བོད་ཡིག |
517b2 /rgya gar skad du /AR+ya shi la k+Shi p+ta sU tra/ bod skad du/ 'phags pa rdo 'phangs pa'i mdo/ bam po dang po/ 'phags pa 'jam dpal gzhon
517b3 nur gyur pa la phyag 'tshal lo/ /'di skad bdag gis thos pa dus gcig na/ bcom ldan 'das gyad rnams kyi ljongs rgyu ba spyad nas sdig par gshegs te sdig pa'i srin bu
517b4 pad+ma'i nags khrod du bzhugs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ ku sha'i grong khyer ga la bar tshur shog /
517b5 btsun pa/ de bzhin no/ /zhes gsol nas tshe dang ldan pa kun dga' bo bcom ldan 'das kyi ltar nyan to/ /yang de'i tshe ku sha'i grong khyer gyi gyad rnams ni/ gyad lnga brgya tsam ste/ de
517b6 la gyad re re'ang gyad kyi 'khor brgya brgya dang ldan no/ /'dun sa gcig shos su 'dus te 'khod pa de dag bar gyi gtam yang dag par brjod pa 'di lta bu byung ste/ shes ldan
517b7 dag /bcom ldan 'das gyad rnams kyi ljongs su rgyu ba spyad nas sdig par gshegs te sdig pa'i srin bu pad+ma'i nags khrod na bzhugs so/ /de la sdig par skyes pa'i
518a1 gyad rnams kyis ri mor bya ba mchog gis ri mor byas/ mchod par bya ba mchog gis mchod /bla ma la gus pa mchog gis kyang bsnyen bkur byas
518a2 so| |bcom ldan 'das kyis kyang de dag la chos kyi sbyin pa dam pa gya nom pa bla na med pas phan gdags par mdzad do/ /de la bcom ldan 'das gnas pa ji lta bur
518a3 gnas pas ring po mi thogs par dge slong gi tshogs kyis yongs su bskor cing dge slong gi dge 'dun gyis mdun du bdar te bdag cag gi grong gi zhing du ku sha'i
518a4 grong khyer du gshegs so snyam mo/ /de la gang 'o na bdag cag gis kyang bcom ldan 'das de la ri mor bya ba dang / mchod par bya bas bdag la phan par bya ba'i phyir
518a5 ku sha'i grong khyer kun cho ga bzhin du phyag dar dag bya/ chag chag legs par btab pa dang / byi dor legs par bya ba dag byas nas rgyan dang / lhab lhub thams
518a6 cad dang / bdug pa dang / phreng ba dang / me tog dang / spos dang / rol mo'i sgra gya nom pa dag gis brgyan par bya/ gdugs dang / rgyal mtshan dang / ba dan dag
518a7 gzugs par bya/ dus ston dag tu gnas par bya/ bcom ldan 'das la ma gang nas gshegs par brtson pa'i gshegs shul de yang cho ga bzhin du phyag dar
518b1 dag bya'o/ /de phyin chad bdag cag thams cad kyis bsu ba bya ba 'ba' zhig na legs so snyam nas de nas de dag thams cad tshogs shing yang dag par dga' ba ste/ rtsod
518b2 pa med cing rtse gcig la blo gcig pa dag tu byas nas ku sha'i grong khyer thams cad cho ga bzhin du phyag dar dag byed do/ /chag chag legs par btab pa dang / byi dor legs
518b3 par byas pa dag byas nas brgyan dang / lhab lhub thams cad dang / bdug pa dang / phreng ba dang / me tog dang / spos dang / rol mo'i sgra gya nom pa dag gis brgyan par byed/
518b4 gdugs dang / rgyal mtshan dang / ba dan dag 'dzugs par byed/ dus ston yang rab tu gnas par byed de/ gshegs shul gang nas bcom ldan 'das gshegs pa'i
518b5 gshegs lam de yang cho ga bzhin du phyag dar dag byed do/ /yang de'i tshe ku sha'i grong khyer gyi bar dang / chu klung dbyig ldan gyi bar de gnyis kyi bar na rdo chen po yangs pa
518b6 zhig gnas ma yin pa na 'dug ste/ lam po che na gnas pa na 'di lta ste/ gyen du ni/ 'dom bco lnga/ srid mngon du 'phags so/ /rgyar ni/ 'dom phyed dang brgyad do/ /de nas
518b7 de dag 'di snyam du sems te/ gang 'o na bdag cag gis rdo chen po yangs pa 'di phyogs 'di nas bteg ste phyogs gcig tu gzhag par bya'o/ /de'i phyir bdag cag gis
519a1 lam yang shin tu phyag dar byas par 'gyur la/ de bzhin gshegs pa dgra bcom pa yang dag par rdzogs pa'i sangs rgyas kyang mchod par
519a2 'gyur zhing / phyogs dang phyogs mtshams dag tu yang bdag cag gi dge ba rgya chen po grags pa dang / sgra dang / tshigs su bcad pas mngon par 'phags par 'gyur
519a3 te| gang dag gis rdo chen po yangs pa 'di phyogs 'di nas bteg nas phyogs gang yang rung ba zhig tu bzhag pas/ kye ma ku sha'i grong khyer gyi gyad dag ni/ dpa' ba
519a4 dag byung ngo / /kye ma ku sha'i grong khyer gyi gyad dag ni/ rtul phod pa/ yan lag mchog gi gzugs dang ldan pa/ ches stobs dang ldan pa dag byung bar gyur to/ /zhes zer ro
519a5 snyam nas de ltar rjes su rnam par bsam ste dam bca' ba dag byas so/ /shes ldan dag /ku sha'i grong khyer gyi gyad dag gam/ gyad kyi bu gzhon nu dag nyon cig /
519a6 bdag gis lam 'di btsal bar brtson no/ /rdo chen po yangs pa 'di gnas ma yin pa na 'dug ste/ rgyal po'i lam na gnas pas gang 'o na bdag gis rdo chen po yangs
519a7 pa 'di phyogs 'di nas bteg nas phyogs gcig shos su gzhag par bya'o/ /de'i phyir bdag cag gis lam shin tu sbyangs par 'gyur zhing / de bzhin gshegs
519b1 pa dgra bcom pa yang dag par rdzogs pa'i sangs rgyas kyang mchod par 'gyur la/ phyogs dang phyogs mtshams su'ang bdag cag gi dge ba rgya chen po grags pa dang / sgra
519b2 dang / tshigs su bcad pa mngon par 'phags par 'gyur te/ gang dag gis rdo chen po yangs pa 'di phyogs 'di nas bteg nas phyogs gcig shos su bzhag pas/
519b3 kye ma ku sha'i grong khyer gyi gyad dag ni/ dpa' ba dag byung ngo / /kye ma ku sha'i grong khyer gyi gyad dag ni/ rtul phod pa/ yan lag mchog gi gzugs dang ldan pa/ ches
519b4 stobs dang ldan pa dag byung ngo / /zhes zer gyi/ de'i phyir shes ldan dag /rdo chen po yangs pa 'di ga la bar kun kyang dengs shig /de bzhin no/ /zhes smras nas ku sha'i
519b5 grong khyer gyi gyad dag phan tshun gyi ltar nyan te/ de dag so so nas bzhon pa bzang po dag la zhon nas bdag cag ni/ sa steng 'di na ches stobs dang ldan pa'o snyam du
519b6 rlom sems su byed cing 'ongs pa dang / rigs dang / stobs dang / lus byang dang / dbang phyug gi rgyags pas dregs te/ sgra mthon po dang / sgra chen pos ga zha byed cing
519b7 ca co byed la/ dga' mgu rangs shing dga' ba dang / bde ba dang / yid bde ba skyes te/ 'byor pa chen po mchog gis ku sha'i grong khyer nas byung nas rta dang / rnga mo dang /
520a1 ba lang sngon po'i gtso bo dang / khyu mchog dang / glang po che dang / spos kyi glang po che brgya phrag du ma khrid nas rdo chen po yangs pa 'di ga la ba der
520a2 song ste phyin nas rdo chen po yangs pa de rtsid pa'i thag pa sra bas lan mang du dkris nas kha cig gis ni/ skas bcas te rtswa mun dza dang / bal ba dza'i thag pa dang / rtas
520a3 'dren pa'i thag pa dag gis tshur 'dren par byed/ phar 'dren par byed do/ /kha cig ni/ thong lcags brgyas gzhi nas 'byin par 'dod do/ kha cig ni/ dgra sta dag
520a4 gis gcod par 'dod do/ kha cig ni/ rdo rjes gdab pa dag gis phye mar bya bar 'dod do/ kha cig gis ni/ lus kyi stobs kyis mchu dag bsdams te yongs su
520a5 bskyod par 'dod do/ kha cig ni/ khyu mchog dag dang / ba lang gi gtso bo dag gis bsgyel bar 'dod do/ kha cig ni/ ba lang khyu'i stobs kyis rab tu gzhom par
520a6 'dod do/ kha cig ni/ sman gyi mthus gzhig par 'dod do/ kha cig ni/ sngags kyi mthus mi snang bar bya bar 'dod de/ de'i phyir brtson pa dang / drang ba dang / 'bad pa
520a7 de lta bus de dag gis ci phyogs 'di nas bteg ste phyogs gcig gcig tu gzhag go snyam pa dang / de dag lus ngal zhing lus dub la lus sgrub la rab tu 'bad pas sgyid
520b1 lug ste rdo chen po yangs pa de la bsgul bar yang ma nus na/ bsgreng ba'am 'phang bar lta ga la nus/ de nas bcom ldan 'das dge slong gi tshogs kyis yongs su bskor cing
520b2 dge slong gi dge 'dun gyis mdun du bdar te/ gang na rdo chen po yangs pa de gnas pa'i phyogs der gshegs so/ /ku sha'i grong khyer du skyes pa'i gyad rnams kyis bcom ldan
520b3 'das rgyang ring po kho na nas tshur gshegs pa mthong ste/ mthong nas kyang dga' mgu zhing rangs te dga' ba dang / bde ba dang / yid bde ba skyes shing / bla ma la gus pa chen po skyes
520b4 nas thams cad kyis kyang bcom ldan 'das la bsu ba byed do/ /bcom ldan 'das kyi zhabs gnyis la mgo bos phyag 'tshal bar byed do/ /bcom ldan 'das la lan gsum
520b5 bskor bar byed de/ bcom ldan 'das la lan gsum bskor ba byas nas cang mi smra bar phyogs gcig tu 'khod do/ /bcom ldan 'das kyis ku sha'i grong khyer gyi gyad phyogs
520b6 gcig tu 'khod pa dag la 'di skad ces bka' stsal to/ /gzhon nu dag /ci 'di ngal ba chen po mchog gis kyang brtsams sam/ ngal bar byed dam/ de skad ces bka' stsal
520b7 pa dang / bcom ldan 'das la ku sha'i grong khyer gyi gyad rnams kyis 'di skad ces gsol to/ /btsun pa/ 'di la ku sha'i grong khyer gyi gyad bdag cag gis ni/ bcom ldan
521a1 'das gyad rnams kyi ljongs rgyu ba spyad nas sdig par gshegs te sdig pa'i srin bu pad+ma'i nags khrod na bzhugs so/ /de la sdig par skyes pa'i
521a2 gyad rnams kyis ri mor bgyi ba mchog gis ri mor bgyis/ mchod pa'i mchog gis mchod/ bla ma la gus pa'i mchog gis kyang rim gror bgyis so/ /bcom ldan
521a3 'das kyis kyang de dag la chos kyi sbyin pa dam pa gya nom pa bla na med pas phan gdags par mdzad do/ /de yang bcom ldan 'das dge slong gi tshogs kyis yongs su
521a4 bskor cing / dge slong gi dge 'dun gyis mdun du bdar te bdag gi grong gi zhing du ku sha'i grong khyer du gshegs so/ /zhes thos lags te/ de skad thos nas kyang bdag
521a5 cag 'di snyam du sems so/ /gang 'o na bdag cag gis kyang bcom ldan 'das de la ri mor bgyi ba dang / mchod par bgyi bas bdag la phan par bgyi ba'i slad du
521a6 ku sha'i grong khyer thams cad cho ga bzhin du phyag dar dag bgyi/ chag chag legs par btab pa dang / byi dor legs par bgyi ba dag bgyis nas rgyan dang / lhab
521a7 lhub thams cad kyis brgyan par bgyi/ de nas dri dang / phreng ba dang / me tog dang / bdug pa dang / rol mo'i sgra gya nom pa dag gis brgyan par bgyi/ gdugs dang /
521b1 rgyal mtshan dang / ba dan dag kyang gzugs par bgyi/ dus ston yang rab tu gzhag par bgyi/ shul gang nas bcom ldan 'das gshegs par brtson par mdzad pa'i
521b2 gshegs shul de yang cho ga bzhin du phyag dar dag bgyi/ de slan chad bdag cag thams cad kyis bsu ba bgyis 'ba' zhig na legs so snyam nas de nas bdag cag thams
521b3 cad tshogs shing yang dag par dga' bar bgyid la/ rtsod pa ma mchis shing rtse gcig ste blo gcig par gyur nas ku sha'i grong khyer thams cad ni/ cho ga bzhin du phyag dar
521b4 dag bgyid/ chag chag legs par btab pa dang / byi dor legs par bgyi ba dag bgyis nas rgyan dang / lhab lhub thams cad dang / bdug pa dang / phreng ba dang / me tog
521b5 dang / spos dang / rol mo'i sgra gya nom pa dag gis brgyan par bgyid/ gdugs dang / rgyal mtshan dang / ba dan dag kyang 'dzugs par bgyid/ dus ston yang rab tu 'jog
521b6 par bgyid/ bcom ldan 'das shul gang nas gshegs pa'i shul de yang cho ga bzhin du phyag dar dgra bgyis pas gor ma chen po yangs pa de gnas ma lags pa na
521b7 mchis shing / shul po chen gnas pa mthong lags so/ /de nas bdag cag 'di snyam du sems so/ /gang 'on bdag cag gis rdo chen po yangs pa 'di phyogs 'di nas
522a1 bteg ste phyogs gang yang rung bar gzhag go /de'i phyir bdag cag gis lam yang shin tu phyag dar bgyis par 'gyur la/ de bzhin gshegs
522a2 pa dgra bcom pa yang dag par rdzogs pa'i sangs rgyas kyang mchod par 'gyur zhing / phyogs dang phyogs mtshams dag tu yang bdag cag gi dge ba rgya chen po grags
522a3 pa dang / sgra dang / tshigs su bcad pa mngon du 'phags par 'gyur te/ gang dag gis rdo chen po yangs pa de phyogs 'di nas bteg ste phyogs gcig shos su 'phangs
522a4 pas kye ma ku sha'i grong khyer gyi gyad dpa' ba dag byung ngo / /kye ma ku sha'i grong khyer gyi gyad rtul phod pa/ yan lag mchog gi gzugs dang ldan pa/ ches stobs dang ldan pa
522a5 dag byung bar gyur to/ /zhes zer ro snyam nas de ltar rjes su rnam par bsams te dam bca' ba khas blang ba dag ni/ shes ldan dag /ku sha'i grong khyer gyi gyad dag
522a6 dang / gyad kyi bu gzhon nu dag nyon cig /bdag cag gis lam 'di phyag dar bya bar brtson no/ /rdo chen po yangs pa 'di ni/ gnas ma yin pa na 'dug cing rgyal po'i
522a7 lam na gnas te/ gang 'o na bdag cag gis rdo chen po yangs pa 'di phyogs 'di nas bteg ste phyogs gcig shos su gzhag par bya'o/ /de'i phyir bdag cag
522b1 gis lam yang shin tu phyag dar byas par 'gyur la/ de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur te/ phyogs
522b2 dang phyogs mtshams dag tu yang bdag cag gi dge ba rgya chen po grags pa dang / sgra dang / tshigs su bcad pa mngon par 'phags par 'gyur ba ni/ gang dag gis rdo
522b3 chen po yangs pa 'di phyogs 'di nas bteg ste phyogs gcig shos su 'phangs pas/ kye ma ku sha'i grong khyer gyi gyad dpa' bo dag cig byung ngo / /kye ma ku sha'i grong
522b4 khyer gyi gyad rtul phod pa/ yan lag mchog gi gzugs dang ldan pa/ ches stobs dang ldan pa dag cig byung ngo / /zhes zer gyi/ shes ldan dag /de'i phyir rdo chen po
522b5 yangs pa 'di ga la bar kun kyang phyir byung ste dengs shig /de bzhin no/ /zhes smras nas de dag dang de nyid gcig la gcig gi ltar nyan te/ so so nas bzhon pa bzang po
522b6 dag la zhon te/ bdag cag ni/ sa steng 'di na ches stobs dang ldan pa'o snyam du rlom sems byed cing 'ongs pa dang / rigs dang / stobs dang / lus byad dang / dbang
522b7 phyug gi rgyags pas dregs te skad mthon po dang / skad chen pos ga zha byed cing ca co byed la dga' mgu rangs shing dga' ba dang / bde ba dang / yid bde ba skyes te/
523a1 'byor pa chen po mchog gis ku sha'i grong khyer nas phyir byung ste rta dang / rnga mo dang / ba lang sngon po'i mchog tu phyin pa dang / khyu mchog dang / glang
523a2 po che dang / spos kyi glang po che brgya phrag du ma ded nas rdo chen po yangs pa de ga la ba der dong ste phyin nas rdo chen po yangs pa de rtsid pa'i thag pa sra bas rnam pa thams
523a3 cad du dkris nas de dag dang de nyid kha cig gis ni skas btsugs te rtswa mun dza dang / bal ba dza'i thag pa dang / rtas 'dren pa'i thag pa dag gis tshur drang bar bya/
523a4 phar drang bar bya'o/ /kha cig ni rmo lcags brgyas rtsa nas 'byin par 'dod do/ /kha cig ni dgra sta dag gis gcod par 'dod/ kha cig ni rdo rjes gdab pa dag gis phye
523a5 mar bya bar 'dod/ kha cig ni lus kyi stobs kyis mchu dag bsngams te yongs su bsgul bar 'dod/ kha cig ni khyu mchog dag dang / ba lang mchog tu phyin pa dag
523a6 gis bsgyel bar 'dod/ kha cig ni glang po che'i tshogs kyis rab tu 'joms par 'dod/ kha cig ni sman gyi stobs kyis gzhig par 'dod/ kha cig ni gsang
523a7 sngags kyi stobs kyis mi snang bar byed par 'dod par bya'o/ /de'i phyir bdag gis brtson pa dang / drang ba dang / 'bad pa de lta bu dag gis ci phyogs 'di nas bteg ste
523b1 phyogs gcig shos su gzhag go snyam pa dang / de dag dang de nyid lus ngal zhing lus dub la/ lus dbyibs sgu bas yid sgyid lug ste/ gang 'di zhag nyi shu rtsa dgur rtsom pa
523b2 byas pa des kyang rdo chen po yangs pa de phyogs de nas yongs su bsgul bar yang ma nus na/ bsgreng ba'am/ 'phang bar lta ga la nus/ bcom ldan 'das kyis bka' stsal pa/ gzhon nu
523b3 dag /gang de bzhin gshegs pas rdo chen po yangs pa de phyogs de nas bteg nas phyogs gcig shos su 'phang bar byed 'dod dam/ btsun pa bcom ldan 'das/ mchog tu 'tshal lags
523b4 so| |bde bar gshegs pa/ mchog tu 'tshal lags so/ /de nas bcom ldan 'das bla gos phrag pa gcig tu gzar te rdo chen po yangs pa de ga la ba der gshegs te phyin nas
523b5 rdo chen po yangs pa de zhabs kyi mthe bong g.yas pas yang dag par rab tu bsgul te/ yang dag par rab tu bsgul nas kyang gzhi nas ma lus par phyung ste/ phyag g.yon pas
523b6 blangs nas phyag g.yas kyi mthil du bzhag ste yud tsam zhig dgongs nas gyen du tshangs pa'i 'jig rten gyi bar du 'phangs te mig lam du mi snang bar gnas par gyur pa dang / de'i sgras gyad dag dngangs par gyur to/
523b7 /bcom ldan 'das kyis bka' stsal pa/ gnas 'jog gi rgyud dag /ma 'jigs shig /gyen du 'phangs pa tsam gyis kyang
524a1 'du byed thams cad ni/ mi rtag pa'o/ /chos thams cad ni/ bdag med pa'o/ /mya ngan las 'das pa ni/ zhi ba'o/ /zhes sgra de lta bu mdzad do/ /slar
524a2 'khor nas kyang de bzhin gshegs pa'i phyag mthil de nyid du gnas par gyur to/ /bcom ldan 'das kyis de zhal gyi dbugs kyis rdul phra rab tsam du mdzad do/ /
524a3 phye mar mdzad nas kyang phyogs dang phyogs mtshams dag tu rdul phra rab tu phye ma'i char mngon du 'bab par rtsom par mdzad do/ /de nas gyad kyi tshogs de ni/ rdo chen po
524a4 yangs pa de med par gyur pas/ mchog tu yid mi bde bar gyur to/ /de nas bcom ldan 'das kyi thugs kyis gyad kyi tshogs de'i sems kun mkhyen te/ rdo chen po
524a5 yangs pa med pas mchog tu yid mi bde bar thugs su chung nas phyi nas kyang de'i phye ma rdul phra rab tsam de ma tshang ba med cing tshang bar gcig tu bsdus te bsdoms
524a6 nas rdo chen po yangs pa de 'dra ba kho nar mdzad de/ rnam par dben par phyogs gcig shos su gnas par mdzad do/ /de nas gyad lnga brgya tsam po de dag bcom ldan
524a7 'das de ngo mtshar rmad du byung ba'i chos chen pos 'dun par mdzad de dga' mgu rangs shing dga' ba dang / yid bde ba skyes nas bcom ldan 'das la 'di skad ces
524b1 gsol to/ /bcom ldan 'das/ 'di ci lags/ de de bzhin gshegs pa'i yab dang yum las byung ba'i stobs lags sam/ 'on te rdzu 'phrul gyi stobs lags sam/
524b2 'on te bsgoms pa'i stobs lags/ gnas 'jog gi rgyud dag /gang de bzhin gshegs pas rdo chen po yangs pa zhabs kyi mthe bong g.yas pas yang dag par rab tu
524b3 bsgul te/ gzhi nas ma lus par phyung nas phyag g.yon pas bzung ste phyag mthil g.yas par bzhag nas yud tsam dgongs te/ gyen du tshangs pa'i 'jig rten gyi bar du
524b4 'phangs pa 'di ni/ de bzhin gshegs pa'i yab yum las byung ba'i stobs so/ /gnas 'jog gi rgyud dag /gang 'du byed thams cad ni/ mi rtag pa'o/ /chos thams cad ni/
524b5 bdag med pa'o/ /mya ngan las 'das pa ni/ zhi ba'o/ /zhes rnga chen po yangs pa'i sgra mdzad pa 'di ni/ de bzhin gshegs pa'i rdzu 'phrul gyi stobs so/ /gnas 'jog gi
524b6 rgyud dag /gang de bzhin gshegs pas rdo chen po yangs pa de zhal gyi dbugs kyis phye mar mdzad nas phye ma rdul phra rab tsam de god pa med cing ma tshang ba med par
524b7 gcig tu bsdus te bsdoms nas rdo chen po yangs pa de 'dra ba kho nar mdzad de/ dben par phyogs gcig tu gnas par mdzad pa 'di ni/ de bzhin gshegs pa'i bsgoms
525a1 pa'i stobs so/ /btsun pa/ de bzhin gshegs pa dgra bcom pa yang dag par rdzogs pa'i sangs rgyas dag yab yum las byung ba'i stobs ji lta
525a2 bu dang ldan pa lags/ gnas 'jog gi rgyud dag /khyed de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas
525a3 rnams kyi yab yum las byung ba'i stobs nyan par 'dod dam/ btsun pa bcom ldan 'das/ mchog tu 'tshal lags so/ /bde bar gshegs pa/ mchog tu 'tshal
525a4 lags so/ /gnas 'jog gi rgyud dag /de'i phyir khyed legs par rab tu nyon la yid la zungs shig dang ngas khyod la bshad do/ /gnas 'jog gi rgyud dag /mi bcu'i
525a5 stobs gang yin pa de ba lang phal gcig gi stobs so/ /ba lang phal bcu'i stobs gang yin pa de ba lang sngon po gcig gi stobs so/ /ba lang sngon po bcu'i stobs
525a6 gang yin pa de khyu mchog gcig gi stobs so/ /khyu mchog bcu'i stobs gang yin pa de g.yag gcig gi stobs so/ /g.yag bcu'i stobs gang yin pa de bse gcig gi
525a7 stobs so/ /bse bcu'i stobs gang yin pa de glang po che phal gcig gi stobs so/ /glang po che phal bcu'i stobs gang yin pa de sgra gsal bar mi byed pa'i glang po che
525b1 gcig gi stobs so/ /sgra gsal bar mi byed pa'i glang po che bcu'i stobs gang yin pa de sgra chen por byed pa'i glang po che gcig gi stobs so/ /sgra chen por byed pa'i glang po che
525b2 bcu'i stobs gang yin pa de mche ba gcig pa'i glang po che gcig gi stobs so/ /mche ba gcig pa'i glang po che bcu'i stobs gang yin pa de ri sngon po'i glang po che gcig gi
525b3 stobs so/ /ri ser po dang / ri dmar po dang / ri dkar po dang / dri mchog dang ldan pa dang / dri ngad 'jam pa dang ldan pa dang / dri ut+pa la dang ldan pa dang / dri ku mud dang ldan pa'i
525b4 stobs kyang de bzhin no/ /ku mu da'i spos kyi glang po che'i stobs gang yin pa de pad+ma'i glang po che gcig gi stobs so/ /pad+ma'i glang po che bcu'i stobs gang yin pa de pad+ma chen po'i
525b5 glang po che gcig gi stobs so/ /pad+ma chen po'i glang po che bcu'i stobs gang yin pa gangs khrod du skyes pa'i glang po che gcig gi stobs so/ /gangs khrod du skyes pa'i glang po
525b6 che bcu'i stobs gang yin pa de tshan po che dang ldan pa bal glang spos kyi glang po che gcig gi stobs so/ /tshan po che dang ldan pa bal glang spos kyi glang po che bcu'i stobs gang
525b7 yin pa de tshan po che dang ldan pa phyed po gcig gi stobs so/ /tshan po che dang ldan pa phyed po gnyis kyi stobs gang yin pa de tshan po che dang ldan pa gcig gi stobs so/ /
526a1 tshan po che dang ldan pa bcu'i stobs gang yin pa de rab gnon phyed po gcig gi stobs so/ /rab gnon phyed po gnyis kyi stobs gang yin pa de rab
526a2 gnon gcig gi stobs so/ /rab gnon bcu'i stobs gang yin pa de stobs mchog gi stobs gcig go /stobs mchog gi stobs bcu gang yin pa de yan lag mchog gi
526a3 stobs gcig go /yan lag mchog gi stobs bcu gang yin pa de sred med kyi bu phyed kyi stobs gcig go /sred med kyi bu phyed po gnyis kyi stobs gang yin pa de sred med
526a4 kyi bu'i stobs gcig go /sred med kyi bu'i stobs sum brgya nyi shu gang yin pa de de bzhin gshegs pa dgra bcom pa yang dag par rdzogs pa'i sangs rgyas gcig gi
526a5 yab dang yum las byung ba'i stobs so/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni/ sku'i gnad kyi gnas de
526a6 re la'ang sred med kyi bu'i stobs 'chang bar mdzad pa'i phyir ro/ /gang dag 'das pa dang / gang dag ma byon pa dang / gang dag da ltar byung ba'i dus na de bzhin gshegs pa
526a7 dgra bcom pa yang dag par rdzogs pa'i sangs rgyas pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod
526b1 nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni/ ma yin no/ /gnas 'jog gi rgyud dag /de
526b2 bzhin gshegs pa dgra bcom pa yang dag par rdzogs pa'i sangs rgyas dag ni/ yab yum dag las byung ba'i stobs de lta bu dang ldan pa dag yin zhing / gang dag 'das pa
526b3 dag dang / gang dag ma byon pa dag dang / gang yang da ltar byung ba'i dus na de bzhin gshegs pa dgra bcom pa yang dag par rdzogs pa'i sangs rgyas thams cad mnyam pa
526b4 dang mnyam pa ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang /
526b5 sku lus mnyam pa dag ni/ ma yin no/ /btsun pa bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas rnams kyi yab yum las byung ba'i
526b6 stobs ni/ bdag cag gis thos lags na/ btsun pa/ de bzhin gshegs pa dgra bcom pa yang dag par rdzogs pa'i sangs rgyas dag bsod nams kyi stobs ji lta bu dang ldan
526b7 pa dag lags/ gnas 'jog gi rgyud dag /khyed de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas rnams kyi bsod
527a1 nams kyi stobs nyan par 'dod dam/ btsun pa bcom ldan 'das/ mchog tu 'tshal lags so/ /bde bar gshegs pa/ mchog tu 'tshal lags so/ /
527a2 gnas 'jog gi rgyud dag /de'i phyir khyed legs par rab tu nyon la yid la zungs shig dang ngas bshad do/ /gnas 'jog gi rgyud dag /dzam+bu gling pa'i sems can rnams
527a3 kyi bsod nams gang yin pa de gling gcig gi bdag po 'khor los bsgyur ba'i bsod nam dag tu nges par brtags par byas kyang brgya'i char yang nye bar mi 'gro'o/ /stong
527a4 gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag /gling gnyis kyi sems can rnams
527a5 kyi bsod nams gang yin pa de gling gnyis kyi bdag po 'khor los bsgyur ba'i bsod nams dag tu nges par brtags par byas kyang brgya'i char yang nye bar mi 'gro'o/ /
527a6 stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag /gling gsum gyi sems
527a7 can rnams kyi bsod nams gang yin pa de gling gsum gyi bdag po 'khor los bsgyur ba'i bsod nams dag tu nges par brtags par byas kyang brgya'i char yang nye
527b1 bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag /gling bzhi'i sems
527b2 can rnams kyi bsod nams gang yin pa de gling bzhi'i bdag po 'khor los bsgyur ba'i bsod nams dag tu nges par brtags par byas kyang brgya'i char yang nye bar mi 'gro'o/ /
527b3 stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag /yang 'khor los bsgyur ba bzhi byung ste/
527b4 gling gcig pa dang / gling gnyis pa dang / gling gsum pa dang / gling bzhi pa'i 'khor los bsgyur ba'o/ /de la gling gcig ba'i 'khor los bsgyur ba'i 'khor lo ni/ lcags las
527b5 byas pa khor yug tu rgyang grags gcig yod par 'byung ngo / /gling gnyis pa'i 'khor los bsgyur ba'i 'khor lo ni/ zangs las byas pa khor yug tu rgyang grags gnyis yod pa
527b6 'byung ngo / /gling gsum pa'i 'khor los bsgyur ba'i 'khor lo ni/ dngul las byas pa khor yug tu rgyang grags gsum yod pa 'byung ngo / /gling bzhi pa'i 'khor los bsgyur ba'i
527b7 'khor lo ni/ gser las byas pa rtsibs stong pa lte ba dang bcas pa/ mu khyud dang bcas pa thams cad gser las byas pa/ lha rdzas kyi phreng ba 'od 'phro ba/ 'od rab tu
528a1 gsal ba/ khor yug tu rgyang grags bzhi yod pa 'byung ngo / /gnas 'jog gi rgyud dag /gling bzhi pa'i 'khor los bsgyur ba dag bye ba phrag 'bum
528a2 gyi bsod nams gang yin pa de rgyal chen bzhi'i ris kyi lha rnams kyi bsod nams dag tu nges par brtags par byas kyang brgya'i char yang nye bar mi 'gro'o/ /stong gi cha dang /
528a3 brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /rgyal chen bzhi'i ris kyi lha dag bye ba phrag 'bum gyi bsod nams gang yin pa de
528a4 rgyal po chen po bzhi'i bsod nams dag tu nges par brtags par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang /
528a5 bgrang ba dang / dpe dang / rgyur yang nye bar mi 'gro'o/ /rgyal po chen po bzhi bye ba phrag 'bum gyi bsod nams gang yin pa de sum cu rtsa gsum pa'i lha rnams kyi bsod
528a6 nams dag tu nges par brtags par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang /
528a7 rgyur yang nye bar mi 'gro'o/ /sum cu rtsa gsum pa'i lha dag bye ba phrag 'bum gyi bsod nams gang yin pa de lha'i dbang po brgya byin gyi bsod nams dag tu nges par
528b1 brtags par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang
528b2 nye bar mi 'gro'o/ /lha'i dbang po brgya byin dag bye ba phrag 'bum gyi bsod nams gang yin pa de 'thab bral gyi lha rnams kyi bsod nams dag tu nges par brtags
528b3 par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye
528b4 par mi 'gro'o/ /'thab bral gyi lha dag bye ba phrag 'bum gyi bsod nams gang yin pa de lha'i bu rab 'thab bral gyi bsod nams dag tu nges par brtags par
528b5 byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /
528b6 lha'i bu rab 'thab bral dag bye ba phrag 'bum gyi bsod nams gang yin pa de dga' ldan gyi lha rnams kyi bsod nams dag tu nges par brtags par byas kyang brgya'i char yang
528b7 nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /dga' ldan gyi lha dag bye ba phrag 'bum gyi
529a1 bsod nams gang yin pa de lha'i bu yongs su dga' ldan gcig gi bsod nams dag tu nges par brtags par byas kyang brgya'i char yang nye bar mi
529a2 'gro'o| |stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /lha'i bu yongs su dga' ldan bye ba phrag 'bum gyi
529a3 bsod nams gang yin pa de 'phrul dga'i lha rnams kyi bsod nams dag tu nges par brtags par byas kyang brgya'i char yang nye bar mi 'gro'o/ /stong gi cha dang / brgya
529a4 stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /'phrul dga'i lha dag bye ba phrag 'bum gyi bsod nams gang yin pa de lha'i bu
529a5 rab 'phrul dga' gcig gi bsod nams dag tu nges par brtags par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang /
529a6 cha dang / bgrang ba dang / dpe dang / rgyur yang nye bar mi 'gro'o/ /lha'i bu rab 'phrul dga'i bye ba phrag 'bum gyi bsod nams gang yin pa de gzhan 'phrul dbang byed kyi lha
529a7 rnams kyi bsod nams dag tu nges par brtags par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba/
529b1 dang / dpe dang / rgyur yang nye bar mi 'gro'o/ /gzhan 'phrul dbang byed kyi lha dag bye ba phrag 'bum gyi bsod nams gang yin pa de lha'i bu dbang sgyur gyi bsod nams dag tu nges
529b2 par brtags par byas kyang brgya'i char yang nye bar mi 'gro'o/ /steng gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /
529b3 lha'i bu dbang sgyur dag bye ba phrag 'bum gyi bsod nams gang yin pa de tshangs ris kyi lha rnams kyi bsod nams dag tu nges par brtags par byas kyang brgya'i char yang nye bar
529b4 mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /tshangs ris kyi lha dag bye ba phrag 'bum gyi bsod
529b5 nams gang yin pa de 'khor gyi bdag po tshangs pa'i bsod nams dag tu nges par brtags par byas kyang brgya'i char yang nye bar mi 'gro'o/ /stong gi cha dang / brgya stong gi cha
529b6 dang / grangs dang / cha dang / bgrang ba dang / dpe dang / rgyu yang nye bar mi 'gro'o/ /tshangs ris dag ji lta bar tshangs pa'i mdun na 'don dag dang / tshangs pa chen po dag dang /
529b7 'od chung dag dang / tshad med 'od dag dang / 'od gsal dag dang / dge chung dag dang / tshad med dge dag dang / dge rgyas dag dang / sprin med dag dang / bsod nams skyes
530a1 dag dang / 'bras bu che dag dang / mi che dag dang / mi gdung dag dang / gya nom snang dag dang / shin tu mthong dag dang / 'og min dag kyang de bzhin no//
530a2 'og min gyi lha dag bye ba phrag 'bum gyi bsod nams gang yin pa de rangs sangs rgyas bse ru lta bu gcig gi bsod nams dag tu nges par brtags par byas kyang brgya'i
530a3 char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /rang sangs rgyas bse ru lta
530a4 bu dag bye ba phrag 'bum gyi bsod nams gang yin pa de byang chub sems dpa' byams pa gcig gi bsod nams dag tu nges par brtags par byas kyang brgya'i char yang
530a5 nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /byang chub sems dpa' byams pa dag
530a6 bye ba phrag 'bum gyi bsod nams gang yin pa de byang chub sems dpa' srid pa tha ma pa gcig gi bsod nams dag tu nges par brtags par byas kyang brgya'i char yang nye bar
530a7 mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /byang chub sems dpa' srid pa tha ma dag
530b1 gang+gA'i klung gi bye ma dang mnyam pa snyad kyi bsod nams gang yin pa de de bzhin gshegs pa dgra bcom pa yang dag par rdzogs pa'i sangs rgyas gcig gi bsod nams dag tu
530b2 nges par brtags par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang dang / dpe dang / rgyur yang nye bar mi 'gro'o/ /
530b3 gnas 'jog gi rgyud dag /de bzhin gshegs pa dgra bcom pa yang dag par rdzogs pa'i sangs rgyas dag ni/ bsod nams kyi stobs de lta bu dang ldan pa dag yin zhing / gang dag
530b4 'das pa dang / gang dag ma byon pa dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs pa'i sangs rgyas pa'i sangs rgyas thams
530b5 cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin te/ rgyu gsum po rigs dang /
530b6 sku tshe dang / sku lus kyis mnyam pa dag ni/ ma yin no/ /btsun pa/ bdag cag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yab
530b7 yum las byung ba'i stobs kyang thos lags/ bsod nams kyi stobs kyang thos lags na/ btsun pa/ de bzhin gshegs pa dgra bcom pa yang dag par rdzogs pa'i sangs rgyas
531a1 dag shes rab kyi stobs ji lta bu dang ldan pa dag lags/ gnas 'jog gi rgyud dag /khyed de bzhin gshegs pa las de bzhin gshegs pa dgra bcom
531a2 pa yang dag par rdzogs pa'i sangs rgyas rnams kyi shes rab kyi stobs nyan par 'dod dam/ btsun pa bcom ldan 'das/ mchog tu 'tshal lags so/ /bde bar gshegs pa/
531a3 mchog tu 'tshal lo/ /gnas 'jog gi rgyud dag /de'i phyir khyed legs par rab tu nyon la yid la zung shig dang ngas bshad do/ /gnas 'jog gi rgyud dag /rgya mtsho chen po
531a4 ni| zabs su dpag tshad brgyad khri yod pa/ rgyar dpag tu med pa de snag tsha'i nying khus yongs su gang bar gyur cing / ri'i rgyal po ri rab dpag tshad brgyad khri chu'i nang nas
531a5 mngon du 'phags te/ rin po che sna bzhi las byas shing ngos bzhi yod pa/ de'i ngos gcig ni/ gser las byas pa yin/ ngos gnyis pa ni/ dngul las byas pa'o/ /gsum
531a6 pa ni| bai DUR+ya las byas pa'o/ /bzhi pa ni/ shel las byas pa ste/ de la gser gyi ngos su ni/ byang gi sgra mi snyan gyi gling snang ngo / /dngul las byas pa'i ngos su ni/ shar gyi
531a7 lus 'phags kyi gling snang ngo / /bai DUR+ya las byas pa'i ngos na ni/ dzam+bu'i gling snang ngo / /shel las byas pa'i ngos na ni/ ba lang spyod kyi gling snang ngo / /ri'i rgyal po ri rab dpag
531b1 tshad brgyad khri 'og tu chu'i nang du nub ste/ gser las byas pa'i sa steng gi bar na gnas pa de gro ga'i shog shog tsam du gyur la/ gling bzhi na sems can gyi khams gang su
531b2 dag yod pa yi ge pa rnams ni/ de tsam du gyur te/ sa chen po'i steng na rtswa dang / shing dang / shing gi yal ga dang / shing gi dum bu gang ci'ang rung smyug gu dag de tsam du gyur nas
531b3 gnas 'jog gi rgyud dag /snag tsha'i nying khu rgya mtsho chen po tsam dang / gro ga'i shog shog ri rab tsam dang / yi ge pa dang gling bzhi pa'i sems can gyi khams tsam dang / smyu
531b4 gu dag sa chen po'i steng na rtswa dang / shing dang / yal ga dang / shing gi dum bu tsam ni/ ches myur du yongs su zad pa dang / yongs su gtugs par 'gyur gyi/ dge slong shA ri'i bu'i
531b5 shes rab zad par 'gyur bar ni/ nga mi smra'o/ /gnas 'jog gi rgyud dag /dge slong shA ri'i bu ni/ shes rab kyi stobs de lta bu dang ldan no/ /gnas 'jog gi rgyud dag/ 'di lta ste/
531b6 rnam par snang byed kyi nyi ma dag ni/ kun tu 'gro ba dang / phyogs snang bar byed do/ /de srid du stong gi 'jig rten na zla ba stong dang / nyi ma stong dang / ri'i rgyal po ri rab stong dang / shar
531b7 gyi lus 'phags stong dang / ba lang spyod stong dang / byang gi sgra mi snyan stong dang / dzam+bu'i gling stong dang / rgyal chen bzhi'i ris kyi lha stong dang / sum cu rtsa gsum pa dag dang /
532a1 'thab bral dag dang / dga' ldan dag dang / 'phrul dga' dag dang / gzhan 'phrul dbang byed kyi lha stong dang / tshangs pa'i 'jig rten stong po 'di ni/
532a2 stong spyi phud kyi 'jig rten gyi khams zhes bya'o/ /stong chung ngu'i 'jig rten gyi khams stong gi stong gang yin pa 'di ni/ stong gnyis pa bar ma'i 'jig rten gyi khams zhes bya'o/ /
532a3 stong gnyis pa bar ma'i 'jig rten gyi khams phrag stong gang yin pa 'di ni/ stong gsum gyi stong chen po'i 'jig rten gyi khams zhes bya'o/ /gnas 'jog gi rgyud dag /stong
532a4 gsum gyi stong chen po'i 'jig rten gyi khams de yang shes rab dge slong shA ri'i bu dang 'dra ba dag gis gang bar gyur la/ de bzhin gshegs pa'i shes rab tu nges par
532a5 brtags par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /
532a6 gnas 'jog gi rgyud dag /de bzhin gshegs pa dgra bcom pa yang dag par rdzogs pa'i sangs rgyas dag ni/ shes rab kyi stobs de lta bu dang ldan pa dag yin zhing / gang
532a7 dag 'das pa dang / gang dag ma byon pa dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs pa'i sangs rgyas thams cad
532b1 mnyam pa dang mi mnyam pa ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang /
532b2 sku tshe dang / sku lus kyis mnyam pa dag ni/ ma yin no/ /btsun pa/ bdag cag gis de bzhin gshegs pa las de bzhin gshegs pa dgra bcom pa yang dag par rdzogs pa'i
532b3 sangs rgyas rnams kyi yab yum las byung ba'i stobs kyang thos lags/ bsod nams kyi stobs kyang thos lags/ shes rab kyi stobs kyang thos lags na/ btsun pa/ de bzhin
532b4 gshegs pa dgra bcom pa yang dag par rdzogs pa'i sangs rgyas dag rdzu 'phrul gyi stobs ji lta bu dang ldan pa lags/ gnas 'jog gi rgyud dag /khyed de bzhin gshegs pa
532b5 las de bzhin gshegs pa dgra bcom pa yang dag par rdzogs pa'i sangs rgyas rnams kyi rdzu 'phrul gyi stobs nyan par 'dod dam/ btsun pa bcom ldan 'das/ mchog tu
532b6 'tshal lags so/ /bde bar gshegs pa/ mchog tu 'tshal lags so/ /gnas 'jog gi rgyud dag /de'i phyir khyed legs par rab tu nyon la yid la zungs shig dang ngas
532b7 bshad do/ /gnas 'jog gi rgyud dag /dus 'di ni/ dus gcig ste/ rtswa bi ra na dang ldan par gnod sbyin 'dam bu dang 'dra bar rtsub pa'i dong ka'i shing drung na bzhugs so/ /yang
533a1 de'i tshe rtswa bi ra na dang ldan pa na dka' ba 'brog dgon pa slong mo bas bsod snyoms rnyed par dka' ba'i mu ge byung ste/ dge slong dag kyang zas ngan pas
533a2 yongs su dub pa yin no/ /de nas dge slong maud+gal gyi bu nga ga la ba der song ste phyin nas nga la 'di skad ces gsol to/ /btsun pa/ de ltar na rtswa bi ra na dang ldan par dka' ba
533a3 'brog dgon pa slong mo pas bsod snyoms rnyed par dka' ba'i mu ge byung lags te/ dge slong dag kyang dbyar zas ngan pas yongs su dub lags so/ /btsun pa bcom ldan
533a4 'das las bdag gis mngon du thos shing mngon du bzung lags te/ dog sa chen po 'di la dog sa las byung ba'i ro'i khams gya nom pa gang lags pa de ni/ 'og na gnas
533a5 lags shing / bdag kyang bdag nyid kyi yang dag par shes pa mthong ba 'jug lags so/ /dog sa chen po 'di la dog sa las byung ba'i ro'i khams gya nom pa gang lags
533a6 pa 'di ni/ 'og na gnas pa lags te/ btsun pa/ de'i slad du dog sa chen po bsgyur bar bdag 'tshal lags so/ /dog sa chen po 'di'i 'og na ro'i khams gya nom pa gang
533a7 lags pa de steng na mchis par bgyi lags so/ /steng na mchis pa gang lags pa de 'og na mchis par bgyi lags so/ /de la 'di skad ces kyang ngas bka' stsal to/ /
533b1 maud+gal gyi bu/ sa chen po bsgyur bar 'dod dam/ des 'di skad ces gsol to/ /btsun pa/ dog sa chen po bsgyur bar 'tshal lags so/ /de la 'di skad ces bka' stsal to/ /gnas
533b2 'dir gnas te sa chen po bsgyur bar 'dod dam/ des 'di skad ces gsol to/ /btsun pa/ khor yug dang khor yug chen po dag gi gnas su gnas te dog sa chen po bsgyur bar
533b3 'tshal lags so/ /de la yang 'di skad ces bka' stsal to/ /maud+gal gyi bu sa chen po bsgyur bar 'dod na/ gang dag sa la brten pa'i sems can dang / srog chags de dag ji
533b4 ltar byed/ des 'di skad ces gsol to/ /btsun pa/ dog sa chen po bsgyur bar 'tshal lags te/ gang dag dog sa la brten pa'i sems can dang / srog chags de dag lag pa
533b5 g.yon pas blangs te gzung bar bgyi lags so/ /lag pa g.yas pas ni/ sa chen po bsgyur bar bgyi lags so/ /de la yang 'di skad ces bka' stsal to/ /maud+gal gyi bu chen
533b6 po| sa chen po sgyur bar byed pa na ji lta bu'i 'du shes dang ldan par byed/ des 'di skad ces gsol to/ /btsun pa/ sa chen po bsgyur bar bgyid pa na 'du shes mchog tu
533b7 yang ba dang ldan par bgyid lags te/ 'di lta ste/ skyes bu stobs dang ldan pa zhig chu shing gi 'dab ma sgyur bar bgyid pa na 'du shes mchog tu yang ba dang ldan par bgyid
534a1 lags so/ /btsun pa/ de bzhin du bdag sa chen po sgyur bar bgyid pa na/ 'du shes mchog tu yang ba dang ldan par bgyid lags so/ /de la yang 'di skad
534a2 ces bka' stsal to/ /maud+gal gyi bu/ legs so legs so/ /maud+gal gyi bu/ khyod kyi rdzu 'phrul de dang thabs des sa chen po ni/ bsgyur bar ni/ nus par gyur na/ sa chen po bsgyur
534a3 bar de bzhin gshegs pa khyod la gnang ba mi mdzad do/ /maud+gal gyi bu/ de ci'i phyir zhe na/ sems can gang phal cher kha zas kyi ro la chags shing / kha zas kyi ro la rmongs
534a4 te| kun tu gti mug par 'gyur ro/ /maud+gal gyi bu/ de ci'i phyir zhe na/ sa chen po'i steng na sa las byung ba'i ro'i khams gya nom pa de yang yun ring du mi gnas te/ ring po mi
534a5 thogs par de sa chen po'i steng na thams cad kyi thams cad du nub par 'gyur ro/ /de'i phyir sems can dang / 'byung po dang / srog chags de dag kyang kha zas kyi ro la chags
534a6 shing / kha zas kyi ro la rmongs te/ mchog tu myos par 'gyur ba'am/ srog chad nas shi ba'i dus byed par 'gyur te/ maud+gal gyi bu/ de'i phyir sa chen po bsgyur bar de bzhin
534a7 gshegs pa khyod la gnang bar mi mdzad do/ /gnas 'jog gi rgyud dang / dge slong maud+gal gyi bu ni/ rdzu 'phrul gyi stobs de lta bu dang ldan no/ /gnas 'jog gi rgyud dag /
534b1 'di lta ste/ rnam par snang byed kyi nyi ma dag ni/ kun tu 'gro ba na phyogs snang bar byed do/ /de srid du stong gi 'jig rten na zla ba stong dang / nyi ma stong dang / ri'i rgyal po ri rab stong dang /
534b2 shar gyi lus 'phags stong dang / ba lang spyod stong dang / byang gi sgra mi snyan stong dang / dzam+bu'i gling stong dang / rgyal chen bzhi'i ris kyi lha stong dang / sum cu rtsa gsum pa dag dang /
534b3 'thab bral dag dang / dga' ldan dag dang / 'phrul dga' dag dang / gzhan 'phrul dbang byed kyi lha stong dang / tshangs pa'i 'jig rten stong po 'di ni/ stong spyi phud kyi 'jig rten
534b4 gyi khams zhes bya'o/ /stong spyi phud kyi 'jig rten gyi khams stong gang yin pa de ni/ stong gnyis pa bar ma'i 'jig rten gyi khams zhes bya'o/ /stong gnyis pa bar ma'i 'jig rten
534b5 gyi khams phrag stong gang yin pa 'di ni/ stong gsum gyi stong chen po'i 'jig rten gyi khams zhes bya'o/ /'phags pa rdo 'phangs pa'i mdo/ bam po gnyis pa ste tha ma/
534b6 gnas 'jog gi rgyud dag /stong gsum gyi stong chen po'i 'jig rten gyi khams de yang rdzu 'phrul dang ldan pa dge slong maud+gal gyi bu dang 'dra ba dag gis gang bar gyur la/ de bzhin
534b7 gshegs pa'i rdzu 'phrul nges par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye
535a1 bar mi 'gro'o/ /de ci'i phyir zhe na/ nyan thos dang / rang sangs rgyas rnams kyi rdzu 'phrul ni/ lus kyis 'gro ba yin zhing / de bzhin gshegs pa dgra
535a2 bcom pa yang dag par rdzogs pa'i sangs rgyas kyi rdzu 'phrul ni/ yid ltar mgyogs pa yin pa'i phyir te/ gnas 'jog gi rgyud dag /de bzhin gshegs pa dgra bcom pa
535a3 yang dag par rdzogs pa'i sangs rgyas dag ni/ rdzu 'phrul gyi stobs de lta bu dang ldan pa dag yin zhing / gang dag 'das pa dag dang / gang dag ma byon pa dag dang / gang
535a4 yang nga da ltar byung ba'i dus na de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa dang mnyam ste/ mtshan
535a5 mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis
535a6 mnyam pa dag ni/ ma yin no/ /btsun pa/ bdag cag gis de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas
535a7 rnams kyi yab yum las byung ba'i stobs kyang thos lags/ bsod nams kyi stobs kyang thos lags/ shes rab kyi stobs kyang thos lags/ rdzu 'phrul gyi stobs
535b1 kyang thos lags na/ btsun pa/ de bzhin gshegs pa dgra bcom pa yang dag par rdzogs pa'i sangs rgyas dag bsgoms pa'i stobs ji lta bu dang ldan pa lags/ gnas
535b2 'jog gi rgyud dag /khyed de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas rnams kyi bsgoms pa'i stobs nyan par
535b3 'dod dam/ btsun pa bcom ldan 'das/ mchog tu 'tshal lags so/ /bde bar gshegs pa/ mchog tu 'tshal lags so/ /gnas 'jog gi rgyud dag /de'i phyir khyed legs par
535b4 rab tu nyon la yid la zungs shig dang ngas bshad do/ /gnas 'jog gi rgyud dag /dzam+bu'i gling chu dang rgyar ni/ dpag tshad bdun stong yod de/ byang phyogs su ni/ yangs la/ lho
535b5 phyogs su shing rta'i dbyibs so/ /gnas 'jog gi rgyud dag /shar gyi lus 'phags gling ni/ chur ni/ dpag tshad brgyad stong yod de/ zla gam du gnas so/ /gnas 'jog gi
535b6 rgyud dag /ba lang spyod kyi gling ni/ chur dpag tshad dgu stong yod pa kun tu zlum po'o/ /gnas 'jog gi rgyud dag /byang gi sgra mi snyan gyi gling ni/ chur dpag tshad khri yod de/ kun
535b7 nas gru bzhi'o/ /gnas 'jog gi rgyud dag /gang gling bzhir dus med pa'i sprin chen po yang dag par 'ong ba'i dus de yod de/ de'i tshe gling chen po bzhi nas chu chen po'i rgyun dang /
536a1 chu chen po'i phung po rgya mtsho chen por 'bab ste/ de bzhin gshegs pa'i chu'i thigs pa re re la chu'i thigs pa 'di ni/ dzam+bu'i gling nas char 'bab bo/ /
536a2 grong che ge mo dang / grong rdal che ge mo dang / ljongs che ge mo dang / ljongs kyi phyogs che ge mo dang / shing ljon pa che ge mo dang / sdong po che ge mo dang / yal ga dang / 'dab ma
536a3 dang / me tog dang / 'bras bu dang / rtswa dang / shing dang / yal ga dang / shing gi dum bu che ge mo las char bab pa'o/ /'di ni/ ba lang spyod pa dang / shar gyi lus 'phags
536a4 dang / byang gi sgra mi snyan gyi gling nas char bab pa'o/ /grong che ge mo dang / grong rdal che ge mo dang / ljongs che ge mo dang / ljongs kyi phyogs che ge mo dang / shing ljon pa che ge mo
536a5 dang / sdong po che ge mo dang / yal ga dang / 'dab ma dang / me tog dang / 'bras bu dang / rtswa dang / shing dang / yal ga dang / shing gi dum bu che ge mo las char bab pa'o/ /
536a6 zhes yongs su dpyod par mdzad de/ chu'i thigs pa de yang rdul phra rab tsam du yongs su dpyod par mdzad do/ /gnas 'jog gi rgyud dag/ de bzhin gshegs pa dgra
536a7 bcom pa yang dag par rdzogs pa'i sangs rgyas dag ni/ bsgoms pa'i stobs de lta bu dang ldan pa dag yin zhing / gang dag 'das pa dag dang / gang dag ma byon pa
536b1 dag dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa dang mnyam pa
536b2 ste| mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smon pa mnyam pa dag yin gyi/ rgyu gsum po rigs dang / sku tshe dang / sku lus
536b3 kyis mnyam pa dag ni/ ma yin no/ /gnas 'jog gi rgyud dag /de bzhin gshegs pa dgra bcom pa yang dag par rdzogs pa'i sangs rgyas dag ni/ stobs bcu gzhan dag
536b4 dang ldan pa dag yin zhing / khyu mchog gi gnas rlabs po che zhal gyis 'ches te tshangs pa'i 'khor lo rab tu bskor zhing 'khor gyi nang du yang dag par seng+ge'i sgra sgrog par
536b5 mdzad cing gang dag 'das pa dag dang / gang dag ma byon pa dag dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs par sangs
536b6 rgyas pa'i sangs rgyas thams cad mnyam pa dang mnyam pa ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnams par smin pa mnyam pa dag
536b7 yin gyi| rgyu gsum po rigs dang / sku tshe dang / sku lus kyis mnyam pa dag ni/ ma yin no/ /gnas 'jog gi rgyud dag/ stobs bcu gang dag dang ldan zhe na/ 'di la de
537a1 bzhin gshegs pa dgra bcom pa yang dag par rdzogs pa'i sangs rgyas rnams ni/ gnas la yang gnas dang gnas pa ma yin pa la yang gnas
537a2 ma yin par yang dag pa ji lta ba bzhin du rab tu mkhyen te/ gnas 'jog gi rgyud dag /'di ltar de bzhin gshegs pa dgra bcom pa yang dag par rdzogs pa'i sangs
537a3 rgyas rnams ni/ gnas la yang gnas dang gnas ma yin pa la yang gnas ma yin par yang dag pa ji lta ba bzhin du rab tu mkhyen to/ /gnas 'jog gi rgyud dag /de
537a4 bzhin gshegs pa dgra bcom pa yang dag par rdzogs pa'i sangs rgyas dag ni/ stobs dang po de dang ldan pa dag yin zhing / khyu mchog gi gnas rlabs po che zhal gyis
537a5 'ches te tshangs pa'i 'khor lo rab tu bskor zhing 'khor gyi nang du yang dag par seng+ge'i sgra sgrog par mdzad do/ /gnas 'jog gi rgyud dag /de bzhin gshegs pa dgra
537a6 bcom pa yang dag par rdzogs pa'i sangs rgyas rnams ni/ 'das pa dang / ma 'ongs pa dang / da ltar byung ba'i las dang / chos yang dag par len pa dag la gnas dang /
537a7 rgyu dang / dngos po dang / rnam par smin pa yang dag pa ji lta ba bzhin du rab tu mkhyen te/ gnas 'jog gi rgyud dag /'di ltar de bzhin gshegs pa dgra bcom pa
537b1 yang dag par rdzogs pa'i sangs rgyas rnams ni/ 'das pa dang / ma 'ongs pa dang / da ltar byung ba'i las dang / chos yang dag par len pa dag la gnas dang / rgyu dang /
537b2 dngos po dang / rnam par smin par yang dag pa ji lta ba bzhin du rab tu mkhyen to/ /gnas 'jog gi rgyud dag /de bzhin gshegs pa dgra bcom pa yang dag par rdzogs pa'i
537b3 sangs rgyas dag ni/ stobs gnyis pa de dang ldan pa yin zhing / khyu mchog gnas rlabs po che zhal gyis 'ches te tshangs pa'i 'khor lo rab tu bskor zhing 'khor gyi nang du
537b4 yang dag par seng+ge'i sgra sgrog par mdzad do/ /gnas 'jog gi rgyud dag /gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/
537b5 bsam gtan dang / rnam par thar pa dang / ting nge 'dzin dang / snyoms par 'jug pa dag gis kun nas nyon mongs pa dag gi kun nas nyon mongs pa dang / rnam par byang
537b6 ba dang / rnam par gnas pa dang / rnam par dag pa yang dag pa ji lta ba bzhin du rab tu mkhyen to/ /gnas pa 'jog gi rgyud dag /'di ltar de bzhin gshegs pa dgra bcom pa
537b7 yang dag par rdzogs pa'i sangs rgyas rnams ni/ bsam gtan dang / rnam par thar pa dang / ting nge 'dzin dang / snyoms par 'jug pa dag gi kun nas nyon mongs pa dang
538a1 rnam par byang ba dang / rnam par gnas pa dang / rnam par dag pa yang dag pa ji lta ba bzhin du rab tu mkhyen to/ /gnas 'jog gi rgyud dag /de bzhin
538a2 gshegs pa dgra bcom pa yang dag par rdzogs pa'i sangs rgyas dag ni/ stobs gsum pa de dang ldan pa dag yin zhing khyu mchog gi gnas rlabs po che zhal gyis 'ches te
538a3 tshangs pa'i 'khor lo rab tu bskor zhing 'khor gyi nang du yang dag par seng+ge'i sgra sgrog par mdzad do/ /gnas 'jog gi rgyud dag /gzhan yang de bzhin gshegs pa dgra
538a4 bcom pa yang dag par rdzogs pa'i sangs rgyas rnams ni/ sems can gzhan dag dang / gang zag gzhan dag gi dbang po mchog dang mchog ma yin pa nyid yang dag pa ji
538a5 lta ba bzhin du rab tu mkhyen te/ gnas 'jog gi rgyud dag /'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ sems can gzhan
538a6 dag dang / gang zag gzhan dag gi dbang po mchog dang mchog ma yin pa nyid yang dag pa ji lta ba bzhin du rab tu mkhyen to/ /gnas 'jog gi rgyud dag /de bzhin gshegs
538a7 pa dgra bcom pa yang dag par rdzogs pa'i sangs rgyas dag ni/ stobs bzhi pa de dang ldan pa dag yin zhing / khyu mchog gi gnas rlabs po che zhal gyis 'ches te tshangs
538b1 pa'i 'khor lo rab tu bskor zhing 'khor gyi nang du yang dag par seng+ge'i sgra sgrog par mdzad do/ /gnas 'jog gi rgyud dag /gzhan yang de bzhin gshegs pa dgra bcom pa yang
538b2 dag par rdzogs pa'i sangs rgyas rnams ni/ sems can gzhan dag dang / gang zag gzhan dag gi mos pa sna tshogs nyid yang dag pa ji lta ba bzhin du rab tu mkhyen te/
538b3 gnas 'jog gi rgyud dag /'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ sems can gzhan dag dang / gang zag gzhan dag
538b4 gi mnos pa sna tshogs nyid yang dag pa ji lta ba bzhin du mkhyen to/ /gnas 'jog gi rgyud dag /de bzhin gshegs pa dgra bcom pa yang dag par rdzogs pa'i sangs rgyas dag ni/
538b5 stobs lnga pa de dang ldan pa dag yin zhing / khyu mchog gi gnas rlabs po che zhal gyis 'ches te tshangs pa'i 'khor lo rab tu bskor zhing 'khor gyi nang du yang dag par seng+ge'i
538b6 sgra sgrog par mdzad do/ /gnas 'jog gi rgyud dag /gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ khams sna tshogs pa
538b7 khams du ma dang ldan pa'i 'jig rten yang dag pa ji lta ba bzhin du rab tu mkhyen te/ gnas 'jog gi rgyud dag /'di ltar de bzhin gshegs pa dgra bcom pa yang dag par
539a1 rdzogs pa'i sangs rgyas rnams ni/ khams sna tshogs pa khams du ma dang ldan pa'i 'jig rten yang dag pa ji lta ba bzhin du rab tu mkhyen to/ /gnas 'jog
539a2 gi rgyud dag /de bzhin gshegs pa dgra bcom pa yang dag par rdzogs pa'i sangs rgyas dag ni/ stobs drug pa de dang ldan pa dag yin zhing / khyu mchog gi gnas rlabs
539a3 po che zhal gyis 'ches te tshangs pa'i 'khor lo rab tu bskor zhing 'khor gyi nang du yang dag par seng+ge'i sgra sgrog par mdzad do/ /gnas 'jog gi rgyud dag /gzhan yang de
539a4 bzhin gshegs pa dgra bcom pa yang dag par rdzogs pa'i sangs rgyas rnams ni/ thams cad du 'gro ba'i lam yang dag pa ji lta ba bzhin du rab tu mkhyen te/ gnas
539a5 'jog gi rgyud dag /'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ thams cad du 'gro ba'i lam yang dag pa ji lta ba
539a6 bzhin du rab tu mkhyen to/ /gnas 'jog gi rgyud dag /de bzhin gshegs pa dgra bcom pa yang dag par rdzogs pa'i sangs rgyas dag ni/ stobs bdun pa da dang ldan pa dag
539a7 yin zhing / khyu mchog gi gnas rlabs po che zhal gyis 'ches te tshangs pa'i 'khor rab tu bskor zhing 'khor gyi nang du yang dag par seng+ge'i sgra sgrog par mdzad do/ /gnas
539b1 'jog gi rgyud dag /gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ sngon gyi gnas rnam pa du ma yang dag par rjes su dran par
539b2 mdzad de/ 'di lta ste/ tshe rabs gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum cu dang /
539b3 bzhi bcu dang / lnga bcu dang / tshe rabs brgya dang / tshe rabs stong dang / tshe rabs brgya stong dang / tshe rabs brgya phrag du ma dang / tshe rabs stong phrag du ma dang tshe rabs brgya stong phrag
539b4 du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma
539b5 dang / 'jig pa dang 'chags pa'i bskal pa du ma yang dag par rjes su dran par mdzad cing sems can 'byung ba de dag ni/ ming 'di dag ces bya bar gyur to/ /de dag tu bdag
539b6 cag ming 'di dag ces bya bar gyur to/ /rigs dag ni/ 'di dag ces bya/ rus dag ni/ 'di dag ces bya/ zas dag ni/ 'di lta bu dag cig za za/ bde ba dang sdug bsngal ba ni/ 'di
539b7 lta bu dag cig myong / tshe ni/ 'di tsam zhig tu ring bar gyur/ yun ni/ 'di srid dag cig tu gnas gnas/ tshe dag ni/ 'di tsam dag cig thub/ de dag dang bdag cag gnas
540a1 de nas shi 'phos te che ge mo zhig tu skyes pa dag tu gyur/ de nas kyang shi 'phos nas che ge mo zhig tu skyes pa dag tu gyur/ de nas kyang shi 'phos
540a2 nas yang 'dir skyes pa dag tu gyur to/ /zhes rnam pa dang bcas shing / yul phyogs dang bcas la/ gzhi ci las gyur pa dang bcas par sngon gyi gnas rnam pa du ma yang
540a3 dag par rjes su dran par mdzad la/ gnas 'jog gi rgyud dag /'di ltar de bzhin gshegs pa dgra bcom pa yang dag par rdzogs pa'i sangs rgyas ni/ sngon gyi gnas
540a4 rnam pa du ma yang dag par rjes su dran par mdzad de/ 'di lta ste/ tshe rabs gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu
540a5 dang / bcu dang / nyi shu dang / sum cu dang / bzhi bcu dang / lnga bcu dang / tshe rabs brgya dang / tshe rabs stong dang / tshe rabs brgya stong dang / tshe rabs brgya phrag du ma dang / tshe
540a6 rabs stong phrag du ma dang / tshe rabs brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang /
540a7 'jig pa'i bskal pa du ma dang / 'chags pa'i bskal pa du ma dang / 'jigs pa dang 'chags pa'i bskal pa du ma yang dag par rjes su dran par mdzad cing sems can
540b1 'byung ba de dag ni/ ming 'di dag ces bya bar gyur to/ /de dag tu bdag cag ming 'di dag ces bya bar gyur to/ /rigs dag ni/ 'di dag ces bya/ rus dag ni/ 'di dag ces bya/ zas
540b2 dag ni| 'di lta bu dag cig za za/ bde ba dang sdug bsngal ba ni/ 'di lta bu dag cig myong / tshe 'di tsam zhig tu ring bar gyur/ yun ni/ 'di srid dag cig gnas gnas/ tshe dag ni
540b3 'di tsam dag cig thub/ de dag dang bdag cag gnas de nas shi 'phos nas che ge mo zhig tu skyes pa dag tu gyur/ de nas kyang shi 'phos nas che ge mo zhig tu skyes pa dag tu gyur
540b4 de nas kyang shi 'phos nas yang 'dir skyes pa dag tu gyur to/ /zhes rnam pa dang bcas shing / yul phyogs dang bcas la/ gzhi ci las gyur pa dang bcas par sngon gyi gnas
540b5 rnam pa du ma yang dag par rjes su dran par mdzad do/ /gnas 'jog gi rgyud dag /de bzhin gshegs pa dgra bcom pa yang dag par rdzogs pa'i sangs rgyas dang ni /stobs
540b6 brgyad pa de dang ldan pa dag yin zhing / khyu mchog gi gnas rlabs po che zhal gyis 'ches te tshangs pa'i 'khor lo rab tu bskor zhing 'khor gyi nang du yang dag par seng+ge'i sgra
540b7 sgrog par mdzad do/ /gnas 'jog gi rgyud dag /gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni/ lha'i spyan rnam par dag
541a1 pa mi las 'das pas sems can shi 'pho ba dag dang / skye ba dag dang / mdog bzang ba dag dang / mdog ngan pa dag dang / dman pa dag dang /
541a2 gya nom pa dag dang / bde 'gror 'gro ba dag la gzigs par mdzad cing / sems can la ji lta ba bzhin du nye bar dong ba dag la sems can 'byung ba de dag ni/ lus kyi
541a3 nye bar spyod pa dang ldan pa dag dang / ngag dang yid kyi nyes par spyod pa dang ldan pa dag dang / 'phags pa rnams la skur ba 'debs pa dag dang / log par lta ba dag yin
541a4 te| log par lta ba'i las dang / chos yang dag par len pa'i rgyus de'i rgyu dang / de'i rkyen gyis lus zhig nas shi phan chad ngan song ngan 'gro log par ltung ba'i sems can
541a5 dmyal ba rnams su skye bar 'gyur ro/ /yang na sems can 'byung ba dag ni/ lus kyis legs par spyod pa dang ldan pa dag dang / ngag dang yid kyis legs par spyod pa dang
541a6 ldan pa dag dang / 'phags pa rnams la skur ba mi 'debs pa dang / yang dag par lta ba dag yin te/ yang dag pa'i lta ba'i las dang / chos yang dag par len pa'i rgyus
541a7 de'i rgyu dang / de'i rkyen gyis lus zhig nas bde 'gro mtho ris kyi 'jig rten du lha rnams kyi nang du skye bar 'gyur ro/ /zhes yang dag pa ji lta ba bzhin du rab tu mkhyen te/
541b1 gnas 'jog gi rgyud dag /'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni/ lha'i spyan rnam par dag ba mi las 'das pas
541b2 sems can 'chi 'pho ba dag dang / skye ba dag dang / mdog bzang po dag dang / mdog ngan pa dag dang / dman pa dang / gya nom pa dag dang / bde 'gro dang / ngan 'gro ba dag
541b3 la 'jigs par mdzad cing / sems can las ji lta ba bzhin du nye bar dong ba dag la sems can 'byung ba de dag ni/ lus kyis nyes par spyod pa dang ldan pa dag dang / ngag dang
541b4 yid kyis nyes par spyod pa dang ldan pa dag dang / 'phags pa rnams la skur pa 'debs pa dag dang / log par lta ba dag yin te/ log par lta ba'i las dang / chos yang dag
541b5 par len pa'i rgyus de'i rgyu dang / de'i rkyen gyis lus zhig nas shi phan chad ngan song ngan 'gro log par ltung ba'i sems can dmyal ba dag tu skye bar 'gyur ro/ /yang na sems
541b6 can 'byung ba de dag ni/ lus kyis legs par spyod pa dang ldan pa dang / ngag dang yid kyis legs par spyod pa dang ldan pa dag dang / 'phags pa rnams la skur pa mi 'debs
541b7 pa dag dang / yang dag par lta ba dag yin te/ yang dag pa'i lta ba'i las dang / chos yang dag par len pa'i rgyus de'i rgyu dang / de'i rkyen gyis lus zhig nas bde 'gro dang / mtho
542a1 ris kyi 'jig rten du lha rnams kyi nang du skye bar 'gyur ro/ /zhes yang dag pa ji lta ba bzhin du rab tu mkhyen to/ /gnas 'jog gi rgyud dag /de bzhin
542a2 gshegs pa dgra bcom pa yang dag par rdzogs pa'i sangs rgyas dag ni/ stobs dgu pa de dang ldan pa dag yin zhing / khyu mchog gi gnas rlabs bo zhal gyis
542a3 'ches te tshangs pa'i 'khor lo rab tu bskor zhing / 'khor gyi nang du yang dag par seng+ge'i sgra sgrog par mdzad do/ /gnas 'jog gi rgyud dag /gzhan yang de bzhin gshegs
542a4 pa dgra bcom pa yang dag par rdzogs pa'i sangs rgyas rnams ni/ zag pa zad pas zag pa med pa'i sems rnam par grol ba/ shes rab rnam par grol ba/ mthong
542a5 ba'i chos nyid bdag nyid kyis mngon par mkhyen pas mngon du mdzad de/ rdzogs par mdzad nas rab tu mkhyen cing nged cag gi skye ba 'di ni/ zad do/ /tshangs par spyod pa
542a6 ni| bsnyen to/ /mdzad pa mdzad do/ /'di las srid pa gzhan rab tu mkhyen te/ gnas 'jog gi rgyud dag /'di ltar de bzhin gshegs pa dgra bcom pa yang dag par rdzogs
542a7 pa'i sangs rgyas rnams ni/ zag pa dag zad nas zag pa med pa'i sems rnam par grol ba/ shes rab rnam par grol ba/ mthong ba'i chos nyid la bdag nyid kyis mngon
542b1 par mkhyen pas mngon du mdzad de/ rdzogs par mdzad nas rab tu mkhyen cing deng kyi skye ba ni/ zad do/ /tshangs par spyod pa ni/ bsnyen to/ /mdzad pa mdzad do/ /'di las srid pa
542b2 gzhan rab tu mi mkhyen to/ /gnas 'jog gi rgyud dag /de bzhin gshegs pa dgra bcom pa yang dag par rdzogs pa'i sangs rgyas dag ni/ stobs bcu po de dag dang ldan pa dag
542b3 yin zhing khyu mchog gi gnas rlabs po che zhal gyis 'ches te tshangs pa'i 'khor lo rab tu bskor zhing 'khor gyi nang du yang dag pa'i seng+ge'i sgra sgrog par mdzad do/ /gang dag 'das
542b4 pa dag dang / gang dag ma byon pa dag dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs par sangs rgyas pa'i sangs rgyas
542b5 thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs
542b6 dang / sku tshe dang / sku lus kyis mnyam pa dag ma yin no/ /de nas bcom ldan 'das la ku sha'i grong khyer nas skyes pa gyad rnams kyis 'di skad ces gsol to/ /btsun pa/
542b7 'o na ci gang stobs de dag las ches stobs dang ldan zhing / gang stobs de dag zil gyis gnon par bgyid pa'i stobs gzhan mchis lags sam/ gnas 'jog gi rgyud dang / /
543a1 gang stobs de dag las ches stobs dang ldan zhing / gang stobs de dag zil gyis gnon par byed pa'i stobs gzhan yod de/ 'di lta ste/ gang de nyid
543a2 kyi mtshan mo'i gung thun la mtshan gyis rnam par brgyan pa/ dpe byad bzang pos rnam par mdzes par byas pa'i sku 'di dang stobs de dag gi snod du gyur pa'i sku srog 'di rab
543a3 tu 'joms par 'gyur ba'i mi rtag pa nyid kyi stobs zhes bya'o/ /gnas 'jog gi rgyud dag /'di ni/ gang stobs de dag las ches stobs dang ldan zhing / gang stobs de
543a4 dag zil gyis gnon par byed pa'i stobs gzhan de yin no/ /de nas bcom ldan 'das kyis de'i tshe tshigs su bcad pa dag bka' stsal pa/ lus las byung ba'i
543a5 stobs dang bsod nams stobs/ /ye shes stobs dang rdzu 'phrul stobs pas kyang / /nga yi gzi brjid 'joms pa mi rtag nyid/ /mchog tu stobs dang ldan par bzhed pa
543a6 yin| |gang du de dang 'dra ba'i sku lus ni/ /gser gyi ri yi dbang po'i rtse mo 'dra/ /mi rtag nyid kyi gzi brjid kyis bcom pa/ /nga yi 'jig pa 'ong bar 'gyur ba yin/ /mi
543a7 rtag nyid kyi stobs rnams stobs mchog par/ /mkhas pa yis ni rnam par shes bya ste/ /gang du mi rtag nyid ni mi 'ong ba'i/ /mi 'chi ba yi gnas de thob par bya/ /bcom
543b1 ldan 'das las ku sha'i grong khyer nas skyes pa'i gyad rnams kyis de skad thos nas rmongs par gyur te/ ji ltar yang 'du shes thob pa dag tu gyur nas sa la 'gre ldog ste/
543b2 'di lta ste/ shing gi sdong du ma bzhin no/ /kha cig ni/ dpung pa dag bsnol te rab tu ngu bar byed do/ /kha cig ni/ sems kyi sdug bsngal dang kun tu ldan zhing 'khod do/ /kha cig
543b3 ni| chos nyid kho na la rton par byed de/ bcom ldan 'das kyis bdag cag la'ang dang po nyid du 'dod pa dang / sdug pa dang / dga' ba dang / yid du 'ong ba thams cad las
543b4 dngos po tha dad pa dang / med par 'byung ba dang / 'bral ba dang mi ldan pa 'byung bar 'gyur ro/ /zhes gsungs so snyam mo/ /de nas ku sha'i grong khyer nas skyes pa'i gyad rnams thi
543b5 ba'i skad ltar snyan cing 'jebs pa ring zhing 'jam pa'i dbugs phyung nas mchi ma dag phyung ste bcom ldan 'das kyi zhabs gnyis la mgo bos phyag btsal nas phyogs gcig
543b6 tu 'khod do/ /de nas bcom ldan 'das dge slong gi dge 'dun dang thabs cig tu rdo chen po yangs pa de'i phyogs gcig tu bzhugs so/ /ku sha'i grong khyer nas skyes pa'i gyad
543b7 rnams kyang rdo chen po yangs pa de nyid kyi phyogs gcig tu 'khod do/ /de nas bcom ldan 'das ku sha'i grong khyer nas skyes pa'i gyad rnams la shad kyis sbyong ba ltar mdzad
544a1 cing ku sha'i grong khyer nas skyes pa'i gyad rnams la 'di skad ces bka' stsal to/ /gnas 'jog gi rgyud dag /rdo chen po yangs pa 'di ni/ bskal pa
544a2 dang po'i mi rnams kyi rtsol ba'i rdor gyur te/ 'di ltar deng sang yang de la sor mo'i rjes dag snang ba'i phyir ro/ /gnas 'jog gi rgyud dag /de ltar 'du byed thams cad ni/ mi
544a3 rtag pa/ mi brtan pa/ yid brtan du mi rung ba/ rnam par 'gyur ba'i chos can dag yin te/ 'du byed thams cad kyi bar gyis chog pa nyid do/ /skyo bar bya ba'i rigs so/ /'dod
544a4 chags dang bral bar bya ba'i rigs so/ /rnam par grol bar bya ba'i rigs so/ /gnas 'jog gi rgyud dag /rgya mtsho chen po ni/ rgyu bzhis skam par mi nus so/ /bzhi gang dag
544a5 gis she na/ 'og tu ni/ gser gyi 'khor los kun tu bzung ba dang / ngos su ni/ khor yug gis yongs su bzung ba dang / steng nas ni/ klu chen po dag gis shing rta'i
544a6 srog shing tsam du chu'i rgyun gyi char 'bebs par byed pa dang / chu bo chen po thams cad chu klung stong phrag du ma'i 'khor dang ldan pa rgya mtsho chen por 'bab par byed pa'o/ /de
544a7 ltar sangs rgyas kyi bstan pa rgya mtsho 'di'ang rgyu bzhis nub par mi 'gyur ro/ /bzhi gang dag gis she na/ 'og tu ni/ 'dul ba'i gser gyi 'khor los kun tu bzung ba
544b1 dang / ngos su ni/ mdo sde'i khor yug gis yongs su bzung ba dang / chos mngon pa'i klu chen po'i char gyis kun tu yongs su gang bar byas pa dang / bsgoms pa las byung ba'i
544b2 dge ba'i rtsa ba'i chu klung dag gis yongs su rgyas par byas pa'o/ /gnas 'jog gi rgyud dag /'on kyang sangs rgyas la dge ba'i rtsa ba bskyed pa ni/ 'khor bar zad par mi 'gyur
544b3 yongs su gtugs par mi 'gyur zhing / mya ngan las 'das pa mi zad pa'ang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni/
544b4 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa'ang thob par byed do/ /gnas 'jog gi rgyud dag /dzam+bu'i gling 'di ni/
544b5 chu dang zheng du dpag tshad bdun stong yod cing / byang phyogs su ni/ yangs la/ lho phyogs su shing rta'i dbyibs yin no/ /de ni/ gom pa 'di snyed cig yod do zhe'am/ gom pa
544b6 brgya'am/ gom pa stong ngam/ gom pa brgya stong zhig yod ces bgrang ba dang / tshad gzung bar nus kyi/ gnas 'jog gi rgyud dag /sangs rgyas la dge ba'i rtsa ba bskyed pa ni/
544b7 bgrang ba dang / ched gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa'ang thob par byed do/ /
545a1 chos la dge ba'i rtsa ba bskyed pa dang / dge 'dun la dge ba rtsa ba bskyed pa ni/ bgrang ba dang / tshad gzung bar mi nus te/ 'khor bar zad par mi
545a2 'gyur| yongs su gtugs par mi 'gyur zhing / mya ngan las 'das pa mi zad pa'ang thob par byed do/ /gnas 'jog gi rgyud dag /dzam+bu'i gling lta zhog gi /gnas 'jog gi
545a3 rgyud dag/ shar gyi lus 'phags gling zhes bya ba chu dang rgyar dpag tshad brgyad stong yod cing / zla gam du gnas pa yod de/ de la'ang gom pa 'di snyed cig yod do zhe'am/
545a4 gom pa brgya'am/ gom pa stong ngam/ gom pa brgya stong zhig yod do/ /zhes bgrang ba dang / tshad gzung bar nus kyi/ gnas 'jog gi rgyud dag /sangs rgyas la dge ba'i
545a5 rtsa ba bskyed pa ni/ bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad
545a6 pa'ang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni/ bgrang ba dang / tshad gzung bar mi nus te/ 'khor bar zad par
545a7 mi 'gyur/ yongs su gtugs par mi 'gyur zhing / mya ngan las 'das pa mi zang ba'ang thob par byed do/ /gnas 'jog gi rgyud dag /dzam+bu'i gling yang zhog/ shar gyi lus
545b1 'phags gling yang zhog gi /gnas 'jog gi rgyud dag /ba lang spyod kyi gling zhes bya ba chu dang rgyar dpag tshad dgu stong yod cing / kun tu zlum po yod de/ de la gom pa 'di snyed cig
545b2 yod do zhe'am/ gom pa brgya'am/ gom pa stong ngam/ gom pa brgya stong zhig yod do/ /zhes bgrang ba dang / tshad gzung bar nus kyi/ gnas 'jog gi rgyud dag /sangs rgyas la dge
545b3 ba'i rtsa ba bskyed pa ni/ bgrang ba dang / tshad gzung bar mi nus te/ 'khor bar zad bar mi 'gyur/ yongs su gtugs par mi 'gyur zhing / mya ngan las 'das pa mi zad pa'ang
545b4 thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni/ bgrang ba dang / tshad gzung bar mi nus te/ 'khor bar zad par mi 'gyur/ yongs
545b5 su gtugs par mi 'gyur zhing / mya ngan las 'das pa mi zad pa'ang thob par byed do/ /gnas 'jog gi rgyud dag /dzam+bu'i gling yang zhog /nub kyi ba lang spyod kyi gling yang zhog /
545b6 shar gyi lus 'phags gling yang zhog gi /gnas 'jog gi rgyud dag /byang gi sgra mi snyan gyi gling zhes bya ba chu dang rgyar dpag tshad khri yod pa kun tu gru bzhi pa yod de/ de la'ang
545b7 gom pa 'di snyed cig yod do zhe'am/ gom pa brgya'am/ gom pa stong ngam/ gom pa brgya stong zhig yod do/ /zhes bgrang ba dang / tshad gzung bar nus kyi/ gnas 'jog gi rgyud
546a1 dag /sangs rgyas la dge ba'i rtsa ba bskyed pa ni/ bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par
546a2 mi 'gyur zhing / mya ngan las 'das pa mi zad pa'ang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni/ bgrang ba dang / tshad
546a3 gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa'ang thob par byed do/ /gnas 'jog gi
546a4 rgyud dag /gling bzhi pa'i 'jig rten gyi khams lta zhog gi /gnas 'jog gi rgyud dag /ri'i rgyal po khor yug dang / khor yug chen po dag yod de/ de gnyis la'ang srid 'di
546a5 snyed cig yod do zhe'am/ srang brgya'am/ srang stong ngam/ srang brgya stong zhig yod do/ /zhes bgrang ba dang / tshad gzung bar nus kyi/ gnas 'jog gi rgyud dag/ sangs rgyas la
546a6 dge ba'i rtsa ba bskyed pa ni/ bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi
546a7 zad pa'ang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni/ bgrang ba dang / tshad gzung bar mi nus te/ 'khor bar
546b1 zad par mi 'gyur/ yongs su gtugs par mi 'gyur zhing / mya ngan las 'das pa mi zad pa'ang thob par byed do/ /gnas 'jog gi rgyud dag /gling bzhi pa'i 'jig rten gyi
546b2 khams kyang zhog /ri'i rgyal po khor yug chen po dag kyang zhog gi /gnas 'jog gi rgyud dag /rgya mtsho chen po ni/ zabs su dpag tshad brgyad khri yod cing / rgyar ni/ dpag tu med
546b3 bskyed pa ni/ bgrang ba dang / tshad gzung bar mi nus te/ brgya'am/ bum pa stong ngam/ bum pa brgya stong zhig yod do/ /zhes bgrang ba dang / tshad gzung bar nus kyi/ gnas 'jog
546b4 gi rgyud dag /sangs rgyas la dge ba'i rtsa ba bskyed pa ni/ bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya
546b5 ngan las 'das pa mi zad pa'ang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni/ bgrang ba dang / tshad gzung bar mi nus te/
546b6 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa'ang thob par byed do/ /gnas 'jog gi rgyud dag /gling bzhi pa'i 'jig
546b7 rten gyi khams kyang zhog /ri'i rgyal po khor yug dang / khor yug chen po dag kyang zhog /rgya mtsho chen po yang zhog gi /gnas 'jog gi rgyud dag /ri'i rgyal po ri rab ni/ dpag
547a1 tshad brgyad khri chu'i nang du nub cing / dpag tshad brgyad khri chu las gyen du mngon du 'phags so/ /de la'ang srang 'di snyed cig yod do zhe'am/ srang brgya'am
547a2 srang stong ngam/ srang brgya stong zhig yod do/ /zhes bgrang ba dang / tshad gzung bar nus kyi/ gnas 'jog gi rgyud dag /sangs rgyas la dge ba'i rtsa ba bskyed pa ni/ bgrang ba
547a3 dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa'ang thob par byed do/ /chos
547a4 la dge ba'i rtsa ba bskyed pa dang / dge 'dun la dge ba'i rtsa ba bskyed pa ni/ bgrang ba dang / tshad gzung bar mi nus te/ 'khor bar zad par mi 'gyur/ yongs su
547a5 gtugs par mi 'gyur zhing / mya ngan las 'das pa mi zad pa'ang thob par byed do/ /gnas 'jog gi rgyud dag /de ci'i phyir zhe na/ de bzhin gshegs pa dgra bcom
547a6 pa yang dag par rdzogs pa'i sangs rgyas dag ni/ sbyin pas dpag tu med pa dag gi phyir ro/ /tshul khrims kyis dpag tu med pa dag dang / bzod pas dpag tu med
547a7 pa dag dang / brtson 'grus kyis dpag tu med pa dag dang / bsam gtan gyis dpag tu med pa dag dang / shes rab kyis dpag tu med pa dag dang / rdzu 'phrul gyis
547b1 dpag tu med pa dag dang / rdzu 'phrul gyi cho 'phrul gyis dpag tu med pa dag dang / kun brjod pas dpag tu med pa dag dang / kun brjod pa'i cho 'phrul gyis dpag tu med
547b2 pa dag dang / rjes su bstan pas dpag tu med pa dag dang / rjes su bstan pa'i cho 'phrul gyis dpag tu med pa dag dang / stobs bcu dang / mi 'jigs pa bzhi dang / ma
547b3 'dres pa'i dran pa nye bar gzhag pa gsum dang / thugs rje chen po dpag tu med pa'i phyir te/ gnas 'jog gi rgyud dag /de ltar de bzhin gshegs pa dgra bcom pa
547b4 yang dag par rdzogs pa'i sangs rgyas rnams ni/ yon tan dpag tu med pa dang ldan pa dag gi phyir ro/ /seng+ge'i sgra chen po dang ldan pa'i chos kyi rnam grangs 'di bshad pa na
547b5 stong gsum gyi stong chen po'i 'jig rten gyi khams 'di lan gsum du 'gul/ kun tu 'gul/ kun tu rab tu 'gul/ g.yos/ kun tu g.yos/ kun tu rab tu g.yos/ ldeg/
547b6 kun tu ldeg /kun tu rab tu ldeg /'khrugs/ kun tu 'khrugs/ kun tu rab tu 'khrugs par gyur to/ /de nas 'khor gyi bdag po tshangs pa dang / lha rnams kyi dbang po brgya byin
547b7 rang gi ris na gnas pa gnyis 'di snyam du sems te/ sangs rgyas bcom ldan 'das 'di ni/ ku sha'i grong khyer dang nye ba na bzhugs te/ ku sha'i grong khyer nas skyes pa'i
548a1 gyad rnams rdzu 'phrul chen pos 'dun par mdzad nas ring po mi thogs par phung po'i lhag ma med pa'i mya ngan las 'das pa'i dbyings su yongs
548a2 su mya ngan las 'da' bar 'gyur gyi/ gang 'o na bdag cag dong nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la tha
548a3 mar blta ba'i phyir 'dong ngo snyam mo/ /de nas 'khor gyi bdag po tshangs pa dang / lha rnams kyi dbang po brgya byin rang gi ris nas mi snang bar gyur te/ 'dod pa na spyod pa dang /
548a4 gzugs na spyod pa'i lha rnams dang lhan cig bcom ldan 'das kyi spyan sngar 'khod do/ /'khor gyi bdag po tshangs pa phyogs gcig tu 'dug pas de'i tshe tshigs su
548a5 bcad pa dag gsol pa/ rdzogs pa'i sangs rgyas grags ldan pa/ /de dag mthong ba rnyed par dka'/ /u du ma wa ra'i me tog bzhin/ /bskal pa bye bar rnyed par dka'/ /
548a6 shAkya seng+ge mi yi mchog /ston khyod de bzhin rnyed par dka'/ /gzugs na spyod pa'i lhar bcas te/ /thal mo rab sbyar khyod pa 'dud/ /lha rnams kyi dbang po brgya byin
548a7 phyogs gcig tu 'dug pas de'i tshe tshigs su bcad pa dag gsol pa/ bdag gi chos mig rnam par dag /snying la chos kyi sgron ma 'bar/ /ngan song sgo rnams bcad
548b1 lags te/ /bdag la ngan 'gro'i 'jigs ma mchis/ /e ma'o ston pa thugs rje can/ /phan par bzhed dang thugs brtse ba/ /'dod par spyod pa'i lhar bcas te/ /thal mo rab
548b2 sbyar khyed la 'dud/ /mi thogs yongs su mya ngan 'da'/ /khyod la tha mar lta ba lags/ /'khor gyi bdag po tshangs pa dang / lha rnams kyi dbang po brgya byin gyis de skad ces
548b3 gsol nas bcom ldan 'das kyi zhabs gnyis la mgo bos phyag btsal te bcom ldan 'das la lan gsum bskor ba byas nas bcom ldan 'das kyi thad nas zhal du phyogs
548b4 shing lta bas dong ste mgo bos phyag btsal nas de nyid du mi snang bar gyur te/ /de nas bcom ldan 'das kyis 'khor ji ltar lhags pa bzhin du thugs su chud nas bsam pa
548b5 dang / phra rgyas dang / khams dang / rang bzhin rnam par mkhyen te/ 'phags pa'i bden pa bzhi yang dag par rab tu rtogs par byed pa'i chos bstan pa de lta bu mdzad par
548b6 gyur te/ de thos pa kho na las ku sha'i grong khyer nas skyes pa'i gyad rnams kyis kha cig gis ni/ dro bar gyur pa'i dge ba'i rtsa ba dag bskyed do/ kha cig gis ni/ rtse mo dag
548b7 bskyed do/ kha cig gis ni/ bzod pa chung du dang 'bring dag bskyed do/ kha cig gis ni/ bden pa dang rjes mthun pa'i chos kyi mchog rnams bskyed do/ kha cig gis ni/ rgyun du
549a1 zhugs pa'i 'bras bu mngon du byas so/ kha cig gis ni/ lan gcig phyir 'ong ba'i 'bras bu mngon du byas so/ kha cig gis ni/ phyir mi 'ong ba'i
549a2 'bras bu mngon du byas so/ kha cig gis ni/ rab tu byung nas nyon mongs pa thams cad spangs te dgra bcom pa nyid mngon du byas so/ kha cig gis ni/ nyan thos kyi byang
549a3 chub tu sems bskyed pa dag tu gyur to/ kha cig gis ni/ rang byang chub tu sems bskyed pa dag tu gyur to/ kha cig gis ni/ bla na med pa yang dag par rdzogs pa'i
549a4 byang chub tu sems bskyed pa dag tu gyur to/ /sangs rgyas bcom ldan 'das rnams ni/ 'bras bu yod pa'i chos kyi 'bras bu ston pa dag yin te/ 'khor de las gang
549a5 phal cher ni/ sangs rgyas la gzhol ba dang / chos la 'bab pa dang / dge 'dun la dga' bar rnam par gnas so/ /'di ni/ bcom ldan 'das kyi 'dul ba rnams
549a6 'dus pa chen po tha mar byung ba yin no/ /de nas kun sha'i grong khyer nas skyes pa'i gyad rnams yid byung bar gyur cing bcom ldan 'das kyi zhabs la mgo bos phyag btsal te
549a7 bcom ldan 'das la lan gsum bskor ba byas nas bcom ldan 'das kyi thad nas dong ngo / /'phags pa rdo 'phangs pa'i mdo rdzogs so// //lo tsA ba bzang
skyong gis bsgyur/
CLOSE WINDOW