བོད་ཡིག |
93a1 / //rgya gar skad du/ AR+ya bud+ha ma ku TaM nA ma mahA yA na sU traM mahA d+harma ba R+ya yaM/ bod skad du/ 'phags pa sangs rgyas kyi dbu rgyan zhes
93a2 bya ba theg pa chen po'i mdo chos kyi rnam grangs chen po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das
93a3 rgyal po'i khab na/ bya rgod phung po'i ril dge slong gi dge 'dun chen po thams cad kyang dgra bcom pa zag pa zad pa stong nyis brgya lnga bcu'i dge slong rnams dang yang thabs gcig/ byang chub
93a4 sems dpa'i 'khor chen po byams pa dang / 'jam dpal la sogs pa dang / lha dang / klu dang / gnod sbyin dang / dri za dang / drang srong dang / rig sngags 'chang dang / lha'i bu mo'i tshogs
93a5 du ma rnams dang yang thabs gcig tu bzhugs so/ /de nas bcom ldan 'das kyis tshe dang ldan pa 'od srung chen po la bka' stsal pa/ 'od srung chen po/ las dang po pa'i byang chub sems
93a6 dpa' rnams kyi dge ba'i rtsa ba yongs su smin par bya ba'i rgyu rab tu bstan par bya yi/ de'i phyir nyon la lags par rab tu yid la byos shig dang ngas khyod la bshad do/ /bcom ldan 'das
93a7 legs so zhes gsol nas/ tshe dang ldan pa 'od srung chen po bcom ldan 'das la nyan pa dang / bcom ldan 'das kyis bka' stsal pa/ 'do srung chen po/ shar phyogs na sangs rgyas kyi
93b1 zhing 'di nas 'jig rten gyi khams chu bo gang+gA'i bye ma snyed 'das pa na/ 'jig rten gyi khams ting nge 'dzin gyis brgyan pa zhes bya ba yod de/ de na de bzhin gshegs pa dgra bcom pa yang dag
93b2 par rdzogs pa'i sangs rgyas ting nge 'dzin glang po da ma pa'i dpal zhes bya ba da ltar bzhugs shing 'tshol gzhes so/ /'od srung chen po/ sangs rgyas kyi zhing de na byang chub sems dpa' sems
93b3 dpa' chen po rdul med rnam par gnon pa zhes bya ba yod de/ de na de bzhin gshegs pa de 'das pa dang / bla na med pa yang dag par rdzogs pa'i byang chub mngon par rdzogs par 'tshang rgya
93b4 bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rtag tu ting nge 'dzin glang po dam pa'i dpal zhes bya bar 'jig rten du 'byung bar 'gyur ro/ /'od srung
93b5 chen po/ rigs kyi bu'am/ rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i
93b6 sangs rgyas ting nge 'dzin glang po dam pa'i dpal de dang / byang chub sems dpa' sems dpa' chen po rdul med rnam par gnon pa de'i mtshan 'dzin par byed pa de dag ni srid par
93b7 sres pa na tshe rabs dran par 'gyur ro/ /bskal pa brgyar 'khor ba las phyir phyogs par 'gyur ro/ /de dag gis bsod nams kyi phung po dpag tu med pa'ang yongs su bzung bar
94a1 'gyur ro/ /bla na med pa yang dag par rdzogs pa'i byang chub dang nye bar 'thob par yang 'gyur ro/ /'od srung chen po/ shar phyogs na sangs rgyas kyi zhing 'di nas
94a2 'jig rten gyi khams chu bo gang+gA gnyis kyi bye ma snyed 'das pa na/ 'jig rten gyi khams byang chub kyi snying po'i rgyan legs mdzes zhes bya ba yod de/ de na de bzhin gshegs pa
94a3 dgra bcom pa yang dag par rdzogs pa'i sangs rgyas pad+ma dam pa'i dpal zhes bya ba da ltar bzhugs shing 'tsho la gzhes so/ /'od srung chen po/ sangs rgyas kyi zhing de na'ang
94a4 byang chub sems dpa' sems dpa' chen po lag na pad+ma zhes bya ba yod de/ de'ang de bzhin gshegs pa de 'dras pa dang / bla na med pa yang dag par rdzogs pa'i byang chub tu
94a5 mngon pa rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas pad+ma dam pa'i gdugs kyi rgyal po zhes bya bar 'jig
94a6 rten du 'byung bar 'gyur ro/ /'od srung chen po/ rigs kyi bu'am/ rigs kyi bu mo gang su dag de bzhin gshegs pa dgra bcom pa yang dag par rdzogs pa'i sangs rgyas pad+ma
94a7 dam pa'i dpal de dang /byang chub sems dpa' sems dpa' chen po lag na pad+ma de'i ming 'dzin par byed pa de dag ni srid par skyes pa na tshe rabs dran par 'gyur ro/ /pad+ma
94b1 dang 'dra bar 'jig rten thams cad kyi mi dge ba'i chos rnams kyis mi gos par 'gyur ro/ /pad+ma chu'i nang nas byung ba dang 'dra bar mngon par 'phags par 'gyur ro/ /bla na med pa yang
94b2 dag par rdzogs pa'i byang chub las phyir mi ldog par 'gyur ro/ /bskal pa sum cur 'khor ba las phyir phyogs par 'gyur ro/ /bla na med pa yang dag par rdzogs pa'i byang chub dang nye ba
94b3 'thob par yang 'gyur ro/ /de dag gis bsod nams kyi phung po dpag tu med pa'ang yongs su bzung bar 'gyur ro/ /'od srung chen po/ shar phyogs na sangs rgyas kyi zhing 'di nas
94b4 'jig rten gyi khams chu bo gang+gA gsum gyi bye ma snyed 'das pa na/ 'jig rten gyi khams rdul bral bsags pa zhes bya ba yod de/ de na de bzhin gshegs pa dgra bcom pa yang dag par
94b5 rdzogs pa'i sangs rgyas nyi ma'i dkyil 'khor snang ba dam pa'i dpal zhes bya bad ltar bzhugs shing 'tshol gzhes te chos kyang ston to/ /'od srung chen po/ sangs rgyas kyi zhing de na'ang
94b6 byang chub sems dpa' sems dpa' chen po nyi 'od ces bya ba yod de/ de bzhin gshegs pa de 'das nas bla na med pa yang dag par rdzogs pa'i byang chub tu mngon par rdzogs par
94b7 'tshang rgya bar 'gyur zhing / de bzhin gshegs pa dgra bcom pa yang dag par rdzogs pa'i sangs rgyas 'phags pa'i dpal thams cad rdzogs pa mtshan dam pa'i lus kyi sku can
95a1 zhes bya bar 'jig rten du 'byung bar 'gyur ro/ /'od srung chen po/ rigs kyi bu'am/ rigs kyi bu mo byang chub sems dpa'i theg pa la yang dag par zhugs
95a2 pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'phags pa'i dpal dam pa thams cad rdzogs pa mtshan dam pa'i sku
95a3 can de dang / byang chub sems dpa' nyi 'od de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /dge ba'i chos thams cad la nyi ma'i dkyil 'khor
95a4 ltar snang ba thob par 'gyur ro/ /de dag la ngan song gsum po dag tu log par ltung ba'i 'jigs pa'ang med par rig par bya'o/ /bla na med pa yang dag par rdzogs pa'i byang chub
95a5 dang nye ba 'thob par yang 'gyur ro/ /bskal pa stong du 'khor ba las phyir phyogs par yang 'gyur ro/ /bla na med pa yang dag par rdzogs pa'i byang chub las phyir mi ldog par yang
95a6 'gyur ro/ /'od srung chen po/ shar phyogs na sangs rgyas kyi zhing 'di nas 'jig rten gyi khams chu bo gang+gA bzhi'i bye ma snyed 'das pa na/ 'jig rten gyi khams dbang du gyur pa zhes bya ba
95a7 zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i gdugs gcig pa dam pa zhes bya ba da ltar bzhugs shing 'tshol
95b1 gzhes so/ /'od srung chen po/ rigs kyi bu'am/ rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang
95b2 dag par rdzogs pa'i sangs rgyas rin po che'i gdugs gcig pa dam pa de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /rigs ngan rnams su'ang
95b3 skye bar mi 'gyur ro/ /dbul po'i rigs rnams su'ang skye bar mi 'gyur ro/ /gang du skye bar 'gyur ba thams cad du rgyal po'i rigs su skye bar 'gyur ro/ /nam yang phas phongs pa'am/
95b4 mas phongs pa'am/ longs spyod kyis phongs pa'am/ nad kyis nyon mongs par mi 'gyur ro/ /bla na med pa yang dag par rdzogs pa'i byang chub dang nye ba thob par yang 'gyur ro/ /bskal
95b5 pa stong phrag sum cur 'khor ba la phyir phyogs par yang 'gyur ro/ /bla na med pa yang dag par rdzogs pa'i byang chub kyang phyir mi ldog par 'gyur ro/ /'od srung chen po/ shar phyogs na
95b6 'jig rten gyi khams chu bo gang+gA lnga'i bye ma snyed 'das pa na/ 'jig rten gyi khams yongs su dag pa bsags pa zhes bya ba yod de/ de na de bzhin gshegs pa dgra bcom pa yang dag
95b7 par rdzogs pa'i sangs rgyas ting nge 'dzin dam pa rnam par gnon pa'i dpal zhes bya ba da ltar bzhugs shing 'tshol gzhes so/ /'od srung chen po/ de bzhin gshegs pa dgra
96a1 bcom pa yang dag par rdzogs pa'i sangs rgyas ting nge 'dzin dam pa rnam par gnon pa'i dpal de sngon byang chub sems dpa'i spyad pa spyod pa na/ smon lam chen po
96a2 'di lta bu/ 'di skad ces/ rigs kyi bu'am/ rigs kyi bu mo theg pa chen po la yang dag par zhugs pa gang su dag gi ming 'dzin par byed pa de dag srid par skyes pa na skyes shing skyes pa
96a3 thams cad du rab tu byung ba thob par 'gyur ba dang / rab tu byung ba thob nas ting nge 'dzin stong 'thob pa dang / ting nge 'dzin gcig kho nas ting nge 'dzin bye ba khrag khrig brgya stong mngon par
96a4 bsgrub pa dang / ting nge 'dzin de dag las kyang rnam par mi nyams pa dang / 'das pa'i sangs rgyas yongs su mya nas las 'das pa khri po gang dag dang / chos ston pa la lta bar byed
96a5 pa dang / 'das pa'i ji lta ba bzhin du da ltar byung ba'i rnams la'ang de bzhin du 'gyur ba dang / bla na med pa yang dag par rdzogs pa'i byang chub las phyir mi ldog par 'gyur ba dang /
96a6 skyes shing skyes pa thams cad du bskal pa stong stong du 'khor ba las phyir phyogs par 'gyur ba dang / bla na med pa yang dag par rdzogs pa'i byang chub dang nye ba thob par yang 'gyur
96a7 bar btab bo/ /'od srung chen po/ rigs kyi bu'am/ rigs kyi bu mo theg pa chen po la yang dag par zhugs pa gang su dag de bzhin gshegs pa dgra bcom pa yang dag par rdzogs
96b1 pa'i sangs rgyas ting nge 'dzin dam pa rnam par gnon pa'i dpal de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /'jig rten gyi khams rnam par
96b2 bkra ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i dkyil 'khor gzi brjid kyis mngon par 'phags pa'i rgyal po'i
96b3 dpal zhes bya ba da ltar bzhugs shing 'tshol gzhes so/ /'od srung chen po/ rigs kyi bu'am/ rigs kyi bu mo byang chub sems dpa'i theg pa la yang dag par zhugs pa gang su
96b4 dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i dkyil 'khor gyi gzi brjid kyis mngon par 'phags pa'i rgyal po'i dpal
96b5 de'i mtshan 'dzin par byed pa de dag ni srid par skyes pa na tshe rabs dran pa dang / blo gros dang ldan pa dang / shes rab dang ldan pa dang / gzi brjid dang ldan pa dang / mtshan dang ldan par mi
96b6 spro ba de lta bu'i tshig dang / spobs pa mi zlog pa rigs kyi bu'am/ rigs kyi bu mo de dag dang ldan par 'gyur ro/ /de dag chos ston pa na mdun na sangs rgyas kyi gzugs gnas par 'gyur
96b7 ro| |ma thos shing lung ma phog par bye ba khrag khrig grangs med par spro bar mi 'gyur ba de lta bu'i tshig dang / spobs pa mi zlog pa dang ldan par 'gyur ro/ /ci nas kyang bla na med pa yang dag
97a1 par rdzogs pa'i byang chub las phyir mi ldog par 'gyur ba de lta bu'i chos ston par 'gyur ro/ /bskal ba byed ba khrag khrig brgya stong grangs med par 'khor ba las
97a2 phyir phyogs par 'gyur ro/ /de dag gis bsod nams kyi phung po dpag tu med pa'ang yongs su bzung bar 'gyur ro/ /'od srung chen po/ shar phyogs na sangs rgyas kyi zhing 'di nas
97a3 'jig rten gyi khams sangs rgyas kyi zhing stong phrag bzhi bcu 'das pa na/ 'jig rten gyi khams rin chen ldan zhes bya ba yod de/ de na de bzhin gshegs pa dgra bcom pa yang dag
97a4 par rdzogs pa'i sangs rgyas rin chen me tog kun tu snang ba'i dpal zhes bya ba da ltar bzhugs shing 'tshol gzhes so/ /'od srung chen po/ rigs kyi bu'am/ rigs kyu bu mo theg pa
97a5 chen po la yang dag par zhugs pa gang su dag de bzhin gshegs pa dgra bcom pa yang dag par rdzogs pa'i sangs rgyas rin chen me tog kun tu snang ba'i dpal de'i mtshan 'dzin
97a6 par byed pa de dag ni srid par skyes pa na 'dug ste chos ston par 'gyur ro/ /'dod na dzam+bu gling 'di skad kyis go bar byed par 'gyur ro/ /'dod na stong gsum gyi stong chen po'i 'jig
97a7 rten gyi khams 'di skad kyis go bar byed par 'gyur ro/ /chos 'chad pa na sems can gang dag ji ltar mos pa dang / ci nas kyang bla na med pa yang dag par rdzogs pa'i byang chub
97b1 las phyir mi ldog par 'gyur ba de lta bur de dag la chos ston par 'gyur ro/ /bskal pa stong phrag drug cur 'khor ba las rgyab kyis phyogs par 'gyur ro/ /'od srung chen po/ shar phyogs na sangs
97b2 rgyas kyi zhing 'di nas 'jig rten gyi khams stong phrag drug cu 'das pa na/ 'jig rten gyi khams rin po che zhes bya ba yod de/ de na de bzhin gshegs pa dgra bcom pa yang dag par rdzogs pa'i
97b3 sangs rgyas rin po che'i snying po zhes bya ba da ltar bzhugs shing 'tshol gzhes so/ /'od srung chen po/ rigs kyi bu'am/ rigs kyi bu mo theg pa chen po la yang dag par zhugs pa gang
97b4 su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i snying po de'i mtshan 'dzin par byed pa de dag ni srid par skyes pa na tshe rabs
97b5 dran par 'gyur ro/ /rin po che bdun po byang chub kyi yan lag gi rin po che rnams thob par 'gyur ro/ /'od srung chen po/ lho phyogs na sangs rgyas kyi zhing 'di nas sangs rgyas kyi zhing stong phrag sum
97b6 cu 'das pa na/ 'jig rten gyi khams sgra yid du 'ong ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas go 'phang mtha' yas rnam par gnon
97b7 ces bya ba da ltar bzhugs te 'tsho zhing gzhes so/ /'od srung chen po/ rigs kyi bu'am/ rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs
98a1 pa dgra bcom pa yang dag par rdzogs pa'i sangs rgyas go 'phang mtha' yas rnam par gnon pa de'i mtshan 'dzin par byed pa de dag ni srid par skyes pa na tshe rabs
98a2 dran par 'gyur ro/ /byang chub sems dpa'i ting nge 'dzin zla ba'i dkyil 'khor rnam par dag pa zhes bya ba 'thob par 'gyur te/ de la gnas na shar phyogs su chu bo gang+gA'i bye ma snyed kyi
98a3 sangs rgyas bcom ldan 'das mthong bar 'gyur ro/ /de bzhin du lho dang / nub dang / byang dang / shar lho dang / lho nub dang / nub byang dang / byang shar dang / 'og dang / steng gi
98a4 phyogs dang / phyogs bcu kun tu'ang phyogs re rer chu bo gang+gA'i bya ma snyed kyi sangs rgyas bcom ldan 'das mthong bar 'gyur ro/ /de rnams kyis chos bstan pa'ang yang dag par
98a5 shes par 'gyur ro/ /rtag tu sangs rgyas 'byung ba mnyes par byed par 'gyur ro/ /byang chub kyi mthar thug gi bar du sangs rgyas bcom ldan 'das de rnams dang mi 'bral bar 'gyur ro/ /bla
98a6 na med pa yang dag par rdzogs pa'i byang chub las phyir mi ldog par 'gyur ro/ /bskal pa stong phrag sum cu rtsa lngar 'khor ba las phyir phyogs par 'gyur ro/ /de dag gis
98a7 bsod nams kyi phung po dpag tu med pa yongs su bzung bar 'gyur ro/ /'od srung chen po/ lho phyogs na sangs rgyas kyi zhing 'di nas sangs rgyas kyi zhing stong phrag sum cu rtsa lnga
98b1 'das pa na/ 'jig rten gyi khams spos mchog dri zhim zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas spos mchog mtha' yas
98b2 rgyal po zhes bya ba da ltar bzhugs shing 'tshol gzhes so/ /'od srung chen po/ de bzhin gshegs pa spos mchog mtha' yas rgyal pos sngon gyi smon lam 'di skad ces btab
98b3 bo| |sngon smon lam btab pa de gang zhe na/ 'di ltar ste/ rigs kyi bu'am/ rigs kyi bu mo byang chub sems dpa'i theg pa chen po la yang dag par zhugs pa gang su dag bdag gi ming 'dzin
98b4 par byed pa de yon tan 'di lta ste/ skyes shing skyes pa thams cad du tshe rabs dran zhing tshangs par spyod par 'gyur ba dang / skyes bu chen po'i mtshan sum cu rtsa gnyis kyis lus legs
98b5 par brgyan par 'gyur ba dang / sangs rgyas kyi zhing gzhan dag tu snang bar byed cing yang dag par 'gro bar byed la/ bdag gis kyang de dag gi sangs rgyas kyi byang chub rdzogs par bya
98b6 zhing gal te sa chen po 'di mes gang bar gyur na me de'ang bsad la de dag la rin po che dag 'byung bar bya ba dang / slong bar byed pa rnams la ci nas kyang sems can gyi yid mi gcad par
98b7 bya zhing bla na med pa yang dag par rdzogs pa'i byang chub las phyir mi ldog par 'gyur ba dang / bskal pa stong phrag sum cur 'khor ba las phyir phyogs par 'gyur ba dang / de dag gis
99a1 bsod nams kyi phung po yongs su bzung bar 'gyur ba 'di dag 'thob par gsol ba btab bo/ /'od srung chen po/ lho phyogs na sangs rgyas kyi zhing 'di
99a2 nas 'jig rten gyi khams chu bo gang+gA brgyad kyi bye ma snyed 'das pa na/ 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas rin
99a3 chen dam pa zhes bya ba da ltar bzhugs shing 'tsho la gzhes so/ /'od srung chen po/ rigs kyi bu'am/ rigs kyi bu mo byang chub sems dpa'i theg pa chen po la yang dag
99a4 par zhugs pa gang su dag de bzhin gshegs pa dgra bcom pa yang dag par rdzogs pa'i sangs rgyas rin chen dam pa de'i mtshan 'dzin par byed pa de dag ni srid par skyes pa na tshe
99a5 rabs dran par 'gyur ro/ /mngal na 'dug bzhin du sangs rgyas bcom ldan 'das rnams kyis gzigs pa dang / sangs rgyas bcom ldan 'das rnams mthong ba dang / mnyes par
99a6 byed par 'gyur ro/ /de bzhin du sangs rgyas bcom ldan 'das de dag gi zhal nas/ rigs kyi bu/ khyod bla na med pa yang dag par rdzogs pa'i byang chub tu nges par byung ba yin no/ /
99a7 rigs kyi bu/ khyod bla na med pa yang dag par rdzogs pa'i byang chub las phyir mi ldog pa yin no/ /rigs kyi bu/ khyod mngal na 'dug bzhin du lha dang / klu dang / gnod sbyin gzhan
99b1 dag kyang bla na med pa yang dag par rdzogs pa'i byang chub tu yongs su smin par byed par 'gyur ro/ /bskal pa stong du 'khor ba las phyir phyogs par byed par 'gyur ro zhes gsung ngo / /de dag gis bsod
99b2 nams kyi phung po dpag tu med pa yongs su bzung bar 'gyur ro/ /'od srung chen po/ nub phyogs na sangs rgyas kyi zhing 'di nas 'jig rten gyi khams chu bo gang+gA gsum gyi bye ma snyed
99b3 'das pa na/ 'jig rten gyi khams legs par rnam par phye ba rnam par 'byed pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mthu
99b4 snang che zhes bya ba da ltar bzhugs shing 'tsho la gzhes so/ /'od srung chen po/ rigs kyi bu'am/ rigs kyi bu mo theg pa chen po la yang dag par zhugs pa gang su dag bcom ldan 'das
99b5 de bzhin gshegs pa dgra bcom pa yang dag par rdzogs pa'i sangs rgyas mthu snang che de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /byang chub
99b6 sems dpa'i ting nge 'dzin nyi ma'i dkyil 'khor snang ba dam pa'i dpal zhes bya ba'ang thob par 'gyur te/ de la gnas nas sangs rgyas kyi zhing chu bo gang+gA'i bye ma snyed kyi sangs rgyas
99b7 kyi zhing rnams dang / sangs rgyas bcom ldan 'das de rnams kyang mthong bar 'gyur ro/ /'od srung chen po/ de ltar na mi pham pa dang 'dra ba'i byang chub sems dpa' rnams kyi yon
100a1 tan gang dag yin pa'i yon tan gyi phan yon de dag de la 'byung bar 'gyur ro/ /'od srung chen po/ bud med gang zhig de bzhin gshegs pa de'i mtshan 'dzin
100a2 par byed pa'ang de'i bud med kyi dngos po mtha' ma'ang de yin te/ de nas shi 'phos nas skyes pa'i dngos po 'thob par 'gyur ro/ /de ltar na de bzhin gshegs pa mthu 'od chen po de'i
100a3 mtshan 'dzin pa ni don chen po byed pa yin no/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /bud med kyis kyang drang srong chen po de yi mtshan
100a4 thos na/ /bud med dngos po de sgyur skyes bu mkhas pa'i dngos por 'gyur/ /lus can kun la phan phyir byang chub dam par 'tshang rgya zhing / /lha dang bcas pa'i 'jig rten dag gi rten
100a5 dang dpung gnyen 'gyur/ /'od srung chen po/ rigs kyi bu'am/ rigs kyi bu mo theg pa chen po la yang dag par zhugs pa gang su dag mtshan 'di 'dzin par byed pa de dag ni srid par
100a6 skyes pa na tshe rabs dran par 'gyur ro/ /bskal pa grangs med par 'khor ba las phyir phyogs par 'gyur ro/ /de dag la bsod nams kyi phung po dpag tu med pa'ang 'byung bar
100a7 'gyur ro/ /bla na med pa yang dag par rdzogs pa'i byang chub dang nye ba thob par yang 'gyur ro/ /'od srung chen po/ byang phyogs na sangs rgyas kyi zhing 'di nas pha rol na de bzhin gshegs
100b1 ba dgra bcom pa yang dag par rdzogs pa'i sangs rgyas rin chen dam pa zhes bya ba da ltar bzhugs shing 'tsho la gzhes so/ /'od srung chen po/ rigs kyi bu'am/ rigs kyi bu mo theg pa chen
100b2 po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dam pa de'i mtshan 'dzin par byed pa de dag
100b3 ni bsod nams chen po skyed par 'gyur te/ 'od srung chen po/ rigs kyi bu'am/ rigs kyi bu mo theg pa chen po la yang dag par zhugs pa gang zhig gis sangs rgyas bcom ldan 'das rnams
100b4 la ri'i rgyal po ri rab lta bu de tsam gyi gser gyi phung po 'bul zhing gtong la 'jog par byed cing de lta bur dbul ba 'bul bar byed pa'ang lo bye ba khrag khrig brgya stong du dbul ba
100b5 'bul bar byed pa bas ni sangs rgyas kyi mtshan yongs su bzung ba'i dge ba'i rtsa ba 'di la brgya'i char yang nye bar mi 'gro /stong dang / brgya stong dang / grangs dang / bgrang ba dang / dper
100b6 yang nye bar mi 'gro ste/ de bzhin gshegs pa dgra bcom pa yang dag par rdzogs pa'i sangs rgyas rin chen dam pa'i mtshan 'dzin par byed pa rnams la gal te yod pa mchog ni
100b7 'di kho na yin no/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /'jig rten gyi ni mgon po 'od mdzad pa/ /de dag dus dang dus min mkhyen
101a1 pa yis/ /sems can thams cad dag la phan mdzad pa/ /de dag shar dang lho dang nub dang ni/ /byang gi phyogs rnams dag na rab bzhugs pa/ /skyes bu
101a2 rnams kyi gtso bo de dag la/ /nyin par dang ni mtshan mo dag tu yang / /gus dang bcas pas thal sbyar phyag byos shig /mi yi dam pa gang dag ni/ /bskal pa stong na 'byung ba yi/ /
101a3 mchog tu rnyed dka' de la yang / /phyag byas mngon shes ci zhig yod/ /sangs rgyas bkur sti byed 'dod dang / /rdzogs pa'i byang chub 'dod pa nyid/ /des ni sangs rgyas rnams kyi mtshan/ /rgyal
101a4 bas bshad pa 'di mnyan bya/ /sangs rgyas ye shes bskyed pa la/ /nam yang som nyi mi za ste/ /dge ba'i rtsa ba de yis ni/ /ye shes bsam yas 'di 'thob bo/ /gang zhig rtag tu
101a5 sangs rgyas la/ /mchod pa bsam yas byed 'dod pa/ /de yis sangs rgyas mtshan thos nas/ /gzhan dag la ni rab bstan bya/ /gang zhig sems can bye ba dag /srid pa spangs par
101a6 dgrol 'dod pa/ /de yis sangs rgyas mtshan thos na/ /mi nyid du ni de mi skye/ /gang zhig zhing ni bye ba dag /rkang pa'i mthe bos bsgul 'dod pa/ /de yis sangs rgyas mtshan thos nas/ /
101a7 skye bo mang la de bstan bya/ /gang zhig sangs rgyas rnams kyi 'di 'dzin de/ /rgyal ba 'dren pa mang po mchod pas na/ /des ni skye ba gcig gis ma yin la/ /bcu yis ma yin nyi
101b1 shus ma yin no/ /'jig rten 'di ni gang+gA'i bye snyed kyi/ /rin chen gser gyi mdog gis bkang 'bul bas/ /gang zhig sangs rgyas mchog gi mtshan thos na/ /sbyin phung de yis brgya yi
101b2 char mi phod/ /gang zhig sangs rgyas mtshan 'di thos nas 'dzin/ /de dag mir gyur mchog ni legs par rnyed/ /de mi'i 'jig rten dbyangs kyi yan lag ldan/ /rab tu 'byung ba legs
101b3 rnyed zas legs spyad/ /bcom ldan 'das kyis de skad ces bka' stsal pa dang / dge slong de dag dang / byang chub sems dpa' de dag dang / gnas brtan 'od srung chen po dang /
101b4 lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la rjes su yi rangs nas mngon par bstod do/ /theg pa chen po shin tu rgyas pa'i
101b5 mdo las/ 'phags pa sangs rgyas kyi dbu rgyan zhes bya ba theg pa chen po'i mdo'i chos kyi rnam grangs chen po rdzogs so// //rgya gar gyi mkhan po shAkya sid+ha dang / lots+tsha
ba ban+de ben+d+ra rak+Shi tas bsgyur cing zhus te gtan la phab pa/
CLOSE WINDOW