བོད་ཡིག |
154a2 zhus chen gyi lo ts+tsha ban+de ye shes sdes bsgyur cing zhus te skad gsar bcad kyis kyang bcos nas gtan la phab pa// //rgya gar skad du/ da sha tsakra k+Shi ti
154a3 gaR+b+ha nA ma ma hA ya na sU tra/ bod skad du/ 'dus pa chen po las sa'i snying po'i 'khor lo bcu pa zhes bya ba theg pa chen po'i mdo/ bam po dang po/ sangs rgyas dang / byang
154a4 chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das ri kha la de ya zhes bya ba drang srong thub pa mang po'i spyod
154a5 yul gyi gnas na/ dge slong gi dge 'dun chen po tshad med grangs med pa dang thabs gcig tu bzhugs te/ thams cad kyang nyan thos kyi dge 'dun chen po sha stag go /
154a6 gzhan yang / byang chub sems dpa' sems dpa' chen po tshad med grangs med pa dang thabs gcig pa thams cad kyang byang chub sems dpa'i dge 'dun chen po sha stag
154a7 ste| zla ba'i snying po zhes bya ba bshad ma thag tu/ de'i tshe lho phyogs nas bsung gi sprin chen po 'dus pa las bsung gi char chen po rab tu 'bab bo/ /me tog gi sprin
154b1 chen po 'dus pa las me tog gi char chen po rab tu 'bab po/ /rin po che'i lha rdzas kyi rgyan gyi sprin chen po 'dus pa las rin po che'i lha rdzas kyi rgyan gyi char chen po rab tu 'bab
154b2 po| |lha rdzas kyi gos kyi sprin chen po 'dus pa las lha rdzas kyi gos kyi char chen po rab tu 'bab po/ /de lta bu'i sprin dang / char chen pos drang srong thub pa mang po'i spyod yul gyi gnas
154b3 kyi ri de la khyab par gyur to/ /bsung dang / me tog dang / rin po che'i rgyan dang / gos de dag las chos chen po'i sgra dbyangs rnam pa sna tshogs brgya stong snyed grags par gyur pa
154b4 ni| 'di lta ste/ dkon mchog la skyabs su 'gro ba'i sgra dang / bslab pa'i gnas 'dzin pa'i sgra dang / ngang des shing bzod pa can gyi sgra dang / brtson 'grus rtsom pa'i sgra dang /
154b5 bdud bzhi btul ba'i sgra dang / shes rab la gzhol zhing 'jug pa'i sgra dang / grags pa chen pos 'jig rten gsum du rgya cher grags pa'i sgra dang / dran pa dang / ting nge 'dzin
154b6 dang | gzungs kyi khyad par la nan tan bya ba'i sgra dang / stong pa nyid dang / mtshan ma med pa dang / smon pa med pa'i sgra dang / 'dod chags kyis yongs su skyo ba'i sgra dang / gzugs
154b7 mi chu'i lbu ba lta bu'o zhes pa'i sgra dang / tshor ba ni chu'i chu bur lta bu'o zhes pa'i sgra dang / 'du shes ni smig rgyu lta bu'o zhes pa'i sgra dang / 'du byed ni chu shing lta bu'o zhes
155a1 pa'i sgra dang / rnam par shes pa ni sgyu ma lta bu'o zhes pa'i sgra dang / mi rtag pa'i sgra dang / sdug bsngal ba'i sgra dang / bdag med pa'i sgra dang /
155a2 stong pa'i sgra dang / 'dzem pa dang / ngo tsha bar ldan pa'i sgra dang / kun spong ba'i sgra dang / dran pa nye bar gzhag pa'i sgra dang / byams pa dang / snying rje dang / dga' ba dang / btang snyoms
155a3 kyi sgra dang / chos kun chub pa'i sgra dang / mtho ris su skye ba dang / mya ngan las 'das pa'i sgra dang / theg pa gsum la 'bab pa'i sgra dang / chos chen po'i 'khor lo bskor ba'i sgra
155a4 dang | chos chen po'i char rab tu 'bebs pa'i sgra dang / sems can yongs su smin par bya ba'i sgra dang / ngan song gsum las yongs su sgrol ba'i sgra dang / pha rol tu phyin pa
155a5 drug yongs su rdzogs par bya ba'i nan tan bya ba'i sgra dang / thabs mkhas pa'i sgra dang / sa bcu 'bab pa'i sgra dang / mngon par shes pas rnam par rol ba'i sgra dang / bla na med
155a6 pa'i theg pa chen po rnam par rol pa'i sgra dang / sa las phyir mi ldog pa'i sgra dang / mi skye ba'i chos kyi bzod pa'i sgra dang / spyi bo nas dbang bskur ba'i sgra dang / sangs rgyas
155a7 thams cad kyi rgya mtsho chen po la 'jug pa'i sgra'i nga ro grags par gyur to/ /de'i tshe 'khor gyi dkyil 'khor mang po de dag thams cad kyis de lta bu'i sprin dang / char rnam pa
155b1 sna tshogs mthong zhing de ltar chos kyi sgra'i nga ro'ang thos par gyur nas de dag gi so so'i yid ci la mos pa bzhin du so so'i lus la rnam pa sna tshogs kyi bsung dang / me tog dang /
155b2 rin po che'i rgyan dang / lha rdzas kyi gos dam pas yongs su brgyan par mthong ngo / /yang so so'i lag mthil gnyis na yid bzhin gyi nor bu rin po che thogs shing yid bzhin gyi nor
155b3 bu rin po che de dag re re las kyang rin po che rnam pa sna tshogs char bzhin du 'bab par mthong ngo / /gzhan yang / nor bu rin po che de dag las 'od zer rnam pa sna tshogs su byung ste/ 'od
155b4 zer de dag gi dbang gis sems can de dag so so nas phyogs bcu'i chu klung gang+gA'i klung gi bye ma snyed kyi sangs rgyas kyi zhing yang mthong ngo / /yang 'od zer de dag gi dbang gis sangs rgyas kyi zhing
155b5 de dag na de bzhin gshegs pa de re re la'ang 'khor mang po tshad med pas bsti stang dang bcas te yongs su bskor bar mthong ngo / /gzhan yang / 'od zer de'i dbang gis sangs rgyas
155b6 kyi zhing de dag na sems can gang nad kyis gzir ba thams cad kyang 'od zer de dag gis reg ma thag tu nad kyi sdug bsngal dang bral bar gyur to/ /gang bsad pa la thug pa dang /
155b7 btson du bzung zhing bcings pa dag kyang 'od zer de dag gis reg ma thag tu de dag las yongs su thar bar gyur to/ /gang lus dang / ngag dang / yid mi bde bar spyod pa'i gnas ngan
156a1 len lci ba dag kyang 'od de'i dbang gis shin tu yang zhing rnam par dag par gyur to/ /gang bkres shing skom pa dag kyang 'grangs shing ngoms
156a2 par gyur to/ /gang gsad pa dang / chad pa sna tshogs kyis nyon mongs par gyur pa dag kyang 'od zer de dag gis reg ma thag tu sdug bsngal ba dang bral bar gyur to/ /
156a3 gang bgo ba dang / rin po che'i rgyan dang / dbyig dang / nor rdzas kyis brel cing phongs pa dag kyang bsams pa bzhin du 'byor cing ldan par gyur to/ /sems can gang srog
156a4 gcod pa la dga' zhing mos pa nas log par lta ba'i bar du dga' zhing mos pa dag kyang 'od zer des reg ma thag tu srog gcod pa yongs su spong ba la dga' zhing mos
156a5 pa nas log par lta ba'i bar du yongs su spong ba la dga' zhing mos par gyur to/ /sems can gang 'dod pa mi rnyed pa rnam pa sna tshogs kyis sdug bsngal bar gyur pa
156a6 dag kyang 'od zer des reg ma thag tu ji ltar re ba bzhin du rnyed par gyur to/ /gzhan yang / 'od zer de'i dbang gis sangs rgyas kyi zhing thams cad kyi sems can gang
156a7 sdug bsngal gyis gdungs pa dag thams cad zhi nas rab tu bde ba dang ldan par mthong ngo / /gzhan yang / sangs rgyas kyi zhing de dag thams cad du 'od kyis snang bar byas pas
156b1 sprin dang / rdul dang / na bun dang / rlung dang / rdzi char dang / bkra mi shis pa'i sgra dang / dri mi zhim pa dang / kha ba dang / tsha ba la sogs pa'i ro ngan pa dang / yid du mi 'ong ba'i
156b2 reg bya dang / 'jigs skrag pa dang / gnod pa mang po rnams med par gyur to/ /gzhan yang / las ngan pa dang / log pa'i ngag dang / log pa'i bsam pa dang / log par phyogs
156b3 pa dang yongs su bral te lhag par mi grang ba dang / lhag par mi tsha ba dang / rab tu zhi zhing bde ba dang / sa gzhi lag mthil ltar mnyam pa dang / bde ba'i yo byad dam pa thams
156b4 cad kyis yongs su gang bar gyur to/ /de'i tshe na 'khor mang po rnams kyi so so'i lus kyi sa'i khams lhag par lci zhing mi theg pa tsam du gyur to/ /ltas 'di lta bu gyur pa
156b5 mthong nas thams cad kyang dngangs te de ci'i rgyu ci'i rkyen gyis ltas 'di lta bur gyur snyam du rtog pa skyes so/ /de'i tshe 'khor gyi dkyil 'khor de'i nang na brgya byin lha'i dbang
156b6 bo dri ma med par skyes zhes bya ba bcom ldan 'das dang ha cang yang mi ring ba zhig na 'dug pa las langs nas/ bcom ldan 'das kyi zhabs la spyi bos phyag btsal te/ bcom
156b7 ldan 'das gang na ba de logs su thal mo sbyar nas tshigs su bcad pa 'di skad ces gsol to/ /bden par gsung zhing bden gzigs pa/ /bden la rab gnas thub pa
157a1 khyod| |'dus pa'i 'khor mang thams cad la/ /mthar phyin bden pa'i chos gsungs shig /so so'i skye bo mang po dag /sdug bsngal rgyu dang sdug
157a2 bsngal sel/ /ci yi slad du 'khor 'dir ni/ /sprin dang char rnams gda' bar gyur/ /'khor rnams rab tu dga' rangs nas/ /shin tu dad pa'i bsam pa skyes/ /theg pa
157a3 chen por thams cad gzhol/ /yang dag lta skye som nyi brgal/ /'khor mang lha dang mi yi lus/ /lhag par sa yi khams lci bas/ /rang gis mi theg gyur ba 'di/ /ci yi rkyen
157a4 gyis ltas 'di byung / /lag mthil gnyis na nor bu'i las/ /rin chen char 'bab 'od kyang 'gyed/ /phyogs bcur snang byas sdig pa bsal/ /sdug bsngal zhi nas bde ba
157a5 thob| |'dren pas gsungs shig ci yi rkyen/ /'khor gyi dkyil 'khor thams cad la/ /spos dang phreng ba sna tshogs kyis/ /so so'i lus la brgyan pa gda'/ /lha dang mi kun the tshom skyes//
157a6 ci yi rgyu dang ci yi rkyen/ /su zhig gang nas 'dir mchi na/ /rdzu 'phrul mthu 'di ston par gyur/ /sangs rgyas byang chub sems dpa' 'am/ /'on te tshangs pa'am bdud lags
157a7 sam| |brgya byin lags sam su mchi ba/ /'dren pa chen pos bshad du gsol/ /de'i tshe bcom ldan 'das kyis brgya byin dri ma med par skyes pa la 'di skad ces
157b1 bka' stsal to/ /khyod kyis 'di ltar shes par byos shig /byang chub sems dpa' sems dpa' chen po sa'i snying po zhes bya ba yod de/ sngon bskal pa chen po tshad med grangs
157b2 med pa'i bar du rnyog pa lnga'i tshe/ sangs rgyas mi bzhugs pa'i 'jig rten gyi khams su sems can yongs su smin par byed pa de/ da ltar 'khor byang chub sems dpa' bye ba khrag
157b3 khrig stong phrag brgyad cu dang bcas te/ 'jig rten gyi khams 'dir nga la phyag 'tshal ba dang / bsnyen bkur dang / mchod pa bya ba dang / gzhan yang / 'khor gyi dkyil 'khor rnams la
157b4 blta ba dang / rjes su yi rang ba bskyed pa'i phyir 'khor dang bcas te dge sbyong gi gzugs kyis 'dir 'ong bas mngon par shes pa'i mthus cho 'phrul 'di dag bstan to/ /byang chub
157b5 sems dpa' sems dpa' chen po sa'i snying po zhes bya ba de tshad med grangs med bsam gyis mi khyab pa'i yon tan gyi khyad par gyis yongs su brgyan pas nyan thos dang / rang
157b6 sangs rgyas dang / 'jig rten du bcas pa thams cad kyis dpog nus pa med de/ /byang chub sems dpa' de ni yon tan phul du gyur pa thams cad kyi gter du gyur pa'o/ /rnam
157b7 par grol ba'i rin po che'i 'byung gnas yin no/ /byang chub sems dpa' rnams kyi mig yongs su dag par byed pa'o/ /mya ngan las 'da' bar 'gro ba'i ded dpon du gyur pa'o//
158a1 yid bzhin gyi nor bu rin po che ltar rin po che thams cad char bzhin du 'bab pas ji ltar re zhing 'dod pa thams cad yongs su tshim par
158a2 byed pa'o/ /tshong ba mang po'i rin po che'i gling lta bu'o// dge ba'i rtsa ba 'phel zhing skye ba'i phyir zhing gshin pa lta bu'o// rnam par grol ba'i bde ba la 'jog pa'i phyir snod
158a3 lta bu'o/ /rin po che dam pa'i 'byung gnas su gyur pa'i phyir yon tan gyi bum pa bzang po lta bu'o// dge ba'i nan tan can la snang bar byed pa'i phyir nyi ma gsal ba lta bu'o//
158a4 lam stor ba rnams la snang bar byed pa'i phyir sgron ma lta bu'o/ /nyon mongs pa'i gdung ba sel ba'i phyir zla ba ltar sim pa lta bu'o/ /rkang med pa la theg par gyur pa lta bu'o//
158a5 la ma ring por 'gro ba la tshogs kyi stegs bu lta bu'o/ /'brog bslad pa la lam ston pa lta bu'o/ /smyos shing 'khrugs pa la sman dam pa lta bu'o/ /nad kyis gzir ba la
158a6 sman pa mkhas pa dang phrad pa lta bu'o/ /rgas shing 'khogs pa la brten dang / 'khar ba lta bu'o/ /ngal ba dang / dub pa la khyi dang / stan lta bu'o/ /chu bo bzhi rgal ba la zam pa lta
158a7 bu'o| |pha rol tu 'gro ba la gru dang / gzings lta bu'o/ /dge ba'i rtsa ba rnam pa rnam gsum gyi 'bras bu khyad par can smin par byed pa'o/ /dge ba rnam gsum gyi gzhi 'dren cing rgyun
158b1 du 'bebs pa'o/ /sbyin pa gtong ba'i rgyun mi 'chad pa 'khor lo ltar 'jug pa'o/ /tshul khrims srung ba brtan pas ri rab lhun po lta bu'o/ /brtson 'grus gzhig par dka' ba na rdo rje/
158b2 rin po che lta bu'o/ /bzod pa mi g.yo ba ni sa chen po lta bu'o/ /bsam gtan zab pa ni gter gsang ba lta bu'o/ /mnyam par 'jog pas mdzes pa ni me tog gi phreng ba lta bu'o/ /
158b3 shes rab zab cing yangs pa ni rgya mtsho chen po lta bu'o/ /cis kyang mi chags pa ni nam mkha' lta bu'o/ /'bras bu dam pa'i rgyu dang nye ba ni me tog rgyas pa lta bu'o/ /mu stegs
158b4 can 'dul ba la seng ge'i rgyal po lta bu'o/ /lha'i bdud yongs su 'joms pa ni klu'am/ glang po che lta bu'o/ /nyon mongs pa'i dgra thams cad gcod pa ni lha'i ral gri lta bu'o//
158b5 'du 'dzi mang pos skyo ba ni rang sangs rgyas kyi theg pa lta bu'o/ /nyon mongs pa'i dri ma 'khru ba ni chu dang pa lta bu'o/ /mi gtsang ba 'i nyal nyil sel ba ni rlung drag po lta bu'o/ /kun
158b6 nas nyon mongs pas glags mi gcod pa ni mtshon rnon po lta bu'o/ /'jigs pa dang / bag tsha ba kun las srung ba ni gnyen nam/ mdza' bo lta bu'o/ /phas kyi rgol ba'i dgra
158b7 las skyob pa ni 'obs sam/ mkhar lta bu'o/ /nyan nga ba thams cad las grol bar byed pas pha ma lta bu'o/ /zhan cings nyam chung rnams sbed pa ni nags stug po lta bu'o/ /dbyar
159a1 lam ring por 'gro ba ba la bsil grib kyi shing chen po lta bu'o/ /tsha ba dang / skom gyis gdungs pa rnams la cha grang lta bu'o/ /bkres pa rnams la
159a2 'bras bu zhim po lta bu'o/ /gcer bu rnams la bgo ba'i gos byed pa'o/ /tshe bas nyen pa rnams la sprin stug por gyur pa'o/ /dbul phongs pa la yid bzhin gyi nor bu rin
159a3 po cher gyur pa'o/ /'jigs skrag pa dag la skyabs dang / gnas su gyur pa'o/ /lo tog rnams la char par gyur ba'o/ /chu rnyog ma can rnams nor bu chu dang du gyur pa'o//
159a4 sems can mang po'i dge ba'i rtsa ba mi 'gong bar byed pas spyod yul dam pa ston cing 'khor spro ba dang / tshim par byed pa'o/ /sems can rnams lhag pa'i 'dzam pa dang /
159a5 ngo tsha ba la bskul zhing 'dzud pa'o/ /bsod nams dang / ye shes kyi tshogs gsog pa la de'i rgyan dang ldan par byed pa'o/ /nyon mongs pa yongs su sel ba la skyug pa
159a6 dang / 'khru pa'i sman lta bur gyur pa'o/ /sems 'khrugs pa sdud pa ni mnyam par 'jog pa'i spyod yul lta bur gyur pa'o/ /spobs pa thogs pa med pa ni zo chun rgyud pa'i
159a7 'khor lo lta bu'o/ /dmigs pa la sems sdug pa ni gzugs bzang po la rtog pa lta bu'o/ /bzod pa brtan pa ni ri rab lhun po lta bu'o/ /gzugs zab cing rgya che ba ni rgya
159b1 mtsho chen po lta bu'o/ /rdzu 'phrul gyi rkang pa thogs pa med pa ni nam mkha' lta bu'o/ /sgrib pa'i bag chags thams cad yongs su sel ba ni ji ltar nyi ma tsha bas 'khyag pa cha mtshon/
159b2 bzhu ba lta bu'o/ /rtag tu bas ma gtan dang / gzugs med pa dang / yang dag pa'i lam la rol cing thams cad mkhyen pa'i ye shes kyi rin po che'i dam pa'i gling lta bur gyur
159b3 pas ched du ma brtsams kyang chos chen po'i 'khor lo rab tu bskor ro/ /rigs kyi bu/ de ltar byang chub sems dpa' sems dpa' chen po sa'i snying po de ni de lta bu'i yon tan gyi
159b4 khyad par tshad med grangs med pa bsam gyis mi khyab pa dang ldan pa de 'khor dang bcas te gnas 'dir phyir du nya bas 'od las 'di lta bu'i cho 'phrul dang / ltas sngar bstan pa yin no/ /bcom
159b5 ldan 'das kyis byang chub sems dpa' sa'i snying po'i yon tan mang po bshad ma thag tu de'i tshe byang chub sems dpa' sems dpa' chen po sa'i snying po 'khor byang chub sems
159b6 dpa' bye ba khrag khrig brgya stong phrag brgyad cu dang bcas te/ rdzu 'phrul gyi mthus dge sbyong gi gzugs su ston cing lho phyogs nas bcom ldan 'das kyi spyan sngar lhags te/ 'khor
159b7 mang po dang bcom ldan 'das kyi zhabs gnyis la spyi bos gtugs te phyag btsal nas lan gsum bskor ba byas te/ de bzhin gshegs pa'i spyan sngar thal mo sbyar nas/ 'greng
160a1 bzhin du tshigs su bcad pa 'di dag gis mngon par bstod do/ /rnam par 'dren pa rkang gnyis mchog /byams pa'i thugs kyis kun la skyob/ /sa
160a2 chen ltar ni shin tu bzod/ /zhe sdang khro ba'i sems kun bsal/ /mtshan dang dpe byad mchog ldan pas/ /sangs rgyas kun gyi zhing rab brgyan/ /bden pa'i byams dang snying rje
160a3 yis| |rgyal ba'i zhing kun rab tu 'gengs/ /sred pa'i dra ba kun bcad nas/ /yang dag ci bzhin bde bar gnas/ /yongs su dag pa'i zhing spangs nas/ /rnyog pa can gyi sems
160a4 can dgrol// rnyog pa'i zhing 'dir dam bcas te/ /ngan 'gro sems can smin par mdzad/ /yang dag brtan pa'i rtsol ba yis/ /ring mo zhig nas dka' thub spyad/ /yun ring
160a5 dka' thub spyad pa dang / /thos nas 'jigs pa'i sems kyang skye/ /sbyin pa tshul khrims bzod pa dang / /brtson 'grus bsam gtan shes rab bskyed/ /sangs rgyas byang chub
160a6 sems dpa' dang / tshad med nyan thos bsnyen bkur mchod/ /gzhan yang skye bo mang po dag /bkres sko ma na 'chi kun las bsgral// so so'i skye bo gzhan gyi phyir/ /lus
160a7 srog ma chags mang du btang / /yang dag dam pa'i chos tshol phyir/ /sha dang rus pa'ang mang du btang / /bdag gi bde ba kun btang nas/ /skye bo rnams la thugs brtser
160b1 dgongs/ /so so'i skye bo mang po'i phyir/ /the tshom dra ba gcod la brtson/ /dbang po drug rnams rab bsdams nas/ /'dong ba thams cad ring du spangs/ /'dus byas mi rtag sdug
160b2 bsngal te/ /bdag med stong pa nyid du rtogs/ /sdug bsngal las kun skye ba yi/ /rgyu ni 'dod chags sred pa'o/ /de phyir dbang po drug pas sngar/ /'dod chags yongs su gcad
160b3 par bya/ /sems can gnas pa'i khams kun tu/ /rtag par thugs rje chen pos gnas/ /byang chub mchog tu sangs rgyas kyang / /sngon gyi smon lam kun mi gtong / /sems
160b4 can gang zhig sdug bsngal gyis/ /rnam par gzir ba dag gzigs nas/ /shin tu 'bab pa'i brtson 'grus kyis/ /de las sgrol phyir rab tu brtson/ /sbyin pa tshul khrims
160b5 bzod brtson 'grus/ /bsam gtan shes rab kun bsgoms nas/ /ji ltar ma ni bu gcig la/ /byams pa'i sems kyi gso bzhin du/ /sngon yang sems can ris kun la/ /
160b6 rtag tu byams pa'i thugs bskyed pas/ /de phyir myur du sangs rgyas nas/ /tshad med pa yi 'khor rnams sgrol// ji tsam byang chub spyod bsgoms pa/ /sems can don du ma bsngos
160b7 med| |de bas sems can thams cad la/ /pha rol phyin pa drug mi gtong / /rtag tu dus ngan tha ma'i tshe/ /bla med byang chub bsgrubs pas na/ /da yang dus ngan tha ma'i tshe/ /bla med
161a1 byang chub mngon sangs rgyas/ /ngan par lta ba'i lta klu mi/ /gnod sbyin dag ni kun btul te/ /the tshom gcod cing bder bkod pa/ rdo rje lta bu'i lam
161a2 la'o/ /tshad med pa yi skye bo dag /byang chub mchog tu lung yang ston/ /mchod 'os 'dren pa'i gtsor gyur te/ /mchog gi bsod nams zhing du gyur/ /dpe zla med pa'i bcom
161a3 ldan 'das/ /byams pas 'gro ba kun la skyob/ /tshad med grags pa chen po yis/ /phyogs bcu'i 'jig rten yongs su khyab/ /de bas byang chub sems dpa' rnams/ /bdag
161a4 gi don du bsgrub pa'i phyir/ /kun nas lhan cig 'dir 'dus nas/ /thub pa chen po spyan sngar lhags/ /dam pa'i chos rnams thos nas ni/ /rab tu dga' ba'i sems skyes te//
161a5 lhag par yang dag brtson bskyed nas/ /byang chub spyod la nan tan bgyid/ /rnam par 'dren pa'i chos kyi mthus/ /thams cad mngon par 'tshang rgya bas/ /de bas deng 'dir
161a6 'dren khyod kyis/ /bsdus pa'i 'khor ni sngon ma byung / /gnod sbyin khri phrag bcu gsum snyed/ /rtag tu sha za khrag 'thung ba/ /thams cad sdig pa'i las btang nas/ /byang chub
161a7 chen por 'bab cing gzhol/ /kha cig khyad par gzugs mchog dang / /bzod pa ting nge 'dzin yang thob/ /kha cig zag pa kun zad nas/ /'jig rten mchog gi dgra bcom
161b1 gyur| |kha cig tshad med bzhi bsgoms shing / /kha cig bsdu ba bzhi la gnas/ /kha cig yang dag rigs bzhi thob/ /kha cig mthun pa'i bzod la gnas/ /kha cig dpa' 'grol
161b2 ting 'dzin thob/ /kha cig shes rab mig dang ldan/ /kha cig mi skye bzod la gnas/ /de kun 'dren pas byin gyis brlabs/ /bcom ldan gzi brjid chen po'i mthus/ /bdud kyi
161b3 'khor rnams bcom nas su/ /rnam pa dgu bcu rtsa lnga yi/ /mu stegs can gyi ris kun btul/ /sems can dmyal ba byol song dang / /yi dwags lha min rgyud kun bcom/ /bde
161b4 bas sems can bden pa rnams/ /thams cad rgyal ba'i spyan sngar lhags/ /nad dang mtshon gyis 'jigs pa dang / /mu ges 'jigs pa'ang deng 'dir bcil/ /sems can mdongs
161b5 shing 'thom pa dang / /yang dag lam ni stor ba bsgrol/ /nyon mongs myos shing 'khrugs pa dag /thams cad zhi ba'i lam la bkod/ /bdag gi bya ba kun spangs te/ /lhags nas
161b6 bcom ldan zhabs la thug /dpag tu med pa'i zhing rnams na/ /bcom ldan da ltar bzhugs pa'i rnams/ /thams cad khyod la kun bsngags bas/ /thos nas thams cad 'di
161b7 ru lugs/ /thams cad mkhyen pa rgya mtsho yi/ /yang dag yon tan tshad ma mchis/ /sems can mang po'i don mdzad pa/ /mos pa'i sems kyis phyag 'tshal lo/ /tshad med bsod
162a1 nams rdzogs bgyis pas/ /bcom ldan zhabs la phyag 'tshal gyur/ /tshad med bskal pa'i bar du yang / /mchod pa mang pos mchod par shog /bdag
162a2 kyang bcom ldan ji bzhin du/ /de lta bu yi yi dam bcas/ /rnyog pa can gyi 'jig rten 'dir/ /bla med byang chub thob par shog /de'i tshe byang chub sems dpa' sems dpa' chen
162a3 po sa'i snying pos tshigs su bcad pa dam pa 'di dag gis/ bcom ldan 'das la mngon par bstod nas 'khor dang bcas te/ gzhan yang / lha rdzas kyi bsung dang / me tog
162a4 rnam pa sna tshogs kyi rin po che'i rgyan tshad med pa snyed kyis bcom ldan 'das la mngon par gtor nas steng gi bar snang la rin po che'i gdugs su gyur te/ dam pa'i chos
162a5 mnyan pa'i phyir bcom ldan 'das kyi spyan sngar ci'ang mi smra bar 'dug go /de'i tshe 'khor gyi dkyil 'khor der 'dus pa'i 'khor thams cad kyis byang chub sems dpa' sems
162a6 dpa' chen po sa'i snying po mthong nas ngo mtshar rmad du gyur te/ so so nas rnam pa sna tshogs kyi lha rdzas kyi spos dang / me tog dang / rin po che'i rgyan dang / /na bza' dang /
162a7 rgyal mtshan dang / ba dan dang / gdugs la sogs pa phul te byang chub sems dpa' sems dpa' chen po sa'i snying po la mchod pa byas nas 'di skad ces smras so/ /
162b1 bdag cag gis rnyed pa rab tu rnyed do/ /bcom ldan 'das kyi byin gyi rlabs kyis mngon sum du skyes bu chen po khyod mthong nas bsti stang dang bcas te mchod pa byas par gyur to/
162b2 zhes smra'o/ /de nas 'khor gyi dkyil 'khor de'i nang na byang chub sems dpa' sems dpa' chen po rigs par the tshom 'dri zhes bya ba zhig 'dug pa stan las langs nas gos
162b3 tshags bcos te phrag pa g.yas pa phyung nas bcom ldan 'das kyi zhabs la spyi bos phyag btsal nas pus mo g.yas pa'i lha nga sa la btsugs te/ bcom ldan 'das gang na
162b4 ba de logs su thal mo sbyar nas bcom ldan 'das la 'di skad ces gsol to/ /bcom ldan 'das/ rigs kyi bu 'di gang nas mchis/ gnas pa'i sangs rgyas kyi zhing 'di na/ ji
162b5 srid cig na mchis/ yon tan dang / dge ba'i rtsa ba ji tsam zhig dang ldan na bcom ldan 'das kyis bstod pa rnam pa sna tshogs kyis bsngags la phyir yang bcom ldan 'das kyi yon
162b6 tan gyi rgya mtsho bsam gyi khyab pa la mngon par bstod par gyur/ bdag cag gis sngon ma mthong bas ngo mtshar du'i gyur nas bcom ldan 'das kyis bdag cag la bshad du gsol/ /
162b7 bcom ldan 'das kyis bka' stsal pa/ rigs kyi bu/ thongs shig /skyes bu chen po 'di'i yon tan dang / dge ba'i rtsa ba ji tsam pa de 'jig rten du bcas pa lha dang / mi'i 'khor thams cad
163a1 kyis rtogs par nus pa ma yin no/ /gal te de bzhin gshegs pas skyes bu chen po de'i yon tan dang / dge ba'i rtsa ba rgyas par bshad na 'jig
163a2 rten du bcas pa lha dang / mi thams cad kyi mgo rmongs te yid mi ches par 'gyur ro/ /de nas byang chub sems dpa' rigs par the tshom 'dri bas yang gsol pa/ bcom ldan
163a3 'das/ bdag cag la thugs brtse ba'i slad du bshad du gsol/ /bcom ldan 'das kyis bka' stsal pa/ legs par shin tu nyon la yid la zungs shig dang / ngas
163a4 khyod la phyogs tsam zhig bshad par bya'o/ /ji ltar skyes bu chen po de'i yon tan gyi khyad par tshad med bsam gyis mi khyab pa dang ldan no/ /'di lta ste/ dpa' bar 'gro
163a5 ba'i ting nge 'dzin kyi khyad par la bde bar gnas pa'o/ /de bzhin gshegs pa'i spyod yul lnga shin tu rtogs par 'jug pa'o/ /mi skye ba'i chos kyi bzod pa'i khyad par yang
163a6 thob pa'o/ /sangs rgyas kyi chos thams cad la dbang du gyur pa'o/ /thams cad mkhyen pa'i ye shes kyi sa la bzod pa thob pa'o/ /thams cad mkhyen pa'i ye shes kyi rgya mtsho'i
163a7 pha rol tu phyin pa'o/ /seng ge rab tu bsgyings pa'i rgyal mtshan gyi ting 'dzin la'ang shin tu gnas pa'o/ /thams cad mkhyen pa'i ye shes kyi ri la'ang rab tu 'dzegs pa'o/ /mu
163b1 stegs can dang / phas kyi rgol ba thams cad shin tu tshoms pa ste/ sems can thams cad yongs su smin par bya ba'i phyir sangs rgyas kyi zhing ji snyed pa thams cad du de gnas par
163b2 byed do/ /skyes bu chen po de ji ltar gnas pa bzhin du sangs rgyas kyi zhing rnams kyang de bzhin du gnas te/ gang ting nge 'dzin rnams kyis tshad med pa'i yon tan gyi khyad par skyed par
163b3 gyur pas gdul ba'i sems can tshad med pa dag yongs su smin par byed do/ /skyes bu chen po de ji ltar gnas pa bzhin du sangs rgyas kyi zhing rnams kyang de bzhin du 'gyur te/
163b4 gal te ye shes mngon par skyed pa zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de na gnas pa'i sems can thams cad mthun
163b5 par ting nge 'dzin rnams kyi spyod yul kun mthong bar 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te dpag tu med pa'i
163b6 ye shes dang ldan pa zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de na gnas pa'i sems can thams cad ci nus pa bzhin du
163b7 tshad med pa'i yo byad dam pas sangs rgyas bcom ldan 'das de la bsti stang dang bcas pas mchod par 'gyur ro/ /ji ltar gnas pa bzhin du sangs rgyas kyi zhing rnams kyang de
164a1 bzhin du 'gyur te/ gal te rnam par dag pa'i ye shes phun sum tshogs ba zhes bya ba'i ting nge 'dzin la snyoms par zhugs na ting nge 'dzin de'i
164a2 mthus sangs rgyas kyi zhing de dag na gnas pa'i sems can thams cad kyis mthun par 'dod pa'i spyod yul gyi nyes pa'i skyon tshad med pa mthong nas sems rnam par
164a3 dag par 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te khrel ba dang / ngo cha ba dang ldan pa'i ye shes zhes bya ba'i
164a4 ting nge 'dzin la snyoms par zhugs na ting nge 'dzin de'i mthus sangs rgyas kyi zhing de dag na gnas pa'i sems can thams cad lhag pa'i 'dzem pa dang / ngo tsha ba dang ldan
164a5 zhing sdig pa mi dge ba'i chos dang yongs su bral nas bsam pa mi nyams par 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur
164a6 te| gal te theg pa thams cad dang ldan pa bsal ba zhes bya ba'i ting nge 'dzin la snyoms par zhugs na sangs rgyas kyi zhing de dag na gnas pa'i sems can thams cad
164a7 thangs mkhas pa'i rdzu 'phrul gyi mig gi mngon par shes pa dang / sngon gyi gnas dran pa'i mngon par shes pa dang / 'chi 'pho ba dang / skye ba mngon par shes pa dang /
164b1 'jig rten 'di dang / 'jig rten pha rol gyi rgyu dang / 'bras bu mngon par rtogs par 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur
164b2 te| |gal te mya ngan med pa'i mngon par shes pas rig pa zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de dag na gnas pa'i
164b3 sems can thams cad mya ngan dang / yi mug pa dang / rmugs pa thams cad dang bral bar 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du
164b4 'gyur te/ gal te mngon par shes pa'i khyad par dang ldan pa zhes bya ba'i ting nge 'dzin la snyoms par zhugs na/ sangs rgyas kyi zhing de dag na gnas pa'i sems can thams
164b5 cad thabs mkhas pa'i mngon par shes pa dang ldan par 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te 'jig rten
164b6 kun tu snang ba zhes bya ba'i ting nge 'dzin la snyoms par zhugs na ting nge 'dzin de'i mthus phyogs bcu'i 'jig rten gyi khams thams cad mun pa dang bral te/ sangs rgyas kyi
164b7 zhing de na gnas pa thams cad kyang phyogs bcu'i sangs rgyas kyi zhing kun mngon sum du mthong bar 'gyur ro/ /de ji ltar gnas pa bzhin du sangs rgyas kyi zhing rnams kyang de
165a1 bzhin du 'gyur te/ gal te sangs rgyas kyi sgron ma zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi
165a2 zhing de dag na gnas pa'i sems can thams cad log par lta ba yongs su spangs nas/ dkon mchog gsum la skyabs su 'gro bar 'gyur ro/ /de ji ltar gnas pa
165a3 bzhin du sangs rgyas kyi zhing rnams kyang de bzhin du 'gyur te/ gal te rdo rje'i 'od ces bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing
165a4 de dag gi ri khor yug dang / khor yug chen po dang / ri rab lhun po dang / de ma yin pa'i ri gzhan dang / lung pa dang / lung phran dang / gcong rong dang / gseg ma dang / gyo mo dang / tsher ma dang / rtswa
165a5 dang / shing ngan pa thams cad mi snang ngo / /sangs rgyas kyi zhing de na ji tsam du ngan par gdags pa dug dang / byad stems dang / gcan gzan ma rungs pa dang / ye 'brog dang / glo bur
165a6 dang / rims nad dang / yul ngan pa dang / nam rmus pa dang / rdul dang / dri ma dang / mi gtsang ba'i nyal nyil thams cad kyang zhi zhing med par 'gyur ro/ /sangs rgyas kyi
165a7 zhing de'i sa gzhi'ang lag mthil bzhin du mnyam zhing bkra shis pa rnam pa sna tshogs rang 'byung ba dang / rnam par dag par 'gyur ba dang / phul du 'gyur ba dang / dam
165b1 par 'gyur ba dang / mtshan ma bzang po du mas yongs su brgyan par 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te ye shes
165b2 kyi stobs gdul dka' ba zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de na gnas pa'i bdud kyi rgyal po 'khor dang bcas te
165b3 thams cad 'jigs skrag nas/ /dkon mchog gsum la skyabs su 'gro bar 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te
165b4 glog gi 'od zer zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de dag na gnas pa'i sems can thams cad 'jig rten pha rol
165b5 gyi 'jigs pa dang bral zhing chos kyis spro bar 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te mchog dam pa'i ro dang
165b6 ldan pa zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de na gnas pa'i sems can thams cad bsams pa bzhin du zas dang / skom
165b7 gyis tshim par 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te mchog gi mdangs dang ldan pa zhes bya ba'i ting nge 'dzin
166a1 la snyoms par zhugs na ting nge 'dzin de'i mthus sangs rgyas kyi zhing de dag na gnas pa'i sems can thams cad gang yang lhag pa'i mthu stobs
166a2 dang mi ldan pa med de/ nad kyi sdug bsngal thams cad dang bral bar 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te
166a3 mchog dam pa'i yo byad ces bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad ci
166a4 la mos pa bzhin du khri stan dang / gding ba dang / gos dang / rin po che'i rgyan dang / ci tsam du 'tsho ba'i yo byad du gtogs pa de dag thams cad kyis brel zhing phongs
166a5 pa med de rab tu mdzes pa shin tu yid du 'ong ba dang ldan par 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te
166a6 rtsod pa med pa'i ye shes zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de dag na gnas pa'i sems can thams cad
166a7 lus dang / sems zo mdog bde zhing yang ba dang / dgra sdang ba dang / 'ching ba thams cad dang bral ba dang / 'dum zhing dga' ba dang / spro ba dang / sbyin pa dang / tshul
166b1 khrims dang / bzod pa dang / brtson 'grus rtsom pa dang / sems mi 'khrug pa dang / shes rab yongs su rdzogs pa la dga' zhing mos par 'gyur ro/ /de ji ltar gnas pa bzhin du
166b2 sangs rgyas kyi zhing rnams kyang de bzhin du 'gyur te/ gal te phul du gyur pa'i spro ba zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de
166b3 dag na gnas pa'i sems can thams cad khyad par can gyi rab tu dga' ba tshad med pa dang ldan par 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du
166b4 'gyur te/ gal te 'jig rten pa'i lam gyi 'od ces phya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de na gnas pa'i sems can thams
166b5 cad thogs pa med pa'i ye shes thob cing rnam par dag pa'i las rnam pa sna tshogs sbyong bar 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur
166b6 te/ gal te rgyal ba'i rdo rje la shin tu gnas pa zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de na gnas pa'i sems can thams
166b7 cad dbang po kun dang ldan zhing dbang po mi nyams pa dang / rtag tu yang dag par 'byung ba'i lam la mos shing sems rab tu zhi bar 'gyur ro/ /de ji ltar gnas pa bzhin du
167a1 sangs rgyas kyi zhing rnams kyang de bzhin du 'gyur te/ gal te lhag pa'i rgyal mtshan rtog pa zhes bya ba'i ting nge 'dzin la snyoms par zhugs na ting
167a2 nge 'dzin de'i mthus sangs rgyas kyi zhing de dag na gnas pa'i sems can thams cad bdag sdig pa mi dge ba'i chos la shin tu skyo zhing mi 'dod pa dang / thams cad kyang
167a3 dge ba srung ba dang / dge ba bcu'i las kyi lam gyis mtho ris kyi lhar skye bar 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal
167a4 te byams pa dang / snying rjer ldan pa zhes bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de dag na gnas pa'i sems can thams cad
167a5 byams pa'i sems dang / snying rje'i sems dang / gnod pa'am/ 'tshe ba med pa'i sems dang / kun la snyoms pa'i sems dang / gcig la gcig phan pa dang / bde bar byed
167a6 pa'i sems skye bar 'gyur ro/ /de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te bsod nams thams cad shin tu sdud pa zhes bya ba'i
167a7 ting nge 'dzin la snyoms par zhugs na ting nge 'dzin de'i mthus sangs rgyas kyi zhing de dag thams cad 'thab pa dang / rtsod pa dang / nad dang / mu ge dang yongs su bral te/ dus
167b1 ma yin pa'i rlung dang / char pa dang / kha ba dang / rtsub pa dang / tsha ba dang / sdug bsngal ba la sogs pa'i reg bya'i yul yid du mi 'ong ba thams cad yongs su zhi bar 'gyur ro/ /de
167b2 ltar skyes bu chen po de gal te rgya mtsho glog 'od ces bya ba'i ting nge 'dzin la snyoms par zhugs na ting nge 'dzin de'i mthus sangs rgyas kyi zhing de dag gi sa chen po thams cad rin po
167b3 che rnam pa sna tshogs las byas par 'gyur zhing nyes pa'i skyon thams cad dang yongs su bral te rnam pa sna tshogs kyi rin po che'i shing dang / gos kyi shing dang / snod kyi shing dang /
167b4 rgyan gyi shing dang / me tog gi shing dang / 'bras bu'i shing dang / rol mo sna tshogs kyi shing la sogs pa 'tsho ba'i yo byad dam pa tshad med pa snyed kyis yongs su brgyan par gyur to//
167b5 de bzhin du/ mdor na/ rigs kyi bu de ni sems can mang po yongs su smin par bya ba'i phyir nyin re zhing snga dro'i dus su ting nge 'dzin gang+gA'i klung gi bye ma snyed dag gi ting nge 'dzin la
167b6 snyoms par 'jug ste/ ting nge 'dzin de las langs nas phyogs bcu'i sangs rgyas kyi zhing kun na gdul ba'i sems can thams cad la ci dang cis 'dul ba bzhin du phan pa dang / bde
167b7 ba'i don de dang / de dag gis yongs su smin par byed do/ /rigs kyi bu 'di ni sngon bskal pa chen po tshad med dpag tu med pa'i bar du rnyog ba lnga'i tshe de bzhin gshegs pa mi bzhugs
168a1 pa'i 'jig rten gyi khams su sems can yongs su smin par byed do/ /phyi ma ma 'ongs pa'i dus su 'jig rten gyi khams la lar gal te mtshon gyis
168a2 'jigs pa byung ste/ sems can dag yongs su gdungs par gyur na/ rigs kyi bu 'di de lta bu dag mthong nas snga dro'i dus kyi tshe ting nge 'dzin rnams kyi mthus mtshon gyis 'jigs
168a3 pa de dag yongs su bcil nas sems can rnams gcig la gcig byams pa'i sems kyis snying brtse bar byed do/ /'jig rten gyi khams la lar nad kyis 'jigs pa byung ste/
168a4 sems can kha btag pa na rigs kyi bu 'dis de lta bu dag mthong nas snga dro'i dus kyi tshe ting nge 'dzin rnams kyi mthus nad kyis 'jigs pa yongs su bcil nas sems can
168a5 rnams rab tu bde ba thob par byed do/ /'jig rten gyi khams la lar gal te mu ges 'jigs pa byung ste sems can/ kha btag pa na rigs kyi bu 'dis de lta bu dag mthong nas
168a6 snga dro'i dus kyi tshe ting nge 'dzin gyi mthus mu ges 'jigs pa yongs su bcil te sems can rnams kha zas kyis yongs su tshim par byed do/ /rigs kyi bu 'dis de ltar ting
168a7 nge 'dzin mang po'i shugs kyis de lta bu la sogs pa tshad med dpag tu med/ bsam gyis mi khyab pa'i phan pa dang / bde ba'i don gyis sems can gyi dbugs 'byin to/ /rigs
168b1 kyi bu 'di de ltar nan tan gyi khyad par tshad med grangs med pa/ bsam gyis mi khyab pa dang ldan pas sems can thams cad la phan pa dang / bde bar byed pa'i don la rab tu
168b2 brtson pa'o/ /sngon 'das pa'i dus na skye bo mang po la phan pa dang / bde ba dang / yongs su smin par bya ba'i phyir sangs rgyas bcom ldan 'das tshad med grangs med pa gang+gA'i klung gi bye ma
168b3 snyed las zad mi shes pa'i yid ma chen po bcas te snying rje chen po dang / mi 'phrogs pa'i brtson 'grus chen po rab tu bskyed do/ /de ltar snying rje chen po dang / mi 'phrogs pa'i brtson
168b4 'grus bskyed de zad mi shes pa'i yi dam bcas pas gong nas gong du 'phags pa'i shugs kyis nyin zhag gcig gam/ skad cig thang cig tsam gyis kyang so so'i skye bo tshad med
168b5 pa bye ba khrag khrig btul te/ sdug bsngal rnam pa sna tshogs las bsgral nas thams cad ci dang / ci 'dod pa de dang / de dag gis re ba yongs su rdzogs par byed do/ /gnas gang dag na
168b6 sems can gang 'dod pa rnam pa sna tshogs kyis sdug bsngal te/ 'dod pas yongs su gdungs par gyur pa dag sems rtse gcig tu byang chub sems dpa' sems dpa' chen po
168b7 sa'i snying po'i mtshan nas brjod cing / dmigs pas bsti stang dang bcas pas mchod pa byas na ci dang / ci 'dod pa thams cad 'thob cing sdug bsngal dang bral te/ skal pa ji lta
169a1 ba bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems can gang bza' ba dang / btung
169a2 bas phongs par gyur pa dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te
169a3 mchod pa byas na ci dang / ci 'dod pa thams cad 'thob cing bza' ba dang / btung ba dang ldan te mtho ris kyi lhar skye ba nas mya ngan las 'da' ba'i bar du 'thob par 'gyur ro/ /
169a4 gnas gang dag na sems can gang bgo ba'am/ rin po che'i rgyan nam/ nad kyi rkyen sman nam/ gding ba'am/ khri stan nam/ 'tsho ba'i yo byad kyis brel cing phongs par gyur pa dag gis
169a5 sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas mchod pa byas na ci dang / ci 'dod pa rnyed
169a6 cing bgo ba dang / rin po che'i rgyan dang / nad kyi rkyen sman dang / gding ba dang / khri dang / 'tsho ba'i yo byad thams cad 'byor cing skal pa ji lta ba bzhin mtho ris kyi lhar skye
169a7 ba nas mya ngan las 'da' ba'i bar du 'thob par 'gyur ro/ /gnas gang dag na sems can gang dag byams sdug pa dang bral te/ dgra sdang bar gyur pa dang phrad par gyur pa
169b1 dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas nas/ byams sdug
169b2 pa dang phrad cing dgra sdang ba dang bral te/ skal pa ji lta ba bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems can gang
169b3 dag lus dang / sems nad dang / sdug bsngal mang pos gzir bar gyur pa dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod
169b4 cing dmigs pas bsti stang dang bcas pas mchod pa byas na de kun lus dang / sems bde zhing nad thams cad dang bral te skal pa ji lta ba bzhin du mtho ris kyi lhar skye ba nas mya ngan
169b5 las 'da' ba'i bar du 'thob par 'gyur ro/ /gnas gang dag na sems can gang 'thab cing rtsod par gyur pa dag gis sems rtse gcig tu byang chub sems dpa' sems dpa'
169b6 chen po sa'i snying po'i mtshan nas brjod cing dmigs pas bsti stang dang bcas pas mchod pa byas na zhe 'gras pa'i sems dang bral te gcig la gcig dga' ba dang / bzod pa dang /
169b7 gcig la gcig byams pa'i sems kyis 'gyod cing chags par 'gyur te skal pa ji lta ba bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /
170a1 gnas gang dag na sems can gang btson du bzung ste btson rar bcug gam/ lcags dang / khong sgril dang / shing gi gdos kyis bcings sam/ yan
170a2 lag bcings te sdug bsngal bar gyur pa dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti
170a3 stang dang bcas pas mchod pa byas na/ de kun btson ra dang / lcags dang / khong sgril dang / lcags sgrog las thar te bag yangs su gyur nas dga' ba dang / skal pa ji lta ba
170a4 bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems can gang dag btson du bzung nas gzhu ba'am/ 'tshog
170a5 pa'am/ nan la bor ba dang / gsod pa la thug pa dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs
170a6 pas bsti stang dang bcas pas mchod pa byas na/ de kun btson du bzung ba dang / gzhu 'tshog pa dang / nan la bor ba las thams cad thar te skal pa ji lta ba bzhin du mtho
170a7 ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems can gang dag lus dang / sems dub pa dang / mthu stobs dang mi ldan cing /
170b1 nyam chung ba dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas
170b2 na de kun lus dang / sems yang zhing bde ba dang / mthu stobs bskyed de cis 'dul ba bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /gnas
170b3 gang dag na sems can dbang po nyams pa dang / ma tshang bar gyur pa dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing
170b4 dmigs pas bsti stang dang bcas pas mchod pa byas na/ de kun dbang po ma tshang ba med cing dbang po dang ldan te skal pa ji lta ba bzhin du mtho ris kyi lhar skye ba nas mya ngan
170b5 las 'da' ba'i bar du 'thob par 'gyur ro/ /gnas gang dag na sems can gang dag smyos shing sems 'khrugs sam/ 'byung po'i gdon gyis brlams pa dag gis sems
170b6 rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ de kun smyos shing sems
170b7 'khrugs pa dang bral te rab tu bde ba dang / skal pa ji lta ba bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems can
171a1 gang dag 'dod chags dang / zhe sdang dang / gti mug dang / khong khro ba dang / phrag dog dang / nga rgyal dang / ngan par lta ba dang / gnyid dang / bag
171a2 med pa dang / the tshom la sogs pas lus dang / sems gdungs te mi bde bar gyur pa dag gis sems rtse gcig tu byang chub sems dpa' sems dpa' chen po sa'i snying
171a3 po'i mtshan nas brjod cing dmigs pas bsti stang dang bcas te mchod pa byas na/ de kun 'dod chags la sogs pa dang bral te lus dang / sems rab tu bde ba dang / skal pa
171a4 ji lta ba bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems can gang dag mes tshig par gyur pa'am/ chus
171a5 khyer ba'am/ rlung gis khyer ba'am/ rbab tu lhung ba'am/ shing ka'am/ khang thog nas lhung ste sems dngangs shing 'khums par gyur pa dag gis sems rtse gcig tu
171a6 byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun mi bde ba'i bgegs dang /
171a7 g.yang sa de dag thams cad las thar te skal pa ji lta ba bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems
171b1 can gang dag sprul gdug pa'am/ gcan gzan gdug pas zin tam/ dug rnam pa sna tshogs kyi phog par gyur pa dag gis sems rtse gcig tu byang chub sems dpa' sems
171b2 dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun 'tshe zhing gnod pa thams cad dang bral te/ skal pa ji lta ba
171b3 bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems can gang 'byung po'i gdon gyis btab ste rtag pa'i rims
171b4 dang | zhag gcig pa dang / zhag gnyis pa dang / zhag gsum pa dang / zhag bzhi pa dang / smyos nas lus dang / sems 'dar zhing 'khrugs te/ dran pa nyams shing shes pa med par
171b5 gyur pa dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun 'jigs pa las rnam par grol te lus dang /
171b6 sems rab tu bde ba dang / skal pa ji lta ba bzhin du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /
171b7 gnas gang dag na sems can gang gnod sbyin dang / srin po dang / 'byung po dang / sha za dang / srul po dang / lus srul po dang / grul bum dang / mdangs za ba dang / de ma yin pa
172a1 gzhan yang / seng ge dang / stag dang / spyang ki la sogs pa gcan gzan gdug pas nyen pa dang / sngags dang / byad dang / g.yul ngor lhags pa
172a2 dang | gzhan yang / 'jigs par gyur pa rnam pa sna tshogs kyis dkris shing glags te lus dang / sems rab tu dngangs par gyur nas/ shi bas 'jigs shing 'tsho bar 'dod
172a3 pa dang / bde ba tshol zhing sdug bsngal mi 'dod pa dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs
172a4 pas bsti stang dang bcas pas mchod pa byas na/ de kun 'jigs pa thams cad dang bral te lus dang / srog la mi dma' ba dang / skal pa ji lta ba bzhin du mtho ris kyi lhar skye
172a5 ba nas mya ngan las 'da' ba'i bar du 'thob par 'gyur ro/ /gnas gang dag na sems can gang mang du thos par 'dod pa'am/ mos pa dag par 'dod pa'am/ tshul khrims
172a6 dag par 'dod pa'am/ bsam gtan bsgrub par 'dod pa'am/ mngon par shes pa 'dod pa'am/ shes rab 'dod pa'am/ rnam par grol ba 'dod pa'am/ gzugs
172a7 dam pa 'dod pa'am/ sgra snyan pa 'dod pa'am/ dri zhim po 'dod pa'am/ ro zhim po 'dod pa'am/ reg bya mchog 'dod pa'am/ khe dang / rnyed pa 'dod pa'am/ grags pa 'dod
172b1 pa'am/ bsod nams 'dod pa'am/ bzos 'tsho bar 'dod pa'am/ me tog dang / 'bras bu 'dod pa'am/ skyed mos tshal 'dod pa'am/ khri stan 'dod pa'am/ gding ba 'dod
172b2 pa'am/ yul rgyu bar 'dod pa'am/ nor dang / 'bru 'dod pa'am/ nad kyi rkyen sman 'dod pa'am/ khang khyim 'dod pa'am/ bran khol 'dod pa'am/ tshon rtsi 'dod pa'am/ char pa
172b3 'dod pa'am/ chu 'dod pa'am/ lo tog 'dod pa'am/ bsil yab 'dod pa'am/ rlung bsil ba 'dod pa'am/ me 'dod pa'am/ theg pa 'dod pa'am/ bu pho dang / bu mo 'dod pa'am/
172b4 thabs mkhas par 'dod pa'am/ bsod nams bya bar 'dod pa'am/ dro bar 'dod pa'am/ bsil bar 'dod pa'am/ yid gzhungs par 'dod pa'am/ de ma yin pa 'jig rten
172b5 dang | 'jig rten las 'das pa'i don gyi dngos po rnam pa sna tshogs 'dod pa'i phyir nyon mongs shing sdug bsngal gyis gdungs par gyur pa dag gis sems rtse gcig tu byang chub
172b6 sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ rigs kyi bu de'i ting nge 'dzin dam pa'i yon tan
172b7 dang | mthu dang / gzi brjid kyi shugs kyis de dag thams cad sdug bsngal gyis gdungs pa dang bral te/ re ba thams cad yongs su rdzogs nas skal ba ji lta ba bzhin du mtho
173a1 ris kyi lhar skye ba nas mya ngan las 'da' ba'i bar du 'thob par 'gyur ro/ /gnas gang dag na sems can gang dag zhing gshin pa'am/ zhing mi
173a2 gshin pa la sa bon btab nas/ gal te nan tan byas kyang rung / nan tan ma byas kyang rung ste/ sems rtse gcig tu byang chub sems dpa' sems dpa' chen po sa'i snying
173a3 po'i mtshan nas brjod cing dmigs pas bsti stang dang bcas te mchod pa byas na rigs kyi bu de'i ting nge 'dzin dam pa'i yon tan dang / mthu dang / gzi brjid kyi shugs kyis de dag
173a4 gi lo tog thams cad legs shing 'bras bu smin cing legs par 'gyur ro/ /de ci'i phyir zhe na/ rigs kyi bu 'di ni sngon bskal pa chen po tshad med grangs med pa'i bar du sangs rgyas
173a5 bcom ldan 'das tshad med grangs med pa dag la brtson 'grus chen po'i sbyor ba dang / brtan pa'i yi dam bcas pa'i smon lam gyi dbang gis sems can yongs su smin par bya
173a6 ba'i phyir rtag tu sa chen po thams cad yongs su 'dzin pa dang / rtag tu sa bon gyi tshogs thams cad yongs su 'dzin cing rtag tu sems can thams cad kyis yid bzhin du spyod par
173a7 byed do/ /rigs kyi bu de'i rdzu 'phrul gyi mthus sa chen po 'di las skye ba'i rtswa dang / shing gi rtsa ba dang / yal ga dang / myu gu dang / lo ma dang / sdong po dang / 'dab ma dang / me tog
173b1 dang | 'bras bu la sogs pa thams cad rgyas par skye zhing / rtsi shing dang / lo tog la sogs pa'i me tog dang / 'bras bu'ang smin cing grub pa dang / mngar ba dang / snum pa dang / dri zhim
173b2 par byed do/ /gnas gang dag na sems can gang dag 'dod chags dang / zhe sdang dang / gti mug la sogs pa drag la rno bas srog gcod pa dang / ma byin par len pa dang / 'dod pas
173b3 log par g.yem pa dang / brdzun du smra ba dang / ngag rtsub por smra ba dang / phra ma byed pa dang / tshig kyal bar smra ba dang / 'dod chags can dang / zhe sdang can dang / log par lta ba dang / mi
173b4 dge ba bcu'i las kyi lam mngon du spyod pa dag gis sems rtse gcig tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang
173b5 dang bcas te/ mchod pa byas na nyon mongs pa thams cad zhi zhing mi dge ba bcu dang yongs su bral te dge ba bcu'i las kyi lam dang ldan zhing sems can thams cad la byams pa dang /
173b6 snying rje ba dang / phan pa dang / bde ba'i sems skye bar 'gyur ro/ /de ltar rigs kyi bu de ni de lta bu'i yon tan dam pa dang / ting nge 'dzin dang / mthu dang / gzi brjid kyi shugs dang /
173b7 shin tu brtson pa'i ting nge 'dzin gyis skad cig thang cig tu sangs rgyas kyi zhing tshad med grangs med par phyin cing sangs rgyas kyi zhing de re rer yang skad cig thang gcig gis sems
174a1 can snod du gyur pa/ tshad med grangs med pa gang+gA'i klung gi bye ma snyed sdug bsngal las bsgral nas bde ba thob par byas te/ skal ba ji lta ba bzhin
174a2 du mtho ris kyi lhar skye ba nas mya ngan las 'da' ba'i bar du 'thob par 'gyur ro/ /de ltar rigs kyi bu de ni de lta bu'i yon tan dang / smon lam brtan pa dang / shin tu 'bad
174a3 pa'i brtson 'grus bsam gyi mi khyab pa dang ldan te/ sems can yongs su smin par bya ba'i phyir phyogs bcu'i 'jig rten gyi khams su kha cig la ni tshangs pa chen po'i rgyal
174a4 po'i lus su ston te sems can rnams cis 'dul ba'i chos ston to/ /kha cig la ni dbang phyug chen po'i lha'i lus su ston to/ /kha cig la ni 'dod pa'i khams kyi gzhan 'phrul
174a5 dbang byed gnam gyi lha'i lus su ston to/ /kha cig la ni 'phrul dga' gnam gyi lha'i lus su ston to/ /kha cig la ni dga' ldan gnam gyi lha'i lus su ston to/ /kha cig la ni
174a6 rab mtshe ma'i gnam gyi lha'i lus su ston to/ /kha cig la ni sum cu rtsa gsum gnam gyi lha'i lus su ston to/ /kha cig la ni rgyal chen bzhi'i lha'i lus su ston to/ /kha cig la ni
174a7 sangs rgyas kyi skur ston to/ /kha cig la ni byang chub sems dpa'i lus su ston to/ /kha cig la ni rang sangs rgyas kyi lus su ston to/ /kha cig la ni nyan thos kyi lus su ston to/ /kha
174b1 cig la ni 'khor los bsgyur ba'i rgyal po'i lus su ston to/ /kha cig la ni rgyal rigs kyi lus su ston to/ /kha cig la ni bram ze'i lus su ston to/ /kha cig la ni dmangs rigs kyi
174b2 lus su ston to/ /kha cig la ni rje 'u rigs kyi lus su ston to/ /kha cig la ni skyes pa'i lus su ston to/ /kha cig la ni bud med kyi lus su ston to/ /kha cig la ni gzhon nu'i lus su ston
174b3 to| |kha cig la ni bu mo'i lus su ston to/ /kha cig la ni dri ba'i lus su ston to/ /kha cig la ni lha ma yin gyi lus su ston to/ /kha cig la ni mi'am ci'i lus su ston to/ /kha cig la ni lto
174b4 'phye chen po'i lus su ston to/ /kha cig la ni klu'i lus su ston to/ /kha cig la ni gnod sbyin gyi lus su ston to/ /kha cig la ni srin po'i lus su ston to/ /kha cig la ni grul bum gyi
174b5 lus su ston to/ /kha cig la ni sha za'i lus su ston to/ /kha cig la ni yi dwags kyi lus su ston to/ /kha cig la ni srul po'i lus su ston to/ /kha cig la ni lus srul po'i lus su
174b6 ston to/ /kha cig la ni gnon po'i lus su ston to/ /kha cig la ni seng ge'i lus su ston to/ /kha cig la ni spos kyi ba lang gi lus su ston to/ /kha cig la ni rta'i lus su ston to/ /kha
174b7 cig la ni khyu mchog gi lus su ston to/ /kha cig la ni gcan gzan sna tshogs kyi lus su ston to/ /kha cig la ni gshin rje'i lus su ston to/ /kha cig la ni sems can dmyal
175a1 ba'i srung ma'i lus su ston to/ /kha cig la ni sems can dmyal ba'i sems can gyi lus su ston to/ /de dag la sogs pa tshad med grangs med pa'i rnam
175a2 pa sna tshogs kyi lus ston cing skye bo mang po la skal ba ji lta ba bzhin du chos ston pas theg pa gsum las phyir mi ldog pa'i sa la 'dzud do/ /rigs kyi bu/ skyes bu chen po de ni
175a3 de ltar de lta bu'i bsam gyis mi khyab pa'i yon tan gyi khyad par dang ldan te de ni yon tan mchog tu gyur pa phul du gyur pa'i gter yin no/ /rnam par grol ba rin po che thams
175a4 cad 'byung ba'i 'byung gnas yin no/ /byang chub sems dpa' mang po'i mig yongs su dag pa yin no/ /mya ngan las 'da' ba'i grong khyer chen por 'gro ba'i ded dpon yin no//
175a5 de ltar ched du ma byas par gong du rgyas par bshad pa'i yon tan chen pos chos kyi 'khor lo chen po rab tu bskor ba yin no/ /'di lta ste/ rigs kyi bu/ gal te 'ga' zhig gis byams
175a6 pa'am/ 'jam dpal lam/ kun tu spyan ras gzigs sam/ kun tu bzang po la sogs pa byang chub sems dpa' sems dpa' chen po gang+gA'i klung gi bye ma snyed la bskal
175a7 pa brgya'i bar du sems rtse gcig tu skyabs su song nas de dag gi mtshan nas brjod cing dmigs pas bsti stang dang bcas pas mchod cing phyag 'tshal ba dang / 'dod pa re
175b1 ba'i phyir smon lam btab pa bas 'ga' zhig gis skad cig thang cig yud tsam sems rtse gcig tu byang chub sems dpa' sems dpa' chen po sa'i snying po'i mtshan nas brjod cing
175b2 dmigs pas bsti stang dang bcas pas mchod pa dang / phyag byas na re ba'i smon lam thams cad myur du 'grub cing rdzogs par 'gyur ro/ /de ci'i phyir zhe na/ byang chub sems dpa'
175b3 sems dpa' chen po sa'i snying po 'di sems can thams cad la phan pa dang / bde ba'i don gyi phyir sems can rnams kyi smon lam yongs su rdzogs par byed na/ dper na/ yid bzhin
175b4 gyi nor bu rin po che'i gter dang 'dra'o/ /de ltar skyes bu chen po 'di ni sems can yongs su smin par bya ba'i phyir yun ring po nas smon lam shin tu brtan pa dang / snying rje chen po
175b5 dang | shin tu 'bad pa'i brtson 'grus bsgoms pa'i phyir byang chub sems dpa' kun bas khyad par du 'phags pa yin pas khyed kyis bsti stang dang bcas pas mchod par bya'o/ /
175b6 de nas phyogs bcu nas 'dus pa'i byang chub sems dpa' sems dpa' chen po dang / nyan thos dang / lha dang / mi dang / gnod sbyin dang / dri za la sogs pa 'khor gyi dkyil 'khor
175b7 thams cad 'dug pa las langs nas ci nus su so so nas gser dang / dngul dang / rin po che rnam pa sna tshogs kyi me tog dang / spos kyis byang chub sems dpa' sems dpa'
176a1 chen po sa'i snying po la mchod pa'i phyir mngon par gtor to/ /de ma yin pa gzhan yang lha rdzas kyi na bza' dang / nor bu dang / nor bu rin po che dang / mu
176a2 tig gi phreng ba dang / mu tig gi se mo do dang / gser dang / dngul dang / rin po che'i phreng ba dang / rgyal mtshan dang / ba dan dang / gdugs la sogs pas kyang byang chub sems
176a3 dpa' sems dpa' chen po sa'i snying po la mchod pa'i phyir phul lo/ /gzhan yang / tshad med pa'i lha'i rdzas kyi rol mo snyam pa dang / tshigs su bcad pa'i bstod pa rnam pa sna
176a4 tshogs kyis byang chub sems dpa' sems dpa' chen po sa'i snying po la bsti stang dang bcas pas mchod pa byas so/ /de nas byang chub sems dpa' sems dpa' chen po
176a5 sa'i snying pos rnam pa sna tshogs kyi lha rdzas kyi mchod pa'i yo byad de dag slar bcom ldan 'das la phul nas tshigs su bcad pa 'di dag smras so/ /lha dang klu dang gnod sbyin
176a6 mi rnams dang / /phyogs bcu'i byang chub sems dpa'i mchod pa rnams/ /yon tan chen po 'jig rten gtso la dbul/ /mchog gi mchod pa 'di dag ba zhes su gsol/ /de
176a7 nas byang chub sems dpa' sems dpa' chen po sa'i snying pos tshigs su bcad pa de smras nas/ bcom ldan 'das kyi zhabs la spyi bos phyag btsal ba dang / de la bcom ldan
176b1 'das kyis tshigs su bcad pas 'di skad ces bka' stsal to/ /brtan pa'i blo dang rnam dag sems bskyed nas/ /sems can tshad med pa yi sdug bsngal bcil/ /rin chen dag ltar
176b2 bde ba 'byung bar mthong / /rdo rje bzhin du the tshom dra ba gcod/ /snying rje chen po'i blo can brtson 'grus kyis/ /mchod pa dam pa bcom ldan 'das la dbul/ /rgya mtsho ye shes sems
176b3 can sdug bsngal sgrol/ /'jigs pa med pas srid pa'i pha rol phyin/ /de nas byang chub sems dpa' sems dpa' chen po sa'i snying po 'dug pa las langs nas bcom ldan 'das la
176b4 'di skad ces gsol to/ /bcom ldan 'das/ bdag gis chu bo bzhi las sgrol ba'i bcom ldan 'das kyi nye gnas dge slong dang / dge slong ma dang / dge bsnyen dang / dge bsnyen ma la sogs
176b5 pa dran pa 'phel ba dang / bsrung ba'i dran pa 'phel ba dang / 'tsho ba 'phel ba dang / lus bde ba 'phel ba dang / nad ma mchis pa 'phel ba dang / gzugs dang / stobs 'phel ba dang /
176b6 grags pa 'phel ba dang / 'tsho ba'i yo byad 'phel ba dang / gnyen bshes 'phel ba dang / slob ma 'phel ba dang / tshul khrims 'phel ba dang / mang du thos pa 'phel ba dang / sbyin
176b7 pha 'phel ba dang / ting nge 'dzin 'phel ba dang / bzod pa 'phel ba dang / thabs mkhas pa 'phel ba dang / byang chub kyi yan lag dag dang / 'phags pa'i bden pa 'phel ba dang /
177a1 theg pa chen po'i yang dag pa'i lam la gzhol ba'i 'phel ba dang / chos kyi sgron ma 'phel ba dang / sems can yongs su smin par bgyi ba 'phel ba
177a2 dang | byams pa chen po dang / snying rje chen po 'phel ba dang / rnam par dkar ba'i chos 'phel ba dang / khams gsum du grags pa 'phel ba dang / khams gsum du chos kyi
177a3 char 'phel ba dang / sa chen po thams cad kyi ro bro ba 'phel ba dang / sems can thams cad kyi mdangs dang / dge ba'i las 'phel ba dang / chos kyi dga' ba dang / dge ba spyod pa
177a4 'phel ba dang / shes rab kyi 'od 'phel ba dang / pha rol tu phyin pa drug 'phel ba dang / spyan lnga 'phel ba dang / dbang bskur ba 'phel ba dang / lhar skye ba dang / mya ngan las 'da'
177a5 ba 'phel pa la sogs pa thob par byed pa nas/ 'di lta ste/ me dang / chur ldan pa dang / bkra shis kyi 'od snang ba dang / thos pa 'dzin pa'i rigs sngags chen po dang / gzungs kyi
177a6 tshig 'di bdag gis 'das pa'i sangs rgyas bcom ldan 'das chu klung gang+gA'i bye ma snyed la bsnyen bkur bgyis nas gzungs 'di thos te gzungs 'dis ni rnam par dkar
177a7 ba'i chos thams cad 'phel zhing skye ba dang / sa bon gyi tshogs dang / rtsa ba dang / myu gu dang / yal ga dang / sdong bo dang / lo ma dang / 'dab ma dang / me tog dang / 'bras bu
177b1 dang | rtsi shing dang / lo tog gi bro ba dang / bsung 'phel zhing skye ba dang / char chu dang ldan pa dang / phan par 'gyur ba'i sa dang / chu dang / me dang / rlung 'phel zhing skye ba dang / dga'
177b2 ba dang / bde ba 'phel zhing skye ba dang / rin po che dang / nor rdzas 'phel zhing skye ba dang / mthu stobs 'phel zhing skye ba dang / 'tsho ba'i yo byad thams cad 'phel zhing skye bar 'gyur
177b3 ro| |yang gzungs 'dis ni shes rab skye bas nyon mongs pa'i dgra'ang yongs su bcom par 'gyur ba'i sngags la/ 'di lta ste/ tshim b+ho tshim b+ho/ tsim tshim b+ho/ A kA Sha tshim
177b4 b+ho/ ba ka ra tshim b+ho/ am ba ra tshim b+ho/ ba ra tshim b+ho/ ba tsi ra tshim b+ho/ a ro ga tshim b+ho/ d+harma tshim b+ho/ sate ba tshim b+ho/ sate ni ha la tshim b+ho/ bi ba ro ka sha ba tshim b+ho/ u ba
177b5 sha ma tshim b+ho/ na yan tshim b+ho/ pradz+nyA sa ma mo ni rat+na tshim b+ho/ k+Sha Na tshim b+ho/ bi She ma ba ri yA tshim b+ho/ shA sI ta la ma ba tshim b+ho/ bi a dra so ta ma he le/ dam be yaM be/ tsakra
177b6 se| tsakra ba si le/ k+Shi li phi le ka ra ba/ pA ra ba rI te/ ha se re pra rA be/ pa re tsa rA b+han+d+ha ne/ a ra dA ne/ phA na ra/ tsi tsa tsa tsa/ hi le mi le/ a kha ta tha' ge khe/ tha ga khI lo/ th+hA re th+hA
177b7 re| mi le ma d+he/ nan te ku le mi le/ ang ku tsi ta b+he/ A rai gyi re/ ba ra gyi re/ ku ta sha ma ma la/ ton gye ton gye/ ton glu le/ hu rU hu rU hu rU/ ku lo sto mi le/ ma ri to/ mi
178a1 ri ta/ b+han+d+ha ta/ ha ra kha ma re ma/ hu ru hu ru/ srid pa'i dri ma sbyong ba dge bar gsungs/ 'thab rtsod bskal pa zhi ba'ang dge bar gsungs/ /mi dge bsam
178a2 pa sbyong ba dge bar gsungs/ /'byung ba chen po sbyong ba'ang dge bar gsungs/ /ngan par 'gro ba sbyong ba dge bar gsungs/ /sdig pa'i bag chags sbyong ba'ang dge bar gsungs/ /
178a3 re ba rdzogs par byed pa dge bar gsungs/ /lo tog smin par byed pa'ang dge bar gsungs/ /sangs rgyas kun gyi dge bar gsungs pa 'di/ /de bzhin gshegs pa kun
178a4 gyis byin brlabs pa/ /dge bar gsungs 'dis byang chub sems dpa'i rnams/ /byin gyis rlob mdzad rjes su yi rang ngo / /bcom ldan 'das/ de ltar me dang / chu dang ldan
178a5 pa dang / bkra shis kyi 'od snang ba dang / thos pa 'dzin pa'i rig sngags chen po gzungs kyi tshig 'di ni bdag gis 'das pa'i sangs rgyas bcom ldan 'das chu klung gang+gA'i
178a6 bye ma snyed la bsnyen bkur bgyis pas thos so/ /gzungs 'di ni rnam par dkar ba'i chos thams cad 'phel zhing skye bar bgyid pa nas de bzhin du rgyas pa'i longs spyod pa'i yo
178a7 byad thams cad kyi bar du 'phel zhing skye bar bgyid do/ /btsun pa bcom ldan 'das/ gzungs 'dis ni chu bo bzhi las sgrol bar byed do/ /bcom ldan 'das kyi nye gnas su
178b1 gyur pa dge slong dang / dge slong ma dang / dge bsnyen dang / dge bsnyen ma la sogs pa'i dmigs pa 'phel bar bgyid pa nas de bzhin du rgyas par 'tsho ba'i yo byad thams cad
178b2 kyi bar du 'phel zhing skye bar bgyid do/ /gzungs 'di ni bcom ldan 'das kyis 'phags pa'i gsung rab bdud rtsi lta bu yongs su rgyas pa dang / yun du gnas shing khams gsum
178b3 gyi sems can thams cad la phan pa dang / bde ba'i don du 'gyur ro/ /de nas byang chub sems dpa' sems dpa' chen po sa'i snying pos thos pa 'dzin pa'i rig sngags chen po dang /
178b4 gzungs kyi tshig 'di smras pa na/ ri kha la ti ya rab tu g.yos nas lha'i rol mo bye ba khrag khrig kyang ma dkrol bar rang 'khrol te/ lha'i spos dang / me tog dang / rin po che tshad
178b5 med pa rnam pa sna tshogs char bzhin du babs nas de'i tshe 'khor mang po de dag thams cad kyang ngo mtshar rmad du gyur to/ /de'i tshe na 'khor gyi dkyil 'khor de na lha mo bkra shis
178b6 chen mo dang / dpal ldan lha mo chen mo dang / mchod dbyangs lha mo chen mo dang / brtan ma lha mo chen mo dang / chu can lha mo chen mo dang / 'od chen lha mo chen mo la sogs pa lha
178b7 mo 'byung ba chen po bzhi la dbang du gyur pa stong phrag bco brgyad 'dug pa las langs nas bcom ldan 'das kyi zhabs la spyi bos phyag btsal te thal mo sbyar nas bsti stang
179a1 dang bcas pas/ bcom ldan 'das la 'di skad ces gsol to/ /ngo mtshar che'o/ /bcom ldan 'das/ ngo mtshar che'o/ /bde bar gshegs pa/
179a2 bdag gis 'byung ba chen po bzhi dag la dbang sgyur mod kyi 'byung ba chen po bzhi'i thog ma dang / bar ma dang / tha ma'i skye ba dang / 'gag pa dang / mthun pa dang / mi mthun pa'i
179a3 phyogs mi 'tshal te/ skyes bu chen po 'di ni shes rab kyi pha rol tu phyin pa phra ba shin tu zab mo thob nas 'byung ba chen po bzhi'i thog ma dang / bar ma dang / tha ma'i mtshan nyid
179a4 dang | skye ba dang / 'gag pa dang / mthun pa dang / mi mthun pa'i phyogs la shin tu mkhas so/ /bcom ldan 'das kyis bka' stsal pa/ de de bzhin no/ /de de bzhin te/ rigs
179a5 kyi bu| 'di ni shes rab kyi pha rol tu phyin pa phra ba shin tu zab mo thob pas 'byung ba chen po bzhi'i thog ma dang / bar ma dang / tha ma'i mtshan nyid skye ba dang / 'gag pa dang / mthun
179a6 pa dang / mi mthun pa'i phyogs la shin tu mkhas so/ /lha mo/ 'di ltar shes par bya'o/ /'di lta ste/ yid bzhin gyi nor bu rin po che ni yon tan mang po dang ldan pas rin
179a7 po che rnam pa sna tshogs char bzhin du 'bab ste/ sems can mang po la sbyin pa byed do/ /rigs kyi bu 'di'ang de bzhin du byang chub kyi yan lag gi rin po che rnam pa sna tshogs
179b1 char bzhin du 'bebs te sems can la sbyin pa byed do/ /'di lta ste/ rin po che'i gling ltar rin po che rnam pa sna tshogs kyis yongs su gang ba bzhin du rigs kyi bu 'di'ang byang chub
179b2 kyi yan lag rin po che rnam pa sna tshogs dang ldan no/ /'di lta ste/ lha rdzas kyi shing pa ri ci tri la bsung dang / me tog gis mdzes pa bzhin du rigs kyi bu 'di'ang sangs rgyas kyi chos
179b3 rin po che rnam pa sna tshogs kyis rab tu mdzes so/ /'di lta ste/ seng ge'i rgyal po ni ri dwags thams cad kyis zil gyis mi non cing mi skrag pa bzhin du rigs kyi bu 'di'ang sems
179b4 can thams cad kyis bag tsha ba'am/ zil gyis non pa med do/ /'di lta ste/ ji ltar nyi ma gsal bas 'jig rten gyi mun pa thams cad yongs su sel ba bzhin du rigs kyi bu 'di'ang
179b5 sems can thams cad kyi ngan par lta ba'i ma rig pa'i mun pa thams cad sel ba'o/ /'di lta ste/ nam thang ba'i zla ba ni mtshan mo'i dus su lam stor ba'i sems can thams cad la
179b6 bde ba'i lam ston te/ gar 'gro bar dga' ba bzhin du phyin par 'gyur ba ltar rigs kyi bu 'di'ang ma rig pa'i mtshan mor theg pa gsum las 'brog bslad de 'khor ba'i
179b7 'brog dgon par 'khyam pa'i sems can thams cad la theg pa gsum gyis yang dag pa'i lam ston cing skal pa ji lta ba bzhin du thabs kyis yang dag par 'byung ba'i lam la
180a1 'god par byed do/ 'di lta ste/ sa chen po la ni sa bon gyi tshogs thams cad dang / rtsi shing dang / lo tog dang / sa'i khams su gtogs pa'i sems
180a2 can thams cad kyi rten du 'gyur ba ltar rigs kyi bu 'di la'ang byang chub kyi yan lag khyad par can gyi chos thams cad ston pa'i gnas so/ /'di lta ste/ rin po che chen po'i
180a3 ri rab ri'i rgyal po ni shin tu brtan cing ma god ma nyams pa bzhin du rigs kyi bu 'di'ang sangs rgyas kyi ma 'dres pa'i chos thams cad la shin tu gnas shing sems can
180a4 thams cad mi gtong ba'i phyir mi nyams pa dang / dge ba'i rtsa ba thams cad sems can thams cad la gtong ba'i phyir ma god pa'o/ /'di lta ste/ nam mkha' la sems can
180a5 thams cad spyod pa bzhin du/ rigs kyi bu/ 'di'ang sems can thams cad de la longs spyod do/ /rigs kyi bu 'di ni de ltar yon tan tshad med dpag tu med pa dang ldan no/ /de'i
180a6 tshe 'khor mang po rnams kyis byang chub sems dpa' sems dpa' chen po sa'i snying po'i yon tan tshad med pa dang ldan pa bstod pa thos nas ngo mtshar rmad du gyur te/ bkur
180a7 sti dang / rim gro byas nas rab tu dga' bas sems rtse gcig tu byang chub sems dpa' sa'i snying po la mig mi 'dzum par lta'o/ /de nas bcom ldan 'das kyis don de dag
180b1 gsal bar bzlas pa'i phyir tshigs su bcad de bka' stsal pa/ skyes bu yang dag sa yi snying po ni/ /yon tan mang po phun sum tshogs par ldan/ /dge sbyong cha lugs 'dzin cing
180b2 ston byed pa/ /ston pa chen po la ni phyag 'tshal lhags/ /sems can kun la bde ba rab tu byin/ /srid pa gsum gyi sdug bsngal kun las sgrol/ /tshad med rnam pa sna tshogs
180b3 char phab nas/ /ston pa chen po la ni mchod pa byed/ /brgya byin dri ma med par skyes pa des/ /phyogs bzhi kun tu bltas shing brtags nas su/ /thal mo sbyar nas bsti stang rab
180b4 bcas te/ /ston pa chen po la ni bsngags shing bstod/ /bdag gis bcom ldan 'das kyi 'khor mthong ba/ /nor bu rin po che yi 'od zer ltar/ /sangs rgyas mang po'i zhing kun
180b5 snang byas te/ /thams cad gsal bar ma gyur gang yang med/ /mngon shes drug gis 'jig rten snang bar byed/ /deng 'dir 'dus shing lhags par gyur pa ni/ /shin tu dpa' ba
180b6 sa yi snying po ste/ /rab tu byung ba'i spyod lam rnam par ston/ /'phags pa'i nor bdun 'byung ba'i gter yin te/ /'jigs pa med pa'i sangs rgyas nga ro dbyangs/ /byang chub sems
180b7 dpa' mang po'i rgyal mtshan te/ /sems can mang po 'dren pa'i gtso bo'o/ /rnam par grol ba'i rin chen 'byung khungs te/ /brtson 'grus brtan pa'i bsod nams rgya mtsho yin/ /
181a1 byams pa'i blo gros snying rje brtse la mos/ /sdug bsngal ba yi sems can mang po sgrol/ /'jigs pa srung ba'i 'obs dang mkhar yin te/ /nam mkha'
181a2 dang ba'i zla bzhin lam yang ston/ /sa ltar dge ba'i rtsa ba thams cad skyed/ /rdo rje ltar ni the tshom yongs su gcod/ /rnam par grol ba'i rin chen kun la gtong / /chu ltar sgrib
181a3 pa thams cad 'dag par byed/ /nyon mongs tsha bas gdungs pa'i gdugs su 'gyur/ /sman pa ltar ni nad kun 'tsho bar byed/ /zhag gcig sa yi snying po'i ming brjod pa'i/ /grags
181a4 pa chen po'i bsod nams thob pa ni/ /bskal pa bye ba khrag khrig par du yang / /blo can gzhan gyi ming nas brjod pas lhags/ /so so'i skye bo grol bar byed pa ni/ /nyon mongs
181a5 thams cad rnam par 'ching byed pa'o/ /dpa' bar 'gro ba'i ting 'dzin mthar phyin cing / /ting 'dzin gzhan dag gi yang pha rol phyin/ /rkyen mang bcu gsum po yang rnam dag
181a6 pas| |mang po kun la ye shes nam mkha' bzhin/ /dpag tu med pa'i sangs rgyas zhing rnams kyi/ /skye bo mang po'i mun pa'i tshogs kyang bcom/ /zhing rnams ji bzhin
181a7 ting 'dzin der 'jug cing / /bsam gtan bzhi po la yang rgyun du 'jug /ting nge 'dzin du zhugs nas sems can gyi/ /nyon mongs pa yi gdung ba rab tu sel/ /so so'i skye
181b1 po sngon gyi sdig pa'i las/ /mtshon dang nad dang mu ges 'jigs pa dang / /rnam pa mang pos 'tshe zhing gsod gyur pa/ /de dag kun nas rnam par grol bar byed/ /sems can nye
181b2 bar len pa'i phung po lnga/ /sdug bsngal mang pos 'tshe zhing gdungs gyur pa/ /sa yi snying po de la skyabs gsol na/ /srid pa'i sdug bsngal thams cad zhi bar 'gyur/ /sems can
181b3 sdug bsngal 'khor lo rab bskor te/ /gcig gis gcig la 'tshe zhing gnod gyur ba/ /sa yi snying po de la skyabs gsol na/ /bzod cing byams pa'i sems la gnas par 'gyur/ /
181b4 bcu gsum rkyen gyis rab 'jigs skrag byed cing / /tshol ba mi rnyed rkyen gyis sdug pa dag /sa yi snying po de la skyabs gsol na/ /'jigs pa med la bde bar gnas par 'gyur//
181b5 bsod nams byed la mos shing dran pa dang / /tshul khrims mang thos shes rab 'dod pa dag /sa yi snying po de la skyabs gsol na/ /re ba bzhin du thams cad rdzogs par 'gyur/ /yon
181b6 tan so sor smos pa'i bzod rtsal dang / /sman dang sa bon tshogs la mos pa dag /sa yi snying po de la skyabs gsol na/ /re ba kun dang ldan zhing rdzogs par 'gyur/ /lo tog rtsi
181b7 shing legs par 'dod pa dang / /khye'u dang bu me gos dang bran khol phyir/ /sa yi snying po de la skyabs gsol na/ /re ba bzhin du thams cad rdzogs par 'gyur/ /yon tan mang po kun
182a1 dang ldan pas na/ /sa chen 'di yang mi gtong rab tu 'dzin/ /de yi rkyen gyis sman dang lo thog rnams/ /snum zhing 'jam la ro dang ldan par 'gyur//
182a2 nyon mongs mang pos bsgribs par gyur nas su/ /mi dge bcu yi las la mos pa dag /sa yi snying po de la skyabs gsol na/ /mi dge nyon mongs thams cad zhi bar 'gyur/ /rnam
182a3 pa sna tshogs kun gyi lus ston cing / /skye bo mang po dag la chos kyang ston/ /sbyin pa'i yon tan thams cad rdzogs pas ni/ /sems can kun la snying brtse bde bar 'gyur/ /
182a4 gal te bskal ba mang po brgya yi bar/ /de yi yon tan bsngags shing rab bstod de/ /mthar phyin rdzogs par 'gyur ba shin tu dka'/ /de bas kun gyis bsti stang bcas pas mchod//
182a5 'dus pa chen po las byang chub sems dpa' sa'i snying po'i 'khor lo bcu pa zhes bya ba las/ gleng gzhi'i le'u ste dang po'o// //bam po gnyis pa/ de nas
182a6 byang chub sems dpa' sems dpa' chen po sa'i snying po stan las langs te bla gos phyogs gcig tu byas te/ bcom ldan 'das kyi zhabs la spyi bos gtugs te/ pus
182a7 mo g.yas pa'i lha nga sa la btsugs te thal mo sbyar ba btud de/ bcom ldan 'das la 'di skad ces gsol to/ /yon tan tshad med rgya mtsho can/ /bcom ldan 'das la zhu
182b1 gsol pa/ /the tshom nem nur ci mchis pa/ /bdag la rgyas par bshad du gsol/ /bcom ldan 'das kyis bka' stsal pa/ skyes bu yang dag pa/ khyod ni chos thams cad ye shes
182b2 kyis mthong ba la thogs pa med do/ /'on kyang sems can la pan pa dang / bde bar 'dod pa'i phyir khyod de bzhin gshegs pa la ci dang / ci 'dod pa dris shig dang / bcom ldan 'das
182b3 kyis dris pa de dang / de'i lung bstan pas khyod kyi sems rangs par bya'o/ /de nas byang chub sems dpa' sems dpa' chen po sa'i snying pos tshigs su bcad de gsol pa/ bdag
182b4 sngon bskal pa bcu gsum du/ /spyod pa dka' ba shin tu spyod/ /so so'i skye bo kun don du/ /'jigs pa gsum dang rnyog lnga gsal/ /sangs rgyas bye ba khrag khrig la/ /tshang ma
182b5 mchis pa'i mchod bgyis pas/ /bsam pa dag pa'i 'khor 'di dang / /tshogs chen 'dus pa'ang sngon mthong ngo / /blo can brtson 'grus rtsol ba dag /thams cad 'dus shing tshogs
182b6 'dir lhags/ /shin tu skyon med 'khor 'di dag /mthong bar gyur pa ngo mtshar rmad/ /ci slad sangs rgyas zhing 'di kun/ /sdig pas dge ba nyams bgyis shing / /blo can dag
182b7 gis spangs pa yi/ /ngan par spyod kun lhan cig gnas/ /mtshams med sdig pa bgyid pa dang / /yang dag dam pa'i chos la skur/ /'phags la smod cing log lta bas/ /rtag dang
183a1 chad pa'i gtsug lag 'chad/ /sdig pa bcu yi las bgyid cing / /'jig rten phyi mas mi 'jigs pa/ /theg pa rnam gsum ring spangs shing / /sdig
183a2 can dag la ngan 'gror gzhol/ /ma rig pas ni bsgribs pa'i mig /'dod chags phrag dog rgyus 'tsho ba/ /sangs rgyas 'khor lo rab bskor te/ /sems can 'di dag sgrol bar
183a3 mdzad/ /ji ltar nying mtshams sbyor ba yi/ /nyon mongs rdo rje lta bus bcad/ /ji lta bur na gzungs dag 'thob/ /de bzhin bzod pa'ang nges par 'gyur/ /bdag gis 'dren pa
183a4 tshogs chen dag /mthong bar gyur pa ngo mtshar che/ /'di 'dra'i yon tan kun tshogs pa/ /phyogs gzhan dag na ma mthong ngo / /yon tan mang po kun ldan zhing / /byang chub
183a5 lam la rab brtson pas/ /ji ltar byis pa'i 'khor dag la/ /sangs rgyas 'khor lo bskor ba mdzad/ /bcom ldan 'das kyis bka' stsal pa/ legs so/ /legs so/ /
183a6 rigs kyi bu/ khyod kyi sngon 'das pa'i dus na'ang chu klung gang+gA'i bye ma snyed kyi sangs rgyas dag gi zhing na rnyog pa lnga'i tshe/ sangs rgyas bcom ldan 'das chu klung gang+gA'i bye ma
183a7 snyed la sngon 'di lta bu'i don dag zhu ba zhus so/ /khyod kyis dres pa'i don 'di dag la sngon yang nan tan shin tu byas pas shin tu rtogs shing khong du chud do/ /spyod pa mang po
183b1 phun sum tshogs pa pha rol tu phyin pas shin tu thabs mkhas pa'i shes rab dang ldan te sems can thams cad yongs su smin par bya ba dang / phan pa dang / bde ba'i don 'thob par bya
183b2 ba dang / byang chub sems dpa' sems dpa' chen po thams cad thabs mkhas pas 'phags pa'i spyod pa'i gter sbyin pa la sogs pa pha rol tu phyin pa drug gis sems can
183b3 thams cad yongs su smin par bya ba'i spyod pa'i khyad par dang / thams cad mkhyen pa'i ye shes kyi yon tan rgya mtsho yongs su rdzogs par bya ba dang / rgyal rigs spyi bo nas dbang
183b4 bskur ba'i rgyal po spyod pa mi dge ba la gnas pa thams cad ngan song gsum las bzlog cing mi ltung bar bya ba dang / zhing 'dir dkon mchog gsum gyi gdung shin tu rgyas
183b5 shing yun ring du gnas par bya ba'i phyir 'di lta bu'i don dris pa legs so/ /shin tu legs par nyon la yid la zungs shig dang / ngas bstan par bya'o/ /bcom ldan 'das/ de
183b6 ltar bgyi'o zhes gsol nas/ bcom ldan 'das la slar nyan to/ /de nas bcom ldan 'das kyis byang chub sems dpa' sems dpa' chen po sa'i snying po la 'di skad ces bka'
183b7 stsal to/ /rigs kyi bu/ de bzhin gshegs pa ni sngon gyi smon lam gyi shugs kyis sangs rgyas kyi 'khor lo rnam pa bcu dang ldan te/ sangs rgyas kyi zhing rnyog pa lnga can gyi sems can
184a1 thams cad rnam par dkar ba'i chos thams cad las phyir ldog pa dang / 'phags pa'i nor rin po che bdun gyis bral ba dang / mkhas pa dag dang
184a2 ring du gyur pa chad pa dang / rtag pa'i dra bas kun nas glags pa dang / ngan song du 'gro ba'i shing rta la spro zhing dga' ba dang / skye ba phyi ma'i sdug bsngal la 'jigs par mi lta ba
184a3 dang | ma rig pa'i mun nag thibs po la gnas pa la dad pa dang / mi dge ba bcu'i las kyi lam rdzogs par byed pa dang / mtshams med pa lnga byed pa dang / dam pa'i chos la
184a4 skur cing 'phags pa la dbang zab/ dge ba'i chos thams cad ring du spong zhing mi dge ba'i chos rdzogs par byed pa'i gnas na bzhugs so/ /de lta bu'i sdug bsngal rnam pa sna
184a5 tshogs dang ldan pa'i zhing na bzhugs kyang rab tu bde bar bzhugs te/ bag tsha ba med pa dang / 'jigs skrag pa med pas drang srong chen po'i gnas su phyin te sangs rgyas kyi
184a6 'khor lo bskor nas lha dang / bdud du bcas pa'i mu stegs can log par smra ba thams cad btul nas/ so so'i skye bo thams cad kyi rigs la nyon mongs pa shin tu sra ba rdo rje
184a7 lta bu dag bsal nas ci la mos pa bzhin du so sor bkod do/ /mthu dang ldan pa'i sems can dag ni theg pa gsum las phyir mi ldog par yang mdzad do/ /rigs kyi bu/ 'di
184b1 lta ste/ yul kha cig tu srid med par 'gyur ba na de na gnas pa'i mi thams cad bdag gi dmag dang / gzhan gyi dmag gis yongs su gtses shing nyon mongs pa dang / sdug
184b2 bsngal bar gyur te/ de na gnas pa'i mi mang po'ang mi bde bas 'thab pa dang / rtsod pa dang / gcig la gcig smod pa tshad med pa snyed 'byung ste/ brdzun du smra ba dang / g.yo sgyu
184b3 dang | tshig rtsub par smra ba dang / skur klad 'debs shing 'khrugs pa dang / dmus long dang / ling tog can du 'gyur ba dang / nad rnam pa sna tshogs kyis gzir ba dang / grang ba
184b4 dang | tsha ba'i nad ma rungs pa dang / ri mus rnam pa mang po dang / smyo ba dang / skem byed dang / kha zas mi 'ju ba dang / sems 'khrug cing myos pa dang / dbang po ma tshang zhing yan
184b5 lag dang / nying lag nyams pa dang / bgo ba dang / bza' ba dang / 'tsho ba'i yo byad rnam pa sna tshogs kyis phongs shing brel te/ bdog pa thams cad yid du mi 'ong ba dang / skye bo
184b6 thams cad mu stegs can dang / 'jig rten gyi lha la skyabs su song zhing lta ba ngan pa dang / bsam pa ngan pa dang / mos pa ngan pa yongs su rgyas te/ yang dag pa'i lam stor nas
184b7 ngan song du ltung bar 'gyur ba na/ de'i tshe yul de na gnas pa'i rgan po blo dang ldan zhing yid gzhungs pa/ mang du thos pa/ drang dag na che ba dag 'dus nas gros su bgros te/ yul dang /
185a1 grong mi kun bsdus nas thams cad kyis mthun par rgyal bu gcig btus pa ni sngon sbyin pa rab tu byas pa/ tshul khrims shin tu bsrungs pa/ brtson
185a2 'grus la brtun pa/ shin tu dka' ba'i spyod pa dang ldan pa/ mchog tu gyur pa'i bsod nams kyi mtshan dang ldan pa/ dbang po yongs su rdzogs shing yan lag ma nyams pa/ lus
185a3 byad che chung ran pa/ mtshan dang / dpe byad bzang pos brgyan pa/ phul du gyur pa'i mdog dam pa dang ldan pa/ thams cad kyis bkur sti dang / rim gro byed pa/ yul de na gnas pa'i
185a4 mi thams cad kyi yid du 'ong zhing lta 'dod pa/ rang bzhin gyis drang zhing brtan pa/ byams pa dang / snying rjer ldan pa/ mang du thos pa/ rtsal thams cad dang ldan pa/ ngang des pa'i bzod
185a5 pas sems rab tu brgyan pa/ btsun mo dam pa'i sras thu bor gyur pa/ spos dam pa rnam pa sna tshogs rnam par dag pa'i chus lus bkrus nas/ rin po ches brgyan pa'i gos dam
185a6 pa spos kyis bdugs pa rnam pa sna tshogs gyon zhing / nor bu rin po che spyi bo'i gtsug phud la btags pa/ rin po che'i me tog gi phreng bas brgyan pa'i gser gyi cod pan mgo la
185a7 thogs pa/ rab tu yang la 'jam pa'i dar gyis bcings pa/ gzhan yang nor bu rin po che dang / mu tig dang / gser dang / dngul la sogs pa rin po che rnam pa sna tshogs las byas
185b1 pa'i rna cha dang / se mo do dang / dpung rgyan dang / gdu bu la sogs pa thogs pa/ rin po che rnam pa sna tshogs las byas pa'i lham gyis rkang pa bteg pa/ rin po che rnam pa sna tshogs
185b2 las byas pa'i gdugs kyis steng gi bla bres bres pa/ sngon lha dang / drang srong thams cad kyis bsrung zhing 'dzin pa'i khri bshams pa/ brgya byin la sogs pa thams cad kyis srung zhing skyob
185b3 pa| bzo shin tu mkhas pas las su byas pa'i gzhal med khang chen por sngon rgyal po snga ma 'dug 'dug pa'i khri la bzhag nas rgyal por bcug go /rgyal sar zhugs nas lha'i
185b4 dbang po dang / klu'i dbang po dang / gnod sbyin gyi dbang po dang / lha ma yin gyi dbang po dang / grul bum gyi dbang pos srung zhing 'dzin pa'i dril bu dang / rnga chen po brdungs nas de'i sgras
185b5 yul khams kun tu grags par gyur te/ rgyal rigs la sogs pa rigs chen po bzhi la gtogs pa'i mi tshad med pa snyed lus yang dag par bkrus nas gos gtsang ma gyon te/ lag
185b6 na rnam pa sna tshogs kyi rin po che'i gdugs dang / rgyal mtshan dang / ba dan dang / nor bu rin po che dang / mu tig dang / gser dang / dngul dang / dung dang / man shel dang / byu ru dang / baiDUR+ya
185b7 la sogs pa tshad med pa snyed thogs te rgyal po de la phul lo/ /gzhan yang / rigs mtho zhing btsun pa/ tshangs par spyod pa/ thos pa dang ldan zhing shes pa che ba'i 'am ze thams cad
186a1 kyis kyang tshigs su bcad pas bstod pa dang / glu dang / dbyangs dam pa tshad med pa snyed kyis rgyal po de la bstod pa byas so/ /legs par 'gyur pa rnam pa
186a2 sna tshogs thob par gyur cig ces smon lam yang btab bo/ /bkra shis pa rnam pa sna tshogs kyis rgyal po'i spyi bor gtor to/ /rgyal po snga ma'i blon po'i rigs la gtogs pa
186a3 thos pa dang ldan zhing shes pa che ba/ drang ba/ g.yo med pa/ mdzangs pa dag kyang ci rigs su blon por rim par phye ste bcug nas/ rgyal po'i las byed pas sngon yul de na bdag
186a4 dang | gzhan gyi dmag thams cad kyis gtse bar 'gyur ba dang / phyir rgol ba dang / grogs po ngan pa thams cad med par byas nas phas rgol ba'i dgra dang / gnod pa byed pa thams
186a5 cad zhi bar gyur nas/ nag po'i phyogs thams cad byang zhing rnam par dkar ba'i phyogs thams cad skyes te 'phel bar gyur to/ /rigs kyi bu/ rgyal rigs rgyal thabs spyi bo
186a6 nas dbang bskur ba'i rgyal po chen po de lta bu'i 'khor lo gcig dang ldan na/ 'khor lo de'i dbang gis bdag gi rgyal srid rab tu che zhing phas rgol ba'i dgra thams cad shin
186a7 tu thul ba las tshe'ang ring bar 'gyur ro/ /rigs kyi bu/ de bzhin du rnyog pa lnga'i 'jig rten gyi khams mi mjed kyi sangs rgyas kyi zhing 'dir sangs rgyas mi bzhugs
186b1 pa'i tshe/ de na gnas pa'i sems can thams cad rang gi sems kyi bag la nyal ba'i nyon mongs pas yongs su bcings nas nang gi dgra dang / pha rol gyi dgras rnam par gtses te/ kun
186b2 nas nyon mongs pas nyon mongs nas gti mug gis ldongs te/ mi bde bar gyur pas rtag pa dang / chad pa la rnam par zhen cing chags pa tshad med pa bskyed nas phan tshun rtsod cing
186b3 'gal bar byed de/ gcig la gcig dbang za zhing smod pas 'dod chags dang / zhe sdang dang / gti mug bskyed de/ g.yo dang / sgyu'i tshul du smra zhing mi dge ba bcu'i las kyi lam rdzogs
186b4 par byed pa dang / rnam par zhen cing chags pa'i skye bo dag nyon mongs pa'i 'jig rten gyi khams 'dir rnam pa sna tshogs kyi nyon mongs pa'i nad kyis gzir ba dang ldan pas yang dag pa'i
186b5 chos kyi mig ldongs te/ zhe sdang dang / khong khro bas gdungs shing 'khrugs kyang yang dag pa bden pa'i chos cung zad kyang yid la mi byed de/ yang dag pa'i chos kyi ro yongs su gtang nas
186b6 dge ba byed pa la dbang za zhing smod de/ /de sngar bde zhing skyid pas ni bral cing phongs par 'gyur gyi/ rtag tu nyon mongs pa'i dra ba rnam pa mang pos dkris shing glags nas mu stegs can
186b7 gyi ston pa rnam pa drug po la skyabs su song ste/ 'phags pa'i lam las phyir log cing ngan song gsum las gzhol bar 'gyur to/ /de'i tshe zhing de na byang chub sems dpa' sems
187a1 dpa' chen po sngon sangs rgyas tshad med pa snyed la mchod cing pa snyen bkur byas pa/ sangs rgyas kyi yon tan gyi rgya mtshor zhugs pa/ snga ma 'das pa'i
187a2 sangs rgyas kyi spyod yul la gnas pa thams cad 'dus shing tshogs nas nga'i spyan sngar lhags te tshig mthun par 'di skad zer ro/ /khyod sngon 'das pa'i dus na sbyin pa tshad med
187a3 pa la nan tan byas pa dang / tshul khrims rab tu bsrungs pa dang / shin tu 'bad pa'i brtson 'grus kyis shin tu spyad dka' ba spyad de/ thams cad yongs su rdzogs
187a4 par bsgoms so/ /de lta bu'i bsod nams dang / ye shes kyi tshogs dang / shes rab dang / thabs mkhas pa dang / snying rje chen po la sogs pas yongs su brgyan pas yon tan chen
187a5 po'i gter du gyur pa/ ting nge 'dzin thams cad dang / gzungs rnams las rab tu bzod pa/ sa'i yon tan thams cad yongs su rdzogs pa'i rgya mtshor gyur pa'o/ /g.yo dang / sgyu med
187a6 cing lus byad shin tu ring la mtshan dang / dpe byad phun sum tshogs par gyur pa dang / des pa'i bzod pa dang ldan zhing shin tu mdzes par gyur pa/ gzhan gyi dring la mi 'brang
187a7 bas byang chub kyi lam bsgom par ye shes kyi rgya mtsho thams cad yongs su rdzogs par gyur pa/ phul du gyur ba'i mdog mchog dam pa dang ldan par gyur pa/ nyan thos dang / rang
187b1 sangs rgyas thams cad kyi ston pa chen por gyur pa/ 'khor bas 'jigs skrag pa'i sems can thams cad kyi dpung gnyen du gyur pa/ byams pa dang / snying rje chen po la sogs pa yon
187b2 tan tshad med pas yongs su brgyan pa/ bcom ldan 'das log par dad sel dang / gser thub dang / 'od srung la sogs pa'i sras yang dag pa/ bskal pa bzang po 'dir mngon par
187b3 'tshang rgya ba/ byang chub sems dpa' thams cad kyi nang na gtso bor gyur pa/ yon tan rnam pa sna tshogs kyi spos can/ zhi gnas dang / lhag mthong gi chu yongs su dag pas khrus byas pa/
187b4 khrel pa dang / 'dzem pa'i gos gyon pa/ rnam par dag pa'i chos kyi dbyings gtsug gi nor bur thogs pa/ sangs rgyas thams cad kyi spyod yul rgya chen po'i me tog gi phreng ba'i cod pan
187b5 thogs pa/ rnam par grol ba'i srad bus cings pa/ gzhan yang / rnam pa thams cad mkhyen pa'i ye shes dang / mi skye ba'i bzod pa la sogs pa'i yon tan gyi rin po che yongs
187b6 su brgyan pa/ byams pa chen po dang / snying rje dang / dga' ba dang / btang snyoms kyi lham rin po che gyon pa/ khams gsum yongs su khebs pa'i spyod pa rnam gsum gyis 'phags
187b7 pa'i rgyu yongs su rdzogs par 'gyur ba'i gdugs kyis bkab pa/ sngon gyi sangs rgyas dang / lha dang / drang srong gis yongs su bzung ba'i rdo rje lta bu'i ting nge 'dzin gyi gdan ba shams
188a1 pa| nyan thos dang / rang sangs rgyas thams cad kyis bkur sti dang bcas te yongs su bzung ba'i dran pa nye bar gzhag pa bzhi la bzhugs pa/ sngon
188a2 gyi sangs rgyas thams cad kyis gting ba'i gdan la bzhugs nas bla na med pa'i byang chub tu mngon par sangs rgyas so/ /thams cad mkhyen pa'i ye shes su gyur pa dkon mchog
188a3 gsum gyi gdung mi gcad pa'i phyir chos kyi 'khor lo bskor to/ /chos kyi rnga rab tu brdungs nas khams gsum kun tu chos kyi sgra bsgrags te/ lha dang / klu dang / gnod sbyin
188a4 dang | srin po dang / lha ma yin dang / nam mkha' lding dang / mi'am ci dang / lto 'phye chen po dang / grul bum dang / 'byung po dang / sha za dang / srul po dang / lus srul po dang / mi dang / mi ma yin
188a5 pa la sogs pa thams cad la 'phags pa'i bden pa bzhis grol bar byas so/ /yan lag bcu gnyis dang ldan pa'i chos kyi 'khor lo gang 'jig rten du bcas pa dge sbyong
188a6 dang | bram ze dang / lha dang / bdud dang / tshangs pa dang / mi dang / mi ma yin pa la sogs pa gang gis kyang ma bskor ba de/ 'jig rten du bcas pa lha dang / mi tshad med pa dag la
188a7 phan pa dang / bde ba'i don chen po mchog dam pa thob par bya ba'i phyir sngon gang gis kyang ma bskor ba de rnam pa gsum du rab tu bskor to/ /rigs kyi bu/ nga de lta bu'i sangs
188b1 rgyas kyi 'khor lo gcig pa de dang ldan te 'khor lo de'i dbang gis yang dag pa ji lta ba bzhin du 'jig rten 'di dang / 'jig rten phyi ma dang / gnas dang / gnas ma yin pa mngon sum
188b2 du mkhyen pas 'jigs pa med pa thob ste/ bde bar gnas shing lha dang / bdud du bcas pa'i mu stegs can log par smra ba thams cad shin tu btul nas tshangs pa chen po'i
188b3 'khor lo bskor te/ tshangs pa chen po'i spyod pa shin tu grub pas nga ni rnyog pa lnga'i sdig pa can gyi 'jig rten gyi khams 'dir 'khor gyi dkyil 'khor du seng ge'i sgra yang dag par
188b4 bsgrags te/ sems can thams cad kyi mtshams med pa lnga'i las zhi bar byas so/ /de bzhin du mi dge ba'i rtsa bar gtogs pa thams cad bsal nas skye bo thams cad kyi nyon
188b5 mongs pa'i rgyun rdo rje ltar sra ba dag kyang zhi bar byed do/ /zag pa thams cad yongs su zad pa rnam par grol ba'i 'bras bu dam pa la rnam par bzhag nas ci dang / ci la mos pa bzhin
188b6 du thams cad bde bar 'jog pa dang / mthu dang ldan pa'i sems can dag ni theg pa gsum la bzhag ste phyir mi ldog par yang mdzad do/ /rigs kyi bu/ 'di lta ste/ rgyal rigs rgyal
188b7 thabs spyi bo nas dbang bskur ba'i rgyal po chen po theg ma rgyal sar zhugs nas rgyal po'i srid bzung ma thag tu 'das pa dang / ma 'ongs pa dang / da ltar gyi rgyal po thams cad kyis chos
189a1 dang | khrims la shin tu lta zhing rtog go /de ltar rgyal po kun gyi las kyi 'khor lo shin tu rtogs nas rgyu dang / 'bras bu smin pa'ang shes te/ ci dang / cir
189a2 ldan pa bzhin de dang / de lta bu'i thabs byin te las su bcug pas/ yul de na gnas pa'i mdzangs ngan las las kyi 'khor lo rnam pa gsum byed du bcug go /las kyi 'khor lo
189a3 de'i dbang gis de na gnas pa'i sems can thams cad yun ring po'i 'tsho ba'i yo byad yid du 'ong ba rnam pa sna tshogs la longs spyod pa dang / bde skyid 'phel zhing skye ba dang / phas
189a4 rgol ba'i dgra thams cad kyang thul bar gyur to/ /las kyi 'khor lo rnam pa gsum gang zhe na/ 'di lta ste/ rgyal po srid kyi las kyi 'khor lo rnam par bzhag pas gang dgra thabs
189a5 mkhas par bslabs shing rtsal sbyangs te phas rgol ba'i dgra 'dul zhing mi mang po srung bar byed pa dang / zhing dang / gnas byed pa'i las kyi 'khor lo rnam par bzhag pas gang
189a6 khang khyim brtsig pa dang / zhing gi las lag byad kyis phyin par byed du 'jug cing bde bar byas pas bza' ba dang / btung bas mi brel bar byed pa dang / nor rin po che tshol
189a7 pa'i las kyi 'khor lo rnam par bzhag pas gang tshong spogs dang / bzo rnam pa sna tshogs slob tu gzhug cing 'tsho ba'i yo byad rnam pa sna tshogs yid bzhin du spyad du
189b1 yod la bde zhing skyid pa 'phel bar byed pa'o/ /rigs kyi bu/ rgyal rigs rgyal thabs spyi bo nas dbang bskur ba'i rgyal po chen po rgyal pa'i 'khor lo gsum po 'di dang ldan na 'khor
189b2 lo 'di'i dbang gis bdag gi yul rab tu bde zhing skyid pa dang / phas rgol ba'i dgra dang / grogs po ngan pa btul zhing lus srung ba'i nan tan la mkhas pas tshe 'ang ring bar 'gyur
189b3 ro| |rigs kyi bu/ de bzhin du de bzhin gshegs pa'ang thog ma mngon par sangs rgyas kyi bla na med pa'i ye shes thob nas 'das pa dang / ma 'ongs pa dang / da ltar gyi sangs rgyas
189b4 thams cad kyi chos kyi mig la shin tu rtog go /de ltar shin tu brtags pas las dang / chos rnams kyi rgyu dang / 'bras bu rab tu mkhyen te/ 'dul bar 'gyur ba'i sems can thams
189b5 cad la las kyi 'khor lo rnam pa gsum rnam par bzhag go /las kyi 'khor lo de'i dbang gis dkon mchog gsum gyi gdung dang / chos kyi mig yun ring du gnas pa dang / bla na med
189b6 pa yang dag pa'i chos rgya cher kun tu khyab pa dang / skye bo thams cad rtag tu mtho ris kyi lhar skye ba nas mya ngan las 'da' ba'i bar du shin tu bde ba thob pa dang / mu stegs can log par
189b7 smra ba thams cad kyis mi tshugs shing yang dag pa'i chos kyi mig gis phas rgol ba thams cad chos bzhin du thul bar 'gyur ro/ /de la/ rigs kyi bu/ las kyi 'khor lo rnam pa gsum gang
190a1 zhe na/ 'di lta ste/ ting nge 'dzin bsgom pa'i las kyi 'khor lo rnam par gzhag pa dang / kha ton goms par bya ba'i las kyi 'khor lo rnam par bzhag
190a2 pa dang / bsod nams bya ba'i las kyi 'khor lo rnam par bzhag pa dang gsum mo/ /rigs kyi bu/ de la ji ltar na de bzhin gshegs pa'i ting nge 'dzin bsgom pa'i las kyi
190a3 'khor lo gang zhe na/ ting nge 'dzin rnam pa bcu ste/ bcu gang zhe na/ yang dag pa ji lta ba bzhin du rnam par shes pa dang bcas pa'i lus 'di la brtags na yul drug dang /
190a4 bdag dang / bdag gir zhen cing chags pa'i rgyu dang / las kyi zhing dang / ma rig pas bsgribs pa dang / sred pa'i chus brlan pa'i dbang med par gzhan gyi dbang gis yod par
190a5 gyur pas rkyen mang po la rag las pa'o/ /las dang / nyon mongs pa dang / sdug bsngal gyi rgyun rnam pa gsum po dgag pa'i phyir de ltar brtag go /las kyi rgyun gang zhe na/ gang sems
190a6 can rnams ji snyed kyi 'du byed mngon du spyod pa de ma rig pa dang / sred pa'i rgyu las srid pa skye bas nyon mongs pa'i rgyun ces bya'o/ /nyon mongs pa'i dbang gis rnam par shes
190a7 pa'i rgyu dang / rkyen mang po 'dus pa las ming dang / gzugs skye'o/ /ming dang / gzugs kyi rgyu dang / rkyen mang po 'dus pa las skye mched drug skye'o/ /skye mched drug gi rgyu dang / rkyen mang po 'dus
190b1 pa las reg pa dang / tshor ba dang / srid pa phyi ma'i skye ba dang / rga ba dang / 'chi ba la sog pa rim kyis 'byung ba na sdug bsngal gyi rgyun ces bya'o/ /da ltar rgyun gsum po 'di ni las kyi
190b2 zhing la ma rig pa'i rgyu dang / sred pa'i rlan gyis skye bar gyur to/ /'di ltar las kyi zhing lam rig pa'i rgyu dang / sred pa'i rlan gyis rgyun rnam pa gsum po brkam pa'i phyir nye bar len pa'i phung
190b3 po lnga la mi rtag pa dang / sdug bsngal ba dang / bdag med pa dang / bems po dang / g.yo ba med pa dang / sgyu ma lta bu dang / smig rgyu ba lta bu dang / chu'i zla ba lta bu dang / rmi lam lta bu stong pa ci'ang
190b4 med pa/ mtshan ma med pa/ smon pa med pa/ byas pa med pa/ ma byung ba/ ma skyes pa/ gzugs med pa/ zhi ba dang / dben pa dang / ma byung ba dang / skye ba'i gnas med par rtogs
190b5 so| |de ltar nye bar len pa'i phung po lnga la shin tu brtags pas stong pa nyid dang rjes su mthun pa'i bzod pa dang / mtshan ma med pa'i rjes su mthun pa'i bzod pa dang / smon pa med pa'i
190b6 rjes su mthun pa'i bzod pa la phyogs so/ /yang nye bar len pa'i phung po lnga la rjes su brtag par bya ba'i phyir/ gzhan yang / thabs mkhas pas dbugs phyi nang du rgyu ba la rtog ste nang du
190b7 rgyu ba dang / phyir rgyu ba'i dran pa goms par byed do/ /de la ji ltar na dran pa'i dbang gis yang dag pa ji lta ba bzhin du dbugs phyi nang du rgyu ba la rtog ce na/ yang dag pa ji lta
191a1 ba bzhin du bgrang ba dang / rjes su 'brang ba dang / zhi gnas dang / lhag mthong dang / 'jug pa dang / yongs su dag pa la rtog go /de la bgrang
191a2 bas ni las kyi dngos po rnam pa gnyis byed par 'gyur te/ rten du gyur pas rnam par rtog pa dang / rnam par dpyod pa rnams thul ba dang / dbugs phyi nang du rgyu ba'i mtshan nyid
191a3 'dzin par nus pa'o/ /rjes su 'brang bas kyang las kyi dngos po rnam pa gnyis byed par 'gyur te/ yang dag par 'byung ba la rten cing rnam par rtog pa dang / rnam par dpyod pa dang
191a4 bral ba dang / dbugs phyi nang du rgyu ba'i 'jug pa'i mtshan nyid la mkhas par gyur pa'o/ /zhi gnas kyis kyang las kyi dngos po rnam pa gnyis byed par 'gyur te/ dbugs
191a5 phyi nang du rgyu ba bri bar mngon du ston pa dang / ting nge 'dzin gyi mchog la gnas par nus pa'o/ /lhag mthong gis kyang las kyi dngos po rnam pa gnyis byed par 'gyur te/
191a6 dbugs phyi nang du rgyu ba zad par mngon du ston pa dang / sems dang / sems las byung ba'i chos so sor rtogs pa la gnas pa'o/ /'jug pas kyang las kyi dngos po rnam
191a7 pa gnyis byed par 'gyur te/ nye bar len pa'i phung po spong ba'i sbyor ba la mkhas pa dang / 'phags pa'i sar 'jug pa la sbyor ba'o/ /yongs su dag pas kyang bya ba'i
191b1 las kyi dngos po gnyis byed par 'gyur te/ kun nas nyon mongs pa spong ba dang / lta ba yongs su dag pa'o/ /de ltar sbyor ba rnam pa drug gis dbugs phyi nang du rgyu ba la rtog pa
191b2 bsgoms pas nye bar len pa'i phung po lnga rtogs pa dang rjes su mthun par 'jug go /de ci'i phyir zhe na/ ji ltar dbugs phyi nang du rgyu ba'i rang bzhin ni gzugs nye bar len pa'i
191b3 phung po'o/ /dbugs phyi nang du rgyu ba len cing myong bar byed pa ni tshor ba nye bar len pa'i phung po'o/ /dbugs phyi nang du rgyu ba'i mtshan nyid len pa ni 'du shes nye bar len pa'i phung
191b4 po'o| |dbugs phyi nang du rgyu ba mngon du byed pa ni 'du byed nye bar len pa'i phung po'o/ /dbugs phyi nang du rgyu ba bye brag tu 'byed pa ni rnam par shes pa nye bar len pa'i phung po ste/
191b5 de ltar nye bar len pa'i phung po rnam lnga bshad pa ni so so ba/ tha dad pa/ mi 'dra ba/ gsar ma yin pa/ rnying ma yin pa/ gnas med pa/ spungs pa med pa ma yin pa/ brjod du
191b6 med pa'o/ /de ltar nye bar len pa'i phung po lnga shin tu rtogs pas 'du byed rnam pa gsum yongs su spong bar 'gyur ro/ /gal te de lta 'du byed rnam pa gsum yongs su zad
191b7 par rjes su brtags pa'i mthar phyin na rnam par shes pa dang bcas pa'i lus dang / yul drug rjes su rtogs pa'i mthar phyin par 'gyur ro/ /bdag dang / bdag gir zhen
192a1 pa dang / las dang / ma rig pa dang / srid pa'i rgyu dang / zhing dang / kun nas 'gebs pa'i rlon pa'ang thams cad zad par 'gyur ro/ /de bzhin du
192a2 dran pa nye bar gzhag pa bzhi bsgom pa'ang yongs su rdzogs pa nas 'phags pa'i lam yan lag brgyad pa'i bar du'ang bsgom pa yongs su rdzogs par 'gyur ro/ /de bzhin
192a3 du sangs rgyas kyi chos ma 'dres pa bco brgyad kyi bar du'ang bsgom pa yongs su rdzogs par 'gyur ro/ /de bzhin du rnam pa thams cad mkhyen pa'i ye shes dang / mi skye ba'i chos
192a4 kyi bzod pa dang / dpa' bar 'gro ba'i ting nge 'dzin la sogs pa'i bar du bsgom pa yongs su rdzogs par 'gyur ro/ /de bzhin du 'gro ba dang / 'ong ba rjes su dran pas gzung
192a5 bar bsam gtan dag la zhugs pa ni yang dag pa'i chos don dam pa la gnas pa'i sems can zhes bya'o/ /bsam gtan yang dag pa ji lta ba bzhin du sgom pa zhes bya'o/ /
192a6 dus gsum gyi sangs rgyas bcom ldan 'das la yang dag par mchod pa zhes bya'o/ /sangs rgyas thams cad kyi thugs las byung ba'i sras/ thams cad kyi gsung las skyes
192a7 pa| chos kyi grub pas chos kyi btul ba zhes bya'o/ /byang chub sems dpa' la las de ltar bsgoms pa las bags kyis phyir nur na'ang zag pa zad pa'i dgra bcom par
192b1 gyur pa nas mngon par shes pa drug dang ldan par 'gyur ro/ /byang chub sems dpa' la la de ltar bsgoms pas gong nas gong du 'phar ba ni yon tan thams cad yongs su
192b2 rdzogs te/ byang chub sems dpa' sems dpa' chen por gyur pa nas sangs rgyas kyi chos ma 'dres pa bco brgyad dang / rnam pa thams cad mkhyen pa'i ye shes kyi bar du yongs su rdzogs
192b3 par 'gyur te/ ring po mi thogs par bla na med pa'i byang chub tu mngon par rdzogs par 'tshang rgya bar 'gyur ro/ /rigs kyi bu/ ngas rnam pa de snyed kyi las dang / chos dang / tshor ba dang /
192b4 rgyu dang / 'bras bu dang / rnam par smin pa la ye shes kyis dus gsum gyi sangs rgyas kyi chos la brtags na sems can dag ting nge 'dzin bsgom pa'i las kyi 'khor lo bcu rnam
192b5 par bzhag la sgom du 'dzud do/ /rigs kyi bu/ de dag ni de bzhin gshegs pa'i ting nge 'dzin sgom pa'i las kyi 'khor lo zhes bya'o/ /rigs kyi bu/ de la ji ltar na de bzhin
192b6 gshegs pa'i kha ton goms pa'i las kyi 'khor lo zhe na/ gang dge slong dang / dge slong ma dang / dge bsnyen dang / dge bsnyen ma dang / rigs kyi bu'am/ rigs kyi
192b7 bu mo dge ba'i rtsa ba chung zhing srab pa dang / kun rdzob kyi bden pa la gnas pa dbang po yongs su ma smin pa dag la ngas kha ton goms par bya ba la btsud de/ srod dang / tho rangs la
193a1 le le med par shin tu brtson 'grus rtsom pa dang / sems can gang bla na med pa'i ye shes tshol ba dag ni ngas rnam par dkar pa'i theg pa chen po la
193a2 btsud de/ bdag nyid klog pa dang / pha rol po gzhan klog tu 'jug pa dang / bdag nyid 'don pa dang / pha rol po gzhan 'don du 'jug pa dang / bdag nyid 'chad pa dang /
193a3 pha rol po gzhan 'chad du 'jug pa dang / theg pa chen po la bdag goms par bya ba dang / pha rol po gzhan goms par byed du 'jug pa dang / bdag dang / gzhan gyi kun nas
193a4 nyon mongs pa bsal ba dang / bla na med pa'i thams cad mkhyen pa'i ye shes thob par bya ba dang / sems can thams cad kyi sdug bsngal zhi bar bya ba dang / 'jigs pa med
193a5 pa'i grong khyer chen por zhugs pa'i phyir rtsol lo/ /sems can gang rang sangs rgyas kyi thag pa 'dod pa dag ni ngas rten cing 'brel bar 'byung ba'i chos la btsud nas kha
193a6 ton goms par byed du bcug go /sems can gang nyan thos kyi theg pa 'dod pa dag la ni ngas gzhung tshigs su bcad pa stong phrag brgya pa dang / 'dul ba tshigs su
193a7 bcad pa stong phrag brgya pa dang / chos mngon pa dang / mngon par smra ba tshigs su bcad pa stong phrag brgya pa la sogs pa kha ton goms par byed du bcug pa de ni/ rigs
193b1 kyi bu/ de bzhin gshegs pa'i kha ton goms par bya ba'i las kyi 'khor lo zhes bya'o/ /rigs kyi bu/ de la ji ltar na de bzhin gshegs pa'i bsod nams bya ba'i las kyi 'khor
193b2 lo zhe na/ 'di lta ste/ sems can gang dbang po rtul pa dang / dge ba'i rtsa ba ma bskyed pa/ shes rab zhan pa dang / le lo dang bcas pa/ dran pa nyams pa 'tsho ba'i yo byad rnam
193b3 ba kun la zhen cing chags pa/ dge ba'i bshes gnyen yongs su spong ba dag ni ngas bsod nams bya ba'i las la btsud do/ /'di lta ste/ sangs rgyas dang / chos dang / dge
193b4 'dun la bya ba byed pa dang / mkhan po dang / slob dpon la bya ba byed pa ste/ rigs kyi bu/ de ni de bzhin gshegs pa'i bsod nams sgrub pa'i las kyi 'khor lo zhes bya'o/ /rigs
193b5 kyi bu/ de ltar nga ni sangs rgyas kyi 'khor lo gnyis pa 'di dang ldan te/ 'khor lo de'i dbang gis bla na med pa'i dus gsum gyi las kyi ye shes kyis yang dag pa ji lta ba bzhin
193b6 du sems can thams cad kyi las dang / chos dang / tshor ba dang / rgyu dang / 'bras bu yongs su smin pa mkhyen te/ cis 'dul ba bzhin du las kyi 'khor lo rnam pa gsum
193b7 rnam par bzhag nas snod du gyur pa'i sems can thams cad la phan pa dang / bde ba'i don dang / 'jigs pa med pa la bde bar bkod do/ /'jigs pa med pas lha dang / bdud
194a1 du bcas pa'i mu stegs can log par smra ba thams cad btul nas tshangs pa chen po'i 'khor lo bskor zhing / tshangs pa chen po'i spyad pa yongs su
194a2 grub pas yang dag pa ji lta ba bzhin du sems can gyi rgyu dang / 'bras bu kun mngon par mkhyen to/ /rigs kyi bu/ 'di lta ste/ rgyal rigs rgyal thabs spyi bo nas dbang bskur
194a3 ba'i rgyal po chen po ni thabs mkhas pa'i blo dang ldan pas dge sbyong dang / bram ze dang / rgyal rigs dang / rje'u rigs dang / dmangs rigs la sogs pa yon tan
194a4 rnam pa sna tshogs dang / mang du thos pa dang / dpa' bo dang / bzo po dang / rtsal che ba dang / sems can gang phyug cing yon tan dang ldan pa/ thabs mkhas pa'i blo dang
194a5 ldan pa/ dpa' zhing rtul phod pa/ brtan pa phyir mi ldog pa/ bsod nams rnam pa sna tshogs kyis yongs su brgyan pa de dag la rgyal rigs rgyal thabs spyi bo nas dbang
194a6 bskur ba'i rgyal po chen pos de dag ci dang ldan pa bzhin ci 'os ci rigs su rin po che dang / nor gyi dbyig dang / zhing 'brog dang / khang khyim dang / bran dang / las byed pa'i
194a7 mi la sogs pa ci rigs su sbyin par byed do/ /yul de na gnas pa'i mi yon tan dang / shes pa zhan pa/ las byas pa chung pa dag la ni rgyal thabs spyi bo nas dbang bskur
194b1 ba'i rgyal po chen pos de dag la'ang ci 'os ci rigs su shas kyis sbyin par byed do/ /yul de na gnas pa bsod nams med cing brtson 'grus chung ba/ le lo che ba/ bag med pa/ dran pa nyams
194b2 pa| snying rje'i sems med pa/ byas pa mi gzo pa/ 'jig rten phyi ma'i sdug bsngal la 'jigs par mi lta ba/ khyim gyi 'dam du bying ba/ sdig pa mang po byed pa de dag la ni rgyal po chen pos
194b3 ci rigs ci 'os su chad pa rnam pa sna tshogs kyis gcod de/ kha cig la ni tshig na bas spyos zhing brgyad pa dag byed do/ /kha cig la ni rin po che dang / nor rdzas la sogs pa 'phrog go /
194b4 kha cig la ni 'tsho ba'i yo byad dag kyang 'phrog go /kha cig la ni lcag gis gzhu ba dang / btson rar bcug go /kha cig la ni yan lag dang / nying lag gcod do/ /kha cig la ni mgo dang /
194b5 lus kyang gcod de/ de dag la sogs pa chad pa rnam pa sna tshogs kyis chad pa gcod do/ /rigs kyi bu/ de ltar rgyal rigs rgyal thabs spyi bo nas dbang bskur ba'i rgyal po chen po rgyal
194b6 po'i 'khor lo gsum po 'di dang ldan te/ 'khor lo de'i dbang gis bdag gi yul rab tu bde zhing skyid pas phas rgol ba'i dgra thams cad dang / grogs po ngan pa btul cing
194b7 lus srung ba'i nan tan mkhas pas tshe'ang ring par 'gyur ro/ /rigs kyi bu/ de bzhin du de bzhin gshegs pa'ang dbang po la shin tu mkhas pa'i ye shes dang ldan pas 'khor
195a1 gang bsod nams dang / ye shes kyi tshogs dang / thabs dang / shes rab las ring du gyur pa/ sbyin pa dang / dul ba dang / zhi ba yongs su spangs te dran pa
195a2 nyams nas sems 'khrugs par gyur pa dag nga gang na ba der 'ongs te/ nga la skyabs su 'ongs nas de dag gi dbang po dang / dad pa dang / bag la nyal ba dang / mos pa shin tu mkhyen
195a3 pas ci dang / cis 'dul ba bzhin du chad pas gcad pa'i thabs 'dul ba la sogs pa'i chos ston to/ /sems can gang nga rgyal gyi dbang du gyur te/ bslab pa mang po gzungs su
195a4 mi 'dzin pa dag la ni ngas bstan pa dam pa'i chos yun ring du gnas par bya ba'i phyir dngos po 'di dag byed du gzhug go /la lar ni dran par bya ba'i dam bca' bas chad
195a5 pas gcod do/ /la lar ni tshig na bas bsdigs pa dang / gshe ba dang / spyo bas gcod do/ /la lar ni skad cig dgar zhing smra dbab pas gcod do/ /la lar ni phyag 'tshal
195a6 ba dang / mi smra ba dang / rnyed pa lhan cig tu mi spyod pas gcod do/ /la lar ni rtsa dgram pa lta bu dang / la lar ni bskrad pa la sogs pa'i chad pas gcad pa ste/ de ltar gang
195a7 zag de dag gi dbang po dang / dad pa dang / bag la nyal ba dang / mos pa kun mkhyen pas ci rigs ci 'os su chad pas gcad do/ /de'ang don med pa'i mun pa'i tshogs bsags
195b1 pa gzhom pa dang / nyon mongs pa'i chu bo bskam pa dang / mtho ris kyi lhar skye ba nas mya ngan las 'da' ba'i bde ba thob pa'i phyir mi dge ba spyod pa'i gang zag 'dul ba'i phyir ci dang / ci rigs
195b2 su chad pas gcad pa'i chos bstan to/ /mdo sde mang po las kyang mi dge ba spyod pa chad pas gcad pa'i chos ci dang / ci rig pa de dang / de'i chos rgya cher bshad do/ /ngas mchog dam
195b3 pa'i ye shes kyis sems can gang lhag pa'i bsam pa dang / dad pa dang / mos pa yongs su dag pa dang ldan pa'ang shin tu mkhyen pas ci dang / cis 'dul ba bzhin du dge ba'i
195b4 phyogs kyi khyad par rnam pa sna tshogs bstan te/ bslab cing goms su bcug pa nas dge ba'i rtsa ba thams cad kyi bar du yongs su rdzogs shing 'jigs pa med pa'i grong khyer chen
195b5 por btsud do/ /rigs kyi bu/ nga ni de ltar sangs rgyas kyi zhing 'khor lo gsum po 'di dang ldan te 'khor lo 'di'i dbang gis sems can thams cad kyi dbang po rnam pa sna
195b6 tshogs dang / dad pa dang / bag la nyal ba dang / mos pa dang / bsam pa dang / las dang / myong ba'i chos kun mkhyen pas ci dang cis 'dul ba bzhin du phan pa dang / bde
195b7 pa'i don gyis 'jigs pa med pa la bde bar bkod do/ /'jigs pa med pas nga ni drang srong chen po'i gnas su dam bca' zhing sangs rgyas kyi 'khor lo rab tu bskor nas lha
196a1 dang / bdud du bcas pa'i mu stegs can log par smra ba thams cad btul te 'khor mang po'i dkyil 'khor du seng ge'i sgra bsgrags so/ /rigs kyi bu/ 'di
196a2 lta ste/ rgyal rigs rgyal thabs spyi bo nas dbang bskur ba'i rgyal po chen po ni bdag gi yul na gang zag ji snyed cig 'jig rten gyi lha dang / mu stegs can rnam pa sna tshogs la
196a3 skyabs su song zhing log pa la dad pa dang / log par lta ba dang / log pa la slong ba dang / log pa'i brtul zhugs la mngon par zhen te/ log pa'i ltas bzang ngan la
196a4 chags nas don med pa'i sdug bsngal rnam pa sna tshogs kyis sdug bsngal bar gyur pa dag rgyal po chen po des shes nas rtag tu yang dang / yang bsdus te rgyal po snga ma'i
196a5 dam pa'i chos lugs kyis rgyas par bstan nas log par lta ba dang / log par dad pa spong la/ rgyal po snga ma'i chos lugs bslab pa la nan tan du spyod cig par bkas
196a6 btags te/ yul de na gnas pa'i sems can thams cad 'jug pa gcig /phyogs pa gcig /bsam pa gcig /'dod pa gcig par thams cad mthun par rgyal po snga
196a7 ma'i dam pa'i chos bzhin du gnas pa dang / bka' bzhin du nyan cing rjes su spyod pas de na gnas pa thams cad mthun par gang bya bar rigs pa rnams byed do/ /rgyal
196b1 rigs rgyal thabs spyi bo nas dbang bskur ba'i rgyal po chen po'ang rtag tu blon po rnams dang 'dus nas ston mo byed cing longs spyod de/ dga' bas rol cing gshegs pas gros
196b2 mthun pas rgyal po'i las byed do/ /rigs kyi bu/ rgyal rigs rgyal thabs spyi bo nas dbang bskur ba'i rgyal po chen po de ltar rgyal po'i 'khor lo bzhi po 'di dang ldan te/ 'khor
196b3 lo de'i dbang gis bdag gi yul rab tu bde zhing skyid pa dang / phas rgol ba'i dgra thams cad dang / grogs po ngan pa btul zhing lus srung ba'i nan tan la mkhas pas tshe'ang
196b4 ring bar 'gyur ro/ /rigs kyi bu/ de ltar de bzhin du de bzhin gshegs pa'ang shin tu thabs mkhas pa'i mos pa mkhyen pa'i ye shes dang ldan pas 'jig rten na log pa la
196b5 phyogs pa rnam pa sna tshogs dang / log par lta ba dang / log pa'i bsam pa dang / log pa'i chos la mos pa dang / log pa'i las spyod pa de'i rgyu de'i rkyen gyis sdug bsngal
196b6 tshad med pa myong bar de bzhin gshegs pas mkhyen cing gzigs nas rtag tu yang dang / yang 'khor mang po bsdus te snga ma 'das pa'i sangs rgyas bcom ldan 'das kyi dkon
196b7 mchog gsum gyi gdung bsab pa'i rgyu dang / 'bras bu dang / pha rol tu phyin pa drug dang / rnal 'byor ba'i rgyu dang / sdom pa gsum la sogs pa'i rgyu dang / 'bras bu'i chos rgyas
197a1 par phye ste mngon par bstan nas 'khor mang po rnams rnam par grol bar byed do/ /phyin ci log tu lta ba rnams yang dag pa'i lta ba dang / dge ba bcu'i
197a2 yang dag pa'i las kyi lam la rnam par 'jug go /sems can rnams ni rtag tu mthun par chos la 'jug /chos la spyod par thabs kyis drang zhing sgom du 'dzud pas rgyu dang / 'bras
197a3 bu rgyun mi 'chad par byed do/ /sems can rnams 'khor rnam bzhi dang mthun par dge pa spyod pa'i khyad par la nan tan byed du bcug nas dran pa nye bar gzhag pa bzhi dang / ting nge
197a4 'dzin dang / rnam par grol ba'i ye shes ston pa dang / lam gyi yan lag la spro bzhin du rtse'o/ /'phags pa'i bstan pa yun du gnas par bya ba dang / dkon mchog gsum gyi
197a5 gdung rgyun mi 'chad par bya ba'i phyir yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang /
197a6 'phags pa'i lam yan lag brgyad pa dang / de ma yin pa ting nge 'dzin dang / rnam par grol ba'i ye shes ston pa dang / byang chub kyi phyogs kyi khyad par rnam pa sna tshogs la ci
197a7 dgar rtser bcug go /rigs kyi bu/ nga ni de ltar sangs rgyas kyi 'khor lo bzhi pa 'di dang ldan te/ 'khor lo de'i dbang gis so so'i skye bo ci dang / ci la mos pa dang / ci la phyogs
197b1 pa dang / ci la dga' ba kun mkhyen pas ci dang / cis 'dul ba bzhin du phan pa dang / bde ba'i don gyis 'jigs pa med pa la bde bar bkod do/ /'jigs pa med pas nga ni drang srong
197b2 chen po'i gnas su bzhugs te sangs rgyas kyi 'khor lo bskor nas lha dang / bdud du bcas pa'i mu stegs can log par smra ba thams cad btul te 'khor mang po'i nang du seng ge'i sgra
197b3 bsgrags so zhes gsungs so/ /rigs kyi bu/ 'di lta ste/ rgyal rigs rgyal thabs spyi bo nas dbang bskur ba'i rgyal po chen po bdag gi yul na gnas pa'am/ pha rol gzhan gyi
197b4 yul na gnas pa'i sems can tshad med pa snyed pa dag gi nor dang / gzugs la chags shing skyo mi shes pa dang / pha rol po gzhan gyi nor dang / gzugs la chags shing 'dod pas
197b5 de bsrung ba'i phyir grong dang / grong khyer dang / grong 'dab dang / rgyal po'i pho brang yang mkhar dang / ra bas bskor ba nas bya shal dang / ne tso'i bar du srung du 'dzud de stor cing gong bar
197b6 mi byed do/ /rigs kyi bu/ rgyal rigs rgyal thabs spyi bo nas dbang bskur ba'i rgyal po chen po 'di ltar rgyal po'i 'khor lo lnga pa 'di dang ldan te/ 'khor lo de'i dbang gis bdag gi
197b7 yul rab tu bde zhing skyid pa dang / phas rgol ba'i dgra thams cad dang / grogs po ngan pa btul cing lus srung ba'i nan tan la mkhas pas tshe'ang ring bar 'gyur ro/ /rigs kyi bu/ de
198a1 bzhin du de bzhin gshegs pa'ang rang bzhin la shin tu thabs mkhas pas mkhyen pa'i ye shes dang ldan pas bdud sdig can ma rungs pa dang / mu stegs can dgu bcu rtsa lnga po dang /
198a2 de ma yin pa gzhan yang bdud kyi ris dang / mu stegs can tshad med pa snyed kyis bslus pa kun mkhyen te/ sems can gang bdag gi
198a3 nor dang / gzugs la mngon par chags pa dang / pha rol po gzhan gyi nor dang / gzugs la'ang chags shing 'dod pas tshol lo/ /nga dang / nga'i 'khor rnams la phrag dog bskyed
198a4 de| nga bsad pa'i phyir bsod snyoms kyi nang du dug bcug pa dang / me dong gi steng du gdan bting ba dang / steng nas 'bab btang ba dang / bal glang smyos pa rbad pa dang /
198a5 ral gri phyung ste snyegs pa dang / skra dang / mi gtsang ba 'thor ba dang / mi tshangs par spyod do zhes skur ba dang / ma ning yin no zhes btags pa dang / mi ma yin pa'o zhes
198a6 brjod pa dang / sgyu ma'o zhes tshig ngan pa rnam pa sna tshogs kyis kyang nga la smod cing skur to/ /nga'i nyan thos kyi slob ma la'ang phrag dog bskyed de/ de'i rgyu de'i rkyen gyis skur cing
198a7 smod pa rnam pa mang po byed par mkhyen nas/ de bzhin gshegs pa dbang po drug bsrung ba la mkhas pa dang / tshangs pa'i gnas bzhi la gnas pa dang / so so yang dag par
198b1 rig pa bzhi dang ldan par gyur pa dang / nyan thos rnams la'ang chos kyi mdo rnam par thar pa'i sgo gsum yongs su dag pa rnam par bzhag pa bstan to/ /ngas da ltar 'jig rten
198b2 dang / 'jig rten las 'das pa'i rang bzhin kun yang dag pa ji lta ba bzhin du mkhyen to/ /de ltar sems can gyi rang bzhin tha dad pa rnam pa sna tshogs kun mkhyen nas/ de dag ci dang /
198b3 cis 'dul ba bzhin du phan pa dang bde ba'i don mdzad do/ /rigs kyi bu/ ngas de ltar sangs rgyas kyi 'khor lo lnga pa 'di dang ldan te/ 'khor lo de'i dbang gis 'jig rten pa dang / 'jig
198b4 rten las 'das pa'i rang bzhin mkhyen pa'i ye shes kyis sems can gyi rang bzhin tshad med pa rnam pa sna tshogs kun so sor mkhyen pas ci dang / cis 'dul ba bzhin du phan pa dang / bde
198b5 ba'i don gyis 'jigs pa med pa la bde bar bkod do/ /'jigs pa med pas nga ni drang srong chen po'i gnas su bzhugs shing sangs rgyas kyi 'khor lo bskor nas lha dang / bdud du bcas pa'i
198b6 mu stegs can log par smra ba thams cad btul te 'khor mang po'i dkyil 'khor du seng ge'i sgra rab tu sgrogs so/ /rigs kyi bu/ 'di lta ste/ rgyal rigs rgyal thabs spyi bo nas dbang bskur
198b7 pa'i rgyal po chen po ji ltar grong khyer dang / grong rdal dang / grong 'dab dang / rgyal po'i pho brang brtan par bsrung ba'i phyir 'obs kyis bskor ba nas gzhung de bzhin du rgyas par sha ri dang
199a1 ne tso'i bar du srung ma btsud do/ /pho brang na 'khor dang / btsun mo dang / bu mor bcas pas yongs su bskor cing 'dod pa lnga la rtse zhing longs spyod rnam pa
199a2 sna tshogs la bag med par dbang po drug nyams rangs su spyod do/ /rigs kyi bu/ rgyal rigs rgyal thabs spyi bo nas dbang bskur ba'i rgyal po chen po de de ltar rgyal po'i 'khor
199a3 lo drug pa 'di dang ldan te/ 'khor lo de'i dbang gis bdag gi yul rab tu bde zhing skyid pa dang / phas rgol ba'i dgra dang / grogs po ngan pa thams cad btul te lus srung
199a4 ba'i nan tan la mkhas pas tshe'ang ring bar 'gyur ro/ /rigs kyi bu/ de ltar de bzhin du de bzhin gshegs pa'ang byang chub sems dpa' sems dpa' chen po rnams
199a5 dang | nyan thos chen po rnams kyang thams cad 'phags pas bstan pa'i grong khyer brtan par btsud nas/ de'i 'og tu bsam gtan mchog dam pa la snyoms par 'jug pa nas
199a6 bsam gtan bzhi'i bar du snyoms par 'jug pa dang / nam mkha' mtha' yas skye mched kyi ting nge 'dzin la snyoms par 'jug pa nas/ de bzhin du rgyas par 'du
199a7 shes med 'du shes med min gyi skye mched kyi ting nge 'dzin gyi bar du snyoms par 'jug pa dang / de bzhin du sangs rgyas thams cad kyi spyod yul gyi ting nge 'dzin gyi bar du
199b1 snyoms par 'jug par 'gyur ro/ /ting nge 'dzin de dag tu zhugs nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto
199b2 'phye chen po dang / 'byung po dang / sha za dang / srul po dang / lus srul po la sogs pa sems can la gnod cing 'tshe ba/ byams pa dang / snying rje'i sems med pa/ 'jig rten phyi
199b3 ma'i sdug bsngal gyis mi 'jigs pa tshad med pa bye ba brgya stong snyed ngas sangs rgyas thams cad kyi spyod yul gyi ting nge 'dzin du zhugs pa mthong nas/ thams cad la shin tu dga'
199b4 ba'i sems bskyed de/ bsam pa yongs su dag pas dkon mchog gsum la mchog dam pa'i dga' ba dang / dad pa bskyed nas bsti stang dang bcas/ bkur sti dang bcas te ngo mtshar
199b5 rmad du gyur nas nyes pa thams cad so sor bshags te yongs su bcad par dam bca'o/ /de'i rgyu de'i rkyen gyis skad cig yud tsam gyis tshad med dpag tu med pa'i nyon mongs
199b6 pa'i sgrib pa dang / las kyi sgrib pa dang / chos kyi sgrib pa kun byang bar 'gyur te/ tshad med dpag tu med pa'i bsod nams kyi tshogs dang / ye shes kyi tshogs kun yongs su
199b7 rdzogs par gyur nas/ 'khor ba la rgyab kyis bltas shing mya ngan las 'da' ba la phyogs nas/ de bzhin gshegs pa bla na med pa yang dag pa'i chos srung zhing 'dzin to/ /rigs
200a1 kyi bu/ nga'ang de ltar sangs rgyas kyi 'khor lo drug pa 'di dang ldan te/ 'khor lo de'i dbang gis de bzhin gshegs pa bsam gtan dang / ting nge 'dzin
200a2 dang | rnam par grol ba dang / snyoms par 'jug pa dang / mnyam par gzhag pa tshad med pa brgya stong snyed la rnam par dag pa'i ye shes kyis 'jug cing / sems can gyi nyon
200a3 mongs pa tshad med pa snyed bsal nas ci dang / cis 'dul ba bzhin du phan pa dang / bde ba'i don gyis 'jigs pa med pa la bde bar 'god do/ /'jigs pa med pas nga ni drang
200a4 srong chen po'i gnas su dam bca' zhing sangs rgyas kyi 'khor lo bskor nas lha dang / bdud du bcas pa'i mu stegs can log par smra ba thams cad btul te 'khor mang po'i
200a5 dkyil 'khor du seng ge'i sgra bsgrags so zhes gsung ngo / /rigs kyi bu/ 'di lta ste/ rgyal rigs rgyal thabs spyi bo nas dbang bskur ba'i rgyal po chen po ni blon po dang /
200a6 dmag rnam bzhi dang bcas te bdag gi ris su dbang pa'i grong khyer dang / grong rdal dang / grong 'dab dang / ri dang / ljongs dang / lung ba dang / lung phran dang / skyed mos
200a7 tshal dang / zhing dang / 'brog dang / 'bab chu dang / rdzing dang / mtshe'u dang / chu mig dang / 'brog dgon pa dang / nags tshal la sogs par kun tu byung zhing brtags
200b1 nas yul de phyogs kyi 'jigs pa dang / the tshom du bcas pa'i gnas sam/ g.yang zab bsdur mi rung ba'i gnas sam/ pha rol gyi dgra 'khras shing 'tshe ba'i gnas rnams su rgyal rigs
200b2 rgyal thabs spyi bo nas dbang bskur ba'i rgyal po chen pos rang gi nyams kyis dpags shing rnam pa thams cad du sbyangs te/ bde bar 'jog pa la sbyor ba dang / legs par bsrung zhing
200b3 brtan par byas pas gnas pa'i phyogs de dag mnyam pa las byar rung ba phas kyi dgra dang / grogs po ngan pa glags lta zhing 'khras pa'i gnas med par byas te/ 'jigs pa dang / bag tsha ba
200b4 bsal ba'i phyir yul de na gnas pa'i sems can thams cad mi bde ba'i sdug bsngal dang bral zhing rab tu bde zhing skyid par skyabs so/ /rigs kyi bu/ de ltar rgyal rigs rgyal thabs spyi
200b5 bo nas dbang bskur ba'i rgyal po chen po rgyal po'i 'khor lo bdun pa de dang ldan te/ 'khor lo de'i dbang gis bdag gi yul rab tu bde zhing skyid pa dang / phas rgol ba'i dgra dang / grogs
200b6 po ngan pa thams cad btul zhing lus bsrung ba'i nan tan la mkhas pas tshe'ang ring bar 'gyur ro/ /rigs kyi bu/ de ltar de bzhin du de bzhin gshegs pa'ang sangs rgyas kyi spyan
200b7 gyis yang dag pa ji lta ba bzhin du sems can thams cad kyi 'dod chags dang / zhe sdang dang / gti mug gi bsam pa gang dang ldan pa rab tu mkhyen to/ /yang dag pa ji lta ba bzhin
201a1 du nyon mongs pa rnam pa sna tshogs kyi nang mi mthun pa'ang rab tu mkhyen to/ /de bzhin gshegs pas de ltar mkhyen pas shin tu 'bad pa'i brtson 'grus
201a2 tshad med pa dang / thabs mkhas pa'i shugs kyis ci dang cis 'dul ba bzhin du ting nge 'dzin rnam pa sna tshogs sgrub pa'i sman dam pa byin pas sems can dag nyon mongs
201a3 pa'i nad bal ba la nan tan dang brtson 'grus byed du bcug go /sems can gang mi gtsang ba la rtog pa'i nyon mongs pa'i nad zhi bar 'os pa zhig na/ de la mi gtsang ba la
201a4 rtog pa'i sman sgom du bcug go /sems can gang tshangs pa'i gnas la nan tan byas pas nyon mongs pa'i nad zhi bar 'os pa zhig na tshangs pa'i gnas kyi sman sgom du
201a5 bcug go /sems can gang rten cing 'brel te 'byung ba bsgoms pas nyon mongs pa'i nad sel bar 'os pa zhig na/ de la rten cing 'brel te 'byung ba'i sman sgom du bcug go/
201a6 sems can gang dbugs bgrang ba yid la byas pas nad zhi bar 'os pa zhig na/ de la dbugs bgrang pa yid la bya ba'i sman sgom du bcug go /sems can gang rnam
201a7 par thar pa'i sgo gsum bsgoms pas nyon mongs pa'i nad zhi bar 'os pa zhig na/ de la rnam par thar pa'i sgo gsum gyi sman sgom du bcug go /sems can gang bsam
201b1 gtan bsgoms pas nyon mongs pa'i nad zhi bar 'os pa zhig na/ de la bsam gtan gyi sman sgom du bcug go /sems can gang gzugs med pa'i bsam gtan bsgoms pas
201b2 nyon mongs pa'i nad zhi bar 'os pa zhig na/ de la gzugs med pa'i bsam gtan sgom du bcug go /sems can gang dpa' bar 'gro ba'i ting nge 'dzin gyi bar bsgoms pas nyon mongs
201b3 pa'i nad zhi bar 'os pa zhig na/ de la dpa' bar 'gro ba'i ting nge 'dzin gyi sman sgom du bcug go /de bas na de bzhin gshegs pas sems can dag la de lta bu'i chos kyi sman gyis
201b4 sbyin pa mdzad do/ /snod du gyur pa'i sems can thams cad bdud rnam bzhi'i dbang du 'gyur bar mi mdzad do/ /snod du gyur pa'i sems can thams cad lha dang / mi'i theg pa la rgyab
201b5 kyis phyogs shing ngan song du gzhol bar mi mdzad do/ /de bzhin gshegs pa bla na med pa'i chos kyi sman dang / dkon mchog gsum gyi gdung myur du med par 'gyur bar mi mdzad
201b6 de| de ltar na de bzhin gshegs pas sems can rnams la de lta bu'i chos kyi sman gyi sbyin pa mdzad do/ /rigs kyi bu/ de bzhin gshegs pa de lta bu'i sangs rgyas kyi 'khor lo
201b7 bdun pa dang ldan te/ 'khor lo de'i dbang gis bla na med pa kun tu 'gro ba'i ye shes kyi spyod pas sems can thams cad la chos kyi sman rnam pa sna tshogs byin pa de sgom du btsud
202a1 na nyon mongs pa'i nad kun zhi zhing 'jigs pa med pa la bde bar gnas par 'gyur ro/ /'jigs pa med pas nga ni drang srong chen po'i gnas su bzhugs
202a2 te| sangs rgyas kyi 'khor lo bskor nas lha dang / bdud du bcas pa'i mu stegs can log par smra ba thams cad btul te/ 'khor mang po'i dkyil 'khor du seng ge'i sgra sgrogs so/ /
202a3 rigs kyi bu/ 'di lta ste/ rgyal rigs rgyal thabs spyi bo nas dbang bskur ba'i rgyal po chen po bdag dang / gzhan gyi rigs dang / thog ma btsas pa dang / gzhon nu'i tshe rtse ba la sogs
202a4 pa thams cad la dran pa mngon par bzhag ces sems so/ /'di lta ste/ gnas gang du thog ma btsas pa dang / khrus byas pa dang / bang du blangs shing nu zho snun pa dang / lus
202a5 dang | yan lag gi tshogs mnyes pa dang / dga' bzhin du rtse ba dang / sa dang / bye ma la rtse ba dang / 'khor dang bcas te bag med pa rnam pa mang pos rtse ba dang / rtsal sbyong ba dang / de
202a6 ma yin pa'i las rnam pa gzhan byed pa dang / rgyal po gzhan gyi yul du rgyu zhing 'gro ba dang / rgyal po'i bya ba sgrub pa dang / rgyal po'i las byed pa dang / rgyal tsha ba byed pa dang / rgyal
202a7 thabs thob nas dbang du gyur te bde ba'i longs spyod chen po myong ba dang / grags pa chen pos phyogs kun tu grags pa dang / dngos po de dag la sogs pa bsams te dran nas
202b1 rgyal po snga ma'i chos lugs yang dag pa rnam par gzhag nas de na gnas pa'i sems can thams cad la 'tshe skyong ste/ bdag gi srid 'dzin cing pha rol mi 'tsho'o/ /rigs kyi bu/
202b2 rgyal rigs rgyal thabs spyi bo nas dbang bskur ba'i rgyal po chen po de ltar rgyal po'i 'khor lo brgyad pa 'di dang ldan te/ 'khor lo de'i dbang gis bdag gi yul rab tu bde zhing skyid
202b3 pa dang / phas rgol ba'i dgra dang / grogs po ngan pa thams cad btul te lus bsrung ba'i nan tan la mkhas pas tshe'ang ring bar 'gyur ro/ /rigs kyi bu/ de ltar de bzhin gshegs
202b4 pa| yang 'khor gyi dkyil 'khor na bzhugs pa'i tshe bdag dang / pha rol po gzhan gyi sngon gyi skye ba tshad med pa snyed na ci byas pa'i dngos po kun dgongs so/ /'di lta ste/ skye ba gcig dang /
202b5 skye ba gnyis dang / skye ba gsum nas skye ba tshad med pa brgya stong gi bar gyi ci byas pa'i dngos po kun dgongs so/ /de bzhin du bskal pa 'grub pa dgongs pa nas bskal pa 'jig
202b6 pa'ang dgongs so/ /bskal pa chad med pa 'grub pa dang / bskal pa tshad med pa 'jig pa'i bar du thams cad dgongs te/ 'di ni sngon 'das pa'i dus na che ge mo zhig na 'dug 'dug
202b7 ste rigs ni 'di zhes bya'o/ /ming ni 'di zhes bya'o/ /rus ni 'di zhes bya'o/ /kha zas ni 'di za za'o/ /bde ba dang / sdug bsngal yang 'di dag myong ngo / /tshe ni 'di snyed cig go /'di snyed kyi
203a1 bar du 'dug 'dug go /tshe'i mthar thug pa na che ge mo zhig tu tshe 'phos nas 'di dag tu skyes so/ /'di dag tu tshe 'phos nas che ge mo zhig tu skyes pa la
203a2 sogs pa dngos po tshad dpag tu med pa kun dgongs pas sems can gyi dbang po so so ji lta ba bzhin du dam pa'i chos ston te/ phan pa dang / bde ba'i don mdzad do/ /rigs kyi bu/ nga
203a3 de ltar de bzhin du sangs rgyas kyi 'khor lo brgyad pa 'di dang ldan te/ 'khor lo de'i dbang gis sems can tshad med pa la phan pa dang / bde ba'i don gyis 'jigs pa med pa la bde
203a4 par bkod do/ /'jigs pa med pas nga ni drang srong chen po'i gnas su bzhugs te/ sangs rgyas kyi 'khor lo bskor nas lha dang / bdud du bcas pa'i mu stegs can la sogs pa log
203a5 par smra ba thams cad btul te/ 'khor mang po'i dkyil 'khor du seng ge'i sgra sgrogs so/ /rigs kyi bu/ 'di lta ste/ rgyal rigs rgyal thabs spyi bo nas dbang bskur ba'i rgyal po
203a6 chen po ni bsams pa bzhin du bdag gi ris na gnas pa'i sems can gyi rigs dang / rus dang / rtsal ci yod pa dang / las kyi dngos po ci byed pa dang / 'di nas tshe 'phos nas gang
203a7 du skye ba dang / rgyu dang / 'bras bu bzang ngan gyi khyad par mi mthun pa kun shin tu rtog go /sems can gang su'i khyim du skyes na rtul phod cing dpa' ba dang / zhan cing sdar ba dang / bzo rtsal
203b1 bslabs na lobs pa dang / mi lobs pa dang / las ci byed pa dang / dge ba byed pa dang / sdig pa byed pa dang / phyug cing btsan pa dang / dbul zhing nyen pa dang / mdzes pa dang / mi mdzes
203b2 pa la sogs pa kun shes pa nas tshe 'pho ba'i bar du kun shes te/ gang su zhig las ma zad par 'chi ba dang / gang ni las zad de 'chi ba dang / gang ni rgyal po'i khrims 'gal nas
203b3 bsad pa dang / gang ni dgras bsad pa dang / gang ni lcag gis gzhus pas 'chi ba dang / gang ni btson rar bcug pas 'chi ba dang / gang ni bzo rtsal sbyong ba'i phyir 'chi ba dang / gang
203b4 ni phas rgol ba'i dgra'i g.yul ngor 'chi ba dang / gang ni rtsod cing 'thabs nas 'chi ba dang / gang ni nor dbyig srung ba'i phyir 'chi ba dang / gang ni 'dod chags kyi dbang gis 'chi ba dang /
203b5 gang ni khong khro zhing 'khon du 'dzin pa'i phyir 'chi ba dang / gang ni ngal chad nas 'chi ba dang / gang ni ltogs te 'chi ba dang / gang ni nyes pa'i skyon dang bcas te 'chi ba dang / gang ni skyon
203b6 med par 'chi ba dang / gang ni rgas 'khogs te 'chi ba dang / gang ni dar la bab ste 'chi ba dang / gang ni gzhon nu byis pa'i tshe 'chi ba dang / gang ni dge ba'i las rnam pa mang po byas nas 'chi
203b7 ba dang / gang ni mi dge ba'i las rnam pa mang po byas te 'chi ba dag kyang rab tu shes so/ /sems can gang ni dge ba sbyad pa'i rgyus shi na'ang mtho ris su skye bar 'gyur ba'ang shes te/ sems
204a1 can gang ni mi dge ba sbyad pa'i rgyus tshe 'phos nas ngan song du skye bar 'gyur ba'ang rab tu shes so/ /de ltar dngos po de dag kun rab tu shes pas 'di snyam
204a2 du bdag kyang brtson pa'i sbyor ba la lus dge ba dang / ngag dge ba dang / yid dge ba la spyod pa la shin tu brtson par bya'o snyam du sems so/ /bdag gis thabs rnam pa sna tshogs
204a3 kyis sbyin pa la goms par bya ba dang / zhi zhing dul bar bya ste tshe 'phos nas gnas bzang por skye bar bya yi/ ngan song du ltung bar mi bya'o snyam du sems so/ /de ltar rgyal rigs
204a4 rgyal thabs spyi bo nas dbang bskur ba'i rgyal po chen po de lta bu'i dngos po bsams nas shin tu 'bad pa'i brtson 'grus kyis lus dang / ngag dang / yid gsum gyis dge ba spyod pa
204a5 las shin tu rtsol te/ rtag tu sbyin pa spyod pa ni/ 'di lta ste/ zas dang / skom dang / gos dang / bal glang dang / rta dang / bzhon pa'i theg pa dang / mal cha dang / nad kyi gsos
204a6 sman dang / khang khyim dang / mar me dang / sgron me dang / de ma yin pa 'tsho ba'i yo byad thams cad dang / bran dang / las byed pa'i mi dang / gzhan yang / rin po che dang / nor
204a7 dbyig rnam pa sna tshogs dang / mgo dang / mig dang / lag pa dang / rkang pa nas lus dang / srog gi bar du phangs pa med par thams cad gtong ngo / /srog gcod pa yongs su
204b1 spong ba nas ma byin par len pa dang / 'dod pas log par g.yem pa dang / brdzun du smra ba dang / ngag rtsub bor smra ba dang / tshig kyal ba dang / phra ma dang / 'dod chags dang / zhe sdang
204b2 dang | log par lta ba'i bar du yongs su spong ngo / /de'i rgyu de'i rkyen gyis rgyal rigs rgyal thabs spyi bo nas dbang bskur ba'i rgyal po chen po yon tan gyi khyad par rnam pa bcu thob bo/ /bcu
204b3 gang zhe na/ 'di lta ste/ grags pa chen po dang ldan pa yin/ nor rin po che dang ldan pa yin/ mtshan phun sum tshogs pa dang ldan pa yin/ 'khor mang po dang ldan pa yin/ mi bde ba
204b4 dang | nad med pa yin/ 'khor dang / gnyen bshes kun shes rab rno zhing mang du thos pa yin/ yang dag pa dang / yang dag pa'i spyod pa can la sten cing mchod pa byed pa yin/ phyogs bcu kun tu shin
204b5 tu snyan pas rgya cher grags pa yin/ gzi brjid chen po'i mthu dang ldan pa'i lhas rtag tu srung ba yin/ tshe 'phos par gyur na'ang mtho ris kyi lhar skye zhing rtag tu gnas bzang por rab tu
204b6 bde ba'i longs spyod dang ldan pa yin no/ /rigs kyi bu/ rgyal rigs rgyal thabs spyi bo nas dbang bskur ba'i rgyal po chen po de ltar 'khor lo dgu pa 'di dang ldan te/ 'khor lo
204b7 de dang ldan pa'i dbang gis bdag gi yul rab tu bde zhing skyid pa dang / phas rgol ba'i dgra dang / grogs po ngan pa thams cad btul te lus bsrung ba'i nan tan la mkhas pas tshe'ang
205a1 ring bar 'gyur ro/ /rigs kyi bu/ de ltar de bzhin du de bzhin gshegs pa'ang yang dag pa ji lta ba bzhin du sems can thams cad kyi skye ba dang /
205a2 'chi 'pho ba'i dngos po kun mkhyen to/ /yang dag pa ji lta ba bzhin du sems can gang ni lus mi dge ba spyod pa dang ldan/ sems can gang ni ngag mi dge ba spyod pa dang ldan/ sems
205a3 can gang ni yid mi dge ba spyod pa dang ldan zhing 'phags pa rnams la dbang za ste/ ngan par lta ba dang ldan pas ngan par lta ba'i dbang gis tshe 'phos nas ngan song du ltung ba dang /
205a4 gang na sems can dmyal bar ltung ba dang / gang ni byol song gi skye gnas su skye ba dang / gang ni yi dwags su skye ba'ang rab tu mkhyen to/ /sems can gang ni lus dge ba spyod
205a5 pa dang ldan/ gang ni ngag dge ba spyod pa dang ldan/ gang ni yid dge ba spyod pa dang ldan zhing 'phags pa rnams la dbang mi za ba dang / yang dag par lta ba dang ldan te/ yang dag par
205a6 lta ba'i rkyen gyis tshe 'phos nas mtho ris kyi lhar skye ba dang / mir skye ba dang / zag pa zad par 'gyur ba'ang rab tu mkhyen to/ /de ltar de bzhin gshegs pas yang dag pa ji lta ba bzhin
205a7 du mkhyen pas sems can de dag la byams pa dang / snying rje chen po bskyed de/ shin tu 'bad pa'i brtson 'grus kyis cho 'phrul rnam pa gsum mngon par bstan te/ sems can de
205b1 dag sangs rgyas kyis bstan pa'i chos dang / 'dul ba la phyogs shing / 'jig rten dang / 'jig rten las 'das pa'i dad pa la bkod do/ /gsum gang zhe na/ 'di lta ste/ mngon par shes
205b2 pa'i cho 'phrul dang / chos ston pa'i cho 'phrul dang / pha rol gyi sems shes pa'i cho 'phrul lo/ /cho 'phrul rnam pa de gsum gyis sems can de dag bskul nas bstan pa la bkod
205b3 de| 'jig rten dang / 'jig rten las 'da' ba'i dad pa thob par byas nas/ srid pa na 'khor ba'i sems can thams cad rnam par grol bar mdzad do/ /rigs kyi bu/ nga de ltar sangs
205b4 rgyas kyi 'khor lo dgu pa 'di dag dang ldan te/ 'khor lo de'i dbang gis sems can tshad med pa la phan pa dang / bde ba'i don gyis 'jigs pa med pa la bde bar bkod do/ /'jigs
205b5 pa med pas nga ni drang srong chen po'i gnas su bzhugs te/ sangs rgyas kyi 'khor lo bskor nas lha dang / bdud du bcas pa'i mu stegs can log par lta ba thams cad btul te/ 'khor gyi
205b6 dkyil 'khor du seng ge'i sgra sgrogs so/ /rigs kyi bu/ 'di lta ste/ rgyal rigs rgyal thabs spyi bo nas dbang bskur ba'i rgyal po chen po ni gling bzhi pa'i sems can tshad med pa'i
205b7 lus kyi nad rnam pa sna tshogs bsal pa'i phyir rgyal thabs btang nas spos chus lus bkrus nas gos gtsang ma sar ba gyon nas lus drang por bsrang ste/ sems can thams cad
206a1 la byams pa dang / snying rje dang / mnyam pa'i sems yid la byas te/ nad thams cad las thar par bya ba'i phyir me tog dang / spos dang / rol mo rnam pa
206a2 sna tshogs dang / de ma yin pa'i mchod pa'i yo byad rnam pa sna tshogs mang pos mthu tshe ba gzi brjid dang ldan pa'i lha thams cad la mchod pa byed do/ /de'i tshe na lha'i dbang
206a3 po dang / klu'i dbang po nas lto 'phye chen po'i dbang po'i bar du thams cad kyis de ltar shes nas gcig la gcig 'di skad ces zer ro/ /rgyal rigs rgyal thabs spyi bo nas
206a4 dbang bskur ba'i rgyal po chen po 'di yon tan dang ldan te/ gzi brjid che bas na gling bzhi la dbang ba'i 'khor los bsgyur ba'i rgyal por 'os kyi/ bdag cag gis der dong la
206a5 gling bzhi la dbang ba'i rgyal por dbang bskur ba dang / sems can rnams nad med cing bde bar bya ba'i phyir 'dong ngo zhes smras nas/ lha'i dbang po nas lto 'phye chen po'i dbang
206a6 po'i bar du thams cad lhags nas/ rgyal rigs rgyal thabs spyi bo nas dbang bskur ba'i rgyal po chen po de 'khor los bsgyur ba'i rgyal por dbang bskur te/ rin po che sna
206a7 bdun dang ldan pa dang / gling bzhi la dbang byed pa dang / bu stong dang ldan te thams cad dpa' brtul phod pa dang / mdzes shing yid du 'ong ba dang / phas rgol ba'i dgra thul ba
206b1 dang / dbang bar gyur pa'i sa chen po de ltar rgya mtsho'i mtha' nas pho brang du thug gi bar du mtshon cha mi spyod cing thams cad dam pa'i chos spyod de bde skyid par byas so/ /rigs kyi bu/
206b2 rgyal rigs rgyal thabs spyi bo nas dbang bskur ba'i rgyal po chen po de ltar 'khor lo bcu pa 'di dang ldan te/ 'khor lo de'i dbang gis gling chen po bzhi nas phyogs mtshams brgyad
206b3 dang | gling phran brgyad khri bzhi stong dag na sems can ji snyed gnas pa de dag thams cad dge ba bcu'i las kyi lam la gnas shing / bdag gi lus shin tu srung ba dang / tshe'ang ring
206b4 bar 'gyur ro/ /tshe 'phos nas kyang mtho ris kyi lhar skye zhing longs spyod dam pa dang ldan par 'gyur ro/ /rigs kyi bu/ de ltar de bzhin du de bzhin gshegs pa'ang sngon byang chub sems
206b5 dpa'i tshe na bdag dang / gzhan gyi lus la nyon mongs pa'i nad rnam pa tshad med pa snyed yod par mkhyen nas ting nge 'dzin gyi spos chus ni lus bkrus bden pa'i chos dang / byams pa chen po dang /
206b6 snying rje chen po'i chus khrus byas pa khrel ba dang / 'dzem pa'i gos gyon nas phyogs bcu'i sangs rgyas bcom ldan 'das thams cad kyis bsam gtan dang / snyoms par 'jug pa dang / brtson
206b7 'grus dang / thabs dang / shes rab dang / byams pa dang / thugs rjes rjes su bzung ste thams cad kyis gsung mthun par/ 'di skad du/ skyes bu chen po 'di ni bsod nams dang / ye
207a1 shes chen po'i tshogs kyis yongs su brgyan pa'i snod du gyur pas rnam par thar pa gsum dang / mi 'jigs pa bzhi dang / de bzhin gshegs pa'i stobs
207a2 bcu dang / sangs rgyas kyi chos ma 'dres pa bco brgyad kyi snod du gyur pa'o/ /bla na med pa thams cad mkhyen pa'i ye shes thob pa'i gnas byams pa chen po dang / snying rje chen po yongs su
207a3 rdzogs pa/ sems can thams cad la phan pa dang / bde ba'i don byed pa la spro ba/ sangs rgyas rin po che tshol ba'i tshong dpon du gyur pa/ 'khor bas sdug bsngal ba'i sems can yongs
207a4 su sgrol ba/ sems can la mya ngan las 'da' ba'i bde ba chen po rab tu stobs pa yin te/ bdag cag sangs rgyas bcom ldan 'das thams cad bden pa'i gsung gis ci
207a5 dang | ci 'dod pa de dag thams cad byin te/ yang dag par rdzogs pa'i byang chub tu mngon par rdzogs par sangs rgyas nas bla na med pa'i chos thob nas chos kyi rgyal po chen por
207a6 gyur te/ nga de'i tshe na bsod nams dang / ye shes kyi tshogs la brten te shin tu brtan pa'i brtson 'grus kyis 'phags pa'i bden pa bzhi yang dag pa ji lta ba bzhin du chud nas bla
207a7 na med pa yang dag par rdzogs pa'i byang chub tu mngon par sangs rgyas so/ /rigs kyi bu/ ji ltar 'khor los bsgyur ba'i rgyal po gling bzhi la dbang sgyur ba bzhin du de bzhin
207b1 gshegs pa yang bsam gtan bzhi dang / gzugs med pa'i ting nge 'dzin bzhi dang / tshangs pa'i gnas bzhi dang / so so yang dag par rig pa bzhi dang / /'phags pa'i bden
207b2 pa bzhi dang / 'jigs pa med pa bzhi dang / de bzhin gshegs pa'i stobs bcu dang / sangs rgyas kyi chos ma 'dres pa bco brgyad dang / rnam pa thams cad mkhyen pa'i ye shes
207b3 la dbang du gyur to/ /ji ltar 'khor los bsgyur ba'i rgyal po rin po che sna bdun dang ldan pa ltar/ de bzhin gshegs pa'ang byang chub kyi yan lag rnam pa bdun dang ldan no/ /ji
207b4 ltar 'khor los bsgyur ba'i rgyal po bu stong dang ldan te thams cad dpa' zhing brtul phod pa/ mdzes shing yid du 'ong bas pha rol po'i dgra thams cad thul ba bzhin du de bzhin gshegs
207b5 pa'ang dang por 'phags pa cang shes kauN+Di n+ya nas tha mar tshe dang ldan pa rab tu bzang po dang / rab des la sogs pa nyan thos kyi 'khor chen po sangs rgyas kyi thugs las byung ba/ bcom
207b6 ldan 'das kyi gsung las skyes pa/ bstan pa'i chos las skyes pa/ sangs rgyas kyi chos thob pa dag yod de/ zag pa yongs su zad pa'i phyir dpa' la rtsal che ba zhes bya/ tshangs pa'i
207b7 gnas bzhi dang ldan pas mdzes shing yid du 'ong ba zhes bya/ lha'i bdud dang / mu stegs can thul bas phas rgol ba'i dgra thul ba zhes bya'o/ /ji ltar 'khor los bsgyur ba'i rgyal po
208a1 gling phran brgyad khri bzhi stong 'dul zhing ston pa bzhin du/ de bzhin gshegs pa'ang dzam+bu'i gling bye ba phrag brgya dang / nub kyi ba glang spyod bye ba phrag brgya
208a2 dang | shar gyi lus 'phags bye ba phrag brgya dang / byang gi sgra mi snyan bye ba phrag brgya dang / rgya mtsho chen po bye ba brag brgya dang / ri rab lhun po bye ba phrag brgya dang / rgyal chen ris bzhi bye
208a3 ba phrag brgya dang / 'du shes med 'du shes med min skye mched bye ba phrag brgya dang / khor yug chen po bye ba phrag brgya de dag sangs rgyas kyi zhing shin tu rgya che ba gcig tu gyur par gsung
208a4 gis dbang sgyur ba la mnga' brnyes par gyur to/ /rigs kyi bu/ nga 'di ltar sangs rgyas kyi 'khor lo bcu pa 'di dang ldan te/ 'khor lo de'i dbang gis yang dag pa ji lta ba bzhin du bdag
208a5 dang gzhan gyi lus kyi zag pa thams cad yongs su zad pa mkhyen nas/ sems can tshad med pa la phan pa dang / bde ba'i don gyis 'jigs pa med pa la bde bar bkod do/ /'jigs
208a6 pa med pas nga ni drang srong chen po'i gnas su bzhugs te/ sangs rgyas kyi 'khor lo bskor nas lha dang / bdud du bcas pa'i mu stegs can log par smra ba thams cad btul te/
208a7 'khor mang po'i nang du seng ge'i sgra sgrogs so/ /rigs kyi bu/ nga ni de ltar sangs rgyas kyi 'khor lo bcu pa 'di dag dang ldan te/ sngon gyi smon lam gyi shugs kyis sangs rgyas kyi
208b1 zhing rnyog pa lnga can gyi sems can thams cad rnam par dkar ba'i chos rnams nyams pa/ 'phags pa'i nor bdun gyis brel ba/ mkhas pa dag dang ring du gyur pa/ rtag pa dang / chad
208b2 pa'i dra bas kun glags shing zil gyis non pa/ ngan song du 'gro ba'i shing rta la spro zhing dga' ba skyed pa/ phyi ma'i sdug bsngal gyis mi 'jigs pa/ rtag tu kun nas khebs pa'i ma rig
208b3 pa'i mun par gnas pa la dad pa/ mi dge ba bcu'i las kyi lam rdzogs par byed pa/ mtshams med pa lnga'i las byed pa/ dam pa'i chos la skur cing 'phags pa la dbang za ba/ dge
208b4 ba'i chos thams cad ring du spong ba/ mi dge ba'i chos rdzogs par byed pa 'dir bzhugs te/ nga ni sangs rgyas kyi 'khor lo rnam pa bcu po 'di dang ldan pas 'jigs pa med par bde
208b5 bar gnas so/ /'jigs pa med pas nga ni drang srong chen po'i gnas su bzhugs te/ sangs rgyas kyi 'khor lo bskor nas lha dang / bdud du bcas pa'i mu stegs can log par smra ba
208b6 thams cad btul to/ /sems can thams cad kyi rigs la rdo rje ltar sra ba'i nyon mongs pa thams cad bcom nas ci dang / cis 'dul ba bzhin du snod du gyur ba'i sems can thams cad
208b7 theg pa gsum las phyir mi ldog par rnam par bzhag go /de nas 'khor de'i nang nas 'dul ba'i byang chub sems dpa' sems dpa' chen po thams cad dang / nyan thos kyi dge
209a1 'dun thams cad dang / lha dang / klu'i 'khor thams cad nas/ lus srul po dang / mi dang / mi ma yin pa la sogs pa'i bar du 'khor mang po thams
209a2 cad rab tu dga' nas/ skad mthun par legs so zhes smras te/ spos kyi char chen po rab tu phab bo/ /me tog gi char chen po'ang rab tu phab bo/ /rin po che'i char chen po'ang rab tu
209a3 phab bo/ /na bza'i char chen po'ang rab tu phab ste/ brgya stong sa chen po 'di'ang rab tu g.yos so/ /de ltar sangs rgyas kyi 'khor lo rnam pa bcu po 'di bshad pa'i tshe/ 'khor gyi dkyil
209a4 'khor de'i nang na byang chub sems dpa' sems dpa' chen po bye ba khrag khrig brgyad cu rtsa bzhi snyed kyis mi skye ba'i chos la bzod pa thob bo/ /gzhan yang / byang chub sems dpa'
209a5 sems dpa' chen po tshad med pa snyed kyis gzungs dang / ting nge 'dzin dang / bzod pa dag thob bo/ /gzhan yang / sems can tshad med grangs med pa snyed kyis bla na med pa yang
209a6 dag par rdzogs pa'i byang chub tu sems bskyed de phyir mi ldog par gyur to/ /gzhan yang / sems can tshad med grangs med pa snyed kyis 'bras bu thob par gyur to/ /'dus pa
209a7 chen po las/ byang chub sems dpa' sems dpa' chen po'i sa'i snying po 'khor lo bcu pa zhes bya ba las 'khor lo bcu'i le'u ste gnyis so// //bam po
209b1 gsum pa/ de nas 'khor gyi dkyil 'khor de'i nang na tshangs pa chen po lha'i snying po zhes bya ba dge ba'i rtsa ba shin tu bskyed pa/ sa bcu non pa/ byang chub sems dpa' sems dpa' chen
209b2 po'i yon tan dang ldan pa zhig stan las langs nas thal mo sbyar te/ bcom ldan 'das kyi zhabs la spyi bos phyag btsal nas tshigs su bcad pa 'di dag smras so/ /shes rab rgya mtsho yon
209b3 tan mdzod can la/ /bdag gis the tshom zhu zhing gsol bar bgyi/ /shes rab rgya mtsho thugs rjes skabs phye ste/ /bdag gi rtog pa'i the tshom bsal bar gsol/ /bdag cag skom
209b4 gyis shin tu gdungs pa ltar/ /yon tan snying po mchog gi chos ro dang / /phul du gyur pa don dam chos kyi ro/ /'khor du gyur pa thams cad thos par smon/ /bcom ldan 'das
209b5 kyis tshangs pa chen po lha'i snying po la 'di skad ces bka' stsal to/ /khyod kyis de bzhin gshegs pa la ci dang / ci 'dod pa dris shig dang / ngas dris pa de dang / de'i lung bstan pas
209b6 khyod kyi sems rangs par bya'o/ /tshangs pa chen pos gsol pa/ bcom ldan 'das/ de ltar bgyi'o zhes gsol nas tshigs su bcad de zhus pa/ shes rab ldan zhing ting 'dzin rab
209b7 bsgoms te/ /bdag med pa la bde bar gnas pa'i rnams/ /'on te dam pa'i don la gnas bgyi'am/ /'on te 'khor ba'i 'khor bar gnas par bgyi/ /nyin mtshan chos mchog
210a1 dam pa de dag la/ /'don cing goms par bgyid de rtsol ba dag /'on te nyon mongs mtsho las rgal bgyi'am/ /'on ta ma ngan song dag tu ltung bar bgyi//
210a2 bsod nams byed la shin tu 'bad rtsol ba/ /nges par mya ngan 'da' la gzhol 'gyur ram/ /'on te 'khor ba'i 'khor bar gnas 'gyur ram/ /'on te ngan song dag tu ltung
210a3 bar 'gyur/ /shes rab ldan pa'i rgyal thabs dbang bskur te/ /'khor lo rnam pa bcu dang ldan pa dag /'on te 'khor ba'i nang du 'bying 'gyur ram/ /'on te sangs rgyas 'bras
210a4 bu thob par 'gyur/ /kun nas nyon mongs pas ni glags pa'i sems/ /nyon mongs mang pos 'khrul bar gyur pa dag /ji ltar sems ni yongs su dag par sbyang / /sgom dang 'don
210a5 pa'i las dag ji ltar bgyi/ /de nas bcom ldan 'das kyis tshangs pa chen po lha'i snying po de la 'di skad ces bka' stsal to/ /legs so/ /don de dag legs par zhu bar spobs ba
210a6 legs te/ khyod ni chos 'di dag la shin tu nan tan byed pa'o/ /khyod ni spyod pa thams cad yongs su rdzogs pa'o/ /khyod ni sngon 'das pa'i sangs rgyas bcom ldan 'das klung gang+gA'i
210a7 bye ma snyed la sgo gsum yongs su sbyang ba'o/ /dam pa'i chos spel ba'o/ /dkon mchog gsum gyi gdung 'tshob pa ste/ de'ang sems can tshad med pa la phan pa dang / bde ba'i
210b1 don gyi phyir de bzhin gshegs pa la don zab mo 'di dag dris pa legs so/ /rigs kyi bu/ 'di lta ste/ shes pa brda sprod pa chen po gnas pa dang / spyad par mi bya ba'i chos yod de/
210b2 sngon 'das pa'i sangs rgyas bcom ldan 'das thams cad kyis kyang sems can thams cad yongs su smin par bya ba dang / 'khor ba las skyo bar bya ba dang / las dang / nyon mongs pa yongs
210b3 su bcad pa dang / theg pa gsum myur du yongs su rdzogs par bya ba'i phyir shes pa brda sprod pa chen po gnas pa dang / spyad par mi bya ba'i chos 'di gsungs so/ /da ltar phyogs bcu
210b4 na bzhugs pa'i sangs rgyas bcom ldan 'das thams cad kyis kyang sems can thams cad yongs su smin par bya ba dang / 'khor ba las skyo bar bya ba dang / las dang / nyon mongs pa
210b5 yongs su bcad pa dang / theg pa gsum myur du yongs su rdzogs par bya ba'i phyir shes pa brda sprod pa chen po gnas pa dang / spyad par mi bya ba'i chos 'di la gnas pa gsung ngo / /ma
210b6 'ongs pa'i sangs rgyas bcom ldan 'das thams cad kyang sems can thams cad yongs su smin par bya ba dang / 'khor ba las skyo bar bya ba dang / las dang / nyon mongs pa yongs su
210b7 gcad par bya ba dang / theg pa gsum myur du yongs su rdzogs par bya ba'i phyir shes pa brda sprod pa chen po gnas pa dang / spyod par mi bya ba'i chos 'di la gnas par bya ba 'di dag
211a1 gsung bar 'gyur ro/ /khyod kyis sngon 'das pa'i de bzhin gshegs pa rnams las shes pa brda sprod pa chen po gnas pa dang / spyad par mi bya ba'i
211a2 chos 'di la gnas par bya ba 'di rdzogs par thos pa de ngas kyang sems can thams cad yongs su smin par bya ba dang / 'khor ba las skyo bar bya ba dang / las dang / nyon mongs pa
211a3 yongs su gcad pa dang / theg pa gsum myur du yongs su rdzogs par bya ba'i phyir shes pa brda sprod pa chen po gnas pa dang / spyad par mi bya ba'i chos 'di la gnas par bya ba
211a4 'di la bstan par bya yi/ de bas na skyes bu dam pa khyod kyis legs par nyon la yid la zungs shig dang bstan par bya'o/ /bcom ldan 'das/ de ltar bgyi'o zhes gsol nas/
211a5 tshangs pa chen po lha'i snying po bcom ldan 'das la phyir nyan to/ /bcom ldan 'das kyis tshangs pa chen po lha'i snying po la bka' stsal pa/ gnas pa dang / spyad par mi bya ba'i chos
211a6 rnam pa bcu yod de/ gal te rnal 'byor can dag spyod pa ngan pa 'di las 'ga' tsam gyi rjes su zhugs na'ang 'dod pa'i khams kyi dge ba'i rtsa ba tsam yang yongs su mi 'grub bo/ /ji
211a7 ste sngar grub na'ang de ma thag tu phyir stor cing nyams par gyur na gzugs dang / gzugs med pa'i ting nge 'dzin nas theg pa gsum dang / theg pa gcig gi bar du thob par 'gyur ba
211b1 lta ci smos/ bcu gang zhe na/ 'di lta ste/ 'jig rten na kha cig ting nge 'dzin sgom 'dod kyang 'tsho ba'i yo byad kyis brel pas tshol ba'i rkyen gyis nyon mongs pa dang / kha cig ni ting nge
211b2 'dzin sgom 'dod kyang tshul khrims nyams shing kha na ma thob mang po byed pa dang / kha cig ni ting nge 'dzin sgom 'dod kyang phyin ci log tu lta zhing 'jig rten gyi ltas bzang ngan la chags
211b3 te lus dang / sems ma dul ba dang / kha cig ni ting nge 'dzin sgom 'dod kyang sems g.yo zhing rgod pas 'phags pa la ma gzhol te dbang po rgod pa dang / kha cig ni ting nge 'dzin sgom 'dod
211b4 kyang phra ma byed pa la dga' bas dbyen byed pa dang / kha cig ni ting nge 'dzin sgom 'dod kyang ngag rtsub pos 'phags pa la smod cing dbang za ba dang / kha cig ni ting nge 'dzin sgom 'dod kyang tshig
211b5 kyal pa dang / brdzun du smra ba dang / kha cig ni ting nge 'dzin sgom 'dod kyang 'dod chags dang / phrag dog gis gzhan gyi khe dang / bsti stang dang / rnyed pa la mi dga' ba dang / kha cig ni ting
211b6 nge 'dzin sgom 'dod kyang zhe sdang dang bcas pas sems can la gnod sems skyes pa dang / kha cig ni ting nge 'dzin sgom 'dod kyang log par lta ba dang bcas pas rgyu dang 'bras bu med
211b7 par lta ba'o/ /tshangs pa chen po/ de ltar shes par bya ste/ 'di dag ni gnas pa dang / spyad par mi bya ba'i chos rnam pa bcu zhes bya'o/ /gal te ting nge 'dzin sgom pa dag spyod pa ngan pa 'di
212a1 dag las 'ga' tsam gyi rjes su zhugs na 'dod pa'i khams kyi dge ba'ang yongs su mi 'grub bo/ /ji ste sngar grub na'ang de ma theg tu stor cing nyams par
212a2 'gyur na gzugs dang / gzugs med pa'i ting nge 'dzin dang / theg pa gsum dang / gcig thob par 'gyur pa lta ci smos/ tshangs pa chen po/ gzhan yang / gnas pa dang / spyad par mi bya
212a3 ba'i chos rnam pa bcu yod do/ ting nge 'dzin sgom pa dag spyod pa ngan pa 'di dag las 'ga' zhig dang ldan na ting nge 'dzin yongs su mi 'grub bo/ /ji ste sngar grub na'ang de ma thag tu
212a4 stor cing nyams par 'gyur ro/ /bcu gang zhe na/ 'di lta ste/ las su bya ba'i dngos po la dga' zhing chags pa dang / bre mo'i gtam la dga' zhing chags pa dang / gnyid kyis
212a5 log pa la dga' zhing chags pa dang / zang zing tshol ba la dga' zhing chags pa dang / gzugs bzang po la dga' zhing chags pa dang / sgra snyan pa la dga' zhing chags pa dang /
212a6 dri zhim po la dga' zhing chags pa dang / ro zhim po la dga' zhing chags pa dang / reg bya 'jam po la dga' zhing chags pa dang / rtog pa dang / dpyod pa la dga' zhing chags
212a7 pa'o| |tshangs pa chen po/ de ltar shes par bya ste/ gnas pa dang / spyad par mi bya ba'i chos rnam pa bcu po de ting nge 'dzin sgom pa dag spyod pa ngan pa 'di las 'ga' zhig dang ldan
212b1 na'ang ting nge 'dzin dag yongs su mi 'grub bo/ /ji ste sngar grub na'ang de ma thag tu stor cing nyams par 'gyur ro/ /gal te ting nge 'dzin ma bsgrubs na dge ba'i tshogs gzhan ci bsags
212b2 kyang de ni don du mi 'gyur te/ gang bdag gi longs spyod dang / dad pas sbyin pa bsgrub pa'i phyir sems dang / sems las byung ba'i chos ngan pa skye bar 'gyur ro/ /de'i rkyen gyis rgyal po
212b3 dang | blon po chen po'i khrims dang yang 'gal bar byed do/ /kha cig la ni gshe shing spyod ba'ang byed do/ /kha cig la ni lcag gis gzhu ba dang / kha cig la ni lus kyi yan lag dang / nying
212b4 lag gcod cing gcod par yang byed do/ /de'i rgyu de'i rkyen gyis nad drag pos 'debs shing yun ring por sdug bsngal myong ba dang / tshe thung ba dang / 'chi 'phos nas kyang ngan song gsum
212b5 gang yang rung ba gcig gi nang du skye ba nas mtshams med pa'i sems can dmyal ba'i bar du ltung bar 'gyur te/ ku drA ka dang / a ra da ka dang / de shu ku ba la ki dang / lhas byin la
212b6 sogs pa dang 'dra bar bsam gtan las nyams pa dang / mtshams med pa'i sems can dmyal ba'i bar du ltung zhing rnam pa tshad med pa snyed kyi sdug bsngal chen po mi bzod pa kun
212b7 myong bar 'gyur ro/ /de'i tshe bcom ldan 'das kyis tshe dang ldan pa cang shes kauN+Di n+ya la 'di skad ces bka' stsal te/ /khyod dang / bas mthar gnas shing ting nge 'dzin sgom pa'i dge slong
213a1 dag gnas khang mchog dag na gnas shing mal cha mchog dang / kha zas mchog la spyod cing dge 'dun gyi las thams cad mi byed par gnang ngo / /de
213a2 ci'i phyir zhe na/ ting nge 'dzin sgom pa dag gal te 'tsho ba'i yo byad kyis brel bar gyur na sems dang / sems las byung ba'i chos ngan pa skye zhing ting nge 'dzin thams cad mi 'grub pa nas
213a3 mtshams med pa'i sems can dmyal ba'i bar du ltung zhing mi bzad pa'i sdug bsngal chen po rnam pa tshad med pa snyed myong bar 'gyur ro/ /ting nge 'dzin sgom pa dag gal te 'tsho
213a4 ba'i yo byad dang ldan na ting nge 'dzin mang po ma grub pa'ang grub pa dang / sngar grub pa dag kyang mi nyams so/ /de'i dbang gis mi dge ba'i chos thams cad mi skye ba nas gzhung de
213a5 bzhin du rgyas par mi dge ba'i rtog pa dang / dpyod pa'i bar du mi skye ba la mtho ris kyi lhar skye ba nas mya ngan 'da' ba'i bar du 'thob par 'gyur ro/ /ting nge 'dzin sgom pa dag gal te ting
213a6 nge 'dzin mang po ma grub na nam gyi stod dang / nam gyi smad la mi nyal bar byas te brtson 'grus su bslab cing bsgom pa dang / 'du 'dzi yongs su spangs te 'dod pa nyung zhing chog shes
213a7 par bya ba dang / ci la'ang mi chags pa dang / 'dod chags dang / zhe sdang dang / khong khro ba dang / 'chab pa dang / 'khrug pa dang / 'tshe ba dang / nga rgyal dang / rgyags pa dang / phrag dog
213b1 dang | 'jungs pa dang / phra ma dang / ngag rtsub po dang / rdzun dang / 'jig rten gyi rtsod pa dang / bag med pa thams cad yongs su spong ngo / /gang de ltar nan tan byed pa de ni brgya byin
213b2 dang | tshangs pa dang / 'jig rten skyong ba bzhi dang / 'khor los bsgyur ba'i rgyal po la sogs pas bstod pa dang / bsngags pa dang / phyag dang / bsti stang dang / rim gro dang / bsnyen
213b3 bkur la sogs pa dang / sbyin pa bye ba khrag khrig brgya stong snyed kyang blang bar bya na/ rgyal rigs dang / bram ze dang / rje'u rigs la sogs pa'i mchod pa len pa lta ci smos/ ting nge
213b4 'dzin ma thob pa dag kyang de dag gi bstod pa dang / bsngags pa dang / phyag dang / bkur sti dang / rim gro dang / bsnyen bkur dang / spyin pa dang / mchod pa bdag gir byed du dbang na
213b5 ting nge 'dzin thob pa lta smos kyang ci dgos/ de nas bcom ldan 'das kyis tshigs su bcad de bka' stsal pa/ ting 'dzin bsgoms pas the tshom gcod 'gyur te/ /de ma gtogs par
213b6 gzhan gyis nus ma yin/ /de bas ting 'dzin bsgom pa mchog yin gyi/ /mkhas pa dag gis de la mchod pa bya/ /de nas tshangs pa chen po lha'i snying pos 'di skad ces gsol to/ /btsun
213b7 pa bcom ldan 'das/ sangs rgyas kyi bstan pa la rab tu byung ba dag gal te rgyal rigs sam/ blon po chen po'am/ dbang pos lcag dang / dbyug pa la sogs pas gzhus sam/ brdegs
214a1 sam| gal te btson rar bcug gam/ spyos sam/ brgyad dam/ yan lag gtubs sam/ srog dang phral te bkum na de ci rigs pa lags sam/
214a2 'on te rigs par ma lags/ bcom ldan 'das kyis tshangs pa chen po lha'i snying po la 'di skad ces bka' stsal to/ /rigs kyi bu/ sems can gang zhig nga'i bstan pa la rab tu
214a3 byung nas skra dang / kha spu bregs te/ ngur smrig gi tshal bu gyon na tshul khrims srung ngam/ tshul khrims nyams sam/ tshul khrims med kyang rung ste/ de la lha dang / mi dang / lha ma yin
214a4 la sogs pa thams cad kyis kyang khyim pa'i chos nyid dang sbyar du'ang mi gnang na/ de la lcag dang / dbyig pa la sogs pas lus la gzhu zhing 'tshog pa dang / btson rar gzhug
214a5 pa dang / gshe ba dang / spyo ba dang / lus kyi yan lag gtub pa dang / 'tsho ba'i dbang po dang phral ba/ chos ma yin pa dang sbyor ba lta ci smos/ de ci'i phyir zhe na/ tshul khrims
214a6 srung zhing mang du thos pa dang ldan pa lta zhog la/ nga'i bstan pa la rab tu byung nas tshul khrims nyams te mi dge ba'i chos spyod pas nang rul cing mi gtsang bas gang ba'i srin kwa lwa
214a7 dang 'dra ba/ dge sbyong ma yin par dge sbyong du khas 'che ba/ tshangs par spyod pa ma yin par tshangs par spyod par khas 'che ba/ nyon mongs pa rnam pa sna tshogs las pham pa /
214b1 zhig pa/ khas bub pa de lta bu'i tshul khrims nyams pa'i dge slong ngan pa'ang lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang /
214b2 lto 'phye chen po dang / mi dang / mi ma yin pa la sogs pa thams cad kyi ston pa dang / 'dren par 'gyur te/ yon tan rin po che dpag tu med pa'i gter du 'gyur ro/ /gzhan yang / rigs kyi
214b3 bu| nga'i bstan pa la rab tu byung ba dag tshul khrims nyams kyang sems can dag gzugs mthong ba tsam gyis lhag pa'i bsam pa rnam pa bcu skye bas na yon tan rin po che'i phung po
214b4 dpag tu med pa bcu 'thob par 'gyur ro/ /bcu gang zhe na/ 'di lta ste/ nga'i bstan pa la rab tu byung ba dag tshul khrims nyams mod kyi/ sems can dag gis mthong bar gyur na
214b5 sangs rgyas rjes su dran pas bkur sti dang bcas pas dang cing gus pa'i lhag pa'i bsam pa skye'o/ /de'i rgyu de'i rkyen gyis mu stegs can gyi ston pa dang / de'i gtsug lag dang / de'i
214b6 'khor la nam du'ang mi phyogs pa nas 'jigs pa dang bral ba yongs su mya ngan las 'da' ba'i grong khyer chen po la 'jug pa'i bar du 'gyur ro/ /la las mthong nas 'phags pa'i
214b7 tshul khrims rjes su dran pa la lhag pa'i bsam pa skye'o/ /de'i rgyu de'i rkyen gyis srog gcod pa yongs su spong ba dang / ma byin par len pa yongs su spong ba dang / 'dod pas log par
215a1 g.yem pa yongs su spong ba dang / brdzun du smra ba yongs su spong ba dang / bag med pa'i gnas smyo ba'i khu ba chang la sogs pa 'thung ba yongs su spong ba nas
215a2 'jigs pa dang bral ba yongs su mya ngan las 'da' ba'i grong khyer chen po la 'jug pa'i bar du 'gyur ro/ /la las mthong nas sbyin pa rjes su dran pa la lhag pa'i bsam pa skye'o/ /de'i
215a3 rgyu de'i rkyen gyi longs spyod chen po dang ldan zhing yang dag pa dang / yang dag pa'i spyod pa can la mchod pa dang / bsnyen bkur byed pa nas 'jigs pa dang bral ba yongs su mya ngan las
215a4 'da' ba'i grong khyer chen po la 'jug pa'i bar du 'gyur ro/ /la las mthong nas ngang des pa'i bzod pa rjes su dran pa la lhag pa'i bsam pa skye'o/ /de'i rgyu de'i rkyen gyis phra ma yongs
215a5 su spong ba dang / ngag rtsub po dang / tshig kyal pa dang / zhe sdang yongs su spong ba nas 'jigs pa dang bral ba yongs su mya ngan las 'das pa'i grong khyer chen po la 'jug pa'i bar
215a6 du 'gyur ro/ /la las mthong nas rab tu 'byung zhing brtson 'grus la nan tan bya bar rjes su dran pa la lhag pa'i bsam pa skye'o/ /de'i rgyu de'i rkyen gyis khyim rab tu
215a7 spong zhing khyim ma yin pa'i chos len te shin tu 'bad pa'i brtson 'grus kyis spyod pa'i mchog nan tan byed pa nas 'jigs pa med pa'i yongs su mya ngan las 'da' ba'i grong khyer chen
215b1 po la 'jug pa'i bar du 'gyur ro/ /la las mthong nas 'khrug pa'i sems yongs su spong zhing bsam gtan la mnyam par gzhog pa rjes su dran pa la lhag pa'i bsam pa skye'o/ /de'i
215b2 rgyu de'i rkyen gyis ri dang / tshal dang / bas mtha' dgon pa la mos shing nyin mtshan du ting nge 'dzin bsgom pa la brtson 'grus rtsom pa nas 'jigs pa med pa'i yongs su mya ngan las 'da'
215b3 ba'i grong khyer chen po la 'jug pa'i bar du 'gyur ro/ /la las mthong nas shes rab rjes su dran pa la lhag pa'i bsam pa skye'o/ /de'i rgyu de'i rkyen gyis dam pa'i chos nyan pa dang / klog pa
215b4 dang | 'don pa la dga' zhing spro ba nas yongs su mya ngan las 'da' ba'i grong khyer chen po la 'jug pa'i bar du 'gyur ro/ /la las mthong nas yang dag par 'byung ba dge ba'i rtsa ba sngon bskyed
215b5 par rjes su dran pa la lhag pa'i bsam pa skye ba nas 'dzum bzhin du smra ba dang / spro bzhin du gtam zer ba dang / rkang pa la phyag 'tshal ba'i bar du byed par 'gyur ro/ /de'i rgyu de'i rkyen
215b6 gyis rigs che zhing mtho pa dang / btsun pa'i rigs su skye zhing sems can tshad med pa kun gyis mthong na dga' ba nas 'jigs pa dang bral ba yongs su mya ngan las 'das pa'i grong
215b7 khyer chen po la 'jug pa'i bar du 'gyur ro/ /rigs kyi bu/ nga'i bstan pa la rab tu byung ba dag tshul khrims nyams kyang sems can dag gzugs dang / cha lugs mthong ba tsam gyis lhag
216a1 pa'i bsam pa rnam pa 'di bcu skye ste/ yon tan rin po che'i phung po tshad med pa thob par 'gyur ro/ /de bas na rgyal po dang / blon po chen po dang / dbang
216a2 po la sogs pas de la lcag dang / dbyig pa la sogs pas gzhu zhing 'tshog pa dang / btson rar gzhug pa dang / gshe zhing spyo ba dang / lus kyi yan lag gtub pa dang / 'tsho ba'i
216a3 dbang po dang bral ba la sogs pa bya bar mi rigs so/ /gzhan yang / tshangs pa chen po/ nga la skyabs su song ste/ rab tu byung ba dag tshul khrims nyams te mi dge ba'i chos spyod pa nang rul
216a4 cing mi gtsang bas gang ba'i srin kwa lwa dang 'dra ba/ dge sbyong ma yin par dge sbyong du khas 'che ba/ tshangs par spyod pa ma yin par tshangs par spyod pa khas 'che ba/ nyon mongs pa rnam pa
216a5 mang po las pham pa/ rul pa/ khas bub pa lta bu'i dge slong tshul khrims nyams te mi dge ba spyod med kyi/ lha dang / klu dang / gnod sbyin dang / dri za dang / lha ma yin dang / nam mkha' lding
216a6 dang | mi'am ci dang / lto 'phye chen po dang / mi dang mi ma yin pa la sogs pa thams cad kyi ston pa dang / 'dren pa'i dge ba'i gshes gnyen byed cing yon tan dpag tu med pa'i
216a7 gter du 'gyur ro/ /de ltar dge slong de chos kyi snod ma yin mod kyi/ skra dang / kha spu bregs te gos ngur smrig gyon nas cha lugs dang / spyod lam 'phags pa rnams dang mthun te/
216b1 de mthong ba tsam gyis sems can tshad med pa rnams dge ba'i rtsa ba rnam pa sna tshogs 'phel zhing skye bar 'gyur ro/ /gzhan yang / sems can tshad med pa rnams mtho ris kyi lhar skye ba dang / mya
216b2 ngan las 'da' ba'i yang dag pa'i lam la 'dzud par 'gyur te/ de bas na nga la skyabs su song ste rab tu byung ba dag tshul khrims srung ngam/ tshul khrims nyams sam/ tshul khrims med
216b3 kyang rung ste/ 'khor los bsgyur ba'i rgyal po'am/ rgyal po gzhan nam/ blon po la sogs pas khyim pa'i chos nyid dang sbyor du'ang ma gnang na/ lcag dang / dbyig pa la sogs pas gzhu ba
216b4 dang | 'tshog pa dang / btson rar gzhug pa dang / gshe zhing spyo pa dang / lus kyi yan lag dang / nying lag gcod cing gtub pa dang / 'tsho ba'i dbang po dang bral ba la sogs pa chos ma
216b5 yin pa gzhan lta ci smos/ tshangs pa chen po/ de ltar tshul khrims nyams shing sdig pa spyod pa'i dge slong de ngas bstan pa'i 'dul ba las mi ro lta bu'o zhes gsungs mod kyi/ rab tu
216b6 byung ba dang / tshul khrims dang / yon tan lhag ma'i mthu yod do/ /dper na/ khyu mchog gam/ gla ba lta bu shi ste rnam par shes pa dang bral nas byol song gi nang na ro yin mod kyi/ khyu
216b7 mchog la gi wang yod pa dang / gla ba la gla rtsi yod pas sems can tshad med dpag tu med pa'i phan pa dang / bde ba'i don chen por 'gyur ba bzhin du tshul khrims nyams pa'i dge
217a1 slong de'ang ngas bstan pa'i 'dul ba las mi ro lta bu'o zhes bya mod kyi/ rab tu byung ba dang / tshul khrims dang / yon tan lhag ma'i mthus kyang sems
217a2 can tshad med dpag tu med pa la phan pa dang / bde ba'i don chen por 'gyur ro/ /tshangs pa chen po/ 'di lta ste/ tshong pa dag kyang rgya mtsho chen por zhugs nas rigs gcig pa'i
217a3 sems can tshad med pa dag bsad de mig phyung nas mig gi 'bras bu de dang / brtan zhes bya ba'i 'bras bu dang lhan cig sbyar na mig sman rin po cher 'gyur ro/ /sems can gang
217a4 long ba mig med pa mngal nas phyung nas dmus long du gyur pa dag gi mig tu rin po che'i mig sman des byugs na mig nad thams cad dang bral te mig rno zhing gsal bar 'gyur ro/ /
217a5 de bzhin du tshul khrims nyams pa'i dge slong yang ngas bstan pa'i 'dul ba las mi ro lta bu zhes bya mod kyi/ rab tu byung ba'i spyod lam dang / cha lugs yod pas sems can tshad
217a6 med pa dag gis skad cig mthong ba tsam gyis kyang rnam par dag pa'i shes rab kyi mig thob par 'gyur na pha rol po gzhan la dam pa'i chos ston nus pa lta ci smos/ tshangs pa chen po
217a7 'di lta ste/ bdug spos bsregs na spos nyid tshig ste med par song yang dri bsung gis gzhan la bro bar byed de/ /de bzhin du tshul khrims nyams pa'i dge slong de'ang tshul khrims nyams
217b1 pas bsod nams kyi zhing gshin pa ma yin te nyin mtshan du dad pas byin pas bsregs te tshe 'phos nas ngan song gsum du lhung mod kyi/ sems can tshad med dpag tu med pa'i phan
217b2 pa dang | bde ba'i don du 'gyur te/ mtho ris kyi lhar skye ba dang / mya ngan las 'da' ba'i bsung tshor bar byed do/ /de bas na/ tshangs pa chen po/ de ltar tshul khrims nyams shing sdig pa
217b3 spyod pa'i dge slong la khyim pa thams cad kyis bsti stang dang bcas pas mchod pa dang / rim gro bya yi/ rab tu byung ba de la lcag dang / dbyug pas gzhu zhing 'tshog pa dang / btson rar gzhug
217b4 pa dang / gshe zhing spyo ba dang / lus kyi yan lag gtub pa dang / 'tsho ba'i dbang po dang 'bral du ngas ma gnang ngo / /de dag yongs su dag pa'i dge 'dun gyi nang du gso sbyin bya ba dang / tshul
217b5 du 'jug pa dang / tshul nas byung ba'i tshe bskrad pa dang / phyogs bzhi'i dge 'dun gyi rnyed pa dang / longs spyod dang / gza' ba dang / btung ba dang / 'tsho ba'i yo byad la sogs pa thams
217b6 cad la spyod du mi dbang ste/ dge sbyong gis 'dul ba'i las byed pa thams cad kyi nang du 'ong du mi gnang bar zad kyi de la gzhu ba dang / 'tshog pa dang / 'ching ba dang / srog gi dbang po la
217b7 sogs pa dang dbral bar ni ma gnang ngo / /de nas bcom ldan 'das kyis tshigs su bcad de bka' stsal pa/ tsam+pa ka yi me tog rnyis gyur kyang / /me tog rnam pa gzhan pas shin tu lhag /dge
218a1 slong tshul khrims nyams shing sdig spyod kyang / /mu stegs can dag thams cad kun pas mchog/ gzhan yang / tshangs pa chen po/ mtshams med pa'i khan
218a2 ma thob chen po'i las rnam pa lnga yod do/ /lnga gang zhe na/ ched du bsams te pha bsad pa dang / ched du bsams te ma bsad pa dang / ched du bsams te dgra bcom pa bsad pa dang /
218a3 log par lta bas nyan thos kyi dge 'dun gyi dbyen byas pa dang / ngan sems kyis sangs rgyas kyi sku la khrag phyung ba'o/ /rnam pa 'di lnga ni mtshams med pa'i kha na ma tho ba chen po'i las
218a4 zhes bya ste/ gang zag gang zhig rnam pa 'di lnga las gcig tsam byas na rab tu 'byung zhing bsnyen par rdzogs su mi rung ngo / /gal te rab tu phyung ngam/ bsnyen par rdzogs pa byin na de'i
218a5 slob dpon de nyes pa dang bcas pa yin pas dge 'dun gyi dang nas bskrad par bya'o/ /de ltar gang zag de rab tu byung nas spyod lam dang / cha lugs yod pa'i phyir de la'ang lcags dang /
218a6 dbyig pas gzhu zhing 'tshogs pa dang / btson rar gzhug pa dang / gshe zhing spyo ba dang / lus kyi yan lag gtub pa dang / srog gi dbang po dang dbral du mi gnang ngo / /gzhan yang /
218a7 mtshams med pa'i kha na mtho ba chen po'i las dang nye ba rnam pa bzhi yod de/ bzhi gang zhe na/ mi dge ba'i sems kyis rang sangs rgyas bsad pa ste/ de'ang srog gcod pa'i nang na
218b1 kha na mtho ba chen po'i las yin te nyes pa'i rtsa ba yin no/ /dgra bcom pa'i dge slong ma la mi tshangs par spyod pa ste/ 'dod pas log par g.yem pa'i nang na kha nam tho ba chen po'i las
218b2 yin pas nyes pa'i rtsa ba yin no/ /dad pas byin pa'i dkon mchog gsum gyi dkor nor la spyod pa ste/ ma byin par len pa'i na ngan kha na mtho bo'i las yin pos nyes pa'i rtsa ba yin no/
218b3 ngan par lta bas 'dum pa'i dge 'dun gyi dbyen byed pa ste/ brdzun du smra ba'i nang na khan mthob chen po'i las yin pas nyes pa'i rtsa ba yin no/ /gang zag gang zhig mtshams med pa'i
218b4 khan ma thob chen po'i las dang nye ba rnam pa bzhi po 'di las gcig tsam byas na rab tu 'byung zhing bsnyen par rdzogs su mi gnang ste/ gal te rab tu byung ngam/ bsnyen par rdzogs pa byin na de'i
218b5 slob dpon nyes pa dang bsam pa yin te/ nga'i bstan pa las bskrad par bya'o/ /de ltar gang zag de rab tu byung ngam/ bsnyen par rdzogs na spyod lam dang / cha lugs dang ldan pas de la'ang lcags
218b6 dang / dbyig pas gzhu zhing 'tshog pa dang / gshe ba dang / spyo ba dang / btson rar gzhug pa dang / lus kyi yan lag gtub pa dang / 'tsho ba'i dbang po dang bral ba'i bar du byed du mi gnang
218b7 ngo| |de ltar la la ni rtsa ba'i sdig pa yin la mtshams med pa ma yin pa'ang yod do/ /la la ni mtshams med pa yin la rtsa ba'i sdig pa ma yin pa'ang yod do/ /la la ni rtsa ba'i sdig kyang yin
219a1 la mtshams med pa'i sdig kyang yin pa yod do/ /la la ni rtsa ba'i sdig kyang ma yin la mtshams med pa'ang ma yin pa yod do/ /de la ji ltar na rtsa ba'i sdig kyang
219a2 yin la mtshams med pa'ang yin pa gang zhe na/ 'di lta ste/ nga'i bstan pa la rab tu byung nas bsnyen par rdzogs pa la ched du bsams te bden pa mthong ba'i pha rol tu phyin pa'i gang zag
219a3 bsad pa ste/ 'di ni rtsa ba'i sdig kyang yin la mtshams med pa'ang yin bsangs bstan pa'i 'dul ba'i chos las myur du bskrad dgos so/ /de la ji ltar na rtsa ba'i sdig ni yin la mtshams
219a4 med pa ma yin pa zhe na/ 'di lta ste/ nga'i bstan pa la rab tu byung nas bsnyen par rdzogs pa las ched du bsams te gang zag pha rol po gzhan gyi srog bcad pa dang / chung du na dug
219a5 byin pas mngal na 'dug pa bsad bste/ de dag ni rtsa ba'i sdig yin la mtshams med pa ni ma yin no/ /gang zag de dge 'dun dang zhag tu lhan cig tu gnas shing longs spyod dang /
219a6 phyogs bzhi'i dge 'dun gyi nor la spyod du mi gnang ngo / /de la ji ltar na mtshams med pa ni yin la rtsa ba'i sdig ma yin pa zhe na/ 'di lta ste/ gang zag gang zhig dkon mchog
219a7 gsum la skyabs su song ngam/ khrims lnga 'dzin tam/ khrims bcu 'dzin ba dag mtshams med pa lnga las gcig tsam byas pa dag ni mtshams med pa'i sdig yin la/ rtsa ba'i
219b1 sdeg ma yin pa zhes bya'o/ /gang zag de ni rab tu dbyung zhing bsnyen par rdzogs su mi rung ste/ gal te rab tu byung ngam/ bsnyan par rdzogs pa byin na 'di'i slob dpon sdig pa dang bcas pa
219b2 yin te/ nga'i bstan pa las bskrad par bya'o/ /de la ji ltar na rtsa ba'i sdig kyang ma yin la mtshams med pa'ang ma yin pa zhe na/ 'di lta ste/ gang zag gang zhig dkon mchog gsum la
219b3 skyabs su song ngam/ khrims lnga bzung ba las sangs rgyas dang / chos dang / dge 'dun la the tshom za ba'i sems skye ste/ mu stegs can la skyabs su song nas ston pa'i slob dpon du 'dzin
219b4 tam| ltas su blta ba sna tshogs la ltas su 'dzin cing 'jig rten gyi lhar rjed pa'o/ /gang zag gang zhig de bzhin gshegs pas gsungs pa'i dam pa'i chos nyan thos kyi theg pa dang ldan pa'i
219b5 dam pa'i chos dang / rang sangs rgyas kyi theg pa dang ldan pa'i dam pa'i chos dang / theg pa chen po dang ldan pa'i dam pa'i chos la skur cing sgro 'dogs pa dang / 'gegs dang / bar chad
219b6 byed pa dang / bdag yid mi shes shing yid dpas pha rol po gzhan dag kyang de las zlog cing bar chad byed pa dang / gzhan dag klog ba dang / 'don pa dang / glegs bam du 'dri ba'i tshigs
219b7 bcad gcig tsam gyi yang bar du gcod cing bgegs byas na/ de ni rtsa ba'i sdig kyang ma yin la mtshams med pa'ang ma yin te/ kha nam thob che po'i las mtshams med pa dang nye ba
220a1 zhes bya'o/ /gang zag de kha na mtho ba'i sdig pa'i las chen po dag mthol ba dang / bshags pa ma byas kyi bar du rab tu 'byung ba dang / bsnyen par rdzogs su mi
220a2 rung ste/ la la zhig gis rab tu phyung nga / bsnyen par rdzogs pa byin na/ de'i slob dpon de sdig pa dang bcas pa yin pas nga'i bstan pa las bskrad par bya'o/ /gang zag de rab tu byung
220a3 ngam bsnyen par rdzogs nas kha na ma tho ba'i sdig ba de mthol ba dang / bshags pa'i las ma byas na de ni ngas bstan pa'i 'dul ba las myur du bsgrad dgos so/ /de ci'i phyir zhe na/
220a4 gang zag rnam pa de gnyis ni dam pa'i chos kyi mig med par byed pa/ dam pa'i chos kyi sgron ma nub par byed pa/ dkon mchog gi gdung yongs su gcod pa ste lha dang / mi la sogs pas
220a5 don med pa/ phan pa med pa'i sdug bsngal spyod du 'dzug cing ngan song du ltung bar byed pa yin no/ /gang zag rnam pa gnyis po de ni bdag nyid kyi dam pa'i chos la skur cing 'phags pa rnam
220a6 la smon pa yin la/ pha rol po gzhan dag kyang dam pa'i chos la skur cing 'phags pa rnams la smod du 'dzud pa ste/ tshe 'phos ma thag tu mtshams med pa'i sems can dmyal ba
220a7 chen por ltung zhing bskal ba'i bar du sdug bsngal myong bar 'gyur te phyir gsor mi rung ngo / /tshangs pa chen po/ gzhan yang / bcas pa'i sdig la mi gnas pa dang / mi bya ba'ang yod
220b1 la| rang bzhin gyi sdig la mi gnas pa dang / mi bya ba'ang yod/ rang bzhin gyi sdig la rtsa ba'i sdig tu 'gyur ba mi gnas pa dang / mi bya ba'ang yod do/ /de la ji ltar na rtsa ba'i sdig la mi
220b2 gnas pa dang / mi bya ba'i chos gang zhe na/ 'di ltar ste/ dge slong gang zhig mi tshangs par spyod pas rtsa ba'i sdig byas pa dang ched du bsams te/ skye bo mi'i srog bcad nas rtsa ba'i sdig
220b3 byas pa dang / dkon mchog gsum gyi dkor ma byin pa brkus nas rtsa ba'i sdig byas pa dang / rdzun chen po smras nas rtsa ba'i sdig byas pa ste/ dge slong gang zhig rtsa ba'i sdig rnam pa
220b4 'di bzhi las 'ga' zhig byas na dge slong gis las bya ba'i nang du mi chud de/ longs spyod thams cad dang / phyogs bzhi'i dge 'dun gyi nor la spyod du mi dbang mod kyi/ de la'ang dbyig pa dang /
220b5 lcag gis brdeg cing gzhu ba dang / btson rar gzhug pa dang / spyi zhing gshe ba dang lus kyi yan lag gtub pa dang / 'tsho ba'i dbang po dang phral ba la sogs pa thams cad byed du mi
220b6 gnang ngo / /de dag ni rang bzhin gyi sdig gi nad na rtsa ba'i sdig lce'i ba ste/ mi gnas pa dang / mi bya ba zhes bya'o/ /ci'i phyir de la rtsa ba'i sdig ces bya zhe na/ gang zag gang gis chos rnam pa
220b7 de bzhin byas na/ tshe 'phos ma thag tu ngan song du ltung bar 'gyur te/ ngan song du 'gro ba'i rtsa ba yin pas na rtsa ba'i sdig ces bya'o/ /de la ci'i phyir mtshams med pa dang / mtshams
221a1 med pa la nye ba dang / rtsa ba'i sdig pa mi gnas pa dang / mi bya ba'i kha na mtho ba chen po'i las ngan pa zhes gsungs zhe na/ rigs kyi bu/ 'di lta ste/ lcags
221a2 kyi thu lus mam/ ro nye'i dbu ni steng gi nam mkha' la bor na cung zad kyang mi sdod par de ma thag tu phyi yang sa la ltung ngo / /mtshams med pa lnga dang / mtshams med pa la nye ba dang /
221a3 rtsa ba'i sdig bzhi dang / dam pa'i chos la skur ba dang / dkon mchog gsum la the tshom za ba dang / gang zag sdig ba na rnam gnyis po'ang de dang 'dra ste/ gang zag gang gi sdig pa
221a4 rnam pa bcu gcig po de las 'ga' zhig byas na tshe 'phos ma thag tu thogs pa med par mtshams med pa'i sems can dmyal ba chen por gdon mi za bar skye zhing sdug bsngal chen po
221a5 myong bar 'gyur te/ de bas na mi gnas pa dang mi bya ba'i kha na ma tho ba chen po'i las ngan pa zhes bya'o/ /mi gnas pa dang / mi bya ba'i kha na mtho ba chen po las ngan pa 'di dag byas
221a6 pa'i gang zag ni lus 'di nyid la nyon mongs pa zad par byed mi nus su nges re/ ting nge 'dzin yang mi'i grub na yang dag pa mi 'gyur ba la zhugs pa thob pa lta ci smos te/ tshe 'phos ma
221a7 thag tu gdon mi za bar sems can dmyal bar skye zhing sdug bsngal chen bo myong bar 'gyur ro/ /tshangs pa chen po/ gzhan yang / rigs kyi bu'am/ rigs kyi bu mo gang gis bsam
221b1 ba dag pas nga'i bstan pa la dad nas nyan thos kyi theg pa la zhugs sam/ rang sangs rgyas kyi theg pa la zhugs sam/ theg pa chen po la zhugs te ngas bstan pa la dad pas khyim nas khyim ma
221b2 yin par rab tu phyung ste bsnyen par rdzogs par bslab pa'i gnas mang po la shin tu bkur ste dang / ri ma gror bya ba dang / rtsa ba'i sdig pa bzhi bsrung ba la shin tu 'bad pa'i brtson 'grus chen
221b3 po brtsam par bya'o/ /gang zag de la ni rtag tu lha dang / mi dang / mi ma yin pa la sogs pa rjes su 'brang zhing srung ste de ni lha dang / mi la sogs pa'i mchod pa'ang chud mi za'o/ /theg pa
221b4 gsum gang la spro zhing dga' ba bzhin de ma thag tu mtha'i gnas byed par 'gyur ro/ /de bas na yang dag pa mya ngan las 'da' bar 'dod pa dag lus dang / srog ston rkyang sla yi/ chos rnam pa
221b5 de bzhi nyams par mi bya'o/ /de ci'i phyir zhe na/ so so'i skye bo dag ni rgyu rnam pa 'di gsum gyis mya ngan las 'da' ba'i bde ba thob par 'gyur ba'i phyir ro/ /gsum gang zhe na/ de bzhin
221b6 gshegs pa la brten pa'i rgyu dang / 'phags pas bstan pa la brten pa'i rgyu dang / nga'i nye gnas la brten pa'i rgyu ste gsum mo/ /so so'i skye bo dag rgyu rnam pa 'di gsum la brten te
221b7 btson 'grus su nan tan byas nas mya ngan las 'da' ba'i bde bar thob par 'gyur ro/ /gang zag gang gis chos rnam pa de bzhi nyams na nga'ang de'i ston pa ma yin la/ de'ang nga'i nyan thos
222a1 ma yin no/ /gang zag gang gis chos rnam pa de bzhin nyams na de ni ngas bstan pa'i shin tu zab pa/ rgya che ba'i mi rtag pa dang / sdug bsngal ba dang / stong pa nyid
222a2 dang / bdag med pa dang ldan pa/ sems can thams cad la phan pa dang / bde ba'i don du 'gyur bar bstan pa so sor thar ba las 'gal ba'o/ /gal te ngas bstan pa'i so sor thar pa
222a3 las 'gal na de ni bsam gtan dang / ting nge 'dzin thams cad la ldongs shing 'thom par 'gyur te/ gzhol zhing 'jug mi nus pa dang / nyon mongs pa mang pos dkris shing glags
222a4 te theg pa gsum gyi chos kyi snod kyang ma yin pas ngan song du ltung zhing sdug bsngal chen po myong bar 'gyur ro/ /rigs kyi bu'am/ rigs kyi bu mo gang gis ngas bstan pa'i so so'i thar
222a5 pa las rtsa ba bzhi ma nyams te yongs su dag na nga'ang de'i ston pa yin la/ de'ang nga'i nyan thos yin pas nga'i gsung gi rjes su 'brang ba/ nga'i chos la bde bar gnas pa/ bya ba thams cad
222a6 kyi mthar phyin pa yin pas gang zag de ni tshul khrims kyi phung po la shin tu gnas pas na dge ba'i chos thams cad la legs par gnas pa yin no/ /nyan thos kyi theg pa phun sum tshogs pa la
222a7 gnas pa yin no/ /rang sangs rgyas kyi theg pa phun sum tshogs phal gnas pa yin no/ /theg pa chen po phun sum tshogs pa la gnas pa yin no/ /de ci'i phyir zhe na/ gal te rang bzhin
222b1 gyi sdig pa'i rtsa ba rnam pa bzhi po de bsrungs na/ de ni zag pa dang bcas pa dang / zag pa med pa'i dge ba'i chos thams cad kyi rgyu mchog dam pa rnam par gzhag pa yin no/ /de bas na
222b2 chos rnam pa 'di bzhi srung ba ni dge ba'i chos thams cad kyi rtsa ba zhes bya'o/ /'di lta ste/ sa chen po la brten nas rtsi shing dang / lo tog dang / shing gel ba dang / nags tshal la sogs pa
222b3 thams cad skye'o/ /de bzhin du tshul khrims kyi rtsa ba bzhi po 'di srung ba la brten nas dge ba'i chos thams cad 'phel zhing skye bar 'gyur ro/ /'di lta ste/ sa chen po la brten nas ri thams
222b4 cad dang / ri khor yug dang / ri khong yug chen po dang / ri rab ri'i rgyal po la sogs pa thams cad bde bar gnas so/ /de bzhin du tshul khrims kyi rtsa ba bzhi po srung ba la brten nas
222b5 nyan thos kyi theg pa dang / rang sangs rgyas kyi theg pa dang / bla na med pa'i theg pa chen po bde bar gnas par 'gyur ro/ /'di lta ste/ sa chen po la brten nas 'jig rten gyi ro bro ba'i mchog
222b6 thams cad btsal gyis rnyed do/ /de bzhin du tshul khrims kyi rtsa ba bzhi po srung ba la brten nas dran pa dang / ting nge 'dzin dang / gzungs dang / dang des pa'i bzod pa dang / 'phags pa'i
222b7 lam thams cad dang / bla na med pa yang dag par rdzogs pa'i byang chub kyi bar du thob par 'gyur ro/ /'di lta ste/ sa chen po ni gtsang ba dang / mi gtsang ba thams cad snyoms par 'dzin
223a1 to| |tshul khrims kyi rtsa ba bzhi shin tu srung ba'i rigs kyi bu dang / rigs kyi bu mo dag kyang de bzhin du chos kyi snod du gyur pa dang / chos kyi snod du ma gyur pa la
223a2 sems mnyam par bzhag ste de la mi brnyas/ mi smad/ bdag mi bstod/ mi snyems/ co mi 'dri na dge ba'i chos thams cad skye ba'i gnas su 'gyur ro/ /'di lta ste/ sa chen po 'di la
223a3 ni sems can thams cad de la longs spyod cing bde bar 'tsho'o/ /de bzhin du tshul khrims kyi rtsa ba bzhi shin tu srung ba'i rigs kyi bu dang / rigs kyi bu mo dag kyang de bzhin gshegs
223a4 pas bstan pa yang dag pa'i chos la shin tu spro ba dang / mchog dam pa'i bsam bdag pas sems can thams cad la bye brag gi 'du shes med par bsdu ba rnam pa bzhi'i chos kyis
223a5 mnyam par bsdus te/ sems can thams cad chos kyi dga' ba la longs spyod cing bde bar 'tsho bar byed do/ /de nas tshe dang ldan pa u pa lis bcom ldan 'das kyis gsungs pa 'di
223a6 dag thos nas 'dug pa las langs te/ gos tshags bcos nas bcom ldan 'das kyi zhabs la spyi bos gtugs te bla gos phyogs gcig tu byas/ pus mo g.yas pa'i lha nga sa la
223a7 btsugs nas thal mo sbyar ba btud de/ bcom ldan 'das la 'di skad ces gsol to/ /bcom ldan 'das kyi gsungs pa ltar tshul khrims kyi rtsa ba bzhi shin tu srung pa'i rigs kyi
223b1 bu dang / rigs kyi bu mo dag chos kyi snod du gyur pa'i chos kyi snod du ma gyur pa kun la sems mnyam par bzhag ste/ mi brnyas/ mi smad/ bdag mi bstod/ mi snyems/ glo bur du nyes pa
223b2 mi gleng ngo zhes gsungs na/ de lta na ni ma mchis pa'i dus na dge slong tshul khrims nyams shing mi dge ba spyod pa/ dge sbyong ma lags par dge spyong du khas 'che ba/ tshangs par spyod pa ma
223b3 lags par tshangs par spyod par khas 'che ba dag la dge slong gi dge 'dun gyis ji lta bu'i thabs kyis gleng zhing dgar bar bgyi/ bcom ldan 'das kyis tshe dang ldan pa u pa li la bka'
223b4 stsal pa/ ngas mu stegs can dang / khyim pa rnams kyis dge slong gi nyes pa gleng du ni gnang ba'i skabs med do/ /dge slong gi dge 'dun gyis kyang chos bzhin ma yin pa dang / ma rtogs par
223b5 tshul khrims nyams pa'i dge slong gi nyes pa gleng du ma gnang na dga' ba'am/ bskrad blta ci smos/ chos bzhin ma yin pa dang / ma rtogs par tshul khrims nyams pa'i dge slong gi nyes pa
223b6 glengs sam/ gal te bskrad na kha na ma tho ba chen po'i sdig pa 'thob bo/ /u pa yi/ 'di ltar shes par bya ste/ chos bzhin ma yin pa dang / ma rtogs pa rnam pa 'di bcus tshul khrims nyams
223b7 ba'i dge slong gi nyes pa glengs na kha na ma tho ba'i sdig pa chen po thob par 'gyur gyi/ mkhas ba dag gis ni de ltar mi bya'o/ /bcu gang zhe na/ dge 'dun ma dad par rgyal po'i spyan sngar ma rtogs
224a1 bzhin du tshul khrims nyams pa'i dge slong gi nyes pa gleng ba dang / dge 'dun ma dad par kun tu rgyu ba'i mdun du tshul khrims nyams pa'i dge slong gi nyes pa
224a2 gleng ba dang / dge 'dun ma dad par blon po'i mdun du tshul khrims nyams pa'i dge slong gi nyes pa gleng ba dang / dge 'dun ma dad par tshong dpon dang / khyim bdag gi mdun du tshul
224a3 khrims nyams pa'i dge slong gi nyes pa gleng ba dang / bud med mang po'i mdun du tshul khrims nyams pa'i dge slong gi nyes pa gleng ba dang / skyes pa mang po'i mdun du tshul khrims nyams
224a4 pa'i dge slong gi nyes pa gleng ba dang / ma rung bar byed pa mang po'i mdun du tshul khrims nyams pa'i dge slong gi nyes pa gleng ba dang / dge slong dang / dge slong ma mang po'i mdun du
224a5 tshul khrims nyams pa'i dge slong gi nyes pa gleng ba dang / 'khon yod pa'i mdun du tshul khrims nyams pa'i dge slong gi nyes pa gleng ba dang / dgra bo zhe 'gras pa'i mdun du ma
224a6 rtogs bzhin du tshul khrims nyams pa'i dge slong gi nyes pa gleng ba'o/ /'di dag ni chos ma yin pa dang / ma rtogs par tshul khrims nyams pa'i dge slong gi nyes pa gleng na kha na
224a7 ma tho ba'i sdig pa chen po thob par 'gyur ba bcu zhes bya'o/ /gal te bden pa yang dag pa la brten te glengs na'ang nyes par 'gyur na bden pa ma yin pa la brten te gleng ba lta ci smos
224b1 te| kha na ma tho ba'i sdig pa chen po thob par 'gyur ro/ /gzhan yang / chos ma yin pa rnam pa 'di bcus tshul khrims nyams pa'i dge slong gi nyes ba glengs na kha na ma tho ba chen po'i sdig pa
224b2 'thob par 'gyur gyi/ mkhas pa dag gis de ltar mi bya'o/ /bcu gang zhe na/ mu stegs can dag gis dge slong gi nyes pa gleng ba dang / tshul khrims med pa'i khyim bdag gis dge slong
224b3 gi nyes pa gleng ba dang / mtshams med pa byas pa dag gis dge slong gi nyes pa gleng ba dang / dam pa'i chos la skur pa dag gis dge slong gi nyes pa gleng ba dang / 'phags pa rnams la smod
224b4 pa dag gis dge slong gi nyes pa gleng ba dang / glen pa sems 'khrug pa dag gis dge slong gi nyes pa gleng ba dang / nad kyis yongs su gzir ba dag gis dge slong gi nyes pa gleng ba dang /
224b5 phyogs bzhi'i dge 'dun gyi rung bar byed pa bas dge slong gi nyes pa gleng ba dang / bza' shing gi ra ba srung ba dag gis dge slong gi nyes pa gleng ba dang / dge slong chad pa ba dag gis dge
224b6 slong gi nyes pa gleng ba ste/ chos ma yin pa rnam pa 'di bcus dge slong tshul khrims nyams pa'i nyes pa glengs na kha na ma tho ba'i sdig pa chen po thob par 'gyur ro/ /ji ste bden pa yang
224b7 dag pa la brten te glengs na'ang nyes par 'gyur na bden pa ma yin par gleng ba lta ci smos te/ kha na ma tho ba'i sdig pa chen po thob par 'gyur ro/ /gzhan yang / u pa li/ gal te dge slong
225a1 tshul khrims nyams pa dag dge slong gi dge 'dun gyi nang na dge 'dun dang lhan cig tu gnas na/ dge slong de'i nang na tshul bzhin du byed pa/ spyod lam
225a2 dang ldan pa/ yon tan lnga phrugs dang ldan pa gcig 'dug pa las langs te/ gos tshags bcos la ba sti stang dang bcas pas dge slong gi dge 'dun gyi rkang pa la phyag 'tshal
225a3 la| de nas tshul khrims nyams pa'i dge slong gi mdun du song la nyes pa gleng ngo zhes 'di skad gsol ba thob cig /tshe dang ldan pa dgongs shig /bdag deng tshe dang ldan pa khyod kyis
225a4 nyes pa gleng ngo / /bden pa/ rdzun pa ma yin pa/ dus la bab pa/ dus las mi 'da' ba/ 'dzum bzhin du smra ba/ mi brlang ba'i tshig dang / byams pa'i sems dang / zhe sdang med pa
225a5 dang / phan pa dang / bde ba'i gnod pa ma yin pa dang / de bzhin gshegs pa'i chos kyi mig dang / chos kyi sgron ma yun du gnas par bya ba'i phyir gleng ngo / /tshe dang ldan pa/ khyod kyi nyes pa
225a6 bdag gis chos bzhin du gleng ngo zhes gsol ba thob cig /gang zag des gleng du gnang na ni chos bzhin du gleng bar bya'o/ /gal te gleng du ma gnang na phyir yang gnas brtan dang /
225a7 dge 'dun gyi rkang pa la phyag 'tshal te bsti stang dang bcas bas 'di skad ces gsol cig /dge slong ming 'di zhes bgyi ba nyes pa 'di lta bu zhig bgyis te/ bdag gis chos lnga la
225b1 brten te gleng bar 'tshal lo zhes gsol cig /de nas dge 'dun gyi nang ngan dge slong gnas brtan gyis shin tu rtogs la gleng pa bas ci gleng ba dang / nyes pa ci byas pa dang / bden nam/
225b2 rdzun nam/ lci'am/ yang brtogs la 'dul ba dang / mdo sde la brten te bsdigs pa dang / bzho ba'i thabs sna tshogs kyis dri zhing gleng bar bya'o/ /bdun shin tu zhi bar bya ba'i chos
225b3 kyis gang dang / gang du mthun pa de dang / de'i chos kyis zhi bar bya'o/ /gal te nyes pa chen po byas na'ang chad pa chen pos gcad do/ /nyes pa 'bring byas na'ang chad pa 'bring gis gcad do/ /
225b4 nyes pa chung ngu byas na'ang chad pa chung ngus gcad de khrel pa dang / ngo tsha bas nyes pa mthol du gzhug go /de nas u pa lis yang bcom ldan 'das la 'di skad ces gsol to/ /nyes
225b5 pa yang dag par byung ba'i sdig pa bgyis pa'i dge slong dag gal te khyim pa'i mthu las snyems sam/ nor gyi mthu snyems sam/ mang du thos pa'i mthu dang / smra bshags kyi mthu dang /
225b6 slob ma'i mthu la snyems te/ mthu rnam pa de lta bus mjid bsdoms te/ de dge 'dun gyi ngag mi nyan la dge slong gnas brtan mdo sde dang / 'dul ba dang / ma mo 'dzin pas chos
225b7 bzhin du bstan cing bcos kyang nyan du mi btub pa'i dge slong de la ji ltar chad pas gcad par bgyi/ bcom ldan 'das kyis bka' stsal pa/ dge slong gnas brtan sde snod gsum 'dzin
226a1 pas dge 'dun la dad pa dris te/ rgyal po dang / blon po chen po la mthu btsal ba'i pho nya thong la gdod chos bzhin du chad pas chod cig /u pa lis yang
226a2 gsol pa/ bcom ldan 'das/ gal te sdig pa bgyis pa'i dge slong de nor dbyig gi mthu dang / mang du thos pa'i mthu dang / smra bshags kyi mthu dang / thabs rnam pa sna tshogs
226a3 kyis rgyal po dang / blon po'ang dga' bar bgyis te/ thams cad chos ma lags par bgyis pa/ tshul khrims nyams pa'i dge slong gi grogs bgyid de/ tshul khrims ngan pa tsam
226a4 gyi dge slong de dag sdig pa nyam rangs su bgyid du stsal nas chos bzhin du chad pas gcad du'ang mi ster na/ de'i tshe de la dge 'dun gyis ji ltar bgyi/ bcom ldan 'das kyis
226a5 u pa li la bka' stsal pa/ gal te dge slong de mi gnas pa dang / mi bya ba la brten te/ dge 'dun gyi nang du gnas nas sdig pa chen po mngon sum du mi snang na/ de'i tshe dge 'dun
226a6 gyis skad cig gzhag go /gal te dge slong de mi gnas pa dang / mi bya ba'i sdig pa chen po mngon sum du snang bzhin du dge 'dun gyi nang na gnas na/ de'i tshe dge 'dun dag dad pa
226a7 dris te chos bzhin du bskrad de sangs rgyas kyi chos las phyir 'byung ngo / /u pa li/ 'di lta ste/ nas kyi zhing gi nang na nas la gnod pa skyes pa'ang myur gu dang / sdong pu dang / tshigs
226b1 nas dang 'dra'ang / nas bzang po sme bar byed de/ nas la gnod pa de snye ma ma byung ba na nas kyi bdag pos skad cig 'jog go /snye ma byung ma thag pa na nas kyi bdag pos nas bzang po sme
226b2 par byed do snyam bsams nas rtsa thon du phyung ste zhing de'i phyi rol tu 'dor ro/ /de bzhin du mi gnas ba dang / mi bya ba'i dge slong tshul khrims nyams pa de khyim pa dang mthu rnam pa mang
226b3 po snyems te/ dge 'dun gyi nang na gnas pa spyod lam dang / cha lugs dge 'dun dang 'dra'ang dge 'dun rnam par dag ba sme bar byed de/ srung ma'i lhas ma glengs kyi bar du dge
226b4 'dun gyi nang na gnas te/ sdig pa chen po mngon sum du mi snang na de'i tshe/ dge 'dun gyis skad cig zhog cig /gal te lha srung mas kyang bskul la dge 'dun gyi nang na nyes pa chen
226b5 po'ang mngon sum du snang bar gyur na/ de'i tshe dge 'dun dad pa dris te sangs rgyas kyi chos las phyir skrod cig /u pa li/ 'di lta ste/ rgya mtsho chen por ni ro zhag lon par mi
226b6 'jog go /de bzhin du nga'i nyan thos kyi dge 'dun gyi slob ma'ang tshul khrims nyams pa sdig pa spyod pa'i dge slong ro dang 'dra ba dang lhan cig mi 'grogs so/ /u pa lis yang
226b7 gsol pa/ bcom ldan 'das/ gal te tshul khrims nyams pa sdig pa byed pa'i dge slong de dge 'dun dad pa dris te bskrad kyang nor rin po che'i mthu dang / mang du thos pa'i mthu dang
227a1 smra bshags kyi mthu dang / thabs rnam pa sna tshogs kyis rgyal po dang / blon po chen po dga' bar bgyis te/ thams cad tshul khrims ngan pa can gyi grogs
227a2 su gyur na/ mthu chen pos nan gyis lhan cig tu bzhag nas tshul khrims nyams ba'i dge slong dang / dge 'dun lhan cig tu gnas na de'i tshe dge 'dun gyis de ji ltar bgyi/ bcom
227a3 ldan 'das kyis bka' stsal pa/ de'i tshe dge 'dun gyi nang na 'dzem pa dang / ngo tsha bar ldan pa dang / tshul khrims dang ldan pa'i dge slong dag tshul khrims bsrung ba'i phyir tshul khrims
227a4 nyams pa'i dge slong de la zhe sdang mi bskyed pa dang / rgyal po dang / blon po chen po la gnod par ma gyur par gsol ba thob ste/ gnas de spongs la gnas gzhan du song zhig/ //
227a5 bam po bzhi pa/ de nas byang chub sems dpa' sems dpa' chen po sa'i snying pos bcom ldan 'das la 'di skad ces gsol to/ /btsun pa bcom ldan 'das/ gang sangs rgyas kyi
227a6 zhing rnyog pa lnga can de bzhin gshegs pa mi bzhugs ba na/ de'i tshe de na gnas pa'i sems can dag nyon mongs pas gzir te mi dge ba spyod cing glen pa'i rang bzhin can du gyur nas
227a7 shin tu gdul dka' ba rgyal rigs gdol pa can dang / blon po gdol ba can dang / khyim bdag gdol ba can dang / tshong dpon gdol pa can dang / bram ze gdol pa can de dag la
227b1 sogs pa dge ba'i rtsa ba chung ba/ dad pa'i sems ma mchis pa /g.yo dang / sgyus 'tsho ba/ glen pa dag shes pa snyems shing 'jig rten phyi ma'i sdug bsngal gyi 'bras bus mi 'jigs pa
227b2 dang | dge ba'i bshes gnyen spong ba/ mtshams med pa'i sems can dmyal ba la 'jug cing 'bab pa de dag le dang / rnyed pa'i phyir tshul khrims nyams pa sdig pa bgyid pa'i dge
227b3 slong dang sten cing chos ma yin pa la spyod pa'i grogs su gyur nas/ thams cad gdon mi za bar mtshams med pa'i sems can dmyal ba la 'jug cing 'bab pa'i gnas de dag tu
227b4 bdag mchis te/ sangs rgyas bcom ldan 'das kyi chos kyis sems can de dag la phan pa dang / bde ba dang / dbugs 'byung ba'i slad du bla na med pa'i bdud rtsi lta bu'i dam pa'i
227b5 chos thabs kyis bstan cing drangs te de la spyod du gzhug pa dang / rgyal rigs gdol pa can nas bram ze gdol pa can gyi bar du ma tshams med pa'i sems can dmyal bar ltung ba
227b6 las rnam par bzlog par bgyi'o/ /bcom ldan 'das kyis byang chub sems dpa' sems dpa' chen po sa'i snying po la 'di skad ces bka' stsal to/ /rigs kyi bu/ khyod phyi ma ma 'ongs
227b7 pa'i dus na sangs rgyas kyi zhing 'dir sems can dag nyon mongs pas yongs su gdungs nas sdig pa spyod cing byis pa gti mug can gdul dka' bar gyur pa gang rgyal rigs gdol
228a1 pa can dang / blon po gdol pa can dang / khyim bdag gdol pa can dang / tshong dpon gdol ba can dang / dge sbyong gdol pa can dang / bram ze gdol pa
228a2 can la sogs pa dge ba'i rtsa ba chung ba/ dad pa'i sems med pa/ g.yo dang / sgyus 'tsho ba/ gti mug can shes ba snyems pa can/ dge ba'i bshes gnyen spong ba/ smras pa'i tshig
228a3 bden pa med pa/ dge ba'i bshes gnyen gyis bstan pa la mi 'jug pa dang / brnyas shing dbang za ba/ tshig ngan pas rnam par 'thing ba/ dam pa'i chos la the tshom za zhing log par
228a4 lta ba/ 'jig rten phyi ma'i sdug bsngal gyi 'bras bu la mi 'jigs pa/ rtag tu dang tshul ngan pa can dag la sten par dga' ba/ srog gcod pa nas log par lta ba'i bar du spyod
228a5 pa la dga' zhing g.yo dang / sgyus 'jig rten slu ba dang / bdag dang / gzhan la gnod pa byed pa'i rgyal rigs gdol pa can nas bram ze gdol pa can gyi bar du nga'i chos 'jig par
228a6 byed pa/ nga'i bstan pa la rab tu byung na'ang tshul khrims nyams shing 'jig rten gyi 'du 'dzi'i las byed par spro ba la rgyal rigs dang / bram ze la sogs pas bsti stang dang bcas
228a7 pas mchod pa dang / khe la brkam pas nor tshol ba'i phyir tshig tsam du smra zhing spyod pa dang mi ldan pa phan tshun du phrin can gyi ge skyel ba la dga' ba dang / tshong dang / khe spogs byed cing
228b1 'jig rten rgyang pa na pa'i gtsug lag slob pa dang / zhing rmo ba'i las la dga' ba dang / nor rin po che gsog cing sped pa dang / khang khyim dang / chung ma dang / bu smad srung ba dang / 'jig
228b2 rten gyi sngags dang / phyag rgyas 'byung po 'khol ba dang / ltas bzang ngan lta ba dang / sman sbyar cing nad gsos pa'i nor gyis 'tsho ba dang / bza' ba dang / btung ba dang / bgo ba dang /
228b3 rin po che'i rgyan la chags shing khyim pa'i las byed pa la dga' ba dang / tshul khrims 'dral zhing sdig pa spyod pa dang / dung gi sgra la khyi'i spyod pa dang ldan pa/ dge sbyong ma yin par dge
228b4 sbyong du khas 'che ba dang / tshangs par spyod pa ma yin par tshangs par spyod pa khas 'che ba yod de/ rgyal rigs gdol pa can nas bram ze gdol pa can gyi bar du de dag la bsnyen bkur byed cing
228b5 bsti stang dang bcas pas mchod pa byed de/ de dag gi ngag kyang nyan to/ /tshul khrims nyams bde dag kyang rgyal rigs gdol pa can nas bram ze gdol pa can gyi bar du de dag la sten par
228b6 dga' zhing bkur sti dang / rim gro byed de de'i ngag nyan to/ /gal te gang zag 'ga' zhig nga'i bstan pa la rab tu byung nas tshul khrims dang / yon tan du ldan pa/ slob pa dang / mi slob pa la
228b7 nan tan byed pa nas 'bras bu'i mthar byin gyi bar du gyur pa la/ rgyal rigs gdol ba can nas bram ze gdol pa can gyi bar du de dag gis de la phrag dog byed de/ bsnyen bkur dang / bsti
229a1 stang dang / rim gro dang / mchod ba mi byed cing slar dag nyan bar yang mi byed do/ /rigs kyi bu/ 'di lta ste/ mi la la zhig rin po che'i gling du phyin
229a2 pa las rin po che in+Da nI la dang / mahA nI la dang / gser dang / dngul dang / mu tig dang / pad+ma rA ga dang / bai DUR+ya dang / rin thang med pa'i rin po che rnam pa sna tshogs bor
229a3 nas nor bu mching bu len pa ltar de bzhin du ma 'ongs pa'i dus na sangs rgyas kyi zhing 'dir rgyal rigs gdol ba can nas bram ze gdol pa can gyi bar du'ang de dang 'dra ste/ ngas bstan pa'i dam pa'i chos kyi rin po che'i gling du phyin nas tshul khrims dang /
229a4 yon tan du ldan pa/ don dam pa la dga' ba/ 'jom pa dang / ngo tsha dang ldan pa/ slob pa dang / mi
229a5 slob pa'i gang zag dang / pha rol tu phyin pa drug nan tan byed pa la brtson pa'i so so'i skye po dge ba'i yon tan dang ldan pa/ 'phags pa'i 'khor spangs nas tshul khrims nyams pa/
229a6 sdig pa mang po spyod pa/ ngo tsha ba med pa dang / 'dzem pa med pa/ tshig brlang zhing rtsub bo/ lus dang / sems nga rgyal gyis dregs pa/ rnam par dkar ba'i chos dang bral ba/ byams
229a7 pa'i sems med pa/ snying rje med pa/ sdig pa'i dge slong dag la bsod nams kyi zhing du 'dzin cing bkur sti dang / rim gro dang / mchod pa byed de de'i ngag nyan to/ /de ltar sdig
229b1 pa can de dag ni slob dpon dang / slob mar bcas te gdon mi za bar mtshams med pa'i sems can nga myal bar lhung bar 'gyur ro/ /rigs kyi bu/ sdig pa'i 'khor lo rnam pa bcu
229b2 yod de/ ma 'ongs pa'i dus na sangs rgyas kyi zhing 'dir rgyal rigs gdol pa can dang / rje'u rigs gdol pa can dang / khyim bdag gdol pa can dang / tshong dpon gdol pa can
229b3 dang | dge sbyong gdol pa can dang / bram ze gdol pa can dag sdig pa'i 'khor lo rnam pa bcu po las 'ga' zhig dang ldan nam/ gal te kun dang ldan na sngon bsags pa'i dge
229b4 ba'i rtsa ba thams cad kyang tshig ste thal ba bzhin du 'gyur la rin po mi thogs par lus kyi yan lag kyang du ma bur bcad pa dang / nyin mtshan du mar lce ldib cing smra mi nus pa dang / mi
229b5 zad pa'i sdug bsngal chen po myong ba dang / tshe 'phos nas kyang gdon mi za bar mtshams su med pa'i sems can dmyal ba chen por ltung bar 'gyur ro/ /bcu gang zhe na/ 'di lta ste/ de ltar
229b6 tshul khrims nyams pa sdig pa spyod pa'i dge slong dag gi ngan par lta ba ni rgyal rigs dang / blon po la sogs pas bzod la/ slar de bas mthar gnas pa'i dge slong yongs su dag pa
229b7 mthong na de la 'di skad zer ro/ /kye skyes bu dag /'di ltar dge slong 'di dag ni glen pa gti mug can/ tshul 'chos shing 'jig rten slu ba yin te/ kha zas dang / btung ba dang / go ba
230a1 dang | khe dang / rnyed pa dang / grags pa 'dod pa'i phyir bdag ni bstod/ gzhan la ni smod cing phrag dog gis dkrugs ma byed do/ /khe dang / grags pa la spro
230a2 zhing chog mi shes pa yin pas bskrad par 'os pa de dag gi tshig kyang mnyan par mi bya'o/ /dge slong de dag ni rdzun 'ba' zhig smra zhing bden pa'i chos dang bral bas 'brang bu thob
230a3 ba'ang med/ 'dod pa dang bral zhing zag pa yongs su zad pa'ang ma yin la/ khe dang / grags pa dang / mchod pa tsam 'dod pa'i phyir bas mthar gnas shing yon tan can du ston
230a4 pa dag la mchod pa dang / bsnyen bkur dang / bsti stang ma byed cig /de ni g.yo dang / sgyus 'tsho ba yin gyi/ bsod nams kyi zhing yang dag pa'am/ lam la nan tan byed pa ni ma yin
230a5 no zhes skur to/ /de nas rgyal rigs gdol pa can nas bram ge gdol ba can gyi bar du thams cad kyi bas mthar gnas pa'i dge slong yongs su dag pa la dad pa'i sems mi skye/
230a6 dkon pa'i 'du shes mi 'byung ste/ bsti stang bya ba'i sems med do/ /de la mchod pa dang / bsnyen bkur byed pa la mi mos shing / ji skad du bstan de'i tshig mi nyan te de la
230a7 brnyas shing smod do/ /de ltar bas mthar gnas pa'i dge slong yongs su dag pa la brnyas smod pa nyid chos kyi mig dang / dkon mchog gsum gyi gdung la brnyas shing smod pa ma yin
230b1 bas de'i tshe yul de na gnas pa'i lha dang / klu dang / gnod sbyin dang / lha la sogs pa dkon mchog gsum la bsam pa dag pa dad pa mi byed ba dag rgyal rigs gdol ba can nas bram
230b2 ze gdol pa can gyi bar du gdol pa can de dag thams cad khres te zhe sdang gi sems skyes nas gcig la gcig 'di skad zer ro/ /kye skyes bu dag ltos/ /rgyal rigs gdol ba can
230b3 dang | rje'u rigs dang / khyim bdag dang / tshong dbon dang / dge sbyong dang / bram ze gdol ba can 'di dag chos kyi mig dkon mchog gsum gyi gdung 'tsho ba pa thams cad la ni brnyas
230b4 shing dbang bzas pas dge ba'i rtsa ba'ang med par byas te mi dge ba'i bshes gnyen gyi dbang du gyur pas sdig pa'i las kyis ngan song du ltung bar 'gyur gyi/ bdag cag deng phyin chad
230b5 de dag gi skyabs mi bya'o/ /rgyal rigs gdol pa can la sogs pa de dag gi gnas dang / yul dang / grong khyer dang / srid kyang mi bsrung ngo zhes zer te lha dang / klu dang / gnod sbyin
230b6 dang | lha sogs pa thams cad de dag la mi skyo ba mi 'go ste yal bar gtong ngo / /de bas na rgyal rigs gdol ba can la sogs pa'i yul dang / grong khyer na gnas ba'i yang dag
230b7 pa'i chos kyi snod du 'gyur ba dang / yang dag par bsod nams kyi zhing du 'gyur ba thams cad yul de nas byung ste 'gro'o/ /ji ste 'jug ba zhig yod na'ang mi 'dod ci ba gtong ba'i bsam
231a1 pa skyes pas bskyab cing bsrung ba'i sems med do/ /de ltar lha dang / klu dang / gnod sbyin dang / lha la sogs pa dang / yang dag pa'i chos kyi snod du gyur pa
231a2 dang | bsod nams kyi zhing du 'gyur ba thams cad kyis rgyal rigs gdol pa can dang / de'i srid dang / yul dang / grong khyer la bsrung zhing bskyab pa'i sems med de/ bsrung
231a3 zhing bskyab pa'i sems med pas de'i tshe na yul de'i srid la nang gi dgra dang / phyi'i dgra gnyi ga ldang ste/ srid 'phrog pa'i phyir gcig la gcig 'tshe zhing gsod pa dang / nad
231a4 dang | mu ge la sogs pa'ang de'i dbang gis 'byung ngo / /de nas rgyal rigs gdol pa can nas dge sbyong dang / bram ze gdol ba can gyi bar du gsol pa can de dag thams cad dang / yul
231a5 de na gnas pa thams cad kyang dga' zhing spro ba'i sems med de/ sngon gyi yid du 'ong ba dang / sdug pa thams cad dang yang bral nas gnyen bshes dang / mdza' bo dang / grogs kyang
231a6 gcig gis gcig yid byung zhing phrad mi 'dod pa dang / byams pa dang / snying rje med de/ phrag dog dang / ser sna byed cing sdig pa mang po 'ang byed par 'gyur ro/ /'di lta ste/ srog
231a7 gcod pa nas ngan par lta ba'i bar du kun spyod cing ngo tsha ba dang / 'dzem pa med par mchod rten gyi nor dang / dge 'dun gyi nor la spyod cing za ba la 'gyod pa'i sems med do/ /rgyal
231b1 rigs gdol pa can de mdzangs shing drang po la ni sdang la/ gcam sgyu can la ni dga' bas blon po dang / dmangs gcig la gcig gnod pa byed cing 'kho na dang / sha gnyer nas 'thab cing
231b2 rtsod pa dang / pha rol po'i dgra dang / g.yul sprod pa na'ang 'og ma sems mi mthun pa'i phyir g.yul yang nyes par 'gyur ro/ /rgyal rigs gdol pa can dang / blon po dang / khyim bdag dang /
231b3 tshong dpon dang / dge sbyong dang / bram ze la sogs pa gdol pa can de dag thams cad ring po mi thogs par lus kyi yan lag nyams shing nyin mtshan du mar lce lkugs par 'gyur ba dang /
231b4 shin tu mi bzad pa'i na ba dang / tsha ba'i sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal bar ltung ngo / /rigs kyi bu/ gzhan yang /
231b5 rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa'i gdol pa can sdig pa'i bshes gnyen gyi rjes su spyod pa dag dge
231b6 ba'i rtsa ba chung ba/ g.yo dang / rgyus 'tsho ba/ glen pa gti mug can shes pa snyems pa/ dkon mchog gsum la bsam pa dag pa'i sems med pa/ 'jig rten phyi ma'i sdug bsngal gyi 'bras
231b7 bu la 'jigs par mi lta ba dag de la kha cig ni nyan thos kyi theg pa la cung zad dad kyang yang dag par glen pa'i rang bzhin can du gyur pas 'di snyam du bdag las shes shing mkhas pa med
232a1 do snyam nas/ ngas bstan pa'i rang sangs rgyas kyi theg pa'i chos dang / theg pa chen po'i chos la brnyas smod de 'phya zhing skur nas sems can gzhan dag kyang
232a2 tshigs su bcad pa gcig tsam gyi bar du 'chang zhing 'dzin pa dang / klog cing 'don du'ang mi ster to/ /de la kha cig ni rang sangs rgyas kyi theg pa la dad pa cung zad thob kyang yang dag
232a3 par glen pa'i rang bzhin can du gyur pas 'di snyam du bdag las mkhas shing shes pa med do snyam nas/ ngas bstan pa'i nyan thos kyi theg pa'i chos dang / theg pa chen po'i chos
232a4 la brnyas shing smod de 'phya zhing skur nas/ sems can gzhan dag tshigs su bcad pa gcig tsam gyi bar du 'chang ngam/ 'dzin tam/ klog gam/ 'don du'ang mi ster to/ /de
232a5 la kha cig ni theg pa chen po'i chos la dad pa cung zad tsam thob kyang yang dag bar glen po'i rang bzhin can du gyur pas 'di snyam du bdag las shes shes mkhas pa med do snyam
232a6 nas| ngas bstan pa'i nyan thos kyi theg pa'i chos dang / rang sangs rgyas kyi theg pa'i chos la brnyas smod de 'phya zhing skur nas/ sems can gzhan dag tshigs su bcad pa gcig
232a7 tsam gyi bar du'ang 'chang zhing 'dzin tam/ klog cing 'don du'ang mi ster to/ /gang zag de dag ni sangs rgyas kyi dam pa'i chos la brnyas skur ba dang / dus gsum gyi sangs rgyas bcom
232b1 ldan 'das la dbang za ba dang / dus gsum gyi sangs rgyas kyi chos kyi sde snod thams cad bshig nas bsregs te thal ba bzhin du 'jig par byed pa/ 'phags pa'i lam gyi yan lag brgyad
232b2 pa thams cad gcod pa/ tshad med pa'i sems can gyi mig 'dzar ba zhes bya'o/ /rgyal rigs gdol pa can nas dge sbyong dang / bram ze gdol pa can gyi bar du de dag gis sangs rgyas
232b3 kyis bstan pa'i nyan thos kyi theg pa'i chos dang / rang sangs rgyas kyi theg pa'i chos dang / theg pa chen po'i chos bcabs te bar ched byas nas tshigs su bcad pa gcig tsam gyi bar du
232b4 med par byas na/ gang zag de chos kyi mig dang / dkon mchog gsum gyi gdung 'tsho ba pa thams cad la ma gus pa ste/ de'i rgyu dang / de'i rkyen gyis yul de srung ba'i lha dang / klu dang /
232b5 gnod sbyin dang / lha la sogs pa dkon mchog gsum la bsam pa dag cing / dad pa mi phyed pa dag rgyal rigs gdol pa can nas bram ze gdol pa can gyi bar du gdol pa can de
232b6 dag thams cad la khro zhing zhe sdang ba'i sems skye ba nas gzhung de bzhin du rgyas par rgyal rigs gdol pa can dang / blon po dang / khyim bdag dang / tshong dpon dang / dge sbyong dang /
232b7 bram ze la sogs pa gdol pa can thams cad ring po mi thogs par lus kyi yan lag nyams shing nyin mtshan du mar lce lkugs par 'gyur ba dang / shin tu mi bzad pa'i na ba dang / che ba'i
233a1 sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal ba chen por ltung ngo / /rigs kyi bu/ gzhan
233a2 yang | rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa'i gdol pa can rnams tshul khrims nyams pa
233a3 sdig pa spyod pa'i dge slong gi rjes su zhugs pa nas/ gzhung de de bzhin du rgyas par yul de na chos kyi snod du gyur pa yang dag pa'i bsod nams kyi zhing du gyur pa thams cad rgyal
233a4 rigs gdol pa can la sogs pa la spong ba'i sems bskyed de bskyab pa'am/ srung ba mi byed do/ /brgya la yul de na gnas su zin kyang chos la rten gyi khyim pa la dga' zhing
233a5 gnas par mi byed pa dang / sbyin bdag gi khyim du yang dang yang du 'gro bar mi byed pa dang / gal te skad cig tsam phyin na'ang tshig srung zhing mi smra ba dang / ji ste smra na'ang rdzun
233a6 gyi bag med de/ khyim pa'i mdun du tshul khrims nyams pa dag la 'phya ba'am/ brnyas par byed pa dang / tshul khrims nyams pa sdig pa spyod pa'i dge slong de dag gi nyes pa mi
233a7 brjod cing mi gleng ba dang / rtag tu bsod nams kyi zhing la sten gyi tshul khrims nyams pa yongs su spong ngo / /tshul khrims nyams pa sdig pa spyod pa'i dge slong de dag ni phyir
233b1 tshul khrims srung ba dge ba'i yon tan dang ldan pa dag la khro ba dang / zhe sdang gi sems bskyed de brnyas smod pa dang / rgyal rigs gdol pa can dang / dge sbyong dang / bram ze gdol pa
233b2 can dag gi bar du khyim pa'i bus pa dang / bud med kyi mdun du gcam pa dang / sgyu sna tshogs kyis rdzun zer zhing tshul khrims srung ba de dag la 'phya zhing skur pa dang / tshig ngan pa rnam pa
233b3 sna tshogs 'dogs te/ rgyal rigs gdol pa can nas bram ze gdol pa can gyi bar du de dag thams cad nga'i slob ma 'dod pa nyung zhing chog shes pa/ tshul khrims srung ba/ mang du thos pa/
233b4 spobs pa dang ldan pa'i dge sbyong la zhe sdang ba dang / khro ba'i sems bskyed cing tshig rtsub po rnam pa sna tshogs kyis 'phya zhing skur du bcug nas lus dang / sems mi bde bar byed do/ /gzhan
233b5 yang | chos gos dang / lhung bzed dang / 'tsho ba'i yo byad kyang 'phrog tu bcug nas 'tsho bas brel bar byed do/ /gzhan yang / phyogs bzhi'i dge 'dun gyi nor 'phrog tu bcug nas spyod du mi ster
233b6 ba dang / la la ni btson rar bcug nas lcags dang / khong sgril dang / shing gi gdos la sogs pa'i nan la bor ro/ /la la ni lus kyi yan lag gtubs/ la la ni mgo gcod du bcug go /
233b7 rigs kyi bu/ khyod ltos shig /de ltar rgyal rigs gdol pa can nas dge sbyong dang / bram ze gdol pa'i bar du gdol pa can de dag tshul khrims nyams pa sdig pa spyod pa'i dge slong la
234a1 brten nas de lta bu'i kha na ma tho ba chen po'i sdig pa rnam pa sna tshogs byed do/ /mtshams med pa'i sems can dmyal ba'i bar du ltung bar 'gyur ro/ /sems
234a2 can gang gis mtshams med pa lnga byas sam/ tshul khrims kyi rtsa ba dag bshig gam/ mtshams med pa la nye ba'i sdig byas sam/ rang bzhin gyi sdig gam/ bcas pa'i sdig gang
234a3 byas pa bas ni rgyal rigs gdol pa can nas dge sbyong dang / bram ze gdol pa can gyi bar du tshul khrims nyams pa chos las 'gal bar byed pa la bsten pa bas sdig pa yang ngo / /rigs
234a4 kyi bu/ de ltar tshul khrims nyams pa sdig pa spyod pa'i dge slong dag de ltar chos las 'gal ba'i sdig pa chen po byas mod kyi/ 'on kyang nga'i bstan pa la gnas shing skra dang / kha spu bregs
234a5 te gos dur smrig bgos nas/ spyod lam dang / cha lugs 'phags pa rnams dang mthun te/ de la ni rgyal po dang / blon po chen po dang / khyim pa rnams kyis khyim pa'i chos nyid dang yang
234a6 sbyar du mi gnang na/ gzhu ba dang / 'tshog pa dang / nan la bor ba dang / btson rar gzhug pa dang / gshe zhing spyod ba dang / lus kyi yan lag gtub pa dang / 'tsho ba'i dbang po dang
234a7 phral ba chos ma yin pa byed pa lta ci smos/ rgyal po'am/ blon po'am/ khyim pa rnams kyis gal te de ltar byas na kha na ma tho ba'i sdig pa chen po 'thob par 'gyur te/ gdon mi za
234b1 bar mtshams med pa'i sems can dmyal bar skye'o/ /'di ltar tshul khrims nyams pa sdig pa spyod pa'i dge slong la'ang chad pas gcod du mi gnang na tshul khrims dang ldan pa dge
234b2 ba spyod pa la lta ci smos/ rigs kyi bu/ dge slong gang gis tshul khrims kyi rtsa ba'i sdig las gcig nyams pa'ang tshul khrims nyams shing sdig pa spyod pa'i dge slong zhes bya mod kyi/
234b3 bstan pa bzhin du dad pa'i dge 'dun gyis las byas pa'i sdom pa rgyun mi 'chad par yod de/ bslab pa dang / tshul khrims kyi bar du btang yang rnam par dkar ba'i chos kyi bsung tsam
234b4 yod kyi/ de la'ang rgyal po dang / blon po dang / khyim pa dang / sdom pa med pa rnams kyis brnyas smod dam/ chad pas gcad du mi gnang ngo / /de ltar dge slong de chos kyi snod ma yin te/
234b5 'phags pa'i chos nyan pas yongs su dag pa'i dge 'dun sme bar byed cing dge sbyong gi las su bya ba'i las thams cad mi rung bar byed pa yin te/ phyogs bzhi'i dge 'dun gyi longs
234b6 spyod la spyod du mi dbang mod kyi/ 'on kyang yid mthun pa'i dge 'dun las bsnyen par rdzogs te sdom pa thob pa ma btang bas khyim pa skye bo thams cad pas mchog go /rtsa ba'i sdig nyams
234b7 kyang de lta bu yin na/ de ma yin pa bcas pa'i sdig phra mo gzhan nyams pa lta ci smos te/ de bas na rgyal po dang / blon po dang / khyim pa rnams kyis brnyas pa'am/ smod pa byed dam/
235a1 chad pas gcod du mi dbang ngo / /de ci'i phyir zhe na/ rigs kyi bu/ sngon 'das pa'i dus na yul ka shi zhes bya ba na rgyal po tshangs pas byin zhes bya ba zhig yod
235a2 de| des gdol pa lnga la 'di skad ces bka' stsal to/ /khyed dengs la ri kha ba can gyi drung na glang po che mche ba drug dang ldan pa u pa li'i mig ces bya ba zhig yod kyi/ khyed kyis de'i mche
235a3 ba phyungs la 'on cig /gal te khyed kyis ma thob na gson du ma re zhig ces bsgo'o/ /de'i tshe gdol pa de dag lus dang / srog gi phyir mda' gzhu zhig thogs nas gos tshon can gyon te/
235a4 dge sbyong gi tshul ltar bcos nas ri kha ba can gyi drung du glang po che'i rgyal po gang na bar song ngo / /der phyin pa dang / de na glang po che mo zhig gis sngar mthong ba dang / mda' gzhu thogs
235a5 pa des dngangs nas glang po che'i rgyal po'i gan du brgyugs te phyin nas 'di skad ces smras so/ /lha chen po ma gzigs sam/ mi kha cig mda' gzhu thogs te dal gyis 'jab cing
235a6 mchi na| ci| bdag cag gi tshe'i bar chad du mi 'byung grang / glang po che'i rgyal pos mgo bteg te bltas na/ skra dang / kha spu bregs nas gos tshon can gyon pa dag cig 'ong ba mthong
235a7 nas glang po che mo la tshigs su bcad pa 'di dag smras so/ /sangs rgyas gang+gA klung gi bye snyed kyi/ /rgyal mtshan chos gos gyon pa 'di dag ni/ /sdig pa thams cad yongs su spangs
235b1 pas na/ /nges par sems can dag la gnod mi byed/ /de nas glang po che mos kyang tshigs su bcad nas lan btab pa/ chos gos gyon pa ltar ni byed mod kyi/ /thams cad lag na mda'
235b2 gzhu thogs pas na/ /'di ni snying rje med cing ma rungs pa/ /sdig pa byed la mos pa'i gdol pa yin/ /de nas glang po che'i rgyal pos yang tshigs su bcad de smras pa/ chos gos tshal bu
235b3 gyon par snang bas na/ /byams dang snying rje'i rtsa ba de nyid yin/ /sems can kun la byams shing brtse ba'i phyir/ /sangs rgyas la ni 'di dag skyabs song nges/ /khyed cag 'di la the tshom
235b4 ma za bar/ /myur du sems de rjes su bzung na mdzes/ /chos gos tshon can gyon pa 'di dag ni/ /'khor ba'i rgya mtsho las ni sgrol mdzad pa'o/ /de nas de'i tshe gdol pa can de dag gis
235b5 mda' dug can gyis glang po che'i rgyal po la 'phangs nas gzas pa bzhin du snying la phog go /de nas glang po che mos skad chen po phyung ste dus nas/ skad kyis brnangs bzhin du tshigs su
235b6 bcad pa 'di skad ces smras so/ /chos gos gyon pa de dag ni/ /sangs rgyas la ni skyabs song snyam/ /cha lugs shin tu zhir snang yang / /gdug pa'i sems ni khong na srel/ /lha yi sku
235b7 la mda' 'phen pa'i/ /dgra de shin tu brlag pa'i phyir/ /myur du lus kun brdzis nas su/ /'tsho ba'i dbang dang dbral bar bya/ /de nas glang po che'i rgyal pos tshigs su bcad de smras pa/
236a1 'tsho ba'i srog dang bral kyang sla'i/ /sdig pa'i sems ni bskyed mi rigs/ /'di dag slu ba'i sems yod kyang / /cha lugs sangs rgyas slob ma 'dra/ /mkhas
236a2 pa'i sems ni rnam dag pa/ /srog gi phyir ni ma yin te/ /skye bo mang po bsgral ba'i phyir/ /rtag tu byang chub spyad pa spyod/ /de'i tshe glang po che'i rgyal pos snying brtse ba'i sems skyes nas mi
236a3 de dag la 'di skad ces smras so/ /khyed nga la ci 'dod/ de dag gis smras pa/ khyed kyi mche ba 'dod do/ /glang po che'i rgyal po snying shin tu dga' nas mche ba phyung ste de dag la byin nas
236a4 tshigs su bcad de smras pa/ khro zhing phangs pa'i bsam pa med bzhin du/ /khyed la nga yi mche ba dkar po 'di/ /byin pa'i bsod nams mngon par sangs rgyas nas/ /skye bo'i nyon
236a5 mongs nang rnams zhi byed shog /rigs kyi bu/ sngon 'das pa'i dus na de ltar glang po che'i rgyal po byol song gi skye gnas su gyur pa'ang bla na med pa yang dag par rdzogs pa'i byang chub
236a6 'dod pa'i phyir lus dang / srog la ma chags par btang nas chos gos gyon pa de la rim gro dang / bsti stang bya ba'i phyir des dgrar byas kyang lan mi ldon pa la ltos/ ma 'ongs pa'i dus na
236a7 rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can dag yang dag par glen pa'i rang bzhin can yin yang cung
236b1 zad tsam gyis shes pa snyems te/ g.yo dang / sgyus 'tsho zhing 'jig rten dag bslus nas 'jig rten phyi ma'i sdug bsngal gyi 'bras bu la 'jigs par mi lta bas nga'i bstan pa la skyabs su
236b2 song zhing rab tu byung ba chos kyi snod du gyur pa dang / chos kyi snod du ma gyur pa kun la 'tshe zhing gnod pa byed de gshe zhing spyo ba dang / 'tshog pa dang / gzhu ba dang / btson rar gzhug pa
236b3 dang | 'tsho ba'i dbang po dang phral ba'i bar du byed do/ /de ni 'das pa dang / ma 'ongs pa dang / da ltar bzhugs pa'i sangs rgyas bcom ldan 'das kyi dam tshig las 'gal ba'i kha na
236b4 ma tho ba chen po byed pa ste/ gdon mi za bar mtshams med pa'i sems can dmyal ba chen por ltung ngo / /dge ba'i rtsa ba yongs su bsregs te rgyun bcad pas mkhas pa thams cad kyis
236b5 yongs su spang bar bya'o/ /de dag gis de ltar kha na ma tho ba sdig pa chen po byas kyang g.yo dang / sgyus 'tsho ste/ nga rgyal gyi dbang du gyur nas 'jig rten dag bslu ba'i phyir de dag kyang so so
236b6 nas bdag cag kyang bla na med pa yang dag par rdzogs pa'i byang chub 'dod pa yin te/ bdag cag ni theg pa chen pos mngon par 'tshang rgya'o zhes zer ro/ /'di lta ste/ dper na/ mi zhig
236b7 bdag gi mig phyung nas long bar gyur pa pha rol gzhan gyi lam mtshon pa'i phyir ri chen po la 'dzeg pa ni gnas med do/ /de bzhin du phyi ma ma 'ongs pa'i dus na rgyal rigs gdol pa
237a1 can dang / blon po dang / khyim bdag dang / tshong dbon dang / dge sbyong dang / bram ze gdol pa can dag kyang de dang 'dra ste/ nga'i bstan pa la skyabs su song zhing
237a2 rab tu byung ba chos kyi snod du gyur pa'am/ chos kyi snod ma yin pa'ang rung ba'i slob ma rnams la 'tshe zhing gnod par byed de/ gshe zhing spyo ba dang / brdeg pa dang / btson rar gzhug pa
237a3 dang | 'tsho ba'i dbang po dang phral ba'i bar du byed de/ de ni 'das pa dang / ma 'ongs pa dang / da ltar gyi sangs rgyas thams cad kyi dam tshig las 'gal ba'i kha na ma tho ba chen po byas
237a4 pas dge ba'i rtsa ba thams cad bsregs shing rgyun bcad pas gdon mi za bar mtshams med pa'i sems can dmyal ba chen por ltung ngo / /de bas na mkhas pa rnams kyis spang bar
237a5 bya'o| |des de ltar kha na ma tho ba chen po byas kyang g.yo dang / sgyus 'tsho zhing nga rgyal gyi dbang du gyur pa 'jig rten bslu ba'i phyir bdag cag ni bla na med pa'i byang chub tshol ba yin te/
237a6 bdag cag kyang theg pa chen pos mngon par 'tshang rgya'o zhes zer ro/ /de dag gis de ltar rab tu byung ba la 'tshe zhing gnod pa byas bas ma rabs tha ma'i lus kyang mi thob na/ theg
237a7 pa rnam gnyis kyi byang chub pa'am/ bla na med pa'i theg pa thob pa lta ci smos te skal pa chad pa yin no/ /rigs kyi bu/ gzhan yang / sngon 'das pa'i dus na yul pa na tsa la zhes bya ba na rgyal
237b1 po dgra las rgyal zhes bya ba yod de/ yul de'i srid 'dzin cing dbang byed do/ /de na dur sa chen po kha lam pa zhes bya ba shin tu 'jigs pa'i gnas shig yod de/ gnod sbyin dang / srin
237b2 po'ang de na mang du gnas so/ /de dag tu phyin na 'jigs shing ba spu ldang ngo / /de yul de na nyes pa byas pa bsad pa zhig yod na rgyal po'i khrims kyis gsad pa de bcing ba lngas bcings nas
237b3 kha lam pa zhes bya ba'i dur sa chen po der skyel te/ srin po dang / 'byung po rnams zar 'jug go /gsad pa gcig gis srog gi phyir skra dang / kha spu bregs te chos gos kyi tshal bu zhig rnyed pa mgul
237b4 du btags so/ /btson rdzis khrid de rgyal po'i khrims bzhin du bcing ba lngas bcings nas dur sa chen po der bskyal to/ /skyel ma phyir log nas de'i nub mo srin mo chen mo mtshon cha'i mig
237b5 ces bya ba 'khor lnga stong dang bcas te dur khrod der lhags so/ /mi des rgyang nas mthong nas rab tu 'jigs shing skrag go /de'i tshe srin mo des mi de bcing ba lngas bcings pa skra dang / kha spu
237b6 bregs pa chos gos kyi tshal bu mgul du btags pa mthong nas g.yas nas bskor te bsti stang dang bcas pas phyag byas te thal mo sbyar nas tshigs su bcad pas 'di skad ces smras so/ /
237b7 skyes bu khyod ni ma bsnyengs bde bar bzhugs/ /khyod la bdag cag gnod pa mi bgyid do/ /skra bregs chos gos gyon pa khyod mthong nas/ /bdag cag sangs rgyas rjes su dran par gyur/ /
238a1 de'i tshe srin mo'i bu rnams kyis ma la 'di skad ces smras so/ /bdag cag shin tu bkres skom pas/ /lus dang sems ni rnam par gzir/ /lus dang sems
238a2 ni bde ba'i phyir/ /yum gyis mi de 'tshal du gnod/ /de nas srin mos bu rnams la 'di skad ces smras so/ /sangs rgyas gang+gA klung gi bye snyed kyi/ /rnam par grol ba'i rgyal mtshan gos
238a3 gyon pa/ /'di la mi dge sdig pa'i sems bskyed na/ /nges par mtshams med sems can dmyal bar ltung / /de nas srin mo bu dang 'khor du bcas pas bskor te/ bsti stang dang bcas
238a4 pas phyag byas te thal mo sbyar nas tshigs su bcad pas 'di skad ces smras so/ /tshon can gyon pa khyod la so sor 'chags/ /bdag cag ji ste pa dang ma dag la/ /lus dang ngag
238a5 yid mi dge byas sla yi/ /khyod la nam du'ang gnod par mi bgyid do/ /de nas yang srin mo chen mo bong bu so zhes bya ba 'khor lnga stong dang bcas te dur khrod der lhags so/ /srin mo
238a6 des kyang bcing ba lngas bcings pa skra dang / kha spu bregs pa chos gos kyi tshal bu mgul du btags pa'i mi de mthong nas bskor te/ bsti stang dang bcas pas phyag byas nas thal mo sbyar
238a7 te tshigs su bcad pas 'di skad ces smras so/ /skyes bu bdag gis ma bsnyengs bde bar bzhugs/ /khyod kyi mgul du btags pa'i tshal bu 'di/ /drang srong chen po'i rgyal mtshan
238b1 na bza' lags/ /de la bdag cag mchod cing phyag 'tshal lo/ /de nas srin mo de'i bu rnams kyis ma la 'di skad ces smras so/ /mi yi sha dang khrag las zhim pa med/ /lus dang sems
238b2 stobs skye zhing 'phel bar 'gyur/ /shin tu dpa' la rtul phod 'jigs med pa/ /yum gyis de la bdag cag 'tshal du gnong / /de nas srin mos bu rnams la 'di skad ces smras so/ /lha mi'i
238b3 longs spyod ldan pa thams cad kyang / /rab tu byung ba dag las thob pa'i phyir/ /chos gos gyon pa 'di la mchod pas na/ /bde ba tshad med pa yang 'thob par 'gyur/ /de nas srin mo'i bu rnams
238b4 'khor dang bcas pas bskor nas/ bsti stang dang bcas pas phyag byas te/ thal mo sbyar nas tshigs su bcad de smras pa/ skra bregs chos gos gyon pa'i skyes bu la/ /bdag cag shin tu gus
238b5 par phyag 'tshal bas/ /rtag tu ma 'ongs pa yi dus kun du/ /sangs rgyas mthong zhing dad pa skye bar shog /de'i tshe'ang srin mo chen mo khro gnyer 'phral skra can zhes bya ba 'khor lnga stong dang
238b6 bcas te dur khrod der lhags so/ /srin mo des kyang bcing pa lngas bcings pa skra dang / kha spu bregs pa chos gos kyi tshal bu mgul du btags pa'i mi de mthong nas g.yas nas bskor te/
238b7 bsti stang dang bcas pas phyag byas nas thal mo sbyar te tshigs su bcad pas 'di skad ces smras so/ /drang srong chen po'i rgyal mtshan na bza' 'di/ /mkhas pa thams cad shin tu
239a1 bstod cing bsngags/ /gang zhig 'di la mchod pa byed pa ni/ /srid pa'i bcings pa kun las nges par 'grol/ /de'i tshe srin mo de'i bu rnams kyis ma la
239a2 'di skad ces smras so/ /mi 'di'i lus kyi sha dang khrag kun ni/ /rgyal po chen pos bdag cag rnams la bsngos/ /bdag cag 'di la za zhing 'thung du gnong / /mthu dang ldan nas ma yi
239a3 g.yog kyang bgyi/ /de nas srin mos bu rnams la 'di skad ces smras so/ /chos gos btags pa gyon pa 'di dag ni/ /khyod kyis bza' ba'i rigs pa ma yin gyi/ /'di la mi dge
239a4 sdig pa'i sems bskyed na/ /sdug bsngal chen po'i snod du gyur ta re/ /de nas srin mo'i bu rnams 'khor dang bcas pas bskor nas bsti stang dang bcas pas phyag 'tshal te thal mo
239a5 sbyar nas tshigs su bcad de smras pa/ khyod ni drang srong chen po'i gos gyon te/ /shin tu bsod nams zhing du gyur pa yin/ /de bas bdag cag khyod la mchod pas na/ /srid pa'i bcings
239a6 pa las ni thar bar shog /de'i tshe na'ang srin mo chen mo mtshon cha'i gdong zhes bya ba'ang 'khor lnga stong dang bcas te dur khrod der lhags so/ /srin mo des kyang mi de bcing ba lngas bcings
239a7 pa skra dang / kha spu bregs pa chos gos kyi tshal bu mgul du btags pa mthong nas bskor te/ bsti stang dang bcas pas phyag btsal nas thal mo sbyar te tshigs su bcad pas 'di skad ces
239b1 smras so/ /khyod ni btags pa'i chos gos gyon pas na/ /mya ngan 'da' ba'i bde ba thob tu nges/ /de bas khyod la bdag cag gnod byed na/ /sangs rgyas kun gyis rnam par smod kyis dogs/ /
239b2 de nas srin mo de'i bu rnams kyis ma la 'di skad ces smras so/ /bdag cag rtag tu mi yi mdangs 'phrog cing / /de bzhin sha dang khrag kyang za 'thung bas/ /gzugs dang mthu ni yongs su
239b3 'phel ba'i phyir/ /bdag cag 'di la ci bder 'tshal du gnong / /de nas srin po des bu rnams la 'di skad ces smras so/ /ji ste skra dang kha spu bregs pa yi/ /chos gos gyon pa 'di la gnod
239b4 byas na/ /nges par mtshams med sems can dmyal bar ltung / /yun ring sdug bsngal chen po'i snod du 'gyur/ /de nas srin mo bu rnams dang 'khor du bcas pas bskor nas bsti stang
239b5 dang bcas pas phyag btsal te/ thal mo sbyar nas tshigs su bcad pa 'di dag smras so/ /bdag cag sems can dmyal bas rab 'jigs te/ /de bas khyod kyi srog la gnod mi bgyid/ /
239b6 bcings pa 'di yang bkrol te khyod btang gi /dmyal ba'i sdug bsngal kun las thar bar shog /de'i tshe srin mo bu smad 'khor dang bcas pa snying rje'i sems bskyed nas mi de'i bcings pa bkrol
239b7 te bshags pa dang / spro ba bskyed pa byas nas phyir btang ngo / /mi de phyi nyin snga rab tu rgyal po'i drung du 'ongs nas dngos po de dag rgyus kyis zhib tu gsol to/ /de'i tshe rgyal po dgra las
240a1 rgyal ba 'khor dang bcas pas de skad thos nas dngangs te ngo mtshar rmad du gyur nas khrims su bcas te yul gyi mi rnams la bkar btags pa/ deng phyin chad
240a2 nga'i yul na gnas pa sangs rgyas kyi slob ma tshul khrims srung ngam/ tshul khrims nyams sam/ chung ngu na tshul khrims med par skra dang / kha spu bregs te dur smrig gyon pa la su zhig kyal ka
240a3 'am| gnod pa byas na thams cad gsad do zhes khrims su bcas so/ /de'i rgyu de'i rkyen gyis mi mang po'ang bsod nams la dga' bas thams cad bags kyis bstan pa la phyogs nas dzam+bu'i
240a4 gling na rgyal po de dbang ba'i mi thams cad bsam pa des pas dkon mchog gsum la skyabs su gsol to/ /rigs kyi bu/ de ltar 'das pa'i dus na srin mo yi dwags kyi rgyud du skyes pa/
240a5 mdangs 'phrog pa/ sha dang / khrag za ba/ sdig pa la brkam pa/ snying rje med pa'ang de lta bu'i tshul khrims med ba skra dang / kha sbu bregs pa chos gos kyi tshal bu mgul du btags pa de la bskor
240a6 ba dang / bsti stang dang / rim gro dang / phyag bya ba dang / mchod pa dang / tshigs su bcad pas bstod de/ gnod pa byed pa'i sems med na phyi ma ma 'ongs pa'i dus su rgyal rigs
240a7 gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can la sogs pa gdug pa'i sems 'chang zhing snying rje med pa/ gnod
240b1 sbyin dang / srin po bas thu bar sdig pa byed do/ /glen zhing gti mug can dge ba'i rtsa ba yongs su gcod pa de nga'i bstan ba la rab tu byung ba'i chos kyi snod du gyur pa dang / chos kyi snod
240b2 du ma gyur pa'ang rung / skra dang / kha spu bregs te gos ngur smig gyon pa'i slob ma la dad pa dang / bkur sti mi byed de/ de la gnod pa dang / gshe zhing rdeg pa dang / nan la 'dor zhing btson
240b3 rar gzhug pa dang / 'tsho ba'i dbang po dang phral ba'i bar du byed pa de ni 'das pa dang / ma 'ongs pa dang / da ltar gyi sangs rgyas bcom ldan 'das thams cad kyis bstan pa'i kha
240b4 na ma tho ba chen po dang 'gal bar byed pa ste/ dge ba'i rtsa ba yongs su bsregs nas rgyun bcad bas gdon mi za bar mtshams med pa'i sems can dmyal ba chen por ltung bar
240b5 'gyur bas mkhas pa rnams kyis yongs su sdang bar bya'o/ /yang rigs kyi bu/ sngon rgyal po bsod nams chen bo zhes bya ba zhig yod de/ rgyal po de snying rje che bas nyes pa byas pas
240b6 gsad pa la thug pa dag kyang gsod du mi dga'o/ /de'i tshe blon po blo dang ldan pa gcig gis rgyal po la 'di skad ces gsol to/ /rgyal po/ thugs ngan ma mdzad cig /rgyal pos kyang
240b7 srog gcod pa'i sdig pa mi 'thob la/ gshed mas kyang 'gum mi 'tshal bar mi de 'gum pa'i thabs mchis so zhes gsol nas blon po chen po des gsad pa la thug pa'i mi de
241a1 bal glang rmis pa ma rungs pa'i mdun du bzhag go /de nas bal glang rmis pa des mi de snas bzung ste mar bteg nas sa la brdabs ba las/ mi de gos
241a2 dmar po gyon pa mthong nas chos gos yin no snyam ste/ bsam pa dag pa'i dad pa skyes nas dal gyis sa la bzhag cing de la 'gyod nas sa la btud te/ mi de'i rkang ba la snas 'phye zhing
241a3 bsti stang dang bcas pas mig mi 'dzum par mi de la lta'o/ /blon po chen po des de lta bur gyur ba mthong nas brgyugs te/ rgyal po de la de bzhin du gsol to/ /rgyal pos de skad ces
241a4 thos nas dngangs te ngo mtshar rmad du gyur nas/ mi yongs la deng phyin chad dkon mchog gsum la bsti stang gyis shig par bkas btags so/ /de'i rgyu de'i rkyen gyis srog gcod
241a5 pa'ang spangs te dzam+bu'i gling la dbang byed par gyur to/ /ltos|rigs kyi bu/ de ltar 'das pa'i dus na bal glang rmis pa byol song gi skye gnas su gyur pa'ang chos gos la gus
241a6 pas sdig pa mi byed na/ ma 'ongs pa'i dus na rgyal rigs gdol ba can dang / blon po dang / khyim bdag dang / tshong dpon dang / dge sbyong dang / bram ze gdol pa can la sogs
241a7 pa sems gdugs pa can snying rje'i sems med pa/ bal glang rmis pa bas thu bar sdig pa'i las byed do/ /bus pa glen pa can de dag nga'i bstan pa la rab tu byung ba chos kyi snod du
241b1 gyur pa'am/ chos kyi snod ma yin pa'ang rung / skra dang / kha spu bregs te gos ngur smrig gyon pa la dad pa dang / gus pa mi byed de/ de la gnod pa dang / gshe zhing spyod ba dang / gzhu zhing 'tshog ba
241b2 dang | btson rar gzhug pa dang / 'tsho ba'i dbang po dang phral ba'i bar du byed pa las 'das pa dang / ma 'ongs pa dang / da ltar bzhugs pa'i sangs rgyas bcom ldan 'das thams cad
241b3 kyi bstan pa'i kha na ma tho ba chen po dang 'gal bar byed pas dge ba'i rtsa ba bsregs nas rgyun gcad pas gdon mi za bar mtshams med pa'i sems can dmyal ba chen por ltung bar 'gyur
241b4 gsum po 'di dang ldan pas/ de'i
241b5 rgyu de'i rkyen gyis yul srung ba'i lha dang / klu dang / gnod sbyin la sogs pa dkon mchog gsum la bsam pa dag cing dad pa mi phyed pa thams cad rgyal rigs gdol pa can nas dge
241b6 sbyong dang / bram ze gdol pa can gyi bar du gdol pa de dag la khro zhing zhe sdang ba'i sems skye ba nas gzhung de bzhin du rgyas par rgyal rigs gdol pa can dang / blon po dang / khyim
241b7 bdag dang / tshong dpon dang / dge sbyong dang / bram ze la sogs pa gdol pa can de dag thams cad ring po mi thogs par lus kyi yan lag du ma bur chad cing zhag mang du lce ldibs
242a1 pa dang / shin tu mi bzad pa'i nab dang / tsha ba'i sdug bsngal chen po myong bar 'gyur ba dang / 'chi 'phos nas kyang mtshams med pa'i sems can dmyal ba
242a2 chen por ltung bar 'gyur ro/ /rigs kyi bu /gzhan yang / phyi ma ma 'ongs pa'i dus na sangs rgyas kyi zhing 'dir rgyal rigs gdol pa can dang / blon po dang / khyim bdag dang / tshong
242a3 dpon dang / dge sbyong dang / bram ze gdol pa can la sogs pa sdig pa'i bshes gnyen la sten pa/ dge ba'i rtsa ba chung zhing zhan pa nas de bzhin du rgyas par 'jig rten phyi
242a4 ma'i sdug bsngal ma mthong ba dag phyogs bzhi'i dge 'dun gyi nor dang / gtsug lag khang gi nor dang / gtsug lag khang du bsngos ba'i nor dang / skyed shing gi ra ba dang / skyed
242a5 shing gi ra bar bsngos pa'i nor dang / zhing 'brog dang / zhing 'brog tu bsngos pa'i nor dang / gtsug lag khang so so'i rung bar byed par gtogs pa'i skyes pa dang / bud med phrogs
242a6 pa dang / nor phyugs phrogs pa dang / gos dang / bsod snyoms phrogs pa dang / gding ba dang / khri stan phrogs pa dang / nad kyi rkyen sman phrogs pa dang / de ma yin pa'i 'tsho
242a7 ba'i yo byad rnam pa sna tshogs la 'phrog pa ste/ de ltar phyogs bzhi'i dge 'dun la phul ba'i nor de ni tshul khrims dang ldan pa/ yon tan dang ldan pa/ brtson 'grus rtsom pa/
242b1 slob pa dang / mi slob pa la nan tan du byed pa nas mtha'i gnas byas pa'i 'bras bu thob pa'i bar gyi dge slong yongs su dag pa spyod du gnang bar zad na/ rgyal rigs gdol pa can nas dge
242b2 sbyong dang / bram ze gdol pa can gyi bar du gdol ba can de dag gis mthu dang / dpung snyems te nan gyis phrogs nas/ dge slong tshul khrims dang ldan pa yongs su dag pa dag ni spyod du
242b3 mi ster gyi/ tshul khrims nyams pa sdig pa spyod pa'i dge slong khyim na gnas shing khyim pa'i las byed pa dag la byin nas kha cig ni thun mong du spyod/ kha cig ni khud par yang spyod do/ /tshul
242b4 khrims nyams pa'i dge slong dag gis de dag thos nas kyang kha cig ni thun mong du spyod/ kha cig ni khud par yang spyod do/ /kha cig ni khyim pa la byin nas de dang yang thun mong du spyod do/ /de'i
242b5 rgyu de'i rkyen gyis yul srung ba'i lha dang / klu dang / gnod sbyin la sogs pa dkon mchog gsum la bsam pa dag cing dad pa mi byed pa dag rgyal rigs gdol pa can nas dge sbyong
242b6 dang | bram ze gdol pa can gyi bar du gdol pa can de dag la khros te zhe sdang gi sems skye ba nas de bzhin du rgyas par rgyal rigs gdol pa can dang / blon po dang / khyim bdag
242b7 dang | tshong dpon dang / dge sbyong dang / bram ze la sogs pa gdol pa can de dag ring po mi thogs par lus kyi yan lag dum bur chad pa dang / zhag mang du lce ldibs pa dang / shin
243a1 tu mi bzad pa'i na ba dang / tsha ba'i sdug bsngal chen po myong zhing 'chi 'phos nas kyang gdon mi za bar mtshams med pa'i sems can dmyal ba chen por ltung
243a2 bar 'gyur ro/ /rigs kyi bu/ gzhan yang / ma 'ongs pa'i dus na sangs rgyas kyi zhing 'dir rgyal rigs gdol ba can dang / blon po dang / khyim bdag dang / tshong dpon dang / dge sbyong
243a3 dang | bram ze gdol pa can la sogs pa sdig pa'i bshes gnyen la sten pa dge ba'i rtsa ba chung zhing zhan pa nas de bzhin du rgyas par 'jig rten phyi ma'i sdug bsngal gyi 'bras bu ma mthong
243a4 ba dag gis nga'i bstan pa la rab tu byung ba/ shes rab rno ba mang du thos pa/ tshig dang / don rdzogs par smra ba dang ldan pa/ nyan thos kyi theg pa'i chos ston nus pa'am/ rang sangs rgyas kyi theg
243a5 pa'i chos chub cing ston nus pa'am/ bla na med pa'i theg pa'i chos ston nus shing rgyas par sems can la phan pa dang / bde ba'i don du ston nus pa'i chos smra ba la spyo zhing gshe ba dang /
243a6 smad pa dang / 'phya zhing skur ba dang / dbang za ba dang / gnod pa byed cing chos ston pa'i bar chad byed do/ /de'i rgyu de'i rkyen gyis yul srung ba'i lha dang / klu dang / gnod sbyin la sogs
243a7 pa dgon mchog gsum la bsam pa dag cing dad pa mi byed pa dag rgyal rigs gdol pa can nas dge sbyong dang / bram ze gdol pa can gyi bar du gdol pa can de dag la khros te/
243b1 zhe sdang gi sems skye ba nas gzhung de bzhin du rgyas par rgyal rigs gdol pa can nas blon po dang / khyim bdag dang / dge sbyong dang / bram ze la sogs pa gdol pa can de dag thams
243b2 cad ring po mi thogs par bdag gi lus dum bur chad pa dang / zhag mang du lce ldibs pa dang / shin tu mi bzad pa'i na ba dang / tsha ba'i sdug bsngal chen po myong ba dang / 'chi 'phos nas
243b3 kyang gdon mi za bar mtshams med pa'i sems can dmyal ba chen por ltung bar 'gyur ro/ /rigs kyi bu/ gzhan yang / phyi ma ma 'ongs pa'i dus na sangs rgyas kyi zhing 'dir rgyal rigs
243b4 gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa gdol pa can sdig pa'i bshes gnyen la sten pa dge ba'i rtsa ba zhan cing
243b5 chung ba nas de bzhin du rgyas par 'jig rten phyi ma'i sdug bsngal gyi 'bras bu la 'jigs par mi lta ba dag phyogs bzhi'i dge 'dun la phul ba'i nor dang / gtsug lag khang gi zhing
243b6 'brog dang / nor phyugs dang / rin po che dang / me tog gi shing dang / 'bras bu'i shing dang / kha dog gi shing dang / bsil grib dang / bsung dang / sman gyi shing la sogs pa dang / de ma
243b7 yin pa 'tsho ba'i yo byad rnam pa sna tshogs la 'phrog cing nga'i slob ma tshul khrims dang ldan pa/ yon tan dang ldan pa/ brtson 'grus rtsom pa/ slob pa dang / mi slob pa la nan tan byed
244a1 pa nas mtha'i gnas byas pa'i 'bras bu'i bar thob tu nye ba'i dge slong yongs su dag pa 'ba' zhig gis spyod du dbang bar zad na/ rgyal rigs gdol pa can
244a2 dang | dge sbyong dang / bram ze gdol pa can la sogs pa mthu dang / dpung snyems te nan gyis phrogs sam/ gzhan 'phrog tu bcug gam/ bdag spyod dam/ gzhan spyod du bcug kyang rung /
244a3 de'i rgyu de'i rkyen gyis yul srung ba'i lha dang / klu dang / gnod sbyin la sogs pa dkon mchog gsum la bsam pa dag cing dad pa mi phyed pa dag rgyal rigs gdol pa can dang /
244a4 dge sbyong dang / bram ze gdol pa can la sogs pa la khros te/ zhe sdang gi sems skye ba nas de bzhin du rgyas par rgyal rigs gdol pa can dang / blon po dang / khyim bdag
244a5 dang | tshong dpon dang / dge sbyong dang / bram ze gdol pa can la sogs pa de dag thams cad ring po mi thogs par lus kyi yan lag dum bur chad pa dang / zhag mang du lce ldibs
244a6 pa dang / shin tu mi bzad pa'i na ba dang / tsha ba'i sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal ba chen por ltung
244a7 bar 'gyur ro/ /rigs kyi bu/ gzhan yang / ma 'ongs pa'i dus na sangs rgyas kyi zhing 'dir rgyal rigs gdol pa can dang / blon po dang / khyim bdag dang / tshong dpon dang /
244b1 dge sbyong dang / bram ze gdol pa can la sogs pa sdig pa'i bshes gnyen la sten pa dge ba'i rtsa ba chung zhing zhan pa bsam pa ma dag pa g.yo dang / sgyus 'tsho ba/ glen pa gti mug can
244b2 cung zad kyis shes pa tsam snyems pa/ tshig la bden pa med pa/ dge ba'i bshes gnyen spong ba/ sdig pa'i grogs po la sten cing mi dge ba spyod pa/ 'phags pa'i chos la the tshom
244b3 za ba/ 'jig rten phyi ma'i sdug bsngal gyi 'bras bu la 'jigs par mi lta ba dag sdig pa'i sdom ba srung bar dga' ba/ srog gcod pa nas ngan par lta ba'i bar du mos pa/ nga rgyal gyis
244b4 mngon par zin pa/ 'jig rten la slu ba/ bdag ni tshul khrims kyi sdom pa la gnas pa'o zhes bya bar khas 'che ba'i rgyal rigs gdol pa can dang / dge sbyong dang / bram ze gdol pa
244b5 can la sogs pa dag thabs rnam pa sna tshogs kyis nga'i bstan pa 'jig par byed cing nga'i bstan pa la rab tu byung ba dag la yang dang / yang du khro zhing gshe ba dang / spyo zhing smod pa dang /
244b6 nan la dor ba dang / btson rar gzhug pa dang / lus kyi yan lag gtub pa dang / 'tsho ba'i dbang po dang phral ba'i bar du byed de/ ngas bstan pa'i chos la yid mi ches pa/ mchod rten
244b7 'jig pa/ gtsug lag khang 'jig pa/ dge slong dag khyim par 'bebs pa/ skra dang / kha spu 'breg cing gos dur smrig gyon pa'i bar chad byed pa/ las rnam pa sna tshogs byed du 'jug cing
245a1 'khol ba ste/ de'i rgyu de'i rkyen gyis yul srung ba'i lha dang / klu dang / gnod sbyin la sogs pa dkon mchog gsum la bsam pa dag cing dad pa mi byor
245a2 pa dag rgyal rigs gdol pa can dang / dge sbyong dang / bram ze gdol pa can la khros te/ zhe sdang gi sems bskyed pa nas de bzhin du rgyas par rgyal rigs gdol pa can dang / blon
245a3 po dang / khyim bdag dang / tshong dpon dang / dge sbyong dang / bram ze la sogs pa gdol pa can de dag ring po mi thogs par lus kyi yan lag kun dum bur chad pa dang / zhag mang
245a4 du lce ldibs pa dang / shin tu mi bzad pa'i na ba dang / tsha ba'i sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal bar ltung bar
245a5 'gyur ro/ /rigs kyi bu/ rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa 'di dag sdig pa'i 'khor lo
245a6 rnam pa bcu po gsungs pa 'di las 'ga' zhig dang ldan na yang dge ba'i rtsa ba sngar bsags pa thams cad thal ba bzhin du tshig ste med par 'gyur la/ ring po mi thogs par lus
245a7 kyi yan lag dum bur chad pa dang / zhag mang du lce ldibs pa dang / shin tu mi bzad pa'i na ba dang / tsha ba'i sdug bsngal chen po myong ba dang / shi nas kyang mtshams med pa'i sems
245b1 can dmyal ba chen por ltung bar 'gyur ro/ /rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa gdol pa can 'di
245b2 dag ma 'ongs pa'i dus na mi ma rabs tha ma'i lus kyang thob par dka' na theg pa rnam pa gnyis kyi byang chub bam/ bla na med pa'i byang chub thob pa lta ci smos te skal pa med pa yin no/
245b3 sdig pa can de theg pa chen po'i ming yang thos par dka' na bla na med par mngon par 'tshang rgya ba'i 'bras bu thob pa lta ci smos te/ gang zag de ni yun du bdag ma rung la gzhan yang ma rung
245b4 par byas pas sangs rgyas thams cad kyis kyang bskyab mi nus so/ /rigs kyi bu/ 'di lta ste/ 'bru'i mar 'tshir ba'i las byed pa ni 'bru re re las srin bu re rer gyur te btsir nas mar
245b5 'byung ngo / /khyod ltos shig /mar 'tshir ba'i las byed pa de nyin gcig la sems can ji snyed cig gsod par 'gyur/ gal te 'bru mar 'tshir ba de mar 'tshir ba'i gnas rnam pa
245b6 bcu bcas nas nyin zhag gcig la gnas de re rer yang 'bru khal stong stong rgyun mi 'chad par lo stong tshang bar 'tshir na gang zag des srog gcod pa'i kha na ma tho ba'i las rab tu mang ba
245b7 yin nam/ byang chub sems dpa' sems dpa' chen po sa'i snying pos gsol pa/ rab tu mang ngo / /bcom ldan 'das/ rab tu mang ngo / /bde bar gshegs pa/ gang zag des srog
246a1 gcod pa'ang tshad ma mchis/ dpag tu ma mchis pa la kha na ma tho ba'i las kyang gzhal bar ram/ rtsi bar ram/ bgrang bar ram/ dper yang mi bzod de/
246a2 de bzhin gshegs pa nyag gcig gis mkhyen gyi gzhan gyis 'tshal ba ma lags so/ /bcom ldan 'das kyis bka' stsal pa/ rigs kyi bu/ 'di lta ste/ gal te mi la la zhig
246a3 gis nor dang / khe'i phyir smad 'tshong ma'i gnas rnam pa bcu bcas te/ gnas de gcig tu'ang bud med smad 'tshong ma stong stong bzhag nas bud med de dag so so nas rgyan rnam pa sna
246a4 tshogs kyis brgyan te/ skye bo bslus nas 'dod chags kyi las rgyun mi 'chad par lo stong gi bar du byed du bcug na/ gang zag de'i kha na ma tho ba'i sdig ba'ang gzhal du med de/ brtsi bas
246a5 sam| bgrang bas sam/ dper yang mi bzod do/ /'bru mar 'tshir ba'i gnas bcu po'i sdig bde ni smad 'tshong ma'i gnas gcig bcas pa'i sdig dang mnyam mo/ /rigs kyi
246a6 bu| gzhan yang / 'di lta ste/ gang zag gang la la zhig nor dang / khe'i phyir chang 'tshong ba'i gnas bcu bcas te/ gnas de so sor rnam pa sna tshogs kyi rgyan gyis shin tu brgyan nas
246a7 gnas de re re ra yang thabs rnam pa sna tshogs kyis chang dad che ba'i mi stong stong brid de chang blud nas nyin mtshan du rgyun mi 'chad par lo stong gi bar du rtse na/ gang zag de'i sdig
246b1 ba'ang dpag tu med de/ brtsi bas sam/ bgrang bas sam/ dper yang mi bzod do/ /gong du bshad pa'i smad 'tshong ma'i gnas bcu po'i sdig bde chang 'tshong ba'i gnas bcas pa'i sdig gcig
246b2 dang mnyam mo/ /rigs kyi bu/ gzhan yang / 'di lta ste/ gang zag la la zhig nor dang / khe'i phyir shan pa'i gnas rnam pa bcu bcas te/ gnas de re rer yang nyin gcig la bal glang dang /
246b3 lug dang / rnga mo dang / sha ba dang / bya dang / phag stong stong rgyun mi 'chad par lo stong gi bar du gsad na gang zag de'i kha na ma tho ba'i sdig kyang gzhal du med de/ brtsi bas sam/ bgrang bas
246b4 sam| dper yang mi bzod do/ /de ltar sngar bshad pa'i chang 'tshong ba'i gnas bcu po'i sdig pa de shan pa'i gnas gcig bcas pa'i sdig dang mnyam mo/ /'di ltar shan pa'i gnas
246b5 bcu po'i sdig de rgyal rigs gdol pa can nas dge sbyong dang / bram ze la sogs pa'i gdol pa can de dag sdig pa'i 'khor lo bcu po las 'ga' zhig dang ldan na nyin zhag gcig gi
246b6 kha na ma tho ba'i sdig kyang snga ma dang mnyam mo/ /de nas bcom ldan 'das kyis tshigs su bcad de bka' stsal pa/ mar 'tshir gnas sdig bcu po dag /smad 'tshong gnas sdig gcig
246b7 dang mnyam/ /smad 'tshong gnas sdig bcu po dag /chang 'tshong gnas sdig gcig dang mnyam/ /chang 'tshong gnas ni bcu po dag /shan pa'i gnas sdig gcig dang mnyam/ /shan
247a1 pa'i gnas ni bcu bcas pas/ /rgyal po gdol can sdig gcig mnyam// //bam po lnga pa/ de nas byang chub sems dpa' sems dpa'
247a2 chen po sa'i snying pos bcom ldan 'das la 'di skad ces gsol to/ /btsun pa bcom ldan 'das/ gal te rgyal rigs dge ba'am/ blon po dge ba dang / khyim bdag dge ba dang /
247a3 tshong dpon dge ba dang / dge sbyong dge ba dang / bram ze dge ba dag bdag shin tu skyong zhing gzhan dag kyang shin tu skyong la/ 'jig rten phyi mas kyang 'dzem pa/ sangs rgyas kyi bstan pa la
247a4 gnas pa/ rab tu byung ba chos kyi snod du gyur pa'am/ chos kyi snod du ma gyur pa'am/ chung du na tshul khrims ma mchis pa'ang rung ste /skra dang / kha sbu bregs nas gos dur smrig 'tshal ba
247a5 la shin tu bsti stang dang bcas te rim gro dang / mchod pa bgyid do/ /gzhan yang / nyan thos kyi theg pa'i chos dang / rang sangs rgyas kyi theg pa'i chos dang / theg pa chen po'i chos la bsti
247a6 stang dang bcas pas mchod pa/ nyan pa/ dad pa/ gzungs su 'dzin pa/ mchod pa byed pa/ theg pa chen po la gnas shing tshul khrims dang ldan pa/ yon tan dang ldan pa/ brtson 'grus rtsom
247a7 zhing nan tan du bgyid pa nas 'bras bu la gnas pa'i bar gyi gang zag rjes su srung zhing mthu stobs bstang ba dang / zhu zhing 'dri ba dang / nyan cing 'dzin pa dang / dga' bzhin du gtam
247b1 zer zhing gleng ba dang / tshul khrims nyams pa sdig pa spyod pa'i dge slong ring du spong ba dang / phyogs bzhi'i dge 'dun gyi nor la pha rol po gzhan chud gzon du mi gzhug cing shin tu srung
247b2 dang | phyogs bzhi'i dge 'dun gyi nor dang / mchod rten gyi nor la bdag kyang mi rku/ gzhan yang rkur mi 'dzud pa dang / bdag mi spyod/ gzhan yang spyod du mi 'dzud pa dang / theg pa
247b3 rnam gsum gyi chos smra ba la bsti stang dang bcas pas mchod cing mthus bstang ba dang / pha rol po gzhan dag 'phya zhing skur pa dang / smod du mi 'dzud pa dang / de la rim gro bgyid cing
247b4 spro ba skyed pa dang / gang rab tu byung ba dag dang / sangs rgyas kyi bstan pa'i chos la dad pas srung zhing rjes su 'dzin pa dang / mchod rten mi 'jig pa dang / dge 'dun gyi gnas dang / gtsug
247b5 lag khang yang shin tu srung ba dang / skra dang / kha spu bregs te gos dur smrig gyon pa'i rab tu byung ba'i gang zag la mi brnyas mi smod pa dang / sdig pa'i 'khor lo rnam pa bcu la bdag mi sbyod
247b6 pha rol po gzhan sdig pa'i 'khor lo bcu las ring du gyur cing rgyal po snga ma'i chos dang lugs kyis rgyal po'i srid 'tsho ba dang / dkon mchog gsum gyi gdung 'tsho ba cing dad cing rgyas par
247b7 byed pa dang / rtag tu dge ba'i bshes gnyen la rten cing byams pa'i sems kyis mi yongs la skyong ba dang / thams cad la ci dang / cis 'dul ba bzhin du de dang / de'i chos kyis 'dul zhing ston
248a1 te| ngan par lta ba spangs nas yang dag pa'i chos la nan tan byed du 'dzud pa'i rgyal rigs dge ba nas bram ze dge ba'i bar du dge ba de dag bsod
248a2 nams ji snyed cig thob cing sdig pa ji snyed cig 'byang bar 'gyur/ bcom ldan 'das kyis bka' stsal pa/ rigs kyi bu/ gal te gang zag mthu chen po dang ldan pa gcig 'jig
248a3 rten du mngan par byung ste/ snga dro'i dus su'ang rin po che sna bdun gyis dzam+bu gling yongs su bkang nas sangs rgyas dang / dge 'dun la 'bul ba dang / nyi ma'i gung la'ang rin po che
248a4 sna bdun gyis dzam+bu'i gling yongs su bkang ste sangs rgyas dang / dge 'dun la 'bul ba dang / phyi dro'i dus su'ang rin po che sna bdun gyis dzam+bu gling yongs su bkang ste sangs rgyas
248a5 dang | dge 'dun la 'bul ba dang / de bzhin du nyin re rer yang rgyun mi 'chad par lo brgya stong gi bar du sbyin pa byin na gang zag de'i bsod nams kyi tshogs de mang ba yin nam/ byang
248a6 chub sems dpa' sems dpa' chen po sa'i snying pos gsol pa/ shin tu mang ngo / /bcom ldan 'das/ shin tu mang ngo / /bde bar gshegs pa/ gang zag de'i bsod nams
248a7 kyi tshogs ni tshad ma mchis/ dpag tu ma mchis te/ brjod pa'am/ brtsi ba'am/ bgrang ba'am/ dper yang mi bzod de/ sangs rgyas nyag gcig gi mkhyen gyi gzhan gyis ni ma lags
248b1 so| |bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ khyod kyis smras pa de bzhin no/ /gal te rgyal rigs dge ba nas bram ze dge ba'i bar du gang
248b2 zhig sdig pa'i 'khor lo rnam pa bcu po bdag kyang mi spyod la pha rol po gzhan spyod pa dag sdig pa'i 'khor lo bcu spong bar yang gzhan la ston pa'i bsod nams kyi phung po ni bsod nams
248b3 kyi phung po snga ma bas tshad med/ dpag tu med/ brjod par ram/ brtsi bas sam/ bgrang bas sam/ dper yang mi bzod par che'o/ /rigs kyi bu/ gzhan yang / 'di lta ste/ gang zag mthu
248b4 chen po dang ldan pa gcig 'jig rten du mngon par byung ste/ phyogs bzhi'i dge 'dun gyi phyir gtsug lag khang dang / gnas khang shin tu bzang zhing yangs pa gling bzhi dang mnyam pa brtsigs
248b5 nas gnas de dag kun tu khri stan dang / na bza' dang / bsod snyoms dang / snyun gyi rkyen sman dang / 'tsho ba'i yo byad thams cad dang ldan par bshams te/ de bzhin gshegs pa dang /
248b6 nyan thos dang / byang chub sems dpa'i nye gnas chen po'i 'khor thams cad de na bzhugs pa la/ brtson 'grus su dge ba'i phyogs rnam pa sna tshogs la nan tan byed cing nyin mtshan le
248b7 lo med par lo bye ba khrag khrig brgya stong gi bar du mchod pa dang bsnyen bkur rgyun mi 'chad par byed na/ gang zag de'i bsod nams kyi phung po shin tu mang ba yin nam/ byang chub sems
249a1 dpa' sems dpa' chen po sa'i snying pos gsol pa/ shin tu mang ngo / /bcom ldan 'das/ shin tu mang ngo / /bde bar gshegs pa/ gang zag de'i
249a2 bsod nams kyi phung po ni tshad ma mchis/ dpag tu ma mchis te/ brjod par ram/ brtsibs sam/ bgrang bas sam/ dper yang mi bzod do/ /sangs rgyas nyag gcig gis
249a3 ni mkhyen gyi gzhan gyis ni ma lags so/ /bcom ldan 'das kyis bka' stsal pa/ de de bzhin no/ /de de bzhin te/ khyod kyis smras pa bzhin no/ /rigs kyi bu/ gzhan yang / 'di
249a4 lta ste/ gang zag mthu chen po dang ldan pa gcig 'jig rten du mngon par byung ste/ phyogs bzhi'i dge 'dun gyi phyir gtsug lag khang dang / gnas khang shin tu bzang la yangs pa/
249a5 gling bzhi pa bcu dang mnyam pa brtsigs te/ gnas de dag kun tu khri stan dang / na bza' dang / bsod snyoms dang / gsos sman dang / 'tsho ba'i yo byad thams cad dang ldan
249a6 par bshams te/ de bzhin gshegs pa dang / nyan thos dang / byang chub sems dpa'i dge 'dun chen po'i nye gnas thams cad de na bzhugs pa la brtson 'grus su dag
249a7 ba'i phyogs rnam pa sna tshogs la nan tan byed cing nyin mtshan le lo med par lo brgya stong bye ba khrag khrig gi bar du mchod pa dang / bsnyen bkur rgyun mi 'chad par byed na/ gang
249b1 zag de'i bsod nams kyi phung po shin tu mang ba yin nam/ byang chub sems dpa' sems dpa' chen po sa'i snying pos gsol pa/ shin tu mang ngo / /bcom ldan 'das/ shin tu
249b2 mang ngo / /bde bar gshegs pa/ gang zag de'i bsod nams kyi phung po ni tshad ma mchis/ dpag tu ma mchis te/ brjod par ram/ brtsibs sam/ bgrang bas sam/ dper yang mi
249b3 bzod de/ sangs rgyas nyag gcig gis mkhyen gyi gzhan gyis ni ma lags so/ /bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ ji ltar khyod kyis
249b4 smras pa bzhin no/ /rigs kyi bu/ gzhan yang / 'di lta ste/ gang zag mthu chen po dang ldan pa gcig 'jig rten du mngon par byung ste/ sangs rgyas kyi ring bsrel gyi phyir mchod rten
249b5 shin tu mdzes pa/ mtho zhing yangs pa/ stong gsum gyi stong chen po'i 'jig rten gyi khams dang mnyam pa brtsigs la sngar bshad pa bzhin phyogs bzhi'i dge 'dun gyi phyir gtsug
249b6 lag khang dang / gnas khang brtsigs pa'i bsod nams kyi phung po bas sangs rgyas kyi ring bsrel gyi phyir mchod rten brtsigs pa'i bsod nams kyi phung po che ste/ brgya'i char yang nye
249b7 bar mi 'gro ba nas stong gi char yang nye bar mi 'gro'o/ /brgya stong gi char yang nye bar mi 'gro'o/ /bye ba'i char yang nye bar mi 'gro'o/ /khrag khrig gi char yang nye bar mi 'gro'o/ /grangs kyi
250a1 char ram/ rtsis kyi char ram/ dpag pa'i char ram/ dpe'i char ram/ rgyu'i char yang nye bar mi 'gro'o/ /rigs kyi bu/ gzhan yang / 'di lta sto/ gal te pa
250a2 rol tu phyin pa thob pa/ rnam par grol ba brgyad dang ldan pa/ bsam gtan la snyoms par zhugs pa'i dgra bcom pa chen po sha stag gis stong gsum gyis stong chen po'i 'jig rten gyi
250a3 khams 'dir yongs su gang ba ni/ 'di lta ste/ 'bras kyi ljang bu'am/ til lam/ 'od ma'am/ 'dam bu'am/ bu ram shin gi tshal lta bur gyur la/ de dag thams cad bcing
250a4 pa lngas bcings nas lo bye ba brgya stong snyed lon pa las mthu chen po dang ldan pa'i gang zag gcig 'jig rten du mngon par byung ste/ bsod nams 'dod pa'i phyir de dag gi bcings
250a5 pa thams cad bkrol nas dgra bcom pa de dag thams cad spos chus bkrus te/ chos gos dang / lhung bzed lo brgya stong gi bar du phul nas/ gnas khang dang / khri stan dang /
250a6 gos dang / bsod snyoms dang / nad kyi gsos sman dang / 'tsho ba'i yo byad rnam pa sna tshogs kyang yid bzhin du byin la/ dgra bcom pa de dag mya ngan las 'das nas kyang mchod
250a7 pa byas te/ bsregs nas de dag gi ring bsrel bsdus nas rin po che sna bdun gyi mchod rten gyi nang du bcug go/ gzhan yang / rin po che'i rgyal mtshan dang / ba dan dang / gdugs
250b1 dang | spos dang / me tog dang / rol mo rnam pa sna tshogs kyis mchod pa'i bsod nams kyi phung po bas sangs rgyas kyi ring bsrel gyi phyir mchod rten brtsigs pa'i bsod nams kyi phung po mang
250b2 ste| dgra bcom pa'i bcing ba bkrol te mchod pa byas pa'i bsod nams kyis brgya'i char yang nye bar mi 'gro'o/ /stong gi char yang nye bar mi 'gro'o/ /brgya stong gi char yang nye bar mi
250b3 'gro'o/ /bye ba'i char yang nye bar mi 'gro'o/ /phrag khrig gi char yang nye bar mi 'gro ba nas/ rtsis kyi char ram/ grangs kyi char ram/ dpag pa'i char ram/ dpe'i char ram/ rgyu'i char
250b4 yang nye bar mi 'gro'o/ /rigs kyi bu/ gal te rgyal rigs dge ba nas bram ze dge ba'i bar du gang gis sdig pa'i 'khor lo bcu po bdag kyang mi byed la/ gzhan dag kyang sdig pa'i
250b5 'khor lo bcu po ma spyod cig par gros 'debs na de'i bsod nams kyi phung po ni bsod nams kyi phung po snga ma gang bas kyang tshad med/ dpag tu med/ brjod du med par che ste/ ji snyed kyi
250b6 bsod nams skyes pa de snyed kyi sdig kyang yongs su byang bar 'gyur ro/ /rigs kyi bu/ gal te rgyal rigs dge ba'am/ blon po dge ba'am/ khyim bdag gam/ tshong dpon nam/ dge
250b7 sbyong ngam/ bram ze dge ba gang zhig ma 'ongs pa'i dus lnga brgya tha ma la dam pa'i chos rnam par 'jig tu nye ba na ngas bstan pa'i chos kyi mig shin tu srung zhing bdag kyang shin tu sdom la/
251a1 pha rol po gzhan yang srung ba/ 'jig rten phyi ma'i bag byed pa nga'i bstan pa la rab tu byung ba'i slob ma chos kyi snod du gyur ba'am/ chos kyi snod du ma gyur pa'ang
251a2 rung | mthar ni tshul khrims med pa'ang rung ste/ skra dang / kha spu bregs nas gos ngur smrig gyon pa la shin tu bag byed cing bsti stang dang bcas pas mchod de gnod pa mi byed dam/
251a3 gzhan yang / theg pa gsum gyis dam pa'i chos shin tu srung zhing nyan te 'dzin pa dang / nyan thos kyi chos la bsti stang byed pa na rang sangs rgyas kyi theg pa'i chos dang / theg pa chen po'i
251a4 chos la mi 'phya mi skur ba dang / rang sangs rgyas kyi theg pa dang / theg pa chen po la phrag dog mi skyed pa dang / rang sangs rgyas kyi theg pa'i chos la rim gro byed de nyan cing 'dzin pa na/
251a5 nyan thos kyi theg pa dang / theg pa chen po'i chos la mi 'phya mi skur/ nyan thos kyi theg pa dang / theg pa chen po la phrag dog mi skyed pa dang / theg pa chen po'i chos la rim gro byed de/
251a6 nyan cing 'dzin pa na nyan thos kyi theg pa dang / rang sangs rgyas kyi theg pa'i chos la mi brnyas/ mi skur cing / nyan thos kyi theg pa pa dang / rang sangs rgyas kyi theg pa la phrag dog mi
251a7 skyed la/ nyan thos kyi theg pa dang / rang sangs rgyas kyi theg pa'i chos mngon du mi byed de/ theg pa chen po'i chos yang dag pa nyid mngon du byed pa dang / theg pa chen po la gnas pas
251b1 tshul khrims dang ldan pa/ yon tan dang ldan pa/ brtson 'grus rtsom pa nas 'bras bu la gnas pa'i bar du nan tan byed pa'i gang zag la rtag tu bsnyen bkur byed cing g.yog dang / mchod
251b2 pa dang / dad pa'i sems kyis bkur sti byed de 'dri ba dang / nyan pa dang / 'dzin par byed pa dang / tshul khrims nyams pa sdig pa spyod pa'i dge slong dag ring du spong ba dang / dad pas phul
251b3 ba'i phyogs bzhi'i dge 'dun gyi nor la chos ma yin pas chud gzod du mi gzhug pa dang / phyogs bzhi'i dge 'dun gyi nor dang / mchod rten dang / dge 'dun gyi khud pa'i nor
251b4 la bdag kyang thug thub mi byed cing / pha rol po gzhan yang thug thub tu spyod du mi 'dzud pa dang / theg pa gsum gyi chos smra ba'i gang zag la shin tu bsti stang dang bcas pas
251b5 mchod cing mthu bstang ba dang / pha rol po gzhan dag 'phya zhing skur ba dang / smod du mi gzhug pa dang / rab tu byung ba'i gang zag la shin tu dad pas spro ba skyed pa dang / de bzhin
251b6 gshegs pas gsungs pa'i 'phags pa'i bka' la dad cing 'dzin pa dang / mchod rten mi 'jig pa dang / phyogs bcu'i dge 'dun gyi gnas gtsug lag khang skyong ba dang / nga'i
251b7 bstan pa la rab tu byung ba'i slob ma dag la dbang mi za zhing phyir yang khyim bar mi 'bebs pa dang / sdig pa'i 'khor lo rnam pa bcu po dag la bdag kyang mi spyod cing pha rol po gzhan
252a1 yang sdig pa'i 'khor lo rnam pa bcu po yongs su spongs shig par gros 'debs pa dang / rgyal po snga ma'i chos lugs dang / srid kyis 'tsho zhing dge ba bcu'i las kyi
252a2 gyis 'jig rten mang po yongs su sdud cing ston pa dang / rtag tu dge ba'i bshes gnyen la sten pa dang / dkon mchog gsum gyi gdung 'tsho ba cing shin tu rgyas par byed pa dang / chos
252a3 kyi mig nam du'ang mi nub par srung ba'i rgyal rigs dge ba nas bram ze dge ba'i bar du de dag de lta bu'i yon tan dang ldan pas na de dag 'tsho bas spyod pa chud zad par mi 'gyur ba
252a4 dang | lha dang / mi dang / gnod sbyin dang / yi dwags dang / lus srul po la sogs pa thams cad kyang dga' ste byams pa'i sems kyis srung zhing skyob bo/ /chos kyi snod du gyur ba
252a5 bsod nams kyi zhing yang dag ba thams cad kyang dga' zhing snying rje'i sems kyis skyob cing rjes su 'dzin par 'gyur ro/ /de'i rgyu de'i rkyen gyis gnas pa'i yul dang / skye bo thams cad kyang
252a6 phyir zhing bde la shin tu skyid pa dang / phyi'i dgras kyang gnod pa byed ma nus shing thams cad bka' nyan te ma pham par ngang 'du ba dang / de'i dbang gis dge ba'i phyogs la phyir zhing
252a7 brtson te mi dge ba'i rgyud yongs su skems pa dang / lha dang / mi la sogs pa yongs su rgyas shing kun tu srung ba'i phyir tshe shin tu ring bar 'gyur ba dang / bdag gi nyon mongs pa yongs
252b1 su 'jom zhing pha rol po'i nyon mongs pa'ang 'jil bar byed pa/ byang chub sems dpa'i lam pha rol tu phyin pa drug yongs su bzung bas log par lta ba'i lam ngan pa thams cad yongs
252b2 su bcom pas 'khor ba'i rgya mtshor yun ring por 'khor ba las ldog pa/ sdig pa'i bshes gnyen spong zhing dge ba'i bshes gnyen rtag tu sten pa dang / gang nas gang du skye ba'i gnas
252b3 thams cad du sangs rgyas dang / byang chub sems dpa' dang phrad cing bsnyen bkur ba dang / mchod ba rgyun mi 'chad par byed par 'gyur ba dang / ring po mi thogs par bsam pa bzhin du gang
252b4 nas gang du dga' ba'i sangs rgyas kyi zhing de dang / de dag tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de nas de'i tshe 'khor de'i nang
252b5 nas lha'i dbang po 'khor dang bcas pa thams cad nas sha za'i dbang po 'khor dang bcas pa thams cad kyi bar du 'dug pa las langs nas bcom ldan 'das kyi zhabs la spyi bos gtug
252b6 te thal mo sbyar nas bsti stang dang bcas pas bcom ldan 'das la 'di skad ces gsol to/ /btsun pa bcom ldan 'das/ ma mchis pa'i dus lnga brgya'i tha ma la sangs rgyas kyi zhing
252b7 'dir dam pa'i chos rab tu rnam par 'jig tu nye ba na/ gal te rgyal rigs dge ba nas bram ze dag pa'i bar du gang sdig pa'i 'khor lo bcu po bdag kyang yongs su spangs la gzhan
253a1 yang yongs su spongs shig par gros 'debs pa dang / bdag dang / gzhan srung ba la mkhas pa/ 'jig rten slad ma'i bag bgyid pa la mkhas pa/ dam
253a2 pa'i chos srung ba/ dkon mchog gsum gyi gdung 'tsho ba cing rgyun mi 'chad par rgyas par bgyid pa nas mdor na bcom ldan 'das kyis gsungs pa ltar gang zag de dag la
253a3 sogs pa theg pa gsum gyi chos la bsti stang des bcas pas nyan cing 'dzin te/ nam du'ang mi 'chab pa dang / theg pa gsum la gnas pa'i gang zag la shin tu srung zhing mchod
253a4 pa bgyid de gnod pa mi bgyid pa dang / dkon mchog gsum gyi nor rdzas la shin tu srung zhing god par mi bgyid pa'i rgyal rigs dge ba nas bram ze dge ba'i bar du de dag la bdag
253a5 cag 'khor dang bcas pas bsrung ba dang / bskyab pa dang / chos rnam pa 'di bcu'ang skye zhing 'phel bar bgyi'o/ /bcu gang zhe na/ tshe ring bar 'gyur ba dang / bgegs med pa skye
253a6 zhing 'phel ba dang / nad med pa skye zhing 'phel ba dang / 'khor skye zhing 'phel ba dang / nor dang / rin po che skye zhing 'phel ba dang / 'tsho ba'i yo byad skye zhing 'phel ba dang / go 'phang
253a7 skye zhing 'phel ba dang / grags pa skye zhing 'phel ba dang / dge ba'i grogs po skye zhing 'phel ba dang / shes rab skye zhing 'phel ba ste/ btsun pa bcom ldan 'das/ gal te rgyal
253b1 rigs dge ba dang / bram ze dge ba'i bar du sdig pa'i 'khor lo rnam pa bcu po yongs su spong zhing pha rol po gzhan yang spong bar gros 'debs la/ yon tan sngar smos pa dang ldan na
253b2 bdag kyang srung zhing skyob pa dang / chos rnam pa bcu po'ang skye zhing 'phel bar 'gyur ro/ /bcom ldan 'das/ gzhan yang / rgyal rigs dge ba nas bram ze dge ba'i bar du gang sngar smos
253b3 pa'i yon tan de dag dang ldan na bdag cag 'khor dang bcas pas de la bsrung zhing bskyab pa dang / chos rnam pa bcu po 'di dang yongs su bral bar bgyi'o/ /bcu gang zhe na/ 'di lta
253b4 ste| dgra zhe 'gras pa thams cad dang yongs su bral ba dang / yid du mi 'ong ba'i gzugs dang / sgra dang / dri dang / ro dang / reg bya'i yul dang yongs su bral ba dang / rims dang /
253b5 nad thams cad dang yongs su bral ba dang / log par 'dzin cing ngan par lta ba thams cad dang yongs su bral ba dang / log pa la skyabs su 'gro ba dang yongs su bral ba dang / log
253b6 pa'i ltas ngan pa thams cad dang yongs su bral ba dang / log pa'i las ngan pa'i dngos po thams cad dang yongs su bral ba dang / log pa'i bshes gnyen ngan pa thams cad dang yongs
253b7 su bral ba dang / khyim na gnas pa'i 'dam rdzab thams cad dang yongs su bral ba dang / dus ma yin par glo bur du 'chi ba thams cad dang yongs su bral ba ste/ btsun pa bcom ldan 'das
254a1 gal te shin tu dge ba'i rgyal rigs nas bram ze dge ba'i bar du gang zhig yon tan sngar gsungs pa rnams dang ldan na bdag cag 'khor dang bcas te de la
254a2 srung zhing skyob pa dang / yongs su bral ba'i chos rnam pa bcu po 'di'ang thob par bgyid do/ /bcom ldan 'das /gzhan yang / rgyal rigs dge ba nas bram ze dge ba'i bar du gang gis
254a3 sngar gsungs pa'i yon tan yongs su rdzogs par nan tan byed na bdag cag 'khor dang bcas te bsrung zhing bskyab par 'tshal lo/ /rgyal po 'khor dang bcas pa dang / yul de na gnas
254a4 pa'i mi thams cad kyang chos rnam pa 'di bcu dang yongs su bral bar bgyid do/ /bcu gang zhe na/ yul pha rol gyi dgra thams cad dang yongs su bral ba dang / bdag gi yul gyi dgra
254a5 thams cad dang bral ba dang / bkra mi shis pa'i yi dwags thams cad dang yongs su bral ba dang / than pa dang yongs su bral ba dang / gnod par 'gyur ba'i char chu dang yongs su bral ba
254a6 dang | dus ma lags pa'i tsha ba dang / grang ba dang / rlung dang / char drag po dang / sad dang / ser pa gnod par 'gyur ba thams cad dang yongs su bral ba dang / gza' dang / ltas
254a7 ngan du gyur pa thams cad dang yongs su bral ba dang / mu ge'i gnod pa thams cad dang yongs su bral ba dang / dus ma yin par nad kyis 'chi bar 'gyur ba dang yongs su bral ba
254b1 dang | log par 'dzin cing ngan par lta ba thams cad dang yongs su bral ba ste/ btsun pa bcom ldan 'das/ gal te rgyal rigs dge ba'i rgyal pos yon tan sngar gsungs pa de dag
254b2 kun la nan tan bgyid cing yongs su rdzogs par byed na bdag cag 'khor dang bcas pas bsrung zhing bskyab par 'tshal lo/ /rgyal po 'khor dang bcas pa dang / yul de na gnas pa'i mi
254b3 thams cad kyang yongs su bral ba'i chos bcu po 'di dag thob par bgyid do/ /de nas bcom ldan 'das kyis lha'i dbang po 'khor dang bcas pa nas sha za'i dbang po'i bar du 'khor dang
254b4 bcas pa la legs so/ /legs so zhes bstod nas khyed rnams/ 'di skad du/ yi dam bcas pa'i dngos po 'di dag khyed kyis bya ba'i rigs pa ste/ de'i rgyu de'i rkyen gyis khyed la'ang yun ring por
254b5 phan pa dang / bde ba'i don du 'gyur ro/ /de nas tshangs pa chen po lha'i snying pos bcom ldan 'das la yang 'di skad ces gsol to/ /ma mchis pa'i dus na sangs rgyas kyi zhing 'dir rgyal rigs
254b6 dge ba thams cad kyi slad du yul srung ba la sems phyir mi ldog pa'i gzungs chen po'i tshig 'di dag 'bul lo/ /yul yongs su bsrung ba'i phyir phyir mi ldog pa'i 'khor lo zhes bya ba'i
254b7 gzungs sngags chen po'i tshig 'di'i gzi brjid dang / mthus ma mchis pa'i dus na sangs rgyas kyi zhing 'dir rgyal rigs dge ba'i rgyal po thams cad la phas rgol ba'i dgra thams cad kyis
255a1 mi tshugs pa dang / phas rgol ba'i dgra thams cad zhi zhing rang ldog par 'gyur ba dang / lus dang / ngag dang / yid kyi las shin tu sdom dang / mkhas
255a2 pa rnams kyis bsngags shing bstod pa dang / sdig pa'i chos yongs su spong zhing dge ba'i chos la rtag tu nan tan bgyid pa dang / ngan par lta ba dang / ngan par phyogs pa rtag tu spong
255a3 zhing theg pa chen po la shin tu 'bad pa'i brtson 'grus brtan pas nan tan bgyid pa dang / snod du gyur pa'i sems can tshad med grangs med pa yongs su smin par bgyid pa dang /
255a4 shes pa gzhan gyi dring la mi 'brang bar mkhas pa'i rang bzhin can du gyur pa pha rol tu phyin pa drug gi rin po che'i gter rdzogs par nan tan bgyid pas khong khro ba dang / ser
255a5 sna dang / phrag dog la sogs pa kun nas nyon mongs pa'i dri ma thams cad yongs su spong ba dang / mi dang / mi ma yin pa la sogs pa thams cad kyis bsti stang dang bcas pas
255a6 skyob par 'gyur ba dang / bya ba rnams la brjed mi ngas pa dang / bsdu ba rnam bzhi'i dngos po la dga' bas sems can mi gtong ba dang / rtag tu chos kyi snod bsod nams kyi zhing
255a7 du gyur pa dang mi 'bral bar 'gyur ro/ /yang bcom ldan 'das kyis lha'i snying po la bka' stsal pa/ khyod kyis ma 'ongs pa'i dus na sangs rgyas kyi zhing 'dir rgyal po rgyal rigs
255b1 dge ba'i yul bsrung ba'i phyir phyir mi ldog pa'i 'khor lo'i snying po zhes bya ba'i gzungs chen po'i tshig smros shig /yul yongs su bsrung ba la phyir mi ldog pa'i 'khor lo'i snying po zhes
255b2 bya ba'i gzungs chen po'i tshig gi mthu dang / gzi brjid kyis ma 'ongs pa'i dus na sangs rgyas kyis zhing 'dir rgyal po rgyal rigs dge ba thams cad la phas rgol ba'i dgra thams cad kyis
255b3 mi tshugs pa nas de bzhin du rgyas par sangs rgyas dang / sangs rgyas kyi 'khor gyi bar du thams cad dang mi 'bral bar bsrung bar 'gyur ba smros shig /de nas tshangs pa chen po lha'i snying
255b4 pos yul yongs su srung ba la phyir mi ldog pa'i 'khor lo'i snying po zhes bya ba'i gzungs chen po'i tshig 'di dag smras so/ /tad ya thA/ mu ni mo ri/ mu ni gar+b+he/ mu ni khi li d+ha ya/ mu
255b5 ni ri ga bi tsa le/ mu ni ha li te/ mu ni ga me/ shu kla pak+She/ pA la la pak+She /mri la pak+She/ so'u ri sa kri ti/ to ra Na kri tsa le/ pa ta la ga sha kri te/ ku ku la mri la/ a pak+Sha sar/ o da
255b6 ha ki li pa mu ni pA thA ba swA hA/ tshangs pa chen po lha'i snying pos gzungs 'di dag smras nas bcom ldan 'das la'ang 'di skad ces gsol to/ /bcom ldan 'das/ 'khor mang po
255b7 dang bcas te bdag gis bshad pa'i gzungs chen po 'di la rjes su yi rang bar mdzad du gsol/ bcom ldan 'das kyis legs so/ /legs so zhes bka' stsal to/ /'khor mang
256a1 po thams cad kyis kyang legs so/ /legs so zhes smras so/ /de nas bcom ldan 'das kyis de'i tshe na tshe dang ldan pa maud+gal yan chen po dang / byang chub sems
256a2 dpa' sems dpa' chen po byams pa la 'di skad ces bka' stsal to/ /rigs kyi bu/ khyod kyis tshangs pa chen po lha'i snying pos phul ba yul yongs su bsrung ba la phyir mi ldog pa'i 'khor
256a3 lo'i snying po zhes bya ba'i gzungs chen po'i tshig 'di dag gzungs su zungs shing / /ma 'ongs pa'i dus na sangs rgyas kyi zhing 'dir rgyal rigs dge ba'i rgyal po thams cad la'ang rgyas par
256a4 ston cig /de'i rgyu de'i rkyen gyis na rgyal rigs dge ba'i rgyal po 'khor dang bcas pa thams cad dang / yul de na gnas pa'i mi thams cad la phan pa dang / bde ba'i don du 'gyur te/
256a5 rtag tu chos kyi 'khor lo bskor ba dang / shin tu grags pa che ba dang / gzi brjid che bar 'gyur ba dang / ngan par lta ba 'joms shing yang dag pa'i lta ba 'dzugs pa dang / chos kyi mig
256a6 srung zhing dkon mchog gsum gyi gdung rgyun mi 'chad par 'tsho ba pa dang / sems can tshad med dpag tu med pa yongs su smin par byed pa dang / theg pa chen po la dad pa shin tu
256a7 brtan pa dang / yun ring po nas pha rol tu phyin pa drug bsgom pa la gnas shing sgrib pa thams cad bcad nas myur du bas mtha'i gnas byed par 'gyur ro/ /de nas bcom ldan
256b1 'das kyis don 'di dag gsal bar bzlas pa'i phyir tshigs su bcad pa 'di dag gsungs so/ /de tshe tshangs chen lha yi snying pos/ /rkang gnyis mchog la 'di skad zhus so/ /dbang po rna
256b2 ba'i skye bo dag ni/ /ting nge 'dzin sgom zhing bsod nams byed mos/ /rgyal po mkhas pas chos lugs byas pa/ /shin tu 'khyam pa dag cing bsgral phyir/ /spyod pa'i dngos po gsum po
256b3 'di la/ /gang dag the tshom sel cing mi ldog /bcom ldan 'das kyis 'di skad bka' stsal/ /gal te mi gnas mi bya mi byas/ /blo gros che zhing shes rab rno yang / /mtshams med
256b4 sems can dmyal bar ltung 'gyur/ /mkhas pa ma yin yang dag pa dag /sdig pa bcu yi 'khor lo spyod mos/ /dge ba'i rtsa ba yongs su bcad pas/ /myur du sems can dmyal
256b5 bar ltung 'gyur/ /ting nge 'dzin ni nyon mongs kun gcod/ /nyan pa'i bsod nams kyis ni ma yin/ /de bas mya ngan 'da' bar 'dod pa/ /rtag tu bsam gtan la ni mnyam gzhag /
256b6 mkhas pas shin tu brtson 'grus rtsom pa/ /nga yi yang dag chos ni srung 'dzin/ /dur smrig gyon la dad cing gus pas/ /nyon mongs rgya mtsho las ni grol 'gyur/ /shin tu dben pa'i bas
256b7 mthar gnas te/ /mtshams med byed pa rnam par ring spangs/ /tshul khrims 'dzin cing ting 'dzin sgom la/ /dad pas srid pa'i rgya mtshor sgrol 'gyur/ /theg pa rnam gsum kun la
257a1 dad pa/ /nga yi yang dag chos ni rgyas byed/ /dur smrig gyon la mchod pa byas na/ /yon tan rnam pa'i rgya mtshor ngas 'gyur/ /gdul dka'i sems ni shin
257a2 tu btul te/ /dge slong rnams kyi nyes pa mi gleng / /chog shes 'phags pa'i rigs 'tsho ba ni/ /rkang gnyis dam pa'i mchog tu nges 'gyur/ /dge slong sdig can dag ni spangs
257a3 te| |'phags pa'i spyod pa'i gnas pa bstan bya/ /dge 'dun nor la mi spyod mi za/ /myur du byang chub chen po 'thob 'gyur/ /khams gsum kun na bde zhing skyid pa/ /de yang dkon
257a4 mchog gsum las byung bas/ /de bas bde zhing skyid pa 'dod pa/ /rtag tu dkon mchog gsum la mchod byos/ /gdol pa'i rgyal po dag la sogs pa/ /dge slong sdig pa spyod
257a5 pa'i grogs dag /dkon mchog gsum la nyes pa bskyed pas/ /mtshams med sems can dmyal bar ltung 'gyur/ /'bru mar 'tshir ba bcu yi sdig pa/ /smad 'tshong gcig gi
257a6 sdig dang de mnyam/ /smad 'tshong ma ni bcu yi sdig dang / /chang 'tshong gcig gi sdig dang de mnyam/ /chang 'tshong gnas ni bcu yi sdig dang / /shan pa gcig gi sdig dang de
257a7 mnyam/ /shan pa'i gnas ni bcu yi sdig dang / /rgyal po gcig gi sdig dang de mnyam/ /yang dag dge ba'i rgyal po dag ni/ /nga yi yang dag chos kun rgyas byed/ /theg pa rnam
257b1 gsum kun la mchod pas/ /yon tan rnam pa rgya mtshor des 'gyur/ /rin chen sna bdun 'dzam gling bkang ste/ /sangs rgyas dge 'dun rnams la phul ba'i/ /bsod nams phung po
257b2 thob pa des ni/ /sangs rgyas chos srung tsam du mi phod/ /sangs rgyas dge 'dun bzhugs pa'i gnas dag /gling bzhi bcu dang mnyam par byas pa'i/ /bsod nams phung po thob pa des
257b3 kyang | |sangs rgyas chos srung tsam ni mi phod/ /sangs rgyas dag gi mchod rten brtsigs pa/ /stong gsum khams dang mnyam pa byas pa'i/ /bsod nams phung po thob pa des kyang / /
257b4 sangs rgyas chos srung tsam ni mi phod/ /dgra bcom pa yi bcings ba bkrol nas/ /mchod pa rnam pa sna tshogs kun pas/ /chos kyi bar chad ma byas pa yi/ /bsod nams de ni de bas
257b5 mchog 'gyur/ /bskal pa bye ba stong gi bar du/ /mkhas pas ting 'dzin bsgoms pa yi ni/ /khyad par can gyi blo skyes gang bas/ /chos srung ba yi bsod nams de che/ /shin tu dge
257b6 ba'i rgyal po gang dag /sdig ba bcu yi 'khor lo spangs te/ /nga yi yang dag chos 'di bskyabs sam/ /dur smrig gyon pa dag kyang bsrungs na/ /ngas gsungs pa yi theg pa gsum dang / /
257b7 gang zag dag la 'phya skur mi byed/ /kun kyang nyan cing mchod pa byed la/ /chos smra ba yi skyabs dang mgon byed/ /dkon mchog gsum nor chud mi gzon cing / /chos gos gyon pa'i
258a1 bar chad mi byed/ /snod dang snod ma yin pa kun la/ /gus na de yi bsod nams dpe med/ /ji ltar nyi ma lnga po shar na/ /rgya mtsho chen po kun ni skems
258a2 te| |de bzhin nga yi chos srung ba de/ /nyon mongs pa yi rgya mtsho skems 'gyur/ /ji ltar rlung gis 'jig pa byung ste/ /ri rnams thams cad 'jig pa bzhin du/ /nga yi chos la srung ba
258a3 de yang | |kun nas nyon mongs thams cad 'joms 'gyur/ /ji ltar chu yi 'jig pa byung tshe/ /sa chen chu yis g.yengs te 'jig 'gyur/ /de bzhin nga yi chos srung ba yang / /yid du mi
258a4 'ong 'bras bu 'joms 'gyur/ /ji ltar rin chen yid bzhin nor bus/ /'dod pa thams cad yongs su rdzogs byed/ /de bzhin theg pa gsum gyi chos kyang / /sems can kun gyi
258a5 smon pa rdzogs byed/ /gang gis bum pa bzang po rnyed na/ /dbul dang bral te bde skyid thob 'gyur/ /de bzhin sangs rgyas chos dang phrad pa/ /the tshom gcod cing byang chub thob 'gyur/
258a6 ji ltar bco lnga'i zla ba nya na/ /'od kyis nam mkha' thams cad kun snang / /de bzhin chos srung ba yi gang zag /shes rab kyis chos dbyings kun khyab/ /ji ltar nam mkha' kun tu
258a7 mnyam la/ /rdzas kyang med cing mtshan ma med pa/ /de bzhin chos srung ba yi gang zag /thams cad chos ni ro gcig par shes/ /ji ltar nyi ma'i 'od ni bkye ba/ /'jig rten mun pa
258b1 thams cad kun sel/ /de bzhin chos srung ba yi gang zag /rtag tu 'jig rten kun tu bde byed/ /shin tu rgyas pa chen po'i mdo sa'i snying po 'khor lo bcu pa zhes bya ba las/ gnas shing
258b2 spyad par mi bya ba'i le'u ste gsum mo// //de nas byang chub sems dpa' sems dpa' chen po rdo rje snying po zhes bya ba 'khor gyi dkyil 'khor de'i nang na 'dug pa las
258b3 langs te/ bcom ldan 'das kyi zhabs la spyi bos gtugs nas bla gos phyogs gcig tu byas te/ pus mo g.yas pa'i lha nga sa la btsugs nas thal mo sbyar ba btud de tshigs su bcad
258b4 pas gsol pa/ tshul khrims nyams pas rnam dag yon tan stor ba dag /'phags pa'i snod min pa yis sras ma yin zhes gsungs/ /dge sbyong chos nyid spangs shing thal ba 'dra ba
258b5 dag |nga yi rnam dag 'khor 'dir gnas pa mdzes pa min/ /dri ma gsum gyis bsgos shing 'gog dang lam stor ba'i/ /khyad par can gyi mchod pa gang yang des mi zhu/ /phyogs bzhi'i
258b6 dge 'dun dbang bar bsngos pa'i nor dag la/ /cha shas cung zad tsam yang spyod du ngas ma gnang / /tshul khrims rtsa ba bzhi las gcig tsam nyams pa dag /dge 'dun 'khor du mi chud
258b7 rgya mtsho'i ro dang mtshungs/ /ci yi slad du deng 'dir dge slong sdig can la/ /snying rjes dang du blangs te chad pas mi gcod par/ /phyir yang de la mchod pa byos zhes skul mdzad cing / /brtse la
259a1 snying rje can gyis ngan sems yongs spongs la/ /de la bsti stang bcas te bstan pa'i chos mnyan na/ /bsod nams ye shes tshogs thob snying rje chen po can/ /
259a2 mngon shes 'jig rten skyong bas mdo sde gzhan dag la/ /phra la zab par gyur pa'i yang dag byang chub lam/ /theg pa chen po de la khyed kyis dad byas shing / /theg pa gnyis kyis grol
259a3 ba'i lam de spongs zhes gsungs/ /ci yi slad du deng 'dir theg pa gsum bshad de/ /kun gyis de la nyan cing mchod pa bgyi bar bskul/ /dbang po stobs dang byang chub dge sbyong
259a4 'bras bu yang / /mdo sde 'di las 'byung gi gzhan du gsungs pa med/ /dpe med 'phags pa'i lam ni yan lag brgyad pa 'dir/ /theg pa rnam gsum kun kyang lam der 'jug byed
259a5 de| |rnam par grol bar 'dod pas brtson 'grus rab bskyed na/ /so sor re ba bzhin du byang chub 'thob par 'gyur/ /'gro ba kun gyis gtso bos 'di dag rnam dbye ba /snga phyir bstan
259a6 pa 'di dag mi 'gal bstan pa na/ /lha dang mi dang byang chub sems dpa'i 'khor thams cad/ /yang dag bden pa rtogs shing rnam grol dga' ba bskyed/ /theg pa chen po bshad pas
259a7 gang la phan 'gyur dang / /theg pa chen po bshad pas gang la gnod par 'gyur/ /nyan thos theg pas rnam par grol ba bcu po'i sa/ /bshad pa thos nas gang la gnod dang gang la phan
259b1 bar 'gyur/ /gang zhig chos 'di thos pas gong nas gong du 'phar/ /gang gis chos 'di thos pas phyir zhing ltung bar 'gyur/ /ji ltar 'dus byas kun gyi skyon gyis skyo bas na/ /rga dang 'chi
259b2 ba'i rgya mtsho myur du skems par 'gyur/ /nyin mtshan dge ba rnams la shin tu brtson pa dag /don mchog gang la gnas shing theg pa gang bgrod pas/ /shin tu yangs shing zab pa'i chu bo bzhi
259b3 las sgrol/ /'jig rten skyong bas rnam par phye ste kun srungs shig /de nas bcom ldan 'das kyis byang chub sems dpa' sems dpa' chen po rdo rje'i snying po la 'di skad ces bka' stsal
259b4 to| |legs so/ /legs so/ /rigs kyi bu/ khyod skye bo tshad med pa la phan pa dang / bde ba'i don gyi phyir lha dang / mi dang / lha ma yin la sogs pa'i don chen po'i phyir de bzhin gshegs pa la
259b5 shin tu zab mo'i don 'di dag zhus pa legs so/ /shin tu legs par nyon la shin tu yid la zungs shig dang / ngas khyod la rnam par phye ste bshad do zhes bka' stsal nas/ byang chub
259b6 sems dpa' rdo rje'i snying pos bcom ldan 'das la slar nyan to/ /bcom ldan 'das kyis bka' stsal pa/ rigs kyi bu/ gang zag rnam pa bcu po 'di dag ni 'khor bar 'khor zhing mi lus
259b7 shin tu rnyed par dka'o/ /gang zag rnam pa bcu gang zhen/ 'di lta ste/ dge ba'i rtsa ba mi skyed pa dang / bsod nams kyi las mi byed pa dang / kun nas nyon mongs pa'i nying mtshams
260a1 sbyor ba dang / grogs po sdig pa'i rjes su spyod pa dang / 'jig rten phyi ma'i sdug bsngal gyi 'bras bu la 'jigs bar mi lta ba dang / 'dod chags bdo bar 'gyur
260a2 ba dang / zhe sdang bdo bar 'gyur ba dang / gti mug bdo bar 'gyur ba dang / sems myos shing 'khrugs pa dang / log par lta ba'i sdig pa can dam du 'dzin pa ste/ gnas shing spyad par
260a3 mi bya ba rnam pa bcu po 'di'i rgyus sems can dag tshul khrims kyi rtsa ba'i 'jig cing tshul khrims nyams par byed pas ngan song du ltung bar 'gyur ro/ /gnas shing spyad par mi bya ba rnam pa
260a4 bcu po gang zhe na/ 'di lta ste/ nga'i bstan pa la rab tu byung ba dag la la ni lhag pa'i spyod pa nyams la mos pa ma nyams pa'ang yod/ la la ni mos pa nyams la lhag pa'i spyod pa ma nyams
260a5 pa'ang yod/ la la ni lhag pa'i spyod pa dang / mos pa gnyis ka nyams pa'ang yod/ la la ni tshul khrims nyams la lta ba ma nyams pa'ang yod/ la la ni lta ba nyams la tshul khrims ma
260a6 nyams pa'ang yod/ la la ni tshul khrims dang / lta ba gnyis ka nyams pa'ang yod do/ /la la ni lhag pa'i spyod pa dang / mos pa dang / tshul khrims dang / lta ba ma nyams kyang sdig pa'i
260a7 grogs po'i dbang du gyur te gnas shing spyad par mi bya ba dag byed pa'ang yod/ la la ni dge ba'i bshes gnyen la sten pa'i dbang du gyur kyang gleng pa'i rang bzhin can lug bzhin du
260b1 lkugs pa las kyi dngos po'i bye brag kyang mi phyed la/ dge ba'i bshes gnyen gyis dge ba dang / mi dge ba'i chos bstan pa thos kyang mi go mi 'dzin mi shes te/ de'i rgyu de'i rkyen gyis gnas shing
260b2 spyad par mi bya ba dag byed de/ nor dang / rin po che dang / 'tsho ba'i yo byad rnam pa sna tshogs kyis mi skyo bar kun tu 'tshol ba'i rgyus sems 'khrugs pas gnas shing spyad par mi bya ba dag byed
260b3 pa'i 'dus byas kyi nad mang pos gzir cing gdungs pa'i 'jig rten pa'i lha rjed pa dang / sngags la sogs pa byed pa de'i rgyu de'i rkyen gyis gnas pa dang / spyad par mi bya ba dag byed do/ /'di ltar
260b4 gnas pa dang / spyad par mi bya ba rnam pa bcu po'i rgyus sems can dag tshul khrims kyi rtsa ba nyams shing mthong ba'i chos la 'phags pa'i snod du ma gyur pa dang / tshul khrims nyams pa'i phyir
260b5 ngan song du ltung bar 'gyur ro/ /rigs kyi bu/ gang zag gang lhag pa'i spyod pa nyams kyang mos pa ma nyams pa dag gnas pa dang / spyad par mi bya ba gang yang rung ba rnam pa gcig gi rgyus rtsa
260b6 ba'i sdig gcig nyams pa las de shin tu 'jigs skrag ste 'dzem pa dang / ngo tsha bas phyin chad gang yang mi byed par sdig pa spangs na de bzhin gshegs pas de la phan gdags pa'i phyir
260b7 lam sun 'byin pa'i dge sbyong zhes gsungs so/ /de ci'i phyir zhe na/ de lta bu'i sdig pa chen po'i las byas kyang 'phral du mi 'chab par mthol te/ 'dzem pa dang / ngo tsha bas 'gyod tshangs
261a1 byas na/ des de ltar 'dzem pa dang / ngo tsha bas so sor bshags pas sdig pa byang ba'i phyir phyin chad byed pa'i rgyun gcod par 'gyur ro/ /des dge sbyong gi las
261a2 dang | cho gar bya ba thams cad kyi nang du mi chud la/ bskrad par bya zhing dge sbyong gi 'tsho ba'i yo byad thams cad la'ang spyod du mi dbang mod kyi/ gang zag de ni theg pa gsum gyi chos kyi
261a3 snod du 'gyur bas/ de bzhin gshegs pas thugs brtse ba'i phyir de la bar mar ni nyan thos kyi theg pa'i chos kyang 'chad do/ /bar bar ni rang sangs rgyas kyi theg pa'i chos kyang 'chag
261a4 do| |bar bar ni de la bla na med pa'i theg pa'i chos kyang bshad pas skye ba gnyis sam/ gsum na smon lam gyi mthu dang / dge ba'i bshes gnyen gyi mthus sdig pa'i las byas pa sdig
261a5 par gyur pa thams cad byang ste/ la la ni nyan thos kyi theg pa'i 'bras bu thob bo/ /la la ni rang sangs rgyas kyi theg pas mya ngan las 'da'o/ /la la ni shin tu rgya che ba bla na med pa'i theg pa'i
261a6 don rtogs par 'gyur ba'ang srid do/ /gzhung de bzhin du tshul khrims nyams la lta ba mnyams pa'ang shes par bya'o/ /gang zag gang mos pa nyams la lhag pa'i spyod pa ma nyams
261a7 chen de bzhin gshegs pas de la phan gdags pa'i phyir tshangs pa'i gnas pa ni bslab pa'i chos ston te/ 'di ni nyan thos kyi theg pa'i snod do/ /'di ni rang sangs rgyas kyi theg pa'i snod
261b1 dang ldan pa'o/ /gang zag gang lhag pa'i spyod pa dang / mos pa gnyi ga nyams na de theg pa gang gi chos kyi snod du'ang mi 'gyur mod kyi/ de bzhin gshegs pas de la phan gdags pa'i phyir sbyin
261b2 pa'i bsngags pa 'chad do/ /gang zag gang lta ba nyams la tshul khrims ma nyams na de theg pa gang gi chos kyi snod du'ang mi 'gyur mod kyi/ de bzhin gshegs pas de la phan gdags pa'i
261b3 phyir de la rten cing 'brel bar 'byung ba'i chos bshad de ngan par lta ba spangs te lus 'di nyid kyis nyan thos sam/ rang sangs rgyas chos kyi chos rtogs par mdzad do/ /yang na skye ba gzhan gyi dus
261b4 chad cing rtogs par mdzad do/ /gang zag gang tshul khrims dang / lta ba gnyis ka nyams na de ni 'phags pa'i chos kyi snod ma yin na/ de bzhin gshegs pas de la phan gdags pa'i phyir sbyin
261b5 pa'i bsngags pa 'chad do/ /gang zag gang lhag pa'i spyod pa dang / mos pa dang / tshul khrims dang / lta ba kun ma nyams kyang sdig pa'i bshes gnyen gyi dbang du gyur te rten cing gnas na/
261b6 de bzhin gshegs pas de la phan gdags pa'i phyir dge ba bcu'i las kyi lam bsngags shing 'chad do/ /gang zag gang zhig dge ba'i bshes gnyen la rten du zin kyang ngan cing glen pa'i rang
261b7 bzhin can lug bzhin du lkugs shing dge ba dang / mi dge ba gang yang brda mi phrad pa de la de bzhin gshegs pas phan gdags pa'i phyir kha ton goms par bya ba'i phyir bsngags pa 'chad
262a1 do| |gang zag gang 'dod chags kyi nad rnam pa sna tshogs kyis yongs su gzir te/ 'dus byas rnam pa sna tshogs kyi lta bas myos pa rnams la de bzhin
262a2 gshegs pas de la phan gdags pa'i phyir rnam par grol ba tshol ba la ni 'khor ba las byung bar byed pa nyan thos kyi theg pa 'phags pa'i bden pa bzhi 'chad do/ /chad par lta
262a3 ba la ni rten cing 'brel bar 'byung ba'i chos kyi bsngags pa 'chad do/ /rtag par lta ba la ni khams gsum gyi srid pa'i rgyun 'di dag nas shi 'phos nas gzhan du skye ste/ rdza mkhan
262a4 gyi 'khor lo ltar rgyun mi 'chad par 'khor ba dang / mi rtag pa la sogs pa'i chos 'chad do/ /rigs kyi bu/ de bzhin gshegs pas ji skad du ming dang / brda dang / yi ge dang / tshig
262a5 dang | sgra skad kyis bstan pa thams cad 'bras bu med cing don med pa ma yin te/ kun kyang sems can yongs su smin par bya ba'i don du ma bstan pa med do/ /de bas na de bzhin
262a6 gshegs pas gsungs pa'i chos la 'phya zhing skur nas sems can rnams kyi yang dag pa'i chos kyi mig bcar ba'i sdig pa yin pas mtshams med pa las 'das pa'am/ mtshams
262a7 med pa dang 'dra ba'i kha na ma tho ba'i sdig pa tshad med pa thob par 'gyur ro/ /gang gis ngas sems can la phan pa dang / bde ba'i phyir gsungs pa'i dam pa'i chos nyan thos kyi theg pa
262b1 la brten te gsungs sam/ rang sangs rgyas kyi theg pa la brten te gsungs sam/ theg pa chen po la brten te gsungs pa gang la'ang rung / 'phya zhing skur ba'am/ bar chad dang / bgegs
262b2 byas sam/ chung du na tshigs su bcas pa gcig tsam 'chab pa'i las byas na de ni dam pa'i chos la skur pa yin par rigs par bya ste/ 'phags pa'i lam gyi yan lag brgyad med par
262b3 byed pa/ sems can thams cad kyi dam pa'i chos kyi mig nyams par byed pa yin pas gang zag de ni de ltar bdag kyang don med pa chen po spyod pa/ pha rol po gzhan don med pa chen po spyod
262b4 du 'jug pa'o/ /yang gang zag de ni khrel pa dang / ngo tsha ba med pa'i dge 'dun la rten cing de bzhin gshegs pa'i dam pa'i chos la 'phya zhing skur ba 'debs pa'o zhes bya'o/ /rigs kyi
262b5 bu| gzhan yang / dge slong rnam pa bzhi yod do/ /bzhi gang zhe na/ don dam pa'i dge slong dang / kun rdzob kyi dge slong dang / lug lkugs pa lta bu'i dge slong dang / khrel ba dang / ngo tsha ba med
262b6 pa'i dge slong ngo / /de la ji ltar na don dam pa'i dge slong gang zhe na/ 'di lta ste/ sangs rgyas bcom ldan 'das sam/ byang chub sems dpa' sems dpa' chen po'i dge slong yon tan
262b7 chen po dang ldan pa chos thams cad la dbang du gyur pa'am/ rang sangs rgyas kyi byang chub bam/ dgra bcom pa'am/ phyir mi 'ong ba'am/ lan gcig phyir 'ong ba'am/ rgyun du zhugs
263a1 pa ste/ gang zag rnam pa bdun po 'di dag ni don dam pa'i dge slong du bsdu ba dang / skye bo gang khyim na gnas shing skra dang / kha spu'ang ma bregs/ chos
263a2 gos kyang mi gyon/ rab tu byung ba so sor thar pa'i tshul khrims thams cad kyang ma mnos/ gsol ba dang / zhu ba'i las dang / gso sbyin dang / tshul gyi las thams cad kyi nang du
263a3 mi chud mod kyi/ 'phags pa'i chos dang ldan la 'phags pa'i 'bras bu thob pas na de'ang don dam pa'i dge slong du bsdus te/ de dag ni don dam pa'i dge slong zhes bya'o/ /de
263a4 la ji ltar na kun rdzob kyi dge slong gang zhe na/ skra dang / kha spu bregs te gos ngur smrig gyon cing rab tu byung la so sor thar pa'i tshul khrims dang ldan na de ni kun rdzob kyi dge slong zhes
263a5 bya'o| |de la ji ltar na lug lkug pa lta bu'i dge slong zhe na/ rtsa ba'i sdig la sogs pa nyams sam/ ma nyams pa'ang mi shes/ /lci ba'am/ yang ba'ang mi shes/ nyes pa phra mo rnam
263a6 pa sna tshogs byas kyang 'gyod cing mthol mi shes/ nyes pa byas pa la sla gyad byed cing sdig pa phra mo la mi lta/ mi 'jigs/ mkhas pa'i skyes bu la ni mi sten/ skabs skabs su
263a7 mang du thos pa shes rab dang ldan pa la bsnyen bkur dang / g.yog kyang mi byed/ bsti stang dang bcas te zhu zhing 'dri ba'ang mi shes/ dge ba ni gang / mi dge ba ni gang / sdig pa
263b1 ni gang / sdig pa med pa ni gang / gang byas na legs/ gang byas na ma legs pa'ang zhu ba dang / 'dri ba mi byed pa'i gang zag de dag ni lug lkugs pa lta bu'i dge slong du bsdus te/ lug
263b2 lkugs ba lta bu'i dge slong zhes bya'o/ /de la ji ltar na khrel ba dang / ngo tsha ba med pa'i dge slong gang zhe na/ sems can gang 'tsho ba tsam gyi phyir nga'i bstan pa la phyogs te rab tu byung ngo / /rab tu
263b3 byung nas so sor thar pa'i tshul khrims srung ba thams cad nyams te khrel ba dang / ngo tsha ba med pa la 'jig rten phyi ma'i sdug bsngal gyi 'bras bu la mi lta/ mi 'jigs/ khong rul cing
263b4 btsog pas gang ba'i srin kwa lwa 'dra ba/ dung gi sgra la khyi'i spyod pa dang ldan pa/ rtag tu rdzun smra zhing bden pa'i tshig med pa/ ser sna dang / phrag dog dang / gti mug dang / nga rgyal
263b5 gyis mngon par zin te/ las kyi mchog dam pa gsum las ring du gyur pa khe dang / bkur sti dang / grags pa la chags te yul drug la mos pa/ 'dod chags kyis g.yengs pa/ gzugs
263b6 dang | sgra dang / dri dang / ro dang / reg bya'i yul la chags pa'i gang zag de dag ni khrel ba dang / ngo tsha ba med pa dam pa'i chos la 'phya zhing skur ba'i nang du bsdus te/ de ni khrel ba
263b7 dang | ngo tsha ba med pa'i dge slong zhes bya'o/ /rigs kyi bu/ don dam pa'i dge slong zhes bya ba ni la la 'phags pa'i lam las rgyal ba'i dge sbyong gi nang du bsdu ba'ang yod de/ lam las
264a1 rgyal ba zhes bya ba ni gang 'phags pa'i lam gyi yan lag brgyad la gnas shing bdag kyang nyon mongs pa'i chu bo las sgrol la pha rol po gzhan dag kyang sgrol
264a2 ba'o| |de'ang ji lta zhe na/ sangs rgyas bcom ldan 'das dang / rang rgyal ba dang / dgra bcom pa ste/ gang zag rnam pa gsum po 'di dag ni srid pa'i yan lag gi 'khor thams cad
264a3 dang ring du gyur pa'i phyir 'phags pa'i lam las rgyal ba zhes bya'o/ /gzhan yang / byang chub sems dpa'i dge 'dun gzhan gyi dring la mi 'jog par chos thams cad la ye shes
264a4 kyis thogs pa med par gzigs shing sems can thams cad la phan pa dang / bde ba'i don gyis sdud pa'ang lam las rgyal ba'i dge sbyong gi nang du bsdu'o/ /don dam pa'i dge slong
264a5 dang | kun rdzob kyi dge slong kha cig ni lam ston pa'i dge slong gi nang du bsdu'o/ /gang so sor thar pa'i tshul khrims dang ldan zhing / yang dag pa'i dge ba'i skye bo nas 'jig rten gyi
264a6 yang dag par lta ba dang ldan pa'i bar du shes pa brda sprod pa la brten te cho 'phrul gyi mthus gzhan la 'phags pa'i lam gyi chos rnam par phye ste ston cing 'chad pa'i gang zag de ni
264a7 lam ston pa'i dge sbyong tha ma ste/ lam ston pa'i dge sbyong zhes bya'o/ /rgyun du zhugs pa'i 'bras bu thob pa'i gang zag ni gnyis pa zhes bya'o/ /lan gcig phyir 'ong ba'i 'bras bu thob
264b1 pa'i gang zag ni gsum pa zhes bya'o/ /phyir mi 'ong ba'i 'bras bu thob pa'i gang zag de ni bzhi pa zhes bya'o/ /gzhan yang / byang chub sems dpa' sems dpa' chen po'i dge 'dun ni lnga pa
264b2 zhes bya'o/ /sa dang po la gnas pa nas sa bcu dang / srid pa tha ma'i lus la gnas pa de'ang lam ston pa'i dge sbyong gi nang du bsdu'o/ /gang so sor thar pa'i tshul khrims dang ldan zhing sbyod
264b3 lam rnam par dag pa dang ldan pa dag ni lam gyis 'tsho ba'i dge sbyong gi nang du bsdus te/ lam gyis srog 'dzin pa'i phyir lam gyis 'tsho ba'i dge sbyong zhes bya'o/ /gzhan yang / byang
264b4 chub sems dpa' sems dpa' chen po gang sems can thams cad la phan pa dang / bde ba'i don du bsdus cing pha rol tu phyin pa drug la nan tan byed pa dang ldan pa de'ang lam gyis 'tsho
264b5 ba zhes bya'o/ /de ltar lam las rgyal pa dang / lam ston pa dang / lam gyis 'tsho ba'i dge sbyong rnam pa gsum po 'di ni 'jig rten pa'i bsod nams kyi zhing yang dag pa zhes bya'o/ /de las
264b6 gzhan pa'i dge sbyod dag ni lam sun 'byin pa zhes bya ste/ yang dag pa ma yin mod kyi de yang bsod nams kyi zhing gi grangs su 'gro'o/ /gang 'dzem pa dang / ngo tsha ba med pa'i dge 'dun la
264b7 gnas shing brten pa'i gang zag de ni ngas yang dag par bstan pa'i 'dul ba'i chos las mi ro lta bu'o zhes gsungs so/ /yongs su dag pa'i dge 'dun gyi rgya mtsho las dbyung bar bya ba
265a1 chos kyi snod ma yin pas na gang zag de la nga ni ston pa chen po yin no zhes mi gsungs la/ gang zag de'ang nga'i nyan thos ma yin no/ /ngo tsha med pa'i dge slong chos
265a2 kyi snod du ma gyur pa dag nga la ston par 'dzin cing / nga'i ring bsrel dang / nga'i sku'i gzugs brnyan la shin tu dad pa dang / nga'i chos dang / dge 'dun dang / 'phags pa'i tshul
265a3 khrims la'ang shin tu dad pas bdag kyang lta ba ngan par mi 'dzin la pha rol po gzhan yang lta ba ngan pa la chags par mi byed pa dang / ngas bstan pa'i chos rgyas par ston te/
265a4 shin tu bsngags shing bstod pa byed kyi/ de la 'phya ba'am| skur ba mi 'debs pa dang / rtag tu yang dag pa'i smon lam 'debs pa dang / sdig pa byas ma thag tu yang dang / yang mthol
265a5 cing 'gyod de spong na las kyi sgrib pa mang po zhi bar 'gyur te/ de ltar gang zag de dkon mchog gsum dang / 'phags pa'i tshul khrims la dad pa'i shugs kyis mu steg can dgu
265a6 bcu rtsa lnga bas brgya stong snyed kyis lhag go /myur du mya ngan las 'da' ba'i grong khyer du phyin pa ni ma yin mod kyi/ 'khor los bsgyur ba'i rgyal pos kyang mi skur na/ de ma yin pa skye
265a7 bo gzhan lta smos kyang ci dgos/ de bas na de bzhin gshegs pas sems can thams cad las dang / myong ba'i chos kyi mtshan nyid rnam pa tha dad par mkhyen cing gzigs pa'i phyir
265b1 gang 'di skad du nga'i bstan pa'i chos la dad nas skra dang / kha spu bregs te/ gos dur smrig gyon pa la rgyal rigs la sogs pa gshe zhing spyo ba dang / chad pas gcad du mi dbang ngo zhes gsung
265b2 te| gang gis brnyas smad dam/ rab tu byung ba thams cad la gshe zhing spyos sam/ chad pas bcad na kha na ma tho ba'i 'bras bu smin ba ni ji ltar rgyas par bshad pa bzhin no/ /gzhan
265b3 yang nga'i bstan pa la khyim nas khyim med par rab tu byung ste/ skra dang / kha spu bregs nas gos dur smrig gyon na/ de la 'das pa dang / ma byon pa dang / da ltar bzhugs pa'i sangs rgyas
265b4 bcom ldan 'das thams cad kyis thugs rjes rjes su 'dzin to/ /spyod lam dang / cha lugs dang / chos gos gyon pa la'ang 'das pa dang / ma byon pa dang / da ltar bzhugs pa'i
265b5 sangs rgyas bcom ldan 'das thams cad kyis kyang thugs rjes rjes su 'dzin to/ /de bas na skra dang / kha spu bregs te gos dur smrig gyon pa'i rab tu byung ba la brnyas smad na/ de ni 'das
265b6 pa dang / ma byon pa dang / bltar bzhugs pa'i sangs rgyas bcom ldan 'das thams cad la brnyas smod pa yin no/ /de'i rgyu de'i rkyen gyis mkhas pas blo can sdug bsngal gyis
265b7 skyo zhing 'jigs pa/ lha dang / mi dang / mya ngan las 'da' ba'i bde ba 'dod pa dag khyim nas khyim med par rab tu byung ste/ skra dang / kha spu bregs nas gos dur smrig gyon pa la brnyas
266a1 pa dang / smod pa mi bya'o/ /gang ngo tsha ba med pa'i dge sbyong tshul khrims nyams pa theg pa gsum gyi 'phags pa'i chos kyi snod du ma gyur pa dag nyid lta ba ngan
266a2 pa'i sdig pa la mngon par zhen te/ gzhan yang / lta ba ngan pa'i sdig pa la chags par byed pa de la rgyal rigs dge ba dang / dge sbyong dang / bram ze dang / blon po dang / khyim bdag
266a3 dang | tshong dpon dang / rje'u rigs dang / dmangs rigs dang / skyes pa dang / bud med dag med do zhes smra ba dang / gzhan yang / 'jig rten na pha'ang med/ ma'ang med pa nas dge ba
266a4 dang | mi dge ba dang / rnam par smin pa'i 'bras bu'ang med/ 'phags pa'i lam gyi 'bras bu thob pa'ang med do zhes smra ba dang / chos thams cad rgyu las skyes pa ma yin no zhes smra ba
266a5 dang | gzhan yang / gzugs yod pa'i khams ni rtag pa yin gyi 'jig pa'i chos ma yin par 'dzin pa dang / gang gzugs med pa'i khams ni rtag pa yin gyi/ 'jig pa'i chos ma
266a6 yin par 'dzin pa dang / la la ni mu steg can gyi brtul bshugs kyis mthar phyin pa'i rnam par dag pa thob par 'dzin to/ /la la ni nyan thos kyi theg pa 'ba' zhig gis mthar phyin
266a7 pa'i rnam par dag pa thob kyi/ rang sangs rgyas kyi theg pa dang / theg pa chen pos ma yin par 'dzin te/ nyan thos kyi theg pa la dad cing yid ches nas bsngags shing bstod pa dang /
266b1 'byed cing ston gyi/ rang sangs rgyas kyi theg pa dang / theg pa chen po la 'phya zhing skur ba 'debs pa dang / smod cing bar chad byed pa bgegs byed de/ ston du mi ster ba'ang yod do/ /la la
266b2 ni rang sangs rgyas kyi theg pa 'ba' zhig gis mthar phyin pa'i rnam par dag pa 'thob kyi/ nyan thos kyi theg pa dang / theg pa chen pos ma yin par 'dzin te/ rang sangs rgyas kyi theg pa la
266b3 dad cing yid ches te/ bstod cing bsngags pa dang / 'byed cing ston gyi/ nyan thos kyi theg pa dang / theg pa chen po la 'phya zhing skur ba 'debs pa dang / smod cing bar chad byed pa la bgegs
266b4 byed de/ ston du mi ster ba'ang yod do/ /la la ni theg pa chen po 'ba' zhig gis mthar phyin pa'i rnam par dag pa 'thob kyi/ nyan thos kyi theg pa dang / rang sangs rgyas kyi theg pas
266b5 ma yin par 'dzin te/ theg pa chen po la bdag dad cing yid ches pas pha rol gzhan yang dad cing yid ches par byed/ bdag rim gro dang / bkur sti byed pas pha rol po gzhan
266b6 yang rim gro dang / bkur sti byed du 'dzud/ bdag de la bstod cing bsngags pas pha rol po gzhan yang bstod cing bsngags su bcug /bdag glegs bam du bris pas pha rol po
266b7 gzhan yang glegs bam du 'drir bcug /bdag klog cing 'don pas pha rol po gzhan yang klog cing 'don du 'jug /bdag nyan cing 'dzin pas pha rol po gzhan dag kyang nyan cing
267a1 'dzin du bcug /bdag sems shing yid la byed pas pha rol po gzhan yang sems shing yid la byed du bcug ste/ skye bo chos kyi snod du gyur pa'am/ snod du ma
267a2 gyur pa'ang rung / thams cad la theg pa chen po don dam pa shin tu zab pa phra ba rnam par 'byed cing ston te/ nyan thos kyi theg pa dang / rang sangs rgyas kyi theg pa la 'phya zhing skur ba
267a3 'debs pa dang / smod cing bgegs dang / bar chad byed de ston du mi ster ba dang / bdag ma dad pas gzhan dad pa skye ba'i bgegs byed pa dang / bdag rim gro mi byed pas gzhan
267a4 rim gro byed pa'i bgegs byed pa dang / bdag mi bstod pas gzhan bstod pa'i bgegs byed pa dang / bdag glegs bam du mi 'dri bas gzhan glegs bam du 'dri ba'i bgegs
267a5 byed pa dang / bdag klog pa dang / 'don pa dang / nyan pa dang / 'dzin pa dang / shes pa dang / yid la mi byed pas gzhan klog pa dang / 'don pa dang / nyan pa dang / 'dzin pa dang / sems
267a6 pa dang / yid la byed pa'i bgegs byed de/ theg pa gnyis kyi chos mi ston pa'ang yod do/ /la la ni sbyin pa 'ba' zhig byas bas mthar phyin pa'i rnam par dag pa 'thob kyi/ tshul khrims
267a7 kyis ma yin/ bzod pas ma yin pa nas shes rab kyi bar du ma yin par 'dzin to/ /la la ni tshul khrims 'ba' zhig gis mthar sbyin pa'i rnam par dag pa thob kyi/ sbyin pa dang /
267b1 bzod pas ma yin pa nas shes rab kyi bar du ma yin par 'dzin to/ /la la ni bzod pa 'ba' zhig gis mthar phyin pa'i rnam par dag pa thob kyi/ sbyin pa dang / tshul khrims kyis ma yin pa
267b2 nas shes rab kyi bar du ma yin par 'dzin to/ /la la ni brtson 'grus 'ba' zhig gis mthar phyin pa'i rnam par dag pa thob kyi/ sbyin pa dang / tshul khrims kyis ma yin pa nas shes rab
267b3 kyi bar du ma yin par 'dzin to/ /la la ni bsam gtan 'ba' zhig gis mthar phyin pa'i rnam par dag pa thob kyi/ sbyin pa dang / tshul khrims kyis ma yin pa nas shes rab kyi bar du
267b4 ma yin par 'dzin to/ /la la ni shes rab 'ba' zhig gis mthar phyin pa'i rnam par dag pa thob kyi/ sbyin pa dang / tshul khrims kyis ma yin pa nas bsam gtan gyi bar du ma yin
267b5 par 'dzin to/ /la la ni 'jig rten gyi bzo rtsal rnam pa sna tshogs sbyangs shing shes pas mthar phyin pa'i rnam par dag pa thob par 'dzin to/ /la la ni brag las mchod ba dang / me ma
267b6 mur du mchod ba dang / smyung ba la sogs pa'i brtul shugs kyi rnam pa mang pos mthar phyin pa'i rnam par dag pa thob par 'dzin te ston to/ /rigs kyi bu/ de ltar tshul khrims nyams
267b7 pa sdig pa spyod pa'i dge slong chos kyi snod ma yin pa des rdzun rnam pa sna tshogs kyis yang dag pa'i chos kyi snod kun bslus te skye bo mang po lta ba ngan pa la bltar btsud do/ /de ltar de
268a1 dag phyin ci log tu ngan par lta ba'i dbang gis rgyal rigs dge ba nas rje'u rigs dang / dmangs rigs dang / skyes pa dang / bud med la sogs pa dang
268a2 pa yongs su dag pa dag ma rung bar byed nas tshul khrims dang / thos pa dang / sbyin pa dang / shes rab kyang nyams par byas te/ rgyal rigs gdol pa can nas rje'u rigs gdol
268a3 pa can gyi bar du thams cad gdol pa can du bsgyur bas de dag ni chos kyi snod ma yin te/ tshul khrims mnyams pa'i dge slong dang / rgyal rigs gdol pa can la sogs pa ston
268a4 pa dang slob mar bcas te/ dge ba'i rtsa ba bcad pas mtshams med pa'i sems can dmyal ba'i bar du ltung bar 'gyur ro/ /rigs kyi bu/ ji ltar mi ro bam nas rul cing zhig pa
268a5 las 'gro ba thams cad kyi yid du mi 'ong zhing snar mnam pa reg ma thag tu 'jig pa dang nye'am/ 'bags nam nam pa bzhin du rgyal rigs dge ba nas dmangs rigs dge
268a6 ba'i bar du tshul khrims nyams pa/ sdig pa spyod pa/ chos kyi snod ma yin pa de la bsnyen tam/ 'grogs tam/ lhan cig gnas sam/ las lhan cig byed na de ma thag tu
268a7 dran par lta ba btsog cing mnam pa gos par 'gyur ro/ /rigs kyi bu/ de ltar de bzhin du rgyal rigs dge ba nas dmangs rigs dge ba'i bar du dad pa dang / tshul khrims
268b1 dang | thos pa dang / sbyin pa dang / shes rab kun nyams te/ gdol pa can du gyur pas de ni ston pa dang slob ma bcas te dge ba'i rtsa ba bcad pas na mtshams med pa'i sems can
268b2 dmyal ba'i bar du ltung bar 'gyur ro// //bam po drug pa/ rigs kyi bu/ de ltar rgyal rigs la sogs pa skye bo tshad med pa tshul khrims nyams pa/ sdig pa spyod pa/
268b3 chos kyi snod ma yin pa'i dge slong la bsten pas dge ba'i chos thams cad nyams pa nas mtshams med pa'i sems can dmyal ba'i bar du ltung bar 'gyur ba la ltos/ de bas na mtho
268b4 ris kyi lhar skye ba nas mya ngan las 'da' ba'i bde ba'i bar du 'dod pa dag lam las rgyal ba'i dge sbyong la bsnyen bkur dang / mchod pa dang / bkur sti byas te theg pa gsum gyi
268b5 chos kyi mdo mnyan par gsol ba gdab bo/ /gzhan yang / lam ston pa nas lam gyis 'tsho ba'i dge sbyong btsal bar bya'o/ /lam de gsum la gnas pa'i dge sbyong med na'ang
268b6 lam sun 'byin pa'i dge sbyong btsal bar bya'o/ /tshul khrims nyams mos kyi/ yang dag par lta ba dang / mos pa dang / lhag pa'i spyod pa dang ldan pas de la ni bsnyen bkur dang /
268b7 mchod pa dag byos la theg pa gsum gyi don dri bar bya yi/ lhag pa'i spyod pa dang / mos pa dang / lta ba kun nyams pa la ni bsnyen bkur dang / mchod pa bya ba ma yin no/ /tshul khrims
269a1 nyams pa dag tshul khrims nyams mod kyi log par mi lta la/ mos pa dang / lhag pa'i spyod pa dang / lta bar ldan pas na de dang / de gang na bar song ste/ nyan
269a2 thos kyi theg pa'i chos dang / rang sangs rgyas kyi theg pa'i chos dang / theg pa chen po'i chos zhu zhing mnyan par bya yi/ brnyas shing smad par mi bya'o/ /theg pa gsum las gang yang rung ba
269a3 zhig la dad de smon lam 'debs shing brtson 'grus rtsom zhing rjes su slob kyang theg pa gzhan la'ang brnyas pa dang / smad par mi bya'o/ /gang gis theg pa gsum las theg pa gang yang
269a4 rung ste/ gcig gi tshigs su bcad pa gcig tsam la brnyas smod na/ de la ni bsnyen bkur ba mi bya/ mi bsnyen/ mi 'grogs/ lhan cig tu mi gnas/ las mthun par mi bya'o/ /
269a5 gang gis de la bsnyen bkur byed cing bsten tam/ 'grogs sam/ lhan cig tu gnas sam/ las lhan cig byed na gdon mi za bar mtshams med pa'i sems can dmyal bar ltung
269a6 bar 'gyur ro/ /rigs kyi bu/ de bas na theg pa gsum las gang yang rung ba gcig la gnas te/ 'khor ba las 'da' zhing rab tu bde ba la mos te/ sdug bsngal gyis skyo ba dag de bzhin gshegs
269a7 pas gsungs pa'i dam pa'i chos nyan thos kyi theg pa la brten te gsungs pa dang / rang sangs rgyas kyi theg pa la brten te gsungs pa dang / theg pa chen po la brten te gsungs pa kun la dad
269b1 cing shan tu bkur sti bya yi/ de la 'phya zhing skur pa 'debs pa dang / bar chad dang / bgegs dang / chung du na tshigs su bcad pa gcig tsam gyi bgegs kyang ma byed cig /rtag tu bsti stang
269b2 dang bcas te klog pa dang / 'don pa dang / nyan pa la shin tu brten pa'i yi dam bcas te rtogs par bya'o/ /theg pa gsum las gang yang rung ba'i chos gcig las 'phya zhing skur na de dang lhan
269b3 cig tu mi gnas/ chung du na zhig cig tsam yang bsnyen bkur dang / chos mnyan par mi bya'o/ /sems can gang zhig theg pa gsum las theg pa gcig tsam la 'phya zhing skur tam/ theg pa gsum
269b4 la 'phya zhing skur ba'i gang zag la brten te 'dri ba dang / nyan pa byas na/ de'i rgyu de'i rkyen gyi mtshams med pa'i sems can dmyal ba chen por ltung zhing sdug bsngal chen po mthong bar 'gyur te rtag tu
269b5 thar par dka'o/ /de ci'i phyir zhe na/ rigs kyi bu/ nga sngon 'das pa'i dus na byang chub sems dpa'i spyad pa spyod cing / bla na med pa'i ye shes tshol ba la brtson pas nan tan byed pa na/ bar bar ni nyan
269b6 thos kyi theg pa dang ldan pa'i dam pa'i chos 'dod pa'i phyir chung du na tshigs su bcad pa gcig tsam gyi phyir yang lus kyi yan lag lag pa dang / rkang pa dang / sha dang / khrag dang / pags pa dang /
269b7 rus pa dang / mgo dang / mig dang / rkang dang / klad pa'i bar du yongs su gtong ngo / /bar bar ni rang sangs rgyas kyi theg pa la brten te gsungs pa'i dam pa'i chos 'dod pa'i phyir chung du na tshigs
270a1 su bcad pa gcig tsam gyi phyir yang lus kyi yan lag lags pa dang / rkang pa dang / sha dang / khrag dang / pags pa dang / rus pa dang / mgo dang / mig dang / rkang
270a2 dang | klad pa'i bar du yongs su gtong ngo / /bar bar ni theg pa chen po la brten te gsungs pa'i dam pa'i chos 'dod pa'i phyir chung du na tshigs su bcad pa gcig tsam gyi phyir yang lus kyi yan
270a3 lag lag pa dang / rkang pa dang / sha dang / khrag dang / pags pa dang / rus pa dang / mgo dang / mig dang / rkang dang / klad pa'i bar du yongs su gtong ngo / /de ltar dka' ba spyad pas
270a4 theg pa gsum la chung du na tshigs su bcad pa gcig tsam rnyed na shin tu dga' rangs te/ bsti stang dang bcas pas 'chang zhing gzungs su 'dzin la ji skad gsungs pa bzhin du spyod do/ /
270a5 cung zad kyang mi gtong bas bskal pa tshad med pa'i bar du shin tu spyad dka' ba thams cad spyad pas gdod mtha' las byas pas bla na med pa'i ye shes kyi 'bras bu thob par gyur to/ /gzhan
270a6 yang | sems can thams cad la phan pa dang / bde ba'i don gyi phyir theg pa gsum gyi dam pa'i chos las rnam par phye ste bshad do/ /de lta bas na de la 'phya zhing skur ba dang / bar chad dang / bgegs
270a7 dang | chung du na tshigs su bcad pa gcig tsam yang 'chad par mi bya'o/ /de la rtag tu bkur sti dang bcas pas klog pa dang / 'don pa dang / nyan par shin tu bstan pa'i yi dam bca'o/ /
270b1 rigs kyi bu/ 'di ltar theg pa gsum po'i dam pa'i chos 'di ni 'das pa dang / ma 'ongs pa dang / da ltar bzhugs pa'i sangs rgyas bcom ldan 'das klung gang+gA'i bye ma dang mnyam pa thams
270b2 cad kyis mthun par gsungs te/ byin gyi rlabs kyis thams cad byin gyis rlob bo/ /sems can thams cad 'khor ba'i sdug bsngal chen po las gdon cing bsgral ba dang / dkon mchog
270b3 gsum gyi gdung rgyun mi 'chad par bya ba'i phyir yongs su gzung ba yin no/ /de bas na theg pa gsum gyi dam pa'i chos la thams cad kyis dad cing bkur sti bya yi/ de la 'phya zhing skur ba 'debs
270b4 pa dang / bar chad dang / bgegs mi bya ste/ theg pa gsum gyi dam pa'i chos las tshigs su bcad pa gcig tsam med par byas na/ gdon mi za bar mtshams med pa'i sems can dmyal bar
270b5 ltung bar 'gyur ro/ rigs kyi bu/ gzhan yang / ma 'ongs pa'i dus na/ sangs rgyas kyi zhing 'dir rgyal rigs gdol ba can dang / bram ze gdol pa can dang / blon po gdol pa can dang / khyim bdag
270b6 gdol pa can dang / dge sbyong gdol pa can dang / tshong dpon gdol pa can dang / rje'u rigs dang / dmangs rigs gdol pa can gyi skyes pa'am/ bud med de dang / g.yo dang / sgyus 'tsho zhing glen
270b7 pa gti mug can cung zad tsam gyi shes pa snyems pa/ rang bzhin gyi gtum pa khro ba/ spro thung ba brlang ba/ 'jig rten phyi ma'i sdug bsngal gyi 'bras bu la 'jigs par mi lta ba/ srog gcod
271a1 pa la dga' ba nas legs par lta ba dang / ser sna dang / phrag dog dang / 'jungs pa dang / 'dod chags kyi bar du dga' zhing dge ba'i bshes gnyen la rgyab gyis
271a2 phyogs nas sdig pa'i bshes gnyen la sten pa/ theg pa gsum gyi 'phyags pa'i chos kyi snod ma yin pa dag nyan thos kyi theg pa'i chos cung zad thos pas sangs rgyas kun gyis yongs su
271a3 bzung ba'i rang sangs rgyas kyi theg pa'i chos dang / bla na med pa'i theg pa'i chos la 'phya zhing skur ba 'debs pa dang / smon pa dang / bar chad dang / bgegs byed de yongs su rgyas par mi
271a4 byed do/ /la la ni rang sangs rgyas kyi theg pa'i chos cung zad thos nas/ sangs rgyas kun gyis yongs su bzung ba'i nyan thos kyi theg pa'i chos dang / bla na med pa'i theg pa'i chos la 'phya
271a5 ba dang / skur ba 'debs pa dang / smon pa dang / bar chad dang / bgegs byed de yongs su rgyas par mi byed do/ /la la ni bla na med pa'i theg pa chen po'i chos cung zad thos nas
271a6 sangs rgyas kun gyis yongs su bzung ba'i nyan thos kyi theg pa'i chos dang / rang sangs rgyas kyi theg pa'i chos la 'phya ba dang / skur ba 'debs pa dang / smod pa dang / bar chad
271a7 dang | bgegs byed de yongs su rgyas par mi byed la/ khe dang / grags pa'i phyir/ 'di skad du/ bdag ni theg pa chen po ma yin te/ theg pa chen po'i grogs su gyur pa theg pa chen po
271b1 'ba' zhig nyan pa dang / 'chang ba dang / gzungs su 'dzin par dga' yi/ nyan thos dang / rang sangs rgyas kyi theg pa ba'i chos la mi dga'/ theg pa gnyis po la sten par mi 'dod do zhes zer
271b2 ro| |de ltar theg pa chen po pa yin no zhes rdzun zer ba de bdag gti mug gis mngon par zin te/ nga rgyal gyi dbang du gyur pas de ltar theg pa gsum gyi yang dag pa'i chos la 'phya zhing skur
271b3 ba 'debs pa dang / bar chad dang / bgegs byed de yongs su rgyas par yang mi byed do/ /theg pa gsum po slob pa'i gang zag la'ang 'phya zhing skur nas smod de/ mthu med par byed do/ /rigs
271b4 kyi bu/ 'das pa dang / /ma 'ongs pa dang / da ltar bzhugs pa'i sangs rgyas bcom ldan 'das dang / byang chub sems dpa' sems dpa' chen po thams cad sems can thams cad la phan pa
271b5 dang | bde ba'i don gyi phyir thugs rje chen po'i shugs kyis dngos po rnam pa 'di gnyis yongs su bzung ngo / /gang zhe na/ dkon mchog gsum gyi gdung rgyun mi 'chad par byed pa khyim nas khyim
271b6 med par rab tu byung ste/ skra dang / kha spu bregs nas gos dur smrig gyon pa dang / theg pa gsum las byung ba 'phags pa'i bden pa bzhi la sogs pa dam pa'i chos dang ldan pa'o/ /dngos po rnams pa
271b7 gnyis po 'di ni sangs rgyas bcom ldan 'das dang / byang chub sems dpa' sems dpa' chen po 'ba' zhig gis yongs su bzung ba mdzad kyi/ nyan thos dang / rang sangs rgyas la sogs pas
272a1 ni ma yin no/ /gzhan yang / bye ba khrag khrig brgya stong snyed kyi tshangs pa chen po dang / brgya byin lha'i dbang po dang / gling bzhi la dbang ba'i 'khor los bsgyur ba'i rgyal po
272a2 la sogs pas yongs su bzung ba ma yin no/ /ma 'ongs pa'i dus na sangs rgyas kyi zhing 'dir rgyal rigs gdol pa can dag nga'i bstan pa la rab tu byung ste/ skra dang / kha spu bregs nas gos dur/
272a3 smrig gyon pa la thabs kyis nye ba'i skyon dang / klan ka tshol te/ rkyen rnam pa mang pos gshe shing spyod ba dang / smod cing smra phab pha dang / gzhu ba dang / 'tshog pa dang / btson rar gzhug pa dang / 'tsho
272a4 ba'i yo byad 'phrog pa dang / chos gos 'phrog pa nas khyim par phab ste/ khyim pa'i las rnam pa sna tshogs byed du bcug pa dang / nan gyis 'khor zhing chad pas gcod pa dang / skrod pa dang /
272a5 bza' ba dang / btung ba gcod pa dang / 'tsho ba'i dbang po dang bral ba'i bar du byed do/ /rgyal po rgyal rigs gdol pa can de de ltar glen zhing gti mug gi rang bzhin can du gyur pas nga rgyal gyi
272a6 dbang gis mngon par zin pa de sangs rgyas dang / byang chub sems dpa'i thugs rje'i mthus yongs su bzung ba'i slob ma rnams la smod pa dang / sma 'bebs pa dang / nan gyis chad pas gcod
272a7 pa la sogs pa byed pa'o/ /sangs rgyas dang / byang chub sems dpa' thams cad kyis thugs rje chen po'i shugs kyis yongs su bzung ba'i chos shin tu zab mo la'ang 'phya zhing skur te ma rung
272b1 par byed do/ /dus gsum gyi sangs rgyas bcom ldan 'das dang / byang chub sems dpa' thams cad kyis yongs su bzung ba'i theg pa rnam pa gsum gyi dam pa'i chos kyi bar chad dang / bgegs
272b2 byed de yongs su rgyas par mi byed do/ /de ltar rgyal rigs gdol pa can nas rje'u rigs dang / dmangs rigs gdol pa can gyi bar du glen zhing gti mug gi rang bzhin can dang / nga rgyal gyi mngon
272b3 par zin pa nga ni theg pa chen po pa'o zhes khas 'che ba de dag nyan thos dang / rang sangs rgyas kyi theg pa'i chos kyi snod du'ang ma gyur na bla na med pa theg pa chen po'i chos kyi snod du gyur pa lta ci smos te/
272b4 khe dang / grags pa dang / bkur sti dang / mchod pa 'dod pa'i phyir 'jig rten pa glen zhing gti mug can thams cad bslus nas bdag ni theg pa chen po pa'o zhes zer te/ de bzhin gshegs pa'i
272b5 theg pa gnyis kyi dam pa'i chos la 'phya zhing bskur ba 'debs so/ /de ltar gang zag glen zhing gti mug can g.yo dang / sgyus 'tsho zhing nge rgyal gyis mngon par zin pa ser sna dang / phrag dog dang /
272b6 'dod chags kyis kun nas bslang bas de'i rgyu de'i rkyen gyis nga'i chos kyi mig ma rung ba dang / myur du med par byas so/ /des ni dus gsum gyi sangs rgyas bcom ldan 'das thams cad kyi dam
272b7 tshig las 'gal ba'i kha na ma tho ba chen po byed pa yin no/ /dus gsum gyi byang chub sems dpa' thams cad kyi dam tshig las 'gal ba'i kha na ma tho ba chen po byas pa yin no/ /dus gsum
273a1 gyi nyan thos thams cad kyi dam tshig las 'gal ba'i kha na ma tho ba chen po'i sdig byed pa yin te/ ring po mi thogs par lus kyi yan lag kun zhig pa
273a2 dang | nad ma rungs pa chen po rnam pa mang pos btab par 'gyur ro/ /rgyal rigs gdol ba can nas rje'u rigs dang / dmangs rigs dang / gdol ba can gyi skyes pa'am/ bud
273a3 med 'di dag thams cad sdig pa'i las byed cing phyin ci log tu lta ba'i dbang gis dge ba'i rtsa ba thams cad bcad pa bas/ gal te dus gzhan du sbyin pa'i bsod nams mang du byas su zin
273a4 kyang ma 'ongs pa'i dus na/ yi dwags sam/ byol song gi khams su skye ste phyug po'i bde ba myong bar mi 'gyur ro/ /lus de nyid kyi gzugs dang / gzugs med pa'i khams su skye ba'i dge
273a5 ba'i rtsa ba chung ngu'ang bskyed mi nus na/ nyan thos sam/ rang sangs rgyas sam/ bla na med pa'i theg pa chen po lhun gyis grub pa rnam pa thams cad mkhyen pa'i ye shes kyi dge ba'i rtsa
273a6 ba'i sa bon skyed pa lta ci smos/ gzhan yang / de'i lce la rtag tu nad kyis gnon par 'gyur zhing / nyin zhag du mar lce lkugs shing smra mi nus pa dang / shin tu mi bzad pa'i na ba dang / tsha ba'i
273a7 sdug bsngal chen po myong ba dang / 'chi 'phos nas kyang mtshams med pa'i sems can dmyal bar ltung bar 'gyur ro/ /de bas na de bzhin gshegs pas rgyal rigs dge ba
273b1 nas rje'u rigs dang / dmangs rigs la sogs pa'i skyes pa'am/ bud med de dag la yun ring por phan pa dang / bde ba'i don gyi phyir yang dang / yang 'di skad gsungs te/ khyed kyis nga'i bstan
273b2 pa la skra dang / kha spu bregs te gos ngur smrig gi tshal bu gyon cing rab tu byung ba la gnod pa dang / gshe zhing spyo ba la sogs pa ma byed cig /ngas bstan pa'i theg pa gsum gyi dam pa'i chos
273b3 la 'phya zhing skur ba 'debs pa dang / smod pa dang / bar chad dang / bgegs ma byed cig ces gsungs so/ /ngas bstan pa las ched du 'gal bar byas na sdig pa'i rnam par smin pa
273b4 ni ji ltar rgyas par bshad pa bzhin no/ /de ci'i phyir zhe na/ nga'i bstan pa la skyabs su song ste/ skra dang / kha spu bregs nas gos ngur smrig gyon cing rab tu byung ba'i cha lugs can de
273b5 la 'das pa dang / ma 'ongs pa dang / da ltar bzhugs pa'i sangs rgyas bcom ldan 'das dang / byang chub sems dpa' thams cad kyis thugs rje chen po'i byin gyi rlabs kyis yongs
273b6 su bzung ba'o/ /skra dang / kha spu bregs te gos ngur smrig gyon cing rab tu byung ba'i spyod lam can de ni 'phags pa rnams kyi rnam par grol ba'i rgyal mtshan yin no/ /nyan thos thams
273b7 cad kyis rnam par grol bas longs spyod pa'i chos kyi ro'i rgyal mtshan yin no/ /rang sangs rgyas kyi theg pa thams cad kyis rnam par grol ba'i longs spyod pa'i chos kyi ro'i rgyal
274a1 mtshan yin no/ /theg pa chen po pa thams cad kyis rnam par grol bas longs spyod pa'i chos kyi ro'i rgyal mtshan yin no/ /de bzhin gshegs pas
274a2 gsungs pa'i theg pa gsum gyi dam pa'i chos yin no/ /dus gsum gyi sangs rgyas dang / byang chub sems dpa' thams cad kyi thugs rje chen po'i byin gyi rlabs kyis yongs su
274a3 bzung ba yin no/ /'phags pa rnams kyi rnam par grol ba'i gnas yin no/ /nyan thos kyi theg pa ba thams cad kyi rnam par grol bas longs spyod pa'i chos kyi ro'i gnas yin
274a4 no| |rang sangs rgyas kyi theg pa pa thams cad kyis rnam par grol bas longs spyod pa'i chos kyi ro'i gnas yin no/ /theg pa chen po pa thams cad kyis rnam par grol bas longs
274a5 spyod pa'i chos kyi ro'i gnas yin no/ /rigs kyi bu/ de lta bas na rnam par grol ba tshol ba dag nga'i bstan pa la skyabs su song ba skra dang / kha spu bregs te gos ngur smrig gyon pa
274a6 rab tu byung ba'i gang zag la bsnyen bkur dang / mchod pa dang / bsti stang bya'o/ /bdag gis sngar nyan thos kyi theg pa'i chos la dad de/ bdag nyan cing gzungs su 'dzin na
274a7 gzhan yang nyan cing 'dzin du gzhug go /bdag klog cing kha ton byed na gzhan yang klog cing 'don du gzhug go /bdag glegs ba ma du 'dri na gzhan yang glegs bam du 'drir
274b1 gzhug go /bdag sbyin pa byed na gzhan yang sbyin pa byed du gzhug go /bdag ston cing 'chad na gzhan yang ston cing 'chad pa dang / yid la bya ba dang / nan tan bya ba dang / rgya cher spel
274b2 du gzhug go /ji ltar rang sangs rgyas kyi theg pa'i chos la dad cing yid ches te/ bdag nyan cing gzungs su 'dzin na gzhan yang nyan cing 'dzin du gzhug go /bdag klog cing kha ton
274b3 byed na gzhan yang klog cing 'don du gzhug go /bdag glegs bam du 'dri na gzhan yang glegs bam du 'drir gzhug go /bdag sbyin pa byed na gzhan yang sbyin pa byed du gzhug go /bdag
274b4 ston cing 'chad na gzhan yang ston cing 'chad pa dang / yid la bya ba dang / nan tan bya ba dang / rgya cher sprel du gzhug go /'di ltar theg pa chen po la dad cing yid ches te/ bdag nyan cing
274b5 gzungs su 'dzin na gzhan yang nyan cing 'dzin du gzhug go /bdag klog cing kha ton byed na gzhan yang klog cing 'don du gzhug go /bdag glegs bam du 'dri na gzhan yang glegs bam
274b6 du 'drir gzhug go /bdag sbyin pa byed na gzhan yang sbyin pa byed du gzhug go /bdag ston cing 'chad na gzhan yang ston cing 'chad pa dang / yid la bya ba dang / nan tan bya ba dang / rgya
274b7 cher spel du gzhug go /gal te snod du ma gyur na bdag kyang mi nyan/ gzhan yang nyan du mi gzhug pa nas gzhung de bzhin du rgyas par bshad pa bzhin no/ /sdig pa'i chos thams cad
275a1 ring du spang ba dang / sdig pa'i grogs po spang ba dang / dge ba'i bshes gnyen la sten pa dang / pha rol tu phyin pa drug la brtson zhing su nan tan byed pa dang
275a2 mi dge ba'i las thams cad yang dang / yang 'gyod cing mthol ba dang / ci la mos pa bzhin du yang dag pa'i smon lam gdab par bya'o/ /gang de ltar byed pa ni lus 'di nyid kyis nyan
275a3 thos kyi theg pa'i snod du'ang 'gyur la/ rang sangs rgyas kyi rigs las kyang phyir mi ldog /theg pa chen po'i rigs las kyang phyir mi ldog pa'i gnas yod do/ /de bas na theg pa
275a4 gsum char la'ang bslab cing nan tan bya yi/ nga rgyal gyis theg pa chen po pa'o zhes khas 'che zhing / nyan thos kyi theg pa dang / rang sangs rgyas kyi theg pa'i chos la 'phya zhing skur
275a5 bar mi bya'o/ /ngas sngon theg pa chen po'i chos kyi snod du gyur pa brtan par spyod pa 'ba' zhig la de skad du theg pa chen po sgom pa 'ba' zhig gis mtha'i gnas byed par 'gyur ro zhes
275a6 bshad pa dang 'dir 'gal ba med do/ /de nas bcom ldan 'das kyis don 'di dag gsal bar bzlas pa'i phyir tshigs su bcad pa 'di gsungs so/ /'khor gyi dkyil 'khor chen po'i
275a7 mngon sum/ /rdo rje'i snying pos nga la zhus pa/ /tshul khrims nyams pa'i dge slong dag la/ /ci phyir mchod pa gyis shig ces skul/ /sbyangs pa'i yon tan kun kyang nyams nas/ /glen zhing
275b1 ngan par lta ba 'dzin pa/ /chos kyi snod min lam sun 'byin la/ /spyo 'am chad pas gcad du mi gnang / /de las theg pa gsum gyi dam chos/ /yang dag pa yi rnam par grol ba/ /sman
275b2 bzang lta bu bshad pa thos na/ /zhi ba'i mya ngan 'das 'gyur zhes gsungs/ /ci yi phyir na mdo sde gzhan las/ /theg pa chen po gcig gi 'grol 'gyur/ /theg pa gnyis kyi chos la slob spangs/ /
275b3 yang 'dir theg pa gsum bshad ci phyir/ /sems can kun la thugs brtse can gyis/ /ngan par lta ba'i las kun spangs te/ /phan pa dang ni bde ba'i don phyir/ /rnam par grol zhing the tshom
275b4 gcod gsol/ /rgyal rigs rgyal po dag la phan pa/ /rje'u rigs dmangs rigs par du bde phyir/ /dge slong dag la gnod byed mi gnang / /kha na ma tho chen po'i sdig gyur/ /kha spu bregs
275b5 shing ngur smrig gos gyon/ /sangs rgyas rnams kyi chos kyi rgyal mtshan/ /rnam par grol ba'i lam gyi mig yin/ /sangs rgyas kun gyis byin gyis brlabs pa/ /spyod lam mang po yongs su
275b6 nyams kyang / /rnam par grol ba yongs su spangs min/ /ngan par lta ba'i sdig pa spangs pas/ /myur du mya ngan 'das pa 'thob 'gyur/ /ji ltar sman rab 'khus par gyur kyang / /nad rnams kun
275b7 la shin tu phan 'gyur/ /de bzhin spyod lam nyams pa de yang / /pha rol sdug bsngal zhi bar byed 'gyur/ /zhi ba'i las dang gso sbyin dag tu/ /dge sbyong de ni der 'dug ma gnang / /gzhan la
276a1 dam pa'i chos ston dbang ste/ /gnyi gas bsod nams chen po thob 'gyur/ /dkon mchog gsum la dad cing phyogs te/ /nga la ston pa chen por 'dzin pa/ /
276a2 mi dge sdig pa mang po spong 'gyur/ /mu stegs mang po gang bas de mchog /ji ltar srin mo'i gling du 'khyams pa'i/ /'jigs shing skrag pa'i tshong pa de dag /kun gyis rta spu nyag
276a3 re bzung bas/ /rgya mtsho las brgal bgegs dang bral ba/ /de ltar tshul khrims nyams pa de ni/ /mi dge ngan par lta ba spangs te/ /dad pa gcig gi rgyu yi mthus na/ /nyon mongs
276a4 pa yi srin las thar 'gyur/ /rnam par grol ba'i rgyal mtshan bsrungs te/ /sangs rgyas mang pos byin gyis brlabs pa'i/ /tshul khrims nyams la gnod mi byed na/ /kha na ma tho'i
276a5 sdig lci spong 'gyur/ /bsod nams chen po la ni mos shing / /yang dag rnam par grol la dga' ba/ /snod dang snod min kun la mnyam srung / /des ni rnam grol thob par mi dka'/
276a6 glen pa nga rgyal theg pa chen por/ /khas 'che de ni shes pa'i mthu med/ /theg pa gnyis kyi chos la rmongs na/ /theg pa chen por rig 'gyur ci smos/ /dper na mig gi 'bras bu nyams
276a7 na| |kha dog rnam pa mthong bar mi 'gyur/ /de bzhin dad pa nyams shing med na/ /theg pa chen po shes par mi nus/ /chu bran btung ba'i mthu yang med na/ /rgya mtsho chen po ga la rdub
276b1 nus| |theg pa gnyis kyang goms mi nus na/ /theg pa chen po ga la slob nus/ /theg pa gnyis kyi chos la dad nas/ /theg pa chen po la ni dad 'gyur/ /theg chen chos la dad pa med par//
276b2 tshig du smra bas don du mi 'gyur/ /nang ni yang dag chad par lta zhig /theg pa chen po can zhes khas 'che/ /mi dge gsum gyi las ni mi srung / /nga yi dam chos ma rung 'jig byed/ /gang zag
276b3 de ni tshe 'phos gyur nas/ /mtshams med sems can dmyal bar ltung nges/ /de bas dbang po brtan cing bshad bya'i/ /snod du ma gyur pa la ma yin/ /byams pa'i sems med nga rgyal dregs
276b4 zhing | |gtum zhing brlang ba dbang po zhan pa/ /de ni chad par lta ba yin par/ /mkhas pa rnams kyis de dag shes bya/ /nyan thos dang ni rang rgyal ba dang / /theg pa chen po'i snod ma yin no/ /sangs
276b5 rgyas kun la smad cing skur bas/ /nges par mtshams med dmyal bar ltung 'gyur/ /'du 'dzi la dga' tshul khrims srung zhing / /slob dpon 'chab cing sdug bsngal 'jigs pa/ /mkhas pa dag
276b6 gis shes par gyis shig /de ni nyan thos theg pa yin no/ /sbyin la dga' zhing skye 'gag rtog pa/ /bas mtha'i gnas la dga' ba dag ni/ /rang rgyal ba yi theg pa yin par/ /mkhas pa dag gis
276b7 shes par gyis shig /dge ba'i rtsa ba kun dang ldan zhing / /byams pa dang ni snying rje'i sems kyis/ /rtag tu phan pa'i don la dga' ba /de ni theg pa chen po yin no/ /tshul khrims bsrung phyir lus
277a1 srog spong zhing / /sems can dag la mi 'tshe mi gnod/ /stong pa nyid kyi chos la brtson pa/ /theg pa chen po yin par shes bya/ /thams cad chos la sems kyis
277a2 bzod cing / /smra ba'i tshig 'jam 'jungs pa med pa/ /chos la rtag tu dga' zhing spro ba/ /de yang theg pa chen po yin no/ /chos kyi snod dang snod min kun la/ /bsam pa mnyam pas phan pa'i
277a3 don byed/ /'jig rten chos kyis mi gos pa dag /de yang theg chen yin par shes bya/ /de bas mkhas pa blo can dag ni/ /theg pa gsum la shin tu dad bskyed/ /dge 'dun dag la gnod
277a4 mi byed na/ /myur du bla med byang chub 'grub 'gyur/ /rigs kyi bu/ gzhan yang / rgyal rigs dge ba dang / bram ze dge ba dang / blon po dge ba dang / khyim bdag dge ba dang / tshong dpon
277a5 dge ba dang / dge sbyong dge ba dang / rje'u rigs dang / dmangs rigs la sogs pa'i skyes pa'am/ bud med de dag gnas pa dang / spyad par bya ba'i 'khor lo rnam pa bcu dang ldan na
277a6 lus 'di nyid kyis nyan thos kyi theg pa'i rigs las ldog cing nyams par mi 'gyur ba dang / tshe 'di nyid la nyan thos kyi theg pa'i 'phags pa'i chos kyi snod du 'gyur te/ rang sangs
277a7 rgyas kyi theg pa dang / theg pa chen po'i snod du ni ma yin no/ /bcu gang zhe na/ 'di lta ste/ bsam pa yongs su dag pa'i dad pas dge ba dang / mi dge ba'i las kyi 'bras bu yod par yid
277b1 ches pa dang / khrel ba dang / ngo tsha ba dang / ldan pas mi dge ba'i grogs dang / ngan par lta ba thams cad yongs su spong ba dang / sdom pa la shin tu gnas te/ srog gcod pa yongs su spong ba nas
277b2 bag med par 'gyur ba'i khu ba 'thung ba'i bar du yongs su spong ba dang / byams pa'i sems la gnas te zhe sdang dang / khong khro ba thams cad yongs su spong ba dang / snying rje'i sems la
277b3 gnas te sems can nyam thag pa thams cad sgrol ba dang / dga' ba'i sems la bde bar gnas te/ ngag gi las mi dge ba bzhi yongs su spong ba dang / btang snyoms kyi sems la gnas
277b4 te| 'dod chags dang / ser sna dang / phrag dog thams cad yongs su spong ba dang / yang dag pa la phyogs te slu ba'i ltas bzang ngan kun yongs su spong zhing log pa mu stegs can la mi
277b5 sten pa dang / shin tu 'bad pa'i brtson 'grus dang ldan te dge ba'i chos kun la nan tan byed pa dang / rtag tu gnas dgon pa la dga' zhing chos kyi don tshol ba la mi skyo bar spro ba'o/ /rigs
277b6 kyi bu/ rgyal rigs dge ba nas rje'u rigs dang / dmangs rigs la sogs pa'i skyes pa dang / bud med de dag gnas pa dang / spyad par bya ba'i 'khor lo bcu po 'di dag dang ldan na tshe 'di nyid
277b7 la nyan thos kyi theg pa pa'i rigs las ldog cing nyams par mi 'gyur ba dang / tshe 'di nyid la nyan thos kyi theg pa'i 'phags pa'i chos mngon du gyur ba dang / nyan thos kyi 'phags pa'i
278a1 chos kyi snod du gyur te/ rang sangs rgyas kyi theg pa dang / theg pa chen po'i 'phags pa'i chos mngon du gyur pa dang / rang sangs rgyas kyi theg pa dang / theg pa
278a2 chen po'i snod du 'gyur ba ni ma yin no/ /gzhung des rang sangs rgyas kyi theg pa dang / theg pa chen po'ang shes par bya'o/ /rigs kyi bu/ de ltar gnas pa dang / spyad par ldan pa'i 'khor
278a3 lo bcu po de dag ni nyan thos dang / rang sangs rgyas dang / byang chub sems dpa' dang / sangs rgyas bcom ldan 'das thams cad kyi thun mong du yod pa'o/ /rigs kyi bu/ gzhan
278a4 yang | gnas pa dang / spyad par bya ba'i 'khor lo rnam pa bcu nyan thos dang thun mong ma yin pa/ rang sangs rgyas dang / byang chub sems dpa' dang / sangs rgyas bcom ldan 'das dang thun
278a5 mong pa yod do/ /gang rgyal rigs dge ba nas rje'u rigs dang / dmangs rigs la sogs pa'i skyes pa dang / bud med de dag gnas pa dang spyad par bya ba'i 'khor lo bcu po 'di dag
278a6 dang ldan na tshe 'di nyid kyis rang sangs rgyas kyi theg pa'i rigs las kyang nyam par mi 'gyur ba dang / mi ldog pa dang / lus 'di nyid la rang sangs rgyas kyi theg pa'i 'phags pa'i chos
278a7 rigs pa dang / rang sangs rgyas kyi 'phags pa'i chos kyi snod du 'gyur ro/ /bcu gang zhe na/ 'di lta ste/ lus dang / nga dang / yid kyi las rnam par dag par spyod pa dang / khrel ba dang /
278b1 ngo tsha ba dang ldan te/ bdag gi lus kyis skyo ba dang / nye bar len pa'i phung po lnga la shin tu 'jigs pa skyed pa dang / 'khor ba'i 'dod pa las shin tu brgal dka' bar lta ba dang / rtag tu dben
278b2 pa'i gnas la dga' zhing 'du 'dzi yongs su spong ba dang / bas mtha' dgon pa la dga' zhing gzhan gyi skyon mi gleng pa dang / dbang po rnams sdom zhing sems rtag tu zhi bas ting nge 'dzin du byed
278b3 pa dang / rten cing 'brel te 'byung ba la mkhas pas rgyu dang / 'bras bu la shin tu rtog pa dang / rtag tu bsam gtan la mnyam par 'jog par dga' ba dang / kun nas ldang ba'i chos yongs su
278b4 'gog pa la mkhas pa'o/ /rigs kyi bu/ rgyal rigs dge ba nas rje'u rigs dang / dmangs rigs la sogs pa'i skyes pa dang / bud med de dag gnas pa dang / spyad par bya ba'i 'khor lo bcu po
278b5 'di dag dang ldan pas tshe 'di nyid kyis rang sangs rgyas kyi theg pa'i rigs las phyir mi ldog cing nyams pa yod par mi 'gyur ba dang / tshe 'di nyid kyis rang sangs rgyas kyi theg pa'i 'phags pa'i
278b6 chos mngon du 'gyur ba dang / rang sangs rgyas kyi theg pa'i 'phags pa'i chos kyi snod du 'gyur ba'o/ /rigs kyi bu/ 'di dag ni nyan thos dang / rang sangs rgyas thams cad kyi gnas pa dang / spyad
278b7 par bya ba'i 'khor lo zhes bya ste/ nyan thos dang / rang sangs rgyas thams cad kyis 'khor lo 'di la gnas na myur du srid pa gsum gyi rgya mtsho las brgal te mya ngan las 'das pa'i grong khyer chen
279a1 por phyin par 'gyur ro/ /rigs kyi bu/ gnas pa dang / spyad par bya ba'i 'khor lo zhes bya ba'i tshig gi don gang lags/ de la gnas pa zhes bya ba ni 'dzin
279a2 pa dang bcas pa/ bdag gi ba'i gnas su bcas pa/ 'dud par byed pa dang bcas pa/ 'brel bar byed pa dang bcas pa'o/ /de la spyod pa zhes bya ba ni phung po spyod pa dang / khams spyod
279a3 pa dang / skye mched spyod pa dang / 'brel ba dang bcas pa'i spyod pa'o/ /'khor lo zhes bya ba ni bslab pa dang / dam tshig gi 'khor lo ste/ dper na/ 'khor los bsgyur ba'i rgyal po ni
279a4 shing rta'i 'khor lo'am/ 'khor lo de gtso bor spyod do/ /de bzhin du nyan thos dang / rang sangs rgyas thams cad 'khor lo 'di la brten nas mya ngan las 'da' ba'i lam tshol te/ de
279a5 bas na rnam pa 'di gnyis ni theg pa chen po'i snod ma yin no/ /de ci'i phyir zhe na/ de dag ni spyod pa dma' zhing zhan pa la rten pas theg pa chen po'i snod ma yin no/ /bdag phung po rnams
279a6 spyod pa la 'dzin par byed pa dang bcas pa la skyo zhing 'jigs te/ bdag 'ba' zhig sdug bsngal thams cad las rnam par grol ba tshol gyi sems can thams cad rnam par dgrol
279a7 ba'i phyir nan tan byed pa ma yin pas theg pa chen po'i snod ma yin no/ /bdag khams rnams spyod pa la gnas su bcas pas skyo zhing 'jigs te/ bdag sdug bsngal thams cad
279b1 las rnam par grol ba tshol gyi/ sems can thams cad rnam par dgrol ba'i phyir nan tan byed pa ma yin pas na theg pa chen po'i snod ma yin no/ /bdag skye mched mngon par 'du bya ba
279b2 rnams spyod pa la sdud par byed pa dang bcas pas skyo zhing 'jigs te/ bdag sdug bsngal thams cad las rnam par grol ba tshol gyi/ sems can thams cad rnam par dgrol ba'i
279b3 phyir nan tan byed pa ma yin pas na theg pa chen po'i snod ma yin no/ /de dag 'brel ba dang bcas pa'i spyod pa la 'brel ba'i dbang gis gnas shing brten nas gnas shing brten
279b4 pa mngon par 'du byed de/ sems can thams cad sdud pa la mi dga' zhing byams pa dang / snying rje med de 'brel pa dang bcas pa'i phyir theg pa chen po'i snod ma yin no/ /gzhan
279b5 dag sdug bsngal mang po myong bar mthong yang yal bar btang ste mi skyo ba la bdag 'ba' zhig rnam par grol ba tshol ba'i phyir theg pa chen po'i snod ma yin no/ /de dag bdag gi
279b6 kun nas nyon mongs pa'i mgo bcad pas sems can thams cad kyi kun nas nyon mongs pa'i mgo bcad pa la mi spro bas theg pa chen po'i snod ma yin no/ /de dag theg pa chen
279b7 po'i 'khor los byang chub la 'bab pa ma yin pas na theg pa chen po'i snod ma yin no/ /de dag 'od chen po'i 'khor los byang chub la 'bab pa ma yin pas na theg pa chen po'i
280a1 snod ma yin no/ /de dag gcig pu zla med par mya ngan las 'das pa'i grong khyer du 'gro ba la dga' zhing nan tan byed pas na theg pa chen po'i snod
280a2 ma yin no/ /rigs kyi bu/ sems can gang nyan thos kyi theg pa dang / rang sangs rgyas kyi theg pa'i chos la nan tan ma bya pa/ brtson 'grus ma brtsams pa dag ni dbang
280a3 po yongs su ma smin te/ dbang po zhan pa/ brtson 'grus chung ba dag la gal te shin tu zab mo theg pa chen po'i dam pa'i chos bstan na bshad pa dang / nyan pa gnyis ka kha na
280a4 ma tho ba chen po'i sdig thob par 'gyur te/ de ni sangs rgyas thams cad la 'khus pa yin no/ /de ci'i phyir zhe na/ sems can gang nyan thos kyi theg pa dang / rang sangs rgyas kyi
280a5 theg pa'i chos la nan tan ma byas shing brtson 'grus ma brtsams te/ dbang po ma smin pa/ dbang po zhan pa/ brtson 'grus chung ba dag shin tu zab pa theg pa chen po'i dam pa'i
280a6 chos mnyan na sems can de ni yang dag par glen pa/ gti mug pa yin te/ de ni bdag shes par khas 'che'ang chad pa'i mtha' dang / log pa'i 'du shes su 'gyur ba
280a7 dang | rgyu med par smra zhing las kyi 'bras bu rnams la med par 'dzin pas dge ba byas pa dang / sdig pa byas pa thams cad la med par 'dzin pa dang / theg pa chen po
280b1 la brdzun du smra zhing nga'i dam pa'i chos ma rungs par byed pa/ chos ma yin pa la ni chos yin par 'chad pa/ chos la ni chos ma yin par 'chad pa/ dge sbyong ma yin pa la dge sbyong
280b2 yin par 'chad pa/ dge sbyong yang dag pa la ni dge sbyong ma yin par 'chad pa/ 'dul ba ma yin pa la ni 'dul bar 'chad pa/ 'dul ba yang dag pa la ni 'dul ba ma yin
280b3 par 'chad de/ glen pa gti mug gi rang bzhin can nga rgyal gyis mngon par zin pa/ phrag dog dang / ser snas yongs su bsten pa/ theg pa chen po'i chos la bstod cing srung ba
280b4 dang | kun du rgyas par byed kyang nyan thos kyi theg pa dang / sangs rgyas kyi theg pa'i chos la 'phya zhing skur nas rgyas par mi byed do/ /de ni nyan thos kyi theg pa dang / rang sangs rgyas
280b5 kyi theg pa dang / bla na med pa yang dag pa'i theg pa la brten te/ khyim nas khyim ma yin par rab tu byung nas bsnyen par rdzogs kyang dge slong nyid du 'gyur bar yang dag pa ji lta
280b6 ba bzhin du mi shes pa dang / dge ba'i chos thams cad mngon par sdud pa'i rgyu yang dag pa ji lta ba bzhin du mi shes pas nga'i slob ma chos kyi snod du gyur pa dang / chos kyi snod du
280b7 ma gyur pa dang / slob pa dang / mi slob pa la nan tan byed pa dang / mtha'i gnas byas pa'i 'bras bu thob pa dang / dge ba'i skye bo tshul khrims srung ba dang / tshul khrims nyams
281a1 pa dang / tshul khrims med pa dag la rnam pa sna tshogs kyis spyo zhing gshe ba dang / gnod pa byed pa dang / chos gos dang / lhung bzed 'phrog pa dang / 'tsho
281a2 ba'i yo byad la spyod du mi ster ba dang / bzung zhing bcing pa'ang byed do/ /de ltar rgyu dang / 'bras bu thams cad med par lta zhing chad par smra ba dag ni mi'i nang na gnas kyang / de ni yang
281a3 dag par srin po zhes bya ste/ ma 'ongs pa'i dus na bskal pa chen po grangs med pa'i bar du'ang mi'i lus thob par dka'o/ /sems can dmyal bar tshad med pa'i sdug bsngal
281a4 myong bar yang sla yi/ mi'i nang na chad par lta ba ni ma yin no/ /de ltar gang zag glen pa de ni ring po mi thogs par lus kyi yan lag dum bur chad cing nyin zhag du mar lce lkugs
281a5 shing smra mi nus pa dang / shin tu mi bzad pa'i na ba dang / tsha ba'i sdug bsngal chen po myong ba dang / tshe 'phos nas gdon mi za bar mtshams med pa'i sems can dmyal bar
281a6 ltung zhing ngan song kun tu 'khor lo bzhin du 'khor la sdug bsngal mang po len te thar pa'i dus med do/ /bskal pa brgya stong gi bar du'ang mi'i lus thob par dka'o/ /gal
281a7 te bskal pa tshad med grangs med pa 'das nas mi'i lus thob na'ang sangs rgyas mi bzhugs pa/ rnyog pa lnga'i 'jig rten gyi khams su skye ste/ dmus long du 'gyur ba dang / /
281b1 'on pa dang / lkugs pa dang / lce med pa dang / nad rnam pa sna tshogs kyis gzir ba dang / lus thung zhing mi sdug bas kun gyi yid du mi 'ong ba dang / smra mi mkhas shing chig rnar mi 'ong
281b2 ba dang / sems rtag tu myos shing ci'ang mi shes pa dang / dbul phongs pa'i rigs su skyes nas ci'ang mi rnyed pa dang / dge ba'i bshes gnyen dang mi phrad pa dang / sdig pa'i bshes
281b3 gnyen gyi rjes su sdig pa'i las byed pa la dga' ba dang / ngan par lta ba la chags shing mtshams med pa'i sdig pa byed pa la dga' bas phyir yang mtshams med pa'i sems can
281b4 dmyal bar ltung bar 'gyur te/ ngan song las shin tu thar par dka'o/ /de ltar glen pa gti mug can chad pa dang / 'gog par smra ba des nga'i dam pa'i chos ma rung bar byas nas
281b5 nga'i slob ma tshul khrims srung ba dang / tshul khrims nyams pa dang / tshul khrims med pa la nan tan gyis chad pas gcod cing dge ba'i phyogs la bde bar spyod du mi ster te/ de'i
281b6 rgyu de'i rkyen gyis bskal pa brgya stong gi bar du ngan song du ltung nas mun pa nas mun par rgyu ste/ thar pa'i dus med do/ /de ltar sems can de'i sdig pa rnam par smin pa ni nyan
281b7 thos dang / rang sangs rgyas kyi theg pa'i chos mnyan pa la nan tan ma byas par shin tu zab pa theg pa chen po'i dam pa'i chos la nyan cing nan tan byed pa la rtsol ba'i phyir ro/ /de
282a1 ltar glen pa gti mug can chad par lta bar smra ba de mi ma rabs tha ma'i lus kyang thob par dka' na/ 'phags pa'i chos kyi snod du 'gyur ba lta ci
282a2 smos| nyan thos dang / rang sangs rgyas kyi mya ngan las 'da' ba'ang mi thob na/ shin tu zab bla na med pa yang dag par rdzogs pa'i byang chub thob pa lta ci smos te/ sems can de'i
282a3 nyes pa ni nyan thos kyi theg pa'i chos dang / rang sangs rgyas kyi theg pa'i chos ma bslabs par theg pa chen po'i chos la zhugs par gyur pa'i phyir ro/ /rigs kyi bu/ 'di lta ste/
282a4 rdza so ma btang ba'i nang du mar dang / 'o ma blugs na thams cad 'thungs nas snod dang / bcud gnyi ga ma rung bar byed do/ /de ci'i phyir zhe na/ snod la skyon yod pa'i phyir ro/ /de
282a5 bzhin du sems can dag kyang nyan thos kyi theg pa dang / rang sangs rgyas kyi theg pa'i chos la shin tu nan tan ma byas pa/ yang dag pa'i brtson 'grus ma brtsams pa/ dbang
282a6 po yongs su ma smin pa/ dbang po zhan pa/ brtson 'grus chung ba dag la gang gis shin tu zab pa theg pa chen po'i dam pa'i chos bshad na bshad pa dang nyan pa gnyi ga kha na ma
282a7 tho ba chen po'i sdig thob par 'gyur te/ sangs rgyas thams cad la 'khus pa'i skyon du 'gyur ba ni gong du rgyas par bshad pa bzhin no/ /yang 'di lta ste/ 'jig rten pa'i
282b1 bang mdzod zag pa zhig ral can gyi nang du nor rin po che bcug na chud zos shing stor bar 'gyur ro/ /de bzhin du sems can gang theg pa gnyis kyi chos la 'phya zhing skur te ma dad pa nan tan
282b2 du mi slob pa dag la theg pa chen po bshad na yang dag pa ji lta ba bzhin du mi shes te/ de'i dbang gi sdig byed cing 'khor ba'i mtha' zad mi shes par 'gyur ro/ /'di lta ste/ gru zag
282b3 pa bug rdol can skyed pa dang / 'deg pa mi nus pa la zhon te rgya mtsho'i nang du 'jug pa de bzhin du sems can gang ser sna dang / phrag dog gi dbang du gyur pa theg pa gnyis kyi chos la
282b4 nan tan ma byas par bdag ni theg pa chen po pa yin no zhes khas 'che ba de ni chad par lta ba/ nga rgyal can/ g.yo dang / sgyus zag ba can du gyur pa'i lus kyis thams cad mkhyen pa'i
282b5 rgya mtshor 'jug mi nus so/ /'di lta ste/ gang zag dmus long du gyur pa ni rin po che rnam pa sna tshogs bstan pa'i gnas su mi 'gyur ro/ /de bzhin du nga rgyal gyi dbang du gyur pa
282b6 bag med pa stong par lta ba la chags shing theg pa gnyis mi slob pa'i shes rab kyi mig med pas dmus long du gyur pa ni bla na med pa'i theg pa chen po'i yon tan rin po che bstan pa'i
282b7 gnas su mi 'gyur ro/ /'di lta ste/ lus shin tu mnam zhing rul par gyur pa la byug pa dri zhim pa rnam pa sna tshogs kyis byugs kyang dri zhim par mi 'gyur ro/ /de bzhin du sems
283a1 can glen pa gti mug can nga rgyal gyis mngon par zin pa/ theg pa gnyis kyi chos la brtson par ma dad cing srog gcod pa ma spangs pa nas log par
283a2 lta ba'i bar du ma spangs pa de dag ni/ bla na med pa'i theg pa chen po la nan tan byed kyang shin tu zab mo'i chos shes par mi nus so/ /'di lta ste/ gram khrod du sa bon bzang
283a3 po btab ste shin tu las cher byas kyang 'bras bu dang / lo tog rnyed par mi 'gyur ro/ /de bzhin du sems can gang theg pa gnyis kyi chos la nga rgyal dang / le lo byed de nan tan
283a4 mi byed pa dang / 'dod pa lnga la chags te mi skyo bdag lus de nyid la theg pa chen po'i rigs su shin tu spyad dka' ba'i brtson 'grus byas kyang cir yang 'grub pa'i don med do/ /
283a5 'di lta ste/ rdza ma sngar dug gi snod byas pa'i nang du phyis sha khar cung zad tsam btab pas spyad du mi rung ngo / /de bzhin du sems can gang theg pa gnyis kyi chos la nan
283a6 tan mi byed pa rgyu med par smra ba la theg pa chen po bstan kyang bdag dang / gzhan la phan pa'i don du mi 'gyur ro/ /'di lta ste/ sngar sha kha ra'i snod byas pa'i rdza ma'i nang du phyis
283a7 dug cung zad btab na'ang spyad du mi rung ngo / /de bzhin du sems can gang theg pa gnyis kyi chos la nan tan ma byas par theg pa chen po ston na gnyis ka nyams shing
283b1 'khyams par 'gyur ro/ /'di lta ste/ dper na/ smyos shing sems 'khrugs pa'i mdun du rol mo sna tshogs byas kyang bye brag mi phyed pa de bzhin du sems can gang theg pa gnyis
283b2 kyi chos la shin tu nan tan ma byas pa 'dod chags dang / zhe sdang dang / gti mug la sogs pa'i nyon mongs pa drag pos sems bslad pas rgyu med par 'dzin pa/ chad pa
283b3 dang | med par smra ba/ dbang po ma yin pa dag la theg pa chen po yun ring mo zhig tu bshad kyang shes par ram/ rtogs par mi nus so/ /'di lta ste/ gang zhig go cha med de mtshon
283b4 cha mi thogs par g.yul ngor song na gdon mi za bar rmas shing sdug bsngal myong bar 'gyur ro/ /de bzhin du sems can gang theg pa gnyis kyi chos la nan tan ma byas pa shes rab zhan
283b5 pa| dbang po dang / snod du ma gyur pa dag la theg pa chen po bshad na gdon mi za bar log par 'dzin pa'i phyir sdig pa'i las kun byed pa la zad pa'i mtha' med do/ /de ltar glen
283b6 pa gti mug can de ring po mi thogs par lus kyi yan lag dum bur chad pa nyin zhag du mar lce lkugs shing smra mi nus pa dang / shin tu mi bzad pa'i na ba dang / tsha ba'i sdug bsngal
283b7 chen po myong ba dang / 'chi 'phos nas kyang gdon mi za bar mtshams med pa'i sems can dmyal par skye steng na song rnams su 'khor zhing 'jug pa ni ji ltar sngar rgyas par bshad pa
284a1 bzhin no/ /rigs kyi bu/ de bas na mkhas pa dag ni sngar pha rol po'i sems brtags te gdod chos bstan par bya'o/ /sngar byams pa'i sems dang /
284a2 snying rje'i sems dang / dga' ba'i sems dang / phan pa'i sems dang / le lo med pa'i sems dang / shin tu bzod pa'i sems dang / nga rgyal med pa'i sems dang / phrag
284a3 dog med pa'i sems dang / 'jungs pa med pa'i sems dang / mnyam par bzhag pa'i ting nge 'dzin gyi sems bskyed nas gdod pha rol po la dam pa'i chos bstan par bya mi
284a4 sems can pha rol pos chos thos nas 'khor bar 'khor ba'i g.yangs chen por ltung bar mi bya'o/ /de bas na de bzhin gshegs pa ni sems can thams cad kyi sems kyi
284a5 mtshan nyid thugs su chud nas dri ma med pa mi len par spyod pa'i 'khor los dam pa'i chos ston te/ go cha chen po bgos pa'i byang chub sems dpa' sems dpa' chen po rnams
284a6 gzhan la chos ston pa'ang de bzhin te/ byams shing brtse ba'i phyir nyon mongs pa thams cad yongs su gcad pa dang / srid pa gsum gyi rgya mtsho las bsgral ba dang / sems can
284a7 dag theg pa gsum gang la dad pa'i theg pa gcig la 'dzud cing myur du rdzogs par bya ba'i phyir dam pa'i chos ston gyi/ 'khor bar 'khor ba'i g.yang sa chen por ltung bar
284b1 zhi nam yang mi byed do/ /de la ji ltar na dri ma med par spyod pa'i 'khor lo zhes bya zhe na/ de la dri ma med pa zhes bya ba ni chos ston pa'i tshe na phung po yod pa'i phyir ma yin/ skye mched
284b2 yod pa'i phyir ma yin/ khams yod pa'i phyir ma yin/ 'dod pa'i khams yod pa'i phyir ma yin/ gzugs yod pa'i khams yod pa'i phyir ma yin/ gzugs med pa'i
284b3 khams yod pa'i phyir ma yin/ 'jig rten 'di yod pa'i phyir ma yin/ 'jig rten pha rol pa yod pa'i phyir ma yin/ 'du byed yod pa'i phyir ma yin/ tshor ba yod pa'i phyir ma
284b4 yin| 'du shes yod pa'i phyir ma yin/ rtog pa yod pa'i phyir ma yin/ rig pa yod pa'i phyir ma yin/ yid la bya ba yod pa'i phyir ma yin/ ma rig pa yod pa'i phyir ma yin pa nas
284b5 rga shi'i bar du yod pa'i phyir ma yin/ 'gro ba yod pa dang / 'gro ba med pa'i phyir sems can la dam pa'i chos ston pa ma yin no/ /'di lta ste/ phung po dang / khams dang / skye
284b6 mched nas 'gro ba dang / 'gro ba med pa'i bar du rgyas par bshad pa kun kyang rab tu zhi bas sems can la dam pa'i chos ston to/ /de lta bas na dri ma med pa zhes bya'o/ /spyod pa zhes bya
284b7 ba ni/ 'di lta ste/ 'di nas 'chi 'pho ba dang / pha rol tu skye ba yongs su gcad pa'i phyir sems can dag la chos ston to/ /phung po dang / khams dang / skye mched yongs su gcad pa nas
285a1 de bzhin du 'gro ba dang / mi 'gro ba'i bar du rgyas par yongs su gcod pa'i phyir sems can rnams la chos ston pa ni spyod pa zhes bya'o/ /'khor lo zhes
285a2 bya ba ni/ 'di lta ste/ zla ba nya ba'i 'od shin tu sim zhing gsal ba thogs pa med par nam mkha' la snang bas thams cad du thogs pa med pa'i spyod yul du 'gyur ba de bzhin du de
285a3 bzhin gshegs pa dang / byang chub sems dpa' rnams kyi ji snyed rdzu 'phrul dang / mngon par shes pa dang / shes pa brda sprod pa dang / bslab par bya ba dang / rnam par rgyal
285a4 ba'i 'khor lo gsum pos mdzad pa thogs pa med par 'jig rten gyi khams kun tu snod du gyur pa'i sems can thams cad la phan pa dang / bde ba'i phyir sems can dag
285a5 gzhan la skyabs su 'gro ba dang / 'jig rten rgyang phan pa thams cad dang ma 'dres pa dang / nyan thos dang / rang sangs rgyas thams cad dang ma 'dres par sems can
285a6 dag la 'khor ba'i sdug bsngal thams cad bcad de/ shin tu bde ba'i byang chub kyi mya ngan las 'da' ba thob par byed pa ni 'khor lo zhes bya'o/ /de ltar na de dag ni sangs rgyas
285a7 dang / byang chub sems dpa' rnams kyi dri ma med par spyod pa'i 'khor lo zhes bya'o/ /de la ji ltar na mi len par spyod pa'i 'khor lo zhe na/ chos thams cad la thogs pa
285b1 med par ji ltar nyi ma'i dkyil 'khor kun tu snang ba bzhin du theg pa gsum gyi dbang po dang / snod ji lta ba bzhin du chags pa med par dam pa'i chos ston to/ /de bzhin gshegs
285b2 pa sems can rnams la chos ston pa ni ji ltar nam mkha' tha dad pa'i mtshan nyid med pa ltar chad med pa'i ting nge 'dzin dang / rnam par grol ba'i dbang dang / bkod pas yongs
285b3 su zin par sems can dag la chags pa med par dam pa'i chos ston to/ /go cha chen po bgos pa'i byang chub sems dpa' sems dpa' chen po rnams pha rol la chos ston pa yang
285b4 de dang 'dra ste/ chos ston pa na yod pa'ang ma yin/ med pa'ang ma yin/ gzugs nyid stong pa ma yin/ gzugs las gzhan pa stong pa ma yin pa nas rnam par shes pa nyid kyi
285b5 bar du ston pa ma yin/ rnam par shes pa las gzhan pa stong pa ma yin no/ /mi gnyid stong pa ma yin/ mig las gzhan pa stong pa ma yin pa nas yid nyid kyi bar du stong pa ma yin/
285b6 yid las gzhan pa stong pa ma yin no/ /gzugs nyid stong pa ma yin/ gzugs las gzhan pa stong pa ma yin pa nas chos nyid kyi bar du stong pa ma yin/ chos las gzhan pa stong pa
285b7 ma yin no/ /mig gi rnam par shes pa nyid stong pa ma yin/ mig gi rnam par shes pa las gzhan pa stong pa ma yin pa nas yid kyi rnam par shes pa nyid kyi bar du stong pa ma yin no/ /
286a1 yid kyi rnam par shes pa las gzhan pa stong pa ma yin no/ /'dod pa'i khams nyid stong pa ma yin/ 'dod pa'i khams las gzhan pa stong pa ma yin
286a2 pa nas nam mkha' mtha' yas skye mched steng nyid kyi bar stong pa ma yin/ nam mkha' mtha' yas skye mched steng las gzhan pa stong pa ma yin no/ /rnam shes mtha' yas skye
286a3 mched steng nyid stong pa ma yin/ rnam shes mtha' yas skye mched steng las gzhan pa stong pa ma yin/ cung zad med pa'i skye mched steng nyid stong pa ma yin/ cung zad med
286a4 pa'i skye mched steng las gzhan pa stong pa ma yin no/ /'du shes med 'du shes med min skye mched steng nyid stong pa ma yin/ 'du shes med 'du shes med min skye mched stong
286a5 las gzhan pa stong pa ma yin no/ /dran pa nye bar gzhag pa bzhi nyid stong pa ma yin/ dran pa nye bar gzhag pa bzhi las gzhan pa stong pa ma yin pa nas 'phags pa'i lam
286a6 yan lag brgyad pa nyid kyi bar du stong pa ma yin/ 'phags pa'i lam yan lag brgyad pa las gzhan pa stong pa ma yin no/ /rten cing 'brel te 'byung ba nyid stong pa ma yin/
286a7 rten cing 'brel te 'byung ba'i chos las gzhan pa stong pa ma yin no/ /bsrung bar bya ba gsum po nyid stong pa ma yin/ bsrung bar bya ba gsum po las gzhan pa stong pa ma
286b1 yin no/ /'jigs pa med pa bzhi nyid stong pa ma yin/ 'jigs pa med pa bzhi las gzhan pa stong pa ma yin no/ /stobs bcu nyid stong pa ma yin/ stobs bcu las gzhan pa stong pa ma
286b2 yin no/ /ma 'dres pa'i chos bco brgyad nyid stong pa ma yin/ ma 'dres pa'i chos bco brgyad las gzhan pa stong pa ma yin no/ /byams pa chen po dang / snying rje chen po dang / dga'
286b3 ba chen po dang / btang snyoms chen po stong pa ma yin/ byams pa chen po dang / snying rje chen po dang / dga' ba chen po dang / btang snyoms chen po las gzhan pa stong pa ma
286b4 yin no/ /mya ngan las 'das pa nyid stong pa ma yin/ mya ngan las 'das pa las gzhan pa stong pa ma yin no/ /de dag ni de bzhin gshegs pa dang / byang chub sems dpa' rnams
286b5 kyi sems can rnams la dam pa'i chos ston pa la dbu ma'i nan tan zhes bya'o/ /rigs kyi bu/ de ltar na de bzhin gshegs pas sems can dag la dri ma med par spyod pa'i 'khor
286b6 los chos ston te/ ji ltar zla ba nya ba'i 'od shin tu gsal zhing sim pa dang / thogs pa med par nam mkha' kun tu khyab pa dang / spyod yul thams cad du tshogs pa med par snang
286b7 ba nas gzhung de bzhin du rgyas par ston to/ /dang du mi len par spyod pa'i 'khor los kyang dam pa'i chos ston cing chos thams cad la thogs pa med pa ni ji ltar nyi ma'i 'od kun tu gsal
287a1 ba ltar theg pa gsum gyi snod dang / dbang po ji lta ba bzhin du dam pa'i chos chags pa med par ston to/ /de bzhin gshegs pas sems can dga' chos
287a2 ston pa ni ji ltar nam mkha' la mtshan nyid tha dad pa med pa ltar ting nge 'dzin tshad med pas rnam par rol pa'i dbang dang / bkod pas yongs su bzung bas sems can dag
287a3 la chags pa med par dam pa'i chos ston te/ theg pa gsum las gang dang mthun pa bzhin du 'dzud do/ /go cha chen po bgos par byang chub sems dpa' sems dpa' chen pos
287a4 gzhan la chos ston pa'ang de bzhin te/ sems can rnams la mchog dam pa shin tu zab pa'i chos 'di thos par byas te theg pa gsum las gang la mos pa de gcig la 'dzud
287a5 cing dge ba'i rtsa ba yongs su smin par bya ba dang / theg pa gcig la bde bar dgod pa dang / gang 'khor ba'i gnas su sdig pa mi dge ba'i las rnam pa thams cad 'phel bar
287a6 mi byed cing / thams cad mya ngan las 'da' ba shin tu brtan pa dang / phyir mi ldog par yang byed do/ /rigs kyi bu/ byang chub sems dpa' sems dpa' chen po dag sems can
287a7 grangs med tshad med pa'i 'khor ba yongs su gcad pa'i phyir chos ston to/ /nyan thos dang / rang sangs rgyas ni bdag gi 'khor ba 'ba' zhig gcad pa'i phyir pha rol la chos
287b1 ston to/ /byang chub sems dpa' sems dpa' chen po ni sems can tshad med grangs med pa dag chu bo bzhi las bsgral ba'i phyir gzhan la chos ston to/ /nyan thos dang / rang sangs rgyas
287b2 ni bdag chu bo bzhi las bsgral ba'i phyir gzhan la chos ston to/ /byang chub sems dpa' sems dpa' chen po ni sems can tshad med grangs med pa'i nyon mongs pa'i nad bsal ba'i
287b3 phyir gzhan la chos ston to/ /nyan thos dang / rang sangs rgyas ni bdag nyid kyi nyon mongs pa'i nad bsal ba'i phyir gzhan la chos ston to/ /byang chub sems dpa' sems dpa'
287b4 chen po ni sems can thams cad kyi phung po'i nyon mongs pa'i bag chags kyi rgyun lhag ma ma lus par bcad pa'i phyir gzhan la chos ston to/ /nyan thos dang / rang sangs rgyas ni bdag
287b5 'ba' zhig gi phung po'i nyon mongs pa'i bag chags kyi rgyun lhag ma ma lus par gcad pa'i phyir gzhan la chos ston to/ /byang chub sems dpa' sems dpa' chen po ni snying rje chen
287b6 po'i 'bras bu bsgrub pa'i phyir snying rje chen pos rgyu bas te gzhan la chos ston to/ /nyan thos dang / rang sangs rgyas ni snying rje chen po'i 'bras bu'i phyir snying rje chen pos rgyu byas te gzhan
287b7 la chos ston pa ma yin no/ /byang chub sems dpa' sems dpa' chen po ni sems can thams cad la dmigs te gzhan la chos ston to/ /nyan thos dang / rang sangs rgyas ni sems can
288a1 rnams la dmigs pa med par gzhan la chos ston to/ /byang chub sems dpa' sems dpa' chen po ni sems can thams cad kyi sdug bsngal zhi bar bya
288a2 ba'i phyir gzhan la chos ston to/ /nyan thos dang / rang sangs rgyas ni bdag 'ba' zhig gis sdug bsngal zhi bar bya ba'i phyir bzhan la chos ston to/ /byang chub sems dpa'
288a3 sems dpa' chen po ni sems can thams cad la chos kyi ros khyab par bya ba'i phyir gzhan la chos ston to/ /nyan thos dang / rang sangs rgyas ni bdag 'ba' zhig la chos kyi
288a4 ros khyab par bya ba'i phyir gzhan la chos ston to/ /byang chub sems dpa' sems dpa' chen po ni sems can thams cad rgyal ba'i chos kyi 'od thob par bya ba'i phyir
288a5 gzhan la chos ston to/ /nyan thos dang / rang sangs rgyas ni bdag 'ba' zhig rgyal ba'i chos kyi 'od thob par bya ba'i phyir gzhan la chos ston to/ /rigs kyi bu/ mdor
288a6 na byang chub sems dpa' sems dpa' chen po ni sdom pa tshad med pas sems can thams cad kyi mi rig pa'i mun pa chen po yongs su bsal ba dang / 'jigs pa'i dngos
288a7 po chen po dang / gnod par 'gyur ba thams cad yongs su bsal te 'od kyi snang ba chen po 'thob pa dang / grags pa chen po 'thob pa dang / yang dag pa ji lta bzhin du
288b1 thams cad mkhyen pa'i ye shes rtogs par bya ba'i phyir bzhan la chos ston to/ /nyan thos dang / rang sangs rgyas ni sdom pa cung zad kyis bsag gi ma rig pa'i mun pa bsal ba dang
288b2 'od snang bcung zad 'thob pa dang / grags pa cung zad 'thob pa dang / yang dag pa ji lta ba bzhin du chos chud pa'i ye shes cung zad rtogs par bya ba'i phyir gzhan la chos ston
288b3 to| |rigs kyi bu/ nyan thos dang / rang sangs rgyas ni gzhan la yang dag par dmigs pa med do/ /gzhan la yang dag par snying rje ba med de/ /gzhan la yang dag par mi brnyas
288b4 pa'i sems med do/ /gzhan la yang dag par phan pa dang bde bar bya ba'i sems med do/ /gzhan la yang dag par dgrol zhing sgrol ba'i sems med do/ /gzhan la yang dag
288b5 par 'deg pa'i sems med do/ /gzhan la yang dag par bsngags shing bstod pa'i sems med do/ /pha rol la yang dag par g.yo dang / sgyu med par bstod pa ma yin no/ /gzhan
288b6 la yang dag par bdag gi lus la mi lta zhing gzhan gyi phan pa dang / bde ba sgrub pa ma yin no/ /gzhan la yang dag par lus dang / ngag dang / yid kyi las mi nyams pa ma yin no//
288b7 rigs kyi bu/ theg pa chen po la gnas pa ni ci'ang bdag gir dmigs pa gang yang yang dag par med pa nas de bzhin du rgyas par pha rol la lus dang / ngag dang / yid kyi las
289a1 gzhan la gnod pa skyed pa gang yang med do// //bam po bdun pa/ rigs kyi bu/ gzhan yang / sems can gang rang bzhin gyis gdug pa/
289a2 tshig brlang zhing rtsub pa/ yang dag par glen pa/ gti mug gi rang bzhin can/ shes pa sems pa/ srog gcod pa ma spangs pa nas ngan par lta ba'i bar du ma spangs pa/ gzhan dag gi khe
289a3 dang | bkur sti dang / mchod pa dang / grags pa rnyed pa mthong na phrag dog skyed pa/ bdag rtag tu khe dang / bkur sti dang / mchod pa dang / grags pa tshol bas mi ngoms pa/
289a4 bdag bstod cing gzhan la smod pa/ bdag gi lus dang / ngag dang / yid kyi las mi sdom pa/ sdig pa thams cad spyod pa la rtag tu dga' ba/ rang gi sems gdug pa/ snying
289a5 rje'i sems med pa/ 'dzem pa med pa/ ngo tsha ba med pa/ gzhan la 'tshe ba la dga' ba/ bsod nams kyi zhing la bzang ngan du rnam par 'byed pa/ nga'i bstan pa la zhugs
289a6 pa rab tu byung ba la skyon tshol zhing gnod par glags lta ba la dga' ba/ skyon cung zad tsam byung na bden nam/ rdzun ma brtags par 'phya zhing skur te gshe zhing sbyo ba/ sems
289a7 ma dul ba/ rgod pa g.yeng ba/ rab tu byung ba la 'tshe bar dga' ba/ bdag gi skyon la mi sems shing gzhan la 'phya ba/ theg pa chen po'i yon tan dang / bsngags pa brjod
289b1 pa thos na 'tsho zhing 'jug pa'i sems skye mod kyi/ kha na ma tho ba'i sdig lci ba spyad pa la dga' ba/ rab tu ma zhi ba/ gzhan la bslu ba'i phyir theg pa chen po'i chos la bdag nyan cing
289b2 gzhan yang nyan du gzhug pa'i tshul ston pa/ bdag klog pa dang / kha ton byed cing gzhan yang klog cing kha ton byed du 'jug pa'i tshul ston pa dang / bdag bstod pa'i phyir gzhan
289b3 la smod pa de theg pa chen po'i chos la bsti stang dang bcas pas bstod kyang theg pa chen po'i spyod yul la nan tan du ma bslabs pas don khong du chud pa med par bdag ni theg pa chen
289b4 po pa'o zhes khas 'che zhing / khe dang / grags pa dang / bdag gi 'tsho ba btsal ba'i phyir gzhan bdag la gnas 'cha' zhing slob tu 'jug go /dper na/ tshul khrims nyams pa
289b5 sdig pa spyod pa'i 'dul ba 'dzin pa lta bu bdag tshul khrims nyams la sdig pa spyod kyang khe dang / grags pa'i phyir gzhan dag 'dul ba'i sde snod slob par gzhan 'debs pa de ltar
289b6 g.yo dang gya gyur ldan la slu ba'i ngang can gyi sems can de dag ni mi'i lus tha ma'ang thob par dka' zhing mtho ris kyi lha dang / theg pa gnyis kyi mya ngan las 'da' ba'ang nyams te mi
289b7 tho ba na theg pa chen po thob pa lta ci smos te de ni gnas med do/ /de 'chi 'phos nas kyang sems can dmyal bar ltung te/ thar ba'i dus med pas mkhas pa dag gis de la bsten par mi
290a1 mi bya'o/ /khrel ba dang / ngo tsha ba med par 'khor mang po'i nang du khe dang / bkur sti'i phyir nga ni theg pa chen po pa'o zhes seng+ge'i sgra sgrogs pas glen
290a2 pa gti mug can dag dang bsnyen cing gros su byed do/ /de ni/ dper na/ bong bus seng+ge'i pags pa gyon te bdag ni seng ge'i zhes khas 'che bas mi zhig gis rgyang nas mthong
290a3 na| de seng ge nyid yin par 'dzin to/ /de nas des sgra phyung ba dang / thams cad kyis bong bu yin par shes nas kun gyis mchil mas btab ste/ so so nas smras pa/ 'di ko mi
290a4 gtsang ba za ba'i sdig to bong bu lta na zhes ti nan pa sna tshogs kyis smad de dong ngo / /de ltar na de bzhin du ngas bshad pa'i gang zag mi dge ba bcu'i las kyi lam spyod pa la spro ba/
290a5 lha dang / mi thams cad kyi sa bon bsreg pa yin te/ nyan thos dang / rang sangs rgyas kyi theg pa'i chos las kyang phyir ldog pa yin na theg pa chen po'i snod du 'gyur ba lta ci smos /
290a6 de ltar glen pa gti mug can nga rgyal gyis mngon par zin te bdag theg pa chen po pa'o zhes pha rol la sgyus brjod cing khe dang / bkur sti sdug pa de ni/ dper na/ rkang lag med
290a7 pa'i mi glen pa zhig dgra la brgal ba'i phyir g.yul du zhugs kyang bdag nyon mongs pa las don du 'grub pa med do/ /de ltar de bzhin du theg pa chen po par sgyus khas 'che ba de'ang
290b1 'di ltar dad pa'i lag pa dang / tshul khrims kyi rkang pa ma tshang bar rang gi las dang / spyod pa la mi dpog cing nyon mongs pa'i g.yul chen po la rgol bar chas pa ni ba nyon
290b2 mongs pa tsam las don du mi 'gyur ro/ /gang zag de sgo gsum mi sdom par sdig pa 'ba' zhig spyod cing bdag ni theg pa chen po pa'o zhes khas 'che'ang theg pa gsum gyi chos kyi snod
290b3 ma yin pas sems can thams cad kyi nyon mongs pa'i dgra shin tu gnas pa tshoms par ram/ sems can thams cad la 'phags pa'i lam gyi yan lag brgyad ston par ram /
290b4 'jigs pa med pa'i mya ngan las 'da' ba'i grong khyer du dgod pa'i gnas med do/ /de ci'i phyir zhe na/ rigs kyi bu/ theg pa chen po zhes bya ba ni phul du gyur pa'i tshul khrims rnam
290b5 par dag par srung ba/ phul du gyur pa'i dge ba'i mchog spyod par ldan pa/ phul du gyur pa'i khrel pa dang / ngo tsha bar brten pa'o/ /'jig rten phyi ma'i sdug bsngal gyi 'bras bu la
290b6 shin tu lta zhing 'jigs pa'o/ /mi dge ba'i chos thams cad yongs su spong zhing dge ba'i chos thams cad la nan tan byed pa la spro ba'o/ /byams pa dang / snying rjes sems can
290b7 thams cad la khyab pa'o/ /sems can thams cad la phan pa dang / bde ba'i don bya ba'i phyir rtsol ba'o/ /sems can thams cad 'khor ba'i sdug bsngal las sgrol zhing 'don
291a1 pa'o| |bdag gis lus kyi bde ba la mi lta bar sems can thams cad la phan pa dang / bde ba'i don stobs pa ste/ de dag ni theg pa chen po la gnas
291a2 pa zhes bya'o/ /rigs kyi bu/ mtshan nyid gang dag dang ldan na nyan thos kyi theg pa zhes bya ba zhe na/ gang dag yang dag pa'i dran pa la bde bar gnas shing ting nge 'dzin la mnyam
291a3 par 'jog pas rtag tu brtson pa dang / g.yo dang / sgyu spangs shing las kyi 'bras bu la yid ches pa dang / 'dod pa lnga la mi chags shing 'jig rten gyi chos brgyad kyis mi
291a4 gos pa dang / mgo'i thod la me 'bar ba bzhin du dge ba la shin tu brtson pa dang / phung po dang / khams dang / skye mched la shin tu rtog pa dang / 'phags pa'i rigs
291a5 la bde bar gnas par rtag tu mos pa ste/ mtshan nyid 'di dag dang ldan pa ni nyan thos kyi theg pa zhes bya ste/ gang zag 'di rang sangs rgyas kyi theg pa'i snod du'ang mi 'gyur
291a6 na theg pa chen po'i snod du 'gyur ba lta ci smos/ rigs kyi bu/ mtshan nyid gtang dag dang ldan pas rang sangs rgyas kyi theg pa zhes bya zhe na/ sems can gang dag nyan
291a7 thos kyi yon tan de dag thams cad dang yang ldan la gzhan yang nye bar len pa'i phung po lnga la yang dang / yang du mi rtag par rjes su rtog pa la gnas pa dang / skye zhing 'gog
291b1 pa la yang dang / yang du rjes su rtog pa la gnas pa dang / rten cing 'brel te 'byung ba'i chos rnams ni 'gog pa'i chos can du shin tu rtog pa ste/ mtshan nyid 'di dang ldan na rang
291b2 sangs rgyas kyi theg pa zhes bya ste/ sems can de theg pa chen po'i chos kyi snod ni ma yin no/ /de nas bcom ldan 'das kyis don de dag bzlas pa'i phyir tshigs su bcad de gsungs
291b3 pa| gal te dge ba'i rgyal rigs rgyal po dang / /rje'u rigs dmangs rigs shin tu dge ba'i bar/ /dad la sogs pa'i 'khor lo bcu bsgoms nas/ /nyan thos theg pa'i snod du de
291b4 'gyur ro/ /rang rgyal theg pa'i sgo gsum rnam par dag /khrul dang 'dzem dang ldan zhing phung pos 'jigs/ /nyes pa'i skyon shes bas mtha'i gnas la dga'/ /dran pas dbang
291b5 po srung zhing sems kyang zhing / /rten cing 'brel pa rtogs pas bsam gtan sgom/ phung po khams dang skye mched rtogs la mkhas/ /gnas dang spyod lam 'khor lo 'di bcus na//
291b6 theg pa mchog gi snod 'gyur srid mtsho rgal/ /theg pa gsum min gnyis kyi 'khor lo yis/ /bdag nyid nyon mongs rnam par grol rtsol zhing / /bag chags mi gtong sems can
291b7 ma sgrol ba'i/ /gang zag da ni theg chen snod ma yin/ /byis pa dbang po zhan pa'i le lo can/ /theg pa gnyis la nan tan mi byed pa/ /theg pa chen po'i 'khor lo ldan mi 'gyur/ /
292a1 de ni rgya chen theg chen snod ma yin/ /byis pa gcig pu rnam par grol tshol ba/ /blo dang spyod par zhan cing byams sems med/ /chad par lta la chags
292a2 pa ngan song gzhol/ /yang dag chos spong chos ma yin pa ston/ /theg pa gnyis la skur cing sdom pa spong / /bsnyen par rdzogs shing theg chen khas 'che ba/ /nga yi chos 'jig
292a3 sems can kun la slu/ /de yi dbang gis mi lus thob par dka'/ /nga yi bstan la zhugs pa'i 'phags pa dang / /ngur smrig gyon la 'tshe'am gnod byed dam/ /gshe'am
292a4 spyos sam lhung bzed gos phrogs na/ /lha dang mi yi bde ba yun du stor/ /de bas gang zhig mi lus thob 'dod cing / /'chi ba'i dus na lkugs pa'i skyon spangs shing / /rtag tu
292a5 sangs rgyas kun dang phrad 'dod pa/ /theg gsum chos rnams kun tu bsrung bar byos/ /theg pa gsum las theg pa mchog 'dod pa/ /theg pa gsum chos rtog la mkhas pa ste/ /
292a6 dga' zhing spro bas gzhan la rgyas ston na/ /nges par sangs rgyas 'gyur la the tshom spongs/ /tshul khrims nyams shing 'dzungs pa nga rgyal can/ /bdag bstod gzhan smod theg
292a7 chen khas 'che ba/ /de dag spangs te mkhas la bsten par bya/ /nges par 'tshang rgya khams gsum 'da' bar 'gyur/ /theg pa gsum las gang dang mthun pa bzhin/ /byams
292b1 dang snying rje'i theg pa gsum chos ston/ /mi de bzhin du yongs su rdzogs byas na/ /nges par 'tshang rgyar 'gyur la the tshom spongs/ /phung po khams dang skye mched zhi bar shes/ /nam
292b2 mkha' bzhin du ci la'ang mi gnas te/ /chos bstan sems can mang po kun yang sdud/ /dpag med ye shes blo gros dam pa thob/ /tshul khrims nyams par dga' la sdig pa can/ /
292b3 theg pa chen po'i yon tan mchog thos nas/ /khe dang grags phyir theg khas 'che ba/ /bong bu seng ge'i bags pa gyon pa bzhin/ /deng 'dir thams cad 'khor la bka' stsal pa/ /
292b4 gang zhig myur du byang chub mchog 'dod na/ /dge bcu'i las kyi lam la nan tan byos/ /nga yi chos la mi smad shin tu bsrung / /ngas sngon mdo sde gzhan dag las gsungs la/ /byang
292b5 chub chen po 'dod pas theg chen spyad/ /nyan thos rang rgyal theg pa spongs shig pa/ /de ni rnam dag 'khor lo bstan pa'i chos/ /sangs rgyas tshad med bye ma mchod byas pas/ /sdig pa
292b6 spangs nas rnam dag sems sbyong ba/ /shin tu brtson ba'i skye bo de dag la/ /gnyis su med de theg pa gcig pu bshad/ /da lta'i 'khor 'di theg pa gsum snod can/ /la la nyan thos
292b7 theg pa'i chos dang ldan/ /las kyi dngos po mang pos 'jigs pa dang / de ni byang chub mchog gi snod ma yin/ /la la dbang par dga' zhing rang byang chub/ /de yang byang chub mchog gi
293a1 snod ma yin/ /la la ye shes mchog la bkod 'os pa/ /de bas mos pa bzhin du theg gsum shod/ /sbyangs pa'i yon tan tsam gyis grol 'dod pa/ /
293a2 theg chen bshad pa thos na ngan song ltung / /bad kan nad la 'o ma 'thung bcug bzhin/ /de phyir dug tu 'gyur gyi nad mi sel/ /de bzhin snod min nyan thos theg pa dag /theg chen
293a3 bshad pa thos na rmongs 'gyur zhing / /chad par smra la ngan song ltung 'gyur bas/ /de bas dbang po brtags te chos bstan to/ /shin tu rgyas pa chen po'i mdo sa'i snying po'i
293a4 'khor lo bcu pa zhes bya ba las/ gnas pa dang / spyad pa'i le'u ste bzhi pa'o// //de'i tshe bcom ldan 'das kyis tshigs su bcad pa de dag gsungs pa na 'khor
293a5 gyi dkyil 'khor de'i nang na sems can tshad med pa brgya stong snyed sngon chos thos pa las yid gol te stong pa yin par go nas rgyu dang / 'bras bu med par lta zhing dge ba'i rtsa ba
293a6 yongs su bcad nas ngan song du ltung bar 'gyur ba dag mdo sde 'di bshad pa thos nas phyir yang yang dag pa'i lta ba dang ldan par gyur ro/ /de nas de dag 'dug pa las
293a7 langs te/ bcom ldan 'das kyi spyan sngar shin tu 'dzem pa bskyed de/ so sor bshags pa bya ba'i phyir thal mo sbyar ba btud de phyag btsal nas/ bcom ldan 'das la 'di
293b1 skad ces gsol to/ /btsun pa bcom ldan 'das/ bdag cag sngon nyan thos kyi theg pa'i rigs su dge ba'i rtsa ba bskyed pa las nyan thos kyi theg pa de'ang yongs su ma smin par rang
293b2 sangs rgyas kyi theg pa'i chos thos so/ /de la'ang rmongs shing mngon du ma gyur pas stong par lta zhing rgyu dang / 'bras bu'ang med par 'dzin to/ /de'i rgyu de'i rkyen gyis lus dang / ngag dang /
293b3 yid kyi sgo nas sdig pa mi dge ba'i las tshad med pa bgyis pas ngan song dag tu ltung bar 'gyur ba las deng bcom ldan 'das kyi spyan sngar mdo sde 'di bshad pa thos nas slar yang yang
293b4 dag pa'i lta ba rnyed de shin tu 'dzem pa dang / ngo tsha ba'i sems kyis so sor bshags te ma bcabs pas de dag yongs su byang bar gyur cig /deng slan chad ji snyed sgrib par 'gyur ba'i
293b5 las rnams mi bgyid par yongs su bsrung bar 'tshal lo/ /bdag cag gi sdig pa de dag yongs su spyad pa dang / slan chad mi bgyid par/ bcom ldan 'das/ thugs brtse bas rjes su
293b6 gzung du gsol/ bdag cag ma 'ongs pa na ngan song gi sdug bsngal myong bar 'gyur ba las thugs brtse bas bskyab tu gsol/ bdag cag slar yang sngon spyad pa'i nyan thos kyi theg
293b7 ba la spyod cing nan tan bgyid kyi/ bcom ldan 'das/ thugs brtse ba'i slad du bstan du gsol/ bcom ldan 'das kyis bka' stsal pa/ legs so/ /legs so/ /
294a1 khyod 'di ltar 'dzem pa dang / ngo tsha bas so sor bshags pa legs so/ /nga'i bstan pa la ma nyams pa'i skyes bu dam pa gnyis yod de/ gcig ni
294a2 rang bzhin gyis yongs su dag cing thog ma nas nyes pa mi byed pa'o/ /gcig ni nyes pa byas su zin kyang 'dzem pa dang / ngo tsha bas so sor 'chags pa ste/ skyes bu dam pa 'di
294a3 gnyis ni nga'i chos la shin tu 'dun pa rnam par dag pa zhes bya'o/ /de nas bcom ldan 'das kyis de dag gi mos pa bzhin du 'phags pa'i bden pa bzhi'i chos bstan te/ 'khor
294a4 de'i nang na la las ni bzod pa tha ma thob/ la las ni bzod pa bar ma thob/ la las ni bzod pa mchog thob/ la las ni 'jig rten gyi mchog gi chos thob/ la las ni rgyun
294a5 du zhugs pa'i 'bras bu thob/ la las ni lan gcig phyir 'ong ba'i 'bras bu thob/ la las ni phyir mi 'ong ba'i 'bras bu thob bo/ /gzhan yang / dge slong brgyad khri bzhi stong
294a6 zag pa thams cad zad pa/ sems rnam par grol ba/ blo shin tu rnam par dag pa'i dgra bcom par gyur nas dga' bzhin du sangs rgyas la phyag btsal te phyir yang so sor
294a7 stan la 'khod do/ /yang 'khor gyi dkyil 'khor de'i nang na sems can bye ba khrag khrig brgya stong phrag lnga bcu rtsa bdun gyis sngon thos pa'i chos stong pa yin par 'khrul nas rgyu
294b1 dang / 'bras bu med par lta zhing / dge ba'i rtsa ba yongs su bcad nas ngan song du ltung bar 'gyur ba nas mdo sde 'di bshad pa thos nas phyir yang yang dag pa'i lta ba rnyed de 'dug
294b2 pa las langs nas bcom ldan 'das kyi zhabs la spyi bos gtugs te/ bcom ldan 'das kyi spyan sngar shin tu 'dzem pa dang / ngo tsha ba dang bcas pas so sor bshags te thal mo
294b3 sbyar bar btud cing bcom ldan 'das la 'di skad ces gsol to/ /btsun pa bcom ldan 'das/ bdag cag sngon rang sangs rgyas kyi theg pa'i rigs su dge ba'i rtsa ba bskyed
294b4 pa las rang sangs rgyas kyi theg pa'i snod du'ang yongs su ma smin par theg pa chen po'i chos thos nas dad pa dang / mos pa skyes kyang ma rig pas ldongs shing rtogs par ma gyur
294b5 te stong par lta zhing rgyu dang / 'bras bu med par bzung ngo / /de'i rgyu de'i rkyen gyis lus dang / ngag dang / yid kyis sdig pa mi dge ba'i las tshad med pa dag bgyis pas bskal pa
294b6 tshad med pa'i bar du shin tu mi bzad pa'i sdug bsngal rnam pa sna tshogs myong zhing ngan song du ltung bar 'gyur ba las/ deng bcom ldan 'das kyi spyan sngar mdo sde bshad pa thos
294b7 nas slar yang dag pa'i lta ba rnyed de/ shin tu 'dzem pa dang / ngo tsha bar ldan pa mi 'chab pa'i sems kyis so sor 'chags te/ deng slan chad ji snyed sgrib par 'gyur ba'i las rnams
295a1 mi bgyid par yongs su bsrung bar 'tshal lo/ /bcom ldan 'das/ thugs brtse ba can gyis bdag cag gi sdig pa de dag yongs su byang ba dang / slan chad
295a2 mi bgyid par rjes su gzung du gsol/ bdag cag ma 'ongs pa na ngan song gi sdug bsngal myong bar 'gyur ba las bcom ldan 'das kyis thugs rjes bskyab tu gsol/ bdag
295a3 cag slar yang sngon spyad pa'i rang sangs rgyas kyi theg pa la spyod cing nan tan bgyid kyi/ bcom ldan 'das/ thugs brtse ba can gyis bstan du gsol/ /bcom ldan 'das kyi legs
295a4 so| |zhes bka' stsal te legs so/ /legs so/ /khyed 'di ltar 'dzem pa dang / ngo tsha bas so sor bshags pa legs so/ /nga'i bstan pa la ma nyams pa'i skyes bu gnyis yod
295a5 de| gcig ni rang bzhin gyis yongs su dag cing thog ma nas nyes pa mi byed pa'o/ /gcig ni nyes pa byas su zin kyang 'dzem pa dang / ngo tsha bas so sor 'chags pa ste/ skyes bu
295a6 dam pa 'di gnyis ni nga'i chos la shin tu 'dun pa rnam par dag pa zhes bya'o/ /de nas bcom ldan 'das kyis de dag gis mos pa bzhin du rten cing 'brel te 'byung ba'i chos
295a7 bstan nas de dag thams cad rang sangs rgyas kyi theg pa la nan tan byas te/ thams cad mthar gyis rgyal mtshan la dmigs pa zhes bya ba'i ting nge 'dzin yongs su rdzogs
295b1 nas rang sangs rgyas kyi theg pa las phyir mi ldog cing dga' bzhin du/ bcom ldan 'das la phyag btsal nas phyir yang so so'i stan la 'khod do/ /yang 'khor gyi dkyil 'khor
295b2 de'i nang na sems can bye ba brgya stong phrag brgyad cu snyed sngon 'das pa'i sangs rgyas kyi chos la skur ba nas chung du na sangs rgyas kyi bstan pa tshigs su bcad pa gcig tsam la smad
295b3 pa de'i rgyu de'i rkyen gyis ngan song dag tu ltung zhing sdug bsngal mang po myong ste/ slar mi'i lus thob na'ang thog ma nas lkugs pa dig lce ldib cing smra mi shes pa dag mdo sde 'di bshad
295b4 pa thos nas yang dag pa'i lta ba rnyed de/ de dag 'dug pa las langs nas bcom ldan 'das kyi zhabs la spyi bos phyag btsal nas bcom ldan 'das kyi spyan sngar shin tu 'dzem pa
295b5 dang | ngo tsha bas sngon gyi sdig pa'i las so sor bshags nas thal mo sbyar ba btud te/ bcom ldan 'das la mig mi 'dzum par lta'o/ /bcom ldan 'das kyis de dag thams
295b6 cad smra nus par byin gyis brlabs te/ de'i tshe bcom ldan 'das kyis mkhyen bzhin du de dag la bka' stsal pa/ khyed rnams sngon mi dge ba'i las ci zhig byas na 'khor gyi
295b7 dkyil 'khor 'di'i nang na smra mi shes par gyur/ de dag gis bcom ldan 'das la 'di skad ces gsol to/ /btsun pa bcom ldan 'das/ bdag cag kha cig gis ni sngon rnam
296a1 par gzigs de bzhin gshegs pa'i bstan pa'i chos la/ kha cig gis ni theg pa chen po'i chos la skur to/ /la la ni rang sangs rgyas kyi theg pa'i
296a2 chos la skur to/ /kha cig gis ni nyan thos kyi theg pa'i chos la skur to/ /de la chung du na tshigs su bcad pa gcig tsam la skur bas bdag cag la mi dge ba'i las de dag gi
296a3 dbang gis bskal pa dgu bcu rtsa gcig gi bar du 'khor bar 'khor zhing rtag tu sems can dmyal ba dang / byol song gi skye gnas dang / yi dwags kyi 'jig rten du skyes te /
296a4 lkugs pa dang / dig pa dang / lce med pa dang / smra mi nus pa dang / shin tu mi bzad pa'i sdug bsngal chen po myong ste/ gdod tshe 'di la mi lus thob kyis kyang lkugs pa dang / dig pa
296a5 dang | rtag tu lce nad can du gyur pa las bcom ldan 'das kyi byin gyi rlabs kyis smra nus pa dang / sngon 'das pa'i dus na mi dge ba'i las kyi sgrib pa ci dang / ci bgyis pa thams
296a6 cad deng dran par gyur to/ /de'i nang na'ang kha cig ni/ 'di skad du/ btsun pa bcom ldan 'das/ bdag cag sngon bcom ldan 'das gtsug tor can gyi bstan pa'i chos la/ kha
296a7 cig gis ni theg pa chen po la skur to/ /kha cig gis ni rang sangs rgyas kyi theg pa la skur ba nas sngon gyi dmigs pa ji lta ba bzhin du ston pa'ang ji ltar rgyas par bshad pa bzhin
296b1 no| |de'i nang na kha cig ni/ 'di skad du/ btsun pa bcom ldan 'das/ bdag cag sngon thams cad skyo ba de bzhin gshegs pa'i bstan pa la/ kha cig gis ni theg pa chen po yang dag
296b2 pa'i chos la skur ba nas dmigs pa ji lta ba bzhin du ston pa'ang ji ltar gong du rgyas par bshad pa yin no/ /de la kha cig gis ni/ 'di skad du/ btsun pa bcom ldan 'das/ bdag cag
296b3 sngon log par dad sel de bzhin gshegs pa'i bstan pa la/ kha cig ni theg pa chen po yang dag pa'i chos la skur pa nas dmigs pa ji lta ba bzhin du ston pa'ang ji ltar gong
296b4 du rgyas par bshad pa bzhin no/ /de la kha cig gis ni/ 'di skad du/ btsun pa bcom ldan 'das/ bdag cag sngon gser thub de bzhin gshegs pa'i bstan pa la/ kha cig gis ni
296b5 theg pa chen po yang dag pa'i chos la skur ba nas dmigs pa ji lta ba bzhin du ston pa'ang ji ltar gong du rgyas par bshad pa yin no/ /de la kha cig gis ni/ 'di skad du/ btsun pa
296b6 bcom ldan 'das/ bdag cag sngon 'od srung de bzhin gshegs pa'i bstan pa la/ kha cig gis ni theg pa chen po'i dam pa'i chos la skur to/ /kha cig gis ni rang sangs rgyas
296b7 kyi theg pa'i chos la skur to/ /kha cig gis ni nyan thos kyi theg pa pa'i chos la skur ba nas chung ngu na tshigs su bcad pa gcig tsam la skur bas mi dge ba'i las kyi dbang
297a1 gis de tshun chad 'khor bar 'khor te/ rtag tu sems can dmyal ba dang / byol song gi skye gnas dang / gshin rje'i 'jig rten du skyes shing lkugs pa
297a2 dang | dig pa dang / lce med pa dang / brda mi phrad pa dang / shin tu mi bzad pa'i sdug bsngal chen po myong nas gdod tshe 'di la mi'i lus thob kyis kyang lkugs pa dang / dig pa dang /
297a3 lce nad can du gyur pa dang / brda mi 'phrod pa las bcom ldan 'das kyi byin gyi rlabs kyis gdod smra nus pa dang / sngon 'das pa'i dus na mi dge ba'i las kyi sgrib pa ci bgyis pa thams
297a4 cad dran par gyur cing / bdag cag bcom ldan 'das kyi spyan sngar mdo sde bshad pa 'di thos nas slar yang yang dag pa'i lta ba rnyed de shin tu ngo tsha ba dang / 'dzem pa dang / mi
297a5 'chab pa'i sems kyis so sor 'chags so/ /deng slan chad ji snyed sgrib par 'gyur ba'i las rnams mi bgyid par yongs su bsrung bar 'tshal lo/ /bcom ldan 'das/ thugs
297a6 brtse ba can gyis bdag cag gi sdig pa de dag yongs su byang ba dang / slan chad mi bgyid par rjes su gzung du gsol/ /ma 'ongs pa na'ang ngan song gi sdug bsngal yongs su myong
297a7 bar 'gyur ba las bcom ldan 'das kyi thugs rjes bskyab pa dang / dam pa'i chos bstan du gsol/ bcom ldan 'das kyis legs so zhes bka' stsal te/ legs so/ /
297b1 legs so/ /khyed 'di ltar 'dzem pa dang / ngo tsha bas so sor bshags pa legs so/ /nga'i bstan pa la skyes bu dam pa ma nyams pa zhes bya ba gnyis yod do/ /gcig ni rang bzhin
297b2 gyis yongs su dag cing thog ma nas nyes pa mi byed pa'o/ /gcig ni nyes pa byas su zin kyang 'dzem pa dang / ngo tsha bas so sor 'chags pa ste/ skyes bu dam pa 'di gnyis ni nga'i
297b3 bstan pa'i chos la shin tu 'dun pa rnam par dag pa zhes bya'o/ /de nas bcom ldan 'das kyis de dag mos pa ji lta ba bzhin du dam pa'i chos rnam pa sna tshogs bstan cing bshad
297b4 de so so ci dga' ba'i bde ba thob par byas so/ /de dag dga' bzhin du bcom ldan 'das la phyag btsal nas so so'i stan la 'khod do/ /de'i tshe 'khor gyi dkyil 'khor de'i nang
297b5 na nyan thos tshad med pa brgya stong snyed dang / byang chub sems dpa' tshad med pa bye ba brgya stong snyed kyis mdo sde 'di bshad pa thos nas mi dge ba'i las kyi sgrib pa sngon ci byas pa dran
297b6 te| bcom ldan 'das kyi zhabs la spyi bos phyag btsal nas bcom ldan 'das kyi spyan sngar shin tu 'dzem pa dang / ngo tsha ba'i sems kyi so sor bshags shing thal mo sbyar te sti stang
297b7 dang bcas pas bcom ldan 'das la 'di skad ces gsol to/ /btsun pa bcom ldan 'das/ bdag cag sngon sangs rgyas tshad med pa dag gi dam pa'i chos la/ la la ni/ 'di skad
298a1 du| bdag cag sangs rgyas de'i nye gnas chos kyi snod du gyur pa'am/ chos kyi snod du ma gyur pa la khro ba dang / zhe sdang ba dang / gshe zhing spyo ba dang / smod
298a2 pa dang / brnyas pa dang / rnam pa sna tshogs kyis 'phya zhing skur te/ gnod par glags lta ba dang / yon tan bcabs nas nyes pa bsgrags te/ bdag cag mi dge ba'i las de'i
298a3 dbang gis bskal pa tshad med pa'i bar du ngan song du ltung zhing shin tu mi bzad pa'i sdug bsngal chen po myong ngo / /phyis sangs rgyas tshad med pa dag la bsnyen bkur dang / mchod
298a4 pa bgyis so/ /gzhan yang / byang chub sems dpa' sems dpa' chen po tshad med pa snyed la bsnyen bkur dang / mchod pa dang / g.yog bgyis nas sangs rgyas re re dang / byang
298a5 chub sems dpa' sems dpa' chen po de re re la shin tu 'dzem pa dang / ngo tsha bas sdig pa'i las kyi sgrib pa dag so sor bshags so/ /sangs rgyas de re re dang / byang chub
298a6 sems dpa' sems dpa' chen po de re re la'ang chos kyi rnam grangs tshad med pa snyed mnyan te/ thos nas shin tu nan tan bgyis pa dang / shin tu spyad dka' ba tshad med pa
298a7 dag spyad kyang las kyi sgrib pa'i lhag ma lus pas bdag cag shin tu bde ba'i mya ngan las 'da' ba ma thob bo/ /bdag cag ting 'dzin gyi sgo'i khyad par dang / yon tan
298b1 yang ma thob bo/ /bdag cag deng bcom ldan 'das kyi spyan sngar mdo sde bshad pa 'di thos nas lhag par shin tu 'dzem pa dang / ngo tsha ba'i sems dang / mi 'chab pa'i sems kyis
298b2 so sor 'chags so/ /yongs su byang bar shog cig /deng slan chad ji snyed sgrib par 'gyur ba'i las rnams mi bgyid par yongs su bsrung bar 'tshal lo/ /bcom ldan 'das/ thugs brtse
298b3 ba can gyis bdag cag gi sdig pa de dag yongs su byang ba dang / slan chad mi bgyid par rjes su gzung du gsol/ bdag cag ma 'ongs pa na ngan song gi sdug bsngal myong bar 'gyur
298b4 pa las bcom ldan 'das kyis thugs rjes bskyab tu gsol/ bdag cag bcom ldan 'das kyi byin gyi rlabs kyi mthus mos pa ji lta ba bzhin du mya ngan las 'da' ba'i bde ba myur
298b5 du thob pa dang / ting 'dzin gyi sgo'i yon tan gyi khyad par thob par mdzad du gsol/ de la kha cig ni/ 'di skad du/ bdag cag sngon bcom ldan 'das che ge mo zhig gi nye gnas chos kyi snod
298b6 dang | chos kyi snod ma yin pa la tshig rtsub po zhe gcod pa rnam pa sna tshogs kyis 'tshe zhing gnod pa bgyis pas bdag cag sdig pa mi dge ba'i las de'i dbang gis bskal pa tshad med
298b7 pa'i bar du ngan song du lhung bar gyur pa nas de bzhin du gong du rgyas par bshad pa bzhin no/ /la la ni bdag cag /'di skad du/ sngon bcom ldan 'das che ge mo zhig gi nye gnas chos kyi
299a1 snod dang / chos kyi snod ma yin pa la gzhu ba dang / 'tsho ga pas 'tshe ba dang / gnod par bgyid pas mi dge ba'i las de'i dbang gis bskal pa tshad med
299a2 pa'i bar du ngan song du lhung bar gyur pa nas de bzhin du gong du rgyas par bshad pa bzhin no/ /de la kha cig ni/ 'di skad du/ bdag cag sngon bcom ldan 'das che ge mo zhig gi nye gnas
299a3 chos kyi snod dang / chos kyi snod ma yin pa'i chos gos dang / lhung bzed phrogs pas mi dge ba'i las de'i dbang gis bskal pa tshad med pa'i bar du ngan song du lhung bar gyur pa
299a4 nas de bzhin du gong du rgyas par bshad pa bzhin no/ /de la kha cig ni/ 'di skad du/ bdag cag sngon bcom ldan 'das che ge mo zhig gis nye gnas chos kyi snod dang / chos kyi snod ma
299a5 yin pa'i 'tsho ba'i yo byad rnam pa sna tshogs phrogs te bza' ba dang / btung ba phrogs shing bar chad byas pas mi dge ba'i las de'i dbang gis bskal pa tshad med pa'i bar du
299a6 ngan song du lhung ba nas de bzhin du gong du rgyas par bshad pa bzhin no/ /de la kha cig ni/ 'di skad du/ bdag cag sngon bcom ldan 'das che ge mo zhig gi nye gnas chos kyi snod
299a7 dang | chos kyi snod ma yin pa dag gi chos gos phrogs nas khyim par phab ste/ las rnam pa sna tshogs byed du bcug pas mi dge ba'i las de'i dbang gis bskal pa tshad med
299b1 pa'i bar du ngan song du lhung pa nas de bzhin du gong du rgyas par bshad pa bzhin no/ /de la kha cig ni 'di skad du bdag cag sngon bcom ldan 'das che ge mo zhig gi nye gnas rab tu
299b2 byung ba chos kyi snod dang / chos kyi snod ma yin pa dag nyes pa byas pa dang / nyes pa ma byas pa la lcags dang / khong sgril dang / shing sgrog tu bcug ste gtses pas mi dge ba'i
299b3 las de'i dbang gis bskal pa tshad med pa'i bar du bdag cag ngan song du lhung bas nas de bzhin du gong du rgyas par bshad pa bzhin no/ /de la kha cig ni/ 'di skad du/ bdag cag sngon bcom
299b4 ldan 'das che ge mo zhig gi nye gnas rab tu byung ba chos kyi snod dang / chos kyi snod ma yin pa dag la dbang za ba'i sems kyis 'tshe ba dang / gnod pa rnam pa sna tshogs kyis mi bde
299b5 bar bgyis pas bdag cag mi dge ba'i las de'i dbang gis bskal pa tshad med pa'i bar du shin tu mi bzad pa'i sdug bsngal chen po myong bar gyur to/ /phyis sangs rgyas tshad med pa
299b6 dag la bsnyen bkur dang / mchod pa dang / mnyes par gyis so/ /gzhan yang / byang chub sems dpa' sems dpa' chen po tshad med pa snyed de dag la'ang bsnyen bkur dang / mchod
299b7 pa dang / mnyes pa bgyis te/ sangs rgyas de re re dang / byang chub sems dpa' sems dpa' chen po de re re la'ang shin tu 'dzem pa dang bcas pas mi dge bas las de dag so sor
300a1 'chags so/ /sangs rgyas de re re dang / byang chub sems dpa' sems dpa' chen po de re re lus kyang tshad med pa'i chos kyi rnam grangs mnyan te thos nas/
300a2 shin tu 'bad pa'i brtson 'grus kyis nan tan bgyis te/ shin tu spyad dka' ba spyad kyang las kyi sgrib pa'i lhag ma lus pas bdag cag da dung shin tu bde ba'i mya ngan las 'das pa'i
300a3 bde ba ma thob bo/ /ting 'dzin gyi yon tan gyi sgo'i khyad par ma thob bo/ /bdag cag deng bcom ldan 'das kyi spyan sngar mdo sde 'di thos nas lhag par shin tu 'dzem pa dang / mi
300a4 'chab pas so sor bshags te yongs su byang bar gyur to/ /deng slan chad ji snyed sgrib par 'gyur ba'i las rnams mi bgyid par yongs su bsrung bar 'tshal lo/ /bcom
300a5 ldan 'das/ thugs brtse ba can gyis bdag cag gi sdig pa de dag yongs su byang ba dang / slan chad mi bgyid par rjes su gzung du gsol/ bdag cag ma 'ongs pa na ngan song
300a6 gi sdug bsngal myong bar 'gyur ba las/ bcom ldan 'das kyi thugs rjes bskyab tu gsol/ bdag cag bcom ldan 'das kyi byin gyi rlabs kyi mthus mya ngan las 'da' ba'i
300a7 bde ba myur du thob pa dang / gzhan yang / ting nge 'dzin gyi sgo'i yon tan gyi khyad par thob par mdzad du gsol/ de nas bcom ldan 'das kyi nyan thos dang / byang chub sems dpa'i
300b1 'khor de dag la bka' stsal pa/ legs so/ legs so/ /khyed 'di ltar shin tu 'dzem pa dang bcas pas so sor bshags pa legs so/ /yongs su ma nyams pa'i skyes bu dam pa
300b2 gnyis yod de/ gcig ni rang bzhin gyis rnam par dag cing thog ma nas nyes pa mi byed pa'o/ /gcig ni nyes pa byas su zin kyang 'dzem pa dang bcas pas so sor 'chags pa ste/ skyes
300b3 bu 'di gnyis ni nga'i bstan pa la shin tu 'dun pa rnam par dag pa zhes bya'o/ /rigs kyi bu/ 'di ltar sangs rgyas kyi bstan pa la rab tu byung ba'i nye gnas la gnod pa byas pa'i sdig pa'i gan na god
300b4 du bshad pa'i mtshams med pa dang / nye ba'i sdig pa ni ming tsam du zad de/ sdig pa zhes kyang mi bya'o/ /sangs rgyas kyi nye gnas rab tu byung ba la gnod pa byas na de'i sdig pa ni gong du bshad
300b5 pa'i mtshams med pa lnga'i sdig pa las tshad med grangs med pas lhag par che'o/ /de ci'i phyir zhe na/ dge slong gang tshul khrims nyams te sdig pa byed kyang sems can bye ba khrag khrig brgya stong
300b6 tshad med pa snyed la mya ngan las 'da' ba phyin ci ma log pa'i lam ston nus so/ /sems can mang po la yon tan chen po'i rin po che'i gter du 'gyur ba nas de bzhin du ji ltar rgyas par
300b7 bshad pa bzhin no/ /tshul khrims srung zhing dge ba'i chos spyod pa lta ci smos/ de bas na gang gis sangs rgyas kyi bstan pa la rab tu byung ba'i slob ma la 'tshe ba dang / gnod pa byas na
301a1 de ni dkon mchog gsum gyi gdung gcod pa yin par shes par bya'o/ /de ni sems can thams cad kyi chos kyi mig bcar ba yin no/ /de ni ngas sngon shin
301a2 tu dka' ba spyad nas rnyed pa'i dam pa'i chos ma rungs par byas pa yin no/ /de ni sems can thams cad la shin tu gnod pa chen po byas pa yin no/ /de bas na sangs rgyas kyi bstan
301a3 pa la rab tu byung ba la gnod pa byas na de'i sdig pa ni sngar bshad pa'i mtshams med pa lnga'i sdig pa bas tshad med grangs med pas lhag par che'o/ /de bas na khyed kyis deng nga'i
301a4 mdun du shin tu bsam pa dag cing lhag pa'i 'dzem pa dang 'bad par bcas pas/ sngon mi dge ba'i las kyi sgrib pa thams cad so sor bshags pa'i phyir khyed la thugs rje chen
301a5 pos rjes su bzung bas khyed kyi sdig pa'i las kyi sgrib pa thams cad khad kyis byang bar gyur te/ sangs rgyas kyi zhing 'dir bskal pa bzang po'i sangs rgyas stong 'byung ba thams
301a6 cad la'ang khyed kyis 'di bzhin du de bzhin gshegs pa de dag gi spyan sngar yang sdig pa'i las kyi sgrib pa thams cad shin tu so sor shogs shig /ma 'ongs pa'i nyes
301a7 pa'ang shin tu bsrung bar gyis shig /bskal pa bzang po'i sangs rgyas stong gi tha ma snang mdzad ces bya ba'i de bzhin gshegs pa/ dgra bcom pa/ yang dag par rdzogs pa'i
301b1 sangs rgyas/ mkhyen pa dang / zhabs su ldan pa| bde bar gshegs pa/ 'jig rten rig pa/ bla na med pa skyes bu 'dul zhing kha lo sgyur ba/ lha dang / mi'i ston pa sangs rgyas/ bcom ldan 'das
301b2 de'i spyan sngar yang sdig pa'i las kyi sgrib pa thams cad shin tu so sor shogs shig dang / lhag ma ma lus par yongs su byang bar 'gyur ro/ /de'i tshe nyan thos de dag dang / byang chub
301b3 sems dpa' de dag gis gsol ba/ de de bzhin no/ /bcom ldan 'das/ bdag cag gal te 'di ltar sangs rgyas stong gi tha ma snang mdzad kyi tshe yang dag pa'i lta ba thob cing log
301b4 par lta ba rnam par spangs te/ sdig pa'i las kyi sgrib pa thams cad lhag ma ma lus par 'byang zhing sdug bsngal thams cad las rnam par grol bar 'gyur na/ bdag cag bskal
301b5 pa bzang po 'di la mtshams med pa'i sems can dmyal bar skyes te/ sdug bsngal rnam pa sna tshogs myong na'ang bzod do/ /bcom ldan 'das kyis bka' stsal pa/ legs so/ /
301b6 legs so/ /khyed kyis 'di ltar rtul phod pa dang / shin tu 'bad pa'i brtson 'grus brtan pa dang / smon lam gyi mthus gdon mi za bar sangs rgyas snang mdzad kyi tshe sngon gyi las
301b7 kyi sgrib pa thams cad byang ba dang / lhag pa'i bsam pas bsti stang dang bcas te bsnyen bkur dang / mchod pa gdon mi za bar byed par 'gyur ro/ /de bzhin gshegs
302a1 pa snang mdzad kyis kyang gdon mi za bar nyon mongs pa thams cad yongs su gcad pa'i dgra bcom par 'gyur bar mdzad do/ /gdon mi za bar ting nge
302a2 'dzin gyi sgo'i yon tan gyi khyad par thob par mdzad do/ /de nas nyan thos de dag dang / byang chub sems dpa' de dag dga' bzhin du bcom ldan 'das kyi zhabs la phyag btsal
302a3 nas phyir yang so so'i stan la 'khod do/ /de'i tshe bcom ldan 'das kyis byang chub sems dpa' sems dpa' chen po rdo rje'i snying po la bka' stsal pa/ rigs kyi bu/ ngas sangs
302a4 rgyas kyi spyan gyis 'jig rten thams cad la brtags na/ ma 'ongs pa'i dus na sangs rgyas kyi zhing 'dir tshad med grangs med bye ba khrag khrig brgya stong snyed kyi rgyal rigs gdol
302a5 pa can dang / bram ze gdol pa can dang / blon po gdol pa can dang / khyim bdag gdol pa can dang / tshong dpon gdol pa can dang / dge sbyong gdol pa can dang / rje'u
302a6 rigs dang / dmangs rigs dang / gdol pa can gyi skyes pa'am/ bud med la sogs pa de dag dge ba'i rtsa ba chung ngu bskyed pas mi'i lus thob tu zin kyang mi dge ba'i bshes
302a7 gnyen dang sten cing log pa'i lta ba bskyed pas sdig pa mi dge ba'i las kyis nga'i bla na med pa'i dam pa'i chos shin tu zab mo 'jig par byed do/ /nga'i bstan pa rgyas par mi byed /
302b1 rgyas pa rnams med par byed cing mos pa mi skyed/ ngas bstan pa'i nyan thos kyi theg pa can gyi dam pa'i chos la 'phya zhing skur te/ bgegs dang / bar chad byed cing rgyas par mi byed pa dang
302b2 bar bar ni ngas bstan pa'i rang sangs rgyas kyi theg pa can gyi dam pa'i chos la 'phya zhing skur ba dang / bgegs dang / bar chad byed cing rgyas par mi byed pa dang / bar bar ni ngas bstan
302b3 pa'i bla na med pa'i theg pa can gyi dam pa'i chos la 'phya zhing skur ba dang / bgegs dang / bar chad byed cing rgyas par mi byed pa dang / bar bar ni ngas bstan pa la rab tu byung ba chos
302b4 kyi snod dang / chos kyi snod ma yin pa la zhe sdang skyed cing gshe ba dang / spyo ba dang / smod pa dang / tshig rnam pa sna tshogs kyis gnod par glags lta ste/ 'phya zhing skur ba dang / yon tan
302b5 bcas nas nyes pa bsgrags te/ de bzhin du smod pa'i sems kyis 'tshe ba dang / gnod pa rnam pa sna tshogs byed do/ /de ltar gang zag 'phags pa'i chos kyi snod du ma gyur pa de'ang yang
302b6 dag par glen zhing gti mug gi rang bzhin can yin te/ cung zad tsam gyi shes pa snyems pa'i nga rgyal can de 'di nas tshe 'phos ma thag tu ngan song gsum du ltung ste/ tshad med pa snyed kyi
302b7 shin tu mi bzad pa'i sdug bsngal chen po myong bar 'gyur ro/ /bskal pa tshad med pa bye ba khrag khrig brgya stong gi bar du mi'i lus thob par dka' ba nas de bzhin du rgyas par gong du bshad
303a1 pa bzhin no/ /rigs kyi bu/ sems can de mtshams med pa'i sems can dmyal ba chen po na 'dug ste/ sdug bsngal chen po myong yang sla yi/ de lta
303a2 bu'i lus kyi sdig pa can nga rgyal gyis mngon par zin pa/ sdig pa'i bshes gnyen gyi rjes su 'brang zhing mi dge ba'i las byed pas 'khor bar 'khor te/ shin tu bsgral dka'
303a3 ba rtag tu 'khor bar sdug bsngal gyis gdungs par gyur pa ni ma yin no/ /de'i tshe 'khor gyi dkyil 'khor de'i nang na blo gros chen po can gyi sems can tshad med grangs med pa
303a4 snyed stan las langs te/ bcom ldan 'das kyi zhabs la spyi bos phyag btsal nas/ bcom ldan 'das gang na ba de logs su thal mo sbyar te mchi ma blags nas bcom ldan
303a5 'das la 'di skad ces gsol to/ /btsun pa bcom ldan 'das/ 'di ltar 'jig rten gyi sems can 'di dag mi'i lus shin tu thob par dka' ba rnyed kyang dad pa yongs su
303a6 spong ngo / /yang dag pa'i smon lam yongs su spong ngo / /yang dag pa'i mos pa dang / yang dag pa'i lta ba yongs su spong ngo / /dge ba'i bshes gnyen yongs su spong ngo / /dus bzang
303a7 po dang / gnas bzang po dang / tshul khrims dag pa yongs su spong ngo / /yang dag pa'i ting nge 'dzin dang / yang dag pa'i shes rab yongs su spong ngo / /sems can 'di dag
303b1 shin tu thob par dka' ba'i mi'i lus thob mod kyi/ glen pa mi shes pa dang / nga rgyal gyi dbang gis ji ltar gong du bshad pa'i sdig lci ba rnams kun bgyid de/ bcom ldan 'das kyi dam
303b2 pa'i chos la 'phya zhing skur ba dang / bcom ldan 'das kyi bstan pa la rab tu byung ba'i nye gnas la 'tshe ba dang / gnod pa bgyid do/ /bdag cag deng bcom ldan 'das kyi spyan sngar
303b3 sems rtse gcig pas yang dag pa'i yi dam bca'o/ /bdag cag deng slan chad 'khor bar 'khor ba 'di phan chad nas nam rnam par grol ba ma thob kyi bar du de lta bu'i sdig pa'i
303b4 grogs po dang mi mjal ba dang / de lta bu'i sdig pa'i las mi bgyid pa dang / sangs rgyas kyi dam pa'i chos la mi skur ba dang / rab tu byung ba'i gang zag la gnod pa mi bgyid pa dang /
303b5 sems can gyi chos kyi mig mi 'byin pa dang / dkon mchog gsum gyi gdung rgyun mi 'chad par dam bcas pa dang / bcom ldan 'das/ bdag cag la thugs rtse ba'i slad du dam
303b6 bcas pa de dag rjes su gzung bar gsol/ de'i tshe 'khor gyi dkyil 'khor de'i nang na sems can blo dang ldan pa tshad med pa bye ba khrag khrig brgya stong snyed stan las langs te/ bcom
303b7 ldan 'das kyi zhabs la spyi bos phyag btsal nas thal mo sbyar ba btud de bcom ldan 'das la 'di skad ces gsol to/ /btsun pa bcom ldan 'das/ bdag cag deng bcom ldan
304a1 'das kyi spyan sngar bsam pa nges par dam bca' bar 'tshal te/ 'khor bar 'khor ba 'di phan chad nas nam chos kyi bzod pa ma thob kyi bar
304a2 du rgyal por ma gyur cig /blon por ma gyur cig /yul gyi ston par ma gyur cig /grong rdal dang / grong khyer dang / grong 'dab kyi bdag por ma gyur cig /dmag la dbang
304a3 ba'i bdag por ma gyur cig /tshong dpon du ma gyur cig /mchod pa dang / gtsug lag khang la dbang ba'i bdag por ma gyur cig /tshong dpon dang / khyim bdag dang / dge
304a4 sbyong gi bdag por ma gyur cig /slob dpon dang / bla mar ma gyur cig /khyim pa'i lus su ma gyur cig /zhal che lce gcod pa'i dpang po ma gyur cig /phyug pa dang / btsan pa'i
304a5 dbang por ma gyur cig /bdag cag chos kyi bzod pa ma thob par de lta bu'i gnas su skyes na de nyid sangs rgyas kyi bstan pa la mi dge ba'i rgyur 'gyur ba zhes bya ste/ kha na ma
304a6 tho ba'i sdig pa chen po byed pas/ bcom ldan 'das kyis gsungs pa'i dam pa'i chos la 'phya zhing skur ba zhes bgyi'o/ /sangs rgyas kyi bstan pa la rab tu byung ba la 'tshe
304a7 zhing gnod pa bgyid pa'o/ /sems can mang po'i chos kyi mig 'byin pa'o/ /dkon mchog gsum gyi gdung rgyun gcod pa'o/ /sems can tshad med pa la gnod pa dang / 'tshe ba
304b1 bgyid pa'o/ /de'i dbang gis gdon mi 'tshal bar mtshams med pa'i sems can dmyal bar ltung ste/ ngan song du 'khor ba las thar pa'i dus ma mchis so/ /bcom ldan 'das/
304b2 bdag cag la thugs brtse ba'i slad du smon lam 'di dag byin gyis brlab par gsol/ de'i tshe 'khor gyi dkyil 'khor der 'dus pa'i lha dang / klu dang / gnod sbyin dang / dri za dang /
304b3 mi dang / mi ma yin la sogs pa thams cad stan las langs te/ bcom ldan 'das kyi zhabs la mgo bos phyag btsal nas mchi ma blags te thal mo sbyar ba btud nas bcom ldan
304b4 'das la 'di skad ces gsol to/ /btsun pa bcom ldan 'das/ bdag cag thog ma ma mchis pa nas 'khor bar 'khor zhing glen pa dang / mi shes pa dang / nga rgyal gyi dbang
304b5 gis mi dge ba'i las thams cad bskyed de/ lus kyi las mi dge ba dang / ngag gi las mi dge ba dang / yid kyi las mi dge ba bdag gis bgyis pa dang / gzhan bgyid du stsal
304b6 pa dang / mthong ba dang / thos pa la rjes su yi rang ba'i sdig pa de dag thams cad deng bcom ldan 'das kyi spyan sngar shin tu 'dzem pa dang / mi 'chab pa'i sems kyis so sor
304b7 bshags pas slan chad mi bgyid par yongs su bsrung ba dang / ma mchis pa'i dus kyi sgrib par 'gyur ba'i sdig pa byang bar gyur cig /de bzhin du lan gcig /lan gnyis /
305a1 lan gsum gyi bar du brjod do/ /deng slan chad 'khor ba'i mthas gtugs pa'i bar du rtag tu sdig pa'i grogs po dang mi phrad pa dang / mi dge ba'i
305a2 dbang du ma gyur cig /gal te phrad na'ang de'i rjes su mi 'jug par bsam pa nges pas dam bca' bar 'tshal lo/ /sdig pa'i las de dag thams cad bgyid par ma gyur cig /
305a3 bdag cag yun ring por sdug bsngal myong bar ma gyur cig /bcom ldan 'das/ bdag cag la thugs brtse ba'i slad du smon lam 'di dag rjes su gzung bar gsol/ de
305a4 nas bcom ldan 'das kyis 'dus pa'i 'khor de dag thams cad la bka' stsal pa/ legs so/ /legs so/ /khyed ma 'ongs pa'i sdug bsngal gyis 'jigs pa dang /
305a5 'dzem pas so sor bshags pa legs so/ /khyed kyis 'khor ba'i chu bo chen po las bsgral ba dang / 'jigs pa med pa'i mya ngan las 'das pa'i grong khyer du 'jug pa'i
305a6 phyir 'di lta bu'i smon lam btab pa legs so/ /rigs kyi bu/ chos rnam pa 'di bcu dang ldan na byang chub sems dpa' sems dpa' chen po rnams yang dag pa'i lam skyon
305a7 med pa'i chos kyi bzod pa thob par 'gyur ro/ /bcu gang zhe na/ 'di lta ste/ rigs kyi bu/ byang chub sems dpa' sems dpa' chen po rnams gang nang gi lus la mi gnas/
305b1 phyi rol gyi lus la mi gnas/ phyi nang gi lus la mi gnas/ 'das pa'i lus la mi gnas/ ma 'ongs pa'i lus la mi gnas/ da ltar gyi lus la mi gnas pa ste/ chos dang po 'di
305b2 na byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa 'thob bo/ /rigs kyi bu/ gzhan yang / byang chub sems dpa' sems dpa'
305b3 chen po rnams gang nang gi tshor ba la mi gnas/ phyi rol gyi tshor ba la mi gnas/ phyi nang gnyis ka'i tshor ba la mi gnas/ 'das pa'i tshor ba la mi gnas/ ma 'ongs pa'i tshor ba
305b4 la mi gnas/ da ltar gyi tshor ba la mi gnas pa ste/ chos gnyis pa 'di na byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa
305b5 'thob par 'gyur ro/ /rigs kyi bu/ gzhan yang / byang chub sems dpa' sems dpa' chen po rnams gang nang gi 'du shes la mi gnas/ phyi rol gyi 'du shes la mi gnas/ phyi nang
305b6 gnyi ga'i 'du shes la mi gnas/ 'das pa'i 'du shes la mi gnas/ ma 'ongs pa'i 'du shes la mi gnas/ da ltar gyi 'du shes la mi gnas pa ste/ chos gsum pa 'dis na byang
305b7 chub sems dpa' sems dpa' chen po rnams yang dag pa'i lam skyon med pa'i chos kyi bzod pa 'thob par 'gyur ro/ /rigs kyi bu/ gzhan yang / byang chub sems dpa' sems
306a1 dpa' chen po rnams gang nang gi 'du byed la mi gnas/ phyi rol gyi 'du byed la mi gnas/ phyi nang gnyi ga'i 'du byed la mi gnas/ 'das pa'i
306a2 'du byed la mi gnas/ ma 'ongs pa'i 'du byed la mi gnas/ da ltar gyi 'du byed la mi gnas pa ste/ chos bzhi pa 'dis na byang chub sems dpa' sems dpa' chen po
306a3 rnams yang dag pa'i lam skyon med pa'i chos kyi bzod pa 'thob bo/ /rigs kyi bu/ gzhan yang / byang chub sems dpa' sems dpa' chen po rnams gang nang gi rnam
306a4 par shes pa la mi gnas/ phyi rol gyi rnam par shes pa la mi gnas/ phyi nang gnyis ka'i rnam par shes pa la mi gnas/ 'das pa'i rnam par shes pa la mi
306a5 gnas/ ma 'ongs pa'i rnam par shes pa la mi gnas/ da ltar gyi rnam par shes pa la mi gnas pa ste/ chos lnga po 'dis na byang chub sems dpa' sems dpa' chen
306a6 po rnams yang dag pa'i lam skyon med pa'i chos kyi bzod pa 'thob par 'gyur ro/ /rigs kyi bu/ gzhan yang / byang chub sems dpa' sems dpa' chen po rnams gang 'jig
306a7 rten 'di la mi gnas pa ste chos drug pa 'dis na byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa 'thob par 'gyur ro/ /
306b1 rigs kyi bu/ gzhan yang / byang chub sems dpa' sems dpa' chen po rnams gang 'jig rten pha rol la mi gnas pa ste/ chos bdun pa 'dis na byang chub sems dpa' sems
306b2 dpa' chen po rnams yang dag pa'i lam skyon med pa'i chos kyi bzod pa 'thob par 'gyur ro/ /rigs kyi bu/ gzhan yang / byang chub sems dpa' sems dpa' chen po rnams
306b3 gang 'dod pa'i khams la mi gnas pa ste/ chos brgyad pa 'dis na byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa 'thob
306b4 par 'gyur ro/ /rigs kyi bu/ gzhan yang / byang chub sems dpa' sems dpa' chen po gang gzugs yod pa'i khams la mi gnas pa ste/ chos dgu pa 'dis na byang chub
306b5 sems dpa' sems dpa' chen po rnams yang dag pa'i lam skyon med pa'i chos kyi bzod pa 'thob par 'gyur ro/ /rigs kyi bu/ gzhan yang / byang chub sems dpa' sems
306b6 dpa' chen po gang gzugs med pa'i khams la mi gnas pa ste/ chos bcu pa 'dis na byang chub sems dpa' sems dpa' chen po rnams yang dag pa'i lam skyon med pa'i chos
306b7 kyi bzod pa 'thob par 'gyur ro/ /bcom ldan 'das kyi chos kyi grangs 'di bshad pa'i tshe 'khor gyi dkyil 'khor de'i nang na byang chub sems dpa' sems dpa' chen po bye ba
307a1 brgya stong bdun cu rtsa gnyis snyed kyis mi skye ba'i chos kyi bzod pa thob bo/ /byang chub sems dpa' bye ba khrag khrig brgya stong phrag brgyad cu rtsa bzhi snyed kyis
307a2 chos kyi rjes su mthun pa'i bzod pa thob bo/ /nyan thos tshad med pa brgya stong snyed kyis nyon mongs pa thams cad yongs su bcad pa nas dgra bcom pa'i bar du thob par gyur te/ sems
307a3 can khrag khrig brgya stong snyed kyis sngon ma bskyed pa'i bla na med pa yang dag par rdzogs pa'i byang chub tu sems bskyed de/ de bzhin gshegs pa'i ye shes phyir mi ldog pa'i sa la
307a4 gnas par gyur to/ /sems can grangs med tshad med pa snyed kyis sngon rang sangs rgyas kyi sems ma bskyed pa de sems bskyed par gyur to/ /gzhan yang / sems can grangs med tshad
307a5 med pa snyed kyis sngon nyan thos kyi sems ma bskyed pa de bskyed par gyur to/ /yang de'i tshe bcom ldan 'das kyis 'khor mang po la bka' stsal pa/ sems can gang chos kyi bzod
307a6 pa thob pas ni rgyal rigs rgyal thabs spyi bo nas dbang bskur ba'i gnas su gnas par byas te/ nor rin po che rnam pa sna tshogs la longs spyod cing bdag nyid chen po'i gnas
307a7 su longs spyod par ngas gnang gi sems can gzhan ni ma yin no/ /byang chub sems dpa' rdo rje'i snying pos yang bcom ldan 'das la 'di skad ces gsol to/ /bcom ldan 'das
307b1 sems can gang chos kyi bzod pa ma thob par rgyal rigs rgyal thabs spyi bo nas dbang bskur ba'i gnas su gnas te/ nor rin po che rnam pa sna tshogs la spyod pa dang / bdag nyid
307b2 che ba'i gnas su gnas par nges par ma gnang ngam/ 'on te gnang ba'i skabs kyang mchis/ bcom ldan 'das kyis bka' stsal pa/ sems can gang chos kyi bzod pa ma thob kyang
307b3 dge ba bcu'i las kyi lam spyod la/ sems can gzhan yang slong du bcug na/ de'ang ngas rgyal rigs rgyal thabs spyi bo nas dbang bskur ba'i gnas su nor rin po che rnam pa sna tshogs
307b4 dang | gzhan yang / bdag nyid che ba'i gnas su 'dug cing longs spyod du gnang ngo / /sems can gang chos kyi bzod pa'ang ma thob la/ dge ba bcu'i las kyi lam yang mi spyod de /
307b5 sems can gzhan yang slob pa la mi 'dzud pa la dbang chen po dang / nan tan gyis rgyal thabs spyi bo nas dbang bskur ba'i rgyal po byed de/ nor rin po che rnam pa sna tshogs dang / bdag
307b6 nyid chen po'i gnas su longs spyod pa dag ni rgyal rigs gdol ba can dang / gzhan yang / bdag nyid che ba'i gnas su longs spyod pa'i gdol ba can gyi bdag po zhes bya ste/ glen pa
307b7 gti mug can nga rgyal gyis mngon par zin pa/ nga'i dam pa'i chos shin tu zab mo 'jig par byed pa/ dkon mchog gsum gyi gdung gcod cing dam pa'i chos kyi sgron ma med par
308a1 byed pa/ nga'i bstan pa la rab tu byung ba dag la gnod pa dang / 'tshe ba rnam pa sna tshogs byed pa/ 'tshog pa dang / gzhu ba dang / chad pas gcod pa
308a2 dang | chos gos dang / lhung bzed dang / 'tsho ba'i yo byad 'phrog pa dang / chos gos phrogs te khyim par phab nas/ las rnam pa sna tshogs byed du bcug pa dang / bcings pa dang /
308a3 btson du bzung ba nas 'tsho ba'i dbang po dang phral ba dang / nga'i bstan pa dam pa'i chos la 'phya zhing skur ba dang / bar du gcod cing bgegs byed cing yongs su rgyas par mi byed pa
308a4 dang | mchod rten dang / dge 'dun gyi nor 'phrog par byed pa'i gang zag de ni gdon mi za bar mtshams med pa'i sems can dmyal bar ltung ste/ sdug bsngal chen po myong zhing
308a5 ngan song gi gnas su 'khor zhing thar pa'i dus med do/ /de nas byang chub sems dpa' rdo rje'i snying pos yang gsol pa/ bcom ldan 'das/ sems can gang chos kyi bzod pa'ang
308a6 ma thob/ dge ba bcu'i las kyi lam yang mi spyod/ sems can gzhan yang spyod par mi skul bar dbang chen po dang / nan gyis rgyal thabs spyi bo nas dbang bskur ba'i gnas su rgyal po
308a7 bgyid cing nor rin po che rnam pa sna tshogs dang / gzhan yang / bdag nyid che ba'i gnas su gnas pa la rgyu gzhan dang / thabs gzhan gyis mtshams med pa'i sems can dmyal
308b1 ba las gdon cing ngan song gzhan gyi sdug bsngal las kyang thar bar bgyi ba mchis sam/ bcom ldan 'das kyis bka' stsal pa/ rgyu gzhan dang / thabs gzhan gyis gdon du rung ba yod
308b2 do| |sems can gang rgyal thabs spyi bo nas dbang bskur ba'i rgyal por zhugs la longs spyod rnam pa sna tshogs la spyod pa chos kyi bzod pa'ang ma thob/ dge ba bcu'i las kyi lam dang
308b3 yang mi ldan yang dad pa'i mthu dang ldan te/ dkon mchog gsum la rim gro dang / bsti stang byed cing sangs rgyas kyi bstan pa'i theg pa gsum dang ldan pa'i dam pa'i chos la chung ngu
308b4 na tshigs su bcad pa gcig tsam la'ang 'phya zhing skur ba'am/ bar du gcod pa'am/ bgegs mi byed la/ sangs rgyas kyi bstan pa la rab tu byung ba'i nye gnas tshul khrims can
308b5 nam/ tshul khrims nyams pa'am/ tshul khrims med kyang rung / skra dang / kha spu bregs te/ gos ngur smrig gyon pa thams cad la 'tshe ba dang / gnod pa dang / gzhu ba dang / 'tshog
308b6 pa dang / chad pas gcod pa dang / chos gos dang / lhung bzed dang / 'tsho ba'i yo byed phrogs pa dang / chos gos phrogs te khyim par phab nas las byed du bcug pa dang / btson
308b7 rar btsug pa nas 'tsho ba'i dbang po dang phral ba'i bar du mi byed la/ mchod rten dang / dge 'dun gyi nor mi 'phrog ba dang / ngan pa sdig pa can dag rab tu byung ba la 'tshe ba
309a1 dang | gnod pa byed du mi 'dzud pa dang / dkon mchog gsum gyi nor la 'phrog cing spyod du mi 'dzud pa dang / sangs rgyas kyi bstan pa theg pa
309a2 gsum dang ldan pa'i dam pa'i chos la bsti stang dang bcas pas mnyan cing gzungs su 'dzin pa dang / mnyan te gzungs su bzung nas kyang ji ltar bshad pa bzhin du chos kyi
309a3 rjes su brtson 'grus dang / nan tan byed pa dang / ngas bstan pa'i theg pa gsum gyis 'phags pa'i nye gnas dag la mchod pa dang / bsnyen bkur dang / bsti stang dang bcas
309a4 pas g.yog byed pa dang / theg pa chen po la shin tu brtan pa'i yi dam bcas te the tshom dang / phyir ldog pa'i sems mi skyed pa dang / gzhan yang / sems can dag theg pa chen
309a5 po la dad cing yid ches pa dang / gzungs su 'dzin pa dang / slob pa nan tan byed du 'jug na/ rgyal rigs gdol pa can 'di dang / gzhan yang / bdag nyid che ba'i gdol pa
309a6 can dag ni snga ma 'das pa'i sangs rgyas kyis kyang rgyal thabs kyi dbang bskur zhing longs spyod rnam pa sna tshogs la spyod du gnang ngo / /gzhan yang grong dang / grong khyer dang / nor
309a7 dbyig thams cad la spyod kyang mtshams med pa'i sems can dmyal bar mi ltung ba nas ngan song gzhan gyi bar du'ang ltung bar mi 'gyur ro/ /de ni ngas rgyal thabs kyi dbang
309b1 skur zhing longs spyod rnam pa sna tshogs la spyod du snang ngo / /de ltar na de dag ni grong dang / grong khyer na spyod kyang mtshams med pa'i sems can dmyal bar mi ltung ba nas ngan song gzhan
309b2 du'ang mi ltung ngo / /sems can gang sdig pa'i las kyi sgrib pa thams cad lhag ma ma lus par byang bar 'dod na ngas bstan pa'i dam pa'i chos kyi rnam grangs 'di la nan tan du bslab
309b3 cing gzungs su gzung bar bya'o/ /gang gis de ltar dge 'dun gyi mngon sum du gyur pa la shin tu 'dzem pa dang / ngo tsha ba'i sems kyis sdig pa'i las so sor bshags na sngon
309b4 gyi dus na byas pa'i sdig pa'i las thams cad lhag ma ma lus par yongs su byang bar 'gyur ro// //bam po brgyad pa/ de'i tshe byang chub sems dpa' sems
309b5 dpa' chen po rdo rje'i snying pos yang bcom ldan 'das la 'di skad ces gsol to/ /btsun pa bcom ldan 'das/ byang chub sems dpa' sems dpa' chen pos ji ltar na nyan thos
309b6 kyi theg pa la 'khrul pa ma mchis pa lags/ ji ltar na nyan thos kyi theg pa'i gang zag la 'khrul pa ma mchis pa lags/ ji ltar na rang sangs rgyas kyi theg pa la 'khrul pa ma
309b7 mchis pa lags/ ji ltar na rang sangs rgyas kyi theg pa'i gang zag la 'khrul pa ma mchis pa lags/ ji ltar na theg pa chen po la 'khrul pa ma mchis pa lags/ ji ltar na theg
310a1 pa chen po'i gang zag la 'khrul pa ma mchis pa lags/ ji ltar na dkon mchog gsum gyi gdung rtag par yongs su 'phel bar bgyid pa lags
310a2 ji ltar na de bzhin gshegs pa'i bstan pa la rab tu byung ba chos kyi snod dam/ chos kyi snod ma lags pa'ang rung / chung du na chos gos kyi tshal bu 'tshal zhing skra dang / kha spu
310a3 bregs pa thams cad la 'khrul pa ma mchis pa lags/ ji ltar na theg pa chen po'i chos la gong nas gong du 'bar zhing phyir mi ldog par 'gyur ba lags/ ji ltar na rno ba'i
310a4 shes rab dang / bsod nams kyi khyad par rtag tu skye zhing 'phel bar 'gyur ba lags/ ji ltar na ting nge 'dzin dang / gzungs dang / bzod pa dang / sa rnams la dbang du
310a5 'gyur zhing phyir mi ldog par 'gyur ba lags/ ji ltar na rtag tu dge ba'i bshes gnyen dang mjal cing rjes su mthun par 'gyur ba lags/ ji ltar na rtag tu sangs rgyas
310a6 thams cad mthong ba dang mi 'bral zhing byang chub sems dpa' dang / nyan thos kyi nye gnas dang mi 'bral ba dang / chos thos pa dang mi 'bral ba dang / dge 'dun la mchod pa
310a7 dang / bsnyen bkur bgyid pa dang mi 'bral bar 'gyur ba lags/ ji ltar na dge ba'i rtsa ba thams cad la rab tu brtson pas sems mi ngoms pa lags/ ji ltar na byang chub kyi
310b1 spyod pa rnam pa sna tshogs la sems mi ngoms pa lags/ de nas bcom ldan 'das kyis byang chub sems dpa' sems dpa' chen po rdo rje'i snying po la 'di skad ces bka' stsal
310b2 pa| rigs kyi bu/ byang chub sems dpa' sems dpa' chen po'i 'khor lo rnam pa bcu yod de/ byang chub sems dpa' sems dpa' chen po gang 'khor lo bcu po 'di dang ldan na
310b3 nyan thos kyi theg pa la 'khrul pa med par 'gyur ro/ /nyan thos kyi theg pa'i gang zag la 'khrul pa med par 'gyur ro/ /rang sangs rgyas kyi theg pa la 'khrul pa med par 'gyur
310b4 ro| |rang sangs rgyas kyi theg pa'i gang zag la 'khrul pa med par 'gyur ro/ /theg pa chen po la 'khrul pa med par 'gyur ro/ /theg pa chen po'i gang zag la 'khrul pa med par
310b5 'gyur ro/ /dkon mchog gsum gyi gdung rtag par yongs su 'phel bar 'gyur ro/ /de bzhin gshegs pa'i bstan pa la rab tu byung ba chos kyi snod dam/ chos kyi snod ma yin
310b6 pa'ang rung / chung du na chos gos kyi tshal bu gyon zhing skra dang / kha spu bregs pa thams cad la 'khrul pa med par 'gyur ro/ /theg pa chen po'i chos la gong nas gong du 'phar zhing
310b7 phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin thams cad dang / gzungs dang / bzod pa dang / sa rnams
311a1 la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing de'i rjes su 'gro ba dang / rtag tu sangs rgyas thams cad mthong
311a2 ba dang mi 'bral zhing byang chub sems dpa' dang / rang sangs rgyas kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang /
311a3 bsnyen bkur byed pa dang mi 'bral ba dang / dge ba'i rtsa ba thams cad la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyis sems
311a4 mi ngoms pa dang / sngon sdig pa mi dge ba'i las ci byas pa thams cad 'phags pa'i chos kyi ye shes rdo rje ltar sra la rno bas lhag ma ma lus par bcom ste rnam par smin pa'i
311a5 'bras bu mi myong ba dang / gsar du sdig pa mi dge ba'i las thams cad mi byed pa dang / skyo ba dang / sgyid lug pa med pa'i sems kyis bla na med pa'i chos kyi 'khor lo bskor
311a6 ba dang / byang chub kyi yan lag rin po che sna bdun nan tan byed pa la skyo zhing sgyid lug ba med pa'i sems dang / sems can thams cad kyi nyon mongs pa'i nad rnams 'jil
311a7 pa la skyo zhing sgyid lug pa med pa'i sems kyis sems can thams cad kyi rten dang / gnas su 'gyur zhing nye bar 'tsho ba yin no/ /rigs kyi bu/ 'di lta ste/ 'khor los
311b1 bsgyur ba'i rgyal po rin po che sna bdun dang ldan pa ni gar 'gro'ang rin po che'i 'khor lo thog mar 'gro ste/ rin po che gzhan de'i phyi bzhin du 'brang ngo / /gling bzhi kun tu rgyu zhing sems can
311b2 thams cad kyi lus dang / sems kyi rnyog pa thams cad kyang bsal te/ sems can thams cad kyi lus dang / sems kyi bde ba'ang skye zhing 'phel bar byed do/ /byang chub sems dpa'
311b3 sems dpa' chen po'ang de bzhin du 'khor lo bcu po 'di dang ldan na nyan thos kyi theg pa la 'khrul pa med pa nas/ sems can thams cad kyi rten dang / gnas su 'gyur zhing nye bar
311b4 'tsho ba'i bar du 'thob par 'gyur ro/ /rigs kyi bu/ 'di lta ste/ shing rta chen po ni 'khor lo bzhi dang ldan te/ mi mang po de'i nang du 'dug nas lam chen por 'gro'o/ /lam de na
311b5 bong ba'am/ gyo mo'am/ gseg ma'am/ rtsa'am/ shing ngam/ lo ma'am/ yal ga'am/ me tog gam/ 'bras bu ji snyed yod pa thams cad shing rta'i 'khor lo de'i 'og tu
311b6 song nas thams cad chag cing grugs te nor du mi rung bar byed do/ /de bzhin du byang chub sems dpa' sems dpa' chen po'ang 'khor lo rnam pa bcu dang ldan na nyon mongs pa'i sgrib
311b7 pa dang / sems can gyi sgrib pa dang / chos kyi sgrib pa thams cad yongs su bcom ste/ rnam par smin pa mi len par byed do/ /rigs kyi bu/ 'di lta ste/ 'khor lo rnon po ni thang
312a1 cig 'phangs pas phas rgol ba'i dgra'i mgo dang / yan lag bcad de/ de spyod pa'i mthu med par byed do/ /de bzhin du byang chub sems dpa'
312a2 sems dpa' chen po'ang 'khor lo rnam pa bcu po 'di dang ldan na rgyud lngar 'khor ba'i sdug bsngal chen po thams cad 'jom pa dang / nyon mongs pa dang / sdig pa'i las thams
312a3 cad yongs su bcad de/ rnam par smin pa len par mi byed do/ /rigs kyi bu/ 'di lta ste/ me'i bskal pa byung ba'i tshe nyi ma lnga gcig car shar nas gling bzhi'i klung dang /
312a4 mtsho dang / chu bo dang / chu'i khams su gtogs pa gsher ba thams cad gang yang mi skems pa med do/ /de bzhin du byang chub sems dpa' sems dpa' chen po'ang 'khor
312a5 lo rnam pa bcu po 'di dang ldan na rgyu ba bzhi dang / nyon mongs pa'i sgrib pa dang / sems can gyi sgrib pa dang / chos kyi sgrib pa dang / sdug bsngal gyi rtsa bar smin pa thams cad
312a6 yongs su skems par byed do/ /rigs kyi bu/ 'di lta ste/ rlung gi bskal pa byung ba'i tshe phyogs bzhi nas rlung chen po dus gcig tu langs pas 'jig rten gyi khams thams
312a7 cad na ri bo che chung dang / sa chen po rnams thams cad 'jig cing 'thor bar 'gyur ro/ /de bzhin du byang chub sems dpa' sems dpa' chen po'ang 'khor lo rnam pa 'di
312b1 bcu dang ldan na 'jig rten gyi phyin ci log bzhi dang / nga rgyal gyi ri bo thams cad mi shigs pa gang yang med pa dang / sems can thams cad kyi nyon mongs pa'i sgrib pa dang / sems
312b2 can gyi sgrib pa dang / chos kyi sgrib pa dang / sdug bsngal gyi rnam par smin pa'i rtsa ba thams cad kyang 'jig cing 'thor bar 'gyur ro/ /rigs kyi bu/ 'di lta ste/ seng ge'i rgyal
312b3 po ral pa can gyi skad thang cig phyung bas gcan gzan thams cad 'phur ba dang / 'gro ba thams cad skrag cing 'gul mi nus par 'gyur ro/ /de bzhin du byang chub sems
312b4 dpa' sems dpa' chen po'ang 'khor lo rnam pa 'di bcu dang ldan pa'i chos kyi sgra thang cig bsgrags pas mu stegs can dang / log par ston pa'i sdig pa'i grogs su gyur pa thams
312b5 cad 'jig skrag nas smra ba'i tshig 'khrul zhing 'dri ba dang / rgol mi nus par 'gyur ro/ /rigs kyi bu/ 'di lta ste/ brgya byin lha'i dbang po lha ma yin dang 'thab pa'i tshe lha'i dmag
312b6 gis bskor cing lag na rdo rje thogs te g.yul du zhugs na lha ma yin thams cad skrag pas ldog par 'gyur ro/ /de bzhin du byang chub sems dpa' sems dpa' chen po'ang
312b7 'khor lo rnam pa 'di bcu dang ldan na log par lta ba'i mu stegs can thams cad dang / log par ston pa'i sdig pa'i grogs po thams cad skrag nas 'bros par 'gyur ro/ /
313a1 rigs kyi bu/ 'di lta ste/ yid bzhin gyi nor bu rin po che rgyal mtshan gyi rtse mo la btags na rin po che rnam pa sna tshogs char bzhin du 'bab ste/
313a2 dbul phongs pa'i sems can thams cad la sbyin pa byed do/ /de bzhin du byang chub sems dpa' sems dpa' chen po'ang 'khor lo rnam pa 'di bcu dang ldan te/ rnam par
313a3 dag pa'i tshul khrims kyi rgyal mtshan la gnas na chos chen po'i char rab tu 'bebs pas sems can tshad med pa snyed thams cad la sbyin pa byed par 'gyur ro/ /rigs kyi bu/
313a4 'di lta ste/ mtshan mo'i dus su 'jig rten kun mun par gyur pas 'thom zhing 'brog bslad pa na zla ba nya ba shar bas mun pa thams cad bsal te/ 'brog bslad pa rnams kyi
313a5 lam mtshon par 'gyur ba de bzhin du/ byang chub sems dpa' sems dpa' chen po'ang 'khor lo rnam pa 'di bcu dang ldan na sems can gang ma rig pa'i mun pas ldongs
313a6 te 'phags pa'i lam yan lag brgyad stor ba rnams la byang chub sems dpa' dam pa'i chos bshad de/ ma rig pa'i mun pa thams cad bsal nas/ chos kyi snang ba skyes
313a7 pa'i phyir 'phags pa'i lam yan lag brgyad pa mngon du gyur te/ zag pa thams cad bcad nas sdug bsngal gyi mtha' zad par byed do/ /rigs kyi bu/ 'di lta ste/ nyi ma'i dkyil
313b1 'khor chen po 'jig rten du shar ba na lo tog thams cad skye zhing 'phel te/ me tog dang / lo tog dang / lo ma thams cad rgyas pa dang / mnam zhing btsog pa thams cad sel ba
313b2 dang | lo tog gi 'bru dang / sman gyi 'bras bu thams cad smin pa dang / gangs kyi ri bo kun zhu bas 'babs chu kun brug ste/ rim gyis rgya mtsho chen por 'bab par 'gyur ro/ /de bzhin
313b3 du byang chub sems dpa' sems dpa' chen po'ang 'khor lo rnam pa 'di bcu dang ldan te/ lhag pa'i sbyin pa la gnas shing / dul ba'i tshul khrims dang / bde ba'i bzod pa
313b4 dang | brtson 'grus dang / bsam gtan dang / shes rab dang / thabs dang / byams pa dang / snying rje dang / spobs pa'i yon tan shin tu rgyas shing sems can thams cad
313b5 la dam pa'i chos ston to/ /chos de'i 'od kyi gzi brjid kyis sems can thams cad kyi dge ba'i rtsa ba lhag pa'i lo tog rnam pa sna tshogs skye zhing 'phel ba dang / lhag pa'i spyod pa
313b6 pa dam pa'i me tog dang / lo ma rnam pa sna tshogs shin tu rgyas pa dang / nyon mongs pa'i las ngan pa thams cad yongs su sel ba dang / mtho ris dang / mya ngan las 'da' ba'i 'bras bu
313b7 yongs su smin par 'gyur ba dang / log par lta ba dang / nga rgyal gyi ri bo thams cad zhu zhing 'bab pas yang dag pa'i dad pa dang / tshul khrims dang / thos pa dang / gtong ba dang /
314a1 shes rab dang / ting nge 'dzin gyi chu rim gyis 'bab cing mya ngan las 'da' ba'i rgya mtsho 'gengs pa dang / sems can thams cad yid bzhin du
314a2 'jigs pa med pa mya ngan las 'da' ba'i grong khyer du 'jug par 'gyur ro/ /rigs kyi bu/ de la ji ltar na byang chub sems dpa' sems dpa' chen po'i 'khor lo bcu po
314a3 gang zhe na/ rigs kyi bu/ 'khor lo bcu zhes bya ba ni chos gzhan la mi gdags kyi/ dge ba bcu'i las kyi lam nyid yin par shes par bya'o/ /'khor lo rnam pa bcu po
314a4 'di dag dang ldan pas na byang chub sems dpa' sems dpa' chen po zhes bya ste/ sdig pa thams cad las rnam par grol ba dang / dge ba'i chos thams cad yid bzhin
314a5 du rdzogs pa dang / myur du mya ngan las 'da' ba chen po'i rgya mtsho yongs su 'gengs pa dang / thabs mkhas pa chen po'i ye shes kyi 'od kyis skye bo thams cad yongs su
314a6 smin par byed cing thams cad la phan pa dang / bde ba yongs su thob par byed do/ /de ci'i phyir zhe na/ rigs kyi bu/ snga ma 'das pa'i sangs rgyas bcom ldan 'das thams
314a7 cad kyis kyang mi dge ba bcu'i las kyi lam yongs su spangs te/ dge ba bcu'i las kyi lam 'di la yongs su bsngags pas 'bras bu thob par gyur to/ /de bas na gang gis
314b1 dge ba bcu'i las kyi lam bshad pa 'di dag las/ 'ga' zhig nam 'tsho'i bar du ma nyams par srung na 'bras bu khyad par can mchog tu 'gyur ba thams cad thob pa ni ji ltar
314b2 bshad pa bzhin no/ /rigs kyi bu/ gzhan yang / byang chub sems dpa' sems dpa' chen po gang nam 'tsho'i bar du srog gcod pa yongs su spangs na de nyid sems can thams cad
314b3 la mi 'jigs pa sbyin pa yin te/ sems can dag la 'jigs shing bag tsha bar mi byed pas de'i 'jigs pa'i sdug bsngal mi skyed pa'i dbang gis dge ba'i rtsa ba thams cad
314b4 myur du yongs su rdzogs par 'gyur ro/ /thog ma med pa'i mtha' nas rgyud lngar 'khor ba'i rgya mtshor bying ba/ srog gcod pa'i dbang gis lus dang / ngag dang / yid
314b5 kyis sdig pa mi dge ba'i las bdag kyang byed la gzhan yang byed du 'jug cing mthong ba dang / thos pa'i rjes su yi rang ba las byung ba'i nyon mongs pa'i sgrib pa dang /
314b6 sems can gyi sgrib pa dang / chos kyi sgrib pa dang / tshe'i sgrib pas bsgribs par gyur to/ /'di ltar srog gcod pa yongs su spangs pa'i 'khor los de dag lhag ma ma lus par
314b7 yongs su bcom zhing brnyil bas rnam par smin pa'i 'bras bu mi myong bar byed do/ /lus 'di nyid la'ang lha dang / mi la sogs pa kun dga' zhing yid du 'ong ba dang / dogs pa
315a1 mi skye ba dang / lus dang / sems rab tu bde zhing yun ring du 'tsho bar 'gyur ro/ /'chi 'pho ba'i dus byed pa na'ang lus dang / sems la sdug bsngal
315a2 gyis mi gdung zhing yid du 'ong ba'i bu dang / chung ma dang / 'khor thams cad kyis yongs su bskor bas 'chi 'pho ba'i dus byed kyi/ shin tu 'jigs pa gshin rje'i bo nya mthong
315a3 bar mi 'gyur ro/ /gzhan yang / yid du 'ong ba'i dge ba'i bshes gnyen chos kyis dul ba tshul khrims dang / yon tan du ldan pa bsod nams kyi zhing yang dag pa dang phrad
315a4 de| lus dang / sems rab tu dga' ba dang / de la bkur sti dang bcas pas shin tu dad pa skye bar 'gyur ro/ /yang tshe 'phos nas kyang phyir mi'i nang du skyes te/ dbang po
315a5 yongs su rdzogs shing yan lag dang ldan pa dang / gang nas gang du skyes par nad med pa dang / tshe ring ba dang / byad gzugs bzang ba dang / yid gzhungs pa dang / rab tu
315a6 bde zhing skyid pa dang / gzhan yang / yid du 'ong ba'i dge ba'i bshes gnyen chos kyis dul ba tshul khrims dang / yon tan du ldan pa bsod nams kyi zhing yang dag pa dang phrad
315a7 de| de'i rjes su slob pa dang / srog gcod pa yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad
315b1 yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad la rim gyis gzhol zhing shin tu yangs
315b2 pa'i ye shes kyi rgya mtsho la 'jug pa nas bla na med pa'i byang chub thob pa'i bar du 'gyur ro/ /sangs rgyas kyi zhing mtshon cha med pa dang / dgra dang / 'tshe ba'i ming mi grag pa dang / 'jigs
315b3 pa thams cad dang bral te rab tu bde skyid pa dang / nad med pa dang / tshe ring ba'i zhing du sems can dag skye bar 'gyur ro/ /de bzhin gshegs pa'i tshe'i tshad kyang dpag tu med de /
315b4 sems can dag cis 'dul ba bzhin du dam pa'i chos ston to/ /yongs su mya ngan las 'das nas kyang dam pa'i chos yun ring du gnas shing sems can tshad med pa la phan pa dang /
315b5 bde ba'i don byed par 'gyur ro/ /rigs kyi bu/ 'di ni byang chub sems dpa' sems dpa' chen po srog gcod pa yongs su spangs pa'i 'khor lo ste dang po'o/ /byang chub sems
315b6 dpa' sems dpa' chen po 'khor lo de dang ldan na nyan thos kyi theg pa la 'khrul ba med par 'gyur/ nyan thos kyi theg pa'i gang zag la 'khrul ba med par 'gyur ro/ /rang sangs
315b7 rgyas kyi theg pa la 'khrul ba med par 'gyur/ rang sangs rgyas kyi theg pa'i gang zag la 'khrul ba med par 'gyur ro/ /theg pa chen po la 'khrul ba med par 'gyur ro/ /theg pa chen
316a1 po'i gang zag la 'khrul ba med par 'gyur ro/ /dkon mchog gsum gyi gdung yongs su 'phel ba dang / de bzhin gshegs pa'i bstan
316a2 pa la rab tu byung ba'i nye gnas chos kyi snod dam/ chos kyi snod ma yin pa'ang rung / chung ngu na chos kyi gos kyi tshal bu gyon cing skra dang / kha spu bregs pa la 'khrul ba med par 'gyur
316a3 ro| |theg pa chen po'i chos la gong nas gong du 'bar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin
316a4 dang | gzungs dang / bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing rjes su 'gro ba dang / rtag
316a5 tu sangs rgyas thams cad mthong ba dang mi 'bral zhing byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang /
316a6 dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang /
316a7 smon lam rnam pa sna tshogs kyi/ sems mi ngoms par 'gyur te/ 'bras bu gzhan thob pa'ang ji ltar rgyas par bshad pa bzhin no/ /rigs kyi bu/ gzhan yang / byang chub sems
316b1 dpa' sems dpa' chen po gang nam 'tsho ba'i bar du ma byin par len pa yongs su spangs na de nyid sems can thams cad la mi 'jigs pa'i sbyin pa yin te/ yongs su gdung ba med
316b2 pa dang / 'tshe ba med pa dang / bdag nyid tshul bzhin du rnyed pa'i nor gyis chog shes par gnas kyi/ chos ma yin pa'i nor dang / khe la re ba med pa de'i dbang gis dge ba'i rtsa ba thams
316b3 cad kyang yongs su rdzogs par 'gyur ro/ /thog ma med pa'i mtha' nas rgyud ldar 'khor zhing 'khor ba'i rgya mtshor bying bar 'gyur ba'ang ma byin par len pa'i dbang gis lus dang / ngag dang /
316b4 yid mi dge ba'i las rnams bdag kyang byed la/ gzhan yang byed du 'dzud cing mthong ba dang / thos pa'i rjes su yi rang ba las byung ba'i nyon mongs pa'i sgrib pa dang / sems can gyi
316b5 sgrib pa dang / chos kyi sgrib pa dang / rin po che dang / nor la sgrib pas bsgribs par gyur to/ /'di ltar ma byin par len pa yongs su spangs pa'i 'khor los lhag ma ma lus par
316b6 yongs su bcom pas rnam par smin pa'i 'bras bu mi myong ste/ lus 'di nyid la'ang lha dang / mi la sogs pa kun dga' zhing yid du 'ong bas dogs pa mi skye ba dang / lus dang /
316b7 sems rab tu bde ba dang / nor rin po che thams cad dang ldan par 'gyur ro/ /nam 'chi 'pho ba'i dus byed pa na'ang lus dang / sems sdug bsngal gyis mi gdung zhing yid du 'ong
317a1 pa'i bu dang / chung ma dang / 'khor thams cad kyis yongs su bskor bas 'chi 'pho ba'i dus byed gyi/ shin tu 'jigs pa gshin rje'i pho nya mthong bar mi
317a2 'gyur ro/ /gzhan yang / yid du 'ong ba'i dge ba'i bshes gnyen gyi chos kyis dul ba tshul khrims dang / yon tan du ldan pa bsod nams kyi zhing yang dag pa dang phrad de/ lus
317a3 dang | sems rab tu dga' ba dang / de la bkur sti dang bcas pas dad pa skye bar 'gyur ro/ /tshe 'phos nas kyang phyir mi'i nang du skye ste/ dbang po yongs su rdzogs shing
317a4 yan lag dang ldan pa dang / gang nas gang du skyes par longs spyod chen po dang ldan zhing byad gzugs bzang ba dang / yid gzhungs pa dang / rab tu bde zhing skyid pa dang /
317a5 'jig pa lnga dang nor thun mong du mi 'gyur ro/ /phyir yang yid du 'ong ba'i dge ba'i bshes gnyen chos kyis dul ba/ tshul khrims dang / yon tan du ldan pa/ bsod nams kyi
317a6 zhing yang dag pa dang phrad de/ de'i rjes su slob cing ma byin par len pa yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad
317a7 par can thams cad yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad la rim
317b1 gyis gzhol ba dang / shin tu yangs pa'i ye shes kyi rgya mtsho la 'jug pa nas bla na med pa'i byang chub kyi bar du 'thob par 'gyur ro/ /yang sangs rgyas kyi zhing rin po che rnam pa sna
317b2 tshogs kyis brgyan pa dang / rin po che'i shing dang / rin po che'i rdzing dang / rin po che'i gzhal med khang la sogs pas yongs su gang ba dang / bdag dang /bdag gir 'dzin pa dang
317b3 bral ba rgyan thams cad kyis bkod pa dang ldan pa'i zhing der sems can dag skye bar 'gyur ro/ /de bzhin gshegs pa'i tshe'i tshad kyang dpag tu med de/ sems can dag cis
317b4 'dul ba bzhin du dam pa'i chos ston to/ /yongs su mya ngan las 'das nas kyang dam pa'i chos yun ring du gnas shing sems can tshad med pa la phan pa dang / bde ba'i don byed par
317b5 'gyur ro/ /rigs kyi bu/ 'di ni byang chub sems dpa' sems dpa' chen pos ma byin par len pa yongs su spangs pa'i 'khor lo gnyis pa'o/ /byang chub sems dpa' sems
317b6 dpa' chen po 'khor lo 'di dang ldan na nyan thos kyi theg pa la 'khrul ba med par 'gyur ro/ /nyan thos kyi theg pa'i gang zag la 'khrul pa med par 'gyur ro/ /rang sangs rgyas
317b7 kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro/ /theg pa chen po la 'khrul ba med par 'gyur/ theg pa chen
318a1 po'i gang zag la 'khrul pa med par 'gyur ro/ /dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu
318a2 byung ba'i nye gnas chos kyi snod dam/ chos kyi snod ma yin pa'ang rung / chung du na chos gos kyi tshal bu gyon cing skra dang / kha spu bregs pa la 'khrul pa med par 'gyur/ theg pa chen
318a3 po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang
318a4 bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing de'i rjes su 'gro ba dang / rtag tu sangs rgyas thams
318a5 cad mthong pa dang mi 'bral zhing byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa
318a6 dang / bsnyen bkur byed pa dang mi 'bral pa dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam rnam pa sna tshogs
318a7 kyis sems mi ngoms par 'gyur te/ 'bras bu thob pa dag kyang ji ltar bshad pa bzhin no/ /rigs kyi bu/ gzhan yang / byang chub sems dpa' sems dpa' chen po gang nam
318b1 'tsho ba'i bar du 'dod pas log par g.yem pa yongs su spangs na/ de nyid sems can thams cad 'dod pa'i rlung gis g.yengs pa las 'jigs pa med pa/ phrag dog med pa/ 'tshe ba
318b2 med pa/ yongs su gdung ba med pa/ 'khrug pa med pa'i sbyin pa yin te/ bdag gi chung mas chog shes shing gzhan gyi chung ma la re ba med pas de'i dbang gis dge ba'i rtsa ba thams cad
318b3 yongs su rdzogs par 'gyur ro/ /thog ma med pa'i mtha' nas rgyud lngar 'khor bar 'khor ba'i rgya mtshor 'bying ba'ang 'dod pas log par g.yem pa'i dbang gis lus dang / dag
318b4 dang | yid mi dge ba'i las bdag kyang byed la/ gzhan yang byed du 'jug cing mthong ba dang / thos pa'i rjes su yi rang ba las byung ba nyon mongs pa'i sgrib pa dang / sems can
318b5 gyi sgrib pa dang / chos kyi sgrib pa dang / chung ma'i sgrib pas bsgribs par gyur to/ /'di ltar 'dod pas log par g.yem pa yongs su spangs pa'i 'khor los lhag ma ma lus par bcom
318b6 pa'i rnam par smin pa'i 'bras bu mi len te/ lus 'di nyid la'ang lha dang / mi la sogs pa kun dga' zhing yid du 'ong bas dogs pa mi skye ba dang / lus dang / sems rab tu bde ba dang /
318b7 chung ma lhod ba dang bcas pa ma yin par 'gyur ro/ /'chi 'pho ba'i dus byed pa na'ang lus dang / sems la sdug bsngal gyis mi gdung shing yid du 'ong ba'i bu dang / chung ma dang / 'khor
319a1 thams cad kyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya ni mthong bar mi 'gyur ro/ /gzhan
319a2 yang / yid du 'ong ba'i dge ba'i bshes gnyen chos kyis dul ba tshul khrims dang / yon tan du ldan pa bsod nams kyi zhing yang dag pa dang phrad de/ lus dang / sems rab tu dga'
319a3 ba dang / de la bkur sti dang bcas pas de la shin tu dad pa skye bar 'gyur ro/ /tshe 'phos nas kyang phyir mi'i nang du skyes te/ dbang po yongs su rdzogs shing yan lag dang ldan
319a4 pa dang / gang nas gang du skyes par 'khor phun sum tshogs pa dang / byad gzugs bzang ba dang / yid gzhungs pa dang / rab tu bde zhing skyid pa dang / phyir yang shin tu
319a5 yid du 'ong ba'i dge ba'i bshes gnyen chos kyis dul ba tshul khrims dang / yon tan du ldan pa bsod nams kyi zhing yang dag pa dang phrad de/ de'i rjes su slob cing 'dod pas
319a6 log par g.yem pa yongs su spong ba dang / sdig pa mi dge ba'i chos thams cad yongs su spong ba dang / dge ba'i chos khyad par can thams cad yongs su rdzogs pa dang / theg
319a7 pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad la rim gyis gzhol zhing shin tu yangs pa'i ye shes kyi
319b1 rgya mtsho la 'jug ba nas bla na med pa'i byang chub 'thob pa'i bar du 'gyur ro/ /sangs rgyas kyi zhing bud med med pa dang / 'dod chags dang / g.yem pa med pa dang / tshangs par spyod pa
319b2 mchog dang ldan pa'i sems can dag zhing der skye ste/ de dag thams cad kyang rdzus te skye yi/ mi gtsang ba'i mngal nas skye ba ni ma yin no/ /de bzhin gshegs pa'i tshe'i tshad kyang
319b3 dpag tu med de/ sems can dag la cis 'dul ba bzhin du dam pa'i chos ston to/ /yongs su mya ngan las 'das nas kyang dam pa'i chos yun ring du gnas shing / sems can tshad
319b4 med pa la phan pa dang / bde ba'i don byed par 'gyur ro/ /rigs kyi bu/ 'di ni byang chub sems dpa' sems dpa' chen po 'dod pas log par g.yem pa yongs su spangs pa'i 'khor
319b5 lo gsum pa'o/ /byang chub sems dpa' sems dpa' chen po 'khor lo 'di dang ldan na nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul
319b6 pa med par 'gyur ro/ /rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro/ /theg pa chen po la 'khrul
319b7 pa med par 'gyur/ theg pa chen po'i gang zag la 'khrul ba med par 'gyur ro/ /dkon mchog gsum gyi gdung yongs su 'phel ba dang / de bzhin gshegs pa'i bstan pa la
320a1 rab tu byung ba'i nye gnas chos kyi snod dam/ chos kyi snod ma yin pa yang rung / chung du na chos gos kyi tshal bu gyon zhing skra dang / kha spu bregs pa la
320a2 'khrul pa med par 'gyur/ theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang
320a3 ting nge 'dzin dang / gzungs dang / bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing rjes su
320a4 mthun par 'gyur ba dang / rtag tu sangs rgyas mthong ba dang mi 'bral zhing byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa
320a5 dang mi 'bral ba dang / dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang
320a6 chub kyi spyod pa dang / smon lam rnam pa sna tshogs kyis sems mi ngoms pa dang / 'bras bu gzhan dag thob pa'ang ji ltar bshad pa bzhin no/ /rigs kyi bu/ gzhan
320a7 yang | byang chub sems dpa' sems dpa' chen po gang nam 'tsho'i bar du brdzun du smra ba yongs su spangs na sems can thams cad kyis rtag tu bkur ba dang / tshig btsugs
320b1 pa tshad mar 'gyur ba dang / tshig kun nyan cing gus pa dang / dogs pa mi skye bar 'gyur te/ de'i dbang gis dge ba'i rtsa ba yongs su rdzogs par 'gyur ro/ /thog ma med pa'i mtha' nas
320b2 rgyud lngar 'khor bar 'khor ba'i rgya mtshor 'bying ba'ang brdzun du smra ba'i dbang gis lus dang / ngag dang / yid kyis sdig pa mi dge ba'i las bdag kyang byed la/ gzhan yang byed
320b3 du 'dzud cing mthong ba dang / thos pa'i rjes su yi rang ba las byung ba'i nyon mongs pa'i sgrib pa dang / sems can gyi sgrib pa dang / chos kyi sgrib pa dang / tshig btsugs pa las sgrib pas
320b4 bsgribs par 'gyur ro/ /'di ltar brdzun du smra ba yongs su spangs pa'i 'khor los lhag ma ma lus par yongs su bcom pas rnam par smin pa'i 'bras bu mi len par 'gyur ro/ /
320b5 lus 'di nyid la lha dang / mi la sogs pa kun dga' zhing yid du 'ong ba dang / dogs pa mi skye ba dang / lus dang / sems rab tu bde ba dang / tshig tu smra ba thams cad la gzhan yid ches
320b6 shing nyan par 'gyur ro/ /'chi 'pho ba'i dus byed pa na'ang lus dang / sems sdug bsngal gyis mi gdung zhing yid du 'ong ba'i bu dang / chung ma dang / 'khor thams cad kyi yongs su
320b7 bskor bas 'chi 'pho ba'i dus byed kyi/ shin tu 'jigs pa'i gshin rje'i pho nya ni mthong bar mi 'gyur ro/ /gzhan yang / yid du 'ong ba'i dge ba'i bshes gnyen chos kyis dul ba
321a1 tshul khrims dang / yon tan du ldan pa bsod nams kyi zhing yang dag pa dang phrad de/ lus dang / sems rab tu dga' ba dang / de la bkur sti dang bcas
321a2 pas shin tu dad pa skye bar 'gyur ro/ /tshe 'phos nas kyang phyir mi'i lus su skye zhing dbang po yongs su rdzogs pa yan lag dang ldan pa dang / gang nas gang du skyes par tshig
321a3 btsugs pa dang / byad gzugs bzang ba dang / yid gzhungs pa dang / rab tu bde zhing skyid pa dang / yid du 'ong ba'i dge ba'i bshes gnyen chos kyis dul ba tshul khrims
321a4 dang | yon tan du ldan pa bsod nams kyi zhing yang dag pa dang phrad de/ de'i rjes su slob pa dang / brdzun du smra ba yongs su spangs pa dang / sdig pa mi dge ba'i chos thams cad
321a5 yongs su gcod pa/ dge ba'i chos khyad par can thams cad rdzogs pa dang / theg pa chen po'i chos kyi rnam grangs thams cad 'tshol ba dang / byang chub sems dpa'i smon
321a6 lam dang / spyod pa thams cad la rim gyis gzhol ba dang / shin tu yangs pa'i ye shes kyi rgya mtsho la 'jug pa nas bla na med pa'i byang chub 'thob pa'i bar du 'gyur ro/ /sangs
321a7 rgyas kyi zhing thams cad bden par smra ba/ sgyu dang bral ba/ lha'i bsung gis yongs su brgyan pa dang / slu ba med cing sems kyi spyod pa drang ba dang / yang dag pa'i sbyad pa rnam
321b1 par dkar pa'i chos 'ba' zhig la spyod pa/ lha'i gos bsung can gyon pa/ rin po che'i rgyan gyis bkod pa'i sems can dag zhing der skye bar 'gyur ro/ /de bzhin gshegs
321b2 pa'i tshe'i tshad kyang dpag tu med de/ sems can dag cis 'dul ba bzhin du chos ston to/ /yongs su mya ngan las 'das nas kyang dam pa'i chos yun ring du gnas shing sems can
321b3 tshad med pa la phan pa dang / bde ba'i don byed par 'gyur ro/ /rigs kyi bu/ 'di ni byang chub sems dpa' sems dpa' chen po'i brdzun du smra ba yongs su spangs pa'i 'khor lo bzhi
321b4 pa'o| |byang chub sems dpa' sems dpa' chen pos 'khor lo 'di dang ldan na nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul
321b5 pa med par 'gyur ro/ /rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro/ /theg pa chen po la 'khrul
321b6 pa med par 'gyur/ theg pa chen po'i gang zag la 'khrul pa med par 'gyur ro/ /dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu
321b7 byang ba'i nye gnas chos kyi snod dam/ chos kyi snod ma yin pa'ang rung / chung du na chos gos kyi tshal bu gyon cing skra dang / kha spu bregs pa la 'khrul pa med par 'gyur/ theg pa chen
322a1 po'i chos la gong nas gong du 'phar zhing phyir mi ldog par 'gyur ba dang / rno ba'i shes rab dang / bsod nams kyi khyad par rtag tu 'phel zhing
322a2 sgye ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing
322a3 de'i rjes su 'gro ba dang / rtag tu sangs rgyas mthong ba dang mi 'bral ba dang / byang chub sems dpa' dang / nyan thos kyi nye gnas mthong ba dang mi 'bral ba dang / chos thos
322a4 pa dang mi 'bral ba dang / dge 'dun la mchod pa dang / bsnyen bkur byed pa dang mi 'bral zhing dge ba'i rtsa ba thams cad shin tu tshol ba la brtson pas sems mi ngoms pa
322a5 dang | byang chub kyi spyod pa dang / smon lam rnam pa sna tshogs kyis sems mi ngoms par 'gyur te/ 'bras bu gzhan 'thob pa'ang ji ltar bshad pa bzhin no/ /rigs kyi bu /
322a6 gzhan yang / byang chub sems dpa' sems dpa' chen po gang nam 'tsho'i bar du phra ma yongs su spangs na sems can thams cad kyis rtag tu bkur zhing bla mar byed pa dang /
322a7 tshig tu smra ba thams cad gzhan gyis mnyan pa dang / 'dun pa dang / dog pa mi skye bar 'gyur te/ de'i dbang gis dge ba'i rtsa ba yongs su rdzogs par 'gyur ro/ /thog ma med ba'i
322b1 mtha' nas rgyud lngar 'khor bar 'khor ba'i rgya mtshor 'bying ba'am/ phra ma byas pa'i dbang gis lus dang / ngag dang / yid kyi mi dge ba'i las bdag kyang byed la/ gzhan yang
322b2 byed du 'dzud cing mthong ba dang / thos pa'i rjes su yi rang ba las byung ba nyon mongs pa'i sgrib pa dang / sems can gyi sgrib pa dang / chos kyi sgrib pa dang / 'dum pa la sgrib pas
322b3 bsgribs par gyur to/ /'di ltar phra ma'i tshig yongs su spangs pa'i 'khor los lhag ma ma lus par yongs su bcom pas rnam par smin pa'i 'bras bu mi len par byed do/ /
322b4 lus 'di nyid la'ang lha dang / mi la sogs pa kun dga' zhing yid du 'ong ba dang / dogs pa mi skye ba dang / lus dang / sems rab tu bde ba dang / tshig tu smra ba thams cad la nyan
322b5 cing 'dum par 'gyur ro/ /'chi 'pho ba'i dus byed pa na'ang lus dang / sems la sdug bsngal gyis mi gdung zhing yid du 'ong ba'i dbu dang / chud ma dang / 'khor thams cad
322b6 kyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya mthong bar mi 'gyur ro/ /yid du 'ong bar dge ba'i bshes gnyen
322b7 chos kyis dul ba tshul khrims dang / yon tan du ldan pa bsod nams kyi zhing yang dag pa dang phrad de/ lus dang / sems rab tu dga' ba dang / bkur sti dang bcas pas shin tu
323a1 dad pa skye bar 'gyur/ tshe 'phos nas kyang phyir mi'i nang du skye ste/ dbang po yongs su rdzogs shing yan lag dang ldan pa dang / gang nas gang
323a2 du skyes par smra ba'i tshig 'jam zhing 'dum pa dang / byad gzugs bzang ba dang / yid gzhungs pa dang / rab tu bde zhing skyid ba dang / phyir yang yid du 'ong ba'i dge ba'i bshes
323a3 gnyen chos kyis dul ba tshul khrims dang yon tan du ldan pa dang / bsod nams kyi zhing yang dag pa dang phrad te/ de'i rjes su slob pa dang / phra ma'i tshig dang yongs su bral
323a4 bas sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs
323a5 thams cad tshol ba dang / byang chub sems dpa'i smon lam dang / spyod pa thams cad la rim gyis gzhol zhing ye shes kyi rgya mtsho la 'jug pa nas bla na med pa'i byang chub
323a6 thob pa'i bar du 'gyur ro/ /sangs rgyas kyi zhing shin tu brtan pa sra ba mi shigs pa dang / lha rdzas bzang pos yongs su brgyan par 'gyur ba dang / mthun pa dang / mi rtsod
323a7 pa shin tu dul zhing 'dum pa dge ba'i chos tshol ba'i sems can dag zhing der skye bar 'gyur ro /rtag tu 'dum zhing gus pas dam pa'i chos nyan pa dang / de bzhin gshegs
323b1 ba'i tshe'i tshad kyang dpag tu med de/ sems can dag ci dang / cis 'dul ba la bzhin du dam pa'i chos ston to/ /yongs su mya ngan las 'das nas kyang dam pa'i chos yun ring du gnas
323b2 shing sems can tshad med pa la phan pa dang / bde ba'i don byed par 'gyur ro/ /rigs kyi bu/ 'di ni byang chub sems dpa' sems dpa' chen pos phra ma yongs su spangs pa'i
323b3 'khor lo lnga pa'o/ /byang chub sems dpa' sems dpa' chen po 'khor lo 'di dang ldan na nyan thos kyi theg pa la 'khrul pa med par 'gyur/ /nyan thos kyi theg pa'i gang zag
323b4 la 'khrul pa med par 'gyur ro/ /rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro/ /theg pa
323b5 chen po la 'khrul pa med par 'gyur/ theg pa chen po'i gang zag la 'khrul pa med par 'gyur ro/ /dkon mchog gsum gyi gdung yongs su 'phel ba dang / de bzhin gshegs
323b6 pa'i bstan pa la rab tu byung ba'i nye gnas chos kyi snod dam/ chos kyi snod ma yin pa'ang rung / chung ngu na chos gos kyi tshal ba gyon zhing skra dang / kha spu bregs pa la 'khrul ba med/
323b7 par 'gyur/ theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phal ba dang / ting
324a1 de 'dzin dang / gzungs dang / bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen
324a2 dang phrad cing de'i rjes su 'gro ba dang / rtag tu sangs rgyas mthong ba dang mi 'bral zhing byang chub sems dpa' dang / nyan thos kyi nye gnas mthong ba dang mi 'bral ba dang / chos thos
324a3 pa dang mi 'bral ba dang / dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang /
324a4 byang chub kyi spyod pa dang / smon lam rnam pa sna tshogs kyis sems mi ngom par 'gyur te/ 'bras bu gzhan thob pa'ang ji skad bshad pa bzhin no/ /rigs kyi bu/ gzhan
324a5 yang / byang chub sems dpa' sems dpa' chen po gang nam 'tsho'i bar du zhe gcod pa'i tshig thams cad yongs su spangs na sems can thams cad kyis bkur zhing bla mar
324a6 byed pa dang / tshig tu smra ba kun la pha rol po kun dga' zhing nyan pas dogs pa med par 'gyur te/ de'i dbang gis dge ba'i rtsa ba thams cad yongs su rdzogs par 'gyur
324a7 ro| |thog ma med pa'i mtha' nas rgyud lngar 'khor bar 'khor ba'i rgya mtshor 'bying ba'ang zhe gcod pa'i tshig gi dbang gis lus dang / ngag dang / yid mi dge ba'i las
324b1 bdag kyang byed la/ gzhan yang byed du 'dzud cing mthong ba dang / thos pa'i rjes su yi rang ba las byung ba nyon mongs pa'i sgrib pa dang / sems can gyi sgrib pa dang / chos kyi sgrib
324b2 pa dang / shin tu dul ba la sgrib pas bsgribs par gyur to/ /'di ltar zhe gcod pa'i tshig yongs su spangs pa'i 'khor los lhag ma ma lus par yongs su bcom pa'i dbang gis
324b3 rnam par smin pa'i 'bras bu yongs su mi len te/ lus 'di nyid la'ang lha dang / mi la sogs pa kun dga' bas dogs pa mi skye ba dang / lus dang / sems rab tu bde ba dang /
324b4 tshig tu smra ba thams cad pha rol gyi yid du 'ong ba dang / snyan par 'gyur ro/ /nam 'chi 'pho ba'i dus byed pa na'ang lus dang / sems la sdug bsngal gyis mi gdung zhing nyon mi mongs
324b5 pa dang / yid du 'ong ba'i bu dang / chung ma dang / 'khor thams cad kyis yongs su bskor bas 'chi 'phos ba'i dus byed par 'gyur gyi/ shin tu 'jigs pa'i gshin rje'i pho nya mthong
324b6 bar mi 'gyur ro/ /yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phra dang / lus dang / sems
324b7 rab tu dga' ba dang / de la bkur sti dang bcas pas shin tu dad pa skye bar 'gyur ro/ /tshe 'phos nas kyang phyir mi'i nang du skyes na'ang dbang po yongs su rdzogs shing yan
325a1 lag dang ldan pa dang / gang nas gang du skyes par tshig 'jam por smra ba dang / byad gzugs bzang ba dang / yid gzhungs pa dang / rab tu bde zhing
325a2 skyid pa dang / phyir yang yid du 'ong ba'i dge ba'i bshes gnyen chos kyis dul ba/ tshul khrims dang / yon tan du ldan pa/ bsod nams kyi zhing yang dag pa dang phrad de /
325a3 de'i rjes su slob pa dang / zhe gcod pa'i tshig yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams
325a4 cad yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad rim gyis gzhol
325a5 zhing shin tu yangs pa'i ye shes kyi rgya mtsho la 'jug pa nas bla na med pa'i byang chub kyi bar du 'thob pa dang / sangs rgyas kyi zhing na yid du mi 'ong ba'i sgra thams cad dang
325a6 bral te/ yid du 'ong ba'i sgra dbyangs snyan pa rnam pa sna tshogs dang / chos kyi sgras zhing de yongs su gang ba dang / dran pa dang / blo gros su ldan pa/ tshangs pa'i dbyangs
325a7 can| shin tu dul ba'i sems can dag zhing der skye ba dang / rtag tu tshig 'jam pos gcig la gcig skul bar byed do/ /de bzhin gshegs pa'i tshe tshad kyang dpag tu
325b1 med de/ sems can dag cis 'dul ba bzhin du chos ston pa dang / yongs su mya ngan las 'das nas kyang dam pa'i chos yun ring du gnas shing sems can tshad med pa la phan
325b2 pa dang / bde ba'i don byed par 'gyur ro/ /rigs kyi bu/ 'di ni byang chub sems dpa' sems dpa' chen po zhe gcod pa'i tshig yongs su spong ba'i 'khor lo drug pa'o/ /byang
325b3 chub sems dpa' sems dpa' chen po 'khor lo 'di dang ldan pas nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par
325b4 'gyur/ rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro/ /theg pa chen po la 'khrul pa med
325b5 par 'gyur/ theg pa chen po'i gang zag la 'khrul pa med par 'gyur ro/ /dkon mchog gsum gyi gdung yongs su 'phel ba dang / de bzhin gshegs pa'i bstan pa la rab
325b6 tu byung ba'i nye gnas chos kyi snod dam/ chos kyi snod ma yin pa'ang rung / chung du na chos gos kyi tshal bu gyon cing skra dang / kha spu bregs pa la 'khrul pa med par 'gyur/ theg
325b7 pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs
326a1 dang | bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing rjes su 'gro
326a2 bar 'gyur ba dang / rtag du sangs rgyas thams cad mthong ba dang mi 'bral zhing byang chub sems dpa' dang / nyan thos kyi theg nye gnas mthong ba dang mi 'bral ba dang / chos thos
326a3 pa dang mi 'bral ba dang / dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa
326a4 dang | byang chub kyi spyod pa dang / smon lam rnam pa sna tshogs kyis sems mi ngoms par 'gyur te/ 'bras bu gzhan dag thob pa yang ji skad bshad pa bzhin no/ /rigs kyi
326a5 bu| gzhan yang / byang chub sems dpa' sems dpa' chen po gang nas 'tsho'i bar du tshig kyal pa yongs su spangs pas sems can thams cad kyis bkur zhing bla mar byed
326a6 pa dang / tshig tu smra ba thams cad don du 'gyur zhing tshig thos pa rnams nyan cing gus pas dogs pa med par 'gyur ro/ /de'i dbang gis dge ba'i rtsa ba thams cad yongs
326a7 su rdzogs par 'gyur ro/ /thog ma med pa'i mtha' nas rgyud lngar 'khor bar 'khor ba'i rgya mtshor bying ba'ang tshig kyal pa smra ba'i dbang gis lus dang / ngag dang / yid
326b1 mi dge ba'i las bdag kyang byed la/ gzhan yang byed du 'dzud cing mthong ba dang / thos pa'i rjes su yi rang ba las byung ba'i nyon mongs pa'i sgrib pa dang / sems can gyi sgrib pa dang /
326b2 chos kyi sgrib pa dang / don du smra ba la sgrib pas bsgribs par gyur to/ /'di ltar tshig kyal pa yongs su spangs pa'i 'khor los lhag ma ma lus par yongs su bcom pas rnam
326b3 par smin pa'i 'bras bu mi len par byed do/ /lus 'di nyid la lha dang / mi la sogs pa kun dga' zhing yid du 'ong bas dogs pa med par 'gyur ba dang / lus dang / sems rab tu bde
326b4 ba dang / tshig tu smra ba thams cad don du 'gyur ba dang / 'chi 'pho ba'i dus byed pa na'ang lus dang / sems la sdug bsngal gyis mi gdung zhing yid du 'ong ba'i bu dang / chung ba
326b5 dang | 'khor gyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya mthong bar mi 'gyur ro/ /yid du 'ong ba'i dge ba'i
326b6 bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ lus dang / sems rab tu dga' ba dang / de la bkur
326b7 sti dang bcas shing shin tu dad pa skye bar 'gyur ro/ /tshe 'phos nas kyang phyir mi'i nang du skye zhing dbang po yongs su rdzogs pa yan lag dang ldan pa dang / gang nas gang du
327a1 skyes par phan pa dang / don du 'gyur ba'i tshig smra ba dang / byad gzugs bzang ba dang / yid gzhungs pa dang / rab tu bde zhing skyid pa dang /
327a2 phyir yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su slob
327a3 pa dang / tshigs kyal par smra ba yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs
327a4 pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad la rim gyis gzhol zhing shin tu yangs
327a5 pa'i ye shes kyi rgya mtsho la 'jug pa nas bla na med pa'i byang chub 'thob pa'i bar du 'gyur ro/ /sangs rgyas kyi zhing don med pa'i tshig thams cad dang bral te byang chub
327a6 sems dpa'i sde snod du gtogs pa'i chos chen po'i sgra mchog dam pa rnam pa mang pos zhing de yongs su khyab pa dang / dpag tu med pa'i smon lam dang / ye shes dam pa
327a7 phun sum tshogs pas chos kyi don rnam pa sna tshogs 'chad pa la mkhas pa'i sems can de lta bu dag zhing der skye bar 'gyur ro/ /de bzhin gshegs pa'i tshe'i tshad kyang
327b1 dpag tu med de/ sems can dag cis 'dul ba bzhin du dam pa'i chos ston to/ /yongs su mya ngan las 'das nas kyang dam pa'i chos yun ring du gnas shing sems can tshad med
327b2 pa la phan pa dang / bde ba'i don byed par 'gyur ro/ /rigs kyi bu/ 'di ni byang chub sems dpa' sems dpa' chen po tshig kyal pa yongs su spangs pa'i 'khor lo bdun pa'o/ /
327b3 byang chub sems dpa' sems dpa' chen po 'khor lo 'di dang ldan pas nyan thos kyi theg pa la 'khrul pa med par 'gyur/ nyan thos kyi theg pa'i gang zag 'khrul pa med
327b4 par 'gyur ro/ /rang sangs rgyas kyi theg pa la 'khrul pa med par 'gyur ro/ /rang sangs rgyas kyi theg pa'i gang zag la 'khrul pa med par 'gyur ro/ /theg pa chen po la 'khrul
327b5 pa med par 'gyur/ theg pa chen po'i gang zag la 'khrul pa med par 'gyur ro/ /dkon mchog gsum gyi gdung yongs su 'phel ba dang / de bzhin gshegs pa'i bstan pa
327b6 la rab tu byung ba'i nye gnas nas chos kyi snod dam/ chos kyi snod ma yin pa'ang rung / chung ngu na chos gos kyi tshal bu gyon cing skra dang / kha spu bregs pa la 'khrul pa med par 'gyur/ theg
327b7 pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzung
328a1 dang | bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing de'i rjes
328a2 su 'gro ba dang / rtag tu sangs rgyas thams cad mthong ba dang mi 'bral zhing byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa
328a3 dang mi 'bral ba dang / dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang /
328a4 byang chub kyi spyod pa dang / slon lam rnam pa sna tshogs kyis sems mi ngoms par 'gyur te/ 'bras bu gzhan thob pa'ang ji skad bshad pa bzhin no/ /rigs kyi bu/ gzhan
328a5 yang | byang chub sems dpa' sems dpa' chen po gang nam 'tsho'i bar du chags sems yongs su spangs na sems can thams cad kyis bkur zhing btsun par byed pa
328a6 dang | sems rnam par dag cing rnyog pa dang bral te/ de'i dbang gis dge ba'i rtsa ba thams cad yongs su rdzogs par 'gyur ro/ /thog ma med pa'i mtha' nas rgyud lngar
328a7 'khor bar 'khor ba'i rgya mtshor 'bying ba'ang chags sems kyi dbang gis lus dang / ngag dang / yid sdig pa mi dge ba'i las bdag kyang byed la/ gzhan yang / byed
328b1 du 'dzud cing mthong ba dang / thos pa'i rjes su yi rang ba las byung ba nyon mongs pa'i sgrib pa dang / sems can gyi sgrib pa dang / chos kyi sgrib pa dang / 'dod sems med pa la
328b2 sgrib pas bsgribs par 'gyur ro/ /'dod sems yongs su spong ba'i 'khor los lhag ma ma lus par yongs su bcom pas rnam par smin pa'i 'bras bu yongs su mi len te/
328b3 lus 'di nyid la'ang lha dang / mi la sogs pa kun dga' zhing yid du 'ong ba dang / dogs pa med par 'gyur ba dang / lus dang / sems rab tu bde ba dang / sems rnam par dag
328b4 cing rnyog pa dang bral bar 'gyur ro/ /'chi 'pho ba'i dus byed pa na'ang lus dang / sems la sdug bsngal gyis mi gdung ba dang / yid du 'ong ba'i bu dang / chung ma dang / 'khor
328b5 gyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya mthong bar mi 'gyur ro/ /yid du 'ong ba'i dge ba'i bshes gnyen chos
328b6 kyis dul ba/ tshul khrims dang / yon tan du ldan pa/ bsod nams kyi zhing yang dag pa dang phrad de/ lus dang / sems rab tu dga' ba dang / de la bkur sti dang bcas pas shin
328b7 tu dad pa skye bar 'gyur ro/ /tshe 'phos nas kyang phyir mi'i nang du skye zhing dbang po yongs su rdzogs pa/ yan lag dang ldan pa/ gang nas gang du skyes par sems rnam par dag
329a1 cing rnyog pa med pa dang / byad gzugs bzang ba dang / yid gzhungs pa dang / rab tu bde zhing skyid pa dang / phyir yang yid du 'ong ba'i dge ba'i
329a2 bshes gnyen chos kyis dul ba/ tshul khrims dang / yon tan du ldan pa/ bsod nams kyi zhing yang dag pa dang phrad de/ de'i rjes su slob pa dang / chags sems yongs
329a3 su spong ba dang / mi dge ba'i chos yongs su gcad pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams
329a4 cad tshol ba dang / byang chub sems dpa'i smon lam dang / spyod pa thams cad la rim gyis gzhol zhing shin tu yangs pa'i ye shes kyi rgya mtsho la 'jug pa nas bla na med pa'i
329a5 byang chub 'thob pa'i bar du 'gyur ro/ /sangs rgyas kyi zhing lag mthil bzhin du mnyam la rin po che rnam pa mang pos yongs su gang ba dang / rin po che'i shing rnam pa sna
329a6 tshogs dkrigs pa dang / rin po che'i gos dang / rin po che'i rgyan gyi yo byad dang / rin po che'i rgyal mtshan dang / ba dan dang / gdugs dang / gser dang / dngul dang /
329a7 mu tig gi dra ba dang / shing la sogs pas yongs su gang ba dang / shin tu yid du 'ong zhing blta na sdug pa/ nga rgyal yongs su spangs pa/ byad gzugs shin tu mdzes pa
329b1 dang | dbang po ma nyams pa/ sems mnyam pa'i sems can dag zhing der skye bar 'gyur te/ chags sems med pa'i yon tan phun sum tshogs pas brgyan par 'gyur ro/ /de
329b2 bzhin gshegs pa'i tshe'i tshad kyang dpag tu med de/ sems can dag cis 'dul ba bzhin du dam pa'i chos ston to/ /yongs su mya ngan las 'das nas kyang dam pa'i chos yun
329b3 ring du gnas shing sems can tshad med pa la phan pa dang / bde ba'i don byed par 'gyur ro/ /rigs kyi bu/ 'di ni byang chub sems dpa' sems dpa' chen po chags sems yongs
329b4 su spangs pa'i 'khor lo brgyad pa'o/ /byang chub sems dpa' sems dpa' chen po 'khor lo 'di dang ldan na nyan thos kyi theg pa la 'khrul ba med par 'gyur/ nyan thos kyi
329b5 theg pa'i gang zag la 'khrul ba med par 'gyur ro/ /rang sangs rgyas kyi theg pa la 'khrul ba med par 'gyur/ rang sangs rgyas kyi theg pa'i gang zag la 'khrul ba med par 'gyur
329b6 ro| |theg pa chen po la 'khrul ba med par 'gyur/ theg pa chen po'i gang zag la 'khrul ba med par 'gyur ro/ /dkon mchog gsum gyi gdung yongs su 'phel ba dang / de bzhin
329b7 gshegs pa'i bstan pa la rab tu byung ba'i nye gnas chos kyi snod dam/ chos kyi snod ma yin pa'ang rung / chung du na chos gos kyi tshal bu gyon cing skra dang / kha spu bregs pa la 'khrul
330a1 pa med par 'gyur ro/ /theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad
330a2 bar rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes
330a3 gnyen dang phrad cing de'i rjes su mthun par 'gyur ba dang / rtag tu sangs rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas
330a4 mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad
330a5 tshol ba la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyis sems mi ngoms par 'gyur te/ 'bras bu gzhan dag thob pa'ang
330a6 ji skad bshad pa bzhin no// //bam po dgu pa/ rigs kyi bu/ gzhan yang / byang chub sems dpa' sems dpa' chen po gang nam 'tsho'i bar du gnod
330a7 sems yongs su spangs na/ sems can thams cad kyis bkur zhing bla mar byed pa dang / sems rnam par dag pa dang / dri ma dang bral bar 'gyur te/ de'i dbang gis
330b1 dge ba'i rtsa ba thams cad yongs su rdzogs par 'gyur ro/ /thog ma med pa'i mtha' nas rgyud lngar 'khor bar 'khor ba'i rgya mtshor 'bying ba'ang gnod sems kyi dbang gis
330b2 lus dang / ngag dang / yid sdig pa mi dge ba'i las bdag kyang byed la/ gzhan yang byed du 'dzud cing mthong ba dang / thos pa'i rjes su yi rang ba las byung ba nyon mongs pa'i
330b3 sgrib pa dang / sems can gyi sgrib pa dang / chos kyi sgrib pa dang / gnod sems byed pa la sgrib pas bsgribs par gyur to/ /'di ltar gnod sems yongs su spangs pa'i 'khor
330b4 los lhag ma ma lus par yongs su bcom pas rnam par smin pa'i 'bras bu yongs su mi len te/ lus 'di nyid la'ang lha dang / mi la sogs pa kun dga' zhing yid du 'ong ba
330b5 dang | dogs par mi 'gyur ba dang / sems rnam par dag pa dang / dri ma dang bral bar 'gyur ro/ /'chi 'pho ba'i dus byed pa na'ang lus dang / sems la sdug bsngal gyis
330b6 mi gdung zhing yid du 'ong ba'i bu dang / chung ma dang / 'khor thams cad kyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i
330b7 pho nya mthong bar mi 'gyur ro/ /yid du 'ong ba'i bshes gnyen chos kyis dul ba/ tshul khrims dang / yon tan du ldan pa/ bsod nams kyi zhing yang dag pa dang phrad de/ lus dang /
331a1 sems rab tu dga' ba dang / de la bkur sti dang bcas pas shin tu dad pa skye bar 'gyur ro/ /tshe 'phos nas kyang phyir mi'i nang du skye zhing dbang
331a2 po yongs su rdzogs pa dang / yan lag dang ldan pa dang / gang nas gang du skyes par sems rnam par dag cing dri ma dang bral ba dang / byad gzugs bzang ba dang / yid
331a3 gzhungs pa dang / rab tu bde zhing skyid pa dang / phyir yang yid du 'ong ba'i dge ba'i bshes gnyen chos kyis dul ba/ tshul khrims dang / yon tan du ldan pa/ bsod nams
331a4 kyi zhing yang dag pa dang phrad de/ de'i rjes su mthun par slob pa dang / gnod sems yongs su spong ba dang / sdig pa mi dge ba'i chos thams cad yongs su gcod pa
331a5 dang | dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon
331a6 lam dang / spyod pa thams cad rim gyis gzhol zhing shin tu yangs pa'i ye shes kyi rgya mtsho la 'jug pa nas bla na med pa'i byang chub 'thob pa'i bar du 'gyur ro/ /sangs
331a7 rgyas kyi zhing rnyog pa dang / sme ba dang / sprin dang / khug rlangs dang / rdul dang / dri ma dang / mi sdug pa dang / mi mdzes pa thams cad dang bral te/ rin po che mang pos
331b1 shin tu brgyan pa yid du 'ong ba dang / nga rgyal dang bral ba/ gzugs mdzes shing sdug pa/ dbang po ma nyams pa/ sems rtag tu zhi ba'i sems can dag zhing der skye ste/ byams
331b2 pa dang / snying rje dang / yon tan phun sum tshogs pas brgyan par 'gyur ro/ /de bzhin gshegs pa'i tshe'i tshad kyang dpag tu med de/ sems can dag cis 'dul ba bzhin
331b3 du dam pa'i chos ston to/ /yongs su mya ngan las 'das nas kyang dam pa'i chos yun ring du gnas shing sems can tshad med pa la phan pa dang / bde ba'i don byed par 'gyur ro/ /rigs
331b4 kyi bu| 'di ni byang chub sems dpa' sems dpa' chen po gnod sems yongs su spangs pa'i 'khor lo dgu pa'o/ /byang chub sems dpa' sems dpa' chen po 'khor lo
331b5 'di dang ldan na nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul ba med par 'gyur ro/ /rang sangs rgyas kyi theg pa la 'khrul
331b6 pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro/ /theg pa chen po la 'khrul pa med par 'gyur/ theg pa chen po'i gang zag la
331b7 'khrul pa med par 'gyur ro/ /dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod dam/
332a1 chos kyi snod ma yin pa'ang rung / chung ngu na chos gos kyi tshal bu gyon cing skra dang / kha spu bregs pa la 'khrul pa med par 'gyur ro/ /theg pa chen
332a2 po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs
332a3 dang | bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing de'i rjes su slob pa dang / rtag tu sangs
332a4 rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge
332a5 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang /
332a6 smon lam rnam pa sna tshogs kyis sems mi ngoms par 'gyur te/ 'bras bu gzhan dag thob pa'ang ji skad bstan pa bzhin no/ /rigs kyi bu/ gzhan yang / byang chub sems
332a7 dpa' sems dpa' chen po gang nam 'tsho'i bar du log par lta ba yongs su spangs na sems can thams cad kyis bkur zhing bla mar byed pa dang / sems rnam par dag
332b1 cing log par rtog pa dang bral bar 'gyur te/ de'i dbang gis dge ba'i rtsa ba thams cad yongs su rdzogs par 'gyur ro/ /thog ma med pa'i mtha' nas rgyud lngar 'khor bar 'khor
332b2 ba'i rgya mtshor 'bying ba'ang log par ltung ba'i dbang gis lus dang / ngag dang / yid kyi sdig pa mi dge ba'i las bdag kyang byed la gzhan yang byed du 'jug cing mthong ba dang
332b3 thos pa'i rjes su yi rang ba las byung ba'i nyon mongs pa'i sgrib pa dang / sems can gyi sgrib pa dang / chos kyi sgrib pa dang / yang dag par lta ba la sgrib pas bsgribs par gyur
332b4 to| |'di ltar log par lta ba yongs su spangs pa'i 'khor los lhag ma ma lus par bcom pas rnam par smin pa'i 'bras bu yongs su mi len te/ lus 'di nyid la'ang lha
332b5 dang / mi la sogs pa kun dga' zhing yid du 'ong ba dang / dogs pa med par 'gyur ba dang / lus dang / sems rab tu bde ba dang / sems rnam par dag cing log par lta ba
332b6 dang bral bar 'gyur ro/ /'chi 'pho ba'i dus byed pa na'ang lus dang / sems la sdug bsngal gyis mi gdung zhing yid du 'ong ba'i bu dang / chung ma dang / 'khor thams cad kyis
332b7 yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya mthong bar mi 'gyur ro/ /yid du 'ong ba'i dge ba'i bshes gnyen chos
333a1 kyis dul ba tshul khrims dang / yon tan du ldan pa/ bsod nams kyi zhing yang dag pa dang phrad de/ lus dang / sems rab tu dga' ba dang / bkur
333a2 sti dang bcas pas shin tu dad pa skye bar 'gyur ro/ /tshe 'phos nas kyang phyir mi'i nang du skye zhing dbang po yongs su rdzogs pa yan lag dang ldan pa dang / gang nas gang du
333a3 skyes par sems rnam par dag cing log par lta ba dang bral ba dang / byad gzugs bzang pa dang / yid gzhungs pa dang / rab tu bde zhing skyid pa dang / phyir yang yid
333a4 du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su mthun par slob pa
333a5 dang | log par lta ba'i chos yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs
333a6 pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad rim gyis gzhol zhing shin tu yangs pa'i
333a7 ye shes kyi rgya mtsho la 'jug pa nas bla na med pa'i byang chub 'thob pa'i bar du 'gyur ro/ /sangs rgyas kyi zhing nyan thos dang / rang sangs rgyas kyi theg pa dang bral ba dang /
333b1 lha'i bdud kyi 'khor thams cad dang bral ba dang / mu stegs can gyi 'khor thams cad dang bral ba dang / rin po che rnam pa sna tshogs kyis brgyan cing shin tu mdzes pa dang / yang dag par
333b2 lta ba dang ldan zhing ngo mtshar dang / bkra shis dang / tshul ngan pa'i lta ba sna tshogs dang / rtag par lta ba dang / chad par lta ba dang / bdag dang / bdag gir lta ba thams cad mongs
333b3 su spangs pa'i sems can dag zhing der skye ste/ shin tu tshe ring ba dang / theg pa chen po'i ro gcig la longs spyod par 'gyur ba dang / de bzhin gshegs pa'i tshe'i tshad kyang
333b4 dpag tu med de/ sems can dag cis 'dul ba bzhin du chos ston pa dang / yongs su mya ngan las 'das nas kyang dam pa'i chos yun ring du gnas shing / sems can tshad
333b5 med pa la phan pa dang / bde ba'i don du ro gcig pa'i chos bstan pa la rtsod pa med pas yongs su rgyas par byed cing bgegs dang / bar chad med par 'gyur ro/ /rigs kyi bu /
333b6 'di ni byang chub sems dpa' sems dpa' chen po log par lta ba yongs su spangs pa'i 'khor lo bcu pa'o/ /byang chub sems dpa' sems dpa' chen po 'khor lo rnam pa
333b7 bcu po 'di dang ldan pas nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par 'gyur ro/ /rang sangs rgyas kyi theg pa
334a1 'khrul pa med par 'gyur/ rang sangs rgyas kyi theg pa'i gang zag la 'khrul ba med par 'gyur ro/ /theg pa chen po la 'khrul pa med par 'gyur/
334a2 theg pa chen po'i gang zag la 'khrul pa med par 'gyur ro/ /dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i
334a3 nye gnas chos kyi snod dam/ chos kyi snod ma yin pa la'ang rung / chung du na chos gos kyi tshal bu gyon cing skra dang / kha spu bregs pa la 'khrul pa med par 'gyur ba dang / theg
334a4 pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang /
334a5 gzungs dang / bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing rjes su slob pa dang / rtag
334a6 tu sangs rgyas thams cad mthong ba dang mi 'bral zhing / byang chub sems dpa' dang / nyan thos nye gnas mthong ba dang mi 'bral ba dang / chos thos pa dang mi 'bral ba
334a7 dang | dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub
334b1 kyi spyod pa dang / smon lam dang / pha rol tu phyin pa drug la sems mi ngoms par 'gyur te/ 'bras bu gzhan 'thob pa'ang ji skad bshad pa bzhin no/ /rigs kyi bu/ byang chub
334b2 sems dpa' sems dpa' chen po gang 'khor lo rnam pa bcu po de dag dang ldan na myur du bla na med pa yang dag par rdzogs pa'i byang chub tu mngon par rdzogs par 'tshang rgya bar
334b3 'gyur ro/ /de ci'i phyir zhe na/ snga ma 'das pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyang mi dge ba bcu'i las yongs su
334b4 spongs nas thams cad kyis dge ba bcu'i las kyi lam gyi 'bras bu bsngags shing bstod de/ sems can thams cad la bde ba dang / phan pa'i don dang / byang chub kyi lam skye
334b5 zhing 'phel bar bya ba dang / sems can thams cad kyi las dang / nyon mongs pa'i sdug bsngal lhag ma ma lus par bsal bar bya ba dang / ngan song gsum bskam par bya ba dang / dkon
334b6 mchog gsum gyi gdung bas ba par bya ba dang / khams gsum gyi srid pa yongs su gcad par bya ba dang / phung po dang / khams dang / skye mched gcad par bya ba dang /
334b7 thams cad myur du 'jigs pa med pa'i mya ngan las 'da' ba'i grong khyer du gzung ba'i phyir ji skad bshad pa bzhin du mi dge ba bcu'i las kyi 'bras bu yongs su spong ngo //
335a1 de bas na/ rigs kyi bu/ gal te yang dag pa ji lta ba bzhin du dge ba bcu'i las kyi lam 'di ma bsgrubs par mngon par 'tshang rgya ba'am/ chung
335a2 du na yang dag pa ji lta ba bzhin du dge ba bcu'i las kyi lam 'ga' tsam yang mi srung bar nga ni theg pa chen po yang dag par spyod pa'o zhe'am/ nga ni bla na med pa yang dag
335a3 par rdzogs pa'i byang chub sgrub pa'o zhes zer na/ gang zag de ni shin tu brdzun par smra ba ste/ phyogs bcu'i sangs rgyas bcom ldan 'das kyi spyan sngar 'jig rten slu ba dang /
335a4 'dzem pa dang / ngo tsha ba med pa'ang stong par smra zhing chad par lta ba/ glen pa mi shes pa slu ba can yin te/ de tshe 'phos nas ngan song du ltung bar shes par bya'o/ /rigs kyi
335a5 bu| gang tshig tu brjod pa tsam mam/ mnyan pa tsam gyis chog ste/ dge ba bcu'i las kyi lam bsgoms pa'am/ nan tan bya mi dgos par byang chub dang / mya ngan las 'das
335a6 par thob du zin na ni bskal pa gcig la yud tsam thang cig gis phyogs bcu'i sangs rgyas kyi zhing thams cad kyi sa'i khams kyi rdul phra mo snyed kyi sems can thams cad
335a7 byang chub mngon par 'tshang rgya ste/ mya ngan las 'das par 'gyur ba zhig na de ni de lta bu'i gnas med do/ /de ci'i phyir zhe na/ dge ba bcu'i las kyi lam ni theg pa chen po'i rtsa
335b1 ba yin te/ byang chub kyi rgyu dang / mya ngan las 'da' ba'i them skas lta bu'o/ /rigs kyi bu/ gal te sems skyed pa tsam mam/ smon lam btab pa tsam gyis chog ste/ dge ba bcu'i las
335b2 kyi lam goms par nan tan bya mi dgos par byang chub dang / yongs su mya ngan las 'da' bar thob tu zin na ni bskal pa gcig la yud tsam thang cig gis phyogs bcu'i sangs rgyas
335b3 kyi zhing thams cad sa'i khams kyi rdul phra mo snyed kyi sems can dag yang dag par rdzogs pa'i byang chub tu mngon par 'tshang rgya zhing mya ngan las 'da' bar 'gyur ba zhig na de ni de lta
335b4 bu'i gnas med do/ /de ci'i phyir zhe na/ dge ba bcu'i las kyi lam ni 'jig rten dang / 'jig rten las 'da' ba'i 'bras bu'i khyad par dang / yon tan gyi rgyur 'gyur ro/ /rigs
335b5 kyi bu| gal te dge ba bcu'i las kyi lam la nan tan du ma byas na phyogs bcu'i sangs rgyas kyi zhing thams cad kyi rdul phra mo snyed kyi bskal par bdag ni theg pa chen po pa'o zhes
335b6 zer te/ 'chad dam/ nyan tam/ sems bskyed dam/ smon lam btab kyang byang chub dang / mya ngan las 'da' ba 'thob par mi 'gyur la/ gzhan yang / 'khor ba'i sdug bsngal
335b7 las 'don mi nus so/ /rigs kyi bu/ dge ba bcu'i las kyi lam la nan tan byas pas 'jig rten na rgyal rigs dang / bram ze la sogs pa rigs chen po dang / rgyal chen ris
336a1 bzhi'i lha nas 'du shes med 'du shes med min skye mched steng gi bar du yod pa dang / nyan thos kyi theg pa dang / rang sangs rgyas kyi theg pa dang / bla na
336a2 med pa yang dag par rdzogs pa'i byang chub kyi bar du'ang yod par 'gyur te/ de dag kun kyang dge ba bcu'i las kyi lam la shin tu nan tan byed pa'i khyad par dang / bye brag
336a3 las gyur to/ /de bas na/ rigs kyi bu/ gang myur du bla na med pa yang dag par rdzogs pa'i byang chub thob par 'dod na dge ba bcu'i las kyi lam la nan tan gyi rgyan gyis brgyan
336a4 te| mi dge ba bcu'i sdom pa la mi gnas na bla na med pa yang dag par rdzogs pa'i byang chub tu mngon par 'tshang rgya'o/ /gang myur du theg pa chen po'i spyod yul du chud par 'dod
336a5 dam| myur du bla na med pa yang dag par rdzogs pa'i byang chub thob par 'dod dam/ myur du dge ba'i chos thams cad yongs su rdzogs par 'dod na sngar dge ba bcu'i las
336a6 kyi lam shin tu bsrung bar bya'o/ /de ci'i phyir zhe na/ dge ba bcu'i las kyi lam gyis ni dge ba'i chos thams cad dang / yon tan rnam par gzhag pa'i gzhi dang / 'jig rten
336a7 dang / 'jig rten las 'da' ba'i 'bras bu'i mchog thob par byed pa'i rgyu yin no/ /de bas na dge ba bcu'i las kyi lam la shin tu nan tan bya'o/ /de nas bcom ldan 'das
336b1 kyis don 'di dag gsal bar bzlas pa'i phyir tshigs su bcad de gsungs pa/ srid pa'i sdug bsngal kun gcod cing / byang chub chen po 'thob 'dod pa/ /dge bcu'i 'khor lo'i nan
336b2 tan la/ /le lo ma byed brtson par gyis/ /theg pa gsum gyis dam chos dang / /theg pa rnam gsum gang zag dang / /rab tu byung ba thams cad la/ /'khrul pa med par 'thob par
336b3 'gyur/ /theg chen spyod la dad mos shing / /thams cad 'khor gyi dbugs 'byin pa'i/ /chos mchog rtogs nas zhing dag der/ /byang chub chen po myur du 'thob/ /gal te srog
336b4 gcod yongs spangs na/ /kun gyis bkur zhing bla mar byed/ /rtag tu nad med tshe yang ring / /bde zhing skyid la gnod pa med/ /skye ba'i gnas ni thams cad du/ /sangs rgyas spyod
336b5 yul lam la mos/ /sangs rgyas chos dang dge 'dun mthong / /myur du bla med byang chub 'thob/ /ma byin len pa yongs spangs na/ /mkhas pas bkur zhing bla mar byed/ /'dod chags
336b6 skye ba'i lam kun zhi/ /'dod chags med pa skye bar 'gyur/ /skye ba kun tu longs spyod ldan/ /sbyin bdag chen por de 'gyur te/ /rin chen mang pos brgyan pa dang / /yid 'ong sangs
336b7 rgyas zhing yang 'theb/ /'dod pas log g.yem yongs spangs na/ /nyon mongs dri ma zhi bar 'gyur/ /'dod chags srid pa'i mtsho yang skems/ /rnam dag sangs rgyas zhing myur
337a1 'thob/ /sems can rnam pa mang po yang / /'dod pa'i 'dam las 'byin par 'gyur/ /theg chen la ni rab bkod nas/ /tshangs pa'i spyad la spyod du
337a2 btsud/ /brdzun du smra ba yongs spangs na/ /'phags pa'i dbang dang ye shes 'thob/ /rtag tu bden pa smra bar dga'/ /brdzun du 'gyur ba'i sdug bsngal 'jil/ /tshig gcig
337a3 tshad mar btsugs pas na/ /sangs rgyas chos dang dge 'dun mthong / /rdzun mi smra ba bsgoms pas na/ /byang chub chen po myur du 'thob/ /phra ma'i tshig smra yongs spangs na/ /dge
337a4 ba'i chos kyi snod du 'gyur/ /sangs rgyas chos dang dge 'dun mthong / /chad par lta bar yod mi 'gyur/ /'phags pa'i chags med dga' ba dang / /rin chen gter gyi gzungs
337a5 'thob cing / /zab mo chos kyi rgya mtshor rig /myur du bla med byang chub 'thob/ /gal te zhe gcod tshig spangs te/ /'jam zhing mnyen pa'i tshig smras na/ /sems can kun gyis
337a6 bkur bar 'gyur/ /snga ma'i mi dge las kyang zhi/ /'khor rnams rtag tu dga' ba dang / /byang chub sems dpa'i ston par 'gyur/ /sangs rgyas mang po'i spyod yul shes/ /sa bcu
337a7 las kyang 'da' bar 'gyur/ /kyal bar smra ba yongs spangs na/ /mkhas pas bkur zhing bla mar byed/ /gzhan la tshig tu smra ba kun/ /yon tan rnam lnga 'thob par 'gyur/ /
337b1 rtag tu 'phags pa'i tshig nyan cing / /'phags pa'i lam tshol spro bar 'gyur/ /sangs rgyas rgya mtsho yongs rdzogs shing / /thams cad mkhyen pa myur du 'thob/ /gal te chags sems
337b2 yongs spangs te/ /'phags pa rnams la mi smod cing / /dur smrig gyon la mchod par byed/ /theg pa gsum gyi byang chub sgrub/ /rtag tu rnam dag zhing du skye/ /ston pa'i gnas su gnas
337b3 par 'gyur/ /bla med theg pa la zhon te/ /rgyal ba'i ye shes myur du 'thob/ /gal te gnod sems yongs spangs te/ /gcig tu byams pa'i sems bsgoms na/ /mnyam par bzhag
337b4 pa'ang myur du 'thob/ /'phags pa'i spyod yul med par 'gyur/ /rnam dag sangs rgyas zhing du skye/ /nyes pa'i skyon rnams kun dang bral/ /de la gnas na byang chub 'thob/ /gnod
337b5 sems thams cad spang bar bya/ /ngan par lta ba yongs spangs te/ /rnam dag dad pa'i sems bsgoms na/ /theg gsum ston la mos byed cing / /sangs rgyas kun la mchod pa
337b6 byed| |ngan song gsum las yongs thar te/ /'phags pa'i dge 'dun rnams dang phrad/ /byang chub sems dpa'i yon tan ldan/ /ye shes mchog kyang 'thob par 'gyur/ /dge
337b7 ba bcu yi las lam gyis/ /byang chub mchog thob 'gyur zhes gsungs/ /snyoms par 'jug dang gzungs rnams dang / /sa dang bzod pa skye bar 'gyur/ /bdag nyid che ba'i
338a1 'khor lo 'dis/ /ngan song thams cad rab bcom nas/ /sdig pa'i sgrib pa kun kyang choms/ /myur du byang chub chen po thob/ /'phags pa shin
338a2 tu rgyas pa chen po sa'i snying po 'khor lo bcu pa zhes bya ba las/ dge ba bcu'i las kyi lam zhes bya ba'i le'u ste drug pa'o// //rigs kyi bu/ gzhan yang /
338a3 byang chub sems dpa' sems dpa' chen po zang zing gi sbyin pa de go cha chen po'i 'khor lo rnam pa bcu yod de/ byang chub sems dpa' sems dpa' chen po gang 'khor lo
338a4 de dang ldan na thog ma sems bskyed pa nas 'dod pa lnga yongs su bsal te/ nyan thos dang / rang sangs rgyas thams cad las shin tu 'das nas nyan thos dang / rang sangs rgyas
338a5 thams cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur
338a6 ro| |bcu gang zhe na/ 'di lta ste/ rnam pa sna tshogs kyi zas dang / skom dang / gos dang / rin po che'i rgyan dang / bal glang dang / rta dang / shing rta dang / lus kyi yan lag dang /
338a7 rkang pa dang / lag pa dang / rna ba dang / sna dang / mgo dang / mig dang / rkang dang / klad rgyas dang / pags pa dang / rus pa dang / sha dang / khrag dang / yul dang / srid dang /
338b1 bu dang | chung ma dang / bran pho dang / bran mo dang / khang khyim dang / zhing 'brog la sogs pa de dag thams cad sbyin pa de re re byed pa na lus dang / srog la mi lta zhing bdag gcig pu 'jig
338b2 rten dang / 'jig rten las 'das pa'i bde ba 'dod pa'i phyir sems bskyed de sbyin pa byed pa ma yin gyi/ sems can thams cad la byams pa chen po dang / snying rje chen po'i myu gu bskyed pa'i
338b3 phyir sbyin pa byin pa'i sems bskyed do/ /thabs mkhas pa dang / shes rab mchog bskyed pa'i phyir sbyin pa byin pa'i sems bskyed do/ /sems can thams cad la byams pa chen po phan pa
338b4 dang | bde ba'i don gyi phyir sbyin pa byin pa'i sems bskyed do/ /sems can thams cad kyi sdug bsngal bsal ba'i phyir sdig pa byin pa'i sems bskyed do/ /gzhan las spag go snyam pa
338b5 med pa'i sems dang / brlang ba med pa'i sems dang / phrag dog med pa'i sems dang / ser sna dang / zhum pa med pa'i sems kyis sbyin pa byin no/ /gang sbyin pa'i
338b6 dngos po che'ang rung / chung yang rung / chung du na zan changs gcig tsam gyi sbyin pa byas na'ang rnam par smin pa'i 'bras bu la mi re bar sbyin pa byin pa'i sems bskyed do/ /nyan thos kyi
338b7 theg pa'i 'bras bu la mi re bar sbyin pa byin pa'i sems bskyed do/ /rang sangs rgyas kyi theg pa'i 'bras bu la mi re bar sbyin pa byin pa'i sems bskyed do/ /gang sbyin pa'i dngos po de
339a1 che'ang rung / chung yang rung / chung du na zan changs gcig tsam gyi sbyin pa byas na'ang rnam pa thams cad mkhyen pa'i ye shes su bsngo zhing sbyin pa byin pa'i
339a2 sems bskyed do/ /rigs kyi bu/ byang chub sems dpa' sems dpa' chen po zang zing gi sbyin pa'i go cha chen po'i 'khor lo rnam pa bcu po de dang ldan na/ thog ma sems bskyed
339a3 pa na 'dod pa rnam pa lnga yongs su bsal ba'i phyir nyan thos dang / rang sangs rgyas thams cad las shin tu 'das pa dang / nyan thos dang / rang sangs rgyas thams cad kyis
339a4 bsod nams chen po'i zhing du 'gyur ba dang / nyan thos dang / rang sangs rgyas kyi theg pa pa thams cad kyis mchod cing bsnyen bkur bya ba dang / yongs su bsrung bar 'gyur ro/ /
339a5 de ci'i phyir zhe na/ nyan thos dang / rang sangs rgyas kyis sbyin pa byin pa'i sems bskyed pa ni byams pa dang / snying rje chen po'i sems med kyi/ bdag gi dbul ba de spong ba
339a6 dang | bdag sdug bsngal las thar ba dang / bdag bde ba thob par bya ba dang / bdag mya ngan las 'da' bar bya ba'i phyir sbyin pa byed de/ sems can thams cad kyi phyir
339a7 sbyin pa byed pa ni ma yin no/ /byang chub sems dpa' sems dpa' chen po sbyin pa byin na ni byams pa dang / snying rje chen po'i sems kyis sems can thams cad kyi dbul phongs
339b1 pa spong ba dang / sems can thams cad sdug bsngal las gdon pa dang / sems can thams cad bde ba thob par byed pa dang / sems can thams cad mya ngan las bzla ba'i phyir
339b2 sbyin pa byed kyi/ bdag 'ba' zhig gi phyir sbyin pa spyod pa ma yin no/ /de lta bas na nyan thos dang / rang sangs rgyas thams cad las shin tu 'das pa/ nyan thos dang / rang sangs rgyas
339b3 thams cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / bsnyen bkur byed cing yongs su srung
339b4 bar 'gyur ro/ /byang chub sems dpa' sems dpa' chen po gang zang zing gi sbyin pa'i pha rol tu phyin par spyod pa na 'dod pa rnam lnga'i mchog la sems mi chags te/ bdag nyid
339b5 dbang ba bde ba'i yo byad thams cad sems can kun la sbyin pa byed de/ sems can thams cad yongs su sdud pa'i sems dang / bdag gi sdug bsngal thams cad la ji mi snyam
339b6 pa'i bzod pa'i sems dang / sems can thams cad kyi sdug bsngal zhi bar bya ba'i sems dang / sems can thams cad la bde ba sbyin pa'i sems dang / sems can thams
339b7 cad mya ngan las bzla ba'i sems la gnas te sbyin pa byed do/ /de bas na nyan thos dang / rang sangs rgyas thams cad las shin tu 'das pa nyan thos dang / rang sangs rgyas thams
340a1 cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / bsnyen bkur
340a2 dang / srung ba byed par 'gyur ro/ /rigs kyi bu/ gal te 'dod pa lnga la sems mi chags shing byams pa dang / snying rje chen pos sbyin pa byed na byang chub sems dpa' sems
340a3 dpa' chen po zhes bya'o/ /nyan thos dang / rang sangs rgyas kyi bsod nams kyi zhing yang dag pa zhes bya'o/ /gal te 'jig rten gyi 'dod pa rnam lnga'ang ma spangs la byams pa dang /
340a4 snying rje chen po'ang med par sbyin pa byed na sbyin pa'i dngos po tshad med grangs med dpag tu med pa btang yang byang chub sems dpa' sems dpa' chen po zhes mi bya ste/ nyan
340a5 thos dang / rang sangs rgyas kyi bsod nams kyi zhing yang dag pa'ang ma yin pas sbyin pa 'di ni 'phags pa rnams kyi phyag rgyas btab pa ma yin no/ /de bas na 'jig rten gyi
340a6 'dod pa lnga spangs te/ byams pa dang / snying rje chen po dang ldan pas sbyin pa bya'o/ /gal te 'jig rten gyi 'dod pa lnga'ang ma spangs la byams pa dang / snying rje chen po'ang med
340a7 par sbyin pa byed na byang chub sems dpa' zhes kyang mi bya la/ bsod nams kyi zhing yang dag pa'ang ma yin no/ /rigs kyi bu/ 'dod pa rnam pa lnga la chags pas sbyin pa byed
340b1 na bdag nyid kyi lus kyi sdug bsngal gyi cha cung zad kyang zhi bar mi 'gyur na sems can thams cad kyi sdug bsngal tshad med pa bsal ba lta ci smos/ de nas bcom ldan 'das kyis
340b2 don 'di dag gsal bar bzlas pa'i phyir tshigs su bcad de bka' stsal pa/ zang zing sbyin pa'i 'khor lo ldan pa/ /mkhas pa bsam pa dag pa'i mos pas/ /'dod pa rnam lnga dag
340b3 ni spangs te/ /sems can kun la phan dang bde byed/ /sems can kun la bde ba'i phyir gyi/ /rnam smin 'bras bu re phyir ma yin/ /sbyin pa'i dngos po byin pa chung yang / /yang dag
340b4 bsod nams zhing du de 'gyur/ /sbyin pa'i dngos po mang du byas kyang / /'dod pa rnam lnga dag la gnas na/ /'phags pa dag gi phyag rgyas ma btab/ /ma nges pa yi tshogs la
340b5 gnas 'gyur/ /sbyin pa'i dngos po byin pa chung yang / /'dod pa'i lnga la mi gnas pa ni/ /nyan thos dag dang rang rgyal ba yi/ /yang dag bsod nams zhing du de 'gyur/ /de
340b6 bas 'dod pa rnam lnga spangs la/ /rtag tu rnam dag sbyin pa byed cing / /sems can kun la bde ba byas na/ /yang dag bsod nams zhing du de 'gyur/ /rigs kyi bu/ gzhan yang
340b7 byang chub sems dpa' sems dpa' chen pos chos kyi sbyin pa'i go cha chen po'i 'khor lo rnam pa bcu yod de/ byang chub sems dpa' sems dpa' chen po 'khor lo de dang
341a1 ldan na thog ma sems bskyed nas 'dod pa rnam lnga yongs su bsal ba'i phyir myur du nyi ma'i sgron ma'i 'od ces bya ba'i ting nge 'dzin thob cing nyan
341a2 thos dang / rang sangs rgyas thams cad las shin tu 'das pa/ nyan thos dang / rang sangs rgyas thams cad kyi bsod nams chen po'i zhing du 'gyur ba dang / nyan thos
341a3 dang / rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur bya bar 'gyur ro/ /bcu gang zhe na/ 'di lta ste/ de bzhin gshegs
341a4 pa rnams kyis bstan pa dam pa'i chos nyan thos kyi theg pa dang ldan pa'i dam pa'i chos dang / rang sangs rgyas kyi theg pa dang ldan pa'i dam pa'i chos dang / theg pa chen po
341a5 dang ldan pa'i dam pa'i chos dang / 'jig rten gyi chos dang / 'jig rten las 'das pa'i chos dang / zag pa dang bcas pa'i chos dang / zag pa zad pa'i chos dang / 'dus
341a6 byas kyi chos dang / 'dus ma byas kyi chos dang / gnyis su med pa'i chos rnams te/ byang chub sems dpa' sems dpa' chen po chos rnam pa bcu po 'di la dad cing gus
341a7 par byed pa dang / ji skad thos pa rnams ci nus su gzungs su 'dzin cing yid la byed do/ /rab tu rtog go /mthar khong du chud par byed cing gzhan dag la'ang ci rigs par ston
341b1 par byed do/ /nam chos ston pa'i tshe na phrag dog med pa'i sems dang / ser sna med pa'i sems dang / nga rgyal med pa'i sems dang / rnyed pa mi re ba'i sems dang / gzhan mi
341b2 smod pa'i sems dang / bdag mi bstod pa'i sems dang / bsti stang dang bcas pa'i sems dang / phan pa'i sems dang / byams pa chen po'i sems dang / snying rje chen po'i sems
341b3 su bya'o| |nyan thos kyi theg pa can gyi gang zag la ni nyan thos kyi chos ston cing 'chad kyi/ de la rang sangs rgyas kyi chos sam/ theg pa chen po'i chos kyis ma yin pa dang / rang sangs
341b4 rgyas kyi theg pa can gyi gang zag la ni rang sangs rgyas kyi theg pa'i chos ston gyi/ nyan thos kyi theg pa'i chos sam/ theg pa chen po'i chos kyis ma yin pa dang / theg pa chen po'i gang zag
341b5 la ni theg pa chen po'i chos ston gyi/ nyan thos dang / rang sangs rgyas kyi theg pa pa'i chos kyis ma yin pa dang / sems can gyi dbang po dang / snod ji lta ba bzhin du dam pa'i chos ston
341b6 gyi| dbang po dang snod du ma gyur pa la chos mi ston to/ /gang theg pa chen po'i sems can la rang sangs rgyas kyi theg pa spyod cig bar ram/ nyan thos kyi theg pa spyod cig par mi skul
341b7 lo| |rang sangs rgyas kyi theg pa can gyi sems can la skabs kha cig tu theg pa chen po'i spyod pa la nan tan byos shig ces skul ba'i skabs ni yod de/ nyan thos kyi theg pa can gyi
342a1 sems can la skabs kha cig tu rang sangs rgyas kyi theg pa'i spyod pa dang / theg pa chen po'i spyod pa la nan tan gyis shig ces skul ba'i skabs kyang yod
342a2 de| de bzhin gshegs pa'i bstan pa'i dam pa'i chos chung du na tshigs su bcad pa gcig gam/ tshigs su bcad pa phyed tsam la'ang shin tu dad cing bkur sti byed kyi/ de la
342a3 'phya'am/ skur ba'am/ bgegs sam/ bar chad mi byed de/ chos ston pa la sangs rgyas dang 'dra bar 'du shes pa dang / chos nyan pa'i 'khor rnams la nad pa dang 'dra bar
342a4 'du shes pa dang / gang 'chad pa'i chos la sman bzang po dang 'dra bar 'du shes shing 'dod pa rnam pa lnga yongs su bcad de re ba med pas dam pa'i chos ston to/ /rigs kyi bu/
342a5 'di dag ni byang chub sems dpa' sems dpa' chen po'i chos kyi sbyin pa'i go cha chen po'i 'khor lo rnam pa bcu zhes bya'o/ /byang chub sems dpa' sems dpa' chen po gang
342a6 'khor lo de dang ldan na 'dod pa lnga yongs su bsal te/ myur du nyi ma'i sgron ma'i 'od ces bya ba'i ting nge 'dzin thob cing nyan thos dang / rang sangs rgyas thams cad las shin tu
342a7 'das pa dang / nyan thos dang / rang sangs rgyas thams cad kyi bsod nams kyi zhing du 'gyur ba dang / nyan thos dang / rang sangs rgyas kyi theg pa pa thams cad kyis mchod
342b1 pa dang / bsrung ba dang / bsnyen bkur byed par 'gyur ro/ /de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ mkhas pa chos
342b2 kyi sbyin pa spyod pa dag /snod bzhin theg pa gsum gyi chos ston to/ /theg pa gzhan dag de la ston mi byed/ /thos nas de la 'phya zhing skur mi 'gyur/ /dbang po snod bzhin dam pa'i chos
342b3 ston gyi/ /dbang po snod min dag la ma yin no/ /so sor ji ltar ci la mos pa bzhin/ /de dang de yi chos ston mgu bar byed/ /theg pa chen po spyod pa'i gang zag la/ /theg pa rnam pa gnyis
342b4 kyi chos mi bstan/ /bar bar theg pa gnyis kyi gang zag la/ /theg pa 'bring dang rab kyi chos ston to/ /shin tu dad cing gus pas chos mnyan gyi/ /de la 'phya zhing skur bar mi bya'o/ /
342b5 chos smra ba la mchod pa byed pa ni/ /sangs rgyas 'dra bar de la 'du shes bskyed/ /kun nas nyon mongs pa yi nad bsal phyir/ /dam pa'i chos kyi sman dag nyan par bskul/ /khe dang
342b6 grags pa shin tu ring spangs te/ /dam pa'i chos dag bstan cing bshad par bya/ /rigs kyi bu/ gzhan yang / byang chub sems dpa' sems dpa' chen po'i tshul khrims rnam par
342b7 dag pa go cha chen po'i 'khor lo yod de/ byang chub sems dpa' sems dpa' chen po gang 'khor lo de dang ldan na/ thog ma sems bskyed nas 'dod pa lnga yongs su bsal te/
343a1 nyan thos dang / rang sangs rgyas thams cad las shin tu 'das pa/ nyan thos dang / rang sangs rgyas thams cad kyi bsod nams kyi zhing chen por
343a2 'gyur ba dang / nyan thos dang / rang sangs rgyas kyi theg pa thams cad kyis mchod pa dang / bsrung ba dang / bsnyen bkur bya bar 'gyur/ de la ji ltar na tshul khrims
343a3 rnam par dag pa go cha chen po'i 'khor lo zhe na/ rigs kyi bu/ byang chub sems dpa'i tshul khrims rnam par dag pa rnam pa gnyis te/ thun mong ba dang / thun mong ba ma
343a4 yin pa'o/ /de la ji ltar na byang chub sems dpa'i tshul khrims rnam par dag pa'i 'khor lo thun mong pa zhe na/ gang khyim na gnas pa dge bsnyen pa dang / dge bsnyen ma'i tshul
343a5 khrims kyi sdom pa blangs pa'am/ yang na rab tu byung ba so sor thar pa'i tshul khrims kyis bsnyen par rdzogs pa ste/ sdom pa 'di dang / so sor thar pa'i tshul khrims 'di ni byang chub
343a6 sems dpa'i tshul khrims rnam par dag pa'i 'khor lo thun mong ba ste/ nyan thos dang / rang sangs rgyas thams cad dang thun mong ba yin no/ /byang chub sems dpa' tshul khrims
343a7 kyi 'khor lo rnam par dag pa 'di'i dbang gis sems can thams cad kyi kun nas nyon mongs pa chod par ram/ log par lta ba sil bar ram/ las kyi sgrib pa dang / 'khor ba
343b1 las grol bar mi 'gyur te/ go cha chen po'i 'khor lo zhes kyang mi bya/ /byang chub sems dpa' sems dpa' chen po zhes kyang mi bya ste/ nyan thos dang / rang sangs rgyas thams cad kyi
343b2 bsod nams kyi zhing yang dag pa ma yin no/ /de la ji ltar na byang chub sems dpa'i tshul khrims rnam par dag pa go cha chen po'i 'khor lo thun mong ma yin pa zhe na/ gang byang chub
343b3 sems dpa' rnams phyogs bcu'i sems can thams cad la mnyam pa nyid kyi sems dang / gnod pa med pa'i sems dang / 'khon du 'dzin pa med pa'i sems kyis rnam par dag
343b4 pa'i tshul khrims srung ngo / /tshul khrims dang / tshul khrims ngan pa can dang / sbyin pa dang / ser sna dang / byams pa dang / zhe sdang dang / brtson 'grus dang / le lo can rab 'bring
343b5 tha ma kun la bye brag mi 'byed pa'i sems dang / khyad par med pa'i 'du shes kyis tshul khrims yongs su srung ngo / /khams gsum gyi sems can thams cad la zhe sdang med pa
343b6 dang | khong khro ba med pa dang / ngan par spyod pa med pas tshul khrims yongs su srung ngo / /srid pa gsum gyi phung po dang / khams dang / skye mched la rnam par rtog pa med pas
343b7 tshul khrims yongs su srung ngo / /'dod pa'i khams la mi gnas par tshul khrims srung ngo / /gzugs yod pa'i khams la mi gnas par tshul khrims srung ngo / /gzugs med
344a1 pa'i khams la mi gnas par tshul khrims srung ngo / gzugs med pa'i khams la mi gnas par tshul khrims srung ngo / /srid pa'i rnam par smin pa'i
344a2 'bras bu thams cad la mi gnas par tshul khrims srung ngo / /rnyed pa dang / mi rnyed pa la mi gnas par tshul khrims srung ngo / /'du byed rnams la mi gnas par tshul khrims srung
344a3 ste| 'di dag ni byang chub sems dpa'i tshul khrims rnam par dag pa go cha chen po'i 'khor lo thun mong ma yin pa zhes bya'o/ /rigs kyi bu/ byang chub sems dpa' sems
344a4 dpa' chen po gang tshul khrims rnam par dag pa go cha chen po'i 'khor lo 'di dang ldan na thog ma sems bskyed nas 'dod pa lnga yongs su bsal te/ byang chub sems dpa' sems
344a5 dpa' chen po zhes bya'o/ /nyan thos dang / rang sangs rgyas thams cad las shin tu 'das shing nyan thos dang / rang sangs rgyas thams cad kyi bsod nams kyi zhing chen por
344a6 'gyur ba dang / nyan thos dang / rang sangs rgyas kyi theg pa thams cad kyis mchod pa dang / bsrung ba dang / bsnyen bkur bya bar 'gyur ro/ /de nas bcom ldan 'das kyis
344a7 don 'di dag gsal bar bzlas pa'i phyir tshigs su bcad de bka' stsal pa/ khyim na gnas shing sdom pa len pa/ /rang byung so sor thar pa'i tshul khrims/ /theg pa gnyis
344b1 dang thun mong yin te/ /byang chub chen po zhes ni mi bya/ /mkhas pa stong pa nyid chos sgom pa/ /'jig rten kun la mi rten mi gnas/ /srid pa kun la gnas ma yin par/ /rnam par dag
344b2 pa'i tshul khrims srung ngo / /mtshan ma spong ba'i tshul khrims dag ni/ /chags pa med de zag pa kun med/ /tshul khrims 'di lnga srung ba dag ni/ /yang dag bsod nams zhing zhes de bya//
344b3 rigs kyi bu/ gzhan yang / byang chub sems dpa' sems dpa' chen po'i bzod pa'i go cha chen po'i 'khor lo zhes bya ba yod de/ byang chub sems dpa' sems dpa' chen po gang
344b4 'khor lo 'di dang ldan na thog ma sems bskyed nas 'dod pa lnga yongs su bsal te/ nyan thos dang / rang sangs rgyas thams cad las shin tu 'das pa| nyan thos dang / rang sangs
344b5 rgyas thams cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa thams cad kyis mchod pa dang / bsrung ba dang / bsnyen bkur byed
344b6 par 'gyur ro/ /de la ji ltar na bzod pa'i go cha chen po'i 'khor lo gang zhe na/ rigs kyi bu/ byang chub sems dpa'i bzod pa la mtshan nyid rnam pa gnyis te/ gang zhe na 'jig
344b7 rten pa dang / 'jig rten las 'das pa'o/ /de la ji ltar na byang chub sems dpa'i 'jig rten gyi bzod pa zhe na/ de ni zag pa dang bcas pa'i bzod pa ste/ sems can la dmigs
345a1 pa/ len pa dang bcas pa/ mtshan ma dang bcas pa/ rnam par smin pa'i 'bras bu la rten pa/ bsod nams kyi las la brten te bzod par byed pa'o/ /gzhan
345a2 yang / bdag gi gzugs dang / sgra dang / dri dang / ro dang / reg bya la brten nas bzod par byed pa'o/ 'jug pa dang bcas pa'i bzod pa ji snyam pa med pa'i bzod pa dang / mthu
345a3 zhan pa'i bzod pa'i sems can gtong ba'i bzod pa dang / g.yo dang / sgyur bcas pa'i bzod pa dang / pha rol la 'drid pa'i bzod pa dang / sems can la phan pa dang / bde ba'i
345a4 don mi byed pa'i bzod pa ste/ 'di dag ni byang chub sems dpa' 'jig rten gyi bzod pa zhes bya ste/ bzod pa 'di ni nyan thos dang / rang sangs rgyas la sogs pa dang thun mong ma
345a5 yin gyi/ go cha chen po'i 'khor lo zhes mi bya'o/ /de la ji ltar na byang chub sems dpa' sems dpa' chen po yang ma yin te/ nyan thos dang / rang sangs rgyas thams cad kyi bsod
345a6 nams kyi zhing yang dag pa zhes kyang mi bya'o/ /de la ji ltar na byang chub sems dpa'i 'jig rten las 'das pa'i bzod pa go cha chen po'i 'khor lo gang zhe na/ zag pa med pa'i
345a7 bzod pa ste/ 'phags pa thams cad kyi chos chen po'i 'od kyis sems can thams cad la phan pa dang / bde ba'i don gyi phyir chags pa med pa'i bzod pa dang / bya ba'i dngos po
345b1 thams cad dang / tshig tu smra ba dang / rgyu dang / mtshan ma dang / yi ge dang / sgra skad thams cad yongs su bcad pa'i skye mched la brten pa'i bzod pa spyod do/ /bzod pa 'di bsgoms
345b2 pas kun nas nyon mongs pa gsum dang / bskal pa rnam gsum dang / mtshan nyid gsum dang / dus gsum dang / srid pa gsum dang / 'du byed rnam gsum dang / mi dge ba'i rtsa
345b3 ba gsum dang / chu bo bzhi dang / mdud pa rnam bzhi dang / nye bar len pa bzhi dang / lus kyi mdud pa rnam bzhi la sogs pa yongs su bcad pas bzod pa 'di bsgom pa'i tshe sems
345b4 dang | yid rab tu zhi bas 'di ni byang chub sems dpa'i 'jig rten las 'das pa'i go cha chen po'i 'khor lo'i bzod pa zhes bya'o/ /rigs kyi bu/ byang chub sems dpa' sems
345b5 dpa' chen po go cha chen po'i 'khor lo'i bzod pa de dang ldan pas thog ma sems bskyed pa nas 'dod pa lnga rnams yongs su bsal ba'i phyir byang chub sems dpa' sems
345b6 dpa' chen po zhes bya'o/ /nyan thos dang / rang sangs rgyas thams cad las shin tu 'das shing nyan thos dang / rang sangs rgyas thams cad kyi bsod nams kyi zhing chen
345b7 por 'gyur ba/ nyan thos dang / rang sangs rgyas kyi theg pa thams cad kyis mchod pa dang / bsrung ba dang / bsnyen bkur byed par 'gyur ro/ /de nas bcom ldan 'das
346a1 kyis don 'di dag gsal bar bzlas pa'i phyir tshigs su bcad de bka' stsal pa/ bzod pa la ni rnam pa gnyis te/ /mtshan mar bcas dang mtshan
346a2 ma med pa/ /mtshan mar bcas pa'i bzod pa chags yod/ /mkhas pa dag ni de la mi bstod/ /'du byed rnam gsum phung po khams dang / /skye mched la rten bzod pa sgom pa/
346a3 de ni zag bcas bzod pa yin te/ /byang chub sems dpa' chen po ma yin/ /phyin ci log ni rnam bzhi bsal nas/ /chags pa med pa'i bzod pa sgom zhing / /'du byed rnam
346a4 pa gsum dag zhe na/ /bzod pa 'di la thams cad bstod 'gyur/ /'du byed thams cad rab tu zhi zhing / /rtog pa thams cad yongs su spangs te/ /sems ni nam mkha' 'dra
346a5 bar mnyam pa/ /bzod pa 'di la thams cad bstod 'gyur/ /thams cad chos la ro gcig mthun par/ /stong pa mtshan ma med pa zhi ba/ /sems ni ci la'ang mi gnas mi
346a6 chags/ /bzod pa 'di ni phan don cher 'gyur/ /rigs kyi bu/ gzhan yang / byang chub sems dpa' sems dpa' chen po'i brtson 'grus kyi go cha chen po'i 'khor lo yod de/
346a7 byang chub sems dpa' sems dpa' chen po gang 'khor lo de dang ldan na thog ma sems bskyed pa nas 'dod pa lnga yongs su bsal te/ nyan thos dang / rang sangs rgyas
346b1 thams cad las shin tu 'das pa/ nyan thos dang / rang sangs rgyas thams cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa pa
346b2 thams cad kyis mchod pa dang / srung ba dang / bsnyen bkur byed par 'gyur ro/ /de la ji ltar na brtson 'grus kyi go cha chen po'i 'khor lo gang zhe na/ rigs kyi bu/ byang chub sems
346b3 dpa'i brtson 'grus la rnam pa gnyis te/ 'jig rten dang / 'jig rten las 'das pa'o/ /de la ji ltar na byang chub sems dpa'i 'jig rten pa'i brtson 'grus she na/ byang chub sems
346b4 dpa' rnams shin tu 'bad pa'i brtson 'grus gyis 'jig rten gyi bsod nams kyi las kyi dngos po rnam pa gsum la nan tan byed do/ /gsum gang zhe na/ 'di lta ste/ sbyin pa
346b5 byed pa'i bsod nams kyi las dang / tshul khrims srung ba'i bsod nams byed pa'i las dang / bsgom pa'i bsod nams byed pa'i las so/ /las 'di dag byed pa ni brtson 'grus
346b6 rnam pa gsum zhes bya ste/ brtson 'grus rnam pa gsum po 'di dag ni sems can la dmigs pa zag pa dang bcas pa/ nye bar len pa dang bcas pa/ rnam par smin pa'i 'bras bu
346b7 bstan pa/ bsod nams kyi las la brten pa ste/ de ni byang chub sems dpa'i 'jig rten gyi brtson 'grus zhes bya'o/ /brtson 'grus 'di ni nyan thos dang / rang sangs rgyas kyi theg pa
347a1 la sogs pa dang thun mong yin te/ go cha chen po'i 'khor lo zhes mi bya/ byang chub sems dpa' sems dpa' chen po zhes kyang mi bya ste/ nyan thos
347a2 dang | rang sangs rgyas thams cad kyi bsod nams kyi zhing yang dag pa'ang ma yin no/ /de la ji ltar na byang chub sems dpa'i 'jig rten las 'das pa'i brtson 'grus kyi go cha
347a3 chen po'i 'khor lo gang zhe na/ byang chub sems dpa' dag shin tu 'bad pa'i brtson 'grus kyis sems can thams cad la mnyam pa'i sems kyis nyon mongs pa'i las dang
347a4 sdug bsngal thams cad sel ba ste/ brtson 'grus 'di ni 'phags pa thams cad kyis bsngags pa/ zag pa med pa/ nye bar len pa med pa/ rten dang / gnas med de/ brtson
347a5 'grus dang / le lo dang / sbyin pa dang / ser sna dang / tshul khrims dang / ngan pa'i tshul khrims can dang / byams pa dang / zhe sdang dang / sems can rab dang / 'bring dang / tha
347a6 ma kun la mi 'byed pa'i sems dang / bye brag med pa'i 'du shes kyis shin tu 'bad pa'i brtson 'grus rtsom mo/ /khams gsum gyi sems can thams cad la mnyam pa nyid
347a7 dang | dmigs pa med pas bya ba'i las byed de/ smra ba dang / rtog pa dang / dpyod pa'i gnas thams cad la mi gnas pa'i sems kyis shin tu 'bad pa'i brtson 'grus rtsom
347b1 mo| |srid pa gsum gyi phung po dang / khams dang / skye mched la rnam par rtog pa med pas shin tu 'bad pa'i brtson 'grus rtsom ste/ 'dod pa'i khams la mi gnas pa'i 'bad pa'i
347b2 brtson 'grus dang / gzugs yod pa'i khams la mi gnas pa'i 'bad pa'i brtson 'grus dang / gzugs med pa'i khams la mi gnas pa'i 'bad pa'i brtson 'grus dang / srid pa'i
347b3 rnam par smin pa'i 'bras bu thams cad la mi rtog pa'i 'bad pa'i brtson 'grus dang / rnyed pa dang / ma rnyed pa kun la mi gnas pa'i 'bad pa'i brtson 'grus dang / 'du byed rnams la mi gnas
347b4 pa'i 'bad pa'i brtson 'grus dang / 'jig rten gyi bsod nams kyi las kyi dngos po gsum la mi gnas pa'i 'bad pa'i brtson 'grus dang / 'jig rten las 'das pa dang ldan pa'i
347b5 bsod nams kyi las kyi dngos po rnam pa gsum la shin tu brtson 'grus rtsom pa ste/ 'di ni byang chub sems dpa'i 'jig rten las 'das pa'i brtson 'grus kyi go cha chen po'i 'khor
347b6 lo zhes bya'o/ /rigs kyi bu/ byang chub sems dpa' sems dpa' chen po'i gang brtson 'grus kyi go cha chen po'i 'khor lo de dang ldan na thog ma sems bskyed pa nas 'dod pa rnam
347b7 lnga yongs su bsal te/ byang chub sems dpa' sems dpa' chen po zhes bya'o/ /nyan thos dang / rang sangs rgyas thams cad las shin tu 'das te/ nyan thos dang / rang sangs rgya
348a1 thams cad kyi bsod nams kyi zing du 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / srung ba dang / bsnyen
348a2 bkur byed par 'gyur ro/ /de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ dbang po drug la shin tu chags
348a3 pa'i| |bus pa chu bo lngas ni khyer ba/ shin tu 'bad pa'i brtson 'grus rtsom yang / /mkhas pa rnams kyis de la smod 'gyur/ /sems can dmigs shing zag dang bcas
348a4 la| |len par bcas shing brtson 'grus rtsom na/ /yang dag bsod nams zhing ma yin te/ /byang chub sems dpa' chen po ma yin/ /mkhas pa brtson 'grus rtsom pa dag
348a5 ni| |chags pa thams cad ring du spangs te/ /sems ni ci la'ang mi gnas mi chags/ /yang dag bsod nams zhing zhes de bya/ /ming dang gzugs la chags pa med cing / /
348a6 phung po khams dang skye mched spangs te/ /thams cad 'khor gyi rten du 'gyur ba/ /de ni byang chub sems dpa' chen po/ 'jig rten spyod kyang chu zla bzhin te/ /'bad pa'i brtson
348a7 'grus rtsom pa'i mthar phyin/ /'khor lo 'di yis yongs su bcom pa/ /skye bo kun nas nyon mongs bcings pa'o/ /rigs kyi bu/ gzhan yang / byang chub sems dpa' sems
348b1 dpa' chen po'i bsam gtan gyi go cha chen po'i 'khor lo yod de/ byang chub sems dpa' sems dpa' chen po gang 'khor lo 'di dang ldan na thog ma sems bskyed pa nas 'dod pa
348b2 lnga yongs su bsal te/ nyan thos dang / rang sangs rgyas thams cad las shin tu 'das nas nyan thos dang / rang sangs rgyas thams cad kyi bsod nams kyi zhing chen por 'gyur ba
348b3 dang | nyan thos dang / rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro/ /de la ji ltar na bsam gtan gyi go cha chen
348b4 po'i 'khor lo gang zhe na/ rigs kyi bu/ byang chub sems dpa'i bsam gtan la rnam pa gnyis te/ 'jig rten dang / 'jig rten las 'das pa'o/ /de la ji ltar na byang chub
348b5 sems dpa'i 'jig rten gyi bsam gtan gang zhe na/ byang chub sems dpa' rnams phung po la gnas nas bsam gtan sgom pa dang / khams la gnas nas bsam gtan sgom pa
348b6 pa dang / skye mched la gnas nas bsam gtan sgom pa dang / 'dod pa'i khams la gnas nas bsam gtan sgom pa dang / gzugs yod pa'i khams la gnas nas bsam
348b7 gtan sgom pa dang / gzugs med pa'i khams la gnas nas bsam gtan sgom pa dang / sdom pa gsum la gnas nas bsam gtan sgom pa dang / rnam par grol ba gsum la
349a1 gnas nas bsam gtan sgom pa dang / dran pa nye bar gzhag pa bzhi la gnas nas bsam gtan sgom pa dang / yang dag par spong ba bzhi la gnas nas
349a2 bsam gtan sgom pa dang / rdzu 'phrul gyi rkang pa bzhi la gnas nas bsam gtan sgom pa dang / dbang po lnga la gnas nas bsam gtan sgom pa dang / stobs lnga la gnas nas
349a3 bsam gtan sgom pa dang / byang chub kyi yan lag bdun la gnas nas bsam gtan sgom pa dang / 'phags pa'i lam yan lag brgyad pa la gnas nas bsam gtan sgom pa dang
349a4 sa'i khams la gnas nas bsam gtan sgom pa dang / chu'i khams la gnas nas bsam gtan sgom pa dang / me'i khams la gnas nas bsam gtan sgom pa dang / rlung gi
349a5 khams la gnas nas bsam gtan sgom pa dang / nam mkha'i khams la gnas nas bsam gtan sgom pa dang / rnam par shes pa'i khams la gnas nas bsam gtan sgom
349a6 pa dang / bde ba'i tshor ba la gnas nas bsam gtan sgom pa dang / sdug bsngal ba'i tshor ba la gnas nas bsam gtan sgom pa dang / bde ba'ang ma yin sdug bsngal ba'ang
349a7 ma yin pa'i tshor ba la gnas nas bsam gtan sgom pa dang / nam mkha' mtha' yas skye mched la gnas nas bsam gtan sgom pa dang / rnam shes mtha' yas skye mched la
349b1 gnas nas bsam gtan sgom pa dang / cung zad med pa'i skye mched la gnas nas bsam gtan sgom pa dang / 'du shes med 'du shes med min skye mched la gnas nas bsam
349b2 gtan sgom pa dang / 'jig rten 'di la gnas nas bsam gtan sgom pa dang / 'jig rten pha rol la gnas nas bsam gtan sgom pa dang / 'du shes chung du la gnas nas bsam
349b3 gtan sgom pa dang / 'du shes chen po la gnas nas bsam gtan sgom pa dang / 'du shes tshad med pa la gnas nas bsam gtan sgom pa ste/ bsam gtan de dag ni zag pa dang
349b4 bcas pa/ nye bar len pa dang bcas pa/ chags pa dang bcas pa ste/ 'di ni byang chub sems dpa'i 'jig rten dang bcas pa'i bsam gtan zhes bya'o/ /bsam gtan 'di ni
349b5 nyan thos dang / rang sangs rgyas kyi theg pa dang thun mong ba zhes bya ste/ go cha chen po'i 'khor lo ma yin/ byang chub sems dpa' sems dpa' chen po zhes mi bya ste/ nyan thos dang /
349b6 rang sang rgyas thams cad kyi bsod nams kyi zhing yang dag par ma yin no/ /de la ji ltar na byang chub sems dpa'i 'jig rten las 'das pa'i bsam gtan gang zhe na/ 'di lta te/
349b7 byang chub sems dpa' rnams phung po dang bral bar bsam gtan sgom pa dang / khams dang bral bar bsam gtan sgom pa dang / skye mched dang bral bar bsam gtan sgom pa dang /
350a1 'dod pa'i khams dang bral bar bsam gtan sgom pa dang / gzugs kyi khams dang bral bar bsam gtan sgom pa dang / gzugs med pa'i khams
350a2 dang bral bar bsam gtan sgom pa dang / sdom pa gsum dang bral bar bsam gtan sgom pa dang / rnam par thar pa gsum dang bral bar bsam gtan sgom pa dang / dran pa nye
350a3 bar gzhag pa bzhi dang bral bar bsam gtan sgom pa dang / yang dag par spong ba bzhi dang bral bar bsam gtan sgom pa dang / rdzu 'phrul gyi rkang pa bzhi dang bral bar bsam
350a4 gtan sgom pa dang / dbang po lnga dang bral bar bsam gtan sgom pa dang / stobs lnga dang bral bar bsam gtan sgom pa dang / byang chub kyi yan lag bdun dang bral bar bsam
350a5 gtan sgom pa dang / 'phags pa'i lam yan lag brgyad pa dang bral bar bsam gtan sgom pa dang / sa'i khams dang bral bar bsam gtan sgom pa dang / chu'i khams dang
350a6 bral bar bsam gtan sgom pa dang / me'i khams dang bral bar bsam gtan sgom pa dang / rlung gi khams dang bral bar bsam gtan sgom pa dang / nam mkha'i khams dang bral
350a7 bar bsam gtan sgom pa dang / rnam par shes pa'i khams dang bral bar bsam gtan sgom pa dang / bde bar tshor ba dang bral bar bsam gtan sgom pa dang / sdug bsngal
350b1 du tshor ba dang bral bar bsam gtan sgom pa dang / sdug bsngal ba'ang ma yin bde ba'ang ma yin par tshor ba dang bral bar bsam gtan sgom pa dang / nam mkha' mtha' yas skye
350b2 mched dang bral bar bsam gtan sgom pa dang / rnam shes mtha' yas skye mched dang bral bar bsam gtan sgom pa dang / cung zad med pa'i skye mched dang bral bar bsam gtan sgom
350b3 pa dang / 'du shes med 'du shes med min skye mched dang bral bar bsam gtan sgom pa dang / 'jig rten 'di dang bral bar bsam gtan sgom pa dang / 'jig rten pha rol dang bral bar
350b4 bsam gtan sgom pa dang / 'du shes chung du dang bral bar bsam gtan sgom pa dang / 'du shes chen po dang bral bar bsam gtan sgom pa dang / 'du shes tshad med pa dang bral bar
350b5 bsam gtan sgom pa ste/ bsam gtan 'di ni 'phags pa'i 'od zer chen po skyed pa/ zag pa med pa/ nye bar len pa med pa/ chags pa med pa ste/ 'di ni byang chub sems dpa'i
350b6 'jig rten las 'das pa'i bsam gtan gyi go cha chen po'i 'khor lo zhes bya'o/ /rigs kyi bu/ byang chub sems dpa' sems dpa' chen po gang bsam gtan gyi go cha chen po'i 'khor
350b7 lo 'di dang ldan na thog ma sems bskyed pa nas 'dod pa lnga yongs su bsal te/ byang chub sems dpa' sems dpa' chen po zhes bya'o/ /nyan thos dang / rang sangs rgyas thams cad
351a1 las shin tu 'das shing nyan thos dang / rang sangs rgyas thams cad kyi bsod nams kyi zhing du 'gyur ba dang / nyan thos dang / rang sangs rgyas kyi theg
351a2 pa pa thams cad kyis mchod pa dang / bsrung ba dang / bsnyen bkur byed par 'gyur ro/ /de nas bcom ldan 'das kyis don 'di dag gsal bar bzlas pa'i phyir tshigs su bcad
351a3 de bka' stsal pa/ bdag gi khur lci spong ba'i phyir ni/ /dmigs dang bcas pa'i ting 'dzin bsgoms te/ /bdag gi kun nas nyon mongs gcod 'dod/ /yang dag mkhas pa'i
351a4 mtshan nyid ma yin/ /snod la rten cing rtog dang bcas pa/ /rnam par grol 'dod ting 'dzin sgom yang / /tshul rol pha rol mu la gnas na/ /sems can dag la phan don byed min/
351a5 sems can kun la phan dang bde phyir/ /ting 'dzin sgom zhing khur lci spongs te/ /kun nas nyon mongs thams cad sel ba/ /de ni yang dag mkhas pa'i mtshan nyid/ /sems can
351a6 thams cad sim par byed phyir/ /mi gnas pa yi ting 'dzin sgom ste/ /'dod pa'i srid pa thams cad chod pa/ /de ni blo gros chen po zhes bya/ /srid bas bcings pa thams cad
351a7 bkrol te/ /'jigs pa med pa'i grong du bzung phyir/ /rab tu zhi ba'i ting 'dzin sgom pa/ /de ni byang chub sems dpa' chen po'o// //bam po bcu pa ste tha ma/ rigs
351b1 kyi bu| gzhan yang / byang chub sems dpa' sems dpa' chen po shes rab kyi go cha chen po'i 'khor lo zhes bya ba yod de/ byang chub sems dpa' sems dpa' chen po gang 'khor
351b2 lo de dang ldan na thog ma sems bskyed pa nas 'dod pa lnga yongs su bsal te/ nyan thos dang / rang sang rgyas thams cad las shin tu 'das shing nyan thos dang / rang
351b3 sangs rgyas thams cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / srung ba dang / bsnyen bkur
351b4 byed par 'gyur ro/ /de la ji ltar na shes rab kyi go cha chen po'i 'khor lo zhes na/ rigs kyi bu/ byang chub sems dpa'i shes rab la ni rnam pa gnyis te/ 'jig rten dang /
351b5 'jig rten las 'das pa'o/ /de la ji ltar na byang chub sems dpa'i 'jig rten pa'i shes rab ce na/ 'di lta ste/ byang chub sems dpa' rnams theg pa gsum gyi dam pa'i chos
351b6 klog pa dang / 'don pa dang / glegs bam du 'dri ba dang / nyan pa dang / pha rol la ston cing 'chad pa 'ba' zhig la rten te/ sems can thams cad kyi ma rig pa'i mun pa sel
351b7 bar 'dod pa dang / sems can thams cad kyis shes rab kyi sgron ma dbyung ba'i phyir de bzhin gshegs pa'i bstan pa'i nyan thos kyi theg pa dang ldan pa'i chos la shin tu 'bad pa'i
352a1 brtson 'grus kyis klog pa dang / 'don pa dang / nyan pa dang / glegs bam du 'dri ba dang / gzhan dag la rgyas par ston cing 'chad pa dang / yang dag pa'i
352a2 brtson 'grus kyis nan tan byed pa dang / de bzhin gshegs pas bstan pa'i rang sangs rgyas kyi theg pa dang ldan pa'i chos la klog pa dang / 'don pa dang / nyan pa dang / glegs
352a3 bam du 'dri ba dang / gzhan dag la rgyas par ston cing 'chad pa dang / yang dag pa'i brtson 'grus kyis nan tan du spyod do/ /de bzhin gshegs pas bstan pa'i theg pa chen po dang
352a4 ldan pa'i chos la brtson 'grus su klog pa dang / 'don pa dang / nyan pa dang / glegs bam du 'dri ba dang / gzhan la'ang rgyas par ston cing 'chad pa dang / yang dag pa'i brtson
352a5 'grus kyis nan tan byed pa ste/ 'phags pa'i zag pa med pa'i lam gyi yan lag tshol ba ma yin/ /'phags pa'i lam tshol ba ma yin/ 'phags pa'i lam du gtogs pa'i
352a6 rnam par grol ba tshol ba ma yin/ rab tu zhi ba yang dag pa'i shes rab la nan tan byed pa ma yin te/ rtag tu lta ba dang bcas pa/ shes rab dang bcas pa'i shes rab la nan
352a7 tan byed do/ /de ltar len pa dang bcas pa/ chags pa dang bcas pa'i shes rab ni byang chub sems dpa'i 'jig rten gyi shes rab ces bya'o/ /shes rab de ni nyan thos dang /
352b1 rang sangs rgyas thams cad dang thun mong ba yin te/ go cha chen po'i 'khor lo zhes mi bya/ de la byang chub sems dpa' sems dpa' chen po zhes kyang mi bya ste/ nyan thos dang / rang
352b2 sangs rgyas thams cad kyi bsod nams kyi zhing yang dag pa ma yin no/ /de la ji ltar na byang chub sems dpa' 'jig rten las 'das pa'i shes rab che na/ 'di lta te/ byang chub sems
352b3 dpa' rnams byang chub kyi lam la brtson 'grus su nan tan byed pa ni ci nus su theg pa gsum gyi yang dag pa'i chos la klog pa dang / 'don pa dang / nyan pa dang / glegs bam du
352b4 'dri ba dang / gzhan dag la rgyas par ston cing 'chad kyang de la dmigs su med pa'i sbyor ba la gnas te/ mi g.yo ba dang / mi rtog pa dang / ngo bo nyid med pa dang / nam mkha' lta
352b5 bu'i sems dang / rab tu zhi ba'i sems dang / 'phel ba dang / 'grib pa med pa'i shes rab dang / chags pa med pa'i sems dang / skye ba dang / 'gog pa med pa'i sems dang / phyir mi
352b6 ldog pa'i sems dang / chos mnyam pa nyid kyi sems dang / de bzhin nyid kyi sems dang / yang dag pa'i mtha'i sems dang / chos kyi dbyings kyi sems dang / bdag med pa'i sems
352b7 dang | rnam par mi rtogs pa'i sems dang / rab tu zhi ba dang / bzod pa dang / rtog pa dang bral ba'i sems kyis grub pa dang / 'jigs pa med pa'i sa la shin tu thabs mkhas pas bde
353a1 bar gnas pa dang / mi gnas pa mi chags pa'i mchog dam pa'i blo gros kyi sa la thabs mkhas pas bde bar gnas pa ste/ shes rab 'di ni len pa med pa
353a2 la chags pa med pas byang chub sems dpa'i 'jig rten las 'das pa'i shes rab kyi go cha chen po'i 'khor lo zhes bya'o/ /rigs kyi bu/ byang chub sems dpa' sems dpa' chen
353a3 po shes rab kyi go cha chen po'i 'khor lo 'di dang ldan na thog ma sems bskyed nas 'dod pa lnga yongs su bsal ba'i phyir byang chub sems dpa' sems dpa' chen po zhes bya'o/ /
353a4 nyan thos dang / rang sangs rgyas kyi sa las shin tu 'das shing nyan thos dang / rang sangs rgyas thams cad kyi bsod nams kyi zhing chen por 'gyur ba dang / nyan thos dang /
353a5 rang sangs rgyas thams cad kyi mchod pa dang / bsrung ba dang / bsnyen bkur bya ba'o/ /rigs kyi bu/ gzhan yang / byang chub sems dpa' sems dpa' chen po'i thabs mkhas pa'i
353a6 go cha chen po'i 'khor lo yod de/ byang chub sems dpa' sems dpa' chen po gang 'khor lo 'di dang ldan na thog ma sems bskyed nas 'dod pa lnga yongs su bsal te/ nyan
353a7 thos dang / rang sangs rgyas thams cad las shin tu 'das nas nyan thos dang / rang sangs rgyas thams cad kyi bsod nams kyi zhing chen por 'gyur ba dang / nyan thos dang / rang
353b1 sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro/ /de la ji ltar na thabs mkhas pa'i go cha chen po'i 'khor lo gang zhe na/ rigs
353b2 kyi bu| byang chub sems dpa'i thabs mkhas pa la rnam pa gnyis te/ 'jig rten dang / 'jig rten las 'das pa'o/ /de la ji ltar na byang chub sems dpa'i 'jig rten pa'i thabs mkhas
353b3 pa yin zhe na/ 'di lta ste/ byang chub sems dpa' rnams bdag gi don nam/ gzhan gyi don nam/ gnyis ka'i don la bdag dang / gzhan du rtog cing bzo dang / sgyu rtsal rnam pa sna tshogs
353b4 kyis bdag dang / gzhan gyi don yongs su bsgrub pa'i phyir sangs rgyas bcom ldan 'das dang / byang chub sems dpa' dang / rang sangs rgyas dang / nyan thos la mchod pa dang / bsnyen
353b5 bkur byed pa dang / pha dang / ma dang / nad pa dang / nyam thag pa dang / mgon dang / rten med pa dang / gnod pa mang pos sdug bsngal bar gyur pa mthong na shin tu thabs mkhas pas
353b6 sgrol zhing bsdu ba'i dngos po rnams zhes sems can yongs su smin par byed do/ /byang chub sems dpa' de dag theg pa chen po la gnas pas nyan thos kyi theg pa pa dang / rang sangs
353b7 rgyas kyi theg pa pa dang / theg pa chen po'i snod ma yin pa nyan thos dang / rang sangs rgyas kyi dbang po yongs su ma smin pa la shin tu phra ba zab pa dam pa'i chos ston te/ slob tu gzhug pa
354a1 dang | 'phags pa'i bsam gtan la nan tan du byed du gzhug go /gzhan yang / don dam pa'i bden pa bstan te nan tan byed du gzhug pa dang / phyin ci
354a2 log bzhi las bzla zhing mi ltung ba'i chos kyi mtshan nyid rig par bya ba dang / so so yang dag par rig pa bzhi la gzhol bar bya ba nas/ gzhan yang / dran pa nye bar gzhag pa
354a3 bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag
354a4 brgyad pa dang / lhag ma dang bcas pa dang / lhag ma ma lus pa'i lam dang / lam gyi 'bras bu'i bar du 'jug par bya ba la mkhas pa'i ye shes kyis yongs su smin par byed do/ /
354a5 sems can gang khe dang / grags pa dang / longs spyod la chags te dbang po rgod pa/ dge ba'i rtsa ba yongs su ma smin pa la ni mdo sde dang / 'dul ba dang / ma mo klog pa dang /
354a6 'don pa byed du gzhug pa dang / sangs rgyas gzhan gyis bshad pa las gzhan pa rnam par grol ba dang mthun pa'i gtsug lag klog cing 'don du bcug ste yongs su smin par byed
354a7 do| |sems can gang sbyin pa byed pa la mi mos pa la ni nor rin po che dang / nor dbyig rnam pa sna tshogs gtong bar bskul bas yongs su smin par byed do/ /sems can gang gtum pa
354b1 mi des pa'i rang bzhin can tshangs pa'i gnas bzhi slob tu skul ba dang / sems can gang zhe sdang can la bzod pa slob par skul ba dang / sems can gang le lo can la ni brtson 'grus
354b2 slob tu skul ba dang / sems can gang sems g.yeng ba la ni bsam gtan sgom par skul ba dang / sems can gang 'chal ba'i shes rab can la ni yang dag pa'i chos ston pas
354b3 bka' lung brda sprod cing lung 'bogs pa la thabs mkhas pas yongs su smin par byed do/ /sems can gang dkon mchog gsum la mngon par ma dad cing mi gnas pa dang / mi spyod
354b4 pa can la ni dkon mchog gsum la skyabs su 'gro ba dang / dkon mchog gsum la dad pa dang / dge bsnyen pa'i sdom pa la bslab pa dang / bsnyen gnas pa'i sdom pa la bslab pas
354b5 yongs su smin par byed do/ /gzhan yang / bzo dang / sgyu rtsal rnam pa sna tshogs kyi gnas la slob cing spyod du btsud pas de yongs su smin par byed do/ /de la sogs pa byang chub sems
354b6 dpa' sems dpa' chen po 'jig rten pa'i shin tu thabs mkhas pas ye shes kyi rnam pa ni chu klung gang+gA'i bye ma snyed pas mang ngo / /de ltar yi ge dang / gtsug lag dang / bzo dang /
354b7 sgyu rtsal gyi las kyi gnas thams cad la lhag pa'i spyod pa dang / brtson 'grus dang / thabs mkhas pa'i ye shes kyis mu stegs can dang / ston pa gzhan la zhugs pa thams cad btul
355a1 ba de ni byang chub sems dpa'i 'jig rten pa'i thabs mkhas pa'o/ /thabs mkhas pa 'di ni nyan thos dang / rang sangs rgyas thams cad dang thun mong ba
355a2 yin te/ sangs rgyas kyi chos thams cad gnas pa'i rgyur gyur pa/ thabs mkhas pa spyod pa'i gnas su gyur pa/ shin tu thabs mkhas pa lhun gyis grub pas rtog pa med pa'i phyir
355a3 ldog pa med pa'i chos su gyur pa'o/ /gzhan yang / rigs kyi bu/ byang chub sems dpa' gang ston pa mkhas pa la'ang mi rten/ dge ba'i bshes gnyen la'ang mi ltos par 'jig
355a4 rten gyi thabs mkhas pa la nan tan byed na/ byang chub sems dpa' de ni 'jig rten gyi thabs mkhas pas rmongs pa yin te/ ngan song du ltung bar 'gyur ro/ /de ni 'jig rten las
355a5 'das pa'i shin tu thabs mkhas pa'i ye shes la gzhol zhing gnas par yang mi nus la/ thams cad kyi bsod nams kyi zhing yang dag pa ma yin no/ /shin tu thabs mi
355a6 mkhas pas sems can gyi dbang po dang / spyod pa'i khyad par yang mi shes la/ shin tu thabs mkhas pa la'ang rmongs par gyur pas nyan thos kyi theg pa dang / rang sangs rgyas
355a7 kyi theg pa dang / theg pa chen po'i snod ma yin pa dang / theg pa chen po'i dbang por ma smin pa dag la theg pa chen po ston pa dang / slob cing nan tan byed du bcug go /gang theg
355b1 pa chen po'i chos kyi snod du gyur pa'i sems can la ni nyan thos dang / rang sangs rgyas kyi theg pa'i chos ston cing / nyan thos dang / rang sangs rgyas kyi theg pa la slob cing nan tan byed
355b2 du bcug go /gang sangs rgyas kyi theg pa'i chos kyi snod du gyur pa'i sems can la ni nyan thos kyi theg pa'i chos ston cing / nyan thos kyi theg pa la slob cing nan tan byed du bcug go /
355b3 gang nyan thos kyi theg pa'i chos kyi snod du gyur pa'i sems can la ni 'khor ba'i chos la bde ba dang / dga' bar ston te/ 'khor ba'i chos la skyo ba skyed par mi ston to/ /gzhan yang /
355b4 shin tu thabs mkhas pa la rmongs pas sems can gang srog gcod pa la dga' ba nas de bzhin du log par lta ba'i bar du mos pa dag la ni shin tu zab pa theg pa chen po'i chos ston
355b5 te| de la 'khor ba 'di nas shi 'phos nas pha rol tu skye zhing sdug bsngal gyi 'bras bu rnam par smin pa myong ba la skyo zhing 'jigs pa dang / sdig pa mi dge ba'i chos spong ba mi ston
355b6 to| |gzhan yang / shin tu thabs mkhas pa la rmongs pas sems can gang tshul khrims srung bar mos pa la ni sbyin pa spyod du 'jug go /sems can gang bzod pa sgom par mos pa la
355b7 ni bzod pa spong ba ston cing tshul khrims srung du 'jug go /sems can gang brtson 'grus rtsom par mos pa la ni brtson 'grus spong ba ston cing bzod pa spyod du 'jug go /sems can gang
356a1 bsam gtan sgom par mos pa la ni bsam gtan spong ba ston cing brtson 'grus la nan tan byed du bcug go /sems can gang shes rab sgom
356a2 par mos pa la ni shes rab spong ba ston cing bsam gtan sgom du 'jug go /de ltar byang chub sems dpa' 'jig rten gyi thabs mkhas pa la rmongs pas yang dag pa ji lta ba
356a3 bzhin du sems can la phan pa dang / bde ba'i don byed nus te/ sems can thams cad kyi sdig pa'i grogs por gyur to/ /thabs mkhas pa 'di ni dmigs pa dang bcas pa/
356a4 chags pa dang bcas pa ste/ 'di ni byang chub sems dpa'i 'jig rten gyi thabs mkhas pa zhes bya'o/ /de ltar 'jig rten gyi thabs mkhas pa 'di ni nyan thos dang / rang sangs
356a5 rgyas kyi theg pa dang thun mong pa yin te/ go cha chen po'i 'khor lo ma yin/ byang chub sems dpa' sems dpa' chen po zhes kyang mi bya ste/ nyan thos dang / rang sangs rgyas
356a6 thams cad kyi bsod nams kyi zhing yang dag pa ma yin no/ /de la ji ltar na byang chub sems dpa' 'jig rten las 'das pa'i shin tu thabs mkhas pa yin zhe na/ 'di lta ste/
356a7 byang chub sems dpa' rnams bdag gi don btang ste/ gzhan gyi don lhur byed pas bzo dang / sgyu rtsal rnam pa sna tshogs mngon par ston pas yongs su smin par bya ba'i phyir sangs
356b1 rgyas bcom ldan 'das dang / byang chub sems dpa' dang / nyan thos dang / rang sangs rgyas dang / pha dang / ma la bsnyen bkur dang / mchod pa byed pa dang / nad pa dang / phongs pa
356b2 nyam thag pa dang / mgon dang / skyabs med pa dang / shin tu sdug bsngal rnam pa mang pos gzir ba la thabs kyis sgrol ba dang / bsdu ba'i dngos po rnam pa bzhis sems can yongs
356b3 su smin par byed do/ /ci la mos pa dang / dbang po dang / snod ji lta ba bzhin du sems can la dam pa'i chos ston to/ /gzhan yang / rim gyis nyan thos kyi theg pa pa ni rang sangs rgyas
356b4 kyi theg pa la slob cing nan tan byed par skul ba dang / rang sangs rgyas kyi theg pa pa ni theg pa chen po slob cing nan tan byed par skul ba dang / gal te nyan thos dang / rang sangs rgyas
356b5 kyi theg par dbang po ma smin pa ni 'khor ba'i sdug bsngal gyi chos kyis skye ba ston cing 'khor bas skyo ba dang / mya ngan las 'da' ba tshol bar skul lo/ /sems can gang srog gcod
356b6 pa la mos pa nas log par lta ba'i bar du chags pa la ni dbang po dang / rang bzhin ji lta ba bzhin du 'khor bar 'khor ba'i chos ston pa dang / 'jig rten 'di shi 'phos nas pha rol
356b7 tu skye ba 'di dang / pha rol gyi sdug bsngal gyi 'bras bu myong bar ston te/ sdig pa mi dge ba'i chos kyis 'jigs pa dang / skyo ba ston to/ /kha cig la ni nyan thos kyi theg pa dang ldan pa'i
357a1 chos ston to/ /kha cig la ni rang sangs rgyas kyi theg pa dang ldan pa'i chos ston to/ /kha cig la ni bla na med pa'i theg pa'i chos yang dag par bstan te khad
357a2 kyis slob tu 'jug go /sems can gang sbyin pa la mos par 'gyur ba rnams la ni tshul khrims rnam par dag pa'i mchog srung bar bstan pa de bzhin du rgyas par sems can gang
357a3 bsam gtan la mos par 'gyur ba la ni zag pa med pa 'phags pa'i lam gyi mchog gis bsdus pa dang / shes rab bla na med pa ston cing nan tan byed du bcug ste/ shin tu thabs
357a4 mkhas pas 'di ni dmigs pa med pa dang / chags pa med pa ste/ 'di ni byang chub sems dpa'i 'jig rten las 'das pa'i thabs mkhas pa'i go cha chen po'i 'khor lo zhes
357a5 bya'o| |rigs kyi bu/ byang chub sems dpa' sems dpa' chen po gang shin tu thabs mkhas pa'i go cha chen po'i 'khor lo 'di dang ldan na thog ma sems bskyed nas 'dod pa
357a6 rnam pa lnga yongs su bsal bas byang chub sems dpa' sems dpa' chen po zhes bya'o/ /nyan thos dang / rang sangs rgyas thams cad las shin tu 'das shing nyan thos dang /
357a7 rang sangs rgyas thams cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / bsrung ba dang / bsnyen
357b1 bkur bya ba'o/ /de nas bcom ldan 'das kyis don de dag gsal bar bzlas pa'i phyir tshigs su bcad de bka' stsal pa/ shes rab nan tan rnam gnyis te/ /'jig rten bcas dang
357b2 'jig rten 'das/ /chags pa de ni 'jig rten bcas/ /chags med pa ni 'jig rten 'das/ /shin tu thabs mkhas nan tan ni/ /khyad par rnam pa gnyis la gnas/ /dmigs pa
357b3 yod pa 'jig rten bcas/ /dmigs med de ni 'jig rten 'das/ /gang zhig theg pa gcig ston pa/ /de ni legs par chos ston min/ /bdag kyang yongs su mi smin na/ /gzhan gyi don
357b4 du ga la 'gyur/ /gcig tu mi dge sems can la/ /theg pa gsum gyi chos ston na/ /de ni gti mug rmongs pa ste/ /byang chub chen po de ma yin/ /theg pa gsum la 'jug spro zhing / /
357b5 yang dag pa yi chos 'dod la/ /'khor bas spro ba'i chos ston na/ /mkhas pa'i rang bzhin de ma yin/ /rtse gcig blo yis rab brtags te/ /'dod dang mos pa bzhin du ston/ /'di
357b6 ni shin tu thabs mkhas pas/ /mkhas pa rnams kyi de la bsngags/ /sems can sdig pa dag spyod cing / /theg pa gsum gyi snod 'gyur na/ /dbang po'i snod bzhin chos bstan te//
357b7 sdig pa kun las grol bar byed/ /rigs kyi bu/ gzhan yang / byang chub sems dpa' sems dpa' chen po byams pa chen po'i go cha chen po'i 'khor lo yod do/ /byang chub sems
358a1 dpa' sems dpa' chen po gang 'khor lo 'di dang ldan na thog ma sems bskyed nas 'dod pa rnam pa lnga yongs su bsal te/ nyan thos dang / rang sangs
358a2 rgyas thams cad las shin tu 'das pas nyan thos dang / rang sangs rgyas thams cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg
358a3 pa pa thams cad kyis mchod pa dang / bsrung ba dang / bsnyen bkur bya bar 'gyur ro/ /de la ji ltar na byams pa chen po'i go cha chen po'i 'khor lo zhe na/ rigs kyi bu/
358a4 byang chub sems dpa'i byams pa la rnam pa gnyis te/ chos la dmigs pa'i byams pa dang / sems can la dmigs pa'i byams pa'o/ /chos la dmigs pa'i byams
358a5 pa ni| byams pa chen po'i go cha chen po'i 'khor lo zhes bya'o/ /sems can la dmigs pa'i byams pa ni/ byams pa chen po'i go cha zhes mi bya'o/ /de ci'i phyir zhe na/ sems
358a6 can la dmigs pa'i byams pa ni nyan thos dang / rang sangs rgyas kyi theg pa dang thun mong du gyur pa ste/ nyan thos dang / rang sangs rgyas ni bdag la phan pa dang / bde ba'i don gyi
358a7 phyir sems can la dmigs pa'i bzod pa la nan tan byed pa'o/ /nyan thos dang / rang sangs rgyas ni bdag zhi ba dang / bdag mya ngan las 'da' ba dang / bdag gi sgrib pa
358b1 bsal ba dang / bdag gi kun nas nyon mongs pa gcad pa'i phyir yin gyi/ sems can thams cad kyi phyir sems can la dmigs pa'i byams pas brtson 'grus la nan tan byed pa
358b2 nam yin no/ /de bas na byams pa 'di ni byams pa chen po zhes mi bya ste/ go cha chen po ma yin no/ /chos la dmigs pa'i byams pa ni nyan thos dang / rang sangs rgyas kyi theg pa pa
358b3 dang thun mong ba ma yin gyi/ byang chub sems dpa' sems dpa' chen po rnams 'ba' zhig gis nan tan byed nus par 'gyur ro/ /byang chub sems dpa' sems dpa' chen po ni
358b4 sems can thams cad la phan pa dang / bde ba'i don du brtson 'grus kyi sbyor bas chos la dmigs pa'i byams pa 'di la nan tan byed do/ /byang chub sems dpa' sems dpa'
358b5 chen po ni sems can thams cad rab tu zhi ba'i yongs su mya ngan las 'das pa dang / kun nas nyon mongs pa yongs su gcad pa'i phyir shin tu 'bad pa'i brtson 'grus kyis
358b6 chos la dmigs pa'i byams pa la nan tan byed do/ /de bas na byams pa 'di ni byams pa chen po'i go cha chen po zhes bya'o/ /gzhan yang / byang chub sems dpa' chos la dmigs
358b7 pa'i byams pa la nan tan byed pa ni phung po la mi gnas/ skye mched la mi gnas/ khams la mi gnas/ dran pa nye bar gzhag pa rnams la mi gnas pa nas byang chub kyi lam gyi
359a1 yan lag gi bar du mi gnas so/ /'dod pa'i khams la mi gnas/ gzugs kyi khams la mi gnas/ gzugs med pa'i khams la mi gnas/
359a2 'jig rten 'di la mi gnas/ 'jig rten pha rol la mi gnas/ tshu rol gyi mu la mi gnas/ pha rol gyi mu la mi gnas/ dmigs pa la mi gnas/ mi dmigs pa la mi gnas
359a3 te| de ltar byang chub sems dpa' chos la dmigs pa'i byams pa la nan tan byed pas nyan thos dang / rang sangs rgyas thams cad kyi theg pa'i sa las shin tu 'das te/ de ni
359a4 byang chub sems dpa'i chos la dmigs pa'i byams pa chen po'i go cha chen po'i 'khor lo zhes bya'o/ /rigs kyi bu/ byang chub sems dpa' sems dpa' chen po gang byams
359a5 pa chen po'i go cha chen po'i 'khor lo 'di dang ldan na thog ma sems bskyed nas 'dod pa rnam pa lnga yongs su bsal te/ nyan thos dang / rang sangs rgyas thams cad las shin
359a6 tu 'das pa/ nyan thos dang / rang sangs rgyas thams cad kyi bsod nams kyi zhing du 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang /
359a7 srung ba dang / bsnyen bkur bya bar 'gyur ro/ /de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ nyan thos dang ni
359b1 rang rgyal ba/ /sems can dmigs pa'i byams sgom pa/ /sems la bcu gsum skyen 'chang zhing / /bdag la phan pa'i don phyir rtsol/ /byang chub sems dpa' grags chen ni/ /sems
359b2 can thams cad kun gyi phyir/ /thun mong ma yin byams chen bsgoms/ /bcu gsum sems kyi skyon rnams spangs/ /dri ma bcu gsum rab spangs nas/ /byang chub chen por gzhol bar
359b3 byed| |chos la dmigs pa'i byams bsgoms na/ /bsod nams zhing grub ring ba min/ /bcu gsum stobs la bder gnas na/ /sems can kun las shin tu 'phags/ /ji ltar
359b4 seng ge'i rgyal po de/ /ri dwags kun las 'phags pa bzhin/ /bcu gsum dgra rnams shin tu btul/ /rtag dang chad pa'i mthar 'dzin spangs/ /sems la cis kyang mi gos na/ /myur
359b5 du byang chub chen po 'thob/ /rigs kyi bu/ gzhan yang / byang chub sems dpa' sems dpa' chen po snying rje chen po'i go cha chen po'i 'khor lo yod de/ byang chub sems dpa' sems
359b6 dpa' chen po gang 'khor lo 'di dang ldan na thog ma sems bskyed nas 'dod pa rnam pa lnga yongs su bsal te/ nyan thos dang / rang sangs rgyas thams cad las shin tu 'das pas nyan
359b7 thos dang / rang sangs rgyas thams cad kyi bsod nams kyi zhing chen por 'gyur zhing / nyan thos dang / rang sangs rgyas thams cad kyi theg pa pa thams cad kyis mchod pa dang / srung ba
360a1 dang | bsnyen bkur byed par 'gyur ro/ /de ji ltar zhe na/ nyan thos dang / rang sangs rgyas kyi theg pa pa thams cad ni bdag la phan pa dang / bde ba'i don
360a2 gyi phyir snying rje la spyod kyi/ sems can thams cad la phan pa dang / bde ba'i don gyi phyir snying rje chen po skyed pa ma yin no/ /byang chub sems dpa' sems dpa' chen po ni bdag
360a3 'ba' zhig la phan pa dang / bde ba'i don gyi phyir snying rje chen po bskyed pa ma yin gyi/ sems can thams cad la phan pa dang / bde ba'i don gyi phyir snying rje chen po skyed do/ /de bas
360a4 na byang chub sems dpa' snying rje chen po'i go cha chen po'i 'khor lo dang ldan pas nyan thos dang / rang sangs rgyas thams cad las shin tu 'das pa nyan thos dang / rang sangs rgyas thams
360a5 cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / srung ba dang / bsnyen bkur bya bar 'gyur
360a6 ro| |byang chub sems dpa' sems dpa' chen po ni sems can thams cad la phan pa dang / bde ba'i don gyi phyir bsdu ba'i dngos po bzhis sems can yongs su smin par byed
360a7 do| |snying rje chen pos sems can thams cad la phan pa dang / bde ba'i don gyi phyir sbyin pas yongs su sdud pa ni/ 'di lta ste/ rin po che dang / nor dang / dbyig dang / theg pa dang
360b1 bran dang / las byed pa'i mi dang / yul dang / srid dang / bu dang / chung ma dang / lus dang / srog gi bar du yongs su gtong ba la ser sna med de/ mi dmigs pa'i spyod ba la sbyor bas
360b2 'dul ba'i sems can yod par mi mthong / sbyin pa byed par mi mthong / len par mi mthong / nor gyi dngos por mi mthong / sbyin pa spyod par mi mthong / sbyin pa byas pa'i 'bras bur
360b3 mi mthong ba nas mi dmigs pa'i bar du'ang mi mthong ste/ de lta bu'i snying rje chen po skyed do/ /sems can thams cad la phan pa dang / bde ba'i don gyi phyir ngag snyan pa dang / don sgrub pa
360b4 dang | don mthun pas ci dang / cis 'dul ba bzhin du mi dmigs pa'ang mi mthong ba'i bar du de dang / des rgyas par ston cing 'chad do/ /de ltar byang chub sems dpa' sems dpa' chen
360b5 pos rtag tu mchog dam pa'i dul ba'i sems dang / rab tu zhi ba'i sems dang / tshad med pa'i sems dang / phung po dang / khams dang / skye mched thams cad la mngon par 'du mi
360b6 byed pa'i sems kyis gang nas gang du skyes kyang g.yo ba med pa dang / mi gnas pa'i snying rje chen po'i go cha chen po'i 'khor lo 'dis snod du gyur pa'i sems can thams cad yongs su smin
360b7 par byed pa la skyo ba med do/ /de ltar na byang chub sems dpa' snying rje chen po'i go cha chen po'i 'khor lo zhes bya ste/ nyan thos dang / rang sangs rgyas thams cad dang thun mong ba ma yin
361a1 no| |rigs kyi bu/ byang chub sems dpa' sems dpa' chen po gang snying rje chen po'i go cha chen po'i 'khor lo 'di dang ldan na thog ma sems bskyed nas
361a2 'dod pa lnga yongs su bsal te/ byang chub sems dpa' sems dpa' chen po zhes bya'o/ /nyan thos dang / rang sangs rgyas thams cad las shin tu 'das shing / nyan thos dang /
361a3 rang sangs rgyas thams cad kyi bsod nams kyi zhing du 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / srung ba dang / bsnyen bkur
361a4 byed par 'gyur ro/ /de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ shin tu zab mo dam pa'i chos dag /snying rje chen
361a5 po'i gzhi ru de 'gyur/ /shin tu dpag dka' nam mkha' 'dra ste/ /gnas pa med de gzugs kyang med do/ /byang chub sems dpa'i brtson 'grus chen po/ /yon tan chen po dang ni
361a6 ldan te/ /rgyal ba'i ye shes snying rje chen pos/ /dpa' bo 'jig rten 'da' bar des 'gyur/ /mgon dang skyabs med sems can dag ni/ /'khor ba'i sdug bsngal rnyog pas
361a7 bcings pa/ /snying rje chen po'i chu yis bkrus te/ /sems can rnam par grol bar byed do/ /byang chub sems dpa'i snying rje bskyed pas/ /'khor ba'i rgya mtsho skems par byed de
361b1 nyan thos theg pa'i 'khor rnams dang ni/ /rang rgyal theg pa spyod pas ma yin/ /'dod chags zhe sdang gti mug sems can/ /ngan song dag tu ltung bar 'gyur ba/ /snying rje chen po'i chu yis bkrus
361b2 te| |sdug bsngal kun las grol bar byed do/ /rigs kyi bu/ gzhan yang / byang chub sems dpa' sems dpa' chen po tshig so so yang dag par rig pa/ nam mkha'i dbyings dang mnyam
361b3 pa| tshad med pa/ mtha' yas pa/ shin tu rgya chen po dang ldan pa ji snyed sangs rgyas kyi chos thams cad de/ ting nge 'dzin rnams dang / gzungs rnams dang / shin tu brtan pa'i bzod pa chen
361b4 po'i go cha chen po'i 'khor lo yod do/ /byang chub sems dpa' sems dpa' chen po gang 'khor lo 'di dang ldan na thog ma sems bskyed nas 'dod pa rnam pa lnga yongs su bsal te/
361b5 nyan thos dang / rang sangs rgyas thams cad las shin tu 'das pa nyan thos dang / rang sangs rgyas thams cad kyi bsod nams kyi zhing chen por 'gyur ba dang / nyan thos dang / rang
361b6 sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro/ /de la ji ltar na byang chub sems dpa' sems dpa' chen po tshig so so
361b7 yang dag par rig pa nam mkha'i dbyings dang mnyam pa/ tshad med pa mtha' yas pa/ shin tu rgya che ba dang ldan pa ji snyed sangs rgyas kyi chos thams cad de/ ting nge 'dzin rnams
362a1 dang | gzungs rnams dang / shin tu brtan pa chen po'i go cha chen po'i 'khor lo gang zhe na/ 'di lta ste/ byang chub sems dpa' rnams chos thams cad
362a2 la shin tu rtog pa ni ji ltar zla ba'i dkyil 'khor gyi 'od kyis nam mkha' kun tu khyab pa bzhin du/ sems mnyam pa nyid du gyur pa/ mtshan ma med pa/ rten pa med pa/ mi gnas pa
362a3 gos pa med pa'i ting nge 'dzin thams cad kyi sgo dang / gzungs kyi sgo thams cad la sems kyi spyod pa med pa/ mig dang / gzugs dang / mig gi rnam par shes pa dang / mig gi
362a4 'dus te reg pa la yid kyis rnam par zhen pa dang bral ba/ sems kyi spyod pa med pa las mig gi 'dus te reg pa'i rkyen gyis nang gi tshor ba rnam gsum skyes te/ bde ba dang /
362a5 sdug bsngal dang / bde ba'ang ma yin sdug bsngal ba'ang ma yin par tshor ba la sems rab tu zhi zhing chags pa med do/ /de bzhin du rna ba dang / sgra dang / rna ba'i rnam par shes
362a6 pa dang / rna ba'i 'dus te reg pa dang / sna dang / dri dang / sna'i rnam par shes pa dang / sna'i 'dus te reg pa dang / lce dang / ro dang / lce'i rnam par shes pa dang / lce'i 'dus te
362a7 reg pa dang / lus dang / reg bya dang / lus kyi rnam par shes pa dang / lus kyi 'dus te reg pa dang / yid dang / chos dang / yid kyi rnam par shes pa dang / yid kyi 'dus te
362b1 reg pa'i bar du gzhung de bzhin du rgyas par sems dang / yid dang / rnam par shes pa thams cad rtag tu zhi zhing chags pa med do/ /sems dang / yid dang / rnam par shes pa las
362b2 skyes pa'i tshor ba rnam gsum ste/ bde ba dang / sdug bsngal dang / bde ba'ang ma yin sdug bsngal ba'ang ma yin par tshor ba la sems rtag tu zhi zhing chags pa med do/ /dus gsum gyi phung
362b3 po dang / khams dang / skye mched rnams kyi rnam pa thams cad la len pa med pa/ sems kyi spyod pa med pa'o/ /gang ji snyed khams gsum dang / 'du byed gsum dang / reg bya gsum
362b4 dang | tshor ba gsum dang / dbang po gsum dang / theg pa gsum dang / sdom pa gsum dang / rnam par grol ba gsum dang / rnam pa de dag thams cad la sems rab tu zhi ba/ gnas
362b5 med pa/ mtshan ma med pa/ len pa med pas mnyam pa nyid du gnas so/ /gang ji snyed sbyin pa dang / tshul khrims dang / bzod pa dang / brtson 'grus dang / bsam gtan dang / shes
362b6 rab dang / pha rol tu phyin pa thams cad la sems kyi spyod pa med par rab tu zhi bar gnas so/ /de bzhin du dran pa nye bar gzhag pa bzhi dang / yang dag par spong ba bzhin dang / rdzu 'phrul
362b7 gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la'ang sems kyi spyod pa med pa rab tu zhi bar gnas
363a1 so| |gang ji snyed dgu mthar gyis gnas pa'i snyoms par 'jug pa la'ang sems kyis spyod pa med par rab tu zhi bar gnas so/ /gzhan yang / mngon par
363a2 'du byed pa gsum dang / chos la sgrib pa med pa'i ye shes dang / lam gyi yan lag dang / lam gyi rang bzhin 'dren par byed pa dag la'ang len pa med pa/ sems kyi spyod pa
363a3 med pa/ kun gzhi rnam par shes pa dang / kun gzhi rnam par shes pa ma yin pa dang / nye bar len pa dang bcas pa dang / nye bar len pa med pa dang / zag pa dang bcas pa
363a4 dang | zag pa med pa dang / tshu rol gyi mu dang / pha rol gyi mu dang / chung du dang / chen po dang / tshad med pa dang / byed pa dang / mi byed pa dang / dge ba dang / mi dge ba
363a5 dang | lung du mi ston pa thams cad kyi rnam pa la len pa med pa dang / sems kyi spyod pa med par rab tu zhi bar gnas so/ /gang ji snyed byams pa chen po dang / snying rje chen po dang /
363a6 thabs mkhas pas sems can yongs su smin par byed pa nas srung bar bya ba med pa gsum dang / mi 'jigs pa bzhi dang / sangs rgyas kyi chos ma 'dres pa bco brgyad kyi bar du
363a7 chos thams cad kyi rnam pa la len pa med pa/ sems kyi spyod pa med par rab tu zhi bar gnas so/ /byang chub sems dpa' sems dpa' chen po dag 'khor lo 'di'i dbang gis
363b1 tshor ba rnam gsum gyi nyes pa yongs su bsal ba dang / rnam par rtog pa thams cad yongs su zhi ba dang / mtshan ma'i chos thams cad yongs su spong bar 'gyur ro/ /gzhan yang / ji
363b2 snyed nam mkha'i mig dang / spyi bo'i ting nge 'dzin rnams dang / gzungs rnams la thabs mkhas pa'i go cha chen po'i 'khor lo'ang 'dren par 'gyur te/ byang chub sems dpa'i 'khor
363b3 lo de la gnas pas gang 'das pa'i dus kyi sdig pa mi dge ba'i las kyi lhag mas gnyer te ngan 'gro mnar med pa dang / gzhan yang srid pa dang / 'gro ba rnams su 'khor bar 'khor
363b4 ba'i las thams cad lhag ma ma lus par yongs su bsal te/ rnam par smin pa'i 'bras bu mi myong bar byed do/ /gzhan yang / rigs kyi bu/ 'di lta ste/ mun pa nag pos nam mkha'
363b5 thams cad yog pa na nyi ma shar ba'i tshe mun pa thams cad sel bar 'gyur ro/ /de bzhin du byang chub sems dpa' 'ang tshigs so so yang dag par rig pa nam mkha'i dbyings dang mnyam
363b6 pa| tshad med pa/ mtha' yas pa/ yangs shing rgya chen po dang ldan pas ji snyed sangs rgyas kyi chos thams cad de/ ting nge 'dzin rnams dang / gzungs rnams dang / shin tu
363b7 brtan pa'i bzod pa'i go cha chen po'i 'khor lo'ang grub cing 'dren par 'gyur ro/ /gzhan yang / nam mkha'i mig dang / spyi bo'i ting nge 'dzin rnams dang / gzungs rnams la thabs
364a1 mkhas pa'i go cha chen po'i 'khor lo la gnas pa dpag tu med pa nam mkha' lta bu'i ye shes kyi nyi mas phyin ci log bzhi'i mun pa yongs su bsal te/ 'das pa'i dus kyi sdig pa mi dge ba'i las kyi lhag mas gnyer te ngan 'gro mnar med pa dang /
364a2 gzhan yang / srid pa dang / 'gro ba rnams su 'khor bar 'khor ba'i las thams cad
364a3 lhag ma ma lus par yongs su sel te/ rnam par smin pa'i 'bras bu myong bar mi byed do/ /gzhan yang / de'i dbang gis sangs rgyas kyi chos rnams la dbang thob pa dang / phyir
364a4 mi ldog par 'gyur te/ sdig pa'i grogs po'i dbang du mi 'gro zhing rjes su mi spyod pa dang / rtag tu sangs rgyas mthong ba dang mi 'bral ba dang / byang chub sems dpa' dang / nyan thos
364a5 kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang / bsnyen bkur byed pa dang mi 'bral ba dang / yon tan thams
364a6 cad la sems mi ngoms pa nas byang chub kyi bar du rgyun mi 'chad de/ rtag tu sangs rgyas rjes su dran pa dang mi 'bral ba ni chung du na rmi lam du'ang bar chad med par 'gyur ro/ /
364a7 rigs kyi bu/ de la ji ltar na byang chub sems dpa' sems dpa' chen po tshigs so so yang dag par rig pas nam mkha'i dbyings dang mnyam pa/ tshad med pa/ mtha' yas
364b1 pa| yangs shing rgya che ba dang ldan pas ji snyed sangs rgyas kyi chos thams cad de/ ting nge 'dzin rnams dang / gzungs rnams dang / shin tu brtan pa'i bzod pa'i go cha chen po'i
364b2 'khor lo 'dren par 'gyur zhe na/ 'di lta ste/ byang chub sems dpa' rnams bsam gtan dang po nas bsam gtan bzhi pa'i bar du snyoms par 'jug pa dang / nam mkha'
364b3 mtha' yas skye mched nas 'du shes med 'du shes med min skye mched kyi bar du snyoms par 'jug pa dang / 'du shes dang / tshor ba 'gog pa'i ting nge 'dzin la snyoms par
364b4 'jug pa'i ting nge 'dzin 'di la gnas na tshor ba rnam gsum dang / 'du byed gsum po yongs su bcad de/ mngon par 'du byed pa dang / g.yo ba'i sems kyi spyod pa
364b5 med pa/ tshor ba dang / 'du shes dang / sems pa dang / rig pa dang / yid la byed pa la sogs pa kun gcod par 'gyur ro/ /ting nge 'dzin 'di la gnas na zhag gcig
364b6 gam| zhag bdun gyi bar du bsam gtan gyi zas za bar 'gyur ro/ /ting nge 'dzin de las langs na'ang sems rab tu zhi ba len pa med cing / lhan ner gnas par 'gyur ro/ /
364b7 gzhan yang don dam pa'i mthas gtugs pa'i stong pa nyid kyi ting nge 'dzin la mnyam par 'jog go /ting nge 'dzin de la gnas na sems rab tu mnyam pas nam mkha' ltar
365a1 chags pa med pa dang / lus kyi ba spu'i bu ga kun nas zil dngar gyi thigs pa skar ma snar ma lta bu mngon par byung bas kun nas nyon mongs pas
365a2 bcings pa'i yongs su gdung ba thams cad sel bar 'gyur ro/ /ting nge 'dzin de las langs nas yang dag pa'i dran pa thob ste/ dga' ba khyad par can gyis lus la khyab
365a3 par gyur pa ni ji ltar lha'i sras po dang / dbang phyug chen po dang / bde ba'i ting nge 'dzin thams cad la 'jug pa nas lus kyi ba spu'i khung bu kun nas rab tu bde ba myong
365a4 ba bzhin de ltar byang chub sems dpa' de lus la bde bas reg pas sangs rgyas rjes su dran par 'gyur ro/ /sangs rgyas rjes su dran pas sangs rgyas mthong ba las mtshan
365a5 ma gzhan mthong ba med do/ /byang chub sems dpa' de'i tshe sangs rgyas gcig yid la byas na sangs rgyas gcig mthong ngo / /gal te sangs rgyas mang po yid la byas na
365a6 sangs rgyas mang po mthong ngo / /gal te sangs rgyas kyi sku chung bar yid la byas na sangs rgyas kyi sku chung dur mthong ngo / /gal te sangs rgyas kyi sku chen por yid la byas na
365a7 sangs rgyas kyi sku chen por mthong ngo / /gal te sangs rgyas kyi sku tshad med par yid la byas na sangs rgyas kyi sku tshad med par mthong ngo / /gal te bdag gi lus sangs
365b1 rgyas kyi sku'i mtshan dang ldan par yid la byas na bdag gi lus de sangs rgyas kyi sku dang 'dra bar mtshan phun sum tshogs par mthong ngo / /gal te gzhan gyi lus sangs rgyas kyi skur
365b2 yid la byas na gzhan gyi lus sangs rgyas kyi sku dang 'dra bar mtshan phun su mtshogs par mthong ngo / /gal te sems can dang / sems can ma yin pa dang / ji snyed gzugs
365b3 su gtogs pa thams cad sangs rgyas kyi sku mtshan dang ldan par yid la byas na sems can dang / sems can ma yin pa dang / ji snyed gzugs su gtogs pa thams
365b4 cad sangs rgyas kyi sku dang 'dra bar mtshan phun sum tshogs par mthong gi gzugs gzhan du mi mthong ngo / /byang chub sems dpa' de'i tshe'ang 'di snyam du chos thams cad
365b5 dang | gzugs thams cad ni sgyu ma dang 'dra ste/ yang dag pa ma yin pas bdag gis tshor ba rnam gsum dang / 'du byed gsum la sogs pa chos thams cad lhag ma ma
365b6 lus par yongs su gcad do snyam nas 'gog pa'i ting nge 'dzin la snyoms par zhugs so/ /ting nge 'dzin de la gnas nas blo sngon du btang ba bzhin du thams cad yongs su
365b7 bcad de ting nge 'dzin gyi ro'i zas kyis 'tsho'o/ /gal te na zhag bdun nam/ zhag bdun gnyis sam/ bdun gsum mam/ bzhi 'am/ lnga 'am/ drug gam/ bdun nam/
366a1 brgyad dam/ gal te bskal pa tshad med pa bye ba khrag khrig brgya stong gi bar du ci nus su gnas te/ ting nge 'dzin gyi zas za'o/ /ting nge 'dzin
366a2 de las langs nas sems rab tu zhi bas ci la'ang mi chags te bde bar gnas so/ /gal te don dam pa'i mthas gtugs pa'i ting nge 'dzin du zhugs na'ang sngar ji
366a3 skad bshad pa bzhin du sangs rgyas kyi sku mtshan dang ldan pa yid la bya ba nas chos thams cad dang / gzugs thams cad sgyu ma dang 'dra ste yang dag pa ma yin
366a4 pa'i bar du chud par byed do/ /rigs kyi bu/ 'di ni byang chub sems dpa' sems dpa' chen po'i tshig so so yang dag par rig pa nam mkha'i dbyings dang mnyam
366a5 pa| tshad med pa/ mtha' yas pa/ yangs shing rgya che ba dang ldan pa ji snyed sangs rgyas kyi chos thams cad de/ ting nge 'dzin thams cad dang / gzungs thams cad
366a6 dang | shin tu brtan pa'i bzod pa'i go cha chen po'i 'khor lo zhes bya ste/ byang chub sems dpa' sems dpa' chen po dag 'khor lo 'di dang ldan na nam mkha'i mig dang / spyi
366a7 bo'i ting nge 'dzin rnams dang / gzungs rnams las shin tu thabs mkhas pa thams cad lhag ma ma lus par spangs te rnam par smin pa'i 'bras bu len par mi byed
366b1 do| |gzhan yang / rigs kyi bu/ 'di lta ste/ 'jig rten gyi khams su mes 'jig pa 'byung du nye ba ni nyi ma lnga gcig car shar te/ 'jig rten gyi khams na rdzing bu dang / rdzing
366b2 bu chen po dang / 'bab chu dang / 'bab chu chen po dang / mtsho dang / mtsho chen po'i chu rnams lhag ma ma lus par thams cad skems par 'gyur ro/ /de bzhin du byang chub sems
366b3 dpa' 'ang tshigs so so yang dag par rig pa nam mkha'i dbyings dang mnyam pa/ tshad med pa/ mtha' yas pa/ yangs shing rgya che ba dang ldan pas sangs rgyas kyi chos thams
366b4 cad de/ ting nge 'dzin rnams dang / gzungs rnams dang / shin tu brten pa'i bzod pa'i go cha chen po'i 'khor lo'ang mngon par 'dren to/ /gzhan yang / nam mkha'i
366b5 mig dang / spyi bo'i ting nge 'dzin rnams dang / gzungs rnams la thabs mkhas pa'i go cha chen po'i 'khor lo la'ang gnas shing 'dren par 'gyur ro/ /gang 'das
366b6 pa'i dus kyi sdig pa mi dge ba'i las kyi lhag mas gnyer te/ ngan 'gro mnar med pa dang / gzhan yang srid pa dang / 'gro ba rnams su 'khor bar 'khor ba'i las
366b7 thams cad lhag ma ma lus par yongs su bskams te/ rnam par smin pa'i 'bras bu mi len par byed do/ /gzhan yang / rigs kyi bu/ 'di lta ste/ 'jig rten du chu'i
367a1 'jig pa byung ba na stong gsum gyi stong chen po'i 'jig rten gyi khams chu 'di'i khams chung du'i gling chen po bzhi dang / gling phran brgyad
367a2 dang | ri rab ri'i rgyal po dang / ri phran thams cad chu yis bkrus te zhig nas lhag ma ma lus par zad par 'gyur ro/ /de bzhin du byang chub sems dpa' yang
367a3 tshigs so so yang dag par rig pa nam mkha'i dbyings dang mnyam pa/ tshad med pa/ mtha' yas pa/ yangs shing rgya che ba dang ldan pas ji snyed sangs rgyas kyi chos
367a4 thams cad de/ ting nge 'dzin rnams dang / gzungs rnams dang / shin tu brtan pa'i bzod pa'i go cha chen po'i 'khor lo'ang 'grub cing 'dren par 'gyur ro/ /nam
367a5 mkha'i mig dang / spyi bo'i ting nge 'dzin rnams dang / gzungs rnams la thabs mkhas pa'i go cha chen po'i 'khor lo la gnas shing 'dren par 'gyur bas 'das pa'i
367a6 dus kyi sdig pa mi dge ba'i las kyi lhag mas gnyer te ngan 'gro mnar med pa dang / gzhan yang / srid pa dang / 'gro ba rnams su 'khor ba 'khor ba'i las la mkhas
367a7 pa'i go cha chen po'i 'khor lo'ang gnas par 'gyur ro/ /'khor lo 'di la gnas pas dpag tu med pa nam mkha' lta bu'i ye shes kyi nyi ma 'byung bas rang gi lus
367b1 la phyin ci log bzhi dang / ma rig pa'i mun pa thams cad yongs su sel bar 'gyur ro/ /'das pa'i dus kyi sdig pa mi dge ba'i las kyi lhag mas gnyer te ngan 'gro mnar
367b2 med pa dang / gzhan yang / srid pa dang / 'gro ba rnams su 'khor bar 'khor ba'i las thams cad kyang lhag ma ma lus par yongs su sel te/ rnam par smin pa'i 'bras bu'ang myong
367b3 bar byed do/ /rigs kyi bu/ byang chub sems dpa' sems dpa' chen po gang 'khor lo 'di dang ldan na thog ma sems bskyed nas 'dod pa rnam lnga yongs su bsal
367b4 te| nyan thos dang / rang sangs rgyas thams cad las shin tu 'das shing / nyan thos dang / rang sangs rgyas thams cad kyi bsod nams kyi zhing du 'gyur ba dang /
367b5 nyan thos dang / rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro/ /'khor lo 'di'i dbang gis sangs
367b6 rgyas kyi chos thams cad la dbang du 'gyur ba dang / phyir mi ldog pa dang / sdig pa'i grogs po'i dbang du mi 'gro ba dang / sangs rgyas thams cad mthong ba dang mi 'bral
367b7 zhing byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang / bsnyen
368a1 bkur byed pa dang mi 'bral ba dang / yon tan thams cad la sems mi ngoms pa ste/ mngon par byang chub kyi bar du rgyun mi 'chad pa
368a2 dang | rtag tu sangs rgyas rjes su dran pa dang mi 'bral ba ni chung du na rmi lam na'ang 'bral bar mi byed do/ /de ltar byang chub sems dpa' de bsod nams dang / ye shes
368a3 kyi tshogs kyang myur du rdzogs pa dang / ring po mi thogs par rnam par dag pa'i sangs rgyas kyi zhing du bla na med pa yang dag par rdzogs pa'i byang chub tu mngon par sangs
368a4 rgyas nas sangs rgyas kyi zhing de na sems can thams cad kyang rdzus te skye ba dang / mtshan dang / gzugs sangs rgyas bcom ldan 'das dang 'dra ba/ nyon mongs pa srab
368a5 cing chung ba/ theg pa chen po la bde bar gnas pa sha stag go /de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal
368a6 pa| chos kyi snod du 'gyur bar 'dod pa dag /nyon mongs thams cad yongs su gcad par bya/ /yang dag stong pa nyid la snyoms zhugs na/ /dngos po gang yang bye bar
368a7 dka' ba min/ /srid pa'i bcings pa thams cad gcad pa'i phyir/ /snyoms par 'jug la nan tan brtson par bya/ /ting 'dzin yon tan dag dang ldan pas na/ /gdon mi
368b1 za bar dpag dka'i shes rab thob/ /gzugs med pa yi bsam gtan rab sgom zhing / /'gog pa'i ting 'dzin stong pa nyid brtags na/ /sangs rgyas dran pa'i blo mchog rab skyes
368b2 te| |sdig pa thams cad yongs su zad 'gyur ro/ /yod dang med pa'i chos rnams thams cad ni/ /yang dag stong pa nyid du brtags pas bcom/ /ngan par 'gro ba'i rgyud rnams/
368b3 yongs bsal nas/ /rtag tu sangs rgyas mang po mthong bar 'gyur/ /yang dag stong pa nyid la rab bsgoms pas/ /dge ba'i chos gzhan kun la brtson bya ste/ /sangs rgyas thams
368b4 cad kun la rab mchod ni/ /myur du sangs rgyas 'bras bu thob par 'gyur/ /sems can kun gyi dge ba'i grogs byas te/ /kun nas nyon mongs pa yi nad bsal na/ /rnam dag
368b5 sangs rgyas zhing du myur du skye/ /mngon par 'tshang rgya byang chub chen po 'thob/ /sangs rgyas mtshan dang ldan pa'i sems can dag /sangs rgyas zhing der yongs su gang bar 'gyur
368b6 thams cad sangs rgyas theg la 'dun pa ste/ /nyan thos rang rgyal theg pa yongs su spong / /'phags pa shin tu rgyas pa chen po sa'i snying po'i 'khor lo bcu pa zhes bya ba las /
368b7 bsod nams kyi zhing gi mtshan nyid kyi le'u zhes bya ste bdun pa'o// //bcom ldan 'das kyis theg pa chen po'i rnam grangs 'di bshad pa'i tshe 'khor gyi dkyil
369a1 'khor de'i nang na byang chub sems dpa' sems dpa' chen po gang+gA'i klung gi bye ma snyed dang mnyam pa sngon 'das pa'i dus na sangs rgyas rjes
369a2 su dran pa la goms pa dag deng 'dir bcom ldan 'das kyis sangs rgyas rjes su dran pa la nan tan bya ba'i sbyor ba bshad pa thos nas sangs rgyas rjes su dran pa'i ting nge
369a3 'dzin gyi sgo mo thams cad thob bo/ /gzhan yang / sems can tshad med grangs med pa rnams chos 'di thos nas ting nge 'dzin gyi 'tsho ba me tog gi phreng ba zhes bya ba'i gzungs
369a4 kyi sgo mo thams cad thob bo/ /gzhan yang / sems can tshad med grangs med pa dag bcom ldan 'das kyis bshad pa thos nas dpa' bar 'gro ba glog gi 'od la rten pa
369a5 zhes bya ba'i gzungs kyi sgo mo thams cad thob bo/ /gzhan yang / sems can tshad med grangs med pa dag bcom ldan 'das kyis bshad pa thos nas chos la sgyur ba 'od snang
369a6 ba las rten par byed pa rjes su mthun pa'i bzod pa thams cad thob bo/ /gzhan yang / sems can tshad med grangs med pa dag bcom ldan 'das kyis bshad pa thos nas rdul dang / dri ma
369a7 dang bral te chos la chos kyi mig rnam par dag pa skyes te rgyun du zhugs pa'i 'bras bu thob bo/ /gzhan yang / /sems can tshad med grangs med pa dag ni bcom ldan 'das
369b1 kyis bshad pa thos nas lan gcig phyir ldog pa'i 'bras bu thob bo/ /gzhan yang / sems can tshad med grangs med pa dag bcom ldan 'das kyis bshad pa thos nas phyir
369b2 mi ldog pa'i 'bras bu thob bo/ /gzhan yang / sems can tshad med grangs med pa dag bcom ldan 'das kyis bshad pa thos nas mchog gi dgra bcom pa'i 'bras bu thob bo/ /
369b3 gzhan yang / sems can tshad med grangs med pa dag bcom ldan 'das kyis bshad pa thos nas khams gsum gyi btson ra nas 'byung bar rtsom pas bcom ldan 'das la rten
369b4 cing rab tu byung nas yang dag pa'i chos la zhugs par gyur to/ /gzhan yang / sems can tshad med grangs med pa dag nam 'tsho'i bar du dge ba bcu'i las kyi lam la bde bar
369b5 gnas shing nyan thos kyi theg par sems bskyed pas phyir mi ldog par gyur to/ /gzhan yang / sems can tshad med grangs med pa dag bcom ldan 'das kyis bshad pa thos nas
369b6 nam 'tsho'i bar du dge ba bcu'i las kyi lam la bde bar gnas nas rang sangs rgyas kyi theg par sems bskyed pa las phyir mi ldog par gyur to/ /gzhan yang / sems can tshad
369b7 med grangs med pa dag bcom ldan 'das kyis bshad pa thos nas nam 'tsho'i bar du dge ba bcu'i las kyi lam la bde bar gnas nas theg pa chen por sems bskyed cing bla na med pa
370a1 yang dag par rdzogs pa'i byang chub las phyir mi ldog par gyur to/ /gzhan yang / sems can tshad med grangs med pa dag ni bcom ldan 'das kyis bshad pa
370a2 thos nas 'jig rten gyi yang dag par lta ba thob par gyur te/ yang dag par lta ba de'i dbang gis ngan song du 'gro ba'i rgyu dang / kun nas nyon mongs pa'i las dang / nyon
370a3 mongs pa thams cad byang nas mtho ris su 'gro ba'i rgyu dang / yang dag pa'i smon lam dang / dge ba'i las thams cad skye zhing 'phel bar gyur to/ /gzhan yang / sems
370a4 can tshad med grangs med pa dag bcom ldan 'das kyis bshad pa thos nas dkon mchog gsum la skyabs su song ste/ dge bsnyen gyi sdom pa blangs nas sangs rgyas mchod
370a5 pa la spro ba dang / chos thos pa la dga' ba dang / dge 'dun gyi g.yog byed pa la mos te/ nyin mtshan du 'bad pa'i brtson 'grus la sems bar chad med par gyur to/ /gzhan
370a6 yang / sems can tshad med grangs med pa dag bcom ldan 'das kyis bshad pa thos nas log pa la 'bab pa dang / log pa la phyogs pa dang / blo gros ngan pa dang / las ngan pa thams
370a7 cad yongs su spangs te/ sangs rgyas kyi chos la mi 'gyur ba'i dad pa thob nas khyim na gnas pa'i chos yongs su spangs te rnam par dag pas rab tu byung bar gyur to/ /de nas bcom ldan
370b1 'das kyis byang chub sems dpa' sems dpa' chen po nam mkha'i snying po la 'di skad ces bka' stsal to/ /rigs kyi bu/ ngas sa'i snying po'i 'khor lo bcu pa zhes bya ba brda sprod pa chen
370b2 po chos kyi sgo mo 'di khyod kyi lag tu gtad kyi/ khyod kyis gzungs su zungs la shin tu rgyas par gyis shig /sems can gang chos kyi rnam grangs 'di la klog gam/ 'don tam /
370b3 yid la byed dam/ gzhan la'ang rgya cher 'chad ngam/ yang dag pa'i spyod pa la gnas pa dag la khyod kyis chos rnam pa 'di bcus bsrungs te/ yun ring por phan pa dang / bde ba'i
370b4 don thob par gyis shig /bcu gang zhe na/ 'di lta ste/ de'i thabs dang / bdog pa'i nor thams cad bsrungs te nyams par mi bya ba dang / gnod pa thams cad las bsrungs te
370b5 med par bya ba dang / log par lta ba dang / log par phyogs pa las bsrungs te mi dge ba bcu'i las kyi lam spang bar bya ba dang / de'i lus dang / ngag la gnod pa thams cad las
370b6 bsrungs te med par bya ba dang / 'phya ba dang / skur pa thams cad las bsrungs te med par bya ba dang / tshul khrims dang / spyod pa thams cad nyams par mi 'gyur bar bsrung ba dang /
370b7 de la mi ma yin pa thams cad dang / 'byung ba chen po 'khrugs pa dang / dus ma yin pa'i nad dang / mi dge ba thams cad yongs su sel bar srung ba dang / de la dus ma yin pa/ tshul ma yin
371a1 pa| ltas ngan dang / rims thams cad mi 'byung bar srung ba dang / de la 'chi ba'i dus byed pa na'ang sangs rgyas thams cad mthong bar srung ba dang / de tshe 'phos
371a2 nas kyang bde 'gror skye ba dang / phan pa dang / bde ba'i don thob par yongs su srung bar byed do/ /rigs kyi bu/ sems can gang chos kyi rnam grangs 'di klog pa dang / 'don pa dang / don yid
371a3 la byed pa dang / gzhan la rgya cher 'chad dam/ yang dag pa'i spyod pa la gnas pa dag la khyod kyis chos rnam pa 'di bcu shin tu bsrungs shing / byin gyis brlabs te/ chos rnam pa 'di
371a4 bcus yun ring por phan pa dang / bde bar gyis shig /de nas byang chub sems dpa' sems dpa' chen po nam mkha'i snying pos bcom ldan 'das la 'di skad ces gsol to/ /de de
371a5 bzhin no/ /bcom ldan 'das/ bdag gis chos kyi rnam grangs gzungs su 'dzin cing shin tu rgyas par bgyi'o/ /sems can gang chos kyi rnam grangs 'di la klog pa dang / 'don pa dang / don
371a6 yid la bgyid pa dang / pha rol po la rgya cher ston pa dang / yang dag pa'i spyod pa la gnas pa dag la bdag gis chos rnam pa 'di bcus shin tu bsrungs te yun ring por phan pa dang / bde bar
371a7 bgyi'o/ /de nas bcom ldan 'das kyis mdo sde 'di gsungs nas/ 'khor gyi dkyil 'khor de na gnas pa'i byang chub sems dpa' sems dpa' chen po nam mkha'i snying po dang /
371b1 byang chub sems dpa' sems dpa' chen po sa'i snying po dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rigs par the
371b2 tshom 'dri ba dang / tshangs pa chen po lha'i snying po dang / lha dang / klu dang / gnod sbyin dang / dri za dang / lha ma yin dang / nam mkha'i lding dang / mi'am ci dang / lto 'phye chen po dang /
371b3 mi dang / mi ma yin pa la sogs pa 'khor mang po thams cad bcom ldan 'das kyis gsungs pa la mngon par dga'o/ /'dus pa chen po las byang chub sems dpa' sa'i snying po'i 'khor
371b4 lo bcu pa las/ bde ba'i don thob pa yongs su gdams pa zhes bya ba'i le'u ste brgyad do/ /'dus pa chen po byang chub sems dpa' sa'i snying po'i 'khor lo bcu pa zhes bya ba theg
pa chen po'i mdo rdzogs so/
CLOSE WINDOW