བོད་ཡིག |
409b1 / //rgya gar skad du/ AR+ya nan+di de kaM sU tra/ bod skad du/ 'phags pa dga' ba can gyi mdo/ dkon mchog gsum la phyag 'tshal lo/ /'di
409b2 skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la dge slong stong nyis brgya lnga bcu'i dge slong gi dge 'dun chen pos yongs su bskor cing mdun gyis bltas te/
409b3 thabs gcig tu bzhugs nas chos ston te/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang
409b4 ba| tshangs par spyod pa yang dag par rab tu ston to/ /de nas yang de'i tshe dge bsnyen dga' ba can 'khor dge bsnyen lnga brgya dang rgyal po'i khab kyi grong khyer chen po nas byung ste/ bcom ldan 'das ga
409b5 la ba der song ste phyin nas bcom ldan 'das kyi zhabs la mgo bos phyag btsal nas/ bcom ldan 'das la lan gsum bskor ba byas te phyogs gcig tu 'dug go/ de nas dge bsnyen lnga brgya po
409b6 de dag gis kyang bcom ldan 'das kyi zhabs la phyag btsal nas phyogs gcig tu 'khod do/ /phyogs gcig tu 'khod nas dge bsnyen dga' ba can gyis bcom ldan 'das la 'di skad ces gsol
409b7 to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pas dge bsnyen gyi bslab pa'i gzhi lnga po gang dag bcas pa de dag las 'da'
410a1 bar bgyid pa de'i rnam par smin pa ji lta bur 'gyur/ de skad ces gsol pa dang / bcom ldan 'das kyis dge bsnyen dga' ba can la 'di skad ces bka' stsal to/ /dga' ba
410a2 can/ khyod de bzhin gshegs pa la don 'di yongs su zhu bar sems pa gang yin pa legs so/ /legs so/ /khyod kyi blo rgya che ste dpyod pa bzang ngo / /spobs pa dge'o/ /dga' ba can/ de'i phyir nyes
410a3 dmigs bcu zhes bya ba'i chos kyi rnam grangs bshad par bya yi/ legs par rab tu nyon la yid la zungs shig dang ngas khyod la bshad par bya'o/ /bcom ldan 'das/ legs so/ /legs so
410a4 zhes gsol nas dge bsnyen dga' ba can bcom ldan 'das la nyan pa dang / bcom ldan 'das kyis 'di skad ces bka' stsal to/ /dga' ba can/ srog gcod pa'i nyes dmigs bcu ni 'di
410a5 dag yin par rig par bya ste/ bcu po dag gang zhe na/ 'di lta ste/ tshe 'di la 'khon skyed pa dang / skye ba gzhan rnams su'ang 'khon dang / rjes su 'brel par 'gyur ba dang / skye bo mang po dag
410a6 gis yid mi brtan par 'gyur ba dang / sdig pa'i rmi lam mthong ba dang / bdag kyang 'jigs pa skye zhing sems can rnams kyang de la 'jigs pa skye ba dang / bde bar nyal yang sdug bsngal
410a7 bar sad pa dang / sdig pa rnam par sems pa dang / rmongs pa dang bcas par 'chi ba'i dus byed pa dang / tshe thung bar 'gyur ba'i las byas shing bsags pas lus zhig ste shi nas kyang ngan
410b1 song ngan 'gro log par ltung ba sems can dmyal ba dag tu skye zhing / gal te de nas shi 'phos te 'dir mi rnams dang skal ba mnyam par skyes na'ang de gang dang / gang du skyes pa de dang / der tshe thung
410b2 bar 'gyur zhing nad mang bar yang 'gyur te/ dga' ba can/ /srog gcod pa'i nyes dmigs bcu po de dag yin par rig par bya'o/ /dga' ba can/ /ma byin par len pa'i nyes dmigs bcu ni
410b3 'di dag yin par rig par bya ste/ bcu po dag gang zhe na/ 'khon chen por 'gyur ba dang / bag tsha ba chen por 'gyur ba dang / dus ma yin par 'gro bar 'gyur ba dang / phye ma red kyi dus su 'gro bar
410b4 'gyur ba dang / sdig pa'i grogs pos yongs su zin par 'gyur ba dang / dge ba'i gshes gnyen gyis yongs su spangs par 'gyur ba dang / tshul khrims 'chal bar 'gyur ba dang / rgyal
410b5 pos gnod par 'gyur ba dang / chom rkun gyis gnod par 'gyur ba dang / chad pas gcod pas gnod par 'gyur te/ longs spyod kyis phongs par 'gyur ba'i las byas shing bsags pas
410b6 lus zhig ste shi ba'i 'og tu ngan song ngan 'gro log par ltung ba sems can dmyal ba dag tu skye zhing / gal te de nas shi 'phos te 'dir mi rnams dang skal pa mnyam par skyes na'ang
410b7 de gang dang / gang du skyes pa de dang / der dbul por 'gyur ro/ /de'i longs spyod du 'gyur ba gang yin pa 'bad pa chen pos rdul zhing dri ma chags chags su rkang lag gi mthas bsgrubs
411a1 pa de dag gnod pa lngas gnod par 'gyur ste/ lnga po dag gang zhe na/ rgyal po dang / me dang / chu dang / bgo skal la spyod pa mi mdza' ba dang / sbas pa dag gis
411a2 de chud za bar 'gyur te/ dga' ba can/ ma byin par len pa'i nyes dmigs bcu ni de dag yin par rig par bya'o/ /dga' ba can/ 'dod pas log par g.yem pa'i nyes dmigs
411a3 bcu ni 'di dag yin par rig par bya ste/ bcu po dag gang zhe na/ gang dag gi chung ma kha drangs pas de dag dang / de 'khon dang bcas par 'gyur ba dang / chung ma dang rtsod par
411a4 'gyur ba dang / de'i mi dge ba'i chos mngon par 'phel ba dang / de'i dge ba'i chos yongs su 'grib pa dang / de bdag nyid ma zhi bar 'gyur ba dang / de'i bu dang / chung ma ma bsrung
411a5 par 'gyur ba dang / de'i nor ma sbas ma bsrungs par 'gyur ba dang / de'i khyim ma sbas ma bsrungs par 'gyur ba dang / de'i srog ma sbas ma bsrungs par 'gyur ba dang / de'i
411a6 mdza' bshes dang / nye du dang / snag gi gnyen mtshams dang / blon po dag yid 'bebs par mi 'gyur ba dang / 'gran zla dang bcas par 'gyur ba'i las byas shing bsags
411a7 pas lus zhig ste shi nas ngan song ngan 'gro log par ltung ba sems can dmyal ba dag tu skye zhing / gal te de nas shi 'phos te 'dir mi rnams dang skal pa mnyam par
411b1 skyes nas gal te bud med du gyur na'ang 'gran zla dang bcas pa'i khyo rnyed par 'gyur ro/ /ci ste skyes par gyur na de'i bu dang / chung ma ma bsrungs par 'gyur te/ dga' ba can/ /'dod pas log par
411b2 g.yem pa'i nyes dmigs bcu ni de dag yin par rig par bya'o/ /dga' ba can/ brdzun du smra ba'i nyes dmigs bcu ni 'di dag yin par rig par bya ste/ bcu po dag gang zhe na/ de'i kha
411b3 nas rang mnam par 'gyur ba dang / de'i lus srung ba'i lhas 'phang ba dang / mi ma yin pas glags rnyed par 'gyur ba dang / bden par smras kyang de'i tshig la ma dad par 'gyur ba dang /
411b4 dgos pa byung yang 'di la mkhas pa rnams yongs su 'dri bar mi sems pa dang / yang dag pa ma yin pa'i mi snyan pa rgya cher sgrogs par 'gyur ba dang / phyir ldang ba'i 'os ma yin par
411b5 'gyur ba dang / sdug bsngal zhing yid mi bde bar 'gyur ba dang / mi snyan pa brjod pa mang bar 'gyur ba'i las byas shing bsags pas lus zhig ste shi nas ngan song ngan 'gro log par
411b6 ltung ba sems can dmyal ba dag tu skye zhing / gal te de nas shi 'phos te 'dir mi rnams dang skal pa mnyam par skyes na'ang de gang dang / gang du skyes pa de dang / der mi snyan pa brjod pa
411b7 mang por 'gyur te/ dga' ba can/ brdzun du smra ba'i nyes dmigs bcu ni de dag yin par rig par bya'o/ /dga' ba can 'bru'i chang dang / bcos pa'i chang bag med pa'i gnas kyi nyes
412a1 dmigs sum cu rtsa lnga ni 'di dag yin par rig par bya ste/ sum cu rtsa lnga po dag gang zhe na/ tshe 'di la nor bzad pa dang / nad rnams rgyas par byed pa dang / 'thang
412a2 ba dang / rtsod pa skyed pa dang / don med pa la lta ba dang / grags pa ma yin pa kun tu 'byung bar byed pa dang / shes rab nyam chung bar byed pa dang / longs spyod thob pa mi 'thob par 'gyur
412a3 ba dang / longs spyod thob pa yongs su zad cing yongs su gtugs par 'gyur ba dang / gsang mi thub par 'gyur ba dang / de las kyi mtha' yongs su 'grib pa dang / mthu stobs chung dur
412a4 byed par 'gyur ba dang / mar mi 'dzin par 'gyur ba dang / phar mi 'dzin par 'gyur ba dang / dge sbyong du mi 'dzin par 'gyur ba dang / bram zer mi 'dzin par 'gyur ba dang / rigs
412a5 kyi gtso bo la bsnyen bkur med par 'gyur ba dang / sangs rgyas la mi gus par 'gyur pa dang / chos la mi gus par 'gyur ba dang / dge 'dun la mi gus par 'gyur ba dang / bslab
412a6 pa yang dag par blangs pa la mi gus par 'gyur ba dang / tshul khrims 'chal bar 'gyur ba dang / dbang po'i sgo ma bsdams par 'gyur ba dang / bag med par shin tu bud med don
412a7 du gnyer ba dang / nye du dang / snag gi gnyen mtshams dang / mdza' bshes dang / blon po dag gis spong bar 'gyur ba dang / skye bo mang po dag gi yid du mi 'ong bar 'gyur ba dang /
412b1 skye bo mang po dag dang mi mthun par 'gyur ba dang / chos ma yin pa'i spyod par 'gyur ba dang / chos ma yin pa yongs su 'dzin par 'gyur ba dang / dam pa'i chos yongs su spong bar 'gyur ba
412b2 dang / ngo tsha shes pa dang / khrel yod pa yongs su spong bar gyur ba dang / mi mdza' ba dag dang gnas kyang mkhas pa rnams yongs su 'dri bar mi sems pa dang / bag med pa nyam bag tu
412b3 spyod par 'gyur ba dang / de bzhin gshegs pa'i gsung rab la kun nas mi gnas pa dang / mya ngan las 'das pa las thag ring du 'gyur ba dang / smyon par 'gyur ba'i las byas shing
412b4 bsags pas lus zhig ste shi nas ngan song ngan 'gro log par ltung ba sems can dmyal ba dag tu skye zhing / gal te de nas shi 'phos te 'dri mi rnams dang skal pa mnyam par skyes
412b5 na'ang de gang dang / gang du skyes pa de dang / der smyon par 'gyur zhing dran pa mi gsal bar 'gyur te/ dga' ba can/ 'bru'i chang dang / bcos pa'i chang bag med pa'i gnas kyi nyes dmigs ni
412b6 sum cu rtsa lnga po de dag yin par rig par bya'o/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad
412b7 bka' stsal to/ /srog gcod rdeg dang 'ching ba rnam spangs te/ /sems can dag la phan zhing snying brtse ba/ /bdag gi tshe skyabs dga' ba ji lta bar/ /de bzhin gzhan rnams kyi ni srog
413a1 kyang bsrung / /sdug bsngal mang pos bsags pa gzhan gyi nor/ /ma byin de la yid kyang bsams mi bya/ /'jig rten gyis mthong dga' dang bral 'gyur zhing / /
413a2 gzhan yang de bzhin phan par gnas par gyis/ /gzhan gyi bud med rgyan gyis brgyan pa dag/ me lce 'bar ba bzhin du yongs spongs la/ /rang gi chung ma rnyed pas chog par byos/ /
413a3 'dod rgyu dug dang 'dra ba ma spyod cig/ rang gi don dang / gzhan gyi don ched du/ /sus kyang shes bzhin rdzun dag ma smra bar/ /gzhan la mi gnod gzhan la mi gdung bar/ /brtags
413a4 te 'jam po'i tshig gis smra bar gyis/ /chang 'thung ba la mngon par dga' ba'i mi/ /bdag la phan dang gzhan la bde mi nus/ /rmongs dang mdog ngan byed pa chang yin te/ /ji ltar
413a5 ha la'i dug bzhin de mi btung / /srog chags mi gsod gzhan gyi nor mi 'phrog/ brdzun du mi smra chang yang mi btung zhing / /gzhan gyi chung ma yin la'ang mi 'dod pa/ /mtho ris
413a6 gang 'dod khyim du 'jug pa bzhin/ /gos dkar gyon pa khyim pa rnams kyis ni/ /khyim gnas rnams kyi bslab pa 'di yin te/ /rgyal bas de gong rab tu byung rnams kyi/ /bslab
413a7 gzhi'i chos ni rab tu bstan pa yin/ /de nas dge bsnyen dga' ba can bcom ldan 'das la chos kyi rnam grangs 'di thos nas dga' zhing mgu la yi rangs te/ rab tu dga' ba
413b1 dang / bde ba dang / yid bde ba skyes nas stan las langs te/ bcom ldan 'das kyi zhabs la mgo bos phyag btsal te/ bcom ldan 'das la lan gsum bskor ba byas nas/ bcom ldan 'das kyis bka'
413b2 stsal pa la mngon par dga' nas rjes su yi rangs te/ bcom ldan 'das kyi spyan snga nas song ngo / /bcom ldan 'das kyis de skad ces bka' stsal pa dang / dge slong de dag yi rangs te/ bcom ldan 'das
413b3 kyis gsungs pa la mngon par bstod do/ /'phags pa dga' ba can gyi mdo rdzogs so// //rgya gar gyi mkhan po shAkya sid+ha dang / lo tsA ba ban+de byin gyi snying pos bsgyur te/ zhus chen gyi lo tsA ba ban+de de ba
tsan+d+ras zhus te gtan la phab pa/
CLOSE WINDOW