བོད་ཡིག |
452b7 zhus chen gyi lo ts+tsha ba ban+de de ye shes sdes ba sgyur cing zhus te gtan la phab pa// //rgya gar skad du/ su
453a1 ma ga d+hA a ba dA na/ bod skad du/ ma ga d+ha bzang mo'i rtogs pa brjod pa/ sangs rgyas dang / byang chub sems dpa' thams cad la phyag 'tshal lo/ /sangs
453a2 rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas de'i tshe mnyan yod na/ mgon med zas sbyin gyi
453a3 bu mo ma ga d+ha bzang mo zhes bya ba dad pa dang ldan pa/ rang bzhin bzang ba/ bsam pa dge ba/ bdag dang gzhan la phan pa'i phyir zhugs pa zhig gnas so/ /ji tsam na bu ram
453a4 shing 'phel zhes bya ba'i grong khyer na tshong dpon gzhan zhig gnas la/ de'i bu khyu mchog byin zhes bya'o/ /de yang gzhan mu stegs pa sten pas/ gcer bu pa rnams la
453a5 mngon par dad pa zhig gnas pa dang / gang gi tshe bcom ldan 'das kyis cho 'phrul chen po rnam par bstan pa de'i tshe/ mu stegs pa rnams mtha' 'khor tu kun tu gnas
453a6 te| la la ni grong khyer bzang byed ces bya ba na'o/ /la la ni mud gi ri ka zhes bya ba'i yul na'o/ /la la ni bu ram shing 'phel zhes bya ba'i grong khyer na gnas so/ /de'i tshe
453a7 de'i dus na/ khyu mchog byin de'i bar du khyim ma byas ba dang / de la gcer bu pa rnams kyis smras pa/ mgon med zas sbyin gyi bu mo ma ga d+ha bzang mo zhes bya ba/ gzugs
453b1 bzang ba/ blta na sdug pa/ mdzes pa/ skye bo dam pa rnams dang 'dra ba zhig yod do/ /ji srid des thos pa dang / bdag nyid gcer bu pa'i cha byad du byas te/ mnyan yod du song ngo / /ji
453b2 tsam na khyim bdag mgon med zas sbyin gyi khyim du slong ba'i phyir zhugs pa dang / des bu mo de mthong ngo / /mthong ba'i mod kho na la bu mo de la kun tu chags par gyur la/ de der bslangs
453b3 pa'i phye zhwa'i nang du blangs so/ /de nas bu mo des log par spyod pa de mthong ba dang / 'di ni shes bzhin med par slongs mo len to/ /zhes bgad do/ /de nas khyu mchog byin de ngo tsha
453b4 bar gyur pa dang / bu ram shing 'phel gyi grong khyer du song ste pha la smras nas/ des bu mo de bslangs so/ /mgon med zas sbyin gyis bcom ldan 'das la zhus pa dang / bcom ldan
453b5 'das kyis bka' stsal pa/ gzhan du na gang gi tshe ma ga d+ha bzang mo 'di bu ram shing 'phel du song na rab tu byung ba rnams kyi bya ba dang / sangs rgyas kyi bya ba byed par 'gyur ro/ /yang
453b6 ji srid cig na khyim bdag mgon med zas sbyin gyis nye du rnams la yang go bar byas nas byin pa dang / bu ram shing 'phel du khyer ro/ /ji tsam na dus gzhan zhig gi tshe khyim de na gcer
453b7 pu pa rnams zan za ba dang / de la sgyug mos smras pa/ de ring bdag cag gi khyim na mchod gnas rnams bshos gsol gyi tshur shog/ mchod gnas rnams la ltos shig/ ma
454a1 ga d+ha bzang mos de thos pa dang / dga' ba dang / mgu ba dang / rangs pa dang / yid bde ba skyes te bsams pa/ nges par btsun pa shA ri'i bu'am/ mo'u dag la
454a2 gyi bu chen po la sogs pa nyan thos chen po rnams byon par gyur to snyam nas/ de yid rab tu dga' ba dang / 'jigs pa med par song ba dang / gcer bu nags kyi ma he 'dra ba/ skra
454a3 rnams btogs pa/ phug ron gyi phru gu 'dra ba'i gcer bu pa rnams mthong ngo / /mthong ba dang / de'i mod la ma ga d+ha bzang mo ngo tsha ste/ de gdong gzhan du bltas pa dang / de
454a4 la sgyug mo des smras pa/ bu mo/ khyod ci'i phyir yi mug par gyur/ des smras pa/ gang 'di lta bu mchod gnas yin na mchod gnas ma yin pa go ji lta bu zhig yod par 'gyur/
454a5 de la des smras pa/ bu mo/ khyod la 'di bas ches khyad par du 'phags pa'i ston pa 'ga' zhig yod dam/ bu mos smras pa/ bdag gi pha'i gtsug lag khang rgyal byed kyi tshal na
454a6 sangs rgyas zhes bya ba'i ston pa bzhugs te/ de ni rgyu ba dang / mi rgyu ba'i 'jig rten gyi mchod gnas yin no/ /khyod kyi ston pa de ci 'dra ba zhig/ smras pa/ bdag gi ston pa btso
454a7 ma'i tshogs ltar ser/ /btso ma gser ltar shin tu dri ma med/ /tshul khrims rnam dag shes rab shin tu dag/ 'jig rten gsum na mnyam med 'gro las 'phags/ /
454b1 de thos ma thag tu sems rab tu dga' bar gyur nas smras pa/ bu mo/ nged cag rnams la bcom ldan 'das de sang bstan par nus sam/ ma ga d+ha bzang mos smras pa/ bshos gtsang rnams sbyor
454b2 cig dang / sang bcom ldan 'das spyan drang bar bya'o/ /ci tsam na de rnams kyis smras pa/ bshos gtsang rnams sbyar gyi khyod kyis bcom ldan 'das sang spyan drongs shig/ de nas ma ga
454b3 d+ha bzang mos khang pa'i yang thog gi steng du mngon par 'dzegs nas/ phyogs gang na bcom ldan 'das bzhugs pa'i sa der thal mo sbyar te phyag byas nas/ bcom ldan 'das kyi yon
454b4 tan rjes su dran te/ me tog rnams 'thor zhing spos kyang btul nas/ gser gyi bum pa'i chus bcom ldan 'das spyan drang ba'i phyir/ gser gyi bum pa'i chu yang sbrengs so/ /snying rje
454b5 ba'i tshig 'di skad ces kyang smras te/ bcom ldan 'das/ thugs rje chen po dang ldan pa/ bdag ni ri dwags dang 'dra bar gyur cing mtha' 'khob na mchis te/ dkon mchog gsum dang
454b6 bral bar gyur pa la rjes su gzung bar mdzad cing / dge slong gi dge 'dun dang bcas par 'dir gshegs par mdzad du gsol/ yang 'di skad ces kyang smras te/ tshul khrims rnam dag
454b7 shes rab shin tu dag/ dad ldan snying po nyan thos che rnams kyis/ /mgon med gyur ba bdag la rjes bzung ba'i/ /don mdzad thugs rjes gshegs par mdzad du gsol/ /ji
455a1 tsam na me tog dang / spos dang / gser gyi bum pa'i chu 'ang nam mkha' la 'phags par gyur to/ /bcom ldan 'das kyang de'i tshe nang du yang dag 'jog las
455a2 bzhengs nas/ 'khor rnam pa bzhi la chos ston to/ /gser gyi bum pa'i chu de yang bcom ldan 'das kyi spyan sngar bai DUR+ya'i sdong bu bzhin du rnam par gnas so/ /me tog de bcom ldan
455a3 'das kyi steng gi nam mkha' la khang pa brtsegs pa bzhin du gnas so/ /de dang / spos kyang sprin brtsegs pa bzhin du gnas par gyur to/ /de nas de mthong ba dang / tshe dang ldan pa
455a4 kun dga' bos/ bcom ldan 'das la gsol pa/ bcom ldan 'das spyan 'dren pa 'di ga las mchis/ bcom ldan 'das kyis bka' stsal pa/ kun dga' bo/ dpag
455a5 tshad brgya drug cu rtsa gsum na bu ram shing 'phel gyi grong khyer yod pa nas 'ongs so/ /kun dga' bo/ grong khyer de ni mu stegs pa rnams kyis bzung ba yin pas/ rdzu 'phrul
455a6 gyi rnam par 'phrul pas 'gro bar bya'o zhes dge slong rnams la tshul shing brims shig/ ji tsam na tshe dang ldan pa kun dga' bos rgan pa'i gnas mtha' nas bzung nas
455a7 tshul shing brims te/ 'di skad ces kyang smras so/ /sang bu ram shing 'phel gyi grong khyer du 'gro bar bya ste/ grong khyer de ni mu stegs pa rnams kyis yongs su bzung bas/ khyed
455b1 cag rnams las gang rdzu 'phrul thob pa des tshul shing long zhig/ ji srid cig na rgan pa'i mtha' nas tshul shing len par brtsams so/ /yang de na pU ra nu kun da u da pa da na zhes bya ba'i gnas
455b2 brtan yod de/ de yang rdzu 'phrul ma thob par lag pa brkyang ste/ tshul shing len par brtsams pa dang / de la tshe dang ldan pa kun dga' bos smras pa/ gnas brtan mgon med zas sbyin gyi
455b3 khyim du 'jug pa ma yin gyi/ gzhan du na dpag tshad brgya drug cu rtsa gsum na bu ram shing 'phel zhes bya ba'i gnas yod de/ der 'gro dgos so/ /de 'di snyam du sems te/ ngas ni
455b4 thog ma med pa'i dus nas goms pa'i nyon mongs ni spangs na/ mu stegs pa rnams dang thun mong du gyur pa'i rdzu 'phrul lta zhing / dka' ba ci zhig yod nas bskyed par mi bya snyam nas
455b5 des kyang dus de nyid du rdzu 'phrul bskyed pa dang / ji srid du tshul shing gnyis pa ma brims pa de srid du des glang po che'i sna 'dra ba'i lag pa brkyang ste tshul shing blangs so/ /ji tsam
455b6 na tshe dang ldan pa kun dga' bos rgan pa'i mtha' logs su 'dug ste/ smras pa/ gang gi rdzu 'phrul gang thob pa des bu ram shing 'phel zhes bya ba'i grong khyer du 'gro bar bya'o//
455b7 de nas nyi ma gnyis pa la nam nangs te/ dge slong rnams rdzu 'phrul gyi rnam par 'phrul pas yang dag par chas so/ /de nas rgyal po chen po bzhi yang mnyan yod gang na ba der mngon
456a1 par lta bar sems so/ /ci tsam na bar skabs der kun shes kauN+Di n+ya zhes bya ba rta'i shing rta la zhon te/ glog 'gyur ba'i snang ba ston cing dal bus char rab tu 'babs
456a2 te| de lta bu'i rang gi rdzu 'phrul rnam par ston cing 'ong ngo / /de nas ma ga d+ha bzang mo'i bdag pos de mthong ba dang dris pa/ ma ga d+ha bzang mo/ 'di khyod kyi ston pa de yin nam/ des smras
456a3 pa| 'di ni kun shes kauN+Di n+ya zhes bya ba yin te/ 'di ni bcom ldan 'das kyis chos kyi 'khor lo dang po bskor ba na 'dis thog mar bdag med pa mngon sum du byas pa de thog mar
456a4 'ongs pa 'di yin no/ /bar skabs der gnas brtan 'od srung chen pos brag gi ri chen po shing sna tshogs pa rnam pa brgyas khyab pa/ bya rnam pa sna tshogs kyis khyab pa/ me tog sna
456a5 tshogs yang dag par khebs pa/ g.ya' chu sna tshogs kyis nye bar mdzes par byas pa/ mngon par sprul te/ steng gi nam mkha' las 'ong ngo / /de nas khyim bdag des de mthong
456a6 na smras pa/ ma ga d+ha bzang mo/ 'di khyod kyi ston pa de yin nam/ des de la smras pa/ 'di ni 'od srung chen po zhes bya ba yin te/ bcom ldan 'das kyis sbyangs pa'i yon tan la gnas
456a7 par smra ba rnams kyi mchog tu gsungs pa ste/ 'dis gcig gis ma tshang ba'i glang dor stong bor zhing / ser skya bzang mo skye bo dge ba rnams dang mtshungs pa dang / dbyig dang / gser
456b1 mang po mchil ma'i thal ba bzhin spangs nas mngon par byung ste/ rab tu byung ba de ni 'ong ba 'di yin no/ /bar skabs der tshe dang ldan pa shA ri'i bus seng ge'i shing rta mngon par sprul te/ steng
456b2 gi nam mkha' la rdzu 'phrul gyis 'ong ngo / /de nas khyim bdag des de mthong ba dang bris pa/ ma ga d+ha bzang mo/ gang seng ge'i shing rtas 'ong ba 'di khyod kyi ston pa de yin nam/ des de la
456b3 smras pa/ 'di ni dge slong shA ri'i bu zhes bya ba yin te/ bcom ldan 'das kyis shes rab dang ldan pa rnams kyi mchog tu bstan pa yin te/ 'di ma'i mngal du zhugs pa tsam gyis/
456b4 'dzam bu gling thams cad kyi rtsod par smra ba rnams las rgyal bar gyur to/ /'di ni ston pa gnyis pa/ mchog gnyis pa/ chos kyi ded dpon/ chos kyi 'khor lo rjes su skor ba de ni seng
456b5 ge'i shing rtas 'ongs pa 'di yin no/ /de'i rjes thogs nyid la tshe dang ldan pa mo'u 'gal gyi bu chen pos/ glang po ches srung 'dra ba'i glang po che'i rgyal por sprul te/ steng gi nam
456b6 mkha' la rdzu 'phrul gyis 'ong ngo / /de nas khyim bdag des de mthong nas/ ma ga d+ha bzang mo la bris pa/ gang glang po ches srung 'dra ba'i glang pos 'ong ba 'di khyod kyi ston pa de yin
456b7 nam/ des de la smras pa/ 'di ni dge slong mo'u dgal gyi bu chen po zhes bya ba yin te/ bcom ldan 'das kyis rdzu 'phrul can rnams kyi mchog tu bstan pa ste/ 'di'i rdzu 'phrul gyis
457a1 lha'i dbang po brgya byin gyis rnam par rgyal ba'i khang bzang rkang pa'i mthe bos kun tu bsgul ba dang / 'dis klu'i rgyal po dga' bo dang / nye dga' bo gnyis btul ba
457a2 de| glang po'i shing rtas 'ong ba 'di yin no/ /bar skabs der tshe dang ldan pa ma 'gags pas shing rta'i 'phang lo tsam gyi pad+ma thams cad gser las byas pa/ bai DUR+ya'i sdong bu can/
457a3 dngul gyi ge sar dang ldan par mngon par sprul te/ rdzu 'phrul gyi nam mkha' las 'ong ngo / /de nas khyim bdag des de mthong ba dang dris pa/ ma ga d+ha bzang mo/ 'di khyod kyi ston pa de
457a4 yin nam/ des de la smras pa/ 'di ni dge slong ma 'gags pa zhes bya ba/ bcom ldan 'das kyis lha'i mig dang ldan pa rnams kyi mchog tu bstan pa de/ 'di ni bsod nams kyi stobs
457a5 kyis yongs su bzung bas snod tshol bas gang ba lnga brgya sgo na gnas pa dang / cung zad bsams pa tsam gyis chos gos dang / bsod nams dang / mal stan dang / nad kyi rkyen sman
457a6 dang / yo byad rnams 'byung ba la spyod pa de pad+ma'i shing rtas 'ongs pa yin no/ /bar skabs der tshe dang ldan pa gang pos nam mkha' lding gi shing rta mngon par sprul te/ rdzu 'phrul
457a7 gyis steng gi nam mkha' las 'ong ngo / /de nas khyim bdag des dris pa/ ma ga d+ha bzang mo/ nam mkha' lding gi shing rtas 'ong ba 'di khyod kyi ston pa yin nam/ des de la smras pa/
457b1 'di ni dge slong gang po zhes bya ba/ bcom ldan 'das kyis chos ston pa rnams kyi mchog tu bstan pa/ de nam mkha' lding gi shing rtas 'ong ba 'di yin no/ /bar skabs der tshe dang ldan pa rta thul spyod
457b2 lam rab tu zhi bas 'ong ngo / /de nas khyim bdag des de la dris pa/ ma ga d+ha bzang mo/ gang lhung bzed lag na thogs te spyod lam rab tu zhi bas 'ong ba de khyod kyi ston pa yin nam/ des de la smras
457b3 pa| 'di ni dge slong rta thul zhes bya ba yin te/ 'di'i spyod lam rab tu zhi bas glang po che smyon pa btul ba dang / 'di'i spyod lam rab tu zhi bas/ 'phags pa shA ri'i bus bden pa mthong bar
457b4 gyur te/ de mngon par byung nas bcom ldan 'das kyi bstan pa la rab tu byung ngo / /rab tu byung nas kyang dgra bcom pa nyid thob pa de spyod lam rab tu zhi bas 'ong ba 'di yin no/ /bar skabs
457b5 der tshe dang ldan pa nye bar 'khor gyis gser gyi ta la'i nags mngon par sprul te/ rdzu 'phrul gyis steng gi nam mkha' la 'ong ngo / /de nas khyim bdag des de la dris pa/ ma ga d+ha bzang
457b6 mo| gang gser gyi ta la'i nags la rten cing 'ong ba 'di khyod kyi ston pa de yin nam/ des de la smras pa/ 'di ni dge slong nye bar 'khor zhes bya ba/ bcom ldan 'das kyis 'dul ba 'dzin pa
457b7 rnams kyi mchog tu ston pa yin te/ 'di la shAkya lnga brgya tsam rab tu byung ba rnams kyis do shal dang / gdu bu dang / dpung rgyan dang / gser gyi gdugs la sogs pa'i rgyan rnams dang /
458a1 gos rnams kyi phung po chen po mdun du bzhag pa dang / 'dis de mthong ba dang skyo ba chen po skyes te/ de dag thams cad mi rtag par shes nas/ bcom ldan 'das
458a2 kyi bstan pa la rab tu byung ngo / /rab tu byung nas kyang dgra bcom pa nyid mngon sum du byas pa de gser gyi ta la'i nags la rten nas 'ong ba 'di yin no/ /de nas bar skabs der tshe dang ldan
458a3 pa ka ta ya na'i bu chen pos bai DUR+ya'i khang pa brtsegs pa mngon par sprul te/ rdzu 'phrul gyis nam mkha' las 'ong ngo / /de nas khyim bdag gis dris pa/ ma ga d+ha bzang mo/ bai DUR+ya'i khang
458a4 pa brtsegs pa na 'dug ste 'ong ba 'di khyod kyi ston pa de yin nam/ des de la smras pa/ 'di ni dge slong ka ta ya na'i bu chen po zhes bya ba bcom ldan 'das kyis mdo sde ba dang / bye brag
458a5 du smra ba rnams kyi mchog tu bstan pa de bai DUR+ya'i khang pa brtsegs pa'i nang du 'dug nas 'ong ba 'di yin no/ /bar skabs der tshe dang ldan pa gsus po ches khyu mchog gi shing rta mngon
458a6 par sprul nas/ rdzu 'phrul gyis steng gi nam mkha' las 'ong ngo / /de nas khyim bdag des de la dris pa/ ma ga d+ha bzang mo/ khyu mchog gi shing rta la zhon te 'ong ba 'di khyod kyi ston pa
458a7 yin nam/ des de la smra ba/ 'di ni dge slong gsus po che zhes bya ba bcom ldan 'das kyis rig pa thob pa rnams kyi mchog tu bstan pa yin te/ khyu mchog gi shing rtas 'ong ba 'di yin
458b1 no| |bar skabs der tshe dang ldan pa srung dbang gi bu ngang pa'i shing rtas steng gi nam mkha' las rdzu 'phrul gyis 'ong ngo / /de nas khyim bdag des dris pa/ ma ga d+ha bzang mo/ gang ngang pa'i shing rtas 'ong
458b2 ba 'di khyod kyi ston pa yin nam/ des de la smras pa/ 'di ni dge slong srung dbang gi bu zhes bya ba bcom ldan 'das kyis snying rje la gnas pa rnams kyi mchog tu bstan pa de 'di yin te/ 'di ni chu bo gang+gA
458b3 brgal bar 'dod pa na bzang mo 'dug cig/ ces smras pa dang / tshig de'i rjes thogs nyid la ri bo rtsegs pa bzhin du gnas te/ rnam pa thams cad du mi 'bab par byed pa de ngang pa'i shing rtas
458b4 'ong ba 'di yin no/ /bar skabs der tshe dang ldan pa rna ba bye ba nyi shu ri nags kyi tshogs la 'chag cing 'dug pa de 'chag bzhin du 'ong ngo / /de nas khyim bdag des dris pa/ ma ga d+ha bzang mo/ gang
458b5 nags shing brgya dag gis khyab pa'i nags 'di la 'chag cing 'ong ba 'di khyod kyi ston pa de yin nam/ des de la smras pa/ 'di ni dge slong rna ba can zhes bya ba/ bcom ldan 'das kyis brtson
458b6 'grus rtsom pa rnams kyi mchog tu bstan pa yin te/ 'di skyes pa tsam gyis rna ba bye ba nyi shu ri ba dang bcas par skyes pa dang / gang gi rkang mthil gyi 'og nas sor bzhi tsam gyi gser gyi spu
458b7 yang dag par skyes pa dang / gang 'di dang po'i zan la kAR+Sha pa Na lnga brgya zad par byas pa dang / gang bcom ldan 'das snyung ba dang / mo'u dgal gyi bu chen pos bshos gtsang nye bar blangs pa
459a1 dang / gang gi dris 'od ma'i tshal thams cad kun tu gang ba dang / rgyal po gzugs can snying pos mnams nas/ mchog tu ngo mtshar skyes te/ gang gi rkang pa gnyis bzhag
459a2 pa tsam gyis sa 'di rab tu g.yos pa dang / gang zhig rab tu byung nas 'chag pa na/ de'i rkang pa gnyis las khrag byung ba zag pa khwa rnams 'thung ba de 'chag cing 'ong ba 'di yin no/ /bar
459a3 skabs der tshe dang dang ldan pa sgra gcan 'dzin 'khor los bsgyur ba'i cha lugs su mngon par sprul te 'ong ba dang / de nas khyim bdag des dris pa/ ma ga d+ha bzang mo /gang 'di 'khor los
459a4 bsgyur ba'i cha byad kyis 'ong ba 'di khyod kyi ston pa de yin nam/ des de la smras pa/ 'di ni bcom ldan 'das kyi sras bcom ldan 'das kyi bslab pa 'dzin pa rnams kyi mchog tu bstan pa
459a5 yin te/ 'dis yab kyi spangs pa'i dpal ston par byed cing / 'khor los bsgyur ba'i cha lugs kyis rin po che sna bdun dang ldan pa bu stong gis yongs su bskor te/ gza' dang / rgyu skar
459a6 dang / skar ma'i tshogs kyis bskor ba'i zla ba lta bu dang / rgyal po'i lam bzung nas 'gro ba mi'i bdag po lta bu dang / chu bo stong phrag gi chu 'bab pas kun tu 'gengs pa'i rgya mtsho lta bu dang /
459a7 'jigs pa dang / nad dang / mya ngan sel pa'i skye dgu skyong ba chen po lta bu dang / ri dwags kyi nang na seng ge lta bu dang / bya rnams kyi nang na nam mkha' lding lta bu dang / thams cad sel ba'i
459b1 nyi ma dang / gling bzhi la dbang ba'i 'khor los bsgyur ba dang / chos bzang na mig stong dang ldan pa chos skyong ba lta bur 'ong ba yin no/ /de bzhin du la la ni 'bar bar byed pa dang / la la ni char 'bebs
459b2 pa dang / de bzhin du cho 'phrul sna tshogs pa ston cing 'ong ba yin no/ /la la sa las 'phags pa dang / /la la nam mkha'i gzhi la gnas/ /la la stan ni sprul byed de/ /rdzu 'phrul ldan pa'i mthu la ltos//
459b3 de ltar bcom ldan 'das kyi slob ma rnams yang dag par song ba dang / de nas bcom ldan 'das kyis 'od gang gis 'dzam bu gling thams cad gser btso ma'i mdog 'dra ba'i 'od kyis gang ba de
459b4 lta bu'i 'od bkye zhing / mnyan yod nas brtsams te/ bu ram shing 'phel gyi bar 'di 'od kyi dkyil 'khor chen po bkye bas/ gang du yang mig gis mi mthong ba med pas thams cad kyis
459b5 mthong bar gyur to/ /bcom ldan 'das kyang nam mkha' la gshegs pa dang / lag na rdo rje ni snam logs nas 'greng ngo / /gnas gtsang ma pa rnams ni steng nas so/ /'dod pa na spyod pa'i
459b6 lha rnams ni 'og nas so/ /g.yon logs nas ni brgya byin no/ /g.yas nas ni tshangs pa'o/ /de bzhin du gtsug phud lnga pa dang / shin tu dga' ba dang / mig sbyin la sogs pa'i dri za rnams
459b7 pi wang dang / gling bu dang / rnga dang / rdza rnga la sogs pa rol mo'i bye brag snyan pa rnams brdung zhing me tog dang / bdug pa dang / dri dang / phreng ba rnams kyang 'thor zhing 'byor pa chen pos gshegs
460a1 te/ bar skabs der bcom ldan 'das kyis srog chags stong phrag bdun cu rtsa bdun bden pa la thog mar rab tu bkod pa mdzad nas/ de'i 'og tu bu ram
460a2 shing 'phel gyi grong khyer du gshegs te/ grong khyer de na yang sgo bco brgyad yod pa dang / der bcom ldan 'das kyis sangs rgyas bco brgyad bco brgyad sprul par mdzad nas/ sgo re re
460a3 zhing sangs rgyas snang bar gyur pa nas/ bcom ldan 'das ma ga d+ha bzang mo'i khyim du gshegs so/ /de nas skye bo'i tshogs chen po de rnams kyis sangs rgyas bcom ldan 'das ma mthong
460a4 ste| de nas khros nas de'i khyim bshig par brtsams so/ /de nas bcom ldan 'das kyis grong khyer de thams cad shel gyi rang bzhin du byin gyis brlabs te/ gang khyim thams cad
460a5 du yang sangs rgyas kyis ku bzhugs par mthong bar mdzad do/ /ji srid du bu ram shing 'phel du ma ga d+ha bzang mo la sogs pa'i srog chags brgya stong du ma rnams kyis bcom ldan
460a6 'das la me tog dang / dri dang / phreng ba dang / spos rnams kyis mchod par byas so/ /bcom ldan 'das kyis kyang ma ga d+ha bzang mo la sogs pa'i skye bo'i tshogs chen po de rnams
460a7 la gang zhig thos na/ ma ga d+ha bzang mo la sogs pa'i srog chags brgya stong du ma rnams kyis bden pa mngon du mthong ba thob par gyur pa de lta bu'i chos bstan pa mdzad cing /
460b1 'khor de thams cad kyang sangs rgyas la gzhol ba dang / chos la 'bab pa dang / dge 'dun la 'bab par gyur to/ /yang dge slong rnams the tshom skyes te/ the tshom thams cad gcod par mdzad pa sangs
460b2 rgyas bcom ldan 'das la zhus pa/ bcom ldan 'das/ ji srid du ma ga d+hA bzang mo mchis nas/ srog chags brgya stong du ma mtho ris dang / thar pa la gzhol bar gyur pa dang / 'dis sangs rgyas
460b3 kyi mdzad pa bgyis pa ni ngo mtshar che'o/ /bcom ldan 'das kyis bka' stsal pa/ da ltar 'ba' zhig tu ma zad de/ 'das pa'i dus na 'dis sangs rgyas kyi bya ba byas pa de nyon cig /dge slong
460b4 dag /sngon byung ba 'das pa'i dus na/ skye dgu'i tshe lo nyi khri thub pa na/ yang dag par rdzogs pa'i sangs rgyas/ 'od srung zhes bya ba/ rig pa dang / zhabs su ldan pa/ bde bar gshegs pa/ 'jig
460b5 rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ yang dus de'i de'i tshe grong khyer wA ra
460b6 Na si na/ rgyal po kraM krI zhes bya ba rgyal po byed de/ de'i bu mo gser gyi phreng ba dang ldan pa zhig btsas te/ de'i ming yang gser phreng zhes bya bar btags so/ /ji srid cig na bu mo de cher skyes
460b7 par gyur pa dang / na zla gzhon nu ma lnga brgya thams cad kyang gzhon nu mas bskor cing thabs gcig tu yang dag par rdzogs pa'i sangs rgyas 'od srung la bsnyen bkur byed de/ de la dad pa/
461a1 yang dag par thob pas yang dag par rdzogs pa'i sangs rgyas bcom ldan 'das 'od srung la ji srid 'tsho'i bar du chos gos dang / bsod snyoms dang / gzims cha
461a2 dang / snyun gyi rkyen sman dang / yo byad rnams kyis bsnyen bkur byed do/ /yang dus de'i tshe rgyal po kr-i krIs mtshan gcig la rmi lam bcu rmis te/ des smras pa/ glang po che'i rgyal po
461a3 skar khung nas byung ba na mjug ma phra mo thogs pa dang / sgom pa'i phyi nas khron pa snyegs pa dang / phye bre gang dang / mu tig bre gang tshong byed pa dang / tsan+dan dang / shing rin mnyam
461a4 par byed pa dang / kun dga' ra ba me tog dang / 'bras bu phun sum tshogs pa ma byin par len pa rnams kyis phrogs pa dang / glang po phru gus spos kyi glang po 'jigs par byed pa
461a5 dang / spre'u mi gtsang bas gos pas gzhan la skud pa dang / spre'u rgyal por dbang bskur bar mthong ba dang / ras gcig mi bco brgyad kyis drangs kyang ma ral ba dang / skye
461a6 bo'i tshogs chen po gcig tu 'dus nas 'thab pa dang / rtsod pa dang / g.yul 'gyed pa dang / 'tshang 'dru bar gyur pas 'jigs pa mthong ngo / /de nas rgyal po de sad pa dang
461a7 'jigs shing skrag la/ skyo bas nga'i srog gi 'tsho ba'i bar chad du 'gyur ba'am/ rgyal srid las nyams par mi 'gyur ram snyam ste/ des bram ze rmi ltas kyi mtshan ma ston
461b1 shes pa rnams bsdus nas de rnams la rmi lam de rnams smras so/ /de rnams kyang gser phreng can la zhe sdang ba yin pas/ rnams kyis smras pa/ lha/ khyod la thams cad kyi nang na thugs su
461b2 byon pa de'i snying dang / me la sbyin sreg gi mchod sbyin mdzod cig/ de nas rgyal po de yi mug pas bsams pa/ thams cad kyi nang nang la sdug pa ni nga'i gser phreng can yin no/ /gser
461b3 phreng can gyis de thos pa dang / de yang mkhas pa yin pas/ rgyal po de'i gan du song ste/ phyin nas smras pa/ lha nyi ma shar na mar me'i 'od dgos pa ci mchis/ yang dag par rdzogs pa'i
461b4 sangs rgyas bcom ldan 'das 'od srung 'di drang srong smra ba ri dwags rgyu ba na bzhugs te/ der gshegs la zhus shig dang / bcom ldan 'das des khyed la lung ji ltar bsnyan pa de
461b5 bzhin du khyed kyis gzung zhig dang / de nas rgyal po kraM krIs grong khyer wa ra NA sir nga deng bcom ldan 'das de'i grong du 'gro'o zhes dril chen po bsgrags nas/ de 'khor brgya stong du ma
461b6 dang / gser phreng can de dang / thabs gcig tu bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag btsal te/ chos nyan
461b7 pa'i phyir bcom ldan 'das kyi spyan sngar 'dug go/ ji srid cig na rgyal po kr-i krI sta na las langs te/ bcom ldan 'das gang na ba der thal mo sbyar ba btud nas/ bcom ldan
462a1 'das la 'di skad ces gsol to/ /bcom ldan 'das/ 'dir bdag gung gcig la bdag gis rmi lam bcu khums pa/ glang po che skar khung nas byung
462a2 ba na de'i mjug ma thogs pa la sogs pa snga ma bzhin te/ bcom ldan 'das kyi rmi lam de'i 'bras bu 'dir bdag la lung bstan du gsol/ bcom ldan 'das kyis bka'
462a3 stsal pa/ rgyal po chen po/ ma 'jigs shig/ khyod kyi yul 'khor nyams par mi 'gyur la/ srog gi bar chad du yang mi 'gyur gyi/ rgyal po chen po/ gzhan du na ma 'ongs
462a4 pa'i tshe skye dgu'i tshe lo brgya thub pa na shAkya thub pa zhes bya ba yang dag par rdzogs pa'i sangs rgyas 'byung ste/ de'i phyi ma'i dus na nyan thos rnams lus ma bsdams pa/ sems
462a5 ma bsdams pa/ tshul khrims ma bsdams pa/ shes rab ma bsdams pa rnams 'byung bar 'gyur te/ de rnams gnyen gyi tshogs spangs nas rab tu 'byung bar 'gyur te/
462a6 de rnams gtsug lag khang rnams su khyim gyi 'du shes 'jog pas chags par 'gyur te/ glang po che skar khung nas byung ba na/ de'i mjug ma thogs pa ni de'i snga ltas yin no//
462a7 rgyal po chen po/ khyod kyis skom pa'i phyi nas khron pa snyegs pa rmi lam du mthong ba gang yin pa de ni de rnams gtsug lag khang gi nang na lhan cig gnas pa rnams la chos ston
462b1 par 'gyur yang / de rnams mnyan par 'dod par mi byed cing / yid la mi 'jog ste/ de'i snga ltas ni 'di yin no/ /rgyal po chen po/ khyod kyis phye bre gang dang / mu tig bre gang tshong byed pa rmi
462b2 lam du mthong bar byed pa gang yin pa de ni de nyid kyi nyan thos rnams te/ gang bza' ba tsam gyi don du dbang po dang / stobs dang / byang chub kyi yan lag rin po che rnams yang dag par
462b3 ston pa 'byung bar 'gyur te/ de'i snga ltas ni 'di yin no/ /rgyal po chen po/ khyod kyis tsan+dan dang / shing mnyam por tshong byed par rmi lam du mthong ba gang yin pa de ni/ de nyid kyi nyan
462b4 thos rnams mu stegs kyi tshig gang yin pa rnams bzung nas/ sangs rgyas kyi bka' dang snyoms par 'byung bar 'gyur te/ de'i snga ltas ni de yin no/ /rgyal po chen po/ khyod kyis kun
462b5 dga' ra ba 'bras bu phun sum tshogs pa ma byin par len pa rnams kyis phrogs pa rmi lam du mthong ba gang yin pa de ni de nyid kyi nyan thos lus ma bsdams pa/ sems ma bsdams
462b6 pa| tshul khrims ma bsdams pa/ shes rab ma bsdams pa rnams 'byung bar 'gyur te/ de rnams dge 'dun rnams kyi me tog mchog dang / 'bras bu'i mchog rnams 'tsho
462b7 ba'i phyir dge 'dun las bcad nas khyim pa rnams la ster bar 'gyur te/ de'i snga ltas ni de yin no/ /rgyal po chen po/ khyod kyis glang po phru gus spos kyi glang po 'jigs par byed
463a1 pa rmi lam du mthong ba gang yin pa 'di ni de nyid kyi nyan thos rnams tshul khrims 'chal ba/ sdig pa'i chos can de rnams gang dge slong tshul khrims dang
463a2 ldan pa/ dge ba'i chos can rnams zil gyis gnon par byed par 'gyur te/ de'i snga ltas de yin no/ /rgyal po chen po/ khyod kyis spre'u mi gtsang bas gos pas gzhan la skud par
463a3 rmi lam du mthong ba gang yin pa 'di ni de nyid kyi nyan thos rnams tshul khrims 'chal pa/ sdig pa'i chos can rnams 'byung bar 'gyur te/ de rnams kyis tshul khrims dang
463a4 ldan pa rnams la skur pa 'debs par 'gyur te/ de'i snga ltas de yin no/ /rgyal po chen po/ khyod kyis spre'u rgyal por dbang por dbang bskur bar mthong ba gang yin pa de ni
463a5 dus de'i tshe/ rmongs pa rnams rgyal por dbang bskur bar 'gyur/ de'i snga ltas yin no/ /rgyal po chen po/ khyod kyis ras gcig mi bco brgyad kyi drangs kyang ma ral par rmi
463a6 lam du mthong ba gang yin pa de ni/ de nyid kyi bstan pa sde pa bco brgyad du gyes par gyur kyang / rnam par grol ba'i ras ni ral bar bya ba mi nus par 'gyur te/ de'i snga
463a7 ltas yin no/ /rgyal po chen po/ khyod kyis skye bo'i tshogs chen po gcig tu 'dus nas/ 'thab pa dang / rtsod pa dang / g.yul 'gyed pa dang / ma tshang 'dru bar rmi lam
463b1 du mthong ba gang yin pa de ni de nyid kyi bstan pa rtsod pas nub par 'gyur te/ de'i snga ltas yin no/ /rgyal po chen po/ de ltar mi bzad pa rnams ma 'ongs pa'i dus na 'byung bar 'gyur
463b2 ro| |bcom ldan 'das kyis bka' stsal pa/ gang bcom ldan 'das yang dag par rdzogs pa'i sangs rgyas 'od srung la yang rgyal po kr-i krI dang / gser phreng can gyis thar ba'i cha
463b3 dang mthun pa'i dge ba'i rtsa ba rnams bskyed pa yin no/ /dge slong dag/ 'di ji snyam du sems/ de'i tshe na gser phreng can gang yin pa de ni ma ga d+ha bzang mo 'di nyid yin te/ de'i
463b4 tshe yang 'dis sangs rgyas kyi bya ba byas te/ da ltar yang 'di 'ongs nas sangs rgyas kyi bya ba byas so/ /yang dge slong rnams the tshom skyes nas/ sangs rgyas bcom ldan 'das la zhus
463b5 pa| btsun pa/ gser phreng can gyis las ci zhig bgyis na gser gyi phreng ba btags par skyes/ bcom ldan 'das kyis bka' stsal pa/ dge slong dag/ 'di nyid kyis las byas
463b6 pa yod de/ sngon byung ba na zhing pa gzhan zhig gi chung mar gyur te/ rang sangs rgyas kyi mchod rten la kha dog sna tshogs pa'i me tog rnams kyis phreng ba byas nas btags te/
463b7 las de'i rnam par smin pas gser gyi phreng ba btags par skyes so/ /de bas na dge slong dag las gcig tu gnag pa rnams kyi rnam par smin pa ni gcig tu gnag pa yin
464a1 la| gcig tu dkar ba rnams kyi rnam par smin pa ni gcig tu dkar ba yin te/ 'dres ma rnams kyi rnam par smin pa ni 'dres ma'o/ /dge slong dag/ de bas na
464a2 las gcig tu gnag pa rnams dang / 'dres ma rnams spangs la/ las gcig tu dkar ba rnams la mngon par brtson par bya ste/ dge slong dag khyed rnams kyis de ltar bslab
464a3 par bya'o/ /bcom ldan 'das kyis de skad ces bka' stsal pa dang / dge slong de dag bcom ldan 'das kyis gsungs pa la mngon par bstod do/ /ma ga d+ha bzang mo'i rtogs pa
464a4 brjod pa rdzogs so// //rgya gar gyi mkhan po d+harma shrI b+ha dra dang / zhus chen gyi lo ts+tsha ba dge slong tshul khrims yon tan gyis bsgyur te/ sgra sgyur gyi lo ts+tsha ba chen po dge
464a5 slong rin chen bzang pos bcos te gtan la phab pa// //
CLOSE WINDOW