བོད་ཡིག |
482a4 rgya gar skad du/ ma hA shU n+ya tA nA ma ma hA sU tar/ bod skad du/ mdo chen po stong pa nyid chen
482a5 po zhes bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das ser skya'i gnas na shing n+ya gro d+ha'i kun dga' ra ba na
482a6 bzhugs so/ /de nas bcom ldan 'das snga dro sham thabs dang chos gos gsol te/ lhung bzed bsnams nas bsod snyoms kyi phyir ser skya'i gnas su zhugs so/ /ser
482a7 skya'i gnas nas bsod snyoms bzhes te zhal zas kyi bya ba mdzad cing / zas phyis len pa'i zhal zas spangs nas lhung bzed dang chos gos bzhag ste zhabs bsil nas
482b1 shAkya dus bde'i gtsug lag khang ga la ba der gshegs so/ /de'i tshe na dge slong rab tu mang po dag gis shAkya dus bde'i gtsug lag khang du bla gab med par stan rab tu mang po
482b2 dag bting ste dong ngo / /de nas bcom ldan 'das gtsug lag khang gi phyi rol tu zhabs bsil nas nang du yang dag 'jog gi slad du gtsug lag khang du bzhugs so/ /de nas
482b3 bcom ldan 'das phye ma red nang du yang dag 'jog las bzhengs nas shAkya ltag pa'i ri'i gtsug lag khang ga la ba der gshegs so/ /de'i tshe na tshe dang ldan pa kun dga' bo dge
482b4 slong rab tu mang po dag dang lhan cig tu shAkya ltag pa'i ri'i gzug lag khang du 'di lta ste/ chos gos kyi las la 'dus te 'dug par gyur to/ /tshe dang ldan pa kun dga' bos rgyad
482b5 ring po nas bcom ldan 'das mthong ngo / /mthong nas kyang stan las langs te bcom ldan 'das kyi gdan bshams nas 'di skad ces kyang gsol to/ /bcom ldan 'das/ tshur
482b6 gshegs su gsol/ bcom ldan 'das/ legs par gshegs lags so/ /bcom ldan 'das gdan bshams pa 'di la bzhugs su gsol/ bcom ldan 'das gdan la
482b7 bzhugs nas tshe dang ldan pa kun dga' po la bka' stsal pa/ kun dga' bo/ dge slong rab tu mang po dag gis shAkya dus bde'i gtsug lag khang du bla gab med par stan rab tu
483a1 mang po dag bting ste dong ngo / /gsol pa/ bcom ldan 'das/ chos gos stsal ba'i dus lags so/ /bde bar gshegs pa/ chos gos stsal ba'i dus
483a2 lags so/ /bka' stsal pa/ kun dga' bo/ dge slong bre mo gtam la dga' ba dang / bre mo gtam la kun tu dga' ba dang / bre mo gtam la kun tu dga' ba nyid la brtson
483a3 pa'i rjes su sbyor ba dang / tshogs la dga' ba dang / tshogs la kun tu dga' ba dang / tshogs la kun tu dga' ba nyid la brtson pa'i rjes su sbyor ba la gnas pa ni/ mi mdzes te/ kun
483a4 dga' bo/ dge slong bre mo gtam la dga' ba dang / bre mo gtam la kun tu dga' ba dang / bre mo gtam la kun tu dga' ba nyid la brtson pa'i rjes su sbyor ba dang / tshogs
483a5 la dga' ba dang / tshogs la kun tu dga' ba dang / tshogs la kun tu dga' ba nyid la brtson pa'i rjes su sbyor ba la gnas shing / tshogs las gcig pu logs shig na
483a6 mi gnas pa des ni/ re zhig 'phags pa'i bde ba dang / nges par 'byung ba'i bde ba dang / rab tu dben pa'i bde ba dang / nye bar zhi ba'i bde ba dang / rdzogs par byang chub
483a7 pa'i bde ba dang / de lta bu'i bde ba gang yin pa de dag ci 'dod pa bzhin 'thob pa dang / dka' ba med par 'thob par 'gyur ba de ni/ gnas med do/ /kun dga' bo/ dge slong
483b1 bre mo gtam la mi dga' ba dang / bre mo gtam la kun tu mi dga' ba dang / bre mo gtam la kun tu dga' ba nyid la brtson pa'i rjes su mi sbyor ba dang / tshogs la mi dga' ba dang /
483b2 tshogs la kun tu mi dga' ba dang / tshogs la kun tu dga' ba nyid la brtson pa'i rjes su mi sbyor ba la gnas shing / tshogs las gcig pu logs shig na gnas pa des ni/
483b3 re zhig 'phags pa'i bde ba dang / nges par 'byung ba'i bde ba dang / rab tu dben pa'i bde ba dang / nye bar zhi ba'i bde ba dang / rdzogs par byang chub pa'i bde ba dang / de lta bu'i
483b4 bde ba gang yin pa de dag ci 'dod pa bzhin 'thob pa dang / dka' ba med par thob par 'gyur ba de ni/ gnas yod do/ /kun dga' bo/ dge slong bre mo gtam la dga' ba dang /
483b5 bre mo gtam la kun tu dga' ba dang / bre mo gtam la kun tu dga' ba nyid la brtson pa'i rjes su sbyor ba dang / tshogs la dga' ba dang / tshogs la kun tu dga' ba dang /
483b6 tshogs la kun tu dga' ba nyid la brtson pa'i rjes su sbyor ba la gnas shing / tshogs las gcig pu logs shig na mi gnas pa des ni/ re zhig dus dang sbyor zhing srung ba'i
483b7 sems rnam par grol ba'am/ dus dang mi sbyor zhing mi nyams pa lus kyis mngon sum du byas nas bsgrubs te gnas par 'gyur ba de ni/ gnas med do/ /kun dga' bo/
484a1 dge slong bre mo gtam la mi dga' ba dang / bre mo gtam la kun tu mi dga' ba dang / bre mo gtam la kun tu dga' ba nyid la brtson pa'i rjes su mi sbyor
484a2 ba dang / tshogs la mi dga' ba dang / tshogs la kun tu mi dga' ba dang / tshogs la kun tu dga' ba nyid la brtson pa'i rjes su mi sbyor ba la gnas shing / tshogs las
484a3 gcig pu logs shig na gnas pa des ni/ re zhig dus dang sbyor zhing sems rnam par grol ba'am/ dus dang mi sbyor zhing mi nyams pa lus kyis mngon sum du byas nas
484a4 bsgrubs te gnas par 'gyur ba de ni/ gnas yod do/ /kun dga' bo/ ngas gang la kun tu dga' ba dang / mngon par dga' ba'i gzugs de'i rnam par 'gyur ba dang gzhan
484a5 du 'gyur ba las mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag 'byung bar mi 'gyur ba'i gzugs ni/ gcig kyang yang
484a6 dag par rjes su ma mthong ngo / /kun dga' bo/ de lta bas na/ nga'i gnas pa ni/ 'di lta ste/ rnam pa thams cad du gzugs kyi 'du shes las yang dag par 'das nas phyi
484a7 stong pa nyid skus mngon sum du mdzad nas bsgrubs te bzhugs pa 'di'ang rjes su rtogs shing rab tu rtogs so/ /nga gnas pa 'dis gnas pa na mchog tu dga' ba skyes te/
484b1 nga mchog tu dga' ba des lus kyi thams cad yang dag par myong zhing dran pa dang shes bzhin gyis lan mang du gnas so/ /nga gnas pa 'dis gnas pa na dga' ba dang / shin tu
484b2 sbyangs pa dang / bde ba dang / ting nge 'dzin skyes te/ nga ting nge 'dzin des lus kyi thams cad yang dag par myong zhing dran pa dang shes bzhin gyis lan mang du gnas so/ /nga gnas
484b3 pa 'dis gnas pa na dge slong dang / dge slong ma dang / dge bsnyen dang / dge bsnyen ma dag nye bar lhag par gyur nas nga de la gzhol ba dang / de la 'bab ba dang / de la bab pa'i
484b4 sems kyis de dag la 'di lta ste/ brtson 'grus su dag par bya ba'i phyir phan tshun kun dga' bar gtam 'dre bar smra/ phebs par smra zhing chos kyi gtam yang zer ro/ /kun dga'
484b5 bo| |de lta bas na/ dge slong yang kye ma bdag phyi stong pa nyid lus kyis mngon sum du byas nas bsgrubs te gnas par bya'o zhes 'dod par gyur na/ kun dga' bo/ dge slong des
484b6 sems nang kho nar gzhag par bya/ yang dag par gzhag par bya/ bsdus te gzhag par bya/ nye bar gzhag par bya/ dul bar bya/ zhi bar bya/ nye bar zhi bar bya/ rgyud gcig tu bya
484b7 zhing ting nge 'dzin du bya'o/ /kun dga' bo/ dge slong gang dag 'di skad bdag gis sems nang kho nar ma bzhag /yang dag par ma bzhag /bsdus te ma bzhag /nye bar ma bzhag /
485a1 dul bar ma byas/ zhi bar ma byas/ nye bar ma byas/ nye bar zhi bar ma byas/ rgyud gcig tu ma byas shing / ting nge 'dzin du ma byas par phyi stong pa nyid
485a2 lus kyis mngon sum du byas nas bsgrubs te gnas par byas so/ /zhes zer na/ kun dga' bo/ de ni/ rnam par 'khrul pa yin par rig par bya'o/ /de ci'i phyir zhe na/ kun
485a3 dga' bo/ de ni/ gnas ma yin zhing skabs ma yin te/ gang sems nang kho nar ma bzhag /yang dag par ma bzhag /bsdus te ma bzhag /nye bar ma bzhag /dul bar ma byas/
485a4 zhi bar ma byas/ nye bar zhi bar ma byas/ rgyud gcig tu ma byas shing / ting nge 'dzin du ma byas par phyi stong pa nyid lus kyis mngon sum du byas nas bsgrubs te gnas
485a5 par 'gyur ba de ni/ gnas med pa'i phyir ro/ /kun dga' bo/ dge slong gang 'di skad ces bdag gis sems nang kho nar bzhag /yang dag par bzhag /bsdus te bzhag /nye
485a6 bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing ting nge 'dzin du byas te phyi stong pa nyid lus kyis mngon sum du byas nas bsgrubs te
485a7 gnas par bya'o/ /zhes zer na/ kun dga' bo/ de'i tshig ni/ legs pa yin no/ /de ci'i phyir zhe na/ kun dga' bo/ de ni/ gnas yin zhing skabs yin te/ gang sems nang kho
485b1 nar bzhag /yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing / ting nge 'dzin du byas te/ phyi stong pa
485b2 nyid lus kyis mngon sum du byas nas bsgrubs te gnas par 'gyur ba de ni/ gnas yod pa'i phyir ro/ /kun dga' bo/ ji ltar na dge slong sems nang kho nar 'jog par byed/ yang
485b3 dag par 'jog par byed/ bsdus te 'jog par byed/ nye bar 'jog par byed/ dul par byed/ zhi bar byed/ nye bar zhi bar byed/ rgyud gcig tu byed cing / ting nge 'dzin du byed ce na/
485b4 'di la dge slong dben pa las skyes pa'i dga' ba dang bde bas lus de nyid mngon par rlan par byed/ yongs su rlan par byed/ yongs su tshim par byed cing / yongs su khyab par
485b5 byed de| de'i lus thams cad la 'di lta ste/ dben pa las skyes pa'i dga' ba dang bde bas khyab par ma gyur pa dang / khyab par ma byas pa cung zad kyang med do/ /'di lta ste/ dper
485b6 na khrus mkhan nam/ khrus mkhan gyi slob ma mkhas pa zhig gis khrus chal zhib mo dag kham phor ram/ gzhong bu'am/ nya phyis su blugs te chas btab cing mnyes na/ de khrus
485b7 chal gyi ril lu rlan pa rlan dang ldan pa/ rlan gyis kun tu gang ba/ phyi nang bcas par rlan gyis khyab par 'gyur zhing / phyir yang mi 'jig la zag par yang mi 'gyur ro/ /de bzhin
486a1 du dge slong yang dben pa las skyes pa'i dga' ba dang bde bas lus de nyid mngon par rlan par byed/ yongs su rlan par byed/ yongs su tshim par byed
486a2 cing / yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang bde bas khyab par mi gyur pa dang / khyab par ma byas pa cung zad
486a3 kyang med do/ /kun dga' bo/ de ltar na dge slong sems nang kho nar 'jog par byed/ yang dag par 'jog par byed/ bsdus te 'jog par byed/ nye bar 'jog par byed/ dul
486a4 bar byed/ zhi bar byed/ nye bar zhi bar byed/ rgyud gcig tu byed cing / ting nge 'dzin du byed pa yin te/ kun dga' bo/ dge slong des ni/ sems nang kho nar bzhag /yang dag par
486a5 bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing / ting nge 'dzin du byas te/ phyi stong pa nyid yid la bya'o//
486a6 kun dga' bo/ dge slong de phyi stong pa nyid yid la byed pas sems rnam par g.yo bar 'gyur zhing / 'di lta ste/ phyi stong pa nyid la de'i sems 'jug par mi 'gyur/ dang
486a7 bar mi 'gyur/ gnas par mi 'gyur/ mos par mi 'gyur/ kun dga' bo/ gal te dge slong de de ltar so sor rtog pa'i tshe bdag phyi stong pa nyid yid la byed pa na sems
486b1 rnam par g.yo bar 'gyur zhing / 'di lta ste/ phyi stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes par gyur
486b2 na| kun dga' bo/ dge slong des nang stong pa nyid yid la bya'o/ /kun dga' bo/ dge slong nang stong pa nyid yid la byed pa na yang sems rnam par g.yo bar 'gyur zhing / 'di lta ste/
486b3 nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur la/ kun dga' bo/ gal te dge slong de de ltar so sor rtog
486b4 pa'i tshe bdag nang stong pa nyid yid la byed pa na yang sems rnam par g.yo bar 'gyur zhing / 'di lta ste/ nang stong pa nyid la sems 'jug par mi 'gyur/ dang bar mi 'gyur/
486b5 gnas par mi 'gyur/ mos par mi 'gyur bar shes par gyur na/ kun dga' bo/ dge slong des phyi nang stong pa nyid yid la bya'o/ /kun dga' bo/ dge slong de phyi nang stong pa nyid yid
486b6 la byed pa na yang sems rnam par g.yo bar 'gyur zhing / 'di lta ste/ phyi nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos
486b7 par mi 'gyur la/ kun dga' bo/ gal te dge slong de de ltar so sor rtog pa'i tshe bdag phyi nang stong pa nyid yid la byed na yang sems rnam par g.yo bar 'gyur zhing / 'di lta
487a1 ste| phyi nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes par gyur na/ kun
487a2 dga' bo/ dge slong des mi g.yo ba yid la bya'o/ /kun dga' bo/ dge slong de mi g.yo ba yid la byed na yang sems rnam par g.yo bar 'gyur zhing / 'di lta ste/ mi g.yo ba
487a3 la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur la/ kun dga' bo/ gal te dge slong de de ltar so sor rtog pa'i tshe bdag
487a4 mi g.yo ba yid la byed pa na yang sems rnam par g.yo bar 'gyur zhing / 'di lta ste/ mi g.yo ba la sems 'jug par mi 'gyur/ dang bar mi 'gyur/ gnas par mi 'gyur/
487a5 mos par mi 'gyur bar shes par gyur na/ kun dga' bo/ dge slong des sems de ting nge 'dzin de dang de dag la gzhol bar bya/ dul bar bya/ zhi bar bya/ las su bya/
487a6 bsro bar bya/ yang dag par bsro bar bya/ yongs su bsro bar bya/ drang por bya zhing las su rung ba dang / gnam pa dang / bcos su rung ba dang / btub par bya'o/ /kun dga'
487a7 bo| dge slong des sems de ting nge 'dzin de dang de dag la gzhol bar byas/ dul bar byas/ zhi bar byas/ las su byas/ bsro bar byas/ yang dag par bsro bar byas/
487b1 yongs su bsro bar byas/ drang por byas shing / las su rung ba dang / gnam pa dang / bcos su rung ba dang / btub par byas te/ phyi stong pa nyid yid la bya'o/ kun dga' bo/ /dge
487b2 slong de phyi stong pa nyid yid la byed pa na sems rnam par g.yo bar mi 'gyur zhing / 'di lta ste/ phyi stong pa nyid la sems 'jug pa dang / dang ba dang / gnas pa dang / mos par gyur
487b3 la| kun dga' bo/ gal te dge slong de de ltar so sor rtog pa'i tshe bdag phyi stong pa nyid yid la byed pa na sems rnam par g.yo bar mi 'gyur zhing / 'di lta ste/ phyi stong pa nyid la
487b4 sems 'jug pa dang / dang ba dang / gnas pa dang / mos par gyur par shes na/ kun dga' bo/ dge slong des nang stong pa nyid yid la bya'o/ /kun dga' bo/ dge slong de nang
487b5 stong pa nyid yid la byed pa na yang sems rnam par g.yo bar mi 'gyur zhing / 'di lta ste/ nang stong pa nyid la sems 'jug pa dang / dang ba dang / gnas pa dang / mos par gyur la/
487b6 kun dga' bo/ gal te dge slong de de ltar so sor rtog pa'i tshe bdag nang stong pa nyid yid la byed pa na yang sems rnam par g.yo bar mi 'gyur na/ 'di lta ste/ nang stong pa nyid la
487b7 sems 'jug pa dang / dang ba dang / gnas pa dang / mos par gyur par shes na/ kun dga' bo/ dge slong des phyi nang stong pa nyid yid la bya'o/ /kun dga' bo/ dge slong de phyi
488a1 nang stong pa nyid yid la byed pa na yang sems rnam par g.yo bar mi 'gyur zhing / 'di lta ste/ phyi nang stong pa nyid la sems 'jug pa dang / dang ba dang /
488a2 gnas pa dang / mos par gyur la/ kun dga' bo/ gal te dge slong de de ltar so sor rtog pa'i tshe bdag phyi nang stong pa nyid yid la byed pa na yang sems rnam par g.yo bar
488a3 mi 'gyur zhing / 'di lta ste/ phyi nang stong pa nyid la sems 'jug pa dang / dang ba dang / gnas pa dang / mos par gyur par shes na/ kun dga' bo/ dge slong des mi g.yo
488a4 ba yid la bya'o/ /kun dga' bo/ dge slong de mi g.yo ba yid la byed pa na yang sems rnam par g.yo bar mi 'gyur zhing / 'di lta ste/ mi g.yo ba la sems 'jug pa dang / dang
488a5 ba dang / gnas pa dang / mos par gyur la/ kun dga' bo/ gal te dge slong de de ltar so sor rtog pa'i tshe bdag mi g.yo ba yid la byed pa na yang sems rnam par g.yo bar
488a6 mi 'gyur zhing / 'di lta ste/ mi g.yo ba la sems 'jug pa dang / dang ba dang / gnas pa dang / mos par gyur par shes na/ de de la dran pa dang shes bzhin can du 'gyur ro//
488a7 kun dga' bo/ dge slong de gnas pa 'dis gnas pa na/ gal te 'chag pa la sems 'jug par gyur na/ kun dga' bo/ dge slong des gtsug lag khang gi phyi rol bla
488b1 gab med pa'i 'chag sar dbang po rnams nang du bsdus shing yid phyi rol tu ma song bar snga phyi'i 'du shes kyis bcag par bya'o/ /de de ltar 'chag pa na 'jig rten la brnab
488b2 sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing / de de la dran pa dang shes bzhin can du 'gyur ro/ /kun dga' bo/ dge slong de gnas
488b3 pa 'dis gnas pa na/ gal te 'dus pa la sems 'jug par gyur na/ kun dga' bo/ dge slong des gtsug lag khang gi phyi rol tu rkang pa bkrus te gtsug lag khang gi nang du zhugs
488b4 la skyil mo krung bcas te lus drang por bsrang la dran pa mngon du bzhag ste 'dug par bya'o/ /de de ltar 'dug pa na 'jig rten la brnab sems dang / yid mi bde ba dang / sdig
488b5 pa mi dge ba'i chos rnams sems kyi rjes su mi 'brang zhing / de de la dran pa dang shes bzhin can du 'gyur ro/ /kun dga' bo/ dge slong de gnas pa 'dis gnas pa na/ gal te
488b6 rnam par rtog pa dag la sems 'jug par gyur na/ kun dga' bo/ dge slong des mi dge ba/ sdug bsngal ba/ 'phags pa ma yin pa/ gnod pa dang ldan pa'i rnam par
488b7 rtog pa 'di lta ste/ 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa dang / de lta bu'i rnam par rtog pa gang dag
489a1 yin pa de dag mngon par spangs la/ dge ba bde ba 'phags pa gnod pa med pa dang ldan pa'i rnam par rtog pa 'di lta ste/ nges par 'byung ba'i rnam par
489a2 rtog pa dang / gnod sems med pa'i rnam par rtog pa dang / rnam par mi 'tshe ba'i rnam par rtog pa dang / de lta bu'i rnam par rtog pa gang dag yin pa de dag la rnam par
489a3 brtag par bya'o/ /de de ltar rnam par rtog pa na 'jig rten la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing / de da
489a4 la dran pa dang shes bzhin can du 'gyur ro/ /kun dga' bo/ dge slong de gnas pa 'dis gnas pa na gal te gtam la sems 'jug par gyur na/ kun dga' bo/ dge
489a5 slong des mi dge ba 'phags pa ma yin pa gnod pa dang ldan pa'i gtam 'di lta ste/ rgyal po'i gtam dang / rkun po'i gtam dang / 'thab mo'i gtam dang / zas kyi gtam dang /
489a6 skom gyi gtam dang / gos kyi gtam dang / lam srang gi gtam dang / smad tshong ma'i gtam dang / 'jig rten gyi gtam rgyud kyi gtam dang / las ngan pa'i gtam rgyud kyi gtam
489a7 dang / rgya mtsho'i gtam rgyud kyi gtam dang / yul gyi mi dang / sna chen po la gtogs pa'i gtam rgyud kyi gtam dang / de lta bu'i gtam gang dag yin pa de dag mngon par
489b1 spangs la/ 'phags pa'i yo byad bsnyungs pa sems kyi sgrib pa med pa dang mthun par 'gyur ba'i gtam 'di lta ste/ tshul khrims kyi gtam dang / ting nge 'dzin gyi gtam dang / shes
489b2 rab kyi gtam dang / rnam par grol ba'i gtam dang / rnam par grol ba'i ye shes mthong pa'i gtam dang / 'dod pa chung ba'i gtam dang / chog shes pa'i gtam dang / mi gsog
489b3 pa'i gtam dang / yo byad bsnyungs pa'i gtam dang / 'du 'dzi med pa'i gtam dang / spong ba'i gtam dang / 'dod chags dang bral ba'i gtam dang / 'gog pa'i gtam dang / stong
489b4 pa nyid kyi gtam dang / rkyen 'di nyid kyi rten cing 'brel par 'byung ba'i gtam dang / de lta bu'i gtam gang dag yin pa de dag gi gtam bya'o/ /de de ltar gtam zer ba nas 'jig rten
489b5 la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing de de la dran pa dang shes bzhin can du 'gyur ro/ /kun dga' bo/
489b6 'phags pa nyan thos kyis ma la bdag gis sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun tu 'byung ba yod dam/ 'on te
489b7 bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun tu 'byung ba med ces yang dang yang du 'dod pa'i yon tan lnga po
490a1 'di dag la rang gi sems so sor brtag par bya ste/ kun dga' bo/ nga ni/ 'dod pa'i yon tan lnga po dag las gzhan pa la sems kun tu 'byung bar
490a2 mi smra'o| |kun dga' bo/ gal te dge slong de de ltar so sor rtog pa'i tshe bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la brten
490a3 nas kun tu 'byung ba yod par shes par gyur na/ kun dga' bo/ dge slong des 'dod pa'i yon tan de dang de dag la mi rtag par rjes su blta zhing gnas par bya/ zad par rjes
490a4 su blta ba dang / 'dod chags dang bral bar rjes su blta ba dang / 'gog par rjes su blta ba dang / nges par 'byung bar rjes su blta zhing gnas par bya'o/ /kun dga' bo/
490a5 dge slong de 'dod pa'i yon tan de dang de dag la mi gnas par rjes su blta zhing gnas pa dang / zad par rjes su blta ba dang / 'dod chags dang bral bar rjes su blta pa dang /
490a6 'gog par rjes su blta ba dang / nges par 'byung bar rjes su lta zhing gnas pa na/ de'i sems 'dod pa'i yon tan lnga po 'di dag las yon tan gang yang rung ba la brten
490a7 nas kun tu 'byung bar 'gyur ba gang yin pa de kun tu 'byung bar mi 'gyur ro/ /kun dga' bo/ gal te dge slong de de ltar so sor rtog pa'i tshe bdag gi sems 'dod pa'i
490b1 yon tan lnga po 'di dag las 'dod pa'i yon tan gang yang rung ba la brten nas kun tu 'byung bar gyur pa gang yin pa de spang bar shes par gyur na/ de de la dran pa dang shes
490b2 bzhin can du 'gyur ro/ /kun dga' bo/ 'phags pa nyan thos kyis ma la bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i
490b3 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba yod dam/ 'on te bdag gis nye bar len pa'i phung po lnga po 'di dag la
490b4 nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba med ces de yang dang yang du nye
490b5 bar len pa'i phung po lnga po 'di dag la rang gi sems so sor brtag par bya'o/ /kun dga' bo/ gal te dge slong de de ltar so sor rtog pa'i tshe bdag gis nye bar len pa'i phung po
490b6 lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba yod par
490b7 shes par gyur na/ kun dga' bo/ dge slong des nye bar len pa'i phung po lnga po 'di dag yang dang yang du 'di lta ste/ 'di ni/ gzugs so/ 'di ni/ gzugs kyi kun 'byung ba'o//
491a1 'di ni| gzugs kyi zad pa'o/ /'di lta ste/ 'di ni/ tshor ba dang / 'du shes dang / 'du byed rnams dang / rnam par shes pa'o/ /'di ni/ rnam par shes
491a2 pa'i kun 'byung ba'o/ /'di ni/ rnam par shes pa'i zad pa'o/ /zhes kun 'byung ba dang zad par rjes su blta zhing gnas par bya'o/ /de nye bar len pa'i phung po lnga po 'di dag la
491a3 yang dang yang du kun 'byung ba dang zad par rjes su blta zhing gnas pa na/ de la nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun
491a4 pa dang / nga'o snyam pa'i bag la nyal ma spangs shing yongs su ma shes lam bkag ma bsal bar gyur pa gang yin pa de med par 'gyur ro/ /kun dga' bo/ gal te dge
491a5 slong de de ltar so sor rtog pa'i tshe bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la
491a6 nyal 'byung bar gyur pa gang yin pa de spangs par shes par gyur na/ de de la dran pa dang shes bzhin cam du 'gyur te/ kun dga' bo/ chos de dag ni/ gcig tu dkar ba/
491a7 gcig tu dge ba/ gcig tu kha na ma tho ba med pa ste/ bdud sdig can gyis 'da' bar bya ba ma yin zhing / sdig pa mi dge ba'i chos kun nas nyon mongs par 'gyur ba dang /
491b1 yang srid par 'gyur ba gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis mi 'phrog pa yin no/ /kun dga'
491b2 bo| ji snyam du sems nyan thos dad pa can dag ji srid 'tsho'i bar du phyir bkag kyang ston pa'i phyi bzhin rjes su 'brang bar 'os pa ci'i phyir snyam/ gsol pa/ btsun pa bcom
491b3 ldan 'das ni/ chos rnams kyi gzhi po lags te/ bcom ldan 'das kyis mtshon pa dang / bcom ldan 'das la rten pa lags pas bcom ldan 'das kyis don de dge slong
491b4 rnams la legs par bka' stsal du gsol/ bcom ldan 'das las thos nas dge slong rnams kyang 'dzin par 'gyur lags so/ /bka' stsal pa/ kun dga' bo/ de'i phyir legs
491b5 par rab tu nyon la yid la zungs shig dang bshad par bya'o/ /kun dga' bo/ nyan thos dad pa can gang dag 'di lta ste/ mdo'i sde dang / dbyangs kyis bsnyad pa'i sde dang / lung bstan
491b6 pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa rabs kyi sde dang /
491b7 shin tu rgyas pa'i sde dang / rmang du byung ba'i chos kyi sde dang / gtan la bab par bstan pa'i sde'i chos de dag dang / de lta bu'i chos rnams mnyan pa'i phyir ji srid 'tsho'i bar du phyir
492a1 bkag kyang ston pa'i phyi bzhin rjes su 'brang ba ni/ 'os pa ma yin no/ /de ci'i phyir zhe na/ kun dga' bo/ chos de dag ni/ yun ring po nas thos shing
492a2 bzung la brtan par byas shing kha ton byed pa dang / yid kyis brtags pa dang / mthong bas shin tu rtogs par byas zin pa'i phyir ro/ /kun dga' bo/ /nyan thos dad pa can
492a3 gang dag 'phags pa yo byad bsnyungs pa sems kyis sgrib pa med pa dang mthun par 'gyur ba'i gtam 'di lta ste/ tshul khrims kyi gtam dang / ting nge 'dzin gyi gtam dang /
492a4 shes rab kyi gtam dang / rnam par grol ba'i gtam dang / rnam par grol ba'i ye shes mthong ba'i gtam dang / 'dod pa chung ba'i gtam dang / chog shes pa'i gtam dang /
492a5 mi gsog pa'i gtam dang / yo byad bsnyungs pa'i gtam dang / 'du 'dzi med pa'i gtam dang / spong ba'i gtam dang / 'dod chags dang bral ba'i gtam dang / 'gog pa'i
492a6 gtam dang / stong pa nyid kyi gtam dang / rkyen 'di pa nyid kyi rten cing 'brel par 'byung ba'i gtam dang / de lta bu'i gtam gang yin pa dag mnyan pa'i phyir ji srid 'tsho'i
492a7 bar du phyir bkag kyang ston pa'i phyi bzhin rjes su 'brang ba ni/ rigs pa yin no/ /kun dga' bo/ gsum po 'di dag ni/ gnod pa yin te/ gsum gang zhe na/ slob dpon
492b1 gyi gnod pa dang / slob ma'i gnod pa yin te/ tshangs par spyod pa'i gnod pa'o/ /kun dga' bo/ slob dpon gyi gnod pa gang zhe na/ kun dga' bo/ 'di lta ston pa rtog ge pa
492b2 dpyod pa can rtog ger gtogs pa'i sa rang gi spobs pa las byung ba/ so so'i skye bo pa dpyod pa'i rjes su spyod pa la gnas pa de 'jig rten du byung na/ de gnas mal dgon pa'am/
492b3 nags 'dab bam/ bas mtha' dag tu gnas par byed do/ /de gnas mal dgon pa'am/ nags 'dab bam/ bas mtha' dag na gnas pa'i tshe nyan pa po khyim pa dang / rab tu
492b4 byung ba dag rjes su 'brang bar 'gyur ro/ /de nyan ba po khyim pa dang / rab tu byung ba rjes su lhags pa dag la chums par byed cing brgyal ba skyed par byed la/ mang po bsdu ba'i phyir
492b5 rjes su 'jug par byed do/ /kun dga' bo/ de na slob dpon gyi gnod pa zhes bya'o/ /kun dga' bo/ slob dpon gyi gnod pas gnod par gyur pa'i slob dpon de ni/ sdig pa
492b6 mi dge ba'i chos kun nas nyon mongs par 'gyur ba/ yang srid par 'gyur ba/ gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur
492b7 ba rnams kyis gnod par 'gyur ro/ /kun dga' bo/ slob ma'i gnod pa gang zhe na/ kun dga' bo/ 'di la nyan pa po dad pa dang ldan pa ston pa de nyid kyi tshig la mngon par dang par
493a1 gyur pa de ston pa de nyid kyi dben pa'i rjes su slob pa'i tshe gnas mal dgon pa'am/ nags 'dab bam/ bas mtha' dag tu gnas par byed do/ /de gnas
493a2 mal dgon pa'am/ nags 'dab bam/ bas mtha' dag na gnas pa'i tshe nyan pa po khyim pa dang / rab tu byung ba dag rjes su 'brang bar 'gyur ro/ /de nyan pa po khyim pa dang / rab
493a3 tu byung ba rjes su lhags pa dag la chums par byed cing nga rgyal bskyed par byed la/ mang po bsdu ba'i phyir rjes su 'jug par byed de/ kun dga' bo/ de ni slob ma'i
493a4 gnod pa zhes bya'o/ /kun dga' bo/ slob ma'i gnod pas gnod par gyur pa'i slob ma de ni/ sdig pa mi dge ba'i chos kun nas nyon mongs par 'gyur ba/ yang srid par
493a5 'gyur ba/ gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis gnod par 'gyur ro/ /kun dga' bo/ tshangs
493a6 bar spyod pa'i gnod pa gang zhe na/ kun dga' bo/ 'di la ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/
493a7 bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du
493b1 byung na/ de gnas mal dgon pa'am/ nags 'dab bam/ bas mtha' dag tu gnas par mdzad do/ /de gnas mal dgon pa'am/ nags 'dab bam/ bas mtha' dag na bzhugs pa'i tshe nyan pa po
493b2 khyim pa dang / rab tu byung ba dag rjes su 'brang bar 'gyur ro/ /de nyan pa po khyim pa dang / rab tu byung ba rjes su lhags pa dag la chu mas bar mi mdzad cing nga rgyal bskyed par mi mdzad la/
493b3 mang po bsdu ba'i phyir rjes su 'jug par mi mdzad kyang / de nyan pa pos kun tu gang zhing gnas na lhag pa'i sems las byung ba bzhi po de dag gis tshe 'di la bde bar gnas pa thob pa gang
493b4 dag yin pa de dag las gang yang rung ba las yongs su nyams par smra la/ gcig pu ma 'dres pa dang / bag yod pa dang / rtun pa dang / sems bsdus pa'i bdag nyid de/ de dag gis
493b5 nyams pa med pa'i sems rnam par grol ba skus mngon sum du mdzad cing gnang ba gang yin pa de la ni rnam grangs gang gis kyang yongs su nyams pa med par nga smra mod kyi/ 'on
493b6 kyang nyam pa po dang ldan pa ston pa de nyid kyi bka' la mngon par dad par gyur pa de ston pa de nyid kyi dben pa'i rjes su slob pa'i tshe gnas mal dgon pa'am/ nags 'dab bam/
493b7 bas mtha' dag tu gnas par byed do/ /de gnas mal dgon pa'am/ nags 'dab bam/ bas mtha' dag na gnas pa'i tshe nyan pa po khyim pa dang / rab tu byung ba dag rjes su 'brang bar 'gyur ro/ /de nyan
494a1 pa po khyim pa dang / rab tu byung ba rjes su lhags pa de dag la chums par byed cing brgyal ba skyed par byed la/ mang po bsdu ba'i phyir rjes su 'jug
494a2 par byed de/ kun dga' bo/ de ni/ tshangs par spyod pa'i gnod pa zhes bya'o/ /kun dga' bo/ gnod pa rnams las 'di lta ste/ slob dpon gyi gnod pa dang / slob ma'i
494a3 gnod pa de dag ni/ cung zad tsam du zad kyi/ gnod pa rnams las 'di lta ste/ tshangs par spyod pa'i gnod pa de ni/ tha chad yin no/ /kun dga' bo/ tshangs par spyod
494a4 pa'i gnod pas gnod par gyur pa'i tshangs par spyod pa de ni/ sdig pa mi dge ba'i chos kun nas nyon mongs par 'gyur ba/ yang srid par 'gyur ba/ gdung ba dang bcas pa/
494a5 rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis gnod par 'gyur ro/ /kun dga' bo/ nga ni/ mdza' bshes dang ldan
494a6 pas kun tu spyod par byed kyi/ 'gran zla dang ldan pas ni/ ma yin no/ /kun dga' bo/ ji ltar na nyan thos rnams ston pa la 'gran zla dang ldan pas kun tu spyod cing mdza'
494a7 bshes dang ldan pas ma yin zhe na/ kun dga' bo/ 'di la ston pa rjes su thugs su brtse ba dang ldan pa/ thugs rje dang ldan pa/ don du bzhed pa/ phan par bzhed pa/
494b1 thugs rje bar gyur pa/ nyan thos rnams la dge slong dag/ khyod la phan pa 'di dang / bde ba 'di dang / phan pa dang bde ba 'di'i phyir ro zhes chos ston par mdzad pa na de'i nyan
494b2 thos de dag gus par nyan par mi byed cing / rna klog par mi byed/ kun shes par byed pa'i sems nye bar 'jog par mi byed/ chos kyi rjes su mthun pa'i chos sgrub par mi byed
494b3 la| ston pa'i bstan pa las rnam par 'das shing gnas par byed na/ kun dga' bo/ de ni/ nyan thos rnams ston pa la 'gran zla dang ldan pas kun tu spyod cing mdza' bshes
494b4 dang ldan pas ma yin pa yin no/ /kun dga' bo/ ji ltar na nyan thos rnams ston pa la mdza' bshes dang ldan pas kun tu spyod cing 'gran zla dang ldan pas ma yin zhe na/ kun
494b5 dga' bo/ 'di la ston pa rjes su thugs brtse ba dang ldan pa/ thugs rje dang ldan pa/ don du bzhed pa/ phan par bzhed pa/ thugs rje bar gyur pa/ nyan thos rnams la dge
494b6 slong dag /khyed la phan pa 'di dang / bde ba 'di dang / phan pa dang bde ba 'di'i phyir ro/ /zhes chos ston par mdzad pa na/ de'i nyan thos de dag gus par nyan par byed cing / rna klog
494b7 par byed/ kun shes par bya ba'i sems nye bar 'jog par byed/ chos kyi rjes su mthun pa'i chos sgrub par byed la/ ston pa'i bstan pa yang dag par blangs te gnas par byed na/
495a1 kun dga' bo/ de ni/ nyan thos rnams ston pa la mdza' ba shes dang ldan pas spyod cing 'gran zla dang ldan pas ma yin pa yin no/ /kun dga' bo/ nga ni/
495a2 khyed cag la tshar bcad cing bcad cing / zil gyis mnan cing mnan cing smra ste/ rdza mkhan rdza ma mtshos pa dag las sra ba gang yin pa de 'jog par byed pa bzhin du khyed la
495a3 dbyig tu mi 'dzin gyi/ nga'i tshig gi lam rnams la yang bzod par gyis shig /bcom ldan 'das kyis de skad ces bka' stsal pa nas dge slong de dag bcom ldan 'das
495a4 kyis gsungs pa la mngon par bstod do/ /bar sdom ni/ 'phags pa'i bde dang dus sbyor dang / /gzugs dang mchog dga' dge slong dang / /khrus ril phyi stong nyid sogs
495a5 dang / /ting nge 'dzin la sems gzhol dang / /'chag pa dang ni 'dug pa dang / /rnam rtog gtam dang 'od yon tan/ /phung po gcig dkar nyan thos dang / /gnod dang mdza' bshes
495a6 tshar gcod pa'o/ /mdo chen po stong pa nyid chen po zhes bya ba rdzogs so// //rgya gar gyi mkhan po dzi nas mi tra dang / pra dz+nyA warma dang / zhu chen gyi lo tsA ba ban+d+he ye shes
sde la sogs pas bsgyur cing zhus te gtan la phab pa/
CLOSE WINDOW