བོད་ཡིག |
202b3 /mchog tu gdags pa'i mdo rdzogs so// //rgya gar skad du/ bi muk+ta mArga d+hu ta gu Na ni rde sha nA ma/ bod skad du/ rnam par grol ba'i lam
202b4 las sbyangs pa'i yon tan bstan pa zhes bya ba/ 'jam dpal gzhon nur gyur pa la phyag 'tshal lo/ /de nas de ltar tshul khrims rnam par dag pa'i rnal 'byor pa spyod pa sgrub par 'dod pa/
202b5 yon tan don du gnyer bas sbyangs pa'i yon tan yang dag par blangs te 'jug par bya'o/ /rnal 'byor spyod pa sbyangs pa'i yon tan yang dag par blangs pa ni rnam grangs du mas 'dod pa chung ba nyid dang /
202b6 chog shes pa nyid dang / yo byad bsnyungs pa rgyas pa dang / brtson 'grus rtsom pa dang / dgang sla ba nyid dang / rig par gnas pa nyid dang / yongs su zhan pa rab tu gcod par 'gyur zhing / 'di ni tshul khrims
202b7 phags par bsrungs pa dang / ting nge 'dzin gyi tshogs dang / 'phags pa'i rigs snang bar 'gyur la/ yon tan gyi mchog dag la'ang snang bar 'gyur ro/ /de la sbyangs pa'i yon tan bcu gsum la gos dang ldan pa gnyis
203a1 te| phyag dar khrod pa nyid dang / chos gos gsum pa nyid do/ /zas dang ldan pa lnga ste/ bsod snyoms pa nyid dang / mthar chags su rgyu ba nyid dang / stan
203a2 gcig pa nyid dam/ zas chog pa nyid dang / zas phyis mi len pa nyid do/ /gnas mal dang ldan pa la lnga ste/ dgon pa pa nyid dang / shing drung pa nyid dang / bla gab med pa nyid
203a3 dang / dur khrod pa nyid dang / gzhi ji bzhin pa nyid do/ /brtson 'grus dang ldan pa gcig ste/ tsog pu pa nyid do/ /de la phyag dar khrod pa'i yan lag gi ngo bo nyid ni phyag dar khrod
203a4 pa nyid do/ /lhag ma rnams kyi tshig gi don yang de bzhin du brjod par bya'o/ /de la phyag dar khrod pa nyid ni khyim bdag gi gos spong ba yin no/ /chos gos gsum pa nyid ni gos
203a5 bzhi pa spong ba yin no/ /bsod snyoms pa nyid ni mgron du 'gro ba spong ba yin no/ /mthar chags su rgyu ba nyid ni brnyogs par rgyu ba spong ba yin no/ /stan gcig pa nyid ni lan
203a6 gnyis su 'dug pa spong ba yin no/ /zas chog pa pa nyid ni zas mang po spong ba yin no/ /zas phyis mi len pa nyid ni zas lhag par len pa spong ba yin no/ /dgon pa pa nyid ni grong
203a7 mthar gnas pa spong ba yin no/ /shing drung pa nyid ni g.yogs par gnas pa spong ba yin no/ /bla ga ba med pa nyid ni g.yogs pa dang / shing drung du gnas pa spong ba yin no//
203b1 dur khrod pa nyid ni gzhan du gnas pa spong ba yin no/ /gzhi ji bzhin pa nyid ni brkam chags kyi gnas mal spong ba yin no/ /tsog bu pa nyid ni nyal ba spong ba yin no/ /de la phyag dar
203b2 khrod pa nyid ji ltar yang dag par len zhe na/ khyim bdag gi gos tshol ba nyid dang / yongs su 'dzin pa dang / gzhan la gsol ba byed pa'i nyes dmigs kyang mthong / phyag dar khrod
203b3 pa nyid kyi yon tan yang mthong nas gos na ra ma la gnas pa/ 'di skad du/ deng slan chad khyim bdag gi gos spong ste/ phyag dar khrod pa nyid ni yang dag par len to zhes yang dag par
203b4 len to/ /de la phyag dar khrod pa nyid kyi yon tan ni 'di dag yin te/ gnas dam bcas pa nyid dang mthun pa nyid dang / gzhan la rag ma las pa nyid dang / ma rung na mi byed pa
203b5 nyid dang / yongs su spyod pa na lhag par ma chags pa nyid dang / brkam chags med pa nyid dang / chom rkun gyis mi 'phrogs pa nyid dang / dus ma lags pa nyid dang / 'bags pa
203b6 chung ba nyid dang / yo byad bsnyungs pa'i tshul can dang / skyes bu dam pa'i spyod pa nyid dang / dang par byed pa'i yon tan dang ldan pa nyid dang / skyes bu phyi mas mthong nas rjes su
203b7 'jug pa nyid dang / yang dag pa'i sgrub pa snang ba nyid dang / rgyal bas bsngags pa ste/ de lta bu la sogs pa ni phyag dar khrod pa nyid kyi yon tan dag yin no/ /phyag dar khrod pa ni rnam
204a1 pa du zhig /phyag dar khrod pa ni gang zhig yin/ gang gis ni phyag dar khrod pa nyid 'jig ce na/ phyag dar khrod pa ni rnam pa gnyis te/ bdag po med pa dang
204a2 rang bzhin gyis mi rnams kyis smad par grags pa'o/ /de la phyag dar khrod dam/ phyag dar gyi phung po'am/ tshong 'dus sam/ lam po che nas dam dum dag btus nas snam
204a3 sbyar byas te 'chang ba 'di ni bdag po med pa'i phyag dar khrod pa yin no/ /kha tshar bcad pa dang / phun tshur bcad pa dang / ba lang gis zos pa dang / byi bas zos pa dang / mes tshig
204a4 pa dang / ya stags dang / ro bag gis gos dang / mu stegs can gyi mtshan ma 'di dag ni rang bzhin gyis mi rnams kyis smad par grags pa'i phyag dar khrod pa yin no/ /phyag
204a5 dar khrod pa ni khyim bdag gi gos spong ba yin no/ /khyim bdag gi gos blangs pas ni phyag dar khrod pa nyid 'jig go /chos gos gsum pa nyid ji ltar yang dag par len zhe na/
204a6 chos gos lhag pa tshol ba dang / sbed pa dang rung bar bya ba dang / 'phags pa'i nyes dmigs kyang mthong / chos gos gsum pa nyid kyi yon tan yang mthong nas/ 'di skad
204a7 du| deng slan chad gos bzhi pa spong ste/ chos gos gsum pa nyid yang dag par len to zhes yang dag par len to/ /de la chos gos gsum pa nyid kyi yon tan ni 'di dag
204b1 yin te/ 'gor yang ba'i tshul can nyid dang / gsog 'jog yongs su spangs pa nyid dang / khur chung ba nyid dang / lus 'tsho ba tsam gyis chog shes pa nyid dang / bya bzhin du gang
204b2 dga' bar 'gro ba nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni chos gos gsum pa nyid kyi yon tan dag yin no/ /
204b3 chos gos gsum pa nyid ni ci zhig yin/ chos gos gsum pa nyid ni gang zhig /gang gis ni chos gos gsum pa nyid 'jig ce na/ snam sbyar dang / bla gos dang / mthang
204b4 gos te/ 'di dag ni chos gos gsum pa dag yin no/ /chos gos gsum pa ni gos bzhi pa spong ba yin no/ /gos bzhi pa 'chang bas ni chos gos gsum pa nyid 'jig go /bsod
204b5 snyoms pa nyid ji ltar yang dag par len ce na/ mgron du song nas rang gi las nyams pa dang / gzhan gyi dbang du gyur pa dang / mi mthun pa dang phrad pa dang / 'dug na nyam nga ba'i
204b6 nyes dmigs kyang mthong / bsod snyoms pa nyid kyi yon tan dag kyang mthong nas/ 'di skad du/ deng slan chad mgron du 'gro ba spong ste/ bsod snyoms pa nyid yang dag par len
204b7 to| |zhes yang dag par len to/ /de la bsod snyoms pa nyid kyi yon tan ni 'di dag yin te/ gnas dam bcas pa dang mthun pa nyid dang / rang dbang yod pa nyid dang / gzhan mi
205a1 gso ba nyid dang / le lo med pa nyid dang / nga rgyal bcom pa nyid dang / sems can la phan 'dogs pas zhugs pa nyid dang / ro'i srid pa las ldog
205a2 pa nyid dang / phyogs rnams su thogs pa med pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni bsod snyoms pa
205a3 nyid kyi yon tan dag yin no/ /mgron yan lag du pa yin/ bsod snyoms pa gang yin/ gang gis ni bsod snyoms pa nyid 'jig ce na/ mgron ni yan lag gsum pa ste/
205a4 zas rnams lta gang yang rung ba zhig la de ring ngam/ sang ngam/ nam dga' ba na mgron du bos pa ni mgron yin no/ /bsod snyoms pa ni mgron du 'gro ba spong ba yin no/ /mgron
205a5 khas len pas ni bsod snyoms pa nyid 'jig go /mthar chags su rgyu ba nyid ji ltar yang dag par len ce na/ nar mar ster ba la gang dang / gang du mang po dang / gya nom pa nar
205a6 ma rnyed pa de dang / de kho nar 'gro na zan nar ma dang 'dra bas yo byad bsnyungs pa ma yin pa'i nyes dmigs kyang mthong / mthar chags su rgyu ba nyid kyi yon tan dag kyang mthong
205a7 nas| 'di skad du/ deng slan chad du nar mar ster ba spong ste/ mthar chags su rgyu ba nyid yang dag par len to zhes yang dag par len to/ /de la mthar chags su rgyu ba'i yon
205b1 tan ni 'di dag yin te/ sems snyoms pa nyid dang / sems can la snying brtse ba nyid dang / khyim la ser sna spong ba nyid dang / khyim du 'gro ba'i nyes dmigs med pa nyid dang / 'bod
205b2 pa la mngon par mi dga' ba nyid dang / zas bzang po mi 'dam pa nyid dang / mi'i 'dzin par las yongs su grol ba dang / lhan cig spyod pa rnam par spong ba nyid dang / yo byad bsnyungs
205b3 pa'i tshul can te/ de lta bu la sogs pa ni mthar chags su rgyu ba nyid kyi yon tan dag yin no/ /mthar chags su rgyu ba ni gang zhig yin/ brnyogs par rgyu ba gang gis spong /gang gis
205b4 ni mthar chags su gyur pa nyid 'jig ce na/ mthar gyis rgyu ba ni bsod snyoms spyod pa na khyim dang po nas bzung ste khyim mthar chags su rgyu ba yin no/ /mthar chags su rgyu ba ni brnyogs
205b5 par rgyu ba spong ba yin no/ /brnyogs par rgyu bas ni mthar chags su rgyu ba nyid 'jig go /stan gcig pa nyid ji ltar yang dag par len ce na/ lan gnyis su 'dug ste za na yang dang / yang
205b6 du 'dug nas byin len bya ba dang / yongs su longs spyod pa'i bza' bas yo byad bsnyungs pa ma yin pa'i nyes dmigs kyang mthong / stan gcig pa nyid kyi yon tan dag kyang mthong
205b7 nas| 'di skad du/ deng slan chad du lan gnyis su 'dug ste za ba spong ste/ stan gcig pa nyid yang dag par len to zhes yang dag par len to/ /de la stan gcig pa nyid kyi yon tan
206a1 'di dag yin te/ zos pa 'ju ba nyid dang / brkam chags pa med pa nyid dang / zas lhag par mi za ba nyid dang / 'dod pa chung ba nyid dang / zo mdog bde ba nyid
206a2 dang / rang gi las mi nyams pa nyid dang / reg par gnas pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni stan
206a3 gcig pa nyid kyi yon tan dag yin no/ /stan gcig pa ni du zhig yin/ stan gcig pa ni gang zhig yin/ zas kyi mtha' ni gang yin/ gang gis ni stan gcig pa nyid 'jig ce
206a4 na| stan gcig ni gsum ste/ stan gyi mtha' pa dang / chu'i mtha' pa dang / zas kyi mtha' pa'o/ /de la stan gyi mtha' pa zhes bya ba ni zos nas stan las langs te yang mi za
206a5 ba yin no/ /chu'i mtha' pa zhes bya ba ni zos nas stan la 'dug kyang lhung bzed du chu blangs nas yang mi za ba yin no/ /zas kyi mtha' pa zhes bya ba ni za ba na kham gyi tha ma mid
206a6 nas yang mi za ba yin no/ /stan gcig pa la ni lan gnyis su 'dug ste za ba spong ba yin no/ /zas kyi mtha' ni chu dang / sman ma gtogs pa mid par bya ba gang cung zad ci'ang rung
206a7 ba yin no/ /lan gnyis su 'dug ste za bas ni stan gcig pa nyid 'jig go /zas chog pa pa ji ltar yang dag par len ce na/ zas mang du zos na lus lci bar byed pa dang /
206b1 phul skye ba dang / 'dod chen che ba nyid dang / yo byad bsnyungs pa ma yin pa'i nyes dmigs kyang mthong / zas chog pa pa nyid kyi yon tan dag kyang mthong nas/ 'di skad du/ deng slan chad
206b2 zas mang po spong ste/ zas chog pa pa nyid yang dag par len to zhes yang dag par len to/ /de la zas chog pa nyid kyi yon tan ni 'di dag yin te/ phul mi skye ba nyid dang / zas kyi
206b3 tshod zin pa nyid dang / zas mang du za ba'i gnad shes pa nyid dang / lus kyi gnas ngan len bslabs pa dang / de la chags pa spong ba dang / gnod pa chung ba shes pa dang / kun nas ldang
206b4 ba yang dag par spong ba dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni zas chog pa pa'i yon tan dag yin no/ /zas kyi tshad ni ji
206b5 ltar 'dzin/ zas kyi chog pa pa ni gang yin/ gang gis ni zas chog pa pa 'di nyid 'jig ce na/ 'bras bre'u chung gang gis 'bras chen lhung bzed du blangs nas chog pa'i mtshan ma la
206b6 nyes bar rtog cing / de'i 'og tu mi blangs pa'i mtshan ma la mkhas pa yin te/ goms pa na lto'i tshad kyang shes par 'gyur ro/ /zas chog pa pa ni zas mang po spong ba yin no/ /zas tshad
206b7 las lhag pas ni zas chog pa pa nyid 'jig go /zas phyis mi len pa nyid ji ltar yang dag par len ce na/ zas lhag par zos na phul skye ba dang / gzhan la rag las pa nyid dang /
207a1 yo byad bsnyungs pa ma yin pa'i nyes dmigs kyang mthong / zas phyis mi len pa nyid kyi yon tan dag kyang mthong nas/ 'di skad du/ deng slan chad zas
207a2 lhag pa spong ste/ zas phyis mi len pa nyid yang dag par len to zhes yang dag par len to/ /de la zas phyis mi len pa nyid kyi yon tan ni 'di dag yin te/ re ba rab tu chad pa dang /
207a3 dgang sla ba dang / gzhan la rag ma las pa nyid dang / gsog 'jog yongs su spong ba dang / yang mi tshol ba nyid dang / brkam chags med pa nyid dang / phul mi skye ba nyid dang / skyes
207a4 bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni zas phyis mi len pa'i yon tan dag yin no/ /zas phyis mi len pa ni du zhig /zas phyis
207a5 mi len pa ni gang zhig yin/ gang gis ni zas phyis mi len pa nyid 'jig ce na/ zas phyis mi blang ba ni gnyis te/ lhag pa'i mtha' pa nyid dang / bzung ba'i mtha' pa'o/ /de la
207a6 lhag pa'i mtha' pa zhes bya ba ni zos te spangs nas yang mi za ba'o/ /bzung ba'i mtha' pa zhes bya ba ni bdag nyid kyi rang bzhin gyi skal ba gcig /blangs nas yang mi len pa'o/ /
207a7 zas phyis mi len pa ni zas lhag par spong ba yin no/ /zas lhag pa za bas ni zas phyis mi len pa nyid 'jig go /dgon pa pa nyid ji ltar yang dag par len ce na/ grong mthar
207b1 gnas na mi 'dod pa'i yul gyis 'khrug pa dang / chags pa skye ba dang / 'dzings par gnas pa nyid kyi nyes dmigs kyang mthong / dgon pa pa nyid kyi yon tan dag kyang mthong nas/ 'di
207b2 skad du/ deng slan chad grong mthar gnas pa spong ste/ dgon par gnas pa nyid yang dag par len to zhes yang dag par len to/ /de la dgon pa pa nyid kyi yon tan ni 'di dag yin te/
207b3 mi 'dod pa'i yul yongs su spong ba nyid dang / gtam gyi gzhi bcu yang dag par ston pa dang / shin tu mdzes pa nyid dang / lhas bskul ba nyid dang / 'du 'dzi la dga' ba don du mi
207b4 gnyer ba nyid dang / dben pa'i bde ba ci 'dod pa thob pa nyid dang / sgra chung bas rnal 'byor dang mthun pa nyid dang / skyes bu dam pa'i spyod pa nyid dang / yo byad bsnyungs pa'i tshul can
207b5 te| de lta bu la sogs pa ni dgon pa pa nyid kyi yon tan dag yin no/ /dgon pa pa'i gnas mal gyi mtha' ni gang yin/ dgon pa pa ni gang yin/ gang gis ni dgon pa pa nyid 'jig
207b6 ce na/ grong dang / grong gi nye 'khor dang / kun dga'i ra ba dang / kun dga'i ra ba'i nye 'khor ma gtogs pa mi 'bring gi khru bzhi la gzhu ste/ gzhu de lta bu'i gzhu lnga brgya 'di ni dgon
207b7 pa'i gnas ma la gyi mtha' yin no/ /dgon pha pa ni grong mthar gnas pa spong ba yin no/ /grong mthar gnas pas ni dgon pa nyid 'jig go /shing drung pa nyid ji ltar yang dag par
208a1 len zhe na/ g.yogs par gnas pa yongs su bzung ba dang / bcos legs bya ba dang / gzhan la gsol bar bya ba dang / longs spyod kyi nyes dmigs
208a2 dag kyang mthong / shing drung pa nyid kyi yon tan dag kyang mthong nas/ 'di skad du/ deng slan chad g.yogs par gnas pa spong ste/ shing drung pa nyid yang dag par len to zhes yang
208a3 dag par len to/ /de la shing drung pa nyid kyi yon tan ni 'di dag yin te/ gnas dam bcas pa dang mthun pa nyid dang / yo byad bsnyungs pa nyid dang / las la dga' ba yongs
208a4 su spong ba nyid dang / lhas bskul ba nyid dang / gnas la ser sna spong ba nyid dang / chags pa rab tu gcod pa nyid dang / skyes bu dam pa'i spyod pa nyid dang / yo byad bsnyungs
208a5 pa ste/ de lta bu la sogs pa ni shing drung pa nyid kyi yon tan dag yin no/ /shing drung gi tshad ji tsam zhig yin/ shing ji lta bu ni spang bar bya/ shing drung pa ni gang yin/ gang gis
208a6 ni shing drung pa nyid 'jig ce na/ nyi ma gung gi dus su grib mas ji srid khyab pa dang / rlung med par lo ma dag ji srid du lhags pa de srid ni shing drung gi tshad yin no/ /shing drung
208a7 pas sdong rgan dang / shing khong stong dang / shing nyen can spang bar bya'o/ /shing drung pa ni g.yogs par gnas pa spong ba yin no/ /g.yogs par gnas pas ni shing drung
208b1 pa nyid 'jig go /bla gab med pa nyid ji ltar yang dag par len ce na/ g.yogs pa dang / shing drung gi gnas tshol ba dang / yongs su bzung bas yo byad bsnyungs pa ma yin pa'i nyes
208b2 dmigs kyang mthong nas/ 'di skad du/ deng slan chad g.yogs pa dang / shing drung du gnas pa spong ste/ bla gab med pa nyid yang dag par len to zhes yang dag par len to/ /de la
208b3 bla gab med pa'i yon tan ni 'di dag yin te/ brtson pa mi gtong ba nyid dang / rmugs pa dang / gnyid spang ba dang / ri dwags lta bu nyid dang / phyogs bzhi phyad pa dang / rten pa med
208b4 pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni bla gab med pa nyid kyi yon tan dag yin no/ /bla gab med pa pa ni gang
208b5 zhig yin/ gang gis bla gab med pa nyid 'di 'jig ce na/ bla gab med pa ni g.yogs pa dang / shing drung du gnas pa spong ba yin no/ /g.yogs pa dang / shing drung na gnas pas
208b6 ni| bla gab med pa nyid 'di 'jig go/ /dur khrod pa nyid ji ltar yang dag par len ce na/ gzhan du gnas na sems yid mi 'byung ba nyid dang / bag med pa mang ba nyid kyi nyes
208b7 dmigs kyang mthong / dur khrod pa nyid kyi yon tan dag kyang mthong nas/ 'di skad du/ deng slan chad gzhan du gnas pa spong ste/ dur khrod pa nyid yang dag par len to zhes yang
209a1 dag par len to/ /de la dur khrod pa'i yon tan ni 'di dag yin te/ 'chi ba rjes su dran pa 'thob pa dang / mi sdug pa'i mtshan ma 'thob pa dang / mis
209a2 bla mar bkur ba dang / mi ma yin pas bla mar bkur ba dang / bag yod pa'i rgyu skye ba dang / 'dod pa'i 'dod chags rnam par gnon pa nyid dang / yid 'byung ba mang ba nyid dang /
209a3 'jigs pa dang / skrag pa bzod pa nyid dang / gson pas rgyags pa spong ba nyid dang / lus kyi rang bzhin la yang dang / yang du so sor rtog pa nyid dang / skyes bu dam pa'i spyod
209a4 pa nyid dang / yo byad bsnyungs pa'i tshul can te/ de lta bu la sogs pa ni dur khrod pa nyid kyi yon tan dag yin no/ /dur khrod ji lta bur ni gnas par bya/ dur khrod pa ni gang
209a5 yin| gang gis ni dur khrod pa nyid 'jig ce na/ dang por ni rtag tu sreg pa dang / du ba dang / 'bar ba dang / du ba yod pa de lta bu'i dur khrod du gnas par bya la/ de nas ni
209a6 dur khrod gzhan gang yang rung bar yang gnas par bya'o/ /dur khrod pas dur khrod du spyil pu dang / khang pa mi bya/ rlung yas ldang ba dang / mas ldang bar gnas par mi bya/
209a7 khum 'phrig can du gnas par mi bya/ nya sha dang / sha dang / 'o ma dang / til gyi chur bde dang / mon sran gre'u'i bza' ba bsten par mi bya/ lhung bzed sbyin par mi bya/
209b1 khyim du 'dug par mi bya/ skye bo mang po'i tshogs lhags na khre'u dang / chos gos dang / ril ba blangs te song na sreg pa nas ha cang yang mi ring ba/ rdo rgyang gis sleb tsam gyi nang du dur khrod
209b2 du gnas par bya zhing / skya rengs shar nas khre'u dang / chos gos dang / ril ba blangs nas slar 'gro bar bya ba 'di ni 'di'i spyod pa ma yin no/ /dur khrod pa ni gzhan du gnas pa spangs
209b3 pa yin no/ /gzhan du gnas pa khas len pas ni dur khrod pa nyid 'jig go /gzhi ji bzhin pa nyid ji ltar yang dag par len ce na/ brkam chags kyi gnas mal la phan tshun
209b4 ldang ba pha rol la gnod pa byed pa'i nyes dmigs kyang mthong / gzhi ji bzhin pa nyid kyi yon tan dag kyang mthong nas/ 'di skad ces/ deng slan chad brkam chags kyi gnas mal
209b5 spong ste/ gzhi ji bzhin pa nyid yang dag par len to zhes yang dag par len to/ /de la gzhi ji bzhin pa nyid kyi yon tan ni 'di dag yin te/ nang du yang dag par 'jog la bla mar
209b6 bkur ba dang / ji ltar rnyed pas chog shes pa dang / de la chags pa spong ba dang / byams pa'i sems dang / gcig pu nyid la dga' ba dang / dad par bya ba nyid dang / skyes bu dam
209b7 pa'i spyod pa nyid dang / yo byad bsnyungs pa'i tshul can te/ de lta bu la sogs pa ni gzhi ji bzhin pa nyid kyi yon tan dag yin no/ /gzhi ji bzhin pa ni gang yin/ gang gis ni gzhi ji
210a1 bzhin pa nyid 'di 'jig ce na/ gzhi ji bzhin pa ni brkam chags kyi gnas mal spong ba yin te/ brkam chags kyi gnas mal spong ba zhes bya ba ni snga na
210a2 'dug pa bslang nas gnas mal len par mi byed do/ /brkam chags kyi gnas mal len pas ni gzhi ji bzhin pa nyid 'jig go /ji ltar tsog pu pa nyid yang dag par len ce na/
210a3 nyal na rmugs pa dang / gnyid dang / le lo'i dbang du 'gro ba'i nyes dmigs kyang mthong / tsog pu pa nyid kyi yon tan dag kyang mthong nas/ 'di skad ces/ deng slan chad nyal
210a4 ba spong ste/ tsog pu pa nyid yang dag par len to zhes yang dag par len to/ /de la tsog pu pa nyid kyi yon tan ni 'di dag yin te/ le lo'i gzhi yongs su spong ba dang / lus
210a5 la chags pa dang / ser sna yongs su spong ba dang / 'phres pa'i bde ba la ma chags pa dang / btsal ba nyung ba dang / gnyid chung ba dang / rnal 'byor dang mthun pa dang / lus kyi gnas
210a6 rgya skye ba dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni tsog pu pa nyid kyi yon tan dag yin no/ /tsog pu pa ni gang yin/ gang
210a7 gis ni tsog pu pa nyid 'di 'jig ce na/ tsog pu pa ni nyal ba spong ba yin no/ /nyal ba khas len pas ni tsog pu pa nyid 'jig go /de la phyag dar khrod pa nyid kyi skabs phye ba ni phyag
210b1 dar khrod pa nar mar spyod pa la gal te khyim bdag dag gis chos gos gso ras sam/ ras bal gyi ras sam/ mon dar ram/ la ba dag byin par gyur na skabs phye bas blang bar bya ste/
210b2 phyag dar khrod pa nyid nyams par mi 'gyur ro/ /chos gos gsum pa nyid kyi skabs phye ba ni kha bkang ba'i re ba yod na gos lhag zhag bcur 'chang ba dang / gnas mal srung ba'i phyir
210b3 gding ba dang / steng du gding ba dang / nad kyi rkyen g.yan pa dgab pa dang / gdong phyis kyi gos dang / dbyar gyi ras chen dang / gzhan gyi rung ba bcol ba skabs phye bas blang bar bya
210b4 ste| chos gos gsum pa nyid nyams par mi 'gyur ro/ /bsod snyoms pa nyid kyi skabs phye ba ni bskos pa'i zas dang / tshul shing gi zas dang / zla ba phyed pa'i zas dang / gso sbyong
210b5 ba dang / dge 'dun gyi zas dang / gtsug lag khang gi zas skabs phye bas yongs su longs spyad par bya ste/ bsod snyoms pa nyid 'jig par mi 'gyur ro/ /'on kyang nyes dmigs
210b6 su lta bas ni yongs su longs spyad par bya'o/ /mthar chags su rgyu ba nyid kyi skabs phye ba ni khyim gyi sgo na glang po che dang / rta'am/ khyu mchog gam/ khyi 'am/ 'thab pa'am/ ngo
210b7 tsha bar 'gyur ba de lta bu gzhan mthong nas thod rgal du rgyu ba dang / zas bzar mi rung ba'i khyim mam/ lhung bzed khas spubs pa'am/ slong bar grags pa'i khyim rgal nas rgyu ba
211a1 dang | slob dpon nam/ mkhan po'am/ glo bur ba'am/ lhan cig rgyu na skabs phye bas thod rgal du'ang rgyu bar bya ste/ mthar chags su rgyu ba nyid
211a2 nyams par mi 'gyur ro/ /stan gcig pa nyid kyi skabs phye ba ni zas za ba na glang po che'am/ rta 'am/ khyu mchog gam/ sbrul lam/ thog 'bab pa'am/ mkhan po'am/ slob
211a3 dpon nam/ glo bur ba 'ongs pa mthong nas/ gal te langs par gyur na skabs phye bas yang bza' bar bya ste/ stan gcig pa nyid 'jig par mi 'gyur ro/ /zas chog pa pa
211a4 nyid dang / zas phyis mi len pa nyid la ni skabs phye ba med do/ /dgon pa nyid kyi skabs phye ba ni bsnyen par rdzogs par las kyi ched dam/ ltung ba las bslang ba'i ched
211a5 dam| chos mnyan pa'i ched dam/ gso sbyong bya ba'am/ dgag dbye bya ba'am/ na ba'am/ nad pa'i bya ba'am/ mngon par mi shes pa'i mdo kun chub par bya ba'am/ gzhan
211a6 yang / de lta bu'i rkyen yod na skabs phye bas grong mthar gnas par bya ste/ dgon pa pa nyid 'jig par mi 'gyur ro/ /shing drung pa nyid skabs phye ba ni rkyen de lta bu'am/ khyim du
211a7 zhugs pa las char gyis non na/ de nyid du skya rengs shar yang shing drung pa nyid nyams par mi 'gyur ro/ /dgon pa pa'i skabs phye ba ji snyed pa ni shing drung pa nyid dang / bla gab
211b1 med pa nyid dang / dur khrod pa nyid la'ang blta bar bya'o/ /gzhi ji bzhin pa nyid kyi skabs phye bas ni rkyen de lta bu yod la gzhan gyis gnas mal rnyed na rjes su gnang ngo / /tsog pu pa la
211b2 ni skabs phye ba med do/ /kha cig na re/ sna'i dpyad byed na skabs phye bar bya ste/ tsog pu pa nyid nyams par mi 'gyur ro zhes zer ro/ /sbyangs pa'i yon tan bcu gsum po de dag ni
211b3 mdor bsdus na brgyad kho nar 'gyur te/ chos mngon pa las/ ji skad du sbyangs pa'i yon tan ni brgyad do/ /zhes 'byung ba lta bu'o/ /gal te ji lta bu yin zhe na/ zas chog pa pa nyid
211b4 dang | stan gcig pa nyid ni zas phyis mi len pa nyid kyi nang du 'du bar 'gyur ro/ /de ci'i phyir zhe na/ bzung ba'i mtha' pa ni bdag nyid kyi rang skal gcig len pa yin te/ de lta
211b5 bas na zas chog pa pa nyid kyi nang du 'du bar 'gyur ro/ /yang lan gnyis su mi za ste/ de lta bas na stag gcig pa nyid du 'du bar 'gyur ro/ /shing drung pa nyid dang / bla gab med
211b6 pa nyid dang / dur khrod pa nyid ni dgon pa pa nyid kyi nang du 'du bar 'gyur ro/ /de ci'i phyir zhe na/ dgon pa pa ni dgon pa'i spyil bu dang / yang thog la sogs pa byed na las la dga'
211b7 ba nyid dang / yongs su 'dzin pa dang / chags pa ni bdag gi cha ma yin no snyam nas shing drung ngam/ bla gab med pa'am/ dur khrod du gnas so/ /de lta bas na brgyad kho nar
212a1 'gyur la/ brgyad po de dag kyang dgon pa pa nyid dang / phyag dar khrod pa nyid dang / bsod snyoms pa nyid dang gsum gyis rdzogs par 'gyur ro/ /de ltar
212a2 na sbyangs pa'i sgo gsum rdzogs par byed na/ sbyangs pa'i yon tan thams cad rdzogs par 'gyur ro/ /de nyid kyi phyir bcom ldan 'das kyis tshe dang ldan pa mdzes dga' bo la
212a3 brten nas/ dga' bo/ nam zhig dgon pa dang / phyag dar khrod pa dang / ngan ngon gyis 'tsho 'dod pa rnams la ni lta ba med pa mthong zhig gu zhes gsungs so/ /de la sbyangs
212a4 pa'i yan lag ni ci zhig yin/ sbyangs pa'i chos ni du zhig yod/ ci spyod pa'i gang zag dag ni sbyangs pa'i yon tan sten par dga'/ sbyangs pa'i yan lag ni du zhig/ mthar
212a5 thug pa ni du zhig /ci sbyangs pa'i de nyid sbyangs pa smra ba'ang de yin nam zhe na/ de la sbyangs pa'i yan lag ces bya ba ni/ gzhi bcu gsum po de dag gi spong ba gang yin pa de ni sbyangs
212a6 pa'i yan lag yin no/ /sbyangs pa'i yon tan cir brjod par bya zhe na/ dge bar brjod par bya'o/ /sbyangs pa'i chos du zhe na/ sbyangs pa'i chos ni gnyis te/ ma chags pa dang /
212a7 gti mug med pa ste/ bcom ldan 'das kyis ji skad du phyag dar khrod pa gang yin pa de ni 'dod pa chung ba nyid la brten/ chog shes pa nyid la brten/ yo byad bsnyungs pa nyid la
212b1 brten/ rab tu dben pa nyid la brten/ 'dis chog pa nyid la brten nas phyag dar khrod par 'gyur ro/ /zhes gsungs pa lta bu'o/ /rnam pa gcig tu ni ma chags pas rjes su gnang ba
212b2 'tsham par bsten pas 'dod pa'i bsod snyoms kyi rjes su brtson pa'i slu ba sel la/ /sbyangs pa'i yon tan gti mug med pa ni yo byad bsnyungs par 'tsham par bsten pas bdag
212b3 nyid dub pa'i rjes su brtson pa'i slu ba sel te/ de lta bas na sbyangs pa'i chos ni gnyis te/ ma chags pa dang / gti mug med pa yin no/ /de la 'dod pa chung ba nyid dang / chog shes pa
212b4 nyid dang / rab tu dben pa nyid ni ma chags pa yin no/ /yo byad bsnyungs pa nyid dang / 'dis chog pa nyid ni gti mug med pa nyid yin no/ /de la ma chags pas ni spang ba'i gzhi
212b5 bcu gsum la chags pa sel la/ gti mug med pas ni gzhi de dag nyid la nyes dmigs mi shes pa sel to/ /yang ci spyod pa'i gang zag rnams sbyangs pa'i yon tan sten par
212b6 dga' zhe na/ 'dod chags spyod pa dang / gti mug spyod pa sbyangs pa'i yon tan sten par dga' yi/ zhe sdang spyod pa ni ma yin no/ /ci'i phyir 'dod chags spyod pa dang / gti mug
212b7 spyod pa sbyangs pa'i yon tan sten gyi/ zhe sdang spyod pa'i ma yin zhe na/ sbyangs pa'i yon tan sten pa ni/ bsgrub dka' ba yin pas 'dod chags spyod pa bsgrub dka' ba la brten na
213a1 'dod chags rnam par gnon par 'gyur la/ gti mug spyod pa'ang sbyangs pa'i yon tan sten pa yang dag par blangs pa yo byad bsnyungs pa la brten
213a2 nas rtag tu bag yod par 'gyur zhing bag yod na gti mug rnam par gnon par 'gyur ro/ /de lta bas na 'dod chags spyod pa dang / gti mug spyod pa sbyangs pa'i yon tan
213a3 sten par dga' yi/ zhe sdang spyod pa ni sgrub dka' na mkhris pa'i nad la drod bag byin pa bzhin du phyir zhe sdang skye bar 'gyur te/ de lta bas na zhe sdang spyod pa ni sbyangs pa'i yon tan
213a4 bsten par dka' ba yin no/ /gzhan dag na re/ zhe sdang spyod pa ni dgon pa pa nyid dang / shing drung pa nyid la dga'o/ /de ci'i phyir zhe na/ dgon pa dang / shing drung na gnas na de
213a5 dag tu mi 'dod pas gtse ba'i nyes pa med pa'i phyir ro zhes zer ro/ /sbyangs pa'i yan lag ni dus kyi mthar thug pa ni du zhig ces bya ba ni/ sbyangs pa'i yan lag gsum po
213a6 shing drung pa nyid dang / bla gab med pa nyid dang / dur khrod pa nyid ni zla ba brgyad kyi mthar thug par bya ste/ dbyar ni g.yogs par gnas par bcom ldan 'das kyis gnang
213a7 ngo| |ci sbyangs pa de nyid sbyangs pa smra ba'ang de yin nam zhes bya ba ni sbyangs pa yin la sbyangs pa smra ba yin pa'ang yod/ sbyangs pa ma yin la sbyangs pa smra ba yin pa'ang yod/
213b1 sbyangs pa yin la sbyangs pa smra ba ma yin pa'ang yod/ sbyangs pa'ang ma yin sbyangs pa smra ba ma yin pa'ang yod do/ /de la sbyangs pa'ang yin/ sbyangs pa smra pa'ang yin pa'ang yod ces bya
213b2 ba ni/ dgra bcom pa sbyangs pa'i yon tan yang dag par blangs pa dang ldan pa'o/ /sbyangs pa ma yin la sbyangs pa smra ba yin pa'ang yod ces bya ba ni/ dgra bcom pa sbyangs pa'i yon
213b3 tan yang dag par blangs pa dang mi ldan pa'o/ /sbyangs pa yin la sbyangs pa smra ba ma yin pa'ang yod ces bya ba ni/ slob pa'am/ so so'i skye bo sbyangs pa'i yon tan yang dag par blangs pa
213b4 dang ldan pa'o/ /sbyangs pa'ang ma yin sbyangs pa'i yon tan smra ba'ang ma yin pa'ang yod ces bya ba ni/ slob pa'am/ so so'i skye bo sbyangs pa'i yon tan yang dag par blangs pa dang mi
213b5 ldan pa'o/ /sbyangs pa'i yon tan gyi mtshan nyid ni ci yin/ mnog ni ci yin/ nye bar gnas pa ni ci yin zhe na/ sbyangs pa'i yon tan gyi mtshan nyid ni 'dod pa chung ba nyid do/ /
213b6 mnog ni chog shes pa'o/ /nye bar gnas pa ni yo byad bsnyungs pa'o/ /rnam pa gcig tu na mtshan nyid ni ma 'bags pa'o/ /mnog ni nyes dmigs med pa'o/ /nye bar gnas pa ni
213b7 brtson pa mi 'dor ba'o/ /sbyangs pa'i yon tan gyi thog ma ni gang yin/ bar ma ni gang yin/ tha ma ni gang yin zhe na/ sbyangs pa'i yon tan gyi thog ma ni yang dag par len pa'o/ /bar ma ni
214a1 sten pa'o/ /tha ma ni rab tu dga' ba'o/ /rnam par grol ba'i lam las sbyangs pa'i yon tan bstan pa zhes bya ba ste/ kun nas btus pa gsum
214a2 pa rdzogs so// //rgya gar gyi mkhan po bi d+yA ka ra pra b+ha dang / zhus chen gyi lo ts+tsha ba ban+de dpal brtsegs kyis bsgyur cing zhus te gtan la phab pa'o// //
CLOSE WINDOW