བོད་ཡིག |
403b5 skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab pa'o/ /sa'i steng du nyi zla ltar gyur cig/ //rgya
403b6 gar skad du/ mahA sa ma ya sU tra/ bod skad du/ 'dus pa chen po'i mdo/ 'phags pa dkon mchog gsum la gus pas phyag 'tshal lo/ /'di skad bdag gis thos pa dus
403b7 gcig na/ bcom ldan 'das shAkya'i yul ser skya'i gzhi'i tshal chen po na dge slong gi dge 'dun chen po lnga brgya ste/ de thams cad kyang dgra bcom pa rnams dang lhan cig
404a1 tu bzhugs so/ /'jig rten gyi khams bcu'i lha rnams de ma thag tu 'dus te/ bcom ldan 'das dang / dge slong gi dge 'dun rnams blta ba'i phyir ro/ /de
404a2 nas gnas gtsang ma'i ris kyi lha'i ris bzhi po rnams kyis 'di skad ces gsol to/ /'dir yang bcom ldan 'das kyis shAkya'i yul ser skya'i gzhi'i tshal chen po na dge slong gi dge
404a3 'dun chen po lnga brgya ste/ de thams cad kyang dgra bcom pa rnams dang lhan cig tu bzhugs so/ /'jig rten gyi khams bcu'i lha rnams de ma thag tu 'dus te/ bcom ldan 'das
404a4 kyi dge slong gi dge 'dun rnams blta ba'i phyir ro/ /gang dag de bzhin du bcom ldan 'das ga la ba der de dag song ste song nas/ bcom ldan 'das kyi thad du tshigs su bcad pa so
404a5 sor brjod par bya'o/ /de nas lha de rnams kyis/ 'di lta ste/ skyes bu stobs dang ldan pa'i lag pa bskum pa las brkyang ba tsam dang / brkyang pa las bskum pa de bzhin du gnas
404a6 gtsang ma'i lha rnams mi snang bar gyur te/ bcom ldan 'das kyi thad du snang bar gyur to/ /de nas lha de rnams kyis bcom ldan 'das la phyag byas nas phyogs gcig tu 'khod do/ /
404a7 phyogs gcig tu 'khod nas yang lha de rnams kyis bcom ldan 'das kyi thad du tshigs su bcad pa 'di rnams gsol to/ /'dus pa chen po'i tshal 'di ru/ /lha yi tshogs rnams
404b1 'dus pa ste/ /chos 'di'i phyir du bdag 'ongs pa/ /dge 'dun mi pham 'dus pa blta/ /de nas lha gzhan rnams kyis bcom ldan 'das kyi thad du tshigs su bcad pa 'di gsol to/ /dge
404b2 'dun sems rnams dul ba dang / /rang gi sems ni drang por byas/ /kha lo sgyur ba'i drang por 'dzin/ /de bzhin mkhas pas dbang po bsrung / /de nas lha gzhan rnams kyis bcom ldan
404b3 'das kyi thad du tshigs su bcad pa 'di gsol to/ /khyim gyi 'ching ba bton pa dang / /dbang po nas ni sems 'gro zhing / /dag cing dri med der 'gro ba/ /mig ldan glang po dul ba bzhin//
404b4 de nas lha gzhan rnams kyis bcom ldan 'das kyi thad du tshigs su bcad pa 'di gsol to/ /gang zhig sangs rgyas skyabs 'gro ba/ /de ni ngan song 'gro mi 'gyur/ /mi yi lus ni spangs
404b5 nas su/ /lha yi lus ni yongs rdzogs 'gyur/ /de nas bcom ldan 'das kyis dge slong rnams bos te de ma thag tu/ dge slong dag / 'jig rten gyi khams bcu'i lha rnams 'dus
404b6 te de bzhin gshegs pa dge slong gi dge 'dun dang bcas pa blta ba'i phyir ro/ /dge slong dag /gang de rnams su gyur pa 'das pa'i dgra bcom pa yang dag par rdzogs pa'i
404b7 sangs rgyas de rnams bcom ldan 'das de tsam du gyur pa de bzhin du lha rnams 'dus par gyur to/ /'di lta ste/ bdag kyang 'di skad ces smra ste/ dge slong dag /lha'i tshogs
405a1 rnams kyi ming brjod par bya ste/ dge slong dag /rab tu gsal bar byed pa zhes bya ba'i lha'i tshogs dang / dge slong dag /lha'i tshogs ston par byed
405a2 pa zhes bya ba'o/ /de thos nas legs par yid la zungs shig dang ngas bshad par bya'o/ /de ltar btsun pa bcom ldan 'das la dge slong de rnams kyis so sor zhus nas/ bcom
405a3 ldan 'das kyis 'di skad ces bka' stsal to/ /tshigs su bcad pa so sor bshad/ /gang dus gzhi mthong gyur nas/ /ri yi phug tu gang gnas pa/ /de ru mnyam par 'jog
405a4 par byed/ /sa gzhir seng ge 'jigs med bzhin/ /ba spu tsam yang g.yo ba med/ /sems ni dag cing dkar ba dang / /chu ni rab tu dwangs pa bzhin/ /lnga brgya po yis legs
405a5 shes shing / /ser skya'i tshal gnas mang po rnams/ /de nas dge slong ston pas pos/ /bstan la dga' ba'i nyan thos rnams/ /lha yi tshogs rnams 'ongs nas ni/ /dge slong
405a6 rnams kyis de shes bya/ /lus ni gdung bar ma byed par/ /sangs rgyas bstan pa thos pas so/ /de rnams ye shes snang bar 'gyur/ /mi ma yin rnams mthong 'gyur ba/ /gang
405a7 zhig gis ni brgya mthong zhing / /stong dang bdun cu mthong ba yin/ /brgya dang stong phrag gcig dang ni/ /mi ma yin rnams mthong bar 'gyur/ /gang zhig gis ni mtha' med mthong //
405b1 phyogs kun gang bar 'gyur ba mthong / /de rnams kyis ni rtogs pa dang / /spyan ldan rnam bar dpyad nas ni/ /de phyir ston pa yis ni bos/ /bstan la dga' ba'i nyan thos kyis/ /lha
405b2 yi tshogs rnams 'ongs nas ni/ /dge slong rnams kyis de shes bya/ /gang zhig la ni bdag bshad bya/ /go rim bzhin du mnyan par gyis/ /stong phrag bdun gyi gnod sbyin rnams/ /
405b3 ser skya'i sa la gnas pa ni/ /rdzu 'phrul ldan zhing 'od dang ldan/ /kha dog dang ni grags par ldan/ /chos gtam bya phyir 'dir 'ongs te/ /zhi bas dge slong tshal du'o/ /stong phrag
405b4 drug ni gangs can gyi/ /gnod sbyin kha dog sna tshogs lus/ /rdzu 'phrul ldan zhing 'od dang ldan/ /kha dog dang ni grags par ldan/ /chos gtam bya phyir 'dir 'ongs te/ /zhi ba
405b5 dge slong tshal du'o/ /sna tshogs bshes gnyen lnga brgya po/ /gnod sbyin kha dog sna tshogs lus/ /rdzu 'phrul ldan zhing 'od dang ldan/ /kha dog dang ni grags par ldan/ /chos
405b6 gtam bya phyir 'dir 'ongs te/ /zhi bas dge slong tshal du'o/ /rgyal khab gnod sbyin chu srin ni/ /ngos yangs ri la gnas pa yin/ /stobs ldan 'bum phrag gcig po
405b7 ni| |gnod sbyin rnams kyi 'khor gyis bskor/ /rgyal khab gnod sbyin chu srin ni/ /zhi bas dge slong tshal du'o/ /shar phyogs kyi ni rgyal po ni/ /ming ni yul 'khor srung
406a1 zhes pa/ /dri za rnams kyi bdag po ste/ /rgyal po chen po grags chen ldan/ /de yi bu ni mang po rnams/ /ming ni gcig tu thos pa ste/ /dbang po zhes
406a2 bya stobs chen po/ /rdzu 'phrul ldan zhing 'od dang ldan/ /kha dog dang ni grags par ldan/ /chos gtam bya phyir 'dir 'ongs te/ /zhi bas dge slong tshal du'o/ /lho yi phyogs
406a3 kyi 'ang rgyal po ni/ /ming ni 'phags skyes po zhes bya/ /grul bum rnams kyi bdag po ste/ /rgyal po chen po grags chen ldan/ /de yi bu ni mang po rnams/ /ming ni gcig tu thos
406a4 pa ste| |dbang po zhes bya stobs chen po/ /rdzu 'phrul ldan zhing 'od dang ldan/ /kha dog dang ni grags par ldan/ /chos gtam bya phyir 'dir 'ongs te/ /zhi bas dge slong tshal
406a5 du'o| |nub kyi phyogs kyi rgyal po ni/ /ming ni mig mi bzang zhes grags/ /klu rnams kyi ni bdag po ste/ /rgyal po chen po grags chen ldan/ /de yi bu ni mang po rnams/ /ming ni
406a6 gcig tu thos pa ste/ /dbang po zhes bya stobs dang ldan/ /rdzu 'phrul ldan zhing stobs dang ldan/ /kha dog dang ni grags par ldan/ /chos gtam bya phyir 'dir 'ongs te/ /zhi bas
406a7 dge slong tshal du'o/ /byang gi phyogs kyi rgyal po ni/ /de ming lus ngan po zhes grags/ /gnod sbyin rnams kyi bdag po ste/ /rgyal po chen po grags chen ldan/ /de yi bu ni mang po
406b1 rnams/ /ming ni gcig tu thos pa ste/ /dbang po zhes bya stobs chen po/ /rdzu 'phrul ldan zhing 'od dang ldan/ /kha dog dang ni grags par ldan/ /chos gtam bya phyir 'dir 'ongs to/ /zhi
406b2 bas dge slong tshal du'o/ /shar phyogs na ni yul 'khor skyong / /lho phyogs na ni 'phags skyes po/ /nub phyogs na ni mig mi bzang / /byang phyogs na ni lus ngan po/ /de rnams rgyal po
406b3 chen po bzhi/ /phyogs rnams bzhi po kun du'o/ /gzi brjid 'bar bas 'khod na ni/ /ser skya'i gzhi yi tshal du'o/ /de rnams sgyu ma rtsed mo bsams/ /drung ldan rnams ni nam mkhar
406b4 'khod/ /sgyu ma sku DeN+ya bai Da Nu/ /biR+ya ts+tsha biR+ya Do bcas/ /tsan dan dang 'dod mchog dang / /mgul pa mdzes dang mgul nges dang / /skye dgu'i bla mar gyur pa dang / /lha las byung
406b5 ba'i kha lo pa/ /dri za sna tshogs sde dang ni/ /mi rgyal rgyal ba'i khyu mchog dang / /mdun du rtse mo lnga de bzhin/ /g.yer ma dang ni nyi zer dang / /de dang gzhan gyi rgyal po rnams/ /rgyal
406b6 po dri za dang bcas dang / /chos gtam bya phyir 'dir 'ongs nas/ /zhi bas dge slong tshal du'o/ /de nas gzhan yang nam mkha'i klu/ /yangs pa can du lhan cig nas/ /la ba rti yi mchog
406b7 dang ni/ /rab 'gro gnyen dang lhan cig ba/ /ya mu na dang yul 'khor skyong / /klu yi spun dang grags ldan dang / /sa srung glang po chen po rnams/ /de yang nags kyi tshal du'o/ /gang
407a1 zhig klu rgyal myur du len/ /lha dang bya dang rnam dag mig /nam mkha' las 'ongs tshal der sleb/ /sna tshogs 'dab bzang zhes de'i ming / /'jigs
407a2 med byin pas klu yi rgyal/ /mkha' lding bzod pa rtogs bas so/ /phan tshun du ni mi rtsod cing / /klu khyung sangs rgyas skyabs 'gro ba/ /rdo rje lag gis rgyal ba dang / /lha ma yin ni
407a3 rgya mtshor gnas/ /spun rnams de yi gnas dang ni/ /gzi brjid ldan zhing grags dang ldan/ /nag po mig sman 'jigs byed ldan/ /lha ma yin rnams khro byed dang / /thags
407a4 bzang dang ni thags bzang ris/ /mtshan 'joms na mo tsi dang bcas/ /stobs kyi bu ni brgya po rnams/ /thams cad rnam par snang mdzad ming / /stobs kyi sde ni go bgos
407a5 pa| |sgra gcan bzang po sdun du 'gro /btsun pa de ni 'dus nas ni/ /zhi bas dge slong tshal du'o/ /chu dang lha dang sa dang ni/ /me dang rlung yang der 'ongs so/ /chu lha chu yi lha
407a6 dang ni/ /zla ba dang ni grags par ldan/ /byams dang snying rje'i tshogs can dang / /lha ni grags ldan mdun du'o/ /phyogs bcu'i 'jig rten tshogs rnams ni/ /thams cad
407a7 kha dog sna tshogs lus/ /rdzu 'phrul ldan zhing 'od dang ldan/ /kha dog dang ni grags par ldan/ /chos gtam bya phyir 'dir 'ongs te/ /zhi bas dge slong tshal du'o/ /khyab
407b1 'jug lha dang lhan cig tu/ /tha dad tha dad 'ongs pa dang / /zla ba de yi 'khor gyi lha/ /zla ba'i mdun byas 'khor dang ni/ /nyi ma'i 'khor gyi lha rnams dang / /nyi ma'i mdun byas 'khor
407b2 dang ni/ /rgyu skar de yi 'khor dang yang / /mdun byas pa la ha ka dang / /sa dang sa yi gtso bo dang / /brgya byin yang yang sbyin pa dang / /phyogs bcu'i 'jig rten tshogs rnams dang / /
407b3 thams cad kha dog sna tshogs lus/ /rdzu 'phrul ldan zhing 'od dang ldan/ /kha dog dang ni grags par ldan/ /chos gtam bya phyir 'dir 'ongs te/ /zhi bas dge slong tshal du'o/ /de nas
407b4 nyer spyod lha dang ni/ /chu dang me yi rtse mo bzhin/ /sgra ldan snang bar byed pa dang / /u ma'i me tog de bzhin du/ /chu lha dang bcas chos dang ni/ /ats+tsu ta dang du ma rnams/ /bzang
407b5 len mdzes pa'i mdun dang ni/ /mdun dang gnas dang du ma dang / /phyogs bcu'i 'jig rten tshogs dang ni/ /thams cad kha dog sna tshogs lus/ /rdzu 'phrul ldan zhing 'od dang ldan//
407b6 kha dog dang ni grags par ldan/ /chos gtam bya phyir 'dir 'ongs te/ /zhi bas dge slong tshal du'o/ /'dus dang 'dus pa chen po ni/ /mi dang mi yi mchog dang ni/ /rol pa'i go
407b7 'phang mdun du dang / /yid mchog dang ni go 'phang rtse/ /de nas lha yi mchod 'os dang / /gang yang dmar po'i gos gyon dang / /pha rol pha rol son chen dang / /grags chen lha
408a1 yi mdun gnas dang / /phyogs bcu'i 'jig rten tshogs dang ni/ /thams cad kha dog sna tshogs lus/ /rdzu 'phrul ldan zhing 'od dang ldan/ /kha
408a2 dog dang ni grags par ldan/ /chos gtam bya phyir 'dir 'ongs te/ /zhi bas dge slong tshal du'o/ /dkar dang drod dang dmar po dang / /sngon bzhugs stugs po lhan cig dang / /
408a3 dkar po 'dzin pa la sogs dang / /mkhas pa'i lha ni sngon du 'o/ /rtag tu glang chen myos 'brang ba/ /'dres pa grags dang ldan pa dang / /pradz+dzu na no mang po mdun du dang / /gang zhig
408a4 phyogs ni mdzes pa dang / /phyogs bcu'i 'jig rten tshogs rnams dang / /thams cad kha dog sna tshogs lus/ /rdzu 'phrul ldan zhing 'od dang ldan/ /kha dog dang ni grags
408a5 par ldan/ /chos gtam bya phyir 'dir 'ongs te/ /zhi bas dge slong tshal du 'o/ /dge ba dga' ldan 'thab bral dang / /grags ldan shing dang ldan pa dang / /'phyang ba gnas
408a6 dang gtso bo dang / /'od dang bsam pa zhes bya dang / /'phrul dga' ba ni sdun du dang / /de nas gzhan 'phrul dbang byed sdun/ /phyogs bcu'i 'jig rten tshogs dang ni/ /
408a7 thams cad kha dog sna tshogs lus/ /rdzu 'phrul ldan zhing 'od dang ldan/ /chos gtam bya phyir 'dir 'ongs te/ /zhi bas dge slong tshal du'o/ /sna tshogs drug po'i sde ba ni//
408b1 thams cad kha dog sna tshogs lus/ /ming ni grags dang ldan pa sngon/ /gang gzhan 'dra ba lhan cig tu/ /ma lus rigs ni brjod pa dang / /zag med tshogs ni pha rol rgal/ /glang chen
408b2 tshogs ni blta ba dang / /zla ba bzhad pa gsum ldan dang / /tshangs bzang mchog ni thob pa dang / /rdzu 'phrul ldan pa'i bu dang ni/ /de yi dga' ba'i gzhon nu ni/ /de rnams zhi bas tshal
408b3 bu'o| |tshangs pa'i 'jig rten stong du ni/ /tshangs pa chen po nye bar 'khod/ /'od dang ldan par skye ba dang / /grags ldan sna tshogs lus dang ni/ /dbang phyug bcu po sngon du dang / /so
408b4 so dbang du gyur pa dang / /de yi dbus dang sngon du dang / /'phrog ma 'khor dang bcas pa'o/ /de rnams thams cad 'ongs gyur nas/ /dbang po lha dang tshangs bcas 'ongs/ /bdud
408b5 kyi sde rnams 'ongs nas ni/ /gau tam thugs ni blta ba dang / /'di ni zungs shig chings shig brjod/ /tshags pa glang po bcings pa bzhin/ /'khor dang bcas pas bskor
408b6 nas ni/ /gang du'ang gtong ba ma yin no/ /de la 'di ni bde chen dang / /go tam sde la gnod mi nus/ /lag pa thal mo rdebs pa dang / /'jigs par byed pa'i cho nge sgrogs//
408b7 ji ltar rlung gis sprin rnams dang / /mun nags glog dang bcas pa ni/ /de ma thag tu 'jigs dang bral/ /bsam pa khro ba med par gnas/ /lha de rnams thams cad dang /
409a1 tshangs pas bcom ldan 'das la phyag byas te bskor ba byas nas de nyid du mi snang bar gyur to/ /bdud kyi sde de rnams kyang cang mi smra ba'i tshul gyis song ngo / /
409a2 ston pas nyan thos bstan pa la dga' ba rnams bos te/ de yang 'jigs pa med byed dang / /dag pa'i sangs rgyas bstan pa la/ /'jigs med 'dod chags bral ba ni/ /de
409a3 yi ba spu'ang g.yo ba med/ /g.yul ni kun las rgyal ba dang / /'jigs pa 'das shing grags par ldan/ /lha dang lhan cig brjod pa dang / /nyan thos rnams ni de gnas
409a4 so| |bcom ldan 'das kyis de skad ces bka' stsal pa dang / dge slong de rnams bcom ldan 'das kyis gsungs pa la mngon par bstod do/ /'dus pa chen po'i mdo
409a5 rdzogs so// //paN+Di ta A nan+da shrI'i zhal snga nas mang du thos pa'i lots+tsha ba shAkya'i dge slong nyi ma rgyal mtshan dpal bzang pos skad gnyis smra ba rnams
kyi gdan sa gtsug lag khang chen po dpal thar pa gling du bsgyur cing zhus te gtan la phab pa'o/
CLOSE WINDOW