བོད་ཡིག |
302a4 su ren+d+ra bo d+hi dang / zhus chen gyi lo tsA ba ban+de ye shes sdes zhus te gtan la phab pa// //rgya gar skad du/ AR+ya ta thA ga ta pra ti
302a5 bim+ba pra tiSh+Tha a nu shaM sa sam+ba dan+ti nA ma d+harma par+yA ya/ bod skad du/ 'phags pa de bzhin gshegs pa'i gzugs brnyan bzhag pa'i phan yon yang dag par brjod
302a6 pa zhes bya ba'i chos kyi rnam grangs/ thams cad mkhyen pa la phyag 'tshal lo/ /'di skad bdag gis thos pa dus gcig na bcom ldan 'das mnyan yod na rgyal bu
302a7 rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong rab tu mang po dag cig rim gro'i gnas su lhags te 'dug nas bar
302b1 skabs der gtam 'di lta bu zhig glengs so/ /khyed cag la bram ze'am/ khyim bdag dad pa can thos pa 'dzin pa/ thos pa bsags pa/ dge ba ji ltar bya zhes tshol ba/ de bzhin
302b2 gshegs pa'i gzugs brnyan bgyid par spro ba skyed pa dag snang la de dag gal te bdag cag gi drung du lhags na/ btsun pa dag/ de bzhin gshegs pa'i gzugs brnyan
302b3 bgyid pa'i gang zag sbyin pa po la phan yon ji tsam zhig mchis par rig par bgyi zhes rmed na/ de bzhin gshegs pa'i gzugs brnyan bgyid pa la phan yon ji tsam zhig
302b4 yod pa bdag cag gis mi shes te/ de'i tshe de dag la bdag cag gis ji ltar chos dang mthun par lan gdab par bya/ gang don 'di dag nyid ni bcom ldan 'das de bzhin
302b5 gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ the tshom thams cad gcod par mdzad pa/ ston pa de la
302b6 bdag cag gis zhu'o/ /'on tang bcom ldan 'das da bdag cag la lung ston par mdzad de/ bdag cag gis de bzhin bzung nas bram ze dang / khyim bdag dad pa can rnams la rgya
302b7 cher bye ste lan gdang par bya'o zhes bgros so/ /de nas dge slong rab tu mang po dag bcom ldan 'das ga la ba der dong ste phyin nas bcom ldan 'das kyi zhabs la mgo bos phyag
303a1 btsal te phyogs gcig tu 'khod do/ /phyogs gcig tu 'khod nas dge slong rab tu mang po dag gis bcom ldan 'das la 'di skad ces gsol to/ /btsun
303a2 pa| bdag cag dge slong rab tu mang po dag rim gro'i gnas der lhags te 'dus pa dang / bar der bka' mchad 'di lta bu zhig glengs te/ khyed cag la bram ze'am/
303a3 khyim bdag dad pa can thos pa 'dzin pa/ thos pa bsags pa/ dge ba ji ltar bgyi zhes tshol ba de bzhin gshegs pa'i gzugs brnyan bgyi bar spro ba skyes pa dag gda'
303a4 la| de dag gal te bdag cag gi drung du mchis nas/ btsun pa dag /de bzhin gshegs pa'i gzugs brnyan bgyid pa'i gang zag sbyin pa po la phan yon ji tsam zhig
303a5 mchis par rig par bgyi zhes rmed na/ de bzhin gshegs pa'i gzugs brnyan bgyid pa la phan yon ji tsam zhig mchis pa bdag cag gis ma 'tshal na/ de'i tshe de dag
303a6 la bdag cag gis ji ltar chos dang mthun par lan gdab par bgyi/ gang don de dag nyid ni bcom ldan 'das de bzhin gshegs pa dgra bcom pa yang dag par rdzogs
303a7 ba'i sangs rgyas thams cad mkhyen pa/ thams cad gzigs pa/ the tshom thams cad gcod par mdzad pa/ ston pa de la bdag cag gis zhu bar bgyi'o/ /'on tang bcom
303b1 ldan 'das de bdag cag la lung ston par mdzad de/ bdag gis de bzhin bzung nas bram ze dang / khyim bdag dad pa can rnams la rgya cher bye ste lan gdab par bgyi'o snyam
303b2 bgyid do/ /btsun pa bcom ldan 'das/ don de dag nyid bdag cag zhu zhing mchis na/ btsun pa bcom ldan 'das/ de bzhin gshegs pa'i gzugs brnyan bgyid pa'i
303b3 gang zag sbyin pa po la phan yon ji tsam zhig mchis par rig par gyi/ bka' stsal pa/ dge slong dang / skye bo mang po la phan pa dang / skye bo mang po la bde ba dang snying brtse ba dang / lha dang mi rnams
303b4 la phan pa dang bde ba'i phyir zhus te/ khyed gang de bzhin gshegs pa dgra bcom pa yang dag par rdzogs pa'i sangs rgyas la don de nyid zhu bar sems pa legs so/ /legs so/ /
303b5 dge slong dag /de'i phyir legs par rab tu nyon la yid la zungs shig dang bstan par bya'o/ /dge slong dag /de bzhin gshegs pa'i gzugs brnyan byed pa'i gang zag sbyin
303b6 pa po la phan yon 'di lnga yod de/ lnga gang zhe na/ gzhal med khang chen por gnas pa dang / bong steng bzang por grags pa dang / spro ba mang ba dang / tshe ring ba dang / grags pa
303b7 dad ldan pa dang / bde ba mang ba ste/ dge slong dag/ 'di ni de bzhin gshegs pa'i gzugs brnyan byed pa'i gang zag sbyin pa po'i phan yon dang po yin no/ /gzhan yang / phyug
304a1 po dang / nor mang ba dang / longs spyod che ba dang / nor rdzas dang / yo byad mang ba dang / bdag dbang ba bdag gir bya ba mang ba dang / nor dang / 'bru
304a2 dang / dbyig dang / gser dang / mdzod dang / bang ba'i tshogs mang ba dang / rta dang / glang po che dang / ba lang dang / lug dang / bran dang / bran mo dang / las byed pa dang / zho shas 'tsho ba mang ba
304a3 dang / blon po dang / mdza' bshes dang / gnyen dang / snag gi gnyen mtshams mang por 'gyur te/ dge slong dag/ 'di ni de bzhin gshegs pa'i gzugs brnyan byed pa'i gang
304a4 zag sbyin pa po'i phan yon gnyis pa yin no/ /dge slong dag /gzhan yang / gzugs bzang po dang / blta na sdug pa dang / mdzes pa dang / mdog gser ltar bzang ba dang /
304a5 mgo gdugs ltar zlum pa dang / lag pa ring ba dang / dpral ba dbyes che ba dang / smin mtshams bar ma chad pa dang / yan lag dang / nying lag thams cad dang ldan
304a6 pa dang / rgyan thams cad kyis brgyan par 'gyur te/ dge slong dag/ 'di dag ni de bzhin gshegs pa'i gzugs brnyan byed pa'i gang zag sbyin pa po'i phan yon
304a7 gsum pa yin no/ /dge slong dag /gzhan yang / 'khor los bsgyur ba'i rgyal po 'khor bzang po rin po che sna bdun dang ldan pa dang / bu stong gis bskor bar 'gyur te/
304b1 de'i bu'am/ chung ma'am/ bran nam/ nye bar 'tsho ba gang yin pa de dag thams cad de la gus par nyan pa dang / bka' nyan par byed de/ dge slong dag/ 'di ni de bzhin gshegs
304b2 pa'i gzugs brnyan byed pa'i gang zag sbyin pa po'i phan yon bzhi pa yin no/ /dge slong dag /gzhan yang / de lus dang bral nas bde 'gro mtho ris kyi 'jig rten gyi lha
304b3 rnams kyi nang du skye bar 'gyur te/ der skyes nas lha'i rgyal po khyad par can lha dang / lha'i bu dang / lha'i bu mo rnams kyi rten du 'gyur la/ gnas bcu po lha'i tshe dang / lha'i
304b4 mdog dang / lha'i stobs dang / lha'i bde ba dang / lha'i dbang phyug la dbang byed pa dang / lha'i gzugs dang / sgra dang / dri dang / ro dang / reg bya rnams kyis dga' bar
304b5 byed de/ dge slong dag /'di ni de bzhin gshegs pa'i gzugs brnyan byed pa'i gang zag sbyin pa po'i phan yon lnga pa yin no/ /bcom ldan 'das kyis de skad ces
304b6 bka' stsal pa dang / dge slong de dag bcom ldan 'das kyis gsungs pa la yi rangs te mngon par bstod do/ /'phags pa de bzhin gshegs pa'i gzugs brnyan bzhag
304b7 pa'i phan yon yang dag par bstan pa zhes bya ba'i chos kyi rnam grangs rdzogs so// //rgya gar gyi mkhan po d+harmA ka ra dang / lo ts+tsha ba ban+de ye shes snying pos
bsgyur/
CLOSE WINDOW