བོད་ཡིག |
263a3 /'phags pa shes rab kyi pha rol tu phyin pa nyi ma'i snying po theg pa chen po'i mdo rdzogs so// //rgya gar skad du/ AR+ya tsan+d+ra gar+b+ha pra dz+nyA pA ra mi tA
263a4 ma hA yA na sU tra/ bod skad du/ 'phags pa zla ba'i snying po shes rab kyi pha rol tu phyin pa theg pa chen po'i mdo/ sangs rgyas dang / byang chub sems dpa' thams cad la
263a5 phyag 'tshal lo/ /'di skad bdag gis thos pa dus gcig na bcom ldan 'das rgyal po'i khab bya rgod phung po'i ri la dge slong gi dge 'dun chen po tshad med grangs med
263a6 pa dang / byang chub sems dpa' rab tu mang po dang thabs cig tu bzhugs te/ de'i tshe 'khor der byang chub sems dpa' sems dpa' chen po zla ba'i snying po 'dug pa stan
263a7 las langs nas bcom ldan 'das la 'di skad ces gsol to/ /bcom ldan 'das/ byang chub sems dpa' rnams kyis shes rab kyi pha rol tu phyin pa la ji ltar bslab
263b1 par bgyi/ de skad ces gsol pa dang / bcom ldan 'das kyis bka' stsal pa/ zla ba'i snying po/ chos thams cad dngos po dang bral ba gang yin pa de ni/ shes rab kyi pha rol tu
263b2 phyin pa'o/ /'di lta ste/ dper na/ zla ba'i dkyil 'khor ni/ rtog pa med kyang gling bzhir 'khor bar byed cing mun pa rnams rab tu sel to/ /de bzhin du byang chub sems dpa' sems
263b3 dpa' chen po shes rab kyi pha rol tu phyin pa la spyod pa ni/ rtog pa med kyang phyin ci log bzhi rnams la thugs rjes 'khor zhing rang bzhin gyis nyon mongs pa rnams sel bar byed kyang
263b4 mi rtog pa'i phyir ro/ /zla ba'i snying pos gsol pa/ bcom ldan 'das/ byang chub sems dpa'i shes rab kyi pha rol tu phyin pa la du mchis/ bcom ldan 'das kyis bka' stsal pa/
263b5 rigs kyi bu/ byang chub sems dpa'i shes rab kyi pha rol tu phyin pa la rnam pa gnyis te/ zag pa dang bcas pa dang / zag pa med pa'o/ /rigs kyi bu/ de la zag pa dang bcas pa'i
263b6 shes rab ni/ mos pas spyod pa'i sa'i gnas skabs na gzung bar rtog pa dang / 'dzin par rtog pa ste/ de spong bar byed pa ni/ zag pa dang bcas pa'i shes rab kyi pha rol tu phyin
263b7 pa'o| |rigs kyi bu/ de la zag pa med pa'i shes rab kyi pha rol tu phyin pa ni/ mthong ba'i lam gyi rnam par mi rtog pa'i ye shes te/ ye shes de ni/ rtog pa thams cad dang bral
264a1 ba'i phyir na mi rtog pa'i phyir ro/ /rigs kyi bu/ 'di lta ste/ shes rab kyi pha rol tu phyin pa ni/ pha rol dang tshu rol gyi mtha' gang la yang mi gnas pa'i
264a2 phyir ro| |shes rab ni/ gzugs nas rnam pa thams cad mkhyen pa nyid kyi bar du rang bzhin med pas/ shes rab kyi pha rol tu phyin pa rang bzhin med par shes par bya'o/ /gzugs
264a3 la sogs pa'i chos rnams dus gsum du mi dmigs shing ma bcings ma grol bar shes par bya'o/ /rigs kyi bu/ chos thams cad mnyam pa nyid pas/ shes rab kyi pha rol
264a4 tu phyin pa mnyam pa nyid do/ /chos thams cad 'gag pa med pa nyid pas/ shes rab kyi pha rol tu phyin pa 'gag pa med pa nyid do/ /chos thams cad mtshan ma med pas/
264a5 shes rab kyi pha rol tu phyin pa mtshan ma med pa'o/ /chos thams cad skye ba med pas/ shes rab kyi pha rol tu phyin pa skye ba med pa'o/ /chos thams cad chad pa med pas/
264a6 shes rab kyi pha rol tu phyin pa chad pa med pa'o/ /chos thams cad 'ong ba med pas/ shes rab kyi pha rol tu phyin pa 'ong ba med pa'o/ /chos thams cad 'gro ba med pa nyid pas/
264a7 shes rab kyi pha rol tu phyin pa 'gro ba med pa nyid do/ /chos thams cad rtag pa med pas/ shes rab kyi pha rol tu phyin pa rtag pa med pa nyid do/ /chos thams cad tha dad pa
264b1 med pa nyid pas/ shes rab kyi pha rol tu phyin pa tha dad pa med pa nyid do/ /chos thams cad don gcig pa nyid pas/ shes rab kyi pha rol tu phyin pa don gcig pa nyid do/ /chos thams
264b2 cad dngos po med pa'i ngo bo nyid pas/ shes rab kyi pha rol tu phyin pa dngos po med pa'i ngo bo nyid do/ /mdor na thams cad mtshan ma dang / rang bzhin dang / ngo bo nyid las 'das pas
264b3 ni| shes rab kyi pha rol tu phyin pa'o/ /de lta bas na/ shes rab kyi pha rol tu phyin pa'i sngags so/ /tad+ya tha/ oM pra dz+nye pra dz+nye/ mahA pra dz+nye/ tsan+d+ra pra dz+nye/ sarba shA sa ka ri swAhA/ chos rnams
264b4 thams cad rgyu las byung / /de nyid kun rdzob bden pa ste/ /rang bzhin med cing spros med pa/ /de nyid don dam spyod yul lo/ /bcom ldan 'das kyis de skad ces bka' stsal pa dang /
264b5 byang chub sems dpa' zla ba'i snying po dang / thams cad dang ldan pa'i 'khor dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis
gsungs pa la mngon par bstod do/
CLOSE WINDOW