བོད་ཡིག |
314a6 rgya gar skad du/ nA ga rA dza b+he rI gA thA/ bod skad du/ klu'i rgyal po rnga sgra'i tshigs su bcad pa/ sangs rgyas dang / byang chub sems dpa' thams cad la phyag 'tshal
314a7 lo| |de bzhin gshegs pas rab bstan pa/ /byang chub sems dpa' skyes pa'i rabs/ /thams cad legs par 'dus nas su/ /shin tu dad pa'i sems kyis nyon//
314b1 rdzogs pa'i sangs rgyas lha yi lha/ /de bzhin gshegs pa bzhugs pa na/ /dge slong rnams ni gcig la gcig /kha stobs la sogs rnams kyis 'gying / /dge slong tshig ngan
314b2 'don pa dang /drang srong chen pos gsan pa na/ /de phyir thub pas dge 'dun rnams/ /bsdus nas 'di skad bka' stsal te/ /khyed cag kha stobs la sogs pas/ /gcig
314b3 la gcig ni 'tshe byed pa/ /khyim nas khyim med rab byung dang / /de dag mthun pa ma yin no/ /rtag tu yang dag dga' byed pa'i/ /chos drug gang yin la 'jug pa/ /'di ni khyim
314b4 nas khyim med par/ /rab tu byung ba rnams dang mthun/ /sems can kun la snying brtse'i phyir/ /'tshe ba med par ngas bsgoms nas/ /ji ltar byang chub don gnyer ba/ /
314b5 dge slong nga las 'di nyon cig /shes rab ldan pa'i mi yi 'di/ /thos nas sdig pa rnam spongs la/ /grub dang bde ba thob bya'i phyir/ /dge ba'i chos la spyad par
314b6 gyis| |sngon gyi spun drung gyur pa yi/ /klu yi rgyal po gnyis byung ba/ /gcig gi mang ni rnga zhes bya/ /gnyis pa nye rnga zhes bya'o/ /gnyis ka srog gcod las ldog cing //
314b7 tshul khrims ldan zhing dbang chen grags/ /klu yi skye gnas la smod cing / /mi yi srid pa 'dod par gyur/ /tshul ldan mang du thos pa yis/ /dge sbyong bram ze mthong
315a1 ba dang / /mi yi tshul du bsgyur nas ni/ /bsnyen bkur dag kyang byed par 'gyur/ /zla ba phyed dang tshes brgyad dang / /bcu bzhi bco lnga gang yin pa/ /
315a2 de la yan lag brgyad pa yi/ /gso sbyong la ni legs mnyam 'jog/ de gnyis sngon gyi gnas spangs nas/ /yul gzhan zhig tu phyin pa dang / /de dang nye ba'i gnas
315a3 de na/ /rnga sgra zhes bya'i klu gnas so/ /klu yi skyes mchog spun gnyis po/ /de gnyis 'od bar des shes nas/ /khengs shing khros pa'i yid kyis su/ /du ba can gyi
315a4 dbugs 'byin cing / /khyed gnyis chos spyod ma yin te/ /g.yon can tshul ngan 'chos pa'o zhes/ /rnga sgras tshig ni rtsub mo yis/ /yang dang yang du skrod par byed/ /dman
315a5 pas bskrad pa thos pa dang / /nye rnga rab tu khros gyur te/ /de tshe phu bo rnga la ni/ /tshig rnams kyis ni go byas pa/ /kye rnga mi yi 'jig rten dag 'di na/ /tshig ngan mngon
315a6 du smra bas gdung byed cing / /sbal zan chu yi 'gram na skyes pa yis/ /mche ba gdug pas bdag cag skrod par byed/ /'di ni chu nang dud 'gro rnams la 'tshe/ /
315a7 thang la mi rnams la yang 'tshe bar byed/ /gtso bo gal te bdag la bzod mchis kyang / /tshig ngan smra la yid ni bzod mi nus/ /deng ni 'di yi grong khyer dang / /pho brang
315b1 gnyen 'dun bcas brlag ste/ /rnga sgra gtan nas blangs nas su/ /'di nas bdag cag 'dod par bya/ /klu yi rgyal po stobs po che/ /de yis nu bo'i tshig thos nas/ /yid la bab par
315b2 byed pa yi/ /tshigs bcad 'di skad smras te bsgo/ /gang gis khyim du nyin zhag 'ga' gnas shing / /bza' dang btung ba legs par blangs gyur pa/ /de la yid kyis gnod par
315b3 mi bsam ste/ /byas pa gzo ba skyes bu dam pas bsngags/ /ljon shing gang gi grib ma yis/ /yud tsam zhig kyang legs 'gebs de'i/ /lo ma'ang bcad par mi bya na/ /yal ga
315b4 ljon shing smos ci dgos/ /nags tshal shing ni bcad dam bsregs kyang rung / /slar yang skye 'gyur 'di la the tshom med/ /lag pa rlon bcad phyir yang mi skye ltar/ /grogs la
315b5 'khu bas yun ring bde mi thob/ /skye bo ngan pa yun ring mchod byas shing / /bza' btung zhim po mang pos phan btags kyang / /des ni nges par grogs po spong 'gyur te/ /glang
315b6 chen gyis ni ko'u shi'i spyil bu bzhin/ /ji ltar chu 'gram shing ni 'gyel 'gyur ltar/ /mi gang blo ni g.yo zhing 'gyur byed pa/ /de yi mdza' bshes brtan par mi 'gyur te/ /
315b7 shing shun tshon gyis ras dkar btsos pa bzhin/ /gal te mkhas pas dgra bo dag /mi dga' bar ni byed 'dod na/ /sems la skyon ni med byas dang / /de nyid kyis ni der gnod 'gyur/
316a1 rgya mtsho dang ni ri rab dang / /sa rnams bdag gi khur min gyi/ /byas pa mi gzo gang yin pa/ /de ni bdag gi khur chen yin/ /mi gang sems ni
316a2 mi rgod cing / /byas pa gzo dang byas pa tshor/ /byas pa chud gzon mi byed pa/ /de dag mkhas pas rab tu bsngags/ /chos bde byams pa bde ba ste/ /'jug dogs bde
316a3 ba'i chu klung bzhin/ /grogs la 'khu ba med pa dang / /nga snyems nga rgyal zad pa bde/ /khengs dang zol byed nga rgyal che/ /sdig pa'i grogs po bsten pa dang / /stobs
316a4 ldan rnams la rgol byed pa/ /de dag rnams kyi grags pa 'jig /de phyir khengs par mi bya ste/ /khro ba rnam par spang bar bya/ /khengs dang khro ba 'ongs 'gyur na/ /grags
316a5 pa mtha' dag 'jig par 'gyur/ /gang zhig rgan dang byis pa nad pa dang / nyam chung thabs stor de bzhin dman pa dang / /rgyal pos spangs dang skyabs med pa dag la//
316a6 snying brtse med pa de dag mir mi rung / /rang gi yul 'khor gnas spangs te/ /gzhan gyi ljongs su phyin pa na/ /tshig ngan so sor zlog pa la/ /bzod pa chen po bya dgos
316a7 so| |rang gi yul na brnyas bzhin 'dug pa bas/ /mi rnams gzhan gyi yul na gnas kyang rung / /gang na mi rnams gzhan gyis mi brnyas te/ /rang gi yul yin de dag rang
316b1 gi mi/ /mi mchog rnams ni brnyas thabs byas pa'i tshe/ /chung ma sdug dang longs spyod rgya chen gtong / /ngan ba rnams ni de na'ang yongs su 'khyam/ /brnyas thabs byas pa de
316b2 yang chu bzhin 'thung / /dar ba rnyed pa dga' ba ste/ /rgud pa med pa yin pa'i phyir/ /sems can dmas par gyur pa'i tshe/ /kha rog 'dug dang bde ba 'thob/ /gal te nor med
316b3 phyogs nyung ngam/ /mdza' bshes phyogs kyi stobs chung ngam/ /dgra bo phyogs kyi stobs lngan tshe/ /kha rog 'dug dang bde ba 'thob/ /mi rnams chos min byed pa dang / /'dod pa'i
316b4 longs spyod mngon dga' zhing / /dad tshung ngo tsha med pa'i tshe/ /kha rog 'dug dang bde ba 'thob/ /mi rnams khro bar byed pa dang / /gnod sems mang por gyur pa dang / /gzhan
316b5 la'ang gdug pa'i tshul ldan tshe/ /kha rog 'dug dang bde ba 'thob/ /mi rnams dad pa med pa dang / /khwa bzhin mu cor smra ba dang / /sgyu dang g.yo dag byed pa'i tshe/ /kha rog 'dug
316b6 dang bde ba 'thob/ /mi rnams tshul khrims 'chal ba dang / /gtum zhing gzu lums byed pa dang / /bden pa'i chos dang mi ldan tshe/ /kha rog 'dug dang bde ba 'thob/ /mi rnams
316b7 dang tshul ngan pa dang / /log pa'i lta bas bcom pa dang / /gtum zhing sdang bar gyur pa'i tshe/ /kha rog 'dug dang bde ba 'thob/ /ngo tsha med cing brdzun du smra/ /don med phra ma
317a1 tshig rtsu ba dang / /dbyen dang khyal pa smra ba'i tshe/ /kha rog 'dug dang bde ba 'thob/ /ya rabs tshul med shin tu khengs/ /nga rgyal gyis ni 'gying ba
317a2 dang / /phrag dog brkam dang tshul nyams tshe/ /kha rog 'dug dang bde ba 'thob/ /gang tshe mi yi rus rnams dang / /rigs rnams shes pa ma yin pa'i/ /mi dang lhan
317a3 cig 'dug pa na/ /de tshe nga rgyal byar mi rung / /gzhan gyi yul na 'dug pa dang / /gzhan gyi 'tsho bas 'tsho ba'i tshe/ /yul gyi phyir dang bde ba'i phyir/ /gzhan gyis brnyas
317a4 pa de bzod bya/ /gzhan gyi yul na gnas pa dang / /gzhan gyi 'tsho bas 'tsho ba'i tshe/ /sdang bas 'khrug par gyur pa na/ /gzhan gyis brnyas pa de bzod bya/ /gzhan gyi yul
317a5 na 'dug pa dang / /gzhan gyi 'tsho bas 'tsho ba'i tshe/ /dman pas bskrad par gyur kyang rung / /shes rab ldan pas de bzod bya/ /kye ma yul log bdag gnas shing / /mdza'
317a6 bshes ngan dang phrad pa na/ /byis pa rnams dang 'grogs pa yi/ /gnas su mi ngan rten byed med/ /shes rab ldan pas de bsams nas/ /mi shes mi dang 'grogs byed
317a7 kyang / /mkhas pas nor dang longs spyod phyir/ /gzu lums kho nar khro mi bya/ /ji ltar thal bas bkab pa'i me/ /rtswa dang shing gis g.yogs pa la/ /rlung rnams kyis ni
317b1 legs bus na/ /shin tu rab tu 'bar 'gyur te/ /rtswa dang shing de bsregs nas su/ /chen por mched cing 'bar ba yis/ /rtswa dang gel ba mang po dag /ljon shing chen po
317b2 sreg pa ltar/ /de bzhin rnam rtog bud shing las/ /byung ba'i khro ba me 'dra bas/ /bdag nyid dang ni gzhan dag la/ /phung khrol chen po byed par 'gyur/ /de phyir khro ba byung ba na/ /
317b3 zhe sdang gnyen por gyur pa yi/ /byams pa'i sems la bsgoms nas su/ /mkhas pa rnams kyis zlog par byed/ /bstod pa byas na mdza' byed la/ /ma bstod mdza' bar mi byed
317b4 cing / /mod la yongs su spong byed pa/ /de ni byis pa'i mtshan nyid yin/ /gal te 'di na byis pa dag /sgro gshog btogs pa'i bya lta bur/ /blo spangs shes rab ma 'chal na/ /
317b5 mkhas pa ji ltar 'tsho bar 'gyur/ /gang phyir byis pa phal cher ni/ /blo gros spangs shing shes 'chal ba/ /de phyir mkhas pa shes rab can/ /khyad par du ni bde bar 'tsho/ /
317b6 mkhas pa nor rnyed dga' bar mi 'gyur la/ /phongs par gyur kyang mi 'khrul 'khrug pa med/ /rjes su bzung phyir phan pa de smra na/ /legs smra yin zhes gzhan gyis cis mi
317b7 rtogs| |mkhas pa gzu lums med par gyur pa de/ /de nyid dpyad pa legs par mnyan nas su/ /de ltar rnam par bsams nas rang don dang / /gzhan gyi don dag legs
318a1 par spyod par byed/ /mkhas pa rnams ni 'tsho ba'i rgyu tsam gyis/ /sdig pa'i las rnams kun tu spyod mi 'gyur/ /gal te bde dang sdug bsngal
318a2 ldan gyur kyang / /rtag tu chos don yongs su gtong ba med/ /blo ldan g.yo sgyu can du mi 'gyur te/ /rmongs par mi 'gyur tshig rtsu ba khro mi 'gyur/ /phongs pa'i gnas na mya
318a3 ngan mi byed pa/ /gzhan gyis gnas la 'bebs par byed re skan/ /ha cang thal dang ha cang zhum pa yi/ /dman pa'i mi rnams la yang ma yin te/ /bar ma'i gnas la ston
318a4 par byed pa dag /de ni mkhas pa rnams kyi mtshan nyid yin/ /ha cang thal ba rtag tu 'khon/ /ha cang zhum pa rtag tu brnyas/ /de phyir de gnyis spangs nas su/ /go 'phang bar
318a5 ma bsten par bya/ /res 'ga' lkugs pa'am 'on pa lta bur gyis/ /dus la bab na sa bdag bzhin du smros/ /res 'ga' gangs ri bzhin du bsil bar gyis/ /dus la
318a6 bab na me lce bzhin du spor/ /res 'ga' rtswa dang 'dra bar zhum par bya/ /dus la bab na ri rab lta bur gyis/ /res 'ga' rgyal po lta bur 'gyur bar bya/ /dus la bab na thub
318a7 'dra nags su song / /res 'ga' bkres dang skom pa'ang bzod par bya/ /dus su bde dang sdug bsngal dang du blang / /nor phyir bran bzhin bkol bar mi bya ste/ /khro ba'i dbang
318b1 du gyur par mi bya'o/ /res 'ga' dga' ba'i glu dang sil snyan gyis/ /rtse zhing sha dang chang yang spyad par bya/ /res 'ga' ri drags lta bur 'jigs bzhin song / /dus su gcan
318b2 zan bzhin du nyams rtsal bstan/ /dang por dus dang dus min dang / /bdag nyid stobs ldan stobs med dang / /dar dang rgud pa brtags nas su/ /de nas don rnams legs par
318b3 brtsam/ /bzod med rnams la bzod pa dang / /bzod ldan rnams la'ang bzod par gyis/ /nyam chung rnams la'ang bzod pa dang / /stobs ldan rnams la rtag bzod gyis/ /
318b4 'khon gyis 'khon zhir nams kyang mi 'gyur bas/ /bzod med rnams la'ang bzod par byas na legs/ /khros pa rnams la rtag tu dad pa dang / /gzhan gyi skyon rnams rtag
318b5 tu bcab par gyis/ /gtso bo rnams kyi tshig ni 'jigs phyir dang / /'thab zla'i tshig dag 'thab gcugs gyur phyir bzod/ /gang zhig 'og ma'i tshig dag bzod byed pa/ /de ni
318b6 bzod pa'i mchog ces dam pas gsungs/ /gshe dang gya tshom smra ba dang / /tshig ngan smra bar byed pa la/ /blo gros chung du mi bzod de/ /pad+ma la ni rdo char bzhin/ /gshe dang
318b7 gya tshom smra ba dang / /tshig ngan smra bar byed pa la/ /mkhas pa shin tu bzod byed de/ /glang chen me tog char pa bzhin/ /khro ba dang ni rdzun dag dang / /tshig ngan smra bar byed pa la/ /
319a1 mkhas pas shes rab ldan gyur pa/ /gang yin de ni thams cad bzod/ /rdo ba bsregs kyang 'ju mi 'gyur/ /char pa bab kyang 'jig pa med/ /de bzhin
319a2 bde dang sdug bsngal gyis/ /mkhas pa nyams par 'gyur ba med/ /gang zhig bden pas gshe byed pa/ /de la mkhas pas bzod par byed/ /bden pa ma yin pa yang bzod//
319a3 de las gzhan pa bstan du med/ /'di ltar skyes bu mkhas pa nor gyi phyir/ /sdug bsngal bzod bya bzod par 'gyur bar bya/ /gal te mi bzod mya ngan rnam spangs te/ /
319a4 gzhan du song na stong phrag rnyed dang 'dra/ /yal ga snyegs la 'ju bar mi bya zhing / /chags bral sems la chags par mi bya ste/ /bzang zhing sdug pas sa steng gang bas na/ /
319a5 'jig rten yangs pa gzhan du 'gror zad mod/ /gang na brnyas byed bkur sti mi byed dang / /smod par byed cing bstod par mi byed na/ /mkhas dang blun 'grogs ched ka mi che
319a6 bas| |rang rgyal bzhin du mi smra de 'gro rigs/ /gang na skyes bu 'thab la dga' gyur nas/ /g.yo sgyu'i bsam ldan rtag tu glags kyang byed/ /kyal pa dbyen rdzun tshig rtsub smra
319a7 byed pa/ /de tshe mkhas pa myur du yul gzhan song / /gang na mi rnams 'tsho bar byed gyur nas/ /phan tshun gnod la 'bebs par dga' ba dang / /lus dang ngag yid sdom
319b1 pa med gyur pa/ /de tshe mkhas pa myur du yul gzhan song / /gang na mi rnams phrag dog byed gyur nas/ /gzhan gyi rnyed la rtag tu mi bzod cing / /sdang ba'i bsam pas rnam
319b2 rmongs tshul 'chos pa/ /de tshe bdag 'dod yul gzhan 'gro bar gyis/ /gang na mi rnams sdig byed 'dod gyur nas/ /bkur sti 'dod cing tshul 'chos g.yo sgyu byed/ /nang yang ma
319b3 dag phyi yang ma dag pa/ /de tshe bdag 'dod yul gzhan 'gro bar gyis/ /gang na mi rnams zhes med gyur nas/ /ya rabs tshul med khengs shing nga rgyal ldan/ /byis pas
319b4 mkhas pa rtag tu brnyas byed la/ /de tshe bdag 'dod yul gzhan 'gro bar gyis/ /gang dang gang du bza' btung dang / /gang du gos rnams rnyed pa dang / /gang du 'tsho
319b5 ba der song la/ /chags 'byung gnas su ma 'dug cig /lan 'ga' rtsod 'gyur sred pa gang yin spongs/ /rtag khengs mchod med nga rgyal gang yin spongs/ /'bras bu
319b6 ngan pa'i khro ba gang yin spongs/ /phongs dus mi lta'i grogs po gang yin spongs/ /me yis gang ba'i lam 'dra'i ma rig spongs/ /byas gzo med pa'i gnyen 'dra'i 'dod
319b7 chags spongs/ /mche ba mi bzad klu 'dra'i chags pa spongs/ /dgra bo mtshon thogs lta bu'i sdug bsngal spongs/ /klu mo lta bu mi bzod chung ma spongs/ /mgo la me 'bar
320a1 lta bu'i bu rnams thongs/ /'go ba'i nad bcas lta bu'i khyim rnams thongs/ /btung ba dug chen lta bu'i 'dod pa thongs/ /khyim gyi phyir ni
320a2 gcig btang ste/ /grong khyer don du khyim btang ngo / /ljongs kyi phyir ni grong khyer te/ /bdag gi don dus btang ngo / /mi yi yan lag phyir ni nor btang zhing / /srog
320a3 gi don du yan lag btang bar bya/ /nor dang yan lag rnams dang de bzhin srog /thams cad btang gi 'dir ni chos srung ngo / /chos spyod pa la 'jigs skrag med
320a4 pa nyid/ /chos spyod pa dag ngan 'gror mi 'gro ste/ /chos spyod pa ni 'dod pa'i 'gro bar 'gro /chos mi spyod pa shi nas gdung bar 'gyur/ /mkhas pa nor rnyed
320a5 dga' bar mi 'gyur la/ /nor zad na yang blo gros mi 'khyar bar/ /'jig rten dag na ci dgar legs rgyu ba/ /sems can nang na mi yi snying por chud/ /gang zhig
320a6 dga' bas gzhan la nor sbyin zhing / /nga rgyal 'tshe ba rnam spangs bden la gnas/ /rgya mtsho 'dra ba'i sems ldan de dag ni/ /dpa' bo rtul phod ya rabs thabs ldan
320a7 yin| |gang zhig de dang de la legs bslabs pas/ /don rnams kun la mkhas par gyur pa dang / /des la 'grogs na bde ba de dag ni/ /dam pas legs pa yin zhes
320b1 bsngags pa mdzad/ /nye rngas smras pa/ /rnga khyod la ni phyi phyir zhing / /'di ltar bdag ni rab tu dad/ /bdag gi lus 'di skams pa'am/ /yang na sems ni med kyang sla/ /
320b2 sdug bsngal shin tu mi bzad par/ /lhung yang phyin chad sdig mi bgyid/ /tshul khrims nyams pa gson pa bas/ /tshul khrims ldan pa shi yang sla/ /skye ba gcig tu 'di
320b3 yi phyir/ /ji lta bur ni mi zad spyad/ /bcom ldan 'das kyis bka' stsal pa/ /sngon tshe gang du rab gnas shing / /de dang der ni skyes pa na/ /mi dge'i grogs dang 'grogs
320b4 pa yis/ /nga yi mi dge las rnams byas/ /dge ba'i bshes dang phrad pa na/ /mi dge'i las rnams sdangs pa yis/ /bdag gis mi dge'i las rnams bsal/ /bcom
320b5 ldan de bzhin gshegs pa yis/ /sngon gyi gnas rnams mngon mkhyen nas/ /de phyir dge slong rnams la ni/ /thub pas lung yang bstan par mdzad/ /sngon tshe nga ni
320b6 rngar gyur te/ /kun dga' bo ni nye rnga yin/ /lha sbyin rnga sgar gyur to zhes/ /skyes rabs de ltar gzung bar gyis/ /chos rnams sdud par byed pa yi/ /don rgyas mdo sde 'di thos
nas| |dge slong thams cad gus bcas pa/
CLOSE WINDOW