CLOSE WINDOW

H333
བོད་ཡིག

/dga' bo rab tu byung ba'i mdo rdzogs so// //rtsa ngas de ben+d+ra rak+Shi tas zhus chen bgyis pa// //rgya gar skad du| de ba tA sU tra/ bod skad du/ lha'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas mtshan mo mi nyal tsam na lha mdog bzang po zhig bcom ldan 'das ga la ba der srong ste phyin nas/ bcom ldan 'das kyi zhabs la mgo bos phyag btsal te/ phyogs gcig tu 'dug go/ de nas lha de'i mthus rgyal byed kyi tshal thams cad snang ba chen pos khyab par gyur to/ /de nas de'i tshe lha des tshigs su bcad pa 'di dag gsol to/ /mtshon cha rnon po de gang lags/ /ha la ha la'i dug gang lags/ /rab tu 'bar ba'i me gang lags/ /mun pa rab gang de gang lags/ /bcom ldan 'das kyis bka' stsal pa/ /tshig rtsub mtshon cha rnon po yin/ /'dod chags ha la ha la'i dug/ zhe sdang rab tu 'bar ba'i me/ /mun pa rab gnag ma rig pa'o/ /lhas gsol pa/ mi yis zin pa de gang lags/ /gang 'dir por ba de gang lags/ /mi shigs go cha ci zhig lags/ /'di na mtshon du ci rno lags/ /bcom ldan 'das kyis bka' stsal pa/ bdag gis gang byin zin pa yin/ /khyim du gang bzhag 'dir bor yin/ /mi shigs go cha bzod pa yin/ /'di na mtshon du shes rab rno/ /lhas gsol pa/ chom rkun zhes bgyi de gang lags/ /dam pa rnams kyi nor gang lags/ / lha dang bcas pa'i 'jig rten na/ /bslus shes bgyi ba gang dag lags/ /bcom ldan 'das kyis bka' stsal pa/ /rnam rtog chom rkun mkhas pa yin/ /tshul khrims dam pa rnams kyi nor/ /gang dag tshul khrims log lhung byas/ /de dag 'jig rten bslus pa yin/ /lhas gsol pa/ /bde zhes bgyi ba de gang lags/ /dbang phyug dam pa de gang lags/ /rtag tu rnam par brgyan pa gang / /mtho ba tsams gang lags bka' stsal gsol/ /bcom ldan 'das kyis bka' stsal pa/ /'dod chung bde bar shes par bya/ /chog shes dbang phyug dam pa yin/ /khrims ldan rtag tu rnam par brgyan/ /tshul khrims nyams pa mtho ba tsams yin/ /lhas gsol pa/ rtsa lag mnyes gshin de gang lags/ /bsam pa sdang ba'i dgra gang lags/ /sdug bsngal mi bzad de gang lags/ /mchog tu bde ba de gang lags/ /bcom ldan 'das kyis bka' stsal pa/ /rtsa lag mnyes gshin bsod nams yin/ /sdig pa bsam pa sdang ba'i dkra/ dmyal ba'i sdug bsngal mi bzad pa/ /phung po med pa'i bde ba'i mchog /lhas gsol pa| sdug la mi phan de gang lags/ /phan yang mi sdug gang zhig lags/ /gnod pa bgyid pa'i nad gang lags/ /sman pa'i mchog gcig de gang lags/ /bcom ldan 'das kyis bka' stsal pa/ /'dod pa sdug kyang mi phan pa/ /thar pa phan mi sdug pa/ /'dod chags gnod pa med pa'i nad/ /sman pa'i mchog gcig sangs rgyas yin/ /lha sa gsol ba| gang gis 'jig rten 'di bsgribs lags/ /gang gis 'jig rten dbang du bgyis/ /gang gis mdza' bshes 'byed par bgyid/ /gang gis mtho ris mchi mi 'gyur/ / bcom ldan 'das kyis bka' stsal pa/ /mi shes pas ni 'jig rten bsgribs/ /gti mug gis ni dbang du byas/ /zhen pas mdza' bshes 'byed par byed/ /chags pas mtho ris 'gro mi 'gyur/ /lhas gsol pa/ gang gis mdza' bshes 'phel bar 'gyur/ /gang gis dgra rnams zhi bar bgyid/ /gang gis mtho ris 'thob par bgyid// gang gis thar par 'gro bar 'gyur/ /bcom ldan 'das kyis bka' stsal pa/ /gtong bas mdza' bshes 'phel bar 'gyur/ /byams pas dgra rnams zhi bar byed/ /tshul khrims kyis ni mtho ris thob/ shes pas thar par 'gro bar 'gyur/ /lha sa gsol pa/ rgyal po dang ni chom rkun gyis/ /shin tu bsgrim pa bgyis gyur na| |skyes pa'am bud med gang gi'ang rung / /dbrog par mi tshugs ci zhig lags/ /bcom ldan 'das kyis bka' stsal pa/ rgyal po dang ni chom rkun gyis/ /shin tu bsgrib pa byas gyur kyang / /skyes pa'am bud med gang gi'ang rung / /dbrog par mi tshugs tshul khrims so/ /lha sa gsol pa/ 'jig rten 'di ni gang gis 'ching / /gang gis 'jig rten rnam par grol/ /gang zhig rnam par spangs pas na/ /mya ngan 'das zhes bgyi bar bgyi/ /bcom ldan 'das kyis bka' stsal pa/ /'dod pas 'jig rten 'ching par byed/ /'dod pa med pas rnam par grol/ /sred pa rnam par spangs pas na/ /mya ngan 'das zhes brjod pa yin/ /lha sa gsol pa/ rlung dmar gyis kyang mi shigs shing / /zhugs kyis mi 'tshig de ci lags/ /dog sa gtam par bgyid pa yi/ /chab kyis mi 'drul ci zhig lags/ /bcom ldan 'das kyis bka' stsal pa/ /rlung dmar gyis kyang mi shigs shing / /mes kyang mi 'tshig bsod nams yin/ /sa rnams khebs par byed pa yi/ /chus kyang mi 'drul bsod nams so/ /lha sa gsol pa/ su zhig shin tu bslus gyur nas/ /'jig rten 'di nas pha rol mchis/ /da dung bdag gi dogs pa 'di/ /khyod kyis bsal bar mdzad pa'i rigs/ /bcom ldan 'das kyis bka' stsal pa| gang gis longs spyod yod bzhin du/ /bsod nams bsags pa ma byas pa/ /de ni shin tu bslus gyur nas/ /'jig rten 'di nas pha rol song / /lha sa gsol pa/ 'jigs pa kun las 'das gyur cing / /rgal ba'i 'jig rten mthu ldan pa'i/ /bram ze mya ngan yongs 'das pa/ /kye ma bdag gis ring nas mthong / /bcom ldan 'das kyis de skad ces bka' stsal nas lha de yi rangs te/ bcom ldan 'das kyi zhabs la mgo bos phyag btsal nas rjes su yi rangs ste de nyid du mi snang bar gyur to/ /lha'i mdo rdzogs so// //

CLOSE WINDOW