བོད་ཡིག |
467b4 rgya gar skad du/ bim+bi sA ra pra t+yung+ga ma na nA ma ma hA sU traM/ bod skad du/ mdo chen po gzugs can snying pos bsu ba zhas bya ba/ dkon mchog
467b5 gsum la phyag 'tshal lo/ /'di skad bdag gis thos pa dus gcig na/ bcom ldan 'das dge slong stong gi dge slong gi dge 'dun chen po thams cad kyang sngon ral pa can thams
467b6 cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes
467b7 pas sems shin tu rnam par grol ba sha stag dang thabs cig tu yul ma ga d+ha ra yul rgyu zhing gshegs pa na ma ga d+ha pa rnams kyi mchod rten rab brtan gyi smyig ma'i nags khrod
468a1 ga la ba der gshegs te/ de na bcom ldan 'das rab brtan du byon nas ma ga d+ha pa rnams kyi mchod rten rab brtan gyi smyig ma'i nags khrod na bzhugs
468a2 so| |yul ma ga d+ha'i rgyal po bzo sbyangs gzugs can snying pos bcom ldan 'das dge slong stong gi dge slong gi dge 'dun chen po thams cad kyang sngon ral pa can/ thams cad
468a3 kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes
468a4 pas sems shin tu rnam par grol ba sha stag dang thabs cig tu yul ma ga d+har yul rgyu zhing gshegs pa na ma ga d+ha pa rnams kyi mchod rten rab brtan gyi smyig ma'i nags khrod
468a5 ga la ba der gshegs te/ de na bcom ldan 'das rab brtan du byon nas ma ga d+ha pa rnams kyi mchod rten rab brtan gyi smyig ma'i nags khrod na bzhugs so/ /zhes thos so/ /thos
468a6 nas kyang rgyal po'i 'byor ba chen po dang / rgyal po'i mthu chen pos shing rta khri nyis stong dang / rta'i khyu tshan khri brgyad stong dang / yul ma ga d+ha'i bram ze dang khyim bdag 'bum
468a7 phrag du ma dang lhan cig tu bcom ldan 'das la blta ba dang / bsnyen bkur la 'gro ba'i phyir rgyal po'i khab nas byung ste/ de bzhon pas bgrod pa'i sa ji srid pa de srid du bzhon
468b1 pas song nas bzhon pa las babs te rkang pa kho nas kun dga' ra bar zhugs nas yul ma ga d+ha'i rgyal po bzo sbyangs gzugs can snying por bar skabs gang nas bcom ldan 'das
468b2 mthong ba'i bar skabs der rgyal po'i chos kyi mtshan ma lnga po cod pan dang / gdugs dang / ral gri dang / rnga yab nor bu can dang / lham khra bo dag phud de bzhag go /de nas yul ma ga d+ha'i
468b3 rgyal po bzo sbyangs gzugs can snying pos rgyal po'i chos kyi mtshan ma lnga po dag phung de bzhag nas bcom ldan 'das ga la ba der song ste phyin pa dang / bla gos phrag pa gcig tu
468b4 gzar te pus mo g.yas pa'i lha ngas la btsugs nas bcom ldan 'das ga la ba de logs su thal mo sbyar ba btud de/ btsun pa/ bdag ni/ yul ma ga d+ha'i rgyal po bzo sbyangs gzugs
468b5 can snying po lags so/ /btsun pa/ bdag ni/ yul ma ga d+ha'i rgyal po bzo sbyangs gzugs can snying po lags so/ rgyal po lags so/ /zhes lan gsum gyi bar du rang gi ming rjes su sgrog
468b6 go /bcom ldan 'das kyis bka' stsal pa/ rgyal po chen po/ de de bzhin no/ /de de bzhin te/ rgyal po chen po/ khyod ni/ yul ma ga d+ha'i rgyal po bzo sbyangs gzugs can snying po yin no/ /
468b7 rgyal po chen po/ khyod ni/ yul ma ga d+ha'i rgyal po bzo sbyangs gzugs can snying po yin no/ /rgyal po yin no/ /rgyal po chen po khyod rang gi stan gang yin pa la 'dug cig /de nas
469a1 yul ma ga d+ha'i rgyal po bzo sbyangs gzugs can snying pos bcom ldan 'das kyi zhabs la mgo bos phyag btsal te phyogs gcig tu 'dug go /yul
469a2 ma ga d+ha'i bram ze dang / khyim bdag kha cig gis ni/ bcom ldan 'das kyi zhabs la mgo bos phyag btsal te phyogs gcig tu 'khod do/ /kha cig gis ni/ bcom ldan 'das
469a3 la mngon sum du phan tshun kun dga' bar 'gyur ba dang / yang dag par dga' bar 'gyur ba'i gtam sna tshogs dag gsol te phyogs gcig tu 'khod do/ /kha cig gis ni/
469a4 bcom ldan 'das ga la ba de logs su thal mo sbyar ba btud de phyogs gcig tu 'khod do/ /kha cig gis ni/ rgyang ring po kho na nas bcom ldan 'das mthong nas cang mi smra bar
469a5 phyogs gcig tu 'khod do/ /de'i tshe na ral pa can tsha dang ldan pa lteng rgyas 'od srung 'khor de nyid du 'dus te 'dug par gyur to/ /de nas yul ma ga d+ha'i bram ze dang / khyim bdag
469a6 rnams 'di snyam du sems te/ ci dge sbyong chen po ral pa can lteng rgyas 'od srung gi drung na tshangs par spyad pa spyod dam/ 'on te ral pa can lteng rgyas 'od srung nyid dge sbyong chen
469a7 po'i spyan sngar tshangs par spyad pa spyod do snyam mo/ /de nas bcom ldan 'das kyis yul ma ga d+ha'i bram ze dang / khyim bdag rnams kyi sems thugs kyis mkhyen nas tshe dang ldan
469b1 pa lteng rgyas 'od srung la tshigs su bcad pa'i dbyangs kyis dri ba dris pa/ lteng rgyas gnas pas 'di la ci mthong na/ /khyod kyis mi spangs brtul zhugs kho na spyod/ /khyod kyis ji ltar na
469b2 yi sbyin sreg spangs/ /'od srung de yi don ni nga la smros/ /tshe dang ldan pa lteng rgyas 'od srung gis gsol ba/ 'di na kha cig zas dang skom dag dang / /ro dang 'dod pa bud med rjod bgyid
469b3 ba| |rdzas byung de dag dri mar rab mthong bas/ /de slad mchod sbyin sreg la bdag mi dga'/ /bcom ldan 'das kyis bka' stsal pa/ gal te khyod ni 'dod dang zas skom dang / /de bzhin
469b4 ro rnams dag la yid dgar mi bde na/ /ji ltar lha mi'i 'jig rten dag la khyod kyi yid/ /dga' bar byed pa dris pa 'od srung smros/ /tshe dang ldan pa lteng rgyas 'od srung gis gsol pa/
469b5 go 'phang zhi mchog phung po ma mchis shing / /ci yang ma mchis 'dod srid ma chags pa/ /mi 'gyur gzhan gyis mi dkri mthong lags pas/ /de slad mchod sbyin sreg la bdag mi
469b6 dga'| |mi nyams go 'phang dam pa ma mthong tshe/ /mchod sbyin brtul zhugs rnams kyang zhugs kyis kyang / /grol bar 'gyur zhes bdag yid rmongs gyur cing / /ldongs shing skye
469b7 shi'i rjes su zhugs par gyur/ /gau'u tam skye mang don du rnam 'dren pa/ /thub pa bden pa'i rtsal mnga' khyod byung zhing / /gtso mchog skyob pas legs bshad de ltar ni/ /go
470a1 'phang 'dus ma bgyis de bdag gis mthong / /bcom ldan 'das kyis bka' stsal pa/ rab tu rnam par phye ba'i chos rnams las/ /dam pa gang yin
470a2 de ni rtogs gyur pa/ /de ni khyod kyis nyes bsam ma yin te/ /khyod kyis nges pa legs par rtogs pa yin/ /'od srung / 'khor rnams skyo ba ma skyed cig /de nas tshe dang ldan pa
470a3 lteng rgyas 'od srung bcom ldan 'das kyis skabs phye bas/ ji ltar sems mnyam par bzhag pa bzhin du bdag gi stan gyi steng na mi snang bar gyur ba de lta bu'i ting nge
470a4 'dzin la snyoms par zhugs nas shar phyogs kyi steng gi nam mkha' la mngon par 'phags te spyod lam rnam pa bzhi po 'di lta ste/ 'chag pa dang / 'greng ba dang / 'dug pa
470a5 dang / nyal ba dag byed do/ /me'i khams la yang snyoms par zhugs te/ tshe dang ldan pa lteng rgyas 'od srung me'i khams la snyoms par zhugs pa'i lus las 'od zer rnam pa
470a6 sna tshogs 'di lta ste/ sngon po dag dang / ser po dang / dmar po dag dang / dkar po dag dang / btsod ka dag dang / shel gyi kha dog lta bu dag byung ngo / /cho 'phrul zung dag
470a7 kyang rnam par bstan te/ lus kyi smad nas me 'bar la lus kyi stod nas chu grang mo'i rgyun 'bab pa dang / lus kyi stod nas me 'bar la lus kyi smad nas chu grang mo'i rgyun
470b1 'bab pa dag kyang rnam par bstan to/ /shar phyogs su ji lta ba bzhin du lho dang / nub dang / byang phyogs kyi steng gi nam mkha' la yang mngon par 'phags te/ spyod lam rnam pa
470b2 bzhi po 'di lta ste/ 'chag pa dang / 'greng ba dang / 'dug pa dang / nyal ba dag byed do/ /me'i khams la yang snyoms par zhugs te/ tshe dang ldan pa lteng rgyas 'od srung me'i khams
470b3 la snyoms par zhugs pa'i lus las 'od zer rnam pa sna tshogs 'di lta ste/ sngon po dag dang / ser po dag dang / dmar po dag dang / dkar po dag dang / btsod ka dag dang /
470b4 shel gyi kha dog lta bu dag byung ngo / /cho 'phrul zung dag kyang rnam par bstan te/ lus kyi smad nas me 'bar la lus kyi stod nas chu grang mo'i rgyun 'bab pa dang / lus kyi stod nas me
470b5 'bar la lus kyi smad nas chu grang mo'i rgyun 'bab pa dag kyang rnam par ston to/ /de ltar phyogs bzhir rdzu 'phrul rnam pa bzhi bstan nas rdzu 'phrul mngon par 'du bya ba de dag phyir
470b6 bsdus te bla gos phrag pa gcig tu gzar nas pu sa mo g.yas pa'i lha ngas la btsugs te bcom ldan 'das ga la ba de logs su thal mo sbyar ba btud nas bcom ldan 'das
470b7 la 'di skad ces gsol to/ /bcom ldan 'das ni/ bdag gi ston pa lags so/ /bdag ni/ bcom ldan 'das kyi nyan thos lags so/ /bcom ldan 'das ni/ bdag gi ston pa
471a1 lags so/ /ston pa lags so/ /bdag ni/ bcom ldan 'das kyi nyan thos lags so/ /nyan thos lags so/ /bcom ldan 'das kyis bka' stsal pa/ 'od
471a2 srung / de de bzhin no/ /de de bzhin te/ 'od srung / nga ni/ khyod kyi ston pa yin no/ /khyod ni nga'i nyan thos yin no/ /'od srung / nga ni khyod kyi ston pa yin no/ /ston pa yin no/ /khyod ni/ nga'i
471a3 nyan thos yin no/ /nyan thos yin no/ /'od srung / khyod rang gi stan gang yin pa la 'dug cig /de nas tshe dang ldan pa lteng rgyas 'od srung gis bcom ldan 'das kyi zhabs la mgo
471a4 bos phyag btsal te rang gi stan gang yin pa la 'dug go /de nas yul ma ga d+ha'i bram ze dang / khyim bdag rnams 'di snyam du sems te/ dge sbyong chen po ni/ ral pa can lteng
471a5 rgyas 'od srung gi drung na tshangs par spyad pa spyod pa ma yin gyi/ ral pa can lteng rgyas 'od srung nyid dge slong chen po'i spyan sngar tshangs par spyad pa spyod pa yin no/ /de nas bcom
471a6 ldan 'das kyis yul ma ga d+ha'i rgyal po bzo sbyangs gzugs can snying po la bka' stsal pa/ rgyal po chen po/ gzugs ni/ skye ba'ang ma yin/ 'jig ba'ang ma yin te/ de'i
471a7 skye ba dang 'jig pa'ang rtogs par bya'o/ /rgyal po chen po/ /tshor ba dang / 'du shes dang / 'du byed rnams dang / rnam par shes pa ni/ skye ba'ang ma yin/ 'jig pa'ang ma yin te/
471b1 de'i skye ba dang / 'jig pa'ang rtogs par bya'o/ /rgyal po chen po/ gzugs kyi skye ba dang / 'jig pa'i chos nyid rtogs pa'i rigs kyi bus ni/ gzugs de yongs su shes pa yin
471b2 no| |rgyal po chen po/ tshor ba dang / 'du shes dang / 'du byed rnams dang / rnam par shes pa'i skye ba dang / 'jig pa'i chos nyid rtogs pa'i rigs kyi bus ni/ rnam par shes pa
471b3 de yongs su shes pa yin no/ /rgyal po chen po/ gzugs yongs su shes pa'i rigs kyi bu ni/ bdag dang bdag gi zhes khas len par mi byed/ nye bar len par mi byed/ lhag par
471b4 chags par mi byed/ mngon par zhen par mi byed do/ /rgyal po chen po/ tshor ba dang / 'du shes dang / 'du byed rnams dang / rnam par shes pa yongs su shes pa'i rigs kyi bu
471b5 ni| bdag dang bdag gi zhes khas len par mi byed/ nya bar len par mi byed/ lhag par gnas par mi byed/ mngon par zhen par mi byed do/ /rgyal po chen po/ gzugs bdag
471b6 gir mi byed/ khas len par mi byed/ nye bar len par mi byed/ lhag par gnas par mi byed/ mngon par zhen par mi byed pa'i rigs kyi bu ni/ tshad med pa dang / grangs med pa
471b7 yin te| mya ngan las 'das pa yin par nga smra'o/ /rgyal po chen po/ tshor ba dang / 'du shes dang / 'du byed rnams dang / rnam par shes pa bdag gir mi byed/ khas len par
472a1 mi byed/ nye bar len par mi byed/ lhag par gnas par mi byed/ mngon par zhen par mi byed pa'i rigs kyi bu ni/ tshad med pa dang / grangs med pa
472a2 yin te| mya ngan las 'das pa yin par nga smra'o/ /de nas yul ma ga d+ha'i bram ze dang / khyim bdag rnams 'di snyam du sems te/ gal te gzugs bdag ma yin zhing
472a3 tshor ba dang / 'du shes dang / 'du byed rnams dang / rnam par shes pa yang bdag ma yin na/ 'o na ci gang nam yang byung bar ma gyur pa dang / 'byung bar mi 'gyur ba dang / nga
472a4 ltar yang med pa'ang ma yin zhing / gang de dang de dag tu dge ba dang / sdig pa'i las byas shing / byas pa dag gi rnam par smin pa so sor myong bar byed pa dang / gang phung po
472a5 'di 'dor zhing phung po gzhan dang nying mtshams sbyor par 'gyur ba'i bdag gam/ sems can nam/ srog gam/ skye ba'am/ gso ba'am/ gang zag gam/ shed las
472a6 skyes sam/ shed bu'am/ byed pa po'am/ byed du 'jug pa po'am/ skyed pa po'am/ kun nas skyed pa po'am/ slong ba po'am/ kun nas slong ba po'am/ smra ba po'am/ myong ba
472a7 po'am| so sor myong ba po de gang zhig yin snyam mo/ /de nas bcom ldan 'das kyis ma ga d+ha'i bram ze dang / khyim bdag rnams kyi sems thugs kyi mkhyen nas dge slong
472b1 rnams la bka' stsal pa/ dge slong dag /byis pa so so'i skye bo thos pa dang mi ldan pa ni/ bdag bdag ces tha snyad 'dogs pa'i rjes su lhung ste/ de la ni/ bdag gam bdag
472b2 gir bya ba med do/ /dge slong dag /sdug bsngal 'di skye ba ni/ skye la/ sdug bsngal 'gags pa ni/ 'gag go /'du byed rnams skye ba ni/ skye la/ 'du byed rnams 'gags pa ni/ 'gag
472b3 pa ste| rgyu de dag dang / rkyen de dag la brten nas sems can rnams kyi 'du byed kyi rgyun 'byung bar 'gyur te/ dge slong dag /de bzhin gshegs pa ni/ 'du byed kyi rgyun nyid
472b4 mtshams sbyor bar thugs su chud nas sems can rnams kyi 'chi 'pho dang / skye ba 'dogs par mdzad do/ /dge slong dag /ngas lha'i spyan rnam par dag pa mi'i las shin tu
472b5 'das pas sems can 'chi 'pho ba dag dang / skye ba dag dang / mdog bzang ba dag dang / mdog ngan pa dag dang / ngan pa dag dang / bzang po dag dang / bde 'gror 'gro ba
472b6 dang / ngan 'gror 'gro ba dag kyang gzigs la/ sems can shes pa dang ldan pa 'di dag ni/ lus kyis nyes par spyod pa dang ldan pa/ ngag dang yid kyis nyes par spyod pa dang
472b7 ldan pa| 'phags pa rnams la skur pa 'debs pa/ log par lta ba dag ste/ log par lta ba'i las dang / chos yang dag par blangs pa'i rgyus lus zhig ste shi ba'i 'og tu
473a1 rgyu de dang rkyen des ngan song ngan 'gro log par ltung ba sems can dmyal ba rnams kyi nang du skye bar 'gyur ba dang / sems can shes pa dang ldan pa
473a2 'di dag ni/ lus kyis legs par spyod pa dang ldan pa/ ngag dang yid kyis legs par spyod pa dang ldan pa/ 'phags pa rnams la skur ba mi 'debs pa/ yang dag par
473a3 lta ba dag ste/ yang dag par lta ba'i las dang / chos yang dag par blangs pa'i rgyus lus zhig ste shi ba'i 'og tu rgyu de dang / rkyen des bde 'gro mtho ris kyi 'jig rten du lha
473a4 rnams kyi nang du skye bar 'gyur ro/ /zhes sems can rnams las ji lta ba bzhin du nye bar 'gro ba dag kyang yang dag pa ji lta ba bzhin du rab tu mkhyen to/ /dge slong dag /ngas
473a5 de ltar mkhyen cing de ltar gzigs pas na/ nga ni gang nam yang byung bar ma gyur pa dang / 'byung bar mi 'gyur ba dang / da ltar yang med pa ma yin zhing / gang de dang de dag tu
473a6 dge ba dang / sdig pa'i las byas shing byas pa dag gi rnam par smin pa so sor myong bar byed pa dang / gang phung po 'di 'dor zhing phung po gzhan dang nying mtshams sbyor ba
473a7 de chos kyi brnga ma gtogs par bdag gam/ sems can nam/ srog gam/ skye ba'am/ gso ba'am/ gang zag gam/ shed las skyes sam/ shed bu'am/ byed pa
473b1 bo'am| byed du 'jug pa po'am/ skyed pa po'am/ kun nas skyed pa po'am/ slong ba po'am/ kun nas slong ba po'am/ smra ba po'am/ myong ba po'am/ so sor myong ba po yin no/ /zhes
473b2 mi smra'o| |de la chos kyi brnga ni/ 'di yin te/ 'di lta ste/ 'di yod pa'i phyir 'di 'byung la/ 'di skyes pa'i phyir 'di skye ba ste/ 'di lta ste/ ma rig pa'i rkyen gyis 'du byed rnams
473b3 'du byed rnams kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg
473b4 pa| reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya
473b5 ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di
473b6 'byung bar 'gyur ro/ /'di lta ste/ 'di med pas 'di mi 'byung la/ 'di 'gags pas 'di 'gag pa ste/ 'di lta ste/ ma rig pa 'gags pas 'du byed 'gag /'du byed 'gags
473b7 pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas
474a1 reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas
474a2 srid pa 'gag /srid pa 'gags pas skye ba 'gag /skye ba 'gags pa rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug
474a3 pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ /dge slong dag /de ltar na 'du byed rnams ni/ sdug bsngal ba
474a4 yin la| mya ngan las 'das pa ni/ zhi ba yin te/ rgyu kun 'byung ba las sdug bsngal kun 'byung bar 'gyur la/ rgyu 'gags pa las sdug bsngal 'gag pa dang / lam gyi rgyun
474a5 'chad pa dang / mi 'byung ba dang / nying mtshams sbyor ba med cing 'gag par 'gyur te/ sdug bsngal gyi mtha' ni/ de lta bu yin no/ /dge slong de la sdug bsngal gang yin pa de
474a6 'gags pa dang / de nye bar zhi ba dang / de bsil bar gyur pa dang / de nub par gyur pa ma gtogs par su zhig yongs su mya ngan las 'das te/ dge slong dag /'di lta ste/ phung po
474a7 kun spangs pa/ sred pa zad pa/ 'dod chags dang bral ba/ 'gog pa mya ngan las 'das pa'i go 'phang 'di ni/ zhi ba yin no/ /de nas bcom ldan 'das kyis yang lan
474b1 gnyis su yul ma ga d+ha'i rgyal po bzo sbyangs gzugs can snying po la bka' stsal pa/ rgyal po chen po/ ji snyam du sems/ gzugs rtag pa zhig gam/ mi rtag pa zhig yin snyam/
474b2 rgyal pos gsol pa/ btsun pa/ de ni/ mi rtag pa lags so/ /bcom ldan 'das kyis bka' stsal pa/ rgyal po chen po/ gang mi rtag pa de sdug bsngal ba zhig gam/ sdug bsngal
474b3 ba ma yin/ rgyal pos gsol pa/ btsun pa/ de ni/ sdug bsngal lags so/ /bcom ldan 'das kyis bka' stsal pa/ rgyal po chen po/ 'o na gang mi rtag pa dang / sdug bsngal ba dang /
474b4 rnam par 'gyur ba'i chos can de la 'phags pa nyan thos thos pa dang ldan pa dag 'di ni/ bdag gi'o/ /'di ni bdag go /'di ni/ bdag gi bdag go /zhes bdag tu khas len par
474b5 byed dam/ rgyal pos gsol pa/ btsun pa/ mi bgyid lags so/ /bcom ldan 'das kyis bka' stsal pa/ rgyal po chen po/ ji snyam du sems/ tshor ba dang / 'du shes dang / 'du
474b6 byed rnams dang / rnam par shes pa rtag pa zhig gam/ mi rtag pa zhig yin snyam mam/ rgyal pos gsol pa/ btsun pa/ de ni/ mi rtag pa lags so/ /bcom ldan 'das kyis
474b7 bka' stsal pa/ rgyal po chen po/ gang mi rtag pa de sdug bsngal ba zhig gam/ sdug bsngal ba ma yin/ rgyal pos gsol pa/ btsun pa/ de ni/ sdug bsngal ba lags so/ /bcom
475a1 ldan 'das kyis bka' stsal pa/ rgyal po chen po/ 'o na gang mi rtag pa dang / sdug bsngal ba dang / rnam par 'gyur ba'i chos can de la 'phags pa nyan
475a2 thos thos pa dang ldan pa dag /'di ni/ bdag gi'o/ /'di ni/ bdag go /'di ni/ bdag gi bdag go /zhes bdag tu khas len par byed dam/ rgyal pos gsol pa/ btsun pa/ mi
475a3 bgyid lags so/ /bcom ldan 'das kyis bka' stsal pa/ rgyal po chen po/ de lta bas na/ gzugs gang ci yang rung ba 'das pa dang / ma 'ongs yang ma/ da ltar byung ba'am/
475a4 nang gi'am/ phyi rol gyi'am/ rags pa'am/ phra ba'am/ bzang po'am/ ngan pa'am/ gang rgyang ring ba'am/ gang thag nye ba de dag thams cad la yang dag pa'i shes rab kyis 'di
475a5 ni| bdag gi ma yin no/ /'di ni/ bdag ma yin no/ /'di ni/ bdag gi bdag ma yin no/ /zhes de ltar de dag la yang dag pa ji lta ba bzhin du blta bar bya'o/ /tshor ba dang / 'du shes
475a6 dang / 'du byed gang ci yang rung ba dang / rnam par shes pa gang ci yang rung ba 'das pa'am/ ma 'ongs pa'am/ da ltar byung ba'am/ nang gi'am/ phyi rol gyi'am/ rags pa'am/
475a7 phra ba'am/ bzang po'am/ ngan pa'am/ gang rgyang ring ba'am/ gang thag nye ba de dag thams cad la yang dag pa'i shes rab kyis 'di ni/ bdag gi ma yin no/ /'di ni/ bdag ma
475b1 yin no| |'di ni/ bdag gi bdag ma yin no/ /zhes de ltar de dag la yang dag pa ji lta ba bzhin du blta bar bya'o/ /rgyal po chen po/ de ltar lta ba'i 'phags pa nyan thos thos pa dang ldan pa
475b2 ni| gzugs la yang skyo bar 'gyur/ tshor ba dang / 'du shes dang / 'du byed rnams dang / rnam par shes pa la yang skyo bar 'gyur ro/ /skyo na 'dod chags dang bral bar 'gyur ro/ /'dod
475b3 chags dang bral na rnam par grol bar 'gyur ro/ /rnam par grol bas bdag ni/ skye ba zad de/ tshangs par spyod pa bsten to/ /bya ba byas so/ /srid pa 'di las gzhan mi shes so/ /zhes
475b4 rnam par grol ba shes shing mthong bar 'gyur ro/ /chos kyi rnam grangs 'di bshad pa na yul ma ga d+ha'i rgyal po bzo sbyangs gzugs can snying po dang / lha brgyad khri dang / yul ma ga
475b5 d+ha'i bram ze dang / khyim bdag 'bum phrag du ma dag chos rnams la chos kyi mig rdul med cing dri ma dang bral ba skyes so/ /de nas yul ma ga d+ha'i rgyal po bzo sbyangs gzugs can
475b6 snying pos chos mthong zhing chos thob la/ chos rtogs shing chos kyi gting slebs te nem nur las rgal te the tshom las rgal cing gzhan gyi dring mi 'jog pa dang / gzhan gyis bkrir
475b7 mi zug pa dang / ston pa'i bstan pa'i chos rnams la mi 'jigs pa thob nas stan las langs te bla gos phrag pa gcig tu byas nas pus mo g.yas pa'i lha nga sa la btsugs te
476a1 bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa/ bdag ni/ mngon par zhugs
476a2 pa lags so/ /bdag ni/ mngon par zhugs pa lags so/ /bdag bcom ldan 'das dang / chos dang / dge slong gi dge 'dun la skyabs su mchi lags kyi/ bdag deng slan
476a3 chad ji srid 'tsho'i bar du srog gcod pa la sogs pa spangs pa/ skyabs su mchis pa/ mngon par dad par gyur pa'i dge bsnyen lags par gzung du gsol/ bdag gis ji srid
476a4 'tsho'i bar du bcom ldan 'das dge slong gi dge 'dun dang bcas pa la na bza' dang / bsod snyoms dang / gzims cha dang / gdan dang / snyun gyi gsos sman yo byad dag gis
476a5 bsnyen bkur bgyi bar 'tshal na/ bcom ldan 'das rgyal po'i khab tu gshegs par ci gnang / bcom ldan 'das kyis yul ma ga d+ha'i rgyal po bzo sbyangs gzugs can snying po
476a6 la cang mi gsung bas gnang bar mdzad do/ /de nas yul ma ga d+ha'i rgyal po bzo sbyangs gzugs can snying pos bcom ldan 'das kyis cang mi gsung bas gnang bar rig nas
476a7 bcom ldan 'das kyis bka' stsal pa la mngon par bstod cing rjes su yi rang nas bcom ldan 'das kyi zhabs la mgo bos phyag btsal te bcom ldan 'das kyi spyan snga nas
476b1 phyir song ngo / /mdo chen po gzugs can snying pos bsu ba zhes bya ba rdzogs so// //rgya gar gyi mkhan po dzi na mi tra dang / pra dz+nyA warma dang / zhu chen gyi lo tsA ba ban+d+he ye
shes sde la sogs pas bsgyur cing zhus te gtan la phab pa/
CLOSE WINDOW