བོད་ཡིག |
58a6 / //rgya gar skad du/ AR+ya a tsin+t+ya rA dza sU tra nA ma mahA yA na sU tra/ bod skad du/ 'phags
58a7 pa bsam gyis mi khyab pa'i rgyal po'i mdo zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis
58b1 thos pa dus gcig na/ bcom ldan 'das yul ma ga d+ha na chos kyi dbye dgon pa na/ byang chub kyi snying po na seng ge'i khri rdo rje dang / nor bu rin po ches spras pa'i pad+ma'i snying po'i gdan
58b2 la bzhugs te/ byang chub sems dpa' chen po'i dge 'dun phyogs bcu'i sangs rgyas kyi zhing brjod du med pa'i yang brjod du med pa bye ba khrag khrig phrag 'bum gyi rdul phra rab snyed
58b3 kyi byang chub sems dpa' sems dpa' chen po rnams dang thabs gcig tu bzhugs so/ /de nas byang chub sems dpa' sems dpa' chen po bsam gyis mi khyab pa'i rgyal po zhes
58b4 bya bas/ byang chub sems dpa' sems dpa' chen po de dag la smras pa/ kye rgyal ba'i sras dag/ bcom ldan 'das de bzhin gshegs pa dgra bcom pa yang dag par rdzogs
58b5 pa'i sangs rgyas shAkya thub pa'i sangs rgyas kyi zhing mi mjed kyi 'jig rten gyi khams 'di'i bskal pa gcig gang yin pa de ni de bzhin gshegs pa dgra bcom pa yang dag
58b6 par rdzogs pa'i sangs rgyas tshe dpag med kyi sangs rgyas kyi zhing bde ba can gyi 'jig rten gyi khams kyi nyin zhag gcig go /kye rgyal ba'i sras dag /de bzhin gshegs pa dgra
58b7 bcom pa yang dag par rdzogs pa'i sangs rgyas tshe dpag med kyi sangs rgyas kyi zhing bde ba can gyi 'jig rten gyi khams kyi bskal pa gcig gang yin pa de ni de bzhin gshegs
59a1 pa dgra bcom pa yang dag par rdzogs pa'i sangs rgyas rdo rje rab tu 'joms pa'i sangs rgyas kyi zhing gi nyin zhag gcig go /kye rgyal ba'i sras dag /
59a2 de bzhin gshegs pa dgra bcom pa yang dag par rdzogs pa'i sangs rgyas rdo rje rab tu 'joms pa'i sangs rgyas kyi zhing gi bskal pa gcig gang yin pa de ni de bzhin gshegs
59a3 pa dgra bcom pa yang dag par rdzogs pa'i sangs rgyas 'od zer shin tu stug po pad+ma rab tu rgyas pa'i sku'i sangs rgyas kyi zhing gi nyin zhag gcig go /kye rgyal ba'i sras dag /
59a4 de bzhin gshegs pa dgra bcom pa yang dag par rdzogs pa'i sangs rgyas 'od zer shin tu stug po pad+ma rab tu rgyas pa'i sku'i sangs rgyas kyi zhing gi bska pa gcig gan gyin
59a5 pa de ni de bzhin gshegs pa dgra bcom pa yang dag par rdzogs pa'i sangs rgyas chos kyi rgyal mtshan gyi sangs rgyas kyi zhing gi nyin zhag gcig go /kye rgyal ba'i sras
59a6 dag| de bzhin gshegs pa dgra bcom pa yang dag par rdzogs pa'i sangs rgyas chos kyi rgyal mtshan gyi sangs rgyas kyi zhing gi bskal pa gcig gang yin pa de ni de
59a7 bzhin gshegs pa dgra bcom pa yang dag par rdzogs pa'i sangs rgyas seng ge'i sangs rgyas kyi zhing gi nyin zhag gcig go /kye rgyal ba'i sras dag /de bzhin gshegs
59b1 pa dgra bcom pa yang dag par rdzogs pa'i sangs rgyas seng ge'i sangs rgyas kyi zhing gi bskal pa gcig gang yin pa de ni de bzhin gshegs pa dgra bcom pa yang dag par rdzogs pa'i
59b2 sangs rgyas rnam par snang mdzad kyi sangs rgyas kyi zhing gi nyin zhag gcig go /kye rgyal ba'i sras dag /de bzhin gshegs pa dgra bcom pa yang dag par rdzogs pa'i sangs rgyas
59b3 rnam par snang mdzad kyi sangs rgyas kyi zhing gi bskal pa gcig gang yin pa de ni de bzhin gshegs pa dgra bcom pa yang dag par rdzogs pa'i sangs rgyas chos kyi 'od zer me tog
59b4 rab tu rgyas pa'i sku'i sangs rgyas kyi zhing gi nyin zhag gcig go /kye rgyal ba'i sras dag/ de bzhin gshegs pa dgra bcom pa yang dag par rdzogs pa'i sangs rgyas chos kyi 'od
59b5 zer me tog rab tu rgyas pa'i sku'i sangs rgyas kyi zhing gi bskal pa gcig gang yin pa de ni de bzhin gshegs pa dgra bcom pa yang dag par rdzogs pa'i sangs rgyas ye shes 'od
59b6 zer rgyal po'i sangs rgyas kyi zhing gi nyin zhag gcig go /kye rgyal ba'i sras dag /de bzhin gshegs pa dgra bcom pa yang dag par rdzogs pa'i sangs rgyas ye shes 'od
59b7 zer rgyal po'i sangs rgyas kyi zhing gi bskal pa gcig gang yin pa de ni de bzhin gshegs pa dgra bcom pa yang dag par rdzogs pa'i sangs rgyas zla ba'i blo gros kyi sangs rgyas
60a1 kyi zhing gi nyin zhag gcig go /kye rgyal ba'i sras dag /'di ltar bskal pa bgrang ba'i thabs 'di lta bu'i tshul gyis rtsis pa'i 'jig rten gyi khams
60a2 sangs rgyas kyi zhing bcu'i rgya mtsho'i rdul phra rab snyed kyi sangs rgyas kyi zhing 'das pa'i tha ma 'jig rten gyi khams pad+ma'i dpal zhes bya ba na/ bcom ldan 'das de bzhin
60a3 gshegs pa dgra bcom pa yang dag par rdzogs pa'i sangs rgyas rgyal ba bzang po'i dpal bzhugs pa'i sangs rgyas kyi zhing gi nyin zhag gcig go /kye rgyal ba'i sras
60a4 dag| de bzhin gshegs pa dgra bcom pa yang dag par rdzogs pa'i sangs rgyas rnams kyi mtshan 'di dag ni byang chub sems dpa' sems dpa' chen po kun tu bzang
60a5 po'i spyod pa can/ dge ba'i bshes gnyen gyis yongs su zin pa'i byang chub sems dpa' sems dpa' chen po rnams kyis thos par 'gyur gyi/ gzhan dag gis ni thos
60a6 par mi 'gyur ro/ /bcom ldan 'das kyis de skad ces bka' stsal nas/ byang chub sems dpa' sems dpa' chen po bsam gyis mi khyab pa'i rgyal po dang / thams cad dang ldan
60a7 pa'i 'khor de dag dang / byang chub sems dpa' sems dpa' chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan
60b1 'das dang / byang chub sems dpa' sems dpa' chen po bsam gyis mi khyab pa'i rgyal pos gsungs pa la mngon par bstod do/ /'phags pa bsam gyis mi khyab pa'i rgyal po'i mdo
zhes bya ba theg pa chen po'i mdo rdzogs so/
CLOSE WINDOW