems kyis shes nas stan las langs te/ bla gos phyogs gcig tu byas/ pus mo g.yas pa'i lha nga sa la bcugs te/ thal mo sbyar ba
239a2 btud nas/ sangs rgyas la 'di skad ces gsol to/ /bcom ldan 'das/ ci'i rgyu ci'i rkyen gyis/ shA ri'i bu 'di de bzhin gshegs pa pas sngar mya ngan las 'das te/ 'khor
239a3 mang po mi dga' ste mya ngan byed par 'gyur/ bcom ldan 'das kyis kun dga' bo dang / 'khor mang po la bka' stsal pa/ shA ri'i bu 'di da ltar 'di 'ba' zhig tu de
239a4 bzhin gshegs pa bas mya ngan las sngar 'das par ma zad de/ sngon 'das pa'i dus na yang nga sngar 'das pa mthong bar mi bzod nas sngar 'das so/ /de nas kun dga'
239a5 bos sangs rgyas la gsol pa/ bcom ldan 'das/ sngon 'das pa'i dus na shA ri'i bu sngar 'das pa'i dngos po ji lta bu lags/ bcom ldan 'das kyis bka' stsal pa/
239a6 khyed legs par nyon cig /sngon 'das pa'i dus bskal pa grangs med pa'i pha rol de'i tshe de'i dus na yul wA ra NA si zhes bya ba zhig yod de/ yul wA ra NA si'i rgyal po de ni
239a7 'od zer chen po zhes bya'o/ /rgyal po 'od zer chen po zhes bya ba de la mtha'i rgyal phran drug cu dang / grong khyer brgyad pa rgyal dbang bsgyur te/ rgyal po de rgyun du snying rje'i sems
239b1 dang ldan pas thams cad la yid dang mi 'gal bar sbyin pa yongs su gtong ngo / /de'i tshe na mtha'i rgyal phran gcig rgyal po de la mi dga' ste/ rgyun du ngan sems skye'o/ /rgyal po
239b2 'od zer chen pos zla ba ngo re re zhing / dus drug gi nyi ma dang sbyar te/ bal gyi glang po che lnga brgya la rin po che dang / nor rdzas dang / gos dang / bza' ba dang / btung ba bkal
239b3 te| tshong dus dang / grong khyer gyi sgo bzhir spungs nas/ thams cad la sbyin pa byed do/ /de'i tshe rgyal phran dgrar gyur pa des/ de ltar rgyal po 'od zer chen pos thams cad la yid dang
239b4 mi 'gal bar gos dang / zas dang / gser dang / dngul dang / rin po che'i bar du ci 'dod pa las sbyin pa byed do zhes thos nas/ mtha'i rgyal phran des rgyal po 'od zer chen po sbyin pa'i
239b5 bsod nams byed pa la phrag dog gi sems skyes te/ blon po rnams bsdus nas/ khyed rnams las su zhig wA ra NA si'i rgyal po 'od zer chen po'i mgo slong du 'gro nus zhes
239b6 bsgo ba dang / blon po rnams kyis bdag cag ni gang yang rngo mi thogs zhes smras so/ /de nas yang thams cad la bkar btags te/ su zhig wA ra NA si'i rgyal po 'od zer
239b7 chen po'i mgo bslangs te 'ongs na gser rgya ma stong sbyin no zhes bkar btags pa dang / bram ze gcig gis bdag gis slong du 'gro nus kyi/ bdag gi yo byad dang / rgyags
240a1 sbyor cig ces bsgo'o/ /yul 'di nas wA ra NA sir rgyang grags drug stong yod pas de bzhin du rgyags dang / yo byad sbyar nas/ bram ze wA ra NA sir
240a2 song ngo / /de'i tshe bram ze de yul wA ra NA si'i yul phyogs der phyin pa las/ sa chen po yang rnam pa drug tu g.yos/ gcan gzan dang / ri dwags rnams kyang skrag nas phyogs
240a3 bzhir bros/ nyi ma dang / zla ba yang bsgribs pa bzhin mi gsal zhing mi snang bar gyur/ gza' lnga dang / skar ma rnams kyang dus bzhin du mi rgyu/ 'ja' lta bu dmar po
240a4 dang | nag po dang / dkar po dang / nyin mtshan dus dus su snang / skar ma yang 'khrug cing lhung bar gyur/ yul de'i 'bab chu dang / chu mig dang / khrus kyi rdzing dang / me
240a5 tog dang / 'bras bu'i shing rgyas pa yid du 'ong ba rnams kyang bskams par gyur to/ /de nas bram ze de yang yul wA ra NA si'i rgyal po'i pho brang gi sgo phyin to/ /de'i tshe na pho
240a6 brang gi sgo srung ba'i lhas sgo srung ba'i mi la 'di skad ces smras so/ /bram ze ma rungs pa 'di lam ring po nas rgyal po 'od zer chen po'i dge slong du 'ongs kyi/ khyod nang du ma
240a7 btang shig /de nas bram ze de pho brang nang du 'gror med de/ zhag bdun gyi bar zhu sdod sdod nas sgo srung de la 'di skad ces smras so/ /bdag ni lam ring po nas 'ongs
240b1 te| rgyal po chen po dang 'phrad 'dod do zhes gsol cig /de nas sgo srung gyis kyang de bzhin du bram ze gcig lam ring po nas 'ongs te da ltar sdod do zhes gsol to/ /rgyal
240b2 pos tshig de thos nas de ma thag tu sgor byung ste/ bsus nas ji ltar pha dang bu phrad pa bzhin du phyag byas te/ khyod gnas 'ongs/ lam du nyon mongs shing ngal bar ma gyur tam
240b3 zhes smras so/ /bram zes smras pa/ bdag yul gzhan nas rgyal po khyod kyis mi'i yid dang mi 'gal bar sbyin pa gtong ba'i yon tan thos te/ khyod kyis ming snyan pa ni
240b4 gnam sa'i bar kun tu grags nas/ khyod kyi yon tan mi rdzun te bden no zhes thos pas bdag kyang ched du la lung bgrod de re ba yod pas 'ongs so/ /rgyal pos smras pa/
240b5 bdag ni da ltar thams cad sbyin pa zhes bya ste/ slong ba'am/ dgos pa yod na the tshom ma byed par slongs shig /bram zes smras pa/ bden yang dag gam/ bdag ni
240b6 gzhan ni ci yang mi dgos kyi/ mchod sbyin chen po zhig byed pas/ rgyal po'i mgo slong du 'ongs so/ /rgyal pos tshig de thos nas 'di snyam du sems te/ bdag thog ma med pa
240b7 nas skye shir 'khor te/ lus 'di 'dra ba chud gsan kyang / tshul bzhin chos kyi phyir ni ma yin gyi don med par skye shir 'khor bas bdag nyon mongs so/ /bdag gi lus
241a1 'dis sems can thams cad kyi phyir bla na med pa'i byang chub bsgrub par dam bcas pas/ da ma byin par gyur na/ bdag gi thog mar bsams
241a2 pa dang yang 'gal la/ gal te lus 'di ma byin na/ bla na med pa yang dag par rdzogs pa'i byang chub thob par yang ji ltar 'gyur snyam bsams nas bram ze la shin
241a3 tu dga'o/ /bdag yul srid kyi gdams pa dang / btsun mo dang / rgyal bu dang / de dag la bsgo ba cung zad byas te/ de nas zhag bdun na khyod 'dod pa sbyin no zhes smras
241a4 so| |de nas rgyal po chen po pho brang gi nang du song nas/ btsun mo rnams la 'di skad ces bsgo'o/ /gnam sa'i bang na mdza' zhing sdug pa thams cad ni bye zhing 'bral
241a5 bar 'gyur/ mi la skye ba yod na 'chi ba yod de/ grub pa srid na 'jig pa yang srid de/ dbyar sa las ci skyes pa thams cad kyang dgun ni kun bskam par 'gyur ro
241a6 zhes smras so/ /btsun mo dang / rgyal bu rnams kyis/ rgyal pos smras pa'i tshig de thos te/ dper na/ mi brnangs pa dang 'dra ste/ skyug tu yang med/ mid du yang med pa
241a7 ltar gyur te/ rgyal po la ci'i slad du/ 'di skad gsungs zhes gsol pa dang / rgyal pos 'di skad ces smras so/ /bram ze zhig lam ring po nas 'ongs te nga'i mgo slong du 'ongs
241b1 so| |ngas kyang sbyin par byas so/ /btsun mo dang / rgyal bu rnams kyis tshig de thos nas/ lus sa la brdabs nas cho nges btab nas/ skra yang 'bal/ gos kyang gshags dral te
241b2 'di skad ces gsol to/ /rgyal po chen po/ 'jig rten na bdag gi lus las phangs pa med na/ ci'i slad du 'di lta bu shin tu btang dka' ba gtang zhing sbyin pa mdzad ces gsol
241b3 to| |de'i tshe na blon po lnga brgyas kyang bram ze la/ khyod/ 'di ltar rnag khrag dang bcas pa/ mnam zhing btsog pa'i mgo 'di cir dgos zhes smras pa dang / bram ze smras pa/ bdag
241b4 dgos pas/ bdag gis bslangs pa la khyed kyis drir yang ci yod/ blon po rnams kyis smras pa/ khyod bdag cag gi yul du 'ongs pas/ bdag cag gis kyang dri zhing khyod kyang tshul
241b5 bzhin du smra ba'i rigs so/ /de nas bram zes drang por smrar yang blon po rnams kyis srog gi dbang po dang phral du dogs nas 'jigs pas cang ma smras so/ /de nas blon po lnga
241b6 brgyas bram ze la khyod ma skrag cig /khyod la mi 'jigs pa sbyin no zhes smras so/ /de nas bram ze de la bram ze dbul po khyod la rnag khrag gi mgo mnam po de ci zhig tu rung / nged
241b7 blon po lnga brgyas mi gcig cing yang rin po che sna bdun las byas pa'i mgo re res brje zhing / ci dgos pa yang mi rabs bdun gyi bar du chog par sbyin no zhes smras so/ /bram ze
242a1 na re/ mi 'dod do zhes smras so/ /blon po chen po rnams kyang bsam ba ltar ma gyur nas/ mya ngan gyis yid gdungs te/ skad phyung ste dus nas rgyal po
242a2 la 'di skad ces gsol to/ /rgyal po chen po/ bram ze mi gcig gi phyir yul sa dang / 'bangs dang / btsun mo dang / rgyal bu la sogs pa thams cad bor te/ bdag
242a3 cag gtan drar bor zhing lus par thugs kyis bzod dam/ rgyal pos smras pa/ da ni khyed sems can thams cad kyi phyir lus 'di stong zhing sbyin pa byed do/ /de'i tshe na
242a4 blon po nang gi chen po gcig gis rgyal pos gsungs pa thos pas/ rgyal pos ni gdon mi za bar bram ze 'di la sku gtong ngo bar chad do snyam bsams nas/ bdag ji ltar
242a5 rgyal po lus gtong ba la snying mi bzod cing lta bar mi bya snyam bsams nas/ khang pa dben par song ste mtshon rnon po thogs te/ bdag gi srog bcad do/ /de nas rgyal po
242a6 chen po pho brang gis rgyab kyi ra bar song ste/ bram ze bos te/ tshur shog /da nga'i mgo khyer cig /khyod la byams shing brtse ba'i phyir/ khyod kyis sems dang / yid ma bzlog nas/
242a7 sbyin pa 'dis ma 'ongs pa'i dus su shes rab kyi mgo thob par gyur cig ces smras nas/ thal mo sbyar te phyogs bcur phyag byas so/ /phyag byas nas 'di skad ces smras so/ /
242b1 phyogs bcu'i sangs rgyas rnams dang / byang chub sems dpa' rnams bdag la thugs brtse bar dgongs te/ bdag gi bsam pa 'di grub par byin gyis brlab tu gsol zhes
242b2 smras nas bram ze la da khyod la sbyin gyi khyer cig ces smras so/ /bram zes smras pa/ rgyal po la gyad gyi stobs yod de/ na tsha mi bzod pas phyir bdag la gnod par 'gyur gyi/ rgyal
242b3 po khyod yang dag par de ltar nus na rgyal po nyid kyi skra bkrol te/ shing la thogs shig /rgyal pos tshig de thos nas/ lhag par snying brtse ba'i sems skyes te/ bram ze
242b4 'di rid la nyam chung bas/ gal te bdag gi mgo gcod ma nus na/ bdag gi bsam pa chen po mi 'grub bo snyam bsams nas/ rgyal po nyid kyis thor to shing la btags
242b5 te| bram ze la khyod bdag gi mgo chod la phyir bdag gi lag par zhog cig /bdag gi lag gis khyod la sbyin par bya'o/ /de nas bram ze ral gri thogs nas drung du spags pa las/ de'i
242b6 tshe shing de'i lhas bram ze la/ dmigs tshugs byas pas brgyal te sa la 'gyel to/ /de nas rgyal po 'od zer chen pos shing gi lha la 'di skad ces smras so/ /khyod kho bo'i grogs
242b7 mi byed par/ phyir kho bo'i dge ba'i bgegs dang / bar chad byed dam/ de nas shing gi lha mya ngan gyis gdungs te/ kyi hud/ kyi hud/ ces smras nas/ nam mkha' la sprin med
243a1 par char pa khrag tu bab ste/ sa chen po yang rab tu g.yos/ nyi ma yang mi gsal zhing mun par gyur/ de nas bram zes rgyal po'i mgo bcad de
243a2 phyir yul du song ngo / /de nas rgyal bu lnga brgyas blon po rnams dang / rgyal po 'od zer chen po'i rus bu bsdus nas/ mchod rten brtsigs te mchod pa byas so/ /bcom ldan
243a3 'das kyis kun dga' bo la bka' stsal pa/ de'i tshe de'i dus na blon po nang gi chen pos/ rgyal po 'od zer chen pos mgo sbyin pa chen po byed pa la mthong bar snying mi bzod
243a4 nas sngar tshe'i dus byas pa ni da ltar shA ri'i bu yin no/ /de'i tshe de'i dus na rgyal po 'od zer chen por gyur pa de ni da ltar de bzhin gshegs pa shAkya thub pa nga yin
243a5 no| |byang chub sems dpa' de ltar na shin tu spyad dka' ba spyad par dam bcas te/ sems can thams cad kyi phyir sangs rgyas rnams kyi drin bsabs nas/ bla na
243a6 med pa yang dag par rdzogs pa'i byang chub tu mngon par sangs rgyas so/ /de bas na shA ri'i bu yang nga mya ngan las 'da' ba mig gis mthong bar mi bzod pas sngar
243a7 mya ngan las 'das te/ sngon 'das pa'i dus na yang nga sbyin pa byed pa la mthong ba mi bzod nas sngar tshe'i dus byas so/ /pho brang rgyab kyi ra ba 'dir shing 'di kho na la/ 'khor
243b1 los bsgyur ba'i rgyal po byas pa'i mgo yang stong tshang bar yongs su btang na/ lus kyi yan lag lag pa dang / rkang pa la sogs pa sbyin pa byas pa lta smos kyang ci dgos /
243b2 sangs rgyas kyis dka' thub mdzad pa 'di bstan pa'i tshe/ sems can tshad med pa brgya stong snyed bla na med pa yang dag par rdzogs pa'i byang chub tu sems bskyed par
243b3 gyur to/ /lha dang / mi tshad med pa brgya stong snyed ni rgyun du zhugs pa'i 'bras bu thob pa nas dgra bcom pa'i 'bras bu'i bar du thob par gyur to/ /lha dang / mi tshad med pa
243b4 brgya stong snyed ni nyan thos dang / rang sangs rgyas su sems bskyed do/ /bcom ldan 'das kyis de skad ces bka' stsal pa la/ lha dang / klu dang / gnod sbyin dang / mi dang /
243b5 mi ma yin pa la sogs pa 'khor mang po thams cad mngon par dga' bas phyir dong ngo / /gzhan yang / 'di lta ste/ yul ma ga d+ha na mi rgod ri brag pa lnga brgya zhig rtag tu chom po
243b6 byed de/ 'dron po phan tshun rgyur med par gyur nas/ de'i tshe yul ma ga d+ha'i rgyal pos dmag rnam bzhi bshams te/ mi rgod rnams phab nas mig phyung / rna ba dang / sna yang bcad
243b7 de| ri brag yang bar bor ro/ /de'i tshe na mi rgod lnga brgya po lus kyi na tshas sdug bsngal bar gyur te/ srog la bab bo/ /mi rgod lnga brgya po de'i nang na sangs rgyas kyi slob mar
244a1 gyur pa gcig yod de/ des smras pa/ bdag cag ni tshe'i dus byed pa las mi ring na/ ci'i phyir kun gyis sangs rgyas la skyabs su mi gsol zhes
244a2 smras so/ /de nas mi rgod lnga brgya rnams skad mthun par sangs rgyas shAkya thub pa la phyag 'tshal lo zhes smras pa dang / de'i tshe na de bzhin gshegs pa bya rgod spungs pa'i
244a3 ri la bzhugs pa las/ thugs rje chen po'i shugs kyis ri gan da ha zhes bya bar gshegs nas rlung chen po langs te/ ri de la shing tsan+dan gyi tshal yod pa'i phye ma
244a4 bus nas/ nam mkha'i khams yongs su gang bar byas te/ mi rgod rnams gnas pa'i ri la yang tsan+dan gyi phye ma phyin par gyur te/ tsan+dan gyi phye ma des mi rgod
244a5 kyi rma'i steng du gos nas/ mig dang / sna dang / lus kyi rma thams cad sos te/ khrag kyang 'o mar gyur pas thams cad kyis 'di skad ces smras so/ /bdag cag ni
244a6 sangs rgyas kyi thugs rje chen pos lus kyi rma kun sos te bde bar gyur te/ sangs rgyas kyi bka' drin bsab pa'i phyir/ bla na med pa yang dag par rdzogs pa'i byang
244a7 chub tu sems bskyed do/ /zhes smras nas/ thams cad kyis tshig mthun par so so'i skye bo bde ba ma thob pa rnams ni bde ba thob par bya'o/ /ma grol ba rnams ni grol
244b1 par bya'o/ /pha rol tu ma phyin pa rnams ni pha rol tu phyin par bya'o/ /'bras bu ma thob pa rnams ni 'bras bu thob par bya'o zhes dam bcas so/ /gzhan yang / 'di lta ste/ de bzhin
244b2 gshegs pa'i thugs rje chen po dang thabs mkhas pa'i rdzu 'phrul ni bsam gyis mi khyab bo/ /sangs rgyas mnyan du yod pa na bzhugs pa'i tshe/ mi rgod lnga brgya zhig ri
244b3 brag na gnas te/ 'dron po 'joms shing chos ma yin pa byed do/ /de'i tshe na de bzhin gshegs pa thabs mkhas pa'i shugs kyi mi zhig tu sprul nas/ bal gyi glang po che
244b4 bzang po la zhon nas/ lus la yang gos gyon zhing mda' gzhu dang / mtshon cha thogs te/ bal gyi glang po che yang rin po che sna bdun gyis brgyan te bdag gi lus la yang
244b5 rin po che sna bdun gyis brgyan nas gcig pu mi rgod 'dug pa'i ri brag logs su song ngo / /de'i tshe na mi rgod lnga brgya rnams rgyang ma nas mi de lta bu zhig 'ong ba mthong nas/
244b6 gcig la gcig bdag lo mang du mi rgod byas na 'di lta bu ma mthong ngo zhes smras so/ /de'i tshe na mi rgod de dag gi dpon po zhig yod pa des khyed rnams ci mthong zhes dris
244b7 na| de dag gis mi gcig cig bal glang bzang po zhig la zhon te 'ong ba zhig yod do/ /mi de'i gos dang / rgyan yang rin po che sna bdun la byas/ bal glang yang rin po che sna
245a1 bdun gyis brgyan te/ gnam sa la yang 'od 'tsher ba de lta bu zhig lam thog thag tu 'ong ngo / /gal te bdag cag gis mi de thebs shing zin na/ mi rabs
245a2 bdun gyi bar du phyug pa'i nor yod do zhes smras so/ /de'i tshe mi rgod kyi dpon po de tshig de thos nas rab tu dga' ste/ 'di skad bgros so/ /bdag cag gis dal gyis bzhags
245a3 la drung du phyin pa dang / kun gyis mda' 'phangs te gzung bar bya'o/ /de nas mi rgod lnga brgyas drung du bsnyen nas gcig car skad phyung nas kus btab bo/ /de'i tshe na sprul
245a4 pa'i mi des byams shing brtse ba'i sems kyis gzhu brdungs nas mda' 'phangs pa dang / mi rgod lnga brgya rnams la mda' re phog ste/ mi bzod pa'i na tsha myong nas sa la
245a5 'gre zhing skad chen po phyung nas dus so/ /de dag gi mda' phyung bar bskyod na mda' rab tu dam pas stobs ci yod pas btsal kyang ma nus so/ /de nas mi rgod lnga brgya
245a6 skrag nas da ni bdag cag gdon mi za bar 'chi'o snyam/ de ci'i phyir zhe na/ bdag cag 'di snyed kyis mi gcig pu zhig ma thub pa ngo mtshar che'o zhes thams cad tshig
245a7 mthun par 'di skad ces smras so/ /mi yi nang na khyod ci yin/ /lha 'am klu 'am yi dwags sam/ /'on te rig sngags mthu yin nam/ /mda' gcig 'phangs pas lnga brgya
245b1 rmas| |na ba'i sdug bsngal bzod dka' bas/ /bdag cag khyod la srog phyogs kyis/ /gdug pa'i mda' rnams dbyung du gsol/ /phyin chad 'gal ba mi bgyid do/ /de
245b2 nas sprul pa'i mi des tshigs su bcad de smras pa/ sta re rma las 'das pa med/ /'phen pa'i nang na mde'u thung mchog /lang tsho gyad kyis mi phyin te/ /mang du thos pas med par
245b3 'gyur/ /de'i tshe sprul pa'i mi des tshigs su bcad pa 'di smras nas/ phyir sangs rgyas kyi skur bsgyur te/ 'od zer chen po bkye nas/ phyogs bcu'i 'jig rten gyi khams thams
245b4 cad snang bar byas nas/ 'od des reg pa'i sems can long ba rnams ni mig gis gzugs mthong bar gyur/ lus zha bo sgur po rnams ni phyir sangs par gyur/ lus kyi rkang
245b5 lag ma tshang ba rnams ni yan lag dang ldan par gyur/ smyos pa rnams kyang dran pa rnyed par gyur/ mdor na ji tsam du yid du mi 'ong ba thams cad yid du 'ong bar gyur to/ /de'i
245b6 tshe na de bzhin gshegs pas mi rgod lnga brgya la chos rnam pa sna tshogs bstan te/ spro ba dang / gzengs bstod pa dang / dga' bar byas pas mi rgod lnga brgya rnams chos thos nas/
245b7 rab tu dga' nas lus kyi rma yang sos/ khrag kyang 'o mar gyur te/ bla na med pa yang dag par rdzogs pa'i byang chub tu sems bskyed nas/ thams cad tshig mthun par tshigs
246a1 su bcad pa 'di dag gsol to/ /bdag cag byang chub sems bskyed de/ /sems can phan don rgyas par bgyi/ /sangs rgyas bstan pa rjes su
246a2 bslab/ /bkur sti rim gro rgyun du bgyi/ /sangs rgyas thugs rje'i shugs kyis bskyabs/ /sdug bsngal las thar sems lus bde/ /sangs rgyas byang chub sems
246a3 dpa' dang / /dge ba'i bshes gnyen drin lan bgyi/ /slob dpon bla ma pha ma dang / /de las gzhan pa sems can rnams/ /byams sdang kun la mnyam par sems/ /
246a4 drin gyi bsod nams gnyis su med/ /de'i tshe steng gi nam mkha' la 'dod pa'i khams kyi lha brgya byin lha'i dbang po la sogs pas lha rdzas kyi me tog char bzhin du phab
246a5 nas| |lha rdzas kyis rol mos de bzhin gshegs pa la mchod pa byas te/ skad mthun par tshigs su bcad pa 'di skad ces gsol to/ /bdag cag sngon gyi bsod nams
246a6 kyis| |'od zer snang ba mchog tu mdzes/ /mchod pa'i yo byad dam pa yis/ /kun la phan pa'i don bgyi'o/ /sangs rgyas phrad par shin tu dka'/ /dam chos thos par rab
246a7 tu dka'/ /sngon tshe dge rtsa bskrun pas nas/ /shAka ris lha dang phrad par gyur/ /sangs rgyas bka' drin dran slad du/ /byang chub tu ni sems bskyed do/ /bdag cag sangs
246b1 rgyas mthong ba dang / /theg pa gsum gyi dge ba rnams/ /'gro ba ma lus don gyi phyir/ /bla med byang chub yongs su bsngo/ /de'i tshe lha rnams kyis tshigs su bcad pa de dag smras
246b2 nas| lan brgya stong du bskor ba byas te/ sangs rgyas la mgo bos phyag byas nas/ steng gi nam mkha' la phyir dong ngo / /gzhan yang / 'di lta ste/ de bzhin gshegs pa'i thabs
246b3 mkhas pa dang / thugs rje chen po'i dge ba'i rtsa ba'i stobs bsam gyis mi khyab bo/ /de'i tshe yul yangs pa can na bram ze zhig log par lta ba la zhen te/ nga rgyal gyis mngon
246b4 par zin pas/ shA ri'i bu dang / mo'u dgal gyi bu chen po dang / bram ze de dang bshes te/ rgyun du khyim du song nas chos bstan kyang dad par ma gyur te/ ngan par lta ba la chags
246b5 so| |bram ze de rab tu phyug pa las nor bu rin po che rab tu mang yang de la bu med de/ gal te shi bar gyur na nor phyug thams cad slar sdud do snyam bsams so/ /de nas ri gnyan
246b6 gyi lha dang / shing gi lha dang / de dag la sogs pa la mchod cing gsol nas/ zhag dgu bcu lon pa dang / chung ma la bu yod par gyur to/ /de nas zla ba tshang ba dang / khye'u byad
246b7 gzugs bzang ba/ blta na sdug pa/ mi'i mtshan dang ldan pa/ pha ma'i snying du sdug pa/ mang po'i yid du 'ong ba zhig btsas so/ /bu de gsos bskyed de lo nyi shu lon pa
247a1 dang | grogs po dang phyi rol du 'khyams zhing ltad mo ltar song ba las/ lam du bal glang rmis pa dang phrad de brdzis te shi bar gyur to/ /de ltar bu shi bar
247a2 pha mas thos nas skad phyung nas ngu zhing cho nges btab nas/ sa la 'gro zhing lus las rdul ba gos te/ skra yang 'bal nas nang gcig tu bdag gi rin po che med par gyur to zhes
247a3 smras te/ cho nges btab ste/ bu'i ro gang na ba der song nas bu ro pang du blangs te brgyal zhing phyir sangs pa tsam du ngu ngu nas myos par gyur to/ /gos kyang bor nas sgren mor song
247a4 song ba las/ de bzhin gshegs pa dang phrad do/ /de nas de bzhin gshegs pa'i thugs rje chen po'i shugs kyis de'i bur sprul te/ bu dang phrad par byas nas bu'i pha ma
247a5 rab tu dga' ba'i sems skyes te/ bu pang du blangs te myos pa yang sangs te/ sems phyir sor chud nas/ de bzhin gshegs pas de la chos bstan to/ /des chos de
247a6 thos nas mod la bla na med pa yang dag par rdzogs pa'i byang chub tu sems bskyed par gyur to/ /gzhan yang / 'di lta ste/ de bzhin gshegs pa'i thugs rje chen po
247a7 dang | dge ba'i rtsa ba'i stobs ni bsam gyis mi khyab bo/ /de'i tshe rgyal po bai DUR+ya'i dmag rnam bzhi bshams nas/ yul ser skya pham par byas te/ shAka rigs
247b1 kyi bu rnams bzung nas mtshan khung nub pa tsam du sa rkos nas/ g.yo zhing 'gul mi nus par sa thams cad su bcug go /de ltar sa thams su bcug nas/ zhag bdun lon pa dang /
247b2 de bzhin gshegs pas thugs rje chen po'i stobs kyis sa thams cad khrus kyi rdzing bur sprul te/ rdzing bu'i chu de yang yon tan brgyad dang ldan la me tog pad+mas steng yog go /
247b3 'di lta ste/ me tog pad+ma dang / puN+Da ri ka kha dog sngon po dang / dmar po dang / ser po dang / dkar po shing rta'i 'phang lo tsam gyis yongs su khebs la bya rnam pa sna tshogs
247b4 kyang skad snyan pa 'byin par sprul to/ /de'i tshe shAka rigs kyi bu rnams de ltar gyur pas/ rab tu dga' ba'i sems skyes nas/ mod la bla na med pa yang dag par rdzogs pa'i
247b5 byang chub tu sems bskyed do/ /byang chub tu sems bskyed nas/ rgyal po bai DUR+yas bal gyi glang po che nag po ma rungs pa lnga brgya chang blud de smyos par byas nas/ rkang pa la
247b6 lcags kyi rmig pa bskon nas/ sna la ral gri rnon po btags nas skad ngan phyung ste/ shAka rigs kyi bu rnams brdzir bcug go /bal glang gi rmig pa rnams kyis shAka rigs
247b7 kyi bu rnams brdzis nas/ lhu tshigs dang / sha dang / pags pa dang / rus pa kun zhib mor sa la btsog btsog ltar bzhag go /de bzhin gshegs pa'i thugs rje chen po'i
248a1 stobs kyis de dag sems dang / lus la mi bde ba med par gyur/ lus dang / sems bde bas byang chub tu sems bskyed par gyur/ byang chub tu
248a2 sems bskyed pas sems can thams cad la mnyam snyoms pa'i sems su gyur/ sems mnyam par gyur pas zhes dang gi sems med par gyur/ zhe sdang med pas
248a3 tshe 'phos nas mtho ris kyi lhar skyes so/ /de ltar mtho ris kyi lhar skyes nas/ lha'i mig gis thog ma rgyu ci las gyur pa brtags nas/ gcig la gcig/ 'di skad du/
248a4 bdag cag ni sangs rgyas kyi thugs rje chen po'i bka' drin gyis lhar skyes te/ rin po che sna bdun gyi gzhal yas khang dang / lha rdzas kyi gos dam pa dang ldan te/ lus la
248a5 'od kyang yod la rol mo dang / bde ba'i longs spyod thams cad dang ldan par gyur to zhes smras so/ /de ltar de bzhin gshegs pa'i rdzu 'phrul gyi mthus de ltar gyur pas
248a6 na| bdag cag kyang sems can thams cad la phan pa dang / bde ba'i don du snying rje chen po'i sems bskyed de/ sangs rgyas kyi chos gang na yod pa na grong ngam/
248a7 gong rdal lam/ ri'am/ tshal lam/ shing drung ngam/ pho brang 'khor ram/ khang khyim mam/ gang na mdo sde 'di 'dri'am/ klog gam/ 'don tam/ 'chad pa'i
248b1 gnas der cis kyang mi brel ba yid bzhin du sbyar cing dbul bar bya'o/ /gnas der mtshon gyis gnod par byed pa dang / rims nad dang / mu ge mi 'byung bar bdag cag gis
248b2 nyin mtshan du bsrung zhing bskyab par bgyi'o zhes de skad ces smon lam btab nas/ lha de dag gi tshe dang / stobs dang / lus kyi mdog dang / 'od gsal ba snga bas kyang
248b3 lhag par bzang bar gyur te/ de dag rab tu dga' nas nam mkha'i phyogs nas phyir dong ngo / /gzhan yang / de bzhin gshegs pa'i thabs mkhas pa'i thugs rje chen po dang /
248b4 dge ba'i rtsa ba'i stobs ni bsam gyis mi khyab bo/ /de'i tshe rgyal po bai DUR+yas yul yangs pa can phab nas/ shAka rigs kyi bu med par byas pa'i 'og tu shAka rigs kyi bu mo
248b5 bzang mo ci la yang mkhas pa gzhan pas lhag pa lnga brgya zhig gdams nas/ bu mo lnga brgyas bskor te/ rol mo byas te phyir bdag gi yul du 'ongs te/ btsun mo dang / slas
248b6 rnams bcas su pho brang du 'dus tshogs nas skyil mo krung bcas te 'dug go /gdan la 'dug nas bdag skyid do/ /legs so zhes smras so/ /de nas shAka rigs kyi bu mo rnams
248b7 kyis rgyal po baiDUR+ya la khyod ci skyid ces smras so/ /rgyal pos smras pa/ kho bo dgra las rgyal bas skyid do/ /bu mo rnams kyis smras pa/ khyod rgyal pa ma yin no/ /ci ste rgyal po'i dmag
249a1 rnam bzhi kun log na yang shAka rigs kyi bu gcig yang mi thub bo/ /bdag cag shAka rigs kyi mi rnams sangs rgyas kyi slob mar gyur te/ ci la'ang
249a2 brtod pa med pas rgyal po rgyal bar zad do/ /gal te ngan sems skyes na/ khyod snga phyi lan gsum bzhi'i bar du yul yangs pa can du dmag rnam bzhi drangs pa na rtag tu pham
249a3 par byas pa ma yin nam/ khyod thogs ma dmag drangs pa'i tshe shAka rigs kyi bu rnams 'di skad zer ro/ /rgyal po bai DUR+ya khrel med pa drin mi shes par gnod pa byed du
249a4 'ong ba de dang 'gyed par gyur na mdzangs ngan gyi bye brag gang yang med/ dkar nag kyang mi mngon gyis/ bdag cag gis skrag pa tsam byas te/ phyir zlog pa'i phyir thams
249a5 cad kyis 'di skad ces dam bcas so/ /bdag cag gis mda' gcig char 'phangs la pha rol la rmas shing gnod par mi bya'o zhes dmag rnam bzhi bshams nas/ rgyang
249a6 grags bzhi bcu'i mdun du khyod kyi dmag bsus nas/ kun gyis mda' 'phangs nas mda'i rgyun ma chad de/ rgyal po khyod skrag nas phyir ma log gam/ de nas yang zhag
249a7 dgu bcu lon pa'i 'og tu phyir dmag rnam bzhi drangs nas/ shAka rigs la drangs te brgal ba na/ de'i tshe shAka rigs kyi bu rnams 'di skad ces bgros so/ /rgyal po
249b1 bai DUR+ya sdig pa can khrel dang / ngo tsha mi shes pa da yang bdag cag la gnod pa byed du 'ongs pas/ bdag cag shAka rigs rnams kyis 'di ltar dam bca'o/ /dgra de dag la bdag
249b2 gis cig car mda' 'phangs la/ de dag gi lus la gnod par mi 'gyur bar de'i ya lad kyi rgyun kun bcad de khrab kyi ya lad la lhags par bya'o/ /zhes dam bcas nas/ shAka
249b3 rigs kun gyis mda' 'phangs nas/ khrab kyi rgyun kun bcad de sgren mor bzhag go /de nas rgyal bo khyod skrag nas da ni bdag cag gi srog la bab na ji ltar bya zhes bgros pa las/
249b4 blon po gcig gis 'di skad ces gros ma btab bam/ shAka rigs rnams ni sangs rgyas kyi slob ma yin pas srog mi gcod pa'i khrims srung ste/ snying rje che bas bdag cag la
249b5 gnod pa ma byas kyi/ de lta ma yin na bdag cag gi lus dang / srog med par 'gyur ro zhes smras nas/ da ltar bden na da rung du brgal lo zhes smras te/ de'i tshe na shAka rigs
249b6 kyi bu rnams ni lag pa mi 'gul bar sdod do/ /rgyal po bai DUR+ya'i dmag rnams bzhi drung du bsnyegs kyang shAka rigs kyi bu rnams mi rgol bar sdod do/ /de nas bram ze zhig 'dug
249b7 pas shAka rigs rnams la 'di skad ces smras so/ /da mi bde ba byung bzhin du ci'i phyir mi rgol bar sdod ces smras pa dang / shAka rigs rnams kyis smras pa/ bdag cag ni ci
250a1 la yang brtod pa med de/ gal te 'di dang brtod par gyur na/ sangs rgyas kyi slob mar mi rung ngo zhes smras so/ /de nas bran ze de dag gis smras pa la
250a2 ma rangs te gcig pu shAka rigs kyi mdun du 'phags nas rgyal po bai DUR+ya'i dmag la brgal te/ mda' gcig 'phangs bas mi bdun bdun rmas par byas pas/ ring po ma
250a3 thogs par rmas pa dang / shi ba mang bar gyur te/ rgyal po khyod dmag rnam bzhi dang phyir ma log gam/ dmag phyir log pa'i 'og tu/ shAka rigs rnams 'di snyam
250a4 du sems par gyur to/ /bdag cag rnams bram ze sdig pa can 'di dang lhan cig 'dug cing 'grogs pa mi rigs so snyam bsams nas shAka rigs rnams 'dus nas bram
250a5 ze de yul de nas bskrad do/ /bram ze de bskrad pa'i 'og tu yang rgyal pos dmag rnam bzhi drangs na/ yul ser skya phab nas rgyal bar byas pa yin no/ /de nas rgyal
250a6 po bai DUR+ya skyengs te ngo tsha bar gyur to/ /de nas rigs ngan pa'i bshan pa bkug nas/ shAka rigs kyi bu mo rnams rkang pa dang / lag pa gtubs la/ sna dang / rna ba
250a7 bcad de shing rtas bskyas nas/ dur khrod du bor ro/ /de'i tshe shAka rigs kyi bu mo rnams rkang lag bcad nas sa la 'gre zhing sdug bsngal chen po myong bar gyur nas srog
250b1 la bab bo/ /de'i tshe shAka rigs kyi bu mo rnams sdug bsngal gyis gdungs pas/ la la ni pha ma dang / ming po dang / phu nu mo'i ming nas 'bod/ la la ni gnam 'bod/ la la ni sa 'bod/
250b2 la la ni rab tu sdug bsngal bar 'bod par gyur to/ /de'i nang na shAka rigs kyi bu mo mchog tu gyur pa gcig gis bu mo rnams la 'di skad ces smras so/ /phu nu mo dag /'di ltar
250b3 rig par gyis shig /bdag gis sngon sangs rgyas las 'di ltar thos so/ /gang zhig phongs shing nyam thag par gyur pa na/ sems rtse gcig tu sangs rgyas yid la byas te mtshan
250b4 nas brjod la/ srog phyogs na bsam pa bzhin du 'grub cing bde bar 'ong bar thos so/ /de na shAka rigs kyi bu mo lnga brgya rnams sems rtse gcig tu btud nas mthun par sangs rgyas
250b5 shAkya thub pa dgra bcom pa yang dag par rdzogs pa'i sangs rgyas la phyag 'tshal lo zhes brjod de/ kyi hud/ kyi hud/ e ma re sdug /e ma re sdug/ bcom ldan 'das bde bar
250b6 gshegs pa zhes bos so/ /de skad smras ma thag tu de bzhin gshegs pa thugs rje chen po'i shugs kyis steng gi nam mkha' la snying rje chen po'i sprin chags te/ snying rje chen po'i
250b7 sprin las char pa phab nas/ char pa'i thig pas bu mo'i lus la phog go /char pas phog ma thag tu bu mo de dag gi lag pa rkang pa de dag la sogs pa snga mkho bzhin du sos par
251a1 gyur to/ /de'i tshe shAka rigs kyi bu mo rnams rab tu dga' bar gyur nas/ thams cad tshig mthun par de bzhin gshegs pa byams pa'i pha ma/
251a2 bla na med pa/ bcom ldan 'das ni 'jig rten gyi sman dam pa'o/ /'jig rten gyi snang ba'i spyan no/ /khams gsum gyi sdug bsngal las thar bar mdzad pa'o/ /shin tu bde
251a3 ba sbyin pa'o/ /de ci'i phyir zhe na/ bdag cag sdug bsngal gyis gdungs pa las thar bar gyur pas bdag cag gis sangs rgyas kyis bka' drin dran par bya ba'i phyir/ da
251a4 sangs rgyas kyi bka' drin bsab par bya na thabs ji lta bu zhig gis bka' drin bsab par bya/ de bzhin gshegs pa'i sku ni rdo rje'i sku/ rtag tu gnas pa'i sku/ bkres
251a5 pa dang / skom pa med pa'i sku/ gzugs dam pa'i sku/ bsam gtan dang / ting nge 'dzin dang / dbang po dang / stobs dang / byang chub kyi yan lag bsam gyis mi khyab pa
251a6 phun sum tshogs pa dang ldan pa'o/ /mtshan sum cu rtsa gnyis dang / dpe byad bzang po brgyad cus yongs su brgyan pa'o/ /yongs su mya ngan las 'das pa chen po la gnas
251a7 shing | sems can thams cad la sgra gcan 'dzin dang 'dra bar gzigs so/ /dgra dang / gnyen la yang mnyam par gzigs te lan mi re ba yin na/ da bdag cag gi sangs
251b1 rgyas kyi bka' drin bsab par bya na/ bdag cag rab tu byung ste/ tshul khrims bsrungs la dam pa'i chos gzung ngo snyam bsams nas/ chos gos dang / lhung bzed btsal te/ dge
251b2 slong ma'i gtsug lag khang du song nas/ rab tu 'byung bar gsol te/ dge slong ma'i gnas su phyin nas/ dge slong ma drug sde sngar phrad par gyur te/ dge slong ma drug sdes bdag
251b3 cag la 'di skad ces bsgo'o/ /bu mo khyed rnams/ gzhon zhing lang tsho'i dus la bab la byad bzhin bzang la sdug na/ ci'i phyir 'di lta bu gtang dka' ba gtong bar sems shing rab
251b4 tu 'byung bar sems/ de bas na 'jig rten gyi 'dod pa lnga las longs spyod na mi skyid dam/ skyid pa myong nas tshe nar phyin te/ rab tu byung na mi slebs sam zhes bsgo'o/ /drug sde ma
251b5 rnams kyis bsams pa/ 'di dag rab tu ma byung na gdon mi za bar bdag cag gi chos gos dang / lhung bzed dang / 'dod pa thams cad dbul bar 'gyur ro bsams nas/ shAka
251b6 rigs kyi bu mo rnams rab tu 'byung ba'i bgegs byas so/ /bu mo rnams kyis tshig de thos nas lhag par mi dga' zhing mya ngan gyis non par gyur te/ ci'i phyir da dung yang 'di lta bu'i
251b7 'jigs pa chen po dang phrad par 'gyur/ kha zas bzang po'i nang na dug ma rungs pa yod pa ltar/ dge slong ma de dag kyang de dang 'dra ste/ 'jig rten gyi 'dod pa lnga ni 'jigs
252a1 pa'i skyon mang bar bdag cag kyang shes na/ ci'i phyir 'di dag de la yon tan du lta snyam bsams nas skad phyung ste dus so/ /de nas phyir byung ste/ song
252a2 song ba las dge slong ma ut+pa la'i mdog dang phrad de/ bdag cag la ci'i phyir du zhes dris so/ /bdag cag gis dge slong ma la bsam pa ltar ma gyur pas du ba yin no/ /
252a3 zhes smras so/ /ut+pa la'i mdog gis smras pa/ khyed cir bsam na ma grub par gyur/ bdag cag gis rab tu dbyung du gsol ba las/ rab tu dbyung du ma gnang ngo / /
252a4 ut+pa la'i mdog gis smras pa/ khyed rab tu 'byung bar dga' na kho mos rab tu dbyung ngo / /shAka rigs kyi bu mo rnams rab tu dga' nas/ ut+pa la'i mdog gis slob
252a5 mar rab tu byung ngo / /de ltar rab tu byung nas thams cad 'dus te/ 'di skad ces gtam byas so/ /bdag cag rnams rab tu ma byung ba na/ sdug bsngal 'ga' tsam myong
252a6 bar ma zad de/ pha ma dang / gnyen bshas kyang dgras bsad/ bdag cag kyang sna dang / rna ba dang / rkang lag kun bcad gtubs te/ sdug bsngal mi bzad mi srid pa myong
252a7 ngo| |ut+pa la'i mdog gis smras pa/ khyed kyis sdug bsngal de tsam myong ba la gtam yang byar ci yod/ kho mo rab tu ma byung ba tsam na sdug bsngal myong ba'i gtam de mi
252b1 gtol to/ /shAka rigs kyi bu mo rnams kyis thal mo sbyar nas slob dpon ma la rab tu ma byung ba'i tshe/ sdug bsngal ji lta bu myong ba bstan du gsol zhes smras so/ /de nas dge
252b2 slong ma ut+pa la'i mdog ting nge 'dzin du zhugs nas/ mngon par shes pa'i mthus 'od zer chen po bkye ste/ 'dzam bu'i gling snang bar byas nas/ las dang rgyu mthun pas lha dang /
252b3 klu dang / gnod sbyin dang / mi dang / mi ma yin pa la sogs pa bsdus nas/ 'khor mang po la 'di skad ces smras so/ /kho mo rab tu ma byung ba na yul mnyan du yod pa can na 'dug pa
252b4 na| kho mo'i pha mas byang phyogs na 'dug pa la bag mar btang ngo / /byang phyogs kyi mi de dag gi yul chos kyi bu btsa' kar phyir pha ma'i yul du bu btsar gtsong ste/ de bzhin du
252b5 lo du mar de ltar snga phyir bu btsas nas phyis bu zhig btsa' ba'i tshe/ khyim thab dang 'grogs te bzhon pa rta dang theg par bcas te pha ma'i yul du song ba las/ lam phyed du phyin pa
252b6 las chu klung yod pa chu brug ste/ mthar nas de'i nub mo 'brog dgon pa'i chu 'gram der nyal lo/ /de'i nub mo bu btsas pa dang / rtswa'i nang nas sprul gdug pa yod pa khrag gi
252b7 dri tshor nas/ bdag bu btsas pa'i phyogs su 'ongs so/ /bdag gi drung du ma phyin pas bdag gi khyim thab dang bran nyal ba'i steng du 'ongs nas/ btsugs te sngar bran bsad do/ /de
253a1 nas khyim thab kyi thog tu 'ongs nas/ bdag gis sbrul 'ongs so/ /sbrul 'ongs so/ /zhes khyim thab la bos na/ ma tshor te khyim thab kyang bsad
253a2 do| |de nas rta dang / ba lang dang / bzhon pa kun bsad do/ /kho mo 'ba' zhig thar te/ phyi de nyin nam nangs nas bltas na/ khyim thab kyi ro yang bam zhing / sa la khrag btsog
253a3 btsog ltar 'dug pa mthong nas/ kho mo skrag 'khams nas sa la 'gyel to/ /de nas skad chen po phyung ste dus nas/ khu tshur gyis brang brdungs/ skra yang 'bal nas ro'i
253a4 steng du 'gyel to/ /de bzhin du zhag du mar chu la ma thar te/ chu 'gram na 'dug 'dug pa las phyis chu brug pa bri nas/ bu chen po tshu rol tu bzhag /bu 'bring po khur du
253a5 khyer| bu chung du thu ba'i nang du bcug thub sos gzung ste/ chu 'bogs pa las chu phyed du phyin pa dang / phyir bu la bltas na/ bu chen po stag cig 'ongs nas bzung ba mthong ba
253a6 dang | kha gdangs te khus btab pa las thu ba shor ba dang / bu chung du chur lhung ngo / /bu chung du bstabs pa las rgyab na yod pa'i bu yang shor nas bu kun shi'o/ /de ltar bu
253a7 gcig stag gis zos/ gzhan chur shi nas bdag pha rol tu phyin te/ snying gas pa tsam du sdug bsngal gyis gdungs nas/ kha nas khrag skyugs te/ kyi hud/ kyi hud/ ces
253b1 che nges btab nas/ nang gcig tu 'di 'dra ba'i sdug bsngal myong bar 'gyur ba mthong bar gyur to/ /zhes du zhing 'dug 'dug pa las ring po ma thogs par 'dron po mang po zhig
253b2 der lhags so/ /de'i tshe na 'dren po de dag ni nang na khyim bdag gcig cig kho mo'i pha ma dang mdza' zhing bshes pa zhig ste/ kho mo de'i gan du song ste pha ma'i gtam dris
253b3 so| |de la khyim bdag de 'di skad ces smras so/ /khyod kyi pha ma dang / khyim du me shor te khyim yang tshig go /khyod kyi pha ma yang tshig go /bdag gis tshig de thos nas brgyal te sa
253b4 la 'gyel to/ /de nas ring zhig lon pa dang / phyir sangs te song song ba las grogs po rnams mi rgod lnga brgya dang phrad de bcom mo/ /de'i tshe mi rgod kyis dpon pos bdag chung
253b5 mar blangs nas rtag tu sgo srung du bcug go /sgo srung du bcug pa na rings drag cig byung ba na tshor sang cher byos la nang du spron cig ces bsgo'o/ /de nas dus gzhan zhig na
253b6 khyim thab de mi rgod rnams dang 'phrog cing 'joms su song song ba las/ rgyal po'i grong khyer gyi mi rnams kyis bdas nas nyam thag ste/ phyir gnas su bros pa las de'i thad
253b7 kar kho mo bu btsa' ba'i thad kar bab ste/ khyim thab sgo na 'bod pa thos kyang sgo 'byed ma nus pas/ de'i tshe khyim thab de 'di snyam du sems par gyur to/ /bdag gi chung ma
254a1 'di ni nga la gnod pa byed par sems pa lta/ sgo 'byed du yang ma btub bo snyam bsams nas/ rtsig pa brgal nas nang du 'ongs so/ /des chung
254a2 ma la ci'i phyir sgo mi 'byed ces byas so/ /chung mas smras pa/ bdag bu btsa' zhing 'dug pas/ sgo 'byed ma nus so/ /de'i tshe na khyim thab de khros nas ji tsam du lus
254a3 yod na bu yod par 'gyur te/ khyod nga la gnod pa byas pas bu de yod na yang ci ru rung / myur du sod cig ces bsgo'o/ /de'i tshe bdag bu la byams ches pas gsod ma phod
254a4 do| |de nas bdag gi khyim thab kyis ral gri phyung nas bu'i rkang lag bcad de sha 'di zo zhig /sha ma zos na mgo bcad do zhes smras so/ /de nas bdag skrag nas bu'i sha
254a5 zos so/ /de ltar bu'i sha zos nas khro ba yang zhi bar gyur to/ /de nas yang dus gzhan zhig na rku zhing 'phrog du song song ba las/ rgyal pos zin te/ khrims dang sbyar
254a6 nas srog bcad do/ /de'i tshe na rgyal po de'i yul chos kyis rkun po bsad na yul chos kyis rkun po'i ro dang chung ma gson por dur du bcug go /kho mo rgyan dang bcas su
254a7 dur du bcug par gzhan gyis mthong nas/ de nas mod la gzhan gyis bdag gi rgyan 'dod pa'i phyir mtshan mo dur brus nas bdag kyang khrid de/ chung mar blangs nas dur
254b1 rkun de yang ring po ma lon par yang rgyal pos zin nas khrims dang sbyar nas bsad do/ /yul chos kyis rkun po'i chung ma yang gson por ro dang dur du bcug go /de nas ring po ma lon
254b2 par spyang ki ltogs pas ro zos nas phyir byung nas bdag kyang de nas thar te/ myos bzhin du 'thom zhing song song ba las mi mang po zhig dang phrad de/ de de dag la 'di skad ces smras so//
254b3 bdag shin tu sdug bsngal mang pos yongs su gzir bar gyur pas/ nga mya ngan med pa'i gnas shig 'dod/ de nas khyim bdag bram ze zhig bdag la snying brtse ba'i phyir /bdag
254b4 la 'di skad ces smras so/ /sangs rgyas shAkya thub pa'i chos la zhugs na nyon mongs pa'i rkyen med de rab tu bde'o zhes thos so/ /bdag gis tshig de thos nas rab tu dga' ba'i
254b5 sems skyes te/ dge slong ma skye dgu'i bdag mo chen mo grags 'dzin ma ga la ba der song nas phyin pa dang rab tu byung ngo / /rab tu byung nas mthar gyis bsgoms nas 'bras bu thob
254b6 par gyur te/ rig pa gsum dang / mngon par shes pa drug dang / rnam par thar pa brgyad dang ldan par gyur to/ /de'i rgyu de'i rkyen gyis kho mo rab tu ma byung ba'i tshe de lta bu'i sdug
254b7 bsngal chen po myong ngo / /myong nas de'i rkyen gyis rab tu byung nas 'bras bu yang thob par gyur to/ /de'i tshe shAka rigs kyi bu mo rnams de skad ces smras pa thos nas/ rab tu dga'
255a1 ba'i sems skyes te/ chos la chos kyi mig rnam par dag pa thob par gyur to/ /chos nyan pa'i 'khor rnams kyang byang chub tu smon lam btab nas dga'
255a2 bas phyir dong ngo / /de'i tshe na sangs rgyas kyi yum sru dge slong ma gau ta mIs dge slong ma dang / /bar khrims ma dang / dge sbyong ma dang / dge bsnyen ma la sogs te bud med
255a3 thams cad la 'di skad ces smras so/ /sangs rgyas kyi chos ni thams cad la phan pa dang / bde bar 'gyur ba'i yon tan dang ldan te/ 'bras bu rnam pa gsum thob par bya ba'i
255a4 phyir| de bzhin gshegs pa'i chos kyi rgya mtshor 'jug pa la sems can thams cad thob pa'i skal pa yod mod kyi/ bdag cag bud med thams cad la ni ma gnang ngo / /de
255a5 yang bud med thams cad la sgrib pa mang zhing / gtong mi phod pa/ chags zhing zhen pa dang / kun nas nyon mongs pa'i las grangs med pas glags pa dang / shes pa chung zhing
255a6 zhan pa dang / le lo byed cing nga rgyal che ba dang / lus 'di nyid kyis byang chub kyis rgyun du mi 'gyur zhing mtshan sum cu rtsa gnyis thob par mi rung ba dang / 'khor bar 'khor ba na
255a7 'khor los bsgyur ba'i rgyal po'i 'bras bu'i mchog dge ba bcu'i chos kyis 'gro ba mang po sdud mi nus pa dang / tshangs pa'i rgyal po'i thabs bla na med pa mi 'thob cing /
255b1 sems can thams cad la phan pa dang / bde ba'i don du dam pa'i chos kyi 'khor lo bskor bar bskul mi nus pa'i phyir/ de bas na de bzhin gshegs pas bud med rnams
255b2 chos la 'jug pa'i slob mar ma gnang ngo / /lha'i bdud dang / ngan par lta ba dang / mu stegs can thams cad rtag tu ngan par lta ba la chags shing zhen te/ dam pa'i chos med par
255b3 bya ba dang / sangs rgyas dang / chos dang / dge 'dun bshig par 'dod pa dang 'dra par de bzhin gshegs pas bud med rnams sangs rgyas kyi chos la mos kyang 'jug tu ma
255b4 gnang ste/ kho mos bud med thams cad kyi phyir de bzhin gshegs pa la yang dang / yang lan gsum gyi bar du sangs rgyas kyi chos la 'jug par gsol na ma gnang ngo / /de ltar
255b5 lan gsum gyi bar du gsol kyang ma gnang nas/ bsam pa bzhin ma gyur nas/ kho mo mi dga' ba'i mya ngan gyis non te/ mig mchi mas gang ste/ phyir byung ste song song ba
255b6 las lam du kun dga' bo dang phrad nas/ kun dga' bos/ kho mo la/ yum/ ci'i phyir 'di ltar mi dga' zhing mya ngan byed ces dris so/ /kho mos de'i tshe na kun dga' bo la 'di skad ces
255b7 smras so/ /bdag sangs rgyas kyi chos la dad cing mos te/ lan gsum gyi bar du de bzhin gshegs pa la gsol ba las ma gnang bas de'i phyir/ bdag mi dga' zhing mya ngan
256a1 byed do zhes smras pa dang / de'i tshe kun dga' bos bdag la 'di skad ces smras so/ /yum| mi dga' ba ma byed cig /bdag gis de bzhin gshegs
256a2 pa la gsol te/ yum sangs rgyas kyi bstan pa la 'jug par bya'o zhes smras so/ /de nas bdag mod la dga' bar gyur to/ /de nas kun dga' bos sangs rgyas gang na ba der
256a3 song nas phyin pa dang / 'di skad ces gsol to/ /bcom ldan 'das/ bdag zhu zhing gsol ba'i skabs dbye bar gnang na/ bcom ldan 'das la zhu'o zhes gsol pa dang /
256a4 bcom ldan 'das kyis bka' stsal pa/ ci dang / ci 'dod pa dris shig par bka' stsal to/ /de nas bcom ldan 'das la kun dga' bos 'di skad ces gsol to/ /yum gau
256a5 te mI ni de bzhin gshegs pa'i gzugs kyi sku gsol zhing / bskyed bskyed de/ da mngon par sangs rgyas pa'ang yum gyi rkyen gyis mngon par rdzogs par sangs rgyas pa
256a6 lags te/ yum ni de bzhin gshegs pa la drin che ba lags na/ de bzhin gshegs pas sems can thams cad kyang / sangs rgyas kyis bstan pa la 'jug tu gnang na/
256a7 yum sangs rgyas kyi bstan pa 'jug pa lta smos kyang ci 'tshal/ bcom ldan 'das kyis kun dga' bo la bka' stsal pa/ khyod smras pa bzhin te/ de bzhin gshegs pa la
256b1 yum gyi drin che bar de bzhin gshegs pas mi mkhyen pa ma yin na/ bud med rnams sangs rgyas kyi bstan pa la 'jug par ma gnang ngo / /gal te de bzhin gshegs pas sangs
256b2 rgyas kyi bstan pa la bud med 'jug tu gnang bar gyur na/ dam pa'i chos lo lnga brgyas sngar nub par 'gyur te/ de bas na de bzhin gshegs pa ni bud med rnams sangs rgyas kyi
256b3 bstan pa la 'jug par mi bgyis so/ /de nas kun dga' bos sangs rgyas kyi zhabs la mgo bos phyag btsal te/ thal mo sbyar ba btud de/ yang bcom ldan 'das la 'di skad
256b4 ces gsol to/ /bdag mngon du dran pa 'das pa'i sangs rgyas thams cad 'khor bzhi dang ldan na/ sangs rgyas shAkya thub pa 'ba' zhig 'khor bzhi dang ldan pa ma lags sam
256b5 sangs rgyas kyis kun dga' bo la bka' stsal pa/ de ltar gau ta mI sangs rgyas kyi chos la dad na/ brtson 'grus chen po bskyed de/ btsun par bya ba'i chos rnam pa brgyad yongs
256b6 su dag par spyod na/ sangs rgyas kyi chos la 'jug tu gnang ngo / /de nas kun dga' bos sangs rgyas kyi zhabs la mgo bos phyag btsal te/ /lan gsum bskor byas nas phyir
256b7 song ste/ yum la 'di skad ces smras so/ /bdag gis de bzhin gshegs pa la nan gyis gsol nas yum chos la 'jug tu gnang ngo / /shin tu legs so/ /kun dga' bo/ de
257a1 bzhin gshegs pa la yang dang / yang du gsol te/ yum bsam pa ltar gyur pa legs so/ /yum gyis kun dga' bo la de bzhin gshegs pa'i bstan
257a2 pa la 'jug tu gnang ba thos nas rab tu dga' nas/ bdag gi lus mi rtag pa 'dis deng 'dir rtag pa'i rin po che'i lus su gyur to/ /bdag gi srog 'di yang skad cig skad
257a3 cig cing 'gyur zhing 'pho ba las deng 'dir rin po che'i srog tu gyur to/ /da ltar bdag gi lus dang / srog dang / nor yang rkyen 'dus pa las yod par zad de/ da ni rin po
257a4 che'i nor rnyed par gyur to/ /de ltar bdag gis phan pa dang / bde bar yon tan chen po mthong bas/ kun dga' bo la lhag par bkur sti dang / rim gro bya ba'i sems skyes so/ /
257a5 kun dga' bo la 'di skad ces smras so/ /the tshom ma za zhig /de bzhin gshegs pas dgongs te gsungs pa'i rjes su spyod cing / lus dang / srog yal yang nyams par
257a6 mi bgyid do/ de nas de bzhin gshegs pas btsun par bya ba'i chos rnam pa brgyad nyams par mi bya ba yang zhib tu bstan to/ /de'i tshe yum gau ta mI snying rje chen po'i shugs
257a7 kyis ma 'ongs pa'i bud med thams cad kyi phyir/ bcom ldan 'das la/ yang 'di skad ces gsol to/ /btsun pa bcom ldan 'das/ ma 'ongs pa'i dus na sangs rgyas kyi
257b1 chos la dad cing mos pa zhig mchis na/ de yang bstan pa la 'jug par gnang bar mdzad du gsol/ bcom ldan 'das kyi bka' stsal pa/ legs so/ /bud med gang sangs
257b2 rgyas kyi chos srung zhing 'dzin la/ mthar gyis tshul khrims dang / sbyin pa dang / mang du thos pa dang / dge ba'i chos rnams nyams su len na/ rab tu 'byung ba dang / khyim par
257b3 'dug kyang skyabs su 'gro ba gsum dang / gtan khrims lnga dang / khrims rdzogs pa'i bar du nod cing rnam par thar pa dang / byang chub kyi yan lag gi chos kyi bar du 'jug tu
257b4 gnang ngo / /de la nan tan byas na 'bras bu rnam pa gsum yang 'thob cing / lha dang / mi'i mya ngan las 'da' ba'i bar du thob par 'gyur ro/ /gau ta mI sa de skad gsungs pa thos nas/
257b5 rab tu mgu rangs dga' ba'i sems su gyur te/ bcom ldan 'das la 'di skad ces gsol to/ /bdag gis 'bras bu thob bar gyur pa yang sangs rgyas kyi bka' drin lags
257b6 so| |bcom ldan 'das kyis stsal pa/ de skad ma zer cig /de bzhin gshegs pa ni sems can rnams la drin yod pa ma yin no/ /de bzhin gshegs pa ni sems can rnams
257b7 la drin yod ce'am/ drin med ces mi dgongs so/ /gal te de bzhin gshegs pa sems can rnams la drin bgrang na mnyam snyoms pa'i thugs nyams par 'gyur te/ gau ta mI
258a1 de bzhin gshegs pa ni sems can la drin yod ce'am/ med ces dgongs na mnyam snyoms pa yang med par 'gyur ro/ /de ci'i phyir zhe na/ sems can
258a2 gang gis sangs rgyas la gnod pa zhig byas na yang de la zhe sdang ba yang med/ sems can gang spos tsan+dan 'di gus de bzhin gshegs pa'i sku la bskus na yang de la de
258a3 bzhin gshegs pa dgyes par mi dgongs so/ /de bzhin gshegs pa ni sems can la mnyam snyoms par gzigs te/ 'di ni kun dga' bo'i drin yin gyi/ de bzhin
258a4 gshegs pa'i drin ma yin no/ /kun dga' bo'i rkyen gyis bud med rnams sangs rgyas kyi bstan pa la 'jug par gyur to/ /gau ta ma'i/ ma 'ongs pa'i dus na/ dge slong
258a5 ma dang / dge bsnyen ma dang / bud med rnams rtag par sems rtse gcig tu kun dga' bo la soms shig /bkur sti dang / rim gro cher byas te/ ming nas kyang brjod pa
258a6 rgyun du drin dran par bya'o/ /de ma yin na nyin mtshan dus drug tu yang mi brjod par bya'o/ /dran par bya'o/ /de nas gau ta ma'i sa dge slong ma rnams dang / bud med rnams la
258a7 'di skad ces bsgo'o/ /bdag cag rnams kyis ston pa kun dga' bo la skyabs su gsol te srog phyogs so/ /bud med gang zhig rtag tu bde skyid pa dang / bkra
258b1 shis pa dang / 'bras bu thob par 'dod na/ rtag tu dpyid zla 'bring po'i tshes brgyad dang / ston zla 'bring po'i tshes brgyad la gos sar pa gtsang ma bgos
258b2 te| sems rtse gcig tu nyin zhag gcig khrims brgyad ma nos la dus drug tu brtson 'grus bskyed de/ mchod pa byas na kun dga' bos rdzu 'phrul gyi mthus skyob cing bsams pa
258b3 bzhin du 'grub par byed do/ /'khor mang po rnams chos thos pas rab tu dga' nas/ bskor ba byas nas phyir dong ngo / /thabs mkhas pa chen po sangs rgyas drin lan bsab pa'i
258b4 mdo las/ snying rje'i le'u zhes bya ste bdun no// //bam po drug pa/ de'i tshe de bzhin gshegs pa la 'khor mang pos yongs su bskor nas/ mchod pa dang / rim
258b5 gro byas/ bkur sti dang / phu dud byas/ bsngags shing bstod nas 'khod do/ /de nas kun dga' bos/ 'khor mang po'i the tshom sems kyis rtogs nas/ stan las langs
258b6 nas sangs rgyas la 'di skad ces gsol to/ /bcom ldan 'das/ ci'i slad du ma 'gags pa lta bu ma rabs rigs ngan pa yang rab tu 'byung du gnang / ma 'gags pa rab tu byung
258b7 bas| rgyal rigs dang / rje'u rigs thams cad kyi dad pa dang / gus pa'i sems nyams par gyur to/ /de ltar dad pa'i sems nyams pas/ bsod nams kyi dngos po yongs su nyams
259a1 par gyur/ rgyal po zas gtsang ma'i sras dge slong dga' bos kyang brnyas pa'i sems skyes par gyur to/ /de nas bcom ldan 'das kyis kun dga'
259a2 bo dang / 'khor mang po rnams la 'di skad ces bka' stsal to/ /khyed rnams legs par nyon cig /khyed rnams kyis de bzhin gshegs pa la mnyam snyoms pa'i thugs rje chen
259a3 po dang / dran pa nye bar gzhag pa gsum dang / ye shes lnga dang / ting nge 'dzin med do zhes smras kyang bla yi/ dge slong ma 'gags pa 'di yang dag par ma rabs rigs ngan
259a4 yin zhe'am/ spyod pa tha ma'am/ smon lam tha ma'am/ brtson 'grus tha ma yin no zhes byar rung ngam/ khyed rnams kyis de bzhin gshegs pa ni/ nyon mongs pa dang bcas pa'o//
259a5 mi rtag pa'o/ /'gyur zhing 'pho ba'o zhes byas kyang bla/ dge slong ma 'gags pa mar bas rigs ngan las rab tu byung ba yin no zhes bya bar mi rung ngo / /de bzhin gshegs pa
259a6 thams cad mkhyen pa'i ye shes kyis yang dag pa'i bden pa'i tshig gsungs pas/ khyed rnams de bzhin gshegs pas gsungs pa la yid ches par bya'o/ /de bzhin
259a7 gshegs pa ni 'khor ba'i skyon dang / nyes pa gzigs shing mkhyen pas rang mngon par rdzogs par sangs rgyas/ dge slong ma 'gags pa lta bu rab tu byung bas rig pa gsum
259b1 dang | mngon par shes pa drug dang / rnam par thar pa brgyad du ldan te/ lha dang / mi rnams kyi mchod pa'i gnas su gyur to/ /dam pa'i chos srung zhing 'dul ba 'dzin pa'i mchog dam
259b2 par gyur te thams cad kyis mchod pa'i gnas su gyur pas na/ so so'i skye bo dag kyang 'bras bu dam pa gsum thob par byed do/ /'di lta ste/ da ltar gyi 'bras bu thob pa dang / skyes
259b3 pa'i 'bras bu dang / ma 'ongs pa'i 'bras bu thob par byed de/ de bas na 'gags pa ni spyod pa mchog dam pa dang ldan te/ phyogs gcig tu snying rje che ba'i byang chub sems dpa'o/ /
259b4 sngon 'das pa'i dus na yang / sangs rgyas grangs med pa bye ba brgya stong snyed la dge ba'i rtsa ba bskyed la bsnyen bkur byas nas/ sangs rgyas de dag gi chos la yang 'dul ba 'dzin
259b5 pa'i mchog byas/ da ltar sangs rgyas shAkya thub pa'i chos la yang 'dul ba 'dzin pa'i mchog tu gyur to/ /de'i tshe dge slong dga' bos sangs rgyas kyis gsungs pa thos nas/
259b6 'dug pa las langs te mgo bos/ 'phags pa kauN+Di n+ya'i rkang pa la phyag btsal te/ mthar gyis ma 'gags pa'i drung du phyin nas thal mo sbyar nas btud pa tsam byas so/ /de nas bcom
259b7 ldan 'das kyis/ dga' bo la tshigs su bcad de bka' stsal pa/ dga' bo khyod ni shes par byos/ /dbul zhing sdug par de 'gyur ram/ /che ba tsan nyams par mi 'gyur gyi/ /
260a1 rab tu byung ba'i chos nyid do/ /bcom ldan 'das kyis de ltar dga' bo la bstan pa dang / gzengs bstod pa dang / dga' ba'i chos rnam pa du ma
260a2 gsungs nas/ dga' bo rab tu dga' mgu rangs te/ gos tshags bcos nas 'phags pa ma 'gags pa'i rkang ba la mgo bos phyag btsal ba dang / de ma thag tu gnam sa yang
260a3 rnam pa drug tu g.yos so/ /lus dang / sems mnyen zhing las su rung bar gyur te/ bdag gi don rab tu rnyed cing bya ba byas par gyur to/ /de nas bcom ldan 'das kyis 'phags
260a4 pa ma 'gags pa la/ khyod kyis myur du seng ge'i sgra sgrogs shig /'di lta ste/ dkon mchog gsum dang / bden pa bzhi dang / khyim pa dang / rab tu byung ba'i 'khor
260a5 bdun gyi khyad par dang / de dag gi skyabs su 'gro ba gsum dang / gtan khrims lnga nas tshul khrims thams cad kyi bar du/ sems can la phan pa'i tshul khrims dang /
260a6 nyon mongs pa sbyong ba'i tshul khrims dang / spyod lam gyis gdul ba'i tshul khrims dang / bsam gtan gyi tshul khrims dang / zag pa med pa'i tshul khrims bstan te/
260a7 dkon mchog gsum gyi gdung rgyas par byos shig/ de nas ma 'gags pas/ bcom ldan 'das la 'di skad ces gsol to/ /de bzhin gshegs pas rdzu 'phrul gyi mthus
260b1 bdag la byin gyis brlabs na/ bdag gis de bzhin gshegs pa la cung zad cig zhu'o/ /gsol pa/ dkon mchog gsum zhes bgyi ba gang lags/ sangs rgyas dang / chos
260b2 dang | dge 'dun zhes bgyi ba dkon mchog gsum la mtshan nyid ma mchis na/ ci'i slad du chos dang / dge 'dun bye brag dang / khyad par mchis shing / dkon mchog gsum la
260b3 skyabs su mchi ba ji ltar gzungs su gzung / skyabs su mchi ba gsum/ gal te gcig lags na/ gsum zhes gsung pa yang mi rigs/ gal te skyabs su mchi ba gsum du
260b4 gsungs na/ ci'i slad du 'khor rnam pa bdun mchis par gsungs/ bcom ldan 'das/ ci la skyabs su mchi na/ skyabs su mchi ba zhes bgyi/ de nas bcom ldan 'das kyis don de
260b5 dag so so nas rnam par bkrol te/ 'di skad ces bka' stsal to/ /sangs rgyas zhes bya ba ni tshor ba ste/ chos kyi mtshan nyid thams cad mngon sum du tshor ba'i phyir ro/ /gzhan
260b6 yang | sems can thams cad ni khams gsum na rgyun du gnyid kyis myos te/ sangs rgyas ni byang chub kyi spyan bye bas na bdag kyang tshor ba la pha rol po yang tshor bar byed pas tshor
260b7 ba zhes bya'o/ /sangs rgyas ni chos thams cad la thabs thob pa thams cad gsungs pa'o/ /gsol pa/ ji ltar na sangs rgyas kyis thams cad gsungs pa zhes bgyi ba lags//
261a1 'on te dus tshod las ma yol bar dbang po ci dang 'phrod pa bzhin du gsungs pa la bgyi'am/ 'on te so so'i sde tha dad pa bzhin du rjes su
261a2 gsungs pa la bgyi/ bka' stsal pa/ sangs rgyas ni dbang po ji bzhin du dus las mi yol bar chos thams cad gsungs na/ phyis nye gnas rnams kyis chos kyi sde snod
261a3 bsdus pa'i tshe mdo sde'i pag la bstan to/ /sangs rgyas kyis ni skabs kha cig tu nye gnas rnams la tshul khrims lci ba dang / yang ba dang / ltung ba dang / ltung ba med
261a4 pa bcas te/ 'dul ba'i sde snod du phye'o/ /skabs kha cig tu ni rgyu dang / 'bras bu'i mtshan nyid las nyon mongs pa dang / nye ba'i nyon mongs pa skye bas/ las kyi mtshan nyid
261a5 gsungs te/ chos mngon pa'i sde snod phye'o/ /lha dang / mi'i 'jig rten du bcas pa la ci dang 'phrod pa bzhin du bstan cing gsungs pa ni/ gzhung gcig nas 'phros pa
261a6 zhes bya ste/ 'dul ba'i skal ba dang ldan pa'i gang zag rnams kyis spyod pa'i las su gsungs so/ /sems can dbang po rnon po rnams la don zab mo rnam pa mang po gsungs
261a7 pa ni| gzhung bar ma zhes bya ste/ slob ma rnams kyi spyod pa'i las su gsungs so/ /bsam gtan gyi chos rnam pa sna tshogs gsungs pa ni gzhung sil bu zhes bya ste/ gang
261b1 zag bsam gtan byed pa rnams kyi spyod pa'i las su gsungs so/ /mu stegs can mang po gzhig pa'i don du gzhung ring po gsungs so/ /gsol pa/ gal te sangs rgyas
261b2 thams cad gsungs pa la gnas nas/ mdo sde las sangs rgyas shing ljon pa zhig gi drung du bzhugs te/ shing de'i yal ga gcig gi 'dab ma las bzung nas nye gnas
261b3 rnams la yal ga gzung ba 'di'i 'dab ma mang ngam/ shing ljon pa chen po'i 'dab ma mang zhes bka' stsal nas/ shing ljon pa'i 'dab ma mang ngo zhes gsol pa las/ sangs
261b4 rgyas kyis kyang ngas mkhyen pa'i chos ni shing ljon pa'i 'dab ma dang 'dra'o/ /ngas bshad pa'i chos ni lag pas gzung ba'i 'dab ma dang 'dra'o zhes gsungs nas/ sangs rgyas
261b5 thams cad gsungs pa'o zhes bgyir rung ngam/ bka' stsal pa/ mtshan nyid tha dad pa thams cad kyi thams cad dang / mtshan nyid gcig pa thams cad kyi thams cad yod do/ /'dir
261b6 ni mtshan nyid tha dad pa thams cad la dgongs te/ sangs rgyas ni thams cad gsungs pa'o zhes bshad do/ /de yang sems can gyis zad par gzung mi nus pa la bya yi/ sangs
261b7 rgyas kyis gsungs mi nus pa ni ma yin no/ /gzhan yang / thams cad mkhyen pa la yang thams cad gsungs pa zhes bya yi/ drang thabs su thams cad gsungs pa zhes byar mi
262a1 rung ngo / /gsol ba/ gal te sangs rgyas kyis mkhyen pas gsungs pa lags na nyan thos dang / rang sangs rgyas kyang shes pa la brten te smra
262a2 na| ci'i slad du de la yang sangs rgyas zhes mi gdags/ bka' stsal pa/ de lta bu ma yin te/ sangs rgyas ni mkhyen pa dang / gsungs pa gnyi ga'i mthar phyin no/ /theg
262a3 pa gnyis kyi shes pa dang / smra ba ni chos kyi mthar ma phyin pa'i phyir ro/ /gzhan yang / sangs rgyas ni chos thams cad chub par mkhyen pas/ ming btags pa yang mkhyen
262a4 gyi| theg pa gnyis kyis de ltar mi nus so/ /gzhan yang / sangs rgyas ni chos brnyes pa yang mtha' yas la/ chos gsungs pa yang mtha' yas te/ theg pa gnyis ni
262a5 de ltar mi nus so/ /gzhan yang / sangs rgyas kyis brnyes pa'i thun mong ni theg pa gnyis kyis thob pa dang thun mong ba yang yod/ nyan thos kyis thob pa dang / thun mong ma yin pa
262a6 yang yod do/ /theg pa gsum gyis shes pa thun mong ni/ theg pa 'bring gis thob/ theg pa gnyis kyis shes pa thun mong ni/ sangs rgyas 'ba' zhig gis brnyes te/
262a7 theg pa gnyis kyis mi shes pa yang sangs rgyas nyag gcig gis mkhyen to/ /gzhan yang / ji tsam du sgrom chen kha gab kyang che ste/ chos chen mtshan nyid kyang mtha'
262b1 yas pas sangs rgyas ni mtha' yas pa'i ye shes kyis mtha' yas pa'i chos gsungs te/ theg pa gnyis kyi ye shes ni mtha' yod pas chos kyi mtshan nyid ces mi
262b2 gdags so/ /gzhan yang / dbang po dang don du ldan te/ dbang po zhes bya ba ni shes rab kyi dbang po'o/ /don zhes bya ba ni shes rab bo/ /dbang po'i don zhes bya ba ni shes rab
262b3 kyis dmigs pa'i chos so/ /sangs rgyas ni dbang po dang / don gnyis ka rdzogs te/ shes rab kyis dmigs pa'i chos kyang mthar ma phyin pa med do/ /theg pa gnyis kyis ni
262b4 dbang po dang / don gnyis ka ma rdzogs so/ /gzhan yang / sangs rgyas ni chos thams cad kyi mtshan nyid yang dag pa ji lta ba bzhin du mkhyen pa'i yang dag pa'i ye shes brnyes pa yin
262b5 no| |theg pa gnyis kyis ni chos kyi gting chub par mi shes pas/ yang dag pa'i ye shes zhes bya bar mi rung ste/ de ltar don rnam pa mang po'i sgo nas/ theg pa gnyis la sangs rgyas
262b6 zhes byar mi rung ngo / /bcom ldan 'das zhes bya ba ni tshig dang / sgra'i sgo nas gdags su mi rung gi /don gyi sgo nas btags pas bcom ldan 'das zhes bya ste/ de yang gnyen
262b7 po'i chos thams cad mkhyen pa'i phyir ro/ /gzhan yang / 'jig rten pa'i sgra skad mi mthun pas 'jig rten pa rang gi mi shes par zad kyi/ sangs rgyas kyis ni kun mkhyen pas
263a1 bcom ldan 'das zhes bya'o/ /gzhan yang / dge slong rtsib logs ces bya ba'i gzhung las/ theg pa gnyis dang / so so'i skye bo dag ni/ kha cig dben
263a2 zhing zhi ba la dad pa yang yod/ kha cig ni bsam gtan dang / ting nge 'dzin la dad pa yang yod/ kha cig ni rkyen gzhan gyis gsang mkhyud de mi ston pa yang yod kyi/ sangs
263a3 rgyas kyis brnyes pa'i chos ni byams pa dang / thugs rje'i mthur ldan pas/ gzhan la ston cing gsung bar spro'o/ /gzhan du na gdug pa gsum bcom pas na/ bcom ldan
263a4 'das zhes bya'o/ /gsol pa/ theg pa gnyis kyang gdug pa gsum bcom na ci'i slad du bcom ldan 'das zhes mi gdags/ bka' stsal pa/ de lta bu ma yin te/ theg pa
263a5 gnyis ni phyir ldog pa yod kyi/ sangs rgyas la ni phyir ldog pa med pa'i phyir ro/ /phyir ldog pa la yang rnam pa gsum ste/ 'bras bu phyir ldog pa dang / 'bras bu ma yin
263a6 pa'i phyir ldog pa dang / spyod pa'i las phyir ldog pa'o/ /'bras bu phyir ldog ces bya ba ni/ nyan thos kyi 'bras bu gsum phyir ldog pa zad kyi/ 'bras bu tha ma phyir mi
263a7 ldog pa dang / theg pa bar ma la rnam pa gnyis te/ gal te bskal pa brgya'i bar du rnal 'byor spyod pa'i rang sangs rgyas ni/ 'bras bu phyir mi ldog go /gal te thog ma
263b1 nas theg pa chung du'i 'bras bu gsum las/ rang sangs rgyas su gyur na/ de'i 'bras bu ni phyir ldog par 'gyur gyi/ sangs rgyas kyi 'bras bu ni phyir mi ldog go /'bras bu ma
263b2 yin pa'i phyir ldog pa ni/ gal te theg pa gsum la phyogs pa'i gang zag 'bras bu ma thob par phyir ldog pa dang / dge slong rnal 'byor can le lo byed pa dang / brtson 'grus med
263b3 pa dang / rnal 'byor spyod pa la nyams te/ mi brtson pa 'di gsum ni 'bras bu ma yin pa'i phyir ldog pa zhes bya'o/ /spyod pa'i las phyir ldog ces bya ba ni/ ji tsam du thob par
263b4 bya ba'i chos mngon sum du las su mi rung ba'o/ /dper na/ sangs rgyas kyi stobs bcu dang / theg pa chung du'i ye shes bcu lta bu gcig la las su byas kyi lhag ma gzhan mi
263b5 dgos pa'am/ mdo sde'i tshigs su bcad pa 'bum kha ton du shes pa las/ gal te kha ton du ma byas pa'i dus na/ de kun la spyod pa'i las phyir ldog pa zhes bya'o/ /theg
263b6 pa chung du la yang 'bras bu phyir mi ldog pa yod/ theg pa bar ma la yang 'bras bu ma yin pa'i phyir ldog pa yod kyi/ sangs rgyas la ni 'bras bu ma yin pa'i phyir ldog pa med
263b7 do| |de yang chos thams cad la brtson 'grus ma byas pa mad pa'i phyir ro/ /theg pa gnyis la ni spyod pa las phyir ldog pa yod kyi/ sangs rgyas la ni gcig tu ma nges te/ stobs
264a1 bcu las gcig las su byas pas chog gi /dgu las su bya mi dgos pa ldog pa zhes bya'o/ /yang gzhan du na las su bya ba la mi dgos pa'i phyir
264a2 ldog pa med de/ dper na/ mdo sde'i tshigs su bcad pa khri phrag nyi shu kha ton du 'don shes na/ gang zag ni mthu zhan pas nyin zhag gcig gam/ nyin zhag gnyis kyi bar
264a3 du rdzogs par 'don nus kyis/ sangs rgyas ni skad cig tsam gyis rdzogs pas stobs bcu yang de dang 'dra ste/ las su bya dgos na skad cig tsam gyis mdzad pa tshad med
264a4 pas/ las su bya ba la mi dgos pa'i phyir ldog pa med do/ /gzhan yang / sangs rgyas la las su bya ba la mi dgos pa'i phyir ldog pa med de/ dper na/ na bza' smad g.yogs
264a5 gsol ba'i tshe so so'i skye bo'i chos lta bur gzhung med par gsol ba ni ma yin te de yang sems can mang po la phan pa'i don du phrin las ci mdzad kyang phan pa yod na
264a6 las de mdzad kyi/ phan pa med na mi mdzad do/ /de ltar las su bya ba la mi dgos pa'i phyir ldog pa med kyi/ so so nas dgos pa yod de gcig tu nges pas sangs
264a7 rgyas kyi dgongs pa bsam gyis mi khyab pa zhes bya'o/ /gsol pa/ nyan thos la ci'i slad du 'bras bu gsum ni phyir ldog la 'bras bu tha ma phyir mi ldog pa lags /
264b1 bka' stsal pa/ 'bras bu gsum ni sngon yang thob pas na phyir ldog go /'bras bu tha ma ni da dung ma thob pas ni phyir mi ldog go /dper na/ gang zag bkren pa zhig kha zas
264b2 zhim po dang phrad na/ yun ring por mi brjed pa ltar don 'di yang de dang 'dra'o/ /gzhan yang / 'bras bu tha ma ni/ bzod pa thogs pa med pa'i lam du 'gyur la ye shes
264b3 rnam par grol ba'i lam du 'gyur ro/ /'bras bu gsum ni ye shes thogs pa med pa'i lam du ma gyur la/ ye shes rnam par grol ba'i lam du ma gyur pa'i phyir phyir ldog go/
264b4 gzhan yang / bden pa mthong ba'i lam ni phyir mi ldog gi /bsam pa'i lam ni phyir ldog ste/ dag pa dang / ma dag pa'i 'du shes kyis nyon mongs pa'i mdud pa gcad pa'i phyir
264b5 ro| |sems pa la ni kun nas nyon mongs pa yod kyi/ bden pa mthong ba la kun nas nyon mongs pa med de/ bden pa mthong bas kun nas nyon mongs pa med cing / bden pa
264b6 mthong bas kun nas nyon mongs pa yang mthong la/ don mthong bas don zab mo sems pa yang skye ste/ kun nas nyon mongs pa phyir mi ldog go /gzhan yang / bden pa mthong
264b7 ba'i ye shes kyi stobs che ba ni/ dper na/ sdong po chen pos rdzas mnan pa dang 'dra ste/ sems shing yid la byed pa'i shes rab zhan pas phyir ldog pa yod do/ /gzhan yang /
265a1 bden pa mthong ba 'dod pa'i khams kyi bzod pa dang / shes rab kyi sems gnyis kyis ni/ dgu pa'i kun nas nyon mongs pa'i mdud pa
265a2 gcod do/ /khams gong ma'i bzod pa dang / shes rab kyi sems gnyis kyis ni/ kun nas nyon mongs pa bdun cu rtsa gnyis gcod do/ /gzugs med pa'i khams kyi
265a3 mthar phyin pas phyir ldog pa med do/ /don de lta bas na/ de 'ba' zhig la bcom ldan 'das zhes bya'o/ /gzhan yang / sangs rgyas la ni bag chags kyi rnam pa med kyi/ theg
265a4 pa gnyis ka'i bag chags ma zad do/ /dper na/ dge slong rtag tu bldad pa zhes bya ba rtag par ba lang ltar bldad pa yang tshe rabs snga ma la tshe rabs du mar ba lang byed
265a5 byed pa las mir skyes pa'i phyir ro/ /dper na/ dge slong zhig zag pa zad kyang rtag tu me long la lta ba ni tshe rabs du mar bud med smad 'tshong ma las mir skyes
265a6 pa'i phyir ro/ /dper na/ dge slong zhig khri dang / gdang la 'dzeg par dga' ba yang tshe rabs du mar spre'u byed byed pa las mir skyes te/ de dag la ni bcom ldan 'das
265a7 zhes byar mi rung ngo / /gsol pa/ 'di skad bdag gi thos zhes bgyi ba sangs rgyas bzhugs pa'i tshe/ bdag gis thos zhes gsungs sam/ sangs rgyas mya ngan
265b1 las 'das pa'i 'og tu thos zhes gsungs/ chos kyi mdzod bsdus pa'i tshig las bdag gis thos zhes bya na sangs rgyas shing bstan pa yang bdag la ma lus par bstan
265b2 cing bshad par gsol lo zhes ma smras sam/ gsol pa/ lo nyi shu'i bar du chos kyi tshig ci bshad pa de ji ltar bstan par bgyi/ bka' stsal pa/ sangs rgyas kyi thabs
265b3 mkhas pas/ tshigs su bcad pa gcig gis kyang chos grangs med pa ston la/ chos grangs med pa'i don yang tshigs su bcad pa gcig gis ston te/ sangs rgyas kyis mdo
265b4 tsam zhig bstan na yang kun dga' bos ma lus par shes pa ni/ rno ba'i shes rab kyis gzungs su 'dzin pa'i stobs che ba'i phyir ro/ /chos brgyad khri yod ces bya ba ni/ dper
265b5 na| shing gi rtsa ba dang / yal ga dang / lcug ma dang / 'dab ma la spyir sdong po gcig ces bya ba ltar/ sangs rgyas kyis sems can gyi don du thog ma nas/ tha ma'i bar du
265b6 chos bstan pa la sde snod gcig ces bya ste/ de ltar na brgyad khri'o/ gzhan du na sangs rgyas gdan gcig las ma g.yos par lo nyi shu'i bar du chos bshad kyang / kun
265b7 dga' bos ma thos na/ ci'i slad du bdag gis thos zhes bgyi/ bka' stsal pa/ lha rnams kyis kun dga' bo la smras zhes kyang bya/ gzhan du ni sangs rgyas bcom ldan
266a1 'das kun rdzob 'jig rten pa'i thugs kyis kun dga' bos shes par byas zhes kyang bya/ gzhan du na dge slong rnams las thos zhes kyang
266a2 bya'o| |gzhan yang / kun dga' bos 'di skad ces sangs rgyas la gsol ba btab bo/ /sangs rgyas kyi na bza' rnying pa bdag la mi stsal cing yon bdag gi bsod
266a3 snyoms bdag la mi stsal bar gsol lo/ /bdag ni chos 'dod pa'i phyir sangs rgyas la phu dud dang / rim gro bgyid de/ ci bzhed pa sbyar gyi/ gos dang / zas kyi
266a4 phyir ma yin no/ /dge slong gzhan rnams ni snga dro dang / phyi dro'i dus kyi tshe sangs rgyas mthong gi /bdag ni nam lta 'dod na mthong bar gsol lo/ /gzhan yang / lo nyi shu'i bar
266a5 du chos gsungs/ chos bstan pa la sde snod gcig ces bya ste/ de ltar na brgyad khri'o/ /yang gzhan du na yi ge'i tsheg bar bcu drug la tshigs su bcad pa phyed do/ /yi ge'i
266a6 tsheg bar sum cu rtsa gnyis la tshigs su bcad pa gcig ces bya ste/ de ltar brgyad khri'o/ /yang gzhan du na tshig bcad kyi rkang pa ring thung las yi ge'i tsheg bar bzhi bcu
266a7 rtsa gnyis la tshigs su bcad pa gcig ste/ de ltar na brgyad khri'o/ /yang gzhan du na zla ba byed phyed cing tshul khrims bstan pa la sde snod gcig ces bya ste/ de ltar na brgyad
266b1 khri'o| |yang gzhan du na sangs rgyas kyis gsungs pa'i tshigs su bcad pa drug khri drug stong la sde snod gcig ces bya ste/ de ltar na brgyad khri'o/ /yang gzhan du na sangs rgyas kyis
266b2 nyon mongs pa brgyad khri'i gnyen por/ chos kyi sman brgyad khrir gsungs bas/ chos kyi sgo mo brgyad khri zhes bya'o/ /gsol ba/ ci'i slad du/ mdo sde dang / chos mngon pa sangs
266b3 rgyas kyis sngar ma smos la/ 'dul ba sangs rgyas kyis sngar smos/ bka' stsal pa/ mchog yin pa dang / sangs rgyas kyis bcas pa'i phyir ro/ /dper na/ mdo sde lta bu ni/ nye
266b4 gnas rnams kyis chos bstan pa yang yod/ dper na/ brgya byin lha'i dbang po lta bu bdag ni sbyin pa byin pa'i nang na mchog go /de ci'i phyir zhe na/ bdag gis sbyin pa byin pas
266b5 lha'i dbang por gyur te/ bsam pa yid bzhin no zhes smras te/ sangs rgyas kyis kyang de bzhin no zhes gsungs pa yang yod/ dus kha cig tu sangs rgyas sprul pas sangs rgyas su
266b6 sprul te/ sprul pa'i sangs rgyas kyis chos gsungs pa yang yod kyi/ 'dul ba ni de lta bu ma yin te/ thams cad sangs rgyas kyi gsungs pas de bas na sangs rgyas kyis sngar
266b7 smos so/ /yang gzhan du na mdo sde ni gnas gang na bzhugs pa bzhin gsungs kyi/ 'dul ba ni de lta bu ma yin te/ gnas gang du nyes pa byung na/ de nyid du khrims bca' ba ma
267a1 yin gyi/ mtshams kyi phyi rol tu bca' ba dang / khyim pa'i nang na nyes pa byung na/ dge 'dun gyi nang du bca' ba dang / grong khyer gcig tu nyes pa byung
267a2 na yang dge 'dun gyi nang du bca' ba dang / 'khor rnam lnga'i nang du nyes pa byung na/ dge slong dang / dge slong ma'i nang du bca' ba dgos pas/ de bas na sangs rgyas kyis
267a3 sngar smos pa yin no/ /yangs pa can zhes bya ba ni/ yul kha cig ni rgyal po'i mtshan las btags pa yang yod/ yul kha cig yul sa las btags pa yang yod/ kha cig
267a4 ni grong khyer las btags pa yang yod/ yul 'di ni klu las yul gyi ming du btags so/ /ka lan ta ka'i gnas zhes bya ba ni/ bya las ming du btags te/ grong khyer zhes
267a5 bya ba ni grong gi bdag po'i ming ngo / /lhas byin zhes bya ba yang de'i pha mas lha la gsol ba btab pas bu rnyed pas na/ lhas byin zhes ming du btags so/ /btsan phyug
267a6 ces bya ba ni/ phyug pa la rnam pa gnyis te/ sems can gyi bag dang / sems can ma yin pa'i bag go /sems can ma yin pa zhes bya ba ni/ gser dngul dang / rin po
267a7 che sna bdun/ bang mdzod dang / nor dbyig dang / zhing dang / khang khyim mang du yod pa'o/ /sems can zhes bya ba ni bran pho dang / bran mo dang / las byed pa'i mi dang / bal
267b1 glang dang / rta dang / ba lang dang / lug dang / dbang byed pa'i grong khyer mang du yod pa ste/ de ni phyug po zhes bya'o/ /btsan zhes bya ba ni dbang dang ldan pa'am/ legs pa'i yon
267b2 tan dang ldan te/ mi'o cog gis phu dud byed cing btsun par byed pa btsan zhes bya'o/ /dkon mchog gsum la phyogs shing skyabs su 'gro ba gsum mnos pa'o/ /gsol
267b3 pa| skyabs su 'gro ba gsum gyi rang bzhin ji lta bu lags/ ston pa kha cig ni skyabs su 'gro ba gsum ni cho ga yin gyi/ cho ga la mtshan nyid med do/ /skyabs su 'gro ba gsum
267b4 nod pa'i tshe/ pus mo btsugs la thal mo sbyar te skyabs su 'gro ba gsum kha nas tshig tu brjod pa ni/ lus dang / dag gi cho ga bstan pa'o/ /gal te sems rtse gcig tu byas na/
267b5 lus dang / ngag yod kyang tshogs bstan pa med de/ de ni cho ga bstan pa med pa zhes bya'o/ /gzhan du na skyabs su 'gro ba gsum ni/ lus dang / ngag dang / yid kyi las kyi rang
267b6 bzhin gsum zhes bya'o/ /yang gzhan du na skyabs su 'gro ba gsum ni phung po lnga dge ba ste/ sems can gyi phung po lnga dge bas gsum la skyabs su 'gro bar byed de/ dkon
267b7 mchog gsum ni skyabs su 'gro ba'i gnas so/ /skyabs su 'gro ba zhes bya ba ni/ mgon skyabs sam/ dpung gnyen gyi don te/ dper na/ mi zhig la nyes pa chen po byung ba
268a1 las yul gzhan du 'phos pa las/ rgyal po pha rol po la phar skyabs su btsal na/ yul pha rol gyi rgyal pos de la khyod mi 'jigs pa 'dod
268a2 na nga'i yul 'di nas mi 'gro zhing ngas bstan pa nyan na mgon skyabs bya'o zhes bsgo ba dang 'dra bar/ so so'i skye bo yang de dang 'dra ste/ bdud kyi dbang du gyur la skye shir
268a3 'khor ba'i nyes pa yod pas/ dkon mchog gsum la phyogs te skyabs su 'gro bar bya'o/ /gal te dkon mchog gsum la rtse gcig tu phyogs shing skyabs su song
268a4 la| sangs rgyas kyis bstan pa las 'gal bar ma byas na/ bdud kyi rgyal po sdig pa can gyis ci byar yang med do/ /sngon phug ron gcig khras nyen nas shA ri'i bu'i
268a5 phag grib mar song ba las/ 'on kyang skrag cing dngang pa bzhin no/ /de nas sangs rgyas kyi grib ma'i phag tu song ba dang / 'jigs pa med de 'dar ba yang med do/ /
268a6 gal te rgya mtsho chen po 'pho zhing 'gyur yang srid kyi/ phug ron de ni bsgyur du med de/ de bas na sangs rgyas ni byams pa chen po dang / thugs rje chen por ldan gyi/
268a7 shA ri'i bu la ni byams pa dang / snying rje chen po med do/ /sangs rgyas la ni bag chags med kyi/ shA ri'i bu la ni bag chags ma zad do/ /sangs rgyas ni bskal pa grangs
268b1 med pa gsum gyi bar du byang chub sems dpa'i spyad pa spyod kyi/ shA ri'i bu ni bskal pa drug cu'i bar du dka' thub spyad de/ de bas na phug ron yang shA ri'i bu'i grib mar
268b2 song ba na/ 'on kyang skrag cing 'jigs kyi/ sangs rgyas kyi grib mar song ba na 'jigs pa med par gyur to/ /gsol pa/ gal te dkon mchog gsum la skyabs su song
268b3 bas| sdig pa mi dge ba byang zhing 'jigs par mi 'gyur na/ ci'i slad du lhas byin lta bu dkon mchog gsum la skyabs su song bas/ dad pas khyim nas rab tu byung ste /
268b4 tshul khrims kyang rdzogs pa las/ mtshams med pa gsum bgyis nas/ mtshams med pa'i sems can dmyal bar ltung bar 'gyur/ bka' stsal pa/ mgon skyabs bya ba
268b5 mang / skyabs bya bar 'os pa la skyabs su bya ba yin te/ lhas byin lta bu ni mi dge ba'i sdig pa chen po byas la/ gdon mi za bar myong ba'i las dang yang bcas pas /
268b6 de'i phyir yang mgon skyabs byar yang dka'o/ /gsol pa/ gal te sdig pa chen po bgyis pa la/ sangs rgyas kyis mgon skyabs mi mdzad na/ sdig pa'i las ma mchis pa la
268b7 sangs rgyas kyi mgon skyabs bgyi yang ci 'tshal/ dkon mchog gsum la mgon skyabs mnga'o zhes kyang ji skad bgyi/ bka' stsal pa/ lhas byin gyis dkon mchog
269a1 gsum la skyabs su song ba yang dag pa'i sems kyis ma yin te/ skyabs su 'gro ba gsum ma rdzogs so/ /de ni rgyun du rnyed pa dang / bkur sti dang /
269a2 grags pa 'dod pa'i phyir bdag ni thams cad mkhyen pa'i ye shes can no zhes sangs rgyas la yang bdo bas na/ de'i phyir dkon mchog gsum la mthu stobs chen po yod
269a3 mod kyi/ mgon skyabs su mi 'gyur ro/ /dper na/ rgyal po ma skyes dgra lta bu la/ mtshams med pa'i sdig pa yod de/ mtshams med pa'i sems can dmyal bar ltung
269a4 bar rigs pa las/ yang dag pa'i sems rtse gcig tu/ sangs rgyas la skyabs su gsol bas/ mtshams med pa'i sdig pa byang nas/ thig nag po'i sems can
269a5 dmyal bar lhung nas/ mi'i nang nas sdig pa lci ba myong bas lci ba dang 'dra bar zhag bdun myong ba tsam gyis sdig pa kun byang bas na/ de ni dkon mchog gsum gyi
269a6 mgon skyabs kyi mthu zhes bya'o/ /gsol pa/ lhas byin gyis sdig pa bgyis pa'i mgon skyabs byar mi rung ngo zhes bgyis pa/ mdo sde'i nang nas gang su yang rung /
269a7 sangs rgyas la skyabs su song na/ ngan song gsum du mi ltung ngo zhes bgyi ba'i don ji lta bu lags/ bka' stsal pa/ lhas byin gyis dkon mchog gsum skyabs su
269b1 song bas/ mtshams med pa'i sems can dmyal bar song mod kyi/ sdug bsngal myong ba yang zhing chung la bsti ba'i dus skabs yod do/ /dper na/ mi zhig ri'am/ nags
269b2 tshal lam/ 'brog dgon pa 'jigs pa'i gnas su phyin pa las/ gal te sangs rgyas yid la byas shing bsams na de'i yon tan gyis 'jigs shing skrag pa zhi bar
269b3 'gyur te/ de bas na dkon mchog gsum la skyabs su song na/ mgon skyabs su 'gyur ba yang mi rdzun no/ /gsol pa/ dkon mchog gsum zhes bgyi ba bden pa bzhi las
269b4 bden pa gang gi nang du bsdu/ dbang po nyi shu rtsa gnyis las dbang po gang gi nang du bsdu/ khams bco brgyad las khams gang gi nang du bsdu/ skye mched bcu gnyis las skye
269b5 mched gang gi nang du bsdu/ nye bar len pa'i phung po lnga las phung po gang gi nang du bsdu bar bgyi/ bka' stsal pa/ dkon mchog gsum ni/ bden pa bzhi las 'gog
269b6 pa'i bden par bsdu ste/ lam gyi bden pa'i phyogs cha gcig go /dbang po ni mi shes pa kun shes par bya ba'i dbang por bsdu'o/ /khams bco brgyad las yid kyi khams dang
269b7 yid kyi rnam par shes pa'i khams dang / chos kyi khams su bsdu'o/ /skye mched bcu gnyis las/ yid kyi skye mched dang / chos kyi skye mched kyi nang du bsdu'o/ /nye bar len pa'i
270a1 phung po lnga las zag pa med pa'i phung po lnga'i nang du bsdu'o/ /de la sangs rgyas dkon mchog ni/ bden pa bzhi las lam gyi bden pa'i phyogs
270a2 cha gcig go /chos dkon mchog ni bden pa bzhi las 'gog pa'i bden par bsdu'o/ /dge 'dun dkon mchog kyang bden pa bzhi las/ lam gyi bden pa dang / phyogs
270a3 cha gcig go /sangs rgyas dkon mchog ni dbang po nyi shu rtsa gnyis las kun shes pa'i dbang por bsdu'o/ /chos dkon mchog ni/ 'gog pa'i bden pa yin pas 'dus ma
270a4 byas pa ste/ dbang pos bsdu ba ma yin no/ /dge 'dun dkon mchog ni dbang po nyi shu rtsa gnyis las zag pa med pa'i dbang po gsum gyi nang du bsdu'o/ /sangs rgyas
270a5 dkon mchog ni khams bco brgyad las/ yid kyi khams dang / yid kyi rnam par shes pa'i khams dang / chos kyi khams phyogs cha gcig gi nang du bsdu'o/ /skye mched
270a6 bcu gnyis las yid kyi skye mched dang / chos kyi skye mched kyi phyogs cha gcig gi nang du bsdu'o/ /nye bar len pa'i phung po lnga las/ zag pa med pa'i phung po lnga'i phyogs
270a7 cha gcig gi nang du bsdu'o/ /chos dkon mchog ni khams bco brgyad las chos kyi khams kyi phyogs cha gcig gi nang du bsdu'o/ /skye mched bcu gnyis las/ chos kyi
270b1 skye mched kyi phyogs cha gcig gi nang du bsdu'o/ /chos dkon mchog ni phung po lngar bsdus pa ma yin no/ /phung po lnga ni 'dus byas kyi chos ni 'dus ma byas pa'i phyir ro/ /dge
270b2 'dun dkon mchog ni khams bco brgyad las yid kyi khams dang / yid kyi rnam par shes pa'i khams dang / chos kyi khams kyi phyogs cha gcig gi nang du bsdu'o/ /skye mched
270b3 bcu gnyis las/ yid kyi skye mched dang / chos kyi skye mched kyi phyogs cha gcig gi nang du bsdu'o/ /nye bar len pa'i phung po lnga las zag pa med pa'i phung po lnga'i phyogs cha
270b4 gcig gi nang du bsdu'o/ /gsol pa/ sangs rgyas la skyabs su gsol zhes bgyi ba sangs rgyas shAkya thub pa la skyabs su gsol lam/ 'on te dus gsum gyi sangs rgyas
270b5 la skyabs su gsol/ bka' stsal pa/ dus gsum gyi sangs rgyas la skyabs su gsol lo/ /ji lta zhe na/ sangs rgyas kyi chos kyi sku gcig tu mthun pa'i phyir ro/ /sangs rgyas
270b6 gcig la skyabs su song ba nyid sangs rgyas thams cad la skyabs su song ba ste/ sangs rgyas la tha dad pa med pa'i phyir ro/ /yang gzhan du na/ dus gsum gyi sangs rgyas
270b7 la skyabs su gsol lo zhes bgyi ba lha rnams las kha cig ni bdag sangs rgyas 'od srung gi nye gnas yin par smra/ kha cig ni bdag sangs rgyas rnam par gzigs kyi nye gnas
271a1 yin par smra ste/ de bzhin du sangs rgyas bdun char la yang so so nas bdag ni sangs rgyas che ge mo zhig gi nye gnas yin zhes smra bas de bas na/
271a2 sangs rgyas gcig la nga skyabs su gsol bar 'os kyi dus gsum mi rigs so/ /gzhan yang / de ltar mi rung ngo zhes smra ba yang yod do/ de ci'i phyir zhe na/ dper na/ rnam
271a3 thos kyi bus dris pa'i mdo las/ rgyal po rnam thos kyi bu/ dkon mchog gsum la skyabs su gsol ba ni 'das pa dang / ma byon pa dang / da ltar bzhugs pa'i sangs rgyas la
271a4 skyabs su gsol lo zhes gsungs te/ don de dang sbyar na dus gsum gyi sangs rgyas rnams la skyabs su gsol bar mngon no/ /gsol pa/ gal te de lta bu lags na/ lha'i
271a5 bu dag so so nas bdag ni sangs rgyas che ge mo zhig gi nye gnas lags so zhes bgyi ba'i don ji lta bu lags/ bka' stsal pa/ lha'i bus smras pa la don nges par chad pa yang
271a6 ci yod/ lha'i bu kha cig ni sangs rgyas gcig la skyabs su 'gro ba yang yod/ kha cig ni dus gsum gyi sangs rgyas la skyabs su song ba yang yod do/ /mdor na sangs rgyas
271a7 gcig la bya'o/ /gsol pa/ ci la skyabs su mchi na/ sangs rgyas la skyabs su song ba zhes bgyi/ bka' stsal pa/ skyabs su 'gro zhes bya ba ni/ ngag gi 'khor lo ste /
271b1 thams cad mkhyen pa slob pa med pa'i yon tan la skyabs su song ba la/ /gsol pa/ gzugs kyi sku la skyabs su mchi'am/ chos kyi sku la skyabs su mchi/ bka' stsal
271b2 pa| chos kyi sku la skyabs su 'gro yi/ gzugs kyi sku la skyabs su 'gro ba ma yin te/ gzugs kyi sku sangs rgyas ma yin pa'i phyir ro/ /gsol pa/ gzugs kyi sku sangs
271b3 rgyas ma lags na/ ci'i slad du sangs rgyas kyi sku la khrag phyung bas mtshams ma mchis pa'i las bgyis par 'gyur/ bka' stsal pa/ gzugs kyi sku ni chos kyi sku'i snod
271b4 yin te/ chos kyi sku'i gnas so/ /de bas na gzugs kyi sku la gnod pa byas pas/ mtshams med pa'i las su 'gyur gyi/ gzugs kyi sku sangs rgyas yin pas/ mtshams
271b5 med pa'i las su 'gyur ba ni ma yin no/ /gsol pa/ ci la skyabs su mchi na/ chos la skyabs su mchi ba zhes bgyi/ bka' stsal pa/ skyabs su 'gro ba zhes bya ba ni/ ngag gi 'khor lo ste/ 'dod
271b6 pa dang / 'dod pa med pa'i mthar phyin cing / /mya ngan las 'da' ba la skyabs su song ba ni/ chos la skyabs su song ba zhes bya'o/ /gsol pa/ bdag gi lus mthar phyin pa la skyabs su
271b7 mchi'am/ gzhan gyi lus mthar phyin pa la skyabs su mchi/ bka' stsal pa/ bdag gi lus mthar phyin pa dang / gzhan gyi lus mthar phyin pa la skyabs su 'gro ba ni/ chos
272a1 la skyabs su song ba zhes bya'o/ /gsol pa/ ji ltar na dge 'dun la skyabs su mchi ba lags/ bka' stsal pa/ skyabs su 'gro ba ni ngag
272a2 gi 'khor lo ste/ bsod nams kyi zhing slob pa dang / mi slob pa'i nyan thos kyi yon tan la skyabs su 'gro ba ni/ dge 'dun la skyabs su song ba zhes bya'o/ /gsol pa /
272a3 kun rdzob kyi bden pa'i dge 'dun la skyabs su mchi'am/ don dam pa'i bden pa'i dge 'dun la skyabs su mchi/ gal te don dam pa'i bden pa'i dge 'dun la skyabs
272a4 su mchi na ni/ sngon sangs rgyas kyis de wi dang / ba ri la skyabs su 'gro ba gsum phog pa'i tshe phyis dge 'dun zhes bya ba yod par 'gyur gyi/ de la skyabs su song
272a5 zhig ces gsungs pa mi rigs te/ don dam pa'i bden pa'i dge 'dun ni rtag tu 'jig rten na mchis pa lags/ bka' stsal pa/ kun rdzob kyi bden pa'i dge 'dun ni
272a6 don dam pa'i dge 'dun gyis brten pa'i gnas yin pas na/ phyis dge 'dun yod par 'gyur gyi/ de la skyabs su song zhig ces gsungs pa yin no/ /yang gzhan du na
272a7 kun rdzob kyi bden pa'i dge 'dun la bkur zhing btsun par bya ba'i phyir yang de skad ces gsungs te/ sangs rgyas kyi ni 'khor thams cad kyi nang na dge 'dun ni sangs
272b1 rgyas kyi 'khor chog go /dper na/ 'o ma las zho byung la/ zho las mar 'byung / mar las mar gyi snying po 'byung ste/ mar gyi snying po ni mchog rab/ gya nom pa dang 'dra ste/
272b2 sangs rgyas kyi 'khor dge 'dun yang de dang 'dra ste/ nye gnas dge 'dun yod na de'i nang na 'jug pa bzhi dang / 'bras bu bzhi thob bo/ /bla na med pa'i bsod nams kyi zhing yod
272b3 pas na/ 'khor rnam pa dgu bcu rtsa drug gi nang na/ dge 'dun ni gya nom pa/ mchog ra ba/ dpe zla med pa ste/ de bas na phyis dge 'dun yod par 'gyur gyi/ skyabs su song
272b4 zhig ces gsungs pa la don dang 'gal ba med do/ /gsol pa/ sangs rgyas nyid chos lags la/ chos nyid kyang dge 'dun lags te/ dge 'dun nyid kyang chos lags
272b5 pas| yang dag par na chos gcig tu bas na/ khyad par ram/ bye brag ci mchis/ bka' stsal pa/ chos de dag yod mod kyi don gyi sgo nas bye brag yod do/ /dkon mchog
272b6 gsum zhes bya ba ston pa med par ye shes chen po dang / slob pa med pa'i sa non te/ yon tan thams cad dang ldan pa ni/ sangs rgyas dkon mchog ces bya'o/ /'gog
272b7 pa'i bden pa dang / 'dus ma byas pa ni chos dkon mchog ces bya'o/ /nyan thos kyi slob pa dang / mi slob pa'i yon tan dang / shes rab tu ldan pa ni/ dge 'dun dkon mchog
273a1 ces bya'o/ /chos kyi sgo nas dbye na/ ston pa med pa dang / bslab pa med pa'i chos ni sangs rgyas dkon mchog ces bya'o/ /'gog pa'i bden pa dang /
273a2 'dus ma byas pa dang / slob pa yang ma yin/ mi slob pa yang ma yin pa'i chos ni/ chos dkon mchog ces bya'o/ /nyan thos kyi slob pa dang / mi slob pa ni dge 'dun dkon
273a3 mchog ces bya ste/ dbang po'i sgo nas dbye na/ sangs rgyas ni kun shes pa'i dbang po'o/ /chos ni dbang po'i chos ma yin pa'o/ /dge 'dun ni zag pa med pa'i dbang po
273a4 gsum mo/ /bden pa'i sgo nas dbye na/ sangs rgyas ni lam gyi bden pa'i phyogs cha gcig go /chos ni 'gog pa'i bden pa'o/ /dge 'dun yang lam gyi bden pa'i phyogs
273a5 cha gcig go /dge sbyong gi 'bras bu'i sgo nas dbye na/ sangs rgyas ni dge sbyong ngo / /chos ni dge sbyong gi 'bras bu'o/ /dge 'dun ni dge sbyong ngo / /chos dkon mchog ni
273a6 dge sbyong gi 'bras bu'o/ /bram ze'i sgo nas dbye na/ /sangs rgyas ni bram ze'o/ /chos ni bram ze'i 'bras bu'o/ /dge 'dun ni bram ze'o/ /chos dkon mchog ni bram
273a7 ze'i 'bras bu'o/ /tshangs par spyod pa'i sgo nas dbye na/ sangs rgyas ni tshangs par spyod pa'o/ /chos ni tshangs par spyod pa'i 'bras bu'o/ /dge 'dun ni tshangs par
273b1 spyod pa'o/ /chos dkon mchog ni/ tshangs par spyod pa'i 'bras bu'o/ /rgyu dang / 'bras bu'i sgo nas dbye na/ sangs rgyas ni rgyu'o/ /chos ni 'bras bu'o/ /dge 'dun ni rgyu'o//
273b2 chos dkon mchog ni 'bras bu'o/ /lam dang / 'bras bu'i sgo nas dbye na/ sangs rgyas ni lam mo/ /chos ni 'bras bu'o/ /dge 'dun ni lam mo/ /chos dkon mchog ni 'bras bu'o//
273b3 sangs rgyas kyi ston pa ni chos yin te/ chos las sangs rgyas skyes pas na/ chos ni sangs rgyas kyi yum yin te/ sangs rgyas ni chos la gnas so/ /gsol pa/ sangs rgyas
273b4 kyi ston pa chos lags na/ ci'i slad du/ dkon mchog gsum las chos sngar mi smos/ bka' stsal pa/ sangs rgyas kyi ston pa chos yin mod kyi/ /chos kyang sangs rgyas
273b5 ma yin pa gzhan gyis mi ston te/ lam zhes bya ba yang mis bsgrubs dgos pas de bas na sangs rgyas sngar smos so/ /de nas ma 'gags pas/ yang bcom ldan 'das la 'di
273b6 skad ces gsol to/ /bcom ldan 'das/ dkon mchog gsum la skyabs su gsol ba mnod pa'i tshe/ sngar chos dkon mchog smos la/ phyis sangs rgyas dkon mchog
273b7 smos na/ gsum la skyabs su mchi bar rung ngam/ bka' stsal pa/ rtogs shing shes pa med na/ go rims nor na yang nyes pa med de/ skyabs su 'gro bar chud do/ /gal te
274a1 shes bzhin du che du nor bar smras na nyes pa dang bcas la/ gsum la skyabs su 'gro bar yang mi chud do/ /gsol pa/ sangs rgyas dang / chos smos
274a2 la| dge 'dun ma smos na/ skyabs su mchi ba gsum du rung ngam/ gal te chos dang / dge 'dun smos la/ sangs rgyas ma smos na/ skyabs su mchi bar rung ngam/ gal te sangs
274a3 rgyas dang / dge 'dun smos la/ chos ma smos na gsum la skyabs su mchi bar chud dam/ bka' stsal pa/ de gang yang mi rung ste/ mi chud do/ /gsol pa/ gsum la skyabs
274a4 su ma mchis par tshul khrims lnga thob par rung ngam/ gal te gsum la skyabs su ma mchis par yan lag brgyad kyi tshul khrims thob par rung ngam/ gal te gsum la skyabs
274a5 su mchi ba ma mchis par/ tshul khrims bcu thob par rung ngam/ zhu ba dang / gsol ba bzhi'i las ma bgyis par/ tshul khrims rdzogs par mnod du rung ngam/ bka'
274a6 stsal pa/ de dag gang yang mi rung ngo / /gal te tshul khrims lnga nod na/ sngar gsum la skyabs su 'gro bar bya'o/ /gsum la skyabs su song ba'i 'og tu/ khrims lnga thob
274a7 par 'gyur te/ de nas khrims lnga gang yin pa brjod de/ pha rol pos khrims lnga'i ming shes par bya'o/ /de bzhin du gsol pa dang / zhu ba bzhi'i las byas nas/ tshul khrims
274b1 rdzogs par 'gyur te/ de'i 'og tu gnas bzhi dang / rtsa ba bzhi dang / dge 'dun gyi lhag ma bcu gsum shes shing khong du chud par bya ba'i phyir/ brjod cing bstan par bya'o//
274b2 yang gzhan du na skyabs su 'gro ba byas nas/ srog mi gcod pa'i khrims bstan na/ khrims thob par 'gyur te/ de bas na khrims gcig bshad pas/ khrims lnga thob ces bya ste/
274b3 gal te khrims gcig thub na/ khrims lnga char thub ces bya'o/ /yang gzhan du na/ khrims lnga gcig la gcig 'brel ba yang yin la/ thog ma nas khrims lnga mnos par dam
274b4 bcas pa'i phyir ro/ /yang gzhan du na khrims lnga ni mnos pa'i 'og tu khrims thob bo/ /ston pa kha cig ni skyabs su 'gro ba gsum byas nas/ khrims lnga thob ces bya ba ni don
274b5 bden pa ste/ ji ltar gsol ba dang / zhu ba'i las byas pa bzhin no/ /yan lag brgyad pa'i khrims nod pa dang / khrims bcu nod pa dang / khrims lnga nod pa bshad pa bzhin no//
274b6 gsol pa/ gal te sngar gsum la skyabs su mchis te/ dge bsnyen du gyur pa slad kyis gal te khrims lnga nod dam/ khrims bcu nod kyang rung / skyabs su mchi ba gdod bgyi
274b7 'tshal lam/ bka' stsal pa/ skyabs su 'gro ba gsum ma byas kyang / sngar gsum la skyabs su song bas tshul khrims kun thob bo/ /gsol pa/ gal te gsum la skyabs su
275a1 'gro ba yang bgyis/ gsol pa dang zhu ba'i las kyang ma bgyis na/ khrims thob par 'gyur ram/ bka' stsal pa/ khrims lnga dang / yan lag brgyad pa'i khrims dang /
275a2 khrims bcu nod pa gsum la skyabs su song nas khrims 'thob bo/ /gal te tshul khrims rdzogs par mnos pa ni/ gsol ba dang / zhu ba bzhi'i las byas pas/ tshul khrims rdzogs par 'gyur
275a3 gyi| gsum la skyabs su song bas ni ma yin no/ /tshul khrims rdzogs par mnos pa ni/ yon tan dang / bsod nams che bas na/ las cung zad tsam mam/ rkyen cung zad tsam
275a4 gyis bsgrub par ma gyur bas de bas na skyabs su 'gro ba gsum dang / dge slong bcu'i nang du gsol pa dang / zhu ba bzhi'i las byas pas tshul khrims thob par 'gyur ro//
275a5 khrims lnga dang / yan lag brgyad pa'i khrims dang / khrims bcu ni yon tan dang / mthu de tsam du mi che bas de bas na/ gsum la skyabs su song bas/ tshul khrims thob par
275a6 'gyur te/ las mang po dang / rkyen mang po mi dgos so/ /gsol pa/ tshul khrims rdzogs par mnos pa'i 'og tu/ rtsa ba bzhi dang / dge 'dun gyi lhag ma bcu gsum
275a7 'ba' zhig ni bstan la/ gzhan dag rdzogs par mi ston/ bka' stsal pa/ tshul khrims rnam pa gnyis ni nang gi lci ba yin te/ rtsa ba bzhi las gcig nyams na/ yang
275b1 phyir gsor mi rung ngo / /lhag ma ni gsor rung mod kyi gso dka' ste/ de yang dge 'dun la mgu ba dang / chad pa'i las byas la gang na dge 'dun nyi shu yod pa'i mdun du/ nyes
275b2 pa bshags dgos te/ 'di ni bsrung dka' bas/ bsrung dgos pa'i phyir smos so/ /gzhan bslab na bsrung sla ba'i phyir smos mi dgos te/ de bas na rnam pa 'di gnyis smos
275b3 kyi/ gzhan ma smos pa yin no/ /gsol pa/ so sor thar pa'i khrims 'di zag pa med pa'i khrims lags sam/ bsam gtan gyi tshul khrims lags/ bka' stsal pa/ zag
275b4 pa med pa'i khrims kyang ma yin la/ bsam gtan gyi tshul khrims kyang ma yin no/ /so sor thar pa'i tshul khrims 'di ni/ gal te sangs rgyas 'jig rten du gshegs na /
275b5 tshul khrims 'di yod kyi/ gal te sangs rgyas 'jig rten du ma gshegs na/ tshul khrims 'di med do/ /zag pa med pa dang / bsam gtan gyi tshul khrims ni/ sangs rgyas 'jig
275b6 rten du gshegs kyang rung / ma gshegs kyang rung / dus thams cad kyi thams cad du yod do/ /so sor thar pa'i tshul khrims ni bcas pa las yod par 'gyur gyi/ zag pa
275b7 med pa dang / bsam gtan gyi tshul khrims ni bcas pa las yod pa ma yin no/ /so sor thar pa'i tshul khrims ni gzhan las thob par 'gyur gyi/ zag pa med pa dang / bsam
276a1 gtan gyi tshul khrims ni gzhan las thob pa ma yin no/ /so sor thar pa'i tshul khrims ni gnyid kyis log gam/ ma log pa'am/ dge ba'am/
276a2 sdig pa'am/ lung du mi ston pa'i sems kyi dus thams cad du yod do/ /zag pa med pa dang / bsam gtan gyi tshul khrims ni/ bsam gtan du 'dug pa dang / zag pa med
276a3 pa'i sems la nges pa'i tshe/ tshul khrims yod kyi/ sems gzhan thams cad la med do/ /so sor thar pa'i tshul khrims ni mi'i nang 'ba' zhig na yod kyi/ zag pa med
276a4 pa dang / bsam gtan gyi tshul khrims ni lha dang / mi gnyis la yod do/ /so sor thar pa'i tshul khrims ni/ 'dod pa'i khams 'ba' zhig na yod kyi/ zag pa med pa
276a5 dang | bsam gtan gyi tshul khrims ni/ 'dod pa'i khams dang / gzugs kyi khams na rdzogs par yod do/ /zag pa med pa'i tshul khrims dang / so sor thar pa'i
276a6 tshul khrims ni/ sangs rgyas kyi slob ma 'ba' zhig la yod mod kyi/ bsam gtan gyi tshul khrims ni mu stegs can la yang yod do/ /gsol pa/ dge bsnyen gyi khrims
276a7 lnga la/ du ni rang bzhin gyi sdig lags/ du ni bcas pa'i sdig lags/ bka' stsal pa/ bzhi ni rang bzhin gyi sdig/ chang 'thung ba'i khrims gcig ni bcas pa'i
276b1 sdig go /chang 'thung ba ni bag med pa'i le lo'i gnas yin pa ste/ sdig pa bzhi'i grogs su 'gyur ro/ /khrims lnga la chang 'thung ba ni/ bag med pa'i gzhi yin pas/ khrims
276b2 bzhi yang nyams par byed do/ /dper na/ sangs rgyas 'od srung gi tshe/ dge bsnyen zhig chang 'thungs pa'i rkyen gyis/ gzhan gyi chung ma la 'dod pas log par g.yem pa yang
276b3 byas| pha rol po'i bya yang brkus nas bsad do/ /gzhan zhig gis khyod ci'i phyir 'di ltar byed ces dris na/ bdag gis byas pa med ces zer te/ de ltar chang 'thungs pas khrims
276b4 bzhi char gcig car nyams par byas so/ /chang 'thungs na mtshams med pa bzhi yang byed par 'gyur te/ dge 'dun gyi dbyen 'ba' zhig byed mi nus so/ /'di yang sngon gyi las
276b5 kyis gnyer ba ma yin mod kyi/ 'on kyang spyod ba dang mi dran par smyo ba myong bar 'gyur ro/ /chang 'thungs pas ban glang myos pa ltar myos shing 'khrug par 'gyur te/ chang gis myos
276b6 na yang dag pa'i las su bya ba bsam gtan dang / mdo sde klog pa dang / 'don pa dang / dge 'dun gyi las bya ba rnams shor bar 'gyur te/ rang bzhin gyi sdig pa ma yin mod kyi
276b7 rang bzhin gyi sdig pa dang 'dra'o/ /de nas ma 'gags pas yang bcom ldan 'das la 'di skad ces gsol to/ /dge bsnyen gyi khrims lta bu sems can 'ba' zhig las khrims
277a1 thob bam/ sems can ma yin pa las kyang thob par rung / 'on te gsad du rung ba dang / brkur yod pa dang / mi tshangs par spyad du rung ba dang / rdzun
277a2 smrar rung ba'i sems can las khrims thob par 'gyur ram/ 'on te gsad du mi rung ba dang / brkur ma mchis pa dang / mi tshangs par spyad du mi rung ba dang / rdzun smrar
277a3 mi rung ba dang / sems can las kyang khrims thob par 'gyur/ bka' stsal pa/ sems can las ni khrims bzhi thob par 'gyur gyi/ sems can ma yin pa las chang mi 'thung
277a4 ba'i khrims thob par 'gyur ro/ /sems can du gtogs pa gsad du rung ba'am/ gsad du mi rung ba'am/ mi tshangs par spyad du rung ba'am/ mi rung ba'am/ brkur rung
277a5 ba'am| mi rung ba'am/ rdzun smar rung ba'am/ mi rung ba thams cad las tshul khrims thob ste/ mtshams med pa'i sems can dmyal ba yan chad/ 'du shes med 'du shes
277a6 med min gyi skye mched man chad stong gsum gyi stong chen po'i 'jig rten gyi khams su gtogs pa de bzhin gshegs pa'i bar du srog dang bcas pa thams cad las tshul khrims
277a7 'di bzhi thob par rung ste/ de yang thog ma tshul khrims nod pa'i tshe/ srog chags thams cad kyi srog mi gcod pa dang / thams cad ma byin par len pa dang / thams cad la mi
277b1 tshangs par mi spyad pa dang / rdzun thams cad mi smra'o zhes bya ba'i mtha' dang / tshad gzung du med pas/ de bas na sems can thams cad las tshul khrims mi thob par 'gyur ba
277b2 med do/ /tshul khrims 'bogs pa chog bzhin du byas nas/ sngar khong du chud cing yid ches par bya ba'i phyir chos bshad la sems can thams cad la byams pa dang / snying rje'i
277b3 sems bskyed du gzhug go /de ltar lhag par mos pa'i sems skyes na/ lhag pa'i tshul khrims thob par 'gyur ro/ /yang tshul khrims thob pa ni sems can thams cad las/
277b4 so so nas tshul khrims bzhi thob par 'gyur te/ tshul khrims bzhi so sor dbye na/ tshul khrims bcu gnyis su 'gyur ro/ /sems can las srog mi gcod pa dang / ma byin par
277b5 mi len pa dang / mi tshangs par mi spyod pa dang / rdzun mi smra ba las bzlog pa'i nyes pa bzhi skye ba yang rgyu dang / rkyen gsum gyi phyir te de yang 'dod chags las skye ba dang / zhe sdang
277b6 las skye ba dang / gti mug las skye ba'o/ /sems can thams cad la mi dge ba bcu gnyis po 'di yod de/ mi dge ba 'di las bzlog na/ dge ba'i tshul khrims kyi rnam par rig
277b7 byed kyi gzugs bcu gnyis thob par 'gyur ro/ /dpag tu med pa'i sems can thams cad las thob pa yang de dang 'dra'o/ /gal te dgra bcom pa khri phrag brgya'am/ 'bum
278a1 phrag brgya mya ngan las 'das kyang / thog ma dgra bcom pa de dag las tshul khrims thob na/ dgra bcom pa mya ngan las 'das kyang / tshul khrims ni
278a2 nyams par 'gyur ba ma yin no/ /chang mi 'thung ba'i khrims ni lus 'di thog ma nas tha ma'i bar du stong gsum gyi stong chen po'i 'jig rten gyi khams ji tsam tshad du gtogs
278a3 pa thams cad la rdub re zhing khrims kyi rnam par rig byed kyi gzugs 'thob ste/ thog ma khrims nod pa'i tshe/ chang thams cad mi 'thung ngo zhes bya bas gal te chang thams
278a4 cad zad kyang / tshul khrims ni rtag tu yod pas mi nyams so/ /gsol pa/ thog ma khrims nod pa'i tshe bud med thams cad kyi sgo gsum nas 'dod pas log par mi
278a5 g.yem pa'i khrims mnos la/ phyis chud ma blangs na/ tshul khrims 'di nyams par 'gyur ram/ bka' stsal pa/ nyams par mi 'gyur ro/ /ji lta bu zhe na/ thog ma byung
278a6 med la 'dod pas log par mi g.yem pa'i khrims thob la/ 'di ni bdag gi chud ma yin pas 'dod pas log par g.yem pa ma yin te/ khrims 'di nyams par mi
278a7 'gyur ro/ /don 'di dang sbyar na thams cad mthun te khrims brgyad dang / khrims bcu dag sems can dang / sems can ma yin pa'i rnams las tshul khrims thob pa yang
278b1 de dang 'dra'o/ /tshul khrims nyis brgya lnga bcu yang sems can kun la so so nas tshul khrims bdun bdun zhig thob ste/ de yang rnam par dbye na/ tshul khrims nyi shu rtsa gcig
278b2 tu 'gyur ro/ /sems can thams cad la lus dang / ngag gi sdig pa bdun 'byung ste/ sdig pa 'byung ba 'di yang rgyu dang / rkyen rnam pa gsum gyis skye'o/ /de yang 'dod chags kyis
278b3 skye ba dang / zhe sdang gis skye ba dang / gti mug gis skye ba ste/ de ltar na rgyu dang / rkyen gsum gyi sdig pa bdun bdun skye ste/ de ltar na mi dge ba'i sdig pa bdun gsum nyi shu
278b4 gcig go /sdig pa de las bzlog na tshul khrims su 'gyur te/ sems can gcig la tshul khrims kyi rnam par rig byed kyi gzugs nyi shu rtsa gcig yod pa bzhin du/ sems can
278b5 thams cad la yang de dang 'dra'o/ /don de dang sbyar na dus gcig tu tshul khrims grangs med pa thob par ni rung gi/ dus gcig tu gcig car nyams par 'gyur ba'am/ dus gcig
278b6 tu med par 'gyur ba ni ma yin no/ /tshul khrims nyams zhes bya ba ni/ gal te tshul khrims kyi rtsa ba nyams na/ gong nas gong du 'phar bar mi 'gyur te/ ci ste tshul khrims phul la
278b7 phyis nod na yang / tshul khrims thob par mi 'gyur ro/ /dper na/ nyin zhag gcig gi yan lag brgyad pa'i khrims kyi rtsa ba nyams na phyis khrims brgyad dam/ khrims lnga'am/
279a1 khrims bcu'am/ khrims rdzogs pa'am/ bsam gtan gyi tshul khrims sam/ zag pa med pa'i tshul khrims sam/ tshul khrims 'di dag gang yang
279a2 nod du mi rung ngo / /gal te tshul khrims lnga'i rtsa ba nyams na yang khrims brgyad dam/ khrims bcu'am/ tshul khrims rdzogs pa'am/ bsam gtan gyi tshul khrims sam/
279a3 zag pa med pa'i tshul khrims mnos kyang thams cad thob par mi rung ngo / /gal te khrims lnga nyams pa'i 'og tu khrims lnga phul la/ khrims bcu nod pa de ni gnas ma yin no/ /
279a4 gal te khrims lnga phul ba'i 'og tu khrims lnga nod kyang rung / khrims brgyad dam/ khrims bcu'am/ khrims rdzogs pa'am/ bsam gtan gyi tshul khrims sam/ zag pa med pa'i tshul khrims mnos
279a5 kyang | khrims gang yang mi 'thob bo/ /gal te khrims bcu'am/ khrims rdzogs pa'i rtsa ba nyams na/ gong nas gong du 'phar ba dang / khrims phul te khrims nod pa ni ji ltar
279a6 khrims lnga las bshad pa dang 'dra'o/ /gsol pa/ bsam gtan gyi tshul khrims dang / zag pa med pa'i tshul khrims dang / so sor thar pa'i tshul khrims dang / tshul khrims
279a7 'di gsum las tshul khrims mchog ces bgyi ba gang lags/ bka' stsal pa/ bsam gtan gyi tshul khrims mchog ste/ gzhan du na so sor thar pa'i tshul khrims kyang
279b1 mchog yin no/ /de ji lta zhe na/ gal te sangs rgyas 'jig rten du gshegs na/ tshul khrims 'di yod par 'gyur gyi/ bsam gtan gyi tshul khrims dang / zag pa med pa'i tshul
279b2 khrims ni thams cad kyi dus su yod do/ /so sor thar pa'i tshul khrims ni sems can dang / sems can ma yin pa las kyang thod par rung gi /bsam gtan gyi tshul khrims
279b3 dang | zag pa med pa'i tshul khrims ni sems can thams cad las thob pa ma yin no/ /so sor thar pa'i tshul khrims ni sems can thams cad la byams pa'i sems kyis thob
279b4 par 'gyur gyi/ bsam gtan gyi tshul khrims dang / zag pa med pa'i tshul khrims ni byams pa'i sems kyi thob pa ma yin no/ /so so thar pa'i tshul khrims ni/ sangs rgyas
279b5 kyi chos 'dzin pa 'khor rnam pa bdun 'jig rten na yod cing theg pa rnam gsum gyi 'bras bu rgyun mi tshad par byed pa'i gzhir 'gyur ba yin gyi/ bsam gtan gyi tshul khrims
279b6 dang | zag pa med pa'i tshul khrims ni de lta bu ma yin te/ de bas na khams gsum na/ mchog rab phul du gyur pa yin no/ /thog ma khrims nod pa'i tshe/ gsol ba dang /zhu
279b7 ba bzhi'i las byas ma thag tu tshul khrims rdzogs par 'gyur te/ thog ma'i sems skad cig ma dang po'i tshul khrims kyi rnam par rig byed kyi gzugs ni las zhes kyang bya/ las
280a1 kyi lam zhes kyang bya'o/ /sems kyi skad cig ma phyi ma las khrims kyi rnam par rig byed kyi gzugs byung ba ni las zhes bya yi/ las kyi lam ma yin no/ /de
280a2 lta bas na sems kyi skad cig ma dang po las/ tshul khrims kyi rnam par rig byed kyi gzugs bsam pa yongs su rdzogs te/ bsam pa dang ldan pas bsam pa'i las kyi lam
280a3 zhes bya'o/ /tshul khrims snga mas rgyu byas te/ tshul khrims lhag ma'i rnam par rig byed kyi gzugs lhun gyis grub pas de bas na de la las zhes bya yi/ las kyi lam ma yin no/
280a4 dang po'i sems skad cig ma gcig gi khrims ni cho ga dang yang bcas la/ cho ga med pa yang yin no/ /phyir rim gyis skye ba'i khrims ni/ cho ga med pa 'ba' zhig dang ldan
280a5 gyi chog dang bcas pa ma yin no/ /thog ma'i sems skad cig ma gcig gi khrims ni/ tshul khrims zhes kyang bya/ dge bar spyod pa zhes kyang bya/ 'dul ba zhes kyang bya'o/ /
280a6 phyis rim gyis de ma thag tu skye ba'i tshul khrims kyang don de dang ldan no/ /de nas ma 'gags pas yang bcom ldan 'das la gsol pa/ dus gsum du bkum pa'i nang na
280a7 dus gang gis tshul khrims thob par 'gyur/ bka' stsal pa/ da ltar gyi dus kyi sems skad cig ma gcig gis khrims thob par 'gyur ro/ /'das pa dang /ma 'ongs pa
280b1 ni chos yin te/ sems can ma yin pas khrims mi 'thob kyi/ da ltar gyi sems skad cig ma gcig ni sems can yin pas na khrims 'thob bo/ /gsol pa/ dge ba'i sems kyis
280b2 tshul khrims thob bam/ mi dge ba'i sems kyis sam/ 'on te lung du ma bstan pa'i sems kyis sam/ sems med pas khrims thob par 'gyur/ bka' stsal pa/ thams cad
280b3 kyis thob par 'gyur te/ thog ma dge ba'i sems kyis dge 'dun gyi rkang pa la phyag byas la/ chos gos dang / lhung bzed blangs te/ mkhan po gang yin pa la gsol ba gdab bo/ /
280b4 de nas tsog tsog por 'dug la thal mo sbyar la/ gsol ba dang / zhu ba bzhi'i las bar tshad med la dge ba'i sems kyis khrims rdzogs pa ni/ dge ba'i sems kyis tshul khrims
280b5 thob pa zhes bya'o/ /gal te de ltar cho ga rim gyis byed pa na/ rtag tu dge ba'i sems dang ldan te/ las byed pa las gsol ba dang / zhu ba bzhi'i las byed pa'i tshe/ 'dod chags
280b6 dang | zhe sdang la sogs pa mi dge ba'i bsam pa byung na/ sems can de nyid kyis tshul khrims kyi rnam par rig byed kyi gzugs dang ldan yang / de ni mi dge ba'i sems kyis khrims
280b7 thob pa zhes bya ste/ de yang thog ma'i dge ba'i sems dang / dge ba'i las kyis shugs kyis khrims thob pa yin gyi/ mi dge ba'i sems kyis thob pa ma yin no/ /sngar dge ba'i
281a1 sems kyis cho ga'i las byas la gsol ba dang / zhu ba bzhi'i las byed pa'i tshe/ gal te gnyid log gam/ yur na log cing yur ba'i sems las
281a2 khrims kyi rnam par rig byed kyi gzugs skye ba ni lung du ma bstan pa'i sems kyis khrims thob pa zhes bya'o/ /sngar dge ba'i sems kyis chog byas la/ gsol pa dang / zhu
281a3 pa bzhi'i las byed pa'i tshe/ 'gog pa'i ting nge 'dzin la snyoms par zhugs na/ de'i tshe khrims kyi rnam par rig byed kyi gzugs dang ldan pa de ni/ sems med pa las
281a4 khrims thob pa zhes bya'o/ /ma 'gags pas yang gsol pa/ gal te khyim pa'i khrims lnga la mnos par thal byung khrims bcu mnos na/ khrims thob par 'gyur ram/
281a5 bka' stsal pa/ dus gcig tu dge bsnyen gyi khrims dang / dge sbyong gi khrims rnam pa gnyis thob bo/ /gal te khrims lnga yang ma mnos/ khrims bcu yang ma mnos par
281a6 thal byung khrims rdzogs par mnos na yang dus gcig tu khrims gsum char thob par 'gyur ro/ /ma 'gags pas gsol pa/ bcom ldan 'das/ gal te khrims rdzogs
281a7 par mnos pas dus gcig tu khrims rnam pa gsum char thob par 'gyur na/ rim gyis sngar khrims lnga mnos la/ de'i 'og tu khrims bcu mnos te/ phyis khrims rdzogs pa
281b1 mnod do zhes bgyi yang ci 'tshal/ bka' stsal pa/ dus gcig tu tshul khrims gsum char thob mod kyi/ gang sangs rgyas kyi chos la lhag par mos pa ni/ gdon mi za bar rim
281b2 gyis sngar khrims lnga mnos te dul bar byas la dad pa dang / mos pa lhag par skyes nas/ de'i 'og tu khrims bcu mnod do/ khrims bcu mnos nas dge ba'i rtsa ba lhag par
281b3 skyes nas/ de'i 'og tu tshul khrims rdzogs par mnos nas/ de ltar rim gyis sangs rgyas kyi chos kyi ro thob cing mos pa brtan par mi shigs par 'gyur ro/ /dper na/ rgya
281b4 mtsho chen por 'jug pa yang bags kyis zab pa dang 'dra bar sangs rgyas kyi chos kyi rgya mtshor 'jug pa yang de dang 'dra ste tshul khrims rdzogs par gcig car mnos na/ go rims yang shor la spyod lam yang nyams par 'gyur ro/
281b5 /gzhan du na tshul khrims kyang sems can kha cig ni khrims lnga mnos pas/ lam gyi 'bras bu thob par 'gyur ba
281b6 yang yod do/ /sems can kha cig ni tshul khrims bcu mnos pa'i rkyen gyis lam gyi 'bras bu thob pa yang yod do/ /de ltar rgyu dang / rkyen rnam pa tha dad pas na/ de bzhin gshegs
281b7 pas go rims bstan pa yin no/ /gal te sngar khrims lnga mnos la de'i 'og tu khrims bcu mnos na khrims bcu mnos pa'i tshe'ang khrims gnyis ka dang ldan no/ /khrims lnga dang /
282a1 khrims bcu mnos pa'i 'og tu khrims rdzogs par mnos na/ rdzogs par mnos pa'i tshe khrims gsum char dang yang ldan no/ /khrims
282a2 lnga dang / khrims bcu dang / khrims rdzogs par mnos pa rnam pa bdun la gsol ba dang / zhu ba bzhi'i las byed pa'i khrims 'ba' zhig ni rim gyis dus gsum du thob bo/ /
282a3 lhag ma rnam pa drug nod pa ni dus gcig gis thob kyi dus gsum gyi rim pa med do/ /de ltar tshul khrims rnam pa gsum dus gcig tu thob pa 'gal te/ tshul khrims phyir
282a4 dbul ba'i tshe/ bdag ni deng phyin chad dge sbyong yin te/ dge slong ma yin no/ /zhes smras pas tshul khrims rdzogs pa med kyang / tshul khrims gnyis med pa ma yin te yod
282a5 do| |tshul khrims lnga dang / tshul khrims bcu mnos pa las da phyin chad bdag dge bsnyen yin te dge sbyong ma yin no/ /zhes smras na khrims bcu med par zad kyi/ khrims
282a6 lnga yod do/ gal te bdag ni khyim pa dang / rab tu byung ba'i khrims thams cad dbul te bdag la skyabs su 'gro ba'i dge bsnyen du zungs shig ces smras na/ tshul khrims
282a7 rnam pa gsum gcig cad med kyang skyabs su 'gro ba gsum med pa ma yin no/ /go rims kyis tshul khrims rnam pa gsum thob pa dang / phyir dbul ba'i cho ga dang / rim
282b1 pa ni ji ltar dus gcig tu khrims thob pa bstan pa dang 'dra'o/ /gsol pa/ gal te sngon dge bsnyen las rab tu byung ste/ khrims bcu mnos na/ khrims lnga ma mchis par mi
282b2 'gyur ram/ bka' stsal pa/ med par mi 'gyur te/ ming dang / go rims brjes par zad kyi/ khrims med par 'gyur ba ma yin no/ /de yang dge bsnyen gyi ming stor te/ dge sbyod
282b3 gi ming thob bo/ /khyim pa'i go rims ltor gyi rab tu byung ba'i go rims thob bo/ /gsol pa/ dge slong gi tshul khrims rdzogs pa mnos na khrims bcu dang / khrims lnga la mchis par mi
282b4 'gyur ram/ bka' stsal pa/ med par mi 'gyur te/ de yang ming dang / go rims stor bar zad de/ dge sbyong gi ming stor nas/ dge slong gi ming thob bo/ /dge sbyong gi go rim stong
282b5 nas| dge slong gi go rims thob ste/ thog ma dang / tha ma'i bar du tshul khrims yin gyi/ ming tsam ni 'phral la 'dogs so/ /dper na/ skyed shing dang / shing gi lo ma lta bur dpyid
282b6 dang | dbyar ni sngo/ ston ni ser/ dgun ni skya ste/ de yang dus kyis bsgyur bas shing gi lo ma kha dog tha dad par zad kyi/ thog ma nas tha ma'i bar du shing gi lo mar zad de/
282b7 tshul khrims kyang de dang 'dra bar rtag tu tshul khrims gcig tu zad na/ dus kyis tha dad par 'gyur ro/ /gzhan yang / dper na/ 'o ma dang / zho dang / mar dang / mar gyi snying po ni/
283a1 rnam pa bzhir tha dad de/ de ltar dus kyis tha dad kyang gcig tu zad pa dang 'dra bar tshul khrims kyang de dang 'dra ste/ dus gsum gyis tha dad kyang
283a2 tshul khrims la tha dad pa med do/ /ma 'gags pas yang gsol pa/ bcom ldan 'das/ dge bsnyen gyi tshul khrims nod pa nyams kyis rdzogs par nod par mi nus pa
283a3 tshul khrims gcig gam/ gnyis sam/ bzhi'i bar du mnos na/ tshul khrims mnos par chud dam/ bka' stsal pa/ des khrims mi 'thob bo/ /gsol pa/ gal te khrims
283a4 mi thob na/ mdo sde dag las phyogs cha chung ba'i dge bsnyen dang / phyogs cha che ba'i dge bsnyen dang / phyogs cha rdzogs pa'i dge bsnyen mchis par gsungs na de'i don
283a5 ji lta bu lags/ bka' stsal pa/ de skad gsungs pa yang khrims bsrungs pa'i yon tan che chung yod pa las dgongs te gsungs kyi/ de ltar tshul khrims mnod du rung
283a6 ba ni ma yin no/ /ma 'gags pas yang gsol pa/ bcom ldan 'das/ khrims lnga nod pa'i nyin zhag gcig gam/ nyin zhag gnyis nas nyin zhag bcu'i bar du de
283a7 ltar mnod/ khrims thob par 'gyur ram/ bka' stsal pa/ de ltar mi rung ngo / sangs rgyas kyis tshul khrims bcas pa yang so so nas dus dang / tshad yod de/ de yang tshul khrims
283b1 lnga nad pa ni gdon mi za bar nam 'tsho'i bar du mnod dgos so/ /gal te yan lag brgyad pa'i khrims mnod na/ gdon mi za bar nyin zhag gcig pa mnod dgos te/ de lta
283b2 bas na snga ma mi rung ngo / /gsol ba dang / zhu ba bzhi'i las byas te/ khrims nod pa yang rab dang / 'bring dang / tha ma yod do/ /de la khrims lnga ni khrims tha ma'o/ /khrims bcu ni khrims
283b3 'bring po'o/ /khrims rdzogs pa ni khrims rab ces bya'o/ /khrims lnga la yang rab 'bring rnam pa gsum ste/ gal te chung zhing zhan pa'i sems kyis khrims mnos pa ni/ khrims tha ma zhes bya'o/
283b4 sems 'bring gi tshul khrims mnos pa ni/ khrims 'bring thob par 'gyur ro/ /gal te sems rab kyis tshul khrims mnos pa ni/ khrims rab thob par 'gyur ro/ /tshul khrims rdzogs
283b5 pa la rab 'bring gsum yod pa yang khrims lnga bstan pa bzhin no/ /gal te sngar sems tha mas khrims mnos pa'i 'og tu/ sems rab 'bring gis khrims bcu mnos na/
283b6 khrims lnga ni snga ma las skye zhing lhag pa med kyi/ khrims lnga ma gtogs par kha zas dus ma yin par mi bza' ba'i bar du/ khrims lhag ma lnga ni lhag pa'i khrims su
283b7 bsgyur te/ tshul khrims sngar mnos pa lnga ni tha mar 'gyur ro/ /sems tha mas sngar khrims lnga mnos la/ de 'og tu sems rab dang / 'bring gis khrims rdzogs par mnos
284a1 na yang khrims sngar mnos pa lnga ni skye ba'am/ lhag pa med kyi/ khrims snga ma lnga ma gtogs par/ tshul khrims gzhan thams cad tshul khrims rdzogs
284a2 par mnod pa'i tshe/ rab dang / lhag pa'i sems kyis mnos pas/ lhag pa'i tshul khrims rab thob par 'gyur ro/ /de bas na so sor thar pa'i tshul khrims ni/ nyis rim du
284a3 thob pa med de/ rim par dbye ni/ khrims lnga ni tha ma zhes bya'o/ /khrims bcu ni 'bring zhes bya/ tshul khrims rdzogs pa ni rab ces bya'o/ /don gyi sgo nas dbye na/ sems
284a4 rab kyis khrims lnga mnos na/ khrims de ni rab ces bya/ sems 'bring gis khrims bcu mnos na/ khrims 'bring zhes bya/ sems tha mas tshul khrims rdzogs par
284a5 mnos na/ tshul khrims tha ma zhes bya'o/ /don dang sbyar na sems rab dang / 'bring dang / tha ma las tshul khrims thob pa mi mthun te/ nges par gcig tu chad pa med do/ /
284a6 gal te mkhan po zhig la khrims bcu nod par gsol ba btab pa las/ khrims bcu nod pa'i tshe mkhan po mngon sum du ma gyur kyang / khrims bcu thob bo/ /gal te
284a7 khrims bcu nod pa'i tshe mkhan po shi na shi bar shes sam/ thos na khrims mnos kyang khrims mi 'thob bo/ /gal te shi bar ma shes ma thos na khrims thob bo/ /gsol
284b1 pa dang / zhub bzhi'i las byed pa'i tshul khrims mnod pa ni/ mkhan po mngon sum du ma gyur na/ khrims mnod kyang khrims thob par mi 'gyur te/ dge 'dun gyi grangs ma tshangs
284b2 pa'i phyir ro/ /gal te dge 'dun gyi grangs tshang na mkhan po med kyang khrims mnod du rung ngo / /ma 'gags pas yang gsol pa/ bcom ldan 'das/ dge bsnyen gyi khrims lnga
284b3 pas tshong spogs bgyir rung ngam/ bka' stsal pa/ tshong spogs byar rung ste/ las rnam pa 'di lnga ni mi bya'o/ /rkang 'gros phyugs kyi tshong spogs kyi las mi bya'o/ /bdag nyid
284b4 kyi phyugs yod na 'tshong du gnang gi /bshan pa la 'tshong du mi rung pa dang / mda' gzhu mtshon cha'i bag tshong sogs bgyir mi rung ba dang / bdag la yod pa ni btsong du rung ba
284b5 dang / chang gi tshong spogs kyi las byar mi rung ste/ bdag nyid la yod na 'tshong du rung ba dang / srin bu mang du shi bas 'bru mar 'tshir du mi rung ba dang / rgya gar gyi chos kyis
284b6 de bzhin te/ ga bu sha tshun chad ni 'bru mar 'tshir ba'i nang na srin bu med na nyes pa med do/ /kha dog tshon chen po rnam pa lnga btso blag byed pa yang srin bu mang du mchi bas mi
284b7 rung ste/ yo ga sha la sogs pa yul gzhan dag na tshon gyi btso blag byed pa las srin bu mang du shi ste/ de bas na mi gnang ngo / /yul rgya yul yang kha dog mthing ga btso ba ni/
285a1 srin bu mang du shi bas btso blag rnam pa lnga'i nang du gtogs so/ /ma 'gags pas yang gsol pa/ bcom ldan 'das/ nyin zhag gcig gi
285a2 khrims brgyad ces bgyi ba dus ma lags pa phyem red kha zas mi 'tshal pa ma gtogs par dgur 'gyur na/ ji ltar brgyad ces bgyi/ bka' stsal pa/ khrims zhes bya
285a3 ba ni chos kyis phye ma red dus ma yin par kha zas mi bza' ba yin te/ khrims brgyad kyi yan lag yin te/ grogs su gyur pas yan lag gi khrims brgyad ces bya/ dgur
285a4 ni ma yin no/ /gsol pa/ yan lag brgyad pa'i khrims mnos na gang zag de 'khor rnam pa bdun la 'khor gang gi nang du bsdu/ bka' stsal pa/ nam 'tsho ba'i bar
285a5 gyi khrims ma mnos kyang / nyin zhag gcig khrims yod pas/ de la yang dge bsnyen zhes bya'o/ /gzhan du na dge bsnyen zhes byar ni/ nam 'tsho ba'i bar du tshul khrims
285a6 mnos pa med la/ dge bsnyen ma yin zhes byar ni/ nyin zhag gcig gi khrims yod pas/ de ni gang zag bar ma do zhes mdo sde las kyang 'byung ngo / /ma 'gags pas
285a7 yang gsol pa/ bcom ldan 'das/ 'khor bdun ma gtogs par so sor thar pa'i tshul khrims mchis sam/ bka' stsal pa/ yod de/ yan lag brgyad kyi khrims
285b1 nyid yin no/ /don de dang sbyar na yan lag brgyad kyi khrims nod pa 'khor rnam pa bdun gyi nang du ma gtogs so/ /yan lag brgyad pa'i khrims nod pa'i chos kyi ni/ nyin zhag
285b2 gcig gi bar du srog mi gcod do zhes tshig de skad 'chad pas na/ khrims gzhan nam 'tsho'i bar du mnos pa dang / bsrer yang mi rung ngo / /gsol pa/ yan lag brgyad
285b3 kyi khrims mnod pa/ nyin zhag gnyis sam/ gsum mam/ bcu'i bar du gcig car mnod du rung ngam/ bka' stsal pa/ thog ma sangs rgyas kyis nyin zhag gcig gi khrims
285b4 su bcas pas/ de las 'dar mi rung ngo / /gal te nyams kyi mnod nus na/ nyin zhag gcig cing lan re mnod dgos te/ nyin zhag du mnos kyang rung ngo / /nyin zhag gcig
285b5 gi yan lag brgyad kyi khrims mnos pa'i thabs ni pha rol po gzhan las mnod dgos te/ de yang gang las mnod ce na/ 'khor lnga po gang yang rung ba las mnod dgos
285b6 so| |yan lag brgyad kyi khrims mnos pa'i 'og tu gal te sems can la brdeg btsog byas na tshul khrims rnam par dag pa ma yin no/ /khrims mnos pa'i nyin par
285b7 brdeg btsog ma byas la/ phyi de nyin brdeg btsog bya bar dam bcas na yang tshul khrims rnam par dag pa ma yin te/ mdor na lus dang / ngag gis ji tsam du tshul bzhin ma
286a1 yin pa'i las byas na khrims ma nyams mod kyi rnam par dag pa ma yin no/ /gal te lus dang / ngag rnam par dag kyang / sems kyi 'dod chags
286a2 kyi rnam par rtog pa bskyed dam/ zhe sdang gi 'tshe ba'i rnam pa bskyed na yang rnam par dag pa ma yin no/ /gal te lus dang / ngag dang / yid kyi las gsum rnam par dag
286a3 kyang | rjes su dran pa drug yid la ma byas na/ de yang tshul khrims rnam par dag ces mi bya'o/ /yan lag brgyad kyi khrims mnos pa'i 'og tu rjes su dran pa drug yid la
286a4 byas na/ tshul khrims rnam par dag ces bya'o/ /mdo sde dag las 'dzam bu'i gling gi rgyal po 'dzam bu'i gling gi khams su gtogs pa'i mi thams cad dang / de'i nang na yod
286a5 pa'i gser dang / dngul dang / nor dbyig thams cad la dbang ba'i bsod nams kyis yan lag brgyad kyi tshul khrims rnam par dag pa'i bsod nams bcu drug char
286a6 bgos pa'i cha gcig tsam yang mi phod do zhes 'byung ngo / /su yang rung yan lag brgyad pa'i khrims nod par byas la bag med par rang nyam du rol mo'am/ gal te na kha
286a7 zas zhim po la bag med par bza' ba'am/ rtsed mo rnam pa sna tshogs yid bzhin du bag med par byas pa'i 'og tu khrims mnod pa ni snga dro yang rung / phyi dro yang rung /
286b1 khrims thob par mi 'gyur ro/ /gal te snga nas khrims gnod pa'i sems med la bag med pa'i las rnam pa sna tshogs byas pa'i 'og tu dge ba'i bshes gnyen dang phrad de/ khrims
286b2 mnos na snga dro yang rung / phyi dro yang rung / dus thams cad du khrims thob bo/ /khrims mnos par chas pa las bgegs sam/ bar chad byung ste/ dbang med pa las phyis bgegs
286b3 dang / bar chad med pa'i 'og tu khrims mnos na/ snga dro yang rung / phyi dro yang rung / dus thams cad du khrims thob bo/ /gsol pa/ gal te nyin par khrims bsrung la/ mtshan
286b4 mo mi srung ba'i khrims mnos na/ yan lag brgyad kyi khrims thob bam/ gal te mtshan mo khrims bsrung la nyin par mi srung ba'i khrims mnos na/ yan lag brgyad kyi
286b5 khrims thob par 'gyur ram/ bka' stsal pa/ gang yang khrims mi thob bo/ /de bas na sangs rgyas kyis thog ma nas nyin zhag gcig pa'i khrims su bcas te nges pa'i tshad yin
286b6 pas 'gal bar byar mi rung ngo / /ma 'gags pas yang gsol pa/ bcom ldan 'das/ 'o na de ltar khrims mi thob na/ mdo dag las/ dge slong ig zhi zhig dgon pa zhig
286b7 na| yi dwags kha cig sdug bsngal sna tshogs myos ste/ la la ni nyin par longs spyod bgyid la/ mtshan mo sdug bsngal bgyid pa yang mchis/ la la ni mtshan mo longs spyod
287a1 bgyid la/ nyin par sdug bsngal myong ba ngag mthong ngo / /de bas na de dag kyang sngon mi'i nang na/ nyin par ni khrims bsrung la/ mtshan mo ni sdig
287a2 pa bgyid pa'am/ yang na mtshan mo khrims bsrung la/ nyin par sdig pa'i las bgyid pa mi mthun pa'i don de dag ji lta bu lags/ bka' stsal pa/ skye ba snga ma'i
287a3 rgyu dang / rkyen 'ba' zhig la rten du yang mi rung ste/ 'di skad du bshad pa yang mdo sde'am/ 'dul ba las bshad pa ma yin te/ de la bden pa'i don nges pa zhes bya
287a4 yang mi rung ngo / /gzhan du na 'di skad bshad pa 'di ni 'phags pa ka ta ya nas ig zhi zhig gdul ba'i phyir sprul pa yin gyi yang dag pa ma yin no zhes 'byung
287a5 ngo| |yan lag brgyad pa'i khrims mnos pa las khrims phyir 'bul na/ nges par 'khor rnam pa lnga la dbul mi dgos kyi/ pha rol po gang zag gcig la khrims phyir
287a6 dbul lo zhes tshig gcig smras pas/ khrims phul bar 'gyur ro/ /so so thar pa'i khrims thob pa'i sgo nas dbye na lam rgyud lngar gtogs pa la mi'i rgyud du gtogs
287a7 pa 'ba' zhig gis khrims thob kyi/ rgyud lhag ma gzhan gyis khrims mi thob bo/ /dper na/ lha'i rgyud du gtogs pa ni bde ba'i longs spyod la chags shing zhen pas
287b1 khrims mi 'thob bo/ /dper na/ sngon 'phags pa mo'u dgal gyi nye gnas shig nad kyis btab pa las 'phags pa mo'u dgal sum cu rtsa gsum gnam du sman pa 'tsho byed
287b2 la dpyad 'drir song ba las/ de'i tshe lha'i bu rnams rab tu dga' ba'i skyed mos tshal du rtser 'dong ba'i khar bab nas/ 'phags pa mo'u dgal de dag 'gro ba'i lam kar
287b3 sdod cing 'dug pa las/ lha'i bu rnams 'phags pa mo'u dgal la mig gis lta tsam yang mi khom par song ngo / /'tsho byed kyi thad kar phyin pa dang / rgyang ma nas mo'u
287b4 dgal la lag pa bteg pa tsam zhig byas nas/ shing rta khrid de song ngo / /de nas 'phags pa mo'u dgal 'di snyam du sems so/ /'tsho byed 'di sngon mi'i nang na 'dug pa'i tshe
287b5 bdag gi slob ma yin na/ da ni lha'i longs spyod la chags te/ sngon gyi dran pa nyams par gyur to snyam bsams nas/ rdzu 'phrul gyis 'tsho byed kyi shing rta 'gror med par byin gyis
287b6 brlabs so/ /de nas 'tsho byed shing rta las babs te 'phags pa mo'u dgal gyi rkang pa la phyag byas nas/ mo'u dgal gyis rgyu rkyen mang po rnam pa sna tshogs kyi gtams so/ /
287b7 'tsho byed kyis mo'u dgal la smras pa/ bdag mi'i nang na 'dug pa'i tshe/ btsun pa'i slob ma yin pas/ lag pa tsam bteg ste bro dris kyi/ lha'i bu gzhan dag de ltar byed pa
288a1 yod dam/ lhar skyes pa ni bde ba'i longs spyod la zhen cing chags pas dbang med de de ltar gyur pa yin no/ /mo'u dgal gyis 'tsho byed la smras pa/
288a2 slob ma zhig nad kyis btab ste na na de la ji ltar gso bar bya/ 'tsho byed kyis smras pa/ re zhig kha zas mi bza' bar bya'o/ /de nas mo'u dgal gyis bus lha'i dbang po brgya
288a3 byin la 'di skad ces bskul to/ /sangs rgyas 'jig rten du gshegs pa yang shin tu phrad dka' na/ ci'i phyir skabs skabs su drung du song ste/ dam pa'i chos mi gleng /
288a4 de nas brgya byin lha'i dbang pos/ 'phags pa mo'u dgal gyi bsam pa sems kyis shes nas/ lha'i bu zhig mngags te/ lha'i bu zhig 'bod du btang ba las lan
288a5 gsum gyi bar du bos na ma 'ongs so/ /lha'i bu de la lha'i bu mo gcig dang rol mo byed pa gcig las med kyang 'dod pa la chags shing zhen pas/ lha'i dbang po tshig
288a6 btsan mod kyi gtong ma phod de phyis gdod 'ongs so/ /de nas brgya byin gyis ci'i phyir de ltar gyur ces dris na/ ji ltar gyur pa drang por gsol to/ /brgya byin gyis mo'u
288a7 dgal la gsol pa/ lha'i bu 'di la lha'i bu mo gcig dang / rol mo byed pa gcig las med kyang gtong mi phod do/ /rtse dga' ni lha'i dbang por gyur te/ gzhal med khang
288b1 sna tshogs mang po dang / lha'i bu mo grangs med pas bskor/ lha'i zhal zas ro brgya dang ldan pa sna tshogs dang / lha'i rol mo brgya stong snyed la longs spyod cing / rtse dga' bas shar
288b2 phyogs su bltas na/ nub phyogs kyang brjed pa de lta ci smos te/ sangs rgyas 'jig rten du gshegs pa dang phrad pa yang dka'/ dam pa'i chos thos pa yang shin tu dka' bar
288b3 shes mod kyi 'dod pa'i bde bas bcings glags te/ rang dbang med pas shes kyang byar med par gyur to/ /tshul khrims mnos pa'i chos ni/ dpa' zhing rtul phod pa'i sems
288b4 kyis chad par dam bcas pas khrims thob par 'gyur te/ lha'i bu lta bu ni 'dod pa'i bde ba la chags pas mi dge ba'i sems kyi shas che ste/ dge ba'i sems kyi mthu chung na/
288b5 ci'i dbang gis khrims thob par 'gyur/ yi dwags lta bu ni bkres pa dang / skom pas sdug bsngal te/ lus dang / sems 'bar zhing tshig pa'i phyir ro/ /sems can dmyal ba pa ni
288b6 tsha grang gi sdug bsngal grangs med pas gzir te/ mi bzod pa sna tshogs myong zhing lus dang / sems gdungs par gyur pas khrims thob pa'i rgyu med do/ /dud 'gro lta bu ni las
288b7 kyis bsgribs te/ shes pa med pas khrims gnod pa'i cho ga med do/ /mdo sde kha cig las skabs kha cig tu klus tshul khrims mnos par byung ba dge ba'i sems kyis yan
289a1 lag brgyad pa'i khrims mnos pas/ nyin zhag gcig gi bar du dge ba'i sems kyis bsod nams ni thob kyi las kyis bsgribs pas tshul khrims
289a2 ni thob pa ma yin no/ /gling bzhis dbye na lho'i 'dzam bu'i gling dang / nub kyi pa lang spyod dang / shar gyi lus 'phags gling dang / gling gsum po 'dir gtogs pa'i rgya mtsho'i
289a3 gling phran na 'khod pa'i mi rnams kyis khrims thob bo/ /dper na/ nub kyi glang spyod na/ 'phags pa phin 'du la gnas par sangs rgyas kyis lung bstan te/ da ltar sangs rgyas
289a4 kyi mdzad pa chen po rgyas par byed pas/ 'khor rnam bzhi yang yod do/ /shar gyi lus 'phags gling na yang dge slong yod de/ de na yang sangs rgyas kyi chos byed pas/ 'khor bzhi
289a5 bo dag yod do/ /byang gi sgra mi snyan 'ba' zhig na/ sangs rgyas kyi chos med de/ tshul khrims kyang mi 'thob bo/ /de yang bsod nams kyi las kyi rnam par smin pas bsgribs
289a6 shing | gti mug gis bsgribs pa'i phyir/ 'phags pa'i chos kyi snod du ma gyur to/ /gang zag la rnam pa bzhi ste/ gang zhe na/ skyes pa dang / bud med dang / ma ning dang /
289a7 mtshan ma gnyis pa'o/ /rnam pa 'di bzhi la skyes pa dang / bud med gnyis kyis ni khrims thob par rung / ma ning dang / mtshan ma gnyis gnyis kyis ni khrims mi 'thob bo/ /de yang
289b1 skyes pa dang / bud med la yang gang pha ma bsad pa dang / dgra bcom pa bsad pa dang / sangs rgyas kyi sku la ngan sems kyis khrag phyung ba dang / dge 'dun gyi dbyen byas pa dang / dge slong
289b2 ma la mi tshangs par spyad pa dang / gca' 'phrad du chom po dang / rkun gnas byed pa dang / dge ba'i rtsa ba bcad pa dang / gang zag 'di dag ni gang yang tshul khrims mi thob bo/ /de la don
289b3 chen po'i sgo nas brtags na/ sangs rgyas kyi chos la shin tu dad cing mos pa ni 'dir ma gtogs te/ lha 'am/ klu'am/ yi dwags sam/ gnod sbyin nam/ byang gi sgra mi snyan nam/ ma
289b4 ning ngam/ mtshan ma gnyis pa'am/ sdig pa mi dge ba sna tshogs byas kyang skyabs su 'gro ba gsum mnod du rung ngo / /gsol ba/ dus gsum gyi sangs rgyas rnams tshul
289b5 khrims brnyes pa mnyam mam/ bka' stsal pa/ mi mnyam mo/ /tshul khrims thob ces bya ba ni sems can dang / sems can ma yin pa'i ris las khrims thob par 'gyur te/
289b6 sangs rgyas gcig 'jig rten du gshegs na/ sems can grangs med pa ji snyed kyi don mdzad de/ lhag ma ma lus pa'i mya ngan las 'das pas phyis sangs rgyas 'jig rten
289b7 du gshegs pa dag /sems can de dag gang las kyang tshul khrims brnyes te/ de ltar na sangs rgyas rnams snga phyir tshul khrims brnyes pa mi mnyam mo/ /dper na/ sangs
290a1 rgyas 'od srung gis sems can grangs med pa zhig btul te lhag ma ma lus par mya ngan las 'das kyang / sangs rgyas 'od srung gis ni sems can
290a2 de dag kun las tshul khrims brnyes na/ sangs rgyas shAkya thub pas ni/ sems can de dag gang las kyang / tshul khrims ma brnyes so/ /sangs rgyas thams cad 'dra bar dngos
290a3 po 'di gsum ni mnyam mo/ /gang zhe na/ spyod pa'i tshogs mnyam pa dang / chos kyi sku mnyam pa dang / sems can gyi don mdzad pa mnyam pa'o/ /sangs rgyas thams cad 'dra
290a4 bar bskal pa grangs med pa gsum gyi bar du byang chub sems dpa'i spyod pa spyad de/ yan lag lnga'i chos kyi sku yongs su rdzogs shing / stobs bcu dang / mi 'jigs
290a5 pa bzhi dang / sangs rgyas kyi chos ma 'dres pa bco brgyad yongs su rdzogs te/ thams cad kyis sems can grangs med pa ji snyed mya ngan las 'das so/ /gsol pa/ mdo sde dag las
290a6 sangs rgyas gcig 'jig rten du gshegs na/ sems can bye ba khrag khrig dgu bcu snyed mya ngan las 'da' ba'i don mdzad do zhes 'byung na/ ci'i slad du sems can grangs
290a7 med pa'i don mdzad ces gsungs/ bka' stsal pa/ mdo sde dag las sangs rgyas gcig 'jig rten du gshegs na/ sems can bye ba khrag khrig dgu bcu snyed kyi don
290b1 mdzad ces smos pa ni/ sangs rgyas de las grol bar gyur pa la bya ste/ grol ba'i sems can de dag kyang la la ni sangs rgyas nyid kyis don mdzad pa yang yod/ kha cig ni slob mas
290b2 don mdzad pa yang yod/ kha cig ni bzhag pa'i chos kyis grol ba yang yod de/ sems can bye ba khrag khrig dgu bcu zhes smos pa ni/ sangs rgyas nyid kyis don mdzad pa la bya /
290b3 sems can grangs med pa lhag ma ma lus pa mya ngan las 'das zhes bya ba ni/ spyir don mdzad pa la bya'o/ /dus gsum gyi sangs rgyas thams cad mnyam pa ni gsum mnyam gyi/
290b4 tshul khrims brnyes pa ni mi mnyam mo/ /gsol pa/ sdom pa ma yin pa'i khrims zhes bgyi ba/ sems can dang / sems can ma yin pa las thob par 'gyur ram/ zin pa dang / ma
290b5 zin pa kun gyis khrims thob par 'gyur/ bka' stsal pa/ sems can las sdom pa ma yin pa'i khrims thob par 'gyur gyi/ sems can ma yin pa las sdom pa ma yin pa'i
290b6 khrims mi thob bo/ /gzhan du na gsod du rung ba'i sems can las sdom pa ma yin pa'i khrims thob kyi gsod du mi rung ba'i sems can las khrims mi thob bo/ /yang gzhan
290b7 du na gsod du rung ba dang / gsod du mi rung ba'i sems can gnyi ga las sdom pa ma yin pa'i khrims thob ces bya'o/ /dper na/ shan pa lug gsod pa ni rtag tu gsod pa'i
291a1 sems dang chas te/ lug gsod pa 'ba' zhig yid la byed pas de'i tshad gzung du med do/ /ci ste lha dang / mir skyes na 'phral du gsod pa'i las
291a2 mi byed kyang / skye ba gcig nas gcig tu 'khor bas phyir lug tu skye ba'i chos yod do/ /de bas na sems can thams cad las sdom pa ma yin pa'i khrims thob par 'gyur te/ sdom
291a3 pa ma yin pa'i khrims bcu gnyis kyang de dang 'dra'o/ /sdom pa ma yin pa'i khrims bcu gnyis zhes bya ba ni/ 'di lta ste/ bshan pa dang / gshed ma dang / phag gso ba
291a4 dang | bya gso ba dang / nya shor ba dang / rngon pa dang / bya shor ba dang / sbrul shor ba dang / klu la sngags 'debs pa dang / btson rdzi byed pa dang / rkun po byed pa dang /
291a5 rkun po 'dzin pa dang bcu gnyis so/ /dar gyi srin bu gso ba yang sdom pa ma yin pa'i khrims kyi nang du 'dus so/ /sdom pa ma yin pa'i khrims nyams pa'i dus gsum yod
291a6 yod de/ shi ba'i dus dang / chags shing zhen pa zad pa'i dus dang / sdom pa'i tshul khrims mnod pa'i dus so/ /dper na/ skyabs su 'gro ba gsum mnod pa'i tshe/ thog
291a7 ma'i tshig dang po gcig smras pas/ sdom pa ma yin pa'i khrims nyams so/ /de'i 'og tu tshig gnyis pa dang / gsum pa smras pa'i tshe na/ dge ba'i tshul khrims thob par
291b1 'gyur ro/ /gsol pa/ gang zag gis sdom pa ma yin pa'i las byed pa na/ dus tshod gang gi tshe dge ba'i tshul khrims nyams shing mi dge ba'i khrims thob par 'gyur/ bka' stsal
291b2 pa| shan pa'o zhes tshig gcig dang por smra ba'i tshe dge ba'i khrims nyams par 'gyur la/ shan pa'o zhes lan gnyis lan gsum smras pas mi dge ba'i khrims thob par
291b3 'gyur ro/ /yang gzhan du na gang gi tshe dge ba'i khrims btang ba de nyid kyi tshe/ mi dge ba'i khrims thob bo/ /ci ste dge ba'i khrims srung ba'i gang zag gcig bdag shan pa'o/
291b4 zhes dam ni ma bcas/ khe dang / rnyed pa tsam la chags te/ phag phrug gso zhing gsod pa'i las byed na/ de'i tshe dge ba'i khrims nyams pa zhes bya ste/ de ni dge ba'i khrims btang
291b5 ba mi dge ba'i khrims thob pa zhes bya'o/ /gal te bdag shan pa'o zhes nges par dam bcas na yang mi dge ba'i khrims thob par 'gyur ro/ /mi dge ba'i khrims nod pa ni bdag
291b6 gis dam bcas pa tsam gyis thob par 'gyur te/ pha rol po gzhan las gnod mi dgos so/ /gal te mi dge ba'i khrims nyin zhag gcig gam/ gnyis nas/ nyin zhag bcu'am/
291b7 lo gcig gam/ lo gnyis kyi bar du mnos par dam bcas na/ dam bcas pa'i dus ring thung las de bzhin thob par 'gyur te/ de bas na sdig pa mi dge ba'i chos ni skye shi
292a1 'khor ba la gzhol bar byed kyi/ gong nas gong du 'phar ba'i don med do/ /de ltar na mi dge ba'i khrims ni dngos po de nyid kyis thob pa yin te/ dge ba'i
292a2 tshul khrims dang mi 'dra'o/ /thabs mkhas pa chen po sangs rgyas drin lan bsab pa'i mdo las/ ma 'gags pa'i le'u zhes bya ste brgyad pa'o// //bam po
292a3 bdun pa ste tha ma/ gzhan yang / byang chub sems dpa' sems dpa' chen po drin lan shes pa dang / drin lan bsab pa dang / thabs mkhas pa chen pos sems can rnams la phan
292a4 pa dang / bde ba'i don byed pa dag dus dang / skabs shes na bstan cing bcos pa la gnod par mi 'gyur ro/ /rigs kyi bu/ sangs rgyas mngon par 'jig rten du 'byung ba/ 'jigs
292a5 pa med pa'i rgyal po zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten
292a6 mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba 'jig rten du gshegs te/ skal ba dang ldan pa'i don mdzad do/ /skal ba dang ldan pa rnams
292a7 kyi don mdzad nas/ yongs su mya ngan las 'das so/ /mya ngan las 'das nas dam pa'i chos la spyod pa'i tshe/ bram ze'i bu yid gzhungs shing rno ba'i shes rab dang ldan pa
292b1 gtan khrims lnga srung ba/ dam pa'i chos 'dzin pa zhig byung ngo / /dus gzhan zhig na bram ze'i bu de yul gzhan zhig tu don gnyer du song song ba las/ mgron du 'gro ba'i lam
292b2 de 'jigs sa che bas/ lam grogs lnga brgya dang 'grogs te song ngo / /lam grogs de dag dang 'jigs sar phyin nas/ 'jigs sa de na mi rgod lnga brgya zhig gnas te/ rtag
292b3 tu mgron po rgyu ba rnams 'joms so/ /de'i tshe na mi rgod de dag gis mgron po de dag gzhom par byas nas mi rgod kyi dpon po des/ mi gcig sngar mgron po de dag ji ltar
292b4 'gro ba lta zhing rtog tu btang ngo / /de'i tshe mi rgod de dag gi nang nas mi gcig cig /sngon bram ze'i bu da dang mdza' zhing bshes pas sngar mi de dag gi nang du 'ongs te/ bram
292b5 ze'u bu de la 'di skad ces bsgo'o/ /rigs kyi bu/ khyod 'di ltar rig par byos shig /do nub nam gyi cha stod la dgra 'ongs gis/ ci nas kyang khyod nyid la gnod pa dang / rmas
292b6 par ma gyur par khyod nyid kyis byol ba'i thabs byos shig par bsgo'o/ /de'i tshe bram ze'i bu des tshig de dag thos nas/ dper na/ mi brnangs pa ltar mid du yang med la/
292b7 skyug tu yang med pa bzhin mi bde bar gyur nas/ grogs po rnams la gtam byar ni grogs po rnams kyis mi de bsad kyis dogs/ ci ste grogs po rnams kyis mi de bsad
293a1 na| grogs po rnams ngan 'gro gsum du sdug bsngal grangs med pa myong bar 'gyur ba ste/ gal te grogs po rnams la ma la ma smras na ni dgras
293a2 bsad par 'gyur ro/ /gal te grogs po rnams bsad na/ dgra rnams ngan 'gro gsum du ltung zhing sdug bsngal grangs med pa myong ngo snyam bsams nas/ bdag gis
293a3 sems can la phan pa dang / bde ba'i thabs byas te/ bdag nyid ngan 'gro gsum du ltung zhing sdug bsngal myong yang bla'o snyam bsams nas/ ral gri thogs nas/ sgron pa'i mi de
293a4 bsad nas grogs po rnams bde bar byas so/ /de'i tshe na grogs po rnams kyis de ltar gyur pa mthong nas/ bram ze'i bu de la 'di skad ces smras so/ /bram ze'i bu/ khyod ni
293a5 mi'i nang nas mchog tu gyur/ shin tu dge ba yin na/ ci'i phyir deng 'di lta bu'i sdig pa chen po byed ces smras so/ /de'i tshe bram ze'i bu des pus mo sa la btsugs nas thal mo
293a6 sbyar te/ ngo mtshar dang ldan pa'i sems kyis grogs po dag la 'di skad ces smras so/ /bdag de ring bya bar mi rigs pa'i sdig pa chen po byas te/ de yang sems can rnams
293a7 la phan pa dang / grogs po rnams la bde bar bya ba'i phyir ro/ /grogs po rnams kyis smras pa/ khyod nyid kyis mi bsad pa la nged bde bar byas so zhes brjod du yang ci yod/
293b1 yang | bram ze'i bus smras pa/ bdag gis bsad pa'i mi 'di ni dgra ma rungs pa yin te/ dgra 'dis grogs po khyed gsod du 'ongs pas/ bdag ni grogs po khyed kyi phyir mi 'di'i
293b2 srog bcad pas na/ khyed rnams ni bde bar yul du phyin te/ bdag ni sems can dmyal ba'i sdug bsngal myong yang bla'o/ /de nas grogs po lnga brgya rnams kyis skad phyung ste dus
293b3 nas| 'di skad ces smras so/ /gnam mtha' 'og na phangs par bya ba ni srog las 'da' ba med do/ /'jigs pa'i nang na 'chi ba las 'da' ba med de/ de bas na sems can thams
293b4 cad ni lus dang / srog gi phyir/ gser dang / dngul dang / rin po che dang / yul sa dang / chung ma dang / bu dang / zas dang / gos kyang yongs su gtong ste/ bdag cag ni deng du phyir
293b5 lan gcig 'tsho ba'i srog thob bo zhes smras nas/ bram ze'i bu/ khyod sems can gyi phyir ngan 'gro gsum gyi sdug bsngal khyad du bsad pas/ bdag cag ni khyod kyi drin shin tu
293b6 lci bar dran par byed do/ /drin lci ba dran pas na deng bdag cag bla na med pa yang dag par rdzogs pa'i byang chub tu sems bskyed do zhes smras nas/ thams cad byang chub tu
293b7 sems bskyed do/ /de'i tshe na mi rgod lnga brgya rnams kyis kyang 'di skad ces smras so/ /khyod ni kun gyi mchog shin tu dge ba yin no zhes zer na/ ci'i phyir 'di lta bu'i sdig pa
294a1 chen po byed/ bram ze'i bus smras pa/ bdag bya bar mi rigs pa'i sdig pa chen po byas te/ de yang sems can thams cad la phan pa dang /
294a2 khyed rnams kyi lus dang / srog gi skyabs bya ba'i phyir ro/ /de nas mi rgod de dag gis bram ze'i bu la smras pa/ khyod nyid kyis mi bsad pa la bdag cag la phan pa yang
294a3 ci zhig yod/ bram ze'i bus smras pa/ mi rgod khyed rnams 'di na 'dug par snga nas shes kyang / bdag cang ma smras te/ rgyal po yang ma sbran/ bdag gis grogs po
294a4 rnams la yang ma smras/ gtam ma byas pas khyed kyi lus dang / srog bde bar gyur pa yin no/ /de'i tshe mi rgod de dag gis de skad ces smras pa thos nas 'di snyam du gyur
294a5 to| |bdag cag gi lus dang / srog kyang gzod gson no snyam bsams nas/ bram ze'i bu la thal mo sbyar te/ skyes bu chen po/ shin tu legs so/ /snying rje chen po
294a6 dang ldan pa bdag cag gis deng phyin chad ci dang / ci bya ba bstan du gsol/ bram ze'i bus smras pa/ khyed rnams myur du bla na med pa'i byang chub tu sems skyed cig /
294a7 de nas mi rgod rnams kyang drin bsab pa'i phyir/ de ma thag tu bla na med pa yang dag par rdzogs pa'i byang chub tu sems bskyed par gyur to/ /bcom ldan 'das
294b1 kyis kun dga' bo la bka' stsal pa/ byang chub sems dpa' brtson 'grus la gnas pa/ byang chub yongs su brgyan pa dang / sangs rgyas kyi bka' drin gyi lan bsab par
294b2 'dod pa dag rtag tu sems can thams cad la bu gcig pa dang 'dra bar 'du shes bskyed cing dran par bya'o/ /rigs kyi bu/ 'di ltar rig par bya ste/ de'i dus de'i tshe na bram
294b3 ze'i bu de gzhan zhig yin par ma sems shig /de ltar mi lta'o/ /de'i tshe bram ze'i bur gyur pa de ni da ltar nga nyid yin no/ /de'i rgyu de'i rkyen gyis bskal pa dgu bcu snyed kyi
294b4 'khor ba las 'das nas myur du bla na med pa yang dag par rdzogs pa'i byang chub tu mngon par rdzogs par sangs rgyas so/ /gzhan yang / byang chub sems dpa' thabs
294b5 mkhas pa chen po spyod cing drin lan shes pa dang / drin lan bsab pa ni/ 'di lta ste/ sangs rgyas bcom ldan 'das 'od ma'i tshal na bzhugs pa na/ dge slong gcig lus la
294b6 'brum pa'i nang kyis btab nas/ lus la kun nas rnag khrag rgyun du zag pas thams cad kyis mi 'dod de/ gtsug lag khang gi phyi rol gnas khang zhig par gyur pa tha ma
294b7 zhig gi nang du bzhag go /de'i tshe de bzhin gshegs pas rdzu 'phrul gyi mthus 'khor mang pos gcig gis kyang mi shes par byin gyis brlabs nas/ de bzhin gshegs
295a1 pa nyag gcig dge slong nad pa'i thad du gshegs te/ chus bkru bar dgongs nas 'dod pa'i khams kyi lha rnams shes par bya ba'i phyir/ brgya
295a2 byin lha'i dbang po lha'i 'khor tshad med pa brgya stong gis bskor te/ lha rdzas kyi me tog char bzhin du phab/ lha rdzas kyi rol mo rnam pa sna tshogs byas nas/ steng gi nam mkha'
295a3 la 'khod do/ /de'i tshe na sum cu rtsa gsum gnam gyi lha'i dbang po bsod nams brgya las grub pa'i bum pa dam pa'i nang na snying rje chen po'i chu gtsang mas bkang nas
295a4 lag na thogs te/ de bzhin gshegs pa'i zhabs la mgo bos phyag btsal nas/ de bzhin gshegs pa la mdun nas bsu ste/ phyogs gcig tu sdod do/ /de'i tshe na de bzhin
295a5 gshegs pas bsod nams brgya dang ldan pa'i phyag brkyang nas/ phyag sor mnyen zhing ring ba lnga las 'od zer chen po bkye nas/ lha dang / 'khor mang po de dag rnams
295a6 snang bar byas te/ 'khor mang po de dag 'dug nas/ de bzhin gshegs pa nyid dge slong nad pa'i drung du gshegs te/ dbu'i spyi gtsug nas 'od zer bkye nas/ dge slong nad
295a7 pa snang bar byas so/ /dge slong nad pa de la reg ma thag tu na ba'i sdug bsngal byang bar gyur te/ rma'i rnag khrag dang bcas pa'i lus kyi skyabs su gsol nas lus kyis de
295b1 bzhin gshegs pa la phyag 'tshal ma nus pas/ de bzhin gshegs pas phyag g.yas pas brgya byin lha'i dbang po las rin po che'i bum pa blangs te/ dge slong nad pa'i spyi bo nas chu
295b2 blugs te/ phyag g.yon pas dge slong nad pa'i lus kyi rma bkrus shing byugs pas dge slong nad pa'i rma thams cad de bzhin gshegs pa'i phyag gis rjes su sos par gyur to/ /de
295b3 ltar rma kun sos nas dge slong de dga' mgu rangs par gyur te/ sangs rgyas shAkya thub pa la phyag 'tshal lo/ /thugs rje chen po'i yab la phyag 'tshal lo/ /bla na med pa'i sman pa'i
295b4 rgyal po mchog la phyag 'tshal lo zhes brjod de/ bdag gi lus kyi nad rnams ni deng du sos par gyur na/ sems kyi nad 'ba' zhig ma sos te/ de bzhin gshegs pas thugs
295b5 brtse ba'i slad du bdag la chos kyi sman stsal cing sems kyi nad kyang gso bar gsol lo/ /de nas de bzhin gshegs pas dge slong nad pa de la 'di skad ces bka' stsal to/ /de
295b6 bzhin gshegs pa ni khyod kyi drin shin tu lci bar dgongs pas na/ de bzhin gshegs pas khyod kyis drin lan bsab par mdzad do/ /de'i tshe dge slong nad pa de shin tu dga' bar
295b7 gyur te/ de bzhin gshegs pas spro ba dang / dga' ba dang / gzengs bstod pa mdzad na/ dge slong nad pa de dgra bcom pa'i 'bras bu thob nas/ rig pa gsum dang / mngon par shes pa
296a1 drug dang / rnam par grol ba brgyad du ldan par gyur to/ /brgya byin lha'i dbang po la sogs pa lha'i 'khor thams cad the tshom du gyur te/ de bzhin gshegs
296a2 pa la 'di skad ces gsol to/ /ci'i slad du/ de bzhin gshegs pa nyid phyag dar te/ dge slong nad pa'i lus kyi rma khrag kun bkrus te/ dge slong 'di la shin tu drin lci ba yod do//
296a3 zhes gsungs pa'i don bdag cag la dgrol zhing bshad du gsol/ sangs rgyas kyis brgya byin lha'i dbang po dang / lha'i 'khor mang po rnams la 'di skad ces bka' stsal to/
296a4 khyed rnams legs par nyon la shin tu yid la zungs shig dang / dngos po de dag bstan par bya'o/ /brgya byin lha'i dbang po/ sngon 'das pa'i dus bskal pa grangs med/ tshad med
296a5 pa'i pha rol na/ rgyal po sdig pa can chos ma yin par byed pa/ kun la 'phrog rlom byed pa zhig byung ngo / /de'i tshe rgyal po sdig pa can des blon po lnga brgya zhig bkug nas dku
296a6 gsang gcig tu byas te/ gsang la btags nas/ blon po de dag la 'di skad ces bsgo'o/ /gang su yang rung khrims las 'gal bar byas na/ /khyed kyis chad pas bcad par
296a7 dbang bskur gyi/ khyed kyis nor ci thob kyang rung nga dang thun mong du bya'o zhes bsgo'o/ /de'i tshe na lnga brgya po des rtag tu gzhu rdeg byed de/ nor mang du thob pa ni de bzhin du
296b1 btang / /gang nor med pa la ni srog la bab kyi bar du gnod pa byed do/ /de'i tshe na dge bsnyen gcig gis khrims la 'gal ba cung zad cig byas pas/ lnga brgya pa'i gan du khrid nas
296b2 gzhu brdeg bya bar byas pa las /dge bsnyen shin tu dge ba yin no zhes thos pas gnod pa ma byas par yan par btang ngo / /de'i rkyen gyis dge bsnyen de yang shin tu dga' bar gyur
296b3 to|| kau shi ka/ 'di ltar rig par bya ste/ de'i tshe de'i dus na lnga brgya po de ni dge slong nad pa 'di yin no/ /de'i tshe de'i dus na dge bsnyen du gyur pa de ni da ltar nga nyid yin no/ /de
296b4 bas na byang chub sems dpa' ni bskal pa grangs med pa'i sngon rol gyi drin yang ba yang lci bas glan pa yin no/ /mngon par sangs rgyas kyi bar du yang rtag tu mi brjed do/ /de'i tshe na
296b5 brgya byin lha'i dbang po dang / lha'i 'khor mang po rab tu dga' bar gyur te/ lha'i 'khor bzhi khri brgya stong snyed kyis bla na med pa yang dag par rdzogs pa'i byang chub tu sems bskyed
296b6 par gyur to/ /byang chub tu sems bskyed nas lha rdzas kyi rol mo byas te/ phyis rang rang gi gnas su song ngo / /bcom ldan 'das kyis kun dga' bo la bka' stsal pa/ rigs kyi bu'am/
296b7 rigs kyi bu mo gang / drin shes pa dang / drin lan bsab pa ni don rnam pa bzhi la nan tan bya'o/ /bzhi gang zhe na/ dge ba'i bshes bsnyen bsten pa dang / sems rtse gcig tu chos
297a1 nyan pa dang / don yid la byed pa dang / ji ltar bstan pa bzhin du spyod pa'o/ /gzhan yang / chos rnam pa bzhi la gnas par bya'o/ /bzhi gang zhe na/ chos
297a2 la gnas kyi gang zag gi rjes su mi gnas pa dang / don la gnas kyi yi ge'i rjes su mi gnas pa dang / ye shes la gnas kyi rnam par shes pa'i rjes su mi gnas pa dang / nges
297a3 pa'i don gyi mdo sde la ni gnas kyi bkri ba'i don gyi mdo sde la mi gnas pa ste/ chos 'di brgyad la nan tan byed na ni drin lan shes pa zhes bya'o/ /gzhan yang / chos rnam pa
297a4 brgyad dang ldan na drin lan bsab pa zhes bya'o/ /brgyad gang zhe na/ 'di lta ste/ rnyed pa dang / khe dang / smad pa dang / bstod pa dang / grags pa dang / 'phya ba dang / sdug
297a5 bsngal ba dang / bde ba la mi blta ba'o/ /gzhan yang / dngos po 'di bzhi la nan tan byed pa ni/ drin lan shes pa zhes bya/ drin lan bsab pa zhes kyang bya'o/ /bzhi gang
297a6 zhe na/ 'di lta ste/ byams pa bsgoms pa'i rkyen gyis sems can sdig pa can dag mthong na/ byams shing snying brtse ba'i sems bskyed pa dang / snying rje bsgoms pa'i rkyen gyis
297a7 sdug bsngal ba'i sems can rnams mthong na mi skyo bar lta zhing mi gtong ba dang / dga' ba bsgoms pa'i rkyen gyis slob dpon dang / bla ma dang / pha ma dang / yon tan dang ldan pa
297b1 rnams mthong na/ dga' sems skyed pa dang / btang snyoms bsgoms pa'i rkyen gyis dgrar gyur pa'i sems can mthong na/ zhe sdang gi sems mi skyed pa'o/ /de'i tshe kun dga'
297b2 bos gos tshags su bcos nas/ sangs rgyas la 'di skad ces gsol to/ /bcom ldan 'das de bzhin gshegs pa thog ma nas byang chub tu sems bskyed pa ni/ drin shes
297b3 pa dang / drin lan bsab pa'i don gyi dngos po bzhi ji ltar nan tan du mdzad pa lags/ bcom ldan 'das kyis kun dga' bo la bka' stsal pa/ sngon 'das pa'i dus bskal pa
297b4 grangs med dpag tu med/ tshad med pa'i pha rol na/ sangs rgyas rnam par gzigs zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa
297b5 dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa/ rgyal ba 'jig rten du byung ste/ skal pa dang ldan pa
297b6 rnams kyi don mdzad do/ /skal pa dang ldan pa rnams kyi don mdzad nas/ yongs su mya ngan las 'das te/ dam pa'i chos dang / gzugs brnyan las chos bya ba yang nub nas/ yul wA ra
297b7 NA si zhes bya ba na mi rnams kyang skyid cing bde la/ lo yang legs te/ rgyal po de yang drang po'i chos kyis yul gyi srid 'tsho'i yul de na ri drang srong 'phags zhes bya ba zhig yod de/
298a1 ri de la rgyun du rang sangs rgyas lnga brgya gnas so/ /de ma yin pa mngon par shes pa lnga dang ldan pa'i drang srong yang mang du gnas so/ /de'i tshe ri de la ri
298a2 dwags dang / gcan gzan yang mang du gnas te/ de na seng ge yi dam brtan zhes bya ba zhig /lus kyi spu gser gyi mdog tu 'dug pa/ mthu stobs dang / gzi brjid che ba/ skad phyung
298a3 na bya rnams kyang sa la ltung ba/ ri dwags rnams kyang 'bros pa zhig yod de/ ri de la 'gro zhing rgyu ba dang / rang sangs rgyas dge sbyong gi gzugs dang / spyod lam du ldan pa gcig
298a4 dang phrad nas/ shin tu dga' ba'i sems skyes te/ nyin gcig bzhin du nye bar bsnyen nas/ rgyun du mdo sde klog pa dang / dam pa'i chos 'chad pa thob par gyur to/ /de'i tshe na rngon
298a5 pa chen po ma rungs pa zhig gis/ seng ge'i pags pa gser gyi mdog tu 'dug pa de mthong nas rab tu dga' ba'i sems skyes te/ 'di snyam du sems so/ /gal te bdag gis
298a6 gser gyi seng ge de bsad de/ pags pa bshus la rgyal po la phul na/ gdon mi za bar bya dga' chen po thob par 'gyur te/ rabs bdun gyi bar du phongs pa med par 'gyur
298a7 ro snyam bsams nas/ yang 'di snyam du bsams so/ /seng ge yid ma brtan zhes bya ba 'di ni gcan gzan gyi rgyal po yin pas/ mda' gzhus kyang mi rdzi/ rnyi dang / rgyas kyang byar
298b1 med de/ de bdag gis thabs 'di lta bu zhig bya'o/ /ri dwags kyi rgyal po seng ge 'di ltar dge sbyong gi phyi bzhin 'brang bas bdag kyang dge sbyong gi gzugs su byas la/ chos gos
298b2 kyi 'og tu mda' gzhu sbas la mig phab la/ gom pa dal bus song ste/ shing drung zhig tu 'dug na des bdag mthong ma thag tu gdon mi za bar bdag gi drung du 'ongs te/ gal te
298b3 bdag gi drung du 'ongs na gzhu brdungs bkang ste/ dug mda' phangs na/ gdon mi za bar gsod do snyam bsams nas/ phyir khyim du 'ongs te 'di skad ces smras so/ /bdag rgyud kyis
298b4 rngon pa byed byed de gnas na/ gcan gzan la spu gser du 'dug pa yong ma thos na mthong ba lta ci smos te/ da bdag gis de gsad pa'i phyir skra dang / kha spu bregs la/ chos gos gyon nas
298b5 phyir yang ri de la song nas shing drung zhig na 'dug na/ de'i tshe seng ge yi dam brtan gyis dge slong mthong nas/ rab tu dga' ste mchod rgal nas dge slong de'i drung du bsnyen te/ rkang
298b6 pa la ldag go /de nas rngon pa des seng ge la mnga' 'phangs so/ /de nas dug mdas sdug bsngal bar gyur te/ skad phyung nas gzung zhing mchod par byas pa la 'di snyam bsams so//
298b7 'di ni dge sbyong gos kha dog bsgyur ba gyon pa yin te/ dus gsum gyi sangs rgyas kyi 'phags pa'i rgyal mtshan yin pas/ 'di la bdag gis gnod pa byas na dka' ba ma yin na /
299a1 gal te 'di la gnod pa byas te srog gi dbang po dang phral na/ sangs rgyas rnams kyi 'phags pa'i rgyal mtshan ma rungs par byas pa yin no snyam
299a2 bsams nas/ cang ma byas par bsdad pa las ring po ma lon par dug langs nas lhag par sdug bsngal mi bzod par gyur te/ yang 'di snyam du bza' zhing bca' pa'am
299a3 snyam bsams pa las/ 'di ni dka' ba ma yin na/ gal te bdag gis 'di la gnod pa byas na/ sangs rgyas dang / 'phags pa rnams kyis smod par 'gyur te/ 'jig rten na
299a4 dge ba byed pa dang / sdig pa byed pa yang bye brag med de/ 'di ni sdig pa can yin te/ bdag gsod du 'ongs pas/ gal te bdag gis de la bzod pa ma byas na ni/ sdig pa can de
299a5 dang tha dad pa yang med de/ gang bzod pa bsgom pa de la thams cad byams par 'gyur ro/ /gang mi bzod pa de la ni thams cad sdang bar 'gyur bas/ de la nyon mongs pa skye
299a6 bar 'gyur te/ nyon mongs pa skyes par gyur na skye shi'i 'khor bar 'gyur ro/ /skye shir 'khor ba na mi khom pa'i gnas su skye bar 'gyur/ mi khom pa'i gnas su skyes na/ dge
299a7 ba'i bshes gnyen dang bral bar 'gyur/ dge ba'i bshes gnyen dang bral na/ dam pa'i chos mi thos par 'gyur/ dam pa'i chos ma thos na/ the tshom gyi dra bas glags par
299b1 'gyur/ the tshom gyi dra bas glags par gyur na/ bla na med pa yang dag par rdzogs pa'i byang chub dang bral bar 'gyur te/ de bas na bdag ni sdig pa'i sems mi bskyed do snyam bsams
299b2 nas/ tshigs su bcad pa 'di skad ces smras so/ /bdag gi lus srog yal yang bla/ /mi dge sdig pa'i sems mi bskyed/ /bdag ni srog dang bral yang rung / /dur smrig gyon la gnod
299b3 mi bya/ /rab tu byung ba'i mi dag la/ /nam du'ang ngan sems mi bskyed do/ /tshigs su bcad pa 'di dag smras nas/ tshe'i dus byas par gyur te/ gnam sa yang lan drug tu g.yos
299b4 so| |gcan zan dang / ri dwags kyang skrag nas/ phyogs bzhir bros so/ /sprin med par char pa bab nas nyi ma yang 'od mi snang bar gyur to/ /de'i tshe rngon pa des gos phud nas/ gri
299b5 thogs nas pags pa bshus te phyir khyim du song ngo / /phyir khyim du song nas rgyal po la phul lo/ /rgyal pos pags pa de mthong nas rab tu dga' ste/ blon po rnams la 'di skad
299b6 ces smras so/ /bdag skyes nas dud 'gro la lus kyi pags pa spu gser gyi mdog tu 'dug pa yod pa yod ma thos te/ da 'dir mig gis mngon sum du mthong ba ngo mthar che'o/ /
299b7 ngo mtshar che'o zhes rngon pa de la khyod ji lta bu zhig gis thabs byas te/ pags pa 'di lta bu thob ces dris so/ /de nas rngon pas rgyal po la 'di skad ces gsol to/ /rgyal po
300a1 chen po/ 'jigs pa med pa stsal na/ drang por smra'o zhes gsol to/ /rgyal pos kyang khyod ci 'dod pa bzhin gnang ngo bar bsgo nas/ rngon pa des
300a2 kyang ji ltar gyur pa bzhin du gsol to/ /rgyal pos kyang tshig de thos nas mya ngan gyis non te/ dper na/ mi brnangs pa bzhin mid du yang med la/ skyug tu yang med pa ltar
300a3 mi bde bar gyur te/ blon po chen po thams cad dang / rgyal phran dang / 'khor mang po kun bsdus te/ 'di skad ces bsgo'o/ /khyed rnams shes par gyis shig /ngas
300a4 sngon mkhas pa shes rab can dag las 'di skad ces thos te/ dud 'gro'i khams su skyes pa'i nang na lus kyi spu mdog gser lta bur 'dug na/ gdon mi za bar byang
300a5 chub sems dpa' yin no zhes zer te/ gal te so so'i skye bo las gcig tsam bla na med pa'i byang chub tu sems bskyed na/ sems cad thams cad la phan pa dang / bde ba'i don
300a6 chen po byed pa yin no/ ci'i phyir rngon pa sdig can 'dis de 'dra ba'i thabs byas te/ byang chub sems dpa' bsad pa 'di gal te bdag gis blon thabs sam/ bya
300a7 dga'am/ bal gyi glang po che 'am/ rta 'am/ rin po che sna bdun nam/ gos sam/ zas sam/ nor ram/ 'bru'am/ nor ltar byin par gyur na/ sdig can de dang mthun par
300b1 'gyur te/ de'i grogs su 'gyur ro snyam bsams nas/ rngon pa de'i srog gi dbang po bcad do/ /de ltar rngon pa de srog gi dbang po bcad nas/ seng ge'i pags pa thogs te ri
300b2 de la song nas/ shing glang mgo'i tsan+dan spungs te/ seng ge'i pags pa dang / ro bsregs so/ /de ltar seng ge'i ro bsregs nas rus pa bsdus te mchod rten brtsigs nas
300b3 mchod pa byas so/ /bcom ldan 'das kyis kun dga' bo la 'di skad ces bka' stsal to/ /rigs kyi bu dag /de'i tshe de'i dus na seng ge yi dam brtan zhes bya ba de ni da ltar
300b4 shAkya thub pa nga nyid yin no/ /de bas na byang chub sems dpa' ni dge ba'i bshes gnyen dang bsten pa'i phyir/ lus dang / srog phyir yal yang bla yi/ sdig pa'i sems mi skye'o//
300b5 de ci'i phyir zhe na/ drin shes pa dang / drin lan bsab pa'i phyir ro/ /de yang ci lta zhe na/ byang chub sems dpa' ni dge ba'i bshes gnyen dang bsten pas/ bla na med pa yang
300b6 dag par rdzogs pa'i byang chub myur du thob par 'gyur ro/ /rigs kyi bu/ byang chub sems dpa' ni rgyun du brtson 'grus su dge ba'i bshes gnyen la bsten te/ khams gsum
300b7 gyi nyon mongs pa gzhom zhing rgud par bya ba'i phyir/ sangs rgyas kyi chos tshig gcig tsam mam/ tshigs su bcad pa gcig gam / don gcig tsam gyi bar du nyan pa la rab
301a1 tu brtson par byed do/ /de ltar byang chub sems dpa' ni sems rtse gcig tu sangs rgyas kyi gsung rab tshol ba na/ chos 'dod pa'i sems dang /
301a2 shin tu ldan pas lus dang / srog kyang mi phangs par me ma mur gyi lcags sam/ sa gzhi las kyang 'bog cing 'gro ste/ gnod par mi sems so/ /byang chub sems
301a3 dpa' ni tshigs su bcad pa 'ga' tsam gyi phyir yang lus dang / srog mi phangs na/ mdo sde bcu gnyis lta ci smos/ tshigs su bcad pa gcig tsam gyi phyir yang lus dang /
301a4 srog mi phangs na/ de ma yin pa'i phyi'i zang zing lta ci smos/ chos thos pa'i don gyis lus dang / sems shin tu bde bar 'gyur te/ shin tu dad pa'i sems skyes pas yang dag
301a5 pa'i lta ba'i sems thob par 'gyur ro/ /chos ston pa mthong na pha ma mthong ba ltar nga rgyal gyi sems mi skye'o/ /sems can gyi don du chos nyan gyi rnyed pa dang / grags pa'i
301a6 phyir ma yin/ sems can la phan pa dang / bde ba'i don byed kyi/ bdag la phan pa'i don gyi phyir ma yin no/ /dam pa'i chos kyi phyir rgyal po dang / bkres skom dang / grang ba
301a7 dang | tsha ba dang / stag dang / spyang ki la sogs te gcan gzan khro bo dang / rkun po dang / dgra la sogs pas 'jigs pa ma yin no/ /sngar dbang po rnams kyi nyon mongs pa btul
301b1 nas| de'i 'og tu chos nyan par byed kyi/ dus ma yin par nyan pa ni ma yin te/ sems rtse gcig tu nyan par byed do/ /chos la bkur sti bya ba'i phyir chos ston pa la rim gro
301b2 gus par byed pa ni/ byang chub sems dpa' drin shes pa dang / drin lan bsab pa zhes bya'o/ /ji ltar na/ byang chub sems dpa' sems rtse gcig tu chos nyan pa zhe na/ chos nyan
301b3 pa la rnam pa bzhi ste/ yang dag pa'i sems dang / rtse gcig pa'i sems dang / thams cad du thams cad kyi sems dang / dge ba'i sems dang bzhi ste/ de ni byang chub sems
301b4 dpa' mdo sde bcu gnyis tshol ba la brtson pa zhes bya'o/ /de ci'i phyir zhe na/ sangs rgyas kyi bka' drin lci ba dran pa ni/ sangs rgyas thams cad kyi dam pa'i chos kun tu rgyas par
301b5 bya ba'i phyir/ sangs rgyas kun gyi dam pa'i chos skye zhing 'phel bar bya ba'i phyir/ 'jig rten pa dag sangs rgyas kyi chos la dad par bya ba'i phyir/ sems can thams cad bla na
301b6 med pa'i byang chub par bya ba'i phyir/ de bas na byang chub sems dpa' phyogs bcu'i sems can grangs med pa dran par byed do/ /sangs rgyas kun gyi bka' drin lci ba bsab
301b7 pa'i phyir/ byang chub sems dpa' ni mdo sde bcu gnyis tshol ba la brtsod par byed do/ /byang chub sems dpa' brtson 'grus su sangs rgyas kyi chos tshol ba ni/ sems can
302a1 thams cad dad pa'i sems bskyed pa'i phyir/ rgyu'i rig pa'i bstan bcos slob par byed do/ /gzhan yang / nyes pa'i skyon thams cad shes par bya ba
302a2 dang | mu steg can gyi ngan par lta ba'i gtsug lag gzhig par bya ba dang / sems can gdul ba'i thabs mkhas pa shes par bya ba dang / de bzhin gshegs pas gsungs
302a3 pa'i don dang / 'jig rten pa'i tshig gi don rnam par dbye bar bya ba'i phyir/ byang chub sems dpa' rgyu'i rig pa'i bstan bcos slob par byed do/ /byang chub sems dpa' ci'i phyir
302a4 sgra'i rig pa'i bstan bcos slob par byed ce na/ sgra'i tshig yongs su dag par brgyan pa dang / yongs su ma dag pa'i tshig gis don gsal bar ston mi nus pa dang / don thams
302a5 cad shes shing khong du chud par bya ba dang / yang dag pa'i tshig mi nyams pas nga rgyal gyis mi shigs pa dang / ngan par lta ba las bzlog cing sems can gdul ba'i thabs mkhas
302a6 par shes par bya ba'i phyir/ byang chub sems dpa' sgra'i rig pa'i bstan bcos slob par byed do/ /byang chub sems dpa' ci'i phyir sman dpyad kyi rig pa'i bstan bcos slob ce na/
302a7 sems can rnams mi dge ba'i nad brgya rtsa bzhi dang dbral bar bya ba dang / sems can thams cad la byams shing snying brtse pa'i phyir sems can rnams dad pa'i sems bskyed
302b1 bar bya ba dang / de ltar nad dang bral bas dga' ba'i sems skye bar bya ba dang / de ltar dga' ba'i sems skyes pas rtag tu sangs rgyas dran par 'gyur te/ snying rje chen pos
302b2 sems can rnams pha rol tu phyin par bya ba'i phyir/ byang chub sems dpa' sman dpyad kyi rig pa'i bstan bcos slob par byed do/ /byang chub sems dpa' ni ci'i phyir 'jig rten
302b3 gyi bzo'i rig pa slob par byed ce na/ sems can la phan par bya ba'i phyir/ nor zang zing rnyed sla bas sems can rnams dad pa bskyed par bya ba rnams dang / 'jig rten gyi bya
302b4 ba'i dngos po kun shes pas nga rgyal gzhom pa dang / sems can gdul bar bya ba dang / srid pa'i chos thams cad kyis bsgribs pa kun bsal ba'i phyir/ byang chub sems
302b5 dpa' bzo'i rig pa slob par byed do/ /gal te byang chub sems dpa' rig pa'i dngos po lnga sngar ma bslabs na/ nam du yang bla na med pa yang dag par rdzogs pa'i byang chub
302b6 tu thams cad mkhyen pa'i ye shes thob par mi nus so/ /de bas na bla na med pa'i byang chub thob pa'i phyir/ rig pa'i dngos po lnga bslab par bya'o/ /byang chub sems dpa' ni
302b7 drin shes pa dang / drin lan bsab pa ni sems can la bshad pa'i dngos po bshad cing bstan par bya'o/ /ji ltar bshad ce na/ bla na med pa yang dag par rdzogs pa'i byang chub
303a1 thob par bya ba'i phyir/ rig pa lnga dang ldan par bshad par bya'o/ /bshad pa la rnam gnyis te/ rim gyis bshad pa dang / yongs su dag
303a2 par bshad pa'o/ /de la ji ltar na rim gyis bshad pa gang zhe na/ sngar sbyin pa'i pha rol tu phyin pa bshad la/ de'i 'og tu tshul khrims kyi pha rol tu phyin pa nas/ shes
303a3 rab kyi pha rol tu phyin pa'i bar du bshad pa dang / drin shes pa dang / drin bsab pa'i phyir/ don yid la byed cing chos bzhin du gnas pa ni rim gyis bshad pa zhes
303a4 bya'o| |de la yongs su dag par bshad pa zhes bya ba ni gang zhe na/ nyan pa 'dug la bshad pa 'greng na/ de la bshad par mi bya'o/ /gal te nyan pa chos la skyon tshol lam/
303a5 bshad pa la skyon tshol na de la bshad par mi bya'o/ /gal te nyan pa gang zag la rten gyi/ chos la mi rten na/ chos la mi rten pas de la bshad par mi bya'o/ /gal te
303a6 nyan pa yi ge la rten la/ don la mi rten na bshad par mi bya ba nas/ bkri ba'i don la rten gyi/ nges pa'i don gyi bar la mi rten na bshad par mi bya'o/ /de ci'i phyir zhe na/
303a7 gang zag de ni sangs rgyas dang / byang chub sems dpa' rnams kyi yongs su dag pa'i chos la ma gus pa'i phyir ro/ /gal te bshad cing ston pa yang chos la bkur sti
303b1 byed la/ chos nyan pa gang gus pa'i sems kyis rtse gcig tu nyan cing nga rgyal gyi sems med pa ni/ yongs su dag par bshad pa zhes bya'o/ /gzhan yang / rim gyis bshad pa zhes
303b2 bya ba ni thams cad bshad pa'o/ /thams cad bshad pa zhes bya ba ni/ mdo sde bcu gnyis nas tshig gcig gam/ tshigs su bcad pa gcig gam/ tshigs su bcad pa phyed
303b3 kyi bar du bshad pa ste/ de yang tshig gi sgra dang / don dang / chos su ldan la/ chos dang / don bstan pa yang spro ba dang / gzengs bstod pa dang / dga' bar bya ba'i
303b4 phyir dus su bstan pa dang / dus kha cig tu gshe zhing spyo ba dang / dus kha cig tu drang por thad kar bstan pa dang / dus kha cig tu dpe rnams bstan te/ ci dang 'phrod pa bzhin
303b5 du bstan pa dang / dus kha cig tu de bas nye zhing slab par bstan pa dang / dus kha cig tu ci ltar mos pa bzhin du 'jug sla ba bstan pa na/ byang chub sems dpa'i drin shes pa/ drin bsab
303b6 pa la mkhas pa'i mchog chos rim gyis bshad pa zhes bya'o/ /gzhan yang / yongs su dag par bshad pa zhes bya ba ni/ byang chub sems dpa' sems dpa' chen po dgra sdang
303b7 pa la byams pa'i sems bsgom ste/ byams pa'i sems kyis sems can sdig pa dang bcas pa dang / gang zag bag med pa dang / le lo can dag la/ thabs rnam pa mang po
304a1 nas chos bstan nas rgyags shing dregs pa dang / gang zag dbul phongs pa'i bar du thabs rnam pa mang pos chos ston par byed kyi/ bdag
304a2 bstod pa'am/ gzhan smod pa'am/ bza' ba dang / btung ba dang / rnyed pa dang / grags pa'i phyir ma yin pa ni/ byang chub sems dpa' drin shes shing drin bsab
304a3 pa la mkhas pa'i chos yongs su dag par bshad pa zhes bya'o/ /de la ji ltar na chos bzhin du gnas pa yin zhe na/ lus dang / ngag dang / yid kyi las dge ba'i chos sgom
304a4 zhing yongs su dag pa dang ldan te drin shes pa dang / drin bsab pa yang bla na med pa yang dag par rdzogs pa'i byang chub yongs su bstan pa'o/ /gzhan yang / byang chub
304a5 sems dpa' chen po drin shes shing / drin bsab pa ni don yid la byed de/ mang du thos pas gzungs thob par byed cing chos kyi sgron ma 'bar bar bya ba'i phyir/ sems
304a6 can thams cad la phan pa dang / bde ba'i don du sbyin pa dang / tshul khrims dang / mang du thos pa la brtson par bya/ chos ston cing 'chad pa la mchod pa dang / rim gro bya yi
304a7 chos la skyon mi gdags/ ston cing 'chad pa la skyon mi gdags/ gnod pa dang / 'tshe ba med pa'i sems kyis sems can la mi 'jigs pa sbyin pa ni/ drin shes pa
304b1 zhes bya'o/ /lha dang / mi'i longs spyod myong zhing mya ngan las 'da' ba'i lam thob pa ni drin shes pa dang / drin bsab pa zhes bya'o/ /byang chub sems dpa' ni/ gzhan yang / dngos po bzhis
304b2 bzod pa bsgom zhing mi bzod pa yongs su spangs te/ byang chub brgyan pa'i phyir sems can mang po bsdus nas bzod pa bsgom pa la bkod de/ bdag kyang bzod pa byed de/ gzhan yang
304b3 bzod pa byed pa la 'god cing / 'jigs pa dang bral ba ni drin shes pa zhes bya'o/ /de ltar bzod pa byas pa'i rkyen gyis zhe sdang gi sems mi 'byung bas/ 'khor phun sum tshogs
304b4 pa dang ldan/ sdug bsngal ba'am/ nyon mongs pa mi 'byung bas 'gyod pa'i sems med de/ lus 'di dang bral nas kyang lha dang / mi'i longs spyod mya ngan las 'da' ba thob pa ni
304b5 drin bsab pa zhes bya'o/ /rigs kyi bu/ gzhan yang byang chub sems dpa' dngos po rnam pa bzhis brtson 'grus rtsom ste/ le lo yongs su spangs nas byang chub brgyan pa'i phyir/
304b6 sems can yongs su sdud do/ /byang chub kyi lam gyi phyir brtson 'grus rtsom pas nyal na yang bde la/ sad na yang bde ste/ nyon mongs pa dang bral bas bde ba'i chos skye
304b7 zhing 'phel te/ lus kyi bde ba'i longs spyod myong ba ni bdag la phan pa'i don byed pa zhes bya'o/ /byang chub sems dpa' brtson 'grus rtsom yang / sems can la mi 'tshe ste/
305a1 'tshag rdeg dang / gshe ba dang / spyo ba med pa ni/ gzhan la phan pa'i don byed pa zhes bya ste/ lus 'di dang bral nas kyang lha dang / mi'i longs spyod
305a2 myong zhing mthu dang dbang du ldan te/ byang chub kyi lam thob pas 'bras bu chen po thob par 'gyur te/ 'di ni byang chub sems dpa' brtson 'grus rtsom pa'i dngos po bzhi zhes
305a3 bya'o| |byang chub sems dpa'i ting nge 'dzin bsgoms pas 'khrug pa'i sems yongs su spangs te/ byang chub brgyan pa'i phyir sems can yongs su sdud do/ /byang chub kyi lam
305a4 gyi phyir ting nge 'dzin bsgoms pas tshe 'di yang 'jig rten gyi bde ba myong la/ lus dang / sems dben zhing zhi ba ni drin lan shes pa zhes bya'o/ /de ltar lus dang / sems
305a5 dben zhing zhi pas sems can la mi 'tshe ba ni drin bsab pa zhes bya ste/ byang chub sems dpa' lus 'di dang bral nas/ rnam par dag pa'i lus thob cing bde ba phun sum
305a6 tshogs pa'i longs spyod myong ste/ yongs su mya ngan las 'da' ba thob pa ni/ byang chub sems dpa'i bsam gtan sgom pa'i dngos po bzhi zhes bya'o/ /gzhan yang / byang
305a7 chub sems dpa' drin shes pa dang / drin bsab pa ni shes rab dang ldan pas ma rig pa bcom ste/ byang chub yongs su brgyan pa'i phyir bsdu ba'i chos rnam pa bzhis
305b1 sems can yongs su sdud do/ /byang chub kyi phyir shes rab bsgoms pas chos kyi dbyings shes shing rtog pa'i phyir/ lus kyis bde ba'i longs spyod myong ba ni/ bdag la phan pa'i
305b2 don zhes bya'o/ /sems can rnams kyi 'jig rten gyi don dang / 'jig rten las 'das pa'i don bskyed pa ni gzhan la phan pa'i don zhes bya'o/ /nyon mongs pa dang / shes bya'i sgrib pa
305b3 rnam pa gnyis yongs su spangs pas na/ 'bras bu chen po zhes bya ste/ 'di ni drin shes shing / drin bsab pa'i byang chub sems dpa'i shes rab kyis dngos po bsam gyis mi khyab
305b4 pa bzhi zhes bya'o/ /gzhan yang / byang chub sems dpa' sngon gyi gnas dran pa'i mngon par shes pas/ sngon 'das pa'i dngos po shes rab kyis rtogs te/ sems can rnams kyi
305b5 dge ba dang / sdig pa'i las brtags nas/ dge ba'i ris su mthun pa'i sems can thams cad la phan pa dang / bde ba'i don tu/ byang chub sems dpa' sems dpa' chen po thabs
305b6 mkhas pas dga' ldan gnam du tshe phun sum tshogs par skyes so/ /de nas mchog tu gyur pa gsum dang ldan te/ tshe mchog tu gyur pa dang / gzugs mchog tu gyur pa
305b7 dang | grags pa mchog tu gyur pa'o/ /thog ma gnas de nas babs pa'i tshe 'od zer chen po bkye nas/ phyogs bcu snang bar byas te/ yum gyi lhums su 'jug pa dang / lhums na ji
306a1 srid gnas pa dang / lhums nas bltams pa'i dus mkhyen to/ /phyogs bcur phyogs re rer yang mis ma brten par gom pa bdun bdun por te/
306a2 'di skad ces bsgrags so/ /bdag gi da ltar gyi lus 'di ni lus nang gi tha ma ste/ lha dang / klu dang / gnod sbyin dang / dri za dang / lha ma yin dang / nam mkha' lding dang /
306a3 mi'am ci dang / lto 'phye chen po rnams kyis me tog dang / bdug spos dang / rol mo dang / sil snyan dang / ba dan dag dang / gdugs dam pa rnams kyis mchod pa byas
306a4 so| |skyes bu chen po'i mtshan sum cu rtsa gnyis dang ldan pas/ de'i lus las mchog tu gyur pa gzhan med do/ /byams pa'i shugs kyis bdud kyi dpung rnams
306a5 bcom mo/ /lhu tshigs re re la yang gyad mthu bo che'i stobs re re dang ldan no/ /gzhon nu bus pa'i tshe 'jig rten gyi dngos po ma bslabs par thams cad kun rtogs shing
306a6 shes so/ /ston pa med par rang btsal te/ bla na med pa yang dag par rdzogs pa'i byang chub lhun gyis grub bo/ /tshangs pa'i lha'i dbang bos bskul nas sems
306a7 can rnams la chos kyis 'khor lo bskor to/ /ting nge 'dzin la mnyam par bzhag pas 'brug sgra bsgrags kyang ma g.yos so/ /gcan gzan rnams nye bar bsten te pha ma
306b1 bzhin du sdug par bsams so/ /byol song gi bsod snyoms phul ba yang sangs rgyas kyis de'i bsams pa mkhyen to/ /lha dang / klus char phab ste/ lus kyis khrus byas so/ /shing
306b2 ljon pa'i yal ga yang de'i phyogs su btud de grib ma'i skyabs byas/ mngon par sangs rgyas nas kyang / lo drug gi bar du bdud ma rungs pa/ rgyun du glags btsal kyang glags
306b3 ma rnyed do/ /rgyun du ting nge 'dzin la mnyam par bzhag pas/ dran pa nye bar gzhag pa'i sems yongs su rdzogs te/ rnam par rtog pa 'byung ba dang / 'gag pa la shin tu
306b4 mkhas pas/ de ni byang chub sems dpa'i skye ba thun mong ba bsam gyis mi khyab pa zhes bya'o/ /skye ba thun mong ma yin pa ni sems can la phan pa dang / bde ba'i don du/ dper na/
306b5 gang zag smyos pa dag de bzhin gshegs pa mthong ba'i rkyen gyis sngon gyi sems sor chud pa dang / dmus long gis mthong bar 'gyur ba'am/ mngal mgo log tu gyur pa
306b6 legs par btsas pa'am/ 'on pa rna bas thos par gyur pa'am/ 'dod chags dang / zhe sdang dang / gti mug can dug gsum byang bar gyur pa de lta bu ni skye ba thun mong ma yin pa
306b7 bsam gyis mi khyab pa zhes bya'o/ /gzhan yang / skye ba thun mong zhes bya ba ni de bzhin gshegs pa'i mdzad pa bsam gyis mi khyab pa ste/ rtag tu glo g.yas pa phab nas gzim
307a1 pa dang / seng ge'i rgyal po lta bur rtswa 'jag ma ltar mi 'grug pa dang / rlung gi rgyal po b+hai ram pas kyang na bza'i mtha' tsam mi g.yo ba dang /
307a2 gshegs pa'i gom stabs ri dwags kyi rgyal po seng ge'am/ ngang pa'i rgyal po ltar gshegs pa dang / gshegs su 'cha' ba na zhabs g.yas pa sngar 'dor ba dang /
307a3 gnas gang dang / gang du gshegs kyang sa gzhi mthon dma' mnyam pa dang / bsod snyoms la dri nga ba'i skyon med cing zhal nas phyir ma 'brul ba ni skye ba thun mong ba bsam
307a4 gyis mi khyab pa zhes bya'o/ /gzhan yang / skye ba thun mong ba bsam gyis mi khyab pa ni/ 'di lta ste/ zhabs kyi mthil mnyam zhing gang ba yin/ zhabs kyi mthil na 'khor lo rtsibs
307a5 stong dang ldan pa yod pa yin/ phyag sor phra la ring ba yin/ zhabs kyi rting pa zlum la gang ba yin/ phyag sor gyi bar dra bas 'brel ba yin/ phyag dang / zhabs 'jam zhing
307a6 mnyen pa yin/ zhabs kyi byin pa ri dwags kyi rgyal po e na ya ltar zlum la shugs kyis gzhol ba yin/ zhabs kyi long bu phyir mi snang ba yin/ phyag pus mor slebs
307a7 pa yin/ rta'i rgyal po ltar mtshan spubs kyi nang du mi snang ba yin/ shing n+ya gro d+ha ltar sku'i yan lag yongs su rdzogs pa yin/ sku'i ba sbu gyen du nyal ba yin/ ba sbu re
307b1 re nas g.yas su 'khyil ba yin/ sku mdog gser btso ma ltar 'dug pa yin/ rtag pa'i 'od 'dom gang dang ldan pa yin/ lpags pa mnyen zhing 'jam la rdul dang / dri mas mi gos pa
307b2 yin| gnas bdun yongs su gang ba yin/ sku'i stod seng ge ltar 'dug pa yin/ phyag gi lag ngar zlum la shugs kyis gzhol ba yin/ sgrog rus mnyam par gang ba yin/ sku'i stod smad
307b3 'byes pa'i mtshan dang ldan pa yin/ zhal gyi tshems bzhi bcu dang ldan pa yin/ tshems kyi thags bzang zhing mnyam pa yin/ tshems kyi mdog dkar ba yin/ 'gram pa ri dwags kyi
307b4 rgyal po seng ge ltar gang ba yin/ ro bro ba'i mchog dang ldan pa yin/ sha'i do ker gyi mtshan dang ldan pa yin/ ljags ring la yangs pa yin/ tshangs pa'i sgra dbyangs dang ldan pa yin no/ /
307b5 spyan gyi mdog mthon mthing ltar 'dug pa yin/ spyan khyu mchog gi rgyal po ltar 'dug pa yin/ smin mtshams kyi mdzod spu dkar po dang ldan pa yin/ de bzhin du bsam gyis mi
307b6 khyab pa'i dpe byad bzang po brgyad cu dang ldan te/ dpe byad bzang po re re la yang dpe byad bzang po'i mchog dam pa brgya stong snyed yod de/ dpe byad bzang po de dag re re la yang
307b7 byang chub sems dpa' thog ma byang chub tu sems bskyed nas/ byang chub la ni shin tu brtan pas/ drin shes shing drin bsab pa'i phyir/ spyod pa dam pa de dag spyad de de bas na bla na med
308a1 pa'i byang chub thob par 'gyur ro/ /sangs rgyas kyis bka' stsal pa/ de bzhin gshegs pa ni sngon yun ring po bskal pa grangs med/ tshad med pa'i
308a2 bar du/ tshul khrims yongs su dag par bsrungs pas/ zhabs kyi mthil mnyam par gang ba'i mtshan dang ldan par gyur pa yin no/ /pha ma dang / slob dpon dang / bla ma dang /
308a3 gang zag yon tan dang ldan pa la mchod pa dang / bkur stir byas pa'i rkyen gyis zhabs kyi mthil 'khor lo'i mtshan dang ldan par gyur pa yin no/ /sems can rnams la mi 'tshe
308a4 zhing 'phrog pa dang / rku ba'i sems med la/ pha ma dang / slob dpon dang / bla ma dang / yon tan dang ldan pa'i gang zag la rgyang ma nas bsu bskyel byas shing / khri stan bting la nga
308a5 rgyal spangs te rim gro dang / bkur sti dang / phyag byas pas/ de'i rgyu de'i rkyen gyis sor mo phra zhing ring bar gyur pa'i mtshan dang ldan par gyur pa yin no/ /gong du smos pa'i bya ba
308a6 gsum dang ldan pas/ rting pa zlum la gang pa'i mtshan dang ldan par gyur pa yin no/ /bsdu ba'i chos rnam pa bzhis 'gro ba mang po yongs su bsdus pas/ de'i rgyu de'i rkyen gyis sor
308a7 mo'i bar dra bas 'brel ba'i mtshan dang ldan par gyur ba yin no/ /mar dang / 'bru mar gyis pa ma dang / slob dpon dang / bla ma dang / yon tan dang ldan pa'i gang zag gi lus la
308b1 bskus shing mnyes pas/ de'i rgyu de'i rkyen gyis rkang lag mnyan zhing ring la 'jam pa yin no/ /dge ba'i chos bsgom pa la mi skyo bas/ de'i rgyu de'i rkyen gyis thal gong mnyam la lag
308b2 par zlum zhing shugs kyis gzhol ba yin no/ /chos thos par dga' zhing gzhan la chos ston par yang mos te/ chos kyi phyir mngag gzhug gi las byas pas/ de'i rgyu de'i rkyen gyis
308b3 long bu'i rus pa mi snang ba'i mtshan dang ldan pa yin no/ /sgo gsum yongs su dag cing nad g.yog dang / sman gyi sbyin pa byin te/ nga rgyal med la bza' ba dang / btung ba la chog shes pa'i
308b4 rgyu dang / rkyen gyis lus drang por 'greng na lag pas bus mor slebs pa yin no/ /'khon gcugs su gyur pa la tshig 'jam pos bsdums te/ bdag kyang ngo tsha ba dang ldan pa'i chos spyad
308b5 de| gzhan yang spyod du bcug na/ de'i rgyu de'i rkyen gyis rta'i rgyal po ltar mtshan sbubs kyi nang du nub pa yin no/ /bdag gi sgo gsum yongs su dag la/ gzhan yang yongs su dag par
308b6 byed cing sems can dag 'byung ba chen po bzhi 'khrugs te nad du gyur pa'i sman dpyad kyis gsos pas na/ de'i rgyu de'i rkyen gyis lus kyi mtshan yongs su rdzogs pa yin no/ /chos thos par
308b7 dga' zhing gzhan la chos ston par mos pas na/ lus kyi ba spu gyen du nyal ba'i mtshan dang ldan pa yin/ chos kyi don zab mo yid la bgyid cing dge ba'i chos sgom par mos la/ pha
309a1 ma dang / slob dpon dang / bla ma dang / yon tan dang ldan pas gang zag la mchod pa byas pa dang / sangs rgyas kyi mchod rten dang / dge 'dun gyi
309a2 gnas khang dang / lam srang na 'dug pa'i bong ba'am/ rdo ba'am/ tsher ma'am/ mi gtsang ba med par byas na/ de'i rgyu de'i rkyen gyis spu re re nas g.yas phyogs su 'khyil ba'i mtshan
309a3 dang ldan par gyur pa yin no/ /pha rol po gzhan dag la zas dang / skom dang / rgyan dang / de la sogs pa byin zhing zhe sdang gi sems med pas na/ de'i rgyu de'i rkyen gyis gser
309a4 btso ma'i mdog dang ldan pa dang / 'od rtag pa'i mtshan nyid dang ldan pa yin no/ /ci'i las kyis ba spu'i khung bu re re nas spu re re skyes pa'i mtshan dang ldan zhe na/ las de nyid kyi rgyu las
309a5 gyur te/ las kyi rgyu de nyid kyis lus mnyan zhing 'jam la/ rdul dang / dri mas mi gos pa'i mtshan dang ldan pa yin no/ /sems can dag la dgos pa'i zang zing rgyun du gtong bas na/
309a6 de'i rgyu de'i rkyen gyis gnas bdun mnyam par gang ba'i mtshan dang ldan pa yin no/ /bdag gi nga rgyal dang / dregs pa bcom nas/ rang bzhin gyis mnyen zhing des pa'i sems kyis/
309a7 sems can gyi yid dang sbyor te chos bzhin du spyod la/ mi dge ba'i chos spangs pa'i phyir/ dge ba'i chos ston na/ de'i rgyu de'i rkyen gyis ro stod ri dwags kyi rgyal po seng ge lta bu'i
309b1 mtshan dang / smin mtshams dang / sgrog rus mnyam par gang ba'i mtshan dang / sor mo ring ba'i mtshan dang / lus kyi mtha' yang zhing 'jam pa'i mtshan dang ldan pa yin no/ /phra ma
309b2 yongs su spangs te rtsod cing 'khon pa'i bsdums byas pas/ de'i rgyu de'i rkyen gyis so bzhi bcu dang ldan pa'i mtshan dang / so'i thags bzang ba'i mtshan dang / so mnyam pa'i mtshan dang
309b3 ldan pa yin no/ /'dod pa'i khams kyi byams pa bsgoms pas/ de'i rgyu de'i rkyen gyis so dkar ba'i mtshan dang ldan pa yin no/ /slong ba mthong na dga' ba'i sems kyis bsu bskyal
309b4 byas pas/ de'i rgyu de'i rkyen gyis seng ge'i 'gram pa lta bu'i mtshan dang ldan par gyur pa yin no/ /sems can thams cad la bu gcig pa bzhin du 'dra bar lta bas/ de'i rgyu de'i rkyen gyis ro bro
309b5 ba'i mchog gi mtshan dang ldan pa yin no/ /sems can la bla na med pa'i chos kyi ro rtag tu gtong zhing brjed cing mi dran pa la yang dran par byas te/ bdag kyang tshul khrims lnga srung la/
309b6 gzhan yang bsrung bar bskul zhing byams pa'i sems kyis chos kyi sbyin pa chen po byas na/ de'i rgyu de'i rkyen gyis sha'i gtsug tor gyi mtshan dang / lce ring zhing yangs pa'i mtshan dang ldan pa
309b7 yin no/ /bden pa'i tshig dang / chos kyi dga' ba'i tshig dang / mnyen des pa'i tshig smra yi dus ma yin pa'i tshig mi smra bas/ de'i rgyu de'i rkyen gyis tshangs pa'i sgra dbyangs dang ldan pa yin
310a1 no| |snying rje'i sems bsgoms pas sems can rnams la pha ma lta bur lta bas de'i rgyu de'i rkyen gyis mig mthon mthing ltar 'dug pa dang / mig khyu
310a2 mchog gi rgyal po lta bu'i mtshan dang ldan pa yin no/ /yon tan dang ldan pa'i legs pa ma bcabs shing bstod cing bsngags pas/ de'i rgyu de'i rkyen gyis mdzod spu dkar po'i
310a3 mtshan dang ldan pa yin no/ /mtshan sum cu rtsa gnyis 'di dag gi rgyu dang / rkyen so sor bshad mod kyi/ de'i rgyu de'i rkyen yang dag pa ni tshul khrims dang / brtson 'grus so/ /de ci'i phyir
310a4 zhe na/ gal te tshul khrims ma bsrungs/ brtson 'grus ma spyad na/ mi'i lus kyang thob par mi nus na/ mtshan sum cu rtsa gnyis thob pa lta smos kyang ci dgos/ spyi gtsug bltar mi snang
310a5 ba dang / sha'i gtsug tor gyi mtshan gnyis la tha dad pa med do/ /gzhan yang ci byed do cog la gcig tu ma nges te/ 'gyod pa'i sems med na/ de'i rgyu de'i rkyen gyis rkang
310a6 mthil mnyam par gang ba'i mtshan 'thob bo/ /de yang sems rtse gcig tu byas na/ de'i rgyus 'khor lo'i rtsibs stong dang ldan pa'i mtshan dang / mtshan gsum pa dang / bzhi
310a7 pa dang / sor mo'i bar 'brel ba dang / gnas bdun mnyam par gang ba dang / mnyen zhing 'jam pa dang / phrag pa zlum pa dang / sgrog rus gang ba dang / lus drang ba dang / lce
310b1 ring zhing yangs pa'i mtshan dang ldan pa yin no/ /de yang bya ba rtag tu byas na/ de'i rgyus sor mo ring ba'i mtshan dang / lag pas pus mor slebs pa'i mtshan dang / 'od nag pa 'dom
310b2 gang gi mtshan dang / so thags bzang zhing ya yo med pa'i mtshan thob bo/ /bya ba yongs su dag par byas na/ de'i rgyus mtshan lhag ma gzhan rnams thob par 'gyur ro/ /gzhan yang /
310b3 sems can dag la dge ba 'ba' zhig gi sems bskyed pas de'i rgyus rkang lag mnyen zhing 'jam pa dang / lpags pa mnyen zhing 'jam la rdul dang / dri mas mi gos pa'i mtshan thob bo//
310b4 rim gyis bsgom zhing spyod pa dang / dus bzhin du bsgom shing spyod pas/ de'i rgyus gnyis pa dang / gsum pa dang / bzhi pa'i mtshan thob bo/ /dge ba'i chos bsgom pa la mos
310b5 shing 'gyod pa'i sems med pas de'i rgyus lus kyi mdog gser lta bu dang / 'od rtag pa dang / so dkar ba dang / smin mtshams kyi mdzod spu'i mtshan thob bo/ /bstod cing
310b6 bsngags na yang nga rgyal mi skye la/ bdag gi legs pa bcabs te rlom sems med na/ de'i rgyus rta lta bur mtshan spubs su nub pa'i mtshan thob bo/ /dge ba'i las
310b7 ci byas pa byang chub tu bsngos na/ de'i rgyus ba spu khung re re nas spu re re skye pa'i mtshan dang / ba spu gyen du nyal ba dang / so bzhi bcu dang ldan pa dang / ro bro ba'i
311a1 mchog gi mtshan thob bo/ /rtag tu brtson 'grus byas na de'i rgyus 'gram pa'i lha nga zlum pa dang / lus kyi stod seng ge lta bu'i mtshan thob bo/ /sems
311a2 can thams cad la bu gcig pa dang 'dra bar sdug par bsams pas/ de'i rgyus so thags bzang zhing mnyam pa dang / mig mthon mthing du 'dug pa dang / mig khyu mchog gi rgyal
311a3 po lta bu'i mtshan thob bo/ /dge ba'i chos sgrub pa la skyo zhing ngal ba'i sems med pas/ mtshan lhag ma gzhan rnams thob bo/ /byang chub sems dpa' sems dpa' chen
311a4 po mtshan nyid la spyod cing gnas pa'i tshe/ mtshan sum cu rtsa gnyis kyi las byed do/ /rnam par dag pa'i spyod pa la gnas pa'i tshe/ mtshan sum cu rtsa gnyis yod mod kyi/
311a5 yongs su rdzogs pa'am/ gsal ba ma yin no/ /spyod pa bcu gsum pa la gnas pa na/ mtshan rnams kyang mngon/ gsal bar yongs su rdzogs so/ /sangs rgyas kyi chos
311a6 kyis mtshan grangs med mod kyi/ sems can rnams la mi mthun te rab dang / 'bring dang / tha ma yod pas bsam gyis mi khyab pas/ de bas na sangs rgyas kyis mtshan bzang po
311a7 sum cu rtsa gnyis gsungs so/ /sems can thams cad kyi bsod nams ji tsam yod pa phyogs gcig tu bsdus te spungs na/ de bzhin gshegs pa'i ba spu gcig gi mtshan
311b1 dang mnyam mo/ /ba spu'i khung bu thams cad kyi bsod nams ji snyed gcig yod pa gcig tu bsdus te spungs na/ dpe byad bzang po gcig dang mnyam mo/ /dpe byad bzang po ji tsam
311b2 yod pa'i bsod nams ji snyed yod pa de las brgya 'gyur du byas na/ mtshan gcig dang mnyam ste/ smin mtshams kyi mdzod spu dkar po'i mtshan dang / spyi gtsug mtshan bltar mi
311b3 snang ba'i mtshan ni ma gtogs so/ /de ma yin pa mtshan gzhan thams cad gcig tu bsdus te stong 'gyur du byas na/ mtshan gong ma gnyis su 'gyur ro/ /mtshan sum cu rtsa gnyis
311b4 dang | dpe byad bzang po brgyad cu po'i bsod nams ji snyed yod pa gcig tu bsdus spungs te khri phrag stong 'gyur du byas pa dang / de bzhin gshegs pa'i 'brug sgra lta bu'i dbyangs
311b5 zab cing rgyang ring por grags pa'i mtshan dang mnyam ste/ gsung sgra de nas sangs rgyas kyi zhing tshad med mtha' yas bsam gyis mi khyab pa'i rdul phra rab snyed du grags shing sems
311b6 can gyi don du byams pa dang / snying rje chen po spyod pas/ drin shes pa dang / drin bsab pa 'di ni bsam gyis mi khyab bo/ /de ltar mtshan dang / dpe byad bzang po de dag re res kyang / so
311b7 so'i skye bo tshad med grangs med pa bya ba brgya stong gis chen po'i rdul phra rab snyed la phan pa dang / bde ba'i don byas nas byang chub tu sems bskyed du bcug go /de ltar mthar gyis bsgrub
312a1 pa yongs su rdzogs nas/ mtshan dang / dpe byad bzang po rnam pa gnyis thob ste/ mtshan dang / dpe byad bzang po yongs su rdzogs nas byang chub kyi shing drung du
312a2 song ste/ bdud kyi dpung rnams btul te mngon par sangs rgyas nas/ yang dag par chos kyi 'khor lo bskor to/ /so so'i skye bo la phan pa dang / bde ba'i don du 'dod pa'i chu klung
312a3 las bsgral nas/ shes rab kyi pha rol tu phyin pa'i 'gram du bkod de/ sems can thams cad la phan pa dang / bde ba'i don yongs su rdzogs par byas so/ /bcom ldan
312a4 'das kyis kun dga' po dang / byang chub sems dpa' sems dpa' chen po la sogs te/ 'khor mang po thams cad la 'di skad ces bka' stsal to/ /rigs kyi bu dag /khyed
312a5 rnams la su zhig sangs rgyas kyi bka' drin rtag tu gzo zhing dam pa'i chos bsrung ba'i phyir/ thabs mkhas pa chen po drin lan bsab pa'i mdo sde shin tu zab mo 'di/ glegs
312a6 bam du bri ba dang / klog pa dang / kha ton byed par 'gyur/ su zhig gis phyi ma'i dus ngan pa'i tshe/ brtson 'grus chen po bskyed de/ bla na med pa yang dag par rdzogs pa'i
312a7 pa'i byang chub 'di srung zhing gzungs su 'dzin par 'gyur/ su zhig gis chos bsrung ba'i phyir/ mdo sde 'di rgyas par sbel zhing sems can thams cad la phan pa dang / bde ba'i
312b1 don byed par nus zhes bka' stsal pa dang / de'i tshe 'khor de nyid na byang chub sems dpa' sems dpa' chen po khri brgya stong snyed 'dug pa las langs te/ gos tshags bcos nas bla gos
312b2 phyogs gcig tu gzar te pus mo g.yas pa'i lha nga sa la btsugs/ thal mo sbyar ba btud nas sangs rgyas la 'di skad ces gsol to/ /bcom ldan 'das/ bdag cag gis slad ma'i
312b3 dus ngan pa'i tshe/ bla na med pa yang dag par rdzogs pa'i byang chub 'di bsrung zhing dam pa'i chos gzungs su bzung ste/ sems can mang po la phan pa'i don byed par spro'o/ /de nas byang
312b4 chub sems dpa' seng ges 'di skad ces gsol to/ /bcom ldan 'das/ bdag kyang thabs rnam pa sna tshogs kyis sems can rnams yongs su bsdu bar spro'o/ /byang chub sems
312b5 dpa' rdo rjes gsol pa/ sems can gang ngan 'gro gsum du ltung bar gyur pa dag bdag gis ci nas kyang mi ltung bar bgyi bar spro'o/ /byang chub sems dpa' 'jam dpal gyis gsol
312b6 pa| sems can rnams ci dang / ci 'dod pa bdag gis thams cad yongs su rdzogs par bgyi bar spro'o/ /byang chub sems dpa' ye shes rgyal mtshan gyis gsol pa/ bdag
312b7 gis ni sems can rnams la ye shes chen po'i chos kyi rgyal mtshan sbyin par bgyi bar spro'o/ /byang chub sems dpa' chos kyi rgyal mtshan gyis gsol pa/ bcom ldan 'das/ bdag
313a1 gis ni sems can rnams la chos yongs su sbyin par spro'o/ /byang chub sems dpa' nyi 'od kyis gsol pa/ bcom ldan 'das/ bdag gis ni sems
313a2 can rnams la bde ba sbyin par spro'o/ /byang chub sems dpa' zla 'od kyis gsol pa/ bcom ldan 'das/ bdag gis ni sems can rnams la bsod nams kyi las byed
313a3 du gzhug par bskul bar spro'o/ /byang chub sems dpa' dge sbyong gis gsol pa/ bcom ldan 'das/ bdag ni sems can rnams la thams cad bag med pa la mi gnas
313a4 par bskul bar spro'o/ /byang chub sems dpa' blo gros mi zad pas gsol pa/ bcom ldan 'das/ bdag ni sems can thams cad la zad mi shes pa'i dbyings kyi don mthong
313a5 bar bstan par spro'o/ /byang chub sems dpa' zla 'od dbus gsol pa/ bcom ldan 'das/ bdag ni sems can thams cad bla na med pa'i bde ba'i sbyin pa bgyi bar spro'o zhes
313a6 byang chub sems dpa' de dag so so nas dam bcas so/ /byang chub yongs su brgyan cing / sems can thams cad la phan zhing bde ba dang / sangs rgyas kyi bka' drin dran zhing /
313a7 sangs rgyas kyi bka' drin bsab pa'i phyir/ stan las langs nas thal mo sbyar ba btud de/ sangs rgyas kyi mdo sde 'di bdag cag la gtad du gsol/ zhes gsol to/ /de'i tshe
313b1 tshe dang ldan pa kun dga' bos/ 'di skad ces gsol to/ /bcom ldan 'das/ mdo sde 'di'i mtshan ci zhes bgyi/ ji ltar yongs su gzung / bcom ldan 'das kyis kun dga' bo
313b2 la bka' stsal pa/ mdo sde 'di'i ming dge ba'i dngos po kun bsdu ba zhes kyang bya/ thabs mkhas pa chen po zhes kyang bya/ dgongs pa dam pa'i spyod pa zhes kyang bya/ sangs rgyas drin
313b3 lan bsab pa zhes kyang bya'o/ /bcom ldan 'das kyis kun dga' bo dang / byang chub sems dpa' sems dpa' chen po rnams la 'di skad ces bka' stsal to/ /khyed rnams ji ltar
313b4 bstan pa bzhin du nan tan du spyod cig /sangs rgyas kyis yongs su gdams pa'i le'u 'di bstan pa'i tshe/ nyan thos bdun khri nyis stong gis/ bla na med pa'i byang chub tu sems bskyed
313b5 par gyur to/ /gzhan yang / lha dang / klu dang / gnod sbyin dang / dri za dang / mi'am ci dang / lto 'phye chen po dang / mi dang / mi ma yin pa dang / de la sogs pa thams cad sangs
313b6 rgyas kyis gsungs pa la rjes su yi rangs bar gyur to/ /thabs mkhas pa chen po sangs rgyas drin lan bsab pa'i mdo las/ nye bar bsnyen pa'i le'u zhes bya ste dgu pa'o// //
313b7 thabs mkhas pa chen po sangs rgyas drin lan bsab pa zhes bya ba'i mdo rdzogs so// //rgya nag la sa bod du 'gyur ba la 'gyur gsar bcad ma byas pa'o// //
CLOSE WINDOW