108b5 rgya gar skad du/ AR+ya d+harma ke tu d+h+wa dza pa ri pr-its+tsha nA ma ma hA yA na sU tra/ bod skad du/ 'phags pa chos kyi rgyal mtshan gyis zhus pa zhes bya ba theg
108b6 pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das
108b7 mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de'i tshe 'khor der byang chub sems dpa' chos kyi rgyal mtshan zhes bya ba
109a1 'dug pa stan las langs te bcom ldan 'das la 'di skad ces gsol to/ /bcom ldan 'das/ byang chub sems dpa' chos du
109a2 dang ldan na/ myur du bla na med pa yang dag par rdzogs pa'i sangs rgyas su 'gyur ba lags/ bcom ldan 'das kyis bka' stsal pa/ rigs kyi bu/ byang chub
109a3 sems dpa' chos bcu dang ldan na/ myur du bla na med pa yang dag par rdzogs pa'i sangs rgyas su 'gyur ro/ /bcu gang zhe na/ 'dir byang chub sems dpa' dad pa
109a4 dang ldan par bya ba dang / byang chub kyi sems dang ldan par bya ba dang / dge ba'i bshes gnyen yongs su mi gtang ba dang / dgon par brten cing 'du 'dzi spang ba
109a5 dang / bla ma dang mkhan po'i gdams ngag yongs su stsal ba dang / snying rje dang ldan pa dang / mang du thos pa dang ldan pa dang / ting nge 'dzin dang ldan pa dang / tshul khrims
109a6 dang ldan pa dang / brtson 'grus phun sum tshogs pas don ma lus par sgrub pa'o/ /bcom ldan 'das kyis de skad ces bka' stsal pa dang / byang chub sems dpa'
109a7 chos kyi rgyal mtshan dang / thams cad dang ldan pa'i 'khor de dag bcom ldan 'das kyis gsungs pa la mngon par bstod do/ /'phags pa chos kyi rgyal mtshan
gyis zhus pa zhes bya ba theg pa chen po'i mdo rdzogs so/

CLOSE WINDOW