བོད་ཡིག |
495a7 rgya gar skad du/ d+hA dzA gra na nA ma ma hA sU tra/ bod skad du/ mdo chen po rgyal mtshan mchog ces bya ba/
495b1 dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das yul spong byed du yul rgyu zhing gshegs pa na yangs pa can du phyin nas
495b2 yangs pa can gyi spre'u'i rdzing gi 'gram gyi khang pa brtsegs pa'i gnas na bzhugs so/ /de'i tshe na yangs pa can gyi tshong pa rab tu mang po yul rdo 'jug tu tshong bar bya ba'i phyir yul rdo
495b3 'jog tu 'gro bar chas pa'i yangs pa can gyi tshong ba rab tu mang po dag gis bcom ldan 'das yul spong byed du yul rgyu zhing gshegs pa na yangs pa can du byon nas yangs
495b4 pa can gyi spre'u'i rdzing gi 'gram gyi khang pa brtsegs pa'i gnas na bzhugs so zhes thos so/ /thos nas kyang tshogs nas tshogs dang / mang po nas mang por lhags shing
495b5 'dus te yangs pa can nas byung nas bcom ldan 'das ga la ba der dong ste lhags nas bcom ldan 'das kyi zhabs la mgo bos phyag btsal te phyogs gcig tu 'khod pa
495b6 dang / bcom ldan 'das kyis yangs pa can gyi tshong pa rab tu mang po phyogs gcig tu 'khod pa dag la chos kyi gtam yang dag par bstan/ yang dag par 'dzin du bcug
495b7 yang dag par gzengs bstod/ yang dag par rab tu dga' bar mdzad do/ /rnam grangs du mar chos kyi gtam yang dag par bstan/ yang dag par 'dzin du bcug /yang dag
496a1 par gzengs bstod/ yang dag par rab tu dga' bar mdzad nas cad mi gsung bar bzhugs so/ /de nas yangs ba can gyi tshong pa rab tu mang po dag
496a2 stan las langs te bla gos phrag gcig tu gzar nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /
496a3 btsun pa/ bdag cag ni/ yangs pa can gyi tshong pa rab tu mang po yul rdo 'jog tu 'jal tshong bgyi ba'i slad du yul rdo 'jog tu mchig bar chas pa lags na/ bcom ldan 'das
496a4 dge slong gi dge 'dun dang thabs gcig tu sang bdag cag gi sdum par gdugs tshod gsol bar ci gnang / bcom ldan 'das kyis yangs pa can gyi tshong pa rab tu
496a5 mang po dag la cang mi gsung pas gnang bar mdzad do/ /de nas yangs pa can gyi tshong ba rab tu mang po dag gis bcom ldan 'das kyis cang mi gsung bas gnang bar
496a6 rig nas bcom ldan 'das kyis bka' stsal pa la mngon par bstod cing rjes su yi rang nas bcom ldan 'das kyi zhabs la mgo bos phyag btsal te bcom ldan
496a7 'das kyi spyan snga nas phyir dong ngo / /de nas yangs pa can gyi tshong pa rab tu mang po dag gis de nyid kyi mtshan mo bza' ba dang bca' ba gtsang zhing bsod pa dag legs
496b1 par sbyar nas nang par sngar langs te gdan dag bshams shing / chur dag kyang bzhag nas bcom ldan 'das la btsun pa gdugs tshong sbyar te dus la bab lags na/ bcom
496b2 ldan 'das kyis da de'i dus la bab par dgongs su gsol zhes spyan 'dren gyis spyan drangs so/ /de nas bcom ldan 'das snga dro sham thabs dang chos gos gsol te lhung bzed
496b3 bsnams nas dge slong gi tshogs kyis yongs su bskor cing / dge slong gi dge 'dun gyis mdun du bdar nas yangs pa can gyi tshong pa rab tu mang po dag gi bkad sa ga la ba der
496b4 gshegs te byon nas dge slong gi dge 'dun gyi gung la gdan bshams pa de nyid la bzhugs so/ /de nas yangs pa can gyi tshong pa rab tu mang po dag gis bcom ldan
496b5 'das kyi zhabs la mgo bos phyag btsal te phyogs gcig tu 'khod pa dang / bcom ldan 'das kyis yangs pa can gyi tshong pa rab tu mang po phyogs gcig tu 'khod pa
496b6 dag la |'di skad ces bka' stsal to/ /tshong pa dag /gal te khyed cag dgon par son pa na 'jigs pa'am/ bag tsha ba'am/ spu zing zhes byed pa bskyes par gyur na/ de'i tshe
496b7 khyed kyis 'di ltar bcom ldan 'das de ni/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhags su ldan pa/ bde bar gshegs
497a1 pa| 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yin no/ /
497a2 zhes nga rnam pa las yang dag par rjes su dran par gyis shig /tshong pa dang /de'i tshe khyed kyis nga rnam pa las yang dag par rjes su dran par byas na/ 'jigs pa'am/
497a3 bag tsha ba'am/ spu zing zhes byed pa 'byung bar 'gyur ba gang yin pa de med par 'gyur ro/ /gal te nga mi dran na yang bcom ldan 'das kyi chos ni/ legs par gsungs
497a4 pa| yang dag par mthong ba/ nad med pa/ dus chad pa med pa/ nye bar gtod pa/ 'di mthong ba la don yod pa/ mkhas pa rnams kyis rang gis rig par bya ba yin no/ /
497a5 zhes chos rnam pa las yang dag par rjes su dran par gyis shig /tshong pa dag /de'i tshe khyed kyis chos rnams las yang dag par rjes su dran par byas na/ 'jigs
497a6 pa'am| bag tsha ba'am/ spu zing zhes byed par 'byung bar 'gyur ba gang yin pa de med par 'gyur ro/ /gal te chos mi dran na yang bcom ldan 'das kyi nyan thos kyi dge
497a7 'dun ni/ legs par zhugs pa/ rigs par zhugs pa/ drang por zhugs pa/ mthun par zhugs pa/ chos kyi rjes su mthun pa'i chos la zhugs pa/ chos kyi rjes su
497b1 mthun par spyod pa ste/ dge 'dun la rgyun du zhugs pa'i 'bras bu mngon sum du bya ba'i phyir zhugs par dag kyang yod/ dge 'dun la rgyun du zhugs pa dag kyang yod/ dge 'dun
497b2 la lan gcig phyir 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun la lan gcig phyir 'ong ba dag kyang yod/ dge 'dun la phyir mi 'ong
497b3 ba'i 'bras bu mngon sum du bya ba'i phyir zhugs pa dag kyang yod/ dge 'dun la phyir mi 'ong ba dag kyang yod/ dge 'dun la dgra bcom pa nyid kyi 'bras bu mngon sum du bya
497b4 ba'i phyir zhugs pa dag kyang yod/ dge 'dun la dgra bcom pa dag kyang yod de/ de dag ni/ skyes bu zung bzhi dang / skyes bu gang zag brgyad yin te/ bcom ldan 'das kyi
497b5 nyan thos kyi dge 'dun de ni/ tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ rnam par grol ba phun sum tshogs pa/
497b6 rnam par grol ba'i ye shes mthong ba phun sum tshogs pa/ kun tu sbyin pa'i 'os su gyur pa/ rab tu sbyin pa'i 'os su 'gyur pa/ thal mo sbyar ba'i 'os su 'gyur pa/ phyag bya ba'i 'os
497b7 su gyur pa/ bsod nams kyi zhing bla na med pa/ 'jig rten gyi yon gnas yin no/ /zhes dge 'dun rnam pa las yang dag par rjes su dran par gyis shig /tshong pa dag/ de'i tshe
498a1 khyed kyis dge 'dun rnam pa las yang dag par rjes su dran par byas nas 'jig pa'am/ bag tsha ba'am/ spu zing zhes byed pa 'byung bar 'gyur ba gang
498a2 yin pa de med par 'gyur ro/ /tshong pa dag /sngon lha dang lha ma yin gyi g.yul nye bar gnas par gyur pa na lha'i dbang po brgya byin gyis sum cu rtsa gsum pa'i lha rnams la
498a3 smras pa| grogs po dag /gal te khyed cag lha dang / lha ma yin gyi g.yul du zhugs pa na 'jigs pa'am/ bag tsha ba'am| spu zing zhes byed pa skye bar gyur na/ de'i tshe
498a4 khyed kyis nga'i rgyal mtshan mchog rnam par rgyal byed yang dag par rjes su dran par gyis shig /de'i tshe khyed kyis nga'i rgyal mtshan mchog rnam par rgyal byed yang dag
498a5 par rjes su dran par byas na/ 'jigs pa'am/ bag tsha ba'am/ spu zing zhes byed pa de 'byung bar 'gyur ba gang yin pa de med par 'gyur ro/ /gal te nga mi dran na yang lha'i
498a6 bu dbang ldan gyi rgyal mtshan mchog yang dag par rjes su dran par gyis shig /de'i tshe khyed kyis lha'i bu dbang ldan gyi rgyal mtshan mchog yang dag par rjes su dran par
498a7 byas na/ 'jigs pa'am/ bag tsha ba'am/ spu zing zhes byed pa 'byung bar 'gyur ba gang yin pa de med par 'gyur ro/ /gal te lha'i bu dbang ldan gyi mi dran na'ang lha'i bu
498b1 chu lha'i rgyal mtshan mchog yang dag par rjes su dran par gyis shig /de'i tshe khyed kyis lha'i bu chu lha'i rgyal mtshan mchog yang dag par rjes su dran par byas na/ 'jigs pa'am/
498b2 bag tsha ba'am/ spu zing zhes byed par 'byung bar 'gyur ba gang yin pa de med par 'gyur ro/ /tshong pa dag /de bzhin du gal te khyed cag kyang dgon par son pa na 'jigs pa'am/
498b3 bag tsha ba'am/ spu zing zhes byed pa skyes par gyur na/ de'i tshe khyed kyis 'di ltar bcom ldan 'das de ni/ de bzhin gshegs pa dgra bcom pa yang dag par rdzogs pa'i sangs rgyas/
498b4 rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan
498b5 'das yin no/ /zhes nga rnam pa las yang dag par rjes su dran par gyis shig /tshong pa dag /de'i tshe khyed kyis nga rnam pa las yang dag par rjes su dran par byas na/ 'jigs
498b6 pa'am| bag tsha ba'am/ spu zing zhes byed pa 'byung bar 'gyur ba gang yin pa de med par 'gyur ro/ /gal te nga mi dran na yang bcom ldan 'das kyi chos ni/ legs par gsungs
498b7 pa| yang dag par mthong ba/ nad med pa/ dus chad pa med pa/ nye bar gtod pa/ 'di mthong ba la don yod pa/ mkhas pa rnams kyis rang gis rig par bya ba yin no/ /zhes chos
499a1 rnam pa las yang dag par rjes su dran par gyis shig /tshong pa dag/ de'i tshe khyed kyis chos rnam pa las yang dag par rjes su dran par byas na/ 'jigs
499a2 pa'am| bag tsha ba'am/ spu zing zhes byed pa 'byung bar 'gyur ba gang yin pa de med par 'gyur ro/ /gal te chos mi dran na yang bcom ldan 'das kyi nyan thos kyi dge 'dun
499a3 ni| legs par zhugs pa/ rigs par zhugs pa/ drang par zhugs pa/ mthun par zhugs pa/ chos kyi rjes su zhugs pa'i chos la zhugs pa/ chos kyi rjes su mthun
499a4 par spyod pa ste/ dge 'dun la rgyun du zhugs pa'i 'bras bu mngon sum du bya ba'i phyir zhugs pa dag kyang yod/ dge 'dun la rgyun du zhugs pa dag kyang yod/ dge
499a5 'dun la lan gcig phyir 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun la lan gcig phyir 'ong ba dag kyang yod/ dge 'dun la phyir mi
499a6 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun la phyir mi 'ong ba dag kyang yod/ dge 'dun las dgra bcom pa nyid kyi 'bras bu mngon
499a7 sum du bya ba'i phyir zhugs pa dag kyang yod/ dge 'dun la dgra bcom pa dag kyang yod de/ de dag ni/ skyes bu zung bzhi dang / skyes bu gang zag brgyad yin te/ bcom
499b1 ldan 'das kyi nyan thos kyi dge 'dun de ni/ tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ rnam par grol ba phun sum
499b2 tshogs pa/ rnam par grol ba'i ye shes mthong ba phun sum tshogs pa/ kun tu sbyin pa'i 'os su gyur pa/ rab tu sbyin pa'i 'os su 'gyur pa/ thal mo sbyar ba'i 'os su gyur pa/
499b3 phyag bya ba'i 'os su gyur pa/ bsod nams kyi zhing bla na med pa/ 'jig rten gyi yon gnas yin no/ /zhes dge 'dun rnam pa las yang dag par rjes su dran par gyis shig /tshong
499b4 pa dag /de'i tshe khyed kyis dge 'dun rnam pa las yang dag par rjes su dran par byas na/ 'jigs pa'am/ bag tsha ba'am/ spu zing zhes byed pa 'byung bar 'gyur ba gang yin pa de
499b5 med par 'gyur ro/ /de nas yangs pa can gyi tshong pa rab tu mang po dag gis sangs rgyas la sogs pa dge slong gi dge 'dun bde bar bzhugs par rig nas rang rang gi lag nas
499b6 bza' ba dang bca' ba gtsang zhing bsod pa dag legs par bstabs shing yang dag par tshim par byas so/ /rnam grangs du mar rang rang gi lag nas bza' ba dang / bca' ba
499b7 gtsang zhing bsod pa dag legs par bstabs shing yang dag par tshim par byas nas bcom ldan 'das gdugs tshod gsol cing / lhung bzed bzhag ste phyag bcabs par
500a1 rig nas stan shing tu dma' ba dag blangs te chos mnyan pa'i phyir bcom ldan 'das kyis spyan sngar 'khod do/ /de nas bcom ldan 'das kyis yangs pa
500a2 can gyi tshong pa rab tu mang po dag gi spyin pa de la rjes su yi rang ba 'dis rjes su yi rang bar mdzad do/ /tshong pa zas dang skom dag gis/ dge slong dge 'dun bshos gsol
500a3 ba| |rab tu shes nas gtong ba yin/ /blo ldan 'phags pa gang byed bzhin/ /sbyin pa bde legs rjod pa 'di/ /tshong ba khyed kyis byin pas ni/ /khyed cag don gang legs 'dod pa'i/ /
500a4 khyed kyi don de rtag grub shog /khyed kyi rkang gnyis bde legs shing / /khyed kyi rkang bzhi bde legs shog /khyed cag lam zhugs bde legs shing / /phyir ldog pa na'ang
500a5 bde legs shog /mtshan mo bde legs nyin bde legs/ /nyi ma'i gung la bde legs shing / /khyed cag kun tu bde legs la/ /khyed la sdig pa ma 'byung zhing / /ji ltar zhing
500a6 ni phun sum la/ /sa bon phun sum tshogs btab cing / /char pa phun sum tshogs gyur na/ /lo tog phun sum tshogs par 'gyur/ /gnas med phun sum tshogs gyur cing / /
500a7 skye ba phun sum tshogs gyur la/ /rgyas pa phun sum tshogs gyur na/ /lo tog phun sum tshogs 'gyur ltar/ /de bzhin tshul khrims phun tshogs la/ /kha zas phun sum
500b1 tshogs byin zhing / /phun sum tshogs phyir de byas na/ /phun sum tshogs pa 'grub par 'gyur/ /de phyir phun sum tshogs 'dod cing / /phun sum tshogs don gnyer gang zag gis/ /shes
500b2 rab phun tshogs bstan gyur na/ /des ni phun sum tshogs pa 'grub/ /de phyir bla med sangs rgyas dang / /chos dang dge 'dun dag la ni/ /brtan pa dang bskyed byed pa/ /de sems
500b3 phun sum tshogs par 'gyur/ /rig dang zhabs su ldan pa la/ /phun sum tshogs pa'i sems thob nas/ /dge ba'i las rnams byed gyur pa/ /de ni phun sum tshogs pa'i las/ /
500b4 'jig rten yang dag bzhin shes na/ /lta ba phun sum tshogs pa 'thob/ /'phags shing mthong ba phun tshogs na/ /yid ni phun sum tshogs par 'gyur/ /dri ma thams cad bcom byas
500b5 shing / /mya ngan 'das pa phun sum thob/ /sdug bsngal zad par byed pa de/ /de yi don ni phun sum yin/ /de nas bcom ldan 'das kyis yangs pa can gyi tshong pa rab tu mang po dag
500b6 la chos kyi gtam yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad do/ /rnam grangs du mar chos kyi
500b7 gtam yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /
501a1 mdo chen po rgyal mtshan mchog ces bya ba rdzogs so// //rgya gar gyi mkhan bo dzi na mi tra dang / pra dz+nyA warma dang / zhu chen gyi lo tsA ba ban+d+he ye
shes sde la sogs pas bsgyur cing zhus te gtan la phab pa/
CLOSE WINDOW