བོད་ཡིག |
564a2 / //rgya gar gyi mkhan po dI paM ka ra shrI dz+nyA na dang / lo tsA ba dge slong dge ba'i blo gros kyis bsgyur ba/ rgya gar skad du/ AR+ya ka
564a3 l+ya ca mi tra se ba ni sU tra/ bod skad du/ 'phags pa dge ba'i bshes gnyen bsten pa'i mdo/ sangs rgyas dang / byang chub sems dpa' thams cad la phyag 'tshal lo/ /'di skad
564a4 bdag gis thos pa dus gcig na/ bcom ldan 'das grong khyer ku sha na gyad kyi nye 'khor shing sA la zung gi tshal na nyan thos kyi dge 'dun dang bcas par bzhugs te/ de nas
564a5 bcom ldan 'das yongs su mya ngan las 'da' pa kho na'i dus kyi tshe dge slong rnams la bka' stsal pa/ dge slong dag /khyed kyis 'di ltar bslab par bya ste/ dge ba'i bshes
564a6 gnyen dang / dge ba'i grogs po dang / dge ba'i rten dang gnas par bya'i/ sdig pa'i bshes gnyen dang / sdig pa'i grogs po dang / sdig pa'i rten dang gnas par mi bya'o/ /
564a7 zhes dge slong dag /khyed kyis de ltar bslab par bya'o/ /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa| 'dir bdag gcig
564b1 pu dben par mchis nas nang du yang dag 'jog la zhugs pa na sems la 'di lta bu'i sems kyi yongs su rtog pa byung ste/ 'di lta ste/ dge ba'i bshes gnyen dang / dge ba'i
564b2 grogs po dang / dge ba'i rten 'di ni/ tshangs par spyod pa'i phyed lags kyi/ sdig pa'i bshes gnyen dang / sdig pa'i grogs po dang / sdig pa'i rten ni/ de lta ma lags so/ /
564b3 snyam bgyid do/ /bcom ldan 'das kyis bka' stsal pa/ kun dga' bo/ khyod 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni/ tshangs
564b4 par spyod pa'i phyed yin gyi/ sdig pa'i bshes gnyen dang / sdig pa'i grogs po dang / sdig pa'i rten ni/ de lta ma yin no/ /zhes ma zer cig /de ci'i phyir zhe na/ kun dga' bo/
564b5 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni/ tshangs par spyod pa'i ril po dang / ma 'dres pa dang / yongs su rdzogs pa dang / yongs
564b6 su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i rten 'di ni/ de lta ma yin no/ /de ci'i phyir zhe na/ kun dga' bo/
564b7 bshes gnyen dang / nga la brten nas sems can skye ba'i chos can rnams skye ba'i chos can las yongs su grol bar 'gyur ba dang / sems can rga ba dang / na ba dang / 'chi ba dang /
565a1 mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams rga ba dang / na ba dang / 'chi ba dang / mya ngan
565a2 dang | smre sngags 'don pa dang / sdug bsngal ba dang / yid mi bde ba dang / 'khrug pa'i chos can las yongs su grol bar 'gyur ba'i phyir ro/ /kun dga' bo/ de bas na/ rnam
565a3 grangs kho nas khyod kyis 'di ltar rig par bya sta/ 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni/ tshangs par spyod pa'i ril po dang /
565a4 ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i rten 'di ni
565a5 de lta ma yin no/ /zhes kun dga' bo/ khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rang ste bcom ldan 'das
565a6 kyis gsungs pa la mngon par bstod do/ /'phags pa dge ba'i bshes gnyen bsten pa'i mdo rdzogs so// //
CLOSE WINDOW