བོད་ཡིག |
395b5 rgya gar skad du/ alpa de ba tA sU tra/ bod skad du/ lha'i mdo nyung du/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus
395b6 gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas lha zhig bcom ldan 'das ga la ba der
395b7 song ste phyin nas bcom ldan 'das kyi zhabs la mgo bos phyag btsal te phyogs gcig tu 'dug go/ phyogs gcig tu 'dug nas lha des bcom ldan 'das la zhu ba zhus
396a1 pa| tshul khrims gang lags spyod pa gang / /yon tan gang lags las gang gis/ /gnas pa ji ltar shes rab gang / /skye bo gang dag mtho ris mchi//
396a2 lha la thugs pa rtse nyer bzung nas/ /ston pas de la lung bstan pa/ /skye bo mtho ris gang 'gro ba/ /lha khyod nga la rab tu nyon/ /srog gcod pa las phyir ldog cing / /khrims
396a3 bzung yang dag sdom la dga'/ /gang dag 'byung po mi 'tshe ba/ /skye bo de dag mtho ris 'gro/ gang dag ma byin len spong zhing / /sbyin pa gtong la rtag dga' ste/ /rku ba spong
396a4 zhing mi rku ba/ /skye bo de dag mtho ris 'gro/ gzhan gyi chung ma'i thad mi 'gro/ log par g.yem pa rnam par spong / /bdag gi chung mas chog sems pa/ /skye bo de dag mtho
396a5 ris 'gro/ /gzhan gyi don la rku byed dang / /bdag gi phyir dang 'jigs pa'i phyir/ /rdzun gyi tshig rnams mi smra ba/ /skye bo de dag mtho ris 'gro/ grogs po rtag par 'byed
396a6 byed pa/ /phra ma'i tshig rnams rab spong zhing / /gang dag 'dun par rab dga' ba/ /skye bo de dag mtho ris 'gro/ rgyags la rten cing zhe gcod pa/ /tshig rtsub dag ni rnam
396a7 spong zhing / /'jam po'i tshig tu gang smra ba/ /skye bo de dag mtho ris 'gro/ don med gnas dang ldan pa yi/ /kyal ba'i tshig rnams rab spong zhing / /gang yang dus su chos
396b1 smra ba/ /skye bo de dag mtho ris 'gro| grong ngam 'on te dgon pa na/ /gzhan gyis bdag gir byas pa la/ /de la chags sems gang med la/ /skye bo de dag mtho ris 'gro/ byams pa'i
396b2 sems kyis mi 'tshe zhing / /gnod par sems pa med pa yis/ /skye bo kun la mi gnod pa/ /skye bo de dag mtho ris 'gro/ las dang las kyi rnam smin dang / /gnyis ka la yang gang
396b3 dad cing / /yang dag lta ba yang dag 'dzin/ /skye bo de dag mtho ris 'gro/ dge ba'i chos rnams 'di dag ni/ /dkar po chos kyi lam bcu ste/ /gang dag yang dag 'dzin 'gyur
396b4 ba| |skye bo de dag mtho ris 'gro /bram ze mya ngan 'das pa dang / /dgra dang 'jigs pa kun 'das shing / /'jig rten chags med brgal ba ni/ /mang po yod par ma mthong ngo //
396b5 bcom ldan 'das kyis de skad ces bka' stsal nas lha de yi rangs te/ bcom ldan 'das kyis gsungs pa la mngon par bstod do/ /lha'i mdo nyung du rdzogs so// //
CLOSE WINDOW