བོད་ཡིག |
1a1 @#/ /mdo ha pa bzhugs so//
1b1 @##/ /rgya gar skad du/ pUr+Na pra mu kha a ba dA na sha ti ka/ bod skad du/
1b2 gang po la sogs pa'i rtogs pa brjod pa brgya pa/ bam po dang po/ thams cad
1b3 mkhyen pa la phyag 'tshal lo/ /sdom ni/ gang po bzang dang grags ldan ma/ /le lo
1b4 can dang tshong pa rnams/ /zla ba che ba pad+ma dang / /pany+tsa la dang bdug pa dang / /rgyal
2a1 po mjug tu smos pa ste/ /'di ni sde tshan bsdus pa yin/ /ljongs shig tu bram ze gang po
2a2 zhes bya ba zhig byung ste/ de'i tshe sangs rgyas bcom ldan 'das la rgyal po rnams dang / blon po chen po rnams
2a3 dang | phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang /
2a4 lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams
2a5 dang | mi 'am ci rnams dang / lto 'phye chen po rnams kyis bkur stir byas/ bla mar byas/ ri mor byas/
2b1 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams
2b2 kyis mchod cing / shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims
2b3 cha dang / gdan dang / snyun gsos dang / sman zong rnams brnyes pa/ sangs rgyas gsar du byung ste/ gsung rab kyi snying khu 'thung
2b4 ba'i dus la bab cing / lha dang / mi man chad la yang dag par rab tu ston pa/ nyan thos kyi dge 'dun dang bcas pa/ rgyal po'i khab
2b5 na 'od ma'i tshal bya ka lan da ka gnas pa na rten cing bzhugs so/ /de nas bcom ldan 'das kyis/ byang chub mngon par rdzogs par
2b6 sangs rgyas nas ring po ma lon par 'jig rten thams cad du grags pas yongs su gang ngo / /de nas lho phyogs kyi ri bo zhes bya ba'i
3a1 ljongs na/ bram ze che zhing mtho ba gang po zhes bya ba/ phyug cing nor mang la longs spyod che ba/ yongs su 'dzin pa
3a2 yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas so/ /de yang dad pa dang ldan la/
3a3 dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/
3a4 gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig ste/ des re zhig na
3a5 rab tu byung ba thams cad la mchod sbyin byas nas/ der mu stegs can la sogs pa stong phrag du mas zas zos so/ /gang gi tshe bcom
3a6 ldan 'das kyis rgyal po gzugs can snying po 'khor dang bcas pa btul nas/ de btul bas srog chags 'bum phrag mang po dul
3b1 bar gyur pa de'i tshe/ rgyal po'i khab nas gang po'i nye du rnams lhags te/ gang po'i mdun du sangs rgyas dang / chos dang / dge 'dun gyi bsngags pa brjod do/ /de nas bram ze che
3b2 zhing mtho ba gang pos bcom ldan 'das kyi yon tan thos nas/ dga' ba chen po thob par gyur to/ /de nas khang thog tu song nas rgyal po'i khab logs su kha bltas te 'dug nas
3b3 pus mo gnyis kyi lha nga sa la btsugs te/ me tog kyang gtor/ bdug pa dang / chu'ang phul nas bcom ldan 'das la gsol ba btab pa/ bcom ldan 'das/ bdag gi mchod sbyin
3b4 la gshegs su gsol/ mchod sbyin gyi mdun sa gzigs su gsol zhes byas so/ /de nas sangs rgyas rnams kyi sangs rgyas kyi mthu dang / lha rnams kyi lha'i mthus me tog
3b5 de dag bcom ldan 'das kyi steng du me tog gi khang par gyur te 'dug go /bdug pa ni sprin gyi mgo lta bur gyur to/ /chu ni bai DUR+ya'i sdong po lta bur gyur to/ /de nas tshe dang ldan
3b6 pa kun dga' bos thal mo sbyar nas bcom ldan 'das la zhus pa/ btsun pa/ spyan 'dren 'di ga las mchis lags/ bcom ldan 'das kyis bka' stsal pa/ kun
3b7 dga' bo/ lho phyogs kyi ri bo zhes bya ba'i ljongs na/ bram ze che zhing mtho ba gang po zhes bya ba 'dug pa der/ 'u bu cag 'dong dgos kyi/ dge slong dag/ chos shig /de nas
4a1 bcom ldan 'das dge slong stong gis zham 'bring byas nas lho phyogs kyi ri bo'i ljongs rgyu zhing gshegs te/ bram ze che zhing mtho ba gang po'i mchod sbyin
4a2 gyi 'dun sa dang nye ba zhig tu gshegs nas/ 'di snyam du dgongs te/ ngas bram ze gang po rdzu 'phrul gyi cho 'phrul gyis dad par bya'o snyam mo/ /de nas bcom ldan 'das kyis
4a3 dge slong stong po de dag mi snang bar mdzad de/ nyag gcig lhung bzed dang / chu snod phyag na bsnams nas gang po dang nye ba zhig tu gshegs so/ /de nas bram ze che zhing mtho ba
4a4 gang pos/ bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang
4a5 gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang shin tu rings par bcom ldan 'das
4a6 kyi thad du song ste/ bcom ldan 'das la gsol pa/ bcom ldan 'das/ gshegs pa legs so/ /bcom ldan 'das/ bzhugs su gsol/ bdag la phan gdags
4a7 pa'i slad du bshos gsol bar ci gnang zhes gsol to/ /bcom ldan 'das kyis bka' stsal pa/ gal te khyod kyis yongs su btang nas lhung bzed 'di'i nang du byin
4b1 cig| de nas bram ze che zhing mtho ba gang po/ bram ze'i khye'u lnga brgyas g.yog byas nas/ bcom ldan 'das la zhal zas rnam pa sna tshogs 'khur ba dang / bshos dang / 'jams dang /
4b2 bldag pa dang / bzhib pa la sogs pas/ lhung bzed 'gengs par byed do/ /bcom ldan 'das kyis kyang nyid kyi lhung bzed kyi nang nas dge slong gi lhung bzed dag gi nang du zas de
4b3 dag 'pho bar mdzad do/ /gang gi tshe bcom ldan 'das kyis dge slong stong gi lhung bzed rnams gang bar thugs su chud pa de'i tshe/ nyid kyi lhung bzed gang bar bstan to/ /de nas
4b4 dge slong stong lhung bzed gang bzla ba tshes pa'i dbyibs lta bur 'khod pa bstan to/ /nam mkha' la gnas pa'i lha rnams kyis kyang / bcom ldan 'das dang / dge slong stong gi lhung
4b5 bzed rnams gang bar gyur to zhes bya ba'i sgra brjod do/ /de nas cho 'phrul bstan pa des bram ze che zhing mtho ba gang po dga' bar gyur nas/ dga' zhing mgu la rab tu dga'
4b6 ste yid rangs shing dga' ba dang / yid bde bar gyur te/ sdong po rtsa ba nas bcad pa bzhin du bcom ldan 'das kyi zhabs la phyag btsal nas smon lam btab pa/ dge ba'i
4b7 rtsa ba dang / sems bskyed pa dang / sbyin pa bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par sems can ma brgal ba
5a1 rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs
5a2 su mya ngan las zla ba'i sangs rgyas su gyur cig ces byas so/ /de nas bcom ldan 'das kyis bram ze che zhing mtho ba gang po'i rgyu gcig nas gcig tu brgyud pa dang / las gcig
5a3 nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon
5a4 po dang / ser po dang / dmar po dang / dkar po rnams 'byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni/ sems can
5a5 dmyal ba yang sos dang / thig nag dang / bsdus 'joms dang / du 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang /
5a6 chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha
5a7 ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /de nas
5b1 sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye/ ci/ bdag cag 'di nas shi 'phos sam/ 'on te gzhan du skyes sam
5b2 snyam mo| |de nas de dag dad pa bskyed pa'i phyir bcom ldan 'das sprul pa 'gyed pa mdzad de/ de dag gis sprul pa mthong nas 'di snyam du sems te/ kye/ ci/ bdag cag ni 'di
5b3 nas kyang shi 'phos par kyang ma gyur la/ gzhan du'ang ma skyes mdo kyi 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams
5b4 rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams
5b5 kyi nang du gang du bden pa rnams kyi snod du rung bar 'gyur ba der nyid mtshams 'dzin par gyur to/ /steng du 'gro ba gang yin pa de dag ni/ rgyal chen bzhi'i ris rnams dang /
5b6 sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams
5b7 dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams
6a1 rnams dang / tshad med dge ba rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang /
6a2 mi che ba rnams dang / mi gdung ba rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug
6a3 bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung bar brtsams par gyis/ /sangs rgyas bstan
6a4 la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye
6a5 ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi
6a6 khams bskor nas/ bcom ldan 'das nyid kyi phyi bzhin du 'brangs te/ gal te bcom ldan 'das kyis 'das pa'i las lung ston par bzhed na ni/ bcom ldan 'das
6a7 kyi snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar
6b1 lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung
6b2 ston par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur
6b3 ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi
6b4 snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang
6b5 sangs rgyas kyi byang chub tu lung ston par bzhed na ni/ smin mtshams su mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni/ dbu'i
6b6 gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum du bskor ba byas te/ bcom ldan 'das kyi dbu'i gtsug tor du mi snang bar gyur
6b7 to| |de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de
7a1 yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags
7a2 dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum
7a3 mi ston| |brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /
7a4 bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi
7a5 don du dga' bo 'dzum pa ston mdzad pa/ /de ni khyod las skye bo phal cher nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de
7a6 ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga'
7a7 po| bram ze che zhing mtho ba 'dis nga la 'di lta bu'i bkur sti byas pa mthong ngam/ btsun pa/ mthong lags so/ /kun dga' bo/ bram ze che zhing mtho ba 'dis dge ba'i
7b1 rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par
7b2 bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye
7b3 bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas gang po bzang zhes bya bar 'gyur te/ 'jig rten du 'byung bar 'gyur ro/ /de'i sbyin
7b4 par byas pa'i chos ni/ gang nga la sems mngon par dga' bar gyur pa 'di yin no/ /gang gi tshe bcom ldan 'das kyis bram ze che zhing mtho ba gang bo bla na med pa yang dag par
7b5 rdzogs pa'i byang chub tu lung bstan pa de'i tshe/ gang pos bcom ldan 'das nyan thos kyi dge 'dun dang bcas pa zla ba gsum gyi bar du mchod sbyin gyis 'dun sar bshos gsol te/
7b6 lhag par yang des dge ba'i rtsa ba rnam pa sna tshogs dag yang dag par bskyed do/ /dge slong dag/ de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri
7b7 mor bya'o/ /mchod par bya'o/ /ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /
8a1 bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //
8a2 grags ldan ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong
8a3 dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams
8a4 dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding
8a5 dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das/ bsod nams chen po dang ldan pa/ na bza' dang / zhal zas
8a6 dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yangs pa can na spre'u rdzing gi 'gram gyi khang pa
8a7 brtsegs pa'i gnas na rten cing bzhugs so/ /de nas bcom ldan 'das snga dro sham thabs dang / chos gos gsol te/ lhung bzed bsnams nas/ dge slong gi tshogs kyis
8b1 zham ring byas te/ dge slong gi dge 'dun gyis mdun du bdar nas yangs pa can du bsod snyoms la gshegs so/ /yangs pa can du mthar gyis bsod snyoms la gshegs nas/
8b2 dmag dpon seng ge'i khyim ga la ba der gshegs te byon nas gdan bshams pa la bzhugs so/ /de nas dmag dpon seng ge'i mna' ma grags ldan ma zhes bya ba gzugs
8b3 bzang zhing blta na sdug la mdzes pa zhig yod pa des/ bcom ldan 'das sku mtshan dang / dpe byad rnam pa sna tshogs 'bar ba dang ldan pa mthong nas shin tu dga' ba thob par gyur to/ /
8b4 des gyos po la dris pa/ bdag kyang 'di lta bu'i yon tan dang ldan par gyur pa'i thabs 'ga' lta mchis sam/ de nas dmag dpon seng ge 'di snyam du sems te /kye ma/ bu mo 'di
8b5 ni rgya chen po la mos pa zhig ste/ gal te 'di rkyen dang phrad na ni/ bla na med pa yang dag par rdzogs pa'i byang chub tu smon lam 'debs par 'gyur ro snyam du rig nas smras pa/ bu mo/
8b6 gal te rgyu yang dag par blangs te 'dug na ni/ khyod kyang bcom ldan 'das ci 'dra ba de lta bur 'gyur ro/ /de nas dmag dpon seng ge grags ldan ma'i dad pa 'phel bar bya ba'i
8b7 phyir dbyig dang / gser dang / rin po che mang du byin no/ /de nas grags ldan mas/ bcom ldan 'das nyan thos kyi dge 'dun dang bcas pa/ phyi de nyin khyim gyi nang du gdugs
9a1 tshod la spyan drangs so/ /bcom ldan 'das kyis kyang de la phan gdags pa'i phyir gnang ngo / /de nas bu mo grags ldan mas gser dang / dngul dang / rin po
9a2 che'i me tog rnams kyang byed du bcug /spos dang / me tog phreng dang / byug pa mang po dag kyang bsags/ zhal zas ro brgya dang ldan pa'ang bshams nas/ bcom ldan 'das la
9a3 'phrin gyis gdugs tshod bskul ba/ btsun pa/ gdugs tshod la bab ste bshos gsol lags na/ bcom ldan 'das kyis da de'i dus la bab par dgongs te gshegs su
9a4 gsol zhes bskul to/ /de nas bcom ldan 'das dge slong gi tshogs kyis zham ring byas te/ dge slong gi dge 'dun gyis mdun du bdar nas dmag dpon seng ge'i khyim ga
9a5 la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ /de nas bu mo grags ldan mas/ sangs rgyas la sogs pa dge
9a6 slong gi dge 'dun bde bar bzhugs par rig nas rang gi lag nas zhal zas ro brgya dang ldan pas tshim par byas te/ bcom ldan 'das la me tog dag gis gtor to/ /de
9a7 nas me tog de dag /'di lta ste/ sangs rgyas rnams kyi sangs rgyas kyi mthu dang / lha rnams kyi lha'i mthus bcom ldan 'das kyi steng du rin po che'i khang pa dang / khang pa
9b1 brtsegs pa rin po che'i rgyal mtshan can/ mgar ba'am/ mgar ba'i slob ma legs par lobs pas kyang byed mi nus pa de lta bur gyur te 'dug go /de nas bu mo grags ldan mas lha
9b2 dang / mi dad par byed pa'i cho 'phrul shin tu rmad du byung ba de mthong nas/ sdong po rtsa ba nas bcad pa bzhin du lus thams cad kyis bcom ldan 'das kyi zhabs la phyag btsal nas
9b3 smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med
9b4 par sems can ma brgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams
9b5 yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis/ bu mo grags ldan ma'i rgyu gcig nas gcig tu brgyud pa dang / las gcig nas
9b6 gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe de'i zhal nas 'od zer sngon po dang /
9b7 ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos
10a1 dang | thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu
10a2 bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i
10a3 sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de
10a4 dag gi gnod pa'i khyad par rnams rtse zhil bar gyur to/ /de nas 'di dag 'di snyam du sems te/ kye ci/ bdag cag 'di nas shi 'phos sam/ 'on te gzhan du skyes snyam mo/ /de
10a5 nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye/ bdag cag ni 'di nas kyang shi
10a6 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar
10a7 gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las da zad de lha dang / mi rnams kyi nang du gang
10b1 du bden pa rnams kyi snod du rung bar 'gyur ba der nyid mtshams 'dzin par 'gyur ro/ /steng du 'gro ba gang yin pa de dag ni/ rgyal chen bzhi'i ris rnams dang / sum cu rtsa gsum
10b2 rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na
10b3 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang
10b4 dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang /
10b5 shin tu mthong ba rnams dang / 'og min gyi bar gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su
10b6 bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni
10b7 gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod
11a1 par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brang ste/ gal
11a2 te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na
11a3 ni| mdun logs su mi snang bar 'gyur ro/ /sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar
11a4 lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir skye
11a5 bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil
11a6 du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung ston par
11a7 bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung
11b1 ston par bzhed na ni/ smin mtshams su mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur
11b2 ro| |de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun
11b3 dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu
11b4 snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi
11b5 dam pa'i rgyur gyur pa/ /rgyal ba dgra thub rnams ni rgyu rkyen ma mchis pa/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge
11b6 sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni
11b7 ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal cher
12a1 nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin te/ kun dga' bo/ de bzhin gshegs pa
12a2 dgra bcom pa yang dag par rdzogs pa'i sangs rgyas rnams ni/ rgyu med rkyen med par 'dzum pa mi mdzad do/ /kun dga' bo/ bu mo grags ldan ma 'dis nga la 'di lta bu'i
12a3 bkur sti byas pa mthong ngam/ btsun pa/ mthong lags so/ /kun dga' bo/ bu mo grags ldan ma 'di dge ba'i rtsa ba dang / sems bskyed pa dang / sbyin par bya ba'i chos
12a4 yongs su gtong ba 'dis/ skal ba grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i
12a5 pha rol tu phyin pa drug yongs su rdzogs par byas nas stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang
12a6 ldan pa'i yang dag par rdzogs pa'i sangs rgyas rin chen ldan zhes bya bar 'gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la sems
12a7 mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la
12b1 mngon par bstod do// //le lo can zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho
12b2 brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
12b3 rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin
12b4 dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang /
12b5 zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi
12b6 tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong dpon phyug cing nor mang la/ longs spyod che ba yongs su 'dzin pa
12b7 yangs zhing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan
13a1 cig tu rtse zhing dga' la dga' mgur spyod do/ /de rtse zhing dga' la dga' dgur spyod kyang / bu'ang med/ bu mo'ang med nas/ de lag pa la skom tshugs
13a2 bcas te/ bdag gi khyim nor du ma dang ldan du zin kyang bdag la bu'ang med/ bu mo'ang med pas/ bdag 'das pa'i 'og tu ni bu med pa'i phyir ci bdog pa thams cad rgyal po
13a3 dbang bar 'gyur ro snyam ste/ sems khong du chud cing 'dug go /de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis
13a4 lha la gsol ba thob cig ces de la bsgo'o/ /'jig rten na'ang gsol ba btab pa'i rgyus bu dang / bu mo skye bar 'gyur ro zhes bya ba'i gtam de yod mod kyi/ de'ang de lta ni ma
13a5 yin te/ gal te gsol ba btab pa'i rgyus bu dang / bu mor skye bar 'gyur du zin na ni/ 'khor los sgyur ba'i rgyal po bzhin du re re la'ang bu stong stong yod par 'gyur ba'i
13a6 rigs so/ /ye ni gnas gsum tshogs pa las bu dang / bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla
13a7 mtshan dang ldan pa dang / dri za 'ongs pa ste/ gnas 'di gsum tshogs pa las bu dang / bu mo skye bar 'gyur na/ 'on kyang dge sbyong dang / bram ze rnams dang / ltas mkhan rnams
13b1 dang | mdza' bo dang / gnyen dang / rtsa lag rnams kyis de la mtho btsams nas/ de bu med de bu 'dod pa'i phyir gu lang dang / chu lha dang / ku be ra dang / brgya byin dang / tshangs pa la
13b2 sogs pa dang / lha'i khyad par gzhan dag la'ang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i
13b3 lha dang / gtor ma len pa'i lha dang / lhan cig skyes pa dang / chos mthun pa pa dang / rtag tu phyi bzhin 'brang ba'i lha rnams la'ang gsol ba 'debs te/ de'ang gsol ba 'debs pa
13b4 lhur byed cing 'dug la/ sems can zhig kyang sems can gyi ris shig nas shi 'phos te/ de'i chung ma'i ltor zhugs so/ /bud med mkhas pa'i rang bzhin can kha cig la ni/ thun
13b5 mong ma yin pa'i chos lnga yod de/ lnga gang zhe na/ skyes pa chags pa'ang shes la/ ma chags pa 'ang shes pa dang / dus kyang shes la zla mtshan yang shes pa dang / bu chags pa
13b6 shes pa dang / gang las bu chags pa shes pa dang / khye'u'ang shes la bu mo'ang shes pa ste/ gal te khye'u yin na ni/ lto g.yas logs na rten cing gnas so/ /gal te bu
13b7 mo yin na ni/ lto g.yon logs su rten cing gnas so/ /de nas de dga' ches nas khyim bdag la sbran pa/ jo bo/ bdag la sras chags te/ bdag gi rum g.yas logs na
14a1 rten cing gnas pa las na/ khye'ur 'gyur bar nges kyi dgyes pa bskyed du gsol zhes byas nas/ de'ang dga' ches ste ro stod ni bteg/ lag pa g.yas
14a2 pa ni brkyang nas bdag gis yun ring po nas smon smon pa'i bu'i ngo mthong bar 'ong ngo / /bdag gi bu rung bar shog cig /mi rung bar ma gyur cig /bdag gi bya ba dag byed par
14a3 shog cig /gsos pa'i lan phyir gso bar shog cig /nor skal la spyod par shog cig /bdag gi rigs rgyud ring du gnas par shog cig /bdag cag 'das te shi ba'i
14a4 'og tu yang bdag cag gi phyir mang yang rung / nyung yang rung ste/ sbyin pa dag sbyin la bsod nams dag byas nas/ de gnyis gang dang / gang du skyes shing 'gro ba der 'di
14a5 song zhig ces yon bsngo bar shog cig ces dga' ba'i tshig brjod do/ /des bu chags par rig nas bu'i rim gro bya ba'i phyir khang bzang kyi steng du nyam rangs su bzhag
14a6 ste| grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang
14a7 sgyur ba ma yin pa rnams dang / ha cang lan tshwa che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams
14b1 te/ kha ba dang / sgyur ba dang / lan tshwa dang / mngar ba dang / tsha ba dang / bska ba med pa'i zas rnams kyis bsten cing / do shal dang / se mo dos lus rnams par klubs te/ lha'i bu mo
14b2 dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra
14b3 skad ci'ang mi thos par byas so/ /de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa zhig btsas nas/ de btsas pa'i tshe khyim gang
14b4 gi mi thams cad dga' bar gyur te/ de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ 'di btsas ban
14b5 khyim gang gi mi thams cad dga' bar gyur pas na/ de'i phyir khye'u 'di'i ming dga' byed ces gdags so zhes zer nas/ de'i ming dga' byed ces btags so/ /de nas khye'u
14b6 dga' byed pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma
14b7 brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma
15a1 bzhin du skyed cher drag par gyur to/ /de nas de gang gi tshe cher skyes te lo lnga'am drug lon pa de'i tshe/ le lo can mchog tu le lo che ba zhig tu gyur te/
15a2 mal dang / stan las kyang ldang mi 'dod do/ /de blo rno zhing gsal bas khyim gyi nang du 'dug bzhin du bstan bcos rnams bslabs so/ /de nas tshong dpon de 'di snyam du sems
15a3 te| bdag gis lha mnyes par byas nas/ brgya lam na lan gcig na bu skyes pa de'ang le lo can mchog tu le lo che ba zhig tu gyur te/ mal dang / stan las kyang mi ldang na/
15a4 'di ltar lus tha mal par gyur kyang grum po bzhin du lda re 'dug pa 'di 'dra ba'i bu lta ci dgos snyam mo/ /tshong dpon de'ang rdzogs byed la dga' ste/ des mu stegs
15a5 can gyi ston pa drug rang gi khyim du bos nas/ gal te khye'u 'dis de dag mthong na zhe sa bskyed de/ mal nas ldang ba tsam yang byed srid dam snyam pa dang / de nas khye'u le
15a6 lo can gyis ston pa de dag mthong nas mig gis kyang ma bltas na/ ldang ba'am/ gus par smra ba'am/ stan bstabs pa lta ci smos/ de nas tshong dpon des gnas
15a7 skabs de lta bu mthong nas/ ches rab tu gdung bar gyur te/ lag pa la skom tshugs bcas te sems khong du chud cing 'dug go /de'i skabs su sangs rgyas bcom ldan
15b1 'das rnams kyis mi mkhyen pa'am/ mi gzigs pa'am/ mi rtogs pa'am/ thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig
15b2 rten la phan 'dogs pa la zhugs pa/ srung ba gcig dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dan/ lhag mthong la gnas pa/ rig pa gsum
15b3 snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil
15b4 shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs
15b5 pa| yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par
15b6 bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs
15b7 bca'i stobs dang ldan pa/ phyogs bcur grags pas kun tu rgyas pa brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus
16a1 gsum/ mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar
16a2 gyur| su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas
16a3 ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor
16a4 bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba
16a5 rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go /'dir smras pa/ rgya mtsho
16a6 chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das
16a7 kyis khye'u le lo can gyis nga mthong na brtson 'grus rtsom par 'gyur te/ bla na med pa yang dag par rdzogs pa'i byang chub kyi bar du sems yongs su 'gyur bar 'ong ngo
16b1 snyam du gzigs so/ /de nas bcom ldan 'das kyis mu stegs can rnams kyi rgyags pa dang / dregs pa gcad pa dang / khye'u'i dge ba'i rtsa ba bskyed pa'i phyir/ 'od zer gser gyi
16b2 kha dog can nyi ma stong gi 'od zer bas lhag pa dag bkye ste/ de dag gis khyim de kun tu snang bar byas so/ /bskal pa stong du yongs su bsgoms pa'i byams pa'i 'od zer dag
16b3 kyang bkye ste/ de dag gis de'i lus la phog ma thag tu rab tu sim par gyur nas/ su'i mthus bdag gi lus rab tu sim par byas snyam ste/ des phan tshun du bltas so/ /
16b4 de nas bcom ldan 'das dge slong gi tshogs kyis zham ring byas te/ khyim de'i nang du gshegs nas khye'u le lo can gyis sangs rgyas bcom ldan 'das sku skyes bu chen po'i
16b5 mtshan sum cu rtsa gnyis kyis brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin
16b6 po che'i ri bo 'gro ba lta bu kun nas bzang ba mthong ngo / /mthong nas kyang mchog tu dga' bar gyur te/ 'phral la rang nyid langs nas bcom ldan 'das kyi gdan bshams
16b7 te| bcom ldan 'das/ tshur gshegs/ bcom ldan 'das/ gshegs pa legs so/ /bcom ldan 'das/ gdan bshams pa la bzhugs su gsol zhes de skad kyang
17a1 smras so/ /de nas de'i pa ma dang / nang mi rnams kyis sngon ma mthong pa'i gus par sgrim pa mthong nas/ mchog tu ya mtshan du gyur to/ /de nas khye'u le
17a2 lo can dga' zhing mdangs phyung ba'i mig dang ldan pas bcom ldan 'das kyi zhabs la phyag btsal nas/ chos mnyan pa'i phyir spyan sngar 'dug ste/ bcom ldan 'das
17a3 kyis de la le lo'i nyes pa dang / brtson 'grus rtsom pa'i phan yon rnam pa du ma bka' stsal nas/ tsan dan gyi dbyug gu zhig kyang de la byin te/ khye'u/ dbyug gu 'di rdungs
17a4 shig ces bka' stsal to/ /de nas des dbyug gu de brdungs pa dang sgra snyan pa thos par gyur la rin po che'i gter sna tshogs kyang mthong ngo / /de nas de 'di snyam du sems te/
17a5 kye ma/ brtson 'grus rtsom pa la ni khyad par chen po de lta bu yod kyi bdag gis phyir zhing brtson 'grus brtsam par bya gor ma chag snyam nas/ des mnyan du yod par dril gyis
17a6 sgra bsgrags te/ bdag nyid kyis ded dpon bya bar bsgrags nas rgya mtsho chen po la lan drug brgal te/ gru'i don grub pas rin po che chen po bsdus te/ bcom ldan 'das
17a7 nyan thos kyi dge 'dun dang bcas pa khyim gyi nang du bshos gsol nas/ bla na med pa yang dag par rdzogs pa'i byang chub tu smon lam btab bo/ /de nas bcom ldan
17b1 'das kyis khye'u le lo can gyi rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das
17b2 rnams gang gi tshe 'dzum pa mdzad pa'i chos nyid de/ de'i tshe zhal gyi sgo nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng
17b3 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab
17b4 tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas
17b5 pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de
17b6 dag tu ni dro bar gyur te 'bab bo/ /de nas sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye/ ci/ bdag cag 'di nas
17b7 shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas
18a1 'di snyam du sems te/ kyai/ bdag cag ni 'di nas kyang shi 'phos bar ma gyur la/ gzhan du'ang ma skyes mod kyi 'on kyang sngon ma byung ba'i sems can snang ba
18a2 'di'i mthus bdag gi gnod pa'i khyad par rnams rtse zhil bar gyur to snyam mo/ /de nas de dag sprul pa de la sems mngon par dga' bar gyur nas/ sems can dmyal ba
18a3 myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur ba der nyid mtshams 'dzin par 'gyur ro/ /steng du 'gro ba
18a4 gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang /
18a5 gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med
18a6 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams
18a7 dang | 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song
18b1 nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /
18b2 sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ bag yod spyod par byed pa
18b3 ni| |skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi
18b4 khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam
18b5 logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par bzheng
18b6 na ni| zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par
18b7 bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los bsgyur ba'i
19a1 rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/
19a2 phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na
19a3 ni| zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag
19a4 par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor
19a5 ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos/ thal mo sbyar te bcom ldan 'das la zhus pa/ tshon
19a6 sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin//
19a7 yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams
19b1 ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams//
19b2 thub pa khyu mchog gi ni gsung mchog bstan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas
19b3 rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal cher nyan par 'tshal/ /bcom ldan 'das kyis bka' stsal pa/ kun dga' bo/
19b4 de ni de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun
19b5 dga' bo/ khye'u le lo can 'dis nga la 'di lta bu'i bkur sti byas pa mthong ngam/ btsun pa/ mthong lags so/ /kun dga' bo/ khye'u le lo can 'dis dge ba'i rtsa ba dang / sems
19b6 bskyed pa dang / sbyin par bya ba'i chos yongs su gtong pa 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying
19b7 rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum
20a1 dang | snying rje chen po dang ldan pa'i yang dag par rdzogs pa'i sangs rgyas stobs dang / brtson 'grus dang / mthu rtsal dang shin tu ldan pa zhes bya bar 'gyur te/
20a2 'jig rten du 'byung bar 'gyur ro/ /de'i sbyin par bya ba'i chos ni gang nga la mngon par dga' bar gyur pa 'di yin no/ /bcom ldan 'das kyis de skad ces bka' stsal nas dge
20a3 slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po gnyis
20a4 pa| ded dpon zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong
20a5 dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams
20a6 dang | lto 'phye chen po rnams kyi bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang
20a7 mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims
20b1 cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas
20b2 sbyin gyi kun dga' rab na bzhugs so/ /de'i tshe mnyan du yod pa na ded dpon chen po zhig rgya mtsho chen po'i nang du gru bub ste phyir 'ongs nas/ des lan gnyis lan gsum gyi bar
20b3 du lha thams cad la gsol ba btab ste/ rgya mtsho chen po'i nang du zhugs na/ 'on kyang gru bub ste phyir 'ongs so/ /de nas de mi dga' ba chen po skyes nas/ de 'di snyam du sems te/
20b4 bdag gis thabs gang gis nor bsdu bar bya ba'i thabs ci yod snyam mo/ /yang de 'di snyam du sems te/ sangs rgyas bcom ldan 'das 'di ni lha thams cad las kyang ches khyad
20b5 par du 'phags pa/ bdag la phan pa dang / gzhan la phan pa la zhugs pa/ thugs rje can/ bdag nyid chen po/ chos la gus pa/ skye dgu la mnyes gshin pa yin gyi/ da ni
20b6 bdag gis 'di la brten te/ yang rgya mtsho chen po'i nang du zhugs la/ gru'i don legs par grub ste phyir 'ongs nas/ nor phyed kyis 'di la mchod pa bya'o snyam mo/ /des de
20b7 ltar brtson 'grus byas te/ yang rgya mtsho chen po'i nang du zhugs pa dang / sangs rgyas kyi mthus rin po che'i gling du phyin nas/ rin po che chen po bsdus te bde ba dang / nye zho
21a1 med par bdag gi khyim du phyin to/ /de ngal bso nas snod bzlugs na/ des rin po che rnam pa sna tshogs mthong nas chags pa chen po skyes te/ bdag gis
21a2 rin po che 'di lta bu dag/ dge sbyong gau ta ma la phyed ji ltar sbyin snyam du sems pa la zhugs te/ ma la/ bdag gis 'di rnams bdag gi chung ma'i lag tu zho'i bzhi cha gcig
21a3 tu btsongs la/ bcom ldan 'das la spos dbul bar bya gor ma chag snyam mo/ /des zho'i bzhi cha gcig gis a ka ru'i spos nyos nas/ rgyal bu rgyal byed kyi tshal du song
21a4 ngo| |de nas shin tu ngo tsha bzhin du sgo khang du 'dug nas a ka rus bdugs so/ /de nas bcom ldan 'das kyis gang gis bdug pa de steng gi nam mkha' la yang dag par
21a5 'phags te/ mnyan du yod pa thams cad khyab par gyur nas/ sprin chen po'i mgo ltar 'dug par 'gyur ba de lta bu'i rdzu 'phrul mngon par 'du bya ba mdzad do/ /des lha
21a6 dang | mi dad par byed pa'i cho 'phrul shin tu rmad du byung ba de mthong nas dga' ba chen po skyes te/ bdag gi sems la brgyad bkag nas/ gang bdag gis rin po che'i sgo
21a7 nas bcom ldan 'das kyi sku bslu ba 'di ni bdag gi cha ma yin no zhes byas so/ /de nas dad dpon des bcom ldan 'das nyan thos kyi dge 'dun dang bcas pa khyim gyi
21b1 nang du bshos la spyan drangs so/ /de nas zhal zas bzang pos tshim par byas nas/ rin po che chen po dag gis gtor to/ /de nas rin po che de dag/ 'di lta ste/ sangs rgyas rnams kyi sangs
21b2 rgyas kyi mthu dang / lha rnams kyi lha'i mthus bcom ldan 'das kyi dbu'i steng gi nam mkha' la 'phags nas/ rin po che'i khang pa dang / khang pa brtsegs pa rin po che'i rgyal mtshan
21b3 can/ mgar ba'am/ mgar ba'i slob ma legs par lobs pas kyang byed mi nus pa de lta bur gyur te 'dug go/ de nas ded dpon des cho 'phrul de mthong nas ched kyis dga' ba
21b4 skyes te/ sdong po rtsa ba nas bcad pa bzhin du bcom ldan 'das kyi zhabs la phyag btsal nas smon lam btab pa/ dge ba'i rtsa ba dang / sems bskyed pa dang / sbyin par bya ba'i
21b5 chos yongs su gtong ba 'dis/ bdag 'jig rten long ba 'dren pa med cing yongs su 'dren pa med pa/ sems can ma brgal ba rnams sgrol ba dang / ma grol ba rnams 'grol ba
21b6 dang | dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas
21b7 bcom ldan 'das kyis ded dpon de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan
22a1 'das rnams gang gi tshe 'dzum pa mdzad pa'i chos nyid de/ de'i tshe zhal gyi sgo nas 'od zer sngon po dang / ser po dang / dmar po dang / dkar po rnams byung
22a2 nas| kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni/ sems can dmyal ba yang sos dang / thig nag dang / bsdus 'joms dang / du
22a3 'bod dang / du 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang /
22a4 ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang
22a5 ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di
22a6 snyam du sems te/ kye/ ci/ bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par
22a7 mdzad do/ de dag gis sprul pa mthong nas 'di snyam du sems te/ kye/ bdag cag ni 'di nas kyang shi 'phos par ma gyur la/ gzhan du'ang ma skyes mod kyi/ 'on kyang sngon ma
22b1 byung ba'i sems can snang ba 'di'i mthus bdag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems
22b2 can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro
22b3 ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang | 'phrul dga' rnams dang / gzhan
22b4 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang /
22b5 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang /
22b6 mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi bar gyi lha rnams kyi nang du song nas mi rtag pa dang / sdug bsngal ba
22b7 dang | stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung bar brtsam par gyis/ /sangs rgyas bstan la sbyor bar
23a1 gyis| |'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /
23a2 skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams
23a3 bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs
23a4 su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par bzhed na
23a5 ni| zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston
23a6 par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los
23a7 sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag
23b1 g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi
23b2 snang bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang
23b3 chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das
23b4 kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /
23b5 mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang
23b6 bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog
23b7 lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog
24a1 brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams
24a2 gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal cher nyan par 'tshal/ /bcom ldan 'das kyis bka' stsal pa/ kun dga'
24a3 bo| de ni de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi
24a4 mdzad do/ /kun dga' bo/ ded dpon 'dis nga la 'di lta bu'i bkur sti byas pa mthong ngam/ btsun pa/ mthong lags so/ /kun dga' bo/ ded dpon 'di'i dge ba'i rtsa ba dang /
24a5 sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrubs par bya ba'i byang chub yang dag par bsgrubs
24a6 te| snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar
24a7 gzhag pa gsum dang / snying rje chen po dang ldan pa'i yang dag par rdzogs pa'i sangs rgyas spos mchog ces bya bar 'gyur te/ 'jig rten du 'byung bar 'gyur ro/ /de sbyin par
24b1 bya ba'i chos ni gang nga la sems mngon par dga' bar gyur ba 'di yin no/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis
24b2 gsungs pa la mngon par bstod do// //zla ba zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams
24b3 dang | pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam
24b4 mkha' lding rnams dang / mi 'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin
24b5 dang | lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan
24b6 pa| na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal
24b7 bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas mnyan du yod pa na tha ga pa zla ba zhes bya ba dbul zhing mchog tu dbul ba zhig
25a1 gnas so/ /de'ang las ji tsam zhig byed pa de tsam nye tshe'i zan rnyed par zad de/ des cung zad kyang gzhag tu med do/ /de nas de 'di snyam du sems te/
25a2 bdag ni 'jig rten pha rol nas kyang bsod nams ma byas par 'dir 'ongs pa/ 'dir yang dge ba mi byed pas/ 'di nas 'jig rten pha rol tu'ang bsod nams kyang ma byas/
25a3 dge ba'ang ma byas/ 'jigs shing skrag pa'i mgon skyabs kyang ma byas par 'gro dgos srid kyi/ bdag gis bcom ldan 'das la sna 'ga' zhig gis mchod par bya gor ma
25a4 chag snyam mo/ /de nas des khyim bdag gzhan zhig gi ras btags nas/ ras de las ras kyi tshar tshar khyer te srang du zhugs so/ /bcom ldan 'das snga dro sham thabs dang /
25a5 chos gos gsol te/ lhung bzed bsnams nas/ mnyan du yod par bsod snyoms la gshegs so/ /de nas des sangs rgyas bcom ldan 'das sku mtshan sum cu rtsa gnyis
25a6 kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro
25a7 ba lta bu kun nas bzang ba mthong ngo / /mthong nas kyang bcom ldan 'das la sems mngon par dga' bar gyur to/ /bcom ldan 'das kyis kyang de la phan gdags pa'i phyir nyid kyi
25b1 chos gos ral bar bstan to/ /de nas des ras kyi tshar tshar de dag bcom ldan 'das la phul lo/ /bcom ldan 'das kyis kyang de'i mod la chos gos drubs par bstan to/ /de nas de
25b2 rgya cher dga' ba skyes nas bcom ldan 'das kyi zhabs la phyag btsal te smon lam btab pa/ sbyin pa chung la zhing ni rgya che ste/ /mthu chen khyod nyid thugs su chud par bas/ /
25b3 sbyin pa chen por gyur pa 'di yis ni/ /bdag ni rgya cher grags pa'i sangs rgyas shog /sbyin pa 'di ni chung ngu lags kyis kyang / /bdag gi sems ni rab yangs dpag yas te/ /mi
25b4 dang lha mchog rgyal bas bzhes nas ni/ /sbyin pa chung yang 'bras bu chen por 'gyur/ /bcom ldan 'das kyis bka' stsal pa/ khyod ni phyi mar zhi ba mthu che ba/ /rgya chen
25b5 grags pa mi dang lhas mchod pa/ /rang byung 'jig rten phan pa snying brtser ldan/ /tshar tshar bla ma zhes bya rgyal bar 'gyur/ /de nas bcom ldan 'das kyis tha ga pa zla ba'i rgyu
25b6 gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad
25b7 pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po dag byung nas/ kha cig ni 'og tu 'gro'o/ /kha cig ni steng du 'gro'o/ /'og tu
26a1 'gro ba gang yin pa de dag ni/ sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang /
26a2 tsha ba dang / rab tu tsha ba dang / mnar med dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa
26a3 dang | pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems
26a4 can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams ni rtse zhil bar gyur to/ /de nas de dag 'di snyam
26a5 du sems te/ kye/ ci/ bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir/ bcom ldan 'das sprul pa
26a6 'gyed par mdzad de/ de dag gis sprul pa mthong nas 'di snyam du sems te/ kye/ bdag cag ni 'di nas kyang shi 'phos par ma gyur la/ gzhan du'ang ma skyes mod kyi/
26a7 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems
26b1 mngon par dga' bar gyur nas sems can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur ba der nying mtshams
26b2 'dzin par 'gyur ro/ /steng du 'gro ba gang yin pa de dag ni rgyal chen bzhi yi ris rnams dang / sum cu rtsa gsum pa dang / 'thab bral rnams dang / dga' ldan rnams dang / 'phrul
26b3 dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams
26b4 dang | tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams
26b5 skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar
26b6 du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba
26b7 brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di
27a1 nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas
27a2 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das
27a3 pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang
27a4 bar 'gyur ro/ /sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs
27a5 kyi rting par mi snang bar 'gyur ro/ /yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/
27a6 pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /
27a7 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar
27b1 mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni/ smin
27b2 mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ /de nas
27b3 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos
27b4 thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/
27b5 nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur
27b6 gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge
27b7 sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal
28a1 lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las
28a2 skye bo phal cher nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin te/ kun dga' bo/ de bzhin gshegs pa
28a3 dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ tha ga pa zla ba 'dis nga la 'di lta bu'i bkur sti
28a4 byas pa mthong ngam/ btsun pa/ mthong lags so/ /kun dga' bo/ tha ga pa zla ba 'di'i dge ba'i rtsa ba dang / sems bskyed pa dang / sbyin par bya ba'i chos yongs su gtong
28a5 ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug
28a6 yongs su rdzogs par byas nas stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par
28a7 rdzogs pa'i sangs rgyas tshar tshar bla ma zhes bya bar 'gyur te 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di
28b1 yin no/ /bcom ldan 'das kyis de skad ces bka' stsal nas/ dge slong de dag yi rangs ste bcom ldan 'das kyis gsungs pa la mngon par bstod do// //che ba
28b2 zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang /
28b3 ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen
28b4 po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci
28b5 dang | lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan
28b6 dang | snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun
28b7 dga' ra ba na bzhugs so/ /de'i tshe mnyan du yod pa na tshong dpon gyi bu che ba zhes bya ba zhig gnas so/ /de yang khro ba'i kun nas dkris pa shas che ba zhig ste/ rdzogs byed la
29a1 sogs pa ston pa drug la mchod pa byed do/ /de phyis nad tshabs chen po zhig gis thebs te/ de sman pa dang / sman dang / nad g.yog med de/ shi la
29a2 thug nas 'di snyam du bsams te/ da ni bdag sdug bsngal bar 'gyur ba'i skyabs byed pa'am/ srog phangs pa sbyin par byed pa sangs rgyas ma yin pa gzhan su zhig yod
29a3 snyam mo/ /de nas de ltar bsams nas bcom ldan 'das la gsol ba 'debs so/ /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs
29a4 pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung
29a5 ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum
29a6 la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i
29a7 dngos po bzhi la yun ring nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par
29b1 spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi
29b2 yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/
29b3 phyogs bcur grags pas kun tu rgyas pa/ brgya phrag bcu la dbang byed pa bas kyang ches khyad par du 'phags pa rnams ni chos nyid kyis nyin dus gsum/ mtshan dus gsum du
29b4 sangs rgyas kyi spyan gyis 'jig rten la gzigs te/ su ni dar/ su ni phongs shing 'dug/ su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang /
29b5 gnod pa dang ldan/ su ni ngan song du gzhol/ su ni ngan gsong du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag
29b6 par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug
29b7 par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam
30a1 par grol bar bya snyam du ye shes gzigs pa 'jug go /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /
30a2 gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis tshong dpon gyi bu che ba'i gnas skabs de gzigs nas/ 'od zer
30a3 gser gyi kha dog can/ nyi ma stong gi 'od las lhag pa dag bkye ste/ de dag gis khyim de kun tu snang bar byas so/ /bskal pa stong du yongs su bsgoms pa'i byams pa'i 'od
30a4 zer dag kyang bkye ste/ de dag gis de'i lus la phog ma thag tu rab tu sim par gyur to/ /de nas bcom ldan 'das de'i sgo khang du gshegs nas/ sgo srung gi mis bcom
30a5 ldan 'das sgo nas bzhugs so zhes de la sbran to/ /de nas tshong dpon gyi bu che ba dga' bar gyur te/ dbugs ma phyin pa dbugs phyin par gyur nas/ bcom ldan 'das/
30a6 gshegs pa legs so/ /bcom ldan 'das/ nang du gshegs su gsol/ bcom ldan 'das kyi zhal mthong bar 'tshal lo zhes gsol to/ /de nas bcom ldan
30a7 'das nang du gshegs nas gdan bshams pa la bzhugs so/ /bzhugs nas kyang bcom ldan 'das kyis che ba la bka' stsal pa/ che ba khyod la gnod pa ci zhig yod/
30b1 che bas gsol pa/ bdag la lus kyi gnod pa dang / sems kyi gnod pa mchis so/ /de nas bcom ldan 'das kyis de la sems can thams cad la byams pa'i sems kyis gdams ngag
30b2 bstan te/ 'di ni khyod kyi sems kyi sdug bsngal gyi gnyen po yin no zhes bka' stsal to/ /de nas 'jig rten pa'i thugs bskyed de/ kye ma/ lha'i dbang po brgya byin gyis ri spos kyi
30b3 ngad ldang las sman shi ri ka khyer te 'ongs na legs so snyam du dgongs pa dang / bcom ldan 'das kyis thugs bskyed pa'i mod la lha'i dbang po brgya byin gyis ri spos kyi ngad ldang
30b4 las sman shi ri ka blangs te bcom ldan 'das la phul lo/ /bcom ldan 'das kyis kyang nyid kyi phyag tu bzhes nas che ba la byin te/ 'di ni khyod kyi lus kyi sdug bsngal tsha ba zhi
30b5 bar byed pa yin no zhes bka' stsal to/ /de nas des lus dang / sems shin tu sbyangs pa'i bde ba thob nas/ bcom ldan 'das la sems dga' bar gyur to/ /sems dga'
30b6 bar gyur nas rgyal po gsal rgyal la bsnyad de/ bcom ldan 'das nyan thos kyi dge 'dun dang bcas pa bshos gsol nas 'bum ri ba'i na bza' phul te/ me tog dang / spos
30b7 dang | me tog phreng thams cad kyis kyang mchod pa byas so/ /de nas sems la rtas par byas te smon lam btab pa/ dge ba'i rtsa ba dang / sems bskyed pa dang / sbyin par bya
31a1 ba'i chos yongs su btang ba 'dis ji ltar bcom ldan 'das bla na med pa'i sman pa'i rgyal pos bdag gsos pa bzhin du bdag kyang ma 'ongs pa'i dus na
31a2 'jig rten long ba 'dren pa med cing 'dren pa med par sems can ma brgal ba rnams sgrol ba dang / ma grol ba rnams 'grol ba dang / dbugs ma phyin pa rnams 'byin pa dang /
31a3 yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis che ba'i rgyu gcig nas gcig tu
31a4 brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i
31a5 tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa
31a6 de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa
31a7 dang | chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar
31b1 gas pa chen por song nas/ tsha ba'i sems can dmyal ba gnag yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur
31b2 te 'bab bo/ /de nas sems can de dag gi gnod pa'i khyad par rnams rtse zhil bar 'gyur ro/ /de nas de dag 'di snyam du sems te/ kye tsa/ bdag cag 'di nas shi 'bos sam/
31b3 'on te gzhan du skyes sam snyam mo/ /de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems
31b4 te| kye| bdag cag ni 'di nas kyang shi 'phos par ma gyur la gzhan du'ang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i
31b5 khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha
31b6 dang | mi rnams kyi nang du gang du bden pa rnams kyi snod du rung bar 'gyur ba de nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris
31b7 rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs
32a1 ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal
32a2 rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che
32a3 rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong
32a4 pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam
32a5 bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug
32a6 bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid
32a7 kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i
32b1 las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par bzhed na ni/ zhabs ki mthil du mi snang bar 'gyur ro/ /dud 'gror
32b2 skye bar lung ston par bzhed na ni/ zhabs kyi rting bar mi snang bar 'gyur ro/ /yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir skye bar lung
32b3 ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro//
32b4 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /
32b5 nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar
32b6 'gyur ro/ /bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das
32b7 la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus
33a1 pa| tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar
33a2 bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub
33a3 rnams ni rgyu rkyen ma mchis pa/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan par som nyi
33a4 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /
33a5 mgon po rdzogs sangs rgyas rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan
33a6 'das kyis bka' stsal pa/ kun dga' bo/ de ni de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas
33a7 rnams ni rgyu med rkyen med par 'dzum pa mi mdzad do/ /kun dga' bo/ tshong dpon gyi bu che ba 'dis nga la 'di lta bu'i bkur sti byas pa mthong ngam/ btsun pa/ mthong lags so/ /
33b1 kun dga' bo/ tshong dpon gyi bu che ba 'dis dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub
33b2 par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma
33b3 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas shAkya thub pa zhes bya bar 'gyur te 'jig rten du 'byung bar 'gyur ro/ /de'i
33b4 sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan
33b5 'das kyis gsungs pa la mngon par bstod do// //pad+ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang /
33b6 phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin
33b7 rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu
34a1 dang | gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan
34a2 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun
34a3 dang bcas pa mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das 'jig rten du ma byung ba'i snga rol
34a4 na ni rgyal po gsal rgyal lha gzhan dag la dus gsum du me tog dang / bdug pa dang / spos dang / me tog phreng dang / byug pa rnams kyis rjed par byed do/ /gang gi tshe bcom
34a5 ldan 'das 'jig rten du byung nas ni/ gzhon nu lta bu'i mdo'i dpes rgyal po gsal rgyal btul nas/ bcom ldan 'das kyi bstan pa la dad pa rnyed de/ de'i tshe dga' ba dang /
34a6 yid bde ba skyes nas/ dus gsum du bcom ldan 'das kyi thad du 'gro zhing mar me dang / bdug pa dang / me tog dang / spos dang / me tog phreng dang / byug pa rnams kyis
34a7 mchod pa byed do/ /de nas re zhig na kun dga' ra ba'i srung ma zhig gis me tog pad+ma gsar du byung ba zhig khyer te/ rgyal po gsal rgyal gyi thad du mnyan du yod par song ba
34b1 dang | mu stegs can gyi dge bsnyen zhig gis mthong nas /kye/ mi pha gi pad+ma 'o ni 'tshong ngam zhes dris so/ /de na re/ 'tshong ngo zhes zer ro/ /de nyo 'dod pa las re zhig na khyim bdag
34b2 mgon med zas sbyin der phyin te/ des de las rin nyis 'gyur du bskyed nas/ de gnyis phan tshun ltod de 'bum 'gyur gyi bar du bskyed do/ /de nas kun dga' ra ba'i srung ma 'di
34b3 snyam du sems te/ khyim bdag mgon med zas sbyin 'di ni rgod bag can ma yin te/ sems can brtan po yin pas na/ 'di la ni don zhig yod gor ma chag snyam nas/ de the tshom
34b4 skyes te/ mu stegs can la dga' ba'i mi de la dris pa/ khyod kyis su'i don du 'di ltar skyed par byed/ des smras pa/ nga ni bcom ldan 'das sred med kyi bu'i phyir skyed par byed
34b5 do| |mgon med zas sbyin gyis smras pa/ nga ni bcom ldan 'das sangs rgyas kyi don du skyed par byed do/ /kun dga' ra ba'i srung mas smras pa/ sangs rgyas zhes bya ba de su yin/
34b6 de nas mgon med zas sbyin gyis de la sangs rgyas kyi yon tan rgyas par bshad do/ /de nas kun dga' ra ba'i srung mas/ mgon med zas sbyin la smras pa/ khyim bdag /nga nyid
34b7 kyis bcom ldan 'das de la mchod par bya'o/ /de nas khyim bdag mgon med zas sbyin gyis kun dga' ra ba'i srung ma de khrid de/ bcom ldan 'das ga la ba der song nas/
35a1 kun dga' ra ba'i srung ma des/ bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus
35a2 mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu kun
35a3 dga' ra ba'i srung ma des pad+ma de bcom ldan 'das la bor ro/ /de nas bor ma thag tu pad+ma de shing rta'i 'phang lo tsam du gyur te/ bcom ldan 'das kyi steng na 'dug go /de nas kun
35a4 dga' ra ba'i srung ma des cho 'phrul de mthong nas/ sdong po rtsa ba nas bcad pa bzhin du bcom ldan 'das kyi zhabs la phyag 'tshal nas thal mo sbyar te/ sems la rtas par byas
35a5 nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bdag 'jig rten long ba/ 'dren pa med cing yongs su
35a6 'dren pa med par sems can ma brgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las
35a7 ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis kun dga' ra ba'i srung ma de rgyu gcig nas gcig tu brgyud
35b1 pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas
35b2 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can
35b3 dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur
35b4 rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can
35b5 dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod
35b6 pa'i khyad par rnams rtse zhil bar gyur to/ /de nas de dag 'di snyam du sems te/ kye| ci/ bdag cag 'di nas shi 'phos sam/ 'on te gzhan du skyes sam snyam mo/ /de nas de dag
35b7 dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye/ bdag cag ni 'di nas kyang shi 'phos par ma
36a1 gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil
36a2 bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams kyi nang du
36a3 gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa
36a4 gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs
36a5 pa'i 'dun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad
36a6 med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang /
36a7 gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra
36b1 sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi
36b2 bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ skye ba'i 'khor ba rab spangs nas/ /sdug bsngal zad par byed par 'gyur/ /zhes
36b3 rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das
36b4 kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi
36b5 snang bar 'gyur ro/ /sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs
36b6 kyi rting par mi snang bar 'gyur ro/ /yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo
36b7 gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur
37a1 pa'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar mi snang
37a2 bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi
37a3 mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de
37a4 dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar
37a5 te| bcom ldan 'das la zhus pa/ tshon sna stong gi spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma
37a6 shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yis/ /sangs rgyas 'gro ba dag ni dam pa'i rgyur
37a7 gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge
37b1 sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta
37b2 bur brtan pa yi/ /mgon po rdzogs sangs rgyas rnams byin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal cher nyan par 'tshal/ /
37b3 bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin te/ kun dga' bo/ /de bzhin gshegs pa dgra bcom pa yang dag par rdzogs pa'i sangs
37b4 rgyas rnams ni rgyu med rkyen med par 'dzum pa mi mdzad do/ /kun dga' bo/ /kun dga' ra ba'i srung ma 'dis nga la 'di lta bu'i bkur sti byas pa mthong ngam/ btsun pa/ mthong lags
37b5 so| |kun dga' bo/ kun dga' ra ba'i srung ma 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal ba grangs med pa gsum gyis
37b6 yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang /
37b7 mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas pad+ma'i bla ma zhes bya bar 'gyur te/
38a1 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de
38a2 skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //pany+tsa la zhes bya ba ni/ sangs rgyas
38a3 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha
38a4 rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir
38a5 byas| bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams
38a6 kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos
38a7 dang | sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na
38b1 bzhugs so/ /de'i tshe byang phyogs kyi pany+tsa la'i rgyal po lho phyogs kyi pany+tsa la'i rgyal po dang mi mthun par gyur to/ /de nas ko sa la'i rgyal po gsal rgyal bcom ldan 'das ga la ba der
38b2 song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'dug go/ phyogs gcig tu 'dug nas bcom ldan 'das la ko sa la'i rgyal po gsal rgyal
38b3 gyis 'di skad ces gsol to/ /btsun pa/ bcom ldan 'das ni chos kyi rgyal po bla na med pa sems can phongs pa rnams la yongs su skyob pa/ phan tshun 'khon pa rnams kyi 'khon
38b4 byang bar mdzad pa lags na/ byang phyogs kyi pany+tsa la'i rgyal po 'di/ lho phyogs kyi pany+tsa li'i rgyal po dang mi mthun te/ de gnyis phan tshun du skye bo mang po kha 'dog par bgyid na /
38b5 bcom ldan 'das kyis thugs brtse ba'i slad du de gnyis yun ring po nas 'khon byung ba zhi bar mdzad du gsol/ de nas bcom ldan 'das kyis ko sa la'i rgyal po gsal rgyal la cang
38b6 mi gsung bas gnang ngo / /de nas ko sa la'i rgyal po gsal rgyal gyis/ bcom ldan 'das kyis cang mi gsung bas gnang bar rig ste/ bcom ldan 'das kyi zhabs la mgo bos
38b7 phyag btsal nas stan las langs te song ngo / /de nas bcom ldan 'das kyis de'i phyi de nyin gyi snga dro sham thabs dang chos gos gsol te/ lhung bzed bsnams nas/ wA ra NA si
39a1 phyogs kyi ka shi rnams kyi grong rdal ga la ba der rgyu zhing gshegs te/ mthar gyis rgyu zhing gshegs pa dang / wA ra NA sir byon nas/ wA ra NA si na drang
39a2 srong smra ba'i ri dwags kyi nags na bzhugs so/ /de nas re zhig na de gnyis kyis bcom ldan 'das bdag cag gi yul du gshegs par rig go /de nas bcom ldan 'das kyi rdzu
39a3 'phrul gyi stobs kyis dpung gi tshogs yan lag bzhi pa sprul nas/ byang phyogs kyi pany+tsa la'i rgyal po skrag cing bred nas des shing rta gcig zhon te/ bcom ldan 'das kyi thad
39a4 du song nas/ bcom ldan 'das kyis de la 'khon 'byang bar 'gyur ba'i chos bstan to/ /des chos de thos nas bcom ldan 'das kyi thad du rab tu byung ste/ des brtson pa
39a5 dang | sgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so/ /lho phyogs kyi pany+tsa la'i rgyal pos kyang bcom ldan 'das
39a6 nyan thos kyi dge 'dun dang bcas pa zla ba gsum gyi bar du spyan drangs te/ zhal zas ro brgya dang ldan pa gsol nas/ 'bum ri ba'i na bza' yang phul te smon lam
39a7 btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med
39b1 par sems can ma brgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams
39b2 yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis lho phyogs kyi pany+tsa la'i rgyal po de'i rgyu gcig nas gcig tu brgyud pa dang / las
39b3 gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer
39b4 sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal
39b5 ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol
39b6 dang | so thams thams dang / kye hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems
39b7 can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi
40a1 gnod pa'i khyad par rnams rtse zhil par gyur to/ /de nas de dag 'di snyam du sems te/ kye/ /ci/ bdag cag 'di nas shi 'phos sam/ 'on te gzhan du skyes
40a2 sam snyam mo/ /de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa de mthong nas 'di snyam du sems te/ kye/ bdag
40a3 cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams
40a4 rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams
40a5 kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni/ rgyal chen bzhi'i ris rnams dang /
40a6 sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams
40a7 dang | tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams
40b1 dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom
40b2 snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong ba dang / bdag med pa'i sgra sgrogs so/ /tshigs su bcad
40b3 pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /
40b4 gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer
40b5 de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston
40b6 par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems
40b7 can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur
41a1 ro| |yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su
41a2 mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i
41a3 rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi
41a4 byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur
41a5 ro| |bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das
41a6 la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la
41a7 zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis
41b1 pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spang pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu
41b2 rkyen ma mchis par/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /
41b3 thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs
41b4 rgyas rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/
41b5 kun dga' bo/ de ni de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum
41b6 pa mi mdzad do/ /kun dga' bo/ pany+tsa la'i rgyal po 'dis/ nga la 'di lta bu'i bkur sti byas pa mthong ngam/ btsun pa/ mthong lags so/ /kun dga' bo/ pany+tsa la'i rgyal po 'di
41b7 dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa grangs med pa gsum gyi yang dag par bsgrub par bya ba'i byang chub yang
42a1 dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang /
42a2 ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas spos mchog ces bya bar 'gyur te 'jig rten du 'byung bar
42a3 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi
42a4 rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po gsum pa/ bdug pa
42a5 zhes bya ba ni/ sangs rgyas com ldan 'das la rgyal po rnams dang / blon po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded
42a6 dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen
42a7 po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci
42b1 dang | lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang /
42b2 snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba
42b3 na bzhugs so/ /de'i tshe mnyan du yod pa na/ tshong dpon gnyis phan tshun mi mthun par gyur te/ de gnyis las gcig ni rdzogs byed la dang / gcig ni sangs rgyas bcom ldan 'das
42b4 la dad do/ /de nas de gnyis phan tshun gtam du bya ba nges par byed de/ rdzogs byed kyi dge bsnyen na re/ sangs rgyas pas chos rdzogs byed khyad par du 'phags so zhes zer ro/ /sangs
42b5 rgyas kyi dge bsnyen na re/ bcom ldan 'das yang dag par rdzogs pa'i sangs rgyas ches khyad par du 'phags so zhes zer ro/ /de nas de gnyis kyi bdog pa thams cad yal bar bya ba'i
42b6 skugs kyi gta' bzhag go /de nas re zhig na rgyal po gsal rgyal gyis thos nas bron po rnams la de gnyis kyi de sbyongs shig ces bsgo'o/ /de nas blon po de dag gis yul thams
42b7 cad du dril bsgrags te/ da ste zhag bdun na sangs rgyas dang / mu stegs can gyi dge bsnyen gnyis kyi sbyang bar chad kyi/ su rmad du byung ba lta 'dod pa de dag gshegs shig/
43a1 ces byas so/ /de nas zhag bdun lon pa na/ sa phyogs go skabs yangs pa zhig tu mi 'bum phrag du ma 'dus pa dang / nam mkha' la lha 'bum phrag du ma
43a2 'dus pa'i nang du ba lang gi lci bas dkyil 'khor byas te/ spos dang / me tog phreng thams cad bsdogs pa la/ thog ma kho nar mu stegs can gyi dge bsnyen gyis/ bden pas
43a3 gsol ba gdab pa byas te/ bden pa dang / bden pa'i tshig gang gis rdzogs byed la sogs pa ston pa drug mchog yin pa'i bden pa dang bden pa'i tshig des na/ me tog 'di dag dang /
43a4 bdug pa 'di dang / chu 'di de rnams kyi thad du song zhig ces byas so/ /de skad ces brjod pa'i mdo la me tog de dag ni sa la lhags so/ /me ni shi'o/ /chu ni sa la thim zhing yongs
43a5 su zad de/ yongs su gtugs par gyur to/ /de nas skye bo phal po che de dag gis ca co dang / ga zha bton te skad po che phyung ngo / /de nas mu stegs can gyi dge bsnyen gyis de mthong
43a6 nas| cang mi zer bar 'dug la/ spa gong zhing phrag pa bcum ste/ mig phab nas spobs pa med par gyur te/ sems khong du chung la lag pa la skom tshugs bcas nas 'khums shing
43a7 'dug go/ de nas bcom ldan 'das kyi slob ma dga' ches nas/ dga' zhing mdangs phyung ba'i mig dang ldan pas/ bla gos phrag pa gcig tu gzar te pus mo g.yas pa'i lha nga
43b1 sa la btsugs nas/ bden pas gsol ba gdab pa byas te/ bden pa dang / bden pa'i tshig gang gis bcom ldan 'das sems can rnams kyi mchog yin pa'i bden pa dang / bden
43b2 pa'i tshig des na/ me tog 'di dag dang / bdug pa 'di dang / chu 'di rnams bcom ldan 'das kyi tha dad du song zhig ces byas so/ /de skad ces brjod pa'i mod la me tog de dag ni ngang
43b3 pa rgyus pa bzhin du nam mkha' la 'phags nas rgyal bu rgyal byed kyi tshal logs su kha ltas te song ngo / /bdug pa ni sprin gyi mdog lta bur gyur to/ /chu ni bai DUR+ya'i sdong bu lta bur
43b4 gyur to/ /de nas skye bo'i tshogs phal po che de dag gis cho 'phrul de mthong nas ca co dang / ga zha bton te skad po che phyung nas de dag song ba'i phyi bzhin du 'brang ste dong ngo / /de nas
43b5 me tog de dag ni bcom ldan 'das kyi steng na 'dug go/ bdug pa dang / chu ni spyan snga na 'dug go/ de nas skye bo phal po che de dag dga' bar gyur te/ bcom ldan 'das kyi zhabs
43b6 la mgo bos phyag btsal nas/ chos mnyan pa'i phyir spyan sngar 'khod de/ bcom ldan 'das kyis de dag la mdo 'di bka' stsal to/ /bram ze dang / khyim bdag rnams/ 'di
43b7 gsum ni mchog tu gdags pa yin te/ gsum gang zhe na/ sangs rgyas mchog tu gdags pa dang / chos mchog tu gdags pa dang / dge 'dun mchog tu gdags pa'o/ /
44a1 sangs rgyas mchog tu gdags pa gang zhe na/ bram ze dang / khyim bdag rnams/ sems can rkang med rnams sam/ rkang gnyis rnams sam/ rkang bzhi
44a2 rnams sam/ rkang mang rnams sam/ gzugs can rnams sam/ gzugs can ma yin pa rnams sam/ 'du shes rnams sam/ 'du shes can ma yin pa rnams sam/ 'du shes
44a3 yod pa yang ma yin/ 'du shes med pa yin pa gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas mchog yin par
44a4 bstan to/ /sangs rgyas la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa
44a5 yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ bram ze dang khyim bdag
44a6 rnams/ 'di ni sangs rgyas mchog tu gdags pa zhes bya'o/ /chos mchog tu gdags pa gang zhe na/ 'dus byas sam 'dus ma byas kyi chos rnams gang yang rung ste/ de
44a7 dag gi nang na ni 'dod chags dang bral ba'i chos mchog yin par bstan to/ /chos la mngon par dga' ba su 'ang rung ba de dag ni mchog la mngon par dga' ba yin te/
44b1 mchog la mngon par dga' ba de dag gi rnam par smin pa'ang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar
44b2 shes par bya ste/ bram ze dang khyim bdag rnams/ 'di ni chos mchog tu gdags pa zhes bya'o/ /dge 'dun mchog tu gdags pa gang zhe na/ 'dus pa'am/ tshogs sam/ mang po'am
44b3 'khor gang yang rung ste/ de dag gi nang na ni de bzhin gshegs pa'i nyan thos kyi dge 'dun mchog yin par rig par bstan to/ /dge 'dun la mngon par dga' ba su'ang rung ba
44b4 de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa yang lha rnams kyi nang du lhar gyur pa rnams sam/ mi rnams kyi nang
44b5 du mir gyur pa rnams kyi mchog 'ba' zhig tu 'gyur bar shes par bya ste/ bram ze dang khyim bdag rnams/ 'di ni dge 'dun mchog tu gdags pa zhes bya'o/ /chos kyi rnam
44b6 grangs 'di bstan pa na/ bram ze dang / khyim bdag de dag gi nang nas/ kha cig gis ni sangs rgyas dang / chos dang / dge 'dun rnams la dad pa rnyed do/ /kha cig gis ni
44b7 skyabs su 'gro ba dang / bslab pa'i gzhi blangs so/ /kha cig gis ni rab tu byung nas phol mig lnga dang ldan pa'i 'khor ba'i 'khor lo 'di g.yo zhing mi brtan par rig ste/ 'du
45a1 byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can du rtsad chod nas/ nyon mongs pa thams cad spangs
45a2 te dgra bcom pa nyid mngon sum du byas so/ /mu stegs can gyi dge bsnyen des kyang bcom ldan 'das la dad pa rnyed do/ /de nas sdong po rtsa ba nas bcad pa bzhin du zhabs la
45a3 phyag 'tshal te smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs
45a4 su 'dren pa med par sems can ma brgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las
45a5 ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis mu stegs can gyi dge bsnyen de'i rgyu gcig nas gcig
45a6 tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid
45a7 de| de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba
45b1 gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / du 'bod chen po dang / tsha ba dang / rab tu tsha ba dang / mnar med pa dang /
45b2 chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa chen por song
45b3 nas| tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na
45b4 sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye/ ci/ bdag cag 'di nas shi 'phos sam/ 'on te gzhan du skyes
45b5 sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye/ bdag cag ni
45b6 'di nas kyang shi 'phos par ma gyur la/ gzhan du'ang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par
45b7 rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar gyur pa'i las de zad de/ lha dang / mi
46a1 rnams kyi nang du gang du bden pa rnams kyi snod du rung bar 'gyur ba der nying mtshams 'dzin par gyur to/ /steng du 'gro ba gang yin pa de dag ni rgyal chen
46a2 bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang /
46a3 tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang /
46a4 dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang /
46a5 mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang /
46a6 bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i
46a7 khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /
46b1 sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi
46b2 phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las
46b3 lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud 'gror
46b4 skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir
46b5 skye bar lung ston par bzhed na ni/ bus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil
46b6 du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung ston par bzhed
46b7 na ni| lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung ston par bzhed
47a1 na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du
47a2 mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang
47a3 ldan pa kun dga' bos thal mo sbyar te bcom ldan 'das la zhus pa/ tshon sna tshogs gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun
47a4 tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag
47a5 gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags
47a6 na| |dge sbyong rgyal dbang nyan pa som nyi 'tshal ba rnams/ /thub pa khyu mchog gis ni gsung mchog brtan pa dang / /bzang po dag gi the tshom skyes pa bsal bar gsol/ /rgya mtsho
47a7 dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen
47b1 nyan par 'tshal/ /bcom ldan 'das kyis bka' stsal pa/ kun dga' bo/ /de ni de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par
47b2 rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ mu stegs can gyi dge bsnyen 'dis nga la 'di lta bu'i bkur sti byas pa mthong ngam/
47b3 btsun pa/ mthong lags so/ /kun dga' bo/ mu stegs can gyi dge bsnyen 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal
47b4 pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par
47b5 byas nas stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas mi g.yo ba
47b6 zhes bya bar 'gyur te 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces
47b7 bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //rgyal po zhes bya ba ni/ sangs rgyas bcom ldan
48a1 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon
48a2 rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams
48a3 kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto
48a4 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang / zhal zas dang / gzims cha dang / gang na
48a5 dang | snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin
48a6 gyi kun dga' ra ba na bzhugs so/ /da'i tshe ko sa la'i rgyal po gsal rgyal dang / rgyal po ma skyes dgra gnyis phan tshun mi mthun par gyur to/ /de nas rgyal po ma skyes dgras
48a7 dpung gi tshogs yan lag bzhi pa/ glang po che'i tshogs dang / rta ba'i tshogs dang / shing rta'i tshogs dang / dpung bu chung gi tshogs go bskon nas/ ko sa la'i rgyal po
48b1 gsal rgyal dang g.yul 'gyed pa'i phyir drangs so/ /ko sa la'i rgyal po gsal rgyal gyis kyang / rgyal po ma skyes dgras dpung gi tshogs yan lag bzhi pa glang po che'i tshogs dang / rta
48b2 pa'i tshogs dang / shing rta'i tshogs dang / dpung bu chung gi tshogs go bskon nas/ bdag dang g.yul 'gyed pa'i phyir drangs so zhes thos so/ /thos nas des kyang dpung gi tshogs
48b3 yan lag bzhi pa glang po che'i tshogs dang / rta ba'i tshogs dang / shing rta'i tshogs dang / dpung bu chung gi tshogs go bskon nas/ rgyal po ma skyes dgra dang g.yul 'gyed pa'i phyir
48b4 drangs so/ /de nas rgyal po ma skyes dgras/ /ko sa la'i rgyal po gsal rgyal gyi glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs thams
48b5 cad phrogs te/ ko sa la'i rgyal po gsal rgyal pham zhing skrag la rdugs te/ rab tu pham zhing rgyab kyis phyogs par gyur nas/ shing rta gcig pus mnyan du yod par song ste/
48b6 lan gsum gyi bar du'ang de ltar gyur to/ /de nas ko sa la'i rgyal po gsal rgyal mya ngan gyi khang par zhugs nas/ lag pa la skom tshugs bcas te/ sems khong du chud
48b7 cing 'dug go /de nas mnyan du yod pa de na tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam
49a1 thos kyi bu'i nor dang 'gran pa zhig 'dug pa des/ ko sa la'i rgyal po gsal rgyal ji ltar pham zhing skrag la rdugs te/ rab tu pham zhing rgyab kyis phyogs
49a2 par gyur nas shing rta gcig pus mnyan du yod par song ngo zhes thos so/ /thos nas kyang ko sa la'i rgyal po gsal rgyal ga la ba der song ste phyin pas/ rgyal po gsal rgyal
49a3 la rgyal bar gyur cig /sku tshe ring bar shog cig ces bstod nas/ smras pa/ lha| ci'i slad du thugs ngan mdzad/ lha| bdag gis ci tsam gyis na da dung yang lha ji ltar dgyes
49a4 dgur mdzad par 'gyur ba de tsam gyi gser lha la 'bul bar 'tshal lo zhes byas so/ /des de la gser gyi phung po chen po spungs te/ der mi 'dug pas kyang mi 'greng ba mi
49a5 mthong la/ 'greng bas kyang 'dug pa mi mthong ba zhig phul lo/ /de nas ko sa la'i rgyal po gsal rgyal gyis bdag nyid kyi yul du rtog chen gyi mi kun tu bkye ste/ mi de dag
49a6 ci zer ba nyon cig ces byas so/ /re zhig na rgyal bu rgyal byed kyi tshal na rgan po gnyis shig phan tshun gtam zer te/ pad+ma'i ze ba zhes bya ba'i g.yul gyi dgra thabs yod
49a7 de| de la mi sngar ma gang yin pa de dag ni g.yul gyi gdong zan du gtong ngo / /'bring gang yin pa de dag ni bar du gzhog go /mi mchog tu dpa' ba gang yin pa de dag ni rgyab
49b1 du gzhog go zhes zer ro/ /de nas de dag gis rgyal po la bsnyad de/ ko sa la'i rgyal po gsal rgyal gyis thos nas/ de bzhin du dpung gi tshogs yan lag bzhi go bskon nas/
49b2 rgyal po ma skyes dgra dang g.yul 'gyed pa'i phyir drangs so/ /de nas ko sa la'i rgyal po gsal rgyal gyis lus 'phags ma'i bu rgyal po ma skyes dgra'i glang po che'i tshogs thams
49b3 cad kyang phrogs/ rta pa'i tshogs dang / shing rta'i tshogs dang / dpung bu chung gi tshogs kyang phrogs so/ /lus 'phags ma'i bu rgyal po ma skyes dgra'ang pham zhing skrag la rdugs
49b4 te| rab tu pham zhing rgyab kyi ltas par gyur nas gson por bzung ste/ shing rta gcig la bskyon nas/ bcom ldan 'das ga la ba der song ste phyin nas/ bcom ldan 'das kyi
49b5 zhabs la mgo bos phyag btsal te phyogs gcig tu 'dug go /phyogs gcig tu 'dug nas/ bcom ldan 'das la ko sa la'i rgyal po gsal rgyal gyis 'di skad ces gsol
49b6 to| |btsun pa/ rgyal po ma skyes dgra 'di ni yun ring po nas bdag gi 'khon zla ma lags par 'khon du 'dzin pa dang / dgra zla ma lags par dgra bgyid pa lags mod kyi/ 'di
49b7 ni bdag gi grogs po'i bu lags pa'i slad du/ bdag ni 'di dgum par mi 'tshal te 'di gtang bar 'tshal lo zhes gsol to/ /bcom ldan 'das kyis kyang rgyal po chen po
50a1 thongs shig ces bka' stsal nas/ de'i tshe tshigs su bcad de bka' stsal pa/ rgyal par gyur na 'khon pa mang / /pham par gyur na sdug bsngal gnas/ /
50a2 rgyal dang pham pa spangs na ni/ /nye bar zhi ste bde bar gnas/ /de nas ko sa la'i rgyal po gsal rgyal 'di snyam du sems te/ bdag gis rgyal srid thob pa 'di ni tshong dpon
50a3 'di'i drin yin gyi/ bdag gis 'di la ci 'dod pa'i bya dga' sbyin pa'i skabs dbye'o snyam mo/ /de nas ko sa la'i rgyal po gsal rgyal gyis tshong dpon de la ci 'dod pa'i bya
50a4 dga' sbyin pa'i skabs phye na/ de na re/ bdag ci dga' ba'i bya dga' 'tshal gyi/ bdag zhag bdun gyi bar du ci dga' dgur bgyid pa'i rgyal srid stsol cig ces byas so/ /
50a5 de nas ko sa la'i rgyal po gsal rgyal gyis bdag gi yul thams cad du dril bsgrags te/ nga'i rgyal srid zhag bdun gyi bar du tshong dpon la byin no zhes bsgo'o/ /re zhig na
50a6 tshong dpon des sangs rgyas la sogs pa dge slong gi dge 'dun rnams dang / rgyal po gsal rgyal 'khor dang bcas pa zhag bdun gyi bar du gdugs tshod la spyan drangs so/ /
50a7 yul ko shi dang / ko sa la na skye bo'i tshogs ji snyed 'khod pa de dag la'ang pho nya btang ste/ zhag bdun gyi bar du khyed khral thud med par ci dga' dgur 'khod cig /bde
50b1 pa la reg par gnas par gyis shig /'dir yang shog la/ sangs rgyas dang / chos dang / dge 'dun la skyabs su song zhig /nga'i ston mo'ang tshol la/ de bzhin gshegs pa la
50b2 bsnyen bkur gyis shig ces byas nas/ des zhag bdun gyi bar du bcom ldan 'das nyan thos kyi dge 'dun dang bcas pa la bkur sti chen pos bkur sti byas so/ /mi 'bum phrag
50b3 mang po dag kyang bad ba la btsud do/ /zhag bdun lon nas bcom ldan 'das kyi zhabs la phyag btsal te/ sems la ltas par byas nas smon lam btab pa/ dge ba'i rtsa ba dang /
50b4 sems bskyed pa dang / sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med par sems can ma brgal ba rnams sgrol
50b5 ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs
50b6 rgyas su gyur cig ces byas so/ /de nas bcom ldan 'das kyis tshong dpon de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum
50b7 pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang /
51a1 dkar po rnams byung nas/ kha cig ni 'og tu 'gro'o/ kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig
51a2 nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams
51a3 dang | kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa
51a4 de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par
51a5 rnams rtse zhil bar gyur to/ /de nas de dag 'di snyam du sems te/ kye/ ci/ bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed
51a6 pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye/ bdag cag ni 'di nas kyang shi 'phos par ma gyur la/
51a7 gzhan du'ang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de
51b1 dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar
51b2 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga'
51b3 ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang /
51b4 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod
51b5 nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar
51b6 du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /
51b7 sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byad pa ni/ /
52a1 skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i
52a2 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das
52a3 kyi snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par
52a4 bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston
52a5 bar bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur pa'i
52a6 rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil
52a7 du mi snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur
52b1 rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed
52b2 na ni| dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang
52b3 bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /
52b4 de yis phyogs rnams kun tu snang bar bgyis/ /nyi ma shar bas ji ltar bgyis ba bzhin/ /yang tshigs su bcad de gsol ba/ rgod dang bral zhing rgyags dang mi dgyes spangs pa yi/ /
52b5 sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi ston/ /bstan pos nyid kyi blo yis
52b6 dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal
52b7 bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod
53a1 las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin te/ kun dga' bo/ de bzhin
53a2 gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ tshong dpon 'dis de bzhin gshegs pa nyan
53a3 thos kyi dge 'dun dang bcas pa la 'di lta bu'i bkur sti byas pa dang / skye bo phal po che dge ba la btsud pa mthong ngam/ btsun pa mthong lags so/ /kun dga' bo/ tshong dpon 'di
53a4 dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub
53a5 yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas stobs bcu dang / mi 'jigs pa bzhi dang / ma 'dres
53a6 pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas mi 'jigs sbyin zhes bya bar 'gyur te/ 'jig rten du 'byung bar
53a7 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de
53b1 dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa rjod pa brgya ba las/ sdom gyi tshigs su bcad pa dang po rdzogs so// //
53b2 sdom ni/ mnyan pa dang ni ka pa khrus/ /yams kyi nad dang cho 'phrul dang / /lo lnga pa dang bstod mchog sbyin/ /ka shi ka dang lha yi zas/ /mnyan pa zhes bya ba ni/ sangs rgyas bcom ldan 'das
53b3 la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams
53b4 dang | gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/
53b5 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas
53b6 bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi
53b7 dge 'dun dang bcas pa mnyan du yod pa na chu klung khang ldan gyi 'jug ngogs mnyan pa'i grong na bzhugs so/ /de nas mnyan pa de dag bcom ldan 'das ga la ba der dong ste lhags
54a1 nas/ bcom ldan 'das kyi zhabs la mgo bos phyag btsal nas phyogs gcig tu 'khod do/ /phyogs gcig tu 'khod nas mnyan pa de dag la
54a2 bcom ldan 'das kyis chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do/ /chos
54a3 kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas cang mi gsung bar
54a4 bzhugs so/ /de nas mnyan pa de dag stan las langs te/ bla gos phrag pa gcig tu gzar nas bus mo g.yas pa'i lha nga sa la btsugs te/ bcom ldan 'das gal ba de
54a5 logs su thal mo sbyar ba btud nas bcom ldan 'das la gsol ba/ bcom ldan 'das dge slong gi dge 'dun dang thabs gcig tu chu klung khang ldan gyi 'gram du bdag cag
54a6 gi der sang gdugs tshod gsol bar ci gnang / gru zam las kyang bsgral bar 'chel lo zhes gsol na/ bcom ldan 'das kyis kyang mnyan pa rnams la cang mi gsung
54a7 bas gnang ngo / /de nas mnyan pa de dag gis chu klung khang ldan gyi 'gram rdo dang / gseg ma dang / gyo mo med par byas te/ rgyal mtshan dang / ba dan ni bsgreng / me tog sna
54b1 tshogs ni gtor/ spos kyi snod dag gi nang nas ni bdug pa gsol/ zhal zas bzang po ni bshams/ me tog mang po ni sta gon byas so/ /gru zam gyi steng yang me tog gi khang pa dag gis
54b2 brgyan nas/ bcom ldan 'das la 'phrin gyis bdugs tshod bskul ba/ btsun pa/ gdugs tshod la bab ste bshos lags na/ bcom ldan 'das kyis da de'i dus la bab par dgongs
54b3 te gshegs su gsol zhes bskul to/ /de nas bcom ldan 'das dge slong gi tshogs kyis zham 'bring byas te/ dge slong gi dge 'dun gyis mdun du bdar nas mnyan pa'i grong khyer
54b4 ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ /de nas mnyan pa rnams kyis sangs rgyas la sogs pa dge slong gi dge
54b5 'dun rnams bde bar bzhugs par rig nas/ rang gi lag nas bza' ba dang / bca' ba gtsang ma bzang pos tshim par byas te ci bzhed pa bstabs so/ /rang gi lag nas bza' ba
54b6 dang | bca' ba gtsang ma bzang po rnam grangs du mas tshim par byas te ci bzhed pa bstabs nas/ bcom ldan 'das bshos gsol zin to/ gsang sder ni gyu/ phyag ni bcabs
54b7 par rig nas stan ches dma' ba dag khyer te chos mnyan pa'i phyir/ bcom ldan 'das kyi spyan sngar 'khod do/ /de nas bcom ldan 'das kyis mnyan pa de dag gi bsam pa dang /
55a1 bag la nyal ba dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos pas
55a2 mnyan pa du mas ni rgyun du zhugs pa'i 'bras bu thob bo/ /kha cig gis ni lan gcig phyir 'ong ba'i 'bras bu thob bo/ /kha cig gis ni phyir mi 'ong ba'i 'bras bu thob bo/ /kha cig gis
55a3 ni nyon mongs pa thams cad spangs nas dgra bcom pa mngon sum du byas so/ /kha cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub
55a4 tu sems bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /'khor de dag thams cad kyang sangs rgyas la gzhol ba dang / chos la
55a5 'bab pa dang / dge 'dun la bab pa la bkod do/ /de nas mnyan pa de dag gis bcom ldan 'das dge slong gi dge 'dun dang thabs gcig tu bkur sti chen po dang ldan pas gru zam
55a6 las bsgral to/ /dge slong dag kyang sangs rgyas kyi mchod pa mthong bas sems dga' bar gyur te/ sangs rgyas bcom ldan 'das la zhus pa/ bcom ldan 'das kyis dge ba'i rtsa
55a7 ba 'di dag gang du mdzad lags/ bcom ldan 'das kyis bka' stsal pa/ dge slong dag/ de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub
55b1 pa dang ldan te/ dpa' rgal bzhin du 'byung la/ gdon mi za bar 'ong ba'i las rnams byas shing bsags te/ des na de bzhin gshegs pa la 'di lta bu'i mchod pa byas so/ /dge slong
55b2 dag| khyed nyan par 'dod dam/ bcom ldan 'das/ nyan par 'tshal lags so/ /dge slong dag/ sngon byung ba 'das pa'i dus na/ de bzhin gshegs pa/ dgra bcom pa/ yang dag par
55b3 rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/
55b4 sangs rgyas bcom ldan 'das shing rta skal ldan zhes bya ba 'jig rten du byung ngo / /de dgra bcom pa drug khri nyis stong gis zham ring byas te ljongs rgyu zhing gshegs pa las/ gang+gA'i 'gram
55b5 du byon nas/ de'i che ded dpon zhig 'khor brgya phrag du ma dang gang+gA'i klung las 'gron po dag sgrol zhing 'dug go/ phyogs de na cho ma rkun gyi 'jigs pa chen po'ang yod do/ /de nas dad
55b6 dpon gyis yang dag par rdzogs pa'i sangs rgyas shing rta skal ldan dgra bcom pa drug khri nyis stong gi zham ring byas pa mthong ngo / /mthong nas kyang sems dga' bar gyur te/ sems
55b7 og ma kho nar bcom ldan 'das bsgral bar 'tshal lo/ /yang dag par rdzogs pa'i sangs rgyas shing rta skal ldan
56a1 gyis kyang ded dpon la cang mi gsung bas gnang ngo / /de nas ded dpon des yang dag par rdzogs pa'i sangs rgyas shing rta skal ldan dgra bcom pa drug khri nyis stong
56a2 gis zham ring byas pa 'byor pa chen po dang ldan pas gru zam las bsgral te/ zhal zas bzang pos kyang tshim par byas nas/ bla na med pa yang dag par rdzogs pa'i byang chub tu smon
56a3 lam btab bo/ /bcom ldan 'das kyis bka' stsal pa/ dge slong dag/ khyed ji snyam du sems/ de'i tshe de'i dus na ded dpon du gyur pa gang yin pa de ni nga yin te/ ngas yang dag par
56a4 rdzogs pa'i sangs rgyas shing rta skal ldan dgra bcom pa drug khri nyis stong gis zham ring byas pa/ gru zam las bsgral ba dang / zhal zas bzang pos tshim par byas pa dang / smon
56a5 lam btab pa'i las de'i rnam par smin pas ngas 'khor ba na bde ba chen po mtha' yas pa nyams su myong la/ da ltar bla na med pa yang dag par rdzogs pa'i byang chub tu mngon par
56a6 rdzogs par sangs rgyas pa na'ang 'di lta bu'i mchod pa byas so/ /dge slong dag/ de bas na 'di ltar bslab par bya ste/ ston pa la bkur stir bya'o/ /bla mar bya'o/ /ri mor bya'o/ /
56a7 mchod pa bya'o/ /ston pa la bkur stir byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan
56b1 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //ka ba zhes bya ba ni/ sangs rgyas
56b2 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams
56b3 dang | klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar
56b4 byas| ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes
56b5 pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/
56b6 nyan thos kyi dge 'dun dang bcas pa/ ku ru'i ljongs rgyu zhing gshegs pa las ku ru'i grong khyer du byon te/ ku ru'i skye bo'i tshogs de dag kyang sangs rgyas kyis gdul bar 'gyur ba sems rgya
56b7 chen po dang ldan pa/ sbyin pa la sred pa sha stag go /de nas bcom ldan 'das 'di snyam du dgongs te/ ngas lha'i dbang po brgya byin lha'i 'khor gyis bskor ba dgug go/ 'on tang de mthong
57a1 bas 'di rnams kyi dge ba 'phel bar 'gyur ro snyam du dgongs so/ /de nas bcom ldan 'das kyis 'jig rten pa'i dgongs pa bskyed de/ kye ma/ lha'i dbang po brgya
57a2 byin lha'i tshogs kyis g.yog byas pas tsan+dan sa mchog pa'i ka ba khyer te 'ongs na legs so snyam du dgongs nas/ dgongs pa bskyed pa'i mod la lha'i dbang po brgya byin lha'i tshogs
57a3 kyis g.yog byas pa/ gang na las thams cad pa dang / rgyal po chen po bzhi dang / lha dang / klu dang / gnod sbyin dang / dri za dang / grul bu ma du mas g.yog byas pa dag lhags te/
57a4 tsan+dan sa mchog pa'i ka ba khyer te 'ongs nas ha ha zhes ca co dang / ga zha bton te skad po che phyung nas/ bcom ldan 'das kyi phyir tsan+dan sa mchog pa'i khang bzang legs par byas
57a5 so| |de nas khang bzang der lha'i dbang po brgya byin gyis bcom ldan 'das nyan thos kyi dge 'dun dang bcas pa la lha'i zhal zas dang / lha'i gzims cha dang / gdan dang / lha'i
57a6 spos dang / me tog gi phreng ba dag gis bkur stir byas/ bla mar byas/ ri mor byas/ mchod par byas so/ /de nas ku ru'i skye bo'i tshogs rnams kyis lha'i 'byor pa de dag mthong
57a7 ba dang mchog tu ya mtshan du gyur nas/ 'di snyam du sems te/ 'di ltar bcom ldan 'das la dbang po dang bcas pa'i lha rnams kyis mchod pa las na/ 'jig rten na mchog yin
57b1 pa lta snyam ste/ sems 'dun par gyur nas bcom ldan 'das kyi thad du song ste/ bcom ldan 'das kyi zhabs la phyag btsal nas phyogs gcig tu 'khod do/ /phyogs gcig tu 'khod
57b2 nas ku ru'i skye bo'i tshogs rnams khang bzang de la shin tu dga' ba skyes so/ /de nas bcom ldan 'das kyis khang bzang de mi snang bar mdzad nas/ mi rtag pa nyid dang ldan pa'i 'phags
57b3 pa'i bden pa bzhin rtogs par 'gyur ba de lta bu'i chos bstan te/ de thos nas ku ru'i mi rnams las kha cig gis ni rgyun du zhugs pa'i 'bras bu thob bo/ /kha cig gis ni lan gcig
57b4 phyir 'ong ba'i 'bras bu thob bo/ /kha cig gis ni phyir mi 'ong ba'i 'bras bu thob bo/ /kha cig gis ni nyon mongs pa thams cad spangs nas dgra bcom pa nyid mngon sum du byas so/ /kha
57b5 cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu sems bskyed do/ /kha cig gis ni bla na med pa yang dag par rdzogs pa'i byang chub
57b6 tu sems bskyed do/ /'khor de dag thams cad kyang sangs rgyas la gzhol ba dang / chos la 'bab pa dang / dge 'dun la bab pa la bkod do/ /dge slong rnams kyang sangs rgyas kyi mchod
57b7 pa mthong bas sems dga' bar gyur te/ sangs rgyas bcom ldan 'das la zhus pa/ bcom ldan 'das kyis dge ba'i rtsa ba 'di dag gang du mdzad lags/ bcom ldan 'das kyis
58a1 bka' stsal pa/ dge slong dag/ de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du byung
58a2 la gdon mi za bar 'ong ba'i las rnams byas shing bsags te/ des na de bzhin gshegs pa la 'di lta bu'i mchod pa byas so/ /dge slong dag khyed nyan par 'dod dam/ bcom ldan
58a3 'das/ nyan par 'tshal lags so/ /dge slong dag/ sngon byung ba 'das pa'i dus na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang /
58a4 zhabs su ldan pa/ bde bar gshegs ba/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das
58a5 tshangs pa zhes bya ba 'jig rten du byung ngo / /de nas yang dag par rdzogs pa'i sangs rgyas tshangs pa dgra bcom pa drug khri nyis stong gis zham ring byas te/ ljongs rgyu zhing gshegs
58a6 ba las rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal pos yang dag par rdzogs pa'i sangs rgyas tshangs pa dgra bcom pa drug khri nyis stong
58a7 gis zham ring byas pa/ ljongs rgyu zhing gshegs pa las bdag gi yul du byon to zhes thos so/ /thos nas kyang rgyal bo'i 'byor pa chen po dang / rgyal po'i mthu chen pos bcom ldan
58b1 'das yang dag par rdzogs pa'i sangs rgyas tshangs pa ga la ba der song ste phyin nas/ yang dag par rdzogs pa'i sangs rgyas tshangs pa'i zhabs la mgo bos phyag btsal te/ phyogs gcig tu
58b2 'dug go /phyogs gcig tu 'dug nas/ rgyal rigs spyi bo nas dbang bskur ba'i rgyal po/ bcom ldan 'das kyis byang chub 'thob par byed pa'i chos rnams la yang dag par btsud do/ /de
58b3 nas rgyal po de dga' bar gyur nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la
58b4 'di skad ces gsol to/ /bcom ldan 'das la bdag gis na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi
58b5 par 'tshal na/ bcom ldan 'das nyan thos kyi dge 'dun dang thabs gcig tu rgyal po'i pho brang 'khor 'dir zla ba gsum gyi bar du bzhugs par ci gnang / de nas yang dag par rdzogs
58b6 pa'i sangs rgyas tshangs pas rgyal po la cang mi gsung bas gnang ngo / /de nas rgyal rigs spyi bo nas dbang bskur ba'i rgyal po des/ bcom ldan 'das kyi phyir tsan+dan sa mchog pa'i khang
58b7 bzang byed du bcug go /des de la na bza' dang / rgyan rnam pa sna tshogs kyis brgyan nas/ me tog sna tshogs kyis ni gtor/ bog phor dag gis ni bdugs te/ bcom ldan 'das
59a1 nyan thos kyi dge 'dun dang bcas pa la phul nas/ zla ba gsum gyi bar du zhal zas bzang pos tshim par byas te/ na bza'i khyad par rnam pa sna tshogs phul nas
59a2 bla na med pa yang dag par rdzogs pa'i byang chub tu'ang smon lam btab bo/ /bcom ldan 'das kyis bka' stsal pa/ dge slong dag/ khyed ji snyam du sems/ de'i tshe de'i dus na rgyal
59a3 rigs spyi bo nas dbang bskur ba'i rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas tshangs pa la de lta bu'i mchod pa byas pa'i las kyi rnam
59a4 par smin pa des na/ ngas 'khor ba na bde ba chen po mtha' yas pa nyams su myong la/ da ltar bla na med pa yang dag par rdzogs pa'i byang chub mngon par rdzogs par sangs rgyas
59a5 pa na yang 'di lta bu'i mchod pa byas so/ /dge slong dag /de bas na 'di ltar bslab par bya ste/ ston pa la bkur stir bya'o/ /bla mar bya'o/ /ri mor bya'o/ /mchod pa bya'o/ /ston
59a6 pa la bkur stir byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de
59a7 skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod
59b1 pa brgya pa/ bam po bzhi pa/ khrus zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang /
59b2 tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams
59b3 dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang /
59b4 mi'am ci dang / lto 'phye chen po rnams mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang /
59b5 gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod ba na rgyal bu rgyal byed kyi tshal khyim bdag mgon med zas sbyin gyi kun
59b6 dga' ra ba na bzhugs so/ /de'i tshe mnyan du yod pa na/ tshong pa lnga brgya tsam dgon pa'i lam du zhugs pa las de dag lam stor nas/ bye stongs shig tu phyin te/ de dag lam gyi
59b7 ngal bas dkos thag cing / rgyags zad la/ nyi ma'i gung la nyi tshan gyis gdungs nas nya skam la bton pa bzhin du sa la 'gro ldog ste/ sdug bsngal drag po dang / mi bzad pa dang /
60a1 tsha ba dang / yid du mi 'ong ba'i tshor ba myong nas gu lang dang / chu lha dang / ku be ra dang / brgya byin la sogs pa lha stong snyed la so sor gsol ba 'debs
60a2 kyang de las skyob par nus pa med do/ /de'i nang nas dge bsnyen sangs rgyas kyi bstan pa'i rgyus shes pa zhig yod de/ des tshong pa de dag la smras pa/ khyed sangs rgyas la skyabs su
60a3 song zhig /de nas thams cad kyis skad bsdoms te/ skyabs su song ngo / /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi
60a4 rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa
60a5 dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum la legs
60a6 par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun
60a7 ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga
60b1 las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog
60b2 gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa
60b3 brgya phrag bcu pa la dbang byed pa bas kyang / ches khyad par du 'phags pa rnams ni chos nyid kyis nyin dus gsum/ mtshan dus gsum du sangs rgyas kyi spyan gyis 'jig rten la
60b4 gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan
60b5 song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying pa las lag nas drang
60b6 bar bya/ su ni 'phags pa'i nor bdun med pa las/ 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par
60b7 bya| su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go /'dir smras
61a1 pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de
61a2 nas re zhig na bcom ldan 'das kyis tshong pa mang po phongs shing nyam nga bar gyur pa gzigs so/ /de nas mig gis cer res bltas pa tsam gyi yun gyis dge slong gi tshogs kyis
61a3 zham ring byas te/ rgyal bu rgyal byed kyi tshal nas mi snang bar gyur nas phyogs der gshegs so/ /tshong pa de dag gis kyang bcom ldan 'das dge slong gi dge 'dun dang bcas pa
61a4 mthong ngo / /mthong nas kyang skad po che phyung ngo / /de nas bcom ldan 'das kyis 'jig rten pa'i dgongs pa bskyed de/ lha'i dbang po brgya byin gyis dbang chen gyi char phab la/ ser
61a5 bu bsil ba'ang btang na legs so snyam du dgongs nas/ bcom ldan 'das kyis dgongs pa bskyed pa'i mod la/ brgya byin gyis dbang chen gyi char yang phab/ ser bu bsil ba'ang
61a6 btang ste/ des na tshong pa de dag mi skom par gyur la tsha bas gdungs ba'ang zhi bar gyur to/ /de nas tshong pa de dag sems rtas nas bcom ldan 'das kyis de dag la lam yang bstan
61a7 te| de nas mnyan du yod par phyin to/ /de nas de dag ngal bso nas/ bcom ldan 'das kyi thad du song ste/ bcom ldan 'das kyis 'phags pa'i bden pa bzhi rtogs par 'gyur
61b1 ba de lta bu'i chos bstan nye thos nas kha cig gis ni rgyun du zhugs pa'i 'bras bu thob bo/ kha cig gis ni lan gcig phyir 'ong ba'i 'bras bu thob bo/ kha cig gis ni phyir mi 'ong ba'i 'bras bu
61b2 thob bo/ kha cig gis ni nyon mongs pa thams cad spangs nas/ dgra bcom pa nyid mngon sum du byas so/ kha cig gis ni nyan thos kyi byang chub tu sems bskyed do/ kha cig gis ni rang
61b3 sangs rgyas kyi byang chub tu sems bskyed do/ kha cig gis ni bla na med pa yang dag par rdzogs pa'i byang chub tu sems bskyed do/ /'khor de dag thams cad kyang sangs rgyas la gzhol ba dang /
61b4 chos la 'bab pa dang / dge 'dun la bab pa la bkod do/ /de nas dge slong dag the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa/
61b5 tshong pa 'di dag bcom ldan 'das kyis 'di ltar dgon pa'i shul nas bskyabs pa dang / dgongs pa bskyed pa'i mod la dbang chen gyi char phab ste/ ser bu ba sil ba'ang langs pa ngo
61b6 mtshar lags so/ /bcom ldan 'das kyis bka' stsal pa/ dge slong dag/ de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/
61b7 dpa' rgal bzhin du 'byung la gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong
62a1 bar 'gyur te/ dge slong dag/ las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams
62a2 dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig
62a3 la rnam par smin par 'gyur ro/ /lus can dag gi las rnams ni/ bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge
62a4 slong dag/ sngon byung ba 'das pa'i dus na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
62a5 rten mkhyen pa/ skyes bu gdul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das tsan+dan zhes bya ba 'jig rten du byung ngo / /de nas yang
62a6 dag par rdzogs pa'i sangs rgyas tsan+dan ljongs rgyu zhing gshegs pa las rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal po de yang dag
62a7 par rdzogs pa'i sangs rgyas tsan+dan ga la ba der song ste phyin nas/ yang dag par rdzogs pa'i sangs rgyas tsan+dan gyi zhabs la mgo bos phyag btsal te phyogs gcig tu 'dug
62b1 go| phyogs gcig tu 'dug nas/ rgyal rigs spyi bo nas dbang bskur ba'i rgyal po de bcom ldan 'das kyis byang chub thob par byed pa'i chos rnams la yang dag par btsud do/ /de nas
62b2 rgyal rigs spyi bo na dbang bskur ba'i rgyal po de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ yang dag par rdzogs pa'i
62b3 sangs rgyas tsan+dan ga la ba de logs su thal mo sbyar ba btud nas/ yang dag par rdzogs pa'i sangs rgyas tsan+dan la 'di skad ces gsol to/ /bcom ldan 'das dge slong gi dge
62b4 'dun dang thabs gcig tu rgyal po'i pho brang 'khor 'dir zla ba gsum gyi bar du bzhugs par ci gnang / de nas yang dag par rdzogs pa'i sangs rgyas tsan+dan gyis rgyal po de la cang
62b5 mi gsung bas gnang ngo / /de'i tshe than chen byung nas/ des chu klung dang / khron pa rnams chu chung bar gyur la/ shing rnams kyang me tog dang 'bras bu med par gyur to/ /de nas rgyal
62b6 pos yang dag par rdzogs pa'i sangs rgyas tsan+dan la gsol ba btab ste/ bcom ldan 'das/ grong khyer 'di'i nang du rdzing spos chab kyis gtams pa bgyid du stsol bar 'tshal na/
62b7 der bcom ldan 'das nyan thos kyi dge 'dun dang bcas pa khrus mdzad par gsol/ de ltar bcom ldan 'das kyis khrus mdzad na/ bdag gi yul 'dir dgung char dbab tu glo ba
63a1 re lags so zhes gsol to/ /de nas bcom ldan 'das yang dag par rdzogs pa'i sangs rgyas tsan+dan gyis rgyal po de la cang mi gsung bas gnang ngo / /de
63a2 nas rgyal rigs spyi bo nas dbang bskur ba'i rgyal po des blon po rnams la khyed kyi spos chab dang / rin po che'i bum pa dag sta gon gyis shig dang / de dag gis ngas sangs rgyas
63a3 bcom ldan 'das nyan thos kyi dge 'dun dang bcas pa khrus gsol bar bya'o zhes bsgo'o/ /de nas rgyal po de blon po'i 'khor dang bcas pas grong khyer de rdo dang / gseg ma dang /
63a4 gyo mo med par byas te/ rgyal mtshan dang / ba dan ni bsgreng / me tog sna tshogs kyis ni gtor/ spos chab kyis ni chag chag btab/ bdug pa sna tshogs kyis ni bdugs/ dbus
63a5 su ni rdzing byed du bcug go/ de nas bcom ldan 'das yang dag par rdzogs pa'i sangs rgyas tsan+dan gyis sems can la phan gdags pa'i phyir khrus ras gsol te rdzing gi
63a6 nang du bzhugs so/ /de nas rgyal po blon po 'khor dang bcas pas/ bcom ldan 'das yang dag par rdzogs pa'i sangs rgyas tsan+dan nyan thos kyi dge 'dun dang bcas pa spos
63a7 sna tshogs kyis bsgos pa'i chus khrus gsol to/ /bcom ldan 'das yang dag par rdzogs pa'i sangs rgyas tsan+dan khrus mdzad pa'i mod la lha'i dbang po brgya byin gyis gang
63b1 gis lo tog thams cad rgyal bar 'gyur ba de lta bu'i dbang chen gyi char phab bo/ /gzhi de las skye bo phal po che'ang sangs rgyas bcom ldan 'das la dad pa rnyed nas/ spos kyis byugs pa'i
63b2 mchod rten du ma brtsigs te zhal bsros so/ /der yang dag par rdzogs pa'i sangs rgyas tsan+dan la skyabs su song ba gang yin pa de dag thams cad ni yongs su mya ngan las 'das te/ de
63b3 dag gi nang nas nga 'ba' zhig lus so/ /dge slong dag/ de bas na 'di lta bslab par bya ste/ ston pa la bkur stir bya'o/ /bla mar bya'o/ /ri mor bya'o/ /mchod pa bya'o/ /ston pa la
63b4 bkur stir byas/ bla mar byas/ ri mor byas/ mchod pa byas nas brten te gnas par bya'o zhes dge slong khyod kyis de ltar bslab par bya'o/ /bcom ldan 'das kyis de skad ces
63b5 bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //yams kyi nad ces bya ba ni/ sangs rgyas bcom ldan
63b6 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang /
63b7 klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar
64a1 byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis
64a2 mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong
64a3 rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe yul 'dam bu tshal gyi skye bo mang
64a4 po la mi nad byung ste/ der skye bo phal po che de dag nad kyis dkos thag nas/ gu lang dang / chu lha dang / ku be ra dang / brgya byin la sogs pa lha stong snyed la so sor gsol ba
64a5 'debs kyang yams kyi nad de zhi bar ma gyur to/ /de nas yul 'dam bu tshal na dge bsnyen zhig gnas pa des 'dam bu'i tshal gyi bram ze dang / khyim bdag rnams la 'di skad
64a6 ces smras so/ /khyed tshur shog/ sangs rgyas la skyabs song la/ bcom ldan 'das de 'dir gshegs par gsol te/ bcom ldan 'das kyis ci nas tshegs chung dus
64a7 yams kyi nad zhi bar mdzad du gsol zhes kyang gsol ba thob cig /de nas 'dam bu'i tshal gyi bram ze dang / khyim bdag rnams kyis bcom ldan 'das la gsol ba btab
64b1 ste| bcom ldan 'das/ 'dir gshegs la phongs shing nyam thag pa 'di las thar bar mdzad du gsol zhes byas so/ /de'i skabs su sangs rgyas bcom ldan 'das rnams kyis ni mi mkhyen
64b2 pa'am| mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs
64b3 pa| srung ba gcig dang ldan pa/ gcig tu dpa' ba/ zla med pa gnyis su med gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la
64b4 legs par bslabs pa/ 'dul ba'i gzhi gsum la mkhas pa/ chu bo bzhi las brgal pa/ rdzu 'phrul gyi rkang pa bzhis zhabs kyi mthil shin tu brtan pa/ bsdu ba'i dngos po bzhi la
64b5 yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnams par spangs pa/ 'gro ba lnga las
64b6 yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog
64b7 gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun
65a1 tu rgyas pa/ brgya phrag bcu la dpang byed pa bas kyang / ches khyad par du 'phags pa rnams ni chos nyid kyis nyin dus gsum/ mtshan dus gsum du sangs
65a2 rgyas kyi sbyan gyis 'jig rten la gzigs te/ su ni rgud/ su ni dar/ su ni phongs shing 'dug/ su ni nyam nga par gyur/ su ni gnod pa dang thad/ su ni phongs pa dang nyam nga ba dang
65a3 gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par
65a4 bya| su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/
65a5 su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par
65a6 grol bar bya snyam du ye shes gzigs pa 'jug go/ 'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams
65a7 la| |sangs rgyas dus las yol ba med/ /de nas bcom ldan 'das snga dro sham thabs dang / chos gos gsol te/ lhung bzed bsnams nas dge slong gi tshogs kyis zham
65b1 ring byas te/ dge slong gi dge 'dun gyis mdun du bdar nas 'dam bu tshal du gshegs so/ /de nas bcom ldan 'das kyis grong khyer gyi mi de dag thams cad la byams pas khyab par
65b2 mdzad de/ des na mi ma yin pa rnams dong ste yams kyi nad zhi bar gyur to/ /de nas bram ze dang / khyim bdag de rnams bcom ldan 'das mthong bas dga' ba chen po skyes so/ /dga'
65b3 ba skyes nas bcom ldan 'das nyan thos kyi dge 'dun dang bcas pa lan bza' dang / zhal zas dang / gzims cha dang / gdan dang / snyun gsos dang / sman zong rnams las ci
65b4 bzhed pa'i skabs phye'o/ /de nas de dag la bcom ldan 'das kyis 'phags pa'i bden pa bzhi rtogs par 'gyur ba de lta bu'i chos bstan te/ de nas bram ze dang / khyim bdag du
65b5 mas rgyun du zhugs pa'i 'bras bu thob bo/ kha cig gis ni lan gcig phyir 'ong ba'i 'bras bu thob bo| kha cig gis ni phyir mi 'ong ba'i 'bras bu thob bo/ kha cig gis ni rab tu
65b6 byung ste/ nyon mongs pa thams cad spangs nas dgra bcom pa nyid mngon sum du byas so/ kha cig gis ni nyan thos kyi byang chub tu sems bskyed do/ kha cig gis ni rang sangs
65b7 rgyas kyi byang chub tu sems bskyed do/ kha cig gis ni bla na med pa yang dag par rdzogs pa'i byang chub tu sems bskyed do/ /grong khyer gyi mi de dag thams cad kyang sangs rgyas la
66a1 gzhol ba dang / chos la 'bab pa dang / dge 'dun la bab pa la bkod do/ /de nas dge slong dag the tshom skye te/ the tshom thams cad gcod pa sangs
66a2 rgyas bcom ldan 'das la zhus pa/ btsun pa/ sems can 'di dag 'di ltar bcom ldan 'das la dga' ba skyes pas phongs pa las thar bar gyur pa ni ngo mtshar lags
66a3 so| |bcom ldan 'das kyis bka' stsal pa/ dge slong dag/ de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba'
66a4 rgal bzhin du 'byung la/ gdon mi za bar 'ong ba'i la bsags pas na nga nyid kyis las byas shing bsags pa de dag gzhan su zhig gis nyams su myong bar 'gyur te/
66a5 dge slong dag/ las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par
66a6 smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par
66a7 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag/ sngon byung
66b1 ba 'das pa'i dus na de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu
66b2 gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das zla ba zhes bya ba 'jig rten du byung ngo / /de nas yang dag par rdzogs pa'i sangs rgyas zla
66b3 ba ljongs rgyu zhing gshegs pa las rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal po das yang dag par rdzogs pa'i sangs rgyas zla ba bdag
66b4 gi yul du byon te zhes thos so/ /thos nas kyang rgyal po'i 'byor ba chen po dang / rgyal po'i mthu chen po dang ldan pas yang dag par rdzogs pa'i sangs rgyas zla ba ga la ba der song ste
66b5 phyin nas/ yang dag par rdzogs pa'i sangs rgyas zla ba'i zhabs la mgo bos phyag btsal te phyogs gcig tu 'dug go/ phyogs gcig tu 'dug nas rgyal rigs spyi bo nas dbang bskur
66b6 ba'i rgyal po de yang dag par rdzogs pa'i sangs rgyas zla bas byang chub thob par byed pa'i chos rnams la yang dag par btsud do/ /de nas rgyal rigs spyi bo nas dbang bskur ba'i rgyal po
66b7 de dga' bar gyur nas/ stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ yang dag par rdzogs pa'i sangs rgyas zla ba ga la ba
67a1 der logs su thal mo sbyar ba btud nas yang dag par rdzogs pa'i sangs rgyas zla ba la 'di skad ces gsol to/ /bcom ldan 'das la bdag gis na bza'
67a2 dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das dge slong gi dge 'dun dang
67a3 thabs gcig tu zla ba gsum gyi bar du 'dir bzhugs par ci gnang / de nas yang dag par rdzogs pa'i sangs rgyas zla bas rgyal po de la cang mi gsung bas gnang ngo / /de'i tshe
67a4 rgyal po'i grong khyer de na skye bo mang po la mi nad byung ste/ des skye bo phal po che de dag la shin tu gnod par gyur to/ /de nas rgyal po des nad zhi bar bya ba'i phyir yang dag par
67a5 rdzogs pa'i sangs rgyas zla ba la gsol ba btab ste/ bcom ldan 'das/ yams kyi nad 'di zhi bar 'gyur ba'i thabs mdzad par ci gnang zhes gsol to/ /de nas
67a6 bcom ldan 'das yang dag par rdzogs pa'i sangs rgyas zla bas rgyal po de la bka' stsal pa/ rgyal po chen po/ song la nga'i chos gos snam sbyar 'di rgyal mtshan gyi rtse mo
67a7 la thogs la bkur sti chen po dang ldan pas bdag gi yul bskor du chug cig/ 'di la dga' ston chen po yang gyis shig /skye bo phal po che thams cad kyang sangs rgyas
67b1 rjes su dran pa yang dag par 'dzin du chug cig dang / des na khyer bde legs su 'gyur ro/ /de nas rgyal pos kyang ji skad bstan pa bzhin du thams cad de kho na bzhin du byas nas/ de'i rgyu
67b2 dang / rkyen gyis yams kyi nad thams cad zhi bar gyur to/ /de nas skye bo'i tshogs de dag dga' bar gyur te/ rgyal po dang /blon po dang / pho brang 'khor gyi mi rnams sangs rgyas dang / chos
67b3 dang / dge 'dun la skyabs su song ngo / /bcom ldan 'das kyis bka' stsal pa/ dge slong dag/ khyed ji snyam du sems/ de'i tshe de'i dus na rgyal por gyur pa gang yin pa de ni nga yin
67b4 te| ngas yang dag par rdzogs pa'i sangs rgyas zla ba de la mchod pa chen po byas pa'i las kyi rnam par smin pa des na ngas 'khor ba na lha dang / mir skye ba 'thob par 'gyur ba'i bde ba
67b5 chen po nyams su myong la/ da ltar yang nga de'i rgyu las byung ba'i 'byor pa dang ldan par gyur to/ /des na ngas ci bsams pa dang / ci 'dod pa de dag thams cad de bzhin du grub par
67b6 gyur to/ /dge slong dag /de bas na 'di ltar bslab par bya ste/ ston pa la bkur stir bya'o/ /bla mar bya'o/ /ri mor bya'o/ /mchod pa bya'o/ /ston pa la bkur stir byas/ bla mar byas/
67b7 ri mor byas/ mchod pa byas nas/ brtan te gnas par bya'o zhes dge slong khyer de ltar bslab par bya'o/ /bcom ldan 'das kyis de skad ces bka' stsal nas/ dge slong de
68a1 dag yi rangs te/ bcom ldan 'das kyis gsungs pa la mngon par bstod do// //cho 'phrul zhes bya ba ni/ sangs rgyas bcom ldan 'das la
68a2 rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
68a3 gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/
68a4 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas
68a5 bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi
68a6 dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /gang gi tshe lhas byin gyis gcugs byas te/ rgyal po ma skyes dgras pha
68a7 chos can chos dang ldan pa'i rgyal po bsad nas/ rang nyid rgyal por zhugs pa de'i tshe su ma dad pa de dag ni mthu dang ldan par gyur to/ /dad pa can rnams ni mthu chung bar gyur to/ /de
68b1 nas re zhig na blon po rgan po ma dad pa bcom ldan 'das kyi bstan pa la sdang ba zhig yod pa des/ bram ze rnams la mchod sbyin byas te/ der bram ze 'bum phrag du ma 'dus nas/ de dag
68b2 gis su'ang dge sbyong gau ta ma la ltar mi 'gro bar nang khrims bcas so/ /de nas bram ze rnams kyis khrims bcas te/ 'dus shing mthun la kun tu dga' nas srang gi dbus su
68b3 rig byed las 'byung ba'i cho ga bzhin brgya nyin la gsol ba btab ste/ rus pa med ma'i skyes bu gshegs su gsol/ gshegs su gsol zhes byas so/ /de'i skabs su sangs rgyas
68b4 bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci'ang med la/ sangs rgyas bcom ldan 'das thugs rje chen po dang
68b5 ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas
68b6 pa| rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i
68b7 zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra
69a1 chen po sgrogs pa/ yan lag lnga rnam par spang pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs
69a2 pa| rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa
69a3 dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu la dbang byed pa bas kyang tshes khyad par du 'phags pa rnams ni chos
69a4 nyid kyis nyin dus gsum/ mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug/ su ni nyam nga bar gyur/ su
69a5 ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste
69a6 mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag gnas drang bar bya/ su ni 'phags pa'i nor bdun med pa las/ 'phags pa'i
69a7 nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin
69b1 par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar
69b2 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis bram ze sngon dge ba'i rtsa ba bskyed bskyed pa thar pa'i skal ba
69b3 can du gyur pa/ btsal bar bya brnyed pa/ mya ngan las 'das pa la nang du bltas pa/ 'khor ba las phyi rol du bltas pa de dag gzigs nas da ltar mi dge ba'i bshes gnyen la bsten
69b4 pas nga'i bstan pa la sdang bar gyur te/ ngas 'di dag gdul ba'i phyir brtson par bya'o snyam du dgongs so/ /de nas bcom ldan 'das kyis brgya byin gyi cha lugs su sprul te/ mchod
69b5 sbyin gyi 'dun khang de lha'i 'od kyis snang bar mdzad de/ der gshegs so/ /de nas bram ze de dag dga' zhing mgul rab tu dga' ste/ yi rangs nas dga' zhing yid bde bar gyur te
69b6 skad bsdoms nas smras pa/ bcom ldan 'das/ gshegs su gsol/ gshegs su gsol/ bcom ldan 'das/ gshegs pa legs so zhes byas so/ /de nas bcom ldan 'das brgya
69b7 byin gyi cha lugs su bzhugs pa gdan bshams pa la bzhugs so/ /de nas rgyal po'i khab kyi grong khyer kun tu lha'i dbang po brgya byin mchod sbyin la gshegs so zhes de skad kyi
70a1 sgra yang grags par gyur te/ de thos nas srog chags 'bum phrag du ma 'dus so/ /de nas bcom ldan 'das kyis bram ze rnams dad par gyur pa mkhyen nas/ brgya
70a2 byin gyi cha lugs mi snang bar mdzad de/ sangs rgyas kyi cha lugs su bzhugs nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas bram ze drug
70a3 khri nyis stong gis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so/ /srog chags 'bum phrag du mas
70a4 kyang bcom ldan 'das la dad pa rnyed do/ /de nas dge slong de dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ bram ze 'di
70a5 rnams 'di ltar bcom ldan 'das dang mjal nas bden pa mthong bar gyur pa dang / srog chags 'bum phrag du ma dga' ba chen po thob par gyur pa ni ngo mtshar lags so/ /bcom
70a6 ldan 'das kyis bka' stsal pa/ dge slong dag/ de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du
70a7 'byung la gdon mi za bar 'ong ba'i las rnams byas shing bsags pas na/ ngas las byas shing bsags pa de dag gzhan su zhig gis nyams su myong bar 'gyur te/ dge slong
70b1 dag |las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur
70b2 te| las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las
70b3 rnams ni/ bskal pa brgyar yar chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag/ sngon byung ba 'das pa'i dus na/ de bzhin gshegs pa/
70b4 dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/
70b5 lha dang / mi rnams kyi ston pa/ sangs rgyas bcom ldan 'das dbang po 'dul zhes bya ba 'jig rten du byung ngo / /de ljongs rgyu zhing gshegs pa las rgyal po'i pho brang 'khor zhig tu byon to/ /
70b6 rgyal po'i pho brang 'khor de 'ang mu stegs can gyi dbang du gyur to/ /de nas rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas dbang po 'dul
70b7 bdag gi yul du gshegs so zhes thos so/ /thos nas kyang rgyal po'i 'byor pa chen po dang / rgyal po'i mthu chen po dang ldan pas yang dag par rdzogs pa'i sangs rgyas dbang po 'dul
71a1 ga la ba der song ste phyin nas/ bcom ldan 'das yang dag par rdzogs pa'i sangs rgyas dbang po 'dul gyi zhabs la mgo bos phyag btsal te phyogs gcig
71a2 tu 'dug go /phyogs gcig tu 'dug nas/ rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas dbang po 'dul gyis byang chub thob par byed pa'i chos
71a3 rnams la btsud do/ /de nas rgyal rigs spyi bo nas dbang bskur ba'i rgyal po de stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ yang
71a4 dag par rdzogs pa'i sangs rgyas dbang po 'dul ga la ba de logs su thal mo sbyar ba btud nas/ yang dag par rdzogs pa'i sangs rgyas dbang po 'dul la 'di skad ces gsol to/ /
71a5 bcom ldan 'das la bdag gis na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom
71a6 ldan 'das dge slong gi dge 'dun dang thabs gcig tu zla ba gsum gyi bar du 'dir bzhugs par ci gnang / bcom ldan 'das kyis bka' stsal pa/ rgyal po chen po/ khyod
71a7 kyi yul na dge slong glo bur du 'ong ba dang / 'gro ba bdag gi gnas su rung ba'i gtsug lag khang 'ga' lta yod dam/ rgyal pos gsol pa/ bcom ldan 'das/ da ltar ma mchis
71b1 kyis kyang / bcom ldan 'das gzhes su gsol dang / bdag gis dge slong glo bur du 'ong ba dang / 'gro ba dag gnas su rung ba'i gtsug lag khang bgyid du stsal bar 'tshal lo zhes
71b2 gsol to/ /de nas rgyal po des de bzhin gshegs pa'i phyir gtsug lag khang byed du bcug ste/ ra ba dang / rta babs dang / skar khung dang / sgo khang ni bcas/ keg tse dang / zla ba
71b3 tshes pa dang / lan kan gyis ni brgyan/ gding ba dang ni ldan/ rdzing bus ni kun tu gang / shing ljon pa me tog dang / 'bras bu dang ldan pa mang pos ni bskor ba zhig byas so/ /byas
71b4 nas kyang bcom ldan 'das nyan thos kyi dge 'dun dang bcas pa la phul lo/ /de nas bcom ldan 'das la cho 'phrul chen po mdzad par gsol ba btab bo/ /de nas rgyal pos gsol
71b5 ba btab nas/ bcom ldan 'das yang dag par rdzogs pa'i sangs rgyas dbang po 'dul gyis/ sangs rgyas phal po che'i rnam par rol ba'i cho 'phrul chen po bstan te/ des na
71b6 rgyal po dang / blon po dang / grong rdal gyi mi dang / yul mi dang / pho brang 'khor gyi mi thams cad dga' bar gyur te/ bstan pa srung ba gces par 'dzin par gyur to/ /dge
71b7 slong dag/ ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas dbang po 'dul de la de lta bu'i mchod
72a1 pa byas pa'i las de'i rnam par smin pas ngas 'khor ba na bde ba bsam yas pa nyams su myong la/ da ltar de bzhin gshegs par gyur pa na'ang nga'i bstan
72a2 pa 'di mdzes par gyur to/ dge slong dag/ de bas na 'di ltar bslab par bya ste/ ston pa la bkur stir bya'o/ /bla mar bya'o/ /ri mor bya'o/ /mchod pa bya'o/ /ston pa la bkur
72a3 stir byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka'
72a4 stsal nas/ dge slong de dag yi rangs te bcom ldan 'das kyis gsungs pa la mngon par bstod do// //lo lnga pa zhes bya ba ni/ sangs rgyas bcom ldan 'das
72a5 la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang /
72a6 klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnam dang / lto 'phye chen po rnams kyis bkur stir byas/ bla mar
72a7 byas| ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod
72b1 cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa
72b2 nyan thos kyi dge 'dun dang bcas pa/ rgyal po'i khab na 'od ma'i tshal bya ka la na da ka gnas pa na rten cing bzhugs so/ /gang gi tshe mi blun po lhas sbyin gyis bcom ldan 'das kyi bstan pa la
72b3 gnod pa stong snyed byas kyang / bcom ldan 'das kyi ba spu bskyod par yang ma nus pa de'i tshe/ rgyal po ma skyes dgra la smras pa/ rgyal po chen po rgyal po'i khab nas su'ang dge sbyong gau'u
72b4 ta ma'i thad du mi 'gro ba dang / kha zas mi sbyin pa'i khrims chos shig /de ltar byas pa dang / de khe mi rnyed cing bsnyen bkur mi rnyed pas gdon mi za bar yul gzhan du 'pho bar 'gyur
72b5 ro zhes byas so/ /de nas rgyal pos de bzhin du byas nas/ de na dge bsnyen bden pa mthong ba 'khod de dag tu ste/ kyi hud/ 'di ltar sangs rgyas bcom ldan 'das 'byung ba/ u dum wA ra'i me
72b6 tog ltar dkon pa dang phrad kyang / de bsten kyang ma nus pa las na/ rgyal po'i khab kyi grong khyer gyi mi rnams mgon med par gyur to zhes 'dzer to/ /tshig de nyid thor dge slong dag gis
72b7 thos so| |de nas tshe dang ldan pa kun dga' bos ji skad thos pa bzhin du bcom ldan 'das la gsol to/ /bcom ldan 'das kyis bka' stsal pa/ kun dga' bo/ 'di la de bzhin gshegs
73a1 pa nyid dus mkhyen gyi khyod snying ma chung zhig/ gzhan yang / nga'i bstan pa ji srid yod kyi bar du'ang nyan thos rnams kyi yo byad med par mi 'gyur na/ da ltar
73a2 lta ci smos/ de'i skabs su lha'i dbang po brgya byin ni 'og ma la shes pa'i mthong ba 'jug ste/ des bcom ldan 'das kyi bstan pa de lta bur gyur pa mthong nas/ mthong ba'i mod kho
73a3 na la sbyin bdag dang / sbyin pa po rnams kyi spro ba bskyed pa dang / sangs rgyas 'byung ba'i che ba nyid yang dag par bstan pa dang / ma skyes dgra dang / lha sbyin gyi rgyags shing dregs
73a4 pa gcad pa dang / bdag nyid kyi dad pa bstan pa'i phyir rgyal po'i khab ril gyis 'od chen pos snang bar byas nas skad po che phyung ste/ bdag gis deng phan chad bcom ldan 'das nyan
73a5 thos kyi dge 'dun dang bcas pa la lha'i na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bya'o zhes smras nas/
73a6 bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te/ phyogs gcig tu 'dug go/ phyogs gcig tu 'dug nas/ bcom
73a7 ldan 'das la lha'i dbang po brgya byin gyis 'di skad ces gsol to/ /bdag gis ji srid 'tsho'i bar du rgyal po'i khab kyi grong khyer 'di nyid du bcom ldan 'das nyan thos kyi dge 'dun
73b1 dang bcas pa la lha'i na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das kyis
73b2 bdag la gnang bar mdzad du gsol/ bcom ldan 'das kyis bka' stsal pa/ ko'u shi ka/ 'jig rten na bsod nams 'dod pa mang gi 'di ltar nga la sems dad par byas pa nyid kyis
73b3 chog go/ brgya byin gyis gsol pa/ 'o na/ de bzhin gshegs pa'i slad du bdag gis dgung lo lnga'i bar du lo lnga pa'i dga' ston sbyar bar 'tshal na/ bcom ldan 'das kyis bdag la
73b4 gnang bar mdzad du gsol/ bcom ldan 'das kyis bka' stsal pa/ ko'u shi ka/ 'jig rten na bsod nams 'dod pa mang gi 'di ltar nga la sems dad par byas pa nyid kyis chog go /
73b5 brgya byin gyis gsol pa/ 'o na/ zhag lnga'i bar du bcom ldan 'das kyis bdag la gnang bar mdzad du gsol/ de nas bcom ldan 'das kyis nyid kyi bsod nams kyi stobs mngon sum
73b6 du bstan pa dang / lha'i dbang po brgya byin la phan gdags pa dang / ma 'ongs pa'i dus su zhag lnga pa'i dga' ston rgyun mi 'chad par bya ba'i phyir/ cang mi gsung bas gnang ngo / /de
73b7 nas lha'i dbang po brgya byin gyis bcom ldan 'das kyis cang mi gsung bas gnang bar rig nas/ 'od ma'i tshal de khang bzang rnam par rgyal byed 'dra bar bstan te/ lha'i gdan cha
74a1 rnams dang / lha'i rdzing rnams dang / lha'i bdud rtsi'i zhal zas dag kyang bstan to/ /de nas bcom ldan 'das gdan bshams pa la bzhugs so/ /de nas lha'i
74a2 dbang po brgya byin gyis sangs rgyas la sogs pa dge slong gi dge 'dun bde bar bzhugs par rig nas/ lha 'bum phrag du ma'i g.yog dang bcas pas/ rang gi lag gis tshim par
74a3 byed cing ci bzhed pa bstabs so/ /rnam grangs du mar rang gi lag gis tshim par byas shing ci bzhed pa bstabs te/ bcom ldan 'das bshos gsol zin nas/ gtsang sder ni gyu/
74a4 phyag ni bcabs sbar rig nas/ stan ches dma' ba khyer te chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis lha'i dbang po brgya byin
74a5 'khor dang bcas pa la chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad do/ /rgyal po ma
74a6 skyes sgras khang bzang gi steng na 'dug pas kyang 'od ma'i tshal na bcom ldan 'das la de lta bur mchod pa byed pa mthong ngo / /mthong nas kyang 'gyod pa skyes te/ dad pa chen po rnyed do/ /rgyal
74a7 po'i khab na 'khod pa'i pho brang 'khor gyi mi rnams kyis kyang chos kyi shugs thob nas/ rgyal po'i thad du dong ste 'di skad ces smras so/ /kye ma rgyal po chen po/ 'di ltar lha rgyags shing
74b1 bag ma mchis par gnas pa rnams kyis kyang lha yul bor te/ bcom ldan 'das la mchod pa bgyid pa las na/ rgyal po'i khab na gnas pa'i pho brang 'khor gyi mi rnams sgor pham par 'gyur
74b2 gyi| lha| khrims de ni bshig na legs lags so zhes byas so/ /de nas rgyal po ma skyes dgras khrims de bshig nas rgyal po'i pho brang 'khor gyi grong khyer du dril bsgrags te/ bcom
74b3 ldan 'das la bkur sti ci dga' bar gyis ces byas so/ /de nas rgyal po'i khab na gnas pa'i pho brang 'khor gyi mi rnams 'khor dang bcas pa dga' zhing mgu la rab tu dga' ste yi rangs
74b4 nas dga' zhing yid bde ba skyes te/ me tog dang / spos dang / me tog phreng rnams khyer nas/ bcom ldan 'das la blta ba'i phyir dong ngo / /de nas lha rnams dang / mi rnams kyis bcom
74b5 ldan 'das la bkur sti chen po byas so/ /bcom ldan 'das kyis kyang gzhi de las lha dang / mi rnams pa 'phags pa'i bden pa bzhi rtogs par 'gyur ba de lta bu'i chos bstan te/
74b6 de thos nas lha dang / mi du mas bden pa mthong bar gyur to/ /de nas dge slong dag gis bcom ldan 'das kyi mchod pa mthong nas the tshom skyes te/ the tshom thams cad gcod pa sangs
74b7 rgyas bcom ldan 'das la zhus pa/ btsun pa bcom ldan 'das kyi bstan pa la 'di lta bu'i dga' ston bgyis pa ni ngo mtshar lags so/ /bcom ldan 'das kyis bka' stsal pa/ dge
75a1 slong dag /de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la
75a2 gdon mi za bar 'ong ba'i las rnams byas shing bsags pas na nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /
75a3 las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi
75a4 'gyur te/ las dge ba bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams
75a5 ni| |bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na de bzhin gshegs
75a6 pa| dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla
75a7 na med pa/ lha dang / mi rnams kyi ston pa/ sangs rgyas bcom ldan 'das rin po che'i ri bo zhes bya ba 'jig rten du byung ngo / /de ljongs rgyu zhing gshegs pa las rgyal po'i pho brang
75b1 'khor zhig tu byon nas/ rgyal po'i pho brang 'khor de na yams kyi nad byung ngo / /de nas rgyal po des yams kyi nad zhi bar bya ba'i phyir bcom ldan 'das nyan thos kyi dge 'dun dang bcas pa zla
75b2 ba gsum gyi bar du gdugs tshod la spyan drangs so/ /zla ba gsum lon nas yams kyi nad de zhi bar gyur to/ /de nas rgyal po dang / grong khyer gyi mi sems dad par gyur pa rnams kyis de
75b3 bzhin gshegs pa nyan thos kyi dge 'dun dang bcas pa la lo lnga pa'i dga' ston byas so/ /'dir gsungs pa/ kun dga' nga ni rgyal gyur nas/ /rin chen ri bo 'od chen la/ /zhi bar
75b4 'dod phyir gsol ba btab/ /lo lnga pa yi dga' ston byas/ /dge slong dag /ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs
75b5 pa'i sangs rgyas rin po che'i ri bo de la lo lnga pa'i dga' ston byas pa'i las de'i rnam par smin pas ngas 'khor ba na bde ba chen po nyams su myong la/ de ltar de bzhin gshegs par
75b6 gyur pa na'ang nga la 'di lta bu'i bkur sti byas pa yin no/ /yongs su mya ngan las 'das pa'i 'og tu'ang nga'i bstan pa la lo lnga pa'i dga' ston brgya phrag du ma byed par 'gyur ro/ /dge
75b7 slong dag /de bas na 'di ltar bslab par bya ste/ ston pa la bkur stir bya'o/ /bla mar bya'o/ /ri mor bya'o/ /mchod pa bya'o/ /ston pa la bkur stir byas/ bla mar byas/ ri mor byas/
76a1 mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong
76a2 de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po lnga pa/ bstod pa zhes bya
76a3 ba ni| sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon
76a4 rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams
76a5 kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po
76a6 rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang
76a7 sman zong rnams brnyes pa/ nyan thos kyi dge 'dun dang bcas pa/ mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
76b1 de'i tshe mnyan du yod pa na rol mo mkhan mdza' sde gcig pa lnga brgya tsam 'khod do/ /de'i tshe rol mo mkhan gyi rgyal po rab dga' zhes bya ba zhig gsar du 'ongs pa de'i mthu ni 'di lta bu yin
76b2 te| rgyud gcig las skad sna bdun dang / khong du 'khyig pa sna nyi shu rtsa gcig 'byung bar shes so/ /des grong khyer chen po drug yul po chem yin par bsgrags te/ mnyan du yod par phyin
76b3 nas| mnyan du yod pa na rol mo mkhan gnas pa rnams kyis rgyal po la gsol to/ /rgyal pos smras pa/ 'di'i dus ngas shes kyi/ khyed snying ma chung zhig /de nas rol mo mkhan gyi rgyal po
76b4 rab dga' 'di snyam du sems te/ rgyal po gsal rgyal rol mo la shin tu mkhas zhes de skad grag gi /de dang 'gyed par bya'o snyam mo/ /de nas rol mo mkhan gyi rgyal po rab dga' ko
76b5 sa la'i rgyal po gsal rgyal ga la ba der song ste/ ko sa la'i rgyal po gsal rgyal la 'di skad ces smras so/ /rgyal po/ khyod rol mo shin tu mkhyen to zhes bdag gis thos na/ gal te khyod
76b6 la gnod pa ma mchis na sad par bgyi'o/ /de nas rgyal po gsal rgyal gyis de la bsgyings te smras pa/ kye legs pa/ nga'i mkhan po rol mo mkhan gyi rgyal po bla na med pa yod de/
76b7 rgyal bu rgyal byed kyi tshal na bzhugs kyi chur shog dang / deng 'dong ngo zhes byas so/ /de nas ko sa la'i rgyal po gsal rgyal rol mo mkhan lnga brgya tsam gyis zham ring byas pa dang /
77a1 rol mo mkhan gyi rgyal po rab dga' dang / mi 'bum phrag du ma rgyal po rgyal byed kyi tshal du dong ngo / /de'i skabs su sangs rgyas bcom ldan 'das rnams
77a2 kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig rten la
77a3 phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas pa/ rig pa
77a4 gsum snang bar mdzad pa/ bslab pa gsum la legs par bslab pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs
77a5 kyi mthil shin tu brtan pa/ bsdu pa'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra
77a6 chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs
77a7 pa| rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms
77b1 par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu brgyan pa/ brgya phrag bcu pa la dbang byed pa bas kyang ches khyad par du 'phags pa
77b2 rnams ni chos nyid kyis nyin dus gsum/ mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nya ma nga bar
77b3 gyur| su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song
77b4 nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags
77b5 pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin
77b6 par bya| su ni yongs su smin zin pa las rnam par grol bar bya snyam du ye shes gzigs pa 'jug go /'dir smras pa/ rgya mtsho chu srin rnams kyi gnas/ /dus rlabs yol bar
77b7 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis 'dul ba'i skye bo la phan gdags pa'i phyir/ 'jig rten
78a1 pa'i dgongs pa bskyed de/ kye ma dri za'i bu zur phud lnga pa/ dri za bdun stong gis bskor bas/ pi wang gzhi bai DUR+ya las byas pa khyer te nga'i thad du 'ongs na legs
78a2 so snyam du dgongs so/ /de nas dgongs pa bskyed pa'i mod la/ dri za'i bu zur phud lnga pa/ dri za bdun stong gis bskor bas/ bcom ldan 'das la tshul bzhin du mchod pa byas nas /
78a3 bcom ldan 'das la pi wang gzhi bai DUR+ya las byas pa phul lo/ /de nas rol mo mkhan gyi rgyal po rab dgas/ bcom ldan 'das kyi spyan sngar pi wang blangs te/ de las rgyud
78a4 gcig las kyang skad sna bdun dang / khong nas 'khyig pa sna nyi shu rtsa gcig 'byung ba bstan te/ de thos pas rgyal po gsal rgyal dang / skye bo phal po che gzhan dag kyang
78a5 mchog tu ya mtshan du gyur to/ /de nas bcom ldan 'das kyis kyang pi wang gzhi bai DUR+ya las byas pa sbrengs te/ de las rgyud gcig las kyang skad kyi khyad par sna du ma dang /
78a6 khong du 'khyig pa'i sna grangs du ma 'byung bar bstan to/ /de dag kyang stong pa'i rnam pa dang / bdag med pa'i rnam par grag go/ lus 'di'ang pi wang dang 'dra bar bstan
78a7 to| |skad rnams ni dbang po dang 'dra bar bstan to/ /khong du 'khyig pa rnams ni sems kyi khams dang 'dra bar bstan te/ de thos pas rol mo mkhan gyi rgyal po rab dga'
78b1 dad pa skyes nas pi wang dri gtsang khang du phul te/ bcom ldan 'das kyi thad du rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor
78b2 lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod
78b3 de| nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam
78b4 pa| nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i spubs bcom pa/ rig pa dang / mngon par shes pa
78b5 dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis
78b6 mchod cing rjed pa dang / gus par smra ba'i gnas su gyur to/ /de nas lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye
78b7 chen po rnams dad par gyur nas/ bcom ldan 'das kyi bstan pa bsrung ba dang / bskyab pa dang / sba bar bya ba brtsams so/ /rol mo mkhan lnga brgya po rnams kyang dga' zhing
79a1 yid bde bar gyur nas 'di snyam du sems te/ bdag cag ni las ngan pa byed cing 'dug ste/ dka' bas 'tsho ba yin gyi/ bdag cag gis rgyal po la gsol
79a2 te| bcom ldan 'das nyan thos kyi dge 'dun dang bcas pa grong khyer du gshegs par spyan drangs gor ma chag snyam mo/ /re zhig na rol mo mkhan de dag gis gnang ba'i lung thob
79a3 nas| bcom ldan 'das nyan thos kyi dge 'dun dang bcas pa grong khyer du gshegs par spyan drangs so/ /bcom ldan 'das kyis kyang rol mo mkhan de dag la cang mi gsung bas
79a4 gnang ngo / /de nas rol mo mkhan de dag dang / rgyal po dang / blon po dang / pho brang 'khor gyi mi rnams dang / yul mi rnams bsdongs nas/ mnyan du yod pa'i grong khyer thams
79a5 cad rdo dang / gseg ma dang / gyo mo med par byas nas/ spos chab kyis chag chag ni btab/ me tog sna tshogs ni gtor/ bdug pa sna tshogs kyis ni bdugs/ me tog gi bla
79a6 res ni brgyan to/ /rol mo mkhan de dag gis kyang rang rang gi pi wang khyer te/ rdza rnga dang / gling bu dang / rnga zlum dang / rol mo'i sgra'i khyad par dag gis bsnyen bkur byas so/ /
79a7 zhal zas bzang pos kyang bcom ldan 'das nyan thos kyi dge 'dun dang bcas pa tshim par byas so/ /de nas bcom ldan 'das kyis 'dzum pa mdzad do/ /'di ni sangs rgyas
79b1 bcom ldan 'das gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu
79b2 'gro'o| |kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / du 'bod dang / du 'bod chen po
79b3 dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pal ltar gas pa
79b4 dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal
79b5 ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye/ ci/ bdag
79b6 cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed pa mdzad de/ de dag gis sprul pa
79b7 mthong nas 'di snyam du sems te/ kye/ bdag cag ni 'di nas kyang shi 'phos par ma gyur la/ gzhan du'ang ma skyes mod kyi/ 'on kyang sngon ma byung ba'i sems can snang ba
80a1 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/
80a2 sems can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur ba der nyid mtshams 'dzin par 'gyur
80a3 ro| |steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga'
80a4 rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang /
80a5 tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams
80a6 skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams
80a7 kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba
80b1 brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod
80b2 spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i
80b3 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi
80b4 snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par bzhed
80b5 na ni| zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na
80b6 ni| zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung
80b7 ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar
81a1 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang
81a2 bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu
81a3 lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi
81a4 smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can//
81a5 mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang
81a6 bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog
81a7 lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge slong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog
81b1 brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang
81b2 gi don du dpa' bo 'dzum pa ston mdzad pa/ /de ni khyod las skye bo phal chen nyan par tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin
81b3 te| kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ rol mo mkhan 'di dag
81b4 gis nga la bkur sti 'di lta bu byas pa mthong ngam/ btsun pa/ mthong lags so/ /kun dga' bo/ rol mo mkhan 'di dag dge ba'i rtsa ba dang / sems bskyed pa dang / sbyin par bya ba'i
81b5 chos yongs su gtong ba 'dis dus ji lta ba bzhin du rang sangs rgyas kyi byang chub yang dag par bsgrubs nas/ ma 'ongs pa'i dus na skad snyan zhes bya ba'i rang sangs rgyas sha stag tu 'gyur
81b6 te| sdug cing phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pur 'gyur ro/ /de dag gi sbyin par bya ba'i chos ni gang nga la
81b7 sems dga' bar gyur ba 'di yin no/ /de nas/ dge slong dag/ the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ dge ba'i rtsa ba
82a1 gang dag gi mthu 'di 'dra bar 'gyur ba de dag gang du mdzad lags/ bcom ldan 'das kyis bka' stsal pa/ dge slong dag /de bzhin gshegs pa nyid
82a2 kyis sngon tshe rabs gzhan dag tu tshogs rnyed cing rkyen grub pa dang ldan te/ dba' brgal bzhin du 'byung la/ gdon mi za bar 'ong ba'i las de dag byas shing bsags pas na
82a3 nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag/ las byas shing bsags pa rnams ni phyi rol gyi sa'i khams
82a4 la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags
82a5 pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang
82a6 chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na de bzhin gshegs pa/ dgra bcom pa/ yang
82a7 dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang / mi
82b1 rnams kyi ston pa/ sangs rgyas bcom ldan 'das rtogs mdzad ces bya ba 'jig rten du byung ste/ de ljongs rgyu zhing gshegs pa las rgyal po'i pho brang 'khor zhig tu byon to/ /de nas rgyal po'i
82b2 skyed mos tshal dus tshigs thams cad du 'bras bu phun sum tshogs pa dang ldan pa zhig yod de/ skyed mos tshal der bcom ldan 'das gshegs nas/ rgyal po de la phan gdags pa'i
82b3 phyir/ shing ljon pa zhig gi drung na rten cing bzhugs so/ /de nas gdan bting ba la bzhugs te me'i khams la snyoms par zhugs so/ /de nas rgyal rigs spyi bo nas dbang bskur
82b4 ba'i rgyal po de bud med kyi sil snyan dang / rol mo'i sgra sgrogs pa dag dang / skyed mos tshal du song ngo / /de nas rgyal po de skyed mos tshal de na 'khyam zhing 'gro bas/ bcom ldan 'das
82b5 yang dag par rdzogs pa'i sangs rgyas rtogs mdzad mdzes shing dga' bar mdzad pa/ dbang po zhi ba/ thugs zhi ba/ thugs mchog tu dul zhing rnam par zhi ba dang ldan pa/ gser gyi
82b6 mchod sdong ltar dpal 'bar ba mthong ngo / /mthong nas kyang rgyal po de dga' bar gyur nas/ btsun mo'i 'khor dang bcas pas sil snyan rnam pa sna tshogs bsgrags te/ bcom
82b7 ldan 'das ting nge 'dzin de las bzhengs su gsol to/ /zhal zas bzang po'ang gsol nas/ bla na med pa yang dag par rdzogs pa'i byang chub tu smon lam btab bo/ /dge slong dag/ ji
83a1 snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas rtogs mdzad de la mchod pa byas
83a2 pa de nyid kyi rgyus/ da ltar nga la rol mo mkhan rnams kyis 'di lta bu'i bsnyen bkur byas so/ /dge slong dag/ de bas na 'di ltar bslab par bya ste/ ston pa la bkur stir bya'o/ /
83a3 bla mar bya'o/ /ri mor bya'o/ /mchod par bya'o/ /ston pa la bkur stir byas/ bla mar byas/ ri mor byas/ mchod pa byas nas/ brten te gnas par bya'o zhes dge slong dag khyed
83a4 kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //
83a5 mchog sbyin zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon
83a6 rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams
83a7 dang | lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang /
83b1 mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos
83b2 dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas mnyan du
83b3 yod pa na gzhan gyi chung ma la byi ba byed pa las dri ma can la gnas pa zhig yod de/ de rgyal po'i mis bzung nas rgyal po'i mis bzung nas rgyal po la phul lo/ /de nas de nyes pa byed byed pa'i phyir rgyal pos gshed ma la gtad do/ /
83b4 de nas de rgyal po'i mi gos sngon po bgos pa/ mtshon cha thogs pa/ ka ra wI ra'i me tog gi phreng ba mgul na thogs pa rnams kyis lam po che dang / srang dang / bzhi mdo dang / sum mdo rnams su 'o
83b5 dod bos nas/ grong khyer gyi lho sgor khrid do/ /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci'ang med
83b6 la| sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/
83b7 zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu
84a1 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi
84a2 yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs
84a3 pa| rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa
84a4 dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni/
84a5 chos nyid kyis nyin dus gsum/ mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shig 'dug /su ni nyam nga
84a6 bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan
84a7 song nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags
84b1 pas nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni
84b2 yongs su smin zin pa las rnam par grol bar bya snyam du ye shes gzigs pa 'jug go /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar
84b3 bya ba'i sras rnams la/ /sangs rgyas dus las yol ba med/ /de nas bcom ldan 'das kyis snga dro sham thabs dang / chos gos gsol te/ lhung bzed bsnams nas/ /mnyan du yod par bsod
84b4 snyoms la gshegs so/ /de nas mi des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par
84b5 byas pa| 'od 'dom gang gis brgyan pa nyi ma stong bas lhag pa'i 'dod mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang bcom ldan 'das kyi zhabs la phyag
84b6 btsal nas/ bcom ldan 'das la 'di skad ces gsol to/ /bcom ldan 'das/ bdag ni dam pa stsal ba'i 'os lags kyi/ bdag la srog phangs pa stsal du gsol/ de nas bcom ldan 'das
84b7 kyis tshe dang ldan pa kun dga' bo la bka' stsal pa/ kun dga' bo/ khyod song la rgyal po gsal rgyal la 'di skad du/ rgyal po chen po/ mi 'di nga la byin cig dang rab tu dbyung bar
85a1 bya'o zhes gyis shig /de nas tshe dang ldan pa kun dga' bos/ bcom ldan 'das kyis bka' stsal pa mnyan nas/ ko sa la'i rgyal po gsal rgyal ga
85a2 la ba der song ste phyin nas/ ko sa la'i rgyal po gsal rgyal la/ bcom ldan 'das kyi bka' phrin/ 'di skad du /rgyal po chen po/ mi 'di bcom ldan 'das la rab tu 'byung bar
85a3 gnang bar gyis shig ces byas so/ /ko sa la'i rgyal po gsal rgyal gyis kyang shin tu 'os par rig nas gnang ste/ de bcom ldan 'das kyis rab tu phyung nas bsnyen par
85a4 rdzogs par mdzad de/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa
85a5 thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa
85a6 nyid mngon sum du byas so/ /dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra
85a7 ba'i sems dang ldan pa/ tsan+dan spangs pa lta bur bsil bar gyur pa/ rig pas sgo lnga'i spubs bcom pa/ rig pa dang / mngon par shes pa dang / so so yang dag par
85b1 rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod cing rjed pa dang / gus par
85b2 smra ba'i gnas su gyur to/ /de nas dge slong rnams the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis
85b3 dgongs pa tsam gyis thams cad grub pa de ni ngo mtshar lags so/ /bcom ldan 'das kyis bka' stsal pa/ dge slong dag /de bzhin gshegs pa nyid kyis sngon tshe rabs
85b4 gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pa na/ nga nyid kyis las byas shing
85b5 bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur
85b6 chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams
85b7 dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ 'bras
86a1 bu nyid du smin par 'gyur/ /dge slong dag /sngon byung ba 'das pa'i dus na/ de bzhin gshegs pa/ dgra bcom pa/ yang dag par rdzogs pa'i sangs rgyas
86a2 rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom
86a3 ldan 'das dbang po'i rgyal mtshan zhes bya ba 'jig rten du byung ngo / /de ljongs rgyu zhing gshegs pa las/ rgyal po'i pho brang 'khor zhig tu byon te/ rgyal po'i pho brang 'khor de na
86a4 bram ze reg byed dang / rig byed kyi yan lag gi mthar phyin pa/ rgyal po'i grong na 'dug pa zhig yod do/ /de nas yang dag par rdzogs pa'i sangs rgyas dbang po'i rgyal mtshan
86a5 snga dro sham thabs dang / chos gos gsol te/ lhung bzed bsnams nas pho brang 'khor der bsod snyoms la gshegs so/ /de nas bram ze des yang dag par rdzogs pa'i sangs rgyas
86a6 dbang po'i rgyal mtshan sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan
86a7 pa| nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang sdong po rtsa ba nas bcad pa bzhin du bcom ldan 'das kyi
86b1 zhabs la phyag 'tshal nas gsol pa/ bcom ldan 'das/ bdag ni dam pa stsal ba'i los lags so/ /bde bar gshegs pa/ bdag ni dam pa stsal pa'i 'os lags kyi/ bcom
86b2 ldan 'das gong du bzhugs su gsol/ de nas de la phan gdags pa'i phyir bcom ldan 'das yang dag par rdzogs pa'i sangs rgyas dbang po'i rgyal mtshan gong du bzhugs so/ /
86b3 yang dag par rdzogs pa'i sangs rgyas dbang po'i rgyal mtshan bzhugs nas bram ze des tshig brgyas bstod de/ zhal zas bzang po'ang gsol nas/ bla na med pa yang dag par
86b4 rdzogs pa'i byang chub tu smon lam btab bo/ /gzhi de las rgyal po dang / blon po dang / pho brang 'khor gyi mi rnams dad pa skyes so/ /dge slong dag ji snyam du sems/ de'i tshe de'i dus na
86b5 bram zer gyur pa de ni nga yin te/ ngas yang dag par rdzogs pa'i sangs rgyas dbang po'i rgyal mtshan la mchod pa byas pa de'i rgyus na/ ngas 'khor ba na bde ba mtha' yas pa nyams su
86b6 myong la da ltar yang ngas ci bsams pa dang / ci 'dod pa de dag thams cad 'grub pa yin no/ /dge slong dag /de bas na 'di ltar bslab par bya ste/ ston pa la bkur stir bya'o/ /bla
86b7 mar bya'o/ /ri mor bya'o/ /mchod pa bya'o/ /ston pa la bkur stir byas/ bla mar byas/ ri mor byas/ mchod pa byas nas brten te gnas par bya'o/ /zhes dge slong khyed kyis de ltar
87a1 bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par
87a2 bstod do// //ka shi ka'i gos zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor
87a3 gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
87a4 rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha
87a5 ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza'
87a6 dang / zhal zas dang / gzims cha dang / gdan dang / snyun gsos dang / sman zod rnams brnyes pa/ nyan thos kyi dge 'dun dang bcas pa/ rgyal po'i khab 'od ma'i tshal/ bya
87a7 ka lan da ka gnas pa na bzhugs so/ /gang gi tshe rgyal po gzugs can snying po g.yog 'khor mi 'bum phrag du ma dang bcas pas bden pa mthong bar gyur pa de'i tshe des phan
87b1 btags pa la drin bsab par bstan pa dang / sangs rgyas kyi mchod pa lugs su gzhug pa dang / khyim yangs par bstan pa dang / sangs rgyas 'byung ba gces par bstan pa'i phyir
87b2 bcom ldan 'das nyan thos kyi dge 'dun dang bcas pa rgyal po'i pho brang du gdugs tshod la spyan drangs so/ /de nas ma ga d+ha'i pho brang 'khor gyi mi rnams la bsgo ba/ bcom ldan 'das
87b3 grong khyer du gshegs pa la me tog dang / me tog phreng dang / spos dang / byug pa rnams kyis mchod pa gyis shig /rgyal po'i khab kyi grong khyer thams cad kyang rdo dang / gseg ma
87b4 dang / gyo mo med par gyis shig /me tog sna tshogs kyis gtor la/ rgyal mtshan dang / ba dan sgrengs shig /'od ma'i tshal nas rgyal po'i khab kyi bar gyi lam thams cad kyang
87b5 ras kyis khebs par gyis shig ces byas so/ /blon po rnams kyis kyang thams cad nyams su blangs so/ /de nas rgyal po gzugs can snying pos rang gi lag gis bcom ldan
87b6 'das kyi dbu'i steng du gdugs rtsibs brgya pa bzung ngo / /pho brang 'khor gyi mi gzhan dag gis ni dge slong stong gi gdugs thogs so/ /de nas bcom ldan 'das dul la 'khor
87b7 yang dul ba dang / zhi la 'khor yang zhi ba dang / grol la 'khor yang grol ba dang / dbugs phyin la 'khor yang dbugs phyin pa dang / byang la 'khor yang byang ba dang / dgra bcom
88a1 par gyur la 'khor yang dgra bcom par gyur pa dang / 'dod chags dang 'bral la 'khor yang 'dod chags dang bral ba dang / mdzes la 'khor yang
88a2 mdzes pa ste/ khyu mchog ba lang gi tshogs kyis bskor ba lta bu dang / glang po che glang po che'i phru gu'i tshogs kyis bskor ba lta bu dang / seng ge gcan zan gyi tshogs kyis
88a3 bskor ba lta bu dang / ngang pa'i rgyal po ngang pa'i tshogs kyis bskor ba lta bu dang / nam mkha' lding bya'i tshogs kyis bskor ba lta bu dang / sman pa mkhas pa nad pa'i tshogs kyis
88a4 bskor ba lta bu dang / dpa' bo dmag mi'i tshogs kyis bskor ba lta bu dang / sa mkhan 'gron po'i tshogs kyis bskor ba lta bu dang / ded dpon tshong pa'i tshogs kyis bskor ba lta
88a5 bu dang / tshong dpon grong khyer gyi mis bskor ba lta bu dang / rgyal phran blon po'i tshogs kyis bskor ba lta bu dang / 'khor los bsgyur ba'i rgyal po bu stong gis bskor ba lta bu dang /
88a6 zla ba rgyu skar gyi tshogs kyis bskor ba lta bu dang / nyi ma 'od zer stong gis tshogs kyis bskor ba lta bu dang / yul 'khor srung dri za'i tshogs kyis bskor ba lta bu dang / 'phags skyes po grul
88a7 bum gyi tshogs kyis bskor ba lta bu dang / mig mi bzang klu'i tshogs kyis bskor ba lta bu dang / nor sbyin gnod sbyin gyi tshogs kyis bskor ba lta bu dang / thags zangs ris lha ma
88b1 yin gyi tshogs kyis bskor ba lta bu dang / brgya byin sum cu rtsa gsum pa'i lha'i tshogs kyis bskor ba lta bu dang / tshangs pa tshangs ris kyis bskor ba lta bu dang / rgya mtsho ltar
88b2 ltem me 'dug pa dang / sprin rlan dang ldan pa lta bu dang / glang po che'i rgyal po rgyags pa med pa lta bur dbang po shin tu dang ba dang / spyod lam gyi tshul ma 'chal ba dang / sangs rgyas kyi
88b3 chos ma 'dres pa du mas brgyan pa'i bcom ldan 'das grong khyer der gshegs te/ gang gi tshe bcom ldan 'das kyi zhabs sgo'i them pa la bzhag pa de'i tshes chen po 'di rnam pa
88b4 drug tu g.yos te/ bcom ldan 'das grong khyer du gshegs pa'i tshe rmad du byung ba de lta bu dag byung ngo / /gzhan yang / 'di lta ste/ sgo dog pa rnams ni yangs par gyur to/ /dma'
88b5 ba rnams ni mthon por gyur to/ /glang po chen rnams kyang skad 'byin to/ /rta rnams kyang skad 'byin to/ /khyu mchog rnams kyang skad 'byin to/ /rol mo'i cha byad rnam pa sna tshogs khyim
88b6 khyim na 'dug pa rnams kyang rang sgra 'byin to/ /long ba rnams kyang mig gis mthong bar gyur to/ /'on pa rnams kyang rna bas thos par gyur to/ /lkugs pa rnams kyang smra shes par gyur
88b7 to| |dbang po lhag ma ma tshang ba rnams kyang dbang po tshang ba thob par gyur to/ /chang gis ra ro ba rnams kyang sangs par gyur to/ /dug 'thungs pa rnams kyang dug med par gyur to//
89a1 phan tshun 'khon pa rnams kyang byams pa'i sems thob par gyur to/ /sbrum ma rnams kyang bde bar btsa' bar gyur to/ /bcings pa rnams kyang grol
89a2 bar gyur to/ /nor med pa rnams kyang nor rnyed par gyur to/ /bar snang la gnas pa'i lha dang / klu dang / gnod sbyin dang / lha ma yin dang / nam mkha' lding dang / mi'am
89a3 ci dang / lto 'phye chen po rnams kyang lha'i me tog gi char 'bebs so/ /de nas bcom ldan 'das de lta bu'i 'byor bas rgyal po'i pho brang du gshegs so/ /rgyal po gzugs can
89a4 snying po 'ang bdag nyid lag dar te phyi rol gyi sgo khang du zhabs bsil ba'i tsan+dan sa mchog pa'i chu thogs te/ bcom ldan 'das dang / dge slong gi dge 'dun gyi zhabs bsil
89a5 to| |de nas sangs rgyas la sogs pa dge slong gi dge 'dun bde bar bzhugs par rig nas/ ro brgya dang ldan pa'i zhal zas gsol to/ /bshos gsol nas ka shi ka'i na
89a6 bza' yang phul lo/ /rgyu de na ma ga d+ha'i pho brang 'khor gyi mi rnams dad par gyur to/ /de nas dge slong dag the tshom skyes te/ the tshom thams cad gcod pa sangs rgyas
89a7 bcom ldan 'das zhus pa/ btsun pa/ dge ba'i rtsa ba gang gis bcom ldan 'das dang / dge slong gi dge 'dun gyis 'di lta bu'i mchod pa brnyes pa'i dge ba'i rtsa ba rnams
89b1 bcom ldan 'das kyis gang du mdzad lags/ bcom ldan 'das kyis bka' stsal pa/ dge slong dag/ de bzhin gshegs pa nyid kyis sngon tshe rabs gzhan dag tu tshogs rnyed cing
89b2 rkyen grub pa dang ldan te/ dpa' rgal bzhin du 'byung la gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su
89b3 zhig gis nyams su myong bar 'gyur te/ dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i
89b4 khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams
89b5 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur//
89b6 dge slong dag /sngon byung ba 'das pa'i dus na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
89b7 rten mkhyen pa/ skyes bu gdul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das bde mdzad ces bya ba 'jig rten du byung ngo / /de ljongs
90a1 rgyu shing gshegs pa las rgyal po'i pho brang 'khor zhig tu byon te/ rgyal rigs spyi bo nas dbang bskur ba'i rgyal po des yang dag par rdzogs pa'i
90a2 sangs rgyas bde mdzad ljongs rgyu shing gshegs pa las/ rgyal po'i pho brang 'khor der byon to zhes thos so/ /thos nas kyang rgyal po'i 'byor ba chen po dang / rgyal po'i
90a3 mthu chen po dang ldan pas bcom ldan 'das yang dag par rdzogs pa'i sangs rgyas bde mdzad ga la ba der song ste phyin nas/ yang dag par rdzogs pa'i sangs rgyas bde
90a4 mdzad kyi zhabs la mgo bos phyag btsal te/ phyogs gcig tu 'dug go /phyogs gcig tu 'dug nas rgyal rigs spyi bo nas dbang bskur ba'i rgyal po de yang dag par
90a5 rdzogs pa'i sangs rgyas bde mdzad kyis/ byang chub thob par byed pa'i chos rnams yang dag par 'dzin du bcug go/ de nas rgyal po dga' bar gyur nas/ yang dag par rdzogs
90a6 pa'i sangs rgyas bde mdzad rgyal po'i pho brang du spyan drangs nas zhal zas ro brgya dang ldan pa gsol to/ /'bum ri ba'i na bza' yang phul lo/ /yongs su mya ngan las
90a7 'das pa'i mchod rten yang khor khor yug tu dpag tshad gcig /'phang du rgyang grags gcig yod pa brtsigs so/ /dge slong dag /ji snyam du sems/ de'i tshe de'i dus na
90b1 rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas nga de mdzad la de lta bu'i mchod pa byas te/ des na ngas 'khor ba na bde ba mtha' mas pa
90b2 nyams su myong la rgyu de nyid kyis da ltar de bzhin gshegs par gyur pa na'ang nga rgyal po gzugs can snying pos 'di lta bu'i mchod pa byas so/ /dge slong dag /de bas na 'di ltar
90b3 bslab par bya ste/ ston pa la bkur stir bya'o/ /bla mar bya'o/ /ri mor bya'o/ /mchod pa bya'o/ /ston pa la bkur stir byas/ bla mar byas/ ri mor byas/ mchod pa byas nas
90b4 brten te gnas par bya'o zhes dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan
90b5 'das kyis gsungs pa la mngon par bstod do// //lha'i zas zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug
90b6 po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams
90b7 dang | nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang /
91a1 gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das
91a2 bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang
91a3 bcas pa rgyal po'i khab na 'od ma'i tshal bya ka la na da ka gnas pa na bzhugs so/ /de na tshong dpon phyug cing nor mang la longs spyod che ba/ yongs su 'dzin pa yangs shing rgya che ba/
91a4 rnam thos kyi bu'i nor dang ldan pa/ rnam thos kyi bu'i nor dang 'gran pa/ mu stegs can la dga' ba zhig gnas par de tshe dang ldan pa mo'u dgal gyi bu chen pos dad par byas
91a5 te bstan pa la btsud nas/ bcom ldan 'das la shin tu dga' bar gyur to/ /khyim bdag de'ang rgya chen po la mos pa zhig ste/ des tshe dang ldan pa mo'u dgal gyi bu chen
91a6 po la smras pa/ bdag bcom ldan 'das la mchod pa bgyid par 'tshal gyi grogs mdzod cig /tshe dang ldan pa mo'u dgal gyi bu chen pos kyang khyim bdag de la cang mi smra bas
91a7 khas blangs so/ /de nas tshe dang ldan pa mo'u dgal gyi bu chen pos khyim bdag de khrid nas/ bcom ldan 'das ga la ba der song ste phyin nas/ bcom ldan 'das kyi zhabs
91b1 la mgo bos phyag 'tshal te/ phyogs gcig tu 'dug go /phyogs gcig tu 'dug nas bcom ldan 'das la tshe dang ldan pa mo'u dgal gyi bu chen pos 'di skad ces gsol to/ /btsun
91b2 pa| khyim bdag 'di ni bcom ldan 'das nyan thos kyi dge 'dun dang bcas pa gdugs tshod gsol bar 'tshal na/ bcom ldan 'das kyis 'di la thugs brtse ba'i slad du gnang bar
91b3 mdzad du gsol/ de nas bcom ldan 'das kyis kyang khyim bdag de la cang mi gsung bas gnang ngo / /de nas khyim bdag des bcom ldan 'das kyis cang mi gsung bas gnang
91b4 bar rig nas ro brgya dang ldan pa'i zhal zas dang / me tog dang / spos dang | me tog phreng dang / byug pa dang bshams so/ /de nas tshe dang ldan pa mo'u dgal gyi bu chen pos lha'i
91b5 dbang po brgya byin la bskur te/ khyim bdag 'di'i grogs gyis shig ces byas so/ /de nas lha'i dbang po brgya byin gyis 'od ma'i tshal bya ka lan da ka gnas pa dga' byed kyi tshal
91b6 du sprul to/ /sa srung gi bu dang / rab brtan dang 'dra ba'i glang po che stong phrag mang po dag kyang khrid de 'ongs te/ de dag ni sangs rgyas la sogs pa dge slong gi dge 'dun gyi steng du
91b7 gdugs rtsi bas brgya dang ldan pa 'dzin to/ /bdag la sogs pa lha'i bu mo stong phrag du ma'ang khrid de 'ongs te/ de dag ni sangs rgyas la sogs pa dge slong gi dge 'dun la rnga yab
92a1 nor bu'i yu ba can gyis g.yob par byed do/ /rab dga' dang / zur phud lnga pa dang / tum bu ru las sogs pa dri za stong phrag du ma'ang khrid de 'ongs te
92a2 de dag ni rol mo'i sgra'i khyad par rnam pa sna tshogs len par byed do/ /lha'i bdud rtsi'i zhal zas dag kyang sbyar to/ /de nas khyim bdag des lha dang / lha'i yo byad rnams kyis bcom
92a3 ldan 'das la bsnyen bskur byas nas lus thams cad kyis bcom ldan 'das kyi zhabs la phyag btsal te/ smon lam btab pa/ dge ba'i rtsa ba dang / sems bskyed pa dang /
92a4 sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par sems can ma brgal ba rnams sgrol ba dang / ma sgrol ba
92a5 rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces
92a6 byas so/ /de nas bcom ldan 'das kyis khyim bdag de'i rgyu gcig nas gcig tu brgyud ba dang / las gcig nas gcig tu brgyud pa mkhyen nas 'dzum pa mdzad do/ /'di ni
92a7 sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams
92b1 byung na/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang bsdus 'joms dang / du
92b2 'bod dang / du 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer
92b3 dang | ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab
92b4 bo| |grang ba'i sems can dmyal ba gang yin pa de dag tu ni dro bar gyur te 'bab bo/ /de na sems can de dag gi gnod pa'i khyad par rnams rtse zhil bar gyur to/ /de nas de
92b5 dag 'di snyam du sems te/ kye| ci| bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul
92b6 pa 'gyed par mdzad de/ de dag gis sprul pa mthong nas 'di snyam du sems te/ kye| bdag cag ni 'di nas kyang shi 'phos pa ma gyur la/ gzhan du'ang ma skyes mod kyi/ 'on
92b7 kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par
93a1 dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur
93a2 ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang /
93a3 dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa
93a4 chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang /
93a5 sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams
93a6 dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par
93a7 byed de| nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig
93b1 chos 'dul 'di nyid la/ bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis
93b2 stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/
93b3 bcom ldan 'das kyis snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar
93b4 lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar
93b5 lung ston par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los
93b6 sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i
93b7 mthil du mi snang bar 'gyur ro/ /lhar skyes bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur
94a1 ro| |rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i
94a2 byang chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das
94a3 kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /
94a4 mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod
94a5 dang bral zhing rgyags dang mi dgyes rab spangs pa'i/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung
94a6 mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung
94a7 mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da'
94b1 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo/ de ni
94b2 de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /
94b3 kun dga' bo/ khyim bdag 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo/ khyim bdag 'di dge ba'i rtsa ba dang / sems bskyed
94b4 pa dang / sbyin par byas pa'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen
94b5 pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum
94b6 dang | snying rje chen po dang ldan pa'i yang dag par rdzogs pa'i sangs rgyas lha'i zas sbyin zhes bya bar 'gyur te/ 'jig rten du 'byung bar 'gyur ro/ /de'i sbyin par bya ba'i chos ni
94b7 gang nga la sems mngon par dga' bar gyur pa 'di yin no/ /skabs 'di ma ga d+ha'i rgyal po gzugs can snying po dang / g.yog 'khor rnams kyis thos nas mchog tu ya mtshan
95a1 du gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das
95a2 khyim bdag 'dis bcom ldan 'das nyan thos kyi dge 'dun dang bcas pa la lha dang / mi'i 'byor pa dag gis mchod pa bgyis pa la gzigs/ bcom ldan 'das kyis
95a3 bka' stsal pa/ dge slong dag /de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la
95a4 gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa 'di dag gzhan su zhig gis nyams su myong bar 'gyur te/
95a5 dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la
95a6 rnam par smin par mi 'gyur te/ las dge ba dang / mi dge ba byas shing bsags pa rnams ni/ zin pa'i phung po dang / khams dang / skye mched rnams 'ba' zhig la rnam
95a7 par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge
95b1 slong dag /sngon byung ba 'das pa 'dus na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
95b2 rten mkhyen pa/ skyes bu gdul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das gang po zhes bya ba 'jig rten du byung ngo / /de nas yang
95b3 dag par rdzogs pa'i sangs rgyas gang po ljongs rgyu zhing gshegs pa las/ rgyal po'i pho brang 'khor zhig tu byon te/ rgyal rigs spyi bo nas dbang bskur ba'i rgyal po des yang dag
95b4 par rdzogs pa'i sangs rgyas gang po ljongs rgyu zhing gshegs pa las/ rgyal po'i pho brang 'khor der byon to zhes thos so/ /thos nas kyang rgyal po'i 'byor pa chen po dang / rgyal
95b5 po'i mthu chen po dang ldan pas yang dag par rdzogs pa'i sangs rgyas gang po ga la ba der song ste phyin nas/ yang dag par rdzogs pa'i sangs rgyas gang po'i zhabs la mgo bos
95b6 phyag btsal te/ phyogs gcig tu 'dug go /phyogs gcig tu 'dug nas/ rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas gang pos byang
95b7 chub thob par byed pa'i chos rnams yang dag par 'dzin du bcug go /de nas rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas gang po nyan
96a1 thos kyi dge 'dun dang bcas pa la zla ba gsum gyi bar du na bza' dang / zhal zas dang / gzims cha dang / gdan dang / snyun gsos dang / sman
96a2 zong rnams la spyan drangs so/ /yang dag par rdzogs pa'i sangs rgyas gang pos kyang cang mi gsung bas gnang ngo / /de nas rgyal rigs spyi bo nas dbang bskur ba'i rgyal po des
96a3 yang dag par rdzogs pa'i sangs rgyas gang pos ha cang mi gsung bas gnang bar rig nas/ zla ba gsum gyi bar du na bza' dang / zhal zas dang / gzims cha dang / gdan dang /
96a4 snyun gsos dang / sman zong rnams kyis bsnyen bkur byas so/ /bcom ldan 'das kyi sku gzugs kyang rin po che las byas so/ /sangs rgyas kyi dga' ston byas nas/ der
96a5 srog chags 'bum phrag du ma dad pa chen po skyes te/ rgyu de dang / rkyen des de dag yongs su mya ngan las 'das so/ /dge slong dag /ji snyam du sems/ de'i tshe de'i dus na
96a6 rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas gang po la de lta bu'i mchod pa byas pa des na/ ngas 'khor ba na bde ba mtha' yas
96a7 pa nyams su myong ste/ de nyid kyi rgyus da ltar de bzhin gshegs par gyur pa na'ang nga la tshong dpon dang / brgya byin gyis 'di lta bu'i mchod pa byas so/ /dge slong dag /
96b1 de bas na 'di ltar bslab par bya ste/ ston pa la bkur stir bya'o/ /bla mar bya'o/ /ri mor bya'o/ /mchod pa bya'o/ /ston pa bkur stir byas/ bla mar byas/ ri mor byas/ mchod
96b2 pa byas nas brten te gnas par bya'o/ /zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom
96b3 ldan 'das kyis gsungs pa la mngon par bstod do/ /gang po la sogs pa rtogs pa brjod pa brgya pa las/ sdom gyi tshigs su bcad pa gnyis pa rdzogs so// //
96b4 gang po la sogs pa'i rtogs pa brjod pa brgya pa/ bam po drug pa/ sdom ni/ tsan+dan dang ni pad+ma dang / /de bzhin 'khor lo mgo bcu pa/ /mdog 'jam dang ni 'od bsal dang /
96b5 mnyan pa dang ni spos ngad ldang / /dri med gdangs snyan zhes bya ba/ /sde tshan dag tu bstan pa yin/ tsan+dan zhes bya ba ni/ sangs rgyas bcom ldan 'das la rgyal po rnams dang /
96b6 blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod
96b7 sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/
97a1 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod
97a2 cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman
97a3 zong rnams brnyes pa/ nyan thos kyi dge 'dun dang bcas pa/ yul ma ga d+ha na ljongs rgyu zhing gshegs pa las/ gang+gA'i klung gi 'gram du byon to/ /de'i tshe gang+gA'i klung gi
97a4 'gram nas thag mi ring ba zhig na mchod rten zhig ral du gyur pa/ rlung dang / nyi tshan gyis bshig pa zhig 'dug pa de dge slong rnams kyis mthong nas bcom ldan 'das la
97a5 zhus pa/ bcom ldan 'das/ mchod rten 'di su'i lags/ bcom ldan 'das kyis bka' stsal pa/ rang sangs rgyas tsan+dan zhes bya ba zhig byung ste de'i yin no/ /dge
97a6 slong rnams kyis gsol pa/ bcom ldan 'das/ rang sangs rgyas tsan+dan las byung lags/ ming ni ci las btags lags/ bcom ldan 'das kyis bka' stsal
97a7 pa| dge slong dag /khyod rang sangs rgyas tsan+dan ga las byung ba dang / ming ci las btags pa nyan par 'dod dam/ gsol pa/ btsun pa/ nyan par 'tshal lags so/ /
97b1 bka' stsal pa/ dge slong dag /'o na legs par rab tu nyon la yid la zungs shig dang ngas bshad do/ /dge slong dag /sngon byung ba 'das pa'i dus na/ grong khyer wA ra NA si na/
97b2 rgyal po tshangs byin zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang /
97b3 'thab pa zhi ba dang / 'khrug pa dang / nang 'khrugs dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan
97b4 par 'dug go /rgyal po de'ang chos can chos dang ldan pa'i rgyal po chos bzhin du rgyal po byed do/ /de bu med nas bu 'dod de/ gu lang dang / chu lha dang / ku be ra dang / brgya byin dang / tshangs pa
97b5 la sogs pa dang / lha'i khyad par gzhan dag la'ang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum
97b6 mdo'i lha dang / gtor ma len pa'i lha dang / lhan cig skyes pa'i lha dang / chos mthun pa dang / rtag tu phyi bzhin 'brang ba'i lha rnams la'ang gsol ba 'debs so/ /'jig rten
97b7 na'ang gsol ba btab pa'i rgyus bu dang / bu mo skye bar 'gyur ro zhes bya ba'i gtam de yod mod kyi/ de'ang de lta ni ma yin te/ gal te gsol ba btab pa'i rgyus bu dang / bu mo skye bar
98a1 'gyur du zin na/ 'khor los sgyur ba'i rgyal po bzhin du re re la'ang bu stong stong yod par 'gyur ba'i rigs so/ /ye ni gnas gsum tshogs pa
98a2 las bu dang / bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/
98a3 gnas 'di gsum tshogs pa las bu dang / bu mo skye bar 'gyur ro/ /de'ang gsol ba 'debs pa lhur byed cing 'dug la de'i skyed mos tshal gyi rdzing chen po zhig yod pa
98a4 de'i nang nas kyang pad+ma tshad las 'das par che ba zhig skyes te/ de nyin gcig bzhin du cher skye la/ kha ni mi 'bye ba zhig yod do/ /de nas kun dga' ra ba'i srung mas
98a5 rgyal po la gsol to/ /de nas rgyal pos kyang pad+ma de legs par srungs shig ces bsgo'o/ /phyis re zhig na nyi ma 'char kar pad+ma de kha bye nas/ pad+ma de'i snying po la khye'u
98a6 gzugs bzang zhing blta na sdug la mdzes pa mdog bzang ba gser gyi kha dog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho
98a7 ba| sna legs pa/ smin ma stug pa/ lus skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa zhig
98b1 skyil mo krung bcas shing 'dug ste/ de'i kha nas ni pad+ma'i dri 'byung la/ lus las ni tsan+dan gyi dri 'byung ngo / /de nas kun dga' ra ba'i srung mas kyang rgyal po la gsol to/ /de nas
98b2 rgyal po blon po dang / btsun mo dang bcas pa skyed mos tshal du dong nas/ khye'u des mthong ma thag tu rgyal po la smras pa/ yab tshur gshegs/ bdag ni khyod sras mi mnga' ba'i
98b3 sras lags so/ /de nas rgyal po dga' zhing mgu la yi rangs nas/ smras pa/ bu| de ni khyod ji skad zer ba bzhin no/ /de nas rgyal po rdzing gi nang du zhugs nas/ pad+ma'i snying
98b4 po las khye'u blangs te/ lag par bzhag go /de nas khye'u des gang dang / gang du rkang pa bzhag pa de dang / der pad+ma dag byung ngo / /de nas de'i ming tsan+dan zhes btags so/ /
98b5 gang gi tshe khye'u tsan+dan na khad kyis cher skyes pa de'i tshe/ grong khyer gyi mi rnams kyis rgyal po la gsol pa/ lha| bdag cag gi grong khyer 'dir dus ston byung na/ lha| sras
98b6 tsan+dan btang ba'i rigs so/ /'on tang bdag cag dang lhan cig tu dus ston myong bar 'gyur la/ gnas thams cad kyang pad+mas brgyan par 'gyur lags so/ /rgyal pos
98b7 smras pa/ de ltar bya'o/ /de nas tsan+dan rgyan thams cad kyis brgyan pa/ blon po'i bu rnams kyi g.yog 'khor dang bcas pa/ rol mo'i sgra rnam pa sna tshogs byed cing / grong khyer gyi
99a1 dus ston myong bar bya ba'i phyir/ rgyal po'i pho bras nas phyi rol tu byung ngo / /de nas de der 'gro ba na gom pa re re la pad+ma lta na sdug cing yid 'phrog
99a2 pa dag byung ste/ de dag la nyi ma'i 'od zer gyis phog ma thag tu rnyis shing bskams so/ /de nas sems can dag pa/ bsam pa dge ba/ sngon sangs rgyas la dge ba'i rtsa
99a3 ba skyed skyed pa des de mthong nas/ tshul bzhin du yid la byed pa skyes te/ ji ltar pad+ma 'di dag skyes pa'i mod la ni mdzes par 'dug la/ nyi ma'i 'od zer gyis gdungs
99a4 pas ni rnyis shing bskam par 'gyur ba de bzhin du/ lus 'di'ang de dang 'dra'o snyam mo/ /de de ltar sems shing 'jal la nye bar rtog pa na/ byang chub kyi phyogs dang mthun
99a5 pa'i chos sum cu rtsa bdun mngon du gyur te/ des skye bo'i tshogs kyi nang na 'dug bzhin du rang sangs rgyas kyi byang chub mngon sum du byas so/ /de nas re zhig na gnas gtsang
99a6 ma'i ris kyi lha rnams kyis de la gos tshon can dag phul te/ de dag bgos nas nam mkha' la 'phags te/ cho 'phrul rnam pa sna tshogs byas nas/ de mthong bas rgyal
99a7 po dang / blon po dang / grong rdal gyi mi rnams dang bcas par dga' ba chen po thob ste/ dge ba'i rtsa ba rnam pa sna tshogs kyang bskyed do/ /bcom ldan 'das kyis bka'
99b1 stsal pa| dge slong dag /rang sangs rgyas tsan+dan ni de las byung ste ming yang de las btags so/ /dge slong rnams kyis sangs rgyas bcom ldan 'das la zhus pa/ btsun pa/ rang
99b2 sangs rgyas tsan+dan gyis las gang dag bgyis shing bsags na des de'i lus kyang dri gda' la dbang po lnga'ang rno bar gyur lags/ bcom ldan 'das kyis bka' stsal pa/
99b3 bcom ldan 'das 'od srung gi bstan pa la rab tu byung ste/ des der dbu skra dang / sen mo'i mchod rten la spos chu'i dbang bskur ba'ang phul/ me tog dag kyang btags te/
99b4 der rang sangs rgyas kyi byang chub kyi lam yang bsgoms so/ /dge slong dag /de bas na 'di ltar bslab par bya ste/ ston pa la bkur stir bya'o/ /bla mar bya'o/ /ri mor bya'o/ /
99b5 mchod pa bya'o/ /ston pa la bkur stir byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom
99b6 ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //pad+ma zhes bya ba ni/
99b7 sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon
100a1 rnams dang / lha rnams dang / klu rnams dang / gnod sbyin rnams dang / nam mkha' lding rnams dang / mi'am ci rnams dang / lto 'phye chen po rnams
100a2 kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye
100a3 chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun
100a4 gsos dang / sman zod rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba
100a5 na bzhugs so/ /de'i tshe yul dbus na 'khod pa rnams kyi lugs kyis na/ kun dga' ra ba'i srung ma rnams kyis pad+ma dag blangs te/ srang du song zhing 'tshong ngo / /de nas
100a6 bcom ldan 'das snga dro sham thabs dang / chos gos gsol te/ lhung bzed bsnams nas/ mnyan du yod par bsod snyoms la gshegs so/ /bud med gcig kyang khye'u
100a7 zhig pang na thogs te/ srang du song ba las khye'u des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad
100b1 bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri po 'gro ba lta bu kun nas bzang ba mthong ngo / /
100b2 mthong nas kyang dga' ba skyes te/ glo bur du lag pa brkyang nas kun dga' ra ba'i srung ma las pad+ma blangs te/ de bzhin gshegs pa'i dbu la bor ro/ /de nas pad+ma de shing rta'i phang
100b3 lo tsam du gyur te/ steng gi nam mkha' la 'dug nas/ bcom ldan 'das gshegs na ni 'gro la/ gzhes na ni sdod do/ /de nas bcom ldan 'das kyis pad+ma rI ga'i mdog
100b4 'dra ba'i 'od zer dag bkye nas/ des mnyan du yod pa ril gyis snang bar byas so/ /rgyu des na rgyal po dang / blon po dang / pho brang 'khor gyi mi rnams dad par byas so/ /de nas
100b5 bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang /
100b6 ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang
100b7 sos dang / thig nag dang / bdud 'joms dang / du 'bod dang / du 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang /
101a1 so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha
101a2 ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems
101a3 can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye| ci| bdag cag 'di nas shi 'phos sam/ 'on te gzhan du skyes sam
101a4 snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye| bdag cag ni 'di
101a5 nas kyang shi 'phos par ma gyur la/ gzhan du'ang ma skyed mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil
101a6 bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams kyi nang du
101a7 gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa
101b1 gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i
101b2 mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams
101b3 dang | dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang /
101b4 shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa
101b5 gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor ba gyis/ /'dam bu'i khyim la glang chen bzhin/ /'chi bdag sde ni gzhom par
101b6 gyis| |gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de
101b7 nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das
102a1 pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni/ bdun
102a2 yongs su mi snang bar 'gyur ro/ /sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed
102a3 na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/
102a4 pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur
102a5 ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi
102a6 byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro//
102a7 bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan
102b1 gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus
102b2 pa| tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang
102b3 tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis
102b4 par| |pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge slong rgyal dbang nyan pa som nyi 'tshal ba rnams/ /thub pa khyu
102b5 mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams
102b6 gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga'
102b7 bo| de ni de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad
103a1 do| |kun dga' bo/ khye'u 'di dad pa skyes pas/ de bzhin gshegs pa la pad+ma 'thor ba mthong ngam/ btsun pa/ mthong lags so/ /kun dga' bo/ khye'u 'di
103a2 dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa bco lnga'i bar du log par ltung bar mi 'gyur te/ lha dang / mi'i bde ba nyams
103a3 su myong nas/ rang sangs rgyas pad+ma'i bla ma zhes bya bar 'gyur te/ de'i sbyin par bya ba'i chos ni gang nga la sems dga' bar gyur pa 'di yin no/ /dge slong dag /de bas na 'di
103a4 ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis
103a5 de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //'khor lo zhes bya ba ni/ sangs rgyas
103a6 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha
103a7 rnams dang / klu rnams dang / gnod sbyin rnams dang / lha ma yin rnams dang / nam mkha'i lding rnams dang / mi'am ci rnams dang / lto 'phye chen po rnams kyis bkur stir
103b1 byas| bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis
103b2 mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman
103b3 zod rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na bzhugs so/ /de'i tshe rgyal po'i khab nas ded dpon zhig rgya
103b4 mtsho chen po'i nang du zhugs nas/ de'i chung ma lang tshol bab pa de khyim thab la gdung zhing yongs su mi chad la/ smre sngags 'don kyang / de'i khyim thab ma 'ongs nas des sred
103b5 med kyi bu la phyag btsal te dam bcas pa/ gal te bdag gi khyim thab myur du 'ongs na bdag gis khyod la gser gyi 'khor lo dbul lo zhes byas so/ /de nas de'i khyim thab rgya
103b6 mtsho'i nang nas myur du phyir 'khor te/ nye zho med par bde bar 'ongs so/ /de nas des gser gyi 'khor lo byed du bcug ste/ de bran po'i tshogs kyis bskor bas/ 'khor lo dang /
103b7 spos dang / gdug pa dang / me tog khyer te lha khang du chas so/ /de'i skabs su sangs rgyas bcom ldan 'das rnams kyis ni mi mkhyen ba'am/ mi gzigs pa'am/ mi rtogs pa'am/
104a1 thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba
104a2 gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum la
104a3 legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po
104a4 bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs
104a5 pa| 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs par byed pa/ rtag tu gnas par bye ba drug la gnas pa/ byang
104a6 chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/
104a7 phyogs bcur grags pas kun tu rgyas pa/ brgya phrag bcu la dbang byed pa bas kyang ches khyad par du 'phags pa rnams ni chos nyid kyis nyin dus gsum/ mtshan dus gsum
104b1 du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam pa dang / gnod
104b2 pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni
104b3 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge
104b4 ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam
104b5 du ye shes gzigs pa 'jug go /'dir smras pa/ rgya mtsho chu srin rnams kyi gnas/ /dus rlabs yel bar 'gyur yang srid/ /gdul bar bya ba'i sras rnams la/ /sangs rgyas dus
104b6 las yol ba med/ /de nas bcom ldan 'das kyi bu mo des nga mthong na/ rang byang chub kyi dge ba'i rtsa ba bskyed par 'gyur ro snyam du gzigs so/ /de nas bcom ldan 'das snga dro
104b7 sham thabs dang / chos gos gsol te/ lhung bzed bsnams nas dge slong gi tshogs kyis zham ring byas te/ dge slong gi dge 'dun gyis mdun du bdar nas rgyal po'i khab tu
105a1 bsod snyoms la gshegs so/ /de nas bu mo des sangs rgyas bcom ldan 'das sku skyes bu chen po'i mtshan sum cu rtsa gnyis kyis brgyan pa/ dpe
105a2 byad bzang po brgyad cus mdzad par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong
105a3 ngo / /de nas mthong ba'i mod la dga' ba thob ste/ bcom ldan 'das la gser gyi 'khor lo dor bar byas so/ /de nas bran mos bkag ste/ 'di sred med kyi bu ma yin no zhes
105a4 byas so| |'on kyang de bkag bzhin du dad pa drag pos yid 'dun par gyur nas/ sangs rgyas bcom ldan 'das kyis steng du gser gyi 'khor lo bor ro/ /spos dang / bdug pa
105a5 dang / me tog kyang phul lo/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/
105a6 de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang
105a7 yin pa de dag ni sems can dmyal ba yang sos dang / thig nag dang / bsdus 'joms dang / du 'bod dang / du 'bod chen po dang / tsha ba dang / rab tu tsha ba dang / mnar
105b1 med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar
105b2 gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te
105b3 'bab bo/ /de nas sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye|ci| bdag cag 'di nas shi 'phos sam/ 'o na te
105b4 gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye|
105b5 bdag cag ni 'di nas shi 'phos par ma gyur la/ gzhan du'ang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad
105b6 par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha
105b7 dang | mi rnams kyi nang du gang du bden pa rnams kyi snod du rung bar 'gyur ba der nyid mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris
106a1 rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed
106a2 rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal
106a3 rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang /
106a4 mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal
106a5 ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar
106a6 gyis| |'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab
106a7 spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/
106b1 bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung sten par bzhad na ni/ bcom ldan 'das kyi snam logs su mi snang bar
106b2 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par bzhed na ni/ zhabs kyi
106b3 mthil du mi snang bar 'gyur ro/ /dud 'gro skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na ni/ zhabs kyi
106b4 mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed
106b5 na ni| phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung
106b6 ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung ston par
106b7 bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur
107a1 ro| |de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang
107a2 bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar
107a3 gyur| |de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi
107a4 dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal pa dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi
107a5 ston| |brtan pos nyid kyi blo yis dus bab mkhyen lags na/ /dge slong rgyal dbang nyan pa so ma nyi 'tshal ba rnams/ /thub pa khyu mchog gi ni gsung mchog brtan pa dang / /
107a6 bzang po bdag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi
107a7 don du dpa' bo 'dzum pa ston mdzad pa/ /de ni khyod las skye ba phal chen nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni
107b1 de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ bu mo
107b2 'dis de bzhin gshegs pa la gser gyi 'khor lo bar ba mthong ngam/ btsun pa/ mthong lags so/ /kun dga' bo/ bu mo 'di dge ba'i rtsa ba dang / sems bskyed pa dang / sbyin
107b3 par bya ba'i chos yongs su gtong ba 'dis bskal pa bco lnga'i bar du log par ltung bar mi 'gyur te/ lha dang / mi'i bde ba nyams su myong nas/ rang sangs rgyas 'khor lo bla ma zhes bya
107b4 bar 'gyur te/ de'i sbyin par bya ba'i chos ni gang nga la sems dga' bar gyur pa 'di yin no/ /dge slong dag /de bas na 'di ltar bslab par bya ste/ sangs rgyas dang / rang sangs
107b5 rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs
107b6 te bcom ldan 'das kyis gsungs pa la mngon par bstod do// //mgo bcu pa zhes bya ba ni/ sangs rgyas bcom ldan 'das la rgyal po rnams dang / blon po
107b7 chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams
108a1 dang | lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/
108a2 ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes
108a3 pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams
108a4 brnyes pa/ nyan thos kyi dge 'dun dang bcas pa/ yul ma ga d+ha na ljongs rgyu zhing gshegs pa las gang+gA'i klung gi 'gram du byon to/ /de nas dge slong rnams kyis thag ring
108a5 po zhig nas mchod rten rnying pa rlung dang / nyi tshan gyis bshig pa zhig 'dug pa de mthong ngo / /mthong nas bcom ldan 'das la zhus pa/ btsun pa/ mchod rten 'di su'i lags/
108a6 bcom ldan 'das kyis bka' stsal pa/ rang sangs rgyas mgo bcu pa'i yin no/ /dge slong rnams kyis gsol pa/ bcom ldan 'das/ rang sangs rgyas mgo bcu pa ga
108a7 las byung lags/ ming ni ci las btags lags/ bcom ldan 'das kyis bka' stsal pa/ dge slong dag khyed rang sangs rgyas mgo bcu pa ga las byung ba dang / ming
108b1 ce las btags pa nyan par 'dod dam/ gsol pa/ btsun pa/ nyan par 'tshal lags so/ /bka' stsal pa/ dge slong dag/ 'o na/ legs par rab tu nyon la yid la zungs
108b2 shig dang ngas bshad do/ /dge slong dag/ sngon byung ba 'das pa'i dus na/ grong khyer wA ra NA si na/ rgyal po tshangs pas byin zhes bya ba zhig rgyal po byed de/ de'i ring la 'byor pa dang /
108b3 rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge
108b4 dang | nad rnams med pa dang / 'bras sA lu dang / bu ram shing / ba lang dang / ma he dang ldan par 'dug go /rgyal po de'ang chos can chos dang ldan pa'i rgyal po zhig ste/
108b5 chos bzhin du rgyal po byed do/ /de nas rgyal po de bu med nas bu 'dod de/ gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par
108b6 gzhan dag la yang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / su ma mdo'i lha dang / gtor ma
108b7 len pa'i lha dang / lhan cig skyes pa dang / chos mthun pa dang / rtag tu phyi bzhin 'brang ba'i lha rnams la'ang gsol ba 'debs so/ /'jig rten na'ang gsol ba btab
109a1 pa'i rgyus/ bu dang / bu mo skye bar 'gyur ro zhes bya ba'i gtam de yod mod kyi/ de'ang de lta ni ma yin te/ gal te gsol ba btab pa'i rgyus bu dang / bu mo skye
109a2 bar 'gyur du zin na ni/ 'khor los sgyur ba'i rgyal po bzhin du re re la'ang bu stong stong yod par 'gyur ba'i rigs so/ /ye ni gnas gsum tshogs pa las bu dang / bu mo skye bar
109a3 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas 'di gsum tshogs
109a4 ba las bu dang / bu mo skye bar 'gyur ro/ de'ang gsol ba 'debs pa lhur byed cing 'dug la/ de'i skyed mos tshal gyi rdzing chen po ut+pa la dang / pad+ma dang / ku mu da dang / pad+ma
109a5 dkar bos gang ba/ 'gram dang pa dang / dur pa dang / zel mo la sogs pa bya sna tshogs kyis mdzes par byas ba zhig yod pa de'i nang nas kyang pad+ma tshad las 'das par che
109a6 ba zhig glo tol du skyes te/ de nyin gcig bzhin du cher skye la/ kha ni mi 'bye ba zhig yod do/ /de nas kun dga' ra ba'i srung mas rgyal po la gsol to/ /de nas rgyal pos
109a7 kyang pad+ma de legs par srungs shig ces bsgo'o/ /phyis re zhig na nyi ma 'char kar pad+ma de kha bye nas/ pad+ma de'i snying po la khye'u gzugs bzang zhing blta na sdug la mdzes pa
109b1 mdog bzang ba/ gsar gyi kha dog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/ lus skyes bu chen
109b2 po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa zhig skyil mo krung bcas shing 'dug ste/ kun dga' ra ba'i srung mas
109b3 kyang rgyal po la gsol to/ /de nas rgyal pos thos nas/ blon po dang / btsun mo dang bcas pa skyed mos tshal du dong ste/ pad+ma'i snying po la de lta bur mdzes shig 'dug pa mthong ngo //
109b4 mthong nas kyang dga' zhing mgu la rab tu dga' ste/ yi rangs nas dga' ba dang / yid bde ba skyes te/ rdzing gi nang du zhugs nas khye'u de blangs te bkur sti chen po dang ldan
109b5 pas rang gi pho brang du khyer nas/ dge sbyong dang / bram ze dang / mtshan mkhan dag la bsnyad de/ zhag bdun gsum nyi shu rtsa gcig gi bar du btsas ston rgyas par byas nas/
109b6 mgo bcu pa zhes ming btags so/ /de nas khye'u mgo bcu pa bang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma
109b7 ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo
110a1 cog gis bskyed bsrings te/ mtsho'i nang gi pad+ma bzhin du skye drag par gyur te/ khye'u de'ang dad pa dang ldan la/ bsam pa bzang zhing dge ba bdag la phan
110a2 pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa zhig ste/ des yab rgyal sa na 'dug pa na/ kha na ma tho ba dang bcas
110a3 pa dang / kha na ma tho ba med pa'i las dag byed pa mthong ngo / /mthong nas kyang khye'u de mi dga' nas yab la gsol pa/ yab/ bdag legs par gsungs pa'i chos 'dul ba
110a4 la rab tu 'byung bar gnang bar mdzad du gsol zhes byas so/ /yab kyis kyang gnang ste/ de skra dang / kha spu bregs nas gos tshon can bgos te/ yang dag pa'i dad pas khyim nas khyim
110a5 med par rab tu byung ngo / /de nas des lung mnos pa med par byang chub kyi phyogs dang mthun pa'i chos sum cu rtsa bdun mngon du gyur te/ rang sangs rgyas kyi byang chub mngon sum du
110a6 byas nas/ nam mkha' la 'phags te/ yab la cho 'phrul rnam pa sna tshogs bstan to/ /de nas yab kyis zla ba gsum gyi bar du bshos la sbyan drangs so/ /de nas de'i lus thogs
110a7 pas yongs su skyo nas cho 'phrul rnam pa sna tshogs bstan to/ shing zad pa'i me bzhin du mya ngan las 'das par song ste/ de'i mchod rten 'di yin no/ /de nas dge slong
110b1 rnams the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ rang sangs rgyas mgo bcu pas las gang dag bgyis na/ ma'i mngal du
110b2 ma skyes te/ pad+ma las skyes lags/ bcom ldan 'das kyis bka' stsal pa/ dge slong dag /mgo bcu pa nyid kyis sngon tshe rabs gzhan dag tu tshogs rnyed cing rkyen grub pa
110b3 dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ mgo bcu pa nyid kyis las byas shing bsags pa de dag gzhan
110b4 su zhig gis nyams su myong bar 'gyur te/ dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang /
110b5 me'i khams dang / rlung gi khams la rnam par smin par mi 'gyur te/ las dge ba dang mi dge ba rnams byas shing bsags pa rnams ni zin pa'i sung po dang / khams dang / skye
110b6 mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid
110b7 du smin par 'gyur/ /dge slong dag /sngon byung ba 'das pa'i dus na bskal pa dgu bcu rtsa gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas/ rig
111a1 pa dang / zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang / mi rnams kyi ston pa/
111a2 sangs rgyas bcom ldan 'das rnam par gzigs zhes bya ba 'jig rten du byung ngo / /de nas yang dag par rdzogs pa'i sangs rgyas rnam par gzigs de/ rgyal po'i pho brang gnyen
111a3 ldan zhes bya ba na rten cing bzhugs so/ /de nas yang dag par rdzogs pa'i sangs rgyas rnam par gzigs snga dro sham thabs dang / chos gos gsol te/ lhung bzed bsnams nas/
111a4 dge slong gi tshogs kyis zham ring byas te/ dge slong gi dge 'dun gyis mdun du bdar nas/ rgyal po'i pho brang gnyen ldan du bsod snyoms la gshegs so/ /ded dpon
111a5 zhig kyang pad+ma khyer te srang du zhugs so/ /de nas des yang dag par rdzogs pa'i sangs rgyas rnam par gzigs sku skyes bu chen po'i mtshan sum cu rtsa gnyis kyis legs par brgyan
111a6 pa| dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang
111a7 ba mthong nas/ mthong ma thag tu pad+ma de bcom ldan 'das kyi steng du bor te/ bor ma thag tu pad+ma de bcom ldan 'das kyi steng du shing rta'i phang lo tsam du gyur te/ bcom
111b1 ldan 'das gshegs na ni 'gro la/ gzhes na ni sdod do/ /de nas re zhig na yang dag par rdzogs pa'i sangs rgyas rnam par gzigs kyis ded dpon de rang byang chub tu lung bstan
111b2 to| |de nas dga' zhing mgu la rab tu dga' nas rang gi khyim du song ba dang / de'i skabs su de'i chung ma bu btsa' zhing 'dug ste/ skad ngan mthon nas/ des bran mo la de ci zhig
111b3 ces dris so/ /des kyang de bzhin du bsnyan do/ /de nas ded dpon de mi dga' bar gyur nas smon lam btab pa/ bdag nam yang 'khor ba na ma'i mngal du skye bar ma gyur cig byas
111b4 so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na ded dpon du gyur pa gang yin pa de ni rang sangs rgyas mgo bcu pa de yin te/ dge
111b5 ba'i rtsa ba des bskal pa dgu bcu rtsa gcig gi bar du nam yang ma'i mngal du ma skyes la/ srid pa tha ma la'ang de'i 'byor pa de 'dra bar gyur to/ /dge slong dag /de bas na 'di ltar
111b6 bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad
111b7 ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mdog 'jam zhes bya ba ni/ sangs rgyas bcom
112a1 ldan 'das la rgyal po rnams dang / blon po chen po rnams dang / phyug po rnams dang / yo brang 'khor gyi mi rnams dang / tshong dpon rnams dang / ded dpon
112a2 rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po
112a3 rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang /
112a4 lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan
112a5 dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi
112a6 kun dga' ra ba na bzhugs so/ /de'i tshe mnyan du yod pa na/ tshong dpon phyug cing nor mang la longs spyod che ba/ nor dang yo byad mang pa/ bdag dbang ba mang pa/ mdza'
112a7 bo dang / blon po dang / nye du dang / rgan rabs mang ba zhig yod de/ khyim bdag de yang dad pa dang ldan la/ dge zhing bsam pa bzang ba/ bdag la phan pa dang / gzhan la
112b1 phan pa la zhugs pa/ snying rje che ba/ bdag nyid che ba/ chos 'dod pa zhig go /de nas de 'di snyam du sems te/ longs spyod 'di dag ni chu zla lta bu'i rang bzhin can/ smig rgyu dang
112b2 'dra ba/ mi rtag pa/ mi brtan pa/ ther zug pa ma yin pa/ yid brtan du mi rung ba 'gyur ba'i chos can/ gnod pa chen po lnga dang thun mong du 'dug pa yin gyi/ bdag gis sangs
112b3 rgyas bcom ldan 'das nyan thos kyi dge 'dun dang bcas pa la cho ga dang ldan pa'i khrus gsol la/ zhal zas bzang pos tshim par bya gor ma chag snyam mo/ /de nas des bcom
112b4 ldan 'das nyan thos kyi dge 'dun dang bcas pa khrus gsol pa dang / gdugs tshod gsol bar spyan drangs so/ /de nas de la phan gdags pa'i phyir/ bcom ldan 'das nyan
112b5 thos kyi dge 'dun dang bcas pa dge slong gi tshogs kyis zham ring byas te/ dge slong gi dge 'dun gyis mdun du bdar nas cho ga dang ldan pa'i khrus la gshegs so/ /de nas
112b6 tshong dpon de til mar spos can khyer te bsro khang du song nas/ bdag nyid kyis bcom ldan 'das nyan thos kyi dge 'dun dang bcas pa la bsnyen bkur byas so/ /de nas gang gi tshe
112b7 bcom ldan 'das nyan thos kyi dge 'dun dang bcas pa khrus gsol zin pa de'i tshe/ khyim bdag des bcom ldan 'das nyan thos kyi dge 'dun dang bcas pa la rang gi lag nas/
113a1 bza' ba dang / bca' ba gtsang ma bzang pos tshim par byas te ci bzhed pa bstabs so/ /rang gi lag nas bza' ba dang / bca' ba gtsang ma bzang po rnam
113a2 grangs du mas tshim par byas te ci bzhed pa bstabs nas/ bcom ldan 'das bshos gsol zin te/ gsang sder ni gyu/ phyag ni bcabs par rig nas stan ches dma'
113a3 ba zhig khyer te chos mnyan pa'i phyir/ bcom ldan 'das kyi spyan sngar 'dug nas/ de la bcom ldan 'das kyi chos kyi gtam gyis yang dag par bstan/ yang dag par
113a4 'dzin du bcug /yang dag par gzengs bstod/ yang dag par dga' bar mdzad do/ /chos kyi gtam rnam grangs du mas yang dag par bstan/ yang dag par 'dzin du bcug /
113a5 yang dag par gzengs bstod/ yang dag par dga' bar mdzad nas cang mi gsung bar bzhugs so/ /de nas tshong dpon de dad pa rnyed nas sdong po rtsa ba nas bcad pa bzhin du/
113a6 bcom ldan 'das kyi zhabs la mgo bos phyag btsal te/ sems la rtas par byas so/ /de nas bcom ldan 'das kyi 'dzum pa mdzad do/ /'di ni sangs rgyas bcom ldan
113a7 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni
113b1 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / bdud 'joms dang / du 'bod dang / du 'bod
113b2 chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas
113b3 pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang pa'i sems can
113b4 dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/
113b5 kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis
113b6 sprul pa mthong nas 'di snyam du sems te/ kye/ bdag cag ni 'di nas kyang shi 'phos par ma gyur la/ gzhan du'ang ma skyes mod kyi/ 'on kyang sngon ma byung ba'i sems can snang ba
113b7 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba
114a1 myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur
114a2 ro| |steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga'
114a3 rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams
114a4 dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams
114a5 skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar
114a6 du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par
114a7 gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod
114b1 spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i
114b2 'jig rten gyi khams bskor nas/ bcom ldan 'das nyid kye phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi
114b3 snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par bzhed na
114b4 ni| zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na ni/
114b5 zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston
114b6 bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /
114b7 lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub
115a1 tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par
115a2 bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams
115a3 kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan la zhus pa/ tshon sna stong gis spel ba sna tshogs can/ /mang po zhal
115a4 gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags
115a5 dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi
115a6 ston| /brtan pos nyid kyi blo yis dus bab mkhyen lags na/ /dge slong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang
115a7 po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi don du dpa' bo
115b1 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin te/ /kun dga'
115b2 bo| de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ tshong dpon 'dis nga la 'di
115b3 lta bu'i bkur sti byas pa mthong ngam/ btsun pa/ mthong lags so/ /kun dga' bo/ tshong dpon 'di dge ba'i rtsa ba dang / sems bskyed pa dang / sbyin par bya ba'i chos yongs su
115b4 gtong ba 'dis/ rang sangs rgyas mdog 'jam zhes bya bar 'gyur ro/ /de'i sbyin par bya ba'i chos ni gang nga las sems mngon par dga' bar gyur pa 'di yin no/ /dge slong dag /
115b5 de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong dag khyed kyis de ltar bslab par bya'o/ /bcom
115b6 ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs
115b7 pa brjod pa brgya pa/ bam po bdun pa/ 'od bsil zhes bya ba ni sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang
116a1 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams
116a2 dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang /
116a3 gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen
116a4 po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du
116a5 yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na khyim bdag phyug cing nor mang la longs spyod
116a6 che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de/ de'ang dad pa dang ldan la/ dge zhing
116a7 bsam pa bzang ba/ bdag la phan pa dang / gzhan dag la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa zhig go /de nas de
116b1 'di snyam du sems te/ longs spyod 'di dag ni chu zla lta bu'i rang bzhin can/ glang po che'i rna ba ltar g.yo ba/ mi rtag pa/ mi brtan pa/ ther zug pa ma yin pa/ yid brtan du mi rung
116b2 ba| 'gyur ba'i chos can/ gnod pa chen po lnga dang thun mong du 'dug pa yin gyi/ bdag gis longs spyod snying po med pa las snying po blang bar bya gor ma chags snyam mo/ /des sos
116b3 ka'i dus la bab pa na/ bcom ldan 'das nyan thos kyi dge 'dun dang bcas pa gdugs tshod la spyan drangs nas/ khyim yang rdo dang / gseg ma dang / gyo mo med par byas te/ tsan+dan
116b4 gyi chus ni chag chag btab/ spos sna tshogs kyi snod ni bkram/ dri zhim po'i bdug pas ni bdugs/ me tog sna tshogs kyis ni gtor/ me tog gi gdan rnams ni bshams so/ /
116b5 de nas khu ba bsil ba'i btung ba rnams dang / 'khur ba dang / bshos rnams sta gon byas nas/ bcom ldan 'das la 'phrin gyis gdugs tshod bskul ba/ btsun pa/ gdugs
116b6 tshod la bab ste/ bshos gsol lags na/ bcom ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das snga dro sham
116b7 thabs dang / chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyi mdun du bdar nas/ khyim bdag de'i khyim ga
117a1 la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ /de nas khyim bdag des sangs rgyas la sogs
117a2 pa dge slong gi dge 'dun bde bar bzhugs par rig nas/ rang gi lag nas bza' ba dang / bca' ba gtsang ma bzang pos tshim par byas te ci bzhed pa bstabs so/ /rang gi lag
117a3 nas bza' ba dang / bca' ba gtsang ma bzang po rnam grangs du mas tshim par byas te/ ci bzhed pa bstabs nas/ bcom ldan 'das bshos gsol zin te/ bsang sder ni gyu/
117a4 phyag ni bcabs par rig nas/ stan ches dma' ba zhig khyer te chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis khyim bdag de la
117a5 chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad do/ /chos kyi gtam rnam grangs du
117a6 mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas cang mi gsung bar bzhugs so/ /de nas khyim
117a7 bdag de dad pa rnyed nas/ bcom ldan 'das kyis zhabs la phyag 'tshal te/ sems la rtas par byas so/ /de nas bcom ldan 'das kyis 'dzum pa mdzad do/ /'di ni sangs
117b1 rgyas bcom ldan 'das rnams gang gi tshe 'dzum par mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni/
117b2 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / bdud 'joms dang / ngu 'bod dang / ngu 'bod
117b3 chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kye hud zer dang / a chu zer dang / ut+pa la ltar
117b4 gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems
117b5 can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems
117b6 te| kye| ci/ bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de
117b7 dag gi sprul ba mthong nas 'di snyam du sems te/ kye| bdag cag ni 'di nas kyang shi 'phos par ma gyur la/ gzhan du'ang ma skyes mod kyi 'on kyang sngon ma byung ba'i sems can snang
118a1 ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur
118a2 nas/ sems can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par
118a3 gyur to/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul
118a4 dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams
118a5 dang | tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes
118a6 rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song
118a7 nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par
118b1 gyis| |sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod
118b2 par byed pa ni/ /skye ba'i 'khor ba rab spangs nas/ /sdug bsngal zad bar byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig
118b3 rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam
118b4 logs su mi snang bar 'gyur ro/ /ma 'ongs pa'i las lung ston par bzhed na ni/ mdun la logs su mi snang bar 'gyur ro/ /sems can dmyal bar skye bar lung ston par bzhed na
118b5 ni| zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na
118b6 ni| zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung
118b7 ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur
119a1 ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur
119a2 ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston
119a3 par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams
119a4 kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal
119a5 gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags
119a6 dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi ston/ /
119a7 brtan pos nyad kyi blo yis dus bab mkhyen lags na/ /dge slong rgyal dbang nyan ba so ma nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis
119b1 the tshom skyes pa bsal bar gsol/ |rgyal mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi don du dpa' bo 'dzum pa
119b2 ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin te/ kun dga' bo/ de
119b3 bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ khyim bdag 'dis nga la 'di lta bu'i
119b4 bkur sti byas pa mthong ngam/ btsun pa/ mthong lags so/ /kun dga' bo/ khyim bdag 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba
119b5 'dis| rang sangs rgyas 'od bsil zhes bya bar 'gyur ro/ /de'i sbyin par bya ba'i chos ni gang nga la sems dad par byas pa 'di yin no/ /dge slong dag /de bas na 'di ltar bslab par
119b6 bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal
119b7 nas| dge slong de dag yi rangs te bcom ldan 'das kyis gsungs pa la mngon par bstod do// //mnyan pa zhes bya ba ni/ sangs rgyas bcom ldan 'das la rgyal po
120a1 rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha
120a2 rnams dang / klu rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor
120a3 byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i
120a4 sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/
120a5 nyan thos kyi dge 'dun dang bcas pa/ yul ga ga d+ha na ljongs rgyu zhing gshegs pa las gang+ga'i'i klung gi 'gram du byon to/ /de nas bcom ldan 'das dge slong gi tshogs kyis
120a6 zham ring byas te/ dge slong gi dge 'dun gyis mdun du bdar nas/ mnyan pa rnams ga la ba der gshegs te byon nas/ mnyan pa rnams la 'di skad ces bka' stsal to/ /
120a7 kye| chu klung 'di las nga sgrol cig /mnyan pa rnams kyis gsol pa/ gru btsas stsol cig /de nas bcom ldan 'das kyis mnyan pa de dag la 'di skad ces bka' stsal to/ /nga
120b1 yang sngon mnyan pa byed byed de/ ngas dga' bo ni 'dod chags kyi chu klung du lhung ba las bsgral/ sor phreng ni zhe sdang gi rgya mtshor lhung ba las bsgral/ bram ze'i bu nga rgyal gyis khengs
120b2 pa ni nga rgyal gyi mtshor lhung ba las bsgral/ lteng rgyas 'od srung ni gti mug gi rgya mtshor lhung ba las bsgral te/ 'on kyang ngas gru btsas ma blangs so/ /de skad ces bka' stsal
120b3 kyang bsgral bar khas ma blangs so/ /de nas mnyan pa zhig gis bcom ldan 'das kyi gsung yan lag brgyad dang ldan pa'ang thos/ gzugs phun sum tshogs pa de'ang
120b4 mthong nas dad pa skyes te/ bdag gis bcom ldan 'das nyan thos kyi dge 'dun dang bcas pa bsgral bar 'tshal lo zhes gsol to/ /de nas dge slong rnams gyur zhugs pa
120b5 dang / bcom ldan 'das rdzu 'phrul gyis mnyan pa de bas kyang ches sngar pha rol gyi 'gram du zhugs par gyur to/ /de nas mnyan pa des rdzu 'phrul gyi cho 'phrul de mthong nas/ sems
120b6 dga' bar gyur te zhabs la mgo bos phyag btsal nas/ bcom ldan 'das kyis de la 'phags pa'i bden pa bzhi rtogs par 'gyur ba de lta bu'i chos bstan te/ mnyan pa des
120b7 de thos nas 'jig tshogs la lta ba'i ri'i rtse mo mthon po nyi shu ye shes kyi rdo rjes bcom nas/ rgyun du zhugs pa'i 'bras bu mngon sum du byas so/ /des bden pa mthong nas dga'
121a1 ba'i tshig lan gsum du brjod de/ btsun pa/ bcom ldan 'das kyis bdag gi khrag dang / mchi ma'i rgya mtsho bskams pa dang / rus pa'i ri la bsgral ba
121a2 dang / ngan song gi sgo thams cad bcad pa dang / mtho ris dang / thar pa'i sgo rnams phye ba dang / bdag lha dang / mi rnams kyi nang nas bzhag pa 'di lta bu ni bdag la phas kyang ma
121a3 bgyis| mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang / gnyen gyi tshogs kyis kyang ma bgyis/ sngon gyi mtshun rnams kyis
121a4 kyang ma bgyis/ dge sbyong dang / bram ze rnams kyis kyang ma bgyis lags so/ /yang gsol pa/ nyes pa mang por ldan pa'i ngan song lam/ /shin tu mi bzad khyod kyis mthu
121a5 yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag
121a6 khyod la brten nas thob/ /bdag ni sdug bsngal rgya mtsho pha rol brgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye
121a7 dang rga dang 'chi ba'i nad spangs pa/ /srid pa stong du mthong bar dka' ba las/ /thub pa khyod ni deng mthong 'bras bu yod/ /de'i nang nas mnyan pa gcig cig 'gyod pa chen
121b1 po skyes nas/ des bcom ldan 'das kyi zhabs la phyag btsal te nyes pa bshags nas/ bcom ldan 'das nyan thos kyi dge 'dun dang bcas pa bshos gsol to/ /de nas bcom
121b2 ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser
121b3 po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni/ sems can dmyal ba yang
121b4 sos dang / thig nag dang / bsdus 'joms dang / du 'bod do/ /du 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang /
121b5 so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal
121b6 ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i
121b7 khyad par rnams rtse zhil bar gyur to/ /de nas de dag 'di snyam du sems te/ kye| ci| bdag cag ni 'di nas shi 'phos sam/ 'on te gzhan du skyes sam snyam mo/ /de nas de dag dad
122a1 pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye| bdag cag ni 'di
122a2 nas kyang shi 'phos par ma gyur la/ gzhan du'ang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams
122a3 rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams
122a4 kyi nang du gang du bden pa rnams kyi snod du rung bar 'gyur bas der nyid mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang /
122a5 sum cu rtsa gsung pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnam dang / tshangs ris rnams
122a6 dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung
122a7 rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang /
122b1 mi gdung rnams dang / gya nom snang rnams dang / shin tu mthong rnams dang / 'og min gyi lha rnams gyi bar du song nas mi rtag pa dang / sdug bsngal ba dang / stong pa dang / bdag
122b2 med pa'i sgra sgrogs so/ /tshigs su bcad pa gnyis kyang rngod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang
122b3 chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par
122b4 byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang
122b5 ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung
122b6 ston par bzhed na ni/ mdun logs su mi rnams bar 'gyur ro/ /sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud
122b7 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/
123a1 mir skye bar lung ston par bzhed na ni/ bus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed
123a2 na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /
123a3 lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi
123a4 byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni/
123a5 dbu'i gtsug tor du mi snang bar 'gyur ro/ /de nas 'od zer de dag gis/ bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod
123a6 spur mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi
123a7 sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing
123b1 rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum
123b2 mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang
123b3 po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi don du dpa'
123b4 bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin te/
123b5 kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ mnyan pa
123b6 'dis nga la sems dga' ba bskyed pa mthong ngam/ btsun pa/ mthong lags so/ /kun dga' bo/ mnyan pa 'di dge ba'i rtsa ba dang / sems bskyed pa/ sbyin par bya ba'i
123b7 chos yongs su gtong ba 'dis ma 'ongs pa'i dus na/ rang sangs rgyas 'khor ba brgal ces bya bar 'gyur ro/ /de'i sbyin par bya ba'i chos ni gang nga la sems dad par byas
124a1 pa 'di yin no/ /dge slong dag /de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes
124a2 dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon
124a3 par bstod do// //spos kyi ngad ldang zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang /
124a4 pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang /
124a5 nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod
124a6 sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan
124a7 pa| na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na/
124b1 'od ma'i tshal bya ka lan da ka gnas pa na rten cing bzhugs so/ /de'i tshe yul dbus na 'khong ba'i yul mi rnams kyi lugs kyis na/ phal cher byug pa sna tshogs kyis lus skud
124b2 par byed do/ /de nas re zhig na khyim bdag gi bu zhig yod pa de'i bran mo dad pa dang ldan la/ dge zhing bsam pa bzang ba zhig yod pa de'i tsan+dan dmar po bdar zhing 'dug go /
124b3 bcom ldan 'das kyang snga dro sham thabs dang / chos gos gsol te/ lhung bzed bsnams nas/ dge slong gi tshogs kyi zham ring byas te/ dge slong gi dge 'dun gyis mdun du
124b4 bdar nas rgyal po'i khab du bsod snyoms la gshegs so/ /de nas bu mo des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par
124b5 brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang
124b6 ba mthong ngo / /mthong nas kyang bu mo de dad pa chen po skyes so/ /de nas de dad pa rnyed nas 'di snyam du sems te/ bdag gis 'di lta bu'i zhing rnyed kyang dbul ba'i nyes pas/
124b7 bcom ldan 'das la bkur sti byed mi nus na/ bdag gis 'tsho ba 'di 'dra ba ci dgos snyam mo/ /de nas des rang gi srog la'ang ma bltas te/ lag pa gnyi ga tsan+dan dmar
125a1 pos byugs nas/ bcom ldan 'das kyi zhabs gnyis la bskus so/ /bcom ldan 'das kyis kyang rdzu 'phrul gyis/ rgyal po'i khab kyi grong khyer ril gyis
125a2 tsan+dan gyi dris gang bar mdzad do/ /de nas bu mo des cho 'phrul de mthong nas sems dga' bar gyur te/ bcom ldan 'das kyi zhabs la phyag btsal nas sems la rtas
125a3 par byas te/ bdag dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ rang sangs rgyas kyi byang chub mngon sum du byed par gyur cig ces byas
125a4 so| |de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po
125a5 dang | ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang
125a6 sos dang / thig nag dang / bdud 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams
125a7 thams dang / kyi hud zer dang / a chu zer dang / ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang
125b1 yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gis gnod pa'i khyad
125b2 par rnams rtse zhil bar gyur to/ /de nas de dag 'di snyam du sems te/ kye| ci| bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed
125b3 pa'i phyir bcom ldan 'das sprul pa 'gyed par mdzad do/ /de dag gis sprul pa mthong nas 'di snyam du sems te/ kye| ci| bdag cag ni 'di nas kyang shi 'phos par ma gyur la/ gzhan du
125b4 yang ma skyes mod kyi 'on kyang sngon ma byung ba'i sems can snang ba 'di'i mthus bdag cag gis gnod pa'i khyad par rnams rtse zhil bar gyur to snyam mo/ /de nas de dag sprul pa la sems
125b5 mngon par dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur ba der nying mtshams
125b6 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang /
125b7 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams
126a1 dang | tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang /
126a2 bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha
126a3 rnams kyi bar du song nas/ mi rtag pa dang / sdug bsngal ba dang / stong ba dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par
126a4 'byung ba brtsam pa gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di
126a5 nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis
126a6 stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par
126a7 bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can
126b1 dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi
126b2 dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ pus mo gnyis su mi snang bar 'gyur ro/ /stobs
126b3 kyi 'khor los bsgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag
126b4 g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi
126b5 snang bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang
126b6 chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das
126b7 kyi smin mtshams kyi mdzod spur mi snang bar 'gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /
127a1 mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su
127a2 bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis
127a3 par| |pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub
127a4 pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas
127a5 rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun
127a6 dga' bo/ de ni de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa
127a7 mi mdzad do/ /kun dga' bo/ bu mo 'dis nga la 'di lta bu'i bkur sti byas pa mthong ngam/ btsun pa/ mthong lags so/ /kun dga' bo/ bu mo 'di dge ba'i rtsa ba dang / sems
127b1 bskyed pa dang / sbyin par bya ba'i chos yongs su gtong ba 'dis/ ma 'ongs pa'i dus na rang sangs rgyas spos kyi ngad ldang zhes bya bar 'gyur ro/ /de'i sbyin par bya ba'i chos ni gang nga la
127b2 sems dad par byas pa 'di yin no/ /dge slong dag /de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge
127b3 slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par
127b4 bstod do// //dri ma med pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang
127b5 'khor gyi mi rnams dang / /tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
127b6 rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin
127b7 dang | nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang /
128a1 zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa
128a2 na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na/ kun dga' ra ba'i srung ma zhig yod de/ des
128a3 so shing zhig khyer te mnyan du yod par song ngo / /ltas mkhan zhig kyang sgo ka na 'dug ste/ de na re/ so shing 'di su za ba de ni/ zas ro brgya dang ldan pa za bar 'gyur ro
128a4 zhes zer ro/ /de nas kun dga' ra ba'i srung mas tshig de thos nas 'di snyam du sems te/ so shing 'di gang la byin na/ de'i rgyus bdag cher bkur bar 'gyur zhig gu snyam mo/ /
128a5 yang de 'di snyam du sems te/ sangs rgyas bcom ldan 'das 'di ni rgyu ba dang / mi rgyu ba'i 'jig rten na/ bsod nams kyi zhing 'gro ba 'bras bu yod pa yin gyi/ bdag gis 'di
128a6 sangs rgyas bcom ldan 'das la dbul lo snyam mo/ /de nas kun dga' ra ba'i srung ma des so shing de khyer nas/ bcom ldan 'das ga la ba der song ste phyin nas/ bcom ldan
128a7 'das kyi zhabs la mgo bos phyag 'tshal te/ phyogs gcig tu 'dug go /phyogs gcig tu 'dug nas kun dga' ra ba'i srung ma des sangs rgyas bcom ldan 'das la 'di
128b1 skad ces gsol to/ /bcom ldan 'das bdag la thugs brtse ba'i slad du tshems shing 'di bzhes su gsol/ de nas bcom ldan 'das kyis kun dga' ra ba'i srung ma la
128b2 phan gdags pa'i phyir/ phyag gser gyi kha dog can glang po che'i sna ltar 'dug pa brkyang nas bzhes so/ /bzhes nas kyang de kun dga' ra ba'i srung ma'i mdun du gsol to/ /gsol
128b3 nas kyang so shing de sa la btsugs so/ /de nas btsugs pa'i mod de kho na'i skad cig la yal ga dang / lo ma dang / me tog dang / 'bras bu phun sum tshogs pa'i shing n+ya gro d+ha chen
128b4 po chu zheng gab pa zhig tu gyur te/ de'i grib ma la bcom ldan 'das bzhugs nas lha dang / mi du ma la chos bstan to/ /de nas khyim bdag mgon med zas sbyin gyis zhal zas ro
128b5 brgya dang ldan pa gsol to/ /de nas kun dga' ra ba'i srung ma de bcom ldan 'das kyi cho 'phrul gyis sems dad par byas nas/ sdong po rtsa ba nas bcad pa bzhin du zhabs la phyag
128b6 'tshal te/ smon lam btab pa/ dge ba'i rtsa ba 'dis bdag rang byang chub mngon sum du byed par gyur cig ces byas so/ /de nas bcom ldan 'das kyis 'dzum pa mdzad do/ /'di ni sangs
128b7 rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig
129a1 ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / bdud 'dzoms
129a2 dang | du 'bod dang / du 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer
129a3 dang | a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil
129a4 bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil
129a5 bar gyur to/ /de nas de dag 'di snyam du sems te/ kye| ci| bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i
129a6 phyir bcom ldan 'das sprul pa 'gyed pa mdzad de/ de dag gis sprul pa mthong nas 'di snyam du sems te/ kye| bdag cag ni 'di nas kyang shi 'phos par ma gyur la/
129a7 gzhan du'ang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /
129b1 de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi
129b2 snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag tu ni rgyal chen bzhi'i ris rnams dang / sum cu rtsa gsum pa rnams dang /
129b3 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa
129b4 rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang /
129b5 dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang /
129b6 shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa
129b7 gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par
130a1 gyis| |gang zhig chos 'dul dI nyid la/ /bdag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par
130a2 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang
130a3 ste| gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung
130a4 ston par bzhed na ni/ mdun logs su mi snang bar 'gyur ro/ /sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro/ /dud
130a5 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /
130a6 mir skye bar lung ston par bzhed na ni/ pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni/ phyag g.yon pa'i
130a7 mthil du mi snang bar 'gyur ro/ /'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ /lhar skye bar lung ston par
130b1 bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed na ni/ zhal du mi snang bar 'gyur ro/ /rang sangs rgyas kyi byang chub tu lung ston par bzhed
130b2 na ni| smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur
130b3 ro| |de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang
130b4 ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs
130b5 rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yis/ /sangs
130b6 rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus
130b7 bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog bstan pa dang / /bzang po dag gis the tshom skyes pa bsal
131a1 bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin 'da' 'dzum mi ston/ /gang gi don du dpa' bo 'dzum
131a2 ba ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo/ de ni de bzhin no/ /de ni de bzhin te/ kun
131a3 dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo/ kun dga'
131a4 ra ba'i srung ma 'dis nga la 'di lta bu'i bkur sti byas pa mthong ngam/ btsun pa/ mthong lags so/ /kun dga' bo/ kun dga' ra ba'i srung ma 'dis dge ba'i rtsa ba dang /
131a5 sems bskyed pa dang / sbyin par bya ba'i chos yongs su gtong ba 'dis bskal pa bcu gsum gyi bar du log par ltung bar mi 'gyur te/ srid pa tha ma dang / gnas tha ma
131a6 dang | lus tha ma dang / bdag gi ngo bo tha ma la thob pa ni rang sangs rgyas dri ma med pa zhes bya bar 'gyur ro/ /de'i sbyin par bya ba'i chos ni gang nga la sems dad par byas
131a7 pa 'di yin no/ /dge slong dag /de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o/ /zhes dge slong khyed
131b1 kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon bar bstod do// //
131b2 gdangs snyan ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon
131b3 rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang | mi'am ci rnams dang /
131b4 lto 'phye chen po rnams kyis bskur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang /
131b5 mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha
131b6 dang | gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyam du yod pa na/ rgyal bu rgyal byed kyi tshal khyim bdag mgon
131b7 med zas sbyin gyi kun dga' ra ba na bzhugs so/ /de nas bcom ldan 'das snga dro sham thabs dang chos gos gsol te/ lhung bzed bsnams nas mnyan du yod par bsod
132a1 snyoms la gshegs so/ /mdza' sde bo mang po zhig kyang chang gi ra ro zhing myos nas/ pi wang dang / gling bu dang / rdza rnga dang / rnga zlum rnams dang /
132a2 rol mo'i sgra rnam pa sna tshogs byed de/ gar byed glu len la/ me tog ut+pa la dang / pad+ma dang / ku mu da dang / pad+ma dkar po dang / par shi ka la sogs pa me tog gi phreng ba
132a3 mang po'ang mgul du btags nas/ gos khyad par du 'phags pa dag bgos te mnyan du yod pa'i phyi rol du byung ngo / /de nas mdza' sde bo de dag gis bcom ldan 'das sku
132a4 skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas
132a5 lhag pa'i 'od mnga' pa/ rin po che'i ri bo 'gro ba lta bu kun nas bzang ba mthong ngo / /mthong ma thag tu de dag chang gis ra ro ba de las sangs par gyur to/ /de nas ra ro ba
132a6 las sangs nas sems dga' zhing dad par gyur te/ gar dang / glu dang / rol mo'i sgra rnams kyis bcom ldan 'das la bsnyen bkur byas so/ /ut+pa la sngon po rnams
132a7 kyang bcom ldan 'das kyi steng du gtor te/ de dag bcom ldan 'das kyi steng du khang ba brtsegs pa sngon po dang / khang pa sngon po dang / gdugs sngon po lta bur gyur te 'dug nas/
132b1 de dag bcom ldan 'das gshegs na ni 'gro la/ gzhes na ni sdod do/ /bcom ldan 'das kyis kyang 'od sngon po dag bkye ste/ 'od de dag gis mnyan du yod pa nor bu an da rnyil
132b2 gyi mdog 'dra bar 'dug par byas so/ /de nas mdza' sde bo de dag bcom ldan 'das la dad pa skyes te/ sems la rtags par byas nas dge ba'i rtsa ba dang / sems bskyed pa dang /
132b3 sbyin par bya ba'i chos 'dis bdag cag rang byang chub mngon sum du byed par gyur cig ces byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom
132b4 ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og
132b5 tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / du 'bod dang / du 'bod
132b6 chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / at+pa la ltar gas
132b7 pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can
133a1 dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag
133a2 'di snyam du sems te/ kye| ci| bdag cag 'di nas shi 'phos sam/ 'on te gzhan du skyes sa ma snyam mo/ /de nas de dag dad pa bskyed pa'i phyir bcom ldan 'das sprul pa
133a3 'gyed par mdzad de/ de dag gis sprul pa mthong nas 'di snyam du sems te/ kye| ci kha dag cag ni 'di nas kyang shi 'phos par ma gyur la gzhan du 'ang ma skyes mod kyi/ 'on kyang
133a4 sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga'
133a5 bar gyur nas/ sems can dmyal ba myong bar 'gyur ba'i las de zad de/ lha dang / mi rnams kyi nang du gang du bden pa rnams kyi snod du rung bar 'gyur ba der nying mtshams
133a6 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams
133a7 dang | 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams
133b1 dang | 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang /
133b2 bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang ba rnams dang / shin tu mthong rnams dang / 'og min gyi lha rnams
133b3 kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam
133b4 par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod
133b5 par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i
133b6 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan
133b7 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni/ mdun logs su mi snang bar 'gyur ro/ /sems can dmyal bar skye bar lung
134a1 ston par bzhed na ni/ zhabs kyi mthil du mi snang bar 'gyur ro/ /dud 'gror skye bar lung ston par bzhed na ni/ zhabs kyi rting bar mi snang bar 'gyur ro/ /
134a2 yi dwags su skye bar lung ston par bzhed na ni/ zhabs kyi mthe bor mi snang bar 'gyur ro/ /mir skye bar lung ston par bzhed na ni/ bus mo gnyis su mi snang bar 'gyur ro/ /
134a3 stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed
134a4 na ni/ phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni/ lte bar mi snang bar 'gyur ro/ /nyan thos kyi byang chub tu lung ston par bzhed
134a5 na ni| zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ /bla na med pa yang dag par
134a6 rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba
134a7 byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa /
134b1 tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /
134b2 yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu
134b3 rkyen ma mchis par/ /pad+ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba
134b4 rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon
134b5 po rdzogs sangs rgyas rnams gyin 'da' 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das
134b6 kyis bka' stsal pa/ kun dga' bo/ de ni de bzhin no/ /de ni de bzhin te/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams
134b7 ni rgyu med rkyen med par 'dzum pa mi mdzad do/ /kun dga' bo/ mdza' sde bo 'di rnams kyis nga la 'di lta bu'i bkur sti byas pa mthong ngam/ btsun pa/ mthong lags so/ /kun
135a1 dga' bo/ mdza' sde bo 'di rnams dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa nyi shu'i bar du
135a2 log par ltung bar mi 'gyur te/ srid pa tha ma dang / gnas tha ma dang / lus tha ma dang / bdag gi ngo bo tha ma thob pa na/ rang sangs rgyas gdangs snyan zhes bya bar sha stag tu
135a3 'gyur ro/ /de dag gi sbyin par bya ba'i chos ni gang nga la sems dad par byas pa 'di yin no/ /dge slong dag /de lta bas na 'di ltar bslab par bya ste/ sangs rgyas dang / rang
135a4 sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong
135a5 de dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ sdom gyi tshigs su bcad pa gsum
135a6 pa rdzogs so// //gang po la sogs pa'i rtogs pa brjod pa brgya pa/ bam po brgyad pa/ sdom ni/ pad+ma dang ni kham re dang / /chos skyong de bzhin zhi ldan dang / /
135a7 gzugs bzang mdza' bo'i bu mo dang / /ri bong dang ni chos tshol dang / /mgon med zas sbyin rab bzang ba/ /sde tshan dag tu bstan pa yin/ /pad+ma zhes bya ba ni/ sangs
135b1 rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha
135b2 rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla
135b3 mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing
135b4 shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams
135b5 brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas ston gyi
135b6 dus kyi tshe/ dge slong dag skya rbab ser po'i nad kyis thebs te/ lus rid cing lus nyams chung bar gyur to/ /bcom ldan 'das ni snyun mi mnga' zhing gnod pa med la snyun gyis
135b7 btab pa med de/ stobs dang ldan no/ /de nas dge slong rnams kyis de mthong nas/ bcom ldan 'das la zhus pa/ btsun pa/ dge slong kha cig ni ston gyi nad skya rbab ser pos thebs
136a1 te| lus rid cing lus nyam chung bar gyur/ bcom ldan 'das ni snyun mi mnga' zhing / /gnod pa ma mchis te/ stobs dang ldan zhing rang bzhin gyis snyun mi
136a2 mnga' la pho ba'i drod snyoms shing / 'ju ba dang ldan pa la gzigs/ bka' stsal pa/ dge slong dag /de bzhin gshegs pa nyid kyis sngon tshe rabs gzhan dag tu tshos rnyed
136a3 cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag
136a4 gzhan su zhig gis nyams su myong bar 'gyur te/ dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams
136a5 dang | ma'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zan pa'i phung po dang / khams dang /
136a6 skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu
136a7 nyid du smin par 'gyur/ /dge slong dag /sngon byung ba 'das pa'i dus na grong khyer wA ra NA si na/ rgyal po pad+ma zhes bya ba rgyal po byed de/ de'i ring la 'byor ba dang / rgyas pa dang //
136b1 bde ba dang / lo legs pa dang / skye bo dang mi mang pos gang pa dang / 'thab pa dang / rtsod pa/ zhi ba dang / 'khrug pa dang / nang 'khrug pa dang / chom rkun dang / mu ge dang / nad rnams
136b2 med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs
136b3 so| |rgyal po de yang dad pa dang ldan la/ dge zhing bsam pa bzang ba dang / bdag la phan pa dang / gzhan la phan pa la zhugs pa snying rje che ba/ bdag nyid che ba/ chos 'dod pa/
136b4 skye dgu la byams pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go /de'i tshe wA ra NA sir dang dus tshigs ma
136b5 snyoms pa las mi nad chen po byung ste/ sems can phal cher skya rbab kyi nad kyis btab bo/ /de nas rgyal pos de dag mthong nas snying rje bskyed de/ bdag gis 'di dag yongs su
136b6 bskyab par bya zhing gso bar bya'o snyam mo/ /de nas yul thams cad na sman pa 'khod pa rnams bsdus te/ bsgo nas sems can de dag ni nad kyi gzhi dang / gnas dang / snga nas gzhi yod
136b7 pa rtogs nas/ de'i 'og tu bdag nyid kyis gso ba dang / sman thams cad bsdus par byas so/ /de nas gsos te/ nor dang / sman dang / nad g.yog dang ldan par byas kyang yun ring po
137a1 zhig lon gyi bar du sems can de dag gso ma nus so/ /de nas rgyal pos sman pa thams cad bkur ste gus par byas nas/ kye/ ci'i phyir sems can 'di
137a2 dag gso dka' bar gyur ces smras so/ /de nas sman pa rnams kyis dpyad de/ yon tan dang / nyes par gros mthun par gsol pa/ lha| dus ma snyoms pa dang / khams ma snyoms
137a3 pa las gyur pa lags pas/ legs par ma rtogs mod kyi/ lha| 'on kyang sman sna gcig mchis te/ nya ro hi ta zhes bgyi ba zhig mchis la/ gal te rnyed na ni des gso par
137a4 nus lags so/ /de nas rgyal po nya ro hi ti kun tu tshol ba la zhugs te/ des tshol ba'i mi mang po bkye nas btsal kyang ma rnyed do/ /de nas de dag gis rgyal po la gsol to/ /de
137a5 nas phyi zhig na rgyal po 'chag tu gshegs pa dang / nad pa de dag kyang gcig tu 'dus te 'khod nas/ rgyal po la gsol pa/ rgyal po chen po/ bdag cag nad 'di las yongs
137a6 su bskyab cing srog stsal du gsol/ de nas rgyal pos nad pa rnams kyi tshig snying rje rje skad zer zhing sdug bsngal skad zer la gti zhing smra ba'i tshig thos nas/ snying rjes snying bskyod de
137a7 'chi ma 'dzag cing ngu bzhin du phyung nas bsams pa/ bdag gis gzhan sdug bsngal gyis gzir ba rnams zhi bar byed kyang ma nus na/ bdag gi 'tsho ba 'di lta bu dang / rgyal srid
137b1 kye dbang phyug 'di 'dra ba ci dgos snyam mo/ /de snyam du bsams nas/ rgyal pos nor phal po che yongs su gtong ba byas te/ bu thu bo rgyal por bcug nas/ nye du dang / skye bo rnams la
137b2 nyes pa bshags te/ pho brang 'khor gyi mi dang / blon po rnams la bstod nas/ nad pa sdug pa rnams dbugs phyung ste/ brtul zhugs yan lag brgyad pa yang dag par blangs
137b3 nas| khang bzang gi steng du song ste/ bdug pa dang / me tog dang / spos dang / me tog phreng dang / byug pa rnams gtor nas/ shar phyogs su kha bltas te smon lam btab pa/
137b4 bden pa dang / bden pa'i tshig gang gis sems can rnams shin tu phongs par gyur te/ nad kyis yongs su gzir ba mthong nas/ bdag gis rang gi srog phangs pa yongs su
137b5 btang ba'i bden pa dang / bden pa'i tshig 'dis bdag chu klung zlog byed 'di'i nang du nya ro hi tar skye bar shog cig ces smras nas/ khang bzang gi steng nas bdag nyid kyis
137b6 mchongs so/ /der lhung ba'i mod la shi nas/ chu klung zlog byed kyi nang du nya bo che ro hi ta zhes bya bar skyes so/ /de nas lha rnams kyis yul thams cad du chu klung zlog byed kyi
137b7 nang du nya bo che ro hi ta zhes bya ba skyes pa de ni nad tshabs po ches gzir nas yun ring du lon pa rnams kyi bdud rtsi dang 'dra'o zhes sgra sgrogs so/ /de nas thos ma thag tu skye bo phal po ches
138a1 lag na mtshon cha thogs nas skon pa khyer te dong nas/ nya de gson por mtshon cha rnon po rnam pa sna tshogs kyi sha rnams gcod pa la zhugs so/ /byang
138a2 chub sems dpa' de'ang de ltar lus gcod pa na/ sems can de dag la byams pas khyab par byas nas gdong mchi ma dron po 'dzag ste/ des bsams pa/ bdag gi sha
138a3 khrag gis sems can 'di dag bde bar 'gyur ba 'di ni/ bdag gis rnyed pa legs par rnyed do snyam nas/ de lta bu'i tshul gyis lo bcu gnyis kyi bar du rang gi sha khrag
138a4 gis sems can de dag tshim par byas te/ bla na med pa yang dag par rdzogs pa'i byang chub las kyang sems ma log go /gang gi tshe sems can de dag gi nad de zhi bar gyur pa
138a5 de'i tshe/ nya po che ro hi ta des sgra sgrags pa/ kye sems can dag /khyod nyon cig /nga ni rgyal po pad+ma zhes bya ba de yin te/ ngas khyed kyi don du rang gi srog yongs su btang nas lus
138a6 'di lta bu blangs pa yin gyi/ nga la sems dga' bar gyis shig dang / gang gi tshe nga bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe'ang
138a7 khyed nad las gtan du yongs su thar par bya ste/ mya ngan las 'das pa/ gzha' gsang gi mthar thug pa/ grub pa dang / bde ba la dgod par bya'o zhes byas so/ /de skad thos
138b1 nas skye ba'i tshogs de dag dang / rgyal po dang / blon po dang / pho brang 'khor gyi mi rnams kyis dad pa rnyed de/ me tog dang / me tog phreng dang / byug pa dag gis mchod nas smon lam
138b2 btab pa/ shin tu dka' ba byed pa khyod gang gi tshe bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe/ bdag cag khyed kyi nyan thos su gyur cig ces
138b3 byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na rgyal po pad+ma zhes bya bar gyur pa gang yin pa de ni nga yin te/ ngas de lta bu'i
138b4 yongs su gtong ba byas pa des na/ nga 'khor ba na 'khor ba'i tshe bde ba mtha' yas pa nyams su myong bar gyur la/ da ltar bla na med pa yang dag par rdzogs pa'i byang chub mngon par
138b5 rdzogs par sangs rgyas pa na'ang / pho ba'i drod snyoms shing 'ju ba dang ldan te/ des na ngas zos pa dang / 'thungs pa dang / 'chos pa dang / myangs pa rnams legs par bde bar
138b6 zhu bar 'gyur te/ nga nad med cing gnod pa med la nad med pa'i rang bzhin can du gyur to/ /dge slong dag/ de bas na 'di ltar bslab par bya ste/ sems can thams cad la
138b7 snying rje bsgom par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das
139a1 kyis gsungs pa la mngon par bstod do// //kham re zhes bya ba ni/ sangs rgyas bcom ldan 'das la rgyal po rnams dang / blon po chen po
139a2 rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang
139a3 lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha
139a4 dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das
139a5 bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang
139a6 bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /der bcom ldan 'das kyis dge slong rnams la bka'
139a7 stsal pa/ dge slong dag /gal te ji ltar ngas sbyin pa'i 'bras bu'ang shes la/ sbyin pa'i bgo bsha'i 'bras bu rnam par smin pa'ang shes pa bzhin du sems can rnams kyis kyang
139b1 sbyin pa'i 'bras bu'ang shes la/ sbyin pa'i bgo bsha'i 'bras bu rnam par smin pa'ang shes su zin na ni/ de lta na kham gyi tha ma dang / kham gyi mjug lus pa gang yin pa de las
139b2 kyang / gal te yon gnas len pa po rnyed na/ de la ma byin nam/ bgo bsha' ma byas kyi bar du za bar mi byed la/ de dag gi sems kyang ser sna skyes pas kun nas dkris shing
139b3 'dug par mi 'gyur ba zhig na/ ji ltar ngas sbyin pa'i 'bras bu'ang shes la/ sbyin pa'i bgo bsha'i 'bras bu rnam par smin pa'ang shes pa bzhin du sems can rnams kyis
139b4 kyang sbyin pa'i 'bras bu'ang mi shes la/ sbyin pa'i bgo bsha'i 'bras bu rnam par smin pa'ang mi shes pas na/ de'i phyir de dag ni kun tu 'dzin pa'i sems kyis ma byin pa'am/
139b5 bgo bsha' ma byas par za bar byed la/ de dag gis sems kyang ser sna skyes pas kun nas dkris shing 'dug go /bcom ldan 'das kyis de skad ces bka' stsal te/ bde bar gshegs
139b6 pas de skad ces gsungs nas/ gzhan yang ston pas 'di skad ces bka' stsal to/ /bgo bsha' dag gi rnam par smin/ /ji ltar don chen 'gyur ba de/ /drang srong chen pos gsungs pa
139b7 bzhin/ /sems can rnams kyis shes na ni/ /ma byin par du mi za zhing / /ser sna can du mi 'gyur la/ /de dag kun tu 'dzin pa'i sems/ /nam yang skye bar mi 'gyur na/ /gang phyir
140a1 byis pa gti mug gis/ /bsgribs pa rnams kyis ma shes pa/ /de phyir kun tu 'dzin sems kyis/ /rtag tu ma byin za bar byed/ /de dag ser sna skyes nas
140a2 kyang | |sems ni kun nas dkris shing 'dug /gang gi tshe bcom ldan 'das kyis mdo 'di bka' stsal pa de'i tshe/ dge slong dag the tshom skyes te/ the tshom thams cad gcod
140a3 pa sangs rgyas bcom ldan 'das la zhus pa/ btsun pa/ bcom ldan 'das kyis sbyin pa'i bsngags pa'ang bka' stsal la/ sbyin pa'i bgo bsha'i 'bras bu rnam par smin
140a4 pa'ang bka' stsal pa ni/ ngo mtshar lags so/ /bcom ldan 'das kyis bka' stsal pa/ dge slong dag /de bzhin gshegs pas sbyin pa'i bsngags pa'ang brjod la/
140a5 sbyin pa'i bgo bsha'i 'bras bu rnam par smin pa'ang brjod pa 'di lta la ngo mtshar che ba ci yod/ ngas 'das pa'i dus na slong ba'i phyir/ bdag za ba'i kham khar 'ongs zin pa
140a6 las kyang yongs su btang ba de legs par rab tu nyon la yid la zungs shig dang / ngas bshad do/ /dge slong dag /sngon byung ba 'das pa'i dus na grong khyer wA ra NA si na rgyal
140a7 bo tshangs pas byin zhes bya ba rgyal po byed de/ de'i ring la 'byor ba dang / rgyas pa dang / bde ba dang / lo legs pa dang / skye bo dang / mi mang pos yongs su gang ba dang / rtsod
140b1 pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he
140b2 dang ldan par 'dug ste/ gnod pa med cing tsher ma bkrugs la/ kye|bu cig pa la bya ba bzhin du rgyal srid bskyangs so/ /rgyal po de'ang dad pa dang ldan pa/ dge zhing bsams pa bzang
140b3 ba| bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su
140b4 gtong ba/ chags pa med par yongs su gtong ba/ gtong ba chen po la gnas pa zhig go /phyis re zhig na mu ge'i bar gyi bskal ba dang 'dra bar mu ge chen po byung ngo / /de nas skye bo'i
140b5 tshogs mu ge'i dus ma yin par 'chi bas 'jigs pa/ bkres shing lkog ma dang 'gram pa zhom pa/ yi dwags kyi lus 'dra ba de dag 'dus shing tshogs la/ gcig tu 'phungs te
140b6 rgyal po'i thad du dong nas/ rgyal bar gyur cig /sku tshe ring bar shog cig /ces bstod de smras pa/ lha| bdag cag mu ge'i 'jigs pa 'di las yongs su bskyab cing srog stsal du
140b7 gsol zhes byas so/ /de nas rgyal pos mdzod pa la bos te/ kwa ye mdzod pa/ mdzod na zas dang / skom bdag cag dang / skye bo'i tshogs 'di rnams kyi chog par yod dam zhes byas so/ /de
141a1 thos nas mdzod srung na re/ brtsis te lha la gsol bar 'tshal lo zhes byas so/ /de nas rtsis mkhas pa rnams kyis brtsis na 'di srid cig gi bar du yul
141a2 na 'khod pa thams cad ni nyin gcig bzhi kham re re 'tshal la/ rgyal po ni zhal kham gnyis gsol ba mchis so zhes gsol to/ /de nas rgyal bos skye bo'i tshogs la bos
141a3 te bsgo ba/ 'o na/ khyed nyin gcig bzhin du/ rgyal po'i pho brang du shog la/ kham re re zos nas dengs shig ces byas so/ /de nas de dag nyin gcig bzhin du lhags te/ mi res kham re
141a4 zos nas gar dga' bar 'dong bar byed do/ /de nas bram ze gzhan zhig rtsis de'i nang du ma zhen te/ gzhan las gtam thos nas rgyal po la smras pa/ lha| rtsis mdzad par yul
141a5 mi'i nang du bdag gis thos kyi/ bdag kyang kham gcig po de stsol cig ces byas so/ /de nas rgyal pos bdag nyid kham gnyis za ba las kham gcig bram ze la byin nas/
141a6 kham gcig ni yul mi dang thang mnyam par za bar byed do/ /lha'i dbang po brgya byin ni 'og ma la shes pa'i mthong ba 'jug ste/ de 'di snyam du sems te/ kye ma/ yul wA ra NA si na/
141a7 rgyal po byed pa de ni shin tu dka' ba byed cing 'dug gi de bdag gis bgam par bya'o snyam mo/ /de nas lha'i dbang po brgya byin gyis bdag nyid bram ze'i cha lugs su sprul te/ dro la
141b1 bab pa'i tshe/ rgyal po'i thad du song nas/ rgyal bar gyur cig /sku tshe ring bar shog cig /ces bstod nas smras pa/ lha| bdag bkres kyi/ lha nyid kyi zhal kham gcig po des bdag la phan
141b2 gdags par gsol/ de nas rgyal pos rang gi srog yongs su gtang bar chad nas snying rjes bdag gi kham gcig po de bram ze la byin nas smyung bar 'dug ste/ de lta bu'i tshul gyis zhag
141b3 drug gi bar du zan bcad do/ /'on kyang skye bo phal po che de dag zan za ba mthong na mchog tu dga' bar sems so/ /de nas lha'i dbang po brgya byin gyis rgyal po de shin tu dka' ba byed pa
141b4 mthong nas/ bram ze'i cha lugs mi snang bar byas te/ rang gi gzugs su 'dug nas rgyal po la bstod pa/ rgyal po chen po/ legs so/ /ma nyes so/ /khyod dka' ba la zhugs pa 'dis
141b5 bdag dga' bar gyur to/ /skye dgu skyong ba 'di lta bu yod pa las na/ skye bo'i tshogs 'di dag ni mgon yod pa yin no/ /da sa bon thams cad thob cig ces yul phyogs su bsgo zhig
141b6 dang | bdag gis zhag bdun na gang gis 'bru rnams rgyal bar 'gyur ba de lta bu'i dbang chen gyi char dbab par bya'o zhes byas so/ /rgyal pos kyang de bzhin du byed du bcug go /brgya byin
141b7 gyis kyang de lta bu'i dbang chen gyi char phab ste/ des na mu ge de bzlog ste/ lo legs par gyur to/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i
142a1 dus na/ rgyal po tshangs pas byin zhes bya bar gyur pa gang yin pa de ni nga yin te/ ngas de lta bu'i mu ge byung ba na'ang rang gi srog yongs su btang ste/ de lta bu'i
142a2 sbyin pa dag byin no/ /dge slong dag /de bas na 'di ltar bslab par bya ste/ sbyin pa dag sbyin no/ /bsod nams dag bya'o zhes dge slong khyed kyis de ltar bslab par bya'o/ /bcom ldan
142a3 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //chos skyong zhes bya ba ni/ sangs
142a4 rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang /
142a5 lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir
142a6 byas| bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis
142a7 mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong
142b1 rnams brnyes pa/ nyan thos kyi dge 'dun dang bcas pa rgyal po'i khab na/ 'od ma'i tshal bya ka lan da ka gnas pa na rten cing bzhugs so/ /gang gi tshe mi blun po lha sbyin gyis bcom ldan 'das
142b2 bgrongs pa'i phyir glang po che nor skyong yang btang / dug gi phye mas kyang gtor/ gshed ma'i mi'ang bgye ste/ de bcom ldan 'das la yun ring po nas gshed ma dang / dgra dang / mi
142b3 mdza' bar gyur la/ bcom ldan 'das ni de la byams pa'i dgongs pa dang / phan pa'i dgongs pa dang / thugs brtse ba'i dgongs pas nye bar gnas par gyur pa de'i tshe/ dge slong
142b4 rnams kyis bcom ldan 'das la zhus pa/ bcom ldan 'das/ 'di ltar lha sbyin 'di ni/ bcom ldan 'das bgrongs pa'i slad du brtson par bgyid la/ bcom ldan 'das ni 'di la
142b5 byams pa'i dgongs pa dang / phan pa'i dgongs pa dang / thugs brtse ba'i dgongs pas nye bar gnas pa la gzigs/ bcom ldan 'das kyis bka' stsal pa/ dge slong dag /da ltar de
142b6 bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug
142b7 bsngal ba dang / yid mi bde ba dang / 'khrug pa rnams las yongs su grol ba/ thams cad mkhyen pa/ rnam pa thams cad mkhyen pa/ ye shes dang / shes bya thams cad la mnga' brnyes
143a1 zin pa 'di lta la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa na/ na so gzhon pa'i tshe
143a2 gsod du 'ongs pa na'ang ngas 'di la sems sdang ba ma byas pa de legs par rab tu nyon la yid la zungs shig dang / /ngas bshad do/ /dge slong dag /sngon byung ba 'das pa'i dus na/
143a3 grong khyer wA ra NA si na/ rgyal po tshangs pas byin zhes bya ba rgyal po byed de/ de'i ring la 'byor ba dang / rgyas pa dang / bde ba dang / lo legs pa dang / skye bo dang / mi mang pos
143a4 yongs su gang ba/ 'thab pa dang / rtsod pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram
143a5 shing dang / ba lang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so/ /rgyal po de'ang dad pa dang
143a6 ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams
143a7 cad sbyin pa/ thams cad yongs su gtong ba/ chags pa med par yongs su gtong ba zhig ste/ gtong ba chen po la gnas so/ /rgyal po de la btsun mo blo ngan ma zhes bya ba gtum
143b1 zhing khro la gzu lums can zhig yod de/ bu gcig pa chos skyong zhes bya ba yang blo ngan ma de nyid la btsas so/ /gzhon nu chos skyong de 'ang dad pa dang ldan la/ dge zhing bsam pa bzang ba/
143b2 bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa zhig ste/ de yang wA ra NA si na gnas pa'i bram ze dang / khyim
143b3 bdag rnams kyis mthong na/ sdug cing phangs la snying du sdug cing yid du 'ong bar bya ba yin no/ /de nas de mkhan po'i thad du song nas byis pa dag dang lhan cig tu yi ge slob bo/ /phyis
143b4 re zhig na rgyal po dpyid kyi dus kyi tshe/ shing rnams me tog rgyas pa dang / ngang pa dang / khrung khrung dang / rma bya dang / ne tso dang / ri skegs dang / khyu byug dang / shang shang te'u rnams
143b5 skad 'byin pa'i nags khrod du/ btsun mo dam pa dang bcas pa'i btsun mo'i 'khor gyis zham ring byas te/ skyed mos tshal gyi sar song ste/ skyed mos tshal de na rgyal po btsun mo'i
143b6 'khor dang lhan cig rtse ba las btsun mo blo ngan ma phrag dog dang / khro bas no na te 'khrugs so/ /rgyal pos ni de la sgom 'thungs pa'i phyed bskur ba dang / de 'khrugs pas rgyal po la
143b7 phrin sbring ba/ gal te bdag khyod kyis 'thungs pa'i phyed 'thung bar gyur na bdag bu'i khrag 'thung bar gyur cig ces byas so/ /'dod pa sten pa la ni sdig pa'i las mi bya ba ci yang med
144a1 de| de nas rgyal po tshangs pas byin chos can yin mod kyi/ 'dod pa'i 'dod chags kyi kun nas dkris pa med par gyur nas/ btsun mo'i 'khor gyis phe'u
144a2 btab kyang khro ba'i me 'bar te de je thur khros nas/ khyed dengs la khye'u chos skyong gi mgul pa chod de/ de la khrag lud cig ces bsgo'o/ /de nas khye'u chos skyong byis pa'i gra khang na 'dug
144a3 pas thos nas ngus te/ 'di skad du/ 'khor ba na sems can mi mthun pa ni tha chad yin te/ 'di ltar khro ba'i dbang gis rang gi lus las byung ba'i bu'ang gsod par byed do/ /zhes
144a4 smras so/ /de nas khye'u chos skyong rgyan thams cad kyis brgyan te/ yab kyi zhabs la phyag btsal nas gsol pa/ yab gcig pha'o 'tshal la ni bu sdug la/ bdag gis kyang nongs
144a5 pa ma bgyis na/ bdag mi dgum par ci gnang / rgyal pos bka' stsal pa/ bu sdug gal te khyod kyi mas bzod na ni/ ngas kyang bzod par bya'o/ /de nas chos skyong du zhing ma'i
144a6 thad du song ste/ rkang pa la phyag btsal nas thal mo sbyar te/ yum| bzod pa mdzod la bdag gsod du ma stsal cig /ces smras so/ /de skad du snying rje rje skad zer zhing sdug
144a7 sdug skad zer la gti zhing smra ba'i tshig thos kyang / des bzod pa ma byas so/ /de nas gshed ma rnams kyis mtshon rnon pos khye'u chos skyong gi mgul pa bcad de/ btsun mo blo
144b1 ngan ma la khrag blud na 'on kyang blo ngan ma 'gyod pa'ang med do/ /khye'u chos skyong ni pha ma dang / gshed ma rnams la sems dga' ba bskyed nas shi'o/ /bcom ldan 'das kyis bka' stsal pa/
144b2 dge slong dag /ji snyam du sems/ de'i tshe de'i dus na khye'u chos skyong zhes bya bar gyur pa gang yin pa de ni nga yin no/ /btsun mo blo ngan ma ni lha sbyin 'di kho na yin te/ de'i tshe nga gshed ma'i
144b3 lag tu song ba na'ang 'di la byams pa'i sems bskyed la/ da ltar nga la gsad par brtson pa na'ang nga 'di la byams par sems/ phan par sems/ snying brtse bar sems so/ /dge
144b4 slong dag /de bas na 'di ltar bslab par bya ste/ sems can thams cad la byams pa'i sems bsgom par bya'o zhes dge slong khyed kyis de ltar bslab par bya'o/ /bcom ldan 'das
144b5 kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //zhi ldan zhes bya ba ni/ sangs rgyas
144b6 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang /
144b7 lha rnams dang / klu rnams dang / gnod sbyin rnams dang / lha ma yin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir
145a1 byas| bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye
145a2 chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos
145a3 dang | sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
145a4 de'i tshe mnyan du yod pa na dge slong dag 'dus pa chen po gnyis su gyur te/ gcig ni dbyar zla 'bring po la dbyar gnas par dam 'cha' bya'o/ /gcig ni ston zla tha chung nya'i bar du
145a5 dbyar gnas par dam 'cha' ba ste/ der dge slong dag lhung bzed rnams kha dog sgyur bar byed/ chos gos rnams 'khur zhing btso blag byed/ tshem bu rnams 'drub par byed do/ /de nas
145a6 re zhig na dge slong zhig chos gos 'drub par 'dod de/ khab kyi mig tu skud pa gzhug ma nus nas/ snying rje rje skad zer zhing / sdug sdug skad zer la/ gti zhing smra ste/ 'jig rten na
145a7 bsod nams 'dod pa su yod/ 'jig rten na bsod nams 'dod pa su yod ces zer ro/ /bcom ldan 'das kyang de dang thag mi ring ba zhig na 'chag sa na 'chag cing bzhugs so/ /
145b1 de nas bcom ldan 'das kyis glang po che'i sna lta bu'i phyag brkyang nas/ gdang zab cing snyan la zur phyin pa dang / bya ka la ping ka'i skad lta bur yid du 'ong ba/ rnga bo che'i sgra ltar snyan pa'i
145b2 gsung gis bka' stsal pa/ dge slong / nga ni 'jig rten bsod nams 'dod pa'o/ /de nas dge slong des bcom ldan 'das kyis gsung yan lag lnga dang ldan pa thos nas/ gus
145b3 bar bsgrims pas la gor du/ bcom ldan 'das kyi phyag nas bzung ste/ rang gi mgo bo la bzhag nas smras pa/ bcom ldan 'das/ khyod kyi phyag 'dis bskal pa grangs med pa gsum
145b4 gyi bar du sbyin pa dang / tshul khrims dang / bzod pa dang / brtson 'grus dang / bsam gtan dang / shes rab bsags na/ 'on kyang da dung / bcom ldan 'das/ 'di skad du/ dge slong / da
145b5 ni 'jig rten na bsod nams 'dod pa'o zhes gsung ngam/ bcom ldan 'das kyis bka' stsal pa/ dge slong / nga ni bsod nams kyis chog mi shes te/ dge slong / ngas ni bsod nams
145b6 kyi ro myong bas na de'i phyir nga bsod nams kyi chog mi shes so/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan
145b7 'das bsod nams kyi 'du byed rnams kyis chog mi mkhyen pa ni ngo mtshar lags so/ /bcom ldan 'das kyis bka' stsal pa/ dge slong dag /da ltar de bzhin gshegs pa 'dod chags
146a1 dang bral pa/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug
146a2 bsngal ba dang / yid mi bde ba dang / 'khrug pa las yongs su grol pa/ thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes zin
146a3 pa 'di lta bu la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang /
146a4 mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba'i tshe/ nga bsod nams kyi 'du byed rnams kyis cho ga
146a5 mi shes pa de/ legs par rab tu nyon la yid la zungs shig dang / ngas bshad do/ /dge slong dag /sngon byung ba 'das pa'i dus na rgyal po'i pho brang zhi ba'i sgra chen zhes bya ba na/ rgyal po
146a6 zhi ldan zhes bya brgyal po byed de/ de'i ring la 'byor ba dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang /
146a7 'khrug pa dang / nang 'khrug pa dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/
146b1 gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de'ang dad pa dang ldan la/ dge zhing bsam pa bzang ba/ bdag la phan pa dang / gzhan
146b2 la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong
146b3 ba| gtong ba chen po la gnas pa zhig go /de nas de nang bar sngar langs te mchod sbyin gyi 'dun khang du song nas/ zas 'dod pa rnams la ni zas sbyin par byed/ skom 'dod pa rnams la
146b4 ni skom sbyin par byed/ gos 'dod pa rnams la ni gos sbyin par byed cing / nor dang / 'bru dang / 'gron bu dang / gser dang / nor bu dang / mu tig dang / bai DUR+ya dang / dung dang / man
146b5 shel dang / byu ru rnams yongs su gtong bar byed do/ /'on kyang de'i bsod nams kyi 'du byed rnams kyis chog mi shes so/ /de btsun mo'i 'khor du song nas/ btsun mo'i 'khor la
146b6 zas dang / skom sbyin par byed do/ /bu rnams dang / blon po rnams dang / dpa' bo dang / ru mchog dang / grong rdal gyi mi rnams dang / yul gyi mi rnams la zas dang / gos sbyin par byed do//
146b7 de nas rgyal po zhi ldan 'di snyam du sems te/ bdag gis mi rnams ni tshim par byas na/ srog chags phra mo rnams lus pa de dag ci zhig gis tshim par bya snyam mo/ /des bdog pa thams
147a1 cad yongs su btang bas gos ya gcig tsam gyon par zad de/ lus nyi tshe las bar gyur nas bsams pa/ srog chags phra mo rnams la ni rang gi lus
147a2 sbyin par bya'o snyam mo/ /de'i lus bzhogs nas gang na sha sbrang dang / sbrang bu mchu ring la sogs pa yod pa der lus bor te 'dug nas/ bu gcig pa sdug pa la bya ba bzhin
147a3 du khrag gis tshim par byas so/ /lha'i dbang po brgya byin ni 'og ma la shes pa'i mthong ba 'jug ste/ de 'di snyam du sems te/ ji/ rgyal po zhi ldan 'di sems can rnams
147a4 kyi don du 'di ltar byed dam/ 'on te snying rjes byed cig gu snyam nas/ bdag gis 'di bgam par bya'o snyam mo/ /de nas bya rgod stang zil bcag pa'i 'phro lta bu dang / snag
147a5 tsha'i mdog can lta bur bdag nyid sprul te/ rgyal po zhi ldan gyi thad du song nas/ mchus mig bru bar gzas na'ang rgyal po de skrag par ni ma gyur gyi/ byams pa'i mig chen
147a6 bos bya rgod de la bltas nas/ smras pa/ bu nga'i lus las gang 'dod pa las ci dga' mgur gyis shig ces byas so/ /de nas lha'i dbang po brgya byin dga' bar gyur te bram ze'i
147a7 cha lugs su sprul nas/ rgyal po zhi ldan gyi mdun du 'greng ste smras pa/ rgyal po/ legs kyi khyod kyi mig gnyis nga la byin cig /rgyal pos smras pa/ kye bram ze/ nga'i lus 'di la
147b1 'gog pa su 'ang med kyi/ ci 'dod pa khyer cig ces byas so/ /de nas lha'i dbang po brgya byin lhag par dga' bar gyur nas/ bram ze'i cha lugs mi snang bar byas te rang gi gzugs su
147b2 'dug nas/ rgyal po spro ba bskyed de/ smras pa/ kye rgyal po/ legs so/ /legs so/ /khyod kyi blo shin tu nges so/ /khyod kyi smon lam bskyod du med do/ /sems can rnams la khyod kyi snying
147b3 rje chen po'i rgyun 'bab par gyur to/ /khyod 'jigs par bya ba'i chos rnams la 'di ltar 'jigs pa med pa las na/ khyod ring po mi thogs par brtson pa 'dis bla na med pa yang dag par
147b4 rdzogs pa'i byang chub tu mngon par rdzogs par 'tshang rgya bar 'gyur ro zhes byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na rgyal
147b5 po zhi ldan du gyur pa gang yin pa de ni nga yin te/ de'i tshe 'ang nga bsod nams mngon par 'du byed pa rnams kyis chog ma shes na/ da ltar lta ci smos/ dge slong dag /de bas na 'di ltar
147b6 bslab par bya ste/ sbyin pa dag sbyin no/ /bsod nams dag bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag
147b7 yi rangs te bcom ldan 'das kyis gsungs pa la mngon par bstod do// //gzugs bzang zhes bya ba ni/ sangs rgyas bcom ldan 'das la rgyal po rnams dang / blon
148a1 po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
148a2 gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/
148a3 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom
148a4 ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun
148a5 dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /gang gi tshe bcom ldan 'das nang du yang dag 'jog
148a6 las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog bshad do/ /'khor brgya phrag du mas kyang dbang po rnams mi g.yo
148a7 bar bcom ldan 'das la chos ro dang ldan no cog mnyan pa de'i tshe/ dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun
148b1 pa| sems can 'di rnams chos rin po che'i snod du 'ang 'gyur te/ gus par mnyan par sems pa la gzigs/ bcom ldan 'das kyis bka' stsal pa/ dge slong dag /de bzhin
148b2 gshegs pas ji ltar gus pa bskyed de/ chos mnyan pa dang / bzung ba de legs par rab tu nyon la yid la zungs shig dang ngas bshad do/ /dge slong dag /sngon byung ba 'das pa'i dus
148b3 na| grong khyer wA ra NA si na rgyal po gzugs bzang zhes bya ba zhig rgyal po byed de/ de'i ring la 'byor ba dang / rgyas pa dang / bde ba dang / lo legs pa dang / skye bo dang / mi mang pos
148b4 gang ba dang / 'thab pa dang / rtsod pa zhi ba dang / 'khrug pa dang / nang 'khrug dang / chom rkun dang / mu ge dang / nang rnams med pa dang / 'bras sA lu dang / bu ram shing dang / ba lang
148b5 dang | ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de 'ang dad pa dang ldan la/ dge zhing bsam
148b6 pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad
148b7 yongs su gtong ba/ chags pa med par yongs su gtong ba/ gtong ba chen po la gnas pa zhig go /de nas rgyal po de la btsun mo mdzes ldan ma zhes bya ba gzugs bzang zhing
149a1 blta na sdug la mdzes pa/ yan lag dang / nying lag thams cad dang ldan pa zhig yod do/ /bu gcig pa mdzes ldan zhes bya ba sdug cing phangs la snying du sdug cing
149a2 yid du 'ong ba bzod pa dang ldan pa/ mi mthun pa med pa zhig kyang yod do/ /de nas phyi zhig na/ rgyal po gzugs bzang chos 'dod par gyur nas/ des blon po thams cad gsog ste/ smras
149a3 pa| yul gyi gtso bo dag /nga chos 'dod kyi nga'i chos tshol cig ces bsgo'o/ /de nas blon po de dag gis thal mo sbyar te gsol pa/ rgyal po chen po/ chos ni dkon te/ sangs rgyas 'jig
149a4 rten du byung na gdod chos 'byung ngo zhes gda'o/ /de nas rgyal pos gser 'bum yod pa'i snod/ rgyal mtshan gyi rtse mo la btags te/ yul thams cad du dril bsgrags nas/ nga'i
149a5 yul na chos smra ba gang yin pa de la gser 'bum yod pa'i snod 'di sbyin no/ /bkur sti chen pos kyang bkur zhing bstod par bya'o zhes kyang byas so/ /de nas yun ring mo zhig lon
149a6 kyang chos smra ba su'ang mi snang ngo / /de nas rgyal po chos kyi phyir gdung zhing yi chad do/ /lha'i dbang po brgya byin ni 'og ma la shes pa'i mthong ba 'jug ste/ des rgyal po chos kyi phyir
149a7 phongs shis 'dug pa mthong nas de 'di snyam du sems te/ bdag gis rgyal po gzugs bzang bgam par bya'o snyam mo/ /de nas bdag nyid gnod sbyin rkang lag dang / mig mi
149b1 sdug pa zhig tu sprul nas/ rgyal po 'khor du ma'i nang na 'dug pa la 'di skad ces smras so/ /ci khyod chos 'dod ce na/ ngas khyod la chos bstan to/ /de nas rgyal pos chos kyi sgra thos pas dga'
149b2 zhing mchog tu dga' ba skyes nas gnod sbyin la 'di skad ces smras so/ /gsang ba pa/ chos smros shig /smros shig /ngas mnyan par bya'o/ /gnod sbyin gyis smras pa/ kye ma rgyal po chen po/ bde
149b3 zhing 'khod pa ni chos smra bar byed kyi nga ni bkres kyi je zan byin cig /de nas rgyal pos de thos nas zho shas 'tsho ba rnams la 'di'i bza' ba dang / bca' ba'i rnam par dag 'on cig ces bsgo'o/ /
149b4 gnod sbyin gyis smras pa/ nga ni 'phral la bsad pa'i sha dang / khrag za zhing 'thung ba yin gyi/ bu gcig pa mdzes ldan 'di nga la byin cig /de nas rgyal pos de thos nas mchog tu mi dga' bar
149b5 gyur te brgya lam na lan gcig deng lta zhig chos kyi sgra dang phrad na de'ang rin thang gdab tu med pas nyo dgos so snyam mo/ /de nas gzhon nu mdzes ldan gyis de thos nas yab kyi zhabs
149b6 la phyag 'tshal te gsol pa/ lha| bzod pa mdzad de/ lha'i dgongs pa rdzogs par mdzad la/ bdag gsang ba pa'i zas su stsal bar gsol zhes byas so/ /de nas rgyal pos bu
149b7 gcig pa sdug cing phangs la snying du sdug cing yid du 'ong ba/ bzod pa dang ldan pa/ mi mthun pa med pa de chos kyi don du gnod sbyin la byin no/ /de nas gnod sbyin gyis rang gi rdzu 'phrul
150a1 gyi stobs kyis rgyal po dang / 'khor rnams la khye'u'i yan lag dang / nying lag rnams so sor bcad cing bcad chig zos pa dang / khrag kyang 'thungs par bstan te/ /
150a2 rgyal po des de mthong na/ chos 'dod pa'i phyir mi dga' bar ma gyur to/ /de nas gnod sbyin gyis rgyal po la smras pa/ rgyal po nga ma 'drangs kyi yang byin cig ces byas so/ /rgyal pos
150a3 de la snying du sdug pa'i chung ma'ang sbyin no/ /de nas de 'ang thabs de kho na ltar zos par bstan to/ /de nas yang rgyal po la smras pa/ kye rgyal po/ nga da dung ma 'drangs so/ /de nas rgyal
150a4 pos gnod sbyin la smras pa/ bu ngas bu gcig pa dang / sdug pa'i chung ma'ang byin zin na/ yang ci 'dod/ gnod sbyin gyis smras pa/ rang gi lus nga la byin cig dang / des na nga 'drangs
150a5 par 'gyur ro/ /rgyal pos smras pa/ gal te rang gi lus khyod la byin na/ ngas ji ltar chos mnyan gyis/ sngar nga la chos je ston dang / ngas chos thos pa'i 'og tu rang gi lus yongs su
150a6 gtang bar bya'o zhes byas so/ /de nas gnod sbyin gyis rgyal po dam gyi 'og tu bcug nas/ 'khor brgya phrag du ma'i mdun du chos bstan pa/ sdug pa dag las mya ngan skye/ /sdug pa dag
150a7 las 'jigs pa skye/ /'jigs pa dag las rnam grol rnams/ /mya ngan med na ga la 'jigs/ /de nas rgyal pos tshigs su bcad pa 'di thos ma thag tu yid rab tu sa mi par gyur
150b1 te| dbang po dga' zhing yid bde ba skyes nas/ gnod sbyin la smras pa/ gnod sbyin nga'i lus 'di ji dga' bar gyis shig ces byas so/ /de nas lha'i dbang po brgya byin gyis/ rgyal po de bla na med
150b2 pa yang dag par rdzogs pa'i byang chub las lhun po bzhin du mi g.yo bar rig nas/ gnod sbyin gyi gzugs mi snang bar byas te/ rang gi gzugs su 'dug nas dga' zhing mdangs phyung
150b3 ba'i mig dang ldan pas lag pa ya gcig gis ni bu bzung / ya gcig gis ni chung ma bzung nas/ rgyal po spro ba bskyed de smras pa/ skyes bu dam pa/ legs so/ /legs so/ /khyod kyi go cha brtan
150b4 gyis brtson pa 'dis ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /khyod kyi sdug pa'i mi dang phrad pa'ang 'di yin no zhes byas so/ /
150b5 de nas rgyal pos lha'i dbang po brgya byin la 'di skad ces smras so/ /ko'u shi ka /bdag gi chos kyi bsam pa yongs su rdzogs par byas pa legs so/ /legs so/ /bcom ldan 'das kyis bka'
150b6 stsal pa/ dge slong dag /ji snyam du sems/ de'i tshe de'i dus na rgyal po gzugs bzang zhes bya bar gyur pa gang yin pa de ni nga yin no/ /gzhon nu mdzes ldan ni kun dga' bo yin no/ /
150b7 mdzes ldan ma ni grags 'dzin ma yin no/ /dge slong dag /de'i tshe'ang ngas chos kyi phyir gnyen sdug pa yongs su gtong ba dang / rang gi srog yongs su gtong ba byas na/ da ltar lta ci smos
151a1 dge slong dag /de bas na 'di ltar bslab par bya ste/ chos la bkur stir bya'o/ /bla mar bya'o/ /ri mor bya'o/ /mchod pa bya'o/ /chos la bkur stir byas/ bla mar byas/ ri
151a2 mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi
151a3 rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po dgu pa/ mdza' bo'i bu mo/ zhes bya
151a4 ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon
151a5 rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis
151a6 bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams
151a7 kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyan gsos dang /
151b1 sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /der bcom
151b2 ldan 'das kyis dge slong rnams la bka' stsal pa/ dge slong dag / khyim gang dag na pha ma gnyis la legs par ri mo byed pa dang / legs par mchod pa byed pa dang / legs par g.yog
151b3 byed pa'i khyim de dag ni tshangs pa dang ldan pa yin no/ /de ci'i phyir zhe na/ dge slong dag /rigs kyi bu'i pha ma gnyis ni rigs pa'i sgo nas tshangs pa dang 'dra ba'i phyir ro/ /dge slong dag /khyim
151b4 gang dag na pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni slob dpon dang ldan pa yin no/ /de ci'i phyir zhe
151b5 na| rigs kyi bu'i pha ma gnyis ni rigs pa'i sgo nas slob dpon dang 'dra ba'i phyir ro/ /dge slong dag /khyim gang dag na pha ma gnyis la legs par ri mo byed pa dang / legs par
151b6 mchod pa byed pa dang / legs par g.yog byed pa'i khyim de dag ni kun tu sbyin pa'i 'os su gyur pa dang ldan pa yin no/ /de ci'i phyir zhe na/ dge slong dag /rigs kyi bu'i pha ma gnyis ni
151b7 rigs pa'i sgo nas kun tu sbyin pa'i 'os su gyur pa yin pa'i phyir ro/ /dge slong dag /khyim gang dag na pha ma gnyis la legs par ri mo byed pa dang / legs par mchod pa byed pa dang /
152a1 legs par g.yog byed pa'i khyim de dag ni me dang ldan pa yin no/ /de ci'i phyir zhe na/ dge slong dag /rigs kyi bu'i pha ma gnyis ni rigs pa'i sgo nas me dang
152a2 'dra ba'i phyir ro/ /dge slong dag /khyim gang dag na pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag
152a3 ni lha dang ldan pa yin no/ /de ci'i phyir zhe na/ dge slong dag /rigs kyi bu'i pha ma gnyis ni rigs pa'i sgo nas lha dang 'dra ba'i phyir ro/ /bcom ldan 'das kyis de skad ces
152a4 bka' stsal te/ bde bar gshegs pas de skad ces gsungs nas/ gzhan yang ston pas 'di skad ces bka' stsal to/ /pha ma gnyis ni tshangs pa ste/ /de bzhin dang po'i
152a5 slob dpon yin/ /bu yi kun sbyin 'os gyur pa/ /mi yang yin la lha yang yin/ /de phyir de gnyis phyag gi gnas/ /dril ba dang ni khrus rnams dang / /rkang pa dag kyang bkru
152a6 ba dang / /yang na zas dang skom rnams dang / /gos dang mal cha stan rnams kyis/ /mkhas pa dag gis bkur sti bya/ /pha ma dag la bkur byas pa/ /des na mkhas pa de dag
152a7 ni| |'dir yang smad pa med gyur la/ /shi na'ang mtho ris dga' bar 'gyur/ /gang gi tshe bcom ldan 'das kyis mdo 'di bka' stsal pa de'i tshe/ dge slong dag /the tshom skyes
152b1 te| the tshom thams cad gcod pa sangs rgyas bcom ldan 'das la zhus pa/ btsun pa/ bcom ldan 'das/ pha ma la sri zhu che ba'i bsngags pa gsungs pa ni ngo mtshar lags so/ /bcom
152b2 ldan 'das kyis bka' stsal pa/ dge slong dag /da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang /
152b3 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba/ thams cad mkhyen pa/ rnam pa thams
152b4 cad mkhyen pa/ ye shes dang shes bya thams cad la mnga' brnyes zin pa na pha ma la sri zhu che ba'i bsngags pa brjod pa 'di lta la ngo mtshar che ba ci yod/ 'das pa'i dus na nga 'dod chags
152b5 dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi
152b6 bde ba dang / 'khrug pa rnams las yongs su ma grol ba'i tshe/ ma la gnod pa chung ngu byas pas kyang sdug bsngal chen po myong bar gyur la/ bkur sti chung ngu byas pas kyang bde ba chen
152b7 po myong bar gyur pa de legs par rab tu nyon la yid la zungs shig dang ngas bshad do/ /dge slong dag /sngon byung ba 'das pa'i dus na grong khyer wA ra NA si na ded dpon mdza' bo zhes bya
153a1 ba phyug cing nor mang la/ longs spyod che ba/ yongs su 'dzin pa/ yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran ba zhig
153a2 gnas pa des rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las bu dag byung yang shi
153a3 bar gyur te/ de lag pa la skom tshugs bcas nas/ bdag gi khyim nor du ma dang ldan du zin kyang / bdag la bu'ang med/ bu mo'ang med pas bdag 'das pa'i 'og tu ni bu
153a4 med pa'i phyir ci bdog pa thams cad rgyal po dbang bar 'gyur ro snyam ste sems khong du chud cing 'dug go /de nas de la kha cig gis gdams ngag bstan pa/ gal te khyod kyi bu byung
153a5 bar gyur na/ de la bu mo'i ming thogs shig dang / de ltar byas na de yun ring du 'tsho bar 'gyur ro zhes byas so/ /de bu med de/ bu 'dod pa'i phyir gu lang dang / chu lha dang / ku pe ra
153a6 dang | brgya byin dang / tshangs pa la sogs pa dang / lha'i khyad par gzhan dag la'ang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam
153a7 gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos mthun pa ba dang / rtag tu phyi bzhin 'brang ba'i lha rnams la'ang gsol
153b1 ba 'debs la 'jig rten na'ang gsol ba btab pa'i rgyus bu dang / bu mo skye bar 'gyur ro zhes bya ba'i gtam de yod mod kyi/ de'ang de lta ni ma yin te/ gal te gsol ba btab pa'i rgyus bu dang / bu mo
153b2 skye bar 'gyur du zin na/ 'khor los sgyur ba'i rgyal po bzhin du re re la'ang bu stong stong yod par 'gyur ba'i rigs so/ /ye ni gnas gsum tshogs pa las bu dang / bu mo skye bar 'gyur
153b3 te| gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas 'di gsum tshogs pa las bu
153b4 dang | bu mo skye bar 'gyur ro/ /de nas de'ang gsol ba 'debs pa lhur byed cing 'dug la/ sems can zhig kyang sems can gyi ris shig nas/ shi 'phos nas de'i chung ma'i ltor
153b5 zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa'ang shes la ma chags pa'ang shes pa dang / dus
153b6 kyang shes la zla mtshan yang shes pa dang / bu chags pa'ang shes pa dang / gang las bu chags pa shes pa dang / khye'u'ang shes la bu mo'ang shes pa ste/ gal te khye'u yin na ni lto
153b7 g.yas logs su rten cing gnas so/ /gal te bu mo yin na ni lto g.yon logs su rten cing gnas so/ /de dga' ches nas khyim thab la smras pa/ jo bo/ bdag la sras chags te/ bdag
154a1 gi rum g.yas logs na rten cing gnas pa las na khye'ur 'gyur bar nges kyi dgyes pa bskyed du gsol zhes byas so/ /de yang dga' ches te/ ro stod ni
154a2 bteg /lag pa g.yas pa ni brkyang nas bdag gis yun ring po nas smon smon pa'i bu'i ngo mthong bar 'ong ngo / /bdag gi bu rung bar gyur cig /mi rung bar ma gyur cig /bsos na
154a3 bdag gi bya ba dag byed par shog cig /gsos pa'i lan phyir gso bar shog cig /nor skal la spyod par shog cig /bdag gi rigs rgyud ring du gnas par shog cig /bdag
154a4 cag 'das te shi ba'i 'og tu 'ang bdag cag gi phyir mang yang rung / nyung yang rung ste/ sbyin pa dag byin la bsod nams dag byas nas/ de gnyis gang dang / gang du skyes shing 'gro ba
154a5 der 'di song zhig ces yon bsngo bar shog cig ces dga' ba'i tshig brjod do/ /de nas des bu chags par rigs nas bu'i rim gro bya ba'i phyir/ khang bzang gi steng du nyam rangs su bzhag
154a6 ste| grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma
154a7 yin pa rnams dang / ha cang lan tshwa che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/
154b1 kha ba dang / skyur ba dang / lan tshwa dang / mngar ba dang / tsha ba dang / bska ba med pa'i zas rnams kyis bsten cing do shal dang / se mo dos lus rnam par klubs te/ lha'i bu mo dga' ba'i
154b2 tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi
154b3 thos par byas so/ /de nas de zla ba brgyad dam/ dgu lon pa dang / bu byung ste/ khye'u gzugs bzang zhing blta na sdug la/ mdzes pa/ mdog bzang pa/ gser gyi kha dog can mgo bo gdugs
154b4 ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/ yan lag dang nying lag thams cad dang ldan pa zhig btsas nas/ de btsas pa'i
154b5 btsas ston byas nas/ khye'u'i ming ji skad gdags zhes ming 'dogs par byed de/ nye du rnams na re/ khye'u 'di mdza' bo'i bu yin la bu mo ltar yin pas na de'i phyir khye'u 'di'i ming
154b6 mdza' bo'i bu mo zhes bya'o zhes zer ro/ /de nas khye'u mdza' bo'i bu mo bang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma
154b7 gnyis te/ ma ma brgyad la gtad nas ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed
155a1 bsrings te/ mtsho'i nang gi pad+ma bzhin du skye drag par gyur to/ /de'i pha ni rgya mtsho chen por song nas de nyid du shi'o/ /de nas gang gi tshe mdza' bo'i bu mo cher
155a2 skyes pa de'i tshe/ ma la smras pa/ yum| bdag gi pha sngon las ji lta bu zhig gis 'tsho bar gyur/ bdag gis kyang de'i rjes su de dang 'dra bar bgyi 'tshal lo/ /de nas mas bsams
155a3 pa| gal te bdag gis 'di la rgya mtsho chen po'i tshong pa byed byed do zhes byas na ni/ 'di yang brgya la rgya mtsho chen por song nas de nyid du 'chi bar 'ong ngo snyam nas smras pa/ bu khyod
155a4 kyi pha ni sngon yul tshong pa byed byed kyi khyod kyang 'dod na yul tshong pa gyis shig ces byas so/ /de nas des yul tshong ba'i las byas na dang po'i nyin par kAR+ShA pa Na bzhi rnyed de/ de ma la
155a5 byin nas/ yum| 'dis dge sbyong dang / bram ze dang / sdug cing phongs pa dang / bkres pa rnams la sbyin pa mdzod cig ces byas so/ /de nas re zhig na gzhan zhig na re/ khyod kyi pha
155a6 spos kyi tshong pa byed byed do zhes byas pa dang / des yul tshong pa'i las btang ste/ spos kyi tshong byas so/ /de nas kAR+ShA pa Na brgyad rnyed de/ de dag kyang des ma la byin no/ /de nas re
155a7 zhig na gzhan zhig na re/ khyod kyi pha gser dngul gyi tshong pa byed byed do zhes byas pa dang / des spos 'tshong pa btang ste/ gser dngul gyi tshong byas so/ /de nas dang po'i nyin par
155b1 kAR+ShA pa Na bcu drug rnyed do/ /de dag kyang des ma la byin no/ /de nas phyi de nyin par kAR+ShA pa Na sum cu rtsa gnyis rnyed de/ de dag des ma la byin no/ /de nas re zhig na gser dngul gyi tshong pa phrag
155b2 dog gi rang bzhin can dag gis khye'u de gnas thams cad kyi nyo tshong gi rgyus shes par rig nas/ smras pa/ mdza' bo'i bu mo khyod kyi pha ni rgya mtsho chen po'i tshong pa byed byed na/ ci/ khyod
155b3 la chos ma yin pa'i 'tsho ba 'di ci dgos/ khyod sus sems can ngan pa'i nyo tshong gi las byed du bcug ces byas so/ /de nas de gser dngul gyi tshong pa'i tshig gis bskul nas ma'i thad
155b4 du song ste smras pa/ yum| bdag gi pha sngon rgya mtsho chen po'i tshong pa byed byed ces de skad grags pas/ bdag kyang rgya mtsho chen po'i nang du mchi 'tshal gyi gnang bar mdzod cig /
155b5 mas smras pa/ bu gcig de ni bden mod kyi/ 'on kyang khyod byis pa yin la bu gcig pa'ang yin gyi nga bor te rgya mtsho chen po'i nang du ma 'gro zhig /de nas de mi dge ba'i bshes gnyen
155b6 phrag dog gi rang bzhin can dag gis brid pas ldog du ma btub nas/ des ma'i tshig ma mnyan te/ grong khyer wA ra NA sir dril bsgrags nas/ kye| wA ra NA si na gnas pa'i tshong pa rnams
155b7 khyed nyon cig /ded dpon mdza' bo'i bu mo rgya mtsho chen po'i nang du 'gro bar chad kyi khyed kyi nang nas ded dpon mdza' bo'i bu mo dang lhan cig tu sho gam mi dgos pa dang / la gcan gyi
156a1 btsas mi dgos pa dang / gru btsas mi dgos par rgya mtsho chen po'i nang du 'gro 'dod pa de dag rgya mtsho chen por 'gro ba'i zong sta gon gyis shig ces byas nas/
156a2 dge mtshan dang / bkra shis dang / bde legs su 'gyur ba rnams byas te/ g.yog 'khor tshong pa lnga brgya dang lhan cig chas te/ shing rta dang / khur dang / sgye dang / skon pa dang / rnga mo
156a3 dang | ba lang dang / bong bu dag gis rgya mtsho chen por 'gro ba'i zod bskyas so/ /de'i ma ni snying byams pas ci bya gtol med nas mchi ma 'dzag cing du bzhin phyung ste/ rkang pa la
156a4 'jus nas bu gcig nga bor te rgya mtsho chen po'i nang du ma 'gro zhig ces byas so/ /de ltar snying rje rje skad zer zhing sdug sdug skad zer la gti zhing smra ba'i skad phyung yang des btul
156a5 te ma'i mgo bo la rdog pas bsnun nas 'gron po rnams dang chas so/ /de nas mas smras pa/ bu khyod kyis las 'di'i rnam par smin pa myong bar ma gyur cig ces byas so/ /de nas
156a6 re zhig na des grong rdal dang / yul 'khor dang / rgyal po'i pho brang dang / yul po che de dag mthong nas rgya mtsho chen po'i 'gram du phyin to/ /de nas des kAR+ShA ba Na lnga brgyas gru nyos/
156a7 zho shas 'tsho ba rnam pa lnga ste/ gru pa dang / chu 'phyag pa dang / mnyan pa dang / byi'u zul mkhan dang / ru skya 'dzin pa rnams kyang khrid de/ lan gsum dril bsgrags nas rgya mtsho chen
156b1 po'i nang du zhugs so/ /de nas re zhig na gru de nya'i rigs chu srin ma ka ras ma rung bar byas te bub par byas so/ /de nas mdza' bo'i bu mos spang leb cig la zin nas skam la phyin to/ /
156b2 de nas skam la song song nas thag ring po zhig nas grong khyer longs spyod byed ces bya ba mthong nas de de logs su song ba dang / re zhig na de'i nang nas lha'i bu mo gzugs bzang zhing blta
156b3 na sdug la mdzes pa bzhi zhig byung nas/ de dag na re/ mdza' bo'i bu mo tshur spyon/ khyod byon pa legs so/ /'di dag ni bdag cag gi zas gzhag pa'i khang pa dang / skom gzhag
156b4 pa'i khang pa dang / gos gzhag pa'i khang pa dang / gzims khang lags te/ nor bu dang / mu tig dang / bai DUR+ya dang / dung dang / man shel dang / byu ru dang / gser dngul rnam pa
156b5 sna tshogs kyis gang ba lags kyi tshur spyon dang / longs spyad par bgyi'o zhes zer nas de de dag dang lhan cig tu lo du mar dga' ba myong ste/ 'di ltar de ni bsod nams byed byed pa
156b6 dang / dge ba byed byed pa dang / rdzu 'phrul che ba dang / mthu che ba yin pa'i phyir ro/ /de nas de lho phyogs kyi lam du song ba las 'gror mi ster nas/ de lho phyogs kyi lam der 'gror mi ster ba dang / lhag par
156b7 yang der 'gro 'dod par gyur nas re zhig na'ang lho phyogs su song ba dang / grong khyer rtag tu myos zhes bya ba mthong ste/ de de'i sgor phyin pa dang / re zhig na de'i nang nas kyang lha'i bu mo
157a1 ches gzugs bzang zhing ches blta na sdug la ches mdzes pa brgyad byung nas/ de dag na re/ mdza' bo'i bu mo tshur spyon/ khyod byon pa legs so/ /'di dag ni
157a2 bdag cag gi zas gzhag pa'i khang pa dang / skom gzhag pa'i khang pa dang / gos gzhag pa'i khang pa dang / gzims khang lags te/ nor bu dang / mu tig dang / bai DUR+ya dang /
157a3 dung dang / man shel dang / byi ru dang / gser dngul rnam pa sna tshogs kyis gang ba lags kyi tshur spyon dang / longs spyad par bgyi'o zhes zer nas de de dag dang lhan cig tu lo du
157a4 mar dga' ba myong ste/ 'di ltar de ni bsod nams byed byed pa dang / dge ba byed byed pa dang / rdzu 'phrul che ba dang / mthu che ba yin pa'i phyir ro/ /de nas de'i yang lho phyogs kyi lam
157a5 du song ba las 'gror mi ster nas/ de lho phyogs kyi lam der 'gror mi ster ba dang lhag par yang der 'gro 'dod par gyur nas re zhig na'ang lho phyogs su song ba dang / grong khyer
157a6 dga' byed ces bya ba mthong ste/ de de'i sgor phyin pa dang / re zhig na de'i nang nas kyang lha'i bu mo ches gzugs bzang zhing ches blta na sdug la ches mdzes pa bcu drug byung nas/ de dag
157a7 na re/ mdza' bo'i bu mo tshur spyon/ khyod byon pa legs so/ /'di dag ni bdag cag gi zas gzhag pa'i khang pa dang / skom gzhag pa'i khang pa dang / gos gzhag pa'i khang pa dang /
157b1 gzims khang lags te/ nor bu dang / mu tig dang / bai DUR+ya dang / dung dang / man shel dang / byu ru dang / gser dngul rnam pa sna tshogs kyis gang ba lags kyi tshur spyon dang / longs
157b2 spyad par bgyi'o zhes zer nas de de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang / dge ba byed byed pa dang / rdzu 'phrul che ba dang / mthu che
157b3 ba yin pa'i phyir ro/ /de nas de'i yang lho phyogs kyi lam du song ba las 'gror mi ster nas/ de lho phyogs kyi lam der 'gror mi ster ba dang lhag par yang der 'gro 'dod par gyur nas/
157b4 re zhig na'ang lho phyogs su song ba dang / khang bzang tshangs pa'i bla ma zhes bya ba mthong ste/ de de'i sgor phyin pa dang / re zhig na de'i nang nas kyang lha'i bu mo ches gzugs bzang zhing ches
157b5 blta na sdug la ches mdzes pa sum cu rtsa gnyis byung ste/ de dag na re/ mdza' bo'i bu mo tshur spyon/ khyod byon pa legs so/ /'di dag ni bdag cag gis zas gzhag pa'i khang pa dang /
157b6 skom gzhag pa'i khang pa dang / gos gzhag pa'i khang pa dang / gzims khang lags te/ nor bu dang / mu tig dang / bai DUR+ya dang / dung dang / man shel dang / byu ru dang / gser
157b7 dngul rnam pa sna tshogs kyis yongs su gang ba lags kyi tshur spyon dang / longs spyad par bgyi'o zhes zer nas de de dag dang lhan cig tu lo du mar dga' ba myong ste/ 'di ltar 'di ni bsod
158a1 nams byed byed pa dang / dge ba byed byed pa dang / rdzu 'phrul che ba dang / mthu che ba yin pa'i phyir ro/ /de nas de'i yang lho phyogs su song ba las 'gror mi ster
158a2 nas| de lho phyogs kyi lam der 'gror mi ster ba dang lhag par yang der 'gro 'dod de/ de ji tsam du lho phyogs su song ba de tsam du de'i 'dod pa skye'o/ /re zhig na yang lho phyogs su
158a3 song ba dang / lcags kyi mkhar zhig mthong ste/ de de'i nang du song nas nang du song ma thag tu de'i sgo bcad do/ /de nas de bas kyang nang du song ba dang / de'i sgo'ang bcad do/ /de bas
158a4 kyang nang du song ba dang / re zhig na mi bo che zhig mthong na/ de'i mgo bo la lcags kyi 'khor lo kun tu 'bar zhing rab tu 'bar la/ kun tu rab tu 'bar te/ 'bar ba gcig tu gyur
158a5 pa zhig 'khor zhing 'dug la de'i mgo bo las rnag khrag ci 'dzag pa de dag ni de'i zas su za'o/ /de nas mdza' bo'i bu mos mi de la dris pa/ kwa ye mi khyod su yin/ de na re/ nga ni
158a6 ma la gnod pa byed byed pa yin no zhes zer ro/ /mi des smras ma thag tu mdza' bo'i bu mos las de dran nas nga 'ang ma la gnod pa byed byed pa yin pa snyam gyi nga 'ang las de kho nas
158a7 'dir khrid pa lta snyam mo/ /de nas de'i skabs su nam mkha' las sgra byung ste/ bcings pa gang yin pa de dag ni grol bar gyur to/ /grol ba gang yin pa de dag ni bcings so zhes
158b1 zer te/ de skad zer ma thag tu mi de'i mgo bo la 'khor lo mi snang bar gyur nas/ mdza' bo'i bu mo'i mgo la byung ngo / /de nas mi des mdza' bo'i bu mo sdug bsngal gyis dkos thag pa mthong
158b2 nas| tshigs su bcad de smras pa/ khyod ni longs spyod rtag tu myos/ /dga' byed tshangs pa'i bla ma yi/ /khang bzang las ni thal nas kyang / /ci yi phyir na 'di ru 'ongs/ /mdza' bo'i bu
158b3 mos smras pa/ bdag ni longs spyod rtag tu myos/ /dga' byed tshangs pa'i bla ma yi/ /khang bzang las ni thal nas kyang / /'dod chen gyis ni 'dir 'ongs so/ /las kyis ring du khrid par
158b4 byed| |ring po nas kyang las kyis khrid/ /gang du las kyi rnam par smin/ /der ni las kyis khrid par byed/ /las kyi rnam smin gang zhig gis/ /bdag gi srog ni gcod byed pa/ /kun tu 'bar zhing
158b5 rab 'bar ba'i/ /'khor lo mgo la 'khor bar gyur/ /mi des smras pa/ khyod kyis rab tu sdang sems kyis/ /ma gcig dka' ba byed byed pa'i/ /mgo bor rdog pas bsnun pas na/ /de yi
158b6 las kyi 'bras bu yin/ /mdza' bo'i bu mos smras pa/ lo grangs stong phrag du ma'i bar/ /bdag gi srog ni gcod byed pa/ /kun tu 'bar zhing rab 'bar ba'i/ /'khor lo mgo la 'khor bar
158b7 gyur| |mi des smras pa/ lo ni stong phrag drug cu dang / /brgya phrag drug cu'i bar srid du/ /lcags kyi 'khor lo 'bar ba ni/ /khyod kyi mgo la 'khor bar 'gyur/ /mdza' bo'i bu mos smras pa/
159a1 kye| gzhan yang / 'dir 'ong ba 'ga' lta yod dam/ mi des smras pa/ su 'di lta bu'i las byed byed pa 'ong bar 'gyur ro/ /de nas mdza' bo'i bu mo sdug bsngal gyi
159a2 tshor bas nyen nas sems can rnams la snying rje bskyed de mi de la smras pa/ kye| nga ni sems can thams cad kyi phyir 'khor lo 'di mgo bo'i steng du 'dzin par 'dod kyi/ 'di lta bu'i
159a3 las byed byed pa gzhan su'ang 'dir 'ong bar ma gyur cig ces byas so/ /de skad ces smras ma thag tu byang chub sems dpa' mdza' bo'i bu mo'i 'khor lo de mgo bo las gyen du 'phags
159a4 nas ta la bdun gyi srid tsam du nam mkha' la 'dug go /de ni shi nas dga' ldan gyi lha'i ris su skyes so/ /bcom ldan 'das kyis bka' stsal pa/ dge slong dag /ji snyam du sems/
159a5 de'i tshe de'i dus na mdza' bo'i bu mor gyur pa gang yin pa de ni nga yin te/ ngas nyo tshong byas nas ma la kAR+ShA pa Na phul ba'i las de'i rnam par smin pas ni grong khyer chen po bzhir bde ba
159a6 chen po myong ngo / /ngas ma la gnod pa chung ngu byas pa'i las de'i rnam par smin pas ni de lta bu'i sdug bsngal myong ngo / /dge slong dag /de lta bas na 'di ltar bslab par bya ste/ pha ma la
159a7 bkur sti bya'o/ /gnod pa mi bya'o/ /'on tang mdza' bo'i bu mo so so'i skye bor gyur pa'i tshe nyes pa de dag lta bu 'byung bar mi 'gyur la/ de nyid lha'i bur gyur pa'i yon tan gang yin pa de lta bu
159b1 ni thob par 'gyur ro zhes dge slong khyod kyis de ltar bslab par bya'o/ /de ci'i phyir zhe na/ dge slong dag /bu'i pha ma gnyis ni dka' ba byed pa dang / skom ldud pa dang / gso ba dang /
159b2 bskyed pa dang / nu ma snun pa dang / 'dzam bu'i gling bkra ba ston pa yin pa'i phyir ro/ /gal te bus pha ma gnyis phrag pa g.yas g.yon du bzhag ste lo brgya'i bar du khyer ram/ yang na
159b3 sa chen po 'di nor bu dang / mu tig dang / baiDUR+ya dang / dung dang / man shel dang / byu ru dang / gser dang / dngul dang / rdo'i snying po dang / spug dang / pad+ma rA ga dang / g.yas su
159b4 'khyil ba dang / de lta bu dag gis bkang ba'i dbang phyug la dbang byed du bcug kyang de tsam gyis ni bus pha ma gnyis la drin gsog pa'am/ phan btags par mi 'gyur gyi/ gang gis
159b5 pha ma de gnyis dad pa med pa las dad pa phun sum tshogs pa la 'dzud pa dang / 'dul ba dang / gnas par byed pa dang / 'jog par byed pa dang / tshul khrims 'chal ba las tshul khrims
159b6 phun sum tshogs pa dang / ser sna can las gtong ba phun sum tshogs pa dang / shes rab 'chal ba las shes rab phun sum tshogs pa la 'dzud pa dang / 'dul ba dang / gnas par byed pa
159b7 dang | 'jog par byed pa de tsam gyis na/ bus pha ma gnyis la drin bsabs pa'am/ phan btags par 'gyur ro/ /bcom ldan 'das kyis de skad ces bka' stsal nas/ dge slong de dag
160a1 yi rangs te bcom ldan 'das kyis gsungs pa la mngon par bstod do// //ri bong zhes bya ba ni/ sangs rgyas bcom ldan 'das la rgyal po
160a2 rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
160a3 gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor
160a4 byas| mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas
160a5 bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan
160a6 thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong
160a7 dpon phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de/ des rigs
160b1 mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las phyi zhig na chung ma la bu chags nas/ de
160b2 zla ba brgyad dam/ dgu lon pa dang bu byung ste/ khye'u zhig btsas nas de bskyed bsrings te cher gyur to/ /de'i pha ni nor yang zad par gyur/ longs spyod kyang zad par gyur to/ /de'ang mdza'
160b3 bo dang / nye du dang / rtsa lag gi 'dab che ba zhig ste/ bu de dus dus su nye du rnams kyi thad du gtong ngo / /de nas de nye du de dag gis ci nas de dag kyang phyir zhing mdza' bar 'gyur ba de lta bur
160b4 gzhan to/ /phyis re zhig na de rgyal bu rgyal byed kyi tshal du song nas/ des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad
160b5 bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas
160b6 kyang dga' bar gyur te/ bcom ldan 'das kyi zhabs la mgo bos phyag btsal nas chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis de la
160b7 'khor ba las skyo bar 'gyur ba'i chos bstan te/ de thos pas 'khor ba la nyes par lta ba dang / mya ngan las 'das pa la yon tan du lta bar gyur te/ pha ma gnyis kyis gnang nas/ bcom
161a1 ldan 'das kyi bstan pa la rab tu byung ngo / /de de ltar rab tu byung nas nye du de dag dang lhan cig tu 'du zhing gnas so/ /de nas bcom ldan 'das kyis de khyim
161a2 pa dang 'du ba las bzlog nas dgon par gnas pa la 'dzud par mdzad na de der mi dga'o/ /de nas de bcom ldan 'das kyis lan gsum gyi bar du khyim pa dang 'du ba las bzlog
161a3 par mdzad de/ bu| khyim pa dang 'du ba 'di ni nyes pa du ma dang ldan te/ mig gis shes par bya ba'i gzugs sdug pa dang / phangs pa dang / snying du sdug pa dang / yid du 'ong ba dang /
161a4 'dod pa dang ldan pa dang / chags par 'gyur ba dang / tsher ma dang 'dra ba dang / rna bas shes par bya ba'i sgra rnams dang / snas shes par bya ba'i dri rnams dang / lces shes par bya
161a5 ba'i ro rnams dang / lus kyis shes par bya ba'i reg bya rnams dang / sdug pa dang / phangs pa dang / snying du sdug pa dang / yid du 'ong ba dang / 'dod pa dang ldan pa dang / chags par
161a6 'gyur ba dang / tsher ma dang 'dra ba dag yod do zhes gsungs so/ /gang du gnas bcas na dge ba'i chos rnams 'phel bar 'gyur ba'i dgon pa'i yon tan dag kyang rnam grangs du
161a7 mar bsngags so/ /de nas re zhig na rigs kyi bu des dge ba'i bshes gnyen bcom ldan 'das la brten nas/ dgon par gnas pa la'ang rtag tu brtson pa dang / bsgrub pa dang /
161b1 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i
161b2 chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser
161b3 dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon
161b4 par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi blta ba/ dbang po dang / nye dbang dang bcas pa'i lha rnams kyis mchod cing rjed
161b5 pa dang / gus par smra ba'i gnas su gyur to/ /de nas des sngon gyi gnas rjes su dran la/ bcom ldan 'das kyis shin tu dka' ba spyod pa'ang mthong nas/ bcom ldan 'das kyi thad du
161b6 song ste/ gus pa dang bcas pas bstod cing ri mo byas so/ /de nas dge slong rnams the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/
161b7 bcom ldan 'das kyis rigs kyi bu 'di lan gsum gyi bar du grong nas bzlog ste/ dgon pa'i gnas la btsud pa nas/ dgra bcom pa nyid kyi bar du bzhag pa la gzigs/ bcom ldan
162a1 'das kyis bka' stsal pa/ dge slong dag /da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba
162a2 dang | rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba/ thams
162a3 cad mkhyen pa/ rnam pa thams cad mkhyen pa/ ye shes dang / shes bya thams cad la mnga' brnyes zin pa'i tshe rigs kyi bu 'di lan gsum gyi bar du grong nas bzlog ste
162a4 dgon pa'i gnas la btsud pa nas/ dgra bcom pa nyid kyi bar du bzhag pa 'di lta la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang
162a5 bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang /
162a6 'khrugs pa rnams las yongs su ma grol ba'i tshe'ang ngas rang gi srog yongs su btang nas rigs kyi bu 'di grong nas bzlog ste/ dgon pa'i gnas la btsud pa de legs
162a7 par rab tu nyon la yid la zungs shig dang ngas bshad do/ /dge slong dag /sngon byung ba 'das pa'i dus na/ ri'i sul chu 'bab cing me tog dang / 'bras bu dang / rdo gu phun
162b1 sum tshogs pa dang ldan pa zhig na drang srong dka' thub drag po spyod pa/ zas su 'bras bu dang / rtsa ba dang / chus 'tsho ba/ ri dwags kyi g.yang gzhi dang / shing shun gyon pa/ me'i sbyin sreg
162b2 byed pa zhig 'dug go /drang srong de'i mdza' bo'ang ri bong mi'i skad shes pa zhig yod de/ de nyin gcig bzhin du drang srong gi thad du dus gsum du 'gro'o/ /der song nas gus par smra ba
162b3 byas te/ gtam rnam pa sna tshogs kyis yang dag par dga' bar byas nas/ de gnyis phyir zhing mdza' bar gyur te/ pha spad dang 'dra bar 'dug go /phyis re zhig na than chen byung nas
162b4 des chu klung dang / khron pa rnams chu chung bar gyur la/ shing rnams kyang me tog dang / 'bras bu med par gyur to/ /de nas drang srong de gnas de na bza' ba med pas mi dga' nas des ri dwags kyi
162b5 g.yang gzhi dang / shin shun rnams kyang brtul to/ /de nas ri bong des de lta bur gyur pa mthong nas/ drang srong chen po gar bzhud ces dris so/ /drang srong na re/ nga ni grong du 'gro ste/ der btsos pa'i
162b6 slong mos 'tsho bar bya'o zhes zer ro/ /de nas des drang srong gi tshig thos nas gdung bar gyur te/ pha dang bral ba tsam du bsams nas/ drang srong de'i rkang pa la phyag btsal te smras pa/ bdag mi dor
162b7 bar gsol/ gcig tu na khyim gyi gnas ni nyes pa du mas gang la dgon pa'i gnas ni yon tan phun sum tshogs pa dang ldan pa lags so zhes byas so/ /de skad lan du ma byas kyang de ldog
163a1 tu ma btub bo/ /de nas ri bong gis smras pa/ gal te mi 'gror mi rung na'ang deng tsam gzhes la/ sang gar dgyes par bzhud cig ces byas so/ /de nas drang srong de 'di snyam du sems
163a2 te| dud 'gro'i skye gnas su skyes pa 'di dag ni sdug cing gsog pa la sred pas na/ 'dis ni bdag deng kha zas sna 'ga' zhig la g.yar 'dren par 'dod gor ma chag snyam ste/ des de la
163a3 khas blangs so/ /de nas nyin par gyi bya ba byas zin te/ dro la bab ba na ri bong 'ongs nas/ drang srong de la bskor ba byas te/ bzod pa gsol ba/ drang srong chen po/ gang bdag gis dud
163a4 'gro'i skye gnas su skyes pas bya mi bya mi shes nas khyod la cung zad nongs pa ci bgyis pa/ bdag la khyod kyis bzod pa mdzod cig ces smras nas/ tsham tshom med par me'i nang du mchongs
163a5 so| |de nas drang srong de mi dga' bar gyur nas/ du bzhin phyung ste/ bu gcig pa sdug pa la bya ba bzhin du la gor du blangs nas/ bu 'di ci byed ces smras so/ /ri bong na re/ drang srong chen po/
163a6 dgon pa'i dga' bas bdag gi sha gsol la/ zhag gcig gi bar du 'tsho bar mdzod cig /nga gcig tu na/ nags khung dag tu skyes pa'i ri bong la/ /sran sde'u til dang 'bras rnams ci
163a7 ma mchis/ /bdag gi lus 'di zhugs la sgrol mdzod la/ /gsol te deng tsam dka' thub tshal du bzhugs/ /de nas drang srong des ri bong gi tshig thos nas mi dga' bar gyur te/ smras
163b1 ba| gal te de lta na khyod snying du sdug pa dang / dgo na pa snying du sdug pa'i phyir 'di nyid du srog bor yang bla yi/ grong du ni bdag mi 'gro'o zhes byas so/ /de nas ri bong gis tshig de thos
163b2 nas sems dga' bar gyur te/ nam mkha' la gyen du bltas nas gsol ba btab ste/ bdag ni dgon par song nas kyang / /dben pa la ni yid dga' na/ /de yi bden pa'i tshig gis
163b3 na| |dbang chen char ni 'bab par shog /ces kyang smras so/ /de skad ces smras ma thag tu byang chub sems dpa'i mthus dbang chen gyi gnas kun tu g.yos so/ /lha rnams ni 'og
163b4 tu shes pa'i mthong ba 'jug ste/ ci las gyur snyam pa dang / byang chub sems dpa'i mthu yin bar mthong ngo / /de nas re zhig na lha'i dbang po brgya byin gyis gnas mal der dbang chen
163b5 gyi char phab nas phyir yang rtswa dang / gel pa dang / sman dang / me tog dang / 'bras bu phun sum tshogs par gyur to/ /de nas drang srong des dge ba'i bshes gnyen ri bong la brten
163b6 nas| de na gnas bzhin du mngon par shes pa lnga mngon sum du byas so/ /de nas drang srong des ri bong la smras pa/ kye ri bong / dka' ba byed pa dang / brtson pa dang / snying rje ba'i rang
163b7 bzhin 'dis ci zhig bsgrub par sems/ des smras pa/ 'jig rten long ba 'dren pa med cing yongs su 'dren pa med par sems can ma brgal ba rnams sgrol ba dang / ma grol ba rnams 'grol ba dang /
164a1 dbugs ma phyin pa rnams 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas drang
164a2 srong des tshig de thos nas ri bong la smras pa/ gang gi tshe khyod sangs rgyas su gyur pa de'i tshe/ bdag kyang dran par gyis shig /ri bong gis smras pa/ de ltar bya'o/ /bcom ldan 'das
164a3 kyis bka' stsal pa/ dge slong dag /ji snyam du sems/ de'i tshe de'i dus na ri bong du gyur pa gang yin pa de ni nga yin no/ /drang srong ni rigs kyi bu 'di kho na nyid yin no/ /dge slong
164a4 dag |de bas na 'di ltar bslab par bya ste/ dge ba'i bshes gnyen dang / dge ba'i grogs po dang / dge ba'i rten dang gnas par bya yi/ sdig pa'i bshes gnyen dang / sdig pa'i
164a5 grogs po dang / sdig pa'i rten dang gnas par mi bya'o zhes dge slong khyed kyis de ltar bslab par bya'o/ /de nas bcom ldan 'das la tshe dang ldan pa kun dga' bos 'di skad ces
164a6 gsol to/ /btsun pa/ 'dir bdag gcig pu dben par mchis nas nang du yang dag 'jog la zhugs pa na/ sems la 'di lta bu'i sems kyi yongs su rtog pa byung ste/ 'di lta ste/
164a7 dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa'i phyed lags kyi/ sdig pa'i bshes gnyen dang / sdig pa'i grogs po dang / sdig
164b1 pa'i rten ni de lta ma lags so snyam bgyid do/ /bcom ldan 'das kyis bka' stsal pa/ kun dga' bo khyod/ 'di lta ste/ dge ba'i bshes gnyen dang / dge ba'i grogs po dang / dge ba'i
164b2 rten 'di ni tshangs par spyod pa'i phyed yin gyi/ sdig pa'i bshes gnyen dang / sdig pa'i grogs po dang / sdig pa'i rten ni de lta ma yin no zhes ma zer zhig /de ci'i phyir zhe na/ kun dga'
164b3 bo| 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa ril po dang / ma 'dres pa dang / yongs su rdzogs pa dang / yongs
164b4 su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i rten ni de lta ma yin no/ /de ci'i phyir zhe na/ kun dga' bo/ dge ba'i
164b5 bshes gnyen la brten nas/ sems can skye ba'i chos can rnams skye ba'i chos can las yongs su grol bar 'gyur ba dang / sems can rga ba dang / na ba dang / 'chi ba dang / mya
164b6 ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams rga ba dang / na ba dang / 'chi ba dang / smre sngags 'don pa dang / sdug
164b7 bsngal ba dang / yid mi bde ba dang / 'khrug pa'i chos can las yongs su grol bar 'gyur ba'i phyir ro/ /kun dga' bo/ de bas na rnam grangs 'di kho nas khyod kyis 'di ltar rig par
165a1 bya ste/ 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa ril po dang / ma 'dres pa dang / yongs
165a2 rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i rten ni de lta ma yin no zhes kun dga' bo
165a3 khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par
165a4 bstod do// //chos tshol zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor
165a5 gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams
165a6 dang | mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang /
165a7 nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas
165b1 dang | gzims cha dang / gdan dang / snyun gsos dang / sman zod rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon
165b2 med zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin ni lugs kyis nang par sngar langs te/ bcom ldan 'das blta ba'i phyir song nas/ rang
165b3 gis lag dar te rgyal bu rgyal byed kyi tshal 'phyag par byed do/ /de nas phyi zhig na khyim bdag mgon med zas sbyin la brel bzhig byung ngo / /de nas bcom ldan 'das kyis sems can
165b4 bsod nams 'dod pa nams la bsod nams kyi gnas bstan pa'i phyir/ nyid kyis phyag dar te/ phyags ma bsnams nas rgyal bu rgyal byed kyi tshal 'phyag par mdzad do/ /nyan thos
165b5 chen po shA ri'i bu dang / mo'u dgal gyi bu dang / 'od srung dang / kun dga' bo dang / nam gru la sogs pas kyang bcom ldan 'das mthong nas/ phyag dar byed pa la zhugs so/ /de nas
165b6 bcom ldan 'das dang / nyan thos chen po rnams kyis rgyal bu rgyal byed kyi tshal phyags nas mdun khang du gshegs te/ dge slong gi dge 'dun gyi gung la gdan bshams pa la bzhugs
165b7 so| |bzhugs nas kyang bcom ldan 'das kyis dge slong rnams la bka' stsal pa/ dge slong dag /lnga po 'di dag ni phyag dar byed pa'i phan yon yin te/ lnga gang zhe na/ bdag nyid
166a1 sems dga' bar 'gyur ba dang / gzhan sems dga' bar 'gyur ba dang / lha rnams mgu bar 'gyur ba dang / mdzes par 'gyur ba'i dge ba'i rtsa ba gsog
166a2 pa dang / lus dang bral ba'i 'og tu bde 'gro mtho ris kyi 'jig rten du lha rnams kyi nang du skye ba'o/ /de nas mgon med zas sbyin yang phyogs der phyin nas des bcom ldan 'das nyan
166a3 thos chen po dag dang thabs gcig tu phyag dar te/ rgyal bu rgyal byed kyi tshal phyags so zhes de skad thos nas/ de 'di snyam du sems te/ gang du bcom ldan 'das nyan thos chen
166a4 po dag dang thabs gcig tu phyag dar te/ phyag dar mdzad pa de'i steng du bdag ji ltar 'gro snyam mo/ /de nas mgon med zas sbyin shin tu 'dzem zhing ngo tsha dang ldan pa'i sems kyis
166a5 de kho na'i gnas na sdod do/ /sangs rgyas bcom ldan 'das rnams ni mkhyen bzhin du 'dri ba ste/ bcom ldan 'das kyis dge slong rnams la 'di su zhig ces smras so/ /de nas dge
166a6 slong rnams kyis gsol pa/ btsun pa/ mgon med zas sbyin lags te/ bcom ldan 'das la shin tu 'dzem zhing ngo tsha ba dang ldan pa'i sems kyis 'di ltar bcom ldan 'das
166a7 nyan thos chen po dag dang thabs gcig tu phyag dar te/ rgyal bu rgyal byed kyi tshal phyag dar mdzad pas de'i steng du sug pas brdzis te/ bcom ldan 'das kyi thad du mchi bar mi
166b1 'tshal lags so/ /de nas bcom ldan 'das kyis de la bka' stsal pa/ khyim bdag /sangs rgyas bcom ldan 'das rnams ni chos la gus la dgra bcom pa rnams kyi bla ma ni chos yin
166b2 pas na/ sangs rgyas kyi bka' kha ton gyis la nang du shog cig /de nas mgon med zas sbyin tshigs su bcad pa brjod cing / bcom ldan 'das kyi thad du song ste phyin nas/ bcom ldan
166b3 'das kyi zhabs la phyag 'tshal te/ chos nyan pa'i phyir spyan sngar 'dug go /de nas bcom ldan 'das kyis chos kyi gtam gyis yang dag par bstan/ yang dag par 'dzin du bcug/
166b4 yang dag par gzengs bstod/ /yang dag par dga' bar mdzad do/ /de nas bcom ldan 'das kyis chos kyi gtam rnam grangs du mas yang dag par bstan/ yang dag par 'dzin du
166b5 bcug /yang dag par gzengs bstod/ /yang dag par dga' bar mdzad nas/ bcom ldan 'das kyi thad nas song ngo / /de nas dge slong dag the tshom skyes te/ the tshom thams cad
166b6 gcod pa sangs rgyas bcom ldan 'das la zhus pa/ btsun pa/ bcom ldan 'das chos la zhes skyes shing gus pa skyes te/ chos kyi bsngags pa 'ba' zhig gsung ba ngo mtshar lags
166b7 so| |bcom ldan 'das kyis bka' stsal pa/ dge slong dag /da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga
167a1 ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba/
167a2 thams cad mkhyen pa/ rnam pa thams cad mkhyen pa/ ye shes dang / shes bya thams cad la mnga' brnyes zin pa'i tshe/ chos la zhes skyes shing gus pa skyes te/ chos kyi bsngags pa
167a3 'ba' zhig brjod pa 'di lta la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na
167a4 ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba'i tshe yang ngas chos kyi phyir
167a5 rang gi srog yongs su gtong ba byas pa de legs par rab tu nyon la yid la zungs shig dang ngas bshad do/ /dge slong dag /sngon byung ba 'das pa'i dus na grong khyer wA ra NA si
167a6 na rgyal po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa
167a7 dang | 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan
167b1 par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de'ang dad pa dang ldan la dge zhing bsam pa bzang ba/ bdag la
167b2 phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags
167b3 pa med par yongs su gtong ba/ gtong ba chen po la gnas pa zhig go /de nas de phyi zhig na/ btsun mo dang lhan cig tu rtse zhing dga' la dga' mgur spyod do/ /de rtse zhing dga' la
167b4 dga' mgur spyod pa las phyi zhig na btsun mo de la bu chags nas/ legs par gsungs pa mnyan par bya'o snyam du yid la 'dod pa skyes te/ des rgyal po la gsol to/ /rgyal pos
167b5 kyang ltas mkhan rnams bkug ste smras na/ de dag gis kyang / lha|sems can de'i mthu lags so zhes gsol to/ /de nas rgyal po des legs par gsungs pa smra ba btsal
167b6 ba'i phyir/ gser bye ba thogs te grong dang / grong rdal dang / yul 'khor dang / rgyal po'i pho brang 'khor dag tu bskor na/ 'on kyang legs par gsungs pa de ma rnyed nas/ re zhig na
167b7 zla ba dgu tshang ba dang bu byung ste/ khye'u gzugs bzang zhing blta na sdug la mdzes pa/ mdog bzang ba/ gser gyi kha dog can/ mgo bo gdugs ltar 'dug pa/ lag pa ring ba dpral
168a1 ba'i dbyes che ba/ sna mtho ba/ sna legs pa/ smin ma stug pa/ yan lag dang / nying lag thams cad dang ldan pa zhig btsas so/ /de btsas pa'i tshe btsas
168a2 ston byas nas/ khye'u'i ming ji skad gdags zhes ming 'dogs par byed de/ blon po rnams na ri/ khye'u 'di ma btsas bzhin du legs par gsungs pa tshol bas na/ de'i phyir
168a3 khye'u'i ming legs par gsungs pa tshol ba zhes bya'o zhes zer nas/ de'i ming legs par gsungs pa tshol ba zhes btags so/ /de nas khye'u legs par gsungs pa tshol ba
168a4 pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ ma ma brgyad
168a5 kyis 'o ma dang / zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye
168a6 drag par gyur to/ /de gang gi tshe cher skyes pa de'i tshe'ang legs par gsungs pa btsal te ma rnyed do/ /de nas de pha shi ba'i 'og tu rgyal por bcug nas/ blon po rnams la bsgo ba/
168a7 yul gyi gtso bo dag /nga la legs par gsungs pa dgos kyi/ nga'i legs par gsungs pa tshol cig ces byas so/ /de nas blon po de dag gis legs par gsungs pa btsal
168b1 ba'i phyir/ 'dzam bu gling thams cad du gser bye ba bstan kyang legs par gsungs pa ma rnyed do/ /de nas de dag gis rgyal po la gsol so/ /de nas rgyal po de legs par gsungs pa
168b2 nyan par 'dod pa'i phyir gdung zhing yi chad do/ /lha'i dbang po brgya byin ni 'og ma la shes pa'i mthong ba 'jug ste/ des rgyal po legs par gsungs pa mthos pas phongs pa mthong
168b3 nas| de 'di snyam du sems te/ bdag gis rgyal po bag par bya'o snyam mo/ /de nas lha'i dbang po brgya byin gnod sbyin gyi cha lugs rkang lag dang / mig mi sdug pa zhig tu bsgyur
168b4 nas| rgyal po'i mdun du tshigs su bcad pa smras pa/ legs spyod chos ni spyad par bya/ /nyes par spyod pa de mi bya/ /'jig rten 'di dang pha rol tu/ /chos spyod bde la rten par 'gyur/ /
168b5 de nas rgyal po ya mtshan du gyur nas mdangs phyung ste/ gnod sbyin la smras pa/ gsang ba pa/ tshigs su bcad pa de bdag gis mnyan gyis gsungs gsungs/ de nas gnod sbyin
168b6 gyis rgyal po la smras pa/ gal te bdag ji skad mchi ba bzhin du khyod kyis mdzad na ni/ de'i 'og tu bdag gis kyang / bka' ci stsal pa bzhin du bgyi'o/ /rgyal pos smras pa/ bdag
168b7 la bka' stsal pa ci mchis/ gnod sbyin gyis smras pa/ nyin mtshan bdun gyi bar du seng ldeng gi shing gis me sbar nas/ gal te der bdag nyid kyis mchong sbyod na ni de'i 'og
169a1 tu khyod la bdag gis tshigs su bcad pa'ang bzlas par bgyi'o/ /rgyal pos de skad thos nas sems dga' bar gyur te/ gnod sbyin de la smras pa/ de
169a2 ltar bgyi'o/ /de nas rgyal pos gnod sbyin dam gyi 'og tu bcug nas/ yul thams cad du dril bsgrags te deng nas zhag bdun na rgyal po legs par gsungs pa mnyan pa'i
169a3 phyir me dong du bdag nyid mchong bar chad kyi/ khyed kyi nang nas gang rmad du byung ba mthong 'dod pa de dag 'dir shog cig ces byas so/ /de nas byang chub sems dpa'i lhag pa'i
169a4 bsam pa rnam par dag pa khong du chud par 'dod pa dang / rmad du byung ba blta ba'i phyir mi 'bum phrag du ma 'dus pa dang / nam mkha' la lha 'bum phrag du ma 'dus te 'khod
169a5 pa'i nang du gnod sbyin de nam mkha' la 'phags nas/ byang chub sems dpa' la smras pa/ rgyal po chen po/ ji ltar dam bcas pa bzhin du mdzod cig /de nas rgyal po bu thu bo
169a6 rgyal por dbang bskur nas blon po rnams dang / grong rdal gyi mi rnams dang / yul gyi mi rnams la nyes pa bshags te/ skye bo'i tshogs rnams dbugs phyung nas me dong gi
169a7 drung du song ste/ tshigs su bcad pa 'di smras so/ /nga ni chos phyir me 'bar nyi ma khrag mdog 'dra ba'i mdag ma'i dong / /shas cher 'jigs byed nad du mchong bar sems nges
169b1 srog phyir 'jigs pa med/ /me dong 'di ni bdag gi bsod nams mthu yis rdzing bu rab bzang ba/ /tsan+dan 'dam gyis bsgos pa'i chu bsil pad+mas gang bar 'gyur yang dag /byang
169b2 chub sems dpas de skad ces smras nas/ me dong de'i nang du mchongs so/ /mchongs ma thag tu de'i me'i dong de rdzing bu zhig tu gyur to/ /de nas lha'i dbang po brgya byin gyis lha dang / mi
169b3 dad par byed pa'i cho 'phrul rmad du byung ba de mthong nas/ gnod sbyin gyi gzugs mi snang bar byas te/ rang gi gzugs su 'dug nas tshigs su bcad pa smras pa/ legs spyod chos ni spyad
169b4 par bya/ /nyes par spyod pa de mi bya/ /'jig rten 'di dang pha rol du/ /chos spyod bde la rten par 'gyur/ /de nas byang chub sems dpas tshigs su bcad pa de yid la bzung nas/ gser
169b5 gyi glegs bam la bris te/ 'dzam bu'i gling thog thag tu grong dang / grong rdal dang / yul 'khor dang / rgyal po'i pho brang 'khor kun tu bskor to/ /bcom ldan 'das kyis bka' stsal pa/
169b6 dge slong dag /ji snyam du sems/ de'i tshe de'i dus na rgyal por gyur pa gang yin pa de ni nga yin te/ de'i tshe'ang ngas legs par gsungs pa mnyan pa'i phyir rang gi srog yongs su btang
169b7 na da ltar lta ci smos/ dge slong dag /de bas na 'di ltar bslab par bya'o chos la bkur stir bya'o/ /bla mar bya'o/ /ri mor bya'o/ /mchod pa bya'o/ /chos la bkur stir byas/ bla mar
170a1 byas| ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka'
170a2 stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mgon med zas sbyin zhes bya ba ni/ sangs rgyas bcom ldan
170a3 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang /
170a4 klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar
170a5 byas| ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes
170a6 pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes
170a7 pa| nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas bcom ldan 'das
170b1 snga dro sham thabs dang / chos gos gsol te/ lhung bzed bsnams nas mnyan du yod par bsod snyoms la gshegs so/ /de nas re zhig na mthar gyis gshegs te/ lam po cher
170b2 zhugs pa dang / bram ze zhig kyang lam po che der 'ongs so/ /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad
170b3 bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas
170b4 kyang shin tu yun ring du brtags nas sa la ri mo bris te/ bcom ldan 'das la gsol pa/ kye go'u ta ma/ bdag la kAR+ShA pa NA lnga brgya ma stsal gyi bar du khyod kyis ri mo 'di mi 'da' bar
170b5 gsol/ de nas bcom ldan 'das kyis las chud mi za bar bstan pa dang / ma byin par len pa las bzlog pa'i phyir/ sgo skyes btsugs pa bzhin du gshegs so/ /de nas mnyan du yod
170b6 pa thog thag tu bcom ldan 'das lam po cher bram ze zhig gis kAR+ShA pa NA lnga brgya'i phyir 'gror ma ster ro zhes de skad du gtam grags par gyur to/ /de nas ko sa la'i rgyal po gsal
170b7 rgyal gyis thos ma thag tu blon po'i tshogs kyis zham ring byas nas/ bcom ldan 'das ga la ba der song ste phyin nas/ bcom ldan 'das la 'di skad ces gsol to/ /bdag gis
171a1 stsal gyi/ bcom ldan 'das/ gshegs su gsol/ bcom ldan 'das kyis bka' stsal pa/ rgyal po chen po/ de dag ni khyod kyis sbyin par bya ba ma yin gyi/
171a2 de dag ni gzhan zhig gis sbyin dgos so/ /de bzhin du ri dwags 'dzin gyi mas ga dang / btsun mo'i 'khor gyi bla drang srong sbyin dang / gna'i mi dang / brgya byin dang / tshangs pa la
171a3 sogs pa lha rnams dang / rnam thos kyi bu la sogs pas kyang gser dngul khyer te/ bcom ldan 'das kyi thad du song na de dag la'ang bcom ldan 'das kyis de dag ni khyed
171a4 kyis kyang sbyin par bya ba ma yin no zhes bka' stsal to/ /de nas re zhig na khyim bdag mgon med zas sbyin gyis thos nas gser gyi gzhong pa gser dngul gyis bkang pa'i steng du kAR+ShA
171a5 pa NA lnga brgya bzhag ste/ bcom ldan 'das kyi thad du song nas/ bcom ldan 'das 'di bzhes su gsol zhes byas so/ /bcom ldan 'das kyis bka' stsal pa/ khyim bdag 'di
171a6 dag ni khyod kyis sbyin par bya ba yin gyi/ bram ze la byin cig /de nas khyim bdag mgon med zas sbyin gyis gser gyi gzhong pa gang ba de bram ze de la byin no/ /de nas dge slong de
171a7 dag the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das bram ze 'dis bcom ldan 'das kyang gshegs su ma ster nas
171b1 mgon med zas sbyin gyis kAR+ShA pa NA stsal ba la gzigs/ bcom ldan 'das/ ji srid gcig nas 'di'i bu lon chags lags/ bcom ldan 'das kyis bka' stsal pa/ dge slong dag
171b2 khyed nyan par 'dod dam/ btsun pa/ nyan par 'tshal lags so/ /dge slong dag /'o na legs par rab tu nyon la yid la zungs shig dang ngas bshad do/ /dge slong dag /sngon byung ba 'das
171b3 pa'i dus na/ grong khyer wA ra NA si na rgyal po tshangs pas byin zhes bya brgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang
171b4 pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba
171b5 lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du/ rgyal srid bskyangs so/ /de nas phyi zhig na de'i bu rab rgyal tshab byed pa de dpyid
171b6 kyi dus gyi tshe shing rnams me tog rgyas shing / ngang pa dang / dur pa dang / rma bya dang / ne tso dang / ri skegs dang / khu byug dang / shang shang te'u rnams skad 'byin pa'i nags khrod na blon
171b7 po'i bu rnams kyis g.yog byas te/ rtse zhing dga' la dga' mgur spyod do/ /de'i grogs po blon po'i bu zhig yod pa de rgyan pa'i mi gzhan zhig dang lhan cig tu cho los rtses pa las
172a1 blon po'i bu de mi des kAR+ShA pa NA lnga brgyas pham par byas nas/ rgyal po'i bus kyang de'i gnya' byas pa las de mthu dang ldan te/ nga ni rgyal po'i bu'o snyam
172a2 nas ma byin no/ /dge slong dag/ ji snyam du sems/ de'i tshe de'i dus na/ rgyal po'i bur gyur ba gang yin pa de ni nga yin no/ /blon po'i bu ni khyim bdag mgon med zas sbyin yin
172a3 no| |rgyan po byed pa de ni bram ze 'di kho na yin te/ ngas gnya' byas pa las nga ni rgyal po'i bu yin no snyam nas/ rgyan po byed pa de la kAR+ShA pa NA ma byin pa nga des na 'khor pa na longs
172a4 sbyod kyis phongs pa mtha' yas pa myong la/ da ltar byang chub mngon par rdzogs par sangs rgyas pa na'ang 'dis bu lon bdas so/ /dge slong dag /de ltar na las gcig tu nges
172a5 par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar pa rnams ni rnam par smin pa'ang gcig tu nges par
172a6 dkar bar 'gyur ro/ /las 'dren ma rnams ni rnam par smin pa'ang 'dren mar 'gyur ro/ /dge slong dag /de bas na las gcig tu nges par gnag pa rnams dang / 'dren
172a7 ma rnams spangs la/ las gcig tu nges par dkar ba rnams 'ba' zhig la gtad par bya'o/ /ma byin par len pa spangs pa la'ang 'bad par bya ste/ ci nas de lta bu'i
172b1 nyes par mi 'gyur bar dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis
172b2 gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bcu pa/ rab bzang zhes bya ba ni/ sangs rgyas bcom ldan 'das
172b3 la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu
172b4 rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/
172b5 ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes
172b6 pa'i sangs rgyas bcom ldan 'das bsod nams chen po dang ldan pa/ na bza' dang / zhal bas dang / gzims chad dang / gdan dang / snyun gsos dang / sman zong rnams brnyes
172b7 pa| nyan thos kyi dge 'dun dang bcas pa grong khyer ku shin gyad kyi nyen 'khor shing sA la zung gi tshal na bzhugs so/ /de nas bcom ldan 'das yongs su mya ngan las 'da' ba
173a1 kho na'i dus kyi tshe/ tshe dang ldan pa kun dga' bo la bka' stsal pa/ kun dga' bo/ de bzhin gshegs pa ni do nub nam phyed na phung po lhag ma med pa'i
173a2 mya ngan las 'das pa'i dbyings su yongs su mya ngan las 'da' bar gyur gyi/ shing sA la zung bi bar du de bzhin gshegs pa'i gzims khro shoms la/ sngas byang phyogs su ston
173a3 cig |de nas btsun pa/ de ltar 'tshal lo zhes gsol te/ kun dga' bos bcom ldan 'das kyis bka' stsal pa mnyan nas/ sA la zung gi bar du gzims khro bshams
173a4 te| sngas byang phyogs su bstan nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te/ phyogs gcig tu 'dug go /
173a5 phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa/ de bzhin gshegs pa'i gzims khri sA la zung gi bar du
173a6 bshams te/ sngas byang phyogs su bstan lags so/ /de nas bcom ldan 'das gzims khri ga la ba der gshegs te byon nas/ glo g.yas phyogs kyis gzims te zhabs
173a7 gshibs nas snang ba'i 'du shes dang / dran pa dang / shes bzhin dang ldan zhing / mya ngan las 'das pa'i 'du shes 'ba' zhig thugs la dgongs so/ /de'i tshe grong khyer ku
173b1 shin kun tu rgyur ba bzang zhes bya ba zhig 'dug ste/ de rgas te rnyis shing 'khogs la skyes nas lo brgya nyi shu lon te/ grong khyer ku shi na 'khod pa'i gyad yul ba rnams kyis bkur stir byas/
173b2 bla mar byas/ ri mor byas/ mchod pa byas te dgra bcom par 'dzin to/ /de nas kun tu rgyu rab bzang gis dge sbyong go'u ta mdo nub nam phyed na phung po'i lhag ma med pa'i mya ngan las
173b3 'das pa'i dbyings su yongs su mya ngan las 'da' bar 'gyur ro zhes thos nas/ de 'di snyam du sems te/ bdag chos rnams la som nyi'ang yod/ the tshom yang yod la/ go'u ta
173b4 ma des bdag gi som nyi de bsal bar nus pa'i re ba'ang bdag la yod do snyam nas/ thos ma thag tu grong khyer ku shir song ste sA la zung ga la ba der song ngo / /de'i tshe tshe dang ldan
173b5 pa kun dga' bo gtsug lag khang gi phyi rol gyi thang gi 'chags nas 'chag cing 'dug pa kun tu rgyu rab bzang gis mthong ngo / /tshe dang ldan pa kun dga' bo rgyang nas mthong nas/ tshe
173b6 dang ldan pa kun dga' bo ga la ba der song ste phyin nas/ tshe dang ldan pa kun dga' bo dang mngon sum du yang dag par mgu bar 'gyur ba dang / yang dag par dga' bar 'gyur
173b7 ba'i gtam rnam pa sna tshogs kyis 'dres nas phyogs gcig tu sdod do/ /phyogs gcig tu bsdad nas/ kun tu rgyu rab bzang gis tshe dang ldan pa kun dga' bo la 'di skad ces
174a1 smras so/ /kye kun dga' bo/ dge sbyong go'u ta ma do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan
174a2 las 'da' bar 'gyur ro zhes bdag gis thos te/ /bdag chos rnams la som nyi'ang mchis/ the tshom yang mchis la/ go'u ta ma des bdag gi som nyi de bsal bar nus
174a3 pa'i re ba'ang bdag la mchis na/ kun dga' bo/ gal te khyod la yang gnod pa ma mchis la gal te zhu ba lung bstan pa'i slad du skabs 'byed pa lta na/ bdag nang du mchis
174a4 te phyogs 'ga' zhig zhu'o/ /kun dga' bos smras pa/ rab bzang / bcom ldan 'das sku mnyel te/ bde bar gshegs pa sku'o brgyal gyi/ rab bzang / thongs la/ bcom
174a5 ldan 'das la gnod pa ma byed cig /lan gnyis lan gsum gyi bar du'ang kun tu rgyu rab bzang gis tshe dang ldan pa kun dga' bo la 'di skad ces smras so/ /kye kun dga' bo/
174a6 dge sbyong go'u ta ma do nub na ma phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes bdag gis thos te/ bdag
174a7 chos rnams la som nyi'ang mchis/ the tshom yang mchis la/ go'u ta ma des bdag gi so ma nyi de bsal bar nus pa'i re ba'ang bdag la mchis na/ kun dga' bo/ gal
174b1 te khyod la'ang gnod pa ma mchis la/ gal te zhu ba lung bstan pa'i slad du skabs 'byed pa lta na/ bdag nang du mchis te phyogs 'ga' zhig zhu'o/ /lan gnyis lan gsum gyi bar
174b2 du yang tshe dang ldan pa kun dga' bos kun tu rgyu rab bzang la 'di skad ces smras so/ /rab bzang / bcom ldan 'das sku mnyel te/ bde bar gshegs pa sku 'o brgyal gyi/ rab
174b3 bzang / thong la/ bcom ldan 'das la gnod pa ma byed cig ces byas kyang kun tu rgyu rab bzang gis yang / tshe dang ldan pa kun dga' bo la 'di skad ces smras so/ /kye kun dga' bo/
174b4 nga'i kun tu rgyu rgas shing 'khogs pa'i sde tshan gyi slob dpon chen po dag las bdag gis thos na/ de bzhin gshegs pa dgra bcom pa yang dag par rdzogs pa'i sangs rgyas
174b5 rnams ni brgya lam brgya lam na 'jig rten du 'byung bar zad de/ dper na/ u du ma wA ra'i me tog dang 'dra'o zhes grag la/ go'u ta ma de'ang do nub nam phyed na phung po'i lhag
174b6 ma med pa'i mya ngan las 'das pa'i dbyings su yongs su mya ngan las 'da' bar 'gyur na/ bdag chos rnams la som nyi'ang mchis/ the tshom yang mchis la/ go'u ta ma des
174b7 bdag gi som nyi de bsal bar nus pa'i re ba'ang bdag la mchis na/ kun dga' bo/ gal te khyod la'ang gnod pa ma mchis la/ gal te zhu ba lung bstan pa'i slad du skabs
175a1 'byed pa lta na bdag nang du mchis te phyogs 'ga' zhig zhu'o/ /de nas yang tshe dang ldan pa kun dga' bos kun tu rgyu rab bzang la 'di skad ces smras so/ /
175a2 rab bzang / bcom ldan 'das sku mnyel te/ bde bar gshegs pa sku 'o brgyal gyi/ rab bzang / thongs la/ bcom ldan 'das la gnod pa ma byed cig /de nas tshe dang
175a3 ldan pa kun dga' bo kun tu rgyu rab bzang dang skabs su gtam glengs pa de/ bcom ldan 'das kyis lha'i snyan rnam par dag pa mi las 'das pas gsan to/ /gsan nas
175a4 kyang tshe dang ldan pa kun dga' bo la 'di skad ces bka' stsal to/ /kun dga' bo/ de skad ma zer bar kun tu rgyu rab bzang ma dgag par nang du thong la/ ci dang / ci 'dod pa
175a5 'drir chug cig /'di ni nga'i gzhan mu stegs can kun tu rgyu dag dang skabs su gtam gleng ba'i tha ma yin no/ /'di lta ste/ kun tu rgyu rab bzang 'di ni nga'i mngon sum gyi
175a6 nyan thos rnams la/ dge slong tshur shog /tshangs par spyod cig ces bya ba'i tha ma'ang yin no/ /de nas kun tu rgyu rab bzang bcom ldan 'das kyis skabs phye nas/ dga'
175a7 zhing mgu la rab tu dga' ste/ yi rangs nas dga' ba dang / yid bde ba skyes pas/ bcom ldan 'das ga la ba der song ste phyin nas/ bcom ldan 'das dang mngon sum
175b1 du yang dag par mgu bar 'gyur ba dang / yang dag par dga' bar 'gyur pa'i gtam rnam pa sna tshogs kyis 'dres nas/ phyogs gcig tu 'dug go /phyogs gcig tu 'dug
175b2 nas bcom ldan 'das la kun tu rgyu rab bzang gis 'di skad ces gsol to/ /kye go'u ta ma/ 'jig rten na mu stegs can gyi gnas tha dad pa/ 'di lta ste/ 'od srung rdzogs byed
175b3 dang | kun tu rgyu gang lhas kyi bu dang / smrar 'dod kyi bu mo'i bu yang dag rgyal ba can dang / thub med skra'i la ba can dang / ka t+ya'i bu nog can dang / gcer bu pa gnyen gyi bu dang /
175b4 'di rnams rang rang gi dam bcas brtogs pa lags sam/ de nas bcom ldan 'das kyis de'i tshe tshigs su bcad pa de gsungs pa/ nga ni lo grangs nyi shu dgu lon na/ /dge ba
175b5 gang yin tshol phyir rab tu byung / /rab bzang nga ni rab tu byung nas kyang / /de yi phyin chad lo ni lnga bcu gcig /tshul khrims ting 'dzin rkang pa reg pa rnams/ /ngas ni rtse gcig sems
175b6 kyis rab tu bsgoms/ /rigs pa'i chos kyi phyogs tsam smra ba yang / /'di las phyi rol dge sbyong gzhan la'ang med/ /rab bzang / chos 'dul ba gang la 'phags pa'i lam yan lag
175b7 brgyad pa med pa de la ni dge sbyong dang po'ang med do/ /de la ni dge sbyong gnyis pa dang / gsum pa dang / bzhi pa'ang med do/ /rab bzang / chos 'dul ba gang la 'phags pa'i
176a1 lam yan lag brgyad pa yod pa de la ni dge sbyong dang po'ang yod do/ /dge sbyong gnyis pa dang / gsum pa dang / bzhi pa'ang yod do/ /rab bzang /
176a2 chos 'dul ba 'di la ni 'phags pa'i lam yan lag brgyad pa yod pas na/ dge sbyong dang po'ang 'di la yod do/ /gnyis pa'ang 'di la yod do/ /gsum pa'ang yod do/ /
176a3 bzhi pa'ang 'di la yod do/ /'di la sa phyi rol pa la ni dge sbyong dang / bram ze med la/ phas kyi rgol bdag ni dge sbyong rnams dang / bram ze rnams kyis stong ste/ nga ni 'dir
176a4 'khor gyi nang du de skad ces yang dag par seng ge'i sgra sgrogs so/ /chos kyi rnam grangs 'di bshad pa na kun tu rgyu rab bzang chos rnams la chos kyi mig rdul med cing dri ma
176a5 dang bral ba skyes te/ kun tu rgyu rab bzang gis chos mthong / chos rnyed/ chos rtogs/ chos kyi gting slebs/ som nyi las brgal/ the tshom las brgal nas/ ston pa'i bstan
176a6 pa la gzhan gyi dring mi 'jog cing / gzhan gyis bkri ba med de/ chos rnams la mi 'jigs pa thob nas stan las langs te bla gos phrag pa gcig tu gzar nas/ bcom
176a7 ldan 'das ga la ba de logs tu thal mo sbyar ba btud de/ tshe dang ldan pa kun dga' bo la 'di skad ces smras so/ /btsun pa kun dga' bo/ slob dpon chen pos slob dpon
176b1 chen po'i nye gnas kyi dbang bskur bas dbang bskur ba de ni/ btsun pa kun dga' bos rnyed pa legs par rnyed do/ /gcig tu na bdag gis kyang legs par gsungs pa'i chos 'dul
176b2 ba la rab tu 'byung ba dang / bsnyen par rdzogs shing dge slong gi dngos po thob par 'gyur ba de ni rnyed pa legs par rnyed pa lags so/ /de nas bcom ldan 'das la tshe dang ldan
176b3 pa kun dga' bos 'di skad ces gsol to/ /btsun pa/ kun tu rgyu rab bzang 'di ni legs par gsungs pa'i chos 'dul ba la rab tu byung ba dang / bsnyen par rdzogs shing dge
176b4 slong gi dngos por 'gyur bar 'tshal lags so/ /de nas bcom ldan 'das kyis kun tu rgyu rab bzang la bka' stsal pa/ dge slong tshur shog /tshangs par spyad pa spyod cig /de nas de
176b5 nyid kyis tshe dang ldan pa de rab tu byung bar gyur te/ bsnyen par rdzogs pa'ang de yin la dge slong gi dngos po'ang de yin no/ /de ltar rab tu byung nas/ tshe dang ldan pa de gcig pu dben
176b6 par 'dug ste/ bag yod cing brtun la bcum nas gnas te/ gang gi phyir rigs kyi bu dag skra dang kha spu bregs nas gos tshon can bgos te/ yang dag par dad pa kho nas khyim
176b7 nas khyim med par rab tu 'byung bar byed pa'i tshangs par spyod pa bla na med pa'i mthar thug pa de tshe 'di nyid la rang gi mngon par shes pas mngon sum du byas nas bsgrubs te
177a1 khong du chud la bdag gi skye ba ni zad do/ /tshangs par spyod pa ni spyad zin to/ /bya ba ni byas so/ /'di la srid pa gzhan mi shes so snyam du kun shes par gyur
177a2 nas| tshe dang ldan pa de dgra bcom par gyur te sems rnam par grol lo/ /de nas tshe dang ldan pa rab bzang dgra bcom pa thob ste/ rnam par grol ba'i dga' ba dang / bde ba
177a3 nyams su myong nas 'di snyam du sems te/ bdag gis ston pa yongs su mya ngan las 'da' ba mthong bar bya ba ni bdag gi cha ma yin gyi/ de bas ches sngar bdag yongs su mya
177a4 ngan las 'da' bar bya gor ma chag snyam nas/ der tshe dang ldan pa rab bzang ches sngar yongs su mya ngan las 'das nas/ de'i 'og tu bcom ldan 'das mya ngan las 'das
177a5 so| |gang gi tshe bcom ldan 'das gzims mal gyi tha mar bzhugs te/ gnad la gnod pa'i tshor ba myong zhing gnad rnams 'chad la tshigs rnams 'bye ba na rab bzang dgra
177a6 bcom pa nyid la bzhag pa dang / grong khyer ku sha'i gyad yul ba mang po chos la btsud pa de'i tshe/ dge slong dag the tshom skyes te/ the tshom thams cad gcod pa sangs rgyas
177a7 bcom ldan 'das la zhus pa/ btsun pa/ kun tu rgyur ba bzang 'di bcom ldan 'das gnad rnams 'chad cing tshigs rnams 'bye ba na/ 'khor ba'i spu gu las bkrol
177b1 te| gzha' gsang gi mthar thug pa'i grub pa dang / bde ba mya ngan las 'das pa la bzhag pa ni ngo mtshar lags so/ /bcom ldan 'das kyis bka' stsal pa/ dge slong dag /
177b2 da ltar nga 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang /
177b3 sdug bsngal ba dang / yid mi bde ba dang / 'khrug pa rnams las yongs su grol ba'i tshe/ ngas kun tu rgyu rab bzang 'khor ba'i spu gu las bkrol nas/ gzha' gsang gi
177b4 mthar thug pa'i grub pa dang / bde ba mya ngan las 'das pa la bzhag pa 'di lta la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang
177b5 bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang /
177b6 'khrug pa rnams las yongs su ma grol ba na/ bya mi bya mi shes pa'i dud 'gro'i skye gnas su skyes pa'i tshe'ang nas rang gi srog yongs su btang ste/ kun tu rgyu rab bzang
177b7 dang | grong khyer ku sha'i gyad yul ba rnams 'jigs pa las 'jigs pa med pa la bkod pa de lags par rab tu nyon la yid la zungs shig dang ngas bshad do/ /dge slong
178a1 dag |sngon byung ba 'das pa'i dus na/ ri'i sul zhig na ri dwags kyi khyu'i gtso bo ri dwags stong phrag du ma'i 'khor dang ldan pa/ mkhas shing gsal
178a2 la yid gzhungs pa zhig 'dug pa las/ ri dwags kyi khyu de rngon pas bya ra byas nas rgyal po la gsol to/ /de nas rgyal po dpung gi tshogs yan lag bzhi pa dang chas te/ ri
178a3 dwags kyi khyu de dag thams cad khongs su bcug go /de nas khyu'i gtso bo de 'di snyam du sems te/ gal te bdag gis 'di rnams dam bsrungs na ni/ deng du 'di dag gtan
178a4 med par 'ong ngo snyam mo/ /de nas khyu'i gtso bos kho ra khor yug tu bltas te/ ri dwags kyi tshogs 'di dag phyogs gang logs nas thar bar 'gyur zhig gu snyam mo/ /des
178a5 ri'i sul de na chu klung 'bab pa zhig mthong ste/ chu klung de'ang shugs drag cing drag tu khyer bar byed pa zhig yin la/ ri dwags de dag kyang nyam chung ba sha stag go /de nas
178a6 khyu'i gtso bo de tsham tshom med par chu klung de'i nang du zhugs te/ dbus su sdod nas khyed tshur shog la 'gram 'di nas mchongs te nga'i rgyab tu rkang lag gi stegs chos la
178a7 pha rol gyi 'gram du song zhig dang / thabs des na khyed thar par mthong gi /de ltar ma byas na ni 'chi bar 'gyur ro zhes skad kyis pos so/ /de nas ri dwags de dag gis de bzhin
178b1 du byas so/ /de nas de'i rgyab tu rmig pa btsugs pas lpags pa rdol nas/ sha dang / khrag dang / rus pa'i lhag ma tsam zhig lus par zad de/ 'on kyang de ri dwags de dag la
178b2 snying rje btud pas brtson pa ma btang ngo / /de nas ri dwags thams cad brgal ba'i 'og tu 'dir ma brgal ba 'ga' lta med grang snyam ste phyir bltas na/ ri dwags kyi phru gu gcig
178b3 da dung ma brgal ba mthong ngo / /de nas khyu'i gtso bo de gnad rnams 'chad cing tshigs rnams 'bye ba na/ srog phangs pa la ma bltas te/ 'gram du byung nas ri dwags kyi phru gu rgyab
178b4 du zhon te chu klung bsgral nas 'gram du bzhag ste/ de ri dwags kyi tshogs de dag brgal zin par mthong nas 'chi khar smon lam btab pa/ ji ltar bdag gis ri dwags 'di rnams
178b5 dang | ri dwags kyi phru gu 'di srog phangs pa bskyabs te/ phongs pa las skyabs byas pa de bzhin du bdag ma 'ongs pa'i dus na bla na med pa yang dag par rdzogs pa'i byang chub mngon
178b6 par rdzogs par sangs rgyas pa na yang 'khor ba'i sbu gu las thar bar byed par gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe
178b7 de'i dus na ri dwags kyi khyu'i gtso bor gyur pa gang yin pa de ni nga yin no/ /ri dwags rnams ni grong khyer ku sha'i gyad yul pa 'di rnams yin no/ /ri dwags kyi phru gu de ni rab bzang 'di
179a1 kho na yin no/ /de nas dge slong rnams the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ rab
179a2 bzang gis las ci dag bgyis na des mngon sum gyi nyan thos rnams kyi tha mar gyur lags/ bcom ldan 'das kyis bka' stsal pa/ dge slong dag /rab bzang nyid kyis
179a3 sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las rnams byas shing bsags pas na/
179a4 rab bzang gis las byas shing bsags pa rnams gzhan du zhig gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i
179a5 khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags
179a6 pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud
179a7 mi za/ /tshogs shing dus la bab ba na/ /'bras bu nyid du smin par 'gyur/ /dge slong dag /sngon byung ba 'das pa'i dus na bskal pa bzang po'i de nyid la skyed gu'i tshe lo nyi khri thub pa
179b1 na| de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha
179b2 lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA si na ri dwags kyi nags drang
179b3 srong smra ba na rten cing bzhugs so/ /de nas bcom ldan 'das yang dag par rdzogs pa'i sangs rgyas 'od srung gi dpon po mya ngan med ces bya ba thar pa 'dod pa'i phyir/ bcom ldan
179b4 'das las rab tu byung nas/ de thar pa la rang dbang yod pa tsam du 'dzin te/ brtson 'grus ma byas so/ /re zhig na yun ring mo zhig lon pa'i 'og tu mya ngan med kyis ljongs
179b5 su dbyar gnas pa dam bcas so/ /bcom ldan 'das yang dag par rdzogs pa'i sangs rgyas 'od srung yang sangs rgyas kyi 'phrin las thams cad mdzad nas/ shing zad pa'i me
179b6 bzhin du gzims mal gyi tha mar zhugs so/ /dge slong mya ngan med kyang shing mya ngan 'tshang gi drung na nang du yang dag 'jog la zhugs so/ /de nas shing mya ngan 'tshang de la
179b7 gnas pa'i lha des bcom ldan 'das yang dag par rdzogs pa'i sangs rgyas 'od srung yongs su mya ngan las 'da'o zhes thos nas du zhing 'dug ste/ de du ba'i mchi ma zags
180a1 pa mya ngan med kyi lus la bab bo/ /de nas mya ngan med kyis gyen du bltas nas/ lha du ba de la smras pa/ lha ci'i phyir du/ lhas smras pa/ do nub nam phyed
180a2 na| bcom ldan 'das yang dag par rdzogs pa'i sangs rgyas 'od srung yongs su mya ngan las 'da'o/ /de nas mya ngan med kyis lha'i tshig thos nas/ gnad du phog pa bzhin du
180a3 yed ces byas te/ de'ang snying rje rje skad du dus so/ /de nas lhas dris pa/ khyod ci'i phyir du/ mya ngan med kyis smras pa/ nye du dang bral ba dang / mkhan po dang bral ba'i phyir
180a4 te| yang dag par rdzogs pa'i sangs rgyas 'od srung ni bdag gi zhang po yin pas/ bdag bsod nams su 'dug 'dug ste/ brtson 'grus ma byas so/ /da ni de lam rings
180a5 la bdag ni so so'i skye bor lus te/ lam rings pas bdag gis khyad par thob par mi nus so/ /lhas smras pa/ gal te bdag gis bcom ldan 'das kyi thad du khyod
180a6 bkri na/ ci khyad par thob par nus sam/ mya ngan med kyis smras pa/ 'di ltar bdag gis yid la bcom ldan 'das mthong ma thag tu khyad par thob par 'gyur snyam byed do/ /de
180a7 nas lhas rdzu 'phrul gyi mthus mya ngan med bcom ldan 'das kyi thad du khyer te/ des bcom ldan 'das mthong nas dga' ba skyes so/ /dga' ba skyes nas bcom ldan 'das
180b1 'od srung gis gang thos pas dgra bcom pa nyid mngon sum du byed par 'gyur ba de lta bu'i chos bstan nas/ dgra bcom pa nyid mngon sum du byas te/ thog ma kho nar tshe dang
180b2 ldan pa mya ngan med yongs su mya ngan las 'das nas/ de'i 'og tu bcom ldan 'das yang dag par rdzogs pa'i sangs rgyas 'od srung yongs su mya ngan las 'das so/ /de
180b3 nas lha des tshe dang ldan pa mya ngan med yongs su mya ngan las 'das pa mthong nas/ dga' ba bskyed de/ tshe dang ldan pa 'dis khyad par ci thob pa thams cad ni bdag las
180b4 brten pa yin gyi/ bdag kyang 'di bzhin du ma 'ongs pa'i dus na/ bcom ldan 'das yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u
180b5 khyod skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de
180b6 gzims mal gyi tha mar zhugs pa na/ bdag kyang de'i mngon sum gyi nyan thos kyi tha mar gyur te/ bcom ldan 'das kyi snga rol du yongs su mya ngan las 'das nas/ de'i
180b7 'og tu bcom ldan 'das shAkya thub pa yongs su mya ngan las 'da' bar gyur cig ces byas so/ /dge slong dag /ji snyam du sems/ de'i tshe de'i dus na lhar gyur pa gang yin
181a1 pa de ni rab bzang 'di yin no/ /dge slong dag /de bas na 'di ltar bslab par bya ste/ dge ba'i bshes gnyen dang / dge ba'i grogs po dang / dge
181a2 ba'i rten dang gnas par bya'i/ sdig pa'i bshes gnyen dang / sdig pa'i grogs po dang / sdig pa'i rten dang gnas par mi bya'o zhes dge slong khyed kyis de ltar bslab par
181a3 bya'o| |de nas bcom ldan 'das la tshe dang ldan pa kun dga' bos 'di skad ces gsol to/ /btsun pa/ 'dir bdag gcig pu dben par mchis nas nang du yang dag
181a4 'jog la zhugs pa na/ sems la 'di lta bu'i sems kyi yongs su rtog pa gyur ste/ 'di lta ste/ dge ba'i bshes gnyen dang / dge ba'i grogs po dang / dge ba'i
181a5 rten 'di ni tshangs par spyod pa'i phyed lags kyi/ sdig pa'i bshes gnyen dang / sdig pa'i grogs po dang / sdig pa'i rten ni de lta ma lags so snyam bgyid do/ /bcom ldan
181a6 'das kyis bka' stsal pa/ kun dga' bo/ khyod/ 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa'i phyed yin gyi/
181a7 sdig pa'i bshes gnyen dang / sdig pa'i grogs po dang / sdig pa'i rten ni de lta ma yin no zhes ma zer cig /de ci'i phyir zhe na/ kun dga' bo/ 'di lta ste/ dge ba'i bshes
181b1 gnyen dang / dge ba'i grogs po dang / dge ba'i rten 'di ni tshangs par spyod pa ril po dang / ma 'dres pa dang / yongs su rdzogs pa dang / yongs su dag pa dang / yongs su
181b2 byang ba yin gyi/ sdig pa'i bshes gnyen dang / sdig pa'i grogs po dang / sdig pa'i rten ni de lta ma yin no/ /de ci'i phyir zhe na/ kun dga' bo/ dge ba'i bshes gnyen
181b3 la brten nas/ sems can skye ba'i chos can rnams skye ba'i chos can las yongs su grol bar 'gyur ba dang / sems can rga ba dang / na ba dang / 'chi ba dang / mya ngan dang /
181b4 smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams skye ba dang / rga ba dang / na ba dang / 'chi ba dang / mya ngan dang / smre
181b5 sngags 'don pa dang / sdug bsngal ba dang / yid mi bde ba dang / 'khrug pa'i chos can las yongs su grol bar 'gyur ba'i phyir ro/ /kun dga' bo/ de bas na rnam
181b6 grangs 'di kho nas khyod kyis 'di ltar rig par bya ste/ 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa ril
181b7 po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang /
182a1 sdig pa'i rten ni de lta ma yin no zhes kun dga' bo khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge
182a2 slong de dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ sdom gyi tshigs su bcad pa
182a3 bzhi pa ste/ byang chub sems dpa'i skyes pa'i rabs rnams rdzogs so// //sdom ni/ bu ram gnas dang kha zas dang / /chu dang phyi sa'i snod rnams dang / /
182a4 mo'u dag la bu dang chu smad dang / /dmus long dang ni tshong dpon dang / /bu rnams dang ni phyi sa khung / /sde tshan dag tu bstan pa yin/ /bu ram 'tshir ba'i gnas zhes bya ba ni/
182a5 sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon
182a6 rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po
182a7 rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci
182b1 dang | lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang /
182b2 gdan dang / snyun gsos dang / sman zong rnams brnyes pa/ nyan thos kyi dge 'dun dang bcas par rgyal po'i khab na 'od ma'i tshal bya ka lan da ka gnas pa na bzhugs te/
182b3 gang gi tshe bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas 'di'i tshe/ tshe dang ldan pa shA ri'i bu dang / mo'u dgal gyi bu gnyis
182b4 kyis 'di ltar dam bcas te/ sems can dmyal ba dang / dud 'gro dang / yi dwags rnams kyi nang nas sems can gcig tsam yang thar bar ma byas kyi bar du zan mi bza'o
182b5 zhes byas so/ /de nas tshe dang ldan pa de gnyis dus su res 'ga' ni sems can dmyal bar rgyu zhing 'gro'o/ /res dga' ni dud 'gro'i nang du rgyu zhing 'gro'o/ /res dga' ni yi dwags
182b6 kyi nang du rgyu zhing 'gro'o/ /de gnyis kyis der sems can gnod pa sna tshogs kyis nyen pa rnams kyi skad ngan thos nas rgyu ba las slar 'khor te/ 'khor bzhi po rnams la rjod
182b7 par byed do/ /de dag gis kyang thos nas skyo bar 'gyur ro/ /de nas de gnyis kyis de las brten nas de dang mthun pa'i chos ston par byed de/ des na sems can du mas thos nas
183a1 khyad par thob par 'gyur ba dang / chos thos pa dang / gtam bya ba'i gnas su 'gyur ro/ /phyis re zhig na tshe dang ldan pa mo'u dgal gyi bu chen po yi dwags
183a2 kyi nang du rgyu zhing song ba dang / yi dwags lto ni ri tsam la/ kha ni khab kyi zhig tsam ste/ rang gi skras yog pa/ 'bar zhing / rab tu 'bar la/ kun tu 'bar te/ me lce gcig tu 'bar
183a3 nas tshig cing nyam thag pa'i skad 'byin te/ sdug bsngal drag po dang / mi bzad pa dang / tsha ba dang / yid du mi 'ong ba'i tshor ba myong ba dang / bshang gcig la yod pa der 'khor la/
183a4 de'ang bde blag tu mi rnyed pa zhig mthong ngo / /de nas gnas brtan des yi dwags de la dris pa/ kye| khyod kyis las ci zhig byas nas/ des 'di lta bu sdug bsngal drag po dang / mi bzad
183a5 pa dang / tsha ba dang / yid du mi 'ong ba'i tshor ba myong zhing 'dug /yi dwags kyis smras pa/ nyi ma shar ba na sgron ma mi dgos kyi/ bcom ldan 'das la don 'di zhus zhig dang / de khyod
183a6 la bdag gi las kyi rnam pa lung ston par 'gyur ro/ /de nas tshe dang ldan pa mo'u dgal gyi bu chen po bcom ldan 'das ga la ba der song ngo / /de'i tshe bcom ldan 'das nang du
183a7 yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma'ang dbang po
183b1 rnams mi g.yo bar bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba/ snyan par gsung ba/ tshur shog
183b2 'ongs pa legs so zhes gsung ba/ sngar 'dzum pa yin te/ der bcom ldan 'das kyis tshe dang ldan pa mo'u dgal gyi bu chen po la 'di skad ces bka' stsal to/ /mo'u dgal gyi bu/ tshur
183b3 shog /khyod 'ongs pa legs so/ /khyod da gdod ga las 'ongs/ mo'u dgal gyi bus gsol pa/ btsun pa/ bdag ni yi dwags kyi nang du rgyu zhing mchi mchi ba las slar mchis te/
183b4 der bdag gis yi dwags lto ni ri tsam la/ kha ni khab kyi mig tsam ste/ rang gi skras yog pa/ phyi sa bzhin du dri nga ba/ mchog tu dri nga ba/ mi sdug pa/ mchog tu mi sdug pa/ zas su
183b5 phyi sa 'tshal la/ de yang bde blag tu mi rnyed pa zhig mthong lags so/ /yang gsol pa/ lus chen ri bo mthon po 'dra ba la/ /mchu dang lkog ma skam zhing shin tu sdug /rang gi
183b6 sgras ni gdong g.yog gcer bar mchis/ /mchu sgo phra khab mig 'dra rab tu ring / /de ltar gcer bu skras yog pa/ /rus pa'i 'khrul 'khor bsgreng ba bzhin/ /thod pa thogs shing
183b7 mi bzad la/ /du zhing kun tu rgyug par bgyid/ /bkres pa dang ni skom pa yis/ /du bcing sdug bsngal dag gis nye na/ /nyam thag skad kyang 'byin par bgyid/ /sdug bsngal tshor
184a1 ba nyams su myong / /de yis mi yi 'jig rten du/ /rab 'jigs sdig ba ci bgyis na/ /des na sdug bsngal 'di 'dra ba/ /'jigs su rung ba myong bar 'gyur//
184a2 bcom ldan 'das kyis bka' stsal pa/ mo'u dgal gyi bu/ yi dwags de ni sdig pa'i las byed byed pa yin no/ /de'i las kyi rnam pa nyan par 'dod dam/ btsun pa/ nyan
184a3 par 'tshal lags so/ /mo'u dgal gyi bu/ 'o na/ legs par rab tu nyon la yid la zungs shig dang ngas bshad do/ /mo'u dgal gyi bu/ sngon byung ba 'das pa'i dus na/ rgyal
184a4 po'i khab kyi grong khyer na tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang
184a5 'gran pa zhig 'dug pa de'i bu ram shing 'tshir ba'i gnas grwa lnga brgya yod do/ /de dag tu de bu ram shing 'tshir bar byed do/ /sangs rgyas rnams 'jig rten du mi 'byung ba'i tshe/
184a6 rang sangs rgyas sdug cing phongs pa rnams la la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ re
184a7 zhig na rang sangs rgyas sdug cing phongs pa la snying brtse ba/ bas mtha'i gnas mal gyis 'tsho ba zhig byung nas/ de snga dro sham thabs dang chos gos bgos te/ lhung bzed thogs
184b1 nas rgyal po'i khab tu bsod snyoms la song ngo / /btsun pa/ de'ang nad khong skam gyis thebs te/ de la sman pas bu ram shing gi khu ba phan par bstan nas/ tshong dpon chen po de'i thad du
184b2 song ngo / /tshong dpon gyis kyang rang sangs rgyas lus kyang mdzes la sems kyang mdzes pa de mthong ngo / /mthong nas kyang tshong dpon gyis smras pa/ 'phags pa/ ci bzhed/ rang sangs
184b3 rgyas kyis smras pa/ khyim bdag /bu ram shing gi khu ba 'dod do/ /de nas khyim bdag des tshal za zhig la 'phags pa la bu ram shing gi khu ba phul cig ces bsgo nas/ khyim bdag de ni
184b4 don zhig la phyi rol tu chas so/ /de nas mi de gzhan gyi rdzas la ser sna skyes nas/ gal te bdag gis 'di la bu ram shing gi khu ba byin du zin na phyis kyang 'dir 'ong bar 'gyur ro
184b5 snyam te/ mi sdug pa'i 'gro ba gsum gyi g.yan sar gzhol ba thams cad kyis 'dod par bya ba'i 'gro ba gnyis bor ba/ 'phags pa'i lam rnams thag pa srings pa des sdig
184b6 pa'i sems bskyed nas/ rang sangs rgyas de la smras pa/ dge slong / lhung bzed tshur byin cig dang / bu ram shing gi khu ba sbyin no zhes byas so/ /nyan thos kyi dgra bcom pa
184b7 dang | rang sangs rgyas rnams ni ma dgongs kyi bar du shes pa'i mthong ba mi 'jug ste/ sdug cing phongs pa la snying brtse bas mi de la ngas phan gdags par bya'o snyam nas lhung
185a1 bzed de byin no/ /de nas spyod pa ngan cing snying rje med pa des de blangs te/ lkog zhig tu song nas gcin gyis bkang ste/ steng du bu ram shing gi khu ba'i dbu bas
185a2 bkab nas rang sangs rgyas de la phul ba dang / des tshor nas/ des bsams pa/ nyon mongs 'dis sdig pa chen po zhig byas kyi mad do snyam ste/ de phyogs gcig tu song nas pho ste
185a3 song ngo / /bcom ldan 'das kyis bka' stsal pa/ mo'u dgal gyi bu/ ji snyam du sems/ de'i tshe de'i dus tshal za gyur pa gang yin pa de ni yi dwags 'di yin te/ las de'i rnam
185a4 par smin pas 'khor ba na sdug bsngal mtha' yas pa myong bar gyur la/ da ltar yang yi dags su gyur nas/ sdug bsngal mi bzad pa myong ba yin no/ /mo'u dgal gyi bu/ de bas na
185a5 ci nas yi dwags de'i nyes pa de lta bu dag mi 'byung bar bya ba'i phyir ser sna spang ba la brtson par bya'o/ /mo'u dgal gyi bu/ de ltar na las gcig tu nges par gnag pa rnams ni
185a6 rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dren
185a7 ma rnams ni rnam par smin pa'ang 'dren mar 'gyur ro/ /mo'u dgal gyi bu/ de bas na las gcig tu nges par gnag pa rnams dang / 'dren ma rnams spangs la las gcig
185b1 tu nges par dkar ba rnams 'ba' zhig la gtad par bya ste/ mo'u dgal gyi bu khyod kyis de ltar bslab par bya'o/ /bcom ldan 'das kyis de skad ces bka' stsal nas/ tshe dang
185b2 ldan pa mo'u dgal gyi bu chen po dang / lha dang / lha ma yin dang / nam mkha' lding dang / mi'am ci dang / lto 'phye chen po dang / gzhan dag kyang yi rangs te bcom ldan 'das
185b3 kyis gsungs pa la mngon par bstod do// //kha zas zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug
185b4 po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin
185b5 rnams dang / nam mkha' lding rnams dang / mi'am ci rnams dang lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang /
185b6 klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod
185b7 nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa
186a1 mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs te/ de'i tshe tshe dang ldan pa mo'u dgal gyi bu
186a2 chen po nyin par gnas pa'i phyir shing zhig gi drung du 'dug pa dang / tshe dang ldan pa mo'u dgal gyi bu chen pos yi dwags mo zhig gi sgra thos te/ nyam thag pa'i skad 'byin cing
186a3 sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ste/ kha zas slong zhing / grogs mo dag /bdag bkres so/ /grogs mo dag /bdag
186a4 skom mo zhes zer ba thos so/ /de nas gnas brtan mo'u dgal gyi bu chen pos yi dwags mo de mthong nas dris pa/ khyod kyis las ci zhig byas na/ des 'di lta bu'i sdug bsngal dag
186a5 myong zhing 'dug /yi dwags mos smras pa/ nyi ma shar ba na sgron ma mi dgos kyi/ bcom ldan 'das la don 'di zhus shig dang / de khyod la bdag gi las kyi rnam pa lung ston
186a6 par 'gyur ro/ /de nas tshe dang ldan pa mo'u dgal gyi bu chen po bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas/
186a7 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma'ang dbang po rnams mi g.yo ba/ bcom ldan 'das
186b1 las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba/ snyan par gsung ba/ tshur shog /'ongs pa legs so
186b2 zhes gzung ba/ sngar 'dzum pa yin te/ der bcom ldan 'das kyis tshe dang ldan pa mo'u dgal gyi bu chen po la 'di skad ces bka' stsal to/ /mo'u dgal gyi bu/ tshur shog /
186b3 khyod 'ongs pa legs so/ /khyod da gzod ga las 'ongs/ mo'u dgal gyi bus gsol pa/ btsun pa/ bdag ni yi dwags kyi nang du rgyu zhing mchi mchi ba las slar mchis te/
186b4 der bdag gis yi dwags mo lto ni ri tsam la/ kha ni khab kyi mig tsam ste/ rang gi skras yog pa/ gcer bur mchis shing nyam thag pa'i skad 'byin te/ sdug bsngal drag pa
186b5 dang | mi bzad pa dang / tsha ba dang / yid du mi 'ong ba'i tshor ba myong zhing mchis pa zhig mthong lags so/ /yang gsol pa/ lus chen ri bo mthon po 'dra ba la/ /mchu dang
186b6 lkog ma skam zhing shin tu sdug /rang gi skras ni gdong yog gcer bar mchis/ /mchu sgo phra khab mig 'dra rab tu rid/ /de ltar gcer bu skras yog par /rus pa'i 'khrul 'khor
186b7 bsgreng ba bzhin/ /thod pa thogs shing mi bzad la/ /du zhing kun du rgyugs par bgyid/ /bkres pa dang ni skom pa yis/ /dub cing sdug bsngal dag gis nyan/ /nyam thag skad kyang
187a1 'byin par byed/ /sdug bsngal tshor ba nyams su myong / /de yis mi yi 'jig rten du/ /rab 'jigs sdig pa ci bgyis na/ /des na sdug bsngal
187a2 'di 'dra ba/ /'jigs su rung ba myong bar 'gyur/ /bcom ldan 'das kyis bka' stsal pa/ mo'u dgal gyi bu/ yi dwags mo de ni sdig pa'i las byed byed pa yin
187a3 no| |de'i las kyi rnam pa nyan par 'dod dam/ btsun pa/ nyan par 'tshal lags so/ /mo'u dgal gyi bu/ 'o na/ legs par rab tu nyon la yid la zungs shig dang ngas
187a4 bshad do/ /mo'u dgal gyi bu/ sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang
187a5 dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang /
187a6 mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA si na/ drang srong smra ba ri dwags kyi nags na rten cing bzhugs
187a7 so| |de nas grong khyer wA ra NA si de na/ khyim bdag cig gi chung ma ser sna can/ 'jungs pa/ yo byad rnams kun tu 'dzin pa/ khra la'ang gtor ma mi ster na/ slong ba gzhan
187b1 dag la lta smos kyang ci dgos pa zhig yod do/ de dge sbyong dang / bram ze dang / sdug cing phongs pa dang / bkren pa dag mthong na sems kyis sdang bar byed do/ /re zhig na bsod
187b2 snyoms pa zhig de'i khyim du 'ongs nas/ des de mthong na ser sna skyes te/ sems kyang sdang bar gyur nas/ 'di snyam du sems te/ gal te bdag gis 'di la bkur sti byas na
187b3 ni| 'di phyis kyang 'ong bar 'gyur ro snyam mo/ /de nas sdig can des tshe phyi ma'i mi sdug pa khyad du bsad nas/ dge slong de nang du bos te sgro bcad nas smyung du bcug go /mang
187b4 du'ang spyos te/ dge slong khyod la bkur sti ma yin pa byas pa 'di yin gyi/ phyin chad khyim 'dir ma 'ongs shig /ces byas so/ /de nas de ser sna kun tu bsten cing bsgoms te/
187b5 mang du byas pa des yi dwags su skyes te/ de lta bu'i sdug bsngal nyams su myong ngo / /mo'u dgal gyi bu de bas na ci nas/ yi dwags mo de'i nyes pa gang yin pa de lta bu dang /
187b6 mi 'ong bar bya ba'i phyir ser sna spong ba la brtson par bya'o/ /bcom ldan 'das kyis de skad ces bka' stsal pa/ tshe dang ldan pa mo'u dgal gyi bu dang / lha dang / lha ma yin
187b7 dang | nam mkha' lding dang / mi'am ci dang / lto 'phye chen po gzhan dag kyang yi rangs te bcom ldan 'das kyis gsungs pa la mngon par bstod do// //
188a1 chu zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi
188a2 rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
188a3 rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin
188a4 dang | lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po
188a5 dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang
188a6 bcas pa/ rgyal po'i khab na 'od ma'i tshal bya ka lan da ka gnas pa na brten cing bzhugs so/ /de nas tshe dang ldan pa mo'u dgal gyi bu chen po yi dwags kyi nang du rgyu
188a7 zhing song ba dang / yi dwags mo sdong du ma me reg 'dra la rang gi skras yog pa/ lto ni ri rab tsam la kha ni khab kyi mig tsam ste/ 'bar zhing rab tu 'bar la/ kun tu rab tu 'bar
188b1 te| me lce gcig tu 'bar nas/ tshig cing nyam thag pa'i skad 'byin la/ skom gyis gdungs te sdug bsngal drag pa dang / mi bzad pa dang / tsha ba dang / yid du mi 'ong ba'i
188b2 tshor ba myong ba dang / des mthong ba tsam gyis chu klung dang / khron pa rnams skam par 'gyur ba dang / gang gi tshe char 'bab pa de'i tshe/ de'i steng du me stag 'phro ba'i mdag ma'i
188b3 char 'bab pa zhig mthong ngo / /mthong nas kyang tshe dang ldan pa mo'u dgal gyi bu chen pos de la smras pa/ kyai/ khyod kyi sdig pa ci zhig byas nas/ des 'di lta bu'i sdug bsngal ba myong
188b4 zhing 'dug /yi dwags mos smras pa/ btsun pa/ mo'u dgal gyi bu chen po/ bdag ni sdig pa byed byed pa yin te/ sangs rgyas bcom ldan 'das la don 'di zhus zhig dang /
188b5 de khyod la bdag gis las kyi rnam pa ston par 'gyur te/ de thos nas sems can gzhan dag kyang sdig pa'i las spong bar 'gyur ro/ /de nas tshe dang ldan pa mo'u dgal gyi
188b6 bu chen pos bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol
188b7 ba dang 'dra ba'i chos ro dang ldan no cog ston te/ 'khor brgya phrag du ma'ang dbang po rnams mi g.yo bar bcom ldan 'das las chos ro dang ldan no cog nyan par byed do/ /de nas
189a1 sangs rgyas bcom ldan 'das rnams ni gsong por gsung ba/ snyan par gsung ba/ tshur shog 'ongs pa legs so zhes gsung ba/ sngar
189a2 'dzum pa yin te/ der bcom ldan 'das kyis tshe dang ldan pa mo'u dgal gyi bu chen po la 'di skad ces bka' stsal to/ /mo'u dgal gyi bu/ tshur shog /khyod 'ongs pa
189a3 legs so/ /khyod/ da gzod ga las 'ongs/ mo'u dgal gyi bus gsol pa/ btsun pa/ bdag ni yi dwags kyi nang du rgyu zhing mchi mchi ba las slar mchis te/ de bdag
189a4 gis yi dwags mo sdong po me reg 'dra la rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar la/ kun tu rab tu 'bar te/ me lce gcig
189a5 tu 'bar nas/ tshig cing nyam thag pa'i skad 'byin la skom gyis gdungs te/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong
189a6 ba dang / des mthong ba tsam gyis chu klung dang / khron pa rnams skam par 'gyur ba dang / gang gi tshe char 'bab pa de'i steng du me stag 'phro ba'i mdag ma'i char 'bab pa
189a7 zhig mthong lags so/ /bcom ldan 'das kyis bka' stsal pa/ mo'u dgal gyi bu/ yi dwags mo de ni sdig pa byed byed pa yin no/ /de'i las kyi rnam pa nyan par 'dod
189b1 dam| btsun pa/ nyan par 'tshal lags so/ /mo'u dgal gyi bu/ 'o na/ legs par rab tu nyon la yid la zungs shig dang ngas bshad do/ /mo'u dgal gyi bu/ sngon byung ba
189b2 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs
189b3 su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das
189b4 'od srung zhes bya ba 'jig rten du byung ngo / /de grong khyer wA ra NA si na/ drang srong smra ba ri dwags kyi nags na rten cing bzhugs pa na/ der dge slong zhig lam du zhugs nas de skom
189b5 gyis gdungs te/ khron pa'i drung du song nas/ de na bu mo zhig bum pa chus bkang ste/ 'dug pa la dge slong des smras pa/ che zhe/ bdag ni skom gyis gdungs kyi/ chu byin cig
189b6 ces byas na/ yo byad la kun tu 'dzin pa de ser sna skyes nas/ dge slong de la smras pa/ dge slong / bdag gi bum pa 'gribs su 'ong gis gal te khyod shin na'ang chu mi sbyin no zhes
189b7 byas so/ /de nas dge slong de skom gyis gdungs bzhin du re thag chad nas song ngo / /de nas bu mo de ser sna kun tu bstan cing bsgoms te/ mang du byas pa de lta bus shi nas yi dwags su
190a1 skyes te/ de lta bu'i sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong zhing 'dug go /mo'u dgal gyi bu/ de bas na 'di
190a2 ltar bslab par bya ste/ ser sna spang bar bya ba'i phyir brtson par bya'o zhes/ mo'u dgal gyi bu/ khyod kyis de ltar bslab par bya'o/ /bcom ldan 'das kyis de skad ces bka' stsal nas/
190a3 tshe dang ldan pa mo'u dgal gyi bu chen po dang / lha dang / lha ma yin dang / nam mkha' lding dang / mi'am ci dang / lto 'phye chen po gzhan dag kyang yi rangs te/ bcom ldan 'das
190a4 kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bcu gcig pa/ phyi sa'i snod ces bya ba ni/ sangs rgyas
190a5 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang /
190a6 lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir
190a7 byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod
190b1 cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/
190b2 nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de nas tshe dang ldan pa mo'u dgal gyi bu chen po snga gro sham thabs dang /
190b3 chos gos bgos nas lhung bzed thogs te/ rgyal po'i khab tu bsod snyoms la song nas/ rgyal po'i khab tu bsod snyoms byas te/ zan zos nas zas phyis len pa spangs te/ lhung bzed dang
190b4 chos gos bzhag nas/ bya rgod kyi phung po'i ri ga la ba der song ste phyin nas/ bya rgod kyi phung po'i ri la 'dzegs te nyin par gnas pa'i phyir/ shing zhig gi drung du rten cing 'dug go /de nas
190b5 tshe dang ldan pa mo'u dgal gyi bu chen pos yi dwags mo sdong du ma me reg 'dra la/ gcer bur 'dug cing rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar
190b6 la kun tu rab tu 'bar te/ me lce gcig tu 'bar nas tshig cing nyam thag pa'i skad 'byin la/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ba/
190b7 phyi sa bzhin du dri nga zhing mchog tu dri nga ba/ zas su phyi sa za la de'ang bde blag tu mi rnyed pa zhig mthong ngo / /mthong nas kyang tshe dang ldan pa mo'u dgal gyi bu chen po mi dga' bar gyur nas yi dwags
191a1 mo la dris pa/ khyod kyis sngon sdig pa ci zhig byas na des 'di lta bu'i 'bras bu myong zhing 'dug /yi dwags mos smras pa/ btsun pa mo'u dgal gyi bu chen po/ bdag ni sdig
191a2 pa byed byed pa yin te/ sangs rgyas bcom ldan 'das la don 'di zhus zhig dang / de khyod la bdag gi las kyi rnam pa lung ston par 'gyur te/ de thos nas sems can gzhan dag kyang
191a3 sdig pa'i las spong bar gyur ro/ /de nas tshe dang ldan pa mo'u dgal gyi bu chen po bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas
191a4 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma'ang dbang po rnams mi g.yo bar bcom ldan 'das las chos ro dang
191a5 ldan no cog nyan par byed do| /de nas sangs rgyas bcom ldan 'das rnams ni gsong bor gsung ba/ snyan par gsung ba/ tshur shog 'ongs pa legs so zhes gsung pa/ sngar 'dzum pa yin te/ der
191a6 bcom ldan 'das kyis tshe dang ldan pa mo'u dgal gyi bu la 'di skad ces bka' stsal to/ /mo'u dgal gyi bu/ tshur shog/ khyod 'ongs pa legs so/ /khyod da gzod ga las 'ongs/ mo'u dga' gyi bu
191a7 bus gsol pa/ btsun pa/ bdag ni yi dwags kyi nang du rgyu zhing mchi mchi ba las der bdag gis yi dwags mo sdong du ma me reg 'dra la/ gcer bur mchis shing rang gi skras yog pa/ lto ni ri
191b1 tsam la kha ni khab kyi mig tsam ste/ 'bar zhing rab tu 'bar la/ kun tu rab tu 'bar te/ me lce gcig tu 'bar nas tshig cing nyam thag pa'i skad 'byin la sdug bsngal drag pa dang / mi
191b2 bzad pa dang / tsha ba dang / yid du mi 'ong ba'i tshor ba myong ba dang / des mthong ba tsam gyis chu klung dang / khron pa rnams ska mar 'gyur ba dang / gang gi tshe char 'bab pa de'i ste de'i steng du mi stag
191b3 'phro ba'i mdag ma'i char 'bab pa dang / phyi sa bzhin dring zhing mchog tu dri nga ba/ zas su phyi sa za ba 'tshal la/ de yang bde blag tu mi rnyed pa zhig mthong lags so/ /yang gsol pa/ nyam thag
191b4 skad kyang 'byin par byed/ /sdug bsngal tshor ba nyams su myong / /gang na phyi sa'i gnas yod pa/ /der ni sdug bzhin rgyug par bgyid/ /phyi sa bza' 'am btung snyam na/ /de yang bde blag
191b5 rnyed mi 'gyur/ /de yis mi yi 'jig rten du/ /sdig pa rab 'jigs ci bgyis na/ /des na sdug bsngal 'di 'dra ba/ /'jigs su rung ba nyams su myong / /bcom ldan 'das kyis bka' stsal
191b6 pa| mo'u dgal gyi bu/ yi dwags mo de ni sdig pa byed byed pa yin no/ /de'i las kyi rnam pa nyan par 'dod dam/ btsun pa/ nyan par 'tshal lags so/ /mo'u dgal gyi bu/ 'o na/ legs par
191b7 nyon la yid la zungs shig dang ngas bshad do/ /mo'u dgal gyi bu/ sngon byung ba 'das pa'i dus na/ grong khyer wA ra NA si na rang sangs rgyas sdug cing phongs pa la snying brtse ba/ bas mtha'i gnas mal
192a1 gyis 'tsho ba zhig yod la/ de yang nad bu can zhig ste/ wA ra NA sir bsod snyoms la song ngo / /re zhig na de la sman pas mthun pa'i zas bstan nas/
192a2 de tshong dpon zhig 'dug pa ga la ba der song ba dang / ded dpon des kyang mthong nas dris pa/ 'phags pa/ khyod ci bzhed/ des smras pa/ mthun pa'i kha zas 'dod do/ /de nas
192a3 tshong dpon des 'phags pa la kha zas mthun pa phul cig mna' ma la bsgo'o/ /de nas de'i mna' ma ser sna skyes te/ gal te bdag gis deng 'di la kha zas byin du zin na
192a4 sang yang 'ong bar 'gyur ro snyam nas/ phyogs gcig tu song ste/ lhung bzed phyi sas bkang nas/ steng 'bres chen gyis bkab ste/ rang sangs rgyas de la phul lo/ /nyan
192a5 thos dang / rang sangs rgyas rnams ni ma dgongs kyi bar du shes pa'i mthong ba mi 'jug ste/ des blangs so/ /blangs nas tshor te/ 'di dring ba las na 'dis phyi sas bkang
192a6 gor ma chag go snyam mo/ /de nas bdag nyid chen po des de ga zhig tu bor nas song ngo / /bcom ldan 'das kyis bka' stsal pa/ mo'u dgal gyi bu/ de ji snyam du sems/ de'i
192a7 tshe de'i dus na/ tshong dpon gyi mna' mar gyur pa gang yin pa de ni yi dwags mo 'di yin te/ des sdig pa'i las de lta bu byas nas/ de phyin chad rtag tu sems can dmyal ba dang /
192b1 dud 'gro dang / yi dwags rnams su skyes te/ rtag tu zas su phyi sa za bar gyur to/ /mo'u dgal gyi bu/ de bas na ser sna spang ba la brtson par bya ste/ ci nas yi dwags mo de'i nyes pa de lta
192b2 bu dag 'ong bar mi 'gyur ba de ltar mo'u dgal gyi bu khyod kyis bslab par bya'o/ /bcom ldan 'das kyis de skad ces bka' stsal nas/ tshe dang ldan pa mo'u dgal byi bu dang / lha dang /
192b3 lha ma yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //
192b4 mo'u dgal gyi bu zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon
192b5 rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto
192b6 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto
192b7 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos
193a1 dang | sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe
193a2 rgyal po'i khab kyi ni pha rol/ 'od ma'i tshal gyi ni tshu rol de'i bar skabs na/ yi dwags mo sdong dum me reg 'dra la/ gcer bur 'dug cing rang gi skras yog pa/ lto ni ri tsam la kha ni
193a3 khab kyi mig tsam ste/ 'bar zhing rab tu 'bar la/ kun tu rab tu 'bar ste/ me lce gcig tu 'bar nas/ tshig cing nyam thag pa'i skad 'byin la/ sdug bsngal drag pa dang / mi bzad
193a4 pa dang / tsha ba dang / yid du mi 'ong ba'i tshor ba nyams su myong ba lnga brgya khwa khyus lding ba bzhin du nam mkha' la 'khor te/ gang du'ang 'dug sa mi rnyed do/ /de nas tshe dang ldan
193a5 pa mo'u dgal gyi bu snga dro sham thabs dang / chos gos bgos te/ lhung bzed thogs nas/ rgyal po'i khab du bsod snyoms la song ba dang / des yi dwags de dag mthong ngo / /
193a6 yi dwags de dag gis kyang tshe dang ldan pa mo'u dgal gyi bu chen po mthong ngo / /de nas de dag gcig tu 'dril nas tshe dang ldan pa mo'u dgal gyi bu chen po'i thad du dong ste/ phyi nas
193a7 snying rje rje skad zer zhing sdug sdug skad zer la gti zhing smra bar tshig mthun par smras pa/ btsun pa mo'u dgal gyi bu/ bdag cag ni rgyal po'i khab tu tshong dpon lnga brgyar gyur te/
193b1 bdag cag ser sna can 'jungs pa yo byad rnams la kun tu 'dzin par gyur nas/ bdag cag nyid kyis kyang sbyin pa ma byin la/ gzhan dag sbyin pa byed pa la'ang bgegs byas so/ /
193b2 sbyin pa'i gnas rnams la yang yi dwags kyi tshig lta bus mang du spyos te/ khyod ni yi dwags su skyes pa bzhin du gzhan gyi khyim phyi nyug pa'o zhes byas so/ /des na bdag cag shi ba'i 'og tu
193b3 'di lta bu'i yi dwags su skyes so/ /btsun pa mo'u dgal gyi bu chen po/ de bas na bdag cag gi nye du rgyal po'i khab na gnas pa de dag la bdag cag gi las kyi rnam pa shes par
193b4 mdzod la dad pa dris te/ sangs rgyas la sogs pa dge slong gi dge 'dun bshos gsol nas/ bdag cag gi slad du yon gyi rabs 'don par gsol cig /'on tang bdag
193b5 cag yi dwags kyi skye gnas nas thar kyang srid do zhes gsungs shig /de nas tshe dang ldan pa mo'u dgal gyi bus kyang yi dwags rnams la cang mi smra bas khas blangs so/ /de nas tshe
193b6 dang ldan pa mo'u dgal gyi bus de dag gi nye du rnams kyi khyim khyim du dad pa dris nas/ phyi de nyin sangs rgyas la sogs pa dge slong gi dge 'dun bshos la spyan drangs so/ /yi
193b7 dwags rnams la'ang sbran te/ sang bcom ldan 'das dge slong gi dge 'dun dang bcas pa bshos la spyan drangs kyi khyed kyang der shog cig ces byas so/ /de dag gi nye du rnams la'ang
194a1 khyed kyang shog cig dang / nye du'i mchod ston byed pa der yi dwags de dag mthong bar 'gyur ro zhes byas so/ /de nas tshe dang ldan pa mo'u dgal
194a2 gyi bu nyid mchod ston gyi zhal ta byed pa la zhugs so/ /de nas nam nangs nas zhal zas bshams te/ gdugs tshod la bab na yi dwags de dag mi snang ngo / /de nas tshe dang ldan
194a3 pa mo'u dgal gyi bu chen pos lha'i mig gis yi dwags de dag bsams na/ yul ma ga d+ha thog thag na'ang mi snang la/ mthar gyis gling bzhi'i bar du bltas na'ang de na yang mi snang
194a4 ngo| |de nas ji srid du de'i ye shes mthong ba 'jug pa de srid du bltas kyang de na'ang mi snang ngo / /de nas tshe dang ldan pa mo'u dgal gyi bu chen po mi dga' bar gyur nas/ bcom ldan
194a5 'das la gsol pa/ bcom ldan 'das/ bdag gi sbyin bdag de rnams mi gda' lags so/ /bcom ldan 'das kyis bka' stsal pa/ mo'u dgal gyi bu/ thongs la/ khyod mi
194a6 dgar ma byed cig /nyan thos dang / rang sangs rgyas thams cad kyi sa las 'das pa'i 'jig rten gyi khams tshad med pa dag yod de/ de dag tu las kyi rlung gis 'phangs mod
194a7 kyi| 'on kyang mo'u dgal gyi bu/ deng de bzhin gshegs pa'i stobs la ltos shig /thams cad mkhyen pa'i ye shes gzigs pa mngon par bya'o/ /de bzhin gshegs pa'i rdzu
194b1 'phrul gyi rnam par 'phrul pa'ang bstan gyi gaN+Di rdungs shig /de nas gaN+Di brdungs pa dang / dge slong gi dge 'dun thams cad kyang 'dus/ yi dwags kyi nye du rnams dang / yi dwags
194b2 mthong bar 'dod pa'i sems can gzhan dag kyang ltad mo la lhags te 'dus so/ /de nas bcom ldan 'das kyis ci nas yi dwags rnams kyis sangs rgyas bcom ldan 'das nyan thos
194b3 kyi dge 'dun dang bcas pa bshos gsol ba mthong bar 'gyur ba dang / bdag cag gi phyir nye du rnams kyis sangs rgyas la sogs pa dge slong gi dge 'dun rnams bshos gsol zhing
194b4 'khod do snyam du dran pa rnyed par 'gyur ba de lta bu'i rdzu 'phrul bstan to/ /de nas bcom ldan 'das kyis gsung yan lag lnga dang ldan pas yon gyi rabs gsungs pa/ sbyin pa 'di
194b5 yi bsod nams gang / /de ni yi dwags phyi bzhin song / /yi dwags 'jig rten rab 'jigs las/ /de dag myur du thar gyur cig /ces gsungs so/ /de nas bcom ldan 'das kyis
194b6 gzhi de las brten nas de dang mthun pa'i chos bstan te/ de thos nas srog chags 'bum phrag du mas ser sna'i dri ma spangs te/ bden pa mthong bar gyur to/ /yi dwags de dag kyang
194b7 bcom ldan 'das la sems dga' bar gyur te shi nas sum cu rtsa gsum pa'i lha yul bzang por skyes so/ /lha'i bu'am/ lha'i bu mo skyes nas ring po ma lon pa ni chos nyid kyis sems
195a1 rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas yi dwags las shi 'phos pa dang / sum cu rtsa
195a2 gsum pa'i lha yul bzang por skyes pa dang / bcom ldan 'das la sems dga' bar gyur ba de dag gis mthong ngo / /de nas sngon yi dwags su gyur pa'i lha'i bu de dag 'di snyam du
195a3 sems te/ bdag cag zhag lon te gzod bcom ldan 'das blta ba'i phyir 'gro ba ni bdag cag gi cha ma yin gyi/ bdag cag zhag ma lon par bcom ldan 'das la blta ba'i phyir
195a4 'dong ngo snyam mo/ /de nas sngon yi dwags su gyur pa'i bu rna cha gdub kor dag cing mgul pa thogs pa/ lus do shal dang / se mo dos brgyan pa/ nor bu sna tshogs kyis spras pa'i
195a5 cod pan can/ lus gur gum dang / ta ma la'i lo ma dang / spri ka la la sogs pas byugs pa de rnams kyis de nyid kyi mtshan mo lha'i me tog ut+pa la dang / pad+ma dang / ku mu da
195a6 dang | pad+ma dkar po dang / man dA ra rnams kyis thu ba bkang ste/ 'od ma'i tshal bya ka lan da ka gnas pa kho ra khor yug 'od chen pos snang bar byas nas/ bcom ldan 'das
195a7 la me tog gis gtor te/ chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis sngon yi dwags su gyur pa'i lha'i bu rnams kyi bsam pa
195b1 dang | bag la nyal dang / khams dang / rang bzhin thugs su chud nas de ngang mthun pa'i chos bstan te/ de thos nas sngon yi dwags su gyur pa'i lha'i bu de dag gis khyad par chen po thob
195b2 po| |de dag tshong pa khe spogs phyin pa bzhin du gyur te/ bcom ldan 'das la lan gsum bskor ba byas nas de nyid du mi snang bar gyur to/ /der bcom ldan 'das kyis tshe dang ldan pa mo'u
195b3 dgal gyi bu chen po la bka' stsal pa/ mo'u dgal gyi bu/ khyod kyis yi dwags mang po dag lha'i nang du bkod nas de dag kyang mdang sum nga'i thad du 'ongs te/ de dag la ngas chos
195b4 bstan nas/ de dag gis rnyed par bya ba rnyed de mthong bar 'gyur ba rnyed nas dong ba de ni khyod kyis zhal ta byas pa 'bras bu yod par gyur te/ legs so/ /legs so/ /de nas tshe
195b5 dang ldan pa mo'u dgal gyi bu chen pos de dag gi nye du rnams la'ang shes par byas te/ de dag gis thos nas mchog tu ya mtshan du gyur te/ bcom ldan 'das la sems dga'
195b6 bar gyur nas bkur sti byas so/ /mo'u dgal gyi bu/ de bas na khyod kyis ci nas yi dwags de dag gi nyes pa de lta bu dag mi 'byung bar bya ba'i phyir ser sna spong ba la brtson par bya'o//
195b7 bcom ldan 'das kyis de skad ces bka' stsal nas/ tshe dang ldan pa mo'u dgal gyi bu chen po dang / lha dang / lha ma yin dang / nam mkha' lding dang / lto 'phye chen po la sogs pa
196a1 gzhan dag kyang yi rangs te/ bcom ldan 'das kyis gsungs pa la mngon par bstod do// //chu smad ces bya ba ni/ sangs rgyas bcom ldan 'das la
196a2 rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams
196a3 dang | gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri
196a4 mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i
196a5 sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa
196a6 nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab kyi grong khyer na tshong dpon phyug cing
196a7 nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas ba das rigs mnyam
196b1 pa las chung ma blangs te/ de de dang lhan cig tu rtse zhing 'ga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam/
196b2 dgu lon pa dang / bu byung ste khye'u zhig btsas nas de btsas pa'i btsas ston byas te/ khye'u 'di'i ming ji skad gdags zhes ming 'dogs par byed de/ de nye du rnams na re/ khye'u
196b3 'di rgyu skar chu smad la btsas pas na/ de'i phyir ming chu smad ces gdags so zhes zer nas/ de'i ming chu smad ces btags so/ /de nas khye'u chu smad bskyed bsrings te cher skyes nas/
196b4 de'i pha shi ba dang / rang gi khyim gyi bdag por gyur to/ /de nas des tshong dus bkram nas nyo tshong byed cing nyo tshong gis 'tsho bar byed pa las/ de nyin gcig bzhin du bcom ldan
196b5 'das kyi thad du song ste/ des bcom ldan 'das mthong ba dang / dam pa'i chos thos pas/ bcom ldan 'das kyi bstan pa la dad par gyur nas/ de rab tu 'byung ba'i sems
196b6 skyes te/ des ma la gsol ba btab pa/ yum| bdag bcom ldan 'das kyi bstan pa la rab tu 'byung gi gnang bar mdzod cig /de nas de'i mas smras pa/ bu/ khyod ni bu gcig
196b7 pa yin gyi/ bdag ji srid 'tsho'i bar du rab tu ma 'byung zhig /bdag shi ba'i 'og tu ci bya ba byos shig ces zer ro/ /chu smad des kyang ci rnyed pa de dag thams cad ma la byin
197a1 te| yum| 'dis dge sbyong dang / bram ze dang / sdug cing phongs pa dang / bkren pa rnams la sbyin pa dag gyis shig ces byas so/ /de'i ma de ni rkam
197a2 chags can 'jungs pa yo byad rnams kun tu 'dzin pa zhig ste/ kaR+Sha pa Na de dag spas nas/ dge sbyong dang / bram ze gang dag zas 'dod de/ khyim der 'ongs pa de dag la rgya che
197a3 zhing khyed ni yi dwags su skyes pa bzhin du khyim phyi nyug cing slong ngo zhes zer ro/ /bu de la'ang slu bar byed de/ bdag gis nyin gcig bzhin du dge slong 'di snyed 'di snyed
197a4 cig la zan byin no zhes zer ro/ /phyis re zhig na de shi ba dang / de yi dwags su skyes nas bu chu smad ma dang bral ba'i mya ngan byed do/ /sbyin pa dag byin zhing bsod nams dag
197a5 byas nas/ bcom ldan 'das kyi bstan pa la rab tu byung ngo / /des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo
197a6 zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/
197a7 nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bod
197b1 par mnyam pa/ nam mkha' dang lag mthil du 'dra ba'i sems dang ldan pa/ tsan+dan sbangs pa bzhin du bsil bar gyur pa/ rig pas sgo nga'i sbubs bcom pa/ rig pa dang
197b2 mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba dang / dbang po dang / nye dbang dang bcas pa'i lha
197b3 rnams kyis mchod cing rjed pa dang / gus par smra ba'i gnas su gyur nas/ des chu klung gang+gA'i 'gram du lo ma'i spyil po byas te bsam gtan byed do/ /de'i ma yi dwags kyi
197b4 'jig rten du skyes pa de'ang stong dum me reg 'dra la/ gcer bur 'dug cing rang gi skras yog pa/ lto ni ri tsam la/ kha ni khab kyi mig tsam ste/ 'bar zhing rab tu 'bar la kun tu
197b5 rab tu 'bar te/ me lce gcig tu 'bar nas tshig cing nyam thag pa'i skad 'byin te/ tshe dang ldan pa chu smad kyi thad du song nas/ re zhig na tshe dang ldan pa chu smad kyis yi dwags
197b6 mo de mthong nas dris pa/ 'di kho na 'dra ba khyod su zhig /yi dwags mos smras pa/ bu gcig gang las btsas pa yi/ /byams pa'i ma ni bdag yin te/ /zas dang skom dang bral ba
197b7 yi| |yi dwags rnams kyi nang du skyes/ /bdag ni shi ba'i dus 'das nas/ /lo grangs nyi shu lnga lon te/ /chu yi bag kyang ma mthong na/ /kha zas lta zhig ga la mthong / /'bras bu
198a1 ldan pa'i shing rnams kyi/ /drang srong de dag 'bras med 'gyur/ /gang ba'i mtsho 'gram bdag song yang / /de dag kyang ni skam par 'gyur/ /btsun pa'i
198a2 shing drung bde ba lags/ /khyod kyi snod nang chu yang bsil/ /bkren pa bdag la thugs rje skyed/ /skom gyis gdungs kyi chab stsol cig /de nas chu smad kyis ma la smras pa/ yum/ khyod
198a3 mir gyur pa'i tshe bdag gis sbyin pa dag sbyin zhing bsod nams dag byed du ma bcug gam/ yi dwags mos smras pa/ bu gcig /bdag ni ser snas non pas sbyin pa dag kyang ma
198a4 byin bsod nams dag kyang ma byas te/ nor rnyed pa de dag thams cad sdig pa'i sems kyis dong du sbas so/ /bu gcig de bas na dad pa dris la bdag gi phyir sangs rgyas la
198a5 sogs pa dge slong gi dge 'dun bshos gsol nas yon gyi rabs 'don par gsol cig /'on tang bdag yi dwags kyi skye gnas nas thar kyang srid do/ /chu smad kyis smras pa/
198a6 de ltar bgyi yi/ khyod kyang gral dpon gyi mdun du 'dug cig /yi dwags mos smras pa/ bu gcig /bdag ni gcer bur 'dug pas ngo tsha ste ngos mi thub bo/ /chu smad kyis smras pa/
198a7 yum/ khyod gang gi tshe sdig pa byed pa de'i tshe ngo mi tsha na/ da ltar 'bras bu myong ba'i tshe ci'i phyir ngo tsha/ yi dwags mos smras pa/ 'o na de bzhin du 'ong bar bya'o/ /de nas chu smad kyis
198b1 nye du rnams kyi khyim khyim du dad pa dris nas/ phyi de nyin sangs rgyas la sogs pa dge slong gi dge 'dun bshos la spyan drangs nas/ gdugs tshod la bab pa na sangs rgyas la sogs pa
198b2 dge slong gi dge 'dun dag kyang 'dus/ yi dwags mo de'ang gral dpon gyi mdun du 'dug ste/ srog chags 'bum phrag du ma 'dug pa rnams kyis yi dwags mo de mthong ngo / /de dag
198b3 gis yi dwags mo de'i lus mi sdug pa mthong nas shin tu skyo ba skyes nas/ bcom ldan 'das la sems dga' bar gyur to/ /de nas tshe dang ldan pa chu smad kyis sangs rgyas la sogs pa
198b4 dge slong gi dge 'dun zhal zas bzang pos tshim par byas nas/ yi dwags mo'i phyir yon gyi rabs gdon par gsol to/ /de nas bcom ldan 'das nyid kyis gsung yan lag lnga dang
198b5 ldan pas sbyin pa'i rabs gsungs pa/ sbyin pa 'di yi bsod nams gang / /de ni yi dwags phyi bzhin song / /yi dwags 'jig rten rab 'jigs las/ /de ni myur du thar gyur cig /ces
198b6 gsungs so/ /de nas bcom ldan 'das kyis gzhi de las brten nas yi dwags mo de dang / skye bo mang po la de dang mthun pa'i chos bstan te/ srog chags 'bum phrag du mas des thos
198b7 nas bden pa mthong bar gyur to/ /yi dwags mo de 'ang sems dga' bar 'gyur te/ shi nas yi dwags rdzu 'phrul chen mor skyes so/ /tshe dang ldan pa chu smad kyis yang yi dwags rdzu 'phrul
199a1 chen mor skyes par shes so/ /de nas tshe dang ldan pa chu smad kyis smras pa/ yum/ da ni mthu yod kyi sbyin pa yongs su gtang ba dag gyis shig /yi dwags rdzu
199a2 'phrul chen mos smras pa/ bu gcig /bdag ni sbyin pa la dga' ba med de mi nus so/ /de nas tshe dang ldan pa chu smad kyis yi dwags rdzu 'phrul chen mo la smras pa/ chags pa'i mun pas
199a3 mig ni rab bsgribs te/ /khyod kyis yi dwags 'jig rten bsgrubs pa yi/ /khyod kyi rus bu chen po sha med pa/ /rus pa pags pa skyi rnams da dung 'dug /ces byas so/ /de nas tshe
199a4 dang ldan pa chu smad kyis lan mang du spyos nas smras pa dang / de'i 'og tu de las ras zung gcig thob bo/ /de nas chu smad kyis dge 'dun la phul nas/ gang gis dge 'dun la ras
199a5 zung gcig po nyos pa'i dge slong des gos kyi gdang la bzhag go /de nas yi dwags mo de mtshan mo 'ongs nas brkus so/ /de nas dge slong des tshe dang ldan pa chu smad la bsnyad nas/
199a6 chu smad song ste yi dwags mo spyos nas phyir bkug ste byin no/ /de bzhin du lan gsum gyi bar du dge slong de las brkus nas/ tshe dang ldan pa chu smad kyis phyir bkug ste byin pa dang /
199a7 dge slong des kyang de shes nas phyogs bzhi'i dge slong gi dge 'dun gyi phyir stan la klan to/ /de nas de phyin chad ma brkus so/ /de bas na sems can rnams la de ltar ser snas
199b1 mtho 'tsham par byed pa mthong nas/ ci nas yi dwags mo de'i nyes pa de lta bu dag 'byung bar mi 'gyur bar bya ba'i phyir/ ser sna spang ba la brtson par bya'o/ /bcom ldan 'das kyis de
199b2 skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi rangs te/ bcom
199b3 ldan 'das kyis gsungs pa la mngon par bstod do// //dmus long zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po
199b4 rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang /
199b5 nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang /
199b6 lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza'
199b7 dang | zhal zas dang / gzims cha dang / gdan dang / snyun gsos dang / sman zod rnams brnyes pa/ nyan thos kyi dge 'dun dang bcas pa/ mnyan du yod pa na rgyal bu rgyal
200a1 byed kyi tshal khyim bdag mgon med zas sbyin gyi kun dga' ra ba na bzhugs so/ /de nas tshe dang ldan pa dga' byed snga dro sham thabs dang / chos gos
200a2 bgos te/ lhung bzed thogs nas mnyan du yod par bsod snyoms la song ngo / /mnyan du yod par bsod snyoms byas nas zan zos te/ zas phyis len pa spangs nas/ lhung bzed
200a3 dang | chos gos bzhag ste yi dwags kyi yul rgyu zhing song ba las tshe dang ldan pa dga' byed kyis yi dwags mo sdong dum me reg 'dra la/ dmus long du 'dug pa rang gi skras yog
200a4 pa| lto ni ri tsam la kha ni khab kyi mig tsam ste/ dur khrod bzhin du dri nga ba/ khwa dang / bya rgod dang / khyi dang / wa rnams kyis bskor nas/ phyogs kun nas sha bcad cing
200a5 bcad cing za ba dang / de gnad la bab ste/ dkos thag nas nyam thag pa'i skad 'byin te/ sdug bsngal drag pa dang / mi bzad pa dang / tsha ba dang / yid du mi 'ong ba myong zhing
200a6 'dug pa zhig mthong ngo / /de nas tshe dang ldan pa dga' byed mi dga' bar gyur nas dris pa/ sring mo/ khyod kyis sngon sdig pa'i las ci zhig byas nas/ des 'di lta bu'i sdug bsngal
200a7 myong zhig 'dug /yi dwags mos smras pa/ nyi ma shar ba na sgron ma mi dgos kyi/ bcom ldan 'das la don 'di zhus shig dang / de khyod la bdag gi las kyi rnam pa lung ston par
200b1 'gyur te/ de thos na sems can gzhan dag kyang sdig pa spong bar 'gyur ro/ /de nas tshe dang ldan pa dga' byed bcom ldan 'das ga la ba der song ngo / /de'i tshe bcom ldan 'das nang
200b2 du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol pa dang 'dra ba'i chos ro dang ldan no cog ston te/ 'khor brgya phrag du ma'ang dbang po rnams
200b3 mi g.yo bar bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba/ snyan par gsung ba/ tshur shog
200b4 'ongs pa legs so zhes gsungs pa/ sngar 'dzum pa yin te/ der bcom ldan 'das kyis tshe dang ldan pa dga' byed la 'di skad ces bka' stsal to/ /dga' byed/ tshur shog
200b5 khyod 'ongs ba legs so/ /khyod da gzod ga las 'ongs/ dga' byed kyis gsol pa/ btsun pa/ bdag ni yi dwags rgyu ba'i nang nas mchis te/ der bdag gis yi dwags mo sdong dum
200b6 me reg 'dra la/ dmus long du mchis pa/ rang gi skras yog pa/ lto ni ri tsam la kha ni khab kyi mig tsam ste/ dur khrod bzhin du dri nga ba dang / khwa dang / bya rgod dang / khyi dang / wa
200b7 rnams kyis bskor nas/ phyogs kun nas sha bkum zhing bkum zhing 'tshal ba dang / de gnad la bab ste dkos thag nas nyam thag ba'i skad 'byin te/ sdug bsngal drag pa dang / mi
201a1 bzad pa dang / tsha ba dang / yid du mi 'ong ba myong zhing mchis pa zhig mthong lags so/ /yang gsol pa/ lus chen ri bo mthon po 'dra ba la/ /mchu
201a2 dang lkog ma skam zhing shin tu sdug /rang gi skras ni gdong yog gcer bur mchis/ /mchu sgo phra khab mig 'dra rab tu rid/ /de ltar gcer bu skras yog pa/ /rus pa'i 'khrul
201a3 'khor bsgreng ba bzhin/ /thod pa thogs shing mi bzad la/ /ngu zhing kun tu rgyugs par bgyid/ /bkres pa dang ni skom pa yis/ /dub cing sdug bsngal dag gis nyen/ /nyam thag
201a4 skad kyang 'byin par bgyid/ /sdug bsngal tshor ba nyams su myong / /de yis mi yi 'jig rten du/ /rab 'jigs sdig pa ci bgyis na/ /des na sdug bsngal 'di 'dra ba/ /'jigs
201a5 su rung ba myong bar gyur/ /bcom ldan 'das kyis bka' stsal pa/ dga' byed/ yi dwags mo de ni sdig pa'i las byed byed pa yin no/ /de'i las kyi rnam pa nyan par 'dod dam/
201a6 btsun pa/ nyan par 'tshal lags so/ /dga' byed/ 'o na legs par rab tu nyon la yid la zungs shig dang / ngas bshad do/ /dga' byed/ sngon byung ba 'das pa'i dus na bskal
201a7 pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs
201b1 pa| 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer wA
201b2 ra NA si na drang srong smra ba ri dwags kyi nags na rten cing bzhugs so/ /de nas grong khyer wA ra NA si de na/ tshong dpon gyi bu mo zhig 'dug pa de chos 'dod de/ des chos thos nas 'khor ba la nyes
201b3 par lta ba dang / mya ngan las 'das pa la yon tan du lta bar gyur te/ des pha ma la gsol nas/ bcom ldan 'das kyi bstan pa la rab tu byung ngo / /de nas de'i phyir nye du rnams kyis
201b4 dge slong ma'i gtsug lag khang byas nas de de na slob pa dang / mi slob pa'i dge slong ma dag dang lhan cig tu gnas pa las re zhig na des bag med pa'i dbang gis bslab pa'i gzhi la
201b5 lhod par byas so/ /de nas dge slong ma rnams kyis tshul khrims 'chal pa'i phyir bskrad do/ /de nas des sbyin bdag khyim bdag rnams dad pas nges par 'bul ba'ang gcod du
201b6 bcug /slob pa dang / mi slob pa'i dge slong ma rnams kyi bsngags pa ma yin pa'ang brjod/ dge slong tshul khrims dang ldan pa gang yin pa de dag mthong na'ang mig btsums te 'dug
201b7 go |dga' byed/ ji snyam du sems/ tshong dpon gyi bu mo gang yin pa de ni yi dwags mo 'di yin te/ des gtsug lag khang la ser sna byas pa des ni yi dwags su skyes so/ /des nar ma
202a1 bcad pa des ni khwa dang / bya rgod dang / khyi dang / wa rnams kyis bskor to/ /de slob pa dang / mi slob pa dge slong ma rnams kyi bsngags pa ma yin pa brjod pas ni
202a2 de'i lus dri nga bar gyur to/ /dge slong tshul khrims dang ldan pa rnams mthong na mig btsums pas ni dmus long du gyur to/ /dga' byed/ de ltar na las gcig tu nges par gnag
202a3 pa rnams ni rnam par smin pa'ang gcig tu gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /
202a4 las 'dren ma rnams ni rnam par smin pa'ang 'dren mar 'gyur ro/ /dga' byed/ de bas na las gcig tu nges par gnag pa rnams dang / 'dren ma rnams spangs la/ las
202a5 gcig tu nges par dkar ba rnams 'ba' zhig la gtad par bya ste/ dga' byed/ khyod kyis de ltar bslab par bya'o/ /chos kyi rnam grangs 'di bstan pa na srog chags sa yas
202a6 bden pa mthong bar gyur to/ /der bcom ldan 'das kyis dge slong rnams la bka' stsal pa/ dge slong dag /ser sna dang / ngag gi nyes par spyod pa'i nyes dmigs de dag dang
202a7 gzhan dag kyang rtogs nas ser sna dang / ngag gi nyes par spyod pa spang ba'i phyir brtson par bya ste/ dge slong / khyed kyis de ltar bslab par bya'o/ /bcom ldan 'das kyis de skad
202b1 ces bka' stsal nas/ dge slong de dag dang / lha dang / lha ma yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi rangs te/ bcom ldan
202b2 'das kyis gsungs pa la mngon par bstod do// //tshong dpon zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams
202b3 dang | pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang /
202b4 nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod
202b5 sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang
202b6 ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod
202b7 pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong dpon phyug cing nor mang la longs spyod
203a1 che ba| yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas te/ de phyi zhig na rgyal
203a2 bu rgyal byed kyi tshal du song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad
203a3 cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas
203a4 kyang bcom ldan 'das kyi zhabs la mgo bos phyag btsal te/ chos mnyan pa'i phyir/ bcom ldan 'das kyi spyan sngar 'dug nas/ bcom ldan 'das kyis de la 'khor ba las
203a5 skyo bar 'gyur ba'i chos bstan te/ de thos nas 'khor ba la nyes par lta ba dang / mya ngan las 'das pa la yon tan du lta bar 'gyur te/ bcom ldan 'das kyi bstan pa la
203a6 rab tu byung nas kun la grags pa dang / bsod nams chen po dang ldan par gyur te/ gos dang / zas dang / mal cha dang / stan dang / nad gsos dang / smon zong rnams
203a7 rnyed par gyur to/ /des yongs su bzung ba'i yo byad rnyed do cog gsog par byed de/ des tshangs pa mtshungs par spyod pa rnams la bgo bsha' ma byas so/ /de nas ser sna
203b1 kun tu bsten cing bsgoms te/ mang du byas pa des na/ rang gi yo byad la lhag par zhen bzhin du shi nas rang gi gnas khang du yi dwags su skyes so/ /de nas de'i tshangs pa mtshungs
203b2 par spyod pa rnams kyis gaN+Di mjug med pa brdungs nas rus bu phyir byung ngo / /de nas de'i rus bu la rus bu'i mchod pa byas nas/ phyir gtsug lag khang du lhags so/ /de nas gnas
203b3 khang gi sgo phye ste chos gos dang / lhung bzed g.yar snga 'grems pa la zhugs pa dang / re zhig na yi dwags rkang lag dang / mig mi sdug la lus mchog tu 'jigs la chos gos dang /
203b4 lhung bzed 'dzin cing 'dug pa de mthong ngo / /de ltar mi sdug pa de mthong nas/ dge slong ngag mi dga' bar gyur te/ bcom ldan 'das la gsol to/ /de nas bcom ldan 'das kyis
203b5 rigs kyi bu/ de la phan gdags pa dang / slob ma'i tshogs rnams skyo ba bskyed pa dang / ser sna'i rnam par smin pa mi sdug pa yang dag par bstan pa'i phyir dge slong gi tshogs kyis zham
203b6 ring byas te/ dge slong gi dge 'dun gyis mdun du bdar te/ gnas der gshegs so/ /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs
203b7 par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang
204a1 ba mthong nas/ mthong ma thag tu de bcom ldan 'das la sems dga' ba skyes te/ de ngo tsha bar gyur to/ /de nas bcom ldan 'das kyis char sprin gyi 'brug sgra
204a2 lta bur zab pa dang / rnga sgra lta bu'i gsung gis yi dwags de spyos te/ bzhin bzang / khyod nyid kyis bdag nyid phung ba'i phyir chos gos dang / lhung bzed 'di bsgrubs te/ des ni yi dwags
204a3 su skyes pa yin gyi/ da'ang nga la sems dga' bar gyis la yo byad 'di la'ang sems ma chags par byos dang legs so/ /'di las kyang shi nas sems can dmyal ba rnams su
204a4 skye re| de nas yi dwags des chos gos dang / lhung bzed dge 'dun la phul nas/ bcom ldan 'das kyi zhabs la phyag btsal te nyes pa bshags so/ /de nas bcom ldan 'das
204a5 kyis yi dwags kyi phyir yon gyi rabs gsungs pa/ sbyin pa 'di yi bsod nams gang / /de ni yi dwags phyi bzhin song / /yi dwags 'jig rten rab 'jigs las/ /de ni myur du
204a6 thar gyur cig /de nas yi dwags de bcom ldan 'das la sems dga' bar gyur te/ shi nas yi dwags rdzu 'phrul chen por skyes so/ /de nas yi dwags rdzu 'phrul chen po rna cha gdung
204a7 'khor dag cing 'gul ba thogs pa/ lus do shal dang / se mo dos brgyan pa/ nor bu sna tshogs kyis spras pa'i cod pan can/ lus gur kum dang / ta ma la'i lo ma dang / spr-i ka
204b1 la sogs pas byugs pa des de nyid kyi mtshan mo lha'i me tog ut+pal dang pad+ma dang / ku mud dang / pad+ma dkar po dang / man da ra ba rnams kyis thub bkang ste/ 'od ma'i tshal bya ka la na da ga gnas pa kho ra
204b2 khor yug 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir/ bcom ldan 'das kyi spyan sngar 'dug go /de nas bcom ldan 'das
204b3 kyis kyang de la de dang mthun pa'i chos bstan te/ de thos nas dga' ba skyes te song ngo / /de'i tshe dge slong srod dang / tho rangs mi nyal bar brtson pa lhur byed pa la gnas pa de dag gis
204b4 bcom ldan 'das kyi thad du snang ba chen po byung ba mthong ngo / /de mthong nas the tshom skyes te/ sangs rgyas bcom ldan 'das la zhus pa/ bcom ldan 'das ci lags/ mad nga sum mi
204b5 mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal
204b6 pa| dge slong dag /mi mjed kyi bdag po'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin gyi/ yi dwags de shi nas yi dwags rdzu 'phrul
204b7 chen por skyes te/ de mdangs sum nga'i thad du 'ongs nas/ ngas de la chos bstan te/ der sa'am skyes nas song ngo / /dge slong dag /de bas na ci na sa tshong dpon la sa yi dwags su
205a1 gyur pa de'i nyes pa de lta bu dag byung bar mi 'gyur bar ser sna spang ba la brtson par bya ste/ dge slong / khyed kyis de ltar bslab par bya'o/ /bcom ldan 'das
205a2 kyis de skad ces bka' stsal nas dge slong de dag dang / lha dang / lha ma yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi
205a3 rangs te/ bcom ldan 'das kyis gsungs pa la mngon par bstod do// //bu zhes bya ba ni/ sangs rgyas bcom ldan 'das la rgyal po rnams dang / blon po chen po rnams
205a4 dang | phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha
205a5 ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis mchod cing bkur stir byas/ bla mar byas/ ri mor byas/ mchod par
205a6 byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom
205a7 ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi
205b1 dge 'dun dang bcas pa/ rgyal po'i khab na 'ong ma'i tshal bya ka lan da ka gnas pa na rten cing bzhugs so/ /de nas tshe dang ldan pa 'dam bu sbyin gyi bu snga dro sham thabs dang / chos
205b2 gos bgos te/ lhung bzed thogs nas/ rgyal po'i khab tu bsod snyoms la song ngo / /rgyal po'i khab tu bsod snyoms byas nas zan zos te/ zas phyis len pa spangs nas/ chos gos
205b3 dang | lhung bzed bzhag ste/ yi dwags kyi yul du rgyu zhing song ba dang / des bya rgod kyi phung po'i ri'i nyen kor du yi dwags mo gshin rje'i srin mo 'dra la lus khrag gis bsgos pa/
205b4 dur khrod na 'dug bzhin du keng rus kyis bskor ba/ nyin mo dang / mtshan mo bu lnga lnga btsa' zhing de lta bu'i sdug bsngal myong la/ bu la byams pa yod bzhin du de bkres pas nyen nas
205b5 de dag za zhing 'dug pa zhig mthong ngo / /de nas gnas brtan 'dam bu sbyin gyi bus de la dris pa/ khyod kyis sngon las ci zhig byas na/ des 'di lta bu'i sdug bsngal myong zhing 'dug/
205b6 yi dwags mos smras pa/ nyi ma shar ba na sgron ma mi dgos kyi/ bcom ldan 'das la don 'di zhus shig dang / de khyod la bdag gi las kyi rnam pa lung ston par 'gyur te/ de thos na
205b7 sems can gzhan dag kyang sdig pa'i las spong bar 'gyur ro/ /de tshe dang ldan pa 'dam bu sbyin gyi bu bcom ldan 'das ga la ba der song ngo / /de'i tshe bcom ldan 'das nang du yang
206a1 dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du
206a2 ma yang dbang po rnams mi g.yo bar bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba/ snyan par
206a3 gsung ba/ tshur shog 'ongs pa legs so zhes gsung ba/ sngar 'dzum pa yin te/ der bcom ldan 'das kyis tshe dang ldan pa 'dam bu sbyin gyi bu la bka' stsal pa/ 'dam bu
206a4 sbyin gyi bu/ tshur shog /khyod 'ongs pa legs so/ /khyod da gdod ga las 'ongs/ 'dam bu sbyin gyi bus gsol pa/ btsun pa bcom ldan 'das/ bdag ni yi dwags kyi nang
206a5 du mchi mchi ba las slar mchis te/ der bdag gis yi dwags mo gshin rje'i srin mo 'dra la/ lus khrag gis bsher ba/ dur khrod na 'dug pa bzhin du keng rus kyis bskor
206a6 ba zhig mthong lags so/ /yang gsol pa/ bdag ni nyin bzhin bu lnga btsa'/ /mtshan yang de bzhin lnga btsa' ste/ /btsas nas de dag zos na yang / /'grangs par mi 'gyur
206a7 zhes mchi na/ /de yis mi yi 'jig rten du/ /rab 'jigs sdig pa ci bgyis na/ /des na sdug bsngal 'di 'dra ba/ /'jigs su rung ba myong bar 'gyur/ /bcom ldan 'das kyis
206b1 bka' stsal pa/ 'dam bu sbyin gyi bu/ yi dwags mo de ni sdig pa'i las byed byed pa yin no/ /de las kyi rnam pa nyan par 'dod dam/ btsun pa/ mnyan par 'tshal lags so/ /'dam bu
206b2 sbyin gyi bu/ 'o na legs par rab tu nyon la yid la zungs shig dang ngas bshad do/ /'dam bu sbyin gyi bu/ sngon byung ba 'das pa'i dus na grong khyer wA ra NA si na tshong dpon phyug cing nor
206b3 mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las
206b4 chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod kyang bu'ang med/ bu mo'ang med de/ de lag pa la skom
206b5 tshugs bcas nas/ bdag gi khyim nor du ma dang ldan du zin kyang bu'ang med/ bu mo'ang med pas/ bdag 'das pa'i 'og tu ni bu med pa'i phyir ci bdog pa thams cad rgyal po
206b6 dbang bar 'gyur ro snyam ste/ sems khongs su chud cing 'dug go /de nas bu med de bu 'dod pa'i phyir gu lang dang / chu lha dang / ku be ra dang / brgya byin dang / tshangs pa la sogs
206b7 pa dang / lha'i khyad par gzhan dag la'ang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha
207a1 dang | gtor ma len pa'i lha dang / lhan cig skyes pa dang / chos mthun pa dang / rtag tu phyi bzhin 'brang ba'i lha rnams la yang gsol ba 'debs la/
207a2 'jig rten na'ang gsol ba btab pa'i rgyus bu dang / bu mo skye bar 'gyur ro zhes bya ba'i gtam de yod mod kyi/ de 'ang de lta ni ma yin te/ gal te gsol ba btab pa'i rgyus bu
207a3 dang | bu mo skye bar 'gyur du zin na/ 'khor los bsgyur ba'i rgyal po bzhin du re re la'ang bu stong stong yod par 'gyur ba'i rigs so/ /ye ni gnas gsum tshogs pa las bu dang /
207a4 bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas
207a5 'di gsum tshogs pa las bu dang / bu mo skye bar 'gyur te/ des lha mnyes par byas kyang bu'ang ma byung / bu mo'ang ma byung nas/ de'i blo 'di lta bu zhig skyes te/ ma la/ bdag
207a6 gis chung ma zhig blangs na/ brgya la bu yod par gyur lta srid dam snyam ste/ des rigs mnyam pa las chung ma blangs nas/ de de dang lhan cig tu rtse zhing dga' la dga' mgur
207a7 spyod do/ /de rtse zhing dga' la dga' mgur spyod pa las phyi zhig na bu chags par gyur nas/ de dga' zhing mgu la rab tu dga' nas/ khyim thab la spran pa/ jo bo/ bdag la
207b1 sras chags te/ bdag gi rum g.yas logs na rten cing gnas pa las na/ khye'ur 'gyur bar nges kyi/ dgyes pa bskyed du gsol zhes byas so/ /de'ang dga' ches te/ ro stod ni
207b2 bteg /lag pa g.yas pa ni brkyang nas/ bdag gis yun ring po nas smon smon pa'i bu'i ngo mthong bar 'ong ngo / /bdag gis bu rung bar shog cig /mi rung bar ma gyur cig /bdag
207b3 gi bya ba dag byed par shog cig /gsos pa'i lan phyir gsol bar shog cig /nor skal la spyod par shog cig /bdag gi rigs rgyud ring du gnas par shog cig /bdag cag 'das
207b4 te shi ba'i 'og tu'ang bdag cag gi phyir mang yang rung / nyung yang rung ste/ sbyin ba dag byin la bsod nams dag byas nas de gnyis gang dang / gang du skyes shing 'gro ba der 'di song
207b5 zhig ces yon bsngo bar shog cig ces dga' ba'i tshig brjod do/ /de nas des bu chags par rig nas bu'i rim gro bya ba'i phyir khang bzang gi steng du nyam rangs su bzhag ste/ grang ba'i
207b6 tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams
207b7 dang | ha cang lan tshwa ba ma yin pa rnams dang / ha cang mdar ba ma yin pa rnams dang / ha cang ro tsha ba ma yin pa rnams dang / ha cang bskal ba ma yin pa rnams dang / kha ba dang /
208a1 skyur ba dang / lan tshwa dang / mngar ba dang / tsha ba dang / bska ba med pa'i zas rnams kyis bsten cing / do shal dang / se mo do lus rnam par klubs te/
208a2 lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi
208a3 'ong ba'i sgra skad ci yang mi thos par byas so/ /de nas chung ma snga ma des de bkur zhing gces par byed pa mthong nas phrag dog skyes te sems pa/ gal te 'di las bu btsas
208a4 par gyur na ni/ bdag la gnod pa byed par 'gyur gyi/ ci nas de'i thabs shig bya dgos snyam mo/ /'dod pa la yongs su bsten pa la ni sdig pa'i las mi bya ba'i bag ci
208a5 yang med de/ mi sdug pa'i 'gro ba'i g.yang sar kha bltas pa/ des yid rton du bcug nas gang 'thungs pa tsam gyis nyon mongs ma de'i bu 'phyil bar 'gyur ba de lta bu'i
208a6 mngal rlug pa'i rtsi byin no/ /de nas chung ma phyi ma des nye du thams cad bsdus nas chung ma snga ma de zhal lce la bkug ste/ khyod kyis bdag yid rton du bcug nas mngal rlug
208a7 pa'i rtsi byin te/ des bdag gi bu 'phyil to zhes byas so/ /de nas chung ma snga ma des nye du rnams kyi nang du ma na'ang bor te/ gal te bdag gis khyod la mngal rlug pa'i rtsi byin par
208b1 gyur na bdag yi dwags mor gyur te/ bu byung ngo cog za bar shog cig byas so/ /'dam bu sbyin gyi bu/ ji snyam du sems/ tshong dpon gyi chung mar gyur pa gang yin pa de ni yi dwags
208b2 mo de yin te/ des sngon phrag dog byas pa des na yi dwags mor skyes so/ /des brdzun byas te mna' bor ba'i las kyi rnam par smin pa des ni nyin mo dang / mtshan mo bu lnga lnga btsa'
208b3 zhing za bar gyur to/ /'dam bu sbyin gyi bu/ de bas na khyod kyis ngag gi nyes pa spang ba la brtson par bya ste/ ci nas yi dwags mo de'i nyes pa de lta bu dag 'byung bar mi 'gyur ba
208b4 de ltar 'dam bu sbyin gyi bu khyod kyis bslab par bya'o/ /bcom ldan 'das kyis de skad ces bka' stsal nas/ tshe dang ldan pa 'dam bu sbyin gyi bu dang / lha dang / lha ma yin dang / nam
208b5 mkha' lding dang / mi'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //gang po la
208b6 sogs pa'i rtogs pa brjod pa brgya pa/ bam po bcu gnyis pa/ phyi sa khung zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug
208b7 po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang /
209a1 nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang /
209a2 klu dang | gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams
209a3 chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yangs pa
209a4 can na/ sbre'u rdzing gi 'gram khang pa brtsegs pa'i gnas na rten cing bzhugs so/ /de'i tshe yangs pa can na grong khyer 'obs shig gi nang na/ yi dwags zas su skyugs pa za ba/
209a5 por ba za ba/ ngar snabs dang / gcin gyis 'tsho ba/ rnag dang / khrag dang / phyis za ba/ mi bzad pa/ rang bzhin gyis sdug bsngal ba lnga brgya gnas so/ /yang smras pa/ skyugs pa
209a6 za zhing bor ba za/ /ngar snabs gcin gyis 'tsho ba dang / /rnag khrag dang ni phyi sa za/ /mi bzad rang bzhin sdug cing 'dug /yangs pa can de na bram ze zhig kyang 'dug ste/ des rigs
209a7 mnyam pa las chung ma blangs nas/ de de dang lhan cig tu rtse dga' la dga' mgur spyod do/ /de rtse zhing dga' la dga' mgur spyod pa las/ chung ma la bu chags nas de'i lus dri nga bar
209b1 gyur to/ /de nas bram ze des mtshan mkhan rnams bkug ste dris na/ de dag na re/ 'di ni lto na khye'u 'dug pa de'i mthu yin no zhes zer ro/ /re zhig na de zla ba brgyad dam/ dgu lon pa dang bu
209b2 byung ste/ khye'u mdog ngan cing blta na mi sdug la byad ngan po lus mi gtsang bas bsgos pa dri nga ba zhig btsas so/ /de mchog tu mi sdug mod kyi/ byams pa'i dbang gis sbrel bas pha ma gnyis
209b3 kyis gsos so/ /de mi gtsang ba'i gnas rnams 'ba' zhig tu dga' la phyag dar gyi phung po dang / phyis khung du skra 'bal zhing khar mi gtsang ba 'dzud nas/ de'i ming phyis khung zhes bya bar
209b4 gyur to/ /re zhig na de phan tshun du 'khyam pa las 'od srung rdzogs byed kyis mthong nas/ de 'di snyam du sems te/ 'di de lta bu'i gnas rnams su dga' ba las na 'di ni gor ma chags
209b5 par grub pa'i skyes bu zhig yin gyi bdag gis 'dir rab tu dbyung ngo snyam mo/ /des de rab tu phyung nas gcer bur 'khyam zhing 'dug la/ legs pa byed pa la'ang gnas so/ /de nas
209b6 de 'khyam zhing song ba las yangs pa can gyi 'obs kyi nang na yi dwags lnga brgya 'khod pa rnams mthong nas/ de sngon gyi las kyi rnam par smin pa dang 'brel pas grong khyer gyi 'obs de'i nang
209b7 du song nas de dag dang lhan cig 'dus shing phrad de/ dga' bar gyur nas grogs por gyur to/ /phyis re zhig na khye'u phyis khung don zhig la brel te yangs pa can du song ngo / /bcom ldan
210a1 'das kyang grong khyer gyi 'obs der byon nas yi dwags de dag gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par
210a2 brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang
210a3 pa mthong ngo / /mthong ma thag tu bcom ldan 'das kyi zhabs la phyag btsal nas/ bcom ldan 'das bdag cag phongs lags so/ /bcom ldan 'das kyis bka' stsal pa/ khyed cis
210a4 phongs/ yi dwags rnams kyis smras pa/ bcom ldan 'das/ bdag cag ni skom lags so/ /de nas bcom ldan 'das kyis phyag sor lnga las yan lag brgyad dang ldan pa'i chu'i rgyun
210a5 lnga phab ste/ des yi dwags lnga brgya po de dag tshim par mdzad do/ /de nas de dag bcom ldan 'das la sems dga' bar gyur te/ shi nas sum cu rtsa gsum pa'i lha yul bzang por skyes
210a6 so| |lha'i bu'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /
210a7 de nas yi dwags las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur par de dag gis mthong ngo / /de nas
210b1 sngon yi dwags su gyur pa'i lha'i bu de dag 'di snyam du sems te/ bdag cag zhag lon te/ gzod bcom ldan 'das la blta ba'i phyir/ 'gro ba ni bdag cag gi cha ma yin gyi/ bdag cag
210b2 zhag ma lon par bcom ldan 'das la blta ba'i phyir 'dong ngo snyam mo/ /de nas sngon yi dwags su gyur pa'i lha'i bu rna cha gdub kor dag cing 'gul pa thogs pa/ lus do shal dang / se
210b3 mo dos brgyan pa/ nor bu sna tshogs kyis spras pa'i cod pan can/ lus gur gum dang / ta ma la'i lo ma dang / spr-i ka la sogs pas byugs pa de rnams kyi de nyid kyi mtshan mo lha'i me tog
210b4 ut+pa la dang / pad+ma dang / ku mu da dang / pad+ma dkar po dang / man dA ra rnams kyis thu ba bkang ste/ khang pa brtsegs pa'i gnas thams cad 'od chen pos snang bar byas nas/ bcom ldan 'das
210b5 la me tog gis gtor te/ chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis sngon yi dwags su gyur pa'i lha'i bu rnams kyi bsam pa dang /
210b6 bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu lnga brgyas 'jig
210b7 tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ de dag gis bden pa mthong nas tshong pa khe spogs phyin pa dang / zhing
211a1 pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar ba bzhin du 'byor ba gang gis bcom ldan 'das kyi thad du
211a2 lhags pa'i 'byor ba de nyid kyis bcom ldan 'das la lan gsum bskor ba byas nas rang gi gnas su dong ngo / /de nas khye'u phyi sa khung grong khyer gyi 'obs su 'ongs pa dang / yi dwags de
211a3 dag ma mthong ngo / /de nas tshol ba la zhugs te/ de de dag yongs su tshol bas skyo bar 'gyur la de dag ni ma rnyed do/ /de'i skabs su sangs rgyas bcom ldan 'das rnams kyis ni mi
211a4 mkhyen pa'am/ mi gzigs pa'am/ mi rtogs pa'am/ thugs su mi chud pa zhig ci yang med la/ sangs rgyas bcom ldan 'das thugs rje chen po dang ldan la/ 'jig rten la phan
211a5 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med la/ gnyis su mi gsung ba/ zhi gnas dang / lhag mthong la gnas pa/ rig pa gsum snang
211a6 bar mdzad pa/ bslab pa gsum legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu
211a7 brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan
211b1 lag lnga rnams par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang
211b2 chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/
211b3 phyogs bcur grags pas kun tu rgyas pa/ brgya phrag bcu pa la dbang byed pa pas ches khyad par du 'phags pa rnams ni chos nyid kyis nyin dus gsum/ mtshan dus gsum du sangs rgyas kyi spyan gyis
211b4 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar 'gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/
211b5 su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song las phyung ste/ mtho ris dang / thar pa dang / 'bras bu la gzhag par bya/ su ni 'dod pa'i
211b6 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa
211b7 ba rnams ma bskyed pas bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes
212a1 gzigs pa 'jug go /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs
212a2 rgyas dus las yol ba med/ /de nas bcom ldan 'das rigs kyi bu phyi sa khung la phan gdags pa'i phyir snga dro sham thabs dang / chos gos gsol te/ lhung bzed bsnams nas dge
212a3 slong gi tshogs kyis zham ring byas te/ dge slong gi dge 'dun gyi mdun du bdar nas yangs pa can du bsod snyoms la gshegs pa dang / re zhig na mthar gyis bsod snyoms bskor
212a4 te srang du gshegs na/ phyi sa khung yang phan tshun 'khor 'khor te/ bcom ldan 'das kyi spyan sngar 'greng ngo / /de nas des sangs rgyas bcom ldan 'das sku skyes bu chen po'i mtshan
212a5 sum cu rtsa gnyis kyis legs par brgyan pa/ dpe byad bzang po brgyad cus mdzes par byas ba/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin
212a6 po che'i ri bo 'gro ba lta bu kun nas bzang ba mthong ngo / /mthong nas kyang de'i mod la des bcom ldan 'das la sems dga' bar byas so/ /de dga' ba skyes nas/ bcom ldan 'das
212a7 kyi zhabs la phyag btsal te thal mo sbyar nas gsol pa/ bcom ldan 'das/ gal te sems can bdag cag lta bu'ang legs par gsungs pa'i chos 'dul ba 'di la rab tu
212b1 'byung ba mchis te/ chud par gyur na bdag cag kyang rab tu 'byung bar 'tshal lo/ /de nas bcom ldan 'das thugs rje chen po dang ldan pa/ sems can rnams kyi bsam pa dang / bag la nyal
212b2 ba mkhyen pas/ de shin tu skal ba dang ldan par thugs su chud nas phyag glang po che'i sna lta bu gser gyi kha dog can brkyang ste 'di skad ces bka' stsal to/ /dge slong / tshur shog /tshangs
212b3 par spyad pa spyod cig /bcom ldan 'das kyis de skad ces bka' stsal pa'i mod la/ skra dang / kha spu ni bregs nas zhag bdun lon pa tsam du gyur/ spyod lam ni bsnyen par rdzogs nas lo brgya
212b4 lon pa lta bur 'dug par gyur pa/ lag na ni lhung bzed dang / chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ de ni mgo bregs lus la
212b5 snam sbyar gyon/ /sangs rgyas kyi ni dgongs pas gos bgos nas/ /mod la dbang po rab tu zhi bar gnas/ /de nas bcom ldan 'das kyis de la yid la byed pa'i lung phog ste/ des brtson
212b6 pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam
212b7 par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum
213a1 pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan+dan spangs pa lta
213a2 bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur
213a3 sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de dgra bcom pa nyid thob zin na'ang
213a4 ngan pa la dga' bar gyur nas/ der bcom ldan 'das kyis dge slong rnams la bka' stsal pa/ dge slong dag/ 'di lta ste/ nga'i dge slong phyi sa khung 'di ni nga'i nyan thos kyi
213a5 dge slong ngan ngon la mos pa rnams kyi mchog yin no/ /de nas dge slong dag the tshom skyes te the tshom thams cad gcod pa sangs rgyas bcom ldan 'das la zhus pa/ btsun
213a6 pa| gnas brtan phyis khung gis las ci bgyis na des 'di lta bu'i sdug bsngal myong bar 'gyur lags/ bcom ldan 'das kyis bka' stsal pa/ dge slong dag /phyis khung
213a7 nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la gdon mi za bar 'ong ba'i las de dag byas shing bsags pas na/
213b1 phyi sa khung nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni/ phyi rol gyi sa'i khams
213b2 la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni/
213b3 zin pa'i phung po dang / khams dang / skye mched rnams 'ba' zhig la smin par 'gyur ro/ /lus can dag gis las rnams ni/ /bskal pa brgyar yang chud mi za/ /tshogs shing dus la
213b4 bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na/ de bzhin gshegs pa/
213b5 dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa
213b6 lha dang / mi rnams kyi ston pa/ sangs rgyas bcom ldan 'das 'khor ba 'jig ces bya ba 'jig rten du byung ste/ de rgyal po'i pho brang mdzes ldan zhes bya ba na rten cing bzhugs so/ /de'i tshe'i rgyal
213b7 po'i pho brang der khyim bdag gcig gis gtsug lag khang zhig brtsigs te/ der phyogs dang / yul sna tshogs na gnas pa'i dge slong 'ongs pa dang / 'gro ba dang / gnas par sems
214a1 so| |gtsug lag khang de na so so'i skye bo'i dge slong zhig gnas te/ de yang gnas la shin tu ser sna che ba zhig ste/ dge slong gsar du 'ong ba rnams mthong na/
214a2 tshig pa za zhing 'khrug la gnod sems byed de/ zhul zhul por 'dug cing 'khrug pa skyed par byed do/ /dge slong gang dag gtsug lag khang de nas gud du 'gro ba de dag mthong na ni/ shas
214a3 cher dga' zhing mchog tu dga' la skyel zhing smra bar byed do/ /phyis re zhig na gzhig gi yul nas dge slong dgra bcom pa zhig 'ongs so/ /gtsug lag khang gi bdag po de'ang phyir mi 'ong
214a4 ba yin te/ des spyod lam gyi sgo nas dgra bcom pa yin par shes so/ /de nas dga' ba skyes te/ phyi de nyin dge slong gi dge 'dun dang bcas par cho ga dang ldan pa'i khrus dang / bshos
214a5 la spyan drangs so/ /dge slong gzhi ba de ni de na med pa las re zhig na phyi de nyin chog dang ldan pa'i khrus kyang phul/ bshos kyang bshams pa dang / dge slong gzhi pa de'ang 'ongs te/
214a6 de'ang cho ga dang ldan pa'i khrus sar song nas/ gtsug lag khang gi bdag po khyed rings su byung ste/ dge slong gsar du 'ongs pa'i byi dor byed cing 'dug pa mthong ngo / /de nas de
214a7 phrag dog skyes nas/ des sdang ba'i sems kyis ngag gi las rtsub po smras te/ dge slong khyed ni lus mi gtsang bas byugs kyang bla yi/ sbyin bdag 'di lta bu'i bsnyen bkur len pa ni de
214b1 lta ma yin no zhes byas so/ /de nas dgra bcom pa des nyon mongs pa 'di las ches ming bzad pa skal pa can du 'gyur na mi rung ngo snyam nas/ cang mi zer bar dang du blangs so/ /re zhig na tshogs par
214b2 gyur te dro la bab pa na dge slong gzhi ba des dgra bcom pa la khyod kyis sdang ba'i sems bskyed do zhes zer ba thos so/ /thos nas kyang de 'gyod pa skyes so/ /de nas dge slong dgra bcom pa de'i
214b3 rkang pa la phyag 'tshal te/ 'phags pa/ bdag gis khyod la tshig rtsub po smras pa de bzod pa gsol lo zhes byas so/ /de nas dgra bcom pa des de'i dad pa bskyed pa'i phyir/ nam mkha' la
214b4 'phags nas cho 'phrul rnam pa sna tshogs bstan to/ /de nas lhag par yang 'gyod pa skyes te/ de nas de'i mdun du las kyi nyes pa de mthol zhing bshags te/ shang kyis sbyangs so/ /'on kyang
214b5 des mthar thug pa'i ye shes bskyed ni ma nus so/ /de nas re zhig na 'chi ba'i dus la bab pa dang / des smon lam btab pa/ bdag gis dgra bcom pa la sdang ba'i sems bskyed pa dang /
214b6 ngag gi las rtsub po gang yin pa'i las de'i rnam par smin pa ni bdag gis myong bar ma gyur cig /bdag gis bklags pa dang / kha ton byas pa dang / sbyin pa dang / sbyin pa chen po dag byin pa
214b7 dang | dge 'dun pa bsnyen bkur byas pa'i las kyi rnam par smin pa gang yin pa des ni ma 'ongs pa'i dus na/ sangs rgyas bcom ldan 'das mnyes par byed par shog cig /ces byas so/ /dge
215a1 slong dag /ji snyam du sems/ de'i tshe de'i dus na dge slong gzhi par gyur pa gang yin pa de ni phyi sa khung 'di nyid yin te/ des dgra bcom pa la ngag gi las rtsub
215a2 po smras pa'i las kyi rnam par smin pa des na 'khor ba na sdug bsngal mtha' yas pa myong bar gyur te/ las de nyid kyi lhag ma lus pas de ltar srid pa tha ma la bab pa'i tshe'ang 'di ltar dri
215a3 nga zhing mchog tu dri nga bar gyur la/ mi gtsang ba dang / snyag snyig la dga' bar gyur to/ /de nas kha ton byas pa dang / phung po la mkhas pa dang / khams la mkhas pa dang / skye mched la
215a4 mkhas pa dang / rten cing 'brel par 'byung ba la mkhas pa dang / gnas dang / gnas ma yin pa la mkhas par byas pa des ni nga'i bstan pa la rab tu byung nas/ nyon mongs pa thams cad
215a5 spangs te/ dgra bcom pa nyid mngon sum du byas so/ /dge slong dag /de lta bas na 'di ltar bslab par bya ste/ ser sna spang ba la brtson par bya'o/ /de ci'i phyir zhe na/ phyi sa khung
215a6 so so'i skye bor gyur pa'i nyes pa gang yin pa de dag 'byung bar mi 'gyur ba dang / des dgra bcom pa nyid thob pa'i yon tan gyi tshogs 'di lta bur 'gyur ba'i phyir te/ dge
215a7 slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi'am ci
215b1 dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //rtogs pa brjod pa brgya pa las/ sdom gyi tshigs
215b2 su bcad pa lnga pa rdzogs so// //sdom pa ni/ sprul nag dang ni zla ba dang / /sA la dang ni dpal ldan ma/ /gos dang ne tso pho nya dang / /ma he dang ni gso sbyong dang / ngang pa tha mar
215b3 brjod pa yin/ /sbrul nag po zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong
215b4 dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye
215b5 chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye
215b6 chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang /
215b7 sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab kyi grong khyer na khyim
216a1 bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa
216a2 zhig yod de/ de'ang ser sna can 'jungs pa yo byad rnams kun tu 'dzin pa/ khwa la'ang gtor ma mi ster ba zhig ste/ des dge sbyong dang / bram ze dang / sdug cing phongs pa dang / bkren
216a3 pa dag mthong na sems sdang bar byed do/ /de nas des rang gi skyed mos tshal du gser dngul gyi phung po chen po sbas te bzhag nas/ de de la chags te lhag par zhen bzhin du shi'o/ /
216a4 de shi nas de nyid kyi steng du sbrul gdug pa/ sbrul nag po chen po mig gdug pa zhig tu skyes so/ /de nas skyed mos tshal der skye bo'i tshogs gang song ba de dag bltas pa tsam gyis
216a5 gsod par byed do/ /rgyal po'i khab kyi grong khyer thog thag tu'ang che ge mo'i skyed mos tshal du song ba de dag thams cad brlag par 'gyur ro zhes sgra grag par gyur to/ /skye bo'i
216a6 tshogs kyis kyang rgyal po gzugs can snying po la gsol to/ /de nas rgyal po gzugs can snying po 'di snyam du sems te/ sangs rgyas bcom ldan 'das ma gtogs par de 'dul
216a7 nus par gzhan du zhig yod snyam mo/ /de nas rgyal po gzugs can snying po skye bo mang po'i 'khor dang bcas pa/ bcom ldan 'das ga la ba der song ste phyin nas bcom ldan 'das
216b1 kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas/ bcom ldan 'das kyis rgyal po gzugs can snying po la chos kyi gtam gyis yang dag par
216b2 bstan/ yang dag par 'dzin du bcug /yang dag par gzengs bstod/ yang dag par dga' bar mdzad do/ /chos kyi gtam rnam grangs du mas yang dag par bstan/ yang dag par 'dzin
216b3 du bcug /yang dag par gzengs bstod/ yang dag par dga' bar mdzad nas cang mi gsung bar bzhugs so/ /de nas rgyal po gzugs can snying po stan las langs te/ bla gos phrag pa
216b4 gcig tu gzar nas bus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /
216b5 bcom ldan 'das/ rgyal po'i khab 'di na skyed mos tshal ga ge mo zhig na sbrul gdug pa/ sbrul nag po chen po chen po mig gdug pa zhig mchis te/ skye bo mang po brlag par bgyid
216b6 lags na/ bcom ldan 'das kyis thugs brtse ba'i slad du de gdul bar gsol/ de nas bcom ldan 'das kyis rgyal po gzugs can snying po la cang mi gsung bas gnang ngo / /de nas
216b7 rgyal po gzugs can snying po bcom ldan 'das kyis cang mi gsung bar gnang bar rig nas/ bcom ldan 'das kyi zhabs la mgo bos phyag btsal te stan las langs nas song ngo / /
217a1 de nas bcom ldan 'das de nyid kyi mtshan mo 'das nas snga dro sham thabs dang chos gos gsol te/ lhung bzed bsnams nas skyed mos tshal ga la ba der
217a2 gshegs te byon nas/ bcom ldan 'das kyis 'od zer gser gyi kha dog can nyi ma stong gi 'od las lhag pa dag bkye ste/ de dag gis skyed mos tshal de dag thams cad snang bar
217a3 byas so/ /bskal pa stong gi bar du yongs su bsgoms pa'i byams pa'i 'od zer dag kyang bkye ste/ de dag gis de'i lus la phog ma thag tu rab tu sim par gyur to/ /de nas sbrul
217a4 gdug pa des phan tshun du bltas te/ su'i mthus bdag gi lus sim par gyur cig gu snyam pa dang / des sangs rgyas bcom ldan 'das sku skyes bu chen po'i mtshan sum cu rtsa
217a5 gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri
217a6 bo 'gro ba lta bu kun nas bzang ba mthong ngo / /mthong ma thag tu des bcom ldan 'das la dad pa'i sems bskyed de/ dad pa'i sems dang ldan par gyur nas/ bcom ldan 'das
217a7 kyis de dang mthun pa'i chos bstan te/ bzhin bzang khyod nyid kyis rdzas 'di bsgrubs pa des na khyod sbrul gdug par lhung bar byas so/ /da yang nga la dad pa'i sems bskyed
217b1 la gter 'di la yang sems ma chags par byos dang legs so/ /'di nas shi 'phos nas kyang sems can dmyal bar skyes re/ de nas gang gi tshe bcom ldan 'das kyis de tshe rabs
217b2 dran par mdzad pa de'i tshe de dus so/ /de nas bcom ldan 'das kyis de'i tshe tshigs su bcad de bka' stsal pa/ khyod ni dud 'gror skyes pa la/ /da ni nga yis ci byar med/ /mi khom
217b3 par ni skyes zin gyi/ /don med dus pas ci la phan/ /'dir ni rgyal ba snying rje can/ /nga la dad pa'i sems bskyed la/ /dud 'gro'i skye gnas spangs na legs/ /'on tang mtho ris
217b4 'gro bar 'gyur/ /de nas re zhig na bcom ldan 'das kyis sbrul de lhung bzed kyi nang du bcug ste/ 'od ma'i tshal du bsnams so/ /de'i skabs su rgyal po dang / yul ma ga d+ha'i
217b5 skye bo'i tshogs kyis sbrul gdug pa de bcom ldan 'das kyis ji ltar btul ba thos so/ /de nas sbrul gdug pa de rang gi lus la smad de kha 'tshos nas/ bcom ldan 'das la sems
217b6 dga' bar gyur te/ shi nas sum cu rtsa gsum pa'i lha yul bzang por skyes so/ /lha'i bu'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar
217b7 'gyur te/ gang nas shi 'phos/ gang du skyes/ las gang gis skyes snyam mo/ /de nas sbrul gdug pa las shi 'phos pa dang / sum cu rtsa gsum pa'i lha yul bzang por skyes pa dang /
218a1 bcom ldan 'das la sems dga' bar gyur pa des mthong ngo / /de nas sngon sbrul gdug par gyur pa'i lha'i bu de 'di snyam du sems te/ bdag zhag lon nas
218a2 gzod bcom ldan 'das blta ba'i phyir 'gro ba ni bdag gi cha ma yin gyi/ bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon sprul gdug
218a3 par gyur pa'i lha'i bu rna cha gdub kor dag cing 'gul pa thogs pa/ lus do shal dang / se mo dos brgyan pa/ nor bu sna tshogs kyis spras pa'i cod pan can/ lus gur gum dang /
218a4 ta ma la'i lo ma dang / spr-i kA la sogs pas byugs pa des de nyid kyi mtshan mo lha'i me tog ut+pa la dang / pad+ma dang / ku mu da dang / pad+ma dkar po dang / man da ra rnams kyis thu
218a5 ba bkang ste/ 'od ma'i chal bya ka lan da ka gnas pa thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom
218a6 ldan 'das kyi spyan sngar 'dug go /de nas bcom ldan 'das kyis sngon sprul gdug par gyur pa'i lha'i bu'i bsam pa dang / bag la nyal dang / khams dang / rang bzhin thugs su chud
218a7 nas 'phags pa'i bden pa'i bzhi rtogs par 'gyur pa de lta bu'i chos bstan te/ de thos nas sngon sbrul gdug par gyur pa'i lha'i bus 'jig tshogs la lta ba'i ri'i rtse mo mthon po
218b1 nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig tu brjod pa/ btsun pa bcom ldan 'das kyis bdag gi khrag dang / mchi
218b2 ma'i rgya mtsho bskams pa dang / rus pa'i ri las bsgral ba dang / ngan song gi sgo rnams bcad pa dang / mtho ris dang / thar pa'i sgo rnams phye ba dang / bdag lha dang / mi rnams kyi nang du bzhag
218b3 pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang / gnyen gyi tshogs kyis kyang ma bgyis/ sngon gyi mtshun
218b4 rnams kyis kyang ma bgyis/ dge sbyong dang / bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis
218b5 bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas
218b6 thob| |bdag ni sdug bsngal rgya mtsho pha rol brgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /
218b7 srid pa stong du mthong pa dka' ba yi/ /thub pa khyod ni deng mthong 'bras bu yod/ /de nas do shal 'phyang ba dgar gyur te/ /btud cing zhabs gnyis la ni phyag 'tshal nas/ /dgra thub la ni
219a1 bskor ba byas nas kyang / /lha yi 'jig rten kha ltas lha yul song / /de nas sngon sprul gdug par gyur pa'i lha'i bu de tshong pa khe spogs phyin pa dang / zhing pa
219a2 'bru rgyal bar gyur pa dang / dpa' po g.yul las rgyal ba dang / nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa
219a3 de nyid kyis de nyid kyi mtshan mo rgyal po gzugs can snying po'i thad du song nas/ rgyal po'i pho brang thams cad 'od chen pos snang bar byas te/ rgyal po bslang nas 'di skad ces smras
219a4 so| |rgyal po chen po/ longs/ nyal te ci bya/ de nas rgyal po sad de 'od chen po dang / lha'i bu de mthong ngo / /mthong nas kyang dga' zhing mgu ste khyod su zhig ces dris so/ /de na re/
219a5 bdag ni skyed mos tshal der bcom ldan 'das kyis sprul gdug pa btul te shi nas sum cu rtsa gsum pa'i lha yul bzang por skyes pa yin te/ bcom ldan 'das la'ang bdag
219a6 gis bsnyen bkur byas nas bden pa mthong bar gyur to/ /da bdag gis khyod la bstan gyis khyod song la/ skyed mos tshal de'i phyogs ga ge mo zhig nas gter chen po phyung la/
219a7 bdag gi phyir bcom ldan 'das nyan thos kyi dge 'dun dang bcas pa bshos gsol te/ yon gyi rabs kyang gdon par gsol cig /de nas rgyal po gzugs can snying pos lha'i
219b1 bu la cang mi zer bar khas blangs so/ /de nas sngon sbrul gdug par gyur pa'i lha'i bus rgyal pos cang mi zer bas khas blangs par rig nas de nyid du mi snang bar gyur to/ /de nas rgyal
219b2 po gzugs can snying pos de nyid kyi mtshan mo yul ma ga d+ha'i pho brang 'khor gyi mi dang / yul mi rnams la bsgo nas skyed mos tshal der song ste gter byung nas bcom ldan 'das nyan thos
219b3 kyi dge 'dun dang bcas pa zla ba gsum gyi bar du bshos gsol te bcom ldan 'das la zhus pa/ bcom ldan 'das/ sngon sprul gdug par gyur pa'i lha'i bus las gang dag bgyis na
219b4 des sprul gdug par skyes lags/ las gang dag bgyis na des lha'i nang du skyes nas bden pa mthong bar gyur lags/ bcom ldan 'das kyis bka' stsal pa/ de shas cher chags
219b5 pa bskyed de/ dge sbyong dang / bram ze dang / sdug cing phongs pa dang / bkren pa rnams la sdang ba'i sems bskyed pa des ni sprul gdug par skyes so/ /nga la sems dga' bar byas pa
219b6 des ni lha'i nang du skyes so/ /yang dag par rdzogs pa'i sangs rgyas 'od srung gi ring la dge bsnyen du gyur to/ skyabs su song ba dang / bslab pa'i gzhi blangs pa des ni bden pa mthong
219b7 par gyur to/ /rgyal po chen po/ de bas na ser sna spang ba'i phyir brtson par bya ste/ ci nas sprul gdug par gyur pa'i nyes pa de lta bu dag 'byung bar mi 'gyur ba dang / de nyid lha'i bur gyur
220a1 pa'i yon tan gyi tshogs de dag lta bur 'gyur bar rgyal po khyod kyis bslab par bya'o/ /de nas rgyal po gzugs can snying po bcom ldan 'das kyis gsungs
220a2 pa la mngon par bstod de rjes su yi rangs nas/ bcom ldan 'das kyi zhabs la mgo bos phyag btsal te stan las langs nas song ngo / /bcom ldan 'das kyis de skad ces bka'
220a3 stsal nas/ dge slong de dag yi rangs te bcom ldan 'das kyis gsungs pa la mngon par bstod do// //zla ba zhes bya ba ni/ sangs rgyas bcom ldan 'das la rgyal po
220a4 rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
220a5 gnod sbyin rnams dang / lha ma yin rnams dang / nam mkha' lding rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha
220a6 dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod
220a7 nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas
220b1 pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na bram ze zhing pa zhig 'dug pa des rigs mnyam
220b2 pa las chung ma blangs te/ de de dang lhan cig tu rtse zhing dga' la dga' mgur spyod pa las chung ma la bu chags nas/ de zla ba brgyad dam/ dgu lon pa dang bu byung ste/ khye'u gzugs bzang zhing
220b3 blta na sdug la mdzes pa skye bo thams cad kyi mig sim par byed pa zhig btsas so/ /de yang bram ze des dka' bas rnyes pa yin te/ de la bu dang / bu mo gzhan yang med nas de bskyed bsrings
220b4 te phyir skyes nas/ de 'jig rten thams cad sim par byed pa'i phyir bram ze dang / khyim bdag rnams kyis khye'u de'i ming zla ba zhes btags so/ /de nas bram ze'i khye'u zla ba grong khyer thams
220b5 cad du brgyud de bskor bas bram ze de'ang khye'u de la lhag par byams par gyur te/ 'chag pa dang / 'dug pa dang / nyal ba dag gi tshe'ang rtag tu legs par bsrung ba lhur byed
220b6 cing 'dug go /bram ze de'i khyim yang khyim bdag mgon med zas sbyin dang nye ba zhig na 'dug go /de nas bram ze'i khye'u de khyim bdag mgon med zas sbyin dang bsten nas rgyal bu rgyal
220b7 byed kyi tshal du song ste sangs rgyas kyi gsung thos nas/ des bcom ldan 'das kyi bstan pa la dad pa rnyed do/ /de yang tshe thung ste shi nas sum cu rtsa gsum pa'i lha yul bzang por skyes
221a1 so| |lha'i bu'am/ lha'i bu mo skyes nas ring po ma lon pa ni chos nyid kyis sems rnam gsum skye bar 'gyur te/ gang nas shi 'phos/ gang du skyes/ las gang
221a2 gis skyes snyam mo/ /de nas mi las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo / /de nas
221a3 sngon bram zer gyur pa'i lha'i bu 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi cha ma yin gyi/ bdag zhag ma lon par bcom
221a4 ldan 'das la blta ba'i phyir 'gro'o snyam mo/ /de nas sngon bram zer gyur pa'i lha'i bu rna cha gdub kor dag cing 'gul pa thogs pa/ lus do shal dang / se mo dos brgyan pa/ nor bu sna
221a5 tshogs kyis brgyan pa'i cod pan can/ lus gur gum dang / ta ma la'i lo ma dang / spri ka la sogs pas byugs pa des de nyid kyi mtshan mo lha'i me tog ut+pa la dang / pad+ma dang / ku
221a6 mud dang / pad+ma dkar po dang / man da ra rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis
221a7 gtor te/ chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis sngon bram zer gyur pa'i lha'i bu'i bsam pa dang / bag la nyal dang /
221b1 khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon bram zer gyur pa'i lha'i bus 'jig tshogs la lta
221b2 ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan
221b3 'das kyis bdag gi khrag dang / mchi ma'i rgya mtsho bskams pa dang / rus pa'i ri las bsgral ba dang / ngan song gi sgo rnams bcad pa dang / mtho ris dang / thar pa'i sgo rnams phye ba dang /
221b4 bdag lha dang / mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang / gnyen
221b5 gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge sbyong dang / bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan
221b6 song lam/ /shin tu mi bzang khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i
221b7 mig |shin tu rnam dag khyod las brten nas thob/ /bdag ni sdug bsngal rgya mtsho'i pha rol brgal/ /'phags pa dgyes pa'i zhi ba'i go 'phang thob/ /mi mchog dbang po lha dang mis
222a1 mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yis/ /thub pa khyod ni deng mthong 'bras bu yod/ /de nas do shal 'phyang
222a2 ba dga' 'gyur te/ /btud cing zhabs gnyis la ni phyag btsal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas sngon bram zer gyur pa'i
222a3 lha'i bu de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / /nad pa na nad thams cad las thar ba bzhin du 'byor pa gang gis
222a4 bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srid dang / tho rangs mi nyal bar brtson pa lhur byed pa la gnas te/ de dag
222a5 gis bcom ldan 'das kyi tha dad du snang ba chen pos 'byung ba mthong ngo / /mthong nas kyang the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom
222a6 ldan 'das/ ci lags/ ma dang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis
222a7 lags sam/ bcom ldan 'das kyis bka' stsal pa/ dge slong dag /mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi nga la blta ba'i
222b1 phyir 'ongs pa ma yin gyi/ bram ze'i bu gcig pa de tshe thung ste shi nas de nga las sems dga' bar gyur te/ sum cu rtsa gsum pa'i lha yul bzang por skyes nas/ de mdangs sum nga'i thad du 'ongs
222b2 te| ngas de la chos bstan nas bden pa mthong bar gyur te/ rang gi gnas su song ngo / /de'i skabs su bram ze des bu gcig pa sdug cing phangs la snying du sdug cing yid du 'ong ba dang / bzod pa
222b3 dang ldan pa dang / mi mthun pa med pa de dur khrod du khyer nas bang bar bzhag ste/ kyi hud bu/ kyi hud bu thu bo/ /kyi hud bu gcig pa zhes zer zhing 'bod de/ de'i nye du rnams kyis de ltar
222b4 bcugs kyang bslang ma nus nas/ de khwa dang / chun lag dang / bu rgod dang / wa rnams kyis ni bskor/ bud med skra bshig pa dang ni 'grogs/ skye bo mang pos ni blta zhing 'dug go/
222b5 de nas de'i bu lhar skyes pas/ pha smre sngags 'don pa mthong nas snying rjes snying bskyod de/ pha'i mya ngan bsal ba'i phyir bdag nyid drang srong gi cha lugs su sprul nas/ dur khrod kyi 'dab
222b6 tu dka' thub lnga byed cing 'dug go /de nas bram ze des drang srong de dris pa/ kye drang srong chen po/ khyod dka' thub 'dis ci zhig sgrub/ drang srong gis smras pa/ nga ni rgyal srid sgrub ste/ nga'i
222b7 gser gyi shing rta rin po che sna tshogs kyis spras pa/ nyi ma dang / zla ba gnyis kyis shing rta'i 'khor lo byas la/ 'jig rten skyong ba bzhis ni mdun nas 'dren te/ shing rta de la zhon zhing sa chen
223a1 po 'di bskor bar 'dod do/ /bram zes smras pa/ gal te lo brgya tham pa'i bar/ /rgyun du dka' thub spyad byas te/ /dka' thub mchog ni spyad byas kyang //
223a2 gnas de khyod kyis re mi thob/ /drang srong gis smras pa/ khyod kyang shi ba'i khog pa mchog tu mnam zhing mi gtsang ba'i ro shing 'dra bar gyur pa 'dis ci zhig sgrub/ bram zes smras
223a3 pa| sdug pa'i bu gcig pa shi ste de sgrub bo/ /drang srong gis smras pa/ gal te lo brgya tham pa'i bar/ /rgyun du du ba'i las byas kyang / /bu de khyod kyis re mi thob/ /khyod ni lus
223a4 kyang ci la phan/ /de nas bram ze de drang srong gi tshig bden no snyam nas dad pa skyes so/ /dad pa skyes nas khyod su zhig ces bya'o/ /de nas drang srong gi cha lugs de mi snang bar
223a5 byas nas/ rang gi cha lugs su 'dug ste pha la smras pa/ bdag ni khyod kyi bu gcig pa de yin te/ bcom ldan 'das la sems dga' bar gyur nas shi ste/ sum cu rtsa gsum
223a6 pa'i lha yul bzang por skyes nas/ khyod kyi mya ngan bsal ba'i phyir 'dir 'ongs so/ /yab khyod tshur spyon/ bcom ldan 'das la skyabs su bzhud cig dang / khyod kyang 'khor
223a7 ba las 'da' bar 'gyur yang srid do/ /de nas bram ze des shi ba'i rus bu bor nas/ bcom ldan 'das ga la ba der song ste phyin nas/ bcom ldan 'das kyi zhabs la phyag
223b1 btsal te chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis de la 'phags pa'i bden pa bzhi rtogs par 'gyur ba de lta bu'i chos bstan pa
223b2 mdzad de/ de thos nas bram ze des 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob bo/ /des mtho bar gyur pa
223b3 thob cing rnyed pa thob nas/ bcom ldan 'das kyi zhabs la mgo bos phyag btsal te lan gsum bskor ba byas te song ngo / /de nas dge slong the tshom skyes te/ the tshom thams cad
223b4 gcad sangs rgyas bcom ldan 'das la zhus pa/ bcom ldan 'das/ lha'i bu 'dis 'di ltar pha'i mya ngan bsal nas bden pa mthong ba la yang bzhag pa la gzigs/ bcom ldan
223b5 'das kyis bka' stsal pa/ dge slong dag /da ltar 'dis bden pa mthong nas/ pha yongs su bskyabs pa 'di lta la ngo mtshar che ba ci yod/ 'dis ni 'das pa'i dus na so so'i
223b6 skye bor 'dug pa'i tshe 'ang pha bsad pa la thug pa las lan gsum skyabs byas te/ de legs par rab tu nyon la yid la zungs shig dang ngas bshad do/ /dge slong dag /sngon byung
223b7 ba 'das pa'i dus na/ grong khyer wA ra NA si na gzhan gyi chung ma la byi ba skyed pa zhig yod de/ de'i bu ni dad pa dang ldan la dge zhing bsam pa bzang ba mi rnams shin tu 'drang ba zhig
224a1 go |de nas re zhig na de'i phas rkun po byas nas rgyal pos gshed ma rnams la gsod cig ces bsgo'o/ /de nas bus lan gsum gyi bar du rgyal po la
224a2 gsol nas srog phangs pa byin no/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na gzhan gyi chung ma la byi ba byed pa gang yin pa de ni
224a3 bram ze 'di yin no/ /byi ba byed pa'i bu gang yin pa de ni bram ze'i khye'u 'di yin no/ /dge slong rnams kyis gsol pa/ bcom ldan 'das las ci zhig bgyis na des pha dang / bu
224a4 gnyis ka bden pa mthong bar gyur lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srung gi ring la gnyi ga dge bsnyen du gyur te/
224a5 skyabs su song ba dang / bslab pa'i gzhi blangs pas na de'i phyir de ltar bden pa mthong bar gyur to/ /dge slong dag /de bas na 'du byed thams cad mi rtag pa dang / chos
224a6 thams cad bdag med pa dang / mya ngan las 'das pa ni zhi ba'o snyam du mya ngan las 'das pa la 'bad par bya ste/ dge slong khyed kyis de ltar bslab par bya'o/ /bcom ldan 'das
224a7 kyis de skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi
224b1 rangs te/ bcom ldan 'das kyis gsungs pa la mngon par bstod do// //sA la zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang /
224b2 phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam
224b3 mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma
224b4 yin dang | nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal
224b5 zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim
224b6 bdag mgon med zas sbyin gyi kun dga' ra ba na bzhugs so/ /de'i tshe mnyan du yod par sA la gcog pa zhes bya ba'i dus ston byung ste/ der srog chags 'bum phrag du ma 'dus nas /
224b7 shing sA la'i me tog blangs te/ rtse zhing dga' la dga' mgur spyod do/ /de nas re zhig na tshong dpon gyi bu mo zhig gis sA la'i me tog blangs te/ mnyan du yod pa'i nang du song ba dang /
225a1 bcom ldan 'das kyang dge slong gi tshogs kyi zham ring byas/ dge slong gi dge 'dun gyis mdun du bdar nas/ mnyan du yod par bsod snyoms mdzad de slar gshegs
225a2 nas| bu mo des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang
225a3 gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang dga' ba skyes te/ bcom ldan 'das la sA la'i
225a4 me tog gis gtor to/ /de nas bcom ldan 'das la bskor ba byas te/ phyir log nas khyim du dgos pa'i phyir yang gzhan dag blang ngo snyam pa dang / re zhig na de sA la'i shing la
225a5 'dzegs pa las lhung ste shi nas/ bcom ldan 'das la bsnyen bkur byas pas sum cu rtsa gsum pa'i lha yul bzang por skyes so/ /de nas re zhig na lus dang / gzhal med khang sA
225a6 la'i me tog gis brgyan te/ lha'i 'dun sa'i nang du song ngo / /de'i tshe lha'i dbang po brgya byin yang lha'i 'dun sa chos bzang na lha'i tshogs kyi nang na sangs rgyas dang / chos dang / dge
225a7 'dun gyi bsngags pa brjod cing 'dug pa las/ lha'i dbang po brgya byin gyis/ lha'i bu mo lus dang / gzhal med khang sA la'i me tog gis brgyan pa/ dge ba'i rtsa ba 'bar ba de mthong
225b1 ngo| |mthong nas kyang de la tshigs su bcad de smras pa/ ci'i phyir khyod kyis lus mdog dag pa'i gser 'dra pad+ma ut+pal lta bur gyur/ /'di na lus dpal mtshungs med khyod kyi lus las
225b2 'od 'byung 'di dag ci las gyur/ /ci yi phyir na khyod kyi bzhin mdog pad+ma rgyas 'dra gser mdog lta bur gyur/ /las rnams gang gis 'bras bu myong gyur 'di ni lha mo khyod kyis bdag la smros/
225b3 lha mos smras pa/ mtshan mchog dag gis rgyas pa yi/ /mi yi nyi ma nyan thos bcas/ /sA la'i me tog rdul med pa/ /bzang po dag gis legs par gtor/ /las dge de 'dra byas pa'i
225b4 phyir| |bdag ni lhag par mngon du mdzes/ /bzhin mdog pad+ma zla ba ltar/ /rnam dag 'od ldan blta na sdug /brgya byin gyis smras pa/ kye ma yon tan nyid kyi zhing / /nyes pa thams cad
225b5 rnam spangs pa/ /mtho ris sdug par skye ba'i phyir/ /de la khyod kyis sa bon btab/ /bzhin mdzes pad+ma'i 'dab ma yangs pa 'dra ba'i mig ldan ma/ /bud med mchog rnams kyis ni
225b6 gang la bkur sti byas pa yi/ /sangs rgyas pad+ma rgyas pa'i 'dab yangs 'dra ba'i spyan mnga' ba/ /gser mchog phung po lta bur mdangs dkar de la su mi mchod/ /lha'i bu'am/ lha'i bu
225b7 mo skyes nas ring po ma lon pa na chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas mi las shi 'phos pa
226a1 dang | sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo / /de nas lha'i bu mo de 'di snyam
226a2 du sems te/ bdag zhag lon nas gzod bcom ldan 'das la blta ba'i phyir 'gro ba ni bdag gi cha ma yin gyi/ bdag zhag ma lon par bcom ldan 'das la blta ba'i phyir 'gro'o snyam mo//
226a3 de nas lha'i bu mo rna cha gdub kor dag cing 'gul pa thogs pa/ lus do shal dang / se mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / ta
226a4 ma la'i lo ma dang / spr-i ka la sogs pas byugs pa de lha'i bu mo 'bum phrag du mas g.yog byas nas/ de nyid kyi mtshan mo sA la'i me tog gi gzhal med khang de nyid dang bcas pas
226a5 bcom ldan 'das kyi thad du song ngo / /de nas bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis
226a6 lha'i bu mo de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos
226a7 nas lha'i bu mo des 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig
226b1 lan gsum brjod de/ btsun pa bcom ldan 'das kyis bdag gi khrag dang / mchi ma'i rgya mtsho bskams pa dang / rus pa'i ri las bsgral ba dang / ngan song gi sgo rnams bcad pa dang / mtho ris
226b2 dang / thar pa'i sgo rnams phye ba dang / bdag lha dang / mi rnams kyi nang du bzhag pa 'di lta bu ni bdag la pas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma
226b3 bgyis/ nang mi dang / gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge sbyong dang / bram ze rnams kyis kyang ma bgyis lags so/ /yang smras pa/ nyes pa mang
226b4 por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring
226b5 nyes pa spangs pa'i mig /shin tu rnam dag khyod la brten nas thob/ /bdag ni sdug bsngal rgya mtsho'i pha rol brgal/ /'phags pa dgyes pa'i zhi ba'i go 'phang thob/ /mi mchog dbang po mi
226b6 dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yis/ /thub pa khyod ni deng mthong 'bras bu yod/ /de nas do shal 'phyang ba dga' 'gyur
226b7 te| |btud cing zhabs gnyis la ni phyag btsal nas/ /dgra thub la ni bskor ba byas nas kyang / /lha yi 'jig rten kha lhas lha yul song / /de nas lha'i bu mo de tshong ba khe spogs phyin pa dang /
227a1 zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi
227a2 thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang / tho rangs mi nyal bar brtson pa lhur byed pa la gnas te/ de dag gis bcom ldan 'das
227a3 kyi thad du snang ba chen po byung ba mthong ngo / /mthong nas kyang the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das ci lags /
227a4 mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das
227a5 kyis bka' stsal pa/ mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin no/ /bu mo gang gis lam khar me tog
227a6 gis gtor ba de khyod kyis mthong ngam/ btsun pa/ mthong lags so/ /de ni nga la sems dga' ba bskyed nas shi ste/ sum cu rtsa gsum pa'i lha yul bzang por skyes nas de
227a7 nga'i thad du 'ongs te/ ngas de la chos bstan nas bden pa mthong bar gyur te rang gi gnas su song ngo / /dge slong dag /de bas na 'di ltar bslab par bya ste/ ston pa la
227b1 bkur stir bya'o/ /bla mar bya'o/ /ri mor bya'o/ /mchod pa bya'o/ /ston pa la bkur stir byas/ bla mar byas/ ri mor byas nas brten te gnas par bya'o/ /zhes dge slong khyod kyis de ltar
227b2 bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //gang po
227b3 la sogs pa'i rtogs pa brjod pa brgya pa/ bam po bcu gsum pa/ dpal ldan ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug
227b4 po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang /
227b5 nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang /
227b6 lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na
227b7 bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya
228a1 ka lan da ka gnas pa na rten cing bzhugs so/ /de'i tshe rgyal po'i khab kyi grong khyer na rgyal po gzugs can snying po rgyal po byed de/ de'i ring la 'byor pa
228a2 dang | rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang /
228a3 mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la
228a4 bya ba bzhin du rgyal srid bskyangs so/ /de nas gang gi tshe rgyal po gzugs can snying pos bcom ldan 'das las bden pa mthong ba de'i tshe/ btsun mo'i 'khor dang bcas te
228a5 dus gsum du bcom ldan 'das kyi thad du 'gro'o/ /de nas rgyal po gzugs can snying po phyi zhig na dpyid kyi dus la bab pa'i tshe/ shing ljon pa rnams me tog rgyas la ngang pa dang /
228a6 khrung khrung dang / rma bya dang / ne tso dang / ri skegs dang / khu byugs dang / shang shang te'u rnams skad 'byin pa'i nags khrod na skyed mos tshal gyi sar btsun mo dam pa dang / btsun
228a7 mo'i 'khor dang bcas te dong nas/ der btsun mo'i 'khor gyis rgyal po la gsol pa/ lha| bdag cag ni gdugs gcig bzhin du bcom ldan 'das kyi thad du mchi ba'i rngo mi
228b1 thog na/ lha| btsun mo'i 'khor gyi nang 'dir de bzhin gshegs pa'i dbu skra dang / sen mo'i mchod rten brtsigs te zhal bsro bar ci gnang / 'on tang bdag cag gis de la rgyun du
228b2 mar me dang / bdug pa dang / me tog dang / spos dang / me tog phreng dang / byug pa dang / gdugs dang / rgyal mtshan dang / ba dan dag gis bkur sti bgyi'o zhes gsol to/ /de nas
228b3 re zhig na rgyal po gzugs can snying pos bcom ldan 'das la gsol pa/ bcom ldan 'das/ bdag la dbu skra dang / sen mo stsal du gsol/ 'on ta nga bdag gis mchis brang 'khor
228b4 du de bzhin gshegs pa'i mchod rten brtsigs te zhal bsro bar bgyi'o zhes gsol to/ /de nas re zhig na bcom ldan 'das kyis dbu skra dang / sen mo byin nas rgyal po gzugs can
228b5 snying po btsun mo 'khor dang bcas pas btsun mo'i 'khor gyi nang du bkur sti chen po dang ldan pas/ de bzhin gshegs pa'i dbu skra dang / sen mo'i mchod rten brtsigs te zhal
228b6 bsros nas de la btsun mo dkor gyis mar me dang / gdug pa dang / me tog dang / spos dang / me tog phreng dang / byug pa dang / gdugs dang / rgyal mtshan dang / ba dan dag
228b7 gis kyang mchod pa byed do/ /de nas gang gi tshe rgyal po ma skyes dgra lha sbyin gyis rbad de/ yab chos dang ldan pa chos bzhin du rgyal po byed pa bsad nas rang rgyal por zhugs pa de'i tshe /
229a1 bcom ldan 'das kyi bstan pa la sbyin par bya ba'i chos thams cad bcad de/ su yang de bzhin gshegs pa'i mchod rten la bkur sti ma byed ces khrims
229a2 kyang bcas so/ /de nas gang gi tshe tshes bco lnga la skabs 'byed pa'i dus la bab pa de'i tshe/ dbu skra dang / sen mo'i mchod rten de la su'ang phyag dar byed pa'am/ mar me dang / gdug
229a3 pa dang / me tog 'bul ba med do/ /de nas btsun mo'i 'khor gyis dbu skra dang / sen mo'i mchod rten de de lta bur gyur pa'ang mthong / rgyal po gzugs can snying po'ang dran nas
229a4 snying rje rje skad du du zhing / kyi hud/ chos dang ldan pa'i rgyal po dang bral bas bdag cag bsod nams las 'gribs so zhes 'dzer to/ /de'i nang nas btsun mo dpal ldan ma zhes
229a5 bya ba des rang gi srog dang bsngos te sangs rgyas kyi yon tan rjes su dran nas/ dbu skra dang / sen mo'i mchod rten la phyag dar byas te/ mar me'i phreng ba dngar to/ /de nas re zhig na
229a6 rgyal po ma skyes dgra khang pa brtsegs pa'i steng du byung ste/ snang ba chen po de mthong nas 'di ci zhig ces 'dris pa dang / re zhig na gzhan zhig gis dpal ldan mas dbu skra dang /
229a7 sen mo'i mchod rten la mar me'i phreng ba dngar ba lags so zhes byas so/ /de nas dpal ldan ma bkug ste ci'i phyir khyod kyis rgyal po'i bka' bcag ces smras na/ de na re/ bdag
229b1 gis khyod kyi bka' bcag tu lags kyang / bdag gis chos dang ldan pa'i rgyal po gzugs can snying po'i bka' ma bcag go zhes zer ro/ /de nas de khros nas 'khor lo 'phangs te sad
229b2 do| |de nas bcom ldan 'das la sems dga' bar gyur te shi nas sum cu rtsa gsum pa'i lha yul bzang por skyes so/ /de'i tshe lha mdun ma zhig kyang 'dus nas/ lha'i bu mo dpal ldan na
229b3 lha'i 'od kyi dkyil 'khor snang ba kho ra khor yug tu dpag tshad gcig yod pa dang ldan pa de lha'i mdun sa'i nang du song ngo / /de nas lha'i dbang po brgya byin gyis snang ba chen po de dang / lha'i
229b4 'od dpag tshad gcig pa mthong nas dris pa/ ci'i phyir khyod kyi lus mdog dag pa'i gser 'dra pad+ma ut+pal lta bur gyur/ /'di na lus dpal mtshungs med khyod kyi lus las 'od 'byung 'di
229b5 dag ci las gyur/ /ci yi phyir na khyod kyi bzhin mdog pad+ma rgyas 'dra gser mdog lta bur gyur/ /las rnams gang gi 'bras bu myong gyur 'di ni lha mo khyod kyis bdag la smros/ lha mos smras
229b6 pa| 'jig rten gsum mgon 'gro ba'i sgron cig po/ /mtshan mchog rnams kyis phyug pa'i sangs rgyas mthong / /smra mchog nyon mongs mun pa sel ba la/ /mun pa sel ba'i mar me
229b7 yon du phul/ /zla ba'i 'od zer mchog dang 'dra ba'i 'od/ /mthong nas thub la snying nas dad pa bskyed/ /'od zer mthong nas dga' bar gyur pa yis/ /ston pa smra ba'i mchog la phyag kyang
230a1 bgyis/ /las dge de 'dra byas pa'i phyir/ /bdag ni lhag par mngon du mdzes/ /bzhin mdog pad+ma zla ba ltar/ /rnam dag 'od ldan blta na sdug /brgya byin
230a2 gyis smras pa/ kye ma yon tan nyid kyi zhing / /nyes pa thams cad rnam spangs pa/ /mtho ris sdug par skye ba'i phyir/ /de la khyod kyis sa bon btab/ /bzhin mdzes pad+ma'i 'dab ma
230a3 yangs pa 'dra ba'i mig ldan ma/ /bud med mchog rnams kyis ni gang la bkur sti byas pa yi/ /sangs rgyas pad+ma rgyas pa'i 'dab yangs 'dra ba'i spyan mnga' ba/ /gser mchog
230a4 phung po lta bur mdangs dkar de la su mi mchod/ /lha'i bu'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos
230a5 gang du skyes| las gang gis skyes snyam mo/ /de nas mi las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga'
230a6 bar gyur par des mthong ngo / /de nas lha'i bu mo dpal ldan ma 'di snyam du sems te/ bdag zhag lon nas gzod bcom ldan 'das la blta ba'i phyir 'gro ba ni bdag gi cha
230a7 ma yin gyi/ bdag zhag ma lon par bcom ldan 'das la blta ba'i phyir 'gro'o snyam mo/ /de nas lha'i bu mo dpal ldan ma lha'i 'od kyi snang bas gang ba des de nyid kyi mtshan mo
230b1 me tog ut+pa la dang / pad+ma dang / ku mu da dang / pad+ma dkar po dang / man dA ra rnams kyis thu ba bkang ste/ rgyal po'i khab bya ka lan da ka gnas pa thams cad 'od chen pos snang bar
230b2 byas nas/ bcom ldan 'das la me tog gis gtor te chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis lha'i bu mo dpal ldan ma'i bsam
230b3 pa dang / bag la nyal ba dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu mo dpal
230b4 ldan mas/ 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste des bden pa mthong nas/ dga' ba'i tshig lan gsum
230b5 brjod de/ btsun pa bcom ldan 'das kyis bdag gi khrag dang / mchi ma'i rgya mtsho bskams pa dang / rus pa'i ri las bsgral ba dang / ngan song gi sgo rnams bcad pa dang / mtho ris
230b6 dang thar pa'i sgo rnams phye ba dang / bdag dang / mi rnams kyi nang du bzhag pa'i 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams
230b7 kyis kyang ma bgyis/ nang mi dang / gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang / bram ze rnams kyis kyang ma bgyis lags so/ /
231a1 yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan
231a2 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod la brten nas 'thob/ /bdag ni sdug bsngal rgya mtsho pha rol brgal//
231a3 'phags pa dgyes pa'i zhi ba'i go 'phang 'thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa
231a4 khyod ni deng mthong 'bras bu yod/ /de nas do sha la 'phyang bdag 'gyur te/ /btud cing zhabs gnyis la ni phyag btsal nas/ /dgra thub la ni bskor ba byas nas kyang / /lha yi 'jig
231a5 rten kha bltas lha yul song / /de nas lha'i bu mo dpal ldan ma tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad
231a6 thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang tho rangs mi
231a7 nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te/ the tshom thams cad gcod pa sangs rgyas
231b1 bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la
231b2 blta ba'i slad du mchis lags sam/ bcom ldan 'das kyis bka' stsal pa/ dge slong dag /mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhin nga la
231b3 blta ba'i phyir 'ongs pa ma yin gyi/ rgyal po gzugs can snying po'i btsun mo dpal ldan ma zhes bya bas rang gi srog dang bsngos te/ sangs rgyas kyi yon tan rjes su dran nas de bzhin gshegs
231b4 pa'i dbu skra dang sen mo'i mchod rten la mar me'i phreng ba dngar nas/ rgyal po ma skyes dgra khros pas bsad de/ de nga la dga' ba'i sems bskyed nas shi ste/ sum cu rtsa gsum pa'i lha yul
231b5 bzang por skyes nas de mdang sum nga'i thad du 'ongs te ngas de la chos bstan nas bden pa mthong bar gyur te/ rang gi gnas su song ngo / /dge slong dag /de bas na 'di ltar bslab par bya ste/
231b6 ston pa la bkur stir bya'o/ /bla mar bya'o/ /ri mor bya'o/ /mchod pa bya'o/ /ston pa la bkur stir byas/ bla mar byas/ ri mor byas/ mchod pa byas nas brten te gnas par bya'o zhes dge
231b7 slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //
232a1 gos zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong
232a2 dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye
232a3 chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen
232a4 po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang /
232a5 sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas
232a6 gang gi tshe khyim bdag mgon med zas sbyin gyis sangs rgyas la sogs pa dge slong gi dge 'dun la rgyal bu rgyal byed kyi chal phul te/ mthar gyis gser srang bye ba phrag brgya bcom ldan
232a7 'das kyi bstan pa la phul ba de'i tshe/ de'i blo skyes pa/ ma la/ bdag sbyin pa dag byin zhing / bsod nams dag byed pa 'di lta la ngo mtshar che ba ci yod kyi bdag gis skye bo dbul po rnams
232b1 la phan gdags pa'i phyir mnyan du yod pa na gnas pa'i skye bo rnams dad pa bsdus te/ bcom ldan 'das nyan thos kyi dge 'dun dang bcas pa la bsnyen bkur bya'o/ /de ltar byas pa dang bdag
232b2 gis skye bo mang po la'ang phan btags par 'gyur la/ bsod nams mang po'ang bskyed par 'gyur ro snyam mo/ /de nas khyim bdag mgon med zas sbyin gyis ji ltar bsams pa de rgyal po la gsol
232b3 nas| rgyal pos kyang mnyan du yod pa thams cad du dril bsgrags te/ mnyan du yod pa na gnas pa'i pho brang 'khor gyi mi khyed rnams nyon cig /deng nas zhag bdun na khyim bdag mgon med
232b4 zas sbyin gyis de bzhin gshegs pa'i nyan thos rnams kyi phyir glang po che la zhon te dad pa sdud par 'dod kyi/ khyed gang gis ji tsam yongs su gtong bar bya ba de yongs su gtang bar gyis
232b5 shig ces bsgo'o/ /de nas re zhig na zhag bdun lon pa dang / khyim bdag mgon med zas sbyin glang po che la zhon te/ de bzhin gshegs pa'i nyan thos rnams kyi phyir dad pa sdud pa la
232b6 zhugs te/ der gang dag la ji tsam bdog pa de dag de tsam sbyin par byed de/ kha cig ni mgul gyi se mo do sbyin par byed/ kha cig ni gdub bu sbyin par byed/ kha cig ni dpung rgyan sbyin par
232b7 byed| kha cig ni gser gyi phreng ba sbyin par byed/ kha cig ni sor gdub kyi rgyan sbyin par byed/ kha cig ni mu tig gi do shal sbyin par byed/ kha cig ni gser sbyin par byed/ kha cig ni dngul
233a1 sbyin par byed/ kha cig ni tha na zho'i brgyad cha tsam yang sbyin par byed do/ /khyim bdag de'ang gzhan la phan gdags par phyir len par byed do/ /de nas re
233a2 zhig na bud med shin tu dbul mo zhig gi sha thang ste/ zla ba gsum gyis ras yug gcig rnyed nas/ des ras de gyon te srang du zhugs pa dang / des khyim bdag mgon med zas sbyin dung
233a3 'bud cing rnga zlum rdung bzhin du rgyang nas 'ong ba mthong nas/ des dge bsnyen zhig la dris pa/ ji ste khyim bdag 'di phyug cing nor mang la longs spyod che ste/ gter sa'i 'og tu sbas
233a4 pa rnams kyang mthong na/ ci'i phyir 'di gzhan gyi khyim nas slong zhing skor bar byed ces byas pa dang / dge bsnyen de na re/ gzhan la phan gdags pa'i phyir te/ gang dag bcom
233a5 ldan 'das nyan thos kyi dge 'dun dang bcas pa bshos gsol mi nus pa de dag gi don du phan 'dogs par byed de/ ci nas mang po bsdongs te/ bcom ldan 'das la dbul du 'jug
233a6 go zhes zer ro/ /de nas bu mo de'i blo skyes pa/ 'o na bdag ni bsod nams ma byas pa yin la bdag gcig pus bcom ldan 'das nyan thos kyi dge 'dun dang bcas pa bshos
233a7 gsol ba'i mthu bdag la med kyi/ bdag gis 'di la cung zad dbul bar bya gor ma chag snyam mo/ /de nas bdag nyid la ci bdog ces bltas na ras yug gcig ma gtogs pa
233b1 gzhan ci yang ma mthong ste/ des bsams pa/ gal te bdag 'di na 'dug bzhin du ras 'di phul na ni bdag gcer bur 'byung gi bdag khang thog tu song la ras dor ro snyam mo/ /de nas
233b2 de khang thog tu song nas rang gi lus las ras phud de/ khyim bdag mgon med zas sbyin steng du bor ba dang / khyim bdag des kyang 'phrigs te/ 'dis khang thog nas por pa las na 'di la
233b3 nor de las med gor ma chag snyam nas/ rang gi g.yog rnams la bsgo ba/ khyed dong la ras 'di sus bor ba ltos shig ces byas nas/ de dag gis bltas pa dang / re zhig na bu mo de tsog tsog
233b4 por 'dug pa mthong ngo / /de nas de dag gis dris pa dang / de na re/ bcom ldan 'das kyis yon tan brjod pa bdag gis thos nas dbul ba'i 'jigs pas skrag ste/ bdag gis gos rnyed
233b5 pa de de bzhin gshegs pa la sogs pa dge slong gi dge 'dun la phul lo zhes zer ro/ /de nas de dag gis khyim bdag mgon med zas sbyin la byas so/ /de nas khyim bdag mgon med
233b6 zas sbyin mchog tu ngo mtshar du gyur nas/ bu mo de la gos dang / rgyan rnam pa sna tshogs bskon to/ /de nas de tshe thung ste shi nas sum cu rtsa gsum pa'i lha yul bzang por skyes te/ skyes ma
233b7 thag tu lha'i bu dang / lha'i bu mo gzhan su la'ang med pa de lta bu'i gos dag de la byung ngo / /lha'i bu'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar
234a1 'gyur te/ gang nas shi 'phos/ gang du skyes/ las gang gis skyes snyam mo/ /de nas mi las shi 'phos pa dang / sum cu rtsa gsum pa'i lha yul bzang
234a2 po skyes pa dang / bcom ldan 'das la ras phul bar des mthong ngo / /de nas sngon ras 'bul 'bul ba'i lha'i bu mo rna cha gdub kor dag cing 'gul pa thogs pa/ lus do shal dang / se
234a3 mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / ta ma la'i lo ma dang / spr-i ka la sogs pas byugs pa des de nyid kyi mtshan mo lha'i
234a4 me tog ut+pa la dang / pad+ma dang / ku mu ta dang / pad+ma dkar po dang / man dA ra rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/
234a5 bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis sngon ras 'bul 'bul ba'i lha'i bu mo'i
234a6 bsam pa dang / bag la nyal ba dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon
234a7 ras 'bul 'bul ba'i lha'i bu mos 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/ des bden pa mthong nas
234b1 dga' ba'i tshig lan gsum du brjod de/ btsun pa bcom ldan 'das kyis bdag gi khrag dang / mchi ma'i rgya mtsho bskams pa dang / rus ba'i ri las bsgral ba dang / ngan song gi sgo rnams
234b2 gcad pa dang / mtho ris dang / thar pa'i sgo rnams phye ba dang / bdag lha dang / mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma
234b3 bgyis/ lha rnams kyis kyang ma bgyis/ nang mi dang / gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge sbyong dang / bram ze rnams kyis kyang ma bgyis lags
234b4 so| |yang smras pa/ nyes pa mang po ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag
234b5 gis thob/ /bdag gis de ring nyes pa spangs pa'i mig /shin tu rnam dag khyod la brten nas thob/ /bdag ni sdug bsngal rgya mtsho pha rol brgal/ /'phags pa dgyes pa zhi ba'i go 'phang
234b6 thob| |mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do
234b7 shal 'phyang ba dga' 'gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas sngon ras 'bul
235a1 'bul ba'i lha'i bu mo de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las
235a2 thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang / tho rangs mi nyal bar brtson pa
235a3 lhur byed pa la gnas te/ de dag gis bcom ldan 'das kyi thad du snang ba chen pos byung ba mthong ngo / /mthong nas kyang the tshom skyes te/ the tshom thams cad gcod pa sangs rgyas bcom
235a4 ldan 'das la zhus pa/ bcom ldan 'das/ ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la
235a5 blta ba'i slad du ma chis lags sam/ bcom ldan 'das kyis bka' stsal pa/ dge slong dag /mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba
235a6 bzhi nga la blta pa'i phyir 'ongs pa ma yin te/ ras 'bul 'bul ba'i bud med de/ khyim bdag mgon med zas sbyin dad pa sdud par byed pa la ras phul nas shi ste/ sum cu rtsa
235a7 gsum pa'i lha yul bzang por skyes nas/ de mdang sum nga'i thad du 'ongs te/ ngas de la chos bstan nas bden pa mthong bar gyur te rang gi gnas su song ngo / /dge slong dag/ de
235b1 bas na 'di ltar bslab par bya ste/ sangs rgyas dang / chos dang / dge 'dun rnams la bkur sti bya yi/ bkur sti med par mi bya'o zhes dge slong dag khyed kyis de ltar bslab par bya'o/ /
235b2 bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //ne tso zhes bya ba ni/ sangs rgyas
235b3 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu
235b4 rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor
235b5 byas| mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom
235b6 ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang
235b7 bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe rgyal po'i khab kyi grong khyer na rgyal po gzugs can snying
236a1 po rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab bzhi ba
236a2 dang | 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/
236a3 gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de'ang dad pa dang ldan la dge zhing bsam pa bzang ba dang / bdag la phan pa dang /
236a4 gzhan la phan pa la zhugs te/ snying rje che ba/ bdag nyid che ba/ chos 'dod pa/ skye dgu la byams pa zhig go /de nas re zhig na bcom ldan 'das mthong bar smon te/ lag pa la rkom
236a5 tshugs bcas nas/ sems khong du chud cing 'dug go /de nas blon po rnams kyis smras pa/ lha| ci slad du thugs ngan mdzad/ rgyal pos smras pa/ ngas bcom ldan 'das ring zhig
236a6 ma mthong ngo / /ngas bde bar gshegs pa ring zhig ma mthong ngo / /da ni bcom ldan 'das mthong bar 'dod do/ /de nas bcom ldan 'das nyin par gnas pa la zhugs pas/
236a7 lha'i snyan rnam par dag pa mi las 'das pas rgyal po gzugs can snying po smon pa gsan to/ /de'i skabs su sangs rgyas bcom ldan 'das rnams kyis ni mi mkhyen pa'am/ mi
236b1 gzigs pa'am/ mi rtogs pa'am/ thugs su mi chud pa zhig ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung
236b2 ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par
236b3 bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring
236b4 po nas 'dris par byas pa dang / mi 'jigs bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang
236b5 dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug
236b6 pa| lam yan lag brgyad pa ston pa/ mthar gyis gnas pa'i snyoms par 'jug pa dgu le gnas pa/ stobs bcu'i stobs dang ldan pa phyogs bcur grags pas kun rgyas pa/ brgya
236b7 phrag bcu pa la dbang byed pa bas kyang chos khyad par du 'phags pa rnams ni chos nyid kyis nyin dus gsum/ mtshan dus gsum du sangs rgyas kyi spyan gyis 'jig rten la gzigs te/
237a1 su ni rgud/ su ni dar/ su ni phongs shing 'dug /su ni nya mang bar gyur/ su ni gnod pa dang ldan/ su ni phongs pa dang / nya mang ba dang / gnod pa dang ldan/ su ni ngan
237a2 song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag pa bya/ su ni 'dod pa'i 'dam du byid ba las
237a3 lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las
237a4 bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go /'dir smras
237a5 pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das rgyal
237a6 po gzugs can snying po la phan gdags pa'i phyir dbyar zla ba gsum 'das nas/ chos gos mdzad de/ chos gos zin nas chos gos gsol te/ lhung bzed bsnams nas ljongs rgyu
237a7 zhing mthar gyis gshegs pa las nags khrod gcig tu byon pa dang / nags khrod de na ne tso mi skad shes pa zhig gnas te/ des bcom ldan 'das thag ring po zhig nas mthong ngo //
237b1 de nas shin tu rings par song ste/ bcom ldan 'das la gsol ba/ bcom ldan 'das/ tshur gshegs/ bcom ldan 'das/ gshegs pa legs so/ /legs so/ /bdag la phan gdags su gsol
237b2 nags khrod 'di kho nar gshegs dgongs gdab par gsol zhes byas so/ /de nas bcom ldan 'das ne tso de la phan gdags pa'i phyir shing gang la ne co gnas pa de'i drung du rtswa'i gdan
237b3 bting nas skyil mo krung bcas te bzhugs so/ /nyan thos chen po rnams ni shing gzhan dag gi drung du 'khod do/ /de nas ne tsos bcom ldan 'das dang / nyan thos rnams la mi'am/ mi ma yin
237b4 pa'am/ gnod sbyin nam/ srin po'am/ yi dwags sam/ gcan zan gnod pa byed du dogs te/ mtshan thog thag nags khrod de na phan tshun skor ba byed do/ /de nas nam nangs pa dang /
237b5 bcom ldan 'das la lan gsum bskor ba byas nas bzod pa gsol te/ bcom ldan 'das/ bdag ni dud 'gro'i skye gnas su skyes pa lags pas/ bdag la bcom ldan 'das mchod pa'i
237b6 rgyu ci yang ma mchis na bzod pa mdzad du gsol/ de lta lags kyis kyang bdag sngon du mchis te/ rgyal po gzugs can snying po la bcom ldan 'das gshegs so zhes sbran par 'tshal lo//
237b7 bcom ldan 'das kyis bka' stsal pa/ de ltar gyis shig /de nas re zhig na de bcom ldan 'das kyi sngon du chas te/ mthar gyis rgyal po'i thad du phyin to/ /de'i tshe rgyal po gzugs can snying po
238a1 ni khang bzang gi steng na bud med 'ba' zhig dang sil snyan gyis rtse zhing dga' la dga' mgur spyod do/ /de nas de tso mi skad shes pa des rgyal po la smras pa/ kye
238a2 rgyal po/ khyed mkhyen par mdzod cig /bcom ldan 'das nyan thos kyi dge 'dun dang bcas pa khyod kyi yul du gshegs lags kyi/ lha|khyed kyis bshos sta gon mdzad pa'i rigs
238a3 so zhes byas so/ /de nas rgyal po shin tu rings par khang bzang gi steng nas babs nas blon po chen po'i tshogs kyis zham ring byas te/ bcom ldan 'das kyi gdan rnams bshams
238a4 nas/ gdugs dang / rgyal mtshan dang / ba dan rnams dang / bdug pa dang / spos dang / me tog rnam pa sna tshogs kyis bcom ldan 'das bsu'o/ /de nas bcom ldan 'das nyan thos kyi dge 'dun
238a5 dang bcas pa bkur sti chen po dang ldan pas nang du spyan drangs nas zhal zas bzang pos tshim par byas so/ /de nas ne tso de 'di snyam du sems te/ bcom ldan 'das kyi nyan thos kyi
238a6 dge 'dun gyi 'byor pa 'di dag thams cad ni bdag gi yon tan yin no snyam du rig nas/ dga' zhing mgul yi rangs te/ rab tu dga' zhing dga' ba dang / yid bde ba skyes
238a7 nas rgyal po'i mdun logs su phan tshun du lding ba las khras khyer te bsad do/ /bcom ldan 'das la sems dga' ba bskyed de shi bas ni sum cu rtsa gsum pa'i lha yul bzang
238b1 por skyes so/ /lha'i bu'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam
238b2 mo| |de nas dud 'gro las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa des mthong ngo / /de nas sngon ne tsor
238b3 gyur pa'i lha'i bu 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi cha ma yin gyi/ bdag zhag ma lon par bcom ldan 'das la
238b4 blta ba'i phyir 'gro'o snyam mo/ /de nas sngon ne tsor gyur pa'i lha'i bu rna cha gdub kor dag cing 'gul pa thogs pa/ lus do shal dang / se mo des brgyan pa/ nor bu rin po che sna tshogs kyis brgyan
238b5 pa'i cod pan can/ lus gur kum dang / ta ma la'i lo ma dang / spr-i ka la sogs pas byugs pa des de nyid kyi mtshan mo lha'i me tog ut+pa la dang / pad+ma dang / ku mud dang / pad+ma dkar
238b6 po dang / man dA ra rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i
238b7 phyir bcom ldan 'das des kyi spyan sngar 'dug go /de nas bcom ldan 'das sngon ne tsor gyur pa'i lha'i bu'i bsam pa dang / bag la nyal dang / khams dang / rang bzhin thags su chud nas/
239a1 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ne tsor gyur pa'i lha'i bus 'jig tshogs la lta ba'i ra'i rtsa
239a2 mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum brjod de/ btsun pa bcom ldan 'das
239a3 kyis bdag gi khrag dang / mchi ma'i rgya mtsho bskams pa dang / rus pa'i ri las bsgral ba dang / ngan song gi sgo rnams bcad pa dang / mtho ris dang / thar pa'i sgo rnams phye ba dang / bdag
239a4 lha dang / mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang / gnyen gyi tshogs
239a5 rnams kyis kyang ma bgyis/ sngon gyi mchun ma rnams kyis kyang ma bgyis/ dge sbyong dang / bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan
239a6 song lam/ /shin tu mi bzad khyod kyi mthu yi bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs
239a7 pa'i mig /shin tu rnam dag khyod la brten nas thob/ /bdag ni sdug bsngal rgya mtsho pha rol brgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas
239b1 mchod pa/ /skye dang rga dang 'chi ba'i nad spangs pa/ /srid pa stong du mthong bar dga' ba yis/ /thub pa khyod ni deng mthong 'bras bu yod/ /de nas do shal 'phyang bdag gyur te/ /btud cing
239b2 zhabs gnyis la ni phyag btsal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas sngon ne tso gyur pa'i lha'i bu de tshong pa khe spogs phyin pa
239b3 dang | zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du yongs pa'i 'byor
239b4 pa de nyid kyis rang gi gnas su song ngo / /dge slong dag ni srod dang / tho rangs mi nyal bar brtson pa lhur byed pa la gnas ta/ de dag gis bcom ldan 'das kyi thad du snang ba chen po
239b5 byung ba mthong ngo / /mthong nas kyang the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das/ ci lags/ ma dang sum mi mjed kyi bdag
239b6 po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong
239b7 dag| mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin no/ /ne tso gang gis nga nags khrod der nub mo'i dgongs
240a1 mal la spyan drangs pa de khyed kyis de mthong ngam/ dge slong rnams kyis gsol pa/ bcom ldan 'das/ mthong lags so/ /bcom ldan 'das kyis bka' stsal pa/
240a2 dge slong dag/ /ne tso de nyid shi nas sum cu rtsa gsum pa'i lha yul bzang por skyes pa de yin no/ /dge slong rnams kyis gsol pa/ btsun pa/ sngon ne tsor gyur pa'i lha'i bus las gang dag
240a3 bgyis na des ne tsor skyes lags/ las gang dag bgyis na des lha'i nang du skyes te/ bden pa mthong bar gyur lags/ bcom ldan 'das kyis bka' stsal pa/ sngon ne tsor gyur pa'i
240a4 lha'i bus tshogs rnyed cing rkyen grub pa dang ldan te/ dpa' rgal bzhin du 'byung la gdon mi za bar 'ongs ba'i las de dag byas shing bsags pa na/ sngon ne tsor gyur pa'i lha'i
240a5 bus las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par
240a6 smin par mi 'gyur/ chu'i khams dang / me'i khams dang / rlung gi khams la smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po
240a7 dang / khams dang / skye mched rnams 'ba' zhig la rnam par smin par 'gyur ro/ /lus can ngag gi las rnams ni/ bskal pa brgyar yang chud mi za/ /tshogs shing dus la bab
240b1 pa na| |'bras bu nyid du smin par 'gyur/ /dge slong dag /sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra
240b2 bcom pa/ yang dag par rdzogs pa pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang
240b3 mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA si na rten cing bzhugs so/ /de nas re zhig na da na dge bsnyen gcig/
240b4 'dug pa des bslab pa lhod par byas te/ las de'i rnam par smin pas ni ne tsor skyes so/ /nga la sems dga' bar byas pa des ni lhar skyes so/ /des bslab pa'i gzhi lhag ma rnams
240b5 bsrungs pa des ni bden pa mthong bar gyur to/ /dge slong dag /de ltar na las gcig tu nges par gang pa rnams ni rnam par smin pa'ang gcig tu nges par gang par 'gyur ro/ /
240b6 las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dren rnams ni rnam par smin pa'ang 'dren mar 'gyur ro/ /dge
240b7 slong dag /de bas na las gcig tu nges par gang pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong
241a1 dag |khyed gyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa
241a2 mngon par bstod do// //pho nya zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams
241a3 kyi dang | tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang /
241a4 lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto
241a5 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun
241a6 gsos dang / sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan ka gnas par dbyar gnas pa dam bcas so/ /de
241a7 nas khyim bdag mgon med zas sbyin ko sa la'i rgyal po gsal rgyal ga la ba der song ste phyin nas/ rgyal po la rgyal bar gyur cig /sku tshe ring rab shog cig /ces bstod nas gsol
241b1 ba btab pa| lha| mkhyen par mdzad du gsol/ bdag gis bcom ldan 'das yun ring mo zhig tu ma mthong ste/ bdag ni bcom ldan 'das mthong bar 'tshal bas skom lags
241b2 so| |bdag ni bcom ldan 'das mthong bar 'tshal lo zhes byas so/ /de nas rgyal pos khyim bdag mgon med zas sbyin la smras pa/ khyim bdag /bcom ldan 'das de da ltar gang
241b3 du dbyar gnas par bzhed pa khyod kyis ci thos/ mgon med zas sbyin gyis smras pa/ lha| bdag gi bcom ldan 'das rgyal po'i khab tu dbyar gnas par dam bzhes so zhes thos
241b4 lags so/ /de nas ka sa la'i rgyal po gsal rgyal dang / khyim bdag mgon med zas byin la sogs pa pho brang 'khor gyi mi dang / blon po rnams kyis mi zhig pho nyas bkug ste/ kye mi
241b5 khyod tshur shog /bcom ldan 'das ga la ba der song la der phyin nas/ bcom ldan 'das kyi zhabs la mgo bos phyag 'tshal la bdag cag gis mchid nas/ bcom ldan 'das/ gnod
241b6 pa chung ngam/ nyam nga ba nyung ngam/ bskyod pa yang ngam/ 'tsho'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg par gnas sam zhes gsol la/
241b7 'di skad du btsun pa/ ko sa la'i rgyal po dang mnyan du yod pa na gnas pa pho brang 'khon gyi mi rnams bcom ldan 'das kyi zhal mthong bar 'tshal te/ bdag cag gis bcom ldan 'das yun
242a1 ring po zhig tu ma mthong bas/ bdag cag ni bcom ldan 'das mthong bar 'tshal bas skom lags so/ /bdag cag ni bcom ldan 'das mthong bar 'tshal
242a2 na| thugs brtse ba'i slad du bcom ldan 'das mnyan du yod par gshegs su gsol zhes mchi'o zhes gsol ci gces bsgo'o/ /de nas mi des ko sa la'i rgyal po gsal rgyal dang
242a3 blon po dang / pho brang 'khor gyi mi dang / yul mi rnams kyis bsgo ba bzhin du mnyan te/ rgyal po'i khab tu song nas/ mthar gyis song song ba las/ rgyal po'i khab kyi grong khyer du
242a4 phyin to/ /de nas rgyal po'i khab kyi grong khyer thams cad du bltas nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te/
242a5 bcom ldan 'das la 'di skad ces gsol to/ /btsun pa/ mkhyen par mdzad du gsol/ ko sa ka'i rgyal po gsal rgyal dang / mnyan du yod pa na gnas pa'i pho brang 'khor gyi mi rnams
242a6 bcom ldan 'das kyi zhabs la mgo bor phyag btsal te/ bcom ldan 'das/ gnod pa chung ngam/ nyam nga ba chung ngam/ bskyod pa yang ngam/ 'tsho'am/ stobs dang ldan nam/ bde
242a7 ba dang ldan nam/ mi bde ba mi mnga' 'am/ bde ba la reg par gnas sam zhes mchi'o/ /'di skad du/ bdag cag gis bcom ldan 'das ring mo zhig du ma mthong ste/ bdag cag ni bcom
242b1 ldan 'das mthong bar 'tshal bas skom lags so/ /bdag cag ni bcom ldan 'das mthong bar 'tshal na/ thugs brtse ba'i slad du bcom ldan 'das mnyan du yod par gshegs su
242b2 gsol zhes kyang mchi'o/ /bcom ldan 'das kyis bka' stsal pa/ kye|gal te rgyal po gzugs can snying pos 'gror ster na 'gro bar bya'o/ /de nas pho nya des rgyal po gzugs can snying
242b3 po la gsol nas/ bcom ldan 'das la 'di skad ces gsol to/ /bcom ldan 'das gshegs par rgyal po gzugs can snying pos dad pa stsal lags na/ bcom ldan 'das kyis da de'i
242b4 dus la bab par dgongs te gshegs su gsol zhes bskul to/ /de nas bcom ldan 'das kyis mi de la cang mi gsung bas gnang ngo / /de nas bcom ldan 'das dbyar zla gsum 'das
242b5 nas| chos gos mdzad de/ chos gos zin nas chos gos gsol te/ lhung bzed bsnams nas/ zham ring 'khor mang po dag dang mnyan du yod pa la logs su chas te gshegs so/ /pho
242b6 nya'ang shing rta la zhon te chas so/ /de nas des sangs rgyas bcom ldan 'das zhabs kyis gshegs pa mthong nas/ shing rta las babs te/ bcom ldan 'das ga la ba de logs su thal mo
242b7 sbyar ba btud nas/ bcom ldan 'das la 'di skad ces gsol to/ /thugs brtse ba'i slad du bdag gi shing rta bcom ldan 'das kyis bzhes su gsol/ bcom ldan 'das kyis bka' stsal
243a1 pa| rdzu 'phrul rkang pa'i shing rta dang / /yang dag rtsol la nga gnas na/ /nyon mongs tshe rams ma snad par/ /sa steng kun tu rgyu bar byed/ /pho nyas gsol pa /
243a2 bcom ldan 'das ni rdzu 'phrul gyi zhabs kyis gshegs pa lags kyis kyang bdag la phan gdags pa dang / thugs brtse ba'i slad du bcibs su gsol de nas bcom ldan 'das
243a3 pho nya la phan gdags pa'i phyir rdzu 'phrul gyis shing rta'i steng du bzhugs so/ /de nas bcom ldan 'das shing rta la bcibs bzhin du mnyan du yod par byon nas/ pho nyas kyang rgyal
243a4 po la sbran to/ /de nas rgyal po dang / blon po dang / pho brang 'khor gyi mi dang / yul mi rnams kyis bcom ldan 'das bsu nas chos mnyan pa'i phyir de'i mtshan mo rgyal bu rgyal
243a5 byed kyi tshal de nyid du 'khod do/ /pho nya de ni tshe thung ste/ chos thos pa'i 'og tu de nyid kyi mtshan mo shi ste/ de shi nas sum cu rtsa gsum pa'i lha yul bzang por skyes so/ /lha'i
243a6 bu'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas mi
243a7 las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa des mthong ngo / /de nas sngon pho nyar gyur pa'i
243b1 lha'i bu de 'di snyam du sems te/ bdag zhag lon nas gzod bcom ldan 'das la blta ba'i phyir 'gro ba ni bdag gi cha ma yin gyi/ bdag zhag ma lon par bcom ldan 'das blta ba'i phyir
243b2 'gro'o snyam mo/ /de nas sngon pho nyar gyur pa'i lha'i bu rna cha gdub kor dag cing 'gul pa thogs pa/ lus do shal dang / se mo dos brgyan pa/ nor bu rin po che sna tshogs kyis brgyan
243b3 pa'i cod pan can/ lus gur kum dang / ta ma la'i lo ma dang / spr-i ka la sogs pas byugs pa des de nyid kyi mtshan mo lha'i me tog ut+pa la dang / ku mu da dang / pad+ma dang / pad+ma
243b4 dkar po dang / man dA ra ba rnams kyis thub bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor ti/ chos mnyan
243b5 pa'i phyir bcom ldan 'das kyi spyan sngar 'dug go /de nas bcom ldan 'das kyis sngon pho nyar gyur pa'i lha'i bsam pa dang / bag la nyal dang / khams dang / rang bzhin thugs
243b6 su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon pho nyar gyur pa'i lha'i bus 'jig tshogs la lta ba'i ri'i rtse mo mthon
243b7 po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum brjod de/ btsun pa bcom ldan 'das kyis bdag
244a1 gi khrag dang / mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang / thar pa'i sgo rnams phye
244a2 pa dang / bdag lha dang / mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis /
244a3 nang mi dang / gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang / bram ze rnams kyis kyang ma bgyis lags so/ /yang smras pa /
244a4 nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /
244a5 bdag gis de ring nyes pa spangs pa'i mig /shin tu rnam dag khyod la brten nas thob/ /bdag ni sdug bsngal rgya mtsho pha rol brgal/ /'phags pa dgyes pa'i zhi ba'i go 'phang thob//
244a6 mi mchog dbang ngo mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do
244a7 shal 'phyang ba dga' gyur te/ /btung cing zhabs gnyis la ni phyag btsal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas
244b1 sngon pho nyar gyur pa'i lha'i bu de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar ba bzhin du 'byor
244b2 pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /de nas ko sa la'i rgyal po gsal rgyal khang bzang gi steng na 'dug pas/ snang pa chen
244b3 po de mthong nas nam nangs pa dang / bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam /
244b4 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ rgyal po chen po/ mi mjed kyi bdag po tshangs pa'am/ lha'i
244b5 dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin gyi/ khyod kyi pho nya de nga la sems dga' bar gyur nas/ shi ste sum cu rtsa gsum pa'i lha yul bzang
244b6 por skyes nas/ de mdang sum nga'i thad du 'ongs te/ ngas de la chos bstan nas bden pa mthong bar gyur te/ rang gi gnas su song ngo / /de nas rgyal po de ngo mtshar du gyur nas/ kye ma sangs
244b7 rgyas| kye ma chos/ kye ma dge 'dun/ 'di dag la ni chung ngu zhig byas kyang rnam par smin pa chen por 'gyur ro zhes smras so/ /de nas ko sa la'i rgyal po gsal rgyal bcom ldan 'das kyis
245a1 gsungs pa la mngon par bstod cing rjes su yi rangs te/ bcom ldan 'das kyi zhabs la mgo bos phyag btsal nas stan las langs te song ngo / /der bcom
245a2 ldan 'das kyis dge slong rnams la bka' stsal pa/ dge slong dag /'di gsum ni mchog tu gdags pa yin te/ gsum gang zhe na/ sangs rgyas mchog tu gdags pa dang / chos mchog
245a3 tu gdags pa dang / dge 'dun mchog tu gdags pa'o/ /sangs rgyas mchog tu gdags pa gang zhe na/ sems can rkang med rnams sam/ rkang gnyis rnams sam/ rkang bzhi rnams
245a4 sam| rkang mang rnams sam/ gzugs can rnams sam/ gzugs can ma yin pa rnams sam/ 'du shes can rnams sam/ 'du shes can ma yin pa rnams sam/ 'du shes yod pa'ang
245a5 ma yin/ 'du shes med pa'ang ma yin pa gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas mchog yin par bstan to/ /
245a6 sangs rgyas la mngon par dga' ba su 'ang rung ba de dag ni mchog la mngon par dga' ba yin te/ mchog la mngon par dga' ba de dag gi rnam par smin pa'ang lha rnams kyi nang
245a7 du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu gyur par shes par bya ste/ 'di ni sangs rgyas mchog tu gdags pa zhes bya'o/ /chos
245b1 mchog tu gdags pa gang zhe na/ 'dus byas sam/ 'dus ma byas kyi chos rnams gang yang rung ste/ de dag gi nang na ni 'dod chags dang bral ba'i chos mchog yin par bstan to/ /chos la
245b2 mngon par dga' ba su'ang rung ba de dag ni mchog la mngon par dga' ba yin te/ mchog la mngon par dga' ba de dag gi rnam par smin pa'ang lha rnams kyi nang du lhar gyur pa rnams sam/
245b3 mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ 'di ni chos mchog tu gdags pa zhes bya'o/ /dge 'dun mchog tu gdags pa gang zhe na/ tshogs
245b4 sam| 'dus pa'am/ mang po'am/ 'khor gang yang rung ste/ de dag gi nang na ni de bzhin gshegs pa'i nyan thos kyi dge 'dun la mchog yin par bstan te/ dge 'dun la mngon par
245b5 dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi rnam par smin pa'ang lha rnams kyi nang du lhar gyur pa rnams sam/ mi rnams
245b6 kyi nang du mir gyur pa rnams kyis mchog 'ba' zhig tu 'gyur bar shes par bya ste/ 'di ni dge 'dun mchog tu gdags pa zhes bya'o/ /bcom ldan 'das kyis de skad ces bka' stsal nas/
245b7 dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bcu bzhi pa/ ma he zhes bya ba ni/
246a1 sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang /
246a2 ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis
246a3 bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis
246a4 mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zod rnams
246a5 brnyes pa/ nyan thos kyi dge 'dun dang bcas pa/ ko sa la'i ljongs rgyu zhing gshegs pa las nags khrod gcig tu byon pa dang / nags khrod de na ma he khyu chen po dang / ma he'i rdzi lnga
246a6 brgya 'khod do/ /de nas re zhig na de'i nang na ma he stobs dang ldan zhing stobs kyi mchog dang ldan pa zhig yod de/ de mi gzhan dang gi dri tshor na phyi bzhin rgyug par byed do/ /bcom ldan
246a7 'das kyang phyogs der gshegs so/ /de nas ma he'i rdzi rnams kyis bcom ldan 'das nyan thos kyi dge 'dun dang bcas pa thag ring po zhig nas mthong ngo / /de nas de dag gis skad cher
246b1 bos te/ bcom ldan 'das/ 'di nam he ma rungs pa mchis kyi/ shul 'dir mi gshegs su gsol zhes byas so/ /bcom ldan 'das kyis bka' stsal pa/ kye ngas 'dir dus la bab par
246b2 shes kyi khyed snying ma chung zhig /de nas ma he des bcom ldan 'das thag ring po zhig nas mthong ba dang / rnga ma ldang du gzar nas bcom ldan 'das ga la ba der brgyugs so/ /de nas bcom ldan
246b3 'das kyi mdun logs su seng ge ral pa can ral pa g.yengs pa lnga sprul de glo g.yas g.yon du me chen po lnga sprul to/ /steng du ni lcags kyi pha bong chen po zhig sprul to/ /de nas ma he des phyogs
246b4 kun tu 'jigs pa chen po mthong nas/ bcom ldan 'das kyi zhabs drung du song ste/ bcom ldan 'das kyi zhabs la lces bldags nas/ zhum pa'i bzhin gyis bcom ldan 'das la bltas so/ /de nas
246b5 bcom ldan 'das kyis de la des brda phrad pa'i skad du/ bzhin bzang / 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o/ /
246b6 shes chos tshig gsum bstan nas/ tshe rabs kyang dran par mdzad de/ de thos nas dus so/ /de nas bcom ldan 'das kyis de'i tshe tshigs su bcad de bka' stsal nas/ khyod ni dud 'gror
246b7 skyes pa la/ /da ni nga yis ci byar yod/ /mi khom par ni skyes zin gyi/ /don med ngus pas ci la phan/ /'dir ni rgyal ba snying rje can/ /nga la dad pa'i sems bskyed la/ /dud 'gro'i skye gnas
247a1 spangs na legs/ /'on tang mtho ris 'gro bar 'gyur/ /de nas ma he ma rungs pa des rang gi lus la dmad de/ kha 'tshes nas dud 'gro'i skye gnas su skyes pa'i srog
247a2 chags rnams ni me'i drod che bas de skyen par shi ste/ sum cu rtsa gsum pa'i lha yul bzang por skyes so/ /lha'i bu'am/ lha'i bu mo skyes nas ring po ma lon pa ni chos nyid kyis sems rnam
247a3 pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas dud 'gro las shi 'phos pa dang / sum cu rtsa gsum pa'i lha yul bzang por skyes pa dang /
247a4 bcom ldan 'das la sems dga' bar gyur pa des mthong ngo / /de nas sngon ma her gyur pa'i lha'i bu 'di snyam du sems te/ bdag zhag lon nas gzod bcom ldan 'das la blta ba'i phyir
247a5 'gro ba ni bdag gi cha ma yin gyi bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon ma her gyur pa'i lha'i bu rna cha gdub kor dag cing 'gul pa thogs
247a6 pa| lus do shal dang / se mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / ta ma la'i lo ma dang / spr-i ka la sogs pas byugs
247a7 pa des de nyid kyi mtshan mo lha'i me tog ut+pa la dang / pad+ma dang / ku mu da dang / pad+ma dkar po dang / man dA ra rnams kyis thu ba bkang ste/ nags khrod de dag thams cad 'od chen
247b1 pos snang bar byas nas/ bcom ldan 'das la me tog gis gtor te chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis sngon ma her gyur pa'i lha'i
247b2 bu'i bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ma her gyur
247b3 pa'i lha'i bus 'jig tshogs la lta ba'i ri'i rtse mo mthong po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du
247b4 brjod de/ btsun pa bcom ldan 'das kyis bdag gi khrag dang / mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang / thar
247b5 pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyang ma
247b6 bgyis/ nang mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang / bram ze rnams kyis kyang ma bgyis lags so/ /yang smras pa/
247b7 nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag
248a1 gis de ring nyes pa spangs pa'i mig /shin tu rnam dag khyod la brten nas thob/ /bdag ni sdug bsngal rgya mtsho'i pha rol brgal/ /'phags pa dgyes pa'i zhi
248a2 ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni de mthong 'bras bu yod/ /
248a3 de nas do shal 'phyang ba dag 'gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas
248a4 sngon ma her gyur pa'i lha'i bu de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar ba bzhin du
248a5 'byor pa gang gis bcom ldan 'das kyi thad du 'ongs pa'i 'byor ba de nyid kyis rang gi gnas su song ngo / /de nas ma he rdzi de dag gis snang ba chen po de mthong ngo / /de mthong nas the
248a6 tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das/ mdang sum bcom ldan 'das kyi thad du mchis te/ lha'i 'od kyis snang bar bgyid pa de su
248a7 zhig lags/ bcom ldan 'das kyis bka' stsal pa/ khyed kyi ma he de nga la sems dga' bar gyur te/ shi nas sum cu rtsa gsum pa'i lha yul bzang por skyes te/ de mdang sum nga'i thad
248b1 du 'ongs nas/ ngas de la chos bstan te/ bden pa mthong bar gyur nas rang gi gnas su song ngo / /de nas ma he rdzi de dag mchog tu ya mtshan du gyur te ngo mtshar to/ /dud 'gro'i skye gnas su
248b2 skyes pa 'di'ang dge ba'i bshes gnyen bcom ldan 'das dang phrad nas lha'i nang du skyes te/ bden pa mthong bar gyur na bdag cag gis ci ste khyad par thob par mi 'gyur snyam mo/ /de nas
248b3 de dag gis sangs rgyas bcom ldan 'das nyan thos kyi dge 'dun dang bcas pa zhal zas bzang pos tshom par byas nas/ bcom ldan 'das kyi thad du rab tu byung ste/ de dag gis brtson pa
248b4 pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas so/ /de nas dge slong dag the tshoms kyes te/ the tshom thams cad gcod pa sangs
248b5 rgyas bcom ldan 'das la zhus pa/ btsun pa/ sngon ma he ra gyur pa'i lha'i bus gang dag bgyis na des ma her skyes lags/ las gang dag bgyis na des lha'i nang du skyes te bden pa mthong
248b6 bar gyur lags/ ma he rdzi rnams kyis ni las ci bgyis na de sa ma he rdzir gyur lags/ las gang bgyis pas ni rab tu byung nas dgra bcom pa nyid mngon sum du bgyis lags/ bcom ldan
248b7 'das kyis bka' stsal pa/ dge slong dag /'di dag nyid kyis sngon tshe rabs gzhag dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i
249a1 las de dag byas shing bsags pas na/ de dag nyid kyi las byas shing bsags pa de dag gzhan su zhig gis nyams su myong bar 'gyur te/ dge slong dag
249a2 las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/
249a3 las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las
249a4 rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po
249a5 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
249a6 rten mkhyen pa/ skyes bu gdul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong
249a7 khyer wA ra NA si na drang srong smra ba ri dwags kyi nags na rten cing bzhugs so/ /de'i tshe dge slong dag gtan la 'bebs par byed pa na/ dge slong sde snod gsum pa zhig 'khor lnga brgya dang
249b1 gtan la 'bebs pa'i nang na 'dug go /de'i nang na slob pa dang mi slob pa'i dge slong dag kyang yod de/ de dag sde snod gsum pa la 'dri bar byed la/ des ni lan ma thebs pa dang / de khros
249b2 nas ngag gi las rtsub po phyung ste/ nags kyi ma he dang 'dra ba 'di dag ci shes zhes byas/ de'i slob ma rnams kyis kyang ma he rdzi dang 'dra ba 'di dag ci shes zhes smras so/ /bcom ldan
249b3 'das kyis bka' stsal pa/ dge slong dag /ji snyam du sems/ dge slong sde snod gsum pa gang yin pa de nyid ma he 'di yin no/ /slob ma de dag ni ma he rdzi 'di dag yin te/ las des na
249b4 che rabs lnga brgyar ma her skyes so/ /slob ma rnams kyang ma he rdzi lnga brgyar gyur to/ /nga la sems dga' bar gyur pa des ni lhar skyes so/ /dge slong gi dngos po thob ste/ tshul khrims
249b5 bsrungs pas ni bden pa mthong ba dang / dgra bcom pa nyid mngon sum du byas so/ /dge slong dag /de bas na ngag gi nyes pa spangs pa'i phyir 'bad par bya ste/ ci nas ma he dang / ma he rdzi
249b6 rnams kyi nyes pa de lta bu dag 'byung bar mi 'gyur ba dang / lha'i bu de'i yon tan gyi tshogs de lta bu thob par 'gyur bar dge slong khyed kyis de ltar bslab par bya'o/ /bcom ldan
249b7 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //bsnyen gnas zhes bya ba ni/ sangs rgyas
250a1 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded
250a2 dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis
250a3 bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams
250a4 kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zod
250a5 rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe sum cu rtsa gsum pa'i
250a6 lha'i nang na lha'i bu bsnyen gnas zhes bya ba zhig yod de/ de chos nyan pa'i phyir rtag tu bcom ldan 'das kyi thad du 'gro'o/ /de nas phyis re zhig na lha'i bu bsnyen gnas g.yog 'khor lnga
250a7 brgya dang bcas pa bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te chos nyan pa'i phyir phyogs gcig tu 'dug go /de nas bcom
250b1 ldan 'das kyis lha'i bu bsnyen gnas kyi bsam pa dang / bag la nyal ba dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan
250b2 te| de thos nas lha'i bu bsnyen gnas kyi 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i
250b3 tshig lan gsum du brjod de/ btsun pa bcom ldan 'das kyis bdag gi khrag dang / mchil ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang /
250b4 mtho ris dang / thar pa'i sgo rnams phye ba dang / bdag lha dang / mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis
250b5 kyang ma bgyis/ nang mi dang / gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang / bram ze rnams kyis kyang ma bgyis lags so/ /yang smras pa/
250b6 nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag
250b7 gis de ring nyes pa spangs pa'i mig /shin tu rnam dag khyod la brten nas thob/ /bdag ni sdug bsngal rgya mtsho pha rol brgal/ /'phags pa dgyes pa'i zhi ba'i go 'phang thob/ /mi mchog
251a1 dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de
251a2 nas do shal 'phyang ba dga' gyur te/ /btud cing zhabs gnyis la ni phyag btsal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas
251a3 lha'i bu bsnyen gnas tshong pa khe spogs phyin pa dang / zhing pa 'bru rgyal bar gyur pa dang / dpa' po g.yul las rgyal ba dang / nad pa nad thams cad las thar ba bzhin du 'byor ba
251a4 gang gis bcom ldan 'das kyi thad du 'ongs pa'i 'byor ba de nyid kyis rang gi gnas su song ngo / /de'i tshe dge slong dag srod dang / tho rangs mi nyal bar brtson pa lhur byed pa la gnas te/
251a5 de dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom
251a6 ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags
251a7 sam| bcom ldan 'das kyis bka' stsal pa/ dge slong dag /mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma
251b1 yin gyi/ lha'i bu bsnyen gnas g.yog 'khor lnga brgya dang bcas pa nga la blta ba'i phyir 'ongs te/ ngas de la chos bstan nas bden pa mthong bar 'gyur te/ rang gi gnas su song ngo / /de nas dge slong dag /
251b2 the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ lha'i bu bsnyen gnas ga las byung lags/ ming ni ci las btags lags/ bcom ldan 'das
251b3 kyis bka' stsal pa/ dge slong dag /khyed nyan par 'dod dam/ gsol pa/ btsun pa/ nyan par 'tshal lags so/ /bka' stsal pa/ dge slong dag /'o na legs par rab tu nyon la yid la zungs
251b4 shig ngas bshad do/ /dge slong dag /sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs
251b5 pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom
251b6 ldan 'das 'od srung zhes bya ba 'jig rten du byung ste/ de grong khyer wA ra NA si na drang srong smra ba ri dwags kyi nags na rten cing bzhugs so/ /phyis re zhig na rgyal po kr-i kr-I bcom ldan 'das la
251b7 blta ba dang / bsnyen bkur bya ba'i phyir song ngo / /de nas re zhig na bram ze gnyis drang srong smra bar don zhig la song ba dang / de gnyis kyis rgyal po de rgyal po'i 'byor ba chen po dang / rgyal po'i
252a1 mthu stobs chen po dang ldan pa mthong ngo / /de nas de gnyis rgyal srid la 'dod pa skyes nas/ de gnyis kyis dge bsnyen zhig la dris pa/ kye sangs rgyas kyi dge
252a2 bsnyen/ las ci zhig byas na/ des ci bsams pa dang / ci 'dod pa de dag thams cad 'grub par 'gyur zhes byas so/ /dge bsnyen gyis smras pa/ gang gis bsnyen gnas yan lag brgyad
252a3 pa yongs su dag par bsrungs pa de'i ni ci bsams pa dang / ci 'dod pa de dag thams cad 'grub par 'gyur ro zhes byas so/ /de nas bram ze de gnyis kyis khyim bdag chu stod las bsnyen
252a4 gnas yan lag brgyad pa blangs te bsrungs so/ /de na gcig gis ni yongs su dag par bsrungs te/ de nas shi nas rgyal po kr-i kr-i'i bur skyes te/ de'i ming legs skyes zhes btags nas
252a5 pha shi ba'i 'og tu de rgyal por bcug go /gcig shos kyis ni bsnyen gnas nyams par byas te/ de ni shi nas klu'i nang du skyes te/ de'i steng du nyin gcig bzhin du lan bdun bdun bye
252a6 tshan bab ste/ des rus pa 'ba' zhig lus par byed do/ /de nas de 'di snyam du sems te/ 'di las gang gis 'bras bu yin/ 'di las gang gis 'bras bu'i rnam par smin pa yin na/
252a7 des bdag gi 'di lta bu'i sdug bsngal myong zhing 'dug snyam mo/ /de nas des bsnyen gnas yan lag brgyad dang ldan pa bdag gis blangs pa las bslab pa lhod par byas pa des 'di lta
252b1 bu'i sdug bsngal bdag gis nyams su myong la/ gang gis blangs te/ bsrungs pa des ni rgyal srid thob par gyur to snyam mo/ /yang de 'di snyam du sems te/ de'ang bdag gis bsnyen gnas yan
252b2 lag brgyad dang ldan par bsrung bar bya'o/ /'o na tang bdag klu'i skye gnas las thar bar 'gyur yang srid do snyam mo/ /de nas bram ze'i cha lugs su bdag nyid sprul nas/ rgyal po'i thad du
252b3 'ongs te phyin nas rgyal po la rgyal bar gyur cig /sku tshe ring bar shog cig ces bstod nas smras pa/ rgyal po chen po/ bsnyen gnas yan lag brgyad dang ldan pa bdag la 'tshal gyi/ lha|
252b4 bsnyen gnas yan lag brgyad dang ldan pa btsal du gsol/ gal te ma btsal na gdon mi 'tshal bar lha'i dbu tshal ba bdun du 'gas par 'gyur ro zhes byas nas/ de nyid du mi snang bar
252b5 gyur to/ /de nas rgyal po 'jigs shing skrag ste mi dga' las kyi bung zhes byas nas/ gser 'bum yod pa'i snod rgyal mtshan gyi rtse mo la btags te/ bdag gi yul thams cad du dril bsgrags
252b6 nas| su nga la bsnyen gnas yan lag brgyad dang ldan pa ston pa de la gser 'bum 'di sbyin no/ /bkur sti chen pos kyang bsnyen bkur bya'o zhes bsgo'o/ /de nas re zhig na shing mkhan gyi
252b7 bu mo bud med rgan mo zhig 'dug pa des rgyal po la ka ba zhig bstan te/ sngon bdag gi pha rtag tu ka ba 'di la spos dang / bdug pa dang / me tog gis mchod pa bgyid na 'di phyung ste gzigs
253a1 shig ces byas so/ /de nas rgyal pos zham ring ba rnams la ka ba 'di phyungs shig ces bsgo'o/ /de nas rgyal po'i zham ring rnams kyis ka ba de phyung ba dang / de'i
253a2 'og nas bsnyen gnas yan lag brgyad dang ldan pa dang / dge bsnyen gyi bslab pa'i gzhi lnga dang / byang chub kyi phyogs dang mthun pa'i chos sum cu rtsa bdun gser gyi glegs bam la bris pa
253a3 zhig rnyed do/ /de nas rgyal pos klu de la bsnyen gnas yan lag brgyad dang ldan pa zhig bris te byin no/ /drang srong smra ba na gnas pa'i drang srong khri nyis stong gis kyang byang chub kyi phyogs
253a4 dang mthun pa'i chos sum cu rtsa bdun mngon sum du byas so/ /klu des kyang bsnyen gnas yan lag brgyad dang ldan pa bsrungs nas thang la byung ste/ lus bor nas de kha 'tshos te 'dug
253a5 go |de nas shi ste g.yog 'khor lnga brgya dang bcas te sum cu rtsa gsum pa'i lha yul bzang por skyes so/ /dge slong dag /bsnyen gnas ni de nas byung ste ming yang de las btags so/ /
253a6 bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //ngang pa zhes bya ba ni/ sangs rgyas
253a7 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha
253b1 rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/
253b2 ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom
253b3 ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas
253b4 pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na ko sa la'i rgyal po gsal rgyal rgyal po byed de/
253b5 de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang /
253b6 chom rkun dang / mu ge dang / nad rnams med pa dang / 'bras sA lu dang / bu ram shing dang / pa lang dang / ma he dang ldan par 'dug ste/ gnod pa med cing tsher ma dkrugs la bu gcig pa
253b7 la bya ba bzhin du rgyal srid bskyangs so/ /phyis re zhig na ko sa la'i rgyal po gsal rgyal bcom ldan 'das la blta ba dang / bsnyen bkur bya ba'i phyir rgyal bu rgyal byed kyi tshal du song
254a1 ba dang / pany+tsa la'i rgyal pos ko sa la'i rgyal po gsal rgyal la ngang pa lnga brgya skyes su bskur te/ gang gi tshe rgyal bu rgyal byed kyi tshal du song ba de'i tshe/ ngang pa lnga
254a2 brgya po de dag phul lo/ /de nas rgyal po gsal rgyal gyis ngang pa de dag la mi 'jigs pa byin te/ rgyal bu rgyal byed kyi tshal de nyid du btang nas/ gang gi tshe bcom ldan 'das nyan thos
254a3 chen po'i 'khor dang bcas pa bshos gsol zhing bzhugs pa de'i tshe ngang pa de dag bcom ldan 'das kyi thad du 'gro la/ bcom ldan 'das dang nyan thos chen po de dag gis kyang
254a4 de rnams khyos ma byin te/ de dag gis zos nas tshim zhing mgu la dbang po rtas te 'khod do/ /gang gi tshe bcom ldan 'das nang du yang dag 'jog las bzhengs nas 'khor bzhi
254a5 po de dag la chos ston pa de'i tshe/ ngang pa de dag bcom ldan 'das kyi thang du dong ste/ chos nyan par byed do/ /de nas de dag tshe thung ste shi nas sum cu rtsa gsum pa'i lha yul bzang
254a6 por skyes so/ /lha'i bu'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes
254a7 snyam mo/ /de nas ngang pa las shi 'phos pa dang sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa de dag gis mthong ngo / /de nas
254b1 sngon ngang par gyur pa'i lha'i bu rnams 'di snyam du sems te/ bdag cag zhag lon nas gzod bcom ldan 'das la blta ba'i phyir 'gro ba ni bdag cag gi cha ma yin gyi/ bdag
254b2 cag zhag ma lon par bcom ldan 'das la blta ba'i phyir 'gro'o snyam mo/ /de nas sngon ngang par gyur pa'i lha'i bu rna cha gdub ko ra dag cing 'gul ba thogs pa/ lus do shal
254b3 dang / se mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / ta ma la'i lo ma dang / spr-i ka la sogs pas byugs pa de dag gis de nyid kyi
254b4 mtshan mo lha'i me tog ut+pa la dang / pad+ma dang / ku mu da dang / pad+ma dkar po dang / man dA ra rnams kyi thu ba bkang ste/ rgyal bu rgyal byed kyi tshal thams cad 'od chen pos snang
254b5 bar byas nas/ bcom ldan 'das la me tog gis gtor te/ chos nyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis sngon ngang par gyur
254b6 pa'i lha'i bu rnams kyi bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan
254b7 te| de thos nas sngon ngang par gyur pa'i lha'i bu rnams kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ de
255a1 dag gis bden pa mthong nas dga' ba'i tshig lan gsum brjod de/ btsun pa bcom ldan 'das kyis bdag cag gi khrag dang / mchi ma'i rgya mtsho bskams
255a2 pa dang / rus pa'i la bsgral ba dang / ngan song gi sgo bcad pa dang / mtho ris dang / thar pa'i sgo rnams phye ba dang / bdag cag lha dang / mi rnams kyi nang du bzhag pa 'di lta bu ni bdag
255a3 cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang / gnyen gyi tshogs kyis kyang ma bgyis/ sngon gyi mtshun rnams kyis
255a4 kyang ma bgyis/ dge sbyong dang / bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod
255a5 nams rab ldan mtho ris 'gro ba phye/ /mya ngan 'das lam bdag cag rnams kyis thob/ /bdag cag de ring nyes pa spangs pa'i mig /shin tu rnam dag khyod la brten nas thob/ /
255a6 bdag cag sdug bsngal rgya mtsho'i pha rol brgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /
255a7 srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 'phyang rnams dga' gyur te/ /btud cing zhabs gnyis la ni phyag btsal nas/ /
255b1 dgra thub la ni bskor ba byas nas kyang / /lha yi 'jig rten kha bltas lha yul song / /de nas sngon ngang par gyur pa'i lha'i bu rnams tshong pa khe spogs phyin pa dang / zhing pa 'bru rgyal bar gyur
255b2 pa dang / dpa' bo g.yul las rgyal ba dang / nad pa nad thams cad las thar ba bzhin du 'byor pa gang gis bcom ldan 'das kyi thad du lhags pa'i 'byor pa de nyid kyis rang gi gnas
255b3 su dong ngo / /de'i tshe dge slong srod dang tho rangs mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong nas
255b4 kyang the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya
255b5 byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag /mi mjed kyi bdag po tshangs
255b6 pa'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin no/ /dge slong dag /ko sa la'i rgyal po gsal rgyal gyis ngang pa lnga brgya 'dir btang ba
255b7 khyod kyis mthong ngam/ btsun pa/ mthong lags so/ /bka' stsal pa/ de dag nga la sems dga' bar gyur te/ shi nas sum cu rtsa gsum pa'i lha yul bzang por skyes te/ de dag mdang sum
256a1 nga'i thad du lhags nas de dag la ngas chos bstan te/ bden pa mthong bar gyur nas rang gi gnas su dong ngo / /de nas dge slong dag the tshom skyes te/ the tshom
256a2 thams cad gcod pa sangs rgyas bcom ldan 'das la zhus pa/ btsun pa/ sngon ngang par gyur pa'i lha'i bu rnams kyis las gang dag bgyis na/ des ngang par skyes lags/ las gang
256a3 dag bgyis na des lha'i nang du skyes te bden pa mthong lags/ bcom ldan 'das kyis bka' stsal pa/ dge slong dag /'di dag nyid kyis sngon tshe rabs gzhan dag tu tshogs rnyed cing
256a4 rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ sngon ngang par gyur pa'i lha'i bu rnams kyis las byas
256a5 shing bsags pa de dag gzhan su zhig gis nyams su myong bar gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi
256a6 'gyur/ chu'i khams dang / me'i khams dang / rlung gi khams la rnam par smin par 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang /
256a7 skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du
256b1 smin par 'gyur/ /dge slong dag /sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs pa'i
256b2 sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan
256b3 'das 'od srung zhes bya ba 'jig rten du byung ste/ de grong khyer wA ra NA si na drang srong smra ba ri dwags kyi nags na rten cing bzhugs so/ /de'i tshe 'di dag rab tu byung ba las bslab pa la lhod
256b4 bar byas pa des ni ngang par skyes so/ /nga la sems dga' bar byas pa des ni lhar skyes so/ /bslab pa lhag pa rnams bsrungs pa des ni bden pa mthong bar gyur to/ /dge slong dag /de
256b5 ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba ni rnam par smin pa'ang gcig tu nges
256b6 par dkar bar 'gyur ro/ /las 'dren ma rnams ni rnam par smin pa'ang 'dren mar 'gyur ro/ /dge slong dag /de bas na las gcig tu nges par gnag pa rnams dang / las 'dren ma
256b7 rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag /khyed kyis de ltar bslab par bya'o/ /bcom ldan 'das kyis de skad ces
257a1 bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod
257a2 pa brgya pa las/ sdom gyi tshigs su bcad pa drug pa rdzogs so// //sdom ni/ gser 'od dang ni dri zhim dang / /byad bzang stobs ldan sdug gu dang / /pad+ma mig dang rnga sgra dang / /bu dang nyi ma
257a3 gyad pa dang / /gser 'od ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon
257a4 rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen
257a5 po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen
257a6 po rnams kyis mchod cing shes pa'i sangs rgyas bcom ldan 'das bsod nams chen po ldan pa/ na bza' dang / zhal zas dang / gzims cha dang / gdan dang / bsnyun gsos dang /
257a7 sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na bzhugs so/ /de'i tshe ser skya'i gnas na shAkya phyug cing nor
257b1 mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs
257b2 nas| de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam/ dgu lon pa dang bu byung ste/
257b3 khye'u gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa 'dzam bu chu bo'i gser gyi mdog 'dra ba zhig btsas te/ de'i gser gyi 'od kyis
257b4 grong khyer ser skya'i gnas thams cad snang bar byas so/ /de nas pha ma dang / sems can gzhan dag gis de mthong nas ltad mo la lhags te/ sems can gyi khyad par 'di lta bu ni ga las
257b5 'ongs zhig gu zhes mchog tu ngo mtshar du gyur nas sems pa la zhugs so/ /de na de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye
257b6 du rnams na re/ 'di btsas pa na grong khyer ser skya'i gnas thams cad gser gyi 'od kyis snang bar byas pas na/ de'i phyir khye'u 'di'i ming gser 'od ces gdags so zhes zer
257b7 ro| |de nas khye'u gser 'od bang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad
258a1 nas| de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed
258a2 bsrings te/ mtsho'i nang gi pad+ma bzhin du skye drag par gyur to/ /de'ang mkhas shing gsal la yid gzhungs pa dang / dad pa dang ldan la dge zhing bsam pa bzang ba dang / bdag dang /
258a3 gzhan la phan pa la zhugs pa/ snying rje can bdag nyid che ba chos 'dod pa zhig go /phyis re zhig na de byad gzugs kyi rgyags pas myos te/ grong khyer gyi phyi rol na rtse zhing 'dug go /
258a4 shAkya mang po dag gcig kyang shing n+ya gro d+ha'i kun dga' ra bar dong ngo / /de nas khye'u gser 'od kyis mthong nas dris pa/ khyed gar 'dong / de dag gis smras pa/ sangs rgyas bcom
258a5 ldan 'das la blta ba'i phyir shing n+ya gro d+ha'i kun dga' ra bar 'gro'o/ /de nas khye'u gser 'od kyis sangs rgyas zhes bya ba thos te/ sngo ma thos pa'i ming thos nas spu thams
258a6 cad zing zhes byas te/ mchog tu ngo mtshar du gyur nas de 'di snyam du sems te/ ma la/ bdag kyang sangs rgyas bcom ldan 'das blta ba'i phyir 'gro gor ma chags snyam nas/
258a7 de'ang shing n+ya gro d+ha'i kun dga' ra bar song ba dang / khye'u gser 'od kyis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/
258b1 dpe byad bzang po brgyad cus mdzes par byas pa/ 'od 'do ma gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu'i kun nas bzang ba mthong nas/
258b2 mthong ma thag tu byad gzugs kyi rgyags pa med par gyur te/ bcom ldan 'das kyi zhabs la phyag btsal nas/ chos mnyan pa'i phyir bcom ldan 'das kyi spyan sngar 'dug go /de
258b3 nas bcom ldan 'das kyis de la chos bstan nas/ de chos thos pa dang / rab tu 'byung bar 'dod par gyur to/ /de nas re zhig na pha ma la gsol nas/ bcom ldan 'das kyi thad du song ste
258b4 phyin nas/ bcom ldan 'das kyi zhabs la mgo bos phyag btsal te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol
258b5 to| |btsun pa/ bdag legs par gsungs pa'i chos 'dul ba la rab tu byung ba dang / bsnyen par rdzogs shing dge slong gi dngos po 'thob tu rung nas bdag kyang bcom ldan 'das kyi thad
258b6 du tshangs par spyod pa spyad par 'tshal lo/ /de nas bcom ldan 'das kyis phyag gser gyi kha dog can glang po che'i sna ltar 'dug pa brkyang nas/ khye'u gser 'od la 'di skad ces bka'
258b7 stsal to/ /gzhon nu tshur shog /tshangs par spyod cig /de skad ces bka' stsal pa'i mod la/ skra dang / kha spu bregs nas zhag bdun lon pa tsam du gyur/ spyod lam ni bsnyen par
259a1 rdzogs nas lo brgya lon pa lta bur 'dug par gyur/ lag na ni lhung bzed dang / chu snod thogs par gyur te/ /'dir smras pa/ de bzhin gshegs pas tshur
259a2 zhes bka' stsal pas/ /de ni mgo bregs lus la snam sbyar gyon/ /sangs rgyas kyi ni dgongs pas go bgos nas/ /mod la dbang po rab tu zhi bar gnas/ /de nas bcom ldan 'das kyi
259a3 spyan sngar 'dug nas/ bcom ldan 'das kyis de la yid la byed pa'i lung phog ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo
259a4 zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa
259a5 thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam mkha'
259a6 dang lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang
259a7 dag par rig pa thob pa/ srid pa'i rnyed pa dang / chags pa dang / bkur sti la mi lta bar/ dbang po dang / nye dbang dang bcas pa'i lha'i bu rnams kyis mchod cing rjed pa dang / gus par smra
259b1 ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ gser 'od kyis las gang dag bgyis na/ des 'di ltar
259b2 gzugs bzang zhing blta na sdug la mdzes pa dang / rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag /gser 'od nyid
259b3 kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ gser 'od
259b4 nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par
259b5 mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams
259b6 dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du
259b7 smin par 'gyur/ /dge slong dag /sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa/ dgra bcom pa| yang dag par rdzogs pa'i sangs rgyas/ rig pa
260a1 dang | zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs
260a2 rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas
260a3 rnam par gzigs/ sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las
260a4 'das so/ /de nas rgyal po gnyen 'od kyis bcom ldan 'das kyi sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig
260a5 yod la/ 'phang du rgyang grags gcig yod pa zhig brtsigs te/ mchod rten gyi dus ston yang lugs btod do/ /de nas re zhig na khyim bdag gcig mchod rten gyi dus ston byed pa der
260a6 song ba las mchod rten de las gser gyi me long zhig lhung ba des mthong nas des de'i rna ba'i gong rgyan du bcos nas mchod rten de la btags te/ spos dang / bdug pa dang / me tog
260a7 gis mchod nas zhabs la phyag btsal te smon lam btab pa/ bdag gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig /mi mnyes
260b1 pa byed par ma gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na khyim bdag tu gyur pa gang yin pa de ni khye'u gser 'od 'di
260b2 yin te/ des yang dag par rdzogs pa'i sangs rgyas rnam par gzigs kyi mchod rten la bkur sti byas pa des na 'di lta bur byad gzugs kyi khyad par can du gyur to/ /smon lam btab pa des ni
260b3 tshe 'di la dgra bcom pa nyid mngon sum du byas so/ /dge slong dag /de ltar na las gcig tu nges par gang pa rnams ni rnam par smin pa'ang gcig tu nges par gang par 'gyur ro/ /las
260b4 gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dren ma rnams ni rnam par smin pa'ang 'dren mar 'gyur ro/ /dge slong dag /de
260b5 bas na las gcig tu nges par gang pa rnams dang / las 'dren ma spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar
260b6 bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //dri zhim
260b7 zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon
261a1 rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po
261a2 rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams
261a3 kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams
261a4 brnyes pa/ nyan thos kyi dge 'dun dang bcas pa yul ser skya'i gnas na shing n+ya gro d+ha'i kun ra ba na bzhugs so/ /de'i tshe ser skya'i gnas na khyim bdag phyug cing nor mang la longs spyod che
261a5 ba| yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang
261a6 lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam/ dgu lon pa dang bu byung ste/ khye'u
261a7 gzugs bzang zhing blta na sdug la mdzes pa zhig mi'i kha dog las ni 'das/ lha'i kha dog ni ma thob pa zhig btsas te/ de'i kha nas me tog ut+pa la'i dri 'byung ba lus thams cad nas
261b1 ni tsan+dan gyi dri byung ngo / /de nas de'i btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ de'i nye du rnams na re/ 'di'i kha nas ut+pa la'i dri byung
261b2 la| lus thams cad nas tsan+dan gyi dri byung bas na/ de'i phyir khye'u 'di'i ming dri zhim zhes gdags so zhes zer ro/ /de nas khye'u dri zhim pang na 'tsho ba'i ma ma gnyis dang / nu ma snun pa'i
261b3 ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyi sa'o ma dang / zho dang / mar dang / zhun mar dang / mar gyi snying khu
261b4 dang | gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ /de'ang sngon gyi rgyu'i stobs kyi shugs kyis dad pa dang ldan la/
261b5 dge zhing bsam pa bzang la/ bdag dang / gzhan la phan pa la zhugs pa/ snying rje can bdag nyid che la chos 'dod pa zhig ste/ gang gi tshe khye'u dri zhim dpung rgyan dang / mgul ba'i do shal
261b6 dang | gdu bus brgyan te srang gi nang du zhugs pa de'i tshe/ tsan+dan gyi dri bsung gis grong khyer thams cad khyab par gyur ste/ skye bo mang pos kyang lha'i spos kyi dri tshor nas mchog tu ya
261b7 mtshan du 'dzin te/ 'di skad du/ kye ma| bsod nams dag gi mthu zhes 'dzer to/ /phyis re zhig na khye'u dri zhim shing n+ya gro d+ha'i kun dga' ra bar song ngo / /de nas des sangs rgyas bcom
262a1 ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis
262a2 brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do//
262a3 dga' ba bskyed nas kyang bcom ldan 'das kyi zhabs la mgo bos phyag btsal te/ chos nyan pa'i phyir bcom ldan 'das kyi spyan sngar 'dug go /de nas bcom ldan 'das kyis de'i bsam pa
262a4 dang | bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u dri zhim gyis 'jig
262a5 tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pha ma la gsol te bcom ldan 'das
262a6 kyi bstan pa la rab tu byung ngo / /des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi
262a7 rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom
262b1 pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang / lag mthil du 'dra ba'i sems dang /
262b2 ldan pa/ tsan+dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes ba dang / so so yang dag par rig pa thob pa/ srid pa'i rnyed pa
262b3 dang | chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag
262b4 the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa dri zhim gyis las gang dag bgyis na/ des 'di'i kha nas ni ut+pa la'i dri 'byung la/
262b5 lus thams cad nas ni tsan+dan gyi dri 'byung bar gyur lags/ bcom ldan 'das kyis bka' stsal pa/ dge slong dag /dri zhim nyid kyis sngon tshe rabs gzhan dag tu tshogs rnyed cing rkyen
262b6 grub pa dang ldan te/ dba' rgal bzhin du 'byung la gdon mi za sbar 'ong ba'i las de dag byas shing bsags pas na/ dri zhim nyid kyis las byas shing bsags pa de dag gzhan su zhig
262b7 gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang /
263a1 rlung gi khams la rnam par smin par mi 'gyur te/ las dge ba dang / mi dge ba byas shing bsags pa de rnams ni zin pa'i phung po dang / khams dang / skyi
263a2 mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du
263a3 smin par 'gyur/ /dge slong dag /sngon byung ba 'das pa'i dus na/ bskal pa dgu bcu rtsa gcig pa la de bzhin gshegs/ dgra bcom pa yang dag par rdzogs pa'i sangs rgyas/ rig pa dang /
263a4 zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das
263a5 rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las re zhig na yang dag par rdzogs pa'i sangs rgyas rnam par gzigs
263a6 sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /
263a7 de nas rgyal po gnyen yod kyis/ bcom ldan 'das kyi sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad
263b1 gcig yod la/ 'phang du rgyang grags gcig yod pa zhig brtsigs te/ mchod rten gyi dus ston yang lugs btod do/ /khyim bdag gcig gis kyang de la dad pa skyes nas/ spos dang / byug
263b2 ba rnam pa sna tshogs phul te/ bdug pa dang / me tog gis mchod nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis
263b3 na| bdag gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom ldan 'das
263b4 kyis bka' stsal pa/ dge slong dag /ji snyam du sems/ de'i tshe de'i dus na khyim bdag tu gyur pa gang yin pa de ni khye'u dri zhim 'di yin te/ des yang dag par rdzogs pa'i sangs rgyas
263b5 rnam par gzigs kyi mchod rten la bkur sti byas pa des na 'di lta bur dri zhim par gyur to/ /smon lam btab pa des ni tshe 'di la dgra bcom pa nyid mngon sum du byas so/ /dge slong
263b6 dag /de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa
263b7 yang gcig tu nges par dkar bar 'gyur ro/ /las 'dren ma rnams ni rnam par smin pa 'dren mar 'gyur ro/ /dge slong dag /de bas na las gcig tu nges par gnag pa dang /
264a1 las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /
264a2 bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs
264a3 pa brjod pa brgya pa/ bam po bco lnga pa/ byad bzang zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang
264a4 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams
264a5 dang | mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam
264a6 mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang /
264a7 gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ ser skya'i gnas na shing n+ya gro d+ha'i kun dga' ra ba na bzhugs
264b1 so| |de'i tshe ser skya'i gnas na shAkya phyug cing nor mang la/ longs spyod che ba/ yongs su 'dzin pa yangs shing rgya che ba/ rnam thos bu'i nor dang ldan pa/ rnam thos bu'i nor dang 'gran pa
264b2 zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las/ chung ma la bu chags
264b3 nas| de zla ba brgyad dam/ dgu lon pa dang / bu byung ste khye'u gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa/ lus byad dpe med la mdog
264b4 'jam pa/ lus kyi bdun mtho ba/ che bar grags pa zhig btsas so/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams
264b5 na re| 'di'i lus dpe med pas na/ de'i phyir khye'u 'di'i ming byad bzang zhes gdags so zhes zer ro/ /de nas khye'u byad bzang pang na 'tsho ba'i ma ma gnyis dang / nu ma snun pa'i ma ma gnyis
264b6 dang | dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan
264b7 yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ de'ang dad pa dang ldan la/ dge zhing bsam pa bzang ba/ bdag dang /
265a1 gzhan la phan pa la zhugs pa/ snying rje can bdag nyid che ba/ chos 'dod pa zhig ste/ 'jig rten thams cad dang / tha na mi ma yin pa rnams kyis kyang mchod cing
265a2 rjod pa dang / gus par smra ba'i gnas su gyur to/ /des sa phyogs gang du gom pa bor ba de dag kyang gtsang mar gyur te/ de ltar bsod nams dang ldan zhing che bar grags so/ /phyis re zhig
265a3 na de shing n+ya gro d+h+ya'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po
265a4 brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma
265a5 thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag btsal te/ chos nyan pa'i phyir bcom ldan 'das kyi
265a6 spyan sngar 'dug go /de nas bcom ldan 'das kyis de'i bsam pa dang / bag la nyal ba dang / khams dang / rang bzhin thugs su chud nas/ 'phags pa'i bden pa bzhi rtogs
265a7 par 'gyur ba de lta bu'i chos bstan te/ de thos nas khye'u byad bzang gis 'jig tshogs la blta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i
265b1 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la rab tu byung ngo / /des brtson pa dang / bsgrub pa dang / 'bad pas phol mig
265b2 lnga pa'i 'khor ba'i 'khor lo 'di nyid g.yo zhing brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin
265b3 par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang
265b4 bong bar mnyam pa/ nam mkha' dang lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i spubs bcom pa/ rig pa dang /
265b5 mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams
265b6 kyi mchod cing rjed pa dang / gus par smra ba'i gnas su gyur to/ /de nas dge slong rnams the tshom skyes te/ the tshom thams cad gcod pa sangs rgyas bcom ldan 'das la zhus pa/
265b7 btsun pa/ byad bzang gis las gang dag bgyis na/ des 'di lta bu'i lus 'di lta bur gyur la dgra bcom pa nyid thob par gyur lags/ bcom ldan 'das kyis bka' stsal pa/ dge
266a1 slong dag /byad bzang nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong
266a2 ba'i las de dag byas shing bsags pas na/ byad bzang nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas
266a3 shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las
266a4 dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams
266a5 ni| |bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ /bskal pa dgu bcu rtsa
266a6 gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu
266a7 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang
266b1 gnyen ldan na rten cing bzhugs pa las re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du
266b2 phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis bcom ldan 'das kyi sku gdung la sku gdung gi mchod pa byas nas rin
266b3 po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der rgyal po gnyen yod gnyen gyi tshogs dang
266b4 bcas pa dang / blon po'i tshogs kyis zham ring byas pas mchod rten gyi dus ston byas so/ /phyis re zhig nyi ma gcig cig mi dbul po zhig mchod rten gyi 'khor sa'i nang du song nas
266b5 des de la me tog rnyis pa dag dang / mchod rten rdul gyis yog pa dag mthong ngo / /de nas des sangs rgyas kyi yon tan rjes su dran nas dad pa skyes te/ phyags ma blangs nas mchod rten
266b6 yang phyags/ me tog rnyis pa'ang bsal to/ /de nas mchod rten la rdul med cing dri ma med pa mthong nas dad pa skyes te/ zhabs la phyag btsal nas smon lam btab pa/ dge ba'i rtsa
266b7 ba dang / sems bskyed pa 'dis na/ bdag gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur cig
267a1 ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na mi dbul por gyur pa gang yin pa de ni/ byad bzang
267a2 'di yin te/ des mchod rten la phyag dar byas pas na/ byad gzugs bzang por gyur to/ /smon lam btab pa des tshe 'di nyid la dgra bcom pa nyid mngon sum du byas so/ /dge slong
267a3 dag |de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin
267a4 pa'ang gcig tu nges par dkar bar 'gyur ro/ /las 'dren ma rnams ni rnam par smin pa'ang 'dren mar 'gyur ro/ /dge slong dag /de bas na las gcig tu nges par gnag pa
267a5 rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan
267a6 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //stobs ldan zhes bya ba ni/ sangs rgyas
267a7 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang /
267b1 lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar
267b2 byas| ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i
267b3 sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos
267b4 kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la/ longs spyod che ba/ yongs su 'dzin
267b5 pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan gcig tu rtse
267b6 zhing dga' la dga' mgur spyod do/ /de rtse zhing dga' la dga' dgur spyod pa las chung ma la bu chags nas de zla ba brgyad dam/ dgu lon pa dang bu byung ste/ khye'u gzugs bzang zhing blta
267b7 na sdug la mdzes pa stobs kyi shugs gzhan las 'phags pa zhig btsas so/ /de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed
268a1 de| nye du rnams na re/ khye'u 'di'i stobs kyi shugs dang ldan pas na/ de'i phyir khye'u 'di'i ming stobs ldan zhes gdags so zhes zer ro/ /de nas khye'u stobs
268a2 ldan pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas de ma ma brgyad kyi 'o ma
268a3 dang | zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par
268a4 gyur to/ /de'ang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje can/ bdag nyid che ba/ chos 'dod pa zhig
268a5 go /de nas phyis re zhig na de shing n+ya gro d+ha'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par
268a6 brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas
268a7 bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag btsal te/ chos mnyan
268b1 pa'i phyir bcom ldan 'das kyi spyan sngar 'dug go /de nas bcom ldan 'das kyis de'i bsam pa dang / bag la nyal ba dang / khams dang / rang bzhin thugs su chud nas/ 'phags pa'i bden
268b2 pa bzhi rtogs par 'gyur ba de lta bu'i chos bstan te/ de thos nas khye'u stobs ldan gyis 'jig tshogs la blta ba'i ri'i rtse mo mthon po nyi shu ye shes rdo rjes bcom nas rgyun du zhugs
268b3 pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas
268b4 phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig
268b5 pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar
268b6 gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom
268b7 pa/ rig pa dang / mngon par shes pa dang / so so yang dag par rig pa thob pa dang / srid pa'i rnyed pa dang / chags pa dang / bkur sti la mi lta ba dang / dbang po dang / nye dbang
269a1 dang bcas pa'i lha rnams kyis mchod cing rjed pa dang / gus par smras pa'i gnas su gyur to/ /de nas dge slong dag the tshom skyes te/ the tshom thams cad gcod
269a2 pa sangs rgyas bcom ldan 'das la zhus pa/ btsun pa stobs ldan gyis las gang dag bgyis na/ des 'di'i lus stobs dang ldan par gyur la/ dgra bcom pa nyid thob par gyur lags/
269a3 bcom ldan 'das kyis bka' stsal pa/ dge slong dag /stobs ldan nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung
269a4 la gdon mi za bar 'ong ba'i las de dag byas shing bsags pas na/ stobs ldan nyid kyis las byas shing bsags pa de dag gzhan su zhig gis nyams su myong bar 'gyur te/
269a5 dge slong dag /las byas shing bsags pa rnams ni phyi rol gyi sa'i khams la rnams par smin par mi 'gyur/ chu'i khams dang / me'i khams dang / rlung gi khams la rnam par smin
269a6 par mi 'gyur te/ las dge ba dang / las mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par
269a7 'gyur te/ lus can dag gi las rnams ni/ /bskal pa brgyar yang chung mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung
269b1 ba 'das pa'i dus na/ bskal pa dgu bcu rtsa gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs
269b2 pa| 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rnam par gzigs zhes bya ba/ 'jig rten du byung
269b3 ste| de rgyal po'i pho brang gnyen ldan na brten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad
269b4 nas| shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/ bcom ldan 'das de'i sku
269b5 gdung la sku gdung gi mchod pa byas nas/ rin po che sna bzhi la byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs
269b6 te| mchod rten gyi dus ston byed pa der skye bo phal po ches glu blangs gar byas pas mchod rten rdul gyis yog par gyur to/ /phyis re zhig na khyim bdag gcig mchod rten gyi 'khor sa'i
269b7 nang du song ba dang / des mchod rten gyi 'khor sa rdul gyis yog pa mthong ngo / /de nas khyim bdag des sangs rgyas kyi yon tan rjes su dran nas dad pa skyes te/ spos kyi lde gu til mar
270a1 dang sbyar ba phul te smon lam btab pa/ bdag gis kyang yon tan 'di lta bu dag thob par gyur cig /ston pa 'di lta bu dag mnyes par byed par gyur cig /mi
270a2 mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na khyim bdag tu gyur pa gang yin pa de ni stobs
270a3 ldan 'di yin te/ des bcom ldan 'das rnam par gzigs kyi mchod rten la bkur sti byas pa des na stobs dang ldan par gyur to/ /smon lam btab pa des ni dgra bcom pa nyid
270a4 mngon sum du byas so/ /dge slong dag /de ltar las gcig tu nges par gnag pa rnams ni rnam par smin pa'ang gcig tu nges par gang par 'gyur ro/ /las gcig tu nges par
270a5 dkar ba rnams ni rnam par smin pa'ang gcig tu nges par dkar bar 'gyur ro/ /las 'dren ma rnams ni rnam par smin pa'ang 'dren mar 'gyur ro/ /dge slong dag /de bas na las
270a6 gcig tu nges par gang pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar
270a7 bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //sdug gu
270b1 zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon
270b2 rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir
270b3 byas| bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes
270b4 pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan
270b5 thos kyi dge 'dun dang bcas pa ser skya'i gnas shing n+ya gro da'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la/ longs spyod che ba yongs su
270b6 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig
270b7 tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de zla ba brgyad dam/ dgu lon pa dang bu byung ste/ khye'u gzugs bzang
271a1 zhing blta na sdug la mdzes pa che bar grags pa/ mthong na dga' ba zhig btsas te/ de btsas pa na grong khyer ser skya'i gnas thams cad grags pas rgyas par
271a2 gyur to/ /de nas de btsas pa'i btsas ston byas/ khye'u 'di'i ming ji skad gdags zhes ming 'dogs par byed de/ nye du rnam na re/ khye'u 'di btsas ma thag tu skye bo thams cad kyi snying
271a3 du sdug pas na/ khye'u 'di'i ming sdug gu zhes gdags so zhes zer ro/ /de nas khye'i sdug gu pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru
271a4 ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyi sa 'o ma dang / zho dang / mar dang / zhun mar dang / mar gyi snying khu dang / gzhan yang / yo
271a5 byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ /de yang dad pa dang ldan la/ dge zhing bsam pa bzang ba/ bdag la phan
271a6 pa dang / gzhan la phan pa la zhugs pa/ snying rje can/ bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong
271a7 ba chen po la gnas pa zhig ste/ des dge sbyong dang / bram ze dang / bkren pa dang / sdug cing phongs pa la sbyin pa rnam pa sna tshogs gtong bas sdud par byed do/ /de nas phyis re
271b1 zhig na khye'u sdug gu shing n+ya gro d+ha'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang
271b2 po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag
271b3 tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag btsal te chos nyan pa'i phyir/ bcom ldan 'das kyi spyan
271b4 sngar 'dug go /de nas bcom ldan 'das kyis de'i bsam pa dang / bag la nyal ba dang / khams dang / rang bzhin thugs su chud nas 'phags pa'i bden pa bzhi rtogs par 'gyur
271b5 ba de lta bu'i chos bstan te/ de thos nas khye'u sdug gus 'jig tshogs la lta ba'i ri'i rtse mo mthon po nyid shu ye shes rdo rjes bcom nas/ rgyun du zhugs pa'i 'bras bu mngon sum du
271b6 byas te/ des bden pa mthong nas pha ma la gsol te/ bcom ldan 'das kyi bstan pa la rab tu byung ngo / /des brtson pa dang / bsgrub pa dang / 'bad pas phol mig lnga ba'i 'khor
271b7 ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin
272a1 bar rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral
272a2 bar gyur nas/ gser dang / /bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i
272a3 sbubs bcom nas/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po
272a4 dang | nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa
272a5 sangs rgyas bcom ldan 'das la zhus pa/ btsun pa/ sdug gus las gang dag bgyis na/ des 'di grags pa chen po dang ldan pa dang / sdug cing yid du 'ong bar gyur la/ rab
272a6 tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag /sdug gu nyid kyis sngon tshe rabs gzhan dag tu tshogs
272a7 rnyed cing rkyen grub pa dang ldan te/ dpa' rgal bzhin du byung la gdon mi za bar 'ong ba'i las de dag byas shing bsags pas na/ sdug gu nyid kyi las byas shing bsags pa
272b1 de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / /
272b2 me'i khams dang / rlung gi khams la rnam par smin par mi 'gyur/ las dge ba dang / las mi dge ba byas shing bsags pa rnams ni zin pa'i phung po dang / khams dang / skye
272b3 mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal ba brgyar yang chud mi za/ /tshogs shing dus la bab pa na/ /'bras bu nyid du smin
272b4 par 'gyur/ /dge slong dag /sngon byung ba 'das pa'i dus na/ bskal ba dgu bcu rtsa gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa
272b5 dang | zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das
272b6 rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las re zhig na yang dag par rdzogs pa'i sangs rgyas rnam par gzigs sangs
272b7 rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas
273a1 rgyal po gnyen yod kyis bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten khor khor yug
273a2 tu dpag tshad gcig yod la/ 'phang du rgyang grags gcig yod pa zhig brtsigs so/ /de nas phyis re zhig na dpyid kyi dus su shing rnams me tog rgyas te/ me tog rnam pa sna
273a3 tshogs 'byung ba na/ khyim bdag gcig cig gis rgyal po la gsol to/ /bdag ni lha dang lhan cig tu bcom ldan 'das rnam par gzigs kyi mchod rten la me tog gdags
273a4 par 'tshal lo/ /rgyal pos smras pa/ de ltar gyis shig /de nas khyim bdag de dang / rgyal po dang / blon po dang / zhabs 'bring ba rnams kyis dril bsgrags te/ me tog rnam pa sna
273a5 tshogs sta gon byas nas/ bcom ldan 'das rnam par gzigs kyi mchod rten la me tog bdags te/ der srog chags 'bum phrag du mas sems dga' ba bskyed nas/ dge ba'i
273a6 rtsa ba rnams yang dag par bskyed do/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na khyim bdag tu gyur pa gang yin pa de ni
273a7 sdug gu 'di yin te/ des skye bo phal po che dang lhan gcig tu dge ba'i rtsa ba rnams bskyed pa des ni/ skye bo phal po che'i snying du sdug pa'i yid du 'ong bar gyur la/ rgyu de nyid
273b1 kyis na blta na sdug cing mdzes par gyur la/ dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par
273b2 smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dren
273b3 ma rnams ni rnam par smin pa'ang 'dren mar 'gyur ro/ /dge slong dag /de bas na las gcig tu nges par gnag pa rnams dang / las 'dren ma rnams spangs la/ las gcig
273b4 tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong
273b5 de dag yi rangs te bcom ldan 'das kyis gsungs pa la mngon par bstod do// //pad+ma'i mig ces bya ba ni/ sangs rgyas bcom ldan 'das la rgyal po
273b6 rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang /
273b7 klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas
274a1 bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am
274a2 ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims
274a3 cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na
274a4 bzhugs so/ /de'i tshe ser skya'i gnas na shAkya phyug cing nor mang la/ longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan
274a5 pa| rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do//
274a6 de rtse zhing dga' la dga' mgur spyod pa las/ chung ma la bu chags nas/ de zla ba brgyad dam/ dgu lon pa dang bu byung ste/ khye'u gzugs bzang zhing blta na sdug la
274a7 mdzes pa/ mig pad+ma sngon po 'dra ba/ mgo bo la lha'i nor bu rin po che mthon ka thogs pa zhig btsas te/ des grong khyer ser skya'i gnas thams cad nor bu mthon ka'i
274b1 kha dog can du byas so/ /de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ khye'u 'di'i mig pad+ma 'dra
274b2 bas na/ de'i phyir khye'u 'di'i ming pad+ma'i mig ces gdags so zhes zer ro/ /de nas khye'u pad+ma'i mig pang na 'tsho ba'i ma ma gnyis dang / nu ma snun pa'i ma ma gnyis dang / dri ma
274b3 'khru ba'i ma ma gnyis dang / rtse ba'i ma ma gnyis te/ de ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang /
274b4 gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ /de yang dad pa dang ldan la/ dge zhing bsam pa bzang ba/
274b5 bdag la phan pa dang / gzhan la phan pa la zhugs pa/ snying rje can bdag nyid che ba/ chos 'dod pa gtong ba la sred pa/ sbyin pa la dga' ba/ rab tu sbyin pa la mngon par dga' ba/
274b6 gtong ba chen po la gnas pa zhig ste/ de gang dag/ gang du 'gro ba de dang / der lha dang / mi rnams kyis mchod cing rjed do/ /de nas phyi zhig na khye'u pad+ma'i mig shing n+ya gro d+ha'i kun dga'
274b7 ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/
275a1 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong ma thag tu des
275a2 bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag btsal te/ chos mnyan pa'i phyir bcom ldan 'das kyi spyan sngar
275a3 'dug go /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par
275a4 'gyur ba de lta bu'i chos bstan te/ de thos nas khye'u pad+ma'i mig gis 'jig tshogs la blta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i
275a5 'bras bu mngon sum du byas te/ des bden pa mthong nas/ sbyin pa dang / rab tu sbyin pa dag byin te/ dge sbyong dang / bram ze dang / bkren pa dang / sdug cing phongs pa
275a6 rnams tshim par byas nas/ pha ma la gsol te bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor
275a7 ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos
275b1 can yin par rtsad chod te/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas /
275b2 gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan+dan sbangs pa lta bur bsil bar gyur pa/ rig pas sgo nga'i sbubs bcom pa/ rig
275b3 pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i
275b4 lha rnams kyis mchod cing rjed pa dang / gus par smra ba'i gnas su gyur to/ /de nas re zhig na de bsod snyoms la song ba dang / skye bo phal po ches de la bltas nas ngo tsha bar
275b5 gyur to/ /de nas pad+ma'i mig bcom ldan 'das kyi thad du song nas/ bcom ldan 'das la gsol pa/ bcom ldan 'das kyis ci nas bdag gi nor bu rin po che ma mchis par mdzad
275b6 du gsol/ bcom ldan 'das kyis bka' stsal pa/ bu| 'di ni las las skyes pa yin pas na nor bu rin po che med par bya mi nus so/ /de lta mod kyi ci nas dad pa dang ldan pa rnams
275b7 kyis ni mthong la/ ma dad pa rnams kyis mi mthong bar bya'o/ /de nas bcom ldan 'das kyis de bzhin du mdzad do/ /de nas dge slong de dag the tshom skyes te/ the tshom thams cad
276a1 gcod pa sangs rgyas bcom ldan 'das la zhus pa/ btsun pa/ pad+ma'i mig gis las gang dag bgyis na/ des 'di chi par grags pa dang / dgra
276a2 bcom pa nyid thob par gyur lags/ bcom ldan 'das kyis bka' stsal pa/ pad+ma'i mig nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba'
276a3 rgal bzhin du 'byung la gdon mi za bar 'ong ba'i las de dag byas shing bsags pas na/ pad+ma'i mig nyid kyis las byas shing bsags pa de dag gzhan dag su zhig gis
276a4 nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams
276a5 dang | rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched
276a6 rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du
276a7 smin par 'gyur/ /dge slong dag /sngon byung ba 'das pa'i dus na/ bskal pa dgu bcu rtsa gcig pa la/ de bzhin gshegs pa/ dgra bcom pa/ yang dag par rdzogs
276b1 pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs
276b2 rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas
276b3 rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das
276b4 so| |de nas rgyal po gnyen yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad
276b5 gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas/ mtho ris dang / thar par 'gro bar 'gyur ro/ /de nas re
276b6 zhig na ded dpon zhig rgya mtsho chen po'i gru'i don grub ste/ phyir 'ongs nas des de'i nang nas nor bu chen po mthon ka chen po zhig khyer te 'ongs te/ de nas bcom ldan 'das kyi mchod
276b7 rten mthong nas de bzhin gshegs pa'i yon tan rjes su dran te/ nor bu rin po che de bcom ldan 'das rnam par gzigs kyi mchod rten gyi char kheb la btags nas/ de'i mthus phyogs
277a1 dang | phyogs mtshams thams cad mthon ka'i kha dog lta bur 'dug par byas so/ /me tog pad+ma dag gis kyang mchod pa byas nas smon lam btab pa/ bdag
277a2 gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis
277a3 bka' stsal pa/ dge slong dag /ji snyam du sems/ de'i tshe de'i dus na ded dpon du gyur pa gang yin pa de ni pad+ma'i mig yin te/ des bcom ldan 'das rnam par gzigs kyi
277a4 mchod rten la nor bu rin po cha btags pa'i las de'i rnam par smin pas 'di'i mgo bo las nor bu rin po che byung ngo / /pad+ma sngon po dag gis mchod pa byas pa des ni/ mig pad+ma sngon
277a5 po lta bur gyur to/ /smon lam btab pa des ni tshe 'di la dgra bcom pa nyid mngon sum du bya so/ /dge slong dag /de ltar na las gcig tu nges par gnag pa rnams ni rnam par smin
277a6 pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dren ma rnams ni
277a7 rnam par smin pa'ang 'dren mar 'gyur ro/ /dge slong dag /de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar
277b1 ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan
277b2 'das kyis gsungs pa la mngon par bstod do// //rnga sgra zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po
277b3 rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang /
277b4 nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod
277b5 sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang
277b6 ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ ser skya'i gnas
277b7 na shing n+ya gro d+ha'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la/ longs spyod che ba/ yongs su 'dzin pa yangs shing rgya che ba/ rnam thos
278a1 kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga'
278a2 mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam/ dgu lon pa dang bu byung ste/ khye'u gzugs
278a3 bzang zhing blta na sdug la mdzes pa/ che bar grags pa/ bya ka la ping ka ltar skad snyan pa/ rnga sgra ltar gdangs snyan pa zhig btsas so/ /de nas de btsas pa'i btsas ston byas nas/
278a4 khye'u 'di'i ming ji skad gdags zhes ming 'dogs par byed de/ nye du rnams na re/ khye'u 'di rnga sgra lta ba'i gdangs dang ldan pas na/ de'i phyir khye'u 'di'i ming rnga sgra zhes gdags
278a5 so zhes zer ro/ /de nas khye'u rnga sgra pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad
278a6 la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings
278a7 te| mtsho'i nang gi pad+ma bzhin du skye drag par gyur to/ /de yang dad pa dang ldan la/ dge zhing bsam pa bzang ba bdag la phan pa dang / gzhan la phan pa la zhugs pa/ snying rje
278b1 can bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig go /de nas phyi zhig na khye'u
278b2 rnga sgra shing n+ya gro d+ha'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad
278b3 cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des
278b4 bcom ldan 'das la sems dga' ba skyed do/ /dga' ba bskyed nas kyang bcom ldan 'das kyi zhabs la phyag btsal te/ chos mnyan pa'i phyir bcom ldan 'das kyi spyan sngar 'dug
278b5 go |de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba
278b6 de lta bu'i chos bstan pa mdzad de/ de nas khye'u rnga sgras 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum
278b7 du byas te/ des bden pa mthong nas sbyin pa dang / rab tu sbyin pa dag byin te/ dge sbyong dang / bram ze dang / bkren pa dang / sdug cing phongs pa rnams tshim par byas nas/
279a1 pha ma la gsol te/ bcom ldan 'das kyi bstan pa la rab tu byung ngo / /des brtson pa dang / bsgrub pa dang / 'bad pas phol mig lnga pa'i 'khor ba'i
279a2 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin
279a3 par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/
279a4 gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom
279a5 pa| rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi blta ba/ dbang po dang / nye dbang
279a6 dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs
279a7 rgyas bcom ldan 'das la zhus pa/ btsun pa/ rnga sgras las ci bgyis na/ des 'di gzugs bzang zhing blta na sdug la mdzes par gyur te/ dgra bcom pa nyid kyang thob par
279b1 gyur lags/ bcom ldan 'das kyis bka' stsal pa/ rnga sgra nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za
279b2 bar 'ong ba'i las de dag byas shing bsags pas na/ rnga sgra nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas
279b3 shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las
279b4 dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las
279b5 rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na bskal pa dgu bcu
279b6 rtsa gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu
279b7 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang
280a1 gnyen ldan rten cing bzhugs pa las/ re zhing na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing
280a2 zad pa'i me bzhin du phung po lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis bcom ldan 'das de'i sku gdung la sku
280a3 gdung gi mchod pa byas nas rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs/ /der srog
280a4 chags 'bum phrag du mas bkur sti byas nas/ mtho ris dang / thar par 'gro bar 'gyur ro/ /de nas re zhig na khyim bdag gcig gis rol mo'i cha spyad rnam pa sna tshogs dang / mi las rol
280a5 mo bslabs te/ mchod rten de la phul nas/ de dag mchod rten de la nyin gcig bzhin du rol mo'i sgra'i khyad par dag gis bkur sti byed do/ /dge slong dag /ji snyam du sems/ de'i tshe
280a6 de'i dus na khyim bdag du gyur pa gang yin pa de ni rnga sgra 'di yin te/ des bcom ldan 'das rnam par gzigs kyi mchod rten la rol mo'i sgra'i cha spyad rnam pa sna tshogs phul ba des na rnga sgra lta
280a7 bu'i gdangs can du gyur la/ rgyu de nyid kyis na da ltar dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa'ang gcig
280b1 tu nges par gnag par 'gyur ro/ /las gcig tu nges par dkar ba rnams ni/ rnam par smin pa'ang gcig tu nges par dkar bar 'gyur ro/ /las 'dren ma rnams ni/ rnam par smin pa'ang
280b2 'dren mar 'gyur ro/ /dge slong dag /de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig
280b3 la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la
280b4 mngon par bstod do// //bu zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi
280b5 rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am
280b6 ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding
280b7 dang | mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang /
281a1 gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ ser skya'i gnas na shing n+ya gro da'i kun dga' ra ba na
281a2 bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor
281a3 dang 'gran pa zhig gnas pa des/ rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las
281a4 chung ma la bu chags nas/ de zla ba brgyad dam/ dgu lon te/ bu btsas nas sha snag bu chen po zhig byung ste/ pha ma dang / khyim de na gnas pa gzhan dag dang / g.yog 'khor dang / nye du
281a5 rnams kyis de mthong nas/ 'di lta bu btsas pa ci yin zhes mi dga' bar gyur to/ /de nas re zhig na khyim bdag de mya ngan gyi khang bur zhugs te/ lag pa la rkom tshugs bcas
281a6 nas| sems khong du chud cing 'dug ste/ 'di ci yin/ su la bsnyad par bya shes pa su yod snyam mo/ /de nas de'i blo skyes pa/ sangs rgyas bcom ldan 'das 'di ni thams
281a7 cad mkhyen pa/ thams cad gzigs pa yin te/ des mkhyen kyi/ sangs rgyas bcom ldan 'das la bsnyad par bya'o snyam nas/ da bcom ldan 'das ga la ba der song ste phyin nas /
281b1 bcom ldan 'das la zhus so/ /bcom ldan 'das kyis bka' stsal pa/ khyim bdag /khyod ma 'jigs shig /ma 'jigs shig /sha snag bu de ras bal legs par rmel ba'i nang du chug
281b2 la| zhag bdun gyi bar du nyin gcig kyang dus gsum gsum du lag pa brims te/ 'o mas kyang yang dang / yang du gtor cig dang / de'i 'og tu rdol te/ bu brgya 'byung bar 'gyur la/ de
281b3 dag thams cad tshad po che'i stobs dang ldan par 'gyur ro/ /de nas khyim bdag des de thos nas mchog tu ya mtshan du gyur te/ bsams pa/ bdag gis bu de lta bu dag 'byung bar 'gyur
281b4 ba ni bdag gis rnyed pa legs par rnyed do snyam nas des de bzhin du byas pa dang / zhag bdun lon pa dang sha snag bu de rdol nas bu brgya byung ste/ thams cad kyang gzugs bzang zhing blta
281b5 na sdug la mdzes pa/ yan lag dang / nying lag thams cad dang ldan pa/ tshan po che'i stobs dang ldan pa sha stag go /de nas re zhig na mthar gyis bskyed bsrings nas cher skyes pa dang / de
281b6 dag thams cad byad gzugs dang / lang tsho'i rgyags pas dregs te/ phan tshun 'khyam pa las shing n+ya gro d+ha'i kun dga' ra bar song ba dang / de dag gis sangs rgyas bcom ldan 'das
281b7 sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i
282a1 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de dag gis bcom ldan 'das la sems dga' ba bskyed
282a2 do| |dga' ba bskyed nas kyang bcom ldan 'das kyi zhabs la phyag btsal te/ chos nyan pa'i phyir bcom ldan 'das kyi spyan sngar 'khod do/ /de nas bcom ldan 'das de dag gi
282a3 bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan pa mdzad de/ de thos
282a4 nas thams cad kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de dag gis bden
282a5 pa mthong nas pha ma la gsol te/ bcom ldan 'das kyi bstan pa la rab tu byung ngo / /de dag thams cad kyis brtson pa dang / bsgrub pa dang / 'bad pas phol mig lnga pa'i 'khor
282a6 ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can
282a7 yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur
282b1 nas gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig
282b2 pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams
282b3 kyis mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ gzhon
282b4 nu brgya po 'di dag gis las gang dag bgyis na/ des spun du gyur la tshan po che'i stobs dang ldan par gyur lags/ bcom ldan 'das kyis bka' stsal pa/ 'di rnams kyi sngon tshe rabs
282b5 gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na/ de dag nyid kyis las byas shing
282b6 bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i
282b7 khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang /
283a1 skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la
283a2 bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa/ dgra bcom pa/ yang dag
283a3 par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i lha lo sgyur ba/ bla na med pa/ lha dang / mi rnams kyi
283a4 ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag
283a5 par rdzogs pa'i sangs rgyas rnam par gzigs kyis sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i
283a6 dbyings su yongs su mya ngan las 'das so/ /de nas rgyal po gnyen yod kyis bcom ldan 'das kyi sku gdung la sku gdung gi mchod pa byas nas/ rin po che sna bzhi las byas pa'i mchod
283a7 rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas/ mtho ris dang / thar
283b1 bar 'gro bar gyur ro/ /de nas re zhig na mdza' sde bo brgya phyi rol du byung ba dang / de dag gis mchod rten de mthong nas/ de bzhin gshegs pa'i yon tan rjes su dran te/ de dag tu lhan cig tu
283b2 til mar spos can gyis byugs nas/ me tog dang / me tog phreng dang / mar me dbul ba dag gis kyang bsnyen bkur byas nas/ lhan cig tu smon lam btab ba/ bdag cag gang dang / gang du
283b3 skyes pa de dang / der spun du gyur te/ lhan cig tu lto gcig kho na nas byung bar gyur cig /tshan po che'i stobs kyi shugs thob pa dang / byad gzugs dang ldan par gyur cig /ma 'ongs pa'i
283b4 dus na yang dag par rdzogs pa'i sangs rgyas rnams mnyes par byed par gyur cig /mi mnyes par byed par ma gyur cig ces byas so/ /dge slong dag /ji snyam du sems/ de'i tshe de'i dus na
283b5 mdza' sde bor gyur pa gang yin pa de dag ni tshan po che 'di dag yin te/ de dag gis lhan cig tu mchod rten de la bkur sti byas pa des na/ 'di ltar lhan cig tu skyes te/ tshan po che'i stobs
283b6 kyi shugs thob par gyur to/ /smon lam btab pa des ni gcig tu mthun par rab tu byung bar rab tu byung nas/ dgra bcom pa nyid thob par gyur to/ /dge slong dag /de ltar na las gcig
283b7 tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar pa rnams ni rnam par smin pa'ang gcig tu nges par dkar ba
284a1 bar 'gyur ro/ /las 'dren ma rnams ni rnam par smin pa'ang 'dren mar 'gyur ro/ /dge slong dag /de bas na las gcig tu nges par gnag pa rnams dang /
284a2 las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis
284a3 de skad ces bka' stsal pas/ dge slong dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya ba/
284a4 bam po bcu drug pa/ nyi ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams
284a5 dang | tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am
284a6 ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha'
284a7 lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas
284b1 dang | gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun bcas pa/ yul ser skya'i gnas na shing n+ya gro d+ha'i kun dga' ra ba na bzhugs
284b2 so| |de'i tshe ser skya'i gnas na shAkya'i bu phyug cing nor mang la/ longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa
284b3 zhig gnas pa des/ rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de
284b4 zla ba brgyad dam/ dgu lon pa dang bu byung ste/ khye'u gzugs bzang zhing blta na sdug la mdzes pa nor bu rin po che mgo bo la thogs pa zhig btsas nas/ de las kho ra khor yug tu nyi
284b5 ma'i 'od zer lta bu 'phro ste/ de'i snang bas mtshan mo grong khyer ser skya'i gnas thams cad khyab par gyur pas nyin mo bzhin du snang bar byas so/ /de nas pha ma dang / khyim de na gnas pa'i
284b6 g.yog 'khor rnams dang / nye du rnams dang / ser skya'i gnas na 'khod pa'i shAkya rnams kyis de mthong nas ya mtshan du gyur te dga' bas rgyas so/ /de nas de btsas pa'i btsas
284b7 ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ khye'u 'di btsas ma thag tu grong khyer ser skya'i gnas thams cad nyi ma bzhin du
285a1 snang bar byas pas na/ de'i phyir khye'u 'di'i ming nyi ma zhes gdag so zhes zer ro/ /de nas khye'u nyi ma pang na 'tsho ba'i ma ma gnyis dang / nu ma snun pa'i
285a2 ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang /
285a3 mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ /de yang dad pa dang ldan la/
285a4 dge zhing bsam pa bzang ba bdag la phan pa dang / gzhan la phan pa la zhugs pa/ snying rje can bdag nyid che ba/ chos 'dod pa/ skye dgu la byams pa/ gtong ba la
285a5 sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig go /de nas phyis re zhig na khye'u nyi ma shing n+ya gro d+ha'i kun dga'
285a6 ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs pa brgyan pa/ dpe byad bzang po brgyad cus mdzes par
285a7 byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas mthong ma thag tu bcom ldan 'das la
285b1 sems dga' ba bskyed do/ /dga' ba bskyed nas kyang bcom ldan 'das kyi zhabs la phyag btsal te chos mnyan pa'i phyir bcom ldan 'das kyis spyan sngar 'dug go /de nas bcom
285b2 ldan 'das kyis de'i bsam pa dang / bdag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/
285b3 des khye'u nyi mas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas sbyin
285b4 pa dang / rab tu sbyin pa dag byin te/ dge sbyong dang / bram ze dang / bkren pa dang / sdug cing phongs pa rnams tshim par byas nas/ pha ma la gsol te/ bcom ldan 'das kyi bstan
285b5 pa la rab tu byung ngo / /de brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa
285b6 thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid
285b7 mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems
286a1 dang ldan pa/ tsan+dan spangs pa lta bur bsil par gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang
286a2 dag par rig pa thob pa/ srid pa'i rnyed pa dang / chags pa dang / bkur sti la mi lta ba dbang po dang / nye dbang dang bcas pa'i lha rnams kyis mchod cing rjed pa dang / gus
286a3 par smra ba'i gnas su gyur to/ /de nas gang gi tshe tshe dang ldan pa nyi ma bsod snyoms la 'gro ba de'i tshe bram ze dang / khyim bdag ma dad pa rnams 'phya zhing smod la/ lkog 'phyas
286a4 byed de/ de 'di ltar nor bu rin po che mgo bo la thogs nas/ lam po che dang / srang dang / bzhi mdo dang / sum mdo dag tu 'khyam pa las ni/ shAkya'i bu'i dge sbyong
286a5 rnams kyi dge sbyong gi tshul ni tshig pa'o/ /bram ze'i tshul ni tshig pa'o zhes 'dzer to/ /de nas de shin tu ngo tsha bar gyur nas/ bcom ldan 'das ga la ba der song ste phyin
286a6 nas| bcom ldan 'das kyi zhabs la phyag btsal te/ bcom ldan 'das la 'di skad ces gsol to/ /bcom ldan 'das kyis ci nas bdag gi nor bu rin po che ma mchis
286a7 par mdzad du gsol/ bcom ldan 'das kyis bka' stsal pa/ bu/ 'di ni las las skyes pa yin pas na/ med par byar mi nus so/ /de lta mod kyi ci nas dad pa dang ldan pa
286b1 rnams kyis ni mthong la/ ma dad pa rnams kyis ni mi mthong bar bya'o/ /de nas bcom ldan 'das kyis de bzhin du mdzad do/ /de nas dge slong dag the tshom skyes te/ the tshom thams cad
286b2 gcod pa sangs rgyas bcom ldan 'das la zhus pa/ btsun pa/ nyi mas las gang dag bgyis na/ des 'di che bar grags pa dang / dgra bcom pa nyid thob par gyur lags/ bcom
286b3 ldan 'das kyis bka' stsal pa/ nyi ma nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i
286b4 las de dag byas shing bsags pas na nyi ma nyid kyis las byas shing bsags pa de dag gzhan su dag gis nyams su myong bar 'gyur te/ dge slong dag /las byas shing bsags
286b5 pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba
286b6 dang | mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams
286b7 ni| |bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ bskal pa dgu cu rtsa
287a1 gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten
287a2 mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de
287a3 rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/
287a4 shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis bcom ldan 'das de'i
287a5 sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig
287a6 brtsigs te/ der srog chags 'bum phrag du mas bkur sti byas nas/ mtho ris dang / thar par 'gro bar 'gyur ro/ /de nas mchod rten de'i mchod pa la bab pa na/ bram ze dang /
287a7 khyim bdag dad pa dang ldan pa rnams kyis spos dang / me tog phreng dang / byug pa rnam pa sna tshogs dang / gdugs dang / rgyal mtshan dang / ba dan dang / rol mo'i sgra rnams
287b1 kyis mchod pa byed do/ /de nas re zhig na mi zhig rgyal po dang / rgyan pos rtses nas skugs su nor bu rin po che me shel zhig thob bo/ /de nas de dad pa skyes nas bcom ldan 'das rnam par
287b2 gzigs kyi mchod rten gyi char khebs la btags te/ zhabs la phyag btsal nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong
287b3 ba 'dis na/ bdag gis kyang 'di lta bu'i yon tan dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur cig /nor bu rin po che
287b4 'di lta bu yan spyi bo la thogs bzhin du ma'i lto nas 'byung bar gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus
287b5 na| cho lo la ngor sgyu byed pa gang yin pa de ni nyi ma 'di nyid yin te/ des bcom ldan 'das rnam par gzigs kyi mchod rten la bkur sti byas pa dang / nor bu rin po che rtags pa des
287b6 na| 'di'i mgo bo las nor bu rin po che byung la/ rgyu de nyid kyis gzugs bzang zhing blta na sdug la mdzes par gyur te/ dgra bcom pa nyid mngon sum du byas so/ /dge slong dag /de
287b7 ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang
288a1 gcig tu nges par dkar bar 'gyur ro/ /las 'dren ma rnams ni rnam par smin pa 'ang 'dren mar 'gyur ro/ /dge slong dag /de bas na las gcig
288a2 tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab
288a3 par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gyad kyi ba dan
288a4 zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams
288a5 dang | ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto
288a6 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang /
288a7 mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims
288b1 cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul ser skya'i gnas na shing n+ya gro da'i kun dga' ra ba na bzhugs so/ /de'i
288b2 tshe ser skya'i gnas na shAkya phyug cing nor mang la/ longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa
288b3 zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma
288b4 la bu chags nas/ de zla ba brgyad dam/ dgu lon pa dang bu byung ste/ khye'u gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa zhig btsas
288b5 te| gang gi tshe khye'u de btsas pa de'i tshe lha rnams kyis kho ra khor yug nas lha'i ba dan dag bsgrengs so/ /lha'i rol mo'i cha byad dag kyang brdungs so/ /lha'i me tog ut+pa la dang / pad+ma
288b6 dang | ku mu da dang / pad+ma dkar po rnams kyis kyang gtor te/ ser skya'i gnas kyi grong khyer thams cad du grags pas rgyas par gyur to/ /khyim thams cad du yang de'i phyir ba dan
288b7 bsgrengs so/ /de nas de btsas pa'i btsas ston byas nas/ khye'u 'di ming ji skad gdags zhes ming 'dogs par byed de/ nye du rnams na re/ khye'u 'di btsas pa na 'jig
289a1 rten thams cad grags pas rgyas pas na/ de'i phyir khye'u 'di'i ming snyan grags zhes gdags so zhes zer ro/ /de nas khye'u snyan grags pang na 'tsho ba'i
289a2 ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas de ma ma brgyad kyis 'o ma dang / zho
289a3 dang | mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye grags par
289a4 gyur to/ /de yang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje can bdag nyid che ba/ chos 'dod pa zhig
289a5 go /de nas phyis re zhig na khye'u snyan grags shing n+ya gro d+ha'i kun dga' ra bar song ba dang / der sangs rgyas bcom ldan 'das sku skyes bu chen po'i mtshan sum cu rtsa gnyis kyis
289a6 legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba
289a7 lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag
289b1 btsal te/ chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su
289b2 chud nas/ 'phags pa'i bden pa bzhi rtogs par gyur pa de lta bu'i chos bstan to/ /de thos nas khye'u snyan grags kyis 'jig tshogs la lta ba'i ri'i rtse mo mthon po nyi shu ye shes rdo rjes
289b3 bcom nas/ rgyun du zhugs pa'i 'bras bu thob ste/ des bden pa mthong nas sbyin pa dang / rab tu sbyin pa dag sbyin te/ dge sbyong dang / bram ze dang / bkren pa dang / sdug cing
289b4 phongs pa rnams tshim par byas nas/ pha ma la gsol te/ bcom ldan 'das kyi bstan pa la rab tu byung ngo / /des brtson pa dang / bsgrub pa dang / 'bad pas phol mig lnga pa'i
289b5 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam pa 'thor ba dang / rnam |par 'jig pa'i chos
289b6 can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags thams cad dang bral
289b7 bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs
290a1 bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/
290a2 dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de yang gsol ba btab ste phul ba'i gos spyod de/ gsol
290a3 ba btab ste phul ba ma yin pa ni nyung ngu spyod do/ /gsol ba btab ste phul ba'i zas dang / mal cha dang / stan dang / nad gsos dang / sman zong spyod de/ gsol ba btab
290a4 ste phul ba ma yin pa ni nyung ngu spyod do/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa snyan grags
290a5 kyis las gang dag bgyis na/ des btsas ma thag tu lha rnams kyis ba dan bsgrengs nas/ 'jig rten du grags pas rgyas par gyur la/ rab tu byung nas dgra bcom pa
290a6 nyid thob par gyur lags/ bcom ldan 'das kyis bka' stsal pa/ dge slong dag /snyan grags nyid kyis sngon tshe rabs gzhan dag tu tshogs rnyed cing rkyen grub pa dang
290a7 ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas/ snyan grags nyid kyis las byas shing bsags pa de dag
290b1 gzhan su zhig gis nyams su myong bar 'gyur te/ dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang
290b2 me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye
290b3 mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du
290b4 smin par 'gyur/ /dge slong dag /sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas/
290b5 rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom
290b6 ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig nas yang dag par rdzogs pa'i sangs rgyas rnam
290b7 par gzigs kyis sangs rgyas kyi 'phrin las thams cad nas shing zad pa'i me bzhin du phung po lhag ma med pa'i mya ngan las 'das pa'i dbyings su yongs su mya ngan las
291a1 'das so/ /de nas rgyal po gnyen yod kyis bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten
291a2 kho ra khor yug tu dpag tshad gcig yod la/ 'phang du rgyang grags gcig yod pa zhig brtsegs te/ der srog chags 'bum phrag du mas bkur sti byas nas/ mtho ris dang / thar
291a3 par 'gro bar 'gyur ro/ /de nas re zhig na rgyal po gnyen yod kyis mchod rten de la dus ston byas nas/ mchod rten gyi dus ston byed pa der gyad 'gyed pa rnams kyi ba dan dag
291a4 bsgreng ngo / /de nas re zhig na rgyal po'i gyad gcig gis gyad gcig non pa dang / des gyad kyi ba dan thob nas/ des de blangs te srog chags 'bum phrag du ma'i 'khor dang bcas pa rol mo'i
291a5 sgra rnam pa sna tshogs len cing / bcom ldan 'das rnam par gzigs kyi mchod rten ga la ba der song ste phyin nas/ bcom ldan 'das kyi yon tan dran par byas te/ ba dan
291a6 de mchod rten gyi steng gi srog shing la btags nas smon lam btab pa/ bdag gis kyang yon tan 'di lta bu dag thob par gyur cig /ston pa 'di lta bu bdag gis mnyes par
291a7 byed par gyur cig /mi mnyes par byed par ma gyur cig ces byas so/ /dge slong dag /ji snyam du sems/ de'i tshe de'i dus na gyad du gyur pa gang yin pa de ni snyan grags
291b1 'di yin te/ des bcom ldan 'das rnam par gzigs kyi mchod rten la bsnyen bkur byas pa des na/ 'khor ba na bde ba mtha' yas myong bar gyur la/ rgyu de nyid kyi de ltar yang
291b2 dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa'ang gcig tu nges par gnag par
291b3 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dren ma rnams ni rnam par smin pa'ang
291b4 'dren mar 'gyur ro/ /dge slong dag /de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams
291b5 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom
291b6 ldan 'das kyis gsungs pa la mngon par bstod do/ /gang po la sogs pa rtogs pa brjod pa brgya pa las/ rtogs pa brjod pa sna tshogs zhes bya ba ste/ sdom gyi tshigs
291b7 su brjod pa bdun pa rdzogs so// //sdom ni/ 'od bzang ma dang rab sdug ma/ /dkar mo zla ba ut+pa la/ /mdzes ldan ma dang mu tig dang / /ka tsang ga la
292a1 bde byed ma/ /mi sdug sde tshan bcad de bstan/ /'od bzang ma zhes bya ba ni/ sangs rgyas bcom ldan 'das la rgyal po rnams dang / blon po chen
292a2 po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod
292a3 sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor
292a4 byas| mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing
292a5 shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes
292a6 pa| nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe
292a7 mnyan du yod pa na/ tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor
292b1 dang 'gran pa zhig gnas pa des/ rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las
292b2 chung ma la bu chags nas de zla ba brgyad dam/ dgu lon pa dang bu byung ste/ bu mo gzugs bzang zhing blta na sdug la mdzes pa lha'i rgyan gyis klubs pa/ nor bu rin po che mgul na thogs pa zhig
292b3 btsas te/ de las 'od byung ba des mnyan du yod pa thams cad snang bar byas so/ /de nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par
292b4 byed de/ nye du rnams na re/ bu mo 'di btsas ma thag tu nor bu rin po che'i 'od kyis mnyan du yod pa thams cad snang bar byas na/ de'i phyir bu mo 'di'i ming 'od bzang ma zhes gdags so zhes zer
292b5 ro| |de nas bu mo 'od bzang ma pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad de/ ma ma brgyad
292b6 kyis 'o ma dang / zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye
292b7 drag par gyur to/ /bu mo de'ang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa zhig ste/ de la slong ba su dang / su 'ongs
293a1 kyang rung ba de dang / de dag la mgul nas rgyan bkrol te sbyin par byed do/ /byin nas kyang yang rgyan 'byung bar 'gyur ro/ /de nas gang gi tshe bu mo de mthar
293a2 gyis chen mor gyur pa de'i tshe/ rgyal po'i bu rnams dang / blon po'i bu rnams dang / /tshong dpon gyi bu mang po dag de slong du 'ong ngo / /de nas de dag gis gnod par gyur nas/
293a3 de'i pha lag pa la rkom tshugs bcas te bsams pa/ gal te gcig la byin na ni/ gzhan rnams bdag gi dgrar 'gyur ro snyam nas sems khong du chud cing 'dug go /de nas
293a4 re zhig na bu mo des pha sems khong du chud pa mthong nas smras pa/ yab/ ci zhig gis sems khong du chud cing bzhugs/ des de'i don rgyas par bsnyad do/ /de nas phyis bu
293a5 mo de na re/ yab/ thugs ngan ma mdzad cig dang / da ste zhag bdun na bdag nyid kyis khyim thab 'dam par 'tshal lo zhes zer ro/ /de nas tshong dpon des rgyal po gsal
293a6 rgyal la gsol nas/ /mnyan du yod par dril bsgrags te/ da ste zhag bdun na bu mo 'od bzang ma rang nyid khyim thab 'dam par chad kyi/ khyed kyi bya ba gang yin pa de gyis
293a7 shig ces byas so/ /de nas zhag bdun lon pa dang / bu mo 'od bzang ma shing rta la zhon te/ chos gos tshon can gyi rgyal mtshan bsgreng nas/ sangs rgyas bcom ldan 'das
293b1 kyi sku gzugs ri mor bris te bstod pa 'don cing srang du zhugs so/ /de nas der rgyal po'i bu rnams dang / blon po'i bu rnams dang / tshong dpon gyi bu rnams de la yid smon byed
293b2 cing lta ba de dag la gtam rnam pa sna tshogs kyis shad kyis byang par bshad de/ bdag gis khyed la gang gi sgo nas kyang sku brnyas ni mi 'tshal na yong ye bdag 'dod pa rnams
293b3 la don du gnyer ba ma lags pa kho na bas so/ /bdag ni sangs rgyas la skyabs su song ste/ de'i thad du rab tu 'byung ngo zhes byas nas de dag phyir log go /bu mo 'od bzang
293b4 ma'ang bcom ldan 'das kyi thad du song nas/ bcom ldan 'das kyi zhabs la phyag btsal te/ chos mnyan pa'i phyir/ bcom ldan 'das kyi spyan sngar 'dug go /de nas bcom
293b5 ldan 'das kyis de'i bsam ba dang / bag la nyal ba dang / khams dang / reng bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos
293b6 bstan te/ de thos nas bu mo 'od bzang mas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste /
293b7 des bden pa mthong nas mngon par shes pa'ang bsgrubs so/ /de nas bu mo 'od bzang ma stan las langs te/ bla gos phrag pa gcig tu gzar nas/ pus mo g.yas pa'i
294a1 lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol
294a2 te| |btsun pa/ bdag kyang legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po 'thob tu rung na bdag
294a3 kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyi bstan pa 'di la gdul bar bya ba mang po dag des 'dren par
294a4 'gyur bar thugs su chud nas/ bcom ldan 'das kyis bka' stsal pa/ bu mo/ song la 'khor rnams kyang ltos shig /de nas bu mo 'od bzang ma rgyal bu rgyal
294a5 byed kyi tshal nas byung ste/ mang po 'dus pa'i nang du song ba dang / der so so nas bsams pa/ 'di mthus dbrog par bya'o snyam ste/ de dag gis bzung bar byas
294a6 so| |de nas bu mo 'od bzang ma de dag gis bsnyegs pa dang / ngang pa'i rgyal po 'dab ma brkyang ba bzhin du nam mkha' la mngon par 'phags te/ cho 'phrul rnam
294a7 pa sna tshogs bstan to/ /so so'i skye bo rnams ni rdzu 'phrul gyis myur du dad par byed de/ de nas de dag gis lha dang / mi rnams dad par byed pa'i cho 'phrul de mthong
294b1 ngo| |mthong nas kyang spu zing zhes byas nas sdong po rtsa ba nas bcad pa bzhin du rkang pa la phyag btsal nas gsol ba btab pa/ sru/ mar spyon/ sru/ mar spyon/ khyod kyis chos 'di lta
294b2 bu dag mngon sum du byas pa las na/ khyod 'dod pa spyod pa 'di ni mi srid do zhes byas so/ /de nas bu mo 'od bzang ma nam mkha' las babs nas/ /skye bo phal po che'i gung la
294b3 'dug ste/ gang thos pas srog chags 'bum phrag du mas bden pa mthong bar 'gyur ba de lta bu'i chos bstan to/ /de nas bcom ldan 'das kyi skye dgu'i bdag mo chen mo la
294b4 gtad de/ des de rab tu phyung ste/ bsnyen par rdzogs par byas so/ /de nas des brtson pa dang / bsgrub pa dang / 'bad pas phol mig lnga pa'i 'khor lo 'di nyid g.yo zhing mi
294b5 brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs
294b6 pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam
294b7 pa| nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon
295a1 par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang
295a2 dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs
295a3 rgyas bcom ldan 'das la zhus pa/ btsun pa/ 'od bzang mas las gang dag bgyis na/ des gzugs bzang zhing blta na sdug la mdzes pa dang / mgul pa nas kyang
295a4 nor bu rin po che byung la rab tu byung nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag/ 'od bzang ma
295a5 nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags
295a6 pas na/ 'od bzang ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams
295a7 ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang /
295b1 mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams
295b2 ni| |bskal pa brgyar yang chud mi za/ /tshogs shing dus la bab ba na/ 'bras bu nyid du smin par 'gyur/ /dge slong dag /sngon byung ba 'das pa'i dus na/ bskal pa dgu bcu
295b3 rtsa gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/
295b4 skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de rgyal
295b5 po'i pho brang gnyen ldan na rten cing bzhugs pa las re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/
295b6 /de nas rgyal po gnyan yod kyis bcom ldan 'das
295b7 de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig
296a1 yod pa zhig brtsigs so/ /de nas re zhig na rgyal po gnyen yod kyi btsun mo dam pa rgas nas rgyan rnam pa sna tshogs lus las bkrol te/ mchod
296a2 rten de la phul lo/ /de nas zhabs la phyag btsal te smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis
296a3 na| bdag gis kyang dgra bcom pa nyid thob par gyur cig ces byas so| |bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus
296a4 na rgyal po gnyen yod kyi btsun mo dam par gyur pa gang yin pa de ni 'od bzang ma 'di yin te/ des bcom ldan 'das rnam par gzigs kyi mchod rten la rnam pa sna
296a5 tshogs btags pa de na/ gzugs bzang zhing blta na sdug la mdzes pa dang / yan lag dang / nying lag thams cad dang ldan par gyur to/ /smon lam btab pa des ni da
296a6 ltar dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa'ang gcig tu nges par gnag
296a7 par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dren ma rnams ni rnam par smin pa'ang
296b1 'dren mar 'gyur ro/ /dge slong dag /de lta bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar
296b2 ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi
296b3 rangs te bcom ldan 'das kyis gsungs pa la mngon par bstod do// //rab sdug ma zhes bya ba ni/ sangs rgyas bcom ldan 'das la rgyal po rnams
296b4 dang | blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams
296b5 dang | gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/
296b6 ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shas
296b7 pa'i sangs rgyas bcom ldan 'das bsod nams chen po ldan pa/ na bza' dang / zhal zas dang / gzims cha dang / gdan dang / snyan gsos dang / sman zong rnams brnyes
297a1 pa| nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs
297a2 so| |de'i tshe khyim bdag mgon med zas sbyin gyi chung ma la bu chags nas/ de zla ba brgyad dam/ dgu lon pa na bu byung ste/ bu mo gzugs bzang zhing blta na sdug la mdzes pa/
297a3 yan lag dang / nying lag thams cad dang ldan pa mnyam du yod pa na gnas pa'i skye bo'i tshogs rnams kyi snying du rab tu sdug ma zhig btsas so/ /de nas de btsas pa'i btsas ston
297a4 byas nas/ bu mo 'di'i ming ji skad gdags zhes ming 'dogs par byed de/ nye du rnams na re/ bu mo 'di skye bo thams cad kyi snying du sdug pas na/ de'i phyir bu mo 'di'i ming rab sdug
297a5 ma zhes gdags so zhes zer ro/ /de'ang tshe rabs dran te/ btsas ma thag tu tshigs su bcad pas smras pa/ sbyin pa byin pa mang nyung ci yang rung / /zhing gi khyad par bzhi
297a6 las 'phel bar 'gyur/ /de'i phyir mkhas pas bsgrims te 'jig rten du/ /dad pas lha mi'i dbang phyug sangs rgyas sbyin/ /de nas de'i pha ma dang / gzhan yang /
297a7 khyim de na gnas pa rnams kyis tshig brjod pa de thos nas skrag cing sdangs te/ mi dga' bar gyur la/ skyi bung zhes byed nas smras pa/ kye ma/ bu mo 'di ni sha za mo zhig
297b1 go |des smras pa/ yum/ bdag ni sha za mo'ang ma lags/ srin mo'ang ma lags kyi/ bdag ni bu mo lags te/ sbyin pa dag sbyin par 'tshal lo/ /de nas de'i mas khyim
297b2 bdag mgon med zas sbyin la bu mo des 'di skad mchi'o zhes bsnyad do/ /de nas khyim bdag de dga' zhing mgu la rab tu dga' nas bcom ldan 'das dge slong gi
297b3 dge 'dun dang bcas pa khyim gyi nang du bshos gsol te/ de'i phyir sbyin pa'i rabs 'don du bcug go /de nas gang gi tshe bu mo de mthar gyis lo bdun lon pa de'i tshe/ pha ma la
297b4 gsol te/ bcom ldan 'das kyi bstan pa la rab tu byung nas de dge slong ma thams cad la sdug pa dang / phangs pa dang / snying du sdug pa dang / yid du 'ong bar gyur to/ /
297b5 re zhig na/ de'i tshe mu ge'i bar gyi bskal pa dang 'dra ba'i mu ge chen po byung nas der srog chags 'bum phrag du ma bza' ba dang / btung ba med pas shi'o/ /de nas der
297b6 bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod song la rab sdug ma la/ nga na re/ 'khor bzhi po rnams la khyod kyis zla ba gsum gyi
297b7 bar du gos dang / zas dang / mal cha dang / stan dang / nad gsos dang / sman zong rnams phul cig ces gyis shig /de nas tshe dang ldan pa kun dga' bo rab sdug ma'i thad du
298a1 song nas smras pa/ bcom ldan 'das kyi zhal nas khyod kyis 'khor bzhi po rnams la zla ba gsum gyi bar du gos dang / zas dang / mal chags
298a2 stan dang / nad gsos dang / sman zong rnams phul cig ces bka' stsal to/ /de nas rab tu sdug mas thal mo sbyar te/ bcom ldan 'das kyi bka' spyi bos mnos nas
298a3 bka' bzhin 'tshal zhes smras so/ /de nas rab sdug ma spyod yul gyi grong blta ba'i phyir mnyan du yod par chas so/ /de nas re zhig na khyim bdag mgon med zas
298a4 sbyin gyis gtam de thos nas shin tu rings par rab sdug ma'i mdun du song ste/ smras pa/ rab sdug ma/ gar 'gro/ des smras pa/ bcom ldan 'das kyis bka'
298a5 stsal pa/ zla ba gsum gyi bar du zhal ta ba'i las byed par bskos so/ /mgon med zas sbyin gyis smras pa/ khyod kyi de dag thams cad bdag gis sbyar gyi/ khyod
298a6 kyis bya ma dgos so/ /rab sdug mas smras pa/ gal te/ yab bden pa mthong ba lags so/ sa'i 'og thog thag tu sbas pa'i gter rnams kyang mngon du gzigs
298a7 na sbyar ba 'di la ngo mtshar che ba ci mchis/ 'on kyang bdag ni skye bo dbul po la phan gdags pa'i slad du zhal ta bgyid do/ /de bzhin du dge bsnyen lnga brgya dang / btsun
298b1 mo phreng rgyud ma dang / rgyal rigs kyi bu mo dbyar tshul ma dang / btsun mo 'khor gyi bla brang srong sbyin dang / gna' mi dang / ri dwags 'dzin gyi ma sa ga dang / rgyal po gsal rgyal
298b2 rnams kyis kyang skabs phye ste/ khyod kyis bya mi dgos so zhes byas so/ /de nas nags khung du song nas der mi yin pa mi'i cha lugs can dag gis kyang skabs phye'o/ /de
298b3 ltar skabs phye nas kyang / de nas bcom ldan 'das nyan thos kyi dge 'dun dang bcas pa zla ba gsum gyi bar du na bza' dang / zhal zas dang / gzims cha dang /
298b4 gdan dang / snyun gsos dang / sman zong rnams kyis bsnyen bkur byas so/ /des zla ba gsum po de nyid kyi skabs su brtson pa dang / bsgrub ba dang / 'bad bas phol
298b5 mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam
298b6 par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod
298b7 chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa dang / tsan+dan spangs ba lta bur bsil
299a1 bar gyur ba/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i
299a2 rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su
299a3 gyur to/ /de nas bcom ldan 'das zla ba gsum 'das pa dang / chos gos mdzad de/ chos gos zin nas chos gos gsol te/ lhung bzed bsnams nas/ nyan
299a4 thos kyi dge 'dun dang thabs gcig tu mnyan du yod pa nas rgyal po'i khab tu chas te gshegs so/ /de nas rab sdug mas bcom ldan 'das dang lam du phrad nas/ 'o
299a5 brgyal mi 'tshal zhes gsol to/ /de nas re zhig na nags khung chu dang ldan pa zhig tu phyin nas drol bab na rgyags kyang med nas/ bcom ldan 'das nyan thos kyi
299a6 dge 'dun dang bcas pa bzhugs par gsol to/ /de nas lhung bzed lag pa g.yon pa la bzhag ste/ tshig tu smras pa/ gal te bsod nams dag gi rnam par
299a7 smin pa yod ce na/ bdag gi lhung bzed bza' ba dang / bca' ba la sogs pa rnam pa sna tshogs kyis gang bar gyur cig ces byas so/ /de nas lhas lha'i bdud
299b1 rtsis bkang ngo / /de nas rab sdug gis gral rims bzhin dge slong gi dge 'dun thams cad kyi lhung bzed rnams zhal zas kyis bkang nas/ der bcom ldan 'das
299b2 kyis dge slong rnams la bka' stsal pa/ dge slong dag /nga'i nyan kyi dge slong ma bsod nams byas pa rnams kyi mchog ni/ 'di lta ste/ dge slong ma rab sdug ma 'di yin no/ /de nas
299b3 dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ bcun pa/ rab sdug mas las gang dag bgyis na des phyug
299b4 po'i rigs su skyes te/ gzugs bzang zhing blta na sdug la mdzes pa dang / skye bo thams cad kyi bkur la rab tu byung nas dgra bcom pa nyid mngon sum du bgyis
299b5 lags/ bcom ldan 'das kyis bka' stsal pa/ dge slong dag /rab sdug nyid kyis sngon che rabs gzhan dag tu tshogs rnyed cing rkyen grub pa dang ldan te/ dpa'
299b6 rgal bzhin du 'byung la gdon mi za bar 'ong ba'i las de dag byas shing bsags pas na/ rab sdug ma nyid kyi las byas shing bsags pa de dag gzhan su zhig gis
299b7 nyams su myong bar 'gyur te/ dge slong dag /las byas shing bsags pa rnams ni phye rol gyi sa'i khams la rnam par smin par mi 'gyur/ chu'i khams dang / me'i
300a1 khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung
300a2 po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs
300a3 shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri
300a4 thub pa na yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na
300a5 med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA si na/ drang srong smra ba ri dwags
300a6 kyi nags na rten cing bzhugs so/ /de nas yang dag par rdzogs pa'i sangs rgyas 'od srung snga dro sham thabs dang / chos gos gsol te/ lhung bzed bsnams nas/
300a7 dge slong gi tshogs kyis zhabs ring byas te/ mdun du bdar nas wA ra NA sir bsod snyoms la gshegs pa dang / re zhig na tshong dpon zhig g.yog 'khor dang
300b1 bcas te skyed mos tshal du song nas bza' ba dang / bca' ba mang po dag kyang khyer ro/ /de nas re zhig na de'i mngag gzhug ma bu mo zhig 'bras chan gyi gzeb khyer te/ jo
300b2 bo'i phyi bzhin du 'gro ba las bu mo mngag gzhug ma des/ bcom ldan 'das nyan thos kyi dge 'dun dang bcas pa lam khar mthong nas/ de dga' bar gyur te blo skyes pa/
300b3 bdag la rje bos lan gnyis su bran mor byar ci yod kyi/ bdag gis bcom ldan 'das bshos gsol gor ma chag snyam mo/ /de nas des gsad pa dang / bcing ba
300b4 dang | brdeg pa dang / bsdos nas 'bras chan gyi gzeb phye ste/ bcom ldan 'das nyan thos kyi dge 'dun dang bcas pa zhal zas sna tshogs kyis tshim par byas so/ /de nas
300b5 tshod dpon gyi thad du song ba dang / re zhig na tshong dpon gyi bu mo 'bras chan gyi gzeb de ga re zhes dris so/ /des smras pa/ bdag gis bcom ldan 'das yang dag par
300b6 rdzogs pa'i sangs rgyas 'od srung la zhal zas phul lo zhes byas pa dang / tshong dpon gyis de thos nas mchog tu ya mtshan du gyur to/ /de nas de dga' zhing mgu la rab
300b7 tu dga' nas smras pa/ bu mo/ khyod dang phyin chad phran mo las phyung gi song zhig /khyod kyis bdag gnyid kyis log pa na mel tshe byas pa yin no zhes smras so/ /de nas
301a1 de thal mo sbyar te/ khyim bdag la gsol pa/ bdag bcom ldan 'das kyi bstan pa la rab tu 'byung bar ci gnang zhes byas so/ /de nas
301a2 khyim bdag des lhung bzed dang chos gos kyang byin nas/ de rje bos byin pa'i lhung bzed dang / chos gos khyer te/ bcom ldan 'das kyi bstan pa la rab tu byung nas/
301a3 des bcom ldan 'das 'od srung gi gsung rab la lo dgu stong gi bar du zhal ta pa'i las byas te/ 'bras chan dang / skyo ma dang / thug pa btung ba dang / rtag res 'khor
301a4 dang | mgron du bod pa dang / mar me'i phreng ba dang / chos gos sra brkyang rnams dang / sbyin pa dang / rab tu sbyin pa rnams kyang phul te/ smon lam btab pa/
301a5 bdag gis dka' bas bsgrubs te/ bcom ldan 'das 'od srung la sbyin pa dang / rab tu sbyin pa dag phul ba'i dge ba'i rtsa ba dang / sems bskyed pa dang / sbyin par bya ba'i chos
301a6 yongs su gtong ba 'dis na bdag bcom ldan 'das shAkya thub pa'i gsung rab la rab tu 'byung ba thob par gyur cig ces byas so/ /bcom ldan 'das kyis
301a7 bka' stsal pa/ dge slong dag /ji snyam du sems/ de'i tshe de'i dus na bu mo mngag bzhug mar gyur pa gang yin pa de ni rab sdug ma 'di yin te/ des bcom
301b1 ldan 'das 'od srung la zhal zas phul ba des na phyug po'i rigs su skyes te gzugs bzang zhing blta na sdug la mdzes pa dang / skye bo thams cad kyis bkur bar gyur to/ /
301b2 smon lam btab pa des ni da ltar dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa'ang gcig
301b3 tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dren ma rnams ni rnam
301b4 par smin pa'ang 'dren mar 'gyur ro/ /dge slong dag /de bas na las gcig tu nges par gnag pa rnams dang / las 'dren ma rnams spangs la/ las gcig tu nges par
301b5 dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi
301b6 rangs te bcom ldan 'das kyis gsungs pa la mngon par bstod do// //dkar mo zhes bya ba ni/ sangs rgyas bcom ldan 'das la rgyal po rnams dang / blon
301b7 po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod
302a1 sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas
302a2 bla mar byas/ ri mor byas/ mchod par byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po
302a3 rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun
302a4 gsos dang / sman zong rnams bsnyes pa/ nyan thos kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na bzhugs so/ /de'i tshe shAkya rnams
302a5 kyi nang na/ shAkya snar ma zhes bya ba phyug cing nor mang la longs spyod che ba/ yongs su 'dzin pa yangs shing rgya che ba/ /rnam thos kyi bu'i nor dang ldan pa/ rnam thos
302a6 kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan gcig tu rtse zhing dga' la dga' mgur spyad do/ /de de
302a7 dang rtse zhing dga' la dga' mgur spyod kyang bu'ang med/ bu mo'ang med de/ lag pa la rkom tshugs bcas nas bsams pa/ bdag gi khyim nor du ma dang
302b1 ldan du zin kyang / bdag la bu'ang med/ bu mo'ang med pas bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam ste/ sems
302b2 khong du chud cing 'dug go /de nas dge sbyong dang / bram ze dang / lhas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la
302b3 bsgo'o/ /de nas de bu med de bu 'dod pas gu lang dang / chu lha dang / ku ber dang / brgya byin dang / tshangs pa la sogs pa dang / lha'i khyad par gzhan dag la yang gsol ba
302b4 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes
302b5 pa'i lha dang / chos mthun pa dang / rtag tu phyi bzhin 'brang ba'i lha rnams la yang gsol ba 'debs so/ /'jig rten na'ang gsol ba btab pa'i rgyus bu dang / bu mo skye
302b6 bar 'gyur ro zhes bya ba'i gtam yod mod kyi/ de yang de lta ni ma yin te/ gal te gsol ba btab pa'i rgyus bu dang / bu mo skye bar 'gyur du zin na/ 'khor los sgyur ba'i rgyal
302b7 po bzhin du re re la'ang bu stong stong yod par 'gyur pa'i rigs so/ /ye ni gnas gsum tshogs pa las bu dang / bu mo skye bar 'gyur te/ gsum gang zhe na/ pha ma gnyis
303a1 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu
303a2 dang | bu mo skye bar 'gyur ro/ /de nas de yang gsol ba 'debs pa lhur byed cing 'dug la/ sems can zhig kyang sems can gyi ris shig nas shi 'phos te/ de'i chung ma'i
303a3 ltor zhugs nas/ des khyim thab la sbran to/ /de nas khyim thab gyis smras pa/ bzang mo/ gal te khye'u zhig btsas na ni legs/ de ma yin te bu mo zhig btsas na ni/
303a4 de nyid dang bcas te khyod khyim nas bskrad de gtong ngo / /de nas re zhig na de zla ba brgyad dam/ dgu lon pa dang bu byung ste/ bu mo gzugs bzang zhing blta na sdug la
303a5 mdzes pa mi'i kha dog las ni 'das/ lha'i kha dog ni ma thob pa/ gos dkar po gyon pa mngal gyi dri mas ma gos pa zhig btsas so/ /de nas re zhig na shAkya snar
303a6 mas khyod kyi chung ma la bu byung ste/ bu mo zhig btsas so/ /zhes thos pa dang / de khros te nang du song ngo / /de nas de'i chung mas lha'i gos gyon pa'i bu mo phul lo/ /de nas
303a7 shAkya snar mas bu mo mthong nas/ mchog tu ya mtshan du gyur nas/ de btsas pa'i btsas ston byas nas/ bu mo'i 'di'i ming ji skad gdags zhes ming 'dogs
303b1 par byed de/ nye du rnams na re/ 'di gos dkar po gyon bzhin du btsas pas na/ de'i phyir bu mo 'di'i ming dkar mor gdags so zhes zer ro/ /de nas bu mo dkar mo pang
303b2 na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis/ rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma
303b3 dang | zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag
303b4 par gyur to/ /bu mo dkar mo ji tsam du skye ba de tsam du gos de dag kyang skye ste/ dri ma can du'ang mi 'gyur la/ de'i lus la'ang dri mas gos par mi 'gyur ro/ /de nas gang
303b5 gi tshe bu mo dkar mo mthar gyis chen mor gyur pa de'i tshe/ rgyal po'i bu rnams dang / tshong dpon gyi bu mang po de dag de slong du 'ong ngo / /de nas de dag gis gnod par gyur
303b6 nas| de'i pha lag pa la rkom tshugs bcas te bsams pa/ gal te gcig la byin na ni gzhan rnams bdag gi dgrar 'gyur ro snyam nas sems khong du chud cing 'dug go /
303b7 de nas re zhig na bu mo des pha sems khong du chud cing 'dug pa mthong nas smras pa/ yab/ ci zhig gis sems khong du chud cing bzhugs/ de nas de'i don rgyas bar
304a1 bsnyad do/ /de nas bu mo na re/ yab/ thugs ngan ma mdzad cig /bdag ni 'dod pa la don du gnyer ba ma lags te/ bcom ldan 'das kyi
304a2 bstan pa la rab tu 'byung gi /yab kyis bdag la gnang bar mdzad du gsol/ de nas re zhig na des pha ma gnyis la gsol nas/ bcom ldan 'das kyi bstan
304a3 pa la rab tu byung ste/ gos gang dag gyon te btsas pa de dag nyid chos gos lnga tshang bar gyur to/ /de nas des brtson pa dang / sbyor pa dang / 'bad pas phol mig lnga
304a4 pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par
304a5 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod
304a6 chags dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar
304a7 gyur pa/ rig pas sgo nga'i spubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur
304b1 sti la mi blta ba/ dbang po dang / nye dbang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom
304b2 thams cad gcod pa sangs rgyas bcom ldan 'das la zhus pa/ btsun pa/ dkar mos las gang dag bgyis na de phyug po'i rigs su skyes te/ gzugs bzang zhing blta
304b3 na sdug la mdzes pa dang / gos dkar mo gyon pa dang / rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong
304b4 dag/ |dkar mo nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la gdon mi zar 'ong ba'i las de dag byas shing
304b5 bsags pas na/ dkar mo nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag/ las byas shing bsags pa rnams
304b6 ni phyi rol gyi sa'i khams la rnams par smin par mi 'gyur/ chu'i khams dang / me'i khams dang / rlung gi khams la rnam par smin pa mi 'gyur te/ las dge ba dang / mi dge
304b7 ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /
305a1 bskal pa brgyar yang chud mi za/ tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus
305a2 na| bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
305a3 rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/
305a4 de grong khyer wA ra NA si na/ drang srong smra ba ri dwags kyi nags na rten cing bzhugs so/ /de nas re zhig na tshong dpon gyi chung ma dad pa dang ldan la/ dge zhing bsam pa
305a5 bzang ba zhig 'dug pa don zhig la drang srong smra bar song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs
305a6 par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu
305a7 kun nas bzang ba mthong nas/ mthong ma thag tu bcom ldan 'das kyi zhabs la phyag btsal te chos nyan pa'i phyir bcom ldan 'das kyi spyan sngar 'dug go /de nas bcom
305b1 ldan 'das 'od srung gis de la chos bstan nas des dad pa rnyed de/ bcom ldan 'das nyan thos kyi dge 'dun dang bcas pa khyim gyi nang du bshos gsol nas/ dge slong gi
305b2 dge 'dun la chos gos sra brkyang phul lo/ /de nas mthar gyis pha ma la gsol te/ bcom ldan 'das kyi bstan pa la rab tu byung ngo / /dge slong dag /ji snyam du sems/ de'i
305b3 tshe de'i dus na tshong dpon gyi chung mar gyur pa gang yin pa de ni dge slong ma dkar mo 'di yin te/ des dge slong gi dge 'dun la chos gos sra brkyang phul ba des na/ gos
305b4 dkar po gyon bzhin du btsas so/ /tshangs par spyod pa'i gnas bsrungs pa des ni tshe 'di la dgra bcom pa nyid mngon sum du byas so/ /dge slong dag /de ltar na las gcig
305b5 tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu
305b6 nges par dkar bar 'gyur ro/ /las 'dren ma rnams ni rnam par smin pa'ang 'dres mar 'gyur ro/ /dge slong dag/ de bas na las gcig tu nges par gnag pa rnams dang /
305b7 las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong / khyed kyis de ltar bslab par bya'o/ /bcom ldan 'das
306a1 kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la
306a2 sogs pa'i rtogs pa brjod pa brgya pa/ bam po bcu bdun pa/ zla ba zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams
306a3 dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
306a4 rnams dang / mi 'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang /
306a5 nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas
306a6 dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag
306a7 mgon med zas sbyin gyi kun dga' ra ba na bzhugs so/ /de'i tshe mnyan du yod pa na/ bram ze phyug cing nor mngal longs spyod che ba/ yongs su 'dzin pa yang shing rgya che ba/
306b1 rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas so/ /de yang rig byed gsum gyi mthar phyin te/ ming gi rnam grangs dang / shes gsal
306b2 dang bcas pa dang / yi ge'i rab tu dbye ba dang / lnga pa ste/ gtam rgyud dang bcas pa rnams tshig re re nas brda' sprod nus pa zhig go /de nas de bram ze'i khye'u lnga brgya/ bram ze'i
306b3 sngags 'don pa'i slob dpon byed do/ /de nas des bu dgos pa'i phyir rigs mnyam pa las chung ma blangs nas/ de de dang lhan gcig tu rtse zhing dga' la dga' mgur
306b4 spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam/ dgu lon pa dang bu byung ste/ bu mo gzugs bzang zhing mdzes pa
306b5 blta na sdug pa yan lag dang / nyid lag thams cad dang ldan pa zhig btsas so/ /de nas de btsas pa'i btsas ston byas nas/ bu mo 'di'i ming ji skad gdags zhes ming
306b6 'dogs par byed de/ /nye du rnams na re/ bdag cag gi bu tsha phal che zla ba zhes 'dogs pas na/ de'i phyir bu mo 'di'i ming zla ba zhes gdags so zhes zer ro/ /de nas
306b7 bu mo zla ba pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma
307a1 ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed
307a2 bsrings te/ mtsho'i nang gi pad+ma bzhin du skye drag par gyur te/ /de nas bu mo zla ba mthar gyis chen mor gyur pa dang / de mkhas shing gsal la yid gzhungs pa dang /
307a3 bya ba la mkhas pa dang / dran pa dang ldan pa dang / thos pa 'dzin pa gyur to/ /de nas re zhig na de'i pha bram ze'i khye'u rnams la sngags slob pa na des thos pa tsam
307a4 gyis lobs so/ /thos nas kyang bstan chos de dag ltag 'og nang sbyor zhing 'chad nus so/ /de nas de'i grags pas mnyan du yod pa thams cad rgyas par gyur to/ /mu
307a5 stegs can dag kyang nyin gcig bzhin du de la blta ba'i phyir 'ongs te/ de dang lhan cig tu gtan la 'bebs par byed do/ /de nas gang gi tshe bcom ldan 'das bla na
307a6 med pa yang dag par rdzogs pa'i byang chub mngon par rdzogs par sangs rgyas pa de'i tshe mnyan du yod par gshegs nas/ mkhas pa rnams dang / mkhas par bgrang
307a7 ba de dag las phal cher bcom ldan 'das la blta ba'i phyir der dong bar byed do/ /de nas de dag mi snang nas nang mi rnams la smras pa/ kye| ci'i phyir da bstan bcos
307b1 shes pa dag mi 'ong ba 'di la rgyu ci zhig yod/ de dag gis smras pa/ bcom ldan 'das thams cad mkhyen pa shAkya thub pa 'dir gshegs te/ de dag thams cad de la gzhol
307b2 bar gyur to/ /de nas sangs rgyas zhes bya ba'i sgra sngon ma byung ba thos nas/ de spu thams cad zing zhes byas so/ /de nas bu mo zla bas sangs rgyas zhes bya ba'i sgra thos nas/
307b3 bcom ldan 'das kyi thad du song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po
307b4 brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ba nas/
307b5 mthong ma thag tu bcom ldan 'das kyi zhabs la phyag btsal te/ chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis bu mo zla
307b6 ba'i bsam pa dang / bag la nyal ba dang / khams dang / rang bzhin du thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas
307b7 bu mo zla bas 'jig tshogs la lnga pa'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas skye dgu'i
308a1 bdag mo chen mo'i thad du rab tu byung ngo / /de nas des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di
308a2 nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par
308a3 rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/
308a4 gser dang / bong par mnyam pa/ nam mkha' dang / lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs
308a5 bcom pa dang / rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po
308a6 dang | nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas gang gi tshe bcom ldan 'das kyis dge slong rnams
308a7 la| dge slong dag /khyed cag gis zla ba phyed phyed cing so sor thar ba'i mdo bshad pa gdon par gyis shig /ces bka' stsal pa dang / de'i tshe skye dgu'i bdag mo
308b1 chen mos gsol pa/ bcom ldan 'das kyis so sor thar pa'i mdo lung dbog tu gsol/ bde bar gshegs pas so sor thar pa'i mdo lung dbog tu gsol/ bcom
308b2 ldan 'das kyis bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas ni dge slong ma la tshig re re nas chos kyi lung dbog par mi
308b3 mdzad de/ gal te khyed las lan gcig smras pas 'dzin nus pa 'ga' zhig yod na ni/ ngas lung dbog go /de nas de'i tshe dge slong ma zla ba 'khor de nyid kyi nang du 'dus par
308b4 gyur te 'dug go /de nas dge slong ma zla ba stan las langs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces
308b5 gsol to/ /lan gcig bka' stsal pas bdag gis bzung bar 'tshal na/ bcom ldan 'das kyis so sor thar pa'i mdo lung dbog tu gsol/ bde bar gshegs pas
308b6 so sor thar ba'i mdo lung dbog tu gsol/ de nas bcom ldan 'das kyis rgyas par lung dbog par mdzad nas/ lan gcig bka' stsal pas dge slong ma zla bas lobs
308b7 so| |der bcom ldan 'das kyis dge slong rnams la bka' stsal pa/ nga'i nyan thos kyi dge slong ma mang du thos pa rnams dang / thos pa 'dzin pa rnams kyi mchog ni/ 'di lta
309a1 ste| dge slong ma zla ba 'di yin no/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun
309a2 pa| dge slong ma zla bas las gang dag bgyis shing bsags pa des na phyug po'i rigs su skyes te/ gzugs bzang zhing blta na sdug la mdzes pa dang / thos pa 'dzin par
309a3 gyur lags/ bcom ldan 'das kyis bka' stsal pa/ dge slong dag /zla ba nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal
309a4 bzhin du 'byung la gdon mi za bar 'ong ba'i las de dag byas shing bsags pas na/ zla ba nyid kyis las byas shing bsags pa de dag gzhan su zhig gis nyams su myong
309a5 bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi
309a6 khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la
309a7 rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge
309b1 slong dag /sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas/ rig pa dang / zhabs su ldan pa
309b2 bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'ong srung zhes bya ba
309b3 'jig rten du byung ste/ de grong khyer wA ra NA si na drang srong smra ba ri dwags kyi nags na rten cing bzhugs so/ /de nas re zhig na bram ze'i bu mo zhig bcom ldan 'das 'od srung gi
309b4 bstan pa la rab tu byung ngo / /des de la lung mnos te bslabs nas kha ton byas te phung po la mkhas pa dang / khams la mkhas pa dang / skye mched la mkhas pa dang / rten cing
309b5 'brel bar 'byung ba la mkhas pa dang / gnas dang / gnas ma yin pa la mkhas par byas so/ /mthar thug pa'i ye shes ni skyed ma nus so/ /de mkhan mo gang las rab tu
309b6 byung ba de ni/ bcom ldan 'das 'od srung gi thos pa 'dzin pa rnams kyi mchog tu bstan to/ /de nas dge slong ma de 'chi ba'i tshe smon lam btab pa/ ji ltar bdag gis mkhan
309b7 mo thos pa 'dzin pa rnams kyi mchog tu bstan pa de bzhin du bdag kyang ma 'ongs pa'i dus na/ bcom ldan 'das 'od srung gis bram ze'i khye'u bla ma la/ bram ze'i khye'u khyod skye
310a1 dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro
310a2 zhes lung bstan pa gang yin pa'i bcom ldan 'das de'i bstan pa la rab tu byung ste/ bcom ldan 'das shAkya thub pas bdag thos pa 'dzin pa rnams kyi mchog tu bstan
310a3 par gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na bram ze'i bu mor gyur ba gang yin pa de ni
310a4 dge slong ma zla ba 'di yin te/ des smon lam btab pa des na/ thos pa 'dzin pa rnams kyi mchog tu bstan to/ /des der lung mnos te bslabs nas kha don du byas pa
310a5 de ni/ da ltar dgra bcom pa nyid mngon du byas so/ /dge slong dag /de ltar na las gcig tu nges par gang pa rnams ni rnam par smin pa'ang gcig tu nges par gang
310a6 par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dres ma rnams ni rnam par smin pa'ang
310a7 'dres mar 'gyur ro/ /dge slong dag /de pas na las gcig tu nges par gang pa rnams dang / las 'dres ma rnams spangs la/ las gcig tu nges par dkar ba
310b1 rnams 'ba' zhig la gtad par bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yid rangs te bcom
310b2 ldan 'das kyis gsungs pa la mngon par bstod do// //ut+pa la zhes bya ni/ sangs rgyas bcom ldan 'das la rgyal po rnams dang / blon po chen po rnams dang /
310b3 phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin
310b4 rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu
310b5 dang | gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams
310b6 chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zod rnams brnyes pa/ nyan thos kyi dge 'dun dang bcas pa rgyal po'i
310b7 khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab kyi grong khyer na/ klu'i rgyal po ri bo dang / yid 'ong gnyis phrad pa zhes bya ba'i
311a1 dus ston byung ste/ der grong khyer chen po drug po thams cad nas skye bo mang po 'du'o/ /de nas re zhig na lho phyogs nas zlos gar mkhan gyi
311a2 slob dpon zhig 'ongs pa de'i bu mo ut+pa la zhes bya ba gzugs bzang zhing blta na sdug la mdzes pa/ yan lag dang / nying lag thams cad dang ldan pa/ lang tsho dang /
311a3 nad med pa'i rgyags pas dregs pa zhig yod de/ de gang gi tshe ltad mo pa'i nang du 'ongs pa de'i tshe/ ltad mo ba thams cad kyis yid smon byed cing lta bar byed do/ /gang
311a4 so sor rtog pa'i shas chung ba de dag gi'ang yid 'phrog par byed do/ /der gang gi tshe dus ston byung ba de'i tshe/ rdzogs byed la sogs pa ston pa drug kyang 'ong ngo / /de nas
311a5 bu mo ut+pa las skye bo mang po la smras pa/ kye/ rgyal po'i khab kyi grong khyer na mir gyur pa'i nang na bdag dang byad gzugs kyis mnyam pa'am/ khyad par du 'phags
311a6 pa de lta bu 'ga' lta yod dam/ skye bo mang pos smras pa/ dge sbyong go'u ta ma 'khor dang bcas pa yod do/ /ut+pa las smras pa/ ci de mi yin nam/ 'on te lha yin/ skye
311a7 bo mang pos smras pa/ mi ni yin mod kyi/ de ni thams cad mkhyen pa yin no/ /de nas tshig de thos nas/ ut+pa la rgyan thams cad kyis klubs te/ bcom ldan 'das kyi thad
311b1 du song ngo / /song nas kyang bcom ldan 'das kyi spyan snga na 'dug ste/ gar byed cing glu len la rol mo byed do/ /bud med kyi mtshan ma rnams dang / bud med kyi rtags
311b2 rnams dang / bud med kyi brda rnams dang / bud med kyi rtsed mo rnams kyang ston par byed do/ /der dge slong 'dod chags dang ma bral ba gang yin pa de dag ni des ci bya
311b3 gtol med par gyur to/ /de nas bcom ldan 'das kyis dge slong 'dod chags kyi shas che ba rnams gdul ba dang / ut+pa la'i byad gzugs dang / lang tshos rgyags pa
311b4 bsal ba'i phyir/ rdzu 'phrul mngon par 'du mdzad pa gang gis ut+pa la rgas shing 'khogs la mgo skya ba dang / so rto zhing phyam dgu po ltar sgur bur 'gyur ba
311b5 de lta bur rdzu 'phrul mngon par 'du mdzad do/ /de nas de ltar sprul pa'i mod la ut+pa las bdag nyid mi sdug par mthong nas/ byad gzugs dang / lang tshos
311b6 rgyags pa de med par gyur to/ /dge slong 'dod chags kyi shas che ba rnams kyang skyo bar gyur to/ /de nas ut+pa la rgyags pa med par gyur nas/ bcom ldan 'das kyi
311b7 zhabs la mgo bos phyag btsal te/ bcom ldan 'das la gsol ba btab pa/ bcom ldan 'das kyis bdag ci nas rang can kyi lus 'di las tshegs chung dus yongs su
312a1 grol bar 'gyur ba de lta bu'i chos bstan tu gsol/ de nas bcom ldan 'das kyis ut+pa la dang / dge slong 'dod chags dang ma bral ba de dag
312a2 gi bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de
312a3 thos nas kha cig gis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so/ /kha
312a4 cig gis ni lan gcig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung
312a5 ste| nyon mongs pa thams cad spangs nas dgra bcom pa nyid mngon sum du byas so/ /ut+pa la yang dad pa rnyed nas bcom ldan 'das kyi thad du rab tu byung ste/ des
312a6 brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil
312a7 ba dang / ltung ba dang / rnam par 'thor pa dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum
312b1 du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems
312b2 dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob
312b3 pa| srid pa'i rnyed pa dang / chags pa dang / bkur sti la mi lta ba dang / dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas
312b4 su gyur to/ /zlos gar mkhan de dag kyang skyo bar gyur pa de nyid kyis nyon mongs pa thams cad spangs nas/ dgra bcom pa nyid mngon sum du byas so/ /de nas dge slong dag
312b5 the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ bcom ldan 'das kyis zlos gar mkhan gyi bu mo ut+pa la byad gzugs
312b6 dang | lang tshos rgyags pa las rga bas skyo bar mdzad nas gzha' gsang gi mthar thug pa mya ngan las 'das pa'i bar dag tu bzhag pa ni ngo mtshar lags so/ /bcom
312b7 ldan 'das kyis bka' stsal pa/ dge slong dag /da ltar nga 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi
313a1 ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba/ thams cad
313a2 mkhyen pa rnam pa thams cad mkhyen pa ye shes dang / shes bya thams cad la dbang thob zin pa'i tshe bu mo ut+pa la byad gzugs dang / lang tsho'i rgyags pas dregs pa las
313a3 rga bas skyo bar byas nas/ gzha' gsang gi mthar thug pa mya ngan las 'das pa'i bar du bzhag pa 'di lta la ngo mtshar che ba ci yod de/ 'das pa'i dus na nga 'dod chags
313a4 dang bcas pa/ zhe sdang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid
313a5 mi bde ba dang / 'khrug pa rnams las yongs su ma grol ba na'ang / ngas bu mo ut+pa la rga bas skye bar byas nas brtul zhugs kyi gnas lnga la bzhag pa de legs par rab
313a6 tu nyon la yid la zungs shig dang ngas bshad do/ /dge slong dag /sngon byung ba 'das pa'i dus na/ grong khyer wA ra NA si na rgyal po tshangs pas byin zhes bya ba zhig rgyal
313a7 po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba/ rtsod pa dang / 'thab pa zhi ba dang / 'khrug
313b1 pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa
313b2 med cing tsher ma dkrugs la bu gcig pa la bya ba bzhin du rgyal srid bskyangs so/ /de nas re zhig na rgyal po de btsun mo dang lhan cig tu rtse zhing dga' la dga' mgur spyod do/ /
313b3 de rtse zhing dga' la dga' mgur spyong pa las phyis btsun mo la bu chags nas/ de zla ba brgyad ngam/ dgun lon pa dang bu byung ste/ khye'u gzugs bzang zhing blta na sdug la mdzes
313b4 pa| mdog bzang ba/ gser gyi kha dog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/ yan
313b5 lag dang / nying lag thams cad dang ldan pa zhig btsas so/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/
313b6 nye du rnams na re/ 'di'i yab yul ka shi'i rgyal po yin la 'di'ang gzugs bzang zhing blta na sdug la mdzes pas na/ de'i phyir khye'u 'di'i ming ka shi mdzes ldan
313b7 zhes gdags so zhes zer ro/ /de nas khye'u ka shi mdzes ldan pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse
314a1 ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan
314a2 yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ /de nas gang gi tshe de cher skyes pa de'i tshe rgyal tshab tu
314a3 dbang bskur te/ /de nas de rgyal po byed pa ni nyes pa du ma dang ldan zhing gnod pa du ma'i rtsa ba yin par rig nas/ drang srong rnams kyi nang du rab tu byung ngo / /de yang gangs
314a4 kyi sul zhig na gnas te 'bras bu dang / rtsa ba dang / chus 'tsho zhing / ri dwags kyi g.yang gzhi dang / shing shun gyon la me'i sbyin sreg byed do/ /phyis re zhig na 'bras
314a5 bu dang / rtsa ba'i phyir ri'i sul zhig tu song ba dang / re zhig na der ma'i ma ci'i bu mo zhig gis drang srong gzhon nu de mthong nas chags par gyur te/ gar byed cing glu len
314a6 la rol mo byed do/ /bud med kyi mtshan ma rnams dang / bud med kyi rtags rnams dang / bud med kyi rtsed mo rnams kyang ston par byed do/ /de nas re zhig na drang srong ka shi
314a7 mdzes ldan gyis bu mo de la chos bshad de/ che zhe/ khyod rgas te khyod kyi nga ro dang po ni snyan cing mnyen la mjug ni ra ra bor gyur to zhes byas so/ /de nas des chos de lta
314b1 bu bstan te/ de thos nas mi'am ci'i bu mo'i byad gzugs kyi rgyags pa de med par gyur to/ /de nas de dad pa skyes nas smon lam btab pa gang gi tshe khyod bla na med pa yang dag
314b2 par rdzogs pa'i byang chub mngon par rdzogs par 'tshang rgya ba de'i tshe/ bdag khyod kyi slob mar gyur cig ces byas so/ /bcom ldan 'das kyis bka' stsal pa/ dge slong dag/
314b3 ji snyam du sems/ de'i tshe de'i dus na drang srong gzhon nur gyur pa gang yin pa de ni nga yin no/ /mi'am ci'i bu mo de ni ut+pa la 'di nyid yin no/ /de nas bcom ldan 'das la dge
314b4 slong rnams kyis zhus pa/ btsun pa ut+pa las las gang dag bgyis na/ des gzugs bzang zhing blta na sdug la mdzes par gyur pa lags/ las gang dag bgyis na/ des dgra
314b5 bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag /ut+pa la nyid kyis sngon tshe rabs gzhan dag tu tshogs rnyed cing rkyen grub pa
314b6 dang ldan te/ dpa' rgal ba bzhin du 'byung la gdon mi za bar 'ong ba'i las de dag byas shing bsag pa na/ ut+pa la nyid kyi las byas shing bsags pa de dag gzhan su zhig
314b7 gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang /
315a1 rlung gi khams la smin par mi 'gyur te/ las dge ba dang / mi dge ba byas shing bsags pa rnams ni/ zin pa'i phung po dang / khams dang / skye mched
315a2 rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du
315a3 smin par 'gyur/ /dge slong dag /sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas/
315a4 rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas
315a5 bcom ldan 'das 'khor ba 'jig ces bya ba 'jig rten du byung ste/ de rgyal po'i pho brang mdzes ldan na rten cing bzhugs so/ /de nas re zhig na lho phyogs nas zlos gar mkhan
315a6 gyi slob dpon zhig 'ongs so/ /der gang gi tshe rgyal po mdzes pa bcom ldan 'das kyis bden pa mthong bar mdzad pa de'i tshe zlos gar mkhan gyi slob dpon la bsgo ba/ nga'i
315a7 mdun du sangs rgyas kyi zlos gar gyi gar thabs gyis shig ces byas nas/ de dag gis rgyal po de'i bka' spyi bos ma nos te/ lha/ bka' bzhin 'tshal lo zhes byas so//
315b1 de nas sangs rgyas kyi zlos gar sbyar te/ legs par sbyangs nas/ rgyal po'i blon po'i tshogs dang bcas pa'i mdun du zlos gar gyi gar thabs byas so/ /de nas de zlos gar mkhan gyi
315b2 slob dpon nyid ni sangs rgyas kyi cha lugs kyis nang du 'ongs so/ /zlos gar mkhan gzhan rnams ni/ dge slong gi cha lugs kyis nang du 'ongs so/ /de nas rgyal po dga' zhing mgu
315b3 la rab tu dga' nas/ zlos gar mkhan gyi slob dpon la sogs pa zlos gar mkhan gyi tshogs rnams la nor gyi phung po chen po byin no/ /de nas de dag bcom ldan 'das kyi
315b4 bstan pa la dad pa rnyed nas/ sbyin pa dang / rab tu sbyin pa dag sbyin nas yang dag pa'i smon lam btab pa/ dge ba'i rtsa ba dang / sems bskyed pa dang / sbyin par bya ba'i chos
315b5 yongs su gtong ba 'dis na/ bdag cag kyang ma 'ongs pa'i sangs rgyas rnams mnyes par byed par gyur cig /mi mnyes par byed par ma gyur cig /ces byas so/ /dge
315b6 slong dang /ji snyam du sems/ zlos gar mkhan gang yin pa de dag ni ut+pa la sogs pa 'di dag yin te/ 'di dag gis der smon lam btab pa des na/ da ltar dgra bcom pa
315b7 nyid mngon sum du byas so/ /dge slong dag /de ltar na las cig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu
316a1 nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dres ma rnams ni rnam par smin pa'ang 'dren
316a2 mar gyur to/ /dge slong dag /de bas na las gcig tu nges par gnag pa rnams dang / las 'dres ma rnams spangs la/ las gcig tu nges par dkar ba rnams
316a3 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom
316a4 ldan 'das kyis gsungs pa la mngon par bstod do// //mdzes ldan ma zhes bya ba ni/ sangs rgyas bcom ldan 'das la rgyal po rnams dang / blon
316a5 po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
316a6 gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/
316a7 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i
316b1 sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan
316b2 thos kyi dge 'dun dang bcas pa/ wA ra NA si na drang srong smra ba'i ri dwags kyi nags na bzhugs so/ /de'i tshe grong khyer wA ra NA si na rgyal po tshangs byin rgyal po byed de/ de'i ring la
316b3 'byor pa dang / rgyas pa dang / bde ba dang / lo legs pa dang / skye bo dang / mi mang pos gang pa dang / rtsod pa dang / 'thab pa zhi ba dang / 'khrug pa dang / nang 'khrug dang / chom
316b4 rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la/ bu
316b5 gcig pa la bya ba bzhin du rgyal srid bskyangs so/ /de nas re zhig na rgyal po de btsun mo dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod
316b6 pa las phyis btsun mo la bu chags nas/ de zla ba brgyad dam/ dgu lon pa dang bu byung ste/ bu mo gzugs bzang zhing blta na sdug la mdzes pa yan lag dang / nying lag thams
316b7 cad dang ldan pa zhig btsas so/ /de nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ nye du rnams na re/ bu mo 'di ka
317a1 shi'i rgyal po'i bu mo yin la byad gzugs kyang bzang bas de'i phyir bu mo 'di'i ming ka shi mdzes ldan ma zhes gdags so zhes zer ro/ /de nas bu
317a2 mo ka shi mdzes ldan ma phang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad
317a3 nas de ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis skyed srings te/ mtsho'i nang
317a4 gi pad+ma bzhin du skye drag par gyur to/ /de nas gang gi tshe bu mo ka shi mdzes ldan ma chen mor gyur pa de'i tshe nyi 'og gi rgyal po drug gis rgyal po tshangs pas byin la pho nya
317a5 btang ste/ khyod kyi bu mo btsas zhes bdag gis thos kyi/ gzhan la mi sbyin par bdag gi bu la byin cig ces spring ngo / /de nas rgyal po tshangs pas byin mya ngan gyi khang bur bzhugs
317a6 nas| lag pa la rkom tshugs btsas te bsams pa/ gal te gcig la byin na ni gzhan rnams ni bdag gi dgrar 'gyur ro snyam nas/ sems khong du chud cing 'dug go /de
317a7 nas re zhig na bu mo ka shi mdzes ldan ma rgyan thams cad kyis klubs te pha'i thad du song ba dang / des pha mya ngan gyis non pa mthong nas bris pa/ yab ci'i slad du mya ngan mdzad/ /de
317b1 nas phas kyang de la ji ltar gyur pa bsnyad do/ /de nas bu mo ka shi mdzes ldan mas pha la smras pa/ yab/ nyi log gi rgyal po rnams la nga ste nas/ bdun na bu mo ka shi mdzes ldan ma
317b2 rang nyid kyi khyim thab 'dam par chad kyi/ khyed kyi bya ba gang yin pa de gyis shig ces pho nya gtang du gsol zhes byas so/ /de nas zhag bdun lon pa dang / nyi 'og gi rgyal po drug
317b3 po de rnams 'dus so/ /bu mo ka shi mdzes ldan ma'ang shing rta la zhon te/ chos gos tshon can gyi ba dan bsgreng nas/ sangs rgyas bcom ldan 'das kyi sku gzugs lag na thogs
317b4 te| rgyal po 'dus pa'i nang du song nas smras pa/ kye| nyi 'og gi rgyal po rnams gson gcig /bdag ni khyed kyi gzugs dang / lang tsho dang / rigs dang / longs spyod dang / dbang
317b5 phyug la mi sems kyi bdag ni 'dod pa rnams la don du gnyer ba ma lags te/ bdag ni ras 'di la sangs rgyas bcom ldan 'das kyi sku gzugs bris pa gang yin pa de'i slob ma lags
317b6 te| de'i bstan pa la rab tu 'byung ngo zhes byas nas drang srong smra bar song ste/ bcom ldan 'das kyi zhabs la phyag btsal nas/ bcom ldan 'das la 'di skad ces gsol to/ /
317b7 btsun pa/ bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po 'thob tu rung na/ bdag kyang bcom ldan 'das kyi thad
318a1 du tshangs par spyod pa spyad pa 'tshal lo/ /de nas bcom ldan 'das kyis skye dgu'i bdag mo chen po la gtad do/ /de nas des kyang de rab tu phyung ste bsnyen
318a2 par rdzogs par byas nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam
318a3 pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa
318a4 nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag 'thil du 'dra ba'i sems
318a5 dang ldan pa/ tsan+dan spangs pa lta bur bsil bar gyur pa/ rig pas sgo nga'i spubs bcom pa/ rig pa dang / mngon par shes pa dang / so so yang dag par rig pa thob pa /
318a6 srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur
318a7 to| |de nas rgyal po'i bu de dag gis de'i gzugs dang / lang tsho dang / mdzes pa rjes su dran nas/ 'dod chags kyi rgyags pas myos te/ rab tu byung bzhin du yang gsol ba
318b1 'debs so/ /de nas de dag gis gsol ba btab nas/ ngad pa'i rgyal po 'dab ma brkyang pa bzhin du nam mkha' la mngon par 'phags te/ cho 'phrul rnam pa sna tshogs bstan
318b2 to| |so so'i skye bo rnams ni rdzu 'phrul gyis myur du dad par byed de/ de nas rgyal po'i bu de dag gis lha dang / mi rnams dad par byed pa'i cho 'phrul shin tu rmad du byung ba mthong nas
318b3 spu zing zhes byed de/ rkang pa la phyag btsal nas bzod pa gsol te/ sru/ khyod kyi chos 'di lta bu dag mngon sum du byas pa las na/ khyod 'dod pa spyod pa 'di ni mi srid kyi
318b4 bzod par mdzod cig ces byas so/ /de nas bu mo ka shi mdzes ldan ma nam mkha' las babs te/ skye bo mang po'i gung la 'dug nas chos de lta bu dag bstan te/ de thos nas srog
318b5 chags 'bum phrag du mas khyad par chen po thob bo/ /de nas dge slong dag /the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/
318b6 ka shi mdzes ldan mas las gang dag bgyis na/ des gzugs bzang zhing blta na sdug la mdzes pa dang / rab tu byung nas dgra bcom pa nyid mngon sum du bgyis pa lags/
318b7 bcom ldan 'das kyis bka' stsal pa/ dge slong dag/ ka shi mdzes ldan ma nyid kyi sngon gyi tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin
319a1 du 'byung la gdon mi za bar 'ong ba'i las de dag byas shing bsags pas na/ ka shi mdzes ldan ma nyid kyis las byas shing bsags pa de dag
319a2 gzhan su zhig gi nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang /
319a3 me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched
319a4 rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ tshogs shing dus la babs pa na/ 'bras bu nyid
319a5 du smin par 'gyur/ /dge slong dag/ sngon byung ba 'das pa'i dus na/ bskal pa bzang po 'di nyid la skye dgu'i tshe lo sum khri thub pa na/ de bzhin gshegs pa/ dgra bcom pa/ yang
319a6 dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang /
319a7 mi rnams kyi ston pa/ sangs rgyas bcom ldan 'das gser thub ces bya ba 'jig rten du byung ngo / /de nas re zhig na rgyal po'i bu mo de dad pa dang ldan la/ dge zhing bsam
319b1 pa bzang ba zhig yod pa des btsug lag khang zhig brtsig tu bcug ste/ yo byad thams cad kyis gang bar byas nas/ bcom ldan 'das nyan thos kyi dge 'dun dang bcas pa la phul
319b2 lo| |yang dag par rdzogs pa'i sangs rgyas 'od srung gi ring la'ang rab tu byung nas lo khri'i bar du byams pa bsgoms so/ /dge slong dag /ji snyam du sems/ de'i tshe rgyal po'i
319b3 bu mor gyur pa gang yin pa de ni ka shi'i mdzes ldan ma 'di yin te/ des gtsug lag khang phul ba des ni gzugs bzang zhing blta na sdug la mdzes par gyur to /bcom ldan
319b4 'das 'od srung gi ring la rab tu byung nas/ lo khri'i bar du byams pa bsgoms pa des ni/ da ltar dgra bcom pa nyid mngon sum du byas so/ /dge slong dag /de ltar na las gcig tu
319b5 nges par gnag pa rnams ni rnam par smin pa'ang gcig tu nges par gang par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar
319b6 bar 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gang pa rnams dang / las 'dres ma spangs
319b7 la| las gcig tu nges par dkar ba rnams 'ba' zhig la gtad par bya ste/ dge slong dag/ khyod kyis de ltar bslab par bya'o/ /bcom ldan 'das kyis de skad ces bka' stsal nas/
320a1 dge slong de dag yi rangs te bcom ldan 'das kyis gsungs pa la mngon par bstod do// //mu tig ces bya ba ni/ sangs rgyas bcom ldan
320a2 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams
320a3 dang | klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla
320a4 mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang lto 'phye chen po rnams kyis mchod
320a5 cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / bsnyun gsos dang / sman zong
320a6 rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mngon med zas sbyin gyi kun dga' ra ba na bzhugs so/ /
320a7 de'i tshe mnyan du yod pa na/ tshong dpon rgyal ba zhes bya ba phyug cing nor mang la longs spyod che ba yongs su 'dzin pa yangs shing rgya che ba rnams thos kyi bu'i nor dang ldan pa/ rnam thos
320b1 kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la
320b2 dga' mgur spyod pa las/ phyis chung ma la bu chags nas/ de zla ba brgyad dam/ dgu lon pa dang / bu byung ste/ bu mo gzugs bzang zhing blta na sdug la mdzes pa/ mgo bo la mu
320b3 tig gi phreng ba btags pa zhig btsas so/ /de nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ nye du rnams na re/ bu
320b4 mo 'di btsas ma thag tu mgo bo la mu tig gi phreng ba byung bas na/ de'i phyir bu mo 'di'i ming mu tig ces gdags so zhes zer ro/ /de nas bu mo mu tig pang na 'tsho ba'i ma ma gnyis
320b5 dang | nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun
320b6 mar dang / mar gyi snying khu dang / gzhan yang / yo byad kyi khyad par bzang ngo cog gi bskyed bsrings te/ mtsho'i nang gi pad+ma bzhin skye drag par gyur to/ /de nas re zhig na bu mo mu tig
320b7 mthar gyis chen mor gyur pa dang / de'i mu tig gi phreng ba de phog na phyir zhing 'byung bar gyur to/ /de nas bu mo des bkren pa dang / phongs pa rnams mthong nas longs spyod kyi
321a1 bgo bsha' byed do/ /de nas gang gi tshe bag mar btang rnams par gyur ba dang / rgyal po'i bu rnams dang / blon po'i bu rnams dang / tshong dpon gyi bu mang
321a2 po dag de slong du 'ong ngo / /de nas de'i pha mya ngan gyi khang bur zhugs nas lag pa la rkom tshugs bcas te bsams pa/ gal te gcig la byin na ni gzhan rnams bdag gi dgrar
321a3 'gyur ro snyam nas/ sems khong du chud cing 'dug go /de nas bu mo des pha la gsol pa/ yab/ ci'i slad du thugs ngan mdzad/ de nas des ji ltar gyur pa thams cad
321a4 bsnyad do/ /de nas bu mos smras pa/ yab/ bdag ni 'dod pa rnams la don du gnyer ba ma lags te/ bcom ldan 'das kyi bstan pa la rab tu 'byung bar 'tshal lo/ /de
321a5 nas yang re zhig na khyim bdag mgon med zas sbyin gyi bu tha chung rab sdug ces bya ba des pha la gsol pa/ bdag gi mchis 'brang du bu mo de bslang bar gsol zhes byas so/ /
321a6 de nas khyim bdag mgon med zas sbyin gyis tshong dpon rgyal ba la pho nya btang ste/ bu mo mu tig bdag gi bu la byin cig /de ltar byas pa dang gnyen du'ang 'gyur la/ ji srid
321a7 'tsho'i bar du'ang mdza' bor 'gyur ro zhes byas so/ /de nas khyim bdag rgyal gyis bdag gi bu mo la don de bsnyad do/ /des smras pa/ gal te shed bye ste cher skyes pa na/ bdag
321b1 dang lhan cig tu bcom ldan 'das kyi bstan pa la rab tu 'byung bar dam bcas na ni bdag gi khyim thab tu bgyi'o zhes byas so/ /de nas des de ltar byas nas re zhig na skabs shig tu
321b2 gnyis ka khyim nas byung nas bcom ldan 'das kyi bstan pa la rab tu byung ngo / /de nas de gnyis kyis brtson pa dang / bsgrub pa dang / 'bad pas phol mig lnga pa'i 'khor ba'i 'khor
321b3 lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod
321b4 de| nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar
321b5 mnyam pa/ nam mkha' dang lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i spubs bcom pa/ rig pa dang / mngon
321b6 par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi blta ba/ dbang po dang / nye dbang dang bcas pa'i lha rnams kyis
321b7 mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa/ sangs rgyas bcom ldan 'das la zhus pa/ btsun
322a1 pa mu tig gis las gang dag bgyis na/ des mu tig gi phreng ba mgo la thogs bzhin du btsas la/ rab tu byung nas kyang dgra bcom pa nyid mngon
322a2 sum du bgyis lags/ bcom ldan 'das kyis bka' stsal pa/ dge slong dag/ mu tig nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba'
322a3 rgal bzhin du 'byung la/ gdon mi za bar 'ong ba'i las de dag byas shing bsags pas na/ mu tig nyid kyis las byas shing bsags pa de dag gzhan su zhig gis nyams
322a4 su myong bar 'gyur te/ dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang /
322a5 rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams
322a6 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs zhing dus la bab pa na/ 'bras bu nyid du smin par
322a7 'gyur/ /dge slong dag /sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs
322b1 pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs
322b2 rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA si na drang srong smra ba ri dwags kyi nags na rten cing bzhugs so/ /de nas re zhig na/ ded dpon
322b3 zhig rgya mtsho chen po'i nang du zhugs pa las nye zho med pa gru'i don grub ste phyir 'ongs so/ /de nas des mu tig gi phreng ba mchog tu bzang ba zhig khyer te 'ongs so/ /de'i chung
322b4 ma yang gzugs bzang zhing blta na sdug la mdzes pa zhig ste/ des de'i mgo bo la btags so/ /de nas des wA ra NA si na khyim bdag dad pa dang ldan la/ dge zhing bsam pa
322b5 bzang ba/ bdag la phan pa dang / gzhan la phan pa la zhugs pa/ snying rje can bdag nyid che ba chos 'dod pa zhig gnas pa de'i blo skyes pa/ ma la/ bdag gis dad pa bsdus la/ bcom ldan 'das 'od
322b6 srung gi bstan pa lo lnga pa'i dus ston bya gor ma chag snyam mo/ /de nas rgyal po kr-i krI la gsol te/ bdag gis dad pa bsdus la/ bcom ldan 'das kyi lo lnga'i bar du dus ston bgyi bar 'tshal lo zhes
322b7 byas so/ /rgyal pos kyang de ltar gyis shig ces bsgo'o/ /de nas khyim bdag de glang po che la zhon te/ grong khyer wA ra NA si'i lam po che dang / bzhi mdo dang / sum mdo dag tu
323a1 tu song nas/ dad pa sdud par byed do/ /de nas re zhig na ded dpon gyi chung mas mu tig gi phreng ba mgo bo la phog nas dad pa sdud pa la phul lo/ /de
323a2 nas re zhig na ded dpon 'ongs pa dang / mu tig gi phreng ba mgo bo la phog par mthong nas/ bzang mo/ mu tig gi phreng ba de ga re zhes dris so/ /de nas des smras pa/ jo bo
323a3 bcom ldan 'das kyi bstan pa la dad pa sdud pa la phul gyi dgyes pa bskyed du gsol/ dad pa bskyed du gsol/ /zhes byas so/ /de nas re zhig na ded dpon gyis rin po ches
323a4 phyir blus nas chung ma de nyid la byin na/ de phyir len du ma btub ste/ bdag gis 'di yongs su btang ba lags so zhes byas so/ /khyim thab kyis smras pa/ bzang mo/ ngas
323a5 'di gser dngul mang pos nyos na ci'i phyir mi 'dod/ de nas bu mo des de blangs nas me tog mang po gsags te/ spos dang / me tog phreng la sogs pa'ang khyer nas
323a6 drang srong smra bar song ngo / /de nas dri gtsang khang spos kyis byugs nas/ me tog gis gtor te/ mu tig gi phreng ba ni bcom ldan 'das kyi dbu la bor nas bcom ldan 'das
323a7 'od srung gi dbu la gnas par gyur to/ /de nas dad pa skyes te smon lam btab pa/ bdag gis kyang yon tan 'di lta bu dag thob par gyur cig /ston pa 'di kho na lta bu dag
323b1 mnyes par byed par gyur cig /mi mnyes par byed par ma gyur cig ces byas so/ /dge slong dag /ji snyam du sems/ de'i tshe de'i dus na ded dpon gyi chung mar gyur pa gang yin pa de
323b2 ni mu tig 'di yin te/ des bcom ldan 'das 'od srung la bkur sti byas pa des na gzugs bzang zhing blta na sdug la mdzes pa dang / de'i mgo la'ang mu tig gi phreng ba byung bar gyur
323b3 to| |rgyu de nyid kyis na da ltar yang dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa'ang gcig tu
323b4 nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dres ma rnams ni rnam par
323b5 smin pa'ang 'dres mar gyur to/ /dge slong dag /de bas na las gcig tu nges par gnag pa rnams dang / las 'dres ma rnams spangs la/ las gcig tu nges par dkar ba rnams
323b6 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong dag yi rangs te bcom ldan 'das
323b7 kyis gsungs pa la mngon par bstod do// //ka tsang ga la zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po
324a1 rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin
324a2 rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod
324a3 pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom
324a4 ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zod rnams brnyes pa/ nyan thos
324a5 kyi dge 'dun dang bcas pa yul ka tsang ga la na/ ka tsang ga la'i nags khrod na bzhugs so/ /de'i tshe yul ka tsang ga la de la ni rgan mo ka tsang ga la zhes bya ba zhig
324a6 gnas pa des bum pa thogs te/ khron pa'i drung du chu chur song ba dang / der bcom ldan 'das kyis tshe dang ldan pa kun dga' bos bka' stsal pa/ kun dga' bo khyod song
324a7 la rgan mo de la bcom ldan 'das skyems kyi/ chu phul cig ces gyis shig /de nas kun dga' bos bsgo nas/ de na re/ 'phags pa/ bdag nyid kyis 'tshal te mchi'o zhes
324b1 zer ro/ /de nas re zhig na ka tsang ga las bum pa chus bkang ste/ bcom ldan 'das kyi thad du song ba dang / ka tsang ga las sangs rgyas bcom ldan 'das sku skyes bu chen po'i
324b2 mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis legs par brgyan pa/ nyi ma stong bas lhag pa'i
324b3 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bu la byams pa'i sems skyes te/ nu ma gnyis las kyang 'o ma'i rgyun bab nas
324b4 nges/ bu bu zhes smras te/ bcom ldan 'das la 'khyud par byed do/ /de nas dge slong rnams kyis de bkag pa dang / bcom ldan 'das kyis bka' stsal pa/ dge slong dag khyed
324b5 kyis rgan mo 'di ma bkag cig /de'i phyir zhe na/ 'di ni tshe rabs lnga brgya'i bar du rgyun du nga'i mar gyur te/ nga la bu yi byams pa yis/ /'di ni lus la 'khyud par byed/ /nga
324b6 yi lus la khyud pa las/ /gal te 'di ni bkag gyur na/ /'di ni de'u re 'phral nyid du/ /kha nas khrag dron skyugs par 'gyur/ /bu la byams pa 'di mthong nas/ /drin du gzo
324b7 ba dran gyur te/ /snying yang rje zhing snying brtse bas/ /lus la yang ni 'khyud du gzhug /de nas re zhig na de bu la byams brtse zhil nas/ chos nyan pa'i phyir bcom ldan 'das kyi spyan
325a1 sngar 'dug go /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i
325a2 bden pa bzhi rtogs par 'gyur ba de lta bu'i chos bstan pa mdzad de/ de thos nas ka tsang ga las 'jig tshogs la lta ba'i ri'i rtse mo mthon po nyi shu ye shes rdo rjes
325a3 bcom nas rgyun du zhugs pa'i 'bras bu mngon sum du byas te/ des bden pa mthong nas tshigs su bcad de smras pa/ dka' ba byed pa'i ma la ni/ /bu bzang gis ni gang
325a4 bya ba/ /sems ni grol bar 'gro 'gyur ba/ /de ni khyod kyis bdag la byas/ /bdag ni khyod kyis rab bsgrims te/ /ngan 'gro dag las phyung nas kyang / /mtho ris thar pa dag
325a5 la bzhag /khyad par shin tu chen por spags/ /de nas re zhig na des jo bo la gsol te/ bcom ldan 'das kyi bstan pa la rab tu byung nas/ des brtson pa dang / bsgrub
325a6 pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par
325a7 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams
325b1 gsum pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur
325b2 bsil par gyur pa/ rig pas sgo nga'i spubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur
325b3 sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas gang gi tshe bcom ldan 'das kyis dge
325b4 slong ma rnams la mdor lung dpog pa mdzad nas/ nang du yang dag 'jog las bzhengs pa de'i tshe/ ka tsang ga las dge slong ma rnams la brda sprod par byed do/ /der bcom
325b5 ldan 'das kyis dge slong rnams la bka' stsal pa/ dge slong dag /nga'i nyan thos kyi dge slong ma mdo sde rnam par 'byed pa rnams kyi mchog ni/ 'di lta ste/ dge slong ma ka tsang
325b6 ga la yin no/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa ka tsang ga la las gang dag bgyis na de
325b7 rgas nas gdod rab tu byung lags/ las gang dag bgyis na des bran mor gyur lags/ las gang dag bgyis na des bcom ldan 'das mngal na gnas pa tha mar 'dzin par
326a1 ma gyur lags/ de ci'i slad du rab tu byung nas dgra bcom pa nyid mngon sum du bgyis te/ mdo sde rnam par 'byed par bgyid pa rnams kyi mchog tu
326a2 bstan lags/ bcom ldan 'das kyis bka' stsal pa/ dge slong dag /ka tsang ga la nyid kyis tshe rabs gzhan dag tu tshogs rnyed cing rkyen grub pa dang ldan te/ dpa' rgal
326a3 bzhin du 'byung la gdon mi za bar 'ong ba'i las de dag byas shing bsags pas na/ ka tsang ga la nyid kyis las byas shing bsags pa de dag gzhan su zhig gis nyams
326a4 su myong bar 'gyur te/ dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang /
326a5 rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni/ zin pa'i phung po dang / khams dang / skye mched rnams 'ba'
326a6 zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur//
326a7 dge slong dag /sngon byung ba 'das pa'i dus na/ nga byang chub sems dpa'i spyad pa spyod pa na tshe rabs lnga brgyar rgyun chags par 'di nga'i mar gyur te/ gang gi tshe nga rab tu 'byung
326b1 bar 'dod pa de'i tshe/ 'dis nga'i bgegs byas te las de'i rnam par smin pas ni rgas nas gdod rab tu byung ngo / /nga sbyin par byed pa na 'dis nga'i sbyin pa'i bar chad byas pa des ni
326b2 dbul mor gyur to/ /'dis sgyu 'phrul chen mo lta bu'i che bar grags par 'gyur ba'i las de lta bu ma byas pa de ni nga mngal na gnas pa tha ma'i tshe 'dis ma bzung ngo / /gzhan yang / bcom
326b3 ldan 'das 'od srung gi ring la rab tu byung nas des slob pa dang / mi slob pa'i dge slong ma rnams la bran mo zhes bya ba'i tshig smras te/ des na bran mor gyur to/ /des der bslabs shing kha ton du
326b4 byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang / gnas ma yin pa la mkhas par byas pa
326b5 des ni da ltar dgra bcom pa nyid mngon sum du byas te/ mdo sde rnam par 'byed par byed pa rnams kyi mchog tu bstan to/ /dge slong dag /de ltar na las gcig tu nges par gnag
326b6 pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur
326b7 ro| |las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gnag pa rnams dang / las 'dres ma rnams spangs la/
327a1 las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces
327a2 bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/
327a3 bam po bco brgyad pa/ bde byed ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi
327a4 rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang /
327a5 mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam
327a6 mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas
327a7 dang | gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag
327b1 bdag mgon med zas sbyin gyi kun dga' ra ba na bzhugs so/ /de'i tshe ko sa la'i rgyal po gsal rgyal dang / rgyal po tshangs pas byin gnyis phan tshun mi mthun par gyur to/ /de nas
327b2 re zhig na/ kau sa la'i rgyal po gsal rgyal de'i yul 'dab tu song nas phru ma btab ste 'dug go /rgyal po tshangs pas byin gyis kyang dpung yan lag bzhi pa/ glang po che'i tshogs dang /
327b3 rta'i tshogs dang / shing rta'i tshogs dang / de dpung bu chung gi tshogs go bskon nas chu klung zhig gi gram du phru ma btab ste 'dug go /de nas re zhig na ko sa la'i rgyal po gsal rgyal
327b4 gyis de nyid du btsun mo dam pa khrid de/ de de dang lhan cig tu rtse zhing dga' la dga' mgur spyod de/ /rgyal po tshangs pas byin yang btsun mo dang lhan cig tu rtse zhing dga' la dga'
327b5 mgur spyod do/ /de nas nyi ma gcig tu ko sa la'i rgyal po gsal rgyal gyi bu mo'ang btsas/ rgyal po tshangs pas byin gyi bu pho'ang btsas so/ /de nas re zhig na rgyal po gnyi ga'i
327b6 pho brang 'khor na dga' ba'i rnga rdung bar byed do/ /slong ba rnams la'ang sbyin pa dag sbyin par byed do/ /de nas re zhig na rgyal po gsal rgyal gyis mi dag la dris te/ tshangs pas byin gyi pho
327b7 brang 'khor 'dir ci zhig byung na 'di ltar dga' ston byed ces byas nas/ de dag gis kyang rgyal po tshangs pas byin gyi bu pho btsas so zhes gsol to/ /rgyal po tshangs pas byin gyis
328a1 kyang de bzhin du dris nas/ rgyal po gsal rgyal gyi bu mo bcas so zhes gsol to/ /de nas rgyal po tshangs pas byin gyis rgyal po gsal rgyal la pho nya
328a2 btang ste/ khyod kyi bu mo btsas pa'i phyir mchod sbyin byed do zhes bdag gis thos la/ bdag gi 'ang bu pho btsas kyi/ bu mo de bdag gi bu la byin cig dang / de ltar byas na
328a3 gnyen du'ang 'gyur la/ ji srid 'tsho'i bar du'ang 'khon med par 'gyur ro zhes byas so/ /de nas rgyal po gsal rgyal gyis kyang de ltar bya'o zhes khas blangs so/ /de nas
328a4 de gnyis phan tshun du mdza' bo byas nas bde bar gyur te/ rgyal po tshangs pas byin gyi khye'u btsas pa'i btsas ston byas nas/ khye'u'i ming bde byed ces btags su/ /gos
328a5 la'i rgyal po gsal rgyal gyis kyang bu mo bcas pa'i btsas ston byas nas/ bu mo'i ming bde byed ma zhes btags so/ /de nas gnyis ka'ang bskyed bsrings nas/ re zhig na
328a6 mthar gyis cher skyes so/ /de nas khye'u des bu mo de la do shal dang / se mo dang / phreng ba dang / rna cha dang / mgul rgyan rnams bskur ro/ /de nas gang gi tshe bu mo de chen
328a7 mor gyur pa de'i tshe/ /des bcom ldan 'das kyi bstan pa la dad pa rnyed de/ 'dod pa rnams la'ang nyes par lta bar gyur to/ /de nas des de dag la dris pa/ skyes 'di
328b1 rnams gang las 'ongs zhes byas pa dang / 'khor rnams kyis kyang gtan tshig dang bcas te rgyas par bsnyad do/ /de nas de thos nas yab la gsol pa/ yab| bdag ni 'dod
328b2 pa rnams don du gnyer ba ma lags te/ bcom ldan 'das kyi bstan pa la rab tu 'byung bar 'tshal gyi/ yab kyis bdag la gnang par mdzad du gsol/ rgyal pos smras pa/ bu
328b3 mo| gang gi phyir khyod btsas pa na/ nga bde bar gyur bas na 'di ni ngas bcos su med do/ /de nas ko sa la'i rgyal po gsal rgyal gyis/ rgyal po tshangs pas byin la pho nya btang ste/ bu
328b4 mo 'di ni rab tu 'byung bar 'dod kyi/ tshur shog la 'di long zhig ces byas so/ /de nas re zhig na rgyal po tshangs pas byin gyis dus btab ste/ de ste zhag bdun na 'ong gi khyod kyis
328b5 bya ba dang / bsham par bya ba gang yin pa de dag gyis shig ces byas so/ /de nas bu mo bde byed mas zhag bdun na bag mar len no zhes zer ba'i gtam de thos so/ /de nas
328b6 bde byed ma 'jigs shing skrag la mi dga' ste/ skyi bung zhes byas nas khang thog tu song ste/ rgyal bu rgyal byed kyi tshal logs su phyogs nas sangs rgyas bcom ldan 'das la
328b7 gsol ba btab bo/ /yang smras pa/ drang srong chen po thugs rtse thugs rje gnas pa bsam gtan mdzad/ /'dul mdzad zhi ba'i thugs ldan rab zhi 'dul ba'i cho ga mkhyen//
329a1 bdag ni mgon po khyod la skyabs su mchis kyi mgon khyod kyis/ /mgon med bdag ni tshul bzhin ngan song dag las dgrol du gsol/ /de'i
329a2 skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med pa/ sangs rgyas bcom ldan
329a3 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsungs
329a4 pa zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo
329a5 bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis
329a6 mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang
329a7 ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa| lam yan lag brgyad
329b1 pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa brgya phrag bcu pa la dbang
329b2 byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/
329b3 su ni phongs shing 'dug /su ni nyams nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/
329b4 su ni ngan song du bab/ su ni ngas ngan song nas phyung ste/ mtho ris dang thar pa dang / 'bras bu la gzhag par bya/ su ni 'dod pa'i 'dam du byid pa las lag pa nas drang bar bya/ su ni
329b5 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba
329b6 rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go /'dir smras pa/ rgya mtsho chu srin rnams
329b7 kyi gnas/ dus rlabs yol bar 'gyur yang srid/ /dga' bar bya ba'i sras rnams la/ /sangs rgyas dus las yol ba med/ /de nas bcom ldan 'das kyi bde byed ma gdul ba'i dus la
330a1 bab par gzigs te/ rdzu 'phrul gyis gshegs te byon nas/ 'phags pa'i bden bzhi rtogs par 'gyur ba de lta bu'i chos bstan te/ de thos nas bde
330a2 byed mas phyir mi 'ong ba'i 'bras bu thob ste/ mngon par shes pa'ang bsgrubs so/ /de nas bde byed ma 'dod pa'i khams nas 'das te/ gnyen po thob nas 'jigs pa med pa
330a3 la gnas par gyur to/ /de nas re zhig na zhag bdun lon te/ bag ma len pa'i dus la bab pa na/ rgyal po'i bu skye bo brgya phrag du ma dang lhags te mchod sbyin gyi stegs bu'i
330a4 drung du 'ongs nas/ bram ze mdun na 'don gyis 'bras yos dang / mar dang / yungs kar ma grugs pa rnams byin no/ /de nas khye'u dang bu mo gnyis lag pa sbrel par ched pa dang
330a5 bde byed ma ngang pa'i rgyal po 'dab ma brkyang pa bzhin du nam mkha' la mngon par 'phags nas/ cho 'phrul rnam pa sna tshogs ston pa srog chags du mas mthong ngo / /de nas ko
330a6 sa la'i rgyal po gsal rgyal dang / rgyal po tshangs pas byin dang / rgyal po'i bu bde byed dang / gzhan yang / sems can ltad mo la lhags pa rnams mchog tu ya mtshan du gyur
330a7 nas| rkang pa la phyag btsal te gsol ba btab pa/ bu mo/ khyod kyis chos 'di lta bu dag mngon du byas pa las na/ /khyod 'dod pa spyod pa 'di ni mi srid kyi/ bzod pa mdzod cig
330b1 ces byas so/ /de nas bde byed ma nam mkha' las babs nas/ skye bo mang po'i gung la 'dug ste/ chos gang thos na srog chags 'bum phrag du mas bden pa mthong bar 'gyur ba de lta
330b2 bu'i chos ston to/ /de nas bu mo bde byed mas phal gsol te/ bcom ldan 'das kyi thad du song nas/ bcom ldan 'das kyis skye dgu'i bdag mo chen mor gtad do/ /de nas de rab tu byung nas
330b3 des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang /
330b4 rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum
330b5 pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil
330b6 bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/
330b7 dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /der bcom ldan 'das kyis dge slong rnams la bka' stsal pa/ dge slong
331a1 dag nga'i nyan thos kyi dge slong ma shes rab che ba dang / spobs pa che ba rnams kyi mchog ni| 'di lta ste/ dge slong ma bde byed ma 'di yin no/ /de nas dge
331a2 slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ bde byed mas las gang dag bgyis na des shes rab che ba dang /
331a3 spobs pa che ba rnams kyi mchog tu bstan lags/ bcom ldan 'das kyis bka' stsal pa/ dge slong dag/ bde byed ma nyid kyis sngon tshe rabs gzhan dag tu tshogs rnyed
331a4 cing rkyen grub pa dang ldan te/ dpa' rgal bzhin du 'byung la gdon mi za bar 'ong ba'i las de dag byas shing bsags pas na/ bde byed ma nyid kyis las byas shing bsags
331a5 pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/
331a6 chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po
331a7 dang | khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshegs shing dus la
331b1 la bang pa na/ /'bras bu nyid du smin par 'gyur/ /dge slong dag| sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ de bzhin gshegs
331b2 pa| dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med
331b3 pa| lha dang / mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA si na drang srong smra ba'i ri dwags kyi nags na rten
331b4 cing bzhugs so/ /de nas re zhig na/ de na tshong dpon gyi bu mo zhig bcom ldan 'das 'od srung gi bstan pa la rab tu byung nas des bcom ldan 'das 'od srung gi bstan pa la sbyin pa
331b5 dang rab tu sbyin pa dag sbyin te/ lo khri nyis stong gi bar du tshangs par spyod pa'i gnas bsrungs kyang yon tan gyi tshogs ci yang mi thob bo/ /de mkhan mo gang las rab tu byung ba de ni bcom
331b6 ldan 'das 'od srung gis shes rab can gyi mchog tu bstan to/ /de nas des smon lam btab pa/ ji ltar bdag gi mkhan mo shes rab can gyi mchog tu bstan pa de bzhin du/ bdag
331b7 kyang ma 'ongs pa'i dus su bcom ldan 'das 'od srung gis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa/ de bzhin gshegs pa/ dgra bcom pa/ yang dag
332a1 par rdzogs pa'i sangs rgyas shAkya thub pa zhes bya bar 'gyur ro zhes bya bar lung bstan pa gang yin pa de'i bstan pa la bdag rab tu byung nas shes rab can
332a2 rnams kyi mchog tu gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na/ tshong dpon gyi bu mor gyur
332a3 pa gang yin pa de ni dge slong ma bde byed ma 'di yin te/ des sbyin pa dang / rab tu sbyin pa dag byin pa des na rgyal po phyug po'i rigs su skyes so/ /des lo khri nyis stong gi bar du
332a4 tshangs par spyod pa'i gnas bsrungs pa des ni da ltar dgra bcom pa nyid mngon sum du byas so/ /dge slong dag /de ltar na las gcig tu nges par gang pa rnams ni rnam
332a5 par smin pa'ang gcig tu nges par gang par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las
332a6 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gang pa rnams dang / las 'dres ma rnams spangs la/ las
332a7 gcig tu ngas par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong
332b1 de dag yid rangs te bcom ldan 'das kyis gsungs pa la mngon par bstod do// //mi sdug ces bya ba ni/ sangs rgyas bcom ldan 'das la rgyal po rnams dang / blon po
332b2 chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha
332b3 ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu
332b4 dang | gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang
332b5 ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ mnyan du yod pa na rgyal bu rgyal
332b6 byed kyi tshal khyim bdag mgon med zas sbyin gyi kun dga' ra ba na bzhugs so/ /de nas de'i tshe mnyan du yod pa na ko sa la'i rgyal po gsal rgyal po byed de/ de'i ring la 'byor pa
332b7 dang | rgyal pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge
333a1 dang | nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu
333a2 gcig pa la bya ba bzhin du rgyal srid bskyangs so/ /de nas re zhig na rgyal po de btsun mo zhig dang lhan cig tu rtse zhing dga' la dga' mgur spyod do/ /de rtse zhing dga' la dga'
333a3 mgur spyod pa las btsun mo la bu chags nas de zla ba brgyad dam dgu lon pa dang bu byung ste/ bu mo mi sdug pa'i sna grangs bco brgyad dang ldan pa zhig btsas so/ /de nas de
333a4 btsas pa'i btsas ston byas nas/ ming ra s+tha zhes btags so/ /de nas gang gi tshe mthar gyis bag mar gtang ran par gyur pa de'i tshe/ su la byin na'ang mi sdug ches pas
333a5 sus kyang ma blangs so/ /de nas re zhig na lho phyogs nas ded dpon gang ga zhes bya ba phyug chen zhig 'ongs so/ /de nas rgyal po gsal rgyal gyis blo skyes pa/ ded dpon gang
333a6 ga 'di ni 'di'i skyon gyi rgyus mi shes kyis ngas 'di de la sbyin gor ma chag snyam mo/ /de nas rgyal pos mtshan mo mun sros pa dang / gang ga pho nyas bkug nas bu mo de rgyan
333a7 thams cad kyis bklubs te chung mar byin no/ /de nas ra s+tha gang ga la byin nas gang gar s+tha gang ga ra s+tha zhes bya ba'i ming byung bar gyur to/ /de nas re zhig na ded dpon gang gas phyi de nyin par
333b1 nam nangs te/ bu mo de bltas na mchog tu mi sdug pa mthong ngo / /mthong nas kyang skrag par gyur kyang rgyal po las bsams te/ 'dor ma phod nas bdag gi khyim 'ba'
333b2 zhig tu 'jog go /de nas re zhig na ded dpon gang ga dus ston zhig la chas te/ mdza' sde rnams kyi nang du song ngo / /mdza' sde rnams kyis kyang nang khrims bcas te/ su chung ma dang
333b3 bcas te skyed mos tshal ga ge mo zhig tu ma song ba de mdza' sde rnams la chad par kAr Sha pa Na lnga brgya sbyin du gzhug go zhes byas so/ /de nas gang ga bdag gi khyim du 'ongs nas mya ngan
333b4 gyi khang bur zhugs te/ lag pa la rkom tshugs bcas nas sems khong du chung cing 'dug go /de nas de blo skyes pa/ ma la/ bdag gis chad pa 'jal ba ni ches bla yi/ bdag gis 'di de dag
333b5 la bstan du ni mi rung ste/ mthong ma thag tu gtam ngan par 'gyur du 'ong ngo snyam mo/ /de nas gang gis sgo bcad de chad pa kAr Sha pa Na lnga brgya khyer nas mdza' sde rnams kyi nang du song ngo / /de nas bu
333b6 mo de yid mi dga' ba chen po skyes nas/ bdag 'tsho ba 'di 'dra bas 'tsho bas ci rung / gson cing 'dug na khyim thab kyang sems mi bde la bdag kyang sems mi bde/ da ni bdag gis bdag gsad pa'i
333b7 dus la bab bo snyam mo/ /de nas thag pa khyer te khang phugs su 'gegs su song ngo / /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs
334a1 pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa 'jig rten la phan 'dogs pa la zhugs pa/ srung
334a2 ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum la
334a3 legs par bslabs pa/ 'dul ba'i gzhi gsum la mkhas pa/ chu bo bzhi las brgal pa/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po
334a4 bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs
334a5 pa| 'grong lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag par gnas par bya ba drug la gnas pa/ byang chub kyi yan
334a6 lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs
334a7 bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum/ mtshan dus gsum du sangs
334b1 rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga pa dang /
334b2 gnod pa dang ldan/ su ni ngan song du gzhol| su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su
334b3 ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge
334b4 ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du
334b5 ye shes gzigs pa 'jug go /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus la yol
334b6 ba med/ /de nas bcom ldan 'das rgyal bu rgyal byed kyi tshal na bzhugs pas 'od zer gser gyi kha dog can bkye ste/ des khyim de nyi ma stong shar ba bzhin du snang bar byas nas/ rdzu
334b7 'phrul gyis kyang der gshegs te/ 'gul pa nas 'gag thag bkrol nas bu mo de dbugs phyung ngo / /'jig rten du ngo mtshar rmad du byung ba'i gnas drug 'byung ba yod de/ de bzhin
335a1 gshegs pa dang / de bzhin gshegs pas gsungs pa'i chos 'dul ba dang / mir skye ba dang / 'phags pa gnas par skye ba dang / dbang po tshang ba dang /
335a2 dge ba'i chos la 'dun pa dang / ngo mtshar rmad du byung ba 'jig rten du byung ba yod do/ /de nas bcom ldan 'das kyis bu mo de la de dang mthun pa'i chos bstan te/ de thos nas bu mo
335a3 des 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so/ /de nas dad pa rnyed nas bcom ldan 'das
335a4 bshos gsol te na bza' yang phul lo/ /de nas bu mo de'i mi sdug pa med par gyur te bzang mor gyur nas lha'i bu mo bzhin du khang phugs 'od kyis snang bar byas te 'dug go /
335a5 bcom ldan 'das kyang slar gshegs so/ /de nas bu mdza' sde bo rnams kyi blo skyes pa/ gor ma chags par 'di'i chung ma ni mchog tu sdug pa zhig na des phrag dog gis rang bzhin
335a6 gyis chad pa 'jal ba dang bsngos te/ de bstan par ni mi 'dod kyi/ bdag cag gis 'di chang sna mi mthun pas ra ro bar byas la lde mig rnams blangs te/ 'di'i khyim du song la
335a7 chung ma blta'o snyam mo/ /de nas de dag gis chang gar po sna mi mthun pas gtu lum par bas nas/ lde mig rnams khyer te khyim du song nas sgo rnams phye ste bu mo de mthong
335b1 ngo| |mthong nas kyang ya mtshan du gyur te bsams pa/ gang gas 'di bdag cag la mi bstan ni yus so snyam mo/ /de nas de dag phyir log ste/ gang ga chang gi dbang gis gnyid
335b2 log cing 'dug pa las bslang nas smras pa/ gang ga /khyod kyi chung ma de ltar sdug pa ni khyod kyis rnyed pa legs par rnyed do zhes byas so/ /de nas gang ga lhag par yang mi dga'
335b3 bar gyur te/ chad pa'ang bdag gis gcal la/ bdag la gtam ngan par yang gyur to snyam mo/ /de nas mi dga' bzhin du bdag gi khyim du 'ongs nas sgo phye ste chung ma la bltas na
335b4 nags tshal me tog rgyas pa'i nang na nags kyi lha mo 'dug pa bzhin du shin tu mdzes pa mthong nas dris pa/ bzang mo de ci/ ci zhig byas na 'di lta bu'i gzugs khyad par can
335b5 du gyur ces byas so/ /de nas ji ltar gyur pa thams cad khyim thab la bsnyad de/ de thos nas des kyang bcom ldan 'das la dad pa rnyed do/ /de nas re zhig na bu mo des mthar gyis khyim thab
335b6 la gsol te/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan
335b7 par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad
336a1 spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam
336a2 pa| nam mkha' dang lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i spubs bcom pa/ rig pa dang / mngon par
336a3 shes pa dang / so so yang dag par rig pa thob pa/ srid pa'i rnyed pa dang / chags pa dang / bkur stil mi lta ba/ dbang po dang / nye dbang dang bcas pa'i lha rnams kyis mchod cing
336a4 rjed pa dang / gus par smra ba'i gnas su gyur te/ de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ ra s+thas
336a5 las gang dag bgyis na/ des phyug po'i rigs su skyes lags/ las gang dag bgyis na des mi sdug par gyur la/ rab tu byung nas dgra bcom pa nyid mngon sum du bgyis
336a6 lags/ bcom ldan 'das kyis bka' stsal pa/ dge slong dag /ra s+tha nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung
336a7 la gdon mi za bar 'ong ba'i las de dag byas shing bsags bas na/ ra s+tha nyid kyi las byas shing bsags pa de dag gzhan su zhig gis nyams su myong bar 'gyur te/ dge slong dag /
336b1 las byas shing bsags pa rnams ni phyi rol gyi sa'i khams la rnam par smin bar mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las
336b2 dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las
336b3 rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ grong khyer wA ra
336b4 NA si na tshong dpon gyi chung ma gtum zhing brlang la gzu lum can zhig 'dug go /sangs rgyas rnams 'jig rten du mi 'byung ba'i tshe/ rang sangs rgyas sdug cing phongs pa rnams la
336b5 snying brtse ba/ bas mtha'i gnas mal gyis 'tsho ba/ 'jig rten na yon gnas gcig pu rnams 'jig rten du 'byung ste/ de nas re zhig na rang sangs rgyas mi sdug pa zhig de'i khyim
336b6 du song ba dang / des mi sdug pa 'di lta bu nga'i khyim du ci 'dod ces spyos mang du brgyad nas khyim nas bskrad do/ /de nas rang sangs rgyas des de la phan gdags pa'i phyir/ ngang pa'i rgyal
336b7 po 'dab ma brkyang ba bzhin du nam mkha' la mngon par 'phags nas/ cho 'phrul rnam pa sna tshogs bstan to/ /de nas tshong dpon gyi chung ma 'gyod pa skyes nas de la gzod pa gsol
337a1 te| bshos kyang phul nas smon lam btab pa/ bdag gis rang sangs rgyas la spyos brgyad pa de'i las kyi rnam par smin pa myong bar ma gyur cig /
337a2 'di lta bu'i chos dag kyang thob par gyur cig /'di las kyang khyad par du 'phags pa'i ston pa mnyes par gyur cig /mi mnyes par byed par ma gyur cig ces byas so/ /dge
337a3 slong dag /ji snyam du sems/ de'i tshe de'i dus na tshong dpon gyi chung mar gyur pa gang yin pa de ni ra s+tha 'di yin te/ der rang sangs rgyas la bshos phul ba de'i las kyi rnam
337a4 par smin pas ni rgyal po phyug po'i rigs su skyes so/ /mi sdug pa'i tshig smras te/ /khyim nas bskrad pa des ni mi sdug par gyur to/ /gzhan yang / bcom ldan 'das 'od srung gi
337a5 ring la rab tu byung ste/ des der bslabs shing kha don du byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel bar
337a6 'byung ba la mkhas pa dang / gnas dang / gnas ma yin pa la mkhas par byas pa dang / tshangs par spyod pa'i gnas bsrungs pa des ni da ltar dgra bcom pa nyid mngon sum du byas
337a7 so| |dge slong dag /de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams
337b1 ni rnam par smin pa rang gcig tu nges par dkar bar 'gyur ro/ /las 'dres ma rnams ni rnam par smin pa yang 'dres mar 'gyur ro/ /dge slong dag /de bas na las gcig tu nges par ni rnam par smin pa rang gcig tu nges par dkar bar 'gyur ro/ /las 'dres ma rnams ni rnam par smin pa yang 'dres mar 'gyur ro/ /dge slong dag /de bas na las gcig tu nges par
337b2 gnag pa rnams dang / las 'dres ma rnams spangs la/ las gcig tu nges par dkar pa rnams 'ba' zhig la gtad par bya ste/ dge slong / khyed kyis de ltar bslab par bya'o/ /bcom
337b3 ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtog pa
337b4 brjod pa brgya pa las/ sdom gyi tshigs su bcad pa brgyad pa rdzogs so// //sdom ni/ rgya mtsho dang ni snam dang / /lag na gser thogs sde snod gsum/ /grags bshes
337b5 rdzus te skyes pa dang / /mdzes ldan dang ni ka pi na/ /bzang ldan dang ni yul 'khor bsrung / sde tshan dag tu bstan pa yin/ /rgya mtsho zhes bya ba ni/ sangs rgyas bcom ldan 'das la rgyal
337b6 po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
337b7 gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod
338a1 pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes
338a2 pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zod rnams
338a3 brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
338a4 de'i tshe mnyan du yod pa na ded dpon zhig gnas pa des rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing
338a5 dga' la dga' mgur spyod pa las re zhig na de'i sems skyes pa/ bdag ji srid du lang tshol bab pa de srid du ni nor spel bar bya'o/ /phyis rgas pa'i tshe ni bde bar longs
338a6 spyod par bya'o snyam mo/ /de nas ded dpon de g.yog 'khor tshong pa lnga brgya dang rgya mtsho'i gru nyos nas chung ma dang bcas te rgya mtsho chen po'i nang du zhugs so/ /de nas re zhig
338a7 na de'i chung ma la bu chags nas/ rgya mtsho de nyid kyi nang du bu byung ste/ khye'u gzugs bzang zhing blta na sdug la mdzes pa zhig btsas so/ /de nas de btsas pa'i btsas ston byas
338b1 nas| ming rgya mtsho zhes btags so/ /de nas re zhig na ded dpon de gru don grub nas nye zho med par rgya mtsho chen po nas phyir 'khor te/ de nas gang gi tshe khye'u rgya mtsho cher skyes
338b2 pa de'i tshe/ phas ded dpon du bskos nas g.yog 'khor tshong pa lnga brgya dang rgya mtsho chen por btang ste/ de mthar gyis song song ba las/ grong dang / grong rdal dang / grong khyer dang / yul
338b3 'khor dang / rgyal po'i pho brang 'khor dang / tshong 'dus rnams mthong nas rgya mtsho'i 'gram du phyin te/ kA ra Sha pa Na lnga brgyas gru'i gla byas nas/ zho shas 'tsho ba rnam pa lnga ste/ gru shol ba
338b4 dang | chu 'phyag pa dang / mnyan pa dang / phye'u zul mkhan dang / ru skya 'dzin pa rnams kyang khrid de/ de lan gsum du dril bsgrags nas rgya mtsho chen por zhugs so/ /de nas de dag
338b5 rgya mtsho chen por song ba dang / srin po nag po'i rlung gis gru de phu mdar bskor to/ /ded dpon rgya mtsho ni mu stegs can la dga' ste/ de dus ma yin par 'chi bas 'jigs skrag
338b6 nas| ston pa drug la gsol ba 'debs pa la zhugs kyang gru de rlung gis ye bskor to/ /de nas re zhig na tshong pa gzhan dag kyang lha stong snyed la gsol ba 'debs pa la zhugs
338b7 te smras pa/ gu lang chu lha ku be ra dang rlung lha me lha dbang chen dang / /drang srong sna tshogs lha dang sa la gnas pa'i klu mang de dag la/ /bdag cag dad pa lags kyi bdag cag 'di
339a1 na 'chi ba'i gnod gyur lags/ /myur du sdug bsngal 'di dag bsal te 'gron po rnams ni bskyab par gsol/ /de nas de dag gis de ltar smre sngags
339a2 bton kyang skyabs byed pa su'ang med do/ /de nas re zhig na dge bsnyen zhig gru de'i nang na 'dug pa des smras pa/ kye/ ston pa drug dang / lha gzhan dag gis kyang khyed la ci byar
339a3 yang med kyi/ mngon sum du yod pa'i lha sangs rgyas bcom ldan 'das la snying nas skyabs su song zhig dang / de khyed kyi skyabs su 'gyur ro zhes byas so/ /de nas ded dpon
339a4 rgya mtsho la sogs pa tshong pa lnga brgya po rnams kyis skad bsnyams te/ sangs rgyas bcom ldan 'das rnams la skyabs su song ngo / /de'i skabs su sangs rgyas bcom ldan
339a5 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang
339a6 ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas
339a7 pa| rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa
339b1 bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng
339b2 ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas
339b3 par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs
339b4 bcu'i stobs dang ldan pa/ phyogs bcur grags pas kun tu rgyas pa/ brgya phrag bcu la dbang byed pa bas ches khyad par du 'phags pa rnams ni chos nyid kyis nyin dus gsum/ mtshan
339b5 dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa
339b6 dang | nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang /
339b7 'bras bu la gzhag par bya/ su ni 'dod pa'i 'dam du bying pa las la gnas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug
340a1 la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su
340a2 smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go /'dir smra ba/ rgya mtsho chu srin rnams kyi gnas/ /dus rlabs
340a3 yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas re zhig na bcom ldan 'das rgyal bu rgyal byed kyi tshal na bzhugs
340a4 pas nyi ma stong pas lhag pa'i 'od gser gyi kha dog lta bu'i 'od zer bkye nas/ de dag gis tshong pa de dag kun nas snang bar byas so/ /bskal pa stong du yongs su bsgoms pa'i
340a5 byams pa'i 'od zer dag kyang bkye ste/ de dag gis sim par byas nas/ srin po nag po'i rlung yang bzlog go /de nas re zhig na ded dpon na rgya mtsho gru'i don grub nas nye zho med par rgya mtsho
340a6 chen po'i nang nas phyir 'khor te 'chi bas skyo bar gyur pa de nyid kyis sbyin pa dang / rab tu sbyin pa dag byin nas nye du'i skye bo rnams dbugs phyung ste/ dge sbyong dang / bram ze dang /
340a7 bkren pa dang / sdug cing phongs pa rnams sim par byas nas/ tshong pa lnga brgya'i 'khor ril gyis bcom ldan 'das kyi bstan pa la rab tu byung ste/ des brtson pa dang / bsgrub
340b1 pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan pa rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang /
340b2 rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags
340b3 dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i
340b4 spubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye
340b5 dbang dang bcas pa'i lha rnams kyi mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs rgyas bcom
340b6 ldan 'das la zhus pa/ btsun pa bcom ldan 'das kyis rgya mtsho la sogs pa tshong pa lnga brgya po 'di dag srog phangs pa stsal te/ phongs pa las yongs su bskyabs pa dang / gzha'
340b7 gsang gi mthar thug pa mya ngan las 'das pa la bkod pa ni ngo mtshar lags so/ /bcom ldan 'das kyis bka' stsal pa/ dge slong dag/ da ltar nga 'dod chags dang bral ba/ zhe
341a1 sdang dang bral ba dang / gti mug dang bral ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba
341a2 dang | yid mi bde ba dang / 'khrug pa rnams las yongs su grol ba/ thams cad mkhyen pa/ rnam pa thams cad mkhyen pa/ ye shes dang / shes bya thams cad la dbang thob zin pa'i
341a3 tshe| ngas rgya mtsho la sogs pa tshong pa lnga brgya po 'di dag srog phangs pa byin te/ phongs pa las yongs su bskyab pa dang / gzha' gsang gi mthar thug pa mya ngan las 'das pa la
341a4 bkod pa 'di lta la ngo mtshar che ba ci yod/ 'das pa'i dus na nga 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang /
341a5 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba'i tshe yang tshong pa 'di dag nyid ngas yongs
341a6 su bskyabs pa de legs par rab tu nyon la yid la zungs shig dang ngas bshad do/ /dge slong dag /sngon byung ba 'das pa'i dus na rgya mtsho'i 'gram zhig na/ drang srong mngon
341a7 par shes pa lnga dang ldan pa/ dka' thub drag po spyod pa/ zas su rtsa ba dang / 'bras bu za la/ gos su ri dwags kyi g.yang gzhi dang / shing shun gyon pa/ me'i sbyin sreg
341b1 phyed pa zhig gnas so/ /de'ang snying rje can/ bdag nyid che ba/ chos 'dod pa/ skye dgu la byams pa/ phongs par gyur pa rnams la yongs su skyob pa zhig go /de nas re zhig na wA ra
341b2 NA si'i tshong pa lnga brgya rgya mtsho chen po'i nang du 'gro 'dod par gyur te/ de dag mthar gyis song song nas rgya mtsho'i 'gram du phyin pa dang / de dag gis drang srong de mthong nas dad
341b3 pa skyes te/ rkang pa la phyag btsal nas gsol ba btab pa/ bcom ldan 'das/ gal te bdag cag rgya mtsho'i nang du mchis pa las phongs pa 'ga' zhig byung bar gyur na/ bcom
341b4 ldan 'das khyed kyis bdag cag yongs su bskyabs par gsol zhes byas nas/ des kyang gnang ste/ de ltar bya'o zhes byas so/ /de nas tshong pa de dag gis rin po che dag blangs nas
341b5 'dzam bu'i gling logs su chas so/ /de nas re zhig na srin po nag po'i rlung gis kun tu bskor ba las/ drang srong des yongs su bskyabs so/ /de nas gru'i don grub ste/ nye zho med par
341b6 phyir 'phor nas drang srong gi thad du phyin te smras pa/ kye drang srong chen po/ dka' bas 'bad pa dang / snying rje'i rang bzhin 'dis ci zhig bsgrub cing bzhugs/ des smras pa/ 'jig rten
341b7 long ba 'dren pa med cing yongs su 'dren pa med par sems can ma brgal ba rnams grol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang /
342a1 yongs su mya ngan las ma 'das pa rnams yongs su mya ngan las 'da' ba'i sangs rgyas su gyur cig ces byas so/ /de dag gis smras pa/ nam khyod sangs
342a2 rgyas su gyur pa de'i tshe/ bdag cag la'ang dgongs par gsol/ drang srong gis smras pa/ de ltar bya'o/ /bcom ldan 'das kyis bka' stsal pa/ dge slong dag /ji snyam du
342a3 sems/ de'i tshe de'i dus na drang srong du gyur pa gang yin pa de ni nga yin no/ /tshong pa de dag ni rgya mtsho la sogs pa 'di dag yin te/ de'i tshe'ang ngas 'di dag yongs su bskyabs so//
342a4 gzhan yang / bcom ldan 'das 'od srung gi ring la rab tu byung ste/ der de dag gis dbang po yongs su smin par byas pa des na/ da ltar dgra bcom pa nyid mngon sum du byas so/ /dge
342a5 slong dag /de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin
342a6 pa'ang gcig tu nges par dkar bar 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gnag pa rnams
342a7 dang | las 'dras ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis
342b1 de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //snam zhes bya ba ni/ sangs rgyas bcom ldan
342b2 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu
342b3 rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor
342b4 byas| mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom
342b5 ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zod rnams brnyes pa/ nyan thos kyi dge 'dun dang
342b6 bcas pa mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan du yod pa na khyim bdag phyug cing nor mang la longs
342b7 spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma
343a1 blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las bu btsas so cog shi'o/ /de'i tshe
343a2 gnas brtan ma 'gags pa ni khyim der 'grul lo/ /de nas khyim bdag de'i blo skyes pa/ gnas brtan ma 'gags pa 'di ni bsod nams kyi rnam par smin pas che bar grags pa
343a3 yin gyi/ gal te bdag gi bu btsas par gyur na/ 'di'i slob mar dbul lo zhes 'di la je gsol ba gdab bo snyam mo/ /de nas khyim bdag des gnas brtan ma 'gags pa
343a4 khyim du spyan drangs te/ bshos gsol nas gsol ba btab pa/ gnas brtan/ gal te bdag gi bu btsas te ma gum na gnas brtan gyi slob mar dbul lo zhes byas so/ /gnas
343a5 brtan ma 'gags pas smras pa/ de ltar dam bcas pa ma brjed par gyis shig /de nas phyis re zhig na'ang rtse zhing dga' la dga' mgur spyod do/ /de rtse zhing dga' la dga'
343a6 mgur spyod pa las chung ma la bu chags nas des lus las dri bsang zhim po byung bar gyur to/ /de nas re zhig na zla ba brgyad dam/ dgu lon pa dang bu byung ste/ khye'u gzugs
343a7 bzang zhing blta na sdug la mdzes pa/ lha'i sna ma'i me tog gi ral chung gyon pa zhig btsas so/ /de nas de btsas pa'i btsas ston byas nas/ sna ma zhes ming btags so/ /de nas
343b1 gnas brtan ma 'gags pa khyim gyi nang du bshos la spyan drangs nas khye'u de de la phul lo/ /de nas gnas brtan ma 'gags pas de la chos gos tshon can dag byin te/ tshe ring
343b2 bar gyur cig ces legs su smon pa'ang byas so/ /de nas gang gi tshe btsas nas lo bdun lon pa de'i tshe pha ma gnyis kyis gnas brtan ma 'gags pa la phul lo/ /gnas
343b3 brtan ma 'gags pas kyang rab tu phyung nas yid la byed pa'i lung phog ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo
343b4 zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs
343b5 pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam
343b6 mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes
343b7 pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing
344a1 rjed pa dang / gus par smra ba'i gnas su gyur to/ /de 'ang dbang po rnon po zhig ste/ gang gi tshe phyag dar khrod kyi gos 'drub pa de'i tshe/ khab lan re
344a2 'dzugs pa la rnam par thar pa brgyad la snyoms par 'jug cing ldang par byed do/ /de nas phyis ro zhig na gnas brtan ma 'gags pas bsgo ba/ bu gcig /song la chu klung khang
344a3 ldan nas chu long zhig ces byas so/ /de nas dge tshul pa sna mas bum pa khyer te chu klung khang ldan gyi 'gram du song ngo / /de nas khrus byas te/ bum pa chus bkang nas nam
344a4 mkha' la byung ste/ ched 'ga' ni bum pa sngon du btang la dge tshul pa sna ma phyi bzhin 'ong ngo / /ched 'ga' ni dge tshul pa sna ma sngon du 'gro la bum pa phyi bzhin 'ong ngo /
344a5 de'i tshe bcom ldan 'das nang du yang dag 'jog las bzhengs nas/ 'khor bzhi po rnams la chos ston te/ der bcom ldan 'das kyis/ tshe dang ldan pa shA ri'i bu la
344a6 bka' stsal pa/ shA ri'i bu/ dge tshul pa dran pa dang ldan pa/ dbang po shin tu mnyam par bzhag pa bum pa chus bkang ste 'ong ba 'di mthong ngam/ 'dod chags
344a7 zhe sdang rab spangs shing / /ma rig pa dang bral nas ni/ /lus kyi tha ma 'dzin byed pa/ /de ni chu chun rab tu mdzes/ /gang gi tshe bcom ldan 'das kyis dge slong gi dge
344b1 'dun gyi mdun du dge tshul pa sna ma bstod cing bsngags pa de'i tshe/ dge slong dag /the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/
344b2 sna ma 'dis las gang dag bgyis na des gzugs bzang zhing blta na sdug la mdzes pa dang / lha'i sna ma'i me tog gi ral chung 'tshal bzhin du skyes la dbang po rno ba dang / dgra bcom
344b3 pa nyid mngon sum du bgyis lags/ bcom ldan 'das kyis bka' stsal pa/ dge slong dag /sna ma nyid kyis sngon tshe rabs gzhan dag tu tshogs rnyed cing rkyen grub pa dang ldan te/
344b4 dba' rgal bzhin du 'byung la gdon mi za bar 'ong ba'i las de dag byas shing bsags pas na/ sna ma nyid kyi las byas shing bsags pa de dag gzhan su zhig gis nyams su
344b5 myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par
344b6 smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus
344b7 can dag gi las rnams ni/ /bskal ba brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/
345a1 bskal pa dgu bcu rtsa gcig pa la de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar
345a2 gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rnam par gzigs zhes bya ba
345a3 'jig rten du byung ste/ de rgyal po'i pho brang gnyen yod na rten cing bzhugs so/ /de nas re zhig na ded dpon zhig gnas pa de gzhon nu'i tshe nas rab tu byung ba'i sems skyes pa
345a4 las de rab tu 'byung ma nus nas/ gang gi tshe rgas par gyur pa de'i tshe de 'gyod pa skyes te/ bdag bcom ldan 'das kyi bstan pa la rab tu ma byung ba ni bdag gis ma legs
345a5 pa byas so snyam mo/ /de nas des dbu skra dang / sen mo'i mchod rten la sna ma'i me tog btags so/ /yang dag par rdzogs pa'i sangs rgyas rnam par gzigs nyan thos kyi dge
345a6 'dun dang bcas pa 'ang bshos gsol te/ zhabs la phyag btsal nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su
345a7 gtong ba 'dis na/ bdag ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas bcom ldan 'das rnams mnyes par byed par gyur cig /mi
345b1 mnyes pa byed par ma gyur cig /gang gi bstan pa la rab tu byung ba der gzhon nu'i tshe nas 'phags pa'i chos rnams rtogs par gyur cig ces byas so/ gzhan yang / bcom ldan
345b2 'das 'od srung gi ring la rab tu byung ste/ des der lo khri'i bar du tshangs par spyod pa'i gnas bsrungs pa des na da ltar dgra bcom pa nyid mngon sum du byas so/ /dge slong dag /de
345b3 ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang
345b4 gcig tu nges par dkar par 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gnag pa rnams dang /
345b5 las 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag /khyed kyis de ltar bslab par bya'o/ /bcom ldan 'das kyis
345b6 de skad ces bka' stsal nas/ dge slong dag yi rangs te bcom ldan 'das kyis gsungs pa la mngon par bstod do// //lag na gser thogs zhes bya ba ni/ sangs
345b7 rgyas bcom ldan 'das la rgyal bo rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams
346a1 dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto
346a2 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang /
346a3 mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims
346a4 cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal mgon med zas sbyin gyi
346a5 kun dga' ra ba na bzhugs so/ /de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor
346a6 dang ldan pa/ rnam thos kyi bu'i nor dang 'gran pa zhig gnas pa de la bu'ang med/ bu mo'ang med pas de lag pa la rkom tshugs bcas te/ bdag gi khyim nor du ma dang ldan
346a7 du zin kyang / bdag la bu'ang med/ bu mo'ang med pas bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam nas/
346b1 sems khong du chud cing 'dug go /de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces
346b2 de la bsgo'o/ /'jig rten na 'ang gsol ba btab pa'i rgyus bu dang / bu mo skye bar 'gyur ro zhes bya ba'i gtam de yod mod kyi/ de'ang de lta ni ma yin te/ gal te gsol ba btab
346b3 pa'i rgyus bu dang / bu mo skye bar 'gyur du zin na ni/ 'khor los sgyur ba'i rgyal po bzhin du re re la'ang bu stong stong yod par 'gyur ba'i rigs so/ /ye ni gnas gsum tshogs
346b4 pa las bu dang / bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/
346b5 gnas 'di gsum tshogs pa las bu dang / bu mo skye bar 'gyur ba'i rigs so/ /de'ang gsol ba 'debs pa lhur byed cing 'dug la sems can zhig kyang sems can gyi rigs
346b6 gzhan zhig nas shi 'phos nas de'i chung ma'i ltor zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes
346b7 pa chags pa 'ang shes la ma chags pa'ang shes pa dang / dus kyang shes la zla mtshan yang shes pa dang / bu chags pa'ang shes pa dang / gang las bu chags pa shes pa dang /
347a1 khye'u yang shes la bu mo 'ang shes pa ste/ gal te khye'u yin na ni lto g.yas logs su rten cing gnas so/ /gal te bu mo yin na ni lto g.yon logs
347a2 su rten cing gnas so/ /de nas de dga' ches nas khyim thab la sbran pa/ jo bo/ bdag la sras chags te bdag gi rum g.yas logs na rten cing gnas pa las na khye'u
347a3 'gyur bar nges kyi dgyes pa skyed du gsol zhes byas so/ /de yang dga' ches te ro stod ni bteg /lag pa g.yas pa ni brkyang nas bdag gis yun ring po nas smon smon pa
347a4 bu'i ngo mthong bar 'ong ngo / /bdag gi bu rung bar shog cig /mi rung bar ma gyur cig /bdag gi bya ba dag byed par shog cig /gsos pa'i lan phyir gso bar shog cig /
347a5 nor skal la spyod par shog cig /bdag gi rigs rgyun ring du gnas par shog cig /bdag cag 'das te shi ba'i 'og tu'ang bdag cag gi phyir mang yang rung / nyung
347a6 yang rung ste/ sbyin pa dag byin la bsod nams dag byas nas/ de gnyis gang dang / gang du skyes shing 'gro ba der 'di song zhig ces yon bsngo bar shog cig ces dga' ba'i tshig
347a7 brjod do/ /de nas des bu chags par rig nas/ bu'i rim gro bya ba'i phyir khang bzang gi steng du nyams rangs su bzhag ste/ grang ba'i tshe grang ba'i yo byad rnams dang / tsha ba'i tshe
347b1 ba'i yo byad rnams dang / sman pas bstan pa'i zas rnams dang / ha cang khab ma yin pa rnams dang / ha cang skyur ba ma yin pa rnams dang / ha cang lan tshwa che ba ma yin pa rnams
347b2 dang | ha cang mngar ba ma yin pa rnams dang / ha cang ro tsha ba ma yin pa rnams dang / ha cang bskar ba ma yin pa rnams te/ kha ba dang / skyur ba dang / lan tshwa dang / mngar ba dang /
347b3 tsha ba dang / bska ba med pa'i zas rnams kyis brten cing do shal dang / se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i
347b4 steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang ma thos par byas so/ /de nas zla ba brgyad dam/
347b5 dgu lon pa dang bu byung ste/ khye'u gzugs bzang zhing blta na sdug la mdzes pa yan lag dang / nying lag thams cad dang ldan pa zhig btsas nas/ de'i lag pa gnyis la las
347b6 kyi rnam par smin pa las byung ba'i gser gyi dong tse mtshan mas btab pa gnyis byung ste/ gang gi tshe de phyung ba de'i tshe/ yang gzhan 'byung bar 'gyur ro/ /de nas de btsas
347b7 pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ 'di btsas ma thag tu lag pa gnyis la las kyi rnam par
348a1 smin pa las byung ba'i gser gyi dong tse gnyis byung bas na de'i phyir na khye'u 'di'i ming lag na gser thogs zhes gdags so zhes zer ro/ /de
348a2 na khye'u lag na gser thogs pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad
348a3 la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed
348a4 bsrings te/ mtsho'i nang gi pad+ma bzhin du skye drag par gyur to /de yang dad pa dang ldan la/ dge zhing bsam pa bzang ba/ bdag dang / gzhan la phan pa la zhugs
348a5 pa| snying rje can zhig ste/ gang gi tshe srang du 'gro ba de'i tshe dge sbyong dang / bram ze dang / bkren pa dang / sdug cing phongs pa rnams mthong na lag pa gnyis brkyang
348a6 nas de la gser dang / dngul gyi dong tse mtshan mas btab pa'i phung po de dag la ji tsam dgos pa 'byung bar 'gyur ro/ /de nas de'i grags pas mnyan du yod pa thams cad
348a7 rgyas par 'gyur to/ /de nas phyis re zhig na khye'u lag na gser thogs rgyal bu rgyal byed kyi tshal du song ba dang / des sangs rgyas bcom ldan 'das sku skyes bu chen po'i
348b1 mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga'
348b2 ba| rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba skyed do/ /dga' ba bskyed nas bcom ldan 'das
348b3 kyi zhabs la mgo bos phyag btsal te chos mnyan pa'i phyir/ bcom ldan 'das kyi spyan sngar 'dug go /de nas bcom ldan 'das kyis de la chos bstan nas/ des tshe dang ldan
348b4 pa kun dga' bo la smras pa/ slob dpon/ bdag ni bcom ldan 'das nyan thos kyi dge 'dun dang bcas pa bshos gsol bar 'tshal lo/ /gnas brtan kun dga' bos smras
348b5 pa| bu| kaR+Sha pa Na dgos so/ /de nas khye'u lag na gser thogs sangs rgyas la sogs pa dge slong gi dge 'dun gyi spyan sngar 'greng ste/ lag pa gnyis brkyang nas/
348b6 gser dngul gyi phung po chen po spungs so/ /de nas dge 'dun gyi gnas brtan dang / dge slong gzhan dag dang / gnas brtan kun dga' bos de mthong nas/ mchog
348b7 tu ya mtshan du gyur to/ /de nas khye'u lag na gser thogs kyis sangs rgyas la sogs pa dge slong gi dge 'dun la bshos gsol nas/ chos mnyan pa'i phyir bcom ldan
349a1 'das kyi spyan sngar 'dug go /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/
349a2 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u lag na gser thogs kyis 'jig tshogs la lta ba'i ri'i rtse mo mthon po nyi shu
349a3 ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas des nye du rnams la longs spyod kyi bgo bsha' byas te/ dge slong
349a4 dang / bram ze dang / bkren pa dang / sdug cing phongs pa rnams tshim par byas nas/ pha ma la gsol te bcom ldan 'das kyi bstan pa la rab tu byung nas/ des
349a5 brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang /
349a6 ltung ba dang / rnam par mthong ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du
349a7 byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag mthil 'dra ba'i sems dang /
349b1 dang ldan pa/ tsan+dan spangs pa lta bur bsil bar gyur pa/ rig pas sgo nga'i spubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i
349b2 snyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge
349b3 slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ lag na gser thogs kyis las gang dag bgyis na/ des 'di'i sug pa
349b4 gnyis la gser gyi dong tse mtshan mas btab pa gnyis byung la rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa /dge slong dag/
349b5 lag na gser thogs nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la gdon mi za bar 'ong ba'i las de dag byas
349b6 shing bsags pas na/ lag na gser thogs nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing
349b7 bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba
350a1 dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur
350a2 ro| |lus can dag gis las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba
350a3 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang /
350a4 zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan
350a5 'das 'od srung zhes bya ba 'jig rten du 'byung ste/ de grong khyer wA ra NA si na drang srong smra ba ri dwags kyi nags na rten cing bzhugs so/ /de nas yang dag par rdzogs pa'i
350a6 sangs rgyas 'od srung sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su/
350a7 yongs su mya ngan las 'das nas/ rgyal po kr-i krI de'i sku gdung la sku gdung gis mchod pa byas te/ rin po che sna bzhi las byas pa'i mchod rten khor khor yug
350b1 tu dpag tshad gcig yod la/ 'phang du rgyang grags gcig yod pa zhig brtsigs so/ /mchod rten de'i dus ston byed pa na rgyan po ba zhig gis gser gyi dong tse gnyis
350b2 mchod rten de'i srog shing la btags so/ /de nas zhabs la phyag btsal te smon lam btab pa/ bdag gang dang / gang du skyes pa de dang / der lag pa la gser yod pa kho nar
350b3 gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na rgyan po par gyur pa de ni lag na gser thogs
350b4 'di yin te/ des mchod rten la gser gyi dong tse gnyis btags pa des na 'di lta bu'i khyad par can du gyur to/ /smon lam btab pa des ni da ltar dgra bcom pa nyid
350b5 mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig
350b6 tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag/
350b7 de bas na las gcig tu nges par gnag par rnams dang / las 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong /
351a1 khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis
351a2 gsungs pa la mngon par bstod do// //bam po bcu dgu pa/ sde snod gsum pa zhes bya ba ni/ sangs rgyas bcom ldan 'das la rgyal po rnams dang / blon
351a3 po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
351a4 gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/
351a5 ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing
351a6 shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong
351a7 rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
351b1 de'i tshe mnyan du yod pa na/ ko sa la'i rgyal po gsal rgyal rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos
351b2 gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang /
351b3 ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas re zhig na de btsun mo dang /
351b4 lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las btsun mo la bu chags nas de zla ba brgyad dam/ dgu lon pa dang bu
351b5 byung ste/ khye'u gos su chos gos tshon can gyon la dge slong gi cha lugs can tshe rabs dran pa zhig btsas so/ /de nas skyes ma thag tu dris pa/ ci/ mnyan du yod pa 'di kho na
351b6 na bcom ldan 'das dang / shA ri bu dang / mo'u 'gal gyi bu dang / 'od srung dang / kun dga' bo la sogs pa nyan thos chen po rnams bzhugs sam zhes zer ro/ /de nas
351b7 de'i ma ya mtshan du gyur te dga' bas rgyas nas smras pa/ bu|mnyan du yod pa 'di kho nan bcom ldan 'das dang / nyan thos chen po rnams bzhugs so zhes byas so//
352a1 de nas re zhig na don de rgyal po gsal rgyal la gsol te/ khyod kyi sras gos su chod gos tshon can 'tshal ba/ dge sbyong gi cha lugs can tshe
352a2 rabs dran pa zhig btsas te/ de bcom ldan 'das dang / nyan thos chen po rnams ga la bzhugs pa'ang rmed do zhes byas so/ /de nas rgyal po gsal rgyal gyis bu
352a3 de la phan gdags pa'i phyir/ bcom ldan 'das nyan thos kyi dge 'dun dang bcas pa bshos la spyan drangs so/ /de nas bcom ldan 'das dge slong gi tshogs kyis
352a4 zhabs 'bring byas te/ dge slong gi dge 'dun gyi mdun du bdar nas rgyal po gsal rgyal gyi bkad sa ga la ba der gshegs te byon nas/ dge slong gi dge 'dun
352a5 gyi gung la gdan bshams pa la bzhugs so/ /de nas ko sa la'i rgyal po gsal rgyal gyis bu pang par blangs te/ bcom ldan 'das kyi spyan sngar brims nad/ bcom
352a6 ldan 'das/ bdag gi bu 'di btsas ma thag tu bcom ldan 'das dang nyan thos chen po rnams dran lags so zhes gsol te/ de nas bcom ldan 'das kyis bu de la/
352a7 sde snod gsum pa/ khyod nad med par gyur cig ces bka' stsal to/ /de nas des de bzhin gshegs pa dgra bcom pa yang dag par rdzogs pa'i sangs rgyas la phyag
352b1 'tshal lo zhes smras so/ /de nas rgyal po gsal rgyal mchog tu ya mtshan du gyur to/ /de nas gang gi tshe btsas nas lo bdun lon pa de'i tshe/ chos gos tshon can de dag nyid gyon
352b2 bzhin du bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan
352b3 par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams
352b4 cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha'
352b5 dang lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i spubs bcom pa/ rig pa dang / mngon par shes pa dang / so
352b6 so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa
352b7 dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ sde snod
353a1 gsum pas las gang dag bgyis na/ des chos gos tshon can 'tshal ba dge sbyong gi cha lugs can tshe rabs dran bzhin du btsas te/
353a2 rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag /sde snod gsum pa nyid kyis sngon tshe
353a3 rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na /
353a4 sde snod gsum pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa
353a5 rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las
353a6 dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi
353a7 las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon 'byung ba 'das pa'i dus na/ bskal
353b1 ba bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes
353b2 bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA
353b3 si na drang srong smra ba ri dwags kyi nags na rten cing bzhugs so/ /de nas re zhig na rgyal po kr-i krI'i bu drang srong smra bar song ngo / /de nas nges sangs rgyas bcom ldan 'das
353b4 sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom pa gang gis brgyan pa/ nyi ma
353b5 stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de dad pa skyes so/ /dad pa skyes nas bcom ldan 'das kyi
353b6 zhabs la phyag 'tshal te chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis de'i bsam pa dang / bag la nyal dang / khams dang
353b7 rang bzhin thugs su chud nas/ 'khor ba las skyo bar 'gyur ba'i chos de lta bu stan te/ de thos nas 'khor ba la nyes par lta ba dang / mya ngan las 'das pa la yon tan
354a1 du lta bar gyur to/ /de nas rgyal po la gsol te/ yab/ bdag bcom ldan 'das kyi bstan pa la rab tu byung bar 'tshal na/ gnang bar mdzad
354a2 du gsol zhes byas so/ /rgyal pos smras pa/ khyod ring po ma thogs par rgyal tshab tu dbang bskur dgos pas 'di ni ngas bcos su med do/ /bus smras pa/ rgyal srid
354a3 nyes pa mang po dang ldan pa/ chos kyi dgrar gyur pa bdag la mi 'tshal gyi/ bdag ni bcom ldan 'das kyi bstan pa la rab tu mi 'byung du mi gnang ngo / /de nas yab
354a4 kyis ma gnang nas/ des zhag gcig dang / gnyis dang / gsum nas zhag drug gi bar du kha 'tshos so/ /de nas de'i zla grogs rnams kyis rgyal po la gsol to/ /lha|
354a5 mkhyen par mdzad du gsol/ sras 'di ni rab tu byung na legs kyi/ de'u re 'dir 'gum na ma legs so/ /de nas rgyal pos gnang nas dam 'char bcug ste/
354a6 nam khyod sde snod gsum ma lobs kyi bar du nga dang 'phrad du ma 'ong zhig ces bsgo'o/ /de nas re zhig na de yab kyis gnang nas/ bcom ldan 'das kyi bstan pa la
354a7 rab tu byung ste/ des brtson pa dang / bsgrub pa dang / 'bad pas ring po ma lon par sde snod gsum lobs te/ rig pa dang / grol ba smra ba chos ston par gyur nas de
354b1 'di snyam du sems te/ ma la/ bdag gis sngon dam bcas pa gnyer dgum gor ma chag snyam nas/ de yab kyi thad du song ste phrad nas dris pa/ bu/ cung zad lobs pa lta yod
354b2 dam/ des smras pa/ sde snod gsum lobs lags so/ /de nas des yab la chos de lta bu bstan te/ de thos nas rgyal po mgu bar gyur to/ /de nas dga' ba skyes te smras
354b3 pa| bu gcig/ khyod la ci dgos/ des smras pa/ bdag ni bcom ldan 'das nyan thos kyi dge 'dun dang bcas pa spyan drangs la yo byad drug dbul bar 'tshal lo/ /
354b4 rgyal pos smras pa/ rgyal po'i pho brang ni rgya che yi/ ci dga' ba gyis shig /de nas sde snod gsum pas bcom ldan 'das zhabs 'bring 'khor nyi khri dang bcas te zhal zas
354b5 bzang pos tshim par byas nas/ dge slong re re la'ang yo byad drug drug phul lo/ /de nas zhabs la phyag btsal nas smon lam btab pa/ bdag da ltar dka' bas rab tu byung ba thob
354b6 nas/ de bzhin gshegs pa nyan thos kyi dge 'dun dang bcas pa la bkur sti byas pa'i dge ba'i rtsa ba dang / sems bskyed pa dang / sbyin par bya ba'i chos yongs su gtang ba 'dis na/
354b7 bdag gang dang / gang du skyes pa de dang / der gos su chos gos tshon can gyon la dge sbyong gi cha lugs 'di dang ldan te/ tshe rabs dran par gyur cig ces byas so/ /bcom ldan 'das kyis
355a1 bka' stsal pa/ dge slong dag /ji snyam du sems/ de'i tshe de'i dus na rgyal po kr-i krI'i bur gyur pa gang yin pa de ni sde snod gsum pa 'di yin te/
355a2 rgyu de nyid kyis phyug po'i rigs su skyes te/ gzugs bzang zhing blta na sdug la mdzes pa dang / tshe rabs drin par gyur to/ /dge slong dag /de ltar na las gcig tu nges par
355a3 gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par
355a4 dkar bar 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gnag pa rnams dang /
355a5 las 'dres ma rnams spangs la/ las gcig tu nges par dkar ba rnams 'ba' zhig la gtad bar bya ste/ dge slong khyed kyis de ltar bslab par bya'o/ /bcom
355a6 ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //grags bshes zhes bya
355a7 ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams
355b1 dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lte
355b2 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang /
355b3 mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims
355b4 cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag
355b5 mgon med zas sbyin gyi kun dga' ra ba na bzhugs so/ /de'i tshe mnyan du yod pa na ded dpon phyug cing nor mang la longs spyod che ba/ yongs su 'dzin pa yang shing rgya
355b6 che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga'
355b7 la dga' mgur spyod do/ /de'i tshe mu ge mi bzad pas gnod pa byung ste/ slong bas kyang bzas mi rnyed do/ /ltas mkhan rnams kyis kyang char mi 'bab par bstan pa las re
356a1 zhig na/ ded dpon de'i chung ma la bu chags nas/ de zla ba brgyad dam/ dgu lon pa dang bu byung ste/ khye'u gzugs bzang zhing blta na sdug la mdzes
356a2 pa| yan lag dang / nying lag thams cad dang ldan pa zhig btsas nas/ gang gi nyin par khye'u de btsas pa de kho na'i nyin par nas than pa med par gyur to/ /de nas de'i
356a3 grags pa mnyan du yod pa mtha' dag tu rgyas par gyur to/ /de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par
356a4 byed de/ nye du rnams na re/ 'di'i grags pa kun tu rgyas pas na/ de'i phyir khye'u 'di'i ming grags bshes zhes gdags so zhes zer ro/ /de nas khye'u grags bshes
356a5 pang na 'tsho ba'i ma ma gnyis dang / nu ma snun pa'i ma ma gnyis dang dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma
356a6 brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i
356a7 nang gi pad+ma bzhin du skye drag par gyur to/ /de nas gang gi tshe khye'u grags bshes cher skyes pa de'i tshe/ rgyal bu rgyal byed kyi tshal du don zhig la song ngo / /de nas des
356b1 sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang
356b2 gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de dad pa skyes so/ /dad pa skyes nas
356b3 bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis de la 'khor ba
356b4 las skyo bar 'gyur ba de lta bu'i chos bstan par mdzad de/ de thos nas 'khor ba la nyes par lta ba dang / mya ngan las 'das pa la yon tan du lta bar gyur te/ pha ma la
356b5 gsol nas bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo
356b6 zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon
356b7 mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar
357a1 mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i
357a2 sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po
357a3 dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de'i mche ba gnyis las chu yan lag brgyad dang ldan pa
357a4 byung ste/ des na de la skom pa'i gnod pa med de/ gang gi tshe tsha ba'i dus su dge slong skom pa rnams gung skyems la dge 'dun gyi nang du 'du ba de'i tshe'ang de mi 'ong
357a5 ngo| |de nas de dang bshes pa'i dge slong rnams kyis dris pa/ ci'i phyir khyod la skom pa'i gnod pa med ces byas so/ /des smras pa/ bdag gi mche ba gnyis las
357a6 chu yan lag brgyad dang ldan pa 'byung ste/ des nas bdag la skom pa'i gnod pa med do/ /de nas dge slong dag the tshom skyes te/ the tshom thams cad gcod pa sangs
357a7 rgyas bcom ldan 'das la zhus pa/ btsun pa/ grags bshes 'dis las gang dag bgyis na/ des gzugs bzang zhing blta na sdug la mdzes pa dang / mche ba
357b1 gnyis las chu bo yan lag brgyad dang ldan pa 'byung la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal
357b2 pa| dge slong dag /grags bshes nyid kyi sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de
357b3 dag byas shing bsags pas na/ grags bshes nyid kyis las bsags pa de dag gzhan su zhig gis nyams su myong bar 'gyur te/ dge slong dag /las byas shing bsags
357b4 pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge
357b5 ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi
357b6 las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ bskal
357b7 pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/
358a1 skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten
358a2 du byung ste/ de grong khyer wA ra NA si na drang srong smra ba ri dwags kyi nags na rten cing bzhugs so/ /de nas re zhig na tshong dpon gyi bu zhig dge slong rgan po zhig la rab tu
358a3 byung ba las/ de'ang le lo can zhig ste/ gzhan la de bsnyen bkur byed mi 'dod do/ /de nas tshangs pa mtshungs par spyod pa rnams kyis gnas brtan de nyid kyi bsnyen
358a4 bkur byed par bskos pa dang / de bdag ni bsnyen bkur byed pa yin no snyam du rgya cher 'dzin te/ dge slong ches rgan pa rnams kyi bsnyen bkur len par byed pas na/
358a5 de'i dge ba'i rtsa ba rnams zad de/ phyis re zhig na nad kyis btab pa dang / gnas brtan gyis sman pa'i lung bzhin du sman mar blud nas/ de mtshan mo skom ste ci bya
358a6 gtol med nas chu btung snyam ste/ bdag gi chu snod kyi drung du song na chu med par mthong ngo / /de bzhin du mkhan po dang / slob dpon dang / dge 'dun gyi drung tshang
358a7 du song na de dag kyang chu med par mthong ngo / /de nas re zhig na chu klung zlog byed kyi 'gram du song na de'ang chu med par gyur te/ de mi dga' bar gyur nas bdag gi
358b1 tshangs pa mtshungs par spyod pa rnams skyo ba skyed pa dang / dad pas byin pa lci bar bstan pa'i phyir chu klung zlog byed kyi pha rol na shing zhig yod pa la 'dzegs te/ ras shig
358b2 der btags nas/ rang gi las rnams las bsams te las la rten cing 'dug go /de nas re zhig na phyi de nyin par nam nangs pa dang / gtam de tshangs pa mtshungs par
358b3 spyod pa rnams la bsnyad do/ /de nas de'i tshangs pa mtshungs par spyod pa rnams kyis skabs de thos nas mi dga' bar gyur te phan tshun du bsnyad do/ /de nas de'i mkhan pos
358b4 chu byin na de'ang ma mthong ngo / /de nas de mi dga' bar gyur nas/ bcom ldan 'das 'od srung la gsol to/ /bcom ldan 'das 'od srung gis gaN+Di rdungs shig ces bka'
358b5 stsal to/ /de nas khang skyong gis gaN+Di brdungs pa dang / sangs rgyas la sogs pa dge slong gi dge 'dun rnams 'dus so/ /grong khyer wA ra NA si'i thog thag tu yang gtam
358b6 de grags te/ sems can 'bum phrag du ma 'dus so/ /de nas re zhig na de'i mkhan pos gral dpon gyi mdun du 'dug tu bcug nas/ ril ba spyi blugs chus bkang ste
358b7 phyin nas/ bu| chu 'di dge 'dun la brims shig ces byas so/ /de nas 'bras bu mngon sum du mthong ba des skye bar gyur pa de nyid kyis/ bcom ldan 'das dang nyan thos
359a1 rnams la dad pa bskyed nas bsam pa drag pos chu de dge 'dun la brims so/ /de nas bcom ldan 'das kyis de la phan gdags pa'i phyir phyag
359a2 glang po che'i sna lta bu brkyang nas/ 'jigs pa thams cad dbugs 'byin par byed pa'i phyag gis chu de bzhes te/ nyan thos chen po rnams kyis kyang blangs na/ 'on kyang zad
359a3 par ma gyur to/ /dge 'dun thams cad la brims na'ang zad par ma gyur to/ /de nas lha dang / mi rnams dad par byed pa'i cho 'phrul ya mtshan can de mthong nas/ srog
359a4 chags 'bum phrag du mas bden pa mthong bar gyur to/ /de'i rgyud la'ang dge ba'i rtsa ba rnams sor chud par gyur to/ /gang gi tshe nad sos pa de'i tshe des sangs rgyas
359a5 la sogs pa dge slong gi dge 'dun chus mi brel bar byas te/ lo khri nyis stong gi bar du des dge 'dun la chu brims so/ /de nas phyis re zhig na 'chi ba'i dus la
359a6 bab pa'i tshe/ smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bcom ldan 'das 'od srung gis
359a7 bram ze'i khye'u bla ma la bram ze'i khye'u khyod skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes
359b1 bya bar 'gyur ro zhes lung bstan pa gang yin pa de bdag gis mnyes par byed par gyur cig /mi mnyes par byed par ma gyur cig /bdag gi mche ba'i phrag nas kyang chu yan
359b2 lag brgyad dang ldan pa 'byung bar gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na dge slong du gyur pa
359b3 gang yin pa de ni grags bshes 'di yin te/ des lo khri nyis stong gi bar du dge 'dun la chu brims te smon lam btab pa des na/ tshe 'di la mche ba'i phrag nas chu 'byung ba rgyu
359b4 de nyid kyis na dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa'ang gcig tu nges par gnag
359b5 par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar par 'gyur ro/ /las 'dres ma rnams ni rnam par smin pa'ang 'dres
359b6 mar 'gyur ro/ /dge slong dag /de bas na las gcig tu nges par gnag pa rnams dang / las 'dres ma rnams spangs la/ las gcig tu nges par dkar ba rnams 'ba'
359b7 zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das
360a1 kyis gsungs pa la mngon par bstod do// //rdzus te skyes pa zhes bya ba ni/ sangs rgyas bcom ldan 'das la rgyal po rnams
360a2 dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams
360a3 dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar
360a4 byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod
360a5 cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang snyun gsos dang / sman
360a6 zong rnams brnyes pa/ nyan thos kyi dge 'dun dang bcas pa sum cu rtsa gsum pa'i lha yul na shing gi rgyal po yongs 'du sa rtol gyi drung nas thag mi ring ba zhig na/ rdo leb
360a7 snam bu dkar po lta bu'i steng du dbyar gnas par dam bzhes te/ sku bskrun pa'i yum dang / sum cu rtsa gsum pa'i lha gzhan dag la'ang chos ston to/ /de'i tshe tshe dang
360b1 ldan pa mo'u 'gal gyi bu chen po ni mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na dbyar gnas par dam bcas so/ /
360b2 de nas 'khor bzhi po rnams tshe dang ldan pa mo'u 'gal gyi bu chen po ga la ba der dong ste lhags nas/ tshe dang ldan pa mo'u 'gal gyi bu chen po'i rkang pa la mgo bos phyag
360b3 btsal te phyogs gcig tu 'khod do/ /phyogs gcig tu 'khod nas tshe dang ldan pa mo'u 'gal gyi bu chen pos chos kyi gtam gyis yang dag par bstan/ yang dag par
360b4 'dzin du bcug /yang dag par gzengs bstod/ yang dag par dga' bar byed do/ /chos kyis gtam rnam grangs du mas yang dag par bstan/ yang dag par 'dzin du bcug /yang
360b5 dag par gzengs bstod/ yang dag par dga' bar byas nas cang mi zer bar 'dug go /de nas 'khor bzhi po rnams stan las langs te/ bla gos phrag pa gcig tu gzar
360b6 nas tshe dang ldan pa mo'i 'gal gyi bu chen po ga la ba de logs su thal mo sbyar ba btud de/ tshe dang ldan pa mo'u 'gal gyi bu chen po la 'di skad ces smras so/ /btsun pa
360b7 mo'u 'gal gyi bu chen po khyod kyis da ltar bcom ldan 'das gang du dbyar gnas par dam bzhes pa cung zad gsan tam/ tshe dang ldan pa mo'u 'gal gyi bu chen pos smras
361a1 pa| kye| bdag gis ni bcom ldan 'das sum cu rtsa gsum pa'i lha yul na shing gi rgyal po yongs 'du sa rtol gyi drung nas thag mi ring ba
361a2 zhig na rdo leb snam bu dkar po lta bu'i steng du dbyar gnas par dam bzhes te/ sku bskrun pa'i yum dang / sum cu rtsa gsum pa'i lha gzhan dag la'ang chos ston
361a3 cing bzhugs so zhes thos so/ /de nas 'khor bzhi po rnams tshe dang ldan pa mo'u 'gal gyi bu chen pos smras pa la mngon par bstod cing rjes su yi rangs te rkang pa
361a4 la phyag btsal nas stan las langs te dong ngo / /de nas 'khor bzhi po rnams dbyar zla ba gsum 'das nas/ tshe dang ldan pa mo'u 'gal gyi bu chen po ga la ba der dong
361a5 ste lhags nas/ tshe dang ldan pa mo'u 'gal gyi bu chen po'i rkang pa la mgo bos phyag btsal te phyogs gcig tu 'khod nas/ tshe dang ldan pa mo'u 'gal gyi bu chen pos
361a6 'khor bzhi po rnams chos kyi gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par dga' bar byed do/ /
361a7 chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar byas nas bcang mi
361b1 zer ba 'dug go /de nas 'khor bzhi po rnams stan las langs te bla gos phrag pa gcig tu gzar nas/ tshe dang ldan pa mo'u 'gal gyi bu chen po ga la ba de logs su thal mo sbyar
361b2 ba btud de/ tshe dang ldan pa mo'u 'gal gyi bu chen po la 'di skad ces smras so/ /btsun pa mo'u 'gal gyi bu chen po/ mkhyen par mdzad du gsol/ bdag cag gis bcom ldan
361b3 'das kyi zhal ma mthong nas ring mo zhig lags te/ bdag cag ni bcom ldan 'das mthong bas skom lags so/ /bdag ni bcom ldan 'das mthong bar 'tshal te/ gal
361b4 te btsun pa mo'u 'gal gyi bu chen po la gnod pa ma mchis na/ btsun pa mo'u 'gal gyi bu chen po bcom ldan 'das ga la ba der gshegs te byon nas zhabs la
361b5 phyag bzhes te gnod pa chung ngam/ nyam nga ba chung ngam/ bskyod pa yang ngam/ 'tsho'am/ stobs dang ldan nam/ bde ba dang ldan nam/ mi bde ba mi mnga'am/ bde ba la
361b6 reg par gnas sam zhes gsol la 'di skad ces kyang gsungs shig /btsun pa/ 'dzam bu'i gling ba'i 'khor bzhi po rnams bcom ldan 'das mthong bar 'tshal te/
361b7 'di skad du/ btsun pa/ 'dzam bu'i gling pa'i mi rnams la ni gang gis 'dzam bu'i gling pa'i mi rnams bcom ldan 'das la blta ba dang / thad du mchi ba dang / bsnyen bkur
362a1 bgyi ba'i slad du sum cu rtsa gsum pa'i la yul du mchi ba de lta bu'i rdzu 'phrul dang / mthu ma mchis la/ sum cu rtsa gsum pa'i lha rnams
362a2 la ni gang gis sum cu rtsa gsum pa'i lha rnams bcom ldan 'das la blta ba dang / thad du mchi ba dang / bsnyen bkur bgyi ba'i slad du 'dzam bu'i gling du mchi ba de lta
362a3 bu'i rdzu 'phrul dang / mthu mchis na thugs brtse ba'i slad du bcom ldan 'das sum cu rtsa gsum pa'i lha yul nas 'dzam bu'i gling du gshegs su gsol zhes mchi'o
362a4 zhes mol du gsol/ de nas tshe dang ldan pa mo'u 'gal gyi bu chen pos 'khor bzhi po rnams la cang mi smra bas khas blangs so/ /de nas 'khor bzhi po rnams kyis
362a5 tshe dang ldan pa mo'u 'gal gyi bu chen pos cang mi smra bas khas blangs par rig nas/ tshe dang ldan pa mo'u 'gal gyi bu chen po'i rkang pa la mgo bos phyag btsal te
362a6 stan las langs te dong ngo / /de nas tshe dang ldan pa mo'u 'gal gyi bu chen pos 'khor bzhi po rnams dong nas ring po ma lon par rig nas/ ji ltar sems mnyam
362a7 par bzhag na/ dper na/ mi stobs po che lag pa bskum pa las brkyang pa'am/ brkyang pa las bskum pa bzhin du tshe dang ldan pa mo'u 'gal gyi bu chen po mnyan du
362b1 yod pa nas mi snang bar gyur te/ sum cu rtsa gsum pa'i lha'i yul na shing gi rgyal po yongs 'du sa rtol gyi drung nas thag mi ring ba zhig na rdo leb snam bu dkar po lta bur
362b2 'dug pa der son par 'gyur ba de lta bu'i ting nge 'dzin la snyoms par zhugs so/ /de'i tshe bcom ldan 'das ni lha'i 'khor brgya phrag du ma'i gung la bzhugs te chos
362b3 ston to/ /de nas tshe dang ldan pa mo'u 'gal gyi bu chen pos bcom ldan 'das lha'i 'khor brgya phrag du ma'i gung la bzhugs te chos ston pa mthong ngo / /mthong nas kyang
362b4 'dzum dmul te/ bcom ldan 'das ni ji ltar 'dzam bu'i gling na 'khor bzhi po rnams kyis gang ba bzhin du 'di na'ang 'khor mang po dang bzhugs so snyam mo/ /de nas
362b5 bcom ldan 'das kyis tshe dang ldan pa mo'u 'gal gyi bu chen po'i sems thugs kyis mkhyen nas/ tshe dang ldan pa mo'u 'gal gyi bu chen po la 'di skad ces bka' stsal
362b6 to| |mo'u 'gal gyi bu/ 'di dag la ni rang dbang med de/ gang gi tshe ngas deng zhig ces bsams na ni de'i tshe 'dong bar 'gyur ro/ /gang gi tshe ngas shog cig ces
362b7 bsams na ni de'i tshe 'ong bar 'gyur ro/ /sems kyis nga'i bsams pa shes nas 'ong ba dang 'dong bar 'gyur ro/ /de nas tshe dang ldan pa mo'u 'gal gyi bu chen po bcom
363a1 ldan 'das gal ba der song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'dug go /phyogs
363a2 gcig tu 'dug nas tshe dang ldan pa mo'u 'gal gyi bu chen pos lha'i 'khor thams cad la bltas te/ bcom ldan 'das la 'di skad ces gsol to/ /btsun pa/
363a3 kye ma lha'i 'khor sna tshogs 'dus shing 'khod lags so/ /lha'i 'khor gyi nang na sangs rgyas la shes nas dad pa dang ldan te lus dang bral nas 'dir skyes pa'i lha
363a4 de lta bu dag kyang mchis so/ /chos dang / dge 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral nas 'dir
363a5 skyes pa dag kyang mchis so/ /de nas bcom ldan 'das kyis tshe dang ldan pa mo'u 'gal gyi bu chen pos smras pa la mthun par dgongs te/ tshe dang ldan pa mo'u
363a6 'gal gyi bu chen po la 'di skad ces bka' stsal to/ /mo'u 'gal gyi bu chen po/ de ni de bzhin no/ /de de bzhin te/ kye ma/ lha'i 'khor sna tshogs 'dus shing
363a7 'khod do/ /lha'i 'khor gyi nang na sangs rgyas bcom ldan 'das la shes nas dad pa dang ldan te/ lus dang bral nas 'dir skyes pa'i lha de lta bu dag kyang yod
363b1 do| |chos dang / dge 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral nas 'dir skyes pa'i lha de lta bu dag kyang yod do/ /de
363b2 nas lha'i dbang po brgya byin gyis bcom ldan 'das kyis gsungs pa dang / tshe dang ldan pa mo'u 'gal gyi bu chen pos smras pa la mthun par bsams te/ tshe dang ldan pa mo'u
363b3 'gal gyi bu chen po la 'di skad ces smras so/ /btsun pa mo'u 'gal gyi bu chen po/ de ni de bzhin no/ /de ni de bzhin te/ kye ma|lha'i 'khor sna tshogs 'dus shing 'khod
363b4 do| |lha'i 'khor gyi nang nas sangs rgyas la shes nas dad pa dang ldan te/ lus dang bral nas 'dir skyes pa'i lha de lta bu dag kyang yod do/ /chos dang / dge 'dun dang / 'phags
363b5 pa dgyes pa'i tshul khrims la shes nas dad pa dang ldan te/ lus dang bral nas 'dir skyes pa de lta bu dag kyang yod do/ /de nas lha'i bu gzhan zhig gis kyang bcom ldan
363b6 'das kyis gsungs pa dang / tshe dang ldan pa mo'u 'gal gyi bu chen po dang / lha'i dbang po brgya byin gyis smras pa la mthun par bsams te/ tshe dang ldan pa mo'u 'gal
363b7 gyi bu chen po la 'di skad ces smras so/ /btsun pa mo'u 'gal gyi bu chen po/ de ni de bzhin no/ /de ni de bzhin te/ kye ma/ lha'i 'khor sna tshogs 'dus shing 'khod do/ /lha'i
364a1 'khor gyi nang na sangs rgyas la shes nas dad pa dang ldan te/ lus dang bral nas 'dir skyes ba'i lha de lta bu dag kyang yod do/ /chos dang / dge
364a2 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral nas 'dir skyes pa de lta bu dag kyang yod do/ /de nas lha kha cig stan
364a3 las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol
364a4 to| |btsun pa/ bdag cag ni sangs rgyas la shes nas dang pa dang ldan te/ lus dang bral nas 'dir skyes pa lags so/ /lha gzhan dag gcig gis kyang 'di skad
364a5 ces gsol to/ /btsun pa/ bdag cag ni chos dang / dge 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral
364a6 nas 'dir skyes pa lags so/ /de nas der lha brgya phrag du ma dang / lha stong phrag du ma dang / lha 'bum phrag du ma bcom ldan 'das kyi spyan sngar so so'i rgyun du
364a7 zhugs pa'i 'bras bu brda sprod pa byas nas de nyid du mi snang bar gyur to/ /de nas tshe dang ldan pa mo'u 'gal gyi bu chen pos lha rnams dong bar rig nas/ bla gos phrag pa
364b1 gcig tu gzar te bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun pa/ 'dzam bu'i gling na 'khor
364b2 bzhi po mchis pa rnams bcom ldan 'das kyi zhabs la phyag btsal te/ gnod pa chung ngam/ nyam nga ba nyung ngam/ bskyod pa yang ngam/ 'tsho'am/ stobs dang ldan
364b3 nam/ bde ba dang ldan nam/ mi bde ba mi mnga' ma/ bde ba la reg pa la gnas sam zhes kyang mchis lags so/ /bcom ldan 'das kyis bka' stsal pa/ mo'u
364b4 'gal gyi bu khyod dang / 'dzam bu'i gling na 'khor bzhi po 'khod pa rnams bde bar gyur cig /mo'u 'gal gyi bus gsol pa/ btsun pa/ 'dzam bu'i gling na 'khor
364b5 bzhi po mchis pa rnams ni/ bcom ldan 'das kyi zhal mthong bar 'tshal te 'di skad ces kyang mchi'o/ /btsun pa/ 'dzam bu'i gling pa'i mi rnams la ni gang gis
364b6 'dzam bu'i gling pa'i mi rnams bcom ldan 'das blta ba dang / thad du mchi ba dang / bsnyen bkur bgyi ba'i slad du sum cu rtsa gsum pa'i lha yul du mchi ba de lta bu'i
364b7 rdzu 'phrul dang / mthu ma mchis la/ sum cu rtsa gsum pa'i lha rnams la ni gang gis sum cu rtsa gsum pa'i lha rnams bcom ldan 'das la blta ba dang / thad du mchi ba
365a1 dang / bsnyen bkur bgyi ba'i slad du 'dzam bu'i gling du mchi ba de lta bu'i rdzu 'phrul dang / mthu mchis na thugs brtse ba'i slad du bcom ldan 'das
365a2 sum cu rtsa gsum pa'i lha yul nas 'dzam bu'i gling du gshegs su gsol zhes kyang mchi'o/ /bcom ldan 'das kyis bka' stsal pa/ mo'u 'gal gyi bu/ 'o na khyod
365a3 'dzam bu'i gling du song la 'khor bzhi po rnams la/ kye| bcom ldan 'das ni da ste zhag bdun na sum cu rtsa gsum pa'i lha yul nas 'dzam bu'i gling du grong khyer
365a4 snang ldan gyi 'dab/ a bad dza ra'i nags su shing u dum wA ra'i drung du gshegs so zhes sgron cig /de nas tshe dang ldan pa mo'u 'gal gyi bu chen pos bcom ldan
365a5 'das kyis bka' stsal pa mnyan te/ bcom ldan 'das kyi zhabs la mgo bos phyag btsal nas ji ltar sems mnyam par bzhag na/ dper na/ mi stobs po che
365a6 lag pa bskum pa las brkyang pa'am/ brkyang pa las bskum pa bzhin du tshe dang ldan pa mo'u 'gal gyi bu chen po sum cu rtsa gsum pa'i lha yul nas mi snang bar
365a7 gyur te/ 'dzam bu'i gling du son par gyur pa de lta bu'i ting nge 'dzin la snyoms par zhugs so/ /de nas tshe dang ldan pa mo'u 'gal gyi bu chen po 'dzam bu'i gling du
365b1 'ongs nas 'khor bzhi po rnams la smras pa/ kye/ bcom ldan 'das ni da ste zhag bdun na sum cu rtsa gsum pa'i lha yul nas 'dzam bu'i gling du grong khyer snang ldan gyi 'dab/ a
365b2 bad dza ra'i nags su shing u dum wA ra'i drung du gshegs so zhes byas so/ /de nas zhag bdun lon pa dang bcom ldan 'das sum cu rtsa gsum pa'i lha yul nas 'dzam
365b3 bu'i gling du grong khyer snang ldan gyi 'dab/ a bad dza ra'i nags su shing u du ma wA ra'i drung du gshegs so/ /gang gi tshe bcom ldan 'das grong khyer snang ldan du gshegs pa
365b4 de'i tshe srog chags 'bum phrag du ma bcom ldan 'das la blta ba'i phyir 'dus so/ /de nas der dge slong rdzus te skyes pa zhig byung ste/ des bcom ldan 'das nyan thos kyi
365b5 dge 'dun bcas pa dang / lha dang / lha ma yin dang / nam mkha' lding dang / mi'am ci dang / lto 'phye chen po de dag bshos la spyan drangs nas re zhig na gdugs tshod
365b6 la bab pa dang / sems bskyed ma thag tu gdan dar yug khyim chen pos g.yogs pa dag dang / lha'i zhal zas bza' ba dang / bca' ba dag byung bar gyur to/ /de nas dge
365b7 slong rdzus te skyes pa des bcom ldan 'das lha'i zhal zas kyis tshim par byas te/ lha dang / lha ma yin dang / nam mkha' lding dang / mi'am ci dang / lto 'phye chen po de
366a1 dag la'ang bkur sti legs par byas so/ /de nas bcom ldan 'das kyis de'i bsams pa dang / bag la nyal dang / khams dang /
366a2 rang bzhin thugs su chud nas/ de lta bu'i chos bstan pa mdzad de/ de thos nas dge slong rdzus te skyes pa phol mig lnga pa'i 'khor ba'i 'khor lo 'di nyid g.yo zhing
366a3 mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon
366a4 mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang
366a5 bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i spubs bcom
366a6 pa| rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang
366a7 dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa
366b1 sangs rgyas bcom ldan 'das la zhus pa/ btsun pa/ rdzus te skyes pas las gang dag bgyis na/ des rdzus te skyes par gyur la/ 'dis sems bskyed pa'i mod la ci bsams
366b2 pa dang / ci 'tshal ba de dag thams cad grub par 'gyur ba lags/ bcom ldan 'das kyis bka' stsal pa/ dge slong dag/ rdzus te skyes pa nyid kyis sngon tshe rabs
366b3 gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la gdon mi za bar 'byung ba'i las de dag byas shing bsags pas na/ rdzus te
366b4 skyes pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag/ las byas shing bsags pa rnams ni phyi rol gyi
366b5 sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas
366b6 shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal
366b7 pa brgyar yang chung mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ bskal pa dgu bcu rtsa
367a1 gcig pa la skye dgu'i tshe lo brgyad khri thub pa na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang /
367a2 zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom
367a3 ldan 'das rnam par gzigs zhes bya ba 'jig rten du byung ste/ de grong khyer gnyen ldan na rten cing bzhugs so/ /de nas re zhig na grong med pa dgon pa'i gnas
367a4 shig na/ dge slong lnga dbyar gnas par dam bcas pa las/ de'i nang nas dge slong gcig gis dge slong bzhi'i zhal ta byas nas/ de dag gis brtson pa dang /
367a5 bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas so/ /dge slong gcig shos kyis ni de dag gi rkang pa
367a6 la phyag btsal nas smon lam btab pa/ 'di ltar 'di rnams kyis bdag las brten te/ dgra bcom pa nyid mngon sum du byas pa'i dge ba'i rtsa ba dang /
367a7 sems bskyed pa dang / sbyin pa bya ba'i chos yongs su gtong ba 'dis na/ bdag rab tu byung ste/ yo byad kyi khyad par dag gis brel bar ma gyur cig ces byas
367b1 so| |dge slong dag /ji snyam du sems/ de'i tshe de'i dus na dge slong zhal ta byed par gyur pa gang yin pa de ni rdzus te skyes pa 'di yin no/ /gsol pa/ btsun pa/ rdzus te skyes pas
367b2 las gang dag bgyis na/ des rdzus te skyes lags/ bcom ldan 'das kyis bka' stsal pa/ dge slong dag /sngon byung ba 'das pa'i dus na/ bskal pa bzang po 'di nyid
367b3 la skye dgu'i tshe lo nyi khri thub pa na de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
367b4 rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa sangs rgyas 'od srung zhes bya ba 'jig rten du 'byung ste/ de grong khyer wA ra
367b5 NA si na drang srong smra ba'i ri dwags kyi nags na rten cing bzhugs so/ /de'i tshe de na tshong dpon zhig gnas pa de'i chung ma bu btsas pa'i tshe sdug bsngal gyi tshor bas nyen te nyam
367b6 thag pa'i skad 'byin cing du ba dang / des de'i sgra thos nas mchog tu mi dga' bar gyur to/ /mya ngan gyi khang bur zhugs nas lag pa rkom tsugs bcas te sems khong du
367b7 chud cing 'dug pa las de'i blo skyes pa/ ma la/ bdag bcom ldan 'das kyi bstan pa la rab tu byung la/ ci nas bdag gis nam yang mngal du gnas pa nyams su
368a1 myong bar ma gyur cig ces smon lam btab gor ma chag mnyam ste/ de skyo bar gyur pa de nyid kyis bcom ldan 'das 'od srung gi gsung rab la
368a2 rab tu byung nas des smon lam btab pa/ dge ba'i rtsa ba dang / sems bskyed pa 'dis na bdag gang dang /gang du skye ba dang / der rdzus te skye bar gyur cig /nam yang mngal
368a3 du gnas pa nyams su myong bar ma gyur cig ces smras so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na tshong dpon
368a4 du gyur pa gang yin pa de ni rdzus te skyes pa 'di yin te/ smon lam btab pa des ni rdzus te skyes par gyur to/ /des der dbang po rnams yongs su smin par byas
368a5 pas des ni da ltar dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa'ang gcig tu
368a6 nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /las 'dres ma rnams ni
368a7 rnam par smin pa'ang 'dres mar 'gyur ro/ /dge slong dag /de bas na las gcig tu nges par gnag pa rnams dang / las 'dres ma rnams spangs la/ las gcig tu
368b1 nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag
368b2 yi rangs te bcom ldan 'das kyis gsungs pa la mngon par bstod do// //mdzes pa zhes bya ba ni/ sangs rgyas bcom ldan 'das la rgyal po rnams
368b3 dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
368b4 gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor
368b5 byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing
368b6 shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman
368b7 zong rnams brnyes pa/ nyan thos kyi dge 'dun dang bcas pa/ ser skya'i gnas shing n+ya gro d+ha'i kun dga' ra ba na bzhugs so/ /de'i tshe ser skya'i gnas na shAkya phyug cing nor
369a1 mang la/ longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas
369a2 pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la
369a3 bu chags nas/ de zla ba brgyad dam/ dgu lon pa dang bu byung ste/ khye'u gzugs bzang zhing blta na sdug la mdzes pa/ mi'i kha dog las ni 'das/ lha'i kha dog ni ma
369a4 thob pa zhig btsas nas/ de btsas pa'i tshe shin tu rmad du byung ba du ma byung bar gyur te/ de dag gis grong khyer ser skya'i gnas thog thag mdzes par byas so/ /de nas
369a5 de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams na re/ 'di btsas pa na grong khyer ser skya'i gnas mdzes
369a6 par byas pa na de'i phyir khye'u 'di'i ming mdzes pa zhes gdags so zhes zer ro/ /de nas khye'u mdzes pa pang na 'tsho ba'i ma ma gnyis dang / nu ma snun pa'i ma ma gnyis
369a7 dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi
369b1 snying khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ /de nas gang gi tshe cher skyes pa de'i tshe
369b2 bcom ldan 'das la blta ba'i phyir shing n+ya gro d+ha'i kun dga' ra bar song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis
369b3 kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba
369b4 lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /de dga' ba bskyed nas bcom ldan 'das kyi zhabs la phyag btsal
369b5 te| chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs
369b6 su chud nas 'phags pa'i bden pa bzhi rtogs par 'gyur ba de lta bu'i chos ston te/ de thos nas khye'u mdzes pas 'jig tshogs la lta ba'i ri'i rtse mo mthon po nyi shu
369b7 ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la rab tu
370a1 byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par
370a2 rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams
370a3 cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar mnyam
370a4 pa| nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa
370a5 dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi blta ba/ dbang po dang / nye dbang
370a6 bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa
370a7 sangs rgyas bcom ldan 'das la zhus pa/ btsun pa/ mdzes pas las gang dag bgyis na/ des gzugs bzang zhing blta na sdug la mdzes te/ mi'i kha
370b1 dog las ni 'das/ /lha'i kha dog ni ma thob par gyur la/ 'di btsas pa'i tshe'ang shin tu rmad du byung ba du ma byung bar gyur te/ de dag gis grong khyer ser skya'i gnas kun tu mdzes
370b2 par bgyis pa lags/ bcom ldan 'das kyis bka' stsal pa/ dge slong dag /mdzes pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/
370b3 dba' rgal bzhin du 'byung la gdon mi za bar 'ong ba'i las de dag byas shing bsags pas/ mdzes pa nyid kyis las byas shing bsags pa de dag gzhan du zhig gis
370b4 nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i
370b5 khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched
370b6 rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin
370b7 par 'gyur/ /dge slong dag /sngon byung ba 'das pa'i dus na bskal pa bzang po 'di nyid la skye dgu'i tshe lo bzhi khri thub pa na/ de bzhin gshegs pa dgra bcom pa yang dag
371a1 par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla
371a2 na med pa/ lha dang / mi rnams kyi ston pa/ sangs rgyas bcom ldan 'das 'khor ba 'jig ces bya ba 'jig rten du byung ste/ de rgyal po'i pho brang grong khyer mdzes ldan
371a3 na rten cing bzhugs so/ /de nas rgyal po mdzes pas de'i dbu skra dang / sen mo'i mchod rten brtsigs so/ /de nas re zhig na de'i dus ston zhig byung ba'i tshe/ mdza'
371a4 sde dag cig mchod rten gyi drung du dong ba las/ de dag gis mchod rten de mthong ba las/ dad pa skyes te me tog btags so/ /de dag gi nang na mdza' sde bo cig
371a5 na re/ bdag la ni ci yang med kyi/ bdag ni ci yang mi byed do zhes zer nas/ mdza' sde de dag gi nang nas phyir byung ba las de 'gyod pa skyes te/ des me tog rnam
371a6 pa sna tshogs btus nas mchod rten de nyid la phul lo/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na mdza' sde bo
371a7 'gyod pa skyes nas yang dag par rdzogs pa'i sangs rgyas 'khor ba 'jig gi dbu skra dang / sen mo'i mchod rten la me tog dbul ba gang yin pa de ni mdzes pa
371b1 'di yin no/ /dge slong dag /mdzes pas ni las gzhan dag kyang byas shing bsags te/ dge slong dag /sngon byung ba 'das pa'i dus na/ grong khyer wA ra NA si na tshong
371b2 dpon zhig gnas pa des rang sangs rgyas nad pa zhig mthong ngo / /de nas dad pa skyes te rkang pa la phyag btsal nas bsod snyoms kyang phul/ gos kyang phul lo/ /dge slong
371b3 dag /ji snyam du sems/ de'i tshe de'i dus na tshong dpon du gyur pa gang yin pa de ni mdzes pa 'di yin no/ /gzhan yang / bcom ldan 'das 'od srung gi ring la mi dbul po shing
371b4 thur zhig tu gyur te/ de ri su la zhig tu shing thur song ba dang / des mchod rten zhig mthong na mchod rten de'i 'khor sa na rtswa dag kyang zhes so/ /de nas de dad pa skyes nas rtswa rnams
371b5 kyang phyung ste/ phyags ma thogs nas mchod rten dang / mchod rten gyi 'khor sa phyags so/ /de nas zhabs la phyag btsal te smon lam btab pa/ dge ba'i rtsa ba dang / sems
371b6 bskyed pa 'dis na bdag gzugs bzang zhing blta na sdug la mdzes par gyur cig /ma 'ongs pa'i dus na'ang yang dag par rdzogs pa'i sangs rgyas rnams mnyes par
371b7 byed par gyur cig /mi mnyes pa byed par ma gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na dbul
372a1 po shing thun du gyur pa gang yin pa de ni mdzes pa 'di nyid yin te/ des mchod rten dang / mchod rten gyi 'khor sa chags pa des na gang
372a2 dang gang du skyes pa de dang / der gzugs bzang zhing blta na sdug la mdzes par gyur to/ /rgyu de nyid kyis na da ltar yang dgra bcom pa nyid mngon sum du byas so/ /dge
372a3 slong dag /de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams
372a4 ni rnam par smin pa'ang gcig tu nges par dkar bar 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las
372a5 gcig tu nges par gnag pa rnams dang / las 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong
372a6 khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la
372a7 mngon par bstod do// //gang po la sogs pa'i rtogs pa brjod pa brgya pa/ bam po nyi shu pa/ ka pi na zhes bya ba ni/ sangs rgyas bcom ldan
372b1 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams
372b2 dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir
372b3 byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po
372b4 rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang /
372b5 snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas spyin gyi
372b6 kun dga' ra ba na bzhugs so/ /de'i tshe lho phyogs na rgyal po rtogs ldan zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs
372b7 pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang /
373a1 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tshe ra ma dkrugs la bu gcig pa la bya ba
373a2 bzhin du rgyal srid bskyangs so/ /de nas phyis re zhig na btsun mo dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las
373a3 btsun mo la bu chags nas/ de zla ba brgyad dam/ dgu lon pa dang bu byung ste/ khye'u gzugs bzang zhing blta na sdug la mdzes pa/ yan lag dang / nying lag thams
373a4 cad dang ldan pa zhig btsas so/ /de nas de btsas pa'i btsas ston byas nas/ ka pi na zhes ming btags so/ /de nas khye'u ka pi na pang na 'tsho ba'i ma ma gnyis
373a5 dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la btad nas/ de ma ma brgyad kyis 'o ma dang / zho dang /
373a6 mar dang / zhun mar dang / mar gyi snying khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to//
373a7 gang gi nyin par rgyal po'i bu ka pi ni btsas pa de kho na'i nyin par blon po khri brgyad stong gi bu'ang btsas te/ thams cad kyang tshan po che'i stobs dang ldan pa sha
373b1 stag go /de dag gi ming yang so so'i rkyen rkyen du 'tsham par btags so/ /de nas re zhig na rgyal po rtogs ldan shi nas de'i 'og tu bu ka pi na rgyal por bcug go /blon po'i bu
373b2 khri brgyad stong de dag thams cad kyang blon por bskos so/ /de nas phyi zhig na rgyal po ka pi na chen po blon po khri brgyad stong gis zham ring byas te ri dwags shor du song ba dang
373b3 des mdun logs dang / rgyab logs su dpung chen po thams cad bltas nas/ blon po rnams la dris pa/ kwa'e/ da ltar nga'i dpung chen po 'di lta bu dag gzhan su la
373b4 yod ces byas so/ /de nas blon po snyan par smra ba rnams kyis/ lha| su la'ang ma mchis so zhes byas so/ /de nas yul dbus nas tshong pa dag cig lho phyogs su
373b5 song ba de dag gis rgyal po ka pi na chen po la skyes phul lo/ /de nas rgyal pos smras pa/ kye| tshong pa dag /yul de'i rgyal po su yin/ tshong pa rnams kyis gsol pa/
373b6 lha| yul kha cig na ni mang po tshogs pa dbang bgyid do/ /yul kha cig na ni rgyal po dbang bgyid do/ /de nas re zhig na rgyal po ka pi na chen pos mnyan du yod pa
373b7 la sogs pa grong khyer chen po drug tu pho nya btang ste/ gal te khyed 'greng ba la bab pa na'ang ma 'dug par myur du gshegs shig /de ltar ma byas na chad pas cher gcad
374a1 do zhes byas so/ /de nas tshig de thos nas grong khyer chen po drug na gnas pa'i rgyal po rnams 'jigs shing skrag la mi dga' ste/ skyi bung zhes
374a2 byas nas 'dus shing tshogs te gros mthun par byas nas mnyan du yod par lhags so/ /de nas bcom ldan 'das kyi thad du song ste/ gtam de bcom ldan 'das
374a3 la rgyas par gsol to/ /de nas bcom ldan 'das kyis de dag dbugs phyung ste pho nya de nga'i thad du khug cig ces bka' stsal to/ /de nas de dag gis pho nya la kho bo
374a4 cag gi rgyal po'i yang rgyal po yod kyi/ re zhig na de'i spyan sngar mchi zhig ces bsgo'o/ /de nas bcom ldan 'das kyis pho nya 'ong bar thugs su chud nas rgyal bu rgyal
374a5 byed kyi tshal lha'i grong khyer blta na sdug dang 'dra bar rin po che sna bzhir sprul to/ /rgyal po chen po bzhi ni de'i sgo dpon lta bur bkod do/ /glang po che sa srung gi bu lta
374a6 bu dag dang / rta sprin gyi shugs can lta bu dag dang / shing rta dga' byed sgra lta bu dag dang / mi gnod sbyin mi bzad pa lta bu dag kyang bkod do/ /bcom ldan 'das
374a7 nyid ni 'khor los sgyur ba'i rgyal po'i cha lugs su sprul to/ /seng ge'i khri 'phang du ta la bdun tsam yod pa'ang sprul te/ de la bcom ldan 'das bzhugs
374b1 so| |de nas pho nyas de lta bur mdzes pa dag mthong nas mchog tu ya mtshan du gyur to/ /de nas bcom ldan 'das kyis 'phrin yig bris nas pho nya de la bka' stsal pa/ rgyal
374b2 po ka pi na la nga na re/ 'phrin yig mthong ba de kho na'i tshe gal te khyod 'greng ba la bab na'ang ma 'dug par myur du shog cig /gal te ma 'ongs na nga dpung gi tshogs chen
374b3 po dang 'ong ngo zhes gyis shig /de nas pho nya song ste/ rgyal po ka pi na chen po 'phrin yig dang / kha dan du btab pa de dag thams cad byas so/ /de nas rgyal po ka pi na
374b4 chen po blon po khri brgyad stong gis zham ring byas te mthar gyis song song nas mnyan du yod par phyin pa dang / nye 'og gi rgyal po rnams kyis rgyal po ka pi na chen po bsu
374b5 nas de dag gis bkur sti chen pos grong khyer du gshegs su gsol te/ mnyel bso nas bcom ldan 'das la gsol to/ /de nas bcom ldan 'das kyis de 'ong bar
374b6 thugs su chud nas/ thams cad snga ma bzhin du sprul to/ /de nas rgyal po ka pi na chen po rgyal bu rgyal byed kyi tshal du song nas/ mthong ma thag tu de'i gzugs la gzugs
374b7 kyi rgyags pa dang / dbang phyug la dbang phyug gi rgyags pa gang yin pa de med par gyur to/ /stobs kyis dregs pa ni da dung yod bzhin no/ /de nas bcom ldan 'das kyis
375a1 'jig rten pa'i dgongs pa bskyed de/ lha'i dbang po brgya byin gyis dbang po'i gzhu khyer te 'ongs na legs so snyam du dgongs nas/
375a2 bcom ldan 'das kyis dgongs pa bskyed pa'i mod la lha'i dbang po brgya byin gyis kha lo pa'i cha lugs kyis dbang po'i gzhu phul lo/ /de nas bcom ldan 'das
375a3 kyis rgyal po ka pi na chen po la byin na/ de rgyal po ka pi na chen pos bteg par yang ma nus na brdung bar lta ga la nus/ de nas bcom ldan 'das kyis lcags kyi rnga
375a4 bo che bdun sprul te/ nyid kyi gzhu de zla gam bzhin brdungs nas gnam mda' 'phangs te/ des lcags kyi rnga bo che bdun char thal phyung nas/ de las sgra byung ba/ nges
375a5 par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos
375a6 'dul 'di nyid la/ /bag yod spyod pa byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes bya ba'i sgra byung nas sgra de yang
375a7 'og min gyi lha'i yul man chad du grags so/ /de nas rgyal po ka pi na chen po'i stobs kyi dregs pa de'ang med par gyur te/ de'i blo skyes pa/ e ma/ de ci zhig
375b1 snyam mo/ /de nas bcom ldan 'das kyis rgyal po ka pi na chen po'i sems kyi rgyu ba thugs su chud nas/ 'khor los bsgyur ba'i cha lugs mi snang bar mdzad de mdo 'di
375b2 gsungs so/ /dge slong dag /de bzhin gshegs pa dgra bcom pa yang dag par rdzogs pa'i sangs rgyas ni stobs bcu dang ldan pa/ mi 'jigs pa bzhis mi 'jigs
375b3 pa| khyu mchog gi gnas rgya chen po la dam bcas pa/ tshangs pa'i 'khor lo bskor ba/ 'khor gyi nang du yang dag pa'i seng ge'i sgra sgrogs pa ste/ 'di lta ste/ 'di yod na
375b4 'di 'byung la/ 'di skyes pas 'di skyes bar 'gyur te/ 'di lta ste/ ma rig pa'i rkyen gyis 'du byed rnams/ /'du byed kyi rkyen gyis rnam par shes pa/ rnam par shes pa'i
375b5 rkyen gyis ming dang / gzugs/ ming dang / gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis
375b6 sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang /
375b7 sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ /'di
376a1 lta ste/ 'di med na 'di mi 'byung la/ 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed 'gag /
376a2 'du byed 'gags pas rnam par shes pa 'gag /rnam par shes pa 'gags pas ming dang / gzugs 'gag /ming dang / gzugs 'gags pas skye mched drug
376a3 'gag /skye mched drug 'gags pas reg pa 'gag /reg pa 'gag pas tshor ba 'gag /tshor ba 'gags pas sred pa 'gag /sred pa 'gags pas len
376a4 pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang /
376a5 sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur
376a6 ro| |dge sbyong dag /nga'i chos ni legs par gsungs pa/ gsal ba/ rnam par phye ba/ rgyu ba gcod pa/ lha dang / mi man chad la yang dag par legs par
376a7 bstan pa yin te/ de ltar chos ni legs par gsungs pa/ gsal ba/ rnam par phye ba/ rgyu ba gcod pa/ lha dang mi man chad la yang dag par legs par
376b1 bstan pa la ni rigs kyi bu dad pas rab tu byung bas ston pa'i bstan pa la brtson par bya ba'i rigs pa kho na'o/ /sbyor bar bya ba'i rigs so/ /bag yod par bya ba'i rigs so/ /
376b2 lus kyi sha khrag kun bskams te/ pags pa dang / chu ba dang / rus pa 'ba' zhig lus pa ni sla yi/ chos rnams la brtson 'grus brtsams pa/ mthu dang ldan pa/ brtson 'grus
376b3 dang ldan pa/ spro ba dang ldan pa/ mthu rtsal dang ldan pa/ brtson pa mi 'dor bas thob par bya ba gang yin pa de ma thob kyi bar du bar ma dor brtson 'grus btang bar ni mi bya'o//
376b4 de ci'i phyir zhe na/ le lo can ni sdug bsngal bzhin du gnas pa ste/ sdig pa mi dge ba'i chos kun nas nyon mongs pa byed pa/ yang srid par skye bar byed pa/ rims nad
376b5 dang bcas pa/ sdug bsngal gyi rnam par smin pa dang ldan pa/ phyi ma la skyes dang / rga shir 'gyur ba rnams dang 'dres pa yin te/ de'i ni don chen po'ang yongs su
376b6 nyams par 'gyur ro/ /brtson 'grus brtsams pa ni bde bar gnas pa ste/ sdig pa mi dge ba'i chos kun nas nyon mongs par byed pa/ yang srid par skye bar byed pa/
376b7 rims nad dang bcas pa/ sdug bsngal gyi rnam par smin pa dang ldan pa/ phyi ma la skye ba dang / rga shir 'gyur ba rnams dang ma 'dres pa yin te/ de'i ni don chen po'ang
377a1 yongs su rdzogs par 'gyur ro/ /dge slong dag /'di lta ste/ ston pa yang mngon sum du bzhugs/ chos kyang ston te/ nye bar zhi bar byed pa /
377a2 yongs su mya ngan las 'da' bar byed pa/ rdzogs pa'i byang chub tu 'gro bar byed pa/ bde bar gshegs pas gsungs pa'i gsung rab 'di ni nying khu btung bar 'os
377a3 pa yin no/ /dge slong dag/ de bas na bdag gi don dang / gzhan gyi don dang / gnyi ga'i don yang dag par mthong ba rnams kyis ni 'di la so so nas legs par
377a4 bslab par bya ste/ ji ltar byas nas bdag cag rab tu byung ba don yod pa dang / 'bras bu dang bcas pa dang / bde ba bskyed pa dang / bde ba'i rnam par smin par
377a5 'gyur la/ gang dag gi gos dang / zas dang / mal cha dang / stan dang / nad gsos dang / sman zong rnams bdag cag gis longs spyad pa de dag gi bkur sti de
377a6 dag kyang ji ltar byas na 'bras bu shin tu che ba dang / phan yon che ba dang / byin che ba dang / rgya che bar 'gyur ba zhig gu snyam du dge slong khyed kyis de ltar bslab par
377a7 bya'o/ /chos kyi rnam grangs 'di bshad pa na rgyal po ka pi na chen po blon po khri brgyad stong gi 'khor dang bcas pas 'jig tshogs la lta ba'i ri'i rtse mo mthon po nyi
377b1 shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas bcom ldan 'das kyi bstan pa la rab tu byung ste/ des brtson pa
377b2 dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba
377b3 dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra
377b4 bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan
377b5 spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa
377b6 dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas
377b7 dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ ka pi na sa las gang dag bgyis na/ de gzugs
378a1 bzang zhing blta na sdug la mdzes pa dang / blon po khri brgyad stong gi 'khor dang bcas par tshan po che'i stobs dang ldan par gyur la/ rab
378a2 tu byung nas kyang dgra bcom pa nyid mngon sum du bgyis lags so/ /bcom ldan 'das kyis bka' stsal pa/ dge slong dag /ka pi na nyid kyis sngon tshe rabs gzhan
378a3 dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ ka pi na nyid kyis
378a4 las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams
378a5 la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing
378a6 bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal
378a7 pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na bskal pa dgu bcu rtsa gcig
378b1 pa la skye dgu'i tshe lo brgyad khri thub pa na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs
378b2 pa| 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rnam par gzigs zhes bya
378b3 ba 'jig rten du byung ste/ de rgyal po'i pho brang gnyen ldan na rten cing bzhugs so/ /de nas re zhig na ded dpon zhig gis rgya mtsho chen po'i nang nas rin po che mang pa
378b4 khyer te 'ongs nas des yang dag par rdzogs pa'i sangs rgyas rnam par gzigs nyan thos kyi dge 'dun dang bcas pa zla ba gsum gyi bar du bshos la spyan drangs
378b5 so| |gtsug lag khang yang brtsigs nas phyogs bzhi'i dge 'dun la phul lo/ /dge slong dag /ji snyam du sems/ de'i tshe de'i dus na ded dpon du gyur pa
378b6 gang yin pa de ni ka pi na 'di yin no/ /dge slong dag /ka pi nas ni las gzhan dag kyang byas shing bsags te/ dge slong dag /sngon byung ba 'das pa'i
378b7 dus na grong khyer wA ra NA si na rgyal po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye
379a1 bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / tshom rkun dang / mu ge dang /
379a2 nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ chos dang ldan pa/ chos kyi rgyal po chos bzhin du
379a3 rgyal po byed do/ /de phyi zhig na blon po khri brgyad stong gis zhabs 'bring byas te/ skyed mos tshal gyi shing rnams me tog rgyas la/ ngang pa dang / khrung khrung dang /
379a4 rma bya dang / ne tso dang / ri skegs dang / khu byug dang / shang shang te'u rnams skad 'byin pa'i nags khrod du song ba las des skyed mos tshal der rang sangs
379a5 rgyas nad pa zhig mthong nas des de la zla ba gsum gyi bar du phan pa'i zas kyis bsnyen bkur byas so/ /yongs su mya ngan 'das pa'i 'og tu'ang de'i sku
379a6 gdung gi mchod rten brtsigs nas blon po'i tshogs dang bcas pas til mar gyis bskus te/ des na 'khor dang bcas pa tshan po che'i stobs dang ldan
379a7 par gyur to/ /gzhan yang / sangs rgyas 'od srung gi ring la rab tu byung ste/ des der dbang po yongs su smin par byas pa des na/ da ltar dgra bcom pa nyid mngon
379b1 sum du byas so/ /dge slong dag/ de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par
379b2 dkar ba rnams ni rnam par smin pa'ang gcig tu nges par dkar bar 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag /de bas
379b3 na las gcig tu nges par gnag pa rnams dang / las 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong /
379b4 khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par
379b5 bstod do// //bzang ldan zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang
379b6 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam
379b7 mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod
380a1 sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom
380a2 ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/
380a3 nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas
380a4 gang gi tshe bcom ldan 'das mngon par rdzogs par sangs rgyas nas lo bcu gnyis lon te/ lo bcu gnyis 'das nas/ grong khyer ser skya'i gnas su byon pa de'i
380a5 tshe bre bo zas dang / bdud rtsi zas la sogs pa shAkya stong phrag du mas bden pa mthong ste/ rgyal po zas gtsang ni ma gtogs so/ /de nas rgyal po zas gtsang gis
380a6 sras kyi legs pa de dag mthong nas/ mchog tu ya mtshan du gyur te/ de'i blo skyes pa/ gal te bdag gi bu rab tu ma byung du zin na ni 'di 'khor los sgyur ba'i rgyal
380a7 po mtha' bzhir rgyal ba chos dang ldan pa/ chos kyi rgyal por 'gyur ba zhig na/ da ni 'di thor tshugs can rab tu byung ba'i g.yog byas pa ni rab tu mi mdzes kyi/ bdag
380b1 gis shAkya rnams las khyim re mi re rab tu 'byung du gzhug gor ma chag snyam mo/ /de nas rgyal po zas gtsang gis shAkya thams cad bsdu ba'i phyir grong khyer du dril bsgrags
380b2 so| |de nas shAkya thams cad 'dus pa'i nang du rgyal po zas gtsang gis smras pa/ kye| shAkya khyed rnams nyon cig /gal te gzhon nu don thams cad grub pa rab tu
380b3 ma byung du zin na'ang khyed kho nas 'di la bsnyen bkur bya dgos na da 'dir rab tu byung gi /shAkya khyim res mi res bsnyen bkur bya ba'i phyir rab tu phyung zhig ces byas
380b4 so| |de nas bzang ldan dang / ma 'gags pa dang / nam gru dang / lha sbyin la sogs pa shAkya'i bu lnga brgya rab tu 'byung bar chas so/ /de nas de dag gi 'dreg mkhan
380b5 bsnyen bkur byed pa nye bar 'khor des de dag rab tu 'byung ba mthong nas dus so/ /de nas shAkya rnams kyis nye bar 'khor khyod ci'i phyir du zhes dris so/ /de nas des snying rje
380b6 rje skad zer zhing / sdug sdug skad zer la/ gti zhing smra ste/ khyed rab tu byung na da bdag la zas dang / gos skyong ba su zhig mchis/ de nas shAkya rnams kyis smras pa/ nye
380b7 bar 'khor/ 'o na ras thing zhig byas so/ /de nas des ras bting nas shAkya rnams kyis lus la thogs pa'i do shal dang / se mo do dang / nor bu dang / mu tig dang / bai
381a1 DUR+ya dang / dpung rgyan dang / sor rdub rnams phung po chen por spungs te byin no/ /de nas 'dreg mkhan nye bar 'khor gyis rab tu 'byung ba de
381a2 dag kyang mthong la/ rgyan rnam pa sna tshogs la'ang bltas nas tshul bzhin du yid la byed pa skyes te/ shAkya 'di dag ni cho rigs dang / byad gzugs dang / lang tsho
381a3 dang / 'byor pa dang ldan pa yin na/ 'on kyang btsun mo rnams dang / rgyan 'di dag mchil ma bzhin du bor nas/ rab tu byung na bdag ci'ang mi bdog pa zhig gis da
381a4 rgyan 'di dag khyim du bskur du ci yod de/ 'di dag btang la bdag kyang 'di dag gi rjes su rab tu 'byung gor ma chag snyam mo/ /de nas 'dreg mkhan nye bar 'khor bcom
381a5 ldan 'das ga la ba der song ste phyin nas/ bcom ldan 'das kyi zhabs la phyag btsal te/ bcom ldan 'das la 'di skad ces gsol to/ /bcom ldan 'das/
381a6 gal te bdag cag lta bu'ang legs par gsungs pa'i chos 'dul ba la rab tu 'byung ba mchis la rab tu 'byung ba dang / bsnyen par rdzogs shing dge slong gi
381a7 dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis/ dge slong / tshur shog /
381b1 ces byas pas rab tu phyung ngo / /de nas bzang ldan la sogs pa shAkya lnga brgya dge slong gi cha lugs can rnams sangs rgyas la sogs pa dge slong gi dge 'dun la phyag 'tshal bar
381b2 byas pa las/ de dag gis nye bar 'khor gyi rkang pa ngo shes nas cho rigs dang / byad gzugs dang / 'byor pa dang ldan pa'i phyir nye bar 'khor la phyag 'tshal du ma btub
381b3 nas/ der bcom ldan 'das kyis tshe dang ldan pa bzang ldan la bka' stsal pa/ bzang ldan/ gang gi phyir nga'i bstan pa 'di la ni cho rigs dang / byad gzugs dang /
381b4 lang tsho dang / dbang phyug dang / rigs bzhi rnam par dag pa dang sbyar ba med kyi/ 'di la phyag tshol cig /de nas bzang ldan la sogs pa shAkya lnga ba rgyas chos nyid btsan
381b5 par byas nas/ sdong po rtsa ba nas bcad pa bzhin du rkang pa la phyag byas so/ /de dag gis rkang pa la phyag byas pa'i mod la sa chen po 'di rnam pa drug tu g.yos so/ /
381b6 de nas der tshe dang ldan pa bzang ldan gyis brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig
381b7 nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams
382a1 cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/
382a2 gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i
382a3 sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/
382a4 dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de'ang bdag nyid che ba dang / sdug cing
382a5 phongs pa rnams la snying brtse ba zhig ste/ phyi zhig na snga dro sham thabs dang / chos gos bgos te lhung bzed thogs nas mnyan du yod par spyod yul la chas
382a6 so| |de nas re zhig na rigs ngan zhig gi khyim du bsod snyoms la song ngo / /de'i tshe ko sa la'i rgyal po gsal rgyal glang po che'i gtso bo pad+ma dkar po
382a7 gcig pu zhes bya ba la zhon te/ kha lo pa rgyu ba'i bu ring po dang / bcom ldan 'das la blta ba'i phyir chas pa las ko sa la'i rgyal po gsal rgyal gyis bzang
382b1 ldan dbang po zhi ba/ yid zhi ba/ sems mchog tu dul zhing nye bar zhi ba dang ldan la/ phyag dar khrod kyi gos gyon zhing kha zas ngan pa khyer te rigs ngan gyi khyim de
382b2 nas phyir byung ba mthong ngo / /mthong nas kyang kha lo rgyu ba'i bu ring po la dris pa/ 'di dge slong bzang ldan ma yin nam/ kha lo bas smras pa/ lha/ bka' stsal
382b3 pa bzhin te/ de lags so/ /de nas ko sa la'i rgyal po gsal rgyal khams nas brgyal te sa la lhung ngo / /de nas chus gtor ba dang / phyir sangs
382b4 te sems rtas nas kha lo pa rgyu ba'i bu ring pos bslang ngo / /de nas rgyal po gsal rgyal bcom ldan 'das kyi thad du song ste/ bcom ldan 'das kyi zhabs la phyag
382b5 btsal nas bcom ldan 'das la gsol pa/ bcom ldan 'das/ bdag gis ni rmad du byung ba zhig mthong ste/ shAkya'i rgyal po bzang ldan te/ phyag dar khrod kyi
382b6 gos gyon zhing kha zas ngan pa thogs te/ lha dang / mi dad par bgyi ba'i spyod lam shin tu zhi bas bsod snyoms blangs te/ rigs ngan gyi khyim nas slar byung ba de la
382b7 bdag 'di snyam bgyid do/ /bcom ldan 'das kyi bstan pa ni shin tu dul bar bgyid pa lags te/ de la bsten na 'di lta bur skyid de mchis la/ bde bas bskyed pa
383a1 dag kyang 'di ltar tshul dul bar gyur pa ni ngo mtshar che'o snyam bgyid do/ /bcom ldan 'das kyis bka' stsal pa/ rgyal po chen po/ bzang
383a2 ldan 'di la ni ngo mtshar che ba gzhan yang yod kyi nyon cig /rgyal po chen po/ bzang ldan 'di ni dgon pa na gnas sam/ shing drung nas gnas sam/ khang stong na gnas
383a3 kyang rung ste/ kye ma re skyid/ kye ma re skyid/ bdag rab tu ma byung ba tsam na rgyal po'i pho brang gi nang na 'dug ste/ blon po chen po dang / grong rdal gyi mi dang / yul gyi mi
383a4 rnams kyis shin tu legs par bsrungs la/ rab ba dang / 'obs dang / sgo dang / gcan rnams kyis bskyabs kyang snying gzhan la dogs shing mi dga' la/ kun
383a5 la'ang khu 'phrig za bzhin te/ gnyid kyang mi 'ong ba las/ da ni bdag lus dang srog la'ang mi lta bas gnas gang dang / gang du'ang bde bar 'dug tu yod ngo zhes
383a6 dga' ba'i tshig lan gsum du rjod par byed do/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa /
383a7 btsun pa/ bzang ldan gyis sngon tshe rabs gzhan dag tu las gang dag bgyis shing bsags na/ des gzugs bzang zhing blta na sdug la mdzes pa dang / rgyal
383b1 po'i rigs phyug por skyes la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag /bzang ldan
383b2 nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags
383b3 pas na/ bzang ldan nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa rnams ni
383b4 phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang /
383b5 mi dge ba byas shing bsags pa ni/ zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams
383b6 ni| |bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na grong khyer wA ra
383b7 NA si na sprang po zhig gnas pa lus bkres shing nyam chung bas non nas/ phan tshun du 'khor 'khor ba las bu mo 'khur ba khyer ba zhig mthong ngo / /de nas sbrang po des
384a1 'khur ba 'dod pa'i phyir bu mo de bsnyegs te/ nan gyis 'khur ba cig phrogs nas phan tshun du bros so/ /bu mo de'ang de'i phyi bzhin
384a2 'brang bzhin no/ /de nas sprang po des tsham tshom med par chu klung zlog byed la 'bogs so/ /sangs rgyas rnams mi 'byung ba'i tshe na/ rangs sangs rgyas sdug cing phongs pa
384a3 rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ re zhig na rang sangs rgyas shig sprang po
384a4 de'i mdun du 'ongs so/ /de nas sprang po des rang sangs rgyas spyod lam zhi ba de mthong nas dga' ba chen po skyes te/ de dga' ba chen pos rang gi sdug bsngal
384a5 dang bsngos te rang sangs rgyas la 'khur ba de phul lo/ /de nas rang sangs rgyas des de'i dga' brgya chen po bskyed pa'i phyir / ngang pa'i rgyal po 'dab ma
384a6 brkyang ba bzhin du nam mkha' la mngon par 'phags nas cho 'phrul rnam pa sna tshogs bstan to/ /de nas sprang po des lha dang /mi dad par byed pa'i cho 'phrul shin
384a7 tu rmad du byung ba de mthong nas/ sdong po rtsa ba nas bcad pa bzhin du rgang ba la phyag btsal te smon lam btab pa/ bdag gis yon gnas brtul zhugs grub pa
384b1 la phul ba'i dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag gang dang / gang du skyes pa de dang / der rigs mthon por
384b2 skye ba dang / 'di lta bu'i chos dag thob par gyur cig /'di bas kyang ches khyad par du 'phags pa'i ston pa dag mnyes par byed par gyur cig /mi mnyes par byed par ma
384b3 gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na/ sprang por gyur pa gang yin pa de ni bzang ldan
384b4 'di yin te/ des rang sangs rgyas la khur ba phul ba'i las de'i rnam par smin pas ni shAkya'i rigs phyug por skyes so/ /gzhan yang / sangs rgyas 'od srung gi
384b5 ring la rab tu byung ste/ des der lo khri'i bar du tshangs par spyod pa'i gnas bsrung ba des ni da ltar dgra bcom pa nyid mngon sum du byas so/ /dge slong dag /
384b6 de ltar na las gcig tu nges par gang pa rnams ni rnam par smin pa'ang gcig tu nges par gang par 'gyur ro/ /las gcig tu nges par dkar ba rnams ni
384b7 rnam par smin pa'ang gcig tu nges par dkar bar 'gyur ro/ /las 'dres ma rnams ni rnam par smin pa yang 'dres mar 'gyur ro/ /dge slong dag /de bas na las
385a1 gcig tu nges par gang pa rnams dang / las 'dres ma rnams spangs la/ las gcig tu nges par dkar ba rnams 'ba' zhig la
385a2 gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan
385a3 'das kyis gsungs pa la mngon par bstod do// //yul 'khor skyong zhes bya ba ni/ sangs rgyas bcom ldan 'das la rgyal po rnams dang / blon
385a4 po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
385a5 gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/
385a6 ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis
385a7 mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos
385b1 dang / sman zong rnams brnyes pa/ nyan thos kyi dge 'dun dang bcas pa yul gsus po che zhes bya ba na/ gsus po che'i nags khrod na bzhugs so/ /de'i tshe yul gsus
385b2 po chen rgyal po sgra mi snyan zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang /
385b3 rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba
385b4 lang dang / ma he dang ldan par 'dug ste/ chos dang ldan pa/ chos kyi rgyal po chos bzhin du rgyal po byed do/ /de nas de'i nu bo'i bu yul 'khor skyong zhes bya ba
385b5 gzugs bzang zhing blta na sdug la mdzes pa/ yan lag dang / nyid lag thams cad dang ldan pa zhig yod pa de gdul ba'i dus la bab par bcom ldan
385b6 'das kyis gzigs nas snga dro sham thabs dang / chos gos gsol te/ lhung bzed bsnams nas dge slong gi dge 'dun gyis mdun du bdar cing dge slong gi
385b7 tshogs kyis zham ring byas te/ yul gsus po cher bsod snyoms la gshegs pa dang / yul 'khor skyong gis sangs rgyas bcom ldan 'das sku skyes bu
386a1 chen po'i mtshan sum cu rtsa gnyis kyis legs par brgyan pa/ dpe byed bzang po brgyad cus mdzes par byas pa/ 'od 'dom gang gis
386a2 brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la
386a3 sems dga' bar gyur to/ /de dga' ba skyes nas bcom ldan 'das kyi zhabs la phyag btsal te/ rab tu 'byung bar gsol ba btab bo/ /de nas bcom
386a4 ldan 'das kyis de la bka' stsal pa/ bu khyod pha mas gnang ngam/ yul 'khor skyong gis gsol pa/ btsun pa/ ma gnang lags so/ /bcom ldan 'das
386a5 kyis bka' stsal pa/ bu/ de bzhin gshegs pa rnams sam/ de bzhin gshegs pa'i nyan thos rnams ni/ pha mas ma gnang bar rab tu 'byung ba'am /
386a6 bsnyen par rdzogs par mi mdzad do/ /de nas yul 'khor skyong pha ma'i thad du song ste/ phyin nas sangs rgyas kyi bsngags pa brjod de/ bdag gis ni bcom
386a7 ldan 'das yang dag par rdzogs pa'i sangs rgyas shAkya thub pa 'khor los sgyur ba'i rgyal srid rgyas pa dang / btsun mo drug khri spangs nas dbu skra bregs
386b1 te| chos gos snam sbyar gsol nas/ yul gsus po che 'di nyid na bsod snyoms la rgyu zhing / bzhugs pa mthong gi /bdag bcom ldan 'das rab tu byung ba'i rjes su
386b2 rab tu 'byung bar gnang bar mdzad pa'i rigs so/ /de nas de'i pha ma gnyis kyis ma gnang ngo / /de nas de zhag gcig dang / gnyis dang / gsum nas drug gi bar du kha tshos
386b3 so| |de nas yul 'khor skyong gi pha ma gnyis bu yul 'khor skyong ga la ba der song ste phyin nas/ /bu yul 'khor skyong la 'di skad ces smras so/ /bu yul 'khor skyong / /
386b4 shes par gyis shig /khyod ni skyid de bar 'dug 'dug pa bde ba 'dod pa yin te/ khyod kyis sdug ma myong ba yin la/ tshangs par spyod pa ni spyad par dka'o/ /dben par
386b5 gnas pa na dka'o/ /gcig pu 'dug pa ni dga' bar bya dka'o/ /dgon pa dang / nags khung dang / bas mtha'i gnas mal du gnas bca' ba ni yid la bsam par yang
386b6 dka'/ bu yul 'khor skyong khyod 'di nyid du 'dug la 'dod pa rnams kyang longs spyod par gyis shig /sbyin pa dag kyang byin cig /bsod nams dag kyang gyis shig ces
386b7 de skad byas nas/ khyim bdag gi bu yul 'khor skyong cang mi zer ro/ /de nas khyim bdag gi bu yul 'khor skyong gi pha ma gnyis kyis nye du rnams la bskul te/ kye| nye du
387a1 rnams bu yul 'khor skyong slongs shig ces byas so/ /de nas khyim bdag gi bu yul 'khor skyong gi nye du rnams khyim bdag gi bu yul 'khor
387a2 skyong ga la ba der song ste lhags nas/ khyim bdag gi bu yul 'khor skyong la 'di skad ces smras so/ /bu yul 'khor skyong / shes par gyis shig /khyod ni skyid de bar
387a3 'dug 'dug pa bde ba 'dod pa yin te/ khyod ni sdug ma myong ba yin la/ tshangs par spyod pa ni spyad par dka'o/ /dben par gnas pa ni dka'o/ /gcig pur 'dug pa ni
387a4 dga' bar bya dka'o/ /dgon pa dang / nags khung dang bas mtha'i gnas mal du gnas bca' ba ni yid la bsam par yang dka'i/ /bu yul 'khor skyod/ khyod 'di nyid
387a5 du 'dug la 'dod pa rnams kyang longs spyad par gyis shig /sbyin pa dag kyang byin cig /bsod nams dag kyang gyis shig ces de skad byas na'ang / khyim bdag gi bu
387a6 yul 'khor skyong cang mi zer ro/ /de nas khyim bdag gi bu yul 'khor skyong gi pha ma gnyis kyis yul 'khor skyong gi grogs po rnams bskul te/ kye| byis pa dag /
387a7 bu yul 'khor skyong slongs shig ces byas so/ /de nas khyim bdag gi bu yul 'khor skyong gi grogs po rnams yul 'khor skyong ga la ba der song ste lhags nas/ khyim
387b1 bdag gi bu yul 'khor skyong la 'di skad ces smras so/ /des/ bu yul 'khor skyong / shes par gyis shig /khyod ni skyid de bar 'dug 'dug pa bde ba 'dod pa yin te/ khyod
387b2 ni sdug ma myong ba yin la/ tshangs par spyod pa ni spyad par dka'o/ /dben par gnas pa ni dka'o/ /gcig pur 'dug pa ni dga' bar bya dka'o/ /dgon pa dang / nags
387b3 khung dang bas mtha'i gnas mal du gnas bca' bar ni yid la bsam par yang dka'i/ des pa yul 'khor skyong khyod 'di nyid du 'dug la 'dod pa rnams kyang longs
387b4 spyod par gyis shig /sbyin pa dag kyang byin cig /bsod nams dag kyang gyis shig /ces de skad byas nas yang khyim bdag gi bu yul 'khor skyong cang mi zer ro/ /de nas
387b5 khyim bdag gi bu yul 'khor skyong gi grogs po rnams yul 'khor skyong gi pha ma gnyis ga la ba der song ste lhags nas/ khyim bdag gi bu yul 'khor skyong gi pha ma
387b6 gnyis la 'di skad ces smras so/ /yab yum gnyis mkhyen par mdzod cig /des pa yul 'khor skyong gum na ci rung gi /yang dag pa'i dad pas khyim nas khyim med
387b7 par rab tu 'byung du stsol cig dang / gal te rab tu byung ba la dga' bar gyur na ni/ gson por mchis na ni khyod kyis gzigs par 'gyur grang / gal te dga' bar ma
388a1 gyur na ni/ bu 'gro ba'i sa pha ma ma gtogs pa gzhan ma mchis so/ /pha ma gnyis kyis smras pa/ byis pa dag /gal te bu yul 'khor skyong rab
388a2 tu byung ba'i 'og tu ngad dang 'phrad du 'ong na ni de bzhin du gnang ngo / /de nas khyim bdag gi bu yul 'khor skyong gi grogs po rnams khyim bdag gi bu yul 'khor skyong ga
388a3 la ba der song ste lhags nas/ yul 'khor skyong la 'di skad ces smras so/ /des pa yul 'khor skyong khyod rab tu 'byung bar ni pha ma gnyis kyis gnang mod kyi/ gal te rab
388a4 tu byung ba'i 'og tu phrad du 'ong ba na gdod gnang ngo / /zhes zer ro/ /yul 'khor skyong gis smras pa/ kye/ phrad par bgyi'o/ /de nas khyim bdag gi bu yul 'khor skyong khad kyis
388a5 lus kyi mthu dang stobs bskyed nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'dug
388a6 go /phyogs gcig tu 'dug nas khyim bdag gi bu yul 'khor skyong gis bcom ldan 'das la 'di skad ces gsol to/ /btsun pa/ bdag ni pha mas gnang lags
388a7 na bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na bdag kyang bcom ldan 'das kyi
388b1 thad du tshangs par spyod pa spyad par 'tshal lo/ /zhes gsol nas rigs kyi bu yul 'khor skyong gis legs par gsungs pa'i chos 'dul ba la rab tu 'byung ba dang / bsnyen
388b2 par rdzogs shing dge slong gi dngos po thob par gyur to/ /de de ltar rab tu byung nas des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo
388b3 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad
388b4 chod de/ nyon mongs thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas /
388b5 gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs
388b6 bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye
388b7 dbang dang bcas pa'i lha rnams kyi mchod cing rjed pa dang / gus par smra ba'i gnas su gyur to/ /der bcom ldan 'das kyis dge slong rnams la bka' stsal pa/ dge slong
389a1 dag /nga'i nyan thos kyi dge slong dgon pa pa rnams kyi mchog ni/ 'di lta ste/ dge slong yul 'khor skyong 'di yin no/ /de nas dge slong dag
389a2 the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ yul 'khor skyong gis las gang dag bgyis na des phyug po'i
389a3 rigs su skyes te/ gzugs bzang zhing blta na sdug la mdzes pa dang / rab tu byung nas kyang dgra bcom pa nyid mngon sum du bgyis lags/ bcom ldan 'das
389a4 kyis bka' stsal pa/ dge slong dag /yul 'khor skyong nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du
389a5 'byung la gdon mi za bar 'ong ba'i las de dag byas shing bsags pas na/ yul 'khor skyong nyid kyis las byas shing bsags pa de dag gzhan su zhig gis
389a6 nyams su myong bar 'gyur te/ dge slong dag /las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang /
389a7 mi'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa de rnams ni zin pa'i phung po dang / khams
389b1 dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na//
389b2 'bras bu nyid du smin par 'gyur/ /dge slong dag /sngon byung ba 'das pa'i dus na/ lus 'phags kyi rgyal po pho brang 'khor gyi mi dang bcas pa pha rol gyi dmag
389b3 tshogs byung ste/ ci bya gtol med nas nags khung du zhugs te/ de nyi ma'i gung la nyi ma'i 'od zer tsha bas gdungs nas dpung gi tshogs dang bcas te phan tshun 'khor
389b4 'khor nas lam yang ma rnyed do/ /sangs rgyas rnams 'jig rten du mi 'byung ba'i tshe/ rang sangs rgyas sdug cing phongs pa rnams la snying brtse ba/ bas mtha'i gnas mal
389b5 gyi 'tsho ba/ 'jig rten gyi yon gnas gcig pu rnams 'jig rten du 'byung ste/ re zhig na rang sangs rgyas shig dgon pa'i lam de na gnas pa des snying rje bskyed nas/
389b6 lus 'phags kyi rgyal po de la lam yang bstan/ chu'i lteng ka'ang bstan nas/ des rgyal po de 'khor dang bcas pa'i srog phangs pa bskyangs so/ /de nas rgyal po de dad
389b7 pa skyes nas/ rang gi grong khyer du khrid de zla ba gsum gyi bar du yo byad thams cad kyis bsnyen bkur byas so/ /mya ngan las 'das pa'i 'og tu 'ang de'i sku gdung gi
390a1 mchod rten brtsigs nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na
390a2 bdag gis kyang yon tan 'di lta bu dag thob par gyur cig /'di bas kyang ches khyad par du 'phags pa'i ston pa rnams mnyes par byed par gyur cig /mi mnyes
390a3 par byed par ma gyur cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na rgyal por gyur pa gang yin
390a4 pa de ni yul 'khor skyong 'di yin no/ /dge slong dag /yul 'khor skyong gis ni las gzhan dag kyang byas shing bsags pa te/ bskal pa bzang po 'di nyid la skye
390a5 dgu'i tshe lo nyi khri thub pa na de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig
390a6 rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung
390a7 ste| de grong khyer wA ra NA si na drang srong smra ba ri dwags kyi nags na rten cing bzhugs so/ /de'i tshe grong khyer wA ra NA si na rgyal po kri krI rgyal po byed de/ de'i ring la
390b1 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang /
390b2 chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ chos dang ldan pa/ chos kyi rgyal
390b3 po chos bzhin du rgyal po byed do/ /de nas de'i bu tha chung drang srong smra bar song ba dang / de des sangs rgyas bcom ldan 'das sku skyes bu chen po'i mtshan sum cu rtsa
390b4 gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin
390b5 po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' bar gyur to/ /dga' ba skyes nas bcom ldan 'das
390b6 kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go /de nas bcom ldan 'das 'od srung gis de la chos bstan
390b7 te| de dad pa skyes pas bcom ldan 'das 'od srung 'khor dang bcas pa la bsnyen bkur byas te skyabs su 'gro ba dang / bslab pa'i gzhi rnams blangs so/ /yongs
391a1 su mya ngan las 'das pa'i 'og tu'ang mchod rten la gdugs bu chung btags so/ /dge slong dag /ji snyam du sems/ de'i tshe de'i dus na rgyal
391a2 po'i bur gyur pa gang yin pa de ni yul 'khor skyong 'di nyid yin no/ /yul 'khor skyong gis ni las gzhan dag kyang byas shing bsags te/ dge slong dag /sngon byung ba
391a3 'das pa'i dus na grong khyer wA ra NA si na bram ze las su rtsa ba rko ba zhig gnas pa de ri zhig la rtsa ba rkor song ste nags khrod du 'khor 'khor ba las des der rang sangs
391a4 rgyas nad pa zhig mthong ngo / /de nas de dad pa skyes te/ de la bsnyen bkur byas nas gang gi tshe nad sos pa de'i tshe'ang bshos gsol te smon lam btab pa/ bdag gis
391a5 kyang yon tan 'di lta bu dag thob par gyur cig /'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur
391a6 cig ces byas so/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na rtsa ba rko pa'i bram zer gyur pa gang yin pa de ni yul
391a7 'khor skyong 'di nyid yin te/ las de'i rnam par smin pas 'khor ba na nam yang sdug bsngal myong bar ma gyur la/ da ltar yang rgyal po'i rigs phyug por skyes te /
391b1 gzugs bzang zhing blta na sdug la mdzes par gyur to/ /rgyu de kho nas dgra bcom pa nyid mngon sum du byas so/ /dge slong dag /de ltar na las gcig tu nges par gnag
391b2 pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges par dkar
391b3 bar 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gnag pa rnams dang / las
391b4 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das
391b5 kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa
391b6 brgya pa las/ sdom gyi tshigs su bcad pa dgu pa rdzogs so// //sdom ni/ rab 'byor dang ni rgan po dang / /lag pa can dang 'de gus gsos/ /'khor ba
391b7 dang ni sped pa dang / /mi sdug pa dang gang+gA pa/ /sen ring dang ni yang dag sdug /sde tshan dag tu bstan pa yin/ /rab 'byor zhes bya ba ni/ sangs rgyas bcom ldan 'das
392a1 la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang /
392a2 ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams
392a3 dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam
392a4 mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang /
392a5 zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu
392a6 rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas gang gi tshe bcom ldan 'das bla na med pa yang dag par rdzogs
392a7 pa'i byang chub mngon par rdzogs par sangs rgyas nas/ ljongs so sor 'dul ba'i skye bo rnams la phan gdags pa'i phyir nyan thos rnams bskos pa de'i tshe/
392b1 bsam gtan pa gang yin pa de dag ni ri rab kyi bang rim la bsam gtan lhur byed cing 'khod do/ /de nas re zhig na bya'i rgyal po 'dab bzang gis rgya mtsho chen po'i nang nas klu'i
392b2 phru gu zhig blangs te/ des de ri rab kyi bang rim gyi steng du phyung nas bza' bar brtsams so/ /de nas klu'i phru gu de 'chi ba'i tshe nyan thos chen po rnams la sems dga' bar
392b3 byas te shi'o/ /de nas de shi nas mnyan du yod par bram ze 'byor ba zhes bya ba de'i chung ma chen mo'i ltor zhugs nas/ de zla ba brgyad dam/ dgu lon pa dang bu byung ste/ khye'u
392b4 gzugs bzang zhing blta na sdug la mdzes pa zhig btsas so/ /de nas de btsas pa'i btsas ston byas nas/ khye'u de'i ming ji skad gdags zhes ming 'dogs par byed do//
392b5 nye du rnams na re/ khye'u 'di'i pha 'byor pa yin pas na de'i phyir khye'u 'di'i ming rab 'byor ces gdags so zhes zer ro/ /de nas khye'u rab 'byor bskyed bsrings te cher skyes
392b6 nas de sngon gyi rgyu'i stobs dang / shugs kyis spro thung ba dang / khro ba dang / zhe gnag pa'i shas che bar gyur to/ /de nas pha ma gnyis kyis srid srung las phyung ste/ drang srong gi nang
392b7 du rab tu zhugs nas de'ang de na bsam gtan lhur byed par gyur te/ nags khrod gcig na rten cing 'dug go /nags khrod de na lha bden pa mthong ba zhig kyang gnas te /
393a1 des de la snying rje bskyed nas rigs kyi bu 'di ni khro ba dang / zhe gnag pa'i shas che bas khyad par thob par mi 'gyur gyi/ bdag gis 'di bcom
393a2 ldan 'das la bltar gzhug go snyam mo/ /de nas lha des rab 'byor gyi mdun du sangs rgyas dang / chos dang / dge 'dun gyi bsngags pa brjod do/ /de nas rab 'byor
393a3 bcom ldan 'das la blta ba'i 'dod pa bskyed nas lha de'i rdzu 'phrul gyi mthus bcom ldan 'das kyi thad du khrid do/ /de nas des sangs rgyas bcom ldan 'das sku
393a4 skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong
393a5 pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de sems can rnams la zhe non pa'i sems gang yin pa
393a6 de med par gyur to/ /de nas dga' ba skyes te/ bcom ldan 'das kyi zhabs la phyag btsal nas chos mnyan pa'i phyir bcom ldan 'das kyi spyan sngar 'dug go /de nas
393a7 bcom ldan 'das kyis de'i bsam pa dang / bag la nyal ba dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de
393b1 lta bu'i chos bstan te/ de thos nas rigs kyi bu rab 'byor gyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu
393b2 mngon sum du byas te/ bden pa mthong nas de bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas byams pa bsgoms pas
393b3 sems btul nas/ phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par
393b4 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams
393b5 gsum pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur
393b6 bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang /
393b7 bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas tshe dang ldan pa rab 'byor
394a1 gyis gang nas shi 'phos pa dang / gang du skyes pa dang / las gang gis skyes pa bsams pa dang / des tshe rabs lnga brgya'i bar du klu las
394a2 shi 'phos te klu 'ba' zhig tu skyes par mthong ngo / /de nas de'i blo skyes pa/ bdag gis 'di ltar zhe sdang gi rkyen bsgrubs pa des na bdag tshe rabs lnga brgyar klu 'ba'
394a3 zhig tu skyes te/ de kho na'i phyir sdug bsngal chen po myong bar gyur gyi/ da ni ci nas bdag la gzhan dag gis zhe sdang skye bar 'gyur zhing de dang ldan pas lus dang
394a4 bral ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba de lta bur mi 'gyur bar bya'o snyam nas/ de nyon mongs pa med pa
394a5 la gnas pa'i lam yang dag par blangs te gnas so/ /de gang gi tshe dge 'dun gyi nang ngam/ grong ngam/ yul lam/ ljongs su bsod snyoms kyi phyir gnas par 'dod
394a6 pa de'i tshe/ thog ma kho nar spyod yul la lta bar 'dod de/ bdag mthong na tha na grog sbur yan chad su yang sna 'ga' zhig gi phyir sems sdang bar mi 'gyur grang snyam
394a7 nas des spyod lam de btang te/ gzhan du bsgyur nas/ das sems can de dag gi sems dga' bar gyur te/ de dgra bcom pa nyid yin du zin kyang de lta bu'i nyam nga ba
394b1 myong ngo / /de nas tshe dang ldan pa rab 'byor gyi blo skyes pa/ ma la/ bdag gi da ni skye bo mang po la phan gdags so snyam mo/ /de nas rdzu 'phrul gyis nam mkha' lding lnga brgya
394b2 sprul te/ de dag mthong nas klu rnams skrag cing dngangs te mi dga' nas phan tshun du ci bya gtol med par gyur to/ /de nas rab 'byor gyis yang rdzu 'phrul gyi stobs kyis yongs
394b3 su bskyabs so/ /de nas de dag sems dga' bar gyur nas/ byams pa'i lung phog go /de nas yang klu chen po'i gzugs su sprul nas nam mkha' lding lnga brgya gtses
394b4 te| de dag kyang skrag nas byams pa'i lung phog nas/ des de ltar klu dang nam mkha' lding gi rigs lnga brgya lnga brgya btul to/ /de nas der bcom ldan 'das kyis dge
394b5 slong rnams la bka' stsal pa/ dge slong dag /nga'i nyan thos kyi dge slong nyon mongs pa med par gnas pa rnams kyi mchog ni/ /'di lta ste/ rigs kyi bu rab 'byor 'di
394b6 yin no/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ tshe dang ldan pa rab 'byor gyis las
394b7 gang dag byas na des nyon mongs pa ma mchis par gnas pa'i mchog tu bstan lags/ bcom ldan 'das kyis bka' stsal pa/ dge slong dag /rab 'byor nyid
395a1 kyis sngon tshe rabs gzhan dag du tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag
395a2 byas shing bsags pa na/ rab 'byor nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag /las byas
395a3 shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par
395a4 mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye ma ched rnams 'ba' zhig la rnam par smin
395a5 par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong
395a6 dag /sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs
395a7 pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams
395b1 kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA si na drang srong smra ba ri dwags kyi nags na rten cing bzhugs so/ /
395b2 de nas der 'di rab tu byung ste/ 'dis sbyin pa dag byin nas lo khri'i bar du tshangs par spyod pa'i gnas bsrungs te smon lam btab pa/ dge ba'i rtsa ba dang / sems bskyed
395b3 pa dang / sbyin par bya ba'i chos yongs su gtong ba 'dis na bdag ma 'ongs pa'i dus su bcom ldan 'das 'od srung gis bram ze'i khye'u bla ma la bram ze'i khye'u khyod skye dgu'i
395b4 tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang yin pa de'i bstan
395b5 pa la bdag rab tu byung nas/ nyon mongs pa med par gnas pa'i mchog tu gyur cig ces byas so/ /las gang dag gis klur skyes she na/ nyon mongs pa rnams ma spangs
395b6 pa dang / dbang po rnams 'khrul pa dang / las kyi lam rnams mthar thug par ma byas pa dang / slob pa dang mi slob pa'i dge slong rnams la sdang ba'i sems bskyed nas/
395b7 sbrul gdug pa zhes bya ba'i tshig brjod de/ des na klur skyes so/ /des sbyin pa dang / rab tu sbyin pa dag byin nas/ tshangs par spyod pa'i gnas bsrungs pa des ni da ltar
396a1 dgra bcom pa nyid mngon sum du byas te/ nyon mongs pa med par gnas pa'i mchog tu bstan to/ /dge slong dag /de ltar na las gcig tu nges
396a2 par gnag pa rnams ni rnam par smin pa'ang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa'ang gcig tu nges
396a3 par dkar bar 'gyur ro/ /las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gnag pa rnams
396a4 dang / las 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom
396a5 ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs
396a6 pa'i rtogs pa brjod pa brgya pa/ bam po nyi shu rtsa gcig pa/ rgyan po zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang /
396a7 phyag po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha
396b1 ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha
396b2 dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan
396b3 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge
396b4 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab na tshong dpon phyug pa nor mang la longs spyod
396b5 che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma
396b6 blangs nas de de dang lhan cig tu rtse zhing dga' la dga' mgur spyod do/ /de de dang rtse zhing dga' la dga' mgur spyod pa las chung ma la bu chags nas/ bu ma byung bar re
396b7 zhig na yang de nyid dang rtse zhing dga' la dga' mgur spyod do/ /de rtse zhing dga' la dga' mgur spyod pa las mngal na bu snga ma de 'dug bzhin du re zhig na/ ma'i ltor
397a1 bu snga phyir bcu byung yang bu dang po de ni mngal nyid na 'dug bzhin no/ /de nas re zhig na khyim bdag de'i chung ma de na bar gyur nas/ de la
397a2 rtsa ba dang / sdong bu dang / lo ma dang / me tog dang / 'bras bu'i sman rnams kyis rim gro byas kyang nad de zhi bar ma gyur nas/ gang gi tshe de shi la thug pa'i nad kyi thebs
397a3 te| 'chir nye ba de'i tshe des khyim thab la smras pa/ jo bo/ mkhyen par mdzod cig /'di'i nang na bdag gi bu dang po mchis kyi nam bdag gum pa na/ glo g.yas
397a4 rol mtshon gyis dral te/ khye'u dang po nas mchis pa de phyungs shig ces de skad smras nas/ bsags pa kun ni tha mar zad/ /mthon po rnams ni tha mar nyil/ /phrad
397a5 pa rnams ni tha mar 'bral/ /gson po rnams ni tha mar 'chi/ /zhes smras te shi'o/ /de nas de shi nas gos sngon po dang / ser po dang / dmar po dang / dkar po
397a6 dag gis khyogs brgyan te/ bsil ba'i tshal gyi dur khrod du khyer nas sman pa'i rgyal po 'tsho byed bos so/ /rgyal po'i khab kyi grong khyer thog thag tu'ang 'di
397a7 ltar bud med che ge mo zhig la lo 'di snyed cig gi bar du bu mngal na 'dug 'dug ste/ de'i bu gzhan bcu byung yang thog ma'i bu mngal na 'dug pa de ma byung nas/
397b1 deng sman pa'i rgyal po 'tsho byed kyis shi ba de'i lho mtshon gyis dral te/ dang po'i khye'u mngal du 'dug pa de dbyung bar 'tshal lo zhes de skad du sgra grag go /sgra grag nas kyang
397b2 srog chags 'bum phrag du ma dang / rdzogs byed la sogs pa ston pa drug po rnams kyang bsil ba'i tshal gyi dur khrod du ltad mo la 'dus so/ /de nas bcom ldan 'das kyis tshe
397b3 dang ldan pa kun dga' bo la bka' stsal pa/ kun dga' bo/ song la dge slong rnams la/ 'di skad du/ bcom ldan 'das dur khrod rgyu zhing gshegs par bzhed kyi/
397b4 khyed las gang rmad du byung ba lta 'dod pa de dag gshegs shig ces sgo zhig /de nas re zhig na bcom ldan 'das tshe dang ldan pa kun shes kauN+Di n+ya dang / rlangs pa
397b5 dang / ming chen dang / ma 'gags pa dang / shA ri'i bu dang / mo'u 'gal gyi bu dang / 'od srung dang / kun dga' bo dang / nam gru la sogs pa nyan thos chen po rnams
397b6 kyis zham ring byas te/ bsil ba'i tshal gyi dur khrod du gshegs so/ /skye bo'i tshogs kyis kyang bcom ldan 'das mthong nas go phye'o/ /de nas sman pa 'tsho byed
397b7 kyis bud med de'i glo g.yas pa dral to/ /de nas khye'u de rab byung na skra dkar zhing yan lag gnyer mas gang ba lus kyi phyogs cha rnams rgan shar gyur pa/ dbang
398a1 po rnyis pa rid de ba/ nyam stobs chung ba zhig byung ngo / /de nas byung ma thag tu skye bo'i tshogs de dag la bltas nas tshig tu smras pa /
398a2 kye| bla ma rnams sam/ bla ma lta bu rnams sam/ pha ma'am/ mkhan po'am/ slob dpon rnams la tshig rtsub po ma zer cig /ji ltar bdag ma'i ltor pho
398a3 ba dang / long ka gnyis kyi bar du lo drug cu 'dug 'dug pa de lta bu'i nyams myong bar gyur ta re zhes smras nas cang mi zer bar 'dug go /der bcom ldan 'das
398a4 kyis dge slong rnams la bka' stsal pa/ dge slong dag /'di ltar srid pa tha ma pa'i sems can gyis kyang nyams 'di lta bu myong bar 'gyur gyi/ srid par skye
398a5 ba thams cad kyis chog par gyis shig /sred par skye ba'i yo byad thams cad kyis chog par gyis shig /de nas bcom ldan 'das kyis khye'u la bka' stsal
398a6 pa| khye'u khyod rgan po yin nam/ bcom ldan 'das/ bdag ni rgan po lags so/ /khye'u khyod rgan po yin nam/ bde bar gshegs pa/ bdag ni rgan po
398a7 lags so/ /de nas gzhi de las de'i ming rgan po zhes btags so/ /de nas bcom ldan 'das kyi sa gzhi de las de lta bu'i chos bstan pa mdzad do/ /de thos nas
398b1 sems can brgya phrag mang po skyo bar gyur nas khyad par chen po thob bo/ /rgan po de'ang lo bcu'i bar du khyim gyi gnas na 'dug 'dug nas lo bdun cu lon te/ bcom
398b2 ldan 'das kyi bstan pa la rab tu byung nas/ bya rgod kyi phung po'i ri la dge slong nyi shu rtsa lnga dang thabs gcig tu dbyar gnas par dam bcas so/ /de nas der dge 'dun
398b3 gyi gnas brtan gyis so so'i skye bor 'dug bzhin du gang gis kyang skabs dbye bar mi bya'o zhes khrims bcas so/ /de nas re zhig na zla ba gsum lon pa dang / dge slong
398b4 nyi shu rtsa bzhis dgra bcom pa nyid thob na/ rgan po gcig pu so so'i skye bo'i so na 'dug go /de nas dge 'dun gyi gnas brtan gyis skabs 'byed pa byed pa'i nang du
398b5 shin tu mang du brgyad bkag nas tshogs kyi nang nas bskrad de btang ngo / /de nas des mtshon cha blangs te khang phugs su zhugs nas ngu zhing rnam pa du mar smre sngags
398b6 bton to/ /smras pa/ nags tshal thams cad 'bar 'gyur te/ /ri rnams ser bor gyur zin na/ /'on kyang da dung sdig pa'i sems/ /rnam par grol bar ma gyur to/ /
398b7 phu chu dag gi sgra yang zhi/ /'bab chu dag kyang bri bzhin du/ /'on kyang da dung sdig pa'i sems/ /rnam par grol bar ma gyur to/ /sgo nga la skyes bya 'di dag /sgra skad gcom
399a1 yang chung gyur na/ /'on kyang da dung sdig pa'i sems/ /rnam par grol bar ma gyur to/ /nags tshal 'di dag lo ma ser/ /shing rnams 'dab
399a2 ma lhags gyur na/ /'on kyang da dung sdig pa'i sems/ /rnam par grol bar ma gyur to/ /lung 'bog pa yi gnas brtan rnams/ /phyogs phyogs dag tu dong zin na/ /'on kyang
399a3 da dung sdig pa'i sems/ /rnam par grol bar ma gyur to/ /so so'i skye bor 'dug bzhin du/ /ston pa'i thad du ji ltar 'gro /don med gson pa ci dgos kyi/ /bdag ni tshon
399a4 gyis lcebs te gtang / /zhes zer ro/ /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi
399a5 chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig
399a6 tu dpa' ba/ zla med pa/ gnyis su mi gsungs pa/ zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum la legs par bslab pa/
399a7 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang ba bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas
399b1 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das
399b2 pa| yan lag drug dang ldan pa/ pha rol phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam
399b3 yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya
399b4 phreg bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum/ mtshan dus gsum du sangs rgyas kyi spyan gyis 'jig rten la
399b5 gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang ldan/ su ni ngan song du gzhol/
399b6 su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su
399b7 ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams
400a1 bskyed zin pa las smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go /'dir smras pa/ rgya mtsho chu
400a2 srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas re zhig na bcom ldan 'das
400a3 kyis dgongs te rdzu 'phrul gyis kyang de'i thad du gshegs nas/ de dang mthun pa'i chos bstan te/ de thos nas tshe dang ldan pa rgan pos phol mig lnga pa'i 'khor ba'i 'khor lo 'di
400a4 nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon
400a5 mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang / bong bar
400a6 mnyam pa/ nam mkha' dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa
400a7 dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i
400b1 lha rnams kyis mchod cing rjed pa dang / gus par smra ba'i gnas su gyur to/ /de nas rgan pos dgra bcom pa nyid thob nas bdag gis kyang gdul bar bya ba 'ga' lta yod dam
400b2 snyam du bsam pa dang / des tshong pa lnga ba rgya tsam rgya mtsho'i nang na srin po nag po'i rlung gis bskor cing 'dug pa mthong nas sdug bsngal dang phrad pa 'di dag bdag gis sdug bsngal de las yongs
400b3 su bskyab par bya'o/ /'on kyang de dag bdag gis 'dul bar 'gyur ro snyam mo/ /de nas rgan po rdzu 'phrul gyis song nas 'jigs pa de las yongs su bskyabs so/ /de nas de dag dad pa skyes
400b4 te| thams cad rab tu byung nas de dag la yid la byed pa'i lung phog ste/ de dag thams cad kyis brtson pa dang / bsgrub pa dang / 'bad pas nyon mongs pa thams cad spangs nas/ dgra
400b5 bcom pa nyid mngon sum du byas so/ /de nas de dag gis yon tan rnams sus kyang mi shes nas/ drug sde rnams 'phya bar gyur te/ rgan blun du 'dug la mi lnga brgya dang lhan cig
400b6 'khod cing drung du bzhag pas 'di dag kyang de dang 'dra bar dul bar mi 'gyur ro zhes 'dzer to/ /de nas tshe dang ldan pa kun dga' bo tshangs pa mtshungs par spyod pa la mnyes gshin la
400b7 gzhan la phan 'dogs pa la zhugs pas/ tshe dang ldan pa gnas brtan gleng bar 'dod nas/ tshe dang ldan pa gnas brtan rgan po ga la ba der song ste phyin nas/ tshe dang ldan pa dge slong
401a1 gnas brtan rgan po dang lhan cig tu mngon sum du yang dag par mgu bar 'gyur ba dang / yang dag par dga' bar 'gyur pa'i gtam rnam pa sna tshogs kyis
401a2 'dres nas phyogs gcig tu 'dug go /phyogs gcig tu 'dug nas/ tshe dang ldan pa kun dga' bos gnas brtan rgan po la 'di skad ces smras so/ /gal te dris nas dri ba lung bstan
401a3 pa'i phyir skabs phye na/ tshe dang ldan pa gnas brtan rgan po la bdag phyogs 'ga' zhig 'dri'o/ /tshe dang ldan pa kun dga' bo dris shig dang / thos nas khyod la bsnyad par bya'o/ /tshe dang
401a4 ldan pa gnas brtan rgan po/ dge slong dgon pa na gnas pa dang / shing drung na gnas pa dang / khang stong na gnas pas chos gang dag rgyun mi 'chad par yid la bya/ tshe dang ldan pa
401a5 kun dga' bo/ dge slong dgon pa na gnas pa dang / shing drung na gnas pa dang / khang stong na gnas pas chos gnyis rgyun mi 'chad par yid la bya ste/ zhi gnas dang / lhag mthong
401a6 ngo| |gnas brtan/ zhi gnas kun tu bsten cing bsgoms te/ mang du byas pas don gang dag nyams su myong bar 'gyur/ lhag mthong kun tu bsten cing bsgoms te mang du byas pas
401a7 don gang nyams su myong bar 'gyur/ tshe dang ldan pa kun dga' bo/ zhi gnas kun tu bsten cing bsgoms te mang du byas pas ni lhag mthong la brten te rnam par grol bar 'gyur ro/ /
401b1 lhag mthong kun tu bsten cing bsgoms te mang du byas pas ni zhi gnas la brten te rnam par grol bar 'gyur ro/ /tshe dang ldan pa kun dga' bo/ zhi gnas dang / lhag mthong yongs su bsgoms
401b2 pa'i 'phags pa nyan thos thos pa dang ldan pa'i sems ni/ khams kyi sgo nas rnam par grol bar 'gyur ro/ /gnas brtan/ khams rnams gang dag yin/ tshe dang ldan pa kun dga' bo/ spong
401b3 ba'i khams gang yin pa dang / 'dod chags dang bral ba'i khams gang yin pa dang / 'gog pa'i khams gang yin pa'o/ /gnas brtan/ gang spangs pa la spongs pa'i khams zhes bya/ gang las
401b4 'dod chags dang bral ba la 'dod chags dang bral ba'i khams zhes bya/ gang 'gags pa la 'gog pa'i khams zhes bya/ tshe dang ldan pa kun dga' bo/ 'du byed thams cad spangs pa la
401b5 spong ba'i khams zhes bya'o/ /'du byed thams cad las 'dod chags dang bral ba la 'dod chags dang bral ba'i khams zhes bya'o/ /'du byed thams cad 'gag pa la 'gog pa'i khams
401b6 zhes bya'o/ /de nas tshe dang ldan pa kun dga' bo/ gnas brtan rgan pos bshad pa la mngon par bstod de rjes su yi rang nas dge slong lnga brgya po ga la ba der song ste phyin nas/ dge
401b7 slong lnga brgya po rnams la 'di skad ces smras so/ /tshe dang ldan pa dag /dge slong dgon pa na gnas pa dang / shing drung na gnas pa dang / khang stong na gnas pas chos gang dag rgyun mi
402a1 'chad par yid la bya/ tshe dang ldan pa kun dga' bo/ dge slong dgon pa na gnas pa dang / shing drung na gnas pa dang / khang stong na gnas pas chos gnyis
402a2 rgyun mi 'chad par yid la bya ste/ zhi gnas dang / lhag mthong ngo / /tshe dang ldan pa dag/ zhi gnas kun tu bsten cing bsgoms te/ mang du byas pas don gang nyams su myong bar 'gyur/ lhag
402a3 mthong kun tu bsten cing bsgoms te mang du byas pas/ don gang nyams su myong bar 'gyur/ tshe dang ldan pa kun dga' bo/ zhi gnas kun tu bsten cing bsgoms te mang du byas pas ni
402a4 lhag mthong la brten te rnam par grol bar 'gyur ro/ /lhag mthong kun tu bsten cing mang du byas pas ni zhi gnas la brten te rnam par grol bar 'gyur ro/ /tshe dang ldan pa kun dga'
402a5 bo| zhi gnas dang / lhag mthong yongs su bsgoms pa'i 'phags pa nyan thos thos pa dang ldan pa'i sems ni khams kyi sgo nas rnam par grol bar 'gyur ro/ /tshe dang ldan pa
402a6 dag/ khams rnams gang dag yin/ tshe dang ldan pa kun dga' bo/ spong ba'i khams gang yin pa dang / 'dod chags dang bral ba'i khams gang yin pa dang / 'gog pa'i khams
402a7 gang yin pa'o/ /tshe dang ldan pa dag /gang spangs pa la spong ba'i khams zhes bya/ gang las 'dod chags dang bral ba la 'dod chags dang bral ba'i khams zhes bya/ gang 'gags
402b1 pa la 'gog pa'i khams zhes bya/ tshe dang ldan pa kun dga' bo/ 'du byed thams cad spangs pa la spong ba'i khams zhes bya'o/ /'du byed thams cad las 'dod chags dang bral ba la
402b2 'dod chags dang bral ba'i khams zhes bya'o/ /'du byed thams cad 'gags pa la 'gog pa'i khams zhes bya'o/ /de nas tshe dang ldan pa kun dga' bo/ dge slong lnga brgya po rnams
402b3 kyis bshad pa la mngon par bstod de/ rjes su yi rangs nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te phyogs
402b4 gcig tu 'dug go /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa/ dge slong dgon pa na gnas pa dang / shing drung
402b5 na gnas pa dang / khang stong na gnas pas chos gang dag rgyun mi 'chad par yid la bgyi/ kun dga' bo/ dge slong dgon pa na gnas pa dang / shing drung na gnas pa dang / khang stong na
402b6 gnas pas chos gnyis rgyun mi 'chad par yid la bya ste/ zhi gnas dang / lhag mthong ngo / /btsun pa/ zhi gnas kun tu bsten cing bsgoms te mang du bgyis pas/ don gang nyams su
402b7 myong bar 'gyur lags/ lhag mthong kun tu bsten cing bsgoms te mang du bgyis pas don gang nyams su myong bar 'gyur lags/ kun dga' bo/ zhi gnas kun tu bsten cing bsgoms
403a1 te mang du byas pas ni lhag mthong la bsten te rnam par grol bar 'gyur ro/ /lhag mthong kun tu bsten cing bsgoms te mang du byas pas ni zhi gnas la
403a2 brten te rnam par grol bar 'gyur ro/ /kun dga' bo/ /zhi gnas dang / lhag mthong yongs su bsgoms pa'i 'phags pa nyan thos thos pa dang ldan pa'i sems ni khams kyi
403a3 sgo nas rnam par grol bar 'gyur ro/ /btsun pa/ khams rnams gang dag lags/ kun dga' bo/ spong ba'i khams gang yin pa dang / 'dod chags dang bral ba'i khams gang yin
403a4 pa dang / 'gog pa'i khams gang yin pa'o/ /btsun pa/ gang spangs pa la spong ba'i khams zhes bgyi/ gang las 'dod chags dang bral ba la 'dod chags dang bral ba'i khams
403a5 zhes bgyi/ gang 'gags pa la 'gog pa'i khams zhes bgyi/ kun dga' bo/ 'du byed thams cad spangs pa la spong ba'i khams zhes bya'o/ /'du byed thams cad las 'dod
403a6 chags dang bral ba la 'dod chags dang bral ba'i khams zhes bya'o/ /'du byed thams cad 'gags pa la 'gog pa'i khams zhes bya'o/ /btsun pa/ ston pa dang nyan thos
403a7 rnams 'di lta ste/ tshig gi mchog gis 'di kho na ltar don dang / don du mthun zhing 'dra ba dang / tshig dang / tshig tu mthun zhing 'dra ba dang / yi ge dang / yi ge mthun zhing 'dra
403b1 ba ni ngo mtshar lags so/ /de ci'i phyir zhe na/ btsun pa/ 'dir bdag gnas brtan dge slong rgan bo ga la ba der mchis nas gnas brtan rgan po la don 'di nyid tshig 'di rnams dang /
403b2 yi ge 'di rnams kyis smras na'ang de ltar bcom ldan 'das kyis ji skad bka' stsal pa kho na bzhin du des bdag la don 'di nyid tshig 'di rnams dang yi ge 'di rnams kyis smras
403b3 pa'i lan btab la/ bdag gnas brtan dge slong rgan pos bshad pa la mngon par bstod de/ rjes su yi rangs nas dge slong lnga brgya po rnams ga la ba der mchis te/ dge slong
403b4 lnga brgya po rnams la don 'di nyid tshig 'di rnams dang / yi ge 'di rnams kyis smras na'ang da ltar bcom ldan 'das kyis ji skad bka' stsal pa kho na bzhin du de dag gis kyang
403b5 bdag la don 'di nyid tshig 'di rnams dang / yi ge 'di rnams kyis smras pa'i lan btab ste/ btsun pa/ ston pa dang / nyan thos rnams/ 'di lta ste/ tshig gi mchog gis 'di kho na
403b6 ltar don dang / don du mthun zhing 'dra ba dang / tshig dang / tshig tu mthun zhing 'dra ba dang / yi ge dang / yi ger mthun zhing 'dra ba de ni ngo mtshar lags so/ /bcom ldan 'das kyis bka' stsal
403b7 pa| kun dga' bo/ khyod kyis dge slong rgan po su yin shes sam/ gsol pa/ btsun pa dge slong rgan po ni dgra bcom pa/ zag pa zad pa/ bya ba byas pa/ byed pa byas pa/ khur bor
404a1 ba/ rang gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba lags so/ /dge
404a2 slong lnga brgya po de dag thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid par kun tu sbyor ba yongs su
404a3 zad pa/ yang dag pa'i shes pas sems shin tu rnam par grol ba sha stag lags so/ /gang gi tshe bcom ldan 'das dang / tshe dang ldan pa kun dga' bos dge slong rgan po dang /
404a4 dge slong lnga brgya po de dag glengs shing bsgrags pa de'i tshe/ dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ rgan
404a5 pos las gang dag bgyis na/ des lo drug cu'i bar du ma'i lto na mchis par gyur lags/ btsun pa/ las gang dag bgyis na/ des yid rtul bar gyur la/ rab tu byung nas dgra bcom
404a6 pa nyid mngon sum du bgyis lags/ bcom ldan 'das kyis bka' stsal pa/ dge slong rgan po nyid kyi sngon tshe rabs gzhan dag tu tshogs rnyed cing rkyen grub pa dang ldan te/ dba'
404a7 rgal bzhin du 'byung la gdon mi za bar 'ong ba'i las de dag byas shing bsags pas na/ rgan po nyid kyi las byas shing bsags pa de dag gzhan su zhig gis nyams su myong bar
404b1 'gyur te/ dge slong dag /las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin
404b2 par mi 'gyur te/ las dge ba dang / mi dge ba byas shing bsags pa ni/ zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las
404b3 rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ bskal pa bzang po 'di
404b4 nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen
404b5 pa| skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ grong khyer wA ra NA si na drang srong
404b6 smra ba ri dwags kyi nags na rten cing bzhugs so/ /de na tshong dpon gyi bu zhig gnas brtan zhig las rab tu byung ngo / /gnas brtan de ni dgra bcom pa 'dod chags spangs pa zhig go /de nas
404b7 re zhig na yul der dus ston zhig byung nas/ dge slong gzhon nu des gnas brtan de bslangs te bzhengs la spyod yul gyi grong du bzhud do zhes byas so/ /gnas brtan gyis smras pa/ bu| da dung
405a1 sngas kyi/ re zhig song la dge ba'i phyogs kyis shig /lan gnyis lan gsum gyi bar du dge slong gzhon nu des gnas brtan de bslang ste/ bzhengs pa spyod yul
405a2 gyi grong du bzhud ces byas na/ yang lan gnyis lan gsum gyi bar du gnas brtan gyis/ bu/ da dung sngas kyi song la dge ba'i phyogs kyis shig ces byas so/ /de nas dge slong gzhon nu
405a3 lto 'dun can des ngag gi las rtsub po smras te/ khyed lo drug cu'i bar du'ang khyim nas ma byung zhig /nga ni song zin no zhes byas so/ /bcom ldan 'das kyis bka' stsal pa/ dge slong dag/
405a4 ji snyam du sems/ de'i tshe de'i dus na dge slong gzhon nur gyur pa gang yin pa de ni dge slong rgan po 'di yin te/ des dgra bcom pa la sems sdang bar byas nas ngag gi las rtsub po smras
405a5 pa'i las de'i rnam par smin pas ni lo drug cu'i bar du ma'i lto na 'dug go /gzhan yang / chos la ser sna byas pa des ni shes rab 'chal bar gyur te/ dbang po rnams tshegs chen pos yongs
405a6 su smin par gyur to/ /des der bslab pa dang / kha ton byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas
405a7 pa dang / gnas dang gnas ma yin pa la mkhas par byas pa des ni da ltar nga'i bstan pa la rab tu byung ste/ nyon mongs pa thams cad spangs nas dgra bcom pa nyid mngon sum du byas so//
405b1 dge slong dag /de bas na ngag gi nyes pa spang ba'i phyir 'bad par bya ste/ ci nas rgan po de so so'i skye bor gyur pa'i tshe nyes pa de lta bu dag mi 'byung bar bya'o/ /de nyid kyis dgra bcom pa nyid thob pa'i
405b2 yon tan gyi tshogs de lta bu thob par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan
405b3 'das kyis gsungs pa la mngon par bstod do// //lag pa can zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams
405b4 dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams
405b5 dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang /
405b6 mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan
405b7 dang / snyun gsos dang / sman zong rnams brnyes pa/ nyan thos rnams kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga'
406a1 rab na bzhugs so/ /de'i tshe mnyan du yod pa na tshong dpon phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor
406a2 dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing
406a3 dga' la dga' dgur spyod pa las/ chung ma la bu chags nas zla ba brgyad dam/ dgu lon pa dang bu byung ste/ khye'u gzugs bzang zhing blta na sdug la mdzes pa/ mdog bzang ba gser
406a4 gyi kha dog can/ yan lag dang / nying lag thams cad dang ldan pa/ rang bzhin gyis tshe rabs dran pa zhig btsas so/ /de nas des rang gi lag pa bzung ste 'o byed cing mthang la 'jor bar
406a5 byed la 'khyud par byed de/ tshig tu smras pa/ kye ma/ bdag gi lag gu gnyis shin tu yun ring mo zhig nas gdod rnyed do/ /kye ma/ bdag gi lag gu gnyis shin tu yun ring mo zhig nas
406a6 gdod rnyed do zhes zer ro/ /de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed do/ /nye du rnams na re/ 'di btsas ma thag tu lag
406a7 pa bzung ste 'o byed cing mthang la 'jor la 'khyud par byed pas na de'i phyir khye'u 'di'i ming lag pa can zhes gdags so zhes zer ro/ /de nas khye'u lag pa can pang na 'tsho ba'i ma ma gnyis
406b1 dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang /
406b2 mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ /de nas gang gi tshe yul der 'jigs pa
406b3 zhig byung ba de'i tshe skye ba'i tshogs 'jigs par gyur te/ phan tshun du ci bya gtol med nas rdzas rnams sbed par byed do/ /khye'u lag pa can ni lag pa gnyis sbed par byed de/ skye
406b4 bo'i tshogs la'ang 'di skad du/ kye/ yon gnas rnams la sems sdang bar ma byed cig /tshig rtsub bo ma zer cig /kye/ bdag gi lag gu gnyis shin tu ring mo zhig nas gdod
406b5 rnyed do zhes zer ro/ /de nas phyi zhig na khye'u lag pa can rgyal bu rgyal byed kyi tshal du song ba dang / des sangs rgyas bcom ldan 'das sku skyes bu chen po'i mtshan sum cu rtsa
406b6 gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i
406b7 ri bo 'gro ba lta bu kun nas bzang ba mthong nas/ mthong ma thag tu de sa bcom ldan 'das la sems dga' bar byas te/ dga' ba skyes nas bcom ldan 'das kyi zhabs la
407a1 phyag 'tshal te/ chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis de'i bsam pa dang / bag la nyal dang /
407a2 khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas lag pa can gyi 'jig tshogs la lta ba'i
407a3 ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan
407a4 pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams
407a5 cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum
407a6 du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan
407a7 dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags
407b1 pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de dgra bcom pa nyid thob
407b2 par gyur kyang de bzhin du dge slong rnams la chos ston te/ kye|yon gnas rnams la sems sdang bar ma gyur cig /tshig rtsub po ma zer cig /kye ma/ bdag gi lag gu
407b3 gnyis yun ring mo zhig nas gdod rnyed do zhes zer ro/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa /
407b4 btsun pa/ lag pa can gyis las gang dag bgyis shing bsags na des dgra bcom pa nyid thob lags na'ang de bzhin du/ kye ma/ bdag gi lag gu gnyis shin tu yun
407b5 ring mo zhig nas gdod rnyed do zhes mchis lags/ bcom ldan 'das kyis bka' stsal pa/ dge slong dag /gang zag 'di ni las kyi 'bras bu mngon sum du mthong ba
407b6 yin no/ /des ci las bsams te de skad zer bar khyed nyan par 'dod dam/ btsun pa/ nyan par 'tshal lags so/ /dge slong dag /lag pa can nyid kyis sngon che rabs
407b7 gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na/ lag pa can
408a1 nyid kyi las byas shing bsags pa de dag gzhan su zhig gis nyams su myong bar 'gyur te/ dge slong dag /las byas shing bsags pa
408a2 rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge
408a3 ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi
408a4 las rnams ni/ /bskal pa brgyar yang chud mi zad/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/
408a5 bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan
408a6 pa| bde bar gshegs pa/ 'jig rten mkhyen pa/ skyes bu 'dul pa'i kha lo sgyur ba/ bla na med pa/ lha dang / mi rnams kyi ston pa sangs rgyas bcom ldan 'das 'od srung
408a7 zhes bya ba 'jig rten du byung ste/ de grong khyer wA ra NA si na drang srong smra ba ri dwags kyi nags na rten cing bzhugs so/ /re zhig na de na dge slong gnyis shig mdza' zhing 'dug ste/
408b1 de'i nang na gcig ni dgra bcom pa'ang yin la mang du thos pa'ang yin no/ /gcig shos ni so so'i skye bo'ang yin la thos pa'ang nyung ngo / /de la dgra bcom pa mang du thos pa de ni kun
408b2 gyi shes pa bsod nams chen po dang ldan pa/ gos dang / zas dang / mal cha dang / nad gsos dang / sman zong rnams rnyed pa g.yar 'dren pa mang du rnyed pa zhig ste/ gang du g.yar drangs pa
408b3 der des dge slong mdza' bo de phyi bzhin 'brang ba'i dge sbyong du khrid do/ /re zhig na nyi ma gcig cig dgra bcom pa de g.yar drangs te/ 'gro bar chad pa las phyi bzhin 'brang ba'i dge sbyong
408b4 de btsal na ma rnyed do/ /de nas de mi snang nas des dge slong gzhan zhig khrid pa dang / re zhig na dge slong gzhon nu sems dgod pa dag gis 'di skad ces smras so/ /btsun pa dag /
408b5 gzigs dang / des phyi bzhin 'brang ba'i dge slong 'di 'ang deng ma khrid de gzhan khrid do zhes byas so/ /des na de khros te dgra bcom pa la sems sdang bar byas nas ngag gi las
408b6 rtsub po smras te/ bdag gis phyin chad de'i lhung bzed bkrus su zin na/ bdag gi lag pa 'di gnyis med par gyur ces byas so/ /bcom ldan 'das kyis bka' stsal pa/ dge slong dag /
408b7 ji snyam du sems/ de'i tshe de'i dus na dge slong mdza' bor gyur pa gang yin pa de ni lag pa can yin te/ des dgra bcom pa la sems sdang bar byas te/ ngag gi las rtsub po smras pa des tshe
409a1 rabs lnga brgyar lag pa med par gyur to/ /phyis snying nas 'gyod pa skyes te nyes pa la nyes so zhes mthol zhing bshags te/ rnam par phye zhing gsal bar byas pa
409a2 des ni lag pa thob par gyur to/ /des der bslangs pa dang / kha ton du byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung
409a3 ba la mkhas pa dang / gnas dang / gnas ma yin pa la mkhas par byas pa des ni da ltar dgra bcom pa nyid mngon sum du byas so/ /dge slong dag /de ltar na las gcig tu nges par gnag
409a4 pa rnams ni rnam par smin pa'ang gcig tu nges par gnag par 'gyur/ /las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ /
409a5 las 'dres ma rnams ni rnam par smin pa'ang 'dres mar 'gyur ro/ /dge slong dag /de bas na las gcig tu nges par gnag pa rnams dang / las 'dres ma rnams spangs la /
409a6 las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge
409a7 slong de dag yi rangs te bcom ldan 'das kyis gsungs pa la mngon par bstod do// //'de gus gsos zhes bya ba ni/ sangs rgyas bcom ldan 'das la rgyal po rnams dang /
409b1 blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma
409b2 yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/ mchod pa byas te lha dang / klu dang / gnod sbyin
409b3 dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang /
409b4 zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim
409b5 bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na bram ze phyug cing nor mang la longs spyod che ba/ yongs su 'dzin pa yangs shing rgya che ba/ rnam
409b6 thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing
409b7 dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u mdog ngan pa/ blta na mi sdug pa/ byad ngan po zhig btsas te/ de btsas ma thag
410a1 tu de'i ma'i nu ma gnyis la 'o ma med par gyur to/ /re zhig na bram ze des de'i ma ma gzhan zhig bkug na de'i 'o ma 'ang khye'u de'i las kyi rnam par smin pas med par
410a2 gyur to/ /de nas gang gi tshe de'i phyir 'o ma 'byung ba'i thabs sbyar ba thams cad las kyang 'o ma mi 'byung bar gyur pa de'i tshe 'de gus gsos nas de'i ming 'de gus gsos/ 'de gus gsos
410a3 zhes bya ba btags so/ /de bsod nams chung bar grags shing bsod nams chung ba zhig ste/ gang gi tshe de cher skyes pa de'i tshe lto gang yang mi rnyed do/ /de nas des dge slong sham thabs legs par
410a4 gyon la gos legs par bgos pa dag lhung bzed bung ba'i mdog lta bur gnag pa thogs nas mnyan du yod par bsod snyoms la 'gro la/ de dag kyang lag pa'ang bkang lhung bzed kyang
410a5 bkang ste/ phyir 'byung ba mthong ngo / /mthong nas kyang de bcom ldan 'das kyi bstan pa la rab tu 'byung bar 'dod par gyur nas de pha ma la gsol te/ bcom ldan 'das kyi bstan pa la rab tu byung ngo / /de
410a6 rab tu byung yang lto gang yang mi rnyed nas de skyo bar gyur pa de nyid kyis brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par
410a7 rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom
410b1 pa nyid mngon sum du byas nas te/ dgra bcom pa khams gsum pa'i 'dod chags dang bral bar gyur nas gser dang / bong bar mnyam pa/ nam mkha' dang / lag mthil du 'dra ba'i sems dang ldan
410b2 pa| tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa
410b3 dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas phyis re zhig na bcom
410b4 ldan 'das kyi dri gtsang khang phyag pa la zhugs te/ des de phyags nas sham thabs dang / chos gos bgos te/ lhung bzed thogs nas mnyan du yod par bsod snyoms la song ngo / /
410b5 de nas des bsod snyoms bzang po mang po dag rnyed de/ des de'i dbang po rnams dang / 'byung ba chen po rnams tshim par gyur to/ /de nas de dbang po tshim par gyur nas bsam gtan dang / rnam par thar
410b6 pa dang / snyoms par 'jug pa rnams kyis mtshan rangs pa 'das par byas so/ /de nas de'i blo skyes pa/ ma la/ thabs 'di ni bzang po zhig gi /bdag gis dge slong gi dge 'dun la gsol ba gdab
410b7 bo snyam mo/ /de nas des dge slong gi dge 'dun thams cad la gsol ba btab pa/ btsun pa/ bdag ni bsod nams chung ste/ gang gi tshe dri gtsang khang du phyag dar bgyis nas bsod
411a1 snyoms la mchis pa de'i tshe/ gdod 'drangs par gyur te/ de bas na bdag la dge 'dun gyi thugs brtse bar mdzod la gzhan sus kyang dri gtsang khang du phyag dar
411a2 mi mdzad par gsol zhes byas so/ /de nas bcom ldan 'das kyi dri gtsang khang du sus kyang phyag dar mi bya'o zhes dge 'dun gyi khrims bcas nas des bag yangs su dri gtsang khang
411a3 phyags pa'i 'og tu mnyan du yod par bsod snyoms la 'gro bar byed do/ /de'i tshe na tshe dang ldan pa shA ri'i bu yang 'khor lnga brgya dang / rgyal bu rgyal byed kyi tshal du dbyar gnas par
411a4 dam bcas nas/ mnyan du yod par lhags te/ ston pa la gus pa skyes nas/ dri gtsang khang du phyag dar byas so/ /de nas tshe dang ldan pa 'de gus gsos kyis tshor nas des smras
411a5 pa| gnas brtan khyod kyis dri gtsang khang du phyag dar byas pa ni bdag gi ltor bsnun par bas so/ /gnas brtan gyis smras pa/ ci nyes/ 'de gus gsos kyis smras pa/ gnas
411a6 brtan gang gi tshe bdag gi dri gtsang khang du phyag dar ma byas pa de'i tshe bdag gis bsod snyoms mi rnyed do/ /de nas gnas brtan shA ri'i bus smras pa/ gal te de ltar na bdag ga zhig
411a7 tu g.yar drangs kyi/ khyod snying ma chung zhig dang / bdag gis der khyod la kha zas sbyin par bya'o/ /de nas gnas brtan shA ri'i bu 'khor lnga brgya dang bcas pa'i spyan 'dren 'ongs nas
411b1 'de gus gsos kyang de dang lhan cig tu chas so/ /de nas gang gi tshe khyim bdag de'i sgo dang nye ba zhig tu phyin pa de'i tshe/ 'de gus gsos kyi las kyi rnam par smin pas khyim der 'thab
411b2 mo chen po byung ngo / /de nas tshe dang ldan pa 'de gus gsos 'di snyam du sems te/ bdag bsod nams chung ba'i phyir 'thab mo byung ngo snyam mo/ /de nas phyir log ste gtsug lag khang
411b3 du song nas smyung bar 'dug go/ de nas phyi de nyin par tshe dang ldan pa shA ri'i bus smras pa/ khyod ci'i phyir ma 'ongs/ des smras pa/ bdag bsod nams chung ba'i phyir 'thab mo ji
411b4 ltar byung ba gnas brtan gyis mi mkhyen tam/ de nas gnas brtan shA ri'i bus de'i nyin par mdun du bcug ste/ khyim de'i nang du song nas dge 'dun gyi khrod du 'dug na yang
411b5 g.yas g.yon ni kha zas brims la/ de la ni 'drim pa'i mis kyang brjed nas de dge 'dun gyi khrod de kho nar lan gnyis su smyung bar gyur to/ /de nas re zhig na gtam de gnas brtan
411b6 kun dga' bos thos so/ /thos nas kyang 'de gus gsos la smras pa/ 'o na/ khyod rgyal bu rgyal byed kyi tshal 'di nyid du 'dug cig dang / /bdag gis khyod kyi zas khyer te 'ong ngo / /
411b7 zhes byas so/ /gnas brtan kun dga' bo ni bcom ldan 'das las chos kyi phung po brgyad khri lobs pa dang / dge slong gzhan dag las nyi khri lobs pa de lta bu'i dran pa dang ldan pa
412a1 yin na/ 'de gus gsos kyi las kyi sgrib pas/ gnas brtan kun dga' bos kyang brjed par gyur to/ /der yang de lan gsum smyung bar gyur to/ /de nas
412a2 zhag bzhi lon pa'i tshe/ gnas brtan kun dga' bos bsgrims te bsod snyoms byin na/ de yang phyir 'gro ba'i tshe khyi rnams kyis 'phrogs te/ der yang de lan bzhi smyung bar gyur
412a3 to| |de nas zhag lnga lon pa'i tshe/ gnas brtan mo'u dgal gyi bu chen pos thos nas/ 'de gus gsos kyi phyir bsod snyoms blangs nas rdzu 'phrul gyis chas pa dang / 'de gus gsos
412a4 kyi las kyi rnam par smin pas bya'i rgyal po nam mkha' lding gis 'dab lcag gis bsnun nas rgya mtsho'i nang du bor te der yang lan lnga smyung bar gyur to/ /de nas zhag drug lon pa'i tshe
412a5 gnas brtan shA ri'i bus thos nas de 'di snyam du sems te/ ma la/ bdag kho nas 'de gus gsos kyi bsod snyoms blangs gor ma chag snyam mo/ /de nas gnas brtan shA ri'i bus
412a6 de'i bsod snyoms blangs nas khyim de nyid du mi snang bar byas te/ 'de gus gsos kyi gnas khang gi sgor 'ongs so/ /de na 'de gus gsos kyi las kyi rnam par smin pas sgo de yang
412a7 brag gis 'khor bar gyur to/ /de nas gnas brtan shA ri'i bus rdzu 'phrul gyi sgo dbye'o snyam nas lhung bzed des la bzhag pa dang / de yang 'de gus gsos kyi las kyi rnam par
412b1 smin pas thur du dpag tshad brgyad khri'i 'og na gser gyis gzhi yod pa'i steng du song nas de las kyang gnas brtan shA ri'i bus rdzu 'phrul gyis phyung nas zas de khar gzhug go snyam ste/ zas de
412b2 khar bcug na de'i las kyi rnam par smin pas kha de med par phyi la bor bar gyur to/ /de nas tshe dang ldan pa shA ri'i bu 'de gus gsos la skal ba med par shes nas skyo bar gyur te/ der yang btsun
412b3 pa de lan drug smyung bar gyur to/ /de nas zhag bdun lon pa'i nyin par tshe dang ldan pa 'de gus gsos kyis sems can rnams skyo ba bskyed pa dang / las rnams chud mi za par bstan pa dang /
412b4 las kyi stobs gleng ba'i phyir lhung bzed thal bas bkang ste/ sangs rgyas la sogs pa dge slong gi dge 'dun gyi spyan sngar 'dug nas chu dang bskyos te 'thungs nas phung po'i lhag ma med
412b5 pa'i mya ngan las 'das pa'i dbyings su mya ngan las 'das so/ /de nas dge slong rnams kyis de mthong nas skyo bar gyur te/ de'i sku gdung la sku gdung gi mchod pa byas so/ /de nas dge slong
412b6 dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ 'de gus gsos kyis las gang dag bgyis na/ der dgra bcom pa nyid thob
412b7 par gyur kyang zhag drug smyung bar gyur nas/ zhag bdun pa'i gdugs la phung po'i lhag ma med pa'i dbyings su yongs su mya ngan las 'das lags/ bcom ldan 'das kyis bka'
413a1 stsal pa/ dge slong dag/ 'de gus gsos nyid kyi sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la
413a2 gdon mi za bar 'ong ba'i las de dag byas shing bsags na/ 'de gus gsos nyid kyis las byas shing bsags pa de dag gzhan su zhig gis nyams su myong bar 'gyur te/ dge
413a3 slong dag/ las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par
413a4 mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus
413a5 can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus
413a6 na| grong khyer wA ra Na si na khyim bdag gcig gi chung ma dad pa dang ldan la dge zhing bsam pa bzang ba zhig 'dug pa de rgyun mi 'chad par dge slong dang / bram ze dang / bkren pa
413a7 dang / sdug cing phongs pa dang / slong pa rnams la sbyin pa dag byed do/ /phyis de'i khyim thab shi nas re zhig na de'i bu bdag gi khyim gyi bdag por gyur to/ /de yang ser sna can 'jungs
413b1 pa| yo byad la kun tu 'dzin pa/ khwa la yang gtor ma mi ster ba zhig ste/ de dge slong dang / bram ze dang / bkren pa dang / sdug cing phongs pa dang / slong ba rnams mthong na sems sdang bar
413b2 byed do/ /de'i ma ni sngon gyi lugs bzhin du dge sbyong dang / bram ze dang / bkren pa dang / sdug cing phongs pa dang / slong ba rnams la sbyin pa dang / rab tu sbyin pa dag sbyin par byed do/ /de
413b3 nas de'i bu ser snas non pa des smras pa/ yum/ bdag ma dad kyi sbyin pa ma byin cig/ des smras pa/ bu gcig/ khyim 'di na khyim gyi lugs kyis de yin no/ /de nas de logs shig tu
413b4 zan phog ste bzhag na 'on kyang de zan gyi phyed ni sbyin par byed do/ /phyed ni bdag nyid za'o/ /de nas ser snas non cing khro bas bsgribs pa'i blo can des yang dang yang du bkag ste/ thabs ji
413b5 lta bus bkag kyang de dgags ma nus nas/ ma la smras pa/ yum/ bgyi ba zhig mchis kyi khyim gyi phug tu bzhud cig /de nas rang bzhin gyis drang ba de khyim gyi phug tu song ngo / /de
413b6 nas des sgo bcad de nyi ma gcig zan gcad nas/ des smras pa/ bu/ bdag bkres so/ /de nas de tshig rtsub po smras te thal ba 'gom zhig ces smras so/ /de nas re zhig na nyam nga zhing mi
413b7 bde la gnod pa dang phrad pa des snying rje rje skad du khus btab kyang zhag drug gi bar du smyung du bcug ste/ ma btang nas shi'o/ /'on kyang ser snas bsgribs pa de ma dang bral ba la 'gyod
414a1 pa med do/ /bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na khyim bdag gi bur gyur pa gang yin pa de ni 'di
414a2 gus gsos 'di yin te/ des ma la gnod pa byas pa'i las de'i rnam par smin pas bskal ba gcig gi bar du sems can dmyal ba chen po mnar med par skyes so/ /rgyu de kho nas da
414a3 ltar dgra bcom pa nyid mngon sum du byas kyang smyung bar gyur te/ thal ba zos nas yongs su mya ngan las 'das so/ /dge slong dag /'de gus gsos kyis las gzhan dag kyang
414a4 byas shing bsags te/ dge slong dag/ sngon byung ba 'das pa'i dus na grong khyer wA ra NA si na bram ze lha la rten pa wA ra Na si na gnas pa'i bram ze dang / khyim bdag dang / skye bo
414a5 thams cad kun tu bkur sti bya ba dang / bla mar bya ba dang / ri mor bya ba dang / mchod pa byed cing bkur ba zhig yod de/ chos nyid kyis na sangs rgyas rnams 'jig rten du mi 'byung
414a6 ba'i tshe/ rang sangs rgyas sdug cing phongs pa rnams la snying brtse ba dang / bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung
414a7 ste| re zhig na rang sangs rgyas gcig wA ra NA sir bsod snyoms la song ba dang / de der lag pa yang bkang / lhung bzed kyang bkang ste/ phyir byung ba bram ze des mthong nas/ de
414b1 ser sna skyes te lhung bzed blta yi/ tshur khyer shog ces byas so/ /nyan thos dang / rang sangs rgyas rnams ni ma bsam par shes pa mi 'jug ste/ btsun pa des bstan to/ /de nas des sa la pho
414b2 nas rkang pas bsnun to/ /de nas rang sangs rgyas de smyung bar 'dug kyang bram ze de 'gyod pa ma skyes so/ /dge slong dag /ji snyam du sems/ de'i tshe de'i dus na bram zer gyur pa gang yin pa
414b3 de ni 'de gus gsos 'di yin no/ /gzhan yang / bcom ldan 'das 'od srung gi ring la rab tu byung ste/ des der tshangs par spyod pa'i gnas bsrungs pa des na da ltar dgra bcom pa nyid
414b4 mngon sum du byas so/ /dge slong dag /de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par
414b5 dkar ba rnams ni/ rnam par smin pa'ang gcig tu nges par dkar bar 'gyur ro/ /las 'dres ma rnams ni rnam par smin pa yang 'dres mar 'gyur ro/ /dge slong dag /de bas na las gcig
414b6 tu nges par gnag pa rnams dang las 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong / khyed kyis de ltar bslab par bya'o//
414b7 bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //'khor ba zhes bya ba ni/
415a1 sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang /
415a2 ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po
415a3 rnams kyis bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye
415a4 chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun
415a5 gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra
415a6 ba na bzhugs so/ /de'i tshe mnyan du yod pa na/ khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/
415a7 rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga'
415b1 la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste khye'u gzugs bzang zhing blta na sdug la mdzes pa/ yan lag dang nying lag thams
415b2 cad dang ldan pa zhig btsas te/ de btsas ma thag tu khyim gyi mi rnams la bltas nas tshig tu smras pa/ kye ma/ 'khor ba ni sdug bsngal ba'o/ /'khor ba ni mchog tu sdug bsngal ba'o zhes
415b3 smras nas cang mi zer bar 'dug go/ de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ 'di btsas ma thag tu 'khor
415b4 'khor ba zhes sgrogs bas na de'i phyir khye'u 'di'i ming 'khor ba zhes gdags so zhes zer ro/ /de nas khye'u 'khor ba pang na 'tsho ba'i ma ma gnyis dang / nu ma snun pa'i ma ma gnyis
415b5 dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang /
415b6 gzhan yang yo byad kyi khyad par bzang ngo cog gis bskyed bsrings nas/ mtsho'i nang gi pad+ma bzhin du skye drag par gyur to/ /de nas de mthar gyi cher skyes pa dang / de rang bzhin gyis
415b7 tshe rabs dran pas skye bo'i tshogs la chos ston te/ kye/ bla ma rnams dang / bla ma lta bu rnams dang / pha ma dang / mkhan po dang / slob dpon rnams la tshig rtsub po ma zer zhig /'khor
416a1 ba ni sdug bsngal ba'o/ /'khor ba ni mchog tu sdug bsngal ba'o/ /zhes zer ro/ /de nas phyis re zhig na phan tshun du 'khyam du song song ba las rgyal bu rgyal byed
416a2 kyi tshal du phyin nas/ des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od
416a3 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba ltar kun nas bzang ba mthong nas/ mthong ma thag tu bcom ldan 'das la sems
416a4 dga' bar gyur to/ /de dga' ba skyes nas bcom ldan 'das kyi zhabs la phyag btsal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan
416a5 'das kyis de la 'khor ba las skyo bar 'gyur ba'i chos ston pa mdzad do/ de thos nas khye'u 'khor ba 'khor ba la nyes par lta ba dang / mya ngan las 'das pa la yon
416a6 tan du lta bar gyur te/ pha ma la gsol nas/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i
416a7 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par
416b1 rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang / bong bar
416b2 mnyam pa/ nam mkha' dang / lag mthil du 'dra ba'i sems dang ldan pa/ tsan+dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes
416b3 pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang /
416b4 gus par smra ba'i gnas su gyur to/ /de dgra bcom par gyur kyang dge slong rnams la chos ston te/ tshe dang ldan pa dag /bla ma rnams dang / bla ma lta bu rnams dang / pha ma dang / mkhan
416b5 po dang / slob dpon rnams la tshig rtsub po ma zer zhig/ 'khor ba ni sdug bsngal ba'o/ /'khor ba ni mchog tu sdug bsngal ba'o/ /zhes zer ro/ /de nas dge slong dag the tshom skyes te/ the
416b6 tshom thams cad gcod pa sangs rgyas bcom ldan 'das la zhus pa/ btsun pa/ 'khor bas las gang dag bgyis na des tshe rabs lnga brgya'i bar du ma'i lto nas gum pa'i ro byung
416b7 la rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag/ 'khor ba nyid kyis sngon tshe rabs gzhan dag tu tshogs
417a1 rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na/ 'khor ba nyid kyis las
417a2 byas shing bsags pa de dag gzhan su zhig gis nyams su myong bar 'gyur te/ dge slong dag/ las byas shing bsags pa rnams ni/ phyi rol gyi sa'i khams la rnam par smin par
417a3 mi 'gyur/ chu'i khams dang / me'i khams dang / rlung gi khams la rnam pa smin par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po
417a4 dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ bskal pa brgyar yang chud mi za/ /tshogs shing dus la
417a5 bab pa na/ /'bras bu nyid du smin par 'gyur/ /dge slong dag / sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs
417a6 pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/
417a7 bla na med pa/ lha dang / mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer wA ra NA si na drang srong smra ba ri dwags kyi
417b1 nags na rten cing bzhugs so/ /de'i tshe grong khyer wA ra NA si na tshong dpon gyi bu zhig gnas brtan zhig las rab tu byung ngo / /gnas brtan de ni dgra bcom pa 'dod chags spangs pa zhig
417b2 go| de nas re zhig na yul der dus ston zhig byung ngo / /de nas dge slong gzhon nu des gnas brtan de bslang ste/ bzhengs la spyod yul gyi grong du bzhud do zhes byas so/ /gnas brtan gyis
417b3 smras pa/ bu da dung sngas kyi/ re zhig song la dge ba'i phyogs gyis shig /lan gnyis lan gsum gyi bar du dge slong gzhon nu des gnas brtan de bslang ste bzhengs la spyod yul gyi
417b4 grong du bzhud ces byas na lan gnyis lan gsum gyi bar du gnas brtan gyi bu da dung sngas kyi/ song la dge ba'i phyogs gyis shig ces byas so/ /de nas dge slong gzhon nu lto mdun
417b5 can des dag gi las rtsub po smras te/ khyod tshe rabs lnga brgya'i bar du yang gson por khyim nas phyir ma 'byung zhig/ nga ni song zin no zhes byas so/ /bcom ldan 'das kyis bka' stsal
417b6 pa| dge slong dag/ ji snyam du sems/ de'i tshe de'i dus na dge slong gzhon nur gyur pa gang yin pa de ni 'di yin no/ /des dgra bcom pa la sems sdang bar byas nas tshig rtsub po byas
417b7 pa'i rnam par smin pas tshe rabs snga brgya'i bar du ma'i lto nas shi ba'i ro byung nas da ltar mir skyes te/ de dran nas 'khor ba ni sdug bsngal ba'o/ /'khor ba ni mchog tu sdug bsngal
418a1 ba'o/ |zhes zer ba yin no/ /de 'gyod pa skyes te gnas brtan la nyes pa bshags pa dang / tshangs par spyod pa'i gnas bsrungs pa des ni da ltar dgra bcom
418a2 pa nyid mngon sum du byas so/ /dge slong dag/ de ltar na las gcig tu nges bar gnag pa rnams ni rnam par smin pa yang gcig tu nges par gnag par 'gyur ro/ /las gcig tu
418a3 nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dres mar 'gyur ro/ /dge slong dag/ de
418a4 bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong
418a5 dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yid rangs te bcom ldan 'das kyis gsungs pa la mngon par
418a6 bstod do// //gang po la sogs pa'i rtogs pa brjod pa brgya pa/ bam po nyi shu rtsa gnyis pa ste tha ma/ sbed pa zhes bya ba ni/ sangs rgyas bcom ldan 'das
418a7 la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang /
418b1 klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas
418b2 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas
418b3 bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge
418b4 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /gang gi tshe bcom ldan 'das rgya skegs kyi
418b5 rna ba can gyis spyan drangs te/ yul slob ma can gyi skye bo 'dul bar bya ba rnams dad par mdzad pa de'i tshe/ yul slob ma can na gnas pa'i skye bo'i tshogs thams cad sangs rgyas la
418b6 gzhol/ chos la 'bab/ dge 'dun la bab ste 'khod do/ /de'i tshe yul slob ma can na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/
418b7 rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga'
419a1 mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam/ dgu lon pa dang bu byung ste/ khye'u zhig
419a2 btsas nas btsas ma thag tu de'i lus thams cad phol mig gis zhu lu ba tu khyab par 'dug ste/ gang gi tshe phol mig de dag rdol ba de'i tshe/ sha snag bu phyil por gyur te/
419a3 de'i lus las rnag khrag 'dzag cing dri shin tu mnam par 'byung ngo / /de nas de'i phas dbang phyug gi stobs kyi shugs kyis nor dang / sngags dang / sman dang / g.yog dang
419a4 ldan par bdag nyid kyis gsos na 'on kyang las kyi stobs kyis shugs thob pas nad de zhi bar ma gyur te/ lus thams cad de lta bur gyur nas ngo tsha ste/ gos kyis sbed par byed
419a5 pas na/ de'i ming sbed pa zhes btags so/ /de nas re zhig na khye'u sbed pa cher skyes nas de'i grogs po na zla rnams mnyan du yod pa'i grong khyer slob ma can du dong dong ba de
419a6 dag gis de'i pha la smras pa/ yab/ gal te 'di mnyan du yod par khrid na ni de na sman pa dang / sman la sogs pa mchis te/ mod pas nad de las gso nus so zhes byas so//
419a7 de nas de'i phas tshig de mnyan nas rin po che mang po dang / g.yog rnams byin te mnyan du yod par btang nas de mthar gyis grogs po na zla rnams dang mnyan du yod par
419b1 phyin na/ de na sman pa dang / nor dang / sman dang / g.yog kyang mang du yod kyi de'i las las skyes pa'i nad de gso ma nus so/ /de nas phyis re zhig na de rgyal bu rgyal byed kyi tshal du song
419b2 nas/ des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom
419b3 gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang pa mthong nas mthong ma thag tu de bcom ldan 'das la sems dga' bar
419b4 gyur to/ /de dga' ba skyes nas bcom ldan 'das kyi zhabs la phyag 'tshal te/ chos nyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i
419b5 bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas nye bar
419b6 len pa'i phung po lnga nad dang / phol mig dang / zug rngu dang / sdig pa dang / mi rtag pa dang / sdug bsngal yin par rtogs te/ 'du byed thams cad mi rtag par rig nas/ bcom
419b7 ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du
420a1 byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsod chod de/ nyon mongs pa thams cad
420a2 spangs nas dgra bcom pa nyid mngon sum du byas so/ /dgra bcom pa khams gsum pa'i 'dod chags dang bral bar gyur nas/ /gser dang / /bong bar mnyam pa/ nam mkha' dang /
420a3 lag mthil du 'dra ba'i sems dang ldan pa/ tsan+dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang
420a4 dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus
420a5 par smra ba'i gnas su gyur to/ /de'i grogs po na zla de dag kyang skyo bar gyur pa de nyid kyis rab tu byung nas/ de dag tshe dang ldan pa sbed pa ga la ba der song ste phyin nas/ tshe dang ldan pa
420a6 sbed pa la 'di skad ces smras so/ /tshe dang ldan pa sbed pa 'jig rten na 'jig pa'i chos can ni gang yin/ 'jig rten na 'jig pa'i chos can ma yin pa ni gang yin/ tshe dang ldan
420a7 pa dag gzugs ni 'jig pa'i chos can yin no/ /de 'gags pa'i mya ngan las 'das pa ni 'jig pa'i chos can ma yin pa'o/ /tshe dang ldan pa dag/ tshor ba dang / 'du shes
420b1 dang / 'du byed rnams dang / rnam par shes pa ni 'jig pa'i chos can yin no/ /de 'gags pa'i mya ngan las 'das pa ni 'jig pa'i chos can ma yin pa'o/ /tshe dang ldan pa dag/
420b2 ji snyam du sems/ gzugs rtag pa yin nam/ 'on te mi rtag pa yin/ tshe dang ldan pa sbed pa/ de ni mi rtag pa yin no/ /tshe dang ldan pa mi rtag pa gang yin pa de sdug bsngal ba yin
420b3 nam/ 'on te sdug bsngal ba ma yin/ tshe dang ldan pa sbed pa/ de ni sdug bsngal ba yin no/ /tshe dang ldan pa dag/ ci mi rtag pa dang / sdug bsngal ba dang / rnam par 'gyur ba'i
420b4 chos can gang yin pa de la thos pa dang ldan pa'i 'phags pa nyan thos 'di snyam du 'di ni bdag gi'o/ /'di ni bdag go/ 'di ni bdag gi bdag yin no/ /snyam du bdag tu
420b5 'dzin par 'gyur ram/ tshe dang ldan pa sbed pa/ de ni ma yin no/ /tshe dang ldan pa dag/ ji snyam du sems/ tshor ba dang / 'du shes dang / 'du byed rnams dang / rnam par shes pa
420b6 rtag pa yin nam/ 'on te mi rtag pa yin/ tshe dang ldan pa sbed pa/ de ni mi rtag pa yin no/ /tshe dang ldan pa dag/ mi rtag pa gang yin pa de sdug bsngal ba yin nam/ 'on te sdug bsngal
420b7 ba ma yin/ tshe dang ldan pa sbed pa/ de ni sdug bsngal ba yin no/ /tshe dang ldan pa dag/ ci mi rtag pa dang / sdug bsngal ba dang / rnam par 'gyur ba'i chos can gang yin pa de la thos
421a1 pa dang ldan pa'i 'phags pa nyan thos 'di snyam du 'di ni bdag gi'o/ /'di ni bdag go/ 'di ni bdag gi bdag yin no snyam du bdag tu 'dzin par 'gyur ram/ tshe dang
421a2 ldan pa sped pa/ de ni ma yin no/ /tshe dang ldan pa dag/ de bas na gzugs ci yang rung ba 'das pa dang / ma 'ongs pa dang / da ltar byung ba'am/ phyi rol lam/ nang ngam/ rags pa'am/ cha phra
421a3 ba'am/ ngan pa'am/ bzang po'am/ thag ring ba'am/ nye ba yang rung ste/ de dag thams cad la 'di ni bdag gi ma yin no/ /'di ni bdag ma yin no/ /'di ni bdag gi bdag ma
421a4 yin no/ /snyam du de ltar yang dag pa ji lta ba bzhin du yang dag pa'i shes rab kyis blta bar bya'o/ /tshor ba dang / 'du shes dang / 'du byed rnams ci yang rung ba dang / rnam par
421a5 shes pa ci yang rung ba 'das pa dang / ma 'ongs pa dang / da ltar byung ba'am/ nang ngam phyi rol lam/ rags pa'am/ cha phra ba'am/ ngan pa'am/ bzang po'am/ thag ring ba'am
421a6 nye ba yang rung ste/ de dag thams cad la 'di ni bdag gi ma yin no/ /'di ni bdag ma yin no/ /'di ni bdag gi bdag ma yin no snyam du de ltar yang dag pa ji lta ba bzhin du yang
421a7 dag pa'i shes rab kyis blta bar bya'o/ /tshe dang ldan pa dang / de ltar ba lta ba'i thos pa dang ldan pa'i nyan thos ni gzugs las kyang skyo bar 'gyur ro/ /tshor ba dang / 'du shes dang /
421b1 'du byed rnams dang / rnam par shes pa las kyang skyo bar 'gyur te/ skyo nas 'dod chags dang bral bar 'gyur ro/ /'dod chags dang bral na rnam par grol bar 'gyur ro/ /rnam par grol ba
421b2 na bdag gi skye ba zad do/ /tshangs par spyod pa spyad zin to/ /bya ba byas so/ /srid pa 'di las gzhan mi shes so snyam du rnam par grol ba'i ye shes mthong ba kho nar 'gyur ro/ /chos kyi rnam
421b3 grangs 'di bshad pa na /grogs po na zla de rnams chos rnams la chos kyi mig rdul med cing dri ma dang bral bas rnam par dag go/ de nas dge slong dag the tshom skyes te/ the tshom thams cad
421b4 gcod pa/ sangs rgyas bcom ldan 'das la zhus pa/ btsun pa sbed pas las gang dag bgyis na/ des de'i lus 'di lta bur mi sdug cing nad mang la dri nga bar gyur lags/ las
421b5 gang dag bgyis na des blo rno zhing gsal bar gyur te/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag sbed
421b6 pa nyid kyis sngon tshe rabs gzhan dag du tshogs rnyed cing rkyen grub pa dang ldan te/ dpa' rgal bzhin du 'byung la gdon mi za bar 'ong ba'i las de dag byas shing bsags pas na/ sbed pa
421b7 nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag/ las byas shing bsags pa rnams ni phyi rol gyi sa'i khams la rnam
422a1 par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing
422a2 bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud
422a3 mi za/ /tshogs shing dus la bab pa na/ /'bras bu nyid du smin par 'gyur/ /dge slong dag/ sngon byung ba 'das pa'i dus na grong khyer wA ra NA si na tshong dpon zhig 'dug pa de/ tshong
422a4 dpon gzhan zhig dang mi mdza' nas des rgyal po la nor mang po phul te/ gsol ba btab pa/ lha/ tshong dpon 'dis nongs pa bgyis kyi 'di chad pas bcad cing tshar gcad par
422a5 gsol zhes byas so/ /de nas rgyal pos gnang ste/ de nyid chad pas gcod du bcug go/ de nas des bdag gi khyim du bkug nas lcag gis bzhus so/ /de nas lus las
422a6 khrag byung nas/ dug drag po'i phye ma mang pos btab ste/ des de'i lus de sha snag bu bzhin du phyil por 'dug par gyur te/ de nas tshong dpon de'i grogs po rnams kyis de'i
422a7 ji ltar byas pa thos nas de dag bsdongs te yo byad kyi khyad par dag gis nad de la gsos par byas so/ /de nas skyo bar gyur pa de kho nas khyim nas byung ste/ rab tu byung nas des slob
422b1 dpon med par byang chub kyi phyogs dang mthun pa'i chos sum cu rtsa bdun bsgoms te rang sangs rgyas kyi byang chub mngon sum du byas so/ /de nas de'i sems skyes pa tshong dpon des ni bdag gi
422b2 rgyud las bsod nams ma yin pa chen po bskyed kyis med na/ ma la bdag de'i thad du song la skyo ba bskyed par bya gor ma chag snyam mo/ /de nas de'i mdun du song nas steng gi nam
422b3 mkha' la mngon par 'phags te cho 'phrul rnam pa sna tshogs bstan to/ /so so'i skye bo rnams ni rdzu 'phrul gyis myur du dad par byed do/ /de sdong po rtsa ba nas bcad pa bzhin du rkang pa
422b4 la phyag 'tshal nas thal mo sbyar te/ bcom ldan 'das la gsol ba btab pa yon gnas chen po mar gshegs/ khyod la bdag gis nongs pa bgyis kyi/ de yang khyed nyid las
422b5 brten te byang bar bgyi'o/ /zhes byas te/ des rang sangs rgyas de la bzod pa gsol nas/ bshos gsol te na bza' phul nas smon lam btab pa/ bdag khros te khyod la nongs pa
422b6 bgyis pa de'i las kyi rnam par smin pa bdag gis myong bar ma gyur cig/ bdag gi bkur sti bgyis pa 'dis ni yon tan 'di lta bu dag bdag gis thob par gyur cig /'di bas
422b7 kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong
423a1 dag/ ji snyam du sems/ de'i tshe de'i dus na tshong dpon du gyur pa gang yin pa de ni sped pa 'di yin te/ las de'i mthus tshe rabs lnga brgya'i bar du
423a2 lcags 'og tu shi'o/ /rgyu de kho nas da ltar yang lus 'di 'dra ba thob par gyur to/ /gzhan yang / bcom ldan 'das 'od srung gi ring la grogs po na zla rnams dang lhan cig tu byung
423a3 ste| des de dag gi tshangs par spyod pa'i gnas bsrungs pa des/ de ltar dgra bcom pa nyid mngon sum du byas so/ /dge slong dag/ de ltar na las gcig tu nges par gnag
423a4 pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar
423a5 'gyur ro/ /las 'dres ma rnams ni/ rnam par smin pa yang 'dres mar 'gyur ro/ /dge slong dag /de bas na las cig tu nges par gnag pa rnams dang / las 'dres ma
423a6 rnams spangs la/ las cig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad
423a7 ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mi sdug pa ces bya ba ni/ sangs rgyas bcom
423b1 ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu
423b2 rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur stir byas/ bla mar byas/ ri mor byas/
423b3 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / ci'am ci dang / lto 'phye chen po rnams kyis mchod cing shes pa'i sangs rgyas bcom
423b4 ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun
423b5 dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe yul b+ha rga zhes bya ba na khyim bdag phyug
423b6 cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa
423b7 las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de zla ba brgyad
424a1 dam/ dgu lon pa dang bu byung ste/ khye'u mi sdug pa'i sna grangs bco brgyad dang ldan pa zhig btsas nas pha ma gnyis bu la chags te de gsos so/ /de nas gang gi
424a2 tshe de mthar gyis cher skyes pa de'i tshe mi sdug pa'i phyir pha ma gnyis kyis khyim nas bskrad de/ de gang dang / gang du song ba de dang / der yang yid du mi 'ong ba'i phyir skye bo mang pos bskrad do/ /
424a3 de dud 'gro'i skye gnas su skyes pa'i srog chags rnams kyis kyang de la gzi brjid kyis brnyas pa byed na/ mir gyur pa rnams kyis lta ci smos te/ de grong khyer ci nang nas bskrad
424a4 nas skyed mos tshal dung yag cig tu 'dug ste/ des res 'ga' ni 'bras bu dang / rtsa ba rnyed na za bar byed do/ /res 'ga' 'bras bu dang / rtsa ba ma rnyed na ni rtswa dang / me
424a5 tog dang / lo ma dag gis 'tsho bar byed do/ /de nas bcom ldan 'das kyis mi sdug pa gdul ba'i dus la bab par gzigs nas/ nyan thos chen po bzhi la bka' stsal pa/
424a6 dge slong dag/ tshur shog cig dang / mi sdug pa gdul lo/ /de nas bcom ldan 'das nyan thos chen po rnams kyis zham ring byas te/ skyed mos tshal dung yag ga la ba der
424a7 gshegs pa dang / des bcom ldan 'das mthong nas ngo tsha ste/ phan tshun du bros so/ /de nas bcom ldan 'das kyis ji ltar yang 'bros mi nus par byin gyis brlabs so/ /
424b1 de nas bcom ldan 'das dang / nyan thos chen po rnams 'gog pa'i snyoms par 'jug par zhugs so/ /de nas 'gog pa las bzhengs te bdag nyid mi sdug par sprul to/ /sprul nas kyang
424b2 kham phor zas kyis bkang ba bsnams te/ mi sdug pa'i thad du gshegs so/ /de nas mi sdug pas mthong ba dang / dga' bar gyur nas smras pa/ grogs po chen po/ ga las 'ongs/ tshur
424b3 shog /bdag cag gnyis lhan cig tu 'dug go zhes byas so/ /de nas bcom ldan 'das kyis de la zas byin te dbang po tshim par gyur nas/ bcom ldan 'das nyid kyi cha lugs
424b4 su bsgyur to/ /de nas mi sdug pas sangs rgyas bcom ldan 'das mthong nas/ gsol pa/ da ni khyod byad gzugs bzang por gyur na las gang gi mthu las gyur lags/ bcom
424b5 ldan 'das kyis bka' stsal pa/ nga la sems dga' bar byed pa zhes bya ba'i rigs sngags yod de/ 'di ni de'i mthu yin no/ /de nas des bcom ldan 'das dang / nyan thos chen
424b6 po 'gog pa'i snyoms par zhugs pa de dag la sems dga' ba bskyed de/ des na de'i mi sdug pa med par gyur nas bzang por gyur te/ rab tu byung nas dgra bcom pa nyid mngon
424b7 sum du byas so/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ mi sdug pas las gang dag bgyis na
425a1 des 'di lta bur mdog ngan pa reg tu mi bzod pa dang / mi sdug pa'i sna grangs bco brgyad dang ldan par gyur la/ rab tu byung nas dgra bcom pa nyid
425a2 mngon sum du bgyis lags/ bcom ldan 'das kyis bka' stsal pa/ dge slong dag/ mi sdug pa nyid kyis sngon tshe rabs gzhan dag tu tshogs rnyed cing rkyen grub pa dang ldan
425a3 te| dba' rgal bzhin du 'byung la gdon mi za bar 'ong ba'i las de dag byas shing bsags pas na/ mi sdug pa nyid kyis las byas shing bsags pa de dag gzhan su zhig
425a4 gis nyams su myong bar 'gyur te/ dge slong dag/ las byas shing bsags pa rnams ni/ phyi rol gyi sa'i khams la rnams par smin par mi 'gyur/ chu'i khams dang / me'i
425a5 khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni/ zin pa'i phung po dang / khams dang / skye
425a6 mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ 'bras bu
425a7 nyid du smin par 'gyur/ /dge slong dag/ sngon byung ba 'das pa'i dus na/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su
425b1 ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rgyal zhes bya ba 'jig
425b2 rten du byung ste/ des phyi zhig na rgyal po'i pho brang 'khor zhig na rten cing bzhugs so/ /de nas yang dag par rdzogs pa'i sangs rgyas rgyal gyis dgongs na/ de'i tshe nye bar gyur pa'i byang
425b3 chub sems dpa' gnyis yod de/ byang chub sems dpa' shAkya thub pa dang / byams pa'o/ /de la byams pa ni rang gi rgyud yongs su smin par gyur la/ gdul bar bya ba rnams yongs
425b4 su ma smin/ shAkya thub pa ni rang gi rgyud yongs su ma smin la/ gdul bar bya ba rnams ni yongs su smin par gzigs so/ /de nas yang dag par rdzogs pa'i sangs rgyas rgyal gyis byang
425b5 chub sems dpa' shAkya thub pa'i rgyud yongs su smin par bya ba'i phyir gangs kyi ri'i steng du gshegs shing rim po che'i phrag phug tu zhugs nas/ skyil mo krung bcas te me'i khams
425b6 la snyoms par zhugs so/ /de'i tshe byang chub sems dpa' shAkya thub pa 'bras bu dang / rtsa ba dag gi phyir ri'i rgyal po gangs kyi steng du song ste/ de phan tshun song song ba las/ yang
425b7 dag par rdzogs pa'i sangs rgyas rgyal/ sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom
426a1 gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ de mthong ma thag tu des nyin mtshan
426a2 bdun gyi bar du rkang pa ya gcig gi 'greng ste/ tshigs su bcad pa gcig gis bstod pa/ de lta bu sems rtse gcig tu bya ba thob ste/ skyes bu khyu mchog khyod 'dra'i dge slong chen po gzhan
426a3 dag lha yul sa la med/ /'jig rten 'di na'ang yong gis med la rnam thos bu yi pho brang na yang med/ /lha yi pho brang gnas mchog dag na med la phyogs dang phyogs mtshams dag
426a4 na'ang med/ /ri dang nags su bcas pa'i sa steng rgyas pa ma lus bskor kyang ga la yod/ ces bstod do/ /de nas yang dag par rdzogs pa'i sangs rgyas rgyal gyis byang chub sems
426a5 dpa' shAkya thub pa'i rgyud yongs su smin par gzigs nas legs so/ /zhes bya ba byin te/ skyes bu dam pa/ legs so/ /legs so/ /bram ze dam pa de ring du/ /de bzhin
426a6 gshegs la legs bstod pa'i/ /stobs dang brtson 'grus rdzogs pa 'dis/ /bskal pa dgu zhig 'dums par gyur/ /ces gsungs so/ /de nas bcom ldan 'das de lha che
426a7 bar gags pa rnams kyis zham ring byas te/ phug de'i nang na gnas pa'i lha chung bar grags pa zhig yod pa des phug pa de'i nang du 'gro ma nus so/ /de nas des mig mi sdug
426b1 par bsgyur te/ bcom ldan 'das la bsdigs so/ /des yun ring mo zhig tu bsdigs kyang / bcom ldan 'das la gnod pa byed ma nus nas/ des dad pa rnyed de/ drang srong 'di ni bzang po
426b2 zhig ste/ brtul zhugs grub pa zhig go snyam mo/ /de nas des lus rgyas par sprul nas/ bcom ldan 'das kyi zhabs la phyag 'tshal te/ bzod pa gsol nas/ bshos kyang gsol to/ /
426b3 bcom ldan 'das kyis bka' stsal pa/ dge slong dag /ji snyam du sems/ de'i tshe de'i dus na phug de na gnas pa'i lhar gyur pa gang yin pa de ni mi sdug pa 'di yin te/ las de'i
426b4 rnam par smin pas 'khor bar sdug bsngal mtha' yas pa myong bar gyur la da ltar yang rgyu de kho nas mi sdug par gyur to/ /des phyis sems dga' ba bskyed pa des ni 'di'i mi sdug
426b5 pa med par gyur te/ bzang por gyur nas rab tu byung la dgra bcom pa nyid mngon sum du byas so/ /dge slong dag /de ltar na las gcig tu nges par gnag pa rnams ni rnam par
426b6 smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dres ma rnams
426b7 ni rnam par smin pa yang 'dres mar 'gyur ro/ /dge slong dag /de bas na las gcig tu nges par gnag pa rnams dang / las 'dres ma rnams spangs la/ las gcig tu nges
427a1 par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/
427a2 dge slong de dag yi rangs te bcom ldan 'das kyis gsungs pa la mngon par bstod do// //gang gA ba zhes bya ba ni/ sangs rgyas bcom ldan 'das la rgyal po
427a3 rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang /
427a4 gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas
427a5 mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs
427a6 rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/
427a7 nyan thos kyi dge 'dun dang bcas pa grong khyer wA ra NA si na drang srong smra ba'i ri dwags kyi nags na rten cing bzhugs so/ /de'i tshe wA ra NA si na khyim bdag phyug cing nor mang
427b1 la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma
427b2 blangs nas/ de de dang lhan cig rtse zhing dga' la dga' mgur spyod do/ /de rtse zhing dga' la dga' mgur spyod kyang bu yang med/ bu mo yang med nas/ de lag pa la rkom tshugs
427b3 bcas te bsams pa/ bdag gi khyim nor du ma dang ldan du zin kyang bdag la bu yang med/ bu mo yang med pas/ bdag 'das pa'i 'og tu ni bu yang med/ bu mo yang med
427b4 pa'i phyir ci bdog pa thams cad rgyal po dbang bar 'gyur ro snyam ste/ sems khongs chud cing 'dug go/ de nas dge sbyong dang / bram ze dang / ltas mkhan dang / mdza' bo dang /
427b5 gnyen dang / rtsa lag gzhan dag gi lha la gsol ba thob cig ces de la bsgo'o/ /de nas de bu med de bu 'dod pa'i phyir lha gu lang dang / chu lha dang / ku be ra dang / brgya byin dang /
427b6 tshangs pa la sogs pa dang / lha'i khyad par gzhan dag la yang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha
427b7 dang / sum mdo'i lha dang / gtor ma len pa'i lha dang / lhan cig skyes pa dang / chos mthun pa pa dang / rtag tu phyir 'brang ba'i lha rnams la yang gsol ba 'debs te/ 'jig
428a1 rten na 'ang gsol ba btab pa'i rgyus bu dang / bu mo skye bar 'gyur ro/ /zhes bya ba'i gtam de yod mod kyi de yang de lta ni ma yin te/ gal te gsol ba
428a2 btab pa'i rgyus bu dang / bu mo skye bar 'gyur du zin na/ 'khor los sgyur ba'i rgyal po chen po bzhin du re re la yang bu stong stong yod par 'gyur ba'i rigs so/ /ye ni gnas
428a3 gsum tshogs pa las bu dang / bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan ldan pa dang / dri za 'ongs
428a4 pa te/ gnas 'di gsum tshogs pa las bu dang / bu mo skye bar 'gyur ro/ /de nas de yang gsol ba 'debs pa lhur byed cing 'dug la/ sems can zhig kyang sems can gyi
428a5 rigs shig nas shi 'phos te/ de'i chung ma'i ltor zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod do/ lnga gang zhe na/ skyes
428a6 pa chags pa yang shes la/ ma chags pa yang shes pa dang / dus kyang shes la zla mtshan yang shes pa dang / bu chags pa shes pa dang / gang las bu chags pa dang / khye'u
428a7 yang shes la/ bu mo yang shes pa ste/ gal te khye'u yin na ni lto g.yas phyogs su rten cing gnas so/ /gal te bu mo yin na ni lto g.yon phyogs su rten cing gnas so/ /de nas
428b1 de dga' ches nas khyim thab la smras pa/ jo bo/ bdag la sras chags te/ bdag gi rum g.yas logs su rten cing gnas pa las na khye'ur 'gyur bar nges kyi/ dgyes pa bskyed du gsol
428b2 zhes byas nas/ de yang dga' ches nas ro stod ni bteg/ lag pa g.yas pa ni brkyang nas/ bdag gis yun ring po nas smon smon pa'i bu'i ngo mthong bar 'ong ngo / /bdag gi bu rung
428b3 bar gyur cig/ mi rung bar ma gyur cig/ bdag gi bya ba dag byed par shog cig/ gsos pa'i lan phyir gso bar shog cig/ nor skal la spyod par shog cig/ bdag gi rigs
428b4 rgyun ring du gnas par shog cig/ bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag byas nas/
428b5 de gnyis gang dang / gang du skyes shing 'gro ba der 'di song zhig ces yon bsngo bar shog cig ces dga' ba'i tshig brjod do/ /de nas bu chags par rig nas bu'i rim gro bya ba'i
428b6 phyir khang bzang gi steng du nyams rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i kha zas rnams
428b7 dang / ha cang kha ba yang ma yin pa rnams dang / ha cang skyur ba ma yin pa rnams dang / ha cang lan tshwa che ba ma yin pa rnams dang / ha cang mngar ba ma yin pa rnams dang / ha cang
429a1 ro tsha ba ma yin pa rnams dang / ha cang bska ba ma yin pa rnams dang / kha ba dang / skyur ba dang / lan tshwa dang / mngar ba dang / tsha ba dang / bska ba med pa'i
429a2 zas rnams kyis bsten cing / do shal dang / se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng nas/ khri'i steng dang / khri bu'i
429a3 steng nas khri'u'i steng du rgyu zhing 'og gi gzhi la mi 'bab pa dang / des yid du mi 'ong ba'i sgra skad ci yang ma thos par byas so/ /de nas de zla ba brgyad dam/ dgu lon pa dang bu
429a4 byung ste/ khye'u gzugs bzang zhing blta na sdug la mdzes pa/ yan lag dang / nying lag thams cad dang ldan pa zhig btsas nas/ de btsas pa'i btsas ston byas nas/ de'i
429a5 ming gang gA ba zhes btags so/ /de nas khye'u gang gA pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma
429a6 ma gnyis te/ ma ma brgyad la gtad nas/ de ma ma brgyad kyi 'o ma dang / zho dang / mar dang / zhun mar dang / mar gyi nying khu dang / gzhan yang / yo byad kyi khyad par bzang ngo
429a7 cog gis bskyed bsrings te/ mtsho'i nang gi pad+ma bzhin du skye drag par gyur to/ /de yang nges par 'byed par cha dang mthun pa'i dge ba'i rtsa ba dang ldan te/ khyim na gnas
429b1 par mi dga' nas pha ma gnyis kyi rkang pa la phyag btsal te gsol ba btab pa/ yab yum/ bdag bcom ldan 'das kyi bstan pa la rab tu 'byung ba gnang ba mdzad du gsol/ de nas
429b2 de'i pha ma gnyis kyis bu gcig pa yin pa'i phyir ma gnang ngo / /de nas gang gA ba'i blo skyes pa/ mir skye ba 'thob pa ni rnyed par dka' ba yin/ de bzhin gshegs pa 'byung ba yang
429b3 rnyed par dka' ba yin/ gzhan du na dbang po phun sum tshogs pa yang rnyed par dka' ba yin na/ ma la/ bdag bcom ldan 'das kyi bstan pa la rab tu 'byung bar bya ba'i thabs
429b4 ci yod snyam mo/ /de nas de 'di snyam du sems te/ ma la/ bdag gis smon lam btab la/ bdag 'chi bar byas te/ ci nas mir skye ba thob nas shin tu myur bar rab tu 'byung
429b5 bar bya'o snyam mo/ /des de ltar bsams nas dug 'thungs na yang ma shi'o/ /me'i nang du mchongs na yang ma shi/ brag la mchongs na yang ma shi/ chu klung zlog byed kyi nang du mchongs
429b6 na der yang ma shi nas/ de'i blo skyes pa/ bdag 'chi bar bya ba'i thabs gzhan ci yod snyam mo/ /de nas de 'di snyam du sems te/ ma la/ rgyal po ma skyes dgra de ni yong ye gtum
429b7 zhing brgyud la zhe rtsub cing gzu lum can zhig yin gyi/ bdag de'i pho brang du song la mtshan mo khyim phugs gdab bo snyam ste/ de rgyal po'i khab kyi grong khyer du song nas nam sros
430a1 te smag la bab pa na khyim 'bigs shing 'dug go/ de nas srung ma rnams kyis gson por bzung nas rgyal po ma skyes dgra la phul te/ lha/ mi 'dis ni
430a2 rkun ma pho brang sun 'byin pa nongs pa bgyis lags te/ mtshan mo pho brang du khyim phugs btab lags so/ /zhes gsol to/ /de nas rgyal pos nyes pa byed byed pa'i phyir gsad
430a3 par chad do/ /de nas gshed ma gos sngon po gyon pa/ ka ra wI ra'i me tog gi phreng ba mgul du thogs pa lag na mtshon cha thogs pa rnams kyis khrid de lam po che dang / srang
430a4 dang / lam gyi bzhi mdo dang / sum mdo dang / bsgrags pa'i gnas rnams su 'o dod bos te/ grong khyer gyi lho sgo nas phyir byung ste/ bsil ba'i tshal gyi dur khrod du khrid do//
430a5 de khrid pa na gshed ma de dag la smras pa/ kye/ rgyal po'i bka' 'gyur na mi rung gi/ rings par rab tu drongs shig ces zer ro/ /de nas gshed ma de rnams kyis rgyal po la
430a6 gsol to/ /de na rgyal pos phyir bzlog te dris pa/ kwa'i mi khyod ci'i phyir srog phangs pa yongs su gtong bar 'dod/ de nas des gtam de rgyas par rgyal po la gsol te/ de
430a7 nas rgyal po ma skyes dgra ka dam pa'i me tog bzhin du spu zing zhes byas te/ mchi mas brnangs zhing du ba'i bzhin gyis/ kye ma/ 'di ltar 'di rab tu dbyung ba'i phyir srog phangs
430b1 pa gtong bar 'bad pa las na 'di'i blo'i rgyud ni yongs su smin to/ /'khor ba'i nyes pa ni shin tu rtogs so/ /dad pa phun sum tshogs pa ni legs par thob bo zhes dga' ba'i tshig tu
430b2 brjod do/ /de nas rgyal pos dbugs phyung ste smras pa/ bu gcig/ nga ni khyod kyi srog la dbang gi/ da song la/ bcom ldan 'das kyi bstan pa la rab tu byung zhig ces byas nas/ de rgyal
430b3 pos btang ste/ bcom ldan 'das kyi bstan pa la rab tu byung na des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi
430b4 brtan par rigs nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams
430b5 cad spangs nas dgra bcom pa nyid mngon sum du byas so/ /dgra bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam mkha'
430b6 dang / lag mthil du 'dra ba'i sems dang ldan pa/ tsan+dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so
430b7 yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par
431a1 smra ba'i gnas su gyur to/ /de nas bcom ldan 'das kyis dge slong rnams la bka' stsal pa/ dge slong dag/ nga'i nyan thos kyi dge slong dad pas rab tu byung
431a2 ba rnams kyi mchog ni/ 'di lta ste/ wA ra NA si'i tshong dpon gyi bu gang gA pa 'di yin no/ /de nas dge slong dag the tshom skyes te/ the tshom thams cad gcod pa sangs rgyas bcom ldan
431a3 'das la zhus pa/ btsun pa gang gA pas las gang dag bgyis na/ de dag gi rnam par smin pas de'i lus la mes kyang mi tshugs/ dug dang / mtshon dang / chus kyang 'chi bar mi
431a4 'gyur la/ 'dis dgra bcom pa nyid kyang thob par gyur lags/ bcom ldan 'das kyis bka' stsal pa/ dge slong dag/ gang gA pa nyid kyis sngon tshe rabs gzhan dag tu
431a5 tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na/ gang gA pa nyid kyis las byas shing
431a6 bsags pa de dag gzhan su zhig gis nyams su myong bar 'gyur te/ dge slong dag/ las byas shing bsags pa rnams ni/ phyi rol gyi sa'i khams la rnam par smin par mi
431a7 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po
431b1 dang | khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/
431b2 'bras bu nyid du smin par 'gyur/ /dge slong dag/ sngon byung ba 'das pa'i dus na/ grong khyer wA ra NA si na rigs ngan dur khrod kyi rdzas la rku ba zhig gnas pa des re zhig na 'gron po
431b3 dag bcom ste rdzas thob pa dang / de'i phyi bzhin du mi rgod dag gis bsnyags pa las re zhig na dur khrod kyi phyogs shig tu rang sangs rgyas 'gog pa'i snyoms par zhugs pa de'i
431b4 mdun du rigs ngan dur khrod kyi rdzas la rku ba des rdzas bor nas de nyid du yib bo/ /de nas mi rgod de dag gis rang sangs rgyas mthong nas bong rdo dag gis kyang bsnun/ mtshon gyis
431b5 kyang btab/ mes kyang bsregs na 'on kyang de 'gog pa'i snyoms par zhugs pas na/ de'i chos gos kyi gwa tsam yang bskyong ma nus so/ /de nas gang gi tshe/ mi rgod de dag ngal bar
431b6 gyur te/ phyir dong pa de'i tshe rang sangs rgyas de khad kyis ting nge 'dzin las langs so/ /de nas rigs ngan dur khrod kyi rdzas la rku ba des rang sangs rgyas de la bshos gsol nas smon
431b7 lam btab ba/ bdag gis kyang 'di lta bu'i yon tan dag thob par gyur cig/ 'di ltar gzhan gyis mi tshugs pa de bzhin du bdag kyang gang dang / gang du skyes pa de dang / der gzhan
432a1 gyis mi tshugs par shog cig/ 'di bas kyang ches khyad par 'phags pa'i ston pa mnyes par byed par gyur cig /mi mnyes par byed par ma gyur cing
432a2 ces byas so/ /bcom ldan 'das kyis bka' stsal pa/ dge slong dag/ ji snyam du sems/ de'i tshe de'i dus na rigs ngan dur khrod kyi rdzas la rku bar gyur pa gang yin pa de ni gang
432a3 gA pa 'di yin no/ /gzhan yang / bcom ldan 'das 'od srung gi ring la rab tu byung ste/ des 'di tshangs par spyod pa'i gnas bsrungs pa des na da ltar dgra bcom pa nyid mngon sum
432a4 du byas so/ /dge slong dag /de ltar na las gcig tu nges par gnag ba rnams ni rnam par smin pa yang gcig tu nges par gnag par 'gyur ro/ /las gcig tu nges par dka'
432a5 ba rnams ni rnam par smin pa yang gcig tu nges par dkar bar 'gyur ro/ /las 'dres ma rnams ni rnam par smin ba yang 'dres mar 'gyur ro/ /dge slong dag/ de bas na las
432a6 gcig tu nges par gnag pa rnams dang / las 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyer kyis de
432a7 ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //
432b1 sen ring zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded
432b2 dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis
432b3 bkur stir byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis
432b4 mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzigs cha dang / gdan dang / snyun gsos dang / sman zong rnams
432b5 brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe spang spos can gyi grong na bram ze rgyal
432b6 zhes bya ba zhig gnas pa des/ bram ze ma tha re'i bu mo shA ri zhes bya ba thob nas gang gi tshe shA ri'i ltor shA ri'i bu zhugs pa de'i tshe bud med de ming po sen ring dang / gzhung gi brgyab
432b7 na ming po chad pa la thug par byed do/ /de nas sen ring gis blo skyes pa/ 'di'i ltor sems can bsod nams che bar grags pa zhig gis nying mtshams sbyar ba 'dra ste/ de'i mthu
433a1 yin gyi/ ma la/ bdag gis snga nas phyogs 'ga' zhig la brten par bya'o snyam mo/ /de nas sen ring lho phyogs su song nas bstan chos mang po bslabs so//
433a2 de nas re zhig nas mthar gyis shA ri'i bu btsas te/ des lo bcu drug lon na dbang po'i brda sprod pa lobs nas gzhung gis rtsod pa thams cad tshar bcad do/ /de nas de mthar gyis
433a3 bcom ldan 'das kyi bstan pa la rab tu byung ngo / /de nas re zhig na kun tu rgyu sen ring gis mu stegs pa de dag thams cad tsha bos tshar bcad nas/ da ltar dge sbyong gau ta
433a4 ma'i slob mar khas blangs so/ /zhes thos so/ /thos nas kyang shas cher de chad pa'i 'du shes skyes la bstan chos thams cad la yang mu thug pa med pa'i 'du shes skyes so/ /
433a5 de nas mthar gyis rgyal po'i khab tu phyin pa dang / de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol
433a6 ba dang 'dra ba'i chos ro dang ldan no cog ston to/ /shA ri'i bu yang bcom ldan 'das kyi spyan snga na/ bsil yab thogs te/ bcom ldan 'das la g.yo ba cing 'dug go /de nas
433a7 kun tu rgyu sen ring bcom ldan 'das ga la ba der song ste phyin nas/ kun tu rgyu sen ring gis bcom ldan 'das zla ba tshes pa'i dbyibs lta bur 'khor gyis bskor cing bzhugs
433b1 te chos ston pa dang / shA ri'i bu yang bsil yab thogs te/ bcom ldan 'das la g.yo ba cing 'dug ba mthong ngo / /mthong nas kyang bcom ldan 'das la 'di skad ces gsol to/ /kye/ gau
433b2 ta ma/ bdag ni thams cad mi 'tshal lo/ /bcom ldan 'das kyis bka' stsal pa/ me'i cha lugs can gyi bu/ bdag ni thams cad mi 'dod do zhes lta ba gang yin pa 'di yang khyod mi 'dod
433b3 dam/ kyai/ gau ta ma/ bdag ni thams cad mi 'tshal lo zhes bgyi ba'i lta ba gang lags pa 'di yang bdag mi 'tshal lo/ /me'i cha lugs can gyi bu/ 'o na ni khyed de ltar shes shing de
433b4 ltar lta bar gyur na/ lta ba 'di yang spangs pa dang / bor ba dang / bsal bar 'gyur la lta ba gzhan yang nyid mtshams sbyor ba med pa dang / len pa med pa dang / 'byung ba med par
433b5 'gyur ro/ /go'u ta ma/ bdag ni de ltar shes shing de ltar lta bas lta ba 'di yang spangs pa dang / bor ba dang / bstsal bar 'gyur la/ lta ba gzhan yang / nying mtshams sbyor ba ma
433b6 mchis pa dang / 'byung ba ma mchis par 'gyur lags so/ /me'i cha lugs can gyi bu/ 'o na ni khyod skye bo mang po dang mthun par 'gyur zhing mtshungs par 'gyur te/ skye bo mang po
433b7 yang de ltar lta zhing de skad smra la/ khyod kyang de skad smra bas na khyod kyang de kho na dang 'dra'o/ /me'i cha lugs can gyi bu dge sbyong ngam/ bram ze su yang rung ste/ lta ba de nges par spong la
434a1 lta ba gzhan yang len par mi byed pa de dag ni 'jig rten na nyung ba bas kyang ches nyung zhes bya ba/ /me'i cha lugs can gyi bu/ lta ba'i gnas ni 'di gsum yin
434a2 te| gsum gang zhe na/ me'i cha lugs can gyi bu/ 'di na kha cig ni bdag ni thams cad mi 'dod do zhes de ltar lta zhing de skad smra'o/ /gzhan yang / 'di ni kha cig ni bdag ni thams
434a3 cad 'dod do zhes de ltar lta zhing skad smra'o/ /gzhan yang / 'di na kha cig ni bdag ni gcig 'dod la gcig mi 'dod do zhes de ltar lta zhing de skad smra'o/ /me'i cha lugs can gyi
434a4 bu/ de la bdag ni thams cad 'dod do zhes de ltar lta ba gang yin pa'i lta ba de ni kun tu 'dod chags par 'gyur gyi/ kun tu 'dod chags pa med par mi 'gyur ro/ /kun tu zhe
434a5 sdang bar 'gyur gyi/ kun tu zhe sdang ba med par mi 'gyur ro/ /kun tu gti mug par 'gyur gyi/ kun tu gti mug pa med par mi 'gyur ro/ /kun tu sbyor bar 'gyur gyi/ kun tu
434a6 'bral bar mi 'gyur ro/ /kun nas nyon mongs par 'gyur gyi/ rnam par byang bar mi 'gyur ro/ /kun tu 'phel bar 'gyur gyi/ kun tu 'bri bar mi 'gyur te/ mngon par dga' ba
434a7 dang / nye bar len pa dang / lhag par zhen par 'gyur ro/ /me'i cha lugs can gyi bu/ de la bdag ni thams cad mi 'dod do zhes de ltar lta ba gang yin pa'i lta ba de ni kun tu
434b1 'dod chags pa med par 'gyur gyi/ kun tu 'dod chags par mi 'gyur ro/ /kun tu zhe sdang ba med par 'gyur gyi/ kun tu zhe sdang bar mi 'gyur ro/ /kun tu gti mug pa
434b2 med par 'gyur gyi/ kun tu gti mug par mi 'gyur ro/ /'bral bar 'gyur gyi/ sbyor bar mi 'gyur ro/ /rnam par byang bar 'gyur gyi/ kun nas nyon mongs par mi 'gyur ro/ /
434b3 kun tu 'bri bar 'gyur gyi/ kun tu 'phel bar mi 'gyur te/ mngon par dga' ba med pa dang / nye bar len pa med pa dang / lhag par zhen pa med par 'gyur ro/ /me'i cha lugs can
434b4 gyi bu/ de la bdag ni gcig ni 'dod la gcig ni mi 'dod do zhes de ltar lta ba gang yin pa'i lta ba de la re zhig des 'dod pa gang yin pa de ni 'dod chags par 'gyur gyi/ kun
434b5 tu 'dod chags med par mi 'gyur ro/ /kun tu zhe sdang bar 'gyur gyi/ kun tu zhe sdang ba med par mi 'gyur ro/ /kun tu gti mug par 'gyur gyi/ kun tu gti mug pa med par mi
434b6 'gyur ro/ /kun tu sbyor bar 'gyur gyi/ kun tu 'bral bar mi 'gyur ro/ /kun nas nyon mongs par 'gyur gyi/ rnam par byang bar mi 'gyur ro/ /kun tu 'phel bar 'gyur gyi/ kun tu
434b7 'bri bar mi 'gyur te/ mngon par dga' ba dang / nye bar len pa dang / lhag par zhen par 'gyur ro/ /des mi 'dod pa gang yin pa de ni kun tu 'dod chags pa med par 'gyur gyi/ kun
435a1 tu 'dod chags par mi 'gyur ro/ /kun tu zhe sdang ba med par 'gyur gyi/ kun tu zhe sdang bar mi 'gyur ro/ /kun tu gti mug pa med par 'gyur gyi/ kun tu gti
435a2 mug par mi 'gyur ro/ /kun tu 'bras bar 'gyur gyi/ kun tu sbyor bar mi 'gyur ro/ /rnam par byang bar 'gyur gyi/ kun nas nyon mongs par mi 'gyur ro/ /kun tu 'bri bar 'gyur
435a3 gyi| kun tu 'phel bar mi 'gyur te/ mngon par dga' ba med pa dang / nye bar len pa med pa dang / lhag par zhen pa med par 'gyur ro/ /de la thos pa dang ldan pa'i 'phags
435a4 pa'i nyan thos ni 'di ltar so so yang dag par rig pa slob par byed de/ gal te bdag thams cad 'dod do zhes de ltar lta zhing de skad smra na ni bdag ni thams cad mi 'dod
435a5 do zhes de ltar lta zhing de skad smra ba gang yin pa dang / bdag ni gcig ni 'dod la gcig ni mi 'dod do zhes de ltar lta zhing de skad smra ba gang yin pa de gnyis dang bdag
435a6 'gyed par 'gyur ro/ /'gyed par gyur na rtsod par 'gyur ro/ /rtsod par gyur na rnam par 'tshe bar 'gyur ro snyam ste/ 'gyed pa dang bcas pa dang / rtsod pa dang bcas
435a7 pa dang / rnam par 'tshe ba dang bcas par yang dag par mthong nas/ lta ba de yang spong la lta ba gzhan yang mi len to/ /de ltar na lta ba de yang spong ba dang / dor ba dang / sel bar 'gyur
435b1 la/ lta ba gzhan yang nying mtshams sbyor bar mi 'gyur/ nye bar len par mi 'gyur/ nye bar len par mi 'gyur/ 'byung bar mi 'gyur ro/ /de la thos pa dang ldan pa'i 'phags pa nyan thos ni 'di ltar so so yang dag par slob par
435b2 byed de/ gal te bdag thams cad mi 'dod do zhes de ltar lta zhing de skad smra na ni/ bdag ni thams cad 'dod do zhes de ltar lta zhing de skad smra ba gang yin pa dang / bdag ni gcig ni
435b3 'dod la gcig ni mi 'dod do zhes de ltar lta zhing de skad smra ba gang yin pa de gnyis dang bdag 'gyed par 'gyur ro/ /'gyed par gyur na rtsod par 'gyur ro/ /rtsod par gyur na rnam
435b4 par 'tshe bar 'gyur ro snyam ste/ 'gyed pa dang bcas pa dang / rtsod pa dang bcas pa dang / rnam par 'tshe ba dang bcas par yang dag par mthong nas/ lta ba de yang spong la lta ba
435b5 gzhan yang mi len to/ /de ltar na lta ba de yang spong ba dang / 'dor ba dang / sel bar 'gyur la lta ba gzhan yang nying mtshams sbyor bar mi 'gyur/ nye bar len par mi 'gyur/
435b6 'byung bar mi 'gyur ro/ /de la thos pa dang ldan pa'i 'phags pa nyan thos ni 'di ltar so so yang dag par slob par byed de/ gal te bdag gcig ni 'dod la gcig ni mi 'dod do
435b7 zhes de ltar lta zhing de skad smra na ni gcig ni thams cad 'dod do zhes de ltar lta zhing de skad smra ba gang yin pa dang / bdag ni thams cad mi 'dod do zhes de ltar smra zhing de skad smra
436a1 ba gang yin pa de gnyis dang / bdag 'gyed par 'gyur ro/ /'gyed par gyur na rtsod par 'gyur ro/ /rtsod par gyur na rnam par 'tshe bar 'gyur ro snyam ste/
436a2 'gyed pa dang bcas pa dang / rtsod pa dang bcas pa dang / rnam par 'tshe ba dang bcas par yang dag par mthong nas/ lta ba de yang spong la lta ba gzhan yang mi len to/ /de ltar na lta
436a3 ba de yang spong ba dang / 'dor ba dang / sel bar 'gyur la lta ba gzhan yang nying mtshams sbyor bar mi 'gyur/ nye bar len par mi 'gyur/ 'byung bar mi 'gyur ro/ /me'i cha lugs
436a4 can gyi bu lus 'di ni gzugs can rags pa 'byung ba chen po bzhi'i rgyu las byung ba ste/ de la ni 'phags pa nyan thos kyis rgyun mi 'chad par skye ba dang / 'jig par rjes su
436a5 lta bas gnas par bya'o/ /'dod chags dang bral bar rjes su lta ba dang / 'gog par rjes su lta ba dang / spangs par rjes su lta bas gnas par bya'o/ /'phags pa nyan thos
436a6 kyis de la rgyun mi 'chad par skye ba dang / 'jig par lta bas gnas na de'i lus la 'dun pa dang / lus la byams pa dang / lus la phangs pa dang / lus la gnas pa dang / lus
436a7 la zhen pa dang / lus la lhag par zhen pa gang yin pa de la/ de'i sems zil gyis non cing 'dug par mi 'gyur ro/ /me'i cha lugs can gyi bu/ tshor ba 'di ni/ 'di gsum
436b1 yin te/ gsum gang zhe na/ bde ba dang / sdug bsngal ba dang / sdug bsngal ba yang ma yin/ bde ba yang ma yin pa ste/ thos pa dang ldan pa'i 'phags pa nyan thos ni gang gi tsha bde ba'i tshor
436b2 ba myong ba de'i tshe/ de'i sdug bsngal dang / sdug bsngal yang ma yin/ bde ba yang ma yin pa'i tshor ba gnyis 'gags par 'gyur te/ de'i tshe 'phags pa nyan thos kyi bde ba'i tshor ba nyi tshe myong bar
436b3 'gyur la/ bde ba'i tshor ba de/ yang mi rtag pa dang / 'gog pa'i chos can yin no/ /'phags pa nyan thos ni gang gi tshe sdug bsngal gyi tshor bar myong ba de'i tshe/ de'i bde ba dang / sdug
436b4 bsngal yang ma yin/ bde ba yang ma yin pa'i tshor ba gnyis 'gag par 'gyur te/ de'i tshe 'phags pa nyan thos kyis sdug bsngal gyi tshor ba nyi tshe myong bar 'gyur la/ sdug bsngal gyi
436b5 tshor ba de yang mi rtag pa dang / 'gog pa'i chos can yin no/ /'phags pa nyan thos ni gang gi tshe/ sdug bsngal yang ma yin/ bde ba yang ma yin pa'i tshor ba myong ba de'i tshe/ de'i
436b6 bde ba dang sdug bsngal gyi tshor ba gnyis 'gag par 'gyur te/ de'i tshe 'phags pa nyan thos kyis sdug bsngal yang ma yin/ bde ba yang ma yin pa'i tshor ba nyi tshe myong bar 'gyur
436b7 la| sdug bsngal yang ma yin/ bde pa yang ma yin pa'i tshor ba de yang mi rtag pa dang / 'gog pa'i chos can yin no/ /de 'di snyam du sems te/ tshor ba 'di rnams kyi gzhi ni gang
437a1 yin/ skyed pa ni gang yin/ rigs ni gang yin/ 'byung bar byed pa ni gang yin zhe na/ tshor ba 'di rnams kyi gzhi ni reg pa'o/ /skyed pa ni reg pa'o/ /
437a2 rigs ni reg pa'o/ /'byung bar byed pa ni reg pa ste/ reg pa de dang de skyes na tshor ba de dang de dag skye bar 'gyur la/ reg pa de dang de 'gags na tshor ba de dang de dag 'gag
437a3 par 'gyur/ nye bar zhi bar 'gyur/ bsil bar 'gyur/ med par 'gyur ro snyam nas des bde ba'am/ sdug bsngal ba'am/ sdug bsngal ba yang ma yin/ bde ba yang ma
437a4 yin pa'i tshor ba 'ga' zhig myong na tshor ba de dag gi skye ba dang / med par 'gyur ba dang / nyams pa dang / nyes dmigs dang / nges par 'byung ba yang dag pa ji lta ba bzhin
437a5 du rab tu shes so/ /des tshor ba de dag gi skye ba dang / med par 'gyur ba dang / nyams pa dang / nyes dmigs dang / nges par 'byung ba yang dag par ji lta ba bzhin du
437a6 rab tu shes pas tshor ba skyes so cog la mi rtag par rjes su lta ba dang / 'jig par rjes su lta ba dang / 'gog par rjes su lta ba dang / spong bar rjes su lta bas gnas so/ /
437a7 de lus dang dus mnyam pa'i tshor ba myong ba na/ lus dang dus mnyam pa'i tshor ba myong ngo snyam du yang dag pa ji lta ba bzhin du rab tu shes so/ srog dang dus mnyam pa'i
437b1 tshor ba myong ba na/ srog dang dus mnyam pa'i tshor ba myong ngo snyam du yang dag pa ji lta ba bzhin du rab tu shes te/ srog gi mthar thug nas/ lus dang bral ba'i 'og tu de'i tshor ba thams
437b2 cad ma lus par 'di nyid du 'gag par 'gyur/ ma lus par med pa dang / yongs su zad pa dang / gtugs par 'gyur ro/ /de 'di snyam du sems te/ lus dang bral ba'i tshe/ bde ba'i
437b3 tshor ba myong ba yang sdug bsngal gyi mthar ni de kho nar zad do/ /lus dang bral ba'i tshe/ sdug bsngal dang / sdug bsngal ba yang ma yin/ bde ba yang ma yin pa'i tshor ba myong na yang sdug
437b4 bsngal gyi mthar ni de kho nar zad do snyam mo/ /de bde ba'i tshor ba myong na yang mi ldan pa myong gi ldan pa ni ma yin no/ /sdug bsngal dang / sdug bsngal yang ma yin/ bde ba yang ma yin
437b5 pa'i tshor ba myong na yang mi ldan pa myong gi/ ldan pa ni ma yin no/ /mi ldan pa ci dang mi ldan zhe na/ 'dod chags dang / zhe sdang dang / gti mug dang mi ldan no/ /skye ba dang / rga ba dang /
437b6 na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams dang / sdug bsngal dang mi ldan no/ /zhes nga smra'o//
437b7 de'i tshe tshe dang ldan pa shA ri'i bu bsnyen par rdzogs nas zla ba phyed lon pa dang / bcom ldan 'das kyi snam logs su 'greng ste/ bsil yab thogs nas/ bcom ldan 'das la g.yob
438a1 par byed do/ /de nas tshe dang ldan pa shA ri'i bu 'di snyam du sems te/ bcom ldan 'das ni chos de dang / de dag gi myong ba 'ba' zhig brjod par mdzad/ 'dod
438a2 chags dang bral ba 'ba' zhig dang / 'gog pa 'ba' zhig dang / dor ba 'ba' zhig brjod par mdzad kyi/ ma la/ bdag kyang chos de dang / de dag spong bar rjes su lta bas gnas
438a3 bar bya gor ma chag /'dod chags dang bral bar rjes su lta ba dang / 'gog par rjes su lta ba dang / dor bar rjes su lta bas gnas pa bya gor ma chag snyam mo/ /de nas tshe dang ldan
438a4 pa shA ri'i bu chos de dang / de dag la mi rtag par rjes su lta bas gnas pa dang / 'jig par rjes su lta ba dang / 'dod chags dang bral bar rjes su lta ba dang / 'gog par rjes su lta
438a5 ba dang / dor bar rjes su lta bas gnas nas/ len pa med par zag pa rnams las sems rnam par grol lo/ /kun tu rgyu sen ring yang chos rnams la chos kyi mig rdul med cing
438a6 dri ma dang bral ba skyes so/ /de nas kun tu rgyu sen ring gis chos mthong / chos thos/ chos rtogs/ chos kyi gting slebs te/ som nyi las brgal/ the tshom las brgal nas/ gzhan
438a7 gyi dring mi 'jog cing / gzhan gyis bkri ba med la ston pa'i bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas/ bcom
438b1 ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to/ /btsun pa/ bdag legs par gsungs pa'i chos 'dul ba la rab tu 'byung ba
438b2 dang / bsnyen par rdzogs shing dge slong gi dngos po 'thob du rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas kun tu rgyu sen ring gis
438b3 lags par gsungs pa'i chos 'dul ba la rab tu byung ba dang / bsnyen par rdzogs shing dge slong gi dngos po thob bo/ /de ltar rab tu byung nas tshe dang ldan pa de gcig pu dben pa dang /
438b4 bag yod pa dang / brtun pa dang / spong ba'i bdag nyid du gnas so/ /gcig pu dben pa dang / bag yod pa dang / brtun pa dang / spong ba'i bdag nyid du gnas nas/ rigs kyi bu rnams
438b5 gang gi phyir skra dang / kha spu bregs te/ chos gos tshon can bgos nas yang dag par dad pa kho nas khyim nas khyim med par rab tu 'byung bar byed pa'i tshangs par spyod pa na bla na med
438b6 pa mthar thag pa de'i tshe 'di nyid la rang gi mngon par shes pas mngon sum du byas te/ bsgrubs nas nyams su myong ste/ bdag gi skye ba zad do/ /tshangs par spyod pa spyad zin to//
438b7 bya ba byas so/ /'di las srid pa gzhan mi shes so snyam du kun shes par gyur nas/ tshe dang ldan pa de dgra bcom pa sems shin tu rnam par grol bar gyur to/ /der bcom ldan
439a1 'das kyis dge slong rnams la bka' stsal pa/ dge slong dag/ nga'i nyan thos kyi dge slong so so yang dag par rig pa thob pa rnams kyi mchog ni/ 'di lta ste/
439a2 dge slong gsus po che 'di yin no/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa/ gsus po ches
439a3 las gang dag bgyis pa des gzhung gi smra ba chen por gyur la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/
439a4 gsus po che nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing
439a5 bsags pas na/ gsus po che nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag/ las byas shing bsags pa
439a6 rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi
439a7 dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /
439b1 bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag /sngon byung ba 'das pa'i dus na/ grong khyer wA ra NA si na sde dpon zhig
439b2 la sogs pa mi rgod lnga brgya kun po la chas so/ /re zhig na de dag song ba dang / seng ldeng gi nags shig tu phyin nas/ ded dpon gyis smras pa/ pad+ma lta bu'i mig dang ldan pa dag/
439b3 khyed kyis 'di na gzhan gyi mi 'ga' lta yod dam ltos dang / des bdag cag gis gnod sbyin la mchod pa gsol te/ dong ngo zhes byas so/ /de nas mi rgod de dag 'khor 'khor te
439b4 seng ldeng gi nags de na rang sangs rgyas shig 'dug pa de mthong nas bzung ste sde dpon gyi thad du khrid do/ /de nas mi rgod kyi sde dpon gyis gsod cig ces bsgo'o/ /de nas rang sangs
439b5 rgyas des de dag la phan gdags pa'i phyir ngang pa'i rgyal po 'dab ma brkyang pa bzhin du nam mkha' la 'phags nas cho 'phrul rnam pa sna tshogs bstan to/ /de nas mi rgod kyi sde
439b6 dpon sdong po rtsa ba nas bcad pa bzhin du rkang pa la phyag btsal nas/ nyes pa bshags te bshos kyang gsol nas smon lam btab pa/ bdag cag gis kyang yon tan 'di lta bu
439b7 dag thob par gyur cig/ 'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das
440a1 kyis bka' stsal pa/ dge slong dag /ji snyam du sems/ de'i tshe de'i dus na mi rgod kyi sde dpon du gyur pa de ni gsus po che 'di yin no/ /gzhan yang / bcom ldan
440a2 'das 'od srung gi ring la rab tu byung nas/ des der lo khri'i bar du tshangs par spyod pa'i gnas bsrungs te/ des da ltar dgra bcom pa nyid mngon sum du byas so/ /dge slong dag/ de ltar
440a3 na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig
440a4 tu nges par dkar bar 'gyur ro/ /las 'dres ma rnams ni rnam par smin pa yang 'dres mar 'gyur ro/ /dge slong dag/ de bas na las gcig tu nges par gnag pa rnams dang /
440a5 las 'dres ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das
440a6 kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //yang dag sdug ces bya ba ni/ sangs
440a7 rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams
440b1 dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po
440b2 rnams kyis bkur stir byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams
440b3 kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams
440b4 brnyes pa/ nyan thos kyi dge 'dun dang bcas pa grong khyer ku shi na gyad kyi nyen kor shing sA la zung gi tshal na bzhugs so/ /de nas bcom ldan 'das yongs su mya ngan las 'da' ba'i
440b5 dus la bab pa de'i tshe/ tshe dang ldan pa kun dga' bo la bka' stsal pa/ kun dga' bo/ de bzhin gshegs pa ni do nub nam phyed na phung po lhag ma med pa'i mya ngan las 'das pa'i
440b6 dbyings su yongs su mya ngan las 'da' bar 'gyur gyi/ shing sA la zung gi bar du de bzhin gshegs pa'i gzims khri shoms la sngas byang phyogs su ston cig /de nas/ btsun pa/
440b7 de ltar 'tshal lo zhes gsol te/ tshe dang ldan pa kun dga' bos/ bcom ldan 'das kyis bka' stsal pa bzhin du shing sA la zung gi bar du gzims khri bshams te/ sngas byang
441a1 phyogs su bstan nas/ bcom ldan 'das ga la de logs su song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'greng
441a2 ngo / /phyogs gcig tu 'greng nas/ bcom ldan 'das la tshe dang ldan pa kun dga' bos 'di skad ces gsol to/ /btsun pa/ shing sA la zung gi bar du de bzhin gshegs pa'i gzims
441a3 khri bshams te/ sngas byang phyogs su bstan lags so/ /de nas bcom ldan 'das gzims khri ga la ba der gshegs te byon nas/ glo g.yas phyogs kyis gzims te zhabs
441a4 bshibs nas snang ba'i 'du shes dang / dran pa dang / shes bzhin dang ldan zhing mya ngan las 'da' ba'i 'du shes 'ba' shig thugs la dgongs nas/ der bcom ldan 'das nam
441a5 phyed na phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /sangs rgyas bcom ldan 'das yongs su mya ngan las 'das ma thag pa
441a6 de'i mod las chen po ni shin tu g.yos/ skar mda' ni ltung / mtha' nas ni ljib lam lam/ bar snang las ni lha'i rnga sgra dag brdungs so/ /sangs rgyas bcom ldan 'das yongs su
441a7 mya ngan 'das pa'i mod la nags kyi shing ljon pa'i mchog shing sA la zung 'dud par gyur te/ de bzhin gshegs pa seng ge'i thabs su gzims pa la me tog dag gis gtor
441b1 to| |sangs rgyas bcom ldan 'das yongs su mya ngan las 'das ma thag pa de'i tshe/ dge slong zhig gis tshigs su bcad de smras pa/ sA la'i tshal gyi yon pa'i mchog /'di nyid mdzes
441b2 par ldan pa ste/ /ston pa mya ngan 'das pa la/ me tog dag gis yongs su gtor/ /sangs rgyas bcom ldan 'das yongs su mya ngan las 'das ma thag pa de'i tshe/ lha'i dbang po brgya byin
441b3 gyis tshigs su bcad de smras pa/ kye ma 'du byed rnams mi rtag /skye zhing 'jig pa'i chos can yin/ /skyes nas 'gag par 'gyur ba ste/ /de dag myar bar zhi ba bde/ /sangs rgyas bcom ldan
441b4 'das yongs su mya ngan las 'das ma thag pa de'i tshe/ mi mjed kyi bdag po tshangs pas tshigs su bcad de smras pa/ 'jig rten 'di na sems can kun/ /lus rnams nges par 'dor bar
441b5 byed/ /'jig rten 'di na zla med pa'i/ /ston pa po ni 'di 'dra ba/ /de bzhin gshegs pa stobs brnyes pa/ /spyan ldan yongs su mya ngan 'das/ /sangs rgyas bcom ldan 'das yongs su
441b6 mya ngan las 'das ma thag pa de'i tshe/ tshe dang ldan pa ma 'gags pas tshigs su bcad de smras pa/ brtan pa'i thugs ldan skyob pa'o/ /phyi nang rgyu ba'i dbugs chad de/ /mi g.yo zhi la
441b7 brten nas kyang / /spyan ldan yongs su mya ngan 'das/ /rnam pa kun gyi mchog ldan pa/ /ston pa gang tshe 'das gyur pa/ /de tshe 'jigs pa chen po byung / /de tshe skyi yang bung zhes byed/ /zhum
442a1 pa med pa'i thugs kyi ni/ /tshor ba dang du len par mdzad/ /mar me shi bar gyur pa ltar/ /de yi thugs ni rnam par grol/ /sangs rgyas bcom ldan 'das yongs
442a2 su mya ngan las 'das nas zhag bdun lon pa de'i tshe/ tshe dang ldan pa kun dga' bos/ bcom ldan 'das kyi spur zhugs la bzhen pa skor bzhin du tshigs su bcad de smras pa/ 'dren
442a3 pa rdzu 'phrul chen po rin chen sku/ /tshangs pa'i 'jig rten gshegs pa gang yin te/ /nyid kyi sku las byung ba'i me lces bsregs/ /de ni na bza' lnga brgya phrugs kyis dkris/ /na bza'
442a4 chos gos stong du tshang ba yis/ /sangs rgyas sku ni yongs su dkris par gyur/ /der ni bzang zhing nang dad phyi rol gyi/ /rnam pa gnyis ni tshig bar yongs ma gyur/ /sangs rgyas bcom
442a5 ldan 'das yongs su mya ngan las 'das nas/ lo brgya lon pa'i tshe/ grong khyer pa tra li'i bar zhes bya ba na/ rgyal po mya ngan med rgyal po byed de/ de'i ring la 'byor pa dang / rgyas pa dang /
442a6 bde ba dang / lo legs pa dang / skye bo dang / mi mang po gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams
442a7 med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ chos dang ldan pa dang / chos kyi rgyal po chos bzhin du rgyal po byed do/ /de nas phyis
442b1 re zhig na btsun mo dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las phyis btsun mo la bu chags nas/ de zla ba brgyad dam/ dgu lon pa
442b2 pa dang bu byung ste/ khye'u gzugs bzang zhing blta na sdug pa mdzes pa/ mig bya kun la'i mig 'dra ba zhig btsas so/ /de nas de btsas pa'i btsas ston byas nas/ khye'u 'di'i ming ji skad
442b3 gdags zhes ming 'dogs par byed de/ nye du rnams na re/ 'di btsas ma thag tu mig bya kun la'i mig 'dra bas na/ de'i phyir khye'u 'di'i ming kun la zhes gdags so zhes zer ro//
442b4 de nas khye'u kun la pang na 'tsho ba'i ma ma gnyis dang / nu ma snyun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis dang ma ma brgyad la btad nas/ de ma
442b5 ma brgyad kyis 'o ma dang / zho dang / mar dang / zhun mar dang / mar gyi nyid khu dang / gzhan yang / yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin
442b6 du skye drag par gyur to/ /de nas de rgyan thams cad kyis brgyan nas rgyal po'i pang na blangs te/ yang dang / yang du bltas nas/ de'i byad gzugs phun sum tshogs pas ngoms par
442b7 gyur te/ 'jig rten na nga'i bu dang byad gzugs mtshungs pa med do/ /zhes zer ro/ /de nas de'i tshe yul sa 'dzin na grong me tog khur chen zhes bya ba zhig yod de/ de na khyim bdag
443a1 gcig gi bu mi'i kha dog las ni 'das/ lha'i kha dog ni ma thob pa zhig btsas te/ de btsas pa na rin po che'i rdzing lha'i spos chus gang ba dang / skyed
443a2 mos tshal chen po me tog dang 'bras bu phun sum tshogs pa dang ldan pa 'gro shes pa zhig byung ste/ khye'u de gang dang / gang du 'gro ba de dang / der rdzing dang / skyed mos tshal de dag byung
443a3 bar 'gyur ro/ /de nas khye'u de'i ming mdzes ldan zhes btags so/ /de nas re zhig na khye'u de cher skyes pa dang / me tog khur chen gyi grong nas tshong pa kha cig don dag cig la
443a4 yul pa tra la'i bur dong ste/ de dag gis skyes khyer nas rgyal po mya ngan med pa'i thad du dong ngo / /de nas de dag gis rgyal po'i rkang pa la phyag btsal te/ skyes phul nas
443a5 mdun na 'khod do/ /de nas rgyal po mya ngan med kyis de dag la bu kun la bstan te/ kye/ tshong pa dag khyed 'byam pa na/ byad gzugs kyi khyad par dang ldan pa 'di lta bu
443a6 sngan chad gang du yang rung ste/ res 'ga' mthong ngam zhes dris so/ /de nas tshong pa de dag gis thal mo sbyar ba btud de rkang pa la phyag btsal te/ gyod mi rma bar gsol
443a7 nas/ rgyal po la gsol pa/ lha/ bdag cag gi yul na khye'u mdzes ldan zhes bgyi ba mi'i kha dog las ni 'das/ lha'i kha dog ni ma thob pa zhig mchis te/ de btsas pa
443b1 pa na rin po che'i rdzing bu lha'i spos chus gang ba dang / skyed mos tshal chen po me tog dang / 'bras bu phun sum tshogs pa dang ldan pa 'gro shes pa zhig byung ste/ khye'u de gang dang gang du
443b2 'gro ba de dang / der rdzing dang / skyed mos tshal de 'byung bar 'gyur ro zhes byas so/ /de nas rgyal po mya ngan med kyis de thos nas mchog tu ya mtshan du gyur te/ lta 'dod par gyur nas
443b3 pho nya btang ste/ rgyal po mya ngan med khye'u mdzes ldan blta ba'i phyir 'ong bar 'dong kyi khyed kyi bya ba'am/ bshams pa gang yin pa de gyis shig ces spring ngo / /de nas skye bo phal po che
443b4 skrag ste/ gal te rgyal po dmag gi dpung chen po dang 'dir 'ongs su zin na/ gnod pa chen po zhig tu mi 'gyur ram snyam mo/ /de nas khye'u de'i bzhon pa bzang po bshams te/ skyes
443b5 su mu tig gi do shal 'bum brdzangs nas/ rgyal po mya ngan med kyi thang du btang ste/ de mthar gyis song song ba dang / grong khyer pa ta le'i pur phyin nas mu tig gi do shal 'bum khyer te/
443b6 rgyal po mya ngan med kyi thad du phyin to/ /de nas rgyal po mya ngan med kyis khye'u mdzes ldan gyi byad gzugs mdzes pa dang / kha dog rgyas pa dang / lha'i rdzing bu dang / skyed mos tshal mthong
443b7 nas mthong ma thag tu mchog tu ya mtshan du gyur to/ /de nas rgyal po mya ngan med kyis gnas brtan nye bar srung la ya mtshan du bstan pa'i phyir khye'u mdzes ldan khrid de khyim bya'i
444a1 kun dga'i ra bar song ngo / /kun dga' ra ba de na dgra bcom pa nye bar srung la sogs pa khri brgyad stong gnas so/ /slob pa dang / so so'i skye bo dge ba ni de'i
444a2 nyis 'gyur du gnas so/ /de nas des gnas brtan gyi rkang pa la phyag btsal nas chos mnyan pa'i phyir mdun du 'dug go/ gnas bstan nye bar srung gis kyang de la chos ston to/ /khye'u
444a3 de yang rgyud yongs su smin pa zhig ste/ chos thos nas rab tu 'byung bar dad par gyur te/ des rgyal po mya ngan med la gsol nas/ gnas brtan nye bar srung gi thad du rab tu byung
444a4 ste| des sbyor ba dang / bsgrub pa dang / 'bad pas phol mig lnga'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba
444a5 dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra
444a6 bcom pa khams gsum pa'i 'dod chags dang bral bar gyur nas/ gser dang / bong bar mnyam pa/ nam mkha' dang / lag mthil du 'dra ba'i sems dang ldan pa/ tsan+dan
444a7 sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang /
444b1 chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas rgyal po mya ngan med the tshoms skyes
444b2 te| gnas brtan nye bar srung la dris pa/ btsun pa mdzes ldan gyis las gang dag bgyis na des byad gzugs 'di lta bu dang ldan par gyur lags/ las gang dag bgyis na des rin po che'i
444b3 rdzing lha'i spos chus gang ba dang / skyed mos tshal chen po me tog dang / 'bras bu phun sum tshogs pa dang ldan par 'gro shes pa 'byung bar 'gyur lags/ gnas brtan nye bar srung gis smras
444b4 pa| rgyal po chen po mdzes ldan nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas
444b5 shing bsags pas na/ mdzes ldan nyid kyis las byas shing bsags pa de dag gzhan su zhig gis nyams su myong bar 'gyur te| rgyal po chen po las byas shing bsags pa rnams
444b6 ni| phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas
444b7 shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang
445a1 chud mi za/ /tshogs shing dus la bab pa na/ /'bras bu nyid du smin par 'gyur/ /rgyal po chen po/ sngon gang gi tshe bcom ldan 'das yongs su mya
445a2 ngan las 'das pa de'i tshe/ tshe dang ldan pa 'od srung chen po 'khor lnga brgya dang yul ma ga d+ha ra ljongs rgyu zhing dong ste/ /chos yang dag par bsdu bar 'dod pa las/ re zhig na
445a3 tshong pa dbul po zhig gis/ dge slong gi dge 'dun phal po che ston pa dang bral ba'i mya ngan gyis non par gyur la 'gro 'gro bas dub cing lus rdul gyis yogs par mthong ngo //
445a4 de nas de snying rje skyes nas des 'od srung chen po la sogs pa dge slong lnga brgya cho ga dang ldan pa'i khrus la spyan drangs so/ /de nas des chu dron spos sna tshogs kyis bsgos pa
445a5 phul te/ dge slong rnams kyi lus bkrus te/ chos gos rnams kyang bkrus so/ /kha zas bzang pos kyang tshim par byas nas skyabs su 'gro ba dang / bslab pa'i gzhi rnams kyang
445a6 blangs te smon lam btab pa/ bdag bcom ldan 'das shAkya thub pa'i bstan pa 'di nyid la rab tu byung nas dgra bcom pa nyid mngon sum du byed par gyur cig ces byas so//
445a7 rgyal po chen po/ ji snyam du sems/ de'i tshe de'i dus na tshong dpon dbul por gyur pa gang yin pa de ni dge slong mdzes ldan 'di yin te/ des dge slong dag la cho ga dang ldan pa'i
445b1 khrus byas pa des na 'di/ 'di lta bur byad gzugs khyad par can du gyur la/ rin po che'i rdzing lha'i spos chus gang ba dang / skyed mos tshal chen po me tog dang / 'bras bu phun sum tshogs pa dang ldan
445b2 pa 'gro shes pa byung bar gyur to/ /des skyabs su 'gro ba dang / bslab pa'i gzhi rnams blangs pa des ni tshe 'di nyid la dgra bcom pa nyid mngon du byas so/ /rgyal po chen po/ de ltar na las
445b3 gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges
445b4 par dkar bar 'gyur ro/ /las 'dres ma rnams ni rnam par smin pa yang 'dres mar 'gyur ro/ /rgyal po chen po/ de bas na las gcig tu nges par gnag pa rnams dang / las 'dres
445b5 ma rnams spangs la/ las gcig tu nges par dkar ba rnams 'ba' zhig la gtad par bya ste/ rgyal po chen po khyod kyis de ltar bslab par bya'o/ /de nas rgyal po mya ngan med gnas
445b6 brtan nye bar srung gis bshad pa la mngon par bstod de/ rjes su yi rangs nas stan las langs te song ngo / /rtogs pa brjod pa brgya pa las/ sdom gyi tshigs su bcad pa bcu pa rdzogs
445b7 te| gang po la sogs pa'i rtogs pa brjod pa brgya pa rdzogs so// //rgya gar gyi mkhan po dzi na mi tra dang / zhus chen gyi lo tsA ba ban+de de ba tsan+d+ra sa bsgyur te gtan la phab
pa|| ||rgyar skad du/
CLOSE WINDOW