བོད་ཡིག |
207b4 /las brgya tham pa las/ sdom gyi tshigs su bcad pa bcu pa rdzogs te las brgya tham pa rdzogs so// //rgya gar skad du/ dam mU ko
207b5 nA ma sU tra/ bod skad du/ mdzangs blun zhes bya ba'i mdo/ /bam po dang po/ dkon mchog gsum la phyag 'tshal lo/ /dpe sna tshogs bstan pa'i le'u/ 'di skad bdag gis thos pa dus
207b6 gcig na/ bcom ldan 'das yul ma ga d+ha'i dkyil 'khor rnam par rgyal ba na bzhugs te mngon par rdzogs par sangs rgyas nas ring po ma lon pa zhig na 'di snyam du dgongs par
207b7 gyur to| |sems can 'di dag ni/ yun ring po nas phyin ci log gis yongs su bslad de/ bstan cing bcos su yang shin tu dka' bas ji srid du 'jig rten na bzhugs kyang phan pa'i
208a1 don med kyi/ des na lhag ma ma lus pa'i mya ngan las 'da' bas yongs su mya ngan las 'da'o snyam du dgongs ma thag tu de'i tshe na tshangs ris kyi lha
208a2 rnams kyis bcom ldan 'das kyi dgongs pa shes shing rtogs nas nam mkha' las babs te bcom ldan 'das gang na ba der lhags nas phyin pa dang zhabs la mgo bos phyag
208a3 'tshal te thal mo sbyar nas bcom ldan 'das la chos kyi 'khor lo bskor bar gsol zhing bskul ba dang / de la bcom ldan 'das kyis 'di skad ces bka' stsal to/ /kye lha
208a4 dag /sems can 'di dag ni/ nyes pa'i dri mas yongs su glags te 'jig rten gyi bde ba la chags nas shes rab dang ldan pa'i sems med pas/ ji srid du 'jig rten na bzhugs
208a5 kyang bya ba don med par 'gyur te/ mya ngan las 'das na bde'o snyam du dgongs so/ /de nas tshangs ris kyi lha rnams kyis yang bcom ldan 'das la 'di skad ces gsol to/ /
208a6 bcom ldan 'das chos kyi rgya mtsho yongs su gang ba/ chos kyi rgyal mtshan btsugs pa/ bstan cing gdul ba'i dus la yang bab/ sems can 'di dag las grol bar 'gyur ba
208a7 yang shin tu mang na/ ci'i slad du bcom ldan 'das mya ngan las 'da' bar dgongs te shin tu mdongs par gyur pa 'di dag gi mgon dang skyabs mi mdzad/ bcom ldan 'das
208b1 ni| sngon bskal pa grangs ma mchis pa 'das pa'i pha rol na sems can gyi don du thos pa tshol zhing tshol ba na chung du na tshigs su bcad pa gcig tsam gyi slad du yang bdag gi lus
208b2 dang / chung ma dang / bu dang / bu mo dang / nor dang / phangs par bya ba'i dngos po thams cad btang ste bla na med pa yang dag par rdzogs pa'i byang chub tu mngon par rdzogs par sangs rgyas pa na de ci'i
208b3 slad du mgon ma mchis pa 'di dag yongs su gtang bar dgongs/ sngon 'das pa'i dus yun ring po na 'dzam bu'i gling 'dir rgyal po chen po kha dog dam pa zhes bgyi ba/ 'jig rten 'di la
208b4 dbang sgyur ba zhig byung ste/ rgyal po de la rgyal phran ni/ brgyad khri bzhi stong mnga'/ ljongs chen po stong phrag drug cu'i nang na grong khyer yang khri phrag brgyad cu mnga' ste/ rgyal po de la btsun mo ni/
208b5 stong phrag nyi shu/ blon po chen po ni/ stong phrag bcu snyed mnga'o/ /rgyal po/ bdog dam pa de'i gzi brjid dang / mthu dpe ma mchis par che ste/ 'byor pa dang / bde ba dang / lo legs pa dang /
208b6 mi la sogs pa skye bo mang zhing rab tu mang ba dang ldan pa des 'di snyam du bsam ste/ bdag gis ni/ rin po che dang / longs spyod kyis 'gro ba thams cad la phan btags kyi/ dam
208b7 pa'i chos kyis phran 'dogs par ma gyur te/ 'di dag ni/ bdag gi skyon du 'gyur gyi/ dam pa'i chos gang na mchis pa btsal te thams cad dgrol bar bya'o snyam du bsam nas 'di
209a1 skad ces bkar btags so/ /'dzam bu'i gling 'di na su la dam pa'i chos yod pa de bdag la ston par gyur na/ de yid dang mi 'gal bar ci dang
209a2 ci 'dod pa sbyin no/ /zhes bsgrags kyang ston nus pa ma byung ngo / /de'i tshe na rgyal po de mya ngan gyis yid gdungs te mi dga' bar gyur pa ngal bso pos thos nas sad pa'i slad
209a3 du bdag gi lus gnod sbyin zhig tu sprul nas de'i mdog shin tu sngo ba/ nag pa/ mig khrag ltar dmar ba/ mche ba gyen du byung ba/ skra gyen du bsgreng pa/ kha nas me
209a4 'bar ba pho brang gi sgor mchis nas su zhig chos thos par 'dod pa nga las nyon cig ces smras so/ /rgyal pos de skad ces smras pa thos nas shin tu dga' mgu ste
209a5 gnod sbyin de bsu nas mgo bos phyag byas te stan mthon po la bzhag nas blon po dang / 'khor mang po dag bsdus te chos nyan du gzhug pa'i slad du 'khor bar
209a6 bskor to/ /de'i tshe na gnod sbyin gyis rgyal po la 'di skad ces smras so/ /rgyal po/ chos thos par bya ba ni/ shin tu dka' bas chos nyan par 'dod na/ 'di
209a7 tsam gyis chog pa ma yin no/ /zhes smras pa dang / rgyal pos de la thal mo sbyar te khyod ci dang ci 'dod pa de mi 'gal bar thams cad sbyin no/ /zhes smras so/ /
209b1 de nas gnod sbyin des rgyal po la smras pa/ rgyal po/ khyod kyi btsun mo dang sras gang phangs pa kho bo zar bcug na/ dam pa'i chos sbyin no/ /zhes smras pa dang / de'i
209b2 tshe na rgyal po chen po des btsun mo'i nang na gang phangs pa dang / sras kyi mchog gnod sbyin la phul te/ gnod sbyin gyis 'khor mang po'i nang du kun gyis mthong bzhin du
209b3 zos so| |de'i tshe na rgyal po de'i blon po rnams de ltar gyur pa mthong nas cho nges btab ste sa la 'gre bzhin du rgyal po chen po mi rigs pa'i las 'di lta bu dag thong zhig
209b4 ces gsol ba btab kyang rgyal po de dam pa'i chos tshol ba'i phyir shin tu brtan pas bzlog ma nus so/ /de'i tshe na gnod sbyin des rgyal po'i btsun mo dang / sras zos nas
209b5 tshigs su bcad pa 'di skad ces smras so/ /'du byed thams cad mi rtag ste/ /ji tsam skye ba sdug bsngal bcas/ /lnga phung mtshan ma med pas stong / /bdag dang
209b6 bdag gi ba yang med/ /tshigs su bcad pa 'di smras pa dang / rgyal po dga' mgu rangs te ba spu'i nyag ma tsam gyi 'gyod pa'i sems ma skyes so/ /de nas
209b7 yi ger bris nas 'dzam bu'i gling kun tu bsgrags te thams cad slob du bcug go /de nas ngal bso pos bdag nyid kyi lus su slar bsgyur nas/ shin tu
210a1 legs so/ /ngo mtshar rmad do/ /zhes bstod cing bsngags te/ rgyal po'i btsun mo dang / sras kyang sngon bzhin
210a2 du cang ma nongs so/ /de'i dus na rgyal po de ni/ sangs rgyas lags te/ bcom ldan 'das sngon yang chos kyi slad du de lta bu'i dka' ba mdzad na/ da
210a3 ji srid du sems can mang po yongs su btang ste/ mya ngan las 'da'o/ /zhes gsung / bcom ldan 'das/ gzhan yang sngon bskal pa grangs ma mchis
210a4 pa'i pha rol na 'dzam bu'i gling 'dir rgyal po chen po ga na sha ni ba li zhes bgyi ba ni/ rgyal phran mang po la dbang bsgyur te/ grong khyer ni/ brgyad khri bzhi stong
210a5 snyed la mnga' mdzad/ btsun mo dang pho brang gi slas ni/ stong phrag nyi shu mnga' ste/ blon po chen po yang stong phrag bcu snyed do/ /rgyal po de shin tu snying rje dang
210a6 ldan pas mi la sogs pa skye bo mang po bde skyid cing 'byor pa dang / bde ba dang / lo legs par ldan te/ rgyal po de skye bo mang po'i pha ma lta bur gyur to/ /
210a7 de'i tshe rgyal po des 'di snyam du bsam mo/ /bdag kyang skye bo mang po kun gyi gtso bor gyur la/ skye bo mang po 'di dag kyang bdag la mos shing dga' bas bdag gis
210b1 dam pa'i chos kyi nor rin po ches thams cad la phan gdags so snyam du bsam nas blon po gcig gis thams cad du bkar btags te su la dam pa'i chos mchis pa
210b2 bdag la ston par gyur na/ ci dang ci 'dod pa yid bzhin du sbyin no/ /zhes bsgo ba dang / de'i tshe na bram ze le'u du ci zhes bgyi ba zhig pho brang gi sgor mchis te bdag gi
210b3 dam pa'i chos yod de/ /zhes smras pa dang / rgyal po des de skad ces smras pa thos nas phyi rol tu bsus te phyag byas nas stan bting ba la bzhag go /bram ze de stan bting
210b4 ba la 'dug nas rgyal po 'khor dang bcas te thal mo sbyar nas ston pa chen po/ gti mug gis mdongs par gyur pa la dam pa'i chos dbye zhing bstan pa'i dus la bab bo/ /
210b5 zhes bskul pa dang / bram ze des rgyal po la 'di skad ces smras so/ /bdag gis shes pa 'di nyid gyi nas lobs pa ma yin pas thos par 'dod na/ 'di tsam gyis chog pa
210b6 ma yin no/ /rgyal pos smras pa/ ci dang ci 'dod pa smros shig dang / thams cad yid bzhin du sbyin no/ /zhes smras pa dang / bram ze des rgyal po la 'di skad ces smras
210b7 so| |rgyal po chen po/ khyod kyi lus la mar me stong btsugs te mchod pa byed nus na chos bstan par bya'o/ /zhes smras pa dang / rgyal po lhag par dga' mgu rangs nas
211a1 de'i tshe pho nya zhig pa na glang nyin gcig la rgyang grags brgya stong du 'gro ba zhig la bskyon te/ 'dzam bu'i gling thams cad du 'di skad ces bsgo'o/ /rgyal
211a2 po ga na sha ni pa li da ste zhag bdun na chos kyi phyir lus kyi sha phug nas mar me stong 'dzugs so/ /zhes rgyal phran dang / mi thams cad la bsgo'o/ /de dag gis de skad bsgo
211a3 ba thos pa dang so so nas mya ngan gyis yid gdungs te rgyal po gang na bar lhags nas phyag byas te thams cad kyis 'di skad ces smras so/ /'jig rten 'di ni/ ji tsam
211a4 'tsho ba'i srog dang bcas pa thams cad khyod la brten pa ni/ long ba dmigs bu la brten pa'am/ bu chung ma la brten pa dang 'dra na/ rgyal po mi bzhugs pa'i slad na gang
211a5 la 'tsho ba'i skyabs su mchi bar bgyi/ gal te sku la mar me stong btsugs na gdon mi za bar 'tsho ba dang 'bral na/ ci'i slad du bram ze gcig tsam gyi slad du 'jig
211a6 rten 'di'i sems can yongs su gtang bar dgongs/ de'i tshe na btsun mo dang / sras dang / rgyal tshab dang / slas lnga brgya dang / blon po stong phrag bcu snyed kyis
211a7 thal mo sbyar te gsol ba btab kyang rgyal po yi dam la brtan pas ma bzlog ste/ nam mngon par rdzogs par sangs rgyas nas khyed rnams gnon mi za bar bsgral lo//
211b1 zhes smras pa dang / de'i tshe na skye bo mang pos rgyal po de yi dam la brtan par rtogs nas rab tu mi dga' ste cho nges btab nas sa la 'gyel to/ /rgyal po de'i bsam pa ma gyur te bram
211b2 ze la 'di skad ces smras so/ /da lus la mar me stong gzugs pa'i dus la bab kyi/ phug cig ces bsgo ba dang / des rgyal po'i lus phug nas me mar gyi snying po snum
211b3 gyis skus pa dang / 'khor mang pos de ltar gyur pa mthong nas ri 'gyel pa bzhin du lus sa la brdabs so/ /de nas rgyal pos bram ze la ston pa chen po/ thugs
211b4 brtse bar dgongs te/ sngar bdag la chos bstan nas/ de'i 'og tu me mar tshugs shig /gal te tshe'i dus byas na chos thos par mi 'gyur ro/ /zhes smras pa
211b5 dang / bram zes tshigs su bcad pa 'di smras so/ rtag pa thams cad zad par 'gyur/ /mtho ba de yang mthar ltung ngo / /'du ba yod na 'bral bar 'ong / /
211b6 skye ba yod na 'chi bar 'gyur/ /tshigs su bcad pa 'di smras ma thag tu rgyal po de rab tu dga' mgu rangs te 'gyod pa'i sems med bzhin du 'di skad ces dam bcas so/ /
211b7 bdag chos tshol ba 'di yang sangs rgyas su bsgrub pa'i phyir te/ phyis mngon par sangs rgyas pa na ye shes kyi 'od kyis sems can gti mug gis mdongs pa rnams shin tu snang
212a1 par gyur cig ces yi dam bcas ma thag tu gnam sa yang rab tu g.yos pas gnas gtsang ma'i ris kyi lha'i pho brang gi bar du g.yos
212a2 pas| lha de dag nam mkha' las babs te lus kyis mchod pa'i gnas su lhags so/ /byang chub sems dpa' de'i lus de ltar zhig pa lha de dag gis mthong
212a3 nas steng gi nam mkha' yongs su gang ba de dag dus te/ dus pa'i mchi mchar bzhin du bab nas lha rdzas kyi me tog kyang char bzhin du bab ste mchod pa byas
212a4 so| |de'i tshe na brgya byin lha'i dbang pos kyang rgyal po gang na ba der 'ongs nas rnam pa sna tshogs kyis bstod cing bsngags te 'di skad ces smras so/ /rgyal po che
212a5 chen po| 'di ltar shin tu sdug bsngal gyis gdungs pa 'di la sems 'gyod par ma gyur tam/ rgyal pos smras pa/ 'gyod pa med do/ /brgya byin gyis smras
212a6 pa| rgyal po chen po/ 'di ltar lus 'dar zhing nyams mi bde bzhin du 'gyod pa med ces smras pa 'di cis yid ches par 'gyur/ rgyal pos smras pa/ gal
212a7 te bdag thog ma nas tha ma'i bar du 'gyod pa'i sems med pa yin na/ lus kyi rma 'di snga mkho bzhin du sos par gyur cig ces smras ma thag tu lus snga mkho
212b1 bzhin du rma med par gyur to/ /de'i tshe de'i dus na rgyal po de ni/ sangs rgyas lags te/ bcom ldan 'das sngon yang sems can gyi slad du mi bzad pa'i sdug
212b2 bsngal dang bsdos te chos brnyes na/ de ci'i slad du 'gro ba thams cad chos kyi snang ba dang bral ba yongs su btang ste mya ngan las 'da' bar dgongs/ gzhan
212b3 yang bcom ldan 'das sngon 'das pa'i dus na dzam+bu'i gling 'dir rgyal po chen po bying ling gar li zhes bgyi bar gyur pa na rgyal phran rnams la dbang bgyid de/ grong khyer ni/
212b4 brgyad khri bzhi stong dang ldan/ btsun mo dang pho brang gi slas ni/ stong phrag nyi shu mnga' ste/ rgyal tshab dang rgyal bu ni/ lnga brgya ste/ blon po chen
212b5 po ni| stong phrag bcu mnga'o/ /rgyal po de snying rje dang ldan pas 'bangs thams cad la bu gcig pa dang 'dra bar dgongs so/ /de'i tshe rgyal po chen po de dam pa'i chos
212b6 la mos shing dga' bas blon po gcig la bsgo nas 'di skad ces bkar btags so/ /gang su yang rung ba la mdo sde'am dam pa'i chos yod pa bdag la
212b7 bstan par gyur na/ ci dang ci 'dod pa yid bzhin du sbyin no/ /zhes bsgo'o/ /de nas bram ze le'u du ci zhes bgyi ba pho brang gi sgor 'ongs nas 'di skad ces smras so/
213a1 bdag la dam pa'i chos yod de/ gang thos par 'dod pa la bstan par bya'o/ /zhes smras pa rgyal pos thos nas rab tu dga' mgu
213a2 rangs te phyi rol du bsus nas rkang pa la mgo bos phyag 'tshal te tshig snyan par smras nas pho brang gi nang du khrid de stan bshams pa la bzhag ste thal mo sbyar
213a3 nas 'di skad ces smras so/ /ston pa chen po/ bdag la dam pa'i chos bstan du gsol/ bram zes smras pa/ bdag gis lus kun tu sdug bsngal sna tshogs
213a4 myong nas yun ring mo zhig lon te gdod lobs pas/ rgyal po chen po/ thos par 'dod na 'di tsam gyis chog pa ma yin no/ /rgyal pos thal mo sbyar te ci dang ci
213a5 'dod pa smros shig dang / ston pa khyod la mi phangs par thams cad dbul lo/ /bram zes smras pa/ gal te khyod kyi lus la lcags gzer stong gis btab
213a6 na khyod la chos sbyin no/ /zhes smras pa dang / rgyal pos de bzhin du bgyi'o/ /da ste zhag bdun na dngos po 'di dag bsgrub bo/ /zhes smras so/ /de'i tshe na rgyal po
213a7 chen po des pho nya zhig glang po che nyin gcig la rgyang grags brgyad khri bzhi stong snyed du 'gro ba zhig la bskyon te dzam+bu'i gling kun tu 'di skad ces bsgo'o/ /rgyal
213b1 pa chen po bying ling gar lis da ste zhag bdun na lus la lcags gzer stong 'debs so/ /zhes bsgo ba blon po dang / 'gro ba mang pos thos nas thams cad rgyal po'i
213b2 drung du lhags te 'di skad ces gsol to/ /bdag cag phyogs bzhin 'khod pa'i 'gro ba thams cad rgyal po'i yon tan dang bka' drin gyis so so nas bde skyid pa
213b3 la longs spyod de/ rgyal po chen po/ bdag cag gi slad du sku la lcags gzer stong mi gdab tu gsol zhes gsol pa dang / de'i tshe na btsun mo dang / pho brang
213b4 gi slas dang / rgyal tshab dang / rgyal bu dang / blon po thams cad kyis kyang gsol ba btab ste/ rgyal po chen po/ bdag cag la thugs brtse bar dgongs
213b5 te mi gcig gi slad du sku tshe'i dus mdzad cing 'bangs thams cad spang ba mi rigs so/ /de la rgyal pos 'di skad ces smras so/ /bdag ni/ yun ring po nas
213b6 'khor ba na lus grangs med pa chud gsan te bar 'ga' ni/ 'dod chags dang / zhe sdang dang / gti mug gis lus 'di bsad pa'i rus pa dkar po spungs pa
213b7 ni| ri rab pas kyang mtho/ /mgo bcad pa'i khrag zags pa ni/ chu klung lnga bas kyang che/ dus pa'i mchi ma ni/ rgya mtsho bzhi bas kyang lhag ste/ de ltar rnam pa sna
214a1 tshogs kyi sgo nas lus srog chud gsan kyang lan 'ga' yang chos kyi phyir ma yin te/ de bdag gis gzer bu btab la sangs rgyas
214a2 su bsgrub bo/ /phyis mngon par sangs rgyas nas shes rab kyi ral gris khyed kyi kun nas nyon mongs pa'i nad gcod par byed na/ ci'i phyir nga'i byang chub kyi bar du
214a3 gcod par byed ces smras pa dang / de nas 'khor mang po rnams kyang cang mi smra bar gyur to/ /de nas rgyal pos bram ze la smras pa/ ston pa chen po/ thugs brtse
214a4 bar dgongs te sngar chos bstan nas de'i 'og tu lcags gzer gyis thob cig /gal te tshe'i dus byas na chos thos par mi 'gyur ro/ /zhes smras pa dang / bram
214a5 zes tshigs su bcad de smras pa/ 'du byed thams cad mi rtag ste/ /skye ba thams cad sdug bsngal bcas/ /chos kun stong bas bdag po med/ /bdag gi ba
214a6 yang yod ma yin/ /tshigs su bcad pa 'di smras nas lus la lcags gzer stong gis btab bo/ /de'i tshe na rgyal phran dang / blon po dang / 'khor mang po rnams
214a7 kyis de lta bur gyur pa mthong nas ri chen po 'gyel ba ltar lus sa la brdabs te dus nas ci yang mi dran par sa la 'gre'o/ /de'i tshe na gnam sa rnam pa drug tu
214b1 g.yos nas 'dod pa'i khams dang / gzugs kyi khams kyi lha rnams ngo mtshar du gyur te thams cad nam mkha' las babs nas byang chub sems dpa'i drung du
214b2 lhags te/ de ltar chos kyi phyir sdug bsngal chen po lus kyis myong bar mthong nas thams cad dus nas mchi ma char bzhin du phab nas lha rdzas kyi me tog gis
214b3 mchod pa byas so/ /de'i tshe na brgya byin lha'i dbang pos rgyal po gang na ba der 'ongs nas 'di skad ces smras so/ /rgyal po chen po/ shin tu brtson 'grus brtsams
214b4 te sdug bsngal la ci mi snyam pa 'di chos kyi phyir ram/ 'on te brgya byin nam/ 'khor lo bsgyur ba'i rgyal po 'dod dam/ 'on te bdud kyi rgyal po'am/ tshangs pa'i
214b5 rgyal po'am/ dbang phyug chen po 'dod ces smras pa dang / rgyal pos smras pa/ bdag gis byas pa 'di ni/ khams gsum gyi bde ba myong bar 'dod pa ma yin
214b6 gyi| bsod nams ji snyed yod pa 'dis sangs rgyas 'dod pa'i phyir ro/ /brgya byin gyis smras pa/ bdag gis bltas na rgyal po'i lus 'dar zhing mi bzod
214b7 pa la bltas na/ 'di skad zer zhing 'gyod pa med ces smras pa 'di cis yid ches par 'gyur/ rgyal pos smras pa/ gal te bdag gis smras pa bden te 'gyed
215a1 pa'i sems med na/ bdag gi lus snga mkho bzhin du rma med par gyur cig ces smras ma thag tu snga mkho bzhin du gyur nas lha dang
215a2 mi rnams dga' mgu rangs par gyur to/ /de'i tshe yang 'gro ba mang po bskyab pa'i slad du chos btsal na/ bcom ldan 'das ni/ chos kyi rgya mtsho yongs su rdzogs
215a3 shing yon tan tshad ma mchis pa dang ldan na/ ci'i slad du 'gro ba mang po yongs su btang ste chos kyang mi bshad par mya ngan las 'da' bar dgongs/ bcom
215a4 ldan 'das/ gzhan yang sngon 'das pa'i dus bskal pa tshad med grangs med pa'i phyir rol na dzam+bu'i gling 'dir rgyal po tshangs lha zhes bgyi ba la rgyal tshab
215a5 da ma gam zhes bgyi ba zhig mchis te/ rgyal bu de dam pa'i chos la dga' zhing mos pas dam pa'i chos phyogs kun tu btsal na yang ma rnyed nas mya ngan
215a6 gyis gdungs te yi mug par gyur pa las/ de'i tshe na brgya byin lha'i dbang pos de'i bsam pa shin tu rtogs shing shes pas bram ze zhig tu sprul te rgyal bu'i
215a7 pho brang gi sgor 'ongs nas dam pa'i chos bdag la yod de/ bstan par bya'o/ /zhes smras pa rgyal bus thos nas phyi rol nas bsus te rkang pa la phyag byas
215b1 nas pho brang gi nang du khrid de stan bting ba la bzhag go /rgyal bus thal mo sbyar te ston pa chen po/ /thugs brtse ba'i slad du dam pa'i chos bstan du gsol zhes
215b2 smras pa dang / bram zes smras pa/ bslab cing lobs pa yang shin tu dka' la/ slob dpon gnyer zhing shes par 'gyur ba yang sla ba ma yin pas 'di tsam gyis
215b3 chog par 'dzin te chos thos par 'dod pa ni/ rigs pa ma yin no/ /rgyal bus smras pa/ ston pa chen po/ ci dang ci 'dod pa gsungs shig dang / bdag gi lus
215b4 dang / chung ma dang / bu pho'i bar du bzhed na yang thams cad la mi phangs te bka' bzhin du bgyi'o/ /bram zes smras pa/ gal te me'i dong zabs su khru bcu pa'i nang
215b5 me mur gyis bkang la/ de'i nang du mchongs te mchod pa byas na dam pa'i chos bstan to/ /zhes smras pa dang / de'i tshe na rgyal bus slob dpon gyi lung bzhin du me
215b6 dong chen po byas so/ /de nas rgyal po dang / btsun mo dang / blon po dang / pho brang gi slas kyis de lta bur gyur pa dag thos nas lus dang sems mi bde bar gyur
215b7 te thams cad rgyal po'i pho brang du lhags nas rgyal bu la yang gsol ba btab/ bram ze de la yang kun gyis nan gyis bskor nas btsun pa/ thugs rje bar dgongs
216a1 te bdag cag gi slad du rgyal bu 'di me dong du mchong ba mi mdzad du gsol/ /'khor ram/ yul lam/ chung ma'am/ bu pho'am/ bdag
216a2 cag gi lus bzhed na yang 'bul lo/ /zhes gsol ba dang / bram zes smras pa/ bdag gis nan gyis mi byar rung ba ni/ med kyi/ rgyal bus cir bsam
216a3 par zad de/ gal te de ltar nus na ni/ chos bstan par yang bya/ mi nus na ni/ chos kyang mi bstan to/ /zhes smras so/ /'khor rnams kyis kyang de'i dam bca'
216a4 ba brtan par shes shing rtogs nas cang mi smra'o/ /de'i tshe rgyal pos kyang pho nya gcig glang po che nyin gcig la rgyang grags brgyad stong du 'gro ba zhig la bskyon
216a5 te dzam+bu'i gling kun tu btang nas rgyal tshab da ma gam da ste zhag bdun na chos 'dod pa'i phyir me dong du mchong gi /khyed mthong bar 'dod na myur du shog cig ces
216a6 bsgo'o/ /de'i tshe na rgyal phran dang mi mang po rgas shing nyam chung ba dag kyang gcig gis gcig khrad de rgyal bu'i thad du lhags nas pus mo sa la btsugs te thal
216a7 mo sbyar nas thams cad kyis tshig mthun par 'di skad ces smras so/ /bdag cag ni/ rgyal bu khyod la brten te/ bdag cag gi pha ma dang 'dra ba khyod me dong du
216b1 mchong na/ 'bangs 'di dag thams cad la mgon skyabs dang / gnas med par 'gyur gyi/ mi 'ga' tsam gyi phyir 'bangs thams cad kyi dpung gnyen med par
216b2 ma mdzad cig /de nas rgyal bus mi mang po de dag la 'di skad ces bsgo'o/ /nga ni/ yun ring po nas 'khor bar 'khor ba na lus grangs med pa zhig 'phos par
216b3 gyur te| mi'i nang du skyes pa na 'dod pas chog mi shes pas gcig la gcig 'tshe zhing gsod par gyur to/ /mtho ris kyi lhar skyes pa na lha'i tshe zad pas 'dod
216b4 pa dang bral ba'i sdug bsngal myong ngo / /sems can dmyal bar skyes pa na mer tshig pa dang / zangs su bskol ba dang / ral gri dang / mtshon chas dmyal zhing
216b5 gtubs pa dang / gdug pa'i chu la 'bog pa dang / ral gri'i so la 'dzeg cing nyin gcig la yang tshe 'phos pa grangs med pa zhig myong ste/ na ba dang 'chi ba'i
216b6 sdug bsngal rus pa la thug pa brjod kyis mi lang ba zhig myong ngo / /yi dwags su skyes pa na yang lus kyis mi bzod pa'i sdug bsngal rnam pa sna tshogs myong ngo / /
216b7 dud 'gro'i skye gnas su ni/ lus nyid chud gzan du gyur te khal lci ba bkal nas rtswa las mi za ba'i sdug bsngal bzod dka' ba myong nas lus dang srog chud gsan
217a1 kyang dam pa'i chos kyi phyir dge ba'i sems cung zad tsam yang bskyed ma myong bas/ da ni/ lus bcog pa dman pa 'dis chos kyi phyir
217a2 mchod pa byed kyi/ bdag gi bla na med pa'i byang chub tu sems bskyed pa'i bar du gcod pa'i las ma byed cig /bdag ni/ sangs rgyas su bsgrub pa'i phyir lus 'di
217a3 yongs su gtong ste/ nam mngon par sangs rgyas nas khyed la chos kyi skus sbyin pa bya'o/ /zhes smras pa dang 'khor mang po yang cang mi smra bar gyur to/ /de'i tshe na rgyal
217a4 bu me dong gi khar 'greng nas bram ze la 'di skad ces gsol to/ /ston pa chen po/ bdag la sngar dam pa'i chos ston cig /gal te tshe'i bar chad du gyur na chos
217a5 mi thos so/ /zhes gsol pa dang / bram ze des tshigs su bcad pa 'di dag smras so/ /byams pa'i sems ni goms par bya/ /zhe sdang khro ba'i 'du shes spang / /
217a6 snying rje chen pos sems can skyob/ /kun la snying brtse mchi ma zag /dga' ba chen po goms par bya/ /gzhan la'ang bdag dang mthun pa'i chos/ /byang chub sems
217a7 kyis bskyab pa ni/ /byang chub sems dpa'i spyod par ldan/ /tshigs su bcad pa 'di dag smras ma thag tu me dong du mchongs pa las/ brgya byin dang / tshangs pa'i
217b1 rgyal pos lag pa ya re nas zin te 'di skad ces smras so/ /dzam+bu'i gling gi 'gro ba thams cad ni/ rgyal po khyod kyi bka' drin gyis mi bde ba'i bag med na/ da me dong
217b2 du mchongs na 'bangs thams cad kyi pha ma tshe 'phos pa dang 'dra bas/ ci'i phyir 'gro ba thams cad yongs su btang ste me dong du mchong zhes smras pa dang /
217b3 rgyal bu des lha'i rgyal po dang / 'khor mang po la bltas te/ khyed kyis bdag bla na med pa'i byang chub tu sems bskyed pa'i bar du gcod pa'i las ma byed cig
217b4 ces smras pa dang / thams cad cang mi smra ba dang / de ma thag tu me dong du mchongs so/ /de'i tshe na gnam sa rab tu g.yos te bar snang gi lha dag kyang dus nas mchi
217b5 mchar bzhin du bab bo/ /me dong de yang me tog gi rdzing bur gyur te/ rgyal bu de yang pad+ma'i steng na 'dug par gyur nas lha rnams kyis me tog gi char pus mo nub pa tsam
217b6 du phab bo/ /de'i tshe de'i dus na rgyal po tshangs lha ni/ rgyal po yab zas gtsang ma lags so/ /de'i dus na de'i ma ni/ yum lha mdzes lags so/ /de'i tshe de'i dus na rgyal
217b7 bu rgyal tshab de ni/ bcom ldan 'das lags te/ bcom ldan 'das kyis de'i tshe de'i dus na yang 'gro ba mang po bskyab pa'i slad du chos btsal na/ da yongs su rdzogs
218a1 par gyur na ci'i slad du shin tu gdungs par gyur pa'i sems can mang po la chos kyi char mi dbab par mya ngan las 'da' bar dgongs/ bcom ldan 'das/
218a2 gzhan yang bskal pa grangs med tshad med pa 'das pa'i pha rol na de'i tshe de'i dus na yul wA ra Na si 'dir drang srong lnga brgya zhig gnas te/
218a3 drang srong de dag gi ston pa ut+pa la zhes bya ba de/ dam pa'i chos slob cing sgom pa la dga' bas kun tu rgyu zhing su la dam pa'i chos yod pa de bdag la smras na/
218a4 ci dang ci 'dod pa yid bzhin du sbyin zhing g.yog bya'o/ /zhes bsgrags pa dang / bram ze zhig der 'ongs te de la 'di skad ces smras so/ /bdag la dam pa'i chos
218a5 yod de/ thos par 'dod na bstan par bya'o/ /zhes smras pa dang / drang srong des thos nas thal mo sbyar te 'di skad ces gsol to/ /bdag la thugs brtse ba'i slad
218a6 du dam pa'i chos bstan du gsol zhes smras pa dang / bram zes smras pa/ chos lobs pa yang shin tu dka' ste/ sdug bsngal mang po myong bas chos lobs pa yin
218a7 gyi| 'di tsam gyis chos thos par 'dod pa rigs pa ma yin no/ /khyod snying nas thos par 'dod na/ kho bos bsgo ba bzhin du byos shig /drang srong gis smras pa/
218b1 ston pa chen po'i bka' bzhin du mi 'gal bar bgyi'o/ /zhes smras pa dang / de la 'di skad ces bsgo'o/ /gal te khyod kyis pags pa bshus te shog shog tu byas
218b2 la/ rus pa ni/ smyu gur byas/ khrag ni/ snag tshar byas te ngas bstan pa'i chos yi ger bris na/ khyod la chos bstan to/ /zhes smras so/ /de nas drang srong des de skad
218b3 ces smras pa thos nas rab tu dga' mgu rangs te de bzhin gshegs pa'i bstan pa la bkur sti bya ba'i phyir pags pa bshus nas rus pa la smyu gur byas te khrag
218b4 snag tshar sbyar nas dus la bab kyi/ myur du gsungs shig ces smras pa dang / bram ze des tshigs su bcad pa 'di dag smras so/ /lus kyi spyod pa rab bsdams shing / /
218b5 srog gcod rku dang g.yem mi bya/ /phra ma rdzun dang tshig rtsub dang / /kyal pa smra bar mi bya'o/ /'dod pa rnams la mi chags shing / /zhe sdang sems kyang med par bya/ /ngan
218b6 par lta ba kun spangs na/ /byang chub sems dpa'i spyod pa'o/ /tshigs su bcad pa 'di dag smras ma thag tu yi ger bris nas dzam+bu'i gling kun tu bsgrags te mi mang
218b7 po thams cad kyis de la slob cing ji ltar bstan pa bzhin du nan tan byed du bcug go /bcom ldan 'das de'i tshe de'i dus na yang sems can mang po'i slad du chos
219a1 tshol ba la 'gyod pa'i thugs mi mnga' na/ de ci'i slad du chos kyang ma bstan par thams cad yongs su btang ste mya ngan las 'da' bar
219a2 dgongs| bcom ldan 'das/ gzhan yang sngon 'das pa'i bskal pa tshad ma mchis/ grangs ma mchis pa'i pha rol na dzam+bu'i gling du rgyal po shi bi zhes bgyi
219a3 ba zhig byung ste/ rgyal po de bzhugs pa'i pho brang ni/ de ba brtsa zhes bgyi ste/ 'byor pa/ bde ba/ lo legs pa/ longs spyod dpag tu ma mchis pa dang ldan no/ /
219a4 de'i tshe na rgyal po de dzam+bu'i gling 'di la dbang mdzad de/ rgyal phran brgyad khri bzhi stong / ljongs ni/ stong phrag drug cu'i nang na grong khyer khri phrag brgyad cu dang /
219a5 btsun mo dang / pho brang gi slas stong phrag nyi shu dang / rgyal bu lnga brgya tsam dang / bron po chen po stong phrag bcu mnga' ba la dbang mdzad de thams cad la
219a6 byams pa dang / snying rjes ma khyab pa med do/ /de'i tshe na brgya byin lha'i dbang po lus kyi yon tan lnga dang bral te/ tshe'i dus byed du nye bas shin tu mi dga' ste
219a7 mya ngan byed pa bi shwa karma sa mthong nas brgya byin la ci'i slad du mya ngan mdzad cing mi dgyes zhes gsol pa dang / brgya byin gyis smras pa/ nga ni/ tshe'i dus byed
219b1 du nye ste| tshe 'pho ba'i ltas sngon du byung na 'jig rten 'dir sangs rgyas kyi chos ni/ nub par gyur te/ byang chub sems dpa' yang 'jig rten na mi bzhugs na/ kho bo gang
219b2 la skyabs su 'gro ba mi shes pas mya ngan byed do/ /bi sha karmas smras pa/ lha'i dbang po/ /dzam+bu'i gling na rgyal po chen po byang chub sems dpa'i spyad pa spyod pa shi bi zhes
219b3 bgyi ba zhig bzhugs te/ shin tu yi dam la brtan zhing brtson 'grus rtsom pas gden ma ze bar mngon par 'tshang rgya ste/ de la skyabs su song na gdon mi za bar
219b4 dpung gnyen du gyur te bgegs las rnam par thar par 'gyur ro/ /brgya byin gyis smras pa/ gal te byang chub sems dpa' yin na/ sngar bgam dgos kyi sad du
219b5 'dong ngo / /khyod kyis ni/ phug ron zhig tu sprul cig /nga ni/ khra zhig tu sprul te mgyogs par khyod kyis phyi bzhin du 'ong gi /rgyal po de gang na bzhugs par song
219b6 la skyabs btsal nas bgam ste/ des sgyu yod dam/ bden pa rtogs par 'gyur ro/ /bi shwa karmas smras pa/ lha'i dbang po/ /skyes bu chen po byang chub sems dpa'
219b7 la 'tshe ba ni/ mi sha'i/ mchod pa'i rigs kyi/ shin tu dka' ba'i dngos po 'di lta bus gtse ba'i mi rigs so/ /zhes smras pa dang / brgya byin lha'i dbang pos tshigs
220a1 su bcad pa 'di smras so/ /bdag ni nga la ngan sems min/ /gser ltar sad na mngon par 'gyur/ /bden pa rtogs par 'dod pa na/ /byang
220a2 chub sems dpa' sad par bya/ /tshigs su bcad pa de skad ces smras nas bi shwa karma ni/ phug ron du sprul/ brgya byin ni/ khra ru sprul nas phug ron gyi phyi bzhin du
220a3 bdas te bzung la thug pa ltar byas pa dang / phug ron skrag dngangs nas rgyal po'i mtshan khung du zhugs te rgyal po la srog gi skyabs gsol to/ /khra yang mod
220a4 la phyin te pho brang gi drung gang na ba der 'dug nas rgyal po la 'di skad ces smras so/ /phug ron 'di ni/ bdag gi zas lags te/ 'dir rgyal po la babs
220a5 kyi| myur du bdag la stsol cig /bdag ni/ bkres pas rab tu nyen to/ /zhes smras pa dang / rgyal pos smras pa/ kho bos ni/ gang bdag la skyabs su 'ongs
220a6 so cog la phyir mi gtang bar dam bcas pas 'di yang mi sbyin no/ /zhes smras pa dang / yang khras smras pa/ rgyal pos gsungs pa ltar thams cad kyi skyabs
220a7 mdzad do/ /zhe na/ gal te bdag gi zas mi stsal na bdag kyang 'tsho ba dang 'bral na/ ci bdag kyang thams cad kyi nang du ma gtogs sam/ rgyal pos
220b1 smras pa/ khyod la sha gzhan zhig sbyin na za'am/ khras smras pa/ bdag ni/ gsar du bkum pa'i sha rlon pa mchis na 'tshal lo/ /zhes smras pa dang / rgyal po des
220b2 'di snyam du sems so/ /de bdag gis gsar du bsad pa'i sha rlon pa zhig sbyar na ni/ gcig bsad da gcig gso ba rigs pa ma yin te/ don med do snyam bsams
220b3 nas yang 'di snyam du sems so/ /bdag 'ba' zhig gi lus ma gtogs par gzhan ji tsam srog dang bcas pa thams cad ni/ srog phangs so snyam bsams nas
220b4 gri rnon po thogs te brla'i sha bcad nas khra la byin te phug ron gyi srog blus so/ /khras smras pa/ rgyal po khyod sbyin bdag tu gyur te thams cad la snyoms na/ bdag
220b5 bya chung ngu zhig lags kyang snyoms par mdzad 'tshal bas/ gal te phug ron gyi srog blu na/ srang gis bcal te mnyam pa mdzad du gsol zhes smras pa dang /
220b6 rgyal pos srang longs shig ces bka' stsal te/ srang gi khu ler phug ron bzhag /srang gi gzhir ni sha bcad pa spungs na/ brla'i sha zad kyang phug ron pas yang
220b7 ngo| |phrag pa gnyis dang / rtsib logs g.yas g.yon dang / lus kyi sha zad par bcad kyang phug ron dang mnyam par ma gyur nas rgyal po de nyid bzhengs te srang
221a1 gi nang du 'gro bar gzas pa las/ nyams kyis ma nus te sa la 'gyel nas brgyal lo/ /de nas ring zhig lon pa dang dran par gyur nas
221a2 bdag gi sems la 'di skad ces smad do/ /thog ma med pa'i dus nas khyod kyis ma nus pas khams gsum du 'khor zhing sdug bsngal sna tshogs myong bar gyur
221a3 kyang bsod nams kyi tshogs su ma gyur to/ /brtson 'grus brtsams pa'i dus la bab ste/ le lo bya ba'i dus ma yin no/ /zhes rnam pa sna tshogs kyi sgo nas brgyad
221a4 dkag ste/ de nas 'bad nas de nas srang gi gzhi'i nang du phyin pa dang / da ni/ legs so zhes rab tu dga' ba'i sems skyes so/ /de'i tshe gnam sa rnam pa
221a5 drug tu g.yos pas lha rnams kyi pho brang yang 'gul zhing ldeg par gyur te/ gzugs kyi khams kyi lha man chad thams cad lhags nas steng gi bar snang la
221a6 'khod do/ /byang chub sems dpas shin tu dka' ba spyad cing lus kyang gtan ma rungs par byas te chos kyi phyir lus dang srog la mi lta bar gyur pa'i dngos po
221a7 de dag mthong nas mchi ma char bzhin du zag cing ngus te lha rdzas kyi me tog char bzhin du phab nas mchod pa byas so/ /de'i tshe na brgya byin gyis sngon gyi lus su
221b1 ba sgyur te rgyal po la 'di skad ces smras so/ /rgyal pos 'di lta bu'i shin tu dka' ba mdzad pa 'dis ci zhig bzhed/ 'khor los bsgyur ba'i rgyal po bzhed dam/
221b2 brgya byin nam/ bdud kyi rgyal po'am/ khams gsum gyi dbang po bzhed dam/ ci bzhed ces smras pa dang / byang chub sems dpas smras pa/ bdag 'dod pa
221b3 ni| khams gsum gyi che btsan gyi longs spyod 'dod pa ma yin gyi/ bsod nams ci byed kyang bla na med pa'i byang chub 'dod do/ /brgya byin gyis smras pa/ 'di
221b4 ltar lus zhig cing ma rungs par byas te rus pa la thug pa'i sdug bsngal myong bar gyur pa 'di la mi 'gyod dam zhes smras pa dang / rgyal pos 'gyod pa med do/ /
221b5 zhes smras so/ /brgya byin gyis smras pa/ 'gyod pa med ces smras mod kyi/ da ltar lus 'dar zhing rdeg la dbugs chad pa tsam du smra yang ma nus pa la bltas na/
221b6 'gyod pa med par cis yid ches par 'gyur/ rgyal pos smras pa/ bdag thog ma nas tha ma'i bar du ba spu'i nyag ma tsam gyi 'gyod pa'i sems med la/ bdag ci
221b7 dang ci 'dod pa gdon mi za bar 'grub ste/ smras pa'i tshig 'di bden na/ bden pa'i tshig smras pas bdag gi lus 'di snga mkho bzhin du rma med par gyur cig ces
222a1 smras ma thag tu rgyal po'i lus sngon pas kyang lhag par bzang por gyur te/ lha dang mi'i 'jig rten du bcas pa thams cad dga'
222a2 mgu rangs nas ngo mtshar smad du gyur to/ /de'i tshe de'i dus na rgyal po shi bi ni/ da ltar sangs rgyas lags te/ bcom ldan 'das sngon 'das pa'i dus na yang
222a3 sems can mang po'i slad du sku tshe la ma gzigs na/ da bcom ldan 'das chos kyi rgya mtsho ni/ yongs su rdzogs/ chos kyi rgyal mtshan ni/ bsgreng / chos kyi
222a4 rnga yang rab tu brdungs/ chos kyi sgron me yang gsal bar mdzad de/ phan pa dang bde ba'i don mdzad pa'i dus la bab na/ ci'i slad du chos kyang ma bstan par
222a5 sems can thams cad yongs su btang ste mya ngan las 'da' bar dgongs/ de'i tshe na tshangs pa'i rgyal pos de bzhin gshegs pa'i spyan sngar thal mo sbyar
222a6 te| de bzhin gshegs pas sngon gyi sku tshe la chos ji ltar btsal ba dang / sems can gyi slad du dbu stong tsam yang btang bar gyur to/ /zhes bsngags shing
222a7 bstod pa byas so/ /de'i tshe na bcom ldan 'das kyis tshangs pa'i rgyal pos gsol pa bzhin du gnang ba mdzad nas yul wA ra NA si'i ri dwags la mi 'jigs
222b1 pa byin pa'i gnas su gshegs nas chos kyi 'khor lo bskor te/ /de ltar chos kyi 'khor lo bskor bas dkon mchog gsum yang 'jig rten na mngon sum du
222b2 gyur to| |de'i tshe de skad ces gsungs nas lha dang / mi dang / klu dang / gnod sbyin dang / lha ma yin sde brgyad la sogs pa thams cad mngon par dga' nas
222b3 rjes su spyod do/ /dpe sna tshogs bstan pa'i le'u ste dang po'o// //sems can chen pos stag mo la lus byin pa'i le'u/ /'di skad bdag
222b4 gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe bcom ldan
222b5 'das bsod snyoms kyi dus la bab nas sham thabs dang chos gos gsol te lhung bzed bsnams nas kun dga' bo dang bsod snyoms la gshegs so/ /de'i
222b6 tshe grong khyer de na rgan mo zhig la bu rtag tu rku ba gnyis shig yod de/ nor bdag gis zin nas zhal che ba'i mdun du khrid de khrims dang sbyar nas gsad pa la thug
222b7 nas rigs ngan gyis bkri ste gsod pa'i gnas su khrid pa las/ bcom ldan 'das rgyang ma nas gshegs pa rgan mo ma smad gsum gyis mthong nas sangs rgyas
223a1 gshegs pa'i phyogs su phyag 'tshal te/ lha'i nang na gtso bo thugs brtse bar dgongs te bdag gi bu dgum pa la thug pa 'di'i
223a2 skyabs mdzad du gsol zhes smras pa bcom ldan 'das kyis gsan nas de bzhin gshegs pa thugs rje chen pos de dag la thugs brtse bar dgongs te/ de
223a3 dag gi bu srog bskyab pa'i slad du bcom ldan 'das kyis kun dga' bo la bka' stsal te rgyal po la gsol ba 'debs su btang ba dang / rgyal pos kyang
223a4 bcom ldan 'das kyi bka' bzhin de dag btang ngo / /de dag bcom ldan 'das kyi bka' drin zhing rab tu dga' ba skyes nas bcom ldan 'das ga la ba der song
223a5 ste phyin pa dang / zhabs la spyi bos phyag 'tshal nas thal mo sbyar te bcom ldan 'das la 'di skad ces gsol to/ /bcom ldan 'das kyi bka' drin chen pos
223a6 bdag cag gi tshe srog lhag ma tsam zhig lus par gyur na/ lha'i gtso bo thugs brtse bar dgongs te bdag cag chos la rab tu 'byung bar ci gnang zhes
223a7 gsol pa dang / bcom ldan 'das kyis legs par 'ongs so/ /zhes bka' stsal pas/ skra dang kha spu rang byi ste gos kyang dur smrig tu gyur to/ /de dag
223b1 shin tu dad pa'i sems brtan par gyur nas bcom ldan 'das kyis ci rigs pa'i chos bstan nas rdul dang dri ma zad de dgra bcom par gyur to/ /de'i ma rgan
223b2 mo de yang chos thos pas lan gcig phyir mi ldog pa thob par gyur to/ /de'i tshe kun dga' bos de lta bu'i dngos po ngo mtshar che ba dag mthong nas de bzhin
223b3 gshegs pa ni/ yon tan de snyed cig mnga'o/ /zhes bsgrags te/ yang 'di snyam du rgan mo ma smad gsum po 'dis sngon legs pa ci zhig bgyis na/ da
223b4 ltar bcom ldan 'das dang phrad de nyes pa chen po las kyang thar la/ mya ngan las 'das pa'i bde ba thob nas lus gcig gis phan pa dang / bde ba'i don thob
223b5 pa legs so snyam du bsam pa dang / bcom ldan 'das kyis mkhyen nas kun dga' bo la 'di skad ces bka' stsal to/ /ma smad gsum po 'di ni/ ngas da ltar
223b6 'di 'ba' zhig gi dus su gsos par ma zad kyi/ sngon 'das pa'i dus na yang nga'i bka' drin gyis gsos so/ /kun dga' bos gsol pa/ bcom ldan 'das/
223b7 sngon 'das pa'i dus na yang ma smad gsum po 'di dag ji ltar gsos pa bcom ldan 'das kyis bstan tu gsol/ bcom ldan 'das kyis kun dga' bo la
224a1 bka' stsal pa/ sngon 'das pa'i dus bskal pa grangs med pa'i snga rol na dzam+bu gling 'di na rgyal po shing rta chen po zhes bya ba zhig
224a2 yod do| rgyal phran lnga stong snyed la dbang byed do/ /rgyal po de yang sras gsum mnga' ste/ rab ni/ sgra chen po zhes bya'o/ /'bring ni/ lha chen po zhes bya'o/ /tha
224a3 chung ni| sems can chen po zhes bya ste/ sras tha chung de chung du nas byams pa dang snying rjer ldan te/ thams cad la bu gcig pa dang 'dra'o/ /de'i tshe rgyal po de
224a4 blon po dang bcas/ btsun mo dang sras su bcas te phyi rol tu 'chag cing dong ba las/ cung zad cig ngal bso ba'i bar du sras gsum po tshal gyi nang du
224a5 dong dong ba las stag mo gcig bu byung nas zhag du ma lon pa bkres skom pas nyen te/ phyir yang bu za la thug pa zhig mthong nas rgyal bu tha chung des phu bo
224a6 gnyis la smras pa/ stag mo 'di ni/ shin tu sdug bsngal gyis gzir te nyam chung la rid pas shi la thug pa 'di lta bu bu byung ma thag pa yang za ru 'dod
224a7 do| |zhes smras pa dang / phu bo gnyis kyis khyod zer ba bden no/ /zhes smras so/ /nu bos yang phu bo gnyis la smras pa/ stag mo 'di zas su ci za zhes dris
224b1 na| phu bo gnyis kyis bsad ma thag pa'i sha rlon dang / khrag dron gyis de'i yid tshim par 'gyur ro/ /zhes smras so/ /yang smras pa/ gang su yang rung ste de lta bu'i
224b2 dngos pos 'di'i srog bskyabs te mi nyams par byed nus pa yod dam/ phu bo gnyis kyis smras pa/ de ni/ shin tu yang dka' bas med do/ /de nas rgyal bu tha chung
224b3 des yid la 'di snyam du bsam mo/ /bdag yun ring po nas 'khor ba na 'khor zhing lus dang srog grangs med pa zhig chud gsan te/ bar 'ga' ni/ 'dod chags kyi
224b4 phyir| bar 'ga' ni/ zhe sdang gi phyir/ bar 'ga' ni/ gti mug gi phyir lus btang ste/ chos kyi phyir bsod nams kyi zhing dang lan 'ga' yang ma phrad pa'i lus
224b5 'di ci rung snyam bsam pa thag bcad nas gsum char 'grogs te song ba las ring por ma phyin par phu bo gnyis la 'di skad ces smras so/ /mched gnyis slar
224b6 gshegs shig dang / bdag don zhig gnyer te slad bzhin du sleb par mchi'o/ /zhes smras nas lam de nyid du zhugs te stag mo'i tshang gang na 'dug par myur
224b7 du song nas stag mo'i drung du nyal ba dang / stag mo kha thams nas za ma nus so/ /de'i tshe rgyal bus shing gi tshal pa rnon pos lus la khrag phyung nas stag mo la ldag
225a1 tu bcug pa dang / kha yang phye nas lus kyi sha ma lus par zos so/ /phu bo gnyis kyis bsdad nas ring zhig tu ma 'ongs pas phyir rjes
225a2 bzhin du tshol du dong ba las sngar smras pa'i tshul la brtags nas gdon mi za bar stag mo ltogs pa snyod du song ngo snyam bsam nas der phyin te bltas pa na/ nu bo
225a3 tha chung stag gis zos te sha dang khrag gis kun tu bsgos nas rtsog rtsog pa ltar 'dug pa mthong nas lus sa la brdabs te brgyal lo/ /ring zhig lon pa dang
225a4 dbugs phyir phyung nas cho nges btab ste sa la 'gre zhing 'khams par gyur to/ /de'i tshe na btsun mo yum mnal pa'i rmi lam na phug ron gsum zhig kun tu 'phur
225a5 zhing rtse ba las/ nang gi chung ba gcig khras khyer ba snyam rmis ma thag tu sad nas sngangs skrag ste rgyal po la bsnyad do/ /bdag gis gtam du thos na/ phug
225a6 ron ni/ bu'i bla ste/ phug ron nang gi chung du khras khyer ba las/ bdag gi bu nang gi sdug pa bkra mi shis su nges kyi zhes de ma thag tu kun tu tshol ba btang ba
225a7 las| ring por ma lon par rgyal bu gnyis ni/ 'ongs kyi/ bu nang gi sdug pa cang ma nyes sam/ ga re zhes dris na phu bo gnyis skad kyis brangs te ring
225b1 zhig tu dbugs kyang ma phyin/ smra yang ma nus nas de'i 'og tu dbugs phyin pa dang / stag gis zos so/ /zhes smras so/ /lha mos de skad ces smras pa thos nas 'khams
225b2 te sa la 'gyel nas ring zhig lon pa dang dbugs phyin te/ pu gnyis dang / btsun mo dang / pho brang slas su bcas te myur bar rgyal bu gang du tshe 'phos pa'i gnas su
225b3 song ngo / /de'i tshe stag mos rgyal bu'i sha ni zad par zos nas rus pa dang / khrag 'ba' zhig sa la rtsog rtsog pa ltar 'dug pa mthong nas btsun mos ni/ mgo nas bzung /
225b4 rgyal pos ni/ lag pa nas bzung ste cho nges btab nas dus pa dang / der yang 'khams nas ring zhig lon te phyir sangs so/ /rgyal bu sems can chen po de der tshe 'phos
225b5 nas dga' ldan lha'i gnas su skyes so/ /bdag ci spyad pas 'dir skyes snyam bsam ste/ lha'i mig gis rgyud lnga kun tu brtags na bdag tshe 'phos pa'i rus bu tshal
225b6 na 'dug pa la pha mas bskor te shin tu yid la gcags pas mya ngan gyi zug rdus sdug bsngal zhing cho nges 'debs pa mthong nas lhas bsam pa/ bdag gi pha ma 'di
225b7 ltar mi dga' ba'i rkyen gyis gal te na lus dang srog gi bar chad du 'gyur gyi/ de la spro ba bskyed cing gtam byar 'gro snyam bsam nas nam mkha' las babs te steng
226a1 gi nam mkha' las tshig snyan pa rnam pa sna tshogs kyis pha ma gnyis spro ba bskyed do/ /pha ma gnyis kyis nam mkhar bltas nas lha khyod
226a2 su zhig lags pa bdag la smros shig ces smras pa dang / lhas smras pa/ bdag ni/ rgyal bu sems can chen po zhes bya ba yin te/ bdag gis lus stag mo
226a3 ltogs pa la byin nas dga' ldan gyi lha'i gnas su skyes so/ /rgyal po chen po/ 'di ltar mkhyen par mdzod cig /ji tsam du srid pa dang bcas pa'i chos ni/
226a4 mthar 'jig pa 'ong / skye ba yod na nges par 'jig go /sdig pa byas na sems can dmyal bar ltung gi /dge ba byas na mtho ris su skye ste/ skye ba dang 'jig pa ni/
226a5 kun la srid na/ ci'i slad du bdag 'ba' zhig gi phyir mya ngan gyi rgya mtshor lhung ba mi tshor ram/ dge ba'i phyogs la brtson 'grus mdzod cig /de'i pha mas
226a6 smras pa| khyod ni/ snying rje chen pos stag mo snyod de thams cad la snying brtse ba yin na/ bdag cag btang ste tshe'i dus byas pas nged ni/ khyod dran pa'i phyir sha
226a7 yang dum bu dum bur bcad pa tsam du sdug bsngal gyis gdungs na/ snying rje chen po spyod pa khyod 'di lta bu bya bar rigs sam/ de nas yang lha des tshig snyan
226b1 pa rnam pa sna tshogs kyi sgo nas bzhams te spro ba bskyed pas de'i pha ma yang spro ba cung zad skyes nas rin po che sna bdun gyi sgrom byas te rus bu de'i nang du bcug nas spas
226b2 pa'i steng du mchod rten byas so/ /lha yang phyir gnas su song ngo / /rgyal po dang 'khor mang po rnams kyang phyir pho brang du 'ongs so/ /bcom ldan 'das kyis kun dga'
226b3 po la bka' stsal pa/ khyod kyi yid la ji snyam/ de'i tshe de'i dus na rgyal po shing rta chen po de su yin snyam du sems na/ de ni/ da ltar nga'i yab rgyal po zas gtsang ma
226b4 yin no| |de'i tshe de'i dus na rgyal po de'i btsun mo de ni/ da ltar nga'i yum lha mdzes yin no/ /de'i dus na sras rab sgra chen po ni/ byams pa yin no/ /sras 'bring
226b5 po lha chen po ni/ ba su mi tra yin no/ /de'i tshe de'i dus na rgyal bu tha chung sems can chen po ni/ gzhan du ma sems shig /da ltar nga yin no/ /de'i dus na stag phrug ni/
226b6 mi 'di gnyis yin te/ ngas sngon yang yun ring po nas bgegs las thar par byas te srog bskyabs nas bde bar byas so/ /nga sngon par sangs rgyas nas kyang bgegs
226b7 las thar par mdzad nas 'khor ba'i sdug bsngal chen po las yongs su grol lo/ /de'i tshe na kun dga' bo dang / 'khor mang po thams cad bcom ldan 'das kyis
227a1 gsungs pa la yi rang ste mngon par bstod do/ /sems can chen pos stag mo la lus byin pa'i le'u ste gnyis pa'o// //kun tu rgyus tshul khrims bsrungs pa'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon
227a2 med zas sbyin gyi kun dga' ra ba na bzhugs so/ /de'i tshe nam gyi cha stod na lha gnyis shig sangs rgyas gang na ba der 'ongs so/ /lha de'i lus kyi 'od kyis rgyal bu
227a3 rgyal byed kyi tshal gser gyi mdog ltar gcig tu snang bar byas so/ /de la bcom ldan 'das kyis ci rigs su dam pa'i chos bstan pas sems rnam par grol
227a4 te gnyi gas byang chub kyi 'bras bu thob nas bcom ldan 'das kyi zhabs la mgo bos phyag 'tshal te phyir yang lha'i gnas su dong ngo / /phyi de nyin nam langs ma
227a5 thag tu kun dga' bos bcom ldan 'das la 'di skad ces gsol to/ /mdang lha gnyis shig mchis te bcom ldan 'das la bsnyen bkur bgyis nas de'i
227a6 lus kyi 'od kyis kun tu snang zhing mdzes par bgyis pa 'di sngon las ci zhig bgyis pas/ de lta bu'i 'bras bu thob par gyur ces gsol pa dang / bcom ldan
227b1 'das kyis kun dga' bo la 'di skad ces bka' stsal to/ /sngon sangs rgyas 'od srung mya ngan las 'das nas dam pa'i chos 'jig tu nye ba na bram ze gnyis shig nyin
227b2 zhag gcig pa'i tshul khrims brgyad mnos te/ de la gcig gis ni/ lhar skye bar shog cig ces smon lam btab bo/ /gcig gis ni/ rgyal por gyur cig ces
227b3 smon lam btab nas phyir khyim du 'ong ngo / /de la gcig khyim du 'ongs nas chung mas zan la bos na/ khyod 'di skad ces smras so/ /bdag sangs rgyas kyi chos las
227b4 phyi dro kha zas mi za ba'i khrims mnos kyi/ mi 'dod do/ /zhes smras pa dang / chung mas smras pa/ khyod ni/ kun tu rgyu yin te/ bdag cag gi chos kyi tshul khrims
227b5 yod na| ci'i phyir ston pa gzhan gyi tshul khrims nod/ gal te bdag dang lhan cig zan mi za na/ khyod ji skad smras pa bzhin du kun tu rgyu gzhan dag la bsnyad de/
227b6 khyod dang lhan cig tu 'du zhing gtam zer du mi gnang bar skrod du gzhug go /de skad ces smras pa dang / khyos ma bzod de sngangs skrag nas chung ma dang lhan cig tu
227b7 dus ma yin par zan zos so/ /mi de gnyis tshe'i dbang thang ji tsam thub pa bzhin du so so nas tshe'i dus byas nas rgyal por smon pa de ni/ tshul khrims bsrungs pas
228a1 rgyal po'i rigs su skyes so/ /lhar skye bar smon pa de ni/ tshul khrims nyams pas klu zhig tu skyes so/ /de'i tshe na rgyal po'i bza'
228a2 shing ga ra ba srung ba zhig nyin gcig bzhin du shing tog rnam pa sna tshogs skyel ba las/ phyis dus gzhan zhig na chu mig cig gi nang nas ku shu kha dog dad dri
228a3 bsung dang ldan pa zhig rnyed nas 'di snyam du bsams so/ /bdag shing tog skyel zhing phan tshun 'gro ba'i tshe rtag tu sgo bas bkag ste legs par 'gror mi ster
228a4 gyi| ku shu 'di sgo ba de la sbyin no snyam du bsams nas rgyal po'i chab sgo ba la byin no/ /chab sgo ba des kyang shing tog blangs nas 'di snyam du bsams so/ /zhu
228a5 zhing gsol ba la 'gro ba'i tshe rtag tu nyug rum gyis bkag nas nyam bag tu 'gror med kyi/ ku shu 'di ni/ nyug rum de la sbyin no snyam du bsams nas nyug
228a6 rum la byin no/ /nyug rum gyis kyang blangs nas btsun mo la phul lo/ /btsun mos thob nas rgyal po la phul lo/ /rgyal pos ku shu de zos na rab tu mngar
228a7 zhing lhag par dri bsung dang ldan pa zhig nas btsun mo la ku shu 'di ga las rnyed ces dris na/ btsun mos kyang ji ltar rnyed pa'i gtam zhib tu byas nas
228b1 gcig nas gcig tu thug ste tha ma ra ba srung ba la thug nas rgyal pos ra ba srung ba bkug ste de la 'di skad ces bka' stsal to/ /nga'i bza' shing gi ra ba na shing tog
228b2 'di lta bu yod na/ ci'i phyir nga la mi 'bul bar gzhan dag la sbyin zhes bka' stsal pa dang / ra ba srung ba des thog ma ji ltar rnyed pa zhib tu gsol to/ /de nas
228b3 rgyal pos ra ba srung ba de la da phyin chad ku shu 'di lta bu rtag tu phul cig ces bka' stsal pa dang / ra ba srung ba des 'di skad ces gsol to/ /ku shu 'di ni/ 'bras
228b4 bu las skyes pa ma lags te/ chab mig cig gi nang nas rnyed pas slan chad ni/ bdag gis mi rnyed de/ mi 'byor to/ /zhes gsol ba dang / de la rgyal pos
228b5 yang khyod kyis phyin chad mi rnyed na/ khyod kyis lus dum bur gcad do/ /zhes bka' stsal pa dang / ra ba srung ba de phyir gnas su song nas mya ngan byed cing dus pa
228b6 dang / dus pa'i sgra chen po klu zhig gis thos nas klu de mi zhig tu sprul nas de la 'di skad du khyod ci phyir mi dga' zhing du zhes dris so/ /ra ba srung ba des ji ltar gyur
228b7 pa'i gtam klu la zhib tu smras pa dang / klu de mi snang bar gyur nas ring po ma lon par gser gyi gzhong pa zhig gi nang shing tog bzang pos bkang ste mi de la byin
229a1 nas khyod kyis shing tog 'di khyer la rgyal po la phul la 'phrin du yang 'di skad ces gyis shig /rgyal po dang bdag tu bshes te/ sngon
229a2 tshe snga ma la gnyi ga kun tu rgyu yin pa las/ nyin zhag gcig pa'i khrims brgyad mnos te so sor smon lam btab pa las/ rgyal po ni/ tshul khrims bsrungs
229a3 pas rgyal por gyur to/ /bdag ni/ tshul khrims nyams pas klur skyes kyi/ da yang tshul khrims srung zhing lus 'di las thar bar dga'o/ /nyin zhag gcig pa'i
229a4 khrims brgyad kyi cho ga bdag la stsal du gsol/ ci ste ma gnang na rgyal po'i yul yang rgya mtshor bsgyur ro/ /zhes 'phrin spring ngo / /ra ba srung ba des shing tog
229a5 khyer te rgyal po la phul nas klus springs pa'i 'phrin yang rdzogs par bsnyad pa dang / rgyal po de mi dga' bar gyur to/ /de ci'i phyir zhe na/ de'i tshe 'jig rten na
229a6 sangs rgyas kyang mi bzhugs/ dam chos kyang nub nas nyin zhag gcig pa'i khrims brgyad kyi dpe yang mi rnyed do/ /don de ma bsgrubs na ni/ gnod pa mngon du
229a7 byed kyis dogs pas rtog pa la zhugs te mi dga' bar sems shing 'dug 'dug pa las rgyal po des blon po mchog cig yod pa la 'di skad ces bka'
229b1 stsal to/ /klu zhig nga la khrims brgyad kyi dpe zhig slong gi /mi rnyed du mi gnang ngo / /zhes bka' stsal na/ blon pos gsol pa/ 'jig rten na chos ma mchis
229b2 par bdag gis ga las rnyed ces gsol pa dang / rgyal pos blon po de la khyod kyis ma rnyed na/ gsad do/ /zhes bka' stsal to/ /blon po de shin tu mi dga'
229b3 bzhin du song nas khyim du phyin pa dang / blon po de la pha rgan po rgas shing 'khogs pa zhig yod de/ phas bltas na bdag gi bu 'di sngon chad ni/ 'dzum mul
229b4 te mdangs dang bcas pas gtam zer na/ deng ci'i phyir bdag gi bu 'di sngon chad dang mi 'dra bar ngo 'dzum gnag ste gtam zer zhes byas pa dang / des ji ltar
229b5 gyur pa pha la zhib tu gtam byas pa dang / de'i phas smras pa/ bdag cag gi khyim na ka ba zhig la rtag tu 'od 'byung ste/ de'i nang na ci yod ltos shig ces bsgo
229b6 ba dang / ka ba byung ste gshags na/ de'i nang nas rten cing 'brel bar 'byung ba bcu gnyis kyi mdo dang / nyin zhag gcig pa'i khrims brgyad kyi dpe byung nas
229b7 blon po des rgyal po la phul lo/ /rgyal pos thob nas rab tu dga' mgu rangs te khrims brgyad kyi dpe gser gyi sgrom bur bcug ste klu la bskur to/ /klu des
230a1 thos nas shin tu dga' bas rgyal po chen po de la rin po che yang mang du phul lo/ /nyin zhag gcig pa'i khrims brgyad bsrungs nas
230a2 gzhan dag kyang srung bar bskul te/ de nas tshe 'phos nas lhar skyes so/ /rgyal po de yang chos bzhin du tshul khrims bsrungs pas tshe'i dus byas nas gnas lhan cig
230a3 tu lhar skyes te/ mdang nam gyi cha stod la nga'i spyan sngar 'ongs te ci rigs par chos bstan pas rgyun du zhugs pa'i 'bras bu thob nas ngan song gsum dang yongs
230a4 su bral te lha dang mi'i longs spyod myong zhing mthar mya ngan las 'da' ba'i bar du thob par gyur te/ /bcom ldan 'das kyis de skad ces gsungs pa la 'khor
230a5 mang po thams cad yi rang nas mngon par dga'o/ /kun tu rgyus tshul khrims bsrungs pa'i le'u ste gsum pa'o// //lus btsongs te mchod pa
230a6 byas pa'i le'u/'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra
230a7 ba na bzhugs so/ /de'i tshe na yul de na khyim bdag cig la khye'u zhig btsas nas khye'u de dbyibs legs shing blta na sdug pa bzang ba zhig ste/ btsas nas ring
230b1 por ma lon par smra yang shes so/ /khye'u des pha ma la bcom ldan 'das da ltar bzhugs sam zhes dris pa dang / da ltar bzhugs so/ /zhes smras so/ /'o na btsun pa shA
230b2 ri'i bu dang / kun dga' bo la sogs pa bzhugs sam zhes dris pa dang / de yang bzhugs so/ /zhes smras so/ /khye'u de'i pha mas bu btsas ma thag tu smra shes pa 'di ni/
230b3 mi ma yin no snyam nas ngo mtshar ba dang ya mtshan du gyur pas bcom ldan 'das la zhus so/ /bcom ldan 'das kyis khyod kyi bu ni/ mtshan dang ldan te/ the tshem ma
230b4 byed cig ces bka' stsal pa dang / khye'u de'i pha ma rab tu dga' mgu rangs te phyir khyim du 'ongs so/ /de nas khye'u des pha ma la sangs rgyas dang / dge slong gi dge
230b5 'dun rnams spyan drongs shig ces gsol pa dang / de'i pha mas sangs rgyas dang / dge 'dun spyan drangs na yo byad sbyar dgos te/ 'phral du 'byor pa yang ma
230b6 yin no| |zhes bsgo'o/ /bus smras pa/ khang pa'i nang na phyag dar dang / chag chag byas te gdan things la/ gdan mthon po gsum zhig bsgrigs te things shig dang /
230b7 zhal zas ro brgya dang ldan pa rang 'ong ngo / /bdag gi tshe snga ma'i ma yang da ltar yul wA ra Ni si na mchis kyi/ de yang bos shig ces smras so/ /de'i pha mas bus smras pa
231a1 bzhin du mi zhig glang po che la bskyon te de'i ma yang bos nas 'ongs so/ /gdan mthon po gsum bshams pa de gcig la ni/ sangs
231a2 rgyas bzhugs su gsol cig /gcig la ni/ che snga ma'i ma bzhugs zhig /gcig la ni/ da ltar lus skyad pa'i ma bzhugs shig /de nas sangs rgyas kyang dge
231a3 'dun gyi 'khor dang bcas te gshegs nas gdan bting ba la rim pa bzhin du bzhugs nas zhal zas bzang pos kyang thams cad khyed cing chog par gyur te/ de la bcom ldan 'das kyis chos bstan nas khye'u de'i pha ma gnyis dang /
231a4 khyim gang gi mi chen po dang / chung ngu thams cad kyis chos thos nas rab tu dga' ste/
231a5 kun gyis 'bras bu dang po thob par gyur to/ /khye'u de yang phyi phyir cher skyes nas rab tu byung ste brtson 'grus brtsams pas dgra bcom pa thob par gyur to/ /bcom
231a6 ldan 'das la kun dga' bos gsol pa/ dge slong 'di sngon legs pa ci zhig bgyis na/ che zhing mtho ba'i rigs su skyes te/ chung du nas smra yang 'tshal la/
231a7 rab tu byung nas kyang mngon par shes pa myur du thob par gyur/ bcom ldan 'das kyis kun dga' bo la bka' stsal pa/ mi 'di tshe snga ma la yul wA ra NA si'i
231b1 khyim bdag gi bu las khyim bdag tshe 'phos nas so tshis zhig ste dbul phongs par gyur to/ /sangs rgyas bcom ldan 'das 'jig rten na bzhugs pa dang phrad kyang mchod
231b2 pa bya ba'i longs spyod med pas de mi dga' nas rigs che zhing mtho ba bcabs te gla za bar khas blangs nas lo gcig lon pa dang / gser srang stong tsam rnyed do/ /de
231b3 la rigs che zhing mtho ba zhig gis khyod chung ma mi len nam zhes dris na/ mi 'dod do/ /zhes smras so/ /nges yang dris pa/ gser 'dis ci zhig bya zhes dris na/ sangs
231b4 rgyas dang / 'phags pa'i dge 'dun la bsod snyoms shig gsol bar dgos so/ /zhes smras so/ /rigs che zhing mtho ba des smras pa/ khyod sangs rgyas dang / 'phags
231b5 pa'i dge 'dun spyan drang 'dod na/ kho bos gser sbyar te zhal zas la sogs pa'i g.yos kyang bsham gyi/ kho bo'i khyim du spyan drongs shig ces smras pa dang /
231b6 dbul po des kyang de bzhin du bgyi'o/ /zhes smras nas zhal zas bshams te sangs rgyas dang / 'phags pa'i dge 'dun spyan drangs so/ /de'i rgyu de'i rkyen gyis tshe'i
231b7 dus byas nas kyang khyim bdag de'i khyim du skyes te da yang sangs rgyas spyan drangs nas chos thos ma thag tu byang chub thob par gyur to/ /bcom ldan 'das kyis
232a1 kun dga' bo la bka' stsal pa/ sngon gyi mi dbul po de ni/ khyim bdag gi khye'u dge slong 'di yin no/ /bcom ldan 'das kyis de skad
232a2 ces gsungs pa la 'khor mang po thams cad yid rangs te mngon par dga'o/ /lus btsongs te mchod pa byas pa'i le'u ste bzhi pa'o// //rgya mtsho'i lhas dris pa'i le'u/ 'di skad bdag gis thos pa dus gcig na/ bcom ldan 'das mnyan yod na rgyal po rgyal byed kyi tshal mgon med zas sbyin gyi
232a3 kun dga' ra ba na bzhugs so/ /de'i tshe yul de nyid na tshong pa lnga brgya tsam zhig rgya mtshor rin po che len du 'gro ba dag 'di ltar bgros so/ /bdag cag gis mi'i
232a4 nang na mkhas shing shes pa zhig ded dpon du bkri'o/ /zhes bgros nas dge bsnyen khrims lnga pa zhig khrid de rgya mtshor zhugs so/ /rgya mtsho'i dbus su phyin pa dang /
232a5 rgya mtsho'i lha de srin po zhig tu sprul nas lus gzugs shin tu mi sdug la sngo zhing nag pa/ mche ba gyen du byung ba/ mgo la me 'bar ba zhig drung du 'ongs nas
232a6 gru 'di nga la byin cig ces smras te/ tshong pa la 'di skad ces 'dri'o/ /'jig rten na gang dag 'jigs su rung ba nga las 'da' ba yod dam/ zhes dris pa dang /
232b1 dge bsnyen gyis smras pa/ khyod pas shin tu lhag par 'jigs pa yang yod do/ /rgya mtsho'i lhas smras pa/ de lta bu su zhig /dge bsnyen gyis smras pa/ 'jig
232b2 rten na glen pa gti mug can/ mi dge ba'i las rnams bag med par byed pa/ srog gcod pa dang / ma byin par len pa dang / 'dod pas log par g.yem
232b3 pa dang / rdzun du smra ba dang / tshig kyal pa smra ba dang / phra ma dang zhe gcod pa'i tshig smra ba dang / 'dod chags dang zhe sdang che ba/ ngan par lta ba dang / tshe 'phos
232b4 nas sems can dmyal bar skye ste/ sdug bsngal rnam pa sna tshogs myong ba rnams sems can dmyal ba'i srung mas khrid nas la la ni/ mtshon gyis dmyal zhing
232b5 gtubs/ la la ni/ shing rtas phan tshun du drangs nas kham tshad tsam du bcad/ la la ni/ gtun gyis brdungs/ la la ni/ rang 'thag gis btags/ la la
232b6 ni| ral gri'i ri la 'dzeg /la la ni/ me'i shing rta dang / zangs khol ma dang / chab rom dang / ngan skyug gi nang du bskol ba la sogs te sdug bsngal shin tu
232b7 mi bzad pa rnam pa sna tshogs de lta bu dag lo brgya stong gi par du myong ba de ni/ khyod pas shin tu yang lhag par 'jigs su rung ngo / /zhes smras pa rgya mtsho'i lhas
233a1 thos nas de ma thag tu mi snang bar gyur to/ /yang rgya mtsho'i nang du song song ba las rgya mtsho'i lha de mi'i nang na shin tu rid cing nyam thag
233a2 pa| rtsa dang rus pa tsam 'brel pa zhig tu sprul nas gru 'di nga la byin cig ces smras te/ de la 'di skad ces 'dri'o/ /'jig rten na ring cing nyam thag pa
233a3 da las lhag pa yod dam/ dge bsnyen gyis smras pa/ khyod pas shin tu lhag par nyam thag cing rid pa yod do/ /rgya mtsho'i lhas smras pa/ de lta bu su zhig /
233a4 dge bsnyen gyis smras pa/ gang glen pa gti mug can/ rang bzhin gyis 'jungs shing ser sna byed la/ 'dod pas phrag dog byed pa/ sbyin pa mi shes pa dag tshe
233a5 'phos nas yi dwags su skyes te/ lus ni/ ri chen po tsam la/ mgrin pa ni/ mo khab tsam du gyur te/ skra 'dzings pa/ gnag cing rid pa/ lo brgya stong gi
233a6 bar du chu'i ming yang mi thos pa de ni/ khyod pas kyang shin tu lhag par rid do/ /zhes smras ma thag tu mi snang bar gyur to/ /de nas yang song song ba las rgya mtsho'i
233a7 lha de mi'i nang na gzugs byad shin tu bzang po zhig tu sprul nas gru 'di nga la byin cig ces smras te tshong pa dag la 'jig rten mi'i nang na da tsam du gzugs
233b1 byad bzang la mdzes pa yod dam/ dge bsnyen gyis smras pa/ khyod pas brgya 'gyur stong 'gyur gyis lhag par bzang ba yod do/ /rgya mtsho'i lhas smras pa/ bdag pas
233b2 lhag par bzang ba de su zhig /dge bsnyen gyis smras pa/ 'jig rten na mkhas pa blo dang ldan pa/ dge ba phun sum tshogs par spyod pa/ lus dang ngag dang yid kyi
233b3 las yongs su dag pa/ dkon mchog gsum la shin tu dad pa/ ci 'byor pa des mchod pa byed pa'i blon can de ni/ tshe 'phos nas mtho ris kyi lhar skyes te gzugs byang
233b4 legs pa/ sdug pa/ shin tu mdzes pa de ni/ khyod pas brgya 'gyur stong 'gyur gyis lhag ste/ khyod dang de gnyis bsgrun na spre'u zhar ma bkra shis mar bsgrun ma
233b5 dang 'dra'o/ /de nas rgya mtsho'i lhas chu snyim pa gang bcus nas dge bsnyen de la snyim pa gang gi chu mang ngam/ rgya mtsho'i chu mang zhes dris pa dang / dge bsnyen gyis
233b6 snyim pa gang gi chu mang gi /rgya mtsho'i chu mang ba ma yin no/ /zhes smras so/ /rgya mtsho'i lhas smras pa/ khyod 'di skad du smras pa'i tshig de bden pa yin nam/ dge
233b7 bsnyen gyis smras pa/ tshig 'di ni/ bden pa yin te/ rdzun pa ma yin no/ /bden par cis mngon/ smras pa/ rgya mtsho'i chu yang mang mod kyi/ gdon mi za bar skam pa'i
234a1 dus yod do/ /bskal pa mes 'jig tu nye ba na nyi ma gnyis 'char te/ chu mig dang lteng ka kun skam mo/ /nyi ma gsum 'char ba na chu bran
234a2 thams cad skam mo/ /nyi ma bzhi 'char ba na chu bo thams cad skam mo/ /nyi ma lnga 'char ba na rgya mtsho chen po yang snga ma las bri'o/ /nyi ma drug shar ba na sum nyis
234a3 bri'o| |nyi ma bdun shar ba na rgya mtsho yang skam ste/ ri rab lhun po yang snyil/ rdo rje'i mtha' la thug gi bar du tshig cing 'bar bar 'gyur ro/ /gang zhig shin
234a4 tu dad pa'i sems kyis chu snyim pa gang tsam sangs rgyas la mchod dam/ dge 'dun la phul lam/ pha ma la phul lam/ dbul phongs la byin nam/
234a5 gcan gzan la byin na/ bsod nams 'di ni/ bskal pa du mar yang mi zad de/ de bas na rgya mtsho'i chu ni/ nyung gi /snyim pa'i chu ni/ mang bar rig par
234a6 bya'o| |de nas rgya mtsho'i lha rab tu dga' ste/ des dge bsnyen de la rin po che mang du phul nas rin po che dam pa dag sangs rgyas dang / dge 'dun la yang
234a7 bskur ro/ /dge bsnyen dang / tshong pa rnams rin po ches chog par gyur nas phyir yang bde bar yul du phyin to/ /de'i tshe dge bsnyen de dang / tshong pa lnga
234b1 brgya tsam sangs rgyas gang na ba der 'ongs nas bcom ldan 'das kyi zhabs la spyi bos phyag 'tshal te/ so so nas rin po che thogs pa dang / rgya mtsho'i lhas
234b2 bskur ba yang sangs rgyas dang / dge 'dun la phul te/ de dag pus mo sa la btsugs nas thal mo sbyar te bcom ldan 'das la 'di skad ces gsol to/ /bdag
234b3 cag kyang ston pa'i bstan pa la rab tu 'byung ngo / /zhes smras pa dang bcom ldan 'das kyis dge slong legs par 'ongs so/ /zhes bka' stsal pas skra dang kha spu
234b4 rang byi ste chos gos gyon pa'i dge slong du gyur to/ /de nas bcom ldan 'das kyis ci rigs su chos bstan cing phye bas 'dod pa kun zad de dgra bcom par gyur to/ /
234b5 'khor mang po de dag bcom ldan 'das kyis gsungs pa la yid rangs nas mngon par dga'o/ /rgya mtsho'i lhas dris pa'i le'u ste lnga pa'o// //bam
234b6 po gnyis pa/ lha'i bu gang+gA da ra zhes bya ba'i le'u/ 'di skad bdag gis thos pa dus gcig na/ bcom ldan 'das bya ka lan+da ka gnas pa 'od ma'i tshal na bzhugs
234b7 so| |de'i tshe yul de na blon po shin tu phyug po zhig la bu tsha med do/ /de'i tshe na chu klung gang+gA'i 'gram na ma Ni b+ha dra zhes bya ba'i lha rten zhig yod de/ thams cad de la phyag
235a1 'tshal zhing mchod pa byed do/ /blon po chen po de yang lha'i rten gyi drung du song nas 'di skad ces gsol to/ /bdag la bu tsha med de/ lha khyod
235a2 yon tan tshad med pa dang ldan zhes thos kyi/ 'gro ba kun la skyob pa khyod gzhan gyi smon lam bskang bar nus na/ bdag kyang bskyab tu gsol lo/ /gal te khyod
235a3 kyis bdag la bu zhig stsal na/ gser dang dngul gyis lha khyod kyi sku yang g.yogs shing bzhugs pa'i rten yang spos dang byug pas byug go /ci ste mngon rtags
235a4 med na| lha khyod kyi rten yang bshig la khyod kyi lus la mi gtsang ba bshang gcis kyang bsku'o/ /zhes smras pa lha des thos nas 'di snyam du bsam mo/ /
235a5 blon po 'di ni/ phyug cing btsan la mthu che bas smad rigs tsam gyis 'di'i bur mi 'gyur te/ bdag mthu chung bas 'di'i smon lam bskang mi nus so/ /gal te
235a6 smon pa bzhin du ma byas na gdon mi za bar mi sdug par mtho btsam mo snyam bu bsam nas rten srung ba'i lha des ma Ni b+ha dra la gsol to/ /de la yang de lta bu'i
235a7 mthu med pas rnam thos kyi bu gang na ba der song ste rnam thos kyi bu la gsol to/ /rnam thos kyi bus kyang bdag gi mthu tsam gyis bu yod par mi nus so snyam bsam
235b1 nas rnam thos kyi bu de brgya byin gang na ba der song ste 'di skad ces gsol to/ /bdag gi blon po ma Ni b+ha dra zhes bgyi ba de bdag la 'di skad ces mchi'o/ /rgyal po'i
235b2 khab na blon po chen po zhig bdag la bu slong ste smon pa bzhin du byas na ni/ mchod pa dang rim gro yang skyed do/ /smon pa bzhin du ma byas na rten yang bshig ste mi sdug
235b3 bar bya'o/ /zhes dam bcas pas des ni/ dam bcas pa bzhin du gdon mi 'tshal bar bgyid na/ brgya byin lha'i dbang po/ /khyod kyis de la bu zhig mchis par mdzad
235b4 du gsol/ /brgya byin gyis smras pa/ 'di ni/ shin tu yang dka' mod kyi/ da ltar rgyu zhig snang ngo / /de'i tshe na lha'i sras po zhig yon tan lnga dang bral nas tshe'i dus
235b5 byed du nye ba zhig yod de/ de la 'di skad ces smras so/ /khyod ni/ tshe'i dus byed par nges pas/ dus byas na blon po de'i bur skyes shig ces smras so/ /lha'i sras
235b6 pos smras pa/ bdag ni/ rab tu byung zhing dam pa'i chos spyod par dad de/ gal te rigs mtho zhing che bar skyes na rab tu 'byung bar bka'i/ rigs tha mal bar
235b7 skyes na sla'o/ /zhes gsol pa dang / brgya byin gyis yang smras pa/ lha/ khyod der skyes shig dang / rab tu 'byung bar dad na ngas grogs bya'o/ /zhes smras so/ /lha'i
236a1 sras po de der tshe 'phos nas blon po de'i rigs su de'i btsun mo'i rum du skyes te/ phyis btsas pa na dbyibs legs shing blta na
236a2 sdug pa bzang ba zhig btsas te mtshan mkhan la bstan nas mtshan mkhan gyis kyang bltas te/ bu 'di thog ma gang nas rnyed ces dris na/ klung gang+gA'i lha
236a3 las bslangs so/ /zhes byas nas bu de'i ming yang gang+gA nga ra zhes btags so/ /phyis tshad du phyin par skyes pa dang / des pha ma la bdag ni/ rab tu 'byung bar
236a4 gsol lo/ /zhes smras so/ /de'i pha mas smras pa/ kho bo ni/ 'di lta bur phyug cing btsan te longs spyod chen po dang ldan la/ bu ni/ khyod gcig pur zar de/ nga'i
236a5 rigs bsab cing pha ma gso dgos kyi/ mi gnang ngo / /zhes bsgo ba dang / khye'u des bsam pa bzhin du ma gyur pas shin tu mi dga' ste/ 'di snyam du lus
236a6 'di med par byas la rigs tha mal pa zhig tu skyes te rab tu 'byung bar gsol na/ 'di bas sla yang srid snyam bsam nas gsang ste phyi rol du byung nas brag
236a7 mthon po zhig la mchongs so/ /brag las mchongs nas sa la lhung na yang snad pa'am nyams pa med do/ /de nas chu chen po'i 'gram du song ste chur mchongs na yang
236b1 chus g.yengs te ma nyes par phyir byung ngo / /btsan dug zos na yang dug gi mthus gnod par ma gyur nas yang 'di snyam du bsam mo/ /bdag gis rgyal po'i khrims
236b2 dang 'gal ba zhig byas na/ rgyal pos bsad kyang srid snyam bsam nas rgyal po'i btsun mo dang sras rnams pho brang gi phyi rol du byung ste skyed mos tshal gyi rdzing du
236b3 khrus byed du dong nas de dag gis gos dang rgyan bkrol te shing la bzhag go /de ltar gos dang rgyan shing la bzhag pa gang+gA da ra des mthong nas skyed mos tshal du
236b4 zhugs te/ btsun mo de dag gi gos dang rgyan pang pas btab nas sgor byung ba dang / sgo srung gis bzung ste rgyal po ma skyes dgra la phul lo/ /rgyal pos de skad ces
236b5 thos nas rab tu khros te mda' gzhu blangs nas rgyal po nyid lag dar te khye'u la 'phangs na/ mda' 'phangs pa khye'u la ma song gi /phyir yang rgyal po'i drung du lhung ngo / /
236b6 lan gsum gyi bar du de ltar gyur nas rgyal po dngangs te gzhu yang bor nas khye'u la/ khyod lha'am/ klu'am/ yi dags sam/ gnod sbyin nam/ ci zhig ces smras so/ /
236b7 khye'us gsol pa/ bdag la gsol ba sna gcig mchi'i/ de gnang na legs par smra'o/ /zhes gsol ba dang / rgyal pos kyang de bzhin du bya'o/ /zhes smras so/ /
237a1 khye'us gsol pa/ bdag ni/ lha yang ma lags/ klu yang ma lags te/ rgyal po'i khab kyi blon po chen po'i bu lags so/ /bdag
237a2 rab tu byung bar dad na/ bdag gi pha mas ma gnang bas/ bdag gi lus 'di gzhan du skye bar bgyi ba'i slad du rang 'chi'o snyam ste brag mthon po la mchongs/
237a3 chur yang mchongs/ btsan dug kyang 'tshal na/ 'gum du ma btub nas rgyal po'i khrims las 'gal ba zhig byas na/ 'gum par 'gyur snyam bsam
237a4 ste rgyal pos dgum par bgyis pa las kyang 'di ltar ma gum ste/ da 'di ltar gyur na rgyal pos thugs brtse bar dgongs te bdag rab tu 'byung bar
237a5 gnong zhig ces gsol pa dang / rgyal pos kyang khyod rab tu byung bar gnang ngo / /zhes bka' stsal nas khye'u de khrid de bcom ldan 'das kyi spyan sngar
237a6 lhags nas ji ltar gyur pa bcom ldan 'das la zhib tu gsol to/ /de nas bcom ldan 'das kyis kyang rab tu 'byung bar gnang nas lus la chos gos
237a7 gyon cig ces pa dang dge slong du gyur to/ /bcom ldan 'das kyis ci rigs par chos bstan pas sems rnam par grol te dgra bcom par gyur nas rig
237b1 pa gsum dang / mngon par shes pa drug dang / rnam par thar pa brgyad dang ldan par gyur to/ /de nas rgyal po ma skyes dgras bcom ldan 'das la 'di skad ces
237b2 gsol to/ /bcom ldan 'das/ khye'u gzhon nu 'dis sngon dge ba'i rtsa ba ci zhig bskrun na/ brag la mchongs kyang ma gum/ chab tu mchongs kyang gnod par ma gyur/
237b3 btsan dug 'tshal kyang ma gum/ mda' 'phangs kyang smas par ma gyur te bcom ldan 'das dang mtha' nas 'khor ba'i mtha' las grol bar gyur ces gsol pa
237b4 dang / bcom ldan 'das kyis rgyal po la 'di skad ces bka' stsal to/ /sngon 'das pa'i dus bskal pa grangs med pa 'das pa na yul wA ra NA si zhes bya ba na
237b5 rgyal po tshangs pas byin zhes bya ba zhig yod de/ rgyal po de'i btsun mo dang / pho brang gi slas su bcas nas skyed mos tshal du rol du gshegs so/ /skyed mos
237b6 tshal de na pho brang gi slas dag gis glu blangs pa dang / ra ba'i phyi rol nas mi zhig gis skad chen pos ram bu btegs pa rgyal pos thos so/ /rgyal pos de thos nas
237b7 khros te mi de zungs la sod cig ces bka' stsal to/ /de'i tshe na blon po zhig phyi rol nas nang du 'ong ba las mi de btson du bzung ba mthong nas g.yog 'khor rnams
238a1 la ci nyes te bzung zhes dris so/ /de dag gis ci'i phyir bzung ba'i gtam zhib tu smras pa dang / blon po des de dag la re zhig ma bsad
238a2 par sdod cig /kho bos rgyal po la gsol lo/ /zhes smras nas pho brang gi nang du song ste rgyal po la 'di skad ces gsol to/ /'gum du khrid pa'i mi des dgum
238a3 pa la thug pa'i nongs pa ma bgyis so/ /glu blangs pa'i ram bu btegs pa ni/ gzugs su mi snang bas mi rigs pa'i glo ba rings pa dang / btsun mo la
238a4 ngan du bgyis pa ma lags kyi/ de'i srog la thugs brtse bar dongs te gtang ba'i rigs so/ /zhes gsol nas rgyal pos kyang ma bsad par thong zhig
238a5 ces bka' stsal to/ /mi de blon po de'i g.yog byed pa la zhugs te phyis lo mang zhig lon pa dang 'di snyam du bsam mo/ /'dod chags kyis smras pa ni/
238a6 ral gri bas rno ste/ bdag 'di ltar nyam thag pa yang 'dod chags kyi phyir ro snyam bsam nas blon po da la bdag rab tu 'byung zhing thar pa'i lam sgom du
238a7 ci gnang zhes gsol nas blon po des kyang khyod thar pa'i lam sgom na/ bdag kyang gegs mi byed kyi/ khyod thar par gyur na yang phyir bdag dang phrad du shog
238b1 cig ces bsgo'o/ /mi de dben par song nas don dam pa yid la byas te brtson 'gus brtsams pas/ rang sangs rgyas su gyur nas phyir yang grong khyer du
238b2 song ste blon po chen po ga la ba der 'ongs so/ /blon po chen po de rab tu dga' nas bsod snyoms dang 'tsho ba'i yo byad rnam pa bzhi mi brel bar phul lo/ /de
238b3 nas rang sangs rgyas de steng gi nam mkha' la 'phags nas sku las chu 'bab pa dang / me 'byung ba dang / 'od zer chen po gtod pa la sogs te/ cho 'phrul rnam pa
238b4 bco brgyad bstan to/ /blon po chen po des de lta bu dag mthong nas tshad med pa'i spro bskyes te 'di skad du dam bcas so/ /mi 'di bdag gi drin gyis 'tsho bar gyur
238b5 kyi| bdag gar skyes kyang btsan zhing phyug pa dang / tshe ring ba dang / gzhan pas brgya 'gyur stong 'gyur du shin tu 'phags shing ye shes dang bsod nams kyang
238b6 'di dang mnyam par gyur cig ces smon lam btab bo/ /bcom ldan 'das kyis rgyal po la bka' stsal pa/ de'i tshe de'i dus na blon po des mi gcig gi srog bskyabs
238b7 te 'bras bu thob par byas pa de ni/ 'di yin no/ /de'i rgyu de'i rkyen gyis gang nas gang du skyes kyang srog gi bar chad du ma gyur te/ da nga dang phrad nas 'bras bu mchog
239a1 thob par gyur to/ /bcom ldan 'das kyis de skad ces gsungs pa la 'khor mang po thams cad yi rang nas mngon par dga'o/ /
239a2 lha'i bu gang+ga dar zhes bya ba'i le'u ste drug pa'o// //rgyal po gsal rgyal gyi bu mo rdo rje'i le'u/ 'di skad bdag gis thos ba dus gcig na
239a3 bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na rgyal po gsal rgyal gyi btsun
239a4 mo chen po 'bar li zhes bya ba la bu mo gcig btsas nas bu mo de'i ming rdo rje zhes btags te/ bzhin rab tu mi sdug pa/ lus kyi sha shin tu rtsub pa/ stag lpags
239a5 ltar sra ba/ skra yang rta rngo ltar shog rba zhig ste/ rgyal pos kyang bu mo de mi sdug pas mi dga' nas pho brang gi nang du sus kyang mi mthong ba'i gnas shig
239a6 tu bskyed do/ /bu mo de de ltar mi sdug kyang btsun mo chen po la btsas pas/ mi sdug bzhin du sus kyang mi mthong bar bskyed de/ phyis cher skyes nas bag
239a7 mar gtang ran pa dang / rgyal po rab tu mi dga' nas blon po la 'di skad ces bka' stsal to/ /thog ma cho rigs mtho ba'i rje'u'i rigs su gtogs pa las/ da
239b1 'khyams te nor dang longs spyod mi bdog pa zhig tshol la khrid de shog cig ces bsgo'o/ /de nas blon po des kyang sngon cho rigs mtho zhing rje'u'i rigs kyi bu las 'khyams
239b2 nas dbul phongs pa zhig rnyed de rgyal po la phul lo/ /rgyal pos kyang de dang mi med pa'i gnas dben pa zhig tu gsang steng la bu mo bzhin mi sdug pa zhig yod de/
239b3 bag mar gtang ran na/ gnyen zla ma rnyed kyi/ cho rigs che zhing mthob khyod dbul zhing ci yang med mod kyi/ khyod kyi chung mar sbyin gyis longs shig /ces bka'
239b4 stsal ba dang / de nas khye'u des bus mo sa la btsugs nas rgyal po'i bka' bzhin du bgyi'o/ /rgyal po chen pos bdag la khyi mo zhig stsal na yang blang bar 'tshal
239b5 na| rgyal po'i sku gdung la gtogs pa'i sras mo stsal pa lta ci smos te/ bka' bzhin du blang bar 'tshal to/ /zhes gsol to/ /rgyal pos kyang sras mo dbul
239b6 po'i chung mar byin nas de'i gnas khang la sogs pa byas te sgo bdun rim du byas nas mag pa la 'di skad ces bsgo'o/ /khyod gung du 'gro ba'i tshe khyod nyid kyis
239b7 sgo tshong la lde mig kyang khyer cig /nga'i bu mo rab tu mi sdug pa 'di ci nas kyang phyi mi gzhan gyis mi mthong bar sgo rab tu sdoms shig ces bsgos nas nor dang
240a1 longs spyod la sogs pa yo byad ci dgos pa thams cad chog par byin te blon por bcug go /de nor bu rin po che dang longs spyod mang po
240a2 dang ldan par gyur pas/ dbus phyi zhig na rigs che zhing mtho ba gzhan dang ston mo bya bar 'thams te ston mo la khyo shug dang / bu tsha yang 'dus te rtse bar byas pa
240a3 las| gzhan kun ni/ chung ma dang 'grogs te 'ongs na/ blon po de 'ba' zhig gi chung ma ma 'ongs pas grogs po dag the tshom du gyur te/ yang na ni/ mi
240a4 'di'i chung ma mnga' byad shin tu mdzes shing bzang mo zhig go /yang na ni/ shin tu mi sdug cing gzhan gyis mthong du mi rung ba zhig yin pas khrid de ma 'ongs so
240a5 snyam the tshom za bas/ de dag de'i chung ma blta bar bgros nas yid mthun par gsang ste mi 'di chang gis ra ro bar byas la mi dran pa'i 'og tu lde mig brkus
240a6 te mi lnga tsam zhig de'i chung ma bltar gtang ngo / /zhes bgros so/ /de'i tshe na mi de'i chung mas sngon bdag gis sdig pa ci zhig byas na/ khyim thab sdang ste 'di 'dra
240a7 bar mun khang du bcug nas nyi ma dang zla ba tsam yang bltar med do/ /mi gzhan yang mi mthong snyam ste shin tu mi dga' nas yang 'di snyam du bsam mo/ /sangs
240b1 rgyas bcom ldan 'das 'jig rten na bzhugs te/ sems can gang sdug bsngal gyis gdungs bdag gi mgon dang skyabs mdzad de thar par mdzad do zhe na/ bcom
240b2 ldan 'das la bdag rgyang ma nas phyag 'tshal lo/ /thugs brtse bar dgongs te bdag gi mdun du mngon sum du gshegs shing bdag la cung zad cig zhal ston par
240b3 gyur kyang ci ma rung snyam bsam mo/ /bu mo de'i bsam pa shin tu dag cing mos par mkhyen nas bcom ldan 'das de'i khyim du gshegs te/ bu mo de'i mdun gyis
240b4 las dbu mthon mthing gis mtshan pa mngon par bstan pa bu mo des mthong bar mdzad do/ /bu mo des bcom ldan 'das kyi dbu mthon mthing mthong nas lhag par
240b5 yang dga' zhing mgu rangs te bsam pa shin tu dag par gyur to/ /bsam pa shin tu dag pas bu mo de'i skra yang shin tu 'jam zhing mthon mthing gi kha dog tu
240b6 gyur to| |bcom ldan 'das kyi zhal yang mngon sum du bstan pa bu mo des mthong ma thag tu rab tu dga' mgu rangs pas bu mo de'i bzhin yang bzang zhing
240b7 mdzes par gyur to/ /mi sdug pa dang / rtsub pa yang rang med par gyur to/ /bcom ldan 'das kyi sku sta zur yan chad mngon par bstan te gser gyi mdog lta bu'i
241a1 'od lham mer snang bar mdzad pa bu mo des mthong nas sangs rgyas la lhag par dga' zhing rab tu mgu rangs par gyur to/ /de ltar
241a2 dga' mgu rangs pas mi sdug pa thams cad med par gyur te shin tu mdzes shing sdug pa ni/ lha'i bu mo ltar 'jig rten na dpe zla med par gyur to/ /bcom ldan
241a3 'das kyis bu mo de la thugs brtse ba'i phyir sku rdzogs par bstan nas bu mo mig mi 'dzum par lta zhing / sngar bas kyang lhag par rab tu dga' mgu rangs
241a4 nas lus kyi mtshan thams cad 'jig rten na dpe zla med par shin tu bzang zhing mi sdug pa'i bag lhag ma cung zad tsam yang ma lus so/ /bcom ldan 'das
241a5 kyis ci rigs su chos kyang bstan pas sdig pa kun zad de rgyun du zhugs pa'i 'bras bu thob par gyur nas bcom ldan 'das kyang slar gshegs so/ /de nas de
241a6 ma thag tu mi lnga pos kyang sgo phye ste nang du lhags nas de'i chung ma rab tu mdzes cing bzang la zla med pa mthong nas gcig la gcig 'di skad du/ 'di'i chung
241a7 ma 'di shin tu bzang zhing mdzes pas ma khrid do/ /zhes smras te/ de dag de'i chung ma mthong nas phyir yang sgo bcad de/ de dag gang na 'dug par 'ongs
241b1 nas mi des ma tshor bar lde mig kyang phyir lus la btags so/ /mi de ra ro ba las sangs nas kun gyes te phyir khyim du 'ongs pa dang / bdag gi chung ma mnga'
241b2 byad shin tu bzang zhing mdzes te/ mi'i nang na shin tu dkon par gyur pa mthong nas rab tu dga' ste chung ma/ khyod su yin zhes smras pa dang / chung mas kyang
241b3 bdag ni/ khyod kyi chung ma'o/ /zhes smras so/ /khyos smras pa/ khyod ni/ rab tu yang mi sdug pa zhig ni/ ci'i phyir 'di ltar bzang zhing mdzes par gyur ces dris
241b4 ba dang / chung mas smras pa/ bdag gis sangs rgyas mthong bas du ma 'di lta bur gyur to/ /zhes gtam zhib tu smras so/ /chung mas yang smras pa/ bdag gi
241b5 yid la da ni/ bdag yab rgyal po dang 'phrad 'dod kyi/ rgyal po la bdag 'di skad mchi'o/ /zhes gsol cig /khyos kyang rgyal po la de bzhin gsol nas
241b6 rgyal pos mag pa la 'di skad ces ma zer bar myur du song la phyir 'byung du mi gnang bar snoms shig ces bka' stsal to/ /mag pas yang gsol pa/ rgyal
241b7 po chen po/ sras mo ni/ bcom ldan 'das kyi thugs rje'i byin gyis lha mo dang 'dra bar bzang zhing mdzes par gyur to/ /rgyal pos mag pa la bka' stsal pa/
242a1 khyod smras pa bden te/ de ltar gyur na myur du khrid de shog cig ces bsgos nas shing rta brgyan te sras mo pho brang gi nang du bsu'o/ /
242a2 rgyal pos bu mo de de ltar bzang zhing mdzes par gyur pa mthong nas rab tu dga' mgu rangs te rgyal po dang / btsun mo dang / mag pa dang / bu mor bcas
242a3 pa bcom ldan 'das gang na ba der song ste phyin pa dang / sangs rgyas la phyag 'tshal nas phyogs gcig tu 'khod do/ /de nas rgyal po gsal rgyal gyis
242a4 pus mo g.yas pa'i lha nga sa la btsugs nas bcom ldan 'das la 'di skad ces gsol to/ /bu mo 'dis sngon bsod nams ci zhig bgyis na/ rigs
242a5 che zhing mtho la longs spyod mang po nor dbyig dang ldon pa'i rigs su skyes la/ sdig pa'i las ci zhig bgyis na/ byad gzugs shin tu mi sdug cing pags
242a6 pa dang skra mang dud 'gro lta bur gyur ces gsol pa dang / de la bcom ldan 'das kyis bka' stsal pa/ rgyal po chen po/ sras mo mnga' byad mdzes shing
242a7 bzang ba dang / mi sdug pa yang tshe rabs snga ma la bsod nams dang sdig pa'i las byas pa las gyur to/ /sngon 'das pa'i dus yun ring po na yul wA ra NA
242b1 si zhes bya ba de'i yul mi khyim bdag rab tu phyug pa/ nor dbyig tshad med pa dang ldan pa zhig byung ste/ khyim bdag de khyim na ci bdog pa thams cad rang sangs
242b2 rgyas gcig la mchod cing 'bul lo/ /rang sangs rgyas de'i sku shin tu rtsub pa la ngan pa/ mi sdug pa/ skem pa zhig ste/ khyim bdag de la bu mo chung ngu zhig yod
242b3 pa des nyin gcig bzhin du rang sangs rgyas de gshegs pa mthong ba'ang bu mo des kha na ma tho ba'i sems bskyed do/ /brnyas smod cing 'di skad du byad bzhin mi
242b4 sdug la lus kyi pags pa rtsub pa 'dir mi sdug ces kha byas so/ /rang sangs rgyas brtag tu de'i khyim du gshegs shing mchod pa bzhes nas yun ring mo zhig
242b5 lon pa dang / mya ngan las 'das par bsam ste/ yon bdag de'i phyir steng gi nam mkha' la 'phags nas sku la me 'bar ba dang / chu 'bab pa dang / shar
242b6 phyogs nas mi snang bar gyur nas nub phyogs su byung ba dang / nub phyogs nas mi snang nas shar phyogs su byung ba dang / lho phyogs nas mi snang nas byang phyogs su
242b7 byung ba dang / byang phyogs nas mi snang nas lho phyogs su byung ba dang / nam mkha' stong pa la nyal ba dang / 'dug pa la sogs pa'i cho 'phrul rnam pa sna tshogs
243a1 bstan te/ khyim de'i mi thams cad kyis cho 'phrul de mthong bar byas nas nam mkha' las babs te de'i khyim du gshegs so/ /khyim
243a2 bdag de yang lhag par rab tu dga' mgu rangs par gyur to/ /bu mo de yang shin tu 'gyod pa skyes nas rang sangs rgyas de la 'di skad du bdag gis sngar kha
243a3 na ma tho ba'i nongs pa yang dang yang bgyis pa de dag gi dngos sdig tu mi 'gyur bar 'gyod tshangs gsol nas rang sangs rgyas des kyang 'gyod tshangs bya bar gnang
243a4 ngo / /bcom ldan 'das kyis bka' stsal pa/ rgyal po chen po/ de'i tshe de'i dus na bu mo de ni/ da ltar gyi rgyal po'i bu mo 'di yin te/ de'i tshe mi dge ba'i sems
243a5 kyis 'phags pa rang sangs rgyas la smad pa'i ngag gi nyes pas/ de phyin chad rtag tu mi sdug pa'i lus myong bar gyur to/ /phyis cho 'phrul mthong nas 'gyod
243a6 pas ni| phyir yang mnga' byed mdzes shing bzang ba dang / blo dang ldan par gyur te/ rang sangs rgyas la mchod pa byas pas gang nas gang du skyes kyang rigs
243a7 che zhing longs spyod 'byor ba dang / mthar yang rnam par grol bar gyur to/ /de bas na rgyal po chen po/ ji tsam du sems can gyi rigs su gtogs pa thams
243b1 cad ni| lus dang ngag gi nyes pa shin tu bsrung zhing gzhan la brnyes pa dang smad par mi bya'o/ /de'i tshe na rgyal po gsal rgyal 'khor dang bcas pa dang / 'khor mang
243b2 po thams cad bcom ldan 'das kyis rnam par smin pa'i 'bras bu bstan pa thos nas bsam pa shin tu rnam par dag pa'i dad pa dang ldan par gyur ta/ de ltar
243b3 bsam pa shin tu rnam par dag pas/ la la ni/ 'bras bu dang po nas 'bras bu bzhi pa'i bar du thob par gyur to/ /la la ni/ bla na med pa'i byang chub tu sems bskyed
243b4 do| |la la ni/ phyir mi ldog pa'i sa la gnas par gyur te/ 'khor de dag thams cad bcom ldan 'das kyis gsungs pa la rjes su yi rang nas mngon par dga'o/ /
243b5 rgyal po gsal rgyal gyi bu mo rdo rje'i le'u ste bdun pa'o// //gser dbyig gi le'u/ 'di skad bdag gis thos pa dus gcig na/ bcom ldan
243b6 'das mnyan yod na rgyal bu rgyal byed kyi tshal mgon med zas sbyin gyi kun dga' rab na dge slong chen po'i dge 'dun brgya phrag phyed dang bcu gsum dang thabs cig tu
243b7 bzhugs so/ /de'i tshe grong khyer de na khyim bdag cig gi chung ma la bu zhig btsas te/ ming yang gser dbyig ces btegs nas byad gzugs legs pa/ bzang
244a1 ba| shin tu mdzes pa/ 'jig rten na zla med pa/ khye'u de sngon gyi las kyis lag pa gnyis khu tshur bcangs nas byung ngo / /khye'u
244a2 de'i pha ma ya mtshan du gyur te bkra mi shis so snyam nas khye'u de'i khu tshur gnyis phye ste bltas na/ khye'u'i lag mthil na gser gyi dong tshe re re yod do/ /pha ma
244a3 gnyis rab tu dga' ste gser gyi dong tshe gnyi ga blangs te/ blangs pa'i shul na da dung yang yod par gyur nas yang blangs so/ /de bzhin du pha ma gnyis
244a4 kyis gser gyi dong tshe lag mthil nas blangs pas bang mdzod gang yang bu'i lag nas dong tshe zad par ma gyur to/ /khye'u de phyis cher skyes nas pha ma la bdag
244a5 rab tu 'byung ngo / /zhes gsol pa dang / pha mas kyang yid bzhin du gnang ngo / /zhes smras so/ /de nas khye'u gser dbyig bcom ldan 'das ga la ba der
244a6 song nas zhabs la spyi bos phyag 'tshal te sangs rgyas la 'di skad ces gsol to/ /bcom ldan 'das/ bdag la thugs brtse ba'i slad du ston pas
244a7 bdag la rab tu 'byung bar ci gnang zhes gsol ba dang / bcom ldan 'das kyis khye'u gser dbyig /khyod rab tu 'byung bar gnang ngo / /zhes bka' stsal
244b1 to| |de ltar sangs rgyas kyis gnang nas khye'u gser dbyig skra dang kha spu bregs te chos gos gyon nas dge sbyong du gyur to/ /phyis lo grangs tshang ste bsnyen par rdzogs
244b2 ran nas dge 'dun la dad pa gsol te bsnyen par rdzogs par gsol to/ /bsnyen par rdzogs pa'i dge 'dun la rim gyis phyag 'tshal te/ mthar gyis phyag
244b3 'tshal ba na lag pa gnyis sa la gar reg par gser gyi dong tshe re re yod de/ de bzhin du mthar gyis phyag 'tshal ba thams cad du gser gyi dong tshe yod par
244b4 gyur to| |bsnyen par rdzogs nas brtson 'grus bsgoms pas dgra bcom pa thob par gyur to/ /kun dga' bos bcom ldan 'das la gsol pa/ bcom ldan
244b5 'das| dge slong gser dbyig 'dis sngon bsod nams ci zhig bgyis na/ thog ma btsas nas de tsam gyi bar du gser gyi dong tshe thogs pa bcom ldan 'das
244b6 kyis bstan du gsol/ /bcom ldan 'das kyis kun dga' bo la bka' stsal pa/ rtag par nyon la shin tu yid la zungs shig dang / khyod la bstan par bya'o/ /
244b7 zhes bka' stsal pa dang / kun dga' bos de bzhin du thos par 'tshal lo/ /zhes gsol to/ /bcom ldan 'das kyis bka' stsal pa/ sngon 'das pa'i
245a1 bskal pa dgu bcu rtsa gcig gi pha rol na sangs rgyas gser thub ces bya ba 'jig rten du gshegs te dam pa'i chos kyis
245a2 sems can gyi don mdzad pa ni/ brjod cing dpag tu med do/ /sangs rgyas de dge 'dun dang bcas nas yul rgyu zhing gshegs pa las khyim bdag rigs che
245a3 zhing mtho ba/ 'byor pa dang longs spyod du ldan pa rnams zhal zas rnam pa sna tshogs bshams te sangs rgyas dang / nye gnas 'phags pa'i dge 'dun la
245a4 mchod pa byas so/ /de'i tshe na mi dbul po longs spyod ci yang mi bdog pa zhig rtag tu ri la shing 'thu zhing 'tshong ngo / /phyis shing btsongs pa'i rin du dong tshe
245a5 gnyis shig rnyed nas mi dbul po des sangs rgyas dge 'dun dang bcas pa rgyal po'i pho brang du spyan drangs te gshegs pa mthong nas rab tu dga' mgu
245a6 rangs te dong tshe gnyis bdog pa sangs rgyas dang dge 'dun la phul ba dang / bcom ldan 'das kyis de la thugs brtse bar dgongs te dong tshe gnyis bzhes
245a7 te bcom ldan 'das kyis kun dga' bo la bka' stsal pa/ de'i tshe na mi dbul po des dong tshe gnyis shig sangs rgyas dang dge 'dun la bul bas/ bskal
245b1 pa dgu bcu rtsa gcig gi bar du lag na gser gyi dong tshe rtag tu thogs par gyur to/ /nor dang / rin po che dang / 'tsho ba'i longs spyod zad mi shes par gyur to//
245b2 de'i tshe de'i dus na mi dbul po de ni/ dge slong gser dbyig 'di yin te/ mi 'dis ci ste dgra bcom pa'i 'bras bu thob na yang ma 'ongs pa'i 'bras bu rnam
245b3 par smin pa yang tshad dpag tu med do/ /de bas na kun dga' bo/ sems can thams cad kyis sbyin pa sbyin pa'i las la brtson par bya'o/ /de'i tshe na kun dga'
245b4 bo dang / 'khor mang po rnams sangs rgyas kyis gsungs pa 'di thos nas dad cing mos par gyur te/ la la ni/ rgyun du zhugs pa'i 'bras bu thob/ la la ni/
245b5 lan gcig phyir ldog pa dang / phyir mi ldog pa dang / dgra bcom pa thob bo/ /la la ni/ bla na med pa yang dag par rdzogs pa'i byang chub tu sems bskyed
245b6 do| |la la ni/ phyir mi ldog pa'i sa la gnas par gyur to/ /'khor thams cad sangs rgyas kyis gsungs pa la mngon par dga'o/ /gser dbyig gi le'u
245b7 ste| brgyad pa'o// //lha'i me tog gi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal
246a1 byed kyi tshal mgon med zas sbyin gyi kun dga' ra ba na dge slong chen po'i dge 'dun brgya phrag phyed dang bcu gsum dang thabs
246a2 cig tu bzhugs so/ /de'i tshe yul de na khyim bdag rigs che zhing mtho ba'i chung ma la bu zhig btsas nas byad gzugs legs pa/ blta na sdug pa/ bzang
246a3 ba| shin tu mdzes pa zhig btsas so/ /btsas ma thag tu nam mkha' las lha rdzas kyi me tog char bzhin du bab ste khang pa kun gang bas bu'i ming yang
246a4 lha'i me tog ces btags so/ /khye'u de phyis cher skyes nas sangs rgyas gang na ba der song ste phyin pa dang / sangs rgyas kyi sku mdog dang mtshan dang dpe byad
246a5 bzang po dpe med pa mthong nas rab tu dga' ba skyes te 'di snyam du bsam mo/ /bdag 'jig rten 'dir skyes kyang 'phags pa'i gtso bo dang phrad kyi/ sangs
246a6 rgyas dang 'phags pa'i dge slong gi dge 'dun spyan drang ngo snyam bsams nas sangs rgyas la 'di skad ces gsol to/ /bcom ldan 'das 'phags pa'i
246a7 dge 'dun dang bcas te sang gi gdugs la bdag gi mchis brang du bsod snyoms ngan pa zhig sbyar gyi/ bsod nams bskyed pa'i slad du gshegs par
246b1 ci gnang zhes gsol pa dang / de'i bsam pa dag par mkhyen nas gshegs su gnang ngo / /de nas lha'i me tog phyir khyim du 'ongs pa dang / phyi nyin sangs rgyas
246b2 dang dge 'dun rnams kyang de'i khyim du gshegs so/ /lha'i me tog gis kyang khang bzang gi nang du rin po che'i gdan mang po sprul te rgyan gyis brgyan pa las sangs
246b3 rgyas dang dge 'dun gyi rnams gdan de la rim gyis bzhugs su gsol nas lha'i me tog gis zhal zas rnam pa sna sogs dgos par bsam pa dang / de'i
246b4 bsod nams kyis bsam pa bzhin du 'byor te sangs rgyas dang / dge 'dun rnams la bsod snyoms kyi bya ba byas so/ /lhung bzed blangs te lha'i me tog la
246b5 chos mang po rgyas par bstan nas lha'i me tog gi khyim gang gi mi kun gyis rgyun du zhugs pa'i 'bras bu thob par gyur to/ /de nas lha'i me tog gis pha ma la
246b6 rab tu 'byung zhing sangs rgyas kyi nye gnas su mchi bar gsol pa dang / pha mas kyang de bzhin du gnang nas khye'u de sangs rgyas gang na ba der song ste phyin pa dang /
246b7 sangs rgyas kyi zhabs la mgo bos phyag 'tshal nas sangs rgyas kyi bstan pa la rab tu 'byung bar gsol to/ /bcom ldan 'das kyis kyang dge slong legs
247a1 par 'ongs so/ /zhes bka' stsal nas skra dang kha spu rang byi ste ngur smrig gyon par gyur nas sangs rgyas kyi bka' bzhin du nan tan
247a2 byas pas dgra bcom par gyur to/ /de nas kun dga' bos de ltar gyur pa mthong nas sangs rgyas gang na/ ba der song ste bus mos la btsugs nas bcom
247a3 ldan 'das la 'di skad ces gsol to/ /dge slong lha'i me tog 'dis sngon bsod nams ci zhig bgyis na/ lha'i me tog rang 'bab cing rin po che'i
247a4 gdan dang zhal zas sna tshogs yid bzhin du sprul pa bcom ldan 'das kyis bstan du gsol/ bcom ldan 'das kyis kun dga' bo la bka' stsal
247a5 pa| thos par 'dod na legs par nyon cig /sngon 'das pa'i dus na sangs rgyas gser thub ces bya ba 'jig rten du gshegs te sems can gyi don
247a6 rgyas par mdzad do/ /de'i tshe na dge 'dun mang po grong rgyu zhing gshegs pa las/ khyim bdag rigs che zhing mtho ba dag gis mchod pa byas so/ /de'i tshe na
247a7 mi dbul po zhig longs spyod ci yang mi bdog pas/ dge 'dun de dag la rab tu dga' ba'i sems skyes te/ bdag gis ni/ cis kyang mchod du med do
247b1 snyam nas spang dang / ne'u las me tog rnam pa sna tshogs ba tus te dge 'dun la gtor nas bsam pa dag pas phyag dar byas te song ngo / /bcom ldan 'das kyis
247b2 kun dga' bo la bka' stsal pa/ de'i tshe de'i dus na mi dbul po me tog gis gtor ba de ni/ dge slong lha'i me tog 'di yin no/ /de ltar 'das pa'i dus na
247b3 bsam pa dag pa'i dad pas me tog bsdus te dge 'dun la gtor nas smon lam btab pas bskal pa dgu bcu rtsa gcig gi bar du gang nas gang du skyes kyang
247b4 byad gzugs legs shing bzang ba dang / blta na sdug pa dang / ji ltar bsam pa bzhin du bza' ba'am/ btung ba'am/ khri stan la sogs pa yid bzhin du
247b5 'byor cing ldan te/ bsod nams des 'bras bu'i bar du thob par gyur to/ /de bas na kun dga' bo/ sems can thams cad kyis kyang sbyin pa chung ngu la bsod nams
247b6 med do snyam du ma bcas shig /lha'i me tog ltar ci yang 'byor cing 'grub par 'gyur ro/ /de nas kun dga' bo dang / 'khor mang po rnams bcom ldan 'das kyis
247b7 gsungs pa la yi rang nas mngon par dga'o/ /lha'i me tog gi le'u ste dgu pa'o// //lha'i rin chen gyi le'u/ 'di skad bdag gis thos pa
248a1 dus gcig na/ bcom ldan 'das mnyan yod na rgyal bu rgyal phyed kyi tshal mgon med zas sbyin gyi kun dga' ra ba na bzhugs
248a2 so| |de'i tshe na khyim bdag cig gi chung ma zhig la bu zhig btsas nas khye'u de btsas pa'i tshe nam mkha' las rin po che sna bdun char bzhin du bab ste/ de'i
248a3 khyim yongs su gang ngo / /de nas mtshan mkhan pos te bu'i mtshan bltas na/ bu'i mtshan rab tu bzang ngo / /zhes khyim bdag la smras nas khyim bdag de
248a4 rab tu dga' ste mtshan mkhan de la bu'i ming gdags par gsol pa dang / khye'u 'di btsas pa'i tshe ltas ci byung zhes dris so/ /khyim bdag gis kyang
248a5 khye'u 'di bcas pa'i che nam mkha' las rin po che sna bdun char bzhin du babs nas khyim yongs su gang bar byas so/ /zhes smras pa dang / mtshan mkhan
248a6 gyis bsod nams las ming btags te/ khye'u de'i ming lha'i rin chen zhes btags so/ /phyis chen por skyes nas mang du thos shing shes pa mang ba dang /
248a7 sgyu rtsal yang zla med par gyur te/ rab tu 'byung bar dad pas pha ma la phyi phyag 'tshal nas sangs rgyas gang na ba der song ste phyin pa dang / sangs rgyas
248b1 kyi zhabs la spyi bos phyag 'tshal nas bcom ldan 'das la 'di skad ces gsol to/ /bcom ldan 'das/ bdag rab tu 'byung ngo / /zhes gsol pa dang /
248b2 bcom ldan 'das kyis dge slong legs par 'ongs so/ /zhes bya ba gnang nas skra dang kha spu rang byi ste lus la chos gos gyon par gyur nas bcom ldan 'das
248b3 kyis chos bstan pas dgra bcom par gyur to/ /kun dga' bos bcom ldan 'das la gsol pa/ bcom ldan 'das/ dge slong lha'i rin chen gyis sngon
248b4 bsod nams ci zhig bgyis na/ thog ma btsas pa'i tshe nam mkha' las rin po che char bzhin du bab cing bgo ba dang bza' ba ldan gyis grub nas cis kyang mi
248b5 brel bar gyur/ sangs rgyas kyis kun dga' bo la bka' stsal pa/ sngon 'das pa'i dus na sangs rgyas gser thub ces bya ba 'jig rten du gshegs te/
248b6 'jig rten na sems can gyi don mdzad pa ni/ brjod kyis mi lang ngo / /de'i tshe na dge slong mang po grong rgyu zhing gshegs pa las de'i tshe grong khyer na gnas pa'i khyim
248b7 bdag mang pos dge 'dun spyan drangs te mchod pa rnam pa sna tshogs byas so/ /de'i tshe na mi dbul po zhig dad pas rjes su yi rang ba'i sems skyes kyang longs
249a1 spyod dang mchod pa'i yo byad ci yang med pas/ rde'u dkar ru las byas pa'i nor bu spar gang gis dge 'dun la gtor nas smon
249a2 lam chen po btab bo/ /bcom ldan 'das kyis kun dga' bo la bka' stsal pa/ de'i tshe de'i dus na mi dbul po nor bu spar gang gis dge 'dun la gtor ba
249a3 de ni| dge slong lha'i rin chen 'di yin no/ /'das pa'i dus na bsam pa dag pa'i dad pas rde'u dkar ru'i nor bu spar gang gis dge 'dun la gtor ba tsam
249a4 gyis bskal pa dgu bcu rtsa gcig gi par du bsod nams tshad med pas nor bu rin po che mang ba dang / bgo ba dang / bza' ba lhun gyis grub cing longs spyod
249a5 cis kyang mi brel bar gyur to/ /de'i tshe na bsam pa dag pa'i dad pa tsam gyis nga 'jig rten du gshegs pa dang phrad nas 'bras bu'i bar du thob par gyur
249a6 to| |de'i tshe na 'khor mang po rnams sangs rgyas kyis gsungs pa thos nas bsam pa dag pa'i dad pa skyes te/ la la ni/ 'bras bu dang po nas 'bras bu bzhi pa'i
249a7 bar du thob par gyur/ la la ni/ phyir mi ldog pa'i sa la gnas pa'i sems bskyed par gyur to/ /'khor mang po de dag thams cad bcom ldan 'das kyis
249b1 gsungs pa la rjes su yi rang nas mngon par dga'o/ /lha'i rin chen gyi le'u ste bcu pa'o// //bzod pa'i le'u/ 'di skad bdag gis thos pa
249b2 dus gcig na/ bcom ldan 'das rgyal po'i khab kyi 'od ma'i tshal bya ka lan+da ka gnas pa na bzhugs so/ /de'i tshe bcom ldan 'das mngon par rdzogs par sangs
249b3 rgyas nas ring po ma lon pa zhig na thog mar kauN+Di n+ya la sogs te dge slong lnga rab tu byung ngo / /de'i 'og tu chu bo 'od srung spun la sogs pa dge slong stong rab tu byung
249b4 ngo / /de nas de ma yin pa rab tu byung zhing chos la gnas pa yang mang bar gyur nas rgyal po'i khab kyi mi rnams tshad med pa'i dga' ba skyes te/ de bzhin gshegs
249b5 pa 'jig rten du gshegs pa ni/ ngo mtshar smad de/ so so'i skye bo mang po'i don mdzad do/ /zhes bstod cing bsngags so/ /gzhan yang 'di skad du kauN+Di n+ya dang / chu
249b6 po 'od srung gi 'khor la sogs pa thog mar rab tu byung ba de dag sngon de bzhin gshegs pa dang 'phrin las gang mthun na/ nang gi thog mar chos kyi bdud rtsi myong
249b7 bar gyur ces smras so/ /dge slong de dag de skad ces smras pa thos nas de bzhin du bcom ldan 'das la rgyas par gsol pa dang / bcom ldan 'das kyis de la
250a1 'di skad ces bka' stsal to/ /sngon 'das pa'i dus na 'di dag gi phyir ngas yi dam chen po bcas te nam mngon par rdzogs par
250a2 sangs rgyas nas sngar 'di dag gi don bya bar shog cig ces dam bcas so/ /dge slong rnams kyis de skad ces thos nas bcom ldan 'das kyis sngon thugs
250a3 dam ji ltar bcas pa thugs brtse bar dgongs te rgyas par bstan du gsol/ bcom ldan 'das kyis dge slong rnams la bka' stsal pa/ khyed rtag par
250a4 nyon la shin tu yid la zungs shig dang / khyed la bstan par bya'o/ /sngon 'das pa'i bskal pa tshad med grangs med dpag tu med bsam gyis mi khyab brjod
250a5 kyis mi lang ba 'das pa'i snga rol na yul wA ra NA si zhes bya bar rgyal po rtsod byung zhes bya ba zhig byung ste/ de'i tshe yul de na drang srong bzod pa can zhes bya ba/
250a6 'khor slob ma lnga brgya dang ri'i nags na gnas shing bzod pa sgom mo/ /de'i tshe na rgyal po de btsun mo dang / pho brang gi slas dang / blon por bcas te ril rol du
250a7 gshegs pa las gnas shig tu mnyes te gzims pa dang / pho brang slas rnams sngon du dong nas gnas dang / me tog rnams blta zhing song song ba las/
250b1 drang srong bzod pa can lus drang por bzhag ste shin tu sems shing 'dug par mthong nas de la dad pa'i sems skyes te me tog sna tshogs kyis gtor to/ /btsun mo
250b2 de dag de'i mdun du 'khod de chos kyang nyan to/ /rgyal po gzims pa las sad nas btsun mo rnams mi snang ba dang / blon po bzhi dang btsun mo btsal ba las
250b3 btsun mo rnams drang srong gi mdun na 'khod pa mthong nas drang srong de la 'di skad ces smras so/ /khyod skye mched mtha' yas kyi ting nge 'dzin bzhi thob bam/ smras
250b4 pa| ma thob bo/ /smras pa/ 'o na khyod tshad med pa bzhi thob bam/ ma thob bo/ /smras pa/ 'o na khyod bsam gtan bzhi thob bam/ de yang ma thob bo/ /zhes smras pa
250b5 dang / rgyal po de khros te yon tan 'di dag khyod kyis gang yang ma thob na/ khyod ni/ ma rabs tha mal pa yin te/ bud med rnams dang dben pa skyabs yod
250b6 pa'i gnas na 'dug pa ji ltar yid ches su rung / rtag tu 'di na gnas pa 'di khyod su zhig /las ci zhig byed ces smras pa dang / drang srong gis rgyal po de
250b7 la bdag ni/ 'di na bzod pa sgom mo/ /zhes smras so/ /de nas rgyal pos ral gri phyung ste khyod bzod pa sgom zhe na/ bzod dam mi bzod sad do/ /zhes drang srong gi
251a1 lag pa gnyis bcad de/ khyod su yin zhes dris na/ bdag ni/ bzod pa can no/ /zhes smras so/ /de nas rkang ba bcad na/ 'on
251a2 kyang bzod pa can no/ /zhes smras so/ /de'i tshe na gnam sa rnam pa drug tu g.yos nas nye gnas lnga brgya tsam yang nam mkha' la 'phur te der lhags nas slob
251a3 dpon de la de lta bu'i sdug bsngal nyams su myong na/ bzod pa'i sems nyams par ma gyur tam zhes smras so/ /drang srong gis smras pa/ bdag gi sems
251a4 ma gyur ma nyams so/ /zhes smras pa dang / rgyal po yang sdangs skrag nas drang srong la smras pa/ khyod bzod pa can yin par cis yid ches par 'gyur/ drang srong
251a5 gis smras pa/ bdag gis smras pa'i tshig rdzun pa ma yin te bden na/ bden pa des khrag 'o mar gyur cing yan lag bcad pa yang sos te snga ma kho na
251a6 bzhin du gyur cig ces smras ma thag tu khrag 'o mar gyur nas yan lag kyang sos te snga ma kho na bzhin du gyur to/ /rgyal pos de ltar bzod pa dang ldan par
251a7 mthong nas lhag par 'jigs skrag ste/ bdag ci'i slad du drang srong chen po la gnod pa bgyis/ bdag la thugs brtse bar dgongs te 'gyod tshangs bya bar
251b1 gnod zhig ces gsol to/ /drang srong gis smras pa/ khyod ni/ bud med kyi phyir mtshon thogs nas bdag gi yan lag bcad mod kyi/ bdag gi bzod pa ni/ sa
251b2 dang 'dra bas phyis mngon par sangs rgyas pa na shes rab kyi ral gris khyod kyi dug gsum chod par shog cig ces smras so/ /de'i tshe na ri de'i lha dang klu rnams
251b3 kyis drang srong de la rgyal po de 'tshe zhing gnod pa byas pa mthong nas so so nas khros te sprin bsdus nas 'brug dang / ser ba dang / gnam lcags phab ste rgyal
251b4 po 'khor dang bcas pa gsad par byas pa las/ drang srong gis khyed nga'i phyir 'di lta bu'i gnod pa dang 'tshe ba ma byed cig ces bsgo'o/ /rgyal po des der
251b5 'gyod tshangs byas nas drang srong de rtag tu pho brang du spyan drangs te mchod pa byas so/ /de'i tshe na slob dpon gzhan la zhugs pa kun tu rgyu stong tsam zhig drang
251b6 srong bzod pa can la rgyal po de dad cing mos pa mthong nas phrag dog skyes te bden pa mi snang ba'i gnas nas sa rdul dang / rtsog cing sme ba'i bag gis drang
251b7 srong de la gtor to/ /de'i tshe na kun tu rgyu nga la sas gtor ba brgya phrag bcu po de ni/ da ltar gyi chu bo 'od srung la sogs pa'i dge slong brgya phrag bcu yin te/ de'i tshe
252a1 na yi dam bcas nas bdag bzod pa bsgoms pa rgyun mi 'chad pa 'dis nam mngon par sangs rgyas pa na bdud rtsi'i chus khyod kyi
252a2 rdul dang dri ma bkrus te 'dod pa'i rtsog pa yongs su dag par shog cig ces dam bcas so/ /dge slong dag /de'i tshe na drang srong bzod pa can de shes par
252a3 'dod na gzhan du ma sems shig /de ni/ da ltar nga yin no/ /rgyal po rtsod byung dang / blon po bzhi ni/ kauN+Di n+ya la sogs dge slong lnga sde yin no/ /de'i tshe
252a4 bzod pa bsgoms pa na 'di dag gi don sngar bya'o/ /zhes dam bcas pas mngon par sangs rgyas nas sngar 'di dag sdug bsngal las yongs su grol
252a5 bar mdzad do/ /dge slong rnams sangs rgyas kyis gsungs pa la rjes su yi rang nas mngon par dga'o/ /bzod pa'i le'u ste bcu gcig pa'o// //bam po gsum pa/ rgyal po byams pa'i stobs kyis sbyin pa'i le'u/ 'di skad bdag gis thos pa dus gcig na/ bcom ldan 'das mnyan yod na rgyal
252a6 bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe kun dga' bo bsod snyoms kyi bya ba byas nas tshal zhig gi nang na
252b1 bsam gtan du 'dug ste 'di snyam du rtog pa skyes so/ /sangs rgyas bcom ldan 'das 'jig rten du gshegs pa ngo mtshar che ste/ sems can mang po yang rab tu
252b2 bde ba la bkod/ kauN+Di n+ya la sogs pa'i dge slong lnga sdes dge ba'i rtsa ba ci bsags na/ chos kyi sgo rnam par phye ma thag tu 'jug par gyur/ chos kyi rnga brdungs
252b3 ma thag tu thog mar thos par gyur/ chos kyi bdud rtsis thog mar ngoms par gyur snyam du rtog pa skyes nas 'dug pa las langs te sangs rgyas gang na ba der
252b4 song nas phyin pa dang / ji ltar bsam pa bzhin du bcom ldan 'das la gsol to/ /bcom ldan 'das kyis bka' stsal pa/ dge slong kauN+Di n+ya la sogs pa ni/
252b5 sngon 'das pa'i dus na yang ngas sha dang khrag gis bkres skom pa las chog par byin te bde bar byas pas de bas na/ mngon par sangs rgyas nas kyang sngar
252b6 rnam par grol ba la bkod de/ rgyu dang rkyen med pa ma yin no/ /tshe dang ldan pa kun dga' bos bcom ldan 'das la gsol pa/ sngon 'das pa'i dus na ji
252b7 lta bur bkres skom pa las bde bar mdzad pa bstan du gsol/ 'khor mang po 'di dag gis thos nas rtogs par 'gyur ro/ /bcom ldan 'das kyis bka'
253a1 stsal pa/ sngon 'das pa'i dus na bskal pa grangs med pa'i pha rol na dzam+bu'i gling 'dir rgyal po byams pa'i stobs zhes bya
253a2 ba dzam+bu'i gling gi rgyal phran brgyad khri bzhi stong rnyed la dbang byed pa zhig byung ngo / /rgyal po de la btsun mo ni/ stong phrag nyi shu yod do/ /blon po ni/ stong phrag
253a3 bcu yod do/ /rgyal po de byams pa dang snying rjer ldan te tshad med pa bzhi spyod cing 'gro ba thams cad la snying brtse bas dge ba bcus srid 'dzin te/ thams cad
253a4 kyis bkur ba/ yul na dgra med cing lo legs pa/ 'byor pa/ bde ba/ skyid pa dang ldan pa ste/ rims gtong ba'i yi dwags dag mi'i khrag dang mdangs 'phrog
253a5 cing zab las/ de'i tshe na yul mi thams cad lus dang ngag dang yid srung ste dge ba bcu la gnas pas yi dwags ma rungs pa dag bza' ba ma rnyed nas kun
253a6 ltogs te mthu med par gyur to/ /de'i tshe gnod sbyin lnga zhig rgyal po'i drung du 'ongs nas 'di skad ces smras so/ /bdag cag gi zas ni/ mi'i mdangs dang
253a7 khrag la ltos te lus dang srog 'tsho ba las/ rgyal pos bkar btags te thams cad dge ba bcu la gnas pas bdag cag zas dang skom ma rnyed de/ nyam
253b1 thag nas srog la bab bo/ /rgyal po chen po/ bdag cag la yang thugs mi brtse'am zhes gsol nas rgyal pos kyang de dag la snying brtse ba'i phyir lus kyi yan lag
253b2 lnga las rtsa lnga bcad nas gnod sbyin rnams so so nas snod bzed de khrag las ngoms par 'thung du bcug go /de dag khrag gis ngoms nas shin tu dga' bar gyur
253b3 to| |de dag khrag gis ngoms nas dge ba bcu la ci nus su spyod cig ces bskul to/ /da ltar nga'i lus las khrag phyung ste khyod ngoms shing bde bar byas pa ltar
253b4 phyis mngon par sangs rgyas pa na chos kyi sku'i tshul khrims dang / ting nge 'dzin dang / shes rab kyis khyed kyi dug gsum bsal te 'dod pas gdungs pa las
253b5 shin tu bde ba'i mya ngan las 'das pa la 'god par shog cig ces smras so/ /kun dga' bo/ de'i tshe de'i dus na rgyal po byams pa'i stobs de ni/ de ltar nga yin
253b6 no| |gnod sbyin lnga po de ni/ kauN+Di n+ya la sogs pa dge slong lnga yin no/ /ngas gang nas gang du skyes par de dag thog mar bsgal bar smon lam btab bo/ /de bas
253b7 na ngas thog mar chos bstan ma thag tu rnam par grol bar gyur to/ /tshe dang ldan pa kun dga' bo dang / 'khor mang po rnams sangs rgyas kyis gsungs pa la yi rang
254a1 nas mngon par dga'o/ /rgyal po byams po'i stobs kyis sbyin pa'i le'u ste bcu gnyis pa'o// //ston pa drug
254a2 btul ba'i le'u/ 'di skad bdag gis thos pa dus gcig na/ bcom ldan 'das rgyal po'i khab bya kan+da ka gnas pa 'od ma'i tshal na dge slong gi dge 'dun
254a3 chen po brgya phrag phyed dang bcu gsum dang thabs cig tu bzhugs so/ /de'i tshe na rgyal po gzugs can snying po 'bras bu dang po thob pas dad pa dang / bsnyen
254a4 bkur bya ba'i sems sngon pas kyang lhag par gyur nas bcom ldan 'das dang / dge slong gi dge 'dun la mchod pa'i yo byad rnam pa bzhi rtag tu 'bul te/ skye
254a5 bo mang pa dag kyang mthun par dge ba la spro'o/ /yul de na rdzogs byed la sogs pa ston pa drug sngar byung bas ngan par lta ba log par ston te/ 'gro ba mang po
254a6 bslus pas de la gang bslad par mthong ba dag ni/ ngan par lta ba dag la yid ches pas sdig pa can gyi phyogs mang zhing rgyas par gyur to/ /rgyal po de'i gcung
254a7 zhig kyang ston pa drug la yid ches pas ngan par lta ba lo zhen te thar ba'i lam yin par bzung nas longs spyod ci bdog pa gtugs nas de la 'bul te/ sangs
254b1 rgyas bcom ldan 'das nyi ma shar ba lta bu/ shes rab kyis kun tu lham mer mdzad kyang ngan par lta bas glags pas de la mos pa'i sems med do/ /rgyal po
254b2 gzugs can snying po de/ de la lhag par sdug par 'dzin pas thabs kyis sangs rgyas la bsnyen bkur bya bar bskul na yang ngan par lta ba la zhen pas bsgo ba
254b3 bzhin du ma byas so/ /sangs rgyas la mchod pa gyis shig ces yang dang yang bskul na/ bdag la yang ston pa yod de/ go'u ta ma la bsnyen bkur mi byed do/ /
254b4 'on kyang rgyal po'i bka' tshul gyis bcag par rigs pa ma yin pas mchod ston chen po bshams nas ma bos par gang rang 'ongs pa la bsod snyoms sbyin no/ /
254b5 zhes byas nas mchod pa'i yo byad bshams te stan bting nas ston pa drug ni/ 'bod pa btang ste/ de ma thag tu lhags nas gral gyi thog ma la 'dug go /sangs
254b6 rgyas dang dge 'dun rnams rang ma byon pas rgyal po gang na ba der song nas 'di skad ces gsol to/ /dge sbyong go'u ta ma spyan drongs shig ces yang dang yang
254b7 du bka' stsal te/ bdag gis mchod pa bshams te gdugs tshod la bab na/ ci'i slad du mi gshegs/ rgyal pos bka' stsal pa/ khyod nyid spyan 'dren du
255a1 'gro mi nus na yang mi zhig gdugs tshod la bab bo/ /zhes spyan 'dren par thong zhig /rgyal po'i gcung gis kyang spyan 'dren du btang
255a2 ba las bcom ldan 'das 'phags pa'i dge 'dun dang bcas te gshegs nas gral rim bzhin du bzhugs so/ /bcom ldan 'das kyi byin gyis ston pa
255a3 drug gral gyi ltag na 'dug pa yang gral gyi tha mar song ngo / /ston pa drug ngo tsha zhing skyengs nas langs te gral gyi ltag tu 'dug na yang ma tshor bar gral gyi
255a4 mjug tu song ste/ de bzhin du lan gsum gyi bar du gral gyi gong du song yang da dung gral gyi 'og na 'dug par gyur nas mthu med par gyur te skyengs bzhin du
255a5 gral gyi tha mar 'dug go /yon bdag gis gnas brtan la chu brims nas bcom ldan 'das kyis sngar khyod kyi ston pa la brims shig ces bka' stsal pa
255a6 dang / yon bdag gis chu snod thogs te ston pa drug la chu brims na/ chu snod kyi kha 'gags te chu 'byung du ma btub pas/ phyir yang sangs rgyas nas mthar
255a7 gyis gsol na/ chu yang byung ste lag pa bkrus so/ /lag pa bkrus nas sbyin bdag gis bsod snyoms thogs te smon lam gdab par gsol na/ bcom
255b1 ldan 'das kyis sbyin bdag la 'di skad ces bka' stsal pa/ thog ma yang nged kyi phyir ma yin pas/ da yang khyod nyid kyi ston pa la smon lam gdab par gsol
255b2 cig ces bka' stsal nas sbyin bdag de ston pa drug gi mdun du song ste smon lam gdab par gsol na/ ston pa drug kha 'thams nas smra ma nus te/ sangs rgyas
255b3 la gsol cig ces lag brda byas so/ /de nas bcom ldan 'das kyis kyang tshangs pa'i dbyangs lta bu'i gsung gis smon lam btab bo/ /smon lam btab nas
255b4 sbyin bdag gis bsod snyoms gnas brtan la brims pa las/ bcom ldan 'das kyis sngar khyod nyid kyi ston pa nas brims shig ces bka' stsal pa dang / 'brim
255b5 pa rnams kyis ston pa drug la brims zhes byas na/ zhal zas rnams steng gi nam mkha' la 'phags te brims su med par gyur to/ /de nas sangs rgyas logs su
255b6 'brim du chas pa dang zhal zas kyang so so'i lag tu 'ongs so/ /mthar gyis brims te sangs rgyas dad dge 'dun bsod snyoms kyi bya ba byas nas kha lag bkrus
255b7 te phyir yang gdan la bzhugs nas chos bstan par gsol to/ /de la yang bcom ldan 'das kyis khyod nyid kyi ston pa drug la ston par gsol cig ces bka'
256a1 stsal to| |ston pa drug kyang kha 'thams nas sangs rgyas la gsol cig ces lag brda byas so/ /de nas bcom ldan 'das kyis
256a2 shin tu gnyen zhing 'jam pa'i gsung phyung ste 'khor mang po la chos kyi mtshan nyid rnam par phye ste bstan pas/ 'khor mang po'i yid tshim par gyur te sangs
256a3 rgyas kyis gsungs pa thos nas thams cad kyis rtogs shing khong du chud de/ gzugs can snying po'i gcung ni/ chos la chos kyi mig rnam par dag par gyur
256a4 to| |'khor gzhan dag ni/ 'bras bu dang po nas 'bras bu gsum pa'i bar du thob nas rab tu byung ste zag pa zad do/ /la la ni/ bla na med pa'i byang chub tu sems
256a5 bskyed de/ phyir mi ldog pa'i sa la gnas par gyur nas ji ltar smon pa bzhin du yongs su rdzogs pas/ so so nas yang dag par gang yin pa shes shing rtogs
256a6 te| dkon mchog gsum la dad cing mos kyi/ ston pa drug mi 'dod de/ de la bsnyen bkur mi byed par gyur to/ /de nas ston pa drug po shin tu sems
256a7 'khrugs nas khros te dben pa'i sa phyogs su dong nas rtog pa la zhugs so/ /de nas bdud sdig to can 'di snyam du sems par gyur te/ bdag gis yun ring
256b1 zhig na dge slong go'u ta ma la bgegs byas na skabs ma rnyed kyi/ da ni/ bdag gis ci nas kyang bgegs bya'o snyam du bsam nas bdud sdig can gyis rdzogs byed lta
256b2 bur bdag mngon par sprul nas phyugs lhas kyi bu mo ska ri dang / rnam par smra ba'i bu kun nas rgyal ba dang / skra'i lwa ba can mi pham pa dang / ka t+yA ya na nog can
256b3 dang / gnyen gyi bu gcer bu pa gang na ba der song ste phyin pa dang / de dag gi mdun du me 'bar ba dang / chu 'bab pa dang / glog 'byung bar cho 'phrul ston pa la zhugs
256b4 pa dang / de dag gis rdzogs byed kyi yon tan rnam pa mang po 'di lta bu thob bam/ smras pa/ thob bo/ /de rnams kyis so so nas 'di snyam du bsam mo/ /bdag gcig
256b5 bu ma gtogs par 'di dag thams cad ni/ rdzu 'phrul che ba mthu che bar so sor ston to snyam bsam mo/ /de nas dus phyi zhig na rdzogs byed la sogs pa ston pa drug
256b6 'dun khang du 'dus shing lhags nas gtam 'di lta bu dag skabs su smra ste/ bdag cag rnams la sngon ni/ rgyal po dang / blon po dang / bram ze dang / khyim bdag
256b7 phyug po dang / tshong dpon dang / ded dpon dag gis rim gror byas/ bkur stir byas/ mchod par byas shing bdag cag gis gos dang / zas dang / mal stan dang /
257a1 nang kyi rkyen rtsi dang / yo byad rnams rnyed par gyur na/ da ni/ dge spyong shAkya'i bu 'di la rim gro dang / bkur sti byed de/ gos dang / zas dang
257a2 mal stan dang / nad kyi rkyen rtse dang / yo byad rnams kyang rnyed par ma gyur gyi/ da ni/ bdag cag rnams kyis dge sbyong go'u ta ma mi'i bla ma'i chos kyi cho 'phrul
257a3 la 'jug go /de ste dge sbyong go'u ta mas mi'i bla ma'i chos kyi cho 'phrul gcig ston pa la zhugs na/ bdag cag gis gnyis bstan no/ /dge sbyong go'u
257a4 ta mas gnyis na/ bdag cag gis bzhi'o/ /dge sbyong go'u ta mas bzhi na/ bdag cag gis brgyad do/ /dge sbyong go'u ta mas brgyad na/ bdag cag
257a5 gis bcu drug go /dge sbyong go'u ta mas bcu drug na/ bdag cag gis sum cu rtsa gnyis su'o/ /dge sbyong go'u ta mas ji snyed du mi'i bla ma'i chos kyi cho 'phrul
257a6 bstan pa la bdag cag gis nyis 'gyur sum 'gyur lta bur mi'i bla ma'i chos kyi cho 'phrul bstan par bya'o/ /de nas rdzogs byed la sogs pa ston pa drug
257a7 rgyal po gzugs can snying po ga la ba der song ste drung du phyin pa dang / rgyal po gzugs can snying po la rgyal ba dang / tshe ring bar shog cig ces brjod nas
257b1 'di skad ces smras so/ /lha/ bdag cag rnams ni/ cho 'phrul dang ldan zhing shes par smra ba lags na/ dge sbyong go'u ta ma yang bdag nyid cho 'phrul dang ldan par
257b2 shes par smra'o/ /zhes mchi na/ shes par smra ba ni/ shes par smra ba dang lhan cig mi'i bla ma'i chos kyi cho 'phrul 'gran du gzhug pa'i rigs kyi/ bdag cag sprod
257b3 cig ces smras pa dang / rgyal po gzugs can snying pos bgad de 'di skad ces smras so/ /khyed rnams re glen/ sangs rgyas ni/ yon tan che ba/ rdzu 'phrul che ba/ cho
257b4 'phrul thogs pa med pa yin na/ khyed 'dra ba ni/ srin bu me khyer nyi ma la 'gran pa'am/ ba rmig gi chu rgya mtsho dang bsgrun pa'am/ wa sngar ma seng+ge dang 'gran pa'am/
257b5 byi brun ri rab lhun po la 'phang mtho ba 'gran pa dang 'dra ste/ che chung khyad zhugs par mngon pas ngan par lta ba khyed ha cang yang glen ches so/ /ston pa drug gis
257b6 yang smras pa/ sngon rtags phyis 'byung ba rgyal pos ma gzigs te/ bdag cag gis cho 'phrul chen po 'gran na mngon te/ bsgrun pa'i 'og tu gang rgyal ba mngon
257b7 no| |rgyal pos smras pa/ 'gran 'dod na lta 'gran la rag ste/ khyed skyengs kyis dogs so/ /khyed cho 'phrul 'gran par gyur na/ ded kyis kyang khyed kyi cho 'phrul
258a1 mthong bar gyis shig /ston pa drug gis smras pa/ da ste zhag bdun na chos 'phrul 'gran gyi/ gar 'gran pa'i sa phyogs
258a2 byi dor mdzod cig ces smras so/ /ston pa drug gis de skad ces smras nas phyir dong ba'i 'og tu rgyal po gzugs can snying po sangs rgyas gang na ba der
258a3 song nas phyin pa dang 'di skad ces gsol to/ /ston pa drug gis ni/ bcom ldan 'das la cho 'phrul 'gran no/ /zhes mchi ste/ bdag gis bkag na yang
258a4 ma btub kyi/ bcom ldan 'das kyis cho 'phrul gyi mthu bstan te ngan par lta ba las bzlog nas dge ba la dgod du gsol/ cho 'phrul bston pa yang bdag
258a5 cag gis mthong bar mdzad du gsol/ bcom ldan 'das kyis rgyal po gzugs can snying po la 'di skad ces bka' stsal to/ /nga bdag dus mkhyen gyi/ gang du/
258a6 'gran pa'i gnas yangs pa zhig tu byi dor gyis shig ces bka' stsal nas rgyal po gzugs can snying pos blon po la bka' stsal te gnas yangs pa bde
258a7 ba zhig tu phyag dar byas nas seng+ge'i khri bshams/ rgyal mtshan dang ba dang btsugs te shin tu mdzes par brgyan to/ /de ltar cho 'phrul 'gran par byas pa'i
258b1 dus su de'i nyin par thams cad mthong du re'o/ /de'i tshe na de bzhin gshegs pa dge 'dun dang bcas pa rgyal po'i khab nas gshegs te/ yangs pa can du bzhud
258b2 do| |yangs pa can na li tsa bI dang / mi mang pos de bzhin gshegs pa bsu'o/ /rgyal po'i khab kyi mi rnams kyis bcom ldan 'das yangs pa can du gshegs pa
258b3 yang gdod shes shing rtogs nas ston pa drug kyang 'di skad du/ dge sbyong go'u ta ma'i cho 'phrul gyis bdag cag la ni/ mi thub bo/ /zhes byas na/ khyod yid mi
258b4 ches te| cho 'phrul 'gran pa'i dus byas pa las byol nas yangs pa can du bros so/ /zhes bsgrags te/ ston pa drug nga rgyal lhag par skyes nas so so nas spro ba bskyed
258b5 de de snyegs su dong ngo / /de'i tshe na rgyal po gzugs can snying po yang theg pa lnga brgya bshams te rgyal po dang rgyal po'i 'khor khri phrag bcu bzhi snyed kyang 'tsho ba'i rgyags
258b6 kyang khyer nas bcom ldan 'das kyi rjes su yul yangs pa can du dong ngo / /ston pa drug kyang yul yangs pa can du phyin nas li tsa bI rnams la 'di skad ces smras
258b7 so| |bdag cag dge sbyong go'u ta ma dang cho 'phrul 'gran par gnang na/ da ste zhag bdun na cho 'phrul 'gran par bgyi'o/ /de nas li tsa bI rnams bcom ldan 'das
259a1 gang na ba der dong ste 'di skad ces gsol to/ /glen pa chen po ston pa drug ni/ yon tan dang ldan snyam ste de bzhin gshegs pa dang
259a2 cho 'phrul 'gran no/ /zhes mchi na/ bcom ldan 'das kyis tshar gcad du gsol/ bcom ldan 'das kyis bka' stsal pa/ nga nyid dus mkhyen to/ /de
259a3 nas li tsa bI rnams yul mi rnams ngang yo byad rgyal po gzugs can snying po bzhin du sbyar te/ sang lta bur 'gran pa las de ring lta bur bcom ldan 'das
259a4 dge 'dun dang bcas te yul ko'u sham+b+hir gshegs so/ /ko'u sham+b+hi'i rgyal po u tra ya na zhes bya bas kyang blon po dang bcas te de bzhin gshegs pa bsu'o/ /
259a5 yangs pa can gyi mi rnams sang lta bur de bzhin gshegs pa phyag 'tshal du 'dong ba las ko'u sham+b+hir gshegs so/ /zhes thos pa dang / ston pa drug pos
259a6 kyang bcom ldan 'das gshegs so/ /zhes thos nas sngar bas kyang lhag par nga rgyal skyes te/ yang bcom ldan 'das gar gshegs par dong ngo / /de'i tshe
259a7 li tsa bI rnams kyang theg pa lnga brgya bshams nas 'khor khri phrag bdun dang / gzugs can snying po'i 'khor dang bcas te ko'u sham+b+hir sangs rgyas dang / ston pa
259b1 drug cho 'phrul 'gran pa la bltar dong ngo / /ston pa drug po ko'u sham+b+hir phyin nas rgyal po u tra ya na la gtam snga ma byas te dge sbyong go'u ta ma 'dri sdod du ma btub nas
259b2 bdag cag la byol gyi/ rgyal pos bdag cag dang cho 'phrul 'gran pa'i dus thob cig ces gsol pa dang / u tra ya nas sangs rgyas la 'di skad ces gsol
259b3 to| |ston pa drug ni/ bcom ldan 'das dang cho 'phrul 'gran no/ /zhes mchi na/ mkhyen tam/ bcom ldan 'das kyis bka' stsal pa/ nga nyid dus mkhyen to/ /de
259b4 nas u tra ya nas kyang rgyal po gzugs can snying po bzhin du sbyar te bshams pa dang / bcom ldan 'das yang dge slong gi dge 'dun dang bcas te yul wa ra
259b5 gyir gshegs so/ /wa ra gyi'i rgyal po shun tsi da las kyang mi mang po dang de bzhin gshegs pa bsu'o/ /ko'u sham+b+hi'i mi rnams kyis kyang de bzhin gshegs pa yul
259b6 wa ra gyir gshegs pa gzod thos te/ ston pa drug kyang phyi bzhin song ngo / /de'i tshe rgyal po u tra ya na 'khor stong phrag brgyang khri dang / rgyal po gzugs can snying
259b7 po la sogs pa thams cad 'grogs te yul war gyir gshegs so/ /de bas ston pa drug pos rgyal po shun tsi da la la bdag cag dge sbyong go'u ta ma la cho 'phrul
260a1 'gran par gyis shig ces gsol ba dang / rgyal po des kyang de bzhin du gsol nas bcom ldan 'das kyis nga nyid dus mkhyen to//
260a2 zhes bka' stsal to/ /rgyal po des kyang yo byad sbyar te bshams pa dang / bcom ldan 'das dge slong gi dge 'dun dang bcas te yul ti ki tsa shi rir
260a3 gshegs nas yul ti ki tsa shi ri'i rgyal po in+d+ra ba mi zhes bya bas 'khor mang po dad de bzhin gshegs pa bsu'o/ /de'i tshe rgyal po shun tsi da la 'khor khri phrag
260a4 lnga dang / rgyal po gzugs can snying po la sogs pa thams cad dang 'grogs te yul ti ki tsa shi rir dong ngo / /ston pa drug po yang yul der phyin nas rgyal
260a5 po in+d+ra ba mi la skad chen por dge sbyong go'u ta ma dang bdag cag cho 'phrul 'gran par gyis shig ces zlog ma thub bo/ /de'i tshe in+d+ra ba mis bcom ldan 'das
260a6 gang na ba der song nas de bzhin du gsol pa dang / bcom ldan 'das kyis nga nyid dus mkhyen no/ /zhes bka' stsal to/ /de nas rgyal po des yo byad bshams
260a7 te dus la bab pa dang / bcom ldan 'das dge slong gi dge 'dun dang bcas te yul wA ra NA sir gshegs so/ /yul de'i rgyal po tshangs sbyin zhes bya bas
260b1 kyang 'khor mang po dang bcas te de bzhin gshegs pa bsu'o/ /ti ki tsa shi ri'i mi dag de bzhin gshegs pa bzhud par gdod shes nas ston pa drug kyang de'i rjes su dong
260b2 ngo / /rgyal po in+d+ra ba mis kyang 'khor khri phrag drug dang bcas te/ rgyal po gzugs can snying po la sogs pa rgyal po thams cad dang 'grogs te gnas der song ngo /
260b3 ston pa drug kyang der phyin te de bzhin du rgyal po de la gsol nas rgyal po des kyang de bzhin du gsol pa dang / nga nyid dus mkhyen to/ /zhes bka' stsal to/ /de nas
260b4 rgyal po des kyang yo byad sbyar te bshams pa las/ bcom ldan 'das dge slong gi dge 'dun dang bcas te yul ser skyar gshegs so/ /yul ser skya'i
260b5 shA kya'i rigs rnams gcig gis gcig sbran nas thams cad 'dus te de bzhin gshegs pa bsu'o/ /yul wA ra NA si'i mi rnams kyis kyang de bzhin gshegs
260b6 pa bzhud par gzod rtogs nas ston pa drug po yang de'i rjes su dong ngo / /rgyal po tshangs sbyin 'khor khri phrag brgyad cu dang / gzugs can snying po la sogs te/
260b7 rgyal po drug car yang 'khor dang bcas te bcom ldan 'das gang du gshegs pa'i rjes su dong ngo / /ston pa drug kyang der phyin pa dang / shA kya'i rigs rnams la
261a1 dge sbyong go'u ta ma dang cho 'phrul 'gran par byas pa las/ nged kyi mthu che bas byol lo/ /zhes yengs ma gtam byas so/ /de nas
261a2 shAkya'i rigs rnams kyis de bzhin du bcom ldan 'das la gsol pa dang / bcom ldan 'das kyis nga nyid dus mkhyen to/ /zhes bka' stsal to/ /de nas shAkya'i
261a3 rigs rnams kyis kyang yo byad sbyar cing bshams pa dang / bcom ldan 'das dge slong gi dge 'dun dang bcas pa mnyan du yod par gshegs so/ /de'i
261a4 tshe mnyan du yod pa'i rgyal po gsal rgyal 'khor dang bcas te de bzhin gshegs pa bsu'o/ /shA kya'i rigs rnams kyang de bzhin gshegs pa bzhud par
261a5 gzod rtogs te/ ston pa drug pos kyang rjes su snyegs so/ /shAkya'i rigs rnams kyang 'khor khri phrag dgu dang / rgyal po gzugs can snying po la sogs
261a6 te| rgyal po rnams dang / 'khor rnams kyis mnyan du yod pa'i ljongs yongs su gang ngo / /ston pa drug po yang der phyin nas rgyal po gsal rgyal la
261a7 'di skad du/ dge sbyong go'u ta ma dang / bdag cag cho 'phrul 'gran par dus byas pa las/ dus la bab pa dang byol zhing bros te/ da ni/ 'khor mang po
261b1 yang rgyal po'i yul du tshogs kyi/ rgyal po chen pos bdag cag 'gran du chug cig ces gsol pa dang / rgyal po gsal rgyal gyis bgad de 'di skad du /
261b2 bcom ldan 'das kyi yon tan ngo mtshar che ba ni/ bsam gyis mi khyab na/ ci'i phyir khyod lta bu ma rabs ci yang mi shes pa/ chos kyi rgyal po chen po dang cho 'phrul
261b3 'gran par byed ces bsgo'o/ /'on kyang ston pa drug po dag drod mi thub ste nga rgyal snyems pas rgyal po gsal rgyal bcom ldan 'das gang na ba der song nas 'di
261b4 skad ces gsol to/ /ston pa drug po dag cho 'phrul 'gran par yang dang yang du bskul gyi/ bcom ldan 'das kyis tshar bcad de cho 'phrul gyi bye brag dbye bar gsol/
261b5 bcom ldan 'das kyis nga nyid dus mkhyen to/ /zhes bka' stsal pa dang / rgyal po gsal rgyal gyis blon po rnams la bka' stsal te cho 'phrul 'gran pa'i gnas
261b6 bsnyams shing phyag dar byas/ me tog dang spos mang du bshams te seng+ge'i khri btsugs nas ba dan dang / rgyal mtshan la sogs pas brgyan te 'khor mang po bsdus
261b7 so| /de'i tshe dpyid zla ra ba tshes gcig gi nyin par bcom ldan 'das cho 'phrul 'gran pa'i gnas su gshegs pa dang / rgyal po gsal rgyal gyis mchod pa'i
262a1 yo byad dang zhal zas bshams te bcom ldan 'das la phyag dar te phul lo/ /bcom ldan 'das kyis tshems shing gsol nas
262a2 tshems shing sa la btsugs so/ /sa la btsugs ma thag tu skyes nas yal ga dang lo ma rgyas pa/ mtho khyad dpag tshad lnga brgya par gyur te yal ga dang lo ma kho ra
262a3 khor yug tu dpag tshad lnga brgya khebs so/ /de ma thag tu me tog shing rta'i 'phang lo tsam skyes nas 'bras bu bre lnga shong ba'i bum pa tsam du gyur te rtsa ba dang / yal
262a4 ga dang / 'dab ma la sogs pa thams cad rin po che sna bdun du gyur nas kha dog rnam pa sna tshogs su 'tsher zhing 'bar te/ nyi zla'i 'od kyang zil kyis gnon to/ /
262a5 gang gis 'bras bu de zos na bdud rtsi'i ro bas kyang lhag ste/ dri bsung gis kun tu ngad pas dris phog pa thams cad kyang bde zhing tshim par gyur to/ /rlung bsung
262a6 can gyis yal ga dang lo ma la reg na/ shin tu yid du 'ong ba'i chos kyi sgra byung ngo / /mi thams cad kyis shing de la shin tu dad pa'i sems skyes te/ de nas
262a7 bcom ldan 'das kyis chos bstan pas thams cad kyi yid dang mthun te 'bras bu thob pa dang / lhar skyes pa yang rab tu mang ngo / /de'i phyi nyin rgyal po u tra
262b1 ya nas spyan drangs nas mchod pa sbyar ro/ /de'i tshe de bzhin gshegs pas sku'i g.yas g.yon du rin po che'i ri gnyis shig sprul te/ shin tu mtho ba/ mdzes pa/ rin
262b2 po che rnam pa sna tshogs kyi kha dog ltar 'tsher ba/ shing rnam pa sna tshogs ri de la skyes pa/ me tog dang 'bras bu rab tu rgyas pa/ sgra skad shin tu snyan pa 'byung ba/
262b3 ri gcig gi rtse mo la 'bras bu ro brgya dang ldan pa 'jam zhing mang rab byung ste/ mi mang po dag yid bzhin du de la tshim par za'o/ /ri gcig gi rtse mo la rtswa shin tu
262b4 'jam pa dang mngar ba skyes te/ dud 'gro'i skye gnas rnams de la yid bzhin du za zhing tshim pa sprul te/ bcom ldan 'das kyis de dag la ci rigs su chos bstan pas
262b5 sems rnam par grol te bla na med pa'i byang chub tu sems bskyed pa dang / mtho ris kyi lhar skyes pa'i grangs kyang rab tu mang ngo / /de'i phyi nyin rgyal po shun tsi da las
262b6 spyan drangs te mchod pa sbyar ro/ /bcom ldan 'das kyis zhal bsil nas zhal bsil ba'i chu slar sa la dor ba rin po che'i rdzing du gyur nas kho ra khor yug dpag
262b7 tshad nyis brgya yod pa/ rin po che sna bdun gyis rnam par spras pa/ kha dog rnam pa sna tshogs su 'tsher ba/ rdzing bu de'i chu yon tan brgyad dang ldan pa/ rdzing gi zhabs
263a1 kyang rin po che sna bdun gyi bye mas bdal ba/ pad+ma che khyad shing rta'i 'khor lo tsam rnam pa sna tshogs kyis gang ba 'di lta ste/ pad+ma sngon po
263a2 dang | ser po dang / dmar po dang / dkar po dang / le brgan dang / margad la sogs pa'o/ /pad+ma de'i dri yang kun tu ngad cing bro la/ pad+ma'i kha dog ji lta ba bzhin
263a3 du 'od zer 'tsher te de'i 'od zer gyis gnam sa kun snang bar byas te/ 'khor mang po thams cad kyang rin po che'i rdzing de la lta zhing rab tu dga' nas bstod do/ /de
263a4 nas bcom ldan 'das kyis 'khor mang po'i yo byad sbyar nas chos rnam pa sna tshogs bstan te go zhing rtogs par mdzad nas la la ni/ bla na med pa'i byang chub tu
263a5 sems bskyed do/ /la la ni/ 'bras bu thob nas mtho ris kyi lhar skyes pa dang / bsod nams kyi las bskyed pa yang dpag tu med do/ /de'i phyi nyin rgyal po in+d+ra ba
263a6 mis mchod pa'i yo byad bshams te sangs rgyas spyan drangs so/ /bcom ldan 'das kyis de'i nyin par rin po che'i rdzing bu de'i ngos bzhin yur ba chen po brgyad brgyad
263a7 yod pa la phyir yang 'khor zhing rdzing de nyid du 'bab pa dang / chu 'bab pa'i sgra las dbang po lnga dang / stobs lnga dang / byang chub kyi yan lag bdun dang / 'phags
263b1 pa'i lam yan lag brgyad dang / rnam par thar pa gsum dang / mngon par shes pa drug dang / pha rol tu phyin pa drug dang / snying rje chen po dang / byams pa chen po dang /
263b2 tshad med pa bzhi la sogs te chos rnam pa sna tshogs kyi sgra 'byung zhing chos kyi sgra de las chud cing rtogs nas sangs rgyas su 'gyur ba'i 'bras bu dang / mtho ris kyi lhar skye ba
263b3 dang / bsod nams kyi las bskyed pa yang rab tu mang ngo / /de'i phyi nyin rgyal po tshangs sbyin gyis sbyan drangs te mchod pa'i yo byad bshams so/ /de'i nyin par bcom ldan
263b4 'das kyi zhal gyi sgo nas gser gyi mdog lta bu'i 'od zer bkye nas stong chen po'i 'jig rten gyi khams kun tu snang bar byas te/ 'od des reg pa'i sems can thams
263b5 cad gdug pa gsum dang / sgrib pa lnga dang bral te lus dang sems rab tu bde ba ni/ ji ltar dge slong dag bsam gtan gsum pa thob pa dang 'dra'o/ /'khor mang po
263b6 rnams sangs rgyas kyi yon tan la mos pas bcom ldan 'das kyis chos bstan te bla na med pa'i byang chub tu sems bskyed pa dang / mtho ris kyi lhar skyes pa dang / bsod
263b7 nams kyi las bskyed pa yang grangs med do/ /de'i phyi nyin li tsa bI rnams kyis spyan drangs nas mchod pa'i yo byad sbyar ro/ /de'i nyin par bcom ldan 'das kyis 'khor mang
264a1 po de dag thams cad gcig gi bsam pa gcig gis shes par byas te/ so so'i dge ba dang / mi dge ba'i las kyang rtogs par byas nas so so nas
264a2 dga' ste sangs rgyas kyi yon tan bsngags so/ /de dag la bcom ldan 'das kyis dam pa'i chos bstan pas khong du chud cing rtogs nas sangs rgyas su smon lam 'debs
264a3 pa dang / 'bras bu thob pa dang / mtho ris kyi lhar skye bar smon pa yang grangs med do/ /de'i phyi nyin shAkya'i rigs rnams kyis sangs rgyas spyan drangs te mchod pa'i yo
264a4 byad sbyar ro/ /bcom ldan 'das kyis de'i nyin par 'khor de dag thams cad so so nas 'khor los bsgyur ba'i rgyal por bsgyur te rin po che sna bdun dang / bu stong dang
264a5 ldan par sprul nas rgyal phran dang / blon po rnams kyis bsti stang byas par mthong ste so so nas ngo mtshar rmad du byung ba'i spro ba skyes nas spro ba de la bcom ldan 'das
264a6 kyis chos rnam par phye zhing bstan pas so so'i yid tshim par gyur te bla na med pa'i byang chub tu sems bskyed pa dang / 'bras bu thob pa dang / lha dang mir skyes pa grangs med
264a7 par gyur to/ /de'i phyi nyin brgya byin gyis sangs rgyas spyan drangs te seng+ge'i khri bshams nas bcom ldan 'das de la bzhugs pa dang / brgya byin ni/ g.yon nas mchod pa
264b1 byed| tshangs pa'i rgyal po ni/ g.yas nas mchod pa byed do/ /'khor mang po rnams kyang cang mi smra bar 'khod pa las/ bcom ldan 'das kyi phyag gis seng+ge'i khri la mnan pa dang /
264b2 seng+ge'i khri las glang po che'i skad lta bu'i sgra chen po zhig byung ba dang / de ma thag tu srin po chen po lnga zhig byung nas ston pa drug gi khri drangs nas bshig go /phyag na rdo rjes ni/ rdo rje'i
264b3 rtse mo la me 'bar ba thogs te ston pa drug gi mgor gzas so/ /ston pa drug po 'jigs skrag nas byer zhing bros te skyengs nas kha cig ni/ chur mchongs te tshe 'phos so/ /ston pa
264b4 drug gi 'khor las stong phrag dgu bcu ni/ sangs rgyas la skyabs su gsol nas rab tu 'byung bar gsol pa dang / bcom ldan 'das kyis legs par 'ongs so/ /zhes bka' stsal
264b5 pas| skra dang kha spu rang byi ste dge slong du gyur to/ /bcom ldan 'das kyis de dag la ci rigs par chos bstan pas zag pa kun zad de nyon mongs pa las rnam par grol nas dgra bcom
264b6 par gyur to/ /de nas bcom ldan 'das kyis sku'i ba spu'i bu ga brgyad khri nas 'od zer bkye nas nam mkha' yongs su gang bar mdzad de/ 'od zer de dag re re'i thog ma la pad+ma chen po re re
264b7 sprul nas pad+ma de dag re re'i steng na sprul pa'i sangs rgyas 'khor dang bcas pa dam pa'i chos ston pa re re sprul te/ 'khor mang po kun gyis sprul pa de lta bu mthong bar byas pas lhag par
265a1 dad pa'i sems skyes te/ de la bcom ldan 'das kyis ci rigs par chos bstan pas de dag las kha cig ni/ bla na med pa'i byang chub tu sems bskyed/ kha
265a2 cig ni| 'bras bu thob nas lha dang mir skye ba'i bsod nams kyi tshogs bskyed pa yang grangs med do/ /de'i phyi nyin tshangs pa'i rgyal pos sangs rgyas spyan drangs te bcom ldan
265a3 'das kyi sku tshangs lha la thug gi bar du shin tu mtho ba/ lhang nge lham mer bzhugs pa sprul nas 'od zer chen pos gnam sa kun tu snang zhing gsal bar mdzad do/ /de thams cad
265a4 kyis mthong ba dang / gsung yang thos par gyur nas de la bcom ldan 'das kyis ci rigs su chos rnam pa sna tshogs phye zhing bstan pas 'khor mang po bla na med pa'i byang chub
265a5 tu sems bskyed pa nas 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do/ /de'i phyi nyin rgyal chen bzhi'i rgyal pos spyan drangs te/ de'i tshe na
265a6 bcom ldan 'das kyis 'khor mang po de dag thams cad kyis bcom ldan 'das kyi sku rgyal chen bzhi'i ris nas srid pa'i rtse mo la thug gi bar du skus yongs su gang bar mthong
265a7 bar mdzad nas sku de dag las 'od zer chen po 'byung zhing 'khor rnams la ci rigs su dam pa'i chos ston pa yang gsal bar thos shing mthong bar mdzad nas 'khor de dag
265b1 lhag par dga' ba skyes te ci rigs su chos bstan pas bla na med pa'i byang chub tu sems bskyed pa nas 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do//
265b2 de'i phyi nyin khyim bdag mgon med zas sbyin gyis sangs rgyas spyan drangs te/ bcom ldan 'das de'i nyin par byams pa'i ting nge 'dzin la zhugs nas gser gyi mdog ltar seng+ge'i khri la
265b3 bzhugs bzhin du sku mi snang bar mdzad nas 'od zer chen po bkye ste shin tu 'jam pa'i gsung gis dam pa'i chos rnam par phye zhing bstan te 'khor mang po de dag gis thos par
265b4 byas nas la la ni/ bla na med pa'i byang chub tu sems bskyed de phyir mi ldog pa'i sa la gnas/ la la ni/ 'bras bu thob/ la la ni/ lha dang mir skye ba'i bsod nams bskyed pa yang grangs
265b5 med do| |de'i phyi nyin khyim bdag tsin+das sangs rgyas spyan drangs te/ bcom ldan 'das de'i nyin par byams pa'i ting nge 'dzin la zhugs nas gser gyi kha dog lta bu'i 'od zer bkye ste
265b6 stong chen po'i 'jig rten gyi khams de kun 'od zer gyis snang bar byas nas 'od kyis reg pa'i sems can de dag thams cad gdug pa gsum gyi sems kun zhi nas snying rje'i sems
265b7 skyes te| sems can thams cad gcig la gcig pha lta bu'am/ ma lta bu'am/ bu pho lta bu'am/ nu bo lta bur mdza' zhing sdug par gyur te/ de'i 'og tu chos rnam pa sna tshogs bstan
266a1 pas bla na med pa'i byang chub tu sems bskyed de phyir mi ldog pa'i sa la gnas pa dang / 'bras bu thob pa dang / lha dang mir skye ba'i dge ba'i rtsa ba bskyed pa yang
266a2 grangs med do/ /de'i phyi nyin rgyal po shun tsi da las sangs rgyas yang spyan drangs te bcom ldan 'das de'i nyin par seng+ge'i khri la bzhugs nas sku'i lte ba nas 'od zer gnyis
266a3 shig phyung ste sku las 'dom bdun tsam du 'phags nas de'i steng na pad+ma re re yod de/ pad+ma la sprul pa'i sangs rgyas sprul te/ sprul pa'i sangs rgyas de dag gi lte ba nas kyang 'od
266a4 zer byung ste rnam pa gnyis su gyes nas 'dom bdun tsam du 'phags te pad+ma yang yod la/ pad+ma'i steng na sprul pa'i sangs rgyas kyang bzhugs te/ de bzhin du mthar gyis stong chen
266a5 bo'i 'jig rten gyi par du de dang 'dra ba sha stag sprul te 'khor mang po thams cad de lta bu dag mthong nas ngo mtshar du gyur te/ bcom ldan 'das kyis de la ci rigs par chos bstan pas
266a6 bla na med pa'i byang chub tu sems bskyed pa dang / phyir mi ldog pa'i sa la gnas pa dang / 'bras bu thob pa dang / lha dang mir skye ba yang grangs med do/ /de'i phyi nyin rgyal po u tra ya nas sangs
266a7 rgyas spyan drangs te bcom ldan 'das la rgyal po u tra ya nas me tog gis gtor ba dang / gtor ba'i me tog rnams de ma thag tu rin po che'i shing rta stong nyis brgya lnga bcus stong gsum gyi
266b1 stong chen po'i 'jig rten gyi khams kun tu snang zhing thams cad kyis mthong bar byas so/ /de la bcom ldan 'das kyis ci rigs par nad pa la sman btang ba bzhin du dam pa'i chos bstan pas/ kha cig ni/
266b2 bla na med pa'i byang chub tu sems bskyed de phyir mi ldog pa'i sa la gnas pa dang / lha dang mir skye ba yang grangs med do/ /de'i phyi nyin rgyal po gzugs can snying pos sangs
266b3 rgyas spyan drangs te/ bcom ldan 'das kyis rgyal po de la sngar 'di skad ces bka' stsal to/ /rgyal pos zhal zas kyi snod sbyor cig /gdugs tshod kyi dus la bab pa na snod kun
266b4 zhal zas ro brgya dang ldan pa/ rnam pa sna tshogs rang gang ste 'khor mang po thams cad la chog par gyur te/ de dag zos nas lus dang sems rab tu bde bar gyur to/ /de
266b5 nas bcom ldan 'das kyis phyag sa la brdabs pa dang / sems can dmyal ba bco brgyad dag na sems can tshad med pa snyed sdug bsngal myong ba dang / de dag so so
266b6 nas 'di skad ces smras so/ /bdag cag gis sngon sdig pa 'di lta bu zhig byas pas sdug bsngal 'di lta bu myong bar gyur to/ zhes smras te/ 'khor mang po thams cad
266b7 kyis thos shing mthong bar byas nas thams cad snying brtse ba'i sems skyes te sdangs nas ba spu langs pa tsam du skrag par gyur te/ de la bcom ldan 'das kyis ci rigs
267a1 su chos bstan te de dag gi sems tshim par gyur nas la la ni/ bla na med pa'i byang chub tu sems bskyed do/ /la la ni/ phyir mi ldog pa'i
267a2 sa la gnas te/ lha dang mir skye ba'i dge ba'i rtsa ba bskyed pa yang grangs med do/ /sems can dmyal ba pa dag gis sangs rgyas mthong zhing chos thos pa'i rkyen gyis shin
267a3 tu dad pa'i sems skyes te/ de dag tshe'i dus byas nas thams cad lha dang mir skyes so/ /de nas rgyal po gzugs can snying pos pus mo gnyis sa la btsugs te bcom ldan
267a4 'das la 'di skad ces gsol to/ /bcom ldan 'das ngo mtshar che ba'i mtshan sum cu rtsa gnyis mnga' ba/ sku'i mtshan gzhan ni/ bltar snang na/ de bzhin gshegs
267a5 pa'i zhabs kyi mthil na 'khor lo'i mtshan mnga' pa 'khor rnams la bstan du gsol zhes gsol pa dang / bcom ldan 'das kyis zhabs brkyangs te 'khor mang po
267a6 thams cad la zhabs kyi mthil na 'khor lo'i mtshan mnga' ba thams cad la bstan to/ /'khor thams cad kyis zhabs kyi 'og gi 'khor lo'i mtshan ri mo bris pa lta bur
267a7 shin tu gsal ba mthong nas skyo mi shes par lta 'dod de lhag par dga' ba'i sems skyes nas yang bcom ldan 'das la 'di skad ces gsol to/ /sngon bcom ldan
267b1 'das kyis bsod nams ci zhig mdzad na/ 'di lta bu'i 'khor lo'i mtshan dang ldan par gyur/ bcom ldan 'das kyis rgyal po la bka' stsal pa/ ngas sngon 'das pa'i dus na
267b2 dge ba bcu'i las bdag gis kyang byas/ gzhan yang byed par bskul bas 'di lta bu'i mtshan shin tu gsal ba dang ldan par gyur to/ /de nas rgyal pos yang bcom ldan 'das
267b3 la gsol pa| bcom ldan 'das kyis dge ba bcu'i las ji ltar mdzad pa dang / gzhan dag dge ba bcu byed par ji ltar bskul ba thugs brtse bar dgongs te bstan du
267b4 gsol| bcom ldan 'das kyis rgyal po la bka' stsal pa/ shin tu rtag par nyon la yid la zungs shig dang bstan par bya'o/ /sngon 'das pa'i bskal pa grangs med tshad
267b5 med pa'i pha rol na 'dzam bu'i gling 'dir rgyal po chen po sha ta ni mi zhes bya ba rgyal phran brgyad khri bzhi stong la dpang byed de/ grong khyer ni/ khri phrag bcu yod pa/ blon po chen
267b6 po ni| stong phrag bcu yod de/ rgyal po de la btsun mo stong phrag nyi shu yod kyang sras gcig kyang med pas rgyal po rab tu mi dga' ste gdung 'tsho ba pa yang med snyam nas shin
267b7 tu mya ngan gyis non te| lha mtshun kun la mchod nas phyis dus gzhan zhig na btsun mo chen mo su li pa la zhes bya ba sems can dang ldan par gyur te/ de tshun chad btsun
268a1 mo yang yod gzhungs shing mkhas pa dang mnyen zhing des bas/ 'gro ba mang po yang dge ba la dgod par mos pa dang / phyis zla ba tshang pa dang
268a2 bu khye'u zhig btsas te byad gzugs legs pa/ blta na sdug pa/ phal las 'phags par bzang ba/ ba sbu'i bu ga kun nas 'od 'byung ba zhig btsas te/ rgyal po yang bu de
268a3 la shin tu sdug par sems pas skyo mi shes pa tsam du rtog ste/ mtshan mkhan la bstan nas mtshan mkhan gyis kyang mtshan bzang ngan brtags na/ khye'u 'di ni/ shin
268a4 tu ngo mtshar che'o/ /zhes dga' ba skyes nas khye'u 'di'i mtshan dang sbyar na/ gling bzhi la dbang bar 'gyur ro/ /zhes rgyal po la smras pas/ rgyal po yang rab tu dga' nas
268a5 mtshan mkhan la khye'u 'di la ming thogs shig ces smras pa dang / mtshan mkhan gyis rgyal po la khye'u 'di ma'i rum du zhugs nas ngo mtshar che ba'i ltas ci byung zhes dris
268a6 na| khye'u'i ma lhag par yid gzhungs shing des pa dang / dge bar dgod pa la dga' bar gyur to/ /zhes smras nas mtshan mkhan gyis khye'u'i ming shes rab 'od ces
268a7 btags te/ rgyal tshab tu dbang bskur nas mkhas pa'i blo dang ldan te gzhan pas 'phags par gyur to/ /de nas dus phyi zhig na rgyal po chen po tshe 'phos nas blon po
268b1 rnams kyis rgyal bu de rgyal por dbang bskur bar gsol pa dang / rgyal bus blon po rnams langs ni/ rgyal po mi nus so/ /zhes bsgo'o/ /blon po rnams kyis gsol pa/ da rgyal
268b2 po chen po nongs te rgyal bu ma lags pa rgyal bu gzhan 'ga' yang med do/ /da rgyal bus rgyal po mi mdzad na/ su zhig rgyal por gzhug ces gsol pa dang / rgyal bus smras
268b3 pa| 'jig rten 'di dag ni/ mi rigs pa'i sdig pa'i chos byed de/ bsad pa dang / chad pas bcad pa'i las byas na/ kho bo la kha na ma tho ba'i las mi chung ste/ gal te khyed yul
268b4 mi thams cad kyis dge ba bcu'i las byed nus ni/ kho bo yang rgyal po byed nus so/ /zhes bsgo'o/ /blon po rnams kyis gsol pa/ 'di ni/ legs te/ rgyal sar gshegs
268b5 te dbang mdzod cig dang / dge ba bcu'i las kyi lam thams cad bgyid par bkar gdags so/ /zhes gsol nas mod la rgyal bu yang rgyal sar gshegs nas mi thams cad
268b6 dge ba bcu'i las kyi lam spyod par yid mthun te bka' bzhin du byas so/ /de'i tshe bdud kyi rgyal pos phrag dog byas te rgyal po'i srid mi rung bar bya ba'i phyir rku yig bris
268b7 nas rgyal phran kun la springs te sngar dge ba byos shig ces bkar btags pa ni/ dge ba byas kyang mngon rtags med de/ bdag nyon mongs pa las phan pa'i don med kyi/
269a1 da phyin chad yid bzhin du mi dge ba la bag med par spyod cig ces spring ba'i rku yig rgyal phran rnams kyi lag tu 'ongs nas rgyal phran rnams ngo
269a2 mtshar gyur te rgyal po chen po ci'i phyir sdig pa'i las byed par bskul snyam nas 'di ni/ rigs pa ma yin te/ yid ma ches par rgyal po la zhus pa dang / rgyal pos de
269a3 skad ces thos nas sngangs shing ngo mtshar du gyur te/ ngas ni/ 'di skad du bsgo ba med na/ ci'i phyir 'di 'dra bar gyur ces sdangs nas rgyal po nyid yul kun tu gshegs
269a4 te| mi mang po sngon las gyur tam ma gyur pa rtog tu gshegs gshegs pa las/ bdud kyi rgyal pos lam ga na mi zhig me dong chen po rab tu 'bar ba'i nang na sdug
269a5 bsngal gyis snying rje ba skad du 'don pa'i skad rgyal pos thos par sprul nas rgyal po yang de'i thad du gshegs te/ khyod su zhig /ci nyes zhes dris nas mi des smras pa/
269a6 bdag gis sngon mi 'di dag dge ba bcu la bkod pas da shin tu mi bzad pa'i sdug bsngal 'di lta bu myong bar gyur to/ /rgyal pos smras pa/ dge ba byed par bskul pas
269a7 sdug bsngal myong ba ni/ chos med de/ dge ba byed par bskul bas khyod 'di lta bu'i sdug bsngal myong bar gyur na/ dge ba byed par bskul nas dge ba byas pa de dag
269b1 dge ba'i 'bras bu thob bam/ smras pa/ de ni/ dge ba'i 'bras bu thob ste/ dge ba byed par bskul pa 'ba' zhig sdug bsngal 'di lta bu myong ngo / /rgyal pos de skad ces thos nas
269b2 shin tu dga' ste 'di skad ces smras so/ /mi pha rol pos dge ba'i 'bras bu thob par gyur na lta sdug bsngal myong yang bla'i/ 'gyod pa med do/ /zhes smras pa dang / bdud kyi rgyal
269b3 pos thos nas de dag de ma thag tu mi snang bar byas so/ /de nas rgyal po yul kun tu gshegs te/ dge ba bcu'i las kyi lam kun tu bsgrags te 'bangs thams cad lus dang ngag
269b4 dang yid kyi sgo nas dge ba la 'dun te thams cad kyis rgyal po'i yon tan bsngags pas de'i tshe gser gyi 'khor lo dang / rin po che sna bdun dang ldan nas gling bzhi kun tu gshegs
269b5 te dge ba la 'god pa lhur byas so/ /de'i tshe de'i dus na rgyal po chen po de ni/ da ltar nga'i yab zas gtsang ma yin no/ /de'i tshe de'i dus na rgyal bu de'i ma ni/ da ltar nga'i yum lha
269b6 mdzes ma yin no/ /rgyal po shes rab 'od mi mang po dge ba bcu la bkod pa ni/ nga yin te/ de'i tshe de'i dus na yang nga nyid dge ba bcu nyams su blangs te gzhan dag kyang dge ba
269b7 btul bkod pas/ de'i phyir zhabs kyi 'og na 'khor lo rtsibs stong dang ldan pa'i mtshan dang ldan par gyur to/ /de nas rgyal po gzugs can snying pos yang bcom ldan 'das
270a1 la 'di skad ces gsol to/ /ston pa drug po myos shing bslad pa'i 'khor du bcas pa rang gi tshod mi 'dzin te/ rnyed pa dang grags pa la chags nas phrag
270a2 dog gi sems skyes te bcom ldan 'das dang cho 'phrul 'gran par gsol pa/ bcom ldan 'das kyis gcig mdzad na/ bdag cag gis gnyis bgyi'o/ /zhes mchi ba las
270a3 bcom ldan 'das kyis cho 'phrul bsam gyis mi khyab pa bstan kyang ston pa drug gis cho 'phrul gcig tsam yang ston ma nus te/ ngo tsha zhing skyengs nas chur mchongs te gum
270a4 pa 'di dag ni/ ha cang yang myongs shing 'khrul to snyam bgyid do/ /bcom ldan 'das kyis bka' stsal pa/ rgyal po chen po/ ston pa drug po 'di dag rnyed pa dang grags pa'i
270a5 phyir nga dang 'gran par 'dod nas srog dang bral ba 'di 'ba' zhig tu ma zad de/ sngon 'das pa'i dus na yang nga dang 'gran par 'dod pa las lus dang srog gi bar du yang
270a6 bral lo| /de nas rgyal po gzugs can snying pos pus mo gnyis sa la btsugs te bcom ldan 'das la 'di skad ces gsol to/ /sngon 'das pa'i dus na bcom ldan
270a7 'das kyis ston pa drug dang 'gran pa bdag cag la bstan du gsol/ bcom ldan 'das kyis rgyal po la bka' stsal pa/ rgyal po chen po/ rtag par nyon la yid la zungs
270b1 shig dang / sngon 'das pa'i dus na bskal pa tshad med grangs med pa'i pha rol na 'dzam bu gling 'dir rgyal po ma ha sha ku li zhes bya ba rgyal phran lnga brgya la dbang byed pa zhig
270b2 byung ste| rgyal po de la btsun mo lnga brgya yod kyang khye'u rigs 'tshob pa gcig kyang med pas rgyal po des 'di snyam du bsam mo/ /nga ni/ rgas 'khogs te bu gcig tsam yang rigs
270b3 'tshob pa med na/ gal te nga 'das pa'i 'og tu rgyal phran rnams gcig la gcig mi nyan cing dmag 'dren te/ sems can rnams kyang ma nyes par 'chi la/ srid kyang 'khrugs
270b4 par 'gyur ro snyam bsam nas mya ngan gyis yid gdungs te sems khong du chud do/ /de'i tshe na brgya byin lha'i dbang pos rgyang ma nas rgyal po de mi dga' zhing sems khong du chung
270b5 pa mthong nas nam mkha' las babs te sman pa zhig tu sprul nas rgyal po de'i gan du song ste/ rgyal po khyod ni/ ci'i phyir 'di ltar yi mug cing mi dga' zhes dris pa dang /
270b6 rgyal pos kyang snga ma bzhin du gtam byas so/ /sprul pa'i sman pas rgyal po la smras pa/ rgyal po khyod mya ngan ma byed cig /bdag ni/ khyod kyi phyir gangs kyi ri la song nas gangs
270b7 kyi ri las sman rnam pa mang po btus te btsun mo dag zar bcug na/ zos ma thag tu btsun mo kun sems can dang ldan par 'gyur bar bgyi'o/ /rgyal pos de skad ces smras pa thos
271a1 nas tshig 'di ni/ bdag gi mya ngan sangs par byed do snyam bsam nas sman pa la khyod kyis 'di ltar nus na shin tu legs so/ /zhes smras so/ /de'i
271a2 tshe na sprul pa'i sman pa de gangs kyi ri la song nas sman rnam pa mang po btus te khur du khyer nas phyir rgyal po'i pho brang du 'ongs so/ /de nas sman rnams 'o ma la bskol te btsun
271a3 mo chen mo la byin pa dang / btsun mo chen mos sman de mnam zhing yid ma ches pas 'thung du ma btub pa dang / sprul pa'i sman pa yang phyir lha'i gnas su song ngo / /sman de la
271a4 btsun mo chung ngu gzhan dag gis 'thungs te btsun mos de dag 'thungs nas ring por ma lon par so so nas sems can dang ldan par gyur te/ de dag gis de bzhin du
271a5 btsun mo chen mo la smras pa dang / btsun mo chen po 'gyod de mi dga' nas sman de'i lhag ma ci yod ces dris na zad do/ /zhes smras so/ /'o na sman gyi tshigs ma tsam yod
271a6 dam zhes dris na sman gyi tshigs ma ni/ yod do/ /zhes smras so/ /de nas btsun mo chen mos sman gyi tshigs ma 'o ma'i nang du bskol te 'thungs pa dang / ring por ma lon
271a7 par sems can dang ldan par gyur te/ btsun mo gzhan dag sman sngar 'thungs pa ni/ zla ba tshang bas so so nas khye'u sha stag btsas te bzang ba blta na sdug pa'o/ /rgyal
271b1 po rab tu dga' nas btsun mo chen mo sras nam btsa' pa 'ba' zhig sems so/ /btsun mo chen mo yang zla ba tshang nas khye'u zhig btsas te byad bzhin mi sdug pa shing du ma lta
271b2 bu zhig btsas pas rgyal po dang btsun mo mi dga' ste/ bu'i ming yang sdong dum zhes btags so/ /de nas gsos bskyed de cher skyes nas phu bo rnams ni/ thams cad chung
271b3 ma len te/ rgyal bu sdong du ma 'ba' zhig chung ma ma blangs so/ /dus gzhan zhig na pha rol po'i rgyal pos dmag drangs nas nye bar 'ongs pa dang / rgyal bu lnga brgyas kyang dmag
271b4 gi tshogs bshams te pha rol po'i dmag la rgol du song song ba las/ g.yul pham nas phyir pho brang du bros te 'ongs so/ /rgyal bu sdong dum gyis phu bo rnams la smras
271b5 pa| khyed ci'i phyir 'di ltar 'jigs skrag ste bros zhes dris na phu bo rnams kyis smras pa/ nged dmag dang bcas te pha rol po'i dmag la rgol du song ba las g.yul pham
271b6 nas pha rol po'i dmag gis bdas nas bros pa yin no/ /rgyal bu sdong dum gyis smras pa/ dgra de tsam gyis bdag cag la bdo bar mi nus kyi/ bdag cag gis mes
271b7 po'i gzhu dang / dung da ltar lha'i rten gyi nang na yod pa 'on cig dang / bdag de dag la rgol du 'gro'o/ /zhes smras so/ /rgyal bu de'i mes po ni/ 'khor los bsgyur
272a1 ba'i rgyal po yin te/ mi mang po bzlog nas 'khor los bsgyur ba'i rgyal po'i gzhu g.yer por btegs te rgyal bu la phul lo/ /rgyal bus gzhu
272a2 blangs te brdungs nas gzhu rgyud sbrengs pa'i sgra 'brug skad zer te dpag tshad bzhi bcu'i bar du thos par gyur to/ /de nas rgyal bus gzhu dang / dung thogs te gcig
272a3 bu dgra la rgol du song nas sngar dung bus te dung gi sgra gnam lcags 'bab pa skad drag pos pha rol po'i dmag gis thos pa tsam gyis 'jigs skrag ste thams cad
272a4 byer ro| |de nas rgyal bu yang phyir log nas rgyal po dang / btsun mos gdod sdug par bsam ste rgyal bu'i chung ma blang bar byas so/ /de'i tshe na rgyal po li shi ba tsa zhes bya
272a5 ba la bu mo zhig yod de/ 'jig rten na dkon par bzang ngo / /zhes thos nas rgyal pos pho nya btang ste bu mo mna' mar blangs nas rgyal bu'i nang na byang gzugs bzang
272a6 ba gcig mag pa yin no/ /zhes bstan te/ rgyal po des kyang bu mo sbyin par byas so/ /de nas rgyal po rab tu dga' nas mna' ma bsu ba'i yod byad bshams te
272a7 rgyal bu sdong dum nyid kyang chung ma bsur btang nas nyin par chung ma dang ma phrang bar gyis la/ mtshan mo phrad par gyis shig ces bsgos nas btang ngo / /de nas
272b1 dus gzhan zhig na bu mo de phu nu mo gzhan dag dang phrad nas so so nas khyo'i yon tan ci yod pa smras pa dang / rgyal bu sdong dum gyi chung mas kyang khyo la bstod de/ /kho mo'i khyo ni/
272b2 dpa' la stobs kyang gyad dang mnyam ste/ lus kyi sha yang shin tu 'jam mo/ /zhes smras pa dang / phu nu mos smras pa/ khyod ni/ ma smra zhig /khyod kyi khyo ni/ shin tu yang mi
272b3 sdug ste| sdong du ma dang 'dra bas ci ste khyod nyin par mthong na sngangs par 'gyur ro/ /zhes smras so/ /sdong dum gyi chung mas phu nu mo dag gis de skad smras pa thos nas yid la
272b4 bzung ste mtshan mo me mar sbas nas khyo gnyid kyis log pa'i 'og tu me mar phyung ste bltas na/ shin tu mi sdug par mthong nas dngangs skrag ste mod la phyir pa ma'i yul du
272b5 bros so| |rgyal bu sdong du ma gyis nam langs nas gdod tshor te mi dga' nas gzhu dang dung thogs te chung ma'i yul du chung ma snyegs su song ngo / /yul der phyin na blon po zhig la
272b6 gnas shing 'dug pa las/ dus gzhan zhig na rgyal phran drug gi rgyal pos kyang rgyal po li shi pa tsa la bu mo bzang mo zhig yod do/ /zhes thos nas so so nas dmag dang bcas
272b7 te bu mo slong du 'ongs so/ /de'i tshe rgyal po li shi pa tsa mi dga' nas blon po rnams bsdus te bgros nas gal te bu mo 'di rgyal po gcig la byin na/ gcig mi dga' zhing 'khon
273a1 du 'dzin pas/ ji ltar byas na dgra 'di dag med par 'gyur zhes bgros pa dang / blon po gcig gis bu mo 'di dum bu dum bur byas la dum bu re
273a2 re byin na/ de dag gi yid tshim par 'gyur zhes smras so/ /blon po kha cig gis ni/ 'di skad du/ la la zhig gis dmag 'di dag zlog nus na bu mo yang chung mar sbyin
273a3 la| yul phyed kyang bya dgar sbyin no/ /zhes bkar btags na rung ngo / /zhes smras so/ /rgyal pos kyang gros de nyan te bkar btags pa dang / de'i tshe na rgyal bu sdong
273a4 dum gzhu dang dung thogs te grong khyer gyi phyi rol tu pha rol gyi dgra gang na 'dug par song nas dung bus te gzhu rgyud sbrengs pa tsam gyis pha rol gyi dmag thams cad
273a5 skrag nas 'gul yang ma nus so/ /de nas de dag gi dmag gi nang du song nas rgyal po drug char gyi mgo bcad de cod pan blangs nas dmag de rnams kyang 'khor du bsdus
273a6 so| |rgyal po lu shi pa tsa rab tu dga' ste bu mo yang chung mar byin nas rgyal po chen por bcug ste rgyal po drug gi srid gcig tu bsdus nas dmag gi tshogs dang bcas
273a7 te chung ma dang 'grogs nas phyir bdag gi yul du 'ongs so/ /rgyal pos kyang sras kyis phyir 'ongs so/ /zhes thos nas phyi rol nas bsus te rgyal srid kyang rgyal bu
273b1 la byin pa las/ byed du ma btub nas phyir yab la gtad de sngon bzhin du chung ma dang lhan cig tu 'dug nas chung ma la khyod ci'i phyir mtshan mo kho bo bor te bros zhes dris
273b2 na| khyod mi sdug ches nas mi ma yin snyam ste skrag nas bros so/ /de nas rgyal bus me long blangs te me long gi nang du bltas na/ bdag gi bzhin shin tu mi sdug par mthong
273b3 ste| lus de la lta mi 'dod pa tsam du skyo nas tshal zhig gi nang du song ste 'chi bar byas pa las/ brgya byin lha'i dbang pos rgyang ma nas mthong ste de'i drung du 'ongs te ci'i phyir
273b4 khyod 'chi zhes dris na/ rgyal bus de bzhin du smras pa dang / brgya byin gyis spro ba bskyed de/ rin po che'i nor bu gcig byin nas 'di skad ces smras so/ /khyod rtag tu nor bu 'di
273b5 spyi bo la thogs shig dang / nga dang 'dra bar bzang zhing mdzes par 'gyur ro/ /zhes bsgos nas rgyal bus nor bu spyi bo la btags ma thag tu bdag gi lus sngon pas lhag par
273b6 gyur pa tshor nas phyir pho brang gi nang du 'ongs nas gzhu dang / dung blangs te phyi rol du rtser 'gro ba las chung mas ngo ma shes te 'di skad ces smras so/ /khyod su zhig /'di la ma
273b7 reg cig /kho mo'i khyo 'ongs na gnod par gyur ta re/ chung ma la smras pa/ nga ni/ khyod kyi khyo yin no/ /zhes smras na/ chung ma yid ma ches te/ 'di skad ces smras so/ /kho mo'i khyo
274a1 ni| shin tu yang mi sdug ste/ khyod ni/ shin tu yang bzang ba zhig na/ ji ltar kho mo'i khyo zhes smras pa dang / rgyal bus spyi bo'i nor bu bkrol ma
274a2 thag tu phyir mi sdug par mthong nas rab tu dga' ste/ ci'i phyir 'di ltar gyur ces dris na/ rgyal bus ci'i phyir de ltar gyur ba rgyas par gtam byas nas de phyin chad khyo
274a3 shug gnyis mdza' ste rgyal bu'i ming sdong dum zhes bya ba yang brjes nas rgyal bu su la shan zhes btags so/ /de nas dus gzhan zhig na rgyal bu des 'di snyam du
274a4 bsam mo/ /da ni/ dmag dang bcas te pho brang zhig bya'o snyam du bsam nas gang nas gzhi yangs shing mnyam pa zhig tu song ste/ 'dir pho brang gyis shig ces bsgo ba
274a5 dang / klu'i rgyal po bzhi zhig mir sprul nas 'dir pho brang mdzad na ci las mdzad ces dris na/ rgyal bu su la shan gyis smras pa/ sa las bya'o/ /zhes bsgo ba dang / klu'i rgyal
274a6 po bzhis ci'i phyir rin po che las mi mdzad ces smras so/ /smras pa/ pho brang chen po zhig bya dgos na/ rin po che de snyed cig ga las rnyed ces smras pa dang / klu'i rgyal po sa
274a7 bdag cag gis dbul lo/ /zhes smras nas de'i ngos bzhir chu mig re re sprul te 'di skad ces smras so/ /shar phyogs logs kyi chu mig las bcus te byas na/ bai
274b1 DUR+yar 'gyur ro/ /lho phyogs kyi chu mig las bcus te byas na/ thams cad gser du 'gyur ro/ /nub phyogs ngos kyi chu mig las bcus te byas na/ thams cad dngul du 'gyur
274b2 ro| |byang phyogs ngos kyi chu mig las bcus te byas na/ thams cad shel du 'gyur ro/ /zhes smras so/ /rgyal bus kyang de dag gis smras pa bzhin du chu mig las bcus nas de bzhin
274b3 du gyur te/ de nas pho brang gi ra ba khor khor yug dpag tshad bzhi brgya pa zhig byas nas de'i nang du pho brang dpag tshad bzhi bcu pa zhig byas te/ lam gyi srang na khang bu brtsegs pa dang /
274b4 skyed shing dang / khrus kyi khang bu yang rin po che sna bzhi las byas so/ /bzang byad lha'i pho brang dang 'dra bar byas nas zin ma thag tu rin po che sna bdun yang yod par gyur te/ gling
274b5 bzhi la dbang byed cing dge ba rgyas par byas so/ /rgyal po chen po/ de'i tshe de'i dus na rgyal po ma ha sha ku la ni/ da ltar nga'i yab zas gtsang ma yin no/ /de'i tshe de'i dus na rgyal po'i
274b6 btsun mo ni da ltar nga'i yum lha mdzes ma yin no/ /rgyal bu mi sdug pa sdong du ma ni/ da ltar nga yin no/ /de'i chung ma de ni skye rgu'i bdag mo yin no/ /chung ma de'i pha de ni/ 'od srung
274b7 yin no| |rgyal po drug gis dmag drangs te bu mo 'dod pa de dag ni/ ston pa drug po 'di dag yin te/ de'i tshe de'i dus na yang nga dang gzugs la rtsod pas ngas de dag kun bsad
275a1 de dmag gi tshogs kyang 'khor du bsdus pas da ltar gyi bar du rnyed pa dang / grags pa la phrag dog byed pa'i phyir nga dang 'gran par 'dod kyang cho 'phrul
275a2 med de bsam pa ltar ma gyur pas chur shi ba yin no/ /de ltar de dag gi 'khor khri phrag dgu bcu yang nga'i 'khor du bsdus nas nga'i nye gnas su gyur to/ /de nas rgyal po gzugs
275a3 can snying pos bcom ldan 'das la 'di skad ces gsol to/ /rgyal po sdong dum de sngon bsod nams ci zhig bgyis pas/ 'di ltar mthu stobs che la shin tu mi sdug par gyur/
275a4 bcom ldan 'das kyis rgyal po la bka' stsal pa/ rgyu yod rkyen yod de/ bstan par bya'o/ /sngon 'das pa'i dus bskal pa grangs med dpag tu med pa'i pha rol na 'dzam bu'i
275a5 gling 'dir yul wA ra NA si zhes bya ba na drang srong ri zhes bya ba la rang sangs rgyas gcig cig gnas te/ rang sangs rgyas de la rlung nad yod pas/ rlung nad kyi sman 'bru mar
275a6 'thung dgos pa las 'bru mar 'tshag pa'i khyim du song nas 'bru mar bslangs pa dang / 'bru mar 'tshag pa des de la khros te/ mgo dang shing dum bu 'dra ba/ rkang lag dang
275a7 shing tshal 'dra ba 'di las byed du ni/ mi btub kyi/ zho gcig nam gcig kyang 'byin du mi btub par slong mo 'ba' zhig la 'tsho ba ltos pa 'di zhes spyos shing brgyad nas 'on
275b1 kyang mar gyi tshigs ma phul lo/ /rang sangs rgyas des mar gyi tshigs ma thob nas sgor byung ste phyir 'gro ba las/ sgo khar mar 'tshag pa de'i chung ma dang phrad nas rang sangs rgyas de la
275b2 dad pa'i sems skyes te/ skyes bu khyed gar gshegs/ mar gyi tshigs ma 'dis ci zhig mdzad ces dris pa dang / rang sangs rgyas des kyang de bzhin du drang por gtam byas nas chung
275b3 ma des rang sangs rgyas de phyir bos te khyim du khrid nas lhung bzed blangs te 'bru mar lhung bzed bkang ste phul nas khyo la 'di skad ces smras so/ /khyod kyis skyes bu 'di la mar gyi
275b4 tshigs ma phul ba shin tu nyes kyi/ kha'i nyes pa 'gyod tshangs gyis shig ces bsgo nas mi des kyang 'gyod pa'i sems skyes te/ 'gyod tshangs byas nas khyo shug yid mthun par
275b5 rang sangs rgyas de la 'di skad ces gsol to/ /btsun pa/ da slan chad mar dgos na yang rtag tu longs shig ces smras nas rang sangs rgyas des kyang rtag tu de'i khyim nas mar
275b6 blangs te de dag gis byas pa gzo ba'i phyir de dag gi drung du cho 'phrul bstan te steng gi nam mkha' la 'phags nas chu 'bab pa dang / me 'byung ba dang / cho 'phrul rnam pa sna tshogs
275b7 bstan to/ /mar 'bul ba'i khyo shug gnyis kyis de lta bu'i cho 'phrul mthong nas lhag par dga' zhing dad pa'i sems skyes te mi des chung ma la smras pa/ khyod kyis mar phul ba'i
276a1 bsod nams ci yod pa kho bo dang thun mong du gyur te bdag cag khyo shug tu shog cig /ces smras pa dang / chung mas smras pa/ khyod kyis skyes bu chen
276a2 po la tshig ngan pa smras te mar gyi tshigs ma phul nas dad pa'i sems med pas gang du skyes kyang shin tu mi sdug par 'ong na/ khyod dang ji ltar khyo shug tu bya zhes smras pa
276a3 dang / khyos smras pa/ kho bos rtag tu nyon mongs te mar 'tshag pa'i las byas na/ ci'i phyir khyod kyi sbyin pa'i 'bras bu nga dang thun mong du mi bsngo/ nga mi nyan gyi khyod dang khyo
276a4 shug tu bya dgos so/ /chung mas smras pa/ ci ste khyod dang khyo shug tu gyur na/ khyod mi sdug ches nas kho mo'i khyod dor te mtshan mo bros su 'ong ngo / /khyos smras pa/ ci ste khyod
276a5 bros na yang ngas phyi bzhin bsnyags la khyod thob par byas nas phyir 'ong ngo / /zhes khyo shug gnyis gcig la gcig smras nas rang sangs rgyas de la lus dang srog phyogs
276a6 te 'gyod tshangs byas so/ de'i tshe na rang sangs rgyas des khyo shug de gnyis la 'di skad ces bsgo'o/ /khyed khyo shug gnyis kyis nga la mar byin pas na/ nga'i nad sos kyi khyo
276a7 shug gnyis cir smon pa smros shig /de bzhin du 'grub par 'gyur ro/ /zhes bsgo ba dang / mi khyo shug de gnyis rab tu dga' nas bus mo sa la btsugs te 'di skad
276b1 ces smon lam btab bo/ /bdag cag khyod shug gnyis lha'am/ mi gang du skyes kyang yid bzhin du grub par gyur cig ces smon lam btab bo/ /rgyal po chen po/ de'i tshe de'i
276b2 dus na mar 'tshag pa'i mi de ni/ rgyal bu sdong dum yin no/ /de'i chung ma ni/ sdong dum gyi chung ma nyid yin no/ /de'i tshe na rang sangs rgyas la sdong dum dang 'dra zhes tshig ngan pa
276b3 smras te khros bzhin du mar gyi tshigs ma byin pas/ skye ba thams cad du shin tu mi sdug par gyur to/ /phyis 'gyod tshangs byas te mar bzang po phul bas skye ba thams cad du phyis
276b4 bzang zhing sdug par gyur to/ /mar phul bas na skye ba thams cad du mthu stobs dang ldan te/ thams cad thub par gyur to/ /de'i bsod nams kyis ni/ 'khor los bsgyur ba'i
276b5 rgyal por gyur te/ gling bzhi la dbang zhing 'dod pa lnga la yid bzhin du spyod par gyur to/ /dge ba dang mi dge ba'i las kyi rnam par smin pa ni/ nam yang med par mi 'gyur te/ de
276b6 bas na lus dang / ngag dang / yid kyi las srung pa la nan tan bya'o/ /bcom ldan 'das kyis de skad ces gsungs nas rgyal po gzugs can snying po la sogs te rgyal po dang /
276b7 blon po dang / 'khor rnam bzhi dang / lha dang / klu la sogs pas thos nas/ la la ni/ rgyun du zhugs pa'i 'bras bu thob/ la la ni/ lan gcig phyir ldog pa dang / phyir mi ldog
277a1 pa dang / dgra bcom pa'i 'bras bu thob/ la la ni/ rang sangs rgyas kyi dge ba'i rtsa ba bskyed/ la la ni/ bla na med pa'i byang chub tu sems bskyed de/ phyir
277a2 mi ldog pa'i sa la gnas par gyur nas 'khor de dag thams cad bcom ldan 'das kyis gsungs pa la yi rang nas mngon par dga'o/ /ston pa drug btul ba'i le'u ste
277a3 bcu gsum pa'o// //bam po bzhi pa/ gcan gzan kun tas lus kyi sbyin pa byas pa'i le'u/ 'di skad bdag gis thos pa dus gcig na/ bcom ldan
277a4 'das rgyal po'i khab bya rgod spungs pa'i ri la bzhugs so/ /de'i tshe bcom ldan 'das kyi sku la bser ma'i snyun gyis bzung nas sman pa 'tsho byed kyis sman rnam pa sum cu
277a5 rtsa gnyis dang mar du sbyar te nyin re bzhin sbyar sman srang sum cu rtsa gnyis gnyis gsol lo/ /lha sbyin ma rungs pa phrag dog gi sems skyes nas sangs rgyas dang mnyam
277a6 mo| |zhes bsgrags te/ bcom ldan 'das sman gsol zhes thos nas sman 'dod cing sangs rgyas dang 'dra bar bya ba'i phyir sman pa 'tsho byed la bcom ldan 'das la
277a7 gsol ba'i sman nga la sbyar te byin cig ces bsgo'o/ /de nas 'tsho byed kyis sman sbyar te lha sbyin la byin nas nyin re la srang bzhi bzhi thong zhig ces bsgo ba dang / lha sbyin
277b1 gyis da ltar bcom ldan 'das nyin re zhing srang du du gsol zhes dris pa dang / 'tsho byed kyis bcom ldan 'das ni/ da ltar nyin re zhing srang sum cu rtsa gnyis gnyis gsol
277b2 lo| |zhes smras pa dang / lha sbyin gyis kho bo la yang nyin re zhing srang sum cu rtsa gnyis gnyis byin cig ces bsgo ba dang / 'tsho byed kyis smras pa/ de bzhin gshegs pa'i
277b3 sku dang / khyod ni/ mi 'dra ste/ khyod kyis mang du zos na mi zhu bas gdon mi za bar phyir nad du 'gyur ro/ /zhes smras pa dang / lha sbyin gyis smras pa/ ji tsam zos na zhu ba'i
277b4 drod kho bo la yod de/ kho bo dang / sangs rgyas su bye brag ci yod ces smras nas sangs rgyas dang 'dra bar nyin gcig la sman srang sum cu rtsa gnyis gnyis btang nas sman ma zhu
277b5 ste rtsa kun tu zug nas nyam thag ste shin tu sdug bsngal ba'i skad phyung nas 'bod 'grogs so/ /de la bcom ldan 'das thugs brtse bar dgongs te rgyang ma nas phyag brkyangs
277b6 nas lha sbyin gyi mgo la byugs pas mod la sman kun zhu nas tsha ba'i sdug bsngal dang bral bar gyur te/ lha sbyin gyis bcom ldan 'das kyi phyag yin par shes nas 'di skad
277b7 ces smras so/ /rgyal bu don grub kyis shes pa'i rtsal du sman yang bslabs te/ sman pa yang mkhas pa lta ste mi 'dod do zhes smras so/ /de'i tshe na kun dga' bos de skad ces smras
278a1 ba thos nas shin tu mi dga' ste bus mo sa la btsugs nas bcom ldan 'das la 'di skad ces gsol to/ /lha sbyin 'di ni/ bka' drin mi 'tshal
278a2 te| bcom ldan 'das kyis da la thugs brtse bar dgongs nas de'i nad yongs su bsal kyang slar mi dge ba'i sems kyis tshig mi dgos pa smras te/ rtag tu bcom ldan
278a3 'das la bsngo'o/ /bcom ldan 'das kyis kun dga' bo la bka' stsal pa/ lha sbyin gyis da ltar 'di 'ba' zhig tu nga la mi dge ba'i sems bskyed nas nga la gnod par
278a4 byed par ma zad kyi/ sngon 'das pa'i dus na yang nga la sdig pa'i sems bskyed de nga bsad par gyur to/ /kun dga' bos bcom ldan 'das la gsol pa/ 'das pa'i
278a5 dus na lha sbyin gyis ji ltar bgyis pa bstan du gsol/ bcom ldan 'das kyis bka' stsal pa/ sngon 'das pa'i dus bskal pa grangs med dpag tu med pa'i pha rol na
278a6 'dzam bu'i gling 'dir yul wA ra NA si zhes bya ba na rgyal po tshangs sbyin zhes bya ba khro zhing gtum la snying rje med/ 'dod chags dang zhe sdang che ba/ sdig pa'i las kyis
278a7 gtses shing gsong pa la dga' ba zhig byung ngo / /de'i tshe na rgyal po de'i rmi lam du gcan gzan lus kyis gser gyi mdog ltar 'dug la/ spu'i thog ma la gser lta bu'i
278b1 'od byung zhing / g.yas g.yon thams cad kyang gser gyi mdog tu snang bar byed pa'i gcan gzan gcig cig rmis nas de ma thag tu sad de 'di snyam du bdag gis rmi lam
278b2 na mthong ba 'di ni/ gdon mi za bar yod kyi/ rngon bdag de'i pags pa tshol du gzhug go snyam bsam nas rngon pa rnams bsdus te 'di skad ces bsgo'o/ /kho bo'i rmi lam du
278b3 gcan gzan gser gyi mdog can spu'i thog ma la gser gyi 'od lta bu 'byung ba zhig rmis te/ 'di lta bu zhig yul 'di na yod du nges kyi/ khyed rnams kyis kun tu tshol la de'i pags
278b4 pa bshus te nga la phul cig dang / khyod kyi bu tshe rabs bdun tshun chad skyed cing bde bar bya'o/ /gal te snying nas ma btsal lam/ le lo zhig byas te ma rnyed na/ khyed rnams rtsa rgyud
278b5 tshun chad med par bya'o/ /zhes bsgo'o/ /de nas rngon pa de dag shin tu mi dga' ste dben pa'i phyogs shin tu thams cad 'dus nas 'di skad ces bgros so/ /rgyal pos rmis pa'i
278b6 gcan gzan de ni/ gna' nas ma mthong ste/ gal te bdag cag gis ma rnyed na/ rgyal po'i bka' khrims gnyan pas bdag cag gson par mi 'gyur ro/ /zhes bgros nas lhag
278b7 par mi dga' ba'i sems bskyed te/ yang 'di skad ces smras so/ /shing khung 'di na sprul gdug pa dang / gcan gzan ma rungs pa mang bas/ lam ring por 'gro zhing srog mi
279a1 phangs par don sgrub tu ni/ srog dang bsngos su yang mi nus pas bdag cag gi nang na mi gang gis nus pa gcig cig tshol du btang ngo / /gal te mi
279a2 des mthong bar gyur na/ gdod bdag cag spran par byas na legs so/ /zhes smras nas mi zhig la 'di skad ces smras so/ /khyod srog dang bsngos te kun tu tshol dus song zhig /
279a3 gal te rnyed na nged spyi las nor bkral te mang du sbyin no/ /ci ste khyed phyir ma 'khor na yang khyod kyi bu dang chung ma la sbyin no/ /zhes smras te mi des kyang 'di snyam du bdag
279a4 ni/ mi mang po 'di dag gi phyir lus dang srog yal yang bla'o snyam bsam nas 'gro ba'i yo byad bshams te dri dang nags tshal nyam nga ba kun tu tshol du song song ba las/ yun
279a5 ring zhig lon pas shin tu nyam thag nas dbyar tsha ba'i dus su bye ma tsha ba pus mo nub tsam zhig tu phyin pa dang ngal chad de skom gyis gdungs pas srog chags la thug nas
279a6 'di skad ces smras so/ /snying rje dang ldan pa su zhig bdag 'di ltar sdug bsngal ba'i lus dang srog gi skyabs su 'gyur ba yod dam zhes smras pa dang / de'i tshe na ri de la
279a7 gcan gzan kun ta zhes bya ba lus kyi spu mdog gser gyi kha dog ltar 'dug la/ spu'i thog ma la gser gyi 'od 'byung ba zhig yod pa des rgyang ma nas mi des smras pa'i
279b1 tshig thos nas shin tu snying brtse ba'i sems bskyed te/ gang na chu mig grang mo yod pa'i nang du lus bcug nas mi de'i drung du 'ongs te mi de la phang pas 'khyud nas cung zad cig
279b2 nyams brtas pa dang chu 'gram du khrid de bkrus nas shin tog btus te zar bcug go /de nas mi de sor chud nas 'di snyam du sems so/ /gcan gzan 'di ni/ rgyal po 'dod pa
279b3 kho na yin na/ bdag srog dang bral ba las srog gi skyabs byas te drin du gzo ba cung zad kyang ma byas par 'di la gsod pa'i sems ji ltar yang skyed/ gal te ma rnyed na ni/ rngon pa
279b4 de dag gnyen dang bcas pa thams cad gyod la thogs par 'gyur ro snyam bsams nas mi dga' zhing 'dug pa las/ gcan gzan gyis khyod ci'i phyir 'di ltar mi dga' zhes
279b5 dris na| mchi ma lhags nas rgyas par smras pa dang / kun tas 'di skad ces smras so/ /'di la khyod mi dga' bar ma byed cig /nga'i pags pa 'di thob sla ba yin te/ kho bos bsam
279b6 na| tshe snga ma la lus grangs med pa zhig btang yang lus kyis bsod nams su 'gyur ba'i las ma byas te/ lus kyi pags pa 'dis de dag gi srog bskyab bo/ /zhes smras nas
279b7 rab tu dga' ba'i sems skyes te khyod kyis kho bo'i srog ma bcad par pags pa bshus te khyer cig /'gyod pa'i sems med par khyod la sbyin no/ /de'i tshe na rngon pa des pags
280a1 pa dal gyis bshus nas kun tas 'di skad ces smon lam btab bo/ /bdag gis pags pa 'di khyod la byin te mi mang po phangs pa'i srog bskyabs
280a2 pa'i bsod nams 'di sems can thams cad la bsngos te/ bdag bla na med pa'i byang chub tu mngon par 'tshang rgya zhing / sems can thams cad 'khor ba'i sdug bsngal
280a3 las bsgral nas mya ngan las 'das pa'i bde ba la 'god par shog cig ces smon lam btab bo/ /de'i tshe na stong gsum gyi stong chen po'i 'jig rten gyi khams rnam pa drug tu
280a4 g.yos te/ lha'i pho brang kun lde gcing g.yos nas lha rnams sdangs te bltas na/ byang chub sems dpas lus kyi pags pa sbyin par byas pa mthong nas nam mkha' las babs
280a5 te kun ta gang na bar lhag nas lha rdzas kyi me tog gis gtor te mchod par byas nas mchi ma char bzhin du phab bo/ /pags pa bshus nas song ba'i 'og tu sha rlon pa de la
280a6 khrag kun nas gzag cing sbrang ma dang / grog ma la sogs pa stong phrag brgyad cu snyed de'i lus la 'dus na thams dad de'i lus la za zhing de dag bros su dogs pas
280a7 lus kyang mi 'gul te lus kyi sbyin pa byas nas de nyid du tshe'i dus byas so/ /sbrang ma deng srin bu byang chub sems dpa'i sha la zos pa rnams kyang tshe 'phos nas thams
280b1 cad mtho ris kyi lhar skyes so/ /de'i tshe na rngon pa des pags pa de khyer te rgyal po la phul nas rgyal po rab tu dga' ste/ 'di lta bu shin tu 'jam pa ni/ zla med do/ /zhes rtag
280b2 tu nyal ba'i stan du bting nas de la nyal lo/ /kun dga' bo/ de ltar rig par gyis shig /de'i tshe de'i dus na gcan gzan kun ta de ni/ da la rang yin no/ /rgyal po tshangs
280b3 sbyin de ni/ lhas sbyin yin no/ /srin bu stong phrag brgyad cu ni/ nga thog mar mngon par sangs rgyas te chos kyi 'khor lo bskor ba na 'bras bu thob pa'i lha'i sras po brgyad
280b4 khri po yin no/ /lha sbyin gyis de'i tshe na yang nga bsad de/ da ltar gyi bar du yang nga la sdig pa'i sems kyis gsong par sems so/ /bcom ldan 'das kyis de skad ces gsungs
280b5 nas tshe dang ldan pa kun dga' bo dang / 'khor mang po rnams dge ba'i chos la 'dun te/ la la ni/ rgyun du zhugs pa'i 'bras bu dang / la la ni/ lan gcig phyir ldog pa dang /
280b6 phyir mi ldog pa dang / dgra bcom pa'i 'bras bu thob bo/ /la la ni/ rang sangs rgyas kyi dge ba'i rtsa ba bskyed/ la la ni/ bla na med pa'i byang chub tu sems bskyed nas phyir mi
280b7 ldog pa'i sa la gnas par gyur to/ /bcom ldan 'das kyis gsungs pa la rjes su yi rang nas mngon par dga'o/ /gcan gzan kun tas lus kyi sbyin pa byas pa'i le'u
281a1 ste bcu bzhi pa'o// //rab tu byung ba'i yon tan bsngags pa'i le'u/ gang zhig rab tu byung na/ de'i bsod nams ni/ rab tu
281a2 mang ste| bdag gi bu'am/ bu mo'am/ bran kho la las gang yang rung ba rab tu 'byung bar gnang ngam/ bdag nyid rab tu byung na/ nge'i bsod nams ni/ dpag tu med
281a3 do| |gang zhig sbyin pa byas pa'i bsod nams de ni/ skye ba bcu'i bar du longs spyod myong bar 'gyur te/ gnam rim pa drug gi lhar yang dang yang du la na stong skyes ba bas/
281a4 mi gcig rab tu byung ngam/ bdag nyid rab tu byung na/ bsod nams 'di ni/ snga ma bas mchog tu che'o/ /de ci'i phyir zhe na/ sbyin pa byas pa'i bsod nams ni/ zad
281a5 pa'i mtha' yod kyi/ rab tu byung ba'i bsod nams ni/ dpag tu med/ mtha' med do/ /gzhan yang tshul khrims bsrungs pa'i bsod nams kyis mngon par shes
281a6 pa lnga dang ldan pa'i drang srong dang / mtho ris kyi longs spyod tshangs pa'i 'jig rten gyi bar du myong bar 'gyur gyi/ sangs rgyas kyi bstan pa la rab tu byung ba'i bsod nams
281a7 ni| bsam gyis mi khyab ste/ mya ngan las 'das pa'i bar du bsod nams zad mi shes so/ /gal te kha cig gis rin po che sna bdun las byas pa'i mchod rten
281b1 mtho khyad sum cu rtsa gsum la thug par byas pa'i bsod nams kyis kyang rab tu byung ba'i bsod nams tsam la mi phod do/ /de ci'i phyir zhe na/ rin po che sna bdun gyi mchod rten
281b2 ni| glen pa ma rungs pa dag gis bshig par 'gyur gyi/ rab tu byung ba'i bsod nams ni/ gzhig nus pa med do/ /dge ba'i chos 'dod na/ sangs rgyas kyi chos
281b3 ma gtogs pa 'di lhag pa'i chos gzhan med do/ /dper na/ longs ba brgya'i mig sman pa mkhas pa zhig gis phye ste/ gcig car mthong bar byas pa dang / gzhan yang
281b4 mi brgya zhig mig 'byung ba la thug pa las/ mthu dang ldan pa zhig gis mig dbyung ba de dag gi las thar par byas pa dang / mi 'di gnyis kyi bsod nams ni/ de pag
281b5 tu med mod kyi/ 'on te gzhan rab tu phyung ngam/ bdag rab tu byung ba'i bsod nams tsam mi phod do/ /de ci'i phyir zhe na/ 'di gnyis kyis de dag gi mig phyin
281b6 pa ni| 'jig rten gyi phan pa dang bde ba tsam thob par zad la/ sha'i mig gi rang bzhin ni/ 'jig pa'i rang bzhin no/ /gzhan rab tu phyung ngam/ bdag rab tu
281b7 byung na gcig gis gcig bstan cing drangs pas/ sems can gyi khams bskal pa'i mthar bla na med pa'i shes rab kyi mig tu 'gyur te/ shes rab kyi mig gi
282a1 rang bzhin ni/ bskal pa'i bar du 'jig par mi 'gyur ro/ /de'i bsod nams kyis lha dang mi'i nang na bde ba'i longs spyod zad mi shes pa
282a2 mthar thug pa med pa yid bzhin du myong zhing mthar yang mngon par 'tshang rgya'o/ /de ci'i phyir zhe na/ rab tu byung ba'i chos ni/ bdud kyi 'khor med par byed cing sangs
282a3 rgyas kyi gdung 'tshong par byed do/ /sdig pa mi dge ba'i chos med par byed cing dge ba'i chos skyes par byed do/ /kha na ma thob pa'i dri ma med par byed cing bla na med pa'i
282a4 bsod nams kyi las skyed par byed do/ /de bas na bcom ldan 'das kyis rab tu byung ba'i bsod nams ni/ ri rab lhun po bas 'phang mtho'o/ /rgya mtsho bas gting zab bo/ /
282a5 nam mkha' bas rgya che'o/ /zhes gsungs so/ /gal te su zhig rab tu byung ba'i bgegs dang bar chad byas te bsam pa ltar ma grub na/ de'i kha na ma tho ba'i las shin tu lci ba ni/
282a6 dper na/ mi zhig mun khrod du song na ci yang mi mthong ba dang 'dra bar de'i sdig pa'i rnams par smin pa yang de dang 'dra ste/ shin tu mi snang ba'i mun pa nag po'i sems can dmyal
282a7 bar ltung ngo / /dper na/ rgya mtsho'i nang du chu bo dang / chu bran thams cad 'bab pa ltar/ mi de'i sdig pa'i rnam par smin pa yang de dang 'dra ste/ nyes pa thams cad de'i lus la pa yang de dang 'dra ste/ nyes pa thams cad de'i lus la
282b1 'du'o| |dper na/ ri rab lhun po ni/ bskal pa'i me byung na/ lhag ma ma lus par tshig pa dang 'dra bar de yang sems can dmyal ba'i sems tshigs nas lhag ma mi lus la yang de dang
282b2 'dra'o| |gzhan rab tu byung bar gnang ngam/ gal te bdag rab tu byung na/ de'i bsod nams ni/ rab tu byung ba ni/ mdo sde'i chu yongs su dag pas kun nas nyon mongs pa'i dri ma
282b3 thams cad bkrus te 'khor ba'i sdug bsngal yongs su bsal nas mya ngan las 'das pa'i rgyur 'gyur ro/ /'dul ba'i rkang pas tshul khrims yongs su dag pa'i sa la
282b4 'chag cing chos mngon pa'i mig gis 'jig rten gyi dge ba dang / sdig pa la lta zhing yid bzhin du 'phags pa'i lam yan lag brgyad la 'gro ste /mya ngan las 'das pa'i grong khyer
282b5 du phyin pa byed do/ /de bas na rgan po'am/ gzhon nu rab tu byung ngam/ rab tu byung bar gnang ngam/ bdag rab tu byung na/ de'i bsod nams mchog tu che'o/ /de'i tshe bcom
282b6 ldan 'das rgyal po'i khab bya ka lan+ta ka gnas pa 'od ma'i tshal na bzhugs so/ /de'i tshe rgyal po'i khab na khyim bdag dpal skyes zhes bya ba la brgya lon pa zhig gis rab tu 'byung
282b7 ba'i yon tan 'di ltar tshad med do/ /zhes thos nas 'di snyam du bdag ci'i phyir sangs rgyas kyi bstan pa la rab tu ma byung snyam bsam nas chung ma dang / bu dang / bran khol la nga ni/ rab
283a1 tu 'byung ngo / /zhes byas so/ /mi de rgas 'khogs pas khyim gang gis mi thams cad skyo ste dgos pa med do snyam nas rab tu 'byung ngo / /zhes thos
283a2 pa dang / de dag dga' ste myur du 'gro ba'i rigs kyi/ dus la bab bo/ /zhes smras so/ /de nas khyim bdag de khyim nas byung ste 'od ma'i tshal du bcom ldan 'das la rab
283a3 tu 'byung bar gsol du song nas 'od ma'i tshal du phyin pa dang / dge slong rnams la sangs rgyas bcom ldan 'das thugs rje chen po lha dang mi la phan pa'i don rgyas par
283a4 mdzad pa ga la bzhugs zhes dris so/ /dge slong rnams kyis sangs rgyas bcom ldan 'das rnams ni/ 'gro ba mang po la phan pa'i don du rgyu zhing gzhan du gshegs
283a5 so| |zhes smras so/ /khyim bdag des yang dge slong rnams la sangs rgyas ston pa chen po'i mkhas pa dang / shes rab tu ldan pa'i mchog su yin zhes dris pa dang /
283a6 dge slong rnams kyis btsun pa shA ri'i bu yin no/ /zhes bstan to/ /rgan po de 'khar pa la brten te shA ri'i bu gang na ba der song ste phyin pa dang / 'khar ba bor nas phyag
283a7 'tshal te 'di skad ces gsol to/ /btsun pa bdag rab tu byung bar gnod zhig /btsun pa shA ri'i bus brtags na/ khyim bdag 'di rgas pas/ slob pa dang / bsam
283b1 gtan dang / dge 'dun gyi las bya ba rnam pa gsum las nyams te mi nus so snyam bsam nas 'di skad ces smras so/ /khyod phyir song zhig /khyod ni/ rgas 'khogs te
283b2 dus las yol gyi/ rab tu 'byung bar mi rung ngo / /zhes bsgo'o/ /de nas mthar gyis 'od srung chen po dang / u pa li dang / ma 'gags pa la sogs te/ dgra bcom pa
283b3 chen po de dag kun gyi drung du song nas gsol ba btab pa las/ de dag kun gyis khyod sngar su la yang gsol ba ma btab pa ma zhes dris na/ bdag gis sngar btsun pa shA
283b4 ri'i bu la gsol ba btab bo/ /'o na ji skad zer/ de na re/ khyod rgas 'khogs te dus las yol bas 'byung du mi rung ngo / /zhes mchi'o/ /dge slong de dag gis smras pa/
283b5 shA ri'i bu lta bu mkhas pa dang / shes rab kyi mchog des kyang ma gnang na/ bdag cag kyang de dang 'dra ste gnang ba med do/ /dper na/ sman pa mkhas pa sman dpyad la
283b6 mkhas pas nad pa brtags te sman dpyad mi byed par spong na/ sman pa chung du gzhan dag kyang gso bar mi byed de/ de la nges par 'chi ba'i mtshan ma yod par rtogs pa'i phyir
283b7 ro| |shA ri'i bu blo dang ldan pas kyang ma gnang na/ dge slong gzhan yang de dang 'dra ste/ gnang ba med do/ /zhes bsgo'o/ /khyim bdag de dge slong rnams kyis rab tu 'byung bar
284a1 ma gnang bas/ 'od ma'i tshal nas phyir byung ste sgo'i them pa la 'dug nas skad chen po phyung ste smre sngags 'don cing dus so/ /bdag thog
284a2 ma skyes nas nyes pa chen po ni ma byas na/ ci'i phyir bdag rab tu 'byung bar mi gnang / u pa li lta bu 'breg mkhan las byung ba dang / mi de lta bu phyag dar ba ngan skyug 'dor ba dang /
284a3 sor phreng can lta bu mi grangs med pa bsad pa dang / a si ka lta bu mi rgod ma rungs pa de dag la sogs pa yang rab tu byung na/ bdag la nyes pa ci zhig yod de rab
284a4 tu 'byung du ma gnang zhes smras pa dang / bcom ldan 'das de'i drung du gshegs te sku mngon par bstan nas 'od zer gyis lhang nge lham mer gsal te mtshan dang
284a5 dpe byad kyis brgyan nas brgya byin lha'i dbang po rin po che sna bdun gyi rgyal mtshan ltar mngon du gshegs te/ khyim bdag dpal skyes la khyod ci'i phyir du zhes
284a6 bka' stsal to/ /de'i tshe khyim bdag des sangs rgyas kyi gsung tshangs pa'i dbyangs lta bur thos nas rab tu dga' mgu rangs pa ni/ byis pa pha ma mthong ba tsam du
284a7 dga' ste lus smad lngas la gtugs nas sangs rgyas la phyag 'tshal te 'di skad ces gsol to/ /sems can gyi nang na mi 'gum pa dang / mi rgod bgyid pa
284b1 dang / brdzun du smra ba dang / skur glang 'debs pa'i ma rabs dag kyang rab tu byung na/ bdag 'ba' zhig dngos sdig ci mchis na/ sangs rgyas kyi bstan pa la rab tu
284b2 'byung bar ma gnang / bdag gi khyim gang gi mi yang bdag rgas 'khogs pas skyo bar gyur te dgos pa med de/ /zhes mchi bas/ gal te sangs rgyas kyi bstan pa
284b3 la rab tu 'byung bar ma gnang na/ slar khyim du mchis kyang gdon mi 'tshal bar bdag khyim du 'jug tu mi ster bas gang du yang mchi ba'i gnas ma mchis te/ 'di nyid
284b4 du nges par srog dang 'bral bar 'gyur ro/ /de nas bcom ldan 'das kyis khyim bdag dpal skyes la bka' stsal pa/ nam mkha' la lag pa bteg pa la 'di ni/
284b5 rab tu 'byung ngo / /'di ni/ rab tu mi 'byung ngo / /zhes nges bar su zhig smra/ khyim bdag gis gsol pa/ bcom ldan 'das kyi 'khor los bsgyur ba'i rgyal po'i
284b6 'khor mkhas pa'i mchog /sangs rgyas kyi 'og tu che ba/ 'jig rten gyi ded dpon shA ri'i bus bdag bstan pa la rab tu 'byung bar ma gnang ngo / /de nas bcom ldan
284b7 'das kyi thugs chen pos ji ltar bu sri zhu che ba la pha mas tshig snyan par smra ba bzhin du khyim bdag dpal skyes de la spro ba bskyed nas 'di skad ces bka' stsal to/ /khyod mya ngan
285a1 ma byed cig /ngas khyod rab tu dbyung ngo / /shA ri'i bus ni/ bskal pa grangs med pa gsum gyi bar du brtson 'grus dka' ba spyod cing bskal
285a2 pa brgyar bsod nams byas pa ma yin/ shA ri'i bus skye ba thams cad du shin tu spyod dka' ba mgo bcad pa dang / mig phyung ba dang / rus pa dang / rkang dang
285a3 sha dang / khrag dang / pags pa dang / rkang pa dang / lag pa dang / rna ba dang / sna bcad de sbyin pa byin pa ma yin/ shA ri'i bus ni/ stag mo la lus sbyin pa
285a4 dang / me dong du mchong pa dang / lcags gzer stong lus la btab pa dang / lus la mar me stong btsugs pa ma yin/ shA ri'i bus ni/ yul dang / grong khyer
285a5 dang / chung ma dang / bu dang / bran pho dang / bran mo dang / glang po che dang / rta dang / rin po che sna bdun gyi sbyin pa byin pa ma yin/ shA ri'i bus ni/ bskal pa
285a6 grangs med pa thog ma la sangs rgyas brgyad khri brgyad stong la bsnyen bkur byas pa dang / bskal pa bar ma grangs med pa la sangs rgyas dgu khri dgu stong la
285a7 bsnyen bkur byas pa dang / bskal pa tha ma grangs med pa la sangs rgyas khri phrag bcu la bsnyen bkur byas shing rab tu byung nas tshul khrims kyi pha rol tu phyin pa
285b1 yongs su rdzogs par byas pa ma yin/ shA ri'i bu ni/ chos la dbang du gyur pa ma yin na/ ci'i phyir 'di ni/ rab tu dbyung gi /'di ni/ rab tu dbyung ba'i mi rigs
285b2 so| |zhes smra/ nga 'ba' zhig ni/ chos la dbang mdzad de/ pha rol tu phyin pa drug gis bteg cing bzod pa'i go cha bgos te byang chub kyi shing drung du rdo rje'i gdan la bzhugs
285b3 nas bdud kyi sde rnams btul te mngon par sangs rgyas pas nga dang mnyam pa med do/ /de bas na khyod nga'i phyi bzhin du shog cig /rab tu dbyung ngo / /zhes de ltar bcom
285b4 ldan 'das kyis thabs rnam pa sna tshogs kyis spro ba bskyed pas mya ngan kun zhi nas rab tu dga' ba'i sems bskyed de sangs rgyas kyi phyi bzhin du gtsug lag khang
285b5 gi nang du song ngo / /de nas bcom ldan 'das kyis mau gal ya na chen po la khyim bdag 'di rab tu phyung zhig ces bka' stsal to/ /de ci'i phyir zhe na/ sems can ni/
285b6 las gang dang mthun pa des 'dul bar 'gyur te/ gang sangs rgyas dang las mthun pa la ni/ gzhan gyis 'dul bar mi 'gyur ro/ /gang gzhan dang las mthun pa de la
285b7 yang sangs rgyas kyis 'dul bar mi 'gyur te/ gang zhig shA ri'i bu dang las mthun pa ni/ mau gal dang / 'od srung dang / ma 'gags pa dang / na bun la sogs pa nye
286a1 gnas gzhan thams cad kyis 'dul bar mi 'gyur ro/ /de bzhin du gang dang gang las mthun pa de la gzhan gyis 'dul bar mi
286a2 'gyur ro/ /de'i tshe mau ga la ya nas kyang khyim bdag 'di rgas 'khogs te kha ton slob pa dang / bsam gtan dang / dge 'dun gyi las byed mi nus te las bya
286a3 ba gsum las nyams so snyam bsams kyang chos kyi rgyal po bcom ldan 'das kyis rab tu phyung zhig ces bka' stsal pas/ tshul gyis bzlog tu mi rung ngo
286a4 snyam bsams nas rab tu phyung ste bsnyen par rdzogs so/ /mi 'dis tshe rabs snga ma la thar par 'gyur ba'i rgyu yang bskyed/ chos kyi lcags kyus zin pa ni/ ji ltar
286a5 nya mchil pa la thogs na gdon mi za bar phyir 'byung ba ltar thar pa'i rgyu yang bskyed/ dge ba'i tshogs kyang bsags pas nyin mtshan du brtson 'grus bskyed de klog
286a6 pa dang 'don pa la goms shing / mdo sde dang / 'dul ba dang / chos mngon pa rgyas par khong du chud cing rtogs par gyur na/ rgas 'khogs pas tshul bzhin du
286a7 rim gro dang / bsti stang dang / bsu skyel dang / bla ma la gsong bor smra ba dang / phyag 'tshal ba ni/ mi nus so/ /de la dge slong gzhon nu sngar rab tu byung ba gral
286b1 mtho ba dag 'di skad du/ dge slong rgan po 'di 'don pa dang / klog pa dang / slob pa la snyems te bdag cag la bkur sti yang mi byed do snyam nas rtag tu 'tsho bar gyur to/ /
286b2 de nas dge slong rgan po des 'di snyam du bsams so/ /bdag khyim na 'dug pa'i tshe na chung ma dang bus gtses/ da rab tu byung nas 'di lta bu'i bag med par 'gyur snyam na/ da
286b3 yang dge slong gzhon nu 'di dag gis gtse na/ sngon nyes pa ci zhig byas na 'di 'dra ba'i sdug bsngal gyis gdungs pas bdag da shi yang rung snyam bsams nas tshal de'i
286b4 'gram na chu chen po zhig 'bab pa'i 'gram du song nas chos gos phud de shing gi yal ga la bkal nas pus mo sa la btsugs te mchi ma blags nas 'di snyam du yi
286b5 dam bcas so/ /bdag ni/ sangs rgyas dang / chos dang / dge 'dun yongs su spong ba ma yin gyi/ lus 'di 'ba' zhig gtong ngo / /bdag gis sbyin pa bgyis pa
286b6 dang / tshul khrims bsrungs pa dang / brtson 'grus brtsams pa dang / mdo sde kha ton byas pa'i bsod nams kyis bdag gi lus 'di dang bral nas btsan zhing phyug la
286b7 longs spyod dang ldan pa 'khor 'dum pa'i rigs su skyes te bdag dge ba'i chos la 'jug pa'i bgegs mi byed pa dang / rtag tu dkon mchog gsum dang phrad pa dang / rab
287a1 tu 'byung zhing chos la nan tan byed pa dang / slob dpon mkhas pa dang phrad de mya ngan las 'da' ba yang ston par shog cig /ces dam bcas nas
287a2 gang na chu drag po 'bab cing zab pa/ klong 'khyil ba dang dpa' rgod par mchod par gzas so/ /de'i tshe mau gal gyi bus lha'i mig gis bdag gi nye gnas rgan po de da ltar
287a3 ci zhig byed snyam bltas na/ bdag gi nye gnas de chu la mchong bar mthong nas chur ma phyin par rdzu 'phrul gyi mthus blangs nas chu'i 'gram du bzhag ste chos kyi sras khyod
287a4 ci zhig byed ces dris pa dang / rgan po de ngo tsha zhing skyengs nas ji skad du lan gdab bsams nas gal te bdag gis brdzun byas te slob dpon bslus na/ slob dpon
287a5 bslus pas skye ba thams cad du lce'i dbang po med pa'i kha na ma tho ba dang bcas par 'gyur ro/ /ci ste bdag gis brdzun du smras na yang slob dpon la mngon par shes
287a6 pa mnga' bas rtogs par 'gyur ro/ /gang 'jig rten mkhas pa'i shes rab dang ldan la rang bzhin gyi drang zhing g.yo sgyu med na/ lha rnams kyis bkur bar 'gyur ro/ /mkhas
287a7 pa'i shes rab dang ldan pa g.yo sgyu zhig yod na yang gzhan gyi slob dpon du mi rung ste/ mi bkur bar 'gyur ro/ /gal te shes pa med kyang g.yo sgyu yang med de drang
287b1 na| gzhan gyi don byed mi nus kyang bdag gi don byed par 'gyur ro/ /gal te glen pa gti mug can yang yin la g.yo sgyu yod na/ thams cad kyi dgra ma rung ba yin te/ ci
287b2 smras kyang 'di ni/ brdzun du smra ba ste/ slu ba yin no/ /zhes zer ro/ /gal te tshig bden pa zhig smras na yang kun gyis yid mi ches te/ de bas na bdag gis slob dpon la
287b3 brdzun du smras te bslus na/ mi rigs mi bsha'i/ gang bden pa smra'o snyam bsams nas slob dpon la 'di skad ces smras so/ /bdag khyim gyis skyo ste khyim ma yin par
287b4 rab tu byung nas dben pa zhi bar 'tshal na/ da yang mi bde bar gyur nas bdag 'gum snyam mo/ /mau gal gyi bus de skad ces smras pa thos nas 'di la ni/ skye ba dang / 'chi
287b5 ba'i 'jig pa zhig gis ma bsdigs na/ rab tu byung ba'i don med par 'gyur ro snyam bsams nas de la nga'i chos gos kyi mtha' ma 'di la dam du zungs la ma btang zhig
287b6 ces smras nas steng gi nam mkha' la 'phags pa ni/ rlung gis sbur ma bus pa ltar rdzu 'phrul gyis lag na spu nyag ma gcig tsam khyer ba dang 'dra bar yid bzhin du phyin
287b7 to| |gzhan yang bya khras bye'u phrug khyer ba ltar mau gal gyi bu rdzu 'phrul gyis nam mkha' la 'phags nas skyes bus lag ngar bskum pa las brkyang ba tsam gyi rgya mtsho'i 'gram
288a1 du phyin te/ /rgya mtsho'i 'gram de na bud med tshe 'phos ma thag pa'i ro shin tu mdzes pa/ bzang ba/ mnga' byad legs pa/ mtshan dang ldan pa la sbrul
288a2 zhig kha'i nang du zhugs nas sna'i nang nas byung / mig gi nang nas zhugs nas rna ba'i nang du byur ba mau gal gyi bus rab tu brtags so/ /de nas dge slong dpal skyes kyis bud med
288a3 'di lta bu mtshan dang ldan pa su yin zhes zhus na/ nam dus la bab na bstan to/ /zhes smras te yang song ba dang / bud med cig zangs po che zhig btsugs te zangs
288a4 kyi nang du chu blugs nas 'og tu me po che bus te chu khol ba dang gos phud nas nang du zhugs te de ma thag tu skra dang spu kun byi nas sha yang tshos te rus pa yang bye nas chu lus
288a5 pas rus pa rnams phyir byung ngo / /rus pa de dag rlung gis bus pas de ma thag tu mi zhig tu gyur nas zangs kyi nang nas sha phyung ste za ba zhig mthong ngo / /dge slong dpal skyes
288a6 skrag ste ba spu yang langs nas slob dpon la sha za ba 'di su yin zhes zhus na/ mau gal gyi bus dus la bab na bstan to/ /zhes smras pa dang / yang song song ba las shing
288a7 chen po zhig lo ma dang yal ga'i bar du khab kyi rtse mo tsam gzugs pa'i sa stong tsam yang med par srin bu mang pos za ba la skad chen por du zhing 'bod pa'i sgra kun tu
288b1 grags pa sems can dmyal ba'i sgra 'dra ba zhig thos nas 'di lta bu'i sgra mi snyan pa su'i lags zhes zhus na/ mau gal gyi bus dus la bab na bstan to/ /zhes smras so/ /de
288b2 nas yang mi'i lus la gcan gzan gyi mgo can du 'dug pa'i yi dwags mang pos mi zhig la 'khor bar bskor te lag na mda' gzhu thogs shing mda' la me 'bar bzhin
288b3 du kun gyis mi de la mda' 'phangs nas gcig tu 'bar bar mthong ste/ 'di lta bu'i sdug bsngal mi bzad pa myong ba yang 'bros pa'i gnas med pa 'di su lags zhes
288b4 zhus na| slob dpon gyis re zhig sdod cig /dus la bab na bstan to/ /zhes bsgo'o/ de nas yang song song ba las ring zhig lon pa dang / ri chen po zhig gi drung na ral
288b5 gri dang mtshon rnon po so gyen du gtams te btsugs pa la mi zhig ri'i rtse mo nas thur du rgyugs te ral gri dang / mtshon gyis zug cing ral nas phyir yang ral gri dang
288b6 mtshon sa la btsugs te/ de bzhin du mi dal bar rgyug pa mthong nas 'di lta bu su lags zhes zhus na/ slob dpon gyis dus la bab na bstan to/ /zhes bsgo'o/ /de nas
288b7 yang song song ba las rus pa'i ri chen po mtho khyad dpag tshad bdun brgya pa/ nyi ma yang sgrib cing rgya mtsho yang grib mas mun par gyur pa de la mau gal 'dzegs te rtsib rus
289a1 gcig gi steng nas phan tshun du 'gro ba'i phyi bzhin du bdag kyang song ba mthong nas 'di snyam du bsams so/ /bdag ni/ slob dpon dang de'u re
289a2 bral gyi| sngar mthong ba'i dngos po de dag zhu'o snyam bsams nas slob dpon la bdag gis sngar mthong ba'i dngos po de dag bstan du gsol zhes zhus pa dang / mau
289a3 gal gyis kyang da dus la bab kyi/ khyod la bstan par bya'o/ /sngar mthong ba'i bud med de shes par 'dod na/ de ni/ rgyal po'i khab na sar phag chen po zhes bya
289a4 ba'i chung ma yin te/ byad bzhin bzang bas khyim thab kyang lhag par byams so/ /de'i tshe na sar phag de rgya mtshor 'jug pa las chung ma gtong ma phod nas chung ma yang
289a5 khrid de tshong pa lnga brgya tsam dang rgya mtshor zhugs nas de'i chung ma rtag tu shing gsum mgo bsdus te mdung khyim ltar byas nas de la me long bzhag ste me long las
289a6 bltas na/ bdag gi byad bzhin bzang bar mthong nas shin tu chags pa skyes so/ /de'i tshe na rgya mtsho'i nang nas rus sbal chen po zhig gis gru brdzis nas gru zhig
289a7 ste tshong pa lnga brgya tsam thams cad tshe'i dus byas so/ /rgya mtsho'i chos nyid kyis ro zhag tu lon par mi gnas pas chus phul te rgya mtsho'i 'gram du phyin to/ /sems can
289b1 dag ni| tshe'i dus byed pa na ci la chags pa der skye bar 'gyur ro/ /'o na su zhig sems can dmyal bar skye bar dga' na/ sems can dmyal bar mang du skyes par 'gyur/
289b2 smras pa| sems can gang dkon mchog gsum gyi nor brkus sam/ pha ma'i longs spyod brkus sam/ mi'i srog bcod pa'i kha na ma tho ba chen po byas na/
289b3 shin tu 'bar ba'i sems can dmyal ba chen por ltung bar 'gyur te/ mi de rlung ngam grang nad kyis gzir bas yid la me 'dod par bsam mo/ /me'i nang du
289b4 'gro bar bsam ma thag tu tshe'i dus byas nas shin tu 'bar ba'i sems can dmyal bar 'gro'o/ /de la gang sangs rgyas la phul ba'i mar me'am/ rin po che
289b5 brkus sam/ dge 'dun gyi sgron ma'am/ shing brkus sam/ dge 'dun gyi gnas khang bshig gam/ chos 'chad pa'i 'dun khang bshig gam/ dgun grang
289b6 ba'i dus su pha rol po'i gos 'phrog gam/ mthu yod pas lhags pa'i nang du bran po'am/ bran mo'am/ mi gzhan gyi gos 'phrog ste chu blugs sam/ gzhan gyi gos
289b7 bshus shing 'phrog na/ kha na ma tho ba'i las kyi sdig pa 'dis chab dron gyi sems can dmyal bar ltung ste/ mi de tsha ba'i nad kyis gzir bas rtag tu bsil zhing grang
290a1 ba'i gnas sems te grang bar 'dod pas dus byas ma thag tu sems can dmyal ba der skyes te/ ut+pa la dang / pad+mo dang / ku mu ta
290a2 dang | puN+Da rI ga'i sems can dmyal ba yang de dang 'dra'o/ /grang ba'i sems can dmyal ba na sdug bsngal myong ba na lus kyi sha kun kham tshad kham tshad du yos rngo ba
290a3 ltar chad cing gas nas mgo dang rus pa yang dum bu brgya stong du chad cing gas par 'gyur ro/ /sems can gang ser sna byed cing gzhan gyi 'tsho ba bcad de ltogs
290a4 su bor ba dang / kha zas dus bzhin du mi ster na/ yi dwags kyi khams su ltung ste/ mi de kha zas mi chud cing skyug dro ba'i nad kyis btab na/ nang g.yog gam
290a5 bshes gnyen gyi kha zas rnam pa mang po dang sbyar te 'di ni/ mngar ro/ /'di ni/ skyur ro/ /'di ni/ bsod pa'o/ /'di ni/ 'ju sla ba'o/ /zhes nan tan gyis bstabs
290a6 na| nad pa de khros te bdag kha zas 'di mig gis mi mthong ba'i dus yod dam snyam bsam nas de tshe'i dus byas ma thag tu yi dwags kyi khams su ltung ngo / /sems
290a7 can gang glen pa gti mug can/ dkon mchog gsum la ma dad pa/ 'phags pa la skur pa 'debs pa ni/ dud 'gro'i skye gnas su skye ste/ de yang nad kyis
290b1 gzir pa na sgur te nyal ni/ shes kyi/ 'phres te nyal mi shes la/ dge ba'i phyogs gtam snyan pa thos mi 'dod na/ nad g.yog gis kyang gdon mi za bar tshe 'pho bar
290b2 shes pas na/ nad g.yog gis kyang khyod chos nyon cig /tshul khrims kyang nos shig /sku gzugs dang dge slong dag kyang mthong bar byos la/ de la sbyin pa yang
290b3 byos shig ces bskul na/ de la mi dad mi dga' ste/ nan gyis bskul ma btab pa dang / de khros nas bdag dkon mchog gsum dang / dge ba'i ming yang mi thos pa
290b4 zhig tu song na ci ma rung zhes smras nas tshe'i dus byas ma thag tu dud 'gro'i skye gnas su skye'o/ /de la gad lha dang mi'i rgyur gyur pa'i dge ba'i phyogs la brtson pa de ni/ nad
290b5 kyis kyang shin tu gdungs par mi 'gyur te/ tshe'i dus byed pa na sems kyang mi 'khrug gi /nad g.yog dang bshes gnyen dag gis 'chi bar rtogs nas khyod dam pa'i chos thos
290b6 par 'dod dam/ sku gzugs mthong bar 'dod dam/ dge slong dag las mdo sde dang tshigs su bcad pa dag nyan par 'dod dam/ khyod tshul khrims mnod par dga'am/
290b7 sangs rgyas dang dge 'dun la longs spyod 'bul par dad dam zhes bskul na/ de dag kun la dad do/ /zhes zer ro/ /gzhan yang sangs rgyas kyi sku gzugs la yon phul na
291a1 tshangs rgya bar 'gyur ro/ /chos la mchod cing longs spyod phul na/ gang nas gang du skye ba'i gnas thams cad du shes pa dang ldan te/ chos
291a2 kyi mtshan nyid khong du chud cing rtogs par 'gyur ro/ /dge 'dun la longs spyod kyi sbyin pa byas na/ gang nas gang du skyes kyang rin po che dang / longs spyod chen po dang
291a3 yid bzhin du ldan par 'gyur ro/ /zhes nad pa la gtam byas na/ nad pa rab tu dga' mgu rangs te bdag skye ba thams cad du dkon mchog gsum dang phrad cing
291a4 chos thos pa dang / chos thos nas khyad khong du chud cing rtogs par gyur cig ces smon lam btab na tshe'i dus byed de mi'i nang du skye'o/ /gang zhig lhar skye ba'i rgyur gyur pa'i dge ba'i
291a5 phyogs rgya cher bskyed pa/ sbyin pa dang tshul khrims rnam par dag pa/ chos nyan par dga' ba/ dge ba bcu la spyod pa'i gang zag de ni/ dus byed pa na bde bar nyal bzhin
291a6 du sangs rgyas kyi sku gzugs dang / lha'i pho brang dang / lha'i bu mo dag mthong zhing lha'i rol mo dag thos te mdangs kyang shin tu bzang ba dang / lag pa gyen du 'degs
291a7 pa ni| tshe'i dus byas nas mtho ris lha'i nang du skye'o/ /khyim bdag sar phag gis chung ma de bdag gi lus la chags pas/ tshe'i dus byas ma thag tu phyir yang bud med
291b1 gyi lus de la sbrul du skyes te/ sbrul de las tshe'i dus byas nas sems can dmyal ba chen po'i sdug bsngal dpag tu med pa myong bar 'gyur ro/ /dge slong des yang slob dpon
291b2 la gsol pa/ bdag gi sha la za ba'i bud med de su lags/ mau gal gyi bus smras pa/ mnyan du yod pa na dge bsnyen ma zhig la bran mo zhig yod do/ /dge bsnyen ma
291b3 des tshul khrims rnam par dag pa'i dge slong zhig dbyar zla ba gsum mchod pa 'bul bar spyan drangs te phyogs gcig tu gnas khang byas te bzhag nas nyin gcig bzhin
291b4 du kha zas ro brgya dang dri bsung du ldan pa sna tshogs sbyar te dro khar dus su bran mo de skyel du btang ngo / /bran mo de dben par phyin pa dang zhim po rnams zos nas lhag ma dge
291b5 slong de la phul lo/ /phyis dge bsnyen mas bran mo de mdog bzang zhing sha skyes par mthong nas bran mo la khyod dge slong la 'bul ba'i kha zas lhag mar ma byas sam zhes
291b6 dris na| jo mo/ /bdag la yang dad pa'i shas cung zad cig mchis te/ ngan par lta ba ni/ ma lags na/ ci'i slad du dge slong la 'bul ba'i kha zas lhag mar bgyid/
291b7 dge slong gis ma yog pa'i lhag ma bdag la stsal pa 'tshal to/ /ci ste bdag gis 'tshal bar gyur na/ bdag gar skyes kyang bdag gi sha la bdag za bar shog cig
292a1 ces smras pas/ de'i rgyu de'i rkyen gyis sngar rnam par smin pa mi bzad pa 'di myong nas sems can dmyal ba chen por dpag tu med
292a2 pa'i sdug bsngal gdod myong par 'gyur ro/ /dge slong des gsol pa/ shing chen po la srin bu mang po za zhing mi snyan pa'i sgra chen po grags pa de su zhig lags
292a3 smras pa| li ta zhes bya ba dge 'dun gyi las byed pa'i dge slong de yin te/ dge 'dun gyi dkor la spyod cing / me tog dang / 'bras bu dang / bza' ba dang / btung
292a4 ba dag khyim pa'i phyogs la sbyin pa'i rnam par smin pa mi bzad pa 'di myong nas tshe'i dus byas ma thag tu sems can dmyal ba chen por skyes te shing la za ba'i srin
292a5 bu de dag ni/ dge slong gis byin pa thob pa'i mi rnams yin no/ /dge slong des yang gsol pa/ mi zhig la mi mang pos bskor te mdas btsugs nas lus gcig tu
292a6 'bar ba de su lags/ mau gal gyis smras pa/ mi zhig gis sngon rngon pa byed byed de ri dwags mang du bsad pas/ sdug bsngal 'di lta bu myong bar gyur te/ de
292a7 nas tshe 'phos nas sems can dmyal ba chen por skyes te/ de las thar pa'i dus shin tu dka'o/ /dge slong gis yang gsol pa/ ri bo che la ral gri dang /
292b1 mtshon khar rgyug ste 'chi ba de su lags/ mau gal gyis smras pa/ rgyal po'i blon po shin tu dpa' ba yin te/ re zhig mtshon rnon po dang / ral gri dang / mdung
292b2 dang / shag ti'i khar rgyugs te/ de nas tshe 'phos nas sems can dmyal ba chen por sdug bsngal yun ring por myong bar 'gyur ro/ /dge slong gis yang gsol pa/
292b3 rus pa'i ri chen po de su'i lags/ mau gal gyis smras pa/ khyod shes par 'dod na/ de ni/ khyed kyi lus snga ma'i rus pa yin no/ /dge slong gis de skad ces
292b4 thos nas shin tu skrag ste ba spu kun langs nas rdul yang byung ste slob dpon la smras pa/ bdag gi snying ma gas par sngon gyi las kyi rgyu dang rkyen bstan du gsol/ mau gal
292b5 gyis smras pa/ skye shi 'khor ba'i mtha' dang mu med/ dge sdig gi las kyang zhig cing med par mi 'gyur bas las ci dang ci byas pa rnam par smin pa yang de dang
292b6 de dag gdon mi za bar myong bar 'gyur ro/ /sngon 'das pa'i dus na 'dzam bu'i gling 'dir rgyal po chos kyis 'phags zhes bya ba zhig yod de/ sbyin pa dang tshul khrims
292b7 la dga' ba/ chos nyan par mos pa/ shin tu snying rje'i sems dang ldan pa/ rang bzhin gyis mi gtum pa/ sems can gyi srog mi gcod pa/ rgyal po'i mtshan dang
293a1 ldan pa| dam pa'i chos kyi srid kyis 'tsho ba/ lo nyi shu tsam lon pa dang dal ba zhig gi skabs su mi dang mig mang zhig rtse ba las
293a2 mi zhig la nyes pa chen po byang nas blon po rnams kyis mi zhig khrims las 'gal ba'i nyes pa chen po bgyid na/ ji ltar bgyi zhes gsol pa/ rgyal po mig
293a3 mang la yengs pas/ rgyal po'i khrims bzhin du gyis shig ces bsgo nas/ blon po rnams kyis khrims dang sbyar na gsad pa la thug bas bsad do/ /rgyal po mig
293a4 mang rtse ba zin nas blon po la nyes pa byed pa'i mi de ga re/ zhal che gcad do/ /zhes byas na/ blon po rnams kyis bdag cag gis khrims dang sbyar te bkum
293a5 lags so/ /zhes smras so/ /rgyal pos de skad ces smras pa thos nas 'khams te sa la 'gyel pa dang / blon po rnams kyis chus btab nas phyir langs nas/
293a6 mchi ma blags te 'di skad ces smras so/ /pho brang gi slas dang / glang po che dang / rta dang / rin po che sna bdun la sogs pa thams cad ni/ 'dir lus kyi/ nga
293a7 'ba' zhig sems can dmyal bar sdug bsngal myong bar 'ong ba lta/ bdag rgyal po ma byas pa'i tshe na yang pho brang 'di na rgyal po'i srid 'tsho zhing bzhugs
293b1 bzhugs/ bdag ring por mi thogs par shi na yang de bzhin du rgyal po'i srid 'tsho bar 'gyur te/ bdag ni/ mi bsad bas na rigs ngan gyi rgyal po yin te/ skye ba
293b2 thams cad du bdag gar 'gro bar 'gyur/ da ni/ rgyal po yang mi 'dod do zhes smras nas/ rgyal po'i thabs btang ste ril pa bdag srang zhing 'dug pa las rgyal po de
293b3 tshe'i dus byas nas/ rgya mtsho chen por chu srin zhig tu skyes te|lus che khyad dpag tshad bdun brgya yod do/ /rgyal po'am/ blon po yang rung / mthu rtsal bsnyems
293b4 te sems can gyi srog gcod dam/ 'dod pa dang brel bral ba'i las byas sam/ sems can la 'tshe ba'i las byas na/ shi ma thag tu phal cher chu srin du
293b5 skyed te/ de'i lus la srin bu mang po gnas so/ /de'i lus g.yas pas shel gyi ri la snyogs shing drud bas srin bu mang po shi ba'i khrag gis rgya mtsho'i nang rgyad
293b6 grags brgya tsam dmar por byas so/ /sdig pa'i las das de dag tu tshe 'phos nas sems can dmyal ba chen por ltung bar 'gyur ro/ /chu srin de lan gcig gnyid
293b7 kyis log na lo brgyas lan gcig sangs te/ bkres pa dang skom pas nyen nas kha gdangs pa dang / rgya mtsho'i chu bar 'gro ba ni/ chu chen po rgya mtshor 'bab pa dang
294a1 'dra'o| |de'i tshe na tshong pa lnga brgya tsam zhig rgya mtshor zhugs te rin po che len du song ba las/ chu srin kha gdangs pa dang phrad nas
294a2 gru yang shin tu mgyogs par chu srin gyis za 'dod pa'i khar song ngo / /tshong pa rnams skad chen po phyung ste dus nas gcig la gcig 'di skad ces smras so/ /
294a3 bdag cag ni/ gdon mi za bar 'chi bar 'gyur gyi/ so so nas ci la brten pa dran par gyis shig ces smras pa dang / de dag la la ni/ sangs rgyas dang / chos
294a4 dang / dge 'dun gyi mtshan nas brjod/ kha cig ni/ 'jig rten gyi lha dang / ri dang / gtsang po dang / lha ma srin dang / pha ma dang / chung ma dang / bu
294a5 dang / phu nu dang / gnyen pa'i ming nas bos te/ bdag cag gis ni/ deng mthong ba tha ma 'di las 'dzam bu'i gling gtan mi mthong ngo / /zhes smras so/ /de'i
294a6 tshe de dag chu srin gyi khar song la khad pa dang / thams cad kyi dus gcig tu sangs rgyas la phyag 'tshal lo/ /zhes brjod pa dang / chu srin gyis sangs
294a7 rgyas la phyag 'tshal lo/ /zhes brjod pa'i sgra thos ma thag tu kha btsums te chu 'bab pa yang chad par gyur nas tshong pa de dag 'chi ba las sos par gyur to/ /
294b1 chu srin de ltogs nas de nyid du tshe 'phos te rgyal po'i khab tu srin bu zhig tu skyes so/ /chu srin gyi ro rgya mtsho'i ngos su phyung nas nyi mas gdungs char bas brlan te sha
294b2 zad par gyur pa'i rus pa de ni/ ri 'di yin no/ /dpal skyes/ 'di ltar rig par gyis shig /de'i tshe de'i dus na rgyal po chos kyis 'phags pa ni/ khyod yin no/ /mi
294b3 bsad pa'i rkyen gyis rgya mtsho chen por chu srin du skyes so/ /khyod kyis de yang phyir mi'i lus thob pa 'dis 'khor ba la rgyab kyis ma phyogs na 'di nas tshe 'phos ma thag tu sems
294b4 can dmyal bar ltung ste/ thar par shin tu dka'o/ /dge slong dpal skyes bdag gi lus rnyid pa yang mthong / de skad ces bstan pa yang thos nas 'khor bas shin tu
294b5 skrag ste/ gang la nan tan byed pa'i chos de la mthar gyis yid la byas nas sems rtse gcig pa la gnas te lus rnying pa mthong bas mi rtag pa'i chos khong du chud de/ 'khor
294b6 ba la rgyab kyis phyogs par rtogs nas kun nas nyon mongs pa'i zag pa thams cad de dgra bcom par gyur to/ /mau gal yang shin tu dga' nas smras pa/ chos kyi sras
294b7 khyod kyis ni/ bya pa thams cad yid la byas kyi/ sngar 'dir 'ongs pa ni/ nga'i mthus 'ongs so/ /da ni/ phyir khyod bdag gi mthus 'dong ngo / /zhes smras nas
295a1 de'i tshe mau gal steng gi nam mkha' la 'phags pa dang / dge slong dpal skyes kyang slob dpon gyi phyi bzhin du 'ongs pa ni/ bya'i phyi
295a2 bzhin du phrug gu 'brang ba 'dra bar 'od ma'i tshal gang na ba der 'ongs so/ /de'i tshe na dge slong gzhon nu dag dgra bcom par mi shes pas sngon bzhin du dpal skyes
295a3 la mtho brtsams kyang spyod lam ma nyams te cang mi smra'o/ /bcom ldan 'das kyis de ltar gyur pa mkhyen nas dge slong gzhon nu rnams kyis 'di'i las mi 'byung
295a4 ba dang / dge slong rgan pa'i yon tan grags par bya ba'i phyir 'khor mang po'i nang du dge slong dpal skyes la tshur shog cig ces bka' stsal nas khyod rgya mtsho'i ngogs
295a5 su phyin tam zhes bka' stsal to/ /dpal skyes kyis gsol pa/ bdag rgya mtsho'i ngogs su mchis so/ /rgya mtsho'i ngogs su ci dang ci mthong ba smros shig
295a6 ces bka' stsal nas dge slong gis ci dang ci mthong ba rgyas par gsol ba dang / bcom ldan 'das kyis legs so legs so/ /zhes bya ba gnang nas dpal
295a7 skyes| khyod kyis mthong ba de dag ni/ bden no/ /khyod kyis da ni/ 'khor ba'i sdug bsngal yongs su spangs te yongs su mya ngan las 'das pa'i bde ba thob
295b1 pas lha dang mir bcas pa'i 'jig rten gyi mchod pa'i gnas su gyur to/ /dge slong khyod kyi bya ba thams cad yongs su rdzogs so/ /zhes bka' stsal nas dge slong
295b2 gzhon nu de dag gis bcom ldan 'das kyis de skad ces bka' stsal pa thos nas shin tu 'gyod cing mi dga' ba skyes te 'di lta bu mkhas pa shes rab can 'phags
295b3 pa la bdag cag shes rab med pas 'tshe ba dang mtho brtsams pa bgyis so/ /bdag cag kha na ma tho ba'i rnam par smin pa myong bar 'gyur ro/ /zhes smras nas/ dge slong
295b4 gzhon nu dag /dge slong dpal skyes gang na ba der song nas phyin pa dang lus smad lnga sa la gtugs te phyag byas nas 'di skad ces smras so/ /skyes bu dam pa dag ni/
295b5 snying rje dang lhan cig skyes te/ btsun pa khyod skyes pa yang snying rje chen po dang lhan cig skyes lags na/ bdag cag la thug brtse ba'i slad du bdag cag khyod la
295b6 mthol tshangs bgyi'o/ /zhes smras pa dang / dge slong des kyang bdag gi lus la yang mi dga' ba'i bsam pa med kyi/ tshangs par gyur cig ces smras so/ /de nas
295b7 dge slong dpal skyes kyis dge slong gzhon nu de rnams shin tu 'gyod cing gnong bkur ba'i sems dang ldan par rtogs nas dge slong de dag la dam pa'i chos bstan
296a1 to| |de dag gis 'khor ba la rgyab kyis phyogs pa'i chos thos nas brtson pa dang / 'bad pas nan tan byas te kun nas nyon mongs pa'i
296a2 zag pa kun zad nas dgra bcom par gyur to/ /de nas khyim bdag dpal skyes rgyal po'i khab tu shin tu grags par gyur te/ kun gyis ngo mtshar ya mtshan du
296a3 khyim bdag rgan po ci yang mi nus pa yang sangs rgyas kyi bstan pa la rab tu byung nas dgra bcom par gyur te/ 'di lta bu'i dam pa'i chos kyang stan to/ /zhes brjod
296a4 do| |de'i tshe rgyal po'i khab na gnas pa'i mi dag phal cher bsam pa dag pa'i sems skyes nas kha cig ni/ bu dang / bu mo dang / bran pho dang / bran mo la
296a5 sogs pa rab tu 'byung bar gnang ngo / /kha cig ni/ bdag nyid rab tu 'byung bar gsol nas thams cad rab tu dga' ste rjes su yi rang bar gyur to/ /de bas na rab
296a6 tu byung ba'i yon tan ni/ tshad med mtha' med de/ dpal skyes lta bu lo brgya lon te rab tu byung nas de lta bu'i yon tan chen po dang ldan par gyur na/ gzhon nu
296a7 dar la bab pa rab tu byung na 'bras bu chen po mchog dam pa rnyed pa lta ci smos te/ chos la brtson pa dag ni/ rab tu 'byung bar bya'o/ /rab tu byung ba'i yon
296b1 tan bsngags pa'i le'u ste bco lnga pa'o// //bam po lnga pa/ dge tshul gyis tshul khrims bsrungs pa'i le'u/ tshul khrims srung ba dag
296b2 ni| lus dang srog stor kyang bla'i/ nam du yang tshul khrims nyams par mi byed do/ /de ci'i phyir zhe na/ tshul khrims ni/ byang chub tu 'jug pa'i rtsa ba/ zag pa
296b3 med pa'i mchog /mya ngan las 'das pa'i bde bar 'gro ba'i lam mo/ /tshul khrims dag par bsrungs pa'i bsod nams ni/ tshad med dpag tu med do/ /dper
296b4 na| rgya mtsho chen po ni/ tshad med mtha' med do/ /tshul khrims bsrungs pa'i bsod nams kyang tshad med mtha' med do/ /dper na/ rgya mtsho ni/ lha ma yin
296b5 dang / rus sbal dang / chu srin dang / chu'i ris su gtogs pa'i sems can chen po'i gnas su gyur pa ltar tshul khrims kyang de dang 'dra ste/ theg pa gsum
296b6 la gnas pa'i skye bo chen po mang du gnas so/ /dper na/ rgya mtsho'i nang na gser dang / dngul dang / baiDUR+ya la sogs te/ rin po che mang po yod pa bzhin
296b7 du tshul khrims kyi rgya mtsho yang de dang 'dra ste/ mi rtag pa'i gzhi dang / byang chub kyi phyogs kyi chos sum cu rtsa bdun dang / bsam gtan dang / ting nge 'dzin
297a1 la sogs pa'i rin po che mang po yod do/ /dper na/ rgya mtsho chen po'i gting yang rdo rje yin la/ mtha' ma yang rdo rje'i ris bskor
297a2 te chu bo bzhi 'bab kyang mi 'grib mi ldud pa ltar tshul khrims kyi rgya mtsho yang de dang 'dra ste/ 'dul ba rdo rje lta bus ni/ gting byas/ chos mngon pa'i ris
297a3 ni| mtha' bskor/ mdo sde bzhi chu bo lta bur 'bab kyang 'phel ba yang med/ 'grib pa yang med do/ /rgya mtsho ci'i phyir mi ldud che na/ mtshams med pa'i
297a4 sems can dmyal ba'i mes rgya mtsho bskams pas na/ de'i phyir rgya mtsho mi ldud do/ /chu bo rtag tu 'bab pas ni/ mi 'grib bo/ /tshul khrims kyi rgya mtsho yang
297a5 bag med pas mi skye/ yon tan dang ldan pas mi 'grib bo/ /de bas na gang tshul khrims bsrungs pa de'i yon tan ni/ rab tu mang bar rig par bya'o/ /bcom
297a6 ldan 'das mya ngan las 'das nas yul an+ta zhes bya ba na dge slong bsod snyoms pa/ dgon pa la gnas nas dga' ba/ spyod lam dang ldan pa zhig
297a7 yod do| |dge slong bsod snyoms pa ni/ sangs rgyas kun gyis bsngags kyi/ phal gyi nang na gnas pa ma yin no/ /de ci'i phyir zhe na/ dge slong bsod snyoms
297b1 pa ni| 'dod pa chung zhing chog shes pa ste/ ci yang mi gsog cing zas gcig pa/ bla gab med pa/ chos gos gsum la sogs pa spyod de/ btsun pa'o/ /
297b2 gtso bo'o/ /dge 'dun gyi nang na gnas pa'i dge slong ni/ 'dod pa mang ba/ chog mi shes pa/ ser sna byed pa/ ci la yang chags pas grags pa chen po thob
297b3 par mi 'gyur ro/ /dge slong bsod snyoms pa de yon tan spyod pa dang ldan te| dge slong gi 'bras bu thob nas mngon par shes pa drug dang / rig pa gsum dang /
297b4 rnam par thar pa brgyad la gnas te spyod lam shin tu mdzes pas kun tu grags par gyur to/ /de'i tshe yul an+ta zhes bya ba na dge bsnyen dkon mchog gsum la
297b5 shin tu dad pa/ srog mi gcod pa/ ma byin par mi len pa/ 'dod pas log par mi g.yem pa/ brdzun du mi smra ba/ smyo ba'i khu ba chang mi 'thung ba'i tshul khrims
297b6 lnga srung ba/ yon tan dang ldan pa zhig yul de na 'dug pa las/ dge bsnyen des dge slong bsod snyoms pa de tshe gcig gi bar du 'tsho ba sbyar na 'tsho ba sbyar ba'i bsod
297b7 nams ni/ myong bar 'gyur ro snyam nas gal te bdag gi khyim du spyan drangs na lam du grang ba dang / tsha bas nyon mongs te sgom pa'i bar chad du yang 'gyur la/ phyis
298a1 rnam par smin pa myong ba na yang bdag gis bsams shing don du gnyer dgos pa thob par 'gyur ro/ /gal te 'tsho ba gnas
298a2 su bskyal na/ phyis rnam par smin pa yang don du gnyer mi dgos par thob par 'gyur ro snyam bsams nas dge bsnyen de dad pa'i sems kyis zhal zas ro
298a3 brgya dang ldan pa/ dri bsung dang kha dog dang ldan pa sna tshogs bshams te nyin gcig bzhin du skyel to/ /dge slong la bzang ngan rnam pa bzhis brtag
298a4 dka' ba ni/ ji ltar a mra'i 'bras bu smin nam ma smin pa brtag dka' ba bzhin no/ /dge slong kha cig spyod lam shin tu mdzes shing gom pa dal gyis
298a5 'gro la gnya' shing gang las mi lta yang nang 'dod chags dang / zhe sdang dang / gti mug dang bcas la/ chos ma yin pa spyod cing tshul khrims nyams
298a6 pa yang yod de/ de ni/ a mra'i 'bras bu phyi rol smin la nang ma smin pa dang 'dra'o/ /dge slong kha cig ni/ phyi rol gyi spyod pa rtsing la spyod lam dang
298a7 mi ldan na yang nang dge slong gi spyod pa dang yon tan du ldan te bsam gtan dang / ting nge 'dzin dang / shes rab du ldan pa yod de/ de ni/ a mra'i 'bras
298b1 bu nang smin la phyi rol ma smin pa dang 'dra'o/ /dge slong kha cig ni/ spyod lam rtsing la nyes pa byed cing tshul khrims kyang nyams la/ nang yang 'dod chags dang /
298b2 zhe sdang dang / gti mug dang / ser sna dang / phrag dog tu bcas pa yang yod de/ de ni/ a mra'i 'bras bu phyi rol kyang ma smin la nang yang ma smin pa dang 'dra'o/ /
298b3 dge slong kha cig ni/ spyod lam mdzes shing tshul khrims dang ldan la/ nang yang dge sbyong gi yon tan tshul khrims dang / ting nge 'dzin dang / shes rab tu ldan
298b4 pa yang yod de/ de ni/ a mra'i 'bras bu phyi nang gnyis ka smin pa dang 'dra'o/ /bsod snyoms pa'i dge slong de phyi nang gnyis ka dang ldan pa yang de dang 'dra ste/
298b5 yon tan dang spyod pa yongs su rdzogs pas thams cad rim gro dang / bkur sti byed do/ /de'i tshe na yul de na khyim bdag dkon mchog gsum la shin tu dad pa zhig
298b6 la bu khye'u zhig yod de/ des 'di snyam du bsams so/ /bdag gi bu 'di rab tu dbyung gi /ston pa mkhas pa zhig la bcol to/ /de ci'i phyir zhe na/ dge ba'i
298b7 bshes gnyen la bsten pa ni/ dge ba 'phel bar 'gyur/ sdig pa'i grogs po la bsten pa ni/ sdig pa'i chos skye bar 'gyur te/ dper na/ rlung gi rang
299a1 bzhin ni/ mi ldog mod kyi/ tsan+dan gyi tshal lam/ tsam pa ga'i tshal las 'ongs na/ rlung de las dri bsung zhim pa bro'o/ /
299a2 gal te mnam zhing rtsog pa'am/ ro sungs pa'i phyogs nas 'ongs na/ rlung de yang mnam mo/ /dper na/ gos gsar pa yang spos kyi snod du bcug na/
299a3 gos de la yang spos bro'o/ /gal te mnam pa sungs pa'i gnas su bzhag na/ gos de yang mnam mo/ /dge ba'i bshes gnyen la bsten na
299a4 dge ba phyir zhing bzhin 'phel la/ sdig pa'i grogs po la bsten na/ sdig pa skye zhing 'phel bar 'gyur gyi/ de bas na bdag gi bu 'di yang dge
299a5 slong btsun pa 'di la phul te rab tu dbyung ngo snyam bsams nas dge slong de gang na ba der song ste 'di skad ces smras so/ /bdag gi bu 'di rab tu 'byung
299a6 bar dad kyi/ btsun pas thugs brtse bar dgongs te rab tu dbyung bar gsol to/ /gal te mi gnang na/ slar yang khyim du khrid de mchi'o/ /de
299a7 nas dge slong gis rdzu 'phrul gyi mig gis brtags na/ khye'u 'di rab tu byung na tshul khrims dag par srung zhing sangs rgyas kyi chos 'phel bar rtogs
299b1 nas rab tu phyung ste dge tshul du byas so/ /de'i tshe na 'tsho ba sbyor ba'i dge bsnyen de la khyim bdag mdza' bo zhig yod de/ khyim bdag des dus kyi ston mo zhig
299b2 sbyar nas dge bsnyen de dang / chung ma dang / bu dang / bran mo dang / khyim gang gi mi kun bos so/ /phyi nyin mgron du 'gro ba las dge bsnyen
299b3 des 'di snyam du bsams so/ /bdag cag kun mgron du 'gro na/ khyim 'di sus bsrungs/ gal te nan gyis 'ga' zhig bzhag na/ de'i sgor phab
299b4 ste skal ba chad par 'gyur gyi/ de la su zhig 'dug par dga' na/ mgron las phyir 'khor ma thag tu drin gzo zhing lan bya'o/ /zhes smras pa dang /
299b5 dge bsnyen de'i bu mo zhig yod pas/ des pha la 'di skad ces smras so/ /khyim mi 'di dag thams cad mgron du mchi bar bgyis te/ bdag gis khyim
299b6 bsrung ngo / /zhes smras nas phas kyang shin tu legs so legs so/ /khyod kyis khyim bsrungs na/ khyod kyi ma dang mi 'dra ba med de/ stor ba'am/ nyes
299b7 la 'byung gis mi dgos so/ /zhes smras nas khyim gang gi mi kun mgron du dong ngo / /bu mos kyang sgo rnams dam du bcad de gcig pu khyim na 'dug go /de'i nyin
300a1 bar dge bsnyen de brel bas/ bsod snyoms bskyal ba brjed nas de'i tshe na dge slong de 'di snyam du nyi ma yang yol la khad na/ /
300a2 khyim pa la don mang byas brjed pa srid dam/ zan mi za ba'i mi rigs kyi/ len du gtang ngo snyam bsams nas dge tshul de la bsgo ba/ khyod spyod lam
300a3 shin tu bsdams te bcom ldan 'das kyis gsungs pa ltar grong nas bsod snyoms longs shig /ji ltar bung ba rnams me tog gi kha tog dang / bsung la mi
300a4 gnod pa bzhin chags par ma byed par khyim nas bsod snyoms longs shig /gzugs dang / sgra dang / dri dang / ro dang / reg bya la ma chags par
300a5 dbang po rnams srung shig /gal te tshul khrims bsrungs na/ gdon mi za bar 'bras bu thob par 'gyur gyi/ lha sbyin lta bu mdo sde mang du kha ton shes
300a6 kyang nyes pa byas te tshul khrims nyams pas/ mtshams med pa'i sems can dmyal bar skyes so/ /ko ka li ka lta bu skur pa 'debs shing tshul khrims
300a7 nyams pas/ de yang sems can dmyal bar skyes so/ /tsu'u pan+ta lta bu tshigs su bcad pa gcig las mi shes mod kyi/ tshul khrims bsrungs pas dgra
300b1 bcom par gyur to/ /tshul khrims ni/ mya ngan las 'da' ba'i sgor 'jug cing / shin tu bde ba'i rgyur 'gyur te/ dper na/ bram ze'i chos kyis zla ba gsum
300b2 mam| zla ba bzhi'i bar du mchod ston byed de/ de yang bram ze mkhas pa rig pa dang ldan pa/ tshul khrims srung ba/ tshangs par spyod pa dag 'bod kyi/ thams cad
300b3 ni| ma yin no/ /gang ston mo la 'ongs pa lag pa'i mkhrig ma la ke'u le'i rgyas 'debs so/ /bram ze gcig cig yon tan dang ldan yang rang bzhin gyis sred pa
300b4 can zhig yin pas/ sbrang rtsi dang mngar ba la chags pas mkhrig ma la rgyas btab pa bldags te mi snang bar byas so/ /phyi nyin ston mo la 'dus nas sgo bas rgya bltas
300b5 na| kun tu rgyu de la rgya med par gyur nas sgo bas kyang nang du ma btang nas khyod kyi rgya ga re zhes dris na/ mngar bas bldags te med par byas so/ /zhes smras so/ /kun tu
300b6 rgyu de mngar ba cung zad tsam la chags pas/ zla ba bzhi'i ston mo kha zas kha dog drang dri bsung du ldan zhing / ro zhim po rnam pa sna tshogs dang / yon rin po che mang po
300b7 yang shor gyi/ khyod kyang de lta bur cung zad tsam la chags pa'i phyir tshul khrims kyi rgya nyams par ma byed cig /lha dang mi'i 'dod pa lnga'i ro zhim po dang / zag pa
301a1 med pa dang / byang chub kyi phyogs kyi chos sum cu rtsa bdun dang / mya ngan las 'das pa'i bde ba dang / chos rin po che tshad
301a2 med pa dag stor bar gyur ta re/ dus gsum gyi sangs rgyas kyi tshul khrims nyams shing / dkon mchog gsum dang / slob dpon dang / dge 'dun gyi
301a3 rigs sun par ma byed cig /ces bsgo nas slob dpon gyi rkang pa la mgo bos phyag 'tshal te de'i khyim du song ngo / /der phyin pa dang sgo brdungs nas bu mos su yin
301a4 zhes bos so/ /dge tshul gyis bdag slob dpon gyi bsod snyoms len du 'ongs so/ /zhes smras pa dang / bu mo de rab tu dga' nas da ni/ re ba rnyed do snyam
301a5 nas sgo phye'o/ /dge tshul nang du 'ongs pa dang / bu mo de yang lo bcu drug las ma lon te/ mnga' byad legs pa/ blta na sdug pa/ mdzes pa bzang
301a6 ba zhig ste/ 'dod chags kyis bslu'o/ /snyam ste dge tshul de'i mdun du bslu ba rnam pa mang po byas te shin tu 'dod pas dge tshul de la brtags so/ /dge tshul
301a7 de 'di snyam du/ bu mo 'di rlung nad langs sam/ smyos sam/ 'on te bu mo 'di 'dod chags kyis gdungs te/ 'dod chags kyi mes nga'i tshul khrims tshig par
301b1 byed dam snyam bsams nas spyod lam shin tu bsdams te mdangs kyang ma gyur par 'dug go /bu mo des smad lngas la gtugs te phyag byas nas dge tshul la 'di
301b2 skad ces smras so/ /bdag rtag tu re ba yang deng gi dus su grub bo/ /bdag khyod la smra ba zhig yod de/ rtag tu dran na skabs ma rnyed do/ /khyod kyang rtag tu bdag la dgongs
301b3 pa dran na/ bdag gi re ba bskang du gsol/ khyim 'di'i nang na rin po che dang / gser dang / dngul dang / bang mdzod mang ba ni/ rnam thos kyi bu'i gter dang
301b4 'dra bar yod kyang bdag po med kyi/ khyod khyim dang bcas pa'i bdag po mdzad du gsol/ bdag khyod kyi khol mo bgyis te bkur sti dang / rim gro bgyi'o/ 'di
301b5 las mi 'gal zhing bdag gi re ba bskang du gsol/ dge tshul gyis bsam pa/ bdag gis sdig pa'i las ci zhig byas na/ 'di lta bu'i rkyen dang phrad par gyur/
301b6 bdag lus dang srog yal yang bla'i/ dus gsum gyi sangs rgyas kyis bcas pa'i tshul khrims nyams par mi bya'o/ /sngon dge slong dag smad tshong ma'i nang du phyin kyang me'i
301b7 dong du mchongs kyang bla'i/ tshul khrims nyams par mi byed do/ /gzhan yang dge slong dag ni/ mi rgod kyis bcom nas rtswa la btags te rlung gis bshud cing nyi mas
302a1 bsregs pa dang / srin bu mang po za yang tshul khrims bsrung ba'i phyir rtswa gcod cing mi 'gro'o/ /bya gag gis nor bu med pa dge slong
302a2 gis mthong yang tshul khrims bsrung ba'i phyir sdug bsngal myong bar byed kyi gtam mi zer ro/ /gru zhig pa las dge slong gis shing leb la 'ju ba yang
302a3 tshul khrims bsrung ba'i phyir shing leb de dge slong grogs po gral mtho ba la phul nas rgya mtshor shi ba la sogs pa de dag 'ba' zhig sangs rgyas kyi nye
302a4 gnas tshul khrims srung ba yin gyi/ bdag cag gis bsrung ba ma yin nam/ de bzhin gshegs pa yang de 'ba' zhig gi ston pa yin gyi/ bdag cag
302a5 gi ston pa ma yin nam/ dper na/ tsam pa ka'i me tog zar ma dang lhan cig tu btsir na/ tsam pa ka'i dri zhim po yang zar ma'i mar la bro bar 'gyur te/
302a6 bdag kyang de lta ma yin nam/ dge ba'i bshes gnyen gyis yongs su zin na/ ci'i phyir deng 'dir sdig pa mi dge ba'i chos byed par 'gyur/ lus dang srog
302a7 yal yang bla'i/ nam du yang tshul khrims nyams shing sangs rgyas dang / chos dang / dge 'dun dang / pha ma dang / slob dpon dang / ba ma'i rigs
302b1 sun 'byin par mi bya'o/ /yang bsam pa/ gal te bdag bros na ni/ bu mo de 'dod chags kyis gdungs pas khrel ba dang / ngo tsha ba yang med de/ phyi rol
302b2 tu bdag zin nas bdag la skur pa 'debs par 'gyur te/ grong mi dag gis mthong na rigs sun 'byin par 'gyur gyi/ bdag ni/ nges par khang pa 'di nyid du
302b3 tshe 'pho bar bya'o snyam du bsams nas bu mo de la 'di skad ces smras so/ /sgo dag dam du chod cig /bdag khang pa gcig gi nang du bya ba cung zad cig yod pa de byas
302b4 nas khyod dang phrad par bya'o/ /zhes bsgo nas bu mo phyi zhig tu song ba'i 'og tu dge tshul khang pa gcig gi nang du zhugs nas sgo gtan dam du bcug ste nang nas spu gri rnyed
302b5 pas rab tu dga' ste lus la gyon pa'i gos rnams kyang phud nas gdang bu la gzar te thal mo sbyar nas grong khyer ku she gang na bar sangs rgyas mya ngan las 'das pa'i
302b6 gnas logs su pus mo sa la btsugs nas 'di skad ces yi dam bcas so/ /bdag ni/ sangs rgyas dang / chos dang / dge 'dun spong ba ma lags/ mkhan po dang slob
302b7 dpon spong ba ma lags/ tshul khrims spong ba ma lags kyi/ tshul khrims bsrung ba'i slad du lus 'di spong ngo / /bdag gar skyes kyang sangs rgyas kyi bstan pa la rab tu 'byung ba dang /
303a1 tshangs par spyod pa rnam par dag pa dang / zag pa zad pa dang / 'bras bu grub par gyur cig ces smon lam btab nas rang gi mgul ba bcad de tshe
303a2 'phos so/ /khrag gis sa yog nas lus kyang khrag gis dmar por gyur to/ /de'i tshe na bu mos bsam pa/ ring por thogs snyam nas sgo drung du song ste bos na cang mi zer ro/ /bu mos
303a3 sgo phye ste bltas na/ tshe 'phos zin pa mthong nas bsam pa bzhin du ma gyur pas 'dod pa'i sems kyang zhi ste/ bu mo de shin tu mi dga' bas gdungs bas skra yang bshig /
303a4 gdong yang sen mos brad de sa la 'gre zhing du'o/ /bu mo'i pha ma ston mo las phyir log nas sgo brdungs te bos na bu mos cang mi smra bas/ mi zhig nang du btang ste sgo 'byed du
303a5 bcug na/ bu mo de lta bur gyur pa mthong ba dang / bu mo la smras pa/ khyod ci nyes/ gcig gis kyal ka byas te khyod kyi rigs sun 'byin par byas sam zhes dris na/ bu mo
303a6 cang mi smra bar 'di snyam du bsams so/ /bdag gis drang por smras na ni/ rab tu yang ngo tsha ba zhig na/ gal te dge tshul gyis kyal ka byas zhes smras na ni/ 'phags pa
303a7 la skur pas sems can dmyal bar ltung ste sdug bsngal mang po myong bar 'gyur gyi/ mi slu bar drang por smra'o snyam du bsams nas bdag gcig pu khang pa srung zhing
303b1 mchis pa las/ dge tshul de slob dpon gyi bsod snyoms len du 'ongs nas bdag gi 'dod chags kyi me mched pas dge tshul la stegs na/ tshul khrims srung ba zhig
303b2 pas/ sems 'gyur du ma btub ste dge tshul de thabs byas nas khang pa'i nang du zhugs te tshe 'phos par gyur to/ /bdag gi lus rtsog pa 'dis snod yongs su dag pa ma
303b3 rung bar byas pa'i steng du kha na mtho ba'i nyes pa bgyis pas bdag mi dga'o/ /de skad ces smras pa dang / bu mo'i phas thos nas ngo mtshar du gyur te/ de ci'i phyir zhe na/ kun
303b4 nas nyon mongs pa ni/ chos nyid kyis de dang 'dra bar rtogs pa'i phyir ro/ /bu mo la smras pa/ chos thams cad mi rtag pa yin gyi/ mya ngan ma byed cig ces bsgo nas khang
303b5 par zhugs te bltas na/ dge tshul gyi rus bu tsan+dan dmar po ltar khrag gis bsgos pa mthong nas phyag byas te sangs rgyas kyi tshul khrims bsrung ba'i phyir lus dang srog la
303b6 yang mi lta ba legs so/ /zhes bsngags so/ /de'i tshe na rgyal po de'i yul khrims kyis dge slong dag khyim pa'i khyim du cho 'phos na/ gser gyi dong tshe stong blar 'bul lo/ /de'i
303b7 tshe dge bsnyen de yang gser gyi dong tshe stong khyer nas pho brang du song ste/ rgyal po chen po/ bdag la nongs pa byung gi /dong tshe 'di dag bzhes shig ces gsol pa dang / rgyal
304a1 pos de la bka' stsal pa/ khyod ni/ yul phyogs na dkon mchog gsum la dad cing dam pa'i chos la mos pas rang bzhin gyis drang la spyod pa
304a2 nyams 'og tu chud pa ni/ khyod gcig pur zad na/ khyod la nyes pa ci zhig byung / dge bsnyen gyis bdag gi bu mo smad de/ dge tshul gyis ji ltar tshul khrims bsrungs pa'i
304a3 yon tan bsngags nas ji ltar gyur pa rgyas par gsol to/ /rgyal pos bka' stsal pa/ dge tshul tshul khrims bsrung ba'i phyir lus dang srog la yang ma bltas par zad kyi/
304a4 khyod la nyes pa med kyi/ dong tshe khyer la phyir khyim du song zhig /nga yang khyod kyi khyim du dge tshul de la mchod pa zhig byed du 'ong ngo / /zhes bka' stsal nas gser gyi rnga brdungs
304a5 te 'khor thams cad 'dus la zham 'bring du chos shig /dge bsnyen de'i khyim du 'dong ngo / /zhes bkar btags so/ /de nas rgyal po de'i khyim du gshegs te dge
304a6 tshul gyi rus bu tsan+dan dmar po ltar khrag gis bsgos pa gzigs nas phyag 'tshal te yon tan bsngags nas rin po che sna tshogs kyis brgyan pa'i shing rta la rus bu
304a7 bzhag nas gang na thang bde ba kun gyis mthong ba'i gnas su song ste spos kyi shing gis bsregs nas mchod pa byas so/ /bu mo de yang 'jig rten na dkon par shin tu
304b1 bzang mo zhig ste/ bu mo de yang gnas mtho ba kun gyis mthong ba zhig tu bzhag ste 'khor mang po thams cad kyis legs par ma mthong bar byas te mi mang po la 'di skad ces bka'
304b2 stsal to| |bu mo 'di ltar gzugs byad legs shing shin tu bzang ba/ mdzes pa 'di la 'dod chags dang ma bral ba su zhig chags par mi 'gyur na/ dge tshul 'di 'bras bu
304b3 yang ma thob ste/ skye ba dang 'jig par bcas pa'i lus can 'dis kyang tshul khrims kyi phyir lus dang srog gtong phod pa ni/ ngo mtshar ya mtshan che'o/ /zhes bsgrags nas
304b4 de'i slob dpon yang spyan drangs te 'khor mang po la dam pa'i chos ston du bcug nas 'khor de'i nang du 'dus pa thams cad kyis chos bstan pa thos nas kha cig ni/ rab tu
304b5 byung zhing tshul khrims srung bar gsol to/ kha cig ni/ bla na med pa'i byang chub tu sems bskyed de/ thams cad rjes su yi rang nas mngon par dga'o/ /dge tshul gyis
304b6 tshul khrims bsrungs pa'i le'u ste bcu drug pa'o// //khyim bdag dbang po med pa'i le'u/ de'i tshe bcom ldan 'das mnyan yod na rgyal pu rgyal byed
304b7 kyi tshal mgon med zas sbyin gyi kun dga' ra ba na dge slong chen po'i dge 'dun dang thabs cig tu bzhugs te chos ston to/ /de'i tshe yul de na khyim bdag chen po/ phyug
305a1 pa| nor mang ba/ gser dang / dngul dang / rin po che sna bdun dang / glang po che dang / rta dang / ba lang dang / lug dang / bran pho dang / bran mo
305a2 dang / las byed pa'i mi rab tu mang ba/ bang mdzod rab tu mang ba/ bang mdzod rab tu gang ba zhig la bu khye'u ni/ med mod kyi/ bu mo ni/ lnga yod de/ de yang mnga' byad
305a3 mdzes pa/ shes pa'i blo dang ldan pa sha stag go /de'i tshe khyim bdag de'i chung ma sbrum pa las khyim bdag de tshe 'phos par gyur to/ /de'i tshe na rgyal po'i yul chos kyis
305a4 bu pho med na/ longs spyod ci bdog pa thams cad rgyal pos bzhes te/ rgyal pos kyang blon po chen po gcig de'i nor phyugs dang longs spyod ci yod pa thams cad brtsis te
305a5 blar bzhes par bka' stsal pa dang / bu mo de dag gis bsam pa/ bdag cag gi ma'i rum mi bde ba pho'am/ mo yang gtol med de/ bu mo zhig btsas na ni/ nor phyugs
305a6 kyang rgyal pos bzhes par zad na/ gal te khye'u zhig byung na kho nor bdag dngos yin no snyam bsam nas rgyal po la 'di skad ces gsol to/ /bdag cag gi pha gum
305a7 pas bu pho ma mchis pa'i slad du nor phyugs rgyal pos bzhes pa 'di da ltar bdag cag gi ma'i rum mi bde ba bye brag ma phye'i bar du bzhag cing / gal te bu mo zhig lags
305b1 na/ bzhes pas kyang sleb ste/ gal te khye'u zhig lags par gyur na/ nor bdag dngos lags so/ /rgyal po rab gsal rgyal de yang drang zhing chos kyis srid 'tsho bas/ bu mo de dang /
305b2 gis gsol pa bzhin du byas so/ /de nas ring po ma lon par zla ba dgu tshang nas bu pho zhig byung ste/ de la rna ba yang med/ mig kyang med/ sna yang med/ lce yang med/ rkang lag
305b3 kyang med de/ pho mtshan 'ba' zhig yod pa'i gong gong po zhig byung bas/ de'i ming yang man dzi byi la zhes bya bar btags so/ /de nas bu mo de dag gis khye'u zhig byung ngo / /
305b4 zhes gsol pa dang / rgyal pos bsam pa/ mig dang / rna ba dang / sna dang / lce dang / rkang lag la sogs pa yod pas ni/ nor bdag tu mi 'gyur gyi/ gang pho mtshan dang
305b5 ldan pa de nor bdag tu 'gyur te/ bu 'di yang pho mtshan yod pas pha'i nor bdag tu 'gyur ro snyam bsams nas bu mo de dag la nor phyugs dang / longs spyod ci bdog pa
305b6 khyod kyi ming po dbang ste/ mi bzhes so/ /zhes bka' stsal to/ /de'i tshe bu mo chen mo rigs mthun pa la bag mar btang nas bu mo des khyim thab de la bkur sti bskyed nas stan
305b7 gding ba dang / mal byed pa dang / phyag dar dor ba dang / kha zas sbyor ba dang / bsu ba dang / skyel ba dang / phyag 'tshal ba dang / gsong phor smra ba la sogs te/ las byed
306a1 pa thams cad la ji ltar bran mo dag rje bo'i las byed pa bzhin du bu mo de yang khyim thab de'i bkur sti byed pas/ khyim thab kyis chung ma la 'di
306a2 skad ces smras so/ /khyo shug ces bya ba bdag cag tu ma zad de/ kun la yang srid na khyod 'ba' zhig ci'i phyir 'di ltar byed ces smras so/ /chung mas smras pa/ bdag
306a3 gi pha la nor phyugs grangs med pa zhig yod de/ gum pa'i 'og tu bu mo lnga yod kyang nor thams cad rgyal pos bzhes bar chad pa las ma'i rum mi bde ba zla ba tshad nas
306a4 ming po btsas na/ mig kyang med/ rna ba dang / sna dang / lce dang / rkang pa dang / lag pa'ang med de/ skyes pa'i mtshan ma 'ba' zhig yod pas nor bdag tu gyur to/ /de
306a5 bas na dbang po ci yod kyang skyes pa'i mtshan gcig tsam la yang mi phod de/ bdag khyed la bkur sti byed pa yin no/ /khyim bdag des chung mas smras pa thos nas ngo mtshar
306a6 tu gyur te chung ma dang 'grogs nas bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /bcom ldan 'das/ ci'i slad du
306a7 khyim bdag gi bu de la mig dang / rna ba dang / sna dang / lce dang / rkang pa'ang ma mchis te/ btsas ma thag tu shin tu phyug po'i khyim du nor gyi bdag por gyur/ bcom
306b1 ldan 'das kyis khyim bdag la bka' stsal pa/ khyod kyis 'di dag zhus pa legs kyi/ shin tu legs par nyon la yid la zungs shig dang / khyod la bstan to/ /zhes bka'
306b2 stsal nas khyim bdag gis de bzhin du thos par 'tshal zhes gsol to/ /bcom ldan 'das kyis bka' stsal pa/ sngon 'das pa'i dus na khyim bdag cig la bu khye'u spun
306b3 gnyis shig yod de/ gcig ni/ sbyin pa zhes bya/ gcig ni/ tshul khrims zhes bya ste/ khye'u spun gnyis chung du nas chu gang dang khrel ltas che la tshig bden par smra ba/
306b4 rtag tu sbyin pa la dga' ba/ dbul phongs pa la mgon byed do/ /de ltar dad pa che zhing dge bas yul mis kyang bsngags te/ rgyal pas kyang zhal che bar bcug nas nyes pa dang /
306b5 mnyes pa dpyod do/ /de'i tshe na rgyal po'i yul khrims kyis yul mi dag gcig la gcig ci bskyis kyang zhal che ba'i drung du lhags nas dpang 'dzugs kyi/ gtan tshigs
306b6 gzhan mi byed do/ /de'i tshe tshong pha zhig rgya mtshor 'gro ba las de'i nu bo tshul khrims zhes bya ba la nor dbyig mang po zhig bskyis te/ ci dgos par spyod do/ /de'i tshe na tshul
306b7 khrims de la bu gcig bu zhig yod pa'ang gzhon la chung bas tshul khrims kyis bu de yang khrid cing / sbyin par byas pa'i nor rdzas kyang khyer nas phu bo'i gan du song ste 'di
307a1 skad du tshong pa 'dis bdag la nor 'di snyed cig snga skyin du 'tshal te/ rgya mtsho nas nam slar 'khor ba na stsal bar bgyis pas/ gal te bdag
307a2 gum na'ang bu la stsal bar bgyis kyi/ gcen mkhyen par mdzod cig /phu bos kyang de bzhin du bya'o/ /zhes smras so/ /de nas ring por ma lon par khyim bdag tshul
307a3 khrims ni/ tshe'i dus byas so/ /tshong dpon de'ang rgya mtsho'i nang du rlung gis gru zhig ste tshong pa 'ba' zhig shing leb cig la 'jus nas phyir yul du phyin to/ /de'i tshe na
307a4 khyim bdag gis kyang tshong pa de gru zhig nas nor ni/ 'khyams te gcig pu phyir 'khor te bdag gi nor rdzas 'di snyed cig chags mod kyi/ bdar med do snyam bsams so/ /
307a5 de nas yang tshong pa des gzhan la bskyi brnya byas nas phyir rgya mtshor zhugs pa dang / nor bu rin po che mang du rnyed de bde bar phyir 'khor nas 'di snyam du bsams so/ /
307a6 khyim bdag gi bu 'di sngar yang bdag la bu lon mi 'dod pa las na/ mi 'di chung ches bas gal te na brjed de mi dran nam/ 'on te bdag la ci yang mi bdog pas bu
307a7 lon mi 'ded pa bag ma mo snyam bsams nas rta bzang po zhig la zhon te gos rin po che gyon nas tshong dus su song ngo / /khyim bdag gi bu des kyang tshong pa de gos
307b1 bzang po gyon cing rta bzang po zhon pa mthong nas bsam pa/ 'di ni/ longs spyod dang ldan par gyur pa lta/ bu lon bda'o snyam bsams nas mi zhig la bu lon chags pa
307b2 rnams de phyir mi sbyin nam zhes springs nas des kyang de bzhin du bya'o/ /zhes smras so/ /de nas tshong pa des bsam pa/ khyim bdag 'di la nor dbyig mang du bskyis pas/
307b3 bdag la longs spyod ci bdog pa thams cad gtugs kyang mi 'khor te/ bdag gis thabs shig bya'o snyam bsams nas tshong pa de nor bu rin po che gcig thogs te
307b4 zhal che ba de'i chung ma'i gan du song nas 'di skad ces gsol to/ /btsun mo mkhyen par mdzod cig /bdag gi sngon khyim bdag tshul khrims las nor rdzas cung zad
307b5 cig bskyis te/ de khyim bdag gi bu bdag la bu lon de da na/ nor bu rin po che srang khri ri pa 'di bzhes te/ zhal che ba la bdag cag gnyis 'drir 'ongs na/ ma mthong
307b6 ngo / /zhes bya bar gsol bar gyis shig ces gsol to/ /chung mas smras pa/ bdag gi khyim thab 'di ni/ shin tu drang ste/ rdzun mi zer bas mi btub tu nges na/ 'on kyang
307b7 gsol bar bya'o/ /zhes nor blangs te khyim thab nub mo slar 'khor ba dang / tshong pas gsol pa bzhin du rgyas par smras so/ /khyim thab kyis smras pa/ bdag ni/ chu
308a1 gang dang khril ltas kyis 'tsho ste/ rdzun mi zer bas rgyal pos kyang zhal che bar bcug go /gal te bdag gis rdzun smras na ni/ rigs pa dang gsha'
308a2 ba ma yin no/ /zhes smras so/ /phyi de nyin yang tshong pa 'ongs nas chung mas kyang de bzhin du gtam rgyas par smras te/ nor bu phyir byin pa las tshong pa des nor bu yin po
308a3 che srang stong phrag nyi shu ri ba zhig kyang phul te/ 'di snyam du don cung zad kyi phyir chig gcig tsam smras pas/ srang stong phrag sum cu rnyed par 'gyur ro/ /pha rol po ni/
308a4 tsha bo yin te/ rgyal bar gyur na yang dong tshe gcig tsam yang thob par mi 'gyur ro/ /zhes smras nas 'di ni/ rigs pa yin no snyam ste nor bu rin po che la chags pas
308a5 tshong pas bcol ba sgrub par khas blangs so/ /dgong du khyim thab phyir 'khor ba dang / khar stsang bdag gis gsol pa de rung ba 'dra na/ de bzhin mdzad du gsol/
308a6 khyim bdag gis smras pa/ 'di ni/ rigs pa ma yin te/ bdag rdzun mi zer bas zhal che bar bcug go /gal te rdzun zhig smras na yang tshe 'di la 'jig rten pa kun
308a7 gyis yid ches par mi 'gyur/ tshe phyi ma la yang bskal pa grangs med pa'i bar du sdug bsngal myong bar 'gyur ro/ /zhes bsgo'o/ /de'i tshe na khyim bdag de la bu khye'u
308b1 'gro mi nus pa gog ba tsam zhig yod de/ khyim bdag gi chung mas khyim bdag la 'di skad ces smras so/ /bdag ni/ khyod dang khyo shug tu gyur pas srog la bab pa zhig smras
308b2 na yang phyir mi zlog tu re na/ 'di lta bu'i don chung du gcig la yang tshig brtul te mi zlog na/ bdag gson te yang ci rung / bdag gis gsol pa bzhin du ma gyur na/ bu yang
308b3 bsad la de'i 'og tu bdag kyang 'chi'o/ /khyim bdag gis de skad ces smras pa thos nas dper na/ mi brnangs pa skyug tu med la/ mid du yang med pa ltar bdag la bu 'di gcig
308b4 bur zad de/ gal te shi bar gyur na nor gyi bdag po yang med par 'gyur/ gal te bud med kyis smras pa bzhin du byas na yang 'jig rten ba kun gyis smras pa yid mi ches te/
308b5 ma 'ongs pa'i dus su yang sdug bsngal mang po myong bar 'gyur ro snyam bsams nas ma rangs bzhin du chung mas smras pa bzhin byas pas/ chung ma yang rab tu dga' nas tshong
308b6 pa la smras pa/ kho mo'i khyo yang gnang gi /de bzhin du gyis shig ces bsgo'o/ /tshong pa yang rab tu dga' nas phyir khyim du song ste glang po che chen po gcig rin po che sna tshogs
308b7 kyis brgyan nas gos rin po che gyon te glang po che de la zhon nas tshong dus su 'ongs/ khyim bdag gi bu des de lta bu mthong nas dga' ste/ yid la da ni/ mi 'di longs spyod
309a1 mang po dang ldan gyi/ bdag gi bu lon bda'o snyam bsams nas drung du song ste sar 'phags pa la 'di skad ces smras so/ /khyim bdag mkhyen tam/
309a2 bdag gis bu lon chags pa rnams da slar stsol cig ces smras na/ khyim bdag de sdangs pa ltar byed de/ khyod kyi bu lon chags su mi dran no/ /bu lon ci zhig chags su
309a3 mthong zhes smras so/ /khyim bdag gi bus smras pa/ lo dang zla ba'i ngo che ge mo zhig la bdag gi pha las nor bskyis te bdag gi lag nas nor khyer bar zhal che ba yang shes
309a4 na| ci'i phyir bsnyon zhes smras so/ /tshong pas smras pa/ bdag gis ni/ khyod kyi nor bskyis par mi dran no/ /mthong ba zhig yod na mthong ba'i thad du gtugs su 'dong ngo / /
309a5 zhes smras nas zhal che ba'i thad du phyin nas mi 'dis sngon bdag gi pha las nor 'di snyed cig bskyis te khu bos kyang mthong na/ mi 'dis bdag gi pha las nor ma 'tshal
309a6 tam zhes dris na/ khu bos kyang bdag la gtol med ces smras so/ /tsha bo dngangs nas de'i tshe bdag gi nor ci bskyis pa khu bos lag bas bsdos te mi 'di byin par mi dran
309a7 nam| smras pa/ de lta bu med do/ /zhes smras so/ /de nas khye'u de khu bo la khros nas khyod drang pa'i phyir kun gyi zhal che bar rgyal pos bcug ste yul mi thams cad kyis drang
309b1 po zhes byas na/ bdag tsha bo la yang 'di ltar byed na/ gzhan dag la thog tu bab cing gtam las bcad pa lta ci smos te/ 'di bden nam rdzun pa de'u re mngon no/ /zhes smras so/ /
309b2 bcom ldan 'das kyis khyim bdag la bka' stsal pa/ de'i tshe zhal che ba de shes par 'dod na/ gzhan yin no snyam du ma sems shig /de ni/ mdzi byi la dbang po rnams med
309b3 pa 'di yin no/ /de'i tshe na rdzun gcig byas pas sems can dmyal ba chen por skyes nas sdug bsngal sna tshogs myong ste/ dmyal ba las thar nas skye ba lnga brgya'i bar du
309b4 dbang po ci yang med pa'i sha gong gong por skyes so/ /de'i tshe sbyin pa la dga' ba'i dbang gis rtag tu phyug po'i khyim du skyes nas nor gyi dbang por gyur to/ /dge ba'i las dang /
309b5 sdig pa'i las ni/ yun ring por lon kyang med cing zhig par mi 'gyur ro/ /de bas na khyed rnams brtson 'grus su lus dang ngag dang yid bsdams te sdig pa ni/ mi bya'o/ /de'i
309b6 tshe 'khor mang po rnams bcom ldan 'das kyis gsungs pa thos nas/ la la ni/ 'bras bu dang po nas 'bras bu bzhi pa'i bar du thob par gyur/ la la ni/ bla na med pa'i byang chub
309b7 tu sems bskyed de rjes su yi rang nas mngon par dga'o/ /khyim bdag dbang po med pa'i le'u ste bcu bdun pa'o// //dbul mos ras phul ba'i le'u/ de'i
310a1 tshe bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun la chos ston cing
310a2 bzhugs so/ /de'i tshe na yul de na khyim bdag cig gi chung ma zhi gal bu mo zhig bcas nas bu mo gzhan pas 'phags par bzhin bzang ba/ blta na sdug pa/ mdzes pa
310a3 zhig ste| thog ma btsas nas ras dkar po 'jam pos dkris te byung ngo / /de la pha ma ya mtshan du gyur te mtshan mkhan la bstan nas mtshan mkhan gyis bltas te bsod
310a4 nams chen po dang ldan par rtogs nas ming yang dkar mo zhes btags so/ /bu mo dkar mo ji tsam du skyes pa bzhin ras kyang lus kyi tshad du skyes so/ /bu mo de phyis cher
310a5 skyes nas yul mi las mang du chung mar slong ba dang / pha mas kyang bu mo bag mar gtang ba'i rgyan rnams brdung snyam nas mgar ba gnyer te gser dngul bcal to/ /bu mos
310a6 gser dngul bcal ba mthong nas 'di ci zhig bya zhes pha ma la dris pa dang / 'di ni/ khyod bdag mar gtang ba'i rgyan rnams brdung ngo / /zhes smras so/ /bu mos smras pa/
310a7 bdag ni/ rab tu 'byung bar dad kyi/ bag mar mchi bar mi dga'o/ /pha mas kyang bu mo'i yid dang sbyar nas de ma thag tu ras phyung ste chos gos drub par bshams pa las/
310b1 bu mos ras 'dis ci zhig bya zhes dris pa dang / khyod kyi gos 'drub bo zhes smras so/ /bu mos smras pa/ bdag gos gyon pa yod kyi/ drub mi dgos so/ /bdag bcom ldan 'das
310b2 gang na bzhugs par khrid de 'dong ngo / /zhes smras nas bcom ldan 'das kyi spyan sngar khrid do/ /sangs rgyas gang na bder phyin pa dang / bcom ldan 'das la mgo bos phyag
310b3 'tshal te rab tu 'byung bar gsol te/ bcom ldan 'das kyis kyang legs par 'ongs so/ /zhes bka' stsal pas/ skra rang byi ste lus la gyon pa'i gos dkar po yang chos gos smad
310b4 lngar gyur nas dge slong ma skye rgu'i bdag mo la gtad do/ /dge slong ma des brtson 'grus brtsams pas/ ring po ma lon par dgra bcom par gyur to/ /kun dga' bos bcom
310b5 ldan 'das la gsol pa/ dge slong ma dkar mos sngon bsod nams ci zhig bgyis na/ khyim bdag gi khyim du skyes te lus la ras kyang mchis la/ rab tu byung nas ring po ma
310b6 lags par dgra bcom par gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas bsod skyabs 'jig rten du gshegs te/ nye
310b7 gnas dang bcas nas sems can gyi don la gshegs pa las/ yul mi thams cad kyis mchod pa rgyas par byas so/ /de'i tshe dge slong gcig cig 'gro ba mang po'i don
311a1 du yul mi thams cad sangs rgyas la chos nyan pa dang / sbyin pa byed par skul lo/ /de'i tshe bud med dA ni ke zhes bya ba rab tu dbul phongs pa zhig
311a2 ste| khyo shug gnyis la gos su ras yug gcig las mi bdog ste khyo don gnyer du 'gro na/ ras khyos gyon te chung ma sgren mor rtswa'i steng na 'dug go /chung ma don gnyer na/
311a3 ras chung mas gyon te khyo rtswa phung gi nang na sgren mor 'dug go /phyis kun gyi don byed pa'i dge slong de/ de'i sgor 'ongs nas bud med de dang phrad de/ bud med de la
311a4 khyod sangs rgyas la phyag 'tshal du song zhig /yon phul cig ces sbyin pa'i yon tan bsngags te ser sna byed pa'i rnam par smin pa bstan nas sangs rgyas 'jig rten
311a5 du 'byung bar dka' ba dang / chos thos par dka' ba dang / mi lus thob par dka' ba'i gtam rgyas par byas nas chos nyan du song zhig ces bskul ba dang / bud med
311a6 des smras pa/ btsun pa/ cung zad bzhugs shig /bdag slar mchi'o/ /zhes smras nas khang pa'i nang du song ste/ khyo la 'di skad ces smras so/ /sgo na dge slong zhig khyod
311a7 sangs rgyas la phyag 'tshal du song zhig /chos nyon cig /sbyin pa gyis shig ces mchi'o/ /bdag cag tshe snga ma la sbyin pa ma byas pas 'di ltar dbul phongs par gyur te
311b1 da yang ci zhig gis tshe phyi ma'i tshogs su 'gyur bar bya/ khyos smras pa/ 'di la ni/ sbyin par 'os na bdag cag dbul phongs te ci yang med na/ ci zhig sbyin par bya/ chung
311b2 mas smras pa/ tshe snga ma la yang sbyin pa ma byas pas/ 'di ltar dbul bar gyur na da yang sbyin pa ma byas na/ tshe phyi ma la gar 'gro ste/ bdag ni/ sbyin pa zhig byed kyi/ khyod kyis
311b3 gnong zhig /khyos bsam pa/ 'di la ni/ nor khud pa zhig yod pa gda' ste/ sbyin pa gyis shig ces smras pa dang / chung mas bdag gis ras 'di sbyin par dga'o/ /zhes
311b4 smras so| |khyos smras pa/ bdag cag khyo shug gnyis la ras 'di las med de/ 'dis don gnyer zhing 'tsho bar zad na/ da spyin par byas na gnyi ga sdod dam ci/ chung mas
311b5 smras pa| mi zhig skyes pa la tshe 'pho ba yod pas/ 'di ma byin yang tshe 'pho la/ byin yang 'chi 'pho bas nyis na sbyin pa byas te tshe 'phos na/ tshe phyi ma la re ba yod pas sbyin pa
311b6 byas na tshe 'phos kyang bla'o/ /khyo yang dga' bzhin du sbyin pa gyis shig ces bsgo nas chung ma phyi rol tu song ste/ dge slong la 'di skad ces smras so/ /btsun pa/ cung zad ma
311b7 gzigs shig /bdag sbyin pa bgyi'o/ /zhes smras pa dang / dge slong gis khyod sbyin pa byed na/ mngon sum du lag gis byin cig /sbyin pa'i tshigs bcad bya'o/ /zhes bsgo'o//
312a1 bud med des smras pa/ lus la ras 'di las med de/ 'og na gos gzhan med pas/ bud med kyi lus rtsog pa dri ma mnam po 'di gzigs
312a2 par ma 'os kyi/ nang nas dbul lo/ /zhes smras pa dang / nang rol nas ras phud de dge slong de la phul lo/ /dge slong des sbyin pa'i tshigs bcad pas nas ras de thogs te
312a3 sangs rgyas gang na ba der song ste phyin pa dang / bcom ldan 'das kyis dge slong de la bud med kyis phul ba'i ras de 'on cig ces bka' stsal to/ /dge slong des kyang ras de
312a4 sangs rgyas la phul nas bcom ldan 'das kyis phyag gis bzhes so/ /ras rnying zhing dri mas gos pas rgyal po'i 'khor rnams ras dri ma can phyag tu bzhes pa la 'phya'o/ /
312a5 bcom ldan 'das kyis 'khor mang po'i bsam pa mkhyen nas 'di skad ces bka' stsal to/ /ngas bltas na 'khor 'di'i nang na sbyin pa rnam par dag pa ni/ 'di las 'da'
312a6 ba med do/ /zhes bka' stsal to/ /'khor mang po ngo mtshar du gyur to/ /de nas rgyal po'i btsun mo rab tu dga' ste lus la gyon pa'i gos dang rgyan rnams phud nas bud
312a7 med la bskyal to/ /rgyal pos kyang gos dang rgyan phud nas de'i khyim thab la bskyal te khyo shug gnyis 'khor gyi nang du shog cig /ces bsgo'o/ /sangs rgyas bsod skyabs
312b1 kyis 'khor mang po la chos bstan pas phal cher rnam par grol bar gyur to/ /bcos ldan 'das kyis kun dga' bo la bka' stsal pa/ de'i tshe de'i dus na bud med dbul mo de ni/
312b2 dge slong ma dkar mo 'di yin no/ /de'i tshe bsam pa dag pas ras byin pa'i dbang gis bskal pa dgu bcu rtsa gcig gi bar du gang nas gang du skyes kyang rtag tu ras dang
312b3 bcas su skyes te/ brel phongs pa med cing yid bzhin du 'byor par gyur to/ /sangs rgyas de las dam pa'i chos thos nas rnam par grol bar smon lam btab pas 'dir
312b4 nga dang phrad de dgra bcom par gyur to/ /de bas na khyod kyang chos mnyan pa dang / sbyin pa byed pa la brtson 'grus gyis shig ces bka' stsal nas 'khor mang po bcom ldan
312b5 'das kyis de skad ces gsungs pa la yi rang nas mngon par dga'o/ /dbul mos ras phul ba'i le'u ste bco brgyad pa'o// //bran mo dbul mos kA t+yA
312b6 ya na la dbul btsongs pa'i le'u/ de'i tshe na btsun pa kA t+yA ya na chen po yul a pa de na 'dug pa las yul de na khyim bdag longs spyod dang ldan pa ser sna can/ snying rje med
312b7 pa zhig la bran mo rgan mo zhig yod de/ bran mo de ngan las thams cad byed kyang gos ni/ lus la mi yog /zas ni/ khar mi myong ste/ rtag tu brdeg 'tshog pas rgan mo ma bzod
313a1 de srog 'dor du 'gro snyam nas bum pa thogs te chu 'chur song ba las/ chu 'gram du skad chen po phyung ste ngus so/ /kA t+yA ya na der 'ongs te rgan
313a2 mo| |ci'i phyir 'di ltar mi dga' zhes dris pa dang / 'phags pa/ bdag rgas pa'i steng du las ni/ che/ bgo ba dang bza' ba ni/ med/ dbul phongs pas ci'i phyir mi
313a3 'gum snyam mi dga' ste ngu'o/ /kA t+yA ya nas smras pa/ rgan mo/ khyod dbul btsongs nas ci nyes/ rgan mos smras pa/ dbul ci ltar btsong / su zhig dbul nyo zhes smras pa
313a4 dang / kA t+yA ya nas dbul btsong du rung ngo / /zhes lan gsum gyi bar du bsgo ba dang / dbul 'di ji ltar btsong dri'o snyam nas dbul ji ltar btsong du rung zhes dris
313a5 so| |kA t+yA ya nas smras pa/ ci ste dbul btsong yang dag na/ ngas bstan pa bzhin du gyis shig ces bsgo ba dang / 'phags pa/ de bzhin du bgyi'o/ /zhes gsol to/ /
313a6 kA t+yA ya nas smras pa/ khyod sngar khrus gyis shig /bkrus pa'i 'og tu sbyin pa gyis shig /rgan mos smras pa/ bdag la lhan pa tsam gyi rgyu yang med na/ ci zhig sbyin par
313a7 bya| bum pa 'di ni/ jo mo'i yin te/ dbang ma mchis so/ /kA t+yA ya nas smras pa/ khyod lhung bzed kyi nang chu gtsang mas khongs la nga la phul cig /ngas sbyin pa'i
313b1 tshigs su bcad pa bya'o/ /kA t+yA ya nas chu blangs nas sbyin pa'i tshigs bcad kyang byas/ bslab tshigs kyang byin/ sangs rgyas kyi mtshan nas kyang brjod du bcug ste yon tan
313b2 rnam pa sna tshogs su bsngags nas rgan mo khyod la 'dug pa'i gnas yod dam/ rgan mos smras pa/ bdag la gnas ma mchis te/ 'thag pa dang / gtun brdung ba dang / las
313b3 byed pa'i gnas nyid na nyal lo/ /bar 'ga' ni| lung phung gi steng na'ang nyal lo/ /kA t+yA ya nas smras pa/ khyod ngan las byed pa la 'gyod pa dang / mi dga' ba ma byed par
313b4 brtson 'grus su las byos la/ jo mo bsnyal ba'i 'og tu dal gyis jo mo'i sgo phye ste sgo phag gam/ gra gtsang zhig tu rtswa gtsang ma bting ba la 'dug nas gzhan ma sems
313b5 par sangs rgyas yid la byos la dran par gyis shig /de nas rgan mos bstan pa bzhin du byas nas ring po ma lon par mtshan mo 'dug bzhin tshe 'phos nas sum cu rtsa
313b6 gsum gyi lhar skyes so/ /de'i jo mo nang par sngar langs nas khyim gyi nang na bran mo tshe 'phos par mthong nas khros te/ rgan mo 'di khyim nang du ma btang na ci'i phyir 'di
313b7 tshe 'phos zhes gshe nas rkang pa la rtsa thag gis btags te bshal nas dur khrod du bskyal to/ /de'i tshe na lha'i sras po zhig la lha'i bu mo lnga brgyas bskor te rtse dga' ba
314a1 las tshe 'das nas rgan mo de lha'i sras mo de'i nang du skyes so/ /lhar skyes bdag dbang po rnon pos ni/ bdag ci'i rkyen gyis lhar skyes par shes so/ /
314a2 dbang po rtul pos ni/ mi shes te/ rgan mo de yang ci'i phyir lhar skyes pa ni/ mi sems kyi/ bde ba 'ba' zhig la chags so/ /de'i tshe na shA ri'i bu sum cu rtsa gsum na
314a3 'dug pa des khyod ci'i rkyen gyis lhar skyes pa shes sam zhes dris pa dang / bdag gis mi shes so/ /zhes smras nas shA ri'i bus lha'i mig gis bltas te ji ltar lhar skyes
314a4 pa mthong bar byas so/ /de nas lha'i sras mo lnga brgya tsam dang dur khrod du lhags te rus bu la lha'i me tog gis gtor/ spos kyis mchod pa byas so/ /lha'i 'od kyis grong
314a5 khyer de dag snang ba chen pos snang bar gyur nas de'i jo mo la sogs pa ya mtshan du gyur te/ mi mang po dang ba ltar dong ba las lha mang po rgan mo'i rus bu la mchod pa byed
314a6 pa mthong nas lha rnams la khyed ci'i phyir rus bu 'di la mchod ba byed/ 'di ni/ gson po'i tshe yang rtsog pas kun gyis mi 'dod na/ da tshe 'phos pa'i rus bu la lta ci
314a7 smos zhes smras so/ /de'i tshe na lha'i sras mo rnams kyis ji ltar lhar skyes pa'i gtam rgyas par byas nas kA t+yA ya na gang na ba der song ngo / /der phyin pa dang kA t+yA ya nas lha'i
314b1 sras mo de dag la sbyin pa dang / tshul khrims dang / mtho ris su skye ba la sogs te/ dam pa'i chos kyi gtam rgyas par byas nas mi gtsang ba'i chos dang / 'byung ba'i chos bstan
314b2 pas| lha'i sras mo de dag rdul dang bral/ dri ma dang bral te chos la chos kyi mig rnam par dag par gyur nas phyir lha'i gnas su dong ngo / /'khor mang po rnams kyang chos bstan
314b3 pa thos nas so so nas 'bras bu dang po nas 'bras bu bzhi pa'i bar du thob par gyur te rjes su yi rang nas mngon par dga'o/ /bran mo dbul mos kA t+yA ya na la dbul btsongs
314b4 pa'i le'u ste bcu dgu pa'o// //gser lha'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi
314b5 tshal mgon med zas sbyin gyi kun dga' ra ba na bzhugs so/ /de'i tshe yul de na khyim bdag rab tu phyug pa/ longs spyod che ba/ nor bu rin po ches bang mdzod gang ba
314b6 zhig yod de/ rigs mnyam pa las chung ma blangs nas de'i chung ma la bu khye'u gser gyi mdog lta bu zhig btsas te mtshan mkhan gyis bltas nas de'i ming gser lha zhes
314b7 btags so/ /khye'u de btsas pa na khye'u de'i khyim du khron pa chu zheng gab pa/ chu zheng khru brgyad pa/ gting zab khyad kyang khru brgyad pa zhig rang byung ste/ khron pa de'i chu bcus na
315a1 mi'i yid bzhin du 'byung ste/ gang gos 'dod pa la gos 'byung / bza' ba dang btung ba 'dod pa la bza' ba dang btung ba 'byung / gser dngul
315a2 dang nor bu rin po che 'dod pa la gser dngul dang nor bu rin po che 'byung ste/ ci dang ci 'dod pa de dag thams cad yid bzhin du 'byung ngo / /khye'u de gsos bskyed de cher
315a3 gyur pa dang / rig pa'i gnas kyang lobs nas khyim bdag de rab tu dga' ste/ khye'u de'i chung ma btsal lo snyam bsams nas khye'u de'i chung ma yang khye'u de dang 'dra bar
315a4 gser gyi mdog can/ bzang ba/ mdzes pa/ phal bas lhag pa zhig btsal bar bsams te yul kun tu mna' ma tshol lo/ /de'i tshe yul tsam pa na khyim bdag rab tu phyug
315a5 pa zhig la bu mo gser gyi 'od ces bya ba zhig yod de/ bu mo de yang gser gyi mdog can/ shin tu 'tsher ba/ pags pa shin tu srab pa/ rus pa phra ba zhig ste/ thog ma
315a6 btsas pa'i tshe yang khyim nas khron pa chu zheng dang gting 'dra bar khru brgyad pa zhig rang byung ste/ khron pa de las kyang rin po che sna tshogs dang / gos dang / bza' ba dang /
315a7 btung ba la sogs pa ci dang ci 'dod pa de dag yid bzhin du rang byung ngo / /khyim bdag des kyang 'di snyam du bdag gi bu mo bzang mo 'di ni/ bu pho 'di dang 'dra bar lus
315b1 gser gyi mdag can/ shin tu 'tsher ba/ bzang ba/ mdzes pa zhig la gtang ngo snyam bsam pa zhig dang phrad de bu mo'i gtam yang khye'us thos/ khye'u'i gtam yang bu
315b2 mos thos nas khyim bdag gnyis gnyan bya bar 'thams te/ ston mo bya bar 'thams nas bu mo mnyan yod du khrid de mnyan yod du gser lha'i khyim du phyin nas gser lhas
315b3 sangs rgyas dang / dge 'dun rnams bshos la spyan drangs te/ bcom ldan 'das kyang dge 'dun dang bcas te bshos la gshegs nas gser lha khyo shug gnyis la dam
315b4 pa'i chos rgyas par bstan te/ gser lha khyo shug dang / khyim bdag khyo shug gnyis kyis bcom ldan 'das las chos thos nas bskal pa khri phrag gnyis shu'i sdig pa mi dge ba
315b5 shin tu 'bar ba kun zhi nas sems rnam par dag pas chos rtogs te rgyun du zhugs pa'i 'bras bu thob par gyur to/ /de nas bcom ldan 'das slar gtsug lag khang du
315b6 gshegs pa dang / gser lha dang / gser 'od khyo shug gnyis kyang pha ma la rab tu 'byung bar gsol nas pha mas kyang gnang ste gnyi ga sangs rgyas gang na ba der dong ste
315b7 der phyin pa dang / sangs rgyas kyi zhabs la spyi bos phyag 'tshal nas bdag cag gnyis rab tu 'byung ngo / /zhes gsol pa dang / bcom ldan 'das kyis legs par 'ongs
316a1 so| |zhes bka' stsal pas skra dang kha spu rang byi ste dur smrig gyon pa'i dge slong du gyur nas gser lha ni/ dge slong gi dge 'dun gyi nang du song ngo / /
316a2 gser 'od ni/ skye rgu'i bdag mo la gtad do/ /gnyi ga ring po ma lon par dgra bcom par gyur nas rig pa gsum dang / mngon par shes pa drug dang / rnam par thar pa brgyad
316a3 la sogs te/ yon tan thams cad dang ldan par gyur to/ /dge slong dag the tshom du gyur nas tshe dang ldan pa kun dga' bos bcom ldan 'das la 'di skad ces gsol to/ /
316a4 bcom ldan 'das/ dge slong gser lha dang / gser 'od gnyis sngon las ci bgyis na/ thog ma btsas pa na 'di ltar nor bu rin po che dang / longs spyod thams cad dang
316a5 ldan te| khron pa las kyang thams cad kyi re ba yongs su skong bar gyur/ bcom ldan 'das kyis bka' stsal pa/ sngon 'das pa'i bskal pa dgu bcu rtsa gcig gi pha rol na
316a6 sangs rgyas rnam par gzigs zhes bya ba 'jig rten du gshegs nas de mya ngan las 'das pa'i 'og tu de'i bstan pa la zhugs pa'i dge slong dag grong khyer dang / ljongs
316a7 rgyu zhing sems can gyi don byed de/ de dag la khyim bdag rigs che zhing mtho ba kun gyis chos gos dang bsod snyoms mi brel bar byin no/ /de'i tshe khyim bdag dbul
316b1 po khyo shug gnyis shig gis 'di snyam du bsams so/ /bdag cag gnyis pha ma yod pa'i tshe nor bu rin po che dang / longs spyod du ldan te bang mdzod yongs su gang yang
316b2 'phags pa'i dge 'dun dang ma phrad/ da 'di ltar phongs brel te ci yang mi bdog nas rtswa phung gi steng na nyal zhing / bre gang phul gang yang mi bdog pa'i tshe 'phags pa'i dge 'dun
316b3 gshegs nas khyim bdag phyug po de kun chos gos dang / bsod snyoms 'bul na/ bdag cag ni/ ci yang dbul du med do snyam du bsams te rab tu mi dga' nas dus
316b4 so/ |khyim thab dus pa'i mchi ma chung ma'i lag par lhung nas chung mas khyim thab la khyod ci'i phyir du zhes smras pa dang / khyod mi shes sam/ grong khyer 'dir 'phags pa'i
316b5 dge 'dun dag gshegs te khyim bdag phyug po de kun mchod pa byed na/ bdag cag 'ba' zhig ci yang dbul du med de/ da 'dir ma phul na skye ba phyi ma la gar 'gro snyam
316b6 ste mi dga'o/ /chung mas smras pa/ khyod song la bdag cag gi mdzod khang rnying du tshol cig dang / lus ba cung zad yod kyang srid kyi/ gal te sna 'ga' zhig rnyed na dbul
316b7 lo| zhes smras nas mdzod khang rnying du btsal na/ gser gyi dong tshe lus pa gcig rnyed do/ /chung ma la'ang me long gcig cig yod de/ khyo shug gnyis kyis bum pa gsar
317a1 pa gcig cig kyang nyos nas bum pa'i nang chu gtsang mas bkang ste gser gyi dong tshe gcig nang du bcug nas me long gis kha bcad de chu'i bum
317a2 pa thogs pa dge 'dun la phul lo/ /dge 'dun gyis kyang bzhes nas chu de la kha cig gis ni/ 'thungs/ kha cig gis ni/ kha lag dang lhung bzed bkrus te/ khyim bdag
317a3 khyo shug gnyis kyis de ltar dge 'dun gyis spyad pa mthong nas rab tu dga' mgu rangs te phyir khyim du song ngo / /de nas ring po ma lon par nad kyis btab nas khyo
317a4 shug gnyis tshe 'phos te sum cu rtsa gsum gyi lhar skyes so/ /kun dga' bo/ de'i tshe de'i dus na dbul po khyo shug gnyis chu'i bum pa phul ba de ni/ gser lha khyo shug
317a5 gnyis yin no/ /sngon chu bum pa gang dang / gser gyi dong tshe dang / me long gcig phul bas skye ba thams cad du bzang zhing mdzes pa dang / mdog gser gyi kha dog
317a6 can du rtag tu 'tsher bar gyur to/ /'di ltar bskal pa dgu bcu rtsa gcig gi bar du de 'dra bar gyur to/ /de'i tshe na shin tu dang ba'i sems kyis phul bas/ da 'dir
317a7 'khor ba'i mthar phyin te dgra bcom par gyur to/ /kun dga' bo/ de bas na bsod nams kyi phyogs su 'gyur ba'i las ni/ gang yang mi byar mi rung ngo / /dbul
317b1 po des sbyin pa cung zad byas pas/ bsod nams kyi phung po tshad med pa 'di lta bu dag thos par gyur to/ /de'i tshe bcom ldan 'das kyis de skad ces bka' stsal nas kun dga'
317b2 bo dang / 'khor mang po rnams sbyin pa'i bsod nams kyi tshogs bsag pa'i sems skyes te rjes su yi rang nas mngon par dga'o/ /gser lha'i le'u ste nyi shu pa'o// //rigs gnyis pa'i le'u/ 'di skad bdag gis thos pa dus gcig ni/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs
317b3 so| |de'i tshe yul de na khyim bdag phyug po zhig rigs mnyam pa las chung ma blangs nas bu med pas shin tu mi dga' ste lha kun la gsol ba btab pa las/ phyi zhig na chung ma
317b4 sems can dang ldan par gyur te/ zla ba tshang nas khye'u zhig btsas so/ /khye'u de yang mdzes shing sdug pa zhig ste/ pha ma dang gnyen bshes kun dgA nas btsas ston byas nas
317b5 chu bo zhig gi 'gram du 'dus te btsas ston za ba'i tshe kun gyis khye'u blta ba'i phyir gcig gi pang par khye'u blangs nas yang gcig gi pang par
317b6 byin to| |de bzhin du gcig nas gcig tu brgyud pa'i tshe gcig gis le lo byas nas bu shor te chur lhung nas chus khyer ro/ /khye'u bsod nams kyi mthus las ma zad pas tshem
318a1 'phos par nya zhig gis mid nas nya'i lto na gson por 'dug go /chu bo de'i mjug na yang grong zhig yod de/ grong de na yang khyim bdag phyug po
318a2 bu med pa zhig 'dug go /khyim bdag de'i bran zhig chu bo'i 'gram na nya ba shor ba las/ nyas bu mid pa zin nas lto bkas pa dang / lto nas bu khye'u zhig byung nas bran des
318a3 khyer te jo mo la phul lo/ /khyim bdag gi chung mas khye'u de blangs te bltas na/ khye'u mtshan dang ldan pa bzang po zhig ste rab tu dga' nas bdag cag gis lha kun la gsol ba
318a4 btab pa'i rtags ni/ 'di yin no snyam nas ma ma la gtad de gsos so/ /de'i grong ltag ma'i khyim bdag gis grong 'og ma'i khyim bdag gis nya'i lto nas bu zhig rnyed do/ /zhes
318a5 thos nas de ni/ gdon mi za bar bdag gi bu chur lhung pa yin no snyam ste de'i thad du song nas 'di ni/ nga'i bu yin gyi/ phyir byin cig ces smras so/ /des smras pa/ 'di ni/
318a6 khyod kyi bu ma yin te/ bdag la bu med pas lha kun la gsol ba btab nas lhas byin pa'i bu yin te/ nya'i lto nas rnyed do/ /zhes smras so/ /khyim bdag de gnyis rtsod nas
318a7 rgyal po zhal che bar gsol to/ /de la khye'u'i pha mas ni/ 'di bdag gi bu yin te/ chu'i 'gram nas chur lhung ba 'di yin no/ /zhes smras so/ /khyim bdag gcig gis khye'u
318b1 'di bdag gis nya zin pa'i lto nas rnyed de/ khyod kyi bu ma yin no/ /zhes smras nas rgyal pos de gnyis ka'i tshul dang sbyar te khye'u 'di khyed gnyis gas thun mong du gsos la/ cher
318b2 skyes nas khyed gnyis kyis bu'i chung ma re re longs shig /chung ma gnyis las bu gang las byung ba so sor khyer cig cas bcad do/ /de nas khyim bdag gnyis kyis kyang rgyal
318b3 pos zhal che bcad pa bzhin du khye'u thun mong du gsos nas cis kyang mi brel bar byas so/ /de nas khye'u de cher skyes nas pha ma gnyis la 'di skad ces gsol to/ /bdag btsas
318b4 ma thag tu chur lhung ba dang / nyas mid pa la sogs te/ sdug bsngal rnam pa sna tshogs myong yang bdag ma gum pas bdag ni/ rab tu 'byung bar dad kyi/ gnod zhig ces smras so//
318b5 khye'u de'i pha ma gnyis ka yang bu sdug ches pas ngo mchog nas rab tu 'byung bar gnang ba dang / khye'u des sangs rgyas gang na ba der song nas der phyin pa dang / bcom ldan 'das
318b6 kyi zhabs la mgo bos phyag 'tshal te/ bdag sangs rgyas kyi bstan pa la rab tu 'byung ngo / /zhes gsol to/ /de la bcom ldan 'das kyis legs par 'ongs so/ /zhes bka'
318b7 stsal pas/ sgra dang kha sbu rang byi nas dge slong du gyur te ming yang rigs gnyis pa zhes btags so/ /dge slong rigs gnyis pa la bcom ldan 'das kyis dam pa'i chos bstan
319a1 nas sdug bsngal gyi mthar phyin te/ de nyid du dgra bcom par gyur to/ /de la dge slong dag the tshom skyes te tshe dang ldan pa kun dga' bos bcom
319a2 ldan 'das la 'di skad ces gsol to/ /dge slong rigs gnyis pa 'di/ sngon dge ba'i rtsa ba ci bskrun na/ chab tu lhung ste nya'i ltor mchis kyang gum par ma gyur/ bcom
319a3 ldan 'das kyis kun dga' bo la bka' stsal pa/ khyod rtag par nyon cig /sngon sangs rgyas rnam par gzigs zhes bya ba 'jig rten du gshegs te skye bo mang po la chos
319a4 ston to/ /de'i tshe khyim bdag kha cig kyang 'khor der 'ongs te bcom ldan 'das kyis sbyin pa byin pa'i bsod nams dang / tshul khrims bsrungs pa'i yon tan la sogs
319a5 ba rgya tshar bstan pa thos nas shin tu dga' mgu rangs te bsam pa dag pa'i dad pa skyes nas sangs rgyas de las srog mi gcod pa la sogs pa'i bslab tshigs gsum
319a6 mnos nas dong tshe gcig phul lo/ /de'i dbang gis gang nas gang du skyes kyang longs spyod dang rin po cher ldan te phongs pa med par gyur to/ /kun dga' bo/ de'i tshe
319a7 de'i dus na khyim bdag de ni/ dge slong rigs gnyis pa 'di yin te/ sangs rgyas la dong tshe gcig phul bas/ bskal pa dgu bcu rtsa gcig gi bar du longs spyod chen
319b1 po dang ldan par gyur/ da ltar gyi tshe 'di la yang pha ma gnyis kyi khyim na longs spyod bdog pa dbang bar gyur te/ srog mi gcod pa'i bslab tshigs mnos pas chur ltung te nya'i
319b2 ltor song yang ma shi'o/ /dkon mchog gsum la skyabs su song bas nga dang phrad nas dgra bcom par gyur to/ /de'i tshe kun dga' bo dang / 'khor mang po rnams kyis bstan
319b3 pa la rjes su yi rang nas mngon par dga'o/ /rigs gnyis pa'i le'u ste nyi shu rtsa gcig pa'o// //bam po drug pa/ rgyal po zla 'od kyis mgo byin pa'i
319b4 le'u| 'di skad bdag gis thos pa dus gcig na/ bcom ldan 'das yul yangs pa can gyi a mra'i tshal na bzhugs so/ /de'i tshe bcom ldan 'das kyis tshe dang
319b5 ldan pa kun dga' bo la 'di skad ces bka' stsal to/ /rdzu 'phrul gyi rkang pa bzhi thob na/ bskal pa gcig gi bar du 'jig rten na gnas par 'gyur te/ ngas kyang rdzu
319b6 'phrul gyi rkang pa bzhi shin tu bsgoms pas/ da de bzhin gshegs pa 'jig rten na/ sku tshe ji srid kyi bar du bzhugs pa'i rigs zhes lan gsum gyi bar du smras na/
319b7 de'i tshe na kun dga' bo bdud kyis bslus pas/ bcom ldan 'das kyis bka' thos bzhin du tsang mi smra bar 'dug go /yang bcom ldan 'das kyis kun dga' bo la
320a1 khyod longs la dben par song ste shin tu soms shig /ces bka' stsal nas kun dga' bo 'dug pa las langs te tshal zhig tu song ngo / /kun
320a2 dga' bo song ba'i 'og tu bdud kyi rgyal po sdig to can 'ongs nas bcom ldan 'das la 'di skad ces gsol to/ /bcom ldan 'das kyis yun ring du 'jig rten na
320a3 bzhugs te/ gdul ba'i rigs pa yang gang+gA'i klung bye ma snyed btul nas 'khor ba las yongs su bzlas pa'i don yang mdzad lags la/ da sku na yang bgres kyi/ mya
320a4 ngan las 'da' bar gshegs pa'i rigs so/ /zhes gsol to/ /de nas bcom ldan 'das kyis sa nyung zad cig blangs te phyag gi sen mo'i steng du bzhag nas bdud sdig
320a5 to can la sa chen po'i sa mang ngam/ sen mo'i steng gi sa mang zhes bka' stsal nas bdud sdig can gyis gsol pa/ sa chen po'i sa rab tu mang gi /sen mo'i steng gi sa mang
320a6 ba ma lags so/ /bcom ldan 'das kyis bka' stsal pa/ ngas btul ba'i sems can ni/ sen mo'i steng gis dang 'dra'o/ /gang ma btul ba ni/ sa chen po dang 'dra'o/ /
320a7 bcom ldan 'das kyis bdud sdig to can la bka' stsal pa/ da ste zla ba gsum nang yongs su mya ngan las 'da' 'o/ /zhes bka' stsal pa bdud sdig to can gyis thos
320b1 nas rab tu dga' mgu rangs te phyir dong ngo / /de'i tshe kun dga' bo tshal gyi nang na gnyid log nas rmi lam du shing chen po nam mkha'i khams kun tu yog pa la yal ga dang / lo
320b2 ma dang / me tog dang / 'bras bu shin tu rgyas pa/ 'gro ba thams cad la phan pa'i don du 'gyur ba/ shing de la yon tan brjod kyis mi lang ba rnam pa sna tshogs dang ldan pa
320b3 zhig rmis te/ ring po ma lon par rlung chen po langs nas yal ga dang lo ma kun grugs te rdul bzhin du 'thor nas kyang stobs po che'i gnas su med par gyur te 'gro ba thams
320b4 cad shin tu mya ngan byed pa snyam rmis nas sad pa dang mi bde zhing skrag par gyur te 'di snyam du bsams so/ /bdag gis lha dang mi thams cad la phan pa'i don du 'gyur ba'i
320b5 shing chen po yon tan thams cad dang ldan pa zhig rmis nas ring po ma lon par rlung chen pos gtor te med par byas pa 'di/ bcom ldan 'das ni/ shing chen po dang 'dra
320b6 bar thams cad kyi skyabs su gyur na/ ci bcom ldan 'das mya ngan las 'da' bar mi dgongs sam snyam bsams nas shin tu skrag ste bcom ldan 'das gang na bar 'ongs
320b7 nas zhabs la spyi bos phyag 'tshal te bcom ldan 'das la 'di skad ces gsol to/ /bdag tshal na mchis pa las rmi lam 'di lta bu zhig rmis na/ ci bcom ldan 'das mya
321a1 ngan las 'da' bar mi dgongs sam/ bcom ldan 'das kyis kun dga' bo la bka' stsal pa/ de de bzhin no/ /khyod kyis smras pa bzhin te/
321a2 nga da ste zla ba gsum na mya ngan las 'da'o/ /gang rdzu 'phrul gyi rkang pa bzhi thob pa ni/ bskal pa gcig gi bar du gnas te/ nga yang rdzu 'phrul gyi rkang pa bzhi shin tu bsgoms
321a3 na| de de bzhin gshegs pa sku tshe ji srid kyi bar bzhugs pa'i rigs zhes khyod la dris na/ lan gsum gyi bar du dris kyang khyod smrar ma btub ste/ khyod song ba'i 'og tu
321a4 bdud kyi rgyal po sdig to can 'ongs te mya ngan las 'da' bar gsol nas ngas kyang de bzhin du gnang ngo / /kun dga' bos de skad ces bka' stsal pa thos nas rab tu mi dga'
321a5 zhing mya ngan gyis gdungs te lus mi bzod par gyur te/ nye gnas rnams kyis gcig la gcig spran nas thams cad kyang mya ngan gyis gdugs te bcom ldan 'das gang na
321a6 ba der lhags so/ /de la bcom ldan 'das kyis kun dga' bo dang nye gnas rnams la bka' stsal pa/ rtag ces bya ba su yin/ thams cad la rtag pa med de/ khyod kyi phyir
321a7 bya ba kun mdzad de/ bstan pa yang bstan zin pas khyed rnams mya ngan ma byed par brtson 'grus su nan tan gyis shig ces bka' stsal nas de'i tshe na tshe dang ldan pa shA ri'i
321b1 lus de skad du bcom ldan 'das mya ngan las 'da'o/ /zhes thos pa dang mya ngan du gyur te/ de bzhin gshegs pa mya ngan las 'da' ba ni ha cang yang myur ches so/ /lha dang bcas
321b2 pa'i 'jig rten thams cad mdongs shing mgon med par gyur to/ /zhes smras te bcom ldan 'das la 'di skad ces gsol to/ /bdag ni/ bcom ldan 'das mya ngan las 'da' ba
321b3 mthong bar mi bzod de/ ci nas kyang bdag sngar mya ngan las 'da'o/ /zhes lan gsum gyi bar du gsol to/ /bcom ldan 'das kyis bka' stsal pa/ da ste khyod dus
321b4 la bab par shes pa na/ 'phags pa thams cad ni/ zhi bas mya ngan las 'da'o/ /zhes bka' stsal to/ /shA ri'i bus kyang bcom ldan 'das las gnang ba'i lung thob nas
321b5 gos tshags bcos nas bcom ldan 'das la lan brgya tsam bskor te tshigs su bcad pa rnam pa mang pos bstod nas sangs rgyas kyi zhabs dang phyag nas bzung ste lan gsum
321b6 gyi bar du spyi bo sa la gtugs nas thal mo sbyar te 'di skad du bdag gis nang gi tha mar yang bcom ldan 'das mthong ngo / /zhes smras nas sti stang dang bcas nas mchi phyag
321b7 'tshal te nye gnas dge tshul kyun te dang rgyal ba'i khab sngon skye ba'i gnas gang na bar song ngo / /der phyin pa dang dge tshul kyun te la bsgo ba/ khyod song la grong khyer dang / grong
322a1 rdal dang / rgyal po'i pho brang dang / blon po'i gnas dang / yon bdag bshes pa'i gnas kun tu song la de dag la nga phyi phyag 'tshal lo/ /zhes
322a2 bsgo zhig /de nas dge tshul kyun te slob dpon gyis bsgo ba bzhin du kun tu song nas 'di skad du bdag gi mkhan po shA ri'i bu 'dir gshegs te/ mya ngan las
322a3 'da' bar gshegs kyi/ khyed kyis mthong bar 'dod na kun shog cig ces bsgo'o/ /de'i tshe na rgyal po ma skyes dgra dang / khyim bdag rigs che zhing mtho ba dang / yon
322a4 bdag gi rigs rnams dge tshul gyis bsgo ba thos nas thams cad mi dga' zhing mya ngan gyis gdungs par gyur te thams cad tshig mthun par 'di skad ces smras so/ /btsun
322a5 pa shA ri'i bu chos kyi gtso bo chen po/ 'gro ba mang po'i bshes gnyen du gyur pa da mya ngan las 'da' ba ni/ ha cang yang snga ches so/ /zhes smras nas de dag myur bar shA
322a6 ri'i bu gang na ba der lhags te phyag byas nas 'di skad ces smras so/ /btsun pa shA ri'i bu chos kyi gtso bo chen po/ 'gro ba mang po'i bshes gnyen sku tshe yongs su gtong ste
322a7 mya ngan las 'da'o/ /zhes bdag cag la sogs pa 'gro ba mang po'i mgon dang dpung gnyen med par 'gyur ro/ /de nas shA ri'i bus 'khor mang po la smras pa/ thams
322b1 cad mi rtag pa ste/ skye ba yang mthar 'chi la 'dus pa yang mthar 'bral bas/ khams gsum ni/ sdug bsngal ba dang bcas pas na gang zhig bde bar 'gyur/ khyed ni/ sngon gyi
322b2 dge ba'i rtsa ba las sangs rgyas 'jig rten du gshegs pa dang yang phrad mod kyi/ mdo sde dang chos thos pa yang shin tu dka'/ mi lus thob pa yang shin tu dka' ba yin gyi/ bsod
322b3 nams kyi tshogs su 'gyur zhing 'khor ba las grol ba'i las la brtson par gyis shig ces thabs mkhas pa rnam pa sna tshogs kyis 'khor mang po la ji ltar na ba la sman gtong
322b4 ba bzhin du rgya cher bstan te/ 'khor mang pos chos bstan pa thos nas kha cig ni/ 'bras bu dang po nas 'bras bu gsum pa'i bar du thob par gyur/ kha cig ni/ rab tu byung
322b5 nas dgra bcom par gyur/ kha cig ni/ rang sangs rgyas su grub par yi dam bcas te chos bstan pa thos nas phyag 'tshal nas so sor dong ngo / /de nas shA ri'i bu de'i nub
322b6 mo nam gyi cha smad la lus dang sems drang por bzhag ste sems rtse gcig tu bsam gtan dang po la zhugs so/ /bsam gtan dang po las byung nas bsam gtan gnyis la
322b7 zhugs| bsam gtan gnyis pa las byung nas bsam gtan gsum pa la zhugs/ bsam gtan gsum pa las byung nas bsam gtan bzhi pa la zhugs/ bsam
323a1 gtan bzhi pa las byung nas nam mkha' mtha' yas skye mched kyi ting nge 'dzin la zhugs/ nam mkha' mtha' yas skye mched kyi ting nge 'dzin las
323a2 byung nas rnam shes mtha' yas skye mched kyi ting nge 'dzin la zhugs/ rnam shes mtha' yas skye mched kyi ting nge 'dzin las byung nas cung zad med pa'i skye mched kyi ting nge 'dzin
323a3 la zhugs/ cung zad med pa'i skye mched kyi ting nge 'dzin las byung nas 'du shes med 'du shes med min skye mched kyi ting nge 'dzin la zhugs/ 'du shes med 'du shes med
323a4 min gyi skye mched kyi ting nge 'dzin las byung nas 'gog pa'i ting nge 'dzin la zhugs/ 'gog pa'i ting nge 'dzin las byung nas mya ngan las 'da' bar bzhugs so/ /de'i tshen
323a5 brgya byin lha'i dbang pos shA ri'i bu mya ngan las 'da' bar shes nas lha'i 'khor brgya stong mang po dang so so nas me tog dang spos la sogs pa mchod pa'i yo byad thogs te
323a6 phyogs der lhags nas steng gi nam mkha' la bar mtshams med par 'khod de mchi ma char bzhin du blags nas me tog gis pus mo nub tsam du gtor nas 'di skad du
323a7 btsun pa shA ri'i bu'i shes rab ni/ zab khyad kyang rgya mtsho tsam ste/ ji ltar rigs pa'i blo dang ldan/ gsung gi spobs pa ni/ chu mig dang 'dra ste/ tshul khrims dang / ting nge
323b1 'dzin dang / shes rab tu ldan/ chos kyi gtso bo chen po de bzhin gshegs pa'i rjes su chos kyi 'khor lo rgyas par bskor ba dang mya ngan las 'da' ba ni/ ha cang yang snga ches
323b2 so| |grong khyer de'i nang dang phyi rol na 'dug pa'i mi thams cad kyis shA ri'i bu mya ngan las 'das so/ /zhes thos nas thams cad kyis mar dang 'bru mar bsung can dang / spos dang /
323b3 me tog dang / mchod pa'i yo byad thogs te thams cad lhags nas lus kyis mi bzod par mya ngan gyis gdungs te so so nas thogs pa'i yo byad kyis mchod pa byas so/ /de nas brgya byin
323b4 lha'i dbang pos bi shwa karma la bsgo ba/ khyod kyis rin po che mang pos brgyan pa'i shing rta sbyor cig/ shA ri'i bu'i bur gzhag par bya'o/ /zhes bsgo'o/ /de nas lha dang / klu dang / gnod sbyin
323b5 dang / rgyal po dang / blon po dang / yul gyi mi thams cad kyis cho nges btab ste gang na thang bde bar bskyal to/ /brgya byin lha'i dbang pos gnod sbyin rnams la khyed kyis rgya mtsho'i
323b6 ngogs nas glang mgo'i tsan+dan longs shig ces bsgos nas gnod sbyin rnams kyis rgya mtsho'i ngogs nas tsan+dan blangs te spungs nas de'i steng du bur bzhag ste mar dang 'bru mar
323b7 gyis gtor nas me btang ngo / /'khor de dag kun gyis phyag 'tshal te phyir dong ngo / /me shi ba'i 'og tu dge tshul kun tes slob dpon gyi ring bsrel dang / lhung bzed dang /
324a1 chos gos gsum thogs te sangs rgyas gang na bder song nas zhabs la mgo bos phyag 'tshal te pus mo'i lha ngas la btsugs nas bdag gi slob dpon
324a2 ni| mya ngan las 'das te/ de'i ring bsrel dang / chos gos dang / lhung bzed ni/ 'di dag lags so/ /zhes gsol to/ /de'i tshe na kun dga' bos dge tshul gyis smras
324a3 pa thos nas mya ngan gyis shin tu gdungs te bcom ldan 'das la 'di skad ces gsol to/ /shA ri'i bu tshogs kyi gtso bo chen po yang mya ngan las 'das na/ bdag cag gis su la
324a4 gnas bca' zhing skyabs su mchi bar bgyi/ bcom ldan 'das kyis bka' stsal pa/ shA ri'i bu mya ngan las 'das kyang tshul khrims dang / ting nge 'dzin dang / shes rab dang /
324a5 rnam par grol ba dang / rnam par grol ba'i ye shes gzigs pa dang / chos kyi sku ni/ mya ngan las ma 'das so/ /shA ri'i bu ni/ da ltar 'ba' zhig nga mya ngan las 'da' ba
324a6 la mthong bar mi bzod de/ sngar mya ngan las 'das pa 'dir ma zad kyi/ sngon 'das pa'i dus na yang nga tshe 'pho ba la ma bzod nas sngar che 'phos so/ /kun dga' bos
324a7 thal mo sbyar te bcom ldan 'das la gsol pa/ sngon bcom ldan 'das sku tshe snga ma la yang sngar gum nas phyis gshegs pa'i dngos po rgyas par bstan du gsol/ /bcom
324b1 ldan 'das kyis kun dga' bo la bka' stsal pa/ sngon 'das pa'i bskal pa la tshad med/ grangs med/ bsam gyis mi khyab pa 'das pa'i snga rol na 'dzam bu'i gling 'dir yul che
324b2 ge mo zhig na rgyal po zla 'od ces bya ba/ 'dzam bu'i gling la dbang ba/ rgyal phran brgyad khri bzhi stong dang / ljongs stong phrag drug cu'i nang na grong khyer khri phrag brgyad cu la dbang byed
324b3 pa zhig byung ngo / /rgyal po de la btsun mo stong phrag nyi shu yod do/ btsun mo chen mo ni/ me tog sbyin zhes bya/ btsun mo rab 'og ni/ spyan chen mo zhes bya ste/ rgyal po de la rgyal bu lnga
324b4 brgya snyed yod do/ /rgyal bu thu bo rgyal tshab ni/ tshul khrims bzang po zhes bya/ rgyal po bzhugs pa'i pho brang ni/ 'tsho ba bzang po zhes bya ste/ pho brang de chu zheng gab par dpag tshad
324b5 bzhi brgya yod de/ gser dang / dngul dang / bai DUR+ya dang / shel las byas so/ /skyed mos tshal gyi nang na gser dang / dngul dang / bai DUR+ya dang / shel gyi shing tshar bzhi yod
324b6 de| kha cig gi yal ga ni/ gser/ lo ma ni/ dngul/ kha cig gi yal ga ni/ dngul/ lo ma ni/ gser/ kha cig gi yal ga ni/ bai DUR+ya/ lo ma ni/ shel/ kha cig gi yal ga ni/
324b7 shel/ lo ma ni/ bai DUR+ya ste/ rin po che'i rdzing rnams kyang gser dang / dngul dang / bai DUR+ya dang / shel las byas pa/ rdzing gi zhabs kyang rin po che sna bzhi'i bye ma bdal ste rgyal po'i
325a1 pho brang dang nye ba'i tshe kho ra khor yug dpag tshad bzhi bcu'i bar du gser dang / dngul dang / bai DUR+ya dang / shel gyis chal par bkang ngo / /yul de na
325a2 gnas pa'i mi rnams bde zhing skyid pa/ lo legs pa/ longs spyod 'byor pa/ rin po che dam pa grangs med pa bdog par gyur to/ /de'i tshe rgyal po pho brang na 'dug pa las rtag
325a3 tu 'di snyam du bsam bskyes so/ /'jig rten na gnas pa dag btsan zhing che ba la thams cad kyis bkur sti byed par 'gyur snyam du bsams ma thag tu 'dod pa lnga'i longs
325a4 spyod dam pa yid bzhin du grub ste/ 'di ltar 'bras bu mchog thob pa yang sngon bsod nams kyi tshogs bskyed pa las gyur te/ dper na/ zhing pa dag kyang dpyid sa bon mang
325a5 du btab na/ ston mang du bsdur yod do snyam du re ba yod do/ /bdag kyang de dang 'dra ste/ sngon bsod nams kyi tshogs bskyed pas da ltar 'di lta bu grub par gyur to/ /da lta'i
325a6 dus su sa bon ma bskyed na/ phyis re ba med do snyam bsams nas blon po rnams la da ni/ bdag gis rin po che dang / longs spyod kyis kun la sbyin pa'i phyir grong khyer gyi sgo
325a7 dang / tshong dus kyi mdor spungs te sems can la yid bzhin du ci bdog pa sbyin par bya'o/ /gzhan yang rgyal phran brgyad khri bzhi stong snyed yod pa la yang bang mdzod ci
325b1 yod pa thams cad 'gro ba mang po la sbyin par bkar btags so/ /zhes bsgo nas gser gyi rgyal mtshan bsgrengs te gser gyi rnga brdungs nas phyogs su rgyas par kun gyis thos shing
325b2 shes par shin tu bsgrags so/ /de'i tshe na yul de na 'khod pa'i dge sbyong dang / bram ze dang / dbul phongs pa dang / mgon med pa dang / rgan po longs spyod kyis brel ba thams cad
325b3 sprin bzhin du 'dus te/ gang gos 'dod pa la gos/ zas 'dod pa la zas/ gser dngul dang nor rin po che 'dod pa la gser dngul dang nor bu rin po che/ nad pa rnams la ni nad
325b4 kyi rkyen sman la sogs te/ ci bdog pa yid bzhin du byin no/ /de'i tshe na 'dzam bu gling na 'khod pa'i 'gro ba thams cad rgyal po'i drin gyis thams cad bde zhing skyid pas/ glu len bro brdung
325b5 tshigs su bcad pas bstod do/ /rgyal po de'i ming snyan pa mtha' 'og kun tu grags nas bka' mi nyan pa med do/ /de'i tshe na yul gyi mtha' 'khob na rgyal po chung du byi ma se na zhes bya ba
325b6 zhig rgyal po zla 'od la phrag dog skyes nas bde bar nyal du med de gnyid kyang mi bro nas 'di snyam du bsams so/ /rgyal po zla 'od med par ma byas kyi bar du bdag gi ming grags par mi
325b7 'gyur gyi/ bdag gi yul phyogs na 'khod pa'i kun tu rgyu dag bos la kun tu sgrub tu gzhug pa'i thabs bya'o snyam bsams nas bdag gi yul na 'khod pa'i kun tu rgyu bos nas kha zas
326a1 ro brgya dang ldan pa rnam pa sna tshogs sbyar te bsti stang dang bcas pas zla ba gsum gyi bar du mchod pa byas nas kun tu rgyu rnams la 'di skad ces smras
326a2 so| |nga ni/ mya ngan gyis non te nyin mtshan du mi bde na/ khyed ni/ chos spyod pa yin te/ mchod pa'i gnas yin na/ nga'i mya ngan med par bya ba'i thabs soms shig /bram ze
326a3 rnams kyis smras pa/ rgyal po ci'i slad du thugs ngan mdzad pa bdag cag la gsungs shig /ci nus kyis rgyal po'i thugs ngan ma mchis par bgyi'o/ /rgyal pos smras pa/ rgyal
326a4 po zla 'od de yon tan kun tu grags pas thams cad kyis bsnyen bkur byed na/ nga 'ba' zhig yon tan ma grags te/ rgyal po de med par bya bar dga' na/ khyed la thabs ci
326a5 yod pa smros shig /bram ze rnams kyis de skad ces bsgo ba thos nas so so nas gcig la gcig 'di skad ces smras so/ /rgyal po zla 'od de ni/ snying rje dang ldan te/ 'gro ba thams
326a6 cad la drin gyis khyab cing dbul phongs pa la yang pha ma lta bur gyur pas/ bdag cag ni/ tshe 'pho bar thug kyang de la 'khu zhing gnod pa byed mi nus so/ /zhes smras nas
326a7 'tsho ba la yang ma bltas te so sor gyes so/ /rgyal po byi ma se na de skad ces smras pa thos nas lhag par mi dga' ste 'di skad ces bkar btags so/ /gang su yang rung ba'i
326b1 phyir rgyal po zla 'od kyi mgo bcad de 'ongs na/ rgyal srid phyed kyang sbyin zhing bu mo yang chung mar sbyin no/ /zhes bkar btags pa dang / de'i tshe ri brags kyi grong na bram ze le'u de tsa
326b2 zhes bya bas thos te rgyal po de gang na ba der 'ongs nas rab tu dga' ste 'di skad du bdag gis ni/ rgyal pos dgongs pa bzhin du sgrub nus so/ /zhes gsol to/ /rgyal pos smras pa/
326b3 de ltar sgrub nus na nyi ma gang la 'gro bar bya/ bram zes smras pa/ bdag gi lam rgyags stsol cig dang / da slad chad zhag bdun na mchi bar bgyi'o/ /zhes gsol pa dang / bram ze
326b4 de zhag bdun gyi bar du bdag gi lus srung ba'i sngags byas nas rgyal po la phyi phyag 'tshal te lam du zhugs nas song ngo / /de'i tshe rgyal po zla 'od kyi yul du ltas ngan rnam pa sna
326b5 tshogs byung ste/ sa kun gsal pa dang / glog 'gyu ba dang / skar ma ltung ba dang / nyin mtshan du yul rmus pa dang / 'brug drag po dang ser ba dang gnam lcags dang / bya mang pos
326b6 nam mkha' la snying rje ba'i skad zer zhing / nam mkha' las rang ltung ba dang / stag dang / gzig dang / spyang ki dang / gcan gzan dang / ri dwags la sogs pa rgyug ma chong
326b7 zhing skad zer ba dang / rgyal phran brgyad khri bzhi stong gi rmi lam du rgyal po chen po'i gser gyi rgyal mtshan chag pa dang / gser gyi rnga ral bar rmis so/ /blon po zla ba chen po zhes bya
327a1 ba'i rmi lam du yi dwags shig gis rgyal po'i gser gyi cod pan 'phrog pa snyam rmis te/ thams cad kyang lus kyis mi bzod pa tsam du mya ngan gyis
327a2 non par gyur to/ /de'i tshe na grong khyer gyi sgo srung pa'i lhas bram ze de rgyal po'i mgo slong ba la 'ongs par rtogs nas de myos shing bslad par byas te grong khyer gyi sgo nas ma
327a3 btang bas/ bram ze des grong khyer la lan mang du bskor kyang nang du ma chud do/ /de nas gnas gtsang ma'i ris kyi lhas kyang rgyal po zla 'od mgo bo sbyin pa byas nas/ sbyin pa'i pha
327a4 rol tu phyin pa yongs su rdzogs par 'gyur ba shes nas rmi lam du rgyal po la sbran to/ /rgyal po chen po thams cad kyi yid dang mi 'gal bar sbyin pa sbyin no/ /zhes yi dam
327a5 bcas na/ da ltar slong ba grong khyer gyi sgor 'ongs te nang du 'ong ba'i dbang med do/ /zhes sbran to/ /sad nas ngo mtshar du gyur te blon po zla ba chen po la khyod song la grong khyer
327a6 gyi sgo nas su 'ong yang rung / ma dgag par nang du thong zhig ces bsgo zhig /zla ba chen po grong khyer gyi sgor 'ongs pa dang / grong khyer gyi sgo srung ba'i lhas lus mngon par bstan
327a7 te zla ba chen po la 'di skad ces smras so/ /bram ze zhig yul gzhan nas 'ongs te sdig pa'i sems kyis rgyal po'i mgo bo slong du 'ongs pas nang du ma btang ba yin no/ /blon pos
327b1 smras pa| gal te de ltar bden na gnod pa'i ltas chen po yin te/ 'on kyang rgyal po'i bka' bcag tu mi rung ngo / /zhes bsgo'o/ /de nas grong khyer srung ba'i lhas kyang bram zed
327b2 nang du btang ngo / /blon po zla ba chen pos 'di snyam du bsams so/ /bram ze 'di ni/ gdon mi za bar rgyal po'i mgo slong bar 'gyur gyi/ rin po che sna bdun las sna gcig kyang
327b3 mgo lnga brgya lnga brgya byas te/ mgo bo 'di dag gi rgyal po'i mgo blu'o snyam bsams nas sbyor du bcug go /de nas bram ze de rgyal po'i pho brang du 'ongs te skad chen pos 'di
327b4 skad ces smras so/ /bdag ni/ yul gyi mtha' 'khob nas mchis te/ rgyang ma nas rgyal pos ni/ thams cad yongs su gtong la/ pha rol po'i yid dang mi 'gal bar mdzad
327b5 do| |zhes yon tan chen po thos nas lam ring po nas dgos pa 'dod pa'i slad du 'dir mchis so/ /rgyal pos de skad ces smras pa thos nas rab tu dga' mgu rangs te phyag
327b6 'tshal nas ngal bar ma gyur tam zhes dris te nor ci 'dod pa dang / yul lam/ rgyal srid dam/ grong khyer ram/ chung ma'am/ bu pho'am/ bu mo'am/ rin po che'am/ theg
327b7 pa'am| glang po che'am/ rta'am/ rin po che sna bdun nam/ pho brang ngam/ bran pho'am/ bram mo'am/ las byed pa'i mi'am/ ci 'dod pa thams cad sbyin no/ /zhes smras so/ /
328a1 bram zes smras pa/ phyi rol gyi longs spyod kyi sbyin pa ni/ sbyin pa'i bsod rnams su 'gyur mod kyi/ sbyin pa rgya chen por mi 'gyur te/ gang lus kyi sha
328a2 sbyin pa bsod nams kyi mchog yin pas/ bdag ni/ rgyal po'i dbu 'tshal ba'i slad du la ma ring po nas 'dir mchis kyi/ yid dang mi 'gal bar mdzad na/ sbyin par mdzod cig
328a3 ces gsol pa dang / rgyal pos de skad ces smras pa thos nas dpe med par dga' bar gyur to/ /bram zes smras pa/ bdag la dbu stsal ni/ nam stsal ba bka' stsal du gsol
328a4 rgyal pos smras pa/ da ste zhag bdun na khyod la mgo sbyin no/ /zhes bsgo'o/ de nas blon po zla ba chen pos rin po che sna bdun las byas pa'i mgo rnams khyer te 'ongs nas bram
328a5 ze'i mdun du lto ba sa la phab ste 'di skad ces smras so/ /rgyal po'i dbu ni/ sha dang / khrag dang / rus pa ste/ mi gtsang ba yin na ci zhig tu rung / rin po che sna bdun gyi mgo
328a6 'di dag gis brje'o/ /rin po che sna bdun gyi mgo 'di dag gis khyod tshe gcig tu phyug par 'gyur ro/ /bram zes smras pa/ bdag la 'di dag mi dgos kyi/ rgyal po'i dbu
328a7 dgos kyi/ bdag gi re ba skongs shig /zla ba chen pos thabs rnam ba sna tshogs kyis gsol ba btab kyang ma btub pas mya ngan gyis non te 'khyams nas snying bdun du gas
328b1 te tshe 'bos so/ /de'i tshe na rgyal po des blon po zhig glang po che dpag tshad brgyad stong du 'gro ba la bskyon nas rgyal phran thams cad la sbran te/ da ste zhag bdun na rgyal po zla 'od bram ze la
328b2 dbu'i sbyin pa mdzad kyi/ mthong bar 'dod pa thams cad myur du shog cig /de'i tshe na rgyal phran brgyad khri snyed po de thams cad de ma thag tu lhags te rgyal po'i spyan sngar 'ongs nas lto
328b3 ba sa la phab ste 'di skad ces gsol to/ /'dzam bu'i gling gi sems can thams cad ni/ rgyal po'i bka' drin gyis thams cad bde skyid de gnod pa ma mchis ni/ mi gcig gi slad du 'gro
328b4 ba thams cad yongs su spang par mi rigs kyi/ bdag cag la thugs brtse ba'i slad du dbu'i sbyin pa mi mdzad par gsol/ blon po chen po stong phrag bcus kyang lto bas la phab ste
328b5 bdag cag la thugs brtse ba'i slad du dbu'i sbyin pa mi mdzad par gsol/ btsun mo stong phrag nyi shus kyang lus sa la phab nas rgyal po la 'di skad ces gsol to/ /bdag cag la yang
328b6 thugs brtse bar dgongs te dbu'i sbyin pa mi mdzad par gsol zhes smras so/ /rgyal bu lnga brgya rnams kyang dus nas bdag cag la mgon dang skyabs ma mchis na/ thugs brtse bar
328b7 dgongs te dbu'i sbyin pa mi mdzad cing bdag kyang mi rjes slebs par bskyed par gsol zhes smras so/ /de nas rgyal po chen pos blon po dang / btsun mo dang / sras rnams la 'di
329a1 skad ces bka' stsal to/ /thog ma med pa nas lus 'di 'khor ba na 'khor zhing yun ring por sems can dmyal ba na 'dug pa'i tshe nyi ma gcig la yang lan
329a2 du ma zhig tshe 'phos nas lus 'di chud zos te thal chu dang / lcags kyi khri dang / chu tshan khol ma dang / ngan skyug dang / me'i shing rta dang / me dong la sogs pa'i sems can dmyal
329a3 bar yun ring por sdug bsngal myong ste btso ba dang / bsreg pa la sogs pas lus 'di grangs med par chud zos kyang bsod nams 'ga' tsam yang med do/ /gal te dud 'gro'i
329a4 skye gnas su skyes pa na gcig la gcig 'cha' zhing za ba dang / gzhan gyis bsad de kun gyis zos pa dang / tshe 'phos nas rul zhing myags pa yang grags med de/ de ltar lus
329a5 'di chud zos kyang bsod nams su gyur pa med do/ /yi dwags kyi khams su skyes pa na lus la me 'bar te 'khor los mgo bcad ma thag tu phyir yang sos pa grangs med pa zhig myong
329a6 ste| de ltar lus chud zos kyang bsod nams su gyur pa med do/ /gal te mir skyes pa na yang nor dang / bud med kyi phyir khros rngams pas mig bgrad de gcig la gcig 'tshe
329a7 zhing gsod pa dang / g.yul ngor lhags nas gcig la gcig gsod de/ de ltar lus chud zos pa dang / 'dod chags dang / zhe sdang dang / gti mug gi lus grangs med pa
329b1 zhig bor yang bsod nams su ma gyur te/ bdag gi lus 'di yongs su gtang bar bya'o/ /bdag gi lus 'di ni/ mi gtsang ba rnam pa sna tshogs kyi phung po ste/ ring po mi thogs par
329b2 'jig cing 'bral bar 'gyur bar/ mi brtan zhing btsog pa'i mgo 'dis phan pa'i don chen por 'gyur na/ ci'i phyir sbyin par mi bya/ nga'i mgo bo 'di bram ze de la byin te/ bsod nams
329b3 des bla na med pa'i byang chub sgrub bo/ /nam mngon par sangs rgyas na yon tan phun sum tshogs par 'gyur te/ thabs la mkhas pas khyed kyang sdug bsngal las bzla'o/ /ngas sbyin pa
329b4 byas pa 'dis mngon par 'tshang rgya yi/ bla na med pa'i byang chub kyi sems la khyed bar chad dang bgegs ma byed cig /rgyal phran dang / blon po dang / btsun mo dang / sras rnams de skad
329b5 ces bka' stsal pa thos nas cang mi smra bar 'khod do/ /de nas rgyal po chen pos bram ze de la smras pa/ da mgo bo bslang ba'i dus la bab kyi/ longs shig ces smras so/ /bram zes gsol
329b6 pa| da ltar rgyal pos blon po la sogs pa 'khor mang pos bskor te bdag gcig pus rgyal po'i dbu gcad pa'i mthu ma mchis te/ thugs mi thub bo/ /bdag la stsal bar chad na/
329b7 rgyab kyi skyed mos tshal du gshegs so/ /zhes gsol to/ /de nas rgyal po chen pos rgyal phran dang / rgyal bu rnams la bsgo ba/ khyed nga la bsnyen bkur byed na/ bram ze 'di la gnod
330a1 pa'i kyal ka ma byed cig ces bsgos nas bram ze dang 'grogs te rgyal po skyed mos tshal du song ngo / /de nas bram ze des rgyal po la gsol pa/ rgyal po ni/ sku
330a2 gzhon te/ ring yang gyad dang mnyam pas na/ tsha ba mi bzod de phyir yang 'gyod kyang srid kyi/ rgyal po'i dbu shing zhig la btags te gdod dgum par 'tshal lo/ /de nas rgyal po
330a3 shing yal ga brtan cing lo mas kun tu khebs pa zhig la mgo btags nas pus mo sa la btsugs te bram ze la 'di skad ces smras so/ /khyod kyis nga'i mgo chod la phyir yang nga'i lag tu
330a4 bzhag nas nga'i lag nas longs shig /ngas khyod la mgo sbyin pa'i bsod nams 'di ni/ bdud dam tshangs pa 'dod pa ma yin/ brgya byin nam/ 'khor los bsgyur ba'i rgyal
330a5 po'am| khams gsum gyi bde ba'i longs spyod 'dod pa'i phyir ma yin gyi/ bla na med pa yang dag par rdzogs pa'i byang chub 'dod de/ 'gro ba mang po skyong zhing mya ngan las
330a6 'das pa'i bde ba la dgod pa'i phyir ro/ /de'i tshe na bram ze des ral gri phyar te gdab ces byas pa dang / shing gi lha de rab tu mi dga' bar gyur nas ci'i phyir mi 'di gsod
330a7 pa'i las byed snyam nas bram ze de'i rna drung du thal mo gcig bsnun pas rkang lag ma tshugs te sa la 'gyel to/ /de nas rgyal po des yar shing gi lha la bltas te smras pa/ sngon
330b1 'das pa'i dus na shing 'di la mgo bo dgu brgya dgu bcu rtsa dgu snyed kyi sbyin pa byas te/ da mgo bo 'di sa sbyin ba stong du tshang ste sbyin pa'i pha rol tu phyin pa yang yongs su rdzogs
330b2 kyi/ nga'i bla na med pa'i byang chub kyi sems kyi bar chad ma byed cig /de'i tshe na shing gi lha des rgyal pos smras pa thos nas bram ze de phyir sor chud par byas te/ bram ze de sa las
330b3 langs nas ral gri thogs te rgyal po'i mgo bcad do/ /mgo lag tu lhung ba na sa chen po yang rnam pa drug tu g.yos/ lha'i pho brang yang 'gul zhing ldeg ste mi bde bar gyur nas
330b4 ngo mtshar ya mtshan du gyur te kun gyis byang chub sems dpas 'gro ba thams cad kyi phyir mgo'i sbyin pa byas par mthong nas thams cad 'dus shing tshogs te ngo mtshar to/ /zhes
330b5 mchi mchar bzhin du phab ste dus nas 'di skad ces smras so/ rgyal po zla 'od kyis mgo'i sbyin pa byas pas/ sbyin pa'i pha rol tu phyin pa yongs su rdzogs par gyur to/ /zhes kun
330b6 tu grags par gyur nas rgyal po byi ma se nas thos nas mi dga' ches te 'khams nas snying gas te che 'phos so/ /de'i tshe na bram zes rgyal po'i mgo khyer te song ba'i tshe rgyal phran
330b7 dang / blon po dang / btsun mo dang / rgyal bu rnams lus sa la brdabs te cho nges btab nas la la ni/ khrag tu skyugs te tshe 'phos so/ /kha cig ni/ ci yang mi dran par myos so/ /kha
331a1 cig ni| rang gi skra kun 'bal to/ /la la ni/ rang gi gos kun dral/ kha cig ni/ lag pa gnyis kyis rang gi gdong kun drad nas cho nges 'debs shing
331a2 sa la 'gre'o/ /de'i tshe na bram ze des rgyal po'i dbu mi sdug cing mnam mo/ /zhes mi 'dod nas sa la bor te song ba dang / de la bram ze kha cig gis khyod ni/ shin tu gdug pa
331a3 can yin pa lta/ thog ma nas dgos pa med na bslangs te ci bya zhes spyos so/ /bram ze de lam du zhugs te song ba las phrad pa thams cad kyis spyos nas kha zas mi ster te
331a4 shin tu nyam thag par gyur la/ lam nas rgyal po byi ma se na yang tshe 'phos pa'i gtam thos pas thog mar re ba'i sems ltar ma gyur pas mya ngan gyis yi mug ste snying bdun
331a5 du gas nas khrag tu skyugs te tshe 'phos so/ /rgyal po byi ma se na dang / bram ze gnyi ga tshe 'phos nas mtshams med pa'i sems can dmyal bar skyes so/ /rgyal po zla 'od kyi
331a6 mya ngan gyis gdungs te tshe 'phos pa rnams ni/ mtho ris kyi lhar skyes so/ /kun dga' bo/ de'i tshe de'i dus na rgyal po zla 'od de ni/ da ltar nga yin no/ /rgyal po byi ma se na de
331a7 ni| bdud sdig to can yin no/ /de'i dus na bram ze de ni lhas sbyin min no/ /de'i tshe na shing gi lha mo de ni/ maud+gal gyi bu yin no/ /de'i tshe na blon po zla ba chen po de
331b1 ni| shA ri'i bu yin te/ de'i tshe yang nga tshe 'pho ba mthong bar mi bzod nas sngar tsho 'phos so/ /deng gi dus 'dir yang nga mya ngan las 'da' ba mthong bar mi bzod nas sngar mya ngan las
331b2 'das pa yin no/ /bcom ldan 'das kyis de skad ces gsungs nas tshe dang ldan pa kun dga' bo dang / 'khor gzhan dag skad mthun par de bzhin gshegs pa'i yon tan ni/
331b3 ngo mtshar rmad do/ /zhes bsngags nas sgom pa la nan tan byas pas/ kha cig dge sbyong gi 'bras bu bzhi thob par gyur to/ /kha cig ni/ bla na med pa yang dag par rdzogs pa'i byang
331b4 chub thob par gyur to/ gsungs pa la rjes su yi rang nas mngon par dga'o/ /rgyal po zla 'od kyis mgo byin pa'i le'u ste nyi shu gnyis pa'o// //blon po ri dwags
331b5 kyi bu bdun gyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs
331b6 so| |de'i tshe rgyal po gsal rgyal la blon po ri dwags zhes bya ba yod de/ rab tu phyug pa/ longs spyod che ba de la bu pho bdun yod do/ /bu pho drug ni/ chung ma lon gyi/ nang gi bu
331b7 tha chung gcig chung ma ma lon nas phas 'di snyam du bsams so/ /bdag ni/ rgas 'khogs te/ bu gcig bu chung ma ma lon po 'di la bzang mo mchog cig btsal lo snyam bsams
332a1 nas de'i tshe na khyim bdag de la bram ze mdza' zhing bshes pa zhig yod de/ de dang phrad nas gtam du gleng pa/ bdag gi bu'i nang gi tha chung 'di da
332a2 dung chung ma ma lon te su la bslang yang mi shes na/ khyod ni/ yul kun tu phyin na/ bu mo bzang zhing mdzes pa/ blo dang ldan pa/ tshe dang dbang thang yod pa lta ci mthong / bdag
332a3 gi bu 'di'i yid du 'ong ba zhig khyod kyis btsal dgos so/ /zhes smras pa dang / bram ze des kyang de bzhin du bya'o/ /zhes smras nas kun tu rgyu zhing tshol ba las/ yul shi ri ti
332a4 ta zhes bya ba na bu mo lnga brgya zhig 'grogs te rtse ba las/ me tog bzang po btus nas sangs rgyas la mchod pa'i phreng ba byed pa mthong ngo / /bram ze des kyang bu mo de dag gar
332a5 song ba'i phyi bzhin bltas na/ bu mo de dag chu chung du zhig 'bog pa las gzhan thams cad ni/ lham phud kyi/ bu mo gcig cig lha ma ma phud par chu rgal to/ /de nas yang
332a6 song song ba las chu chen po zhig rgal nas bu mo gzhan ni/ gos phud nas chur zhugs/ bu mo de 'ba' zhig gos kyang ma phud par chu rgal to/ /de nas tshal zhig gi nang du phyin
332a7 nas bu mo gzhan ni/ shing khar 'dzeg cing me tog 'thog na/ bu mo de 'ba' zhig sa la btus kyang gzhan pas mang du rnyed do/ /de nas bram ze de bu mo'i drung du song ste khyod
332b1 la the tshom 'dri na/ khyod kyis lan legs par thob cig ces smras so/ /bu mos kyang the tshom ma yod na dris shig ces smras pa dang / bram zes dris pa/ bu mo/ chu rgal ba na bu mo
332b2 gzhan gyis ni/ lha ma phud nas chu rgal/ bu mo khyod 'ba' zhig lha ma yang ma phud par chu rgal na/ khyod la bsam pa gzhan ci yod/ bu mos smras pa/ khyod kyi the tshom ni/ ngo mtshar
332b3 che ba yang ma yin no/ /bdag sa skam po la 'gro ba'i tshe rkang pa'i 'og tu ci 'gro ba mig gis bltar yod pas/ tsher ma'am/ rdo'am/ gyo mo'am/ mi bde ba'i bag yod na byol te
332b4 'gro'o| |chu'i gting na ci yod pa mig gis bltar med de/ gal te tsher ma'am/ sprul lam/ srin bu gdug pa dag brdzis na/ rkang pa la gnod par 'gyur gyis dogs pas lham ma
332b5 phud pa yin no/ /bram zes smras pa/ 'on ci'i phyir gos dang bcas su chul 'bog /bu mos smras pa/ bud med kyi lus la mtshan ma bzang po dang / ngan pa yod pas gos brdzes te
332b6 chur zhugs na gzhan gyis mthong ste/ mtshan ma bzang na ni/ cang mi zer gyi/ mtshan ma ngan na 'phya bar 'gyur bas/ bdag gis gos ma brdzes pa yin no/ /bram zes smras pa/
332b7 'o na ci'i phyir khyod gcig pu shing khar mi 'dzeg /bu mos smras pa/ gal te shing khar 'dzegs na/ shing gi yal ga chag gam lhung na/ lus la gnod par 'gyur bas shing
333a1 khar ma 'dzegs pa yin no/ /bu mo de ni/ rgyal po rab gsal gyi gcung stobs kyi grogs po zhes bya ba'i bu mo yin te/ rgyal po'i gcung de sngon nyes
333a2 pa zhig byung bas yul de nas bskrad de yul 'dir 'ongs nas lha mtshams ma chung mar blangs pa las btsas pa'i bu mo yin no/ /bram zes smras pa/ bu mo/ khyod ni/ shin
333a3 tu yang mkhas shing mdzangs ma zhig na/ khyod la pha ma yod dam/ bu mos smras pa/ yod do/ /'o na 'grogs te khyod kyi khyim du 'dong ngo / /zhes smras nas de'i sgor phyin
333a4 pa dang / bu mo nang du song ste pha ma la smras pa/ sgo na bram ze zhig yab dang mjal 'tshal lo/ /zhes mchi'o/ /bu mo'i pha sgor byung nas gcig la gcig bde'am zhes nad
333a5 dris te| da gzod kyi bu mo de khyod kyi bu mo yin nam zhes smras so/ /smras pa/ bdag gi bu mo yin no/ /'o na bdag po yod dam/ smras pa/ bdag po med do/ /bram zes
333a6 smras pa| mnyan du yod pa na blon po chen po ri dwags zhes bya ba khyod kyis shes sam/ smras pa/ bdag dang bshes so/ /bram ze des smras pa/ blon po de'i bu'i nang gi
333a7 chung du byad gzugs legs shing yid gzhungs pa zhig yod de/ khyod kyi bu mo chung mar slong ngo / /des smras pa/ de ni/ rigs che zhing mtho ba yin te/ /gal te bu mo de
333b1 'dod na lta khyod kyi bsam pa ltar bya'o/ /zhes smras nas/ /bram ze des kyang grogs po phyir 'gro ba la mnyan du yod par bram ze'i thog tu yi ge sbring ngo / /bram ze'i thog tu yi ge 'ongs
333b2 nas bag ma bsu ba'i rta dang / shing rta la sogs pa bshams nas yul shi ri ti tar chas so/ /der phyin tu nye ba dang sngar mi gcig sbron du btang nas des kyang bu mo bag mar
333b3 gtang ba'i ston mo bshams te bu mo bag mar btang ngo / /de dag gis bu mo thob nas mnyan yod du 'gro ba na bu mo de'i mas mi mang po'i nang du bu mo de la 'di skad ces/ khyod
333b4 deng phyin chad rtag tu gos bzang po gyon zhing kha zas zhim po zo zhig /nyin gcig bzhin du rgyun ma chad par me long la ltos shig ces bsgos nas bu mos kyang de bzhin du
333b5 bgyi'o| |zhes smras pa dang / gyos po de ma rangs te 'di snyam du bsams so/ /mi gcig skyes pa la skyid sdug kyang mi rtag na/ gos bzang po dang / kha zas zhim po rtag tu ga la
333b6 rnyed| rgyun du me long la ltos shig pa yang rigs pa ma yin no snyam bsams nas so sor phyi phyag 'tshal te gyes so/ /de dag thams cad 'grogs te lam du zhugs nas phyir
333b7 yul du dong ba las/ bar na khang pa bzang po bsil ba zhig yod de/ de dag las sngar dong ba dag khang ba de na bsti zhing 'khod do/ /bag ma gsar pa yang phyis der 'ongs nas
334a1 gyos po la 'di'i 'og tu bzhugs su mi rung gi /myur du thang la bzhud do/ /zhes gsol ba dang mna' mas smras pa bzhin du thang la byung ngo / /g.yog
334a2 kha cig 'gror ma btub ste khang pa'i 'og na 'dug pa las/ ring po ma lon par ba lang dang / rta dag cig der 'ongs nas ka ba la bsnyogs pa dang khang pa rdib nas khang pa'i
334a3 'og na 'dug pa dag kha dag go /gyos pos bsam pa/ bdag srog dang bral ba las thar par byas pa ni/ mna' ma 'di yin no snyam nas mna' ma la lhag par byams pa'i
334a4 sems skyes so/ /de nas yang song song ba las chu shod cig tu rtswa dang chur ldan pa zhig tu 'dug pa las/ mna' ma phyis 'ongs nas chu shod 'dir bzhugs su mi rung
334a5 gi /myur du spos shig ces gsol pa dang logs shig tu spos ma thag tu gru char drag po bab nas sngar btab pa'i chu shod du shwa chen po byung ngo / /gyos pos bsam pa/ bdag
334a6 srog dang bral ba las mna' ma 'dis lan gnyis kyi bar du thar par byas so snyam bsams nas chos te song ba las yul du phyin to/ /de nas gnyen rnams lhags te
334a7 dga' ba'i gtam byas nas ston mo chen po byas te nyi ma gcig gi bar du dga' ba'i rtsed mo byas so/ /mgron kun gyes pa'i 'og tu mna' ma rnams bkug ste 'di skad ces
334b1 bsgo'o| |kho bo ni/ na so rgas te las rnams kyis skyon mna' ma khyed rnams la khyim gyi las dang / nor rdzas kyi mdzod rnams gtad dgos na/ khyed gang gis bang mdzod kyi lde mig bcang
334b2 par bya zhes dris na/ mna' ma chen mo drug char gyis mi nus so/ /zhes gsol la/ nang gi chung dus ni/ bdag gis nus so/ /zhes gsol to/ /de nas khyim bdag gis kyang bang
334b3 mdzod thams cad kyi lde mig gtad de mna' mas kyang de bzhin du nyams su blangs nas nang bar ni/ sngar langs shing khang pa'i nang kun phyag dar byas nas chag chag gis btab
334b4 bo| |de nas kha zas kyi g.yos byas nas sngar gyos rgyug la sogs te che rim gyis zan byin no/ /de'i 'og tu bran khol dang / las byed rnams la zan byin nas so sor las la bcud
334b5 de gzod bdag zan za'o/ /rtag tu de 'dra bar byed pas gyos pos kyang bdag gi mna' ma 'di ni/ gzhan dang mi 'dra ste tha mal pa ni/ ma yin na/ ci'i phyir bu mo bdag gi mas
334b6 bsgo ba ltar mi byed snyam bsams nas 'di skad ces smras so/ /khyod khyim nas chas pa'i tshe khyod kyi mas rtag tu gos bzang po gyon la kha zas zhim po zo zhig /rtag tu me long la ltos
334b7 shig ces bya ba ci'i tha tshig ces dris na/ mna' mas bus mos la btsugs te 'di skad ces gsol to/ /bdag gi mas gos bzang po gyon cig ces bsgo ba ni/ steng du gyon ba'i
335a1 bzhag gos lta bu la rtag tu bag bya zhing ma rnying par gyis shig /mgron nam phyi mi dag 'ongs na gos ma ngan zhig ces mchi'o/ /rtag tu kha zas zhim po zo
335a2 zhig pa ni/ kha zas zhim po dang / bsod pa la bgyi ba ma lags kyi/ su bas kyang phyis zos na bkres pas kha zas kun tu zhim mo/ /zhes mchi'o/ /rtag tu me long la ltos shig
335a3 ces bsgo ba ni/ 'khar ba'am/ lcags kyi me long la lta ba ma lags kyi/ sngar longs la phyi nang gi phyag dar bya ba dang / chag chag gdab pa dang / khri stan gding ba la sogs
335a4 pa las su bya ba rnams legs par gyis shig ces mchi ste/ bdag gi mas bsgo ba ni/ 'di lta bu lags so/ /zhes gsol pa dang / mna' ma de la lhag par byams te khyim
335a5 gyi las thams cad gtad nas thams cad bde zhing skyid par gyur to/ /de'i tshe na bya dag cig rgya mtsho'i gling nas 'bras za ba las 'bras kyi snye ma khyer te 'phur ba las rgyal
335a6 po'i pho brang gi thad kar phyin nas 'bras kyi snye ma dag cig shor te pho brang gi thad kar lhung ngo / /'bras kyi snye ma de gcig gis rgyal po la phul nas rgyal pos kyang 'bras bzang po
335a7 'di lta bu ni/ sman du rung du nges kyi/ sa bon du bya'o snyam nas blon po kun la shas shas su bgos te rmos shig ces bsgo'o/ /de'i tshe khyim bdag des kyang nyung du zhig thob nas
335b1 phyir khyim du 'ongs te mna' ma la 'bras 'di rmos shig ces bsgo'o/ /mna' ma des kyang bsgo ba de bzhin du bran khol la gzhen btab nas zhing gshin par rmos na/ de bzhin du legs
335b2 par skyes te 'bras mang zhig byung ngo / /gzhan gyis rmos pa ni/ las su legs par ma byas pas gcig kyang ma skyes so/ /de'i tshe na rgyal po'i btsun mo nad kyis btab pa las sman
335b3 pas dpyad byas nas na ba 'di la rgya mtsho'i gling gi 'bras byin na 'tsho'o/ /zhes dpyad byas so/ /rgyal pos kyang rgya mtsho'i gling gi 'bras shig so so nas rmed du bcug pa dran nas rgya
335b4 mtsho'i gling gi 'bras shig rmed du bcug pa yod dam med ces dris na/ blon po kha cig gis ni/ 'bras rmos pa ma skyes so/ /zhes mchi'o/ /kha cig gis ni/ 'bras kun byi
335b5 bas 'tshal te ma mchis so/ /zhes mchi'o/ /de'i tshe na khyim bdag de yang phyir khyim du song nas mna' ma de la sngon 'bras shig rmor bcug pa skyes sam ma skyes/ rgyal po'i
335b6 btsun mo nad kyis btab ste sman du dgos so/ /mna' mas gsol pa/ 'bras rmos pa rab tu legs te mi gcig gi sman du ma bas kyi/ yul gcig gi mi yang sos pa tsam mchis
335b7 so| |khyim bdag des 'bras de las shas shig rgyal po la phul nas rgyal pos kyang 'bras des btsun mo'i sman byas te btsun mo yang sos te rgyal po rab tu dga' nas bya dga' mang
336a1 du byin no/ /de'i tshe shi ri ti ta'i rgyal po dang / yul mnyan yod kyi rgyal po gnyis gcig la gcig mi dga' bas rtag tu mi 'dum mo/ /de'i tshe na shi ri
336a2 ti ta'i rgyal pos mnyan yod kyi rgyal po de la blon po mkhas pa mdzangs shing blo dang ldan pa yod dam med bag ma mo snyam nas pho nya zhig yul mnyan yod du btang se pho nya de la rgod
336a3 ma ma smad ma dang bu 'dra ba/ spu mdog gcig pa/ bye brag mi phyed pa gnyis bsgrigs te ma ni/ gang / bu ni/ gang yin bye brag phye zhig ces spring ngo / rgyal po dang blon po rnams
336a4 kyis bltas na/ gcig gis kyang bye brag ma byed ngo / /de nas khyim bdag de khyim du 'ongs pa dang / mna' mas gtam ci gsan zhes zhus pa dang / gtam 'di lta bu dag
336a5 grag go /zhes mna' ma la rgyas par gtam byas so/ /mna' mas gsol pa/ 'di ni/ shin tu yang rig par sla'o/ /rgod ma ma smad gnyis thogs la lhan cig tu rtswa bzang po
336a6 zhig byin cig dang / ma gang yin pa de ni/ rtswa mchus phul te bu la stobs so/ /khyim bdag gis mna' mas smras pa bzhin du rgyal po la gsol nas rgyal pos kyang rtswa byin te
336a7 bltas na/ de bzhin du gyur te ma dang bu yang rtogs nas pho nya de la ma ni/ 'di'o/ /bu ni/ 'di'o/ /zhes smras pas de bzhin du smras pa bden te/ ma nor ro/ /zhes mchi'o//
336b1 de nas pho nya de rang yul du song nas rgyal po la de bzhin du rgyas par gsol to/ /de nas yang pho nya gcig btang ste/ sbrul sbom phra dang ring thung mnyam la 'dra ba gnyis shig bskur nas
336b2 sbrul 'di gnyis las pho gang yin pa dang / mo gang yin pa bye brag phye zhig ces bsgo'o/ /rgyal po rab gsal rgyal dang / blon po rnams 'dus te dpyad na/ gcig gis kyang ma rtogs
336b3 so| |de nas khyim bdag des khyim du mna' ma la dris nas mna' mas bstan pa/ ras 'jam po zhig thing la sbrul de'i steng du zhog cig dang / gang mo yin pa de ni/ cang mi 'gul
336b4 bar nyal lo/ /gang pho yin ba de ni/ mi bzod de 'dug tu mi btub pa'i rigs so/ /ci mngon zhe na/ gang mor gyur pa ni/ 'jam zhing yang ba la chags so/ /gang phor gyur pa ni/
336b5 rang bzhin gyis khro bas 'jam po la mi bzod de/ nyal du mi btub pas des rtogs par 'gyur ro/ /khyim bdag des kyang rgyal po la de bzhin du gsol te mna' mas smras pa bzhin
336b6 du byas nas pho gang yin pa dang mo gang yin pa bye brag legs par phyed do pho nya ba de la 'di ni/ pho yin no/ /'di ni/ mo yin no/ /zhes bsgo nas de bzhin te/ ma nor to/ /zhes mchi'o//
336b7 de nas rgyal po de shin tu dga' nas de la nor bu rin po che mang du bya dgar byin no/ /de nas yang shing 'dom do pa sbrom phra mnyam pa/ khyad par med pa/ 'dzer pa dang / sta re dang /
337a1 ste'u'i rjes med pa zhig bskur te shing 'di'i mgo mjug gang yin pa bye phrag phye zhig ces bsgo'o/ /rgyal po dang / blon po rnams 'dus te dpyad na/
337a2 gcig gis kyang ma shes te/ khyim bdag des yang mna' ma la dris na/ 'di ni/ shin tu'ang sla ste/ shing 'di'i mgo mjug rtogs par 'dod na/ chu'i nang du zhog cig
337a3 dang / rtsa ba ni/ thur du nub kyi/ mgo ni/ phyir 'byung ba'i rigs so/ /khyim bdag des kyang rgyal po la de bzhin du gsol te mna' mas smras pa de bzhin du byas na/ mgo
337a4 mjug rtogs par gyur te/ 'di ni/ mgo'o/ /'di ni/ rtswa ba'o/ /zhes bsgo'o/ /pho nyas kyang de bzhin te/ bden no/ /zhes smras so/ /de nas rgyal po rab tu dga' nas de la
337a5 bya dga' mang du byin no/ /pho nya de phyir yul du phyin nas rgyal po de la rgyas par gsol pa dang / rgyal po des pho nya la rin po che mang du bskur te rgyal po chen po de la blon po
337a6 mdzangs pa blo dang ldan pa yod kyi/ 'di dag phul la phyin chad 'dum par bya'o/ /zhes bsgos nas rgyal po rab gsal rgyal gyis de lta bur gyur pa la rab tu dga' ste khyim
337a7 bdag de la khyod kyis de dag ji ltar rtogs shing shes zhes bka' stsal to/ /khyim bdag gis gsol pa/ 'di ni/ bdag gis rtogs pa ma lags kyi/ bdag gi mna' ma
337b1 blo dang ldan pa zhig mchis pa des rtogs so/ /rgyal pos des skad ces gsol pa gsan nas rab tu dga' ste khyim bdag gi mna' ma de da phyin chad nga dang ming sring du bya'o/ /zhes
337b2 bka' stsal to/ /khyim bdag gi mna' ma de phyis sems can dang ldan par gyur te zla ba dgu tshang nas sgo nga sum cu rtsa gnyis byung ste/ sgo nga re re'i nang nas bu khye'u mnga' byad legs
337b3 ba| blta na sdug pa/ bzang ba re re byung ngo / /bu de dag cher skyes nas dpa' khyad zla med de/ mi gcig gis kyang mi stong thub par gyur to/ /de'i pha ma yang bu de dag la rab tu
337b4 sdug par sems te/ yul mi thams cad kyang de dag la bag byed do/ /phyis yul de na rigs che zhing mtho ba las chung ma yang blangs so/ /de'i tshe na lha mtshams ma dad pa'i sems
337b5 dang ldan pas sangs rgyas dang dge 'dun spyan drangs te bcom ldan 'das kyis chos bstan pas/ khyim gang gi mi thams cad kyis rgyun du zugs pa'i 'bras bu thob par gyur
337b6 na| khye'u nang gi tha chung 'ba' zhig gis 'bras bu mthob ste/ khye'u de glang po che la zhin nas grong khyer gyi phyi rol du rtser song ba las grong khyer de'i phyi rol na chu chen po zhig 'bab
337b7 pa la zam pa chen po zhig yod de/ khye'u de zam pa'i steng du phyin pa dang / blon po chen po'i bu zhig kyang shing rta'i nang na 'dug ste phyi rol nas nang du 'ong ba dang zam pa'i steng du
338a1 phrad pa las gnyi ga tsho rigs kyis bsnyems nas gcig gis gcig la ma byol lo/ /lha mtshams ma'i bu khros nas glang po che la zhon bzhin du blo na
338a2 po chen po'i bu shing rta dang bcas pa zam pa'i 'og tu bor ro/ /blon po'i bu de lus dang rkang lag snad nas dus te phyir khyim du 'ongs nas pha ma la 'di skad du lha mtshams ma'i
338a3 bus bdag ma nongs par 'di ltar gnod pa bgyis nas lus kun snad do/ /zhes gsol to/ /blon po chen po de shin tu mi dga' bar gyur nas bu/ de dag ni/ shin tu yang
338a4 stobs che ba'i steng du rgyal po dang nye bas rtsod par dka' na/ 'on kyang de la ni/ rku lto zhig bya'o snyam nas rin po che sna bdun las byas pa'i 'khar ba sum cu rtsa gnyis shig byas
338a5 te| 'khar pa'i nang du ral gri so rnon po re re bcug nas khye'u sum cu rtsa gnyis po de la re re byin nas 'di skad ces bsgo'o/ /khyed ni/ gzhon zhing dar la bab pas rtse ba'i dus la
338a6 bab ste| khyed kyi phyir rtse ba'i rkyen du 'khar ba 'di dag byas kyi/ khyed rnams thogs la rtses shig ces bsgo'o/ /khye'u de dag kyang shin tu dga' nas 'khar ba de dag blangs nas re
338a7 re thogs so/ /rgyal po'i khrims kyis rgyal po dang phrad pa na mtshon thogs su mi gnang ngo / /de dag 'khar ba thogs te rgyal po'i zham 'bring nas 'khod pa las/ blon po des
338b1 rgyal po la 'di skad du phra ma gsol to/ /lha mtshams ma'i bu sum cu rtsa gnyis po de ni/ gzhon zhing dar la bab ste/ stobs kyis mi gcig gis kyang stong thub pa de dag ni/ rgyal
338b2 po la gnod pa zhig bgyi bar sems so/ /zhes gsol to/ /'on kyang rgyal po de dag la thugs ma ches pa med pa las/ blon pos yang gsol pa/ bdag gis sngar gsol pa
338b3 'di bden te/ rdzun ma lags pas rtag tu gda'o/ /khye'u 'di dag gi lag na thogs pa'i 'khar ba'i nang na ral gri re re mchis pas gnod pa bgyid du mngon no/ /blon pos
338b4 gsol pa bzhin du khye'u de dag gi mkhar ba bltas na/ mtshon yod par gyur nas gcig nas kyang gcig pos te gyad kyis bzung nas kun bsad do/ /khye'u de dag gi mgo bcad
338b5 de khye'u'i mgo sum cu rtsa gnyis sgrom gcig gi nang du bcug nas kha legs par bcad de sring mo'i steng du bskur ro/ /de'i tshe na khye'u de dag gi mas sangs rgyas dang dge 'dun spyan
338b6 drangs te rgyal pos sgro ma bskur te 'ongs pa la/ 'di'i nang na mchod pa byed pa'i mthud ma zhig yod yang dag snyam nas sgrom kha phye ba las/ bcom ldan 'das kyis sgrom re zhig kha
338b7 ma phye bar zhal zas gsol lags nas gzod phye zhig ces bka' stsal to/ /de nas zhal zas gsol nas bcom ldan 'das kyis khye'u'i ma la chos bstan pa/ lus 'di ni/ mi
339a1 rtag pa ste/ sdug bsngal pa/ stong pa/ bdag med pa/ snying po med pa/ ring po mi thogs pa/ kun nas nyon mongs pas cings shing glags pa
339a2 dang / sdug bsngal gyis gzir pa ste/ 'dod pa dang bye bral ba'i mya ngan gyis lus 'di chud zos kyang phan pa med de/ gang mkhas pa shes rab can gyis ni/ don 'di rtogs
339a3 par 'gyur ro/ /zhes bka' stsal pa dang / lha mtshams mas kyang don rtogs nas lan gcig phyir mi ldog pa'i 'bras bu thob par gyur te/ rab tu dga' dgu rangs nas thal mo
339a4 sbyar te bcom ldan 'das la 'di skad ces gsol to/ /bcom ldan 'das bdag la thugs brtse ba'i slad du bdag cag gis gsol pa 'di bzhi zhig gnang bar mdzad du gsol/
339a5 bdag cag gis gsol pa bzhi la/ gcig ni/ dge slong nad pa rnams la nad kyi rkyen sman dang / bza' ba dang / btung ba yid bzhin du stsal pa dang / gnyis pa ni/ dge
339a6 slong nad pa'i g.yog bgyi ba'i bza' ba dang / btung ba yid bzhin du sbyar ba dang / gsum pa ni/ dge slong mgron po'i yi byad sbyar ba dang / bzhi pa ni/ dge slong mgron
339a7 du 'gro ba'i rgyags dang / yo byad sbyar bar 'tshal lo/ /de ci'i phyir zhe na/ dge slong nad pa dag ni/ nad kyi rkyen sman dang / bza' ba dang / btung ba mi ldan na/ nad 'tsho
339b1 dka' ste/ gal te na tshe'i bar chad du yang 'gyur ro/ /dge slong nad g.yog kyang kha zas med pa'i rkyen gyis bsod snyoms bgyid do/ /bsod snyoms la dus ma mchis te/ gal te
339b2 'phyis sam/ 'dod pa ma rnyed na/ nad pa zhe sdang skyes te nad 'tsho bar dka' bas/ de la yang kha zas dbul bar 'tshal lo/ /shul ring po nas mchis pa'i dge slong yul ma 'dris te
339b3 bshes ma mchis pas bsod snyoms bgyid do/ /bsod snyoms bgyid pa na khyi'am ma rungs pas gtses te zhe sdang skyes na/ bzod pa nyams par 'gyur bas/ de la yang kha zas dbul
339b4 bar 'tshal lo/ dge slong mgron du mchi ba grogs dang ldan pa yang lam rgyags ma mchis pas grogs dang bral ban/ shul du gcan gzan mang po'am/ mi rgod ma rungs pa mchis
339b5 te| gcig pu song na de yang lus kyi bar chad du 'gyur bas/ des dgos pa yang sbyar par 'tshal lo/ /de'i tshe bcom ldan 'das kyis lha mtshams mas gsol ba bzhi po gsan
339b6 nas shin tu legs so/ /zhes bsngags te/ khyod kyis gsol ba bzhi po 'di'i bsod nams rgya chen po ni/ sangs rgyas la mchod pa byas pa dang tha mi dad do/ /zhes bka' stsal nas
339b7 dge 'dun dang bcas te slar rgyal bu rgyal byed kyi tshal du gshegs so/ /bcom ldan 'das slar gshegs pa'i 'og tu sgrom phye ba bltas na/ bu'i mgo sum cu rtsa gnyis yod pa
340a1 mthong nas 'dod pa dang bral ba'i phyir mi dga' bas gdungs par ni/ ma gyur gyi/ 'di skad du kye ma mi gcig skyes pa la tshe zad pa yod de/ de ring por
340a2 ma thogs so/ /da yang rgyud lnga gang na sdug bsngal myong bar gyur ces smras so/ /khye'u sum cu rtsa gnyis kyi ma'i rigs su nye ba rnams de ltar gyur pa thos nas shin tu mi dga' ste
340a3 zhe sdang skyes nas 'di skad du rgyal po chen po ni/ 'di ltar mi mnyes pa kun bsad kyi/ dmag bsags la dgra bya bar 'dong ngo / /zhes smras nas dmag gi dpung bsags te rgyal po'i
340a4 pho brang bskor to/ /de'i tshe na rgyal po de sgrag nas sangs rgyas gang na ba der bros so/ /de dag gis de skad ces thos nas dmag gi dpung gis rgyal bu rgyal byed kyi tshal yang bskor
340a5 to| |de'i tshe kun dga' bos rgyal po rab gsal rgyal gyis lha mtshams ma'i bu sum cu rtsa gnyis bsad de ma'i rigs su gtogs pa rnams kyis sha gnyer du 'ongs so/ /zhes
340a6 thos nas pus mo sa la btsugs te thal mo sbyar nas bcom ldan 'das la 'di skad ces gsol to/ /bcom ldan 'das/ ci'i rgyu ci'i rkyen gyis mi sum cu rtsa gnyis rgyal pos gcig
340a7 car du bkum par gyur/ bcom ldan 'das kyis kun dga' bo la bka' stsal pa/ lha mtshams ma'i bu sum cu rtsa gnyis po 'di dang 'ba' zhig tu rgyal pos gcig car du bsad
340b1 par ma zad do/ /mi sum cu rtsa gnyis po ci'i phyir gcig car tshe 'phos pa khyod la rgyas par bstan gyi/ legs par nyon la yid la zungs shig ces bka' stsal nas kun dga' bos
340b2 kyang de bzhin du bgyi'o/ /thos par 'tshal lo/ /bcom ldan 'das kyis kun dga' bo la bka' stsal pa/ sngon 'das pa'i dus na mi sum cu rtsa gnyis po 'di gcig pa gcig
340b3 dga' zhing bshes pa dang / /yid gcugs par gyur nas de dag gros mthun par pha rol gzhan gyi ba lang zhig brkus so/ /de'i tshe yul de na rgan mo dbul mo bu tsha yang med pa zhig
340b4 yod do| |ba glang rku ba'i mi rnams rgan mo de'i khyim du khrid de 'ongs nas gsad par byas pa dang / rgan mo yang dga' rangs nas shing la sogs te sha 'tshed pa'i yo byad sbyar to//
340b5 mi de dag gis der ba lang gsod pa na ba lang de yang gsod par shes nas mdud par bzung ste khyed kyis nga lta nga bsam pas na/ ma 'ongs pa'i dus su yang ci ste 'bras bu thob na
340b6 yang mi gtang ste/ gsod par shog cig ces dam bcas ma thag tu ba lang de mi rnams kyis bsad nas kha cig ni/ btsos/ kha cig ni/ bsregs te zos/ rgan mo yang ba lang gi
340b7 shas 'grangs nas rab tu dga' ste sngon chad kyang de lta bu'i mgron zhig 'ongs na/ deng las phan thogs pa ni/ med do/ /zhes smras so/ /de'i tshe de'i dus na ba lang de ni/ rgyal po
341a1 rab gsal rgyal yin no/ /de'i dus na ba lang rku ba rnams ni/ lha mtshams ma'i bu sum cu rtsa gnyis po 'di dag yin no/ /de'i tshe na rgan mo khyim bdag mo
341a2 de ni| de dag gi ma yin te/ rnam par smin pa'i 'bras bu tshe rabs lnga brgya'i bar du rtag tu bsad par gyur te/ de'i dus na rgan mo de rjes su yi rang zhing dga' ba tsam gyis rtag
341a3 te de dag gi ma byas nas mya ngan gyis rab tu gdungs par gyur te/ de 'di rang dang phrad nas 'bras bu thob par gyur to/ /kun dga' bos yang thal mo sbyar te bcom ldan
341a4 'das la gsol pa/ de dag gis ni/ bsod nams ci zhig bgyis na/ rigs che zhing mtho ba dang / longs spyod dang ldan pa dang / dpa' zhing nyams rtsal dang ldan par
341a5 gyur| bcom ldan 'das kyis bka' stsal pa/ sngon 'das pa'i dus na sangs rgyas 'od srung 'jig rten du gshegs pa'i tshe rgan mo dkon mchog gsum la shin tu dad ba zhig
341a6 yod de| spos mang du nyos nas mar dang sbyar te rtag tu mchod rten la skud do/ /lam gzhig na mchod rten la skud pa las/ mi sum cu rtsa gnyis shig der lhags nas rgan mo
341a7 mchod rten la skud pa'i grogs byas te rgan mo des kyang mi sum cu rtsa gnyis po de la khyod kyis kho mo mchod rten skud pa la bstangs pa'i bsod nams kyis gang nas gang du skyes
341b1 kyang mnga' bya da legs pa dang / mthu rtsal dang ldan par gyur cig ces smras nas de dag kyang rab tu dga' bzhin du mchod rten skud pa'i las byas nas 'di skad ces smras so/ /bdag
341b2 cag ni| rgan mo 'di'i dbang gis bsod nams kyi las bskyed par gyur to/ /gang nas gang du skyes kyang cho rigs mtho zhing btsan phyug pa dang / longs spyod dang ldan pa dang /
341b3 rgan mo 'di yang rtag tu bdag cag gi mar gyur te/ bdag cag kyang 'di'i bur gyur pa dang / rtag tu sangs rgyas dang / chos thos pa dang ma 'brel te/ 'bras bu yang myur du thob par
341b4 shog cig ces smon lam btab bo/ /rgan mos kyang de bzhin du gyur cig ces smras pas/ tshe rabs lnga brgya'i bar du cho rigs mtho zhing btsun par gyur to/ /de'i tshe de'i dus na
341b5 rgan mo de ni/ da ltar khye'u de dag gi ma yin no/ /de'i dus na mi sum cu rtsa gnyis pa ni/ khye'u sum cu rtsa gnyis po yin no/ de'i tshe dmag gi dpung rnams sangs rgyas kyis gsungs
341b6 pa thos nas zhe sdang gi sems zhi ste 'di skad du rgyal po chen pos kyang ma nyes te/ mi 'di dag gi sngon gyi 'bras bu rnam par smin pa ste/ ba lang gcig bsad pa tsam gyis 'di
341b7 lta bur gyur to/ /rgyal po rab gsal rgyal 'di ni/ bdag cag gi jo bo yin no/ /ci'i phyir 'di la 'khu zhing gnod par sems zhes smras nas mtshon cha bor te rgyal po la babs
342a1 nas nyes pa bshags pas rgyal pos kyang gyod ma rmas pas btang ngo / /de'i tshe bcom ldan 'das kyis sngon byung ba 'di dang / gleng gzhi 'dis
342a2 'khor bzhi po la dam pa'i chos rgyas par bstan to/ /dge ba'i las ni/ brtson 'grus su bya ba'i rigs pa dang / mi dge ba'i sdig pa'i chos ni/ mi bya ba'i rigs pa yang bstan/
342a3 'phags pa'i bden pa bzhi yang rgyas par bstan pas 'khor mang po rnams kyis thos nas thams cad kyis 'bras bu thob par gyur to/ /bcom ldan 'das kyis gsungs pa la
342a4 yi rang nas mngon par dga'o/ /blon po ri dwags kyi bu bdun gyi le'u ste nyi shu gsum pa'o// //bam po bdun pa/ ka pi na chen po'i le'u/ 'di skad
342a5 bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na yul de'i
342a6 rgyal po gsal rgyal zhes bya'o/ /de'i lho phyogs na yul gser gyis zhes bya ba zhig yod de/ rgyal po ni/ ka pi na zhes bya'o/ /rgyal po de'i sras rgyal tshab ni/ ka pi na chen po
342a7 zhes bya'o/ /rgyal po yab nongs nas sras rgyal tshab rgyal sar gshegs te/ de yang rang bzhin gyis yid gzhung la blo gsal te/ dpa' zhing mthu rtsal chen po dang ldan no/ /
342b1 de la dmag gi tshogs stong phrag sum cu rtsa drug yod de/ dmag de dag gar bab kyang rlung chen po dang 'dra bar phas rgol mi thub pa med de/ yul gyi dbus kyi rgyal po dang ni ma 'grul
342b2 to| |phyis tshong pa dag cig yul gser sar phyin nas ras 'jam po bzang po yug bzhi zhig rgyal po de la phul lo/ /rgyal pos kyang bzhes nas tshong pa de la 'di lta bu nor bzang po
342b3 ga las 'ongs zhes dris pa dang / tshong pas kyang 'di yul dbus nas mchis so/ /zhes gsol to/ /rgyal po des smras pa/ yul gyi dbus zhes bya ba ni/ gang / yul gyi dbus kyi ming
342b4 ni| ci zhes bya/ tshong pas gsol pa/ yul gyi dbus kyi ming ni/ rgyal po'i khab ces kyang bya/ mnyan yod ces kyang bya ste/ de la sogs pa yul gyi ming gzhan yang mang du mchis
342b5 so| |rgyal pos smras pa/ rgyal po de dag ci'i phyir nga la phyag 'tshal zhing dpya 'bul du mi 'ong / tshong pas gsol pa/ rgyal po de dag kyang so so'i rgyal srid 'dzin cing yul gyi
342b6 tshis bgyid pas/ 'dir mi mchi'o/ /rgyal po des bsam pa/ nga'i mthu dang byin gyis ni/ gnam mtha' 'og thams cad kyang thul na/ ci'i phyir rgyal po 'di dag nga la phyag
342b7 'tshal zhing dpya 'bul du mi 'ong / da ni/ nga'i mthu dang byin gyis de dag kyang dbab bo snyam nas tshong pa de la smras pa/ yul dbus kyi rgyal po'i nang na rgyal po gang che/ tshong pas smra
343a1 pa| mnyan yod kyi rgyal po che'o/ /de nas rgyal po des mnyan yod du pho nya btang ste rgyal po gsal rgyal la 'di skad ces spring ngo / /nga'i mthu dang byin gyis
343a2 'dzam bu'i gling du gtogs pa kun la dbang na/ khyod ci'i phyir pho nya yang 'drul bar mi byed/ da yang khyod kyi steng du pho nya btang ba yin gyi/ khyed nyal ba'i tshe nga'i ming thos na
343a3 'dug pa'i rigs so/ /'dug pa'i tshe thos na ldang ba'i rigs so/ /zas za ba'i tshe thos na mid mi khom par phyir 'dor ba'i rigs so/ /khrus byed pa'i 'phro la thos na skra yang
343a4 phyir sdud pa'i rigs so/ /sdod pa'i tshe thos na rgyug par rigs kyi/ da ste zhag bdun na 'dir nga dang phrad du shog cig /de ltar ma byas na dmag drangs te khyod kyi yul med par
343a5 bya'o| |zhes spring ngo / /rgyal po gsal rgyal gyis de skad ces spring ba thos nas mi dga' zhing sdangs te bcom ldan 'das gang na bar song nas de bzhin du rgyas par gsol to/ /
343a6 bcom ldan 'das kyis bka' stsal pa/ rgyal pos kyang phyir pho nya de la rgyal po'i nang na nga mi che ste/ nga bas kyang rgyal po che ba zhig yod do/ /zhes gyis shig /gsal rgyal gyis
343a7 kyang bcom ldan 'das kyi bka' bzhin du 'jig rten na 'phrul gyi rgyal po zhig 'di nas mi ring ba zhig na bzhugs kyi/ khyod nyid der song la khyod kyi rgyal pos spring pa bzhin
343b1 du gyis shig ces bsgos nas pho nya de rgyal bu rgyal byed kyi tshal du song ngo / /de'i tshe na bcom ldan 'das 'khor los bsgyur ba'i rgyal por sprul te blon po chen por mau gal sprul nas
343b2 rin po che sna bdun dang ldan par bzhugs so/ /kun dga'i ra ba yang rin po cher bsgyur nas ra ba'i phyi rol na rin po che'i 'obs rim pa bdun dang / 'obs kyi bar na rin po che sna
343b3 bdun gyi shing dkrigs te/ kha dog rnam pa sna tshogs kyi pad+ma grangs med lham me lhang nge lhan ner 'tsher ba dang / ra ba'i nang na rin po che sna tshogs las byas pa'i pho brang na rgyal po
343b4 shin tu byin che bar bzhugs par sprul to/ /pho nya de sprul pa'i pho brang du 'ongs nas rgyal po chen po mthong ba tsam gyis 'jigs skrag par gyur te 'di skad du bdag gi rgyal po'i byin dang
343b5 bsod nams kyis ni/ 'di la mi thub na/ 'on kyang spring pa'i yi ge dbul lo snyam nas yi ge phul lo/ /'phrul gyi rgyal pos yi ge blangs nas rdog pa'i 'og tu bcug ste pho nya la 'di
343b6 skad ces bka' stsal to/ /nga ni/ rgyal po chen po ste/ gling bzhi la dbang ba yin na/ khyod kyi rgyal po glen pa de ci'i phyir bka' mi nyan/ khyod myur du phyir song la ngas 'di skad
343b7 ces bka' stsal to/ /zhes gyis shig /khyod kyi pho nya phyir 'ongs nas nga'i bka' thos pa tsam gyis gal te nyal ba las thos na ldang ba'i rigs/ 'dug pa las thos na 'greng
344a1 ba'i rigs/ 'gro ba las thos na rgyug pa'i rigs kyi/ da ste zhag bdun na 'dir phyag 'tshal du ma 'ongs te bka' bcag par gyur na/ khrims dang
344a2 sbyar ro| |zhes gyis shig /pho nya des bka' stsal pa bzhin du phyir song nas bdag gi yul du phyin pa dang / gser sa'i rgyal po la ci mthong ba dang / ci spring par rgyas par gsol
344a3 to| |rgyal pos de skad ces spring pa thos nas 'gyod par gyur te/ ci dbang ba'i rgyal phran rnams dang chas te rgyal po'i thad du 'dong ngo snyam ste 'on kyang thal byung du 'gro bar mi
344a4 rigs kyi/ da dung yang lan gcig bgam mo snyam nas sngar pho nya gcig btang ste/ rgyal po chen po la bdag phyag 'tshal du mchi na/ bdag dbang ba'i rgyal phran khri phrag sum
344a5 cu rtsa drug mchis na/ de dag dang ril gyis mchi'am/ phyed dang mchi ba bka' stsol cig ces mchi'o/ /rgyal po chen pos kyang phyir de la rgyal phran phyed dang chas te shog ces bsgo
344a6 ba dang / gser sa'i rgyal po rgyal phran khri brgyad stong dang bcas te mnyan yod du rgyal po sprul pa'i spyan sngar lhags nas phyag 'tshal te 'di snyam bsams so/ /rgyal po chen
344a7 po 'di'i byad gzugs ni/ bdag pas lhag kyang mthu stobs ni/ bdag tsam mi phod do snyam bsams pa dang / 'phrul gyi rgyal pos blon po rin po che la khyod kyis gzhug ser
344b1 sa'i rgyal po la byin cig ces bka' stsal to/ /rgyal po des kyang blang zhes byas na ma theg go /de nas 'phrul gyi rgyal pos blangs te mthe'u chung gis gzhu brdungs te gser sa'i rgyal po
344b2 la gzhu 'di khong zhig ces bka' stsal nas gser sa'i rgyal pos blangs na/ gzhu rgyud kyang ma bskul to/ /de nas 'phrul gyi rgyal pos blangs te drangs na/ gzhu rgyud sbrengs pa tsam
344b3 gyis stong chen po'i 'jig rten gyi khams kyang 'gul zhing g.yos so/ /de nas mda' blangs te mda' gcig 'phangs na/ 'phangs ma thag tu mda' lngar gyur te/ mda' de dag
344b4 gi rtse mo las 'od zer grangs med pa byung nas pad+ma shing rta'i 'phang lo tsam re re yang yod par gyur te/ pad+ma re re la yang 'khor los bsgyur ba'i rgyal po rin po che sna bdun dang
344b5 ldan pa re re yod par gyur to/ /'od zer de dag gis stong gsum gyi stong chen po'i 'jig rten gyi khams kyang snang bar byas nas lam rgyud lnga'i sems can thams cad la phan
344b6 pa'i don du ma gyur pa med do/ /lha rnams kyi gnas su 'od zer de mthong ste chos ston pa'i gsung yang grags par gyur nas de dag gi lus dang sems yongs su dag ste/ kha cig
344b7 ni| rgyun du zhugs pa nas dgra bcom pa'i bar du thob par gyur to/ /kha cig ni/ bla na med pa yang dag par rdzogs pa'i byang chub tu sems bskyed do/ kha cig ni/ phyir mi ldog
345a1 pa'i sa la gnas par gyur to/ /mi'i rgyud du gtogs pa'i sems can sangs rgyas kyi 'od zer mthong zhing chos bstan pa thos pa rnams rab tu dga'
345a2 mgu rangs te/ kha cig ni/ rgyun du zhugs pa nas lan gcig phyir ldog pa dang / rab tu byung zhing dgra bcom pa'i bar du thob par gyur to/ /sems can grangs med pa ni/ bla na
345a3 med pa yang dag par rdzogs pa'i byang chub tu sems bskyed de/ phyir mi ldog pa'i sa la gnas par gyur to/ /yi dwags kyi rgyud du gtogs pa dag ni/ sangs rgyas kyi 'od zer gyis
345a4 reg cing chos thos pas thams cad kha zas kyis 'grangs bar gyur te/ lus dang sems la gdung ba med cing sim par gyur nas thams cad snying rje'i sems skyes te/ sangs
345a5 rgyas la bsnyen bkur byas pas yi dwags las rnam par grol nas lha dang mir skyes so/ /dud 'gro'i skye gnas su gtogs pa'i sems can rnams ni/ sangs rgyas kyi 'od zer
345a6 mthong bas 'dod chags dang zhe sdang gi sems zhi ste gti mug gis ldongs pa yang sad par gyur nas thams cad sangs rgyas la dga' zhing dad pas dud 'gro las rnam par
345a7 grol te lha dang mir skyes so/ /sems can dmyal ba'i sems can la sangs rgyas kyi 'od zer gyis reg pas grang ba ni/ dro bar gyur/ tsha ba ni/ grang bar gyur/ sdug bsngal
345b1 gyis gdungs pa yang rgyun chad par gyur te/ lus dang sems rab tu dga' bas sangs rgyas la dad par gyur te sems can dmyal ba las thar nas lha dang mir skyes so/ /de'i tshe
345b2 na rgyal po ka pi na chen po dang / gser sa'i rgyal phran rnams kyis rdzu 'phrul 'di lta bu dag mthong bas/ shin tu dad pa'i sems kyis babs shing dad pas rdul dang bral/ dri ma dang
345b3 bral te chos la chos kyi mig rnam par dag par gyur to/ /rgyal phran khri brgyad stong rnams kyang sems tshim par gyur to/ /de ma thag tu sangs rgyas kyi rdzu 'phrul bsdus te phyir yang
345b4 sangs rgyas kyi skur dge slong gi dge 'dun gyis mdun dang rgyab tu bskor te bzhugs par bstan to/ /de nas gser sa'i rgyal po de yang bcom ldan 'das la rab tu 'byung bar
345b5 gsol pa dang / bcom ldan 'das kyis legs par 'ongs so/ /zhes bka' stsal pas/ skra dang kha spu rang byi ste ngur smrig gyon pa'i dge slong du gyur nas chos yid la byas pas zag
345b6 bzad de dgra bcom par gyur to/ /de nas kun dga' bos bcom ldan 'das la gsol pa/ gser sa'i rgyal po 'dis sngon bsod nams ci zhig bgyis na/ 'di ltar rigs che
345b7 zhing mtho la yon tan 'phags par che zhing sangs rgyas bcom ldan 'das dang phrad nas de ma thag tu zag pa zad par gyur/ bcom ldan 'das kyis kun dga' bo la bka' stsal
346a1 pa| sems can dag ni/ spyod pa bzhin du las kyi 'bras bu rnam par smin par 'gyur ro/ /sngon 'das pa'i dus na sangs rgyas 'od srung 'jig rten du
346a2 gshegs te/ sangs rgyas de mya ngan las 'das nas khyim bdag cig gis mchod rten brtsigs te dge 'dun gyi gnas khang byas nas 'tsho ba'i yo byad rnams pa bzhi yang sbyar
346a3 te yun ring po zhig lon pa dang / mchod rten de yang zhig /'cho ba'i yo byad khri stan dang / gos dang / kha zas kyang rgyun chad par gyur to/ /de nas khyim bdag de la bu dge slong
346a4 zhig yod pa des mi mang po la chos bshad de/ phyir yang mchod rten gsos nas gos dang / mal cha dang / bza' ba dang / btung ba dang / khri stan la sogs pa 'tsho ba'i yo
346a5 byad sbyar to/ /mi de dag kyang sems yid mthun par 'tsho ba'i yo byad sbyar te 'di skad du smon lam btab bo/ /bdag cag kyang ma 'ongs pa'i dus su btsan zhing phyug pa dang / tshe
346a6 ring ba dang / /sangs rgyas 'jig rten du gshegs pa dang phrad de chos thos nas 'bras bu yang ma lus par thob par gyur cig ces smon lam btab bo/ /kun dga' bo/ de'i tshe
346a7 de'i dus na khyim bdag gi bu dge slong de ni/ yul gser sa'i rgyal po ka bi na chen po yin no/ /des chos bstan te mchod rten gsos pa dang / 'tsho ba'i yo byad bstabs
346b1 pa ni| rgyal phran khri brgyad stong snyed po 'di yin no/ /bcom ldan 'das kyis de skad ces bka' stsal nas 'khor mang po rnams phyir mi ldog pa'i sems bskyed de yi rang nas mngon
346b2 par dga'o/ /ka pi na chen po'i le'u ste nyi shu bzhi pa'o// //dge slong ma ut+pa la'i le'u/ 'di skad bdag gis thos pa dus gcig na/ bcom ldan 'das
346b3 mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /rgyal po gsal rgyal ni/ nongs/ rgyal tshab bai DUR+ya rgyal sar gshegs te rgyal
346b4 po'i nang na chos bzhin du rgyal po byed pa ma yin pas/ glang po che'i rmig pas mi brdzis te bsad pa yang grangs med do/ /de'i tshe na rigs che zhing btsun pa'i bud med dag cig de
346b5 lta bu dag mthong nas khyim la mi dga' bar gyur te thams cad rab tu byung nas dge slong mar gyur to/ /rab tu byung ba de dag la la ni/ shAkya'i rigs/ la la ni/ rgyal rigs
346b6 yin te| dpe med par mnga' byad legs pa/ blta na sdug pa/ rigs che ba lnga brgya snyed 'dod pa yongs su spangs te rab tu byung bas yul mi thams cad kyang de la dga' ste 'tsho
346b7 ba sbyar to/ /dge slong ma de dag gcig la gcig 'di skad du/ bdag cag ni/ rab tu byung yang chos kyi bdud rtsi'i ro ma myong ste/ 'dod chags dang / zhe sdang dang / gti mug zhi
347a1 bar ma byas na mi rung gi /drug sde ma bsnyen dga' mo'i thad du chos nyan du 'dong ngo / /zhes smras nas de gang na bar song ste phyin pa dang phyag
347a2 'tshal nas 'di skad du bdag cag ni/ rab tu byung yang chos kyi bdud rtsi'i ro ma myong na/ bdag cag la dam pa'i chos bstan du gsol zhes smras pa dang / drug sde mas
347a3 bsam pa/ bdag gis 'di dag chos dang / tshul khrims las phyir bzlog ste 'di dag gi chos gos dang / lhung bzed thob par gyur na re legs snyam nas 'di skad ces
347a4 smras so| /khyed rnams ni/ rigs che zhing mtho ba ste/ rin po che sna bdun dang / glang po che dang / rta dang / bran pho dang / bran mo dang / las byed pa'i mi dang / zhing dang /
347a5 'tsho ba'i yo byad kyis mi brel na/ ci'i phyir de dag yongs su spangs te dge slong mar bzhugs nas 'di ltar nyon mongs shing sdug bsngal dang bsngos te sangs rgyas kyi
347a6 bslab pa la 'jug par byed/ nyis na phyir khyim du song ste khyim thab dang / bu dang / bu mor ldan par lhan cig tu yid bzhin du rtse dga' zhing tshe 'di la yang skyid pa myong
347a7 bar byas la/ sbyin pa yang yid bzhin du byas na legs so/ /zhes bsgo'o/ /dge slong ma rnams de skad ces smras pa thos nas mi dga' ste dus nas phyir dong ngo / /de nas
347b1 dge slong ma de dag dge slong ma ut+pa la'i mdog gang na 'dug par song nas der phyin pa dang ut+pa la'i mdog la phyag 'tshal te chos bzhin du snyun gsol nas 'di skad ces
347b2 smras so| |bdag cag khyim na mchis pa na khyim gyi las kyis bslus/ da rab tu byung na yang 'dod pa'i dbang du gyur nas nyon mongs pa las thar par mi nus na/ bdag cag
347b3 la thugs brtse ba'i slad du dam pa'i chos bstan du gsol/ ut+pa las smras pa/ khyod ci dang ci 'dod pa 'das pa'am/ ma 'ongs pa'am/ da ltar gyi dngos po gang yang rung
347b4 ba dris shig dang ngas bstan par bya'o/ /dge slong ma rnams kyis 'das pa dang / ma 'ongs pa re zhig zhog la da ltar gyi bstan te bdag cag gi the tshom dgrol du gsol/
347b5 ut+pa las smras pa/ 'dod chags ni/ me dang 'dra ste/ ri lung tshig par byed do/ rtsa 'khri dang 'dra ste/ mched par 'gyur ro/ /'dod chags kyi dbang gis gcig la
347b6 gcig 'tshe zhing gnod par byed do/ /de la yun ring na ngan song gsum du lhung ste thar pa'i dus med do/ /khyim na gnas pa ni/ sdug pa la chags te 'dod pa dang / bye
347b7 bral ba dang / skye ba dang / rga ba dang / na ba dang / 'chi ba dang / rgyal po'i khrims kyis gtse ba'i sdug bsngal rgyun mi chad par myong ste/ tshe 'phos nas phyir yang sos
348a1 pa tsam du lus dang sems gdungs te khyim gyis glags shing bcings pa ni/ btson rabs kyang dam mo/ /bdag kyang kun tu rgyu ba'i rigs su
348a2 skyes te/ kho mo'i pha ma yang rigs che zhing btsun pas kho mo yang kun tu rgyu rigs che ba/ mang du thos pa/ rig byed dang ldan pa zhig la bag mar btang nas de'i chung ma byed
348a3 de| de'i bu yang yod par gyur to/ /phyis gyos rgyug tshe 'phos pa'i 'og tu kho mo la sems can yod par gyur nas khyim thab la 'di skad ces byas so/ /kho mo la sems can
348a4 yod de| zla ba yang tshad du nye bas gal te 'dir bu btsas na/ btsog cing mi btub kyi/ kho mo'i pha ma'i khyim du btsar 'gro'o/ /zhes byas na/ kho mo la legs so/ /zhes
348a5 zer te| khyo shug gnyis 'grogs nas bu zhig kyang khrid de pha ma 'dod par song ba las/ lam phyed tsam du phyin pa dang mngal mi bde bar gyur nas shing zhig gi drung du nam
348a6 phyed tsam na bu btsas so/ kho mo'i khyim thab kyang logs shig na nyal ba las mtshan mo sbrul gyis zin to/ /mtshan mo bos na cang mi grag nas nam langs te bltas na/ khyim
348a7 thab kyang sbrul gdug pas zin pas tshe 'phos te lus kyang zhig par gyur to/ /de'i tshe na kho mo 'khams te sa la 'gyel ba dang / bu che ba yang pha sbrul gyis bsad pa mthong
348b1 nas skad phyung ste dus pas/ bu dus pa'i skad gyis kho mo yang phyir sangs nas bu che ba ni/ khur du thogs/ bu chud ba ni/ phang bar khyer te du zhing song song ba las lam yang dben pa
348b2 zhig ste/ mi 'ga' mang mi 'drul pas grogs kyang ma rnyed do/ /bar na chu chen po zhig yod de/ chu'i kha tsho na yang che la zab pas bu gnyi ga ma theg nas bu che ba ni/ chu'i chu rol du
348b3 bzhag /bu chung du khyer te pha rol tu bskyal nas phyir che ba bsur 'ongs pa dang / bu yang ma 'ong ba mthong nas chu'i nang du zhugs te chus khyer ba las kho mos bsnyags na/ stobs chung
348b4 bsam zin te chus khyer ro/ /de nas phyir pha rol tu phyin tsam na bu chung du yang spyang kis zos te khrag cung zad tsam sa la snang ngo / /der yang 'khams nas ring zhig lon te phyir sangs
348b5 pa dang lam du zhugs te song song ba las/ kun tu rgyu kho mo'i pha ma dang nye zhing bshes pa zhig dang phrad nas kun tu rgyu des khyod ci nyes na 'di ltar nyon mongs par gyur ces dris
348b6 na| kho mos kyang ji ltar gyur pa rgyas par gtam byas pa dang / kun tu rgyu de yang dus nas kho mos pha ma'i gtam dris na/ khyod kyi pha ma'i khyim du de bar me shor nas pha ma dang
348b7 khyim gang gi mi thams cad mes tshig go /zhes zer ro/ /de skad ces smras pa thos nas kho mo 'khams te sa la 'gyel to/ /de nas kun tu rgyu des bslad ste khyim du khrid nas kho mo la
349a1 bu bzhin du byams shing 'dug pa las/ yang kun tu rgyu gcig gis chung mar blangs te de dang lhan cig rtse dga' yongs su spyod pa las sems
349a2 can dang ldan par gyur te/ zla ba tshang nas bu 'byung du nye ba na khyim thab gzhan gyi khyim du tshang la bos nas de'i 'og tu bdag bu btsas te sgo dam du bcad nas phu
349a3 'tshir ba las khyim thab chang gis myos te sgo brdungs pa dang / sgo 'byed pa med pas khros te sgo bcag nas nang du 'ongs pa dang kho mo yang brdegs so/ /bdag gis bu btsas
349a4 so| /zhes byas na/ bu yang bsad de mar gyi nang du brdos nas kho mo yang zar bcug go /bu'i sha za ma phod de ma zos pas yang brdegs nas nan gyis zar bcug go /zos pa'i
349a5 'og tu khyim thab kyang sangs nas bdag gis bsam pa/ bdag bsod nams med cing las ngan no snyam bsams nas khyim thab bor te yul wa ra NA sir bros so/ /yul wa ra NA sa'i phyi rol
349a6 na shing zhig gi drung na 'dug pa las/ grong de'i khyim thab gzhon nu zhig gsar du chung ma tshe 'phos nas grong khyer de'i phyi rol du chung ma'i rus bu sbas nas khyim bdag de chung ma de la
349a7 chags pas/ rus pu'i dung na du zhing 'dug pa las bdag gi drung du 'ongs te kho mo la khyod gcig pu 'di na ci byed ces dris so/ /kho mos kyang de bzhin du gtam byas pa
349b1 las khyim bdag des skyed mos tshal du khrid de kho mo la chung ma bya'o/ /zhes smras nas kho mos kyang de bzhin du rung ngo / zhes smras so/ /khyo shug tu 'dus nas ring po ma lon par
349b2 khyim bdag nad kyis btab ste tshe 'phos nas de'i tshe na yul chos kyis gson pa'i tshe khyo shug mdza' ba rnams khyo tshe 'phos na/ chung ma yang gson por khyo dang lhan cig tu dur
349b3 du 'jug go/ kho mo yang de ltar dur du bcug nas nub mo dur rkun 'ongs te dur brus pa dang / dur rkun gyi dpon pos kho mo bzang bar mthong bas/ des kyang chung mar byas so/ /
349b4 ring po ma lon par brkur song ba las rgyal pos bsad nas rkun zla rnams kyis rus bu bkur te kho mo dang lhan cig yang dur du bcug go /dur na zhag gsum 'dug 'dug pa
349b5 las spyang kis dur brus nas kho mo yang dur nas byung ste 'di snyam du bsams so/ kho mos sngon sdig pa cig gi byas na/ 'di 'dra bar lan du ma shi ba las phyir sos par gyur/
349b6 sngon thos na shAkya'i rigs kyi sras shig mngon par byang chub nas mtshan yang sangs rgyas zhes bya ste/ 'das pa dang / ma 'ongs pa kun mkhyen no/ /zhes grag na/ da ni/
349b7 de la skyabs su 'gro'o snyam bsams nas rgyal bu rgyal byed kyi tshal gang na ba de logs su song ba dang / rgyang ma nas de bzhin gshegs pa me tog gi sdong po rgyas pa lta
350a1 bu'am| skar ma'i nang na zla ba lta bur mthong ngo / /de'i tshe bcom ldan 'das kyis kyang thogs pa med pa'i ye shes kyis bdag gdul ba'i dus la
350a2 bab par mkhyen nas bzhengs te kho mo bsu'o/ kho mo sgren mor 'dug pas ngo tsha ste lag pas nu ma bkab nas sal 'dug go /de nas bcom ldan 'das kyis kun dga' bo
350a3 la bka' stsal pa/ bud med 'di la gos skon cig ces bka' stsal pa dang / kho mos gos gyon nas bcom ldan 'das kyi zhabs la mgo bos phyag 'tshal te bdag la thugs
350a4 brtse bar dgongs nas bdag rab tu 'byung bar gnod zhig ces gsol pa dang / bcom ldan 'das kyis kun dga' bo la bka' stsal te/ bud med 'di skye rgu'i bdag mo
350a5 la gtad de rab tu phyung zhig ces bka' stsal to/ /de nas skye rgu'i bdag mos kho mo rab tu phyung nas kho mo la bden pa bzhi'i chos bstan nas kho mos thos ma thag tu brtson
350a6 'grus su nan tan byas pas dgra bcom pa thob ste 'das pa dang / ma 'ongs pa dang / da ltar gyi bya ba kun rtogs par gyur to/ /dge slong ma de rnams kyis smras pa/ sngon
350a7 las ci bgyis na/ de lta bu'i rnam par smin pa myong ba ston cig ces smras pa dang / dge slong ma ut+pa las khyed rtag par nyon cig /khyed la bstan par bya'o/ /zhes smras
350b1 so| |sngon 'das pa'i dus yun ring po zhig na khyim bdag shin tu phyug pa zhig la bu med pa las chun ma zhig blangs te/ chun ma de la shin tu byams pas/ ring po ma lon par
350b2 chun ma de sems can dang ldan par gyur to/ /zla ba tshang nas bu khye'u zhig btsas te/ khyo shug gnyis de la byams shing sdug par 'dzin to/ /de nas chen mas 'di snyam du bsams
350b3 so| |kho mo ni/ rigs che zhing btsun mod kyi/ bu med pas rigs 'tshob pa med do/ /gal te khye'u 'di cher skyes na rigs 'tsho bcing nor dang longs spyod kyi bdag por 'gyur
350b4 te| bdag la mi ster cing bdag sdug par 'gyur ro snyam du phrag dog skyes te bsad par bsams nas bu khye'u'i 'tshog mar khab kyis btsugs te rma yang mi snang bar byas so/ /khye'u
350b5 yang ring por ma lon par tshe 'das pa dang / chun ma 'khams nas chen ma la khyod kyis nga'i bu bsad do/ /zhes brgal to/ /chen mas bsnyon nas 'di skad ces mna' bor ro/ /kho
350b6 mos khyod kyi bu bsad par gyur na/ kho mo skye ba thams cad du kho mo'i khyo sbrul gdug pas bsad par shog cig /bu zhig yod na yang chus khyer ba dang / sbyang kis za bar shog
350b7 cig /kho mo'i lus kyang gson por dur du bcug cing bu'i sha za bar shog cig /pha ma'i khyim du me shor te thams cad tshig par shog cig ces smras so/ /de'i tshe na de skad ces
351a1 mna' bor ba'i chen ma de ni/ kho mo yin te/ de dag thams cad lus kyis myong bar gyur to/ /dge slong ma de dag gis smras pa/ bsod nams ci
351a2 zhig byas na/ sangs rgyas mthong zhing sangs rgyas kyis bsu nas rab tu byung ste 'khor ba'i mthar phyin par gyur/ ut+pa las smras pa/ sngon wA ra NA si 'dir ri drang srong lhags
351a3 zhes bya ba na rang sangs rgyas dang / nyan thos dang / mu stegs can mngon par shes pa lnga dang ldan pa mang du gnas so/ /de'i tshe na rang sangs rgyas dag cig bsod snyoms la
351a4 grong du gshegs pa dang / khyim bdag gi chung ma zhig gis mthong nas rab tu dga' ste bsod snyoms phul nas mchod pa byas so/ /de nas rang sangs rgyas de nam mkha' la
351a5 'phags te lus la me 'bar ba dang / chu 'bab pa dang / 'gro ba dang / nyal ba dang / 'dug pa'i rdzu 'phrul bstan nas khyim bdag gi chung ma des kho mo yang ma 'ongs pa'i dus
351a6 su 'di 'dra ba thob bar gyur cig ces smon lam btab bo/ /de'i tshe na smon lam btab pa'i khyim bdag gi chung ma de ni/ kho mo yin no/ /de'i phyir de bzhin gshegs pa
351a7 dang phrad nas sems rnam par grol te dgra bcom pa thob bo/ /'di ltar dgra bcom pa thob mod kyi/ lcags tsha ba'i thur ma spyi bo nas zug nas rkang mthil du byung ste rtag
351b1 tu 'di lta bu'i gnod pa myong ngo / /de'i tshe rigs che zhing mtho ba'i dge slong ma lnga brgya snyed kyis de skad ces smras pa thos nas lus dang sems skyi g.ya' ste 'dong ba la me ma mur gyi
351b2 phung po ltar rtogs nas 'dod chags kyi sems yongs su zad de/ khyim gyi sdug bsngal la btson ra bas kyang lhag par rtogs te/ dri ma kun zad nas dus gcig tu ting nge 'dzin
351b3 du zhugs te dgra bcom par gyur to/ /dge slong ma de dag gis tshig mthun par dge slong ma ut+pal la bdag cag ni/ 'dod chags kyis kun nas bcings shing glags pa las
351b4 khyod kyis chos bstan pas 'khor ba'i mthar phyin par gyur to/ /zhes smras so/ /de nas bcom ldan 'das kyis dge slong ma ut+pa las ni/ legs par bstan to/ /gang chos
351b5 ston pa ni/ gcig gis gcig bstan te 'bras bu thob na/ sangs rgyas kyi sras yang dag pa'o/ /zhes bsngags so/ /de skad ces gsungs pa la 'khor mang po rjes su yi rang
351b6 nas mngon par dga'o/ /dge slong ma ut+pa la'i le'u ste nyi shu lnga pa'o// //shu do la gar ne'i le'u/ 'di skad bdag gis thos pa dus gcig na
351b7 bcom ldan 'das rgyal po'i khab bya ka lan+ta ka gnas pa 'od ma'i tshal na bzhugs so/ /de'i tshe tshe dang ldan pa kun dga' bo 'dug pa las langs nas gos tshags bcos
352a1 te pus mo sa la btsugs nas thal mo sbyar te bcom ldan 'das la 'di skad ces gsol to/ /kauN+Di n+ya la sogs pa dge slong lnga po 'di ci'i rgyu ci'i
352a2 rkyen gyis bcom ldan 'das kyis 'jig rten du chos kyi 'khor lo bskor ma thag tu chos kyi bdud rtsi sngar myong ba bstan du gsol/ bcom ldan 'das kyis kun dga' bo la
352a3 bka' stsal pa/ dge slong lnga po 'di dag sngon yang nga'i sha sngar zos te bde bar gyur pas 'dir yang chos kyi ro thog mar myong ste rnam par grol bar gyur to/ /kun dga'
352a4 bos bcom ldan 'das la gsol pa/ dge slong 'di lngas sngon ci bgyis pa bstan du gsol/ bcom ldan 'das kyis kun dga' bo la bka' stsal pa/ sngon 'das pa'i
352a5 bskal pa tshad med grangs med bsam gyis mi khyab pa 'das pa'i snga rol du 'dzam bu'i gling 'dir rgyal po shu do la gar ne zhes bya ba byung ste/ 'dzam bu'i gling gi rgyal phran
352a6 brgyad khri bzhi stong snyed la dbang byed do/ /de'i tshe na yul der lo bcu gnyis kyi bar du char mi 'bab bo/ /zhes ltas mkhan gyis lung bstan nas rgyal pos de skad ces thos pa
352a7 dang / rab tu mya ngan gyis yi mug par gyur te/ 'di ltar mu ge chen po byung na mi mang po 'di dag la lo de snyed kyi kha zas ji ltar rnyed snyam nas rgyal phran dang blon po kun
352b1 bsdus te bgros na/ bang ba na 'bru ji snyed yod pa dang / da ltar mi ji snyed yod pa rtsis su sbyar na/ lo bcu gnyis kyi bar du mi re la phul re'i thad du brtsis na yang lo bcu gnyis su
352b2 mi thub bo/ /zhes dril bsgrags so/ /de nas phyi phyir yang mu ge che bar gyur te tshe 'phos pa yang mang nas rgyal po des ji ltar byas na mi mang po 'tsho bar 'gyur snyam bsams te btsun
352b3 mo dang pho brang slas su bcas te skyed mos tshal du 'chag tu song ba las bsti ba'i gnas shig tu phyin nas btsun mo dang / mi mang po kun gnyid kyis log pa'i 'og tu nyal ba las
352b4 langs nas phyogs bzhir phyag 'tshal te 'di lta bu'i yi dam bcas so/ /yul 'dir mu ge byung bas thams cad bza' ba med par gyur te ltogs kyi/ bdag gi lus 'di btang ste tshe
352b5 'phos pa'i 'og tu nya chen po zhig tu skyes nas thams cad bdag gi sha la za zhing kun 'grangs par shog cig ces smon lam btab nas shing zhig la 'dzegs te shing kha nas lus
352b6 g.yang du btang ngo / /der tshe 'phos nas chu chen por brdzus te skyes ba'i nya chen po dpag tshad lnga brgya pa zhig tu gyur to/ /de'i tshe yul de na shing mkhan mi lnga zhig chu 'gram du shing
352b7 'byor dong pa las/ nya chen po de mthong nas nya des mi'i skad du 'di skad ces smras so/ /khyed bkres na nga'i sha la bcad de ci 'dod pa zo zhig /'grangs nas kyang ci theg pa khyim du khyer
353a1 cig /khyed kyis sngar nga'i sha zos te 'grangs pas na/ phyis mngon par sangs rgyas nas kyang thog mar khyod chos kyi zas myong bar skya'o/ /yul mi
353a2 dag la gang bkres pa thams cad kyis kyang ci dga' bar nga'i sha la longs shig ces sgos shig /de'i tshe mi lnga pos sha bcad de zos nas yul mi la sbran te/ de nas gcig
353a3 gis gcig la sbran pas 'dzam bu'i gling gi mi thams cad 'dus te de'i sha la bcad cing zos so/ /rtsib logs ngos gcig zad tsam na/ rtsib logs ngos gcig rang bsgyur
353a4 te| steng ma zad na 'og ma yang de bzhin du skye'o/ /de bzhin du ltag 'og bsgyur zhing lo bcu gnyis kyi bar du thams cad kyis sha bcad cing zos nas thams cad de la snying rje
353a5 ba'i sems skyes pas/ de'i sha zos pa de dag thams cad tshe'i dus byas pa yang mtho ris kyi lhar skyes so/ /kun dga' bo/ de'i tshe de'i dus na rgyal po nyar gyur pa de ni/ da
353a6 ltar nga yin no/ /shing mkhan lnga po thog mar nga'i sha bcad de zos pa ni/ dge slong kauN+Di n+ya la sogs pa lnga po yin no/ /skye bo mang po phyis nga'i sha zos pa ni/ lha'i sras po
353a7 brgyad khri dang / nga'i nye gnas rnam par grol ba rnams yin no/ /de'i tshe na sngar mi lnga po de la byin te 'tsho bas srog bskyabs pas 'dir yang sngar chos bstan te chos kyi sku'i
353b1 yan lag gis dug gsum gyi me zhi bar byas so/ /kun dga' bo dang / 'khor mang po rnams bcom ldan 'das kyis gsungs pa la rjes su yi rang nas mngon par dga'o/ /shu do
353b2 la gar ne'u le'u ste nyi shu drug pa'o// //rgyal po a sho ka'i le'u/ 'di skad bdag gis thos pa dus gcig na/ bcom ldan 'das rgyal bu rgyal byed kyi tshal mgon
353b3 med zas sbyin gyi kun dga' ra pa na bzhugs so/ /de'i tshe bcom ldan 'das kun dga' bo dang / bsod snyoms la gshegs pa las/ lam ga na byis pa dag cig sa la
353b4 khang bu dang / bang mdzod dang / rin po cher bsngos nas rtse zhing 'khod do/ /de la khye'u gcig cig gis sangs rgyas rgyang ma nas gshegs pa mthong nas rab tu dga' ste sbyin pa bya
353b5 bar bsams nas bang ba zhes bsngos pa'i sa las snyim pa gang blangs te sangs rgyas la dbul bar gzas pa las khye'u chung ches pas ma sleb nas grogs khye'u gcig la khyod sa la
353b6 sgu zhig /kho bo khyod kyi steng du 'greng ste lhung bzed du blug go /zhes smras nas grogs pos kyang de bzhin du bya'o/ /zhes smras te/ khye'u des grogs po'i phrag pa la 'dzegs te sa
353b7 snyim pa gang sangs rgyas la phul lo/ /sangs rgyas kyis kyang lhung bzed smrad nas sa phul ba bzhes so/ /bzhes nas kun dga' bo la gtad de sa 'di 'jim par gyis la gtsug
354a1 lag khang la byugs shig ces bka' stsal to/ /kun dga' bo/ chung dus dga' ba'i sems kyis nga las phul ba bzhes nas gtsug lag khang
354a2 la bskus pas/ de'i bsod nams kyis nga mya ngan las 'das nas lo brgya lon pa'i 'og tu rgyal po a sho ka zhes bya bar 'gyur ro/ /khye'u gcig shos ni/ de'i blon por
354a3 'gyur te/ 'dzam bu'i gling la dbang byed cing dkon mchog gsum gyi yon tan kyang yul thams cad du bsgrags nas ring bsrel la yang rgyas par mchod par byed de/ 'dzam
354a4 bu'i gling du mchod rten brgyad khri bzhi stong gcig car byed par 'gyur ro/ /kun dga' bo dga' mgu rangs nas bcom ldan 'das la 'di skad ces gsol to/ /de bzhin
354a5 gshegs pas sngon bsod nams ci zhig mdzad pas/ ring bsrel la yang mchod rten de snyed cig bgyid par 'gyur/ bcom ldan 'das kyis bka' stsal pa/ rtag par
354a6 nyon la shin tu yid la zungs shig dang / khyod la bstan par bya'o/ /sngon bskal pa grangs med pa 'das pa na 'dzam bu'i gling 'dir rgyal po gsal thub zhes bya ba/ rgyal phran
354a7 brgyad khri bzhi stong snyed la dbang byed pa zhig byung ngo / /de'i tshe sangs rgyas bur sha zhes bya ba 'jig rten du byung ste/ rgyal po des blon po dang bcas su yo byad rnam pa bzhi
354b1 sbyar te sangs rgyas dang / dge slong gi dge 'dun la phul lo/ /de'i tshe rgyal po de dang / yul mi rnams ni/ rtag tu sangs rgyas dang phrad de phyag 'tshal ba dang / bsnyen bkur byed kyi/
354b2 rgyal phran gzhan dag ni/ bsod nams kyang mi byed pas mtha' 'khob kyi rgyal phran dang / yul mi dag bsod nams byed du gzhug pa'i phyir sangs rgyas kyi sku gzugs bris la rgyal
354b3 phran rnams la sbyin no snyam bsams nas ri mo mkhan mang po bsdus te sangs rgyas kyi sku gzugs ri mo la bris shig ces bsgo ba dang / ri mo mkhan dag sangs rgyas kyi spyan sngar song ste
354b4 sangs rgyas kyi mtshan bltas nas ri mo bris pa las mtshan gcig bris na gcig mi 'dra bar gyur te/ ri mo mkhan gyis ri mo bri bar ma nus so/ /sangs rgyas nyid kyis tshon rtsi sbyar te
354b5 sku gzugs gcig bris nas ri mo mkhan rnams de la bltas te sku gzugs mtshan dang ldan pa brgyad khri bzhi stong bris nas rgyal phran re re la sku gzugs re re bskur te/ sku gzugs de
354b6 la rgyal po dang / yul mi thams cad kyis me tog dang / spos dang / yo byad thams cad kyis mchod de phyag 'tshol cig ces bsgo'o/ /rgyal phran de dag dang / yul mi de dag gis
354b7 de bzhin gshegs pa'i sku gzugs mthong nas rab tu dga' mgu rangs te bsnyen bkur byas so/ /de'i tshe na rgyal po gsal thub de ni/ de ltar nga yin te/ de ltar de bzhin gshegs
355a1 pa'i sku gzugs brgyad khri bzhi stong bris te rgyal phran kun la spel ba'i bsod nams kyis gang nas gang du skyes kyang mtho ris su brgya byin lha'i dbang
355a2 por skyes te byad gzugs bzang ba dang / mtshan sum cu rtsa gnyis dang / dpe byad bzang po brgyad cu thob ste mngon par sangs rgyas so/ /mya ngan las 'das nas kyang ring bsrel la
355a3 mchod rten brgyad khri bzhi stong snyed byed par 'gyur ro/ /bcom ldan 'das kyis de skad ces gsungs pa la kun dga' bo dang / 'khor mang po mngon par dga' nas rjes su yi rang
355a4 ngo / /rgyal po a sho ka'i le'u ste nyi shu bdun pa'o// //gser gyi bum pa'i le'u/ 'di skad bdag gis thogs pa dus gcig na/ bcom ldan 'das mnyan
355a5 yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong dag dbyar so sor tshul du zhugs nas tshul nas byung ba dang / bcom
355a6 ldan 'das gang na ba der lhags so/ /bcom ldan 'das dge slong dag dang yun ring du ma phrad pas de dag la thugs rtse bar dgongs te/ 'khor lo rtsibs stong dang ldan
355a7 pa'i phyag bteg ste dge slong de dag la bsti stang dang bcas pas khyed na bar ma gyur tam/ bsod snyoms kyis brel tam zhes bka' stsal pa dang / de bzhin gshegs
355b1 pa yon tan chen po dang ldan pa de/ dge slong rnams la bsti stang mdzad par dge slong kun dga' bos mthong nas ngo mtshar du gyur te bcom ldan 'das la 'di skad ces gsol to/ /
355b2 bcom ldan 'das ni/ 'jig rten gyi gtso bo/ /yon tan dpag tu ma mchis pa/ ye shes bsam gyis mi khyab pa lags na/ ci'i slad du thugs smad de dge slong rnams la bsti stang
355b3 mdzad ces gsol pa dang / bcom ldan 'das kyis kun dga' bo la 'di skad ces bka' stsal to/ /sngon bskal pa grangs med tshad med bsam gyis mi khyab pa 'das pa na 'dzam
355b4 bu'i gling 'dir yul wA ra NA si na khyim bdag so tshis la mkhas pa zhig yod de/ nor ci rnyed kyang gser du bsgyur nas gser gyi bum pa gcig byas te sa 'og tu sbas so/ /de bzhin
355b5 du nor rdzas ci rnyed kyang lus la mi spyod de/ gser du bsgyur nas phyis ring zhig lon pa dang / gser gyi bum pa snga phyir bsags pa bdun du gyur nas thams cad sa 'og tu sbas so/ /
355b6 khyim bdag de phyis nad kyis btab nas tshe dus byas pa dang / gser gyi bum pa la chags pas sbrul gdug pa zhig tu skyes te gser de la srung ngo / /phyis yun ring zhig lon pa dang / grong
355b7 khyer de yang zhig nas su yang mi gnas te/ sa stong du gyur to/ /sbrul de yang lo grangs mang du lon pas tshe'i dus byas nas phyir yang de nyid kyi lus su skyes te gser gyi bum pa la 'khri
356a1 zhing nyal lo/ /de bzhin du lo khri phrag du ma lon pa dang / nang gi skye ba tha ma la lus des skyo ste 'di snyam du bsams so/ /bdag ni/ gser 'di la chags
356a2 pas 'di 'dra ba'i lus la mi sdug pa myong bar gyur gyi/ da ni/ bsod nams kyi zhing la phul nas lam dang nye bar song ste rtswa khrod du lus spas la mi dag 'ongs nas 'bod do snyam ste/
356a3 de'i tshe sbrul gdug pa des mi gcig lam nas 'ong ba mthong nas sbrul gyis mi de la bos pa dang / mi des bos pa'i dgra thos nas phan tshun bltas na cang mi snang bas lam du zhugs
356a4 te song song ba las/ sbrul gyis yang bos te/ kye kho bo'i drung du snyen cig ces smras so/ /mi des smras pa/ khyod kyis kho bo bos te ci zhig bya/ khyod ni/ shin tu gdug pa can yin
356a5 pas| kho bo gsad du 'ong ngo / /sbrul gyis smras pa/ kho bos gnod pa bya na/ khyod drung du ma 'ongs kyang gnod pa bya nus so/ /zhes smras pa dang / mi de skrag nas sprul gyi drung du
356a6 bsnyen to/ /sbrul gyis smras pa/ kho bo la 'di na gser gyi bum pa zhig yod kyi/ khyod la bsod nams shig bya bar bcol na nus sam/ ci ste ma byas na khyod la gnod pa bya'o/ /
356a7 mi des kho bos nus so/ /zhes smras pa dang / sbrul gyis mi de gser gyi bum pa'i drung du khrid de/ gser gyi bum pa gcig bskur te 'di skad ces smras so/ /khyod gser 'di
356b1 khyer la dge 'dun rnams la mchod ston zhig gsol cig /mchod ston gsol ba'i nyin par kho bos kyang 'ong gi /bsus shig ces bsgo'o/ /de nas mi de gser khur du khyer te
356b2 dge 'dun gyi gnas su song nas dge slong gi gtsang sbyor la gser phul te/ 'di ni/ sbrul gdug pa zhig gi gser lags kyi/ gser 'dis dge 'dun la mchod ston gsol cig
356b3 ces mchi'o/ /gser 'dis mchod ston sbyar te mchod ston nam gsol bzhag dus brtsis nas de'i nyin par mi de gzeb cig thogs te sbrul gdug pa de gang na 'dug pa der song ngo / /
356b4 sbrul gdug pa des kyang mi de 'ong ba mthong nas rab tu dga' bar gyur te mi des sbrul gzeb kyi nang du bcug nas khyer te song ba las/ lam du mi zhig dang phrad de/ mi des khyod gang
356b5 nas 'ongs zhes lan gsum gyi bar du dris kyang sbrul thogs pa des cang ma smras pas/ sbrul de khros nas gdug pa byung ba las yang 'di snyam du bsams so/ /mi 'di ci zhig nyes
356b6 na pha rol pos lan gsum gyi bar du dris na/ gtam gyi lan yang mi ster snyam ste phyir yang khros nas gdug pa phyung ba las phyir bkag ste yang 'di snyam du bsams so/ /mi 'di
356b7 bdag gi phyir bsod nams byed na/ byas pa gzo ba'i drin yang dran par byas pas gdug pa mi dbyung ngo snyam bsams te mi 'di bdag la phan pha'i don byed kyi/ nyes pa zhig byas
357a1 na yang bzod par bya'o/ /zhes dben par phyin pa dang / re zhig sa la zhog cig ces smras nas mi des sbrul de la sems smad de bdag gi nyes pa
357a2 'gyod cing bshags so/ /zhes smras nas phyir yang khur du khyer te dge 'dun gyi gnas su phyin pa dang / dge 'dun dag kyang gdugs tshod kyi dus la bab pas/ mi des dge
357a3 'dun la me tog brims te sbrul de dad pa'i sems kyis me tog 'brim pa la blta'o/ /de nas dge 'dun dag zas kyi bya ba byas nas kha lag bkrus te sbrul de la chos bshad
357a4 do| |sbrul de rab tu dga' nas gser gyi bum pa drug kyang dge 'dun la phul te bsod nams kyi las byas nas de nas tshe 'phos so/ /tshe'i dus byas nas de'i bsod nams kyis
357a5 sum cu rtsa gsum gyi lhar skyes so/ /kun dga' bo/ de'i tshe na sbrul gdug pa khur du khyer ba'i mi de ni/ da ltar nga yin no/ /sbrul gdug pa de ni/ shA ri'i bu yin no/ /'das pa'i
357a6 dus na yang khur du sbrul khyer ba las sbrul gyis spyos te/ de la yang sems smad pas da yang dge slong rnams la sems smad pa yin no/ /kun dga' bo la sogs pa sangs rgyas
357a7 kyis gsungs pa la yi rang nas mngon par dga'o/ /gser gyi bum pa'i le'u ste nyi shu brgyad pa'o// //bram ze mo bde ba'i le'u/ 'di skad bdag gi
357b1 gis thos pa dus gcig na/ bcom ldan 'das rgyal po'i khab bya ka lan+da ka gnas pa 'od ma'i tshal na dge slong grangs med pa dang thabs cig tu bzhugs so/ /de'i tshe yul de na bram
357b2 ze shin tu dbul zhing phongs pa/ ci yang mi bdog pa zhig yod de|bram ze de phongs ches nas kun la ji ltar byas na/ tshe 'di nyid la longs spyod dang ldan par 'gyur ro/ /zhes dris
357b3 so| |de la mi zhig gis smras pa/ ci khyod mi shes sam/ sangs rgyas bcom ldan 'das zhes bya ba da ltar 'jig rten du gshegs te sems can thams cad la phan pa'i don mdzad
357b4 do| |de'i nye gnas 'od srung chen po dang / mau gal ya na dang / shA ri'i bu dang / ma 'gags pa la sogs pa 'phags pa bzhi yang rtag tu dbul phongs pa la phan pa'i don byed kyi/ gal
357b5 te khyod dad pa'i sems kyis 'phags pa de dag la zhal zas kyis mchod na/ 'phags pa de dag gis/ tshe 'di nyid la khyod ci dang ci 'dod pa de dang de dag dang ldan par mdzad do//
357b6 zhes smras so/ /de'i tshe na bram ze des mi des smras pa thos nas rab tu dga' ste kun tu rgyu zhing slong mo dang gla zos nas nor cung zad cig rnyed de/ phyir khyim du 'ongs nas zhal
357b7 zas sbyar te 'phags pa rnams spyan drangs nas bshos gsol te/ 'jig rten 'di nyid la phan par re'o/ /de'i tshe bram ze de'i chung ma bde ba zhes bya ba des dge 'dun la
358a1 bshos gsol nas nyin zhag gcig pa'i bslab tshigs mnos so/ /de'i tshe rgyal po gsal rgyal 'chag tu song ba las phyir 'ongs pa'i lam du
358a2 nyes pa byas pa'i btson zhig lam ga na shing la bcings shing 'dug pa mthong ngo / /btson des rgyal po gshegs pa mthong nas dus te kha zas shig bslangs pa dang / rgyal
358a3 pos kyang sbyin no/ /zhes byas nas phyir pho brang du gshegs pa dang brjed pa las de'i nub mo nam phyed tsam na btson la kha zas sbyin par byas pa dran te kha zas bskyal
358a4 bar byas nas pho brang nang gi mi ni/ gcig kyang 'gro phod pa med de/ nam phyed na kha zas bskur du lam na 'dre gdon dang / srin pos 'jigs pas srog dang bsdos te
358a5 'gro nus pa med do/ /de'i tshe rgyal po mi de'i sdug bsngal ba dang / bkres pas nyen pa dran nas de la shin tu snying brtse ste nga'i yul 'di nas su zhig btson de la kha zas skyel
358a6 nus na| gser srang stong sbyin no/ /zhes bsgrags kyang 'gro nus pa ma byung ngo / /de'i tshe bram ze'i chung ma bde ba des gtam du thos na 'jig rten pa su yang rung sta nyin zhag
358a7 gcig pa'i bslab tshigs brgyad mnos na/ 'dre gdon la sogs pas mi brdzi ste/ gdon thams cad kyis gnod pa byed mi nus so/ /zhes thos kyi/ bdag ni/ rgyal
358b1 pos gar btang bar 'gro'o snyam bsams nas chas so/ /de nas rgyal pos bde ba la khyod kha zas 'di dag khyer la che ge mo zhig na btson 'dug pa de la byin cig dang / gser
358b2 srang stong sbyin no/ /zhes dam bcas so/ /de nas bde ba rgyal po'i bka' bzhin du kha zas thogs te tshul khrims dran par byas nas lam du zhugs te song song ba las/ grong khyer
358b3 gyi phyi rol tu srin mo lam pa dang phrad do/ /de'i tshe srin mo de bu lnga brgya gsar du btsas pas bkres skom gyis nyen te bde ba 'ongs par mthong nas bza' bar gzas so/ /de'i tshe bsnyen
358b4 gnas ma tshul khrims ma nyams pas srin mos mthong nas phyir skrag ste/ bsnyen gnas ma khyod khyer ba'i kha zas las cung zad cig bslang ngo / /zhes smras pa dang / bsnyen gnas
358b5 mas kyang nyung du zhig byin te byin pa nyung mod kyi/ srin mo'i mthus mang du sprul pas srin mo ma smad shin tu 'grangs par gyur to/ /de nas srin mos bsnyen gnas ma la khyod kyi ming
358b6 ci zhes dris pa dang / kho mo ni/ bde ba'o/ /zhes smras so/ /'o na kho mo ma smad kyang ltogs pa las khyod kyis gsos kyi/ kho mo 'dug pa 'di na gser bum pa gang yod kyi phyir
358b7 log pa'i lam du khyer cig /khyod phar 'gro na kho mo'i nu mo a lam pa yang lam ga na 'dug ste khyod dang phrad kyi/ kho mo'i 'phrin du khyod bde'am/ kho mo yang bu lnga brgya bde bar
359a1 btsas so/ /zhes gyis shig /de nas bsnyen gnas ma lam du zhugs te song song ba las ring po ma lon par a lam+pa dang phrad do/ /a lam+pa la bu
359a2 mo'i 'phrin spring pa dang / bu lnga brgya bde bar btsas so/ /zhes gtam byas pas a lam+pa dga' ste/ bsnyen gnas ma la khyod kyis kho mo'i phu mo'i 'phrin dang gtam snyan byas
359a3 pa legs kyi/ kho mo 'dug pa'i gnas 'di na gser bum pa gang yod kyi phyir log pa'i las du khyer cig /kho mo cag gi ming po gcig kyang lam ga na 'dug gi /de dang phrad na
359a4 kho mo cag spun gnyis kyi 'phrin dang / bu lnga brgya btsas pa'i gtam yang gyis shig ces bsgo nas song ngo / /de nas yang ring por ma phyin par srin mo gnyis kyi ming po dang
359a5 phrad de| de la srin mo gnyis kyi 'phrin dang bu lnga brgya yang bde bar btsas pa'i gtam byas nas de yang rab tu dga' ste/ khyod kyis kho bo'i sring mo gnyis kyi 'phrin byas pa legs
359a6 kyi| kho bo 'dug pa'i gnas 'di na gser bum pa gang yod kyi/ phyir ldog pa'i lam du khyer cig ces bsgo'o/ /de nas bsnyen gnas ma chas te song song ba las btson
359a7 de'i drung du phyin te kha zas bsnyod nas phyir ldog pa'i lam du gser bum pa gsum yang rnyed do/ /rgyal pos kyang gser srang stong bya dgar byin pas/ bram ze dbul po
359b1 khyo shug gnyis yul de na shin tu phyug cing nor mang bar gyur pas lhag par bsod nams byed cing rin po che mang bar gyur to/ /rgyal pos kyang de bsod nams las gyur par shes
359b2 nas blon por bcug ste shin tu phyug par gyur pas/ lhag par bsod nams byed pa la dad pa'i sems skyes te sangs rgyas dang / dge 'dun spyan drangs nas mchod pa chen po byas
359b3 so| |de la bcom ldan 'das kyis chos bstan pas sems rnam par grol te rgyun du zhugs pa'i 'bras bu thob bo/ /'khor mang po dang / kun dga' bo la sogs pa sangs rgyas kyis
359b4 gsungs pa la rjes su yi rang nas mngon par dga'o/ /bram ze mo bde ba'i le'u ste nyi shu dgu pa'o// //bam po brgyad pa/ sbyin pa chen po rgya mtshor zhugs
359b5 pa'i le'u/ 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la dge slong chen po'i dge 'dun brgya phrag phyed dang bcu gsum dang
359b6 thabs cig tu bzhugs so/ /de'i tshe na bcom ldan 'das kyis tshe dang ldan pa kun shes kauN+Di n+ya la sogs pa la bsnyen bkur byed pa'i g.yog cig dgos so/ /zhes bka' stsal pa dang /
359b7 de nas kun shes kauN+Di n+ya stan las langs te bla gos phrag pa gcig tu gzar nas bcom ldan 'das ga la bde logs su thal mo sbyar te phyag 'tshal nas bcom ldan 'das la bdag
360a1 gis bsnyen bkur yid bzhin du bgyi zhing chos gos dang lhung bzed gzung ngo / /zhes gsol ba dang / bcom ldan 'das kyis kauN+Di n+ya la khyod kyang rgas
360a2 'khogs te khyod nyid la yang bsnyen bkur byed pa dgos kyi/ kauN+Di n+ya khyod stan la 'dug cig ces bka' stsal to/ /de bzhin du 'od srung dang / shA ri'i bu dang / mau gal yan
360a3 la sogs pa nye gnas lnga brgya snyed kun gyis bcom ldan 'das la bsnyen bkur bgyi'o/ /zhes gsol na yang gcig kyang ma gnang ngo / /de nas tshe dang ldan pa ma 'gags pas/
360a4 bcom ldan 'das bsnyen bkur byed pa'i dge slong gang la dgyes snyam du brtags na/ bcom ldan 'das kyi thugs kun dga' bo la dgyes pa ni/ 'di lta ste/ khang bu brtsegs
360a5 pa'i shar phyogs kyi skar khung nas nyi ma'i 'od zer byung ba na nub phyogs kyi ngos la shar cing lhan pa bzhin du/ bcom ldan 'das kyi thugs kun dga' bo la dgongs shing
360a6 dgyes par nye gnas kun gyis rtogs nas tshe dang ldan pa shA ri'i bu dang / mau gal gyi bu chen po gnyis kun dga' bo gang na ba der song ste drung du phyin pa dang kun dga' bo dang
360a7 lhan cig tu yid mgu zhing dga' ba'i gtam rnam ba dum byas nas phyogs gcig tu 'khod do/ /phyogs gcig tu 'khod nas shA ri'i bu dang / mau gal ya nas tshe dang ldan pa
360b1 kun dga' bo la 'di skad ces smras so/ /tshe dang ldan pa kun dga' bo/ bcom ldan 'das la bsnyen bkur bya bar dad dam/ bcom ldan 'das kyang khyod kyis bsnyen bkur bya
360b2 bar dgyes te/ de bzhin gshegs pa la bsnyen bkur byas na/ khyod la phan pa'i don cher 'gyur ro/ /btsun pa shA ri'i bu/ bdag ni/ bcom ldan 'das la bsnyen bkur bya
360b3 bar mi dad do/ /de ci'i phyir zhe na/ sangs rgyas bcom ldan 'das ni/ sgrub par dka'/ bzod par dka'o/ /'di lta ste/ me 'bar ba ni/ sgrub par dka'/ bzod par yang dka'
360b4 ba yin te/ de ltar de bzhin du sangs rgyas bcom ldan 'das kyang sgrub par dka'/ bzod par dka' bas na/ bdag sangs rgyas bcom ldan 'das la bsnyen bkur bgyid par
360b5 mi dad do/ /de nas tshe dang ldan pa mau gal ya na'i bu chen pos kun dga' bo la 'di skad ces smras so/ /kun dga' bo/ khyod la bcom ldan 'das dgongs shing dgyes pa ni/ 'di
360b6 lta ste| khang bu brtsegs pa'i shar phyogs kyi skar khung nas nyi ma'i 'od zer byung ba na nub phyogs kyi rtsig ngos la shar cing lhan pa bzhin du/ bcom ldan 'das kyi thugs kyang kun
360b7 dga' bo khyod kyis bsnyen bkur bya bar dgyes kyi/ dad par gyis shig /de bzhin gshegs pa la bsnyen bkur byas na/ khyod la phan pa'i don cher 'gyur ro/ /zhes smras
361a1 so| |btsun pa mau gal yan chen po/ /ci ste bdag la bcom ldan 'das kyis 'dod pa 'di gsum gnang na/ bcom ldan 'das la bsnyen bkur
361a2 bgyid par dad do/ /'di lta ste/ bcom ldan 'das mi gsol ba'i na bza' bdag la 'tshal du mi stsal ba dang / bcom ldan 'das mi gsol ba'i bshos kyi lhag ma bdag
361a3 mi 'tshal ba dang / bdag dus ma mchis par bcom ldan 'das kyi spyan sngar mchir gnang bar bgyi na ni/ bcom ldan 'das la bsnyen bkur bgyi bar dad do/ /de nas tshe
361a4 dang ldan pa shA ri'i bu dang / mau gal yan chen pos tshe dang ldan pa kun dga' bo bsnyen bkur byed du dad par byas nas bcom ldan 'das gang na ba der song ste phyin pa
361a5 dang / bcom ldan 'das la 'di skad ces gsol to/ /bdag cag gis bcom ldan 'das la bsnyen bkur bgyid par tshe dang ldan pa kun dga' bo dad par bgyis na/
361a6 bcom ldan 'das kyis bdag la 'dod pa 'di gsum gnang na/ gdod bdag gis bcom ldan 'das la bsnyen bkur bgyi bar zhes mchi'o/ /bcom ldan 'das kyis
361a7 bka' stsal pa/ legs so/ /mau gal ya na'i bu/ dge slong kun dga' bo de ni/ mkhas pa shes rab can te/ tshangs pa mtshungs par spyod pa rnams smad pa'i tshig dang /rjes
361b1 su smad pa'i tshig gi chos phyis 'byung bar mthong bas na/ bdag la tshangs pa mtshungs par spyod pa rnams 'di skad du dge slong kun dga' bo ni/ gos dang zas kyi phyir ston
361b2 pa la bsnyen bkur byed do/ /zhes smra bar mi 'gyur ba'i phyir mau gal gyi bu de ni/ dge slong kun dga' bo'i ngo mtshar rmad du byung ba'i chos so/ /dge slong kun dga' bo ni/ mkhas
361b3 pa shes rab can te/ dus shes shing dus rig pa lags shing / dus shes par 'gyur ba ni/ bcom ldan 'das la 'khor rnam bzhi blta bar 'gro ba'i dus la bab pa dang /
361b4 dus la ma bab pa dang / gzhan yang mu stegs can kun tu rgyu rnams bcom ldan 'das kyi spyan sngar 'gro ba'i dus la bab pa dang / dus la ma bab pa dang / gzhan yang mu stegs
361b5 can kun tu rgyu 'di dag ni/ bcom ldan 'das kyis gsungs pa la lan ldon par spobs so/ /'di dag ni/ lan ldon par mi spobs so/ /bca' ba dang bza' ba 'di ni bcom
361b6 ldan 'das la bde zhing bsod par 'gyur la/ 'di ni/ bde zhing bsod par mi 'gyur bar shes pa'i phyir te/ mau gal gyi bu/ 'di ni/ dge slong kun dga' bo'i ngo mtshar rmad
361b7 du byung ba'i chos so/ /de nas shA ri'i bu dang / mau gal gyi bu gnyis kyis tshe dang ldan pa kun dga' bo bcom ldan 'das la bsnyen bkur byed par dad par byas pa dang / bcom
362a1 ldan 'das kyis kyang kun dga' bo ni/ mkhas pa shes rab can te/ dus shes shing dus rig go /zhes bsngags pas/ dge slong rnams the tshom skyes
362a2 nas bcom ldan 'das la 'di skad ces gsol to/ /dge slong kun dga' bo 'di ci'i rgyu ci'i rkyen gyis dus dang tshod la mkhas par gyur/ bcom ldan 'das kyis shA ri'i bu
362a3 la bka' stsal pa/ sngon 'das pa'i bskal pa tshad med grangs med pa'i pha rol tu rgyal po chen po 'dzam bu'i gling gi rgyal phran brgyad khri bzhi stong la dbang byed pa zhig byung ngo / /
362a4 de'i tshe grong khyer pa ru da zhes bya ba na bram ze n+ya gro d+ha zhes bya ba zhig yod de/ mkhas pa/ rig pa dang ldan pa/ sman dang / gtsug lag dang / skar ma la mkhas pa zhig pas
362a5 rgyal po de'i ston pa byed de/ rgyal phran brgyad khri bzhi stong snyed kyang de la rgyal po chen po dang 'dra bar bsnyen bkur byed de bsgo ba'i tshig kyang nyon to/ /bram ze de phyug khyad rnam
362a6 thos kyi bu dang 'gran te/ de la bu med bas rtag tu mi dga' ste sems khong du chud cing 'dug pa las ji ltar byas na bu yod par 'gyur zhes tshangs pa dang / brgya byin dang /
362a7 dbang phyug dang / nyi zla dang / skar ma dang / ri dang / chu dang / nags kyi lha kun la mchod cing rjed de lo bcu gnyis lon nas chung ma chen sems can dang ldan par gyur
362b1 to| |bud med mkhas pa dag ni/ sems can dang ldan ma thag tu bu khye'u 'am/ bu mo yin pa nges par rtogs pas/ de yang khye'u yin par shes nas bram ze la gtam smras so/ /bram
362b2 ze de de skad ces smras pa thos nas rab tu dga' mgu rangs te chung ma'i rim gro lhag par cher skyed do/ /de nas zla ba dgu tshang nas khye'u zhig btsas te gser gyi mdog can/ skra
362b3 mthon mthing du 'dug pa/ bzang ba/ mdzes pa/ mtshan dang ldan pa zhig go /de nas btsas ston byas nas mtshan mkhan bkug ste mtshan bltas nas ming sbyin pa chen po zhes
362b4 btags so/ /khye'u de rim gyis cher skyes nas dbyar dgun dang / ston dpyid kyi gnas kyang so sor byas te longs spyod byed du bcug go /khye'u de yang yid gzhungs shing mkhas
362b5 pa'i blo dang ldan pa zhig bas rig byed dang / gtsug lag rnam pa bco brgyad la sogs te/ sgyu rtsal gang yang mi shes pa med do/ /phyis sbyin pa chen pos pha ma la gsol pa/
362b6 bdag phyi rol tu 'chag cing ltad mo bltar 'gro'o/ /zhes byas pa dang / de'i pha mas kyang bu 'chag tu 'gro'o/ /zhes lam srang phyag dar byed du bcug ste rgyal mtshan dang / ba
362b7 dan bsgrengs nas me tog gis gtor te bdug spos kyi bdug pa la sogs pa yo lang bshams nas sbyin pa chen po glang po rin po che sna bdun gyis brgyan pa la bskyon te
363a1 dril bsgrags/ rnga brdungs/ rol mo dang / sil snyan bkrol te 'khor brgya stong snyed kyis bskor nas grong khyer gyi phyi rol tu song ngo / /yul mi thams
363a2 cad lam gyi g.yas g.yon du khang bu brtsegs pa'i steng nas mig mi 'dzum par lta zhing 'di'i byin dang / gzi brjid ni/ tshangs pa dang 'dra'o/ /zhes bsgrags so/ /de nas
363a3 song song ba las mu to ba dag gos hrul po gyon cing snod chag pa dag thogs te cung zad bslang ngo / /zhes 'bod pa sbyin pa chen pos thos nas de dag la khyed ci'i phyir 'di
363a4 ltar nyon mongs shing sdug ces dris so/ /de la kha cig ni/ 'di skad du bdag cag la pha ma dang / phu nu dang / bu smad dang / gnyen bshes ma mchis pas sdug go /zhes
363a5 zer ro| |de la kha cig ni/ bdag cag yun ring du nad kyis btab pas mi sos te sdug go /zhes zer ro/ /de la kha cig ni/ bdag cag bag ma byas pas chom pos bcom
363a6 ste ci yang mi bdog pas slong mo byed do/ /zhes zer ro/ /sbyin pa chen pos de skad smras pa thos nas mchi ma dku ste song ngo / /de nas yang pha zad cig na bshan pa dag cig
363a7 srog chags bsad nas pags pa ba shu ba dang / bsnyal gtubs pa dag mthong ngo / /sbyin pa chen pos e ma ho 'di dag ci byed ces dris na/ bdag cag ni/ pha mes rgyud
363b1 kyis 'di 'dri ba'i gsod pa'i las byed de/ 'di ma byas na mi 'tsho'o/ /zhes zer ro/ /de la sbyin pa chen po ngo mtshar du gyur nas lta mi 'dod par song ngo / /de nas pha zad du
363b2 phyin pa dang zhing pa dag zhing rmos te/ zhing rmos pa'i shul na srin bu mang du byung ba la bya mang po dang / sbrul dag 'thu zhing za ba mthong ba dang 'di dag ci byed ces dris na/ bdag
363b3 cag ni| zhing rmos te sa glongs pa'i shul du sa bon btab na phyis mang du skyes te/ des 'tsho zhing rgyal po'i dpya yang 'bul lo/ /zhes zer ro/ /sbyin pa chen po de la yang ngo
363b4 mtshar du gyur nas pha zad song ba dang / rngon pa dag bya rgya bres pa dang / rnyi btsugs nas bya rnams bshor ba dang / sems can dag bya rgya dang rnyis zin nas lus rdeb cing
363b5 'then kyang ma shor te snying rje ba'i skad phyung nas shin tu 'jigs skrag pa dag mthong nas khyed ci byed ces dris na/ bdag cag kyang rgyud kyis 'di 'dra ba'i gsod pa'i las
363b6 byed pas 'tsho'o/ /zhes zer ro/ /sbyin pa chen pos de skad smras pa thos nas shin tu yi mug ste yang pha zad song ba dang / nya sa dag nya rgyas nya bcus nas mang du zin te thang la
363b7 phung por spungs nas da dung yang 'gul ba dag mthong nas 'di dag ci byed ces dris na/ bdag cag rgyud kyis las gzhan mi byed kyi/ 'di ltar nya bshor zhing 'tsho bar byed do//
364a1 zhes zer ro/ /sbyin pa chen pos 'di lta bu dag mthong nas 'di snyam du bsams so/ /sems can 'di dag ni/ dbul phongs pas bgo ba
364a2 dang bza' ba'i phyir 'di lta bu'i kha na ma tho ba'i las gsod pa la sogs pa byed de/ 'di dag ni/ tshe 'phos ma thag tu ngan song gsum du lhung ste mun pa nas mun par
364a3 'gro zhing thar pa'i dus med do snyam bsams nas phyir khyim du 'ongs te nyin mtshan du de sems shing mi dga' nas pha'i drung du song ste pha la bdag gsol ba zhig mchis
364a4 kyi| gnong zhig ces smras so/ /phas kyang bu/ khyod ci zer/ khyod smra ba bzhin du bya'o/ /zhes smras so/ /yab/ bdag sngon phyi rol tu 'chag tu mchis pa las mi mang po gos
364a5 dang / kha zas kyi phyir thams cad nyon mongs te/ gcig la gcig gsod pa dang / rdzun dang / dbang za ba dang / mi dge ba'i las rnam pa sna tshogs bgyid pa mthong nas
364a6 de dag la sbyin pa bgyid par bsams kyi/ yab kyi bang mdzod chen po las phongs brel pa dag gi phyir yid bzhin du spyod du gnod zhig /phas smras pa/ ngas bang mdzod
364a7 dang / rin po che mang du bsags pa thams cad khyod kyi phyir byas par zad na/ ci'i phyir khyod zer ba mi nyan zhes smras so/ /de nas sbyin pa chen pos phas gnang ba'i lung
364b1 thob nas yul mi thams cad la sbyin pa chen po sbyin gtong chen po byed kyi/ thams cad 'dus shing shog cig ces bsgrags so/ /de'i tshe dge sbyong dang / bram ze dang / dbul zhing
364b2 phongs pa mgon med pa dang / nad pa la sogs te grong khyer gyi phyi rol na lam thog thag tu gang ngo / /de dag kyang dpag tshad brgya dang / nyis brgya dang / sum brgya dang / bzhi brgya
364b3 dang / lnga brgya dang / dpag tshad stong gi lam nas 'ongs/ kha cig ni/ dpag tshad nyis stong dang / sum stong dang / bzhi stong dang / lnga stong nas dpag tshad khri'i bar du lhags te/
364b4 de dag sprin bzhin du 'dus nas thams cad la yid bzhin du sbyin pa ni/ gos 'dod pa la gos/ zas 'dod pa la zas/ rin po che gser dang / dngul dang / bai DUR+ya dang / mu sa
364b5 ra gal pa dang / bzhon pa dang / theg pa dang / khyogs dang / skyed mos tshal dang / zhing dang / rkang 'gro la sogs te/ yid bzhin du sbyin pa byas so/ /de ltar sbyin pa la zhugs
364b6 te yun ring zhig lon pa dang / bang mdzod sum cha gcig zad nas mdzod srung gis bram ze la 'di skad ces smras so/ /sras kyis bang mdzod nas sbyin pa byas nas sum cha gcig ni/
364b7 zad de sum gnyis las ma lus na/ phan tshun du 'drul ba'i skyes dang / tshong zong ci las bgyid dgongs shig ces smras so/ /kho bo ni/ bu 'di la byams pas ngo mi ldog gi/
365a1 bang mdzod stongs kyang bla'o/ /zhes bsgo'o/ /de nas yang ring zhig lo na pa dang bang mdzod sum gnyis zad de sum cha tsam lus pa dang / mdzod
365a2 srung gis yang bram ze la/ da ni/ bang mdzod sum gnyis tsam zad de sum cha tsam las ma lus na/ phan tshun skyes bskur ba dang / tshong zong ci las bya zhes smras so/ /bram
365a3 ze des bsgo ba/ kho bo'i bu sdug ches te ngo mi ldog pas smra mi phod kyi/ khyod bdag gis thabs ci legs su byos la brel cing mi khom pa ltar tha snyad thogs shig /mdzod srung
365a4 gis bram ze las lung thob nas mdzod sgo bcad de don gnyer du song ngo / /de nas slong ba dag sbyin pa chen po'i thad du lhags nas bar 'ga' ni/ mdzod srung mi rnyed de
365a5 mdzod sgo mi phyed/ gal te mdzod srung 'ongs na yang yid bzhin du mi ster bas sbyin pa chen pos 'di snyam du bsams so/ /'di ltar gyur pa 'di ni/ mdzod srung gis
365a6 thugs mi thub pas pha'i man ngag 'ongs kyi/ yong yang bus pha'i bang mdzod stongs par bya bar mi rigs kyi/ bdag gis da thabs ci zhig byas na/ rin po che yid bzhin
365a7 du rnyed de skye bo mang po la phan thogs par 'gyur ba bsams nas mi dag la 'di skad ces dris so/ /'jig rten na las ci zhig byas na/ rin po che yid bzhin du rnyed
365b1 de nor dbyig mang du rnyed cing zad mi shes par 'gyur zhes dris pa dang / kha cig ni/ zhing mang du rmos na nor dbyig mang por 'gyur ro/ /zhes zer ro/ kha cig ni/ rkang 'gro spel
365b2 te spogs byas na nor mang du rnyed do/ /zhes zer ro/ kha cig ni/ lam ring por tshong spogs byas na nor mang du rnyed do/ /zhes zer ro/ kha cig ni/ rgya mtshor zhugs te nor bu
365b3 rin po che blangs na rin po che mang du 'gyur ro/ /zhes zer ro/ /sbyin pa chen pos de dag gis smras pa thos nas zhing rmo ba dang / rkang 'gro spel ba dang / lam ring por tshong
365b4 la 'gro ba ni/ nga'i cha ma yin gyi/ rgya mtshor 'jug pa 'ba' zhig nga'i cha'o/ /zhes smras nas rgya mtshor 'jug go snyam bsams te pha ma la 'di skad ces smras so/ /bdag ni/ rgya
365b5 mtsho nas rin po che mang po blangs te dbul phongs pa la sbyin pa yid bzhin du bgyi'o/ /bdag rgya mtshor rin po che len du mchir gnong zhig ces smras so/ /de'i pha mas de skad
365b6 ces smras pa thos nas 'khams te bu la 'di skad ces smras so/ /'jig rten na dbul 'phongs pa dag ni/ blo med de/ lus dang srog dang bsngos nas 'gro bar byed do/ /khyod cis
365b7 phongs nas de lta bur sems/ khyod sbyin pa byed 'dod na/ khyim na yod pa'i nor thams cad sbyin par byos shig /rgya mtshor ni/ 'gror mi rung ste/ rgya mtsho'i nang na chu rlabs
366a1 dang / dba' klong 'khyil ba dang / chu srin dang / klu gdug pa dang / srin mo dang / ri chu'i mdog can la sogs te shin tu yang ba'i bgegs
366a2 mang du yod pas thar par dka' na/ khyod cis phongs nas srog dang bsngo bar byed/ 'di la ni/ nyan pa med kyi/ ma sems par 'dug cig ces bsgo'o/ /sbyin pa chen pos de skad
366a3 ces bsgo ba thos nas bsam pa bzhin du ma grub pas yi dam bcas te/ bsam pa 'di ma grub kyi bar du pha ma'i mdun du sa la khas bub tu nyal te mi ldang ngo snyam bsams
366a4 nas yab yum gyis mkhyen par mdzod cig /bdag ni/ bsam pa bzhin du ma grub kyi bar du khas bub tu nyal ba 'di las mi ldang ngo / /zhes smras so/ /de nas pha ma mi dga' ste
366a5 gnyen bshes dang bgros nas rgya mtsho'i nang du bgegs yang ba mang du yod pa'i gtam yang byas/ bdag kyang rmongs pa las lo bcu gnyis kyi bar du lha kun la mchod de
366a6 khyod lta zhig nga'i bur skyes na/ nged ma dor bar zan zo zhig ces zhag gcig zhag gnyis nas zhag drug gi bar du tshig rnam pa sna tshogs kyis gros btab kyang ma nyan te/ sngar
366a7 ji skad da smras pa las ma ldog go /pha ma skrag nas yang 'di skad ces smras so/ /bdag gi bu 'di thog ma nas da tsam gyi bar du bya ba brtsams pa mthar ma grub kyi bar du mi
366b1 gtong bas/ rgya mtshor btang na brgya la phyir ldog kyang srid kyi/ ma btang na zhag bdun lon na 'phral du bye brag 'bye ste/ da ni/ gtang dgos so snyam bgros nas bu'i drung du song ste lag
366b2 pa nas bzung nas bu longs la zan zo zhig /yid bzhin du 'gro bar gnang ngo / /zhes smras pa dang / sbyin pa chen po yang langs te bza' ba zos/ btang ba 'thungs so/ /de nas phyi
366b3 rol tu byung ste mi mang po la kho bo rgya mtshor rin po che len du 'gro'o/ /khyed su 'gror dga' ba rnams dang 'grogs te 'dong gi/ de dad pon yang kho bos bya la yo byed kyang kho bos sbyar
366b4 ro| |zhes bsgrags so/ /de'i tshe mi lnga brgya tsam yang 'gro bar khas blangs nas so so nas yo byad sbyar te nam 'gro ba'i dus kyang byas nas dus bzhin du lam du zhugs te chos so/ /
366b5 lam du 'jug pa'i tshe khye'u'i pha ma dang / rgyal po dang / rgyal bu dang / blon po la sogs te yul mi thams cad kyis kyang bskyal nas rdzongs bstabs so/ /pha mas kyang ngus te phyi phyag byas
366b6 nas zhag du ma'i lam 'das pa dang / 'brog stong du phyin te nub mo dgong ma la du mi rgod kyis bcom nas nor rdzas kun 'phrog go /de nas song song ba la grong khyer shu pa ra zhes
366b7 bya bar phyin nas grong khyer de na bram ze ka pi li zhes bya ba dang phrad de/ bram ze de'i khyim du song nas bram ze de las sbyin pa chen pos gser srang sum stong bslang bar byas so/ /
367a1 de'i tshe na bram ze de la bu mo gser gyi mdog can/ skra mthon mthing khar 'dug pa/ rgyal phran brgyad khri bzhi stong snyed kyi rgyal bu thams cad kyis
367a2 bslangs na yang ma ster ba zhig yod de/ de'i tshe na sbyin pa chen po bram ze de'i sgor song ste bram ze ka pi li 'dug gam zhes dris pa'i tshe bu mos khyim gyi nang nas sbyin pa chen po'i
367a3 skad thos pa tsam gyis sgo phyi na skad grag pa 'di kho mo'i khyim thab yin no/ /zhes pha ma la smras so/ /de nas bram ze sgor byung nas phrad pa dang / khye'u de la 'di ni/ nges par gzhan
367a4 bas 'phags so snyam bsams so/ /khye'u des gser bslangs pa dang / bram zes kyang sbyin par gnang nas lag pa ya gcig tu ni/ gser thogs/ lag pa ya gcig gis bu mo
367a5 khrid de| bu mo 'di yang khyod kyi chung mar sbyin gyi/ longs shig ces smras pa dang / sbyin pa chen pos smras pa/ bdag ni/ rgya mtsho chen por rin po che len du 'gro ste/ rgya
367a6 mtsho'i nang na bgegs shin tu mang bas kho bo 'khor tam mi 'khor gyi gtol med de/ khyod kyi bu mo chung mar len pa'i thugs mi thub bo/ /bram zes smras pa/ khyod bde
367a7 bar 'khor na bu mo 'di chung mar longs shig ces smras pa dang / sbyin pa chen pos kyang phyir 'khor na de bzhin du bya'o/ /zhes smras so/ /de nas bram zes kyang gser srang sum
367b1 stong dang / gzhan yang yo byad ci dgos pa kun sbyar te/ de nas chas pas rgya mtsho'i ngogs su phyin to/ /de nas gru bcos te gru'i nang du zhugs nas de nas thag pa bdun gyis
367b2 brtod de gru'i nang nas 'di skad ces smras so/ /rgya mtsho'i nang na bgegs 'di dag yod de/ 'di lta ste/ rlung nag po dang / srin po dang / chu'i dba' rlabs 'khyil pa dang / klu
367b3 gdug pa dang / chu'i mdog lta bu'i ri dang / chu srin la sogs pa'i bgegs yang ba mang du yod kyi/ khyed las 'gror mi dad pa zhig yod na 'di las phyir log cig/ /phyis
367b4 'gyod par gyur ta re/ gal te lus dang srog la mi lta ste/ pha ma dang / phu nu dang / bu dang / chung ma dang / gnyen bshes la mi chags na 'dong ngo / /gal te bde bar phyin na/
367b5 rin po che sna bdun gyis bu tsha rabs bdun tshun chad phyug par 'gyur te/ longs spyod zad mi shes par 'gyur ro/ /zhes smras nas thag pa gcig bcad do/ /de bzhin du nyi
367b6 ma bdun gyi bar du nyin re lan re de skad sgras nas rtod thag re re bcad de rlung dang sbyar te g.yor shing bsgreng bas mgyogs khyod mda' bzhin song ngo / /de nas tshong ba dag
367b7 dang rin po che'i gling du phyin nas sbyin pa chen po mang du thos pas rin po che brtag pa la yang shin tu mkhas te/ rin po che bzang ngan dang / lci yang dang / ji tsam ri ba'i rin thang
368a1 phan tshun tshong pa rnams la bstan nas rin po che kha ngog 'di lta bu ni/ yang mod kyi/ rin che'o/ /rin po che 'di dag ni/ lci yang rin chung gi /ma
368a2 len cig /ha cang yang mang ches na gru lci bas 'bying ngo / /ha cang nyung ches na yang nyon mongs te song song ba'i don med pas/ 'di tsam zhig ni/ ran no/ /zhes bya ba la sogs
368a3 pa'i tshod kyang bstan nas rin po che grur brdzangs te ci la yang ma rag nas da phyir 'dong ngo / /zhes chas pa dang / sbyin pa chen po gru'i nang du 'ong du ma btub nas tshong pa rnams
368a4 la kho bo ni/ klu'i rgyal po'i pho brang nas yid bzhin gyi nor bu rin po che ma thob kyi bar du mi ldog go /zhes smras so/ /de nas tshong pa rnams kyis dus te mya ngan gyis yi mug
368a5 nas 'di skad ces smras so/ /bdag cag tshong pa 'di rnams ni/ skyes bu ded dpon khyod kyi g.yog tu 'ongs te/ da khyod kyis 'dir dor to mi 'gro na bdag cag kyang phyir khyim
368a6 du mi phyin te/ thams cad 'khyams par 'gyur ro/ /sbyin pa chen pos smras pa/ tshong pa khyed cag mi nyes par yul du phyin par kho bos kyang smon lam gdab bo/ /zhes bog
368a7 por lag tu blangs te phyogs bzhir mchod nas 'di skad ces smras so/ /bdag ni/ rin po che blangs te sems can phongs pa la spyin par ma zad kyi/ de ltar sbyin pa byed
368b1 pa'i bsod nams des sangs rgyas su 'grub pa'i phyir ro/ /bdag gis smras pa 'di bden te smon lam bzhin du 'grub na/ tshong pa 'di dag rin po che dang bcas pa nye zhe med par
368b2 'dzam bu'i gling du bde bar phyin par shog cig ces smon lam btab nas thag pa bcad de g.yor shing bsgrengs nas phyir 'dzam bu'i gling du bde bar dong ngo / /de dag song ba'i
368b3 'og tu sbyin pa chen po chur zhugs te song ba las zhag bdun gyi bar du ni/ pus mo tsam las ma nub bo/ /de nas yang zhag bdun gyi bar du ni/ brla drung tsam las ma nub
368b4 bo/ |de nas yang zhag bdun song ba las rked pa tsam las ma nub bo/ /zhag bdun lon gyi bar du ni/ phrag pa tsam du phyin to/ /de nas zhag bdun gyi bar du ni/ rkyal lo/ /de nas
368b5 ri zhig gi drung du phyin pa dang shing la 'jus te ri la 'dzegs nas zhag bdun gyis rtse mor phyin to/ /ri rtser zhag bdun song song nas yang zhag bdun gyis shod du chu 'gram du
368b6 phyin to| |chu 'gram du phyin pa dang chu'i nang na pad+ma gser gyi mdog can yod pa la sbrul gdug pas pad+ma'i rtsa ba la dkris shing 'dug pa mthong ngo / /de nas byang chub sems dpa'
368b7 skyil mo krung bcas te 'dug nas sems rtse gcig tu byams pa'i ting nge 'dzin la zhugs te/ sbrul gdug pa 'di dag kyang sngon zhe sdang dang / phrag dog byas pa'i rkyen gyis 'di lta
369a1 bu'i lus mi sdug pa myong ngo snyam lhag par de la snying brtse ba'i sems skyes pas sbrul gdug pa de'i gdug pa kun zhi nas byang chub sems dpa' pad+ma
369a2 de'i steng nas gom pa dor te song song ba las zhag bdun gyis sprul gdug pa de dag las brtol to/ /de nas yang song song ba las srin po dang phrad nas srin po de dag mi'i dri tshor
369a3 bas kun tu tshol lo/ /de nas byang chub sems dpa' sems rtse gcig tu byams pa'i sems kyis brtags pas srin po de dag 'jam pa'i tshig gis skyes bu khyod gang nas 'ongs/
369a4 gang du 'gro zhes dris so/ /de la sbyin pa chen pos kho bo ni/ yid bzhin gyi nor bu rin po che tshol du 'ongs so/ /zhes smras so/ /de nas srin po de dag rab tu dga' ste/ 'di ni/
369a5 bsod nams chen po dang ldan pa zhig snyam bsams nas 'di ni/ da dung klu'i pho brang las shin tu ring ste nam yang mi phyin pas nyon mongs par 'gyur gyi/ mthu zhig bstangs
369a6 te bskyal lo snyam nas nam mkha' la khyer te dpag tshad bzhi brgya'i pha rol tu phyin nas phyir yang sa la bzhag go /sbyin pa chen po de nas yang song song ba las ring po ma lon
369a7 par dngul gyi mkhar zhig mthong nas klu'i gnas yin no snyam bsams te nye bar song ngo / /mkhar de'i phyi rol 'obs rim pa bdun gyis bskor te 'obs kyi nang na sbrul
369b1 gdug pa 'jigs su rung bas gang ngo / /sbyin pa chen pos de dag mthong nas sbrul gdug pa 'di dag ni/ sngon zhe sdang che ba'i lan gyis 'di lta bu'i lus 'jigs su rung ba
369b2 myong bar gyur to snyam ste/ de la bu gcig pa dang 'dra bar byams shing snying rje ba'i sems skyes te/ de ltar byams pa'i sems bskyed pas sprul gyi gdug pa yang zhi bar gyur
369b3 nas sprul de dag brdzis te klu'i mkhar du song ngo / /mkhar de la klu gnyis kyis dkris te klu'i mgo mkhar sgo la bstan to/ /klu de gnyis kyis sbyin pa chen po mthong nas mgo bteg
369b4 ste gdug pa 'byin pa las sbyin pa chen po byams pa'i sems bskyed pas/ gdug pa yang zhi nas mgo smad de nyal lo/ /sbyin pa chen pos klu'i mgo la brdzis nas mkhar gyi
369b5 nang du song ba dang / mkhar gyi nang na klu zhig rin po che sna bdun gyi gzhal med khang na 'dug pa mthong ngo / /klu'i rgyal po des byang chub sems dpa' mthong ba dang sdangs te
369b6 'di snyam du bsams so/ /nga'i gnas 'di 'obs rim pa bdun gyis bskor te 'obs kyi nang na sbrul gdug pas gang bas/ klu dang / gnod sbyin ma yin pa gzhan gang
369b7 yang 'dir 'ong ba'i thugs mi thub na/ 'di lta bu su zhig yin snyam ste 'dug pa las langs nas bsu ste bsti stang dang bcas pas phyag byas nas rin po che'i khri la bzhag ste
370a1 kha zas rnam pa sna tshogs byin no/ /kha zas zos nas khyod 'dir ci la 'ongs/ ji ltar phyin ces dris so/ /byang chub sems dpas smras pa/
370a2 'dzam bu'i gling gi mi dag ni/ dbul phongs pas nor dang gos dang zas kyi phyir gcig la gcig rnam pa sna tshogs kyis 'tshe zhing gnod pa byed de/ tshe 'phos ma thag
370a3 tu ngan song gsum du ltung ngo / /bdag ni/ de dag la snying brtse ste de dag gi mgon bya ba'i phyir lam ring po nas nyon mongs pa dang bsngos te rgyal po chen po khyod la nor
370a4 bu rin po che slong du 'ongs so/ /yid bzhin gyi nor bu rin po ches sems can la phan gdags pa'i bsod nams kyis mngon par 'tshang rgya bar 'tshal gyi/ bdag
370a5 gis yid dang mi 'gal bar rin po che stsal bar gsol/ /klu'i rgyal pos smras pa/ yid bzhin gyi nor bu rin po che ni/ shin tu yang rnyed dka' ba yin te/ khyod don
370a6 'di'i phyir 'ongs na 'dir zla ba gcig cig 'dug ste/ bdag gis mchod pa cung zad bzhes la bdag cag la chos kyang bstan na/ yid bzhin gyi nor bu rin po che
370a7 yang sbyin no/ /zhes byas pa dang / byang chub sems dpas kyang de bzhin du bya'o/ /zhes smras so/ /de nas klu'i rgyal pos nyin gcig bzhin du kha zas ro brgya dang
370b1 ldan pa rnam pa sna tshogs sbyar te phul nas rol mos byang chub sems dpa' la mchod do/ /byang chub sems dpas kyang de la dran pa nye bar gzhag pa'i chos kyi yan lag
370b2 zla ba gcig gi bar tu bstan nas phyir 'gro'o/ /zhes byas pa dang / klu'i rgyal po dga' nas spyi bo'i gtsug phud las yid bzhin gyi nor bu rin po che bkrol te phul lo/ /skyes
370b3 bu chen po 'gro ba la phan pa'i don du yi dam la shin tu brtan pa khyod gdon mi za bar 'tshang rgya'o/ /nam mngon par sangs rgyas pa na bdag kyang khyod kyi nye gnas mchog tu
370b4 gyur cig ces smras so/ /de nas klu'i rgyal po la nor bu rin po che 'di la mthu stobs ci yod ces dris na/ smras pa/ nor bu 'di ni/ dpag tshad nyis stong khor khor yug tu
370b5 dgos pa thams cad char bzhin du 'bebs nus so/ /byang chub sems dpas bsam pa/ nor bu rin po che 'di mthu stobs che mod kyi/ 'on kyang bdag gis bsam pa'i don
370b6 chen po sgrub nus pa ma yin no bsams nas klu'i rgyal po 'khor dang bcas pas bskyal te song ngo / /de nas yang song song ba las rgyang ma nas bai DUR+ya sngon po'i mkhar zhig
370b7 mthong ngo / /mkhar de 'dod pas song ba dang mkhar de'i drung du phyin pa dang / mkhar de yang 'obs rim pa bdun gyis bskor te 'obs kyi nang na sbrul gdug pas yongs su
371a1 gang ngo / /byang chub sems dpas sbrul gdug pa de dag la snying brtse zhing byams pa'i sems bskyed pas sbrul gyi gdug pa zhi nas sbrul de dag la brdzis
371a2 pa song ngo / /mkhar sgor phyin pa dang klu gnyis shig mkhar sgo na nyal ba yang byang chub sems dpa' snying brtse zhing byams pa'i sems kyis klu'i gdug pa zhi nas mgo la
371a3 brdzis te mkhar gyi nang du song ngo / /de'i tshe mkhar de na klu'i rgyal po zhig rin po che sna bdun gyi gzhal med khang na 'dug pas rgyang ma nas byang chub sems dpa' mthong nas
371a4 'di snyam du bdag gi gnas 'di la 'obs rim pa bdun gyis bskor te/ 'obs kyi nang na sbrul gdug pas gang bas klu dang gnod sbyin ma yin pa gzhan su yang 'ong ba'i thugs
371a5 mi thub na/ mi 'di lta bu su yin/ gang nas 'ongs snyam ste ya mtshan du gyur nas bsu ste bsti stang dang bcas pas phyag byas nas rin po che'i gdan la bzhag go /de nas kha
371a6 zas ro brgya dang ldan pa rnam pa sna tshogs sbyar te phul nas byang chub sems dpas kha zas zos pa'i 'og tu khyod 'dir ci las 'ongs/ don ci yod ces dris so/ /byang chub
371a7 sems dpas smras pa/ bdag ni/ rgyal po khyod la yid bzhin gyi nor bu rin po che slong du 'ongs so/ /klus smras pa/ rin po che ni/ shin tu yang rnyed par dka' ste/
371b1 khyod 'dod pa yang dag na/ kho bos gsol ba bzhin du zla ba gnyis shig 'dir 'dug ste/ bdag cag la byang chub sems dpa'i spyod pa bstan pas bdag cag gi mchod pa bzhes
371b2 na| nor bu rin po che yang sbyin no/ /zhes byas pa dang / sbyin pa chen pos kyang de bzhin du bya'o/ /zhes smras so/ /de nas klu'i rgyal pos zla ba gnyis kyi bar du kha zas ro brgya dang
371b3 ldan pa rnam pa sna tshogs sbyar te phul nas rol mo sna tshogs kyis mchod de byang chub sems dpas kyang de dag la rdzu 'phrul gyi rkang pa bzhi'i chos kyi rnam grangs zla ba gnyis kyi
371b4 bar du bstan te phyir 'gro bar bsams nas klu'i rgyal pos kyang yid bzhin gyi nor bu rin po che bkrol te phul nas skyes bu chen po yi dam la shin tu brtan pa khyod gdon mi
371b5 za bar 'tshang rgya'o/ /nam mngon par sangs rgyas pa na bdag kyang khyod kyi nye gnas bgyi'o/ /zhes smras pa dang / de bzhin du gyur cig ces smras so/ /nor bu rin po che 'di la
371b6 mthu stobs ci yod ces dris na/ nor bu 'di ni/ dpag tshad bzhi stong kho ra khor yug tu ci 'dod pa thams cad char bzhin du 'bebs so/ /zhes smras so/ /byang chub sems
371b7 dpa' yang 'di snyam du rin po che 'di mthu stobs che mod kyi/ bdag gi bsam pa sgrub nus pa ma yin no/ /snyam nas klu'i rgyal pos mkhar gyi sgo'i phyi rol tu byang chub sems
372a1 dpa' bskyal to/ /de nas yang song song ba las rgyang ma nas gser gyi mkhar rab tu 'tsher ba zhig mthong nas byang chub sems dpa' de'i drung du
372a2 song nas phyin pa dang / mkhar de yang 'obs rim pa bdun gyis bskor te/ 'obs kyi nang na sbrul gdug pas yongs su gang ba mthong ngo / /byang chub sems dpa' yang
372a3 byams pa'i sems bskyed pas sbrul gyi gdug pa zhi nas de la brdzis te song ngo / /mkhar de la'ang klu gnyis shig 'khyil te mgo sgo'i phyi rol tu bstan nas nyal ba/ byang chub
372a4 sems dpa' mthong nas mgo bteg ste gdug pa 'byin pa las byang chub sems dpas snying brtse zhing byams pa'i sems bskyed pas gdug pa zhi nas de'i mgo la brdzis
372a5 te mkhar gyi nang du song ngo / /mkhar de'i nang na klu'i rgyal pos rin po che'i gzhal med khang nas byang chub sems dpa' rgyang ma nas mthong ste 'di snyam du bdag gi gnas
372a6 'di ni| 'obs rim pa bdun gyis bskor te/ 'obs kyi nang na sbrul gdug pas gang bas klu dang gnod sbyin ma gtogs par gzhan gang yang 'ong ba'i thugs mi thub
372a7 na| mi 'di su yin/ gang nas 'ongs snyam ngo mtshar du bzung ste rgyang ma nas bsu nas bsti stang dang bcas pas phyag 'tshal te rin po che'i gdan la 'dug tu bcug
372b1 go /de nas kha zas ro brgya dang ldan pa rnam pa sna tshogs sbyar te phul nas kha zas zos pa'i 'og tu khyod su zhig /gang nas 'ongs zhes dris so/ /de la byang chub sems dpas bdag
372b2 ni| 'dzam bu'i gling nas mchis te/ 'dzam bu'i gling gi sems can dag bsod nams chung bas/ nor dang zas dang skom gyi phyir gcig la gcig rnam pa sna tshogs pas
372b3 'tsho zhing gsod de/ mi dge ba bcu'i las rdzogs par byed pas tshe 'phos ma thag tu ngan song gsum du ltung zhing sdug bsngal mang po myong bar 'gyur bas/ bdag ni/ de dag
372b4 la snying brtse ste mgon bya ba'i phyir rgyal po chen po khyod la yid bzhin gyi nor bu rin po che slong du 'ongs so/ /klu'i rgyal pos smras pa/ yid bzhin gyi nor bu rin po che ni/ rnyed
372b5 par sla ba ma yin te/ skyes bu khyod bdag la re ste 'ongs na/ bdag gi gnas 'dir zla ba bzhi zhig 'dug ste bdag cag gi mchod pa bzhes na/ nor bu rin po che yang
372b6 dbul lo/ /zhes byas pa dang / byang chub sems dpas kyang de bzhin du bgyi'o/ /zhes smras nas/ klu'i rgyal pos zla ba bzhi'i bar du kha zas ro brgya dang ldan pa rnam pa
372b7 sna tshogs sbyar te phul nas rol mo mang pos kyang mchod do/ /de la byang chub sems dpas chos kyi rnam grangs rgya cher phye zhing bstan pas klu'i rgyal po rab tu dga' ste klu
373a1 gzhan dang / gnod sbyin gzhan la mi ltos par yo byad thams cad kyang yid bzhin du sbyar to/ /de lta bu'i tshul du zla ba bzhi byas nas byang chub
373a2 sems dpa' 'gro bar chas pa dang / klu'i rgyal pos gtsug phud nas yid bzhin gyi nor bu rin po che bkrol te byang chub sems dpa' la phul nas skyes bu chen po yi dam la
373a3 brtan pa khyod gdon mi za bar 'tshang rgya'o/ /nam mngon par sangs rgyas pa na bdag kyang nye gnas mchog tu gyur te bsnyen bkur byed par shog cig ces smon lam btab bo/ /
373a4 byang chub sems dpas kyang de bzhin du gyur cig ces smras nas nor bu rin po che 'di la mthu stobs ji tsam zhig yod ces dris so/ /klu'i rgyal pos smras pa/ nor bu rin po che
373a5 'di ni| dpag tshad brgyad stong khor khor yug tu rin po che char bzhin du 'bebs te/ ci 'dod pa thams cad 'bebs so/ /zhes smras pa dang / byang chub sems dpa'
373a6 gdod dga' nas 'di snyam du 'dzam bu gling gi sa khyon ni/ dpag tshad bdun stong las med de/ nor bu rin po che 'dis ni/ bdag gi re ba skong ngo snyam bsams nas snga
373a7 phyir rnyed pa'i rin po che gsum char gos kyi mtha' mar phur te mkhar gyi sgor byung ba dang / klu'i rgyal po 'khor dang bcas pas bskyal nas so sor dong ngo / /byang chub
373b1 sems dpas pha zad cig tu phyin nas nor bu rin po che rnams lag tu thogs nas 'di skad ces smon lam btab bo/ /nor bu 'di yid bzhin gyi nor bu rin po che yin yang dag
373b2 na| bdag nam mkha' la 'phur bar gyur cig ces smras so/ /de skad ces smras ma thag tu nam mkha' la 'phur te rgya mtsho'i bgegs las thar nas rgya mtsho'i ngogs su phyin
373b3 par gyur te/ de na cung zad bsti zhing ngal sos pa'i mal du gnyid kyis log pa dang / de'i tshe rgya mtsho'i klu bran rnams 'di skad ces bgros so/ /rgya mtsho 'di na nor bu rin po che
373b4 'di gsum las med de/ gsum char mi 'dis khyer gyi/ nor bu 'di ni/ yon tan dang ldan pas bdag cag la yang dgos kyi phyir brku'o/ /zhes bgros nas byang chub sems
373b5 dpa' gnyid kyis log pa'i tshe yid bzhin gyi nor bu rin po che klu rnams kyis phyir brkus so/ /byang chub sems dpa' sad nas bltas na/ nor bu rin po che med pas 'di snyam
373b6 du bsams so/ /'ad ni/ gdon mi za bar rgya mtsho'i klus brkus kyi/ bdag gis mthu ci yod pas rgya mtsho'i chu bcus te bskam par bya'o snyam bsams te nor bu phyir ma
373b7 thob kyi bar du lag pa stong par phyir mi 'gro'o snyam yi dam bcas nas rgya mtsho'i ngogs su song ste rus sbal gyi khog pa zhig blangs nas lag pa gnyis kyis rgya mtsho'i chu bcus
374a1 so| |de'i tshe na rgya mtsho'i lhas de'i bsam pa shes nas de la 'di skad ces smras so/ /rgya mtsho 'di ni/ gting zab cing yangs te/ dpag tshad stong
374a2 phrag sum brgya sum cu yod pa/ gal te 'dzam bu'i gling gi mi thams cad log kyang rgya mtsho skam par byed mi nus na/ khyod gcig pus nus pa lta ci smos te/ don med do/ /
374a3 byang chub sems dpas smras pa/ mi gcig gi snying nas las byas na/ ci yang mi 'grub pa med de/ bdag gi rin po che rnyed pa des 'gro ba thams cad la phan pa dang / bde
374a4 ba bya bar bsams te/ de'i bsod nams kyis mngon par 'tshang rgya bar 'gyur te/ de la sems ma zhum na/ ci'i phyir rgya mtsho 'di skam par mi nus zhes smras so/ /de'i
374a5 tshe na lha khyab 'jug la sogs pas rgyang ma nas byang chub sems dpa' gcig pu lus yid mthun par rgya mtsho'i chu bcus te 'gro ba mang pos don du dka' ba byed pa mthong
374a6 nas de dag kyang byang chub sems dpa' la bstang ngo snyam bsams te gcig nas gcig tu sbran nas thams cad byang chub sems dpa'i drung du lhags te/ byang chub sems
374a7 dpa' snod kyis chu 'chu ba mthong nas lha de dag thams cad so so'i gos phud de chur smyugs nas lan gcig smyugs te phyir phyung bas/ rgya mtsho'i chu dpag tshad bzhi bcu
374b1 bri'o| |yang lan gnyis smyugs pas dpag tshad brgyad cu bri'o/ /lan gsum smyugs pas dpag tshad brgya nyi shu bri nas klu de dag 'jigs skrag ste/ byang chub sems dpa'i drung
374b2 du lhags nas 'di skad du thong zhig /rgya mtsho'i chu skam par ma byed cig ces smras pa dang / byang chub sems dpas btang ngo / /de nas klu rnams kyis byang chub sems dpa'
374b3 la khyod kyi nor bu rin po che 'di ci zhig tu dgos/ smras pa/ sems can la phan pa'i don du dgos so/ /glus smras pa/ sems can la phan pa'i don du dgos na/ rgya mtsho'i
374b4 nang na yang sems can mang du yod na/ ci'i phyir bskur zhes smras so/ /smras pa/ rgya mtsho'i nang na gnas pa yang sems can yin mod kyi/ de la phongs pa'i sdug bsngal
374b5 med do| |'dzam bu gling gi sems can dag ni/ nor gyi phyir gcig gis gcig la rnam par 'tshe zhing gnod pa byed de/ mi dge ba bcu rdzogs par byed pas tshe 'phos nas
374b6 kun sems can dmyal bar skye ste/ bdag ni/ de dag la snying brtse ba'i phyir rin po che 'di dgos so/ /zhes smras pa dang / klu rnams kyis nor bu rin po che phyung ste slar phul
374b7 lo| |rgya mtsho'i lhas byang chub sems dpa' do ltar brtson 'grus la brtan pa mthong nas 'di ni/ gdon mi za bar 'tshang rgya'o snyam sems te/ nam mngon par sangs rgyas
375a1 pa na bdag kyang nye gnas kyi mchog tu gyur cig ces smon lam btab bo/ /de nas byang chub sems dpas rin po che phyir thob nas steng gi nam
375a2 mkha' la 'phur te gnas su 'ongs nas sngar gyi tshong pa grogs po rnams yod dam/ bde bar phyin tam zhes dris so/ /tshong pa grogs po dag bde bar phyin nas de
375a3 dag gcig la gcig dga' nas grogs po rnams kyis ngo mtshar ya mtshan du bzung ngo / /de nas bram ze ka pi li'i sgor song nas byang chub sems dpa' rgya mtsho nas
375a4 phyir log go /zhes thos nas thams cad kyis sgor bsu ste rab tu dga' nas tshong ba grogs po rnams dang bcas pa la dga' ston chen po byas so/ /de'i tshe byang chub
375a5 sems dpas rin po che thogs te khyim du 'ongs pa dang / bram ze de'i bang mdzod thams cad yongs su gang bar gyur to/ /de nas bram ze ka pi lis rin po che sna tshogs
375a6 kyis bu mo brgyan nas rin po che'i chu snod bskur te byang chub sems dpa'i lus dang rkang lag bkrus nas bu mo'i lag pa nas bzung ste byang chub sems dpa' la
375a7 gtad| byang chub sems dpas kyang bzhes nas bram ze rab tu dga' ste bu mo'i g.yog tu bu mo lnga brgya dang / glang po che lnga brgya yang rin po ches brgyan te rol mo
375b1 byas nas byang chub sems dpa' la brdzangs so/ /de'i tshe na sbyin pa chen po'i pha ma bu dang dral ba'i 'og tu rtag tu dus pas/ pha ma gnyis ka'i mig ldongs par gyur te/
375b2 bu rgya mtsho nas log pa dang pha ma phrad nas bus pha ma la phyag 'tshal te lag pa nas 'jus te bu yin par rtogs so/ /sbyin pa chen po/ khyod kyis nged por te song ba'i
375b3 'og tu mig kyang ldongs so/ /khyod rgya mtshor song song nas ci rnyed ces dris pa dang / sbyin pa chen pos nor bu rin po che pa'i lag tu byin te/ bdag gis 'di rnyed do/ /
375b4 zhes smras nas phas lag tu blangs te bsnams nas 'di lta bu'i rdo ba ni/ nga'i mdzod na sngon yang mang du yod na/ 'di ltar nyon mongs pa dang bsdo ci dgos zhes smras
375b5 so| |de nas byang chub sems dpas nor bu phyir blangs te pha ma'i mig phyis pa tsam gyis ji ltar rlung drag pos sprin bus pa bzhin du pha ma gnyis kyi mig kyang sngar bas
375b6 gsal bar mthong bar gyur to/ /de nas pha ma gnyis dga' ste/ 'di ni/ nor bu rin po che yin yang dag pa lta ste/ nyon mongs pa'i don yod par gyur to zhes smras
375b7 so| |de nas yang sbyin pa chen pos rin po che thogs te/ khyod yid bzhin gyi nor bu rin po che yin yang dag na/ kho bo'i pha ma'i 'og tu rin po che sna bdun gyi gdan 'byung
376a1 zhing / rin po che'i bla res steng khebs par shog cig ces smon lam btab ma thag tu de bzhin du grub nas rgyal po'i bang mdzod thams cad kyang
376a2 gang bar gyur to/ /de nas rgyal pos pho nya zhig glang po che dpag tshad brgya stong du 'gro ba zhig la bskyon te/ 'dzam bu'i gling gi mi thams cad la sbyin pa chen pos rgya mtsho
376a3 nas yid bzhin gyi nor bu rin po che rnyed de/ nor bu yon tan can des da ste zhag bdun na rin po che la sogs pa gos dang / zas dang / dgos pa'i yon tan thams
376a4 cad char bzhin du 'bebs kyi/ so so nas ci bder longs shig ces bsgrags so/ /de ltar kun du bsgrags nas sbyin pa chen po khrus byas te gos gsar pa bgos
376a5 nas ga la'i thung bu mnyam por rgyal mtshan btsugs te yid bzhin gyi nor bu rin po che rgyal mtshan gyi rtse mo la btags nas bog phor lag tu blangs nas 'di skad ces
376a6 smon lam btab bo/ /'dzam bu gling gi mi dag ni/ dbul phongs pa sha stag ste/ de dag la phan gdags dgos kyi/ yid bzhin gyi nor bu rin po che yin te mi rdzun na/
376a7 so so nas ci dang ci dgos pa de dang de dag thams cad yid bzhin du char ltar phob cig ces smras ma thag tu phyogs bzhi nas rlung nag po g.yos nas de ma thag tu mi
376b1 gtsang ba'i nyal nyil thams cad phyags te char zim bu mi drag pa zhig bab nas rdul mi 'thul bar byas pa'i 'og tu thog mar bza' ba dang / btung ba ro brgya dang ldan pa rnam pa sna
376b2 tshogs char bzhin du bab bo/ /de nas 'bru rnams char bzhin du bab bo/ /de nas gos char bzhin du bab bo/ /de nas rin po che char bzhin du bab ste/ 'dzam bu'i gling ni/ rin po
376b3 che'i phung pos yongs su gang nas rin po che dag sog ma'am/ gyo mo lta bur byas te byang chub sems dpas de ltar kun chog par byas nas 'dzam bu'i gling gi mi rnams la 'di skad
376b4 zhes bsgo'o/ /'dzam bu'i gling gi sems can dag ni/ gos dang / zas dang / nor gyi phyir gcig la gcig gsod cing rnam pa sna tshogs kyis gtses pas sdig pa mi dge ba'i
376b5 chos 'ba' zhig byed de/ tshe'i dus byas nas ngan song gsum du lhung ste mun pa nas mun par 'gro bas bdag ni/ de dag la snying brtse ba'i phyir rgya mtsho'i bgegs dang / nyon mongs
376b6 pa mang du khyed du bsad de/ khyed rnams bde bar bya ba'i phyir rgya mtsho nas nor bu rin po che dag blangs nas da khyed kun cis kyang mi brel te bde bar gyur gyi/ khyed rnams dge ba
376b7 bcu'i las kyi lam la lus dang / ngag dang / yid bsdus te brtson par gyis shig ces thabs rnam pa sna tshogs kyi sgo nas bstan cing bskul to/ /de ltar bstan cing bskul te
377a1 dge ba bcu'i las kyi lam la nan tan byed du bcug pas/ 'dzam bu'i gling gi mi de dag tshe 'phos nas mtho ris gyi lhar skyes so/ /de'i tshe de'i dus
377a2 na de'i pha bram ze n+ya gro d+ha ni/ da ltar nga'i yab zas gtsang ma yin no/ /de'i mar gyur pa ni/ da ltar nga'i yum lha mdzes yin no/ /sbyin pa chen po ni/ nga nyid yin no/ /dngul gyi
377a3 mkhar na 'dug pa'i klu de ni/ shA ri'i bu yin no/ /bai DUR+ya'i mkhar na 'dug pa'i klu de ni/ mau gal yan yin no/ /gser gyi mkhar na 'dug pa'i klu de ni/ kun dga' bo
377a4 yin no| |rgya mtsho'i lha de ni/ ma 'gags pa yin no/ /kun dga' bo 'di klu'i rgyal po byed pa na yang nga la bsnyen bkur byas te dus la mkhas/ da ltar gyi bar du yang dus
377a5 la mkhas kyi/ 'dod pa gsum yang yid bzhin du gnang ngo / /zhes bka' stsal pa dang / kun dga' bo dga' mgu rangs nas pus mo'i lha ngas sa la btsugs te bdag gis
377a6 nam mtsho'i bar du de bzhin gshegs pa la bsnyen bkur bgyi'o/ /zhes gsol to/ /bcom ldan 'das kyis de skad ces bka' stsal nas 'khor mang po rnams la la ni/
377a7 rgyun du zhugs pa'i 'bras bu thob pa nas dgra bcom pa'i 'bras bu'i bar du thob po/ /la la ni/ rang sangs rgyas su gyur/ la la ni/ bla na med pa'i byang chub tu sems bskyed
377b1 do| |la la ni/ phyir mi ldog pa'i sa thob nas rjes su yi rang ste mngon par dga'o/ /sbyin pa chen po rgya mtshor zhugs pa'i le'u ste sum cu pa'o// //rgyal po me long
377b2 gdong gi le'u/ 'di skad bdag gis thos pa dus gcig na/ bcom ldan 'das rgyal po'i khab n+ya gro d+ha'i tshal na bzhugs so/ /de'i tshe bcom ldan 'das tshangs pa dang / brgya
377b3 byin la sogs pas bskor cing bzhugs pa las/ bcom ldan 'das kyi mtshon dang / dpe byad dang / gser gyi mdog lta bu'i sku la 'khor mang po thams cad ngo mtshar du
377b4 'dzin te bstod cing bsngags so/ /de ltar bcom ldan 'das 'khor mang po las 'phags te thams cad kyi mchog gtso bor gyur pas/ dge slong dag the tshom du gyur nas
377b5 bcom ldan 'das la zhus pa dang / bcom ldan 'das kyis bka' stsal pa/ da ltar 'di 'ba' zhig tu 'khor kun las 'phags te/ mchog gtso bor gyur pa ma yin gyi/ sngon
377b6 'das pa'i dus na yang 'di dag kun las 'phags te gtso bor gyur to/ /de nas dge slong dag gis sngon ji ltar gtso bor gyur pa bstan par gsol pa dang de la bcom
377b7 ldan 'das kyis 'di skad ces bka' stsal to/ /sngon 'das pa'i dus bskal pa grangs med/ dpag tu med/ bsam gyis mi khyab pa'i pha rol na 'dzam bu'i gling 'dir rgyal
378a1 po chen po rgyal phran brgyad khri bzhi stong la dbang byed pa zhig byung ste/ de la bu ni/ lnga brgya yod do/ /dus phyi zhig na btsun mo la bu zhig btsas te/ lus
378a2 gser gyi kha dog can skra mthon mthing lta bu lag mthil na 'khor lo rtsibs stong dang ldan pa'i mtshan yod pa/ rkang pa g.yon gyi mthil na rta'i ri mo yod pa/ rkang pa g.yas kyis
378a3 mthil na glang po che'i ri mo yod pa/ bsod nams dang mtshan du ldan pa zhig btsas te/ ming yang me long gdong zhes bya bar btags so/ /rgyal po chen po de nad kyis btab
378a4 ste tshe'i dus byed du nye ba na blon po rnams kyis sras 'di rnams kyi nang na rgyal tshab tu gang gzhug /rgyal po'i dbang gang la bskur zhes zhus pa dang / rgyal po des yon tan
378a5 dang mtshan rnam pa 'di bcu dang ldan na/ rgyal por chug la dbang skur cig ces bsgo'o/ /bcu gang zhe na/ 'di lta ste/ lhas kyi mdog gser lta bu la skra mthon mthing du
378a6 'dug pa dang / lag pa gnyis kyi mthil na 'khor lo'i mtshan yod pa dang / rkang pa g.yas kyi mthil na glang po che'i ri mo yod pa dang / rkang pa g.yon pa'i mthil na rta'i
378a7 ri mo yod pa dang / rgyal po'i gos gon na lus dang 'tsham zhing mi che mi chung ba dang / rgyal po'i stan la 'dug na gzi brjid dang mthur ldan pa dang / rgyal phran rnams
378b1 kyis bkur sti rim gro cher byed de/ btsun mo dang / pho brang slas rnams kyang de la dga' zhing phyag byed pa dang / lha rnams kyi rten du khrid na lha rnams kyis phyir phyag byed pa dang /
378b2 yon tan dang bsod nams kyi mthus rin po che sna bdun gyi char 'bebs shing thams cad kyi yid tshim par byed pa dang / btsun mo chen mo las btsas pa dang bcu ste/ yon tan
378b3 'di dag dang ldan na/ rgyal por dbang skur cig ces bsgos nas mi rtag pa mngon sum du gyur te tshe 'phos so/ /de nas rgyal bu dang blon po rnams 'dus te rgyal bu'i nor gi tshe ba
378b4 nas bsngar gyis yon tan bcu gang la yod pa brtags na/ rgyal bu gzhan thams cad ni/ lus gser lta bu'i mdog can ma yin/ skra mthon mthing du 'dug pa ma yin/ lag pa'i
378b5 mthil na 'khor lo'i mtshan yod pa ma yin/ rkang ba'i mthil na glang po che dang rta'i ri mo yod pa ma yin/ rgyal po'i gos dang 'tsham pa ma yin/ rgyal po'i gdan la bzhag na sdangs
378b6 pa ltar 'greng bar gyur/ rgyal phran dang blon po rnams bsti stang dang phyag mi byed de/ btsun mo dang pho brang slas rnams dga' ba dang phyag bya ba ma yin/ lha'i rten du khrid na lha
378b7 rnams kyis phyag bya ba ma yin/ rin po che'i char 'bebs par nus pa ma yin/ btsun mo chen mo'i sras kyang ma yin te/ rgyal bu lnga brgya las mtshan gcig tsam dang ldan pa
379a1 'ga' yang ma byung ste/ sras kyi nang gi tha chung 'ba' zhig lus gser gyi mdog can la/ skra mthon mthing gi mdog lta bu/ lag pa gnyis 'khor
379a2 lo'i mtshan dang yang ldan/ rkang pa'i mthil na glang po che dang rta'i ri mo yang yod/ gos dang lus su 'tsham/ rgyal po'i gdan la bzhag na gzi brjid dang byin che/ rgyal phran
379a3 thams cad kyis bsti stang dang bcas pas phyag byed cing / btsun mo dang slas rnams kyang dga' bas phyag byed/ lha'i rten du 'ongs na lha rnams phyag byed/ rin po che phob cig
379a4 ces smras ma thag tu char bzhin du 'bab/ btsun mo'i nang gi chen mo las btsas te/ mtshan rdzogs par ldan pas rgyal phran dang / blon po rnams kyis rgyal por dbang
379a5 bskur te/ tshes bco lnga'i nang bar nyi ma thog mar shar ba na gser gyi 'khor lo rtsibs stong dang ldan pa/ che khyad dpag tshad gcig pa/ shar phyogs nas 'ongs te de la
379a6 pus mo btsugs nas gal te bdag yon tan dang ldan te rgyal por 'gyur na/ 'khor lo 'di bdag gi drung du nye bar shog cig ces smras pa dang / nam mkha'i phyogs nas
379a7 nye bar 'ongs so/ /glang po rin po che ni/ ri spos kyi ngad can nas 'ongs te mjug ma la nor ? bus brgyan pa/ rgyal po de la zhon nas nam mkha' la 'phur te/ nyi ma phyed kyis g
379b1 ling bzhi nas 'khor to/ /gal te rkang pas 'gro na rkang pa'i rjes gar reg par gser gyi bye mar 'gyur ro/ /rta rin po che ni/ kha dog mthing ga la rnga rdog dmar ba/ rin po che sna bdun
379b2 'bab pa/ rgyal po de la zhon na/ zan gcig bza' ran tsam gyis gling bzhi nas 'khor te/ mi ngal mi dub bo/ /nor bu rin po che ni/ 'od zer nyin mtshan du gsal te/ rgyang
379b3 grags brgya nyi shu tshun chad 'od kyis snang bar byed la/ rin po che sna bdun char bzhin du 'bab cing thams cad la sbyin par byed do/ /bud med rin po che ni/ bzang ba/ mdzes pa/
379b4 rgyal po'i yid tshim par byed do/ /khyim bdag rin po che ni/ rgyal po'i rin po che sna bdun ci dgos pa yid bzhin du sbyar te/ zad mi shes par byed do/ /blon po rin po che ni/ rgyal po
379b5 la dpung rnam bzhi dgos na/ bltas pa tsam gyis dpung gi tshogs rnams 'dus te/ rtsal dang mthur ldan no/ /de ltar rin po che sna bdun dang ldan nas de 'di snyam du sems so/ /
379b6 thabs 'di lta bu thob pa yang sngon gyi bsod nams las skyes kyi/ rgyal po'i gdung rgyud mi 'chad par bya'o snyam bsams nas spos chus khrus byas te/ gos gsar pa gtsangs
379b7 bgos nas lag na bog phor thogs te shar phyogs logs su pus mo sa la btsugs nas 'di skad ces smras so/ /shar phyogs na skyes bu 'phags pa bzhugs pa rnams bdag
380a1 gsol ba bzhin du gshegs su gsol zhes smras pa dang / shar phyogs nas rang sangs rgyas nyi khri snyed rgyal po'i pho brang du gshegs so/ /lho dang
380a2 nub dang / byang phyogs su yang de bzhin du gsol pa dang / de dag kyang so so nas rang sangs rgyas nyi khri snyed rgyal po'i pho brang du gshegs so/ /de nas rgyal po dang / blon po
380a3 rnams kyis yo byad rnam bzhi sbyar te mchod pa byas so/ /de nas rgyal phran brgyad khri bzhi stong snyeng phyir yul du 'gro bar gsol te phyi phyag 'tshal ba na/ rgyal phran rnams
380a4 kyis 'phags pa rnams la shas kyis bdag cag kyang mchod par 'tshal te/ bsod nams bgyi'o/ /zhes gsol pa dang / rgyal po dang / blon po rnams kyis lo brgyad khri
380a5 bzhi stong gi bar du rang sangs rgyas brgyad khri la yid bzhin du mchod nas tshe'i dus byas pa dang / mtho ris kyi lhar skyes so/ /dge slong dag /de'i tshe rgyal po me long gdong
380a6 de ni/ da ltar nga yin no/ /rgyal po de'i pha ni/ nga'i yab zas gtsang ma yin no/ /btsun mo chen mo de ni/ nga'i yum lha mdzes yin no/ /rgyal bu lnga brgya ni/ shAkya'i rigs
380a7 lnga brgya yin no/ /de'i tshe na yang thams cad kyi mchog gtso bor gyur te da sangs rgyas nas kyang mtshan dang ldan pa'i mchog gtso bor gyur to/ /'khor mang po rnams sangs
380b1 rgyas kyis gsungs pa la rjes su yi rang nas mngon par dga'o/ /rgyal po me long gdong gi le'u ste sum cu gcig pa'o// //bam po dgu pa/ legs tshol dang
380b2 nyes tshol gyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na
380b3 bzhugs so/ /de'i tshe na lha sbyin rab tu byung mod kyi/ rnyed pa la chags pas mtshams med pa'i las kyis ri bsnyil nas sangs rgyas mnan pa dang / zhabs la shing gi tshal pa
380b4 'jugs pa dang / glang po che smyon pa btang ba dang / mthun pa'i dge 'dun gyi dbyen byas pa dang / zag pa zad pa'i dge slong ma bsad pa dang / mi dge ba'i las 'di dag byas nas
380b5 skye ba phyi ma'i rnam par smin pas 'jigs te mu stegs can gyi ston pa drug gi thad du song nas dris so/ /ston pa drug gis kyang ngan par lta ba'i chos sdig pa byas kyang sdig par mi
380b6 'gyur la/ dge ba byas kyang bsod nams su mi 'gyur ba'i chos bstan nas de la yid ches te dge ba'i rtsa ba bcad do/ /de'i tshe na kun dga' bos phu nu bo la snying brtse ba'i phyir
380b7 rab tu mi dga' ste dus nas bcom ldan 'das la 'di skad ces gsol to/ /lhas sbyin gti mug can ni/ mi dge ba'i las kha na ma thob bgyis te dge ba'i rtsa ba bcad nas
381a1 shAkya'i rigs rnams kyang sun 'byin par bgyis so/ /bcom ldan 'das kyis kun dga' bo la bka' stsal pa/ lha sbyin 'di ni/ tshe 'di 'ba' zhig
381a2 la rnyed pa dang grags pa'i phyir dge ba'i rtsa ba bcad par ma zad kyi/ 'das pa'i dus na yang rnyed pa dang / grags pa'i phyir lus dang srog kyang stor ba'i las byas so/ /dge
381a3 slong dag the tshom du gyur nas kun dga' bos bcom ldan 'das la 'di skad ces gsol to/ /lha sbyin gyis 'das pa'i dus na yang rnyed pa dang grags pa'i slad du lus dang
381a4 srog stor ba'i las bgyis pa ji lta bu lags zhes gsol pa dang / bcom ldan 'das kyis kun dga' bo la bka' stsal pa/ kun dga' bo/ sngon 'das pa'i dus na
381a5 bskal pa grangs med dpag tu med/ bsam gyis mi khyab pa'i pha rol na 'dzam bu'i gling 'dir yul wa ra Na si na bram ze ha yi zhes bya ba zhig yod de/ des rigs mnyam
381a6 pa las chung ma blangs nas ring po ma lon par chung ma sems can dang ldan par gyur te zla ba dgu tshang ba na bu khye'u zhig btsas so/ /de nas btsas ston chen po byas nas
381a7 bu'i ming yang legs tshol zhes bya bar btags te ma ma la gtad nas gsos so/ /de nas yang sems can dang ldan par gyur te/ sngon ma de mnyen zhing des pa las/
381b1 sems can dang ldan pa'i 'og tu gtum zhing khro bar gyur to/ /de nas zla ba tshang ba dang khye'u zhig btsas te/ de ltar ma yang sngon las gyur pas/ bu'i ming yang nyes chol zhes bya
381b2 bar btags te ma ma la gtad nas gsos so/ /khye'u spun gnyis phyis cher skyes nas spun gnyis rgya mtshor rin po che len par dad de so so nas 'khor dang grogs lnga brgya lnga
381b3 brgya rnyed nas snga phyir lam du zhugs so/ /lam ring bas na zhag bdun gyi gnas su ma phyin par rgyags chad de srog dang bral du nye nas legs tshol dang grogs tshong pa grogs po
381b4 rnams nyam thag ste/ thams cad lha rjed cing lha rnams la mchod pa byed do/ /de nas 'brog stong de na rgyang ma nas skyed shing bzang po zhig mthong nas thams cad skyed shing drung du lhags
381b5 pa dang / shing gi drung na chu mig bzang po zhig kyang yod de/ tshong pa rnams chu mig de la 'thungs nas bdag cag gis lha mchod pa'i rtags 'di'o/ /zhes smras pa dang / lhas
381b6 mngon sum du smras te skyed shing gi yal ga chod cig dang / 'dod pa thams cad 'byung ngo / /zhes bsgo'o/ /de nas yal ga gcig bcad pa dang / btung ba zhim po byung ngo / /de
381b7 nas yal ga gcig bcad pa dang / kha zas ro brgya dang ldan pa thams cad byung nas de dag kun gyis tshim par zos so/ /de nas yang yal ga gcig bcad pa dang / gos rnam pa
382a1 sna tshogs byung ngo / /de nas yal ga gcig bcad pa dang / nor bu rin po che sna tshogs byung ste khal thams cad longs so/ /de nas nyes tshol la sogs
382a2 pa thams cad der lhags te snga ma'i yal ga bcad pa las rin po che sna tshogs khal longs pa mthong nas 'di snyam du bsams so/ /snga ma 'di dag gis yal ga las kyang
382a3 rin po che chog par rnyed na/ shing 'di'i rtsa ba phyung na ni/ rin po che sna tshogs mang du rnyed do snyam bsams nas shing gi rtsa ba rko bar gzas so/ /de nas legs tshol mi
382a4 dga' ste smras pa/ bdag cag ni/ phongs te/ srog dang bral ba las shing 'dis bdag cag srog gsod ? kyi/ khyod shing 'di ma gcod cig ces smras na/ nyes tshol ma n
382a5 yan te shing gi rtsa ba bcad do/ /de nas legs tshol yang mthong mi 'dod par khal dang bcas pa song ba'i 'og tu shing gi rtsa ba nas srin po lnga brgya byung ste nyes tshol dang /
382a6 tshong pa kun zos so/ /kun dga' bo/ de'i tshe de'i dus na legs tshol de ni/ da ltar nga yin no/ /de'i pha de ni/ da ltar nga'i yab zas gtsang ma yin no/ /de'i ma de ni/ da
382a7 ltar nga'i yu ma lha mdzes ma yin no/ /nyes tshol ni/ da ltar gyi lha sbyin 'di yin te/ kun dga' bo/ lha sbyin gyis de ltar 'ba' zhig nga la gnod par ma zad de/ rnyed pa
382b1 dang / grags pa'i phyir skye ba thams cad du nga la gnod pa byas na/ ngas phan pa'i chos bstan te phan par byas kyang lha sbyin ni/ nga la dgrar 'dzin to/ /bcom ldan 'das kyis
382b2 de skad ces gsungs nas 'khor mang po rnams rjes su yi rang ste mngon par dga'o/ /legs tshol dang nyes tshol gyi le'u ste sum cu gnyis pa'o// //rgyal po dge
382b3 don gyi le'u/ 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la dge slong chen po'i dge 'dun dang thabs cig tu bzhugs so//
382b4 de'i tshe na tshe dang ldan pa kun dga' bos lha sbyin gyis thabs rnam pa sna tshogs kyis/ de bzhin gshegs pa la gnod pa bya bar bsams kyang de bzhin gshegs pa ni/ lha sbyin
382b5 dang / sgra gcan 'dzin gnyis la mi 'dra ba med par dgongs te/ rtag tu de la thugs brtse bar mthong ste bcom ldan 'das la zhus pa dang / bcom ldan 'das kyis kun
382b6 dga' bo la 'di skad ces bka' stsal to/ /lha sbyin 'dis dus 'di nyid na nga la gnod pa byas par ma zad do/ skye ba gzhan du yang nga la gnod sems bskyed do/ /dge slong dag the
382b7 tshom du gyur nas kun dga' bos bcom ldan 'das la 'di skad ces gsol to/ /lha sbyin 'dis skye ba gzhan dag na bcom ldan 'das la gnod pa ji ltar bgyis nas gsol
383a1 pa dang / bcom ldan 'das kyis kun dga' bo la 'di skad ces bka' stsal to/ /sngon 'das pa'i dus bskal pa grangs med/ tshad med/ dpag tu
383a2 med| bsam gyis mi khyab pa'i pha rol na 'dzam bu'i gling 'dir rgyal po rin chen go cha zhes bya ba/ rgyal phran lnga brgya la dbang byed pa zhig byung ngo / /de la btsun mo dang /
383a3 pho brangs slas lnga brgya snyed yod kyang bu med de/ nyi zla'i lha la sogs te lha thams cad la gsol ba byas nas lo mang du lon yang bu med pas mi dga' bar gyur te 'di snyam du
383a4 bsams so/ /bdag la bu ni/ gcig kyang med kyi/ de'u re tshe zad pas rgyal phran lnga brgya yang gcig la gcig mi nyan te thams cad 'khrugs nas yul ma bde bar 'gyur
383a5 ro snyam nas sems khong du chud de lag pa 'gram pa la brten nas 'dug pa las/ de'i tshe na lha zhig rgyal po'i bsam pa shes nas rmi lam du rgyal po la 'di skad ces
383a6 bsgo'o| |pho brang gi phyi rol tshal gyi nang na drang srong gnyis shig yod de/ gcig gi lus gser gyi mdog tu 'dug gi /de'i gan du song la gsol ba thob cig dang / bur
383a7 skye bar 'gyur ro/ /zhes bsgo ma thag tu gnyid log pa las sad nas drang srong gnyis gang na 'dug pa tshol du song ste drang srong de dang phrad nas bdag la rgyal po'i rigs
383b1 'tshob pa med kyi/ khyod bdag gi rigs su skyes te rigs sobs shig ces gsol ba btab nas drang srong des kyang de bzhin du bya'o/ /zhes smras so/ /drang srong gcig gis
383b2 kyang bdag kyang khyod kyi rigs su skye bar bya'o/ /zhes smras pa dang / rgyal po rab tu dga' nas khyod kyang bdag gi rigs su skye bar shog cig ces smras so/ /de nas rgyal po
383b3 phyir logs nas dus phyi zhig na drang srong gser gyi mdog can de tshe'i dus byas nas btsun mo chen mo'i mngal du skyes te/ bud med mkhas pas bu yod par shes nas bu phor
383b4 shes te bdag la nges par bu pho yod do/ /zhes rgyal po la smras nas rgyal pos kyang btsun mo'i rim gro bskyed do/ /zla ba dgu tshang nas bu khye'u gser gyi mdog can skra mthon mthing
383b5 gar 'dug pa/ mtshan dang ldan pa zhig btsas so/ /rgyal po rab tu dga' nas btsas ston byas te mtshan mkhan gyis mtshan bltas nas bu'i ming yang dge don du btags so/ /
383b6 de nas yang btsun mo gcig kyang sems can dang ldan par gyur to/ /drang srong gcig shos kyang tshe'i dus byas nas btsun mo de'i mngal du skyes so/ /de nas yang btsas ston
383b7 byas te mtshan mkhan gyis mtshan bltas nas khye'u'i ming sdig don du btags so/ /rgyal po bu la byams shing sdug pas/ bu 'dug pa'i gnas dbyar dgun dang / ston
384a1 dpyid so sor byas te bags kyis cher skyes nas rig pa bco brgyad la sogs te gtsug lag thams cad la mkhas par gyur to/ /phyis dge don
384a2 gyis rgyal po la gsol te/ bdag phyi rol tu 'chag cing ltad mo bltar 'gro'o/ /zhes bya ba dang / de'i pha mas kyang bu 'chag tu 'gro'o/ /zhes lam srung phyag dar byed du
384a3 bcug ste rgyal mtshan dang ba dan bsgrengs nas me tog gis gtor te bdug pa dang / spos kyis bdug pa la sogs pa yo lang bshams nas dge don glang po che rin po che
384a4 sna bdun gyis brgyan pa la bskyon te dril bsgrags/ rnga brdungs/ rol mo dang sil snyan dkrol te skye bo brgya stong snyed kyis bskor nas grong khyer gyi phyi rol du dong ngo / /yul
384a5 mi thams cad lam gyi g.yas g.yon na khang bu brtsegs pa'i steng nas mig mi 'dzum par lta zhing / 'di'i byin dang gzi brjid ni/ tshangs pa dang 'dra'o/ /zhes bsgrags so/
384a6 de nas song song ba las mu to bdag gcig gos hrul po gyon zhing snod chag pa thogs te cung zad bslang ngo / /zhes 'bod pa dge don gyis thos nas de dag la khyed ci'i phyir
384a7 'di ltar nyon mongs shing sdug ces dris so/ /de dag las kha cig ni/ 'di skad du/ bdag cag la pha ma dang / phu nu dang / bu smad dang / gnyen bshes ma mchis pas
384b1 sdug go /zhes zer ro/ /de la kha cig ni/ bdag cag yun ring du nad kyis btab pas mi sos te dug go /zhes zer ro/ /de la kha cig ni/ bdag cag bag ma byas pas chom
384b2 pos bcom ste ci yang mi bdog pas slong mo byed do/ /zhes zer ro/ /dge don gyis de skad ces smras pa thos nas mchi ma dku ste song ngo / /de nas yang ya zad cig na shan pa dag
384b3 cig srog chags bsad nas bags pa bshu ba dang / bsnyal gtubs bdag mthong ngo / /dge don gyis e ma'o 'di dag ci byed ces dris pa na/ bdag cag gi pha mes rgyud kyis 'di
384b4 'dra ba'i gsod pa'i las byed de/ 'di ma byas na mi 'tsho'o/ /zhes zer ro/ /de la dge don ngo mtshar du gyur nas lta mi 'dod par song ngo / /de nas yang pha zad phyin pa dang zhing pa
384b5 dag cig zhing rmos te/ zhing rmos pa'i shul na srin bu mang du byung ba la bya mang po dang / sprul gdug pa dag 'thu zhing za ba mthong nas 'di dag ci byed ces dris pa na/ bdag cag
384b6 ni| zhing rmos te sa rlogs pa'i shul du sa bon btab na phyis mang du skyes te/ des 'tshe zhing rgyal po'i dpya yang 'bul lo/ /zhes zer ro/ /dge don de la yang ngo mtshar du
384b7 gyur nas pha zad song ba dang / rngon pa bya rgya bres pa dang / rnyi btsugs nas bya rnams bshor ba dang / sems can dag bya rgya dang / rnyis zin nas lus rdeb cing 'then kyang ma
385a1 shor te| snying rje ba'i skad phyung nas shin tu 'jigs skrag pa dag mthong nas khyod ci byed ces dris na/ bdag cag kyang rgyud kyis 'di 'dra ba'i gsod
385a2 pa'i las byed pas 'tsho'o/ /zhes zer ro/ /dge don gyis de skad ces smras pa thos nas shin tu yi mug ste yang pha zad song ba dang / nya ba dag nya rgyas nya bcus nas mang du zin
385a3 te thang bu la phung por spungs nas da dung yang 'gul ba dag mthong nas 'di dag ci byed ces dris na/ bdag cag kyang rgyud kyis las gzhan mi byed kyi/ 'di ltar nya bshor
385a4 zhing 'tsho bar byed do/ /zhes zer ro/ /dge don gyis 'di lta bu dag mthong nas 'di snyam du bsams so/ /sems can 'di dag ni/ dbul phongs pas bgo ba dang bza'
385a5 ba'i phyir 'di lta bu'i kha na ma tho ba'i las gsod pa la sogs pa byed de/ 'di dag ni/ tshe 'phos ma thag tu ngan song gsum du ltung ste mun pa nas mun par 'gro zhing thar
385a6 pa'i dus med do snyam du bsams nas phyir khyim du 'ongs te nyin mtshan du de sems shing mi dga' nas pha'i drung du song ste pha la yab/ bdag la gsol pa zhig mchis
385a7 kyi| gnong zhig ces smras so/ /phas kyang bu/ khyod ci zer/ khyod smras pa bzhin du bya'o/ /zhes smras so/ /yab/ bdag sngon phyi rol tu 'chag tu mchis pa las mi mang po
385b1 gos dang zas kyi phyir thams cad nyon mongs te/ gcig la gcig gsod pa dang / rdzun dang / dbang za ba dang / mi dge ba'i las rnam pa sna tshogs bgyid pa mthong nas de dag la
385b2 sbyin pa bgyi bar bsams kyi/ yab kyi bang mdzod chen po las brel cing phongs pa dag gi phyir yid bzhin du spyod du gnong zhig /phas smras pa/ ngas rin po che dang / bang mdzod mang
385b3 du bsags pa thams cad khyod kyi phyir byas par zad na/ ci'i phyir khyod zer ba bzhin du mi nyan zhes smras so/ /de nas dge don gyis phas gnang ba'i lung thob nas yul mi thams cad
385b4 la dge don ni/ sbyin pa chen po byed kyi/ thams cad 'dus shing shog cig ces bsgrags so/ /de'i tshe na dge sbyong dang / bram ze dang / dbul zhing phongs pa mgon med pa dang / nad
385b5 pa la sogs te/ grong khyer gyi phyi rol na lam thog thag tu gang ngo / /de dag kyang dpag tshad brgya dang / nyis brgya dang / sum brgya dang / bzhi brgya dang / lnga brgya dang / dpag tshad
385b6 stong gi lam nas 'ongs kha cig ni/ dpag tshad nyis stong / sum stong / bzhi stong / lnga stong dang / dpag tshad khri'i bar nas lhags te sprin bzhin du 'dus nas thams cad la yid
385b7 bzhin du sbyin pa ni/ gos 'dod pa la gos/ zas 'dod pa la zas rin po che gser dang / dngul dang / bai DUR+ya dang / mu sar gal ba dang / bzhon pa dang / theg pa dang / khyogs
386a1 dang / skyed mos tshal dang / zhing dang rkang 'gro la sogs te yid bzhin du sbyin par byas so/ /de ltar sbyin pa la zhugs te yun ring zhig lon pa dang /
386a2 bang mdzod sum cha gcig zad nas mdzod srung gis rgyal po la 'di skad ces smras so/ /sras kyis bang mdzod las sbyin pa bgyis nas sum cha ni zad pas/ sum gnyis tsam
386a3 las ma lus na/ phan tshun du 'drul ba'i skyes dang / tshong zong ci las bgyi dgongs shig ces smras so/ /nga ni/ sras 'di la byams pas ngo mi ldog gis /bang mdzod stongs kyang
386a4 bla'o| |zhes smras so/ /de nas yang ring zhig lon pa dang bang mdzod sum gnyis ni/ zad/ sum cha tsam lus pa dang / mdzod srung gis yang rgyal po la da ni/ bang mdzod sum gnyis
386a5 tsam ni zad/ sum cha tsam las ma lus na/ phan tshun skyes bskur ba dang / tshong zong ci las bgyi zhes smras so/ /rgyal pos de la bsgo ba/ nga'i sras sdug ches te ngo mi ldog
386a6 pas smra mi phod kyi/ khyod kyis thabs ci legs su byos la brel cing mi khom pa ltar bsnyad thogs shig /mdzod srung gis rgyal po las lung thob nas mdzod sgo bcad de don
386a7 gnyer du song ngo / /de nas slong ba dag dge don gyi thad du lhags nas bar 'ga' ni/ mdzod srung mi rnyed de mdzod sgo mi phyed/ gal te mdzod srung 'ongs na yang yid bzhin du
386b1 mi ster bas/ dge don gyis 'di snyam du bsams so/ /'di ltar gyur pa 'di ni/ mdzod srung gis thugs mi thub pas yab kyi man ngag 'ongs kyi/ yong yang bus ni/ pha'i mdzod
386b2 stongs par bya ba mi rigs kyi/ bdag gis da thabs ci zhig byas na rin po che yid bzhin du rnyed de/ skye bo mang po la phan 'dogs par 'gyur snyam bsams nas mi dag la 'di
386b3 skad ces dris so/ /'jig rten na las ci zhig byas na nor dbyig mang du rnyed cing zad mi shes par 'gyur zhes dris pa dang / kha cig ni/ zhing cher rmos na nor dbyig mang por
386b4 'gyur zhes zer ro/ kha cig ni/ rkang 'gro spel te spogs byas na nor mang du rnyed do/ /zhes zer ro/ /kha cig ni/ lam ring por tshong spogs byas na nor mang du rnyed ces zer ro/
386b5 kha cig ni/ rgya mtshor zhugs te nor bu rin po che blangs na rin po che mang du 'gyur ro/ /zhes zer ro/ /dge don gyis de dag gis smras pa thos nas zhing rmo ba dang / rkang 'gro spel
386b6 ba dang / lam ring por tshong la 'gro ba ni/ nga'i cha ma yin gyi/ rgya mtshor 'jug pa 'ba' zhig nga'i cha yin no/ /zhes smras nas rgya mtshor 'jug go snyam du bsams te pha ma la
386b7 'di skad ces smras so/ /bdag ni/ rgya mtsho nas rin po che mang du blangs te dbul phongs pa la sbyin pa yid bzhin du bgyi'o/ /bdag rgya mtshor rin po che len du mchir gnong
387a1 zhig ces smras so/ /de'i pha mas de skad ces smras pa thos nas 'khams te bu la 'di skad ces smras so/ /'jig rten na dbul phongs pa dag ni/ blo
387a2 med de| lus srog dang bsngos nas 'gro bar byed do/ /khyod cis phongs na de lta bur sems te/ khyod sbyin pa byed 'dod na khyim na yod pa'i nor thams cad sbyin par khyos
387a3 shig /rgya mtshor ni/ 'gror mi rung ste rgya mtsho'i nang na chu rlabs dang / dpa' klong 'khyil pa dang / chu srin dang / klu gdug pa dang / srin mo dang / ri chu'i mdog can
387a4 la sogs pa shin tu yang ba'i bgegs mang du yod pas thar par dka' na/ khyod cis phongs te srog dang bsngo bar byed/ /'di la ni/ nyan pa med kyi/ ma sems par 'dug
387a5 cig ces bsgo'o/ /dge don gyis de skad ces bsgo ba thos nas bsam pa bzhin dum grub pas yi dam bcas te/ bsam pa 'di ma grub kyi bar du pha ma'i mdun du sa
387a6 la khas bub tu nyal te mi ldang ngo snyam bsams nas yab yum gyis mkhyen par mdzod cig /bdag ni/ bsam pa bzhin ma grub kyi bar du khas bub tu nyal ba 'di las
387a7 mi ldang ngo / /zhes smras so/ /de nas pha ma mi dga' ste gnyen bshes dang bgros nas rgya mtsho'i nang na dgegs yang ba mang du yod pa'i gtam yang byas/ bdag kyang
387b1 rmongs pas lo bcu gnyis kyi bar du lha kun la mchod de/ khyod lta zhig nga'i bur skyes na nged mdor bar zan zo zhig ces zhag gcig zhag gnyis nas zhag drug gi bar du tshig
387b2 rnam pa sna tshogs kyis gros btab kyang ma nyan te/ sngar ji skad smras pa las ma ldog go /pha ma sdangs nas yang 'di skad ces bgros so/ /bdag gi bu 'di thog ma nas da tsam
387b3 gyi bar du bya ba bsam pa mthar ma grub kyi bar du mi gtong bas/ rgya mtshor btang na gal te na phyir ldog kyang srid kyi/ ma btang na zhag bdun lon nas 'phral du bye bral
387b4 byed de| da ni/ gtang dgos so snyam bgros nas bu'i drung du song ste lag pa nas bzung nas bu longs la zan zo zhig /yid bzhin du 'gro bar gnang ngo / /zhes smras pa dang
387b5 dge don yang langs te bza' ba zos/ btung ba 'thungs so/ /de nas phyi rol tu byung ste mi mang po la kho bo rgya mtshor rin po che len du 'gro'o/ /khyed su 'gror dga' ba rnams
387b6 kyang 'grogs te 'dong gi /ded dpon yang kho bos bya la/ yo byad kyang kho bos sbyar ro/ /zhes bgrags so/ /de'i tshe na yul de na tshong pa lnga brgya snyed kyis bdag cag kyang
387b7 rgya mtshor rin po che len du mchi'o/ /zhes thams cad 'dus nas chas so/ /de'i tshe yul de na tshong ba ded dpon rgan po zhig sngon chad kyang rgya mtshor lan du ma phyin pa zhig
388a1 yod de| rgyal bu nyid de'i gan du song nas 'di skad ces smras so/ kho bo rgya mtshor 'gro ba'i sa mkhan du 'gro dgos kyi/ khyod kyang chas shig
388a2 ces bsgo ba dang / ded dpon gyis bdag ni/ rgas 'khogs pa'i steng du mig gnyis kyis kyang mi mthong bas 'gro mi nus so/ /zhes smras so/ /de nas rgyal bu pha'i thang
388a3 du song ste rgyal po la 'di skad ces gsol to/ /ded dpon rgan po zhig mchis pa sngon chad kyang rgya mtshor lan du ma zhig phyin te rgya mtsho'i rgyus mchis kyi/ bdag rgya mtshor
388a4 mchis pa'i sa mkhan du bka' stsol cig ces gsol pa dang / rgyal po nyid ded dpon long ba'i gan du song nas ded dpon long ba la 'di skad ces bsgo'o/ /rgyal bu
388a5 rgya mtshor 'gro 'dod de/ nged kyis 'gror mi rung ba'i gros re lta zhig btab na ma nyan gyi/ rgyal bu rgya mtshor 'gro ba'i sa mkhan du khyod song zhig ces bka' stsal pa dang /
388a6 ded dpon gyis 'di skad ces gsol to/ /bdag rgas 'khogs pa'i steng du mig gnyis kyang long mod kyi/ da rgyal pos bka' stsal pa na bka' mi gcog go/ zhes gsol
388a7 to| |de nas rgyal po pho brang du 'ongs nas nga'i bu dang rgya mtshor 'gro phod pa su yod ces dris pa dang / rgyal bu sdig don yang bdag phu bo'i g.yog tu mchi'o/ /zhes gsol to/ /
388b1 rgyal pos bsam pa/ gzhan song ba bas nu bo song na phan snyam nas nu bo yang 'gror gnang ngo / /de nas rgyal bus gser srang sum stong zhig phyung ste srang stong ni/ gru'i zong du byas/
388b2 srang nyis stong ni/ 'phral du dgos pa'i yo byad du sbyar te chas nas rgyal po dang btsun mo la sogs pa thams cad kyis bskyal to/ /de nas rgya mtsho'i ngogs su phyin nas grur zhugs
388b3 te thag pa bdun gyis brtod nas rlung phyogs dang sbyar te 'gro ba'i tshong pa rnams la 'di skad ces smras so/ /rgya mtsho'i nang na bgegs rnam pa sna tshogs yod de/ snga phyir 'dong ba ni/
388b4 rab tu yang mang na/ phyir 'khor ba ni/ nyung rab bo/ /de las the tshom za ba la de na phyir dengs shig /gal te lus dang srog la mi lta/ pha ma dang / bu dang / chung ma dang / gnyen
388b5 bshes dag la yang ma chags te rin po che'i gling du phyin nas phyir yang bde bar 'khor na/ bu tsha rabs bdun tshun chad nor gyis mi brel bar 'gyur ro/ /zhes bsgrags nas thag
388b6 pa gcig bcad do/ /de bzhin du nyi ma bdun gyi bar du nyin re lan re de skad ces bsgos nas thag pa re re bcad de rlung phyogs su bab pa la g.yor shing bsgrengs te mgyogs khyad
388b7 mda' bzhin du song ngo / /de nas rin po che'i gling du phyin nas rgyal bu rin po che brtag pa la shin tu mkhas pas/ rin po che bzang ngan dang / mang nyung gi tshad kyang bstan nas
389a1 so so nas rin po che tshol lo/ /ded dpon dang gnyis gru chung gcig gi nang du zhugs nas tshong pa phal rnams der bor ro/ /de nas song song ba
389a2 las ded dpon gyis ni/ ri dkar po zhig yod pa'i rigs na mthong ngam zhes dris so/ /rgyal bus kyang de 'dra ba zhig snang ngo / /zhes smras pa dang / de ni/ dngul gyi
389a3 ri yin no/ /zhes zer ro/ /de nas yang song song ba las/ da ni/ ri sngon po zhig snang ba'i rigs na mthong ngam zhes dris na/ de 'dra ba zhig snang ngo / /zhes smras pa
389a4 dang / de ni/ bai DUR+ya'i ri yin no/ /zhes smras so/ /de nas yang song song ba las/ da ni/ ri ser po zhig snang ba'i rigs so/ /zhes dris na/ ri ser po 'dra ba zhig
389a5 snang ngo / /zhes smras pa dang / de ni/ gser gyi ri yin no/ /zhes smras so/ /de nas gser gyi ri'i drung du phyin te gser gyi bye ma'i steng du 'dug nas ded dpon des
389a6 'di skad ces smras so/ /bdag ni/ rgas zhom ste da ni/ 'gro mi phod pas/ da 'di nyid du tshe'i dus byas par 'gyur gyi/ khyod 'di nas song zhig dang / mdun na rin po
389a7 che sna bdun gyi mkhar zhig dang phrad pa'i rigs kyi/ gal te mkhar sgo bcad cing 'dug na/ sgo drung na rdo rje'i gtun zhig yod pa'i rigs kyi/ rdo rje'i gtun gyis mkhar
389b1 bsgo rdungs shig dang / nang nas lha mo lnga brgya zhig so so nas rin po che thogs te 'bul du 'ong ngo / /de la lha mo gcig cig kyang rin po che sngon po gcig thogs shing 'bul du
389b2 'ong gi /de ni/ yid bzhin gyi nor bu rin po che yin no/ /thob ma thag tu ma shor bar dam du zungs shig /bu mo gzhan dag gi nor bu rin po che yang longs shig /dbang po
389b3 rab tu sdoms la de dag dang ma smra zhig /bdag ni/ nyam thag ste 'dir tshe 'phos nas drin dran par gyis la 'di nyid du rus bu sbas te song zhig ces bsgo ma thag tu tshe'i dus
389b4 byas so| |de nas ded dpon gyi rus bu gser gyi bye ma'i nang du sbas nas bsgo ba bzhin du song nas ring po ma lon par rin po che sna bdun gyi mkhar zhig gi drung du phyin to/ /sgo
389b5 yang dam du bcad pa las drung na rdo rje'i gtun 'dug pa blangs te sgo brdungs pa dang / sgo yang rang bye nas lha mo lnga brgya so so nas rin po che thogs te 'bul bar byed do/ /nang
389b6 gi lha mo snga ma gcig gi lag na nor bu sngon po zhig thogs te smras pa bzhin blangs nas gos kyi tha mar phur te de ma thag tu phyir log go /rgyal bu dang bral ba'i 'og tu rgyal bu
389b7 sdig don gyis tshong ba rnams la rin po che mang du longs shig ces byas pas/ tshong pa rnams kyis mang du blangs nas rin po che mang bas/ gru yang bar 'ga' ni/ nu ba/ bar
390a1 'ga' ni/ byung nas rgyal bu dge don 'ba' zhig ni/ yid bzhin gyi nor bu rin po che yod pas chur ma nub bo/ /rgyal bu sdig don skrag nas dge
390a2 don la bdag la yang skyobs shig ces smras pa dang / sdig don yang khrid de rgya mtsho brgal to/ /de nas skam sar phyin pa dang sdig don gyis phu bo la 'di skad ces
390a3 smras so| |bdag cag spun gnyis pha ma dang bral te rgya mtshor rin po che len du dong ba las ma stas te rin po che dang bral nas lag pa stong par khyim du 'gro ba ni/ ngo
390a4 che'o| |rgyal bu dge don rang bzhin gyis drang bas/ nu bo la bdag cag gis rin po che thob na ci'i phyir ngo tsha zhes smras so/ /rin po che ji lta bu zhig rnyed bdag la
390a5 ston cig ces smras pa dang / phu bos rin po che bkrol te nu bo la bstan to/ /nu bos rin po che mthong nas 'di snyam du bsams so/ /bdag gi pha ma yang bur
390a6 'dra ba las/ phu bo la byams te bdag la mi byams pa'i steng du nga gnyis 'grogs te rin po che len du song ba las/ phu bos ni/ rin po che rnyed kyi bdag gis
390a7 ni| ci yang ma rnyed pas/ da khyim du 'ongs na bdag la de bas kyang mi byams par 'gyur gyi/ bdag gis phu bo gnyid log pa'i tshe bsad la nor bu rin po che khyer
390b1 te 'gro'o/ /gal te pha mas dris na/ phu bo ni/ rgya mtsho'i nang du nub bo/ /zhes bya'o bsams nas phu bo la 'di skad ces smras so/ /bdag cag spun gnyis rin po che thogs
390b2 te gnyis ka gcig car nyal ba mi rigs kyi/ res kyis nyal la mel tshe bya'o/ /zhes smras pa dang / phu bos kyang de bzhin du bya'o/ /zhes smras te/ spun gnyis res kyis
390b3 mel tshe byed do/ /de nas nub gcig phu bo sngar mel tshe byed pa las mel tshe thun 'khor bas kyang ring zhig langs su ma btub bo/ /phu bos yun ring du mel tshe byas nas
390b4 nu po gdod langs te phu bo yun ring du 'dug pas gnyid bro nas gnyid log pa'i 'og tu tshal gyi nang nas tsher ma ring po gnyis shig blangs nas phu bo gnyid log pa'i
390b5 mig tu tsher ma re re btsugs te rin po che khyer nas bros so/ /dge don sngangs nas chom po byung ngo / /zhes bos na cang mi zer te/ de nas shing gi lha mo zhig gis khyod kyi
390b6 chom po ni/ sdig don yin no/ /zhes smras so/ /de nas dge don mig na ba ma bzod nas 'bod 'grogs te gog cing song song ba las yul shi ba de dang nye bar phyin nas
390b7 ba lang rdzib lang lnga brgya tsam 'tsho ba dang phrad do/ /ba lang de'i nang nas khyu mchog cig gis rgyal bu ldongs pa mthong nas rgyal bu'i mig la lces bldags so/ /de nas pa
391a1 lang kun kyang der 'dus pas rdzi'u yang der 'ongs na/ mi zhig sa la 'gre ba mthong nas drung du brtags na/ mig tu tsher ma zug pa mthong nas tsher
391a2 ma gnyis dal gyis phyung ste gnas su khrid do/ /de nas 'o ma dang snum gyis rma kha bskus nas kha zas kyis bsnyod de gsos so/ /de nas phyi zhig na rma yang bags kyis sos
391a3 nas da ni/ 'gro'o/ /zhes byas pa dang / ba lang rdzis ma btang ngo / /de nas yang phyi zhig na rma yang legs par sos nas da ni/ grong khyer 'o nir 'gro'o/ /zhes byas nas mthar
391a4 gyis grong khyer dang nye bar bskyal te bdag la rol mo'i cha byad kim zhes bya ba byin cig ces byas pa dang / rdzi'us rol mo'i cha byad kim zhig byin no/ /de nas rgyal bus rol mo
391a5 byed cing glu dang tshig snyan par sbyar te blangs pas thams cad de la nyan te kun gyis zas dang skom bskyal bas/ de na sbrang po lnga brgya yang rgyal pu la brten te gsos so/ /
391a6 phyi zhig na rgyal po de'i skyed mos tshal srung ba zhig der 'ongs nas rol mo snyan pa thos pa dang / de la dga' ste khyod nga'i skyed mos tshal du rol mo byed cing skyed mos tshal
391a7 yang srung na mi nus sam zhes dris na/ bdag mig long bas mi nus so/ /zhes smras so/ /des smras pa/ khyod mig mi mthong yang bla'i/ shing gi kha nas the gu la dril bu
391b1 btags te bya'i skad byung na/ the gu drangs pas chog gi /nga'i skyed mos tshal du 'dong ngo / /zhes smras nas khrid do/ /rgyal bu de'i tshal na 'dug cing rol mo byed do/ /de'i tshe na sdig
391b2 don phyir yul du 'ongs pa dang / rgyal pos khyod kyis phu bo dang tshong pa gzhan dag ga re zhes dris na/ bdag gi phu bo dge don dang / tshong pa gzhan ni/ rin po che mang du rnyed
391b3 nas gru dang bcas su chur nub bo/ /bdag ni/ rkyal 'tshal bas bdag 'ba' zhig thar ro/ /zhes smras pa dang / rgyal po yab dang btsun mo gnyis 'khams nas sa la 'gyel
391b4 to| |yul na mi 'khod pa gzhan dag kyang de skad ces thos nas ngo mtshar du gyur te mya ngan gyis brnangs so/ /rgyal po yab dang btsun mo yang mya ngan gyis yid gdungs nas sdig don
391b5 khyod kyang phu bo dang lhan cig log na ci nyes zhes bsgo'o/ /rgyal bu dge don 'dug pa'i tshe bya ngang pa gcig gsos pa de la rgyal pos 'di skad ces bsgo'o/ /rgyal bu dge don
391b6 rgya mtshor rin po che len du song ba las rgya mtshor nub ste dge don dag ces zer gyi/ khyod rtog cing tshol du song zhig ces bsgos nas yi ge bris te mgul du btags nas song ngo //
391b7 de nas bya ngang pa kun tu 'phur zhing tshol tshol ba las skyed mos tshal de na rgyal bu'i skad grag nas der babs te bltas na/ rgyal ba de na 'dug pa dang phrad do/ /rgyal bus
392a1 kyang ngang pa'i skad shes pas mgul nas yi ge bkrol te klog tu bcug go /de nas yi ge'i lan bris nas sdig don gyis ji ltar mig tu tsher
392a2 mas btsugs te bros pa yang zhib tu sbring ngo / /de'i tshe na rgyal po li shi bar de la bu mo bzang mo 'jig rten na dkon pa zhig yod de/ bu mo de skyed mos tshal du 'chag tu song
392a3 song ba las rgyal bu dge don de na 'dug pa dang phrad nas rgyal bu dge don skra ni/ 'dzings/ gdong la ni/ dri mas gang / gos ngan pa gyon zhing shing drung na 'dug pa
392a4 mthong nas bu mo de la chags te phan tshun gar yang ma song bar de'i drung du 'dug ste gtam byas so/ /dro la bab nas rgyal pos bu mo bos na/ bdag gi 'tshal ma
392a5 'dir skyol cig phar mi mchi'o zhes mchi'o/ /de nas rgyal pos yang zan bskyal ba dang / bu mos rgyal bu la bdag cag gnyis lhan cig zan bza'o/ /zhes byas
392a6 pa dang / rgyal bus bdag ni/ long ba sprang po lags pas/ rgyal po'i sras mo dang lhan cig 'tshal ma 'tshal du mi rung ngo / /gal te rgyal pos gsan na bdag la
392a7 gyod mchi bas mi rung ngo / /zhes smras so/ /bu mos smras pa/ khyod bdag dang zan lhan cig mi za na/ bdag kyang zan mi za'o/ /zhes lan du ma'i bar du smras pa dang /
392b1 de nas lhan cig zan zos te gtam yang legs par byas nas de la bu mo chags te gzhan du gom pa gcig kyang 'gro ma btub bo/ /de nas nyi ma nub tu nye nas rgyal pos bu
392b2 mo phyir shog cig ces sbran pa dang / bu mos phyir 'di skad ces gsol to/ /bdag ni/ skyed mos tshal srung ba 'di'i chung mar dga' bas gzhan su yang mi 'tshal lo/ /yab
392b3 rgyal po bdag gi bsam pa 'di las mi bsgyur du gsol zhes spring ba dang / rgyal pos de skad ces gsol pa thos nas bu mo'i ngo ma ldog ste 'di ni/ ngo mtshar ya mtshan du che'o/ /
392b4 bu mo 'di rgyal po rin chen go cha'i mna' mar blangs te rgyal bu rgya mtsho nas ma 'khor bar sprang por 'di lta bu zhig gi chung mar bsten pa 'di ni/ nga'i rigs sun 'byin te/ nga'i
392b5 mgo yang 'deg tu med par byed pa 'di ni/ ngo mtshar che zhes yang 'bod du btang ba las/ bu mo chig snga ma las ma gyur te 'ong du ma btub bo/ /de nas rgyal po bu mo la byams
392b6 pas ngo ma ldog nas gnyis ka bsu ste pho brang gi nang du khrid nas khyo shug tu bsdus so/ /de nas zhag du ma zhig lon pa dang / bu mo nyin par rtag tu song zhing nub mo phyir
392b7 'ong bas rgyal bu dogs pa skyes te chung ma la 'di skad ces smras so/ /khyod bdag gi chung ma bya zhes khyo shug tu 'dus na/ nyin par ni rtag tu 'gro'o/ /mtshan mo 'ba' zhig
393a1 ni phyir 'ong na/ 'dir mi rtag pa las na/ khyod gzhan du sems pa yod du nges so/ /zhes smras pa dang / bu mos dam bcas pa/ bdag
393a2 ni| khyod 'ba' zhig la sems te bsam pa gzhan pa spu tsam yang med do/ /bdag gis smras pa'i tshig bden na/ bden par smras pa 'dis khyod kyi mig ya gcig
393a3 mthong bar gyur cig ces smras ma thag tu mig ya gcig mthong bar gyur to/ /de nas gtam de dag gleng nas rgyal bu la khyod kyis pha ma dang yul gang na 'dug ces dris pa
393a4 dang / rgyal bus chung ma la smras pa/ khyod kyis rgyal po rin chen go cha zhes bya ba zhig thos sam/ chung mas smras pa/ bdag gis thos so/ /'o na de ni/ bdag gi pha yin
393a5 no| |rgyal bu dge don zhes bya ba thos sam/ chung mas smras pa/ thos so/ /'o na rgyal bu dge don de ni/ bdag yin no/ /zhes smras pa dang / chung ma sngabs nas
393a6 'o na khyod ci'i phyir 'di ltar nyon mongs par gyur ces dris pa las/ rgyal bus ji ltar gyur pa zhib tu gtam byas pa dang / bu mos rgyal bu la 'di skad ces smras so/ /
393a7 rgyal bu sdig don gyis khyod kyi mig phyung ba 'di ni/ 'jig rten gang na yang mi srid na/ khyod de dang phrad na ji ltar bya snyam/ rgyal bus smras pa/ sdig don gyis nga'i
393b1 mig phyung ba nyes mod kyi/ bdag ni/ de la cung zad kyang mi dga' ba'am/ 'khon du 'dzin pa med do/ /chung mas smras pa/ 'di ni/ shin tu yang yid ches par dka'
393b2 ste| gnod pa 'di lta bu byas kyang mi dga' ba med ces smras pa ni/ tshig tu mi rung ngo / /rgyal bus smras pa/ bdag ni/ rgyal bu sdig don la mi dga' ba spu nyag ma tsam yang
393b3 med do| |bdag gi tshig 'di bden na/ bden pa'i tshig gis bdag gi mig ya gcig kyang mthong bar gyur cig ces smras pa dang / mig ya gcig kyang gsal bar mthong bar
393b4 gyur to| |de ltar rgyal bu'i mig gnyis kyang mthong nas mtshan dang byin yang gzhan pas lhag par che bas/ bu mo dga' nas yab rgyal po gang na 'dug par song ste 'di skad
393b5 ces smras so/ /yab kyis rgyal po rin chen go cha'i sras rgyal bu dge don mkhyen tam/ rgyal pos smras pa/ ngas shes so/ /'o na rgyal po gzigs bzhed dam/ rgyal bu de da
393b6 ltar ga re blta'o zhes smras pa dang / bu mos smras pa/ da ltar bdag gi khyim thab bgyid pa nyid lags so/ /zhes gsol to/ /rgyal pos bu mo 'di smyos sam/ 'on te mi dran
393b7 nam| ci nyes/ rgyal bu de ni/ rgya mtsho nas phyir ma 'khor na/ sprang po la rgyal bu dge don yin zhes smra/ bu mos yang gsol pa/ thugs mi ches na brtag tu gsol zhes
394a1 smras pa dang / rgyal pos bltar phyin na rgyal bu dngos yin te/ lto ba sa la phab nas bdag gis ngo ma shes pa nongs kyi/ 'gyod do/ /zhes smras
394a2 so| |de nas rgyal po des gsang ste rgyal bu dge don lam srang zhig tu bskyal nas dge don rgya mtsho nas gdod 'khor ba skad bsgrags te blon po rnams dang rgyal bu dge don
394a3 bsus nas pho brang du 'ongs pa dang / gdod bu mo yang chung mar byin pa skad du bsgrags so/ /de'i tshe na bya ngang pa yang yi ge dang phyir yul du phyin te yi ge bklags nas rgyal
394a4 bu dge don yang 'dug par shes pas/ sdig don yang btson du bzung / rgyal po li shi bar gyi steng du yang pho nya btang nas nga'i bu dge don khyod kyi yul du 'ongs te nyon mongs
394a5 shing 'dug ces thos kyi/ sngar ma spran pa yang nyes so/ /da yang glang po che dang / rta'i tshogs mang pos skyol cig /ma bskyal nang nyid kyang 'ong ngo / /zhes spring ngo / /de'i
394a6 tsha rgyal bu dge don gyis phyugs rdzi'i drin dran pa'i phyir rgyal po li shi bar la gsol nas glang po che dang / rta dang / gos dang / khang khyim dang / zhing 'brog dang / gser
394a7 dngul ? dang / rin po che dang / bran pho dang / bran mo dang / las byed pa'i mi la sogs te bya dga' mang du byin nas tshe gcig tu bde zhing skyid par byas so/ /de nas
394b1 rgyal po rin chen go cha'i pho nya yang der phyin nas rgyal po li shi bar gyis glang po che lnga brgya tsam rin po ches brgyan te g.yog lnga brgya dang / bu mo'i g.yog gzhon nu lnga brgya dang /
394b2 shing rta lnga brgya snyed kyang brdzangs/ rgyal po nyid kyang blon po dang bcas te 'khor brgya stong du mas rol mo sna tshogs byas te bu mo bskyal to/ /pho nya sngar phyin nas rgyal po rin chen
394b3 go cha yang btsun mo'i 'khor dang bcas te rgyal bu bsu'o/ /rgyal bu dang phrad pa'i tshe bzhon pa las babs nas pha ma la phyag 'tshal te lag pa nas 'jus te snyun gsol nas
394b4 rol mo byas te pho brang du song ngo / /de nas rgyal bu dge don gyis sdig don ga re zhes dris pa dang / da ltar btson du bzung ngo / /zhes smras so/ /de nas rgyal bu sdig don
394b5 thong zhig ces gsol pa dang / nyes pa chen po byas kyi/ gtang du mi rung ngo zhes bsgo'o/ /de ltar rgyal bu sdig don ma btang na/ bdag kyang pho brang du mi mchi'o/ /zhes
394b6 gsol nas sdig don yang btang ngo / /de nas sdig don yang phu bo la phyag 'tshal zhing bsur 'ongs nas spun gnyis gcig la gcig 'jus te nu bo la sngar bas kyang lhag
394b7 par byams par gyur pas/ thams cad ngo mtshar du 'dzin to/ /de nas pho brang gi nang du 'ongs nas rin po che ga re zhes bags kyis dal gyis dris pa dang / 'ongs pa'i
395a1 lam du sa brkos pa'i nang du spas so/ /zhes zer ro/ /de nas len du btang nas rnyed pa las dge don dang 'grogs te gnas su phyin ma thag tu
395a2 dge don gyis mthong nas rnyed do/ /de na rin po che rnams rnyed de pho brang du 'ongs nas rgyal phran lnga brgya kun la yang re re byin te gcig pu zhig phyir bzhag pa lag tu thogs
395a3 te 'di skad ces smon lam btab bo/ /rin po che 'di nyid yid bzhin gyi nor bu rin po che yin yang dag na/ bdag gi pha ma 'dug pa'i khri rin po che sna bdun gyi khrir gyur
395a4 cing rin po che sna bdun gyi gdugs kyang yod par gyur cig ces smras ma thag tu de bzhin du gyur to/ /de nas yang 'di skad du/ rgyal po'i bang mdzod dang / blon po'i bang
395a5 mdzod las bdag gis sngon sbyin pa bgyis te god pa'i rnam pa thams cad phyir gang bar shog cig ces smras nas de phyogs su bstan pa tsam gyis bang mdzod thams cad
395a6 rin po ches yongs su gang bar gyur to/ /de nas dril bsgrags te/ da phyin chad zhag bdun na rgyal bu dge don rin po che sna bdun gyi char 'bebs kyis thams cad
395a7 'dus shig ces bsgo nas rgyal bu dge don spos chus lus bkrus te gos gsar ba gtsang ma gyon te rgyal mtshan gyi rtse mo la yid bzhin gyi nor bu rin po che btags te
395b1 lag na pog phor thogs shing phyogs bzhir phyag byas nas 'di skad ces smras so/ /nor bu 'di yid bzhin gyi nor bu rin po che yin yang dag na/ thams cad ci 'dod pa thams cad
395b2 char bzhin du phob cig ces smras ma thag tu phyogs bzhi nas sprin langs nas rlung gis mi gtsang ba phyag dar byas te thog mar char zim bu babs nas rdul mi ldang bar byas so/ /
395b3 de nas kha zas ro brgya dang ldan pa rnam pa sna tshogs bab bo/ /de nas gos rnams bab bo/ /de nas rin po che sna bdun babs nas yul thams cad du gang ngo / /de'i tshe na thams
395b4 cad kyis rin po che dang / gseg pa 'dra ba'i sems su gyur nas de nas rgyal bus 'di skad ces bsgo'o/ /khyod kyi dgos pa thams cad yid bzhin gyis thob pas/ da ni brel
395b5 ba'am| phongs pa med par gyur gyi/ so so nas lus dang ngag yid bsdams te dge ba bcu'i las kyi lam la brtson par gyis shig ces bsgos nas thams cad kyis bsgo ba
395b6 bzhin du dge ba bcu la nan tan byas te sdig pa ma byas pas/ tshe 'phos nas mtho ris kyi lhar skyes so/ /kun dga' bo/ de'i tshe de'i dus na rgyal po rin chen go cha ni da ltar
395b7 nga'i yab zas gtsang ma yin no/ /rgyal po'i btsun mo de ni da ltar nga'i yum lha mdzes yin no/ /rgyal bu dge don ni da ltar nga yin no/ /rgyal po li shi bar de ni da ltar 'od srung
396a1 yin no| |de'i tshe na rgyal bu'i chung mar gyur pa de ni/ da ltar skye rgu'i bdag mo yin no/ /rgyal bu sdig don de ni/ da ltar lha sbyin no/ /'dzam bu'i gling
396a2 gi mi la nga'i drin gyis khyab pa ni/ nga thog mar sangs rgyas pa na lha'i sras po brgyad khri 'ongs pa dang / nga'i nye gnas lung bstan pa rnams yin no/ /kun dga' bo/ de'i tshe de'i
396a3 dus na da ltar nga la gnod pa chen po byas kyang de la snying brtse ba'i sems skyes na/ da mngon par sangs rgyas nas nyon mongs pa'i sgrib pa ni/ zad/ thugs rje chen pos rgyas
396a4 par khyab pas na/ gnod pa cung zad cig byas pa la thugs brtse ba lta ci smos/ bcom ldan 'das kyis de skad ces gsungs nas 'khor mang po la la ni/ rgyun du zhugs pa
396a5 dang / lan gcig phyir ldog pa dang / phyir mi ldog pa dang / dgra bcom pa thob bo/ kha cig ni/ rang sangs rgyas su gyur/ kha cig ni/ bla na med pa'i byang chub tu sems
396a6 bskyed do| |de skad ces gsungs pa la thams cad rjes su yi rang nas mngon par dga'o/ /rgyal bu dge don gyi le'u ste sum cu sum pa'o// //khyim bdag
396a7 snga ? mas byed kyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba
396b1 na dge slong gi dge 'dun chen po brgya phrag phyed dang bcu gsum dang thabs cig tu bzhugs so/ /de'i tshe yul de na sprang po lnga brgya zhig rtag tu sangs rgyas dang / dge 'dun la
396b2 brten te 'tsho'o/ /phyis sprang po de dag 'di snyam du bsams so/ /da bdag cag sangs rgyas kyi bstan pa la rab tu 'byung ngo snyam nas sangs rgyas gang na ba der lhags te bcom
396b3 ldan 'das la 'di skad ces gsol to/ /bdag cag ni/ sangs rgyas dang / dge 'dun gyi thugs rjes 'tsho bar gyur te/ da bdag cag rab tu 'byung ngo / /zhes gsol pa
396b4 dang / de la bcom ldan 'das kyis 'di skad ces bka' stsal to/ /ngas bstan pa'i chos ni/ rnam par dag pa ste/ btsan nyan dang / phyug dbul med de/ dper na/ chu
396b5 dang 'dra bas na/ btsan nyan dang / phyug dbul dang / bzang ngan kun 'khru ste/ chus bkrus na mi 'dag pa med do/ /dper na/ me dang 'dra ste/ ri dang / brag dang / gnam
396b6 sa'i bar na dngos po chen po dang / chung du gang yang mi 'tshig pa med do/ /gzhan yang nga'i chos ni/ nam mkha' dang 'dra ste/ skyes pa dang / bud med dang / khye'u dang / bu
396b7 mo dang / phyug po dang / dbul po dang / gang su yang rung mi chad pa med de/ yid bzhin du spyod du gnang ngo / /zhes sbreng po rnams kyis thos nas rab tu dga' mgu rangs
397a1 te lhag par sangs rgyas la rab tu 'byung ngo zhes gsol ba dang / bcom ldan 'das kyis bde bar 'ongs so/ /zhes bka' stsal pa tsam
397a2 gyis skra dang kha spu rang byi ste dur smrig gyon pa'i dge slong du gyur nas bsnyen par rdzogs so/ /bcom ldan 'das kyis chos bstan pas lus dang sems rnam par
397a3 grol te zag pa zad nas dgra bcom par gyur to/ /de'i tshe na yul de na gnas pa'i khyim bdag dang / tshong dpon rigs che zhing mtho ba rnams mu to ba dag sangs rgyas
397a4 kyis rab tu phyung ngo / /zhes thos nas brnyas shing dpyas par gyur te 'di skad du/ gal te bdag cag bcom ldan 'das dang / 'phags pa'i dge 'dun spyan 'dren cing
397a5 bsod nams byed na/ rigs ngan mu to ba las rab tu byung ba de dag ji lta bur bdag cag gi stan la gzhag cing snod la 'bag par bya zhes smras so/ /de'i tshe rgyal bu
397a6 rgyal byed kyis sangs rgyas dang dge 'dun rnams bshos la spyan drangs nas bcom ldan 'das la 'di skad ces gsol to/ /sangs rgyas dang dge 'dun rnams spyan
397a7 'dren gyi/ mu to ba las gsar du zhugs pa rnams ni/ ma lags so/ /phyi nyin gdugs tshod kyi thad kar sangs rgyas dang / dge 'dun spyan drangs nas gshegs pa
397b1 dang mu to ba'i dge slong ma bos pa rnams la 'di skad ces bka' stsal to/ /khyed ni/ yon bdag gis ma bos kyi/ byang gi sgra mi snyan du dengs la sa bon ma btab ma rmos par
397b2 rang skyes pa'i 'bras longs la/ yon bdag gi khyim du zar shog cig ces bka' stsal to/ /dge slong de dag bka' stsal pa bzhin du dgra bcom pa'i rdzu 'phrul gyis byang
397b3 gi sgra mi snyan du so so nas 'bras kyis lhung bzed bkang ste spyod lam mdzes par steng gi nam mkha' las ngang pa'i rgyal po ltar rgyal bu rgyal byed kyi khyim du lhags nas rim
397b4 bzhin du 'khod de 'bras la za'o/ /de'i tshe na rgyal bu rgyal byed kyis dge slong de dag spyod lam mdzes par rdzu 'phrul gyi stobs kyis nam mkha' las 'ongs par mthong nas
397b5 lhag par dga' rangs te ngo mtshar rmad du gyur nas bcom ldan 'das la 'di lta bu'i 'phags pa gzi brjid dang yon tan du ldan pa/ spyod lam mdzes par lhag pa phyogs
397b6 gang nas mchis zhes gsol ba dang / bcom ldan 'das kyis rgyal bu rgyal byed la 'di skad ces bka' stsal to/ /'di dag shes par 'dod na legs par nyon cig dang /
397b7 khyod la bstan par bya'o/ /dge slong 'di dag ni/ rgyal bus ma bos pa'i dge slong dag yin te/ rgyal bus ma bos pas so so nas byang gi sgra mi snyan nas 'bras blangs nas
398a1 za ba yin no/ /de nas rgyal bu rgyal byed kyis de skad ces gsungs pa thos nas shin tu ngo tsha zhing 'gyod de/ bdag ni/ gti mug gis ldongs
398a2 pas 'phags pa ngo ma 'tshal to/ /zhes smras nas bcom ldan 'das la 'di skad ces gsol to/ /bcom ldan 'das kyi yon tan ni/ bsam gyis mi khyab ste/ sprang po 'di
398a3 dag ni| yul 'di dag na shin tu yang rigs chung zhing ngan pa lags na/ 'dir 'jig rten 'di'i bde ba yang thob la/ yun ring po'i yon yang rnyed par gyur te/ bcom
398a4 ldan 'das 'jig rten du gshegs pa ni/ don 'di dag dbang zhig gi slad du gshegs so/ /gzhan yang bcom ldan 'das/ sprang po 'di sngon dge ba'i rtsa ba ci bsrungs
398a5 shing / bsod nams kyi las gang la nan tan bgyis pas/ bcom ldan 'das dang phrad de rnam par grol bar gyur/ sdig pa ci bgyis na/ thog mar btsas nas sprang
398a6 por skyes te dbul phongs par gyur/ bcom ldan 'das kyis rgyal bu rgyal byed la bka' stsal pa/ sngon 'das pa'i bskal pa tshad med/ grangs med/ bsam gyis mi
398a7 khyab pa 'das pa'i pha rol na 'dzam bu'i gling 'dir grong khyer wA ra Na si zhes bya ba na ri drang srong lha las zhes bya ba la sngon yang rang sangs rgyas mang po bzhugs bzhugs
398b1 te| sangs rgyas 'jig rten du ma gshegs pa na yang rang sangs rgyas dag de na gnas te/ ri de la'ang sangs rgyas med na yang lnga mngon par shes pa'i drang srong dag
398b2 gnas so/ /de'i tshe na ri de la drang srong nyis stong zhig gnas te/ phyi zhig na ltas mkhan dag gis lo bcu gnyis kyi bar du char mi 'bab bo/ /zhes lung bstan pa
398b3 dang / de'i tshe na yul de na khyim bdag phyug po longs spyod dang ldan pa sdums byed ces bya ba'i drung du song ste khyim bdag de la bdag cag rab tu byung ba drang srong stong po 'di
398b4 dag gi lo bcu gnyis kyi zas dang / skom yod dam/ des smras pa/ bdag cag la mchis kyi/ 'phags pa rnams gud du mi gshegs par bzhugs su gsol lo/ /de nas
398b5 yang drang srong stong yang der lhags nas khyim bdag sdums byed la bdag cag la lo bcu gnyis kyi bar du zas dang skom dgos so/ /zhes smras pa dang / khyim bdag gis bang
398b6 mdzod srung ba la 'phags pa 'di rnams kyi 'tsho ba lo bcu gnyis kyi bar du 'byor tam zhes dris na/ mdzod srung gis 'byor to/ /zhes gsol nas khyim bdag des drang srong
398b7 nyis stong gi 'tsho ba sbyor ba'i las mi lnga brgya bskos nas bsod snyoms spyor du bcug go /de'i tshe na las mi dag bsod snyoms kyi g.yos byed pa la yun ring par gyur pas
399a1 skyo ste 'di skad ces smras so/ /bdag cag 'di ltar rtag tu nyon mongs par gyur pa ni/ sprang po 'di dag gi phyir ro/ /zhes smras so/ /de'i tshe na khyim
399a2 bdag des gdugs tshod la rtag tu spyan 'dren pa'i las mi gcig cig bskos so/ /spyan 'dren de la khyi zhig yod do/ /khyi de yang rtag tu spyan 'dren gyi phyi bzhin du 'gro ba
399a3 las| nyin gcig spyan 'dren pa brjed pa dang / khyi de gdugs tshod kyi dus su drang srong de dag gi drung du song nas skad chen po phyung ste zug pa dang / drang srong de dag kyang khyi
399a4 zug pa thos nas gdugs tshod la bab par shes te bsod snyoms la gshegs so/ /phyi zhig na drang srong de dag bsod snyoms kyi bya ba byas nas khyim bdag la 'di skad
399a5 ces smras so/ /khyim bdag /da ni/ char pa 'ong gi /zhing pa dag zhing gi las byed du chug cig ces bsgo ba dang / khyim bdag gis kyang zhing pa rnams zhing gi las byed du
399a6 bcug ste nas dang / gro dang / 'bru mang zhig rmos so/ /de nas phyi zhig na 'bru rmos pa'i rnam pa thams cad ku bar skyes nas khyim bdag ya mtshan du gyur te drang srong
399a7 rnams la 'di dag don med par mi 'gyur ram zhes smras pa dang / drang srong gis smras pa/ don med par mi 'gyur gyi/ dus su chu bcu ba la sogs te las byos shig
399b1 pas ? smras so/ /phyis ring po ma lon par ku ba kun cher skyes nas bkas te bltas nas ci dang ci smos pa bzhin du de dang de dag ku ba'i nang kun gang bar skyes te khyim bdag
399b2 rab tu dga' mgu nas bang ba kun kyang gang bar gyur to/ /las byed pa'i mi lnga brgya po yang de lta bu dag mthong nas 'gyod pa'i sems skyes te/ bdag cag gis ni/ tshig ngan
399b3 pas 'phags pa la smad do/ /zhes 'gyod tshangs byas te so so nas bdag cag kyang ma 'ongs pa'i dus na 'phags pa dang phrad cing rnam par grol bar gyur cig ces smon lam btab
399b4 bo| |sprang po lnga brgya po 'dis tshig ngan pa smras pas/ skye ba lnga brgya'i bar du rtag tu sprang por gyur to/ /'gyod tshangs byas te smon lam btab pas/ nga dang phrad de 'khor ba'i
399b5 mthar phyin to/ /rgyal bu/ 'di ltar rig par bya'o/ /de'i tshe de'i dus na khyim bdag phyug po sdums byed de ni/ nga yin no/ /bang mdzod srung ba de ni/ rgyal bu rgyal byed yin no/ /
399b6 nyin gcig bzhin du spyan 'dren pa de ni/ rgyal po u tra ya na yin no/ /de'i tshe khyi de ni/ khyim bdag skad snyan yin te/ de'i dbang gis skye ba thams cad du skad snyan par gyur
399b7 to| |de'i tshe na las byed pa'i mi lnga brgya po ni/ dgra bcom pa lnga brgya po 'di dag yin no/ /bcom ldan 'das kyis de skad ces gsungs nas 'khor mang po rnams kha cig gis
400a1 ni| 'bras bu dang po thob pa nas 'bras bu bzhi ba'i bar du thob par gyur to/ /kha cig ni/ bla na med pa'i byang chub tu sems bskyed nas bcom
400a2 ldan 'das kyis gsungs pa la rjes su yi rang nas mngon par dga'o/ /khyim bdag sdums byed kyi le'u ste sum cu bzhi pa'o// //bam po bcu pa/ rgyal po mig
400a3 'byed kyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs
400a4 te skye bo mang po la dam pa'i chos ston to/ /de'i tshe na grong khyer gyi mi kun chos nyan du chas pa dang / grong de na bram ze long ba gcig cig lam gan 'dug pa las mi mang po song
400a5 ba las| khyed myur bar gar 'dong zhes dris so/ /mi rnams kyis smras pa/ khyod ci ma thos sam/ de bzhin gshegs pa 'jig rten du byung ste da ltar yul 'di na bzhugs shing
400a6 chos ston to/ /de bzhin gshegs pa 'jig rten du byung ba dang phrad par shin tu dka' bas/ bdag cag ni/ sangs rgyas la chos nyan du 'gro'o/ /zhes smras so/ /bram ze de
400a7 skad rnam pa brgyad la shin tu mkhas pa zhig ste/ skad phyung ba tsam gyis dbang thang dang / tshe ji tsam pa rtogs so/ /brgyad gang zhe na/ bya bang lta bu'i skad dang / khwa lta bu'i
400b1 skad dang / skad 'dzer 'dzer po dang / glang po che'i skad dang / rnga'i skad dang / 'brug gi skad dang / dril gyi skad dang / tshangs pa'i skad dang brgyad do/ /bya pang lta bu'i skad du smra ba
400b2 ni| khrel ltas med de/ byas pa drin du mi gzo'o/ /khwa lta bu'i skad du smra ba ni/ khro zhing gtum la gsod pa la dga' zhing snying rje med do/ /skad 'dzer 'dzer po ni/ pho dag mo'i
400b3 skad du smra ba dang mo dag pho'i skad du smra ba ste/ de ni/ dbang thang med cing dbul ba dang / ma rabs so/ /glang po che'i skad du smra ba ni/ rang bzhin gyis drang zhing gnyen bshes
400b4 la phan 'dogs par sems so/ /rnga'i skad du smra ba ni/ smra mkhas la blo myur zhing rig pa 'dzin te/ rgyal po'i ston pa'o/ /'brug skad du smra ba ni/ mkhas pa'i blo dang ldan zhing
400b5 chos mkhas so/ /dril skad du smra ba ni/ phyug cing longs spyod dang ldan la gser srang brgya stong mang po bdog pa'o/ /tshangs pa'i skad du smra ba ni/ bsod nams dang / dbang thang
400b6 chen po dang ldan te/ khyim na 'dug na ni/ 'khor los bsgyur ba'i rgyal por 'gyur/ /rab tu byung na ni/ gdon mi za bar 'tshang rgya'o/ /de'i tsha na bram ze des mi de rnams la
400b7 bdag ni/ skad la shin tu mkhas te/ yang dag par sangs rgyas yin na/ tshangs pa'i skad dang ldan pa'i rigs kyi/ kho bo yang khrid la 'grogs te 'dong ngo / /de dag gis
401a1 kyang bram ze long ba de khrid nas song song ba las phyogs der nye bar 'ongs pa dang / sangs rgyas kyi gsung tshangs pa'i dbyangs thos nas long ba
401a2 dga' mgu rangs te dad pa skyes pas/ mig gnyis rang bye nas sangs rgyas kyi sku gser gyi mdog can/ mtshan sum cu rtsa gnyis kyis brgyan pa/ nyi ma'i 'od ltar
401a3 shin tu gsal ba mthong nas bcom ldan 'das kyi zhabs la spyi bos phyag 'tshal te tshad med pa'i dga' ba skyes nas bcom ldan 'das kyis chos bstan te spro ba bskyed
401a4 pas sdig pa mi dge ba'i las khri phrag nyi shu zad de rgyun du zhugs pa'i 'bras bu thob nas shes rab kyi mig dang ldan par gyur pas bstan pa la rab tu 'byung bar gsol
401a5 to| |de nas bcom ldan 'das kyis legs par 'ongs so/ /zhes bka' stsal nas dge slong du gyur te ci rigs pa'i chos bstan pas dgra bcom par gyur to/ /'khor
401a6 mang po the tshom du gyur nas tshe dang ldan pa kun dga' bo 'dug pa stan las langs te thal mo sbyar nas bcom ldan 'das la 'di skad ces gsol to/ /bcom ldan 'das
401a7 'gro ba mang po'i don mdzad pa/ mdongs pa thams cad la thugs rje ba'i nang na bram ze dmus long 'di la lhag par thugs rje che'o/ /bram ze mdongs pa zhig sha'i mig
401b1 kyang thob la/ shes rab kyi mig kyang thob par gyur to/ /bcom ldan 'das kyis kun dga' bo la bka' stsal pa/ bram ze long pa 'di la dus 'di 'ba' zhig tu mig byin par ma zad
401b2 de| 'das pa'i dus na yang mig byin no/ /kun dga' bos gsol pa/ bcom ldan 'das/ 'das pa'i dus na ji lta bur mig stsal pa legs par bstan du gsol/ bcom ldan
401b3 'das kyis bka' stsal pa/ sngon 'das pa'i bskal pa grangs med tshad med dpag tu med bsam gyis mi khyab pa'i pha rol na 'dzam bu'i gling 'dir yul pu ka la da zhes bya ba
401b4 na rgyal po mig 'byed ces bya ba zhig yod de/ rgyal po de brag dang / rtsig pa la yang thogs pa med par dpag tshad bzhi bcu tshun chad mthong bas/ mig 'byed ces bya bar btags
401b5 te| 'dzam bu'i gling gi rgyal phran brgyad khri bzhi stong kun la dbang byed do/ /rgyal po de la btsun mo dang / pho brang gi slas nyi khri yod de/ rgyal bu ni/ lnga brgya snyed yod do/ /
401b6 rgyal tshab ni/ tshul khrims bzang po zhes bya ste/ rgyal po de tshul bzhin du rgyal po byed pas/ sems can thams cad la bu gcig pa dang 'dra bar sems te rlung dang char dus
401b7 las mi yol bas lo legs te thams cad bde skyid do/ /de nas rgyal po de dben pa zhig na 'di snyam du sems par gyur to/ /bdag tshe snga ma'i bsod nams kyis mi'i rgyal por
402a1 gyur te nor bu rin po che dang / longs spyod chen po dang ldan zhing thams cad kyis dag nyan pa ni/ ji ltar rtswa 'jam po la rlung gis btab na phyogs
402a2 gcig tu nyal ba bzhin no/ /tshe 'di la yang phyi ma'i 'bras bu ma skyed na/ sdug bsngal bar 'gyur te/ dper na/ zhing pa dag dpyid mang du rmos na/ ston yang mang du bsdur yod
402a3 pas| bdag kyang tshe 'dir dpyid sa bon ma btab na/ tshe phyi mar ston pa sngar med pas/ da ni/ le lo bya bar mi rigs kyi/ bsod nams kyi zhing la sa bon rgyas par gdab bo
402a4 snyam bsams nas blon po la 'di skad ces bka' stsal to/ /nga'i dkor mdzod thams cad phyung la/ grong khyer gyi sgo dang lam srang mi mang po 'du ba'i gnas su thams cad
402a5 spungs la 'gro ba mang po la sbyin par bya'o/ /rgyal phran brgyad khri bzhi stong gi bang mdzod thams cad kyang thams cad la yid bzhin du byin cig ces bsgos nas gser gyi
402a6 rgyal mtshan bsgrengs/ dril chen po bsgrags te 'dzam bu'i gling gi dge sbyong dang / bram ze dang / dbung phongs pa dang / rgas pa dang / na ba'i rnam pa thams cad 'dus
402a7 shig /ci dang ci 'dod pa de dag thams cad yid bzhin du sbyin no/ /zhes bsgrags so/ /de'i tshe na 'bangs thams cad kyang rgyal po chos bzhin byed pas/ de la dga' ste
402b1 bstod cing snyan par sgrog go /mtha' 'khob kyi rgyal phran pa la da bar ni zhes bya ba zhig rgyal po de'i bka' mi nyan par gyur te/ chos ma yin pas rgyal po byed do/ /rgyal phran de la
402b2 blon po mkhas pa/ blo gros dang ldan pa lo dar zhes bya ba zhig yod de/ blon po des rgyal po la 'di skad ces gsol to/ /rgyal po ni/ yid thung la gtum ste snga bsam phyi ma no med
402b3 pas phyis 'gyod par 'gyur ro/ /rgyal po mig 'byed ni/ shin tu snying rje che ba dang ldan pas 'dzam bu'i gling gi mi thams cad la drin gyis khyab ste/ rgyal po thams cad de'i
402b4 bka' nyan na/ rgyal po 'ba' zhig gis de la bsngo ba'i mi rigs kyi/ de'i bka' nyan na bu tsha rgyud du bde bar 'gyur ro/ /zhes gsol pa dang / phyir blon po de la khros nas
402b5 gros mnyan to/ /de nas blon po de yang mi dga' nas 'di snyam du bsams so/ /rgyal pos chos ma yin pa dang / mi rigs pa byas pas bdag gis phan pa'i gros btab na
402b6 khros te ma nyan to/ /rgyal po 'di la ni/ 'bangs thams cad kyang mi dga' bas med par bya'o snyam bsams nas gros byas pa las gsang shor nas rgyal pos dmag bsdogs
402b7 te 'dzin tu bcug go /blon po des kyang 'phrigs nas rta mgyogs pa la zhon te bros so/ /dmag gi dpung gis phyi bzhin bdas nas sleb pa dang / blon po de 'phong skyen pa
403a1 zhig pas 'phral du mi bco brgyad mda' 'phangs te bsad do/ /de nas snyegs ma yang snyegs ma nus pas/ blon po de yang mig 'byed kyi yul
403a2 du phyin te rgyal po mig 'byed la phyag 'tshal nas gtam byas te rgyal po dga' bas de yang blon por bcug go /de nas rgyal po de bka' mi nyan no/ /zhes gsol nas
403a3 blon po rnams la rgyal po de nga dbang ba la ma gtogs sam zhes dris na/ de la rgyal po mi dbang ngo / /zhes gsol to/ /de nas blon po des dpung gi tshogs bsdus te
403a4 rgyal po de da bab par gsol pa dang / rgyal pos kyang de bzhin du gnang ngo / /de nas dpung gi tshogs mchog rnams bsdus te pa la da bar ne'i yul du 'dong ngo / /zhes
403a5 'gro ba'i zhag dus phog go /de'i tshe rgyal po des kyang dpung gi tshogs bdag gi yul du 'ong ngo / /zhes thos nas rab tu mi dga' ste sems khong du chud nas ci bya ba'i
403a6 gtol med de/ gos dri ma can bgos nas mun khang du zhugs so/ /de'i tshe yul de na bram ze ma rungs pa zhig yod pa des rgyal po la khyod ci mi dga' na/ 'di
403a7 ltar mya ngan byed ces dris pa dang / rgyal pos smras pa/ khyod ma thos sam/ /kho bo'i blon po lo da ra bros pa/ rgyal po mig 'byed kyi yul du 'ongs nas phyir
403b1 kho bo'i yul du dmag 'dren no/ /zhes zer bas bdag mi dga'o/ /gal te dmag drangs na/ bdag cag kyang med par 'gyur ro/ /zhes smras pa dang / bram zes smras
403b2 pa| blon po rnams sdus shig dang / gros bgyi'o/ /zhes gsol to/ /de nas blon po dang bram ze 'dus te bram zes smras pa/ rgyal po mig 'byed de bdag gi pha ma ma gtogs
403b3 par gzhan ci la yang ma chags te sbyin pa byed do/ /zhes thos kyi/ yul 'di na bram ze long ba zhig yod pa de/ rgyal po de la mig ya gcig slong du gtang ngo / /gal te
403b4 mig byin na dmag kyang mi 'dren par 'gyur ro/ /zhes bgros te rgyal po la gsol pa dang / rgyal pos kyang de bzhin du bya'o/ /zhes smras nas bram ze long ba 'bod du
403b5 btang ngo / /bram ze long ba 'ongs nas rgyal pos long ba la 'di skad ces smras so/ /kho bo khyod la sgrub tu gsol ba zhig yod kyi/ khyod kyis bya dgos so/ /zhes bsgo ba
403b6 dang / bram ze long bas smras pa/ bdag mig gnyis ka mdongs na/ ci zhig sgrub tu nus zhes gsol to/ /rgyal pos bsgo ba/ rgyal po mig 'byed dpung gi tshogs
403b7 bshams te 'dir 'ongs pas/ kho bo ni/ bzhon pas bros kyang thar na/ khyod mig med par gar 'bros/ rgyal po de sbyin pa gtong ba la pha rol gyi yid dang mi 'gal
404a1 bar gtong ngo / /zhes grag go /khyod song la de'i mig slongs shig dang gal te ster na dmag kyang mi 'ong bar 'gyur gyi/ khyod mig slong du
404a2 song zhig ces bsgo ba dang / bram zes bdag mig mi mthong na/ ji ltar mchi zhes gsol to/ /rgyal pos bsgo ba khyod song zhig dang / lam rgyags dang / lam 'dren
404a3 pa dang / yo byad gzhan yang ci dgos pa sbyar ro/ /gal te mig thob na/ bya dga' yang cher sbyin no/ /zhes bsgo nas song ngo / /de'i tshe na rgyal po mig 'byed kyi yul
404a4 du ltas ngan rnam pa sna tshogs byung ngo / /'di lta ste gnam grum pa dang / gnam lcags 'bab pa dang / skar ma ltung ba dang / nam rmugs pa dang / gnam lcags bab
404a5 nas sa kun gas pa dang / bya rnams nam mkha' la du ba'i skad 'byin cing sa la ltung ba dang / seng+ge dang / stag dang / 'phar sbyang dag snying rje ba'i skad 'byin cing /
404a6 mi'i nang du 'ongs te sa la 'gre ba la sogs pa'i ltas ngan pa sna tshogs byung ngo / /de nas bram ze long ba yang mthar gyis yul der phyin te pho brang gi sgor 'ongs nas
404a7 skad chen pos 'di skad ces smras so/ /bdag ni/ yul gzhan nas 'dir mchis te rgyal po khyod kyi yon tan kun tu grags pa ni/ slod pa 'ongs na ci yang gtong ste
404b1 slong ba'i yid dang mi 'gal bar mdzad ces thos pas nyon mongs pa dang bsdos te 'dir slong du 'ongs kyi/ ci 'dod pa byin cig ces smras so/ /rgyal pos de skad ces smras
404b2 pa thos nas bsus te khyod lam na ngal bar ma gyur tam/ nyon ma mongs sam/ bde bar 'ongs sam zhes spro ba'i tshig smras nas rgyal srid dam/ rin po che'am/ rta'am/ theg
404b3 pa'am| gos sam/ bza' ba'am/ btung ba'am/ nad kyi rkyen rtsi'am/ ci dang ci dgos pa slongs shig dang / de dang de dag chog par sbyin no/ /zhes smras pa dang / bram
404b4 zes smras pa/ phyi rol gyi zang zing byin pas ni/ bsod nams kyi dam par mi 'gyur gyi/ nang gi sbyin pa byas na 'bras bu che ste/ bdag mig stor nas yun ring du lon
404b5 pas rtag tu mdongs shing 'thom par gyur gyi/ bdag ni/ rgyal po'i spyan 'tshal lo/ /zhes smras so/ /de skad ces smras pa la rgyal po rab tu dga' nas bram ze la khyod mig
404b6 'dod na sbyin no/ /zhes bsgo'o/ /bram zes smras pa/ rgyal pos bdag la stsal na nam stsal ces smras pa dang / da ste zhag bdun na mig sbyin no/ /zhes bsgos nas dril
404b7 bsgrags te/ rgyal phran brgyad khri bzhi stong yang sbran to/ /rgyal po mig 'byed da ste zhag bdun na bram ze la mig gi sbyin pa byed kyi/ lta 'dod na thams cad shog cig ces
405a1 bsgo'o/ |de'i tshe na 'dzam bu'i gling gi mi dag de skad bsgo ba thos nas thams cad myur bar der lhags so/ /rgyal phran brgyad khri bzhi stong snyed
405a2 kyang so so'i blon po dang chas te rgyal po'i thad du lhags nas lto ba sa la pha ba ste mchi ma blags nas 'di skad ces gsol to/ /bdag cag 'dzam bu'i gling gi mi thams
405a3 cad rgyal po la brten nas 'tsho na/ ci'i slad du mi gcig gi phyir bdag cag kun spangs zhes gsol to/ /blon po rnams dang / btsun mo dang / pho brang gi slas rnams
405a4 kyang mgo bo sa la rdeb cing sa la kha bug tu nyal nas bram ze mi gcig gi slad du bdag cag kun ma spongs shig ces gsol nas tshe nges 'debs so/ /rgyal bu lnga brgya
405a5 rnams kyang dus nas bdag cag la mgon ma mchis so/ /skyabs ma mchis so/ /thugs brtse ba'i slad du spyan gyi sbyin gtong mdzad pa'i thugs slar ldog tu gsol/
405a6 rgyal tshab tshul khrims bzang pos 'di skad ces gsol to/ /rgyal po yab kyi sbyin par bdag gi mig 'di stsal du gsol/ bdag gum pa ni/ tshod mchis kyi/ yab
405a7 spyan mi mnga' bar gyur na 'dzam bu'i gling gi mi thams cad mgo nam mchis te/ dpung gnyen med par 'gyur ro/ /zhes gsol pa dang / rgyal pos rgyal
405b1 phran dang / blon po dang / btsun mo dang / rgyal bu rnams la 'di skad ces bsgo'o/ /nga ni/ skye ba yun ring por lus 'dis skye ba ci yang myong ste/ rus ba spungs na ri rab
405b2 bas mtho/ /khrag bsags na rgya mtsho bzhi bas mang / ma'i nu zho 'thungs pa yang chu bo bzhi bas che ste/ 'dod pa dang bye bral nas dus pa'i mchi ma yang rgya mtsho dang
405b3 mnyam mo/ /sems can dmyal bar yang bsregs pa dang / btsos pa dang / mig phyung ba'i grangs kyang shin tu mang / yi dwags kyi khams su lus rnam pa sna tshogs
405b4 myong ste| lus la me 'bar ba nas lus dang mig bcas su tshig pa yang grangs med/ dud 'gro'i skye gnas su gcig la gcig gsod cing 'chi bas kyang lus grangs med pa
405b5 zhig chud zos/ mi'i nang du skyes pa na shi ma ran par shi ba'i grangs ni/ mang / tshe'i mthar thug pa'i dus ni/ nyung ste/ 'dod pa la chags pas gcig la gcig gsod cing gnod
405b6 par byed do/ /der yang lus dang mig grangs med pa zhig chud gzan na/ gal te lhar skyes na yang ring por mi thub ste/ mdor na khams gsum gyi rgyud drug tu 'dod chags
405b7 dang / zhe sdang dang / gti mug gi rdul phra mo snyed kyi lus chud zos na/ lan 'ga' yang sbyin pa ma byas te sangs rgyas kyi byang chub btsal ma myong ngo / /shin tu btsog cing
406a1 mnam pa'i mig 'di de'u re rul cing 'jig pas/ da sbyin pa bya ba'i rigs kyi mi sbyin pa'i mi rigs te/ sha'i mig 'di byin la sangs rgyas rnam pa
406a2 thams cad mkhyen pa'i spyan thob par bya'o/ /nam nga'i smon lam grub na/ khyed la yang rnam par dag pa'i chos kyi sbyin pa bya'o/ /khyed nga'i bla na med pa'i byang chub kyi
406a3 sems kyi bar du ma gcod cig ces bsgo ba dang / 'khor thams cad cang mi zer bar 'khod do/ /de nas blon po rnams la khyed las gcig gis nga'i mig phyung zhig
406a4 ces bsgo na/ de dag gis bdag cag gi lus rdul du bgyis kyang rgyal po'i ba spu gcig tsam yang 'byin mi phod na/ rgyal po'i spyan la lag dar ba lta ci smos zhes gsol
406a5 to| |rgyal pos yang bsgo ba/ khyed kyis mi gang sha mdog nag la/ mig 'og nas mig tshugs su lta ba zhig tshol cig ces bsgo ba dang / sha tshugs de 'dra ba zhig
406a6 rnyed nas rgyal pos de'i lag tu gri byin te nga'i mig phyung zhig ces bsgo nas/ des rgyal po'i mig ya gcig phyung ste rgyal po'i lag tu bzhag go /rgyal pos mig lag tu bzhag
406a7 nas 'di skad ces smon lam btab bo/ /bdag gi mig sbyin pa byin pa 'dis mngon par 'tshang rgya bar shog cig /gal te mngon par 'tshang rgya na/ bram ze long ba 'di nga'i
406b1 mig thob ma thag tu mthong bar gyur cig ces smon lam btab ma thag tu rgyal pos mig thogs pa bram ze'i mig tu bcug go /de nas mod la mthong bar gyur te/ rgyal po la
406b2 'di skad ces gsol to/ /rgyal po'i mig 'dis bdag mthong bar gyur te/ mthong ba 'dis 'tshal gyi/ ya gcig ni/ mi 'tshal lo/ /zhes gsol to/ /rgyal pos bsgo pa/ kho
406b3 pos mig gnyis ka khyod la sbyin par byas pas ya gcig bzhag na/ sngar smras pa dang 'gal lo/ /zhes bsgos nas mig ya gcig kyang phyung ste lag tu blangs nas smon lam snga
406b4 ma bzhin du btab bo/ /bram ze'i mig tu bcug nas bram ze'i mig gnyis kas mthong bar gyur to/ /de'i tshe na gnam sa kun kyang g.yos/ lha'i pho brang kun kyang 'gul zhing
406b5 ldeg ste lha rnams ngo mtshar du gyur nas thams cad kyis byang chub sems dpas mig gi sbyin pa byas par mthong nas steng gi phyogs kyi nam mkha' la lhags te lha rdzas kyi me
406b6 tog dang / spos kyi mchod pa byas nas legs so legs so/ /zhes bstod do/ /brgya byin yang der 'ongs te byang chub sems dpa' la 'di skad ces smras so/ /'di ltar shin
406b7 tu spyad dka' ba bya ba 'dis rnam par smin pa'i lan ci zhig 'dod/ byang chub sems dpas smras pa/ bdud kyi rgyal po'am/ tshangs pa'am/ brgya byin nam/ rgyal chen bzhi'am /
407a1 'khor los bsgyur ba'i rgyal po la sogs khams gsum gyi bde ba 'dod pa ma yin gyi/ bsod nams 'dis mngon par byang chub nas sems can thams
407a2 cad mya ngan las 'das pa'i bde ba la dgod pa'i phyir ro/ /brgya byin gyis yang smras pa/ 'di ltar mig phyung ba 'di rab tu sdug bsngal bar gyur na 'gyod pa'am/ khro ba'i sems
407a3 ma byung ngam/ rgyal pos smras pa/ 'gyod pa yang med/ khro ba'i bag kyang med do/ /brgya byin gyis smras pa/ bdag gis bltas na/ mig gnyis nas khrag zag cing mdog kyang
407a4 gyur bzhin du 'gyod pa med ces zer ba ni/ yid ches par dka'o/ /rgyal pos smras pa/ bdag gis mig byin pa 'di la 'gyod pa yang med la/ bla na med pa'i byang chub kyang
407a5 thob par 'gyur zhe na/ bden par smras pa 'dis bdag gi mig gnyis sngon bzhin mthong bar gyur cig ces smras ma thag tu mig gnyis sngon pas kyang gsal bar gyur pas/
407a6 de'i tshe na lha dang mi thams cad rab tu dga' zhing mgu rangs par gyur to/ /de nas rgyal pos bram ze la bsgo ba/ ngas mig byin pas khyod kyang mthong bar gyur gyi/ nam sangs
407a7 rgyas pa na yang khyod la chos kyi mig sbyin par bya'o/ /rin po che 'di dag kyang khyer la phyir song zhig ces bsgo'o/ /bram ze mig dang / rin po che thob nas phyir chas te yul
407b1 du phyin pa dang / rgyal po nyid kyis kyang bsus nas phrad ma thag tu mig thob bam zhes dris so/ /bram zes smras pa/ mig kyang thob nas bdag kyang 'di ltar mthong bar gyur to/ /rgyal pos
407b2 smras pa| 'o na da ltar tshe 'phos sam ma 'phos/ smras pa/ lha rnams der lhags nas smon lam btab pas/ mig gnyis sngon bas kyang gsal bar mthong bar gyur to/ /rgyal po ba la da bar
407b3 nas de skad ces smras pa thos nas 'khams te snying gas te tshe 'phos so/ /kun dga' bo/ /de'i tshe de'i dus na rgyal po spyan 'byed zhes bya ba de ni/ da ltar nga yin no/ /ba la da bar ni/ lhas
407b4 byin yin no/ /bram ze mig slong ba de ni/ da ltar gyi bram ze long ba dgra bcom pa thob pa yin te/ sngon yang mig byin pa nas da ltar gyi par du yang shes rab kyi mig byin te/ khyed kyi
407b5 phyir skye ba thams cad du dka' ba spyad nas mngon par sangs rgyas so/ /khyed kyang 'byung ba'i lam la brtson 'grus kyis shig /bcom ldan 'das kyis de skad ces bka' stsal nas
407b6 'khor mang po rnams kha cig gis rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob par gyur to/ /kha cig gis bla na med pa'i byang chub
407b7 tu sems bskyed do/ /kun dga' bo dang / 'khor mang po rnams bcom ldan 'das kyis gsungs pa la rjes su yi rang nas mngon bar dga'o/ /rgyal po mig 'byed kyi le'u ste sum
408a1 cu lnga pa'o// //mi gdung ba sor phreng can gyi le'u/ 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal
408a2 byed kyi tshal mgon med zas sbyin gyi kun dga' ra ba na bzhugs so/ /de'i tshe rgyal po gsal rgyal la blon po chen po mkhas pa/ rig pa dang ldan pa/ btsan phyug pa zhig yod do/ /
408a3 de'i chung ma sems can dang ldan par gyur nas bu khye'u mtshan dang ldan pa/ byad gzugs legs pa/ dpe zla med pa zhig btsas te mtshan mkhan pos nas bu bstan pa dang / mtshan
408a4 mkhan dga' ba'i mdangs kyis 'di skad ces smras so/ /bu 'di ni/ bsod nams kyi mtshan dang ldan te/ kun las 'phags par yid gzhungs la mkhas pa'i blo dang ldan no//
408a5 khye'u'i phas de skad ces smras pa thos nas khye'u'i ming ji skad gdags zhes dris pa dang / mtshan mkhan gyis khye'u 'di mngal du chags nas ya mtshan du gyur pa ci yod ces dris so/ /
408a6 blon pos smras pa/ khye'u 'di'i ma sngon rang bzhin 'jam zhing des pa tsam ma yin pa las/ bu 'di mngal du chags nas lhag par 'jam zhing des te gzhan gyi yon tan dang /
408a7 legs pa brjod par dga' yi/ nyes pa brjod par mi dga' la/ nyon mongs pa phongs pa la byams shing brtse bar gyur to/ /mtshan mkhan gyis smras pa/ 'di bu'i yon tan yin
408b1 te| bu'i ming yang mi gdung ba zhes btags so/ /de nas gsos bskyed de cher skyes nas stobs kyang gyad stobs po che'i tshad du phyin te/ gcig pus mi stong yang thub la/ nam mkha' la bya
408b2 'phur ba yang mchongs pas zin te mgyogs khyad kyang rta dang bang mnyam nas bu de la lhag par sdug cing byams par gyur te/ de'i tshe yul den bram ze mkhas pa'i rig pa dang ldan pa/
408b3 mang du thos pa/ gtsug lag la mkhas pa zhig yod de/ bram ze de la slob ma lnga brgya tsam rtag tu rjes su slob bo/ /de'i tshe blon po des kyang bu khrid de bram ze la gtad nas slob tu bcug
408b4 go /khye'u mi gdung ba slob pa la 'grus pas nyi ma gcig bslabs na/ gzhan lor bslabs pa bas mkhas te/ ring po ma lon par thams cad khong du chud cing rtogs par gyur to/ /slob
408b5 dbon bram ze des kyang de la lhag par yid rton te/ rtag tu 'grogs shing lhan cig 'dug pas slob ma gzhan dag kyang de la bsti stang byed do/ /de'i tshe na slob dpon bram ze de'i chung mas
408b6 khye'u de'i byad gzugs bzang zhing legs pa dang / bslab pa yang gzhan pas lhag par mkhas par mthong nas de la chags te yid la bzung yang slob ma rnams dang mi 'bral te/ nyin
408b7 mtshan 'grogs pas gtam bya ba'i skabs med de bsam pa ltar ma gyur pas rtag tu yid la gcags par gyur to/ /dus phyi zhig na sbyin bdag cig gis slob dpon de dang slob mar
409a1 bcas su zla ba gsum gyi bar du 'tsho ba sbyar nas mgron du gnyer to/ /de'i tshe slob dpon bram ze chung ma dang gnyis 'di skad ces bgros so/ /kho bo ni/
409a2 slob ma dang bcas su sbyin bdag gis zla ba gsum gyi bar du 'tsho ba sbyor ro/ /zhes bos kyi/ da slob ma las gcig cig phyi na las su bskos te bzhag pa'i rigs sam zhes
409a3 chung ma la smras pa dang / chung ma dga' nas bram ze la 'di skad ces smras so/ /khyim gyi so tshis dang bya ba mang po la shes pa mkhas pa dang ldan pa gcig cig bya dgos pas/
409a4 khye'u mi gdung ba yid brtan te phyir gzhag pa'i rigs so/ /zhes smras nas bram zes kyang khye'u mi gdung ba khyod phyir 'dug la khyim gyi so tshis dang zhal ta byos shig /kho bo ni/
409a5 sbyin bdag gis bos pas 'gro'o/ /zhes bsgo'o/ /khye'u mi gdung ba yang slob dpon gyis bsgo ba bzhin du phyir 'dug go /de'i tshe na slob dpon bram ze slob ma dang bcas te song
409a6 ba'i 'og tu bram ze'i chung ma de rab tu dga' mgu rangs nas shin tu byi bdar byas te bslu ba'i rnam pas khye'u dang smras kyang mi gdung ba sran btsugs te sems ma gyur to/ /de
409a7 nas 'dod chags kyi sems skyes pas tshig drang por smras te/ kho bo ni/ khyod la chags kyang sngon chad ni/ skabs med do/ /da ni/ slob dpon yang song nas ched du khyod
409b1 phyir bzhag pa yin gyi/ da ni/ dben zhing skabs la bab ste/ kho mo'i yid dang sbyor cig ces bsgo'o/ /mi gdung bas smras pa/ bdag ni/ bram ze yin pas bram ze'i chos kyis slob
409b2 dpon gyi chung ma dang nyal du mi rung ste/ gal te 'di 'dra ba zhig byas na/ bram ze ma yin pas bdag shi yang bla'i/ 'di ni/ mi phod do/ /zhes smras pa dang / slob dpon gyi chung
409b3 ma re ba ltar ma gyur pas ngo tsha zhing skyengs nas 'khon du bzung ste dku lto bya bar bsams nas phyis slob dpon phyir 'ong du nye ba na gos kyang dral/ gdong yang sbar mos drad nas
409b4 sa rdul gyis gos shing sma bab pa ltar cang mi smra bar sa la nyal lo/ /de nas slob dpon bram ze phyir slar 'ongs nas khyim du zhugs pa dang / chung ma de 'dra bar 'dug pa mthong
409b5 nas ci'i phyir khyod 'di ltar gyur ces dris pa dang / chung mas mchi ma blags te dri nga ba'i rin mi chog go /zhes smras so/ /slob dpon bram zes ci nyes pa smros shig ces nan gyis
409b6 dris pa dang / chung ma dus te 'di skad ces smras so/ /khyod kyis rtag tu bstod pa'i mi gdung ba ni/ khyod song ba'i 'og tu rtag par kho mo la nyal bar bsgugs te kho mo ma btub
409b7 pas| kho mo'i gos kyang dral/ gdong la yang rma phyung ba yin te/ khyod la 'di lta bu'i slob ma bdog gam/ bram zes de skad ces thos nas shin tu khros te chung ma la 'di skad
410a1 ces smras so/ /mi gdung ba 'di stobs ni/ gcig pus kyang mi stong yang thub la blon po chen po'i bu yin te/ cho rigs btsun pas nyes pa zhig bya na
410a2 yang bags kyis bya dgos so/ /zhes smras nas mi gdung ba'i drung du song ste ci rigs par snyan pa'i tshig gis spro ba bskyed nas kho bo song ba'i phyin las chen po dang /
410a3 nyon ma mongs sam zhes gtam dris nas 'di skad ces bsgo'o/ /khyod kyis snga phyir kho bo la chu gang gi snying nye ste/ khyod kyi drin rtag tu dran pas/ da ni/ khyod la
410a4 gsang ba'i chos gcig pu zhig yod pa sngon chad ma bstan pa khyod la bstan gyi/ gal te khyod kyis de bzhin du byas na/ gdon mi za bar tshangs pa'i lhar skye'o/ /zhes
410a5 smras so| |khye'u mi gdung ba pus mo sa la btsugs te bstan par gsol ba dang / mi gdung ba la 'di skad ces bsgo'o/ /khyod nyin zhag bdun gyis dge ba bsrungs te
410a6 mi stong gi mgo bcad nas sor mo re re zhing blangs la sor mo stong gis lus kyi phreng ba byas na/ de'i tshe tshangs pa'i lha mngon sum du mthong ste/ tshe 'phos ma thag tu
410a7 tshangs pa'i lhar skye'o/ /zhes bstan to/ /khye'u mi gdung bas slob dpon gyis de skad ces bstan pa thos nas the tshom skyes te slob dpon la 'di skad ces gsol to/ /
410b1 srog bcad pas tshangs pa'i lhar skye ba ni/ rigs pa ma lags so/ /slob dpon gyis smras pa/ khyod ni/ kho bo'i slob ma yin na/ ci kho bos bstan pa'i man ngag la yid
410b2 mi ches sam/ ci ste yid mi ches na khrel ltas yod pa ma yin te/ 'dir ma 'dug par gar dga' bar song zhig ces bsgos nas gsang sngags kyis btab ste ral gri
410b3 zhig sa la btsugs te sngags kyis btab pas/ khye'u de khros pa'i sems skyes te slob dpon gyis khros par rig nas ral gri lag tu byin no/ /mi gdung ba ral gri thogs
410b4 nas sgor brgyugs te mi phrad rgu bsad nas sor mo bcad de lus kyi phreng bar btags pas/ kun gyis sor phreng can du btags so/ /kun tu gsod cing zhag bdun du phyin
410b5 pa'i nyin par sor mo dgu brgya dgu bcu rtsa dgu ni/ rnyed kyi/ sor mo gcig gis bsnan na bsad pa'i grangs kyang stong du tshang ba las/ mi thams cad bros shing gab pas
410b6 gcig kyang mi rgya ste/ kun tu btsal kyang ma rnyed do/ zhag bdun gyi bar du kha zas ma zos pas khye'u'i ma bul snying brtse ste kha zas skyel du btang na thams cad 'jigs pas
410b7 gcig kyang ma spobs so/ /de nas khye'u'i ma nyid kha zas thogs te bu'i drung du song ba las/ rgyang ma nas ma 'ongs pa mthong ba dang / ma'i thog tu brgyugs te gsad par
411a1 gzas pa las de la mas sri zhu med par khyod ci log pas bsam ste/ mtshams med pa'i las byed cing ma gsod dam zhes smras pa dang / phyir ma la
411a2 'di skad ces smras so/ /bdag ni/ slob dpon gyis bstan pa bzhin du nyin zhag bdun gyis sor mo stong zhig kha bskangs te/ sor mo stong du tshang na tshangs pa'i lhar skye bas
411a3 sor mo grangs ma tshang ste mi byar mi rung bas/ da gsad dgos so/ /zhes smras pa dang / de la khye'u'i mas da 'di ltar gyur na/ kho mo mi gsad par sor mo gcad du mi rung
411a4 ngam zhes bsgo ba'i tshe bcom ldan 'das kyis rgyang ma nas gdul ba'i dus la bab par gzigs shing mkhyen nas dge slong zhig tu sbrul te/ de'i phyogs su gshegs so//
411a5 sor phreng can gyis dge slong mthong ba dang / ma gsod par byas pa btang nas dge slong gi thog tu mchongs te gsad par gzas so/ /sangs rgyas kyis de ltar 'ongs pa gzigs
411a6 nas zhabs kyis dal gyis gshegs kyang sor phreng can mthu stobs gtugs te brgyugs kyang ma slebs nas rgyang ma nas dge slong khyod cung zad cig sdod cig ces bos
411a7 so| |bcom ldan 'das kyis kyang rgyang ma nas nga ni/ rtag tu sdod na/ khyod nyid mi sdod do/ /zhes bka' stsal pa dang / sor phreng can gyis ji ltar na khyod ni/ sdod la/
411b1 kho bo ni| mi sdod ces smras pa dang / bcom ldan 'das kyis 'di skad ces bka' stsal to/ /nga'i dbang po rnams ni/ rtag tu zhi zhing ting nge 'dzin gyi dbang thob pas sdod do/ /
411b2 khyod ni| slob dpon gyis log par bstan te/ sdig pa la yid ches nas khyod kyi sems kyang bslus te mi sdod pas/ nyin mtshan du gsod pa'i las byed de/ sdig pa
411b3 mtha' med pa'i las byed do/ /sor phreng can gyis thos pa tsam gyis sems kyis rtogs shing chud de ral gri sa la bor nas rgyang ma nas skyabs su gsol lo/ /zhes phyag 'tshal
411b4 to| |de nas bcom ldan 'das kyang der gzhes te sangs rgyas kyi skur sprul nas 'od zer lhang nge lham mer mtshan sum cu rtsa gnyis kyis gsal bar brgyan pa bstan to/ /sor phreng
411b5 can gyis sangs rgyas kyi sku 'od zer dang mtshan du ldan pa mthong nas lus sa la brdabs te nyes pa mthol cing 'gyod nas bcom ldan 'das kyis chos bstan pas/ chos
411b6 la chos kyi mig rnam par dag par gyur to/ /dad pas rab tu 'byung bar gsol ba dang / bcom ldan 'das kyis legs par 'ongs so/ /zhes bka' stsal bas skra dang kha
411b7 spu rang byi ste dge slong du gyur to/ /de la bcom ldan 'das kyis ci rigs par chos bstan pas/ sems kyi dri ma kun zad nas dgra bcom par gyur te/ bcom ldan
412a1 'das kyis rgyal bu rgyal byed kyi tshal du khrid do/ /de'i tshe yul de na gnas pa'i mi la sogs pa srog chags thams cad sor phreng can gyi ming thos
412a2 pa tsam gyis mi skrag pa med de/ mi dang srog chags sbrum ma rnams kyang skrag pas/ bu btsa' ba'i thugs mi thub bo/ /de'i tshe bal glang mo zhig bu mi phyin pa dang / bcom ldan
412a3 'das kyis sor phreng can la bka' stsal pa/ khyod bal glang mo'i drung du song la 'di skad du bdag thog ma skyes nas da tsam gyi bar du mi gcig kyang ma bsad do/ /zhes bden
412a4 pa'i tshig smros shig ces bka' stsal pa dang / sor phreng can gyis bcom ldan 'das la 'di skad ces gsol to/ /bdag gis ni/ mi yang mang du bkum na/ ji skad du ma
412a5 bkum zhes bgyi/ bcom ldan 'das kyis bka' stsal pa/ khyod ni/ 'phags pa'i chos las skyes ma thag pa zhes bya'o/ /de nas sor phreng can gos tshags bcos te
412a6 bcom ldan 'das kyis bka' stsal pa bzhin du bal glang mo'i drung du song ste/ de skad smras pas bde bar btsas nas sor phreng can yang phyir gnas su 'ongs so/ /rgyal
412a7 po gsal rgyal dpung gi tshogs dang bcas te sor phreng can 'dzin du chas pa las/ dpung gi tshogs 'gro ba'i lam/ rgyal bu rgyal byed kyi drung du byung bas rgyal bu rgyal byed kyi
412b1 tshal na dge slong lus thung zhing mi sdug pa dbyangs rab tu snyan pa zhig yod de/ gtsug lag khang na dbyangs byed pa dpung gi tshogs kyis thos nas skyo mi zhes ba tsam du nyan 'dod
412b2 do| |glang po che dang / rta yang rna ba btud nas 'gror mi btub par nyan to/ /rgyal po ya mtshan du gyur te/ ci'i phyir glang po che dang rta la sogs pa 'gror mi btub ces smras pa dang
412b3 dbyangs snyan pa nyan 'dod pa'i phyir 'gror mi btub bo/ /zhes gsol to/ /rgyal pos smras pa/ dud 'gro'i skye gnas su skyes pa yang 'di ltar chos nyan par dga' na/ bdag
412b4 cag mi'i nang du skyes pa lta ci smos te/ skad cig mnyan par bya'o/ /zhes rgyal bu rgyal byed kyi tshal du song nas glang po che las babs te ral gri yang dkrol/ gdugs kyang
412b5 bzhag nas bcom ldan 'das gang na bzhugs pa'i spyan sngar song ste phyin pa dang / spyi bos phyag 'tshal nas bcom ldan 'das la 'di skad ces gsol to/ /dge slong
412b6 dbyangs shin tu snyan pa 'di su lags lta bar 'tshal te/ kaR+Sha pa Na stong phrag brgyad cu zhig kyang 'bul lo/ /zhes gsol pa dang / bcom ldan 'das kyis rgyal po la 'di skad
412b7 ces bka' stsal to/ /sngar sbyin pa byin pa'i 'og tu phrad par bya'o/ /gal te sngar phrad na/ kaR+Sha pa Na gcig tsam yang sbyin mi 'dod par 'gyur ro/ /de nas rgyal po dang dge slong du
413a1 phrad nas ha cang mi sdug la thung ches pas/ kaR+Sha pa Na gcig tsam yang sbyin pa'i sems ma skyes te/ rgyal pos pus mo sa la btsugs nas bcom
413a2 ldan 'das la 'di skad ces gsol to/ /bcom ldan 'das/ dge slong 'di'i lus shin tu mi sdug cing thung la dbyangs shin tu snyan pa 'di sngon las ci zhig bgyis na/ 'di
413a3 lta bu'i rnam par smin pa thob par gyur/ bcom ldan 'das kyis bka' stsal pa/ legs par nyan la shin tu yid la zungs shig dang bstan par bya'o/ /sngon 'das pa'i
413a4 dus na sangs rgyas 'od srung zhes bya ba 'jig rten du gshegs te sems can gyi don mdzad nas mya ngan las 'das pa'i 'og tu rgyal po kr-i kI byi zhes bya bas ring bsrel
413a5 bsdus te mchod rten brtsigs par byas pa las/ klu'i rgyal po bzhi zhig mir sprul te rgyal po'i drung du lhags nas ring bsrel gyi phyir mchod rten rtsig pa 'di rin po che las
413a6 bgyi'am/ sa las bgyi zhes gsol to/ /rgyal pos smras pa/ mchod rten ni/ chen por rtsig dgos na/ rin po che mang po mad pas sa las bya dgos te/ gru bzhi ngos gcig
413a7 kyang dpag tshad lngar phyin pa/ 'phang du mtho tshad dpag tshad nyi shu yod pa kun tu snang ba zhig rtsig dgos so/ /klu'i rgyal po de bzhis rgyal po la 'di skad ces smras so/ /
413b1 bdag cag bzhi ni/ klu'i rgyal po yin te/ rgyal po mchod rten byed pas bdag cag kyang rin po che gtang snyam mo/ /rgyal pos de skad ces smras pa thos nas rab tu dga' mgu
413b2 rangs te/ 'di ltar bstab pa legs so/ /zhes smras pa dang / klu rnams kyis yang 'di skad ces gsol to/ /grong khyer gyi ngos bzhi'i phyi rol na chu mig chen po bzhi zhig yod
413b3 de| shar phyogs ngos kyi chu mig las bcus te pha gu byas na/ thams cad bai DUR+ya sngon por 'gyur ro/ /lho phyogs ngos kyi chu mig las bcus te pha gu byas na/ thams cad
413b4 gser du 'gyur ro/ /nub phyogs ngos kyi chu mig las bcus te pha gu byas na/ thams cad dngul du 'gyur ro/ /byang phyogs ngos kyi chu mig las bcus te pha gu byas na/
413b5 thams cad shel dkar por 'gyur ro/ /zhes smras te/ rgyal pos de skad ces smras pa thos nas lhag par dga' mgu rangs te ngos bzhi'i lag dpon re re bskos nas ngos
413b6 re re byed du bcug pa las/ ngos gsum gyi lag dpon gyis mchod rten zin du nye ba tsam na ngos gcig gi lag dpon gyis le lo byas pas zin du mi nye ste/ rgyal po nyid mchod
413b7 rten byed pa la bltar 'ongs nas le lo byas pa de la khyod kyis las legs par ma byas pas ma zin te/ chad pas gcod do/ /zhes bsgo ba dang / mi de rgyal po la khros nas 'di
414a1 lta bu'i mchod rten ha cang thang ches pa 'di nam yang mi zin no/ /zhes gsol to/ /de nas rgyal pos nan tur bskyed pas kun gyis nyin mtshan
414a2 brtson 'grus byas nas dus gcig tu gcig car zin to/ /mchod rten ngo mtshar du mthong la rin po che rnams 'tsher zhing dbyibs kyang lhag par legs pas/ lag
414a3 dpon khros pa yang shin tu dga' nas sngar nyes pa rnams 'gyod cing bshags te gser gyi dril bu gcig mchod rten gyi rtse mo la btags nas 'di skad ces smon
414a4 lam btab bo/ /bdag gang nas gang du skyes kyang sgra skad shin tu snyan cing 'gro ba thams cad thos pa dang dga' bar shog cig /ma 'ongs pa'i dus su sangs rgyas
414a5 shAkya thub pa dang phrad de 'khor ba las rnam par grol bar shog cig ces smon lam btab bo/ /rgyal po chen po/ de'i tshe de'i dus na ngos gcig gi lag dpon
414a6 mchod rten ha cang ches so/ /zhes khros pa de ni/ dge slong 'di yin te/ de'i tshe khros bzhin du mchod rten ha cang ches so/ /zhes smras pa tsam gyis rtag tu lus thung
414a7 la mi sdug par gyur to/ /phyis dga' ba'i sems kyis dril bu phul nas mchod rten la btags te sgra skad snyan pa dang / nga dang phrad par shog cig ces smon lam btab
414b1 pas skye ba lnga brgya'i bar du sgra skad rab tu snyan te da 'dir nga dang phrad nas rnam par grol ba thob par gyur to/ /rgyal pos de skad ces gsungs pa thos nas phyir 'gro bar ches pa
414b2 las bcom ldan 'das kyis rgyal po chen po/ khyod gar 'gro zhes bka' stsal pa dang / rgyal pos bcom ldan 'das la 'di skad gsol to/ /yul 'di na dgra ma rungs pa
414b3 sor phreng can zhes bgyi ba/ mi kun bsad nas ma 'os par gnod par bgyid pas/ bdag cag de la dmag rgol du mchi'o/ /bcom ldan 'das kyis bka' stsal pa/ sor
414b4 phreng can ni/ da ltar grog sbur yang mi gsod na/ gzhan gsod pa lta smos kyang ci dgos/ rgyal po des da tsam bcom ldan 'das kyis ma btul lam snyam bsams pa dang /
414b5 bcom ldan 'das kyis rgyal po la 'di skad ces bka' stsal to/ /sor phreng can ni/ da ltar rab tu byung nas dgra bcom ste nyes pa'i skyon thams cad zad nas da ltar gnas
414b6 khang na 'dug go /rgyal po de dang phrad par 'dod na/ de dang sbrad do/ /zhes bka' stsal te/ sor phreng can gyi gnas khang gi sgor phyin nas dge slong sor phreng can gnas khang gi
414b7 nang na lud pa bsal ba'i sgra phyung ba thos pa tsam gyis sngar mi mang po bsad pa dran te rgyal po 'jigs skrag nas 'khams te sa la 'gyel to/ /de nas ring zhig lon pa dang / phyir langs
415a1 te bcom ldan 'das gang na ba der song nas ji ltar 'khams pa bcom ldan 'das la gsol pa dang / bcom ldan 'das kyis rgyal po chen po la
415a2 'di skad ces bka' stsal to/ /rgyal po chen po legs par nyon cig dang / sngon 'das pa'i dus na 'dzam bu'i gling 'dir yul wA ra NA si zhes bya ba na bya shin tu gdug pa
415a3 zhig yod de/ zas su yang srin bu gdug pa 'ba' zhig za'o/ /lus kyang shin tu gdug pas reg gam nyer yang mi bzod de/ gar 'phur zhing 'gro ba'i dus na sems
415a4 can yod pa kun yang dog la/ shing yang kun tu skam par 'gyur ro/ /de'i tshe bya gdug pa de tshal zhig gi nang du phyin nas shing khar 'dug ste skad phyung ba las de'i tshe
415a5 shing de'i drung na glang po che'i rgyal po zhig yod de/ bya gdug pa'i skad thos pa tsam gyis 'khams nas sa la 'gyel to/ /rgyal po chen po/ de'i tshe de'i dus na bya gdug
415a6 pa de ni| da ltar gyi sor phreng can yan no/ /glang po che'i rgyal po de ni/ rgyal po nyid yin no/ /bcom ldan 'das/ sor phreng can 'di ni/ khro gtum pas sems can de
415a7 snyed cig bsad de/ da bcom ldan 'das kyis dge ba la bzhag go /bcom ldan 'das kyis bka' stsal pa/ rgyal po chen po/ dge slong sor phreng can 'di da ltar gyi dus
415b1 'ba' zhig na mi mang po bsad de ngas btul bar ma zad de/ sngon 'das pa'i dus na yang sor phreng can gyis mi 'di dag kun bsad pa las ngas btul te dge ba sems par gyur
415b2 to| |rgyal pos yang gsol pa/ bcom ldan 'das sngon 'das pa'i dus na yang 'di dag bsad pa dang / bcom ldan 'das kyis btul ba'i dngos po rnam par bye ste bstan du
415b3 gsol| bcom ldan 'das kyis bka' stsal pa/ sngon 'das pa'i dus bskal pa grangs med pa'i pha rol na 'dzam bu'i gling 'dir yul wA ra NA si zhes bya ba na rgyal po ba la
415b4 mdar zhes bya ba zhig byung ngo / /de'i tshe rgyal po de dpung rnam bzhi dang bcas te tshal gyi nang du rtser song song ba las/ ri dwags dang phrad de ri dwags kyi phyi bzhin rgyug rgyug pa
415b5 nas de'i tshe rgyal po de ngal nas rta las babs te 'dug pa las nas de'i tshe rgyal po de ngal nas rta las babs te 'dug pa las tshal stug po de'i nang na seng+ge mo zhig gnas pa
415b6 'dod chags kyis nyen nas song song ba las tshal gyi nang na rgyal po gcig pu 'dug pa dang phrad nas seng+ge mo lhag par 'dod chags skyes te rgyal po la bsnyen nas mjug ma
415b7 bteg ste snyegs so/ /rgyal pos kyang 'dod chags skyes par rig nas 'di snyam du bsams so/ /'di ni/ gcan gzan khro ba yin te/ bdag bsad pa'i mthu yang yod pas gal
416a1 te yid bzhin du ma byas na/ bdag gi srog la 'bab bo snyam nas skrag bzhin du seng+ge mo la 'dod pa spyad do/ /de nas seng+ge mo phyir song ba'i 'og tu
416a2 g.yog rnams kyang lhags te rgyal po bsus te pho brang du khrid do/ /de'i tshe seng+ge mo de sbrum par gyur te zla ba tshang nas bu zhig byung na/ lus gzugs ni/ thams cad mi dang 'dra
416a3 ste| rkang pa 'ba' zhig khra bor 'dug go /seng+ge mos kyang rgyal po'i bu yin par dran nas rgyab tu bkal te rgyal po'i thad du bskyal lo/ /rgyal pos kyang bdag gi bu yin par
416a4 ? gsos bskyed nas de'i rkang pa bkra ba'i phyir ming yang rkang bkra zhes btags so/ /gsos bskyed de tshad du phyin par skyes pa dang / shin tu dpa' zhing rtul phod par
416a5 skyes so| |pha rgyal po tshe 'phos pa'i 'og tu rgyal po'i dbang thob nas btsun mo gnyis blangs so/ /de la btsun mo gcig ni/ rgyal rigs so/ /gcig ni/ bram ze'i rigs
416a6 so| |phyis rkang bkra de skyed mos tshal du 'chag tu song nas btsun mo gnyis la 'di skad ces bsgo'o/ /btsun mo khyod gnyis las gang nga'i phyi bzhin mgyogs par 'ongs te
416a7 gang nga dang sngar phrad pa de la ni/ nyi ma gcig gi bar du rtse dga' zhing yongs su spyad do/ /gang phyis 'ongs pa de ni/ nga dang phrad du mi 'dod do/ /zhes bsgos nas rgyal po de
416b1 song ba'i 'og tu btsun mo gnyis kyang rgyan gyis brgyan te bzhon pa bshams nas dus gcig tu chas so/ /lam byi bar na lha'i rten zhig yod pa la btsun mo bram ze'i rigs can
416b2 bzhon pa las babs te phyag byas nas myur du song ba las 'phyis par gyur to/ /de nas rgyal pos kyang sngar smras pa bzhin du ma bsten to/ /de nas btsun mo de zhe sdang skyes nas
416b3 lha la khros te bdag ni/ khyod la phyag 'tshal ba'i bar du 'phyis nas rgyal pos ma 'dod do/ /gal te lha khyod la mthu zhig yod yang dag na/ ci'i phyir nga'i mgon dang skyabs
416b4 mi byed ces shin tu khros rngam nas yid la 'di snyam du gnod par bya bar bsams so/ /rgyal po de'i phyir pho brang du 'ongs nas btsun mos 'di skad ces gsol to/ /bdag nyi
416b5 ma gcig cig ci dga' bar bgyid du gnang bar dbang bskur cig ces gsol pa dang / rgyal pos kyang de bzhin du gnang ngo / /zhes bsgo ba dang / mi mang po bsdogs te lha'i
416b6 rten bcom nas sa yang bsnyams so/ /de nas lha'i rten srung ba'i lha de shin tu mi dga' ste 'khrugs nas rgyal po la gnod par bya bar bsams te pho brang gi nang du song ba las
416b7 pho brang srung ba'i lha des nang du ma btang ngo / /de'i tshe na drang srong gcig cig ri drang srong lhags zhes bya ba la gnas te rgyal po rkang bkra drang srong de la mchod pa byed pas nyin
417a1 gcig bzhin du nam mkha' la 'phur zhing pho brang du 'ongs te/ zas bzang po ni/ mi 'dod kyi/ zas tha mal pa tsam zos nas phyir 'gro'o/ /nyi ma gcig
417a2 cig drang srong de mi 'ong bar lha des shes pas/ drang srong gi lus su sprul te pho brang gi nang du 'gro bar bsams pa las/ pho brang srung ba'i lhas shes nas nang du ma btang ba
417a3 dang / sgo nas bos te nang du mi ster ro/ /zhes byas pa dang / rgyal pos thos nas drang srong phyi rol nas 'bod pa myur du nang du thong zhig ces bka' stsal pa dang / pho
417a4 brang srung ba'i lhas kyang rgyal po'i bka' bzhin du ma bkag ste nang du btang ngo / /nang du 'ongs pa dang drang srong gi stan la 'dug nas rgyal pos kyang rtag tu kha zas ci za ba
417a5 tsam sbyar te phul lo/ /de'i tshe na drang srong sbrul pa de kha zas zar ma btub nas rgyal po la 'di skad ces smras so/ /kha zas 'di ni/ ngan ches kyi/ sha dang nya sha med na mi
417a6 za'o| |zhes smras pa dang / rgyal pos kyang 'di skad ces smras so/ /drang srong chen po sngon chad ni/ kha zas tha mal pa za bas na/ sha dang nya ma sbyar ba yin no/ /drang
417a7 srong sbrul pas smras pa/ da phyin chad ni/ kha zas ngan pa 'di dag mi 'dod kyi/ sha dang nya sbyor cig ces smras nas song ngo / /de nas rgyal pos kyang drang srong sprul pas smras
417b1 pa bzhin du sha dang nya sbyar nas phyi nyin drang srong rnying pa 'ongs pa la phul lo/ /drang srong de zhe sdang skyes te rgyal po de la khros pa dang / rgyal pos kyang drang srong la 'di skad ces
417b2 smras so| |drang srong chen po kha stsang 'ongs pa na kha zas 'di lta bu sbyor cig ces ma bsgos sam/ drang srong gis smras pa/ khar stsang na bas nyi ma gcig zan bcad de ma 'ongs
417b3 pa yin na/ de skad ces sus bsgos/ khyod kyis nga la brnyes pas 'di lta bur byas pa ma yin gyi/ rgyal po khyod lo bcu gnyis bar du mi sha 'ba' zhig za bar gyur cig ces
417b4 smras nas song ngo / /de nas nyin gcig rgyal po'i g.yos mkhan gyis sha ma 'byor nas 'phral du sha gzhan ma rnyed de byis pa'i ro zhig dang phrad nas sha 'di yang rung ngo
417b5 snyam bsams te mgo dang rkang lag bcad nas g.yos su byas te sbos sna tshogs kyis btab nas rgyal po la byin no/ /rgyal pos kyang sha de zos nas sngon gyi sha bas lhag par
417b6 zhim mo| |zhes g.yos mkhan la sngon chad kyi sha 'di lta bu'i ro med do/ /sha 'di ni/ lhag par zhim na ci'i sha zhes dris pa dang / g.yos mkhan skrag nas lto ba sa la phab
417b7 ste rgyal po la 'di skad ces gsol to| /gal te rgyal pos gyod mi rmo na/ drang por gsol lo/ /zhes smras pa dang / rgyal pos kyang khyod kyis drang por smras ni/ gyod mi rma'o zhes bsgo'o//
418a1 g.yos mkhan gyis smras pa/ bdag cag gis 'phral la sha gzhan brtas phas ma rnyed de/ byis pa chung du gum pa'i ro zhig rnyed de/ de g.yos su
418a2 bgyis te gsol pa las rgyal pos mkhyen par gyur to/ /rgyal pos bsgo ba/ sha 'di ni/ lhag par zhim gyi/ da phan chad sha 'di lta bu rtag tu sbyor cig ces bsgo ba dang
418a3 g.yos mkhan gyis 'di skad ces gsol to/ /sngar ni/ byis pa gum pa'i ro zhig rnyed de g.yos su byas pa lags kyi/ 'di las ni/ mi rnyed do/ /zhes gsol pa dang / rgyal
418a4 pos yang bsgo ba/ da phyin chad kyang khyed kyis gsang thub cing gzhan gyis mtshor bar longs shig dang / nga la dbang yod do/ /zhes bsgo'o/ /g.yos mkhan gyis kyang rgyal
418a5 pos bsgo ba bzhin du mtshan mo gsang ste brkus nas bsad de nyin gcig bzhin du g.yos su byas so/ /de'i tshe na grong khyer de'i mi dag phal cher cho nges 'debs shing /
418a6 bu stor to/ /zhes gcig nas gcig tu bsgrags te/ ci'i phyir 'di ltar gyur ces blon po rnams 'dus te bsgos nas mtshan mo lam srang mdor mel tshe byas te bltas na/ rgyal
418a7 po'i g.yos mkhan gyis bu chung du brkus te khyer ba zin nas bcings te rgyal po'i spyan sngar khrid nas snga phyir bu chung 'di snyed cig stor to/ /zhes gsol pa dang / rgyal po
418b1 cang mi smra bar gyur to/ /de bzhin du lan gsum gyi bar du gsol kyang mi smra ba las/ da bdag cag gis nyes pa byed byed pa zin te nyes par mngon na/ zhal che gcad pa'i rigs
418b2 kyi| mi smra ba'i mi rigs so/ /zhes gsol pa dang / rgyal pos ngas bsgo ba yin no/ /zhes smras so/ /de nas blon po rnams mi dga' ste 'khon du bzung nas so sor dong ngo / /phyi
418b3 rol tu phyin pa dang / gcig la gcig 'di skad ces smras so/ /rgyal pos ni/ bdag cag la sogs pa'i bu kun zos pas dgra yin te/ mi sha za ba'i rgyal po dang lhan cig
418b4 srid cig tu byar mi rung gi /gnod par 'gyur ba'i dag 'di lta bu ni/ med par bya ba'i rigs so/ /zhes thams cad gros mthun par rgyal po gsod pa'i gros byas so/ /grong
418b5 khyer de'i phyi rol na skyed mos tshal zhig yod de/ de na rdzing bu zhig yod pa'i nang na rgyal po nyin gcig bzhin du khrus byed du 'gro ba las/ blon po rnams kyis skyed mos tshal
418b6 gyi nang du dpung gi tshogs sbas nas rgyal po rdzing bur zhugs te khrus byed pa na dbung gi tshogs mang pos bskor nas bzung ste gsad par byas pa las/ rgyal po de skrag nas
418b7 dpung gi tshogs de la 'di skad ces smras so/ /ci'i phyir khyed kyis nga la bskor te 'dzin du rgol zhes byas pa dang / blon po rnams kyis rgyal po la 'di skad ces smras so/ /rgyal po
419a1 zhes bya ba ni/ 'bangs mang po gso ba yin na/ rgyal pos 'bangs kyi bu kun zos pas/ 'bangs thams cad gnas med par gyur te sdug bsngal
419a2 mi bzod pas/ da rgyal po khyod gsad do/ /rgyal pos smras pa/ 'di ltar byas pa ngas ni/ nyes mod kyi/ da phyin chad 'di ltar mi bya'i/ 'di'i tshe gtang du rung ngam mi rung zhes
419a3 bsgo ba dang / blon po rnams kyis 'di skad ces smras so/ /gal te gnam las kha ba nag po bab bam/ khyod kyi mgo la sbrul nag po skyes kyang gtang ba med kyi/ da ma smra zhig/
419a4 rgyal po rkang bkras kyang blon pos smras pa'i tshig thos nas da ni/ gdon mi za bar srog dang 'bral lo snyam ste yang blon po la 'di skad ces smras so/ /da ni/ khyed kyis
419a5 gsad par ni chad na/ skad cig kho na zhig kho bo bde bar sems su chug la gdod sod cig ces bsgo'o/ /de nas blon pos kyang cung zad bsdad de sems su bcug
419a6 pa dang / rgyal po des yid la 'di snyam du dam bcas so/ /bdag gis sngon chad dge ba ci byas pa dang / rgyal po'i srid chos bzhin byas pa dang / drang srong la sbyin pa
419a7 byas pa'i bsod nams ci yod pa thams cad kyi mthus nam mkha' la 'phur ba'i srin por gyur cig ces bsngos te de skad ces smras nas bsdos ma thag tu srin por
419b1 gyur te steng gi nam mkha' la 'phags nas blon po rnams la 'di skad ces smras so/ /khyed kyi mthus bsdongs te nga la gsad par byas kyang nga'i bsod nams kyis rang sos par
419b2 gyur te da phyin chad ni/ khyed bzod par byos shig /khyed kyi chung ma dang bu gang sdug cing phangs pa bza' bar bya'o/ /zhes smras nas 'phur te ri la babs nas phyin chad mi'i
419b3 nang du mi za bar gyur to/ /mi mang po yang 'jigs skrag nas rtag tu 'khras shing gab bo/ /de nas srin po mi la za zhing srin po mang du bsdongs nas 'khor dang g.yog kyang mang
419b4 bar gyur te/ phyis srin po'i 'khor rnams kyis srin po rkang bkra la 'di skad ces gsol to/ /bdag cag ni/ khyod kyi 'khor dang g.yog tu gyur na/ bdag cag la ston mo chen
419b5 po zhig byin cig ces gsol pa dang / srin po rkang bkras kyang de bzhin gnang nas rgyal po lnga brgya bsad de ston mo bya bar bgros nas so so nas rgyal po blangs te brag phug tu
419b6 bcug go /bzhi brgya dgu bcu rtsa dgu ni/ rnyed kyi/ rgyal po gcig ma tshang ba las rgyal po de dag brag phug na gcig la gcig 'di skad ces smra'o/ /bdag cag ni/ da phongs
419b7 te skyabs su 'gyur ba yang med na/ gal te su ta so ma thabs dang ldan pa de 'dir 'ongs na bdag cag thar kyang srid kyi/ su ta so ma 'dir 'ongs par srin po la gsol bar bya'o//
420a1 zhes bgros nas srin po'i rgyal po la 'di skad ces gsol to/ /rgyal bo khyod ston mo mdzad na/ bdag cag mi'i rgyal po 'ba' zhig bsad de ston
420a2 mo byas pas/ ston mo bzang por mi 'gyur gyi/ su ta so ma zhes bgyi ba yon tan chen po dang ldan te/ de rnyed na 'dod ston mo bzang bor 'gyur ro/ /zhes gsol pa dang /
420a3 srin po'i rgyal pos 'di lta bu zhig ci dka' zhes smras nas nam mkha' la 'phur te su ta so ma len du song ngo / /de'i tshe na su ta so ma bu mo gzhon nu dang grong khyer gyi phyi
420a4 rol tu khrus byed du 'gro ba las lam du bram ze slong ba zhig dang phrad de sbyin par byas nas bram ze la 'di skad ces smras so/ /bdag da khrus shig byed du 'gro ste/ phyir log
420a5 nas sbyin par bya'o/ /zhes smras nas khrus byed du song ba las/ khrus byed pa na srin po'i rgyal po 'ongs te brag phug tu khyer ro/ /de'i tshe na su ta so ma ma dga' ste dus pa dang /
420a6 rkang bkras 'di skad ces smras so/ /khyod ni/ gzhan pas lhag par yon tan dang ldan pa'i mchog go zhe na/ skyes bu chen po ni/ cis kyang mi skrag pa yin na/ ci'i phyir
420a7 mi dga' ste byis pa chung du ltar du zhes smras so/ /su ta so mas srin po la smras pa/ bdag lus la chags shing srin po'i 'jigs pas mi dga' ba ma yin gyi/ bdag ni/
420b1 thog ma nas rdzun smra ma myong na/ da ci khrus la 'gro ba'i lam du bram ze slong ba zhig dang phrad de/ bdag gis kyang khrus byas nas phyir log ste sbyin pa sbyin no/ /zhes smras nas khrus byed du
420b2 song ba las/ rgyal po khyod kyis bdag 'dir khyer te 'ongs pas bdag gis rdzun smras so snyam ste mi dga'i/ lus dang srog la chags pa ni/ ma yin no/ /rgyal po khyod bdag la thugs
420b3 brtse ba'i phyir zhag bdun zhig bshol te bram ze de la sbyin pa byas nas phyir yang 'gum du mchi'o/ /zhes gsol to/ /srin pos smras pa/ khyod da btang na phyir 'ong du btub bam/ smras
420b4 pa| gal te ma 'ongs na yang khyod la blang ba'i mthu byed do/ /zhes smras nas phyir btang ngo / /su ta so ma phyir yul du phyin tsam na bram ze de yang da dung 'dug ste rab tu dga' nas bram
420b5 ze la sbyin pa byin no/ /bram ze des kyang su ta so ma ring por mi thogs par srog dang bral bar 'gro bas/ phyir yul la chags te mi dga' bar shes nas de la tshigs su bcad de
420b6 smras pa| bskal pa'i mtha' la thug pa na/ /gnam dang klung yang rab 'bar te/ /ri rab lhun po rgya mtsho yang / /thams cad thal ba nyid du 'gyur/ /lha dang klu dang lha ma yin/ /
420b7 thams cad 'jig cing nyams yal te/ /gnam dang sa yang med 'gyur na/ /rgyal srid lta zhig ga la rtag /skye dang rga dang na 'chi yi/ /'khor ba'i mtha' ni zad mi shes/ /re
421a1 zhing 'dod pa ma grub na/ /mya ngan gyis ni gnod par 'gyur/ /'dod pa skyon du rab che ste/ /nyes pa gzhan nas 'ongs pa min/ /khams gsum sdug
421a2 bsngal bcas pas na/ /yul srid yid brten rung re skan/ /yod pa ye nas med pa ste/ /rgyu dang rkyen gyis sgrub par 'gyur/ /dar ba yod na rgud pa yod/ /bden pa nges par rdzun 'gyur
421a3 ro| |so so'i skye bo tham thom dag /sgyu ma la ni kun gnas te/ /khams gsum ji ltar stong bzhin du/ /yul gyi srid kyang de bzhin no/ /rnam par shes la gzugs med do/ /
421a4 gdug pa'i sprul bzhi la gnas te/ /ma rig pa las skyes pa la/ /bde ba'i gnas su kun 'dzin to/ /gzugs la rtag pa'i bdag med de/ /sems la rtag pa'i khyim yod
421a5 min| |lus la sems kyang bral 'gyur na/ /yul srid lta zhig yod re skan/ /de'i tshe su ta so mas tshigs su bcad de smras pa thos nas don yid la bsams pas shin tu
421a6 dga' ste rgyal tshab rgyal por bcug nas blon po rnams la phyi phyag byas te 'thams pa bzhin du phyir 'gro bar byas pa las/ blon po rnams kyis 'di skad ces gsol to/ /
421a7 rgyal po rkang bkras ma bsnyengs shig /bdag cag gis bsams na/ rgyal po'i sku bsrung ba'i slad du lcags kyi khang pa byas la rgyal po de'i nang du zhugs na rkang bkra dpa'
421b1 mod kyi| ci bgyir yang ma mchis so/ /rgyal pos blon po rnams dang mi mang po rnams la bsgo ba/ mi gcig skyes pa la rdzun mi zer ba'i khrel ltas dgos te/ rdzun smras na gson yang dga'
421b2 ba ma yin pas/ thog ma 'khams pa nas tshe 'phos kyang bla'i/ rdzun smras te gson par mi 'dod do/ /zhes khrel ltas byas pa'i legs pa rnam pa sna tshogs dang / rdzun smra ba'i skyon
421b3 mang po smras pa dang / blon po rnams kyang mya ngan gyis brnangs te tshig med par gyur to/ /de nas thams cad kyis rgyal po bskyal nas thams cad kyis cho nges btab ste brgyal zhing 'khams
421b4 par gyur to/ /su ta so ma lam du zhugs te song ba'i tshe srin po rkang bkra yang su ta so ma 'dir 'ong ba'i dus yin no snyam bsams nas ri'i rtse mor byung ste bltas pa dang / su ta so ma
421b5 lam na rgyang ma nas srog 'dor du 'ong ba mthong ngo / /de nas nye bar 'ongs te bltas na/ sngon pas kyang lhag par dga' ba'i mdangs yod pas srin pos rgyal po la 'di skad ces smras
421b6 so| |srog 'dor du 'ong ba lta bdag la dga' ba ci zhig yod de/ khyed 'tsho ba gtong ba la srog kyang mi phangs sam/ khyod yul du phyin nas phan pa'i don ci zhig rnyed na/ 'di ltar
421b7 dga' zhes dris so/ /su ta so mas smras pa/ rgyal po chen po/ khyed kyis thugs bag mdzad de bdag gi 'tsho ba zhig bdun bshol nas bdag gis sngar dam bcas pa las ma 'gal
422a1 te sbyin pa chen po yang byas/ dam pa'i chos kyang thos nas yid la gcags te bsam pa grub pas na/ 'dir srog btang yang gson pa pas dga'o/ /
422a2 zhes smras so/ /rgyal po rkang bkras smras pa/ khyod kyis chos ci zhig thos pa kho bo la yang smros shig ces bsgo ba dang / su ta so mas tshigs su bcad pa ji skad du thos pa de yang
422a3 smras| de ma yin pas zhan yang gsod pa'i kha na ma tho ba'i sdig pa dang / mi dge ba'i rnam par smin pa yang thabs mkhas pas rgya cher smras/ srog mi gcod pa'i yon tan dang
422a4 bsod nams rgya chen po dang / byams pa'i sems kyang rgyas par bstan pas/ rgyal po rkang bkra rab tu dga' rangs te spyi bos phyag 'tshal nas bstan pa bzhin du phyin chad srog
422a5 gcod pa btang / rgyal po brag phug tu bcug pa rnams kyang so so'i yul du bskyal lo/ /de nas su ta so mas dpung gi tshogs bshams nas rgyal po rkang bkra bsus te phyir
422a6 yang rgyal por bcug go /der ni/ drang srong gis dmod pa bor ba'i lo bcu gnyis kyang tshang bas/ de phyin chad mi sha yang mi za ste sngon bzhin du rgyal po byas so/ /rgyal po chen
422a7 po| de'i tshe de'i dus na su ta so ma de ni/ da ltar nga yin no/ /rgyal po rkang bkra de ni/ da ltar sor phreng can yin no/ /de'i tshe lo bcu gnyis kyi bar du rkang bkras mi zos pa
422b1 rnams ni/ sor phreng can gyis bsad pa'i mi rnams yin no/ /mi 'di dag kyang gang nas gang du skyes par rtag tu sor phreng can gyis bsad par gyur la/ ngas kyang skye ba thams cad
422b2 du dge ba la bkod par gyur to/ /ngas sngon du dran pa sngon ma rabs byed pa'i tshe yang gsod pa las bzlog nus na/ da mngon par sangs rgyas te yon tan phun sum tshogs la sdig
422b3 pa yongs su spangs na/ 'di dag 'dul bar gyur pa lta ci smos/ rgyal pos yang bcom ldan 'das la 'di skad ces gsol to/ /mi 'di dag sngon ci zhig bgyis na/ skye ba thams
422b4 cad du sor phreng can gyis rtag tu bsad par gyur/ bcom ldan 'das kyis rgyal po la bka' stsal pa/ rgyal po chen po legs par nyon cig dang bstan par bya'o/ /sngon 'das
422b5 pa'i bskal pa grangs med pa'i pha rol na 'dzam bu'i gling 'dir yul wA ra NA si na rgyal po ba la da ra zhes bya ba zhig byung ste/ rgyal po de la sras gnyis yod de/ byad
422b6 gzugs legs pa/ blta na sdug pa/ rtsal dang ldan pa'o/ /de'i tshe sras chung du shos kyis 'di snyam du bsams so/ /gal te bdag gi pha tshe 'phos na phu bo rgyal por 'gyur
422b7 te| bdag gzhon pas rgyal po yang mi 'thob na/ mir skyes la rgyal po ma thob na tha mal bar 'dug na yang ci rung / dben par song nas drang srong gi lam btsal lo snyam
423a1 bsams nas rgyal po'i thad du song ste yab rgyal po la 'di skad ces gsol to/ /bdag ni/ ri dben par drang srong gi lam btsal bar dga'o/ /
423a2 bdag la sdug par 'dzin na bsam pa 'di las ma zlog cig ces yang dang yang du gsol pa dang / rgyal pos kyang de bzhin du gnang nas ri dben par song ngo / /de nas
423a3 lo mang zhig lon pa dang / rgyal po yab tshe 'phos nas phu bo rgyal sar gshegs so/ /phu bo yang rgyal sar zhugs nas ring por ma lon par nad kyis btab nas tshe 'phos
423a4 te| rigs 'tshob pa'i mi med do/ /blon po rnams 'dus nas ji ltar bya ba bgros pa dang / de la blon po gcig gis 'di skad ces smras so/ /rgyal po chen po'i sras chung
423a5 du zhig rgyal po la gsol te de ltar ri la drang srong byed cing 'dug gi /de spyan drangs la rgyal bor gzhug go /zhes smras pa dang / blon po rnams kyis de 'dra ba zhig nges
423a6 par yod dam/ de 'dra ba zhig yod na lta spyan drangs la rgyal por gzhug go /zhes bgros nas ri la rgyal bu tshol du dong ngo / /de dag rgyal bu dang phrad nas bdag cag
423a7 la rgyal po med de/ khyod kyis rgyal po bya dgos kyi/ 'dong ngo / /zhes smras pa dang / drang srong gis tshig 'di ni/ 'jigs su rung ste/ kho bo ni/ dben pa 'di na rab tu bde
423b1 ste| mya ngan ci yang med do/ /'jig rten pa ni/ rang bzhin gyis ma dul ba yin pas/ rgyal po yang gsod de/ bdag gis mi nus so/ /blon po rnams kyis smras pa/ rgyal po'i
423b2 gdung chad de gdung 'tshob pa med pas/ drang srong khyod 'ba' zhig rgyal po'i gdung la gtogs pa yin te/ yul mi thams cad kyang mgon med par gyur gyi/ 'gro ba mang po la
423b3 thugs brtse ba'i phyir rgyal por gshegs su gsol/ zhes smras pa dang / drang srong gis kyang ma bzod nas blon po rnams kyis gsol pa bzhin du phyir yul du 'ongs te rgyal po
423b4 byas so| |drang srong de chung du nas 'dod chags dang ma 'phags pa las/ srid 'tsho zhing bags kyis bud med dang 'bags pas/ 'dod chags lhag par che bar gyur te/
423b5 nyin mtshan du 'dod chags la bag med pas 'di skad bkar btags so/ /nga'i yul mi las bu mo yod pa rnams bag mar gtong ba na sngar nga dang phrad pa'i 'og tu gdod
423b6 bag mar thong zhig ces bkar btags so/ /yul na bud med bzang mo sdug gu yid du 'ong ba thams cad la yang mi rigs pa spyod do/ /de'i tshe bud med gcig cig mi mang po tshogs
423b7 pa'i mdun du sgren mor byung ste gcin gci ba dang / thams cad kyis bgad de ngo tsha mi shes pa 'di ci byed ces spyos pa dang / bud med des 'di skad ces smras so/ /bud
424a1 med kyis bud med kyi nang du gcin gci ba la ngo tshar ci zhig yod de/ khyed kyang gcig gi mdun du gcig gis gcin gcis kyang ngo mi tsha na/ kho mo
424a2 bud med du 'dra ba'i nang du gcis pa la ngo tshar yang ci zhig yod/ mi mang pos smras pa/ khyod kyis 'di skad smras pa 'di ci'i tha tshig ces smras pa dang / bud med des 'di
424a3 skad ces smras so/ /yul 'di ni rgyal po gcig pu ni/ skyes pa yin gyi/ gzhan yul mi thams cad ni/ bud med yin du nges so/ /khyed kun skyes pa yin na de 'dra ba'i
424a4 mi rigs pa rgyal po byed pa'i mi rigs so/ /de nas mi mang po ngo tsha zhing skyengs par gyur te bud med 'dis smra ba ni/ bden te/ rigs pa ma yin pas rgyal po 'di med
424a5 par bya'o/ /zhes bgros nas thams cad gros mthun te rgyal po skyed mos tshal du khrus la 'gro ba'i tshe gsad par bya'o/ /de nas skyed mos tshal du dpung gi tshogs spas
424a6 nas rgyal po rdzing bur 'ongs pa'i tshe thams cad log nas bzung ste bsad par byas so/ /rgyal po skrag nas khyed rnams ci byed ces smras pa dang / blon po rnams kyis
424a7 'di skad ces smras so/ /rgyal po chos bzhin mi byed de 'dod chags kyis sbyor nas yul mi thams cad kyang rigs sun cing smra pha ba ste/ bdag cag ma bzod ches nas
424b1 khyod med par byas te rgyal po mdzangs pa gzod btsal lo snyam mo/ /rgyal pos de skad ces smras pa thos nas skrag par gyur te blon po rnams la 'di skad ces smras so/ /sngon chad
424b2 ni| bdag gi nyes pa bden gyi phyin chad de ltar mi bya na/ gtang du rung ngam mi rung zhes smras pa dang / blon po rnams kyis 'di skad ces smras so/ /gal te gnam las kha ba
424b3 nag po bab bam/ mgo la sprul nag po skyes kyang mi gtang gi /ma smra zhig ces bsgo'o/ /rgyal pos de skad ces smras pa thos nas da ni/ gdon mi za bar gsod do snyam
424b4 ste khros nas blon po rnams la 'di skad ces smras so/ /nga sngon ri la 'dug ste 'jig rten la mi dga' ba las nan gyis rgyal por bcug ste/ nga ni/ nga gsod do/ /gar skyes
424b5 gar skyes kyang khyod nga dang phrad de khyod kyang ngas gsod par shog cig ces dam bcas so/ /de ltar dam bcas mod kyi/ 'on kyang ma gnang ste bsad do/ /rgyal po chen po/
424b6 de'i tshe de'i dus na rgyal po drang srong de ni/ da ltar sor phreng can yin no/ /de'i tshe mi mang po gros mthun par rgyal po gsod pa ni/ sor phreng can gyis bsad pa'i mi 'di dag yin
424b7 te| rtag tu sor phreng can gyis bsad par gyur to/ /rgyal pos yang pus mos la btsugs te bcom ldan 'das la 'di skad ces gsol to/ /dge slong sor phreng can 'dis mi
425a1 mi 'di snyed cig bsad na/ da 'bras bu thob pa'i 'og tu rnam par smin pa myong bar 'gyur ram/ bcom ldan 'das kyis bka' stsal pa/ rgyal po
425a2 chen po| sdig pa byas na/ rnam par smin pa nges par myong ste/ dge slong 'di yang da ltar gnas khang na sems can dmyal ba'i me ba spu'i khung kun nas 'bar te sdug bsngal mi
425a3 bzad pa myong zhing 'dug go /de nas bcom ldan 'das kyis 'khor mang po la sdig pa'i las byas na/ nges par sdig pa'i rnam par smin pa rtogs par bya ba'i phyir dge
425a4 slong zhig la 'di skad ces bka' stsal to/ /dge slong khyed song la lde mig khyer te dge slong sor phreng can gyi sgo'i bu gur chug cig ces bka' stsal nas dge slong gis
425a5 bka' bzhin du lde mig thogs te sgo'i bu gur bcug na/ de ma thag tu zhu'o/ /dge slong de sdangs skrag nas phyir bcom ldan 'das kyi spyan sngar 'ongs te de bzhin du gsol
425a6 pa dang / bcom ldan 'das kyis dge slong dag la 'di skad ces bka' stsal to/ /sdig pa byas pa'i rnam par smin pa ni/ 'di yin no/ /zhes bka' stsal te/ rgyal po dang
425a7 'khor mang po rnams yid ches par gyur to/ /de nas tshe dang ldan pa kun dga' bos bcom ldan 'das la 'di skad ces gsol to/ /dge slong sor phreng can sngon legs pa ci
425b1 zhig bgyis na/ mthu stobs gyad chen po'i stobs dang mnyam zhing rtsal che ba/ bya ltar mgyogs par gyur/ legs pa ci zhig bgyis na/ bcom ldan 'das dang phrad de 'khor ba las
425b2 grol bar gyur pa 'khor mang po la thugs brtse ba'i slad du bstan du gsol/ bcom ldan 'das kyis bka' stsal pa/ khyed legs par nyon cig /sngon 'das pa'i dus na sangs rgyas
425b3 'od srung gi tshe dge slong zhig gang zag gi las byed pa las/ 'bru'i khal zhig bkal te song song ba las lam du char pas non te byol ba'i gnas med pas/ 'bru dang snod du bcas pa
425b4 thams cad gsher bar gyur to/ /de'i tshe na dge slong de mgyogs par 'gro 'dod pa las/ mthu chung bas 'gro bul te mgyogs par ma gyur pas 'di skad ces smon lam btab
425b5 po| |bdag ma 'ongs pa'i dus na mthu stobs ni/ mi stong dang mnyam zhing lus yang la/ 'gro mgyogs khyad bya 'phur ba dang 'dra bar shog cig /ma 'ongs pa'i dus na sangs
425b6 rgyas shAkya thub pa 'jig rten du gshegs pa dang phrad de 'khor ba las grol bar gyur cig ces smon lam btab bo/ /kun dga' bo/ de la gzhan du ma sems shig /de'i
425b7 tshe gang zag gi las byed pa'i dge slong de ni/ da ltar gyi dge slong sor phreng can yin te/ de'i tshe rab tu byung nas tshul khrims bsrungs te dge 'dun gyi las byas pas /
426a1 smon lam bzhin du gang nas gang du skyes kyang byad gzugs bzang ba dang / mthu stobs dang rtsal che bar gyur te/ nga dang phrad par smon pas 'khor ba
426a2 las grol bar gyur to/ /de'i tshe kun dga' bo dang / dge slong rnams dang / rgyal po dang / 'khor mang po rnams bcom ldan 'das kyis rnam par smin pa'i 'bras bu gsungs pa
426a3 thos nas thams cad kyis brtson 'grus bskyed de bden pa bzhi yid la byas pas la la rgyun du zhugs pa dang / lan gcig phyir ldog pa dang / phyir mi ldog pa dang / dgra
426a4 bcom par gyur to/ /la la ni/ rang sangs rgyas kyi dge ba'i rtsa ba bskyed do/ /la la ni/ bla na med pa'i byang chub tu sems bskyed de phyir mi ldog pa'i sa la gnas par gyur
426a5 to| |thams cad lus dang ngag dang yid dge ba la 'dun te bcom ldan 'das kyis gsungs pa la rjes su yi rang nas mngon par dga'o/ /mi gdung ba sor phreng can gyi le'u
426a6 ste sum cu rtsa drug pa'o// //bam po bcu gcig pa/ dbul mo bsnyen dga' mo'i le'u/ 'di skad bdag gis thos pa dus gcig na/ bcom ldan 'das
426a7 mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na bud med bsnyen dga' mo zhes bya ba dbul phongs pa/ 'tsho
426b1 ba slong mo la ltos pa zhig yod de/ bud med des rgyal po dang / blon po dang / mi mang pos so so nas sangs rgyas dang dge 'dun la mchod pa byas pa mthong nas 'di snyam du bsams so/ /
426b2 bdag gis sngon sdig pa ci zhig byas na/ 'di ltar dbul zhing rigs ngan par skyes te/ da bsod nams kyi zhing dang phrad kyang sa bon mi bdog snyam nas shin tu yi chad de 'gyod pa
426b3 skyes nas nyi ma gcig gi bar du thog thag bslangs na/ dong tshe gcig las ma rnyed de/ dong tshe gcig po thogs nas mar 'tshong pa'i khyim du song ste mar zhig nyo bar byas so/ /
426b4 mar 'tshong pa'i khyim bdag gis smras pa/ dong tshe gcig gis mar nyo ba 'di ha cang yang nyung ches na/ khyod kyis ci zhig bya zhes dris pa dang / bsnyen dga' mos kyang drang por gtam
426b5 byas pas/ mar 'tshong pa'i bdag po snying brtse ste mar lhag par byin no/ /bsnyen dga' mos mar de thob nas rab tu dga' ste gtsug lag khang du song nas bcom ldan 'das la
426b6 dbul lo/ /zhes sangs rgyas kyi spyan sngar mar me btsugs te smon lam 'di skad ces btab bo/ /bdag da ltar dbul phongs te mar me chung du 'dis sangs rgyas la mchod do/ /
426b7 bsod nams 'dis ma 'ongs pa'i dus na bdag shes rab kyi mar me dang ldan te/ sems can thams cad kyi mun pa'i dri ma bsal bar shog cig ces smon lam btab nas phyir
427a1 gnas su song ngo / /de'i mtshan mo mar me gzhan ni/ zad kyi bsnyen dga' mo'i mar me gcig pu ni/ nam nangs kyi bar du 'bar ro/ /de'i tshe mau ga la
427a2 ya na dus 'dzin pa'i ras la bab pas nam nangs nas mar me gcig pu zhig lhag par gsal te/ mar dang snying po yang ma nyams/ gsar du btsugs ma thag pa 'dra nas
427a3 'di snyam du sems so/ /nyin par ni/ mar me btsugs kyang phan pa med kyi/ gsad do snyam nas gsad par gzas na ma sod do/ /de nas lag dar te gsad par gzas na
427a4 yang bsod de ma nyams so/ /de nas gos kyis gsad par gzas na yang ma sod pa bcom ldan 'das kyis gzigs nas mau gal la 'di skad ces bka' stsal to/ /khyod kyis
427a5 mar me 'di gsad par sems kyang mar me 'di ni/ khyod kyis mi sod do/ /khyod nyan thos kyis bsgul zhing bskyod nus pa yang ma yin no/ /gal te khyod kyis rgya mtsho chen
427a6 po bzhi'i chu phab bam rdzi rlung yug pas bus kyang sod par mi 'gyur ro/ /de bas na mar me 'di ni/ kun gyi don rgya chen po byed par bsam pa chen po bskyed pas phul ba yin
427a7 no| |bcom ldan 'das kyis de skad ces gsungs nas bsnyen dga' mo yang bcom ldan 'das kyi spyan sngar 'ongs te zhabs la spyi bos phyag 'tshal ba dang / de'i tshe bcom
427b1 ldan 'das kyis lung bstan te/ khyod ma 'ongs pa'i dus na bskal pa grangs med pa gnyis 'das nas mngon par sangs rgyas te mtshan yang mar me 'od ces bya ste/ dbang bcu dang
427b2 ldan par 'gyur ro/ /de'i tshe na bsnyen dga' mos bcom ldan 'das kyis lung bstan pa thob nas rab tu dga' ste pus mo gnyis sa la btsugs nas rab tu 'byung bar gsol te/
427b3 bcom ldan 'das kyis kyang rab tu 'byung bar gnang ngo / /tshe dang ldan pa kun dga' bo dang / mau gal gyi bus bud med dbul mo lung bstan pa thob ste rab tu byung ba mthong nas
427b4 pus mo gnyis sa la btsugs te thal mo sbyar nas bcom ldan 'das la 'di skad ces gsol to/ /bsnyen dga' mo dbul mo 'di sngon las ci zhig bgyis na/ de srid kyi bar
427b5 dbul phongs te 'tsho ba yang mi rnyed par gyur/ ci zhig bgyis na bcom ldan 'das dang phrad de/ 'khor rnam pa bzhi mchod pa byas par gyur/ bcom ldan 'das kyis kun
427b6 dga' bo la bka' stsal pa/ sngon 'das pa'i dus na sangs rgyas 'od srung 'jig rten du gshegs te/ de'i tshe khyim bdag gi chung ma zhig gis sangs rgyas dang / dge
427b7 slong gi dge 'dun du bcas pa spyan drangs pa las/ sngar bud med dbul mo zhig gis spyan drangs te gshegs su gnang ngo / /bud med dbul mo de yang lan gcig phyir
428a1 ldog pa thob pa zhig ste/ de'i tshe na khyim bdag gi chung ma de btsan zhing phyug pa dang / cho rigs snyems pas dbul mos sngar spyan drangs pa la
428a2 brnyas smad nas 'di skad ces smras so/ /bcom ldan 'das ci'i slad du bdag gis spyan drangs par sngar mi gshegs par sbrang mos spyan drangs par gshegs zhes tshig
428a3 ngan pa smras te 'phags pa la brnyas smad pas/ skye ba lnga brgya'i bar du rtag tu dbul phongs pa/ 'tsho ba slong mo la ltos pa'i rigs su skyes so/ /phyi nyin sangs rgyas dang / dge
428a4 'dun la dad pas mchod ded dga' bas na/ da sangs rgyas dang phrad de rab tu byung nas lung du bstan pa yin no/ /de'i tshe 'khor mang po rnams sangs rgyas kyis gsungs pa
428a5 la rab tu dga' bar gyur te/ /de'i tshe rgyal po dang / blon po dang / mi mang po dag gis bud med dbul mos sangs rgyas la mar me gcig phul bas/ sangs rgyas su
428a6 lung bstan to/ /zhes thos nas thams cad kyis bkur stir byas te 'tsho ba'i yo byad mchog dam pa rnam pa bzhi cho ga par sbyar te phul lo/ /de'i tshe yul de'i khye'u dang / bu
428a7 mo ya rabs dang ma rabs thams cad kyis mar me dri bsung can sbyar te rgyal bu rgyal byed kyi tshal du bcom ldan 'das la phul lo/ /mar me 'bul ba'i mi mang pos mar me
428b1 mes rgyal bu rgyal byed kyi tshal kun yongs su gang ste phyogs bzhin sa skar ma nam mkha' la snang ba dang 'dra bar nyin gcig bzhin du phul te/ de lta bur rgyun ma chad par nyin zhag
428b2 bdun gyi bar du phul lo/ /de'i tshe kun dga' bo shin tu dga' nas ngo mtshar du gyur te/ bcom ldan 'das kyi yon tan ni/ 'di snyed cig mnga' 'o/ /zhes bsngags nas/
428b3 bcom ldan 'das la 'di skad ces gsol to/ /bcom ldan 'das kyis sngon 'phrin las ci zhig bgyis na/ 'di lta bu'i mar me tshad med pa dang ldan par gyur/ bcom ldan
428b4 'das kyis kun dga' bo la bka' stsal pa/ sngon 'das pa'i dus na 'dzam bu'i gling 'dir rgyal po ka si ki zhes bya ba zhig byung ste/ rgyal phran brgyad khri bzhi stong snyed la
428b5 dbang byed pa rgyal po'i btsun mo chen mo la sras gcig byung ste/ lus kyi mdog gser lta bur 'dug la/ mtshan sum cu rtsa gnyis dang / dpe byad bzang po brgyad cur ldan
428b6 te| spyi la rin po che kha dog gsal pa/ blta na mi sprid pa zhig yod de/ mtshan mkhan bos nas bzang ngan brtags te ming gdags pa las/ mtshan mkhan gyis bltas na
428b7 mtshan ngo mtshar du bzang bas lag pa bteg nas shin tu legs so/ /zhes smras te/ rgyal bu 'di ni/ 'jig rten lha dang / mi'i nang na bsgrun du med do /gal te khyim na
429a1 gnas na 'khor los bsgyur ba'i rgyal por 'gyur ro/ /gal te rab tu byung na mngon par 'tshang rgya'o/ /zhes smras te/ mtshan mkhan gyis
429a2 rgyal po la 'di skad ces gsol to/ /rgyal bu 'di thog ma btsas pa na ngo mtshar ya mtshan gyi ltas ci zhig byung zhes dris na/ rgyal bu 'di btsas pa'i ste spyi bo na rin po che
429a3 shin tu gsal ba zhig yod do/ /zhes smras nas rgyal bu'i ming yang rin chen gtsug phud ces btags so/ /phyis cher skyes nas rab tu byung ste byang chub la nan tan byas
429a4 nas mngon par sangs rgyas te sems can grangs med pa'i don byas so/ /de'i tshe rgyal po yab kyis sangs rgyas dang / dge slong gi dge 'dun dang bcas pa zla ba gsum
429a5 du spyan drangs nas mchod ston gsol to/ /de'i nang na dge slong 'phags pa'i gnyen zhes bya ba zhig zla ba gsum du mar me sbyor ba'i yon bdag tu khas blangs nas nyin
429a6 gcig bzhin du grong khyer du song ste/ tshong dpon dang / khyim bdag dang / mi mang po las mar dang / 'bru mar dang / me mar gyi snying po bslangs so/ /de'i tshe na rgyal
429a7 po de la bu mo thub pa zhes bya ba zhig yod de/ yang thog gi steng nas dge slong de nyin gcig bzhin du grong rgyu zhing nyon mongs pa mthong nas de la snying brtse ste mi zhig
429b1 mngags nas btsun pa khyod ci zhig sgrub na/ rtag tu 'di lta bur nyon mongs zhes dris na/ dge slong des 'di skad ces smras so/ /bdag ni/ zla ba gsum gyi bar du sangs rgyas dang /
429b2 dge 'dun gyi mar me sbyor ba'i yon tan bdag tu khas blangs te/ de bas na grong rgyu zhing dge bsnyen rnams las mar dang / 'bru mar dang / mar gyi snying po dang / mar me 'dzugs
429b3 pa'i yo byad rnams slong ngo / /zhes bu mo la spring pa dang / bu mo de rab tu dga' nas dge slong 'phags pa'i gnyen la 'di skad ces bsgo'o/ /da phyin chad 'di ltar kun tu
429b4 'gro mi dgos kyi/ me mar gyi yo byad thams cad kho mos sbyar gyi/ longs shig ces bsgo ba dang / dge slong de yang de ltar bya'o/ /zhes smras nas de phyin chad rtag tu me mar
429b5 dang | 'bru mar dang / mar me'i yo byad kun sbyar te gtsug lag khang du bskyal to/ /dge slong 'phags pa'i gnyen gyis de ltar nyin gcig bzhin du mar me phul te kun
429b6 la phan pa'i don rgya chen po'i sems bskyed pas/ bcom ldan 'das kyis lung bstan te/ ma 'ongs pa'i dus na bskal pa grangs med pa 'das nas mngon par 'tshang rgya ste/
429b7 mtshan yang mar me mdzad ces bya bar lung bstan nas mtshan sum cu dang ldan par gyur to/ /rgyal po'i bu mo thub pas/ dge slong 'phags pa'i gnyen lung bstan to/ /zhes
430a1 thos nas 'di snyam du bsams so/ /sangs rgyas la phul ba'i mar me ni/ bdag gis sbyar te/ dge slong des bskul ma tsam byas kyang lung bstan
430a2 na| bdag la ni lung ma bstan to snyam du bsams nas bcom ldan 'das gang na ba der song ste/ de bzhin du drang por gsol nas bcom ldan 'das kyis lung bstan
430a3 te| bu mo thub pa khyod ma 'ongs pa'i dus na bskal pa grangs med pa dgu bcu rtsa gcig 'das nas mngon par 'tshang rgya ste/ mtshan yang shAkya thub pa zhes bya bar mtshan
430a4 sum cu dang ldan par lung bstan to/ /de ltar rgyal po'i bu mos kyang sangs rgyas las lung bstan pa thob pas rab tu dga' ba skyes par gyur te sangs rgyas kyi zhabs
430a5 la spyi bos phyag 'tshal nas rab tu 'byung bar gsol to/ /bcom ldan 'das kyis kyang rab tu 'byung bar gnang nas bar chad med par brtson 'grus rtsom mo/ /bcom
430a6 ldan 'das kyis kun dga' bo la bka' stsal pa/ de'i tshe de'i dus na dge slong 'phags pa'i gnyen ni/ sngon 'das pa'i sangs rgyas mar me mdzad yin no/ /rgyal po'i bu mo thub pa ni/ da
430a7 ltar nga yin te/ sngon mar me phul bar bskal pa grangs med pa'i bar du lha dang mi'i 'jig rten na bsod nams myong ste/ gzugs kyang gzhan pas 'phags par bzang
430b1 ste| da mngon par sangs rgyas nas kyang mar me mang po dang ldan par gyur to/ /bcom ldan 'das kyis de skad ces gsungs nas 'khor mang po rnams la la ni/ 'bras bu dang po nas
430b2 'bras bu bzhi pa'i bar du thob bo/ /la la ni/ rang sangs rgyas su dge ba'i rtsa ba bskyed do/ /la la ni/ bla na med pa'i byang chub tu sems bskyed do/ /tshe dang ldan pa kun dga'
430b3 po dang / 'khor mang po rnams bcom ldan 'das kyis gsungs pa la rjes su yi rang nas mngon par dga'o/ /dbul mo bsnyen dga' mo'i le'u ste sum cu rtsa bdun
430b4 pa'o|| ||ba shi tsir gyi le'u/ 'di skad bdag gis thos pa dus gcig na/ bcom ldan 'das rgyal po'i khab na bya rgod spungs pa'i ri la bzhugs so/ /
430b5 de'i tshe yul de na khyim bdag shi ri tsi zhes bya ba shin tu phyug cing longs spyod dang ldan pa/ rin po che sna bdun gyis bang mdzod gang ba zhig yod de/ rigs mnyam pa las
430b6 chung ma blangs nas dus phyi zhig na chung ma sems can dang ldan par gyur te zla ba tshang nas bu khye'u sdug pa/ mdzes pa/ 'jig rten na dpe med pa zhig btsas te/ pha ma shin tu
430b7 byams pas mtshan mkhan bos te mtshan bltas na/ mtshan mkhan gyis kyang khye'u 'di ni/ bsod nams kyi mtshan dang ldan te/ rigs kyang 'tshob par 'gyur ro/ /zhes smras
431a1 pa dang / khye'u'i pha ma lhag par dga' nas mtshan mkhan de la bu'i ming thogs shig ces smras pa dang mtshan mkhan gyis smras pa/ bu 'di
431a2 yod par gyur nas ltas sam/ ya mtshan ci byung zhes dris na/ smras pa/ gzhan ni/ med kyi/ khye'u'i ma sngon smras mkhas pa las khye'u 'di yod tshun chad smra mkhas par
431a3 gyur to| |zhes byas pa dang / bu'i ming ba she tsir zhes btags so/ /gsos bskyed de tshar skyes nas yid gzhungs te rtsal dang ldan par gyur to/ /dus gzhan zhig
431a4 na byis pa grogs po dag rtse zhing song song ba las/ rigs ngan pa zhig gi khyim na bu mo sdug gu ma tshul du shis pa zhig yod pa mthong nas de la chags te chung mar blang
431a5 bar bsams nas phyir khyim du 'ongs te/ bu mo de bdag gi chung mar longs shig ces smras so/ /pha mas smras pa/ bdag cag ni/ tsho rigs btsun pa yin te/ bu
431a6 mo de rigs chung zhing ngan pa yin na/ ji ltar chung mar blang zhes byas pa dang / khye'u rab tu mi dga' nas pha ma la 'di skad ces smras so/ /cho rigs la ma lta bar bu
431a7 mo nyid ci 'dra ba las bdag gi chung mar longs shig /gal te chung mar ma blangs na bdag kyang 'gum mo/ /zhes smras pa dang / pha mas kyang bu'i ngom ldog
431b1 pas bu mo slong du btang ngo / /bu mo'i pha mas smras pa/ khyod ni/ cho rigs btsun pa yin te/ bdag cag ni/ rigs chung zhing ngan pa yin pas gnyen zla yang ma yin nam/ ci'i
431b2 phyir bu mo slong zhes byas so/ /'on kyang khye'u de bu mo de la chags so/ /yang bskyar te bu mo slong du btang ba dang bu mo'i pha mas 'di skad ces smras so/ /gal te bdag gi mag par
431b3 byas rtsal sna tshogs kyang yod la glu gar dang / rtsed mo'i bag ci yang shes shing rgyal po ci la dgyes pa kun shes na/ gnyen bya'o zhes smras pa dang / khye'u der rol mo la
431b4 sogs pa slob pa las ngo tsha ba dang bsdos nas ring po ma lon par kun byang bar bslabs so/ /dus gzhan zhig na rgyal pos rol mo byas te rtsal che ba kun bsags nas
431b5 shing 'dzeg pa dang / mchod pa dang / thag 'dzeg pa sogs pa rtsed mo sna tshogs byed pa las/ khyim bdag gi bu yang der 'ongs nas thag pa la 'dzegs te/ thag
431b6 pa la rgyug cing thag 'dzeg byas pa dang rgyal po yengs te ma mthong bas gdod byos shig ces bsgo'o/ /khye'u ngal bas thag 'dzeg byas pa dang / thug pa'i dbus tsam du
431b7 phyin nas thag pa las lhung ste shin tu skrag pas skyabs med do/ /zhes smras so/ /de'i tshe mau gal gyi bu der 'ongs nas sa la ma lhung bar bzung ste 'di skad ces smras so/ /
432a1 khyod du lus dang srog ma yal bar rab tu 'byung ngam/ 'on te sa la lhung ste bu mo chung mar blang bar bya/ smras pa/ srog ma yal na chung ma mi 'dod
432a2 do| |zhes smras pa dang / mau gal gyis nam mkha' las gzhi mnyam par sprul nas bde bar bzhag pa dang / khye'u de 'jigs pa med par gyur te/ bde bar sa la
432a3 bzhag pas khye'u rab tu dga' nas mau gal gyi phyi bzhin bcom ldan 'das gang na ba der song ngo / /der phyin ba dang bcom ldan 'das kyi zhabs la spyi bos phyag
432a4 'tshal te sangs rgyas la mchod pa byas so/ /de'i tshe bcom ldan 'das kyis sbyin pa'i gtam dang / tshul khrims kyi gtam dang / mtho ris kyi lhar skye ba'i gtam
432a5 dang / 'dod pa mi gtsang ba dang / rab tu byung ba ni/ bde'o/ /zhes rgyas par bstan pas yid rnam par grol te 'bras bu dang po tho ba nas bcom ldan 'das
432a6 la rab tu 'byung zhing dam pa'i chos slob par gsol pa dang / bcom ldan 'das kyis gnang nas skra dang kha spu rang byi ste dge slong du gyur nas dge slong gi
432a7 chos la nan tan byas pas zag pa zad de dgra bcom par gyur te/ /de nas tshe dang ldan pa kun dga' bos bcom ldan 'das la 'di skad ces gsol to/ /dge
432b1 slong 'di bu mo de dang sngon gyi las ji ltar mthun na/ lus srog la 'bab kyi bar du chags par gyur/ mau gal gyi bu la dge ba'i rtsa ba ci zhig bskyed na/ srog bskyabs
432b2 pa'i rkyen gyis mthar dgra bcom par gyur pa bstan du gsol/ bcom ldan 'das kyis kun dga' bo la bka' stsal pa/ sngon 'das pa'i bskal pa tshad med pa 'das pa'i
432b3 pha rol na yul wA ra NA si 'dir khyim bdag cig la bu sdug cing bzang ba dpe med pa zhig btsas so/ /de'i tshe na khyim bdag de'i khyim du rgya mtsho nas mi zhig 'ongs nas
432b4 khyim bdag de la bya sgo nga gcig phul lo/ /khyim bdag gis lag tu blangs pa dang / ring po ma lon par sgo nga gsan bya phrug tshang ma zhig byung ngo / /khyim bdag gis
432b5 bya phrug de bu la byin nas cher skyes pa dang / gcig la gcig chags te khyim bdag gi bu phan tshun du ltad mo la 'gro na/ bya de'i rgyab la 'dug nas byas khyer zhing nam
432b6 mkha' la 'phur 'gro'o/ /nam skyo na phyir yang khyim du 'ongs te/ de bzhin du nyin gcig bzhin du 'phyan du 'gro'o/ /de nas ring zhig lon pa dang / dus gzhan zhig na
432b7 rgyal po gzhan zhig gi yul du rol mo byed do/ /zhes thos nas khye'u de bya la zhon te yul pha rol por lta de mo bltar song nas bya shing khar bzhag ste khye'u ni/ ltad mo bltar zhugs so/
433a1 ltad mo blta ba'i lam du rgyal po'i bu mo dang phrad nas rgyal po'i bu mo la chags te bu mo dang nyal nas phyis gsang shor te rgyal pos zin nas gsod
433a2 du bcug pa las/ khyim bdag gi bus 'di skad ces gsol to/ /bdag la mtshon gyis dgum yang ci 'tshal/ bdag nyid shing khar 'dzegs te/ shing kha nas g.yang
433a3 du 'gum par gsol ba dang / rgyal pos kyang de bzhin du gnang nas khye'u shing khar 'dzegs te bya la zhon nas 'phur te song ba las bya des srog thar bar byas so/ /
433a4 kun dga' bo/ de'i tshe de'i dus na khyim bdag gi bu de ni/ ba she tsir yin no/ /rgyal po'i bu mo de ni/ bu mo 'di yin no/ /bya de ni/ mau gal gyi bu yin te/ 'das pa'i
433a5 dus na yang 'dod chags kyi rkyen gyis tshe zad pa las thar par byas so/ /de yang 'dod chags kyi dbang gis tshe zad pa las mau gal gyi bus thar par byas so/ /dge slong
433a6 'di yid gzhungs shing zag pa med pa'i 'bras bu thob pa ni/ sngon 'das pa'i dus na wA ra NA si 'dir khyim bdag cig la rang sangs rgyas shig gis bsod snyoms
433a7 bslangs pa las/ khyim bdag des bsod snyoms phul te chos bstan par gsol pa dang / de'i tshe rang sangs rgyas des chos ston mi nus so/ /zhes smras nas lhung bzed
433b1 nam mkha' la bsgyur nas 'phur te song ngo / /de nas khyim bdag des 'di snyam du bsams te/ skyes bu 'di rdzu 'phrul gyi mthu ni/ che na/ dam pa'i chos ston mi nus pa lta/
433b2 bdag ma 'ongs pa'i dus su 'phags pa dang phrad de skyes bu 'di las lhag pa dam pa'i chos ston pa la zad mi shes par shog cig ces smon lam btab bo/ /de'i rkyen gyis
433b3 yid gzhungs shing dgra bcom pa'i 'bras bu thob pa yin no/ /bcom ldan 'das kyis de skad ces gsungs pa la 'khor mang po rnams mngon par dga' nas la la ni/ rgyun
433b4 du zhugs pa'i 'bras bu dang / phyir ldog pa dang / phyir mi ldog pa dang / dgra bcom pa'i 'bras bu thob bo/ kha cig ni/ rang sangs rgyas kyi dge ba'i rtsa ba bskyed/ kha
433b5 cig ni| byang chub tu sems bskyed de bcom ldan 'das kyis gsungs pa la rjes su yi rang ngo / /ba she tsir gyi le'u ste sum cu brgyad pa'o// //khyim bdag
433b6 dbyig pa can gyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na
433b7 bzhugs so/ /de'i tshe yul de na bram ze phyin te lo shu sha zhes bya ba zhig yod de/ bram ze de'i chung ma de rab tu mi sdug cing mig gnyis kyang mi mthong ste/ mi mthong ba de la
434a1 bu pho ni| med kyi/ bu mo bdun yod de/ rab tu dbul phongs so/ /bram ze'i bu mo de dag kyang so sor bag mar btang ste phyis mag pa dag
434a2 'dus nas bram ze'i chung ma yang khro zhing gtum mo zhig ste/ bu mo dang mag pa dag 'ong ba la khros nas bu mo dag kyang phyir ma la gshe'o/ /de'i tshe zhing dag kyang brnga
434a3 ran nas khyim mtshes la ba lang zhig brnyes te zhing thog tu song song ba las/ legs par ma bsrungs pas stor to/ /de'i tshe phyin te lo shu shas 'di snyam du
434a4 bsams so/ /bdag gis sngon nyes pa ci zhig byas na/ khyim du 'ongs na ni/ chung mas rtag tu spyo zhing bu mo bdun dang mag pa rnams kyis 'dug tu mi ster/ nga
434a5 khyim mtshes kyi ba lang brnyas na ni/ stor bar gyur te bdag gis btsal kyang ma rnyed na/ ji ltar bya snyam mya ngan gyis yi mug ste 'dug 'dug pa las rgyang ma nas
434a6 de bzhin gshegs pa shing drung na dbang po kun zhi zhing bde bar bzhugs pa mthong ngo / /bram ze des 'khar ba la skom tshugs bcas te rgyang tshad kyi bar du brtags
434a7 nas yang 'di snyam ba bsams so/ /dge sbyong gau ta ma ni/ rab tu bde skyid do/ /de la ni/ chung mas spyo ba yang med/ bu mo ngan pa dang / mag pas gtse ba yang med/
434b1 zhing brnga ran te glang brnya yang mi dgos te mya ngan med do snyam bsams nas bcom ldan 'das kyis de'i bsam pa thugs kyis mkhyen nas de la 'di skad ces bka' stsal
434b2 to| |khyod kyis bsam pa bzhin te/ nga la yang dag par nyes pa'i skyon gang yang med/ chung ma ngan pa yang med na/ gshe zhing spyo ba lta ci smos/ bu mo bdun gyi 'tshe ba yang
434b3 med| mag pa khyim du 'du ba yang med/ zhing brnga ran pa dang / glang stor ba'i mya ngan byed pa yang med do/ /khyod rab tu 'byung bar dga' ma zhes bka' stsal pa dang / bram
434b4 zes bcom ldan 'das la 'di skad ces gsol to/ /bdag da ltar khyim la dur tsam du 'dzin te/ chung ma dang bu mo la dgra tsam du sems so/ /bcom ldan 'das kyis
434b5 rab tu 'byung bar gnang na bdag rab tu 'byung ngo / /zhes gsol pa dang / bcom ldan 'das kyis legs par 'ongs so/ /zhes bka' stsal pas/ skra dang kha spu rang byi
434b6 ste dge slong du gyur to/ /de nas bcom ldan 'das kyis ci rigs par chos bstan nas de nyid du dri ma kun zad de dgra bcom par gyur to/ /de nas kun dga' bos bcom
434b7 ldan 'das la gsol pa/ legs so/ /bcom ldan 'das sems can gyi don mdzad pa bsam gyis mi khyab bo/ /bram ze 'dis sngon legs pa ci zhig bgyis na/ nyes pa'i
435a1 skyon kun dang bral te ras dkar po gtsang ma la tshon zhen sla ba ltar dge ba la phan pa'i don byed par gyur/ bcom ldan 'das kyis kun dga'
435a2 bo la bka' stsal pa/ bram ze 'di da ltar 'ba' zhig ngas phan btags te bde bar byas pa ma zad kyi/ sngon 'das pa'i dus na yang nyes pa kun las thar cing bde
435a3 bar byas so/ /kun dga' bos gsol pa/ 'das pa'i dus na bram ze 'di ji ltar bde bar mdzad pa rgyas par bstan du gsol/ bcom ldan 'das kyis bka' stsal
435a4 pa| khyod shin tu legs par nyon la yid la zungs shig dang / khyod la bstan par bya'o/ /kun dga' bos gsol ba/ de bzhin du thos par 'tshal lo/ /zhes gsol
435a5 pa dang | bcom ldan 'das kyis kun dga' bo la 'di skad ces bka' stsal to/ /sngon 'das pa'i bskal pa grangs med tshad med pa'i pha rol na rgyal po mdzes pa zhes bya ba zhig
435a6 byung ste| chos bzhin du srid 'tsho'o/ /de'i tshe yul de na bram ze dbyig ba can zhes bya ba zhig 'dug ste/ rab tu dbul phongs pa/ bza' ba dang bgo ba med pa zhig go /
435a7 des khyim bdag cig la glang zhig brnyas te nyin par spyad nas glang de khrid de khyim bdag de'i khyim du song ba dang / de na khyim bdag ni/ zan za ste/ dbyig pa can gyis
435b1 glang de khyim gyi nang du btang ba dang / glang sgo gzhan du song nas stor to/ /khyim bdag de zan zos nas langs pa dang / /de na glang ma mthong nas des dbyig pa can la glang ga re zhes byas
435b2 pa dang / des smras pa/ khyod kyi khyim du btang ngo / /khyod kyis nga'i glang por gyi/ glang slar byin cig ces smras pa dang / des smras pa/ ngas ma bor ro/ /de nas de gnyis 'grogs te rgyal po'i thad du 'dod ba dang /
435b3 'u bu cag gi rigs pa dang / mi rigs pa rtogs so/ /zhes smras nas de gnyis dong ba dang / mi gzhan zhig gi rta rgod ma zhig bros nas des dbyig pa can la smras pa/ rta rgod ma ma btang
435b4 zhes smras nas/ des rdo ba zhig blangs te 'phangs pa dang / rta'i rkang pa la phog nas rkang pa chag go /des smras pa/ khyod kyis nga'i rta bsad kyi/ nga'i rta byin cig /ci'i phyir rta sbyin/
435b5 des smras pa/ tshur shog rgyal po'i drung du 'dod dang / 'u bu cag gi zhal che gcod do/ /zhes smras nas de dag der song ba dang / dbyig pa can de 'bros par brtsams te/ des
435b6 rtsig pa zhig gi steng nas mchongs pa dang / de'i drung na tha ga pa zhig thags 'thag cing 'dug pa'i steng du lhung nas tha ga pa de tshe 'phos pa dang / tha ga pa'i chung mas dbyig pa
435b7 can de bzung nas khyod kyis nga'i khyo bsad kyi/ nga'i khyo byin cig ces smras pa dang / ngas khyod kyi khyo ji ltar sbyin zhes smras nas tshur shog rgyal po'i drung du 'dong dang / 'u bu cag
436a1 cag gi zhal che gcod do/ /zhes de dag dong ba las/ lam gyi bar de na chu po gting zab pa zhig yod do/ chu de'i nang nas tshur shing mkhan zhig ste'u
436a2 kha nas khyer te 'ong ngo / /de la dbyig pa can gyis chu'i gting ji tsam zhes dris pa dang / chu gting zab bo/ /zhes smras pas ste'u chur lhung ste/ ste'u de ma rnyed pa dang / des dbyig
436a3 pa can bzung nas khyod kyis nga'i ste'u chur bskur ro/ /des smras pa/ ngas ma bskur ro/ /tshur shog rgyal po'i drung du 'dong dang / 'u bu cag gi zhal che gcod do/ /zhes smras
436a4 nas dong ngo / /de lus ngal nas chang tshong gi khyim du song ste chang bslangs nas chang tshong ma de la bu po zhig btsas te bu gos kyis g.yogs te bsnyal ba las/ dbyig pa can de'i
436a5 steng du 'dug pa dang / khye'u de srog dang bral bar gyur to/ /des kyang dbyig pa can de bzung ste khyod kyis nga'i bu bsad kyi/ nga'i bu byin cig /des smras pa/ ngas ni/ ma bsad
436a6 na| khyod kyi bu ngas ji ltar sbyin/ des tshur shog rgyal po'i drung du 'dong dang / 'u bu cag gi zhal che gcod do/ /zhes smras nas de dag dong ba las gnas gzhan zhig na
436a7 shing sha ko ta ka la bya ro gcig 'dug pa des dbyig pa can de mthong nas gar 'gro zhes smras pa dang / nga ni/ mi 'gro na/ 'di dag gis nga khrid do/ /gang du khrid/ rgyal po'i drung du
436b1 du'o| |'o na kho po'i 'phrin zhig kyang rgyal po la byos shig /gnas 'di zhes bgyi ba na/ shing sha ko ta ka de la bya rog cig 'dug pa/ bdag shing gzhan gyi kha na 'dug pa'i tshe skad mi
436b2 snyan la shing 'di'i khar 'ongs na skad do mtshar du snyan na/ de ci'i phyir zhes de skad mchi'o/ /zhes smros shig /de nas yang gnas gzhan zhig tu sbrul zhig gis mthong nas snga ma bzhin
436b3 du bdag gi 'phrin 'di yang zhus shig /bdag nam khung nas phyir 'byung ba'i tshe ni/ bde/ slar 'jug pa'i tshe sdug bsngal na/ ci'i phyir de ltar gyur ces zhus shig /de dag dong ba
436b4 las gnas gzhan zhig na na chung ma gzhon nu zhig gis mthong nas snga ma bzhin du kho mo'i 'phrin yang zhus shig /nam kho mo pha'i khyim na 'dug pa'i tshe na gyos po'i khyim 'dod/
436b5 gyos po'i khyim na 'dug pa'i tshe pha'i khyim 'dod na/ ci'i phyir zhus shig ces smras nas de dag dong ba las rgyal po'i drung du phyin pa dang / de dag rgyal po'i rkang pa la mgo bos
436b6 phyag 'tshal te phyogs gcig tu 'dug go /de nas rgyal pos de dag la khyod ci la 'ongs zhes dris pa dang / de dag gis dbyig pa can dang khyim bdag rtsod pa de dag thams cad la
436b7 smras so| |rgyal pos dbyig pa can la smras pa/ khyod kyis glang brnyas sam/ brnyas so/ /'o na phyir byin nam/ glang bdag gis mthong bar byin te/ khas ni/ ma gtad do/ /rgyal
437a1 pos smras pa/ da phyig pa can 'dis glang phyir byin te ma smras pas na/ lce chod cig /khyim bdag kyang glang 'ongs par mthong la ma btags pas
437a2 na| mig phyung zhig ces bcad do/ /khyim bdag gis smras pa/ dbyig pa can 'dis gcig tu na bdag gi glang 'phrog /gnyis su na bdag gi mig phyung ba bas/ dbyig pa
437a3 can rgyal bar gyur kyang bla'o/ /mi gcig gis lha/ dbyig pa can 'dis bdag gi rta rgod ma bkum mo/ /zhes smras pa dang / rgyal pos dbyig pa can la khyod kyis rta ji
437a4 ltar bsad ces dris na/ bdag lam du zhugs te mchi ba las/ mi 'dis rta ma gtang zhig ces mchis nas bdag gis rdo ba zhig blangs te 'phangs pa las rta gum mo//
437a5 rgyal pos smras pa/ rta bdag gis rta ma gtang zhig ces smras pas/ rta bdag ni/ lce chod cig /dbyig pa can ni/ rdo ba 'phangs pas lag pa chod cig /mi des smras pa/
437a6 gcig tu na bdag gi rta bsad/ gnyis su na bdag gi lce bcad pa bsad dbyig pa can rgyal bar gyur kyang bla'o/ /shing mkhan gyis smras pa/ dbyig pa can gyis bdag la
437a7 chu'i gti nga ji tsam du babs zhes dris pas/ kha nas ste'u thogs pa chur lhung ngo / /zhes gsol pa dang / rgyal pos smras pa/ rdzas ci 'khyer yang phrag pa la bkur
437b1 ba'i rigs kyi kha nas khyer bas shing mkhan gyi mdun so gnyis chog cig /dbyig pa can ni/ chu gting zabs sam zhes dris pas lce chod cig /shing mkhan gyis smras pa/ gcig
437b2 tu na bdag gi ste'u stor/ gnyis su na bdag gi so bcag pa bas dbyig pa can rgyal bar gyur kyang bla'o/ /chang tshong mas smras pa/ dbyig pa can gyis bdag gi bu bsad do/ /dbyig
437b3 pa can gyis smras pa/ bdag ngal bas chang slong du mchis pas stan la ma bltas par stan la 'dug pas/ 'og na bu mchis pa ma tshor te bu gum mo/ /rgyal pos smras pa/
437b4 chang tshong ma khyod bu gor bsnyal la gos kyis mi mngon par g.yogs pas nyes so/ /dbyig pa can khyod stan la mi rtog par 'dug pa yang nyes kyi/ dbyig pa can khyod
437b5 khyor byos la bu yod par gyis shig ces smras so/ /chang tshong mas smras pa/ gcig tu na bdag gi bu bsad/ gnyis su na khyo byas pa bas dbyig pa can rgyal bar gyur
437b6 kyang bla'o/ /tha ga pa'i chung mas smras pa/ dbyig pa can gyis bdag gi khyo bkum mo/ /dbyig pa can gyis smras pa/ bdag la dgra mang pas 'jigs te rtsig pa rgal nas
437b7 bros pa las/ phag na mi yod pa ma mthong ste gum mo/ /rgyal pos smras pa/ song la 'di nyid khyod kyi khyor gyis shig /des smras pa/ gcig tu na bdag gi khyo bsad/
438a1 gnyis su na bdag gi khyo byas pa bas/ dbyig pa can rgyal bar gyur kyang bla'o/ /de dag so so nas zhal che bcad de dbyig pa can yus byin
438a2 nas nyes pa kun las thar to/ /rgyal po de la yang bud med gnyis shig bu gcig la rtsod de/ rgyal po blo mkhas pas brtags nas bud med gnyis la 'di skad ces
438a3 bsgo'o| |khyed gnyis kyis bu'i lag pa re re nas bzung ste drongs la gang gis thob pa bur khyer cig ces bsgo ba dang / bu'i ma ma yin pa des ni/ bu la snying rje med pas snang
438a4 kyis mi dogs te mthu ci yod pas drangs so/ /bu'i ma gang yin pa des ni/ bu la byams pas snad kyis dogs te stobs kyis thub kyang drag tu mi 'dren no/ /rgyal pos kyang
438a5 rtogs nas drag tu drangs pa de la 'di ni/ khyod kyi bu ma yin te/ bud med gcig shos kyi bu yin pas na/ drang por smos shig ces byas pa dang / dal gyis 'dren
438a6 pa'i bu yin par gyur te bu khyer ro/ /de nas yang mi gnyis shig ras yug cig la rtsod de/ rgyal po'i drung du 'ongs pa las rgyal pos brtags nas zhal che gong ma bzhin
438a7 du bcad do/ /de nas dbyig pa can gyis rgyal po la 'di skad ces gsol to/ /'di dag gis bdag bzung ste khrid cing mchi ba na sprul zhig gi 'phrin du 'di skad ces mchi'o/ /bdag
438b1 khung bu nas phyir 'byung ba'i tshe ni/ bde/ slar 'jug pa'i tshe ni/ sdug bsngal na/ ci'i phyir de ltar gyur pa shes shig ces mchi'o/ /rgyal pos smras pa/ sprul de la khyod kyis 'di skad ces
438b2 gyis shig /khyod ma khro zhing bkres pas khung nas byung ba'i tshe bde'o/ /phyir byung nas kha zas mang du zos la bya rnams kyis gtsos pas khyod khros te sbom por gyur pas slar 'jug pa'i tshe
438b3 khung bu la thogs nas sdug bsngal lo/ /zhes gyis shig /khyod kyis de ste kha zas kyi tshod shes la mi khro na/ ji ltar phyir 'byung ba dang 'dra bar bde bar 'dug go /zhes smos shig /de nas na
438b4 chung ma gzhon nu'i 'phrin smras pa dang / rgyal pos smras pa/ na chung ma gzhon nu de la khyod kyi pha'i khyim na mdza' bo zhig 'dug ste/ nam gyos po'i khyim na 'dug pa de'i tshe ni/ mdza' bo la
438b5 chags pas pha'i khyim du 'gro 'dod do/ /nam pa'i khyim na 'dug pa de'i tshe ni/ mdza' bor skyo ste khyo la chags pas gyos po'i khyim du 'gro 'dod pa yin gyi/ gnas gcig spangs la
438b6 gcig legs par zungs shig dang / de lta bu'i gnod pa med par 'gyur ro/ /zhes smros shig /gnas gzhan zhig na shing sha ko ta ka la bya ro gcig 'dug pa'i 'phrin smras pa dang / rgyal
438b7 pos smras pa/ shing de'i 'og na gser yod pas khyod kyi skad snyan pa yin no/ /shing gzhan gyi drung na gser med pas skad mi snyan no/ /zhes gyis shig /rgyal pos dbyig pa can la smras pa /
439a1 khyod la nyes pa mang du byung yang ngas btang ngo / /khyod ni/ dbul phongs kyi/ shing gi 'og na gser gyi gter yod pa rkos la khyer cig /dbyig pa can gyis rgyal pos
439a2 bsgo ba bzhin du so so'i 'phrin yang bsgos nas shing drung nas gser yang byung ste khyer ro/ /de phyin chad so chos tshugs nas cis kyang mi brel te tshe gcig tu phyug cing bde skyid par
439a3 gyur to| /kun dga' bo/ de'i tshe de'i dus na rgyal po mdzes pa de la gzhan du ma sems shig /de ni/ da ltar nga yin no/ /de'i tshe de'i dus na bram ze dbyig pa can de ni/ bram ze phyin te
439a4 lo shu sha yin no/ /ngas sngon yang sdug bsngal thams cad las thar par byas te rin po che byin nas bde skyid par byas so/ /nga mngon par sangs rgyas nas kyang sdug bsngal las
439a5 thar par byas te zad mi shes pa'i chos rin po che'i gter byin no/ /bcom ldan 'das kyis de skad ces bka' stsal nas tshe dang ldan pa kun dga' bo dang / 'khor mang po rnams bcom
439a6 ldan 'das kyis gsungs pa la rjes su yi rang nas mngon par dga'o/ /khyim bdag dbyig pa can zhes bya ba'i ste le'u sum cu dgu pa'o// //bram ze shin tsir zhes
439a7 bya ba'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /
439b1 de'i tshe yul de na bram ze shin tsir zhes bya ba'i tshe rigs btsun zhing phyug pa zhig yod de/ bu med pas ston pa drug gi thad du song ste dris pa dang / ston pa drug gis kyang khyod la bu'i mtshan
439b2 ma yong med do/ /zhes smras so/ /de nas bram ze phyir khyim du 'ongs nas gos dri ma can gyon te mya ngan gyi khang bur zhugs nas mi dga' ste 'di snyam du bsams so/ /bdag la bu ni/ med kyi/
439b3 gal te nang gcig tshe'i dus byas na khyim dang nor rdzas bcas su rgyal pos bzhes so snyam bsams nas rab tu mi dga' zhing 'dug go /de'i tshe bram ze de'i chung ma dge slong ma dang
439b4 bshes so/ /dge slong ma de bram ze de'i khyim du 'ongs nas bram ze de shin tu mi dga' zhing mya ngan gyis yi mug par mthong nas chung ma khyod kyi khyo ci'i phyir mi dga' zhes dris pa
439b5 dang / bram ze'i chung mas smras pa/ bdag cag la bu med de ston pa drug la dris na/ khyod la bu'i mtshan ma med do/ /zhes bsgo bas mi dga' zhing mya ngan byed do/ /de nas dge slong ma de
439b6 des smras pa/ ston pa drug ni/ thams cad shes pa ma yin na/ des las kyi rgyu rkyen ga la zhig rig /de bzhin gshegs pa 'jig rten na bzhugs te/ thams cad rtogs shing mkhyen
439b7 pas 'das pa dang / ma 'ongs pa la thogs pa med na/ ci'i phyir bu yod dam med ces mi 'dri zhes bsgo'o/ /dge slong ma de phyir song nas bram ze'i chung mas khyo de la de skad ces
440a1 smras pa dang / bram ze de dga' rangs nas rtogs shing khong du chud par gyur te/ de ma thag tu gos gsar pa bgos nas bcom ldan 'das ga la ba der
440a2 song ste phyin pa dang / sangs rgyas kyi zhabs la spyi bos phyag 'tshal te bcom ldan 'das/ bdag la mtshan dang / dbang thang gi bu ma mchis sam zhes gsol pa dang / bcom ldan
440a3 'das kyis bram ze/ khyod la bu yod par 'gyur te/ bsod nams dang yang ldan la/ cher skyes nas rab tu 'byung ba la dga' bar 'gyur ro/ /zhes bka' stsal to/ /bram zes
440a4 de skad ces bka' stsal pa thos nas rab tu dga' mgu rangs te bu yod par gyur na lta rab tu byung yang bla ste/ sdug bsngal med do/ /zhes smras nas bcom ldan 'das dang / dge
440a5 slong gi dge 'dun rnams bshos la gshegs par spyan drangs pa dang / bcom ldan 'das kyis cang mi gsung bas gshegs su gnang ste/ phyi nyin gdugs tshod la bab pa
440a6 nas sangs rgyas dang dge 'dun rnams dang bcas su bram ze de'i khyim du gshegs nas gdan bting ba la bzhugs te/ bram ze khyo shug gis bsti stang dang bcas pas bsod
440a7 snyoms gsol to/ /bsod snyoms gsol nas sangs rgyas dang dge 'dun rnams dang bcas su slar gshegs pa dang / de'i bar na ne'u gsil zhig yod de/ chu mig shin tu gtsang
440b1 ma zhig yod pa la bcom ldan 'das dang / dge slong gi dge 'dun rnams mnyel ba shol te so so nas chu mig de la bcus nas lhung bzed dang rkang lag bkrus so/ /de nas spre'u
440b2 zhig der 'ongs te kun dga' bo las lhung bzed blangs pa dang bcag gis dogs pas kun dga' bos lhung bzed ma ster ba las/ bcom ldan 'das kyis kun dga' bo la lhung
440b3 bzed spre'u la byin cig ces bka' stsal to/ /de nas kun dga' bos lhung bzed spre'u la byin pa dang / spre'us shing kha nas sbrang rtsi blangs te lhung bzed bkang nas bcom ldan
440b4 'das la phul lo/ /bcom ldan 'das kyis sbrang rtsi'i nang gi mi gtsang ba phyung zhig ces bka' stsal pa dang / spre'us srin bu'i ro la sogs pa bsal te phul lo/ /bcom ldan
440b5 'das kyis sbrang rtsi'i lhung bzed bzhes nas sbrang rtsi chu dang sbyor la stsol cig ces bka' stsal nas chu dang sbyar te bcom ldan 'das la phul lo/ /bcom ldan 'das kyis bzhes
440b6 nas dge slong gi dge 'dun rnams la yang bgos te byin nas thams cad ngoms par gyur to/ /de'i tshe spre'u des 'di lta bu dag mthong nas rab tu dga' ste mchongs pa dang / gar
440b7 byas pa las g.yang du lhung ste tshe'i dus byas nas de ma thag tu bram ze'i bur skyes te/ bram ze de'i chung ma sems can dang ldan par gyur te zla ba tshang nas bu khye'u bzang ba/ blta
441a1 na sdug pa zhig btsas so/ /thog ma btsas pa'i tshe khyim gyi nang na snod ci yod pa de dag thams cad kyi nang na sbrang rtsis gang bar gyur to/ /bram ze khyo shug
441a2 rab tu dga' nas mtshan mkhan pos te mtshan bltas so/ /mtshan mkhan gyis khye'u 'di bcas pa na ltas sam/ ya mtshan ci zhig byung zhes dris na/ thog ma btsas pa'i tshe
441a3 sbrang rtsis gang ngo / /zhes smras nas bu'i ming yang sbrang rtsi mchog ces btags so/ /de nas gsos bskyed de cher skyes pa dang / pha ma la rab tu 'byung bar gsol to/ /pha mas
441a4 bu la chags pas ma btang ngo / /khye'us yang dang yang du gsol te pha mas bdag gi bgegs bgyis na/ bdag 'gum phod kyi/ 'du 'dzi'i nang du 'tsho mi phod do/ /zhes smras
441a5 so| |de nas khye'u'i pha mas bgros te/ sngon bcom ldan 'das kyis kyang rab tu 'byung ngo / /zhes lung bstan te/ da bar chad byas na srog dang bral bar gyur du 'ong gi /gnang
441a6 bar bya'o/ /zhes gros byas nas bu la khyod yid bzhin du rab tu 'byung bar gnang ngo / /zhes bsgo'o/ /de nas khye'u dga' mgu rangs te bcom ldan 'das gang na ba der song ste
441a7 phyin pa dang / zhabs la spyi bor phyag 'tshal te rab tu 'byung bar gsol to/ /bcom ldan 'das kyis kyang legs par 'ongs so/ /zhes bka' stsal pas/ skra dang kha sbu rang byi
441b1 ste dge slong du gyur to/ /de nas bden pa bzhi'i chos rgyas par bstan pas sems rnam par grol te zag pa kun zad nas dgra bcom par gyur to/ /dge slong dag dang phan tshun sems
441b2 can gyi don la 'gro ba'i tshe gal te skom mam ngal na nam mkha' la lhung bzed bor bas/ sbrang rtsis rang gang ste kun dang thun mong du 'thung ngo / /de nas kun dga' bos bcom ldan
441b3 'das la 'di skad ces gsol to/ /dge slong sbrang rtsi mchog gis sngon bsod nams ci zhig bgyis na/ rab tu byung nas ring bo ma lon par dgra yang bcom la bsam pa yid bzhin
441b4 du thob par gyur/ bcom ldan 'das kyis kun dga' bo la bka' stsal pa/ kun dga' bo/ khyod sngon bram ze shin tsir gyis bos pa dran nam/ gsol pa/ dran no/ /kun dga'
441b5 bo| khyod kyis zas kyi bya ba byas nas ne'u gsing la bsti ba na spre'u zhig gis khyod las lhung bzed blangs te sbrang rtsis bkang nas nga la phul ba dang / spre'u dga' nas mchongs pa
441b6 dang / gar byas pa las g.yang du song ste tshe brjes pa dran nam/ gsol pa/ dran no/ /kun dga' bo/ de'i tshe na sbrang rtsi phul ba'i spre'u de ni/ dge slong sbrang rtsi mchog 'di yin
441b7 no| |sangs rgyas mthong nas dga' ba'i sems kyis sbrang rtsi phul bas bram ze de'i phur skyes te byad gzugs bzang ba dang / rab tu byung nas kyang zag pa med par gyur to/ /de nas
442a1 kun dga' bos pus mo'i lha nga sa la btsugs nas yang bcom ldan 'das la 'di skad ces gsol to/ /dge slong 'dis nyes pa ci zhig bgyis na/
442a2 spre'u'i nang du skyes par gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od srung 'jig rten du gshegs pa'i tshe dge slong
442a3 gsar zhugs gzhon nu zhig gis dge slong zhig yur ba la mchongs pa mthong nas 'di skad du khyod ni/ rab tu myur te/ spre'u dang 'dra'o/ /zhes smras pa dang / dge slong des
442a4 thos nas de la 'di skad ces smras so/ /khyod kyis nga shes sam/ smras pa/ khyod ni/ sangs rgyas 'od srung gi dge sbyong yin na/ ci'i phyir mi shes/ dge slong des yang smras pa/
442a5 khyod nga la ma 'phya zhig /nga ni/ ming tsam gyi dge sbyong ma yin te/ dge sbyong gi 'bras bu bzhi yang ngas thob bo/ /zhes bsgo ba dang / dge slong gzhon nu de sdangs te bsdu yang
442a6 langs nas lus smad lnga sa la gtugs te 'gyod tshangs gsol to/ /de ltar 'gyod tshangs byas pas ni/ sems can dmyal bar ma skyes so/ /dgra bcom pa la 'phya bas ni/
442a7 skye ba lnga brgya'i bar du rtag tu spre'ur skyes so/ /sngon yang rab tu byung ste tshul khrims bsrungs pas/ da nga dang phrad nas bkrus pa bzhin du sdug bsngal kun zad do/ /kun
442b1 dga' bo/ de'i tshe de'i dus na dge slong gzhon nu de da ltar sbrang rtsi mchog yin no/ /de'i tshe na kun dga' bo dang / 'khor mang po rnams sangs rgyas kyis gsungs pa thos nas kun gyis
442b2 'di skad ces smras so/ /lus dang ngag dang yid kyi las ni/ mi srung du mi rung ngo / /dge slong 'di yang ngag gi las ma bsrungs pas las rnam par smin pa de lta bu myong ngo / /
442b3 bcom ldan 'das kyis kun dga' bo la bka' stsal pa/ kun dga' bo/ khyod kyis smras pa bzhin no/ /zhes bka' stsal nas bden pa bzhi rgyas par bstan te/ lus dang ngag dang
442b4 yid kyi las rnam par dag cing sems kyi dri ma kun dang bral bas kha cig ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob par
442b5 gyur to| |kha cig gis ni/ bla na med pa yang dag par rdzogs pa'i byang chub tu sems bskyed do/ /la la ni/ phyir mi ldog pa'i sa la gnas par gyur te/ /bcom ldan 'das
442b6 kyis gsungs pa la 'khor mang po dag rjes su yi rang nas mngon par dga'o/ /bram ze shin tsir zhes bya ba'i le'u ste bzhi bcu pa'o// //khyim bdag dan gyi la
442b7 zhes bya ba'i le'u/ 'di skad bdag gis thos pa dus gcig na/ bcom ldan 'das rgyal po'i khab bya ka lan+da ka gnas pa 'od ma'i tshal na bzhugs so/ /de'i tshe yul ko sa la
443a1 khyim bdag dam shin tsir zhes bya ba phyug pa/ btsan pa/ rigs che ba zhig yod de/ de la bu med nas lha klu la sogs te/ lha thams
443a2 cad kyi rten la mchod pa byas nas bu bslangs so/ /khyim bdag des lha klu kun la snying nas mchod de bslangs pas/ phyis de'i chung ma sems can dang ldan par gyur te/
443a3 zla ba tshang nas bu khye'u bzang ba blta na sdug pa/ 'jig rten na dkon pa zhig byung ste/ mtshan mkhan la bstan nas mtshan bltas so/ /mtshan mkhan gyis kyang mtshan
443a4 dang sbyar te/ bu'i ming yang dan byi la zhes bya bar btags so/ /gsos bskyed de cher skyes pa dang / rgyal po gsal rgyal gyi pha shi nas khye'u de rgyal pos pha'i gor
443a5 rgyal por bcug go /de ltar pha'i gor rgyal po dbang bskur ba na/ khang khyim kun rin po che sna bdun du gyur te/ bang mdzed mang po yang thams cad yongs su gang
443a6 nas ci yang yod par gyur to/ /de'i tshe rgyal po'i sras bai DUR+ya zhes bya ba tsha ba'i nad kyis btab ste sman pas sman dpyad byas na/ sman du go shiR+Sha tsan+dan gyis lus bskus
443a7 na 'tsho'o/ /zhes smras te/ rgyal pos yul mi la 'di skad ces bkar btags so/ /khyed su la go shiR+Sha tsan+dan yod na rgyal po la phul cig dang / bya dgar gser
443b1 srang stong sbyin no/ /zhes kun tu bsgo na/ gcig tsam la yang ma byung ngo / /de'i tshe na gcig gis rgyal po la 'di skad ces smras so/ /yul ko sa lar khyim bdag dan byi la'i
443b2 khyim na mang du yod do/ /zhes smras pa dang / rgyal po nyid rta'i theg pa la zhon te tsan+dan slong du chas so/ /khyim bdag de'i sgor phyin pa dang / khyim bdag de'i sgo na sgo srung dag gis
443b3 rgyal po gsal rgyal 'dir gshegs te da ltar phyi rol na bzhugs so/ /zhes smras pa dang / khyim bdag de rab tu dga' nas sgor byung ste rgyal po nang du bsus so/ /rgyal
443b4 po sgor phyin te bltas na/ sgo nyid kyang dngul las byas te sgo'i nang rol na bud med mdzes shing sdug pa/ 'jig rten na zla med pa zhig dngul gyi khri la 'dug ste dngul gyi skud pa
443b5 'khal lo/ /drung na na chung bzang mo bcu yang g.yog byed de/ rgyal bos de mthong nas khyim bdag la 'di khyod kyi chung ma yin nam zhes dris na/ ma yin te/ sgo srung ba'i bran mo
443b6 yin no| |zhes smras so/ /'o na na chung bzang mo 'di dag ci la dgos zhes dris na/ 'di ni/ phyi nang du bzlugs pa'i mngag gzhug pa yin no/ /zhes smras so/ /de nas yang sgo rim pa
443b7 gcig gi nang du phyin te bltas na/ sgo ni/ bai DUR+ya mthon mthing las byas te/ sgo'i nang rol nan chung bzang mo blta na sdug pa snga ma bas kyang lhag pa/ g.yog na chung bzang mo
444a1 snga ma bas phyed kyis mang ba zhig 'dug go /de nas yang sgo rim pa gcig tu phyin te bltas na/ sgo yang gser las byas te/ sgo'i nang rol na na
444a2 chung bzang mo blta na sdug pa snga ma bas kyang shin tu lhag pa zhig gser gyi khri la 'dug ste/ gser gyi thags 'thag go /g.yas g.yon na na chung bzang mo g.yog byed
444a3 ba snga ma bas kyang shin tu mang bas/ khyim bdag de la 'di khyod kyi chung ma yin nam zhes dris na/ 'di yang ma yin no/ /zhes smras so/ /de nas khyim gyi nang du phyin
444a4 te bltas na/ sa gzhi kun bai DUR+ya las byas pa shin tu gsal ba ni/ chu'i mdog dang 'dra ste/ steng gi khang pa la gcan gzan gyi gzugs dang / chu srin dang nya la
444a5 sogs pa'i gzugs dbyangs te rlung gis bskyod nas 'gul bas gzugs brnyan sa gzhi la snang ngo / /rgyal pos yang dag par chu yin snyam bsams te 'di skad ces
444a6 smras so| |ci gud nas med dam ci nyes na/ khang pa'i nang du rdzing bu bskyil zhes smras so/ /dan byi las smras pa/ 'di ni/ chu ma lags te/ bai DUR+ya mthon mthing
444a7 ba/ /zhes smras nas lag gi gdu bu phud de steng du bor ro/ /rgyal pos de lta bu gzigs nas khang pa'i nang du gshegs te rin po che sna bdun gyi khang pa'i nang du bai DUR+ya
444b1 mthong mthing gi khri bshams nas rgyal po zhugs su gsol to/ /khyim bdag gi chung ma yang de na 'dug pa las mig nas mchi ma byung ba dang / rgyal pos ci'i phyir
444b2 mig nas mchi ma byung / nga 'ongs pas mi dga' ma ci nyes zhes dris na/ khyim bdag gi chung mas gsol pa/ rgyal po 'dir gshegs pa ni/ legs te dga'
444b3 na| rgyal po'i na bza' la dud pa cung zad cig bro bas mig nas mchi ma byung gi /rgyal po mthong mi 'tshal ba ni/ ma lags so/ /rgyal pos smras pa/ ci khyod kyi khyim na me
444b4 tsam yang mi 'bud dam/ smras pa/ me ma mchis so/ /'o na kha zas ci zhig gis g.yo/ /smras pa/ kha zas ni/ bsam pa tsam gyis kha zas ro brgya dang ldan pa rang
444b5 'byung ngo / /rgyal po na re/ mtshan mo mun pA nang du ci zhig gis mthong bar 'gyur/ smras pa/ nor bu rin po ches snang bar 'gyur ro/ /sgo bcad na yang skar khung nas
444b6 nor bu rin po che'i 'od kyis nyin mo dang 'dra bar snang ngo / /de nas dan byi las pus mo gnyis sa la btsugs te/ rgyal po chen po/ ci'i slad du 'o brgyal te 'dir gshegs
444b7 zhes gsol pa dang / rgyal pos 'di skad ces smras so/ /nga'i bu bai DUR+ya tsha ba'i nad kyis btab nas sman pas dpyad de/ sman du go shiR+Sha tsan+dan dgos so/ /zhes zer nas
445a1 'dir khyod la slong du 'ongs zhes smras pa dang / khyim bdag de rab tu dga' nas rgyal po nyid bang mdzod du gshegs su gsol te/
445a2 rin po che sna bdun la sogs pa nor dbyig thams cad kyang bstan/ tsan+dan gyi phung po tshad med pa dag kyang bstan nas ci bzhed pa bzhes shig ces gsol pa
445a3 dang / rgyal pos smras pa/ nga la srang gnyis las mi dgos kyi/ byin cig ces smras pa dang / khyim bdag gis ci bzhed pa phul lo/ /de nas rgyal po slar
445a4 gshegs pa dang / khyim bdag de la khyod sangs rgyas dang phrad du song zhig ces bsgo'o/ /khyim bdag des smras pa/ sangs rgyas zhes bya ba ji lta bu/ rgyal pos
445a5 smras pa| ci khyod ma thos sam/ grong khyer ser skya'i rgyal po zas gtsang ma'i sras rga ba dang / na ba dang / shi ba la skyo nas rab tu byung ste byang chub la nan tan
445a6 byas pas mngon par sangs rgyas te mtshan sum cu rtsa gnyis dang / dpe byad bzang po brgyad cus sku brgyan pa nas rdzu 'phrul gyi rkang pa dang / ye shes ni/ dpe zla
445a7 med de| lha dang mi'i gtso bor gyur pas sangs rgyas zhes bya'o/ /khyim bdag gis de skad ces smras pa thos nas shin tu dad pa'i sems skyes te/ rgyal po la
445b1 sangs rgyas da ltar gang na bzhugs zhes gsol pa dang / rgyal pos smras pa/ da ltar rgyal po'i khab 'od ma'i tshal na bzhugs so/ /rgyal po gshegs ma thag tu khyim
445b2 bdag de yang sangs rgyas gang na bzhugs pa der song nas phyin pa dang / sangs rgyas kyi sku la brtags na rgyal po kun pas kyang shin tu lhag par mthong nas dga' mgu rangs
445b3 te mgo bos phyag 'tshal nas snyun gsol to/ /de la bcom ldan 'das kyis ci rigs par chos bstan pas/ khyim bdag de yang rgyun du zhugs pa thob par gyur te/ de
445b4 pus mo gnyis sa la btsugs nas bcom ldan 'das la rab tu 'byung bar gsol to/ /bcom ldan 'das kyis kyang legs par 'ongs so/ /zhes bka' stsal pa dang /
445b5 skra dang kha spu rang byi ste dge slong du gyur to/ /de nas yang bden pa bzhi'i chos ci rigs par bstan pas sems kyi dri ma yongs su dag ste dgra bcom par gyur
445b6 to| |de nas kun dga' bo dang / 'khor mang po rnams kyis bcom ldan 'das la 'di skad ces gsol to/ /dge slong dan byi la 'dis bsod nams ci zhig
445b7 bgyis na/ mi'i nang du skyes la lha'i longs spyod dang ldan yang khyim la ma chags te rab tu 'byung bar dga' nas de ma thag tu 'bras bu thob par gyur/ bcom
446a1 ldan 'das kyis kun dga' bo la bka' stsal pa/ shin tu legs par nyon cig /sngon 'das pa'i bskal pa dgu bcu rtsa gcig 'das
446a2 pa'i pha rol na/ sangs rgyas rnam par gzigs zhes bya ba 'jig rten du gshegs te/ sangs rgyas de mya ngan las 'das nas gzugs brnyan la spyod pa'i tshe dge
446a3 slong lnga brgya tsam zhig lhan cig tu 'di skad ces dam bcas so/ /bdag cag gis dben pa'i gnas shig btsal la byang chub kyi lam bsgom mo/ /zhes byas nas
446a4 tshal zhig gi nang na gsing ma dang chu mig yod pa zhig tu dben pa'i gnas bcas te/ dge slong de dag yid mthun par dge slong zhig la 'di skad ces gsol pa
446a5 btab bo/ /bdag cag gi gnas 'di grong khyer dang ring bas/ thams cad bsod snyoms la 'gro na kun nyon mongs kyi/ khyod bsod nams bya ba'i phyir khyod kyis
446a6 nged kyi bsod snyoms slongs la byin cig ces smras pa dang / dge slong des kyang de ltar bya'o/ /zhas khas blangs nas rtag tu grong du song ste sbyin bdag mang po la
446a7 chos bstan nas bsod snyoms bslangs so/ /de'i nang na mi bzhi zhig lus las su rung bas bsgoms nas zhag dgu bcu len pa dang 'bras bu thob par gyur te/ de
446b1 dag yid mthun par dge slong bsod snyoms slong ba la 'di skad ces bsgo'o/ /bdag cag ni/ khyod kyi phyir rab tu bde ste/ thob par re ba'i ting nge 'dzin yang thob kyi/ khyod
446b2 cir smon pa nged la byos shig dang / khyod kyis re ba bskang ngo / /zhes bsgo'o/ /de'i tshe dge slong de yang rab tu dga' nas 'di skad ces smras so/ /bdag ma 'ongs pa'i dus
446b3 na lha'am mir skyes kyang phyug cing longs spyod dang ldan te ci dgos pa thams cad ched du las ma byas par thams cad rang skyes par gyur cig /slob dpon 'phags pa dang /
446b4 phrad nas khyod bas kyang brgya 'gyur stong 'gyur du chos thos nas sems yongs su dag cing 'bras bu thob par gyur cig ces smon lam btab bo/ /bcom ldan 'das
446b5 kyis kun dga' bo la bka' stsal pa/ de'i tshe de'i dus na dge slong ngan byi las dge slong grogs po bzhi'i bsod snyoms sbyor bas/ bskal pa dgu bcu rtsa gcig gi bar
446b6 du lha dang mi'i nang na cho rigs btsun par skyes te dbul zhing phongs pa'i rigs su ma skyes so/ /da yang nga mthong ba tsam gyis dad pa thob par gyur to/ /de'i tshe na kun
446b7 dga' bo dang / dge slong rnams bcom ldan 'das kyis gsungs pa thos nas so so nas brtson 'grus brtsams pas 'bras bu dang po 'bras bu bzhi pa'i bar du thob bo/ /
447a1 kha cig ni/ rgya chen po'i sems bskyed de phyir mi ldog pa'i sa la gnas par gyur to/ /bcom ldan 'das kyis de skad ces bka' stsal pa la
447a2 so so nas rjes su yi rang ste mngon par dga'o/ /khyim bdag dan byi la zhes bya ba'i le'u ste bzhi bcu rtsa gcig pa'o// //glang po skyong gi le'u/ 'di
447a3 skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /
447a4 de'i tshe yul ma ga d+ha na khyim bdag cig la bu zhig btsas te/ bzang ba/ blta na sdug pa/ mtshan dang ldan pa zhig go /khye'u de thog ma btsas pa na bang mdzod kyi
447a5 nang nas gser gyi glang po'i phru gu zhig rang byung ngo / /khye'u'i pha mas de lta bu byung ba mthong nas rab tu dga' ste mtshan mkhan la bstan nas mtshan mkhan gyis kyang
447a6 khye'u 'di bsod nams kyi mtshan dang ldan par rtogs te/ khye'u 'di thog ma btsas pa na ngo mtshar che ba'i ltas ci byung zhes dris so/ /khye'u'i pha mas smras pa/ khye'u
447a7 'di btsas pa na mdzod kyi nang nas gser gyi glang po che'i phru gu zhig rang byung ngo / /zhes smras pa dang / khye'u'i ming yang glang po skyong zhes btags so/ /khye'u ji tsam
447b1 du cher skyes pa bzhin du gser gyi glang po che'i phru gu yang skyes te/ khye'u 'gro na glang po che'i phru gu yang 'gro ste/ rtag tu 'grogs so/ /glang po che'i phru gu'i gcin rtag kyang gser
447b2 du byung ngo / /glang po skyong cher skyes nas khyim bdag gi bu lnga brgya tsam dang rtag tu lhan cig rtse ste gcig la gcig yid gcugs pas phyi zhig na bus pa de dag so so nas khyim
447b3 khyim na ngo mtshar che ba ci yod pa'i gtam byas pa dang / de la kha cig ni/ nga'i khyim na khri stan dang nyal ba'i mal cha la sogs pa thams cad rin po che sna bdun las byas so/ /zhes zer ro/ /
447b4 kha cig ni/ nga'i khyim dang skyed mos tshal la sogs pa thams cad kyang rin po che zhes zer ro/ /kha cig ni/ nga'i bang mdzod rtag tu rin po che dam pas yongs su gang ngo zhes zer te/ kun gyis
447b5 so so nas ya mtshan ci yod pa rnam pa sna tshogs kun smras pa dang / de nas glang po skyong gis kyang bdag thog ma btsas pa na gser gyi glang po che'i phru gu zhig kyang rang byung ste/ kho bo ji
447b6 tsam du skyes pa bzhin du glang po che'i phru gu yang de bzhin du skyes te/ kho bos bsam pa bzhin du 'gro la/ glang po che de la zhon nas ltad mo lta ba la sogs pa gar yang yid bzhin du
447b7 mgyogs par 'gro ste/ gcin rtug kyang gser du 'byung ngo / /zhes smras pa dang / de'i tshe rgyal bu ma skyes dgra yang de na 'dug ste glang po skyong gis smras pa thos nas 'di snyam du bdag
448a1 nam rgyal por gyur pa na glang po che dbrog go /snyam bsam mo/ /phyis rgyal por gyur nas glang po skyong bkug ste khyod kyis glang po che 'on cig ces bsgo'o/ /
448a2 de nas glang po skyong gi pha mas bu la 'di skad ce smras so/ /ma skyes dgra lta bu khro zhing gtum la 'dod pa che ba med de/ bdag gi pha yang gsod na/ gzhan lta ci smos te/ de
448a3 khyod kyi glang po che 'phrog par byas kyi/ glang po che sbyin dgos so/ /bus smras pa/ bdag gi glang po che 'di ni/ sus kyang dbrog mi nus so/ /zhes smras nas spad gnyis glang po che la
448a4 zhon te rgyal po'i pho brang gi sgor 'ongs pa dang sgo srung ba dag gis rgyal po la gsol to/ /rgyal pos kyang glang po skyong spad gnyis glang po che las ma babs par nang du shog cig ces bsgo ba dang / glang po
448a5 skyong spad gnyis glang po che la zhon te pho brang gi nang du 'ongs nas gdod babs so/ /de nas rgyal po la phyag byas te bde bar gyur cig ces smras pa dang / rgyal po rab tu dga' nas
448a6 stan bting ba la 'dug tu bcug ste bza' ba dang btung ba byin no/ /de skad ces smras pa'i 'og tu phyir 'gro zhes byas pa dang / glang po skyong la gser gyi glang po zhog la khyed cag
448a7 phyir dengs shig ces bsgo'o/ /de nas glang po skyong yang rgyal po'i bka' bzhin du glang po che phyir bzhag nas spad gnyis rkang bas song ste sgor phyin btsam na/ ring por ma
448b1 lon par glang po che de yang de nyid du sa'i nang du nub nas sgo'i phyi rol tu glang po skyong gi mdun du byung ngo / /glang po skyong spad gnyis de la phyir zhon te khyim du song nas de 'di snyam du bsams so/ /
448b2 rgyal po yang chos bzhin byed pa ma yin te/ ma nyes bdag kyang khrims dang sbyor bas/ bdag gis kyang ma stes na glang po che 'di'i phyir srog la brgal bar 'ong gi /da ltar bcom ldan 'das
448b3 'jig rten na 'gro ba mang po la bde ba'i don mdzad pa de'i drung du song la khyim nas byung zhing tshangs par spyod pa la dga' bar bya'o snyam bsams nas pha ma la rab tu 'byung bar gsol pa
448b4 dang / pha mas kyang rab tu 'byung bar gnang nas phyi phyag 'tshal te gser gyi glang po la zhon nas rgyal bu rgyal byed kyi tshal gang na bar song ngo / /bcom ldan 'das kyi spyan sngar phyin pa dang / zhabs
448b5 la mgo bos phyag 'tshal nas ji ltar gyur ba rgyas par gsol nas bcom ldan 'das kyis legs par 'ongs so/ /zhes bka' stsal pas skra dang kha spu rang phyi ste dge slong du gyur to/ /de
448b6 la bcom ldan 'das kyis bden pa bzhi'i chos ci rigs par bstan pas dgra bcom par gyur to/ /dge slong glang po skyong yang dge slong grogs gzhan dang lhan cig gang na 'dug kyang
448b7 rung ste| gser gyi glang po che rtag tu drung na 'dug go /de'i tshe mnyan du yod pa na 'khod pa'i mi rnams kyis gser gyi glang po che blta ba'i phyir thams cad der 'du bar gyur nas rnal 'byor
449a1 spyod pa la 'du 'dzi mang bar gyur te/ dge slong dag gis bcom ldan 'das la gsol nas bcom ldan 'das kyis de'i phyir dge slong glang po skyong la 'di
449a2 skad ces bka' stsal to/ /khyod kyi glang po che la lta ba mang po 'du bas mi dben par gyur gyi/ myur du spongs shig ces bka' stsal pa dang / glang po skyong gis gsol pa /
449a3 bdag gis kyang thog ma nas spang bar bsams na 'gror ma btub bo/ /bcom ldan 'das kyis yang bka' stsal pa/ khyod glang po che la lan gsum 'di skad ces smros shig /
449a4 nga ni| skye ba'i phyogs bzad de da phyin chad mi dgos so/ /zhes smros shig dang med par 'gyur ro/ /glang po skyong gis kyang bcom ldan 'das kyis bka' bzhin du glang po che la da ni/
449a5 mi dgos so/ /zhes lan gsum gyi bar du smras pas/ gser gyi glang po che yang sa'i nang du nub bo/ /de la dge slong dag ngo mtshar du gyur nas bcom ldan 'das la 'di skad ces
449a6 gsol to/ /dge slong glang po skyong 'dis sngon bsod nams kyi zhing ji lta bu la dge ba'i rtsa ba ji lta bu zhig bskyed na/ 'di lta bu'i 'bras bu'i rnam par smin par gyur/ bcom ldan
449a7 'das kyis kun dga' bo dang / dge slong rnams la 'di skad ces bka' stsal to/ /so so'i skye bo gang yang rung / dkon mchog gsum gyi bsod nams kyi zhing la dge ba'i sa
449b1 bon cung zad cig btab na 'bras bu tshad med pa 'thob par 'gyur ro/ /sngon 'das pa'i dus na sangs rgyas 'od srung 'jig rten du gshegs pa'i tshe mi'i tshe ni/ lo stong phrag nyi shu'i bar du
449b2 gnas so/ /sangs rgyas de sems can gyi don byas nas mya ngan las 'das pa'i 'og tu ring bsrel la mchod rten mang du byas so/ /de'i tshe mchod rten gcig gi nang na byang chub sems dpa'
449b3 thog ma dga' ldan gyi gnas nas babs te yum gyi lhums su gshegs pa'i tshe bcibs pa/ glang po che de'i mchod rten zhig kyang yod de/ de'i tshe na glang po che'i gzugs cung zad cig zhig nas de la
449b4 mi zhig phyag 'tshal du 'ongs te glang po che'i gzugs cung zad zhig pa de mthong nas 'di snyam du bsams so/ /bde ni/ byang chub sems dpa'i bcibs pa'i theg pa yin te/ 'di ltar
449b5 zhig par gyur gyi/ bdag gis slar gso'o snyam bsams nas 'jim pa zhig sbyar te bskus pa'i steng du ldong ros kyis bskus nas 'di skad ces smon lam btab bo/ /bdag ma 'ongs pa'i
449b6 dus su rtag tu cho rigs btsun zhing longs spyod zad mi shes pa dang ldan par shog cig ces smon lam btab bo/ /mi de tshe 'phos nas mtho ris kyi lhar skyes te/ lha las tshe'i dus byas nas mi'i
449b7 'jig rten du skyes te rtag tu cho rigs btsun pa dang / longs spyod dang ldan zhing byad gzugs bzang ste/ gser gyi glang po ches rtag tu bsrungs par gyur to/ /bcom ldan 'das kyis kun
450a1 dga' bo la bka' stsal pa/ de'i tshe de'i dus na glang po che gsos pa'i mi de ni/ da ltar dge slong glang po skyong yin te/ de'i tshe glang po che gsos pas de tshun chad
450a2 lha dang mi'i nang na longs spyod chen po dang ldan par gyur to/ /dkon mchog gsum la gus shing bsti stang byas bsad ltar nga dang phrad de bstan pa la rab tu byung nas sems can
450a3 gyi dri ma kun zad de dgra bcom par gyur to/ /tshe dang ldan pa kun dga' bo dang / 'khor mang po rnams bcom ldan 'das kyis gsungs pa 'di thos nas thams cad kyis don
450a4 rtogs shing khong du chud de/ la la ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob par gyur to/ /kha cig ni/ bla
450a5 na med pa'i byang chub tu sems bskyed de phyir mi ldog pa'i sa la gnas so/ /bcom ldan 'das kyis gsungs pa la 'khor mang po mngon par dga' nas rjes su yi rang ngo / /
450a6 glang po skyong gi le'u ste bzhi bcu gnyis pa'o// //bam po bcu gnyis pa/ bram zes lhan pa phul ba'i le'u/ 'di skad bdag gis thos pa dus gcig na /
450a7 bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe bcom ldan 'das kyis kun dga' bo zhabs
450b1 'bring du khrid de bsod snyoms la gshegs pa na bcom ldan 'das gsol ba'i na bza' la rdol ba cung zad cig yod de/ de yang sems can 'dul bar rigs pa'i don du dgongs
450b2 so| |bsod snyoms bslangs nas slar gshegs pa'i tshe bram ze zhig 'ongs nas bcom ldan 'das la spyi bos phyag 'tshal te bcom ldan 'das kyi mtshan lhang de lhan nor gsal
450b3 ba la brtags nas bcom ldan 'das kyi na bza' cung zad rdol ba de mthong ba dang / sbyin pa bya bar bsams te/ khyim na ras dkar po zhig yod pa las dum bu zhig bcad
450b4 nas bcom ldan 'das la phul te/ ras kyi dum bu 'di na bza'i lhan pa mdzod cig ces gsol to/ /bcom ldan 'das kyis kyang de la thugs brtse ba'i slad du bzhes pa dang /
450b5 bram ze rab tu dga' nas mgu rangs par gyur to/ /bcom ldan 'das kyis de la thugs brtse ba'i slad du lung bstan te/ bram ze khyod ma 'ongs pa'i dus na bskal pa grangs med pa
450b6 brgya 'das nas mngon par 'tshang rgya ste/ mtshan yang mngon par shes pa bzang po zhes bya ste/ stobs bcu rdzogs par 'gyur ro/ /zhes lung bstan pa dang rab tu dga' nas song
450b7 ngo / /de'i tshe yul de na cho rigs btsun pa'i tshong dpon dang / khyim bdag la sogs pas 'di snyam du bsams so/ /ci'i slad du bcom ldan 'das sbyin pa cung zad tsam gyi lan rab tu che ba byin snyam bsams te
451a1 so so nas ras dkar po bshams te/ de bzhin gshegs pa'i na bza' rnam pa sna tshogs byas nas sangs rgyas la phul lo/ /kun dga' bos bcom
451a2 ldan 'das la gsol pa/ bcom ldan 'das kyis sngon dge ba'i rtsa ba ci zhig mdzad na/ thams cad kyis na bza' mang po phul zhes gsol ba dang / bcom ldan 'das kyis 'di
451a3 skad ces bka' stsal to/ /khyod legs par nyon la shin tu yid la zungs shig dang khyod la bstan par bya'o/ /sngon 'das pa'i dus bskal pa grangs med tshad med pa'i pha rol
451a4 na sangs rgyas rnam par gzigs zhes bya ba 'jig rten du gshegs te 'khor stong phrag dgu bcu dang lhan cig tu bzhugs so/ /de'i tshe rgyal po ni ban du zhes bya ste/ de'i blon po
451a5 chen po gcig gis sangs rgyas dang dge 'dun du bcas te zla ba gsum gyi bar du bzhugs par sbyan drangs nas bcom ldan 'das kyis kyang de bzhin du gnang ba dang / blon
451a6 po de phyir khyim du 'ongs nas yo byad rnams sbyor zhing shom mo/ /de'i tshe rgyal pos kyang sangs rgyas dang dge 'dun spyan drangs par bsams te sangs rgyas gang na bar song ste
451a7 phyin pa dang / bcom ldan 'das la 'di skad ces gsol to/ /btsun pa bcom ldan 'das dang 'phags pa'i dge 'dun du bcas te zla ba gsum gyi bar du bdag gi mchod pa
451b1 bzhes shig ces gsol pa dang / bcom ldan 'das kyis rgyal po la 'di skad ces bka' stsal to/ /ngas sngar blon po chen pos spyan drangs par gshegs par bya ste/ skyes bu chen
451b2 ba'i chos kyis sngar gnang ba las 'gal bar byar mi rung ngo / /de nas rgyal po phyir pho brang du 'ongs te blon po chen po la 'di skad ces bsgo'o/ /yul 'di nang las che ba med de/ bcom
451b3 ldan 'das nga'i yul na bzhugs pas/ ngas sngar mchod pa bya bar bsams te spyan drangs na/ sngar khyod kyis spyan drangs zhes gsung gi /khyod re zhig sdod cig /ngas sngar sbyan
451b4 drangs pa'i 'og tu khyod kyis spyan drongs shig ces bsgo ba dang / blon po chen po des rgyal po la 'di skad ces gsol to/ /lha/ khyod kyis bdag gi lus dang srog kyang mi nyes par
451b5 gnya' spyod la/ de bzhin gshegs pa yang rtag tu bzhugs pa dang / rgyal po'i yul yang rtag tu bde skyid cing ye 'brog mi 'byung bar gnya' spyod na bdag kyang re zhig sdod
451b6 do| |zhes gsol pa dang / rgyal pos 'di ni/ mi rung ngo snyam bsams nas bdag cag gnyis nyin res kyis spyan drang ngo / /zhes bsgos nas nyi ma gcig ni/ rgyal pos spyan drangs/ nyi
451b7 ma gcig ni/ blon pos spyan drangs te gnyi ga'i re ba bskang ngo / /de'i tshe blon po chen po des de bzhin gshegs pa la chos gos smad gsum phul nas dge slong gi dge 'dun stong phrag dgu
452a1 bcu rnams la yang chos gos bdun pa re re sbyar te phul lo/ /de'i tshe de'i dus na blon po chen pos chos gos sbyar te sangs rgyas dang dge 'dun rnams la
452a2 phul ba de/ gzhan du ma sems shig /de ni/ da ltar nga yin no/ /ngas ni/ skye ba thams cad du bsod nams byed pa la skyo ba med pas/ de dag thams cad kyi rnam par smin
452a3 pa yang myong nas chud ma zos so/ /kun dga' bo la sogs pa 'khor mang po rnams bcom ldan 'das kyis gsungs pa thos nas bsod nams kyi las byed pa la brtson par gyur
452a4 te mngon par dga' nas rjes su yi rang ngo / /bram zes lhan pa phul ba'i le'u ste bzhi bcu gsum pa'o// //sangs rgyas thog ma byams pa'i thugs bskyed pa'i le'u/
452a5 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong
452a6 dag dbyar tshul las byung nas bcom ldan 'das ga la ba der song ste phyin pa dang / bcom ldan 'das la phyag 'tshal nas snyun mi mnga' zhes snyun gsol to/ /bcom ldan
452a7 'das kyis kyang byams pa'i thugs kyis spro ba bskyed de/ dge slong khyed sdug bsngal bar ma gyur tam zhes shin tu thugs brtse zhing byams pa'i thugs kyis bka' stsal pa dang / kun
452b1 dga' bos bcom ldan 'das la 'di skad ces gsol to/ /'di ltar bcom ldan 'das kyis dge slong dag la thugs brtse zhing byams pa'i thugs bskyed nas yun ji srid cag lags/
452b2 bcom ldan 'das kyis kun dga' bo la bka' stsal pa/ khyod shes par 'dod na khyod la bstan par bya'o/ /sngon 'das pa'i dus bskal pa grangs med pa brjod du med pa'i pha rol na
452b3 sdig pa byas pa'i mi gnyis shig sems can dmyal bar lhung ste/ dmyal ba'i srung ma lcags kyi shing rta 'dren du bcug nas lcags thos brdegs te phan tshun mi dal bar rgyug tu
452b4 bcug go/ de la mi gcig stobs chung ste 'dren ma nus nas 'dug pa dang / lcags kyi tho bas brdegs te tshe brjes nas phyir sos so/ /grogs po zla gcig gis de lta bu'i sdug
452b5 bsngal mthong nas byams shing snying rje ba'i sems skyes te dmyal ba'i srung ma la 'di skad ces smras so/ /bdag 'ba' zhig gis shing rta 'di drang gi/ mi 'di thong zhig ces smras
452b6 pa dang / srung ma khros nas lcags kyi tho bas brdegs te der tshe 'phos pa dang / sum cu rtsa gsum gyi lhar skyes so/ /kun dga' bo/ de'i tshe de'i dus na sems can dmyal ba
452b7 na 'dug pa las byams shing snying brtse ba'i sems bskyed pa de ni/ da ltar nga yin no/ /ngas de'i tshe sems can dmyal ba na de la thog mar snying rje ba'i sems bskyed de/ sems
453a1 can thams cad la yang de tsam gyi bar du thugs brtse zhing byams pa'i sems bskyed do/ /kun dga' bo dang / 'khor mang po rnams bcom ldan 'das kyis
453a2 gsungs pa la rjes su yi rang nas mngon par dga'o/ /sangs rgyas thog ma byams pa'i thugs bskyed pa'i le'u ste bzhi bcu bzhi pa'o// //rgyal po spyi bo skyes gyi le'u/
453a3 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong chen po'i dge
453a4 'dun brgya phrag byed dang bcu gsum dang thabs cig tu bzhugs so/ /de'i tshe bcom ldan 'das kyis dge slong dag 'jo sgeg cing / rnyed pa dang grags pa la chags nas
453a5 lhag par byas pa mang du 'chang zhing chog mi shes par gsog par gyur pa bcom ldan 'das kyis gzigs nas dge slong rnams la rnyed pa la chags pa'i skyon 'di dag
453a6 gsungs so/ /gang rnyed pa la chags pa ni/ lus zhig nas tshe 'phos ma thag tu ngan song gsum du lhung ste sdug bsngal tshad med pa myong bar 'gyur ro/ /de bas na ngas mngon du
453a7 dran pa/ sngon 'das pa'i dus na 'dod pa'i dbang gis ltung bar gyur te sdug bsngal mang po myong ngo / /de nas kun dga' bos pus mos la btsugs te thal mo sbyar nas bcom ldan
453b1 'das la 'di skad ces gsol to/ /sngon bcom ldan 'das 'dod pa la chags pa'i dbang gis ltung bar gyur pa ji lta bu lags/ bcom ldan 'das kyis bka' stsal pa/ sngon 'das
453b2 pa'i dus kyi bskal pa grangs med tshad med mtha' yas bsam gyis mi khyab dpag tu med pa'i pha rol na 'dzam bu'i gling 'dir rgyal po chen po gu sa li zhes bya ba/ 'dzam bu'i
453b3 gling gi rgyal phran brgyad khri bzhi stong la dbang byed de/ btsun mo dang pho brangs las ni/ stong phrag nyi shu yod do/ /blon po chen po ni/ stong phrag bcu yod do/ /dus gzhan zhig
453b4 na rgyal po spyi bo la sgo nga 'dra ba'i chu bur zhig byung ste/ gsal pa/ yongs su dag pa/ na tsha med pa'o/ /pags kyis je che je cher skyes te ku ba tsam du gyur pa dang / bkas na
453b5 nang nas khye'u blta na sdug pa/ mtshan dang ldan pa/ skra mthon mthing du 'dug pa/ lus kyi mdog gser lta bur snang ba zhig byung bar gyur te/ mtshan mkhan gyis bltas
453b6 nas bu 'di ni/ ngo mtshar che ba'i yon tan gyi mtshan dang ldan te/ gdon mi za bar 'khor los bsgyur ba'i rgyal por 'gyur zhing gling bzhi la dbang bar 'ong ngo / /zhes smras nas
453b7 khye'u ni/ ming yang spyi bo skyes zhes btags so/ /cher skyes nas yon tan dang ldan pas rgyal pos kyang yul gcig gi rgyal phran du bcug go/ dus gzhan zhig na rgyal po chen po nad
454a1 kyis btab pa dang / rgyal phran kun 'dus nas nad g.yog dang / dpyad byas kyang ma phan te/ tshe'i dus byas so/ /de nas rgyal phran rnams 'dus te spyi bo skyes
454a2 da gang na 'dug bar song nas phyin pa dang 'di skad ces smras so/ /rgyal po chen po ni/ sku tshe'i dus byas kyi/ khyod rgyal po chen por gshegs su gsol zhes smras pa dang / spyi bo skyes
454a3 kyis 'di skad ces smras so/ /gal te nga rgyal por 'gyur ba'i bsod nams dang / dbang thang zhig yod na rgyal chen bzhi dang / brgya byin la sogs pas nga la gsol ba btab ste
454a4 dbang bskur bar shog cig ces smras ma thag tu rgyal chen bzhi'i rgyal po yang babs nas rin po che'i bum pa spos chus bkang ba thogs te spyi bor blugs nas dbang bskur ro/ /
454a5 brgya byin lha'i dbang po yang babs nas rin po che'i cod pan phul te mgo la bzhag nas yon tan bsngags so/ /de nas rgyal phran rnams kyis dbus kyi yul chen por
454a6 gshegs par gsol pa dang / spyi bo skyes kyis yang 'di skad ces smras so/ /bdag la rgyal por 'gyur ba'i dbang thang zhig yod na/ yul sa nga'i drung du 'ong ba'i rigs kyi/
454a7 nga yul sa snyegs su mi 'gro'o/ /zhes smras pa dang / de ma thag tu yul chen po'i rgyal po'i pho brang dang / skyed mos tshal dang / khrus kyi rdzing bu la sogs te dgos pa thams cad
454b1 der byung bar gyur nas gser gyi 'khor lo dang / glang po che dang / rta rin po che dang / bud med rin po che dang / blon po rin po che dang / khyim bdag rin po che la sogs pa thams cad 'dus nas gling
454b2 bzhi la dbang byed pa'i 'khor los bsgyur ba'i rgyal por gyur te chos bzhin du srid 'tsho'o/ /de nas mi mang po dgas rko zhing zhing rmod pa mthong nas blon po rnams la 'di dag ci byed ces
454b3 bka' stsal pa dang / smras pa/ ji tsam du srog dang bcas pa thams cad zas kyis 'tsho bas/ 'di dag ni/ zhing rmos nas 'tsho bar byed do/ /de nas rgyal pos 'di skad ces smras so/ /
454b4 gal te nga la rgyal por 'gyur ba'i bsod nams kyi dbang thang zhig yod na/ las bya mi dgos par ro brgya dang ldan pa'i zas rang yod par gyur te/ thams cad chog cing 'grangs
454b5 nas bkres pa dang / skom pa med par gyur cig ces smras so/ /de skad ces smras ma thag tu bza' ba dang / btung ba yod par gyur to/ /de nas yang 'chag tu song song ba las/ tha
454b6 ga pa dag cig 'khal ba dang / 'thag pa dag mthong nas 'di dag ci byed ces dris ba dang / smras pa/ kha zas ni/ rang yod par gyur na/ lus brgyan pa'i gos med de/ 'di
454b7 dag ni/ bgo ba'i gos byed do/ /de nas rgyal pos yang 'di skad ces smras so/ /gal te bdag la rgyal por 'gyur ba'i dbang thang zhig yod na/ bgo ba'i gos rang yod par gyur te
455a1 dbul phongs pa thams cad kyang gos kyis chog par shog cig ces smras so/ /de skad ces smras ma thag tu shing thams cad las bgo ba'i gos kha dog rnam
455a2 pa sna tshogs dang ldan pa rang skyes te/ mi thams cad kyi gos kyang zad mi shes pa byung ngo / /de nas yang rgyal po 'chag cing song song ba las/ mi dag rol mo'i cha byad thogs
455a3 pa mthong nas 'di dag ci yin zhes dris pa dang / smras pa/ kha zas dang bgo ba'i gos ni/ chog par yod na/ rol mo mang po med de/ 'di dag rang dga' zhing rtse ba'i rol mo
455a4 yin no/ /rgyal pos smras pa/ gal te bdag la rgyal po'i dbang thang zhig yod na/ rol mo dam pa'i cha byad thams cad rang yod par gyur cig ces smras ma thag tu shing thams
455a5 cad kyi yal ga las rol mo'i cha byad mang po 'phyang ste/ rol mo 'dod ba zhig yod na/ rang 'khrol zhing snyan pa dang / thos pa tsam gyis dga' rangs par gyur to/ /
455a6 rgyal po'i bsod nams dang dbang thang chen pos nam mkha' las rin po che sna bdun char bzhin du bab ste yul kun gang nas rgyal pos blon po dag la 'di lta bur gyur
455a7 pa su'i yon tan zhes dris pa dang / blon po rnams kyis 'di skad ces smras so/ /'di ni/ rgyal po'i yon tan dang / sems can gyi bsod nams kyis 'di ltar gyur to/ /zhes
455b1 smras pa dang / rgyal pos yang 'di skad ces smras so/ /gal te sems can gyi bsod nams kyi mthu yin na ni/ rin po che 'di dag kun tu 'bab par gyur cig/ gal te
455b2 nga 'bab zhig gi dbang thang yin na/ pho brang gi nang 'ba' zhig tu bobs shig ces smras pa dang / gzhan kun na bab pa ni/ chad kyi/ pho brang gi nang 'ba' zhig tu nyin zhag bdun
455b3 gyi bar du bab bo/ /rgyal po spyi bo skyes kyis 'dzam bu'i gling du lo brgyad khri bzhi stong gi bar du 'dod pa lnga la longs spyod pa las dus gzhan zhig na pho brang gi sgor gnod
455b4 sbyin cig byung ste skad chen por 'di skad ces smras so/ /shar phyogs na shar gyi lus 'phags gling zhes bya ba yod de/ de na yang bde skyid la dpe med par bzang gi /
455b5 rgyal po chen po der yang rol cing gshegs pa'i rigs so/ /zhes smras pa dang / rgyal po yang der 'gro bar dga' nas gser gyi 'khor lo nam mkha' la 'phags pa dang /
455b6 blon po dang / rin po che sna bdun la sogs pa yang rjes su 'phags te shar gyi lus 'phags gling du phyin to/ /rgyal phran phyag mi 'tshal ba rnams kyang thams cad phyag
455b7 'tshal nas lus 'phags gling du 'dod pa lnga la lo stong phrag brgyad cu'i bar du longs spyod do/ /de nas yang gnod sbyin gyis 'di skad ces smras so/ /nub phyogs na nub kyi ba lang spyod
456a1 ces bya ba yod de/ de na yang rab tu bde skyid kyi/ rgyal po chen po yang der gshegs pa'i rigs so/ /zhes smras so/ /rgyal po de yang der 'gro bar dga'
456a2 nas nub kyi ba lang spyod du lo stong phrag bcu bzhi'i bar du bde ba la longs spyod do/ /de nas yang gnod sbyin gyis 'di skad ces smras so/ /byang phyogs na byang gi sgra mi snyan zhes bya
456a3 ba yod de/ de na gnas pa'i mi dag 'byor ba/ lo legs pa/ longs spyod dang ldan gyi/ rgyal po yul der gshegs pa'i rigs so/ /zhes smras pa dang / rgyal po 'gro bar dga'
456a4 nas byang gi sgra mi snyan du 'dod pa lnga'i dam pa la lo stong phrag bco brgyad kyi bar du longs spyod par gyur to/ /de nas dus phyi zhig na gnod sbyin gyis 'di skad ces smras so/ /rgyal
456a5 chen bzhi'i rigs kyi rgyal po'i gnas kyang rab tu bde ba ni/ tshad bya bar yang dka'o/ /rgyal po der yang gshegs pa'i rigs so/ /zhes smras pa dang / rgyal po dang / blon po
456a6 dang / dpung gi tshogs rnam bzhi dang bcas te nam mkha' la 'phags te dong ngo / /rgyal chen bzhi'i rigs kyi rgyal pos rgyang ma nas mthong ba dang / 'jigs skrag nas dpung
456a7 gi tshogs bshams te phyi rol tu byung ba dang / ci byar yang med nas phyir gnas su dong ngo / /spyi bo skyes der yang lo stong phrag bcu'i bar du 'dod pa la longs spyad nas yang
456b1 'di snyam du sum cu rtsa gsum gyi lha'i ris su 'gro bar bsams nas 'khor dang bcas su steng gi nam mkha' la 'phags te sum cu rtsa gsum gyi lha'i ris su song ngo / /de'i tshe drang srong
456b2 lnga brgya tsam zhig ri rab lhun po'i sul na gnas pa las/ rgyal po'i glang po che dang / rta'i gcin rtug lhung bas drang srong de dag gi lus la reg par gyur nas de dag gcig la gcig
456b3 'di ci yin zhes dris pa dang / drang srong mkhas pa blo dang ldan pa zhig gis drang srong gzhan dag la 'di skad ces smras so/ /rgyal po spyi bo skyes yar sum cu rtsa gsum gyi lha'i ris su song
456b4 ngo| |zhes zer gyi/ 'di ni/ gdon mi za bar de dag gi glang po che dang / rta'i mi gtsang ba yin no/ /zhes smras nas drang srong rnams khros te gsang sngags dang / phyag rgya bcings pas
456b5 rgyal po spyi bo skyes dang 'khor mang po 'gror med par byas so/ /rgyal pos kyang de ltar shes shing rig nas 'di skad ces dam bcas so/ /gal te bdag la bsod nams dang dbang
456b6 thang zhig yod na drang srong de dag nga'i thang du lhags te nga la mchod par shog cig ces smras nas rgyal po'i yon tan chen po'i byin dang shugs kyis drang srong lnga brgya tsam po ril
456b7 gyis der lhags nas g.yog byas te sum cu rtsa gsum gyi lha'i ris su dong ngo / yar ma phyin par rgyang ma nas lha'i pho brang yid du 'ong ba shin tu bkra bar snang ba/ lhang nge / lham
457a1 mer mthong bar gyur to/ /lha'i pho brang yid du 'ong ba la sgo chen po brgya phrag bcu gnyis yod de/ lha rnams 'jigs sdangs nas sgo rnams bcad de lcags
457a2 kyi gtan pa sum rim bcug go /spyi bo skyes dpung gi tshogs dang bcas su thogs pa med par der phyin pa dang / rgyal pos dung bu ste gzhu bdungs nas gzhu rgyud sbrengs pa dang /
457a3 lha'i pho brang gi sgo brgya phrag bcu gnyis dus gcig tu rang dbye ba dang / brgya byin gyis phyi rol nas bsus te lha'i pho brang du khrid nas brgya byin gyi ston phyed la 'dug tu bcug
457a4 go |lha'i dbang po dang / mi'i dbang po gnyis byad gzugs 'dra ste/ dbang po mthong bdag gis bye brag mi phyed na/ lha'i mgyogs bul gyis rtogs so/ /rgyal pos lha'i
457a5 pho brang du 'dod pa lnga'i dam pa la lha'i dbang po brgya byin sum cu rtsa drug brjes kyi bar du longs spyod do/ /lha'i dbang po'i nang gi tha ma de byang chub sems dpa' 'od srung zhes
457a6 bya ba ste/ de'i tshe lha ma yin gyi rgyal pos lha rnams la dmag drangs nas brgya byin dang 'thab pa las/ brgya byin gyis ma thub nas dpung gi tshogs dang phyir gnas su bros
457a7 so| |de nas spyi bo skyes phyir byung ste dung bus/ gzhu rgyud sbrengs pas lha ma yin gyi dmag rnams de ma thag tu byer ro/ /de'i tshe spyi bo skyes kyis 'di snyam du bsams so/ /bdag
457b1 gi mthu stobs ni/ gang dang yang mi mnyam na/ da brgya byin dang thun mong du 'dug pa ci rung / nyis na bsad la nga 'ba' zhig gis byas na legs so snyam mo/ sdig pa'i sems
457b2 bskyed ma thag tu nam mkha' las lhung nas sngon gyi pho brang rnying pa'i sgo drung du lhung ste srog dang bral la khad pa tsam du nyam thag par gyur to/ /de nas mi dag lhags te 'di skad ces
457b3 dris so| |gal te 'jig rten gyi khyim pa dag/ rgyal po spyi bo skyes ji ltar tshe'i dus byas zhes 'dri na/ de la bdag cag gis ji skad ces bya/ smras pa/ gal te de skad ces 'dri ba yod
457b4 na| de la 'di skad ces gyis shig /rgyal po spyi bo skyes ni/ 'dod pa'i dbang gis tshe 'phos so/ /des gling bzhi la lo bye ba phrag bzhi bcu'i bar du dbang byas te/ nyin zhag bdun
457b5 gyi bar du rin po che yang char bzhin bab/ lha'i ris gnyis su phyin kyang chog ma shes pas nam mkha' las ltung ste tshe 'phos so/ /zhes byos shig /de bas na dge slong dag
457b6 rnyed pa dang / grags pa ni/ yang dag par nyes pa'i skyon chen po ste/ ci nas kyang ring du spang bar soms la yang dag par byang chub la nan tan gyis shig /de nas kun dga'
457b7 bos bcom ldan 'das la 'di skad ces gsol to/ /rgyal po spyi bo skyes de sngon bsod nams ci zhig bgyis na/ 'di lta bu'i 'bras bu chen po thob par gyur/ bcom ldan
458a1 'das kyis bka' stsal pa/ sngon 'das pa'i bskal pa grangs med bsam gyis mi khyab pa 'das pa'i pha rol na sangs rgyas pur sha zhes bya ba 'jig
458a2 rten du gshegs te/ 'khor dang bcas su 'jig rten gyi don mdzad do/ /de'i tshe bram ze'i bu zhig chung ma len snyam ste/ 'jig rten pa'i chos kyis chung ma len na/ sran ma
458a3 spar gang blangs te gtor ba'i rigs so/ /khye'u de yang sran ma thogs te 'thor du song song ba las/ lam du bcom ldan 'das dang phrad nas sems yid dga' ste lag na
458a4 sran ma thogs pa dag bcom ldan 'das la gtor ba dang / 'brum bu bzhi lhung bzed kyi nang du song ngo / /'brum bu gcig ni/ dbu'i spyi bor chags so/ /bsod nams
458a5 kyi rgyu dang rkyen de tsam gyis bsod nams chen po thob ste/ sran ma 'brum bu bzhi lhung ba bzed kyi nang du song bas gling bzhi la dbang byed par gyur to/ /'brum bu gcig spyi bo la
458a6 chags pas lha rim pa gnyis kyi longs spyod myong bar gyur to/ /de'i tshe nye gnas rnams kyis sangs rgyas kyis gsungs pa thos nas la la ni/ 'bras bu dang po nas gnyis
458a7 pa dang / gsum pa dang / dgra bcom pa'i bar du thob par gyur to/ /'khor mang po rnams bcom ldan 'das kyis gsungs pa la rjes su yi rang nas mngon par dga'o/ /
458b1 rgyal po spyi bo skyes kyi le'u ste bzhi bcu lnga pa'o// //bu mo su ma na'i bu bcu'i le'u/ 'di skad bdag gis thos pa dus gcig na/ bcom ldan 'das mnyan yod na
458b2 rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin gyi bu mo tha chung su man zhes bya ba mnga' byad mdzes
458b3 shing blta na sdug pa zhig yod de/ bu'i nang na bu mo tha chung de la byams pas gar 'gro yang khrid do/ /dus gzhan zhig na khyim bdag sangs rgyas la phyag 'tshal du song ba dang /
458b4 bu mo yang phyi bzhin song nas bu mo des sangs rgyas mthong ba dang lhag par dga' ba'i sems skyes te/ spos kyis sangs rgyas bzhugs pa'i gnas kun tu byug par bsams pa
458b5 dang / de'i tshe bu mo de'i lag na a mra'i 'bras bu zhig thog pa las/ bcom ldan 'das kyis 'on cig ces bka' stsal pa dang / bu mos kyang de ma thag tu bcom ldan 'das
458b6 kyi phyag tu phul lo/ /bcom ldan 'das kyis a mra'i 'bras bu bzhes nas spos dam pa'i ming rnam pa mang po bris te bu mo'i lag tu phyir byin no/ /de nas bu mo pha dang bcas su
458b7 phyir khyim du 'ongs nas tshong dus su song ste bcom ldan 'das bzhed pa'i spos rnam pa sna tshogs nyos nas phyir yang rgyal bu rgyal byed kyi tshal du song ste nyin gcig bzhin du
459a1 spos bdar nas gnas kun nyug go /dus gzhan zhig na yul tig ca shi ri'i rgyal pos bu zhig rgyal po'i khab tu mngags nas 'phyan cing song
459a2 song ba las/ mthar gyis rgyal bu rgyal byed kyi tshal du phyin pa dang / bu mo spos bdar zhing 'dug pa mthong nas bu mo de la chags te chung mar blang bar bsams nas
459a3 rgyal po gsal rgyal la bu mo de bslangs pa dang / rgyal pos de su'i bu mo yin zhes smras na/ de ni/ khyim bdag mgon med zas sbyin gyi bu mo'o/ /zhes smras so/ /
459a4 'o na nga la gsol kyang mi phan gyi/ bu mo nyid kyi pha ma la gsol cig ces bsgo'o/ /rgyal bu des rgyal po la dus kyis gsol ba dang / rgyal pos kyang de bzhin gyis shig
459a5 ces bsgo ba dang / rgyal bu des bdag gi g.yog dang / 'khor kun phyir yul du btang nas glang po che gcig pu zhig phyir bzhag go /dus gzhan zhig na rgyal bu rgyal
459a6 byed kyi tshal du song nas bu mo su ma na brkus te glang po che la bskyon nas bros pa dang / mgon med zas sbyin gyis bsnyags na yang ma sleb ste/ phyir yul du phyin nas chud
459a7 mar byas so/ /de nas chung ma de sems can dang ldan par gyur te/ phyis zla ba tshang nas sgo na bcu zhig btsas so/ /sgo nga bcag pa dang / sgo nga re re'i nang nas bu khye'u blta
459b1 na sdug pa/ mdzes shing bzang ba/ gzhan las 'phags pa re re byung ngo / /bu de dag cher skyes nas dpa' zhing rtsal che bas/ ri dwags gsod pa la dga' bar gyur pa dang /
459b2 khye'u'i mas 'di ltar ri dwags gsod par ma byed cig ces bsgo ba dang / bu rnams kyis ma la 'di skad ces smras so/ /ri dwags bshor ba las dga' ba med de/ bdag cag
459b3 gi mas gsod du mi gnang ba las na/ bdag cag la sdang ba lta/ mas smras pa/ kho mo ni/ khyed la sdang ba ma yin gyi/ khyed la byams pa'i phyir ri dwags gsod du ma bcug
459b4 pa yin no/ /'di lta ste/ srog gcod pa'i sdig gis sems can dmyal bar lo brgya stong du ma'i bar du sdug bsngal myong ste/ rtag tu sha ba'i mgo can dang / lug gi mgo
459b5 can dang / ri bong gi mgo can la sogs te/ ri dwags sna tshogs kyi mgo can du gyur nas dmyal ba'i srung mas lo grangs med pa'i bar du gsod par 'gyur ro/ /gal te de
459b6 las thar par 'dod na yang sdig pa'i las de las mi thar ro/ /bu rnams kyis smras pa/ ji ltar khyod kyis bsgo bzhin du bya na/ 'di skad du bsgo ba 'di gzhan las gsan
459b7 tam| khyod nyid kyis bsams te smras/ tshig 'di ni/ kho mos sangs rgyas las thos so/ /zhes smras pa dang / bu rnams kyis sangs rgyas zhes bya ba ci yin ston cig ces smras
460a1 so| |ci khyod kyis ma thos sam/ rgyal po yab zas gtsang ma'i sras sku mdzes shing bzang ba/ 'khor los bsgyur ba'i rgyal por 'gyur ba las/ rga ba
460a2 dang / na ba dang / 'chi ba ma 'dod de/ rab tu byung nas lam bsgoms pas smon lam bzhin du grub ste bla na med pa'i 'bras bu thob nas sku khru bcu drug pa/ mtshan dang dpe byad
460a3 kyis yongs su brgyan pa/ rig pa gsum dang mngon par shes pa drug tu ldan pa/ snga ma 'das pa shes pa yang mtha' med la/ phyis 'byung ba shes pa yang mtha' med de/
460a4 dus gsum ni/ lag mthil na 'bras bu bzhag pa dang 'dra'o/ /zhes smras pa bu rnams kyis thos nas rab tu dga' ste/ sangs rgyas de da ltar 'di nas nye ring ji tsam zhig
460a5 na bzhugs pa mthong bar rung ngam zhes smras pa dang / mas smras pa/ da ltar mnyan yod na bzhugs te/ mthong du rung ngo / /bu rnams kyis smras pa/ 'o na bdag cag
460a6 sangs rgyas bltar 'gro'o/ /zhes gsol pa dang / bu'i mas kyang gnang nas bu rnams gcig car mnyan yod du dong ngo / /der phyin pa dang mes po mgon med zas sbyin gyis
460a7 mthong nas rab tu dga' mgu rangs te tsha bo rnams khrid de rgyal bu rgyal byed kyi tshal du de bzhin gshegs pa bltar dong ngo / /byis pa de dag gis sangs rgyas kyi mtshan
460b1 sngon thos pa bas stong 'gyur gyis lhag par bzang ba mthong nas shin tu dga' bar gyur to/ /de nas bcom ldan 'das kyis ci rigs par chos bstan pas khye'u bcu char dus
460b2 gcig tu chos la chos kyi mig rnam par dag par gyur nas sangs rgyas la rab tu 'byung bar gsol pa dang / bcom ldan 'das kyis byis pa rnams/ khyed kyi pha mas gnang
460b3 ngam zhes bka' stsal na/ bdag cag gis da dung ma gsol lo/ /zhes gsol pa dang / pha mas mag nang gi bar du rab tu 'byung du mi gnang ngo / /zhes bka' stsal to/ /de nas mgon
460b4 med zas sbyin gyis bcom ldan 'das la 'di skad ces gsol to/ /bdag ni/ 'di dag gi mes po lags te/ bdag gi tsha bo la bdag kyang da dung bas/ bdag gis rab tu 'byung
460b5 bar gnang ngo / /zhes gsol pa dang / bcom ldan 'das kyis kyang de bzhin du gnang nas skra dang kha spu rang byi ste dge slong du gyur to/ /dge sbyong gi lam la de dag gis brtson
460b6 'grus bskyed pas thams cad dgra bcom par gyur to/ /dge slong bcu po gcig la gcig lhag par dga' bas/ 'gro na yang lhan cig 'gro/ /'dug na yang lhan
460b7 cig 'dug ste/ yul mi thams cad kyang dga' nas rjes su yi rang ngo / /de nas kun dga' bos bcom ldan 'das la gsol pa/ dge slong bcu po 'dis bsod nams ci
461a1 zhig bgyis na/ /cho rigs btsun par skyes la byad gzugs bzang ba dang / bcom ldan 'das dang phrad nas sdug bsngal gyi mthar phyin par gyur/
461a2 bcom ldan 'das kyis kun dga' bo la bka' stsal pa/ sngon 'das pa'i dus bskal pa dgu bcu rtsa gcig gi pha rol na sangs rgyas thams cad skyob ces bya ba 'jig rten
461a3 du gshegs te/ sems can gyi don mdzad nas mya ngan las 'das te ring bsrel rgyas par sbel nas mchod rten tshad med pa snyed byas so/ /de'i tshe na mchod rten gcig
461a4 cig zhig ral du gyur nas rgan mo zhig gis gso zhing 'dug pa las/ mi mgron po bcu zhig der lhags te mthong ba dang / rgan mo la khyod ci byed ces smras so/ /rgan
461a5 mos smras pa/ 'di ni/ mchod gnas kyi rten mchod rten yin te/ 'di bcos na bsod nams lhag par che'o/ /de bas na/ dge ba'i 'bras bu 'dod pa'i phyir 'di 'chos
461a6 so| |gzhon nu de dag kyang rgan mos smras pa la rab tu dga' nas bdag cag gis kyang bstang ngo / /zhes smras nas mchod rten bcos pa'i 'og tu gzhon nu bcu
461a7 char rgan mo de'i bur skye bar gyur cig /ces smon lam btab pas/ de tshun chad bskal pa dgu bcu rtsa gcig gi bar du lha dang mi'i nang du lhan cig tu skyes nas
461b1 nas bde ba la longs spyad de dngos po 'di gsum gyis mi gzhan las khyad du 'phags so/ /gsum gang zhe na/ byad gzugs bzang zhing mdzes pa dang / kun gyis bkur ba
461b2 dang / rtag tu tshe ring zhing de srid kyi bar du sems can dmyal bar mi ltung ba'o/ /da nga dang phrad nas rdul dang dri ma kun bkrus te dgra bcom par gyur to/ /de'i tshe de'i dus na
461b3 rgan mo de ni/ bu mo su ma na yin no/ /mi gzhon nu bcu po de ni/ dgra bcom pa 'di bcu yin no/ /bcom ldan 'das kyis de skad ces gsungs nas 'khor mang po rnams la la
461b4 ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob bo/ kha cig ni/ bla na med pa'i byang chub tu sems bskyed nas phyir
461b5 mi ldog pa'i sa la gnas par gyur te/ sangs rgyas kyis gsungs pa la rjes su yi rang nas mngon par dga'o/ /bu mo su ma na'i bu bcu'i le'u ste bzhi bcu rtsa drug
461b6 pa'o|| //u pa gup+ta'i le'u/ 'di skad bdag gis thos pa'i dus gcig na/ bcom ldan 'das mnyan yod na/ /rgyal bu rgyal byed kyi tshal mgon med zas
461b7 sbyin gyi kun dga' ra ba na bzhugs so/ /de'i tshe yul de na kun tu rgyu u pa gup+ta zhes bya ba yid gzhungs shing shes pa mang ba ni/ 'das pa dang / da ltar la mkhas pa
462a1 zhig ste| bcom ldan 'das gang na ba der song nas rab tu 'byung ngo / /zhes gsol to/ /gal te bdag rab tu byung nas shes rab dang spobs
462a2 shA ri'i bu dang mnyam na rab tu 'byung gi/ de tsam mi phod na phyir khyim du mchi'o/ /zhes gsol ba dang / bcom ldan 'das kyis de tsam mi phod do/ /zhes bka'
462a3 stsal nas kun tu rgyu de rab tu 'byung du ma btub nas phyir khyim du song ngo / /bcom ldan 'das kyis dus gzhan zhig na 'khor mang po la 'di skad ces bka' stsal
462a4 to| |nga mya ngan las 'das nas lo brgya lon pa dang / bram ze 'di rab tu byung nas mngon par shes pa drug dang shes rab tu ldan te/ sems can rdul snyed cig gi
462a5 don byed par 'gyur ro/ /bcom ldan 'das mya ngan las 'das gang yang kun dga' bo la 'di skad ces bka' stsal to/ /nga mya ngan las 'das nas mdo sde'i sde
462a6 snod thams cad khyod la gtad kyi/ khyod kyis gzungs su zungs la rgyas par byos shig ces bka' stsal nas bcom ldan 'das mya ngan las 'das pa'i 'og tu
462a7 kun dga' bos chos kyi sde snod kun bzung ngo / /kun dga' bos lus yongs su gtong ba na nye gnas ye she'i ki la 'di skad ces bsgo'o/ /nga 'das pa'i 'og
462b1 tu mdo sde kun khyod la gtad kyi/ gzungs su zungs shig ces bsgos nas yang 'di skad ces smras so/ /yul wA ra NA sir khyim bdag gup+ta zhes bya ba la bu u pa gup+ta zhes bya
462b2 ba zhig yod kyi/ khyod kyis slongs la rab tu phyung zhig /khyod 'das pa'i 'og tu chos kyang de la gtod cig ces bsgo'o/ /kun dga' bo 'das pa'i 'og tu ya she'i kis dam
462b3 pa'i chos bzung ste 'jig rten na sems can gyi don mang du byas so/ /de nas wA ra NA si'i grong khyer du song ste khyim bdag de dang bshes par byas nas yang dang yang de'i
462b4 khyim du song ste yid gcugs par byas so/ /khyim bdag de la bu khye'u zhig btsas nas ming u pa gup+ta zhes bya bar btags te/ chung du shed ma bye ba nas ya she'i kis
462b5 bslangs te rab tu dbyung bar byas pa las khyim bdag gis 'di skad ces smras so/ /bdag 'dod pa'i bu 'di 'dra ba zhig yod de/ rigs 'tsho ba snyam ste mi rung ngo / /gal
462b6 te yang gcig btsas na gdod sbyin no/ /phyis dus gzhan zhig na yang bu zhig btsas nas ming nan+ta ku pa ta zhes btags so/ /de nas ya she'i ki yang der song ste bu bslangs
462b7 pa dang / khyim bdag gis yang 'di skad ces smras so/ /bu chen po ni/ phyi rol gyi bya ba sgrub dgos/ bu chung du ni/ nang gi bya ba sgrub na gdod bde bar 'gyur ro/ /zhes sbyin
463a1 du ma btub ste/ phyis yang bu zhig btsas na gdod dbul lo/ /zhes smras so/ /ya she'i ki ni/ dgra bcom pa'i nang na rig pa gsum dang ldan te/
463a2 sems can gyi dbang po la mkhas pas khye'u de gnyis la brtags na/ rab tu 'byung ba'i skal pa yod pa ni/ 'dra nas ma bskul bar bzhag go /de nas yang khyim bdag de
463a3 la bu zhig btsas nas byad gzugs legs pa/ blta na sdug pa zhig ste/ yang khyim bdag gi thad du song nas bu bslangs pa dang / yang 'di skad ces smras so/ /bud dung
463a4 chung bas g.yog byed kyang mi nus la/ bdag cag kyang dbul bas bstang du med de/ re zhig sdod cig /nam skyes na sbyin no/ /zhes smras so/ /de nas cher skyes nas shes pa
463a5 dang ldan par gyur te/ phas kyang nor rdzas lag tu gtad nas tshong byed du bcug go /dus gzhan zhig na ya she'i ki nyid de'i drung du song ste chos bstan nas sems rtse
463a6 gcig pa yid la byed du bcug ste/ dge ba'i rtog pa byung na rde'u dkar ru zhig zhog /mi dge ba'i rtog pa byung na rde'u na gu zhig zhog la dus dus su gang mang rtsis
463a7 shig ces bsgo'o/ /u pa gup+tas kyang bsgo ba bzhin du dge ba dang / mi dge ba'i rtog pa byung ba las rde'u bzhag ste brtsis na/ thog ma ni/ rde'u na gu mngar ba la dkar ru
463b1 nyung rab bo/ /de nas yang bags kyis dkar nag mnyam mo/ /de nas yid la bya ba ma btang bas rde'u na gu ni/ med kyi/ rde'u dkar ru 'ba' zhig tu gyur te/ dge ba'i rtog pa grub
463b2 nas 'bras bu dang po thob par gyur to/ /de'i tshe grong khyer de nas smad tshong ma zhig gis bran mo zhig mngags te/ u pa gup+ta la me tog nyor btang ngo / /u pa gup+ta rang bzhin gyis
463b3 drang bas/ phran mo de la me tog rgyal bar byin te ma rangs pa med par byas so/ /bran mo de me tog rnams khyer te jo mo la phul ba dang / ngo mtshar cher bzung ste bran mo la 'di skad
463b4 ces smras so/ /sngar me tog nyos ba'i rin dang / deng nyos pa'i rin 'dra na/ sngar ni/ ci'i phyir nyung la/ da ni/ ci ste mang / snga ma'i tshe na khyod kyis nga bslus sam/ phran mos smras
463b5 pa| deng gi me tog tshong ba'i bdag po de ngo mtshar du drang la des te g.yo sgyu med pas mang du khugs pa yin no/ /skyes bu de gzugs byad bzang zhing mdzes pas/ rje mos gzigs
463b6 na yang dgyes par 'gyur ro/ /zhes smras pa dang / smad tshong mas de 'bod du btang ngo / /u pa gup+ta der 'ong du ma btub nas yang dang yang bos kyang 'gror ma btub bo/ /de'i
463b7 tshe smad tshong ma de rgyal bu zhig dang 'dus te/ rgyal bu de'i gos rin po che la chags pas gsang ste rgyal bu bsad nas ro sbas so/ /de nas rgyal pos khyim btsal ba dang / smad
464a1 tshong ma'i khyim nas rgyal bu'i ro rnyed de/ smad tshong ma de'i rkang lag kyang gtubs/ rna ba dang sna yang bcad nas shing khar btags te dur khrod du btsugs
464a2 so| |de ltar byas kyang da dung srog ma chad pas/ u pa gup+ta de'i drung du song ba dang / smad tshong mas 'di skad ces smras so/ /sngon sdug pa'i tshe ni/ 'ong du ma btub na/ da ma rungs
464a3 par gyur pa'i 'og tu gar 'gro zhes smras pa dang / u pa gup+tas smras pa/ khyod kyi mda' byad 'dod pa'i phyir 'dir 'ongs pa ma yin gyi/ khyod la snying brtse ba'i phyir 'dir
464a4 'ongs so/ /zhes smras nas mi rtag pa'i chos rnam pa bzhi po 'di dag bstan to/ /lus 'di ni/ mi gtsang ba/ sdug bsngal ba/ stong pa/ bdag med pa ste/ re re nas brtags
464a5 shing yid brtan du mi rung ngo / /gang glen pa gti mug can ni/ de la chags so/ /smad tshong mas chos de dag thos nas chos la chos kyi mig rnam par dag par gyur to/ /u
464a6 pa gup+ta ni/ phyir mi ldog pa'i 'bras bu thob po/ /de nas ya shes kyis khyim bdag de las gzhon nu bslangs nas rab tu dbyung ngo / /zhes byas pa dang / khyim bdag gis kyang
464a7 de bzhin du phul nas btsug lag khang du khrid de khrims bcu phog go /de nas lo nyi shu tshong ba dang bsnyen par rdzogs so/ /bsnyen par rdzogs pa'i tshe gsol ba dang bzhi'i
464b1 las kyis bsnyen par rdzogs nas dgra bcom par gyur to/ /rig pa gsum dang mngon par shes pa drug dang ldan te/ smra ba la spobs pa zad mi shes par gyur nas mi mang po bsdus
464b2 te chos bstan par byas pa dang / de'i tshe bdud sdig to can gyis 'khor mang po'i nang du gser gyi dong tse char bzhin du phab pas/ mi kun dong rtse la rtod nas chos mnyan du med
464b3 par byas so/ /de'i phyi nyin 'khor mang po bsdus te chos bstan par byas pa las/ bdud sdig to can gyis me tog gi phreng ba'i char phab pas/ kun gyi sems dkrugs so/ /
464b4 de'i tshe phyi nyin 'khor mang po bsdus te chos bstan par byas pa las/ bdud kyi rgyal pos glang po che mthon mthing ga ta kha nas mche ba drug byung la/ mche ba re re la yang rdzing
464b5 bu re re yod pa/ rdzing bu re re'i nang na me tog bdun bdun yod pa/ me tog re re'i nang na shel gyi bu mo bdun bdun yod pa/ bu mo de dag kyang so so nas rol mo byed de/
464b6 glang po che de yang gom pa dal gyis 'khor gyi nang du 'gro ba bstan pa dang / mi thams cad de la lta bas chos la mi 'dun to/ /de'i phyi nyin 'khor rnams bsdus te chos bstan
464b7 par byas pa las/ bdud kyi rgyal pos na chung bzang mo shin tu mdzes shing bzang ba zhig 'khor gyi nang du 'ongs pa sprul nas mi kun de la mig mi 'dzum par lta ste/ chos
465a1 nyan pa brjed do/ /de ma thag tu ya she'i kis sprul pa'i bud med keng rus dkar por sprul nas mi mang pos mthong ba dang / mi kun gdod chos nyan pas
465a2 'bras bu thob pa yang rab tu mang ngo / /btsun pa de dag la thog ma nas khyi zhig yod de/ nyin gcig bzhin du chos bstan pa la rna ba gtad de nyan pas/
465a3 khyi de tshe brjes nas lha'i ris drug par skyes te/ bdud sdig to can dang stan gcig la 'dug go /bdud kyi rgyal pos lha de la 'di ni/ yon tan chen po dang ldan
465a4 te nga dang mnyam na/ 'di gang nas tshe 'phos te 'dir skyes pa brtag go snyam ste brtags pa dang / khyi las skyes par mthong nas dge slong gis bskyengs te sma phab bo snyam nas rgyad
465a5 ma nas btsun pa ting nge 'dzin du zhugs pa mthong ba dang / rin po che'i cod pan zhig btsun pa'i mgo la bzhag go /ting nge 'dzin las langs pa dang / mgo la cod pan yod
465a6 par rtogs nas sus bzhag snyam brtags nas bdud sdig to can gyis bzhag par rtogs nas rdzu 'phrul gyi mthus bdud sdig to can der bkug ste/ khyi ro zhig
465a7 mgo'i phreng bar sprul nas sdig to can la 'di skad ces smras so/ /khyod gyis nga la cod pan byin pa'i lan du khyod la phreng ba zhig spyin gyi/ bzhes shig ces smras pa dang /
465b1 bdud sdig to can gyis blangs te phreng bar btags nas phyir gnas su song ngo / /gnas su phyin te brtags na/ mgo la phreng ba bzhag ba khyi ro yin par mthong nas mi 'dod de 'dor
465b2 bar byas pa las mthu stobs ci yod pa gtugs kyang 'dor ma nus so/ /de nas brgya byin gyi thad du song ste mi gtsang ba 'di dor cig ces smras na/ brgya byin gyis smras pa/ 'di
465b3 lta bu sus byas pa nyid kyis 'dor nus kyi/ bdag la ni/ 'dor nus pa'i mthu med do/ /bdud sdig to can gyis lha kun dang / tshangs pa'i rgyal po'i bar du bdag gi mi gtsang ba
465b4 'di dor cig ces na/ snga mas smras pa dang 'dra ste/ nged la 'di 'dor ba'i mthu med do/ /zhes smras bas/ ci byar mi rung nas phyir btsun pa'i drung du 'ongs nas 'di skad ces
465b5 smras so| |sangs rgyas bcom ldan 'das ni/ yon tan chen po dang ldan pa bden te/ byams pa'i thugs phyogs gcig tu ma gyur to/ /khyed nyan thos rnams ni/ 'jigs su rung
465b6 ba| ma rungs pa'o/ /ci mngon zhe na/ ngas sngon yi dwags kyi dpung khri phrag brgyad cu bsags te byang chub sems dpa' la bskor nas byang chub las nyams par bya bar brgal
465b7 ba las/ 'on kyang thugs rje bskyed de bdag la dgrar mi dgongs so/ /da bdag gis kyal ka cung zad cig byas pas lan du 'di 'dra bar byas so/ /u pa gup+tas smras pa/ khyod
466a1 zer ba bden te/ sangs rgyas dang ngar bsgrun na brgya 'gyur/ stong 'gyur du yang dpe byar mi rung ste/ ri rab lhun po yungs kar dang bsgrun pa'am/ rgya mtsho
466a2 chen po dang ba rmig gi chur bsgrun pa'am/ seng+ge'i rgyal po dang war bsgrun pa dang 'dra ste/ che chung gi khyad par bskyed du med do/ /kho bo ni/ dus ngan pa'i mthar skyes te de bzhin
466a3 gshegs pa yang ma mthong na/ khyod kyi rdzu 'phrul gyis sangs rgyas kyi skur sprul nus so/ /zhes thos kyi/ khyod kyis kho bos mthong bar ston cig/ blta bar bya'o/ /bdud kyi
466a4 rgyal pos smras pa/ ngas de 'dra bar sprul gyi/ khyod phyag ma byed cig /smras pa/ phyag mi byed do/ /de nas bdud kyi rgyal pos kyang sangs rgyas kyi sku sprul te/ sku chen po khru
466a5 bcu drug pa/ gser gyi mdog can/ mtshan sum cu rtsa gnyis dang dpe byad bzang po brgyad cus brgyan pa/ 'od zer lham me/ lhan ner gsal ba nyi zla bas kyang lhag
466a6 par sprul pa dang / u pa gup+ta rab tu dga' nas phyag bya bar gzas pa dang / bdud kyi rgyal po phyir yang bdud kyi lus su bsgyur nas u pa gup+ta la/ btsun pa khyod phyag mi bya
466a7 bar byas na/ ci'i phyir byed ces smras so/ /u pa gup+tas smras pa/ kho bo sangs rgyas la phyag byed kyi/ khyod la phyag mi byed do/ /bdud kyi rgyal pos smras pa/ btsun pa bdag
466b1 la thugs brtse ba'i slad du khyi ro 'di ma mchis par mdzod cig /u pa gup+tas smras pa/ khyod nyid snying brtse ba'i sems bskyed de sems can kun gyi skyabs byos shig dang / khyi
466b2 ro las rin po che'i phreng bar 'gyur ro/ /gal te mi dge ba'i sdig pa'i bsam pa skyes na/ khyi ro nyid las mi 'gyur ro/ /zhes smras pa dang / bdud kyi rgyal po skrag nas rtag tu dge
466b3 ba'i sems bskyed do/ /de'i tshe btsun pa u pa gup+tas 'bras bu thob pa'i 'og tu sems can btul te 'bras bu bzhi thob par byas pa'i grangs ni/ 'bras bu thob pa'i mi re res tshul
466b4 shing sor bzhi pa re re byas pa'i tshul shing de lta bus khan pa mtho khyad chag drug cu pa/ chu zheng gab phar chag drug cu pa'i nang yongs su gang ngo / /de nas mi mang po kun gyis
466b5 bstod cing bsngags te/ khyod kyi yon tan ni/ rgya che bas/ sems can btul ba'i grangs kyang dpag tu med do/ /zhes smras so/ /u pa gup+tas smras pa/ kho bo dud 'gro byed pa'i
466b6 tshe na yang sems can dag btul te 'phags pa'i 'bras bu thob par byas na/ da ltar gyi dus na btul ba lta ci smos/ 'khor mang pos smras pa/ sngon ji lta bur sems can dag
466b7 btul ba bdag cag la bstan du gsol/ u pa gup+tas smras pa/ sngon 'das pa'i dus na wA ra NA si 'dir drang srong lhags pa'i ri la rang sangs rgyas lnga brgya zhig gnas so//
467a1 de'i tshe spre'u zhig nyin gcig bzhin du mchod pa 'bul zhing spyod lam la lta'o/ /rang sangs rgyas de dag phyis gzhan zhig tu dong ba las/ kun tu
467a2 rgyu lnga brgya zhig de na gnas so/ /kun tu rgyu de dag la la ni/ nyi ma dang zla ba la mchod/ la la ni/ me lha la mchod do/ /nyi ma dang zla ba la mchod pa ni/ nyi zla logs su rkang ba
467a3 ya gcig gis 'greng ngo / /me lha can ni/ nang par snga dro zhing me 'bud do/ /de'i tshe na spre'u des 'greng ba de dag gi rkang pa nas lag pa ya gcig gis bzung ste thur du drangs
467a4 so| |me 'bud bdag gi me bsad nas lus drang por 'dug ste bsam pa yid la byed do/ /de nas kun tu rgyu de rnams gcig la gcig 'di skad ces smras so/ /spre'u 'dis
467a5 bdag cag kyang ? spyod lam 'di lta bur 'dug cig ces bya ba'i tha tshig ste/ bdag cag kyang so so nas lus drang por bsrangs te don la brtag go /zhes byas nas de dag
467a6 de ltar byas ma thag tu sems kyis khong du chud cing rtogs te rang sangs rgyas su gyur to/ /de'i tshe de'i dus na spre'u de ni/ da ltar nga yin no/ /'khor rnams kyis smras pa/
467a7 'o na ci'i phyir spre'u'i lus su gyur/ u pa gup+tas smras pa/ sngon 'das pa'i bskal pa dgu bcu rtsa gcig gi pha rol na sangs rgyas rnam par gzigs 'jig rten du gshegs
467b1 te| dge slong rnams ni/ wA ra NA si na drang srong lhags pa'i ri la gnas so/ /de'i tshe 'bras bu thob pa'i dge slong zhig ri'i rtse mor mgyogs par song ba dang / de la dge slong
467b2 gzhon nu zhig gis dge slong de ni/ mgyogs khyad spre'u dang 'dra'o/ /zhes smras te/ de'i rgyu de'i rkyen gyis skye ba lnga brgya'i bar du spre'u'i lus thob par gyur to/ /de bas na
467b3 'khor bzhi po dag ngag gi las yongs su bsdams te mi dgos pa mi smra'o/ /u pa gup+tas chos 'di bstan pa'i tshe 'khor mang po rnams la la ni/ rgyun du zhugs pa dang /
467b4 lan gcig phyir ldog pa dang / phyir mi ldog pa dang / dgra bcom pa'i 'bras bu thob bo/ kha cig ni/ rang sangs rgyas su dge ba'i rtsa ba bskyed do/ kha cig ni/ byang chub tu sems
467b5 bskyed de phyir mi ldog par gyur pa yang dpag tu med do/ /de skad ces smras pa la rjes su yi rang nas mngon par dga'o/ /u pa gup+ta'i le'u ste bzhi bcu bdun pa'o// //dang pa lnga brgya lhar skyes pa'i le'u/ 'di skad bdag gis thos pa dus gcig na/ bcom ldan 'das yul wA ra NA si na bzhugs so/ /de'i tshe bcom ldan 'das tshal zhig
467b6 gi nang ne'u gsing dang ldan pa zhig na lha dang / mi dang / 'khor rnam bzhi la dam pa'i chos ston to/ /de'i tshe steng gi nam mkha' la bya ngang pa lnga brgya tsam zhig 'phur ba las
468a1 bcom ldan 'das kyi gsung shin tu snyan pa thos nas dga' zhing mos te/ nam mkha' la lding zhing bcom ldan 'das kyi spyan sngar 'bab par 'dod pa las
468a2 de'i tshe rngon pa dag cig gis sa phyogs der bya rgya bres pas ngang pa lnga brgya tsam po bya rgyas zin nas rngon pas bsad pa dang / thams cad sum cu rtsa gsum gyi lha'i ris su pha
468a3 ma'i pus mo'i steng nas khye'u lo brgyad lon pa tsam du skyes te byad gzugs bzang ba/ blta na sdug pa/ 'od zer gyis kun tu snang ba/ gser gyi ri ltar gsal zhing dag
468a4 par gyur nas de dag 'di snyam du bdag cag ci'i rkyen gyis lhar skyes snyam bsam pa dang / sngon gyi gnas dran par gyur to/ /chos gsungs pa'i sgra thos nas lhar
468a5 skyes par rig nas de dag de'i tshe nam mkha' las babs te lha rdzas kyi me tog dang spos la sogs pa thogs nas 'dzam bu'i gling gi yul wA ra NA si na bcom ldan
468a6 'das gang na bzhugs par lhags so/ /lha'i 'od kyis bcom ldan 'das bzhugs pa'i gnas kun rin po che ltar snang bar byas nas dus gcig tu bcom ldan
468a7 'das kyi zhabs la spyi bos phyag 'tshal te thal mo sbyar nas 'di skad ces gsol to/ /bdag cag gis bcom ldan 'das chos ston pa'i gsung thos pa tsam
468b1 gyis gnas dam par skyes kyi/ da yang bdag cag la thugs brtse ba'i slad du dam pa'i chos ston cig ces gsol pa dang / bcom ldan 'das kyis bden pa bzhi'i chos
468b2 bstan te/ lha de dag gis rtogs nas rgyun du zhugs pa'i 'bras bu thob bo/ /de dag de phyin chad ngan song gsum du mi ltung bar gyur te phyir lha'i ris su dong nas skye ba bdun
468b3 gyis zag pa kun zad par gyur to/ /de nas kun dga' bos bcom ldan 'das la gsol pa/ ma dang sum lha dag gi 'od zer gyis kun nas snang bar bgyis nas bcom
468b4 ldan 'das kyi zhabs la phyag 'tshal du lhags pa'i lha de dag gang nas mchis pa bstan du gsol/ bcom ldan 'das kyis bka' stsal pa/ khyod legs par nyon la
468b5 shin tu yid la zungs shig dang ngas bstan par bya'o/ /nga kha stsang tshang zhig na lha dang mi rnams dang 'khor rnam bzhi la chos ston pa'i tshe dang ldan brgya tsam zhig chos
468b6 gsungs pa'i sgra la dad nas nga la dge ba'i sems bskyed de nga'i thad du song ba las ma phyin par rngon pas zin te thams cad bsad do/ /chos kyi sgral dad pa'i dga' ba'i
468b7 sems kyis sum cu rtsa gsum gyi lha'i ris su skyes nas sngon gyi gnas dran pas nga la phyag 'tshal du 'ongs so/ /de nas kun dga' bos bcom ldan 'das kyis gsungs
469a1 pa thos nas rab tu dga' mgu rangs te ngo mtshar rmad do/ /zhes bsngags nas 'di skad ces gsol to/ /bcom ldan 'das 'jig rten du gshegs
469a2 pa ni| ngo mtshar rmad du/ chos kyi char gyis ma ngoms pa ma mchis so/ /chung du na dud 'gro'i skye gnas lta bu yang chos thos pas bsod nams thob na mi lta zhig ci smos
469a3 te| dad pa'i sems kyis gzungs su bzung ba'i bsod nams kyi 'bras bu bas brgya stong gis lhag ste/ dper bgyir ma mchis so/ /bcom ldan 'das kyis kun
469a4 dga' bo la bka' stsal pa/ legs so legs so/ /khyod kyis smras pa bzhin du bcom ldan 'das 'jig rten du gshegs pa ni/ kun la phan pa dang bde ba'i don
469a5 du 'gyur te/ kun tu bdud rtsi'i char bab nas 'gro ba mang po ngom par byed do/ /de bas na khyod kyis sems rtse gcig tu sangs rgyas kyi bstan pa la nan tan gyis
469a6 shig /bcom ldan 'das kyis de skad ces gsungs nas kun dga' bo dang / 'khor mang po rnams rjes su yi rang ste mngon par dga'o/ /ngang pa lnga brgya lhar skyes
469a7 pa'i le'u ste bzhi bcu brgyad pa'o// //seng+ge yi dam brtan zhes bya ba'i le'u/ 'di skad bdag gis thos pa dus gcig na/ bcom ldan 'das rgyal po'i khab
469b1 bya rgod du phung po'i ri la bzhugs so/ /de'i tshe na lha sbyin gyis bcom ldan 'das la rtag tu ngan sems bskyed nas de bzhin gshegs pa med par byas la lha sbyin nyid sangs rgyas yin
469b2 no| |zhes bsgrag pa'i phyir rgyal bu ma skyes dgra pha gsod du bcug nas sangs rgyas gsar pa dang / rgyal po gsar pas yul gyi srid bcas nam legs sam zhes smras pa/ rgyal po
469b3 ma skyes dgras nyan te pha bsad nas bdag nyid rgyal por zhugs so/ /de'i tshe yul mi dag dge slong kun la ngan sems bskyed nas mthong yang mi 'dod par gyur to/ /de nas dus
469b4 gzhan zhig na dge slong dag grong du bsod snyoms slong du song ba las yul mi dgra khros te gtam yang mi ster nas lhung bzed stong par phyir log ste bya rgod spungs pa'i ri la
469b5 phyin nas bcom ldan 'das la 'di skad ces gsol to/ /lha sbyin gyis sdig pa mi dge ba'i las bgyis pas/ yon bdag kun dge slong la ngan sems skyes so/ /zhes gsol ba dang /
469b6 bcom ldan 'das kyis kun dga' bo la 'di skad ces bka' stsal to/ /sems can gang zhig dge sbyong dur smrig gyon pa lang nas sems bskyed na/ mi de ni/ 'das pa'i sangs rgyas dang /
469b7 rang sangs rgyas dang / dgra bcom pa la ngan sems bskyed do/ /ma 'ongs pa'i sangs rgyas dang / rang sangs rgyas dang / dgra bcom pa la ngan sems bskyed pa yin no/ /da ltar bzhugs
470a1 pa'i sangs rgyas dang / rang sangs rgyas dang / dgra bcom pa la ngan sems bskyed pa yin par rig par bya'o/ /de ltar dus gsum gyi 'phags pa la ngan
470a2 sems bskyed pas/ sdig pa'i las kha na mtho ba'i 'bras bu tshad med pa smin par 'gyur ro/ /de ci'i phyir zhe na/ chos gos dur smrig ni/ dus gsum gyi 'phags pa rnams kyi rgyal
470a3 mtshan yin te/ sems can gang zhig skra dang kha spu bregs nas kha dog bsgyur ba'i chos gos gyon na/ de ni/ ring por mi thogs par sdug bsngal kun las sems rnam par
470a4 grol te zag pa med pa'i ye shes thob cing 'gro ba thams cad kyi mgon skyabs dang dpung gnyen du 'gyur ro/ /sems can gang zhig rab tu byung zhing kha dog bsgyur
470a5 pa'i chos gos gyon pa la dad pa'i sems bskyed na/ bsod nams dpag tu med pa thob par 'gyur ro/ /kun dga' bo/ nga yang sngon rab tu byung ba chos gos kha dog
470a6 bsgyur ba gyon pa la dad pa'i sems skyes te/ bsti stang byas pas mngon par sangs rgyas so/ /kun dga' bos gsol pa/ bcom ldan 'das kyis sngon kha dog bsgyur ba'i
470a7 chos gos bgos shing rab tu byung ba la bsti stang ji ltar bgyis pa bstan du gsol/ /thos par 'tshal lo/ /bcom ldan 'das kyis kun dga' bo la bka' stsal pa/ shin
470b1 tu legs par nyon la yid la zungs shig dang / khyod la bstan par bya'o/ /kun dga' bo/ sngon 'das pa'i bskal pa tshad med pa grangs med pa'i pha rol na 'dzam bu'i gling 'dir rgyal po chen po
470b2 de byi zhes bya ba zhig byung ste/ rgyal phran brgyad khri bzhi stong snyed la dbang byed do/ /de'i tshe 'jig rten na sangs rgyas kyi chos ni/ med do/ rang sangs rgyas dag cig ri dang tshal na gnas pa/
470b3 nam mkha' la rgyu zhing sems can gyi don byed do/ /de'i tshe na ri dwags dag de la bsnyen bkur byed de/ seng+ge yi dam brtan pa zhes bya ba lus kyi spu gser gyi mdog ltar 'dug la shin
470b4 tu 'tsher ba zhig kyang de na 'dug ste/ zas su 'bras bu dang rtswa za'i/ sems can ni/ mi gsod do/ /de'i tshe rngon pa zhig gis mthong nas rab tu dga' ste/ da bdag gis bde ba thob
470b5 kyi| seng+ge 'di bsad la pags pa rgyal po la phul na/ gdon mi za bar dbul ba bor ro snyam bsams te/ dus gzhan zhig na skra bregs chos gos gyon nas mda' gzhu mchan
470b6 du bcug ste seng+ge gang na 'dug par song ngo / /de'i tshe na seng+ge de gnyid log ste nya la ba las rngon pas dug mda' 'phangs so/ /de nas seng+ge sad nas rngon pa bsnyags pa
470b7 dang / chos gos gyon pa mthong nas 'di snyam du bsams so/ /mi 'di lta bu ni/ 'jig rten na yun ring du mi gnas te/ ring por mi thogs par sdug bsngal kun las
471a1 rnam par grol lo/ /de ci'i phyir zhe na/ kha dog bsgyur ba'i chos gos 'di ni/ 'das pa dang / ma 'ongs pa dang / da ltar gyi 'phags pa rnams kyi
471a2 rgyal mtshan yin te/ bdag gis gnod pa byas na/ dus gsum gyi 'phags pa rnams la ngan sems bskyed pa yin no/ /snyam bsams te gsod pa'i sems btang ba
471a3 dang / dug mdas zhen pas lus dang srog phral ba la thug nas tshig 'di skad ces smras so/ /ya la la ba sha sa swAhA zhes smras pa'i tshe gnam sa kun g.yos nas sprin
471a4 med par char ba bab ste lha rnams kyis lha'i mig gis brtags na/ 'jig rten 'dir rngon pos byang chub sems dpa' seng+ge'i tshul du bzhugs pa bsad pa mthong nas
471a5 steng gi nam mkha' las lha rdzas kyi me tog char bzhin du phab ste seng+ge'i ro la mchod pa byas so/ /de nas rngon pas seng+ge'i pags pa bshus nas khyim du 'ongs te
471a6 rgyal po de byi la phul nas bya dga' gsol pa dang / rgyal pos 'di snyam du bsams mo/ /yi ge dang / gtsug lag las dud 'gro gang gi spu mdog gser ltar
471a7 'dug na/ nges par byang chub sems dpa' yin te/ skyes bu chen po yin no/ /zhes 'byung na/ ci'i phyir rngon pa 'di la bya dga' sbyin/ gal te byin na bdag kyang
471b1 gsod pa dang tha mi dad do snyam bsams nas de'i tshe rngon pas yang bskul ba dang rgyal pos kyang nyung zhig byin nas rngan pa la 'di skad ces smras so/ /seng+ge 'di gsod pa'i tshe ngo
471b2 mtshar cha ba'am/ ltas ci zhig byung zhes dras na/ kha nas yi ge 'bru brgyad po 'di smras te/ gnam sa yang g.yas nas sprin med par char pa bab cing lha rnams kyis me
471b3 tog bab bo/ /de'i tshe rgyal pos de skad ces smras pa thos nas shin tu mi dga' ste dad pa'i sems skyes nas blon po dang / snga rabs kyi rgan po shes pa/ blo dang ldan pa kun
471b4 bsags te seng+ges smras pa'i tshig dpyad na/ gcig gis kyang ma go ma shes so/ /gnas dben pa zhig na drang srong sha ma zhes bya ba mkhas pa/ rig pa dang ldan pa zhig
471b5 yod de| rgyal pos drangs srong de spyan drangs nas dris pa dang / drang srong des 'di skad ces bshad do/ /ya la la zhes bya ba'i don ni/ skra brags la chos gos kha dog bsgyur ba
471b6 gyon pa 'ba' zhig skye shi las myur du thar to/ /zhes zer ro/ /bsha sa zhes zer ba'i don ni/ skra bregs te chos gos kha dog bsgyur ba gyon pa thams cad 'phags pa'i rgyal mtshan
471b7 yin te| mya ngan las 'da' ba dang nye ba'o/ /zhes zer ro/ /swAhA zhes bya ba'i don ni/ skra bregs te chos gos kha dog bsgyur ba gyon na/ lha dang mi dang 'jig rten du bcas
472a1 ba thams cad kyis bkur bsti bya'o/ /zhes bya ba'i don to/ /de'i tshe drang srong gis de skad ces smras pa dang / rgyal po rab tu dga' nas rgyal phran brgyad khri
472a2 bzhi stong mang po yang bsdus te rin po che sna bdun gyi shing rta mthon po bcas nas seng+ge'i pags pa steng bzhag ste thams cad kyis mthong bar byas nas spos dang me
472a3 tog gis mchod cing phyag 'tshal du bcug go /de nas gser gyi sgom byas nas seng+ge'i pags pa nang du bcug ste mchod rten byas so/ /de'i tshe mi mang po dge bar sems
472a4 pa de dag thams cad tshe 'phos pa'i 'og tu mtho ris kyi lhar skyes so/ /kun dga' bo/ de'i tshe seng+ge des chos gos kha dog bsgyur ba gyon pa'i mi la dge ba'i sems
472a5 bskyed pas/ bskal pa khri phrag bcu'i bar du 'khor los bsgyur ba'i rgyal po byas nas sems can kun la bde ba byin te bsod nams kyi las rgyas par byas nas
472a6 mngon par sangs rgyas so/ /de'i tshe de'i dus na seng+ge yi dam brtan pa de la gzhan du ma sems shig /de ni/ da ltar nga yin no/ /de'i tshe de'i dus na rgyal po de byis seng+ge'i
472a7 pags pa la mchod pa byas pas/ bskal pa khri phrag bcu'i bar du lha dang mi'i mchog tu gyur nas dge ba kun byas pa de ni/ byang chub sems dpa' byams pa yin no//
472b1 de'i tshe de'i dus na drang srong de ni/ shA ri'i bu yin no/ /rngon pa de ni/ lha sbyin yin no/ /de'i tshe 'khor mang po dag bcom ldan 'das kyis de skad ces gsungs pa thos nas rab tu
472b2 dga' ste 'di skad ces gsol to/ /bdag cag gis 'phags par ma shes pas ngan sems bskyed kyi/ de bzhin gshegs pas bdag cag la thugs brtse ba'i slad du sdig par
472b3 mi 'gyur bar 'gyod tshangs 'tshal lo/ /zhes gsol pa dang / bcom ldan 'das kyis thugs rje chen pos bden pa bzhi'i chos bstan to/ sngon rgyu gang dang mthun pa bzhin
472b4 du 'bras bu thob nas la la ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob bo/ /la la ni/ bla na med pa'i byang chub tu sems
472b5 bskyed do/ /bcom ldan 'das kyis gsungs pa la kun dga' bo dang / 'khor rnam bzhi mngon par dga' nas rjes su yi rang ngo / /seng+ge yi dam brtan pa zhes bya ba'i le'u ste bzhi
472b6 bcu dgu pa'o// //srin bu'i rgyu bstan pa'i le'u/ 'di skad bdag gis thos pa dus gcig na/ bcom ldan 'das rgyal po'i khab na bya rgod spungs pa'i ri la
472b7 bzhugs so/ /de'i tshe grong khyer de dang mi ring pa zhig na chu'i lteng ka mi gtsang ba zhig yod de/ mi mang po bshad gci dang / mi gtsang ba thams cad der 'dor te/ lteng ka'i nang na
473a1 srin bu chen po sbrul dang 'dra ba/ rkang pa bzhi yod pa zhig yod de/ chu'i nang na phan tshun rgyug cing bar 'ga' ni/ phyir 'byung / bar 'ga' ni/ chu'i
473a2 gting du 'gro ste/ lo mang po de na gnas shing sdug bsngal tshad med pa myong ngo / /dus gzhan zhig na bcom ldan 'das dge slong mang pos bskor te mdun du bdar nas lteng ka
473a3 de'i dogs su gshegs te srin bu de gzigs pa dang / srin bu de'i sngon gyi rgyu khyed cag sus shes zhes bka' stsal pa dang / dge slong rnams kyis bsams kyang srin bu des
473a4 sngon ci byas pa gcig gis kyang ma rtogs nas bdag cag las gang yang 'tshal ba ma mchis so/ /zhes gsol pa dang / bcom ldan 'das kyis bka' stsal pa/ khyod legs
473a5 par nyon la yid la zungs shig dang / srin bu 'di'i sngon gyi rgyu bshad par bya'o/ /sngon 'das pa'i dus na sangs rgyas rnam par gzigs zhes bya ba 'jig rten du gshegs
473a6 te sems can gyi don mdzad nas mya ngan las 'das so/ /sangs rgyas de'i bstan pa la dge slong stong phrag bcu zhig tshangs par spyod pa yongs su dag par spyod de dgon
473a7 pa'i ri zhig la gnas pa las/ g.yas g.yon na me tog gi shing dang / 'bras bu'i shing rab tu rgyas shing / shing gi bar bar na chu mig dang / khrus kyi rdzing bu dang ldan pa
473b1 shin tu dga' ba'i gnas shig yod do/ /de'i tshe na dge slong dag spyod lam la brtson zhing nan tan byed pas/ thams cad kyis 'bras bu dang po nas 'bras bu bzhi pa'i bar du thob ste/ so
473b2 so'i skye bo med do/ /dus gzhan zhig na tshang pa lnga brgya tsam zhig rgya mtshor rin po che len du dong ba las lam du zhugs te lam g.yogs su ri dal lhags nas dge slong dag spyod lam
473b3 la shin tu brtson pa mthong nas tshong pa rnams bgros te mchod pa zhig bya bar bsam pa las/ yon bdag mang bas skabs ma rnyed de bsam pa bzhin du ma grub nas dge 'dun la
473b4 'phyi phyag 'tshal te rgya mtshor dong nas 'di skad ces smras so/ /gal te bdag cag nye zho med par bde bar 'khod na mchod pa bgyi'o/ /zhes gsol ba dang / dge 'dun rnams kyang
473b5 cang mi gsung ste/ tshong pa rnams rgya mtshor zhugs so/ /tshong pa de dag rgya mtsho nas rin po che mang du rnyed de bde bar 'khor nas dge 'dun de dag la rin po che'i dam pa rin che ba
473b6 zhig dge 'dun rnams la bsod snyoms kyi zong du phul lo/ /de nas dge slong rnams kyis rin po che de bzhes nas dge 'dun gyi las byed pa'i dge slong zhig la gtad do/ /phyis dge
473b7 'dun dag bsod snyoms kyis bral bar gyur nas rin po che de bsod snyoms su btsong snyam ste/ las byed pa'i dge slong de la tshong pas phul ba'i rin po che 'on cig ces bsgo nas
474a1 dge slong des smras pa/ tshong pas rin po che de nga la byin du zad kyi/ khyod kun la ma byin no/ /dge 'dun gyis dge slong de la rin po che de ni/ tshong bas dge 'dun
474a2 la phul nas khyod sbed du bcug gi/ khyed la byin pa ma yin no/ /zhes bsgo ba dang / dge slong de khros nas khyod skyag pa la za za ba'am/ rin po che de ni/ kho bo'i yin gyi/ ma zer cig
474a3 ces smras so/ /de nas dge 'dun rnams kyang dge slong de khros nas ngan sems skyes pa mthong nas so sor gyes so/ /de ltar dge 'dun la ngan sems kyis tshig ngan pa smras pas
474a4 lus zhig ste tshe 'phos nas mnar med pa'i sems can dmyal ba chen por lhung ste ngan skyug gi nang na bskal pa dgu bcu rtsa gcig gi bar du 'gre 'gre'o/ /de las thar nas da
474a5 'dir ngan skyug gi khung du skyes te lo mang du lon yang da dung mthar te/ 'di lta ste/ sngon 'das pa'i sangs rgyas gtsug tor can gyis kyang dge slong gi dge 'dun dang bcas 'dir
474a6 gshegs nas nye gnas rnams la bstan te/ sngon ci las gyur pa bstan to/ /de nas yang sangs rgyas thams cad skyob kyang dge slong gi dge 'dun dang bcas 'dir gshegs nas
474a7 ston ci las gyur pa bstan to/ /de nas tshe 'phos nas phyir yang sems can dmyal bar skyes te/ lo khri phrag grangs med pa zhig lon nas phyir yang khung 'dir skyes so/ /de'i 'og tu
474b1 sangs rgyas leg par dad sel kyang dge slong gi dge 'dun dang bcas su 'dir gshegs nas sngon gyi lo rgyus bstan to/ /de'i 'og tu sangs rgyas gser thub kyang 'dir gshegs so/ /
474b2 de'i 'og tu sangs rgyas 'od srung yang nye gnas rnams dang bcas par 'dir gshegs te sngon gyi lo rgyus bstan to/ /da sangs rgyas bdun po'i tha ma sangs rgyas shAkya thub pa nga yang khyed
474b3 la 'dir srin bu 'di bstan te/ de bzhin du bskal pa bzang po'i sangs rgyas stong pa kun nye gnas dang bcas ta 'dir gshegs nas srin bu 'dis sngon ci byas pa'i lo rgyus ston par
474b4 'gyur ro/ /dge slong rnams bcom ldan 'das kyis gsungs pa thos nas lus kyi ba spu kun langs nas so so nas lus dang / ngag dang / yid kyi las shin tu srung ba gyur to/ /bcom ldan 'das
474b5 kyis gsungs pa la 'khor mang po rjes su yi rang nas mngon par dga'o/ /srin bu'i rgyu bstan pa'i le'u ste lnga bcu pa'o// //dge sbyong kyun te zhes bya ba'i le'u/ 'di skad bdag gis
474b6 thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa shA ri'i bu nyin mtshan
474b7 dus gsum du lha'i mig gis sems can gang la 'dul ba'i skal pa yod pa rtog ste/ gdul bar rigs pa yod na der 'gro'o/ /dus gzhan zhig na tshong pa dag cig yul gzhan du tshong
475a1 la 'dong ba las khyi zhig khrid do/ /lam du khyi des tshong pa zhig gi sha brkus pa dang / tshong ba de khros pas khyi'i rkang pa bcag nas 'brog stong bar bor te song ngo /
475a2 de nas shA ri'i bus lha'i mig gis brtags na/ khyi de ltogs pa mthong nas chos gos gyon/ lhung bzed thogs te bsod snyoms bslangs nas de ma thag tu nam mkha' la 'phur te
475a3 khyi'i gan du song nas byams shing snying brtse ba'i sems bskyed de kha zas kyis khyi de snyod do/ /khyi de kha zas zos nas lhag par dga' ste shA ri'i bus khyi la dam pa'i chos bstan
475a4 nas khyi de yang der tshe 'phos te mnyan du yod par bram ze zhig gi bur skyes so/ /dus gzhan zhig na shA ri'i bu gcig pu bsod snyoms la song ste bram ze de'i sgor phyin pa dang /
475a5 bram ze des shA ri'i bu la ci'i phyir gcig pu 'gro bar byed/ dge tshul yang med dam zhes smras pa dang / shA ri'i bus smras pa/ bdag la dge tshul med pas gcig pu 'gro ba yin
475a6 no| |khyod la bu gcig yod zer na/ bdag la sbyin du rung ngam zhes smras so/ /bram zes smras pa/ bdag la kyun te zhes bya ba zhig yod de/ de dung na gzhon te chung bas ci
475a7 yang mi nus kyi/ nam skyes pa na sbyin no/ /zhes smras so/ /shA ri'i bus de skad ces smras pa thos nas yid la bzung ste phyir rgyal bu rgyal byed kyi tshal du 'ongs so/ /phyis de lo
475b1 bdun lon pa dang / bram ze'i khyim du song ste bram ze de la bu bslangs pa dang / bram ze des kyang shA ri'i bu la phul lo/ /shA ri'i bus kyang bu de bzhes nas rgyal bu rgyal byed kyi tshil du khrid
475b2 de dag tshul du bcug nas dam pa'i chos rnam pa sna tshogs bstan pas sems rnam par grol te dgra bcom par gyur nas mngon par shes pa drug dang / yon tan kun dang ldan par gyur
475b3 to| |dus gzhan zhig na dge tshul kyun te shes rab kyi stobs kyis tshe snga ma la ci zhig byas pas lus 'di thob nas slob dpon dang phrad de 'bras bu thob par gyur pa brtags na/ tshe snga
475b4 ma la khyi ltogs pa zhig byed pa las/ bdag gi slob dpon shA ri'i bu'i drin gyis mi'i lus dang 'bras bu thob par mthong zhing rtogs nas rab tu dga' ste 'di snyam du bsams so/
475b5 bdag ni/ slob dpon 'di'i drin gyis sdug bsngal las thar par gyur to/ /da bdag nam 'tsho'i bar du slob dpon gyi bsnyen bkur bya ba'i phyir dge tshul bya'i/ bsnyen par
475b6 rdzogs par mi bya'o snyam bsams so/ /de'i tshe kun dga' bos bcom ldan 'das la gsol pa/ dge tshul 'dis sngon 'das pa'i dus na sdig pa'i las ci bgyis pas
475b7 khyi'i lus su gyur/ dge ba'i rtsa ba ci bgyis na rnam par grol bar gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od
476a1 srung gi tshe dge slong dag cig lhan cig 'khod pa las/ dge tshul gzhon nu skad snyan pa zhig yod de/ bstod pa dang dbyangs byed na thams cad thos par
476a2 dga'o/ /de'i tshe na dge slong rgan po zhig yod pa skad mi snyan te/ 'on kyang bstod pa dang / tshigs su bcad pa dbyangs dang bcas te byed do/ /dge slong rgan po de ni/ dgra bcom pa
476a3 zhig ste| dge sbyong gi yon tan thams cad dang ldan no/ /dus gzhan zhig na dge slong gzhon nu dbyangs snyan pa des dge slong rgan po dbyangs mi snyan pa de la khyod kyi dbyangs ni/
476a4 khyi zugs pa dang 'dra'o/ /zhes smad pa'i tshig smras so/ /de nas dge slong rgan po des dge slong gzhon nu la khyod kyis nga shes sam zhes dris na/ smras pa/ kho bos te bor shes te/ khyod
476a5 ni| sangs rgyas 'od srung gi dge slong gnas brtan yin no/ /smras pa/ bdag ni/ dgra bcom pa ste/ dge spyong gi yon tan thams cad dang ldan no/ /zhes byas pa dang / dge slong
476a6 gzhon nu de 'jigs skrag ste 'gyod nas de la mthol tshangs byas so/ /dge slong rgan pos kyang tshangs pa byin mod kyi/ tshig ngan pa smras pa'i rkyen gyis skye ba lnga brgya'i bar
476a7 du rtag tu khyir skyes so/ /rab tu byung ste tshul khrims bsrungs pas 'dir nga dang phrad nas rnam par grol bar gyur to/ /de'i tshe bcom ldan 'das kyis de skad ces gsungs nas
476b1 kun dga' bo dang / 'khor mang po rjes su yi rang ste mngon par dga'o/ /dge sbyong kyun te zhes bya ba'i le'u ste lnga bcu rtsa gcig pa'o/ /mdzangs blun zhes bya ba'i mdo rdzogs so// //
CLOSE WINDOW