བོད་ཡིག |
501a2 rgya gar skad du/ d+h+wa dzA gra na nA ma ma hA sU tra/ bod skad du/ mdo chen po rgyal mtshan dam pa zhes bya ba/
501a3 dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi
501a4 kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag /gal te khyed cag dgon pa na 'dug kyang rung / shing
501a5 drung na 'dug kyang rung / khyim stong pa na 'dug kyang rung ste/ 'jigs pa'am/ bag tsha ba'am/ spu zing zhes byed pa skyes par gyur na/ de'i tshe khyed kyis 'di ltar bcom ldan
501a6 'das de ni/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes
501a7 bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yin no zhes nga rnam pa las yang dag par rjes su dran par gyis shig/
501b1 de'i tshe khyed kyis nga rnam pa las yang dag par rjes su dran par byas na/ 'jigs pa'am/ bag tsha ba'am/ spu zing zhes byed pa 'byung bar 'gyur ba gang yin pa de med par 'gyur
501b2 ro| |dge slong dag /sngon lha dang / lha ma yin gyi g.yul nye bar gnas par gyur na/ lha'i dbang po brgya byin gyis sum cu rtsa gsum pa'i lha rnams la smras pa/ grogs po dag /gal
501b3 te khyed cag lha dang lha ma yin gyi g.yul du zhugs pa na 'jigs pa'am/ bag tsha ba'am/ spu zing zhes byed pa skyes bar gyur na/ de'i tshe khyed kyis nga'i rgyal mtshan mchog rnam par
501b4 rgyal byed yang dag par rjes su dran par gyis shig /de'i tshe khyed kyis nga'i rgyal mtshan mchog rnam par rgyal byed yang dag par rjes su dran par byas na/ 'jigs pa'am/ bag tsha
501b5 ba'am| spu zing zhes byed pa 'byung bar 'gyur ba gang yin pa de med par 'gyur ro/ /dge slong dag /de bzhin du gal te khyed cag kyang dgon pa na 'dug kyang rung / shing drung na 'dug
501b6 kyang rung / khyim stong pa na 'dug kyang rung ste/ 'jigs pa'am/ bag tsha ba'am/ spu zing zhes byed pa skyes par gyur na/ de'i tshe khyed kyis 'di ltar bcom ldan 'das de ni/ de bzhin
501b7 gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur
502a1 ba bla na med pa/ lha dang mi rnams kyi ston pa/ sangs rgyas bcom ldan 'das yin no/ /zhes nga rnam pa las yang dag par rjes su dran par gyis shig /
502a2 dge slong dag /de'i tshe khyed kyis nga rnam pa las yang dag par rjes su dran par byas na/ 'jigs pa'am/ bag tsha ba'am/ spu zing zhes byed pa 'byung bar 'gyur ba gang yin pa
502a3 de med par 'gyur ro/ /dge slong dag /lha'i dbang po brgya byin de ni/ da dung 'dod chags dang bcas/ zhe sdang dang bcas/ gti mug dang bcas shing skye ba dang / rga ba dang / na ba
502a4 dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su mthar la/ 'jigs pa yod/ bag tsha
502a5 ba yod| dngangs ba yod/ 'bros pa yod cing / de ni/ lan 'ga' 'jigs par yang 'gyur/ bag tsha bar yang 'gyur /dngangs par yang 'gyur/ 'bros par yang 'gyur te/ dge
502a6 slong dag /da dung 'dod chags dang / zhe sdang dang bcas/ gti mug dang bcas shing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang /
502a7 sdug bsngal ba dang / yid mi bde ba dang / 'khrug pa dag las yongs su ma thar la/ 'jigs pa yod/ bag tsha ba yod/ dngangs pa yod/ 'bros pa yod pa'i lha'i dbang po
502b1 brgya byin de'i tshig kyang sum cu rtsa gsum pa'i lha rnams dang bas mnyan par bya bar sems shing tshig bzhin du bya bar sems na/ dge slong dag /nga ni/ de bzhin gshegs pa
502b2 dgra bcom pa yang dag par rdzogs pa'i sangs rgyas 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan
502b3 dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su thar pa/ 'jigs pa med/ bag tsha ba med/ dngang ba med/ 'bros pa med
502b4 pa yin par/ dge slong dag /de bzhin gshegs pa dgra bcom pa yang dag par rdzogs pa'i sangs rgyas 'dod chags dang bral ba/ zhe sdang dang bral ba/ gti mug dang bral ba/ skye
502b5 ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su thar pa/ 'jigs
502b6 pa med pa/ bag tsha ba med pa/ dngangs pa med pa/ 'bros pa med pa/ nga'i tshig mnyan par bya ba dang / gtams pa bzhin bya ba dang / rjes su bstan pa bzhin bya ba de ni/ gnas
502b7 yin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang 'di skad bka' stsal to/ /dgon pa dang ni
503a1 shing drung dang / /khyim stong dag tu 'jig rten gtso/ /rnam par 'dren pa rdzogs sangs rgyas/ /rjes su dran gyis dge slong dag /gal te rnam 'dren 'jig rten
503a2 gtso| |rdzogs sangs rgyas pa mi dran na/ /'dod chags bral ba rnams kyi mchog /chos de rjes su dran par gyis/ /gal te 'dod chags bral ba'i mchog /chos de rjes su mi dran
503a3 na| |dge 'dun bla med bsod nams zhing / /de ni rjes su dran par gyis/ /sangs rgyas chos dang dge 'dun rnams/ /de ltar rjes su dran byas na/ /'jigs dang bag tsha spu ldang ba//
503a4 med par 'gyur ro dge slong dag /'jigs pas skrag pa'i mi mang po/ /ri dang nags tshal rnams dag dang / /kun dga' mchod pa'i ljon shing la/ /skyabs su 'gro bar gang byed
503a5 pa| |de ni skyabs gtso ma yin zhing / /de ni skyabs mchog ma yin te/ /skyabs de dag la rten byed pa/ /sdug bsngal kun las grol mi 'gyur/ /gang dag sangs rgyas chos dang ni//
503a6 dge 'dun dag la skyabs song ba/ /sdug bsngal sdug bsngal kun 'byung dang / /sdug bsngal yang dag 'gags pa dang / /bde zhing mya ngan 'das 'gro ba'i/ /'phags lam yan
503a7 lag brgyad pa yi/ /'phags pa'i bden pa bzhi po dag/ shes rab kyis ni legs mthong 'gyur/ /de ni skyabs kyi gtso bo dang / /de ni skyabs kyi mchog yin te/ /skyabs de dag la
503b1 brten byas na/ /sdug bsngal kun las grol bar 'gyur/ /bcom ldan 'das kyis de skad ces bka' stsal nas dge slong de dag yi rang ste bcom ldan 'das kyis gsungs pa la
503b2 mngon par bstod do/ /mdo chen po rgyal mtshan dam pa zhes bya ba rdzogs so// //rgya gar gyi mkhan po dzi na mi tra dang / pra dz+nyA warma dang / zhu chen gyi lo tsA ba ban+d+he ye shes
sde la sogs pas bsgyur cing zhus te gtan la phab pa/
CLOSE WINDOW