བོད་ཡིག |
24a2 rgya gar skad du/ AR+ya nAk+Sha ra ka raN+Da ka bai ro tsa na gar+b+ha nA ma ma hA yA na sU tra/
24a3 bod skad du/'phags pa yi ge med pa'i za ma tog rnam par snang mdzad kyi snying po zhes bya ba theg pa chen po'i mdo/ sangs rgyas dang / byang chub sems dpa' thams
24a4 cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ril dge slong gi dge 'dun chen po dang
24a5 thabs cig tu bzhugs so/ /byang chub sems dpa' bye ba khrag khrig brgya stong du ma thams cad kyang rgya chen po shes pa/ thabs la mkhas pa/ gsal ba/ le lo med pa/
24a6 yi ge sgrub pa la mkhas pa/ gnas dang gnas ma yin pa khong du chud par byed pa/ rnam par grol ba phun sum tshogs pa/ 'dul ba'i myu gu dang ldan pa/ ngo tsha shes
24a7 pa'i yan lag dang ldan pa/ snying rje'i bdag nyid can/ sems can la mnyes gshin pa/ ting nge 'dzin mang po dang ldan pa/ shes rab kyi lag pa dang ldan pa/ bla ma la
24b1 su zhu che ba/ byang chub sems dpa' sems dpa' chen po rin po che'i gling dang mtshungs pa/ dge ba dang mi dge ba shes pa/ g.yo khong du chud par byed pa/ nges pa'i tshig dang
24b2 spobs pa zad mi shes pa zung khong du chud par byed pa/ rnam par rgyal ba thob pa/ sems can thams cad la khong du chud par byed pa/ yang dag pa'i mtha' las byung zhing brten
24b3 pa| shin tu dpa' ba/ gnas pa med pa/ chos bla ma'i rang bzhin la nges pa/ rang bzhin med pa'i khyad par sems pa/ snying po la dpa' ba/ skye ba la smod pa'i skyes bu/ chos
24b4 khong du chud par byed pa/ mtshan gyi gzhi shes pa/ yul 'khor srung ba/ yul 'khor skyong ba/ sgra grags pa/ rgyal ba'i sgra dang ldan pa/ rnam par rgyal ba'i mdzod dang ldan pa/
24b5 yi ge med pa'i snying po dang ldan pa/ shin tu gnyid kyis ma log pa/ ye shes kyi phung po la gzhol ba/ rang gi las la mngon par dga' ba/ rang gi rig pa sten pa/ kun tu bzang
24b6 ba| mnyam pa nyid la dga' ba/ rnam par dag ba/ rang gi rgyud dang / pha rol gyi rgyud rnam par sbyong bar byed pa/ rnam par rgyal ba thob pa sha stag la 'di lta ste/ byang chub sems
24b7 dpa' sems dpa' chen po rnam par rgyal ba'i dbyangs dang / byang chub sems dpa' sems dpa' chen po chos sgrog dang / byang chub sems dpa' sems dpa' chen po
25a1 rgyal ba'i gnas dang / byang chub sems dpa' sems dpa' chen po chos kyi sprul ba dang / byang chub sems dpa' sems dpa' chen po stong gi 'byung
25a2 gnas dang / byang chub sems dpa' sems dpa' chen po smon lam brtsegs dang / byang chub sems dpa' sems dpa' chen po khyad par sems dang / byang chub sems
25a3 dpa' sems dpa' chen pos 'dzin dang / byang chub sems dpa' sems dpa' chen po 'gro ba 'dzin dang / byang chub sems dpa' sems dpa' chen po sa'i sgra dbyangs
25a4 dang / byang chub sems dpa' sems dpa' chen po spobs pa phun sum tshogs pa dang / byang chub sems dpa' sems dpa' chen po shin tu brtsegs dang / byang chub sems
25a5 dpa' sems dpa' chen po pad+ma'i 'dab ma'i mig dang / byang chub sems dpa' sems dpa' chen po pad+ma'i gdong dang / byang chub sems dpa' sems dpa' chen po gtsug
25a6 na nor bu dang thabs cig go /byang chub sems dpa' sems dpa' chen po 'jam pa'i dbyangs ni/ byang chub sems dpa' sems dpa' chen po bgrang ba las 'das pa thams
25a7 cad kyang gzhon nur gyur pa sha stag dang lhan cig/ byang chub sems dpa' sems dpa' chen po byams pa ni/ byang chub sems dpa' sems dpa' chen po thams cad
25b1 kyang rgyal tshab tu gyur pa gang+gA'i klung gi bye ma snyed dang lhan cig/ byang chub sems dpa' sems dpa' chen po khyad par sems ni/ brgya byin du ma dang lhan cig/ byang chub
25b2 sems dpa' sems dpa' chen po kun tu bzang po dang / byang chub sems dpa' sems dpa' chen po nam mkha'i snying po dang / rgyal po chen po bzhi ni/ 'khor los bsgyur ba
25b3 du ma dag dang lhan cig/ byang chub sems dpa' sems dpa' chen po mthu chen thob dang / byang chub sems dpa' sems dpa' chen po spyan ras gzigs dbang phyug na /tshangs
25b4 pa du ma dag dang lhan cig/ byang chub sems dpa' sems dpa' chen po mthong ba don yod ni/ 'khor rnam thos kyi bu du ma dag dang lhan gcig /byang chub sems dpa' sems
25b5 dpa' chen po skar ma'i rgyal po ni/ 'jig rten skyong ba lhag ma rnams dang lhan cig/ byang chub sems dpa' sems dpa' chen po yid gnyis 'groms dang / byang chub
25b6 sems dpa' sems dpa' chen po sgrib pa thams cad rnam par sel ba ni/ de bzhin gshegs pa byang chub sems dpa'i cha byad 'dzin pa du ma dang lhan cig/ shA ra dwa ri'i
25b7 bu dang / maud+gal gyi bu dang / 'od srung chen po la sogs pa dgra bcom pa thams cad dang lhan cig/ byang chub sems dpa' sems dpa' chen po dge mang dang / byang chub sems dpa'
26a1 sems dpa' chen po khyad par sems ni/ lha'i bu mo stong phrag du ma dag dang lhan cig cing / byang chub sems dpa' sems dpa' chen po sman gyi rgyal
26a2 po dang / byang chub sems dpa' sems dpa' chen po sman yang dag byung dang / phyogs bcu'i 'jig rten gyi khams gang+gA'i klung gi bye ma snyed na zla ba dang nyi ma rang gi
26a3 gzi brjid snyems pa ji snyed pa de dag thams cad bcom ldan 'das ga la ba der dong ste gang gi tshe bcom ldan 'das kyi spyan sngar 'khod pa de'i tshe dzam+bu'i chu po'i gser
26a4 gyi mdun du snag tsha'i yug bzhag pa de bzhin du zla ba dang nyi ma de dag bcom ldan 'das kyi spyan sngar phyir zhing mi mdzes/ phyir zhing mi 'bar/ phyir zhing lam me ma yin/
26a5 phyir zhing lhan ne ma yin/ phyir zhing lhang de ma yin no/ /sred med kyi bu la sogs pa lha'i tshogs ji snyed pa dang / klu'i rgyal po chu lha dang / 'jog po dang / ma dros pa la sogs
26a6 pa klu'i rgyal po 'khor dang bcas pa thams cad dang / dri za'i bdag po shin tu yid du 'ong ba ni/ dri za bye ba phrag du ma dang lhan cig/ nam mkha' lding gi rgyal po dri ma med
26a7 pa chen po ni/ nam mkha'i lding bye ba phrag bdun dang lhan cig tu bcom ldan 'das ga la ba der dong ngo / /phyogs bcu'i 'jig rten gyi khams gang+gA'i klung gi bye ma
26b1 snyed na byang chub sems dpa' ji snyed 'khod pa de dag rang rang gi de bzhin gshegs pa las gnang ba mnos te 'khor bzhi dag dang lhan cig dong nas bcom ldan 'das dang / byang chub sems dpa' de dag la'ang 'jig rten las 'das pa'i mchod pa byas nas rang rang gi pad+ma'i stan la 'khod ngo /
26b2 /de nas bcom ldan 'das la byang chub sems dpa'
26b3 sems dpa' chen po khyad par sems kyis 'di skad ces gsol to/ /gal te bdag la bcom ldan 'das kyis gnang na bcom ldan 'das la yi ge gnyis shig zhu lags so/ /
26b4 bcom ldan 'das kyis bka' stsal pa/ ngas gnang gi/ khyad par sems/ khyod ci bsam pa de bzhin gshegs pa la dris shig /de bzhin gshegs pa ni/ sems can
26b5 gcig gi don gyi phyir 'dir byung ba ma yin gyi/ nga ni/ khyed kyi don gyi phyir 'dir byung ngo / /de nas bcom ldan 'das la byang chub sems dpa' sems dpa' chen po khyad
26b6 par sems kyis 'di skad ces gsol to/ /bcom ldan 'das/ byang chub sems dpas gang spang bar bgyi ba'i chos gcig po de gang lags/ bcom ldan 'das/ byang chub
26b7 sems dpas gang bsrungs na/ bslab pa'i gzhi thams cad yongs su bzung bar 'gyur ba'i chos gcig po de gang lags/ bcom ldan 'das/ de bzhin gshegs pas
27a1 gang mngon par rdzogs par sangs rgyas ba'i chos gcig po de gang lags/ de skad ces gsol ba dang / bcom ldan 'das kyis byang chub sems dpa'
27a2 khyad par sems la legs so/ /zhes bya ba byin te/ tshangs pa/ de skad ces smras ba ni/ legs so/ /legs so/ /rigs kyi bu/ de bzhin gshegs pa'i byin gyi rlabs kyis
27a3 sbobs pa 'di lta bu byung ngo / /rigs kyi bu/ de bzhin gshegs pas byin gyis brlabs pa ma mdzad na/ de bzhin gshegs pa la su'ang zhu ba 'di lta bu zhu bar mi
27a4 'gyur ro/ /khyad par sems/ de'i phyir khyod legs par nyon la yid la zungs shig dang ngas khyod la bshad do/ /bcom ldan 'das kyis de skad ces bka' stsal
27a5 nas byang chub sems dpa' khyad par sems kyis bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /rigs kyi bu/
27a6 byang chub sems dpas chos gcig gang spang bar bya ba'i chos gcig pho gang zhe na/ 'di lta ste/ 'dod chags kyi chos te/ rigs kyi bu/ 'di ni/ spang bar bya ba'i chos
27a7 gcig go/ yang spang bar bya ba'i chos gcig ste/ 'di ltar zhe sdang gi chos te/ 'di ni/ spang bar bya ba'i chos gcig go/ yang spang bar bya ba'i chos gcig ste/ 'di ltar
27b1 gti mug gi chos te/ 'di ni/ spang bar bya ba'i chos gcig go/ yang spang bar bya ba'i chos gcig ste/ 'di ltar bdag tu 'dzin pa ste/ 'di ni/ spang bar bya ba'i chos gcig
27b2 go /yang spang bar bya ba'i chos gcig ste/ 'di ltar le lo ste/ 'di ni/ spang bar bya ba'i chos gcig go /yang spang bar bya ba'i chos gcig ste/ 'di ltar rmugs pa dang gnyid
27b3 de| 'di ni/ spang bar bya ba'i chos gcig go /yang spang bar bya ba'i chos gcig ste/ 'di ltar sred pa ste/ 'di ni/ spang bar bya ba'i chos gcig go/ rigs kyi bu/ yang byang
27b4 chub sems dpas spang bar bya ba'i chos gcig ste/ 'di ltar ma rig pa ste/ rigs kyi bu/ 'di ni/ byang chub sems dpas spang bar bya ba'i chos gcig go/ rigs kyi bu/
27b5 gang byang chub sems dpas rtag par rgyun du mngon par bsrung bar bya ba'i chos gcig po de gang zhe na/ rigs kyi bu/ byang chub sems dpas gang bdag mi 'dod pa de
27b6 gzhan dag la mi bya'o/ /rigs kyi bu/ byang chub sems dpa'i gang la la zhig chos gcig po de bsrungs na/ des de bzhin gshegs pa'i bslab pa'i gzhi thams cad
27b7 srung bar 'gyur ro/ /de ci'i phyir zhe na/ rigs kyi bu/ gang bdag gi srog phangs par 'dzin pa de srog mi gcod do/ /gang bdag gi nor phangs par 'dzin pa de ma byin
28a1 par mi len to/ /gang bdag gi chung ma phangs par 'dzin pa de gzhan gyi chung ma'i gan du mi 'gro'o/ /rigs kyi bu/ de la sogs te/ gang la la zhig 'di
28a2 snyam du de bzhin gshegs pa'i bka' bzhin du bya'o snyam du sems pa des chos gcig po 'di bsrung bar bya'o/ /zhes bshad do/ /de ci'i phyir zhe na/ rigs kyi bu/
28a3 gang la la bla na med pa yang dag par rdzogs par byang chub don du gnyer ba de thams cad ni/ rang gi bde ba'i rgyu don du gnyer gyi/ su'ang bdag sdug bsngal ba mi 'dod
28a4 do| |'gro ba ni/ bde ba 'dod ces bya ba'i tha tshig go /gang khyed cag mi 'dod pa de gzhan dag la ma byed cig ces nga smra'o/ /rigs kyi bu/ 'di ni/ gang byang chub
28a5 sems dpas rtag par rgyun du mngon par bsrung bar bya ba'i chos gcig go /rigs kyi bu/ gang de bzhin gshegs pas mngon par rdzogs par sangs rgyas pa'i
28a6 chos gcig po de gang yin zhes de skad zer ba ni/ rigs kyi bu/ gang de bzhin gshegs pas mngon par rdzogs par sangs rgyas pa'i chos gcig po de gang yang med do//
28a7 rigs kyi bu/ gang la chos gang yang rtogs pa med pa de/ de bzhin gshegs pas mngon par rdzogs par sangs rgyas pa'o/ /rigs kyi bu/ yang de bzhin gshegs
28b1 pas chos thams cad ma skyes par thugs su chud do/ /de bzhin gshegs pas chos thams cad 'gag pa med par thugs su chud do/ /rigs kyi bu/ yang de bzhin gshegs
28b2 pas chos thams cad mtha' gnyis las grol bar thugs su chud do/ /rigs kyi bu/ de bzhin gshegs pas chos thams cad ma byung bar thugs su chud do/ /rigs kyi bu/ de
28b3 bzhin gshegs pas las bdag gir bya bar thugs su chud do/ /de bzhin gshegs pas chos thams cad rgyu dang rkyen la rag las par thugs su chud do/ /rigs kyi bu/ de
28b4 bzhin gshegs pas rgyu dang rkyen ni/ glog dang 'dra bar thugs su chud do/ /de bzhin gshegs pas rgyu dang rkyen med pa las skye ba med par thugs su chud do/ /de ltar de
28b5 bzhin gshegs pas rnam par snang mdzad kyi snying po'i chos nyid thugs su chud do/ /ci'i phyir yongs su rtog pa dag rnam par snang mdzad kyi snying po zhes smra zhe na/ rigs kyi
28b6 bu| 'jig rten pa dang / 'jig rten las 'das pa'i ye shes la sogs pa gang dag ci 'byung ba'i mngal de yin pa'i phyir ro/ /gang gi tshe ye shes de rang bzhin la yongs su
28b7 rtog pa de'i tshe shes rab kyi pha rol tu phyin pa'i ni mngal du chud pa yin te/ de'i tshe rnam par snang mdzad kyi snying po zhes bya ba'i ming thob bo/ /rigs kyi bu/ yang de bzhin gshegs
29a1 pas chos thams cad sgyu ma dang smig rgyu dang 'dra bar thugs su chud do/ /de bzhin gshegs pas rang bzhin gyis rnam par grol ba'i rang gi chos nyid thugs
29a2 su chud do/ /rnam par grol ba gang yin pa de rnam par snang mdzad kyi snying po'i chos nyid do/ /rigs kyi bu/ yang de bzhin gshegs pas chos kyi sgo gcig thugs su chud do/ /
29a3 rigs kyi bu/ gang la 'gro ba med pa dang / 'ong ba med pa dang / rgyu med pa dang / rkyen med pa dang / 'chi 'pho med pa dang / skye ba med pa dang / blang nga med pa dang / dor ba med pa dang /
29a4 'grib pa med pa dang / 'phel ba med pa dang / rigs kyi bu/ gang rang bzhin gyis rang bzhin med de/ gang la dper bya bar mi nus pa dang / gang yi ge dang nges pa'i tshig gis
29a5 brjod par mi nus pa'i chos kyi sgo gcig po de de bzhin gshegs pas thugs su chud do/ /bkod pa'i rgyal po bstan pa yi ge med pa'i za ma tog rnam par snang mdzad kyi
29a6 snying po'i chos kyi rnam grangs 'di bshad pa na sa bcu la gnas pa'i byang chub sems dpa'i mig la rdul phra rab ji snyed snang bar 'gyur ba de snyed kyi sems can rnams
29a7 kyis bla na med pa yang dag par rdzogs pa'i byang chub tu sems bskyed do/ /de snyed cig gis dgra bcom pa nyid mngon du byas so/ /de bas ches mang ba'i sems can
29b1 dang / sems can dmyal ba nas shi 'phos nas lha dang mir skyes so/ /byang chub sems dpa' du ma ni/ sa thob par gyur to/ /byang chub sems dpa' du ma ni/ ting nge 'dzin brgya stong
29b2 mngon du gyur to/ /mang du ci dgos te gtam 'di ni/ su la'ang don med par ma gyur to/ /de nas bcom ldan 'das kyis tshe dang ldan pa sgra gcan zin la bka' stsal pa/ sgra gcan
29b3 zin| khyod nga'i chos kyi tshul 'di gzung bar spro bar gyis shig / bcom ldan 'das kyis bka' stsal ma thag tu sangs rgyas kyi mthus 'khor de nas byang chub sems dpa' bye ba phrag
29b4 dgu stan las langs te bcom ldan 'das la 'di skad ces gsol to/ /bcom ldan 'das/ de bzhin gshegs pa'i chos kyi tshul 'di bdag cag gis gzung bar bgyi'o/ /slad
29b5 ma'i tshe slad ma'i dus na byang chub sems dpa'i snod du 'tshal bar bgyis la/ 'jig rten gyi khams mi mjed du yang dag par bshad par bgyi'o/ /rgyal po chen po bzhis
29b6 bcom ldan 'das la 'di skad ces gsol to/ /bcom ldan 'das/ bdag cag gis gang dag 'di lta bu'i chos kyi snod du gyur pa 'byung bar 'gyur ba'i byang chub sems dpa'
29b7 de dag gi bsam pa thams cad yongs su rdzogs par bgyi'o/ /de nas bcom ldan 'das kyis thams cad dang ldan pa'i 'khor de la gzigs nas bka' stsal pa/ grogs
30a1 po dag /shin tu rgyas pa bsdus pa yi ge med pa'i za ma tog rnam par snang mdzad kyi snying po'i chos kyi rnam grangs 'di nyan pa de dag ni/ dge ba'i rtsa ba
30a2 chung ngu dang ldan par mi 'gyur ro/ /de ci'i phyir zhe na/ nga la skyes bu dam pa de dag gis bkur stir byas/ bla mar byas/ btsun par byas pa'i phyir ro/ /rigs kyi bu/ de dag
30a3 ni| nga'i byang chub phrag pa la thogs par 'gyur ro/ /de dag gi spobs pa phun sum tshogs pa rgyun mi 'chad par 'gyur ro/ /de dag gi sangs rgyas kyi zhing shin tu yongs su
30a4 dag par 'gyur ro/ /'chi ba'i dus kyi tshe na'ang de bzhin gshegs pa 'od dpag med nyan thos kyi dge 'dun gyis yongs su bskor cing byang chub sems dpa'i tshogs kyis
30a5 mdun gyis bltas nas mdun na bzhugs par gyur te mthong bar 'gyur ro/ /nga'ang byang chub sems dpa' 'di dag nyid dang thabs cig tu ri'i rgyal po bya rgod kyi phung po la
30a6 gnas par mthong bar 'gyur ro/ /rigs kyi bu/ de dag gi chos kyi mdzod mi zad par 'gyur ro/ /de dag tshe rabs dran par 'gyur ro/ /ngan song rnams su skye bar mi 'gyur
30a7 ro| |rigs kyi bu/ nga ni/ 'jig rten thams cad dang mi mthun pa'i tshig 'di smra ste/ rigs kyi bu/ gal te mtshams med pa lnga byed par 'gyur la/ chos kyi rnam grangs
30b1 'di lus la btags sam/ yi ger 'bri'am/ klog gam/ kun chub par byed na/ da ni/ ngan song ngan 'gro log par ltung bar 'gro bar ngas ma mthong ngo / /byang chub sems dpa' de
30b2 sangs rgyas thams cad kyis dbang bskur zhing mig lnga thob par 'gyur ro/ /dbang po nyams par mi 'gyur ro/ /sangs rgyas thams cad kyis yongs su bzung ngo / /byang chub
30b3 sems dpa' thams cad kyis yongs su bzung ngo / /de'i las tshad med pa rnam par dag par 'gyur ro/ /rigs kyi bu/ tshig 'di ni/ tha mar smra ste/ de mngon par rdzogs par sangs
30b4 rgyas par ngas mthong ngo / /bcom ldan 'das kyis de skad ces bka' stsal nas khyad par sems la sogs pa byang chub sems dpa' rnams dang / brgya byin la sogs pa lha'i
30b5 bu rnams dang / rgyal po chen po bzhi dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod
30b6 do| |'phags pa yi ge med pa'i za ma tog rnam par snang mdzad kyi snying po zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / dA na
shI la dang /
CLOSE WINDOW