CLOSE WINDOW

H314
བོད་ཡིག

rgya gar skad du/ da sha saM dz+nya de sha sU tra/ bod skad du/ 'du shes bcu bstan pa'i mdo/ dkon mchog gsum la phyag 'tshal lo/ /'di skad bdag gis thos pa'i dus gcig na/ bcom ldan 'das ku sha'i grong khyer gyad kyi nye 'khor shing sla la zung gi tshal na bzhugs te/ yongs su mya ngan las 'da' bar dgongs pa'i dus kyi tshe/ bcom ldan 'das kyis 'khor bzhi po rnams la bka' stsal pa/ dge slong dag 'chi ka'i dus kyi tshe 'du shes bcu mngon du bsgom par bya'o/ /bcu gang zhe na/ tshe 'di'i spyod yul la ma chags pa'i 'du shes dang / sems can thams cad la snying rje dang / byams pa'i 'du shes dang / 'khon du 'dzin pa thams cad yongs su 'dor zhing spong ba'i 'du shes dang / tshul khrims 'chal cing nyams pa thams cad bshags shing / tshul khrims thams cad yang dag par blang ba'i 'du shes dang / bdag dang / gzhan gyis nyes pa chen po byas pa dag la yang ba'i 'du shes dang / bdag dang gzhan gyis dge ba'i rtsa ba chung du byas pa dag la 'bras bu dang / phan yon che ba'i 'du shes dang / 'jig rten pha rol tu phyin pa dag la mi skrag cing 'jigs pa med pa'i 'du shes dang / 'du byed thams cad la mi rtag pa'i 'du shes dang / chos thams cad la bdag med pa'i 'du shes dang / mya ngan las 'das pa ni bde ba dang / zhi ba'o snyam du 'du shes pa mngon par bsgrub par bya'o/ /bcom ldan 'das kyis de skad ces bka' stsal pa dang / dge slong dag yi rangs te/ bcom ldan 'das kyis gsungs pa la mngon par bstod do/

CLOSE WINDOW