བོད་ཡིག |
133b5 /'phags pa sku gsum zhes bya ba theg pa chen po'i mdo rdzogs so// //rgya gar skad du/ AR+ya tri ska n+d+ha ka nA ma
133b6 mahA yA na sU tra/ bod skad du/ 'phags pa phung po gsum pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad
133b7 bdag gis thos pa dus gcig na/ bcom ldan 'das chos kyi dbye dgon pa na bzhugs te/ 'das pa dang / ma byon pa dang / da ltar byung ba'i sangs rgyas bcom ldan 'das ye shes
134a1 chen pos legs par thugs su chud pa'i blo mnga' ba/ sangs rgyas thams cad dang mnyam pa nyid brnyes pa/ chos kyi sku gnyis su med pa la brten cing
134a2 gnas pa/ nam mkha'i dkyil yul du gyur cing thug pa med pa'i ye shes mnga' ba/ chos kyi dbyings thams cad du rab tu zhugs pa'i sku dang ldan pa/ chos kyi cod pa na chags
134a3 pa med pa mchog dam pa dri ma med pas bcings pa/ so so yang dag par rig pa chen po rjes su bsgrags pas shin tu rnam par dbye ba'i dbyangs can/ bsod nams mi zad pa'i
134a4 mdzod kyis ye shes kyi dkyil 'khor yangs shing 'od gsal ba/ nyon mongs pa med pa'i chos thugs su chud pas mi rten par gnas pa/ chos kyi dbyings thams cad du shin tu
134a5 rnam par grol ba'i ye shes kyi sku dang ldan pa/ bskal pa bye ba dpag tu med par yon tan gyi chos yongs su brjod kyang mi zad cing thug pa med pa'i yon tan gyi bsngags pa
134a6 bstan pa'i khyad par brnyes pa de dag la phyag 'tshal lo/ /de bzhin gshegs pa sems can thams cad snyed kyis sangs rgyas bcom ldan 'das gang rnams las de
134a7 bzhin gshegs pa re re'i tshul khrims kyi yon tan gyi bsngags pa phun sum tshogs pa las brtsams te/ bskal pa mtha' yas pa bsngags pa brjod kyang de bzhin gshegs
134b1 pa de'i tshul khrims kyi yon tan gyi bsngags pa phun sum tshogs pa'ang mi zad cing thug pa ma mchis la/ de bzhin gshegs pa de dag gi spobs pa so so yang dag par rig pa la'ang thug
134b2 pa ma mchis te/ de ltar sangs rgyas bcom ldan 'das tshul khrims dpag tu ma mchis pa de dag la mos pa'i mchog gis mos so/ /gtso bo dang / dam pa dang / khyad par du 'phags
134b3 pa dang / rab dang / phul dang / gya nem pa dang / bla ma dang / bla na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang /
134b4 snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal
134b5 pa'i mos pas lhag par mos so/ /tshul khrims la ji lta ba de bzhin du ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / de bzhin
134b6 du byams pa chen po dang / snying rje chen po dang / dga' ba chen po dang / btang snyoms chen po dang / de bzhin du stobs dang / mi 'jigs pa dang / de bzhin du sangs rgyas kyi chos thams
134b7 cad yang dag par 'byung ba'i bar dag la lhag par mos so/ /mos nas kyang sangs rgyas bcom ldan 'das de dag la phyag 'tshal lo/ /bstod do/ /bkur ro/ /bsngags so/ /rab tu
135a1 bsngags so/ /'dud do/ /rab tu 'dud do/ /phyag bgyi'o/ /gzhol lo/ /blta'o/ /brtag go /byams pa'i lus kyi las dang / byams pa'i ngag gi las
135a2 dang / byams pa'i yid kyi las ye shes sngon du 'gro ba dang / kun tu bzang ba dang / sangs rgyas kyi rgyan gyi lus kyi las dang / ngag gi las dang / yid kyi las kyis sangs rgyas
135a3 bcom ldan 'das de dag la phyag 'tshal lo/ /bstod do/ /bkur ro/ /bsngags so/ /rab tu bsngags so/ /'dud do/ /rab tu 'dud do/ /phyag bgyi'o/ /gzhol lo/ /blta'o/ /
135a4 brtag go /dmigs pa dpag tu ma mchis pa dang ldan pa'i me tog dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan
135a5 dang / ba dan dang / mar me dang / bkod pa dang / lhab lhub dang / mchod rten rtsig pa dang / sku gzugs bgyi ba dang / rin po che dang / rgyan dang / bzhon pa dang / 'chags
135a6 dang / gtsug lag khang dang / yo byad thams cad bkod pa rnam par dag pa rgya chen po 'di dag gis kyang de bzhin gshegs pa de dag la bsti stang du bgyi'o/ /btsun par
135a7 bgyi'o| |ri mor bgyi'o/ /mchod do/ /gsol lo/ /rim gror bgyi'o/ /mchod pa mos pa'i stobs las nges par byung ba/ khams gsum pa las shin tu 'das pa/ nyon
135b1 mongs pa ma mchis pa'i chos las byung ba/ mngon par 'du bgyid pa ma mchis pa'i phyag rgyas btab pa/ ye shes sgyu ma las shin tu yongs su grub pa/ las sgyu ma las shin
135b2 tu rnam par phye ba/ gnas thams cad las shin tu spangs pa/ 'jig rten sgyu ma las byung ba/ ngo bo nyid kyi chos dang 'brel pa/ yang dag par rdzogs pa'i sangs rgyas kyis bka'
135b3 stsal pa'i mchod pas de bzhin gshegs pa de dag la bsti stang du bgyi'o/ /btsun par bgyi'o/ /ri mor bgyi'o/ /mchod do/ /gsol lo/ /rim gror bgyi'o/ /gong du'ang byang chub
135b4 sems dpa' de bzhin gshegs pa'i rgyud bsab par 'tshal ba/ sems can gyi rgyud yongs su smin par bgyid par 'tshal ba/ zhing gi rgyud rnam par sbyong bar 'tshal ba/ las kyi rgyud
135b5 dang mi 'gal bar 'tshal ba/ chos kyi rgyud rab tu rnam par 'byed par 'tshal ba/ dus gsum gyi rgyud yongs su rtogs par 'tshal ba/ phyogs kyi rgyud la rab tu 'jug par 'tshal ba/
135b6 'dod chags ma mchis pa'i rgyud la rab tu 'god par 'tshal ba/ mos pa'i rgyud rnam par sbyong bar 'tshal ba/ dbang po'i rgyud la lta bar 'tshal ba/ chos kyi dbyings kyi 'khor lo
135b7 la rnam par 'phrul par 'tshal ba/ 'gro ba'i 'khor lo thams cad bsdu bar 'tshal ba'i byang chub sems dpa' rnams kyis ji ltar sangs rgyas bcom ldan 'das dag gis sangs
136a1 rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus de bzhin gshegs pa de dag la mchod par bgyi ba de
136a2 bzhin du bdag gis kyang yang dag par rdzogs pa'i sangs rgyas kyis bka' stsal ba'i mchod pa/ byang chub sems dpa'i dkyil 'khor thams cad rab tu dga' bar bgyid pa/ byang
136a3 chub sems dpa' kun tu bzang po'i spyod pa rab 'byams las nges par byung ba/ byang chub sems dpa' ye shes bla ma gnas pa'i yul gyi rjes su zhugs pas de bzhin gshegs pa
136a4 la mchod par bgyi'o/ /de bzhin gshegs pa la mchod pa'i las kyi slad du de bzhin gshegs pa la mchod pa dang / rim gro bgyi ba gtsug gi bla ma zhes bgyi bas 'jig rten gyi khams
136a5 rab 'byams thams cad du 'dug ste/ de bzhin gshegs pa la mchod pa/ 'di lta ste/ pha rol tu phyin pa las byung ba/ ma skyes pa'i chos las byung ba/ byang chub sems dpa'
136a6 rigs btsun par skyes pa'i ye shes kyi mig gis rig pa/ sangs rgyas kyi yul thams cad rgyas par 'gengs pas 'jig rten gyi khams chos kyi dbyings su gtogs pa ming gis
136a7 khyab pa mang po dag na chos kyi dbyings rgyas par 'gengs pa'i 'khor gyi dkyil 'khor rnams dang / nam mkha'i khams kyi mthas gtugs pa chos kyi dbyings su gtogs
136b1 pa'i 'jig rten gyi khams rnams su 'jug go /de bas gong du'ang mchod pa yon tan dpag tu ma mchis pa dang ldan pa/ dge ba'i rtsa ba chen po'i shugs kyis bskyed pa/ rdo rje'i dbang po
136b2 snang bar bgyid pa/ sangs rgyas kyi yul thams cad du snang ba'i me tog gi rgyal po'i ye shes las byung ba'i mchod pas de bzhin gshegs pa de dag la bsti stang du bgyi'o/ /btsun par
136b3 bgyi'o/ /ri mor bgyi'o/ /mchod do/ /gsol lo/ /rim gror bgyi'o/ /ji ltar bdag gi don du mchod pa de bzhin du 'jig rten gyi khams rab 'byams ma lus pa thams cad na sems
136b4 can ji tsam sems can gyi ris na mchis pa/ sems can gyi khams de dag thams cad kyi ched du'ang de bzhin gshegs pa de dag la mchod par bgyi'o/ /de ltar bdag de bzhin
136b5 gshegs pa la mchod pa'i stobs kyis brlan pa'i sems bskyed pa/ byams pa chen po dang / snying rje chen pos nye bar bsten pa/ 'gro ba thams cad yongs su bskyab pa'i smon lam dang
136b6 ldan pas de bzhin gshegs pa thams cad kyi byin gyi rlabs kyi mdzod kyi rjes su zhugs par gyur/ shes rab dang / thabs kyi stobs chen pos yongs su bzung bar gyur/ bdud kyi lam
136b7 dang / yul thams cad las yang dag par 'das par gyur nas sgrib par 'gyur ba'i las thams cad bshags par bgyi ste/ gang sangs rgyas bcom ldan 'das rnams kyis bka' ma
137a1 stsal pa dang / gang sems can dam pa rnams kyis rnam par spangs pa dang / gang de bzhin gshegs pa rnams kyis smad pa dang / gang byang chub sems
137a2 dpa' rnams kyis yongs su spangs pa dang / gang 'phags pa rnams kyis bshung ba dang / gang mkhas pa rnams dang zhe 'gras pa dang / gang rig pa rnams kyis bor ba 'dod chags
137a3 dang | zhe sdang dang / gti mug gis rab tu gzir ba'i dbang gis byung ba'am/ nga rgyal dang / 'chab pa dang / 'khon du 'dzin pa'i dbang gis byung ba'am/ phrag dog dang / ser sna dang /
137a4 mya ngan gyi dbang gis byung ba'am/ sgyu dang / g.yo'i dbang gis byung ba'am/ mngon par zhen pa'i stobs kyis byung ba/ 'di lta ste/ las kyi sgrib pa'am/ chos kyi sgrib pa'am/ nyon mongs
137a5 pa'i sgrib pa'am/ lta ba'i sgrib pa'am/ mi shes pa'i sgrib pa'am/ rnam par smin pa'i sgrib pa'am/ chos kyis phongs par 'gyur ba'i sgrib pa'am/ nyan thos dang / rang sangs
137a6 rgyas kyi theg pa dang ldan pa'i sgrib pa'am/ theg pa chen po'i bar chad du 'gyur ba'i sgrib pa'am/ dge ba'i rtsa ba thams cad pa gsog pa la gnod pa'i sgrib pa'am/ sdig pa'i
137a7 grogs po dang 'dre ba'i sgrib pa'am/ byang chub sems dpa' kun tu bzang po'i spyod pa'i smon lam yongs su rdzogs par bgyi ba la sgrib pa dang chod pa'ang rung ste/ sgrib
137b1 pa'i las bgyis shing bsags pa sgrib pa'i kun nas ldang ba gang gis sems can dmyal bar mchi bar 'gyur ba dang / dud 'gro'i skye gnas su mchi bar 'gyur ba dang / yi dwags
137b2 kyi yul du mchi bar 'gyur ba dang / lha dbul por skye bar 'gyur ba dang / sangs rgyas la lta ba yongs su mi 'dzin pa dang / chos mnyan pa yongs su mi len pa dang / de bzhin
137b3 gshegs pa dang / chos dang / dge 'dun dkon mchog mngon par mi rig par 'gyur ba dang / byang chub sems dpa' dang 'grogs pa mi 'thob par 'gyur ba dang / dge ba'i
137b4 bshes gnyen yang dag pas yongs su bzung ba mi rnyed par 'gyur ba dang / dge ba'i rtsa ba chab 'tshal ba yongs su 'dzin par 'gyur ba dang / byang chub kyi sems brjed par 'gyur
137b5 ba dang / pha rol tu phyin pa'i lam mi nyan par 'gyur ba dang / bdud sdig can rnams kyis 'joms par 'gyur ba dang / sangs rgyas kyi chos thag ring du bgyid par 'gyur ba dang /
137b6 dge ba'i rtsa ba thams cad brtsam pa'i sbyor ba las rnam par ldog par 'gyur ba dang / dge ba'i bshes gnyen la 'khu bar 'gyur ba dang / bsam pa yongs su dag pa mi thob pa
137b7 dang | dran pa brjed pa ma mchis pa mi 'thob pa dang / chos la lta ba mi 'thob pa dang / sangs rgyas kyi rnam par sprul pa la mi mos pa dang / sangs rgyas kyi chos rnams la yid
138a1 gnyis 'tshal bar 'gyur ba dang / ting nge 'dzin gyi sgo khong du mi chud pa dang / sa nas sar gnas pa mi 'thob pa dang / byang chub sems dpa' dang
138a2 'grogs pa mi 'thob pa dang / pha rol tu phyin pa yongs su rdzogs par bgyi ba'i las byas pa dang ldan pa khong du mi chud pa dang / smon lam chen po las nur bar 'gyur
138a3 ba dang / spyod pa yongs su dag pa mi 'thob pa dang / gzungs kyi rgyan gyi snang ba mi 'thob pa dang / spobs pa'i rgyan gyi snang ba khong du mi chud pa dang / byang chub sems dpa' kun
138a4 tu bzang po'i spyod pa'i smon lam la yongs su 'dris par bgyi ba khong du mi chud pa dang / chos mnyam pa nyid mi rtogs pa dang / bsod nams mnyam pa nyid mi skyed pa dang /
138a5 ye shes mnyam pa nyid khong du mi chud pa dang / 'khor ba'i chos rnams kyis kun tu gzhom par 'gyur ba'i sgrib pa de lta bu la sogs pa dang / byang chub sems dpa'i spyod pa
138a6 dang | yon tan gyi chos thams cad kun tu sgrub pa la mi phyogs par 'gyur ba'i sgrib pa'i 'gebs pa grangs ma mchis pa 'bum phrag bcu po de dag dus gsum du gtogs
138a7 pa'i de bzhin gshegs pa thams cad chos kyi dbyings su 'dus pa/ ye shes gzigs pa sgrib pa mi mnga' ba/ chags pa ma mchis pa'i mig gi yul brnyes pa/ mnyam pa
138b1 nyid kyi rjes su zhugs pa'i sku dang ldan pa/ chos kyi dbyings mun pa ma mchis par zhugs pa'i ye shes kyi spyan brnyes pa'i de bzhin gshegs pa de dag thams cad kyi spyan
138b2 sngar bdag mngon sum du gyur par mos nas de bzhin gshegs pa'i yul tshad med par brtags te/ skra'i rtse mo'i cha shas bzhag pa'i khyon tsam re re la de bzhin gshegs pa
138b3 sems can thams cad snyed du lhag par mos so/ /skra'i rtse mo'i cha shas gcig bzhag pa'i khyon la ji lta ba de bzhin du chos kyi dbyings thams cad du'ang de bzhin gshegs pa sems
138b4 can thams cad snyed du lhag par mos so/ /de bzhin gshegs pa re re la'ang lus thob pa 'gro ba thams cad kyi sems snyed kyis zhabs kyi 'og tu gtugs te phyag 'tshal lo/ /
138b5 lus thob pa re re la'ang mgo dag gi lam nges pa'i tshig snyed du lhag par mos so/ /mgo re re la'ang kha'i sgo zhing thams cad kyi rdul phra rab tu dbye ba snyed du lhag par mos so/ /kha'i
138b6 sgo re re la'ang lce'i rtse mo zhing thams cad kyi rdul phra rab tu dbye ba snyed du lhag par mos so/ /lce'i rtse mo'i dkyil 'khor re re la'ang nges pa'i tshig gi sgrar brtags pa'i tha snyad yang
138b7 dag par rdzogs pa'i sangs rgyas kyis bka' stsal pa/ 'gro ba thams cad kyi tshig gi spyod pa dang mnyam pas sgrib pa ma mchis pa'i dkyil 'khor dang mthun par gyur nas lhag pa'i
139a1 bsam pa nyon mongs pa'i ri chen po rnam par 'thor pa las byung ba'i sgrib par 'gyur ba'i las de dag 'chags so/ /mi 'chab bo/ /'jig rten gyis
139a2 khams thams cad du 'tshal bar 'gyur ba'i bshags pas 'chags so/ /bsal lo/ /rnam par gzhig go /rab tu gzhom mo/ /spang ngo / /gdon to/ /las la dbang pas
139a3 dbang bgyi'o/ /stobs bskyed pa brnyes pa rnams kyi bde ba nye bar bstan pa'i slad du yongs su bsngo'o/ /gong du'ang byang chub sems dpa' de bzhin gshegs pa thams cad mnyes
139a4 par bgyid par 'tshal ba/ byang chub sems dpa'i spyod pa thams cad yongs su spyod par 'tshal ba/ byang chub sems dpa' rnam par bzhag pa thams cad las yang dag
139a5 par 'da' bar 'tshal ba/ byang chub sems dpa'i smon lam thams cad yongs su rdzogs par bgyid par 'tshal ba/ byang chub sems dpa'i gter thams cad thob par
139a6 'tshal ba/ de bzhin gshegs pa thams cad kyi bstan pa yang dag par 'dzin par 'tshal ba/ pha rol tu phyin pa thams cad yongs su rdzogs par bgyid par 'tshal ba/ sems
139a7 can thams cad yongs su smin par bgyid par 'tshal ba/ 'jig rten gyi khams yongs su dag pa thams cad rtogs par 'tshal ba/ byang chub sems dpa' kun tu bzang
139b1 po'i spyod pa'i smon lam yongs su rdzogs par bgyi ba rtogs par 'tshal ba rnams kyis ji ltar sangs rgyas bcom ldan 'das dag gis sangs rgyas kyi mkhyen pa chags pa mi mnga'
139b2 zhing sgrib pa mi mnga' bas mkhyen cing rab tu mkhyen pa de lta bus sgrib par 'gyur ba'i las bshags par bgyi ba de bzhin du ci nas kyang bdag gis bshags pas legs par
139b3 bshags par 'gyur ba dang / yongs su dag par 'gyur ba dang / 'od gsal bar 'gyur ba dang / kha na ma tho ba ma mchis par 'gyur ba dang / gsal bar 'gyur ba dang / dug
139b4 ma mchis par 'gyur ba dang / sgrib pa ma mchis par 'gyur ba dang / bar du gcod pa ma mchis par 'gyur ba dang / yon tan gyi chos thams cad sgrub par 'gyur ba de lta bur
139b5 sgrib par 'gyur ba'i las kyi nyes pa thams cad 'chags so/ /ji ltar bdag gi don du bshags pa de bzhin du 'jig rten gyi khams rab 'byams ma lus pa thams cad na sems
139b6 can ji tsam sems can gyi ris na mchis pa sems can gyi khams de dag thams cad kyi ched du'ang sgrib par 'gyur ba'i las kyi nyes pa 'chags so/ /de ltar bdag gi las kyi
139b7 nyes pa sgrib par 'gyur ba thams cad so sor bshags nas sgrib pa ma mchis pa rnam par dag pa'i dkyil 'khor la gnas te/ 'gro ba thams cad kyi dge ba'i rtsa ba la rjes su yi
140a1 rang ngo / /dge ba'i rtsa ba'i tshogs kyi khyad par gang gis ngan song dbul po yi dwags kyi mi khom par mchi ba thams cad rnam par bzlog pa de la'ang rjes su
140a2 yi rang ngo / /sems la gnod pa ma mchis shing 'od gsal ba/ dge ba'i rtsa ba'i tshogs kyi khyad par gang gis ngan song dud 'gro'i skye gnas kyi mi khom par mchi ba thams cad
140a3 rnam par bzlog pa de la'ang rjes su yi rang ngo / /dge ba'i rtsa ba'i tshogs kyi khyad par gang gis sems can dmyal ba'i mi khom par mchi ba thams cad rnam par bzlog pa de la'ang
140a4 rjes su yi rang ngo / /bzang po'i gnas dge ba'i rtsa ba'i tshogs kyi khyad par gang gis lha dang / mir skye ba thams cad yongs su 'dzin pa de la'ang rjes su yi rang ngo / /dge ba'i rtsa ba'i
140a5 tshogs kyi khyad par gang gis bsam gtan gyi dga' ba dang / mgu ba dang / bde ba thams cad myong ba de la'ang rjes su yi rang ngo / /dge ba'i rtsa ba'i tshogs kyi khyad par gang gis 'khor
140a6 ba la yid 'byung ba'i sems thob pa de la'ang rjes su yi rang ngo / /dge ba'i rtsa ba'i tshogs kyi khyad par gang gis dge ba'i bshes gnyen yang dag pas yongs su bzung ba thob
140a7 pa de la'ang rjes su yi rang ngo / /dge ba'i rtsa ba'i tshogs kyi khyad par gang gis dge ba'i bshes gnyen rnams la gus pa'i sems snyed pa de la'ang rjes su yi rang ngo / /dge
140b1 ba'i rtsa ba'i tshogs kyi khyad par gang gis sangs rgyas bcom ldan 'das rnams mnyes par bgyid de/ mnyes nas mi mnyes par mi 'gyur ba de la'ang rjes su yi rang ngo / /dge
140b2 ba'i rtsa ba'i tshogs kyi khyad par gang gis sangs rgyas bcom ldan 'das rnams las chos bstan pa mngon sum du nyan cing thos nas/ som nyi dang / yid gnyis bzlog pa de
140b3 la'ang rjes su yi rang ngo / /dge ba'i rtsa ba'i tshogs kyi khyad par gang gis 'jig rten gsum po thams cad nas 'byung ba rtogs pa de la'ang rjes su yi rang ngo / /dge ba'i rtsa ba'i
140b4 tshogs kyi khyad par gang gis sems can thams cad kyi ston pa'i sems bskyed pa snyed pa de la'ang rjes su yi rang ngo / /dge ba'i rtsa ba'i tshogs kyi khyad par gang gis 'gro ba
140b5 thams cad thogs pa ma mchis pa'i mig thob pa de la'ang rjes su yi rang ngo / /dge ba'i rtsa ba'i tshogs kyi khyad par gang gis ngos mnyam pa'i rjes su mchi ba smon lam chen po
140b6 yongs su dag par bgyid pa de la'ang rjes su yi rang ngo / /dge ba'i rtsa ba'i tshogs kyi khyad par gang gis lus mtshan dang / dpe byad bzang pos legs par brgyan pa thob pa de
140b7 la'ang rjes su yi rang ngo / /dge ba'i rtsa ba'i tshogs kyi khyad par gang gis yon tan thams cad rnam par dag pa'i rgyan dag yongs su dag pa thob pa de la'ang rjes su yi rang ngo / /dge
141a1 ba'i rtsa ba'i tshogs kyi khyad par gang gis stobs bcus brgyan pa'i sems rin po che thob pa de la'ang rjes su yi rang ngo / /dge ba'i rtsa ba'i tshogs kyi
141a2 khyad par gang gis thams cad mkhyen pa nyid kyi shugs las phyir mi ldog pa thob pa de la 'ang rjes su yi rang ngo / /dge ba'i rtsa ba'i tshogs kyi khyad par gang gis gzungs kyi
141a3 rigs khong du chud pa de la'ang rjes su yi rang ngo / /dge ba'i rtsa ba'i tshogs kyi khyad par gang gis chos kyi dbyings rnam par dag pa khong du chud pa de la'ang rjes su yi rang ngo / /
141a4 dge ba'i rtsa ba'i tshogs kyi khyad par gang gis rnam par smin pa mi zad pa la gnas te/ mngon par shes pa thob pa de la'ang rjes su yi rang ngo / /dge ba'i rtsa ba'i tshogs
141a5 kyi khyad par gang gis sangs rgyas kyi zhing gi rgyan bsgrub pa khong du chud pa de la'ang rjes su yi rang ngo / /dge ba'i rtsa ba'i tshogs kyi khyad par gang gis bdud kyi rtsod pa'i dmag
141a6 tshogs thams cad rab tu bcom nas khyu mchog tu gyur pa khong du chud pa de la'ang rjes su yi rang ngo / /dge ba'i rtsa ba nyan thos dang / rang sangs rgyas thams cad kyi chos mnyam
141a7 pa nyid las skyes pa'i rig pa dang / rnam par grol ba dang / 'dod chags dang bral ba dang / zag pa ma mchis pa dang ldan pa gang lags pa de dag la'ang rjes su yi rang
141b1 ngo| |byang chub sems dpa' thams cad kyi dge ba'i rtsa ba gang dag byang chub sems dpa'i spyod pa thams cad dang ldan pa nas/ bla na med pa yang dag par rdzogs pa'i byang chub
141b2 khong du chud pa dang ldan pa'i bar gyi dge ba'i rtsa ba de dag la'ang rjes su yi rang ngo / /de bzhin gshegs pa la mchod pa'i las kyi slad du/ de bzhin gshegs pa la mchod pa
141b3 dang | rim gror bgyi ba byang chub sems dpa' dbang bskur ba rnams kyi khyad par du 'gro ba zhes bgyi bas 'jig rten gyi khams rab 'byams thams cad du 'jug pa gang lags
141b4 pa de la'ang rjes su yi rang ngo / /de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gror bgyi ba byang chub sems dpa'
141b5 dga' ldan gyi gnas mchog na gnas pa rnams kyi khyad par du 'gro ba zhes bgyi bas 'jig rten gyi khams rab 'byams thams cad du 'jug pa gang lags pa de la'ang rjes
141b6 su yi rang ngo / /de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gro bgyi ba byang chub sems dpa' mngal na gnas pa rnams
141b7 kyi bsod nams kyi me tog rgyas pa'i snying po snang ba zhes bgyi bas 'jig rten gyi khams rab 'byams thams cad du 'jug pa gang lags pa de la'ang rjes su yi rang ngo / /de bzhin
142a1 gshegs pa la mchod pa'i las kyi slad du/ de bzhin gshegs pa la mchod pa dang / rim gro bgyi ba byang chub kyi snying po mchog dam pa na gnas pa
142a2 byang chub sems dpa' kun tu bzang po'i gtsug gi bla ma zhes bgyi bas 'jig rten gyi khams rab 'byams thams cad du 'jug pa gang lags pa de la'ang rjes su yi rang ngo / /
142a3 yang dag par rdzogs pa'i sangs rgyas dus gsum du gshegs pa rnams kyi dge ba'i rtsa ba thabs mkhas pa bsam gyis mi khyab pas rnam par 'phrul pa dang ldan pa gang lags pa
142a4 de la'ang rjes su yi rang ngo / /gang du'ang byang chub sems dpa' bdud kyis rtsod pa'i dmag tshogs thams cad rab tu gdul bar 'tshal ba/ phas kyi rgol ba'i tshogs thams
142a5 cad zil gyis gnon par 'tshal ba/ ma rig pa'i mun pa mun gnag dang / rab rib kyi ling tog mang po sel bar 'tshal ba ngan song dang / mi khom pa dang / ngan 'gro'i lam
142a6 thams cad gcod par 'tshal ba/ ye shes kyi dkyil 'khor thams cad rnam par sbyong bar 'tshal ba/ chos thams cad snang ba thob par 'tshal ba/ kun tu bzang po'i lus khyu
142a7 mchog tu gyur pa thob par 'tshal ba/ 'gro ba thams cad kyi bsam pa ji lta ba bzhin du tshim par bgyid pa'i dbyangs kyi yan lag rnam par dag pa thob par 'tshal ba/ chos
142b1 thams cad ji lta ba bzhin du rtogs par bgyi ba'i slad du ye shes kyi mig rnam par sbyong bar 'tshal ba/ 'khor ba'i 'khor lo bzlog par 'tshal ba/ chos kyi 'khor lo chen po rab
142b2 tu bskor bar 'tshal ba/ stobs bcu'i ye shes kyis gnon par 'tshal ba rnams kyis ji ltar sangs rgyas bcom ldan 'das dag gis sangs rgyas kyi mkhyen pa chags pa mi mda'
142b3 zhing sgrib pa mi mnga' bas mkhyen cing rab tu mkhyen pa de lta bus dge ba'i rtsa ba'i tshogs thams cad la rjes su yi rang bar bgyi ba de bzhin du bdag kyang rjes su yi rang ba'i mchog
142b4 gis rjes su yi rang ngo / /gtso bo dang / dam pa dang / khyad par du 'phags pa dang / rab dang / phul dang / gya nom pa dang / bla ma dang / bla na ma mchis pa dang / mnyam pa ma mchis
142b5 pa dang / mi mnyam pa dang mnyam pa dang / mtshungs pa ma mchis pa dang / snang bas ma mchis pa dang / bdag nyid chen po dang / zil gyis mi non pa dang / yon tan gyi chos thams
142b6 cad sdud pa dang / yang dag par rdzogs pa'i sangs rgyas kyis bka' stsal pa'i rjes su yi rang bas rjes su yi rang ngo / /ji ltar bdag gi don rjes su yi rang ba de bzhin du 'jig rten
142b7 gyi khams rab 'byams ma lus pa thams cad na sems can ji tsam pa sems can gyi ris na mchis pa sems can gyi khams de dag thams cad kyi ched du'ang dge ba'i rtsa ba de
143a1 dag thams cad la rjes su yi rang ngo / /da ltar bdag dge ba'i rtsa ba thams cad la rjes su yi rang nas sangs rgyas bcom ldan 'das thams cad la bskul
143a2 lo| |de ltar na phyogs bcu'i 'jig rten gyi khams phyogs bcu'i mu thug yongs su rje bar 'jug pa/ 'jig rten gyi khams thams cad gzhi phyal ba'i rjes su 'gro zhing 'jug pa/
143a3 steng g.yogs med pa'i rgyud kyi phyogs yongs su rje bar bshad pa/ 'chol ba'i rgyud kyi 'jig rten gyi khams mngon du sgrub pa/ rnam par dbye ba'i mig 'phrul lta bu chos kyi
143a4 dbyings su gtogs pa'i 'jig rten gyi khams rab 'byams thams cad na sangs rgyas bcom ldan 'das gang dag kha cig bdud kyi rtsod pa'i dmag tshogs thams cad mngon
143a5 par btul nas bla na med pa yang dag par rdzogs pa'i byang chub mngon par rdzogs par sangs rgyas te/ chos thams cad la sgrib pa med pa nyid brnyes pa/ byang chub kyi snying po
143a6 mchog dam par gshegs pa/ chos kyi tshul g.yo ba ma mchis pa'i rang bzhin du gyur pa/ chos kyi skur rab tu zhi ba dang ldan pa dag /'di lta ste/ chos gzung bar mdzad
143a7 pa'i slad du 'jig rten thams cad bskul ba'i sa la gzhes te chos kyi 'khor lo mi skor ba'i sangs rgyas bcom ldan 'das de dag la bdag gis bla ma la ri mo gus par
143b1 bgyi ba chen pos lus btud pa bgyis nas chos kyi 'khor lo chen po rab tu bskor bar bskul gyi/ byang chub sems dpa' thams cad yongs su grub par bgyi ba dang / 'gro ba thams
143b2 cad bskyab pa dang / nyon mongs pa thams cad rnam par byang ba bgyi ba dang / som nyi thams cad yang dag par gzhom pa dang / the tshom thams cad kun tu gcad pa dang / sangs
143b3 rgyas dang / chos dang / dge 'dun thams cad rab tu bsgrags pa dang / sangs rgyas kyi zhing thams cad du sangs rgyas 'byung ba rgyun mi 'chad par bgyi ba'i slad du sangs rgyas bcom
143b4 ldan 'das rnams kyis pha rol tu phyin pa'i yan lag thams cad shin tu yongs su sbyangs pa/ phyir mi zlog pa/ stobs bcus zil gyis mi non pa/ 'khor ba'i 'khor lo rab tu
143b5 'joms pa/ lta bar gyur pa dang / nyon mongs pa thams cad rab tu 'jig pa/ so so yang dag par reg pa bzhi rjes su bsgrags pa/ shin tu rnam par phye ba'i sgra dang ldan pa/ 'phags
143b6 pa'i bden pa bzhi'i tshul nges par brtags pa'i chos kyi 'khor lo chen po bskor bar gsol lo/ /snying rje chen po'i stobs la lhag par dmigs par bgyi ba dang / rang gi byang
143b7 chub sems dpa'i spyod pa rgyun mi gcad par bgyi ba dang / byang chub sems dpa'i lam thams cad yongs su sbyang ba'i slad du byang chub sems dpa' thams cad la'ang
144a1 bdag skul lo/ /snying rje chen po'i stobs la lhag par dmigs par bgyi ba'i slad du nyan thos dang / rang sangs rgyas thams cad la'ang bdag skul
144a2 lo| |mi dge ba'i chos thams cad rnam par bzlog pa dang / dge ba'i chos thams cad yongs su rdzogs par bgyi ba'i slad du sems can thams cad la'ang bdag tu skul lo//
144a3 gong du'ang byang chub sems dpa' bskul ba'i phung po dang ldan pa rnams kyis ji ltar sangs rgyas bcom ldan 'das bdag gis sangs rgyas kyi mkhyen pa chags pa mi mnga'
144a4 zhing sgrib pa mi mnga' bas mkhyen cing rab tu mkhyen pa de lta bus sangs rgyas thams cad dang / byang chub sems dpa' thams cad dang / nyan thos dang / rang sangs rgyas
144a5 thams cad dang / sems can thams cad la bskul bar bgyi ba de bzhin du bdag kyang bskul ba'i mchog dang / gtso bo dang / dam pa dang / khyad par du 'phags pa
144a6 dang / rab dang / phul dang / gya nom pa dang / bla ma dang / bla na ma mchis pa dang / gong na ma mchis pa dang / mnyam pa ma mchis pa dang / mi mnyam pa dang mnyam
144a7 pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang
144b1 dag par rdzogs pa'i sangs rgyas kyis bka' stsal ba'i bskul bas skul lo/ /ji ltar bdag gi don du bskul ba de bzhin du 'jig rten gyi khams rab 'byams ma lus pa thams
144b2 cad na sems can ji tsam sems can gyi ris na mchis pa sems can gyi khams de dag thams cad kyi ched du'ang skul lo/ /gang du'ang de bzhin gshegs pa thams cad
144b3 la bdag mngon par gsol ba/ da lta na phyogs bcu'i 'jig rten gyi khams phyogs bcu'i mu thug yongs su rje bar 'jug pa/ 'jig rten gyi khams thams cad gzhi phyal
144b4 ba'i rjes su 'gro zhing 'jug pa/ steng g.yogs med pa'i rgyud kyi phyogs yongs su rje bar bshad pa/ 'chol ba'i rgyud kyi 'jig rten gyi khams mngon par sgrub pa/ rnam par dbye
144b5 ba'i mig 'phrul lta bu chos kyi dbyings su gtogs pa'i 'jig rten gyi khams rab 'byams thams cad na sangs rgyas bcom ldan 'das gang dag kha cig chos kyi 'khor lo dag
144b6 shin tu bskor ba/ gdul ba dag shin tu btul ba/ zam pa dag shin tu btags pa/ bstan pa dag shin tu byin gyis brlabs pa/ byang chub sems dpa' dag shin tu lung bstan
144b7 pa| sangs rgyas kyi mdzad pa dag shin tu mdzad pa/ phas kyi rgol ba'i phyogs thams cad shin tu tshar bcad pa/ rjes su bstan pa rnams shin tu 'phags pa/ zhing thams cad du
145a1 bsgrags pa/ 'gro ba thams cad kyi bsam pa ji lta ba bzhin du rnam par dag pa'i gnas rnams zhing de dang de dag dang / 'jig rten gyi khams rab
145a2 'byams de dang de dag dang / sems can gyi ris de dang de dag na sems can rab 'byams ma gus par gyur pa/ dbang po yongs su skyob/ snod du ma gyur pa/ de bzhin
145a3 gshegs pa la lta ba'i rgyun bcad pa/ rtag tu chags pa/ yul la mngon par dga' ba/ 'dus byas kyi sgrib pas zin pa/ 'dod pa'i yon tan lnga la sred pa'i dbang du
145a4 mchis pa de dang / de dag la yul thams cad las bdag med par yang dag par ston cing sems can 'khor ba la mngon par dga' ba rnams yid 'byung ba skyed pa'i ched dang /
145a5 'du byed thams cad mi rtag par rab tu bstan pa'i ched du 'byor pa thams cad mthar rgud pa'i sgor yang dag par ston la/ sangs rgyas yongs su mya ngan las 'das pa
145a6 chen po zhi bar yang dag par bstan pa'i ched du srog gi dbang po thams cad mthar 'chi bar yang dag par ston cing de bzhin gshegs pa 'phos te/ shin tu bral nas
145a7 'jig rten du mi dga' ba chen po ston la/ lha dang / mi dang / lha ma yin du bcas pa'i 'jig rten gyi mdun du yongs su mya ngan las 'das pa chen po ston te/ lha'i
145b1 dbang po thams cad du ba dang / klu'i dbang po thams cad mya ngan bgyid pa dang / gnod sbyin gyi dbang po thams cad smre sngags 'don pa dang / 'gro ba'i dbang po thams cad rab tu
145b2 mi dga' ba'i yongs su mya ngan las 'das pa chen po lha dang / mi dang / lha ma yin du bcas pa'i 'jig rten gyi mdun du ston pa na bdag gis bla ma la rim gro gus pa chen
145b3 pos lus btud pa bgyis nas sangs rgyas bcom ldan 'das de dag la sku tshe ba sring ba dang / ring du bzhugs par gsol gyi/ sangs rgyas bcom ldan 'das rnams 'gro ba
145b4 thams cad sdug bsngal gyi phung po las bzlog pa dang / sems can thams cad rab tu bde ba la dgod pa dang / sems can thams cad kyi dbul po'i lam rnam par gcad
145b5 pa dang / sems can thams cad 'khor ba'i 'brog dgon pa chen po las bsgral ba dang / 'gro ba thams cad sangs rgyas kyi yul sgrib pa ma mchis pa la gnas pa la dgod pa
145b6 dang | dbul bo'i lam thams cad gcad pa dang / 'gro ba thams cad chos dkon mchog gis tshim par bgyi ba dang / 'jig rten gyi khams thams cad yongs su sbyang ba
145b7 dang / 'gro ba thams cad gdul ba mthar thug pa dang / byang chub sems dpa' thams cad yongs su gzung ba'i slad du bskal pa chos kyi dbyings kyis klas pa/ nam mkha'i
146a1 khams kyi mthas gtugs par bzhugs su gsol/ sangs rgyas bcom ldan 'das de dag la bdag mngon par gsol ba'i mchog gis mngon
146a2 par gsol lo/ /gtso bo dang / dam pa dang / khyad par du 'phags pa dang / rab dang / phul dang / gya nom pa dang / bla ma dang / bla na ma mchis pa dang / gong na ma mchis
146a3 pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi
146a4 non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i mngon par gsol pas gsol lo/ /gong du'ang sangs
146a5 rgyas bcom ldan 'das dag gis ji ltar sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus byang chub sems
146a6 dpa' rnams kyi gus pa de lta bu dang / lus btud pa de lta bu dang / ngag gi las 'byung ba de lta bu dang / yid kyi las sgrub pa de lta bus sangs rgyas bcom ldan 'das mya
146a7 ngan las 'da' bar phyogs par dgongs pa la phyi ma'i mtha'i mur thugs pa'i bskal par sku tshe yongs su bskyang bar mngon par gsol bar bgyi ba de bzhin du bdag kyang
146b1 gsol lo/ /ji ltar bdag gi don du gsol ba de bzhin du 'jig rten gyi khams rab 'byams ma lus pa thams cad na sems can ji tsam sems can gyi ris na mchis pa sems
146b2 can gyi khams de dag thams cad kyi ched du'ang mngon par gsol lo/ /bdag de ltar de bzhin gshegs pa la mngon par gsol ba'i dge ba'i rtsa ba'i stobs bskyed pa thob par
146b3 gyur| bsam pa dang / lhag pa'i bsam pa'i stobs kyis brtan par gyur/ dad pa dang / mos pa'i stobs la shin tu gnas par gyur nas lhag pa'i bsam pa'i snod yangs pa yang dag
146b4 par bskyed de/ dge ba'i rtsa ba rab 'byams thams cad yang dag par bzung ngo / /byang chub sems dpa'i dkyil 'khor thams cad na 'das pa dang / ma 'ongs pa dang / da ltar
146b5 byung ba'i byang chub sems dpa' thams cad mkhyen pa nyid sgrib pa ma mchis pa la brtson pa/ chos kyi dbyings kyi dkyil 'khor rnam par dag pa rjes su dran pa/ 'gro ba thams
146b6 cad yongs su skyob pa'i sems dang ldan pa/ dge ba'i rtsa ba'i tshogs chen po blang bar rab tu brtson pa/ byang chub sems dpa' sems dpa' chen po'i rtsol bas rtsol ba/ go
146b7 cha chen po bgos pa/ smon lam chen po mngon par bsgrub pa/ dge ba rtsom pa rgya chen po la rab tu brtson pa/ pha rol tu phyin pa chen po'i dkyil 'khor du rab tu sbyor ba/ yon tan gyi
147a1 sa thams cad rnam par sbyong bar 'tshal ba/ mtha' dang / dbus ma mchis pa'i sa la gnas par 'tshal ba/ 'gro ba thams cad kyis yongs su rdzogs
147a2 par 'tshal ba/ sems kyi 'khri shing rnam par sbyong bar 'tshal ba/ chos kyi sgo nye bar stobs par 'tshal ba/ dge ba'i rtsa ba chen po'i shugs rnam par spel bar 'tshal
147a3 ba'i byang chub sems dpa' thams cad kyis/ 'di lta ste/ sems can thams cad stobs bcu rnam par dag pa'i mthar gcugs pa dang / sangs rgyas thams cad la mchod
147a4 pa dang / rim gro bgyi ba'i slad du thams cad mkhyen pa nyid la dge ba'i rtsa ba ji snyed cig bskyed pa dang / skyed par 'gyur ba dang / skyed pa de dag dang / byang chub sems
147a5 dpa' thams cad kyi dge ba'i rtsa ba gcig pu la btang ba rnams dang / yang dge ba'i rtsa ba gang dag byang chub sems dpa'i sa nas sar 'phar ba'i mod las skyes pa rnams
147a6 dang | dge ba'i rtsa ba byang chub sems dpa' kun tu bzang po'i spyod pa'i smon lam yongs su rdzogs pa las byung ba rnams dang / byang chub sems dpa'i sa 'phrul ba dang
147a7 ldan pa la zhugs pa dang / chos thams cad kyi don mthong ba rjes su thob pa/ chags pa ma mchis pa'i ye shes kyi sa'i snying po rdo rje ltar sra ba/ mi shigs pa'i sems
147b1 bskyed pa rnams kyis dge ba'i rtsa ba'i tshogs kun nas sgo/ de bzhin gshegs pa thams cad mngon sum du gyur pa/ las kyi shugs kun nas ngos ye shes 'phags pa zhes
147b2 bgyi bas bskyed pa/ sems kyi skad cig sems kyi skad cig la'ang de bzhin gshegs pa la mchod pa dang / rim gro bgyid par 'jug ste/ de dag 'jug pa dang / dge
147b3 ba'i rtsa ba'i rgyu mthun pas thams cad mkhyen pa nyid kyi tshad med pa'i rkyen rnams kyis sems kyi skad cig sems kyi skad cig la sems can gyi khams thams cad la mngon
147b4 par 'gebs shing ji tsam du thabs kyi tshul brjod pa la 'jug pa dpag tu ma mchis pa dag gis byang chub sems dpa' thams cad dang mnyam pa nyid kyang yang dag
147b5 par 'grub ste/ byang chub sems dpa' de dag thams cad dge ba'i rtsa ba'i shugs de dag thams cad rgyun mi 'chad par gtong ba de tsam du bdag gis lhag pa'i bsam
147b6 pa'i smod la mos pa'i lam shin tu rnam par dag pa yang dag par bskyed nas dge ba'i rtsa ba'i shugs de dag thams cad yang dag par mnod do/ /yang dag par gzung ngo / /
147b7 bdag gir bgyi'o/ /blang ngo / /lhag par mos so/ /kun gyi rjes su zhugs par bgyi'o/ /bdag gir bgyi ba mchog dang / gtso bo dang / dam pa dang / khyad par du 'phags
148a1 pa dang / rab dang / phul dang / gya nom pa dang / bla ma dang / bla na ma mchis pa dang / mnyam pa ma mchis pa dang / mi mnyam pa dang mnyam pa dang /
148a2 mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang dag par rdzogs
148a3 pa'i sangs rgyas kyis bka' stsal ba'i bdag gir bgyi bas bdag gir bgyi'o/ /gong du'ang byang chub sems dpa' bsod nams kyi tshogs yang dag par len par 'tshal ba/
148a4 yon tan gyi tshogs bsgrub par 'tshal ba/ sgrib pa ma mchis pa'i yul la 'jug par 'tshal ba/ chags pa ma mchis pa'i mtha' la gnas par 'tshal ba/ dus gsum
148a5 thams cad du 'jug par 'tshal ba rnams kyis ji ltar sangs rgyas bcom ldan 'das dag gis mkhyen cing rab tu mkhyen pa de lta bus dge ba'i rtsa ba thams cad bdag gir
148a6 bgyi ba de bzhin du bdag gis kyang bdag gir bgyi'o/ /bdag gir bgyi ba'i mchog dang / gtso bo dang / dam pa dang / khyad par du 'phags pa dang / dpe ma mchis pa
148a7 dang / snang ba ma mchis pa dang / mnyam pa ma mchis pa dang / 'dra ba ma mchis pa dang / mi 'dra ba rnam par dag pa dang / rtog pa dang / tshig gi lam dang / bsngags
148b1 pa bstan pa mtha' yas pa thams cad kyi bdag gir bgyi bas bdag gir bgyi'o/ /ji ltar bdag gi don du bdag gir bgyi ba de bzhin du 'jig rten gyi khams rab 'byams ma
148b2 lus pa thams cad na sems can ji tsam sems can gyi ris na mchis pa/ sems can gyi khams de dag thams cad kyi ched du'ang bdag gir bgyi'o/ /bdag gi mos pa dang ldan
148b3 pa'i dge ba'i rtsa ba gang lags pa dang / sangs rgyas thams cad la phyag 'tshal ba dang ldan pa'i dge ba'i rtsa ba gang lags pa dang / de bzhin gshegs pa thams cad la lhag
148b4 par mchod pa dang ldan pa'i dge ba'i rtsa ba gang lags pa dang / mos pa'i stobs las nges par byung ba'i mchod pa dang ldan pa'i dge ba'i rtsa ba gang lags pa dang / sgrib par
148b5 'gyur ba thams cad sel ba'i dge ba'i rtsa ba gang lags pa dang / rjes su yi rang ba dang ldan pa'i dge ba'i rtsa ba gang lags pa dang / sangs rgyas thams cad la bskul ba dang
148b6 ldan pa'i dge ba'i rtsa ba gang lags pa dang / de bzhin gshegs pa thams cad la mngon par gsol ba dang ldan pa'i dge ba'i rtsa ba gang lags pa dang / bdag gis dge
148b7 ba'i rtsa ba rab 'byams thams cad sangs rgyas dang / byang chub sems dpa' thams cad la shin tu phul nas bdag gir bgyi ba dang ldan pa'i dge ba'i rtsa ba gang lags pa
149a1 dang | bdag gi dge ba'i rtsa ba thog ma dang po ma mchis pa'i tshe rabs nas bgyis pa thams cad mkhyen par yongs su ma bsngos pa gang lags pa
149a2 dang | bdag gi dge ba'i rtsa ba 'dus byas kyis yo byad 'tshal bas mngon par bsgrubs pa gang lags pa dang / nyan thos dang / rang sangs rgyas kyis mngon par bsgrubs
149a3 pa'i dge ba'i rtsa ba gang lags pa dang / bdag gi dge ba'i rtsa ba las kyis mngon par bsgrubs pa/ dus thams cad du bsags pa/ de bzhin gshegs pa'i ye shes kyis
149a4 mkhyen pa gang lags pa de dag thams cad yongs su bsdu'o/ /bzlum mo/ /bsdu bar bgyi'o/ /gong du'ang byang chub sems dpa' sangs rgyas thams cad la mchod par
149a5 'tshal ba/ de bzhin gshegs pa thams cad kyi bstan pa yang dag par 'dzin par 'tshal ba rnams kyis ji ltar sangs rgyas bcom ldan 'das bdag gis mkhyen cing
149a6 rab tu mkhyen pa de lta bus dge ba'i rtsa ba thams cad yongs su bsdu bar bgyi ba de bzhin du bdag gis kyang yongs su bsdu'o/ /bsdus nas/ 'di lta ste/ 'das pa'i sangs
149a7 rgyas bcom ldan 'das rnams la mchod pa'i las dang / mtshan rgyas par bgyi ba dang / ma byon pa'i sangs rgyas bcom ldan 'das rnams kyi byang chub sems dpa'
149b1 kun tu bzang po'i smon lam yongs su rdzogs par bgyi ba dang / stobs bcu dang / byang chub kyi phyogs myur du khong du chud par bgyi ba'i slad du sems can thams cad la stsal to/ /
149b2 gtang ngo / /yongs su gtang ngo / /rnam par gtang ngo / /nges par gtang ngo / /nyan thos dang / rang sangs rgyas thams cad la dbul lo/ /gtang ngo / /yongs su gtang ngo / /rnam
149b3 par gtang ngo / /nges par gtang ngo / /byang chub sems dpa' thams cad la dbul lo/ /gtang ngo / /yongs su gtang ngo / /rnam par gtang ngo / /nges par gtang ngo / /sangs rgyas
149b4 thams cad la dbul lo/ /gtang ngo / /yongs su gtang ngo / /rnam par gtang ngo / /nges par gtang ngo / /de bzhin gshegs pa re re la mchod pa'i las kyi slad du da ltar byung
149b5 ba'i sangs rgyas bcom ldan 'das thams cad mkhyen pa byang chub kyi yan lag tu gyur pa rnams kyi 'khor gyi dkyil 'khor chos kyi dbyings kyi tshad tsam rnams su mchod pa bkod
149b6 pa thams cad kyi rgyan gyis chos kyi dbyings kun tu gnas par gyur cig /rin po che thams cad kyis khebs pa'i rgyan gyis chos kyi dbyings kun tu gnas par gyur cig /me tog
149b7 thams cad kyi bla bre bres pa'i rgyan gyis chos kyi dbyings kun tu gnas par gyur cig /rin po che thams cad kyi rgyal mtshan bsgreng ba'i rgyan gyis chos kyi dbyings kun tu gnas par
150a1 gyur cig /rin po che thams cad kyi dra ba bres pa'i rgyan gyis chos kyi dbyings kun tu gnas par gyur cig /rin po che thams cad kyi na bzas g.yogs
150a2 pa'i rgyan gyis chos kyi dbyings kun tu gnas par gyur cig /gzhal du ma mchis pa'i gos kyi sprin gyi char dang / rin po che thams cad kyis sangs rgyas la mchod pa bkod pa'i
150a3 rgyan gyis chos kyi dbyings kun tu gnas par gyur cig /snying po'i spos thams cad kyis bdugs pa'i rgyan gyis chos kyi dbyings kun tu gnas par gyur cig /rgyan gyi dmigs pa
150a4 thams cad la chags pa las grol ba'i sil snyan 'khrol ba dang ldan pa'i dbyings kyi rgyan gyis chos kyi dbyings kun tu gnas par gyur cig /rin po che thams cad kyi
150a5 pad+ma bkram pa'i rgyan gyis chos kyi dbyings kun tu gnas par gyur cig /thams cad kyi rjes su sgrogs pa'i sprin gyi rgyan gyis chos kyi dbyings kun tu gnas par gyur cig /
150a6 rin po che thams cad kyi sprin snang ba rab tu 'byed pa'i rgyan gyis chos kyi dbyings kun tu gnas par gyur cig /lha'i thams cad las shin tu 'das pa rin po che'i cod pan sna
150a7 tshogs kyi sprin gyi rgyan gyis chos kyi dbyings kun tu gnas par gyur cig /de ltar dge ba'i rtsa ba 'dis ji ltar byang chub sems dpa' kun tu bzang po rnams de bzhin gshegs
150b1 pa'i 'khor gyi dkyil 'khor du mchod pa thams cad dang ldan pas 'jug pa de bzhin du bdag kyang dge ba'i rtsa ba 'dis de bzhin gshegs pa thams cad kyi 'khor gyi dkyil
150b2 'khor du de ltar dpag tu ma mchis pa'i mchod pa phyi ma'i mtha'i mur thug par byin gyis rlob pa la 'jug par gyur cig /gong du'ang ji ltar sangs rgyas bcom ldan 'das dag
150b3 gis mkhyen cing rab tu mkhyen pa de lta bus byang chub sems dpa' rnams kyis dge ba'i rtsa ba thams cad sems can thams cad dang / nyan thos dang / rang sangs rgyas thams
150b4 cad dang / byang chub sems dpa' thams cad dang / de bzhin gshegs pa thams cad la mchod par bgyi ba dang / gsol bar bgyi ba dang / dbul bar bgyi ba de bzhin du
150b5 bdag kyang dge ba'i rtsa ba thams cad sems can thams cad dang / nyan thos dang / rang sangs rgyas thams cad dang / byang chub sems dpa' thams cad dang / de bzhin gshegs
150b6 pa thams cad la gsol lo/ /yongs su gtong ngo / /don to/ /dbul lo/ /bdag gis sems can thams cad dang / nyan thos dang / rang sangs rgyas thams cad dang / byang
150b7 chub sems dpa' thams cad dang / sangs rgyas bcom ldan 'das thams cad la dge ba'i rtsa ba thams cad phul nas bsod nams kyi phung po yongs su bsdus pa bsod nams
151a1 kyi phung po dpag tu ma mchis shing bsam gyis mi khyab pa de bzhin gshegs pa'i ye shes kyis mkhyen pa gang lags pa des bdag brtan pa 'gyur nas
151a2 bdag bla na med pa yang dag par rdzogs pa'i byang chub tu sems bskyed par bgyi'o/ /ji ltar bcom ldan 'das de bzhin gshegs pa mar me mdzad kyis bcom ldan 'das de
151a3 bzhin gshegs pa zla 'od la mchod pa dam pas mchod nas/ dang po byang chub tu thugs bskyed pa de bzhin du bdag kyang byang chub tu sems bskyed par bgyi'o/ /ji ltar bcom
151a4 ldan 'das de bzhin gshegs pa shAkya thub pa tshong dpon gyi bu mngon dgar gyur pa na bcom ldan 'das de bzhin gshegs pa mdzes chen la brten te/ dang po byang chub tu thugs
151a5 bskyed pa de bzhin du bdag kyang byang chub tu sems bskyed par bgyi'o/ /ji ltar bcom ldan 'das de bzhin gshegs pa tshe dpag med dge slong chos kyi 'byung gnas su gyur
151a6 pa na bcom ldan 'das de bzhin gshegs pa 'jig rten dbang phyug rgyal po la tshigs su bcad pa'i dbyangs kyis mngon par bstod nas byang chub tu thugs bskyed pa de
151a7 bzhin du bdag kyang byang chub tu sems bskyed par bgyi'o/ /ji ltar bcom ldan 'das de bzhin gshegs pa mi 'khrugs pas sems thogs pa ma mchis pa dang / sems
151b1 mi 'khrugs pa dang / tshe rabs thams cad du rab tu 'byung ba dang / mngon par 'byung ba'i sems kyis seng ge'i sgra mngon par bsgrags te/ de bzhin gshegs pa spyan rab tu
151b2 dang ba las byang chub tu thugs bskyed pa de bzhin du bdag kyang sems bskyed par bgyi'o/ /ji ltar bcom ldan 'das de bzhin gshegs pa dpal bzang pos bcom ldan 'das
151b3 de bzhin gshegs pa rgya mtsho'i dpal la dge ba'i rtsa ba'i rnam pa mang po bskyed nas byang chub tu thugs bskyed pa de bzhin du bdag kyang sems bskyed par bgyi'o/ /ji ltar byang
151b4 chub sems dpa' byams pa rgyal po gser mdog lta bur gyur pa na bcom ldan 'das de bzhin gshegs pa gser gyi mchod sdong gi 'od la bkod pa du mas mchod pa dang / rim gro bgyis nas byang chub tu thugs bskyed pa de bzhin du bdag kyang sems bskyed par bgyi'o/
151b5 /ji ltar byang chub sems dpa' blo gros rgya mtsho yul shin tu rnam par dag
151b6 pa'i 'khor los bsgyur ba'i rgyal por gyur pa na de bzhin gshegs pa yon tan gyi 'od zer mtha' yas la bkur stir bgyis nas byang chub tu thugs bskyed pa de bzhin du
151b7 bdag kyang sems bskyed par bgyi'o/ /ji ltar byang chub sems dpa' nam mkha' mdzod lhas dbang bskur te/ stong gsum gyi 'khor los bsgyur ba'i rgyal por gyur
152a1 pa na/ de bzhin gshegs pa smon lam thams cad las yang dag par byung ba rin po che'i gzi brjid mngon par 'phags pa'i rgyal po la gdugs gcig
152a2 bzhin du rin po che'i phung po ri rab tsam bas par bgyis te/ bar gyis bskal pa bzhi bcur mchod pa dang / rim gro bgyis nas byang chub tu sems bskyed pa de bzhin du bdag
152a3 kyang sems bskyed par bgyi'o/ /ji ltar 'jam dpal gzhon nur gyur pa 'khor los bsgyur ba'i rgyal por gyur pa na bcom ldan 'das de bzhin gshegs pa sgra dbyangs
152a4 bsgrags pa'i rgyal po la mchod pa dang / rim gro rnam pa du ma bgyis nas byang chub tu sems bskyed pa de bzhin du bdag kyang sems bskyed par bgyi'o/ /ji ltar byang chub
152a5 sems dpa' kun tu bzang pos bcom ldan 'das de bzhin gshegs pa ye shes rdo rje rgya mtsho'i rgyal po la bsti stang bgyis nas byang chub tu sems bskyed pa de bzhin du
152a6 bdag kyang sems bskyed par bgyi'o/ /mchog dam pa nga rgyal zhi ba sems ma lags pa'i sems dang / 'gro ba thams cad yongs su bskyab pa'i sems dang / byang chub
152a7 kyi sems des khyab par ma gyur pa'i chos kyi dbyings de gang yang ma mchis so/ /byang chub tu sems bskyed pa'i dge ba'i rtsa ba'i tshogs des dus gsum du ma khyab pa
152b1 cung zad kyang ma mchis so/ /sangs rgyas thams cad mnyes par bgyid pa'i sems dang / byang chub sems dpa'i dkyil 'khor thams cad rab tu dga' bar bgyid pa'i sems
152b2 dang | nyan thos dang / rang sangs rgyas thams cad rjes su yi rang ba'i sems dang / sems bskyed pa des yongs su zin par ma gyur pa'i sems can de gang yang ma mchis so/ /
152b3 mchod par ma gyur pa'i de bzhin gshegs pa de gang yang mi bzhugs so/ /gong du sems bskyed de bskyed ma thag pa'i bsod nams kyi phung po ni rab tu mang gi /sems can thams
152b4 cad 'khor los bsgyur ba dang / 'jig rten skyong ba dang / brgya byin dang / tshangs pa dang / nyan thos dang / rang sangs rgyas su gyur pa rnams kyi bsod nams kyi phung po ni de tsam ma
152b5 lags so/ /bdag gi bsod nams kyi phung po byang chub tu sems bskyed pa dang ldan pa gang lags pa dang / sems can thams cad la rtsal ba gang lags pa dang / nyan thos
152b6 dang | rang sangs rgyas thams cad la phul ba gang lags pa dang / byang chub sems dpa' thams cad la phul ba gang lags pa dang / sangs rgyas thams cad la dge ba'i rtsa ba
152b7 thams cad phul ba'i bsod nams kyi phung po yongs su bzung ba gang lags pa dang / gang ye shes dang / mos pa mngon par bsgrubs pa rnams kyi mos pa dang ldan pa'i dge ba'i rtsa
153a1 ba gang lags pa dang / sangs rgyas thams cad la phyag 'tshal ba dang ldan pa'i dge ba'i rtsa ba gang lags pa dang / de bzhin gshegs pa thams
153a2 cad la lhag par mchod pa dang ldan pa'i dge ba'i rtsa ba gang lags pa dang / mos pa'i stobs las byung ba'i mchod pa dang ldan pa'i dge ba'i rtsa ba gang lags pa dang / sgrib par
153a3 'gyur ba thams cad sel ba'i dge ba'i rtsa ba gang lags pa dang / rjes su yi rang ba dang ldan pa'i dge ba'i rtsa ba gang lags pa dang / sangs rgyas thams cad la bskul ba dang ldan
153a4 pa'i dge ba'i rtsa ba gang lags pa dang / de bzhin gshegs pa thams cad la gsol ba 'debs pa dang ldan pa'i dge ba'i rtsa ba gang lags pa dang / bdag gi dge ba'i rtsa
153a5 ba rab 'byams sangs rgyas dang / byang chub sems dpa' thams cad la bos te/ bdag gir bgyi ba dang ldan pa gang lags pa dang / bdag gi dge ba'i rtsa ba thog ma dang po ma
153a6 mchis pa'i tshe rabs nas bgyis pa thams cad mkhyen par yongs su ma bsngos pa gang lags pa dang / bdag gi dge ba'i rtsa ba 'dus byas kyi yo byad 'tshal bas mngon
153a7 par bsgrubs pa gang lags pa dang / bdag gi dge ba'i rtsa ba nyan thos dang / rang sangs rgyas thams cad kyi sa'i slad du mngon par bsgrubs pa gang lags pa dang / bdag
153b1 gi dge ba'i rtsa ba las kyis bsgrubs pa sngon gyi dus nas bsags pa de bzhin gshegs pa'i ye shes kyis mkhyen pa gang lags pa de dag thams cad yongs su bsdu'o/ /yongs
153b2 su bsdus nas bla na med pa yang dag par rdzogs pa'i byang chub tu yongs su bsngo'o/ /bdag gi dge ba'i rtsa ba 'di dag gis sangs rgyas thams cad mnyes par bgyid cing dgyes par
153b3 bgyid par gyur cig /sangs rgyas kyi zhing thams cad yongs su sbyong bar gyur cig /sems can thams cad yongs su smin par bgyid par gyur cig /dge ba'i bshes gnyen thams
153b4 cad dang / chos smra ba thams cad mgu bar bgyid cing dga' bar bgyid par gyur cig /de bzhin gshegs pa thams cad kyi bstan par yang dag par 'dzin cing bsrung ba dang / yongs
153b5 su skyong bar gyur cig /sgrib pa'i ling tog thams cad rnam par sbyong bar gyur cig /bdud kyi rtsod pa'i dmag tshogs thams cad rab tu 'dul bar gyur cig /sangs rgyas kyi chos
153b6 thams cad mngon par rdzogs par byang chub par gyur cig /ting nge 'dzin thams cad dang / dbang thams cad thob pa dang / mngon par shes pa thams cad kyis rnam par rtsen pa dang /
153b7 rnam par thar pa thams cad kyis rnam par 'phrul bar gyur cig /ci nas kyang 'khor ba na mi 'dra la zhing tshe rabs gzhan du rjes ba na chab 'tshal bar mi 'gyur ba dang / byang chub
154a1 sems dpa'i spyod pa pha rol tu phyin pa bskyud par mi 'gyur ba dang / byis pa so so'i skye bo dang 'dre bas sgrib pa'i cha dang mthun par mi 'gyur ba de lta
154a2 bur bdag gi dge ba'i rtsa ba de dag yongs su bsngo'o/ /ci nas kyang byang chub sems dpa' de dag sangs rgyas kyi zhing 'di nas sangs rgyas mngon sum du bzhugs pa'i 'jig
154a3 rten gyi khams gzhan du sangs rgyas de dag la mchod pa bkod pa'i rgyan gyis brgyan par bgyid du mchi ba dang / sangs rgyas la mchod pa bkod pa'i rgyan de'i tha ma'i sems
154a4 bskyed pa thob pa yongs su rdzogs par dge ba'i rtsa ba de dag yongs su bsngo'o/ /'chi ba'i dus kyi tshe na'ang sangs rgyas bcom ldan 'das de dag gis phyag g.yas pa gser
154a5 gyi kha dog can brkyang ste bdag gi spyi bor 'jog par gyur cig /ci nas bdag dngos po thams cad la mi lta ba bkod pa rgyun thogs pa ma mchis pa shes rab kyi pha rol tu phyin
154a6 pas yongs su bsgos pa'i sems dang / tshor ba thams cad rgyun chad pa'i sems kyis 'chi ba'i dus bgyid par gyur cig /dad pa grangs ma mchis pa dang / ri mo gus par
154a7 bgyi ba grangs ma mchis pa dang / dga' ba dang / dad pa grangs ma mchis pas sangs rgyas bcom ldan 'das de dag la lta zhing rtog la kun tu smra zhing yang dag par smra bzhin
154b1 du 'chi ba'i dus bgyid par gyur cig /mchod pa yid du 'ong bas de bzhin gshegs pa de dag la mchod cing me tog dang / spos dang / phreng ba dang / byug pa dang / phye ma dang / na bza'
154b2 dang | gdugs dang / rgyal mtshan dang / ba dan dpag tu ma mchis pa dag gis de bzhin gshegs pa de dag la mchod cing blta la rtog bzhin du 'chi ba'i dus byed par gyur
154b3 cig |bdag gi dge ba'i rtsa ba 'dis 'jig rten gyi khams thams cad na sems can dmyal ba thams cad rgyun chad par gyur cig /dud 'gro'i skye gnas dang / gshin rje'i 'jig
154b4 rten thams cad rgyun chad par gyur cig /lha dbul po thams cad dang / mi dbul po thams cad dang / ser sna thams cad dang / 'chal ba'i tshul khrims thams cad dang / gnod
154b5 sems thams cad dang / le lo thams cad dang / rnam par g.yeng ba thams cad dang / 'chal ba'i shes rab thams cad rgyun chad par gyur cig /byang chub tu sems bskyed pa
154b6 dang | sangs rgyas la blta ba dang / dam pa'i chos mnyan pa dang / dge ba'i bshes gnyen dang 'grogs pa dang mi 'bral bar gyur cig /dge ba'i rtsa ba 'dis bdag sangs
154b7 rgyas bcom ldan 'das thams cad dang lus mnyam par gyur cig /ngag mnyam pa dang / sems mnyam pa dang / ye shes mnyam par gyur cig /ji ltar gong du'ang sangs
155a1 rgyas bcom ldan 'das dag gis ji ltar sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus byang
155a2 chub sems dpa' rnams kyis dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo bar bgyi ba de bzhin du bdag gis kyang dge ba'i
155a3 rtsa ba thams cad bla na med pa yang dag par rdzogs pa'i byang chub tu yongs su bsngo ba'i mchog gis yongs su bsngo'o/ /gtso bo dang / dam pa dang / khyad par du 'phags pa dang /
155a4 rab dang / phul dang / gya nom pa dang / bla na ma mchis pa dang / gong na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma
155a5 mchis pa dang / snang ba ma mchis pa dang / bdag nyid chen po dang / bla ma dang / zil gyis mi non pa dang / yon tan gyi chos thams cad sdud pa dang / yang dag par rdzogs
155a6 pa'i sangs rgyas kyis bka' stsal pa'i yongs su bsngo bas yongs su bsngo'o/ /ji ltar bdag gi don du yongs su bsngo ba de bzhin du 'jig rten gyi khams rab 'byams ma lus
155a7 pa thams cad na sems can ji tsam sems can gyi ris na mchis pa sems can gyi khams de dag thams cad kyi ched du'ang yongs su bsngo'o/ /dge ba'i rtsa ba 'di las su
155b1 dag shas kyis 'dzin par 'dod pa de dag gis kyang rjes su yi rang ngo zhes brjod par bya'o/ /de nas byang chub sems dpa' sems dpa' chen po chos thams cad la dam 'cha'
155b2 bar gnas pas 'jam dpal gzhon nur gyur pa la 'di skad ces smras so/ /'jam dpal/ ji ltar na byang chub sems dpa'i 'chags pa kha na ma tho ba med pa yin/ rjes su yi
155b3 rang ba kha na ma tho ba med pa dang / bskul ba kha na ma tho ba med pa dang / gsol ba 'debs pa kha na ma tho ba med pa dang / yongs su bsngo ba kha na ma tho ba med pa yin/ de skad ces
155b4 smras pa dang / 'jam dpal gzhon nur gyur pas/ byang chub sems dpa' chos thams cad la dam 'cha' bar gnas pa la 'di skad ces smras so/ /rigs kyi bu/ 'di la byang
155b5 chub sems dpa' sems dpa' chen po dag 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos mnyam pa nyid la 'jug cing des
155b6 yan lag lnga sa la gtugs par byas te/ des pus mo g.yas pa'i lha nga sa la 'dzugs pa na/ tshig 'di skad ces/ sems can thams cad g.yas phyogs kyi lam la gnas
155b7 par gyur cig ces brjod par bya'o/ /des pus mo g.yon pa'i lha nga sa la 'dzugs pa na/ tshig 'di skad ces/ sems can gang su dag g.yon phyogs kyi lam la gnas pa de dag
156a1 thams cad 'phags pa'i lam la gnas shing yang dag pa'i lam la gnas par gyur cig ces brjod par bya'o/ /des lag pa g.yas pa sa la
156a2 'jugs pa na/ tshig 'di skad ces/ ji ltar de bzhin gshegs pa byang chub kyi snying po mchog dam pa la bzhugs pa dge ba'i chos thams cad dang ldan pas dbu dang / sku dang / skyil
156a3 mo krung la yongs su byugs te/ phyag g.yas pa sa la bsnun nas/ bdud dpung dang bcas pa btul te/ byang chub brnyes pa de bzhin du sems can 'di dag gis kyang
156a4 bdud phyir rgol ba choms par gyur cig /byang chub kyi snying po la 'dug cing sa chen po la bsnun nas sangs rgyas kyi ye shes thob par gyur cig ces brjod par bya'o/ /des
156a5 lag pa g.yon pa sa la 'dzugs pa na/ tshig 'di skad ces/ sems can gang su dag byis pa'i chos la gnas te/ g.yon phyogs su 'dzin pa la gdul dka' ba de dag
156a6 thams cad bsdu ba'i dngos po bzhis shin tu sdud par gyur cig ces brjod par bya'o/ /des gdong dang / dpral ba sa la gtugs pa na/ tshig 'di skad ces/ sems can
156a7 thams cad nga rgyal ma mchis pa 'dis bla ma rnams la rim gro bgyid pa rnyed cing spyi gtsug bltar mi mthong ba dang / dge ba'i chos thams cad 'phags par gyur cig /da
156b1 ltar bdag yan lag lngas phyag 'tshal ba 'dis sems can thams cad kyi sgrib pa lnga rnam par sel bar gyur cig /dbang po lnga yongs su rdzogs par gyur cig /'dod pa'i yon tan
156b2 lnga yongs su shes par gyur cig /mngon par shes pa nyams pa med pa lnga thob par gyur cig /mig lnga yongs su dag par gyur cig /sems can 'gro ba lngar skyes pa rnams 'gro
156b3 ba lnga las khyad par du 'phags par gyur cig /tshul khrims khyad par du 'phags pa dang / ting nge 'dzin khyad par du 'phags pa dang / shes rab khyad par du 'phags pa dang / rnam
156b4 par grol ba khyad par du 'phags pa dang / rnam par grol ba'i ye shes mthong ba khyad par du 'phags par gyur cig ces brjod par bya'o/ /des yan lag lnga yongs su dag pa dang
156b5 sgrib pa lnga dang bral ba dang / stobs lnga la gnas pa dang / de bzhin gshegs pa yid la byed pa dang ma bral bas/ tshig 'di skad ces/ sangs rgyas bcom ldan 'das chos kyi sku
156b6 dang ldan pa/ sku ma lags pa/ gsung dag pa/ gsung mi mnga' ba/ sems dang ba/ sems mi mnga' ba/ ye shes chags pa mi mnga' ba dang ldan pa/ ma byon ma bzhud pa
156b7 thams cad mkhyen pa dang ldan pa/ thams cad gzigs pa dang ldan pa rnams bdag la dgongs su gsol/ bdag gis 'khor ba thog ma'i mtha'i mu nas bzung ste/ yang dag
157a1 pa'i mtha' dang / bdag gi mtha' ma 'tshal bas chos ma lags pa la chos su 'du shes bskyed pa dang / 'dul ba ma lags pa la 'dul bar 'du shes
157a2 bskyed pa dang / sbyin gnas ma lags pa la sbyin gnas su 'du shes bskyed pa dang / mi dge ba la dge bar 'du shes bskyed pa dang / phyin ci log gi sems kyis bdag
157a3 gi lus su lta bas yongs su dkris pa dang / dge ba'i chos gang sangs rgyas kyis bka' ma stsal pa mngon par 'dus bgyis pa dang / bgyid pa dang / bgyid du stsal ba
157a4 dang | bgyid pa la rjes su yi rang bar gyur pa gang ci mchis pa de bdag 'chags so/ /dmigs pa la gnas te/ bdag gis sems can ma mchis pa la sems can
157a5 du 'du shes pa dang / sems sgyu ma lta bur ma 'tshal nas bla na med pa yang dag par rdzogs pa'i byang chub tu sems bskyed pa gang lags pa de thams cad 'chags so/ /
157a6 bdag gis mngon par 'du bgyid pa ma mchis par ma 'tshal nas lus dang / ngag dang / yid kyis chos dge ba dang / mi dge ba mngon par 'du bgyid pa dang / mngon par
157a7 'dus bgyis pa gang lags pa de 'chags so/ /bdag gyis sbyin pa dang / tshul khrims dang / bzod pa dang / brtson 'grus dang / bsam gtan dang / shes rab mnyam
157b1 pa nyid du ma 'tshal nas dmigs par lhung bas sbyin pa sbyin pa dang / tshul khrims mchog tu 'dzin pas tshul khrims bsrungs pa dang / bdag dang / gzhan du 'du shes pas
157b2 bzod pa bsgoms pa dang / lus dang / sems la gnas te brtson 'grus brtsams pa dang / 'du shes dang / dmigs pa la gnas te bsam gtan bskyed pa dang / kun tu
157b3 rtog pa dang / rnam par rtog pa rab tu 'jug pa la mngon par dga' bas shes rab rnam par dpyad pa gang lags pa de 'chags so/ /bdag gis don dam pa'i mchod pa ma
157b4 'tshal nas gzugs dang / rgyan dang / mtshan la mngon par zhen pas sangs rgyas la mchod pa bgyis pa gang lags pa de 'chags so/ /bdag chos kyi dbyings tha mi dad pa'i
157b5 ye shes la ma zhugs kyi/ chos tha dad pa la gnas te/ chos mnyan pa'am/ bshad pa'am/ rab tu bsams par gyur pa gang lags pa de 'chags so/ /bdag gis chos
157b6 'dus ma byas su ma 'tshal te/ dge 'dun la mang por 'du shes nas dge 'dun la bsnyen bkur bgyis pa gang lags pa de 'chags so/ /bdag gis dgon pa ma 'tshal nas
157b7 dgon pa'i gnas bsnyen te/ 'dod pa nyung zhing chog shes pa la mngon par zhen pa gang lags pa de 'chags so/ /bdag gis chos nyid gnas par ma 'tshal nas 'byung ba
158a1 dang | 'jig pa la gnas te/ sangs rgyas kyi yon tan blang bar zhugs pa gang lags pa de 'chags so/ /bdag gis chos kyi dbyings yongs su gzung ba
158a2 ma mchis par ma 'tshal ma zhugs kyi/ sems can bsdu bar 'tshal ba'i bsdu bas sems can dag bsdus pa gang lags pa de 'chags so/ /bdag gis byang chub kyi mtshan
158a3 nyid kyi rang bzhin ma 'tshal nas lta ba la yongs su zhen pas byang chub kyi phyogs kyi chos sum cu rtsa bdun bsgoms pa gang lags pa de 'chags so/ /bdag gis dge sbyong
158a4 gi lam zhi ba ma 'tshal nas rab tu byung ba bsnyen par rdzogs te/ dge slong gi dngos po bskyed pa gang lags pa de 'chags so/ /kun rdzob la 'jug pa'i dge ba'i rtsa ba gzhan
158a5 gang dag bsags pa dang / dge ba'i rtsa ba gang dag gis 'dus byas kyi bde bar gyur te/ 'dus ma byas las shin tu ring bar gyur pa gang lags pa de dag 'chags so zhes
158a6 brjod par bya'o/ /rigs kyi bu/ de ltar thog mar byang chub sems dpas bag la nyal dang bcas pa dang / mngon par 'du byed pa dang bcas pa dang / mtshan ma dang bcas pa dang /
158a7 'bad pa dang bcas pa dang / spros pa dang bcas pa dang / len pa dang bcas pa dang / gnas pa dang bcas pa dang / rten pa dang bcas pa'i nye bar len pa'i chos thams cad bshags
158b1 par bya'o/ /'di la 'di lta bu'i bsdu ba dang / spros pa dang / bcos pa kun tu mi 'byung ba gang yin pa de ni sdig pa bshags pa yongs su dag pa yin te/ 'di ni bshags pa'i phung po'o/
158b2 rigs kyi bu/ gzhan yang / byang chub sems dpa' des de bzhin du 'dug ste/ tshig 'di skad ces/ 'das pa dang / ma byon pa dang / da ltar byung ba'i sangs rgyas bcom ldan 'das/
158b3 rnams kyis dang po thugs bskyed pa nas bzung ste/ bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang ldan pa rnams kyi bar de'i
158b4 dge ba'i rtsa ba gang ci'ang rung / sangs rgyas kyis bka' stsal pa/ rtsa ba ma mchis shing rten ma mchis pa/ gtong ba ma mchis pas gtong ba rnam par dag pa dang / rang bzhin gyi
158b5 tshul khrims mi zad mi skye ba dang / sems can ma mchis pa'i bzod pa dang / dmigs pa las dben pa'i brtson 'grus dang / sems kyi ngo bo nyid la nges par sems pa'i bsam
158b6 gtan dang / tshu rol dang / pha rol gyi mthar lta ba rnam par spangs pa'i shes rab rten cing 'brel par 'byung ba zab mo la 'jug pa dang / stong pa nyid kyi rnam pa'i byams pa dang /
158b7 rnam pa'i rnam pa ma mchis pa'i snying rje dang / chos la kun tu mi 'byung ba'i dga' ba dang / yal bar 'dor ba ma lags pa'i btang snyoms gang lags pa de dag la rjes su yi
159a1 rang ngo / /khyim gyi dngos po thams cad bzung ba ma mchis shing gang yongs su ma bzung ba/ rtsa ba ma mchis shing rten pa ma mchis pa'i dge ba'i
159a2 rtsa ba ma dran pa dran par gyur pa'i dran pa nye bar bzhag par rnams dang / ma 'gags pa dang / ma skyes pa'i yang dag par spong ba rnams dang / lus dang / sems dang / brtson
159a3 'grus dang / 'dun pa dang ldan pa'i rdzu 'phrul gyi rkang pa rnams dang / dbang po lnga mtshan nyid ma mchis pa'i dbang po rnams dang / nam mkha' ltar mi thul ba'i stobs
159a4 rnams dang / don dam pa yang dag par rtogs pa'i byang chub kyi yan lag rnams dang / mi gnyis pa'i lam dang ldan pa'i lam dang / zhi ba'i zhi gnas thob pa dang / rig
159a5 pa dang / rnam par grol ba dang mthun pa'i lhag mthong dang / mngon par shes pa'i ye shes mngon du 'gro ba de dag thams cad la rjes su yi rang ngo / /thog ma'i mtha' nas
159a6 lus kyi ngo bo nyid yongs su dag pa dang / brjod du ma mchis pa'i ngag rnam par dag pa dang / sangs rgyas la rim gro bgyi ba bsnyen bkur bgyis pa ma mchis pa dang / chos
159a7 la rim gro bgyi ba chos thams cad yongs su gzung ba ma mchis pa dang / dge 'dun la rim gro bgyi ba tshogs pa ma mchis shing yon tan ma mchis pa dang / spyod lam
159b1 thams cad rnam par ma brtags pa'i sdom pa spyod pa dang / 'das pa dang / ma byon pa dang / da ltar byung ba'i sangs rgyas byang chub sems dpar gyur pa de dag gi chos spyod pa/
159b2 yang dag pa'i sdom pa/ bdud thams cad kyis mi shigs pa/ 'jig rten thams cad dang ma 'dres pa/ nyan thos dang / rang sangs rgyas thams cad kyi sar ma des pa/ byang
159b3 chub sems dpa'i lam dang mthun pa/ dge ba'i rtsa ba bzang po/ las dkar po ma lags pa 'gag par 'gyur ba gzhan gang ci mchis pa dang / dge ba'i rtsa ba bzang po 'od
159b4 gsal ba'i las gang gis byang chub sems dpa' de dag gis sangs rgyas kyi ye shes thob pa dang / 'thob pa dang / 'thob par 'gyur ba de dag thams cad la bdag rjes
159b5 su yi rang ngo / /'das pa dang / ma byon pa dang / da ltar byung ba'i sangs rgyas bcom ldan 'das byang chub brnyes pa de dag gi tshul khrims dang / ting nge 'dzin dang / shes
159b6 rab dang / rnam par grol ba dang / rnam par grol ba'i ye shes mthong ba zag pa ma mchis pa dang / stobs mi thul ba rnams dang / mi 'jigs pa phyir mi ldog pa rnams
159b7 dang | sangs rgyas kyi chos chags pa ma mchis pa rnams dang / kun tu mi 'byung ba'i byams pa chen po dang / snying rje chen po gzhan gyi dring la mi 'jog pa dang / spyi gtsug bltar
160a1 mi mthong ba nam mkha' dang mtshungs pa gang lags pa dang / gnyis su ma mchis pa'i bsod nams rnam par smin pa'i mtshan nyid dang / lus
160a2 dang | ngag dang / sems kyi rgyud bcos ma ma lags pa nam mkha' ltar yongs su dag pa dang / brgya byin pa dang / tshangs pa thams cad kyis bskul ba'i chos kyi 'khor lo dang /
160a3 brjod pa ma mchis pa dang ldan pa'i chos bstan pa dang / sems can thams cad la shes pa snang ba rnam par shes pa las gzhan ma lags pa de dag thams cad la rjes su
160a4 yi rang ngo / /sems can thams cad la phan gdags pa'i slad du thabs mkhas pa'i gnas la gnas pa dag 'das pa dang / ma byon pa dang / da ltar byung ba'i sangs
160a5 rgyas bcom ldan 'das bzhugs pa'am/ yongs su mya ngan las 'das pa'ang rung ste/ dam pa'i chos nub kyi bar du de dag la mchod pa bgyis pa dang / bgyid pa
160a6 dang | bgyid par 'gyur ba gang lags pa de dag thams cad la rjes su yi rang ngo / /sangs rgyas bcom ldan 'das yongs su mya ngan las 'das pa de dag gi nyan thos
160a7 'dus pa sems can thams cad las yang dag par 'das pa rnams dang / dad pas rjes su 'brang ba rnams dang / chos kyi dbyings la zhugs pa rnams dang / chos kyi
160b1 rjes su 'brang ba rnams dang / log pa brgyad las yang dag par 'das pa'i brgyad pa rnams dang / chags pa med pa'i rigs la gnas pa'i rigs kyis pa rnams dang / rgyun du
160b2 zhugs pa rgyun las bzlog ste zhugs pa rnams dang / lan gcig phyir 'ong ba gang du'ang mi 'gro ba rnams dang / phyir mi 'ong ba 'di nas shi 'phos nas der gnas par 'gyur ba
160b3 rnams dang / dgra bcom pa grangs ma mchis shing skye ba ma mchis par rab tu phye ba rnams dang / rang sangs rgyas rten cing 'brel bar 'byung ba zab mo khong du chud pa rnams dang /
160b4 byang chub sems dpa' ye shes mngon sum du rtogs pa rnams dang / byang chub sems dpa' sems sa dang mtshungs pa'i sems dang po bskyed pa rnams dang / byang chub
160b5 sems dpa' spyod pa thams cad las yang dag par 'das pa'i spyod pa la zhugs pa rnams dang / byang chub sems dpa'i 'khor ba'i chos las 'das shing sangs rgyas kyi chos
160b6 thob pa phyir mi ldog pa rnams dang / byang chub sems dpa' skye ba thams cad las shin tu 'das pa rnams dang / byang chub sems dpa' skye ba gcig gis thogs pa rnams
160b7 kyi dge ba'i rtsa ba rten pa ma mchis pa gang lags pa de dag dang / 'dus byas las yongs su brgal ba de dag thams cad las rjes su yi rang ngo / /'das pa dang / ma 'ongs pa
161a1 dang | da ltar byung ba'i dus kyi sems can rnams kyi sbyin pa'i bsod nams bgyi ba'i dngos po dang / tshul khrims kyi bsod nams bgyi ba'i dngos po dang /
161a2 bsgom pa dngos po ma mchis pa'i dngos por gyur pa'i bsod nams bgyi ba'i dngos po sangs rgyas kyi spyan gyis mkhyen pa gang lags pa de dag thams cad la rjes su yi rang ngo / /rjes
161a3 su yi rang ba'i mchog dang / ma chad pa dang / ma lhag pa dang / nam mkha' ltar rnam par dag pa dang / shes rab dang / ye shes kyis rtogs pa dang / gzhan yang nges pa'i don
161a4 gyi chos dang ldan pa dang / bla na ma mchis pa dang / nam mkha' dang mnyam pa dang / mya ngan las 'das pa dang mnyam pa dang / mi mnyam pa dang / mnyam pa nyid kyi rjes su yi
161a5 rang bas rjes su yi rang ngo / /ji ltar 'das pa dang / ma byon pa dang / da ltar byung ba'i sangs rgyas bcom ldan 'das byang chub sems dpar gyur pa/ shes rab kyi pha
161a6 rol tu phyin pa thabs la mkhas pa zung du 'brel ba/ ma chags par spyad pa/ shin tu spyod pa spyad pa/ rab tu mkhyen pas mkhyen pa de dag gis sangs rgyas kyi ye shes
161a7 mngon sum du mdzad nas dge ba'i rtsa ba de dag la rjes su yi rang ba dang / rjes su yi rang bar mdzad pa dang / rjes su yi rang bar 'gyur ba'i mnyam pa nyid de dang / chos
161b1 nyid des rjes su slob pa de bzhin du bdag kyang rjes su yi rang ngo / /rjes su yi rang ba mchog dang / mchod pa dang / ma lhag pa dang / nam mkha' ltar rnam par dag pa dang / shes rab
161b2 dang | ye shes kyis rtogs pa dang / gzhan yang nges pa'i don gyi chos dang ldan pa dang / bla na ma mchis pa dang / nam mkha' dang mnyam pa'i rjes su yi rang bas rjes su yi
161b3 rang ngo zhes brjod par bya'o/ /rigs kyi bu/ 'di ni sangs rgyas bcom ldan 'das kyis bka' stsal pa'i rjes su yi rang ba'i phung po kha na ma tho ba med pa'o/ /rigs kyi bu/ gzhan
161b4 yang | byang chub sems dpa' des de bzhin du 'dug ste/ tshig 'di skad ces/ sangs rgyas bcom ldan 'das gang dag kha cig 'jig rten gyi khams dpag tu ma mchis shing grangs
161b5 ma mchis pa rnams su bla na med pa yang dag par rdzogs pa'i byang chub mngon par rdzogs par sangs rgyas te/ chos thams cad ma dmigs nas bdud bzhi'i lam las yang dag par
161b6 'das pa/ brjod du med pa'i chos skyon ma mchis pa brnyes pa/ yi ge dang / brjod pa dang / skad thams cad dang bral ba/ chos ji lta ba bzhin du brnyes pa/ thabs mkhas pas chos
161b7 bzang ba mdzad pa'i slad du ji tsam du brtags pa/ sems can yongs su smin par mdzad pa'i slad du thugs rje chen po chud ma gzan pa/ bskul ba la gzhes pa/ cang mi gsung ba la
162a1 dgyes pa/ byang chub kyi shing la gzigs pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto
162a2 'phye chen po thams cad kyis mngon par bstod de/ dgyes shing bzhugs pa'i sangs rgyas bcom ldan 'das de dag la chos kyi 'khor lo rab tu bskor bar bskul gyi/ sangs rgyas
162a3 bcom ldan 'das rnams kyis chos kyi 'khor lo rab tu bskor du gsol/ 'di lta ste/ chos kyis 'khor lo mi 'jug pa'i chos kyi 'khor lo dang / mngon par mi 'grub pa'i 'khor lo
162a4 dang | tshu rol dang / pha rol yongs su gcod pa'i 'khor lo dang / rten cing 'brel bar 'byung ba zab mo'i 'khor lo dang / bdud phyir rgol ba choms pa'i 'khor lo bskor du gsol/
162a5 brjod du ma mchis pa'i rnga brdung du gsol/ sgra ma mchis pa'i dung bud du gsol/ chos shes pa'i rgyal mtshan dang / tog bsgreng du gsol/ shes rab dang / ye shes dang / rnam
162a6 par grol ba'i sgron ma 'bar bar mdzad du gsol/ thugs rje chen po'i sprin bsdu bar gsol/ chos chen po'i chu'i char ba'i rgyun gyis sems can rnams kyi dge ba'i rtsa ba'i lo
162a7 tog rnam par spel du gsol/ 'phags pa'i ye shes rab dang / ye shes kyi nor gyis sems can thams cad tshim par mdzad du gsol zhes brjod par bya'o/ /rigs kyi bu/ 'di ni
162b1 byang chub sems dpa' sems dpa' chen po'i bskul ba'i phung po kha na ma tho ba med pa'o/ /rigs kyi bu/ gzhan yang / byang chub sems dpa' des de bzhin du 'dug ste/ tshig 'di skad
162b2 ces| sangs rgyas bcom ldan 'das gang dag phyogs bcu'i 'jig rten gyi khams rab 'byams dpag tu ma mchis pa dag na sangs rgyas kyi mdzad pa dag shin tu mdzad pa/ legs par bgyis
162b3 pa'i chos kyi rgyun mi gcod pa/ byang chub sems dpa' rnams shin tu lung bstan pa/ dge 'dun 'phags pa rab tu gnas pa/ gdul ba'i sems can dag shin tu btul ba/ mya ngan las
162b4 'das pa'i bde ba tshol ba/ chos gzung ba 'dzin par mdzad pa'i slad du yongs su mi skyo ba/ yongs su mya ngan las 'da' bar bzhed pa'i sangs rgyas bcom ldan 'das de dag la
162b5 bdag chos kyi dbyings gnas pa'i tshul gyis ji ltar de dag mi skye ba/ ma skyes pa de bzhin du ma 'gags/ mi 'gag /'gag par mi 'gyur bar bzhugs su gsol lo zhes
162b6 brjod par bya'o/ /rigs kyi bu/ 'di ni byang chub sems dpa' rnams kyi gsol ba 'debs pa yod pa ma yin pa len pa med pa kha na ma tho ba med pa'o/ /rigs kyi bu/ gzhan yang /
162b7 byang chub sems dpa' des de bzhin du 'dug ste/ tshig 'di skad ces/ ma mchis bzhin du bdag gis mgos phyag bgyis pa dang / bshags pa dang / rjes su yi rang ba dang /
163a1 bskul ba dang / gsol ba 'debs pa gang lags pa dang / phyag 'tshal ba dang / 'chags pa dang / rjes su yi rang ba dang / bskul ba dang / gsol ba
163a2 'debs pa de'ang ma mchis pa/ len pa ma mchis pa/ 'dus ma bgyis pa'o/ /de ltar phyag 'tshal ba dang / 'chags pa dang / rjes su yi rang ba dang / bskul ba dang / gsol ba
163a3 'debs pa gang lags pa de'ang ma mchis pa/ len pa ma mchis pa/ 'dus ma bgyis pa ste/ de bzhin du byang chub kyang len pa ma mchis pa/ 'dus ma bgyis pa ste/ chos
163a4 nyid de dang / ma chad pa dang / ma lhag pa dang / ma smad pa dang / mnyam pa ma mchis pa dang / mi mtho ba dang / mi dma' ba'i yongs su bsngo bas bla na med pa yang dag
163a5 par rdzogs pa'i byang chub la chos phra rab tsam yang mi dmigs par yongs su bsngo'o zhes brjod par bya'o/ /mig gzugs rnams la mi 'jug ste/ gzugs kyang mig la
163a6 ma yin mod kyi/ 'on kyang dmigs pa'i rgyu rkyen gyis rnam par shes pa 'byung ste/ rnam par shes pa de'ang mig las ma byung / gzugs las kyang ma yin te/ byung nas kyang
163a7 zhig cing med de mi gnas so/ /de bzhin du rna ba la ma yin/ sgra la ma yin/ sna la ma yin/ dri la ma yin/ lce la ma yin/ ro la ma yin/ lus la ma yin/ reg bya la
163b1 ma yin te/ yid chos rnams la mi 'jug /chos rnams kyang yid la mi 'jug mod kyi/ 'on kyang dmigs pa'i rgyu rkyen gyis rnam par shes pa 'byung ste/ de'ang yid las kyang ma byung /
163b2 chos las kyang ma yin te/ de ni byung nas zhig cing med de mi gnas so/ /de bzhin du dge ba'i rtsa ba byang chub la mi 'jug /byang chub kyang dge ba'i rtsa ba la mi 'jug mod kyi/ 'on
163b3 kyang byang chub kyi rgyu rkyen gyis dge ba'i rtsa ba la dmigs pa'i sems bskyed pa rnams kyis skye'o/ /de'ang mi gnas pa ste/ skyes nas zhig cing med do/ /de la sems gang gis dge
163b4 ba'i rtsa ba mngon par 'dus byas pa dang / sems gang gis byang chub tu yongs su bsngos pa'i sems bskyed pa de dag phan tshun du 'brel bar mi byed do/ /'di lta ste/ dper na/
163b5 me ni gang nas kyang ma 'ongs te/ byung nas kyang zhig cing med do/ /de bzhin du byang chub sems dpa' rnams kyi shes rab kyi me'ang gang nas kyang ma 'ongs mod kyi/ 'ongs nas kyang
163b6 dge ba'i rtsa ba la brten nas 'bar te byung nas zhig cing med do/ /ye shes snang ba rab tu thob pa chos rnam par 'byed pa de lta bu dag la blo rnam par mi spyod pa gang yin pa de ni byang
163b7 chub sems dpa'i yongs su bsngo ba'o/ /skyon med par 'jug pa dang / lung bstan pa dang / bzod pa snang ba'i ye shes thob pa rnams par 'byed pa rnams kyi blo rnams par mi dpyod
164a1 pa gang yin pa des sangs rgyas bcom ldan 'das mngon sum du byas te yongs su bsngo bar bya'o/ /ji ltar de bzhin gshegs pa de dag gis shes rab
164a2 kyi pha rol tu phyin pa'i rgyu mthun pa'i thabs mkhas pa'i ye shes kyis byang chub sems dpa' rnams kyi yongs su bsngo ba bshad pa de bzhin du thams cad mkhas pa'i ye shes des yongs
164a3 su bsngo'o/ /rigs kyi bu/ 'di ni byang chub sems dpa' rnams kyi bsngo ba kha na ma tho ba med pa'o/ /'jam dpal gzhon nur gyur pas phung po gsum pa'i bsngo ba 'di bshad
164a4 pa na/ byang chub sems dpa' lnga brgya mi skye ba'i chos la bzod pa thob par gyur to/ /byang chub sems dpa' chos thams cad la dam 'cha' bar gnas pa'ang mgu'o/ /lha
164a5 dang | mi dang / lha ma yin du bcas pa'i 'jig rten yang 'jam dpal gzhon nur gyur pas bshad pa la mngon par bstod do/ /'phags pa phung po gsum pa zhes bya
pa theg pa chen po'i mdo rdzogs so/
CLOSE WINDOW