201b1 bod kyi lo ts+tsha ba dge slong shAkya blo gros kyis bsgyur cing gtan la phab pa// //bod skad du/ mchog tu gdags pa'i mdo/ sangs rgyas dang / byang chub
201b2 sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das nyan thos kyi dge 'dun dang bcas pa/ rgyal po'i khab na 'od ma'i
201b3 tshal bya ka lan+da ka gnas par dbyar ngas par dam bcas te bzhugs so/ /der bcom ldan 'das kyis dge slong rnams la bka' stsal pa/ dge slong dag /'di gsum ni
201b4 mchog tu gdags pa yin te/ gsum gang zhe na/ sangs rgyas mchog tu gdags pa dang / chos mchog tu gdags pa dang / dge 'dun mchog tu gdags pa'o/ /de la sangs
201b5 rgyas mchog tu gdags pa gang zhe na/ sems can rkang med rnams sam/ rkang gnyis rnams sam/ rkang bzhi rnams sam/ rkang mang rnams sam/ gzugs can rnams sam
201b6 gzugs can ma yin pa rnams sam/ 'du shes can rnams sam/ 'du shes can ma yin pa rnams sam/ 'du shes yod pa'ang ma yin 'du shes med pa'ang ma yin pa gang
201b7 yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas mchog yin par bstan to/ /sangs rgyas la mngon par dga' ba
202a1 su'ang rung ba de dag ni mchog la mngon par dga' ba yin te/ mchog la mngon par dga' ba de dag ni rnam par smin pa'ang lha rnams kyi nang du ltar gyur
202a2 pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ 'di ni sangs rgyas mchog tu gdags pa zhes bya'o/ /chos mchog
202a3 tu gdags pa gang zhe na/ 'dus byas sam/ 'dus ma byas kyi chos rnams gang yang rung ste/ de dag gi nang na ni 'dod chags dang bral pa'i chos mchog yin par bstan to//
202a4 chos la mngon par dga' ba su'ang rung ba de dag ni/ mchog la mngon par dga' ba yin te/ mchog la mngon par dga' ba de dag ni/ rnam par smin pa'ang lha rnams
202a5 kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ 'di ni chos mchog tu gdags pa zhes
202a6 bya'o| |dge 'dun mchog tu gdags pa gang zhe na/ tshogs sam/ 'dus pa'am/ mang po'am/ 'khor gang yang rung ste/ de dag gi nang na ni de bzhin gshegs pa dgra bcom
202a7 pa yang dag par rdzogs pa'i sangs rgyas rnams kyi nyan thos kyi dge 'dun mchog yin par bstan to/ /dge 'dun la mngon par dga' ba su'ang rung ba de dag ni mchog
202b1 la mngon par dga' ba yin te/ mchog la mngon par dga' ba de dag ni rnam par smin pa'ang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog
202b2 'ba' zhig tu 'gyur bar shes par bya ste/ 'di ni dge 'dun mchog tu gdags pa zhes bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan
'das kyis gsungs pa la mngon par bstod do/

CLOSE WINDOW