བོད་ཡིག |
273b1 //skyes pa rabs kyi gleng gzhi/ rgya gar skad du/ dzA ta ka ni dA naM/ bod skad du/ skyes pa rabs kyi gleng gzhi/ 'phags pa dkon mchog gsum la gus pas phyag
273b2 'tshal lo/ /bcom ldan 'das rgyal byed tshal mgon med zas sbyin gyi kun dga' ra ba na bzhugs pa'i tshe/ gnas brtan chen po don mthong bcom ldan 'das kyi thad
273b3 du song nas/ phyag rgyas te bskor ba byas/ phyogs gcig tu 'khod do/ /bcom ldan 'das kyi thad du 'di skad ces gsol to/ /btsun pa/ bdag ni sangs rgyas bcom ldan
273b4 'das kyi rgyud kyi chos thos par 'tshal lo/ /bka' stsal pa/ don mthong / yid la zungs shig dang / ngas bshad par bya'o/ /zhes 'byung ngo / /de yang 'dir sdud par byed
273b5 pa po rab tu rtog pa'i shes rab dang / zhi ba'i dgra bcom pa rnams kyi skyes ba rabs kyi gleng gzhi'i don gyi bsngags pa brjod do/ /ring bya'i gleng gzhi dang / bar pa'i gleng gzhi
273b6 dang / nye ba'i gleng gzhi ste/ gleng bzhi gsum po 'di gzigs nas bsngags pa gang zhig nyan pa'o/ /du kha dang po'i zhig de rnams gyi gleng gzhi yongs su bcad pa rnams
273b7 rig par bya'o/ /mar me mdzad gyi zhabs gyi drung 'dir sems dpa' chen pos smon lam btab bo/ /ji srid thams cad sgrol gyi lus spangs pa'i bar dang / dga' ldan
274a1 gyi gnas su 'khrungs pa'i chos kyi gtam gyi bar gyi lam ni ring po'i gleng gzhi zhes bya'o/ /ji srid dga' ldan gyi gnas nas 'phos nas
274a2 byang chub kyi snying por thams cad mkhyen pa thob nas chos kyi gtam gyi bar ni gleng gzhi bar pa zhes bya ba'o/ /gang dang / gang du zhugs nas/ de dang / de thob pa rnams ni
274a3 nye ba'i gleng gzhi zhes bya ba'o/ /de la 'dir ring bo'i gleng gzhi zhes bya ba ni/ 'di nas bskal pa grangs med pa zhig dang bskal pa 'bum phrag gcig lhag pa nas
274a4 mgo brtsams nas grong khyer 'jigs med ldan zhes bya ba byung ngo / /der yang bram ze blo gros bzang po zhes bya ba gnas so/ /pha dang / ma gnyis ka'ang rigs bzang
274a5 ba'i mngal du zhugs te/ rigs bdun rgyud kyi bar du gzhan gyis rtsod pa dang / sbyo ba dang / smod pa med cing rnam phar dag go /gzugs bzang ba blta na sdug pa
274a6 rab tu mdzes ba mchog gi kha dog dang ldan pa'i skyes bu can no/ /de yang las gzhan mi byed par bram ze'i las 'ba' zhig slob bo/ /de yang khye'u gzhon
274a7 nu'i dus su pha dang / ma gnyis ka dus las 'das so/ /de nas de'i longs spyod spel ba'i blon pos nor gyi yi ge blangs te/ gser dang / dngul dang / nor bu dang / mu
274b1 tig la sogs pas gang ba rnams sgor bton te/ gzhon nu 'di rnams ma'i nor yin no/ /'di rnams pha'i nor yin no/ /'di dag ni mes po dang / yang mes kyi nor yin no/ /
274b2 rigs bdun rgyud kyi bar gyi nor yin no zhes smras so/ /'di rnams so sor bskyang ba'i phyir smras pa yin no/ /mkhas pa blo gros bzang pos bsams pa/ 'di'i nor rnams
274b3 bzung nas bdag gi pha dang / mes po la sogs pas 'jig rten pha rol tu 'gro ba na gser se ba cig kyang khyer nas ma song gi /bdag nyid kyis khyer nas 'gro bar rig
274b4 bar bya'o zhes rgyal po la smras nas/ grong khyer du rol mo bsgrags te/ skye po thams cad la sbyin par byin nas/ dka' thub pa'i rab tu byung ba la rab tu byung ngo / /'di'i yang
274b5 don gsal bar bya ba'i phyir gnas 'dir blo gros bzang pos gtam byas so/ /de yang 'di tsam 'ba' zhig ma yin te/ sangs rgyas kyi rgyur rgyun mi 'chad bar gsungs la/
274b6 slar yang tshigs su bcad pas bcings te bshad kyang go dka' bas de dang / de'i bar bar du tshigs su bcad pa'i tshig gis gsal ba dang bcas pa bshad par bya'o/ /
274b7 bskal pa grangs med bzhi dang / bskal pa 'bum phrag gcig lhag pa nas mgo brtsams nas sgra bcu rgyun mi 'chad par 'jigs med ldan gyi grong khyer der byung ngo / /de'i
275a1 sangs rgyas kyi rgyud bshad do/ /bskal pa grangs med bzhi dang ni/ /'bum phrag gcig ni lhag pa na/ /grong khyer 'jigs med ldan zhes pa/ /
275a2 mthong ba yis ni dga' ba byed/ /rgyun mi 'chad pa sgra bcu bzhin/ /bza' dang btung ba yang dag ldan/ /de la sgra bcu rgyun mi 'chad pa ni/ glang po che'i sgra dang /
275a3 rta'i sgra dang / shing rta'i sgra dang / rol mo'i sgra dang / rol mo mr-i daM ga'i sgra dang / pi wang gi sgra dang / glu'i sgra dang / rol mo sam+ma'i sgra dang / cha lang gi sgra dang /
275a4 rgod pa dang / 'thung ba dang / za ba'i sgra ste/ sgra bcu po 'di rnams ni rgyun mi 'chad pa yin no/ /sgra de rnams phyogs gcig tu bya ste/ glang po'i sgra dang rta'i sgra dang / /
275a5 rol mo dung dang shing rta'i sgra/ /za dang 'thung ba de nyid dang / /bza' dang btung ba'i sgra dang ni/ /sangs rgyas rgyud du tshigs su bcad pa 'di gsungs nas/ grong khyer
275a6 yan lag nying lag ldan/ /'dod pa thams cad nye bar gnas/ /rin chen bdun po yang dag ldan/ /skye bo sna tshogs yang dag gang / /lha yi grong khyer phun tshogs
275a7 bzhin/ /bsod nams can ni gnas pa'o/ /'jigs med ldan pa'i grong khyer du/ /bram ze blo bzang zhes bya bas/ /longs spyod bya ba du ma bsags/ /nor dang 'bru ni mang
275b1 po yi/ /nang gi gsang sngags 'dzin pa dang / /rig byed gsum gyi pha rol son/ /mtshan nyid i thi ha sa dang / /dam pa'i chos kyi pha rol son/ /de nas de nyid nyi ma gcig la
275b2 mkhas pa blo gros bzang po de khang bzang mchog gi steng du gcig pur skyil mo krung bcas nas dben par bzhugs te bsams pa/ mkhas pa skye ba gzhan du ma'i mngal
275b3 bzung na sdug bsngal lo/ /de bzhin skye ba'i gnas su lus 'jug go /bdag skye ba'i chos can dang / rga ba'i chos can dang / na ba'i chos can dang / 'chi ba'i chos can
275b4 no| |de lta bur gyur pas bdag ni skye ba med pa dang / rgas pa med pa dang / na ba med pa dang / sdug bsngal med pa'i bde ba dang / bsil ba dang / bdud rtsi lta bu'i mya ngan
275b5 las 'das pa chen po tshol bar rigs so/ /nges par srid pa las grol ba'i mya ngan las 'das par 'gro ba'i lam gcig po yin pa lta bu'o/ /de'i phyir gsungs pa/
275b6 dben par gcig pur gnas nas ni/ /de tshe bdag gis 'di ltar bsams/ /srid par skye ba sdug bsngal zhing / /lus ni yongs su zhig pa nas/ /skye ba'i chos dang rgas
275b7 pa'i chos/ /na ba'i chos dang de tshe bdag /skye ba med dang 'chi med bde/ /mya ngan 'das pa yongs su btsal/ /gang tshe dri ngan lus 'di ni/ /sna tshogs mi gtsang gis gang
276a1 zhing / /don med ltos pa med pa yi/ /dor nas 'gro bar bya ba yin/ /de yi lam ni yod dam snyam/ /'bad pa med par lam mi thob/ /de yi lam
276a2 ni btsal bar bya/ /srid pa rnams las grol 'gyur snyam/ /de nas lhag par yang bsams pa/ /ji ltar 'jig rten pa'i sdug bsngal gyi mi mthun pa'i phyogs su gyur
276a3 pa'i bde ba zhes bya ba yod do/ /de ltar mi mthun phyogs srid pa yod na mya ngan las 'da' bar 'gyur ro snyam/ de ltar yang gdung ba yod na de zhi bar byed pa'i bsil
276a4 ba yod do/ /de bzhin du 'dod chags la sogs pa'i me zhi bar byed pa'i mya ngan las 'das pa yod par 'gyur ro snyam mo/ /ji ltar yang sdig pa dang mi mthun pa'i
276a5 phyogs su gyur pa kha na ma tho ba med pa'i dge ba'i chos yod pa 'gyur snyam pa nyid do/ /de dang / de lta bu nyid kyis sdig pa can la sogs pa'i skye ba yod na/ skye ba thams
276a6 cad zad par byed pa'i skye ba med par grags pa'i mya ngan las 'das pa'ang yod par 'gyur snyam pa nyid do/ /de yi phyir gsungs pa/ ji ltar sdug bsngal yod pa
276a7 na| |bde ba zhes pa'ang yod pa yin/ /de ltar sred pa yod pa na/ /sred ba med pa'ang yod pa yin/ /ji ltar tshe ba yod gyur na/ /grang ba yang ni yod pa yin/ /de
276b1 ltar me gsum yod gyur na/ /mya ngan 'das pa'ang yod pa yin/ /ji ltar sdig pa yod gyur na/ /dge ba yang ni yod pa yin/ /de ltar skye ba yod gyur na/ /skye ba med
276b2 pa'ang yod par 'dod/ /gzhan yang bsams pa/ ji ltar bshad pa'i phung por skyes bu 'gyel bar gyur pa zhig thag ring po nas kha dog lnga dang ldan pa'i pad+ma
276b3 dang / mtsho chen po mthong na lam gang nas 'gro bar byas nas mtsho der 'jug par rigs so/ /de'i lam du mi 'gro na mtsho chen po'i skyon ma yin no/ /de ltar nyon
276b4 mongs pa'i dri ma 'khrud pa na 'chi ba med pa'i mya ngan las 'da' ba'i mtsho chen po yod pa na der mi 'jug na/ 'chi ba med pa'i mya ngan las 'das pa'i mtsho chen
276b5 po'i skyon ni ma yin no/ /ji ltar yang chom rkun pas yongs su bskor ba'i skyes bu 'bros pa'i lam yod pa la myur du mi 'bros na lam gyi skyon ma yin te/ skyes
276b6 bu'i skyon yin no/ /de ltar nyon mongs pas yongs su bskor nas bzung ba'i skyes bu la zhi ba mya ngan las 'da' ba'i lam yod par gyur pa na lam mi tshol ba na
276b7 lam gyi skyon ma yin te/ gang zag gi skyon yin no/ /ji ltar nad kyis gzir ba'i skyes bu la nad gso ba'i sman pa yod par gyur na/ gal te de'i gnas su nad
277a1 gso ba'i sman pa mi tshol na sman pa'i skyon ma yin te/ nad pa'i skyon yin no/ /de ltar nyon mongs pa'i nad kyis gzir ba'i skyes bu la nyon
277a2 mongs pa zhi bar byed pa'i mchog tu mkhas pa yod par gyur na/ slob dpon tshol bar mi byed na de ni skyes bu'i skyon yin te/ nyon mongs pa 'joms par byed
277a3 pa'i slob dpon gyi skyon ma yin no/ /de'i phyir gsungs pa/ ji ltar mi gtsang gos pa'i mi/ /gang ba'i mtsho ni mthong bzhin du/ /mtsho der 'jug par mi byed na/ /de ni mtsho
277a4 yi skyon min no/ /de ltar nyon mongs dri 'khrud pa/ /bdud rtsi'i mtsho ni yod pa yi/ /mtsho de la ni mi 'jug na/ /bdud rtsi mtsho yi skyon min no/ /ji ltar chom rkun gyis
277a5 bskor ba/ /'gro ba'i lam ni yod pa la/ /skyes bu 'bros par mi byed na/ /de ni lam gyi skyon ma yin/ /ji ltar nyon mongs kyis bskor na/ /zhi ba'i lam ni yod pa la/ /
277a6 de yi lam du mi 'jug na/ /zhi ba'i lam gyi skyon ma yin/ /ji ltar nad kyis gzir ba'i mi/ /gso dpyad byed pa yod gyur pa/ /nad ni zhi bar mi byed na/ /de ni sman pa'i
277a7 skyon ma yin/ /de ltar nyon mongs pa yi nang / /gzir cing sdug bsngal gyur pa'i tshe/ /slob dpon tshol bar mi byed na/ /slob dpon gyi ni skyon ma yin/ /gzhan yang
277b1 bsams pa/ ji ltar rgyan gyis brgyan pa'i skyes bu'i mgrin pa la mi gtsang ba bcings na/ de dor nas bde bar 'gro ba bzhin du/ de ltar bdag kyang mi gtsang ba'i lus
277b2 spangs te/ ltos pa med par mya ngan las 'das pa'i grong khyer du 'jug par rigs so/ /gzhan yang / ji ltar skyes pa dang bud med kyis bshang ba'i gnas su bshang ba
277b3 dor bar byas nas snod du blugs te khur nas 'gro bar byed pa ma yin gyi/ ltos pa med par skyug bro bas dor nas 'gro'o/ /de ltar bdag kyang mi gtsang ba'i lus la sogs
277b4 pa ltos pa med par dor nas 'chi ba med pa'i mya ngan las 'das pa'i grong khyer du 'jug par rigs so/ /gzhan yang / ji ltar gru mkhan rnams ni gru rdol ba rnams la
277b5 ltos pa med par dor nas 'gro ba de bzhin du bdag kyang sgo dgu'i rma 'di rnams kyi nang nas 'bab pa'i lus 'di dor nas ltos pa med par mya ngan las 'das pa'i
277b6 grong khyer du 'jug par rigs so/ /gzhan yang / ji ltar skyes bu sna tshogs pa'i rin po che blangs nas chom rkun pa dang 'grogs te/ lam du 'gro na rang gi rin po che
277b7 brlag par dogs pa'i 'jigs pas de rnams dor nas lam bzang por 'jug pa bzhin no/ /de ltar bdag kyang lus mi gtsang ba du ma can rin po che 'phrog
278a1 pa'i cho ma rkun bzhin du gal te sred pa 'di byed na 'phags pa'i lam gyi dge ba'i chos kyi rin po che bdag gis brlag pa'i dogs so/ /de'i phyir
278a2 bdag gis chom rkun lta bu'i lus 'di dor nas mya ngan las 'das pa'i grong khyer du 'jug bar rigs so/ /de'i phyir gsungs ba/ ji ltar mi yi dri nga ba/ /mgul la
278a3 bcings na skyug bro ste/ /de dag spangs nas 'gro byed na/ /skyug mi bro zhing bde bar 'gro/ /de bzhin du ni dri nga lus/ /sna tshogs pa yis gang gyur pa/ /spangs nas 'gro bar
278a4 byed pa ni/ /don med ltos pa med pa'o/ /ji ltar bshang ba'i gnas su ni/ /skyes pa bud med kyis bshangs nas/ /dor nas 'gro bar byed pa ni/ /don med ltos pa med
278a5 pa yin/ /de ltar bdag gi lus 'di yang / /mi gtsang sna tshogs kyis gang ba/ /dor nas bdag kyang 'gro bar bya/ /ji ltar bshang ba'i gnas bzhin no/ /ji ltar gru ni
278a6 rdol gyur na/ /chu ni mang du 'byung bar 'gyur/ /de ni gru mkhan gyis dor nas/ /don med ltos pa med pa min/ /de ltar bdag gis lus 'di yang / /bu ga dgu yang mi
278a7 rtag pas/ /dor nas 'gro bar byed pa na/ /gru mkhan gru ni dor ba bzhin/ /ji ltar chom rkun lhan cig mi/ /nor ni khyer nas 'gro ba na/ /nor khyer 'jigs pa mthong ba nas//
278b1 'jigs nas dor nas 'gro byed bzhin/ /de bzhin du ni lus 'di ni/ /chom rkun chen po dang mtshungs shing / /'dir ni dor nas 'gro ba na/ /dge ba spyod pa 'jigs med
278b2 do| |de bzhin du mkhas pa blo gros bzang pos sna tshogs pa'i dpe 'di yis phan yon gyi don la rnam par bsams shing rang gi khyim du dpag tu med pa'i longs spyod kyi
278b3 phung po sngar ji ltar brjod pa bzhin du bkren pa la sogs pa rnams la sbyin pa chen po byin te/ nor gyi 'dod pa dang / nyon mongs pa'i 'dod pa spangs nas/ grong khyer 'jigs
278b4 med ldan gyi phyi rol tu song ste/ gcig pur gangs can chos kyi ri zhes bya ba la brten nas/ der lo ma'i khang par 'chag par byed cing skyon lnga po ma bzlog lam spangs
278b5 bzhin du de ltar sems mnyam par bzhag pa dang po dang / byed pa brgyad dang ldan pa'i mngon par shes pas smras pa dang / stobs len pa dang / de ru gnas te skyon dgu
278b6 dang ldan pa gyon pa'i gos spangs nas/ yon tan bcu gnyis dang ldan pa'i shing shun gyi dum bu'i gos gyon nas/ drang srong gi rab tu byung ba la rab tu byung ste/ de ltar rab
278b7 tu byung nas skyon brgyad dang ldan pa'i lo ma'i khang bde spangs nas yon tan bcu dang ldan pa'i shing gi drung du nye bar gnas so/ /'byor pa thams cad spangs nas shing
279a1 gi 'bras bu mchog za zhing 'dug pa'o/ /gnas su 'chag par byed pa'i dka' thub byed do/ /zhag bdun gyi nang de nyid du brgyad la snyoms
279a2 par 'jug cing mngon shes lnga po thob par gyur te/ de bzhin du des don du gnyer bas mngon par shes pa'i stobs thob par gyur to/ /de'i phyir gsungs pa/ de ltar
279a3 bdag gis bsams gyur pa/ /sna tshogs byed pa brgya yi nor/ /mgon dang mgon med rnams la sbyin/ /gangs can la ni nye bar song / /gangs can dang ni mi ring
279a4 bar/ /chos kyi ri zhes bya ba la/ /bdag gis de la mchog tu rten/ /lo ma'i khang pa legs byas so/ /de ru 'chag par byed pa dang / /skyon ni lnga po rnam par spangs/
279a5 yon tan brgyad dang yang dag ldan/ /mngon par shes pa'i stobs ldan no/ /skyon dgu dang ni ldan pa yi/ /der ni de nyid dor gyur nas/ /shing shun dum bu'i
279a6 gos gyon to/ /yon tan bcu gnyis ldan pa'o/ /skyon ni brgyad dang ldan pa yi/ /lo ma'i khang pa spangs gyur nas/ /shing gi drung du nye bar 'dug/ yon tan bcu
279a7 dang ldan pa yi/ /rmos dang bskrun pa'i 'bru rnams ni/ /lhag ma med par dor byas nas/ /yon tan ma lus ldan pa yi/ /shing tog mchog ni dang por zos/ /de ru
279b1 dka' thub byas nas ni/ /'dug dang 'chag pa'i gnas rnams su/ /zhag bdun gyi ni nang nyid du/ /mngon par shes pa'i stobs thob bo/ /'dir yang gleng gzhi ni mkhas nga
279b2 blo gros bzang po brten pa'i lo ma'i khang pa dang / 'chag pa ni rang gi lag gis byas pa ltar brjod do/ /'dir yang don ni sems pa chen po gangs can gyi nang nas
279b3 'ongs pa dang / de ring chos kyi rir yongs pa mthong nas/ lha'i dbang po brgya byin gyis las sna tshogs pa'i lha'i bu la mkhas pa blo gros bzang po 'di ni rab tu 'byung
279b4 bar 'dod pas song ste/ 'di'i gnas rnams kyis gcig de'i tshig thos nas dga' ba'i gnas phug legs par lo ma'i khang par 'chag pa'i gnas byas so/ /
279b5 bcom ldan 'das kyis yang de'i tshe bdag gis bsams nas goms par byas pa rdzogs pa las de'i dus su de'i rgyu mtshan gyis shA ri'i bu der chos kyi ri der/ gnas
279b6 bzang po ni bdag gis byas/ /lo ma'i khang pa bzang por ldan/ /der ni 'chag cing gnas nas ni/ /skyon lnga po ni rnam par spangs/ /zhes gsungs so/ /'chag pa'i skyon
279b7 lnga po gang zhe na/ sra zhing mi snyoms pa dang / nang na shing rang rod can dang / nags thibs po dang / shin tu dog pa dang / shin tu yangs pa'o/ /sra zhing mi snyoms pa'i
280a1 sa'i char 'chag cing 'chag pa na/ rkang pa la 'brum bu 'byung ba dang / sems rtse gcig tu mi gnas pa dang / las byed pa'i gnas mi 'grub
280a2 la| sa yi steng mnyam zhing 'jam par 'chag pa ni bde zhing / las byed ba'i gnas rdzogs pa de'i phyir tsha ba dang / mi snyoms pa'i sa'i cha ni skyon gcig tu rig
280a3 par bya'o/ /'chag pa'i bar dang / nang dang / tha mar shing yod pa na bag med par 'ong zhing 'chag pa na dpral ba dang / mgo la gnod pa byed pa ni nang gi shing gi gnod
280a4 pa gnyis pa'o/ /rtswa dang / 'khri shing la sogs pa nags tshal thibs po'i 'chag sar byed pa na mun pa nag po'i dus su sbrul la sogs pa'i srog chags rkang pas
280a5 brdzis na 'chi ba'am/ des mche bas rmugs nas gnod pa skyel ba ni nags thibs po'i skyon gsum pa'o/ /shin tu dog pa'i 'chag sa'i mchu ru khru gcig pa'am/
280a6 khru phyed pa'i 'chag sa byed pa na nang du gcod pa dang / sen mo'am/ sor mo 'chad par 'gyur ba ni shin tu dog pa'i skyon bzhi pa'o/ /shin tu yangs pa'i 'chag sar
280a7 'chag pa na sems g.yeng bar gyur pa dang / sems rtse gcig tu gnas pa mi thob pa ni shin tu yangs pa'i skyon lnga pa'o/ /'chag sa'i mtho tshad kyi stugs su khru
280b1 phyed dang do/ ngos gnyis su khru gcig tsam dkyus su khru drug cu pa sa'i mthil 'jam pa dang mtshungs shing yangs pa bye ma dang bcas pa'i 'chag sa ni rigs so/ /
280b2 mchod rten gyi rigs mar me ltar gsal ba gnas brtan chen po dbang chen gyi 'chag sa lta bu bya bar rigs so/ /de yi phyir gsungs pa/ de ru 'chag sa byas la skyon
280b3 lnga po spang bar bya'o/ /yon tan brgyad dang ldan pa'i dge sbyong gi bde ba brgyad dang ldan pa'o/ /dge sbyong gi bde ba brgyad dang ldan pa zhes bya ba ni gang zhe na/ nor dang / 'bru
280b4 yongs su 'dzin pa'i 'dod pa med pa dang / kha na ma tho ba med pa'i bsod snyoms las 'dod pa med pa dang / bza' ba dang / bca' ba'i 'dod pa med pa dang / nor
280b5 gces pa'i yul mi sdug par byed pa'am/ mgo re re'i khral la sogs ba len na rgyal po'i rigs kyis yul 'khor gyi mi sdug bsngal ba mi 'dod pa dang / nye bar
280b6 mkho ba thams cad la 'dod pa med pa dang / chom rkun gyis 'phrog pa'i 'jigs pa med pa dang / rgyal po dang / rgyal tshab dang / blon po chen po'i nye bar 'tshe ba med pa
280b7 dang / phyogs bzhir 'gro ba na 'tshe ba med pa ste/ de ltar der gnas na bde ba brgyad po nyams su myong bar nus so/ /de ltar yon tan brgyad dang ldan pa 'dir gnas
281a1 bar byas nas mngon par shes pa'i stobs thob par 'gyur zhing / de nas der gnas te/ zad par gyi las rnams byas nas mngon par
281a2 shes pa dang / snyoms par 'jug pa rnams bskyed pa'i phyir te/ mi rtag pa dang / sdug bsngal ba dang / lhag mthong brtsams nas gnas thob par byed do//
281a3 lhag mthong gi stobs blangs nas ji ltar gnas na de'i stobs blang bar nus so/ /de ltar der gnas nas de'i mngon par shes pa'i phyir lhag mthong gis stobs
281a4 mthun par byas pa ni khang pa byas pa'i don yin no/ /der skyon dgu dang ldan pa'i gos dor ba ni 'dir sngar rim pa bzhin du brjod pa de rnams de'i tshe khang
281a5 mig chung ba dang / khang mig che ba dang / 'chag sa la sogs pa so sor brgyan nas me tog dang / 'bras bu dang / shing ljon pa'i tshogs yid dga' ba dang /
281a6 bsam pa chu ltar yid du 'ong ba/ gdug pa can gyi ri dwags med pa dang / gnod par byed pa'i bya'i tshogs med pa shin tu dben par gnas par bya'o/ /'chag
281a7 sa brgyan pa'i phyogs gnyis dang / dbus su rgyab kyi rten gyi gzhi la brten nas bzhugs pa'i ched du 'chag sa'i nang du sa gzhi mnyam pa kha dog ser po rdo
281b1 dang bsres pa lo ma'i khang pa'i nang du ral pa'i khor yug dang / shing shun gyi dum bu'i chos gos dang / dbyu gu gsum dang / bum pa la sogs pa dka' thub
281b2 pa'i yo byad dang ldan pa bsti gnas kyi nang du chu dang / bum pa chen por chu dang / dung chos kyi chu dang / kham phor dang / me khang dang / snod sol ba can dang / shing
281b3 la sogs pa de ltar gang dang / gang du rab tu 'byung ba la rigs so/ /de thams cad byas nas lo ma'i khang pa'i logs la gang zhig rab tu 'byung bar 'dod pa na
281b4 'di'i yo byad rnams blangs nas rab tu 'byung bar gyis shig ces yi ger bris nas/ las sna tshogs pa'i lha'i bu lha'i 'jig rten du song ngo / /mkhas pa blo gros bzang
281b5 pos gangs can gyi ri'i 'gram na chu klung rjes su 'brang ba dang / bdag nyid kyi gnas dang mthun pa'i gnas su blta zhing chu klung bzlog pa'i las sna tshogs las sprul zhing
281b6 brgya byin gyis byin pa'i gnas yid la dga' ba mthong ngo / /'chag sa'i dkyus kyi phyogs gcig tu 'gro zhing rkang pa'i rjes mi mthong bar rab tu 'byung ba rnams kyis thag
281b7 ring po'i grong nas bsod snyoms btsal bas par zhing 'ongs nas lo ma'i khang par zhugs nas gnas so snyam du bsams so/ /de ma thag tu ma slebs par dus ring por
282a1 ma slebs par so sor shes dgos so/ /shing gi khang pa'i khang mig gi sgor zhugs te nang du phyin no/ /de dang / de bltas pas rtsig pa chen po
282a2 la yi ge bris pa bklags nas 'di rnams thams cad bdag gis yo byad du brtag par bya'o/ /de rnams blangs nas rab tu byung ngo zhes bsams so/ /bdag
282a3 nyid kyi stod gos dang / smad gos zung dag dor ro/ /de yi phyir gsungs pa/ der gos dor ro/ /de ltar bzhugs nas shA ri'i bu bdag de'i lo ma'i khang pa dang / skyon
282a4 dgu dang bcas pa'i gos dor ro/ /de yang skyon dgu gsal bar mthong ste/ dka' thub ba'i rab tu byung ba rnams la gos skyon dgu dang ldan pa ni rnyed dka' ba'i
282a5 skyon dang / gzhan 'dod pa skye ba'i skyon dang / longs spyod pa na myur du dri ma dang ldan pa'i skyon dang / dri ma can du gyur na 'khrud pa dang / tshos bya dgos pa dang /
282a6 longs spyod pa na 'dral ba'i skyon dang / rnying na 'tshem pa dang / lhan pa 'debs dgos pa dang / slar yang tshol ba na rnyed dka' ba'i skyon dang / dka' thub pa'i
282a7 rab tu byung ba la mi rigs pa'i skyon dang / dgra la sogs pas 'phrog par 'gyur ba'i skyon dang / ji ltar yang gos ni dgra la sogs pas mi len pa de'i
282b1 phyir de bzhin du sbed dgos pa dang / gyon pa na rgyan du 'gyur ba'i skyon dang / khyer nas 'gro ba na lus kyi khur po chen por 'gro ba'i skyon no/ /shing shun gyi gos zhes
282b2 pa ni de'i tshe shA ri'i bus bdag 'di'i skyon dgu mthong nas gos dor ro/ /shing shun la rtswa mun dza dum bu dum bur byas nas sbyor zhing sgrog pa ni shing shun la smad gos
282b3 dang / stod gos don du gnyer ba'i phyir ro/ /yon tan bcu gnyis dang ldan pa zhes pa ni phan yon bcu gnyis dang ldan pa'i shing shun gyi gos kyis/ phan yon bcu
282b4 gnyis dang ldan pa'i rin chung ba dang / blta na mdzes pa dang / rung ba dang / 'di rnams ni phan yon gcig dang / rang gi lag gis bya bar nus pa ni gnyis pa dang /
282b5 longs spyod pa ni dri ma can du gyur kyang myur du bkru bar nus pa ni gsum pa dang / longs spyod pa na rnyings par gyur kyang brtsem par nus pa ni bzhi pa dang / slar yang
282b6 tshol ba na bde bar byed nus pa ni lnga pa dang / dka' thub pa'i rab tu 'byung ba la rigs pa ni drug pa dang / chom rkun pa la mi mkho ba ni bdun pa dang / gyon pa na dka'
282b7 thub pa'i rgyan du 'gyur ba ni brgyad pa dang / gyon pa na yang par 'gyur ba ni dgu pa dang / chos gos so so la 'dod pa chung ba ni bcu pa dang / slong ba na chos pa la khan
283a1 ma tho ba med pa ni bcu gcig pa dang / shing shun gyi gos stor na'ang ltos pa med pa ni bcu gnyis pa'o/ /skyon brgyad dang ldan pa'i lo ma'i
283a2 khang pa dor zhes pa ni/ ji ltar dor/ de'i gos mchog gnyis kyi rigs su gyur pa a Na'o dza'i me tog gi phreng ba lta bu'i gos dmar po blangs nas smad du gyon
283a3 te| steng du gzhan yang kha dog ser po'i shing shun gyi gos gyon nas/ phun nA ga'i me tog gi stan dang 'dra ba'i rkang pa dang bcas pa'i gzig gi pags pa'i
283a4 g.yang gzhi gyon te ral pa'i khor yug mgo bo la bcings nas gtsug phud brtan par bya ba'i phyir du mkhregs pa'i spyi khab btsugs so/ /mu tig dra ba bzhin du
283a5 'then thag byu ru'i kha dog lta bu'i bum pa nang du bcug ste gnas gsum gyi kyog po'i shing de blangs nas khur shing de'i phyogs gcig la bum pa dang / phyogs gnyis
283a6 la lcags kyu dang / smyug 'khur dang / dbyug gu gsum pa la sogs pa bzung zhing khyer nas phrag pa'i khur du khyer te lag pa g.yas su 'khar ba bzung nas lo
283a7 ma'i khang pa nas byung ste khru drug cu pa'i 'chags chen por phan tshun du 'chag par byed cing rang gi cha lugs la bltas nas/ bdag gis 'dod pa yongs su
283b1 rdzogs par thob bo/ /bdag nyid mdzes par rab tu byung nas sangs rgyas dang / rang sangs rgyas la sogs pa'i skyes bu dpa' bos bsngags pa dang bstod cing / rab
283b2 tu byung ba zhes bya ba 'di ni khyim gyi 'chib ba spangs nas bdag gis nges par byung zhing rab tu byung ba mchog bdag gis thob pas dge sbyong gi chos bdag gis byas
283b3 so| |bde ba'i 'bras bu bdag gis thob nas spro ba skyes so/ /khur dal bus sa la bzhag nas 'chag sa'i dbus su kha dog ser ba'i rdo'i steng du gser gyi gzugs
283b4 brnyan lta bu bzhugs te/ nyin mo'i cha song nas srod kyi dus su lo ma'i khang pa'i nang du bzhugs nas/ shing khri legs po'i bzhog gi steng du nyal lo/ /lus la
283b5 ser bus gos par byed cing nam gyi cha smad la langs te bdag yod pa'i don la rtog cing bdag gis khyim gyi gnas kyi skyon mthong nas bdud rtsi la longs spyod pa dang grags
283b6 pa mtha' yas pa spangs nas dgon par gnas te nges par 'byung ba btsal ba'i phyir rab tu byung ngo / /de nas bzung nas bag med pa'i spyod pa'i rtog pa dang / rab tu dben pa spangs
283b7 nas 'gro ba log pa'i sbrang mas zabs de ni bdag gis rab tu dben pa dor bar rigs so/ /bdag gis kyang khyim pa'i gnas zang zing dang bcas pa mthong ste phyin nas
284a1 lo ma'i khang pa yid du 'ong ba 'di'ang kha dog ser pos sa gzhi la zhal ba legs par byas nas/ dngul gyi kha dog ltar dkar ba'i rtsig pa
284a2 rnams dang / thog phug ron gyi rkang ba'i kha dog ltar dmar ba'i lo ma'i bla khab can no/ /sna tshogs pa'i kha dog can gyi shing khri'i stan la nyal ba dang / 'dug pa na bde bar
284a3 lta ba de rnams ni ches cher lhag par khyim pa'i phun sum tshogs pa dang 'dra bar mthong ngo / /lo ma'i khang pa'i skyon bltas pas skyon brgyad mthong ste/ lo ma'i
284a4 khang pa la longs spyod pan skyon brgyad po ni/ shing mang po la nor mang po dgos pa dang bsdus nas khang pa byed cing tshol ba ni skyon gcig pa dang / rtswa dang / sa 'dzad
284a5 pa dang / yang dang / yang zad pas na bcos dgos pa rgyun mi 'chad pa ni skyon gnyis pa dang / nyal ba'i gnas zhes bya ba na chen po la rigs te/ dus ma yin par
284a6 slong dgos pas sems gcig tu mi gnas pa dang / 'gro dgos pa ni skyon gsum pa dang / drang ba dang / dro ba dang / 'jam pa dang / lus bde bar byed pa ni skyon
284a7 bzhi pa dang / khang ba'i nang du zhugs nas sdig pa byed par nus pa dang / ngo tsha ba bzlog pa ni skyon lnga pa dang / bdag gi yin no zhes srung ba ni skyon drug pa dang /
284b1 dang / khyim pa yod ces pa gnyis par skyon bdun pa dang / shig dang / 'dre shig dang / khyi shig la sogs pa'i srog chags du ma gnas par 'gyur ba ni skyon brgyad pa'o/ /'di
284b2 rnams kyi skyon brgyad po rnams mthong nas sems dpa' chen pos lo ma'i khang pa spangs so/ /de'i phyir gsungs pa/ skyon brgyad dang ni ldan pa yi/ /lo ma'i khang pa
284b3 spangs zhes pa/ /shing gi drung du gnas gyur na/ /yon tan bcu dang ldan pa yin/ /yib ba'i gnas rnams spangs pa dang / /yon tan bcu dang ldan pa yi/ /shing gi drung
284b4 du gnas pa'o/ /zhes brjod pa ni de la yon tan bcu po 'di bsag mi dgos pa ni yon tan gcig dang / nyal bar gnas pa tsam gyis bsrung mi dgos par rnyed pa ni
284b5 gnyis pa dang / der byi dor byed pa med par longs spyod pa dang / bde bar gnas pa dang / slong ba med pa ni gsum pa dang / ngo tsha ba ni yib pa med cing der sdig pa byed pa
284b6 med la sbed pa med pa ni bzhi pa dang / bla khab med pa'i gnas bzhin du lus rtag tu sdod pa med pa ni lnga pa dang / yongs su 'dzin par mi 'dod pa ni drug pa dang / khyim
284b7 gyi 'dod pa spangs pa ni bdun pa dang / mang po dogs pa'i 'dzin pa med pa dang / yongs su bsrung ba med pa dang / 'gro ba na 'dod pa med pa ni brgyad pa dang / sdod pa
285a1 na dga' ba dang bcas pa med pa ni dgu ba dang / shing drung gi gnas ni song zhing song ba na rnyed sla ba dang / ltos pa med pa ni bcu pa'o/ /yon tan
285a2 bcu po 'di mthong ste/ shing gi 'gram du gnas zhes brjod pa dang / 'di lta bu de rnams ni byed par bsams pa'o/ /sems dpa' chen po sang gi nyi ma la bsod
285a3 snyoms la gshegs pas de ma thag tu grong du sleb ste mi rnams spro ba chen po skyes nas bsod snyoms byin no/ /de'i gdugs tshod thon nas gnas su byon te sleb
285a4 cing bzhugs nas bsams pa/ bdag gis bsod snyoms thob pa'i phyir rab tu byung ba ni ma yin no/ /zas zhim po zhes bya ba 'dis nga rgyal gyis rgyags pa dang /
285a5 skyes bu 'dod pa'i rgyags pa 'phel ba dang / bza' ba'i gzhi la brten nas sdug bsngal mtha' med do/ /bdag gis slar yang btab pa dang bskrun pa las skyes
285a6 pa'i 'bru'i bza' ba spangs nas/ 'bras bu mchog gi bza' ba la brten par bya'o/ /des de nas de blangs te/ de ltar byas nas lus sdug bsngal du 'bad pa byas
285a7 pa dang / zhag bdun gyi nang du snyoms par 'jug pa brgyad po rnams dang / mngon par shes pa lnga skyes te/ de yi phyir gsungs pa/ btab dang bskrun pa'i 'bru
285b1 rnams ni/ /lhag ma med par spangs pa dang / /yon tan du ma dang ldan pa'i/ /'bras bu sogs la 'jug pa'o/ /der ni dka' thub kyi gnas dang / /sdod dang 'chag pa'i gnas
285b2 rnams su/ /zhag bdun gyi ni nang nyid du/ /mngon par shes pa'i stobs thob bo/ /de ltar mngon par shes pa thob nas/ blo gros bzang lo dka' thub pas bde ba'i snyoms
285b3 par 'jug pa la gnas so/ /de'i tshe mar me mdzad ces bya ba'i ston pa 'jig rten du byon par gyur to/ /de mngal du zhugs nas bltams pa dang / byang chub pa dang / chos kyi
285b4 'khor lo bskor ba na/ 'jig rten gyi khams stong phrag bcu po thams cad g.yos so/ /rab tu g.yos so/ /sgra sgrogs so/ /sgra cher sgrogs so/ /sngon gyi mtshan mar byur
285b5 pa sum cu rtsa gnyis dang / blo gros bzang po dka' thub pas snyoms par 'jug pa'i bde ba la gnas pas de rnams kyi sgra ma thos pa dang / de rnams kyi sngon gyi mtshan ma ma
285b6 mthong ngo / /ci'i phyir gsungs pa/ stan gcig la ni rten nas su/ /bdag gis de ltar grub pa thob/ /rgyal ba mar me mdzad ces pa/ /'jig rten 'dren pa byon par gyur/ /
285b7 mngal du zhugs nas skyes gyur pa/ /sangs rgyas nas ni chos bstan pa/ /mtshan ma bzhi po mthong ma gyur/ /bsam gtan bde bsam thos so/ /de'i tshe stobs bcu
286a1 ldan pa'i mar me mdzad zag pa zad pa 'bum phrag bzhi'i 'khor dang bcas pa go rims bzhin du sems can la phan pa'i phyir 'chag cing
286a2 dga' ba can zhes bya ba'i grong khyer du byon te/ blta na sdug ces bya ba'i gtsug lag khang chen por zhugs so/ /dga' ba can zhes bya ba'i grong khyer na gnas
286a3 pa'i mar me mdzad dge sbyong gi dbang phyug de nyid yang dag par rdzogs pa'i byang chub kyi mchog thob nas mchig gi chos kyi 'khor lo bskor ro/ /de ltar rim
286a4 gyis sems can la phan pa'i don du 'chag cing dga' ba can gyi grong khyer du byon te/ blta na sdug gi gtsug lag khang chen por bzhugs pa de de na gnas
286a5 pa rnams kyis thos nas mar gsar dang / zhun mar la sogs pas dang / sman dang / gos dang / mal cha la sogs pa dang / dri'i phreng ba la sogs pa lag
286a6 tu thogs te/ gang gis sangs rgyas dang / gang gis chos dang / gang gis dge 'dun dang / de rnams la 'dud cing de la dga' ba dang / de la shin tu gus
286a7 pa dang bcas pas ston pa'i drung du song ste/ phyag byas nas dri la sogs pa'i mchod pa byas te/ phyogs gcig tu 'khod cing chos bstan pa mnyan nas sang mgron du
286b1 gnyer te rang gi gnas nas song ngo / /de rnams byas nas sang sbyin pa chen po sta gon byas te/ grong khyer brgyan/ stobs bcu la byon pa'i mam brgyan te chu yis sa
286b2 gzhi mi mnyam pa'i gnas rnams sus blugs nas sa gzhi mnyam par byas so/ /dngul gyi mdog lta bu'i bye mas spras so/ /me tog gi phreng ba nyid dang / me tog gi
286b3 sil ma dgram par byas so/ /kha dog sna tshogs pa'i gos kyi rgyal mtshan dang / bden la sogs pa bsgreng bar byas so/ /chu shing gi shing dang / bum pa gang ba rnams
286b4 sgrigs nas bzhag par byas so/ /de'i tshe blo gros bzang po dka' thub pas rang gi gnas nas steng du 'phags te mi de rnams kyi steng gi cha'i mkha' la 'gro ba de la
286b5 mi rnams dga' zhing tshim pas mthing ste nam mkha' nas sa la phyogs gcig tu 'khod pa la mi rnams kyis bris so/ /bsod nams dang ldan pa rnams lam 'di
286b6 rnams su zhig gis brgyan par byas/ de'i phyir gsungs pa/ yul dang phyogs kyi mthar gnas pa'i/ /de bzhin gshegs pa mgron du gnyer/ /de nyid byin nas lam
286b7 'di ni/ /sems ni dga' bas lam phyogs gcig /bdag ni de tshe de yi dus/ /rang gi gnas ni byed pa dang / /shing shun gos ni rlung gis g.yo/ /de tshe bdag ni mkha'
287a1 la 'gro/ /dga' dang tshim dang bde ba yis/ /skye bo lam 'phyag byed pa mthong / /nam mkha' las ni byon nas su/ /de ma thag par mi la
287a2 'dri/ /dga' 'ang tshim la bde ba yi/ /mkhas shing rig pa'i skye bo che/ /lam ni snyoms par byed lan/ /su zhig phyir du lam 'di 'chos/ /mi rnams kyis smras
287a3 pa| btsun pa dka' thub pa blo gros bzang po nyid kyis mi mkhyen nam/ stobs bcu dang ldan pa'i mar me mdzad kyis yang dag par rdzogs pa'i sangs rgyas
287a4 thob nas/ chos kyi 'khor lo bskor ro/ /sems can rnams la phan pa'i don du 'chag cing / bdag cag gi grong khyer du byon nas blta na sdug gi gtsug lag khang
287a5 chen por bzhugs la bdag cag gis bcom ldan 'das de mgron du gnyer to/ /de'i phyir sangs rgyas bcom ldan 'das de byon pa'i lam brgyan par bya'o/ /
287a6 dka' thub pa blo gros bzang pos bsams pa/ sangs rgyas zhes bya ba'i sgra tsam yang 'jig rten du rnyed par dka'o/ /de ltar sangs rgyas byon pa la bdag mi
287a7 'di rnams dang bcas pas stobs bcu pa'i lam brgyan par byed par rigs so/ /des mi rnams la gsungs pa/ gal te khyod rnams kyis lam 'di rnams
287b1 sangs rgyas kyi ched du brgyan par gyis shig /bdag la'ang gnas gcig sbyin bar gyis shig /bdag gis kyang khyed rnams dang 'grogs nas lam brgyan par bya'o//
287b2 de rnams kyis legs so zhes bsams nas/ dka' thub pa blo gros bzang pos rdzu 'phrul dang ldan par shes nas chu yis gnod par byas pa'i gnas phan tshun du bsams
287b3 nas de la gnas brgyan par gyis shig ces byin no/ /blo gros bzang po sangs rgyas la dga' nas bsams so/ /bdag gis gnas 'dir rdzu 'phrul gyis brgyan par
287b4 nus so/ /ji ltar brgyan par byas kyang bdag gi yid tshim par med do/ /bdag gis de ring lus dub par byas so/ /sa rnams blangs nas gnas der blug go /de de yis
287b5 phyogs de brgyan pa ma grub par stobs bcu dang ldan pa'i mar me mdzad thub pa chen po dang / mngon par shes pa drug dang ldan pa zag pa zad pa 'bum phrag bzhi'i 'khor
287b6 dang bcas pa rnams la lha rnams kyis lha'i dri bzang dang / me tog gi phreng ba la sogs pas mchod par byed cing lha'i glu dbyangs dang bcas pa sgrogs so/ /mi rnams
287b7 kyis mi'i dri bzang dang / me tog gi phreng ba la sogs pas mchod par byed cing mtha' yas pa'i sangs rgyas kyi rol ba'i rim no shi la'i steng du seng ge sgra sgrogs pa
288a1 bzhin du/ de'i lam brgyan par byas nas lam du byon/ blo gros bzang po dka' thub pas mig gis bltas nas lam brgyan pa la stobs bcu
288a2 pa byon no/ /skyes bu chen po'i mtshan bzang po sum cu rtsa gnyis kyis brgyan pa/ dpe byad bzang po brgyad cus nye bar gsal ba/ 'od 'dom gang gis yongs su
288a3 bskor ba dang / nor bu'i kha dog lta bu nam mkha'i mthil la sna tshogs pa'i rnam pa glog gi 'od lta bu dus dang / dus ma yin par 'byung ba nyid zung dang / zung du gyur
288a4 pa dang / kha dog drug dang ldan pa'i tshogs sangs rgyas kyi 'od zer 'phro zhing gzugs mchog thob pa'i bdag nyid bltas nas de ring bdag gis stobs bcu pa la
288a5 srog yongs su gtong bar rigs so/ /bcom ldan 'das/ 'jim ba'i steng du 'gro bar mi rigs so/ /nor bu'i spang leb kyi zam pa la zhabs gnon cing gshegs
288a6 pa lta bur zag pa zad pa 'bum phrag bzhi dang lhan cig bdag gi rgyab gnon cing gshegs su gsol/ /de ni bdag la yun ring por phan pa dang / bde bar 'gyur
288a7 ro| |skra bkrol te gzig gi pags pa dang / shing shun gyi gos dang / 'jim pa nag po'i steng nor bu'i spang leb kyi zam pa lta bu'i 'jim ba'i steng du nyal lo/ /de'i
288b1 phyir gsungs pa/ bdag gis de la dri lung bstan/ /'jig rten 'das pa'i sangs rgyas ni/ /rgyal ba mar me mdzad ces pa/ /'jig rten 'dren pa byon pa yi/ /mi mnyam
288b2 lam ni 'chos pa dang / /de yi lam ni byi dor byed/ /sangs rgyas zhes pa bdag gis thos/ /de ma thag tu dga' ba skyes/ /sangs rgyas sangs rgyas zhes brjod pa/ /yid
288b3 bde dga' ba skyes par gyur/ /tshim zhing dga' ba skyes pa'i sems/ /de ru 'khor te rnam par bsam/ /'dir ni sa bon bskrun byas nas/ /de ma thag tu bdag la
288b4 skye| |gal te sangs rgyas ched byi dor/ /ma bcos gnas gcig bdag la byin/ /bdag kyang byi dor byed pa yin/ /mi mnyam pa ni 'chos pa'o/ /de tshe lam ni
288b5 byi dor byar/ /bdag la ma bcos gnas gcig byin/ /sangs rgyas sangs rgyas zhes bsam zhing / /de tshe bdag ni lam 'di 'chos/ /bdag gi gnas ni ma grub par//
288b6 thub pa chen po mar me mdzad/ /mngon shes drug po mtshungs ldan par/ /'bum phrag bzhi po rnams la ni/ /dri ma med cing zag pa zad/ /rgyal ba lam du byon par gyur//
288b7 bsu ba byed pa po rnams ni/ /rol mo rnams ni dkrol ba dang / /lha dang mi rnams yi rang byed/ /legs so zhes pa'i tshig byin no/ /lha yis mi rnams mthong ba dang / /mi
289a1 rnams kyis kyang lha rnams mthong / /de gnyis kyi ni thal mo sbyor/ /de bzhin gshegs dang thabs gcig 'gro /lha dang lha yi rol mo dang / /
289a2 mi dang mi yi rol mo dang / /gnyis ka yang ni rol mo dkrol/ /de bzhin gshegs dang thabs gcig 'gro /lha mi me tog man dA ra/ /pad+ma pa ri tshad tra ka /phyogs dang
289a3 mtshams su me tog 'thor/ /lha rnams mkha' la gnas nas so/ /tsam pa kaM shA la laM ni paM/ /nA gA pun+nA gA ke ta kaM/ stong gis phyogs dang mtshams su 'thor/ /sa
289a4 steng 'gro ba mi rnams so/ /der ni bdag gi skra bkrol nas/ /shing shun chos gos gzig lpags ni/ /'jim ba'i steng du bting nas ni/ /kha bub tu ni bdag gis
289a5 nyal/ /'jim pa'i steng nas mi gshegs par/ /bdag ni gnon cing sangs rgyas rnams/ /slob ma 'khor bcas gshegs su gsol/ /bdag la phan par
289a6 'gyur ba yin/ /de 'jim pa'i steng du nyal nas slar yang mig gis blta zhing stobs bcu dang ldan pa'i mar me mdzad sangs rgyas kyi 'byor pa yang dag par
289a7 bltas nas de ltar bsams so/ /gal te bdag gis nyon mongs pa thams cad gzhom par 'dod pa dang / dge 'dun rnams kyi gzhon nur 'gyur bar bya ba dang / dga'
289b1 ba can gyi grong khyer du 'jug par 'dod do/ /gzhan gyi cha lugs kyis kyang nyon mongs pa 'di gzhom par byas nas/ /mya ngan las 'das pa thob pa la don med do/ /
289b2 stobs bcu dang ldan pa'i mar me mdzad bdag gis ji lta ba bzhin du bya'o/ /mchog gi byang chub thob nas skye bo mang po 'khor ba'i rgya mtsho la grur zhugs nas pha rol
289b3 tu bsgral bar byas nas/ phyis mya ngan las 'das pa thob par bya ba 'di ni bdag gis rigs pa'o/ /de nas chos brgyad po gcig tu bsdu ste/ sangs rgyas 'dod par
289b4 smon pas sems la lta zhing nyal lo/ /de'i phyir gsungs pa/ sa gzhi la ni nyal nas ni/ /bdag gis de ltar bsams pa nas/ /bdag ni de ring 'dod pa yi/ /bdag gi
289b5 nyon mongs gzhom pa'o/ /bdag ni cha lugs gzhan gyis kyang / /'dir ni chos 'di mngon du bya/ /thams cad mkhyen pa thob gyur nas/ /lha dang bcas pa sangs rgyas
289b6 'gyur/ /bdag nyid gcig bu grol nas ci/ /skyes bu mthu ldan mthong ba dang / /thams cad mkhyen pa thob gyur nas/ /lha dang mi rnams yang dag bsgral/ /bdag gi
289b7 'di yi gzhi yis ni/ /mthu dang ldan pa mthong ba dang / /thams cad mkhyen pa thob nas ni/ /skye bo mang po bdag gis bsgral/ /'khor ba'i mdud pa bcad nas ni/ /
290a1 srid gsum po ni zad byas la/ /chos kyi gru yi nang zhugs nas/ /lha dang mi rnams yang dag bsgral/ /gang zhig slar yang sangs rgyas don du
290a2 gnyer ba'i phyir ro/ /mi yi lus ni mtshan mar ldan/ /ston pa'i lta ba'i rgyu dang ni/ /rab byung yon tan ldan pa dang / /rigs pa dang ni 'dun pa dang / /chos brgyad po
290a3 ni bsdus nas su/ /smon lam mngon par 'phel ba'o/ /mi yi lus la gnas shing sangs rgyas nyid don du gnyer ba phun sum tshogs pa 'grub bo/ /klu'am/ mkha'
290a4 lding ngam/ lha rnams kyis de don du gnyer yang mi 'grub bo/ /mi yi lus su gyur cing skyes bu'i mtshan gnas pas ni de don du gnyer ba 'grub bo/ /bud med dam/
290a5 za ma'am/ ma ning ngam/ mtshan gnyis pas ni 'grub pa ma yin no/ /skyes bur gyur nas des lus su 'dod pa dang / dgra bcom pa thob par bya ba'i phyir du yongs su
290a6 rdzogs par 'grub bo/ /gzhan gyis ni ma yin no/ /sgyu dang ldan zhing gal te 'tsho ba dang ldan ba'i sangs rgyas kyi drung du don du gnyer na don du 'grub bo/ /sangs rgyas yongs
290a7 su mya ngan las 'das nas mchod rten gyi drung du'am/ byang chub shing gi drung du don du gnyer bas ni mi 'grub bo/ /sangs rgyas kyi drung du don du gnyer kyang rab tu byung
290b1 pa'i mtshan ma dang ldan pas 'grub kyi/ khyim pa'i mtshan ma dang ldan pas ni ma yin no/ /rab tu byung yang mngon par shes ba lnga dang / snyoms par 'jug par brgyad thob
290b2 pas 'dod pa 'grub kyi/ yon tan 'di rnams dang bral bas ni ma yin no/ /yon tan dang ldan yang gang zhig 'tsho ba dang ldan pa'i lus sangs rgyas la yongs su
290b3 btang na 'grub kyi/ gzhan du ni ma yin no/ /de yi gzhi 'dis gzhi yongs su rdzogs nas 'grub bo/ /gzhan gyis ni ma yin no/ /gzhi dang ldan yang gang zhig sangs
290b4 rgyas kyi chos kyi phyir du 'dun pa chen po dang / spro ba chen po dang / rtsol ba chen po dang / yongs su 'bad pa rnams kyis 'grub bo/ /gzhan gyis ni ma yin no/ /de la
290b5 'dir 'dun pa chen po'i dpe ni gal te 'di ltar gang zhig 'jig rten thams cad kyi khor yug gi nang chu yis gang bar gyur pa la bdag gis lag pas brkyal te
290b6 pha rol tu 'gro bar nus na des sangs rgyas thob par 'gyur ro/ /yang na gang du gang zhig slar yang thams cad kyi khor yug gi nang du 'o ma mang pos bkang ste rkang pas
290b7 nyen cing rdul du byed pas pha rol tu 'gro bar nus na de yis sangs rgyas thob par nus so/ /yang na gang zhig slar yang thams cad kyi khor yug gi nang du mtshon cha rnams
291a1 kha gyen la bstan pa'i mtshon rtse mo bar med pas yongs su gang ba la rkang pas rdzi zhing pha rol tu 'gro bar nus na des sangs rgyas thob
291a2 par 'gyur ro/ /yang na gang zhig gis slar yang 'jig rten khor yug gi nang du sol ba 'bar bas yongs su gang bar byas nas/ rkang pas rdzi zhing pha rol tu 'gro
291a3 bar nus na de yis sangs rgyas thob par 'gyur ro/ /gang zhig de rnams las gang zhig la sdug bsngal bar mi sems par bdag gi 'di rnams kyang pha rol tu
291a4 bsgral ba'am/ 'gro ba'am/ pha rol tu 'gro bar bya'o zhes shes so/ /de de ltar 'dun pa chen po dang / spro ba dang / rtsol ba dang / 'bad pa rnams dang yang dag
291a5 par ldan na de yi don du gnyer ba 'grub bo/ /gzhan gyis ni ma yin no/ /blo gros bzang po dka' thub pa slar yang chos brgyad po 'di rnams bsdus nas sangs
291a6 rgyas 'dod pa'i smon lam btab nas nyal lo/ /bcom ldan 'das mar me mdzad kyis kyang byon nas/ blo gros bzang po dka' thub pa'i mgo'i gam du bzhugs
291a7 te| nor bu seng ge'i khang pa'i gzeb kyi sgor bton pa bzhin du kha dog lnga pa rab tu dwangs pa dang ldan ba'i spyan gyis gzigs nas 'jim pa'i steng na nyal ba'i
291b1 blo gros bzang po dka' thub pa gzigs so/ /dka' thub pa 'di sangs rgyas thob pa'i phyir du smon lam 'debs shing nyal lo/ /'di yi don du gnyer ba 'grub bam/ mi
291b2 'grub snyam du dgongs nas ma 'ongs pa'i ye shes kyis rtog cing spyod do/ /'di nas bskal pa grangs med ba bzhi dang / 'bum phrag gcig lhag 'das nas gau ta ma zhes
291b3 bya ba'i sangs rgyas su 'gyur zhes rtogs nas 'khor gyi nang du lung ston pas bka' stsal pa/ mchog gi dka' thub kyi dka' thub pa 'di 'jim pa'i steng na nyal ba khyed
291b4 rnams kyis mthong ngam/ gsol pa/ btsun pa/ de bzhin du mthong ngo / /bka' stsal pa/ 'dis sangs rgyas thob par bsams nas nyal to/ /gsol pa/ 'di'i don du gnyer ba
291b5 'grub par 'gyur lags sam/ bka' stsal pa/ 'di nas bskal pa grangs med pa bzhi dang / 'bum phrag gcig lhag 'das nas gau ta ma zhes bya ba'i sangs rgyas su 'gyur ro//
291b6 de la slar yang 'di grong khyer ser skya'i gnas su 'khrungs par 'gyur ro/ /lha mo sgyu 'phrul ma chen mo zhes bya ba ni yum mo/ /rgyal po zas gtsang ma zhes bya ba ni yab bo/ /
291b7 nyan thos kyi mchog ni gnas brtan nye rgyal dang / nyan thos gnyis pa ni gnas brtan pang nas skyes so/ /sangs rgyas kyi nye gnas ni kun dga' bo zhes bya ba'o/ /nyan thos
292a1 ma'i mchog ni gnas brtan ma dge ma zhes pa dang / nyan thos ma gnyis pa ni gnas brtan ma ut+pa la'i mdog can zhes bya bar 'gyur
292a2 ro| |ye shes yongs su smin par gyur te/ nges par 'byung ba chen po byas nas dka' thub chen po rdzogs par byas te n+ya gro d+ha'i shing drung du 'o thug blangs nas chu
292a3 klung nair dza ra'i 'gram du gsol lo/ /byang chub kyi snying por gshegs te a shwat+tha'i shing drung du mngon par rdzogs par 'tshang rgya bar 'gyur ro/ /de'i phyir gsungs
292a4 pa| mar me mdzad pa 'jig rten mkhyen/ /sems can phan phyir 'jig rten byung / /bdag gi mgo bo'i gam 'dug ste/ /'di lta bu yi tshig gsungs so/ /dka'
292a5 thub pa 'di ltos shig dang / /dka' ba mchog gi ral pa 'dzin/ /'di ni bskal ba mang 'das nas/ /'jig rten du ni sangs rgyas 'gyur/ /ser skya dga' ba'i grong
292a6 du 'khrungs/ /de bzhin gshegs pa nges par 'byung / /dka' thub gnas su gnas na ni/ /shin tu dka' ba'i dka' thub spyad/ /a tsa pa la'i shing drung du/ /de bzhin
292a7 gshegs pa bzhugs nas su/ /der ni'o thug blangs nas ni/ /nair dza ra'i 'gram gnas nas/ /nai ra dza ra'i 'gram du ni/ /'o thug rgyal bas longs spyod do/ /lam
292b1 gyi mchog gi ched du ni/ /byang chub gzhir ni byon 'gyur ro/ /bla med byang chub snying po la/ /de nas bskor ba byas nas ni/ /a shwat+tha yi drung du ni/ /grags chen zhes pa sangs
292b2 rgyas 'gyur/ /'di yi skye ba'i yum gyur pa/ /sgyu ma zhes par 'gyur ba yin/ /yab ni zas gtsang zhes bya'o/ /'di ni gau tam zhes par 'gyur/ /zag pa zad cing 'dod
292b3 chags bral/ /zhi ba'i sems dang mtshungs par ldan/ /pang nas skyes dang nye rgyal ni/ /nyan thos rnams kyi mchog yin no/ /nye gnas kun dga' bo zhes pas/ /rgyal
292b4 ba de la zhabs tog byed/ /dge ma dang ni ut+pal mdog /nyan thos ma yi mchog yin no/ /phrag pa med cing 'dod chags bral/ /zhi ba'i sems dang mtshungs par ldan//
292b5 de yi bcom ldan byang chub shing / /a shwat+tha zhes brjod pa'o/ /de thos nas blo gros bzang po dka' thub pa bdag gis don du gnyer ba grub par 'gyur bas yid bde ba
292b6 thob par gyur to/ /skye bo mang pos stobs bcu dang ldan pa'i mar me mdzad kyi gsung thos nas/ blo gros bzang po dka' thub pa sangs rgyas kyi sa bon gyi myu gur gyur pas
292b7 dga' ba dang / bde ba skyes so/ /de lta bur gyur pa'i sems kyis/ ji ltar skyes bu chu klung gi pha rol tu 'gro ba na mu 'gram drang po nas pha rol tu 'gro bar mi nus na 'og
293a1 gi cha'i mu gnas nas pha rol tu 'gro'o/ /de ltar 'di ltar bdag gis stobs bcu dang ldan pa'i mar me mdzad kyi bstan pa la lam gyi 'bras bu
293a2 ma thob par gyur na gang gi tshe khyod ma 'ongs pa na/ sangs rgyas par 'gyur ro zhes so/ /de'i tshe khyod kyis mngon sum du lam 'bras bu mngon du byed pa bdag gis
293a3 nus so/ /don du gnyer bar byas nas stobs bcu dang ldan pa'i mar me mdzad kyis kyang byang chub sems dpa'i bsngags pa brjod cing me tog snyim pa brgyad kyis
293a4 gtor nas bskor ba byas te gshegs so/ /'bum phrag bzhi po zag pa zad pa de rnams kyis kyang byang chub sems dpa' la dri bzang dang / me tog gis mchod
293a5 nas bskor ba byas te gshegs so/ /lha dang / mi rnams kyis kyang de bzhin du mchod nas phyag btsal te song ngo / /byang chub sems dpa' thams cad song ba'i
293a6 dus su nyal ba'i gnas nas langs te pha rol tu phyin pa bsams pa'i phyir me tog gi phung po'i steng du skyil krung bcas nas 'dug go /de ltar byang chub
293a7 sems dpa' bzhugs nas 'jig rten gyi khams stong phrag bcu'i khor yug gi lha rnams kyis legs so zhes bya ba byin no/ /'phags pa blo gros bzang po
293b1 dka' thub pa sngar gyi byang chub sems dpa' rnams kyis kyang skyil krung bcas te pha rol tu sems shing sngon gyi dus na bzhugs bzhin du sdug bsngal gyi mtshan ma
293b2 mthong nas de rnams kyi mtshan ma rnams kyang de ring skyes par gyur to/ /the tshom med par khyod sangs rgyas su 'gyur ro zhes bdag gis de rnams shes so/ /gang gis
293b3 'di rnams kyi mtshan ma mthong bar gyur pas de nges par sangs rgyas su 'gyur ro/ /de la khyod bdag nyid brtson 'grus brtan po mchog bzung nas byang chub sems
293b4 dpa' rnams la sna tshogs pa'i bstod pa byas so/ /de'i phyir gsungs pa/ 'di yi tshig 'di thos nas ni/ /mtshungs med drang srong chen po la/ /lha dang mi rnams
293b5 rjes yi rang / /sangs rgyas sa bon myu gu 'di/ /sgra ni chen po sgrogs byed cing / /gsal bar bzhad par byed pa dang / /thal mo sbyar nas phyag byed pa/ /stong phrag
293b6 bcu yi lha dang bcas/ /bstan pa 'di la 'bras ma thob/ /gal te 'jig rten mgon po 'di/ /ma 'ongs pa rnams 'das gyur nas/ /'di ni sngon du 'gyur pa'o/ /ji
293b7 ltar chu klung pha rol mi/ /'gro ba po yi mu gnas la/ /'og gi mu nas bzung nas ni/ /chu klung chen po'i pha rol 'gro /de ltar 'di ltar bdag gis ni/ /rgyal ba 'di ni
294a1 gal te na/ /ma 'ongs pa ni mang song nas/ /'di ni mngon sum gyur pa yin/ /mar me mdzad ni 'jig rten mkhyen/ /'di ltar 'gyur zhes
294a2 gsungs pa yin/ /bdag gis lam rnams bsal byas nas/ /rkang pa g.yas pa bteg byas so/ /gang zhig de la rgyal sras ni/ /bdag la kun gyis bskor
294a3 ba byas/ /mi dang klu dang dri za rnams/ /phyag byas nas ni gshegs par gyur/ /dge 'dun bcas pa 'jig rten 'dren/ /bdag gis gshegs pa mthong ba na/ /
294a4 dga' zhing tshim pa'i sems kyis ni/ /de tshe bdag gis stan las langs/ /bdag ni bde zhing bde bar 'gyur/ /dga' zhing dga' bar gyur pa ste/ /dga' dang
294a5 ldan par skye ba dang / /de yi tshe na skyil krung bcas/ /skyil krung la ni gnas nas su/ /de la bdag gis 'di ltar bsams/ /bdag gis bsam gtan dbang
294a6 du gyur/ /ye shes kyi ni pha rol phyin/ /stong phrag gi ni 'jig rten na/ /nga dang mtshungs pa'i drang srong med/ /rdzu 'phrul chos ni bdag mi mtshungs/ /'di 'dra ci
294a7 bde gzhan ma thob/ /bdag gis skyil krung bcas na bdag /stong phrag bcu lhag gnas nas su/ /sgra chen po ni sgrogs par byed/ /nges par khyod ni sangs rgyas
294b1 'gyur/ /gang zhig byang sems sngon ma rnams/ /skyil krung du ni bzhugs nas ni/ /mtshan ma rnams ni mthong ba ni/ /de rnams de ring mthong ba yin/ /grang ba rnams ni
294b2 med par gyur/ /dro ba rnams ni nye bar zhi/ /de rnams de ring so sor mthong / /nges par khyod ni sangs rgyas 'gyur/ /stong phrag bcu yi 'jig rten khams/ /phan tshun du ni
294b3 'jigs med 'gyur/ /de rnams de ring so sor mthong / /nges par khyod ni sangs rgyas 'gyur/ /rlung chen po ni mi ldang zhing / /chu rnams rgyun las log pa dang / /de rnams
294b4 de ring so sor mthong / /nges par khyod ni sangs rgyas 'gyur/ /thad skyes chu skyes me tog rnams/ /thams cad du ni me tog bye/ /de rnams de ring me tog bye/ /nges par khyod
294b5 ni sangs rgyas 'gyur/ /'khri shing yang na shing gyur pa/ /de ma thag tu 'bras bur gyur/ /de rnams de kun 'bras gyur pa/ /nges par khyod ni sangs rgyas 'gyur/ /nam mkha'
294b6 dang ni sa gzhi la/ /rin chen de dag 'od 'gyed do/ /de rnams de ring 'od 'gyed pas/ /nges par khyod ni sangs rgyas 'gro /lha rnams dang ni mi rnams ni/ /de dag rol mo'i
294b7 sgra sgrogs so/ /de rnams de ring sgra 'byin pas/ /khyod ni nges par sangs rgyas 'gyur/ /me tog sna tshogs pa yi tshogs/ /de ma thag tu char pa 'bebs/ /de rnams de ring
295a1 char 'bebs pas/ /nges par khyod ni sangs rgyas 'gyur/ /rgya mtsho chen po mi g.yo zhing / /'jig rten stong phrag bcu po g.yo/ /de rnams
295a2 de ring gyur pas na/ /nges par khyod ni sangs rgyas 'gyur/ /stong phrag bcu yi dmyal ba rnams/ /de ma thag tu bsreg dang bral/ /de rnams de ring zhi bas na/ /nges
295a3 par khyod ni sangs rgyas 'gyur/ /nyi ma dri ma med pa dang / /rgyu skar thams cad mthong ba dang / /de rnams de ring mthong bas na/ /nges par khyod ni sangs rgyas
295a4 'gyur/ /char pa 'bab par ma gyur kyang / /sa ni snum bag bcas pa dang / /de rnams de ring sa la gyur/ /nges par khyod ni sangs rgyas 'gyur/ /rgyu skar tshogs ni
295a5 rnam par gsal/ /nam mkha'i dbyings su rgyu skar rnams/ /zla ba dang ni 'grogs pa bzhin/ /nges par khyod ni sangs rgyas 'gyur/ /sa khung ri khung srog chags
295a6 rnams/ /sems gcig pas ni pha rol mthong / /de ring de rnams sems dga' bas/ /nges par khyod ni sangs rgyas 'gyur/ /sems can rnams ni mi dga' med//
295a7 de ma thag tu dga' bar 'gyur/ /de ring de rnams dga' bas na/ /nges par khyod ni sangs rgyas 'gyur/ /de tshe nad rnams nye bar zhi/ /'dod pa'i nad ni med pa'o/ /
295b1 de ring de rnams mthong bas na/ /nges par khyod ni sangs rgyas 'gyur/ /de tshe chags pa bsrabs pa dang / /skyon dang rmongs pa rnam par zhig /de ring de kun dor bas na/ /nges
295b2 par khyod ni sangs rgyas 'gyur/ /de yi tshe na 'jigs med pa med/ /de ring de rnams mthong bas na/ /bdag gi rtags te kun gyis shes/ /nges par khyod ni sangs rgyas 'gyur/ /
295b3 steng 'og rdul ni go bzlog 'gro /de ring yang ni de rnams mthong / /bdag gi rtags te kun gyis shes/ /nges par khyod ni sangs rgyas 'gyur/ /dri rnams ngan pa song ba dang //
295b4 lha yi dri ni 'ong ba dang / /de ring de rnams dri ldang bas/ /nges par khyod ni sangs rgyas 'gyur/ /lha rnams thams cad mthong ba dang / /gzugs med pa rnams spangs pa
295b5 ni| |de ring de kun mthong bas na/ /nges par khyod ni sangs rgyas 'gyur/ /dmyal ba rnams na ji srid pa/ /de yi tshe na thams cad mthong / /de rnams de ring kun mthong
295b6 bas/ /nges par khyod ni sangs rgyas 'gyur/ /sgo chung dang ri yi rnams/ /de yi tshe na mi mthong med/ /de ring nam mkha' bzhin du mthong / /nges par khyod ni sangs rgyas
295b7 'gyur/ /rum du gnas dang 'thon pa na/ /skad cig tsam gyis ma yin no/ /de ring de rnams so sor mthong / /nges par khyod ni sangs rgyas 'gyur/ /brtson 'grus brtan par
296a1 byas nas ni/ /nges par 'byung ba ldog mi bya/ /bdag gis 'di rnams legs shes pas/ /nges par khyod ni sangs rgyas 'gyur/ /byang chub sems
296a2 dpas stobs bcu dang ldan pa'i mar me mdzad dang / stong phrag bcu'i khor yug gi lha rnams kyi gsung thos nas/ yid bde ba cher skyes te bdag nyid spro bar
296a3 gyur nas bsams pa/ sangs rgyas rnams kyi don yod pa'i gsung zhes bya ba ni/ sangs rgyas rnams kyi gsung las gzhan du mi 'gyur ba yin no/ /ji ltar
296a4 nam mkha' la rdo 'phangs nas lhung bar 'gyur ba dang / skyes nas 'chi bar 'gyur ba dang / skya rengs shar na nyi ma 'char bar 'gyur ba dang / gnas nas seng
296a5 ge langs na sgra phyung ste 'gro ba dang / sbrum ma yongs su smin nas skye bar 'gyur bar nges so/ /nges par de bzhin du 'di ltar sangs rgyas rnams kyi gsung ni
296a6 nges shing don yod par 'dod do/ /nges par bdag ni sangs rgyas su 'gyur ro/ /de'i phyir gsungs pa/ sangs rgyas kyi ni gsung thos nas/ /stong phrag bcu
296a7 dang gnyis ka yi/ /tshim zhing dgyes la rab tu dga'/ /bdag gis de tshe 'di ltar bsams/ /gnyis ni mi gsung sangs rgyas ni/ /rgyal ba don yod pa
296b1 yi gsung / /sangs rgyas rnams ni gzhan mi gsung / /bdag ni nges par sangs rgyas 'gyur/ /ji ltar mkha' la rdo 'phangs pa/ /nges par sa la lhung bar 'gyur/ /
296b2 de bzhin du ni sangs rgyas kyi/ /gsung ni nges par 'gyur ba bzhin/ /ji ltar sems can thams cad ni/ /nges par 'chi bar 'gyur ba'o/ /de bzhin du ni sangs rgyas kyi//
296b3 gsung ni nges par 'gyur ba bzhin/ /ji ltar nam ni zad pa na/ /nges par nyi ma 'char bar 'gyur/ /de bzhin du ni sangs rgyas kyi/ /gsung ni nges par 'gyur ba
296b4 bzhin/ /ji ltar seng ge'i gnas na ni/ /seng ge'i sgra ni nges pa'o/ /de bzhin du ni sangs rgyas kyi/ /gsung ni nges par 'gyur ba bzhin/ /ji ltar sbrum ma smin
296b5 gyur na/ /mngal nas nges par skye bar 'gyur/ /de bzhin du ni sangs rgyas kyi/ /gsung ni nges par 'gyur ba bzhin/ /legs so/ /bdag ni sangs rgyas su 'gyur
296b6 ro| |de ltar nges par byas nas sangs rgyas su byed pa'i chos tshol bas sangs rgyas su 'gyur ba'i chos gang zhig na yod/ gal te steng na yod dam/ 'og na
296b7 'am/ phyogs sam mtshams na yod dam ci/ /go rim bzhin du chos kyi dbyings thams cad la brtsams nas sngar gyi byang chub sems dpas kyang bsnyen pa
297a1 dang / nges par bsten par bya ba'i dang por sbyin pa'i pha rol tu phyin pa gzigs so/ /de ltar bdag gis kyang bdag la gdams pa/ mkhas
297a2 pa blo gros bzang po khyod kyis kyang 'di nas bzung nas sbyin pa'i pha rol tu phyin pa rdzogs par bya'o/ /ji ltar na chu'i bum pa kha phub na bum par chu rnams mi gnas
297a3 par sa la bo ba nyid slar yang bum pa la mi gnas so/ /de ltar 'di ltar nor ram/ grags pa'am/ bu dang / chung ma'am/ yan lag dang / nyid lag rnams ltos pa
297a4 med par slong ba rnams kyi don du thams cad gang dang / gang 'dod pa la lhag ma med par byas nas sbyin te/ byang chub kyi shing drung du zhugs nas sangs rgyas thob
297a5 bo| |dang por sbyin pa'i pha rol tu phyin pa brtan par byas nas gnas par bya'o/ /de'i phyir gsungs pa/ bdag gis sangs rgyas byed pa'i chos/ /gang dang de ru btsal
297a6 byas pa/ /steng dang 'og dang phyogs bcu dang / /chos kyi dbyings kyi bar du 'o/ /de tshe btsal ba na ni mthong / /dang por sbyin pa'i pha rol phyin/ /sngon gyi skyes bu chen po yi//
297a7 lam ni pha rol rjes su 'gro /'di ni re zhig khyod kyis kyang / /brtan por byas nas gzung bar gyis/ /gal te byang chub thob 'dod na/ /sbyin pa'i pha rol phyin par
297b1 gyis/ /ji ltar bum pa gang gyur pa/ /gang gang kha ni phub pa na/ /chu ni lhag ma med par 'bo/ /bum pa'i nang du mi gnas so/ /de bzhin du ni slong ba mthong / /mchog dman
297b2 'bring po gang yin pa/ /ma lus par ni sbyin par bya/ /kha phub bum pa de bzhin no/ /gzhan yang / sangs rgyas su byed pa'i chos 'di 'ba' zhig ma yin par blta bar
297b3 bya'o/ /lhag par tshol ba na gnyis pa tshul khrims kyi pha rol tu phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod
297b4 kyis 'di nas bzung nas tshul khrims kyi pha rol tu phyin pa rdzogs par bya'o/ /dper na/ gzhan yang / rgod g.yag zhes bya ba srog la mi lta bar rang gi mthug
297b5 ma'i rnga ma nyid bsrung ba de bzhin du/ khyod kyis kyang 'di nas bzung nas srog la mi lta bar tshul khrims bsrungs na khyod kyis sangs rgyas thob par 'gyur ro/ /
297b6 gnyis pa tshul khrims kyi pha rol tu phyin pa brtan par byas te gnas par bya'o/ /de'i phyir gsungs pa/ 'di tsam 'ba' zhig ma yin gyi/ /gang zhig byang chub
297b7 thob byed chos/ /gzhan la yang ni btsal bar bya/ /gang zhig chos ni thob byed pa/ /de yi tshe na tshol ba mthong / /gnyis pa tshul khrims pha rol phyin/ /sngon gyi skyes bu
298a1 chen po yis/ /bsnyen dang bsten par byas pas so/ /re zhig gnyis pa 'di yis ni/ /brtan por byas nas gzung bar bya/ /gal te byang chub thob
298a2 'dod pa/ /tshul khrims pha rol phyin par gyis/ /ji ltar rgod g.yag rnga ma ni/ /gang dang gang gis bzung ba na/ /ltos pa med par srog 'dor ro/ /rnga ma la dga' khro
298a3 ba med/ /de bzhin du ni sa gzhi ru/ /tshul khrims yongs su rdzogs pa dang / rtag tu tshul khrims kun srung byed/ /rgod g.yag rnga ma srung ba bzhin/ /gzhan yang //
298a4 sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na gsum pa nges 'byung gi pha rol tu phyin pa mthong nas 'di lta bu'i
298a5 sems su gyur to/ /mkhas pa blo gros bzang po dka' thub pa khyod kyis 'di nas bzung nas nges par 'byung ba'i pha rol tu phyin pa'ang rdzogs par bya'o/ /ji ltar
298a6 btson rar yun ring por bcings nas bzhag pa'i mi de la 'dod par mi byed do/ /gzhan yang / shin tu sdug bsngal ba'i sems de la de bzhin du gnas par 'dod
298a7 pa med do/ /de ltar 'di ltar khyod kyis kyang skye ba thams cad du btson rar bcings pa bzhin byas nas skyes pa thams cad du shin tu sdug bsngal ba'i sems
298b1 kyis grol ba 'dod pa'i sems kyis nges par 'byung bar mngon sum du 'gyur ro/ /de ltar byas na sangs rgyas thob par 'gyur ro/ /nges par 'byung ba'i pha rol tu phyin pa
298b2 la rten par byas te gnas so/ /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob byed chos/ /gzhan pa yang ni btsal bar bya/ /gang zhig chos ni
298b3 thob byed ba/ /de yi tshe na 'tshol ba mthong / /gsum pa nges 'byung pha rol phyin/ /sngon gyi skyes bu chen po yis/ /bsnyen dang bsten par byas pas so/ /re zhig gsum pa
298b4 'di yis ni/ /brtan por byas te gzung bar bya/ /gal te byang chub thob 'dod na/ /nges 'byung pha rol phyin par gyis/ /ji ltar skyes bu btson rar bcings/ /yun ring gnas
298b5 shing sdug bsngal ba/ /de la dga' bar mi byed par/ /myur du grol bar 'dod par sems/ /de bzhin khyod ni skye kun tu/ /btson ra bzhin du lta bar gyis/ /nges par 'byung
298b6 ba sngon du ni/ /skye ba las ni grol bar 'gyur/ /gzhan yang / sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na bzhi ba shes rab
298b7 kyi pha rol tu phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas shes rab kyi pha rol tu phyin pa yang
299a1 rdzogs par bya'o/ /dman pa dang / 'bring po dang / chen po rnams su mi sems par de rnams kyi gnas su song ste mkhas pa rnams la dri bar bya'o/ /
299a2 ji ltar na bsod snyoms la 'gro ba'i dge slong dman pa la sogs pa'i gnas su song ste/ rigs kyi dbye ba ma spangs par go rim bzhin du bsod snyoms la 'gro
299a3 ba myur du rang gi bza' ba'i tshad thob par 'gyur ro/ /de bzhin du khyod kyis kyang mkhas pa thams cad kyi drung du song ste dri bar byas nas sangs rgyas thob bo/ /bzhi
299a4 pa shes rab kyi pha rol tu phyin pa la bsten par bya ste gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob
299a5 byed chos/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /bzhi pa shes rab pha rol phyin/ /sngon gyi skyes bu chen po
299a6 yis/ /bsnyen dang bsten par byas pas so/ /re zhig bzhi pa 'di yis ni/ /brtan por bya ste gzung bar bya/ /gal te byang chub thob 'dod na/ /shes rab pha rol phyin
299a7 par gyis/ /ji ltar dge slong bsod snyoms pa/ /dman dang 'bring dang chen po yi/ /rigs rnams dpyod par mi byed par/ /de ltar bza' ba'i zas thob bo/ /de bzhin
299b1 khyod kyis dus kun tu/ /skye bo mkhas la yongs su dris/ /shes rab pha rol phyin song bas/ /byang chub thob par 'gyur ba yin/ /gzhan yang / sangs rgyas su byed pa'i chos ni
299b2 'di 'ba' zhig ma yin par blta bar bya'o/ /lhag par btsal na lnga pa brtson 'grus kyi pha rol tu phyin pa thob nas 'di lta bu'i sems su gyur to/ /mkhas pa blo gros
299b3 bzang po dka' thub pa khyod kyis 'di nas bzung nas brtson 'grus kyi pha rol tu phyin pa'ang rdzogs par bya'o/ /ji ltar ri dwags kyi rgyal po seng ge dus thams cad du
299b4 brtson 'grus brtan po dang ldan pa de bzhin du khyod kyis kyang skye ba thams cad du brtson 'grus brtan par bya'o/ /zhum pa med pa'i brtson 'grus byas na sangs rgyas
299b5 thob par 'gyur/ lnga pa brtson 'grus kyi pha rol tu phyin pa brtan par byas nas gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig
299b6 byang chub thob byed chos/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /lnga pa brtson 'grus pha rol phyin/ /sngon gyi skyes bu
299b7 po yi/ /bsnyen dang bsten par byas pas so/ /re zhig lnga po 'di yis ni/ /gal te byang chub mchog 'dod na/ /brtson 'grus pha rol phyin par gyis/ /brtan por byas te
300a1 gzung par bya/ /ji ltar ri dwags rgyal po ni/ /sdod dang 'gro ba'i gnas rnams su/ /zhum pa med pa'i brtson 'grus kyis/ /yid ni rtag tu brtan
300a2 pa yin/ /de bzhin khyod kyis dus kun tu/ /brtson 'grus brtan por gyis la gzung / /brtson 'grus pha rol phyin gyur nas/ /byang chub thob par 'gyur ba yin/ /
300a3 gzhan yang / sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na drug pa bzod pa'i pha rol tu phyin pa mthong nas 'di lta
300a4 bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas bzod pa'i pha rol tu phyin pa yang rdzogs par bya'o/ /bzang po dang /
300a5 ngan par byas pa la bzod par bya'o/ /ji ltar sa'i steng du gtsang ba dang / mi gtsang ba gos par byas nas gzhi khro bar mi byed pa bzhin du bzod cing sran pa dang / lhag
300a6 par gnas pa de bzhin du'o/ /de ltar 'di ltar khyod kyis kyang gnod pa dang / phan par byas kyang bzod cing sran par byas na sangs rgyas thob par 'gyur ro/ /drug pa
300a7 bzod pa'i pha rol tu phyin pa brtan par byas nas gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob 'dod
300b1 pa| |gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /drug pa bzod pa'i pha rol phyin/ /sngon gyi skyes bu chen po yis/ /bsnyen
300b2 dang bsten par byas pas so/ /re zhig drug pa 'di yis ni/ /de la zhe sdang ma byas na/ /yang dag byang chub thob par 'gyur/ /ji ltar yang ni sa gzhi la/ /gtsang dang mi
300b3 gtsang byugs pa na/ /thams cad blugs kyang bzod par byed/ /skyug bro ba ni byed pa med/ /de bzhin khyod kyis thams cad la/ /phan dang gnod pa byed pa na/ /bzod pa'i
300b4 pha rol phyin gyur nas/ /byang chub yang dag thob par 'gyur/ /gzhan yang / sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba
300b5 na bdun pa bden pa'i pha rol tu phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas bden pa'i
300b6 pha rol tu phyin pa'ang rdzogs par bya'o/ /thog mgo la lhung bar gyur na'ang nor la sogs pa'i phyir du 'dun pa la sogs pa'i dbang gis shes nas rdzun mi smra'o/ /
300b7 ji ltar na tha skar la sogs pa'i rgyu skar dus thams cad du rang rang 'gro ba'i lam dor nas lam gzhan nas mi 'gro bar rang gi lam nyid nas 'gro ba'o/ /de ltar
301a1 'di ltar khyod kyis kyang bden pa bzung nas rdzun mi byed pas ni sangs rgyas thob par 'gyur ro/ /bdun pa bden pa'i pha rol tu phyin pa brtan
301a2 par byas nas gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob 'dod chos/ /gzhan pa yang ni btsal par
301a3 bya| |gang zhig chos ni thob byed pa/ /de yi tshen tshol ba mthong / /bdun pa bden pa'i pha rol phyin/ /sngon gyi skyes bu chen po yis/ /bsnyen dang bsten par byas
301a4 pas so/ /re zhig bdun pa 'di yis ni/ /brtan par byas nas gnas par gyis/ /de la rdzun ni mi smra bas/ /yang dag byang chub thob par gyis/ /ji ltar tha skar
301a5 zhes bya ba/ /lha dang mi rnams mtshungs pa ni/ /dus kyi lo yi dus su ni/ /lam gzhan du ni mi 'gro'o/ /khyod kyis kyang ni de bzhin bde na/ /bden pa bzung nas mi
301a6 'gro ba/ /bden pa'i pha rol tu phyin gyur pas/ /byang chub yang dag thob par 'gyur/ /gzhan yang / sangs rgyas su byed pa'i chos 'di 'ba' zhig ma yin par blta bar
301a7 bya'o/ /lhag par tshol ba na brgyad pa lhag bar gnas pa'i pha rol tu phyin pa mthong nas 'di lta bu'i sems su gyur to/ /mkhas pa blo gros bzang po dka'
301b1 thub pa khyod kyis 'di nas bzung nas lhag par gnas pa'i pha rol tu phyin pa'ang rdzogs par bya'o/ /gang zhig lhag par gnas par gyis la de la lhag par gnas
301b2 na g.yo ba med par 'gyur ro/ /ji ltar na ri bo ni phyogs thams cad nas rlung gis bskyod kyang g.yo bar mi 'gyur zhing bskyod par mi 'gyur la/ rang gi gnas shig tu
301b3 gnas so/ /de ltar 'di ltar khyod kyis kyang bdag nyid lhag par gnas pa rnams mi g.yo bar gyur na sangs rgyas thob par 'gyur ro/ /brgyad pa lhag par gnas
301b4 pa'i pha rol tu phyin pa brtan par byas nas gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob 'dod chos/ /
301b5 gzhan pa yang ni btsal bar bya/ /gang zhig chos 'di thob byed pa/ /de yi tshe na tshol ba mthong / /brgyad pa lhag gnas pha rol phyin/ /sngon gyi skyes bu chen po yis/ /
301b6 bsnyen dang bsten par byas pas so/ /re zhig brgyad pa 'di yis ni/ /brtan par bya ste gnas par gyis/ /de la khyod ni g.yo med pas/ /yang dag byang chub thob
301b7 par 'gyur/ /ji ltar ri bo'i brag chen po/ /g.yo ba med cing legs par gnas/ /rlung chen pos ni g.yo ba med/ /rang gi gnas su gnas pa nyid/ /de bzhin khyod kyi
302a1 lhag gnas par/ /thams cad du ni mi g.yo bar/ /lhag gnas pha rol phyin gyur pas/ /yang dag byang chub thob par 'gyur/ /gzhan yang / sangs rgyas
302a2 su byed pa'i chos 'di 'ba' zhig ma yin par blta bar bya'o/ /lhag par tshol ba na dgu pa byams pa'i pha rol tu phyin pa mthong bas de lta bu'i khams su gyur to/ /mkhas
302a3 pa blo gros bzang po dka' thub pa khyod kyis 'di nas bzung nas byams pa'i pha rol tu phyin pa'ang rdzogs par bya'o/ /phan pa dang / mi phan par gyur kyang sems gcig tu
302a4 bya'o/ /ji ltar chu ni sdig pa can gyi skye bo dang / dge ba'i skye bos kyang bsil bar gyur cing gcig tu mtshungs par byas nas reg go /de ltar na 'di ltar khyod kyis kyang
302a5 sems can thams cad la byams pa'i sems gcig tu gyur nas sangs rgyas thob par 'gyur ro/ /dgu ba byams pa'i pha rol tu phyin pa brtan par byas te gnas
302a6 par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub 'dod chos/ /gzhan pa yang ni btsal bar bya/ /gang zhig chos 'di
302a7 thob byed pa/ /de yi tshen tshol ba mthong / /dgu pa byams pa'i pha rol phyin/ /sngon gyi skyes bu chen po yis/ /bsnyen dang bsten par byas pa'o/ /re zhig dgu pa 'di
302b1 yis ni/ /byams par byas te gnas par gyis/ /gal te byang chub thob 'dod na/ /byams pa mtshungs pa med par 'gyur/ /ji ltar chu zhes bya ba la/ /dge 'am sdig pa'i
302b2 skye po ni/ /mtshungs par bsil bar gyur la reg /rdul dang dri ma spong bar byed/ /de ltar khyod kyis mi phan dang / /ban la'ang mtshungs par byams par bya/ /byams pa'i
302b3 pha rol phyin gyur nas/ /yang dag byang chub thob par 'gyur/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na
302b4 bcu la btang snyoms kyi pha rol tu phyin pa mthong nas 'di lta bu yi sems su gyur to/ /mkhas pa blo gros bzang po dka' thub pa khyod kyis 'di nas bzung nas btang
302b5 snyoms kyi pha rol tu phyin pa yang rdzogs par bya'o/ /bde ba'am/ sdug bsngal yang bar ma la gnas par bya'o/ /ji ltar sa gzhi la gtsang ba dang / mi gtsang bas byugs
302b6 kyang bar mar gnas par 'gyur ro/ /de ltar 'di ltar khyod kyis kyang bde ba dang / sdug bsngal ba la bar mar gnas par gyur na sangs rgyas thob par 'gyur ro/ /bcu pa
302b7 snyoms kyi pha rol tu phyin pa brtan par byas la gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob 'dod
303a1 chos/ /gzhan pa yang ni btsal bar gyis/ /gang zhig chos ni thob byed pa/ /de yi tshe na tshol ba mthong / /bcu pa btang snyoms pha rol phyin/ /
303a2 sngon gyi skyes bu chen po yis/ /bsnyen dang bsten par byas pas so/ /re zhig bcu pa 'di yis ni/ /brtan par byas nas gnas par gyis/ /srang ni gang bar 'gyur ba
303a3 bzhin/ /yang dag byang chub thob par 'gyur/ /ji ltar sa gzhi zhes bya la/ /gtsang dang mi gtsang byugs pa na/ /ltos pa med cing btang snyoms pas/ /khro ba med
303a4 par spong ba yin/ /ji ltar khyod kyis kyang bde sdug /dus rnams kun tu srang bzhin du/ /btang snyoms pha rol phyin gyur nas/ /yang dag byang chub thob par 'gyur/ /de
303a5 nas bsams pa/ 'jig rten pa 'di rnams byang chub sems dpa' la byang chub rdzogs par byed pa dang / sangs rgyas su byed pa'i chos de rnams nyid do/ /pha
303a6 rol tu phyin pa bcu dor na gzhan med do/ /pha rol tu phyin pa bcu po 'di ni steng gi nam mkha' na'ang med do/ /'og gi sa gzhi la'ang med do/ /shar la sogs
303a7 pa'i phyogs rnams na'ang med do/ /bdag nyid kho na'i snying gi sha'i nang na gnas so/ /de ltar de yi snying la so so gnas pa mthong nas thams cad brtan par
303b1 bya ste gnas par bya'o/ /yang dang / yang du dran par bya ste/ lugs las byung ba dang / lugs las zlog pa brtan par bya'o/ /tham nas bzung ste thog ma'i bar bsam par
303b2 bya'o/ /dang po nas bzung nas tha ma'i bar bsam mo/ /dbus nas bzung nas thog ma nas tha ma'i bar bsam par bya'o/ /thog ma dang / tham nas bzung nas dbus kyi bar blta
303b3 bar bya'o/ /lus yongs su gtong ba ni pha rol tu phyin pa zhes bya ba'o/ /phyi'i longs spyod yongs su gtong ba ni nye ba'i pha rol tu phyin pa zhes bya ba'o/ /srog yongs su
303b4 gtong ba ni don dam pa'i pha rol tu phyin pa zhes bya ba'o/ /pha rol tu phyin pa bcu po dang / nye ba'i pha rol tu phyin pa bcu pa dang / don dam pa'i pha rol tu phyin pa bcu
303b5 po'o/ /me yi steng du 'bru mar bskol ba bzhin du khor yug gi nang du rgya mtsho chen po ri bo mchog rab kyis bsgrub pa bzhin du dran par bya ste/ de yi pha rol tu phyin pa
303b6 bcu dran par byas nas chos kyi gzis 'bum phrag gnyis dang / stong phrag bzhi bcu lhag pa'i sa chen po 'di yi stugs la glang po che'i rkang pas gnon cing smyug ma
303b7 'chag pa bzhin du'o/ /bur shing gi 'khrul 'khor bzhin du btsir ba dang / sgra chen po sgrogs pa bzhin du yang dag par sgrogs so/ /rab tu g.yos so/ /yang dag
304a1 par rab tu g.yos te/ rdza mkhan gyi 'khor lo bzhin no/ /'bru mar gyi 'khrul 'khor bzhin du yongs su bskor ro/ /de'i phyir gsungs pa/
304a2 'di yi 'jig rten de rnams nyid/ /gang zhig byang chub thob byed chos/ /'di ni steng dang gzhan na'ang med/ /brtan par bya ste sems la zhog /rang bzhin gyis
304a3 ni g.yo med par/ /'di yi chos ni dran par byed/ /chos kyi gzhi yi sa gzhi ni/ /'jig rten stong phrag rab tu g.yos/ /sems med pa yis gzhi ni/ /bur shing
304a4 'khrul 'khor bzhin du btsir/ /'bru mar 'khrul 'khor bzhin du 'khor/ /de ltar sa ni rab tu g.yos/ /sa chen 'di g.yos pas dga' ba can gyi grong
304a5 khyer na gnas pa'i mi rnams ldang bar ma nus te/ bskal ba'i mtha' yi rlung gis bskyod pa'i sa'i shing chen po g.yos pa bzhin brgyal ba dang / bag med pas
304a6 'gyel par gyur to/ /bum pa la sogs pa'i snod ni 'dzad pa dang / phan tshun du 'phrad pa'i sgra dang / phye ma dang / dum bur gyur to/ /skye bo thams cad 'jigs par gyur
304a7 nas ston pa'i drung du nye bar song ngo / /bcom ldan 'das/ ci lags/ 'di'i klu 'khrugs pa'am/ 'di'i 'byung po'am/ gnod sbyin nam/ lha rnams sam/ gzhan
304b1 rnams 'khrugs sam/ bdag cag gis 'tshal bar ma gyur to/ /gzhan yang / 'di'i skye bo chen po thams cad la nye bar 'tshe bar gyur to/ /ci yi rgyu 'di'i 'jig rten
304b2 gyi sdig pa las gyur ram/ yang na dge ba las gyur/ bdag cag la 'di rnams kyi rgyu mtshan rnams gsung du gsol zhes zhus so/ /ston pas de rnams kyi
304b3 gtam thos nas khyed rnams 'jigs par ma byed cig /khyed rnams cung zad kyang ma sems shig /mtshan ma 'di rnams la khyed rnams la 'jigs pa med do/ /gang tshe bdag
304b4 gis de ring mkhas pa klo gros bzang po dka' thub pa ma 'ongs pa na go tam zhes bya ba'i sangs rgyas su 'gyur ro/ /zhes lung bstan to/ /de ni 'dir pha rol tu
304b5 phyin pa dran par byed do/ /des pha rol tu phyin pa dran par byed cing dpyod do/ /de'i chos kyi gzi brjid kyis stong phrag bcu'i 'jig rten gyi khams thams
304b6 cad skad cig tsam gyis g.yo ba dang / sgra 'byin no zhes gsung ngo / /de'i phyir gsungs pa/ ji srid 'khor rnams yod pa la/ /sangs rgyas kyis ni skyel bas
304b7 na| |de ni de du sdug bsngal sems/ /brgyal bar gyur nas sa la nyal/ /bum pa stong phrag du ma dang / /snod byed brgya phrag mang po rnams/ /der ni phye ma zhib mor
305a1 gyur/ /phan tshun thug cing chag bas so/ /brgyal dang skrag dang 'jigs pa dang / /gnod cing gzir ba'i sems kyis 'gyel/ /skye bo thams cad
305a2 gcig tu 'dus/ /mar me mdzad kyi drung du song / /'jig rten pa rnams ci phyir gyur/ /dge 'am yang ni sdig gam ci/ /'jig rten kun la nyer 'tshe byung / spyan ldan
305a3 legs par gsung du gsol/ /de rnams kun la chos bstan cing / /thub pa chen po mar me mdzad/ /'jigs par ma byed dbugs dbyung gis/ /'di yi sa gzhi
305a4 g.yo bas ni/ /gang zhig de ring bdag lung bstan/ /'jig rten pa rnams sangs rgyas 'gyur/ /de ni chos ni dran par byed/ /sngon gyi rgyal ba bsten byas shing / /de yi
305a5 chos rnams dran byed pas/ /sangs rgyas sa ni ma lus pa/ /des na 'di yis rnams g.yos/ /lha dang bcas pa stong phrag bcu/ /skye bo chen po rnams kyis de bzhin gshegs
305a6 pa'i gsung thos pas dga' ba dang / tshim pa skyes nas/ me tog dang / dri bzang dang / byug pa rnams blangs te dga' ba can gyi grong khyer nas 'thon nas/ byang chub
305a7 sems dpa'i drung du song ste me tog la sogs pas mchod nas phyag dang / bstod pa byas te/ dga' ba can gyi grong khyer nyid du gnas so/ /byang chub sems dpas
305b1 kyang pha rol tu phyin pa bcu dran par byas nas brtson 'grus brtan par byas te lhag par gnas nas stan las langs so/ /de'i phyir gsungs pa/ sangs rgyas kyi ni gsung
305b2 thos nas/ /de ma thag tu 'jigs med sems/ /thams cad bdag gi drung du 'ongs/ /slar yang phyag ni byas nas so/ /sangs rgyas yon tan sems par byed/ /de tshe
305b3 bdag gis stan las langs/ /mar me mdzad la phyag byas so/ /de nas byang chub sems dpa' stan las langs pa na stong phrag bcu'i lha thams cad 'dus nas lha'i
305b4 me tog dang / dri bzang gis mchod pa byas/ 'phags pa blo gros bzang po dka' thub pa de yis de ring stobs bcu dang ldan pa'i mar me mdzad kyi zhabs drung du don
305b5 chen po don du gnyer ba'i phyir don du gnyer to/ /de yis de rnams la bar gcod med cing rdzogs par 'gyur ro/ /de la 'jigs pa med pa dang / zhum ba med par 'gyur
305b6 ro| |sku la nad cung zad kyang mi 'byung zhing myur du pha rol tu phyin pa rdzogs par byas nas yang dag par rdzogs pa'i sangs rgyas grub par gyis shig /ji ltar me tog can gyi
305b7 shing ngam/ 'bras bu can gyi shing dus su me tog smin pa dang / 'bras bu smin pa nyid do/ /de bzhin du khyod kyis kyang de'i dus su lhag par gnas par byed pa la myur du mchog
306a1 rdzogs par byed pa la sogs pa'i bstod pa dang / bkra shis pas bstod do/ /de bzhin du bstod pa byas nas lha rnams rang rang gi gnas su
306a2 song ngo / /byang chub sems dpas kyang lha la sogs pa'i bstod pa thos par byas nas/ bdag gis pha rol tu phyin pa bcu rdzogs par byas te bskal ba grangs med
306a3 pa bzhi dang / 'bum phrag gcig lhag pa'i mthar sangs rgyas thob par 'gyur bas brtson 'grus brtan po lhag par gnas nas nam mkha' la 'phags te gangs can kyi
306a4 gnas nyid la gshegs so/ /de'i phyir gsungs pa/ lha dang mi yi me tog rnams/ /lha dang mi rnams gnyis ka yis/ /stan las langs par gyur nas ni/ /me tog
306a5 mtshungs par bsdus nas so/ /lha dang mi rnams gnyis ka yang / /thams cad zhi bar gyur ces bstod/ /khyod kyis chen po don du gnyer/ /ji ltar 'dod pa de thob bo//
306a6 dus min 'chi ba ring du song / /nad rnams thams cad nyams par gyur/ /khyod la bar chad mi 'byung ngo / /mchog gi byang chub myur du thob/ /ji ltar dus su sleb pa na//
306a7 ljon shing me tog bye bar gyur/ /de bzhin khyod kyis dpa' chen pos/ /sangs rgyas ye shes me tog gyur/ /gang zhig ji ltar rdzogs sangs rgyas/ /pha rol phyin bcu rdzogs
306b1 par byas/ /de bzhin khyod kyi dpa' chen pos/ /pha rol phyin bcu rdzogs par gyis/ /ji ltar gang zhig rdzogs sangs rgyas/ /byang chub snying po rdzogs par gyur/ /de bzhin khyod
306b2 kyi dpa' chen pos/ /rgyal ba'i byang chub rdzogs par gyis/ /gang zhig ji ltar rdzogs sangs rgyas/ /chos kyi 'khor lo bskor bar gyur/ /de bzhin khyod kyi dpa' chen pos//
306b3 chos kyi 'khor lo bskor bar gyis/ /ji ltar bla ba nya ba bzhin/ /yongs su dag pas 'od 'gyed pa/ /de bzhin khyod kyi bsam rdzogs pa'i/ /stong phrag bcu yi 'od phyung
306b4 zhig /nyi ma sgra gcan las grol ba/ /tsha zhing 'od zer rab tu 'gyed/ /de bzhin 'jig rten grol byas nas/ /khyod kyi dpal ldan 'od zer byung / /gang zhig ji ltar chu klung
306b5 ni| |rgya mtsho chen po'i rjes su 'gro /de ltar lha mi'i 'jig rten tshogs/ /khyod kyi rjes su 'jug par 'gyur/ /de rnams khyod la bston cing bsngags/ /chos bcu po la
306b6 gnas byas nas/ /de yi chos rnams rdzogs byed cing / /de tshe nags tshal chen por phyin/ /mkhas ba blo gros bzang po'i gtam du bya ba rdzogs so// //dga'
306b7 ba can gyi grong khyer du gnas pa rnams grong khyer du zhugs nas sangs rgyas la sogs pa'i dge slong gi dge 'dun rnams la sbyin pa chen bo gtong ngo / /ston pas de rnams
307a1 la chos bstan cing bstan nas skye bo mang po skyabs su 'gro ba la gnas par byas te/ dga' ba can gyi grong khyer nas thon te/ lhag par
307a2 gnas pa ji srid 'tsho yi bar de srid du gnas nas sangs rgyas kyi 'phrin las thams cad byed cing go ri ma bzhin du lhag ma med par yongs su mya ngan las 'das
307a3 pa'i dbyings su yongs su mya ngan las 'das so/ /de la cung zad brjod pas de thams cad la sangs rgyas kyi rgyud la brjod pa'i rig pa de bzhin du rig par bya'o/ /
307a4 de la gsungs pa/ de tshe khyed rnams mchod ston byed/ /dge 'dun dang bcas 'jig rten 'dren/ /de la skyabs su 'gro ba yin/ /ston pa mar me mdzad pa la/ /de
307a5 bzhin gshegs pas nges gsungs pa'i/ /gang zhig skyabs su 'gro bar gyur/ /gang zhig tshul khrims lnga dang ldan/ /gzhan yang tshul khrims bcu po yi/ /
307a6 gang zhig la ni gzhan byin pa/ /mchog gi 'bras bu bzhi po dang / /gang zhig la ni mtshungs med chos/ /so so yang dag rig pa byin/ /phun tshogs mchog ni gang
307a7 zhig la/ /brgyan nas mi yi khyu mchog byin/ /gang zhig la ni rig pa gsum/ /mngon par shes pa drug la zhugs/ /de yi rig pa skye bo'i tshogs/ /thub pa chen po'i
307b1 gdams pa byin/ /de yis rgya chen por ni gyur/ /'jig rten mgon po'i bstan la'o/ /khyu mchog phrag ba 'gram chen po/ /mar me mdzad kyi mtshan dang ldan/ /skye bo mang
307b2 po sgrol bar byed/ /ngan 'gro yongs su grol bar byed/ /grol pa'i phyir du skye bo mthong / /stong phrag brgya yi dpag tshad du/ /skad cig tsam gyis nye bar song / /thub pa chen po
307b3 de mkhyen phyir/ /dang por 'dus pa'i sangs rgyas kyis/ /bye ba brgya bo rtogs bar byas/ /mgon po 'dus pa gnyis pa ni/ /'bum phrag gcig gis rtogs par byas/ /
307b4 gang tshe lha yi gnas su ni/ /sangs rgyas kyi ni chos bstan no/ /bye ba stong phrag dgu bcu yi/ /'dus pa gsum pa la ni gyur/ /de rnams 'dus pa gsum du gyur/ /ston pa
307b5 mar me mdzad kyi'o/ /bye ba stong phrag brgya yis ni/ /dang por yi ni 'dus pa yin/ /slar yang nA ra d+ha yi phur/ /rgyal ba gcig pur zhugs pa ni/ /zag pa'i dri ma zad ba yi/ /
307b6 bye ba brgya ni zhi ba dang / /dpa' bo chen po ji srid bzhugs/ /ri yi steng na blta na sdug /stong phrag bye ba dgu bcu yis/ /de tshe thub pa yi ni 'khor/ /bdag gis de yi dus
307b7 su ni/ /sdom brtson dka' thub pa yi mchog /bdag ni bar snang la ni 'gro/ mngon shes lnga yi pha rol son/ /stong phrag bcu dang nyi shu ni/ /chos la 'dus par gyur pa
308a1 'o/ /gcig dang gnyis kyi 'dus pa ni/ /bgrang du med cing grangs med do/ /rgya che ded dpon cang shes pa/ /de tshe rdzu 'phrul ldan zhing rdzogs
308a2 bcom ldan 'das ni mar me mdzad/ /bstan pa shin tu dag cing mdzes/ /'bum phrag bzhi po rnams la ni/ /mngon shes drug dang rdzu 'phrul ldan/ /mar me mdzad
308a3 ni 'jig rten mkhyen/ /rtag tu 'khor rnams yongs dag ldan/ /gang zhig de yi dus su ni/ /mi rnams dngos po gtong ba dang / /sems kyi lhag ma ma thob pa/ /
308a4 de rnams skur pa 'debs par gyur/ /me tog bzang po'i tshig rnyed pa/ /dgra bcom rnams ni de dang mtshungs/ /dri ma med cing zag pa zad/ /lha dang mi rnams nye
308a5 bar mdzes/ /grong khyer dga' ba can zhes pa/ /blo gros bzang po rgyal po'i rigs/ /yum ni blo gros bzang mo yin/ /ston pa mar me mdzad yin no/ /bkra shis
308a6 bzang po nye rgyal ni/ /nyan thos rnams kyi mchog yin no/ /legs 'ongs zhes pa nye gnas yin/ /ston pa mar me mdzad pa'o/ /dga' ba nyid dang shin tu dga'//
308a7 nyan thos ma yi mchog yin no/ /bcom ldan de yi byang chub shing / /pim pa la zhes bya ba yin/ /mtho tshad khru ni brgyad cu pa/ /thub pa chen po mar me mdzad/ /
308b1 shing bzhin rab tu 'bar ba yi/ /me tog sA la'i shing rgyas bzhin/ /lo ni stong phrag brgya ru ni/ /drang srong chen po de yi tshe/ /de srid du na gnas pa ste/ /skye bo mang po
308b2 sgrol bar byed/ /chos kyi snang bar byas nas ni/ /skye bo mang po yang dag sgrol/ /me yi phung po bzhin du gsal/ /de nas nyan thos dang bcas 'das/ /de yang rdzu
308b3 'phrul de grags pa/ /rin chen 'khor lo de zhabs la/ /thams cad kun nas bral ba dang / /'dus byas chos rnams gtong ba'o/ /mar me mdzad kyi 'og tu ni/ /
308b4 'dren pa kauN+Di n+ya zhes pa/ /gzi brjid dpag med mtha' yas grags/ /ring la sems pa gzhal du med/ /slar yang bcom ldan 'das mar me mdzad kyi 'og
308b5 gi char bskal pa grangs med pa gcig 'das nas/ ston pa'i 'dren pa kauN+Di n+ya zhes bya ba byon no/ /de'i yang nyan thos 'dus pa gsum du gyur to/ /'dus pa dang po
308b6 la bye ba stong phrag brgya'o/ /'dus pa gnyis pa la bye ba stong phrag gcig go /'dus pa gsum pa la ni bye ba phrag dgu bcu'o/ /de'i tshe byang chub sems dpa'
308b7 rnam par rgyal ba zhes bya ba 'khor los bsgyur ba'i rgyal por gyur to/ /bye ba stong phrag brgya yi grangs kyis sangs rgyas la sogs pa dge slong gi dge 'dun chen po
309a1 rnams la sbyin pa chen po gtong ngo / /ston pas byang chub sems dpa' sangs rgyas su 'gyur ro zhes lung bstan par byas nas chos
309a2 bstan no/ /des ston pa'i chos thos nas rgyal srid spangs nas rab tu byung ngo / /des sde snod gsum po bslabs nas snyoms par 'jug pa brgyad dang / mngon par
309a3 shes pa lnga bskyed do/ /bsam gtan ma bor bar tshangs pa'i 'jig rten du skyes so/ /slar yang sangs rgyas kauN+Di n+ya de'i grong khyer dga' ba can yin no/ /shin tu
309a4 dga' ba'i rgyal po ni yab bo/ /rigs bzang lha mo ni yum mo/ /bzang po dang / legs bzang gnyis ni nyan thos rnams kyi mchog go /mi 'gal ba zhes bya ba ni nye
309a5 gnas so/ /rgyal ma dang / nye rgyal ma ni nyan thos ma'i mchog go /byang chub kyi dge ba'i shing ni shA l+ya'o/ /sku'i mtho tshad khru brgyad cu rtsa brgyad do/ /sku tshe'i tshad ni
309a6 lo stong phrag brgya'o/ /de'i 'og gi char bskal pa grangs med pa gcig 'das nas bskal pa gcig gi nang de nyid du sangs rgyas bzhi byon par gyur to/ /bkra
309a7 shis bzang po dang / thugs bzang po dang / nam gu can dang / mdzes pa can no/ /bcom ldan 'das bkra shis bzang po'i nyan thos kyi 'dus pa gsum du gyur te/
309b1 de'i 'dus pa dang po ni bye ba stong phrag brgya'i dge slong ngo / /gnyis pa la bye ba stong phrag gcig go /gsum pa la bye ba phrag dgu bcu'o/ /ma'i spun gyi gzhon nu kun
309b2 dga' bo zhes bya ba bye ba phrag dgu bcu'i 'khor dang bcas pa ni chos nyan pa'i phyir du'o/ /ston pa'i nye bar gnas pa rnams song ngo / /ston pa de'i sngon gyi gtam
309b3 rnams go rim bzhin du brjod par bya'o/ /de 'khor dang bcas pa so so yang dag rig pa dang / dgra bcom pa thob bo/ /ston pa des rigs kyi bu rnams la sngar
309b4 gyi spyod pa rnams la blta zhing rdzu 'phrul las byung ba'i lhung bzed dang / chos gos rnams gzigs te/ phyag g.yas pa brkyang nas dge slong rnams tshur shog cig
309b5 ces gsungs pa dang / thams cad de ma thag nyid du rdzu 'phrul las byung ba'i lhung bzed dang / chos gos bzung nas gnas brtan lo drug cu lon pa bzhin du gyur
309b6 to| |cho ga phun sum tshogs par gyur nas ston pa la phyag byas te 'khor du gyur to/ /ji ltar/ gzhan yang / sangs rgyas gzhan rnams la kun nas khru brgyad cu pa'i
309b7 sku tshad nyid kyi 'od du gyur to/ /bcom ldan 'das de nyid kyi sku'i 'od de lta bu nyid ma yin gyi/ dus rtag tu stong phrag bcu'i 'jig rten gyi khams su 'phro zhing
310a1 gnas te/ shing dang / sa dang / ri dang / rgya mtsho la sogs pa'i phyogs lhag ma rnams dang / tshang bang la sogs pa gser gyis spras pa bzhin
310a2 no| |sku tshe'i tshad ni stong phrag dgu bcu'o/ /de rnams kyi dus la zla ba dang / nyi ma la sogs pa la rang gi 'od kyi snang ba'i nus pa med do/ /mtshan mo dang / nyin mo'i
310a3 bye brag mi shes so/ /sems can rnams kyi nyin mo nyi ma shar ba bzhin du sangs rgyas kyi 'od kyis rtag tu 'gro bar byed do/ /mtshan mo me tog zum pa dang / snga
310a4 dro'i dus su bya rnams skad 'byin pa la sogs pa la brten nas 'jig rten pas nyin mtshan shes par byed do/ /yang dag par rdzogs ba'i sangs rgyas gzhan rnams
310a5 la ci'i phyir 'di lta bu med pa yin nam/ med pa ni ma yin te/ de rnams kyis kyang dgongs par gyur na/ stong phrag bcu'i 'jig rten gyi khams su gyur pa'am/
310a6 de bas lhag par yang 'od 'phro bar byed do/ /slar yang bcom ldan 'das bkra shis bzang po sngar gyi don du gnyer ba'i dbang gis te/ gzhan gyi 'od 'dom
310a7 gang pa bzhin no/ /sku'i 'od kyis rgyun mi 'chad pa nyid du stong phrag bcu'i 'jig rten gyi khams khyab par byas nas gnas so/ /de'i byang chub sems dpa'i
310b1 spyod pa'i dus na thams cad sgrol bzhin du bdag nyid gnas so/ /de'i bu dang / bu mor bcas pa ri bo b+haM ga bzhin du ri la bzhugs so/ /de nas mche ba gcig pa gdug pa
310b2 can gyi gnod sbyin zhig gis skyes bu chen po sbyin pa gtong zhes thos nas bram ze'i gzugs kyis nye bar song ste sems dpa' chen po'i drung du bu mo slong ngo / /sems
310b3 dpa' chen pos bram ze la bu dang / bu mo sbyin no zhes bsams nas dga' ba dang / tshim pas chu'i mthar thug pa'i sa rnams g.yos so/ /de nas gnod sbyin 'chag
310b4 pa'i gnas kyi mthar tsog pur rgyab rten la 'dug ste sems dpa' chen po la lta zhing 'dug go /de la des bu dang / bu mo byin pa dang / des la phug za ba bzhin du bu dang /
310b5 bu mo zos nas gnod sbyin gyis skyes bu chen po de la blta ste/ kha gdangs nas me 'bar ba bzhin du khrag gi rgyun 'bab bo/ /de'i kha mthong nas kyang skra'i rtse mo tsam gyi
310b6 yid mi bde ba yang ma skyes par ngas byin pa shin tu legs pa gcig go zhes sems so/ /slar yang lus la mchog tu dga' ba chen po skyes so/ /de dag 'di la
310b7 byin pa'i bsod nams kyi phan yon gyis ma 'ongs pa na 'di lta bu'i rim pa'i 'od zer 'phro bar don du gnyer ro/ /de la don du gnyer ba'i rgyu mtshan gyis sangs rgyas
311a1 su gyur nas sku'i 'od de phyi rol tu 'phro zhing de rnams la khyab par gnas so/ /gzhan yang / 'di'i sngar gyi mdzad pa yod pas de byang chub
311a2 sems dpa'i dus su sangs rgyas gcig gi sku gdung gi mchod rten mthong nas sangs rgyas 'di'i sku gdung la bdag gis 'tsho ba yongs su gtang na rigs
311a3 so snyam nas shing ras kyis dkris pa bzhin du lus thams cad gos gzhan gyis dkris shing rin po che'i cod ban gyon nas 'bum phrag gcig ri ba'i gser
311a4 gyi snod du mar gyis bkang ste dar ras 'de stong phrag brgya btsugs nas mar me sbar te/ mgo'i steng du bzhag cing lus thams cad kyang 'bar bar byas nas
311a5 sku gdung gi mchod rten la skor bar byed do/ /de ltar mtshan thog thag snga dro'i skya rengs shar gyi bar du 'bad pa byed pa nyid kyis ba spu'i khung bu tsam dro bar ma
311a6 gyur te/ pad+ma'i tshal du bzhugs pa bzhin no/ /chos zhes bya ba 'di rang nyid bsrung na chos bsrungs par 'gyur ro/ /de'i phyir gsungs pa/ chos bzhin bsrung
311a7 na chos spyod do/ /chos kyis bsgral na chos bzhin thob/ /legs par bsgral na chos phan yon/ /chos spyod ngan 'gror mi 'gro'o/ /'di'i las kyi 'bras bu
311b1 bcom ldan 'das de sku'i 'od kyis stong phrag bcu'i 'jig rten gyi khams khyab cing gnas so/ /de'i tshe bdag cag ni byang chub sems dpa' shin tu sred ba zhes bya ba'i
311b2 bram zer gyur to/ /des ston pa mgron du gnyer ba'i phyir drung du song ste chos snyan pa'i bshad ba thos nas/ btsun ba/ sang bdag gi gdugs tshod la byon pa zhu
311b3 zhes so/ /bram zer dge slong du tsam dgos zhes gsungs pa dang / btsun ba 'khor dang bcas pa'i dge 'dun du tsam bdog ces zhus so/ /de'i tshe ston pa'i 'dus
311b4 pa dang po nyid tsam yod do/ /de'i phyir bye ba stong phrag brgya yod ces gsungs pa dang / btsun pa 'khor thams cad dang bcas pa bdag gi khang par gdugs tshod
311b5 la byon par zhu zhes zhus pa dang / bcom ldan 'das kyis gnang ste bram zes sang don du gnyer cig /khang par 'gro zhing bsams pa/ bdag gis dge slong 'di
311b6 rnams la thug pa dang / zan dang / gos la sogs pa 'bul bar nus so/ /bzhugs pa'i gnas ji lta bu zhes bsams so/ /dpag tshad brgyad khri bzhi stong gi steng na gnas
311b7 pa'i lha'i rgyal po'i lwa ba dmar po'i rdo leb la bzhugs pa na dro bar gyur te/ brgya byin gang zhig bdag gi gnas 'dir 'dod ba'i sems su zhig la yod snyam pa
312a1 dang / lha'i dbang pos lha'i mig gis bltas pas skyes bu chen po de mthong nas/ 'di ltar shin tu sred pa'i bram ze sangs rgyas la
312a2 sogs pa dge slong gi dge 'dun mgron du gnyer te/ bzhugs pa'i gnas kyang bsams kyi/ bdag kyang der phyin nas bsod nams kyi cha len par rigs
312a3 so snyam nas shing mkhan gyi gzugs su sprul to/ /ste'u dang / dgra sta blangs te skyes bu chen po'i mdun du gnas par gyur nas/ gang su zhig kho bo la gla byin te
312a4 las ka byed pa yod ces smras so/ /skyes bu chen pos gzigs te/ gang zhig las ka byed nus zhes gsungs pa dang / bdag gis mi shes ba'i bzo med do/ /khang ba
312a5 'am| bsti gnas sam/ gang zhig cung zad byed pa'i bzo de bdag gis byed kyang nus so zhes zer ro/ /byang chub sems dpas smras pa/ de'i phyir nga la las
312a6 su bya ba yod de/ kho bos sang 'phags pa las bye ba phrag brgya pa'i dge slong gi dge 'dun mgron du gnyer to/ /de rnams bzhugs pa'i gnas byed par nus
312a7 sam/ smras pa/ bdag gis bgyi'o/ /bdag la gla ster nus sam/ bu|bdag gis nus so/ /legs so zhes bya ba legs par byas so/ /phyin nas sa phyogs gcig
312b1 bltas nas dpag tshad bcu gnyis sam/ bcu gsum pa'i tshad kyi sa phyogs gcig tu zad bar sngon po'i dkyil 'khor bzhin du steng mnyam par byas so/ /des 'di
312b2 rnams kyi gnas tsam du rin po che sna bdun las byung ba'i bsti gnas sa 'og nas phyung nas bya'o zhes bsam zhing blta'o/ /de ma thag par sa gzhi brtol nas bsti
312b3 gnas grub bo/ /de ni gser las byung ba'i ka ba rnams la dngul las byung ba'i ka gzhu'i steng du gser las byung ba'i gdung ngo / /nor bu'i ka ba la byi ru'i rang bzhin
312b4 no| |byu ru'i ka pa la nor bu'i rang bzhin no/ /rin po che sna bdun las byung ba'i ka ba la rin po che sna bdun las byung ba'i ka gzhu nyid do/ /de nas bsti gnas kyi
312b5 bar bar du g.yer kha'i dra ba 'phyang ba la blta zhing de bltas tsam nyid na dra ba 'phyang / gang la rlung gis bskyod pa de la yan lag lnga pa'i rol mo sgra snyan sgrogs
312b6 te lha'i glu dbyangs sgrogs pa bzhin no/ /bar bar du spos kyi phreng ba dang / me tog gi phreng ba 'phyang ba la sems zhing phreng ba 'phyang ba la'o/ /bye ba stong phrag brgya'i dge slong
312b7 gi dge 'dun gyi grangs kyis stan dang / rgyab rten rnams sa gzhi la brtol nas byung bar bsams so/ /de ma thag tu sa'i steng du grub bo/ /mtshams dang / mtshams
313a1 rnams su re rer chu'i snod chen po grub pa bsams so/ /chu'i snod chen bo de rnams grub bo/ /de dag thams cad sprul nas bram ze'i drung
313a2 du song nas/ 'phags pa 'dir byon la bsti gnas gzigs mdzod/ bdag la gla sbyin par rigs so zhes zhus nas/ skyes bu chen po gshegs te bsti gnas
313a3 gzigs nas de ma thag tu brgya byin mi snang bar gyur to/ /gzigs pa tsam na lus thams cad kha dog lnga dang ldan pa la dga' ba rgyun mi 'chad par 'phro
313a4 bar gyur to/ /de nas bsti gnas gzigs nas 'di ltar yid la bsams so/ /bsti gnas 'di mir gyur pas bsgrubs pa ma yin no/ /slar yang bdag
313a5 gi lhag pa'i bsam pa dang / bdag gi yon tan rtogs pas nges par brgya byin gyi stan dro bar gyur nas brgya byin lha'i dbang pos bsti gnas 'di byas
313a6 par gyur to/ /de nas slar yang 'di lta bu'i tshul gyi bsti gnas su nyi ma gcig nyid la sbyin pa gtong ba ni bdag gi rigs pa ma yin no/ /nyi ma bdun du
313a7 bdag gis ster bar bsams so/ /phyi rol gyi sbyin pas ji tsam gyis kyang byang chub sems dpa' rnams dgyes par mi nus so/ /rgyan gyis brgyan pa'i
313b1 mgo bo bcad ba dang / dri ma med pa'i mig gtong ba dang / snying gi sha bregs pa'am/ bcad nas byin pa'i dus su byang chub sems dpa' btang ba'i dgyes par 'gyur ro/ /bdag
313b2 cag byang chub sems dpa' rnams kyi yang sha si bi'i skyes rabs las nyi ma re rer dong tse khal lnga lnga ri ba'i rin gyis nyos nas sgo bzhi dang / grong khyer gyi dbus su sbyin pa
313b3 gtong ngo / /de'i sbyin pa de gtong bas yongs su tshim pa med do/ /slar yang gang gi tshe brgya byin lha yi rgyal po bram ze'i gzugs kyis 'ongs nas mig slangs so/ /de'i
313b4 tshe de'i mig bton nas ster ba nyid kyis dgyes par 'gyur ro/ /skra'i rtse mo tsam yang sems la sdug bsngal bar mi 'gyur ro/ /de bzhin du sbyin pa'i rgyus byang chub
313b5 sems dpa' la tshim pa med do/ /de'i phyir skyes bu chen po de yang zhag bdun bdag gis bye ba stong phrag brgya'i grangs kyis dge slong gi dge 'dun rnams la sbyin pa gtong
313b6 bar rigs so zhes bsams so/ /de'i bsti gnas su bzhugs nas zhag bdun du dga' ba pA na zhes bya ba'i sbyin pa byin no/ /dga' ba can zhes pa ni ches che ba'i snod shin
313b7 tu che ba 'o mas bkang nas tshad dbang chen po'i steng du bzhag nas mes 'o ma shin tu bska bar bskol te 'bras cung zad btab nas btsos te sbrang dang / dkar ba'i phye ma dang / mar
314a1 gsar pa rnams btsos pa'i bza' ba'i 'o thug ni dga' ba bA na zhes brjod do/ /mi rnams kyis 'dren par ma nus na lha rnams kyis kyang bar
314a2 bar du 'dren no/ /dpag tshad bcu gnyis sam/ bcu gsum pa'i tshad kyi gnas su dge slong rnams ma shong na/ slar yang dge slong de rnams rang rang gi mthus bzhugs
314a3 so| |zhag bdun gyi mthar dge slong thams cad kyi lhung bzed bkrus nas sman gyi phyir du mar gsar pa dang / zhun mar dang / sbrang dang / bu ram bskol ba'i chu rnams
314a4 kyis lhung bzed bkang nas chos gos gsum dang bcas pa phul lo/ /dge 'dun gzhon nu rnams kyis dge slong gis thob pa'i chos gos kyi rgyu'i ras 'bum
314a5 phrag gcig ri ba thob par gyur to/ /ston pas rjes su yi rang ba mdzad do/ /skyes bu 'dis 'di lta bu'i tshul gyis sbyin pa chen po byin no/ /gang gi don du 'gyur zhes rtog
314a6 par byed do/ /ma 'ongs pa'i bskal pa 'bum phrag gcig lhag pa'i grangs med pa gnyis 'das pa na gau ta ma zhes bya ba'i sangs rgyas su 'gyur zhes gzigs te/
314a7 skyes bu chen po bos nas khyod kyi dus 'di rnams 'das nas gau ta ma zhes bya ba'i sangs rgyas su 'gyur ro zhes lung bstan no/ /skyes bu chen pos lung bstan pa thos
314b1 nas bdag ni sangs rgyas su 'gyur bas/ bdag khyim na gnas pa la don med kyi rab tu 'byung ngo snyam du bsams so/ /de de lta bu'i tshul dang ldan pas mchil ma dor ba
314b2 bzhin du khyim spangs nas ston pa'i drung du rab tu byung zhing byung nas sangs rgyas kyi gsung rab bslabs nas mngon par shes pa dang / snyoms par 'jug pa bskyed de/ tshe'i
314b3 mthar tshangs pa'i 'jig rten du skyes so/ /gzhan yang / bcom ldan 'das bkra shis bzang po'i grong khyer mchog ces bya bar gyur to/ /yab ni mchog gi rgyal po'o/ /
314b4 yum ni mchog ma zhes bya ba'o/ /ltang bzang dang / chos kyi sde gnyis ni nyan thos kyi mchog go /bskyang ba zhes bya ba ni nye gnas so/ /zhi byed len dang / mya ngan med gnyis
314b5 ni nyan thos ma'i mchog go /byang chub shing ni klu shing ngo / /sku'i mtho tshad du khru brgyad cu rtsa brgyad pa'o/ /stong phrag dgu bcu'i lo ni sku tshe'i tshad do/ /stong phrag dgu
314b6 bcu bzhugs nas mya ngan las 'das so/ /sangs rgyas mya ngan las 'das nas slar yang de ma thag par stong phrag bcu'i khor yug gi phyogs kun mun par gyur to/ /
314b7 khor yug thams cad kyi mi rnams cho nges chen po 'debs so/ /kauN+Di n+ya 'og tu ni/ /'jig rten 'dren pa bkra shis bzang / /'jig rten nang gi mun bsal nas/ /chos kyi
315a1 snang ba'i 'od bkye'o/ /de bzhin du stong phrag bcu'i 'jig rten gyi khams mun nag tu byas nas mya ngan las 'das so/ /bcom ldan 'das
315a2 de'i 'og gi char yid bzang zhes bya ba'i ston pa byon no/ /de yi yang nyan thos kyi 'dus pa gsum ste/ 'dus pa dang po la bye ba stong phrag brgya'i dge slong ngo / /'dus
315a3 ba gnyis pa la gser gyi ri la bye ba stong phrag dgu bcu'o/ /gsum pa la bye ba stong phrag brgyad cu'o/ /de'i tshe sems dpa' chen po klu'i rgyal po mnyam med ces
315a4 bya bar gyur te/ rdzu 'phrul gyi mthu dang ldan zhing des sangs rgyas byon pa thos nas gnyen gyi grogs rnams 'khor du byas te/ klu'i gnas nas 'thon te/ bye ba stong
315a5 phrag brgya'i dge slong gi 'khor dang bcas pa'i bcom ldan 'das la lha'i rol mos nye bar mchod nas sbyin pa chen po phul lo/ /so so la lha'i gos gnyis
315a6 gnyis phul pas skyabs su 'gro ba'i tshul khrims la gnas so/ /de yang ston pa des ma 'ongs pa na sangs rgyas su 'gyur bar lung bstan no/ /bcom ldan
315a7 'das de'i grong khyer dge ba can zhes bya bar gyur to/ /legs byin zhes bya ba'i rgyal po ni yab bo/ /dpal ldan ma zhes bya ba ni yum mo/ /nges 'gro dang / goms byed ni
315b1 nyan thos kyi mchog go/ 'char byed ni nye gnas so/ /nyan pa dang / nye bar nyan pa gnyis ni nyan thos ma'i mchog go /byang chub kyi shing ni klu shing ngo / /sku'i mtho tshad du
315b2 khru drug cu'o/ /sku tshe'i tshad ni lo stong phrag dgu bcu'o/ /bkra shis bzang po'i 'og tu ni/ /'dren pa thugs bzang zhes bya ba/ /chos rnams kun la mtshungs med
315b3 pa| |sems can kun gyi mchog yin no/ /de'i yang 'og gi char nam gru can gyi ston pa zhes bya ba byon no/ /de'i 'dus pa gsum du gyur te/ 'dus pa dang po
315b4 la bgrang du med pa zhes bya'o/ /gnyis pa la bye ba stong phrag brgya'i dge slong ngo / /de bzhin du gsum pa yang ngo / /de'i tshe byang chub sems dpa' lhag pa'i lha
315b5 zhes bya ba'i bram zer gyur to/ /ston pa'i chos bshad pa thos nas skyabs su 'gro ba'i tshul khrims la gnas so/ /mgo'i steng du thal mo sbyar nas ston pa
315b6 la de'i nyon mongs rnams spong ba'i bsngags pa brjod nas bla gos kyi mchod pas de yang sangs rgyas su 'gyur ro zhes lung bstan to/ /slar yang de'i bcom
315b7 ldan 'das kyi grong khyer ni nam gru bzang ldan zhes bya bar gyur to/ /yab ni shin tu rgyas pa zhes bya ba'i rgyal po'o/ /yum ni shin tu rgyas ma zhes bya'o/ /chu lha
316a1 dang / lha tshangs pa ni nyan thos kyi mchog go /yang dag 'byung zhes bya ba ni nye gnas so/ /bzang mo dang / legs bzang mo ni nyan thos ma'i mchog
316a2 go /byang chub kyi shing ni klu shing ngo / /sku mtho tshad du khru brgyad cu'o/ /sku tshe'i tshad ni lo stong phrag drug cu'o/ /thugs bzang gi ni 'og tu ni/ /'dren pa nam gru can
316a3 zhes bya/ /mtshungs pa med cing dpe med par/ /rgyal ba mnyam med mchog tu gyur/ /de'i 'og gi char mdzes byed ces bya ba'i ston pa byon no/ /de'i 'dus pa
316a4 gsum du gyur te/ 'dus pa dang po la bye ba brgya'i dge slong ngo / /gnyis pa la bye ba dgu bcu'o/ /gsum pa la bye ba brgyad cu'o/ /de'i tshe byang chub sems
316a5 dpa' mi dam pa zhes bya ba'i bram zer gyur to/ /ston pa'i chos bstan pa thos nas skyabs su 'gro ba'i tshul khrims la gnas so/ /sangs rgyas la sogs
316a6 pa'i dge slong gi dge 'dun la sbyin pa chen po btang ngo / /des yang sangs rgyas su 'gyur bar lung bstan to/ /slar yang bcom ldan 'das de'i grong khyer
316a7 chos bzang zhes bya bar gyur to/ /yab ni chos bzang rgyal po'o/ /yum ni chos bzang ma zhes bya'o/ /mtshungs med dang / legs spyan ni nyan thos kyi mchog
316b1 go |yid ldan ni nye gnas so/ /rig ma dang / legs skyes ma ni nyan thos ma'i mchog go /byang chub kyi shing ni klu shing nyid do/ /sku mtho tshad khru lnga bcu rtsa brgyad do/ /sku tshe'i
316b2 tshad ni lo stong phrag dgu bcu'o/ /nam gru can gyi 'og tu ni/ /'dren pa mdzes byed zhes bya ba/ /mnyam par bzhag cing thugs ni zhi/ /gang zag zla med mtshungs med
316b3 do| |de'i 'og gi char bskal pa grangs med pa gcig 'das nas bskal pa gcig gi ni nang du sangs rgyas gsum byon no/ /thugs ldan mthong ba dang / pad+ma dang / mi sbyin
316b4 no| |bcom ldan 'das thugs ldan mthong gi 'dus pa gsum du gyur te/ dang po la dge slong 'bum phrag gcig go /gnyis pa la 'bum phrag bdun no/ /gsum pa la
316b5 'bum phrag drug go /de nas byang chub sems dpa' gnod sbyin gcig tu gyur to/ /rdzu 'phrul dang / mthu chen po dang ldan pa'i bye ba stong phrag brgya du ma'i gnod sbyin rnams
316b6 kyi bdag por gyur to/ /de nas bcom ldan 'das byon pa thos nas 'ongs te/ sangs rgyas la sogs pa'i dge slong gi dge 'dun la sbyin pa chen po btang ngo / /ston pas
316b7 kyang ma 'ongs pa'i sangs rgyas su 'gyur ro zhes lung bstan to/ /gzhan yang / bcom ldan 'das thugs ldan mthong gi grong khyer ni lwa ba can zhes bya bar 'gyur
317a1 ro| |yab ni grags ldan rgyal po'o/ /yum ni grags 'dzin ma'o/ /nges bzang dang / yid ldan ni nyan thos kyi mchog go /chu lha ni nye gnas so/ /
317a2 legs mdzes dang / yid bzang ma ni nyan thos ma'i mchog go /byang chub kyi shing ni srid sgrub kyi shing ngo / /sku'i mtho tshad khru lnga bcu rtsa brgyad do/ /'bum phrag gcig
317a3 gi lo ni sku tshe'i tshad do/ /mdzes byed kyi ni 'og tu ni/ /rkang gnyis mchog gi rdzogs sangs rgyas/ /thugs bzang mthong dang 'chi med grags/ /gzi brjid ldan zhing
317a4 ring mthong ngo / /de'i 'og gi char pad+ma zhes bya ba'i ston pa byon no/ /de'i yang 'dus pa gsum du gyur te/ 'dus pa dang po la bye ba 'bum phrag gcig gi dge slong ngo //
317a5 gnyis pa la 'bum phrag gsum mo/ /gsum pa la grong med pa'i dgon par nags tshal chen po na dge slong 'bum phrag gnyis gnas so/ /de'i tshe de bzhin gshegs
317a6 pa yang de'i nags tshal chen por bzhugs pa'i tshe/ byang chub sems dpa' seng ger skyes par gyur to/ /ston pas 'gog pa la snyoms par zhugs so/ /bzhugs
317a7 pa mthong nas sems rab tu dang bas phyag byas nas bskor ba byas te/ dga' ba dang / yid bde ba skyes so/ /lan gsum du seng ge'i sgra bsgrags so/ /zhag bdun
317b1 du sangs rgyas kyi phyir du dga' ba ma spangs pas dga' ba dang / bde ba nyid kyi spyod yul du ma phyin par srog yongs su btang ngo snyam ste blta zhing 'dug go /ston pa zhag bdun
317b2 nas 'gog pa'i snyoms par 'jug pa las langs nas seng ge la blta zhing dge slong gi dge 'dun rnams kyis kyang sems dang bar byas nas dge 'dun la phyag byed do zhes/ brjod cing /
317b3 dge slong gi dge 'dun sheg ces bsams te dge slong rnams de ma thag tu byin no/ /seng ge dge 'dun la sems rab tu dang bar byed do/ /ston pas de'i sems
317b4 la ba rtags te ma 'ongs pa na sangs rgyas su 'gyur ro zhes lung bstan no/ /slar yang bcom ldan 'das pad+ma'i snying ni tsam pa ka zhes bya bar gyur to/ /yab ni pad+ma'i rgyal
317b5 po'o/ /yum ni mtshungs med ma zhes bya'o/ /sA la dang / u pa sA la ni nyan thos kyi mchog go /chu lha zhes bya ba ni nye gnas so/ /dga' ma dang / shin tu dga' ma ni
317b6 nyan thos ma'i mchog go /byang chub kyi shing ni sro na'i shing ngo / /sku'i mtho tshad du khru lnga bcu rtsa brgyad do/ /sku tshe'i tshad ni lo stong phrag gcig go /thugs ldan mthong gi
317b7 'og tu ni/ /rkang gnyis mchog gi rdzogs sangs rgyas/ /mtshan ni pad+ma zhes bya ba/ /gang zag zla med mtshungs med do/ /de'i 'og tu mes sbyin zhes bya ba'i ston pa byon
318a1 no| |de'i yang 'dus pa gsum du gyur te/ 'dus ba dang po la bye ba stong phrag brgya'i dge slong ngo / /gnyis pa la bye ba 'bum phrag dgu bcu'o//
318a2 gsum pa la bye ba brgyad cu dang 'bum phrag gcig go /de'i tshe byang chub sems dpa' drang srong gi rab tu byung ba la rab tu byung ste mngon par shes pa lnga dang / snyoms
318a3 par 'jug pa brgyad po dbang du gyur te/ sangs rgyas la sogs pa'i dge slong gi dge 'dun la sbyin pa chen po btang nas/ tsan+dan dmar pos mchod nas de yang des
318a4 ma 'ongs pa na sangs rgyas par 'gyur ro zhes lung bstan to/ /bcom ldan 'das de'i grong khyer ni 'byor ldan zhes bya bar 'gyur ro/ /yang ni blo gros bzang po zhes
318a5 bya ba'i rgyal po'o/ /yum ni yid ldan ma zhes bya ba'o/ /sA la bzang po dang / rgyal byed bshes gnyen ni nyan thos kyi mchog go /gnas mchog ni nye gnas so/ /
318a6 mchog ma dang / 'bras bu can ma ni nyan thos ma'i mchog go /byang chub kyi shing ni sron chen po'o/ /sku'i mtho tshad du khru brgyad cu rtsa brgyad pa'o/ /sku tshe'i tshad ni lo stong
318a7 phrag dgu bcu'o/ /pad+ma yi ni 'og tu ni/ /rkang gnyis mchog gi rdzogs sangs rgyas/ /mtshan ni mi sbyin zhes bya ba/ /gang zag zla med mtshungs med do/ /sangs rgyas
318b1 mis sbyin gyi 'og gi char 'di nas bskal ba 'bum phrag gcig gi mgo nas brtsams te bskal ba gcig nyid kyi nang du sangs rgyas pad+ma mchog ces bya ba byon
318b2 no| |de'i yang 'dus pa gsum du gyur te/ 'dus pa dang po la bye ba stong phrag brgya'i dge slong ngo / /gnyis pa la bai b+hA ra'i ri la bye ba stong phrag dgu bcu'o/ /gsum
318b3 pa la bye ba stong phrag brgyad cu'o/ /de'i tshe byang chub sems dpa' ral pa can zhes bya ba'i yul 'khor chen por skyes so/ /sangs rgyas la sogs pa'i dge 'dun
318b4 rnams la chos gos dang bcas pa'i sbyin pa chen po btang ngo / /de yang des ma 'ongs pa na sangs rgyas par 'gyur ro zhes lung bstan to/ /gzhan yang / bcom
318b5 ldan 'das pad+ma mchog gi dus su mu stegs zhes bya ba'i ming yang med do/ /lha dang / mi thams cad sangs rgyas la skyabs su 'gro ba'o/ /de yi grong khyer ni dang ba
318b6 ldan zhes bya bar 'gyur ro/ /yab ni kun dga' bo zhes bya ba'i rgyal po'o/ /yum ni legs ma zhes bya ba'o/ /lha'i spyan dang / legs skyes ni nyan thos kyi mchog
318b7 go |yid bzang zhes ni nye gnas so/ /grogs med ma dang / mtshungs med ma ni nyan thos ma'i mchog go /byang chub kyi shing ni shwa la'i shing nyid do/ /sku'i mtho
319a1 tshad du khru brgyad cu rtsa brgyad do/ /sku'i 'od kun nas 'khor ba la dpag tshad bcu gnyis so/ /sku tshe'i tshad ni lo 'bum phrag gcig go /mi sbyin
319a2 gyi ni 'og nyid du/ /rkang gnyis mchog gi rdzogs sangs rgyas/ /rgyal ba pad+ma mchog ces pa/ /mi 'khrugs rgya mtsho lta bu'o/ /de'i 'og gi char bskal pa stong
319a3 phrag gsum 'das nas/ blo gros bzang po dang / legs skyes zhes bya ba ni bskal pa gcig nang du sangs rgyas gnyis su gyur to/ /blo gros bzang po'i yang nyan
319a4 thos kyi 'dus pa gsum du 'gyur te/ 'dus pa dang po la grong khyer blta na sdug ces bya ba ni bye ba brgya'i zag pa zad pa'o/ /'dus pa gnyis pa la yang bye ba
319a5 dgu bcur 'gyur ro/ /'dus pa gsum pa la ni bye ba brgyad cu'o/ /de'i tshe byang chub sems dpa' lus mchog ces bya ba bram ze'i khye'ur gyur to/ /sa'i 'og tu gter
319a6 du bcug pa nyid bye ba brgyad cu'i nor rnams spel nas sangs rgyas la sogs pa'i dge slong gi dge 'dun la sbyin pa chen po phul te chos mnyan nas skyabs su 'gro
319a7 ba'i sdom pa la gnas so/ /rab tu byung nas nags tshal du byon nas byon no/ /de yang ma 'ongs pa na sangs rgya bar lung bstan no/ /bcom ldan 'das blo gros bzang
319b1 po'i grong khyer ni blta na sdug ces bya bar gyur to/ /yab ni legs sbyin zhes bya ba'i rgyal po'o/ /yum ni legs sbyin ma zhes bya'o/ /nges 'byung dang / thams cad 'dod ni nyan
319b2 thos kyi mchog go /rgya mtsho zhes bya ba ni nye gnas so/ /dga' ma dang / shin tu dga' ma ni nyan thos ma'i mchog go /byang chub kyi shing ni shing nI pa chen po'o/ /sku mtho tshad
319b3 du khru brgyad cu rtsa brgyad do/ /sku tshe'i tshad ni lo stong phrag dgu bcu'o/ /pad+ma mchog gi 'og tu ni/ /'dren pa blo bzang zhes bya ba/ /'od zer drag cing ring la sems/ /thub pa
319b4 'jig rten kun gyi mchog /de'i 'og gi char legs skyes zhes bya ba'i ston pa byon no/ /de'i yang nyan thos kyi 'dus pa gsum du gyur to/ /'dus pa dang po la dge slong stong
319b5 phrag drug cu'o/ /gnyis pa la stong phrag lnga bcu'o/ /gsum pa la stong phrag bzhi bcu'o/ /de'i tshe byang chub sems dpa' 'khor los bsgyur ba'i rgyal por gyur te sangs
319b6 rgyas byon zhes thos nas nye bar stong ste/ chos thos nas sangs rgyas la sogs pa'i dge 'dun la rin po che sna bdun dang bcas pa'i gling chen po bzhi'i rgyal srid sbyin par
319b7 btang nas/ ston pa'i drung du rab tu byung ngo / /yul thams cad na gnas pa'i yul du skyes pa'i nor blangs nas gtsug lag khang rnams rdzogs par bya ste/ sangs rgyas la
320a1 sogs pa'i dge slong rnams la sbyin pa chen po phul lo/ /de yang ma 'ongs pa na ston pas sangs rgyas par 'gyur ro zhes lung bstan no/ /bcom
320a2 ldan 'das de'i grong khyer ni bkra shis bzang po zhes bya bar gyur to/ /yab ni drag po zhes bya ba'i rgyal po'o/ /yum ni 'od ldan ma zhes bya ba'o/ /blta na sdug dang / lha
320a3 gnyis ni nyan thos kyi mchog go /mi sbyin ni nye gnas so/ /glu ma dang / glu ma'i phreng ba dang bcas pa ni nyan thos ma'i mchog go /byang chub kyi shing ni 'od ma chen
320a4 po'o/ /de'i nang bug pa phra mo can no/ /sdong po ni sdug po'o/ /steng na yal ga rma bya'i gdugs ltar mdzes pa'i 'dab ma can no/ /bcom ldan 'das de'i sku mtho tshad
320a5 du khru lnga bcu'o/ /sku tshe'i tshad ni lo stong phrag dgu bcu'o/ /snying po'i bskal pa de nyid la/ /'dren pa legs skyes zhes bya ba/ /khyu mchog dpung pa seng ge'i
320a6 'gram/ /ring la sems shing gzhal du med/ /de'i 'og gi char 'di nas bskal pa brgya dang / bco brgyad kyi mgo nas brtsams nas bskal pa gcig la dga'
320a7 mthong dang / don mthong dang / chos mthong ste sangs rgyas gsum byon no/ /dga' mthong gi yang nyan thos 'dus pa gsum du gyur te/ 'dus pa dang po la bye pa
320b1 stong phrag brgya'i dge slong ngo / /gnyis pa la bye ba dgu bcu'o/ /gsum pa la bye ba brgyad cu'o/ /de'i tshe byang chub sems dpa' 'od srung zhes bye ba'i bram ze'i khye'ur gyur to/ /
320b2 rig byed gsum gyi pha rol tu phyin nas ston pa'i chos bstan pa thos te/ bye ba stong phrag brgya'i nor yongs su btang nas dge 'dun gyi gtsug lag khang byed cing skyabs
320b3 su song nas tshul khrims la gnas so/ /de nas ston pas bskal pa brgya dang / bco brgyad 'das nas sangs rgyas su 'gyur ro zhes lung bstan to/ /bcom ldan 'das
320b4 de'i grong khyer ni yid ldan zhes bya bar gyur to/ /yab ni legs sbyin zhes bya ba'i rgyal po'o/ /yum ni zla ba ma zhes bya'o/ /bskyangs pa dang / kun mthong gnyis
320b5 ni nyan thos kyi mchog go /mdzes byed ni nye gnas so/ /legs skyes ma dang / chos sbyin ma gnyis ni nyan thos ma'i mchog go /byang chub kyi shing ni bri yang ku'i shing
320b6 ngo| |sku'i mtho tshad du khru brgyad cu'o/ /sku tshe'i tshad ni lo stong phrag dgu bcu'o/ /legs skyes kyi ni 'og tu ni/ /rang byung 'jig rten 'dren pa nyid/ /mtshungs dang mi
320b7 mtshungs ring du sems/ /dga' mthong grags pa chen po'o/ /de'i 'og gi char bcom ldan 'das don mthong zhes bya ba byon no/ /de'i yang nyan thos kyi 'dus pa
321a1 gsum du gyur te/ 'dus pa dang bo la 'bum phrag dgu bcu rtse brgyad kyi dge slong ngo / /gnyis pa la 'bum phrag brgyad cu rtsa brgyad do/ /de bzhin du gsum
321a2 pa la yang ngo / /de'i tshe byang chub sems dpa' mtshams bzang zhes bya ba rdzu 'phrul dang ldan pa'i dka' thub par gyur to/ /lha'i 'jig rten gyi man dA ra ba'i me tog gi
321a3 gdugs blangs nas ston pa la mchod do/ /de yang des lung bstan to/ /bcom ldan 'das de'i grong khyer ni mdzes byed ces bya bar gyur to/ /yab ni rgya mtsho zhes bya
321a4 ba'i rgyal po'o/ /yum ni blta na sdug ma'o/ /zhi ba dang / nye bar zhi ba ni nyan thos kyi mchog go /'jigs med ni nye gnas so/ /chos ma dang / chos bzang ma ni
321a5 nyan thos ma'i mchog go /byang chub kyi shing ni tsam bka'i shing ngo / /sku'i mtho tshad du khru brgyad cu rtsa brgyad do/ /sku'i 'od kun nas 'khor ba la dus thams cad dpag
321a6 tshad gcig gi bar du khyab cing gnas so/ /sku tshe'i tshad ni lo 'bum phrag gcig go /snying po'i bskal pa de nyid la/ /don mthong mi yi khyu mchog ni/ /mun pa chen po
321a7 bsal nas ni/ /yang dag byang chub mchog thob bo/ /de'i 'og gi char chos mthong zhes bya ba'i ston pa byon no/ /de'i yang nyan thos 'dus pa gsum du gyur te/ 'dus pa
321b1 dang po la bye ba brgya'i dge slong ngo / /gnyis pa la bye ba bdun cu'o/ /gsum pa la bye ba brgyad cu'o/ /de'i tshe byang chub sems dpa' lha'i rgyal po brgya byin du gyur to/ /lha'i dri bzang
321b2 dang / me tog dang / lha'i rol mo rnams kyis mchod de/ de yang ma 'ongs pa na sangs rgya bar lung bstan to/ /bcom ldan 'das de'i grong khyer ni skyabs zhes bya bar gyur
321b3 to| |yab ni skyabs kyi rgyal po zhes bya'o/ /yum ni shin tu dga' ma zhes bya ba'o/ /pad+ma dang / lhar gyur pa ni nyan thos kyi mchog go /legs spyan zhes bya ba ni nye gnas
321b4 so| |dge ma dang / bden ma zhes bya ba ni nyan thos ma'i mchog go /byang chub kyi shing ni bim pa dzA la'i shing ngo / /sku'i mtho tshad du khru brgyad cu'o/ /sku tshe'i tshad ni lo
321b5 'bum phrag gcig go /snying po'i bskal pa de nyid la/ /chos mthong grags pa chen po yis/ /mun pa chen po bcom nas ni/ /lha dang bcas pa snang bar mdzad/ /de'i 'og
321b6 gi char 'di nas bskal pa dgu bcu rtsa bzhi nas mgo brtsams nas bskal pa gcig la don grub ces bya ba'i sangs rgyas gcig byon no/ /de'i yang nyan thos kyi 'dus pa
321b7 gsum du gyur te/ 'dus pa dang po la bye ba 'bum phrag gcig gi dge slong ngo / /gnyis pa la bye ba dgu bcu'o/ /gsum pa la bye ba brgyad cu'o/ /de'i tshe byang chub sems
322a1 dpa' gzi brjid drag po dang / mngon par shes pa'i stobs dang ldan pa'i dka' thub pa bkra shis bzang po zhes bya bar gyur to/ /shing 'dzam bu chen
322a2 po'i 'bras bu blangs nas de bzhin gshegs pa la phul lo/ /ston pas 'bras bu de gsol nas bskal pa dgu bcu rtsa bzhi'i 'og tu byang chub sems dpa' ma 'ongs pa
322a3 na sangs rgyas su 'gyur ro zhes lung bstan to/ /bcom ldan 'das de'i grong khyer ni bai b+hA ra zhes bya bar gyur to/ /yab ni rgyal po'i sde zhes bya ba'i rgyal po'o/ /yum ni
322a4 legs gyur ma zhes bya ba'o/ /mang du 'byung dang / bshes gnyen bzang po ni nyan thos kyi mchog go /nam gru can ni nye gnas so/ /zhi byed len ma dang / legs brtan
322a5 ma ni nyan thos ma'i mchog go /byang chub kyi shing ni karni ka'i shing ngo / /sku'i mtho tshad ni khru drug cu'o/ /sku tshe'i tshad ni lo 'bum phrag gcig go /chos mthong gi ni 'og
322a6 nyid du/ /'jig rten 'dren pa don grub kyis/ /mun pa thams cad bcom nas ni/ /nam mkha' nyi ma shar ba bzhin/ /de'i 'og gi char 'di nas bskal pa 'bum phrag dgu
322a7 bcu rtsa gnyis nas mgo brtsams nas bskal pa gcig la dkar rgyal dang / gyur pa zhes bya ba'i sangs rgyas gnyis byon no/ /bcom ldan 'das dkar rgyal de'i yang
322b1 'dus pa gsum du gyur te/ 'dus pa dang po la bye ba brgya'i dge slong ngo / /gnyis pa la bye ba dgu bcu'o/ /gsum pa la bye ba brgyad cu'o/ /de'i tshe byang chub sems dpa' longs
322b2 spyod chen po dang / grags pa chen po dang ldan pa'i legs skyes zhes bya ba'i rgyal rigs su gyur pa dka' thub pa'i rab tu byung ba la rab tu byung nas rdzu 'phrul dang ldan par
322b3 gyur te/ sangs rgyas byon pa thos nas lha'i me tog man dA ra ba dang / pad+ma dang / pA ra ts+tshit+t+ra'i me tog rnams blangs nas 'khor bzhi'i nang du gshegs pa'i de bzhin gshegs
322b4 pa la mchod nas/ nam mkha' me tog gi bla res bres so/ /sangs rgyas des yang 'di nas bskal pa dgu bcu rtsa gnyis nas 'tshang rgya bar 'gyur ro zhes lung bstan
322b5 no| |bcom ldan 'das de'i grong khyer ni dge ma zhes bya'o/ /yab ni skye bo dad pa can zhes bya ba'i rgyal po'i rigs so/ /yum ni pad+ma zhes bya ba'o/ /tshangs pa'i lha dang /
322b6 'char byed ni nyan thos kyi mchog go /yang dag mchog ni nye gnas so/ /myur ma dang / legs sbyin ma ni nyan thos ma'i mchog go /byang chub kyi shing ni a sa na'i shing ngo //
322b7 sku'i mtho tshad la khru drug cu'o/ /sku tshe'i tshad ni lo 'bum phrag gcig go /don grub kyi ni 'og nyid du/ /gang zag zla med mtshungs med pa/ /tshul khrims dpag med mtha'
323a1 yas grags/ /'jig rten 'dren pa dkar rgyal mchog /de'i 'og gi char gyur pa zhes bya ba'i ston pa byon no/ /de'i yang 'dus pa gsum du
323a2 gyur te/ 'dus pa dang po la 'bum phrag drug cu'i dge slong ngo / /gnyis pa la 'bum phrag lnga bcu'o/ /gsum pa la 'bum phrag sum cu rtsa gnyis so/ /de'i tshe byang
323a3 chub sems dpa' rnam par rgyal byed ces bya ba'i rgyal rigs su gyur to/ /rgyal po chen po'i rgyal rigs spangs nas ni ston pa'i drung du rab tu byung ste sde snod
323a4 gsum bslabs nas skye bo mang po la dam pa'i chos ston cing 'chad pa dang / tshul khrims kyi pha rol tu phyin pa rdzogs par byas nas de yang de bzhin du 'tshang rgya
323a5 bar 'gyur ro zhes lung bstan to/ /bcom ldan 'das de'i grong khyer ni gsal ldan zhes bya bar gyur to/ /yab ni rgyal ba'i sde zhes bya ba'i rgyal po'o/ /yum ni dpal
323a6 ldan ma zhes bya'o/ /legs bsrungs dang / chos kyi sde ni nyan thos kyi mchog go /'jigs bcas ni nye gnas so/ /phreng ba ma dang / nye ba'i phreng ba ma ni nyan thos ma'i
323a7 mchog go /byang chub kyi shing ni skyu ru ra'i shing ngo / /sku'i mtho tshad du khru lnga bcu rtsa brgyad do/ /sku tshe'i tshad ni lo stong phrag dgu bcu'o/ /snying po'i bskal pa de nyid
323b1 la| |ston pa bla na med par gyur/ /mtshungs dang mi mtshungs dpe med pa/ /'jig rten mchog gi 'dren bar gyur/ /de'i 'og gi char 'di nas bskal pa dgu bcu rtsa gcig la bcom
323b2 ldan 'das rnam par gzigs zhes bya ba byon no/ /de'i yang 'dus pa gsum du gyur te/ 'dus pa dang po la dge slong 'bum phrag dgu bcu rtsa brgyad do/ /gnyis pa la
323b3 'bum phrag gcig go /gsum pa la stong phrag brgyad cu'o/ /de'i tshe byang chub sems dpa' rdzu 'phrul ldan zhing mthu che bas mtshungs pa med pa'i klu'i rgyal por gyur
323b4 te| rin po che sna bdun gyis brgyan pa'i gser gyi ba dan chen po bcom ldan 'das la phul lo/ /des yang 'di nas bskal pa dgu bcu rtsa gcig nas sangs rgya bar
323b5 'gyur ro zhes lung bstan no/ /bcom ldan 'das de'i grong khyer ni blo gros gnyen ces bya bar gyur to/ /yab ni gnyen gyi rgyal po zhes bya ba'o/ /yum ni blo gros gnyen ma
323b6 zhes bya ba'o/ /phung po dang / dkar rgyal ni nyan thos kyi mchog go /mya ngan med ni nye gnas so/ /zla ba ma dang / zla ba'i bshes gnyen ma ni nyan thos ma'i mchog go /byang
323b7 chub kyi shing ni pA Ti li'i shing ngo / /sku'i mtho tshad du khru brgyad cu'o/ /sku'i 'od la rtag tu dpag tshad bdun du 'phro zhing gnas so/ /sku tshe'i tshad ni lo stong phrag brgyad
324a1 cu'o/ /gyur pa yi ni 'og tu ni/ /rkang gnyis mchog gi rdzogs sangs rgyas/ /mtshan ni rnam par gzigs zhes bya/ /spyan ldan 'jig rten bskyed
324a2 pa'o/ /de'i 'og gi char 'di nas bskal pa sum cu rtsa gnyis nas gtsug tor can dang / thams cad skyob ces pa'i sangs rgyas gnyis byon no/ /gtsug tor can gyi
324a3 yang nyan thos kyi 'dus pa gsum du gyur te/ 'dus pa dang po la 'bum phrag gcig gi dge slong ngo / /gnyis pa la 'bum phrag brgyad cu'o/ /gsum pa la 'bum
324a4 phrag bcu'o/ /de'i tshe byang chub sems dpa' sgra'i dbang po zhes bya ba'i rgyal por gyur te/ sangs rgyas dang bcas pa'i dge 'dun rnams la chos gos dang bcas
324a5 pa'i sbyin pa chen po phul lo/ /rin po che sna bdun gyis so sor brgyan pa'i glang po che phul nas/ glang po che'i tshad tsam ri zhing rung ba'i yo byad rnams phul lo/ /
324a6 des yang 'di nas bskal pa sum cu rtsa gcig nas sangs rgyas su 'gyur ro zhes lung bstan to/ /gzhan yang / bcom ldan 'das de'i grong khyer ni skya rengs ldan zhes bya
324a7 bar gyur to/ /yab ni skya rengs ldan zhes bya ba'i rgyal po'o/ /yum ni 'od ldan ma zhes bya ba'o/ /mngon 'byung dang / yang dag 'byung ni nyan thos kyi mchog go /dge bar
324b1 byed pa ni nye gnas so/ /ma gi la dang / pad+ma ni nyan thos ma'i mchog go /byang chub kyi shing ni puN+Da ri ka'i shing ngo / /sku'i mtho tshad du khru sum cu rtsa bdun du 'gyur ro/ /sku'i 'od dpag
324b2 tshad gsum du 'phro zhing gnas so/ /sku tshe'i tshad ni lo stong phrag sum cu rtsa bdun no/ /rnam par gzigs kyi 'og tu ni/ /rkang gnyis mchog gi rdzogs sangs rgyas/ /mtshungs
324b3 med rgyal pa gtsug tor can/ /gang zag zla med mtshungs med do/ /de'i 'og gi char thams cad skyob ces bya ba'i sangs rgyas byon no/ /de yang 'dus pa gsum du gyur te/
324b4 'dus pa dang po la 'bum phrag brgyad cu'i dge slong ngo / /gnyis pa la 'bum phrag sum cu rtsa bdun no/ /gsum pa la 'bum phrag drug cu'o/ /de'i tshe byang chub sems
324b5 dpa' blta na sdug ces bya ba'i rgyal por gyur te/ sangs rgyas la sogs pa'i dge 'dun la chos gos dang bcas pa'i sbyin pa chen po phul nas de'i drung du rab tu byung
324b6 ste| spyod pa dang / yon tan dang ldan pas sangs rgyas dkon mchog la ri mor byas te dga' bar gyur to/ /de yang bcom ldan 'das kyis 'di nas bskal pa sum cu rtsa
324b7 gcig nas sangs rgyas su 'gyur ro zhes lung bstan to/ /gzhan yang / bcom ldan 'das de'i grong khyer ni yid ldan zhes bya bar gyur to/ /yab ni legs par gnas
325a1 zhes bya ba'i rgyal po'o/ /yum ni grags ldan ma zhes bya ba'o/ /nyan pa dang / mchog ni nyan thos kyi mchog go /nye bar zhi ba ni nye gnas so/ /
325a2 phreng ba ma dang / phreng ba dang bcas pa ma ni nyan thos ma'i mchog go /byang chub kyi shing ni sA la'i shing ngo / /sku'i mtho tshad ni khru drug cur 'gyur/ /sku tshe'i tshad ni lo stong
325a3 phrag drug cu'o/ /snying po'i bskal pa de nyid la/ /gang zag zla med mtshungs pa med/ /mtshan ni thams cad skyob ces pa/ /rgyal ba de ni 'jig rten bskyed/ /de'i yang 'og
325a4 gi char bskal pa 'di la sangs rgyas bzhi byon no/ /log pa dang sel dang / gser thub dang / 'od srung dang / bdag cag gi bcom ldan 'das so/ /gzhan
325a5 yang / bcom ldan 'das log pa dad sel gyi nyan thos kyi 'dus pa ni gcig go /de la stong phrag bzhi bcu'i dge slong ngo / /de'i tshe byang chub sems dpa' dge ba
325a6 zhes bya ba'i rgyal por gyur to/ /sangs rgyas la sogs pa dge 'dun la lhung bzed chos gos dang bcas pa'i sbyin pa nyid dang / mig sman dang sman la sogs
325a7 pa phul nas ston pa'i chos bstan pa thos nas rab tu byung ngo / /de yang ston pas lung bstan to/ /gzhan yang / bcom ldan 'das log pa dad sel de'i grong khyer
325b1 dge ba zhes bya bar gyur to/ /yab ni me sbyin bram ze zhes bya ba'o/ /yum ni bram ze mo grogs ma'o/ /bi d+hu ra dang / yang dag 'tsho ni nyan thos kyi mchog go /bram ze blo gros ni nye
325b2 gnas so/ /mnyam byed dang / tsam pa ka ni nyan thos ma'i mchog go /byang chub kyi shing ni shing shi ri Sha chen po'o/ /sku'i mtho tshad la khru bzhi bcur gyur to/ /sku tshe'i tshad
325b3 ni lo stong phrag bzhi bcu'o/ /thams cad skyob kyi 'og tu ni/ /rkang gnyis mchog gi rdzogs sangs rgyas/ /mtshan ni log pa dad sel zhes/ /gzhal med ring la
325b4 sems pa'o/ /de'i 'og gi char ston pa gser thub ces bya ba byon no/ /de'i yang nyan thos kyi 'dus pa gcig ste/ de la stong phrag sum cu'i dge slong du gyur to/ /de la
325b5 byang chub sems dpa' ri zhes bya ba'i rgyal por gyur to/ /blon po'i tshogs mang po 'khor dang bcas pa chos bstan pa thos nas sangs rgyas la sogs pa'i dge slong gi
325b6 dge 'dun rnams mgron du gnyer nas sbyin pa chen po phul te ston pa'i drung du song ste/ lhung bzed dang /rgya'i dar dang / grong khyer gsal ldan gyi yul gyi ras dang / la ba
325b7 dang / du ku la'i ras dang / dar gos gser ma rnams phul te/ ston pa'i drung du rab tu byung ngo / /de yang sangs rgyas su 'gyur bar lung bstan no/ /bcom ldan 'das de'i
326a1 grong khyer ni mdzes ldan zhes bya bar gyur to/ /yab ni gnod sbyin zhes bya ba'i bram ze'o/ /yum ni mchog ma zhes bya ba'i bram ze ma'o/ /'jigs
326a2 byed dang / mchog ni nyan thos kyi mchog go /bkra shis zhes bya ba ni nye gnas so/ /rgya mtsho ma dang / mchog ma ni nyan thos ma'i mchog go /byang chub kyi shing ni u du ma
326a3 ba ra'i shing ngo / /sku'i mtho tshad la khru nyi shu'o/ /sku tshe'i tshad ni lo stong phrag sum cu'o/ /log par dad sel 'og tu ni/ /rkang gnyis mchog gi rdzogs sangs
326a4 rgyas/ /mtshan ni rgyal ba gser thub bo/ /mi yi khyu mchog 'jig rten gtso/ /de'i 'og gi char 'od srung zhes bya ba'i ston pa byon no/ /de yang 'dus pa gcig ste/
326a5 de la dge slong stong phrag nyi shu'o/ /de'i tshe byang chub sems dpa' 'od bskyor zhes bya ba'i bram ze'i khye'ur gyur nas rig byed gsum gyi pha rol tu son te/ sa dang
326a6 bar snang thams cad la grags so/ /bum pa byed pa'i rdza mkhan gyi grogs por gyur to/ /byang chub sems dpa' rdza mkhan dang 'grogs te ston pa'i drung du nye bar song
326a7 ste| chos kyi gtam thos nas rab tu byung ngo / /brtson 'grus cher bskyed nas sde snod gsum bslabs te spyod pa dang ldan pas sangs rgyas kyi bstan pa mdzes par
326b1 byed do/ /de yang ston pas lung bstan no/ /bcom ldan 'das de'i bltams pa'i grong khyer ni wA ra NA si zhes bya ba'o/ /yab ni tshangs byin zhes bya ba'i bram ze'o/ /yum ni 'byor
326b2 ldan ma zhes bya ba'i bram ze mo'o/ /dkar rgyal dang / b+hA ra d+ha dza ni nyan thos kyi mchog go /thams cad bshes gnyen ni nye gnas so/ /rjes su len ma dang / stong rgyas ma ni
326b3 nyan thos ma'i mchog go /byang chub kyi shing ni n+ya gro ta'i shing ngo / /sku'i mtho tshad du khru nyi shu bar gyur to/ /sku tshe'i tshad ni lo stong phrag nyi shu'o/ /gser thub kyi ni 'og tu ni//
326b4 rkang gnyis mchog gi rdzogs sangs rgyas/ /mtshan ni rgyal ba 'od srung ngo / /chos kyi rgyal ba 'od mdzad do/ /gzhan yang / bskal pa gang la stobs bcu dang ldan pa'i
326b5 mar me mdzad pa de la/ gzhan yang / sangs rgyas gsum byon par gyur to/ /de rnams kyi drung du byang chub sems dpa' lung ma bstan no/ /de'i phyir 'dir yang lung
326b6 ma bstan te/ gzhan yang / don gyi gtam 'dis 'di'i bskal pa nas bzung nas sangs rgyas thams cad mthong ba'i don du 'dir bshad do/ /sred mdzad dang ni blo gros
326b7 mdzad/ /de nas skyabs ni mdzad pa yin/ /mar me mdzad ni rdzogs sangs rgyas/ /rkang gnyis mchog ni kau Di n+ya/ /bkra shis dang ni thugs bzang dang / /thub pa nam gru mdzes
327a1 byed dang / /thugs ldan mthong dang pad+ma dang / /mi sbyin dang ni pad+ma'i mchog /blo gros bzang dang legs skyes dang / /grags chen blta na sdug pa dang //
327a2 don mthong dang ni chos mthong dang / /'jig rten 'dren pa don grub dang / /rdzogs sangs rgyas ni dkar rgyal gyur/ /rnam gzigs gtsug tor thams cad skyob/ /log
327a3 dad sel dang gser thub dang / /'dren pa 'od srung zhes bya'o/ /yang dag rdzogs sangs de rnams ni/ /mnyam par bzhag cing 'dod chags bcom/ /'od zer
327a4 brgya pa bzhin du 'khrungs/ /mun pa chen po rnam par 'joms/ /me yi phung po bzhin du 'bar/ /nyan thos dang bcas mya ngan 'das/ /de la bdag cag gi
327a5 byang chub sems dpa' mar me mdzad la sogs pa'i sangs rgyas nyi shu rtsa bzhi'i drung du smon lam btab nas bskal pa grangs med pa bzhi dang / 'bum phrag
327a6 gcig lhag pas nas byon no/ /gzhan yang / bcom ldan 'das 'od srung de'i 'og gi char gnas te yang dag par rdzogs pa'i sangs rgyas 'di las sangs rgyas
327a7 gzhan med do zhes mar me mdzad la sogs pa'i sangs rgyas nyi shu rtsa bzhi'i drung du lung bstan pa thob bo/ /gzhan yang / byang chub sems dpa' gang des/ mi yi
327b1 bdag nyid rtags dang ldan/ /sgyu dang ston pa'i blta ba dang / /rab tu byung zhing yon tan ldan/ /gzhi rnams dang ni 'dun pa dang / /chos brgyad po ni tshogs pa dang / /smon
327b2 lam rnams ni yang dag rdzogs/ /chos brgyad po 'di rnams tshogs par byas nas mar me mdzad kyi zhabs drung du smon lam btab cing sangs rgyas su byed pa'i chos
327b3 'di rnams gang dang / gang du tshol ba'i spro ba skyes so/ /btsal ba de rnams mthong bas na/ /dang po sbyin pa'i pha rol phyin/ /sbyin pa'i pha rol tu phyin pa la sogs pas
327b4 sangs rgyas thob par byed pa'i chos rdzogs par byed pa nyid thams cad sgrol gyi bdag nyid byon no/ /byon nas gang de rnams byas pa'i smon lam byang chub sems dpa'
327b5 rnams kyis phan yon bsngags par mdzad do/ /de bzhin yan lag thams cad ldan/ /mi yi byang chub nges pa dang / /'khor ba yun ring gzhi med pa/ /bskal pa
327b6 bye ba brgya nyid dam/ /mnar med du ni mi skye'o/ /de bzhin du ni 'jig rten par/ /bkres skom sed dang 'bar ba dang / /yan lag thams cad mi 'chad 'gyur/ /srog
327b7 chags phra mor mi 'gyur zhing / /ngan 'gro rnams su skye mi 'gyur/ /mi ru skyes par gyur pa na/ /de ni dmus long mi 'gyur zhing / /'on par yang ni mi 'gyur la/ /lkugs
328a1 dang gzhog phyed na mi 'gyur/ /bud med du ni skye mi 'gyur/ /za ma ma ning mtshan gnyis dang / /mtha' 'khob tu ni skye mi 'gyur/ /mi yi byang chub nges pa
328a2 yin/ /mtshams med pa las grol ba dang / /dag ba'i spyod yul thams cad du/ /log ba'i lta ba mi sten no/ /las kyi bya ba mthong ba dang / /mtho ris la ni gnas nas
328a3 su| |'du shes med par skye mi 'gyur/ /gtsang ma ris kyi lha rnams su/ /sgyu dang ming ni skye ba med/ /skyes bu dam ba nges 'byung sems/ /dngos dang dngos med ldan
328a4 pa med/ /gang zhig 'jig rten don du 'gro /pha rol phyin kun rdzogs par byed/ /phan yon de rnams lhag par thob pa'am/ des pha rol tu phyin pa rdzogs par byed
328a5 do| |grags pa dang ldan par bram ze'i dus su dang / dung gi bram ze'i dus su dang / nor rgyal gyi rgyal po'i dus su dang / blta na sdug chen po'i rgyal bo'i dus su dang /
328a6 khyab 'jug chen po'i dus su dang / rgyu mtshan gyi rgyal po chen po'i dus su dang / zla ba gzhon nu'i dus su dang / yul gyi mchog gi dus su dang / shi bi pa'i rgyal po'i
328a7 dus su dang / thams cad sgrol gyi dus su ni sbyin pa'i pha rol tu phyin pa rdzogs pa'i bdag nyid de/ tshad med pa zhes bya'o/ /mtha' gcig tu yang dang / yang byang chub
328b1 sems dpa' mkhas pa ri bong gi skyes rabs las/ nyer 'ongs slong ba mthong ba na/ /rang gi lus ni yongs su btang / /bdag gi sbyin la mnyam pa med/ /'di rnams sbyin pa'i
328b2 pha rol phyin/ /de ltar lus yongs su gtong bar byed pas sbyin pa'i pha rol tu phyin pa ste don dam pa'i pha rol tu phyin pa zhes bya ba skyes so/ /de bzhin du tshul khrims
328b3 dang ldan pa'i klu'i rgyal po'i dus su dang / tsam po spyi'i klu'i rgyal po'i dus su dang / sa sbyin klu'i rgyal po'i dus su dang / mche ba drug ba'i glang po'i rgyal po'i dus
328b4 su dang / rgyal ba dang mtshungs pa'i rgyal po'i bu zhum pa med pa'i dgra gzhon nu'i dus su ni tshul khrims kyi pha rol tu phyin pa rdzogs par skyes pa la tshad med
328b5 do| |mtha' gcig tu gzhan yang / de yi dung skyong skyes rabs las/ /gsal shing gis ni phug nas ni/ /mtshon cha blangs nas dge pa dang / /grong dpon bu la khro
328b6 mi byed/ /tshul khrims phar phyin bdag gi 'di/ /de bzhin du lus yongs su gtong bar byed pa ni/ tshul khrims kyi pha rol tu phyin pa ste/ don dam pa'i pha rol tu
328b7 phyin pa zhes bya ba skyes so/ /de bzhin du yid bzang gzhon nu'i dus su dang / glang chen nor skyong gzhon nu'i dus su dang / lcags khyim mkhas pa'i dus su ni/ rgyal
329a1 srid chen po spangs nas nges par 'byung ba'i pha rol tu phyin pa bdag nyid la skyes ba ni tshad med do/ /gzhan yang / mtha' gcig tu de'i bu zhi ba chung ngu'i
329a2 skyes rabs las/ rgyal po chen po lag tu thob/ /mchil ma'i sbu ba bzhin du spangs/ /rgyal srid spangs kyang zhen pa med/ /bdag gi nges 'byung phar phyin 'di/ /de bzhin
329a3 du nges par bdag gi rgyal srid spangs nas nges par 'byung ba'i pha rol tu phyin pa ste/ don dam pa'i pha rol tu phyin pa zhes bya ba skyes so/ /de bzhin du mkhas pa
329a4 bi d+hu ra'i dus su dang / mkhas pa khyab 'jug chen po'i dus su dang / mkhas pa tog rtse ba'i dus su dang / mkhas pa a ra'i dus su dang / kun tu rgyu byang chub kyi
329a5 dus su dang / mkhas pa sman chen po'i dus su ni shes rab kyi pha rol tu phyin pa rdzogs par bdag skye skyes pa la tshad med do/ /gzhan yang / mtha' gcig tu de'i sde snod
329a6 kyi skyes rabs las/ mkhas pa sde can gyi dus su/ /bdag gi shes rab tshol ba na/ /bram ze'i sdug bsngal grol ba dang / /bdag gi shes rab mtshungs pa med/ /
329a7 bdag gi shes rab phar phyin 'di/ /pha tshi'i nang gi sbrul bdag gis blta ba ni shes rab kyi pha rol tu phyin pa ste/ don dam pa'i pha rol tu phyin pa zhes bya ba skyes so/ /
329b1 de bzhin du brtson 'grus kyi pha rol tu phyin pa rdzogs par bdag la skyes ba tshad med do/ /gzhan yang mtha' gcig tu de'i skye bo chen po can gyi skyes rabs las/ ngogs ma
329b2 mthong ba'i rgya mtsho'i dbus/ /mi rnams thams cad shi bar gyur/ /sdug bsngal med pa'i sems kyis ni/ /bdag gi brtson 'grus phar phyin 'di/ /rgya mtsho chen po
329b3 las sgrol bar byed pa'i brtson 'grus kyi pha rol tu phyin pa zhes bya ba skyes so/ /bzod par smra ba'i skyes rabs las/ sems med pa la gcod pa bzhin/ /bdag la
329b4 rno ba'i dgra sta yis/ /gsal ldan rgyal po la mi khro/ /bdag gi bzod pa'i phar phyin 'di/ /de ltar sems med pa'i dngos po bzhin du bdag sdug bsngal chen po
329b5 la lhag par gnas pa ni bzod pa'i pha rol tu phyin pa ste/ don dam pa'i pha rol tu phyin pa zhes bya ba skyes so/ /bu zhi ba chen po'i skyes rabs las/ bden pa'i
329b6 tshig ni rjes su bsrung / /bdag gi srog ni spangs nas su/ /rgyal rigs brgya phrag grol bar byas/ /bdag gi bden pa'i phar phyin 'di/ /de ltar srog spangs nas
329b7 bden pa rjes su bsrung ba de ni bden pa'i pha rol tu phyin pa ste/ don dam pa'i pha rol tu phyin pa zhes bya ba skyes so/ /lkugs pa dang / gzhogs phyed na ba'i tshul gyi skyes
330a1 rabs las/ pha ma bdag la mi dgos shing / /nor dang grags pa'ang dgos pa med/ /bdag ni thams cad mkhyen la dga'/ /de phyir brtul
330a2 zhugs gnas pa'o/ /de ltar srog gi 'dod pa yongs su btang nas brtul zhugs la lhag par gnas pa ni lhag par gnas pa'i pha rol tu phyin pa ste/ don dam
330a3 pa'i pha rol tu phyin ba zhes bya ba skyes so/ /rgyal po gcig gis skyes rabs las/ gang zhig bdag la skrag phyed med/ /bdag gis gang la'ang 'jigs ma byas//
330a4 byams pa'i stobs kyi steng gnas shing / /de tshe stong pa nyid la dga'/ /de ltar srog yongs su gtong ba la mi lta zhing byams par byed pa de'i byams pa ni pha rol
330a5 tu phyin pa ste/ don dam pa'i pha rol tu phyin pa zhes bya ba skyes so/ /dang pa'i spu'i skyes rabs las/ dur khrod du ni gnas par sems/ /rus gong la ni brten byas
330a6 nas/ /bdag gi gnas su nye bar 'ongs/ /gzugs la blta ba nyung ba med/ /de ltar grong gi khye'u la rdo la sogs pa blangs nas rdung ba nyid dang / me tog phreng ba dang /
330a7 spos kyis nye bar spyod pa la sogs pas bde ba dang / sdug bsngal bskyed kyang btang snyoms su 'dor ba de ni btang snyoms kyi pha rol tu phyin pa ste/ don dam pa'i pha
330b1 rol tu phyin pa zhes bya ba skyes so/ /de rnams 'dir mdor bsdus pa'o/ /rgya chen yang slar 'di'i don spyod pa'i sde snod las blang bar bya'o/ /de ltar pha rol tu phyin pa rdzogs nas thams
330b2 cad sgrol gyi bdag nyid du gnas so/ /sems med pa yi sa gzhi yi/ /bde dang sdug bsngal mi shes kyang / /bdag gi sbyin ba'i stobs de yis/ /lan bdun du ni rab tu
330b3 g.yos/ /de ltar sa gzhi chen po g.yo ba la sogs pa bsod nams chen po byed cing tshe'i mthar shi 'phos te dga' ldan du skyes so zhes pa mar me mdzad kyi zhabs drung
330b4 nas bzung ste/ ji srid dga' ldan du skyes pa de rnams kyi bar ni ring po'i gzhi zhes bya bar rig par bya'o/ /gzhan yang / byang chub sems dpa' dga' ldan du bzhugs
330b5 pa nyid nas sangs rgyas kyi sgra cher sgrogs ba zhes bya ba skyes pa na 'jig rten 'dir sgra cher sgrogs pa gsum byung ste/ bskal pa'i sgra cher sgrogs pa dang / sangs rgyas
330b6 kyi sgra cher sgrogs pa dang / 'khor los bsgyur ba'i sgra cher sgrogs pa'o/ /de la lo 'bum phrag gcig gi mthar bskal pa 'jig par 'gyur ro zhes pa 'jig rten gyi ming
330b7 du brjod pa ni 'dod pa na spyod pa'i lha mgo g.yogs kyis ma bsgribs pa dang / skra grol ba dang / du ba'i kha can lag pas mig gi mchi ma 'phyi ba gos dmar po gyon
331a1 pa| lhag par gzugs mi sdug pa'i cha byad 'dzin par gyur ba'i mi rnams lam la 'gro zhing 'di ltar brjod do/ /'jig rten pa 'dis lo 'bum phrag gcig
331a2 'das nas bskal ba 'jig bar 'gyur ro/ /'di yi 'jig rten rnams 'jig par 'gyur ro/ /rgya mtsho chen po'ang bskams par 'gyur ro/ /sa gzhi chen po 'di dang /ri'i rgyal
331a3 po ri rab kyang thal bar gyur cing 'jig go /tshangs pa'i 'jig rten gyi bar du 'jig par 'gyur zhes brjod do/ /'jig rten pa rnams byams pa sgoms shig /snying rje sgoms
331a4 shig /dga' ba sgoms shig /btang snyoms sgoms shig /ma la rim gro gyis shig /pha la rim gro gyis shig /rigs kyi gtso bo la rim gro gyis shig ces pa 'di ni
331a5 bskal pa'i sgra cher sgrogs pa zhes bya ba'o/ /lo stong phrag gcig 'das nas slar yang sangs rgyas thams cad mkhyen pa 'jig rten du byon no zhes brjod pa 'di
331a6 'jig rten skyong ba'i lha rnams 'di nas 'jig rten pa rnams lo stong phrag gcig 'das nas/ gzhan yang / sangs rgyas 'jig rten du byon no zhes brjod cing sgra cher
331a7 sgrogs pas rgyu ba 'di ni sangs rgyas kyi sgra cher sgrogs pa zhes bya ba yin no/ /gzhan yang / lo brgya 'das nas 'khor los bsgyur ba'i rgyal po byon no zhes brjod pa
331b1 ni lha nyid de/ 'jig rten ba rnams lo brgya 'das nas 'khor los bsgyur ba'i rgyal po 'jig rten du byon zhes sgra cher brjod cing rgyu ba 'di ni 'khor los bsgyur ba'i sgra cher sgrogs
331b2 pa zhes bya ba yin no/ /gsum po 'di ni sgra cher sgrogs pa yin no/ /de rnams las sangs rgyas kyi sgra cher sgrags pa thos nas stong phrag bcu'i khor yug gi lha thams cad gnas
331b3 gcig tu 'dus te/ che ge mo zhes bya ba'i byang chub sems dpa' sangs rgyas su 'gyur bar rtogs nas zhu ba'i phyir nye bar song ste/ zhus nas kyang sngar gyi mtshan ma skyes pa la
331b4 zhus so/ /de'i tshe slar yang thams cad kyi re re'i khor yug gi rgyal po chen po bzhi'i ris dang / brgya byin dang / 'thab bral dang / dga' ldan dang / 'phrul dga' dang / gzhan
331b5 'phrul dbang byed dang / tshangs pa chen po dang bcas pa'i lha dang / khor yug gi lha rnams 'dus ba'o/ /dga' ldan gyi gnas su byang chub sems dpa'i drung du song ste/ drang srong chen
331b6 po khyod kyis pha rol tu phyin pa bcu rdzogs pa ni brgya byin gyi phun sum tshogs par bya ba'i phyir ma yin/ bdud kyi phyir ma yin/ tshangs pa'i phyir don du gnyer ba rdzogs par bya ba'i
331b7 phyir ma yin/ 'khor los bsgyur ba'i phun sum tshogs pa'i phyir don du gnyer ba rdzogs par bya ba'i phyir ma yin no/ /gzhan yang / 'jig rten bsgral ba'i phyir dang / thams cad
332a1 mkhyen pa don du gnyer ba'i phyir rdzogs par byed do/ /de rnams ni da lta'i dus nas drang srong chen po sangs rgyas su 'gyur ba'i dus ni drang srong chen po sangs
332a2 rgyas su 'gyur zhes zhus so/ /sems dpa' chen po lha la gnang ba ma byin te/ dus dang / gling dang / yul dang / rigs dang / yum dang / tshe dang / tshe'i bye brag lhag ma
332a3 las med do/ /chen po lnga po zhes bya ba legs par gzigs so/ /de la dus dang / dus ma yin pa zhes bya ba ste/ dang po dus la gzigs so/ /de la lo 'bum phrag gcig gi
332a4 thog ma nas 'phel ba ni tshe'i dus dang / dus ma yin pa'o/ /gang gi phyir de'i tshe sems can rnams kyi skye ba dang / rga ba dang / na ba dang / 'chi ba rnams la gzigs so/ /sangs rgyas
332a5 rnams kyi chos ston pa ni mtshan nyid lnga spangs nas gzhan pa ni med do/ /de rnams ni mi rtag pa dang / sdug bsngal ba dang / bdag med pa ston cing 'di rnams ci'i phyir
332a6 'chad pa nyid mi nyan pa dang / mi dad pa dang / mi sems pa'o/ /de ni dus ma yin no/ /de'i phyir mi sems pa dang / ma nges pa'i bstan pa yin no/ /de'i phyir de ni dus ma yin
332a7 pa'o/ /lo brgya ba dman pas tshe'i dus kyang de'i dus ma yin no/ /gang gi phyir de'i tshe/ sems can nyon mongs pa shin tu che ba yin no/ /nyon mongs pa shin tu che bas gdams pa
332b1 byin no/ /gdams pa la mi gnas na chu la dbyug pa rgyab pa'i ri mo bzhin myur du 'gag go /de'i phyir de yang dus ma yin pa'o/ /lo 'bum phrag gcig nas gzung ba'i 'og tu
332b2 lo brgya pa'i mgor tshe'i dus te dus zhes bya ba yin no/ /de'i tshe yang lo brgya pa yin no/ /de nas sems dpa' chen po skye bar rigs so zhes dus la gzigs so/ /de nas gling la
332b3 gzigs te /gling bzhi 'khor dang bcas pa la gzigs nas gling gsum po rnams su sangs rgyas mi byon no/ /'dzam bu gling nyid du 'byon no/ /gling la gzigs pa'o/ /de nas
332b4 'dzam bu gling zhes bya ba dpag tshad stong phrag bcu'i tshad kyis che ba'o/ /yul gyi phyogs gang zhig tu sangs rgyas byon par 'gyur zhes yangs shing grol ba'i gnas blta zhing
332b5 yul dbus la gzigs te yul dbus zhes bya ba ni shar gyi phyogs na ka dzaM ga la zhes bya ba'i grong rdal lo/ /de'i pha rol na shing sA la chen po'o/ /de nas gzhan yang bas mtha'i
332b6 ljongs nye ba'i nang ngo / /shar lho'i mtshams su sA la can zhes bya ba'i chu klung ngo / /de nas gzhan yang bas mtha'i ljongs dang nye ba'i nang ngo / /lho phyogs su sau ta kar+Ni ka zhes bya
332b7 ba'i grong rdal lo/ /de nas gzhan yang bas mtha'i ljongs dang nye ba'i nang ngo / /nub phyogs ka ba zhes bya ba bram ze'i grong rdal lo/ /de nas gzhan yang bas mtha'i ljongs dang nye
333a1 ba'i nang ngo / /byang gi phyogs su u shi ri'i ri'o/ /de nas gzhan yang bas mtha'i ljongs dang nye ba'i nang ngo / /'di ltar 'dul bar bshad cing bstan
333a2 no| |dkyus su dpag tshad sum brgya'o/ /zheng du dpag tshad phyed dang sum brgya'o/ /mtha' bskor la dpag tshad dgu brgya'o/ /yul phyogs de rnams su ni sangs
333a3 rgyas dang / rang sangs rgyas dang / nyan thos mchog rnams dang / nyan thos chen po brgyad cu dang / 'khor los bsgyur ba'i rgyal po dang / gzhan yang / skyes bu
333a4 chen por grags pa'i rigs dang / bram ze'i rigs dang / shing sA la chen po'i lta bu'i khyim bdag rnams 'khrungs pa'i gnas so/ /de rnams las grong khyer
333a5 ser skya zhes bya ba 'di'o/ /der bdag 'khrungs par rigs so zhes thugs kyis nges par byas so/ /de nas rigs la gzigs pa zhes bya ba ni sangs rgyas zhes bya ba
333a6 rje'u rigs sam/ gdol ba'i rigs la mi 'khrung ngo / /slar yang 'jig rten pa mos pa'i rgyal rigs sam/ bram ze'i rigs gnyis la 'khrung ngo / /da lta ni rgyal rigs
333a7 la 'jig rten pa sems so/ /de la 'khrung ngo / /bdag gi yab ni zas gtsang ma zhes bya ba'i rgyal po yin te/ rigs la gzigs so/ /de nas yum la gzigs te/ 'dod
333b1 pa dang / chang la dga' ba ni sangs rgyas kyi yum zhes bya ba ma yin no/ /gzhan yang / bskal pa 'bum phrag gcig la pha rol tu phyin pa rdzogs par byas nas 'khrung ngo / /nyams
333b2 pa med pa'i tshul khrims lnga po nyid len no/ /lha mo sgyu 'phrul chen mo zhes bya ba 'di de dang 'dra ba bdag gi yum yin no/ /gzhan yang gang de tsam gyi tshe'o/ /zla ba bcu'i
333b3 mgo nas zhag bdun du gzigs so/ /'di ni chen po lnga la gzigs so/ /gzigs nas/ drang srong chen po bdag gi dus de sangs rgyas su 'gyur ba'i lha rnams kyi tshig
333b4 gis gnang ngo / /khyod rnams gshegs par zhu zhes lha de rnams btang nas dga' ldan gyi lha rnams kyis yongs su bskor te/ dga' ldan gyi dga' ba'i tshal du zhugs
333b5 so| |'jig rten gyi lha thams cad dga' ba'i tshal na yod pa nyid do/ /de la 'di yi lha 'di nas shi 'phos nas bde ba'i 'gro bar skyes te/ 'di nas shi 'phos nas bde ba'i
333b6 'gro bar skyes so/ /sngar byas pa'i dge ba'i las byas pa rjes su dran zhing rgyu'o/ /de de ltar lha rnams kyis dge ba rjes su dran pa rnams 'khor du byas shing der rgyu'o/ /shi 'phos
333b7 nas lha mo sgyu 'phrul ma chen mo'i mngal du zhugs so/ /de la legs par brjod pa'i phyir 'di go rim bzhin du sngon gyi gtam brjod do/ /de'i tshe grong khyer ser skyar dbyar
334a1 zla 'bring po'i rgyu skar du brjod par skye bo thams cad rgyu skar la rtse zhing lha mo sgyu 'phrul chen mo yang nya'i sdun du zhag bdun nas me tog gi phreng ba
334a2 dang / spos kyi 'byor pa dang ldan pas rgyu skar la rtse zhing longs spyod do/ /zhag bdun gyi mthar snga dro langs nas dri bzang gi chus khrus byas te/ 'bum phrag bzhi'i longs
334a3 spyod spel te sbyin pa chen po btang nas rgyan thams cad kyis brgyan/ kha zas bzang po zos te/ gso sbyong yan lag brgyad pa la gnas so/ /rgyan du byed pa la rigs
334a4 pa'i dpal gyi khang pa'i nang du zhugs nas dpal gyi mal cha la nyal te gnyid du song nas 'di lta bu'i rmi lam mthong ngo / /rgyal po chen po bzhi pos mal stan dang bcas
334a5 pa nyid blangs nas gangs can gyi nang du song ngo / /dpag tshad drug cu pa'i ma ni sha la'i steng du dang / dpag tshad bdun pa'i shing sA la chen po'i 'og tu bzhag nas
334a6 phyogs gcig tu 'khod do/ /de nas de'i lha mo 'ongs nas/ lha mo sgyu 'phrul ma chen mo mtsho ma dros par khrid do/ /mi'i dri ma bsal ba'i phyir khrus byas te/ lha'i
334a7 gos gyon nas dri bzang pos byug cing lha'i me tog 'dogs so/ /de nas mi ring bar dngul gyi ri de'i nang na gser gyi gzhal med khang 'dug go /der shar du mgo
334b1 bstan pa'i lha'i mal cha la der nyol zhes zer nas nyal lo/ /de nas byang chub sems dpa' glang po che dkar po gcig tu gyur to/ /de nas mi ring bar gser gyi ri gcig la der 'dzeg
334b2 cing de nas mar babs nas/ dngul gyi ri la 'dzeg go /byang gi phyogs nas 'ongs te/ dngul gyi phreng ba dang mtshungs pa'i glang po che'i gnas pad+ma dkar po 'dzin cing / glang po che'i
334b3 sgra sgrogs pas gser gyi gzhal yas khang du zhugs te/ rang gi mal cha la lan gsum du bskor ba byas nas glo g.yas pa phug nas ltor zhugs pa bzhin du gyur to/ de ltar
334b4 bre'i skar ma mchog la lhums su zhugs so/ /nyi ma gnyis pa la de'i snga dro sad de lha mos rgyal po la rmi lam rnams smras so/ /rgyal pos bram ze drug cu rtsa bzhi bos nas
334b5 me tog gi phreng ba la sogs pa dang / bkra shis dang / bsti stang byed cing sa lam la stan chen po bshams te de la zhugs pa'i bram ze rnams la mar gsar dang / sbrang rtsi
334b6 dang / ka ra rnams dang bsres pa'i 'o thug rnams gser dang / dngul las byas pa'i sder ma bkang ste gser dang / dngul gyi sder mas so sor bkab nas bram ze
334b7 rnams la phul lo/ /gzhan yang / rgyal po gyon pa dang mtshungs pa'i gos dang /gser rgya ma la sogs pa byin nas de rnams tshim par byas so/ /de nas de thams cad
335a1 'dod pa thams cad kyis tshim par gyur nas rmi lam bshad de ci 'dra bar 'gyur zhes dris so/ /bram ze rnams kyis smras pa/ rgyal po chen
335a2 po| 'jigs par ma byed cig /khyod kyi lha mo'i lto'i nang du sems can zhugs te/ de yang nang gi de skyes bu'o/ /mngal gyi nang gi de bu mo ni ma yin no/ /de khyed kyi sras
335a3 por 'gyur ro/ /de gal te khyim na gnas na 'khor los bsgyur ba'i rgyal por 'gyur ro/ /gal te khyim spangs nas rab tu byung na sangs rgya bar 'gyur ro/ /'jig rten
335a4 du zlog nas slar khyim na gnas nas skye ba med do/ /gzhan yang / byang chub sems dpa' yum gyi mngal du zhugs pa de ma thag tu thun gcig nyid la stong phrag bcu'i
335a5 'jig rten gyi khams thams cad yang dag par g.yos so/ /yang dag par rab tu g.yos so/ /yang dag par sgra sgrogs so/ /mtshan ma sum cu rtsa gnyis sngon gyi
335a6 mtshan par gyur to/ /stong phrag bcu'i khor yug rnams su snang ba tshad med par khyab cing gnas so/ /de yang de'i dpal blta ba 'di lta bu ste/ long ba rnams
335a7 kyis mig thob bo/ /'on pa rnams kyis rna bas sgra thos so/ /lkugs pa rnams kyis smra shes so/ /sgur bo rnams drang por gyur to/ /gong po rnams kyis 'gro shes
335b1 par gyur to/ /bcings pa'i sems can thams cad ni rjes su bcings pa las grol bar gyur to/ /dmyal ba thams cad kyi me zhi bar gyur to/ /yi dwags kyi yul ba
335b2 rnams bkres pa dang / skom la zhi bar gyur to/ /dud 'gro rnams phan tshun 'jigs pa med par gyur to/ /sems can thams cad kyi nad zhi bar gyur to/ /sems
335b3 can thams cad dga' bzhin du smra bar gyur to/ /rta rnams skad snyan pa'i rnam par gyur to/ /glang po rnams ni sgra sgrags so/ /rol mo rnams rang byung gi sgra sgrogs
335b4 so| |mi rnams kyi rkang pa dang / lag pa'i rgyan dang / rang ma reg pas so sor 'byin to/ /phyogs thams cad rab tu dwangs par gyur to/ /sems can rnams bde ba bskyed
335b5 pa'i phyir rlung 'jam po ldang bar gyur to/ /dus ma yin par sprin la char 'bab bo/ /sa la chu byung nas phyogs thams cad chur gyur to/ /bya rnams nam mkha' la 'gro ba
335b6 spong ngo / /chu klung rnams 'gro ba med par gnas so/ /rgya mtsho chen po'i chu ni mngar bar gyur to/ /gnas thams cad nyid du kha dog lnga pa'i pad+mas sa'i steng thams
335b7 cad khyab par gyur to/ /thad dang / chu las skyes pa'i me tog rnams kha bye bar gyur to/ /ljon shing rnams kyi sdong po la sdong po'i pad+ma'i me tog go /yal ga rnams la yal
336a1 ga'i pad+ma'i me tog go /'khri shing rnams la 'khri shing gi pad+ma'i me tog kha bye'o/ /thang dang / rdo'i steng du brtol nas steng nas steng du bdun bdun
336a2 du gyur nas/ dan+d+ra pad+ma zhes bya ba phyung ngo / /nam mkha' nas thur du pad+ma 'phyang ngo / /thams cad du me tog gi char 'bab bo/ /nam mkha' la lha'i rol mo'i sgra sgrogs
336a3 so| |stong phrag bcu'i 'jig rten gyi khams thams cad me tog dang / bdug spos dang / dri chab mchog tu skal pa bzang bar gyur to/ /'di ltar byang chub sems
336a4 dpa' mngal du zhugs pa nyid nas byang chub sems dpa' dang / byang chub sems dpa'i yum gyi nye bar 'tshe ba bzlog pa'i phyir ral gri lag tu thogs pa'i
336a5 lha'i bu bzhis srung bar byed do/ /byang chub sems dpa'i yum ni skyes pa la 'dod chags mi skye zhing / rnyed pa dang / grags pa thob par gyur to/ /skyid pa
336a6 sku la dub ba med par byang chub sems dpa' de'ang rum du zhugs nas/ nor bu rin po che rab tu dwangs pa srad bu dmar po la brgyus pa bzhin du mthong
336a7 ngo| |gang gi phyir yang byang chub sems dpa' zhugs pa'i rum zhes bya ba ni mchod rten gyi nang bzhin du sems can gzhan gyis reg pa dang / longs spyod
336b1 par mi nus so/ /de'i phyir byang chub sems pa'i yum byang chub sems dpa' 'khrungs nas zhag bdun nas dus las 'das nas dga' ldan du skye bar 'gyur ro/ /ji ltar
336b2 yang bud med gzhan zla ba bcu las dman pa'am/ lhag pa'am/ 'dug pa'am/ nyal nas skye'o/ /byang chub sems dpa'i yum ni de lta bu ma yin te/ de'ang byang
336b3 chub sems dpa' zla ba bcur rum du bsrungs nas 'greng ba la skye'o/ /'di ni byang chub sems dpa'i yum thams cad kyi chos nyid do/ /lha mo sgyu 'phrul ma chen
336b4 mo 'ang snod kyi nang gi 'bru mar bzhin du byang chub sems dpa' zla ba bcur rum du 'tsho zhing rum yongs su rdzogs nas gnyen gyi grong du 'gro'o zhes rgyal po chen po zas
336b5 gtsang gi drung du smras so/ /lha rigs kyi rgyud kyi grong khyer chen po lha bstan du bdag 'gro bar 'dong do/ /rgyal pos legs so zhes brjod nas gnang ngo / /ser skya'i gzhi
336b6 dang | grong khyer lha bstan gnyis kyi bar gyi lam mtshungs par byas nas chu shing dang / bum pa gang ba dang / rgyal mtshan dang / ba dan la sogs pa'i rgyan 'dzugs su
336b7 bcug nas lha mo gser gyi bo li la bzhugs te/ blon po stong phrag gcig gis bteg ste/ 'khor mang po dang bcas pa btang ngo / /grong khyer gnyis kyi bar du'ang gnyis ka'i
337a1 grong khyer pa gnas pa'i lum+bi nI'i tshal zhes bya ba la/ bkra shis pa'i shing sA la'i shing yod do/ /de'i dus su rtsa ba nas rtse mo'i yal ga'i
337a2 thams cad du bar ma chad par me tog kha bye bar gyur to/ /yal ga'i bar nyid dang / me tog gi bar kha dog sna lnga pa'i bung ba mang po lding ba dang / rnam pa sna tshogs pa'i bya
337a3 mang po'i tshogs ni snyan pa'i sgra dbyangs sgrogs shing spyod do/ /lum+bi nA'i tshal thams cad ni shing rta sna tshogs pa'i tshal bzhin du mthu dang / dbang phyug ni rgyal po'i mdzes
337a4 par byas pa'i mdun sa lta bu de lha mos gzigs nas shing sA la'i tshal du rtse bar bsam pa skyes so/ /blon po rnams kyis lha mo bteg nas shing sA la'i tshal du
337a5 bzhugs so/ /de bkra shis pa'i shing sA la'i rtsa bar gshegs te des shing sA la'i yal ga bzung bar sems par gyur te/ des shing sA la'i yal ga shin tu legs
337a6 pa me la sros nas bkug pa bzhin du mdud pa la lha mo'i lag par nye bar 'phyang ngo / /de'i lag pa brkyang nas yal ga'i rtse mo bzung ngo / /de ma thag tu las kyi rlung gis
337a7 bskyod do/ /de nas de'i phyogs kun tu yol ba byas nas skye bo thams cad phyir ring du gyur te/ shing sA la'i yal ga bzung nas 'dug pa nyid la de ltar de'i mngal nas
337b1 bltams par gyur to/ /de ma thag rnam par dga' ba'i sems dang ldan pa'i tshangs pa bzhi bos gser gyi dra ba blangs nas slob bo/ /de rnams kyis der gser gyi dra bas byang chub
337b2 sems dpa' blangs te yum gyi mdun na 'dug go /lha mo/ sems sdug bsngal bar ma byed cig /khyed kyi sras dbang phyug dang / grags pa dang bcas pa bltams so zhes
337b3 smras so| |de ltar yang sems can gzhan rnams ma'i rum nas 'thon pa na mi gtsang bas gos shing skyug bro ba can 'thon no/ /byang chub sems dpa' ni de lta bu ma yin no/ /
337b4 gzhan yang / chos kyi khri nas chos 'chad pa 'bab pa bzhin dang / skas la 'bab pa'i skyes bu bzhin du lag pa gnyis dang / rkang pa gnyis brkyang nas 'dug pa nyid bzhin no/ /ma'i rum
337b5 nas mi gtsang ba cung zad kyis kyang ma gos par dag cing 'jigs pa med pa bzhin no/ /yul ka shi ka'i ras kyi nang du nor bu rin po che bcug pa bzhin du 'od 'gyed cing yum
337b6 gyi rum nas 'thon no/ /de ltar gyur pa'i byang chub sems dpa' de dang / byang chub sems dpa'i yum de dag par bya ba'i phyir nam mkha' nas chu'i rgyun gnyis babs pas byang chub sems
337b7 dpa' dang / yum gyi sku dag par byas so/ /de'ang gser gyi dra bas blangs nas tshangs pa 'dug pa'i lag nas rgyal po chen po bzhi po rnams kyis bkra shis pa dang / bde ba la reg par gnas par
338a1 bya ba'i phyir gzig gi pags pas sngar gyi bzhin du blangs so/ /de rnams kyi lag nas mi rnams kyis du gu la'i ras kyi steng du blangs so/ /mi rnams kyi
338a2 lag tu btang nas sa la gnas so/ /shar phyogs la gzigs te/ stong phrag du ma'i khor yug rnams phan tshun du mthong ngo / /de'i lha dang / mi rnams kyis me tog gi phreng ba dang / spos
338a3 la sogs pas mchod cing skyes bu chen po khyod lta bu 'di na med/ khyod kyi gong na gzhan du 'ang med do zhes smras so/ /de bzhin du phyogs bzhi dang / mtshams bzhi
338a4 dang / 'og dang / steng gi ste/ phyogs bcu po thams cad legs par gzigs nas bdag dang mtshungs pa med par mthong ngo / /de nas byang gi phyogs su gom pa bdun bgrod
338a5 do| |tshangs pa chen po gdugs dkar po 'dzin cing 'thab bral bas rnga yab g.yob pa/ lha gzhan rnams kyis rgyal po la nye bar mkho ba'i dngos po ma lus pa lag tu
338a6 thogs nas rjes su 'gro'o/ /de nas gom pa bdun pa la gnas pa na 'jig rten pa rnams las bdag mchog go zhes pa la sogs pa'i shis pa brjod pa'i gtam brjod
338a7 cing / seng+ge'i sgra sgrogs so/ /byang chub sems dpas kyang skye ba gsum du yum gyi rum nas 'thon tsam nas gtam du brjod do/ /sman chen por skyes pa dang / thams cad
338b1 sgrol du skyes pa dang / 'dir skyes pa'o/ /sman chen po skyes pa na yum gyi rum nas 'thon ma thag nyid du brgya byin lha'i rgyal po 'ongs te tsan+dan gyi snying po lag tu thogs nas song ngo //
338b2 de de rnams kyi khu tshur du bcug nas 'thon no/ /de nas yang yum gyis dris pa/ bu/ ci khyer nas 'ongs/ ma/ sman yin no/ /'dis sman khyer nas 'ongs pa'i phyir sman gyi khye'u zhes bya
338b3 bar ming btags so/ /des sman blangs nas chu'i snod kyi nang du bcug go /'ongs shing 'ongs pa'i long ba dang / 'on ba la sogs pa de rnams de nyid kyi nad thams cad nye bar zhi bas
338b4 na sman par gyur to/ /de nas sman chen po sman chen po zhes brjod cing skyes pa'i tshig gi rgyus sman chen po nyid de'i ming du gyur to/ /gzhan yang / thams cad sgrol du skyes pa na ma'i rum
338b5 nas skyes tsam na lag pa g.yas pa brkyang nas/ yum/ bdag cag gi khyim na spyin pa gtang rgyu 'dra bdog gam zhes brjod cing 'thon no/ /de nas de'i mas/ bu/ 'byor pa dang ldan pa'i
338b6 rigs su khyod skyes so/ /bu'i lag pa rang gi lag ba'i steng du gzhag ste/ nor bu rin po che stong phrag gcig gi snod bzhag go /gzhan yang / 'di skyes pa na 'dis seng+ge'i sgra sgrogs so//
338b7 de bzhin du byang chub sems dpa' skye ba gsum du ma'i rum nas skyes tsam nas gtam brjod do/ /ji ltar yang rum du zhugs tsam dang / bltams tsam na sum cu rtsa gnyis sngon gyi
339a1 mtshan ma bzhin du skyes par gyur to/ /gzhan yang / gang gi tshe bdag cag gis byang chub sems dpa' lum+bi ni'i tshal du bltams so/ /de ma thag tu lha
339a2 mo sgra gcan 'dzin gyi ma dang / blon po 'dun pa dang / blon po nag po 'char ka dang / rta'i rgyal po bsngags ldan dang / byang chub kyi shing dang / gter bzhi'i bum pa skyes so/ /de la
339a3 gcig la rgyang grags bzhi dang / gcig la rgyang grags brgyad dang / gcig la rgyang grags bcu gnyis dang / gcig la rgyang grags bcu drug go /bdun po 'di lhan cig
339a4 tu skyes pa yin no/ /grong khyer gnyis na gnas pa'i mi rnams kyis byang chub sems dpa' khrid nas grong khyer ser skya'i gzhi kho nar phyin no/ /nyi ma de nyid la grong khyer
339a5 ser skya'i gzhi la rgyal po chen po zas gtsang gi sras por bltams so/ /gzhon nu 'di byang chub shing gi drung du bzhugs nas sangs rgyas su 'gyur ro zhes pa la sum cu
339a6 rtsa gsum gyi gnas kyi lha rnams kyis dga' ba dang / tshim pas lag pa gyen du bskyod nas rtse zhing bstod pa byed do/ /de'i tshe rgyal po chen po zas gtsang gis mchod
339a7 gnas snyoms par 'jug pa brgyad thob pa'i dka' thub pa nag po lha len zhes bya ba kha zas bzang po la longs spyod do/ /nyin mo nyi ma la mi gnas pa'i phyir sum cu rtsa gsum
339b1 gyi gnas su 'gro zhing der bde bar 'dug nas lha de rnams blta'o/ /khyed rnams ci'i phyir 'di ltar dga' ba'i sems kyis rtse/ bdag kyang 'di rnams kyi ched du bya ba kho bo la ston cig
339b2 ces dris so/ /lha rnams kyis smras pa/ drang srong chen po/ /rgyal po zas gtsang gi sras bltams so/ /des byang chub shing gi drung du bzhugs nas sangs rgyas su gyur nas chos kyi
339b3 'khor lo bskor ro/ /de nas mtha' yas pa'i sangs rgyas kyi rol mo blta ba dang / chos thams cad thob bo snyam pa 'di rnams kyi rgyu mtshan gyis dga' bar gyur to/ /dka' thub pas de'i tshig
339b4 thos nas myur du lha'i yul nas babs te/ rgyal bo'i gnas su 'ongs nas/ gdan bshams pa la 'dug ste/ bu rnams/ rgyal po chen po'i sras su gyur pa de bdag gis blta'o zhes
339b5 smras so| |rgyal pos rgyan dang ldan pa'i gzhon nu blangs nas dka' thub pa la phyag bya ba'i phyir byang chub sems dpa'i zhabs kyis bskor nas dka' thub pa'i ral pa'i steng na
339b6 'dug go /byang chub sems dpas kyang de rnams kyis lus kyis phyag byed par rig pa gzhan med do/ /gal te mi shes pas byang chub sems dpa'i dbu la dka' thub pa'i rkang pa
339b7 bzhag na de'i mgo tshal pa bdun du 'gas par 'gyur ro/ /dka' thub pas bdag nyams pa'i phyir du rigs pa ma yin no/ /stan las langs nas byang chub sems dpa' la thal mo sbyar
340a1 ro| |rgyal pos ya mtshan che ba gzigs nas rang gi sras la phyag byas so/ /dka' thub bas 'das pa'i bskal ba bzhi bcu dang / ma 'ongs pa'i bskal
340a2 pa bzhi bcu ste/ bskal ba brgyad cu rjes su dran no/ /byang chub sems dpa'i mtshan nyid phun sum tshogs pa mthong nas sangs rgyas par 'gyur ram/ mi 'gyur zhes brtags pas
340a3 the tshom med pas sangs rgyas su 'gyur bar rtogs te/ 'di ya mtshan che ba'i skyes bu yin no zhes bsams nas bgad do/ /de nas 'di nas sangs rgyas nas bdag gis mthong
340a4 ngam| mi mthong zhes brtags pas mi mthong ngo / /bar du dus las 'das nas sangs rgyas brgya'am/ sangs rgyas stong gshegs nas brtag par mi nus pa'i gzugs med ba'i
340a5 gnas su skye bar nges par mthong ngo / /'di lta bu'i tshul gyis ya mtshan che ba'i skyes bu mthong bar mi nus so snyam ste/ bdag gi sems shin tu sdug bsngal bar gyur nas
340a6 ngus so| |de mi rnams kyis mthong ste/ bdag cag gi 'phags bar 'ga' ni dgod/ re 'ga' ni du ba'i rgyu mtshan ci lags/ bdag cag gi sras 'phags pa la bar
340a7 du gcod pa 'ong ngam zhes dris so/ /'di la bar du gcod pa mi 'byung zhing the tshom med par sangs rgyas su 'gyur ro zhes smras so/ /'o na gang gi phyir du zhes dris so/ /'di lta bu'i
340b1 tshul gyi skyes bu sangs rgya bar 'gyur ba bdag gis mthong bar mi 'gyur bas bdag shin tu nges bar sdug bsngal lo/ /de'i phyir rang gi ched du mya ngan gyis ngu'o zhes smras so/ /de na
340b2 ci'i phyir rang gi nye du rnams las 'ga' zhig gis 'di sangs rgyas su gyur nas mthong bar 'gyur ram/ mi 'gyur/ zhes brtags pas tsha bo nA la ka'i gzhon nus mthong ngo / /de srid
340b3 mo'i khang bar song ste/ nA la ka gzhon nu de gang na yod/ 'phags pa/ khang ba na yod do/ /de bos la shog /de rang gi gnas su 'ongs nas nA la ka la smras so/ /tsha bo/ rgyal po
340b4 chen po zas gtsang gi rigs kyi bu 'khrungs so/ /'di ni sangs rgyas kyi myu gu'o/ /lo sum cu rtsa lnga 'das nas sangs rgyas su 'gyur zhing / khyod kyis 'di mthong bar 'gyur bas da ltar
340b5 nyid du rab tu byung ba gyis shig ces smras so/ /bye ba brgyad cu rtsa bdun gyi nor gyi rigs la skyes pa'i gzhon nus/ zhang po 'dis bdag la don med cing dgos pa med do zhes brjod
340b6 par bsams so/ /de ma thag tu rang gi tshong gnas su dur smrig gi gos nyid dang / sa'i lhung bzed blangs nas skra dang / kha spu bregs te/ dur smrig gi gos gyon na gang zhig 'jig rten
340b7 ba'i gang zag gi mchog gi mchog la bsams shing bdag rab tu 'byung bar 'gyur ro zhes bsams te byang chub sems dpa'i phyogs su thal mo sbyar nas yan lag lnga'i phyag
341a1 byed do| |lhung bzed snod du bcug nas phrag pa la gzar te gangs can du gshegs nas dge sbyong gi chos byed do/ /des mchog tu mngon par rdzogs
341a2 par sangs rgyas pa'i de bzhin gshegs pa'i drung du nye bar song ste/ nA la ka'i so so'i rtogs ba'i gtam thos nas slar yang gangs can du gshegs te dgra bcom pa thob/
341a3 mchog tu rtogs dka' ba rtogs nas zla ba bdun nyid kyi nang du tshe 'das te gser gyi ri gcig la brten nas 'dug ste lhag ma med par yongs su mya ngan las 'das pa'i dbyings
341a4 su yongs su mya ngan las 'das so/ /byang chub sems dpa' yang zhag lnga nas dbu 'khru bar byed cing ming 'dogs par rigs so zhes bsams nas rgyal po'i pho brang la dri
341a5 bzhi'i rigs kyis byug par byas te/ rin po che lnga'i me tog gcal du bkram nas chu med pa'i 'o ma btsos pa'i 'o thug 'tshod cing rig byed gsum gyi pha rol tu son pa'i bram ze
341a6 brgya rtsa brgyad mgron du gnyer te rgyal po'i pho brang du bzhugs nas/ kha zas bzang po la longs spyod cing bkur sti chen po byas nas mtshan nyid ji lta bu zhes dris so/ /de rnams
341a7 las dga' byed dang / rgyal mtshan dang / mtshan nyid dang / rigs kyi bsngags pa dang / kau N+Di n+ya dang / lag pa can dang / gshin rje bzang dang / legs sbyin te/ de rnams de'i
341b1 tshe bram ze brgyad yin no/ /yan lag drug gi sngags brda sprad nas bram ze brgyad po 'di lta bu nyid kyi mtshan nyid so sor brjod nas dga' ldan gnas nas ma'i mngal du zhugs
341b2 pa'i mtshan nyid 'di rnams kyis bshad do/ /de rnams las bram ze bdun gyis mdzub mo gnyis bsgrengs te don gnyis lung bstan no/ /mtshan nyid 'di dang ldan pas
341b3 khyim na gnas na 'khor los bsgyur ba'i rgyal por 'gyur ro/ /rab tu byung na sangs rgya bar 'gyur ro/ /'khor los bsgyur ba'i phun sum tshogs pa thams cad bshad pa rdzogs
341b4 nas| gzhan de rnams kyi nang nas thams cad kyi gzhon shos kyi rigs ni ko N+Di n+ya bram ze'i khye'u 'o zhes bya ba'o/ /byang chub sems dpa' de'i ma'i mtshan mchog rnams
341b5 rdzogs par btags so/ /'di ni khyim na gnas pa'i rgyu med pas mtha' gcig nyid du khyim na mi gnas par sangs rgya'o/ /mdzub mo gcig bsgrengs te 'di ltar lung
341b6 bstan no| |'di ni sngar gyi gzhi byas pas phyis mir gyur pa na shes rab dang ldan no/ /bram ze bdun las lhag par gyur nas 'di'i mtshan nyid rigs par ldan nas khyim
341b7 du gnas pa'i ming yang med do/ /the tshom med par sangs rgya bar 'gyur te/ 'gro ba gcig las gzhan ma mthong ngo / /de'i phyir mdzub mo gcig bsgrengs te 'di ltar lung
342a1 bstan no/ /de nas bram ze de rnams rang gi khyim du 'gro zhing bu rnams bos te/ bu/ bdag cag rnams rgan por gyur pas rgyal po chen po zas
342a2 gtsang gi sras thams cad mkhyen pa thob par gyur pa na bdag cag dang mjal bar 'gyur ram/ mi 'gyur cha med kyi/ khyod de'i sras kyis thams cad mkhyen pa thob par
342a3 gyur nas de'i bstan pa la rab tu byung zhig ces smras so/ /bram ze bdun po rnams kyis kyang ji srid tshe gnas kyi bar ji ltar byas pa'i las rtogs so/ /bram ze'i khye'u ko N+Di n+ya
342a4 nyid nad med par gyur nas gnas so/ /de'i sems dpa' chen po blo dang ldan pa nges par 'byung ba chen pos mngon par byung nas go rim bzhin du lteng rgyas su song ngo / /sa phyogs 'di
342a5 ni nyams dga' bas rigs kyi bu sa phyogs 'di dka' ba spyod pa'i gnas su rigs par sems skyes pas der gnas te skyes bu chen po rab tu byung ngo zhes thos nas bram
342a6 ze'i bu'i gnas su nye bar song ngo / /zhes smras so/ /gzhon nu don grub rab tu byung nas the tshom med par de sangs rgya bar 'gyur ro/ /gal te khyed rnams kyi pha nad med par gnas na/
342a7 de ring phyin nas rab tu byung ba byed do/ /gal te khyod kyang 'dod na 'dir 'ongs nas bdag gis skyes bu de'i rjes su rab tu 'byung bar bgyi'o/ /de thams cad 'dun pa gcig par ma nus
342b1 par skye bo bzhi po las ko N+Di N+ya gtso bo byas nas skye bo lnga po rab tu byung ste/ de rnams kyi skye bo lnga po ni gnas brtan lnga sde zhes bya ba'i rigs su gyur to/ /gzhan yang / de'i tshe rgyal po 'di skad
342b2 du gang mthong nas bdag gi bu rab tu 'byung zhes 'dri'o/ /sngon gyi mtshan ma bzhi mthong bas de gang dang rgas zhing 'khogs pa dang / na ba dang / 'chi ba dang / rab tu byung ba'o/ /rgyal
342b3 pos 'di rnams bzung nas 'di lta bu'i tshul bdag gi bu dang nye bar 'ong du ma 'jug cig /bdag gi sras kyis sangs rgyas thob kyang don med do/ /bdag gi sras stong phrag gnyis
342b4 kyi gling 'khor dang bcas pa'i gling chen po bzhi po rnams kyi dbang phyug gi bdag po'i rgyal po byed cing dpag tshad sum cu rtsa drug gi 'khor yug gi 'khor nam mkha'i dbyings su
342b5 gshegs pa la blta bar 'dod do/ /slar yang 'di ltar brjod cing 'di lta bu'i rnam pa bzhi'i skyes bu gzhon nu'i mig lam du 'ong ba bsrung zhing phyogs bzhir rgyang grags bzhi bzhir
342b6 bsrung ba bzhag go /de'i nyi ma la'ang bkra shis pa'i gnas su 'dus pa'i rigs kyi nye du stong phrag brgyad cu po re re'i bu brgya yongs su ster bar bsams so/ /'di sangs rgyas su
342b7 'gyur ram/ rgyal por 'gyur ram/ bdag gi bu re re ster ro/ /gal te sangs rgyas bar gyur na rgyal rigs kyi dge sbyong nyid kyis mdun rgyab thams cad du bskong nas 'gro ba yin no//
343a1 gal te rgyal por gyur na rgyal rigs kyi gzhon nu nyid kyis mdun rgyab kun nas bskor nas 'gro'o zhes smra zhing 'bul lo/ /rgyal pos kyang byang chub sems
343a2 dpa' la gzugs ma chog dang ldan pa skyon thams cad spangs pa'i nu ma snun pa nyid gnas pa byin no/ /byang chub sems dpa' 'khor mtha' yas pa dpal dang / skal ba 'phel
343a3 ba dang ldan no/ /de nas nyi ma gcig la rgyal po'i 'bras 'debs pa la bkra shis byed do/ /de'i nyi ma la grong khyer thams cad du lha gshegs pa bzhin du brgyan no/ /bran dang / las
343a4 byed pa la sogs pas gos legs po gyon nas/ spos dang / me tog gi phreng ba la sogs pas brgyan par byas nas rgyal po'i pho brang gi nang du 'dus so/ /rgyal po'i gzhis rnams
343a5 la zhing rmo ba stong phrag gcig rigs so/ /slar yang de'i nyi ma la gcig gi dman pa'i zhing rmo ba brgyad brgya dang bcas pa'i glang gi gnya' shing gi thag pa dngul las byas pa dang /
343a6 rgyal po 'dzin pa'i zhing rmo ba'i thong pa slar yang gser la byas par gyur ro/ /glang gi rwa gnyis la gser gyis bskus so/ /kha dang ske'i thag pa ni gser la'ang byas so/ /rgyal
343a7 po'i 'khor chen po dang bcas pa byon nas sras blangs te gshegs so/ /gzhis ka'i gnas na shing 'dzam bu gcig la lo ma mang pos grib ma stug por gyur pa zhig yod
343b1 pa'i 'og tu gzhon nu'i mal stan chen po byas nas steng du bla res gser gyi skar ma dang mtshungs pa bres te/ lcags ri ltar yol bas phyogs kun nas bskor te/ rgyal
343b2 po rgyan thams cad kyis brgyan par byas nas blon po 'khor dang bcas pa zhing rmo ba'i gnas su gshegs te/ der rgyal pos gser gyi thong ba bzung ngo / /gcig gis dman pa'i
343b3 brgyad brgya'i dngul gyi thong pa blon pos bzung ste/ so nams byed pa'i skye bo rnams kyis thong pa lhag ma rnams bslangs so/ /de rnams kyi thong pa bzung nas de dang / der sgal rmo'o//
343b4 rgyal pos slar yang 'di nas phar 'gro zhing pha rol nas tshur 'ongs/ de'i gnas phun sum tshogs par 'gyur ro zhes bsams nas/ byang chub sems dpa' 'khor dang bcas pa
343b5 bzhugs pa'i nu ma snun pa rnams rgyal po'i phun sum tshogs par blta'o/ /yol ba'i nang nas phyir 'thon no/ /byang chub sems dpa' de dang / der gzigs pas gcig kyang
343b6 mi snang ngo / /myur bar langs nas skyil krung bcas te/ rlung 'byung ba dang /rdub cing bzung bas bsam gtan dang po skyes so/ /nu ma snun pa rnams kha zas za ba'i phyir phan tshun
343b7 da 'gro zhing de ma thag cung zad thogs par gyur to/ /shing gzhan rnams kyi grib ma mi ldog cing gzhan yang shing de'i grib ma rnams kun nas gnas so/ /nu ma snun pa rnams
344a1 kyis sras 'phags pa zhes gcig tu brjod cing myur du yol ba steng du brdzes te nang du zhugs nas/ byang chub sems dpa' mal stan
344a2 la skyil krung gis bzhugs pa de'i cho 'phrul mthong nas song ste rgyal po la zhus so/ /lha/ gzhon nu 'di lta bu'i tshul gyis bzhugs so/ /'di ltar shing gzhan rnams
344a3 grib ma mi bzlog go/ shing 'dzam bu'i grib ma ni kun nas gnas so/ /rgyal po myur du byon nas cho 'phrul blta ste/ sras 'di la phyag gnyis pa ste/ zhes brjod nas
344a4 sras la phyag btsal lo/ /de nas go rim bzhin du byang chub sems dpa' lo bcu drug pa'i na tshod du gyur to/ /rgyal pos byang chub sems dpa' la dus gsum du rjes
344a5 su rigs par khang bzang gsum byas nas gcig dgu thog /gcig la bdun thog /gcig lnga thog go /stong phrag bzhi bcu'i gar byed pa'i bud med rnams nye bar
344a6 gnas par byas so/ /byang chub sems dpa' ni lha bzhin du lha dang 'dra ba'i bud med rnams 'khor du byas nas rgyan gyis brgyan pa'i bud med du ma dang bcas pa skyes pa med pa'i
344a7 rol mo sgrogs pa 'khor du bya ste/ phun sum tshogs pa chen po rjes su myong bar byed do/ /dus kyi res dang / dus kyi res pa de dang / de'i khang bzang du bzhugs so/ /gzhan yang / sgra gcan
344b1 'dzin gyi ma de nyid btsun mo rnams kyi gtso mor gyur to/ /de'i de bzhin du phun sum tshogs pa chen po rjes su myong bar byed do/ /nyi ma gcig la nye du'i nang du 'di lta bu'i gtam byung ngo / /don
344b2 grub rtsed mos brjed nas gshegs shing bzo cung zad kyang mi slob bo/ /g.yul so so nas nye bar gyur na ci byed/ de'i tshe byang chub sems dpa' bos nas/ bu/ khyod kyi nye du rnams don grub
344b3 bzo cung zad kyang mi slob cing rtsed mos gshegs nas 'gro'o zhes zer ro/ /'dir g.yul byung na ji ltar byed ces bsams/ lha/ ngas bzo bslabs pa la dgos pa med do/ /
344b4 grong khyer gyi mi rnams bdag gi bzo blta ba'i sems yod na dril sgrogs shig /'di nas zhag bdun pa la nye du rnams la bzo bstan par bgyi'o/ /rgyal pos de bzhin du byas
344b5 so| |byang chub sems dpas sgra la 'phen pa dang / spun la 'phen pa dang / gzhu thogs pa 'dus bar byas nas skye bo mang po'i nang du gzhan gzhu thogs pa dang thun mong ma
344b6 yin pa nye du rnams la bzo bcu gnyis bstan no/ /de rnams mnga' 'joms pa'i skyes rabs las 'byung ba'i tshul bzhin du rig par bya'o/ /de'i nye du rnams kyi the tshom
344b7 sel lo| |gzhan yang / byang chub sems dpa' skyed mos tshal du gshegs par bsams nas kha lo sgyur ba pos te/ shing rta chas su chug cig ces smras so/ /des legs
345a1 so zhes brjod cing tshig thos nas/ shing rta chen po'i 'khor lo'i mchog la ji ltar rigs pa'i rgyan thams cad kyis brgyan nas/ ku mu ta'i
345a2 'dab ma'i mdog dang 'dra ba'i bkra shis pa'i rta bzhis shing rta khrid nas byang chub sems dpa' gshegs so zhes smras so/ /byang chub sems dpa' lha'i gzhal med khang
345a3 bzhin du shing rta la zhon nas skyed mos tshal gyi phyogs su gshegs so/ /lha rnams kyis gzhon nu don grub kyi mngon par rdzogs par byang chub ba'i dus ni nye bar gyur to/ /sngar
345a4 gyi mtshan ma rnams blta bar rigs so/ /lha'i bu gcig gis rgas pa/ 'khogs pa/ so byi ba/ skra dkar ba/ sgur ba/ rgyab grum pa'i lus can lag tu 'khar ba thogs pa/ skad
345a5 'dzer bar byed pa bstan no/ /de byang chub sems dpa' kha lo sgyur bas mthong ngo / /de nas byang chub sems dpas kha lo sgyur ba la dris so/ /skyes bu 'di gang zhig yin/ skra yang
345a6 gzhan dang mi 'dra ba ji lta bu/ gtso bo chen po'i mdo nas byung ba bzhin 'dri bar bya'o/ /de'i tshig thos nas skye ba mi rtag cing skyes par gyur pa thams cad rgas par 'gyur ro zhes sems
345a7 sdug bsngal zhing de nyid du bzlog nas/ rang gi khang bzang nyid du gshegs so/ /rgyal pos rgyu mtshan ci'i phyir bdag gi sras po myur du ldog pa ci'i phyir dris so/ /lha rgas shing
345b1 'khogs pa'i mi gcig mthong bas rab tu 'byung ngo / /myur du bu la gar byed pa rnams sta gon gyis shig /phun sum tshogs pa nyams su myong bar byas pas rab tu 'byung ba rjes su dran
345b2 par mi 'gyur ro zhes smras nas srung bar byed pa spel to/ phyogs thams cad du rgyang grags brgyad brgyad du bzhag go /gzhan yang /nyi ma gcig la byang chub sems dpa' de bzhin du skyed
345b3 mos tshal du gshegs ba na lhas sprul pa'i nad pa zhig mthong nas sngar bzhin du dris so/ /sems sdug bsngal bar gyur te slar yang bzlog nas rang gi khang bzang du gshegs so/ /rgyal
345b4 pos yang dris pa/ sngar de bzhin du byas nas/ sngar yang spel te thams cad du rgyang grags bcu gnyis kyi sa'i char srung bar byed pa bzhag go /yang nyi ma gzhan la byang chub sems
345b5 dpa' de bzhin du skyed mos tshal du gshegs pa na lhas sprul ba'i dus la 'das pa zhig mthong nas sngar bzhin du dris te sems sdug bsngal bar gyur nas slar yang bzlog te khang
345b6 bzang du gshegs nas rgyal pos dris pa slar bzhin du byas nas/ slar yang srung ba spel te kun nas bskor bar dpag tshad gcig gi tshad la bsrung ba bzhag go /slar yang nyi ma gzhan
345b7 la skyed mos tshal du gshegs pa na de bzhin du lhas sprul ba'i gos bzang po legs pa gyon pa'i rab tu byung ba gcig gzigs nas/ 'di'i ming ci zhes kha lo ba la dris so/ /gang
346a1 du yang sangs rgyas byon par ma gyur cing rab tu byung ba'i yon tan mi shes/ lha'i mthus slar yang / lha/ rab tu byung ba yin zhes brjod de/ rab tu byung ba'i
346a2 yon tan la bsngags pa brjod do/ /byang chub sems dpa' rab tu 'byung ba la 'dun pa skyes nas de'i nyin mo skyed mos tshal du gshegs so/ /slob dpon kha cig 'di skad zer
346a3 te| sdun gyi mtshan ma bzhi pa nyi ma gcig nyid la mthong ngo zhes zer ro/ /de ni mi 'thad do/ /de la nyin mo'i char rtse zhing bkra shis pa'i rdzing bur khrus byas nyi ma nub pa na bkra shis pa'i
346a4 rdo leb kyi stan la bzhugs so/ /rang la rgyan gyis brgyan par sems so/ /de nas rjes su 'brang ba'i skyes bu rnams la kha dog sna tshogs pa'i gos dang / rgyan rnam pa sna tshogs
346a5 pas brgyan/ me tog gi phreng ba dang / spos dang / byug pa la sogs pa blangs nas phyogs kun tu bskor nas 'dug go /de ma thag par brgya byin sdod pa'i gdan dro bar gyur to/ /
346a6 gang zhig bdag gi gnas 'dor ba'i sems su zhig la skyes par gyur zhes brtags so/ /byang chub sems dpa'i rgyan byed pa'i dus mthong ngo / /las thams cad pa bos
346a7 so| |las thams cad pa/ gzhon nu don grub de rang gi mtshan phyed kyi dus su nges par 'byung ba chen pos 'thon no/ /'di de'i phyi ma'i rgyan yin no/ /skyed mos tshal du song la skyes
346b1 bu chen po lha'i rgyan gyis brgyan par gyis shig /des de thos nas legs so zhes brjod de/ lha'i mthus de ma thag par nye bar song ste/ de'i rim gro ba dang mtshungs bar gyur nas rim gro pa'i
346b2 lag tu ras blangs nas byang chub sems dpa'i dbu la bcings so/ /byang chub sems dpa' mgo la lag pas reg pa na 'di mi ma yin te/ lha'i bu yin par shes so/ /bcings
346b3 pa tsam na bcings pa'i dbu'i cod pan nor bu rin po che'i rnam pa la/ stong phrag gcig gi du ku la'i ras kyis bcings so/ /slar yang 'ching ba na du ku la'i ras stong phrag gcig
346b4 gis lan bcu dkris nas stong phrag bcus du ku la'i ras bcings so/ /dbu ni chung zhing du ku la'i ras ni mang bas ji ltar bcings zhes mi bsam mo/ /de rnams thams cad la
346b5 'khri zhing sA la'i me tog gi tshad tsam che ba'o/ /yang na ku ba'i me tog gi tshad tsam du gyur to/ /byang chub sems dpa'i dbu ki dza la ka'i me tog ltar mtshungs pa'o/ /yang na ku spya
346b6 ka'i me tog ltar gyur pa'o/ /de nas thams cad kyis so sor brgyan nas rol mo thams cad rang rang gi sgra 'byin zhing bram ze rnams rgyal bar gyur cing / /dga' bar gyur
346b7 cig ces rnam pa sna tshogs pa'i bkra shis kyis bstod pa'i dbyangs byed do/ /rgyan thams cad kyis brgyan nas mchog gi shing rta la chibs so/ /de'i tshe grags
347a1 'dzin ma la bu btsas so/ /rgyal po zas gtsang gis thos nas bdag gi bu dga' bar bya ba'i phyir pho nya ba btang ngo / /byang chub sems dpas de thos nas sgrag can
347a2 'dzin skyes pas 'ching ba skyes so zhes gsungs so/ /rgyal po bdag gi bu la ci'i phyir 'dri/ de'i tshig thos te 'di nas bzung ste bdag gi tsha bo gzhon nu sgra gcan 'dzin nyid ming du
347a3 gyur to zhes smras so/ /byang chub sems dpas kyang grags pa chen pos shin tu dga' ba dang / dpal dang / skal ba bzang po dang ldan pa'i grong khyer du gshegs so/ /de'i tshe gau ta mi
347a4 skem mo zhes bya ba rgyal rigs kyi bu mo khang bzang gi steng du 'dug pas grong khyer la skor ba byed pa'i byang chub sems dpa'i dpal dang ldan pa'i gzugs mthong nas/ dga' ba
347a5 dang / yid bde ba skyes te ched du brjod pa 'di ched du brjod do/ /de yi ma ni zhi bar 'gyur/ /de yi pha ni nges bar zhi/ /de yi bud med nges zhir gyur/ /de yi yang ni de bdag
347a6 mtshungs/ /byang chub sems dpas de thos nas bsams pa/ 'di 'di lta bur smra ba/ 'di lta bu'i tshul gyi bdag nyid kyi lus mthong bas ma'i sems zhi bar gyur/ pha'i sems
347a7 zhi bar gyur/ skye dgu dang skye dgu'i bdag mo'i sems zhi bar gyur zhes smre'o/ /ci'i phyir sems zhi ba zhes bya ba'i don gang / de nas nyon mongs pa'i chags pa med pa'i
347b1 sems la de skad brjod do/ /'dod chags kyi me zhi bar gyur pa ni zhi ba'i ming du gyur to/ /skyon gyi me dang / gti mug gi me zhi bar gyur pa ni zhi ba'i ming du gyur to/ /nga rgyal dang / lta ba la
347b2 sogs pa'i nyon mongs ba kun skyes pa thams cad zhi ba ni zhi ba'i ming du brjod do/ /'di bdag la tshig snyan ba brjod cing / bdag ni mya ngan las 'das pa tshol du 'gro zhing tshol lo/ /
347b3 de ring nyid nas bdag khyim na gnas pa spangs nas nges par 'byung bas rab tu byung nas mya ngan las 'das pa tshol bar rigs so/ /'di ni bdag gi slob dpon bar gyur to/ /gau ta mi
347b4 skem mo la 'bum phrag gcig ri ba'i mu tig gi dra ba mgrin pa nas bkrol te bskur ro/ /des don grub gzhon nu bdag la chags shing zhen bar gyur pas sems rten bskur ba yin
347b5 pas/ des sems bde bskyes par gyur to/ /byang chub sems dpa' ni dpal dang ldan ba skal pa bzang po dang ldan pa'i rang gi khang bzang du gshegs nas dpal gyi mal stan la
347b6 gzims so/ /de ma thag tu rgyan thams cad kyis brgyan pa'i glu dang / gar rnams legs par bslabs pa'i lha'i bu mo dang 'dra ba'i gzugs mchog dang ldan pa'i bud med rnams
347b7 kyis rnam pa sna tshogs pa'i rol mo bzung nas de la yongs su bskor nas/ mngon par dga' bar byed cing / gar dang / glu dang / rol mo la sogs pa byed par rtsom mo/ /byang chub
348a1 sems dpa' nyon mongs pa la mi dga' ba'i sems kyis gar la sogs pa la mngon par dga' ba med pas yud tsam gyis mnal du bzhud do/ /bud med de rnams
348a2 kyang gang gi don du nged rnams kyis gar la sogs byed pa la de mnal du gshegs so/ /da ni ci'i phyir bdag cag ngal bar byed/ gang dang / gang bslabs pa'i rol mo rnams la bzhag
348a3 nas nyal lo/ /dri bzang dang ldan pa'i 'bru mar gyi mar me dang ldan pa'i byang chub sems dpa' rab tu sad nas mal gyi steng du skyil krung gis bzhugs nas gzigs pas bud med rnams
348a4 rol mo bzhag nas gnyid du song ba gzigs so/ /kha cig mchil ma lug pa dang / kha cig ni lus la mchil mas gos pa'i dri ma can du gyur pa dang / kha cig ni so 'cha' ba
348a5 dang / kha cig ni ngar ngar 'byin pa dang / kha cig ni rnya ma rmi 'chad pa dang / kha cig ni kha gdangs pa dang / kha cig ni gos zhus pa dang / 'ga' zhig gi ni mtshan ma snang ngo / /
348a6 byang chub sems dpas de rnams kyis rnam 'gyur gzigs nas thugs 'jigs pas 'dod pa la mi dga' bar gyur to/ /de'i rgyan du byas pa ni nye bar ldan pa brgya byin gyi pho brang dang
348a7 mtshungs pa'i khang bzang chen po yangs shing rnam pa sna tshogs pa'i dri nga bas gang ba'i ro dang ldan pa'i dur khrod dang mtshungs par bsams so/ /srid pa gsum po me 'bar ba'i
348b1 khyim dang mtshungs par bsams so/ /bdag la gnod par byed pa dang / 'tshe bar byed pa'o zhes ched du brjod pa 'chad cing shin tu rab tu byung bar 'dod par gyur to/ /de bdag gi di
348b2 ring nyid nas nges par 'byung ba chen pos 'thon par bsams te mal nas bzhengs nas sgo dang nye bar gshegs te 'di na su yod ces dris so/ /blon po 'dun pa them pa la sngas byas
348b3 nas nyal lo/ |'phags pa/ bu bdag blon po 'dun pa yin no zhes smras so/ /da ni nges par 'byung ba chen pos 'thon par 'dod do/ /bdag gi rta gcig la sga gyis shig/ des lha
348b4 legs so zhes brjod nas rta'i sga khyer te rta rar song nas dri bzang po dang ldan pa'i 'bru mar gyi mar me spar ba su ma na'i me tog can gyi dar gyi bla res kyi 'og na shin tu dga' ba'i sa phyogs
348b5 la sdod pa'i rta'i rgyal po bsngags ldan mthong ngo / /da ni bdag gis 'di nyid kyi sga bya bar rig nas bsngags ldan la sga sgron no/ /des sga sgron bar shes nas 'di sga sgron pa na glo bsdams
348b6 so| |nyi ma gzhan la skyed mos tshal du rtsed mo la 'gro ba'i dus su sgra 'di ltar ma byas so/ /bdag gi sras 'phags pa/ da ni nges par 'byung ba chen pos 'thon par 'dod par
348b7 gyur to snyam nas sems dga' bas rta skad tsher tsher 'don pa de'i sgra grong khyer thams cad du grags par byed pa slar yang lha rnams kyis de'i sgra bkag nas sus kyang mi thos par byas
349a1 so| |byang chub sems dpas kyang blon po 'dun pa rta'i gnas su btang nas re zhig bu la blta bar bsams so/ /grags 'dzin ma'i gnas su gshegs te
349a2 sgo phye nas de ma thag par nyal sa'i nang du dri bzang po dang ldan pa'i 'bru mar gyi mar me spar/ grags 'dzin ma su ma na'i me tog dang / ma la li ka'i me tog la sogs pa'i me tog
349a3 mal gyi steng du khal gcig tsam bkram pa'i steng du lag pa bzhag nas gnyid du song ba la byang chub sems dpas sgo'i them pa'i steng du zhabs ya cig bzhag ste 'khod pas gzigs
349a4 so| |gal te bdag gi lha mo'i lag pa nas 'then nas rang gi bu blang bar bsams te/ lha mo gnyid sad na bdag nyid 'gro ba'i bar gcod du 'gyur zhing sangs rgyas su gyur nas bu
349a5 blta'o sems te khang bzang nas babs so/ /slar yang slob dpon kha cig 'di ltar smra ste/ de'i tshe byang chub sems dpa' gshegs pa'i sngon rol gyi nyi ma bdun gyi gong du skyes so
349a6 zhes zer ro/ /de 'dra gzhan du ma bshad pas de'i phyir 'di kho na gzung bar bya'o/ /'di ltar byang chub sems dpa' khang bzang nas babs nas rta'i ra ba nyid du gshegs te/ 'di
349a7 ltar gsungs so/ /bu bsngags ldan khyod kyis da ni nub gcig bsgral bar gyis zhig/ bdag khyod kyi drin gyis sangs rgyas su gyur nas lha dang bcas pa'i 'jig rten thams cad
349b1 bsgral bar bya'o/ /de nas bsngags ldan gyi rgyab tu chibs so/ /bsngags ldan gyi ske nas bzung nas mchu ru khru bco brgyad pa/ de dang mthun pa'i mtho tshad dang ldan zhing mthu dang / mgyogs
349b2 pa dang ldan la dung phyis pa'i kha dog ltar thams cad dkar ba dang mtshungs pa'o/ /gal te tsher tsher sgrogs pa'am/ rmig pa'i sgra sgrogs pa'i sgras grong khyer thams cad grags par 'gyur
349b3 ba'o/ /de'i phyir lha rang gi mthus de sus kyang mi thos par de 'di ltar sgra sgrogs pa bkag go/ khra khrab 'gro ba'i rkang lag gi rmig pa re re lha'i lag pa'i mthil du nye bar bzhag go/
349b4 byang chub sems dpas rta'i rgyab kyi dbus su bzhugs so/ /blon po 'dun ba rta'i mjug ma nas zungs shig ces mtshan phyed kyi dus su sgo chen po dang nye bar phyin to/ /de'i tshe slar yang
349b5 'di ltar rgyal po chen pos 'di ltar byang chub sems dpa' gang gi dus su yang grong khyer chen po'i sgo phye nas phyi rol tu 'gro bar mi nus par phyed sgo ma'i sgo glegs re re la mi stong
349b6 phrag re res dbye dgos par bskos so/ /byang chub sems dpa' stobs dang ldan pas glang po che'i grangs bye ba stong phrag bcu'i glang po che'i stobs 'dzin no/ /mi'i grangs kyis mi bye ba
349b7 'bum phrag gcig gi mi'i stobs 'dzin no/ /byang chub sems dpas bsams pa/ gal te sgom phyed na/ da ni bsngags ldan gyi rgyab tu bzhugs pa nyid ni blon po 'dun pas rngam
350a1 nas bzung ba dang lhan cig nyid du bsngags ldan brlab cir nas khru bco brgyad pa'i lcags ri'i mtho tshad la mchongs te 'da' bar bsams so/ /blon po
350a2 'dun pas bsams pa/ gal te sgo ma phyed na bdag gi 'phags pa sras dpung pa la khyer nas lag pa g.yas pas bsngags ldan gyi gsus pa mchan khung du bcug nas lcags ri
350a3 la mchongs te 'da' bar bsams so/ /bsngags ldan gyis bsams pa/ gal te sgo ma phyed na bdag gis rang gi bdag po ji ltar rgyab tu bzhugs pa de bzhin nyid du blon po
350a4 'dun pas rnga ma nas bzung nas lhan cig tu gnas pa nyid du khur nas lcags ri la mchongs te 'da' bar bsams so/ /gal te sgo ma phyed par gyur na ji ltar bsams pa de bzhin du
350a5 gsum po'i nang nas gang yang rung gcig nges par 'gyur ro/ /slar yang sgo srung ba'i lha rnams kyis sgo phye'o/ /de ma thag nyid du bdud kyis byang chub sems dpa' bzlog par bsams
350a6 nas 'ongs te nam mkha' la 'dug nas smras ba/ drang srong chen po/ nges par 'byung bas ma 'gro zhig/ 'di nas nyi ma bdun pa la khyod kyis rin po che'i 'khor lo thob par 'gyur ro/ /
350a7 gling phran stong phrag gnyis kyis yongs su bskor ba'i gling chen po bzhi'i rgyal srid byed par 'gyur ro/ /drang srong chen po/ zlog cig ces smras so/ /khyod su zhig yin zhes dris so//
350b1 bdag ni 'jig rten gyi dbang po yin zhes smras so/ /bdud rin po che'i 'khor lo bdag la yod par bdag gis shes te/ bdag la rgyal po'i dgos pa med do/ /stong phrag bcu'i 'jig rten gyi
350b2 khams su sgra sgrogs shing sangs rgya bar 'gyur ro/ /zhes brjod do/ /bdud kyis smras pa/ 'di nas bzung nas 'dod pa'i rnam par rtog pa'am/ gnod sems kyi rnam par rtog pa'am/
350b3 rnam par 'tshe ba'i rnam par rtog pa sems la bsams pa'i dus su/ bu/ bdag gis shes so zhes smras so/ /grogs dang ma bral bar grib ma bzhin du rjes su 'brel bar 'gro'o/ /byang chub
350b4 sems dpa' yang 'khor los bsgyur ba'i rgyal srid lag tu thogs kyang mchil ma'i thal ba bzhin du ltos pa med par dor nas bkur sti chen pos grong khyer nas phyir 'thon no/ /dbyar zla
350b5 'bring po'i nya la mchog gi skar ma bre'i dus su phyir 'thon nas slar yang grong khyer la bzlog nas blta bar brjod par bsams so/ /'di ltar byang chub sems dpa'i thugs la 'khrungs
350b6 tsam nyid na'o/ /skyes bu chen po khyod kyis log nas blta ba'i las kyi bsod nams khyod kyis byas pa med dam zhes brjod pa bzhin du sa gzhi chen po rdza mkhan gyi 'khor lo bzhin du phug
350b7 nas bzlog go/ byang chub sems dpa' grong khyer la sngon du phyogs shing 'khod nas grong khyer la gzigs te/ de'i sa phyogs zhig tu bsngags ldan ldog pa'i mchod rten gyi gnas gcig
351a1 bstan no/ /bsngags ldan 'gro ba'i lam la mngon du phyogs bar byas nas byon no/ /bkur sti chen po dang / dpal dang / bskal pa bzang po dang ldan no/ /de'i tshe lha
351a2 rnams kyis de'i mdun du stong phrag drug cu'i mar me chen po spar ro/ /rgyab kyi phyogs su yang mar me chen po stong phrag drug cu spar ro/ /g.yas kyi phyogs su yang mar me chen po stong phrag drug
351a3 cu spar ro/ /g.yon gyi phyogs su yang mar me chen po stong phrag drug cu spar ro/ /lha gzhan rnams kyis kyang 'khor yug gi ri'i steng du grangs med pa'i mar me stong phrag mang po spar ro/ /
351a4 lha gzhan rnams dang / klu dang / 'dab bzang la sogs pas lha'i spos dang / me tog gi phreng ba dang / phye ma dang / bdug pa la sogs pas mchod cing 'gro'o/ /pA ri ts+tsha tra'i me tog
351a5 nyid dang / man dA ra'i me tog sbrin ltar mthug pa rgyun du 'bab pa bzhin du nam mkha' la rgyun mi 'chad par me tog gi char babs par gyur to/ /lha'i glu dbyangs sgrogs bar gyur to/ /
351a6 kun nas bskor bar stong phrag drug cu rtsa brgyad kyi rol mo'i sgra sgrogs so/ /rgya mtsho'i dbus su 'brug gi sgra sgrogs pa bzhin no/ /ri bo gnya' shing 'dzin gyi 'gram du rgya mtsho'i sgra
351a7 sgrogs pa'i dus bzhin du 'jug go/ 'di ni dpal dang / skal pa bzang po dang ldan pa'i byang chub sems dpa' gshegs pa'i mtshan gcig la rgyal srid gsum spangs nas
351b1 dpag tshad sum cu'i mthar yid ldan zhes bya ba'i chu klung gi 'gram du bzhud do/ /ci'i phyir yang rta 'di'i pha rol tu yang 'gro bar mi nus sam/ mi nus pa ma yin te/ de ni khor yug gcig
351b2 gi nang du snga dro gcig la song nas bskor te de ma thag tu snga dro nyid du 'ongs zhing rang gi mdun du kha zas byin pa za bar nus so/ /de'i tshe slar yang lha dang / klu dang / 'dab bzang la sogs pa
351b3 nam mkha' la 'khod nas spos dang / me tog gi phreng ba la sogs pa babs te ji srid rta'i brla'i bar du lus nub pas 'thon par mi nus pa spos dang / me tog gi phreng ba la sogs pa
351b4 ni| ral pa ltar gdon par mi nus par shin tu thogs par gyur to/ /de'i phyir dpag tshad sum cu rtsa gnyis su song ngo / /de nas byang chub sems dpa' chu klung gi 'gram du 'khod nas
351b5 blon po 'dun pa la dris pa/ chu klung 'di'i ming ci/ lha/ yid ldan zhes bgyi ba lags so/ /bdag kyang rab tu 'byung ba la yid dang ldan pa zhes bya bar gyur to/ /zhabs kyis brgyab
351b6 ste rta bskul pa byas te/ rta yis mchongs nas glang brgyad kyi skad tsam gyis chu klung gi zheng 'gram gyi pha rol tu 'khod do/ /byang chub sems dpa' rta'i rgyab nas babs te/ dngul
351b7 dang mtshungs par bye ma'i phung po'i steng du 'khod do/ /'dun pa bos nas khyod kyis bdag gi rgyan rnams dang / bsngags ldan khrid la song zhig/ bdag rab tu 'byung bar 'gyur ro//
352a1 lta| bdag kyang rab tu 'byung du gsol/ byang chub sems dpas khyod kyis rab tu 'byung ba mi thob pas song zhig/ lan gsum du zhus kyang ma gnang ngo / /rgyan dang /
352a2 bsngags ldan lag pas gtad de/ bsams pa/ bdag gi skra 'di dge sbyong dang mi mthun no snyam nas byang chub sems dpa' gzhan gyis kyang skra breg bar rung ba gzhan med do/ /
352a3 de nas bdag nyid kyis ral gris bregs bar bsams so/ /phyag g.yas pas ral gri bzung nas/ phyag g.yon pas cod pa na dang bcas pa'i nor bu bzung ste bcad do/ /dbu skra
352a4 ni sor gnyis par gyur cing / g.yas phyogs nas 'khyil bas dbu la gnas so/ /de rnams ji srid 'tsho'i bar de nyid kyi tshad du gyur to/ /kha spu yang med par gyur to/ /slar dbu
352a5 skra dang / kha spu bzhar mi dgos par gyur to/ /byang chub sems dpas cod pa na dang bcas pa'i nor bu bzung nas gal te bdag sangs rgyas par 'gyur na nam mkha' la 'khod cig/
352a6 ma yin na sa la lhung bar gyur cig ces nam mkha' la dor ro/ /de'i gtsug gi nor bu bcings pa dpag tshad gcig gi tshad tsam du song nas nam mkha' la 'khod do/ /lha'i rgyal
352a7 po brgya byin gyi lha'i mig gis bltas pas dpag tshad gcig gi tshad tsam gyi rin po che'i zam tog gi nang du bcug nas sum cu rtsa gsum gyi pho brang du gtsug gi nor bu bzhugs
352b1 pa'i mchod rten bzhengs so/ /mchog gi dri yis bsgos pa'i gtsug phud bcad/ /gang zag mchog gis nam mkha' la ni dor/ /mig stong pa yis dbu skra mgo steng bzung / /gser gyi zam
352b2 tog tu lha gnas khyer/ /slar yang byang chub sems dpas bsams pa/ yul ka shi ka'i ras 'di dge sbyong bdag gi tshul dang mthun pa ma yin no zhes bsams so/ /de nas sangs rgyas
352b3 'od srung gi dus su sngon gyi grogs po rdza mkhan tshangs pa chen por gyur to/ /sangs rgyas gcig gi bar du grogs po dang ma phrad do zhes bsams te/ de ni bdag gi grogs po nges par
352b4 'byung ba chen pos 'thon no/ /dge sbyong gi yo byad 'di bzung nas 'gro'o zhes bsams so/ /chos gos gsum dang lhung bzed dang / /spu gri khab dang ska rags dang / /chu tshags dang
352b5 bcas brgyad yin no/ /dge sbyong rnams la rigs shing mkho/ /dge sbyod gi mkho ba'i yo byad brgyad po 'di bslangs nas phul lo/ /byang chub sems dpas mchod par 'os pa'i
352b6 rgyal mtshan gyon nas rab tu 'byung ba mchog gi cha byad bslangs te 'dun pa la bdag gi tshig gis ma dang / yab la bdag la nad med par 'gyur ro zhes smros shig ces pas btang
352b7 ngo| |'dun pas byang chub sems dpa' la phyag byas bskor ba byas nas song / /slar yang bsngags ldan gyis 'dun pa dang / byang chub sems dpa' gsung gleng byed cing 'dug pa
353a1 thos nas/ bdag ni jo bo dang da 'phrad par mi 'gyur zhes bsams so/ /mig lam du spangs nas mya ngan la shin tu gnas pa bsran par ma nus te snying
353a2 gas nas dus las 'das te/ sum cu rtsa gsum gyi gnas su bsngags ldan zhes bya ba'i lha'i bur skyes so/ /'dun pa la dang bo'i mya ngan du gyur pa gcig go/ slar yang bsngags
353a3 ldan dus las 'das pa'i rgyu mtshan gyis mya ngan gnyis pas gzir to/ /du zhing smre sngags 'don zhing grong khyer du song ngo / /byang chub sems dpa' de'i phyogs nyid du rjes su
353a4 dga' ba zhes bya ba'i a mra'i tshal yod do/ /der nyi ma bdun nas rab tu 'byung ba'i bde bas gnas shing nyin mtshan 'da'o/ /nyi ma gcig nyid la dpag tshad sum cu'i lam
353a5 du zhabs kyis gshegs nas rgyal po'i khab tu byon no/ /byon nas sgo mthar chags su bsod snyoms la gshegs te grong khyer ba thams cad kyis byang chub sems dpa'i sku
353a6 mthong nas glang po che nor skyong zhugs pa'i rgyal po'i khab bzhin dang / lha ma yin gyi dbang po zhugs pa'i lha'i grong khyer bzhin du kun tu 'khrugs par gyur te/ rgyal po'i
353a7 mi 'ongs shing / lha/ 'di lta bu'i gzugs kyi sems can gcig grong khyer na bsod snyoms byed do/ /lha'am/ mi'am/ 'dab bzang ste/ 'di gang yin bdag cag gis ma
353b1 shes so zhes smras so/ /rgyal po khang bzang gi steng du 'khod nas skyes bu chen po mthong ste/ ya mtshan dang / rmad du byung bskyes so/ /mi gcig bos nas song la rtogs shig/ gal te mi
353b2 ma yin par gyur na grong khyer nas phyi rol tu song ste mi snang bar 'gyur/ /gal te lha yin par gyur na nam mkha' la 'gro'o/ /gal te klu yin na sa'i 'og tu 'gro bar 'gyur ro/ /gal
353b3 te mi yin na ji ltar thob pa'i kha zas za'o zhes bsgo'o/ /skyes bu chen pos kyang kha zas 'dres pa rnams bsdus nas bdag la 'di tsam gyis chog par rtogs te/ zhugs pa'i sgo nyid nas
353b4 grong khyer gyi phyi rol tu 'thon te/ ri skya'o yi grib ma la shar du sdun du phyogs pas bzhugs nas kha zas la longs spyod par brtsams so/ /de nas gang gi sgyu ma phyin ci log ste kha nas
353b5 'thon pa'i rnam par bsams par gyur to/ /de nas de'i bdag nyid kyis lus kyis 'di lta bu'i tshul gyi kha zas mig gis mthong ba yang dkon no/ /de'i phyir rigs so so'i kha zas la
353b6 mi dga' bar sems nas/ 'di ltar rang la rang gis gdams so/ /don grub/ khyod rnyed sla ba'i bza' ba dang / btung ba'i rigs lo gsum pa'i 'bras dri zhim po'i bza' ba sna tshogs
353b7 pa'i ro dang bcas pa'i bza' ba'i gnas su skyes bar gyur nas/ phyag dang khrod pa gcig mthong ste/ nam du'ang bdag ni 'di lta bu'i tshul du gyur nas bsod snyoms la 'gro zhing
354a1 kha zas longs spyod do/ /de'i dus su bdag la de ltar 'gyur ro zhes bsams nas 'thon no/ /da ni 'di ci byed pa yin zhes 'di ltar rang la rang gis gdams nas
354a2 rtogs pa med par kha zas la longs spyod do/ /rgyal po'i mis 'di'i 'jug pa mthong nas song ste rgyal po la smras so/ /rgyal pos pho nya ba'i gtam thos nas myur bar grong khyer gyi
354a3 phyi rol tu thon nas byang chub sems dpa' dang nye bar song ste/ spyod lam la dad par gyur to/ /byang chub sems dpa' la dbang phyug thams cad rdzogs par phul lo/ /byang
354a4 chub sems dpas rgyal po chen po/ bdag la dngos po'i 'dod pa'am/ nyon mongs pa'i 'dod pa'i don med do/ /bdag ni mchog gi mngon par rdzogs par byang chub pa
354a5 don du gnyer bas 'ongs so/ /rgyal pos rnam pa sna tshogs pa'i sbyin pa byin yang de'i thugs la mi 'phrod do/ /nges par khyod sangs rgyas par 'gyur ro/ /sangs rgyas su gyur
354a6 nas slar yang dang por bdag gi grong khyer du byon par zhu zhes dam bca' bzung ngo / /'di ni 'dir mdor bsdus pa ste/ rgyas par ni slar yang 'di rab tu 'byung ba'i don dang
354a7 bcas pa don dang gtam 'di ni blta zhing rig par bya'o/ /byang chub sems dpas kyang rgyal po la dam bca' byin nas go rim bzhin du spyod pa la gshegs shing kun nas
354b1 tshon dang / nag po can dang / 'char byed gser dang / dga' byed bu'i gnas su nye bar gshegs nas snyoms par 'jug pa bskyed de/ sangs rgyas thob pa'i lam ni 'di ma yin no/ /de la
354b2 snyoms par 'jug pa skyes kyang dgyes par ma gyur nas lha dang bcas pa'i 'jig rten pa'i rang gi stobs dang / brtson 'grus rnams la legs par blta bar 'dod par dka' ba chen po
354b3 spyod pa'i bsams pas/ lteng rgyas su byon te sa phyogs 'di ni shin tu dga' ba yin no/ /snyam nas de nyid du nye bar gnas par byas te dka' ba chen po sbyod do/ /de yang kau N+Di n+ya la
354b4 sogs pa rab tu byung ba lnga grong dang / grong rdal dang / rgyal po'i pho brang rnams su bsod snyoms la rgyu zhing byang chub sems dpa'i gnas der 'ongs so/ /de nas lo drug tu dka' ba chen
354b5 po spyad do/ /da ni sangs rgyas su 'gyur ro/ /da ni sangs rgyas su 'gyur ro zhes bzhugs pa'i gnas la byi dor la sogs pa byed cing sku la rim gro byed par gyur te/ nye bar gnas par gyur
354b6 to| |byang chub sems dpa' yang phyi ma'i mthar thug par dka' ba spyad par bsams so/ /til gcig dang / 'bras kyi nyag ma gcig la sogs pa'i nyi ma 'da' zhing thams
354b7 cad du yang kha zas thams cad spangs so/ /lha rnams kyis kyang ba spu'i bu ga re re nas mdangs ston to/ /de nas de'i kha zas med par sku ring par gyur te/ gser gyi kha dog can gyi
355a1 sku yang nag por gyur to/ /skyes bu chen po'i mtshan sum cu rtsa gnyis kyang mi snang bar gyur to/ /nyi ma gzhan la yang rlung dal bus bsam gtan byed
355a2 cing sku la zug gzer chen po skyes nas 'du shes med par gyur te/ 'chag pa'i gnas su 'gyel lo/ /de nas lha gcig gis dge sbyong gau ta ma dus las 'das so zhes brjod
355a3 do| |gcig gis 'gyel ba na dgra bcom pa thob po zhes brjod do/ /der gang zhig gis dus las 'das so zhes brjod nas/ de song ste rgyal po chen po zas gtsang la smras pa/
355a4 khyed kyi sras dus las 'das so/ /bdag gi sras sangs rgyas ma thob par dus las 'das sam/ thob nas dus las 'das zhes dris so/ /sangs rgyas thob par ma nus so/ /dka'
355a5 ba spyod pa'i gnas su 'gyel nas dus las 'das so/ /'di thos nas rgyal po yid ma ches par gyur to/ /bdag gi sras sangs rgyas ma thob par dus las 'da' ba med do
355a6 zhes bkag go/ gang gi phyir slar yang rgyal po yi dam ches nas dka' thub pa nag po lha len gyis phyag byed ba'i dus dang / 'dzam bu'i shing gi drung nyid du cho 'phrul mthong
355a7 ba'i rgyu mtshan nyid kyis so/ /slar yang byang chub sems dpas 'du shes thob nas bzhengs so/ /lha de song nas rgyal po chen po khyod kyi sras po de nad med par gyur to zhes
355b1 smras so/ /rgyal pos sras po min par bdag gis shes so zhes smras so/ /sems dpa' chen po lo drug tu dka' bar byed cing 'di lta bu'i sems su gyur te/ 'di lta bu'i dka'
355b2 thub spyod pa zhes bya ba ni byang chub kyi lam ma yin no zhes bsams nas/ kha zas cung zad la longs spyod par byed cing grong dang / grong rdal rnams su bsod snyoms la rgyu bas bsod
355b3 snyoms spyod do/ /de nas skyes bu chen po'i mtshan sum cu rtsa gnyis gsal bar gyur to/ /sku gser gyi kha dog lta bur gyur to/ /dge slong lnga sde na re/ 'di'i lo drug cu dka' ba
355b4 spyad kyang thams cad mkhyen pa'i ye shes thob par ma gyur to/ /da ni grong la sogs par bsod snyoms spyod cing kha zas bslangs nas za ste/ rol chags par gyur na ci nus/ 'dis
355b5 dka' ba spyad pa 'khrul lo/ /lus la khrus byed par 'dod pas lus kyi ba spu re re'i sgor chu zhugs nas 'dod pa'i thig ler gyur pa dang mtshungs so/ /bdag cag de'i 'dod pa'i
355b6 rnam par rtog pa yod pa'i gnas su 'dug pas ci zhig bya/ skyes bu chen po spangs shing rang rang gi chos gos dang / lhung bzed thogs nas dpag tshad bco brgyad kyi lam du song
355b7 ste| drang srong lhung ba'i tshal du gnas so/ /de'i tshe de'i dus su ltar rgyas na sde can gyi grong rdal ba zhing ba'i khyim du skyes pa'i legs skyes ma zhes bya ba'i bu mo na tshod ldan par
356a1 gyur te/ n+ya gro d+ha'i shing gcig don du gnyer to/ /gal te bdag dang mnyam bar skyes pa'i rigs kyi khyim du song nas dang por mngal chags te/ bu
356a2 rnyed na de la lo so sor 'bum phrag gcig ri ba'i gtor ma'i las bya'o/ /de'i don du gnyer ba 'grub bo/ /des sems dpa' chen po lo drug gi mthar dka' ba spyod pa
356a3 rdzogs par byed do/ /dpyid zla tha chung gi nya la gtor ma'i las byed par sems so/ /de'i sdun nyid du stong phrag gcig gi ba bzhon ma shing dngar gyi nags su shing dngar za ba
356a4 de rnams kyi 'o ma bzhos nas gzhon ma'i ba lnga brgya la byin no/ /de rnams kyi 'o ma bzhos nas ba bzhon ma phyed dang sum brgya la byin no/ /de bzhin ba bzhon ma bcu drug gi 'o
356a5 ma bzhos nas ba bzhon ma brgyad la byin no/ /de srid kyi 'o ma bska mo dang / dngar ba dang / mdangs dang / mdog dang ldan pa don du gnyer ba 'dod cing 'o ma skol lo/ /des
356a6 dpyid zla tha chung gi nya'i nyin mo'i snga dro gtor ma'i las byed par sems shing mtshan mo'i nam langs kha'i dus su ba 'jo mkhan langs nas ba bzhon ma brgyad po 'jo ru song
356a7 ba| be'u ba'i nu ma la nye bar ma gyur par yang / ba'i nu ma'i gam du snod gsar pa nye bar gnas pa byas pa tsam na rang gi chos nyid kyis 'o ma'i rgyun gyis snod gang bar gyur
356b1 to| |legs skyes mas ya mtshan che ba mthong ste/ 'o ma rang gi lag pas khyar nas snod gsar par blugs pa la rang ga lag gis me btang ste 'tshod par brtsams nas/ der 'o thug
356b2 skol pas lbu ba chen po 'thon nas g.yas phyogs su 'khor zhing thur ma gcig tsam yangs la ma lhung la/ thab na du ba cung zad kyang med do/ /de'i tshe 'jig rten skyong ba bzhi po 'ongs
356b3 nas tha ba srun par byed do/ /tshangs pa chen pos ni gdugs 'dzin no/ /brgya byin gyis ni ji ltar rigs pa'i me gtong bar byed do/ /stong phrag gnyis kyis yongs su bskor ba'i gling
356b4 chen po bzhi'i lha dang mi rnams kyis ji ltar rigs pa'i mdangs rnams/ lha rang rang gi mthus bsdus nas bcug go/ mi rnams kyis kyang de bzhin du byas nas dus gzhan la lha
356b5 rnams zan gyis gong bu re res mdangs 'jug go/ slar yang byang chub ba'i nyin mo dang / yongs su mya ngan las 'da' ba'i nyin mo snod nyid du 'jug par byed do/ /legs skyes
356b6 mas nyi ma gcig nyid la der rang nyid gsal bar gyur nas ya mtshan che ba du ma mthong ste/ bran mo rdzogs ma zhes bya ba bos nas/ rdzogs ma/ de ring bdag cag gi lha shin tu
356b7 dgyes bar gyur te/ bdag gis de rnams khyi dus su 'di lta ba'i tshul gyi ya mtshan che ga ma mthong bas myur du song la lha'i gnas su byi dor legs bar gyis shig/ des legs
357a1 so zhes brjod nas/ 'phags ma de'i tshig bzung ste myur ba myur bar shing gi drung du phyin no/ /byang chub sems dpas kyang de'i mtshan mo'i cha la rmi lam
357a2 chen po lnga gzigs pa yongs su rtog cing the tshom med par bdag de ring sangs rgyas thob par 'gyur bar bya'o snyam du thugs brtan por mdzad nas/ de'i nub mo 'das te sku'i byi
357a3 dor mdzad nas bsod snyoms la gshegs pa'i dus kyi snga dro byon te/ shing n+ya gro d+ha'i drung du bzhugs nas rang gi 'od kyis shing thams cad snang bar mdzad do/ /de nas yang
357a4 rdzogs ma de 'ongs nas byang chub sems dpa' shing gi drung na shar phyogs kyi 'jig rten gyi khams la gzigs shing gzigs pa mthong la sku la 'od zer 'thon pa'i 'od kyis
357a5 shing thams cad gser gyi kha dog tu mthong ngo / /des 'di ltar bsams te/ de ring bdag cag gi lha shing la babs nas rang gi lag nyid kyis gtor ma len cing bzhugs
357a6 so zhes bsams pas sems tshim pa thob nas myur du song ste legs skyes ma la don de rnams smras so/ /legs skyes mas de'i tshig thos nas sems tshim par gyur te/ de
357a7 ring nas bzung nas bdag gi bu mo chen mo gnas su sdod cig/ ces bu mo la ji ltar rigs pa'i rgyan thams cad byin no/ /slar yang gang gi phyir sangs rgyas kyi yongs su
357b1 rdzogs par thob pa'i nyin mo 'bum phrag gcig gi grangs kyang gser gyi sder ma chen po thob par rigs so/ /de'i phyir gser gyi sder ma chen po'i nang du 'o thug ldugs pa'i sems skyes
357b2 nas 'bum phrag gcig ri ba'i gser gyi sder ma chen po bslangs te/ 'o thug btsos pa'i nang du kha spub nas blug go/ 'o thug thams cad pad+ma'i 'dab ma'i nang gi chu bzhin du
357b3 chu'i thigs pa gcig tu gyur nas gser gyi sder du byung ngo / /gser gyi sder ma gcig gang ba'i tshad tsam du gyur to/ /des gser gyi snod de la gser gyi snod gzhan gyis bkab
357b4 nas gos kyis dril to/ /legs skyes ma rgyan gyis lus thams cad brgyan nas gser gyi sder ma de rang gi mgor bzhag ste/ mthu chen pos shing n+ya gro d+ha'i drung du phyin pa dang / byang
357b5 chub sems dpa' mthong nas shin tu yid bde bskyes par gyur to/ /shing gi lha yin nam zhes bsams nas blta ba'i gnas su dud cing dud cing song ste/ mgo'i steng gi gser gyi sngar
357b6 ma phab nas kha phye ste/ gser gyi ril ba spyi blugs kyis dri bzang pos bsgos pa'i chu bzung nas byang chub sems dpa' dang nye bar song ste 'khod do/ /grogs po rdza mkhan tshangs
357b7 pa chen por gyur pas phul ba'i sa'i lhung bzed ni de rnams kyi dus su byang chub sems dpas ma spangs kyang de de ma thag tu mi snang bar gyur/ byang chub sems dpas lhung bzed
358a1 ma gzigs so/ /phyag g.yas pa brkyang nas chu bslang ste/ legs skyes mas snod dang bcas pa nyid kyis 'o thug skyes bu chen po'i phyag cu phul lo//
358a2 skyes bu chen pos legs skyes ma la brtags pa na/ de rnam 'gyur shes nas/ 'phags pa/ bdag gis yid la yongs su phul gyi/ bzhes la ji ltar bzhed pa bzhin
358a3 gshegs par zhu zhes phyag byas nas/ ji ltar bdag gi 'dod pa yongs su rdzogs par gyur to/ /'di ltar nyid kyis kyang bsam pa yongs su rdzogs par gyur cig ces smras
358a4 so| |'bum phrag gcig ri ba'i gser gyi sder ma chen po gcig shing gi lo ma rnying pa bzhin du ltos pa med par song ngo / /byang chub sems dpa' bzhugs pa las bzhengs
358a5 nas shing la bskor ste/ gser gyi sder ma blangs nas chu klung ne ra dza na'i 'gram du gshegs te/ byang chub sems dpa' grangs med pa 'bum brag mang po rnams gyis
358a6 mngon par byang chub pa'i nyin mo babs nas khrus byed pa'i gnas su legs par rab tu gnas pa'i mu gnas zhes bya ba yod do/ /de'i 'gram du sder ma bzhag ste/ babs
358a7 nas khrus mdzad do/ /'bum phrag du ma'i sangs rgyas rnams kyi na bza' dang / mchod bar 'os pa gyon nas shar phyogs su sngon du phyogs pas bzhugs nas/ ta la'i
358b1 shing tog gi nang gi rus pa cig gi tshad tsam dang mnyam pa gcig gis dman pa'i lnga bcu'i gong bu byas nas chu med cing dngar ba'i 'o thug thams cad gsol lo/ /de 'di
358b2 ltar gang gis sangs rgyas su gyur nas zhag bzhi bcu zhe dgu ru byang chub kyi snying por bzhugs te zhag bzhi bcu zhe dgu'i kha zas su gyur to/ /de rnams kyi dus su kha zas
358b3 gzhan med pa dang / khrus byed pa med pa dang / zhal shol ba med pa dang / sku lus kyi bya ba byed pa med do/ /bsam gtan gyi bde ba dang / lam gyi bde ba dang / 'bra
358b4 bu'i bde ba nyid kyis nyin mtshan 'da'o/ /gzhan yang / de'i 'o thug gsol nas gser gyi sder ma phyag tu bzhes te/ gal te bdag ni de ring sangs rgyas su 'gyur nus na
358b5 sder ma 'di chu'i steng du gyen du 'gro bar gyur cig/ ma yin na thur la 'gro bar gyur cig ces chu la dor ro/ /des chu'i rgyun gyi rlabs chu klung gi dbus su song nas dbus kyi
358b6 gnas nyid du rta mgyogs por 'gro ba bzhin du/ khru brgyad cu'i tshad tsam gyi steng du song zhing / chu lan gcig 'khyil bas bying nas klu'i rgyal po nag po'i gnas su song ngo /
358b7 de nas sangs rgyas gsum po rnams kyis bshos gsol ba'i gser gyi sder mchen po sil sil zhes sgra sgrogs par byed cing phyogs gcig tu de rnams thams cad kyi 'og
359a1 gyur nas gnas so/ /klu'i rgyal po nag pos de'i sgra thos nas kha sang sangs rgyas gcig thob bar gyur cing / slar yang de ring sangs rgyas nyid thob par
359a2 gyur nas mang pos bstod pa byed par gyur to/ /byang chub sems dpas ni chu klung gi 'gram shing sA la'i tshal du nyin mo bzhugs nas srod kyi dus su me tog ku mud kha 'bye ba'i
359a3 dus la lha rnams kyis brgyan par byas nas/ zheng la glang gi skad brgyad kyis thos pa'i tshad du lam byed pa la seng ge bzhin du sgra bsgrags nas/ byang chub kyi shing la mngon
359a4 par phyogs pas bzhud do/ /klu dang / gnod sbyin dang / 'dab bzang la sogs pa rnams kyis lha'i spos dang / me tog la sogs pa dang / klu'i glu dbyangs la sogs pas
359a5 mchod do// stong phrag bcu'i 'jig rten gyi khams rnams dri bzang por gyur cing me tog gi phreng bar gyur nas thams cad legs so zhes brjod par gyur to/ /de'i tshe rtswa 'tshod
359a6 bkra shis zhes bya bas rtswa blangs nas lam gyi sngon du 'ongs te skyes bu chen po'i rnam 'gyur rtogs nas rtswa sbar mo brgyad phul lo/ /byang chub sems dpas rtswa blangs nas/ byang
359a7 chub kyi snying po dang nye bar gshegs te lho phyogs kyi char zhal byang du mngon par phyogs pas 'khod do/ /de ma thag par lho phyogs kyi khor yug gi sa bying nas 'gro ba ni 'og
359b1 mnar med ba'i bar du gyur pa bzhin no/ /byang phyogs kyi khor yug steng du langs nas 'gro ba ni srid ba'i rtse mor gyur pa bzhin no/ /byang chub sems dpas 'di yang dag par rdzogs pa'i
359b2 sangs rgyas thob pa'i gnas ma yin no zhes dgongs zhing bskor nas nub kyi phyogs kyi char gshegs te shar phyogs su mngon du phyogs pas 'khod do/ /de nas nub phyogs kyi khor
359b3 yug 'og tu bying nas 'gro ba ni mnar med pa'i bar du gyur pa bzhin no/ /shar phyogs kyi khor yug steng du langs nas 'gro ba ni srid pa'i rtse mor gyur pa bzhin no/ /byang chub
359b4 sems dpa' 'khod cing 'khod pa'i gnas ni mu khyud kyi mthar thug par mnan zhing so sor gnas pa'i shing rta'i 'khor lo chen po lta bur sa gzhi chen po la bying zhing bying nas
359b5 'gro bar gyur te/ byang chub sems dpas 'di ni byang chub thob pa'i gnas ma yin no zhes bskor nas byang phyogs kyi char gshegs te/ lho phyogs su sdun du phyogs pas 'khod
359b6 do| |de nas byang gi khor yug sa la bying nas mnar med kyi bar du gyur pa bzhin no/ /lho'i khor yug gyen du langs nas srid pa'i rtse mo'i bar du gyur pa bzhin no/ /byang chub
359b7 sems dpas 'di ni byang chub thob pa'i gnas ma yin no zhes bsams te/ bskor nas shar phyogs kyi char gshegs nas nub phyogs su sdun du phyogs pas 'khod do/ /slar yang
360a1 shar phyogs kyi chang sangs rgyas thams cad kyis skyil krung bcas ba'i gnas de g.yo bar mi 'gyur zhing mi ldeg go/ sems dpa' chen pos 'di ni
360a2 sangs rgyas thams cad kyis ma spangs shing mi g.yo ba'i gnas/ nyon mongs pa'i dra ba thams cad rnam par 'joms pa'i gnas su rtogs so/ /de'i rtswa rnams rtse mo nas bzung
360a3 ste bkra ma nas de ma thag tu khru bcu bzhi pa'i tshad tsam gyi gdan du gyur to/ /de yang de lta bu'i tshul gyis ji ltar bzhag pa de bzhin du mi gnas so/ /ji ltar gzugs la mkhas
360a4 pa'i ri mo byed pa rnams kyis ri mo bris pa bzhin du byang chub sems dpas byang chub shing gi sdong po la sku rgyab rten par byas nas zhal shar du sdun du phyogs par mdzad do/ /
360a5 brtan pa'i sems su gyur nas bdag gi pags pa dang / rgyus pa dang / rus pa dang / khrag dang / sha rnams skam par gyur kyang yang dag par rdzogs pa'i sangs rgyas ma thob par du ni stan
360a6 'di las lus bskyod par mi bya'o/ /thog brgya phrag babs kyang mi phyed cing pha rol gyis mi tshugs par stan la skyil krung gis bzhugs so/ /de'i tshe lha'i bu'i bdud kyis
360a7 gzhon nu don grub bdag gi dbang du byed par 'dod pas da ni bdag las 'da' bar byed du mi ster ro zhes bsams nas bdud kyi dmag dang nye bar song ste/ don 'di smras
360b1 shing bdud kyi sgra zhes pas sgra bsgrags nas bdud kyi dmag khrid de 'thon nas/ bdud kyi sde bdud kyi mdun du dpag tshad bcu gnyis kyi sar 'gro'o/ /g.yas phyogs dang / g.yon phyogs
360b2 rnams su dpag tshad bcu gnyis 'gro'o/ /rgyab phyogs su ji srid khor yug gi gnas mthar thug bar byas nas gnas so/ /steng du dpag tshad dgu'o/ /'khor thams cad kyi gtam byed
360b3 pa'i sgra dpag tshad stong phrag gcig gi bar du sa gzhi 'bugs pa tsam gyi sgra thos so/ /de nas lha'i bu'i bdud dpag tshad phyed dang nyis brgya'i ri'i 'og pag zhes bya ba'i glang po
360b4 che'i rgyab tu zhon nas lag pa stong phrag gcig sprul nas mtshon cha sna tshogs pa blangs so/ /gzhan yang / bdud kyi 'khor gyi grogs gnyis gcig dang mtshungs par mtshon
360b5 cha'i rigs gnyis mi len no/ /kha dog rnam pa sna tshogs pa dang / rnam pa sna tshogs pa'i gdong can sems dpa' chen po gzhom par bya ba'i phyir 'ongs so/ /stong phrag bcu'i
360b6 khor yug gi lha rnams slar yang sems dpa' chen po la bstod pa byed cing gnas so/ /brgya byin lha'i rgyal pos rnam par rgyal ba bla na med pa'i dung 'bud cing 'khod do/ /slar yang
360b7 dung de khru brgya nyi shur gyur to/ /gal te legs bar bus na zla ba bzhi'i bar du rgyun mi 'chad cing de nas rgyun chad do/ /klu'i rgyal po nag po chen pos brgya phrag du ma'i bstod pa byed
361a1 cing gnas so/ /tshangs pa chen po gdugs dkar po bzung nas gnas so/ /slar yang bdud kyi dmag byang chub kyi snying por 'ongs shing 'ongs so/ /
361a2 lha de rnams gcig tu 'khod par ma nus pas rang gi gnas su bros nas song ngo / /klu'i rgyal po nag pos la bying nas dpag tshad lnga brgya'i snye ma can gyi klu'i pho brang du song ste/
361a3 lag pa gnyis kha la bkab nas nyal lo/ /brgya byin gyi rnam par rgyal ba bla na med pa'i dung rgyab tu bkal te khor yug gi steng du 'khod do/ /tshangs pa chen pos gdugs dkar
361a4 po khor yug gi steng du btsugs nas tshangs pa'i 'jig rten du song ngo / /lha gcig gis kyang 'khod par ma nus te/ skyes bu chen po nyid gcig pu bzhugs so/ /bdud kyis rang
361a5 gi 'khor la smras pa/ bu/ zas gtsang gi bu don grub dang 'dra ba'i skyes bu gzhan med pas/ bdag gis de'i mdun du g.yul 'gyed par mi nus kyi rgyab kyi phyogs su g.yul
361a6 bgyi'o zhes smras so/ /skyes bu chen pos kyang phyogs gsum la gzigs pas lha thams cad bros pa'i phyir gnas thams cad stong par mthong ngo / /gzhan yang byang phyogs su
361a7 gzigs pas bdud kyi dmag rnams bdag gzhom pa'i phyir 'ongs pa gzigs so/ /'di rnams kyi dmag gi tshogs bdag gcig pu'i phyir rtsol ba chen pos pha rol gnon par
361b1 byed cing gnas 'dir 'ongs te/ bdag gi ma'am/ pha'am/ spun nam/ su yang rung bas gnyen las gzhan med do/ /gzhan yang / gang gi phyir pha rol tu phyin pa bcu po nyid bdag
361b2 gis dus yun ring por gnyen la dga' ba bzhin goms pa de'i phyir bdag gis pha rol tu phyin pa nyid kyis phub byas nas/ pha rol tu phyin pa nyid kyis mtshon thogs te/ 'di'i dmag
361b3 gi tshogs rnam par gzhom par rigs so snyam nas pha rol tu phyin pa bcu po thugs la bsams nas bzhugs so/ /de nas lha'i bu'i bdud kyis don grub de ma thag tu 'bros par byed par rigs
361b4 so zhes smras nas rlung gi dkyil 'khor nye bar gnas nas 'ongs so/ /de ma thag kho nar shar phyogs la sogs pa'i rlung gi dkyil 'khor rnams langs nas 'ongs te dpag tshad phyed
361b5 dang yang gnyis la sogs pa'i tshad kyi ri'i phung po blangs nas nags thibs po dang / shing la sogs pa sa la bton zhing thams cad du grong dang / grong rdal phye ma dang / rnam par phye
361b6 mar byed pa'i nus pa ni skyes bu chen po'i bsod nams kyi gzi brjid kyis mthus gyes te/ byang chub sems dpa'i drung du 'ongs nas bla gos kyi grwa tsam yang bsgul par mi nus so/ /de
361b7 nas chu yis gzhom pa'i phyir 'ongs nas gsod par bsams pa na char pa chen po 'bab cing gnas so/ /de'i mthus steng nas steng du brgya phrag du ma brtsegs pa dang / stong phrag du
362a1 ma brtsegs pa'i sprin chen po 'dus nas char 'bebs so/ /char pa'i rgyun gyi shugs kyis sa gzhi 'bugs par gyur to/ /nags tshal dang / shing la
362a2 sogs pa'i steng gi char sprin chen po 'ongs nas sems dpa' chen po chu thigs gcig tsam gyis kyang spang bar ma nus so/ /de nas rdo yi char pa bkug nas ches che ba'i ri'i phung po
362a3 du bar byed cing 'bar bar byas nas nam mkha' nas 'ongs te byang chub sems dpa'i drung du 'ongs nas/ lha'i me tog gi chun bu'i gzugs 'bab bo/ /de nas mtshon cha'i char
362a4 thams cad bkug nas mtshon so gcig pa dang / so gnyis pa dang / ral gri dang / mdung thung dang / spu gri la sogs pa'i mtshon cha rnams du bar byed cing 'bar bar byas
362a5 nas nam mkha' la 'ongs te/ byang chub sems dpa'i drung du 'ongs nas lha'i me tog tu gyur to/ /de nas sol ba'i char bkug nas rgya skyegs kyi me tog gi kha dog can
362a6 gyi sol ba nam mkha' nas 'ongs nas byang chub sems dpa'i zhabs drung du lha'i me tog tu gyur nas 'bab bo/ /de nas thal ba'i char pa rnams bkug nas shin tu dro ba
362a7 me'i kha dog can gyi thal ba nam mkha' nas 'ongs nas byang chub sems dpa'i zhabs drung du tsan+dan gyi phye ma ltar gyur pa'i char 'bab bo/ /de nas bye ma'i char bkug
362b1 nas shin tu phra ba'i bye ma rnams du bar byed cing 'bar bar byas nas nam mkha' nas 'ongs te byang chub sems dpa'i zhabs drung du lha'i phye ma ltar gyur nas char 'bab bo/ /de nas 'jim
362b2 pa'i char pa rnams bkug nas 'jim pa rnams du bar byed cing 'bar bar byas nas nam mkha' nas 'ongs te byang chub sems dpa'i zhabs drung du lha'i byug par gyur nas 'bab bo/ /
362b3 de nas 'di bzhin du 'jigs par byed pas don grub 'bros par bya ba'i phyir mun pa nye bar gnas par bya'o/ /de ni yan lag bzhi dang ldan pa'i mun nag chen por gyur nas/ byang
362b4 chub sems dpa'i drung du sleb nas nyi ma'i 'od kyis mun pa bcom pa bzhin du mi snang bar gyur nas 'di ltar bdud dgu po 'di rlung dang / char dang / rdo dang / mtshon cha dang / sol
362b5 ba dang / thal ba dang / bye ma dang / 'jim pa dang / mun pa ste/ de rnams char du 'babs nas byang chub sems dpa' 'bros par byed par ma nus so/ /cis brjod cing ci'i phyir sdod/
362b6 gzhon nu/ 'di la zungs shig /rgyob cig/ thon cig/ ces 'khor rnams bos nas rang gis kyang ri'i 'og pag glang po che'i rgyab tu zhon nas 'khor lo'i mtshon cha bslangs te/ byang
362b7 chub sems dpa'i drung du nye bar 'ongs nas don grub stan las longs shig /'di khyod la rigs pa ma yin gyi nged la rigs pa yin no zhes smras so/ /sems dpa' chen pos
363a1 de'i tshig thos nas 'di ltar smras so/ /bdud khyod kyis pha rol tu phyin pa bcu ma rdzogs pa dang / nye ba'i pha rol tu phyin pa ma rdzogs pa dang / don dam
363a2 pa'i pha rol tu phyin pa ma rdzogs pa dang / chen po lnga yongs su gtong ba med pa dang / gnyen gyi don du spyod pa med pa dang / 'jig rten gyi don gyi spyod pa med pa dang / sangs rgyas kyi
363a3 spyod pa yongs su ma rdzogs pas stan 'di khyod la rigs pa ma yin no/ /stan 'di bdag kho na la rigs pa yin no/ /bdud khros par gyur nas khros ba'i shugs bsran par
363a4 ma nus te/ skyes bu chen po la mtshon cha'i 'khor lo 'phangs so/ /de'i pha rol tu phyin pa bcu sems par byed cing bzhugs pa na steng gi char me tog gi phreng ba'i bla res bres pa bzhin
363a5 du gyur to/ /de'i 'khor lo'i mtshon cha gzhan yang de shin tu khros pas 'phangs te rdo ba mthug po'am/ rdo ba mthug po'i ka ba 'bugs shing 'gro ba'o/ /slar yang de ni de'i
363a6 me tog gi bla res su gyur nas gnas pa na bdud kyi 'khor lhag ma rnams de nas stan las langs te 'gro bar bsams nas ches che ba'i ri'i phung po 'phangs so/ /de rnams
363a7 kyang skyes bu chen po'i pha rol tu phyin pa bcu la sems zhing bzhugs pa na me tog gi chun por gyur nas sa la lhung ngo / /lha rnams khor yug gi mthar 'khod pa rnams ske
363b1 bteg nas blta zhing / mgo bo bteg cing bteg nas don grub gzhon nu mchog gi sku'i bdag nyid nyams sam snyam nas ci byed na zhes bsams zhing blta'o/ /de nas skyes bu chen pos
363b2 pha rol tu phyin pa rdzogs pa'i byang chub sems dpa' rnams mngon par rdzogs par byang chub pa'i nyin mo thob pa'i stan bdag la rigs pa yin no zhes bshad nas/ 'khod pa'i bdud
363b3 la smras so/ /bdud/ khyod kyis sbyin pa btang ba'i dbang po su yod zhes smras so/ /bdud 'di rnams thams cad bdag gi dbang po yin no zhes bdud kyi dmag rnams la lag pa brkyang
363b4 ngo| |de ma thag par bdud kyi 'khor rnams nga yang dbang po yin zhes brjod pa'i sgras sa gzhi yang ral ba bzhin du brjod pa'i sgrar gyur to/ /de nas bdud kyis skyes bu chen po la smras
363b5 pa| don grub/ khyod kyis sbyin pa gtang ba'i dngos po la dbang po su yod ces smras so/ /skyes bu chen po khyod kyis re zhig sbyin pa byin pa'i dngos po la sems dang bcas pa rnams
363b6 dpang po yin no/ /slar yang bdag la gnas 'di na sems dang bcas pa'i dbang po su yang med pas bdag nyid kyis skye ba'i mthar sbyin pa gtang ba de srid gnas pa thams cad sgrol
363b7 gyi lus kyi bdag nyid la gnas nas sbyin pa chen po bdun brgya pa bdun byin pa'i dngos po la sems med pa'i sa gzhi chen po mthug po 'di dpang po yin no zhes chos gos kyi nang
364a1 nas phyag g.yas pa bton te/ thams cad sgrol gyi bdag nyid kyi lus su gnas nas bdag gis sbyin pa bdun brgya pa bdun byin pa'i dngos po de la khyod
364a2 kyis dpang po yin nam/ ma yin pa smros shig ces sa chen po la mngon du phyogs pas phyag brkyang ba na/ sa chen pos bdag ni de'i tshe dpang po yin no zhes sgra sgrogs par gyur
364a3 nas/ sgra chen po sgrogs pa brgya dang stong phrag gcig dang / sgra chen po 'bum phrag gcig po rnams kyis bdud kyi dmag gi sgra rnams zil gyis mnan pa bzhin du gyur to/ /de
364a4 nas skyes bu chen po don grub kyi sbyin pa chen po byin ba ni mchog gi sbyin pa'o zhes thams cad sgrol gyi sbyin pa dran par byed cing dpag tshad phyed dang / nyis brgya'i ri'i 'og pag
364a5 gi glang po che pus mo sa la btsugs nas 'khod do/ /bdud kyi 'khor rnams phyogs dang / mtshams rnams su bros nas gnyis lam gcig la 'gro ba med do/ /mgo yi rgyan nyid dang
364a6 gyon pa'i gos dang por dor nas rang gi phyogs phyogs nyid du 'bros so/ /de nas lha'i tshogs rnams kyis bdud bros nas 'gro ba mthong ste/ bdud rnams pham pas don grub
364a7 gzhon nu rgyal bar gyur to/ /zhes rgyal ba'i mchod pa byed par sems so/ /klu ni klu rnams la bskul lo/ /'dab bzang ni 'dab bzang rnams la'o/ /lha ni lha rnams la'o/
364b1 tshangs pas ni tshangs pa rnams la bskul lo/ /spos dang / me tog gi phreng ba la sogs pa lag tu thogs nas byang chub shing gi drung du skyil krung gis bzhugs pa'i skyes bu chen po dang
364b2 nye bar 'ongs so/ /de ltar bdud rnams bros nas song ngo / /dpal ldan sangs rgyas rgyal bar gyur/ /sdig can bdud ni pham par gyur/ /rab dga' byang chub snying por sgrogs/ /
364b3 de tshe drang srong klu tshogs rgyal/ /dpal ldan sangs rgyas rgyal bar gyur/ /sdig can bdud ni pham par gyur/ /rab dga' byang chub snying po sgrogs/ /'dab bzang tshogs kyi
364b4 drang srong rgyal/ /dpal ldan sangs rgyas rgyal bar 'gyur/ /sdig can bdud ni pham par gyur/ /rab dga' byang chub snying por sgrogs/ /sna tshogs de tshe drang srong rgyal/ /dpal
364b5 ldan sangs rgyas rgyal bar gyur/ /sdig can bdud ni pham par gyur/ /rab dga' byang chub snying por sgrogs/ /tshangs tshogs de tshe rgyal bar sgrogs/ /mthar stong phrag bcu'i
364b6 khor yug gi lha rnams kyis me tog dang / spos dang / byug pa rnams kyis mchod par byed do/ /rnam pa sna tshogs pa'i bstod pa byed cing 'khod do/ /'di ltar skyes bu chen po
364b7 nyi ma nub pa'i tshe bdud rnam par bcom nas chos gos kyi steng du byang chub kyi shing gi 'dab ma myu gu lta bu lhung zhing byu ru dmar pos mchod par byed pa lta bu'o/ /thun dang po la
365a1 sngon gyi gnas rjes su dran pa ye shes kyi rtogs pa dang / thun bar pa la lha'i spyan rnam par dag pas ye shes thob pa dang / thun tha ma la rten cing 'brel
365a2 par 'byung ba'i ye shes thob bo/ /de nas rten 'brel bcu gnyis kyi rkyen gyis rnam par 'jug pa dang / mi 'jug pa'i lugs las byung ba dang / lugs las bzlog pa dran par byed
365a3 cing dran par byed do/ /stong phrag bcus 'jig rten gyi khams chu'i mthar thug par byas nas lan bcu gnyis su yang dag par g.yos so/ /slar yang skyes bu chen pos stong
365a4 phrag bcu'i 'jig rten gyi khams su sgra chen po sgrogs shing skya rengs shar ba'i dus su thams cad mkhyen pa'i ye shes so sor myong ngo / /stong phrag bcu'i 'jig rten gyi khams
365a5 thams cad brgyan pa bzhin du rigs par gyur to/ /shar phyogs kyi khor yug gi steng du rgyal mtshan dang / ba dan btsugs pa'i sham bus nub kyi khor yug gi steng du chags
365a6 so| |de bzhin du nub kyi phyogs kyi khor yug gi mtha'i steng du rgyal mtshan dang / ba dan btsugs pa'i sham bus shar gyi khor yug gi steng du chags so/ /byang gi phyogs
365a7 kyi khor yug gi steng du rgyal mtshan dang / ba dan btsugs pa'i sham bus lho'i khor yug gi steng du chags so/ /lho'i phyogs kyi khor yug gi steng du rgyal mtshan dang / ba
365b1 dan btsugs pa'i sham bus byang gi khor yug gi steng du chags so/ /sa gzhi las langs pa'i rgyal mtshan dang / ba dan tshangs pa'i gnas su chags so/ /tshangs pa'i 'jig rten gyi
365b2 gnas su bcings pa'i rgyal mtshan dang / ba dan sa gzhi'i steng du chags so/ /stong phrag bcu'i khor yug la me tog gi shing la me tog kha bye'o/ /'bras bu'i shing la 'bras bu
365b3 mang por gyur to/ /sdong po rnams la sdong po'i pad+ma'i me tog kha bye'o/ /yal ga rnams la yal ga'i pad+ma'i me tog go/ 'khri shing rnam la 'khri shing gi pad+ma'i me tog go/ nam
365b4 mkha' nas thur du pad+ma'i me tog 'chang ngo / /thang dang / rdo'i steng brtol nas steng nas steng du bdun bdun du gyur te rgyun chags pa'i pad+ma'i me tog zhes bya ba phyung ngo / /stong phrag
365b5 bcu'i 'jig rten gyi khams khyad par du 'phags pa'i me tog gi gdan bzhin du gyur to/ /khor yug gi bar dpag tshad stong phrag brgyad kyi 'jig rten gyi bar gyi dmyal ba nyi ma
365b6 bdun gyi 'od kyis kyang snang bar byed pa med pas na dkon no/ /de dang mtshungs pa'i 'jig rten gyi bar gyi dmyal ba pa de ma thag tu snang bar gyur to/ /dpag tshad brgyad khri bzhi stong
365b7 tsam gyis zab pa'i rgya mtsho chen po'i chu dang por gyur to/ /chu klung rnams ni 'gro ba gnas so/ /dmus long rnams kyi mig gis gzugs mthong ngo / /'on ba rnams kyis rna bas
366a1 sgra thos so/ /gong po rnams kyis 'gro shes par gyur to/ /bcings pa'i sems can rnams ni rjes su bcings pa las grol bar gyur to/ /'di ltar tshad
366a2 med pa'i dpal du gyur nas mchod pa dang ya mtshan pa'i chos rab tu skyes so/ /thams cad mkhyen pa'i ye shes so sor rig go /sangs rgyas thams cad kyi bshad pa ched du brjod
366a3 pa ched du brjod do/ /skye bo'i 'khor ba ma lus pa/ /dug med rnam par dug med tshol/ /khyim med pa ni tshol ba na/ /skye ba'i sdug bsngal yang yang dang / /khyim med pa ni mthong
366a4 bar gyur/ /slar yang khyim ni byed pa med/ /de yi sdug bsngal thams cad bcom/ /dug gi ming can khyim gyis phung / /sems ni 'du byed pa las grol/ /sred pa zad nas med
366a5 par gyur/ /ces pa 'di ni dga' ldan gyi pho brang du gnas pa nas bzung ste ji srid byang chub snying po 'dir thams cad mkhyen pa thob pa de rnams kyi gnas ni gleng gzhi bar ma zhes
366a6 bya ba yin no/ /gzhan yang / nye ba'i gleng gzhi ni/ bcom ldan 'das mnyan yod rgyal byed tshal mgon med zas sbyin gyi kun dga' ra ba'i gnas su bzhugs pa dang / yangs pa
366a7 can gyi nags tshal chen po khang pa brtsegs pa'i gnas su bzhugs so/ /de ltar de dang de'i gnas rnams su bzhugs shing de dang de'i gnas nyid thob ces brjod do/ /gang
366b1 ci yang 'di ltar brjod pa de nas yang de dang po nas bzung nas 'di ltar rig par bya'o/ /bcom ldan 'das bzhugs nas ched du brjod cing ched du brjod pa de lta bu'i sems skyes so/ /
366b2 bdag gis bskal pa grangs med pa bzhi dang / 'bum phrag gcig lhag pa nas skyil krung bcas pa 'di'i ched du dus 'di rnams la bdag gi mgo rgyan gyis brgyan pa'i mgrin pa
366b3 nas bregs te sbyin par btang ba dang / spyan bzang po btang ba dang / snying gi sha bregs nas btang ba dang / gzhon nu dra ba 'dzin dang 'dra ba'i bu sbyin par btang ba dang / kriSh+Na dzi na'i
366b4 gzhon nu ma dang mtshungs pa'i bu mo sbyin par btang ba dang / lha mo ma tri dang mtshungs pa'i chung ma rnams gzhan gyi bran gyi phyir sbyin par btang ngo / /'di ni bdag gi 'dug stangs
366b5 yin no/ /rgyal ba'i 'dug stangs yin no/ /mchog gi 'dug stangs yin no/ /'di la bdag bzhugs nas bsams pa thams cad yongs su rdzogs so/ /re zhig stan 'di las
366b6 bdag mi ldang ngo snyam du bsams nas/ bye ba 'bum phrag du ma la snyoms par zhugs nas mnyam par gnas te zhag bdun du de nyid du bzhugs so/ /de'i phyir sangs rgyas zhes brjod
366b7 do| |de nas yang bcom ldan 'das kyis zhag bdun du 'dug stangs gcig gis bzhugs so/ /rnam par grol ba dang / bde ba so sor rig cing bzhugs so/ /gzhan yang / lha gang dang
367a1 gang zhig da dung yang nges par don grub la bya ba yod dam/ 'dug stangs 'di la zhen pa ma spangs pa dang / rnam par rtog pa yongs su bskyed do zhes bsams
367a2 nas ston pas lha rnams kyi rnam par rtog pa mkhyen nas de rnams kyi rnam par rtog pa nye bar zhi bar bya ba'i phyir/ steng gi nam mkha' la 'dug nas so sor cho 'phrul bstan no/ /
367a3 byang chub kyi snying por mdzad pa'i cho 'phrul dang / nye du dang 'dus pa'i dus su mdzad pa'i cho 'phrul dang / klog pa'i mdo dang 'dus par mdzad pa'i cho 'phrul thams cad a
367a4 smra srun pa dang / a mra'i shing gi drung du mdzad pa'i so so'i cho 'phrul dang mtshungs par gyur to/ /'di ltar ston pas 'di lta bu'i cho 'phrul mdzad nas lha rnams kyi rnam par
367a5 rtog pa nye bar zhi bar mdzad do/ /'dug stangs kyis byang shar gyi char 'khod de/ 'di'i 'dug stangs kyis thams cad mkhyen pa'i ye shes so sor rtog par byed do/ /bskal
367a6 pa grangs med pa bzhi dang / 'bum phrag gcig gis pha rol tu phyin pa yongs su rdzogs pa'i 'bras bu lhag par rdzogs pa'i 'dug stangs kyis mig mi 'dzum par lta
367a7 zhing zhag bdun du 'khod do/ /de'i gnas su mig mi 'dzum pa'i mchod rten zhes bya ba byung ngo / /de nas 'dug stangs la 'khod pa'i gnas kyi bar du 'chag par byas
367b1 nas shar dang / nub tu rin po che la 'chag cing 'chag pas zhag bdun du 'khod do/ /gnas der rin po che la 'chag pa'i mchod rten zhes bya ba byung ngo / gzhan yang / zhag bdun pa bzhi
367b2 pa la byang chub shing gi byang shar gyi char lha rnams kyis rin po che'i khang pa sprul lo/ /der 'dug stangs kyis bzhugs nas chos mngon pa'i sde snod ma lus par 'di rnams mtha'
367b3 yas pa'i tshul gyis kun gnas par sems shing zhag bdun bzhugs so/ /chos mngon pa pa slar yang 'di skad smra'o/ /rin po che'i khang pa zhes bya ba rin po che las byung ba'i khang
367b4 pa yin no zhes zer ro/ /sdud par byed pa po rnams slar yang 'di skad gsung ste/ rab tu byed pa bdun gyi chos mngon par rjes su dran par byed pa'i rin po che'i khang pa yin zhes gsung
367b5 ngo| |gang gi phyir slar yang 'dir tshig gnyis ka yang 'thad do/ /de'i phyir 'di gnyis ka'ang gzung bar bya'o/ /de nas slar yang gnas de rin po che'i khang pa'i mchod rten zhes bya ba byung
367b6 ngo| |'di ltar byang chub shing dang nye ba nyid du zhag bdun pa bzhi pa song nas/ zhag bdun pa lnga pa la byang chub shing gi drung nas ra lug skyong ba'i shing n+ya gro d+ha dang nye bar gshegs
367b7 nas der yang chos la rnam par sems pa nyid kyis rnam par grol ba dang / bde bas so sor rig par mdzad nas bzhugs so/ /de'i tshe lha'i bu'i bdud dus 'di rnams kyi phyi ma
368a1 la grib ma bzhin du phyogs gang du'ang ma spangs so/ /byang chub sems dpa' la skyon cung zad kyang ma mthong ngo / /da ni nga'i dbang du bya ba las 'das pas
368a2 yid mi bde ba thob par gyur cing lam chen por gnas nas rnam pa bcu drug gi rgyu mtshan la sems shing sa la ri mo bcu drug 'bri'o/ /bdag gis 'di bzhin du sbyin pa'i pha
368a3 rol tu phyin pa ma rdzogs pa de'i phyir bdag 'di dang 'dra bar ma gyur te zhes ri mo gcig bris so/ /de bzhin du bdag 'di dang mtshungs par tshul khrims kyi pha rol tu phyin pa dang / nges 'byung
368a4 gi pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / bden pa'i pha rol tu phyin pa dang / lhag par gnas
368a5 pa'i pha rol tu phyin pa dang / byams pa'i pha rol tu phyin pa dang / btang snyoms gyi pha rol tu phyin pa rnams ma rdzogs so/ /de'i phyir bdag 'di dang mtshungs par ma gyur to snyam nas ri mo bcu
368a6 bris so/ /bdag 'di dang mtshungs pa'i thun mong ma yin pa'i dbang po mchog gi gong ma'i ye shes so sor rig pa nye bar gnas par gyur pa'i pha rol tu phyin pa bcu ma rdzogs pa de'i phyir
368a7 bdag 'di dang mtshungs par ma gyur to snyam nas ri mo bcu drug bris so/ /de bzhin du bdag 'di dang mtshungs pa'i thun mong ma yin pa'i bsams pa'i bag la nyal dang / ye shes kyi
368b1 thugs rje chen po dang / snyoms par 'jug pa'i ye shes dang / so sor cho 'phrul gyi ye shes dang / sgrib pa med pa'i ye shes dang / thams cad mkhyen pa'i ye shes so sor gnas pa nye bar gnas
368b2 par gyur pa'i pha rol tu phyin pa bcu ma rdzogs pa de'i phyir bdag 'di dang mtshungs par ma gyur to snyam nas ri mo bcu drug bris so/ /'di ltar 'di'i rgyu mtshan sems shing lam chen por ri
368b3 mo bcu drug bris nas gnas so/ /de'i tshe sred ma dang / kun tu dga' ma dang / dga' ma ste gsum po ni bdud kyi bu mo bdag cag gi pha ni ma mthong bar gyur pas de ma thag par ga na yod dam
368b4 zhes blta zhing rgyu ba na de yid mi bde ba thob par gyur te/ sa la ri mo byed pa mthong nas pa dang nye bar song ste/ pha gang gi phyir sdug bsngal zhing yid mi bde bar byed ces dris so/ /bu mo/ dge
368b5 sbyong chen po 'di bdag gi dbang du byed pa las 'das so zhes 'di rnams kyi dus su bltas pas skyon cung zad kyang ma mthong ngo / /de'i phyir bdag sdug bsngal zhing yid mi bde ba skyes so/ /
368b6 'di ltar gyur na de ltar mi sems shig /bdag cag gsum gyi de dbang du byas nas khrid la 'ong bo/ /smras pa/ bu mos mi nus te/ sus kyang dbang du bya bar mi nus bas skyes bu 'di ni mi
368b7 g.yo ba'i dad pa la gnas so/ /smras pa/ ba/ bdag cag bud med yin pas da lta nyid du de la 'dod chags kyi zhags pas bcings te khrid la 'ong ngo / /khyed ma sems shig/ de nas
369a1 bud med de rnams bcom ldan 'das dang nye bar song ste dge sbyong khyed kyi zhabs la bsnyen bkur bdag cag gis bgyi'o/ /zhes smras so/ /bcom ldan 'das nyid
369a2 kyis de rnams kyi tshig la thugs ma gtad do/ /spyan rnam par grol ba yang ma gzigs so/ /ji ltar de bla na med pa'i nye bar skye ba zad pa rnam par grol ba'i bsam pas dben
369a3 ba'i bde ba nyid la nyams su myong bar mdzad cing bzhugs so/ /gzhan yang / bdud kyi bus mo bsam pa mang zhing skyes bu dang mtshungs pa'i sems so/ /gang dang / gang gzhon nu
369a4 la dga' bar 'gyur ro/ /gang dang / gang zhig na tshod dang por gyur pa la dga' ba dang / gang dang / gang zhig na tshod bar ma gyur pa la dga' ba dang / gang dang / gang zhig na tshod phyi
369a5 mar gyur pa la dga' ba'o/ /bdag gis de lta bu'i rnam pa sna tshogs pa'i 'od la chags par bgyi'o zhes smras nas/ bu mo re res gzhon nu'i ma'i gzugs la sogs pa'i
369a6 brgya phrag brgya phrag gis bdag nyid kyi lus sprul lo/ /gzhon nu ma'i gzugs dang / lang tsho ma'i gzugs dang / dang po bu dang / bu mo lan gcig skyes pa'i gzugs dang / bar
369a7 ma'i bud med kyi gzugs dang / lus rags mor gyur nas lan drug tu bcom ldan 'das dang nye bar song nas/ dge sbyong khyod kyi zhabs la bdag cag gis bsnyen bkur
369b1 bgyi'o/ /zhes smras so/ /bcom ldan 'das kyis de rnams kyi tshig la yang thugs ma gtad do/ /ji ltar de bla na med pa'i nye bar skye ba rnam par grol lo/ /gzhan yang / slob dpon gang zhig
369b2 'di skad smra'o/ /de rdzu 'phrul dang ldan pas bud med 'ongs pa la lta zhing bcom ldan 'das 'di lta bu'i gzugs kyis 'di rnams so byi ba dang / skra dkar por gyur bar byin gyis brlabs
369b3 so zhes zer ro/ /de'i tshig gzung bar mi bya'o/ /ston pas 'di lta bu gzugs su byin gyis brlabs par ma mdzad do/ /gzhan yang / bcom ldan 'das kyis ci mthong / 'di lta bu'i
369b4 'bad pa byed pa da song zhig / 'di lta bu'i tshul gyis 'dod chags dang ma bral ba la sogs pa'i mdun du bya bar rigs so/ /de bzhin gshegs pas slar yang 'dod chags
369b5 spangs shing nyes pa spangs pa dang / gti mug spangs pas rang gi 'dod chags spangs pa'i phyir ro/ /gang zhig rgyal ba de la rgyal mi nus/ /gang zhig 'jig rten 'dir ni rgyal mi
369b6 'gyur/ /mtha' yas sangs rgyas spyod yul de mi gnas/ /rkang med kyis ni rkang yod la mi nus/ /gang gi sred pa'i dra ba bton gyur nas/ /de la sred pa rnams ni cung zad med/ /
369b7 mtha' yas sangs rgyas spyod yul de nyid la/ /rkang med de yis rkang yod la mi nus/ /'dir ni sangs rgyas kyi chos mchog gi sde las tshigs su bcad pa gnyis gsungs nas
370a1 chos bstan to/ /bu mo rnams la pha zer ba yang bden pa yin no/ /dgra bcom pa bde bar gshegs pa 'jig rten na mi'i mchog yin no zhes smras nas lha dang
370a2 nye bar song ngo / /bcom ldan 'das kyis kyang 'dir zhag bdun bzhugs nas btang zung gi gnas su gshegs so/ /der zhag bdun du sku la yul ngan dang / grang ba zhi bar bya
370a3 ba'i phyir klu'i rgyal po btang zung zhes bya bas lus kyi lan bdun du dkris nas/ gdengs ka byas so/ /dri'i gtsang khang shin tu yangs par bzhugs pa bzhin rnam par grol ba dang
370a4 bde ba so sor rig par byed cing zhag bdun du bzhugs nas shing rA dza ya ta na dang nye bar gshegs so/ /der yang rnam par grol ba dang / bde ba so sor rig par byed pa nyid kyis
370a5 bzhugs so/ /de rnams kyis re zhig zhag bdun phrag bdun yongs su rdzogs so/ /de rnams kyi bar du zhal shol ba med bar dang / sku la byi dor byed pa med pa dang / zhal zas
370a6 gsol pa med par gyur to/ /bsam gtan gyi bde ba dang / lam gyi bde ba dang / 'bras bu'i bde ba nyid kyis nyin mtshan 'da'o/ /de nas de'i bdun phrag bdun gyi mthar gcig
370a7 gis dman pa'i lnga bcu'i mtha'i nyi ma la der bzhugs nas zhal shol ba'i thugs skyes so/ /lha'i dbang po brgya byin gyis a ru ra mchog blangs nas phul lo/ /ston pas de
370b1 gsol bas sku dwangs par gyur to/ /de nas brgya byin nyid kyis so rtsi'i so shing nyid kyi so shing dang / zhal shol ba'i chu phul lo/ /ston pas so shing blangs nas so brud de mtsho chen po ma dros pa'i chus zhal
370b2 bshal lo/ /de nyid du shing rA dza ya ta na'i drung du bzhugs so/ /de'i tsheg gon dang / bzang po zhes bya ba'i tshong dpon gnyis shing rta lnga brgya dang bcas pa lho phyogs kyi ljongs nas yul
370b3 dbus su 'gro ba na rang nyid kyi sngar gyi gnyen/ lhar gyur pas shing rta thams cad bying nas 'gro bar mi nus par byin gyis brlabs pas ston pa la kha zas ster ba'i phyir spro ba skyes so/ /
370b4 sbrang bsrubs pa'i 'khor ba'i gong bu blangs nas/ btsun pa bcom ldan 'das/ bza' ba 'di thugs rje chen po skyed la so sor bzhes par zhu zhes ston pa'i drung du nye bar 'khod do//
370b5 bcom ldan 'das 'o thug bzhes pa'i nyin mo nyid lhung bzed mi snang ba'i phyir de bzhin gshegs pa rnams kyi yang phyag gis len nam/ 'on kyang lhung bzed kyi blang zhes bsams
370b6 so| |de nas sems kyis shes nas/ phyogs bzhi'i rgyal po chen po bzhi po rnams kyis nor bu in+d+ra nI la'i lhung bzed blangs pa/ bcom ldan 'das kyis ma gnang ngo / /slar
370b7 yang sran ma mung+ga'i kha dog can gyi rdo las byung ba'i lhung bzed bzhi phul lo/ /bcom ldan 'das kyi lha'i bu bzhi po rnams la rjes su brtse bas lhung bzed bzhi po bzhes/
371a1 te steng nas steng du brtsegs nas bzhag ste gcig tu 'gyur bar byin gyis brlabs so/ /bzhi po yang lta ba'i phyir du kha la ri mo bzhir gyur te/ lhung bzed 'bring
371a2 po'i tshad cig tu gyur to/ /bcom ldan 'das la de'i so sor phul ba rin thang med pa'i rdo las byung ba'i lhung bzed du bza' ba'i phyir du bzhes nas yongs su longs spyad nas rjes su
371a3 yi rang bar mdzad do/ /tshong dpon spun gnyis sangs rgyas dang / chos la skyabs su 'gro zhing tshigs gnyis pa'i dge bsnyen du gyur to/ /de nas de rnams kyis/ btsun pa/ mchod
371a4 par bya bar rigs pa'i dngos po gcig bslang zhes zhus so/ /de nas phyag g.yas pa rang gi mgo la byugs nas skra'i gdung gnang ngo / /de dag gis rang gi grong khyer du khyer song
371a5 nas mchod rten bzhengs so/ /yang dag par rdzogs pa'i sangs rgyas kyis kyang de nas bzhengs nas slar yang ra lug skyong ba'i shing n+ya gro d+ha nyid du gshegs nas shing n+ya gro d+ha'i
371a6 drung du bzhugs so/ /de nas de nyid du bzhugs tsam nyid na rang gis lhag par rtogs pa'i zab mo'i chos so sor bsam zhing sangs rgyas rnams kyis lhag par rtogs pa 'di ni
371a7 chos so/ /gzhan gyis chos ston par mi nus par bsams nas rab tu 'jug pa'i rnam pa'i rnam par rtog pa skyes so/ /de nas mi mjed kyi bdag po tshangs pa 'jig rten nyams
371b1 par 'gyur ba'i phyir ro zhes bsams nas/ stong phrag bcu'i khor yug gi brgya byin dang / mtha' bral bzang po dang / dga' ldan dang / 'phrul dga' dang / gzhan 'phrul dbang byed dang /
371b2 tshangs pa chen po rnams khrid nas ston pa'i drung du phyin nas/ btsun pa bcom ldan 'das/ chos bstan du gsol/ dang po'i tshul gyis chos bstan du gsol zhes zhus so/ /ston pas de rnams la
371b3 gnang ba byin no/ /gang zhig la bdag gis dang por chos bstan par bya'o/ /zhes dgongs shing mkhas pa kun len de'i chos 'di myur du shes par 'gyur ba'i thugs skyes so/ /slar yang
371b4 gzigs te/ de dus las 'das nas zhag bdun lon par rtogs so/ /'char byed la brtags pa de yang dus las 'das par mkhyen no/ /dge slong lnga sdes bdag la bsnyen bkur mang
371b5 po byas pas lnga sde'i ched du bsams nas de rnams gang na gnas pa yin zhes brtags so/ /grong khyer wA ra NA si'i ri dwags rgyu ba'i nags tshal na yod par mkhyen no/ /der gshegs
371b6 nas chos kyi 'khor lo bskor ro zhes dgongs nas zhag 'ga' zhig tu byang chub kyi snying po kun tu nye ba nyid du bsod snyoms mdzad cing bzhugs nas dbyar zla 'bring po'i nya la grong khyer
371b7 wA ra NA sir gshegs par dgongs nas tshes bcu bzhi'i mtshan gyi mthar nam la ngas pa na shin tu snga ba nyid du lhung bzed dang / snam sbyar bsnams nas dpag tshad bco brgyad yod
372a1 ba'i lam la gshegs shing / lam gyi bar du nye bar gnas pa zhes bya ba'i 'tsho byed gcig gzigs so/ /de la rang gi sangs rgyas su gyur pa bshad do/ /
372a2 nyi ma de nyid la srod kyi dus su drang srong lhung ba'i gnas su gshegs so/ /gnas brtan lnga sdes de bzhin gshegs pa byon pa ring po nyid nas mthong ste/ dge sbyong gau ta ma 'di
372a3 bza' ba mang po'i phyir lus yongs su rdzogs par gyur/ dbang po yongs su rdzogs par gyur/ gser gyi kha dog tu gyur nas 'ong gi/ 'di la phyag la sogs pa mi bya'o/ /'di rigs
372a4 chen por skyes pa tsam yin pas gdan shom pa tsam 'os so/ /de'i phyir gdan tsam rigs so zhes gtam byed do/ /bcom ldan 'das la lha dang bcas pa'i 'jig rten rnams kyi
372a5 sems dang / spyod pa shes par nus pa'i ye shes yod do/ /de yang 'di rnams ji ltar sems pa yin zhes bsams nas sems shes pa yin no/ /de nas lha dang / mi thams cad
372a6 la mthong ba med pa'i dbang gis thams cad du khyad par nus pa'i byams pa'i sems yang dag par bsdus nas/ ma mthong ba'i dbang gis byams pa'i sems kyis khyab par
372a7 bcom ldan 'das kyis bsgoms nas de bzhin gshegs pa nye bar gshegs shing gshegs pa na/ sngar gyi bca' khrims rnams gnas par mi nus pas phyag phul zhing bsu
372b1 ba dang / bsnyen bkur thams cad byas so/ /gzhan yang / dge slong de rnams yang dag par rdzogs pa'i sangs rgyas grub pa mi shes pa'i phyir ming brjod pa na tshe dang ldan pa zhes smra ba tha mal
372b2 ba'i tshig gis brjod par byed do/ /de nas bcom ldan 'das kyis/ dge slong dag/ bcom ldan 'das dang / de bzhin gshegs pa'i ming dang / tshe dang ldan pa zhes tha mal ba'i tshig brjod
372b3 par mi rung ngo / /dge slong dag /nga ni de bzhin gshegs pa dgra bcom pa yang dag par rdzogs pa'i sangs rgyas so zhes bdag nyid sangs rgyas grub par byed pa dang / gdan
372b4 bshams pa mchog la sangs rgyas bzhugs te/ rgyu skar bre mchog gsum 'dzom pa la bye ba phrag bco brgyad kyi tshangs pa'i 'khor gyis bskor nas gnas brtan lnga sde bos te chos
372b5 kyi 'khor lo bskor ba'i mdo'i mthar bshad do/ /de rnams la gnas brtan kun shes kau N+Di n+ya bshad pa'i rjes su 'brangs nas ye shes thob pa mdo'i mthar bye ba phrag bco
372b6 brgyad kyi tshangs pa rnams kyis rgyun du zhugs pa'i 'bras bu thob bo/ /ston pas de nyid du dbyar bzhugs so/ slar yang nyi ma gnyis pa la/ gnas brtan brlangs pa la chos
372b7 sbyin no zhes gtsug lag khang du bzhugs so/ /lhag ma bzhi po bsod snyoms la song ngo / /gnas brtan brlangs pas nyi ma byed kyi nang du rgyun du zhugs pa'i 'bras bu thob bo/ /
373a1 'di lta bu'i thabs nyid kyis slar yang nyi ma phyi ma la gnas brtan bzang ldan dang / slar yang nyi ma phyi ma la gnas brtan ming can dang / slar yang nyi ma phyi ma la
373a2 gnas brtan rta thul rnams de thams cad kyis rgyun du zhugs pa'i 'bras bu thob par byas nas tshes nyi shu la dge slong lnga po 'dus pa la bdag med pa'i mtshan nyid kyi mdo sde bshad
373a3 do| |bshad pa'i mthar gnas brtan lnga sdes dgra bcom pa'i 'bras bu thob bo/ /de nas ston pas rigs kyi bu grags pa nye bar mi rten par gzigs nas/ de'i mtshan mo'i char
373a4 sdug bsngal ba'i sems kyis khyim spangs nas 'thon pa la grags pa 'dir shog ces bos nas mtshan mo de nyid kyi cha la rgyun du zhugs pa'i 'bras bu dang / slar yang nyi ma gnyis
373a5 pa la dgra bcom pa'i 'bras bu grub par byed do/ /gzhan yang / slar yang grogs po lnga bcu rtsa bzhis rab tu byung zhing dge slong du gyur nas dgra bcom par byed do/ /'di ltar
373a6 'jig rten du dgra bcom pa drug cu rtsa gcig tu gyur to/ /ston pas dbyar bzhugs nas dgag dbye byas te/ dge slong drug cu po rnams phyogs phyogs su gtang nas/ rang nyid
373a7 lteng rgyas su gshegs pa'i bar gyi lam na ras bal can gyi tshal ni dpag tshad bcu pa'o/ /gzhon nu bzang sde brtul lo/ /de rnams las thams cad kyi mtha'i phyi ma rgyun du
373b1 zhugs par gyur pa/ thog ma ni phyir mi 'ong du gyur to/ /de rnams kyang dge slong gi gzugs kyis rab tu byung ba bgyis nas phyogs phyogs su btang ste/ lteng rgyas su gshegs so/ /stong phrag
373b2 phyed dang gsum gyi cho 'phrul lta zhing lteng rgyas 'od srung la sogs pa'i spun gsum po dang / ral pa can stong phrag gcig brtul ba dge slong gi gzugs kyis rab tu byung bar byas nas
373b3 ri po ga ya'i rtse mo na sdod pa rnams la nyi ma'i rnam grangs kyi mdo sde bstan nas dgra bcom par byas te/ des dgra bcom pa stong phrag rnams 'khor du byas nas rgyal po gzugs can
373b4 snying po la khas blangs byin ba dgrol bar bya ba'i dgongs pas rgyal po'i khab kyi grong khyer dang nye ba'i shing dngar gyi tshal du byon no/ /skyed mos tshal skyong ba rnams kyis ston pa byon no
373b5 zhes rgyal po la smras so/ /rgyal pos thos te/ khri khrag bcu gnyis kyi bram ze dang / khyim bdag 'khor du byas nas ston pa dang nye bar song ste/ 'khor lo sna tshogs pa'i steng du
373b6 gser gyi bla res dang 'dra ba'i 'od zer phyogs phyogs su 'phro zhing bzhugs pa'i de bzhin gshegs pa'i zhabs la mgo bos phyag legs par byas nas 'khor dang bcas pa
373b7 phyogs gcig tu 'khod do/ /de nas yang bram ze rnams dang / khyim bdag la sogs pa 'di lta bu'i sems su gyur te/ 'on kyang dge sbyong chen pos lteng rgyas 'od srung gi rjes su
374a1 tshangs pa spyod pa spyad dam/ yang na lteng rgyas 'od srung gis dge sbyong chen po'i rjes su tshangs par spyod pa spyad ces bsam mo/ /bcom ldan 'das kyis de
374a2 rnams kyi sems kyi rtog pa thugs kyis mkhyen nas gnas brtan la tshigs su bcad pa gsungs so/ /lteng rgyas gnas su gnas nas ci zhig mthong / /sbyin sreg 'dor ba'i rgyu
374a3 mtshan ci zhig smra/ /'od srung 'di yi don ni dri bar bya/ /khyod kyis ji ltar sbyin sreg spong ba yin/ /gnas brtan gyis kyang bcom ldan 'das kyis dgongs ba shes nas/ gzugs dang
374a4 sgra dang de bzhin ro dang dri/ /bud med 'dod pa yang ni mchod sbyin spyod/ /'di rnams dri ma legs bar rtogs byas nas/ /de phyir me yi sbyin sreg 'di spangs so/ /tshigs su bcad pa
374a5 'di brjod nas rang nyid nyan thos kyi 'dod pa gsal bar bya ba'i phyir de bzhin gshegs pa'i zhabs kyi bol du mgo bos reg nas/ bdag ston par btsun pa bcom ldan 'das
374a6 kyi nyan thos yin no zhes smras so/ /shing tA la gcig dang / shing tA la gnyis dang / shing tA la gsum dang / ji srid du shing tA la bdun gyi tshad tsam du nam mkha' la 'phags
374a7 nas babs te de bzhin gshegs pa la phyag byas nas phyogs gcig tu 'khod do/ /de'i cho 'phrul blta zhing mi mang po rnams kyis/ e ma ho/ sangs rgyas kyi mthu chen pos
374b1 'di lta bu'i blta ba bstan pas dgra bcom po zhes bya ba la sems shing / lteng rgyas 'od rung gi blta ba'i dra ba bcad de bzhin gshegs pas brtul nas ston pa'i yon tan nyid brjod do/ /
374b2 bcom ldan 'das kyis kho bos kyang 'di da lta kho nam yin par lteng rgyas 'od srung brtul lo/ /'das pa nyid du'ang 'di ngas brtul lo zhes brjod nas don 'di 'das pa na mi sbyin chen po 'od srung
374b3 gi skyes rabs su bshad pa'i bden pa bzhi po gsal bar bstan no/ /de'i mod la yul ma ga d+ha'i rgyal po 'khor khri phrag bcu gcig dang bcas pas rgyun du zhugs pa'i 'bras bu thob
374b4 bo| |khri phrag gcig dge bsnyen du gyur to/ /rgyal po ston pa dang nye ba nyid du 'dug ste bslab pa'i gzhi lnga so sor rab tu thos nas skyabs su song ste sang gi gdugs tshod la mgron
374b5 du gnyer nas/ stan las langs te bcom ldan 'das la bskor ba byas nas song ngo / /slar yang sang gi snga dro nyid bcom ldan 'das mthong ba dang ma mthong ba rgyal po'i khab na gnas
374b6 pa rnams kyis bye ba phrag bco brgyad kyi grangs kyi mi rnams de bzhin gshegs pa blta bar 'dod pas snga dro nyid rgyal po'i khab nas shing dngar gyi tshal du song ste/ rgyang grags bcu
374b7 gnyis su mi shong bar shing dngar gyi tshal thams cad rgyun mi 'chad par gyur to/ /mi thams cad kyis stobs bcu ba'i gzugs mchog thob par 'dod pa bdag nyid kyi sku la blta
375a1 bas tshim par ma nus so/ /'di lta bu'i sa gzhi'i kha dog yin no/ /'di lta bu'i gzugs kyi gnas su de bzhin gshegs pa'i mtshan dang dpe byad
375a2 bzang po la sogs pa'i rab tu byed pa thams cad kyang gzugs kyi sku dpal gyi bsngags par bya bar 'os so/ /'di ltar gzugs mchog thob pa'i stobs bcu pa'i sku lta ba'i
375a3 phyir mi mang po rgyun mi 'chad do/ /skyed mos tshal dang / lam du dge slong gcig gis kyang phyi ru 'thon pa'i skyabs med/ /nyi ma de'i dus na bcom ldan 'das kyi gdugs tshod
375a4 yol ba lta bur gyur to/ /de ma thag par brgya byin sdod pa'i stan dro ba'i rnam par mthong ste/ nges rnam par brtags so/ /de'i rgyu mtshan shes nas bram ze'i khye'u'i gzugs su
375a5 mngon par sprul te/ sangs rgyas dang / chos dang / dge 'dun so so la ji ltar rigs pa'i bstod pa rjod par byed do/ /stobs bcu pa'i sdun du chas nas lha'i mthu yis lam thob
375a6 par byas so/ /'dul zhing 'dul ba'i grogs sngon bcas/ /bram ze rnam grol ral ba dang / /seng ge'i gzugs kyis 'thon nas ni/ /bcom ldan rgyal po'i khab nang byon/ /
375a7 grol zhing grol ba'i grogs sngon bcas/ /bram ze rnam grol ral pa dang / /seng ge'i gzugs kyis 'thon nas ni/ /bcom ldan rgyal po'i khab nang byon/ /brgal zhing brgal
375b1 ba'i grogs sngon bcas/ /bram ze rnam grol ral pa dang / /seng ge'i gzugs kyis 'thon nas ni/ /rgyal po'i khab nang bcom ldan byon/ /bcu bo gsung ba'i stobs bcu pa/ /chos bcu la
375b2 mkhas bcu la gnas/ /stong phrag bcu yi 'khor dang ldan/ /bcom ldan rgyal po'i khab nang byon/ /tshigs su bcad pa 'dis ni ston pa la bsngags pas bstod cing sdun du 'gro ba'i
375b3 mi rnams kyis bram ze'i khye'u'i gzugs kyi dpal mthong nas bram ze'i khye'u 'di shin tu gzugs bzang ba'o/ /slar yang sngar mthong ba med do zhes bsams nas bram ze'i khye'u
375b4 'di gang na gnas pa yin/ gang zhig gi yin zhes smras so/ /de thos nas bram ze'i khye'us smras pa/ gang zhig bstan pa thams cad 'dul/ /gang zag zla med sangs rgyas te/ /dgra
375b5 bcom bde gshegs 'jig rten du/ /de ni bdag gi nye par gnas/ /tshigs su bcad pa brjod de ston pas brgya byin gyis skabs phye ba'i lam du dge slong stong phrag gcig 'khor du
375b6 byas nas rgyal po'i khab kyi nang du gshegs so/ /rgyal pos sangs rgyas la sogs pa'i dge 'dun la sbyin pa chen po phul lo/ /btsun pa/ bdag dkon mchog gsum spangs nas
375b7 sdod par mi nus so/ /dus dang / dus ma min par bcom ldan 'das dang nye bar 'ong bar 'dod do/ /shing dngar can gyi skyed mos tshal shin tu thag ring ngo / /slar yang bdag cag
376a1 gi 'od ma'i tshal zhes bya ba 'di shin tu nye bas gshegs pa dang / 'ong ba shin tu nye bas sangs rgyas la 'os pa'i gnas lags pas/ bzhes par zhu/ der
376a2 gser gyi ril ba spyi blugs la me tog gi dris bsgos te/ nor bu'i kha dog can gyi chu blangs nas 'od ma'i tshal yongs su gtong zhing stobs bcu pa'i phyag tu chu bsgrengs nas der kun
376a3 dga' ra pa bzhes nas sangs rgyas kyis bstan pa'i gzhi zhes brjod cing sa gzhi chen po g.yos so/ /'dzam bu gling gi nang nas 'od ma'i tshal spangs pa'i sa gzhi g.yos pa 'di
376a4 bzhes te/ sde gzhan ni med do/ /sing g+ha gling gi gtsug lag khang chen po spangs nas sa gzhi g.yos pa 'di bzhes te/ sde gzhan ni med do/ /ston pas 'od ma'i tshal gyi kun
376a5 dga' ra ba bzhes nas rgyal po la rjes su yi rang bar mdzad cing stan la bzhengs te/ dge slong gi dge 'dun 'khor du byas nas 'od ma'i tshal du byon no/ /de'i tshe de'i dus
376a6 na shA ri'i bu dang / mau dgal gyi bu kun tu rgyu gnyis po rgyal po'i khab la brten nas gnas shing / bdud rtsi tshol bar sems so/ /de'i nang nas shA ri'i bus gnas brtan rta
376a7 thul bsod snyoms la zhugs pa mthong bas sems rab tu dwangs par gyur te bza' ba byin nas/ chos rnams gang dag rgyu las byung ba dang / zhes pa'i tshigs bcad
376b1 thos pas/ rgyun du zhugs pa'i 'bras bu thob par gyur ro/ /rang gi grogs po kun tu rgyu mau dgal la yang tshigs su bcad pa de nyid smras so/ /des kyang rgyun du zhugs pa'i 'bras bu thob
376b2 bo| |de gnyis kyis kyang rang nyid rgyal ba la bltas nas rang gi 'khor dang bcas pa ston pa'i drung du rab tu byung ngo / /de rnams las mau dgal gyi bu chen po zhag bdun nas dgra bcom
376b3 pa thob bo/ /gnas brtan shA ri'i bus zla ba phyed nas dgra bcom pa thob ste/ de gnyis po yang ston pa'i nyan thos kyi mchog tu gnas par bzung ngo / /gnas brtan shA ri'i bus dgra
376b4 bcom pa thob pa'i nyin mo nyid bcom ldan 'das kyi nyan thos kyi 'dus pa dang por byas so/ /slar yang de bzhin gshegs pas 'od ma'i tshal de nyid du bzhugs so/ /de'i tshe rgyal
376b5 po chen po zas gtsang gis bdag gi sras lo drug tu dka' ba spyad nas mchog gi yang dag par rdzogs pa'i byang chub ste/ chos kyi 'khor lo bskor nas rgyal po'i khab kyi 'od ma'i
376b6 tshal du bzhugs so zhes pa thos nas blon po phan tshun rnams bos te 'dir shog cig /skyes bu stong phrag gcig gi 'khor khrid de/ de rgyal po'i khab du song la nga'i tshig gis
376b7 khyed kyi yab rgyal po chen po zas gtsang khyed blta bar 'dod ces brjod pas bdag gi sras khrid la shog ces smras so/ /bron pos kyang / lha| de bzhin bgyi'o zhes rgyal po'i
377a1 gsung spyi bos blangs nas/ skyes bu stong phrag gcig gi 'khor de khrid de myur ba nyid du dpag tshad drug cu'i lam du song nas stobs bcu pa 'khor bzhi'i
377a2 nang du bzhugs nas chos ston pa'i dus su gtsug lag khang du bzhugs so/ /de rgyal pos btang ba'i don re zhig bzhag nas 'khor thams cad kyi mthar 'khod de ston pa'i
377a3 chos bstan pa thos nas ji ltar 'khod pa nyid bzhin du skyes bu stong phrag gcig dang lhan cig tu dgra bcom pa thob nas rab tu 'byung bar zhus so/ /bcom ldan 'das kyis btsun par
377a4 rnams 'dir shog ces phyag brkyang ngo / /thams cad de nyid du rdzu 'phrul las byung ba'i lhung bzed dang / chos gos gsum bzung nas/ lo brgya lon ba'i gnas brtan lta bur gyur
377a5 to| |dgra bcom pa thob pa'i dus nas bzung ste/ slar yang 'phags pa zhes bya ba re zhig par mar gnas par gyur te/ rgyal pos btang ba'i spring yig stobs bcu pa lam brjod
377a6 do| |rgyal pos btang ba'i mi rnams las gcig kyang ma byung zhing spring yig kyang ma thos so/ /'dir shog la khyed song cig dang / de lta bu'i nges pas blon po gzhan gcig btang
377a7 ngo| |des song nas yang sngar bzhin du 'khor dang bcas pa dgra bcom pa thob nas cang mi gsung bar gnas so/ /rgyal pos de lta bur nges pas skyes bu stong phrag re re'i 'khor
377b1 dang bcas pa'i blon po dgu btang ngo / /thams cad rang gi don rdzogs par byas nas cang mi smra bar gyur te de nyid du gnas so/ /rgyal pos spring yig tsam gyi lo rgyus kyang ma thob bo zhes bsams
377b2 nas/ mi 'di rnams nga la mi dga' ba'i rgyu mtshan gyis spring yig tsam gyi lo rgyus kyang mi brjod do/ /su zhig nga'i tshig bzhin byed par sems/ rgyal pos mi thams cad la brtags pas
377b3 nag po 'char ka mthong ngo / /de yang rgyal po'i don thams cad sgrub par byed pa'i blon po yin no/ /nang mi yin no/ /shin tu thugs ches pa yin no/ /de bzhin gshegs pa dang lhan cig la
377b4 nyin gcig tu skyes pa yin no/ /de dang lhan cig tu rtse ba'i grogs po yin no/ /de nas blon po rgyal pos pos te/ bu nag po 'char ka/ bdag gi sras blta bar 'dod pas skyes bu stong phrag
377b5 dgu btang ste mi gcig kyang ma 'ongs nas spring yig tsam gyi lo rgyus ci yang ma byung / slar yang thams cad nad kyis thebs pa yin nam/ tshe'i bar chad du gyur pa yin nam/ bdag
377b6 'tsho ba nyid kyi bar du sras po blta bar 'dod de/ bdag gi bu blta bar nus sam zhes smras so/ /lha/ nus lags so/ /gal te rab tu phyung yang blta bar nus so/ /bu khyod rab tu byung
377b7 ba'am/ ma byung yang / nga sras po blta'o zhes smras so/ /des lha legs so/ /zhes rgyal po'i gsung blangs nas rgyal po'i khab tu song ste/ ston pa chos ston pa'i dus su 'khor rnams kyi
378a1 mthar 'khod de/ chos thos nas 'khor dang bcas pa dgra bcom pa'i 'bras bu thob par gyur te dge slong gi dngos por so sor gnas so/ /ston pa sangs rgyas su gyur
378a2 nas dang po'i lo la drang srong lhung ba'i gnas su dbyar bzhugs te/ dgag dbye byas nas lteng rgyas su gshegs shing der zla ba gsum bzhugs te/ ral pa can spun rnams brtul
378a3 nas dge slong stong phrag gcig gi 'khor dang bcas pa dgun bla 'bring po'i nya la rgyal po'i khab du gshegs nas zla ba gnyis bzhugs so/ /de rnams ni grong khyer wA ra NA si nas
378a4 'ongs pa'i bar te/ zla ba lnga song zhing dgun gyi dus thams cad 'das so/ /gnas brtan 'char ka 'ongs nas zhag bdun dang brgyad song ngo / /des dbyid zlar ba'i nya la bsams pa/
378a5 dgun gyi dus 'das nas dpyid ka'i dus su sleb pa dang / mi rnams kyis 'bru rnams blangs te/ phyogs phyogs nas ldam du byung bas rtswa rnams ljang gur gyur to/ /sa gzhi dang /
378a6 nags tshal gyi shing la sogs pa me tog shin tu mang ba kha bye ba ni lam du 'gro ba'i dus so/ /stobs bcu ba'i nye du dang phrad par byed pa'i lam du 'gro ba'i dus yin no/ /de nas
378a7 bcom ldan 'das kyi drung du nye bar song nas/ btsun pa ljon shing de ni ljang gur gyur/ /shing gi lo mas la dud pa dang / /de rnams bar nas 'od zer 'gyed pa yin/ /dpa' bo chen po
378b1 gnyen gnas gshegs pa'i dus/ /ha cang mi dro mi brang zhing / mu ge dang ni bkres pa med/ /sa steng shing rnams ljang gur gyur/ /thub ba chen po dus 'dir gyur/ /tshigs su bcad pa drug
378b2 cu tsam gyis stobs bcu pa la rigs kyi grong khyer du gshegs pa'i phyir bsngags par 'os ba'i bsngags pa brjod pa'o/ /de nas ston pa la 'char kas dby-ings snyan pos gshegs pa'i bsngags
378b3 par 'os pa'i bsngags pa gsungs so/ /btsun pa/ khyod kyi yab rgyal po chen po zas gtsang blta bar 'dod pas nye du rnams rjes su 'dzin par zhu/ legs so/ /'char ka/ nye du rnams
378b4 rjes su gzung bar bgyi'o zhes dge slong gi dge 'dun la smros cig/ gshegs pa'i gnas thams cad la byi dor gyis shig ces smros shig/ btsun pa/ legs so zhes gnas
378b5 brtan song nas smras/ /bcom ldan 'das kyis yul a g+ha dang / ma ga d+ha na gnas ba'i rigs kyi bu rnams stong phrag bcu dang bcas pa grong khyer ser skya'i gzhi na gnas pa'i stong phrag
378b6 bcu po thams cad zag pa zad pa'i dge slong 'khor du byas nas rgyal po'i khab nas phyi rol tu 'thon te/ nyi ma re re la dpag tshad re re bgrod cing / rgyal po'i khab nas dpag
378b7 tshad drug cu'i grong khyer ser skya'i gzhir zla ba gnyis kyis sleb par dgongs shing bu nye ba yang ma yin/ myur ba yang ma yin par 'bring por gshegs so/ /gnas brtan gyis kyang
379a1 bcom ldan 'das byon no zhes/ rgyal po'i drung du smra'o zhes bsams nas nam mkha' la song ste rgyal po'i gnas su sleb par gyur to/ /rgyal por gnas brtan
379a2 gzigs nas thugs tshim par gyur te/ gdan bshams pa la bzhugs su bcug go/ rang la byed pa bzhin bcos nor sna tshogs pa'i bza' bas lhung bzed bkang nas phul
379a3 lo| |gnas brtan langs nas 'gro bar bsams ba dang / bu/ bzhugs la gsol cig/ rgyal po chen po/ ston pa dang nye bar song ste bza'o/ /slar yang / bu/ ston pa ga na
379a4 yod/ stong phrag nyi shu'i dge slong 'khor du byas nas rgyal po chen po nyid blta ba'i phyir byon no/ /rgyal po thugs tshim par gyur nas smras pa/ khyed 'di
379a5 gsol la bdag gi sras grong khyer 'dir ma byon gyi bar la 'di nyid nas lhung bzed du bza' ba khyer la song zhig ces smras so/ /gnas brtan gyi rgyal po'i gsung
379a6 mnyan te rgyal pos gnas brtan gyis bza' ba gsol zin pa dang / lhung bzed bkrus nas/ dri bzang po'i phye mas byugs te bza' ba mchog gis gang bar byas
379a7 nas de bzhin gshegs pa la phul cig zhes smras nas gnas brtan gyi lag par byin no/ /gnas brtan mi thams cad kyis mthong ba dang / lhung bzed nam mkha'
379b1 la 'phags so/ /rang nyid kyang nam mkha' la gshegs nas bza' ba'i lhung bzed bzung ste/ ston pa'i phyag tu phul nas ston pas kyang der bza' ba la longs spyod do/ /gnas brtan
379b2 thabs 'dis nyi ma re re bzhin du bza' ba phul lo/ /ston bas kyang lam gyi bar du rgyal po nyid kyis gdugs tshod la longs spyod do/ /gnas brtan gyis kyang gdugs tshod la
379b3 longs spyod pa'i mthar nyi ma re re bzhin du de ring 'di tsam nas bcom ldan 'das byon no/ /de ring 'di tsam du bcom ldan 'das byon zhes pa dang / sangs rgyas kyi yon tan yang dag
379b4 par ldan pa nyid brjod cing rgyal rigs thams cad ston pa ma mthong ba nyid kyis ston pa'i drung du rang nyid kyi sems dwangs par mdzad do/ /de'i rgyu mtshan gyis gnas brtan la bcom
379b5 ldan 'das kyis dge slong dag bdag gi nyan thos kyi nang nas rigs dad par byed pa rnams kyi mchog gang yin/ 'di ni 'char ka zhes pa'o/ /'di mchog tu bzung bas
379b6 shAkya pa rnams kyis kyang bcom ldan 'das rjes su byon pa'i sdun la bdag cag gi nye du'i gtso bo blta'o zhes 'dus nas/ bcom ldan 'das bzhugs pa'i gnas
379b7 rtog cing shAkya n+ya gro d+ha'i kun dga' ra ba yid du 'ong ba sta gon byas so/ /der thams cad nyer bsdogs byas nas spos dang / me tog so so lag tu thogs te/ bsu
380a1 ba byed cing rgyan thams cad kyis so sor brgyan nas/ gzhon nu dang / gzhon nu ma /grong khyer gyi khye'u dang / bu mo sngar dang por btang ba
380a2 rnams dang / de nas rgyal po'i gzhon nu dang / gzhon nu ma dag de rnams kyi bar rang rang gis spos dang / me tog dang / phye ma la sogs pas mchod ba byed cing / bcom ldan
380a3 'das kyis bzhes nas n+ya gro d+ha'i kun dga' rab nyid du byon no/ /der bcom ldan 'das kyis stong phrag nyi shu'i zag ba zad ba'i dge slong 'khor du byas nas gdan
380a4 bshams pa mchog la sangs rgyas bzhugs so/ /shAkya'i rigs ni nga rgyal dang ldan pa yin/ /sems rtsub pa yin pas 'di ni don grub gzhon nu/ nged dang lhan
380a5 cig gzhon nu yin no/ /nged ni phu bo yin no/ /'di ni sring mo'i bu yin no/ /'di ni tsha bo yin zhes bsams nas khye'u dang / rgyal po'i gzhon nu zhes smras te/ khyed kyi
380a6 phyag gis bdag khyod kyi rgyab tu sdod do zhes bsams so/ /de rnams de bzhin du gnas nas/ bcom ldan 'das kyis de rnams kyi bsam pa gzigs nas/ gnyen
380a7 rnams bdag la phyag mi byed bar 'dod kyang da lta phyag byed du gzhug dgos te/ mngon par shes pa'i gzhi dang / ye shes dang / bsam gtan dang ldan par 'jug
380b1 pa bskyed dgos snyam ste/ bzhengs nas nam mkha' la gshegs so/ /de rnams kyi mgo la zhabs kyi rdul lhung ba bzhin du a mra bsrung ba'i a mra'i shing gi drung du so so'i cho
380b2 'phrul dang mtshungs par cho 'phrul mdzad do/ /rgyal pos de ya mtshan che ba mthong ngo zhes smras so/ /bcom ldan 'das khyed 'khrungs pa'i nyin mo dka' thub pa nag po lha len gyis
380b3 phyag byed cing nye bar gnas pas khyed kyis zhabs bskyod pa bram ze'i spyi bo la nye bar gnas so/ /de mthong nas bdag gis kyang khyed la phyag byas so/ /'di ni bdag gi phyag dang po yin
380b4 no| |bkra shis pa'i 'bru 'debs pa'i nyin mo dzam bu'i shing gi grib ma'i dpal gyi mal stan la khyed bzhugs pa na shing dzam+bu'i grib mas ma btang bar mthong ba'i tshe yang zhabs la
380b5 phyag byas so/ /'di ni bdag gis phyag gnyis pa yin no/ /da lta ni bdag gis sngar ma mthong ba'i cho 'phrul yang mthong bas khyed kyi zhabs la phyag bgyid do/ /'di ni bdag
380b6 gi phyag gsum ba yin no/ /slar yang rgyal pos bcom ldan 'das la phyag byed cing / phyag byed bar mi nus pa'i shAkya'i rigs gcig kyang med do/ /thams cad kyis kyang
380b7 phyag byed pa nyid do/ /de nas bcom ldan 'das la nye du rnams kyis phyag byed cing nam mkha' las babs nas gdan bshams pa'i mchog gi gung la bzhugs so /
381a1 bcom ldan 'das bzhugs nas nye du rnams dang 'dus par gyur pa thams cad sems gcig tu gnas so/ /de nas sprin chen po las pad+ma'i 'dab
381a2 ma la chu mi 'chags pa lta bu'i char 'bebs so/ /chu zangs gyi mdog can sa la sgra sgrogs shing 'bab bo/ /'bang bar 'dod ba rnams 'bang ngo / /'bang bar mi 'dod pa rnams
381a3 mi 'bang ngo / /thigs pa tsam yang mi ltung ngo / /de mthong nas thams cad du ya mtshan pa dang / rmad du byung ba skyes so/ /e ma ho/ ngo mtshar che/ e ma ho/ rmad du
381a4 byung ngo zhes rjod par byed do/ /ston pas 'di kho na ma yin gyi bdag gi nye du dang phrad pa na pad+ma'i 'dab ma la chu mi 'chags pa lta bu'i char 'bebs shing 'das pa'i dus
381a5 su'ang ngas phab po/ /'di'i don byung ba ni thams cad sgrol gyi skye rabs su bshad do/ /chos ston pa thos nas thams cad langs te phyag byas nas song ngo / /gcig gis kyang
381a6 rgyal po dang / rgyal tshab dang / blon po rnams sang bdag gi gnas su bsod snyoms khyer 'ong ngo zhes smra ba de rnams las gcig kyang ma byung ngo / /ston pas slar nyi ma
381a7 gnyis pa la stong phrag nyi shu'i dge slong 'khor du byas nas grong khyer ser skya'i gzhir bsod snyoms la bzhud do/ /gang zhig mgron du gnyer ba dang / gang zhig mgron
381b1 du gnyer ba dang / lhung bzed khyer ba su yang med do/ /bcom ldan 'das sgo drung du 'khod de rnam par brtags pas ji ltar sngon gyi sangs rgyas rnams kyi rigs kyi grong khyer du byon nas
381b2 bsod snyoms mdzad pa bzhin du gang ji ltar rigs par mi chen po'i khyim du 'gro zhing / yang na go rim bzhin du bsod snyoms spyod do/ /de nas sangs rgyas gcig gis kyang ji ltar
381b3 rigs par gshegs bam mthong bas bdag gis kyang da ni 'di'i rigs so/ /'di sngon gyi sangs rgyas kyi rigs bzhin du bdag gis kyang rigs par gzung bar bya'o/ /bdag
381b4 gi nyan thos kyang bdag nyid bzhin rjes su slob cing bsod snyoms la rdzogs par byon no/ /'khod pa'i khyim nas bzung nas go rim bzhin du bsod snyoms la spyod do/ /'phags
381b5 pa gzhon nu don grub bsod snyoms la gshegs so zhes brjod do/ /nyis thog dang / sum thog la sogs pa'i khang bzang rnams su steng gi sgo chung phye nas mi thams cad blta
381b6 bar gyur te/ lha mo sgra gcan 'dzin gyi yum yang 'phags pa'i bu/ grong khyer 'di nyid du rgyal po chen po'i mthus gser gyi do li la sogs pa la zhon te de ring nas skra dang / kha
381b7 spu bregs shing dur smrig gi gos byon nas/ snod lag tu khyer te/ bsod snyoms la 'gro ba mdzes sam mi mdzes zhes steng gi sgo chung phye nas blta'o/ /sna tshogs ba'i 'dod chags
382a1 dang bral ba yang dag par 'bar zhing sku lus kyi 'od kyi grong khyer gyi steng thams cad snang bar mdzad de/ 'dom gang pa'i 'od kun nas bskor zhing rab tu
382a2 gsal ba dpe byad bzang po brgyad cu dang ldan pa/ skyes bu chen bo'i mtshan sum cu rtsa gnyis kyis brgyan pa/ sangs rgyas kyi dpal dpe med par rnam par gsal ba mthong ngo //
382a3 gtsug tor nas bzung nas zhabs kyi mthil gyi bar de srid do/ /dbu skra g.yas 'khyil 'jam nag snum pa dang / /dpral ba dri med nyi ma'i mthil bzhin no/ /sku dang 'tshams
382a4 pa'i shangs ni mtho ba dang / /mi yi seng ge 'od zer gsal bar mdzad/ /'di lta bu la sogs pa'i mi'i seng ge la tshigs su bcad bas mngon par bstod do/ /khyed kyi sras
382a5 ngo bsod snyoms la spyod do/ /zhes rgyal po la smras so/ /rgyal po'i sems sdug bsngal bas gos nas bzung ste myur zhing myur bar phyir 'thon ste/ bcom ldan 'das kyi drung du
382a6 'khod nas smras pa/ ci btsun pa/ bdag cag ngo tsha bas ci'i don du bsod snyoms mdzad/ dge slong 'di rnams kyi bza' ba bdag gis ster bar mi shes bsam pa yin
382a7 nam/ ci lags/ rgyal po chen po'i rigs kyi spyod pa yin no/ /btsun pa/ bdag cag shAkya'i rigs zhes bya ba'i rigs so/ /de la rgyal rigs gcig kyang
382b1 bsod snyoms byed pa'i ming tsam yang med do/ /rgyal po chen po'i rigs zhas bya ba ni khyod kyi rigs 'di yin no/ /bka' stsal pa/ rgyal po chen po/ mi dgyes pa ma mdzad cig /
382b2 slar yang bdag cag gis mar me mdzad dang / kauN+Di n+ya dang / 'od srung zhes bya ba 'di sangs rgyas kyi rigs yin no/ /'di rnams dang / gzhan sangs rgyas stong phrag du mas kyang bsod
382b3 snyoms spyod cing 'tsho bar mdzad la/ srang gi dbus su 'khod pa nyid do/ /bag med lhag mar byed pa med/ /chos la spyod cing legs par spyod/ /chos la spyad na bde ba 'byung / /
382b4 'jig rten 'di dang phyi mar bde/ /chos kyi rkang ba'i tshigs su bcad pa 'di bstan cing bshad do/ /tshigs su bcad pa'i mthar rgyal pos rgyun du zhugs pa'i 'bras bu thob
382b5 bo| |chos spyod pa ni legs par spyod/ /nyes par spyod pa mi bya zhing / /chos spyad pa yis bde ba 'byung / /'jig rten 'di dang pha rol tu'o/ /slar yang chos kyi rkang pa'i tshigs
382b6 su bcad pa 'di thos nas lan gcig phyir 'ong ba'i 'bras bu thob par gyur to/ /chos skyong ba'i skyes rabs thos nas phyir mi 'ong ba'i 'bras bu thob par gyur to/ /'chi
382b7 ba'i dus su gdugs dkar po'i 'og tu dpal gyi mal stan gyi steng du gzims pa nyid na dgra bcom pa thob par gyur to/ /dgon par gnas nas dka' thub spyod pa
383a1 rgyal po la dgos pa med do/ /rgyun du zhugs pa'i 'bras bu mngon du byas nas/ slar yang bcom ldan 'das kyi lhung bzed bzung ste/ 'khor dang
383a2 bcas ba khang bzang chen bo'i steng du sbyan drangs nas gya nom ba'i bza' ba dang bcas ba rnams drangs so/ /gdugs tshod zin pa'i mthar sgra gcan 'dzin gyi ma ma gtogs
383a3 ba'i btsun mo 'khor dang bcas ba thams cad 'ongs nas bcom ldan 'das la phyag byas so/ /gzhan yang / des 'khor gyi mi rnams la 'phags pa'i bu la phyag gyis zhes
383a4 brjod nas/ gal te kho mo la yon tan yod na 'phags ba'i bu rang nyid kyi gnas su 'byon no/ /byon ba nyid na de la phyag byed do zhes brjod nas ma 'ongs so/ /rgyal pos
383a5 lhung bzed bzung nas bcom ldan 'das nyan thos mchog gnyis dang bcas pa rgyal po'i bu mo'i khang bzang du gshegs te/ rgyal bo'i bu mo rang nyid ji ltar mos pa'i phyag
383a6 byed cing gzhan dang 'gal ba cung zad kyang ma byed ces nas gdan bshams ba mchog gi gung la bzhugs so/ /de myur du 'ongs nas byin pa bzung ste/ zhabs kyi steng
383a7 du mgo bo bzhag nas ji ltar 'dod ba'i phyag byas so/ /rgyal po dang / rgyal po'i bu mos bcom ldan 'das la dga' ba mang bos yon tan la sogs pas/ yon tan dang
383b1 ldan par brjod nas/ btsun pa/ bdag gi bu mos nyid kyis gos ngur smrig gyon pa thos nas/ de nas bzung ste deng gi bar du gos dur smrig gyon no/ /nyid kyis gdugs tshod lan
383b2 gcig gsol ba thos nas bu mos kyang bza' ba lan gcig zos so/ /nyid gyis mal stan chen po spangs pa thos nas/ nyal khri chung ba la nyal lo/ /nyid kyis me tog gi phreng ba
383b3 dang / spos la sogs pa la sred pa med pa thos nas/ me tog gi phreng ba dang / spos la sogs pa la chags ba med ba skyes so/ /rang gi nye du rnams bdag gis gso'o zhes
383b4 'phrin bskur nas/ gnyen gcig la yang lta ba mi 'dug go/ bcom ldan 'das/ 'di lta bu'i yon tan dang ldan pa ni bdag gi bu mo yin no zhes gsol to/ /rgyal po
383b5 chen po/ ya mtshan mi che'o/ /'di da lta khyed srung bar byed pa'i rgyal po'i bu mo ye shes yongs su smin par rang gis bsrung ngo / /sngar bsrung ba med cing ri la sogs
383b6 pa la 'gro ba na/ ye shes yongs su ma rdzogs par rang gis bsrungs so zhes gsungs nas/ mi'am ci zla ba'i skyes rabs gsungs te/ gdan las bzhengs nas gshegs
383b7 so| |nyi ma gnyis pa la rgyal bu gzhon nu dga' bo rgyal por dbang bskur ba dang / khang pa gsar ba'i nang du zhugs te bkra shis pa'i bag ma blangs nas nye bar gnas
384a1 so| |de'i khyim du gshegs nas/ gzhon nu/ lhung bzed gzung zhig ces rab tu dbyung bar dgongs nas bkra shis brjod de/ gdan la bzhengs
384a2 nas gshegs so/ /ljongs kyi dge ba'i bu mos 'gro ba mthong ngo / /'phags pa'i bu myur du shog ces brjod nas blta'o/ /des kyang bcom ldan 'das kyis lhung bzed de
384a3 bzung bar ma nus nas gtsug lag khang nyid du gshegs so/ /bcom ldan 'das de la 'dod pa med pa nyid kyang rab tu 'byung ba byed do/ /'di ltar bcom ldan 'das
384a4 grong khyer ser skyar gshegs shing nyi ma gsum pa la dga' bo rab tu byung bar byas so/ /nyi ma bdun ba la sgra gcan 'dzin gyi mas/ gzhon nu rgyan gyis brgyan nas /
384a5 bcom ldan 'das kyi drung du btang ngo / /bu| stong phrag nyi shu'i dge slong 'khor dang bcas pa 'di rnams ltos/ gser gyi kha dog can gyi tshangs pa'i gzugs kyi mdog
384a6 can/ dge sbyong 'di ni khyed kyi yab bo/ /'di la gter chen po yod cing de 'thon pa nas bzung nas gter mthong ba med do/ /song la nor slongs shig /bdag khyed kyi bu
384a7 gzhon nu yin no/ /rgyal por dbang bskur ba thob nas 'khor los bsgyur ba la dbang byed par 'gyur ro/ /bdag la nor gyi don du nor stsal du gsol/ /yab kyi nor/ bu bdag
384b1 yin no/ /zhes gsol cig ces smras pa dang / gzhon nu bcom ldan 'das dang nye bar song ste/ yab kyi drung du dga' bskyes so/ /sems spro bar gyur to/ /dge sbyong de khyed kyi grib ma ni
384b2 de'o zhes brjod nas/ gzhan yang / rang gi rigs pas brjod cing 'khod do/ /bcom ldan 'das gdugs tshod kyi mthar rjes su yi rang ba mdzad nas gdan la bzhengs te gshegs
384b3 so| |gzhon nus bdag la dge slong nor stsal du gsol/ bdag la dge slong nor stsal du gsol/ bcom ldan 'das kyi rjes su 'brang nas/ bcom ldan 'das kyis gzhon nu
384b4 phyir log la/ nga'i rjes su ma 'gro zhes pa dang / rjes su 'brang ba rnams kyang bcom ldan 'das dang 'grogs nas byon te/ ldog par ma nus nas/ gzhon nu bcom ldan
384b5 'das dang lhan cig kun dga' rab nyid du phyin no/ /de nas bcom ldan 'das kyis bsams pa/ 'di yab kyi nor 'dod cing 'jig rten pa'i nor ni 'tshe ba dang bcas pa yin
384b6 da ni gzhon nu la byang chub snying po des thob pa'i 'phags pa'i nor rnam pa bdun byin na 'jig rten las 'das pa'i nor gyi bdag po byed par 'gyur bar dgongs nas/ tshe dang ldan pa shA ri'i bu pos te/
384b7 de'i phyir na shA ri'i bu khyod kyis gzhon nu sgra gcan 'dzin rab tu phyung zhes brjod nas rab tu byung ba byas so/ /slar yang rgyal po gzhon nu'i
385a1 sdug bsngal cher skyes te bsran par ma nus nas/ bcom ldan 'das kyi gnas su phyin te/ btsun pa 'phags pa/ ma dang / pha yis rjes su ma gnang
385a2 ba'i bu rab tu 'byung bar byed pa ma legs so zhes dam pa bslangs so/ /bcom ldan 'das kyis de la dam pa byin no/ /slar yang nyi ma gnyis pa la rgyal po'i gnas su gdugs
385a3 tshod gsol nas phyogs gcig tu 'khod do/ /rgyal pos btsun pa nyid dka' ba spyod pa'i dus su lha gcig bdag gi drung du nye bar 'ongs nas khyed kyi bu dus las 'das
385a4 so| |zhes smras so/ /de'i tshig la yid ches pa med cing / bdag gi sras byang chub ma thob bar du dus las 'da' bar mi byed do/ /de'i tshig bdag gis bkag go zhes brjod
385a5 do| |bcom ldan 'das kyis bka' stsal pa/ de lta ji ltar khyod yid ches par byed/ slar rus pa mthong nas khyed kyi bu shi'o zhes zer ba la yid ches par ma byas so/ /'di'i
385a6 don 'byung ba ni chos skyong ba chen po'i skyes rabs su bshad do/ /gtam gyi mthar rgyal pos phyir mi 'ong ba'i 'bras bu la gnas so/ /de ltar bcom ldan 'das kyi yab 'bras
385a7 bu gsum la so sor gnas nas dge slong gi dge 'dun 'khor du byas so/ /slar yang rgyal po'i khab du gshegs nas/ bsil ba'i tshal du bzhugs so/ /de'i tshe khyim bdag
385b1 mgon med zas sbyin gyis shing rta lnga brgya'i nor khyer nas rgyal po'i khab du rang nyid dga' ba'i grogs kyi khang par song ste/ de sa sangs rgyas bcom ldan 'das byon no zhes pa
385b2 thos nas shin tu snga bar lha'i mthus sgo phye ste/ ston ba'i drung du nye bar song nas chos thos te/ rgyun du zhugs pa'i 'bras bu thob par gyur to/ /nyi ma gnyis pa la sangs rgyas
385b3 la sogs pa'i dge 'dun la sbyin pa chen po phul lo/ /gnyan yod du gshegs pa'i phyir du ston pa'i drung du dam bca' bslangs nas sar gyi lan dpag tshad bzhi bcu rtsa lnga'i
385b4 gnas su 'bum phrag re re'i nor byin nas dpag tshad re re'i gtsug lag khang byas so/ /rgyal byed tshal bye ba phrag bco brgyad kyi dbyig gis nyos nas las kha gsar pa byed
385b5 cing dbus su stobs bcu pa'i dri'i gtsang khang byed do/ /de la bskor ba rnams la gnas brtan chen po brgyad cu'i bzhugs gnas so/ /chig thog dang / nyis thog dang / khang
385b6 pa ring po dang / bsti gnas la sogs pa'i bzhugs gnas dang / rdzing bu dang / 'chags dang / mtshan mo'i bzhugs gnas dang / nyin mo'i bzhugs gnas so/ /bye ba
385b7 phrag bco brgyad kyi nor spel te/ yid du 'od pa'i sa phyogs yid la 'thad pa'i gtsug lag khang byed do/ /stobs bcu pa byon pa'i phyir du po nya pa btang ngo / /ston pas ngo
386a1 nya ba'i 'phrin gsan nas dge slong gi dge 'dun chen po 'khor du byas te/ rgyal po'i khab nas phyir byon te go rim bzhin du grong khyer mnyan yod
386a2 du byon no/ /gtso bo chen po yang gtsug lag khang chen po sta gon byas nas de bzhin gshegs pa rgyal byed tshal du byon pa'i nyin mo bu rgyan thams cad kyis brgyan no/ /slar
386a3 yang brgyan pa nyid kyi gzhon nu lnga brgya dang bcas pa btang ngo / /de 'khor dang bcas ba kha dog lnga'i gos yang dag par 'bar ba'i rgyal mtshan brgya thogs nas stobs bcu
386a4 ba'i mdun du song bar gyur to/ /de rnams kyi phyi ma la legs bzang chen mo dang / legs bzang ma chung ba ste bu mo gnyis/ gzhon nu ma lnga brgya dang bcas pa gser gyis gang
386a5 ba'i bum pa lag par thogs nas phyir 'thon no/ /de'i phyi ma la tshong dpon gyi chung ma rgyan thams cad kyis brgyan nas bud med lnga brgya dang bcas pa gser gyis gang ba'i sder
386a6 ma chen po thogs nas phyir 'thon to| /thams cad phyin nas tshong dpon rang nyid gos bzang po gyon no/ /de bzhin du gos bzang po gyon pa'i tshong dpon lnga brgya dang bcas pa
386a7 bcom ldan 'das kyi drung du song ngo / /bcom ldan 'das kyi 'khor dge bsnyen 'di rnams mdun du byas nas/ dge slong gi dge 'dun chen po rnams 'khor du byas te/ rang
386b1 nyid kyi sku lus kyi 'od kyis gser gyi bcud kyi gong bu lta bu dang mtshungs pa dang / nags tshal gyi bar du snang bar mdzad cing mtha' yas pa'i sangs rgyas kyi rol pa sangs rgyas kyi dpal
386b2 zla med cing mtshungs pa med pa rgyal byed 'tshal gyi nang du byon no/ /de nas mgon med zas byin gyis zhus pa/ btsun pa/ gtsug lag khang 'di ji ltar bu la dbul bar gyi/ khyim
386b3 bdag/ gtsug lag khang 'di 'ong ba dang / 'gro ba'i dge slong gi dge 'dun rnams la phul cig /legs so/ /bcom ldan 'das zhes tshong dpon chen pos gser gyi ril ba spyi blugs
386b4 blangs nas stobs bcu pa'i phyag tu chu bsgrengs te/ rgyal byed tshal gyi gtsug lag khang 'di'i 'gro ba dang /'ongs pa'i phyogs bzhi'i sangs rgyas la sogs pa'i dge 'dun la sbyin
386b5 zhes phul lo/ /ston pas gtsug lag khang bzhes nas rjes su yi rang ba mdzad do/ /grang dang dro bas mi nyams shing / /de ltar ri dwags la sogs pa'i/ /sdig sbrul dang ni sbrang
386b6 bu dang / /ba mo dang ni char pas so/ /de ltar rlung dang shin tu dro/ /so sor lus la gos pa dang / /khang nang gnas nas bde ba skyes/ /khang bar bsam gtan lhag mthong
386b7 rnams/ /dge 'dun gtsug lag khang 'bul ba/ /sangs rgyas mchog gis bsngags par mdzad/ /skyes bu mkhas pas de yi phyir/ /bdag nyid kyi ni phyir du ni/ /dga'
387a1 bas gtsug lag khang byed pa/ /mang du thos pa gnas pa yin/ /de rnams kyi ni bza' dang btung / /gos dang mal cha stan dang ni/ /de rnams
387a2 sems ni drang bos dbul/ /rab tu dang ba'i sems gyis so/ /des ni de la chos bstan to/ /sdug bsngal thams cad nyer zhi'i phyir/ /gang de'i chos ni rtogs pa dang / /rten
387a3 med mya ngan 'das par byed/ /ces bya ba'i gtsug lag khang gi phan yon bshad do/ /mgon med zas sbyin gyis nyi ma gnyis pa nas bzung nas sbyin pa gtong ba'i mgo brtsams
387a4 so| |sa khams byas pa'i khang bzang ni zla ba bzhis grub bo/ /slar yang mgon med zas sbyin gyi gtsug lag khang chen po zla ba dgus grub bo/ /gtsug lag khang chen po la yang
387a5 bye ba stong phrag bco brgyad nyid song ngo / /'di la gtsug lag khang chen po 'di nyid la bye ba phrag lnga bcu rtsa bzhi'i nor yongs su btang ngo / /slar yang 'das pa'i bcom ldan
387a6 'das rnam par gzigs kyi dus su tshong dpon kun gyi grogs zhes bya bas gser gyi glang bo'i rkang ba'i rmig rjes lta bu'i sa gzhi nyos nas/ gnas 'di nyid du dpag tshad gcig
387a7 gi dge 'dun gyi kun dga' rab byas so/ /bcom ldan 'das gtsug tor can gyi dus su/ dpal 'phel zhes bya ba'i tshong dpon gyi bsu gser gyi sder ma rgyun mi 'chad pas nyos
387b1 ba'i sa gzhi'i gnas de nyid du rgyang grags bcu gnyis kyi tshad tsam gyi dge 'dun gyi kun dga' rab byas so/ /bcom ldan 'das thams cad skyob kyi dus su tshong dpon bkra shis zhes
387b2 bya bas gser gyis gzhi gser gyi rkang pa'i rjes lta bu'i sa gzhi nyos nas gnas de nyid du dpag tshad phyed kyi dge 'dun gyi kun dga' rab byas so/ /bcom ldan 'das log par dad
387b3 sel gyi dus su tshong dpon 'pho ba med pa zhes bya bas gser gyi pha gu lta bu rgyun mi 'chad pa'i sa gzhi nyos nas gnas de nyid du rgyang grags bzhi'i tshad kyi dge 'dun gyi kun dga' ra
387b4 ba byas so/ /bcom ldan 'das gser thub kyi dus su tshong dpon drag po zhes bya bas gser gyi rus sbal rgyun mi 'chad pa lta bu'i sa gzhi nyos nas gnas de nyid du rgyang grags gnyis
387b5 kyi tshad kyi kun dga' ra ba byas so/ /bcom ldan 'das 'od srung gi dus su tshong dpon bkra shis bzang po zhes bya bas gser gyi pha gu rgyun mi 'chad pa lta bus sa gzhi nyos nas
387b6 gnas de nyid du rgyang grags gcig gi tshad kyi kun dga' rab byas so/ /slar yang bdag cag gi bcom ldan 'das kyi dus su tshong dpon mgon med zas sbyin gyis bye ba phrag bco
387b7 brgyad kyi dbyig gis gser gyi 'dra men du byas pa rgyun mi 'chad pa lta bus sa gzhi nyos nas gnas de nyid du rgyang grags byed kyi kun dga' rab byas so/ /gnas 'di sangs
388a1 rgyas thams cad kyis ma spangs pa'i gnas yin no/ /'di ltar byang chub chen po'i snying po'i drung du thams cad mkhyen pa'i ye shes thob pa ji srid pa
388a2 nas yongs su mya ngan las 'das pa'i mthar thug pa de srid du gang dang gang gi gnas su bcom ldan 'das bdag bzhugs pa 'di ni nye ba'i gleng gzhi zhes bya ba'o/ /de'i lus
388a3 kyis skyes rabs thams cad du bsngags par mdzad de/ skyes ba rabs kyi gleng gzhi'i bshad pa rdzogs so// //paN+Di ta A nan+da shrI'i zhal snga nas dang /
388a4 mang du thos pa'i lo ts+tsha ba shA kya'i dge slong nyi ma rgyal mtshan dpal bzang pos/ skad gnyis smra ba rnams kyi gdan sa gtsug lag khang chen po dpal thar pa gling du bsgyur
cing zhus te gtan la phab pa'o/
CLOSE WINDOW