བོད་ཡིག |
1a1 @#/ /mdo dza pa bzhugs so//
1b1 @##/ /rgya gar skad du/ AR+Ya d+harma sang gI ti nA ma ma hA yA na sU tra/ bod
1b2 skad du/ 'phags pa chos yang dag par sdud pa zhes bya ba theg pa chen po'i mdo/ bam
1b3 po dang po/ sangs rgyas dang / byang chub sems dpa' thams cad la phyag 'tshal lo/ /
1b4 'di skad bdag gis thos pa dus gcig na/ bcom ldan 'das khang pa brtsegs pa
2a1 dpe med pa/ nam mkha'i spyod yul chos kyi dbyings kyi dkyil tha mi dad pa kun nas
2a2 yangs pa/ rang gi bsod nams dang / ye shes kyi tshogs kyi rdzu 'phrul gyis sprul pa/ gnas gsum gyi
2a3 mngon par 'du byed pa dang mi 'dra ba/ dpe thams cad las shin tu 'das pa/ de bzhin gshegs
2a4 pa'i rnam par smin pa bsam gyis mi khyab pa las byung ba na/ dge slong stong nyis brgya lnga bcu'i dge slong
2a5 gi dge 'dun chen po phal cher dgra bcom pa/ so so yang dag par rig pa thob pa/ gnyis ka'i cha las
2b1 rnam par grol ba sha stag dang / byang chub sems dpa' sems dpa' chen po shin tu rnam par dag pa/ ting nge 'dzin la rtag tu spyod
2b2 yul ba/ thams cad mkhyen pa'i ye shes kyi yul dang / spyod yul la gnas pa/ chos kyi dbyings mtha' dang / dbus med pa dam pa'i
2b3 pha rol tu phyin pa/ byang chub sems dpa'i brnag pa dang / bsam pa thams cad yongs su rdzogs pa/ byang chub sems dpa'i dbang
2b4 thams cad shin tu rtogs par khong du chud pa/ mthar thug pa'i gnas bcu thob pa/ yon tan gyi rgyan dpag tu med pas brgyan
2b5 pa| byang chub sems dpa'i ting nge 'dzin dang / gzungs dang / bzod pa dang / so so yang dag par rig pa rtogs par khong du chud
2b6 pa sha stag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang /
3a1 lto 'phye chen po dang / brgya byin dang / tshangs pa dang / 'jig rten skyong ba gzi brjid che ba gzi brjid che ba
3a2 brgya stong dang / g.yog brgya stong du ma dang yang thabs gcig tu bzhugs te/ de'i tshe na bcom ldan 'das chos thams cad kyi go
3a3 rim gyi tshul gyi sgo la 'jug pa zhes bya ba'i chos kyi rnam grangs chen po ston to/ /'di lta ste/ 'phags pa rnams mthong bas dad
3a4 pa thob par 'gyur ro/ /dad pa thob pas dge ba'i chos la 'dun pa thob par 'gyur ro/ /dge ba'i chos la 'dun pas rgyun du chud
3a5 pa thob par 'gyur ro/ /rgyun du chud pa thob pas don rnyed par 'gyur ro/ /don rnyed pas bdag po thob par 'gyur ro/ /bdag
3a6 po thob pas sbyin pa thob par 'gyur ro/ /sbyin pas longs spyod chen po thob par 'gyur ro/ /tshul khrims kyis mtho ris thob
3b1 par 'gyur ro/ /bzod pas kun tu mdzes par 'gyur ro/ /brtson 'grus kyis mngon par shes pa myur bar 'gyur ro/ /bsam gtan gyis sems las su rung bar 'gyur ro/ /
3b2 shes rab kyis 'jig rten thams cad las mngon par 'phags par 'gyur ro/ /thabs kyis thams cad las 'byung bar 'gyur ro/ /smon lam gyis tshegs med par 'gyur ro//
3b3 stobs kyis mi tshugs par 'gyur ro/ /ye shes kyis 'jig rten thams cad ston par 'gyur ro/ /mngon par 'byung bas 'phags pa nyid thob par 'gyur ro/ /rab tu byung bas
3b4 gnod sems thams cad rab tu zhi bar 'gyur ro/ /bsod snyoms spyod pas kha na ma tho ba med par 'gyur ro/ /dgon pa la gnas pas 'jigs pa med par 'gyur ro/ /nang du
3b5 yang dag 'jog pas bsam gtan dang / mngon par shes pa dang / tshangs pa'i gnas pa thob par 'gyur ro/ /ji ltar thos pa'i chos la so sor rtog pa dang / yang dag par rab
3b6 tu ston pas so so yang dag par rig pa thob par 'gyur ro/ /dran pa la mkhas pas gzungs thob par 'gyur ro/ /spobs pa la mkhas pas khyad par lung ston pa'i ye shes thob
3b7 par 'gyur ro/ /blo gros la mkhas pas chos dang / don rab tu dbye ba'i ye shes thob par 'gyur ro/ /mos pa la mkhas pas mi 'jigs pa thob par 'gyur ro/ /phung po la
4a1 mkhas pas shes rab rab tu dbye bar 'gyur ro/ /khams la mkhas pas rten cing 'brel par 'byung ba phra mo shes pas rab tu 'byed par 'gyur
4a2 ro| |skye mched la mkhas pas phyi nang la shin tu rmongs pa spong bar 'gyur ro/ /bden pa la mkhas pas sems can thams cad la mi slu bar 'gyur ro/ /yid la byed
4a3 pa la mkhas pas sangs rgyas thams cad mnyes par byed par 'gyur ro/ /zhi gnas la mkhas pas sems zhi bar 'gyur ro/ /lhag mthong la mkhas pas sems
4a4 dul bar 'gyur ro/ /nga rgyal med pas thams cad mkhyen pa'i ye shes yongs su rdzogs par 'gyur ro/ /khengs pa med pas yid rton par 'gyur ro/ /sems can
4a5 thams cad la mi slu bas dbang gcig par 'gyur ro/ /dam bcas pa la brten pas lha dang / mi mgu bar byed par 'gyur ro/ /ji skad smras pa de bzhin du byed pas skyes
4a6 bu dam pa'i chos yongs su rdzogs par 'gyur ro/ /nang du sems pas bde bar khong du chud par 'gyur ro/ /sems 'chos pas chos kyi rgyal srid thob par 'gyur
4a7 ro| |lus bsrung ba dang / lus la mi blta bas sangs rgyas kyi sku thob par 'gyur ro/ /'jam zhing snyan la phan par smra bas tshangs pa'i sgra skad sgrog pa'i dbyangs
4b1 thob par 'gyur ro/ /dkon mchog gsum la dad pa mi phyed pas gnas dang / gnas ma yin pa mkhyen pa'i stobs thob par 'gyur ro/ /thams cad du legs par bya ba'i
4b2 las byed pas las kyi rnam par smin pa mkhyen pa'i stobs thob par 'gyur ro/ /sems can ye shes kyi lam la sbyor ba dang / pha rol mi shes pa la mi brnyas pas dbang
4b3 po mchog dang / mchog ma yin pa mkhyen pa'i stobs thob par 'gyur ro/ /rten cing 'brel par 'byung ba phra ba khong du chud pas khams sna tshogs mkhyen pa'i stobs thob
4b4 par 'gyur ro/ /sems can thams cad dkon mchog gsum la 'dzud pa dang / mos par byed pas mos pa sna tshogs mkhyen pa'i stobs thob par 'gyur ro/ /thams
4b5 cad du spyod lam rnam par mi 'khrugs pa dang / sems can thams cad la mtshungs par chos ston pas thams cad du 'gro ba'i lam mkhyen pa'i stobs thob par
4b6 'gyur ro/ /sems can bsam gtan gyi lam la sbyor bas bsam gtan dang / ting nge 'dzin dang / snyoms par 'jug pa'i kun nas nyon mongs pa rnam par byang
4b7 ba dang / ldang ba mkhyen pa'i stobs thob par 'gyur ro/ /sems can lam stor ba rnams la lam nye bar ston pas lha'i mig mkhyen pa'i stobs thob par 'gyur
5a1 ro| |sems can thams cad la dran pa rab tu sbyin pas sngon gyi gnas rjes su dran pa mkhyen pa'i stobs thob par 'gyur ro/ /sems can thams
5a2 cad la rnam par byang ba'i lam nye bar ston pas zag pa zad pa mkhyen pa'i stobs thob par 'gyur ro/ /sems can mang du thos pa la sbyor bas mi 'jigs pa thob par
5a3 'gyur ro/ /sems can theg pa chen po la sbyor bas sangs rgyas kyi chos ma 'dres pa thob par 'gyur ro/ /stong pa nyid bsgom pas bag chags kyi mtshams sbyor ba spong
5a4 bar 'gyur ro/ /mtshan ma med pa bsgom pas chos thams cad la sgrib pa med pa'i ye shes thob par 'gyur ro/ /smon pa med pa bsgom pas chos thams cad la so
5a5 sor rtog pa'i ye shes thob par 'gyur ro zhes de ltar bcom ldan 'das chos thams cad kyi go rim gyi sgo la 'jug pa zhes bya ba'i chos kyi rnam grangs chen po ston
5a6 to| |'khor de na byang chub sems dpa' gnyis khang pa brtsegs pa'i nang na g.yog mang po dang gnas shing 'khod de/ gcig ni rtsom pa med ces bya/ gcig ni blo
5a7 gros rnam par gnon ces bya'o/ /de gnyis der 'dus nas blo 'di snyam du gyur te/ byang chub sems dpa' rnams kyi chos yang dag par brjod pa blo gros yangs pa
5b1 zhes bya ba yod de/ bdag cag gis yang dag par brjod par bya'o zhes smras nas/ byang chub sems dpa' sems dpa' chen po blo gros rnam par gnon gyis byang chub sems
5b2 dpa' sems dpa' chen po rtsom pa med la 'di skad ces smras so/ /rigs kyi bu/ byang chub sems dpa' sems dpa' chen pos de bzhin gshegs pa dgra bcom pa yang
5b3 dag par rdzogs pa'i sangs rgyas rnams kyi 'byung ba ji ltar khong du chud par bya/ byang chub sems dpa' sems dpa' chen pos de bzhin gshegs pa rnams kyi ngo bo
5b4 nyid ji ltar khong du chud par bya/ de bzhin gshegs pa rnams kyi gzhan gyi rkyen gyis 'byung ba ji ltar khong du chud par bya/ rigs kyi bu/ byang chub sems dpas de
5b5 bzhin gshegs pa rnams kyi gnas pa ji ltar khong du chud par bya/ rigs kyi bu/ byang chub sems dpas de bzhin gshegs pa dgra bcom pa yang dag par rdzogs
5b6 pa'i sangs rgyas rnams kyi yongs su mya ngan las 'das pa chen po ji ltar khong du chud par bya/ 'jug pa ji ltar khong du chud par bya/ dpe dang 'dra ba ji ltar khong du chud par
5b7 bya| rigs kyi bu/ ji ltar byang chub sems dpas sangs rgyas rnams du yod par khong du chud par bya/ byang chub sems dpas de bzhin gshegs pa dgra bcom pa yang
6a1 dag par rdzogs pa'i sangs rgyas rnams kyi tha snyad du ston pa ji ltar khong du chud par bya/ rigs kyi bu/ byang chub sems dpas stong pa nyid ji ltar khong du
6a2 chud par bya/ stong pa nyid kyi mi mthun pa'i phyogs ji ltar khong du chud par bya/ byang chub sems dpas stong pa nyid smra bar ji ltar khong du chud par bya/ byang chub sems dpas
6a3 chos smra ba po ji ltar khong du chud par bya/ de rnams kyis chos smra ba ji ltar khong du chud par bya/ byang chub sems dpa' rnams kyi mi 'grogs pa ji ltar khong du chud par bya/
6a4 byang chub sems dpa' rnams kyi 'phrul pa chen po ji ltar khong du chud par bya/ dge ba rnams kyi rnam par smin pa'i dbang ba ji ltar khong du chud par bya/ rigs kyi bu/ byang
6a5 chub sems dpas zag pa med pa'i dge ba rnams kyi rnam par smin pa thob pa'i dbang ba ji ltar khong du chud par bya/ de skad ces smras pa dang / byang chub sems dpa'
6a6 sems dpa' chen po rtsom pa med kyis byang chub sems dpa' sems dpa' chen po blo gros rnam par gnon pa la 'di skad ces smras so/ /rigs kyi bu/ khyod kyis byang chub
6a7 sems dpa' sems dpa' chen po rnams kyi chos yang dag par brjod pa yang dag phul 'di dris pa/ 'di lta ste/ chos yang dag par brjod pa blo gros rgya chen po 'di ni yang
6b1 dag phul gyi gtam mo/ /rigs kyi bu/ nyon cig dang / sangs rgyas kyi mthu dang / sangs rgyas kyi byin gyis rlabs kyis chos yang dag par brjod pa blo gros rgya chen po 'di bshad par bya'o/ /
6b2 rigs kyi bu/ byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi 'byung ba khong du chud par
6b3 bya ste| bcu gang zhe na/ 'di lta ste/ rtsol ba'i rnam par rtog pa thams cad kun chad pa'i skye bar 'jug pa dang / sems dang / yid dang / yid kyi rnam par shes pa gnas gyur pa thams
6b4 cad 'jug pa dang / skye ba dang / 'jig pa las phyir ldog pa'i skye ba dang / 'jig pa/ 'jug pa dang / sngon gyi mngon par 'du byed pa'i gnod pas non pa'i rnam par smin pa thams
6b5 cad 'jug pa dang / chos kyi dbyings chags pa med pa yongs su sbyong ba bsags pa'i gsog pa thams cad dang / smon lam grangs med pa brgya stong phrag bcus bstan pa'i ston pa
6b6 thams cad dang / de bzhin gshegs pa thams cad kyi byin gyi rlabs kyi byin gyis brlabs pa'i sangs rgyas kyi byin gyi rlabs dang / ji ltar yongs su smin par byas pa'i dge
6b7 ba'i rtsa ba'i shugs kyis 'phangs pa'i 'phen pa thams cad dang / byams pa chen po dang / snying rje chen po'i rgyu mthun pa shin tu rgyas pa dang / dus dang / gnas dang / sems
7a1 can gyi bsam pa dang / dge ba yang dag par 'dod pa ji lta ba dang / lhag pa'i bsam pa'i dbang ji lta ba de bzhin du rnam pa tha dad par 'byung ba
7a2 yin te/ rigs kyi bu/ byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas
7a3 rnams kyi 'byung ba khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs
7a4 pa'i sangs rgyas rnams kyi ngo bo nyid khong du chud par bya ste/ bcu gang zhe na/ 'di lta ste/ rang bzhin gyis dri ma med pa'i phyir de bzhin nyid kyi ngo bo nyid dang / dbyer med
7a5 pa'i phyir chos kyi dbyings kyi ngo bo nyid dang / thams cad du song ba'i phyir yang dag pa'i mtha'i ngo bo nyid dang / ngo bo nyid kyis dben pa'i phyir stong pa nyid dang / mtshan ma
7a6 med pa dang / smon pa med pa'i ngo bo nyid dang / gzhan gyi rkyen gyi dbang gis zhugs pa'i phyir sgyu ma dang / smig rgyu dang / chu zla dang / sprul pa dang / brag ca dang / dri
7a7 za'i grong khyer dang / mgal me bskor ba'i ngo bo nyid dang / rdzas med pa'i phyir skye ba med cing 'byung ba med pa'i ngo bo nyid dang / rang bzhin gyis 'od gsal ba'i
7b1 phyir chos thams cad kyi rang bzhin gyi ngo bo nyid dang / rgyun ma chad pa'i phyir sngon gyi mthar ma byung ba dang / lus med pa'i phyir phyi ma'i mthar mi 'pho ba dang / sngon gyi mtha' dang /
7b2 phyi ma'i mtha' med pas da ltar byung ba la mi gnas pa ste/ rigs kyi bu/ byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa
7b3 yang dag par rdzogs pa'i sangs rgyas rnams kyi ngo bo nyid khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus de bzhin gshegs pa dgra
7b4 bcom pa yang dag par rdzogs pa'i sangs rgyas rnams kyi gzhan gyi rkyen gyis 'byung ba khong du chud par bya ste/ bcu gang zhe na/ 'di lta ste/ chos kyi 'bras bu'i phyir bag yod pa'i
7b5 sa bon dang / kha na ma tho ba med pa'i phyir shes rab dang thabs kyis bskyed pa dang / legs par 'gro ba'i phyir tshul khrims kyi pha rol tu phyin pa'i rkang pa dang / bdud rtsi'i phyir
7b6 byang chub kyi sems kyi 'tsho ba'i dbang po dang / las legs par byed pa'i phyir zhi gnas dang / lhag mthong gi lag pa dang / me long lta bu'i ye shes phun sum tshogs pa'i phyir
7b7 las kyi rnam par smin pa 'jug pa'i mig dang / legs par zhugs pa'i phyir pha rol tu phyin pa thams cad bsgrub pa'i lte ba dang / nan tan snying por byed pa'i phyir bsdu ba'i
8a1 dngos po'i sgal tshigs dang / rnam par mi rtog pa'i phyir stong pa nyid bsgom pa'i yan lag gi dam pa mgo dang / sems can thams cad kyi bya'o cog
8a2 mi 'dor ba'i phyir yid ma bsad cing skrag pa med la spro ba ste/ rigs kyi bu/ byang chub sems dpas chos kyi tshul la 'jug pa bcu po de dag gis de bzhin gshegs pa
8a3 dgra bcom pa yang dag par rdzogs pa'i sangs rgyas rnams kyi gzhan gyi rkyen gyis 'byung ba khong du chud par bya'o/ /rigs kyi bu/ byang chub sems dpas chos kyi tshul la
8a4 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi gnas pa khong du chud par bya ste/ bcu gang zhe na/ 'di lta ste/
8a5 nga yi ba med cing yongs su 'dzin pa med pa'i phyir gnod sems dang / zhe sdang thams cad dang bral ba dang / rtsi sman lta bu'i phyir sems can thams cad rtag tu nye bar
8a6 'tsho ba dang / sngon dam bcas pa las ma nyams pa'i phyir bden pa yongs su skyong ba dang / snying rje chen po yongs su sbyangs pa'i phyir sems can la lta ba dang / sems
8a7 can gyi don 'ba' zhig la brtson pa'i phyir de 'ba' zhig gis bsam pa dang / gzhan gyi sdug bsngal gyis gnod pa'i phyir bdag gi bde ba la mi lta ba dang / 'khor ba
8b1 dang / mya ngan las 'das pa ro gcig pa'i phyir mya ngan las 'das par rnam par rtog pa dang bral ba dang / lhun gyis grub pas bya ba byed pa bsal ba'i phyir yongs su mi skyo ba'i mtshan
8b2 nyid dang / sha'i lus med pa'i phyir tshol ba thams cad dang bral ba dang / thams cad du mya ngan las 'das pa kun tu ston pa'i phyir thogs pa med pa'i mtshan nyid de/ rigs
8b3 kyi bu| byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi gnas pa
8b4 khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams
8b5 kyi yongs su mya ngan las 'das pa chen po khong du chud par bya ste/ bcu gang zhe na/ 'di lta ste/ nyon mongs pa dang / shes bya'i sgrib pa thams cad spang ba'i mthar 'gro ba
8b6 dang | gang zag dang / chos dang / yul la bdag med par khong du chud pa dang / skye ba dang / chos kyi gnas gyur pa rnyed pa dang / sems can thams cad la sangs rgyas kyi mdzad pa
8b7 byed pa lhun gyis grub pa rgyun ma bcad pa'i ye shes thob pa dang / de bzhin gshegs pa thams cad kyi chos kyi sku dbyer med pa thob pa dang / 'khor ba dang mya ngan las
9a1 'das pa rnam pa gnyis su bsam pa dang bral ba dang / chos thams cad kyi rtsa ba yongs su dag pa dang / chos thams cad skye ba med cing 'gag pa med pa
9a2 de'i dngos po bsgoms pa dang / de bzhin nyid dang / chos kyi dbyings dang / yang dag pa'i mtha' mnyam pa'i ye shes thob pa dang / chos thams cad kyi rang bzhin dang / mya ngan las
9a3 'das pa'i rang bzhin mnyam pa'i ye shes thob pa ste/ rigs kyi bu/ byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa
9a4 yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya'o/ /rigs kyi bu/ gzhan yang / byang chub sems dpas chos kyi tshul la
9a5 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya ste/ bcu gang
9a6 zhe na| 'di lta ste/ nyon mongs pa thams cad kyi rtsa ba ni smon pa yin te/ smon pa las byung ba'o/ /de bzhin gshegs pa la ni smon pa med do/ smon pa dang bral bas de bzhin
9a7 gshegs pa yongs su mya ngan las 'das pa zhes bya'o/ /smon pa med pas de bzhin gshegs pa ni chos gang yang mi len to/ /mi len pas mi 'jug mi ldog ste len pa med pas
9b1 de bzhin gshegs pa yongs su mya ngan las 'das pa zhes bya'o/ /gang 'jug pa dang / ldog pa yang dag par chad pa de ni chos kyi sku ste/ mi skye mi 'gag go /skye ba dang / 'gag pa dang /
9b2 bral bas de bzhin gshegs pa yongs su mya ngan las 'das pa zhes bya'o/ /gang skye ba med pa dang / 'gag pa med pa de ni cir yang brjod par bya ba ma yin te/ brjod par bya ba med
9b3 pas de bzhin gshegs pa yongs su mya ngan las 'das pa zhes bya'o/ /bdag dang / sems can med de chos tsam 'di skye zhing 'gag pas chos kyi gnas gyur pa'i phyir de bzhin
9b4 gshegs pa yongs su mya ngan las 'das pa zhes bya'o/ /nyon mongs pa dang / nye ba'i nyon mongs pa thams cad ni glo bur ba yin te/ chos kyi dbyings ni 'ong ba med cing 'gro ba med pas de
9b5 glo bur yang ma yin/ gnas pa'ang ma yin te/ chos kyi dbyings mnyam pa'i phyir de bzhin gshegs pa yongs su mya ngan las 'das pa zhes bya'o/ /de bzhin nyid ni bden pa ste/
9b6 de bzhin nyid ma gtogs pa'i chos gzhan rnams ni rdzun pa'o/ /bden pa'i ngo bo nyid ni de bzhin te/ de bzhin nyid kyi ngo bo nyid ni de bzhin gshegs pa yongs su mya ngan las 'das
9b7 pa zhes bya'o/ /yang dag pa'i mtha' ni spros pa med pa/ chos gzhan ni spros pa'i ngo bo nyid de/ yang dag pa'i mtha' mnyam pa'i phyir de bzhin gshegs pa yongs su mya ngan
10a1 las 'das pa zhes bya'o/ /skye ba med pa ni bden pa ste/ skye ba la sogs pa'i chos gzhan rnams ni mi bden pa log pa rdzun pa slu ba'i chos can no/ /de bzhin
10a2 gshegs pa ni rdzun pa slu ba'i chos can ma yin te/ bden pa'i ngo bo nyid ni de bzhin gshegs pa yongs su mya ngan las 'das pa zhes bya'o/ /yang dag pa ma yin pa ni mngon par 'du
10a3 byed de/ yang dag pa la ni mngon par 'du bya ba med do/ /yang dag pa ni de bzhin gshegs pa'i chos kyi sku ste/ 'dus ma byas pa ni yongs su mya ngan las 'das pa zhes bya ste/ rigs
10a4 kyi bu| byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las
10a5 'das pa chen po khong du chud par bya'o/ /rigs kyi bu/ gzhan yang / byang chub sems dpas chos kyi tshul la 'jug pa bcus de bzhin gshegs pa dgra bcom pa yang dag par
10a6 rdzogs pa'i sangs rgyas rnams kyi yongs su mya ngan las 'das pa chen po khong du chud par bya ste/ bcu gang zhe na/ 'di lta ste/ sbyin pa dang / sbyin pa'i 'bras bu bdag med cing bdag
10a7 gi ba med pa dang / sbyin pa dang / sbyin pa'i 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa
10b1 zhes bya'o/ /tshul khrims dang / tshul khrims kyi 'bras bu bdag med cing bdag gi ba med pa dang / tshul khrims dang / tshul khrims kyi 'bras bu yongs su shes pas rnam par rtog pa gnas gyur pa
10b2 phyin ci ma log pa ni de bzhin gshegs pa yongs su mya ngan las 'das pa zhes bya'o/ /bzod pa dang / bzod pa'i 'bras bu bdag med cing bdag gi ba med pa dang / bzod pa dang / bzod pa'i
10b3 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o/ /brtson 'grus dang / brtson 'grus kyi 'bras
10b4 bu bdag med cing bdag gi ba med pa dang / brtson 'grus dang / brtson 'grus kyi 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs
10b5 su mya ngan las 'das pa zhes bya'o/ /bsam gtan dang / bsam gtan gyi 'bras bu bdag med cing bdag gi ba med pa dang / bsam gtan dang / bsam gtan gyi 'bras bu yongs su shes
10b6 pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o/ /shes rab dang / shes rab kyi 'bras bu bdag med cing bdag gi
10b7 ba med pa dang / shes rab dang / shes rab kyi 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa
11a1 zhes bya'o/ /sems can thams cad sems can ma yin pa dang / chos thams cad bdag med pa dang / sems can du 'du shes pa'i phyin ci log
11a2 dang bral zhing chos su 'du shes pa'i phyin ci log dang bral ba ni de bzhin gshegs pa yongs su mya ngan las 'das pa zhes bya'o/ /gang bdag la sdug par 'gyur ba de ni tshol
11a3 bar 'gyur ro/ /tshol ba la brtson pa de ni nyon mongs so/ /bdag la sdug pa dang bral zhing tshol ba thams cad dang bral ba ni phyir nyon mi mongs te/ nyon mongs pa med pa ni de
11a4 bzhin gshegs pa yongs su mya ngan las 'das pa zhes bya'o/ /'dus byas ni tshad dang ldan pa yin te/ 'dus ma byas ni tshad med pa'o/ /'dus byas dang / 'dus ma byas kyi
11a5 chos las rnam par grol zhing 'dus ma byas kyi chos nyid thob pa tshad med pa'i chos ni de bzhin gshegs pa yongs su mya ngan las 'das pa zhes bya'o/ /de bzhin gshegs
11a6 pas ni gang stong pa nyid las rnam par grol ba'i chos sam/ sems can gang yang ma gzigs te/ stong pa nyid ni chos so/ /chos kyi sku ni de bzhin gshegs pa yongs su mya
11a7 ngan las 'das pa zhes bya ste/ rigs kyi bu/ byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par
11b1 rdzogs pa'i sangs rgyas rnams kyi yongs su mya ngan las 'das pa chen po khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus de bzhin
11b2 gshegs pa dgra bcom pa yang dag par rdzogs pa'i sangs rgyas rnams kyi 'jug pa khong du chud par bya ste/ bcu gang zhe na/ 'di lta ste/ chos shin tu rnam par dag pa'i phyir chos
11b3 kyi gnas la gnas pa dang / rang gi dam bcas pa nyams su len pa'i phyir snying stobs che ba'i gnas la gnas pa dang / don mtshungs pa'i phyir bdag dang / gzhan gyi don ro gcig
11b4 pa dang / rnam par mi rtog pa'i dbyings shin tu rnam par dag pa'i phyir shel gyi nor bu ltar rnam par mi rtog pa dang / gnod pa bsal ba'i phyir bde ba thob pa dang / nyon mongs
11b5 pa'i dgra rab tu bcom pa'i phyir 'jigs pa med pa thob pa dang / chos thams cad la the tshom med pa'i phyir mi 'jigs pa thob pa dang / sems can thams cad la bsam pa mnyam
11b6 pas phyir rgol ba bcom pa dang / mthu shin tu rnam par dag pa'i phyir sprul pa brgya stong du ma 'gyed pa la mkhas pa dang / nam mkha' ltar shin tu rnam par dag pa'i phyir sgrib
11b7 pa med par gzugs thams cad kun tu ston pa la mkhas pa ste/ rigs kyi bu/ byang chub sems dpas chos kyi tshul la 'jug pa bcu po de dag gis de bzhin gshegs pa
12a1 dgra bcom pa yang dag par rdzogs pa'i sangs rgyas rnams kyi 'jug pa khong du chud par bya'o/ /rigs kyi bu/ gzhan yang / byang chub sems dpas
12a2 chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi 'jug pa khong du chud par bya ste/ bcu gang zhe na/ 'di
12a3 lta ste| de bzhin gshegs pa 'di snyam du 'khor ba ni nyes pa mang po'i skyon chags pas mya ngan las 'das pa ni yon tan dang ldan pa'o snyam du mi dgongs kyi/ gzhan du na
12a4 'khor ba dang / mya ngan las 'das pa mnyam pa nyid brnyes pas de bzhin gshegs pa mi 'khor zhing yongs su mya ngan las mi 'da' la sems can gyi don la mi phyogs pa'ang ma
12a5 yin no/ /de bzhin gshegs pa 'di snyam du sems can 'di dag gi blo ni phyin ci log pa nyon mongs pa dang / nye ba'i nyon mongs pas nyon mongs pa ste/ de dag ngas dgrol
12a6 bar bya'o snyam du mi dgongs mod kyi/ gzhan du na sngon sgro btags pas 'phangs pa'i dbang gis sems can de dang / de dag gi khams dang / dbang po dang / mos pa ji lta ba
12a7 bzhin du de bzhin gshegs pa'i mdzad pa de dang / de dag lhun gyis grub cing rnam par mi rtog par 'jug go /de bzhin gshegs pa 'di snyam du ngas mdo'i sde 'am/ dbyangs
12b1 kyis bsnyad pa'i sde'am/ lung du bstan pa'i sde'am/ tshigs su bcad pa'i sde'am/ ched du brjod pa'i sde'am/ gleng gzhi'i sde'am/ rtogs pa brjod pa'i sde'am/ de lta bu byung ba'i
12b2 sde'am/ skyes pa rabs kyi sde'am/ shin tu rgyas pa'i sde'am/ rmad du byung ba'i sde'am/ rnam par gtan la phab pa'i chos kyi sde 'di bstan to snyam du mi dgongs mod kyi/ lhun gyis
12b3 grub cing rnam par mi rtog par sems can de dang de dag la de bzhin gshegs pa 'di chos ston pa la 'jug go /de bzhin gshegs pa 'di snyam du nga grong ngam/ grong khyer ram/ grong rdal
12b4 lam| tshong 'dus 'dir bsod snyoms kyi phyir 'jug go snyam nas rgyal rigs sam/ bram ze'i rigs sam/ rje'u rigs sam/ dmangs rigs sam/ rgyal po'am/ rgyal bu'am/
12b5 rgyal po'i blon po'am/ sems can gang yang rung ba'i gan du gshegs so snyam du mi dgongs mod kyi/ de bzhin gshegs pa'i ye shes sngon du 'gro ba'i sku dang / gsung dang / thugs
12b6 kyi 'phrin las de dag de bzhin du 'jug go /de bzhin gshegs pa la bkres pa dang / skyems pa mi mnga'/ bshang gci mi mnga'/ sku nyam chung ba ma yin mod kyi/ bsod snyoms spyod
12b7 de| zhal zas kyang gsol la/ yongs su gsol ba'ang mi mnga' ste/ thams cad du lhun gyis grub cing rnam par mi rtog par sems can yongs su smin par bya ba'i mdzad pa'ang
13a1 mi gtong ngo / /de bzhin gshegs pa 'di snyam du sems can 'di ni tha ma/ 'di ni 'bring / 'di ni rab ste/ 'di la ni tha ma/ 'di la ni 'bring / 'di li ni
13a2 rab kyi gtam mdzad do snyam du mi dgongs mod kyi/ rnam par mi rtog par snod ji lta ba de bzhin du de bzhin gshegs pa'i chos ston pa de lhag chad med par 'jug go /de bzhin
13a3 gshegs pa 'di snyam du sems can 'dis nga la bsti stang du ma byas/ mchod pa ma byas te mi snyan pa byas kyi/ nga 'di dang lhan cig tu cung zad kyang smra bar mi bya yi/ 'dis ni nga la
13a4 bsti stang du byas/ mchod cing ri mor byas/ bstod cing bsngags kyi/ nga 'di dang lhan cig smra bar bya'o snyam du mi dgongs te/ de bzhin gshegs pa ni dgra zun la thugs
13a5 snyoms par 'jug go /de bzhin gshegs pa ni rgyags pa ma yin/ bag med pa ma yin/ rjes su chags pa ma yin/ khong khro ba ma yin/ brkam pa ma yin/ brkam par
13a6 'gyur ba ma yin/ zhen pa ma yin/ bsten par mdzad pa ma yin/ nye ba'i nyon mongs pa ma yin mod kyi/ spyod yul dben pa/ 'dod pa rnams las dben pa/ dben pa
13a7 la mngon par dga' ba rnams kyi bsngags pa'ang gsung ngo / /me long lta bu'i ye shes dang ldan pas de bzhin gshegs pa ni shes bya thams cad la mi mkhyen pa'am/ mi rig
13b1 pa'am/ thugs su ma chud pa gang yang med de/ bya ba dang / mi bya ba dag gzigs nas sems can de dang / de dag la de bzhin du 'jug go /de bzhin gshegs pa ni sems can gyi don phun sum
13b2 tshogs pa la dgyes par mi 'gyur/ ma 'byor pa la'ang mi dgyes par mi 'gyur te/ yang dag par zhugs pa rnams la ni sgrib pa med pa'i byams pa chen po 'jug /log par zhugs pa
13b3 rnams la ni sgrib pa med pa'i thugs rje chen po 'jug ste/ rigs kyi bu/ byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa
13b4 yang dag par rdzogs pa'i sangs rgyas rnams kyi 'jug pa khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus de bzhin gshegs pa dgra
13b5 bcom pa yang dag par rdzogs pa'i sangs rgyas rnams kyi dpe dang 'dra ba khong du chud par bya ste/ bcu gang zhe na/ 'di lta ste/ dper na/ nyi ma ni sems can tha ma dang / 'bring dang /
13b6 mchog dang / dad pa dang / ma dad pa thams cad la mtshungs par 'char zhing mtshungs par snang bar byed do/ /de bzhin du de bzhin gshegs pa dgra bcom pa yang dag par rdzogs
13b7 pa'i sangs rgyas kyang sems can tha ma dang / 'bring dang / mchog dang / dad pa dang / ma dad pa thams cad la mtshungs par 'char zhing mtshungs par ye shes snang bar mdzad
14a1 do/ /'di lta ste/ dper na/ nam mkha' ni thams cad du sems can thams cad la mi sgrib pa'i ngo bo nyid de/ gzhan du na glo bur gyi du ba dang / sprin dang / rdul
14a2 dang | khug rna dag gis sgrib pa dang bcas par kun tu snang ngo / /de bzhin du de bzhin gshegs pa yang nam mkha' ltar sems can thams cad la mi sgrib pa'i ngo bo nyid de/ gzhan
14a3 du na glo bur gyi du ba dang / sprin dang / rdul dang / khug rna lta bu'i ngar 'dzin pa dang / nga yir 'dzin pas bsgribs par sems can rnams kyis de bzhin gshegs pa mthong zhing
14a4 myong bar mi 'gyur ro/ /'di lta ste/ dper na/ me ni shing thams cad la yod mod kyi/ rkyen dang / rtsol ba ma tshang na mi 'bar zhing rang gi dgos pa rnams mi byed do/ /de bzhin du de
14a5 bzhin gshegs pa'ang shes bya thams cad la gnas mod kyi/ dad pa la sogs pa'i rkyen dang / rtsol ba ma tshang na mi 'byung ste/ sangs rgyas kyi bya ba rnams kyang mi mdzad do/ /'di
14a6 lta ste/ dper na/ tshon tha dad pa snod gcig gi nang du blugs te/ tshon mang po de'i nang du ras tha gu tha dad pas phur te bcug na phur ma'i dbang ji lta ba bzhin du tshon chags kyang
14a7 tshon de dag mi rtog /rnam par mi rtog go /de bzhin du de bzhin gshegs pa dge ba'i rtsa ba sna tshogs kyi tshogs mang po'ang mos pa'i tha gus ji ltar phur ba bzhin du sems can
14b1 rnams kyis de bzhin gshegs pa mthong ste/ de bzhin gshegs pa'i yon tan yang len par byed do/ /'di lta ste/ dper na/ chus gang ba'i klung ni bstod kyang dma' bar 'bab po/
14b2 zhe sdang zhing ngan du smras kyang dma' bar 'bab pa yin no/ /de bzhin du de bzhin gshegs pa'ang bstod dam/ ngan du smras kyang ye shes kyis gshegs pa yin gyi/ nga rgyal gyis gshegs
14b3 pa ni ma yin no/ /'di lta ste/ dper na/ bu ram shing btubs/ gshags la gtubs/ gshags nas 'chos kyang mngar ba'i ro de mi 'dor ro/ /de bzhin du de bzhin gshegs
14b4 pa'ang mchod kyang rung ma mchod kyang rung ste/ bsnyen pa na rnam par grol ba'i mngar ba'i ro de mi 'dor ro/ /'di lta ste/ dper na/ sa ni rnam par mi rtog cing 'gyur ba med par gnas
14b5 te| de la khe 'dod pa gang dag gis rmos nas yongs su sbyang ba byas te sa bon btab pa de dag gi lo tog phun sum tshogs par 'gyur ro/ /gang dag mi rmong / yongs su sbyang ba mi byed/
14b6 sa bon mi 'debs pa de dag gi lo tog ni phun sum tshogs par mi 'gyur ro/ /de bzhin du de bzhin gshegs pa'ang sa ltar rnam par mi rtog cing 'gyur ba med par gnas te/ de la
14b7 yon tan 'dod pa gang dag de bzhin gshegs pa la dad pa dang / dang ba dang / gus pa bskyed pa de dag gi yon tan gyi lo tog phun sum tshogs par 'gyur ro/ /gang dag de bzhin
15a1 gshegs pa la dad pa dang / dang ba dang / gus pa mi bskyed pa de dag gi yon tan gyi lo tog ni phun sum tshogs par mi 'gyur ro/ /'di lta ste/ dper na/
15a2 la la zhig gis tsan+dan dang / ga pur la mi snyan pa byas te ngan du brjod nas rang gi lus la bskus kyang / de la tsan+dan na dang / ga pur de dri zhim par byed kyi dri nga bar mi byed do/ /de bzhin
15a3 du de bzhin gshegs pa dgra bcom pa yang dag par rdzogs pa'i sangs rgyas kyang ngan du smra ste mi snyan pa brjod nas bsnyen cing bsten te bsnyen bkur byed pa de dag de bzhin
15a4 gshegs pas sangs rgyas kyi yon tan gyi dri dang ldan par mdzad do/ /'di lta ste/ dper na/ zam pa dang / stegs dang / khri lam ni sems can tha ma dang / 'bring dang / mchog
15a5 thams cad la mi thogs pa dang / bde bar 'gro bar byed pas mtshungs par gnas so/ /de bzhin du de bzhin gshegs pa'ang sems can tha ma dang / 'bring dang / mchog
15a6 thams cad la mi mnyam pa med cing sgrib pa med pa dang / bde bar 'gro bas mtshungs par 'jug go /'di lta ste/ dper na/ ri'i rgyal po gangs ri la rtsi'i
15a7 rgyal po mthong na mdzes pa zhes bya ba yod de/ de mthong ma thag tu sems can thams cad kyi nad thams cad med par 'gyur ro/ /de bzhin du de bzhin gshegs pa'ang
15b1 mthong ma thag tu sems can thams cad kyi nad thams cad sel bar 'gyur te/ rigs kyi bu/ byang chub sems dpas chos kyi tshul la 'jug pa bcu po de dag gis de bzhin gshegs
15b2 pa dgra bcom pa yang dag par rdzogs pa'i sangs rgyas rnams kyi dpe dang 'dra ba khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus sangs
15b3 rgyas khong du chud par bya ste/ bcu gang zhe na/ 'di lta ste/ rgyu mthun pa'i sangs rgyas dang / rnam par smin pa las byung ba'i sangs rgyas dang / ting nge 'dzin gyi sangs rgyas dang / smon
15b4 lam gyi sangs rgyas dang / sems kyi sangs rgyas dang / ngo bo nyid kyi sangs rgyas dang / longs spyod rdzogs pa'i sangs rgyas dang / sprul pa'i sangs rgyas dang / btags pa'i sangs
15b5 rgyas dang / mdun du gzhag pa'i sangs rgyas so/ /de la rgyu mthun pa'i sangs rgyas gang zhe na/ gang pha rol tu phyin pa rnams kyi rgyu mthun pa dang / pha rol tu phyin pa'i chos sgrub par
15b6 byed pa yin te/ 'di gnyis las gang grub pa de ni sgrub pa'i sangs rgyas te/ de'i phyir rgyu mthun pa'i sangs rgyas zhes bya'o/ /de la rnam par smin pa las byung ba'i sangs rgyas
15b7 gang zhe na/ rgyu mthun pa gang pha rol tu phyin pa rnams kyi rnam par smin pa yin te/ rnam par smin pa de las gang rnam par smin pa'i sangs rgyas kyi gzugs su 'byung ngo / /de'ang
16a1 sems can gyi byin gyi rlabs dang / chos kyi byin gyi rlabs kyi phyir 'byung ste/ 'di ni rnam par smin pa las byung ba'i sangs rgyas zhes bya'o/ /de la
16a2 ting nge 'dzin gyi sangs rgyas gang zhe na/ de bzhin gshegs pa'i ting nge 'dzin gang la snyoms par 'jug cing ting nge 'dzin gang la snyoms par zhugs nas lhun gyis grub cing
16a3 rtsol ba mi mnga' bar sangs rgyas brgya stong 'byung ste/ ting nge 'dzin gyi byin gyi rlabs des ting nge 'dzin las byung bas na ting nge 'dzin gyi sangs rgyas zhes bya ste/ 'di ni ting nge
16a4 'dzin gyi sangs rgyas zhes bya'o/ /de la smon lam gyi sangs rgyas gang zhe na/ byang chub sems dpas gang sems can gang dang / gang gzugs dang / kha dog dang / spyod lam ji lta
16a5 ji lta bu gang dang gang gis 'dul bar 'gyur ba de dang / de la de lta bu'i gzugs dang / kha dog dang / spyod lam gyis 'dul bar gyur cig ces smon lam btab nas/ de sangs rgyas
16a6 kyis 'dul ba rnams ni sangs rgyas kyi gzugs kyis 'dul te/ smon lam de las byung bas smon lam gyi sangs rgyas zhes bya ste/ 'di ni smon lam gyi sangs rgyas zhes
16a7 bya'o| |de la sems kyi sangs rgyas gang zhe na/ gang byang chub sems dpas sems la dbang rab tu thob nas/ de sems la dbang ba des gang dang / gang bsams pa de dang /
16b1 de bzhin du 'gyur te/ de sangs rgyas kyis 'dul ba'i sems can rnams mthong nas bdag sangs rgyas kyi gzugs su gyur cig ces mos par byed de/ de sems las byung bas na sems
16b2 kyi sangs rgyas yin te/ 'dul ba de dag kyang rang gi sems yongs su dag pas sangs rgyas mthong zhing shes te/ 'di ni sems kyi sangs rgyas zhes bya'o/ /de la ngo bo nyid kyi sangs
16b3 rgyas gang zhe na/ ngo bo nyid kyi sangs rgyas ni gnas ngan len gyi gnas gyur pa/ bsam gyis mi khyab pa/ dri ma med pa/ gzugs sna tshogs can/ chos kyi dbyings rnam pa tha dad pa/ gzugs
16b4 dang / byad dang / dbyibs sna tshogs pa/ skyes bu chen po'i mtshan sum cu rtsa gnyis dang ldan pa'i sangs rgyas kyi gzugs su snang ba 'di ni ngo bo nyid kyi sangs rgyas zhes bya'o/ /de la
16b5 longs spyod rdzogs pa'i sangs rgyas gang zhe na/ gang byang chub sems dpa' rnams dang / longs spyod dang / kun tu spyod pa mtshungs pa dang / rnam pa dang / zas dang / smra ba dang / cho
16b6 ga dang / spyod pa mtshungs pa 'di ni longs spyod rdzogs pa'i sangs rgyas zhes bya'o/ /de la sprul pa'i sangs rgyas gang zhe na/ 'di la sangs rgyas dang / byang chub sems dpas gzugs
16b7 thams cad ston pa'i ting nge 'dzin thob pa de dag ting nge 'dzin de la snyoms par zhugs te/ dbang thob cing snying rje chen pos bskul bas sangs rgyas kyi gzugs su sprul nas sems
17a1 can rnams 'dul ba 'di ni sprul pa'i sangs rgyas zhes bya'o/ /de la btags pa'i sangs rgyas gang zhe na/ 'di la la zhig slob dpon nam mkhan po la
17a2 sangs rgyas bzhin du blta/ sangs rgyas bzhin du bsnyen bkur byed de/ de slob dpon dang / mkhan po de la sangs rgyas bzhin du blta zhing sangs rgyas bzhin du bsnyen bkur byas
17a3 pas| de sangs rgyas kyi chos rnams rab tu 'dzin la yongs su rdzogs par byed de/ yongs su bsgrub pa 'di ni btags pa'i sangs rgyas zhes bya'o/ /de la mdun du gzhag pa'i
17a4 sangs rgyas gang zhe na/ 'di la la la zhig gis sangs rgyas kyi sku gzugs byas sam/ byed du bcug ste/ mchod cing rim gro bya ba thams cad kyis bsti stang du byed/ bla mar
17a5 byed| ri mor byed cing / de sangs rgyas kyi chos rnams rab tu 'dzin la yongs su rdzogs par byed de/ yongs su bsgrub pa 'di ni mdun du gzhag pa'i sangs rgyas zhes bya ste/
17a6 rigs kyi bu/ byang chub sems dpas chos kyi tshul la 'jug pa bcu po de dag gis sangs rgyas khong du chud par bya'o/ /rigs kyi bu/ byang chub sems dpas de bzhin
17a7 gshegs pa dgra bcom pa yang dag par rdzogs pa'i sangs rgyas rnams kyi tha snyad du ston pa rnam pa bcur khong du tshud par bya ste/ rnam pa bcu gang zhe na/ 'di lta ste/ phung po
17b1 ston pa dang / khams ston pa dang / skye mched ston pa dang / sems can ston pa dang / las ston pa dang / skye ba ston pa dang / rga ba ston pa dang / 'chi ba ston pa dang / shi ba'i nyir
17b2 mtshams sbyor ba ston pa dang / de rab tu zhi bar 'gyur ba'i mya ngan las 'das pa ston pa'o/ /de la ji ltar na phung po ston pa tha snyad du ston ce na/ gzugs kyi phung po ni don dam par yod
17b3 pa ma yin no/ /gal te gzugs kyi phung po don dam par yod du zin na ni de yongs su btang bas srid pa 'chad par 'gyur te/ gang yongs su btang nas grol ba de la gnas pa'am/ 'gro
17b4 ba yod par 'gyur ba zhig na/ de lta ma yin pas de'i phyir gzugs kyi phung po ston pa tha snyad du ston pa'o/ /de bzhin du tshor ba'i phung po ston pa dang / 'du shes kyi phung po ston pa dang /
17b5 'du byed kyi phung po ston pa dang / rnam par shes pa'i phung po ston pa tha snyad du ston pa yin te/ rnam par shes pa'i phung po ni don dam par yod pa ma yin no/ /gal te rnam par shes
17b6 pa'i phung po don dam par yod du zin na ni de yongs su btang bas srid pa 'chad par 'gyur te/ gang yongs su btang nas grol ba de la gnas pa'am/ 'gro ba yod par 'gyur ba zhig
17b7 na| de lta ma yin pas de'i phyir rnam par shes pa'i phung po ston pa tha snyad du ston pa'o/ /de bzhin du khams ston pa dang / skye mched ston pa ni tha snyad du ston pa'o/ /de la ji ltar na
18a1 sems can du ston pa tha snyad du ston pa yin zhe na/ sems can ni don dam par yod pa ma yin te/ de ni chos tsam du zad pas sems can med do/ /gal te
18a2 sems can yod du zin na ni phung po 'gags pas na nam mkha' bzhin du sems can phung po med par 'gyur la/ phung po bzhin du sems can yang 'dus ma byas su 'gyur ba zhig na/
18a3 de lta ma yin pas de'i phyir sems can ston pa tha snyad du ston pa'o/ /de la ji ltar na las ston pa tha snyad du ston pa yin zhe na/ las rnams byed pa yod pa'ang ma yin/ med pa'ang
18a4 ma yin no/ /gal te las rnams byed pa zhig yod du zin na ni las rnams byed pa nam mkha' bzhin du ma byas par 'gyur la/ phung po bzhin du 'dus byas su'ang 'gyur ba zhig na/
18a5 ma byas pa ni nam mkha' dang mtshungs te/ ma byas pa rnams byed par mi 'gyur ro/ /de'i phyir las gang la'ang byed pa med do/ /de med pas na las yod par ga la 'gyur te/ de'i
18a6 phyir las ston pa tha snyad du ston pa'o/ /de la ji ltar na skye ba ston pa tha snyad du ston pa yin zhe na/ skye ba ni don dam par yod pa ma yin no/ /gal te skye ba don dam par yod du zin na
18a7 ni rtag par 'gyur te/ de ltar na skye ba ni skye ba med par 'gyur ro/ /gang skyes pas skye ba dang / skye bas gzir bar 'gyur ba de'ang med par 'gyur te/ de'i phyir skye ba ston pa tha snyad
18b1 du ston pa'o/ /de la ji ltar na rga ba ston pa tha snyad du ston pa yin zhe na/ rga ba ni don dam par yod pa ma yin no/ /gal te rga ba don dam par yod du zin na ni gang yang rgas par mi 'gyur te/
18b2 gang rgas pa de ni gzhon nu'ang ma yin/ rgan po'ang ma yin/ rnying pa'ang ma yin la/ byis pa la'ang rgas pa med de/ de'i phyir byis pa ni rga bar mi 'gyur ro/ /rga ba med na ji ltar na rga
18b3 bar 'gyur/ de ltar ma rgas pa ni rga bar mi 'gyur ro/ /gal te rgas pa rga bar 'gyur na rga ba gzhon nur yang ji ste mi 'gyur/ de'i phyir rga ba ston pa'ang tha snyad du ston par 'gyur ro/ /de
18b4 la ji ltar na 'chi ba ston pa tha snyad du ston pa yin zhe na/ 'chi ba ni don dam par yod pa ma yin no/ /gal te 'chi ba don dam par yod du zin na ni gzung bar 'gyur te/ gcig gis
18b5 bzung bas srog chags gzhan thams cad mi 'chi bar 'gyur ba'i rigs na/ mi 'chi bar yang mi 'gyur te/ 'chi ba ni ga las kyang mi 'ong / gang du'ang mi 'gro bas 'chi ba ni stong pa
18b6 ste| de'i phyir 'chi ba ston pa tha snyad du ston pa'o/ /de la ji ltar na shi ba'i nying mtshams sbyor ba ston pa tha snyad du ston pa yin zhe na/ shi ba'i nying mtshams sbyor ba ni don dam par
18b7 yod pa ma yin no/ /gal te shi ba'i nying mtshams sbyor ba ni don dam par yod du zin na ni gang 'chi ba de nyid skye bar 'gyur ro/ /de ltar shi ba nyid skye bar 'gyur na ni gang nyid mtshams
19a1 sbyor ba dang / gang du nying mtshams sbyor ba'i lus gnyis su 'gyur ro/ /gal te nying mtshams sbyor ba zhig yod du zin na ni phung po lnga rnams kyang yod par
19a2 'gyur ro/ /de ci'i phyir zhe na/ phung po las rnam par grol ba'i rnam par shes pa 'jug pa med de/ gzugs la nye bar 'gro zhing rnam par shes pa 'jug go /rnam par shes pa ni
19a3 tshor ba la nye bar 'gro/ 'du shes la nye bar 'gro /'du byed la nye bar 'gro zhing de la rten/ de la dmigs te rnam par shes pa 'jug go/ mi rten pa'i rnam par shes pa ni skad cig
19a4 tsam yang 'jug pa med do/ /ji ltar chos gnas pa bzhin du sa bon dang / myu gu ltar 'byung bas de'i phyir shi ba'i nying mtshams sbyor ba ston pa ni tha snyad du ston pa'o/ /de la ji ltar na
19a5 de zhi bar 'gyur ba'i mya ngan las 'das pa ston pa tha snyad du ston pa yin zhe na/ mya ngan las 'das pa ni don dam par yod pa ma yin te/ 'khor ba nye bar zhi ba ni mya ngan las
19a6 'das pa zhes bya'o/ /'khor ba nyid mya ngan las 'das pa'ang ma yin la/ 'khor ba las mya ngan las 'das pa tha dad du gyur pa'ang ma yin te/ 'khor ba de'ang rmi lam lta bu
19a7 sgyu ma lta bu ste/ yod pas kyang ma yin/ med pas kyang ma yin/ yod med du gyur pas kyang mi 'byung ngo / /ji ltar de yod pas kyang ma yin/ med pas kyang ma yin/ yod
19b1 med du gyur pas kyang mi 'byung ba de bzhin du/ yod pas kyang ma yin/ med pas kyang ma yin/ yod med du gyur pas kyang mi ldog ste/ gzhan du na 'du shes dang / tshor ba 'gog pa ni mya
19b2 ngan las 'das pa zhes bya'o/ /'du shes de ni smig rgyu lta bu'o/ /tshor ba ni chu'i chu bur lta bu'o/ /smig rgyu dang / chu'i chu bur gyi 'byung ba dang / ldog pa ji lta bar 'khor ba dang / mya
19b3 ngan las 'das pa'ang de bzhin te/ de'i phyir de zhi bar 'gyur ba'i mya ngan las 'das pa ston pa ni tha snyad du ston pa yin te/ byang chub sems dpas bcu po de dag ni de bzhin gshegs
19b4 pa dgra bcom pa yang dag par rdzogs pa'i sangs rgyas rnams kyi tha snyad du ston par khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus stong
19b5 pa nyid khong du chud par bya ste/ bcu gang zhe na/ 'di lta ste/ bdag med pa dang / sems can med pa dang / srog med pa dang / gang zag med pa dang / rje med pa dang / skye ba med pa dang /
19b6 'gag pa med pa dang / mngon par 'du mi byed pa dang / phyed pa med pa dang / bdag po med pa'o/ /de la ji ltar na bdag med pas stong pa nyid khong du chud par bya zhe na/ stong pa nyid
19b7 ni dngos po'ang ma yin/ dngos po med pa'ang ma yin no/ /gal te ston pa nyid dngos po yin du zin na ni stong pa nyid 'dus byas dang / mi rtag par 'gyur ro/ /ci ste stong pa nyid dngos po
20a1 med pa yin du zin na ni stong pa mi stong par 'gyur te/ de'i phyir stong pa nyid dngos po'ang ma yin/ dngos po med pa'ang ma yin te/ de ltar bdag med
20a2 pas stong pa nyid khong du chud par bya'o/ /ji ltar na sems can med pas stong pa nyid khong du chud par bya zhe na/ sems can ni stong pa'ang ma yin/ mi stong pa'ang ma yin no/ /
20a3 gal te sems can stong pa yin na ni srog gcod pa byas kyang sdig par mi 'gyur ro/ /'on te stong pa ma yin na ni rtag par 'gyur ro/ /de lta bas na bcom ldan 'das kyis kyang
20a4 sems can ni rtag pa'ang ma yin/ mi rtag pa'ang ma yin/ 'dus byas kyang ma yin/ 'dus ma byas kyang ma yin zhes gsungs te/ de ltar na sems can med pas stong pa
20a5 nyid khong du chud par bya'o/ /ji ltar na srog med pas stong pa nyid khong du chud par bya zhe na/ stong pa nyid ni mi 'tsho mi 'chi'o/ /de la mig ni bdag dang / bdag gis stong ngo / /
20a6 gang bdag dang / bdag gis stong pa de ni mi 'tsho mi 'chi'o/ /de bzhin du rna ba dang / sna dang / lce dang / lus dang / yid ni bdag dang / bdag gis stong ngo / /gang bdag
20a7 dang | bdag gis stong pa de ni mi 'tsho mi 'chi ba ste/ de ltar na srog med pas stong pa nyid khong du chud par bya'o/ /de la ji ltar na gang zag med pas stong pa nyid khong du chud
20b1 par bya zhe na/ stong pa nyid ni gang zag tu bgrang ba ma yin/ stong pa nyid ni chos su bgrang ba ma yin no/ /phung po dang / khams dang / skye mched rnams ni stong pa yin te/ de dag bzung nas gang
20b2 zag ces lags so/ /gang bzung nas btags pa de ni yod pa dang / med pa zhes brjod par bya ba ma yin te/ de ltar gang zag med pas stong pa nyid khong du chud par bya'o/ /ji ltar na rje
20b3 med pas stong pa nyid khong du chud par bya zhe na/ stong pa nyid las rnam par grol ba'i chos gang yang med pas gang stong pa nyid kyi rjer 'gyur ba'i chos gang yang med de/ de ltar rje med
20b4 pas stong pa nyid khong du chud par bya'o/ /de la ji ltar na skye ba med pas stong pa nyid khong du chud par bya zhe na/ stong pa nyid ni mi skye ste/ gal te stong pa nyid skye na ni stong pa nyid du mi 'gyur
20b5 te| de ltar na stong pa ni stong pa ma yin par 'gyur ro/ /gal te skyes pa mi stong ste/ stong pa nyid bdag nyid kyis skye na ni ma skyes pa de mi stong par mi 'gyur te/ de ltar skye ba med
20b6 pas stong pa nyid skye na ni stong pa nyid khong du chud par bya'o/ /ji ltar 'gag pa med pas stong pa nyid khong du chud par bya zhe na/ gang skye ba de ni 'gag ste/ stong pa nyid ni skye ba ma
20b7 yin no/ /gang mi skye ba de ji ltar 'gag par 'gyur te/ de ltar 'gag pa med pas stong pa nyid khong du chud par bya'o/ /ji ltar mngon par 'du mi byed pas stong pa nyid khong du
21a1 chud par bya zhe na/ stong pa nyid ni mi bya mi byed do/ /phung po dang / khams dang / skye mched rnams ni stong pa yin te/ de dag gzung nas stong pa nyid du 'dogs
21a2 so/ /de ltar mngon par 'du mi byed pas stong pa nyid khong du chud par bya'o/ /ji ltar na byed pa med pas stong pa nyid khong du chud par bya zhe na/ stong pa nyid ni gang gis kyang 'di lta
21a3 'di lta bur gyis shig ces byed du gzhug pa ma yin te/ de ltar byed pa med pas stong pa nyid khong du chud par bya'o/ /ji ltar na bdag po med pas stong pa nyid khong du chud par
21a4 bya zhe na/ stong pa nyid ni yul ma yin zhing yul med pa/ sems dang / yid dang / yid kyi rnam par shes pa dang bral ba ste/ de ltar bdag po med pas stong pa nyid khong du chud
21a5 par bya'o/ /rigs kyi bu/ byang chub sems dpas chos kyi tshul la 'jug par bcu po de dag gis stong pa nyid khong du chud par bya'o/ /rigs kyi bu/ byang chub sems dpas chos
21a6 kyi tshul la 'jug pa bcus stong pa nyid kyi mi mthun pa'i phyogs khong du chud par bya ste/ bcu gang zhe na/ 'di lta ste/ ma rig pa mi mthun pa'i phyogs dang / sred pa mi mthun
21a7 pa'i phyogs dang / las mi mthun pa'i phyogs dang / rnam par shes pa mi mthun pa'i phyogs dang / len pa mi mthun pa'i phyogs dang / lta ba mi mthun pa'i phyogs dang /
21b1 the tshom mi mthun pa'i phyogs dang / mchog tu 'dzin pa mi mthun pa'i phyogs dang / nga rgyal mi mthun pa'i phyogs dang / rgod pa mi mthun pa'i phyogs te/ rnam pa bcu po de dag ni
21b2 stong pa nyid kyi mi mthun pa'i phyogs so/ /de la ma rig pa ni gnyis su bgrang ba dang / rnam par bzhi'o/ /gnyis su bgrang ba gang zhe na/ nyon mongs pa'i sgrib par bgrang ba dang /
21b3 shes bya'i sgrib par bgrang ba'o/ /de la rnam par bzhi gang zhe na/ 'dod pa la mngon par chags pa'i rgyu las byung ba dang / gzugs la mngon par chags pa'i rgyu las byung ba dang /
21b4 gzugs med pa la mngon par chags pa'i rgyu las byung ba dang / dngos po med pa la mngon par chags pa'i rgyu las byung ba'o/ /de la sred pa ni gzhi gnyis dang / rnam pa bzhi
21b5 ste| gzhi gnyis gang zhe na/ srid pa'i gzhi dang / longs spyod kyi gzhi'o/ /rnam pa gzhi gang zhe na/ 'dod pa la sred pa dang / gzugs la sred pa dang / gzugs med pa
21b6 la sred pa dang / dngos po med pa la sred pa'o/ /de la las ni ldang ba gcig dang / rnam par gsum dang / rnam par smin pa gsum ste/ de la ldang ba gcig gang zhe na/ yid
21b7 kyi las so/ /rnam pa gsum gang zhe na/ lus las byung ba dang / ngag las byung ba dang / sems las byung ba'o/ /de la rnam par smin pa gsum gang zhe na/ gnag la
22a1 rnam par smin pa gnag pa dang / dkar la rnam par smin pa dkar ba dang / dkar gnag 'dren ma la rnam par smin pa dkar gnag 'dren ma'o/ /de la rnam
22a2 par shes pa ni rnam pa drug ste/ mig gi rnam par shes pa dang / rna ba'i rnams par shes pa dang / sna'i rnam par shes pa dang / lce'i rnam par shes pa dang / lus kyi rnam par
22a3 shes pa dang / yid kyi rnam par shes pa'o/ /rnam pa drug po de dag ni rnam pra shes pa ste/ phyin ci log la dmigs pa dang / phyin ci ma log pa la dmigs pa dang / dmigs
22a4 pa med pa'o/ /de la phyin ci log la dmigs pa ni byis pa so so'i skye bo rnam par g.yengs pa sems phyin ci log tu gyur pa rnams kyi 'dod pa dang / gzugs dang / gzugs med
22a5 pa'i rgyu las byung ba'o/ /phyin ci ma log pa la dmigs pa ni nyan thos dang / rang sangs rgyas rnams kyi mya ngan las 'das pa'i rgyur 'gyur ba'o/ /de gnyi ga las rnam par grol
22a6 ba ni byang chub sems dpa' rnams kyi dmigs pa med pa ste/ sangs rgyas kyi chos kyi rgyur 'gyur ba'o/ /de la len pa ni srid pa'i rgyu rnam pa bzhi ste/ 'dod pa'i len pa dang /
22a7 lta ba'i len pa dang / tshul khrims dang / brtul zhugs kyi len pa dang / bdag tu smra ba'i len pa'o/ /de la lta ba ni rnam par gnyis te/ log pa'i shes pa can dang / dmigs
22b1 pa can no/ /de la log pa'i shes pa can ni log par lta ba'o/ /dmigs pa can ni tha na mya ngan las 'das pa la 'ang dmigs shing mngon par dga' ba ste/ 'di ni dmigs pa can
22b2 sangs rgyas rnams kyis smad pa'o/ /de la the tshom ni rnam pa gnyis te/ theg pa'i bar du gcod pa dang / nges par gyur pa'i bar du gcod pa'o/ /de la theg pa'i bar du gcod pa'i the tshom ni the
22b3 tshom gang gis myur du mngon par rdzogs par byang chub sems pa la the tshom za ba ste/ ha cang yang yun ring por bsdad pa 'dis ci zhig byas/ nyan thos kyi theg pa'am/ rang sangs rgyas kyi
22b4 theg par myur ba myur bar sdug bsngal mthar dbyung ngo snyam nas theg pa chen po spong ba 'di ni theg pa'i bar du gcod pa'i the tshom mo/ /de la nges par gyur ba'i bar du gcod pa'i theg
22b5 tshom gang zhe na/ the tshom gang gis nges par gyur pa la mi 'jug pa ste/ nges pa'i sa khong du chud par mi 'gyur ba 'di ni nges par gyur ba'i bar du gcod pa'i the tshom ste/ 'di ni the
22b6 tshom rnam pa gnyis so/ /de la mchog tu 'dzin pa ni sbyin pa la sogs pa legs par spyad pa rnams las 'bras bu la smon pa ste/ bdag sbyin pa dang / tshul khrims la sogs pa
22b7 'di dag gis lha'am/ lha la la zhig tu gyur cig ces bya ba la sogs pa thams cad ni log par smon pa ste/ 'di ni mchog tu 'dzin pa zhes bya'o/ /de la nga rgyal zhes bya ba ni snyems
23a1 pas nga rgyal zhes bya ste/ 'di ni ngan no/ /bdag ni btsun no/ /bdag ni de dang mnyam mo zhes bya ba la sogs pa ste/ snyems pa ni nga rgyal zhes bya'o/ /de
23a2 la rgod pa ni rnam pa gnyis te/ nyon mongs pa skyed pa dang / shin tu snyems pa'o/ /de la nyon mongs pa skyed pa ni gzugs la gtsang bar yongs su brtags nas lus dang / ngag dang /
23a3 yid kyis 'gal bar spyod pa ste/ gang 'phags pa rnams kyis smad pa yin no/ /de la shin tu snyems pa ni nges par 'byin pa'i lam de nyid la shin tu snyems pa dang / shin
23a4 tu rgyug pa dang / bdag nyid snyems pa ste/ 'di ni rgod pa zhes bya'o/ /byang chub sems dpas chos kyi tshul la 'jug pa bcu po de dag gis stong pa nyid kyi mi mthun pa'i phyogs
23a5 khong du chud par bya'o// //bam po gnyis pa/ rigs kyi bu/ byang chub sems dpas chos kyi tshul la 'jug pa bcus stong pa nyid smra ba khong du chud par bya
23a6 ste| bcu gang zhe na/ 'di lta ste/ mi 'phrogs pa dang / rnam par mi 'gro ba dang / chags pa med cing chags pa dang bral ba'ang ma yin pa dang / 'jug pa med cing ldog pa
23a7 med pa dang / 'thab pa med cing rtsod pa med pa dang / bri ba med cing gang ba med pa dang / 'du byed thams cad rang bzhin gyis 'gag par bzod pa dang / chos gang yang so
23b1 so'i skye bo rnams kyis ma bskyed/ sangs rgyas rnams kyis ma bkag go zhes thos na mi skrag pa dang / 'khor ba'i rang bzhin dang / mya ngan las 'das pa'i rang bzhin de dag mtshungs
23b2 so zhes thos na the tshom mi za ba dang / de bzhin gshegs pa'i sku ni rtag pa/ chos rnams ni mi zad pa'o zhes thos na 'jug pa'o/ /de la ji ltar na mi 'phrogs pas stong pa nyid smra ba
23b3 khong du chud par bya zhe na/ stong pa nyid smra ba ni mi gnas pa'i phyir 'jig rten gyi chos rnams kyis mi 'phrogs te/ rnyed pas dga' ba'ang med/ ma rnyed pas mi dga' ba'ang med/
23b4 grags pas yid sos pa'ang med/ ma grags pas sro shi ba'ang med/ smad pas zhum pa'ang med/ bstod pas dga' bar sems pa'ang med/ bde bas chags par 'gyur ba'ang
23b5 med| sdug bsngal bas yid 'byung bar 'gyur ba'ang med de/ gang de ltar 'jig rten gyi chos rnams kyis mi 'phrogs pa de ni stong pa nyid shes pa ste/ de ltar mi 'phrogs pas
23b6 stong pa nyid smra ba khong du chud par bya'o/ /ji ltar na rnam par mi 'gro bas stong pa nyid smra ba khong du chud par bya zhe na/ stong pa nyid smra ba ni gang nas kyang rnam par mi 'gro/ gang du'ang
23b7 rnam par mi 'gro /de gang nas rnam par 'gro ba dang / gang du rnam par 'gro ba de stong pa nyid du mthong / stong pa nyid du shes so/ /gang mi 'gro /rnam par mi 'gro ba de'ang stong pa
24a1 nyid du shes te/ de ltar rnam par mi 'gro bas stong pa nyid smra ba khong du chud par bya'o/ /ji ltar na chags pa med cing chags pa dang bral ba'ang ma yin pas
24a2 stong pa nyid smra ba khong du chud par bya zhe na/ stong pa nyid smra ba ni gang du'ang chags pa'am/ mi chags pa med de/ de gang la chags pa dang / gang la mi chags pa de stong pa nyid du
24a3 shes| stong pa nyid du mthong zhing / gang chos gang la chags pa dang / chags pa med pa de'ang stong pa nyid du shes te/ de ltar chags pa med cing chags pa dang bral ba'ang ma yin
24a4 pas stong pa nyid smra ba khong du chud par bya'o/ /de la ji ltar na 'jug pa med cing ldog pa med pas stong pa nyid smra ba khong du chud par bya zhe na/ stong pa nyid smra ba ni gang du'ang mi
24a5 'jug/ gang nas kyang mi ldog ste/ de gang la 'jug pa dang / gang nas kyang ldog pa de stong pa nyid du shes/ stong pa nyid du mthong yang byang chub kyi tshogs rnams la mi 'jug
24a6 pa'ang ma yin te/ gang de ltar 'jug pa de ni stong pa nyid shes pa yin te/ de ltar 'jug pa med cing ldog pa med pas stong pa nyid smra ba khong du chud par bya'o/ /ji ltar na
24a7 'thab pa med cing rtsod pa med pas stong pa nyid smra ba khong du chud par bya zhe na/ gang la la 'thab cing rtsod par byed pa des ni stong pa nyid mi shes te/ de gang dang 'thab cing rtsod
24b1 par byed pa de stong pa nyid du shes/ stong pa nyid du mthong ste/ de ltar 'thab pa med cing rtsod pa med pas stong pa nyid smra ba khong du chud par bya'o/ /ji ltar na bri ba med cing gang ba med
24b2 pas stong pa nyid smra ba khong du chud par bya zhe na/ stong pa nyid smra ba ni chos gang yang bri ba'am/ gang bar mi mthong ste/ des chos gang stong pa de bri ba'am/ 'phel bar yang dag par rjes
24b3 su mi mthong ngo / /su chos gang 'bri ba'am/ 'phel bar yang dag par rjes su mthong ba de ni stong pa nyid shes pa ma yin te/ de ltar bri ba med cing gnag ba med pas stong pa nyid smra ba khong
24b4 du chud par bya'o/ /ji ltar na 'du byed thams cad rang bzhin gyis 'gags par bzod pas stong pa nyid smra ba khong du chud par bya zhe na/ stong pa nyid smra ba ni chos yang dag pa'am/
24b5 yang dag pa ma yin par yang rjes su mi mthong ngo / /gang yang dag pa'ang ma yin/ yang dag pa ma yin pa'ang ma yin pa de ni ngo bo nyid kyis 'gags pa'o/ /gang ngo bo nyid kyis
24b6 'gags pa de ni rang bzhin gyis 'gags pa zhes bya'o/ /stong pa nyid smra ba ni chos gang yang skye ba'am/ 'gags par yang dag par rjes su mi mthong ste/ de ltar 'du byed
24b7 thams cad rang bzhin gyis 'gags par bzod pas stong pa nyid smra ba khong du chud par bya'o/ /de la ji ltar na chos gang yang so so'i skye bo rnams kyis ma bskyed/ sangs rgyas
25a1 rnams kyis ma bkag ces thos na mi skrag pas stong pa nyid smra ba khong du chud par bya zhe na/ stong pa nyid smra ba ni 'di ltar 'di dag ni so so'i skye bo/ 'di
25a2 dag ni sangs rgyas so snyam du mi sems mod kyi/ sangs rgyas kyi chos mnyam pa nyid kyis so so'i skye bo'i chos mnyam pa nyid du shes so/ /gang so so'i skye bo'i chos ni tha ma/
25a3 sangs rgyas kyi chos rnams ni rgya che bar mthong ba de ni stong pa nyid shes pa ma yin te/ de ltar chos gang so so'i skye bo rnams kyis ma bskyed/ sangs rgyas rnams kyis ma bkag
25a4 ces thos na mi skrag pas stong pa nyid smra ba khong du chud par bya'o/ /ji ltar na 'khor ba'i rang bzhin dang / mya ngan las 'das pa'i rang bzhin de dag mtshungs so zhes thos na the tshom
25a5 mi za bas stong pa nyid smra ba khong du chud par bya zhe na/ gang 'khor ba'i rang bzhin dang / mya ngan las 'das pa'i rang bzhin tha dad par mthong ba de ni stong pa nyid shes pa ma yin
25a6 no| |de ci'i phyir zhe na/ 'di lta ste/ 'khor ba'i de bzhin nyid dang / mya ngan las 'das pa'i de bzhin nyid de gnyi ga'ang 'dus ma byas kyi mtshan nyid du mtshan nyid gcig ste/
25a7 gang 'di ltar 'khor ba'i de bzhin nyid dang / mya ngan las 'das pa'i de bzhin nyid mtshungs shing bye brag med par mthong ba ni the tshom mi za ste/ de ltar 'khor ba'i rang bzhin
25b1 dang mya ngan las 'das pa'i rang bzhin de dag mtshungs so zhes thos na the tshom mi za bas stong pa nyid smra ba khong du chud par bya'o/ /ji ltar na de bzhin gshegs pa'i sku ni rtag pa chos
25b2 rnams ni mi zad pa'o zhes thos na 'jug pas stong pa nyid smra ba khong du chud par bya zhe na/ gang de bzhin gshegs pa'i sku rtag pa mi zad pa zhes thos na mi 'jug pa de ni stong pa nyid shes pa
25b3 ma yin no/ /de ci'i phyir zhe na/ de bzhin gshegs pa'i sku ni de bzhin nyid dang / stong pa nyid do/ /glo bur gyi nyon mongs pa dang / nye ba'i nyon mongs pa'i sku ma yin no/ /gang de de
25b4 ltar shes pa de ni stong pa nyid shes pa ste/ de ltar de bzhin gshegs pa'i sku ni rtag pa/ chos rnams ni mi zad pa zhes thos na 'jug pas stong pa nyid smra ba khong du chud par bya ste/ rigs
25b5 kyi bu| byang chub sems dpas chos kyi tshul la 'jug pa bcu po de dag gis stong pa nyid smra ba khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus
25b6 chos smra ba po khong du chud par bya ste/ bcu gang zhe na/ 'di lta ste/ mang du thos pa dang / thos pa 'dzin pa dang / thos pa rgya mtsho dang / thos pa bsags pa'ang yin la thos pa des mtho
25b7 bar yang mi sems/ dma' bar yang mi sems ba dang / don dang / chos dang / nges pa'i tshig dang / srogs pa phun sum tshogs pa'ang yin la thos pa yongs su tshol ba'i brtson 'grus
26a1 kyang mi nyams pa dang / dus shes pa dang / tshod shes pa dang / sman shes pa dang / chos shes pa dang / don shes pa'ang yin la rgan pa rnams la bsten
26a2 par yang mi 'dor ba dang / bstan bcos shes pa dang / de kho na shes pa dang / 'dul ba shes pa'ang yin la gzhan la 'dri ba'i sbyor ba'ang mi gtong ba dang / mgu sla ba dang / gso
26a3 sla ba dang / cho ga dang / spyod pa mdzes pa phun sum tshogs pa'ang yin la bla ma la rim gro byed pa'i spyod pa'ang mi gtong ba dang / dul ba dang / zhi ba dang / byang ba dang / mi 'jigs
26a4 pa'ang yin la khrel yod pa dang / ngo tsha shes pa'i sbyor ba'ang mi gtong ba dang / zab pa dang / gting dpag dka' ba'i don la mkhas pa'ang yin la 'jig rten gyi 'jug pa rags
26a5 shing sla ba la'ang 'jug pa dang / sems can dang mthun par bya ba'i phyir rang bzhin gyis drang ba dang / mnyen pa dang / 'grogs na bde ba'ang yin la sems can sdang ba dang / rab
26a6 tu sdang ba dang / tshul khrims 'chal pa rnams dang lhan cig tu'ang mi gnas pa dang / sbyin pa dang / dul ba dang / mi 'gyur ba dang / des pa dang / cho ga dang / gnas pa la
26a7 mngon par dga' ba'ang yin la thams cad du'ang yid mi gnas pa dang / spyod yul yang rnam par mi rtog pa dang / bag la nyal ba dang / kun nas dkris pa dang / mdud pa
26b1 dang | zug rngu 'byin pa'ang yin la sems can gzhan gyi nyon mongs pa dag spong ba'i brtson 'grus kyang mi gtong ba ste/ rigs kyi bu/ byang chub sems dpas chos kyi tshul la 'jug pa
26b2 bcu po de dag gis chos smra ba po khong du chud par bya'o/ /gzhan yang / byang chub sems dpas chos kyi tshul la 'jug pa bcus chos smra ba po khong du chud par bya ste/ bcu gang zhe na/ 'di lta
26b3 ste| 'dod pa thams cad dang bral ba'ang yin la byang chub sems dpa'i tshogs thams cad la brtson 'grus kyang nyams par mi byed pa dang / chos rnams mi 'pho bar yang shes la bdog
26b4 pa thams cad yongs su gtong ba'i brtson 'grus kyang nyams par mi byed pa dang / mi zad pa'i chos mngon sum du gyur pa'ang yin la bzod pa dang / des pa'ang nyams par mi byed pa dang /
26b5 rtag tu ting nge 'dzin spyod yul ba'ang yin la sems can thams cad kyi dge ba bya ba'i rtsom pa'ang nyams par mi byed pa dang / zhi ba dang / nye bar zhi ba la spyod yul ba'ang yin la rnam
26b6 par g.yengs te sems phyin ci log tu gyur pa'i sems can yongs su smin par bya ba la rab tu brtson pa'ang nyams par mi byed pa dang / gzungs dang / so so yang dag par rig pa
26b7 thob pa'ang yin la thos pa tshol ba'i brtson 'grus kyang nyams par mi byed pa dang / chos kyi gter yang yin la legs par brjod pa gcig gi phyir dpag tshad brgya stong du 'gro ba'i
27a1 brtson 'grus kyang nyams par mi byed pa dang / chos thams cad la gzhan gyi dring la mi 'jog pa'ang yin la slob dpon dang / bla ma tshol ba'i brtson 'grus kyang
27a2 nyams par mi byed pa dang / chos thams cad ma skyes ma 'gags pa la the tshom med pa'ang yin la dam pa'i chos yongs su 'dzin pa'i brtson 'grus kyang nyams par mi byed pa
27a3 dang | sems can dang / sems can du btags pa'ang mi dmigs la/ sangs rgyas kyi byang chub khong du chud par bya ba'i brtson 'grus kyang nyams par mi byed pa ste/ rigs kyi bu /
27a4 byang chub sems dpas chos kyi tshul la 'jug pa bcu po de dag gis chos smra ba po khong du chud par bya'o/ /gzhan yang / rigs kyi bu/ byang chub sems dpas chos kyi tshul la
27a5 'jug pa bcus chos smra ba po khong du chud par bya ste/ bcu gang zhe na/ 'di lta ste/ sbyin pa dang / snyan par smra ba dang / don spyod pa dang / don mthun par byed pas de'i tshig
27a6 gzung ba yin/ byams pa chen pos bskyed pas de'i tshig 'jam pa yin/ dben pa'i rjes su mthun zhing 'dod chags med pa'i rjes su mthun la thar pa'i rjes su mthun pas
27a7 de'i tshig rjes su mthun pa yin/ zhi gnas dang mthun zhing lhag mthong dang mthun la lam dang mthun pas de'i tshig mthun pa yin/ gsang ba rnam par 'byed pas de'i tshig
27b1 gsal ba yin/ sgra ngan pa med pa dang / don rdzogs pas de'i tshig gi don dang / yi ge mi 'dor ba dang ldan pa yin/ gti mug gi mun pa dang / 'khrul pa rnam par 'joms pas de'i tshig
27b2 g.yo dang / sgyu med pa yin/ chos thams cad mngon sum du gyur pa'i rgyu las byung bas de'i tshig the tshom med pa yin/ nyon mongs pa dang / nye ba'i nyon mongs pa thams cad spong ba'i rgyu
27b3 las byung bas de'i tshig bag la nyal med pa yin/ dri ma med cing rtsom pa med pas de'i tshig kun nas ldang ba med pa yin te/ rigs kyi bu/ byang chub sems dpas chos kyi tshul la
27b4 'jug pa bcu po de dag gis chos smra ba po khong du chud par bya'o/ /gzhan yang / rigs kyi bu/ byang chub sems dpas chos kyi tshul la 'jug pa bcus chos smra ba po khong du chud par
27b5 bya ste| bcu gang zhe na/ 'di lta ste/ de'i chos ston pa dam pa'i chos yongs su gzung ba la rten pa yin gyi/ rnyed pa dang / bkur sti la rten pa ma yin pa dang / de'i chos ston pa sangs rgyas
27b6 thams cad la rten pa yin gyi/ rang dga' la rten pa ma yin pa dang / de'i chos ston pa byams pa chen po dang / snying rje chen po'i rtsa ba can yin gyi/ nyon mongs pa dang / nye ba'i nyon
27b7 mongs pa'i rtsa ba can ma yin pa dang / de'i chos ston pa so so'i skye bo'i rgyun gcod pa yin gyi/ sangs rgyas dang / chos dang / dge 'dun gyi tshul gcad pa ma yin pa dang / de'i chos ston pa snying rje chen po'i
28a1 rlan gyis brlan pa yin gyi/ bdag bde ba'i rlan gyis brlan pa ma yin pa dang / de'i chos ston pa stong pa nyid dang / mtshan ma med pa dang / smon pa med pa la
28a2 nges par rtogs pas zab pa dang / de'i chos ston pa'i chos kyi 'khor lo rab tu bskor ba dang mthun pas skye bo dge ba rnams dang mthun pa dang / de'i chos ston pa phung po dang / 'chi
28a3 bdag dang / nyon mongs pa dang / lha'i bu tshar gcod pas bdud thams cad rnam par 'joms pa dang / de'i chos ston pa 'jig rten thams cad kyis mchod par 'os pas byang chub
28a4 kyi snying por 'gro ba dang / de'i chos ston pa stobs dang / mi 'jigs pa dang / sangs rgyas kyi chos ma 'dres pa thob par byed pas thams cad mkhyen pa'i ye shes kyi rjes su 'gro ba
28a5 yin te/ rigs kyi bu/ byang chub sems dpas chos kyi tshul la 'jug pa bcu po de dag gis chos smra ba po khong du chud par bya'o/ /gzhan yang / byang chub sems dpas chos kyi tshul
28a6 la 'jug pa bcus chos smra ba po khong du chud par bya ste/ bcu gang zhe na/ 'di lta ste/ tshangs par spyod pa'i yo byad la dga' ba yin gyi/ 'jig rten pa'i yo byad la dga' ba ma
28a7 yin pa dang / 'phags pa'i skye bo'i tshul la mngon par dga' ba yin gyi/ 'phags pa ma yin pa'i skye bo'i tshul la dga' ba ma yin pa dang / 'phags pa ma yin pa'i skye bo
28b1 yongs su smin par bya ba la dga' ba yin gyi/ bya ba ma yin pa dang / bya ba ngan pa la dga' ba ma yin pa dang / chos kyi zas la mngon par dga' ba yin gyi/ zang zing gi zas la mngon
28b2 par dga' ba ma yin pa dang / dgon pa dang / bas mtha' la mngon par dga' ba yin gyi/ grong dang / grong khyer dang / tshong 'dus kyi spyod yul la mngon par dga' ba ma yin pa dang / sangs
28b3 rgyas kyi byang chub la mngon par dga' ba yin gyi/ nyan thos dang / rang sangs rgyas kyi byang chub la mngon par dga' ba ma yin pa dang / shes bya'i sgrib pa spong ba la mngon par
28b4 dga' ba yin gyi/ nyon mongs ba'i sgrib pa spong ba tsam la mngon par dga' ba ma yin pa dang / mtshan dang / dpe byad bzang po dang / gzugs kyi lus mngon par bsgrub pa la mngon
28b5 par dga' ba yin gyi/ chos kyi sku mngon par rtogs pa tsam la dga' ba ma yin pa dang / stobs dang / mi 'jigs pa dang / sangs rgyas kyi chos ma 'dres pa yang dag par bsgrub pa
28b6 la mngon par dga' ba yin gyi/ 'phags pa'i bden pa mngon par rtogs pa tsam la mngon par dga' ba ma yin pa dang / sems can pha rol gyi dge ba'i rtsa ba yang dag par bsgrub pa
28b7 la mngon par dga' ba yin gyi/ bdag gi dge ba'i rtsa ba yang dag par bsgrub pa la mngon par dga' ba ma yin pa dang / bag chags kyi mtshams sbyor ba spong ba la mngon par
29a1 dga' ba yin gyi/ nyon mongs pa'i sgrib pa spong ba tsam la mngon par dga' ba ma yin pa ste/ rigs kyi bu/ byang chub sems dpas chos kyi tshul la 'jug
29a2 pa bcu po de dag gis chos smra ba po khong du chud par bya'o/ /byang chub sems dpas chos kyi tshul la 'jug pa dpe dang ldan pa bcus chos smra ba po khong du chud par bya ste/ bcu gang zhe
29a3 na| 'di lta ste/ dper na/ sa chen po ni sems can thams cad kyi 'tsho bar gyur kyang su las kyang lan cung zad kyang mi tshol lo/ /de bzhin du byang chub sems dpas chos smra ba'ang sa
29a4 ltar sems can thams cad kyi 'tsho ba yin te/ su las kyang lan cung zad kyang mi tshol lo/ /'di lta ste/ dper na/ chu ni rang gi yon tan rnams kyis sems can thams cad bde
29a5 bar byed kyang su las kyang lan cung zad kyang mi tshol lo/ /de bzhin du byang chub sems dpa' chos smra ba'ang rang gi yon tan rnams kyis sems can thams cad bde bar byed de/ su las
29a6 kyang lan cung zad kyang mi tshol lo/ /'di lta ste/ dper na/ me'i khams ni rang gi yon tan rnams kyis sems can thams cad kyi 'tsho ba yin te/ sems can thams cad kyi 'tsho
29a7 ba lo tog thams cad yongs su smin par byed kyang su las kyang lan cung zad kyang mi tshol lo/ /de bzhin du byang chub sems dpa' chos smra ba'ang rang gi shes rab kyi yon tan rnams
29b1 kyis sems can thams cad kyi 'tsho ba yin te/ sems can thams cad kyi 'tsho ba dge ba'i rtsa ba'i lo tog rnams yongs su smin par byed kyang su las kyang lan cung zad kyang mi tshol lo/ /'di
29b2 lta ste| dper na/ rlung gi khams ni rtswa dang / shing gel pa dang / sman gyi tshogs dang / sems can gyi rgyud rnams rnam par bskyed kyang rnam par mi rtog cing mi 'gyur ro/ /de bzhin
29b3 du byang chub sems dpas chos smra ba'ang sems can thams cad kyi skye ba'i lus dang / chos kyi sku rnam par bskyed kyang su las kyang lan cung zad kyang mi tshol lo/ /'di lta ste/ dper na/ nam mkha'i
29b4 khams ni mtha' yas shing mu med la sgrib pa med pa'i rang bzhin te/ sems can thams cad nye bar 'tsho'ang rnam par mi rtog cing 'gyur ba med de/ gang la'ang mi chags so/ /de
29b5 bzhin du byang chub sems dpa' chos smra ba'ang yon tan mtha' yas shing mu med la thams cad du sgrib pa med pa'i rang bzhin te/ sems can thams cad nye bar 'tsho'ang rnam par mi
29b6 rtog cing 'gyur ba med de/ gang la yang mi chags so/ /'di lta ste/ dper na/ zla ba ni thams cad du sems can thams cad la rtag tu nges par snang zhing 'jig rten skyong yang 'jig
29b7 rten gyi chos rnams kyis mi gos so/ /de bzhin du byang chub sems dpa' chos smra ba'ang thams cad du sems can thams cad la rtag tu nges par snang zhing 'jig rten skyong yang
30a1 'jig rten gyi chos rnams kyis mi gos so/ /'di lta ste/ dper na/ nyi ma shar bas mun pa mun nag thams cad med par gyur te/ de'i 'od kyis snang
30a2 bar byas nas sems can dag rang rang gi las rnams byed kyang nyi ma ni mi rtog rnam par mi rtog ste/ su las kyang lan cung zad kyang mi tshol lo/ /de bzhin du byang chub sems
30a3 dpa' chos smra ba byung bas sems can thams cad kyi ma rig pa'i mun pa mun nag med par gyur te/ de'i 'od kyis snang bar byas na sems can dag rang rang gi dge ba'i rtsa ba rnams
30a4 byed kyang chos smra ba ni mi rtog rnam par mi rtog ste/ su las kyang lan cung zad kyang mi tshol lo/ /'di lta ste/ dper na/ gru sra zhing brtan pa legs par sbyar ba ni mi
30a5 zhig par chu bo chen po las sems can rnams sgrol nus te/ su las kyang gru btsas cung zad kyang mi tshol lo/ /de bzhin du byang chub sems dpa' chos smra ba'ang shes rab brtan
30a6 cing pha rol tu phyin pa sra ba snying rje chen pos legs par sbyar ba'i chos can yang sems can rnams 'khor ba'i chu bo chen po las sgrol nus te mi zhig kyang su las kyang gru btsas
30a7 cung zad kyang mi tshol lo/ /'di lta ste/ dper na/ 'bab chu drag po 'jigs pa la bram pa dang / stegs ni sems can tha ma dang / 'bring dang / mchog rnams la mtshungs par
30b1 bde bar bya ba'i phyir gnas pa yin te/ de gang la'ang ngar 'dzin pa med cing nga yir 'dzin pa med do/ /de bzhin du byang chub sems dpa' chos smra ba'ang 'khor ba rgal dka' ba/ mi bzod
30b2 pa| ma rungs pa ngan song du gzhol bar 'bab pa la stegs dang / bram pa chen por gyur cing sems can thams cad dang / 'bring dang / mchog rnams la mtshungs par bde bar bya ba'i phyir
30b3 gnas pa yin te/ de gang la'ang ngar 'dzin pa med cing nga yir 'dzin pa med do/ /'di lta ste/ dper na/ sgron ma ni mun nag gi nang na sems can tha ma dang / 'bring dang / mchog
30b4 rnams la mtshungs par snang bar byed de/ de gang la'ang ngar 'dzin pa med cing nga yir 'dzin pa med do/ /de bzhin du byang chub sems dpa' chos smra ba'ang ma rig pa'i mun nag 'khor
30b5 ba'i khyim gyi nang du shes rab kyi sgron ma phyung nas sems can tha ma dang / 'bring dang / mchog rnams la mtshungs par snang bar byed kyang / de gang la'ang ngar 'dzin pa med cing nga
30b6 yir 'dzin pa med de/ byang chub sems dpas chos kyi tshul la 'jug pa dpe dang ldan pa bcu po de dag gis chos smra ba po khong du chud par bya'o/ /rigs kyi bu/ chos kyi tshul
30b7 la 'jug pa bcus byang chub sems dpa' rnams kyi mi 'grogs pa khong du chud par bya ste/ bcu gang zhe na/ 'di lta ste/ dman pa la sems pa dang / dman pa la smon pa'i
31a1 sems can dman pa rnams dang lhan cig mi 'grogs pa dang / sems can mi brtson pa/ mi 'grus pa/ le lo can/ brtson 'grus med pa rnams dang lhan
31a2 cig mi 'grogs pa dang / nga rgyal dang / che ba'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / cung zad snyems pa'i nga rgyal dang / mngon pa'i nga
31a3 rgyal dang / log pa'i nga rgyal dang / nga rgyal gyis khengs pa'i sems can rnams dang lhan cig mi 'grogs pa dang / ser sna dang / 'chal ba'i tshul khrims dang / gnod sems
31a4 dang | le lo dang / rnam par g.yengs pa dang / 'chal ba'i shes rab kyi rang bzhin can gyi sems can rnams dang lhan cig mi 'grogs pa dang / 'dod pa la 'dun pa dang /
31a5 gnod sems dang / rnam par 'tshe ba'i rnam par rtog pa rnams dang lhan cig mi 'grogs pa dang / rtog pa dang / rnam par rtog pa dang / kun tu rtog pa thams cad dang
31a6 lhan cig mi 'grogs pa dang / sgrib pa dang / chod pa dang / kun nas dkris pa thams cad dang lhan cig mi 'grogs pa dang / nyan thos dang / rang sangs rgyas kyi yid la
31a7 byed pa thams cad dang lhan cig mi 'grogs pa dang / rnyed pa dang / bkur sti dang / tshigs su bcad pa la mngon par dga' ba'i yid la byed pa thams cad dang lhan cig mi
31b1 'grogs pa dang / ngar 'dzin pa dang / nga yir 'dzin pa rnams dang lhan cig mi 'grogs pa ste/ chos kyi tshul la 'jug pa bcu po de dag gis byang chub sems dpa' rnams kyi mi
31b2 'grogs pa khong du chud par bya'o/ /rigs kyi bu/ gzhan yang / byang chub sems dpa' ni yal bar 'dor ba bcu dang lhan cig mi 'grogs te/ bcu gang zhe na/ 'di lta ste/ dam
31b3 pa'i chos yongs su 'dzin pa yal bar 'dor ba dang lhan cig mi 'grogs so/ /dam pa'i chos nyan pa yal bar 'dor ba dang lhan cig mi 'grogs so/ /sems can yongs
31b4 su smin par byed pa yal bar 'dor ba dang lhan cig mi 'grogs so/ /dam pa'i chos kyi sbyin pa yal bar 'dor ba dang lhan cig mi 'grogs so/ /bla ma thams cad la rim
31b5 gro bya ba la yal bar 'dor ba dang lhan cig mi 'grogs so/ /bdud kyi las yal bar 'dor ba dang lhan cig mi 'grogs so/ /mu stegs can dkrug pa yal bar 'dor ba
31b6 dang lhan cig mi 'grogs so/ /dam pa'i chos rab tu rnam par 'jig pa yal bar 'dor ba dang lhan cig mi 'grogs so/ /pha rol tu phyin pa yal bar 'dor ba dang lhan
31b7 cig mi 'grogs so/ /phung po gsum pa'i yongs su bsngo ba yal bar 'dor ba dang lhan cig mi 'grogs te/ byang chub sems dpa' ni yal bar 'dor ba bcu po de dag dang
32a1 lhan cig mi 'grogs so/ /byang chub sems dpa' rnams kyi 'phrul pa chen po rnam pa bcur khong du chud par bya ste/ rnam pa bcu gang zhe na/ 'di lta ste/ 'khor
32a2 los bsgyur bar 'phrul pa dang / brgya byin du 'phrul pa dang / tshangs par 'phrul pa dang / nyan thos su 'phrul pa dang / rang sangs rgyas su 'phrul pa dang / byang chub sems dpar
32a3 'phrul ba dang / sangs rgyas su 'phrul pa dang / sangs rgyas kyi zhing du 'phrul pa dang / byang chub kyi snying por 'phrul ba dang / 'khor chen por 'phrul pa ste/ bcu po de dag ni byang
32a4 chub sems dpa' rnams kyi 'phrul pa chen por khong du chud par bya'o/ /byang chub sems dpa' rnams kyi 'phrul pa chen po 'di dag thams cad ni gzhan gyi bsam pa las gyur
32a5 par blta'o/ /de la nam 'jig rten 'khor los bsgyur ba'i rgyal po gtso bor byed cing tshul khrims yang dag par 'dzin pa dang / spyod pa gtso bor byed pa de ni byang chub sems dpa'
32a6 sems dpa' chen po 'khor los bsgyur ba'i bkod pa rnams sprul nas sems can gyi don byed do/ /de la 'khor lo rin po che ni rtsibs stong yod pa/ lha dang / mi'i las shin tu
32a7 'das pa/ dzam+bu chu bo'i gser las grub pa/ mgar bas ma brdungs ba/ rang gi smon lam dang / bsod nams gyi rdzu 'phrul gyi mthu las byung ba/ blta bas mi ngoms pa'i gzugs
32b1 can nam mkha' la 'gro ba ste/ 'khor los bsgyur ba phal gzhan rnams kyi lta bu ma yin no/ /glang po rin po che ni chu zheng phun sum tshogs pa/ thal kar mche ba drug yod pa/ blta bas mi
32b2 ngoms pa'i gzugs can/ nam mkha' la 'gro ba/ mgyogs pa'i shugs phun sum tshogs pa/ sa srung gi bu dang / nam mkha' lding ltar mgyogs pa/ legs par spyad pa'i las
32b3 kyi mthu las byung ba ste/ 'khor los bsgyur ba phal gzhan rnams kyi lta bu ma yin no/ /rta rin po che ni thams cad sngo ba/ cang shes pa/ rta'i rgyal po sprin gyi shugs can dang mtshungs
32b4 pa| rlung ltar mgyogs pa/ yid bzhin gyi nor bu ltar bsams pa tsam gyis phyin par byed pa/ nam mkha' la 'gro ba ste/ 'khor los bsgyur ba phal gzhan rnams kyi lta bu
32b5 ma yin no/ /nor bu rin po che ni zur brgyad pa/ mkhan bzos ma byas pa/ 'od phun sum tshogs pa/ me dang / nyi ma'i 'od zil gyis non pa/ gang dga' dgur 'gro ba/ phun sum
32b6 tshogs pa/ 'dod dgu phun sum tshogs par sbyin pa/ bsam pa thams cad yongs su rdzogs par byed pa ste/ 'khor los bsgyur ba phal gzhan rnams kyi lta bu ma yin no/ /
32b7 bud med rin po che ni ha cang yang mi dkar/ ha cang yang mi sngo/ ha cang yang mi ring / ha cang yang mi thung / ha cang yang mi skem/ ha cang yang mi sbom pa/ 'dul ba'i cho
33a1 ga phun sum tshogs pa/ bstan bcos dang / bzo dang / snyan dngags dang / sgyu rtsal sna tshogs mngon par shes pa/ mnyen zhing zab la snyan
33a2 pa'i smra ba phun sum tshogs pa/ yid bzhin gyi nor bu dang mtshungs pa/ 'dzum pa dang / tshul phun sum tshogs pa/ chos spyod pa la dga' ba/ mtshungs pa med pa'i gzugs
33a3 can te/ 'khor los bsgyur ba phal gzhan rnams kyi lta bu ma yin no/ /khyim bdag rin po che ni lag na rdo rje dang 'dra ba/ mchu zheng rnam thos kyi bu dang / sred med kyi bu dang
33a4 'dra ba/ rtag tu mnyen zhing snyan la 'jam zhing yid du 'ong ba'i tshig 'byin pa/ sha'i mig sgrib pa med pa dang ldan pa/ byams pa dang / snying rje mang ba/ yid bzhin gyi nor bu
33a5 ltar 'dod dgur 'dzud pa/ mig rin po che dge ba'i rtsa ba skal pa mnyams pas grub pa ste/ 'khor los bsgyur ba phal gzhan rnams kyi lta bu ma yin no/ /blon po rin po che
33a6 ni rin po che rigs ma lta bu/ dge ba'i rtsa ba rnams kyi gzugs brnyan du gyur ba/ sngar ldang zhing bsam pa dge ba/ bltas pa dang / mig rig rig byas pas don go ba/
33a7 las bzang po dang / rgyas pa dang / rdzogs pa dang / ma smad pa byed pa/ nam mkha' la 'gro ba/ 'dod dgur 'gro ba 'byor pa ste/ 'khor los bsgyur ba phal gzhan
33b1 rnams kyi lta bu ma yin no/ /de la sogs pa 'khor los bsgyur ba'i rin po che ba bkod pa thams cad sprul nas byang chub sems dpa' sems la dbang ba/ sems can thams cad la
33b2 phan pa dang / bde ba'i lhag pa'i bsam pa can/ mi rin po che kha na ma tho ba med pa'i las zab pa/ snum pa/ phan pa'i lhag pa'i bsam pa dam pa/ chos chen po la gzhol ba/ 'khor
33b3 los bsgyur ba chen po/ dge ba bcu'i las kyi lam la bsten pa/ skyes bu chen po'i mtshan sum cu rtsa gnyis dang ldan pas sems can rnams yongs su smin par byed de/ 'di ni
33b4 byang chub sems dpa'i 'khor los bsgyur bar 'phrul pa chen po zhes bya'o/ /nam 'jig rten na brgya byin gtso bor byed pa de na brgya byin gyi gzugs su sprul nas sum cu rtsa gsum
33b5 gyi khang par zhugs te/ bag yod pa'i gtam gyis lha rnams yongs su smin par byed do/ /nam 'jig rten na tshangs pa gtso bor byed pa de na tshangs pa'i gzugs su sprul nas rab
33b6 tu zhi ba'i bsam gtan dang / tshad med pa'i bsam gtan rnams kyis tshangs pa'i ris kyi lha rnams yongs su smin par byed do/ /nam sems can rnams nyan thos kyis 'dul
33b7 ba yin gyi/ rang sangs rgyas kyis 'dul ba ma yin/ sangs rgyas kyis 'dul ba ma yin pa de na nyan thos kyi gzugs su sprul nas sdug bsngal zad par bya ba dang / mya ngan
34a1 'das pa thob par bya ba'i phyir chos ston to/ /nam sems can rnams rang sangs rgyas kyis 'dul ba yin gyi/ nyan thos kyis 'dul ba ma yin/ sangs
34a2 rgyas kyis 'dul ba ma yin pa de na rang sangs rgyas kyi gzugs su sprul nas rang sangs rgyas kyi byang chub kyi lam yang dag par rab tu ston te/ dben pa'i gtam dang / 'dod chags
34a3 dang bral ba'i gtam dang / bsam gtan dang / ting nge 'dzin dang / snyoms par 'jug pa dang / rnam par thar pa dang / rdzu 'phrul gyi rkang pa'i gtam dang / sbyin gnas chen por
34a4 dbang skur ba'i gtam dang / rten pa'i gtam dang / rnam par thar pa'i tshul gyis sems can rnams yongs su smin par byed do/ /nam sems can rnams byang chub sems
34a5 dpas 'dul bar 'gyur pa de na rang gi gzugs su gnas nas pha rol tu phyin pa drug dang / byin gyi rlabs bzhi dang / byams pa chen po dang / snying rje chen po dang / gzungs dang /
34a6 dbang dang / bzod pa dang / sa'i gtam gyis sems can de dag yongs su smin par byed do/ /nam sangs rgyas kyis 'dul ba'i sems can dbang po dang / khams rgya che zhing
34a7 rgyas par gyur pa de na sangs rgyas kyi gzugs su bsgyur nas stobs dang / mi 'jigs pa dang / sangs rgyas kyi chos ma 'dres pa'i gtam rnams dang / sangs rgyas kyi rdzu
34b1 'phrul gyi cho 'phrul chen po rnams kyis sems can de dag yongs su smin par byed do/ /nam sems can rnams sangs rgyas kyi zhing rgya chen pos 'dul bar 'gyur ba de na stong gsum gyi
34b2 stong chen po'i 'jig rten gyi khams lag mthil ltar mnyam pa/ 'jam pa/ ka tsa lin+di ka ltar reg na bde ba/ bai DUR+Ya sngon por gyur la/ shel du gyur pa/ tsan+dan sprul gyi snying por
34b3 gyur pa/ dzam+bu chu bo'i gser du gyur pa/ rdo dang / gseg ma dang / gyo mo med pa/ mtho dma' med pa/ ngan song log par ltung ba med pa/ bud med rgyu ba med pa/ ri nag po med pa/
34b4 rin po che sna tshogs kyi ri rnams kyis mdzes par byas pa/ tsher ma dang / ngam grog dang / g.yang sa med pa dang / rin po che'i shing ljon pa dang / spos kyi shing sna tshogs kyis mdzes
34b5 par byas pa sprul nas sems can de dag yongs su smin par byed do/ /nam sems can rnams byang chub kyi snying po rgya chen pos 'dul bar 'gyur ba de na byang chub kyi shing dpag tshad bcu
34b6 gnyis kyi tshad du mngon par sprul te/ rtsa ba shin tu zug pa/ sdong po ni dzam+bu'i chu bo'i gser/ yal ga ni gser dang / dngul dang / bai DUR+Ya dang / shel dang / rin po che tha dad
34b7 pa| rin po che sna tshogs kyi lo mas mdzes par byas pa/ lha'i bu mo brgya stong du ma gnas pa sprul nas sems can de dag yongs su smin par byed do/ /nam sems can rnams
35a1 'khor rgya chen pos 'dul bar gyur pa de na lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci
35a2 dang | lto 'phye chen po dang / brgya byin dang / tshangs pa dang / 'jig rten skyong ba gzi brjid che ba gzi brjid che ba sprul/ nyan thos so so yang dag par rig pa thob pa/ gnyis
35a3 ka'i cha las rnam par grol ba dang / byang chub sems dpa'i sa bcu la gnas pa/ dpa' bar 'gro ba'i ting nge 'dzin thob pa rnams sprul nas sems can de dag yongs su
35a4 smin par byed de/ rigs kyi bu/ chos kyi tshul la 'jug pa bcu po de dag gis byang chub sems dpa' rnams kyi 'phrul pa chen po khong du chud par bya'o/ /rigs kyi bu/ byang
35a5 chub sems dpas chos kyi tshul la 'jug pa bcus dge ba rnams kyi rnam par smin pa'i dbang pa khong du chud par bya ste/ bcu gang zhe na/ 'di lta ste/ dper na/ chu zla ni
35a6 nam mkha'i zla ba'i gzugs brnyan yin mod kyi/ chu zla ni yod pa ma yin no/ /de bzhin du dge ba mngon par 'du byed pa'i rkyen las rnam par smin pa dge ba sna tshogs yid
35a7 du 'ong ba 'byung ste/ ji ltar nam mkha'i zla ba chu'i nang du mi 'pho ba de bzhin du dge ba'i las kyi srid pa 'du byed rnams kyang srid pa 'du byed rnams su 'pho ba'ang ma yin la/
35b1 las kyi srid pa'i rkyen las kyang srid pa'i rnam par smin pa'i dbang ba nyid kyang 'byung ngo / /'di lta ste/ dper na/ rma bya'i mdongs gcig las srog chags rnams la gzugs du mar snang ngo /
35b2 de bzhin du byang chub sems dpa' rnams kyi dge ba mngon par 'du bya ba gcig las rnam par smin pa rnam pa du mar snang ste/ las kyi srid pa'i 'du byed de dag rma bya'i mdongs su mi 'pho
35b3 mod kyi/ de'i rkyen las rma bya'i mdongs kyi rnam par smin pa'i dbang ba nyid kyang 'byung ngo / /de bzhin du dge ba'i las kyi srid pa bsags pa'ang srid par 'pho ba ma yin yang / dge
35b4 ba'i las kyi srid pa la brten nas yang srid pa'i rnam par smin pa'i dbang ba nyid kyang 'byung ngo / /'di lta ste/ dper na/ shin tu ngo mtshar rmad du byung ba'i dge ba mngon par 'du bya
35b5 ba mngon par 'du byed pas nam mkha' las me tog gi char 'bab cing me tog de dag gzugs dang / dri la sogs par dbang ba nyid du 'gyur yang / gang dge ba'i rtsa ba ngo mtshar rmad
35b6 du byung ba byas pa de dag nam mkha'i me tog de dag tu mi 'pho ste/ ngo mtshar rmad du byung ba'i mtshan nyid kyang gzhan la/ me tog de dag gi mtshan nyid kyang gzhan no/ /de bzhin du
35b7 dge ba'i las kyi srid pa yang yang srid pa'i dge bar 'pho ba'ang ma yin la/ dge ba'i las kyi srid pa'i las kyi rnam par smin pa'i dbang ba nyid kyang 'byung ngo / /'di lta ste/ dper na/ shin
36a1 tu chos spyod pa rnams la sil snyan rnams ma bskyod par mchod pa'i las kyi phyir rang sgra 'byung yang chos spyod pa de sil snyan rnams su 'pho ba ma yin te/ chos spyod pa'i mtshan nyid kyang gzhan la/
36a2 sil snyan de dag gi mtshan nyid kyang gzhan mod kyi/ chos spyod pa'i rkyen gyis sil snyan rnams ma bskyod par rang sgra 'byung ngo / /de
36a3 bzhin du rab tu byas pa'i dge ba'i las kyi srid pa'i 'du byed rnams yang srid pa'i 'du byed rnams su 'pho ba ma yin te/ rab tu chos spyod pa'i rkyen gyis rab tu'ang srid pa'i rnam
36a4 par smin pa'i dbang ba nyid kyang 'byung ngo / /'di lta ste/ dper na/ 'byung ba chen po'i dbang gis nam mkha' la 'ja' 'byung yang der 'byung ba chen po rnams 'pho ba'ang ma yin
36a5 la| 'byung ba chen po'i rkyen gyis 'ja'i gzugs kyi rnam par smin pa'i dbang ba nyid kyang 'byung ste/ de la gang kha dog skya bor snang ba de ni sa'i khams kyi dbang ngo / /de la gang
36a6 kha dog sngon por snang ba de ni chu'i khams kyi dbang ngo / /de la gang kha dog dmar por snang ba de ni me'i khams kyi dbang ngo / /gang gzhu'i dbyibs ltar 'dug pa'am/ zlum
36a7 por 'dug pa de ni rlung gi khams kyi dbang ngo / /de bzhin du dge ba'i las kyi 'du byed byas pa rnams kyi dge ba'i las kyi srid pa'i dbang gis yang srid pa'i rnam par smin pa'i
36b1 dbang ba nyid 'byung ngo / /'di lta ste/ dper na/ 'khor los bsgyur ba'i dge ba bcu'i las kyi lam gyi sdom pa'i rkyen gyis rin po che sna bdun dang / 'bras sa bon ma btab ma rmos
36b2 par 'byung yang / dge ba bcu'i las kyi lam gyi sdom pa rkyen du gyur pa de rin po che de rnams dang / 'bras rnams su 'phos pa'ang ma yin la/ dge ba bcu'i las kyi lam gyi sdom
36b3 pa'i rkyen gyis 'khor los bsgyur ba'i dbang ba nyid kyang 'byung ngo / /de bzhin du dge ba legs par byas pa shin tu mthar phyin pa legs par brtsams pa las yang srid pa'i dge
36b4 ba'i rnam par smin pa 'byung yang las kyi srid pa'ang srid par 'pho ba ma yin te/ de'i phyir rnam par smin pa mi 'dra ba zhes bya'o/ /'di lta ste/ dper na/ lha rab tu dge ba dang
36b5 ldan pa rnams kyi me tog man+dA ra ba bskyed mi dgos pa dang / gzhal med khang bya mi dgos pa dang / bdud rtsi'i zas bsgrub mi dgos par 'byung yang dge ba'i 'du byed kyi las kyi
36b6 rnam par smin pa de dag 'pho ba ma yin te/ dge ba'i 'du byed kyi rkyen gyis lha'i rnam par smin pa'i dbang ba 'byung ngo / /'di lta ste/ dper na/ rdzu 'phrul chen po rnams kyi rdzu
36b7 'phrul mngon par 'du byed pa'i rkyen gyis sgrib pa med par dbang ba nyid 'byung yang rdzu 'phrul mngon par 'du byed pa sgrib pa med par 'pho ba'ang ma yin la/ rdzu 'phrul mngon par
37a1 'du byed pa'i rkyen gyis rdzu 'phrul dang ldan pa rnams kyi sgrib pa med pa'ang 'byung ste/ ri la sogs pa 'pho ba'ang ma yin/ bsams pa tsam gyis sgrib
37a2 pa med par 'byung ba'ang ma yin no/ /de bzhin du bag yod pa rnams kyi dge ba mngon par 'du byed pa'i rkyen gyis yang srid pa'i rnam par smin pa'i dbang ba nyid 'byung ngo / /
37a3 'di lta ste/ dper na/ rlung gi rkyen gyis me 'byung gi /de med na mi 'byung ste/ me byung nas tshos par bya bar snang ba la sogs par rnam par smin pa'i dbang ba nyid 'byung
37a4 yang / me'i dbang ba de rlung dang / shing rnams la mi 'pho la/ me la me'i dbang ba nyid yod pa'ang ma yin no/ /de bzhin du rkyen thams cad las skyes pa'i dge ba dang / mi
37a5 dge ba'i rnam par smin pa'ang so sor khong du chud par bya'o/ /'di lta ste/ dper na/ rnal 'byor spyod pa'i dge slong dge ba zad pa med pa'i tshogs rnam par dag pa/ dbang
37a6 rab tu thob pas zad par nam mkha' bsams pa tsam gyis de bzhin du 'gyur te/ sra ba dang / gsher ba dang / tsha ba dang / g.yo ba rnams dang / sngon po dang / ser po
37a7 dang | dmar po dang / dkar po rnams kyi sgrib pa med par 'gyur yang / sems kyi sgrib pa med pa nam mkha'i sgrib pa med par 'pho ba'ang ma yin/ bsams pa tsam gyis
37b1 sgrib pa med par 'gyur ba yang ma yin/ sems kyi sgrib pa med pa de dang mi ldan par sra ba la sogs pa'i sgrib pa med par 'gyur ba yang ma yin no/ /de bzhin du rkyen las byung ba'i
37b2 dge ba dang / mi dge ba thams cad kyi rnam par smin pa'i dbang ba nyid khong du chud par bya ste/ byang chub sems dpas chos kyi tshul la 'jug pa bcu po de dag gis dge ba rnams kyi
37b3 rnam par smin pa'i dbang ba nyid khong du chud par bya'o/ /rigs kyi bu/ byang chub sems dpas chos kyi tshul la 'jug pa bcus zag pa med pa'i dge ba rnams kyi rnam par smin
37b4 pa 'thob pa'i dbang ba nyid khong du chud par bya ste/ bcu gang zhe na/ 'di lta ste/ mngon par shes pa drug dang / rig pa gsum dang / rnam par thar pa brgyad dang / zil gyis
37b5 gnon pa'i skye mched brgyad dang / zad par gyi skye mched bcu dang / dbang bcu dang / bden pa bcu dang / mthar gyis gnas pa'i snyoms par 'jug pa dgu dang / stobs
37b6 bcu dang / shes pa bcu'o/ /de la mngon par shes pa drug gang zhe na/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa'i
37b7 shes pa dang / rdzu 'phrul bya ba shes pa dang / zag pa zad pa shes pa ste/ 'di dag ni byang chub sems dpa' rnams kyi mngon par shes pa drug go /de la byang chub sems
38a1 dpa'i lha'i mig gang zhe na/ dge ba'i tshogs thams cad bsags pa/ ma nyams pa/ chags pa med pa/ tshad med pa/ sgrib pa med pa/
38a2 gnas pa med pa/ rma med pa/ 'khrul pa med pa/ bstan du med pa/ kha na ma tho ba med pa/ 'jig rten thams cad dang / nyan thos dang / rang sangs rgyas rnams dang
38a3 thun mong ma yin pa/ bag chags kyi mtshams sbyor pa thams cad yang dag par bcom pa/ phyad par mthong ba/ phyad par lung ston pa ste/ lha'i mig des sems
38a4 can rnams mthong ste/ 'chi 'pho dang / skye ba dang / kha dog bzang po dang / kha dog ngan pa dang / tha ma dang / mchog dang / las nye bar 'gro ba ji lta ba dang /
38a5 rgyu dang bcas pa dang / rnam par smin pa dang bcas pa yang dag pa ji lta ba bzhin du mthong ngo / /de'i lha'i mig de ni sangs rgyas kyi ye shes thob par byed pa ste/
38a6 der nges pa yin no/ /de la byang chub sems dpa'i lha'i rna ba ni de lha'i rna ba sgrib pa med pa/ dge ba'i tshogs thams cad bsags pa/ byis pa so so'i skye bo dang /
38a7 brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang /
38b1 lto 'phye chen po thams cad dang / nyan thos dang / rang sangs rgyas thams cad las khyad par du 'phags pa/ chod pa med pa 'od gsal bas sgra thams cad thos te/ lha dang / klu
38b2 dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i sgra dang / tha na sbrang bu dang / grog ma dang / sha sbrang dang /
38b3 'phags pa dang / 'phags pa ma yin pa'i sgra rnams kyang thos te/ thos nas kyang 'phags pa ma yin pa'i sgra rnams la khong khro bar yang mi byed/ 'phags pa'i sgra rnams la
38b4 rjes su chags par yang mi byed/ so so'i skye bo'i sgra rnams la tha mar 'du shes pa'ang ma yin/ nyan thos dang / rang sangs rgyas kyi sgra rnams la dam par 'du shes pa'ang ma
38b5 yin| 'phags pa ma yin pa'i tshul la khong khro bar yang mi byed/ 'phags pa'i tshul la rjes su chags par yang mi byed/ sgra gang la'ang yon tan du 'du shes pa'am /
38b6 nyes par 'du shes pa ma yin te/ gzhan du na sgra thams cad brag ca lta bu dang / stong pa dang / g.yo ba med pa dang / bdag dang / bdag gi med cing dpen par rab tu shes
38b7 kyang rna ba'i skye mched 'bad pa'ang ma yin/ sgra'i skye mched 'bad pa'ang ma yin te/ byang chub sems dpa'i lha'i rna ba ni 'di lta bu yin no/ /de la byang chub sems dpa'i pha
39a1 rol gyi sems shes pa ni rang gi sems yongs su shes pa dang ldan pa yin te/ de rang gi sems yongs su shes pa dang ldan pas sems can thams
39a2 cad kyi sems dang spyod pa rab tu shes te/ sems can gzhan rnams dang / gang zag gzhan dag gi 'dod chags dang bcas pa'i sems kyang 'dod chags dang bcas pa'i
39a3 sems su yang dag pa ji lta ba bzhin du rab tu shes/ 'dod chags dang bral ba'i sems kyang 'dod chags dang bral ba'i sems su yang dag pa ji lta ba bzhin du rab tu shes
39a4 te| shes nas kyang gang 'dod chags dang bcas pa'i sems de la khong khro bar yang mi byed/ gang 'dod chags dang bral ba'i sems de la rjes su chags par yang mi byed de/
39a5 gzhan du na 'dod chags dang bcas pa rnams la snying rje chen po rnyed do/ /'dod chags dang bral ba rnams la byams pa chen po rnyed do/ /de bzhin du zhe sdang dang bcas pa dang /
39a6 zhe sdang med pa dang / gti mug dang bcas pa dang / gti mug med pa dang / sred pa dang bcas pa dang / sred pa med pa dang / len pa dang bcas pa dang / len pa med pa dang /
39a7 nyon mongs pa dang bcas pa dang / nyon mongs pa med pa dang / tshad dang ldan pa dang / tshad dang mi ldan pa dang / mnyam par bzhag pa dang / mnyam bar ma bzhag pa dang /
39b1 rnam par grol ba'i sems dang / rnam par ma grol pa'i sems kyang yang dag pa ji lta ba bzhin du rab tu shes te/ shes nas kyang sems can sems rnam par ma grol ba rnams la khong
39b2 khro bar yang mi byed/ sems rnam par grol pa rnams la rjes su chags par yang mi byed de/ gzhan du na sems rnam par grol pa rnams la byams pa chen po rnyed do/ /sems rnam
39b3 par ma grol ba rnams la snying rje chen po rnyed do/ /sems thams cad shes kyang sems de la sems des snyems pa'ang med/ rlom sems kyang med do/ /de pha rol gyi sems shes pa
39b4 des sems can thams cad kyi sems dang / spyod pa rab tu shes so/ /sems can de dag gis ni byang chub sems dpa' des skabs ma phye'i bar du mi shes te/ nyan thos dang / rang
39b5 sangs rgyas kyi lha'i ye shes kyis kyang mi shes na phal pa gzhan rnams kyis shes par 'gyur ba lta ci smos te/ 'di ni byang chub sems dpa'i pha rol gyi sems shes pa'o/ /de la
39b6 byang chub sems dpa' ni bdag dang / sems can gzhan rnams kyi sngon gyi gnas rnam pa du ma rjes su dran te/ de skye ba gcig kyang rjes su dran no/ /skye ba gnyis dang / skye ba brgya
39b7 dang | skye ba stong dang / skye ba brgya phrag stong nas skye ba bye ba khrag khrig brgya stong dpag tu med grangs med pa rjes su dran no/ /'jig pa'i bskal pa'ang rjes su dran no/ /'chags
40a1 pa'i bskal pa'ang rjes su dran no/ /'jig pa dang / 'chags pa'i bskal pa'ang rjes su dran pa nas bskal pa chen po bye ba khrag khrig brgya stong dpag tu med
40a2 grangs med pa'i bar du rjes su dran te/ dran pa de la de bzhin gshegs pa dang / byang chub sems dpa' sa bcu la rab tu gnas pa rnams ma gtogs par lha dang bcas pa'i 'jig
40a3 rten myos par 'gyur ro/ /'di ltar bdag che ge mo zhig tu 'di 'dra bar gyur te/ rigs ni 'di zhes bya/ rus ni 'di zhes bya/ mdog ni 'di lta bu/ ming ni 'di zhes bya/ kha zas
40a4 ni 'di lta bu zhig za za/ tshe'i gnas pa ni 'di srid cig thub/ chu zheng ni 'di lta bu/ bde ba dang / sdug bsngal ni 'di lta bu zhig myong ste/ bdag de nas shi 'phos nas ga ge mo zhig tu
40a5 skyes/ de nas kyang shi 'phos nas 'dir skyes te/ rigs ni 'di zhes bya/ rus ni 'di zhes bya/ mdog ni 'di lta bu/ ming ni 'di zhes bya/ kha zas ni 'di lta bu zhig za za/ tshe
40a6 ni 'di tsam zhig tu thub/ chu zheng ni 'di lta bu/ bde ba dang / sdug bsngal ni 'di lta bu zhig myong ngo zhes rjes su dran te/ bdag gi ji lta bar sems can thams cad kyi'ang de bzhin
40a7 te| tha na sbrang bu dang / grog ma rnams kyi'ang rjes su dran no/ /de'i dran pa de chags pa med pa/ rgyun mi 'chad pa/ sgrib pa med pa/ thogs pa med pa/ dus su bskul ba med pa/
40b1 byams pa chen po dang / snying rje chen po dang rab tu ldan pa/ zab pa/ gting dpag dka' ba/ bag la nyal med pa/ bag chags kyi mtshams sbyor ba rnam par dag pa bsod nams dang /
40b2 ye shes kyi tshogs thams cad kyis brgyan pa ste/ 'di ni byang chub sems dpa'i sngon gyi gnas rjes su dran pa'i shes pa zhes bya'o/ /de la byang chub sems dpa' rnams kyi rdzu 'phrul bya
40b3 ba shes pa ni bsod nams dang / ye shes thams cad kyis brtan pa/ sgrib pa med pa/ lhun gyis grub pa/ rnam par ma brtags pa/ bskal ba bye ba khrag khrig brgya stong grangs med par
40b4 sbyin pa dang / dul ba dang / mi 'gyur ba dang / yang dag par sdom pa dang / des pa dang / bsam gtan dang / ting nge 'dzin dang / snyoms par 'jug pas yongs su sbyang ba byas pa
40b5 bdag dang / sangs rgyas dang / lha'i dbang dang ldan pa ste/ de rdzu 'phrul mngon du gyur pa/ mngon par 'du bya ba med pa/ sgrib pa med pa/ 'jig rten thams cad las khyad par du
40b6 'phags pa des sems can rnams kyi don byed de/ ji ltar 'dod pa de ltar byin gyis rlob bo/ /ji ltar 'dod pa de bzhin du yul rnams ston to/ /byang chub sems dpa' de'i rdzu 'phrul
40b7 gyi dbang ni thams cad du thogs pa med par 'jug ste/ de gal te sems can gcig gcig sems can thams cad kyi gzugs kyis 'dul bar gyur na/ sems can gcig po
41a1 de'i mdun du sems can thams cad kyi gzugs snod ji lta ba bzhin du ston te/ sprul pa de dag thams cad kyang byed pa dang / kha zas dang / smra ba dang /
41a2 spyod pa tha dad du 'jug go /de 'dod na sems can thams cad kyi gzugs sangs rgyas kyi gzugs su mos na'ang sems can thams cad kyi gzugs sangs rgyas kyi gzugs
41a3 su 'gyur ro/ /sangs rgyas kyi gzugs sems can thams cad kyi gzugs su mos na'ang sangs rgyas kyi gzugs sems can thams cad kyi gzugs su 'gyur ro/ /'jig
41a4 pa'i bskal pa 'chags pa'i bskal par mos na'ang 'jig pa'i bskal pa 'chags pa'i bskal par 'gyur te/ sems can de dag gis kyang 'chags pa'i bskal par
41a5 shes so/ /'chags pa'i bskal pa 'jig pa'i bskal par mos na'ang 'chags pa'i bskal pa 'jig pa'i bskal par 'gyur te/ sems can de dag gis kyang 'jig pa'i
41a6 bskal par shes so/ /'jig pa dang / 'chags pa'ang gzhan du gyur pa ma yin te/ mos pa de ltar yang 'gyur ro/ /de bzhin du bskal pa gcig snga dro tsam du mos na'ang de
41a7 na sems can de dag gis bskal pa gcig snga dro tsam du shes so/ /snga dro bskal pa tsam du mos na'ang de de bzhin du 'gyur te/ de na sems can de dag gis de bzhin du
41b1 shes te/ 'di ni byang chub sems dpa'i mos pa las byung ba'i rdzu 'phrul zhes bya'o/ /de la mngon du gyur pa'i rdzu 'phrul ni gang byang chub sems dpa'i bsam gyis mi khyab pa'i bsod nams
41b2 dang | ye shes kyi dbang dang / lhun gyis grub pas bsgrim pa med par phun sum tshogs pa thams cad mngon du 'gyur zhing 'grub pa ste/ 'di ni byang chub sems dpa'i mngon du gyur pa'i
41b3 rdzu 'phrul zhes bya'o/ /de la byang chub sems dpa'i mngon par 'du byed pa med pa las byung ba'i rdzu 'phrul ni gang byang chub sems dpa' mi sems mi 'jug cing lhun gyis grub pas
41b4 sems can de dag gi mos pa ji lta ba bzhin du byang chub sems dpa' de gzugs dang / spyod lam tha dad par mthong zhing shes te/ 'di ni byang chub sems dpa'i mngon par 'du byed
41b5 pa med pa las byung ba'i rdzu 'phrul zhes bya'o/ /de 'jig rten gyi khams ji snyed na sems can rnams sangs rgyas 'byung bas 'dul ba'i 'jig rten gyi khams de snyed du sangs rgyas 'byung
41b6 ba ston te/ dga' ldan gyi gnas nas 'chi 'pho ba dang / mngal du 'jug pa dang / btsas pa dang / mngon par 'byung ba dang / dka' ba spyod pa dang / byang chub kyi snying por 'gro ba
41b7 dang | bdud 'dul ba dang / byang chub rnam par 'tshang rgya ba dang / chos kyi 'khor lo rab tu bskor ba dang / yongs su mya ngan las 'das pa chen po ston pa rnams kyis sems can
42a1 dag yongs su smin par byed do/ /de ltar na byang chub sems dpa' rdzu 'phrul gyi yul tshad med pa yin te/ 'di ni byang chub sems dpa'i rdzu 'phrul
42a2 bya ba shes pa zhes bya'o/ /de la byang chub sems dpa'i zag pa zad pa shes pa gang zhe na/ 'di dag ni zag pa bzhi ste/ bzhi gang zhe na/ 'dod pa'i zag pa dang / srid pa'i zag
42a3 pa dang / ma rig pa'i zag pa dang / lta ba'i zag pa ste/ byang chub sems dpa' ni zag pa de dag yongs su spangs pa yin/ ma 'ongs pa na mi skye ba'i chos can du 'gyur zhing
42a4 phyir mi skye mi 'gag ste/ 'dul ba ji lta ba bzhin du sems can rnams la thams cad du skye ba'ang ston pa 'di ni byang chub sems dpa'i lam lhun gyis grub pas rgyun mi 'chad
42a5 par 'jug pa zhes bya ste/ 'di dag ni byang chub sems dpa'i mngon par shes pa drug go/ de la byang chub sems dpa'i rig pa gsum gang zhe na/ 'di lta ste/ lha'i mig
42a6 gi shes pa dang / sngon gyi gnas rjes su dran pa'i rig pa dang / zag pa zad pa'i rig pa ste/ rig pa ni shes pa zhes bya'o/ /de la lha'i mig gi shes pa ni lha'i mig gi
42a7 rig pa yin no/ /lha'i mig gi rig pa gang yin pa de ni rnam par dag pa'i lha'i mchog rnams kyi yin te/ byang chub sems dpa' ni lha'i mig gi rig pa de dang
42b1 ldan pa yin no/ /rnam par dag pa'i lha ni nyan thos dang / rang sangs rgyas dang / byang chub sems dpa' rnams te/ de dag ni rnam par dag pa'i lha'o/ /rnam par dag pa'i lha de dag
42b2 gi mchog ni de bzhin gshegs pa dgra bcom pa yang dag par rdzogs pa'i sangs rgyas rnams te/ rnam par dag pa'i lha'i mchog rnams zhes bya'o/ /byang chub sems dpas ni rnam
42b3 par dag pa'i lha'i mchog rnams kyi lha'i mig gi rig pa gang yin pa de 'thob ste/ nyan thos dang / rang sangs rgyas rnams kyi ltar ma yin pa de ni rig pa dang po'o/ /de la sngon gyi
42b4 gnas rjes su dran pa'i rig pa ni de bzhin gshegs pa la sngon gyi mtha' mi mkhyen pa'am/ mi rig pa'am/ mi rtogs pa gang yang mi mnga'o/ /byang chub sems dpa' ni rig pa
42b5 de thob ste/ nyan thos dang / rang sangs rgyas rnams kyi ltar ma yin pa 'di ni rig pa gnyis pa'o/ /de la zag pa zad pa'i rig pa gang zhe na/ zag pa bzhi ste/ bzhi gang zhe na/ 'dod
42b6 pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ zag pa de dag byang chub sems dpas bag chags dang bcas par spong ba'i lam
42b7 gyis mngon par rtogs te/ nyan thos dang / rang sangs rgyas rnams kyi ltar nyon mongs pa'i sgrib pa spong ba'i lam gyis ni ma yin no/ /de zag pa zad nas sems can yongs su smin par
43a1 bya ba'i phyir skye ba'i gnas thams cad du skye ba yongs su 'dzin pa thogs pa med pa yin te/ 'di ni byang chub sems dpa'i zag pa zad pa'i rig pa zhes
43a2 bya'o| |'di dag ni byang chub sems dpa'i rig pa gsum mo/ /de la rnam par thar pa brgyad gang zhe na/ gzugs can gzugs rnams la lta ba 'di ni rnam par thar pa dang po'o/ /
43a3 nang gzugs med par 'du shes pas phyi rol gyi gzugs rnams la blta ba 'di ni rnam par thar pa gnyis pa'o/ /sdug par mos pa 'di ni rnam par thar pa gsum pa'o/ /de
43a4 rnam pa thams cad du gzugs kyi 'du shes rnams las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed
43a5 pas nam mkha' mtha' yas so snyam nas nam mkha' mtha' yas skye mched rdzogs par byas te gnas pa 'di ni rnam par thar pa bzhi pa'o/ /de rnam pa thams cad du nam
43a6 mkha' mtha' yas skye mched las yang dag par 'dras te rnam par shes pa mtha' yas so snyam nas rnam shes mtha' yas skye mched rdzogs par byas te gnas pa 'di ni rnam
43a7 par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te ci'ang med do snyam nas ci'ang med pa'i skye mched rdzogs par
43b1 byas te gnas pa 'di ni rnam par thar pa drug pa'o/ /de rnam pa thams cad du ci'ang med pa'i skye mched las yang dag bsngal 'das te 'du shes med 'du shes med min skye mched rdzogs par
43b2 byas nas gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te 'du shes dang / tshor ba 'gog pa
43b3 rdzogs par byas nas gnas pa 'di ni rnam par thar pa brgyad pa'o/ /de la ji ltar gzugs can gzugs rnams la blta zhe na/ rten cing 'brel bar 'byung ba dang / stong pa dang / g.yo
43b4 ba med par blta ba ste/ de ltar lta bas rnam par grol te/ de'i phyir rnam par thar pa zhes bya'o/ /nang gzugs med par 'du shes pas phyi rol gyi gzugs rnams la blta ba ni stong
43b5 pa nyid dang / rten cing 'brel par 'byung ba dang / g.yo ba med pa de ltar blta bas rnam par grol te/ de'i phyir rnam par thar pa zhes bya'o/ /sdug par mos pa yin te/ sdug pa zhes
43b6 bya ba ni stong pa'o/ /mi sdug pa ni lta bar gyur pa'o/ /sdug par mos pas rnam par grol te/ de'i phyir rnam par thar pa zhes bya'o/ /de rnam pa thams cad du gzugs kyi 'du shes
43b7 rnams las yang dag par 'das te thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mtha' yas so snyam nas nam
44a1 mkha' mtha' yas skye mched rdzogs par byas te gnas so zhes bya ba la nam mkha' mtha' las so zhes bya ba'i nam mkha' ni stong pa'o/ /de ltar mthong bas
44a2 rnam par grol te/ de'i phyir rnam par thar pa zhes bya'o/ /rnam pa thams cad du nam mkha' mtha' yas skye mched las yang dag par 'das te rnam par shes pa mtha' yas so
44a3 snyam nas rnam shes mtha' yas skye mched rdzogs par byas te gnas zhes bya ba la rnam shes mtha' yas zhes bya ba'i rnam par shes pa de ni thog ma med pa can du bshad de/ gang thog ma med pa can de ni stong pa'o/
44a4 /de ltar mthong bas rnam par grol te/ de'i phyir rnam par thar pa zhes bya'o/ /de rnam pa thams cad du rnam shes mtha' yas skye mched
44a5 las yang dag par 'das te ci'ang med do snyam nas ci'ang med pa'i skye mched rdzogs par byas te gnas zhes bya ba la ci'ang zhes bya ba ni 'dod chags dang / zhe sdang dang / gti
44a6 mug rnams so/ /ci'ang med pa zhes bya ba ni de dag med pa'o/ /de ltar mthong bas rnam par 'grol te/ de'i phyir rnam par thar pa zhes bya'o/ /de rnam pa thams cad du ci'ang med
44a7 pa'i skye mched las yang dag par 'das te 'du shes med 'du shes med min skye mched rdzogs par byas nas gnas zhes bya ba la 'du shes med ces bya ba ni stong pa'i phyir ro/ /
44b1 'du shes med min zhes bya ba ni rten cing 'brel par 'byung ba'i phyir ro/ /de ltar mthong bas rnam pa la 'grol te/ de'i phyir rnam par thar pa zhes bya'o/ /de rnam pa thams cad du 'du shes
44b2 med 'du shes med min skye mched las yang dag par 'das te 'du shes dang / tshor ba 'gog pa rdzogs par byas nas gnas zhes bya ba ni de 'di snyam du sems te/ 'du shes ni smig rgyu lta
44b3 bu| tshor ba ni chu'i chu bur lta bu ste/ 'du shes nyid tshor ba/ tshor ba nyid 'du shes yin pas 'di la shes pa po med/ tshor ba po med do snyam nas de ltar mthong bas rnam par 'grol te/
44b4 de'i phyir rnam par thar pa zhes bya ste/ 'di dag ni rnam par thar pa brgyad do/ /de la zil gyis gnon pa'i skye mched brgyad gang zhe na/ gzugs can gzugs rnams la blta zhing de
44b5 dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched dang po'o/ /nang gzugs med par 'du shes pas phyi rol gyi gzugs kha dog
44b6 bzang po dang / kha dog ngan pa rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched gnyis pa'o/ /nang gzugs
44b7 med par 'du shes pas phyi rol gyi gzugs tshad med pa dang / chen por gyur pa/ kha dog bzang po dang / kha dog ngan pa rnams la blta zhing de dag zil gyis mnan nas shes/ zil
45a1 gyis ma nan nas mthong ba 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs chung du/ kha dog
45a2 bzang po dang / kha dog ngan pa rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched bzhi pa'o/ /nang gzugs
45a3 med par 'du shes pas phyi rol gyi gzugs sngon po/ kha dog sngon po/ sngon po lta bur ston pa/ 'od sngon po 'byung ba rnams la blta ste/ dper na/ zar ma'i me tog sngon po/ kha
45a4 dog sngon po/ sngon po lta bur ston pa/ 'od sngon po 'byung ba de bzhin du nang gzugs med par 'du shes pas phyi rol gyi gzugs sngon po/ kha dog sngon po/ sngon po lta bur ston
45a5 pa| 'od sngon po 'byung ba rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched lnga pa'o/ /nang gzugs
45a6 med par 'du shes pas phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la blta ste/ dper na/ dong ka'i me tog ser po/ kha
45a7 dog ser po/ ser po lta bur ston pa/ 'od ser po 'byung ba de bzhin du nang gzugs med par 'du shes pas phyi rol gyi gzugs ser po/ kha dog ser po/ ser po lta bur ston
45b1 pa| 'od ser po 'byung ba rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched drug pa'o/ /nang gzugs med
45b2 par 'du shes pas phyi rol gyi gzugs dmar po/ kha dog dmar po/ dmar po lta bur ston pa/ 'od dmar po 'byung ba rnams la blta ste/ dper na/ ban+du dzi ba ka'i me tog dmar po/
45b3 kha dog dmar po/ dmar po lta bur ston pa/ 'od dmar po 'byung ba de bzhin du nang gzugs med par 'du shes pas phyi rol gyi gzugs dmar po/ kha dog dmar po/ dmar po lta
45b4 bur ston pa/ 'od dmar po 'byung ba rnams la blta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched bdun pa'o//
45b5 nang gzugs med par 'du shes pas phyi rol gyi gzugs dkar po/ kha dog dkar po/ dkar po lta bur ston pa/ 'od dkar po 'byung ba rnams la blta ste/ dper na/ skar ma pa
45b6 ba sangs dkar po/ kha dog dkar po/ dkar po lta bur ston pa/ 'od dkar po 'byung ba de bzhin du nang gzugs med par 'du shes pas phyi rol gyi gzugs dkar po/ kha dog dkar
45b7 po| dkar po lta bur ston pa/ 'od dkar po 'byung ba rnams la blta zhing de dag ril gyis mnan nas shes /zil gyis mnan nas mthong ba 'di ni zil gyis gnon pa'i skye mched
46a1 brgyad pa'o/ /de la zad par gyi skye mched bcu gang zhe na/ 'di lta ste/ zad par sa dang / zad par chu dang / zad par me dang / zad par rlung dang / zad par
46a2 nam mkha' dang / zad par sngon po dang / zad par ser po dang / zad par dmar po dang / zad par dkar po dang / zad par rnam par shes pa ste/ 'di dag ni zad par gyi skye mched
46a3 bcu'o/ /khams thams cad sa'i khams su mos na'ang thams cad khams gcig tu/ 'di lta ste/ sa'i khams nyid du 'gyur ro/ /thams cad chu'i khams su mos na'ang thams
46a4 cad khams gcig tu/ 'di lta ste/ chu'i khams nyid du 'gyur ro/ /thams cad me'i khams su mo sna'ang thams cad khams gcig tu/ 'di lta ste/ me'i khams nyid du 'gyur
46a5 ro| |thams cad rlung gi khams su mos na'ang thams cad khams gcig tu/ 'di lta ste/ rlung gi khams nyid du 'gyur ro/ /thams cad nam mkha'i khams su mos na'ang
46a6 thams cad khams gcig tu/ 'di lta ste/ nam mkha'i khams nyid du 'gyur ro/ /thams cad sngon por mos na'ang thams cad sngon po nyid du 'gyur ro/ /thams cad ser por
46a7 mos na'ang thams cad ser po nyid du 'gyur ro/ /thams cad dmar por mos na'ang thams cad dmar po nyid du 'gyur ro/ /thams cad dkar por mos na'ang thams cad dkar po
46b1 nyid du 'gyur ro/ /thams cad rnam par shes par mos na'ang sa dang / chu dang / me dang / rlung dang / nam mkha' dang / sngon po dang / ser po dang / dmar po dang / dkar po thams cad
46b2 rnam par shes pa nyid du 'gyur te/ de'i phyir zad par gyi skye mched ces bya'o/ /zad par gyi skye ba 'phel bar byed pas de'i phyir zad par gyi skye mched ces bya'o/ /re re'ang skye mched thams
46b3 cad du 'gyur bas de'i phyir zad par gyi skye mched ces bya'o// //bam po gsum pa/ de la byang chub sems dpa' rnams kyi dbang bcu gang zhe na/ 'di lta ste/ tshe la
46b4 dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / rdzu 'phrul la dbang ba dang / mos pa la dbang ba dang / smon
46b5 lam la dbang ba dang / ye shes la dbang ba dang / chos la dbang ba ste/ de dag ni dbang bcu'o/ /de la bdud rtsi thob pa'i phyir tshe la dbang ba'o/ /sems tsam du yongs su shes
46b6 pa'i phyir sems la dbang ba'o/ /lag na rin po che dang nam mkha'i mdzod rab tu rnyed pa'i phyir yo byad la dbang ba'o/ /bag chags dang bcas pa'i las kyi lam kun chad pa'i
46b7 phyir las la dbang pa'o/ /ting nge 'dzin rnam par bzlog pa'i bsam gtan rnyed pa'i phyir skye ba la dbang ba'o/ /lhun gyis grub par bya ba la 'jug pa thob pa'i phyir rdzu 'phrul la dbang
47a1 ba'o| |zad par gyi skye mched thob par bya ba'i phyir mos pa la dbang ba'o/ /bsam pa tsam gyis don thob par bya ba'i phyir smon lam la dbang ba'o/ /ye shes
47a2 sngon du 'gro ba'i lus dang / ngag dang / yid kyi las thob pa'i phyir ye shes la dbang ba'o/ /de bzhin nyid dang / chos kyi dbyings dang / yang dag pa'i mtha' mnyam pa'i ye shes dri ma med
47a3 pa'i phyir chos la dbang ba'o/ /gzhan yang / rigs kyi bu/ 'jig rten ni 'chi bas 'jigs skrag ste/ de'i gnyen por tshe la dbang ba'o/ /'jig rten ni sems kun nas nyon mongs
47a4 pas 'jigs skrag ste/ de'i gnyen por sems la dbang ba'o/ /'jig rten ni yo byad kyis 'jigs skrag ste/ de'i gnyen por yo byad la dbang ba'o/ /'jig rten ni nyes par spyod
47a5 pas 'jigs skrag ste/ de'i gnyen por las la dbang ba'o/ /'jig rten ni ngan 'gros 'jigs skrag ste/ de'i gnyen por skye ba la dbang ba'o/ /'jig rten ni kun nas tshol ba'i
47a6 phongs pas 'jigs skrag ste/ de'i gnyen por rdzu 'phrul la dbang ba'o/ /'jig rten ni dam pa'i chos kyis phongs par 'gyur ba'i las kyis 'jigs skrag ste/ de'i gnyen por
47a7 mos pa la dbang ba'o/ /'jig rten ni 'dod pa'i 'ching bas 'jigs skrag ste/ de'i gnyen por smon lam la dbang ba'o/ /'jig rten ni the tshom gyi zug rngus 'jigs skrag ste/
47b1 dang gnyen par ye shes la dbang ba'o/ /'jig rten ni 'khor gyi nang na bag tsha bas 'jigs skrag ste/ de'i gnyen por chos la dbang pa'o/ /gzhan yang / rigs kyi bu/ srog gcod pa
47b2 spangs shing sems can thams cad la khong khro ba'i sems med pa ni tshe la dbang ba thob par bya ba'i rgyu'o/ /bde ba rnams la sgrib pa med pa'i byams pa chen po dang / sdug bsngal ba rnams
47b3 la sgrib pa med pa'i snying rje chen po ni sems la dbang ba thob par bye ba'i rgyu'o/ /sems snyoms shing dngos po thams cad yongs su gtong ba byang chub tu bsngo ba ni yo byad la dbang ba thong
47b4 par bya ba'i rgyu'o/ /las dang / bya ba la zhugs nas lus dang / ngag dang / yid yongs su dag pa'i las kyis las kyi bya ba las bdag gir bya ba la 'jug par ston pa ni las la dbang ba
47b5 thob par bya ba'i rgyu'o/ /byang chub kyi sems kyis yang dag par bsdus pa'i dge ba bcu'i las kyi lam ni skye ba dbang ba thob par bya ba'i rgyu'o/ /rnyed pa dang / bkur sti dang / tshigs
47b6 su bcad pa thams cad sbyin pa dang / bzhon pa sbyin pa ni rdzu 'phrul la dbang ba thob par bya ba'i rgyu'o/ /sems can thams cad dkon mchog gsum la 'god cing 'jug de mos
47b7 par byed pa ni mos pa la dbang ba thob par bya ba'i rgyu'o| /sems can thams cad kyi lus dang / dag dang / yid yongs su dag par sgrub pa ni smon lam la dbang ba thob par bya ba'i rgyu'o/ /
48a1 zang zing med pa'i sems kyis chos sbyin pa ni ye shes la dbang ba thob par bya ba'i rgyu'o/ /sems can thams cad la chos mnyam pa nyid khong du chud par
48a2 byed pa dang / chos mtshungs par ston pa dang / de bzhin gshegs pa'i sku ni chos kyi sku ste/ zang zing gi sku ma yin no zhes yongs su 'byed pa ni chos la dbang ba thob par bya ba'i
48a3 rgyu'o| |rigs kyi bu/ 'di dag ni byang chub sems dpa' rnams kyi dbang ba bya'o/ /de la byang chub sems dpa' rnams kyi bden pa bcu gang zhe na/ 'di lta ste/ kun rdzob kyi bden pa
48a4 dang / don dam pa'i bden pa dang / mtshan nyid kyi bden pa dang / rnam par dbye ba'i bden pa dang / phye ste rtog pa'i bden pa dang / dngos po'i bden pa dang / nus pa'i bden pa dang /
48a5 zad pa dang / mi skye ba shes pa'i bden pa dang / lam la 'jug pa shes pa'i bden pa dang / de bzhin gshegs pa'i ye shes kun 'byung ba'i bden pa ste/ 'di dag ni bden pa bcu'o/ /
48a6 de la kun rdzob kyi bden pa ni tshad dang 'brel pa/ yul yongs su chad pa/ kun tu tha snyad gdags pa'i phyir gzhan gyi rkyen gyi dbang gis ston pa/ chung ba/ rgya chen po ma yin pa ste/
48a7 'di ni kun rdzob kyi bden pa'o/ /de la don dam pa'i bden pa ni zab pa/ stong pa nyid dang rab tu ldan pa/ yul yongs su ma chad pa/ gzhan gyi rkyen gyis ma yin pa/ mnyam pa
48b1 dang | mi mnyam pa med pa/ ma 'khrugs pa/ rtsod pa med pa'i mtshan nyid dang / chos thams cad de bzhin nyid kyi mtshan nyid de/ 'di ni don dam pa'i bden pa'o/ /de la mtshan nyid kyi bden
48b2 pa ni gnod pa'i mtshan nyid ni sdug bsngal ba/ rab tu skye ba'i mtshan nyid ni kun 'byung ba/ zhi ba'i mtshan nyid ni 'gog pa/ nges par 'byin pa'i mtshan nyid ni lam ste/ 'di ni mtshan
48b3 nyid kyi bden pa zhes bya'o/ /gzhan yang / chos thams cad rang bzhin gyis bdag med pa'i mtshan nyid du shes nas nges par gyur pa la 'jug ste/ mtshan nyid las gyur pa'i nges par
48b4 gyur pa ni mtshan nyid kyi bden pa zhes bya'o/ /de bzhin du chos thams cad rang bzhin gyis zhi ba'i mtshan nyid dang / rang bzhin gyis dben pa'i mtshan nyid dang / rang bzhin gyis stong
48b5 pa'i mtshan nyid dang / rang bzhin gyis mi skye mi 'gag pa'i mtshan nyid du shes nas nges par gyur pa la 'jug ste/ mtshan nyid las gyur pa'i nges par gyur pa ni mtshan nyid kyi bden
48b6 pa zhes bya'o/ /de la rnam par dbye ba'i mtshan nyid ni chos thams cad mtshan nyid gcig pa las gzhan gyi dbang gis rnam par phye ste bstan pa'o/ /mtshan nyid gcig ces bya ba ni
48b7 stong pa nyid kyi mtshan nyid de/ de ltar chos thams cad stong pa nyid dang / mtshan ma med pa/ smon pa med pa/ mngon par 'du mi byed pa/ ma skyes pa/ ma byung ba/ ma 'gags pa
49a1 'di ni stong pa nyid de'i rnam par dbye ba ste/ rnam par dbye ba de dag thams cad kyang stong pa nyid kyi mtshan nyid do/ /de ltar stong pa nyid la slu bar mi phyed pa
49a2 de'i phyir rnam par dbye ba'i bden pa zhes bya ste/ 'di ni rnam par dbye ba'i bden pa zhes bya'o/ /de la phye ste rtog pa'i bden pa gang zhe na/ phral nas rtog pa ni phye ste rtog pa ste/ nges
49a3 par sems pa/ rig pa mthong ba/ khong du chud pa/ mngon par rtogs pa/ shes pa shes bya la mi slu ba ste/ de'i phyir phye ste rtog pa'i bden pa zhes bya'o/ /de la dngos po'i bden pa
49a4 ni dngos po shes pa ste/ dngos po de dag ni phung po dang / khams dang / skye mched rnams so/ /phung po dang / khams dang / skye mched de dag rten cing 'brel par 'byung ba dang /
49a5 stong pa dang / dngos po med par shes pa ste/ de ltar shes nas nges par gyur pa la 'jug pas de'i phyir dngos po'i bden pa zhes bya'o/ /de la nus pa'i bden pa ni ye shes de
49a6 dang / spong ba de dang / lam des nyon mongs pa spong bar byed pa dang / stobs dang / mi 'jigs pa dang / sangs rgyas kyi chos ma 'dres pa khong du chud pa dang / de bzhin
49a7 gshegs pa thams cad kyi dbang po nyid khong du chud par nus pa ste/ de'i phyir nus pa'i bden pa zhes bya'o/ /de la zad pa dang / mi skye ba shes pa'i bden pa ni 'dus byas
49b1 thams cad zad pa can du ston te/ zad pa de'ang mi zad pa zad pa la zad pa med do/ /gal te zad pa la zad pa yod du zin na 'gog ba'ang zad par 'gyur te/ de'i phyir zad pa zad par mi 'gyur
49b2 ro| |gang zad par mi 'gyur ba de mi skye ste/ 'di ni zad pa dang / mi skye ba shes pa'i bden pa zhes bya'o/ /de la lam la 'jug pa shes pa'i bden pa gang zhe na/ ye shes kyi lam bsod nams
49b3 dang / ye shes kyi tshogs bsags pa gang gis chos thams cad ma skyes ma 'gags par shes pa des 'jug cing 'dzud pa ste/ de'i phyir lam la 'jug pa shes pa'i bden pa zhes bya'o//
49b4 de la de bzhin gshegs pa'i ye shes kun 'byung ba'i bden pa gang zhe na/ chos kyi sprin gyis dang / de bzhin gshegs pa'i sa'i bar ni de bzhin gshegs pa'i ye shes kun 'byung
49b5 ba'i bden pa ste/ de bstan pa'i lam gyis mngon par rtogs pa'o/ /'di dag ni byang chub sems dpa' rnams kyi bden pa bcu'o/ /de la byang chub sems dpa' rnams kyi mthar gyis
49b6 gnas pa'i snyoms par 'jug pa dgu gang zhe na/ 'di la byang chub sems dpa' ni 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas
49b7 pa| dpyod pa dang bcas pa/ dben pa las skyes pa'i dga' ba dang / bde ba can bsam gtan dang po rdzogs par byas te gnas so/ /de la 'dod pa rnams ni bsam gtan dang po'i mi
50a1 mthun pa'i phyogs yin te/ gang sred pa de dag las dben pa'o/ /de la sdig pa mi dge ba'i chos rnams ni chags pa dang / zhe sdang dang / gti mug ste/
50a2 gzhi de las srog gcod pa dang / ma byin par len pa dang / 'dod pa la log par g.yem pa dang / rdzun smra ba dang / phra ma dang / ngag rtsub po dang / tshig kyal pa dang / brnab
50a3 sems dang / gnod sems dang / log par lta ba'o/ /'di ni sdig pa mi dge ba'i chos rnams zhes bya ste/ de dag las dben pa ni bsam gtan dang po'o/ /rtog pa dang lhan cig pa
50a4 ni rtog pa dang bcas pa ste/ rtog pa de dag gang zhe na/ gang dag bsam gtan dang po dang mthun pa'i rtog pa ste/ de cho ga bzhin du rtog cing de dag kyang dul bas na de dag ni rtog pa
50a5 zhes bya ste/ shes pa dang / khong du chud pa dang / dpyod pa dang / rab tu rtog pa dang / ting nge 'dzin du byed pa ni rtog pa'o/ /de la dpyod pa gang zhe na/ bsam gtan dang po dang mthun
50a6 pa'i rtog pa de dag nyid la dpyod pa dang / rnam par dpyod pa dang / nye bar dpyod pa dang / kun tu longs spyod pa dang / ting nge 'dzin du byed pa dang / sems rjes su 'gro ba ni dpyod
50a7 pa zhes bya ste/ de dag dang lhan cig pa ni rtog pa dang bcas pa/ dpyod pa dang bcas pa bsam gtan dang po'o/ /dga' ba dang / bde ba dben pa las skyes pas de'i phyir dben
50b1 pa las skyes pa'i dga' ba dang / bde ba zhes bya'o/ /rdzogs pa'i byas te gnas zhes bya ba la rdzogs par byas zhes bya ba ni sdom pa dang / sdom par byed pa dang / sbed pa dang / sba bar
50b2 byed pa dang / ro myang ba dang / mngon par dga' ba ste/ bsam gtan dang po de la gnas pa'i byang chub sems dpa' ni mi skye ba'i chos la bzod pa khong du chud par bya ba'i 'dun pa dang /
50b3 'dod pa 'thob ste/ de mi skye ba'i chos la bzod pa'i 'dun pa dang / 'dod pa des bsam gtan dang po la snying por 'du shes pa yin no/ /de bsam gtan gnyis pa la rtsom ste/ de bsam
50b4 gtan dang po'i rtog pa dang / dpyod pa de dag zhi bar byed/ nye bar zhi bar byed/ de dag las sems rab tu zhi bar byed cing bsam gtan gnyis pa yongs su 'grub pa'i rgyu tshol te/ de
50b5 rtog pa dang / dpyod pa dang bral bas nang yongs su dwang ste/ sems kyi rgyud gcig tu gyur pas rtog pa med pa/ dpyod pa med pa/ dga' ba dang ldan pa bsam gtan gnyis pa rdzogs
50b6 par byas te gnas so/ /de la nang yongs su dwang ba ni de'i bsam gtan gnyis pa'i mi mthun pa'i phyogs kyi chos gang yin pa de dag nye bar zhi ba dang / dwang ba yin te/ de'i phyir nang yongs
50b7 sa dang ba zhes bya'o/ /rgyud gcig tu gyur ces bya ba ni bsam gtan dang po'i rtog pa dang / dpyod pa de dag thams cad rab tu zhi nas rgya mtsho'i chu ltar ro gcig tu 'gyur ba 'thob pa'o/ /
51a1 'di lta ste/ dper na/ rgya mtsho chen por chu 'bab pa rnams ni/ 'di lta ste/ lan tshwa'i ror ro gcig par 'gyur ba de bzhin du byang chub sems dpa'
51a2 bsam gtan gnyis pa la snyoms par zhugs pa'i bsam gtan dang po'i rtog pa dang / dpyod pa de dag thams cad zhi nas ro gcig tu 'gyur te de ting nge 'dzin ces bya'o/ /ting nge
51a3 'dzin de las de sangs rgyas dang / chos dang / dge 'dun la dga' ba skye ste/ de dkon mchog gsum la dga' bas dge ba'i chos rnams rdzogs par 'gyur ro/ /de las mi skye ba'i
51a4 chos la bzod pa thob pa'i 'dun pa shin tu 'bar ba dang / shin tu 'od gsal ba dang / shin tu yid du 'ong ba 'thob bo/ /de mi skye ba'i chos la bzod pa la 'dun pa des bsam
51a5 gtan gnyis pa de la mi chags te bsam gtan gsum pa kun tu tshol lo/ /de 'di snyam du sems te/ dga' ba ni bsam gtan gsum pa'i sgrib pa yin no snyam nas/ de
51a6 dga' ba de las 'dod chags dang bral nas btang snyoms can dran pa yongs su dag pa/ 'phags pa rnams kyis gang de dga' ba med pa/ bde ba la gnas pa zhes brjod
51a7 pa bsam gtan gsum pa rdzogs par byas te gnas so/ /ting nge 'dzin de las skyes pa'i dga' ba la 'dod chags dang bral ba thob pa de/ gang de dga' ba med pa'i bde ba de ni
51b1 gtan du bde ba ma yin gyi/ zad pa'i chos can 'jig pa'i chos can te/ de mi rtag cing mi brtan la ther zug ma yin zhing de yid brtan du mi rung ngo snyam pa'i sems de lta bu 'thob bo/ /de
51b2 de ltar shes nas mi skye ba'i chos la bzod pa rab tu 'thob pa'i 'dun pa drag po chen po 'thob pa/ de mi skye ba'i chos kyi 'dun pa drag po des bde ba dang / sdug bsngal la mngon par chags
51b3 pa mi skye'o/ /de bde ba'ang spangs te snga nas sdug bsngal yang spangs shing / yid bde ba dang / yid mi bde ba'ang nub pas bde ba'ang ma yin/ sdug bsngal ba'ang ma yin pa/ btang
51b4 snyoms dang / dran pa yongs su dag pa bsam gtan bzhi pa rdzogs par byas te gnas so/ /de bsam gtan bzhi pa la snyoms par zhugs pas mnyen pa'i sems so/ /yid du 'ong
51b5 ba'i sems so/ /las su rung ba'i sems so/ /'od gsal ba'i sems so/ /drang ba'i sems so/ /bde ba de sems can thams cad kyis mngon par sman to/ /de sems can thams
51b6 cad la phan pa dang bde ba la mngon du phyogs pas mi skye ba'i chos la bzod pa'i snang ba skye'o/ /de mi skye ba'i chos la bzod pa'i snang ba skyes pa des bsam gtan bzhi pa sdug bsngal
51b7 yang ma yin/ bde ba'ang ma yin pa mang ba de la dga' bar mi 'gyur ro/ /gang btang snyoms dang / dran pa yongs su dag pa'i bde ba de la'ang chags par mi byed do/ /de la mi chags
52a1 pas de la nam mkha' nyid snang bar 'gyur ro/ /de thams cad tu gzugs kyi 'du shes rnams las yang dag par 'das te/ thogs pa'i 'du shes
52a2 rnams nub par gyur cing sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas so/ /
52a3 de 'di snyam du sems te/ mdor na 'di la gzugs ni rnam pa gnyis te/ 'byung ba dang / 'byung ba las gyur pa'o/ /de la 'byung ba'i gzugs ni sa'i khams dang / chu'i khams
52a4 dang | me'i khams dang / rlung gi khams so/ /'byung ba las gyur pa'i gzugs ni kha dog dang / dri dang / ro dang / reg pa ste/ de ltar gzugs rnam pa brgyad do/ /gzugs de
52a5 dag gi 'du shes rnams las yang dag par 'das nas/ thogs pa'i 'du shes mi 'byung ste nub par 'gyur ro/ /gang gzugs su 'du shes pa de ni thogs par 'du shes pa ste/
52a6 de bas na gzugs kyi 'du shes rnams las yang dag par 'das nas thogs pa'i 'du shes rnams nub par 'gyur ro/ /thogs pa'i 'du shes rnams nub pa sna tshogs kyi 'du
52a7 shes rnams yid la byed pa mi 'jug go /sna tshogs kyi 'du shes rnams yid la mi byed pas nam mkha' mtha' yas so snyam du 'jug go/ de nam mkha' mtha' yas so snyam
52b1 nas nam mkha' mtha' yas skye mched rdzogs par byas te gnas so/ /de la byang chub sems dpa' nam mkha' mtha' yas skye mched la snyoms par zhugs pa 'di snyam du sems te/
52b2 nam mkha' ni mtha' med pas mtha' yas so/ /gang la mtha' med pa de'i thog ma yod par ga la 'gyur/ dbus yod par ga la 'gyur te/ de ltar chos thams cad ni thog ma dang / tha ma
52b3 dang / dbus med do snyam mo/ /de ltar snyoms par zhugs pa'i byang chub sems dpa' sems can rnams la ni snying rje chen po bskyed/ chos rnams la ni nam mkha' dang mtshungs pa nyid kyi
52b4 shes pa 'jug ste/ de ni don de'i mi skye ba'i chos la bzod pa rtsom pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa
52b5 mtha' yas so snyam nas rnam shes mtha' yas skye mched rdzogs par byas te gnas so/ /de 'di snyam du sems te/ gang nam mkha' 'du shes pa 'di ni rnam par shes par 'gyur
52b6 ba'o snyam nas de 'di snyam du 'di thams cad du rnam par shes pa tsam ste/ rnam shes mtha' yas de'ang yod pa'ang ma yin/ med pa'ang ma yin no snyam du sems so/ /de de ltar
52b7 snyoms par zhugs pas mi skye ba'i chos la bzod pa thob pa yin te/ yongs su grub pa ni ma yin no/ /de rnam pa thams cad du rnam shes mtha' yas skye mched las yang dag par
53a1 'das te ci'ang med do snyam nas ci'ang med pa'i skye mched rdzogs par byas te gnas so/ /ci'ang med ces bya ba la ci'ang zhes bya ba ni 'dod chags dang / zhe sdang
53a2 dang | gti mug dang / rtog pa dang / rnam par rtog pa dang / yongs su rtog pa dang / 'dus byas kyi chos thams cad yang dag pa ma yin pa kun tu rtog pa las byung ba rnams ni ci'ang med
53a3 zhes bya'o/ /ci'ang med pa ni ji skad du brjod pa de dag las chung ngur gyur/ phra bar gyur pa ni ci'ang med pa zhes bya'o/ /de la gnas pa'i byang chub sems dpa'i mi skye ba'i chos la
53a4 bzod pa ni shin tu 'bar ba/ shin tu 'od gsal ba yin no/ /de rgyu de dang / rkyen de dang / gzhi de dang / thob pa de'i phyir ci'ang med pa'i skye mched la mi chags te/ de gong du rtsol lo/ /de
53a5 gong du rtsol ba na 'di snyam du sems te/ 'di ni gang 'du byed rnams kyi phra ba la ci'ang med par yongs su brtags pa ste/ de ni 'du shes med 'du shes med pa'ang ma yin no snyam
53a6 mo| |de la 'du shes med pa ni stong pa'i phyir ro/ /'du shes med pa'ang ma yin pa ni rten cing 'brel bar byung ba'i phyir ro/ /de 'du shes med 'du shes med min skye mched
53a7 mngon du 'gyur te/ de rnam pa thams cad du ci'ang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas so//
53b1 gang la gnas nas 'di snyam du sems te/ gang la 'du shes med 'du shes med min de la dga' ba ci zhig yod snyam nas de blo de las gong du bskyod do/ /de blo de las gong du bskyod
53b2 nas skye ba med pa dang / 'gag pa med pa'i chos mngon du 'gyur te/ de chos thams cad ma skyes pa dang / ma 'gags par mthong ngo / /de chos thams cad rang bzhin gyis 'gag
53b3 par mthong nas yang mi 'jug mi ldog go /de de'i phyir mi skye ba'i chos la bzod pa yongs su dag pa yin no/ /de de las gong du lhun gyis grub pa rgyun mi 'chad par 'jug ste/ 'di
53b4 dag ni byang chub sems dpa' rnams kyi mthar gyis gnas pa'i snyoms par 'jug pa dgu'o/ /de la byang chub sems dpa'i stobs bcu gang zhe na/ 'di lta ste/ mos pa'i stobs dang /
53b5 so sor rtog pa'i stobs dang / bsgom pa'i stobs dang / bzod pa'i stobs dang / ye shes kyi stobs dang / spong ba'i stobs dang / thos pa'i stobs dang / spobs pa'i stong pa dang /
53b6 bsod nams kyi stobs dang / sgrub pa'i stobs so/ /de la mos pa'i stobs gang zhe na/ 'di la byang chub sems dpa' ni gang dang / gang mos pa de'i de de bzhin du 'gyur ro/ /de'i
53b7 mos pa'i stobs de ni lha dang bcas pa'i 'jig rten gyis zil gyis gnon mi nus te/ 'di ni byang chub sems dpa'i mos pa'i stobs zhes bya'o/ /de la byang chub sems dpa'i
54a1 so sor rtog pa'i stobs gang zhe na/ gang gi phyir byang chub sems dpa' ni 'dod chags skyes pa mi sdug pa bsgom pas zhi bar byed do/ /zhe sdang skyes pa
54a2 byams pa bsgom pas zhi bar byed do/ /gti mug skyes pa rten cing 'brel par 'byung ba bsgom pas zhi bar byed do/ /gshe pa dang / mi snyan par zer ba rnams ni brag ca dang mtshungs
54a3 bar shes pa yongs su shes pas zhi bar byed do/ /gsod pa dang / 'ching ba dang / go rar 'jug pa rnams ni las bdag gir bya ba shes pas zhi bar byed do/ /lus la bsdigs
54a4 pa dang / lus la gnod pa dang / lus la nyam nga ba rnams ni gzugs brnyan dang mtshungs par shes pas zhi bar byed do/ /de ltar kun nas nyon mongs pa'i sgo ji snyed par
54a5 byang chub sems dpa'i rnam par dag pa'i sgo'ang de snyed du mthong ste/ 'di ni byang chub sems dpa'i so sor rtog pa'i stobs zhes bya'o/ /de la byang chub sems dpa'i bsgom
54a6 pa'i stobs gang zhe na/ gang mos pas spyod pa'i sa dang / mthong ba'i sa la bar du gcod par byed pa'i chos de dag gis byang chub sems dpa' de la bar chad byed mi nus
54a7 so| |des mthong ba de dang / lam de las lhar bcas pa'i 'jig rten gyis dpral bar mi nus te/ 'di ni byang chub sems dpa'i bsgom pa'i stobs shes pa'o/ /de la byang chub sems
54b1 dpa'i bzod pa'i stobs gang zhe na/ gang gi phyir byang chub sems dpa' ni spyos kyang brag ca'i sgra dang mtshungs par shes pa'i stobs kyis slar spyod bar mi byed do/ /bsdigs shing brdegs
54b2 kyang gzugs brnyan dang mtshungs pa nyid du shes pas slar mi sdigs mi rdeg go /gshe'ang sems sgyu ma dang mtshungs pa nyid du shes pa'i stobs kyis slar mi gshe'o/ /khros kyang nang
54b3 rnam par dag par shes pa'i stobs kyis slar mi khro'o/ /'jig rten gyi chos rnam par dag par shes pa'i stobs kyis 'jig rten gyi chos rnams kyis mi 'phrogs so/ /rten cing 'brel
54b4 par 'byung ba rnam par dag par shes pa'i stobs kyis nyon mongs pa thams cad kyis mi rdzi'o/ /de ltar byang chub sems dpa' ni 'khrug pa'i sgo ji snyed mthong bar rab tu zhi ba'i sgo'ang
54b5 de snyed du mthong ste/ 'di ni bzod pa'i stobs zhes bya'o/ /de la byang chub sems dpa'i ye shes kyi stobs gang zhe na/ byang chub sems dpas gang phung po dang / khams dang / skye mched
54b6 shes pa de dag ni stong pa/ ma skyes pa/ ma 'gags pa'o/ /ye shes gang gis sangs rgyas kyi byang chub yang dag par bsgrub pa de las mu stegs can dang / dmigs pa can thams
54b7 cad dang / /bdud thams cad sangs rgyas kyi gzugs su gnas pas kyang ye shes de la the tshom za bar byed mi nus pa 'di ni byang chub sems dpa'i ye shes kyi stobs zhes bya'o/ /de la
55a1 byang chub sems dpa'i spong ba'i stobs gang zhe na/ gal te byang chub sems dpa' gnas gcig na gnas pa'i gan du sems can thams cad lhags te
55a2 kha ngan zer/ mi snyan pa brjod/ tshig brlang ba rtsub po smra/ sangs rgyas dang / chos dang / dge 'dun gyi mi bsngags pa brjod kyang de sems can de dag la mi 'khrug cing yid mi bde bar
55a3 mi 'gyur ro/ /'gyod par mi 'gyur ro/ /bag la nyal bar mi byed do/ /lus gshags btubs kyang de bzhin du bag la nyal mi skyed do/ /sems can de dag kyang dkon mchog gsum
55a4 la rab tu 'god de/ 'di ni byang chub sems dpa'i spong ba'i stobs zhes bya'o/ /de la byang chub sems dpa'i thos pa'i stobs gang zhe na/ 'di la byang chub sems dpa' ni mang du thos
55a5 pa| thos pa 'dzin pa/ thos pa rgya mtsho/ thos pa bsags pa yin te/ byang chub sems dpa' ni thos pa'i stobs de lta bu dang ldan pa yin no/ /gal te stong gsum gyi stong chen po'i
55a6 'jig rten gyi khams su gtogs pa'i sems can thams cad the tshom bzung ste/ byang chub sems dpa'i gan du lhags nas gang sems can gcig gi 'dri ba de bzhin du gzhan mi
55a7 'dri bar thams cad kyis the tshom tha dad par lhan cig tu dris kyang byang chub sems dpa' thags thogs med par lhan cig tu lan 'debs so/ /bskal pa brgya stong du dris kyang de
55b1 bzhin du lung ston te/ 'di ni byang chub sems dpa'i thos pa'i stobs zhes bya'o/ /de la byang chub sems dpa'i spobs pa'i stobs gang zhe na/ gal te byang chub sems dpa' 'khor bye ba
55b2 khrag khrig brgya stong du ma'i nang du chos ston na/ de mi sems mi rtog par sems can gang dang / gang gi 'dod pa ji lta ba bzhin du chos ston cing thos par byed kyang byang chub sems dpa'i chos
55b3 ston pa de don nyams par mi 'gyur/ tshig 'bru nyams par mi 'gyur/ tshig zlos par mi 'gyur/ thogs par mi 'gyur/ gcod par mi 'gyur ba 'di ni byang chub sems dpa'i spobs
55b4 pa'i stobs zhes bya'o/ /de la byang chub sems dpa'i bsod nams kyi stobs gang zhe na/ gal te byang chub sems dpa' shing drung na gnas kyang rung / gtsug lag khang na gnas
55b5 kyang rung / khyim stong pa na gnas kyang rung / bdud thams cad 'khor dang bcas te lhags nas bgegs bya ba dang / gtse ba'i phyir nan tan byed na/ de la bdud de dag bdag nyid
55b6 'jigs skrag myos shing gyes te/ bdag mgon med par shes nas 'bros par 'gyur ro/ /gang bdud de dag gi ral gri dang / mtshon rtse gnyis pa dang / mdud rtse gsum pa dang / rdo
55b7 ba dang / sta re 'bab pa de dag byang chub sems dpa'i bsod nams kyi byin gyi rlabs kyis man+dA ra ba'i me tog dang / tsam pa ka dang / sna ma'i me tog dang / ut+pal dang / pad+mar gyur
56a1 nas 'bab bo/ /gang bdud de dag gi tshig rtsub po dang / tshig brlang po de dag ni byang chub sems dpa' la bstod par grag go /byang chub sems dpa'
56a2 la ni nam yang yid du mi 'ong ba'i yul drug snang bar mi 'gyur ro/ /bsams pa tsam gyis de'i phun sum tshogs pa thams cad nam mkha' las 'byung ngo / /de'ang de'i rang gi bsod
56a3 nams kyi dbang gis nam mkha'i mdzod dang / lag na rin po che las phun sum tshogs pa thams cad 'byung ste/ sems can thams cad kyi 'tsho bar 'gyur ro/ /de'i rang gi bsod
56a4 nams kyi dbang lag na rin po che de ni tshe'i tshad bskal par gnas te brjod kyang byang chub sems dpa'i bsod nams kyi stobs kyi mtha' rtogs par sla ba ma yin te/ 'di ni byang
56a5 chub sems dpa'i bsod nams kyi stobs zhes bya'o/ /de la byang chub sems dpa'i bsgrub pa'i stobs gang zhe na/ byang chub sems dpa'i sgrub pa'i stobs ni rnam pa bcu'o/ /rnam pa
56a6 bcu gang zhe na/ 'di lta ste/ sbyin pa sgrub pa dang / tshul khrims sgrub pa dang / bzod pa sgrub pa dang / brtson 'grus sgrub pa dang / bsam gtan sgrub pa dang / shes rab sgrub pa dang /
56a7 thabs sgrub pa dang / smon lam sgrub pa dang / stobs sgrub pa dang / ye shes sgrub pa ste/ 'di ni byang chub sems dpa'i sgrub pa rnam pa bcu zhes bya'o/ /byang chub sems dpa'
56b1 rnams kyi pha rol tu phyin pa dang ldan pa'i sgrub pa gang ji snyed pa de dag thams cad ni sgrub pa bcu po 'di'i nang du 'dus par blta'o/ /de la byang chub sems dpa'i sbyin pa sgrub pa gang zhe na/
56b2 byang chub sems dpa' ni sbyin pa'i chos gang gis sems can rnams la gnod par 'gyur ba ma gtogs par sems can rnams la mi sbyin pa gang yang med do/ /byang chub sems dpa'i
56b3 sems gang gis sbyin pa byin pa'i sems de la ni de bzhin gshegs pa dang / byang chub sems dpa' bzod pa thob pa ma gtogs par sems can gzhan rnams kyis dad par sla ba
56b4 yang ma yin na/ shes par 'gyur ba lta ci smos te/ 'di ni byang chub sems dpa'i sbyin pa sgrub pa zhes bya'o/ /de la byang chub sems dpa'i tshul khrims sgrub pa gang zhe na/ byang chub
56b5 sems dpa' rnams kyi tshul khrims sgrub pa ni rnam pa bcu'o/ /rnam pa bcu gang zhe na/ 'di lta ste/ nyan thos kyi sdom pa'i tshul khrims sgrub pa dang / rang sangs rgyas kyi sdom pa'i tshul
56b6 khrims sgrub pa dang / byang chub sems dpa'i sdom pa'i tshul khrims sgrub pa dang / dge ba'i chos thams cad sdud pa'i tshul khrims sgrub pa dang / dge ba'i bshes gnyen kun tu
56b7 tshol ba mi gtong ba'i sdom pa'i tshul khrims sgrub pa dang / dam pa'i chos yongs su 'dzin pa'i sdom pa'i tshul khrims sgrub pa dang / rtag tu gzhan gyi don sgrub pa'i sdom pa'i tshul
57a1 khrims sgrub pa dang / byang chub tu yongs su bsngo ba'i sdom pa'i tshul khrims sgrub pa dang / rtag tu mnyam par bzhag pa'i sdom pa'i tshul khrims sgrub
57a2 pa dang / bag chags kyi mtshams sbyor ba yang dag par 'joms pa la bzod pa'i sdom pa'i tshul khrims sgrub pa'o/ /byang chub sems dpa' rnams ni rnam par mi rtog pa'i tshul
57a3 khrims can yin te/ de dag gi tshul khrims sgrub pa ni thams cad mkhyen pa ma yin pa rnams kyis shes par sla ba ma yin te/ 'di ni byang chub sems dpa'i tshul khrims sgrub pa
57a4 zhes bya'o/ /de la byang chub sems dpa'i bzod pa sgrub pa gang zhe na/ byang chub sems dpa' rnams kyi bzod pa sgrub pa ni rnam pa gsum mo/ /rnam pa gsum gang zhe na/ 'di lta
57a5 ste| sdug bsngal dang du len pa'i bzod pa dang / gzhan gyis gnod par byas pa la mi mjed pa'i bzod pa dang / chos la nges par sems pa'i bzod pa'o/ /de la sdug bsngal dang
57a6 du len pa'i bzod pa ni las bdag gir bya ba shes pa la 'jug pa'o/ /gzhan gyis gnod par byas pa la mi mjed pa'i bzod pa ni sems can thams cad la bu gcig pa bzhin du
57a7 byams pa la 'jug pa'o/ /chos la nges par sems pa'i bzod pa ni chos thams cad skye ba med par shes pa la 'jug pa ste/ 'di ni byang chub sems dpa'i bzod pa rnam pa gsum
57b1 zhes bya'o/ /gang bzod pa 'di dag sgrub pa 'di ni byang chub sems dpa'i bzod pa sgrub pa zhes bya'o/ /de la byang chub sems dpa'i brtson 'grus sgrub pa gang zhe na/ 'di la byang chub sems
57b2 dpa' ni gang dang / gang du ji lta ji ltar dge ba'i chos rnams yongs su 'grub par bya ba'i phyir sbyor ba de dang / der 'du shes 'di ltar sbyor te/ bdag gis sems can thams cad kyi dge
57b3 ba'i chos 'di yongs su bsgrub par bya'o snyam pa 'di ni byang chub sems dpa'i brtson 'grus sgrub pa zhes bya'o/ /de la byang chub sems dpa'i bsam gtan sgrub pa gang zhe na/ byang chub
57b4 sems dpa' ni mnyam par ma bzhag pa'i chos gang yang dag par rjes su mi mthong ste/ de chos thams cad ni rang bzhin gyis snyoms par zhugs pa/ zhi ba sems dang / yid dang / yid
57b5 kyi rnam par shes pa dang bral ba/ ma skyes ma 'gags shing mi g.yo ba thob par mthong ngo / /de bdag ni mnyam par bzhag pa/ gzhan ni rnam par g.yengs pa'o snyam du mi sems
57b6 so| |bdag dang / gzhan las rnam par grol ba'i ting nge 'dzin gzhan yang dag par rjes su mi mthong la/ byang chub yang dag par sgrub pa'i brtson 'grus kyang mi nyams pa 'di ni byang
57b7 chub sems dpa'i bsam gtan sgrub pa'o/ /de la byang chub sems dpa'i shes rab sgrub pa gang zhe na/ 'di la byang chub sems dpa' ni gang rten cing 'brel bar 'byung ba las
58a1 rnam par grol ba dang / gang stong pa nyid las rnam par grol ba dang / gang mtshan ma med pa las rnam par grol ba dang / gang smon pa med pa las rnam
58a2 par grol ba dang / gang nam mkha' las rnam par grol ba'i chos de'ang yang dag par rjes su mi mthong la/ byang chub kyi lam dang / sems can yongs su smin par bya ba'i brtson
58a3 'grus kyang mi nyams pa 'di ni byang chub sems dpa'i shes rab sgrub pa'o/ /de la byang chub sems dpa'i thabs sgrub pa gang zhe na/ gang byang chub sems dpa' ni bdag kyang mi
58a4 dmigs la rtag tu bdag nyid kyis sbed pa'ang spyod do/ /sems can yang mi dmigs la rtag tu sems can yongs su smin par byed pa'i brtson pa'ang spyod do/ /nyon mongs pa'ang
58a5 mi dmigs la rtag tu dbang po rnams sbed pa'ang spyod do/ /de la gang sangs rgyas kyi gzugs ma yin pa'i gzugs cung zad kyang snang bar mi 'gyur la rtag tu sangs rgyas mthong
58a6 bar 'dod pa'ang yin no/ /de la gang chos kyi sgra ma yin pa'i sgra gang yang grag par mi 'gyur la rtag tu chos nyan pas ngoms mi myong ba yang yin no/ /'khor ba'ang mi dmigs
58a7 la rtag tu 'khor bas 'jigs pa'i yid dang ldan pa'ang yin no/ /mya ngan las 'das pa'ang yang dag par rjes su mi mthong la mya ngan las 'das pa khong du chud par bya ba'i
58b1 phyir bdog pa thams cad yongs su gtong bar yang byed do/ /sangs rgyas dang byang chub kyang mi dmigs la sangs rgyas kyi byang chub khong du chud par bya ba'i phyir smon lam brgya stong mang po'ang
58b2 mngon par sgrub ste/ 'di ni byang chub sems dpa'i thabs sgrub pa zhes bya'o/ /de la byang chub sems dpa'i smon lam sgrub pa gang zhe na/ 'di la byang chub sems dpa' ni chos gang yang
58b3 'bri ba'am 'phel bar yang dag par rjes su mi mthong la/ sems can thams cad kyi dge ba'i rtsa ba rnams la'ang rjes su yi rang nas bla na med pa yang dag par rdzogs pa'i byang chub tu
58b4 bsngo bar byed do/ /rang gi dge ba'i rtsa ba rnams sems can thams cad dang thun mong du byas nas 'dis bdag bla na med pa yang dag par rdzogs pa'i byang chub mngon par rdzogs par
58b5 'tshang rgya bar gyur cig /bdag gi sangs rgyas kyi zhing 'di 'dra bar gyur cig /'khor phun sum tshogs pa ni 'di 'dra bar gyur cig ces bla na med pa yang dag par rdzogs pa'i byang chub tu
58b6 yongs su bsngo bar byed do/ /de'i smon lam de'ang yang dag par 'grub pa ste mi 'grub par mi 'gyur ro/ /de tshul khrims ma zhig pa/ ma nyams pa/ 'dren ma ma yin pa/ sra bsrer ma
58b7 gyur pa/ mkhas pas bsngags pa bsrung ngo / /de tshul khrims de la rab tu gnas pas sems kyis smon pa 'grub par 'gyur te/ 'di ni byang chub sems dpa'i smon lam sgrub pa
59a1 zhes bya'o/ /de la byang chub sems dpa'i stobs sgrub pa gang zhe na/ gal te la la zhig sangs rgyas kyi gzugs su bsgyur nas byang chub sems dpa'i gan du
59a2 'ongs te/ sangs rgyas kyi byang chub las zlog par byed/ 'dun pa zlog par byed/ dbral bar byed kyang byang chub sems dpa' de 'dun pa ldog par mi 'gyur te/ byang chub nyid rjes su
59a3 dran no/ /byang chub kyi snying po rjes su dran no/ /bdud 'dul ba dang / chos kyi 'khor lo rab tu bskor ba dang / snying rje chen po mngon du byed pa'o/ /sems can gang byang chub sems
59a4 dpa' de 'dun pa zlog par byed/ dbral bar byed/ rnam par zlog par byed na/ sems can de la'ang byang chub sems dpa' khong khro bar mi 'gyur gyi/ sems can de la byams
59a5 pa chen po dang / snying rje chen po skyed de/ dad pa dang / brtson 'grus dang / dran pa dang / ting nge 'dzin dang / shes rab kyi stobs las kyang mi nyams te/ de'i phyir mi ldog pa'i
59a6 stobs des sems can dpag tu med grangs med pa dag sangs rgyas kyi byang chub la rab tu 'god/ rab tu 'dzud de/ 'di ni byang chub sems dpa'i stobs sgrub pa zhes bya'o/ /de la
59a7 byang chub sems dpa'i ye shes sgrub pa gang zhe na/ 'di la byang chub sems dpa' ni 'di la skye ba'am/ 'chi ba'am/ rga ba gang yang med do/ /'di dag ni chos tsam du zad de/
59b1 bdag dang / bdag gi dang bral ba'o zhes chos thams cad yang dag pa ji lta ba bzhin du rab tu shes te/ de ye shes kyi stobs de nyid kyis sems can dpag tu med grangs med pa dag ye shes
59b2 kyi stobs de la rab tu 'god do/ /de sems can thams cad kyis chos nyid de las rnam par bzlog nas 'jig rten gyi chos rnams la rab tu 'jog mi nus te/ 'di ni byang chub sems dpa'
59b3 ye shes sgrub pa'o/ /'di ni sgrub pa rnam pa bcu ste/ 'di dag ni byang chub sems dpa'i stobs bcu zhes bya'o/ /de la byang chub sems dpa' rnams kyi shes pa bcu gang zhe na/ 'di lta ste/
59b4 sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / sdug bsngal la chos shes shing kun 'byung ba dang / 'gog pa dang / lam la
59b5 chos shes pa dang / phung po shes pa dang / khams shes pa dang / skye mched shes pa dang / 'das pa dang / ma 'ongs pa shes pa dang / lam dang / 'bras bu shes pa ste/ 'di dag ni
59b6 byang chub sems dpa' rnams kyi shes pa bcu'o/ /de la sdug bsngal shes pa gang zhe na/ gang sdug bsngal la sdug bsngal du shes pa/ sdug bsngal la kun 'byung bar shes pa/ sdug
59b7 bsngal la 'gog par shes pa/ sdug bsngal la lam du shes pa'o/ /gzhan yang sdug bsngal stong par shes pa/ sdug bsngal mtshan ma med par shes pa/ sdug bsngal smon pa
60a1 med par shes pa/ sdug bsngal rten cing 'brel bar 'byung bar shes pa 'jig rten skye ba 'di sdug bsngal bar shes pa ni sdug bsngal shes pa'o/ /gzhan
60a2 yang | ma rig pa shes pa/ sred pa shes pa/ len pa shes pa ni sdug bsngal shes pa ste/ 'di ni sdug bsngal shes pa zhes bya'o/ /de la kun 'byung ba shes pa gang zhe na/ gang gis
60a3 sdug bsngal de kun 'byung bar 'gyur ba de shes pa ni kun 'byung ba shes pa'o/ /kun 'byung ba de sdug bsngal nyid du shes pa ni kun 'byung ba shes pa'o/ /gzhan yang / sred pa shes pa
60a4 ni kun 'byung ba shes pa yin te/ 'di ni kun 'byung ba shes pa zhes bya'o/ /de la 'gog pa shes pa gang zhe na/ gang sngon gyi mthar mi 'pho bar shes pa/ phyi ma'i mthar mi 'byung
60a5 bar shes pa/ dbus la mi gnas par shes pa'o/ /gzhan yang / gang la 'das pa'i chos 'gags pa ma yin pa dang / ma 'ongs pa dang / da ltar byung ba'i chos 'gags pa ma
60a6 yin par shes pa 'di ni 'gog pa shes pa zhes bya'o/ /de la lam shes pa gang zhe na/ gang sdug bsngal shes pa dang / kun 'byung ba shes pa dang / 'gog pa shes pa la
60a7 tshol ba'i shes pa dang / thob par byed pa'i shes pa ni 'di ni lam shes pa gang zhes bya'o/ /de la sdug bsngal la chos shes shing kun 'byung ba dang / 'gog pa dang / lam la chos
60b1 shes pa gang zhe na/ de 'di snyam du sems te/ sdug bsngal gang yin pa dang / kun 'byung ba gang yin pa dang / 'gog pa gang yin pa dang / lam gang yin pa de dag ni chos tsam du zad
60b2 do snyam pa 'di ni sdug bsngal la chos shes pa dang / kun 'byung ba dang / 'gog pa dang / lam la chos shes pa zhes bya'o/ /de la phung po rnams shes pa ni gang phung po rnams la sgyu ma dang /
60b3 rmi lam lta bur shes pa/ gong bur shes pa/ phung por shes pa/ brtsegs par shes pa 'di ni phung po shes pa zhes bya'o/ /gzhan yang / gzugs kyi phung po la dbu ba rdos pa lta bur
60b4 shes pa dang / tshor ba'i phung po la chu'i chu bur lta bur shes pa dang / 'du shes kyi phung po la smig rgyu lta bur shes pa dang / 'du byed kyi phung po la chu shing lta bur shes pa dang / rnam
60b5 par shes pa'i phung po la sgyu ma lta bur shes pa 'di ni phung po shes pa zhes bya'o/ /de la khams shes pa gang zhe na/ sa'i khams ni chos kyi dbyings te chos kyi dbyings sra ba ni ma yin no/ /
60b6 de bzhin du chu'i khams ni chos kyi dbyings te/ chos kyi dbyings gsher ba ni ma yin no/ /me'i khams ni chos kyi dbyings te/ chos kyi dbyings tsha ba ni ma yin no/ /rlung gi khams ni
60b7 chos kyi dbyings te/ chos kyi dbyings g.yo ba ni ma yin te/ gang de ltar shes pa 'di ni khams shes pa zhes bya'o/ /gzhan yang / phra ba shes pa dang / rags pa shes pa dang / chung du
61a1 shes pa dang / chos thams cad kyi rtsa ba shes pa ni khams shes pa zhes bya'o/ /gzhan yang / sdug bsngal shes pa dang / kun 'byung ba shes pa dang /
61a2 'gog pa shes pa dang / lam shes pa 'di ni khams shes pa zhes bya'o/ /gzhan yang / khams ni gnyis te/ 'dus byas kyi khams dang / 'dus ma byas kyi khams so/ /de la
61a3 'dus byas dang / 'dus ma byas shes pa ni khams shes pa'o/ /gzhan yang / mig gi khams dang / gzugs kyi khams dang / mig gi rnam par shes pa'i khams ni chos kyi dbyings te/
61a4 chos kyi dbyings ni lta ba'i ngo bo nyid ma yin/ rdzas kyi ngo bo nyid ma yin/ rnam par shes pa'i ngo bo nyid ma yin no/ /rna ba'i khams dang / sgra'i khams dang / rna ba'i rnam par shes pa'i
61a5 khams ni chos kyi dbyings te/ chos kyi dbyings ni sgra 'dzin pa'i ngo bo nyid ma yin/ sgra gzung ba'i ngo bo nyid ma yin/ sgra rnam par shes pa'i ngo bo nyid ma yin no/ /sna'i khams dang /
61a6 dri'i khams dang / sna'i rnam par shes pa'i khams ni chos kyi dbyings te/ chos kyi dbyings ni mnom pa ma yin/ mnam pa ma yin/ rnam par shes pa ma yin no/ /lce'i khams dang /
61a7 ro'i khams dang / lce'i rnam par shes pa'i khams ni chos kyi dbyings te/ chos kyi dbyings ni rol spyod yul ba ma yin/ ro bro ba ma yin/ lce'i rnam par shes pas thob pa ma yin
61b1 no/ /lus kyi khams dang / reg bya'i khams dang / lus kyi rnam par shes pa'i khams ni chos kyi dbyings te/ chos kyi dbyings ni gong bu'i mtshan nyid ma yin/ reg pa'i mtshan nyid ma
61b2 yin| smig rgyu'i mtshan nyid ma yin no/ /yid kyi khams dang / chos kyi khams dang / yid kyi rnam par shes pa'i khams ni chos kyi dbyings te/ chos kyi dbyings ni skye ba dang / gnas pa
61b3 dang | 'jig pa'i mtshan nyid ma yin te/ gang de ltar shes pa 'di ni byang chub sems dpa'i khams shes pa zhes bya'o/ /de la byang chub sems dpa'i skye mched shes pa gang zhe na/ skye
61b4 mched rnams la rgya che bar shes pa dang / zad par shes pa dang / dka' bar shes pa dang / mdud par shes pa dang / zug rngur shes pa dang / 'jig par shes pa dang / chu bor shes pa
61b5 dang / sbyor bar shes pa dang / rnam par 'ching bar shes pa ni skye mched shes pa ste/ 'di ni byang chub sems dpa'i skye mched shes pa zhes bya'o/ /gzhan yang / gang skye mched rnams la
61b6 grong stong du shes pa ste/ dper na/ grong stong pa bdag nyid kyis bdag ni grong stong pa'o snyam du mi shes pa de bzhin du/ skye mched de dag kyang bdag nyid kyis bdag cag ni grong stong pa'o
61b7 snyam du mi shes te/ gang 'di dag de ltar shes pa de ni byang chub sems dpa'i skye mched shes pa zhes bya'o/ /gzhan yang / byang chub sems dpa' ni 'di snyam du sems te/ skye mched bcu
62a1 gnyis ni mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang /
62a2 lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi skye mched dang / chos kyi skye mched de/ 'di dag thams cad ni de tsam du zad do/
62a3 'di la bdag dang / bdag gi zhes bya ba med do snyam mo/ /gang de ltar shes pa 'di ni byang chub sems dpa'i skye mched shes pa zhes bya'o/ /de la byang chub sems dpa'i 'das pa dang ma
62a4 'ongs pa'i shes pa gang zhe na/ gang 'das pa la 'gro ba med par shes pa dang / ma 'ongs pa la 'ong ba med par shes pa 'di ni 'das pa dang / ma 'ongs pa shes pa zhes bya'o/ /gzhan
62a5 yang | 'das pa la zad par shes pa dang / ma 'ongs pa la byed pa med par shes pa 'di ni/ rigs kyi bu/ byang chub sems dpa'i 'das pa dang / ma 'ongs pa shes pa zhes bya'o/ /de la
62a6 lam dang / 'bras bu shes pa gang zhe na/ pha rol tu phyin pa drug po rnams shes pa 'di ni lam shes pa zhes bya'o/ /gang byang chub sems dpa'i sa bcu po rnams dang / de bzhin
62a7 gshegs pa'i sa shes pa 'di ni 'bras bu shes pa zhes bya ste/ gang 'di shes pa 'di ni byang chub sems dpa'i lam dang / 'bras bu shes pa zhes bya'o/ /rigs kyi bu/ 'di dag ni
62b1 byang chub sems dpa' rnams kyi shes pa bcu ste/ rigs kyi bu/ byang chub sems dpas chos kyi tshul la 'jug pa bcu po de dag gis zag pa med pa'i dge ba rnams kyi rnam par smin pa thob
62b2 pa'i dbang ba nyid khong du chud par bya'o/ /chos yang dag par brjod pa 'di yang dag par brjod pa na byang chub sems dpa' sngon yongs su sbyang ba byas pa stong phrag bdun cu rtsa drug mi skye ba'i chos
62b3 la bzod pa thob par gyur to/ /de nas byang chub sems dpa' blo gros rnam par gnon gyis byang chub sems dpa' rtsom pa med la 'di skad ces smras so/ /rigs kyi bu/ khyod kyis byang chub
62b4 sems dpa' rnams kyi pha rol tu phyin pa dang rab tu ldan pa'i chos yang dag par brjod pa spobs par gyis shig /de ci'i phyir zhe na/ rigs kyi bu/ 'di lta ste/ pha rol tu phyin pa'i gtam
62b5 'di ni yang dag phul gyi gtam mo/ /rigs kyi bu/ de la pha rol tu phyin pa rnams ni gang / de dag yang dag par brjod pa ni gang / de skad ces smras pa dang / byang chub sems dpa'
62b6 rtsom pa med kyis byang chub sems dpa' blo gros rnam par gnon la 'di skad ces smras so/ /rigs kyi bu/ pha rol tu phyin pa zhes bya ba ni sbyin pa'i pha rol tu phyin pa dang / tshul khrims
62b7 kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang /
63a1 thabs kyi pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa ste/ rigs kyi bu/
63a2 pha rol tu phyin pa ni 'di dag go /de la pha rol tu phyin pa de dag yang dag par brjod pa ni/ 'di lta ste/ sbyin pa'i rlom sems med pas sbyin pa'i pha rol tu phyin pa ste/ rgyun mi 'chad
63a3 par bdog pa thams cad yongs su gtong bar mi byed pa'ang ma yin no/ /tshul khrims kyi rlom sems med pas tshul khrims kyi pha rol tu phyin pa ste/ tshul khrims dang / bslab pa
63a4 dang | sbyangs pa'i yon tan dang / yo byad bsnyungs pa thams cad la mi 'jug pa'ang ma yin no/ /bzod pa'i rlom sems med pas bzod pa'i pha rol tu phyin pa ste/ rtag tu bzod
63a5 pa dang / des pa la'ang mi 'jug pa ma yin no/ /brtson 'grus kyi rlom sems med pas brtson 'grus kyi pha rol tu phyin pa ste/ rgyun mi 'chad par dge ba'i rtsa ba thams cad yang dag
63a6 par mi sgrub pa'ang ma yin no/ /bsam gtan gyi rlom sems med pas bsam gtan gyi pha rol tu phyin pa ste/ rtag tu nges par sems pa lhur mi len pa'ang ma yin no/ /shes rab kyi
63a7 rlom sems med pas shes rab kyi pha rol tu phyin pa ste/ rtag tu thos pa tshol ba la mngon par mi brtson pa'ang ma yin no/ /thabs kyi rlom sems med pas thabs kyi pha rol tu phyin
63b1 pa ste| mu stegs can gyi gnas thams cad dang / sems can thams cad kyi dge ba'i rtsa ba bya ba'i rtsom pa rnams ni mi snang ba'ang ma yin no/ /smon lam gyi rlom sems med pas
63b2 smon lam gyi pha rol tu phyin pa ste/ sems can thams cad kyi dge ba'i rtsa ba dang / bdag gi dge ba'i rtsa ba sna tshogs kyi sgo rnams sems can thams cad dang thun mong du byas te bla na
63b3 med pa yang dag par rdzogs pa'i byang chub tu yongs su mi bsngo ba'ang ma yin no/ /stobs kyi rlom sems med pas stobs kyi pha rol tu phyin pa ste/ sred med kyi bu dang / lag na rdo rje'i
63b4 gzugs rnams kyi nga rgyal dang / rgyags pa dang / dregs pas khengs pa'i sems can rnams mi 'dul ba'ang ma yin no/ /ye shes kyi rlom sems med pas ye shes kyi pha rol tu phyin
63b5 pa ste| bzo'i gnas dang / sbyor ba'i gnas dang / las kyi gnas thams cad la mi 'jug pa'ang ma yin te/ rigs kyi bu/ 'di ni byang chub sems dpa' rnams kyi pha rol tu phyin
63b6 pa dang rab tu ldan pa'i chos yang dag par brjod pa'o/ /gzhan yang / rigs kyi bu/ rnam par smin pa la'ang re ba med la/ rnam pa thams cad kyis dngos po thams cad yongs su
63b7 gtong ba'i phyir yang brtson pa dang / tshul khrims la'ang rnam par mi rtog la srog gi phyir yang bslab pa mi 'dral ba dang / mi 'khrugs pa'i chos nyid kyang yin la gnod sems
64a1 kyi thab dang / zhe sdang yang mi skyed pa dang / 'dod pa'ang med la dge ba'i rtsa ba thams cad kyang rtsom pa dang / rnam par rtog pa'ang med la bsam gtan dang /
64a2 mngon par shes pa'ang kun tu tshol ba dang / chos thams cad la the tshom yang med la thos pa dang / bsam pa dang / bsgom pa'i sbyor ba'ang kun tu tshol ba dang / chos thams cad
64a3 don du gnyer ba'ang med la/ dge ba'i rtsa ba sna tshogs thams cad la'ang dmigs pa dang / sems gang la'ang mi gnas la smon lam thams cad kyang mngon par bsgrub pa dang /
64a4 nga rgyal dang / rgyags pa dang / dregs pa'ang bcom la sra ba rdo rje ltar mi phyed pa'i lus kyang sgrub pa dang / bstan bcos thams cad kyang shes la slob dpon dang / bla ma thams cad kyang
64a5 kun tu tshol ba 'di ni/ rigs kyi bu/ byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o/ /gzhan yang / rigs kyi bu/ sbyin pa la
64a6 yang dga' la sems can ser sna can dang mthun par yang 'jug pa dang / tshul khrims la'ang dga' la sems can tshul khrims 'chal ba dang mthun par 'jug pa dang /
64a7 bzod pa la'ang dga' la sems can gnod sems can sems phyin ci log tu gyur pa dang mthun par 'ang 'jug pa dang / brtson 'grus la'ang dga' la sems can le lo can brtson
64b1 'grus chung ba brtson 'grus nyams pa dang mthun par 'ang 'jug pa dang / bsam gtan la'ang dga' la sems can bya ba mang pos g.yengs pa sems phyin ci log tu gyur pa dang mthun
64b2 par 'ang 'jug pa dang / shes rab la'ang dga' la sems can blun pa lug ltar lkugs pa'i rang bzhin can rtag tu ma dad pa dang mthun par 'jug pa dang / thabs la'ang dga' la bya ba
64b3 thams cad kyang don du mi gnyer ba dang / smon lam la'ang dga' la sems can 'khor bas mus phyung ba dang mthun par 'jug pa dang / stobs la'ang dga' la sems can nyam chung ba
64b4 mthu med pa dang mthun par yang 'jug pa dang / ye shes la'ang dga' la sems can 'khor ba la mngon par dga' ba dang mthun par 'ang 'jug pa 'di ni/ rigs kyi bu/ byang chub
64b5 sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o/ /gzhan yang / rigs kyi bu/ byang chub sems dpa' sbyin pa'i pha rol tu phyin pas ni lag na
64b6 rin po che dang / nam mkha'i mdzod 'thob bo/ /tshul khrims kyi pha rol tu phyin pas ni ngan song thams cad las shin tu 'da' ba dang / 'chi 'pho dang / skye ba la dbang ba dang / cang shes pa'i
64b7 sems 'thob bo/ /bzod pa'i pha rol tu phyin pas ni de bzhin gshegs pa'i sku mtshan dang / dpe byad bzang pos legs par brgyan pa/ blta bas mi ngoms pa 'thob bo/ /brtson 'grus
65a1 'grus kyi pha rol tu phyin pas ni mngon par shes pa myur ba dang / chos thams cad la dbang byed pa 'thob bo/ /bsam gtan gyi pha rol tu phyin pas ni lus dang /
65a2 sems yid du 'ong ba dang / gzungs dang / spobs pa rnam pa tha dad pa dang / nyon mongs pa'i sgrib pa spong ba 'thob bo/ /shes rab kyi pha rol tu phyin pas ni mi 'jigs pa dang / so so yang
65a3 dag par rig pa bzhi 'thob bo/ /thabs kyi pha rol tu phyin pas ni bya sla ba dang / lus dang / ngag dang / yid kyi las kyi mtha' kha na ma tho ba med pa 'thob bo/ /smon lam gyi pha rol tu phyin pas ni
65a4 skye ba thams cad du skye ba dran pa dang / ji ltar 'dod pa bzhin du 'gro ba dang / ji ltar 'dod pa bzhin du dga' bar 'gyur ba 'thob bo/ /stobs kyi pha rol tu phyin pas ni nyon mongs pa thams
65a5 cad dang / bdud dang / phas kyi rgol ba thams cad kyis mi rdzi ba dang / 'jig rten thams cad las mngon par 'phags pa 'thob bo/ /ye shes kyi pha rol tu phyin pas ni phung po dang /
65a6 'chi bdag dang / nyon mongs pa dang / lha'i bu'i bdud las yang dag par 'das pa 'thob ste/ rigs kyi bu/ 'di ni byang chub sems dpa' rnams kyi pha rol tu phyin pa dang rab tu
65a7 ldan pa'i chos yang dag par brjod pa'o/ /gzhan yang / rigs kyi bu/ byang chub sems dpa' ni sbyin pa'i bsngags pa smra ba'ang yin la sbyin pas dag go snyam du'ang mi snyems
65b1 so/ /de bzhin du tshul khrims dang / bzod pa dang / brtson 'grus dang / bsam gtan dang / shes rab dang / thabs dang / smon lam dang / stobs dang / ye shes kyi bsngags pa smra
65b2 ba'ang yin la ye shes kyis dag go snyam du'ang mi snyems so/ /de ci'i phyir zhe na/ chos de dag thams cad ni yang dag par bsgrubs nas spang bar bya'o/ /'di dag thams cad ni yongs su
65b3 brtags pa las byung ba'o/ /de bas na gang yongs su rtog pa dang / yongs su rtog pa las byung ba'i chos de dag ni spang bar bya'o/ /de bas na byang chub sems dpa' ni yongs su rtog pa dang /
65b4 yongs su rtog pa las byung ba'i chos rnams kyis dag go snyam du mi snyems te/ gzhan du na rnam par mi rtog pa spros pa med pa'i yul gyis ye shes thob nas byang chub mngon par rdzogs
65b5 par 'tshang rgya'o/ /smras pa/ rigs kyi bu/ byang chub ces bya ba 'di chos gang gis tshig bla dwags/ byang chub sems dpa' rtsom pa med kyis smras pa/ rigs kyi bu/ byang chub ces bya ba
65b6 'di ni rnam par mi rtog pa/ spros pa med pa'i chos kyi tshig bla dwags so/ /de la ngar 'dzin pa'i spros pa ni byang chub ma yin te/ ngar 'dzin pa nye bar zhi zhing spros pa med pa ni byang chub bo/ /
65b7 nga yir 'dzin pa'i spros pa ni byang chub ma yin te/ nga yir 'dzin pa nye bar zhi zhing spros pa med pa ni byang chub bo/ /rga ba dang / na ba dang / 'chi ba dang / sdug bsngal gyi rgyun gyi spros pa ni byang chub
66a1 ma yin te/ rga ba dang / na ba dang / 'chi ba dang / sdug bsngal gyi rgyun nye bar zhi zhing spros pa med pa ni byang chub bo/ /ser sna dang / 'chal ba'i tshul khrims
66a2 dang | gnod sems dang / le lo dang / rnam par g.yeng ba dang / 'chal ba'i shes rab kyi spros pa ni byang chub ma yin te/ sbyin pa dang / tshul khrims dang / bzod pa dang / brtson
66a3 'grus dang / bsam gtan dang / shes rab spros pa med pa ni byang chub bo/ /lta ba dang / rnam par rtog pa dang / smon lam gyi spros pa ni byang chub ma yin te/ stong pa nyid dang / mtshan
66a4 ma med pa dang / smon pa med pa dang / spros pa med pa ni byang chub bo/ /gzhan yang / rigs kyi bu/ chos thams cad ni byang chub bo/ /chos thams cad ni byang chub ma yin no/ /smras pa/
66a5 rnam grangs gang gis na chos thams cad ni byang chub yin la/ chos thams cad byang chub kyang ma yin/ smras pa/ chos thams cad kyi mnyam pa nyid dang / chos thams cad kyi de bzhin
66a6 nyid khong du chud pa ni byang chub bo/ /chos thams cad la ngar 'dzin pa dang / nga yir 'dzin pa la mngon par chags pa ni byang chub ma yin no/ /gzhan yang / rigs kyi bu/ byang chub ces
66a7 bya ba de ni nye bar zhi ba'i tshig bla dwags so/ /nye bar zhi zhes bya ba de ni chos thams cad kyi de bzhin nyid kyi tshig bla dwags so/ /smras pa/ rigs kyi bu/ de bzhin nyid de bzhin nyid
66b1 ces bya ba de gang gi tshig bla dwags/ smras pa/ rigs kyi bu/ de bzhin nyid de bzhin nyid ces bya ba de ni stong pa nyid kyi tshig bla dwags te/ stong pa de ni mi skye mi 'gag go /smras pa/ gang
66b2 bcom ldan 'das kyis kyang / 'di skad du/ chos thams cad ni stong pa'o zhes gsungs te/ de bas na chos thams cad ni mi skye mi 'gag go /byang chub sems dpa' rtsom pa med kyis smras pa/
66b3 rigs kyi bu/ de de bzhin no/ /ji ltar khong du chud pa bzhin te/ chos thams cad ni mi skye mi 'gag go /smras pa/ gang 'di bcom ldan 'das kyis 'dus byas kyi chos thams cad ni skye'o//
66b4 'gag go zhes gsungs na/ de bzhin gshegs pas 'di ci las dgongs te gsungs/ smras pa/ rigs kyi bu/ 'jig rten gnas pa skye ba dang / 'gag pa la mngon par chags pas de la de
66b5 bzhin gshegs pa thugs rje chen pos 'jig rten dngang ba'i gnas bsal ba'i phyir tha snyad kyi dbang gis skye'o/ /'gag go zhes gsungs te/ 'di la chos gang yang skye ba dang / 'gag pa
66b6 med do/ /de bas na rigs kyi bu/ byang chub sems dpas sangs rgyas shes par bya/ sangs rgyas kyi chos rnams shes par bya/ sems can rnams shes par bya/ sems can gyi chos
66b7 rnams shes par bya/ bdag shes par bya/ bdag gi chos rnams shes par bya'o/ /de nas byang chub sems dpa' sems dpa' chen po rtsom pa med kyis de'i tshe don de nyid tshigs
67a1 su bcad pa 'di dag gis smras pa/ byang chub sems dpa' bag yod pas/ /sangs rgyas 'byung dang sangs rgyas dang / /sangs rgyas chos dang de dag ni/ /rang
67a2 bzhin ci 'dra rab tu shes/ /sangs rgyas 'jig rten mkhyen mchog ni/ /zad med dge ba'i phung po ste/ /sems can bsam pa'i dbang gis 'byung / /sngon gyi 'du byed rgyu las skye/ /
67a3 gang gis sangs rgyas rnams rtogs pa/ /dpa' bo de ni pha rol phyin/ /des ni thams cad yongs su shes/ /des ni thams cad khong du chud/ /byang chub sus kyang ma byin te/ /gang gis
67a4 kyang ni gzungs pa med/ /bdag gi chos rnams yongs shes pas/ /sangs rgyas la ni sangs rgyas brjod/ /gang gis bdag ni rang bzhin gyis/ /'du shes tsam du rnam rig pa/ /de
67a5 ni sangs rgyas ci 'dra dang / /byang chub rang bzhin ci 'dra shes/ /'gro ba thams cad 'du shes tsam/ /yongs su rtog pa rnams kyis brjod/ /rmi lam sgyu ma la sogs mtshan/ /byang
67a6 chub sems dpas rnam par rig /ji ltar tshul 'di shes 'gyur zhes/ /gang zhig de snyam sems 'gyur na/ /dbang po'i rta rnams rab btul ba/ /mnyam bzhag des ni rab tu
67a7 shes| |de la dgra dang zin med de/ /dgos pa dang ni mi dgos med/ /dor ba med cing gzung ba med/ /yang dag chos brjod 'di 'dra'o/ /chos rnams kun la yang dag tshig /
67b1 chos rnams yang dag brjod ces bya/ /de dag yang dag tshig min pa/ /de ni skyon chags chos zhes brjod/ /'dod chags chos dang 'dod med ni/ /dag pa rnams kyis mnyam par mthong / /de
67b2 bzhin zhe sdang gti mug ste/ /'di ni chos rnams yang dag brjod/ /sems can kun la phan pa'i phyir/ /snying rje'i bdag nyid go bgos pa/ /gang zhig rang bzhin stong min pa/ /sems can rab tu
67b3 mi mthong ste/ /de ltar chos nyid gang shes shing / /rtag tu kun tu dri med la/ /'jigs med thang la phyin de dag /sangs rgyas khong du chud par 'gyur/ /dper na sgyu ma mkhan po zhig /sprul pa
67b4 thar bar bya phyir brtson/ /des ni snga nas de shes pas/ /sprul pa de la chags pa med/ /srid gsum sprul pa 'dra bar ni/ /rdzogs pa'i byang chub mkhas pas shes/ /'gro ba'i ched du go bgos
67b5 te| |'gro ba de ltar snga nas shes/ /bdag ni yang dag ma yin zhing / /sems can rang bzhin stong par mthong / /kun tu song ba'i chos mthong nas/ /bzod pa thob ste thang la gnas/ /gang du'ang
67b6 'jug pa ma yin te/ /gang nas kyang ni ldog med pa/ /de ni 'jug med ldog med de/ /thang la gnas pa'i bram ze'o/ /nam zhig bsam pa mnyam pa yis/ /yang dag chos kyi dbyings la gnas//
67b7 de tshe sangs rgyas rnams kyis 'di/ /rdzogs pa'i sangs rgyas 'gyur lung ston/ /nam zhig bdag ni ji lta bar/ /de bzhin sangs rgyas lung bstan dag /mthong ba'i dri ma bor ba ni/ /rgyal ba
68a1 rnams kyis lung ston to/ /sgrib pa med pa'i dbyings gnas nas/ /de nas mya ngan 'das la spyod/ /snying rje chen po'i bdag nyid ni/ /kun tu kha na ma tho med/ /
68a2 byang chub sems dpa' blo ldan gang / /chos rnams yang dag brjod 'dod cing / /yang dag chos brjod don gnyer de/ /yang dag chos brjod 'di bgrod do/ /sems can chen po des tshigs
68a3 su bcad pa bstan pa 'di bshad pa na byang chub sems dpa' sum khri nyis stong ni mi skye ba'i chos la bzod pa thob par gyur to/ /lha'i bu brgyad stong ni chos rnams la chos kyi mig rdul dang
68a4 bral zhing dri ma med pa rnam par dag go/ //bam po bzhi pa/ gzhan yang / byang chub sems dpa' sems dpa' chen po rtsom pa med kyis byang chub sems dpa'
68a5 sems dpa' chen po blo gros rnam par gnon la 'di skad ces smras so/ /rigs kyi bu/ byang chub sems dpas ni bden pa gces su bya ste/ rigs kyi bu/ bden pa yang dag par brjod
68a6 pa ni byang chub sems dpa' rnams kyi chos yang dag par brjod pa'o/ /rigs kyi bu/ de la bden pa gang zhe na/ gang byang chub sems dpa' bla na med pa yang dag par rdzogs pa'i byang
68a7 chub tu sems bskyed nas sems de srog gi phyir yang yongs su mi 'dor zhing sems can rnams la log par yang mi sgrub pa ste/ 'di ni byang chub sems dpa'i bden pa'o/ /gang byang
68b1 chub sems dpa' bla na med pa yang dag par rdzogs pa'i byang chub tu sems bskyed nas/ phyis sems de 'dor zhing sems can thams cad la log par sgrub pa 'di ni byang chub sems dpa'
68b2 rab tu smad pa'i brdzun du smra ba'o/ /smras pa/ ji ltar na bla na med pa yang dag par rdzogs pa'i byang chub tu sems bskyed nas/ sems de phyis yongs su mi 'dor zhing sems can thams cad
68b3 la log par mi sgrub pa yin/ smras pa/ nam byang chub sems dpa' sdug bsngal gyi bden pa shes shing / kun 'byung ba'i bden pa dang / 'gog pa'i bden pa dang / lam gyi bden pa
68b4 shes pa na de sems de yongs su mi 'dor zhing sems can thams cad la'ang log par mi sgrub pa yin no/ /de ci'i phyir zhe na/ byang chub sems dpa' bden pa yongs su shes pa dang ldan pa
68b5 ni sangs rgyas kyi byang chub las phyir mi ldog go /smras pa/ sdug bsngal ni gang shes pa ni ji lta bu/ smras pa/ len pa'i phung po lnga rnams la yid du 'ong ba dang / yid du mi 'ong ba rnam par
68b6 smin pa ni sdug bsngal te/ 'di ni sdug bsngal zhes bya'o/ /nam sdug bsngal de rten cing 'brel bar 'byung ba dang / stong pa dang / g.yo ba med pa dang / bdag dang / bdag gi dang bral
68b7 pa shes pa 'di ni sdug bsngal shes pa zhes bya'o/ /nam sdug bsngal de kun 'byung ba tsam dang / rdzas med pa dang / rdzas ma yin pa dang / snying po med pa dang / bdag po med par
69a1 mthong ba 'di ni kun 'byung ba shes pa zhes bya'o/ /nam sdug bsngal de sngon gyi mtha' nas kyang ma 'ongs/ phyi ma'i mthar yang mi 'pho/ da ltar byung ba la'ang mi
69a2 gnas te/ thog ma med pa can yin la/ rang bzhin gyis 'gags pa/ rang bzhin gyis stong pa/ rang bzhin gyis dben par shes pa 'di ni 'gog pa shes pa zhes bya'o/ /smras pa/ rigs
69a3 kyi bu| 'gog pa zhes bya ba 'di gang gi tshig bla dwags/ smras pa/ rigs kyi bu/ 'gog pa ni cir yang brjod par bya ba ma yin no/ /smras pa/ rigs kyi bu/ gal te 'gog pa ni cir yang brjod
69a4 par bya ba ma yin no/ de ci'i phyir 'gog pa zhes bya/ smras pa/ rigs kyi bu/ 'gog pa zhes bya ba ni glo bur gyi sgrib pa med pa/ yang dag pa ma yin pa/ yod pa ma yin pa/ kun brtags
69a5 pa ste| nam yang dag pa ma yin pa de la kun tu mi rtog pa de ni 'gog pa zhes bya'o/ /yang dag pa ma yin pa kun rtog par 'gag pa na chos gang yang 'jig par mi 'gyur te/ de'i phyir
69a6 chos thams cad ni shin tu 'gags pa zhes bya'o/ /smras pa/ rigs kyi bu/ bcom ldan 'das kyis kyang byang chub sems dpa' 'gog pa mngon sum du mi byed do/ /byang chub
69a7 sems dpa' gang 'gog pa mngon sum du byed pa de ni nyan thos dang / rang sangs rgyas kyi sar ltung ngo zhes gsungs na/ bcom ldan 'das kyis de ci las dgongs te gsungs/ smras
69b1 pa| rigs kyi bu/ mngon sum du byed ces bya ba 'di ni bstan du med pa/ mngon sum du mthong ba'i tshig bla dwags so/ /bcom ldan 'das kyis kyang 'gog pa ni bstan du med pa'i chos so zhes
69b2 gsungs so/ /chos gang bstan du med pa de ni mngon sum du bya bar mi nus so/ /de bas na bcom ldan 'das kyis byang chub sems dpa' 'gog pa mngon sum du mi byed mi mthong ngo zhes gsungs
69b3 te| de la dgongs nas byang chub sems dpa' ni 'gog pa mngon sum du mi byed do/ /nyan thos ni chos la mtshan mar 'dzin pa'i blos 'gog pa mngon sum du byed do/ /gnas so/ /kun shes so
69b4 zhes gsungs so/ /dmigs pa dang / yid la byed pa gang dag gis 'di ltar shes/ 'di ltar mthong / 'di ltar nges par byed pa 'di ni lam shes pa zhes bya'o/ /gzhan yang / rigs kyi bu/
69b5 sdug bsngal zhes bya ba ni bar 'dzin pa'o/ /nga yir 'dzin pa de'i rgyu dang bcas par gang 'byung ba 'di ni kun 'byung ba zhes bya'o/ /nam de'i 'byung ba'i chos gang yang so sor nges pa ma yin par
69b6 mthong ba 'di ni 'gog pa shes pa zhes bya'o/ /gang de ltar rnam par mthong zhing tshol ba 'di ni lam shes pa zhes bya'o/ /gzhan yang rigs kyi bu/ gang snyems pa de ni sdug bsngal ba'o/ /
69b7 de ci'i phyir zhe na/ rigs kyi bu/ bcom ldan 'das kyis snyems pa'i rang bzhin ni sdug bsngal lo zhes gsungs so/ /snyems pa ni thams cad tu yang dag pa ma yin pa'o/ /de bas na
70a1 snyems pa kun 'byung ba ni sdug bsngal kun 'byung ba'o/ /sdug bsngal med pa ni 'gog pa'o/ /ye shes gang gi snyems pa de la mi snyems pa de ni lam mo/ /rigs
70a2 kyi bu| bdag gi bskal pa'am/ bskal pa las lhag par byang chub sems dpa' rnams kyi bden pa shes pa bstan pa 'di'i mtha' rtogs par mi nus so/ /bden pa bstan pa 'di bshad
70a3 pa na byang chub sems dpa' drug stong gis bden pa yongs su bsgoms pa phyir mi ldog pa'i sa khong du chud do/ /bar snang la gnas pa'i lha'i bu mo stong phrag bcu ni chos rnams la chos kyi
70a4 mig rdul dang bral zhing dri ma med pa rnam par dag go /de nas byang chub sems dpa' sems dpa' chen po blo gros rnam par gnon gyis byang chub sems dpa' sems dpa' chen po
70a5 rtsom pa med la 'di skad ces smras so/ /rigs kyi bu/ byang chub sems dpa'i dran pa nye bar gzhag pa ni gang / dran pa ni gang / dran pa'i gnas ni gang / de skad ces smras pa dang /
70a6 byang chub sems dpa' sems dpa' chen po rtsom pa med kyis byang chub sems dpa' sems dpa' chen po blo gros rnam par gnon la 'di skad ces smras so/ /rigs kyi bu/ byang chub
70a7 sems dpa' rnams ni chos thams cad la mi skye bar shes pa dran pa yin no/ /byang chub sems dpa' rnams ni mi skye ba shes pa'i smon lam can yin te/ de dag gi dran pa de'ang
70b1 mi skye ba shes pas yongs su sbyang ba byas pa/ thams cad tu mi bskyod pa/ drang ba/ mi g.yo ba/ gting dang / 'gram mi rtogs pa/ 'jig rten pa dang / nyan thos dang / rang sangs rgyas thams
70b2 cad kyis shes par dka' ba ste/ byang chub sems dpa'i dran pa gang gis sangs rgyas thams cad kyis gsungs pa kun 'dzin pa'i dran pa de ni de bzhin gshegs pa dgra bcom pa yang
70b3 dag par rdzogs pa'i sangs rgyas kyi mngon sum mo/ /byang chub sems dpa'i dran pa de ni 'di 'dra'o/ /byang chub sems dpa'i dran pa de'i gnas ni rnam pa bcu ste/ lus dran pa nye bar gzhag
70b4 pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa dang / sangs rgyas rjes su dran pa'i dran pa nye bar gzhag pa dang /
70b5 chos rjes su dran pa'i dran pa nye bar gzhag pa dang / dge 'dun rjes su dran pa'i dran pa nye bar gzhag pa dang / tshul khrims rjes su dran pa'i dran pa nye bar gzhag pa dang / gtong ba
70b6 rjes su dran pa'i dran pa nye bar gzhag pa dang / lha rjes su dran pa'i dran pa nye bar gzhag pa ste/ 'di dag ni dran pa nye bar gzhag pa bcu'o/ /de la byang chub sems dpa' rnams kyi
70b7 lus dran pa nye bar gzhag pa gang zhe na/ 'di la byang chub sems dpa' 'di ltar lus 'di ni sngon gyi mtha' nas ma 'ongs/ phyi ma'i mthar mi 'gro /sngon gyi mtha' dang / phyi ma'i
71a1 mtha' la mi gnas te/ gzhan du na yang dag pa ma yin pa/ phyin ci log las byung ba/ byed pa po dang / tshor ba po med pa/ thog ma dang / tha ma dang / dbus med
71a2 pa| rtsa ba gnas pa med pa/ bdag po med pa/ nga yi ba med pa/ yongs su 'dzin pa med pa ste/ tshogs zhes bya ba dang / lus zhes bya ba dang / longs spyod ces bya ba dang / gnas
71a3 zhes bya ba dang / ro zhes bya ba dang / skye mched ces bya ba ni glo bur gyi tha snyad rnams kyis tha snyad tu btags pa'o/ /lus 'di ni snying po med pa ste/ pha ma'i khu ba dang / khrag las
71a4 byung ba/ mi gtsang ba/ rul ba/ rang bzhin gyis dri mi zhim pa/ 'dod chags dang / zhe sdang dang / gti mug dang / 'jigs pa dang / sgyid lugs pa'i rkun pos dkrugs pa/
71a5 rtag tu 'jig pa/ 'brul pa/ 'bral ba/ rnam par 'thor ba/ rnam par 'joms pa'i chos can/ nad tha dad pa brgya stong gi tshang ngo snyam du lus la dran pa nye bar 'jog go /
71a6 gzhan yang / rigs kyi bu/ byang chub sems dpa' ni 'di ltar lus 'di ni rkang pa dang / rkang sor dang / byin pa dang / brla dang / gru do dang / lto ba dang / lte ba dang / sgal tshigs
71a7 dang / snying dang / rtsi ba logs dang / rtsib ma dang / lag pa'i thal mo dang / dpung ba dang / thal gong dang / mgrin pa dang / 'gram pa dang / dpral ba dang / mgo'i
71b1 thod pa 'dus pa tsam ste/ las 'byung ba'i byed pas bsags pa/ nyon mongs pa dang / nye ba'i nyon mongs pa dang / kun tu rtog pa dang / rnam par rtog pa tha dad pa brgya stong gi gnas so/ /'di ni
71b2 rdzas mang po 'dus pa 'di lta ste/ skra dang / spu dang / se mo dang / so dang / rus pa dang / pags pa dang / sha dang / lus dang / rgyus pa dang / tshil dang / zhag dang / chu ser dang / mcher
71b3 ba dang / gcin dang / phyi sa dang / pho ba dang / long ka dang / khrag dang / ngar snabs dang / mkhris pa dang / rnag dang / mchil ma dang / klad pa dang / klad rgyas rnams te/ de de ltar
71b4 rdzas mang po 'dus pa yin na/ de la lus zhes ji skad du bya snyam du lus la dran pa nye bar 'jog go /de la so sor rtog pa na 'di snyam du sems te/ lus 'di ni nam mkha' dang mtshungs so snyam
71b5 nas de lus la nam mkha' ltar dran pa nye bar 'jog go /de thams cad nam mkha' ltar mthong ngo / /de lus yongs su shes par bya ba las gang la'ang dran pa mi 'jug go /mi ldog go /mi
71b6 'jug mi ldog pas dran pa la gnas pa zhes bya'o/ /de ltar dran pa la gnas pa ni 'di ltar lus ji lta ba byang chub kyang de bzhin du shes te/ 'di la thogs par bya ba med do/ /de ci'i phyir
71b7 zhe na| gang du thogs pa de thams cad ni tshul bzhin ma yin pa ste/ 'di ni byang chub sems dpa'i lus dran pa nye bar gzhag pa zhes bya'o/ /de la byang chub sems dpa'i tshor ba dran pa nye
72a1 bar gzhag pa gang zhe na/ 'di la byang chub sems dpa' 'di snyam du sems te/ tshor ba zhes bya ba ni khong du chud pa ste/ reg pa de'ang phyin ci log dang / phyin
72a2 ci ma log pa dang / de gnyi ga las rnam par grol ba'o snyam mo/ /de la byis pa so so'i skye bo sems g.yengs pa phyin ci log tu gyur pa rnams kyi tshor ba ni phyin ci log ste/ de dag ni mi
72a3 rtag pa la rtag par tshor ro/ /sdug bsngal ba la bde bar tshor ro/ /bdag med pa la bdag tu tshor ro/ /mi gtsang ba la gtsang bar tshor te/ 'di ni phyin ci log gi tshor ba'o/ /gang mi
72a4 rtag pa la mi rtag par tshor ba dang / sdug bsngal la sdug bsngal du tshor ba dang / bdag med pa la bdag med par tshor ba dang / mi gtsang ba la mi gtsang bar tshor ba 'di ni nyan thos
72a5 rnams kyi tshor ba'o/ /gang mi rtag pa la mi rtag pa dang / mi rtag pa yang ma yin par tshor ba dang / sdug bsngal la sdug bsngal yang ma yin/ bde ba'ang ma yin par tshor ba dang /
72a6 bdag med pa la bdag med pa dang / bdag med pa'ang ma yin par tshor ba dang / mi gtsang ba la mi gtsang ba dang / mi gtsang ba'ang ma yin par tshor ba 'di ni byang chub sems
72a7 dpa' rnams kyi tshor ba'o/ /byang chub sems dpa' de ltar tshor ba ni tshor ba po yang dag par rjes su mi mthong ngo / /de mi mthong bas tshor ba'ang yang dag par rjes su mi mthong ngo / /de
72b1 'di snyam du sems te/ bcom ldan 'das kyis kyang 'dus byas thams cad ni tshor ba'o zhes gsungs so/ /gal te 'dus byas thams cad tshor ba ma yin na ni 'di la tshor ba po zhes bya ba ci
72b2 zhig yod/ tshor ba ni tshor bar byed pa ma yin/ tshor bar bya ba dang / tshor ba dang / tshor bar byed pa ma yin/ 'dus ma byas kyang 'dus byas tshor bar byed pa ma yin/ 'dus byas dang /
72b3 'dus ma byas las rnam par grol ba'i tshor bar byed pa gang yang med de/ de ltar tshor ba de dag tshor ba med par yang dag par rjes su mthong ngo / /'di la tshor bas rtsol ba gang yang yang
72b4 dag par rjes su mi mthong ste/ byang chub ji lta ba tshor ba'ang de bzhin du yang dag par rjes su mthong ba 'di ni byang chub sems dpa'i tshor ba dran pa nye bar gzhag pa zhes bya'o/ /de la
72b5 byang chub sems dpa'i sems dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang tshor ba de ni sems tsam mo/ /sems de'ang gnas pa med pa/
72b6 gzung ba med pa/ lus med pa'o/ /gang gnas med pa/ gzung ba med pa/ lus med pa de'i gnas ji lta bu zhig yod snyam mo/ /sems kyis sems mi shes so/ /sems kyis sems
72b7 mi mthong ngo / /gang la brten nas byung ba'i sems de'ang gzhan la rag las pa/ rang dbang med par mthong ngo / /sems ma gtogs par byang chub kyang mi shes so/ /de la byang chub sems
73a1 tsam du shes pas sems la dbang thob bo/ /de sems la dbang bas theg pa chen po la dbang byed pa dang / sems can thams cad la'ang sems snyoms
73a2 pa dang / theg pa chen po la gzhan gyi dring la mi 'jog pa yin te/ 'di ni byang chub sems dpa'i sems dran pa nye bar gzhag pa zhes bya'o/ /de la byang chub sems dpa'i chos dran pa
73a3 nye bar gzhag pa gang zhe na/ 'di la byang chub sems dpa' dge ba'am/ mi dge ba'am/ kha na ma tho ba dang bcas pa'am/ kha na ma tho ba med pa'am/ zag pa dang bcas pa'am/
73a4 zag pa med pa'am/ 'jig rten pa'am/ 'jig rten las 'das pa'am/ nyan thos kyi chos sam/ rang sangs rgyas kyi chos sam/ so so'i skye bo'i chos sam/ chos gang dang / gang
73a5 la dran pa nye bar 'jog pa'i chos de shin tu bzung ba/ shin tu yongs su sbyang ba byas pa/ shin tu bsags pa'am/ shin tu chub pa/ rang gi kha na las pa/ shin tu dbang byed pa'i dran
73a6 pa des skye ba med pa dang / 'gag pa med pa mnyam par byed de/ gang skye ba med pa dang / 'gag pa med pa las rnam par grol ba dang / gang rten cing 'brel par 'byung ba las rnam
73a7 par grol ba dang / gang stong pa nyid dang / mtshan ma med pa dang / smon pa med pa las rnam par grol ba'i chos de yang dag par rjes su mi mthong ngo / /de 'di snyam du sems te/
73b1 chos thams cad ni bdag po med pa ste/ dben pa'i rang bzhin can/ chos thams cad ni bdag med pa ste/ gnyis su med pa'i rang bzhin can/ chos thams cad ni sgrib pa med pa ste/ nam
73b2 mkha'i rang bzhin can/ chos thams cad ni rnam par mi rtog pa ste/ sems dang / yid dang / yid kyi rnam par shes pa dang bral ba/ chos thams cad ni rnam par grol ba'i ngo bo nyid de/ nyon
73b3 mongs pa med pa'i rang bzhin can/ chos thams cad ni smra ba med pa ste/ brjod du med pa'i rang bzhin can/ chos thams cad ni yi ge med pa ste/ 'dus ma byas pa'i rang bzhin can/ chos
73b4 thams cad ni grangs med pa ste/ grangs thams cad las shin tu 'das pa/ chos thams cad ni drang ba ste/ spros pa thams cad las shin tu 'das pa/ chos thams cad ni sa bon med pa'i
73b5 phyir rtsa ba med pa/ chos thams cad ni rtsa ba rnam par byang ba'i phyir skyon med pa/ chos thams cad ni lus med pa'i phyir 'ongs pa med pa/ chos thams cad ni gnas pa med pa'i phyir song ba med
73b6 pa| chos thams cad ni rang bzhin gyi stong pa'i phyir chags pa med pa/ chos thams cad ni rten cing 'brel par 'byung ba'i phyir stong pa/ chos thams cad ni rnam par mi rtog pa'i phyir nges par
73b7 'byung ba/ chos thams cad ni ji ltar 'dod pa bzhin khong du chud pa'i phyir rang gi kha na las pa/ chos thams cad ni shes bya'i ngo bo nyid kyi phyir byang chub pa/ chos thams cad ni rdzas med pa'i
74a1 phyir ming tsam pa/ chos thams cad ni bstan du med pa'i ngo bo nyid kyi phyir lta ba dang bral ba/ chos thams cad ni lus med pa'i phyir bcings pa med pa/ chos thams
74a2 cad ni ngo bo nyid med pa'i phyir grol ba med pa/ chos thams cad ni de bzhin nyid kyi ngo bo nyid kyi phyir thibs po med pa/ chos thams cad ni chos kyi dbyings dbyer med pa'i phyir dbyings gcig
74a3 pa| chos thams cad ni yang dag pa'i mtha' dang mnyam pa'i phyir tha mi dad do snyam du de ltar chos la chos kyi rjes su lta zhing gnas so/ /de ltar chos la chos kyi rjes su lta zhing gnas pa'i
74a4 byang chub sems dpa' ni sems can tha dad du mi byed/ chos tha dad du mi byed/ theg pa tha dad du mi byed/ sangs rgyas tha dad du mi byed/ sangs rgyas kyi zhing tha dad du mi byed/ tha ma dang /
74a5 mchog dang / bcings pa dang / thar pa dang / 'khor ba dang / mya ngan las 'das pa yang dag par rjes su mi mthong / spong ba med/ 'dzin pa med/ 'jug pa med/ ldog pa med/
74a6 len pa med/ 'dor ba med de/ mi g.yo ba thob cing gnas pa yin te/ byang chub sems dpa' sems dpa' chen po zhi ba la gnas pa de sangs rgyas kyi zhing tha dad pa na gnas pa'i sangs
74a7 rgyas bcom ldan 'das rnams kyis gzigs nas bla na med pa yang dag par rdzogs pa'i byang chub tu lung ston te/ de ni byang chub sems dpa'i chos dran pa nye bar gzhag pa zhes bya'o/ /
74b1 de la byang chub sems dpa'i sangs rgyas rjes su dran pa'i dran pa nye bar gzhag pa gang zhe na/ 'di la byang chub sems dpa' sangs rgyas rjes su dran pa'i dran pa nye bar gzhag pa sgom ste/ sems
74b2 can thams cad mngon sum du byas nas bdag kyang sems can thams cad kyi ched du bla na med pa yang dag par rdzogs pa'i byang chub yang dag par bsgrub bo/ /'di ltar gang de bzhin gshegs
74b3 pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad po de dag bdag
74b4 gis bsgrub par bya'o snyam du dran pa nye bar 'jog go /dran pa des gang sangs rgyas bcom ldan 'das rnams kyi dran pa bsam gyis mi khyab pa/ dri ma med pa/ rnam par dag pa/ 'od gsal ba/
74b5 bag la nyal ba med pa/ bag chags kyi mtshams sbyor ba thams cad yang dag par chad pa/ ye shes sngon du 'gro ba/ ye shes kyi dbang du gyur pa/ sangs rgyas thams cad kyi dbang du gyur pa/
74b6 chos kyi dbang du gyur pa/ lha'i dbang du gyur pa/ nges par gyur pa thams cad thob pa/ shes bya'i sgrib pa'i dri ma med pa/ nyan thos dang / rang sangs rgyas thams cad kyis mi rtog pa/ rang
74b7 bzhin gyis rnam par mi rtog pa/ lhun gyis grub pa/ mthu sgrib pa med pa/ thogs pa med par gnas pa/ sems can thams cad kyi bsam pa rgyas par byed pa/ nam mkha' ltar 'gyur
75a1 ba med pa'i sangs rgyas rjes su dran pa de dag rjes su dran no/ /dran pa rin po che sangs rgyas rnams kyi nor/ sangs rgyas rnams kyi mdzod de dag rjes su dran te/
75a2 de'i phyir sangs rgyas rjes su dran pa zhes bya'o/ /sangs rgyas dran pa'ang ma yin/ mi dran pa'ang ma yin par thams cad du lhun gyis grub cing rnam par mi rtog pa'i dran pa de dag rjes su
75a3 dran te/ de'i phyir sangs rgyas rjes su dran pa zhes bya'o/ /sangs rgyas ni sems can dang chos la tha dad pa'i 'du shes mi mnga' ba ste/ de dag gi dran pa rjes su dran pas de'i phyir sangs
75a4 rgyas rjes su dran pa zhes bya'o/ /sangs rgyas ni mi rtog /rnam par mi rtog /mi len/ mi 'dor/ mi 'khor/ yongs su mya ngan las mi 'da'/ mi skye mi 'gag pa ste/ de dag rjes su
75a5 dran nas de'i phyir sangs rgyas rjes su dran pa zhes bya'o/ /gzhan yang / sangs rgyas bcom ldan 'das rnams ni bsod nams dang / ye shes kyi tshogs chen po mnga' ba/ byams pa chen po
75a6 dang | snying rje chen po'i spyod yul can/ /sems can gyi phung po chen po'i skyabs su gyur pa/ mgon du gyur pa/ sman pa chen po zug rdu 'byin pa/ sems can thams cad la sems
75a7 snyoms pa/ rtag tu ting nge 'dzin gyi spyod yul ba/ 'khor ba dang / mya ngan las 'das pa las rnam par grol ba/ nyon mongs pa dang / shes bya'i sgrib pa thams cad kyi pha rol tu phyin
75b1 pa| sems can chen po'i gnas/ sems can chen po'i rten/ rnam par 'dren pa/ chos kyi sku spyod yul ba/ thams cad du khong khro ba med pa'i sems dang ldan pa/ rtag tu sems can gyi
75b2 don la dgyes pa/ sku dang / gsung dang / thugs rgya che ba/ phyad par lung ston pa/ sku dang / gsung dang / thugs kyi 'phrin las kyi mtha' kha na ma tho ba med pa/ bag chags dang bcas pa'i
75b3 'dod chags dang / zhe sdang dang / gti mug dkrugs pa/ bdud dang / phyir rgol ba thams cad bcom pa/ rtsod pa med pa'i chos kyi mchog dang ldan pa/ rgya mtsho thams cad pas ches zab
75b4 pa| ri rab thams cad pas ches mtho ba/ sa bas ches brtan pa/ chu bas ches mnyen pa/ me bas ches 'bar ba/ rlung bas ches chags pa med pa/ nam mkha' bas ches dri ma med pa/ yid
75b5 kyi 'gro ba bas ches mgyogs pa/ yid bzhin gyi nor bu bas ches khyad par du 'phags pa/ thams cad mkhyen pa/ sems can thams cad la mtshungs par sbyor ba/ chags pa thams
75b6 cad dang bral ba/ sems can thams cad la phan par brtson pa'i rgyun ma bcad pa/ gzugs tshad med pa/ sgra tshad med pa/ yon tan tshad med pa/ yul tshad med pa/ bsam gyis
75b7 mi khyab pa/ sangs rgyas kyi chos bsam gyis mi khyab pa dang ldan pa/ sems dang / yid dang / yid kyi rnam par shes pa'i yul las yang dag par 'das pa/ rig pa dang / zhabs
76a1 kyi sems dang ldan pa/ lam gsum gyi sdig pa rnams yang dag par chad pa/ snying rje chen po'i lhag pa'i bsam pa can/ sems can thams cad dang thun
76a2 mong ba'i yon tan can/ sems can thams cad kyi pha ma lta bur gyur pa/ dgra zun la sems snyoms pa/ ste'u dang / tsan+dan du mtshungs pa/ sems can tha ma dang / 'bring dang /
76a3 mchog thams cad la thams cad du rtag tu gsal bar byed pa'i chos can/ pha rol dpag par dka' ba sems can chen po/ longs spyod chen po/ rig pa dang / zhabs su ldan pa
76a4 chen po/ chos gsung ba chen po/ 'dul ba gsung ba chen po/ skyes bu chen po/ skyes bu chen po'i mtshan dang ldan pa/ 'jig rten thams cad zil gyis gnon pa/ 'jig rten
76a5 thams cad kyi snang bar gyur pa/ rnal 'byor chen po la rnal 'byor pa/ bsam gtan chen po spyod yul pa/ rnam par grol ba chen po phun sum tshogs pa/ bdag nyid che ba/ skye
76a6 po chen po'i zham ring ba dang ldan pa/ skye bo khyad par can gyi zham ring ba dang ldan pa/ lta ba dang / nyan pa dang / sten pa dang / bsnyen bkur byed pa mi ldog pa/ bdag bde ba la mi
76a7 lta ba| gzhan gyi sdug bsngal zhi bar byed pa la dgyes pa/ chos la gzhol ba/ chos kyi nor can/ chos kyi zas can/ chos kyi sman can/ chos kyi gter can/ chos kyi dbang
76b1 phyug |chos kyi bdag po/ chos kyi sbyin bdag /rtag tu gtong ba la mngon par dgyes pa/ rtag tu bag yod pa/ rtag tu dben pa la mngon par dgyes pa/ thams cad du stegs dang / zam par
76b2 gyur pa/ rgyal po'i lam chen po dang 'dra ba/ nyi ma chen po dang 'dra ba/ tshangs pa chen po dang 'dra ba dang / ye shes chen po'i rdo rje 'chang ba/ chos chen pos dbugs 'byin pa/ gzugs lta bas mi
76b3 ngoms pa/ mthong bas mi ngoms pa ste/ sangs rgyas bcom ldan 'das de dag de ltar rjes su dran no/ /de ltar de dag rjes su dran pas de dag gi yon tan yongs su bsgrub pa'i phyir sbyor ro/ /dran pa
76b4 nye bar 'jog go /brtson 'grus brtsam mo/ /de'i phyir sangs rgyas rjes su dran pa zhes bya ste/ 'di ni byang chub sems dpa'i sangs rgyas rjes su dran pa'i dran pa nye bar gzhag pa zhes bya'o/ /de la
76b5 byang chub sems dpa'i chos rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang sangs rgyas bcom ldan 'das de dag ni yon tan
76b6 mtha' yas mu med pa ste/ de dag ni chos las skyes pa/ chos kyi bgo skal la spyod pa/ chos kyis sprul pa/ chos bdag por gyur pa/ chos las byung ba/ chos kyi spyod yul/ chos la rton
76b7 pa| chos kyis grub pa ste/ gang sangs rgyas bcom ldan 'das rnams kyi mtshan dang / dpe byad bzang po de dag kyang chos las skyes pa/ chos kyis rnyed pa/ chos kyis grub pa'o/ /gang de bzhin
77a1 gshegs pa rnams kyi de bzhin gshegs pa'i stobs bcu dang / mi 'jigs pa bzhi bo de dag kyang chos las skyes pa/ chos kyis rnyed pa/ chos kyis grub pa'o/ /gang
77a2 de bzhin gshegs pa rnams kyi sangs rgyas kyi chos ma 'dres pa bco brgyad po de dag kyang chos las skyes pa/ chos kyis rnyed pa/ chos kyis grub pa'o/ /gang 'jig rten pa dang / 'jig rten
77a3 las 'das pa'i bde ba yod pa de dag kyang chos las skyes pa/ chos kyis rnyed pa/ chos kyis grub pa'o/ /de lta bas na bdag sangs rgyas kyi byang chub tshol bas chos gtso bor bya'o/ /chos
77a4 spyod yul ba dang / chos la rton pa dang / chos la gzhol ba dang / chos snying por byed pa dang / chos kyi rjes su mthun pa'i chos bsgrub par bya'o snyam pa 'di ni byang chub sems dpa'i
77a5 chos rjes su dran pa'i dran pa nye bar gzhag pa zhes bya'o/ /gzhan yang / byang chub sems dpa' 'di snyam du sems te/ chos ni sems can thams cad la mnyam par 'jug pas chos
77a6 ni tha ma dang / 'bring dang / rab mthong nas 'jug pa ma yin te/ de ltar bdag gis kyang chos dang 'dra ba'i sems su bya'o/ /gnas ni phyogs su ma lhung bas chos ni ngo bor lta zhing
77a7 'jug pa ma yin te/ de ltar bdag gis kyang chos dang 'dra ba'i sems su bya'o/ /chos ni dus chad pa med pa 'di mthong ba la don yod pa rang gis rig pas chos ni dus la lta zhing
77b1 'jug pa ma yin te/ de ltar bdag gis kyang chos dang 'dra ba'i sems su bya'o/ /chos ni mtho dma' med pas chos ni rgya chen po la 'jug pa ma yin/ dman pa la 'jug pa ma yin te/ de
77b2 ltar bdag gis kyang chos dang mthun pa'i sems su bya'o/ /chos ni mchog dang / tha ma dang bral bas chos ni rnam par dag pa la 'jug pa'ang ma yin/ nyams pa la 'jug pa'ang ma yin te/ de
77b3 ltar bdag gis kyang chos dang 'dra ba'i sems su bya'o/ /chos ni zhing dang / zhing ma yin pa'i lta ba dang bral bas chos ni 'phags pa la 'jug pa'ang ma yin/ so so'i skye bo la 'jug pa'ang ma
77b4 yin te/ de ltar bdag gis kyang chos dang 'dra ba'i sems su bya'o/ /chos ni rtag tu rgyun mi 'chad par 'jug pas chos ni nyin mo 'jug la/ mtshan mo mi 'jug pa ma yin/ mtshan mo 'jug
77b5 la nyin mo mi 'jug pa ma yin te/ de ltar bdag gis kyang chos dang 'dra ba'i sems su bya'o/ /chos ni gang la'ang na ma yang sdod pa ma yin pas chos ni 'dul ba'i dus las kyang mi 'da' ste/
77b6 de ltar bdag gis kyang chos dang 'dra ba'i sems su bya'o/ /chos ni thams cad du 'dod pa med pas chos ni sdang ba rnams la zhe 'gras pa'ang med/ dad pa rnams la rjes su chags pa'ang med
77b7 de| de ltar bdag gis kyang chos dang 'dra ba'i sems su bya'o/ /chos ni bri ba'ang ma yin/ gang ba'ang ma yin te/ dpag tu med/ grangs med pas nam mkha' ltar 'bri ba'ang ma yin /
78a1 'phel ba'ang ma yin te/ de ltar bdag gis kyang chos dang 'dra ba'i sems su bya'o/ /chos ni sems can rnams kyis bsrung ba ma yin gyi chos kyis sems
78a2 can rnams bsrung ba ste/ de ltar bdag gis kyang chos dang 'dra ba'i sems su bya'o/ /chos ni skyabs yongs su tshol ba ma yin pas chos ni 'jig rten thams cad kyi skyabs yin te/ de
78a3 ltar bdag gis kyang chos dang 'dra ba'i sems su bya'o/ /chos ni thogs pa med pa'i mtshan nyid pas chos ni gang la'ang thogs pa med de/ de ltar bdag gis kyang chos dang 'dra ba'i
78a4 sems su bya'o/ /chos ni bag la nyal med pas bag la nyal la mi 'jug ste/ de ltar bdag gis kyang chos dang 'dra ba'i sems su bya'o/ /chos ni rtag tu rnam par mi rtog pas chos ni
78a5 'khor bas 'jigs skrag pa'ang ma yin/ mya ngan las 'das pa la rjes su chags pa'ang ma yin te/ de ltar bdag gis kyang chos dang 'dra ba'i sems su bya'o snyam mo/ /de ltar na
78a6 byang chub sems dpa' chos la chos ltar dran pa nye bar 'jog pas de'i phyir chos rjes su dran pa zhes bya ste/ rigs kyi bu/ 'di ni byang chub sems dpa'i chos rjes su dran pa'i dran pa
78a7 nye bar gzhag pa zhes bya'o/ /de la byang chub sems dpa'i dge 'dun rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ dge
78b1 'dun ni chos smra ba/ chos spyod pa/ chos sems pa/ chos kyi zhing / chos 'dzin pa/ chos la rton pa/ chos la mchod pa/ chos kyi bya ba byed pa/ chos spyod yul ba/ chos spyod pa phun sum tshogs
78b2 pa| rang bzhin gyis drang ba/ rang bzhin gyis dang ba/ snying rje ba'i chos can/ snying rje dang ldan pa/ rtag tu dpen pa spyod yul ba/ rtag tu chos la gzhol ba/ rtag tu dkar po spyod pa'o snyam
78b3 mo| |gzhan yang / byang chub sems dpa' 'di snyam du sems te/ bcom ldan 'das kyis dge 'dun rnam pa du mar gsungs pa ni/ 'di lta ste/ kun rdzob kyi dge 'dun dang / don dam pa'i dge
78b4 'dun dang / ngo tsha shes pa'i dge 'dun dang / ngo tsha med pa'i dge 'dun dang / 'phags pa'i dge 'dun dang / cang shes kyi dge 'dun dang / phyir mi ldog pa'i dge 'dun no snyam mo/ /de
78b5 la byang chub sems dpa' ni kun rdzob kyi dge 'dun bsdu ba'i phyir nan tan byed do/ /don dam pa'i dge 'dun la bsten pa'i phyir nan tan byed do/ /ngo tsha shes pa'i dge 'dun rnam par thar
78b6 bar bya ba'i phyir nan tan byed do/ /ngo tsha med pa'i dge 'dun yongs su gdul ba'i phyir nan tan byed do/ /'phags pa'i dge 'dun la mchod cing bsti stang bya ba'i phyir nan tan byed do/ /
78b7 cang shes kyi dge 'dun la sangs rgyas bzhin du nan tan byed do/ /phyir mi ldog pa'i dge 'dun la chos kyi gtam gyi phyir nan tan byed do/ /gzhan yang byang chub sems dpa' 'di snyam
79a1 du sems te/ rigs 'dzin pa'i phyir sangs rgyas kyi sras rnams kyi dge 'dun no/ /yid du 'ong ba'i 'bras bu rab tu sbyin pa'i phyir zhing bzang po rnams kyi dge
79a2 'dun no/ /gnas ngan len dang bral ba'i phyir 'jigs pa med pa rnams kyi dge 'dun no/ /yongs su 'dzin pa gtong zhing 'dor ba'i phyir sems rnam par grol ba rnams kyi dge 'dun
79a3 no| |shin tu dul ba'i phyir cang shes pa rnams kyi dge 'dun no/ /ma 'dres pa'i phyir nyon mongs pa med pa rnams kyi dge 'dun no/ /sdig pa dang bral ba'i phyir ngo tsha shes pa rnams kyi dge
79a4 'dun no/ /bka' blo bde ba'i phyir slob ma rnams kyi dge 'dun no/ /bdag yongs su shes pa dang ldan pa'i phyir bdag gis med pa rnams kyi dge 'dun no/ /zhi ba'i phyir rgyags
79a5 pa med pa rnams kyi dge 'dun no/ /'dod pa nyung ba'i phyir phyin ci ma log pa rnams kyi dge 'dun no/ /rnam par rtog pa yang dag par chad pa'i phyir nad med pa rnams kyi dge 'dun
79a6 no| |pha rol tu son pa'i phyir thang la gnas pa rnams kyi dge 'dun no/ /thang la gnas pa'i phyir bde ba thob pa rnams kyi dge 'dun no/ /de kho na mthong ba'i phyir bag yod pa rnams
79a7 kyi dge 'dun no/ /skyon ma chags pa'i phyir dgon pa pa rnams kyi dge 'dun no/ /rgya che ba'i phyir byang chub la gzhol ba rnams kyi dge 'dun no/ /bslab pa gsum gyis bya ba shes
79b1 par bya ba'i phyir bslab pa 'dod pa rnams kyi dge 'dun no/ /dran pa nye bar gzhag pa spyod yul ba'i phyir dran pa dang ldan pa rnams kyi dge 'dun no/ /yang dag par spong ba spyod yul ba'i phyir
79b2 brtson 'grus brtsams pa rnams kyi dge 'dun no/ /rdzu 'phrul gyi rkang pa spyod yul ba'i phyir ngal ba med pa rnams kyi dge 'dun no/ /dbang po spyod yul ba'i phyir mi phyed pa rnams kyi dge 'dun
79b3 no| |stobs spyod yul ba'i phyir tsher ma dkrugs pa rnams kyi dge 'dun no/ /byang chub kyi yan lag spyod yul ba'i phyir bsgrib pa med pa rnams kyi dge 'dun no/ /lam spyod yul ba'i
79b4 phyir yang dag par lta ba rnams kyi dge 'dun no/ /bden pa spyod yul ba'i phyir 'phags pa rnams kyi dge 'dun no/ /bsam gtan spyod yul ba'i phyir mnyam par bzhag pa rnams kyi
79b5 dge 'dun no/ /rten cing 'brel bar 'byung ba spyod yul ba'i phyir chos kyi 'khor lo rab tu bskor ba rnams kyi dge 'dun no/ /snying rje chen po dang ldan pa'i phyir phyir mi ldog pa rnams kyi dge
79b6 'dun no/ /bsod nams thams cad kyi tshogs bsags pa'i phyir skye ba gcig gis thogs pa rnams kyi dge 'dun no snyam mo/ /de la byang chub sems dpa' 'di ltar dge 'dun rjes
79b7 su dran pas 'di snyam du sems te/ gang dge 'dun gyi yang dag pa'i yon tan de dag ni bdag dang / sems can thams cad kyis kyang bsgrub par bya'o snyam pa 'di ni byang chub sems
80a1 dpa'i dge 'dun rjes su dran pa'i dran pa nye bar gzhag pa zhes bya'o/ /de la byang chub sems dpa'i tshul khrims rjes su dran pa'i dran pa nye bar gzhag pa gang zhe
80a2 na| 'di la byang chub sems dpa' 'di snyam du sems te/ gang 'jig rten pa dang / 'jig rten las 'das pa'i phun sum tshogs pa gang ci yang rung ba de dag thams cad ni tshul khrims
80a3 las byung bar blta'o/ /de ci'i phyir zhe na/ tshul khrims ni phun sum tshogs pa de dag thams cad kyi gnas yin no/ /'di lta ste/ dper na/ sa ni sman dang / rtswa dang / nags tshal
80a4 thams cad kyi gnas yin no/ /de bzhin du tshul khrims kyang phun sum tshogs pa de dag thams cad kyi gnas yin no/ /byang chub sems dpa' tshul khrims kyi gnas la rab tu gnas
80a5 pa ni lha dang bcas pa'i 'jig rten gyi sbyin gnas yin no/ /sbyin pa'i chos yongs su rdzogs par yang byed do/ /tshul khrims kyi gnas la rab tu gnas pa'i byang chub sems dpa' ni
80a6 dga' ba skye'o/ /yid dga' bas 'gyod pa med do/ /'gyod pa med pas mchog tu dga' ba 'thob bo/ /mchog tu dga' bas lus dang / sems shin tu sbyangs par 'gyur ro/ /lus
80a7 dang / sems shin tu sbyangs pas bde ste ting nge 'dzin thob bo/ /yid mnyam par bzhag pas yang dag pa ji lta ba bzhin du mthong ba yin no/ /yang dag pa ji lta ba bzhin du mthong ba'i
80b1 byang chub sems dpa' ni sems can rnams la snying rje chen po 'jug go snyam mo/ /de yang 'di snyam du sems te/ bdag gis sems can thams cad la ting nge 'dzin gyi sgo 'di dang / chos
80b2 rnams yang dag pa ji lta ba bzhin du mthong ba bsgrub par bya'o snyam mo/ /de snying rje chen po des bskul bas lhag pa'i tshul khrims dang / lhag pa'i sems dang / lhag pa'i shes rab la bslab
80b3 pa yongs su rdzogs nas bla na med pa yang dag par rdzogs pa'i byang chub mngon par rdzogs par 'tshang rgya'o/ /de bas na bdag gis kyang tshul khrims la gnas pa mi bskyod pa mi lhod par
80b4 bya'o| |sems can thams cad mngon du byas nas tshul khrims bsrung bar bya'o snyam mo/ /de ci'i phyir zhe na/ byang chub sems dpa'i tshul khrims de ni sems can thams cad la phan pa
80b5 dang / bde ba'i gnas la mi gnas pa ma yin no/ /gzhan yang / byang chub sems dpa' 'di snyam du sems te/ byang chub sems dpa'i mngon par 'byung ba'i tshul khrims ni gnod sems
80b6 med pa yongs su rdzogs par byed do/ /byang chub sems dpa'i rab tu byung ba'i tshul khrims ni bdog pa thams cad yongs su gtong ba rdzogs par byed do/ /byang chub sems dpa'i bslab
80b7 pa dang sdom pa yang dag par 'dzin pa'i tshul khrims ni/ lus dang / ngag dang / sems yongs su dag pa yongs su rdzogs par byed do/ /byang chub sems dpa'i nges par sems pa'i
81a1 tshul khrims ni mngon par shes pa drug yongs su rdzogs par byed do/ /byang chub sems dpa'i nang du yang dag 'jog pa'i tshul khrims ni byang chub kyi phyogs
81a2 kyi chos rnams yongs su rdzogs par byed do/ /byang chub sems dpa'i chos nyan pa'i tshul khrims ni so so yang dag par rig pa bzhi yongs su rdzogs par byed do/ /byang chub sems
81a3 dpa'i thos pa yongs su tshol ba'i tshul khrims ni nga rgyal med pa yongs su rdzogs par byed do/ /byang chub sems dpa'i dge ba'i bshes gnyen la bsnyen bkur byed pa'i tshul khrims
81a4 ni yon tan gyi chos thams cad chud mi za ba yongs su rdzogs par byed do/ /byang chub sems dpa'i pha rol tu phyin pa'i tshul khrims ni thams cad mkhyen pa'i ye shes yongs su
81a5 rdzogs par byed do/ /byang chub sems dpa'i ji ltar thos pa'i chos rnams ston pa'i tshul khrims ni chos smra ba nyid yongs su rdzogs par byed do/ /byang chub sems dpa'i ji ltar
81a6 thos pa'i chos rnams sems dpa'i tshul khrims ni gzungs dang / spobs pa thob pa yongs su rdzogs par byed do/ /byang chub sems dpa'i byang chub kyi sems kyi tshul khrims ni skye
81a7 ba thams cad las yang dag par 'da' ba yongs su rdzogs par byed do/ /byang chub sems dpa'i sems can thams cad la khong khro ba med pa'i tshul khrims ni byang chub kyi sems
81b1 chud mi za bar yongs su rdzogs par byed do/ /byang chub sems dpa'i byang chub kyi sems chud mi za ba'i tshul khrims ni dkon mchog gsum chud mi za ba yongs su rdzogs par byed do snyam
81b2 mo| |de'ang 'di snyam du sems te/ tshul khrims bsrungs pas bsrung ba thams cad bsrungs pa yin no snyam pa 'di ni/ rigs kyi bu/ byang chub sems dpa'i tshul khrims rjes su dran pa'i
81b3 dran pa nye bar gzhag pa zhes bya'o/ /de la byang chub sems dpa'i gtong ba rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang
81b4 ci gtong ba de thams cad ni/ 'di lta ste/ zang zing gi gtong ba dang / chos kyi gtong ba dang / gtong ba rnam pa gnyis kyi nang du 'dus so snyam mo/ /de la zang zing gi gtong bas ni byang
81b5 chub sems dpa'i mtshan dang / dpe byad bzang po yongs su skor ba dang / sangs rgyas kyi zhing yongs su dag pa dang / sems can yongs su smin par byed pa rnam par dag pa yongs su
81b6 rdzogs par byed do/ /chos kyi gtong bas ni stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad yongs su rdzogs par byed do/ /bag chags kyang
81b7 yang dag par 'joms par byed do/ /gzhan yang / zang zing gi gtong bas ni phung po thams cad nges par 'dor bar byed do/ /chos kyi gtong bas ni nyan thos dang / rang sangs rgyas thams
82a1 cad kyi sa las yang dag par 'da'o/ /gzhan yang / zang zing gi gtong bas ni skye ba'i lus yongs su sbyong bar byed do/ /chos kyi gtong bas ni chos kyi sku yongs su
82a2 sbyong bar byed do/ /gzhan yang / rigs kyi bu/ byang chub sems dpa' sems dpa' chen po zang zing gi gtong bas ni pha ma las byung ba'i stobs sgrub par byed de/ stobs de ni de bzhin
82a3 gshegs pa dang / sa bcu la gnas pa'i byang chub sems dpa' rnams ma gtogs par su la'ang med do/ /chos kyi gtong bas ni rdzu 'phrul gyi stobs sgrub par byed de/ stobs de ni
82a4 de bzhin gshegs pa dang / sa bcu la gnas pa'i byang chub sems dpa' rnams ma gtogs par su la'ang med do/ /gzhan yang / zang zing gi gtong bas ni yongs su smin par byed do//
82a5 chos kyi gtong bas ni rnam par thar bar byed do/ /gzhan yang / zang zing gi gtong bas ni tshogs gsag go /chos kyi gtong bas ni sgrol lo/ /gzhan yang / zang zing gi gtong bas ni nor
82a6 yongs su gtong ngo / /chos kyi gtong bas ni thams cad gtong ngo / /gzhan yang / zang zing gi gtong bas ni nyon mongs pa'i sgrib pa las rnam par grol ba sgrub par byed do/ /chos kyi gtong
82a7 bas ni shes bya'i sgrib pa las rnam par grol ba sgrub par byed do/ /gzhan yang / gtong ba gtong ba zhes bya ba 'di ni yongs su rtog pa gtong ba'i tshig bla dwags so/ /'di lta ste/ yongs
82b1 su rtog pa gtong ba de ni gtong ba rnams kyi dam pa'o/ /de ci'i phyir zhe na/ yongs su rtog pa btang bas byang chub sems dpa' dag pa zhes bya'o/ /smras pa/ rigs kyi bu/ yongs su rtog
82b2 pa zhes bya ba 'di gang gi tshig bla dwags/ smras pa/ rigs kyi bu/ yongs su rtog pa zhes bya ba 'di ni yang dag pa ma yin zhing med pa las sgro btags pa'i tshig bla dwags so/ /smras pa/ ji
82b3 ltar na yang dag pa ma yin zhing med pa las sgro btags pa yin/ smras pa/ nam 'di ltar bdag ni chags pa/ bdag ni zhe sdang ba/ bdag ni gti mug pa/ bdag ni nyon mongs pa/
82b4 bdag ni rnam par dag pa/ bdag ni bcings pa/ bdag ni grol ba/ bdag ni 'khor ba/ bdag ni yongs su mya ngan las 'das pa'o snyam pa la sogs par sgro btags pa thams cad ni
82b5 yang dag pa ma yin zhing med pa las yongs su brtags pa'o/ /de ci'i phyir zhe na/ 'di dag thams cad ni rgyu dang / rkyen tsam ste/ 'di la bdag dang / bdag gi med/ sems can med/
82b6 srog med/ gang zag med/ shes las skyes med/ shed bu med do/ /rgyu dang / rkyen de dag kyang rang bzhin gyis stong pa/ rang bzhin gyis dben pa/ sems dang / yid dang / yid kyi rnam
82b7 par shes pa dang bral ba/ mi sems pa/ yongs su mi rtog pa/ kun nas nyon mongs pa ma yin pa/ rnam par byang ba ma yin pa/ 'khor ba ma yin pa/ yongs su mya ngan las 'das
83a1 pa ma yin pa'o/ /de la byang chub sems dpa' yod pa ma yin pa la sgro mi 'dogs shing / de sgro 'dogs pa btang bas gtong ba phun sum tshogs pa zhes bya'o/ /
83a2 nam chos de dag rjes su dran pa de ni de'i gtong ba rjes su dran pa zhes bya'o/ /gzhan yang / rigs kyi bu/ byang chub sems dpa' rnams kyi gtong ba rnam pa gsum ste/ gtong ba dang / gtong
83a3 ba chen po dang / shin tu gtong ba'o/ /de la byang chub sems dpa' rnams kyi gtong ba gang zhe na/ 'di lta ste/ bza' ba 'dod pa rnams la bza' ba sbyin pa dang / btung ba dang / bzhon
83a4 pa dang / gos dang / mar me dang / bdug spos dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / shing rta
83a5 dang | rgyan la sogs pa sbyin pa ste/ sbyin pa gang sems can rnams la gnod pa dang / phongs par 'gyur ba de ma gtogs par byang chub sems dpa' dag sems can rnams la
83a6 mi sbyin pa gang yang med de/ 'di ni byang chub sems dpa' rnams kyi gtong ba zhes bya'o/ /de la byang chub sems dpa' rnams kyi gtong ba chen po gang zhe na/ 'di la byang chub
83a7 sems dpa' gtong ba phun sum tshogs nas gtong ba chen po byed de/ 'di lta ste/ chung ma dang / bu dang / bu mo dang / yid du 'ong ba'i bran pho dang / bran mo dang / las byed
83b1 pa dang / zho shas 'tsho ba dang / khyim dang / rgyal srid rnams yongs su gtong ba 'di ni byang chub sems dpa'i gtong ba chen po zhes bya'o/ /de la byang chub sems dpa' rnams kyi shin tu
83b2 gtong ba gang zhe na/ 'di la byang chub sems dpa' gtong ba dang / gtong ba chen po phun sum tshogs nas shin tu gtong ba byed de/ 'di lta ste/ lag pa dang / rkang pa dang / rna ba dang / sna
83b3 dang | sha dang / rus pa dang / pags pa dang / mig dang / lce dang / mgo dang / rus dang / rkang la sogs pa yongs su gtong ba ste/ 'di ni byang chub sems dpa'i shin tu gtong ba zhes
83b4 bya'o| |de la byang chub sems dpa' des gtong ba dang / gtong ba chen po dang / shin tu gtong ba de dag rjes su dran nas/ bdag gis kyang dran pa de dag yongs su rdzogs par bya'o
83b5 snyam pa de ni de'i gtong ba rjes su dran pa zhes bya ste/ 'di ni byang chub sems dpa'i gtong ba rjes su dran pa'i dran pa nye bar gzhag pa zhes bya'o/ de la byang chub sems dpa'i lha rjes
83b6 su dran pa'i dran pa nye bar gzhag pa gang zhe na/ /'di la byang chub sems dpa' ni gang rnam par dag pa'i lha/ nyan thos dang / rang sangs rgyas dang / byang chub sems dpa' dang / yang
83b7 dag par rdzogs pa'i sangs rgyas de dag rjes su dran no/ /'di ltar de dag rjes su dran te/ bsgrub pa dang / yon tan dang / skye ba dang / longs spyod dang / kun spyod pa dang / rtsom pa dang /
84a1 rab tu 'thob pa dang / yongs su 'grub pas kyang rjes su dran pa 'di ni lha rjes su dran pa'i dran pa nye bar gzhag pa zhes bya'o/ /gang lha gzhan de dag
84a2 kyang rjes su dran no/ /'di ltar de dag rjes su dran te/ lha 'di dag ni las dge ba'i 'bras bu las byung ba'o/ /dge ba'i las de dag ni/ 'di lta ste/ dge ba bcu'i las kyi lam mi
84a3 dge ba las bzlog pa rnams so/ /de la lha gang rnams kha dog dang ldan pa/ bde ba mang ba/ dbang po tshim pa de dag thams cad ni dge ba bcu'i las kyi lam gyi rnam par smin pa'o//
84a4 snyam ste/ de la byang chub sems dpa' lha'i bde ba de la rjes su yi rang nas sems can thams cad la phan pa'i phyir bla na med pa yang dag par rdzogs pa'i byang chub tu yongs su
84a5 bsngo'o/ /lha'i bde ba de'ang sems can thams cad kyir 'dod do/ /bde ba de sems can thams cad kyir 'dod pas dge ba'i rtsa ba yongs su grub par bya ba'i phyir brtson 'grus chen
84a6 po rtsom mo/ /ngan song rnams su skyes pa'i sems can dag la snying rje chen po rnyed de/ de 'di snyam du bdag gis 'di ltar sems can thams cad lha'i 'jig rten du skye bar 'gyur ba'i
84a7 las byed du gzud do/ /sems can gang dag lhar gyur pa de dag ni bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /gang gis sems can
84b1 rnams lha'i bde ba thob nas phyis nyams par mi 'gyur ba dang / bde bar gyur nas/ 'di lta ste/ de bzhin gshegs pa'i nye bar zhi ba'i bde ba'i bde ba thob par 'gyur ba'i las de dag sems
84b2 can rnams byed du gzhug go snyam du sems pa 'di ni byang chub sems dpa'i lha rjes su dran pa'i dran pa nye bar gzhag pa zhes bya ste/ rigs kyi bu/ de dag ni byang chub sems dpa' rnams kyi
84b3 dran pa nye bar gzhag pa bcu'o/ /de nas byang chub sems dpa' sems dpa' chen po rtsom pa med kyis de'i tshe don de nyid tshigs su bcad pa dag gis smras pa/ gang phyir sdug bsngal ma gtogs
84b4 par| |stong pa nyid ni mi dmigs pas/ /sdug bsngal sdug bsngal mi lta ste/ /sdug bsngal stong par blta bar bya/ /stong pa nyid ni lta 'dod pas/ /sdug bsngal yang dag blta bar bya/ /sdug
84b5 bsngal stong pa nyid kyi don/ /stong pa de ni 'dus ma byas/ /sdug bsngal byas pa ma yin pas/ /sdug bsngal la ni byed pa med/ /sdug bsngal bral ba'i byed pa po/ /ma byung 'byung bar
84b6 mi 'gyur ro/ /gal te sdug bsngal yang dag tu/ /kun nas sgrib pa med gyur te/ /gal te sdug bsngal byas min na/ /'di la kun 'byung ga la yod/ /sdug bsngal la ni 'ong med do/ /
84b7 gang du yang mi 'gro min na/ /gang gis de yi chags 'byung ba/ /sdug bsngal med na ga la yod/ /gal te sdug bsngal kun 'byung ste/ /sred pa kun 'byung bshad na ni/ /sred
85a1 can sred yod ma yin na/ /med na kun 'byung ji ltar 'gyur/ /sdug bsngal la ni 'ong med de/ /'ong ba med na ci zhig 'gro /'ong dpa' gro ba med par ni/ /'gog
85a2 pa zhi ba zhes bstan to/ /chos rnams ngo bo nyid kyis zhi/ /rtsa ba dag cing 'od kyang gsal/ /'gog pa dang ni chos rnams mtshungs/ /thams cad mtha' gnyis rab tu spangs/ /sngon
85a3 du skyes pa'i chos rnams kyang / /de ma thag tu 'gag par 'gyur/ /dgag pa med par skye ba med/ /skye ba med par zad pa med/ /de ltar gang gi blo tshol ba/ /de ni chags med zad
85a4 med lam/ /lam ni gzings dang 'dra bar bstan/ /mdor na gzings ni spang bar bya/ /gang bsags spang bar bya ba yi/ /chos de la ni ci zhig dga'/ /lam spangs thang la gnas
85a5 pa de| |rnal 'byor pa ni grol zhes brjod/ /des ni lam gyi ye shes kyis/ /gang phyir chos kun bsgoms pas na/ /grol ba'i mtshan nyid rab bstan pa/ /de ni gang du'ang
85a6 rtsod pa med/ /skra dang ba spu sen mo so/ /sha dang rus pa khrag dang zhag /tshil dang shas rgyas phyis dang / /mkhris pa bad kan klad pa dang / /mcher pa rgyus pa gnye ma dang / /
85a7 gcin gyi phung po lus zhes brjod/ /rnal 'byor pas ni lus rnams la/ /yod min kun brtags tsam du mthong / /'di la byed dang tshor ba dang / /mthong ba po ni gang yang med/ /
85b1 lus zhes bya bar rang bzhin gyis/ /grong stong dang ni 'dra ba'o/ /tshor ba myong bar rab bstan pa/ /tshor ba po las tshor ba gzhan/ /gud na yod pa ma yin na/ /gang gis de ni myong bar 'gyur//
85b2 byang chub ci 'dra de bzhin du/ /zhi zhing dag la 'od gsal bar/ /tshor ba 'di la mkhas rnams kyis/ /dran pa de la nye bar bzhag /lus la sems ni mi mthong ste/ /sems la yang ni
85b3 sems de bzhin/ /de ltar shes nas 'khrug pa med/ /grol ba po ni dga' ba'ang med/ /sems tsam du ni rab mthong ste/ /kun tu rtog pa kun spangs kyang / /sgrib pa med pa'i spyod
85b4 yul can/ /rnal 'byor gtong ba'ang ma yin no/ /chos rnams rang 'byung ma yin te/ /gang gis kyang ni bsgrubs pa med/ /grangs med cing ni yi ge med/ /de ni nam mkha' 'dra
85b5 ba'i mtshan/ /chos 'di rtogs par khong chud nas/ /chos shes pa yi rnal 'byor can/ /mnyam pa nyid la rab gnas pa/ /'jug pa med cing ldog pa'ang med/ /gang gis chos
85b6 dran 'di 'dra ste/ /thams cad chos las mi g.yo ba/ /de dag pha rol phyin pa brtan/ /sangs rgyas bstan la sbyin pa sbyong / /sangs rgyas don rnams kun la mkhas/ /sgrib pa kun gyi
85b7 dri ma med/ /dkar po thams cad yang dag spyod/ /sems can kun la phan par bzhed/ /rigs dang gzugs dang yon tan las/ /rdzogs pa'i byang chub mkhas pa gang / /yang
86a1 dag dran pa de dag ni/ /dkar po'i chos kyis rab tu rgyas/ /gang zhig rtag tu mnyam bzhag cing / /chos la dran pa mi g.yeng ba/ /des ni 'das dang ma 'ongs
86a2 pa'i| |sangs rgyas thams cad mnyes par byas/ /dam pa'i chos la brten chos can/ /chos rjes dran pa spyod yul ba/ /byang chub sems dpa' brtul zhugs brtan/ /rdzogs pa'i
86a3 byang chub rtogs par 'gyur/ /chos rnams ci 'dra de bzhin du/ /bdag 'gyur snyam du gang dran pa/ /byang chub sems dpa' mnyam bzhag des/ /chos dran pa 'di shes par bya/ /
86a4 nga yir med cing ngar 'dzin med/ /chos rnams ci 'dra de ltar bdag /'gyur ro snyam du dran pa ni/ /chos rjes dran pa 'di bsgom yin/ /bla na med pa bsod nams zhing / /dge
86a5 'dun sangs rgyas slob ma rnams/ /sangs rgyas byang chub 'gyur ba dag /rtag tu yang dag rjes su dran/ /rgya mtsho lta bur dpag dka' rnams/ /bdag gis rjes su dran pa yi/ /
86a6 bsod nams rab tu gang bsags des/ /sems can de bzhin gshegs gyur cig /mi ldog ngang tshul can rnams kyi/ /tshul khrims yang dag rjes dran pa/ /sems can kun
86a7 la phan sems pa/ /mchog gis bsod nams gang bskyed pa/ /sems can rnams la phan 'dod phyir/ /de dag rdzogs pa'i byang chub bsngo/ /sems can kun la phan byed pa/ /
86b1 de ni tshul khrims dran zhes bya/ /zang zing med pas chos btang dang / /nyon mongs spangs pa'i gang dge ba/ /sems can kun la phan pa'i phyir/ /snying rje'i bdag nyid bsngo bar byed/ /
86b2 gtong ba rjes dran phun sum tshogs/ /zhing dang skye la rab gnas pa/ /mtshan ma med cing rtsol med pa/ /nyi ma bzhin du kun tu shar/ /lha rnams kun gyi dge ba gang / /dge ba'i
86b3 las las rab byung ba/ /bde de sems can thams cad phyir/ /snying rje'i bdag nyid de ltar 'dod/ /gang gis 'jig rten lhar gyur nas/ /sangs rgyas bla na med gyur pa/ /bde ba de dag
86b4 rtag tu bya/ /bdag gis de lta de ltar bsgrub// //bam po lnga pa/ de nas byang chub sems dpa' sems dpa' chen po rtsom pa med dang / byang chub sems dpa'
86b5 sems dpa' chen po blo gros rnam par gnon dang gnyis ka g.yog dang bcas te/ bcom ldan 'das ga la ba der dong nas lhags pa dang / bcom ldan 'das kyi zhabs la mgo bos
86b6 phyag btsal nas/ lan du ma bskor ba byas te bcom ldan 'das kyis gnang nas phyogs gcig tu 'dug ste/ g.yog dang bcas te phyogs gcig tu 'dug nas/ skyes bu dam pa de
86b7 gnyis kyis bcom ldan 'das la 'di skad ces gsol to/ /bcom ldan 'das/ bdag cag gnyis 'dir gcig tu 'dus nas chos yang dag par brjod pa bgyis na/ sangs rgyas
87a1 bcom ldan 'das rnams ni mi mkhyen pa'am/ mi rig pa'am/ rnam par mi mkhyen pa cung zad kyang mi mnga' ba lags na/ bcom ldan 'das/ bdag
87a2 cag gnyis kyis chos yang dag par brjod pa dang mthun pa bgyis pa lags sam/ bcom ldan 'das kyis bka' stsal pa/ rigs kyi bu dag /de de bzhin te/ ji skad smras pa de
87a3 lta'o| |sangs rgyas bcom ldan 'das rnams ni mi mkhyen pa'am/ mi rig pa'am/ rnam par mi mkhyen pa cung zad tsam yang mi mnga' ste/ sangs rgyas bcom ldan 'das rnams ni
87a4 thams cad du sgrib pa mi mnga' ba'i ye shes can te/ rigs kyi bu/ khyed gnyis kyis chos yang dag par brjod pa dang mthun par byas so/ /rigs kyi bu dag /byang chub sems dpa'
87a5 rnams kyi gang ci smra ba dang / kun smra ba de thams cad ni de bzhin gshegs pa'i byin gyi rlabs su rigs par bya'o/ /rigs kyi bu dag /legs so/ /legs so/ /ji ltar khyod
87a6 gnyis kyis byas pa de bzhin du chos yang dag par brjod par bya'o/ /rigs kyi bu/ khyed gnyis kyis chos yang dag par brjod pa 'dis sangs rgyas kyi bya ba byas so/ /de
87a7 bzhin gshegs pa'ang khyed gnyis kyis chos yang dag par brjod pa la rjes su yi rang ngo / /de nas tshe dang ldan pa shA ri'i bus byang chub sems dpa' rtsom pa med la 'di skad
87b1 ces smras so/ /rigs kyi bu/ khyod ci'i phyir rtsom pa med ces bya/ byang chub sems dpa' rtsom pa med kyis smras pa/ btsun pa shA ra dwa ti'i bu/ gang byang chub sems dpa'i lus dang / ngag
87b2 dang | yid kyi las kyi mtha' ni shin tu byang ba/ bya ba thams cad la mi chags pa/ gang yang mi tshol ba/ cung zad kyang spang bar mi 'dod pa/ thob par mi 'dod pa/ 'das pa dang /
87b3 ma 'ongs pa dang / da ltar byung ba de bzhin nyid du mnyam par mthong ba/ tha ma dang / 'bring dang / rab kyi chos cung zad kyang yang dag par rjes su mi mthong ba de ni rtsom pa med ces bya'o//
87b4 btsun pa shA ra dwa ti'i bu/ chos thams cad ni gzod ma nas med par gyur na/ rtsom pa med pa'o/ /btsun pa shA ra dwa ti'i bu/ gal te chos 'ga' zhig gzod ma nas yod par gyur na ni de
87b5 brtsam par bya na chos gang yang gzod ma nas yod pa ma yin te/ gzod ma nas med pa'i phyir chos thams cad ni brtsams pa med pa'o/ /tshe dang ldan pa shA ra dwa ti'i bus smras pa/ de
87b6 lta yin na khyod kyis chos yang dag par brjod pa de ji ltar byas/ byang chub sems dpa' rtsom pa med kyis smras pa/ btsun pa shA ra dwa ti'i bu/ brtsams pa med pa nyid bdag gis
87b7 chos yang dag par rjed pa byas pa'o/ /btsun pa shA ra dwa ti'i bu/ 'di ji snyam du sems/ gang khyod kyis dri ba dris pa 'di ci khyod kyis 'di brtsams te dris sam/ 'on te ma brtsams
88a1 par dris/ de gal te khyod kyis brtsams te dris na ni ci la rten te brtsams/ gang rtsom pa dang bcas pa de ni 'dri ba ma yin no/ /rtsom pa'ang gzhan la 'dri
88a2 pa'ang gzhan zhes ni byar mi 'thad do/ /ci stem brtsams par dris na ni khyod gtam 'di la zhugs pa yin no/ /tshe dang ldan pa shA ra dwa ti'i bus smras pa/ rigs kyi bu/ gang bdag
88a3 dang khyod kyi brjod pa de ji ltar blta bar bya/ byang chub sems dpa' rtsom pa med gyis smras pa/ btsun pa shA ra dwa ti'i bu/ 'di lta ste/ dper na/ sgyu ma sprul pa'i brjod pa ji lta
88a4 bar de bzhin nyid dang / chos kyi dbyings la gnas pa'i byang chub sems dpa'i brjod pa'ang de ltar blta bar bya'o/ /btsun pa shA ra dwa ti'i bu/ sgyu ma sprul pa la ni sems dang /
88a5 sems las byung ba'i chos rnams med do/ /gang la sems dang / sems las byung ba'i chos rnams med pa de ci zhig rtsom par 'gyur/ btsun pa shA ra dwa ti'i bu/ sgyu ma mkhan gyi
88a6 'phen pa'i dbang gis sgyu ma sprul pa'i brjod pa 'byung ba ji lta bar de bzhin nyid dang / chos kyi dbyings la gnas pa'i byang chub sems dpa'i brjod pa'ang de ltar blta
88a7 bar bya'o/ /tshe dang ldan pa shA ri'i bus smras pa/ rigs kyi bu/ sgyu ma sprul pa ni 'byung ba'ang ma yin/ ma byung ba'ang ma yin na/ ci khyod kyang byung ba'ang ma yin/
88b1 ma byung ba'ang ma yin nam/ byang chub sems dpa' rtsom pa med kyis smras pa/ btsun pa shA ri'i bu/ de bzhin gshegs pas chos thams cad sgyu ma lta bur mngon par rdzogs
88b2 par sangs rgyas nas rab tu ma bshad dam/ smras pa/ rigs kyi bu/ de de bzhin te/ de bzhin gshegs pas chos thams cad sgyu ma lta bur mngon par rdzogs par sangs
88b3 rgyas nas rab tu bshad de/ /byang chub sems dpa' rtsom pa med kyis smras pa/ btsun pa shA ri'i bu/ ji ltar sgyu ma byung ba'ang ma yin/ ma byung ba'ang ma yin pa de bzhin du sgyu ma
88b4 lta bu'i chos de dag thams cad kyang byung ba'ang ma yin/ ma byung ba'ang ma yin par blta bar mi bya'am/ btsun pa shA ri'i bu/ gal te byung ba'am/ ma byung ba zhig yod na
88b5 ni sgyu ma lta bur yang bstan par mi 'gyur ro/ /tshe dang ldan pa shA ri'i bus smras pa/ rigs kyi bu/ khyod su'i ched du spyod/ byang chub sems dpa' rtsom pa med kyis smras pa/ btsun
88b6 pa shA ri'i bu/ kho bo ni don nam/ don ma yin pa'i ched la'ang mi skyod do/ /de ci'i phyir zhe na/ gang don gyi ched la spyod pa de ni dmigs pa la spyod pa'o/ /dmigs pa la spyod pa de
88b7 ni sangs rgyas rnams mnyes par byed pa ma yin no/ /de ci'i phyir zhe na/ dmigs pa la spyod pa de ni rjes su mthun pa'i bzod pa'ang mi 'thob ste/ bzod pa med na sangs rgyas
89a1 mnyes par byed pa ma yin no/ /'on te don ma yin pa'i ched la spyod na ni log par lta ba la spyod pa'o/ /log par lta ba ni don med pa'o/ /tshe dang ldan pa shA
89a2 ri'i dus smras pa/ rigs kyi bu/ gang dag don dang / don ma yin pa'i ched la mi spyod pa de dag gang du spyod/ byang chub sems dpa' rtsom pa med kyis smras pa/ btsun pa shA ri'i bu/ byis
89a3 pa so so'i skye bo rnams gang la spyod pa de nyid la de dag spyod do/ /smras pa/ rigs kyi bu/ byis pa so so'i skye bo rnams gang la spyod/ byang chub sems dpa' rtsom pa med kyis smras pa /
89a4 btsun pa shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas rnams gang la spyod pa de nyid la byis pa so so'i skye bo thams cad kyang spyod mod kyi/ de
89a5 bzhin gshegs pa dgra bcom pa yang dag par rdzogs pa'i sangs rgyas rnams pa gang la spyod pa de nyid la bdag cag kyang spyod do snyam du mi sems so/ /tshe dang ldan pa shA ri'i bus smras
89a6 pa| rigs kyi bu/ sangs rgyas kyi yul la ni byis pa so so'i skye bo rnams kyi go skabs med pa ni/ ji ltar de bzhin gshegs pa dgra bcom pa yang dag par rdzogs pa'i sangs rgyas
89a7 rnams gang la spyod pa de nyid la byis pa so so'i skye bo rnams kyang spyod de/ 'di ni 'gal lo/ byang chub sems dpa' rtsom pa med kyis smras pa/ tshe dang ldan pa shA ri'i bu/ sangs
89b1 rgyas kyi yul shes sam/ shA ri'i bus smras pa/ sbrang bu 'dra ba bdag lta bus sangs rgyas kyi yul shes par ga la zhus mod kyi/ 'on kyang rigs kyi bu/ de bzhin gshegs pa las thos
89b2 nas ni nyan thos rnams kyis kyang shes te/ rigs kyi bu/ sangs rgyas kyi yul ni mtha' yas mu med do/ /sangs rgyas kyi yul las rnam par grol ba'i yul ni gang yang med do/ /byang chub
89b3 sems dpa' rtsom pa med kyis smras pa/ btsun pa shA ri'i bu/ gal te sangs rgyas kyi yul las rnam par grol ba'i yul med na ci'i phyir khyod kyis sangs rgyas kyi yul la byis pa so so'i
89b4 skye bo rnams kyi go skabs med ces smras/ tshe dang ldan pa shA ri'i bus smras pa/ de bzhin gshegs pa rnams ni 'jig rten gyi yul la las yang dag par 'das pa'o/ /byis pa so so'i skye bo
89b5 rnams ni 'jig rten nyid ni spyod pa'o/ /de bas na sangs rgyas kyi yul la byis pa so so'i skye bo rnams kyi go skabs med do/ /byang chub sems dpa' rtsom pa med kyis smras pa/ btsun
89b6 pa shA ri'i bu/ 'di ji snyam du sems/ de bzhin gshegs pas ci zhig mngon par rdzogs par sangs rgyas/ gang du bzhugs nas su'i don mdzad/ smras pa/ rigs kyi bu /
89b7 gang de bzhin gshegs pas mngon par rdzogs par sangs ma rgyas pa'i chos gang yang med de/ chos thams cad mngon par rdzogs par sangs rgyas nas sems can rnams kyi don
90a1 mdzad cing 'dus byas nyid la spyod do/ /byang chub sems dpa' rtsom pa med kyis smras pa/ gal te de ltar shes na ci'i phyir de bzhin gshegs pa 'jig
90a2 rten gyi yul las yang dag par 'das zhes smras/ de ni gnas brtan shA ri'i bus khong du ma chud do/ /btsun pa shA ri'i bu/ gal te de bzhin gshegs pa rnams 'jig rten gyi yul
90a3 las yang dag par 'das su zin na de bzhin gshegs pas ci zhig mngon par rdzogs par sangs rgyas shing / gang du bzhugs nas su'i don mdzad par 'gyur te/ 'di la gnas
90a4 brtan shA ri'i bus smras pa ni shin tu nyams so/ /de skad ces smras pa dang / tshe dang ldan pa shA ri'i bus byang chub sems dpa' sems dpa' chen po rtsom pa med la 'di skad ces
90a5 smras so/ /rigs kyi bu/ bdag ni 'di ltar byang chub kyi sems dang thams cad mkhyen pa'i ye shes las shin tu nyams shing / nyan thos kyis la'ang shin tu gnas pas bdag
90a6 ni sngon nas kyang nyams so/ /rigs kyi bu/ bdag ni khyod kyi spobs pa 'di la rjes su yi rang ngo / /sems can thams cad kyang khyod kyi spobs pa 'di lta bu thob par gyur
90a7 cig /gtam brjod pa 'di bstan pa na byang chub sems dpa' brgyad khri ni mi skye ba'i chos la bzod pa thob par gyur to/ /lha'i bu drug stong ni chos rnams la chos kyi
90b1 mig rdul dang bral zhing dri ma med pa rnam par dag go /dge slong lnga stong ni nyan thos kyi sems las log nas bla na med pa yang dag par rdzogs pa'i byang chub tu sems bskyed de/
90b2 de dag bcom ldan 'das kyis sangs rgyas kyi zhing tha dad pa rnams su byang chub mngon par rdzogs par 'tshang rgya'o zhes lung bstan to/ /de nas bcom ldan 'das la byang chub
90b3 sems dpa' sems dpa' chen po rtsom pa med kyis 'di skad ces gsol to/ /bcom ldan 'das/ byang chub sems dpa' sems dpa' chen po ji ltar na gzung ba dang / 'dzin pa
90b4 la mkhas pa lags/ bcom ldan 'das kyis bka' stsal pa/ gang gi tshe byang chub sems dpa' rnams kyis thams cad yang dag par shes pa de'i tshe gzung ba dang / 'dzin pa
90b5 la mkhas pa yin no/ /byang chub sems dpa' rtsom pa med kyis gsol pa/ bcom ldan 'das/ thams cad ji ltar shes par bgyi/ bcom ldan 'das kyis bka' stsal
90b6 pa| rigs kyi bu/ rmi lam dang / sgyu ma dang / dri za'i grong khyer dang / smig rgyu dang / mgal me bskor ba dang / skra shad 'dzings pa dang / sprul pa dang / brag ca dang /
90b7 gzugs brnyan lta bur thams cad blta bar bya'o/ /byang chub sems dpa' rtsom pa med kyis gsol pa/ bcom ldan 'das/ gang rmi lam dang / sgyu ma dang / dri za'i grong
91a1 khyer dang / smig rgyu dang / mgal me bskor ba dang / skra shad 'dzings pa dang / sprul pa dang / brag ca dang / gzugs brnyan lta bur blta ba
91a2 thams cad gang lags/ bcom ldan 'das kyis bka' stsal pa/ rigs kyi bu/ thams cad ces bya ba ni mig dang / gzugs dang / rna ba dang / sgra dang / sna dang / dri dang / lce dang /
91a3 ro dang | lus dang / reg bya dang / yid dang / chos rnams te/ rigs kyi bu/ de dag ni gang rmi lam dang / sgyu ma dang / dri za'i grong khyer dang / smig rgyu dang / mgal me bskor ba
91a4 dang | skra shad 'dzings pa lta bu dang / sprul pa dang / brag ca dang / gzugs brnyan lta bur blta bar bya ba'i shes pa thams cad do/ /de la 'dzin pa ni mig dang / rna ba dang /
91a5 sna dang / lce dang / lus dang / yid rnams so/ /gzung ba ni gzugs dang / sgra dang / dri dang / ro dang / reg bya dang / chos rnams te/ gzung ba dang / 'dzin pa'i chos
91a6 'di dag rnam pa dang / tshul thams cad kyis shes pa dang / khong du chud pa dang / ston nus pa de ni thams cad mkhyen pa zhes bya'o/ /thams cad mkhyen pa gang yin pa de
91a7 ni bag la nyal ba med pa/ nyon mongs pa med pa/ ngar 'dzin pa med pa/ nga yir 'dzin pa med pa/ nam mkha' dang mtshungs pa/ mi 'gyur ba/ sems can thams cad la
91b1 sems mnyam pa/ sems can thams cad la phan pa'i sems dang ldan pa/ thams cad du dben pa'i sems dang ldan pa/ thams cad du lhun gyis grub pa/ lhun gyis grub
91b2 pa'i chos can/ sems can gyi snying po/ sems can thams cad kyi dam pa/ sgrib pa med pa'i chos can/ snying rje chen po dang ldan pa/ mi bskyod pa'i chos can/ yang dag par
91b3 rdzogs pa'i sangs rgyas zhes bya'o/ /byang chub sems dpa' rtsom pa med kyis gsol pa/ bcom ldan 'das/ byang chub sems dpa' sangs rgyas bcom ldan 'das rnams
91b4 kyi chos nyid 'di khong du chud par 'tshal bas ji lta bur bgyi / bcom ldan 'das kyis bka' stsal pa/ rigs kyi bu/ byang chub sems dpa' sangs rgyas bcom ldan
91b5 'das rnams kyi chos nyid 'di khong du chud par 'dod pas sems can thams cad kyi ngan du byas pa dang / mi snyan pa thams cad bzod par bya ba'i phyir sems dang mtshungs
91b6 par bya'o/ /bdag dang / sems can gzhan rnams kyi rtog pa dang / rnam par rtog pa'i nyon mongs pa'i dri ma thams cad bkur ba'i phyir sems chu dang mtshungs par bya'o/ /shes
91b7 rab kyis bdag dang / sems can gzhan rnams kyi las dang / nyon mongs pa'i rtsi shing bsreg pa'i phyir sems me dang mtshungs par bya'o/ /chags pa thams cad dang dbral ba'i
92a1 ba'i phyir sems rlung dang mtshungs par bya'o/ /thams cad du sgrib pa med pa'i ngo bo nyid kyis sems nam mkha' dang mtshungs par bya'o/ /thams
92a2 cad du 'jigs pa med cing skrag pa med pas byang chub sems dpas seng ge dang mtshungs par bya'o/ /shin tu dul ba'i sems can thams cad kyi khur khyer ba'i phyir byang
92a3 chub sems dpas glang po che dang mtshungs par bya'o/ /dam pa'i chos kyi char 'bebs pa'i phyir byang chub sems dpas sprin lta bur bya'o/ /sems can thams cad la ye
92a4 shes kyis snang bar byed pa'i phyir byang chub sems dpas nyi ma lta bur bya'o/ /thams cad du sems can thams cad la rtag tu bde bar snang ba'i phyir byang chub sems dpas
92a5 zla ba lta bur bya'o/ /thams cad mkhyen pa'i ye shes kyis rin po che'i gling chen por phyogs pa'i phyir byang chub sems dpas ded dpon lta bur bya'o/ /sems can thams
92a6 cad kyi nyon mongs pa'i nad thams cad gso ba'i phyir byang chub sems dpas sman pa lta bur bya'o/ /sems can thams cad kyi chos la the tshom za ba'i zug rdu 'don pa'i
92a7 phyir byang chub sems dpas zug rdu 'byin pa lta bur bya'o/ /thams cad mkhyen pa'i ye shes kyi phyogs la mkhas pa'i phyir byang chub sems dpas gdos pa 'dzin pa lta bur
92b1 bya'o| |'khor ba'i rgya mtsho las sems can sgrol ba la mkhas pa'i phyir byang chub sems dpas gru lta bur bya'o/ /sems can thams cad kyi 'tsho bar gyur pa'i phyir byang chub sems
92b2 dpas stegs bu lta bur bya'o/ /sems can thams cad mtshungs par 'jug pa'i phyir byang chub sems dpas lam po che lta bur bya'o/ /byang chub kyi phyogs kyi chos rin po che thams
92b3 cad phun sum tshogs pa'i phyir byang chub sems dpas rin po che'i gling lta bur bya'o/ /yid bzhin gyi nor bu rin po che 'dra bar bsam pa thams cad yongs su skong ba'i phyir byang
92b4 chub sems dpas yid bzhin gyi nor bu rin po che lta bur bya'o/ /legs par byas pa'i las byed pa'i phyir byang chub sems dpas cang shes su bya'o/ /shes rab zab cing gting
92b5 dpag dka' ba'i phyir byang chub sems dpas rgya mtsho lta bur bya'o/ /sangs rgyas kyi byang chub las bsam pa mi g.yo ba'i phyir byang chub sems dpas ri rab dang mtshungs par
92b6 bya'o| |kun nas mdzes pa'i phyir byang chub sems dpas dpag bsam gyi shing lta bur bya'o/ /mthong bar dka' ba'i phyir byang chub sems dpas dzam+bu'i chu bo'i gser 'dra bar
92b7 bya'o| |chos la dbang thob pa'i phyir byang chub sems dpas brgya byin lta bur bya'o/ /rab tu zhi ba'i spyod lam phun sum tshogs pa'i phyir byang chub sems dpas tshangs pa lta bur
93a1 bya'o| |dam pa'i chos yongs su skyong ba'i phyir byang chub sems dpas 'jig rten skyong ba lta bur bya'o/ /dge ba bcu'i las kyi lam la bsten pa'i phyir
93a2 byang chub sems dpas 'khor los bsgyur ba lta bur bya'o/ /sangs rgyas bcom ldan 'das rnams kyi gsang ba 'dzin pa'i phyir byang chub sems dpas blon po chen po lta bur
93a3 bya'o| |dge sbyong la gnas pa'i phyir byang chub sems dpas mngon par 'byung ba la dga' bar bya'o/ /lus dang / ngag dang / sems zhi ba'i phyir byang chub sems dpas dge
93a4 sbyong du bya'o/ /bsam gtan dang / ting nge 'dzin dang / snyoms par 'jug pa dang / mngon par shes pa dang / rig pa dang / rnam par grol ba phun sum tshogs pa'i phyir byang chub
93a5 sems dpas dgon pa par bya'o/ /stong pa nyid rtogs pa khong du chud pa'i byang chub sems dpas bsam gtan par bya'o/ /mi'am ci dang / lto phye chen po dang / rig sngags
93a6 'chang grub pa 'dul ba la mkhas pa'i phyir byang chub sems dpas dben pa la mngon par dga' bar bya'o/ /rig pa gsum rtogs par khong du chud pa'i phyir byang chub
93a7 sems dpas rig sngags 'chang du bya'o/ /mngon par shes pa drug thob pa'i phyir byang chub sems dpas mngon par shes pa'i ye shes su bya'o/ /phung po dang / khams dang /
93b1 skye mched la mkhas pa'i phyir byang chub sems dpas mang du thos par bya'o/ /bstan bcos thams cad la mkhas pa'i phyir byang chub sems dpas slob dpon du bya'o/ /zang zing med par
93b2 chos ston pa'i phyir byang chub sems dpas chos smra bar bya'o/ /'dod chags dang / zhe sdang dang / gti mug btul ba'i phyir byang chub sems dpas 'dul ba 'dzin par bya'o/ /thams cad du
93b3 rung ba la tshod shes pa'i phyir byang chub sems dpas ma mo 'dzin par bya'o/ /tshol ba thams cad dang bral ba'i phyir byang chub sems dpas dul bar bya'o/ /'dod chags dang bral
93b4 ba'i phyir byang chub sems dpas mi rgod par bya'o/ /zhe sdang dang bral ba'i phyir byang chub sems dpas ma khengs par bya'o/ /gti mug dang bral ba'i phyir byang chub sems dpas mu
93b5 cor mi smra bar bya'o/ /ngag bsngams pa'i phyir byang chub sems dpa' tshig 'chol bar mi smra bar bya'o/ /theg pa chen po la 'dzud pa'i phyir byang chub sems dpas ded dpon du
93b6 bya'o| |byang chub tu dam bcas pa nyams 'og tu chud pa'i phyir byang chub sems dpas khur rtsa ba lta bur bya'o/ /sems can thams cad brten pa'i phyir byang chub sems dpas skyed mos
93b7 tshal 'dra bar bya'o/ /thams cad mkhyen pa'i ye shes kyi zong yongs su rdzogs pa'i phyir byang chub sems dpas grong khyer lta bur bya'o/ /sems can thams cad la bu gcig pa
94a1 bzhin du byams pa dang ldan pa'i phyir byang chub sems dpas phan pa 'dod par bya'o/ /sems can thams cad kyi ci bya ba yongs su thob par bya ba'i phyir
94a2 byang chub sems dpas bran lta bur bya'o/ /rigs kyi bu/ gzhan yang / byang chub sems dpa' rnams ni rma rgod dag la drang ba rnams yin no/ /khengs pa dag la nga rgyal med pa rnams
94a3 yin no/ /g.yo can dag la g.yo med pa rnams yin no/ /thibs po spyod pa dag la sgyu med pa dang ldan pa rnams yin no/ /log par zhugs pa dag la snying rje dang ldan pa rnams
94a4 yin no/ /ngo tsha med pa dag la ngo tsha dang ldan pa rnams yin no/ /mu cor smra ba dag la khrel yod pa phun sum tshogs pa rnams yin no/ /phas kyi rgol ba thams cad la sems
94a5 spam gong ba rnams yin no/ /'khor thams cad la bag tsha ba med pa rnams yin no/ /'jig rten gyi chos thams cad kyis mi gos pa rnams yin no/ /bdud thams cad kyis
94a6 mi 'phogs pa rnams yin no/ /phas kyi rgol ba thams cad kyis mi thul ba rnams yin no/ /bla ma dag la gus pa dang bcas pa rnams yin no/ /'phags pa dag la zhes dang bcas
94a7 pa rnams yin no/ /mang du thos pa dag la ri mor byed pa rnams yin no/ /bsam gtan dag la ngo mtshar thob pa rnams yin no/ /mkhas pa dag la lhag pa'i bsam pa 'jug
94b1 pa rnams yin no/ /chos smra ba dag la sangs rgyas tsam du phangs par sems pa dang ldan pa rnams yin no/ /byang chub sems dpa' dag la skyabs su song ba rnams yin no/ /sangs
94b2 rgyas dag la bsam pa thams cad kyis zhugs pa rnams yin no/ /nan tan dag la snying por 'du shes pa rnams yin no/ /nyon mongs pa thams cad kyis mi 'jigs pa rnams yin
94b3 no| |snying rje chen po la phyogs pas mya ngan las 'das pa la mi lta ba rnams yin no/ /sems can thams cad yongs su smin par byed pa la mngon par dga' bas 'khor ba la phyogs
94b4 pa rnams yin no/ /rnyed pa dang / bkur sti thams cad la mi lta bas zang zing med par chos ston pa rnams yin no/ /mi rtag pa dang / sdug bsngal ba dang / bdag med pa dang /mi gtsang
94b5 ba yongs su shes pas sems phyin ci ma log pa rnams yin no/ /yul thams cad la mi lta bas sems rnam par grol ba rnams yin no/ /'phags pa'i rigs su skyes pas
94b6 rigs phun sum tshogs pa rnams yin no/ /rab tu byung ba mang bas blo phun sum tshogs pa rnams yin no/ /sdug bsngal dang / kun 'byung ba dang / 'gog pa dang / lam shes pas
94b7 'phags pa rnams yin no/ /tshul khrims dang / thos pa dang / bag yod pa la gnas pas skyes bu dam pa rnams yin no/ /'du byed bdag med par yongs su shes pa dang ldan
95a1 pas sems can thams cad la sems mnyam pa rnams yin no/ /'phags pa'i phyag rgyas btab pas log par mi ltung ba'i chos can rnams yin no//
95a2 phyir mi ldog pa'i phyag rgyas btab pas byang chub kyi snying por gzhol ba rnams yin no/ /spyod lam mdzes pa phun sum tshogs pas byang chub sems dpa' rtag tu gtsang ma
95a3 yang dag par spyod pa rnams yin no/ /'jig rten gyi gsang tshig la mngon par dga' ba ma yin no/ /sdig pa'i grogs po la mngon par dga' ba ma yin no/ /rnyed pa dang / bkur
95a4 sti dang / tshigs su bcad pa la mngon par dga' ba ma yin no/ /'du 'dzi dag la chags pa ma yin no/ /yul rgyus kyi gtam dang / rgyal po'i gtam dang / chom rkun gyi
95a5 gtam dang / bud med kyi gtam dang / gzhad gad kyi gtam dang / dmag gi gtam dang / 'thab cing rtsod pa'i gtam la chags pa ma yin no/ /yul ngan pa dang / ljongs ngan
95a6 pa dang / yul 'khor ngan pa dang / grong dang / grong khyer dang / tshong dus dang / ri brag ngan pa rnams la chags pa ma yin no/ /gar dang / bro dang / bzhad gad dang / glu la chags
95a7 pa ma yin no/ /gzhan yang / rigs kyi bu/ byang chub sems dpa' rnams sems can ser sna can rnams la chags pa ma yin no/ /tshul khrims 'chal ba rnams dang / mtshams
95b1 so sor bcad pa rnams dang / rgyun sman du gyur pa rnams la chags pa ma yin no/ /gnod sems kyi tha ba dang / zhe sdang mang ba rnams la chags pa ma yin no/ /le lo can rnams dang /
95b2 brtson 'grus chung zhing brtson 'grus btang ba rnams la chags pa ma yin no/ /g.yeng zhing phyin ci log tu gyur la rnam par 'phro ba'i sems la chags pa ma yin no/ /shes rab
95b3 'chal ba rnams dang / blun pa lkugs pa'i rang bzhin can rnams la chags pa ma yin no/ /byang chub sems dpa' rnams ni chos dang / zang zing dang / mi 'jigs pa rab tu
95b4 sbyin pa la mngon par dga' ba yin no/ /'dod chags dang / zhe sdang dang / gti mug yang dag par chad pa'o/ /rnal 'byor chen po'i rnal 'byor pa/ sgra bsnyungs pa la dga' ba'o//
95b5 tshig mi mang zhing dul ba'o/ /zhi zhing nye bar zhi ba la dben pa dang / nags tshal thibs po dang / rtswa dang / shing dang / ldam ldum yod pa dang / sa khyon chung ngu dang / chu ngogs dang /
95b6 ri khrod dang / phug sna tshogs dang / ri dang / rdo dang / rtse mo dang / g.ye'i phyogs rnams la mngon par dga' ba yin no/ /zhi ba dang / rab tu zhi ba dang / nye bar zhi ba'i phyogs de
95b7 dag la rab tu dga' ba yin te/ gnas bcas pa'i phyogs de dang / de dag tu nam gyi cha stod dang / nam gyi cha smad la mi nyal bar rnal 'byor la brtson par gnas pa dang / thos pa dang /
96a1 sems pa dang / sgom pa stug po'i mthong na gnas pa dang / bsam gtan dang / ting nge 'dzin dang / gzungs dang / dbang dang / bzod pa'i sgo brgya
96a2 stong la rnam par rgyu ba dang / chos kyi sgo brgya stong dpag tu med pa dag rab tu rnam par 'byed pa dang / sangs rgyas brgya stong yang mthong ba dang / ting nge 'dzin gyi sgo brgya stong yang
96a3 thob pa dang / gzungs kyi sgo brgya stong yang mngon du byed pa dang / sems can bye ba khrag khrig brgya stong yang yongs su smin par byed pa de lta bu de dag la mngon par dga' ba
96a4 yin te/ rigs kyi bu/ byang chub sems dpas de 'dra bar bya'o/ /de lta bus ni sangs rgyas bcom ldan 'das rnams kyi chos nyid khong du chud par nus so/ /de nas bcom ldan
96a5 'das la byang chub sems dpa' sems dpa' chen po rtsom pa med kyis 'di skad ces gsol to/ /bcom ldan 'das/ theg pa chen po ni bag mchis par gnas shing sgrub pa snying
96a6 por bgyid pa rnams kyi lags so/ /de la sgrub pa ni byang chub tu smon pa'o/ /bag mchis pa ni smon lam yongs su skong ba'o/ /gzhan yang sgrub pa ni sbyin pa la sbyor ba'o/ /bag
96a7 mchis pa ni rnam par smin pa la mi re ba'o/ /sgrub pa ni tshul khrims kyi sdom pa yang dag par blangs pa ma nyams pa'o/ /bag mchis pa ni phyir mi ldog pa'i tshul khrims bsgrub
96b1 pa'o/ /sgrub pa na bzod pa rtsom pa'o/ /bag mchis pa ni mi skye ba'i chos rtogs pa'o/ /sgrub pa ni dge ba'i rtsa ba thams cad kun tu tshol bas yongs su mi skye ba'o/ /bag mchis pa ni
96b2 rtsom pa thams cad yongs su 'dor ba'o/ /sgrub pa ni bsam gtan rtsom pa'o/ /bag mchis pa ni mi gnas pa'i bsam gtan pa'o/ /sgrub pa ni shes rab yongs su skong ba'o/ /bag
96b3 mchis pa ni chos thams cad sprod par mi bgyid pa'o/ /sgrub pa ni dam pa'i chos yongs su 'dzin pa'o/ /bag mchis pa ni chos thams cad mi dmigs pa'o/ /sgrub pa ni sems can rnams
96b4 byang chub la rab tu 'god pa'o/ /bag mchis pa ni sems can rnams mi dmigs pa'o/ /sgrub pa ni dge ba'i rtsa ba thams cad bgyis nas byang chub tu yongs su bsngo ba'o/ /bag mchis
96b5 pa ni chos thams cad byang chub kyi ngo bo nyid du rtogs pa'o/ /sgrub pa ni mi skye ba'i chos la bzod pa thob pa'o/ /bag mchis pa ni bsam bzhin du srid pa yongs su 'dzin pa'o/ /sgrub
96b6 pa ni byang chub kyi snying por 'gro ba'i bkod pa kun ston pa'o/ /bag mchis pa ni bskal pa dpag tu ma mchis grangs ma mchis pa na mngon par rdzogs par 'tshang rgya ba'o/ /
96b7 sgrub pa ni byang chub mngon par 'tshang rgya'o/ /bag mchis pa ni sngar bgyi ba bgyis pa'o/ /sgrub pa ni yongs su mya ngan las 'das pa chen por nye bar mchi ba'o/ /bag mchis
97a1 pa ni chos shin tu yongs su mya ngan las 'das par 'tshal ba ste/ bcom ldan 'das/ byang chub sems dpa' sgrub pa 'di lta bu dang / bag mchis
97a2 pa 'di lta bu dang ldan pa ni byang chub rnyed par dka' ba ma lags so/ /bcom ldan 'das/ de lta bas na byang chub sems dpas sgrub pa 'di dang / bag mchis pa 'di la brtson
97a3 par bgyi ste/ bcom ldan 'das/ 'di ni chos yang dag par brjod pa lags so/ /de nas bcom ldan 'das la byang chub sems dpa' sems dpa' chen po blo gros rnam
97a4 par gnon gyis 'di skad ces gsol to/ /bcom ldan 'das/ 'di la byang chub sems dpa' rnams chos yang dag par 'dzin pa zhig la gnas nas sangs rgyas kyi byang chub
97a5 yang dag par sgrub ste/ de la kha cig ni 'di snyam du gang sangs rgyas sangs rgyas zhes bya ba 'di chos gang gi ming du sangs rgyas zhes btags snyam du sems te/ de dag de
97a6 ltar rtog pa na gang 'di sangs rgyas zhes bgyi ba'i chos de dag yang dag par rjes su mi mthong ngo / /de dag sangs rgyas ji lta ba de bzhin du chos thams cad khong du chud do/ /de
97a7 dag de ltar yongs su shes pa dang ldan pas gang ci yid la bgyid pa de dag thams cad sangs rgyas thob par bgyid pa lags so/ /la la ni 'di snyam du sems te/ gang
97b1 chos zhes bya ba'i chos 'di ni yul na mi gnas/ phyogs na mi gnas te/ gzhan du na chos rang gi sems la rag las pa ni med pa ma yin no/ /de bas na bdag gis rang gi sems
97b2 shin tu bzung ba dang / shin tu mthar gtugs pa dang / shin tu thul ba dang / shin tu mnyam par brtsam pa dang / shin tu tshar gcad par bya'o/ /de ci'i phyir zhe na/ sems gang
97b3 yin pa de la ni yon tan dang / nyes pa rnams yod kyi/ sems med pa la ni yon tan dang / nyes pa rnams med do snyam ste/ de lta byang chub sems dpa' nyes pa rnams las sems
97b4 bzlog nas yon tan rnams la 'jug ste/ de bas na chos ni sems la rag las byang chub ni chos la rag las zhes bya'o/ /bcom ldan 'das/ 'di chos yang dag par 'dzin
97b5 pa lags te/ bde bar mngon par rdzogs par byang chub par 'gyur/ bcom ldan 'das/ byang chub sems dpa' kha cig gi yang dag par 'dzin pa ni 'di lags so/ /gang
97b6 sems can thams cad la phan pa dang / bde bar mtshungs par 'jug pa'i sems de ni sems te/ gang sems 'di 'dra ba dang mi ldan pa de ni sems can rnams la log
97b7 par zhugs pa'o/ /de ci'i phyir zhe na/ sems can gyi zhing ni byang chub sems dpa'i sangs rgyas kyi zhing ngo / /sangs rgyas kyi zhing gang las sangs rgyas kyi chos rnams rnyed
98a1 cing thob par 'gyur ba de la log par 'jug par bya ba'i mi rigs so snyam mo/ /de'ang 'di snyam du sems te/ legs par spyod pa dang / nyes par spyod
98a2 pa thams cad kyang sems la brten nas 'byung ste/ nyes par spyod pa la gnas pa ni ngan song du skye'o/ /legs par spyod pa la gnas pa ni lha dang / mir skye'o/ /de gnyis ka yongs
98a3 su spangs pa ni sangs rgyas bcom ldan 'das rnams su 'gyur ro snyam pa 'di ni byang chub sems dpa' rnams kyi chos yang dag par 'dzin pa lags te/ myur du mngon par
98a4 rdzogs par byang chub par 'gyur ba'o/ /kha cig ni chos yang dag par 'dzin pa ni 'di lta bu lags te/ 'di dag thams cad ni rten cing 'brel bar 'byung ba tsam du zad de/
98a5 rten cing 'brel bar 'byung ba las rnam par grol ba'i chos gang yang med do/ /gang rten nas 'byung ba'i chos de gang zhe na/ gang rten te byung ba ni ma skyes pa ste ngo bo nyid kyis
98a6 yongs su grub pa'i chos de gang yang med de/ gzhan du na bstan pa tsam dang / tha snyad tsam dang / btags pa tsam dang / brda tsam dang / don dam pa mngon par byed pa tsam ni
98a7 med pa ma yin no snyam mo/ /'di ni ston pa po'i chos yang dag par 'dzin pa ste/ sangs rgyas thams cad kyi chos bstan pa'i snying po lags so/ /bcom ldan 'das/ byang
98b1 chub sems dpa' kha cig ni 'di snyam du sems te/ skye ba zhes bya ba 'di chos gang gi ming du skye ba zhes bya snyam nas des gang 'di skye ba zhes bgyi ba'i chos de yang dag par rjes su
98b2 mi mthong ngo / /de 'di snyam du sems pa dang ldan pas chos thams cad ni ma skyes so snyam du bzod pa skyes so/ /kha cig ni 'di snyam du sems te/ gang 'chi ba zhes bya ba 'di
98b3 'dir chos ci zhig 'gags/ gang 'gags pas 'chi ba zhes bya snyam ste/ de de ltar so sor rtog pa na gang 'gags pas 'chi ba zhes bgyi ba'i chos de dag yang dag par rjes
98b4 su mi mthong ngo / /'di ni chos yang dag par 'dzin pa ste/ bdud rtsi khong du chud par 'gyur ba'o/ /bcom ldan 'das/ sangs rgyas bcom ldan 'das rnams kyi thugs ni chos thams
98b5 cad la mi chags pa lags te/ de dag ni yid dang / gnas pa ma mchis pa rnams kyis mnyes par bgyi'o/ /bcom ldan 'das/ chos ni sgrib pa ma mchis lags te/ de ni sems
98b6 sgrib pa ma mchis pa rnams kyis 'thob bo/ /bcom ldan 'das/ chos mnyam pa ni byang chub lags te/ de ni sems mi mnyam pa ma mchis pa rnams kyis rtogs pa'o/ /bcom
98b7 ldan 'das/ ji tsam du tshol ba de tsam du 'ching ba'o/ /mi tshol ba ni thar pa'o/ /de bas na thar pa tshol ba thams cad mi btsal bar bgyi ste/ bcom ldan 'das/ 'di ni chos yang
99a1 dag par brjod pa lags so/ /bcom ldan 'das/ gzhan yang / chos yang dag par brjod ba zhes bgyi pa 'di ni mnyam pa'i tshig go /'di ni zab pa'i
99a2 tshig go /'di ni len pa ma mchis pa'i tshig go /'di ni gzhi ma mchis pa'i tshig go /'di ni kun gzhi ma mchis pa'i tshig go /'di ni rten ma mchis pa'i tshig go /'di ni de lo
99a3 na dang / de bzhin nyid dang / ma nor ba de bzhin nyid kyi tshig ste/ bcom ldan 'das/ 'di ni chos yang dag par brjod pa lags so/ /de nas bcom ldan 'das la che dang ldan pa
99a4 shA ri'i bus 'di skad ces gsol to/ /bcom ldan 'das/ ji ltar bcom ldan 'das kyis gsungs pa'i don bdag gis 'tshal ba ltar na byang chub sems dpa' sems
99a5 dpa' chen po gang dag de bzhin gshegs pa dang / byang chub sems dpa' sems dpa' chen po 'di dag gis bshad pa rnams thos sam/ thos nas kyang dad cing de
99a6 bzhin nyid du sgrub pa de dag la chos yang dag par brjod pa ma mchis snyam bgyid do/ /de ci'i slad du zhe na/ mi mos pa mang ba la ni chos yang dag par brjod pa ma mchis /
99a7 bgyi ba ma brtsams pa la ni chos yang dag par brjod pa ma mchis kyi/ gang 'phags pas bshad pa'i chos rnams la dkon par 'du shes pa dang / rin po cher 'du shes pa dang
99b1 sman du 'du shes pa de dag la ni chos yang dag par brjod pa mchis/ bcom ldan 'das/ gang bdag la mi bstod pa dang / gzhan la mi smod pa de dag la chos yang dag par brjod pa mchis
99b2 bcom ldan 'das/ gang 'phags pa rnams la byams pa'i sems dang / 'phags pa ma yin pa rnams la rjes su 'dzin pa'i sems dang ldan pa de dag la chos yang dag par brjod pa mchis/ gang bdag
99b3 rgya cher yang dag par rjes su mi mthong / gzhan dman par yang dag par rjes su mi mthong ba de dag la chos yang dag par brjod pa mchis/ bcom ldan 'das/ gang mnyam pa rnams
99b4 la'ang mnyam/ mi mnyam pa rnams la'ang mnyam/ mnyam pa dang / mi mnyam pa rnams la'ang mnyam zhing / mnyam pa dang / mi mnyam par yang mi rtog pa de dag la chos yang dag
99b5 par brjod pa mchis/ bcom ldan 'das/ gang tshig gcig thos pas tshig brgya stong gi don dang / le'u la 'jug cing khong du chud de/ don dang / gzhung la gnyis su 'du shes mi
99b6 'gyur ba de dag la chos yang dag par brjod pa mchis/ bcom ldan 'das/ gang chos thos nas zhi bar yang mi 'gyur/ g.yeng bar yang mi 'gyur ba dang / gang chos thos nas
99b7 'ching bar yang mi 'gyur/ thar par yang mi 'gyur ba dang / gang chos thos nas 'jug par yang mi 'gyur/ ldog par yang mi 'gyur ba dang / gang chos thos nas bri bar yang mi
100a1 'gyur/ gang bar yang mi 'gyur ba dang / gang chos thos nas dad par mi 'gyur/ khro bar yang mi 'gyur ba dang / gang chos thos nas 'khor bar
100a2 yang mi 'gyur/ yongs su mya ngan las 'das par yang mi 'gyur ba dang / bcom ldan 'das/ gang chos yang dag par brjod pas chos nyid 'di rjes su rtogs pa de dag la
100a3 chos yang dag par brjod pa mchis snyam bgyid na/ bcom ldan 'das/ bdag mchi ba lta bu chos yang dag par brjod pa dang mthun pa lta lags sam/ bcom ldan 'das kyis
100a4 bka' stsal pa/ shA ri'i bu/ khyod kyi 'di ni chos yang dag par brjod pa dang mthun pa yin no/ /shA ri'i bu/ gang khyod kyis bshad pa 'di ni 'das pa dang / ma 'ongs ba
100a5 dang | da ltar byung ba'i de bzhin gshegs pa rnams kyi chos rnams rjes su shes pa yin no/ /de nas bcom ldan 'das la tshe dang ldan pa maud+gal gyi bu chen pos 'di skad
100a6 ces gsol to/ /bcom ldan 'das/ byang chub sems gang 'di snyam du bdag gis chos yang dag par brjod par bya'o snyam du sems pa de ni chos yang dag par brjod
100a7 pa bgyi bar rdo mi thogs so/ /de ci'i slad du zhe na/ bdag tu lta bar gyur nas 'di snyam du bdag ni 'chad do/ /'di ni nyan no snyam du sems pa'i slad du'o/ /gang bdag
100b1 tu 'du shes pa dang bral ba de dag ni bdag tu sgro btags nas chos ston pa ma lags/ gzhan du sgro btags nas ma lags/ gnyis kar sgro btags nas ma lags/ bag la
100b2 nyal du btags nas ma lags so/ /de ci'i slad du zhe na/ bcom ldan 'das/ sgro btags pa thams cad ni ma mchis pa las sgro btags pa'i slad du'o/ /bcom ldan 'das /
100b3 chos gang sgro btags pa de ni rjes su ma mchis pa lags so/ /de la sgro btags pa rnams yongs su 'tshal ba'i byang chub sems dpa' sems dpa' chen po rnams kyis
100b4 gang sgro btags pa de ni chos so/ /de ci'i slad du zhe na/ bcom ldan 'das/ 'di lta ste/ dper na/ sgyu ma sprul pa'i brjod pa bzhin du sgro btags pa yongs su 'tshal ba'i byang
100b5 chub sems dpa'i sgro btags pa'ang de bzhin no/ /bcom ldan 'das/ sgro btags pa sgro btags pa zhes bgyi ba/ bcom ldan 'das/ ji tsam gyis na sgro btags pa zhes
100b6 bgyi zhe na/ sgro btags pa gang stong ba nyid dang / rten cing 'brel bar 'byung ba mi spong ba dang / mi skye ba dang / mi 'gag pa dang / mthun pa rtog pa dang / rnam par rtog pa dang /
100b7 yongs su rtog par 'dor ba/ ngar 'dzin pa dang / nga yir 'dzin pa yang dag par gcod pa/ lta bar gyur pa thams cad sel ba de ni sgro btags pa yongs su 'tshal ba'i byang
101a1 chub sems dpa' sems dpa' chen po rnams kyi sgro btags pa lags so/ /gang sgro btags pa 'di de ltar khong du chud pa de ni chos yang dag
101a2 par brjod pa lags so/ /bcom ldan 'das/ gang chos yang dag par brjod pa dang / gang chos yang dag par rjod pa po dang / gang dag la chos yang dag par brjod pa
101a3 de dag thams cad ni/ 'di lta ste/ chos kyi dbyings kyi mtshan nyid du mtshan nyid gcig go /gang 'di ltar chos yang dag par brjod pa 'di ni chos yang dag par brjod pa lags
101a4 pa snyam bgyid na/ bcom ldan 'das/ bdag gi chos yang dag par brjod pa dang mthun pa lta lags sam/ bcom ldan 'das kyis bka' stsal pa/ maud+gal gyi bu/ khyod kyi 'di
101a5 ni chos yang dag par brjod pa dang mthun no/ /de nas bcom ldan 'das la tshe dang ldan pa byams ma'i bu gang pos 'di skad ces gsol to/ /bcom ldan 'das/ gang bsod
101a6 nams tshol bas chos yang dag par brjod par bgyid pa de ni de'i chos yang dag par brjod par skyon chags pa lags so/ /de ci'i slad du zhe na/ bcom ldan 'das/ bdag
101a7 tu mngon par chags pas mngon par zhen pa ni bsod nams dang / bsod nams ma lags pa dang / mi g.yo ba'i 'du byed mngon par 'du bgyid do/ /bdag tu mngon par chags
101b1 pas mngon par zhen pa ni lta ba rnams dang / lta bar gyur pa rnams las rnam par ma grol te/ bdag la phan pa dang / gzhan la sman par bgyid pa rdo mi thogs so/ /bcom ldan
101b2 'das| gang bdag la'ang mi sman/ gzhan la'ang mi sman pa ji ltar chos yang dag par brjod par bgyid par 'gyur/ bcom ldan 'das/ gang chos 'tshal ba de ni bsod nams dang / bsod
101b3 nams ma lags pa dang / mi g.yo ba'i 'du byed tshol ba'ang ma lags so/ /mi tshol ba'ang ma lags so/ /gang chos kun 'tshal ba de ni phung po rnams tshol ba'ang ma lags/ mi tshol
101b4 ba'ang ma lags so/ /khams rnams tshol ba'ang ma lags/ mi tshol ba'ang ma lags so/ /skye mched rnams tshol ba'ang ma lags/ mi 'tshol ba'ang ma lags so/ /de ni sems
101b5 can rnams tshol ba'ang ma lags/ mi tshol ba'ang ma lags so/ /de ni chos rnams tshol ba'ang ma lags so/ /mi tshol ba'ang ma lags so/ /de ni bden pa tshol ba'ang ma lags
101b6 rdzun pa tshol ba'ang ma lags so/ /de ni yul tshol ba'ang ma lags/ yul rnams las 'byung ba tshol ba'ang ma lags so/ /de ni 'dod chags dang / zhe sdang dang / gti mug tshol
101b7 ba'ang ma lags/ 'dod chags dang / zhe sdang dang / gti mug spong ba tshol ba'ang ma lags so/ /de ni 'khor ba tshol ba'ang ma lags/ mya ngan las 'das pa tshol ba'ang ma lags
102a1 de ni 'thab pa dang / rtsod pa dang / 'gyed pa tshol ba'ang ma lags/ cang mi smra ba tshol ba'ang ma lags so/ /stong pa nyid tshol ba'ang ma lags/ lta bar
102a2 gyur pa rnams tshol ba'ang ma lags so/ /mtshan ma ma mchis pa tshol ba'ang ma lags/ rnam par rtog pa tshol ba'ang ma lags so/ /smon pa tshol ba'ang ma lags/ smon pa ma
102a3 mchis pa tshol ba'ang ma lags so/ /sangs rgyas kyi chos rnams tshol ba'ang ma lags/ so so'i skye bo'i chos rnams tshol ba'ang ma lags so/ /chos tshol ba'ang ma lags/
102a4 chos ma lags pa tshol ba'ang ma lags so/ /'phags pa'i dge 'dun tshol ba'ang ma lags/ mu stegs can gyi dge 'dun tshol ba'ang ma lags so/ /bcom ldan 'das/
102a5 chos yongs su 'tshol ba dang ldan pa'i byang chub sems dpa' sems dpa' chen po ni/ 'byung ba kun tu mi tshol te/ chos thams cad de'i 'byung ba lags so/ /thar pa'ang
102a6 kun tu mi tshol te/ chos thams cad de'i shin tu rnam par grol ba lags so/ /gang du yang dag par rjes su chags pa'ang ma mchis/ khong khro ba'ang ma mchis te/ chos thams
102a7 cad ni de'i bdag gi'am/ gzhan gyi'ang ma lags so/ /chos gang yang yongs su 'dzin pa'ang ma mchis/ 'dor ba'ang ma mchis te/ yongs su 'dzin pa dang / 'dor ba
102b1 de gnyis ka skyon chags pa lags so/ /'jug pa'ang ma mchis/ ldog pa'ang mchis te/ 'jug pa dang / ldog pa de gnyis ka skyon chags pa lags so/ /gang du'ang dga' ba'ang
102b2 ma mchis/ yid mi bde ba'ang ma mchis te/ dga' ba dang / yid mi bde ba de gnyis ka skyon chags pa lags so/ /bcom ldan 'das/ 'di ni chos yang dag par brjod pa lags
102b3 pa snyam bgyid na/ bcom ldan 'das/ bdag chos yang dag par brjod pa dang mthun pa bgyid pa lags sam/ bcom ldan 'das kyis bka' stsal pa/ gang po/ khyod kyi 'di ni chos
102b4 yang dag par brjod pa dang mthun no/ /de nas bcom ldan 'das la tshe dang ldan pa kA t+yA'i bu chen pos 'di skad ces gsol to/ /bcom ldan 'das/ gang chos dang / chos ma lags
102b5 pa'i 'du shes la spyod cing chos yang dag par brjod pa bgyid pa'i sems can de ni ma rig pas khengs pa lags pa snyam bgyid do/ /de ci'i slad du zhe na/ bcom ldan 'das/ chos
102b6 tshol ba'i rigs kyi bus ni chos ma lags pa yang dag pa ji lta ba bzhin du blta bar bgyi'o/ /bcom ldan 'das/ byang chub sems dpa' chos ma lags pa yang dag pa ji lta ba bzhin
102b7 du mthong ba de nyid de'i chos lags so/ /bcom ldan 'das/ chos ni gang nas kyang blang ba ma lags/ gang du'ang bkur ba ma lags so/ /chos ni su la'ang rag las pa'ang ma lags/
103a1 rang dbang can yang ma lags so/ /bcom ldan 'das/ chos ni gang dang yang ring ba ma lags/ gang dang yang nye ba'ang ma lags so/ /chos ni yul
103a2 na'ang ma lags/ phyogs na'ang ma lags so/ /chos ni rgya chen po rnams la 'jug gi/ tha ma dang / 'bring rnams la mi 'jug pa'ang ma lags/ chos ni tha ma dang / 'bring rnams la
103a3 'jug gi/ rgya chen po rnams la mi 'jug pa'ang ma lags so/ /bcom ldan 'das/ chos ni 'du shes kyis rab tu phye ba'ang ma lags/ 'du shes ma mchis pas rab tu phye ba'ang
103a4 ma lags so/ /de ci'i slad du zhe na/ 'phags pa rnams kyis ni 'du shes 'ching ba dang / 'du shes ma mchis pa 'ching ba dang bral ba mi mthong ba'i slad du'o/ /bcom ldan
103a5 'das/ chos ni spang bar bgyi ba'ang ma lags/ bsgom par 'gyi ba'ang ma lags te spang ba dang / bsgom pa'i chos yang dag par 'das pa ni chos dang ldan pa'o/ /
103a6 bcom ldan 'das/ chos ni gang gi slad du sbyin par bgyi ba'ang ma lags/ sbyin par mi bgyi ba'ang ma lags te/ bdag po ma mchis pa'i slad du ji lta ji lta bur 'tshal ba de
103a7 lta de lta bur sgrub pa'o/ /bcom ldan 'das/ chos ni sangs rgyas bcom ldan 'das rnams dang mdza' ba'i dngos por yang mi 'jug/ byis pa so so'i skye bo rnams dang mi mdza'
103b1 ba'i dngos por yang mi 'jug ste/ bcom ldan 'das/ chos ni rnam par mi rtog pa spros pa ma mchis pas rab tu phye ba'o/ /chos ni sangs rgyas rnams dang nye ba'ang ma lags/ so
103b2 so'i skye bo rnams dang ring ba'ang ma lags te/ gang ji lta ji lta bur 'tshal ba de lta de lta bur chos khong du chud do/ /bcom ldan 'das/ 'di ni chos yang dag par brjod pa lags
103b3 pa snyam bgyid na/ bcom ldan 'das/ bdag chos yang dag par brjod pa dang mthun par bgyid pa lags sam/ bcom ldan 'das kyis bka' stsal pa/ kA t+yA'i bu/ khyod kyi
103b4 'di ni chos yang dag par brjod pa dang mthun no/ /de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das/ gang dben
103b5 pa tshol bas chos yang dag par brjod par bgyid pa de ni chos yang dag par brjod pa ma lags so/ /bcom ldan 'das/ chos thams cad ni gnyis su ma mchis pas dben pa
103b6 la gnas pa'o/ /sems dang / yid dang / yid kyi rnam par shes pa dang bral bas gcig gi cig shos 'tshal ba ma lags so/ /tshol ba dang bral bas gcig gis cig
103b7 shos tshol ba ma lags so/ /bgyi ba ma mchis pas gcig la cig shos kyis bstang ba ma lags so/ /bcom ldan 'das/ gzhan yang / dben pa dben pa zhes bgyi ba
104a1 'di ni mi gnyis pa'i tshig bla dwags te/ mi gnyis pa las gud na chos gang yang ma mchis so/ /bcom ldan 'das/ chos thams cad ni gnyis su ma
104a2 mchis pa stong pa nyid kyi rang bzhin/ mtshan ma mchis pa'i rang bzhin/ smon pa ma mchis pa'i rang bzhin/ mngon par 'du mi bgyid pa'i rang bzhin/ ma skyes ma byung
104a3 ba'i rang bzhin te/ rnam par dag pa'i mtshan nyid kyis thob pa'ang ma lags/ rnam par ma dag pa'i mtshan nyid kyis kyang ma lags/ ser sna can rnams kyis thob
104a4 pa'ang ma lags/ sbyin pa la mos pa rnams kyis kyang ma lags/ tshul khrims 'chal ba rnams kyis thob pa'ang ma lags/ tshul khrims dang ldan pa rnams kyis kyang ma
104a5 lags/ gnod sems can rnams kyis kyang ma lags/ bzod pa phun sum tshogs pa rnams kyis kyang ma lags/ le lo can rnams kyis kyang ma lags/ brtson 'grus
104a6 brtsams pa rnams kyis kyang ma lags/ sems rnam par g.yengs pa rnams kyis kyang ma lags/ mnyam par bzhag pa rnams kyis kyang ma lags/ shes rab 'chal
104a7 pa rnams kyis kyang ma lags/ shes rab dang ldan pa rnams kyis kyang thob pa ma lags te/ gang chos thams cad thob pa ma mchis pa de dag chos rnams kyi thob pa zhes
104b1 bgyi'o/ /thob pa 'di 'dra ba 'di ni 'du byed spyod yul ba rnams kyis ma lags/ sems spyod yul ba rnams kyis ma lags/ gnyis pa la spyod yul ba rnams kyis ma lags/
104b2 dmigs pa la gnas pa rnams kyis ma lags/ mngon par rtogs pa 'dod pa rnams kyis ma lags/ spong ba 'dod pa rnams kyis ma lags/ 'byung ba'i sems dang ldan pa rnams
104b3 kyis ma lags/ sangs rgyas su dmigs pa can rnams kyis ma lags/ chos dang / dge 'dun du dmigs pa can rnams kyis ma lags/ 'khor ba dang / mya ngan las 'das pa
104b4 gnyis su lta ba can rnams kyis ma lags so/ /bcom ldan 'das/ gzhan yang / chos tshol ba gang lags pa de ni ci'ang tshol ba ma lags so/ /bcom ldan 'das/ chos thams
104b5 cad mi tshol ba ni chos tshol ba'o/ /yang dag par zhugs pa'i byang chub sems dpa' ni chos sam/ chos ma lags pa mi dmigs so/ /de bzhin du 'di snyam du sems te/
104b6 gang rlom sems thams cad dang bral ba de ni chos so/ /gang chos su sgro btags pa thams cad dang bral ba de ni chos so/ /gang yid kyis smon pa thams cad dang bral ba de ni
104b7 chos so snyam mo/ /gang 'di skad du smra ba 'di ni chos yang dag par brjod pa lags pa snyam bgyid na/ bcom ldan 'das/ bdag chos yang dag par brjod pa dang mthun par bgyid
105a1 lags sam/ bcom ldan 'das kyis bka' stsal pa/ 'od srung chen po/ khyod kyi 'di ni chos yang dag par brjod pa dang mthun no/ /de nas bcom
105a2 ldan 'das la tshe dang ldan pa rang 'byor gyis 'di skad ces gsol to/ /bcom ldan 'das/ chos chos zhes bgyi ba ni sgra ma mchis pa'i tshig bla dwags te/ gang sgra mi 'byin
105a3 pa ni de'i chos so/ /bcom ldan 'das/ de la mig gis gzugs rnams la sgra mi 'byin/ rna bas sgra rnams dang / snas dri rnams dang / lces ro rnams dang / lus kyis
105a4 reg bya rnams dang / yid kyis chos rnams la sgra mi 'byin pa de ni chos so/ /de la ji ltar na mig gis gzugs rnams la sgra mi 'byin ce na/ phrad pa ma mchis pa'i slad du'o/ /
105a5 mig ni gzugs la phrad par mi bgyid/ rna bas sgra la ma lags/ snas dri la ma lags/ lces ro la ma lags/ lus kyis reg bya la ma lags/ yid kyis chos la phrad
105a6 par mi bgyid do/ /gang phrad par mi bgyid pa de ni sgra mi 'byin pa'o/ /bcom ldan 'das/ gnyis su ma mchis na chos la sgra 'byin pa ma mchis so/ /bcom ldan 'das/
105a7 chos thams cad ni gnyis su ma mchis pa ste/ gcig gis gcig ma 'tshal/ rnam par ma 'tshal/ mi rtog /rnam par mi rtog /'byung bar mi bgyid/ 'jig par mi
105b1 bgyid/ 'dri bar mi bgyid/ 'phel bar mi bgyid/ chags par mi bgyid/ mi chags par mi bgyid/ 'khor bar mi bgyid/ yongs su mya ngan las 'da' bar mi bgyid de/
105b2 'di dag ni su'i yang ma lags/ 'di dag ni ci'ang ma lags so/ /bcom ldan 'das/ chos 'di dag ni skyo bar yang mi bgyid/ chags par yang mi bgyid de/ bcom ldan 'das/
105b3 chos 'di dag ni kun nas nyon mongs par yang mi 'gyur/ rnam par byang bar yang mi 'gyur ro/ /bcom ldan 'das/ bdag gis de ltar 'tshal to/ /bdag gis de ltar rtogs
105b4 so| |bcom ldan 'das/ gang bdag gis 'di ltar 'tshal/ 'di ltar rtogs so zhes de skad mchi ba 'di ni skye mched rnams kyi 'gyur ba'o/ /bcom ldan 'das/ skye ma ched rnams
105b5 ni 'di snyam du 'di ni bdag cag gi 'gyur ba'o snyam du mi sems so/ /gang de ltar 'tshal ba de ni su dang yang mi rtsod do/ /gang mi rtsod pa de ni dge slong gi chos kyi rjes su 'jug
105b6 pa'o/ /gang dge sbyong gi chos kyi rjes su 'jug pa de ni gang nas kyang 'jug par yang mi bgyid/ mi 'jug par yang mi bgyid/ sbyor bar yang mi bgyid/ mi sbyor bar yang mi
105b7 bgyid| 'gro bar yang mi bgyid/ sdig par yang mi bgyid/ 'bri bar yang mi bgyid/ 'phel bar yang mi bgyid de/ thams cad chos kyi tshul mthong ngo / /thams cad rnam par
106a1 rig pa'i tshul du mthong ngo / /chos kyi dbyings nyid du mthong ngo / /de ltar thams cad 'byung bar mthong ste/ gang 'byung ba de yang dag par rjes su mi mthong
106a2 ngo| |gzhan du na ming tsam dang / btags pa tsam dang / tha snyad tsam du mthong ba ni ma mchis pa ma lags so/ /ming de'ang ming ma mchis pa'o/ /btags pa'ang btags pa
106a3 ma mchis pa'o/ /tha snyad kyang tha snyad ma mchis pa'o/ /chos mthong bas sangs rgyas mthong ngo / /sangs rgyas mthong bas sems can thams cad mthong ngo / /sems can thams
106a4 cad mthong bas rgyu dang / rkyen mthong ngo / /rgyu dang / rkyen mthong bas stong pa nyid mthong ngo / /stong pa nyid mthong ba ni mthong ba ma mchis pa'o/ /bcom ldan 'das/ chos thams cad
106a5 ma mthong ba ni yang dag par mthong ba'o/ /bcom ldan 'das/ gang de ltar mthong ba dang ldan pa de ni sangs rgyas rnams mnyes par mi bgyid/ mi mnyes par yang mi bgyid
106a6 do| |de chos mnyes par yang mi bgyid/ mi mnyes par yang mi bgyid do/ /de dge 'dun mnyes par yang mi bgyid/ mi mnyes par yang mi bgyid do/ /bcom ldan 'das/ bzod
106a7 pa de lta bu dang ldan pa'i byang chub sems dpa' ni bdud rnams dang yang mi rtsod na/ chos mthun pa rnams dang mi rtsod pa lta smos kyang mi 'tshal te/ de ni gnas ma lags
106b1 so| |brjod pa thams cad bdag gi phyogs su 'grub par mthong bas gang dang yang rtsod par mi 'gyur ro/ /rtsod pa ma mchis pas su dang yang lhan cig sgra 'byin par mi 'gyur ro/ /sgra
106b2 ma mchis pa'i chos dang ldan pa ni chos thams cad dang ldan pa'o/ /chos thams cad dang ldan pa zhes bgyi ba ni chos thams cad bdag bzhin du gyur pa/ mnyam par gnas pa/ mnyam
106b3 par bzod pa ste/ de bas na chos thams cad dang ldan pa zhes bgyi'o/ /gang du'ang mi mchi/ gang nas kyang ma mchis pas de'i slad du ldan pa zhes bgyi'o/ /bcom ldan 'das/ de ltar
106b4 chos thams cad dang ldan pa'i byang chub sems dpa'i gang cung zad smra ba dang / kun smra ba de thams cad ni chos yang dag pa dag brjod pa ste/ sems can thams cad la phan pa thob par
106b5 bgyid pa'o/ /bcom ldan 'das/ bdag mchi ba 'di lta bu chos yang dag par brjod pa dang mthun pa lta lags sam/ bcom ldan 'das kyis bka' stsal pa/ rab 'byor/ khyod kyi 'di
106b6 ni chos yang dag par brjod pa dang mthun no/ /rab 'byor gyis chos yang dag par brjod pa 'di brjod pa na dge slong lnga stong ni chos rnams la chos kyi mig rdul dang bral zhing dri ma med pa
106b7 rnam par dag go /lha'i bu lnga stong ni bla na med pa yang dag par rdzogs pa'i byang chub tu sems skyes so/ /gang khyod kyi chos yang dag par brjod pa 'di thos pa'i byang chub sems dpa'
107a1 de dag ni chos kyi rgya mtsho thob bo snyam du bdag nyid kyis shes so/ /don yod cing 'bras bu dang bcas par bdag nyid kyis mthong ngo / /rab 'byor/ 'di ni de
107a2 bzhin gshegs pa thams cad kyi chos yang dag par brjod pa dam pa yin no/ /de nas bcom ldan 'das la tshe dang ldan pa ma 'gags pas 'di skad ces gsol to/ /bcom
107a3 ldan 'das/ chos thams cad yi ger yang dag par brjod pa ni chos yang dag par brjod pa lags so/ /de ci'i slad du zhe na/ yi ge ni mi 'gyur bas de'i slad du yi ge zhes bgyi'o/ /
107a4 bcom ldan 'das/ gang brjod pa de ni yi ge tsam du bas te/ bcom ldan 'das/ yi ge'i 'bru de dag ni khong nas kyang sgra mi 'byin/ slad rol nas kyang sgra mi 'byin te/ sgra 'byin
107a5 pa de dag kyang 'di ltar bdag cag ni sgra 'byin to snyam du mi sems so/ /bcom ldan 'das/ yi ge'i 'bru rnams mi zad par yang mi 'gyur/ 'phel bar yang mi 'gyur te/ byang
107a6 chub sems dpas yi ge mnyam pa nyid kyis chos thams cad mnyam pa nyid du khong du chud par bgyi'o/ /de ltar chos thams cad mnyam pa nyid du khong du chud pa'i byang chub
107a7 sems dpa' ni sgra thams cad la khong khro ba ma mchis te/ gzhan du na sgra thams cad chos kyi sgrar thos pa dang / stong pa nyid kyi sgra dang / mtshan ma med pa'i sgra dang / smon pa
107b1 med pa'i sgra dang / chos kyi dbyings kyi sgra dang / yang dag pa'i mtha'i sgrar thos so/ /de'i chos gang yang thams cad mkhyen pa rtogs par 'gyur ba dang 'gal ba ma lags so/ /
107b2 de chos gang yang sangs rgyas kyi byang chub dang 'gal bar mi mthong gi/ de chos thams cad sgrib pa ma mchis par mthong / sangs rgyas kyi byang chub dang skal pa mnyam pa dang / mi 'gal
107b3 bar mthong ngo / /de gang las ldog pa dang / gang du 'jug pa'i chos de yang dag par rjes su mi mthong ngo / /de sems can de dag kyang yang dag par rjes su mi mthong la/ sems can
107b4 gyi don bgyi ba la mi phyogs pa'ang ma lags so/ /bcom ldan 'das/ bzod pa de lta bu dang ldan pa'i byang chub sems dpa' sems dpa' chen po ni spobs pa zab mo 'thob ste/
107b5 spobs pa zab mo gang zhe na/ gang nyan thos dang / rang sangs rgyas rnams kyis kyang mi rtogs pa'o/ /phan pa'i spobs pa'ang 'thob ste/ phan pa'i spobs pa gang zhe na/ gang gis
107b6 sems can thams cad la phan pa nyid du 'gyur gyi/ mi phan par mi 'gyur ba'o/ /ngan pa'i spobs pa'ang 'thob ste/ ngan pa'i spobs pa gang zhe na/ gang ji tsam gyi gtam gyis sems can
107b7 bde bar 'gyur ba de tsam gyi gtam bgyis pa 'di ni ngan pa'i spobs pa zhes bgyi'o/ /myur ba'i spobs pa'ang 'thob ste/ myur ba'i spobs pa gang zhe na/ gang gis myur du sems can
108a1 rnams 'dul ba'o/ /'bras bu mchis pa'i spobs pa'ang 'thob ste/ 'bras bu mchis pa'i spobs pa gang zhe na/ gang gis rgyun mi 'chad par
108a2 sems can thar bar bgyid pa'o/ /lhan cig pa'i spobs pa'ang 'thob ste/ lhan cig pa'i spobs pa gang zhe na/ gang gis sangs rgyas rnams dang lhan cig smra ba'o/ /skye ba'i spobs
108a3 pa'ang 'thob ste/ skye ba'i spobs pa gang zhe na/ gang gis tshig gcig bstan pas tshig brgya stong las lhag pa'i spobs pa skye'o/ /yang ba'i spobs pa'ang 'thob ste/ yang ba'i
108a4 spobs pa gang zhe na/ gang gis brda bgyis pa tsam gyis thams cad shes nas ston pa'o/ /bde ba'i spobs pa'ang 'thob ste/ bde ba'i spobs pa gang zhe na/ bde ba'i spobs
108a5 pa gang gis 'dul ba rnams nyan pas ngoms par mi 'gyur ba'o/ /cang shes kyi spobs pa yang 'thob ste/ cang shes kyi spobs pa gang zhe na/ gang gis sangs rgyas kyi dgongs
108a6 pa las mi 'da' ba'o/ /dul ba'i spobs pa'ang 'thob ste/ dul ba'i spobs pa gang zhe na/ gang gis rgyags pa dang / bag med pa mi skyed pa'o/ /zhi ba'i spobs pa'ang 'thob
108a7 ste| zhi ba'i spobs pa gang zhe na/ gang gis bdag dang / gzhan rnams zhi bar bgyid pa'o/ /sgra'i spobs pa'ang 'thob ste/ sgra'i spobs pa gang zhe na/ gang gis sems can
108b1 rnams nyan thos kyi theg pa la 'dul ba'o/ /dben pa'i spobs pa'ang 'thob ste/ dben ba'i spobs pa gang zhe na/ gang gis sems can rnams rang sangs rgyas kyi theg pa la
108b2 'dul ba'o/ /mtho ba'i spobs pa'ang 'thob ste/ mtho ba'i spobs pa gang zhe na/ gang gis sems can rnams theg pa chen po la 'dul ba'o/ /thun mong ma lags pa'i spobs pa'ang
108b3 'thob ste/ thun mong ma lags pa'i spobs pa gang zhe na/ gang gis ma 'dres pa dang / stobs dang / mi 'jigs pa'i gtam yang dag par rab tu ston pa'o/ /zhi gnas kyi spobs
108b4 pa'ang 'thob ste/ zhi gnas kyi spobs pa gang zhe na/ gang gis byang chub kyi phyogs kyi gtam rnams bgyid pa'o/ /ma smad pa'i spobs pa'ang 'thob ste/ ma smad pa'i spobs pa gang
108b5 zhe na/ gang gis sems can thams cad tshim par bgyid pa'o/ /rgyu dang / rkyen gyi spobs pa'ang 'thob ste/ rgyu dang / rkyen gyi spobs pa gang zhe na/ gang gis phas kyi rgol ba thams cad
108b6 tshar gcod pa'o/ /ston pa'i spobs pa'ang 'thob ste/ ston pa'i spobs pa gang zhe na/ gang gis 'khor bzhi la bag mi tsha bar chos ston pa'o/ /bcom ldan 'das/ 'di ni
108b7 chos yang dag par brjod pa lags pa snyam bgyid na/ bcom ldan 'das/ bdag chos yang dag par brjod pa dang mthun par bgyid dam/ bcom ldan 'das kyis bka' stsal
109a1 pa| ma 'gags pa/ khyod kyi 'di ni chos yang dag par brjod pa dang mthun no// //bam po drug pa/ de nas bcom ldan 'das la tshe dang
109a2 ldan pa sgra gcan zin gyis 'di skad ces gsol to/ /bcom ldan 'das/ chos yang dag par brjod pa tshol ba'i byang chub sems dpa' chos 'dzin pa btsal bar bgyi'o/ /de
109a3 ci'i slad du zhe na/ bcom ldan 'das/ chos 'dzin pa rnams la chos rtogs par 'gyur ro/ /de bas na chos btsal ba de la brtson par gyur pas chos 'dzin pa rnams las
109a4 btsal bar bgyi'o/ /de ci'i slad du zhe na/ bcom ldan 'das/ chos lhur len pa rnams las chos skye'o/ zang zing lhur len pa rnams las ma lags so/ /lus dang / srog la mi lta
109a5 ba rnams dang / 'jig rten pha rol la lta ba dang bcas pa rnams dang / dben pa 'dod pa rnams las skye yi/ grong dang / grong khyer/ grong rdal la mngon par dga' ba rnams
109a6 las ma lags so/ /'grogs na bde ba rnams las skye yi/ 'grogs na mi bde ba rnams las ma lags so/ /nga rgyal ma mchis pa rnams las skye yi/ nga rgyal gyis khengs pa
109a7 rnams las ma lags so/ /des pa rnams las skye yi/ mgu dka' ba rnams las ma lags so/ /sems mnyen zhing 'jam pa rnams las skye yi/ sems kyi rgyud rman can
109b1 du gyur pa rnams las ma lags so/ /sems dben pa rnams las skye yi/ sems chags pa rnams las ma lags so/ /sdig pa rnam par 'byed pa rnams las skye yi/ sdig ma
109b2 'chab pa rnams las ma lags so/ /bcom ldan 'das/ sbyin pa la mngon par dga' ba rnams las chos skye yi/ ser sna can rnams las ma lags so/ /tshul khrims dang ldan pa
109b3 rnams las skye yi/ tshul khrims 'chal pa rnams las ma lags so/ /bzod pa dang ldan pa rnams las skye yi/ gnod sems can rnams las ma lags so/ /brtson 'grus brtsams
109b4 pa rnams las skye yi/ le lo can rnams las ma lags so/ /sems rtse gcig pa rnams las skye yi/ sems rnam par g.yengs pa rnams las ma lags so/ /shes rab dang ldan
109b5 pa rnams las skye yi/ shes rab 'chal pa rnams las ma lags so/ /mang du thos pa rnams las skye yi/ thos pa nyung ba rnams las ma lags so/ /tshul bzhin yid la brtson pa
109b6 rnams las skye yi/ ngan pa'i bsam pa sems pa rnams las ma lags so/ /legs par bgyid pa'i las bgyid pa rnams las skye yi/ ngan par bgyid pa'i las bgyid pa rnams las
109b7 ma lags so/ /legs par bshad pa la dga' ba rnams las skye yi/ 'jig rten rgyang pan pa'i gsang tshig la mngon par dga' ba rnams las ma lags so/ /stong pa nyid la
110a1 mngon par dga' ba rnams las skye yi/ lta bar gyur pas rnam par bsgribs pa rnams las ma lags so/ /bslab pa 'tshal ba rnams las skye yi/
110a2 bstan bcos 'tshal ba rnams las ma lags so/ /bcom ldan 'das/ gzhan yang / gang bslab pa 'tshal ba ni de'i chos lags so/ /bslab pa de dag kyang gang zhe na/ bcom ldan
110a3 'das| bslab pa thams cad kyi nang na bslab pa gsum du bslab pa thams cad 'du bar 'gyur ro/ /gsum gang zhe na/ lhag pa'i tshul khrims kyi bslab pa dang / lhag pa'i
110a4 sems kyi bslab pa dang / lhag pa'i shes rab kyi bslab pa'o/ /bcom ldan 'das/ byang chub sems dpa' sems dpa' chen po gang bslab pa gsum po 'di dag la
110a5 slob pa de ni theg pa chen po thams cad la slob pa lags so/ /bcom ldan 'das/ de la byang chub sems dpa' sems dpa' chen po'i lhag pa'i tshul khrims kyi bslab
110a6 pa gang zhe na/ byang chub sems dpa' ni gang so sor thar pa'i sdom pas bsdams pa'ang lags la/ so sor thar pa tsam gyis dag par yang mi sems te/ byang chub sems
110a7 dpa'i sdom pa la rton pa lags so/ /cho ga dang / spyod yul phun sum tshogs pa'ang lags la/ cho ga dang / spyod yul tsam gyis dag par yang mi sems te/ byang chub sems
110b1 dpa'i cho ga dang / spyod yul la rton pa yang lags so/ /kha na ma tho ba rab tu phra ba dag la 'jig par lta ba'ang lags la/ byang chub sems dpa'i ye shes la rton pa'ang lags
110b2 so| |de la byang chub sems dpa'i ye shes gang zhe na/ byang chub sems dpa' rnams chos thams cad kyi de kho na 'tshal bas las dang / nyon mongs pas 'jigs shing
110b3 skrag pa ma mchis pa de ni byang chub sems dpa'i de kho na 'tshal ba lags so/ /de la byang chub sems dpa'i spyod yul gang zhe na/ byang chub sems dpa' ni stong pa nyid
110b4 spyod yul ba rnams lags te/ rtog pa dang / rnam par rtog pa dang / yongs su rtog pa spyod yul ba ma lags so/ /yang dag par blangs nas bslab pa'i gzhi rnams la slob
110b5 ste| stong pa nyid du mnyam pa nyid yang dag par blangs nas slob pa 'di ni yang dag par blangs nas slob ma zhes bgyi'o/ /mtshan ma ma mchis par mnyam pa nyid dang / smon
110b6 pa ma mchis par mnyam pa nyid dang / mngon par 'du mi bgyid par mnyam pa nyid dang / ma skyes pa dang / ma byung bar mnyam pa nyid yang dag par blangs nas slob pa 'di ni
110b7 yang dag par blangs nas bslab pa'i gzhi rnams la slob pa zhes bgyi'o/ /bcom ldan 'das/ gzhan yang / byang chub sems dpa' 'di snyam du sems te/ so sor thar
111a1 pa'i sdom pa'i tshul khrims 'di la sems can rnams dgod par bya'o snyam pa 'di ni byang chub sems dpa'i lhag pa'i tshul khrims kyi bslab
111a2 pa lags so/ /de la byang chub sems dpa'i lhag pa'i sems kyi bslab pa gang zhe na/ gang rnam par thar pa brgyad rnams la slob pa lags so/ /de la byang chub sems dpa'
111a3 'di snyam du sems te/ bdag gis lhag pa'i sems kyi bslab pa 'di la sems can thams cad bsgrub par bgyi'o snyam pa 'di ni byang chub sems dpa'i lhag pa'i sems
111a4 kyi bslab pa lags so/ /de la byang chub sems dpa'i lhag pa'i shes rab kyi bslab pa gang zhe na/ gang stong pa nyid rnam pa bco brgyad la slob pa lags so/ /de la byang chub
111a5 sems dpa' 'di snyam du sems te/ stong pa nyid rnam pa bco brgyad 'di sems can thams cad kyi khong du chud par bya'o snyam pa 'di ni byang chub sems dpa'i lhag pa'i
111a6 shes rab kyi bslab pa lags te/ bslab pa gsum po 'di dag tu byang chub sems dpa'i bslab pa thams cad 'dus lags so/ /bcom ldan 'das/ gzhan yang / byang
111a7 chub sems dpa' gang sems can rnams srung ba de ni tshul khrims srung ba lags so/ /gang tshul khrims srung ba de ni tshul khrims ma snyems pa ste/ de tshul khrims des sems
111b1 can thams cad kyi bsam pa yongs su rdzogs par bgyid do/ /bcom ldan 'das/ byang chub sems dpa' ni mngon par 'byung ba'i ngang tshul can te/ yongs su 'dzin pa thams cad
111b2 la mi chags so/ /byang chub sems dpa' ni dben pa'i ngang tshul can te/ 'du 'dzi thams cad la mi chags so/ /byang chub sems dpa' ni nang du yang dag 'jog pa'i ngang tshul can te/
111b3 bya ba thams cad la mi chags so/ /byang chub sems dpa' ni bsam gtan gyi ngang tshul can te/ yul thams cad la mi chags so/ /byang chub sems dpa' ni rnam par grol ba'i ngang
111b4 tshul can te/ skye ba'i skye mched thams cad la mi chags so/ /byang chub sems dpa' ni chos nyan pa'i ngang tshul can te/ 'jig rten pa'i gtam thams cad la mi chags so/ /byang chub
111b5 sems dpa' ni chos ston pa'i ngang tshul can te/ dpag tshad brgyar yang song nas chos ston pas yongs su mi skyo ba'o/ /byang chub sems dpa' ni dam pa'i chos yongs su 'dzin
111b6 pa'i ngang tshul can te/ sdug bsngal dang / yid mi bde ba'i log par lta ba thams cad kyis yongs su mi skyo ba'o/ /byang chub sems dpa' ni byang chub kyi sems kyi ngang tshul can te/
111b7 sems can thams cad la phan pa'i phyir rtsol gyi/ bdag la phan pa'i phyir ma lags so/ /byang chub sems dpa' ni bsam pa'i ngang tshul can te/ thog ma kho nar sems can
112a1 rnams byang chub par 'tshal gyi bdag ni ma lags so/ /byang chub sems dpa' ni lhag pa'i bsam pa'i ngang tshul can te/ gzhan gyi don phun sum
112a2 tshogs pas rab tu nor dang ldan pa lags kyi/ bdag gi phun sum tshogs pas ni ma lags so/ /byang chub sems dpa' ni sbyor ba'i ngang tshul can te/ byang chub kyi phyogs
112a3 kyi chos kyi dge ba re re'i phyir yang bskal pa grangs ma mchis par yongs su sgrub par spro zhing yongs su mi skye ba'o/ /byang chub sems dpa' ni sbyin pa'i ngang tshul can te/ yan
112a4 lag gi dam pa mgo 'ang yongs su gtong zhing sems can gyi don yang bgyid do/ /byang chub sems dpa' ni tshul khrims kyi ngang tshul can te/ sems can tshul khrims 'chal
112a5 pa rnams yongs su mi gtong ngo / /byang chub sems dpa' ni bzod pa'i ngang tshul can te/ bdud thams cad kyis mi 'jigs so/ /byang chub sems dpa' ni brtson 'grus kyi
112a6 ngang tshul can te/ sems can thams cad la byang chub yang dag par sgrub pas yongs su mi skyo'o/ /byang chub sems dpa' ni bsam gtan gyi ngang tshul can te/ sgra thams
112a7 cad dang / bya ba'i brtsam pa thams cad kyi mi 'khrugs so/ /byang chub sems dpa' ni shes rab kyi ngang tshul can te/ chos thams cad sangs rgyas kyi byang chub dang mtshungs
112b1 bar mthong ngo / /byang chub sems dpa' ni stong pa nyid kyi ngang tshul can te/ 'khor ba la mi gnas so/ /byang chub sems dpa' ni snying rje chen po'i ngang tshul can te/ yongs su mya
112b2 ngan las mi 'da'o/ /bcom ldan 'das/ 'di ni chos yang dag par brjod pa lags pa snyam bgyid na/ bcom ldan 'das/ bdag chos yang dag par brjod par dang mthun par
112b3 bgyid dam/ bcom ldan 'das kyis bka' stsal pa/ sgra gcan zin/ khyod kyi 'di chos yang dag par brjod pa dang mthun no/ /de nas bcom ldan 'das la tshe dang ldan pa nye ba 'khor
112b4 gyis 'di skad ces gsol to/ /bcom ldan 'das/ byang chub sems dpa' gang bdag dul ba de sems can gzhan 'dul ba'i slad du sems can gyi khams ji tsam pa dang / chos
112b5 kyi dbyings ji tsam pa dang / 'dod chags dang / zhe sdang dang / gti mug gi khams su btags pas btags pa ji tsam pa de srid kyi dus su sems can 'dul yang yongs su mi
112b6 skyo'o| |de 'di snyam du sems te/ chos thams cad ni shin tu dul ba yin na/ de dag sems can rnams kyi khong du ma chud do snyam mo/ /de ci'i slad du zhe na/ chos thams cad ni
112b7 stong pa nyid kyis dul ba ste/ de la lta bar gyur pa thams cad dang / brtson pa thams cad mi spyod do/ /chos thams cad ni mtshan ma ma mchis pas dul ba ste/ de la rnam par rtog
113a1 pa dang / dpyod pa mi spyod do/ /chos thams cad ni smon pa ma mchis pas dul ba ste/ de la yid kyis smon pa dang / smon lam thams cad mi spyod do/ /
113a2 chos thams cad ni bdag ma mchis pas dul ba ste/ de la chags pa thams cad mi spyod do/ /chos thams cad ni sems can ma mchis pas dul ba ste/ de la sems can tha dad
113a3 pa mi spyod do/ /chos thams cad ni srog ma mchis pas dul ba ste/ de la 'chi 'pho dang / skye ba mi 'jug go /chos thams cad ni bden pas dul ba ste/ de la slu ba thams cad
113a4 mi 'jug go /chos thams cad ni rten cing 'brel bar 'byung bas dul ba ste/ de la bdag po mi 'jug go /chos thams cad ni dran pa nye bar gzhag pas dul ba ste/ de la dran
113a5 pa dang yid la bgyid pa mi 'jug go /chos thams cad ni yang dag pa'i spong bas dul ba ste/ de la blang ba dang / dor ba mi 'jug go /chos thams cad ni rdzu 'phrul gyi rkang pas
113a6 dul ba ste/ de la 'ong ba dang / 'gro ba mi 'jug go /chos thams cad ni dbang pos dul ba ste/ de la dman pa mi 'jug go /chos thams cad ni stobs kyis dul ba ste/ de la 'joms
113a7 pa mi 'jug go /chos thams cad ni byang chub gi yan lag gis dul ba ste/ de la mi shes pa mi 'jug go /chos thams cad ni lam gyis dul ba ste/ de la bya ba ngan pa dang /
113b1 sems pa ngan pa mi 'jug go /chos thams cad ni stobs bcus dul ba ste/ de la bag chags thams cad mi 'jug go /chos thams cad ni mi 'jigs pas dul ba ste/ de la 'jigs
113b2 pa dang / skrag pa thams cad ma mchis so/ /chos thams cad ni ma 'dres pas dul ba ste/ de la rtsol ba thams cad mi 'jug go /chos thams cad ni ye shes kyis dul ba ste/ de la
113b3 ma rig pa mi 'jug go /chos thams cad ni byed pa po ma mchis pas dul ba ste/ de la 'du byed mi 'jug go /chos thams cad ni dmigs pa ma mchis pas dul ba ste/ de la
113b4 rnam par shes pa mi 'jug go /chos thams cad ni sems pa ma mchis pas de la ming dang / gzugs mi 'jug go /chos thams cad gnas ma mchis pas de la skye mched drug
113b5 mi 'jug go /chos thams cad ni mi gnyis pas de la reg pa mi 'jug go /chos thams cad ni rnam par rig pa ma mchis pas de la tshor ba mi 'jug go /chos thams cad ni nga'i
113b6 ma mchis pas de la sred pa mi 'jug go /chos thams cad ni mthu rtsal ma mchis pas de la len pa mi 'jug go /chos thams cad ni lus ma mchis pas de la srid pa mi 'jug go /
113b7 chos thams cad ni 'chi 'pho ma mchis pas de la skye ba mi 'jug go /chos thams cad ni snying po can lags pas de la rga ba mi 'jug go /chos thams cad ni mi zad pas de la
114a1 'chi ba mi 'jug ste/ bcom ldan 'das/ 'di ni byang chub sems dpa' rnams kyi sgrib pa ma mchis pa'i lam lags so/ /lam 'di la
114a2 rnam par gnas pa'i byang chub sems dpa' ni bdud thams cad kyis mi 'phrogs pa lags so/ /phas kyi rgol ba thams cad kyis mi thul ba lags so/ /nyon mongs pa thams cad
114a3 kyis mi rdzi ba lags so/ /sangs rgyas thams cad kyis bsngags pa lags so/ /lha thams cad kyis phyag bgyi ba lags so/ /bcom ldan 'das/ byang chub sems dpa' sems
114a4 dpa' chen po ye shes de lta bu dang ldan pa ni chos kyi gter chen po rnyed pa zhes bgyi'o/ /mi dbul ba zhes bgyi'o/ /de bzhin gshegs pa rnams kyis thugs brtan pa zhes
114a5 bgyi'o/ /de bzhin gshegs pa rnams kyi mdzod 'dzin pa zhes bgyi'o/ /bya ba byas pa dang / byed pa byas pa dang / bdag gi don rjes su thob pa zhes bgyi'o/ /rgya mtsho ltar
114a6 gting tshod mtha' yas pa dang / ri rab ltar mi g.yo ba zhes bgyi'o/ /bcom ldan 'das/ 'di ni chos yang dag par brjod pa lags pa snyam bgyid na/ bcom ldan 'das/
114a7 bdag chos yang dag par brjod pa dang mthun par bgyid lags sam/ bcom ldan 'das kyis bka' stsal pa/ nye ba 'khor/ khyod kyi 'di chos yang dag par brjod pa
114b1 dang mthun te/ chos yang dag par brjod pa 'di la brten nas byang chub sems dpa' sems dpa' chen po mngon par rdzogs par 'tshang rgya'o/ /de nas bcom ldan 'das la tshe dang
114b2 ldan pa kun dga' bos 'di skad ces gsol to/ /bcom ldan 'das/ dam pa'i chos yongs su 'dzin pa ni byang chub sems dpa' rnams kyi gtso bo lags so/ /dam pa'i chos
114b3 yongs su 'dzin pa la brtson pa'i byang chub sems dpa' ni byang chub sems dpa' sangs rgyas mnyes par bgyid pa'o/ /de ci'i slad du zhe na/ sangs rgyas bcom ldan 'das rnams
114b4 ni chos bla mar gyur pa'o/ /bcom ldan 'das/ dam pa'i chos yongs su 'dzin pa gang zhe na/ 'di lta ste/ de bzhin gshegs pas gsungs pa'i mdo sde zab mo rnams lung nod
114b5 pa dang / kha ton bgyid pa dang / don dang tshig sems pa ni byang chub sems dpa'i dam pa'i chos yongs su 'dzin pa lags so/ /bcom ldan 'das/ gzhan yang / sgrub pa yongs
114b6 su 'dzin pa ni byang chub sems dpa'i dam pa'i chos yongs su 'dzin pa lags so/ /de la byang chub sems dpa' rnams kyi sgrub pa gang zhe na/ bcom ldan 'das/ byang chub
114b7 sems dpa' rnams kyi lus kyi las gang ci'ang rung / ngag gi las gang ci'ang rung / yid kyi las gang ci'ang rung ste/ de thams cad ni sems can thams cad la lta bas 'jug
115a1 go |snying rje chen po sngon du 'gro'o/ /snying rje chen po'i dbang du gyur pa'o/ /sems can thams cad la phan pa'i gnas kyi rgyu'o/ /sems can thams
115a2 cad la phan pa dang / bde ba'i lhag pa'i bsam pa las byung ngo / /de la phan pa'i bsam pa 'di lta bus 'du shes 'di ltar 'gyur te/ gang sems can thams cad la phan
115a3 pa sgrub pa dang / bde ba sgrub pa'i sgrub pa de bdag gis bsgrub po snyam mo/ /de phung po rnams la sgyu ma lta bur so sor rtog pa sgrub kyang phung po yongs su dor bar yang mi
115a4 'tshal lo/ /khams rnams la sbrul gdug pa lta bur so sor rtog pa sgrub kyang khams yongs su dor bar yang mi 'tshal lo/ /skye mched rnams la grong stong lta bur so sor
115a5 rtog pa sgrub kyang skye mched yongs su dor bar yang mi 'tshal lo/ /de bzhin du gzugs la dbu ba rdos pa lta bur so sor rtog pa sgrub kyang de bzhin gshegs pa'i gzugs kyi
115a6 sku rnam par sgrub pa'ang mi 'dor ro/ /tshor ba la chu'i chu bur lta bur so sor rtog pa sgrub kyang de bzhin gshegs pa'i bsam gtan dang / ting nge 'dzin dang / snyoms par
115a7 'jug pa'i bde ba sgrub pa'i sbyor ba la mi rtsom pa'ang ma lags so/ /'du shes la smig rgyu lta bur so sor rtog pa sgrub kyang de bzhin gshegs pa'i ye shes bsgrub pa mi
115b1 sgrub pa'ang ma lags so/ /'du byed rnams la chu shing lta bur so sor rtog pa sgrub kyang sangs rgyas kyi chos mngon par 'du bya ba mi sgrub pa'ang ma lags so/ /rnam par shes pa
115b2 la sgyu ma lta bur so sor rtog pa sgrub kyang ye shes sngon du 'gro ba'i lus dang / ngag dang / yid kyi las sgrub pa mi sgrub pa'ang ma lags so/ /sbyin pas rnam par smin pa mi re ba
115b3 sgrub bo/ /tshul khrims kyis sems can tshul khrims 'chal ba yongs su skyob pa sgrub bo/ /bzod pas dul ba dang / zhi ba sgrub bo/ /brtson 'grus kyis dge ba'i chos sgrub pa
115b4 thams cad sgrub bo/ /bsam gtan rnams kyis lus dang / sems yongs su las su rung ba sgrub bo/ /shes rab kyis chos thams cad snang ba sgrub bo/ /dran pa nye bar gzhag
115b5 pa rnams kyis rnam par gzhag pa sgrub pa'o/ /yang dag par spong ba rnams kyis lus dang / sems dri ma med pa sgrub bo/ /rdzu 'phrul gyi rkang pa rnams kyis chags pa med pa'i ye
115b6 shes sgrub bo/ /dbang po rnams kyis theg pa'i mchog sgrub bo/ /stobs rnams kyis phyir mi ldog pa'i byang chub sems dpa' sgrub bo/ /byang chub kyi yan lag rnams kyis the
115b7 tshom med pa sgrub bo/ /lam gyis kha na ma tho ba med pa sgrub bo/ /tshangs pa'i gnas pa rnams kyis drang po sgrub bo/ /bcom ldan 'das/ gzhan yang / gang stong pa nyid sgom
116a1 pa de dam pa'i chos yongs su 'dzin pa lags so/ /de la stong pa nyid ni spros pa ma mchis pa'o/ /bcom ldan 'das/ spros pa la dga' ba ni dam
116a2 pa'i chos yongs su 'dzin pa la dga' ba ma lags so/ /stong pa nyid ni mtshan ma mchis pa'o/ /bcom ldan 'das/ mtshan ma mchis pa la spyod pa ni dam pa'i chos yongs
116a3 su 'dzin pa lags te/ mtshan ma la spyod pa ni dam pa'i chos yongs su 'dzin pa ma lags so/ /stong pa nyid ni smon lam yang dag par chad pa'o/ /bcom ldan 'das/
116a4 smon pa ma mchis pa la spyod pa ni dam pa'i chos yongs su 'dzin pa lags te/ smon lam la gnas pa ni dam pa'i chos yongs su 'dzin pa ma lags so/ /bcom ldan 'das/
116a5 dmigs pa can ni dam pa'i chos yongs su 'dzin pa ma lags so/ /nga 'dzin pa dang / nga yir 'dzin pa la gnas pa ni dam pa'i chos yongs su 'dzin pa ma lags so/ /mngon
116a6 pa'i nga rgyal can ni dam pa'i chos yongs su 'dzin pa ma lags so/ /rnyed pa dang / bkur sti dang / tshigs su bcad pa la gnas pa la ni dam pa'i chos yongs su 'dzin pa ma
116a7 lags so/ /phrag dog dang / ser sna la gnas pa ni dam pa'i chos yongs su 'dzin pa ma lags so/ /'dod pa dang / gnod sems dang / rnam par 'tshe ba med pa ni dam
116b1 ba'i chos yongs su 'dzin pa lags so/ /bcom ldan 'das/ gang dag sems can rnams la tha dad pa'i 'du shes ma mchis pa de dag dam pa'i chos yongs su 'dzin pa lags
116b2 so| |bcom ldan 'das/ gang dag chos rnams skye ba ma mchis pa dang / 'gag pa ma mchis par mthong ba de dag dam pa'i chos yongs su 'dzin pa lags so/ /bcom ldan
116b3 'das/ gang dag sems can rnams 'ong ba ma mchis pa dang / 'gro ba ma mchis par mthong ba de dag dam pa'i chos yongs su 'dzin pa lags so/ /bcom ldan 'das/ gang
116b4 dag bdag kun nas nyon mongs pa'ang ma lags/ rnam par byang ba'ang ma lags par mthong ba de dag dam pa'i chos yongs su 'dzin pa lags so/ /gang dag sangs rgyas kyi
116b5 chos rnams la rjes su chags pa'ang ma mchis/ mu stegs can gyi chos rnams la khong khro ba'ang ma mchis pa de dag dam pa'i chos yongs su 'dzin pa lags so/ /gang dag
116b6 chos kyi phung po brgyad khri bzhi stong 'dzin kyang chos su 'du shes pa'ang ma mchis pa de dag dam pa'i chos yongs su 'dzin pa lags so/ /gang dag nyon mongs pa dang / nye ba'i
116b7 nyon mongs pa thams cad dang / sdig pa mi dge ba'i chos thams cad dang lhan cig mi gnas kyang chos ma lags pa'i 'du shes kyang ma mchis pa de dag dam pa'i chos yongs
117a1 su 'dzin pa lags so/ /gang dag sems rnam par grol yang bdag gi sems rnam par grol ba'o snyam du rlom sems ma mchis pa de dag
117a2 dam pa'i chos yongs su 'dzin pa lags so/ /gang dag sangs rgyas thams cad la bsnyen bkur bgyid kyang lus dang / ngag dang / sems kyi brtul ba'ang ma lags pa
117a3 de dag dam pa'i chos yongs su 'dzin pa lags so/ /gang dag chos thams cad la dbang sgyur yang chos dang / chos ma lags pa'i 'du shes la mi spyod pa de dag dam pa'i chos
117a4 yongs su 'dzin pa lags so/ /gang dag chos thams cad gzung ba'i slad du'am/ spang ba'i slad du'ang ma zhugs pa de dag dam pa'i chos yongs su 'dzin pa lags so/ /gang dag
117a5 thob par bgyi ba'i slad du'am/ mngon sum du bgyi ba'i slad du'ang ma zhugs pa de dag dam pa'i chos yongs su 'dzin pa lags so/ /gang dag yongs su 'dzin pa thams
117a6 cad la sems mi 'dzin pa de dag dam pa'i chos yongs su 'dzin pa lags so/ /gang dag so so'i skye bo'ang ma lags/ slob pa'ang ma lags/ dgra bcom pa'ang ma
117a7 lags/ gang la'ang gnas pa ma lags la/ 'dod chags dang / zhe sdang dang / gti mug kyang zad pa de dag dam pa'i chos yongs su 'dzin pa lags so/ /gang dag byang chub
117b1 tu lung bstan kyang sangs rgyas nyid du'ang mi smon pa de dag dam pa'i chos yongs su 'dzin pa lags so/ /gang dag byang chub kyi snying por mchi'ang thams cad du'ang byang chub
117b2 kyi snying por 'du shes ma mchis pa de dag dam pa'i chos yongs su 'dzin pa lags so/ /gang dag bdud las rnam par rgyal bar bgyid kyang bdud dang / bdud kyi ris rnams
117b3 kyang mi dmigs pa de dag dam pa'i chos yongs su 'dzin pa lags so/ /gang dag byang chub mngon par rdzogs par 'tshang rgya'ang snga na ma mchis pa'i chos kyang mi 'thob pa
117b4 de dag dam pa'i chos yongs su 'dzin pa lags so/ /gang dag chos kyi 'khor lo rab tu bskor yang sems can dang / chos gang yang 'jug pa ma mchis/ ldog pa'ang ma
117b5 mchis pa de dag dam pa'i chos yongs su 'dzin pa lags so/ /gang dag mu stegs byed pa thams cad tshar gcod kyang rtsod pa'ang ma mchis pa de dag dam pa'i chos yongs
117b6 su 'dzin pa lags so/ /gang dag skye yang gsar pa'ang ma lags/ rnying pa'ang ma lags pa de dag dam pa'i chos yongs su 'dzin pa lags so/ /gang dag 'chi ba'ang ma
117b7 mchis/ zad pa'ang ma mchis pa de dag dam pa'i chos yongs su 'dzin pa lags so/ /gang dag khams gsum pa las yang dag par 'da' yang gang du'ang mi mchi ba de
118a1 dag dam pa'i chos yongs su 'dzin pa lags so/ /gang dag brjod pa thams cad brjod kyang mngon par brjod pa'ang ma mchis pa de dag dam pa'i
118a2 chos yongs su 'dzin pa lags so/ /bcom ldan 'das/ gang dag chos thams cad la'ang mi chags la gang las kyang phyir mi phyogs pa de dag dam pa'i chos yongs su 'dzin
118a3 pa lags so/ /bcom ldan 'das/ 'di ni chos yang dag par brjod pa lags pa snyam bgyid na/ bcom ldan 'das/ bdag chos yang dag par brjod pa dang mthun par
118a4 bgyid pa lags sam/ bcom ldan 'das kyis bka' stsal pa/ kun dga' bo/ khyod kyi 'di ni chos yang dag par brjod pa dang mthun no/ /kun dga' bos chos yang dag
118a5 par brjod pa 'di brjod pa na lha'i bu brgyad khri ni bla na med pa yang dag par rdzogs pa'i byang chub tu sems skyes so/ /byang chub sems dpa' sum khri nyi stong ni mi skye ba'i
118a6 chos la bzod pa thob bo/ /dge slong lnga brgya ni len pa med par zag pa las sems rnam par grol lo/ /de nas bcom ldan 'das la byang chub sems dpa' sems dpa' chen po byams
118a7 pas 'di skad ces gsol to/ /bcom ldan 'das/ 'di lta ste/ dper na/ phub ma bor nas 'bras len pa de bzhin du chos ma lags pa bor nas chos 'dzin to/ /de la byang
118b1 chub sems dpa' ser sna bor nas sbyin pa dang / 'chal ba'i tshul khrims bor nas tshul khrims dang / gnod sems bor nas bzod pa dang / le lo bor nas brtson 'grus dang /
118b2 rnam par g.yeng ba bor nas bsam gtan dang / 'chal pa'i shes rab bor nas shes rab 'dzin pa 'di ni chos yang dag par brjod pa lags so/ /bcom ldan 'das/ gzhan
118b3 yang / yid kyis smon pa ni chos ma lags so/ /gang mi smon pa de ni mi 'dzin to/ /gang mi 'dzin pa de mi srung ngo / /gang mi srung ba de kun nas nyon mi mongs so/ /gang kun nas nyon mi
118b4 mongs pa de mi rtsod do/ /gang mi rtsod pa de mi bzod do/ /gang mi bzod pa de rma mi phyin to/ /gang rma mi phyin pa de mi 'jug mi ldog ste/ de ni phyir mi ldog pa lags so/ /bcom
118b5 ldan 'das/ byang chub sems dpa' phyir mi ldog pa la de bzhin du gshegs pa rnams kyis bla na med pa yang dag par rdzogs pa'i byang chub tu lung ston pa 'di ni/ bcom ldan
118b6 'das/ chos lags te/ bcom ldan 'das/ 'di ni chos yang dag par brjod pa lags so/ /bcom ldan 'das/ gzhan yang / byang chub sems dpa' sems dpa' chen po
118b7 'di snyam du sems te/ bdag ni phyir mi ldog pa ste/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam pa de ni de bzhin gshegs
119a1 pas lung mi ston to/ /de ci'i slad du zhe na/ bcom ldan 'das/ 'dod pa ni nyon mongs pa thams cad kyi rtsa ba lags pa'i slad du'o/ /bcom ldan
119a2 'das/ 'dod pa dang bral na nyon mongs pa dang bral te/ nyon mongs pa dang bral ba la lung ston to/ /bcom ldan 'das/ gzhan yang / byang chub sems dpa' 'di snyam du
119a3 'jig rten dang mi mthun pa smra ba ni lung bstan pa'o snyam du sems so/ /de ci'i slad du zhe na/ gang lung bstan pa de ni 'di la ma mchis te/ gang lung ston pa de'ang de bzhin du
119a4 ma mchis so/ /gal te gang lung bstan pa de'ang ma mchis/ gang lung ston pa de'ang de bzhin du ma mchis na 'di la lung bstan par ga la 'gyur/ gzhan du na bcom ldan
119a5 'das thugs rje chen po dang ldan pa 'jig rten dang mthun par 'jug pa ni/ 'di skad du/ sangs rgyas su 'gyur zhes gsung ngo snyam du byang chub sems dpa' gang de ltar shes
119a6 pa de la lung ston to/ /bcom ldan 'das/ 'di lta ste/ dper na/ sgyu ma sprul pas sgyu ma sprul pa la lung bstan kyang sgyu ma sprul pa de 'di ltar bdag sangs rgyas su 'gyur
119a7 bar lung bstan to snyam du mi sems pa de bzhin du/ bcom ldan 'das/ byang chub sems dpa' sgyu ma sprul pa'ang 'gyur ba ma mchis pa lags so/ /de yang 'di snyam du
119b1 sems te/ byang chub ni thob pa'i mtshan nyid kyang ma lags/ dor ba'i mtshan nyid kyang ma lags/ byang chub ni skye ba'i mtshan nyid kyang ma lags/ 'gog pa'i mtshan nyid kyang
119b2 ma lags/ byang chub ni lus kyis kyang mngon par rdzogs par 'tshang mi rgya ste/ sems kyis kyang ma lags/ byang chub ni nang nas kyang ma lags/ slad rol nas kyang ma lags/
119b3 gnyis ka ma mchis pa'i bar nas kyang mi dmigs te/ byang chub ni 'di snyam du bdag byang chub bo/ /bdag la byang chub sems dpa' mngon par rdzogs par 'tshang rgya'o snyam du mi sems
119b4 so snyam pa 'di ni/ bcom ldan 'das /chos yang dag par brjod pa lags so/ /bcom ldan 'das/ gzhan yang / byang chub sems dpa' sa rab tu dga' ba la ni dga' ba'ang ma lags/ mi dga'
119b5 ba'ang ma lags so/ /dri ma med pa'i sa la ni mi 'phel mi 'bri'o/ /'od byed pa'i sa la ni mi rmongs mi lta'o/ /'od 'phro ba can gyi sa la ni mi spong mi 'thob bo/ /shin tu sbyang
119b6 dka' ba'i sa la ni mi skye mi dga'o/ /mngon du gyur gyi sa la ni chags par yang mi 'gyur/ mi chags par yang mi 'gyur ro/ /ring du song ba'i sa la ni mi 'gro mi ldog go /mi g.yo
119b7 ba'i sa la ni mi 'gul ba mi bskyod do/ /legs pa'i blo gros kyi sa la ni mi 'grub mi sgrub bo/ /chos kyi sprin gyi sa la ni mi rtogs rtogs par mi bgyid do/ /sangs rgyas kyi sa la ni
120a1 thams cad mdzad kyang rtsom pa thams cad mi mnga' ste/ de bas na de bzhin gshegs pa ni lhun gyis grub pa spros pa thams cad mi mnga' ba zhes
120a2 bgyi'o/ /bcom ldan 'das/ 'di ni chos yang dag par brjod pa lags so/ /bcom ldan 'das/ ye shes de lta bu dang ldan pa'i byang chub sems dpa' ston pa la dbang
120a3 'thob ste/ ston pa la dbang ba des brjod pa thams cad la mi chags so/ /rnam par dag pa la dbang 'thob ste/ des thams cad du kun nas nyon mi mongs so/ /spobs pa la
120a4 dbang 'thob ste/ des rgyun du chos kyi tshul re re brtsams nas bskal pa brgya stong du ston kyang yongs su mi bas so/ /ye shes la dbang 'thob ste/ des chos kyi tshig re re las rnam
120a5 pa brgya stong du ston to/ /skye ba la dbang 'thob ste/ des gang dang / gang du sems can gyi don du 'gyur ba dang / der skye'o/ /ting nge 'dzin la dbang 'thob ste/ des sems kyi
120a6 skad cig gi sems kyi skad cig la ji lta ba ji lta bur 'tshal ba de lta de lta bur snyoms par 'jug go /byin gyi rlabs la dbang 'thob ste/ des ri dwags dang / bya dang / rtswa dang /
120a7 shing dang / rtsig pa'ang rung ste/ ji ltar byin gyis brlabs pa de thams cad sangs rgyas kyi chos rnams ston to/ /g.yog la dbang 'thob ste/ des g.yog mang po dang / g.yog
120b1 mi phyed par 'gyur ro/ /lta ba la dbang 'thob ste/ des yid du mi mchi ba mi mthong ngo / /nyan par dbang 'thob ste/ des rnam par mi mchi ba mi thos so/ /mnom pa la dbang
120b2 'thob ste/ des dri thams cad chos kyi dri nyid du mnom mo/ /lce la dbang 'thob ste/ des chos kyi zas su 'gyur gyi/ zang zing gi zas su ni ma lags so/ /lus la dbang 'thob ste/
120b3 des chos kyi skur 'gyur gyi/ zang zing gi lus su ma lags so/ /sems la dbang 'thob ste/ des sems can thams cad la tha na sbrang bu dang / grog ma rnams kyi sems dang / spyod
120b4 pa'ang rab tu 'tshal te/ bcom ldan 'das/ 'di ni chos yang dag par brjod pa zhes bgyi'o/ /de nas bcom ldan 'das la byang chub sems dpa' mthong dgas 'di skad ces
120b5 gsol to/ /bcom ldan 'das/ byang chub sems dpas gang sems can rnams kyis mthong ma thag tu dga' bar 'gyur ba de lta de ltar bsgrub par bgyi'o/ /de ci'i slad du
120b6 zhe na/ bcom ldan 'das/ byang chub sems dpa'i bgyi ba gzhan ma mchis kyi/ sems can yongs su smin par bgyi bar bas te/ bcom ldan 'das/ 'di ni byang chub sems
120b7 dpa'i rtsa ba'i chos yang dag par brjod pa lags so/ /bcom ldan 'das/ de bas na byang chub sems dpa' dga' bar bgyi ba'i chos rnams la 'jug par bgyi'o/ /bcom
121a1 ldan 'das/ de la byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ lan du phan 'dogs pa la mi re ba'i
121a2 sbyin pa dang / sems can thams cad la mnyam pa'i sems kyis snyan par smra ba dang / sems can thams cad kyi don ma lags pa sel cing don sgrub pa'i don spyod pa
121a3 dang / sems can thams cad la dga' ba'i bdag nyid kyi don mthun pa ste/ chos bzhi po de dag ni byang chub sems dpa' rnams kyi dga' bar bgyi ba'o/ /gzhan yang /
121a4 byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ nga rgyal ma mchis pa'i mang du thos pa dang / zang zing ma mchis pa'i sems
121a5 kyis chos ston pa dang / ye shes tshol bas bla ma la gus pa dang / sems can thams cad yongs su smin par bgyid pa don du gnyer bas brtson 'grus brtsams pa
121a6 ste| chos bzhi po de dag ni byang chub sems dpa' rnams kyi dga' bar bgyi ba'o/ /gzhan yang / byang chub sems dpa' rnams kyi dga' bar bgyi ba'i chos bzhi
121a7 ste| bzhi gang zhe na/ tshul khrims phun sum tshogs pas chos sbyin pa dang / 'dod pa nyung bas dben par gnas pa dang / dben par gnas pas bsam gtan
121b1 thob pa dang / grong dang / grong khyer dang / grong rdal du 'jug pas spyod lam ma 'khrugs pa ste/ chos bzhi po de dag ni byang chub sems dpa' rnams kyi dga' bar bgyi ba'o/ /gzhan
121b2 yang / byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ bden par smra bas spobs pa dang / chos smra bas stong pa nyid brjod pa dang / bzod pa smra
121b3 bas sems can thams cad la sems mnyam pa dang / 'dul ba smra bas dbang po sdom pa ste/ chos bzhi po de dag ni byang chub sems dpa' rnams kyi dga' bar bgyi ba'o/ /
121b4 gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ legs dgu mchis pas gsong por smra ba dang / ngan ngon tsam gyis chog
121b5 par 'dzin pas mgu sla ba dang / ji skad smra pa de bzhin bgyid pas g.yo ma mchis pa dang / sems can thams cad la mi slu bas sgyu ma mchis pa ste/ chos bzhi po de dag
121b6 ni byang chub sems dpa' rnams kyi dga' bar bgyi ba'o/ /gzhan yang / byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ nang zhi bas
121b7 gnod par mi sems pa dang / phyi rol tu phyin ci ma log pas ma rmongs pa dang / dngos po thams cad la mi rtog par so sor rtog pas mi brkam pa dang / yang dag par ji lta ba
122a1 bzhin du yongs su shes pa dang ldan pas ma khengs pa ste/ chos bzhi po de dag ni byang chub sems dpa' rnams kyi dga' bar bgyi ba'o/ /gzhan
122a2 yang / byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ zab pa'ang lags la gsong por yang smra ba dang / sred pa'ang ma mchis
122a3 la mnyen zhing snyan par yang smra ba dang / lta ba'ang ma mchis la byang chub kyi sems kyang mi 'dor ba dang / don dam pa spyod yul ba'ang lags la kun rdzob kyi bslab pa'i
122a4 rjes su'ang 'jug pa ste/ chos bzhi po de dag ni byang chub sems dpa' rnams kyi dga' bar bgyi ba'o/ /bcom ldan 'das/ 'di ni chos yang dag par brjod pa lags
122a5 so| |bcom ldan 'das/ gzhan yang / byang chub sems dpa' ni don dam pa'i stong pa nyid kyis nges par byung ba/ mngon par shes pa chen po dang / rigs pas nges par
122a6 byung ba/ dbang chen po thob pa/ chos yang dag par brjod pa la mkhas pa/ chos zab mo la dga' ba/ sems can thams cad dang mthun par 'jug pa/ bsam gyis mi
122a7 khyab cing rmad du byung ba'i chos dang ldan pa/ cang shes kyi chos thob pa/ mngon par shes pa chen po/ chos smra ba chen po/ chos kyi rgyal po chen po/ bgyi ba chen po bgyid
122b1 pa| skye bo chen po rten pa/ mngon par shes pa chen pos rnam par rtsen pa/ sems can yongs su smin par bgyi ba'i slad du 'chi 'pho ma mchis kyang skye la/ skye ba ma mchis
122b2 kyang 'chi ba/ bgyi ba bgyis kyang mngon par rdzogs par 'tshang rgya ba/ sems grol yang brtson 'grus rtsom pa/ yongs su mya ngan las 'das kyang spyod pa ngoms kyang tshol ba/
122b3 don du gnyer ba ma mchis kyang sbyor ba thams cad shes kyang gzhan la 'dri ba lags so/ /bcom ldan 'das/ rgya mtsho thams cad kyi gting ni rtogs par rngo thogs kyi/ sems
122b4 can chen po de dag gi theg pa chen po'i ye shes kyi rgya mtsho'i gting ni rtogs par rngo mi thogs so/ /bcom ldan 'das/ nam mkha' ni gzhal bar rngo thogs kyi/ sems can chen
122b5 po de dag gi sems ni gzhal bar mi thogs so/ /bcom ldan 'das/ rlung ni gzung bar rngo thogs gyi/ sems can chen po de dag gi yul ni spyod par rngo mi thogs so/ /bcom
122b6 ldan 'das/ smig rgyu la ni chu rnyed par rngo thogs gyi/ sems can chen po de dag las ngar 'dzin pa dang / nga yir 'dzin pa ni rnyed par rngo mi thogs te/ bcom ldan 'das/ 'di
122b7 ni chos yang dag par brjod pa lags so/ /de nas bcom ldan 'das la sbyang chub sems dpa' mig bzang gis 'di skad ces gsol to/ /bcom ldan 'das/ byang chub kyi
123a1 sems las chos thams cad khong du chud par bgyi'o/ /de ci'i slad du zhe na/ bcom ldan 'das/ chos thams cad ni yongs su rtog pa'i snying po tsam
123a2 du bas te/ sems tsam mo/ /rdzas ma lags pa'o/ /rdzas ma mchis pa'o/ /sgyu ma ltar rtsa ba ma mchis pa'o/ /'dod pas rnam par ba sgrubs pa'o/ /byed pa po dang / tshor pa/
123a3 bo dang bral ba'o/ /mi gnas pa'o/ /gnas dang bral ba'o/ /bcom ldan 'das/ chos thams cad ni thog ma dang ldan pa ma lags pa'o/ /gnyis su ma mchis pa'o//
123a4 gnyis dang bral ba'o/ /bcom ldan 'das/ chos thams cad ni nga yi ba ma mchis pa/ yongs su 'dzin pa ma mchis pa'o/ /chos thams cad ni bdag po ma mchis pa/ chos
123a5 kyi dbyings dang mnyam pa'o/ /chos thams cad ni glo bur du byung ba/ mi gnas pa/ 'dod chags dang bral ba'o/ /chos thams cad ni kun tu rtog pa dang / rnam par rtog pa dang
123a6 bral ba/ rtog pa sel ba dang bral ba'o/ /chos thams cad ni shes par bgyi ba tsam dang / shes pa po stong pa'i phyir blang du ma mchis/ bkur tu ma mchis te/ yongs su
123a7 'tshal bar bgyi ba tsam du bas na/ 'di la byis pa so so'i skye po bdag ma mchis pa rnams la bdag tu 'du shes/ sems can ma mchis pa rnams la sems can du 'du
123b1 shes pa 'di dag chos nyid 'di lta bu 'di khong du chud par bya'o snyam nas/ byang chub sems dpa' gang sems skye pa 'di ni byang chub sems dpa'i byang chub kyi sems zhes
123b2 bgyi'o/ /sems can thams cad la phan pa'i sems dang / bde ba'i sems dang / bla na med pa'i sems dang / chos kyi dbyings las skyes pa'i sems dang / sems can gyi
123b3 khams thams cad la brten nas skyes pa 'di ni byang chub kyi sems zhes bgyi'o/ /bcom ldan 'das/ gzhan yang / sbyin pa'i pha rol tu phyin pas nye bar zhi ba'i sems dang /
123b4 tshul khrims kyi pha rol tu phyin pas zhi ba'i sems dang / bzod pa'i pha rol tu phyin pas rma mi phyin pa'i sems dang / brtson 'grus kyi pha rol tu phyin pas phyin mi ldog pa'i sems
123b5 dang | bsam gtan gyi pha rol tu phyin pas rnam par mi g.yeng pa'i sems dang / shes rab kyi pha rol tu phyin pas rnam par mi rtog pa'i sems dang / byams pas mnyen pa'i
123b6 sems dang / snying rje chen pos mi zlog pa'i sems dang / dga' ba chen pos 'gyod pa ma mchis pa'i sems dang / btang snyoms chen pos dri ma ma mchis pa'i sems dang /
123b7 sbyin pas 'jungs pa ma mchis pa'i sems dang / snyan par smra bas thibs po ma mchis pa'i sems dang / don spyod pas mnyam pa'i sems dang / don mthun pas ltag na ma
124a1 mchis pa'i sems dang / stong pa nyid kyis mi 'gyur ba'i sems dang / /mtshan ma ma mchis pas sgrib pa ma mchis pa'i sems dang / smon
124a2 pa ma mchis pas mi g.yeng ba'i sems dang / byang chub kyi phyogs kyi chos rnams kyis nges par 'byung ba'i sems dang / sangs rgyas rjes su dran pas mi phyed pa'i sems
124a3 dang / chos rjes su dran pas chos kyi dbyings kyi sems dang / dge 'dun rjes su dran pas smon pa ma mchis pa'i sems dang / tshul khrims rjes su dran pas mchog tu
124a4 'dzin pa ma mchis pa'i sems dang / gtong pa rjes su dran pas chags pa ma mchis pa'i sems dang / lha rjes su dran pas dge ba'i tshogs thams cad yang dag par 'grub
124a5 pa'i sems 'di ni byang chub sems dpa' rnams kyi byang chub kyi sems zhes bgyi'o/ /bcom ldan 'das/ bdag gi byang chub kyi sems las brtsams te/ bskal
124a6 pa'am/ bskal pa las lhag par bstan kyang mtha' rtogs par mi 'gyur ro/ /bcom ldan 'das/ de ltar na byang chub sems dpa' rnams kyi byang chub kyi sems bskyed
124a7 pa ni tshad ma mchis pa'i rgyu las byung ba lags so/ /bcom ldan 'das/ de lta bas na byang chub sems dpas byang chub kyi sems las dge ba'i chos thams cad gzung bar
124b1 bgyi ste bcom ldan 'das/ 'di ni chos yang dag par brjod pa lags so/ /de nas bcom ldan 'das la byang chub sems dpa' legs par skyes kyis 'di skad ces gsol
124b2 to| |bcom ldan 'das/ chos thams cad ni rtsa ba yongs su dag pas ma skyes pa'o/ /bcom ldan 'das/ de la chos rnams kyi rtsa ba ci lags zhe na/ mngon par ma zhen pa ni chos/
124b3 rnams kyi rtsa ba'o/ /bcom ldan 'das/ stong pa nyid ni chos thams cad kyi rtsa ba ste/ de la lta bar gyur pa thams cad ma mchis so/ /mtshan ma ma mchis pa ni chos thams cad
124b4 kyi rtsa ba ste/ de la rnam par rtog pa thams cad ma mchis so/ /smon pa ma mchis pa ni chos thams cad kyi rtsa ba ste/ de la khams gsum pa rnams kyi nyon mongs pa rnams ma
124b5 mchis so/ /mngon par 'du mi bgyid pa ni chos thams cad kyi rtsa ba ste/ de la byed pa po ma mchis so/ /bdag ma mchis pa ni chos thams cad kyi rtsa ba ste/ de la bdag tu
124b6 lta ba mi 'byung ngo / /sems can ma mchis pa ni chos thams cad kyi rtsa ba sta/ de la sems can du lta ba kun tu mi 'byung ngo / /srog ma mchis pa ni chos thams cad kyi rtsa ba
124b7 ste| de la srog tu lta ba kun tu mi 'byung ngo / /chos thams cad ni ma skyes pa ste/ de la ther zug tu lta ba kun tu mi 'byung ngo / /chos thams cad ni ma 'gags pa ste/ de la chad par
125a1 lta ba kun tu mi 'byung ngo / /chos thams cad ni dngos po ma mchis ba ste/ de la 'byung bar lta ba kun tu mi 'byung ngo / /chos thams cad ni mya ngan las
125a2 'das pa dang mnyam pa ste/ de la 'jig par lta ba kun tu mi 'byung ngo / /chos thams cad ni byang chub pa ste/ de la sangs rgyas su lta ba kun tu mi 'byung ngo / /chos thams cad ni ma
125a3 bgyis pa ste/ de la chos su lta ba kun tu mi 'byung ngo // chos thams cad ni 'dus pa ma mchis pa ste/ de la dge 'dun du lta ba kun tu mi 'byung ngo / /bcom ldan 'das/ 'di
125a4 ni chos yang dag par brjod pa lags so/ /byang chub sems dpa' ded dpon gyis gsol pa/ bcom ldan 'das/ byang chub sems dpa' ni thog ma kho nar sems can
125a5 thams cad byang chub par 'tshal bar bgyi yi/ bdag nyid ni ma lags so/ /gang sems can gyi slad du thams cad rtsom yang sems can yang mi dmigs la byams pa chen
125a6 po'ang mi 'dor ro/ de la byang chub sems dpa' rnams kyi byams pa chen po gang zhe na/ gang byang chub sems dpa' sems can yang mi dmigs la dge ba'i rtsa ba thams
125a7 cad mngon par 'du bya ba'i go cha'ang mi 'dor zhing / dge ba'i rtsa ba de dag kyang byang chub tu yongs su bsngo ba 'di ni byams pa chen po zhes bgyi'o/ /gang sems can gyi bgyi ba
125b1 rgyun mi gcod pa 'di ni de'i snying rje chen po lags so/ /gang 'khor ba nyid mya ngan las 'das par yang dag par rjes su mthong la lam yang dag par sgrub pa'i brtson 'grus kyang
125b2 mi 'dor ba 'di ni de'i byams pa chen po lags so/ /gang sems can mi gtong ba 'di ni de'i snying rje chen po lags so/ /gang bdag byang chub tu go bgos pa 'di ni de'i byams
125b3 pa chen po lags so/ /gang sems can gzhan yang go cha 'tshal bar bgyid pa 'di ni de'i snying rje chen po lags so/ /gang bdog pa thams cad yongs su gtong bar bgyid ba 'di
125b4 ni de'i byams pa chen po lags so/ /gang bdog pa thams cad yongs su gtong ba la dge ba'i rtsa ba sems can thams cad sangs rgyas nyid thob par bgyi ba'i slad du yongs su
125b5 bsngo ba 'di ni de'i snying rje chen po lags so/ /gang tshul khrims dang / bslab pa dang / dam bcas pa thams cad mi mnyam pa 'di ni de'i byams pa chen po lags so/ /gang
125b6 bdag gi tshul khrims kyis sems can gzhan gyi tshul khrims srung bar bgyid pa 'di ni de'i snying rje chen po lags so/ /gang bdag nyid bzod pa dang / des pa phun su mtshogs
125b7 pa 'di ni de'i byams pa chen po lags so/ /gang bzod pa de dang / des pas sems can 'dul ba 'di ni de'i snying rje chen po lags so/ /gang sangs rgyas kyi byang chub thob par bgyi
126a1 ba'i slad du bdag nyid brtson 'grus shin tu brtsams pa 'di ni de'i byams pa chen po lags so/ /gang brtson 'grus des sems can gzhan
126a2 dag kyang brtson 'grus la rab tu dgod pa 'di ni de'i snying rje chen po lags so/ /gang bdag nyid sems nges par rtog pa la gnas pa 'di ni de'i byams pa chen po lags so
126a3 gang nges par rtog pa des gzhan yang nges par rtog tu 'jug pa 'di ni de'i snying rje chen po lags so/ /gang bdag shes rab yongs su rtog par bgyi ba'i slad du rtsol ba
126a4 'di ni de'i byams pa chen po lags so/ /gang rang gi shes rab kyis sems can gzhan rnams kyi shes rab 'phel bar bgyid pa 'di ni de'i snying rje chen po lags so/ /
126a5 gang brtson pa'ang ma lags/ mi brtson pa'ang ma lags pa 'di ni de'i byams pa chen po lags so/ /gang bgyid pa'ang ma lags/ mi bgyid pa'ang ma lags pa de ni de'i snying
126a6 rje chen po lags so/ /gang skye 'ang mi 'pho ba 'di ni de'i byams pa chen po lags so/ /gang 'pho ba'ang mi g.yo ba 'di ni de'i snying rje chen po lags so/ /gang smra'ang brje da
126a7 pa ma mchis pa 'di ni de'i byams pa chen po lags so/ /gang grol yang 'ching ba'ang mi 'dor ba 'di ni de'i snying rje chen po lags so/ /gang 'tshang rgya'ang / khong du chud
126b1 ba'ang ma mchis pa 'di ni de'i byams pa chen po lags so/ /gang yongs su mya ngan las kyang 'da' la nub par yang mi 'gyur ba 'di ni de'i snying rje chen po lags so/ /gang
126b2 lus kyi ring bsrel phye mar yang 'gyur la rus pa dang / rgyus pa dang / khrag dang / lus kyang ma mchis pa 'di ni de'i byams pa chen po lags so/ /gang ring bsrel de dag
126b3 bas par yang mi 'gyur/ 'phel bar yang mi 'gyur ba 'di ni de'i snying rje chen po lags so/ /gang sbyin pa'ang sbyin la gtong ba'ang mchis pa 'di ni de'i byams pa chen
126b4 po lags so/ /gang smon lam yang 'debs la 'jog pa'ang ma mchis pa 'di ni de'i snying rje chen po lags so/ /gang srung yang sgrub par yang mi bgyid pa 'di ni de'i byams
126b5 pa chen po lags so/ /gang 'phel ba'ang 'phel la lhag par yang mi 'gyur ba 'di ni de'i snying rje chen po lags te/ bcom ldan 'das/ 'di ni chos yang dag par brjod pa
126b6 lags so/ /byang chub sems dpa' 'od tog gis gsol pa/ bcom ldan 'das/ byang chub sems dpa' nges par rtog par bgyi'o/ /bcom ldan 'das/ nges par rtog pa'i
126b7 byang chub sems dpa' la sangs rgyas kyi chos gzhan rnams bdag nyid kyis mngon sum du 'gyur ba'o/ /nges par rtog pa gtso bor bgyid pa'i byang chub sems dpa' ni bde
127a1 bar mngon par rdzogs par 'tshang rgya ba 'thob ste/ de ni gzungs lags so/ /de la byang chub sems dpa' rnams kyi gzungs gang zhe na/ gang gis
127a2 ji ltar thos pa'i chos rnams chud mi gzon pa dang / ji ltar thos pa'i chos rnams 'dzin pa dang / ji ltar thos pa'i chos rnams khong du chud pa dang / gzhan dag kyang
127a3 khong du chud pa dang / gzhan dag kyang khong du chung par bgyid pa 'di ni gzungs zhes bgyi'o/ /gang gis mi g.yo ba dang / mi rtog pa dang / gang gis chos kyi phung po
127a4 brgyad khri bzhi stong 'dzin pa dang / dran par yang mi bgyid/ bskyud par yang mi bgyid pa dang / gang gis sems can thams cad kyi spyod pa 'tshal te/ 'tshal nas kyang
127a5 sems can de dag la de bzhin du 'jug pa dang / gang gis sems can thams cad kyis smras pa thos te/ thos nas kyang 'phags pa ma lags pa'i sgra rnams la snying rje
127a6 chen po rnyed pa dang / 'phags pas smras pa rnams la byams pa chen po rnyed pa dang / gang gis chos kyi tshig gcig bzung nas bskal bar bsten kyang de'i spobs pa mthar
127a7 mi phyin cing bas par mi 'gyur ba dang / gang gis brjod pa dang / mi brjod pa thams cad 'tshal ba dang / gang gis smras pa thams cad sangs rgyas kyis gsungs par 'tshal
127b1 ba dang / gang gis phyogs bcu'i 'jig rten gyi khams dag na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs
127b2 pa thos te/ thos nas kyang thams cad yongs su 'dzin pa dang / de bzhin gshegs pa gcig gi thad na chos nyan kyang de bzhin gshegs pa gnyis kyis chos bstan pa la sgrib
127b3 par yang mi 'gyur ba 'di ni byang chub sems dpa' rnams kyi gzungs zhes bgyi'o/ /mngon par bsgrub pa'i gzungs kyang 'thob ste/ des chos thams cad mngon du ston pa dang /
127b4 chos kyi tshig gcig ji lta ba de bzhin du chos kyi dbyings ma lus par ston kyang des de rgyags par mi 'gyur/ bag ma mchis par mi 'gyur ro/ /lhag par bsdu ba'i gzungs kyang
127b5 'thob ste/ des 'jig rten thams cad kyi bla mar gyur pa'i gtam brjod cing / 'jig rten thams cad kyi bla mar gyur pa'ang lags so/ /sel ba'i gzungs kyang 'thob ste/ des
127b6 sems can thams cad kyi the tshom thams cad dang / nye ba'i nyon mongs pa thams cad sel to/ /lhag par bsdu ba dang / sel ba'i gzungs kyang 'thob ste/ des dkar po'i chos
127b7 rnams 'phel bar bgyid cing nag po rnams zad par bgyid do/ /sgrub pa'i gzungs kyang 'thob ste/ des chos thams cad kyi sgrub pa'ang 'tshal cing de sgrub kyang rnam par rtog
128a1 par yang mi bgyid/ spyod kyang lus dang / sems kyis brtson par yang mi bgyid/ 'chad kyang yi ge rnams sgro 'dogs par yang mi bgyid/ spong
128a2 bar yang sel bar yang mi bgyid/ yongs su rdzogs par bgyid kyang gang du chos gang yang sdud par yang mi bgyid/ nyung ngur yang bgyid la 'grib par yang mi bgyid/ brjod
128a3 par yang bgyid la mngon par brjod pa'ang mchis/ mya ngan las kyang 'da' la 'khor ba las kyang mi g.yo/ 'phags pa nyid kyang thob la so so'i skye bo'i sa las kyang mi
128a4 g.yo| bdud las rnam par rgyal bar yang bgyid la lus dang / sems dang / ngag gis pha rol kyang mi gnon pa 'di ni/ bcom ldan 'das/ byang chub sems dpa' rnams
128a5 kyi chos yang dag par brjod pa lags so/ /byang chub sems dpa' rnam par grol ba'i zla bas gsol pa/ bcom ldan 'das/ chos thams cad ni rnam par grol ba'i
128a6 mtshan nyid de/ de la byang chub sems dpas bcings pa'am/ grol bar yongs su brtag par mi bgyi'o/ /de ci'i slad du zhe na/ bcom ldan 'das/ rnam par grol ba
128a7 ni gang gi'ang ma lags so/ /rnam par grol ba'ang gang yang ma lags so/ /bcom ldan 'das/ rnam par grol ba ni chos gang yang 'phel bar yang mi bgyid/ 'bring
128b1 bar yang mi bgyid do/ /bcom ldan 'das/ rnam par grol ba ni gang nas mi mchi/ bcings pa ni gang du'ang mi mchi'o/ /bcom ldan 'das/ dge slong sems rnam par grol
128b2 ba 'di ltar bdag ni sems rnam par grol ba'o snyam du mi sems te/ gzhan du na ji ltar rnam par grol ba de bzhin du chos thams cad 'tshal to/ /bcom ldan 'das/
128b3 gang 'di ltar 'khor ba ni skyon chags pa/ mya ngan las 'das pa ni rnam par grol ba'o snyam du sems pa 'di ni sems rnam par grol ba ma lags so/ /de ci'i slad du zhe
128b4 na| bdag tu 'dzin pa ni de ltar sems pa'i slad du'o/ /bcom ldan 'das/ gang 'di ltar bdag gi phung po dang / khams dang / skye mched kyis chog gis/ yongs su mya ngan
128b5 las 'da'o snyam pa de ni sems rnam par grol ba ma lags so/ /de ci'i slad du zhe na/ bdag tu 'dzin pa ni de ltar sems pa'i slad du'o/ /bcom ldan 'das/ sems
128b6 rnam par grol ba'i dge slong ni 'di ltar chos thams cad ni rnam par grol ba'i mtshan nyid ni byis pa so so'i skye bo rnams kyis mi shes te/ bdag gis de dag chos nyid
128b7 khong du chud par bya'o snyam du sems lags so/ /bcom ldan 'das/ sems rnam par grol ba'i dge slong ni bdag gis sems rnam par grol ba thob par bya'o snyam du mi
129a1 sems mod kyi/ de'ang 'di ltar shin tu rnam par grol ba'i chos thams cad la rnam par grol ba kun tu tshol ba de rnams la snying rje chen po bya'o
129a2 snyam du sems lags so/ /de ci'i slad du zhe na/ gang rnam par grol ba kun tu tshol ba de dag ni rnam par grol ba mi 'thob pa'i slad du'o/ /bcom ldan 'das/ de bas na
129a3 rnam par grol ba tshol ba'i dge slong gis bcings pa btsal bar bgyi'o/ /gang gis bcings pa yang dag par ji lta ba bzhin du mthong ba de rnam par grol ba la mi rtog ste/
129a4 de sems rnam par grol ba zhes bgyi'o/ /bcom ldan 'das/ 'di ni byang chub sems dpa' rnams kyi chos yang dag par brjod pa lags so/ /de nas bcom ldan 'das la byang
129a5 chub sems dpa' blo gros rgya mtshos de skad ces gsol to/ /bcom ldan 'das/ byang chub sems dpa' nyon mongs pa rnams la 'jig par mi bgyi'o/ /de ci'i slad du zhe
129a6 na| gang na nyon mongs pa mchis pa de na byang chub mchis shing / nyon mongs pa ma mchis pa la byang chub kyang ma mchis pa'i slad du'o/ /stong pa nyid dang / nyon mongs pa
129a7 ni mi gnyis te gnyis su dbyer ma mchis so/ /bcom ldan 'das/ byang chub dang / nyon mongs pa ni mi gnyis te gnyis su dbyer ma mchis so/ /gzhan du na phyin ci log tu
129b1 lhung ba'i sems kyi rgyun gyis byis pa so so'i skye bo rnams pa dag ni nyon mongs so/ /rnam par dag go snyam du 'tshal ba ni ma mchis pa lags so/ /bcom ldan 'das
129b2 yang dag par bzhugs pa'i byang chub sems dpa'i ni nyon mongs pa'ang mi sel nyon mongs pa ma mchis pa'ang mi sgrub bo/ /byang chub sems dpa' nyon mongs pa'i sgo la so sor
129b3 rtog pa ni ting nge 'dzin dang / gzungs kyi sgo 'thob bo/ /bcom ldan 'das/ de bas na nyon mongs pa nyid byang chub sems dpa' dag gi sangs rgyas kyi chos rnams kyi rigs lags
129b4 so| |nyon mongs pa de dag la g.yengs shing phyin ci log tu gyur pa'i blo can byis pa de dag ni ngan song du gzhol ba sdug bsngal myong bar 'gyur ba'o/ /byang chub sems dpa' ni yang
129b5 dag par so sor rtog pas sangs rgyas kyi byang chub khong du chud do/ /bcom ldan 'das/ de bas na byang chub sems dpas rgyun las bzlog ste 'jug par bgyi/ rgyun gyi rjes su 'jug
129b6 par mi bgyi'o/ /bcom ldan 'das/ byang chub sems dpa' ni mya ngan las 'das pa las rnam par grol gyi/ 'khor ba las ni ma lags so/ /de ci'i slad du zhe na/ byang chub sems
129b7 dpas mya ngan las 'das pa la 'jigs par bgyi'o/ /'khor ba la ni ma lags so/ /'khor ba la so sor brtags na sems can rnams la snying rje chen po 'thob bo/ /sangs rgyas kyi
130a1 byang chub kyang 'thob bo/ /mya ngan las 'das pa la yongs su brtags na 'khor ba la zhe 'gras par 'gyur ro/ /byang chub sems dpa' 'khor ba
130a2 la zhe 'gras pa na sangs rgyas kyi byang chub las yongs su nyams so/ /'khor ba na gnas pa rnams la byang chub sems dpa'i byams pa chen po dang / snying rje chen po skye yi/
130a3 mya ngan las 'das pa la gnas pa rnams la ni ma lags so/ /bcom ldan 'das/ mya ngan las 'das pa mya ngan las 'das pa zhes bgyi pa ni yang dag pa ma lags pa yongs
130a4 su rtog pa rab tu zhi ba'i tshig bla dwags lags so/ /bcom ldan 'das/ de bas na mya ngan las 'das pa tshol ba'i byang chub sems dpas yongs su rtog pa nye bar zhi ba btsal
130a5 bar bgyi ste/ de las mya ngan las 'da' ba 'thob par 'gyur ro/ /bcom ldan 'das/ 'di ni chos yang dag par brjod pa lags so// //bam po bdun pa ste tha
130a6 ma| de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /bcom ldan 'das/ byang chub sems dpa' chos
130a7 shin tu mang po la bslab par mi bya'o/ /bcom ldan 'das/ byang chub sems dpas chos gcig rab tu gzung zhing rab tu rtogs par bgyis na/ bcom ldan 'das/
130b1 sangs rgyas kyi chos thams cad de'i lag mthil du mchis pa lags so/ /chos gcig po gang zhe na/ 'di lta ste/ snying rje chen po'o/ /bcom ldan 'das/ snying rje chen pos
130b2 ni sangs rgyas kyi chos thams cad byang chub sems dpa' rnams kyi lag mthil du mchis pa lags so/ /bcom ldan 'das/ 'di lta ste/ dper na/ 'khor los bsgyur ba'i
130b3 rgyal po'i 'khor lo rin po che gang du mchi ba der dpung gi tshogs thams cad mchi'o/ /bcom ldan 'das/ de bzhin du byang chub sems dpa'i snying rje chen po gang du mchi ba
130b4 der sangs rgyas kyi chos thams cad mchi'o/ /bcom ldan 'das/ 'di lta ste/ dper na/ gdugs shar nas sems can rnams kyi bgyi ba thams cad shin tu mang bar 'gyur ro/ /
130b5 bcom ldan 'das/ de bzhin du snying rje chen po gang du shar bar gyur pa der byang chub bgyid pa'i chos kyi bgyi ba gzhan rnams kyang shin tu mang bar 'gyur ro/ /bcom ldan 'das/
130b6 'di lta ste/ dper na/ srog gi dbang po mchis na dbang po gzhan rnams 'byung bar 'gyur ro/ /bcom ldan 'das/ de bzhin du snying rje chen po mchis na byang chub bgyid pa'i
130b7 chos gzhan rnams kyang 'byung bar 'gyur te/ bcom ldan 'das/ 'di ni chos yang dag par brjod pa lags so/ /byang chub sems dpa' blo gros brtan pas gsol pa /
131a1 bcom ldan 'das/ bsam pa phun sum tshogs pa ni chos rnams kyi rtsa ba ste/ gang la bsam pa ma mchis pa de la sangs rgyas kyi chos thams cad
131a2 ring pa lags so/ /bcom ldan 'das/ bsam pa phun sum tshogs pa la ni gal te sangs rgyas mi bzhugs na'ang nam mkha'i dkyil dang / rtsig pa dang / shang rnams las
131a3 chos 'byung ngo / /byang chub sems dpa' bsam pa dag pa ni rang gi yid kyi dpyod pa nyid las gdams ngag dang / rjes su bstan pa thams cad 'byung ngo / /bcom ldan
131a4 'das/ de bas na byang chub sems dpas bsam pa phun sum tshogs par bgyi'o/ /bcom ldan 'das/ 'di lta ste/ dper na/ gang la rkang pa mchis pa de la 'gro ba
131a5 mchis so/ /bcom ldan 'das/ de bzhin du gang la bsam pa mchis pa de la sangs rgyas kyi chos rnams mchis so/ /bcom ldan 'das/ 'di lta ste/ dper na/ yan lag
131a6 gi dam pa mgo gang la mchis pa de la 'tsho ba mchis so/ /bcom ldan 'das/ de bzhin du bsam pa gang la mchis pa de la sangs rgyas kyi byang chub mchis so/ /bcom ldan
131a7 'das/ 'di lta ste/ dper na/ gang la 'tsho ba mchis pa de la rnyed pa mchis so/ /bcom ldan 'das/ de bzhin du gang la bsam pa
131b1 mchis pa de la sangs rgyas rnyed pa mchis so/ /bcom ldan 'das/ 'di lta ste/ dper na/ zhugs shing mchis na zhugs 'bar gyi/ zhugs shing ma mchis na zhugs mi
131b2 'bar ro/ /bcom ldan 'das/ de bzhin du bsam pa mchis pa'i byang chub sems dpa' la sangs rgyas kyi chos rnams 'bar gyi/ bsam pa ma mchis pa la mi 'bar ro/ /bcom
131b3 ldan 'das/ 'di lta ste/ dper na/ sprin chags na char 'bab kyi/ sprin ma chags na char mi 'bab bo/ /bcom ldan 'das/ de bzhin du bsam pa mchis na sangs rgyas kyi chos
131b4 rnams 'byung gi /bsam pa ma mchis na mi 'byung ngo / /bcom ldan 'das/ 'di lta ste/ dper na/ zhugs shing gang rtsa ba nyams pa de la me tog dang / 'bras bu mi 'khrung ngo / /
131b5 bcom ldan 'das/ de bzhin du gang bsam pa log par zhugs pa de la dge ba'i chos thams cad mi 'byung ngo / /bcom ldan 'das/ de bas na byang chub sems dpa' sangs rgyas
131b6 kyi byang chub tshol bas rang gi bsam pa shin tu gzung ba dang / shin tu bsrung ba dang / shin tu spyad par bgyi ste/ bcom ldan 'das/ 'di ni chos yang dag par brjod pa lags
131b7 so/ /byang chub sems dpa' dpal bzang gis gsol pa/ bcom ldan 'das/ byang chub sems dpas chos gang yang 'khrugs par mi bgyi'o/ /bcom ldan 'das/ byang chub
132a1 sems dpas rang gi sems shin tu gzung bar bgyi'o/ /bcom ldan 'das/ byang chub sems dpa'i sangs rgyas kyi chos thams cad ni rang
132a2 gi sems la rag las pa'o/ /bcom ldan 'das/ byang chub sems dpa' gang chos 'ga' zhig 'khrugs par bgyid na/ de tshegs chen pos mi skye ba'i chos la bzod
132a3 pa 'thob par 'gyur ro/ /bcom ldan 'das/ byang chub sems dpa' gang chos gang yang 'khrugs par mi bgyid pa dang / bsam gtan du bgyid pa de ma nyams par
132a4 gnas pa ste/ de bzhin gshegs pa rnams nongs pa ma mchis par 'gyur ro/ /rang gi sems las sangs rgyas kyi chos thams cad rab tu rtogs te/ sems de'ang
132a5 'khrugs par mi bgyid do/ /ji ltar sems de rten cing 'brel par 'byung ba de bzhin chos thams cad kyang rten cing 'brel bar 'byung bar mthong ngo / /ji ltar sems de sgyu
132a6 ma lta bur mthong ba de bzhin du chos thams cad kyang sgyu ma lta bur mthong ngo / /ji ltar sems de nang dang / phyi rol dang / gnyis ka ma mchis par yang yang dag par rjes su
132a7 mi mthong ba de bzhin du chos thams cad yang dag par rjes su mi mthong ngo / /ji ltar sems de gzugs ma mchis/ bstan du ma mchis/ thogs pa ma mchis/ snang ba ma
132b1 mchis/ rnam par rig pa ma mchis/ rten pa ma mchis/ gnas ma mchis par mthong ba de bzhin du chos thams cad kyang mthong ngo / /de ltar mthong ba'i byang chub sems dpa'
132b2 ni sems snyoms pa nyid thob bo/ /de sems snyoms pa nyid thob pas yang mi rtog/ mi ldog/ mi 'dor/ mi 'dzin/ mi smon to/ /gang mi smon pa de mi 'dzin to/ /gang mi
132b3 'dzin pa de yongs su mi 'dzin te/ yang nyon mongs par mi 'gyur ro/ /nyon mongs pa ma mchis pa'i byang chub sems dpa' ni sangs rgyas kyi chos thams cad kyis ston te/ bcom
132b4 ldan 'das/ 'di ni chos yang dag par brjod pa lags so/ /byang chub sems dpa' nam mkha' mdzod kyis gsol ba/ bcom ldan 'das/ byang chub sems dpas gang gis
132b5 sems can rnams la gnod par 'gyur ba'i tshig de smra bar mi bgyi'o/ /gang gis gzhan la gdung bar 'gyur ba'i tshig de smra bar mi bgyi'o/ /byang chub sems dpa' gang
132b6 gzhan gyis 'tshal bar mi 'gyur ba'i tshig de smra bar mi bgyi'o/ /gang gzhan gyi don ma lags pa dang / don ma mchis pa'i tshig de smra bar mi bgyi'o/ /gang gis rig pa mi
132b7 skyed pa'i tshig de smra bar mi bgyi'o/ /gang sems can rnams kyi snying la mi 'bab pa dang / 'khor go pa ma lags pa dang / rnar mi snyan pa'i tshig de smra bar mi bgyi'o/ /gang
133a1 gnyis la spyod par 'gyur ba'i tshig de smra bar mi bgyi'o/ /bcom ldan 'das/ byang chub sems dpas gang stong pa nyid khong du chud par mi
133a2 'gyur ba'i tshig de smra bar mi bgyi'o/ /de ci'i slad du zhe na/ gang stong pa nyid khong du chud par bgyid pa'i tshig de ni tshig thams cad kyi mchog go /bcom ldan 'das/ gang
133a3 chos thams cad stong pa dang / g.yo ba ma mchis pa dang / mi gnyis pa dang / gnyis dang bral bar mthong yang sems can gyi bgyi ba thams cad kyang mi 'dor ba 'di ni de'i
133a4 sgrib pa ma mchis pa'i snying rje chen po lags so/ /yang sgrib pa ma mchis pa'i snying rje chen po spyod pa de sangs rgyas kyi bslab pa rnams la slob bo/ /gang sangs rgyas kyi bslab ba
133a5 rnams la slob pa de ni nam mkha'i mdzod 'thob bo/ /de nas nam mkha'i mdzod thob pas ci 'tshal ba rnams yongs su gtong bar bgyid kyang gtong ba dang / sar sna la gnyis su
133a6 'du shes pa ma lags/ tshul khrims la ma lags/ 'chal pa'i tshul khrims la ma lags/ bzod pa lam lags/ /gnod sems la ma lags/ brtson 'grus lam
133a7 lags/ le lo la ma lags/ bsam gtan la ma lags/ rnam par g.yeng ba la ma lags/ shes rab la ma lags/ 'chal pa'i shes rab la ma lags te/ de sangs rgyas kyi
133b1 chos la'ang mi smon/ so so'i skye bo'i chos kyang yongs su mi 'dor ro/ /bcom ldan 'das/ 'di lta ste/ dper na/ rgya mtsho chen por cha ba 'bab bo 'tshal ba ni/ 'di lta ste/ lan tshwa'i
133b2 ror ro gcig go /de bzhin du byang chub sems dpa' don dam pa la mkhas pa la chos gang dag snang bar 'gyur ba de dag thams cad ni/ 'di lta ste/ rnam par grol ba'i ror ro gcig par 'gyur
133b3 ro| |bcom ldan 'das/ 'di lta ste/ dper na/ gdugs ni dngos po thams cad snang bar bgyid do/ /bcom ldan 'das/ de bzhin du byang chub sems dpa' yang shes rab kyi chos
133b4 thams cad snang bar bgyid do/ /bcom ldan 'das/ chos thams cad ni stong pa nyid du 'gal ba ma mchis te/ /bcom ldan 'das/ byang chub sems dpa' gang de ltar 'tshal
133b5 pa de chos thams cad byang chub tu yang dag par rjes su mthong ngo / /gang chos thams cad byang chub tu yang dag par rjes su mthong ba de gang cung zad smra ba de thams cad sangs rgyas
133b6 kyi gsung du 'tshal to/ /gang de ltar 'tshal ba de chags pa ma mchis par ston to/ /gang chags pa ma mchis par ston pa de spobs pa thogs pa ma mchis pa zhes bgyi ste/
133b7 bcom ldan 'das/ 'di ni chos yang dag par brjod pa lags so/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/
134a1 byang chub sems dpas pha rol tu phyin pa rab tu phye ba lags na/ bcom ldan 'das/ 'jig rten log par 'dzin pa ni/ 'di skad du/ pha rol tu phyin pas byang chub sems
134a2 dpa' rab tu phye'o zhes mchi'o/ /bcom ldan 'das/ gal te pha rol tu phyin pas byang chub sems dpa' rab tu phye ba lags na ni sems can thams cad kyang byang chub sems
134a3 dpar 'gyur ro/ /bcom ldan 'das/ byang chub sems dpa' ni pha rol tu phyin pa skyed pa dang / khong du chud pa lags te/ bskyed nas kyang gzhan dag la'ang yang dag par rang
134a4 tu ston te/ de'i slad du/ bcom ldan 'das/ byang chub sems dpa' ni ma skyes pa'i lam skyed pa/ ma byung ba'i lam 'byin pa/ ma brjod pa rjod pa'o zhes bgyi'o/ /bcom ldan
134a5 'das/ byang chub sems dpa' dag ni pha rol tu phyin pa rnams kyis bsrung ba ma lags kyi/ byang chub sems dpa' rnams la pha rol tu phyin pa srung ba bgyid de/ de'i slad du
134a6 byang chub sems dpa' rnams dam pa'i chos 'dzin pa zhes bgyi'o/ /bcom ldan 'das/ byang chub sems dpa' dag ni pha rol tu phyin pa rnams kyis kun tu bzung ba ma lags
134a7 kyi| byang chub sems dpa' rnams pha rol tu phyin pa kun tu 'dzin par bgyid do/ de'i slad du chos 'dzin pa zhes bgyi'o/ /bcom ldan 'das/ chos thams cad ni ngo bo
134b1 nyid kyis dri ma mchis pas skyon ma mchis pa'o/ /bcom ldan 'das/ chos thams cad ni sems can dang / bdag dben pas gnas pa ma mchis pa'o/ /bcom ldan 'das/ chos thams
134b2 cad ni blang ba dang / dor ba ma mchis pas sems ma mchis pa'o/ /bcom ldan 'das/ chos thams cad ni brtsams pa ma mchis pas yid ma mchis pa'o/ /bcom ldan 'das/ chos
134b3 thams cad ni brtsams pa dang bral bas rnying ba ma lags pa'o/ /bcom ldan 'das/ chos thams cad ni mi g.yo zhing g.yo ba ma mchis pas 'gro ba dang bral ba'o/ /chos thams cad ni
134b4 srog ma mchis pas mi 'chi ba'o/ /chos thams cad ni zas ma mchis pas gso ba ma mchis pa'o/ /chos thams cad ni 'dus nas 'grub pas rdzas ma mchis pa'o/ /chos thams
134b5 cad ni chos kyi dbyings dang dbyer ma mchis pas dman pa ma lags so/ /chos thams cad ni lus ma mchis pas dbyer ma mchis pa'o/ /chos thams cad ni yang dag pa'i mtha' dang
134b6 mtshungs pas rdo rje lta bu'o/ /bcom ldan 'das/ byang chub sems dpa' gang 'di ltar 'tshal pa de chos thams cad kyi chos nyid 'tshal to/ /gang chos rnams kyi chos nyid 'tshal
134b7 ba de stong pa nyid 'tshal ba'o/ /gang stong pa nyid 'tshal ba de su dang yang mi rtsod do/ /gang su dang yang mi rtsod pa de dge sbyong gi chos la gnas pa'o/ /gang dge sbyong gi chos la
135a1 gnas pa de gnas pa ma mchis pa'i gang gnas pa ma mchis pa de yul rnams la mi zag go /gang yul rnams mi zag pa de skyon ma mchis pa'o/ /gang
135a2 skyon ma mchis pa de chos kyi sku'o/ /chos kyi sku gang lags pa de bzhin gshegs pa'o/ /de bzhin gshegs pa gang lags pa de mi gnyis pa gsung ba'o/ /gang mi gnyis pa
135a3 gsung pa de 'khor ba'ang mi spong / mya ngan las 'das pa'ang mi sgrub ste/ gzhan du na yongs su rtog pa thams cad spong ba ston ste/ bcom ldan 'das/ 'di ni chos yang dag par brjod
135a4 pa'o| |phyin ci ma log pa yang dag par brjod pa'o/ /stong pa nyid yang dag par brjod pa'o/ /mtshan ma mchis pa dang / smon pa ma mchis pa dang / mngon par 'du mi bgyid pa dang /
135a5 ma skyes pa dang / ma byung ba yang dag par brjod pa'o/ /skye ba ma mchis pa yang dag par brjod pa'o/ /theg pa chen po yang dag par brjod pa'o/ /chos kyi 'khor lo rab tu bskor ba
135a6 chen po yang dag par brjod pa'o/ /pha rol tu phyin pa chen po yang dag par brjod pa'o/ /sa chen po yang dag par brjod pa'o/ /chos thams cad phyin ci ma log pa yang dag par
135a7 brjod pa'o/ /bcom ldan 'das/ chos yang dag par brjod pa 'di thob pa'i byang chub sems dpa' ni gang du dge ba bcu'i las kyi lam la rab tu 'god pa'i 'khor los bsgyur bar
135b1 'gyur ro/ /sems can thams cad dge bar bgyid pa'i tshong dpon du 'gyur ro/ /khyim gyi skyon rnam par brjod pa'i khyim bdag chen por 'gyur ro/ /lha rnams bag mchis pa la
135b2 rab tu sbyor ba'i lha'i rgyal po brgya byin du 'gyur ro/ /bsam gtan dang / tshad ma mchis pa rnams la rab tu 'god pa'i tshangs par 'gyur ro/ /'jig rten gyi chos rnams kyis yid mi gos
135b3 ba'i 'jig rten skyong bar 'gyur ro/ /mchog tu rtsod pa ma mchis pa'i dge sbyong du 'gyur ro/ /tshangs pa'i yul la mkhas pa'i bram zer 'gyur ro/ /dul zhing g.yog kyang dul bar 'gyur
135b4 ro| |zhi zhing g.yog kyang zhi bar 'gyur ro/ /cang shes shing g.yog kyang cang shes par 'gyur ro/ /dbang chen po thob pa'i thams cad du 'gro bar 'gyur ro/ /the tshom thams cad gcod pa'i
135b5 chos smra ba chen por 'gyur ro/ /nyon mongs pa zad pas mi 'jigs par 'gyur ro/ /bcom ldan 'das/ 'di ni chos yang dag par brjod pa lags so/ /de nas bcom ldan 'das kyis 'jam
135b6 dpal gzhon nur gyur pa la bka' stsal pa/ 'jam dpal khyod dang / byang chub sems dpa' 'di dag dang / nyan thos chen po rnams kyis smras pa 'di sems can gang dag gis khong
135b7 du chud pa de dag ni dge ba'i rtsa ba chung du dang ldan pa ma yin no/ /sangs rgyas gcig la bsnyen bkur byas pa ma yin no/ /dge ba'i rtsa ba gcig gi rgyu las byung ba ma yin no/ /de ci'i phyir zhe
136a1 na| 'jam dpal/ de bzhin gshegs pa rnams kyi byang chub ni zab ste/ brtags pa'i mkhas pa dang / mdzangs pas rig pa'o/ /'jam dpal/ chos kyi rnam
136a2 grangs 'di ni sems can dge ba'i rtsa ba chung du rnams kyis thos par mi 'gyur te/ gang dag gis thos kyang dad par mi 'gyur ro/ /'di la gang lus mngon sum du 'gyur ba dang / gang dge
136a3 ba'i bshes gnyen gyis yongs su zin pa de dag gis thos par 'gyur 'dzin par 'gyur te/ bzod pa'ang thob par 'gyur ro/ /'jam dpal/ chos kyi tshul 'di la ma brten par sangs
136a4 rgyas pa gang yang med do/ /'jam dpal/ sangs rgyas bcom ldan 'das gang dag byang chub mngon par rdzogs par sangs rgyas ba gang+gA'i klung gi bye ma rnyed po de dag thams cad kyang
136a5 chos kyi rnam grangs 'di la brten nas mngon par rdzogs par sangs rgyas so/ /'jam dpal/ gang chos kyi rnam grangs 'di la ma brten par byang chub 'dod pa de dag ni nam mkha' la rnyeb
136a6 pas rnyeb par rig par bya'o/ /chos kyi rnam grangs 'di la ma brten par rjes su mthun pa'i bzod pa'ang thob par mi nus na/ bla na med pa yang dag par rdzogs pa'i byang chub lta smos
136a7 kyang ci dgos/ nga'i nyan thos gang gnyis ka'i cha las rnam par grol ba/ rnam par thar pa brgyad la bsam gtan pa/ so so yang dag par rig pa thob pa de dag kyang chos kyi tshul
136b1 'di la brten nas so/ /'jam dpal/ chos kyi rnam grangs 'di thos nas ngan du bsams te ngan song du skye ba ni sla yi/ gtan gzhan rnams la dad par byas te mtho ris su skye ba ni de lta
136b2 ma yin no/ /de ci'i phyir zhe na/ 'jam dpal/ gang tshul 'di thos nas sems can dmyal bar skyes pa de dag ni rab tu myur bar rnam par thar par gyur te/ mtho ris su skyes pa de dag ni de
136b3 lta ma yin no/ /'jam dpal/ chos bzhi dang ldan na byang chub sems dpas tshul 'di thos par 'gyur te/ bzhi gang zhe na/ des sngon yang tshul 'di thos par gyur la/ thos nas
136b4 kyang rjes su yi rang ba dang / dge ba'i rtsa ba chen pos brtan par 'gyur pa dang / dge ba'i bshes gnyen gyis yongs su zin par 'gyur ba dang / thos pa dang / tshul khrims phun sum
136b5 tshogs par 'gyur ba ste/ 'jam dpal/ byang chub sems dpa' chos bzhi po de dag dang ldan na tshul 'di thos par 'gyur ro/ /'jam dpal/ gzhan yang / byang chub sems dpa'
136b6 chos bzhi dang ldan na tshul 'di thos par 'gyur te/ bzhi gang zhe na/ tshul 'di ni yid la byed pa la rab tu brtson par 'gyur pa dang / las kyis 'jigs pa dang ldan par 'gyur ba
136b7 dang / smon lam btab par 'gyur ba dang / rang bzhin gyis drang zhing mnyen la 'grogs na bde bar 'gyur ba ste/ 'jam dpal/ byang chub sems dpa' chos bzhi po de dag dang ldan
137a1 na tshul 'di thos par 'gyur ro/ /'jam dpal/ chos bzhi dang ldan na tshul 'di thos nas spong bar mi 'gyur te/ bzhi gang zhe na/ byang chub tu smon
137a2 lam btab pa yin/ bzod pa thob pa yin/ lta ba yang dag par zhugs pa yin/ bla na med pa yang dag par rdzogs pa'i byang chub las phyir mi ldog pa yin te/ chos bzhi
137a3 po de dag dang ldan na/ tshul 'di thos nas spong bar mi 'gyur ro/ /'jam dpal/ chos bzhi dang ldan na tshul 'di thos nas dad par 'gyur te/ bzhi gang zhe na/ thos pa phun sum
137a4 tshogs pa yin/ shes rab phun sum tshogs pa yin/ stong pa nyid kyi bsam gtan pa yin/ gzungs thob pa yin te/ chos bzhi po de dag dang ldan na tshul 'di thos nas dad
137a5 par 'gyur ro/ /chos bzhi dang ldan na tshul 'di thos nas rab tu rtogs par 'gyur te/ bzhi gang zhe na/ bsod nams kyi tshogs bsags pa yin/ thos pa'i tshogs bsags
137a6 pa yin/ ye shes kyi tshogs bsags pa yin/ bsam gtan rnams kyis sems las su rung ba yin te/ chos bzhi po de dag dang ldan na tshul 'di thos nas rab tu rtogs
137a7 par 'gyur ro/ /chos bzhi dang ldan na tshul 'di thos nas bla na med pa yang dag par rdzogs pa'i byang chub tu lung bstan pa thob ste/ bzhi gang zhe na/ 'di lta ste/ gzugs
137b1 thams cad sangs rgyas kyi gzugs su yang dag par rjes su mthong ba dang / tshul thams cad sangs rgyas kyi tshul du thos pa dang / 'dod pa thams cad dang bral te chad na sangs rgyas kyi
137b2 byang chub 'dod par 'gyur ba'ang med pa dang / snying rje chen po las kyang rnam par mi ldag pa ste/ 'jam dpal/ byang chub sems dpa' chos bzhi po de dag dang ldan na bla na med pa
137b3 yang dag par rdzogs pa'i byang chub tu lung ston to/ /'jam dpal/ de bas na byang chub sems dpas tshul 'di rgyun mi 'chad par mnyen par bya'o/ /myur du nges par 'byung bar 'dod
137b4 pas kyang tshul 'di mnyan par bya'o/ /lung bstan pa'i sa 'dod pa'i byang chub sems dpas kyang tshul 'di mnyan par bya'o/ /las kyi sgrib pa byang bar 'dod pa dang / nyon mongs pa'i
137b5 sgrib pa dang / shes bya'i sgrib pa dang / 'gro ba'i sgrib pa byang bar 'dod pas kyang tshul 'di mnyan par bya'o/ /de bzhin gshegs pa la bla na med pa'i mchod pa byed par 'dod pas
137b6 kyang tshul 'di mnyan par bya'o/ /dam pa'i chos yongs su gzung bar 'dod pas kyang tshul 'di nyid mnyan par bya'o/ /'jam dpal/ gang chos kyi tshul 'di thos nas 'jug pa dang / mi
137b7 spong ba dang / mi smod par 'gyur ba'i sems can de dag ngas bla na med pa yang dag par rdzogs pa'i byang chub tu lung bstan par bya'o/ /de nas byang chub sems dpa' sems dpa' chen po
138a1 rtsom pa med kyis de'i tshe mu tig gi do shal brgya stong ri ba mgul nas bkrol te/ bcom ldan 'das ga la ba de logs su gtor nas tshig /'di skad
138a2 du| bcom ldan 'das/ sbyin pa'i chos 'dis sems can thams cad de bzhin gshegs pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig
138a3 ces smras so/ /de nas mu tig gi do shal de bcom ldan 'das kyi dbu'i gtsug gi drang thad na khang pa brtsegs pa rnam par bkra ba/ gru bzhi lham pa/ lha dang / mis lta bar byed
138a4 pa| nyan thos chen po de dag dang / byang chub sems dpa' de dag dang / brgya byin dang / tshangs pa dang / 'jig rten skyong ba rnams kyis sngon ma mthong ma thos pa 'dug par
138a5 gyur te/ de bcom ldan 'das gshegs pa'i rjes su 'gro zhing bzhugs pa'i rjes su gnas so/ /de'i tshe lha dang / mi phal cher ngo mtshar du gyur/ rmad du byung bar gyur te/ ya
138a6 mtshan du bya ba skyes nas spyi bor thal mo sbyar te/ bcom ldan 'das la phyag btsal nas mig mi 'dzum par gnas par gyur to/ /de nas byang chub sems dpa' sems dpa'
138a7 chen po rtsom pa med ngo mtshar du gyur nas dga' ba skyes te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das kyi zhabs
138b1 la gtugs nas phyag btsal te/ bcom ldan 'das ga la ba de logs su thal mo sbyar ba btud nas bcom ldan 'das la mngon sum du tshigs su bcad pa 'di dag gis mngon par
138b2 bstod do/ /yon tan mang po kun gyi snod gyur pa/ /sa dang lha yul 'gro ba'i mgon gcig pu/ /bde gshegs shi zhing rab tu zhi la dgyes/ /khyod mtshungs 'jig rten ma mchis
138b3 ga la lhag /blo gros mnyam zhing g.yo med mtshungs par sbyor/ /bdag po thugs rjes rab tu zin pa'i thugs/ /nam mkha'i dkyil ltar thugs ni ma gos te/ /phan ran yang dag bka'
138b4 mchid gsung zhing spyod/ /khyod la dgra dang zun ni mi mnga' ste/ /bdag po dgyes dang mi dgyes yong mi mnga'/ /sman pa bzhin du 'gro ba gso mdzad cing / /thugs rje bskyed nas
138b5 rnam par mi rtog spyod/ /lha min lha dang klu dang nam mkha' lding / /gnod sbyin khyod la skyabs mchis zhi ba thob/ /mgon po srid pa gsum na phan mdzad pa/ /thub pa khyod la
138b6 bdag ni skyabs su mchi/ /bde gshegs khyod ni 'dus ma bgyis mi gzigs/ /zhi thugs zhi la'ang yon tan mi gzigs te/ /gnyis ka'i tshul spangs rnam rtog mi mnga'
138b7 bar| |bdag po mya ngan 'das nas 'jig rten spyod/ /rab zhi'i yon tan rgya mtsho gting tshod yas/ /stobs bcu nyid du yon tan mkhyen par 'gyur/ /sa dang nam mkha' lta bur
139a1 tshad med chos/ /dgon la thal mo sbyar te mgos phyag 'tshal/ /srid pa'i chu bor mi rkyal mi nub cing / /sems can mchog ni mi khyer ma bzhugs
139a2 so| |khyod ni gcig pu srid mtsho'i pha rol gshegs/ /dpe med rgya mtsho'i blo la phyag 'tshal lo/ /pad+ma bzhin du chu yis mi gos pa/ /sa la 'jig rten chos grol rab
139a3 tu gsung / /khyod kyi mkhyen pa su dang mi mtshungs te/ /mtshungs med blo gros khyod la bdag skyabs mchi/ /khyod ni mi mkhyen cung zad 'dir mi mnga'/ /stobs bcu ldan
139a4 pas kun tu yong mi bsnyengs/ /'khor la nga 'dra su'ang med ces gsung / /de slad khyod ni dpa' bo gcig pu rgyu/ /mi gang khyod bka' bdud rtsi snod gyur pa/ /de dag
139a5 mdor na srid pa'i 'jigs dang bral/ /sman pa dam pa mchod 'os 'jig rten mgon/ /thugs rje ldan pa khyod la bdag skyabs mchi/ /de nas bcom ldan 'das la byang
139a6 chub sems dpa' rtsom pa med kyis 'di skad ces gsol to/ /bcom ldan 'das kyis bdag gi bsam pa mkhyen te/ /bcom ldan 'das/ bdag ni bdag gi slad du
139a7 mchod pa mi bgyid kyi/ gang bdag gis de bzhin gshegs pa dgra bcom pa yang dag par rdzogs pa'i sangs rgyas la mu tig gi do shal phul zhing bstod pa dang /
139b1 mchod pa'i dge ba'i rtsa ba 'dis/ bcom ldan 'das/ sems can thams cad sangs rgyas nyid thob par gyur cig /bcom ldan 'das/ 'di ni bdag gi bsam pa lags so/ /
139b2 de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe sangs rgyas bcom ldan 'das 'dzum pa mdzad
139b3 pa de ni/ bcom ldan 'das sgo zhal gyi nas 'od zer kha dog tha dad pa kha dog du ma/ 'di lta ste/ sngon po dang / ser po dang / dmar po dang / dkar po dang / btsod kha dang / shel gyi
139b4 kha dog lta bu byung ste/ de dag gis 'jig rten gyi khams mtha' yas mu med pa 'od kyis snang bar byas nas ngan song du skyes pa'i sems can rnams kyi gdung ba'ang rab tu zhi
139b5 bar byas/ lha dang / mi rnams kyang sim par byas nas slar log ste/ bcom ldan 'das la lan du mar bskor ba byas nas/ bcom ldan 'das kyi dbu'i gtsug tu nub par gyur to//
139b6 'od zer de dag mthong ba'i 'khor de thams cad kyang yid 'dun cing rab tu dga' ba dang / bde ba dang / yid bde ba skyes nas thal mo sbyar te/ bcom ldan 'das ga la ba de logs su
139b7 lus btud nas 'dug te/ bcom ldan 'das 'dzum pa mdzad pa'i rgyu ci yin snyam mo/ /de nas tshe dang ldan pa kun dga' bo stan las langs te/ bla gos phrag pa gcig tu gzar
140a1 nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ tshigs su bcad pa 'di dang
140a2 gis bcom ldan 'das la 'dzum pa mdzad pa'i don zhus pa/ dpa' chen khyod kyis 'dzum mdzad pas/ /lha dang mir bcas 'jig rten 'di/ /khyod kyis 'dzum pa mdzad pa
140a3 la| |the tshom 'tshal nas lta zhing mchis/ /'dod chags bral ba dpa' bo khyod/ /thams cad mkhyen pa rnam par 'dren/ /rgyu ma mchis par 'dzum mi mdzad/ /skyon mi mnga'
140a4 ba 'dzum don gsungs/ /thub pa'i zhal nas 'od btang ba/ /gsal zhing dag la yid du mchi/ /lha mi ngan song mchis pa rnams/ /de yis reg pas bde bar gyur/ /sems
140a5 can chen po khyod zhal nas/ /'od zer dag ni rab btang ba/ /de ni ci zhig don du bstan/ /thugs rje can gyis lung bstan gsol/ /'od zer kha dog dkar po dag /tshems kyi
140a6 phrag nas mdzes byung ba/ /de dag gis ni nyi ma'i zer/ /shin tu mdzes par shar ba dag /gang slad 'jig rten dgar 'gyur ba/ /deng du snag tsha'i mdog bzhin bgyis/ /
140a7 mgon khyod gang la thugs rje zhing / /su yi bskal pa nye bar gnas/ /rgyu dang don ni ma mchis par/ /'dod chags bral ba 'dzum mi mdzad/ /thugs rje thugs kyis lung ston
140b1 te| |the tshom rnam par bsal bar mdzod/ /ji ltar khyod kyi zhal nas su/ /'od zer byung nas slar log ste/ /'od ni 'jig rten mgon po yi/ /dbu yi gtsug tu nub gyur
140b2 pa| |glog ris bzhin du nam mkha' la/ /dge ba dpag med bkra bgyid pa/ /rnam par 'dren pa de dag gis/ /thams cad mkhyen pa'i spyod pa ston/ /de nas bcom ldan
140b3 'das kyis tshe dang ldan pa kun dga' bo la bka' stsal pa/ kun dga' bo/ byang chub sems dpa' sems dpa' chen po rtsom pa med pa 'di bskal pa bcu gnyis na/ lhas
140b4 mngon par bstod pa'i bskal pa la dga' ba chen po'i 'jig rten gyi khams su 'od chen po zhes bya ba'i sangs rgyas su 'gyur te/ rig pa dang / zhabs su ldan pa/ bde bar
140b5 gshegs pa/ 'jig rten mkhyen pa/ skyes bu 'dul ba'i kha lo bsgyur ba bla na med pa/ lha dang / mi rnams kyi ston pa/ sangs rgyas bcom ldan 'das su 'gyur ro/ /kun dga'
140b6 bo| |de bzhin gshegs pa 'od chen po'i tshe'i tshad ni bskal pa gcig thub par 'gyur ro/ /byang chub sems dpa' de dag gi tshe'i tshad ni bar gyi bskal pa bcu gnyis thub par
140b7 'gyur ro/ /kun dga' bo/ 'di lta ste/ dper na/ gzhan 'phrul dbang byed kyi lha rnams kyi longs spyod dang kun spyod pa ltar/ sangs rgyas kyi zhing de'i sems can rnams kyi
141a1 longs spyod pa dang / kun spyod pa'ang de 'dra bar 'gyur ro/ /de nas tshe dang ldan pa rab 'byor gyis byang chub sems dpa' sems dpa' chen po rtsom
141a2 pa med la 'di skad ces smras so/ /rigs kyi bu/ khyod bcom ldan 'das kyis sangs rgyas su 'gyur ro zhes lung bstan pa ni khyod kyis rnyed pa legs par rnyed do/ /byang chub
141a3 sems dpa' rtsom pa med kyis smras pa/ btsun pa rab 'byor/ 'di la su zhig sangs rgyas su 'gyur zhes sam/ rab 'byor gyis smras pa/ rigs kyi bu/ kho bos ni gang
141a4 sangs rgyas su 'gyur ba'i chos de yang dag par rjes su mi mthong ngo / /smras pa/ btsun pa rab 'byor/ gal te gang sangs rgyas su 'gyur ba'i chos de yang dag par rjes su mi
141a5 mthong na khyod sangs rgyas su 'gyur bar lung bstan to zhes bya ba de mi bsting ngam/ rab 'byor gyis smras pa/ rigs kyi bu/ khyod bcom ldan 'das kyis sangs rgyas su 'gyur ro zhes
141a6 lung ma bstan tam/ smras pa/ btsun pa rab 'byor/ don yongs su mkhyen pa bcom ldan 'das kyis 'di skad du sangs rgyas su 'gyur ro/ /zhes gsungs so/ /de la de bzhin gshegs
141a7 pa'i don yongs su mkhyen pa gang zhe na/ byang chub sems dpa' gang byang chub tu smon pa de de bzhin gshegs pa rnams kyis lung mi ston to/ /byang chub sems dpa' gang byang
141b1 chub tu mi smon pa de de bzhin gshegs pa rnams kyis lung ston to/ /de bas na don yongs su mkhyen pa bcom ldan 'das kyis ni sems can rnams kyi dge ba'i rtsa ba bskyed pa'i phyir
141b2 'di skad du/ sangs rgyas su 'gyur ro zhes gsungs na/ khyod ci zhig la ltos bsams nas/ 'di skad du/ sangs rgyas su 'gyur ro zhes smra/ smras pa/ rigs kyi bu/ bcom ldan 'das kyi
141b3 nyan thos kyi tha snyad 'di ni 'jig rten gyi tha snyad do/ /smras pa/ btsun pa rab 'byor/ 'phags pa rnams la 'jig rten gyi tha snyad kyis gdags su med do/ /de ci'i phyir zhe na/ 'phags
141b4 pa tha snyad 'dogs pa ni bden pa'o/ /'jig rten tha snyad 'dogs pa ni log pa'o/ /btsun pa rab 'byor/ de bas na 'jig rten gyi tha snyad log pa 'phags pa rnams la brjod par mi
141b5 'os so/ /btsun pa rab 'byor/ 'jig rten ni bsrung bar bya ba yin te/ don dam pas dngangs su 'ong zhes de la 'phags pa rnams snying rje chen pos bden pa yang dag pa btang
141b6 nas byis pa rnams la log par tha snyad 'dogs kyi 'phags pa rnams la ma yin te/ 'phags pa rnams ni bden pa yang dag pa la dga' ba'o zhes 'phags pa rnams la bden
141b7 pa brjod do/ /'phags pa rnams kyi bden pa gang zhe na/ btsun pa rab 'byor/ shin tu mngon par rdzogs par byang chub pa ni 'phags pa rnams kyi bden pa'o/ /chos thams
142a1 cad ni byang chub kyi rang bzhin te/ 'di ni 'phags pa rnams kyi bden pa'o/ /smras pa/ rigs kyi bu/ sdug bsngal 'phags pa'i bden pa dang / kun
142a2 'byung ba 'phags pa'i bden pa dang / 'gog pa'i bden pa dang / lam gyi bden pa dang / bden pa bzhi med dam/ byang chub sems dpa' rtsom pa med kyis smras pa/ btsun pa
142a3 rab 'byor/ sdug bsngal 'dus byas ma yin nam/ smras pa/ de de bzhin te/ sdug bsngal ni 'dus byas so/ /byang chub sems dpa' rtsom pa med kyis smras pa/ btsun pa rab
142a4 'byor/ bcom ldan 'das kyis 'dus byas thams cad rdzun pa slu ba'i chos so zhes ma gsungs sam/ smras pa/ rigs kyi bu/ de lta'o/ /byang chub sems dpa' rtsom pa med
142a5 kyis smras pa/ gal te sdug bsngal ni 'dus byas te de rdzun pa yin na/ khyod 'di ltar ci zhig las sdug bsngal 'phags pa'i bden pa'o snyam du sems/ rab 'byor gyis smras
142a6 pa| rigs kyi bu/ sdug bsngal ni 'dus byas te rdzun pa'o/ /sdug bsngal yongs su shes pa ni bden pa'o/ /smras pa/ gal te sdug bsngal ni 'dus byas rdzun pa slu ba'i chos
142a7 can te yang dag pa ma yin na de yongs su shes pa'ang bden par rung ngam| rab 'byor gyis smras pa/ rigs kyi bu/ de lta'o/ /byang chub sems dpa' rtsom pa med kyis smras
142b1 pa| btsun pa rab 'byor/ khyod kyi sdug bsngal yongs su shes pa 'phags pa'i bden par ga la 'gyur/ /rab 'byor gyis smras pa/ rigs kyi bu/ 'gog pa ni 'dus ma byas pa
142b2 yin na/ de ci'i phyir 'phags pa'i bden par mi 'gyur/ byang chub sems dpa' rtsom pa med kyis smras pa/ btsun pa rab 'byor/ ci 'gog pa de nyid 'gog pa'i bden pa'am
142b3 'on te chos gzhan 'ga' zhig 'gags pa lags sam/ ci zhig 'gags pas 'gog pa'i bden par yid ches/ rab 'byor gyis smras pa/ rigs kyi bu/ sdug bsngal
142b4 'gog pas 'gog pa'i bden pa zhes brjod do/ /byang chub sems dpa' rtsom pa med kyis smras pa/ gnas brtan rab 'byor gyis sdug bsngal ni 'dus byas te/ rdzun pa slu
142b5 ba'i chos so zhes ma smras sam/ rab 'byor gyi smras pa/ rigs kyi bu/ de lta'o/ /byang chub sems dpa' rtsom pa med kyis smras pa/ btsun pa rab 'byor/ chos gang rdzun
142b6 pa yang dag par ma yin pa de la ni 'gog pa med na khyod kyi sdug bsngal de 'gog par ga la 'gyur/ de skad ces smras pa dang / tshe dang ldan pa rab 'byor gyis byang chub sems
142b7 dpa' sems dpa' chen po rtsom pa med la 'di skad ces smras so/ /rigs kyi bu/ khyod kyi spobs pa la bdag rjes su yi rang ngo / /sems can thams cad kyis kyang khyod kyi
143a1 spobs pa thob par gyur cig /rigs kyi bu/ byang chub sems dpa' rnams kyi bden pa ni gang / bden pa mngon par rtogs pa ni gang / byang chub
143a2 sems dpa' rtsom pa med kyis smras pa/ btsun pa rab 'byor/ chos thams cad ni bden pa'i tshul dang 'gal ba ma yin no/ /de ba na chos thams cad mngon par rtogs pa
143a3 ni bden pa mngon par rtogs pa'o/ /btsun pa rab 'byor/ chos thams cad ni rten cing 'brel par 'byung ba ste/ rten cing 'brel par 'byung ba mngon par rtogs pa ni bden pa
143a4 mngon par rtogs pa'o/ /chos thams cad ni stong pa ste/ stong pa nyid khong du chud pa ni bden pa'o/ /stong pa nyid mngon par rtogs pa ni bden par mngon par rtogs pa'o/ /
143a5 chos thams cad ni ma skyes pa ste/ mi skye ba khong du chud pa ni bden pa'o/ /mi skye ba mngon par rtogs pa ni bden pa mngon par rtogs pa'o/ /btsun pa rab 'byor/ gang du bden
143a6 pa mngon par rtogs pa de la chos gang yang sgrub pa'am spang ba med do/ /btsun pa rab 'byor/ byang chub sems dpa' rnams kyi bden pa mngon par rtogs pa ni chos gang
143a7 yang mngon par mi sgrub ste/ btsun pa rab 'byor/ 'di ni byang chub sems dpa' rnams kyi bden pa mngon par rtogs pa'o/ /btsun pa rab 'byor/ bden pa bden
143b1 pa zhes bya ba 'di ni 'gyur ba med pa'i chos kyi tshig bla dwags so/ /btsun pa rab 'byor/ ci tsam du rtog pa de tsam du log pa ste/ rtog pa dang bral ba ni thar pa'o/ /btsun pa rab 'byor/
143b2 gang gi phyir bcom ldan 'das kyis sangs rgyas su 'gyur ro zhes lung bstan pas khyod rnyed pa legs par rnyed do zhes smras pa ni/ btsun pa rab 'byor/ gang dag rnyed pa legs par
143b3 rnyed pa de dag la ni lung mi ston to/ /gang dag rnyed pa legs par ma rnyed cing rnyed pa med pa de dag la ni lung ston to/ /gang dag rnyed pas dga' bar mi sems shing ma rnyed pas
143b4 sro shi bar mi 'gyur ba de dag la lung ston to/ /gang dag 'khor ba las kyang mi g.yo la mya ngan las 'das pa'ang thob par 'gyur ba de dag la lung ston to/ /gang dag so so'i skye
143b5 bo'i chos rnams las kyang mi g.yo la nges par gyur pa'ang thob par 'gyur ba de dag la lung ston to/ /gang dag lung bstan pa thos na dga' bar mi sems pa de dag la lung ston to/ /
143b6 rab 'byor gyis smras pa/ rigs kyi bu/ khyod kyis khong du chud pa 'di zab bo/ /smras pa/ btsun pa rab 'byor/ gang dag rtogs pas khong du chud pa mthong ba de dag gi khong du chud pa
143b7 zab bo| /rab 'byor gyis smras pa/ khong du chud pa 'di blta dka'o/ /smras pa/ btsun pa rab 'byor/ lta 'dod pa rnams kyis so/ /rab 'byor kyis smras pa/ khong du chud pa 'di
144a1 rtogs par dka'o/ /smras pa/ btsun pa rab 'byor/ mi brtson pa rnams kyis so/ /smras pa/ rigs kyi bu/ tshul 'di la su zhig 'jug par 'gyur/ smras
144a2 pa| gang dag sangs rgyas mang po la bsnyen bkur byas par 'gyur ba dang / dge ba'i rtsa ba ma bskyed pa ma yin pa dang / sangs rgyas byung ba la bsnyen bkur byas pa rnams kyi rna
144a3 lam du chos kyi rnam grangs 'di grag par 'gyur ro/ /rab 'byor kyis smras pa/ rigs kyi bu/ ji ltar na sangs rgyas la bsnyen bkur byas pa yin/ smras pa/ gang sgrub pa sten pa'o/
144a4 smras pa/ rigs kyi bu/ sgrub pa la gnas pa ji ltar rig par bya/ smras pa/ gang sems can rnams la log par mi sgrub pa'o/ /smras pa/ sems can rnams la log par mi
144a5 sgrub pa ji lta bu/ smras pa/ gang byams pa chen po dang / snying rje chen po mi 'dor ba'o/ /rab 'byor gyis smras pa/ byang chub sems dpa' rnams kyi byams pa chen po gang /
144a6 smras pa/ gang lus dang / srog dang / dge ba'i rtsa ba thams cad sems can thams cad la byin yang lan du phan 'dogs pa la mi re ba'o/ /smras pa/ byang chub sems dpa' rnams
144a7 kyi snying rje chen po gang / smras pa/ gang thog ma kho nar sems can rnams byang chub par 'dod kyi bdag ni ma yin no/ /bstan pa 'di bshad pa na srog chags bdun khri drug stong ni bla na med pa
144b1 yang dag par rdzogs pa'i byang chub tu sems bskyed do/ /dge slong nyis brgya ni len pa med par zag pa las sems rnam par grol lo/ /yang de'i tshe lha'i bu bzang sems zhes bya ba
144b2 'khor de nyid du 'dus par gyur nas 'dug pa des/ bcom ldan 'das la 'di skad ces gsol to/ /bcom ldan 'das/ byang chub sems dpa'i sangs rgyas kyi byang chub kyi rtsa
144b3 ba'i rten gyi gnas gang lags/ bcom ldan 'das kyis bka' stsal pa/ lha'i bu/ sangs rgyas kyi byang chub kyi rtsa ba'i rten gyi gnas ni bsam pa phun sum tshogs pa'i sems
144b4 bskyed pa'o/ /lha'i bu bzang sems kyis gsol pa/ de ltar byang chub tu sems bskyed pa'i spyod yul gang lags/ bcom ldan 'das kyis bka' stsal pa/ gang sbyin pa'ang spyod
144b5 yul la rnam par smin pa la re ba med pa la'ang mngon du phyogs pa yin/ tshul khrims ma nyams pa'ang spyod yul la rnam par mi rtog pa'i tshul khrims la'ang mngon du phyogs pa
144b6 yin| bzod pa'ang spyod yul la mi gnyis pa'i chos la'ang mngon du phyogs pa yin/ brtson 'grus kyang spyod yul la brtsam pa med pa la'ang mngon du phyogs pa yin/ bsam
144b7 gtan yang spyod yul la shin tu snyoms par zhugs pa'i chos thams cad la'ang mngon du phyogs pa yin/ shes rab kyang spyod yul la spros pa med pa la'ang mngon du phyogs
145a1 pa yin/ thos pa yongs su tshol ba la'ang spyod yul la brjod du med pa'ang mngon du phyogs pa yin/ zhi gnas kyang spyod yul la shin tu zhi ba dang /
145a2 rab tu zhi ba la'ang mngon du phyogs pa yin/ lhag mthong yang spyod yul la chos thams cad bstan du med pa la'ang mngon du phyogs pa yin/ dran pa nye bar gzhag pa'ang spyod
145a3 yul la dran pa med cing yid la byed pa med pa la'ang mngon du phyogs pa yin/ yang dag par spong ba'ang spyod yul la mngon par 'du mi byed pa la'ang mngon du phyogs pa yin/
145a4 rdzu 'phrul gyi rkang pa'ang spyod yul la smon pa thams cad yang dag par chad pa la'ang mngon du phyogs pa yin/ dbang po'ang spyod yul la dbang po las 'das pa'i chos rnams
145a5 la'ang mngon du phyogs pa yin/ stobs kyang spyod yul la dbyer med pa'i chos la'ang mngon du phyogs pa yin/ byang chub kyi yan lag kyang spyod yul la sangs rgyas kyi byang chub
145a6 la mngon du phyogs pa yin/ lam yang spyod yul la lam ngan par zhugs pa'i sems can yongs su bskyab pa la'ang mngon du phyogs pa yin/ sems can yongs su smin
145a7 par bya ba'ang spyod yul la chos thams cad la'ang mngon du phyogs pa yin/ 'dul ba'ang spyod yul la chos thams cad shin tu dul bar bsgom pa la'ang mngon du phyogs
145b1 pa yin/ pha rol tu phyin pa'ang spyod yul la pha rol dang / tshu rol la mi chags pa la'ang mngon du phyogs pa yin/ 'khor ba'ang spyod yul la mya ngan las 'das pa la'ang mngon
145b2 du phyogs pa yin/ mya ngan las 'das pa'ang spyod yul la mngon par 'du byed pa la'ang mngon du phyogs pa yin/ skye ba'ang spyod yul la ma skyes pa dang / ma byung ba'ang mngon
145b3 du phyogs pa yin/ phung po'ang spyod yul la nyon mongs pa med pa la'ang mngon du phyogs pa yin/ khams kyang spyod yul la dbyer med pa la'ang mngon du phyogs pa yin/ skye
145b4 mched kyang spyod yul la 'phags pa'i skye mched la'ang mngon du phyogs pa yin/ chos nyan pa'ang spyod yul la nges par sems pa la'ang mngon du phyogs pa yin/ chos ston pa'ang
145b5 spyod yul la brjod du med pa la'ang mngon du phyogs pa yin/ gzugs kyi sku rnam par sgrub pa'ang spyod yul la chos kyi sku la'ang mngon du phyogs pa yin/ chos kyi 'khor lo
145b6 rab tu bskor ba'ang spyod yul la 'jug pa med pa dang / ldog pa med pa la'ang mngon du phyogs pa yin/ nyan thos kyang spyod yul la sangs rgyas kyi chos rnams la'ang mngon du
145b7 phyogs pa yin/ rang sangs rgyas kyang spyod yul la sangs rgyas dang byang chub sems dpa'i spyod pa la mngon du phyogs pa yin te/ lha'i bu/ 'di ni byang chub sems dpa'i spyod
146a1 yul zhes bya'o/ /lha'i bu bzang sems kyis gsol pa/ byang chub sems dpa'i cho ga gang lags/ bcom ldan 'das kyis bka' stsal pa
146a2 bdag bde ba la mi lta ba dang / sems can gzhan bde ba la gtong ba dang / 'khor ba na gnas shing tshul khrims dang / thos pa dang / bag yod pa dang / mya ngan las 'das pa
146a3 la gnas shing snying rje chen po las phyir mi ldog pa dang / mya ngan las 'das pa lag mthil du 'ongs kyang thob par mi byed pa dang / sems can yongs su smin par bya ba'i phyir
146a4 'khor ba nyid kyi rjes su 'brang ba dang / sems can thams cad rjes su srung ba dang / sems can thams cad la dad pa mtshungs pa dang / sems can thams cad mtshungs par
146a5 dad par byed pa dang / sems can thams cad la bsam pa mtshungs pa dang / 'ged pa'i rang bzhin can dang / zang zing med pa'i chos ston pa dang / rung ba la tshod shes pa
146a6 dang | dben pa la mngon par dga' zhing tshul bzhin yid la byed pa dang / skye bo mang po'i drung du gnas shing chos yang dag par ston pa la snyom las med pa dang / grong
146a7 dang / grong khyer du zhugs nas byams pa la mngon par phyogs pa dang / rnyed pa dang / bkur sti la mngon par mi dga' ba dang / 'jig rten pa'i 'du 'dzi las 'byol ba dang /
146b1 rigs pa dang bcas shing snyan pa dang / 'jam por smra ba dang / sangs rgyas dang / chos dang / dge 'dun rnams la dngos po thams cad kyis phyag 'tshal ba dang / gsong por smra ba
146b2 dang | khro gnyer med pa dang / rtag tu gzhan gyi don la dga' ba dang / thams cad du sems chags pa med pa dang / yongs su 'dzin pa thams cad la mngon par mi dga' ba dang / /
146b3 'phags pa'i skye bo dang 'grogs pa dang / 'phags pa ma yin pa'i skye bo rnam par spong ba dang / sangs rgyas la bdag nyid tsam du phangs par sems pa dang / chos la srog tsam du
146b4 gces par 'dzin pa dang / sgrub pa la yan lag gi dam pa mgo tsam du gces par sems pa dang / chos gos dang / bsod snyoms dang / mal cha dang / na ba'i gsos sman dang /
146b5 yo byad ngan don gyis cho ga par sems pa dang / slob dpon dang / mkhan po rnams la ston pa tsam du phangs par sems shing srog gi phyir yang yongs su mi gtong ba dang / lung
146b6 nod pa dang / kha don la brtson pa dang / nam gyi cha stod dang / nam gyi cha smad la mi nyal bar rnal 'byor la brtson pa dang / bsam gtan dang / ting nge 'dzin dang / snyoms par
146b7 'jug pa mngon du byed pa dang / ji ltar thos pa'i chos rnams tshul bzhin so sor rtog pa dang / shes rab kyis rab tu rtogs par byed pa dang / sems la rnyog pa med pa dang /
147a1 bdog pa thams cad yongs su gtong ba dang / nang du so sor rtog pa dang / phyi rol tu mi rgyug pa dang / lus yongs su gtong ba dang / zhe sdang rnam par spong ba
147a2 dang | gti mug rnam par 'jom pa dang / shes rab 'bar bar byed pa dang / so sor thar pa'i sdom pa dang / dul ba las phyir mi 'da' ba dang / thams cad du sems can shes
147a3 pa dang / thams cad du shes bzhin dang ldan pa dang / sems phyin ci ma log pa dang / sems dri ma med cing 'od gsal ba dang / rtag tu pha rol tu phyin pa rnams la rab tu
147a4 brtson pa dang / brtson pa mi 'dor ba dang / rtag tu dge ba gang yin tshol zhing ji ltar thos pa'i chos rnams chud mi gzon pa dang / gzhan dag la'ang yang dag par rab tu ston pa
147a5 dang | sems zang zing med pa dang / rtag tu dbang po bsdams pa dang / rtag tu sems mnyam par bzhag pa dang / mya ngan las 'das pa la gzhol ba dang / 'khor ba mi gtong ba
147a6 dang | rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal gyis mi sgul pa dang / thams cad du tshod shes pa dang / thams
147a7 cad du dran pa nye bar gzhog pa dang / sbyin pas longs spyod che ba dang / tshul khrims kyis lha dang / mir skyes dang / bzod pas mdzes pa dang / brtson 'grus kyis nyon mongs pa yongs
147b1 su 'dor ba dang / bsam gtan rnams kyis sems las su rung ba dang / shes rab kyis 'jig rten pa dang / 'jig rten las 'das pa'i chos rnams rab tu rtogs pa dang / bsdu ba'i
147b2 dngos po rnams kyis kha na ma tho ba med pa dang / tshangs pa'i gnas pa rnams kyis dul ba dang / bden pa dang / gtong ba dang / nye bar zhi ba dang / shes rab kyi byin gyi rlabs rnams
147b3 kyis sems shin tu dul ba dang / bsam gtan rnams kyis sems yid du 'ong ba dang / ting nge 'dzin rnams kyis zab pa dang / 'phags pa'i bden pa rnams kyis yang dag pa ji lta ba
147b4 bzhin du yongs su shes pa dang / stong pa nyid sgom pas lta ba dang bral ba dang / mtshan ma med pa sgom pas rnam par mi rtog pa dang / smon pa med pa sgom pas yongs su 'dzin pa med pa
147b5 dang | pha rol tu phyin pa sgom pas theg pa chen po rtogs par khong du chud pa dang / thabs kyi pha rol tu phyin pas thams cad mkhyen pa'i ye shes la gtod pa dang / byang chub sems dpa'i sa
147b6 bcu po rnams kyis byang chub sems dpa'i spyod pa yongs su skong ba dang / dge ba'i bshes gnyen yongs su tshol bas yon tan thams cad skye ba'i sgo dang / slob dpon dang / mkhan po
147b7 dang | bla ma la sri zhu byed pas sangs rgyas thams cad mnyes par byed pa dang / rang gi lus dang / sems yongs su shes pas thams cad shes pa nyid dang / nga rgyal med pas gzi brjid
148a1 dang ldan pa dang / sems can thams cad la bdud cing phyag 'tshal bas spyi gtsug bltar mi mthong ba dang / cho ma cho dgu byin pas mtshan yongs su rdzogs
148a2 pa dang / sems can thams cad dang mthun par 'jug pas dpe byad bzang po yongs su rdzogs pa dang / theg pa chen po yang dag par rab tu ston pas cang shes pa'i sa dang / byang chub
148a3 kyi sems yang dag par rab tu ston pas phyir mi ldog pa'i sa dang / stong pa nyid rab tu ston pas bag chags yang dag par 'joms pa dang / chos byin pas so so yang dag par rig
148a4 pa thob pa dang / dran pa rab tu byin pas gzungs thob pa dang / chos khong du chud pas spobs pa thob pa dang / spobs pa nye bar bsgrub pas phyad par lung ston pa dang / nyam chung ba rnams
148a5 la bzod pas srid med kyi bu'i lus thob pa dang / tshul khrims 'chal ba rnams la bzod pas mthong ma thag tu sems can thams cad dang par 'gyur ba dang / gzhan dag gis gnod
148a6 sems rab tu zhi bar byed pa dang / rtag tu mnyam par bzhag pa dang / brtson 'grus brtsams pa mngon par shes par 'gyur ba dang / ting nge 'dzin rab tu bzhin pas 'doms kyi
148a7 spa ba spubs su nub pa dang / spyod lam yang dag par rab tu byin pas kun tu mdzes pa dang / dge ba'i bshes gnyen la sbyor bas sangs rgyas dang / byang chub sems dpa' dang
148b1 nyan thos dang / rang sangs rgyas rnams dang 'grogs pa dang / 'dod pa yongs su gtong bas 'jig rten thams cad yid ches pa dang / khro ba yongs su 'dor bas 'jig rten thams cad dga' ba
148b2 dang | phrag dog yongs su 'dor bas rnyed pa thams cad kyi mchog dang / grags pa'i mchog dang / gnas byin pas 'jig rten thams cad rton pa dang / rnyed pa dang / bkur sti dang / tshigs
148b3 su bcad pa rab tu byin pas chos la rab tu dga' ba dang / grags pa'i sgra dang / gsong por smra bas ngag yongs su dag pa dang / snyan par smra bas tshangs pa'i sgra dang / 'jam por smra bas
148b4 bya ka la ping+ka'i sgra skad dang / khong khro ba med pa'i sems kyis 'jig rten thams cad du grags pa dang / sems can thams cad la mi slu bas dbang gcig por 'gyur ba dang / ltung ba mi
148b5 gleng bas mngal gyi gnas las yang dag par 'da' ba dang / srog gcod pa spong pas tshe dpag tu med pa dang / rkun po yongs su spong bas nam mkha'i mdzod dang / sdug pa'i dngos po
148b6 yongs su gtong bas lag na rin po che dang / byang chub tu yongs su bsngo bas longs spyod mi zad pa dang / 'dod pa la log par g.yem pa yongs su spong bas skyes bu chen po dang / brdzun
148b7 du smra ba yongs su spong bas ngag gi gsang ba thob pa dang / phra ma yongs su spongs bas 'jig rten thams cad kyi ston pa dang / ngag rtsub po yongs su spong bas 'jig rten gyis bstod pa'i
149a1 snod dang / tshig kyal pa mi smra bas g.yog mi phyed pa dang / brnab sems yongs su spong bas gter chen po rnyed pa dang / gnod sems yongs su spong
149a2 bas stegs su gyur pa dang / log par lta ba yongs su spong bas 'jig rten thams cad rton pa dang / chos rgya chen po la sbyor bas stobs bcu nyid dang / sbyin pa thams cad kyi rnam
149a3 par smin pa la mi re bas sangs rgyas kyi chos phyir mi ldog pa thob pa dang / kun tu 'dzin pa thams cad yongs su gtong bas mi 'jigs pa thob pa ste/ rigs kyi bu/ ngas bskal pa'ang //
149a4 bskal pa las lhag par byang chub sems dpa'i cho ga bstan kyang mthar phyin par mi 'gyur ro/ /de ltar byang chub sems dpa' rnams kyis cho ga tshad med de/ 'di ni byang chub sems
149a5 dpa'i cho ga zhes bya'o/ /rigs kyi bu/ de ltar na cho ga dang / spyod yul phun sum tshogs pa yin no/ /de ltar cho ga dang / spyod yul phun sum tshogs pa'i byang chub sems dpa' ni
149a6 sangs rgyas kyi byang chub rnyed par dka' ba'i 'du shes can ma yin no/ /lha'i bu bzang sems kyis gsol pa/ bcom ldan 'das/ ji ltar na byang chub sems dpa' shes bzhin
149a7 dang ldan pa zhes bgyi/ bcom ldan 'das kyis bka' stsal pa/ lha'i bu/ gang byang chub sems dpa' rtag tu ting nge 'dzin mi 'dor la/ ting nge 'dzin gyi dbang gis kyang mi
149b1 skye ba dang / ting nge 'dzin las log nas gang du sems can gyi don bya ba der skye ba ste/ rigs kyi bu/ de ltar na byang chub sems dpa' she bzhin dang ldan pa zhes bya'o/ /lha'i bu
149b2 bzang sems kyis gsol pa/ bcom ldan 'das/ ji ltar na byang chub sems dpa' dpen pa zhes bgyi/ bcom ldan 'das kyis bka' stsal pa/ lha'i bu/ byang chub sems dpa'
149b3 gang thams cad de bzhin nyid dang / yang dag pa'i mtha' dang / chos kyi dbyings su mthong ba de skye bo mang po'i nang du song yang dben par shes par bya ste/ rigs kyi bu/ de ltar na byang
149b4 chub sems dpa' dben pa zhes bya'o/ /gang gnyis la blo mi 'jug pa de ni shin tu dben pa zhe bya'o/ /lha'i bu bzang sems kyis gsol pa/ bcom ldan 'das/ ji ltar na byang
149b5 chub sems dpa' mnyam par gzhag pa zhes bgyi/ bcom ldan 'das kyis bka' stsal pa/ lha'i bu/ nam byang chub sems dpa' yid kyis smon pa thams cad bral zhing chos gang
149b6 yang gzung par ram/ spang bar yang dag par rjes su mi mthong la/ da gang dang / gang yang dag par rjes su mthong ba de dang / de stong pa dang / yang dag pa ma yin par mthong ba ste/ lha'i
149b7 bu| de ltar na byang chub sems dpa' mnyam par gzhag pa zhes bya'o/ lha'i bu bzang sems kyis gsol pa/ bcom ldan 'das/ ji ltar na byang chub sems dpa' thams cad
150a1 du 'gro ba zhes bgyi/ bcom ldan 'das kyis bka' stsal pa/ lha'i bu/ byang chub sems dpas gang bdag dang / sems can thams cad stong pa nyid du
150a2 mnyam par yang dag par rjes su mthong pa'o/ /lha'i bu/ de ltar na byang chub sems dpa' thams cad du 'gro ba zhes bya'o/ lha'i bu bzang sems kyis gsol pa/ bcom ldan
150a3 'das/ ji ltar na byang chub sems dpa' dul ba zhes bgyi/ bcom ldan 'das kyis bka' stsal pa/ gang rnam par rtog par rnams kyis mi 'phrogs pa'o/ lha'i bu bzang
150a4 sems kyis gsol pa/ ji ltar na zhi ba zhes bgyi/ bcom ldan 'das kyis bka' stsal pa/ gang kun nas nyon mongs par yang mi 'gyur rnam par byang bar yang mi 'gyur ba
150a5 de zhi ba zhes bya'o/ /lha'i bu bzang sems kyis gsol pa/ ji ltar bcom ldan 'das kyis gsungs pa'i don bdag gis 'tshal ba ltar na/ byang chub sems dpa'i byang
150a6 chub ni rang gi kha na las pa lags so/ /byang chub sems dpa' ni ji lta ji ltar kun nas nyon mongs pa yongs su spong ba de lta de lta sangs rgyas kyi chos rnams yongs su
150a7 'dzin to/ /bcom ldan 'das/ sangs rgyas kyi chos rnams ni gang nas kyang blang ba ma lags/ gang du'ang bkur ba ma lags so/ bcom ldan 'das/ chos thams cad la ye
150b1 shes rnam par dag pa ni byang chub ste/ bcom ldan 'das/ de ltar bzod pa'i rjes su zhugs pa ni byang chub kyi spyod pa lags so/ /gang 'di ltar shes pa de ni thams cad mkhyen pa lags
150b2 so| |bcom ldan 'das/ gang dag mnyam pa nyid 'di la zhugs pa de dang / de dag ni/ bcom ldan 'das/ sbyin pa phun sum tshogs pa lags so/ /gang dag chos mnyam pa nyid 'di la
150b3 bsten pa de dang / de dag ni tshul khrims phun sum tshogs pa lags so/ /gang dag chos mnyam pa nyid 'di nyid la bzod pa de dang / de dag ni bzod pa phun sum tshogs pa lags so/ /gang
150b4 dag chos kyi rnam grangs 'di la thos pa dang / sems pa dang / bsgom pa la brtson pa de dang / de dag ni brtson 'grus phun sum tshogs pa lags so/ /gang dag chos mnyam pa nyid
150b5 'di la nges par rtog pa de dang / de dag ni bsam gtan phun sum tshogs pa lags so/ /gang dag chos mnyam pa nyid 'di rnam par dpyod pa de dang / de dag ni shes rab dang ldan pa lags
150b6 so| |bcom ldan 'das/ chos kyi rnam grangs 'di la gang dad pa rnyed pa de dag gis de bzhin gshegs pa mthong ngo / /de dag gis chos mngon sum du bgyis so/ /bcom ldan 'das
150b7 de dag gis 'dud btul to/ /bcom ldan 'das/ gang dag chos kyi rnam grangs 'di rab tu ston pa de dag de bzhin gshegs pa'i chos kyi 'khor lo rab tu bskor ba lags so/ /bcom
151a1 ldan 'das/ gang dag gis chos kyi rnam grangs 'di khong du chud par de dag chos rtogs pa lags so/ /de nas bcom ldan 'das kyis lha'i bu bzang
151a2 sems la legs so zhes bya ba byin te/ bzang sems/ legs so/ legs so/ de de bzhin no/ /ji skad smras pa de bzhin te/ bzang sems/ gang de bzhin gshegs pa
151a3 dgra bcom pa yang dag par rdzogs pa'i sangs rgyas rnams kyis byang chub ni chos kyi rnam grangs 'di las rab tu bstan to/ /gang de bzhin gshegs pa thams cad kyi dgongs
151a4 pa de thams cad kyang chos kyi rnam grangs 'di las bshad do/ /byang chub sems dpa' gang dag chos kyi rnam grangs 'di thos par 'gyur ba de dag ni rnyed pa chen po 'byor bar
151a5 'gyur ro/ /chos kyi rnam grangs 'di gang dag gi lag tu song ba de dag ni chos kyi gter chen po thob par 'gyur ro/ /gang dag chos kyi rnam grangs 'di yongs su 'dzin pa de dang
151a6 de dag ni de bzhin gshegs pas yid brtan pa'o/ /de dang / de dag ni gsang ba 'dzin pa'o/ /de dang / de dag ni de bzhin gshegs pa la bla na med pa'i mchod pas mchod par
151a7 byed pa'o/ /de dag ni dam pa'i chos yongs su 'dzin pa'o/ /gang dag chos kyi rnam grangs 'di thos shing thos nas kyang mos pa de dang / de dag ni/ lha'i bu/ nga la lan du phan 'dogs
151b1 pa'o| |lha'i bu/ de dag ni phyogs thams cad du mun pa med par byed par 'gyur pa'o/ /de'i tshe bcom ldan 'das kyis 'khor thams cad la bka' stsal pa/ khyed las su dag phyi
151b2 ma'i tshe phyi ma'i dus lnga brgya pa tha ma la chos kyi rnam grangs 'di yang dag par rab tu ston par su spro/ de nas byang chub sems dpa' rtsom pa med stan las langs te/ bla gos phrag pa
151b3 gcig tu gzar nas bcom ldan 'das ga la ba de legs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das/ bdag ni slad ba'i dus na
151b4 chos kyi rnam grangs 'di yang dag par rab tu bshad par spro'o/ /bcom ldan 'das/ rtsom pa mang pos ni dam pa'i chos yongs su 'dzin par rngo mi thogs so/ /bdag ni sems 'dzin
151b5 ba ma mchis/ rtsom pha ma mchis shing sems can thams cad la sems snyoms pa ste/ zang zing ma mchis pa'i sems dang / rnyed pa dang / bkur sti dang / tshigs su bcad pa thams
151b6 cad la re ba ma mchis pas chos zab mo la bzod pa 'di yang dag par bshad par bgyi'o/ /de ci'i slad du zhe na/ bcom ldan 'das/ rnyed pa dang / bkur sti la gnas pas ni dam
151b7 pa'i chos yongs su 'dzin par rngo mi thogs pa'i slad du'o/ /bcom ldan 'das/ sems can gang dag/ bcom ldan 'das yongs su mya ngan las 'das nas chos kyi rnam grangs 'di
152a1 nyan pa dang / 'dzin pa dang / 'chang ba dang / yi ger 'dri ba dang / klog pa dang / bris te glegs bam du bgyis nas 'chang bar 'gyur ba de dag ni/ bcom ldan 'das
152a2 byang chub sems dpa' rtsom pa med kyi byin gyi rlabs su rig par bya'o/ /de nas bcom ldan 'das kyis byang chub sems dpa' rtsom pa med la legs so zhes bya ba byin te/ rigs
152a3 kyi bu/ legs so/ les so/ /sems de 'dra bas dam pa'i chos yongs so gzung bar nus so/ /byang chub sems dpa' spyan ras gzigs dbang phyug gis gsol pa/ bcom
152a4 ldan 'das/ gang snying rje chen po dang ma bral ba des dam pa'i chos yongs su 'dzin par rdo thogs so/ /bdag ni snying rje chen po la dmigs nas chos kyi rnam grangs 'di bshad
152a5 par bgyi'o/ /byang chub sems dpa' byams pas gsol pa/ bcom ldan 'das/ byams pa'i sems kyis dam pa'i chos yongs su 'dzin pa rngo thogs so/ /de ci'i slad du zhe
152a6 na| gnod sems mang po la dam pa'i chos yongs su 'dzin pa ma mchis pa'i slad du'o/ /bcom ldan 'das/ bdag ni byams pa'i sems kyi sa rnam grangs 'di bshad par
152a7 bgyi'o/ /byang chub sems dpa' mthong na dgas gsol pa/ bcom ldan 'das/ byang chub sems dpa' gang sems can rnams kyis mthong na ngoms par mi 'gyur ba
152b1 des dam pa'i chos yongs su 'dzin par rngo thogs te/ bcom ldan 'das/ bdag ni sems can thams cad la khong khro ba ma mchis pa'i sems kyi rnam grangs 'di yongs su gzung
152b2 par 'gyi'o/ /byang chub sems dpa' ded dpon gyis gsol pa/ bcom ldan 'das/ byang chub sems dpa' gang sems can rnams kyi don du sdug bsngal thams cad la spro ba dang /
152b3 gang sems can rnams sangs rgyas nyid yang dag par bsgrub par 'tshal zhing sems can thams cad bsgral nas slad kyis bdag brgal bar 'tshal ba de chos kyi rnam grangs 'di
152b4 'dzin par 'gyur te/ bcom ldan 'das/ bdag ni sems can thams cad kyi don du sangs rgyas nyid yang dag par bsgrub par 'tshal lo/ /bcom ldan 'das/ bdag ni sems can
152b5 thams cad bsgral slad kyis bdag rgal bar 'tshal lo/ /bsgral bar bgyi ba dang / sgrol ba po dang / bsgral ba'ang ma dmigs par bgyi'o/ /bcom ldan 'das bdag ni de lta bu'i
152b6 sems dang ldan pas chos kyi rnam grangs 'di gzungs bar bgyi'o/ /'jam dpal gzhon nur gyur pas gsol pa/ bcom ldan 'das/ gang 'di ltar bdag gis dam pa'i chos
152b7 yongs su gzung ngo snyam pa 'di ni 'jig rten gyi phyin log go/ /bcom ldan 'das/ byang chub sems dpas ni re zhig bdag nyid dul bar bgyi/ bdag nyid zhi bar bgyi'o/ /
153a1 bdag nyid dul zhing zhi la nye bar zhi nas chos kyi ngo bo nyid kyis dam pa'i chos yongs su gzung bar rngo thogs te/ bcom ldan 'das/ bdag ni bdag
153a2 nyid dul zhing zhi ba la nye bar zhi nas chos kyi ngo bo nyid kyis dam pa'i chos yongs su gzung bar bgyi'o/ /de nas bcom ldan 'das kyis byang chub sems dpa' dam pa'i chos
153a3 yongs su zin pa de dag la legs so zhes bya ba byin te/ skyes bu dam pa dang / 'di ltar khyed cag sems can thams cad la phan pa dang / bde ba'i phyir dam pa'i chos yongs su gzung
153a4 bar spro ba ni legs so/ /legs so/ /'di ni khyod dang 'tsham mo/ /dam pa'i chos yongs su 'dzin pa ni byang chub sems dpa' rnams kyi yang dag phul gyi chos so/ /byang chub
153a5 sems dpa' rtag tu dam pa'i chos yongs su gzung ba la brtson par bya'o/ /rigs kyi bu dag /chos yang dag par brjod pa dang rab tu ldan pa'i chos kyi rnam grangs 'di gzung
153a6 ba dang / bklags pa dang / kun chub par byas pa'i byang chub sems dpa' sems dpa' chen po ni skye ba med pa/ 'gag pa med pa'i sku ni chos kyi sku'o/ /chos kyi sku ni
153a7 sangs rgyas kyi sku'o zhes sangs rgyas la snang ba chen po thob par 'gyur ro/ /chos thams cad ni ma byas pa 'dus ma byas pa'o zhes chos la snang ba chen po thob 'gyur ro/ /nga yi
153b1 pa med pa dang / yongs su 'dzin pa med pa ni bcom ldan 'das kyi slob ma'i dge 'dun no zhes dge 'dun la snang ba chen po thob par 'gyur ro/ /snying rje chen po ni byang chub
153b2 sems dpa'i bslab pa'i rtsa ba'o zhes byang chub sems dpa'i bslab pa rnams la snang ba thob par 'gyur ro/ /nges pa'i tshig thams cad ni skye ba med pa'i ngo bo nyid do zhes spobs
153b3 pa'i snang ba thob par 'gyur ro/ /rigs kyi bu dag/ chos kyi rnam grangs 'di ni klu'i rgyal po rgya mtsho'i gnas dang / brgya byin gyi gnas dang / klu'i rgyal po ma dros pa'i gnas
153b4 su spyod par 'gyur/ de'i 'og tu dzam+bu'i gling du spyod par 'gyur te/ sems can gang dag sangs rgyas kyis yongs su gzung ba dang / byang chub sems dpas yongs su gzung bar
153b5 'gyur ba/ drang ba/ g.yo med pa/ des pa/ chos zab mo la mos pa de dag gi lag tu 'gro bar 'gyur ro/ /bcom ldan 'das kyis de skad ces bka' stsal nas/ byang chub sems
153b6 dpa' rtsom pa med dang / byang chub sems dpa' blo gros rnam par gnon dang / byang chub sems dpa' de dag dang / nyan thos chen po de dag dang / lha dang / mi dang / lha ma yin
153b7 dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa chos thams cad yang dag par sdud pa stong phrag brgya
154a1 ba'i mdo las/ rtsom pa med kyi le'u ste bcu gnyis pa rdzogs so// //rgya gar gyi mkhan po many+dzu shrI gar+b+ha dang / bi dza ya shI la dang / shI len+d+ra
pho d+hi dang /
CLOSE WINDOW