བོད་ཡིག |
50a3 rgya gar gyi mkhan po pra dz+nyA warma dang / zhu chen gyi lo tsA ba ban+d+he ye shes sdes bsgyur cing zhus te gtan la phab pa/ rgya gar skad du/ AR+ya ba ra mAr+tha d+harma bi dza ya nA ma ma hA yA na sU tra/ bod
50a4 skad du|'phags pa don dam pa'i chos kyis rnam par rgyal ba zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad
50a5 bdag gis thos pa dus gcig na/ bcom ldan 'das mngon par rdzogs par sangs rgyas nas ring po ma lon par ga ya'i ri la dge slong mngon par zhugs pa mngon par zhugs pa
50a6 rnams dang / byang chub sems dpa' bye ba phrag dgu bcu rtsa dgu dang thabs cig tu bzhugs te/ lha bye ba phrag nyi shu rtsa brgyad dang / dge slong dang / dge slong ma dang / dge bsnyen
50a7 dang / dge bsnyen ma brgyad khri drug stong dang / gyad drug khri dang / gcer bu pa bye ba phrag bcu gnyis dang / drang srong chen po mngon par shes pa lnga dang ldan pa/ gdung ba lngas yan
50b1 lag chog pa lnga brgya yan lag dkar ba/ sha med cing rus mgo lpags kyis yog pa/ lto zhar zhing skra'i khur khyer ba/ lus rgu ba/ g.yang gzhi dang shing shun gyon pa/ lag na ril pa thogs
50b2 pa brgyad khri bzhi stong dang yang thabs gcig go /rgal bar 'dun pa rnams dang yang thabs cig go /de nas bcom ldan 'das ri nag po rnams kyi nang na ri'i rgyal po ri rab ltar drang srong rnams
50b3 kyi nang na lham me/ lhan ne/ lhang nge ste/ lug rnams kyi nang na glang po che'i rgyal po mche ba drug pa 'dra la/ srin bu me khyer gyi drung na nyi zla dang mtshungs shing / rtswa ka shi'i me tog gi
50b4 nang na man+dA ra ba'i yal ga dang 'dra la/ nam mkha' lding gi rgyal po bya rog gis bskor ba dang 'dra bar bcom ldan 'das drang srong rnams kyi nang na nyis 'gyur du mdzes so/ /de nas bcom ldan
50b5 'das rin po che'i gtong ba zhes bya ba'i ting nge 'dzin la snyoms par zhugs te/ rdzu 'phrul gyi cho 'phrul dpag tu med par mdzad cing glo g.yas g.yon gnyis nas 'od zer phyung ste/ de bzhin
50b6 gshegs pa bye ba dpag tu med pa phyung / byang chub sems dpa' bye ba dpag tu med pa dang / brgya byin dang / tshangs pa dang / 'jig rten skyong ba dpag tu med pa phyung / dgra bcom pa brgya
50b7 stong dpag tu med pa phyung / dge slong dang / dge slong ma dang / dge bsnyen dang / dge bsnyen ma brgya stong dpag tu med pa phyung / 'khor los bsgyur ba dang / stobs kyi 'khor los bsgyur ba
51a1 dang / khams kyi rgyal po dang / rig sngags 'chang dpag tu med pa phyung / rgya dang / ri brags pa dang / 'gro lding ba dang / lho phyogs pa dang / nags
51a2 khrod pa dpag tu med pa phyung / rgyal rigs shing sA la chen po lta bu dang / bram ze dang khyim bdag shing sA la chen po lta bu dang / mi gzugs dang / cha byad dang / mdog dang / smra ba'i skad
51a3 sna tshogs pa ji snyed pa dang / lha'i ris ji snyed pa de dag thams cad de bzhin gshegs pa'i sku las phyung ngo / /de nas 'khor chen po de the tshom du gyur nas phan tshun gdong du lta'o/ /
51a4 byang chub sems dpa' rnams rab tu dga' ste/ rin po che'i char 'bebs pa nas rgyan thams cad kyi bar gyi char 'bebs so/ /de nas bcom ldan 'das rin po che gtong ba'i ting nge
51a5 'dzin las bzhengs te/ seng+ge bsgyings pas phyogs bcur rnam par gzigs so/ /bcom ldan 'das kyis phyogs bcur gzigs ma thag tu de nas phyogs bcu'i sangs rgyas kyi zhing
51a6 dag nas sangs rgyas bcom ldan 'das ji snyed sangs rgyas kyi spyan la snang ba de dag thams cad lag mthil du bzhag pa bzhin du mi mjed kyi 'jig rten gyi khams su kun tu snang ngo / /de
51a7 bzhin gshegs pa thams cad kyis kyang bcom ldan 'das shAkya thub pas ji ltar phyung ba de 'dra ba'i rdzu 'phrul gyi cho 'phrul phyung ste/ de bzhin gshegs pa rnams kyi sprul pa phyung ba ji
51b1 snyed pa de dag thams cad kyang bcom ldan 'das ga la ba de logs su dong ste phyin nas bcom ldan 'das kyi 'khor gyi nang du 'dus par gyur to/ /byang chub sems dpa' dpag tu med pa dag
51b2 kyang dge slong dang / dge slong ma dang / dge bsnyen dang / dge bsnyen ma gang+gA'i bye ma snyed dag dang lhan cig tu de bzhin gshegs pa la mchod pa chen po dpe med pa thogs te 'dir lhags so/ /de bzhin
51b3 du lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa du ma de dag kyang bcom
51b4 ldan 'das kyi rdzu 'phrul gyi cho 'phrul de mthong nas bcom ldan 'das ga la ba der dong ngo / /de nas gang dag phyogs bcu nas lhags pa'i byang chub sems dpa' de dag gis mchod
51b5 pa bla na med pas bcom ldan 'das la bsnyen bkur byas te pha rol tu phyin pa drug gis yongs su bsgrubs pa'i stan dag la 'khod do/ /mi dang / mi ma yin pa'i bar du'ang ci rigs
51b6 pa'i stan dag la 'khod do/ /gang dag bcom ldan 'das kyis sprul ba phyung ba de dag kyang mnar med pa yan chad 'og min gyi gnas man chad du mngon par byung ste slar yang log go /phyogs
51b7 bcu'i sangs rgyas rnams kyis sprul ba phyung ba ji snyed pa de dag thams cad ni/ bcom ldan 'das shAkya thub pa'i spu'i khung bu thams cad du nub bo/ /gang dag bcom ldan 'das kyi sprul ba phyung
52a1 ba de dag na/ sangs rgyas thams cad kyi sku rnams su nub bo/ /de nas byang chub sems dpa' sems dpa' chen po rgyal pa'i phung po zhes bya ba stan las
52a2 langs te bla gos phrag pa gcig tu gzar nas bus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das
52a3 la tshigs su bcad pa 'di dag gis mngon par bstod do/ /kye ma mi rnams kyi ni 'dren pa yis/ /sngon chad ma byung mdzad pa sna tshogs 'di/ /skye rgu kun la myur du kun bstan pa/ /de yis
52a4 bdud sde thams cad mog mog bgyis/ /phan tshun dag tu tshig tu smra bgyid pa/ /kye ma'o shin tu ngo mtshar che zhes mchi/ /bdag cag ci zhig phyir ni 'dir lhags kye/ /bdag cag
52a5 bcom mo bdag cag bcom zhes mchi/ /dka' thub can bdag dka' thub can mi 'gyur/ /nyam chung lus la pags pa tsam zhig las/ /bdag 'khogs bdag bskams bde
52a6 ba rnams las nyams/ /bdag cag rdzu 'phrul thob par gyur ma yin/ /yi ge ma mchis rdzu 'phrul gsum rnams kyis/ /bstan pa'i dgra rnams mog mog gyur par mdzad/ /bstan
52a7 pa'i 'dren pa khyod kyis de ring ni/ /sangs rgyas sras la dus ston chen po mdzad/ /'khor 'di thams cad the tshom 'tshal bar 'gyur/ /dga' ba skyes shing sems kyang rab dga' ste/ /
52b1 gang zhig gnas nas lha tshogs bdag cag kyang / /'jig rten mgon pa sangs rgyas gyur cig mchi/ /'jam dbyangs sangs rgyas mang po bsnyen bkur bgyis/ /sangs rgyas sras po mtha'
52b2 yas rnams kyis bskor/ /'jam pa'i dbyangs ni 'khor gyi nang na mchis/ /cho 'phrul rnam par phye ste bstan du gsol/ /'di dag chos ni gang gi ltas shig las/ /thub pa chos ni gang zhig
52b3 gsung bar bzhed/ /'khor 'di thams cad 'bod cing mchis lags na/ /sems can thugs brtse'i slad du bdag la gsungs/ /de nas sangs rgyas kyi byin gyi rlabs kyis 'khor de'i nang
52b4 nas drang srong chen po me sgron zhes bya ba zhig gis byang chub sems dpa' rgyal ba'i phung po la 'di skad ces smras so/ /kye gzhon nu re zhig kha rog cig /kho bos dri ba dri bar bya'o/ /gal te kho
52b5 bo'i dri ba khong du chud par byed na ni/ de thams cad mkhyen pa zhes bya ba'i ming dang yang mthun no/ /'on te sred med kyi bu dang / dbang phyug chen pos phyung ba'i 'gro lding ba rnams kyis sprul
52b6 ba byed du bcug na 'dir ngo mtshar yang mi che ste/ skyes bu ngan pa dang / sgyu ma mkhan rnams kyis 'di 'grub bo/ /de nas bcom ldan 'das kyis 'dzum pa'i zhal gyis drang srong gi tshogs la
52b7 kun tu gzigs nas drang srong chen po me sgron la 'di skad ces bka' stsal to/ /tshe dang ldan pa drang srong chen po/ ci nus kyis dri ba dris shig dang rnam par sbyang bar bya'o/ /de nas bcom ldan
53a1 'das la drang srong chen po me sgron gyis 'di skad gsol to/ /kye gau ta ma/ sems can gyi skye ba gang nas byung / ci'i slad du bskal pas sreg par 'gyur/
53a2 sems can rnams gnas gang du 'du bar 'gyur/ nang na sems can phra ba khru gang tsam mam/ mtho gang tsam mam/ mdzub mo tsam mam/ mthe bo tsam mam/ nas dang / gro dang / mon
53a3 sran sde'u dang / mon sran gre'u dang / til dang / yungs 'bru tsam mam/ sems can ji tsam zhig nang na mchis bka' stsol cig /de nas bcom ldan 'das kyis drang srong chen
53a4 po me sgron la drang srong chen po/ legs so/ /legs so/ /zhes bya ba byin no/ /drang srong chen po/ tshe bskal pa drug cu pa'i dri ba 'dri ba 'di ni/ mthun pa'o/ /de nas drang srong chen po rnams
53a5 ngo mtshar du gyur te/ drang srong chen po me sgron gyi tshe'i tshad ni/ ma brjod par bdag cag lhan cig gnas pa rnams kyis kyang ma shes na/ 'dis ji ltar shes snyam mo/ /bcom ldan
53a6 'das kyis bka' stsal pa/ drang srong chen po/ de'i phyir legs par rab tu nyon la yid la zungs shig dang bshad do/ /drang srong chen po gang nga la sems can gyi skye ba gang nas
53a7 byung zhes smras pa de ni/ yi ges brjod pa ma yin pa'o/ /sems can zhes bya ba ni/ ma rig pa'i rkyen nas skye ba dang / rga shi'i bar du byung ba'o/ /drang srong chen po/ yang rgyu rkyen las
53b1 sems can skyes te/ rgyu rkyen ni/ pha ma'o/ /drang srong chen po/ yang pha ma 'grogs pa ni/ de'i rgyu'o/ /gang gi tshe yongs su rtog pas kun nas bslang ba'i las kyi rlung rnams kyis bud
53b2 med kyi grong du 'jug pa de ni/ rkyen no/ /drang srong chen po/ yang sdug bsngal 'phags pa'i bden pa dang / sdug bsngal kun 'byung dang / sdug bsngal 'gog pa dang / sdug bsngal
53b3 'gog par 'gro ba'i lam 'phags pa'i bden pa ni/ sems can no/ /nye bar len pa'i phung po lnga dang / khams bco brgyad ni/ sems can no/ /drang srong chen po/ sems can
53b4 yang gzhan la/ las kyang gzhan ma yin/ las kyang gzhan la/ sems can yang gzhan ma yin no/ /drang srong chen po/ sems can ni/ 'grib pa ma yin/ 'phel ba ma yin no//
53b5 drang srong chen pos gsol pa/ kye gau ta ma/ gal te sems can 'grib pa ma mchis 'phel ba ma mchis na/ ci'i slad du sems can khyi'i skye gnas nas shi 'phos te dbang sgyur du 'gyur/
53b6 bcom ldan 'das kyis bka' stsal pa/ drang srong chen po/ de ni/ ji skad smras pa de bzhin du ma yin no/ gal te dbang sgyur dbang sgyur yin du zin na ni/ dbang med par 'chi bar mi
53b7 rigs so/ /drang srong chen po/ gang rang gi lus kyi gtso bo ma yin pa de ji ltar dbang sgyur du 'gyur/ drang srong chen po/ 'di lta ste/ dper na/ srin bu me khyer 'di snyam du bdag gis dzam+bu'i
54a1 gling snang bar bya'o snyam du sems pa'i rkyen gyis srin bu me khyer gyis dzam+bu'i gling snang bar byed dam/ sems ma dul ba'i dbang sgyur yang dag pa ma
54a2 yin no| |drang srong chen po/ yang gal te dbang sgyur nyon mongs pa 'bra bar gyur na ni/ khyi la nyon mongs pa shas che bar 'gyur ro/ /gang gi tshe dbang sgyur dang nyon mongs pa dag
54a3 khyi la yod cing dbang sgyur la'ang yod pa de'i tshe sems can 'grib pa'ang mi dmigs/ 'phel ba'ang mi dmigs so/ /drang srong chen pos gsol pa/ gau ta mas nyon mongs pa 'grib
54a4 par mdzad dam/ bcom ldan 'das kyis bka' stsal pa/ drang srong chen po/ ngas phyin ci log dag bzlog pa'ang med/ 'grib par byas pa'ang med do/ /drang srong chen pos gsol pa/
54a5 gal te de ltar na/ khyod kyang dbang sgyur ma lags so/ /bcom ldan 'das kyis bka' stsal pa/ drang srong chen po/ de de bzhin te/ ma byung ba'i phyir nga yang dbang sgyur ma yin
54a6 no| |drang srong chen pos gsol pa/ gau ta ma/ bka' mchid re zhig zhog /gau ta ma'i sras kyis pha ma 'grogs pa las sems can skye'o/ /zhes gsungs na/ sems can mang
54a7 du 'grogs pa la sems can skye ba nyung bar gyur pa 'di ci lta bu/ bcom ldan 'das kyis bka' stsal pa/ khyod la dpe bstan par bya'o/ /drang srong chen po/ 'di lta ste/ dper na/
54b1 sa bon gcig las shing skye bar 'gyur te/ 'bras bu gcig las kyang 'bras bu mtha' yas par 'gyur ro/ /de la res 'ga' ni/ gcig sa bon gyi 'os su 'gyur gyi/ lhag ma sa bon
54b2 gyi 'os su mi 'gyur ba de ci lta bu/ drang srong chen pos gsol pa/ kye gau ta ma/ rlung dang nyi mas shing tog rnams ma rung bar bgyis so/ /bcom ldan 'das kyis bka' stsal pa/ drang srong
54b3 chen po| de de bzhin te/ las kyi rlung gis kyang sems can gyi 'bras bu rnams ma rung bar byas so/ /drang srong chen po/ kha cig ni/ mngal na gnas pa nyid kyi tshe srin bu rnams kyis
54b4 zos so| |kha cig ni/ las kyi rlung rnams kyis phye mar byas so/ /drang srong chen po/ shing gi nyes pa ni/ nyung ngo / /sems can gyi nyes pa ni/ mang ngo / /drang srong chen po/ yang
54b5 sems can gyi khams ni/ yongs su rtog pas kun nas bslang ba ste/ drang srong chen po/ sems can rnams kyi sems dang sems las byung ba 'jug pa ji snyed pa de snyed du srid pa
54b6 la dmigs te/ drang srong chen po/ de'i phyir sems can gyi khams ni/ yongs su rtog pas kun nas bslang ba'o/ /zhes smra'o/ /drang srong chen pos gsol pa/ kye gau ta ma/ de de
54b7 bzhin te/ zhu ba brjod pa 'di ni/ rnam par dag go /ci'i slad du bskal pas sreg par 'gyur pa bka' stsol cig /bcom ldan 'das kyis bka' stsal pa/ drang srong chen po/ chos
55a1 kyi dbyings 'dus ma byas pa'i phyir bskal pas sreg par 'gyur ro/ /drang srong chen po/ gal te bskal pas sreg par mi 'gyur na/ chos kyi dbyings
55a2 gnyis su 'gyur te/ la la mi rtag la/ la la rtag par 'gyur ro/ /de'i tshe de bzhin gshegs pa bden pa smra bar mi 'gyur ro/ /drang srong chen po/ gang gi phyir 'di thams cad rtag
55a3 pa ma yin/ brtan pa ma yin/ dbugs phyin pa ma yin pa de'i tshe de bzhin gshegs pa thams cad mkhyen pa zhes bya ba de'i ming thob bo/ /drang srong chen pos bram ze'i khye'u la smras
55a4 pa| 'di thams cad mkhyen par mtshan gsol pa ni/ mthun no/ /bcom ldan 'das kyis bka' stsal pa/ drang srong chen po/ /gal te bskal pas bsregs par ma gyur na/ 'di
55a5 ni| dus bzang po'o/ /'di ni/ ngan pa'o/ /zhes bya bar dus tha dad pa med par 'gyur ro/ /drang srong chen po/ gal te yang bskal pas bsregs par ma gyur na legs par byas pa
55a6 dang / nyes par byas pa'i las rnams kyi rnam par smin pa tha dad pa med par 'gyur ro/ /drang srong chen po/ yang 'di lta ste/ bskal pas sreg pa 'di ni/ de bzhin gshegs pa rnams
55a7 kyi thabs mkhas pa ste/ drang srong chen po/ sems can ji snyed bskal pas sreg par 'gyur ba thos nas dang bar 'gyur ba'i sems can de snyed de bzhin gshegs pas bsdu ba'i dngos
55b1 bos sdud par 'gyur ro/ /drang srong chen po/ 'di lta ste/ dper na/ kha chu ldag pa'i sprul ni/ mig gis kyang rdub/ rna ba dang / sna dang / kha'i sgo nas kyang rdub bo/ /drang srong chen po/ de
55b2 bzhin gshegs pa la'ang de ltar blta ste/ sbyin pas kyang sdud/ snyan par smra bas kyang sdud/ don spyod pas kyang sdud/ don mthun pas kyang sdud do/ /drang srong chen po/ 'di lta ste/
55b3 dper na/ gser la gnod par bya ba'i phyir mer 'jug pa ma yin gyi/ gser dul ma ma yin pa 'di ji ltar na dul mar 'gyur snyam nas de'i phyir mer 'jug ste/ shin tu bsregs
55b4 pa'i phyir rin po che'i 'os su 'gyur ro/ /rin po ches spras pa de'i rin thang med par 'gyur te/ drang srong chen po/ de'i phyir gser brdung ba dang bsreg pas rnam par sbyong ngo / /drang srong
55b5 chen po| de bzhin du sangs rgyas bcom ldan 'das rnams kyang rgyu med par sreg pa'i bskal pa mi 'byin te/ 'dir sems can gang la'ang gnod par mi 'gyur ro/ /de nas bcom ldan
55b6 'das la drang srong chen po me sgron gyis 'di skad ces gsol to/ /bcom ldan 'das/ bskal pas sreg pa'i me phyung yang sems can gang la'ang gnod par mi 'gyur ba ni/ ngo mtshar to//
55b7 bcom ldan 'das kyis bka' stsal pa/ drang srong chen po/ de bzhin gshegs pa rnams ni/ sems can gang la'ang gnod par mi mdzad do/ /drang srong chen po/ 'di lta ste/ dper na/
56a1 phyogs bcu rnams su char phra mo'i rgyun 'bab pa de bas ni/ drang srong chen po/ de bzhin gshegs pa rnams dang / sa bcu la gnas pa'i byang chub sems
56a2 dpa' rnams nye bar gnas te rang gi lag gis sems can thar par byed pa ni/ ches mang ngo / /drang srong chen po/ de'i che sems can de dag gis de bzhin gshegs pa dang / byang
56a3 chub sems dpa' de dag gi gzugs kyang mthong / kha dog mdzes pa'ang mthong / bskal pas sreg pa'i 'jigs pa las bdag nyid sgrol ba'ang mthong nas dga' ba dang mchog tu
56a4 dga' ba skyes te 'di skad ces bdag cag kyang 'di ltar sgrol ba por gyur cig /bdag cag kyang 'di ltar gzugs mdzes par gyur cig /bdag cag kyang 'di ltar kha dog mdzes par
56a5 gyur cig /ces 'dzer te/ kha cig ni/ yid byung nas sems rnam par grol te rgyun du zhugs pa'i 'bras bu mngon sum du byed/ kha cig ni/ lan gcig phyir 'ong ba'i 'bras bu dang /
56a6 phyir mi 'ong ba'i 'bras bu mngon sum du byed/ kha cig ni/ dgra bcom pa nyid/ kha cig ni/ rang byang chub/ kha cig ni/ mi skye ba'i chos la bzod pa rab tu thob/ kha cig ni/ phyir
56a7 mi ldog pa'i sa gnon/ kha cig ni/ rgyal chen bzhi'i ris kyi lha rnams kyi nang du skye/ kha cig ni/ sum cu rtsa gsum du/ kha cig ni/ mtshe mar/ kha cig ni/ dga' ldan du/ kha cig
56b1 ni| 'phrul dgar/ kha cig ni/ gzhan 'phrul dbang phyed kyi lha rnams kyi nang du skye'o/ /drang srong chen po/ rnam grangs 'di lta bur 'og min gyi bar gyi lha rnams kyi nang du skye'o/ /de
56b2 bzhin du 'khor los bsgyur ba rnams dang / stobs kyi 'khor los bsgyur ba rnams dang / khams kyi rgyal po rnams su 'gyur te/ drang srong chen po/ rgyal rigs dang / bram ze dang /
56b3 khyim bdag rnams kyi bar du'ang 'gyur ro/ /drang srong chen po/ rnam grangs 'di lta bus de bzhin gshegs pa'i gzugs kyi sku mthong zhing bdag nyid kyang 'jigs pa chen po las grol
56b4 bar mthong nas de bzhin gshegs pa la byas pa gzo zhing byas pa shes par 'gyur ro/ /de bzhin gshegs pa la chos nyid thos nas bslab pa'i gnas rnams la bag byed par 'gyur ro/ /
56b5 thabs 'dis na ngan song du 'gro bar mi 'gyur ro/ /drang srong chen po/ yang sa bcu la gnas pa'i byang chub sems dpa' rnams kyi mig la sa'i khams ji snyed snang bar 'gyur ba de bas ni/
56b6 sems can gyi khams gang 'khor bar chags pa'i skyon chags par shes nas phung po ma lus pa'i mya ngan las 'das pa'i dbyings su yongs su mya ngan las 'da' bar byed pa ches mang ste/
56b7 drang srong chen po/ de'i phyir bskal bas sreg par 'gyur ro/ /de nas drang srong chen po me sgron gyis rang gi yid kyis rnam par dpyad nas tshig tu smras pa/ kye ma'o gang bdag drang srong chen po zhes
57a1 'bod pa shAkya'i sras 'di'i tshe ba nyid ni/ rgya che ba'o/ /bdag gis 'di la bag ma bas kyang chog ste/ 'di ni/ thams cad mkhyen par mngon gyi /
57a2 bdag gis kyang 'di la yang dag pa'i ming gis 'bod par bya'o/ /zhes smras so/ /de nas bcom ldan 'das la drang srong chen po me sgron gyis 'di skad ces gsol to/ /yon tan gyi 'byung
57a3 gnas su gyur cing mkhyen pa dpag tu ma mchis pas thams cad mkhyen pa zhes mtshan gsol pa/ sems can gnas gang du 'du bar 'gyur ba bdag la bka' stsol cig/ bcom ldan
57a4 'das kyis bka' stsal pa/ drang srong chen po/ gnas med pa la sems can 'du bar 'gyur ro/ /mnyam pa nyid la sems can 'du bar 'gyur ro/ /drang srong chen po/ theg pa gcig
57a5 gis 'byung ba la sems can 'du bar 'gyur ro/ /byang chub kyi snying po la sems can 'du bar 'gyur ro/ /drang srong chen po/ phung po ma lus pa'i mya ngan las 'das pa'i dbyings su
57a6 sems can 'du bar 'gyur ro/ /drang srong chen po/ 'di lta ste/ dper na/ chu klung tha dad pa dang / klung phran dang / klung chen po dag rgya mtsho chen por babs nas ro gcig tu 'gyur ro/ /drang
57a7 srong chen po/ /de bzhin du sems can gyi khams ji snyed zag pa zad par byed pa de dag thams cad rnam par grol ba'i ngang du gyur pas 'du bar 'gyur ro/ /drang srong chen po/ 'khor
57b1 bar 'du bas sems can 'du bar 'gyur ba ni/ 'du ba ma yin pa'o/ /zhes nga smra'o/ /drang srong chen po/ 'di lta ste/ dper na/ rlung gis bdes nas phye ma leb phyi phyi zhwa la 'du bar 'gyur te/
57b2 rlung med na so sor 'gyes so/ /drang srong chen po/ de bzhin du sems can dmyal bar 'gro bar 'gyur bas phan tshun las kyis 'brel ba'i sems can gyi khams de dag kyang der 'du bar 'gyur ro//
57b3 drang srong chen po/ rnam grangs 'di lta bur phan tshun las kyis 'brel ba dag yi dwags su skye bar 'gyur/ dud 'gror skye bar 'gyur te/ der de dag 'du bar 'gyur ro/ /drang srong chen po/ lha
57b4 dang mi rnams su de dag 'du bar 'gyur ro/ /drang srong chen pos gsol pa/ thams cad zil gyis gnon pa/ thams cad mkhyen pa/ mir skyes pa 'di sems can che ge mo zhes bgyi ba zhig
57b5 dang 'dus par gyur to/ /dud 'gror skyes pa 'di zhes bgyi ba nas yi dwags su skyes pa 'di 'dus par gyur to/ /zhes bgyi ba'i bar du ji ltar 'tshal bar bgyi ba bka' stsol cig /
57b6 bcom ldan 'das kyis bka' stsal pa/ drang srong chen po/ sems can gang zhig sems can gang dang lhan cig tu sems can dmyal bar skyes nas 'dus par gyur pa des de mthong
57b7 na yid mi bde bar 'gyur/ zhe sdang bar 'gyur/ des de mthong nas gal te na de klad pa na bar yang 'gyur/ bshang ba dang / gci ba 'byung bar yang 'gyur te/ drang srong chen po/ 'di ni/
58a1 sems can dmyal bar skyes pa rnams kyi 'du ba'i mtshan nyid do/ /gang la la de ltar gyur ba des kyang bdag dang 'di lhan cig tu sems can dmyal
58a2 ba rnams na gnas gnas par mngon no/ /zhes de ltar khong du chud par bya'o/ /drang srong chen pos gsol pa/ rigs gsal bar mdzad pa/ thams cad mkhyen pa/ dud 'gro dang lhan
58a3 cig gnas gnas pa rnams kyi mtshan mar 'gyur ba ji lta bu lags/ bcom ldan 'das kyis bka' stsal pa/ mir skyes pa'i sems can rnams gang gi tshe phan tshun mthong ba na
58a4 'khon du mdud par 'dzin cing 'di las bdag gis skyon ji ltar rnyed snyam du skyon tshol ba 'di ni/ drang srong chen po/ dud 'gror skyes pa'i sems can rnams kyi 'du ba'i mtshan
58a5 nyid de| bdag dang 'di lhan cig tu dud 'gro'i nang na gnas gnas par mngon no/ /zhes de ltar shes par bya'o/ /drang srong chen po/ yi dwags su skyes pa rnams ni/ dri nga ba
58a6 'dod cing kha zas la shin tu sred par 'gyur ro/ /pha rol la sbyin par bsam yang chags pa skye bar 'gyur ro/ /gang dang de yi dwags su skyes nas lhan cig 'dus par gyur pa de'i
58a7 dbang phyug mthong nas phrag dog skye bar 'gyur/ gzhan gyi nor la 'dod par 'gyur te/ 'di ni/ yi dwags su skyes pa rnams kyi 'du ba'i mtshan nyid do/ /de la bdag dang 'di
58b1 lhan cig tu yi dwags kyi nang na gnas gnas par mngon no/ /zhes de ltar shes par bya'o/ /drang srong chen po/ mir skyes pa gang la la zhig tshe rabs gzhan dag nas 'dus par gyur pa ni/
58b2 des de mthong na 'dod chags kyi sems skye bar 'gyur te/ drang srong chen po/ 'di ni/ mir skyes pa'i sems can rnams kyi 'du ba'i mtshan nyid do/ /de la bdag dang 'di mi rnams kyi nang na
58b3 gnas gnas par mngon no/ /zhes de ltar shes par bya'o/ /drang srong chen pos gsol pa/ bcom ldan 'das/ gang dag lhar skyes te 'dus par gyur pa las mir skyes pa de dag gi ji lta
58b4 bu lags/ bcom ldan 'das kyis bka' stsal pa/ drang srong chen po/ gang dag lhar skyes te 'dus par gyur pa de dag ni/ phan tshun mthong na blta ba la 'jug par 'gyur te/ des
58b5 na bdag dang 'di lhar skyes te lhan cig 'dus par gyur to/ /zhes shes par bya'o/ /drang srong chen po/ rnam pa de lta bu dag tu sems can 'du bar 'gyur ro/ /da nas drang srong chen po me sgron
58b6 dga' mgu ste yid rangs nas bcom ldan 'das la 'di skad ces gsol to/ /bcom ldan 'das/ gang dag thams cad mkhyen pa nyid du smon pa mi bgyid pa'i sems can de dag ni /
58b7 bslus pa'o/ /zhes bdag 'chad do/ /de nas yang bcom ldan 'das kyis drang srong chen po me sgron la 'di skad ces bka' stsal to/ /drang srong chen po/ gang na sems can zhes bya ba phra ba
59a1 ji tsam zhig yod ces nga la de skad zer ba ni/ drang srong chen po/ gang sems can du dmigs pa de sems can phra mor rnam par 'byed do/ /drang srong
59a2 chen po| 'di lta ste/ dper na/ la la zhig gis dmus long zhig la 'di skad du/ kye skyes bu/ kha dog dkar po zhes bya ba ci 'dra zhes smras na/ drang srong chen po/ /'di ji snyam du
59a3 sems| ma mthong ba'i phyir kha dog dkar po 'di 'dra'o/ /zhes de smra bar nus sam/ drang srong chen pos gsol pa/ 'brel ba ga la mchis/ bcom ldan 'das kyis bka'
59a4 stsal pa| drang srong chen po/ de bzhin du ngas kyang dmus long ltar ma mthong ba'i phyir sems can zhes bya ba ni/ phra mo 'di lta bu zhig go /zhes sems can brjod par mi nus
59a5 so| |drang srong chen po/ yang mig la sems can zhes bya ba mi rnyed do/ /rna ba dang / sna dang / lce dang / lus dang / yid la sems can zhes bya ba mi rnyad do/ /drang srong chen po/
59a6 nye bar len pa'i phung po lnga po dag la sems can zhes bya ba mi rnyed do/ /drang srong chen po/ khams bco brgyad dang / rten cing 'brel bar 'byung ba yan lag bcu gnyis pa dang / nang
59a7 stong pa nyid la sems can zhes bya ba mi rnyed/ phyi stong pa nyid dang / phyi nang stong pa nyid la sems can zhes bya ba mi rnyed do/ /drang srong chen po/ mig ni/ ngan pa'o/ /'jig pa'o/ /
59b1 skad cig kyang mi gnas pa'o/ /de bzhin du rna ba dang / sna dang / lce dang / lus dang / yid kyang ngan pa'o/ /'jig pa'o/ /skad cig kyang mi gnas pa'o/ /drang srong chen po/ nye bar len
59b2 pa'i phung po lnga'ang ngan pa'o/ /'jig pa'o/ /skad cig kyang mi gnas pa'o/ /drang srong chen po/ mi gtsang ba'i rdzas sum cu rtsa drug kyang ngan pa'o/ /'jig pa'o/ /skad cig kyang mi
59b3 gnas pa'o/ /sems can zhes bya ba'ang med/ gzugs kyang med de/ drang srong chen po/ rdzas 'dus pa ni/ sems can zhes bya ba'i grangs su 'gro'o/ /yongs su rtog pa pa gang
59b4 dag rdzas rnams rnam par 'byed pa de dag ni/ srog dang / gso ba dang / skyes bu dang / gang zag dang / shed las skyes dang / shed bu mi dmigs so/ /drang srong chen po/ gal
59b5 te sems can yod du zin na/ de bzhin gshegs pa 'phags pa'i bden pa bzhi po dag gis shin tu chos ston par mi 'gyur ba zhig na/ drang srong chen po/ gang gi phyir sems
59b6 can med pa'i phyir de bzhin gshegs pa nyid 'thob ste/ de'i phyir ji lta ji ltar yang dag pa sgrub par byed pa de lta de ltar yang dag par 'grub bo/ /de nas bcom ldan 'das la drang srong
59b7 chen po me sgron gyis 'di skad ces gsol to/ /bcom ldan 'das/ deng slan chad drang srong chen po me sgron bdag thams cad mkhyen pa nyid du smon par bgyid do/ /bcom ldan 'das/ gal
60a1 te bdag bskal pa dpag tu ma mchis par sems can dmyal ba'i zhugs kyi 'obs su gnas par 'gyur ba'am/ ri rab 'og min gyi gnas tsam
60a2 du gyur pa mthon po'i kha de nas bdag gis bdag 'dor bar 'gyur ba'am/ gdung ba lnga bskal pas sreg pa lta bur 'gyur ba'am/ nyi ma bskal par gnas par 'gyur ba'am /
60a3 bskal pa sum cu'i zla ba gcig tu smyung bar 'gyur ba de lta bu'i dka' ba spyad par ni/ bcom ldan 'das/ bdag spro ste 'dun gyi/ thams cad mkhyen pa nyid kyi slad du ni/ brtson
60a4 'grus nyams par mi bgyi'o/ /drang srong chen po/ mngon par shes pa lnga dang ldan pa ji snyed bcom ldan 'das kyi gan du lhags pa de dag kyang stan las langs te bcom ldan
60a5 'das la 'di skad ces gsol to/ /bcom ldan 'das/ bdag cag kyang deng slan chad bla na med pa yang dag par rdzogs pa'i byang chub tu smon par bgyi'o/ /brtsam par bgyi'o/ /
60a6 drang srong rnams rngo ci thogs kyis brtson 'grus kyis tshig de dag smras ma thag tu bcom ldan 'das kyi smin mtshams nas 'dul ba can zhes bya ba'i 'od zer phyung / phyogs bcu'i
60a7 sangs rgyas thams cad kyis kyang smin mtshams nas 'dul ba can zhes bya ba'i 'od zer phyung ste/ 'od zer de dag gi mthus sa chen po 'di rnam pa drug tu g.yos/ rab tu g.yos
60b1 'gul| rab tu 'gul/ ldeg /rab tu ldeg ste/ shar phyogs mtho na lho phyogs dma'/ nub phyogs dma' na byang phyogs mtho/ shar phyogs dma' na lho phyogs mtho/ nub
60b2 phyogs mtho na byang phyogs dma'o/ /phyogs bcu'i sangs rgyas thams cad kyis kyang de bzhin gshegs pa'i steng du me tog gi char phab/ rnga bo che rnams brdungs so/ /dri za'i bdag po
60b3 yid du 'ong ba rnams kyis kyang yan lag lnga pa'i sil snyan gyis bcom ldan 'das la mngon par bstod do/ /lha'i bdug pa dri rab tu zhim po dag kyang rlung gis ngad bslang ste de bzhin
60b4 gshegs pa'i gan du ngad ldang bar byed do/ /byang chub sems dpa' rnams rab tu dga' ste mchog tu bde ba'i sems kyis de bzhin gshegs pa'i steng du do shal dang / se mo do rnams
60b5 'thor zhing rin po che'i char yang 'bebs/ me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba
60b6 dan dag gis kyang mchod par byed do/ /lha'i tshogs rnams kyang rab tu dga' nas me tog man+dA ra ba dang / man+dA ra ba chen po'i char 'bebs so/ /thams cad dang ldan pa'i 'khor de'ang dga' mgu yi
60b7 rang ste ji ltar gyon gyon pa'i gos rnams de bzhin gshegs pa'i sku la gsol to/ /de nas 'dul ba can zhes bya ba 'od zer des 'og min gyi gnas man chad/ sems can dmyal ba
61a1 chen po mnar med pa yan chad snang bar byas te/ phyogs bcu'i sangs rgyas thams cad la bskor ba byas nas slar log ste bcom ldan 'das kyi dbu'i
61a2 gtsug tu nub bo/ /de nas bcom ldan 'das la tshe dang ldan pa rab 'byor gyis 'di skad ces gsol to/ /rgyu ma mchis par shAka thub de ring 'dir/ /phyogs bcu dag tu 'od zer mi gtong
61a3 ste| |'khor 'di thams cad the tshom gyur lags na/ /thub pas rgyu dang byed de bdag lung ston/ /mi yi 'dren pa'i rnam par 'phrul mthong nas/ /dga' bar gyur cing spro ba cher gyur te/ /
61a4 rab tu dga' bas legs par bstod bgyis nas/ /kha cig 'di na bcom ldan legs zhes mchi/ /brgya byin tshangs pa 'jig rten skyong ba rnams/ /nam mkha'i gnas nas 'byung po'i tshogs
61a5 kyang bstod/ /mkha' las lha yi me tog char du 'bebs/ /ma brdungs rnga chen dag ni sgra yang 'byin/ /de nas bcom ldan 'das kyis tshe dang ldan pa rab 'byor la 'di skad ces bka'
61a6 stsal to| |rab 'byor/ khyod kyis drang srong chen po me sgron mthong ngam/ rab 'byor gyis gsol pa/ bcom ldan 'das/ mthong lags so/ /bcom ldan 'das kyis bka' stsal
61a7 pa| rab 'byor/ drang srong chen po me sgron 'di ma 'ongs pa'i dus na sangs rgyas stong 'das pa'i 'og tu bskal pa bzang po 'di nyid la zla ba can gyi 'jig rten gyi khams su de bzhin gshegs
61b1 pa dgra bcom pa yang dag par rdzogs pa'i sangs rgyas rnam par gzigs zhes bya bar 'gyur ro/ /rab 'byor/ de bzhin gshegs pa rnam par gzigs kyi ming yang yid bzhin gyi nor bu
61b2 rnam par dag pa'i bya ba byed par 'gyur ro/ /rab 'byor/ drang srong chen po brgyad khri bzhi stong gis chos kyi rnam grangs 'di thos ma thag tu phyir mi ldog pa'i sa rjes su thob ste/ rab 'byor/
61b3 de dag thams cad ni/ de bzhin gshegs pa byams pa'i gsung rab las sa bcu la gnas par 'gyur ro/ /bskal pa sum brgya'i 'og tu de bzhin gshegs pa dgra bcom pa yang dag
61b4 par rdzogs pa'i sangs rgyas bdag bka' blo bde ba zhes bya ba 'jig rten du 'byung bar 'gyur ro/ /rab 'byor/ byang chub sems dpa' tshad med pa dag gis kyang chos kyi rnam grangs
61b5 'di thos ma thag tu dpa' bar 'gro ba'i ting nge 'dzin thob ste/ skad dang skad ma yin par shes pa'i ting nge 'dzin dang / rgyal ba dbang bskur ba'i ting nge 'dzin dang / sgyu ma lta bu'i ting nge
61b6 'dzin dang / khams rnam par 'byed pa'i ting nge 'dzin dang / blo gros rgyal po'i ting nge 'dzin dang / rgya mtsho snying po'i ting nge 'dzin dang / mnyen pa'i sa'i ting nge 'dzin dang / bsam pa'i
61b7 snying po'i ting nge 'dzin dang / 'od gsal ba'i ting nge 'dzin thob bo/ /rab 'byor/ lha bye ba phrag gang+gA'i klung gi bye ma snyed dag gis mi skye ba'i chos la bzod pa thob bo/ /dge slong dang / dge
62a1 slong ma dang / dge bsnyen dang / dge bsnyen ma stong phrag tshad med pa dag gis dgra bcom pa nyid mngon sum du byas so/ /rab 'byor/ lha dang / klu
62a2 dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto phye chen po dang / mi dang / mi ma yin pa gang+gA'i bye ma snyed dag gis bla na
62a3 med pa yang dag par rdzogs pa'i byang chub tu sems bskyed do/ /rab 'byor/ de bzhin gshegs pas don gyi dbang de mthong nas 'dul ba can zhes bya ba'i 'od zer rnams
62a4 phyung ngo / /de nas bcom ldan 'das kyis nyid kyi ljags kyi dbang pos zhal khebs par mdzad de/ ljags kyi dbang po de las kha dog du ma/ kha dog tha dad pa'i 'od zer 'di lta ste/ sngon
62a5 po dang / ser bo dang / dmar po dang / dkar po dang / le brgan dang / shel dang / dngul gyi kha dog lta bu dag byung ste/ de dag 'jig rten gyi khams mtha' yas mu med pa dag tu
62a6 mngon par byung nas slar log ste/ bcom ldan 'das la lan gsum bskor ba byas nas bcom ldan 'das kyi zhabs gnyis su nub bo/ /de nas byang chub sems dpa' sems dpa'
62a7 chen po blo gros mi zad bstan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba
62b1 btud nas bcom ldan 'das la 'di skad ces gsol to/ /sangs rgyas bcom ldan 'das rnams ni/ rgyu ma mchis par 'dzum pa ma mdzad na/ bcom ldan 'das 'dzum pa mdzad pa'i rgyu
62b2 gang lags/ rkyen gang lags/ de skad ces gsol pa dang / bcom ldan 'das kyis byang chub sems dpa' blo gros mi zad pa la 'di skad ces bka' stsal to/ /rigs kyi bu ma dad
62b3 pa rnams kyi don du ljags 'di lta bu ni/ rdzun mi gsung ngo snyam du bya ba'i phyir ljags kyi dbang pos 'dzum pa mdzad do/ /de nas bcom ldan 'das la byang chub sems dpa' blo gros mi
62b4 zad pas 'di skad ces gsol to/ /bcom ldan 'das/ gang gis chos kyi rnam grangs 'di las tha na tshigs su bcad pa gcig tsam lung 'bogs na/ rigs kyi bu'am/ rigs kyi bu
62b5 mo de dag bsod nams kyi phung po ji tsam skyed par 'gyur/ bcom ldan 'das kyis bka' stsal pa/ rigs kyi bu/ phyogs bcu'i sangs rgyas bcom ldan 'das sangs rgyas kyi spyan la
62b6 snang bar 'gyur ba ji snyed pa de dag la yongs su mya ngan las ma 'das kyi bar du gang zhig gis bde bar sbyar ba thams cad kyis bsnyen bkur byas te/ yongs su mya ngan las 'das nas
62b7 kyang rin po che sna bdun gyi mchod rten byed pa de bas gang zhig chos kyi rnam grangs 'di las tha na tshigs su bcad pa gcig tsam yang lung 'bogs na/ 'dis bsod nams ches mang du skyed
63a1 do| |rigs kyi bu/ chos kyi rnam grangs 'di 'chad pa na gang zhig dang ba'i sems kyis legs so/ /zhes bya ba sbyin pa de la sangs rgyas thams cad
63a2 kyis bstod par 'gyur ro/ /gang gis 'di la rim gro byas pa des nga la rim gro byas par 'gyur ro/ /de nas bcom ldan 'das kyis thams cad dang ldan pa'i 'khor de la rnam par
63a3 gzigs nas 'di skad ces bka' stsal to/ /rigs kyi bu dag /nga ni/ bden pa smra ba ste/ sa phyogs gang na chos kyi rnam grangs 'di grags pa'i sa phyogs de la sangs rgyas
63a4 thams cad dgongs par 'gyur ro/ /rigs kyi bu dag /chos kyi rnam grangs 'di ni/ dzam+bu'i gling pa'i sems can rnams kyi sman du gyur par 'gyur ro/ /gang gis chos kyi rnam grangs
63a5 'di lan gsum brjod dam brjod du bcug na/ des ston pa la chos kyi 'khor lo rab tu bskor bar bskul bar 'gyur ro/ /rab 'byor/ gang zhig chos kyi rnam grangs 'di yi
63a6 ger 'bri'am/ yi ger 'brir 'jug pa de bde ba dang bcas shing yid bde ba dang bcas bzhin du byang chub mngon par rdzogs par 'tshang rgya bar 'gyur ro/ /des sangs rgyas
63a7 thams cad kyi mdzod kyang bzung bar 'gyur ro/ /rigs kyi bu dag /chos kyi rnam grangs 'di ni/ sems can dmyal bar 'gro ba'i sems can rnams kyi rna lam du grag par mi 'gyur ro//
63b1 gang dag mi'i skye gnas nas shi 'phos te yongs su dag pa'i sangs rgyas kyi zhing rnams su skye ba de dag gi rna lam du chos kyi rnam grangs 'di grag par 'gyur ro/ /rab 'byor/ gang gis
63b2 sangs rgyas stong la dge ba'i rtsa ba bskyed pa de'i rna lam du chos kyi rnam grangs 'di grag par 'gyur ro/ /rab 'byor/ rigs kyi bu'am/ rigs kyi bu mo gang chos kyi rnam grangs 'di thos
63b3 nas dad dam/ 'chang ngam/ klog gam/ kun chub par byed dam/ gzhan dag la yang rgya cher yang dag par rab tu ston par 'gyur ba de'i lag tu byang chub song ngo / /zhes bshad
63b4 do| |des mig lnga thob par 'gyur/ dbang po ma tshang bar mi 'gyur/ dran pa brjed pa med par 'chi ba'i dus byed par 'gyur/ sangs rgyas thams cad sgrub pa'i ting nge 'dzin thob
63b5 bar 'gyur/ rnam par snang mdzad rnam par sprul pa'i ting nge 'dzin dang / gzungs kyi snying po'i ting nge 'dzin dang / gtsug gi nor bu'i phyag rgya'i ting nge 'dzin dang / dbang bskur ba'i
63b6 ting nge 'dzin dang / spyan ras gzigs kyi phyag rgya'i ting nge 'dzin rab tu thob par 'gyur/ yi ge med pa'i za ma tog gi gzungs thob par 'gyur/ chos thams cad la rnam par rgyal pa
63b7 thob pa'i gzungs dang / the tshom rnam par sbyong ba'i gzungs dang / don dam pa'i rnam par nges pa'i gzungs thob par 'gyur te/ de la sogs pa gzungs dang / ting nge 'dzin gyi sgo brgya stong
64a1 mtha' yas pa thob par 'gyur ro/ /mngon par shes pa lnga dang ldan par 'gyur ro/ /bsam bzhin du 'chi 'pho dang skye ba yongs su 'dzin par
64a2 'gyur ro/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal/ sangs rgyas mang po la bsnyen bkur byas pa khyod la chos kyi
64a3 rnam grangs 'di yongs su gtad kyi/ yang dang yang rgya cher yang dag par rab tu shod cig /'jam dpal/ khyod kyis de bzhin gshegs pa ji snyed cig la bsti stang
64a4 byas pa dang / btsun par byas pa dang / rim gror byas pa dang / mchod pa byas pa de ji snyam du sems/ 'jam dpal/ dge ba'i rtsa ba de la mtha'am mu yod dam/ dge ba'i rta
64a5 ba dpag par nus sam/ 'jam dpal gyis gsol pa/ bcom ldan 'das/ ma lags so/ /bde bar gshegs pa/ ma lags so/ /bcom ldan 'das kyis bka'
64a6 stsal pa/ 'jam dpal/ gang gis snyigs ma lnga'i dus na chos kyi rnam grangs 'di 'jig rten gyi khams mi mjed 'dir rgya par byed par 'gyur ba de dag de las dge ba'i rtsa ba chen por
64a7 'gyur ro/ /'jam dpal/ gal te khyod de bzhin gshegs pa mang po de snyed cig la na bza' dang / zhal zas dang / gzims cha dang / snyun gsos kyi sman dang / yo byad rnams
64b1 kyis bsnyen bkur byed kyi chos kyi rnam grangs 'di ston par mi byed na/ khyod da dung du'ang de bzhin gshegs pa rnams la nyes pa dang bcas par 'gyur ro/ /'jam dpal/ gal te
64b2 khyod de bzhin gshegs pa gcig la'ang phyag mi byed kyi/ chos kyi rnam grangs 'di rgyas par byed na de bzhin gshegs pa thams cad la khyod kyis mchod pa'i bar du byas par 'gyur
64b3 ro| |bcom ldan 'das kyis de skad ces bka' stsal nas 'jam dpal gzhon nur gyur pa dang / drang srong chen po me sgron dang / dge slong de dag dang / lha dang / mi dang / lha ma yin
64b4 dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa don dam pa'i chos kyis rnam par rgyal ba zhes bya ba theg pa chen po'i
64b5 mdo rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo tsA ba ban+d+he ye shes sdes bsgyur cing zhus te skad gsar bcad kyis bcos nas
gtan la phab pa/
CLOSE WINDOW