289a1 / //rgya gar skad du/ AR+ya ar+tha bi sta ra nA ma d+harma paR+yA ya/ bod skad du/ 'phags
289a2 pa don rgyas pa zhes bya ba'i chos kyi rnam grangs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig ni/ bcom
289a3 ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan shA ri'i bus dge slong rnams la smras pa/
289a4 tshe dang ldan pa dag /khyed la chos thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs
289a5 pa| yongs su dag pa/ yongs su byad pa tshangs par spyod pa bstan par bya ste/ 'di lta ste/ don rgyas pa zhes bya ba'i chos kyi rnam grangs rab tu bshad kyi de legs par
289a6 rab tu nyon la yid la zungs shig dang bshad do/ /don rgyas pa'i chos kyi rnam grangs gang zhe na/ tshe dang ldan pa dag /dal ba tshogs pa bcu gnyis po 'di dag ni 'phags
289a7 pa'i chos thob par 'gyur ba ste/ 'di lta ste/ bdag gi 'byor ba dang / gzhan gyi 'byor pa dang / mi nyid dang / yul dbus su skyes pa dang / dbang po rnams mtshang ba med
289b1 pa dang / las kyi mtha' ma btang ba nyid dang / gnas la dad par 'gyur ba dang / sangs rgyas rnams byung ba dang / dam pa'i chos bstan pa dang / chos bstan pa rnams gnas pa
289b2 dang | gnas pa rnams rjes su 'jug pa dang / zhan la so sor snying brtse ba ste/ de ltar na tshe dang ldan pa dag /dal ba tshogs pa bcu gnyis po 'di dag ni 'phags pa'i chos
289b3 'thob par 'gyur ba yin no/ /tshe dang ldan pa dag/ smra ba'i dge slong gtam smra bas gzhan dag la rnam pa nyi shus gtam bya ste/ 'di lta ste/ dus su dang / gus pa dang / 'tsham
289b4 pa mtshams 'byor pa dang / rjes su 'brel ba dang / ri mo dang / 'dod pa dang / mgu ba dang / spro ba dang / mi smod pa dang / rigs pa dang / 'brel ba dang / ma 'chol ba dang / ji
289b5 lta ba bzhin gyi sems dang / phan pa dang / phan pa'i sems dang / snying brtse ba'i sems dang / rnyed pa dang / bkur sti dang / tshigs su bcad pa la mi brten par bya'o/ /gtam de
289b6 dag smra ba na bdag la bstod par mi bya/ gzhan la smod par mi bya bar gtam bya'o/ /tshe dang ldan pa dag /chos nyan par 'dod pas rnam pa bcu drug gis mnyam pa bya ste/ 'di
289b7 lta ste/ dus su chos mnyan par bya ba dang / bkur stir bya ba dang / gus par nyan pa dang / ma rangs pa med pa dang / bsgo ba bzhin nyan pa dang / kla na ka mi tshol ba dang / chos
290a1 la gus par bya ba dang / chos smra ba'i gang zag la gus par bya ba dang / chos la mi brnyas pa dang / chos smra ba'i gang zag la mi brnyas pa dang / bdag la mi brnyas pa dang / rtse
290a2 gcig pa'i sems dang / kun shes par bya ba'i sems dang / rna ba blags te mnyan pa dang / sems bsdus te sems thams cad kyi sa bsams te chos mnyan par bya'o/ /de de ltar
290a3 chos yang dag par nyan pa na mya ngan 'das pa gtsor bya ba la dad cing sems dang ba skye bar 'gyur ro/ /mya ngan las 'das pa gtsor bya ba la sems mchog tu dga' ba dang /
290a4 yi rangs pa skye bar 'gyur ro/ /mya ngan las 'das pa gtsor bya ba la zang zing med par dga' bar skye bar 'gyur ro/ /mya ngan las 'das pa gtsor bya ba la nye ba'i nyon mongs
290a5 pa rnams spong zhing sems mnyam par 'jog pa dang / som nyi rnams sel ba dang / lta ba drang por byed par 'gyur ro/ /mya ngan las 'das pa gtsor bya ba la sems rnal 'byor
290a6 du 'gyur ba dang rtun pa dang / rjes su brtson pa dang / spong ba dang / nang du yang dag 'jog dang / don gyi mchog par 'gyur ro/ /mya ngan las 'das pa gtsor bya ba la 'du byed
290a7 thams cad zhi ba dang / stong pa nyid du dmigs pa dang / srid pa zad pa dang / 'dod chags dang bral ba dang / 'gog pa dang / mya ngan las 'das pa la sems rab tu 'jug
290b1 cing dad pa dang / yang dag par gnas pa dang / rnam par grol bar 'gyur ro/ /mya ngan la 'das pa gtsor bya ba la phung po mi rtag pa nyid dang / phung po gsog nyid dang / phung po gsob
290b2 nyid dang / phung po snying po med pa nyid dang / phung po 'jig pa nyid la sems rab tu 'jug cing dad pa dang / yang dag par gnas pa dang / rnam par grol bar 'gyur ro/ /mya ngan las
290b3 'das pa gtsor bya ba la 'phags pa'i bden pa gzhi shes par bya ba la mig rnam par dag par 'gyur ro/ /mya ngan las 'das pa gtsor bya ba la rnam par grol ba yongs su rdzogs
290b4 par 'gyur ro/ /tshe dang ldan pa dag/ 'phags pa nyan thos de ltar chos yang dag par nyan na sgrogs pa la'ang mtho mi 'tsham/ chos kyi gtam gyi ro'ang myong bar 'gyur/ ston pa
290b5 la'ang chos nyid kyis rim gro byed/ bdag gi don yang rjes su 'thob/ mya ngan las 'das pa'ang 'thob par 'gyur ro/ /chos 'di dag ni de'i shes rab yongs su smin par
290b6 'gyur ba ste/ 'di lta ste/ dge ba'i bshes gnyen la sten pa dang / dge ba'i dang tshul can nyid dang / sems shes rab can nyid dang / bka' blo bde ba nyid dang / gus par nyan
290b7 pa dang / yongs su 'dri ba dang / dam pa'i chos nyan pa dang / dam pa'i chos rtag tu byed pa dang / skyo bar bya ba'i chos rnams la skyo ba dang / de bzhin du kun tu skyo ba la'ang tshul bzhin
291a1 bzhin du yid la byed pa dang / mi dge ba'i chos thams cad spong bas dge ba'i chos rnams la tshul bzhin du rab tu 'jog pa dang / de rnam par byang ba dang / ting
291a2 nge 'dzin la dbang thob cing tshul bzhin du'ang yid la byed pa'o/ /tshe dang ldan pa dag /'phags pa nyan thos de ltar yang dag par tshul bzhin yid la byas pa'i bdag nyid kyis
291a3 'du shes bcu po/ 'di lta ste/ mi sdug pa'i 'du shes dang / mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal la bdag med pa'i 'du
291a4 shes dang / zas la mi 'phrod pa'i 'du shes dang / 'jig rten thams cad la mngon par mi dga' ba'i 'du shes dang / snang ba'i 'du shes dang / 'dod chags dang bral ba'i
291a5 'du shes dang / 'gog pa'i 'du shes dang / 'chi ba'i 'du shes bsgom par bya'o/ /tshe dang ldan pa dag /mi sdug pa'i 'du shes kyi bar du gcod pa'i chos ni bcu bzhi
291a6 ste| 'di lta ste/ bud med dang lhan cig gnas pa dang / dran pa g.yengs pas bud med la lta ba dang / bag med pa dang / 'dod chags shas che ba nyid dang / sdug pa'i mtshan ma'i
291a7 rjes su brtson pa dang / mi gtsang ba la so sor mi rtog pa dang / las kyi mtha' la zhugs pa'i gang zag dang lhan cig sbyor ba dang / de dag dang mthun par byed pa dang / gus par
291b1 mi nyan pa dang / yongs su mi 'dri ba dang / dbang po rnams kyi sgo ma bsrungs pa dang / zas kyi tshod mi rig pa dang / dben pa la mngon par mi dga' ba dang / ji lta ba bzhin la so sor
291b2 mi rtog pa'o/ /mi rtog pa'i 'du shes kyi bar du gcod pa ni 'du byed la rjes su chags pa'o/ /mi rtag pa la sdug bsngal ba'i 'du shes kyi bar du gcod pa'i chos ni drug ste/ 'di
291b3 lta ste/ le lo dang / 'gyod pa dang / yal ba dang / bag med pa dang / mi brtson pa dang / ji lta ba bzhin so sor mi rtog pa'o/ /sdug bsngal la bdag med pa'i 'du shes kyi bar du
291b4 gcod pa ni bdag tu lta ba'o/ /zas la mi 'phrod pa'i 'du shes kyi bar du gcod pa ni ro la sred pa'o/ /'jig rten thams cad la mngon par mi dga' ba'i 'du shes kyi bar du gcod
291b5 pa ni 'jig rten gyi sna tshogs dag la 'dun pa dang / 'dod chags kyi rjes su chags pa'o/ /snang ba'i 'du shes kyi bar du gcod pa'i chos ni bcu gcig ste/ 'di lta ste/ the tshom dang /
291b6 yid la mi byed pa dang / lus kyi gnas ngan len dang / gnyid dang / rmugs pa dang / ha cang brtson 'grus drag pa dang / ha cang brtson 'grus zhan pa dang / dga' ba dang / spobs pa
291b7 med pa dang / 'du shes sna tshogs dang / ha cang smra ba mang ba dang / gzugs rnams la nges par rtog pa nyid do/ /'dod chags dang bral ba'i 'du shes kyi bar du gcod pa ni kun tu
292a1 'dod chags pa'o/ /'gog pa'i 'du shes kyi bar du gcod pa ni chos la mtshan ma'i rjes su 'brang ba'o/ /'chi ba'i 'du shes kyi bar du gcod pa ni
292a2 gson pa la 'chums pa'o/ /tshe dang ldan pa dag /chos gsum po gces spras byed pa dang / 'dun pa spong ba dang / de la mang du gnas pa ni bar du gcod pa ma bcom pa de
292a3 dag yang dag par 'joms pa'o/ /tshe dang ldan pa dag /chos bcu bzhi ni mi sdug pa'i 'du shes la gces spras byed pa ste/ 'di lta ste/ bud med dang lhan cig mi gnas pa
292a4 dang | dran pa nye bar gnas pas bud med la lta ba dang / bag yod pa dang / 'dod chags shas chung ba dang / sdug pa'i mtshan ma'i rjes su mi brtson pa dang / mi sdug pa la
292a5 so sor rtog pa dang / las kyi mtha' la zhugs pa'i gang zag dang lhan cig mi sbyor ba dang / de dag dang mthun par mi byed pa dang / gus par nyan pa dang / yongs su 'dri ba dang /
292a6 dbang po'i sgo rnams bsdams pa nyid dang / zas kyi tshod rig pa nyid dang / dben pa la mngon par dga' ba dang / ji lta ba bzhin la so sor rtog pa'o/ /tshe dang ldan pa dag mi
292a7 sdug pa'i 'du shes kun tu bsten bsgoms lan mang du byas na 'dod pa'i 'dod chags spong par 'gyur ro/ /mi rtag pa'i 'du shes kun tu bsten bsgoms lan mang du byas
292b1 na 'du byed spong bar 'gyur ro/ /mi rtag pa la sdug bsngal ba'i 'du shes kun tu bsten bsgoms lan mang du byas na le lo dang / 'gyod pa spong bar 'gyur ro/ /sdug bsngal la
292b2 bdag med pa'i 'du shes kun tu bsten bsgoms lan mang du byas na bdag tu lta ba spong bar 'gyur ro/ /zas la mi 'phrod pa'i 'du shes kun tu bsten bsgoms lan mang du byas na
292b3 rol sred pa spong bar 'gyur ro/ /'jig rten thams cad lam mngon par mi dga' ba'i 'du shes kun tu bsten bsgoms lan mang du byas na 'jig rten gyi sna tshogs dag la
292b4 'dun pa dang / 'dod chags kyi rjes su chags pa spong bar 'gyur ro/ /snang ba'i 'du shes kun tu bsten bsgoms lan mang du byas na ye shes mthong bar 'gyur ro/ /'dod chags
292b5 dang bral ba'i 'du shes kun tu bsten bsgoms lan mang du byas na kun tu 'dod chags spong bar 'gyur ro/ /'gog pa'i 'du shes kun tu bsten bsgoms lan mang du byas
292b6 na phung po zad par 'gyur ro/ /'chi ba'i 'du shes kun tu bsten bsgoms lan mang du byas na gson pa la 'tshums pa spong bar 'gyur ro/ /tshe dang ldan pa dag /'phags pa
292b7 nyan thos de ltar yang dag par tshul bzhin byed pa'i bdag nyid la bar du gcod pa'i chos nyi shu ste/ 'di lta ste/ mi brtson pa dang / mi brtson pa dang 'grogs pa dang / yongs su mi
293a1 'dri ba dang / mi mthun pa'i lung dang / lug ltar lkugs pa nyid dang / sred pa can nyid dang / bya ba mang pa nyid dang / las kyi mtha' nyes par byas pa
293a2 nyid dang / brtson pa btang ba nyid dang / bar du gcod pa rnams thos na nyam nga ba dang / khengs pa dang / mi mthun par 'dzin pa nyid dang / brjed ngas pa nyid dang / bag med pa
293a3 dang | yul du mi gnas pa dang / dbang po rnams kyi sgo ma bsrungs pa nyid dang / zas kyi tshod mi rig pa nyid dang / nam gyi cha stod dang / nam gyi cha smad la mi nyal bar sbyor
293a4 pa'i rjes su mi brtson pa nyid dang / dben pa la mngon par mi dga' ba dang / ji lta ba bzhin la so sor mi rtog pa'o/ /tshe dang ldan pa dag /bar du gcod pa ma bcom pa de
293a5 dag yang dag par 'joms par 'gyur ba'i gces spras byed pa'i chos ni bcu gcig ste/ 'di lta ste/ 'dun pa 'thob pa dang / phan yon mthong ba nyid dang / mngon par spro ba
293a6 nyid dang / rnam par 'gyed pa dang / rgyal ba dang / chos rnams kyi mtshan ma'i rjes su 'brang ba dang / bdag la mi brnyas pa dang / gus par nyan pa dang / yongs su 'dri
293a7 ba dang |dben pa la mngon par dga' ba dang / ji lta ba bzhin la so sor rtog pa'o/ /tshe dang ldan pa dag /'phags pa nyan thos de ltar yang dag par tshul bzhin yid la
293b1 byed pa'i bdag nyid kyi gces spras byed pa'i chos nyi shu ste/ 'di lta ste/ brtson pa dang / brtson pa dang 'grogs pa dang / yongs su 'dri ba dang / mthun pa'i lung dang / lug
293b2 ltar lkugs pa ma yin pa nyid dang / sred pa can ma yin pa nyid dang / bya ba mi mang ba nyid dang / las kyi mtha' legs par byas pa nyid dang / brtson pa ma btang ba nyid dang / bar du
293b3 gcod pa rnams thos na nyam mi nga ba dang / ma khengs pa dang / mthun par 'dzin pa nyid dang / dran pa nye bar gzhag pa nyid dang / bag yod pa dang / yul du gnas pa dang / dbang
293b4 po rnams kyi sgo bsrungs pa nyid dang / zas kyi tshod rig pa nyid dang / nam gyi cha stod dang / nam gyi cha smad la mi nyal bar sbyor ba'i rjes su brtson pa nyid dang / dben pa la mngon
293b5 par dga' ba dang / ji lta ba bzhin la so sor rtog pa'o/ /tshe dang ldan pa dag /gnas nyi shu rtsa gnyis po 'di dag ni rab tu byung bas yang dang yang du so sor brtag par bya ba
293b6 ste| bdag ni khyim pa'i rtags spangs pa ste mi sdug pa'o zhes gnas 'di rab tu byung bas yang dang yang du so sor brtag par bya'o/ /bdag ni mi 'dra ba khas blangs pa ste /
293b7 bdag gi cha byad dang / bya ba gzhan yin no/ /bdag gi 'tsho ba ni gzhan la rag las pa ste/ ji srid 'tsho'i bar du bdag gi/ 'di lta ste/ chos gos dang / bsod snyoms dang /
294a1 mal stan dang / na ba'i gsos sman dang / yo byad pha rol las btsal dgos pa'o/ /bdag ni ji srid 'tsho'i bar du mi rnams kyi 'dod pa dag las
294a2 ldog pa byas pa'o/ /bdag ni ji srid 'tsho'i bar du mi rnams kyi rtsed mo'i dga' ba dag las ldog pa byas pa'o/ /ci ga bdag gis bdag tshul khrims dag gis ma smad
294a3 dam/ ci ga bdag la tshangs pa mtshungs par spyod pa mkhas pa rnams kyis chos nyid kyis ma smad dam/ ci ga bdag nyid ma smras pa dang / ma nyams par spyod dam/ ci
294a4 g.yul 'khor gyi bsod snyoms don yod par za'am/ ci ga gcig pu kun dga' ra bar stong par mngon par dga' ba'am/ bdag ji lta bur gyur pas nyin mtshan
294a5 'da'/ ci ga 'du byed thams cad zhi ba/ stong pa nyid du dmigs pa/ sred pa zad pa/ 'dod chags dang bral ba'i mya ngan las 'das pa la bdag gi sems rab tu 'jug
294a6 ba dang / dang ba dang / yang dag par gnas pa dang / rnam par grol bar gyur tam/ ci ga phung po mi rtag pa nyid dang / phung po gsob nyid dang / phung po snying po med pa nyid
294a7 la bdag gi sems rab tu 'jug pa dang / dad pa dang / yang dag par gnas pa dang / rnam par grol bar gyur tam/ ci ga bdag 'chi ba'i tshe tshangs pa mtshungs par spyod
294b1 pa mkhas pa rnams kyis bdag la dris na yul yul po ma yin zhing bag tsha ba med pa dang / 'jigs pa med par yang dag par lung ston par lung bstan par bya ba gang yin
294b2 pa dge slong gi 'bras bu bzhi las 'bras bu gang yang rung ba zhig 'thob bam/ bdag ni skye ba'i chos can te/ skye ba'i chos nyid las ma 'das pa/ rga ba'i chos can/ na ba'i
294b3 chos can/ 'chi ba'i chos can te/ bdag ni 'dod pa dang / sdug pa dang / phangs pa dang / yid du 'ong ba thams cad dang / 'bye ba dang / med pa dang / bral ba dang / mi ldan par 'gyur
294b4 ba'o| |bdag ni las bdag gir bya ba/ las kyi skye gnas dang / las kyi bgo skal la spyod pa/ las brtan par bya ba ste/ las dge ba'am/ mi dge ba gang dang / gang byed pa
294b5 las de dang / de nyid kyi skal pa can du 'gyur ro snyam du gnas 'di rab tu byung bas yang dang yang du so sor brtag par bya'o/ /gnas nyi shu rtsa gnyis po 'di dag la yang
294b6 dang | yang du so sor rtog pa de'i dge sbyong gi 'du shes yongs su rdzogs par 'gyur ro/ /dge sbyong gi 'du shes yongs su rdzogs na 'du shes bdun yongs su rdzogs par
294b7 'gyur te| rtag par rgyun du byed pa dang / rgyun du 'jug pa dang / brnab sems dang / gnod sems med pa dang / yang dag pa'i dran pa dang / nga rgyal med pa dang / 'tsho
295a1 ba'i yo byad rnams de'i ched du ting nge 'dzin la dbang thob pa yongs su rdzogs pa'o/ /tshe dang ldan pa dag/ sems dang /yid dang / rnam par shes pa gang
295a2 yun ring por gzugs la chags pa dang / sgra la chags pa dang / dri la chags pa dang / ro la chags pa dang / reg bya la chags pa dang / gzugs dang / sgra dang / dri dang /
295a3 ro dang / reg bya dag gis kun tu bsags pa/ nye bar bsags pa de ni so sor brtags pas/ 'di lta ste/ mi 'chi ba'i dbyings la nye bar rnam par bzhag pa ma yin par
295a4 'gyur ro/ /tshe dang ldan pa dag /so so'i skye bos rnam pa nyi shus sems skyo bar bya ste/ bdag ni rtogs pas gsog yin no/ /ma dul bar 'chi bar 'gyur ro/ /g.yang
295a5 sar ltung bar 'gyur ro/ /'jigs pa dang bcas pa'i phyogs su 'gro bar 'gyur ro/ /'jigs pa med pa'i phyogs mi shes pa'o/ /las mi shes pa'o/ /ting nge 'dzin
295a6 ma thob pa'o/ /yang srid pa ni sdug bsngal ba'o/ /dal pa phun sum tshogs pa ni rnyed dka' ba'o/ /'dod pa gsod par byed pas rtag tu rjes su bcings pa'o/ /bdag ni
295a7 'gro ba las ma 'das pa'o/ /bdag ni ngan song dag las yongs su ma grol ba'o/ /bdag ni lta bar gyur pa dpag tu med pa dang yang dag par ldan pa'o/ /bdag ni
295b1 mtshams med pa'i las rnams mi bya ba'i phyir gegs ma byas pa'o/ /bdag ni skye ba'i 'khor ba thog ma dang / tha ma med pa'i mthar ma byas pa'o/ /mthar ma byas na byed pa gzhan med
295b2 do| |ma byas na bde ba'i ngo bo med do/ /las byas pa rnams ni chud za ba med do/ /bdag ni ma rig par gyur cing mi mkhas la 'chi ba'i dus byed par 'gyur ro zhes so so'i skye bos
295b3 sems skyo bar bya'o/ /de rnam pa nyi shu po de rnams kyis sems skyo/ shin tu skyo/ skrag/ shin tu skrag/ bkag /shin tu bkag na/ rnam pa gzhan nyi shus sems myur ba myur bar
295b4 yang dag par gnas te/ des sems kyi mtshan ma yid la byed pa'i sems myur ba myur bar yang dag par gnas so/ /de sems bla na med pa'am/ sems rtse gcig pa'am/
295b5 ting nge 'dzin gyi mtshan ma'am/ ting nge 'dzin la gnas pa'i mtshan ma'am/ ting nge 'dzin las ldang ba'i mtshan ma'am/ zhi gnas kyi mtshan ma'am/ rab tu 'dzin pa'i mtshan
295b6 ma'am/ btang snyoms kyi mtshan ma'am/ spyod yul ma yin pa spong ba'am/ spyod yu la gus pa'am/ mdor bstan pa'am/ dmigs kyis bsal ba'am/ kun tu skyo ba mang
295b7 ba'am/ bla ma la brten pa'am/ yang dag pa'i sbyor ba yid la byed pa'i sems myur ba myur bar yang dag par gnas so/ /de dbugs rdub pa dang / 'byung ba dran pa sgom pa'i sems
296a1 myur ba myur bar yang dag par gnas so/ /de dran pa nye bar gzhag pa rnams sgom pa'i sems myur ba myur bar yang dag par gnas so/ /tshe dang
296a2 ldan pa dag /'phags pa nyan thos de ltar yang dag par tshul bzhin yid la byas pa'i bdag nyid kyi bar du gcod pa ni bcu gcig tu rig par bya ste/ 'di lta ste/ yang
296a3 dang / yang du tshogs par 'du ba dang / zas la gdu ba nyid dang / las la dga' ba nyid dang / smra ba la dga' ba nyid dang / 'du 'dzi'i gtam la dga' ba nyid dang / 'du 'dzi la
296a4 dga' ba nyid dang / bdag tu 'dzin pa dang / 'phyar ba dang / bag med pa dang / yul du mi gnas pa'o/ /tshe dang ldan pa dag /bar du gcod pa bcom pa de dag yang dag par 'joms pa
296a5 mkhas pa bcu la bslab par bya ste/ 'di lta ste/ ting nge 'dzin la mkhas pa dang / ting nge 'dzin la gnas pa la mkhas pa dang / ting nge 'dzin las ldang ba la mkhas pa dang / rab tu 'dzin pa la
296a6 mkhas pa dang / btang snyoms la mkhas pa dang / skye mched la mkhas pa dang / thabs la mkhas pa dang / mngon pa sgrub pa la mkhas pa'o/ /tshe dang ldan pa dag /'phags pa nyan thos
296a7 de ltar mngon par sgrub pa la mkhas pa la mchog tu dga' ba'i dngos po bcu gsum skye ba na skye ste/ dad pa can de ston pa'am/ chos sam/ dge 'dun nas/ bdag gi
296b1 tshul khrims sam/ gzhan gyi tshul khrims sam/ bdag gi sbyin par bya ba'i chos rnams sam/ bdag gi rtogs pa'am/ gzhan gyi rtogs pa yid la byed pa na mchog tu
296b2 dga' ba skyes pa 'di ni dad pa can gyi mchog tu dga' ba'i dngos po yin no/ /bcom ldan 'das de bdag gi sdug bsngal gyi chos mang po sel ba'o zhes mchog tu dga' ba skye
296b3 ba 'di ni dad pa can gyi mchog tu dga' ba'i dngos po yin no/ /bcom ldan 'das de bdag gi bde ba'i chos mang po sgrub pa'o zhes mchog tu dga' ba skye ba 'di ni dad pa can
296b4 gyi mchog tu dga' ba'i dngos po yin no/ /bcom ldan 'das de bdag gi sdig pa mi dge ba'i chos rnam pa du ma sel ba'o zhes mchog tu dga' ba skye ba 'di ni dad pa can gyi
296b5 mchog tu dga' ba'i dngos po yin no/ /bcom ldan 'das de bdag gi dge ba'i chos rnam pa du ma sgrub pa'o zhes mchog tu dga' ba skye ba 'di ni dad pa can gyi mchog tu dga'
296b6 ba'i dngos po yin no/ /tshe dang ldan pa dag/ 'phags pa nyan thos chos bzhi la brten na chos lnga bsgom pa yongs su rdzogs par 'gyur te/ 'dun pa dang / brtson 'grus
296b7 dang | dben pa dang / phyir mi bzlog pa'o/ /chos lnga po gang dag bsgom pa yongs su rdzogs par 'gyur zhe na/ mchog tu dga' ba dang / dga' ba dang / shin tu sbyangs pa
297a1 dang / bde ba dang / ting nge 'dzin to/ /tshe dang ldan pa dag/ de chos lnga po de dag kun tu bsags shing nye bar bsags na zug rngu brgyad med par
297a2 'gyur te/ 'di lta ste/ 'dod chags kyi zug rngu dang / zhe sdang gi zug rngu dang / gti mug gi zug rngu dang / nga rgyal gyi zug rngu dang / spyod pa'i zug rngu dang / lta ba'i zug rngu dang /
297a3 the tshom dang som nyi'i zug rngu'o/ /zug rngu'i brgyad po de dag med par gyur na mi slob pa'i chos bcu thob par 'gyur te/ mi slob pa'i yang dag pa'i lta ba dang / yang dag pa'i
297a4 rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag
297a5 pa'i ting nge 'dzin dang / yang dag pa'i rnam par grol ba dang / yang dag pa'i ye shes so/ /mi slob pa'i chos bcu po de dag skyes shing thob ste ldan na 'phags pa yan
297a6 lag lnga spangs pa/ yan lag drug dang ldan pa/ bsrung ba gcig pa/ rton pa bzhi dang ldan pa/ so so'i bden pa bsal ba/ bsal ba spangs pa/ kun tu rtog pa'i
rnyog pa med par brnyed do/

CLOSE WINDOW