བོད་ཡིག |
476b2 rgya nag las 'gyur bar snang ngo / /rgya gar skad du/ 'di rga na kha pa ri brA dza ka pa ri praM ts+tsha nA ma sU tra/ bod skad du/ kun tu rgyu ba sen ring gis zhus pa zhes bya ba'i mdo/ /sangs rgyas dang byang
476b3 chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab na bya rgod kyi phung po'i ri la dge slong stong nyis brgya
476b4 lnga bcu'i dge slong gi dge 'dun chen po dang thabs cig tu bzhugs so/ /de nas bcom ldan 'das 'khor bzhi po dag la chos ston te/ tshangs par spyod pa/ thog mar dge ba/ bar du
476b5 dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su rdzogs pa/ yongs su dag pa/ yongs su byang ba yang dag par rab tu ston to/ /de'i tshe kun tu rgyu sen ring
476b6 bcom ldan 'das ga la ba der song ste phyin nas bcom ldan 'das kyi spyan sngar 'khar ba la oM tshugs bcas te cang mi smra bar 'dug nas bltas te bcom ldan 'das la 'di skad ces
476b7 gsol to/ /kye go'u ta ma/ 'jig rten ni/ las bdag gir bya ba/ las kyi bgo skal la spyod pa/ las kyi 'ching ba can/ las brtan par bya'o/ /zhes de skad smras pa ni/ bden na/ dge sbyong
477a1 gau ta mas sngon las ci zhig byas shing bsags na/ des dge sbyong go ta ma rdo rje'i lus dang ldan par gyur/ bcom ldan 'das kyis bka' stsal pa/ bram ze
477a2 chen po/ 'di ni/ ngas tshe rabs snga ma'i skye bar srog gcod pa spangs pa'i las de'i 'bras bu yin no/ /dge sbyong gau ta mas sngon las ci zhig byas shing bsags na/ des
477a3 dge sbyong gau ta ma sor mo ring zhing sor mo'i bar dra bas 'brel bar gyur/ bcom ldan 'das kyis bka' stsal pa/ bram ze chen po/ 'di ni ngas tshe rabs snga ma'i skye bar ma byin bar
477a4 len pa spangs pa'i las de'i 'bras bu yin no/ /dge sbyong gau ta mas sngon las ci zhig byas shing bsags na/ des dge sbyong gau ta ma dbang po yongs su tshang zhing lus rab tu rgyas
477a5 par gyur/ bcom ldan 'das kyis bka' stsal pa/ bram ze chen po/ 'di ni/ ngas tshe rabs snga ma'i skye bar 'dod pa la log par g.yem pa spangs pa'i las de'i 'bras bu yin no/ /
477a6 dge sbyong gau ta mas sngon las ci zhig byas shing bsags na/ ngas dge sbyong gau ta ma lces gdong gi dkyil 'khor thams cad khebs/ bcom ldan 'das kyis bka' stsal pa/
477a7 bram ze chen po/ 'di ni ngas tshe rabs snga ma'i skye bar brdzun du smra ba spangs pa'i las de'i 'bras bu yin no/ /dge sbyong gau ta mas sngon las ci zhig byas shing bsags na/
477b1 des dge sbyong go ta ma seng+ge'i stabs su 'gro bar gyur/ bcom ldan 'das kyis bka' stsal pa/ bram ze chen po/ 'di ni ngas tshe rabs snga ma'i skye bar 'bru'i tshang dang / sbyar ba'i chang myos
477b2 pa bag med pa'i gnas spangs pa'i las de'i 'bras bu yin no/ /dge sbyong gau ta mas sngon las ci zhig byas shing bsags na/ des dge sbyong gau ta ma so bzhi bcu dang ldan zhing so mnyam
477b3 la so dkar bar gyur/ bcom ldan 'das kyis bka' stsal pa/ bram ze chen po/ 'di ni/ ngas tshe rabs snga ma'i skye bar dus ma yin pa'i zas spangs pa'i las de'i 'bras
477b4 bu yin no/ /dge sbyong gau ta mas sngon las ci zhig byas shing bsags na/ des dge sbyong gau ta ma tshul khrims kyi spos kyis lus byugs par gyur/ bcom ldan 'das kyis
477b5 bka' stsal pa/ bram ze chen po/ 'di ni/ ngas tshe rabs snga ma'i skye bar phreng ba dang / spos dang / byug pa dang / kha dog 'chang ba spangs pa'i las de'i 'bras bu yin
477b6 no| |dge sbyong gau ta mas sngon las ci zhig byas shing bsags na/ des dge sbyong gau ta ma lus mtshan thams cad kyis brgyan par gyur/ bcom ldan 'das kyis bka'
477b7 stsal pa/ bram ze chen po/ 'di ni/ ngas tshe ra bas snga ma'i skye bar glu dang / gar dang / rgyan rnams spangs pa'i las de'i 'bras bu yin no/ /dge sbyong gau ta mas sngon
478a1 las ci zhig byas shing bsags na/ des dge sbyong gau ta ma stan gsum la yongs su spyod/ bcom ldan 'das kyis bka' stsal pa/ bram ze chen po/
478a2 'di ni| ngas tshe rabs snga ma'i skye bar khri stan mthon po dang / khri stan chen po spangs pa'i las de'i 'bras bu yin no/ /dge sbyong gau ta mas sngon las ci zhig byas shing
478a3 bsags na/ des dge sbyong go'u ta ma mgo'i gtsug tor 'phags par gyur/ bcom ldan 'das kyis bka' stsal pa/ bram ze chen po/ 'di ni/ ngas tshe rabs snga
478a4 ma'i skye bar sangs rgyas dang / chos dang / dge 'dun dang / pha ma dang / slob dpon dang / mkhan po dang / bla ma dang / sbyin gnas rnams la yan lag lnga sa la gtugs
478a5 te mgo bos phyag 'tshal zhing mchod pa'i las de'i 'bras bu yin no/ /de nas kun tu rgyu sen ring gis 'khar bas la bor nas bcom ldan 'das kyi zhabs la mgo
478a6 bos phyag 'tshal te bcom ldan 'das ga la bde logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bdag
478a7 ji srid 'tsho'i bar du sangs rgyas la skyabs su mchi'o/ /ji srid 'tsho'i bar du chos la skyabs su mchi'o/ /ji srid 'tsho'i bar du dge 'dun la skyabs su mchi'o/ /ji
478b1 srid 'tsho'i bar du yan lag brgyad pa'i bsnyen gnas la nye bar gnas par bgyi'o/ /srog chags thams cad gsod dang gzhan nor rku dang mi tshangs spyod pa dang / /ngag gi dbye
478b2 ba rdzun dang myos skyes dus min za ba dang / /phreng ba kha dog glu dang gar dang rtse 'jo mal stan mthon po rnams/ /deng nas bdag gis spangs te yon tan brgyad kyis dgra bcom tshul
478b3 du bgyi| |de bzhin du lan gnyis lan gsum du'o/ /bdag gis gso sbyong gi tshul khrims kyis sdom pa yang dag par 'dzin pa 'di sems kyi rgyan dang / sems kyi yo byad dang /
478b4 byang chub kyi tshogs su 'gyur ba dang / don gyi dam pa thams cad mkhyen pa'i ye shes dang / mya ngan las 'das pa'i bde ba bla na med pa la gnas par gyur cig/ bcom ldan
478b5 'das kyis bka' stsal pa/ bram ze chen po/ khyod de byed pa legs so legs so/ /bcom ldan 'das kyis de skad ces bka' stsal nas dge slong de dag dang / lha dang / mi dang /
478b6 lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /kun tu rgyu san ?
ing gis zhus pa'i mdo rdzogs so// //
CLOSE WINDOW