བོད་ཡིག |
252a4 /rgya gar skad du/ ta mo pa na mu kha nA ma swAhA/ bod skad du/ mun gyi nags tshal gyi sgo zhes bya ba'i mdo/ sangs rgyas dang / byang chub sems dpa'
252a5 thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi
252a6 kun dga' ra ba na bzhugs te/ de nas de'i tshe ngam grog gsum po zhes bya ba'i ljongs kyi skye bo dag gi nang nas ri khrod kyi grong zhig na/ bram ze la ba can zhes bya ba spun bu
252a7 'dod pa'i phyir bram ze rnga leb la dka' thub byed de/ lha stong phrag brgya la bu slong zhing gsol ba 'debs pa dang la ba can la bu btsas pa ni ming rab mthong zhes btags
252b1 so| |nu bo la btsas pa ni dga' bo zhes btags so/ /gang gi nyin mo rab mthong btsas pa de'i nyin mo bram ze lnga brgya la bu lnga brgya btsas te/ de dag rim bzhin du bu cher skyes pa
252b2 dang | rab mthong la sogs pa lnga brgya lhan cig tu rig pa dag slob pa na/ rab mthong la sogs pa rig pa'i gnas thams cad kyi pha rol tu son cing thams cad rdzogs par yang
252b3 dag par byang bar gyur la/ bsod nams kyi tshogs yang dag pa las byung ba'i spyod pa mtshungs pa med pa stong phrag brgya snyed thob ste/ dbang byed pa gang gi dus su bram ze ma
252b4 Na pa gcig yul dbus nas 'ongs te phyin nas phrad pa dang / de la gsong por smras te gtam dag kyang byas nas nges par gang nas 'ongs pa yin zhes dris pa dang / des smras pa/
252b5 yul dbus nas 'ongs pa yin te/ de'ang grong khyer chen po drug go /de'i nang dag na tshad ma drug la mkhas shing ltas kyi bya ba drug la thogs pa med par brjod nus pa'i ston
252b6 bco brgyad yod de/ de na chu klung yang 'bab bo/ /de ma yin pa bsod nams chen po dang ldan pa/ dge zhing shes pa/ 'jig rten thams cad mkhyen pa/ sangs rgyas bcom ldan
252b7 'das kyang de na'o zhes byas pa dang / rab 'thong gis sgra de thos pa dang / ba spu langs yi g.yos/ rab tu dga' ste der 'gro'o snyam nas/ pha'i gan du song ste phyin nas/
253a1 yab| bdag ni yul dbus su mchi'o/ /de nas mu steg pa dag las rgyal bar bgyi'o/ /mkhas par 'grangs pa dag dang nges par lhan cig smra bar
253a2 bgyi'o zhes gsol pa dang / phas de ltar gnang ngo / /de nas bsod nams chen po sbyin pas dbang phyug chen po dang ldan pa/ sems can thams cad la gtong pa chen po
253a3 can de lha dag gis bsrungs pa zhig pas lha dag nye bar 'ong zhing sngon du 'gro ste/ rab mthong chen po la mchod pa byos shig dang / phan yon mang po dag gi 'bras
253a4 bu chen po 'byung bar 'gyur ro zhes sgra sgrogs shing song ba dang / rim gyis lha dang / mis mchod pa byas shing mnyan yod du phyin to/ /de nas lam gyis dub pa rta bstis te
253a5 bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'khod do/ /de nas bcom ldan 'das kyis de
253a6 dag la chos bstan pa mdzad de/ de'i 'khor lnga brgya po dag lta ba mchog tu 'dzin pa bshig bcom ste/ bden pa mthong ste de nyid du rab tu byung / dge slong gi dngos po
253a7 bzung ste/ nyon mongs pa thams cad bcom nas dgra bcom pa mngon du byas te/ dga' bo ni ma gtogs so/ /skye bo mang po kun gyis kyang chos khong du chud do/ /ston pa chen
253b1 po rab mthong blta ba'i phyir lha la sogs pa dag kyang 'ongs te der phyin pa dang / bcom ldan 'das kyis dge slong rnams la bka' stsal pa/ dge slong dag /dge slong rab mthong
253b2 'di ni nga'i dge slong dang / dge slong dag gi nyan thos dag la ji ltar lha dang / mi mchod pa byed de/ de dag gi nang na lha dang / mis mchod par bya ba'i mchog ni dge slong rab mthong yin
253b3 no| |zhes bcom ldan 'das kyis bka' stsal to/ /de nas dus de nyid du mi mjed kyi bdag po tshangs pa dang / lha rnams kyi dbang po brgya byin dang / 'jig rten skyong ba bzhi dang
253b4 gnod sbyin gyi sde dpon chen po nyi shu rtsa brgyad dang / dri za'i rgyal po dang / grul bum gyi sde dpon chen po la sogs pa rang rang gi gnas nas song ste/ tshe dang ldan pa rab
253b5 mthong chen po ga la ba der song ste phyin nas/ phyogs gcig tu 'khod de mngon du phyogs/ thal mo sbyar te 'di skad ces smras so/ /kye| btsun pa rab mthong chen po/ sngon
253b6 gyi bcom ldan 'das yang dag par rdzogs pa'i sangs rgyas gshegs shing bzhugs pa'i gnas/ rang sangs rgyas kyi bzhugs gnas/ 'dod chags dang bral ba dag gis
253b7 gnas par bya ba drang srong gi gnas su gyur/ de kho na nyid nges par mkhyen nas 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs
254a1 zhes bya ba 'jig rten du byung ste/ de'i tshe dge slong gsal ba zhes bya ba lha dang / mis mchod pa'i mchog tu gyur pa de'i gnas kyang 'di lags te/ yul
254a2 dbus las byang phyogs kyis mtshams kyi ri dung gi lte ba zhes bya ba ni ri de la rtswa rigs dung gi lte ba 'dra ba skye bas dung gi lte ba'i ri zhes bya bar btags par gyur/ ri de dang nye ba
254a3 na nags zhig na klu mo e ni zhes bya ba gnas pas ai ni'i nags zhes bya bar btags par 'gyur/ de na phug cig yod pa dang nye bar shing pa ti li zhes bya ba skye bas pa
254a4 ti'i phug ces btags par gyur pa de nyid du bcom ldan 'das yang dag par rdzogs pa'i sangs rgyas rnam par gzigs zhes bya ba/ 'khor dgra bcom pa brgyad khri
254a5 dang gshegs shing thabs gcig tu bzhugs par gyur/ dge slong gsal ba'ang de nyid na'o/ /de nas bcom ldan 'das 'khor dang bcas pa dag kyang rim pa bzhin du mya
254a6 ngan las 'das/ bstan pa nub nas rang sangs rgyas bdun khri dag mngon par shes pa drug dang ldan pa dag mnyam du byung ste gshegs shing bzhugs par gyur/ rang
254a7 sangs rgyas de dag kyang mya ngan las 'das nas drang srong drug khri mngon par shes pa lnga dang ldan pa dag kyang de nyid du gnas par gyur to/ /btsun pa rab mthong chen po/
254b1 de nas yang bskal pa drug cu rtsa gcig na bcom ldan 'das yang dag par rdzogs pa'i sangs rgyas gtsug tor can zhes bya ba 'jig rten du byung ste/ de'i dge slong rab gsal zhes
254b2 bya ba lha dang / mis mchod pa'i mchog tu gyur pa'ang de nyid na'o/ /mtshams kyi ri de nyid la rtswa'i rigs ro hi tI zhes bya ba skye bas ro hi tI ri zhes bya bar btags par gyur/ klu mo
254b3 gos med ces bya ba gnas pas gos med kyi nags zhes bya bar btags par gyur/ shing shir sha skye bas shing shir sha'i phug ces btags par gyur/ yang dag par rdzogs
254b4 sangs rgyas gtsug tor can 'khor dgra bcom pa bdun khri dang yang der gshegs shing thabs gcig tu bzhugs par gyur/ de dag kyang mya ngan las 'das/ bstan pa
254b5 nub nas rang sangs rgyas drug khri'ang der gshegs shing bzhugs par gyur/ rang sangs rgyas de dag kyang mya ngan las 'das nas drang srong lnga khri'ang mngon par shes pa
254b6 lnga dang ldan pa de 'di nyid na gnas par gyur to/ /btsun pa rab mthong chen po/ de nas yang bskal pa sum cu rtsa gcig na yang dag par rdzogs pa'i sangs rgyas thams
254b7 cad skyob ces bya ba 'jig rten du byung ste/ de'i dge slong chos gsal zhes bya ba lha dang / mis mchod pa'i mchog tu gyur pa'ang de nyid na'o/ /mtshams kyi ri de la rtswa'i rigs
255a1 b+ha sa b+ha zhes bya ba skye bas b+ha sa b+ha'i ri zhes btags par gyur/ klu mo brag ces bya ba gnas pas brag gi nags zhes btags par gyur/ shing a
255a2 shwad tha skye bas a shwad tha'i phug ces btags par gyur/ yang dag par rdzogs pa'i sangs rgyas thams cad skyob 'khor dgra bcom pa drug khri dang de nyid du gshegs shing
255a3 thabs gcig tu bzhugs par gyur/ de dag mya ngan las 'das/ bstan pa nub nas rang sangs rgyas lnga khri'ang gshegs shing bzhugs par gyur/ rang sangs rgyas de dag
255a4 kyang mya ngan las 'das nas drang srong mngon par shes pa lnga dang ldan pa bzhi khri'ang gnas par gyur to/ /'di ni btsun pa rab mthong chen po/ sngon byung ba bskal pa bzang po 'di
255a5 nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas log par dad sel zhes bya ba 'jig rten du byung ste/ de'i dge slong chos ldan zhes bya ba lha dang /
255a6 mis mchod pa'i mchog tu gyur pa'ang de nyid na'o/ /mtshams kyi ri'i rtswa'i rigs kau shi ka zhes bya ba skye bas kau shi ka'i ri zhes btags par gyur/ sprin ces bya ba'i
255a7 klu mo gcig gnas pas sprin gyi nags zhes btags par gyur/ shing u dum wA ra skye bas u dum wA ra'i phug ces btags par gyur/ yang dag par rdzogs pa'i
255b1 sangs rgyas log par dad sel 'khor gyi dgra bcom pa lnga khri dang thabs gcig tu gshegs shing bzhugs par gyur/ de dag kyang mya ngan las 'das nas mngon par shes pa
255b2 lnga dang ldan pa drang srong sum khri'ang de na gnas par gyur to/ /'di ni btsun pa rab mthong chen po/ sngon byung ba bskal pa bzang po 'di nyid la skye dgu'i tshe lo sum khri thub pa na
255b3 yang dag par rdzogs pa'i sangs rgyas gser thub ces bya ba 'jig rten du byung ste/ de'i dge slong chos 'phags zhes bya ba lha dang / mis mchod pa'i mchog tu gyur pa'ang de nyid na'o//
255b4 mtshams kyi ri de la rtswa'i rigs kha dog ljang lo can zhes bya ba skye bas kha dog ljang lo ri zhes btags par gyur/ thig le zhes bya ba'i klu mo gnas pas thig le'i nags zhes
255b5 btags par gyur/ shing ka pi ta skye bas ka pi ta'i phug ces btags par gyur/ yang dag par rdzogs pa'i sangs rgyas gser thub 'khor dgra bcom pa bzhi khri dang gshegs
255b6 shing thabs gcig tu bzhugs par gyur/ de dag kyang mya ngan las 'das/ bstan pa nub nas rang sangs rgyas sum khri'ang gshegs shing bzhugs par gyur/ rang sangs
255b7 rgyas de dag kyang mya ngan las 'das nas mngon par shes pa lnga dang ldan pa drang srong nyi khri'ang de nyid na gnas par gyur to/ /'di ni btsun pa rab mthong chen po/ sngon byung
256a1 ba bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas 'od srung zhes bya ba 'jig rten du byung ste/ de'i dge slong she Do ka zhes bya ba lha dang /
256a2 mis mchod pa'i mchog tu gyur pa'ang de nyid na'o/ /mtshams kyi ri la rtswa'i rigs zla ba zhes bya ba skye bas zla ba'i ri zhes btags
256a3 par gyur/ klu mo rgyal ba zhes bya ba gnas pas rgyal ba'i nags zhes bya bar btags par gyur/ shing dzam+bu zhes bya ba skye bas dzam+bu'i phug ces btags par gyur/
256a4 yang dag par rdzogs pa'i sangs rgyas 'od srung 'khor gyi dgra bcom pa nyi khri dang gshegs shing thabs gcig tu bzhugs par gyur/ de dag kyang mya ngan las 'das /
256a5 bstan pa nub nas rang sangs rgyas khri lnga stong gshegs shing bzhugs par gyur/ rang sangs rgyas de dag kyang mya ngan las 'das nas mngon par shes pa lnga dang ldan pa drang
256a6 srong khri gnas par gyur to/ /'di ni btsun pa rab mthong chen po/ bskal pa bzang po 'di nyid la skye dgu'i tshe lo brgya thub pa na yang dag par rdzogs pa'i sangs rgyas shAkya
256a7 thub pa 'jig rten du byung ste/ 'phags pa rab mthong chen po khyod lha dang / mis mchod pa'i mchog tu gyur pa'ang 'di nyid na'o/ /mtshams kyi ri la rtswa'i rigs u shi
256b1 sha skye bas u shi'i ri zhes btags par gyur/ klu mo ta ma zhes bya ba gnas pas ta ma'i nags tshal zhes btags par gyur/ shing a mra skye bas a mra'i phug ces da ltar
256b2 btags pa yin te/ btsun pa rab mthong chen po/ u shi sha'i ri brag 'di nyid du thugs brtse bar dgongs te bzhugs pa ni legs so/ /de nas yang tshangs pa dang / lha'i
256b3 dbang po brgya byin dang / 'jig rten skyong ba dag gis gnas brtan chen po'i rkang pa la phyag btsal te thal mo sbyar ba byas nas rab tu gus pas 'di skad ces smras so/ /thugs
256b4 brtse ba can/ nags 'di ni gshegs shing bzhugs pa'i gnas yin te/ bdag cag kyang nye gnas bgyid la gzhan dag kyang gzung du gsol/ de ni snyan par grags shing
256b5 legs te chu ni gzigs par dbyung bar 'tshal lo zhes gsol ba btab bo/ /gzhan yang / gnod sbyin gyi sde dpon brgyad po 'di dag ste/ sing+ga la zhes bya ba dang / chos skyong
256b6 zhes bya ba dang / don grub ces bya ba dang / gzhan las rgyal zhes bya ba dang / glang rna zhes bya ba dang / dbyig rna ba zhes bya ba dang / chos ldan zhes bya dang / chos 'phags zhes
256b7 bya bas kyang gnas brtan chen po'i rkang pa la phyag btsal te thal mo sbyar nas rab tu gus pas 'di skad ces smras so/ /thugs brtse ba can/ nags de ni gshegs shing bzhugs
257a1 pa'i gnas yin te/ bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs
257a2 par dbyung bar 'tshal lo zhes gsol ba btab bo/ /gzhan yang / gnod sbyin ma chen mo brgyad 'di dag ste/ a shi Di zhes bya ba dang / bu mang she zhes bya ba dang / 'phyang
257a3 ma zhes bya ba dang / rab tu 'phyang ma dang / drag mo zhes bya ba dang / gtum mo zhes bya ba dang / mdung thung 'dzin ces bya ba dang / bar snang ma zhes bya bas kyang gnas brtan
257a4 chen po'i rkang pa la phyag btsal te thal mo sbyar ba byas nas rab tu gus pas 'di skad ces smras so/ /thugs brtse ba can/ nags de ni gshegs shing bzhugs pa'i
257a5 gnas yin te bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba
257a6 btab bo/ /de bzhin du/ gzhan yang / klu chen po brgyad po 'di dag ste/ ser skya zhes bya ba dang / dri ma zhes bya ba dang / chu ldan zhes bya ba dang / drag shul zhes bya ba dang /
257a7 lha'i bang rim zhes bya ba dang / bum pa'i bang rim zhes bya ba dang / nye ba'i klu zhes bya ba dang / o Da su ta zhes bya bas kyang gnas brtan chen po'i rkang pa la phyag btsal te/
257b1 thal mo sbyar ba byas nas rab tu gus pas 'di skad ces smras so/ /thugs brtse ba can/ nags de ni gshegs shing bzhugs pa'i gnas yin te/ bdag cag kyang nye gnas bgyid
257b2 la gzhan dag kyang gzung du gsol/ de ni snyan par grags shing legs te/ chu ni gzigs par dbyung bar 'tshal lo zhes gsol ba btab bo/ /gzhan yang / klu mo brgyad po 'di
257b3 dag ste/ mun zhes bya ba dang / 'gro 'dod ces bya ba dang / mthong mo zhes bya ba dang / grang mo zhes bya ba dang / khur drang mo zhes bya ba dang / lab 'thor ma zhes bya ba dang / sna tshogs
257b4 sde zhes bya ba dang / dri za mo zhes bya ba dag gis kyang gnas brtan chen po'i rkang pa la phyag btsal te/ thal mo sbyar ba byas nas rab tu gus pas 'di skad ces smras so/ /thugs
257b5 brtse ba can/ nags de ni gshegs shing bzhugs pa'i gnas yin te/ bdag cag kyang nye gnas bgyid la gzhan dag kyang gzung du gsol/ /de ni snyan par grags shing
257b6 legs te chu ni gzigs par dbyung bar 'tshal lo zhes gsol ba btab pa dang / tshe dang ldan pa rab mthong chen pos cang mi smra bar dang du blangs so/ /lha dang / lha ma yin
257b7 dang | nam mkha' lding dang / mi'am ci dang / dri za dang / lto 'phye chen po la sogs pa de dag gis tshe dang ldan pa rab mthong chen pos cang mi smra ba dang du blangs par rig
258a1 nas dga' mgu yi rangs par gyur to/ /de nas tshe dang ldan pa rab mthong chen pos ston pa'i zhal du lta ba mthong nas ta ma sa'i nags su song
258a2 ste| phyin nas bla gab med par 'greng ste gaN+Di brdungs te/ gaN+Di'i sgra des dzam+bu'i gling khyab par sgra grags par gyur pa na dge slong dag gis sgra thos te sems pa la zhugs
258a3 pa dang / sgra 'di ni mun gyi nags nas byung ngo snyam mo/ /de'ang sngon gyi yang dag par rdzogs pa'i sangs rgyas dag gi bzhugs gnas/ rang sangs rgyas rnams kyis gnas
258a4 bcas pa/ 'dod chags dang bral ba dag dang drang srong dag gis gnas su gyur pa yin la da ltar yang de kho na btsun pa rab mthong chen po yin par go zhing shes nas mthong ste/ dag
258a5 bcom pa khri brgyad stong snyed kyis mun gyi nags su phyin te dbyar gyi gnas pa'ang bcas/ tshangs pa lha'i dbang po dang / 'jig rten skyong ba de dag gis de bzhin gshegs pa'i
258a6 dbu skra dang / sen mo khyer te 'ongs nas dbu skra dang / sen mo'i mchod rten zhig bzhengs su gsol/ gtsug lag khang zhig kyang brtsigs/ rdo rje'i gtsug lag khang du mtshan
258a7 gsol/ mi mjed bdag po tshangs pa dang / 'jig rten skyong ba bzhis kyang so so nas gtsug lag khang re re bzhengs su gsol/ lo dang po la lha rnams kyis gnas bcas/
258b1 lha'i dbang po brgya byin gyis rang gi la gnas lo gcig gi chos gos la sogs pa yo byad kyi rin sbyar/ lha'i bu mo bde sogs kyis dge slong re re zhing ras yug re re chos gos kyi
258b2 rgyu'ang phul/ de nas tshe dang ldan pa rab mthong chen po gnas khang du lha'i 'khor gyis bskor te gnas bcas pa na 'di skad ces smras so/ /gnas bcas pa 'di yun ring gnas
258b3 bcas par 'gyur ba'i phyir lha dang / mi'i grong khyer gnas bca' ba'i phyir rgyal rigs rtsub po zhes bya ba la sogs pa'i mi rnams la chos bstan pas yid rab tu dga' zhing / dad
258b4 par gyur te/ rgyal po chen po rtsub pos dkon mchog gsum la skyabs su 'gro ba byas/ gzhan dag kyang dad par gyur te/ phug lnga brgya'i las kyang byas/ drang srong mngon par
258b5 shes pa lnga dang ldan pa lnga brgya'ang rab tu byung ste/ dgra bcom pa mngon du byas/ gnas de na bram ze smra ba la mkhas pa zhig yod pa de las rgyal bar gyur/ btul nas rab tu byung
258b6 ste| des kyang dgra bcom pa mngon du byas te ta ma sa'i nags na tshe dang ldan pa rab mthong chen po la sogs pa dgra bcom pa khri brgyad snyed gnas bcas so zhes/ rgyal po'i pho
258b7 brang 'khor dang / grong khyer dang / grong khyer kun tu grags par gyur/ rgyal po rtsub po la sogs pa mi rnams ni 'phags pa'i dge 'dun gyi slad du nyin re bzhin du dar ba 'bul/ mi
259a1 ma yin pa dag ni de bzhin du zhun mar 'bul bar byed/ gzhan yang / dga' ba dang / dang bas mgu zhing rangs pas legs par las dang / bya ba'ang
259a2 byed do/ /de bzhin du klu dag gis dga' ba dang / mgu bas tha dad pa'i bye brag bco brgyad kyi bza' ba dang / bca' ba sbyar ba phul lo/ /gzhan yang / 'di ltar skye dgu'i lus
259a3 can sems bskyed pa/ 'di lta ste/ blon po dang / rgyal rigs spyir 'dus te/ kun dga' ra ba zhig kyang byas te/ de dag tu me tog gi shing dang / 'bras bu'i shing mdzes pa 'di
259a4 dag ste/ a mra'i shing dang / pa ti'i shing dang / seng ldeng gi shing dang / n+ya gro d+ha'i shing dang / a shwad tha'i shing dang / 'bras bu gsum gyi shing dang / me tog tsam pa ka'i
259a5 shing dang / u du ka'i shing dang / ma du ka'i shing dang / bil ba'i shing dang / 'bra ho'i shing dang / dzam+bu'i shing dang / du na'i shing dang / chu shing la sogs pa dang / me
259a6 tog ma li ka dang / kun d+ha dang / dza hi ka la sogs pa mdzes pa sna tshogs dge slong bde bar gnas pa dge ba'i phyogs byed pa dang mthun pa zhig kyang byas te dge 'dun la phul lo/ /
259a7 de nas dge slong dag the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ tshe dang ldan pa rab mthong gis las ci bgyid na las gang
259b1 yang rnam par smin pa phyug cing nor mang la longs spyod dang ldan pa'i rigs su skyes/ gzugs mdzes shing lha dang / mis mchod pa'i mchog tu gyur/ bsod nams chen po dang
259b2 ldan pa shes par 'chal lags so zhes zhus pa dang / bcom ldan 'das kyis bka' stsal pa/ dge slong dag /'das pa'i bskal pa dgu bcu rtsa gcig na yang dag par rdzogs
259b3 pa'i sangs rgyas rnam par gzigs zhes bya ba/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha
259b4 dang mi rnams kyi ston pa/ sangs rgyas bcom ldan 'das 'jig rten du byung ste/ rgyal po gnyen ldan gyi khab na bzhugs te/ dus de'i tshe zhal zhal mkhan gyi rigs las phyug
259b5 pa ga ge mo zhes bya ba zhig gis rnam par gzigs kyi slad du gtsug lag khang brtsigs te/ me tog dang / 'bras bu'i shing legs par btsugs te/ kun tu dri bsung gi ngad dang ldan
259b6 pa 'byung bar gyur te phul/ ston pa de nyid kyi bstan pa la'ang rab tu byung / yang dag par rdzogs pa'i sangs rgyas rnam par gzigs mya ngan las 'das nas sku gdung gi mchod
259b7 rten gyi rmang gi 'og tu rin po che'i rdo ring ba cig bsgreng ngo / /zhal zhal mkhan gyi rigs las rab tu byung ba de'i 'khor mang po'ang rjes su yi rang zhing mos par gyur te/ khyed
260a1 ston pa la mos par gyur pa de bzhin bdag cag kyang dad cing mos par bgyid de/ ston pa'i bka' bzhin du bgyid cing mnyes par bgyid la mi mnyes par ma
260a2 gyur cig ces smon lam btab bo/ /dge slong dag /ji snyam du sems/ de'i tshe de'i dus na zhal zhal mkhan gang yin pa de ni tshe dang ldan pa rab mthong chen po nyid yin la/ skye dgu'i lus
260a3 can de dag ni da ltar gyi lha dang mi 'di dag yin te/ da ltar yang 'dul bar byed pa yin no/ /gzhan yang / bcom ldan 'das 'od srung gi bstan pa la rab tu byung ste/ de'i mkhan
260a4 po ni lha dang / mis mchod pa'i mchog tu gyur pa yin te/ ji ltar bdag gi mkhan po lha dang / mis mchod pa'i mchog tu gyur pa de bzhin du bdag kyang yang dag par rdzogs
260a5 pa'i sangs rgyas shAkya thub pa'i bstan pa la lha dang / mis mchod pa'i mchog tu gyur cig ces smon lam btab bo/ /des na da ltar lha dang / mis mchod pa'i mchog tu gyur pa
260a6 yin no/ /de lta bas na dge slong dag gcig tu gnag pa'i las ni rnam par smin pa'ang gcig tu gnag go /rab tu dkar ba las ni dkar ba'o/ /'dres pa la ni 'dres
260a7 pa'o| |de bas na/ dge slong dag/ rab tu gnag pa dang / 'dres ma dag ni spongs shig/ rab tu dkar ba dag la spyad par bya ste/ dge slong dag /de bzhin du bslab par gyis
260b1 shig |bcom ldan 'das kyis de skad ces bka' stsal pa dang / dge slong de dag bcom ldan 'das kyis bshad pa yid la byed de mngon par dga'o/ /mun gyi nags tshal gyi sgo
zhes bya ba'i mdo rdzogs so/
CLOSE WINDOW