བོད་ཡིག |
503b3 rgya gar skad du/ pany+tsa tri yaM nA ma ma hA sU tra/ bod skad du/ mdo chen po lnga gsum pa zhes bya ba/ dkon
503b4 mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga'
503b5 ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag/ dge slong dang bram ze gang dag mos pa'i gzhi rnam pa du ma dag mngon
503b6 par rjod par byed pa de dag thams cad ni/ gnas lnga mngon par rjod par byed de/ lnga gang zhe na/ kha cig ni/ de phan chad bdag 'du shes can du 'gyur ro/ /zhes bya ba dang / yang
503b7 kha cig ni/ 'du shes med pa dang / 'du shes yod pa'ang ma yin/ 'du shes med pa'ang ma yin pa dang / chad pa'o/ /zhes bya ba dang / yang kha cig ni/ tshe 'di nyid la mya ngan las
504a1 'da'o| |zhes mngon par rjod pa mngon par rjod par byed do/ /dge sbyong dang bram ze shes pa dang ldan pa 'du shes can du smra ba de dag kha cig ni/ bdag
504a2 yod par sring de/ de phan chad 'du shes can du 'gyur ro/ /zhes bya ba dang / yang kha cig ni/ chad pa'o/ /zhes bya ba dang / yang kha cig ni/ tshe 'di nyid la mya ngan las 'da'o/ /zhes
504a3 mngon par rjod pa mngon par rjod par byed de/ lnga po de dag yod na gsum du 'gyur la/ gsum yod na lngar 'gyur te/ de ni/ lnga gsum pa'i chos kyi rnam grangs mdor
504a4 bstan pa yin no/ /dge slong dag /de la dge sbyong dang bram ze gang dag 'du shes can du smra ba de dag kha cig ni/ de phan chad bdag tu 'du shes can du 'gyur ro/ /zhes mngon par
504a5 brjod pa mngon par rjod par byed pa'i dge sbyong dang bram ze shes pa dang ldan pa 'du shes can du smra ba de dag kha cig ni/ bdag yod par srid de/ de phan chad gzugs can du
504a6 'gyur ro/ /zhes bya ba dang / gzugs can ma yin pa dang / 'du shes gcig pa dang / 'du shes tha dad pa dang / 'du shes chung ba dang / 'du shes chen por gyur pa dang /
504a7 'du shes tshad med pa'o/ /zhes mngon par rjod par mngon par rjod par byed do/ /yang kha cig ni/ de las ldog pa na rnam shes mtha' yas skye mched yin no/ /zhes mngon
504b1 par rjod pa mngon par rjod par byed do/ /de bzhin gshegs pas dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur
504b2 ro| |zhes mngon par rjod pa mngon par rjod par byed pa'i dge sbyong dang bram ze shes pa dang ldan pa/ 'du shes can du smra ba de dag kha cig bdag yod par srid de/ de phan chad
504b3 gzugs can 'du shes can du 'gyur ro/ /zhes bya ba dang / gzugs can ma yin pa dang / 'du shes gcig pa dang / 'du shes tha dad pa dang / 'du shes chung ba dang / 'du shes
504b4 chen por gyur pa dang / 'du shes tshang med pa'o/ /zhes mngon par brjod pa mngon par rjod par byed pa dang / yang kha cig de las ldog pa na rnam shes mtha' yas skye mched yin no//
504b5 zhes mngon par rjod pa mngon par rjod par byed pa de dag yang dag pa ji lta ba bzhin du rab tu mkhyen to/ /dge slong dag /'du shes tha dad pa dang / mchog tu 'dogs pa tha dad pa
504b6 de dag gi 'di lta ste/ rnam pa thams cad du rnam shes mtha' yas skye mched las yang dag par 'das nas ci'ang med do/ /zhes ci'ang med pa'i skye mched bsgrubs te gnas pa/
504b7 gnyis su med pa mi g.yo ba de ni/ mchog yin zhing / de ni/ bla na med pa yin no/ /dge slong dag /de ni/ rags pa/ 'dus byas pa/ bsam pa/ rten cing 'brel par 'byung ba yin
505a1 te| 'di ltar 'du byed rnams yod na 'du byed rnams kyi 'gog pa'ang yod pas na/ de bzhin gshegs pas de yod par thugs su chud nas de las
505a2 phyir ldog cing / de la zhi bar gzigs/ nges par 'byung bar gzigs shing bzhugs so/ /dge slong dag /de la dge sbyong dang bram ze gang dag 'du shes med par smra ba de dag
505a3 kha cig de phan chad bdag 'du shes med par 'gyur ro/ /zhes mngon par brjod pa mngon par rjod par de dag ni/ dge sbyong dang bram ze gang dag 'du shes can du smra ba de dag kha
505a4 cig de phan chad bdag 'du shes can du 'gyur ro/ /zhes mngon par brjod pa mngon par rjod par byed pa de dag gis smras pa la phyir rgol bar byed/ smod par byed cing de dag
505a5 'di snyam du sems te/ 'du shes ni/ nad do/ /'du shes ni/ 'bras so/ /'du shes ni/ zug rngu'o/ /'di lta ste/ 'du shes med pa 'di ni/ zhi ba'o/ /'di ni/ gya nom pa'o snyam
505a6 du sems te/ de bzhin gshegs pas dge sbyong dang bram ze gang dag 'du shes med par smra ba de dag kha cig de phan chad bdag 'du shes med par 'gyur ro/ /zhes
505a7 mngon par brjod pa mngon par rjod par byed pa de dag dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur ro/ /zhes
505b1 mngon par brjod pa mngon par rjod par byed pa de dag gis smras pa la phyir rgol bar byed/ smod par byed cing de dag 'di snyam du sems te/ 'du shes ni/ nad do/ /'du shes
505b2 ni| 'bras so/ /'du shes ni/ zug rngu'o/ /'di lta ste/ 'du shes med pa 'di ni/ zhi ba'o/ /'di ni/ gya nom pa'o snyam du sems pa de dag kyang yang dag pa ji lta ba bzhin rab tu
505b3 mkhyen to/ /dge slong dag /nga ni/ rnam par shes pa'i 'ong ba'am/ 'gro ba'am/ gnas pa'am/ 'chi 'pho ba'am/ skye ba'am/ rgyas shing 'phel la yangs par 'gyur ba /
505b4 gzugs las gzhan pa dang / tshor ba las gzhan pa dang / 'du shes las gzhan pa dang / 'du byed rnams las gzhan du 'dogs par mi byed do/ /dge slong dag /gang
505b5 dag 'di skad ces bdag ni/ rnam par shes pa'i 'ong ba'am/ 'gro ba'am/ gnas pa'am/ 'chi 'pho ba'am/ skye ba'am/ rgyas shing 'phel la yangs par 'gyur ba/ gzugs
505b6 las gzhan pa dang / tshor ba las gzhan pa dang / 'du shes las gzhan pa dang / 'du byed rnams las gzhan du 'dogs par byed do/ /zhes zer na/ de ni/ tshig gi dngos po
505b7 kho nar zad de/ 'di lta ste/ yul ma yin pa'i phyir dris na yang dag par rab tu mi shes shing lan la'ang rmongs par 'gyur ro/ /dge slong dag /de'ang rags pa/ 'dus byas pa/
506a1 bsam pa/ rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa'ang yod pas na/ de bzhin gshegs
506a2 pas de yod par thugs su chud nas de las phyir log cing de la zhi bar gzigs nges par 'byung bar gzigs shing bzhugs so/ /dge slong dag /de la dge sbyong dang / bram ze
506a3 gang dag 'du shes yod pa'ang ma yin/ 'du shes med pa'ang ma yin par smra ba de dag kha cig de phan chad bdag 'du shes yod pa'ang ma yin/ 'du shes med pa'ang ma yin
506a4 par 'gyur ro/ /zhes mngon par brjod pa mngon par rjod par byed pa de dag ni/ dge sbyong dang bram ze gang dag 'du shes can du smra ba de dag kha cig de phan chad bdag
506a5 'du shes can du 'gyur ro/ /zhes mngon par rjod pa mngon par rjod par byed pa de dag gis smras pa la phyir rgol bar byed/ dmod par byed la/ dge sbyong dang bram ze gang
506a6 dag 'du shes med par smra ba de dag kha cig phan chad bdag 'du shes med par 'gyur ro/ /zhes mngon par brjod pa mngon par rjod par byed pa de dag gis smras pa la'ang
506a7 phyir rgol bar byed/ smod par byed cing de dag 'di snyam du sems te/ 'du shes ni/ nad do/ /'du shes ni/ 'bras so/ /'du shes ni/ zug rngu'o/ /'du shes med pa'ang
506b1 kun tu rmongs pa'o/ /'di lta ste/ 'du shes med 'du shes med min skye mched 'di ni/ zhi ba'o/ /'di ni/ gya nom pa'o snyam du sems te/ de bzhin gshegs pas dge sbyong dang
506b2 bram ze gang dag 'du shes yod pa'ang ma yin/ 'du shes med pa'ang ma yin par smra ba de dag kha cig de phan chad bdag 'du shes yod pa'ang ma yin/ 'du shes med pa'ang
506b3 ma yin par 'gyur ro/ /zhes mngon par brjod pa mngon par rjod par byed pa de dag /dge sbyong dang bram ze gang dag 'du shes can du 'gyur ro/ /smra ba de dag kha cig de phan chad
506b4 bdag 'du shes can du 'gyur ro/ /zhes mngon par brjod pa mngon par rjod par byed pa de dag gis smras pa la phyir rgol bar byed/ smod par byed la dge sbyong dang bram ze gang dag
506b5 'du shes med par smra ba de dag kha cig de phan chad bdag 'du shes med par 'gyur ro/ /zhes mngon pa mngon par brjod par rjod par byed pa de dag gis smras pa la'ang phyir rgol
506b6 bar byed/ smod par byed cing de dag 'di snyam du sems te/ 'du shes ni/ nad do/ /'du shes ni/ 'bras so/ /'du shes ni/ zug rngu'o/ /'du shes med pa'ang kun tu rmongs pa'o/ /
506b7 'di lta ste/ 'du shes med 'du shes med min skye mched 'di ni/ zhi ba'o/ /'di ni/ gya nom pa'o snyam du sems pa de dag kyang yang dag pa ji lta ba bzhin du rab tu mkhyen to/ /
507a1 dge slong dag /nga ni/ mthong ba dang / thos pa dang / bye brag phyed pa dang / rnam par shes pa dang / tshul khrims dang / brtul zhugs dang / 'tsho ba dang /
507a2 tshangs par spyod pa dang / dka' thub dang / bsnyen bkur lhur len pa tsam gyis 'du byed kyi skye mched lhag ma de rjes su 'thob par 'gyur bar mi smra'i/ dge slong dag /nga ni/
507a3 srid pa'i rtse mo'i snyoms par 'jug pas skye mched de rjes su 'thob par 'gyur bar smra'o/ /dge slong dag /'di lta ste/ de sgrub par snang ba de yang skye mched de'i nyon mongs pa
507a4 yin te| de bzhin gshegs pas 'di lta ste/ sdug bsngal ba dang / sgrub pa de dag kyang yang dag pa ji lta ba bzhin du rab tu mkhyen to/ /dge slong dag /de yang rags pa/
507a5 'dus byas pa/ bsams pa| rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa'ang yod pas na/ de bzhin gshegs pas
507a6 de yod par thugs su chud nas de las phyir log cing de la zhi bar gzigs/ nges par 'byung bar gzigs shing bzhugs so/ /dge slong dag /de la dge sbyong dang bram ze
507a7 gang dag chad par smra ba de dag kha cig de phan chad bdag chad par 'gyur ro/ /zhes mngon par brjod pa mngon par rjod par byed pa de dag ni/ dge sbyong dang bram ze gang dag
507b1 'du shes can du smra ba de dag kha cig de phan chad bdag 'du shes can du 'gyur ro/ /zhes mngon par brjod pa mngon par rjod par byed pa de dag gis smras pa la phyir rgol bar byed
507b2 smod par byed cing / dge sbyong dang bram ze gang dag 'du shes med par smra ba de dag kha cig de phan chad bdag 'du shes med par 'gyur ro/ /zhes mngon par brjod pa mngon par
507b3 rjod par byed pa de dag gis smras pa la yang phyir rgol bar byed/ smod par byed la/ dge sbyong dang bram ze gang dag 'du shes yod pa la'ang ma yin/ 'du shes med pa'ang ma
507b4 yin par smra ba dag kha cig de phan chad bdag 'du shes yod pa'ang ma yin/ 'du shes med pa'ang ma yin par 'gyur ro/ /zhes mngon par brjod pa mngon par rjod par byed
507b5 pa de dag gis smras pa la yang phyir rgol bar byed/ smod par byed cing / de dag 'di snyam du sems te/ dge sbyong dang bram ze shes pa dang ldan pa/ phyis 'khor zhing legs
507b6 su smon par smra ba 'di dag thams cad ni/ 'di ltar bdag cag phyi ma la 'di lta bu dang 'di lta bur 'gyur bar bya'o/ /'di ltar bdag cag phyi ma la 'di lta bu dang 'di lta bur 'gyur
507b7 bar bya'o/ /zhes legs su smon pa kho na mngon par rjod par byed de/ 'di lta ste/ dper na/ skyes bu tshong pa zhig tshong zong gis tshong byed pa na 'di snyam du sems te/ bdag gis
508a1 tshong zod 'di las 'di lta bu dang 'di lta bu dag blangs shing gzhan du 'gro bar bya ste/ der son na bdag la khe spogs 'di lta bu dang 'di lta bu dag grub
508a2 par 'gyur ro snyam du sems so/ /de bzhin du dge sbyong dang bram ze shes pa dang ldan pa/ phyis 'khor zhing legs su smon par smra ba 'di dang thams cad kyang 'di ltar bdag
508a3 cag phyi ma la 'di lta bu dang 'di lta bur 'gyur bar bya'o/ /'di ltar bdag cag phyi ma la 'di lta bu dang 'di lta bur 'gyur bar bya'o/ /zhes legs su smon pa kho na mngon par
508a4 brjod pa mngon par rjod par byed de/ de dag gis smras pa de ni/ tshong pa lta bur 'gyur ro snyam du sems so/ /de dag 'di snyam du yang sems te/ ji srid du bdag 'di gzugs
508a5 can rags pa/ 'byung ba chen po bzhi'i rgyu las byung zhing / gson la 'dug ste/ 'tsho zhing sdod par 'gyur ba de srid du nad dang bcas/ 'bras dang bcas/ zug rdu dang bcas/
508a6 rims dang bcas/ yongs su gdung ba dang bcas pa yin gyi/ ji tsam du bdag 'di shi phan chad bdag chad cing zhig la mi 'byung ba de tsam du bdag 'di yang dag bar shin tu
508a7 legs par chad pa yin no/ /ji srid du 'dod pa na spyod pa'i lha dang / gzugs na spyod pa'i lha dang / gzugs med pa nam mkha' mtha' yas skye mched du nye bar 'gro'o/ /
508b1 gzugs med pa rnam shes mtha' yas skye mched du nye bar 'gro /gzugs med pa ci'ang med pa'i skye mched du nye bar 'gro /gzugs med pa 'du shes med 'du shes med min
508b2 skye mched du nye bar 'gro zhing gson la 'dug ste/ 'tsho zhing sdod par 'gyur ba de srid du nad dang bcas/ 'bras dang bcas/ zug rdu dang bcas/ rims dang bcas/ yongs su
508b3 gdung ba dang bcas pa yin gyi/ ji tsam du bdag 'di shi phan cad bdag chad cing zhig la mi 'byung ba de tsam du bdag 'di yang dag par shin tu legs par chad pa yin no snyam du
508b4 sems te/ de bzhin gshegs pas dge sbyong dang bram ze gang dag chad par smra ba de dag kha cig de phan chad bdag chad par 'gyur ro/ /zhes mngon par brjod pa mngon par rjod
508b5 par byed pa de dag dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur ro/ /zhes mngon par brjod pa mngon par rjod par byed
508b6 pa de dag gis smras pa la phyir rgol bar byed/ smod par byed cing dge sbyong dang bram ze gang dag 'du shes med par smra ba de dag kha cig de phan chad bdag 'du shes med par 'gyur
508b7 ro| |zhes mngon par brjod pa mngon par rjod par byed pa de dag gis smras pa la'ang phyir rgol bar byed/ smod par byed la dge sbyong dang bram ze gang dag 'du shes yod pa'ang ma yin/
509a1 'du shes med pa'ang ma yin par smra ba de dag kha cig de phan chad bdag 'du shes yod pa'ang ma yin/ 'du shes med pa'ang ma yin par 'gyur ro/ /zhes
509a2 mngon par brjod pa mngon par rjod par byed pa de dag gis smras pa la'ang phyir rgol bar byed/ smod par byed cing / de dag 'di snyam du sems te/ dge sbyong dang bram ze shes
509a3 pa dang ldan pa/ phyis 'khor zhing legs su smon pa smra ba 'di dag thams cad ni/ 'di ltar bdag cag phyi ma la 'di lta bu dang 'di lta bur 'gyur bar bya'o/ /'di ltar bdag
509a4 cag phyi ma la 'di lta bu dang 'di lta bur 'gyur bar bya'o/ /zhes legs su smon pa kho na mngon par brjod pa mngon par rjod par byed de/ 'di lta ste/ dper na/ skyes bu tshong pa
509a5 zhig tshong zong gis tshong byed pa na 'di snyam du sems te/ bdag gis tshong zong 'di las 'di lta bu dag blangs shing gzhan du 'gro bar bya ste/ der son na bdag la khe spogs
509a6 'di lta bu dang 'di lta bu dag 'grub par 'gyur ro snyam du sems so/ /de bzhin du dge sbyong dang bram ze shes pa dang ldan pa/ phyis 'khor zhing legs su smon pa smra ba 'di
509a7 dag thams cad kyang 'di ltar bdag cag phyi ma la 'di lta bu dang 'di lta bur 'gyur bar bya'o/ /'di ltar bdag cag phyi ma la 'di lta bu dang 'di lta bur 'gyur par bya'o/ /
509b1 zhes legs su smon pa kho na mngon par brjod pa mngon par rjod par byed de/ de dag gis smras pa/ de ni/ tshong pa lta bur 'gyur ro snyam du sems pa dang / de dag 'di snyam du yang
509b2 sems te| ji srid du bdag 'di gzugs can rags pa/ 'byung ba chen po bzhi'i rgyu las byung zhing gson la 'dug ste/ 'tsho zhing sdod par 'gyur ba de srid du nad dang bcas/
509b3 'bras| dang bcas/ zug rdu dang bcas/ rims dang bcas/ yongs su gdung ba dang bcas pa yin gyi/ ji tsam du bdag 'di shi phan cad bdag chad cing zhig la mi 'byung ba de
509b4 tsam du bdag 'di yang dag par shin tu legs par chad pa yin no/ /ji srid du 'dod pa na spyod pa'i lha dang / gzugs na spyod pa'i lha dang / gzugs med pa nam mkha' mtha'
509b5 yas skye mched du nye bar 'gro /gzugs med pa rnam shes mtha' yas skye mched du nye bar 'gro/ gzugs med pa ci'ang med pa'i skye mched du nye bar 'gro/ gzugs med pa 'du
509b6 shes med 'du shes med min skye mched du nye bar 'gro zhing gson la 'dug ste/ 'tsho zhing sdod par 'gyur ba de srid du nad dang bcas/ 'bras dang bcas/ zug rdu dang bcas/
509b7 rims dang bcas/ yongs su gdung ba dang bcas pa yin gyi/ ji tsam du bdag 'di shi phan cad bdag chad cing zhig la mi 'byung ba de tsam du bdag 'di yang dag par shin tu
510a1 legs par chad pa yin no snyam du sems pa de dag kyang yang dag pa ji lta ba bzhin du rab tu mkhyen to/ /dge slong dag /dge sbyong dang bram ze shes
510a2 pa dang ldan pa/ chad par smra ba/ sems can yod pa la chad pa dang / 'jig pa dang / med par 'dogs par byed pa de dag la ni/ mi shes pa'i phung po'i lhag ma yod do/ /ji
510a3 tsam du mi shes pa'i phung po'i lhag ma yod pa de tsam du 'jig tshogs kyis 'jig pa yod pas 'jig tshogs kyis 'jigs shing skrag ste/ 'jig tshogs kho na la yongs
510a4 su smod par byed cing yongs su smod par byed pa de'i tshe de dag 'jig tshogs kho na la rjes su chags pa yin no/ /dge slong dag /de yang rags pa/ 'dus byas pa/ bsam
510a5 pa| rten cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa'ang yod pas na de bzhin gshegs pas de yod par thugs su chud
510a6 nas de las phyir ldog cing / de la zhi bar gzigs/ nges par 'byung bar gzigs shing bzhugs so/ /dge slong dag /phyi ma'i mthar rtog pa dag phyi ma'i mtha' dang ldan
510a7 pa'i lta ba'i rnam pa dag mngon par brjod pa mngon par rjod par byed pa ni/ de snyed yod de/ de dag phyi ma'i mtha' dang ldan pa'i lta ba'i rnam pa rnams shes par bya'o/ /dge
510b1 slong dag /sngon gyi mthar rtog pa dag sngon gyi mtha' dang ldan pa'i lta ba'i rnam pa dag mngon par brjod pa mngon par rjod par byed pa ji snyed yod ce na/ dge slong dag /dge sbyong dang bram
510b2 ze gang dag sngon gyi mthar rtog pa de dag kha cig bdag dang 'jig rten rtag pa dang / bdag dang 'jig rten mi rtag pa dang / rtag kyang rtag la mi rtag kyang mi rtag pa dang / rtag pa'ang ma
510b3 yin mi rtag pa'ang ma yin pa dang / bdag dang sdug bsngal rtag pa dang / bdag dang sdug bsngal mi rtag pa dang / rtag kyang rtag la mi rtag kyang mi rtag pa dang / rtag pa'ang ma yin mi
510b4 rtag pa'ang ma yin pa dang / bdag dang 'jig rten rang gis byas pa dang / bdag dang 'jig rten gzhan gyis byas pa dang / rang gis kyang byas la gzhan gyis kyang byas pa dang / rang
510b5 gis kyang ma byas la gzhan gyis kyang ma byas par rgyu med pa las byung ba dang / bdag dang sdug bsngal rang gis byas pa dang / bdag dang sdug bsngal gzhan gyis byas pa dang /
510b6 rang gis kyang byas la gzhan gyis kyang byas pa dang / rang gis kyang ma byas la gzhan gyis kyang ma byas par rgyu med pa las byung ngo / /zhes de ltar lta zhing de skad smra ba dag kyang
510b7 yod do| de bzhin gshegs pas dge sbyong dang bram ze gang dag sngon gyi mthar rtog pa de dag kha cig bdag dang 'jig rten rtag go /zhes de ltar lta zhing de skad smra la mngon par
511a1 brjod pa mngon par rjod par byed pa de dag kyang yang dag pa ji lta ba bzhin du rab tu mkhyen te/ dge sbyong dang bram ze de dag dad pa med pa dang / 'dod
511a2 pa med pa dang / thos pa brgyud pa med pa dang / rnam pa la yongs su rtog pa med pa dang / mthong bas nges par rtogs pa'i bzod pa med par yang rtogs nas shes pa
511a3 de yod par sems pa de ni/ gnas med do/ /dge sbyong dang bram ze shes pa dang ldan pa de dang de dag rtogs nas shes pa med kyang bdag nyid shes pa smra ba/ yongs su byang
511a4 ba nyid yin par mgo gcig tu 'jog par byed pa de ni/ de dag gi mi shes pa kho na yin par snang ste/ dge slong dag /de yang rags pa/ 'dus byas pa/ bsam pa/ rten
511a5 cing 'brel par 'byung ba yin te/ 'di ltar 'du byed rnams yod na 'du byed rnams kyi 'gog pa'ang yod pas na/ de bzhin gshegs pas de yod par thugs su chud nas
511a6 de las phyir ldog cing de la zhi bar gzigs/ nges par 'byung bar gzigs shing bzhugs so/ /de bzhin gshegs pas dge sbyong dang bram ze gang dag sngon gyi mthar
511a7 rtogs pa de dag kha cig bdag dang 'jig rten rtag pa dang / bdag dang 'jig rten mi rtag pa dang / rtag kyang rtag la mi rtag kyang mi rtag pa dang / rtag pa'ang ma yin mi
511b1 rtag pa'ang ma yin pa dang / bdag dang sdug bsngal rtag pa dang / bdag dang sdug bsngal mi rtag pa dang / rtag kyang rtag la mi rtag kyang mi rtag pa dang / rtag pa'ang ma yin mi rtag
511b2 pa'ang ma yin pa dang / bdag dang 'jig rten rang gis byas pa dang / bdag dang 'jig rten gzhan gyis byas pa dang / rang gis kyang byas la gzhan gyis kyang byas pa dang / rang gis
511b3 kyang ma byas gzhan gyis kyang ma byas par rgyu med pa las byung ba dang / bdag dang sdug bsngal rang gis byas pa dang / bdag dang sdug bsngal gzhan gyis byas pa dang / rang gis
511b4 kyang byas la gzhan gyis kyang byas pa dang / rang gis kyang ma byas gzhan gyis kyang ma byas par rgyu med pa las byung ngo / /zhes de ltar lta zhing de skad smra la mngon par brjod pa mngon par
511b5 rjod par byed pa de dag kyang yang dag pa ji lta ba bzhin du rab tu mkhyen te/ dge sbyang dang bram ze de dag dad pa med pa dang / 'dod pa med pa dang / thos pa brgyud pa med pa dang / rnam pa
511b6 la yongs su rtog pa med pa dang / mthong ba nges par rtog pa'i bzod pa med par yang rtogs nas shes pa de yod par sems pa de ni/ gnas med do/ /dge sbyong dang bram ze shes pa dang
511b7 ldan pa de dang de dag rtogs nas shes pa med kyang bdag nyid shes pa smra ba yongs su byang ba nyid yin par mgo gcig tu 'jog par byed pa de ni/ de dag gi mi shes pa kho na yin
512a1 bar snang ste/ dge slong dag /de yang rags pa/ 'dus byas pa/ bsam pa/ rten cing 'brel par 'byung ba yin te/ 'di ltar 'du byed rnams yod na 'du
512a2 byed rnams kyi 'gog pa'ang yod pas na/ de bzhin gshegs pas de yod par thugs su chud nas de las phyir log cing de la zhi bar gzigs/ nges par 'byung bar gzigs
512a3 shing bzhugs so/ /dge slong dag /sngon gyi mthar rtog pa dag sngon gyi mtha' dang ldan pa'i lta ba'i rnam pa dag mngon par brjod pa mngon par rjod par byed pa ni/ de snyed yod de/
512a4 de dag ni/ sngon gyi mtha' dang ldan pa'i lta ba'i rnam pa rnams zhes bya'o/ /dge slong dag /tshe 'di nyid la mya ngan las 'da' bar smra ba dag tshe 'di nyid la mya ngan las 'da'o zhes
512a5 mngon par brjod pa mngon par rjod par byed pa ji snyed yod ce na/ dge slong dag /'di na dge sbyong ngam bram ze la la sngon gyi mtha' dang ldan pa'i lta ba'i rnam pa dag rab tu
512a6 spangs shing phyi ma'i mtha' dang ldan pa'i lta ba'i rnam pa dag rab tu spangs nas tshe 'di nyid la 'dod pa'i kun tu sbyor ba dag rab tu spangs te/ rab tu dben pa'i dga' ba
512a7 lus kyis mngon sum du byas nas bsgrubs te gnas shing de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing
512b1 phyi ma'i mtha' dang ldan pa'i lta ba'i rnam pa dag rab tu spangs nas tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba lus kyi mngon sum du byas
512b2 nas bsgrubs te gnas pa 'di lta ste/ rab tu dben pa'i dga' ba 'di ni/ zhi ba'o/ /'di ni/ gya nom pa'o snyam du sems te/ de bzhin gshegs pas dge sbyong ngam bram ze gang
512b3 sngon gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun tu sbyor
512b4 ba rab tu spangs te/ rab tu dben pa'i dga' ba lus kyis mngon sum du byas nas bsgrubs te gnas shing de 'di snyam du sems te/ 'di ltar bdag sngon gyi mtha' dang ldan
512b5 pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun tu sbyor ba rab tu spangs te rab
512b6 dben pa'i dga' ba lus kyis mngon sum du byas nas bsgrubs te gnas pa 'di lta ste/ rab tu dben pa'i dga' ba 'di ni/ zhi ba'o/ /'di ni/ gya nom pa'o snyam du sems
512b7 pa de'ang yang dag pa ji lta ba bzhin du rab tu mkhyen to/ dge slong dag /rab tu dben pa'i dga' ba dang / mi rtag pa dang / 'gog pa'i chos can yin te/ rab tu dben pa'i
513a1 bde ba 'gags pa las yid mi bde ba 'byung bar 'gyur la yid mi bde ba 'gags pa las kyang rab tu dben pa'i dga' ba 'byung bar 'gyur te/ dge slong dag /
513a2 'di lta ste/ dper na/ gang gi tshe grib ma 'bri ba de'i tshe nyi mas khyab par byed la/ gang gi tshe nyi ma 'bri ba de'i tshe grib mas khyab par byed do/ /de bzhin du
513a3 rab tu dben pa'i dga' ba 'gags pa las kyang yid mi bde ba 'byung bar 'gyur la/ yid mi bde ba 'gags pa las kyang rab tu dben pa'i dga' ba 'byung bar
513a4 'gyur te/ dge slong dag/ de yang rags pa/ 'dus byas pa/ bsam pa/ rten cing 'brel bar 'byung ba yin te/ 'di ltar 'du byed rnams yod na 'du byed rnams kyi
513a5 'gog pa'ang yod pas na/ de bzhin gshegs pas de yod par thugs su chud nas de las phyir ldog cing de la zhi bar gzigs/ nges par 'byung bar gzigs
513a6 shing bzhugs so/ /dge slong dag /gzhan yang 'di na dge sbyong ngam bram ze la la sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang
513a7 ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun tu sbyor ba dag rab tu spangs te/ rab tu dben pa'i dga' ba las yang dag par 'das
513b1 shing / zang zing med pa'i bde ba lus kyis mngon sum du byas nas bsgrubs te gnas la de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam
513b2 pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun tu sbyor ba rab tu spangs te rab tu dben pa'i dga'
513b3 ba las yang dag par 'das shing zang zing med pa'i bde ba lus kyis mngon sum du byas nas bsgrubs te gnas pa 'di lta ste/ zang zing med pa'i bde ba 'di ni/ zhi ba'o/ /'di ni/
513b4 gya nom pa'o snyam du sems so/ /de bzhin gshegs pas dge sbyong ngam bram ze gang sngon gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan
513b5 pa'i lta ba'i rnam pa dag kyang rab tu spangs nas tshe 'di nyid la 'dod pa'i kun tu sbyor ba rab tu spangs te rab tu dben pa'i dga' ba las yang dag par 'das shing / zang zing
513b6 med pa'i bde ba lus kyis mngon sum du byas nas bsgrubs te gnas la de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu
513b7 spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun tu sbyor ba rab tu spangs te rab tu dben pa'i dga' ba
514a1 las yang dag par 'das shing zang zing med pa'i bde ba lus kyis mngon sum du byas nas bsgrubs te gnas pa 'di lta ste/ zang zing med pa'i bde
514a2 ba 'di ni/ zhi ba'o/ /'di ni/ gya nom pa'o snyam du sems pa de yang yang dag pa ji lta ba bzhin du rab tu mkhyen to/ /dge slong dag /zang zing med pa'i bde ba'ang mi rtag
514a3 pa dang / 'gog pa'i chos can yin te/ zang zing med pa'i bde ba 'gags pa las sdug bsngal 'byung bar 'gyur la/ sdug bsngal 'gags pa las kyang zang zing med
514a4 pa'i bde ba 'byung bar 'gyur te/ dge slong dag /'di lta ste/ dper na/ 'od pa'i chu ni/ lan 'ga' 'bri zhing lan 'ga' skye bar 'gyur ro/ /de bzhin du zang zing med pa'i
514a5 bde ba 'gags pa las kyang sdug bsngal 'byung bar 'gyur la/ sdug bsngal 'gags pa las kyang zang zing med pa'i bde ba 'byung bar 'gyur te/ dge slong dag /de yang
514a6 rags pa/ 'dus byas pa/ bsam pa/ rten cing 'brel bar 'byung ba yin te/ 'di ltar 'du byed rnams yod na 'du byed rnams kyi 'gog pa yod pas na/ de bzhin
514a7 gshegs pas de yod par thugs su chud nas de las phyir ldog cing de la zhi bar gzigs/ nges par 'byung bar gzigs shing bzhugs so/ /dge slong dag /gzhan
514b1 yang 'di na dge sbyong ngam bram ze la la sngon gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i rnam pa dag kyang rab tu spangs nas tshe
514b2 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing zang zing med pa'i bde ba las kyang yang dag par 'das te sdug
514b3 bsngal yang ma yin/ bde ba'ang ma yin pa'i tshor ba lus kyis mngon sum du byas nas bsgrubs te gnas la/ de 'di snyam du sems te/ 'di ltar bdag sngon gyi mtha' dang ldan
514b4 pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i rnam pa dang kyang rab tu spangs nas tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing zang zing med pa'i bde ba las kyang yang dag par 'das te sdug bsngal yang ma yin/
514b5 bde ba'ang ma yin pa'i tshor ba
514b6 lus kyis mngon sum du byas nas bsgrubs te gnas pa 'di lta ste/ sdug bsngal yang ma yin/ bde ba'ang ma yin pa'i tshor ba 'di ni/ zhi ba'o/ /'di ni/ gya nom pa'o snyam du
514b7 sems te/ de bzhin gshegs pas dge sbyong ngam bram ze gang sngon gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i
515a1 rnam pa dag kyang rab tu spangs nas tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing
515a2 zang zing med pa'i bde ba las kyang yang dag par 'das te sdug bsngal ba'ang ma yin bde ba'ang ma yin pa'i tshor ba lus kyi mngon sum du byas nas bsgrubs te gnas
515a3 la| de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i rnam pa dag kyang
515a4 rab tu spangs nas tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba las
515a5 kyang yang dag par 'das te sdug bsngal yang ma yin bde ba'ang ma yin pa'i tshor ba lus kyis mngon sum du byas nas bsgrubs te gnas pa 'di lta ste/ sdug bsngal
515a6 yang ma yin/ bde ba'ang ma yin pa'i tshor ba 'di ni/ zhi ba'o/ /'di ni/ gya nom pa'o snyam du sems pa de'ang yang dag pa ji lta ba bzhin du rab tu mkhyen to/ /dge slong dag/
515a7 sdug bsngal ba'ang ma yin bde ba'ang ma yin pa'i tshor ba'ang mi rtag pa dang / 'gog pa'i chos can yin te/ sdug bsngal yang ma yin/ bde ba'ang ma yin pa'i tshor ba
515b1 'gags pa las bde ba dang / sdug bsngal 'byung bar 'gyur la/ bde ba dang sdug bsngal 'gags pa las kyang sdug bsngal yang ma yin/ bde ba'ang ma yin pa'i tshor ba 'byung
515b2 bar 'gyur te/ dge slong dag/ 'di lta ste/ dper na/ 'khar ba nam mkha' la 'phangs na/ yang na ni/ yu bas phyir lhung ngo / /yang na ni/ rtse mos so/ /dge slong dag /de bzhin du sdug
515b3 bsngal yang ma yin/ bde ba'ang ma yin pa'i tshor ba 'gags pa las kyang bde ba dang sdug bsngal 'byung bar 'gyur la/ bde ba dang sdug bsngal 'gags pa las kyang sdug
515b4 bsngal yang ma yin/ bde ba'ang ma yin pa'i tshor ba 'byung bar 'gyur te/ dge slong dag /de yang rags pa/ 'dus byas pa/ bsam pa/ rten cing 'brel bar 'byung ba yin te/ 'di
515b5 ltar 'du byed rnams yod na 'du byed rnams kyi 'gog pa yang yod pas na/ de bzhin gshegs pas de yod par thugs su chud nas de las phyir ldog cing de la zhi bar gzigs/
515b6 nges par 'byung bar gzigs shing bzhugs so/ /dge slong dag /gzhan yang 'di na dge sbyong ngam bram ze la las sngon gyi mtha' dang ldan pa'i lta ba'i rnam pa dag rab tu
515b7 spangs shing phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba
516a1 las yang dag par 'das shing zang zing med pa'i bde ba las kyang yang dag par 'das/ sdug bsngal yang ma yin/ bde ba'ang ma yin pa'i tshor ba las
516a2 kyang yang dag par 'das nas 'di skad ces nga ni/ zhi pa'o/ /nga ni/ mya ngan las 'das pa'o/ /nga ni/ sred pa med pa'o/ /nga ni/ nye bar len pa med pa ste/ nga la sngon bdag yod
516a3 par gyur pa de ni/ da ltar nga la med do/ /zhes zer te/ de bzhin gshegs pas dge sbyong ngam bram ze gang sngon gyi mtha' dang ldan pa'i lta ba'i rnam pa dag rab tu
516a4 spangs shing phyi ma'i mtha' dang ldan pa'i lta ba'i rnam pa dag kyang rab tu spangs nas tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba
516a5 las yang dag par 'das shing zang zing med pa'i bde ba las kyang yang dag par 'das/ sdug bsngal yang ma yin/ bde ba'ang ma yin pa'i tshor ba las kyang yang dag
516a6 par 'das nas 'di skad ces nga ni/ zhi ba'o/ /nga ni/ mya ngan las 'das pa'o/ /nga ni/ sred pa med pa'o/ /nga ni/ nye bar len pa med pa ste/ nga la sngon bdag yod par gyur
516a7 ba de ni/ da ltar nga la med do/ /zhes zer ba de yang yang dag pa ji lta ba bzhin du rab tu mkhyen to/ /de ni/ 'di ltar rig par bya ste/ tshe dang ldan pa de ni/ nye bar len pa
516b1 dang mthun par 'gro ba'i lam gang yin pa las kyang dag par ma 'das par rig par bya'o/ /des ni/ 'di ltar 'dod par bya ste/ yang sngon gyi mtha' dang ldan pa'i lta ba'i rnam
516b2 pa gang yin pa dag nye bar len par 'gyur ba dang / phyi ma'i mtha' dang ldan pa'i lta ba'i rnam pa dag kyang nye bar len par 'gyur ba dang / tshe 'di nyid la 'dod pa'i kun tu
516b3 sbyor ba'ang nye bar len par 'gyur ba dang / rab tu dben pa'i dag ba'ang nye bar len par gyur ba dang / zang zing med pa'i bde ba'ang nye bar len par 'gyur ba dang / sdug
516b4 bsngal yang ma yin bde ba yang ma yin pa'i tshor ba yang nye bar len par 'gyur bar 'dod par bya'o/ /yang de 'di skad ces nga ni/ zhi ba'o/ /nga ni/ mya ngan las 'das pa'o/ /nga
516b5 ni| sred pa med pa'i/ /nga ni/ nye bar len pa med pa ste/ nga la sngon bdag yod par gyur pa de ni/ da ltar nga la med do/ /zhes zer ba de la nye bar len pa yod pa kho nar snang ste/ dge
516b6 slong dag/ de yang rags pa/ 'dus byas pa/ bsam pa/ rten cing 'brel bar 'byung ba yin te/ 'di ltar 'du byed rnams yod na 'du byed rnams kyi 'gog pa'ang yod pas na
516b7 de bzhin gshegs pas de yod par thugs su chud nas de las phyir log cing de la zhi bar gzigs/ nges par 'byung bar gzigs shing bzhugs te/ dge slong dag /tshe
517a1 'di nyid la mya ngan las 'da' bar smra ba dag tshe 'di nyid la mya ngan las 'da' bar mngon par brjod pa mngon par rjod par byed pa ni /de snyed yod do/ /
517a2 dge slong dag /gzhan yang skyes bu 'dul ba'i kha lo sgyur ba bla na med pa ngas rang gi mngon par shes pas mngon par rdzogs par sangs rgyas te bshad pa go 'phang dam
517a3 pa gzhan yang yod do/ /dge slong dag /skyes bu 'dul ba'i kha lo sgyur ba'i bla na med pa ngas rang gi mngon par shes pas mngon par rdzogs par sangs rgyas te bshad
517a4 pa go 'phang dam pa gzhan de gang zhe na/ dge slong dag /'di lta ste/ zag pa rnams zad pas zag pa med cing mngon par 'dus ma byas pa'i rnam par grol ba ste/ dag
517a5 slong dag /de ni/ skyes bu gdul bya'i kha lo sgyur ba bla na med pa ngas rang gi mngon par shes pas mngon par shes pa mngon par rdzogs par sangs rgyas te bshad
517a6 pa go 'phang dam pa yin no/ /bcom ldan 'das kyis de skad ces bka' stsal nas dge slong de dag yi rang ste bcom ldan 'das kyis gsungs pa la mngon par bstod
517a7 do| |bar sdom ni/ 'du shes tha dad gzugs can dang / chad dang rtag par lta ba dang / /grib dang chu dang 'khar ba dang / /skyes bu gdul bya tha ma yin/ /mdo chen po lnga
517b1 gsum pa zhes bya ba rdzogs so// //rgya gar gyi mkhan po dzi na mi tra dang / pra dz+nyA warma dang / zhu chen gyi lo tsA ba ban+d+he ye shes sde la sogs pas bsgyur cing zhus te
gtan la phab pa/
CLOSE WINDOW