བོད་ཡིག |
1a1 @#/ /mdo tsha pa bzhugs so//
1b1 @##//rgya gar skad du/ AR+ya rat+na me g+ha na ma ma hA yA na sU tra/ bod skad du/
1b2 'phags pa dkon mchog sprin ces bya ba theg pa chen po'i mdo/ bam po dang po/
1b3 sangs rgyas dang byang chub sems dpa' thams cad dang 'phags pa nyan thos dang
1b4 rang sangs rgyas thams cad la phyag 'tshal lo/ /'di skad bdag gis thos pa dus
2a1 gcig na/ bcom ldan 'das yul g.yan ga ya mgo'i ri la dge slong bdun khri nyis stong
2a2 gi dge 'dun chen po dag dang thabs cig tu bzhugs te/ thams cad kyang dgra bcom pa zag pa zad pa/ nyon
2a3 mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par
2a4 grol ba| cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes
2a5 su thob pa/ srid par kun tu sbyor ba yongs su zad pa/ bka' yang dag pas sems shin tu rnam par grol ba/
2b1 sems kyi dbang thams cad kyi dam pa'i pha rol tu son pa/ chos kyi dbyings la mkhas pa/ chos kyi rgyal po'i sras/
2b2 sems rnyed pa dang / bkur sti thams cad dang bral ba/ legs par rab tu byung ba/ legs par bsnyen par rdzogs pa/
2b3 brnag pa yongs su rdzogs pa/ mya ngan las 'das pa'i lam la gnas pa sha stag ste/ gang zag gcig ma gtogs
2b4 pa ni| 'di lta ste/ tshe dang ldan pa kun dga' bo'o/ /byang chub sems dpa' brgyad khri bzhi stong gi byang chub sems dpa'i
2b5 tshogs chen po dang yang thabs cig ste/ thams cad kyang skye ba gcig gis thogs pa/ thams cad mkhyen pa nyid la mngon
2b6 du phyogs pa/ thams cad mkhyen pa nyid la gzhol ba/ thams cad mkhyen pa nyid la 'bab pa/ thams cad mkhyen pa nyid la
3a1 bab pa/ chags pa med pa'i gzungs dang ting nge 'dzin thob pa/ dpa' bar 'gro ba'i ting nge 'dzin la shin
3a2 tu gnas pa/ mngon par shes pa chen pos rnam par rol pa/ lam gyi rgyun ma btsad pa/ sgrib pa dang / chod pa dang / kun nas
3a3 ldang ba thams cad dang bral ba/ byams pa chen po dang / snying rje chen pos phyogs bcu'i 'jig rten gyi khams thams cad khyab
3a4 par byed pa/ sangs rgyas kyi zhing mtha' yas par 'gro ba la mkhas pa/ stong pa nyid spyod yul ba/ mtshan ma med pa la
3a5 gnas pa/ smon lam la gnas pa thams cad dang bral ba/ sems can thams cad la phan par brtson pa/ sangs rgyas kyi yul
3a6 thams cad la mkhas pa/ ye shes mtha' yas pa/ sems nam mkha' dang mtshungs pa/ sems rgya mtsho ltar zab pa/ sems
3b1 ri'i rgyal po ri rab ltar mi sgul ba/ sems pad+mo ltar ma gos pa/ sems rin po che ltar shin tu yongs su dag pa/ sems gser ltar shin tu yongs su byang ba rnams
3b2 la 'di lta ste/ byang chub sems dpa' sems dpa' chen po rin po che dpal dang / lag na rdo rje rin po che dang / lag na phyag rgya rin po che dang / rin po che'i cod pan dang /
3b3 gtsug na rin po che dang / rin po che brtsegs pa dang / rin po che 'byung gnas dang / rin po che'i rtse mo dang / rin po che'i rgyal mtshan dang / rdo rje'i snying po dang / gser gyi
3b4 snying po dang / rin po che'i snying po dang / dpal gyi snying po dang / dge ba'i snying po dang / dge ba dri ma med pa'i snying po dang / de bzhin gshegs pa'i snying po dang / ye shes
3b5 kyi snying po dang / nyi ma'i snying po dang / ting nge 'dzin gyi snying po dang / pad+ma'i snying po dang / rnam par grol ba'i zla ba dang / kun tu zla ba dang / spyan ras gzigs dbang po dang /
3b6 mthu chen thob dang / kun tu bzang po dang / kun nas mig dang / pad+ma'i mig dang / dri ma med pa'i mig dang / yangs pa'i mig dang / kun tu spyod lam dang / kun tu mdzes
3b7 dang / kun tu spyod pa'i blo gros dang / ye shes kyi blo gros dang / chos kyi blo gros dang / rgyal ba'i blo gros dang / bla ma'i blo gros dang / rdo rje'i blo gros dang / khyad par blo
4a1 gros dang / seng+ge'i rnam par rol pa dang / sgra chen po dbyangs kyi rgyal po dang / seng+ge'i sgra sgrog dang / sgra dbyangs brjod pa zab mo sgrog dang /
4a2 gos med dang / dri ma kun bral dang / zla ba'i 'od dang / nyi ma'i 'od dang / ye shes kyi 'od dang / ye shes kyi dpal dang / bzang po'i dpal dang / zla ba'i dpal
4a3 dang / pad+ma'i dpal dang / rin po che'i dpal dang / 'jam dpal gzhon nur gyur pa dang / bzang skyong la sogs pa skyes bu dam pa bcu drug dang / byams pa la
4a4 sogs pa bskal pa bzang po'i byang chub sems dpa' sems dpa' chen po thams cad dang / rgyal po chen po bzhi la sogs pa rgyal chen bzhi'i ris kyi lha'i bu
4a5 rnams dang / lha'i dbang po brgya byin la sogs pa sum cu rtsa gsum gyi ris kyi lha'i bu rnams dang / lha'i bu shin tu gnod bral la sogs pa gnod bral gyi lha'i
4a6 bu rnams dang / lha'i bu kun tu dga' ldan la sogs pa dga' ldan gyi ris kyi lha'i bu rnams dang / lha'i bu shin tu 'phrul dga' la sogs la 'phrul dga'i ris
4a7 kyi lha'i bu rnams dang / lha'i bu dbang byed la sogs pa gzhan 'phrul dbang byed kyi lha'i bu rnams dang / ded dpon la sogs pa dkar po'i phyogs kyi bdud kyi bu
4b1 rnams dang / tshangs pa chen po la sogs pa tshangs pa'i ris kyi lha'i bu thams cad dang / lha'i bu dbang phyug chen po la sogs pa gnas gtsang ma'i ris kyi lha'i bu thams cad
4b2 dang / lha ma yin gyi dbang po thags pa bzang ris dang / stobs can dang / nor sbyin dang / de dag la sogs pa lha ma yin brgya stong phrag du ma dang / klu'i rgyal po ma dros pa dang
4b3 gzi can dang / rgya mtsho dang / mtha' yas dang / nor rgyas dang / de dag la sogs pa klu'i rgyal po brgya stong du ma dang / dpal gyi gzi brjid la sogs pa klu'i rgyal po'i khye'u
4b4 brgya ston du ma dang / klu'i bu mo mang po rnams dang / de ma yin pa gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /
4b5 lto 'phye chen po brgya stong dag dang yang thabs cig go/ yang de'i tshe ga ya na ga ya mgo'i ri'i dpag tshad bzhi kho ra khor yug tu skra'i rtse mo'i cha shas kyi rdul phra rab tsam
4b6 yang gang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag gis ma
4b7 gang bar gyur pa'i sa'i phyogs sam/ bar snang gi phyogs de med do/ /'khor de lta bu 'dus shing 'khod pa'i dbus na bcom ldan 'das kyi seng+ge'i khri 'phang du dpag tshad
5a1 gcig /kho ra khor yug tu dpag tshad phyed pa la lha'i ras bcos bu du ma ni/ bting / rin po che'i dril bu g.yer kha'i dra bas ni/ bla bre bres/ dar
5a2 gyi lda ldi brgya stong du ma ni/ dbyangs/ me tog sil mas ni/ gtor bzhig bshams te/ seng+ge'i khri da'i kho ra khor yug gi sa'i phyogs de'i nges rdo rje la yid du 'ong zhing
5a3 lag mthil ltar mnyam pa dang / chag chag legs par btab pa dang / phyag dar legs par byas pa dang / dri rab tu zhim zhing lha'i me tog brgya stong du mas gtor bar
5a4 gyur to| |bcom ldan 'das kyis yongs su longs spyod pa'i phyir phyogs de na gser gyi pad+ma shing rta'i 'khor lo tsam/ 'dab ma brgya stong du ma yod pa/ chu ba ni/ bai DUR+ya/
5a5 snying po ni/ in+d+ra nI la/ ze ba ni/ asma gar+b+ha ste/ dri rab tu zhim zhing yid du 'ong la reg na dga' bar 'gyur ba dag skyes par gyur to/ /seng+ge'i khri de'i gra bzhir ha cang yang mi
5a6 ring / ha cang yang mi nye ba nas rin po che'i shing srid du dpag tshad phyed dang gnyis/ sboms su rgyang grags gnyis kyis 'khor ba bzhi skyes so/ /seng+ge'i khri legs par bshams
5a7 pa de la bcom ldan 'das blo ni/ rab tu rnam par dag/ chos kyi 'khor lo ni/ rab tu bskor/ bdud dang phyir rgol ba ni/ bcom/ 'jig rten gyi chos rnams kyis ni/ ma
5b1 gos la mi bsnyengs shing mi 'dzem ste/ seng+ge'i ltar bag tsha ba med pa/ mtsho dang 'dra bar dang ste rnyog pa med cing shin tu rnam par dwang ba/ rgya mtsho ltar zab cing gting dpag
5b2 bka' la rin po che'i 'byung gnas su gyur pa/ ri rab ltar mngon par 'phags pa/ nyi ma ltar rab tu lhan pa/ zla ba ltar rab tu sim pa/ klu chen po ltar chos kyi char mngon
5b3 par 'babs pa/ tshangs pa chen po ltar 'jig rten kun las mngon par 'phags pa/ slob ma shin tu dul ba'i tshogs mtha' yas pa'i 'khor mnga' ba/ brgya byin dang /
5b4 tshangs pa dang / 'jig rten skyong ba bye ba khrag khrig brgya stong rnams kyis zhal du bltas shing ma khengs ma dud par bzhugs te/ 'khor tshogs pa de na lam me/ lhan ne/
5b5 lhang de'o/ /bcom ldan 'das de ltar lam me/ lhan ne/ lhang nge ba'i dbu'i gtsug gi gtsug tor gyi gseb nas 'od zer kun tu snang ba zhes bya ba 'od zer gyi 'khor brgya
5b6 stong phrag du ma yod pa byung ste/ de byung bas phyogs bcu thams cad du 'jig rten gyi khams rab 'byams thams cad snang bar byas te phyir 'ongs nas bcom ldan 'das la
5b7 lan gsum bskor te bcom ldan 'das kyi zhal gyi sgo nas zhugs nas bcom ldan 'das kyi zhal gyi sgo phye ba'am btsum par yang mi mngon no/ /'di lta ste/ dper na/ nyi ma
6a1 dang / zla ba'i 'od nam mkha'i khams thams cad kyi gseb tu zhugs kyang nam mkha'i khams kyi gseb phye ba'am btsum par mi mngon pa de bzhin du
6a2 de'i tshe na 'od zer de dag zhugs kyang bcom ldan 'das kyi zhal gyi sgo phye ba'am btsum par mi mngon no/ 'di lta ste/ dper na/ bye ma'i phung po la mar ram/ 'bru mar ram/ chu
6a3 zhugs na mi mngon pa de bzhin du/ de'i tshe na 'od zer de dag zhugs kyang phye ba'am btsum par mi mngon no/ /de nas shar phyogs su sangs rgyas kyi zhing 'di nas 'jig rten gyi
6a4 khams gang+gA'i klung gi bye ma snyed 'das pa na pad+ma can zhes bya ba'i 'jig rten gyi khams de na pad+ma'i spyan zhes bya ba de bzhin gshegs pa dgra bcom pa yang dag par rdzogs
6a5 pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs
6a6 rgyas bcom ldan 'das de byang chub sems dpa' sems dpa' chen po rnams la 'di lta ste/ theg pa gcig las brtsams nas chos ston te/ sangs rgyas kyi zhing de na nyan
6a7 thos dang rang sangs rgyas dag dang / nyan thos kyi theg pa'am/ rang sangs rgyas kyi theg pa'i ming yang med/ sangs rgyas kyi zhing de na rdzus te skye ba ma gtogs par bud med
6b1 dang | mngal na gnas te 'byung zhing skye ba'i sgra'ang mi grag go /'jig rten gyi khams de'i sems can de dag thams cad kyang bla na med pa yang dag par rdzogs pa'i byang chub las phyir mi
6b2 ldog pa'i byang chub sems dpa' sha stag go /'jig rten gyi khams de na bza' ba dang / btung ba dang / zas kyi bya ba'ang mi shes so/ /byang chub sems dpa' de dag thams cad kyang
6b3 bsam gtan gyi dga' ba'i zas can dang / ting nge 'dzin gyi dga' ba'i zas can dang / chos kyi dga' ba'i zas can no/ /de bzhin gshegs pa de nyid kyi 'od kyis 'jig rten gyi
6b4 khams de khyab cing dri ma med par gyur ba ma gtogs par 'jig rten gyi khams de na zla ba dang / nyi ma dang / gza' dang / skar ma rnams kyi 'od kyang mi shes so/ /'jig rten gyi khams
6b5 de lag mthil bzhin du mnyam par gyur pa las 'jig rten gyi khams de na rtswa dang / shing dang / bong ba dang / rtsig pa dang / ri la sogs pa'ang mi snang ngo / /'jig rten gyi khams
6b6 de 'dra ba de na byang chub sems dpa' sems dpa' chen po sgrib pa thams cad rnam par sel ba zhes bya ba de'i ming thos pa tsam gyis sems can gyi sgrib pa thams cad zad par
6b7 'gyur ba zhig gnas te/ de 'od des reg ste bskul nas rang gi gnas nas byung ste bcom ldan 'das de bzhin gshegs pa pad+ma'i spyan de ga la ba der song ste phyin nas bcom
7a1 ldan 'das de'i zhabs la mgo bos phyag btsal te pad+ma'i snying po la phyogs gcig tu 'dug go /de ma yin pa'i byang chub sems dpa' gzhan dag
7a2 kyang 'od des reg ste bskul ba dang / rang rang gi gnas nas byung ste bcom ldan 'das de bzhin gshegs pa pad+ma'i spyan ga la ba der dong ste phyin nas bcom ldan 'das
7a3 de'i zhabs la mgo bos phyag btsal te/ pad+ma'i snying po la so so ci rigs par 'khod do/ /de nas byang chub sems dpa' sems dpa' chen po sgrib pa thams cad rnam
7a4 par sel ba stan las langs nas bla gos phrag pa gcig tu gzar te pus mo g.yas pa'i lha nga pad+ma'i snying po la btsugs nas bcom ldan 'das de bzhin gshegs
7a5 pa pad+ma'i spyan ga la ba de logs su thal mo sbyar ba btud nas bcom ldan 'das de la 'di skad ces gsol to/ /bcom ldan 'das/ 'di lta bu'i 'od bzang po dri ma ma
7a6 mchis pa/ rnam par dag pa/ yid du mchi ba/ lus dang sems shin tu dga' bar bgyid pa byung ba 'di su'i mthu lags zhes de skad ces gsol pa dang / bcom ldan
7a7 'das de bzhin gshegs pa pad+ma'i spyan des byang chub sems dpa' sgrib pa thams cad rnam par sel ba la 'di skad ces bka' stsal to/ /rigs kyi bu/ nub phyogs
7b1 na sangs rgyas kyi zhing 'di nas 'jig rten gyi khams gang+gA'i klung gi bye ma snyod 'das pa na mi mjed ces bya ba'i 'jig rten gyi khams yod de/ de na shAkya thub pa zhes bya ba de
7b2 bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha
7b3 lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das de'i mtshan thos pa tsam gyis sems can rnams bla na med pa yang dag par rdzogs pa'i
7b4 byang chub las phyir mi ldog par 'gyur ba zhig bzhugs te/ des 'od bzang po dri ma med pa/ rnam par dag pa/ yid du 'ong ba/ lus dang sems shin tu rnam par dag par
7b5 byed pa 'di phyung ngo / /de skad ces bka' stsal pa dang / bcom ldan 'das de bzhin gshegs pa pad+ma'i spyan de la byang chub sems dpa' sems dpa' chen po sgrib pa thams
7b6 cad rnam par sel bas 'di skad ces gsol to/ /bcom ldan 'das/ de ltar de bzhin gshegs pa de'i mtshan thos pa tsam gyis sems can rnams bla na med pa yang
7b7 dag par rdzogs pa'i byang chub las phyir mi ldog par 'gyur ba'i rgyu gang lags/ rkyen gang lags/ de skad ces gsol pa dang / bcom ldan 'das de bzhin gshegs
8a1 pa pad+ma'i spyan des byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ /rigs kyi bu/ de
8a2 bzhin gshegs pa des sngon byang chub sems dpa'i spyad pa spyod pa na/ 'di ltar sems can su gang dag gis bdag mngon par rdzogs par sangs rgyas pa'i ming thos
8a3 pa de dag thams cad bla na med pa yang dag par rdzogs pa'i byang chub las phyir mi ldog par shog cig ces smon lam btab bo/ /byang chub sems dpa' sgrib pa thams
8a4 cad rnam par sel bas gsol pa/ bcom ldan 'das/ ci lags/ 'jig rten gyi khams de'i sems can de dag thams cad phyir mi ldog pa lags sam/ bcom
8a5 ldan 'das des bka' stsal pa/ rigs kyi bu/ ma yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das/ ci lags
8a6 sems can de dag gis de bzhin gshegs pa de'i mtshan ma thos sam/ bcom ldan 'das des bka' stsal pa/ rigs kyi bu/ thos so/ /gsol pa/ bcom ldan
8a7 'das| de ci'i slad du phyir mi ldog pa ma lags/ bcom ldan 'das des bka' stsal pa/ rigs kyi bu/ de dag thams cad ni/ phyir mi ldog pa'ang yin la/ phyir
8b1 ldog pa'ang yin no/ /gsol pa/ bcom ldan 'das/ ji ltar gang de lta bur de dag thams cad phyir mi ldog pa'ang lags la/ phyir ldog pa'ang lags/ bcom ldan 'das
8b2 des bka' stsal pa/ rigs kyi bu/ de bzhin gshegs pa'i mtshan thos las sems can de dag phyir mi ldog pa'i sa bon skyes pa mthong nas sems can de dag phyir mi ldog
8b3 par lung ston to/ /mtshan thos pa de kho nas de ma thag tu phyir mi ldog par 'gyur ba'ang ma yin te/ de bas na/ rigs kyi bu/ don de nyid rab tu grub par bya ba'i phyir khyod la dpe
8b4 bshad do/ /rigs kyi bu/ 'di lta ste/ dper na/ shing la la'i sa bon gyi rnam pa zhig yod de/ sa bon de la sa bon gyi nyes pa thams cad med la/ myu gu skye ba nas rdzogs pa'i
8b5 bar du rkyen rnams yod na/ rigs kyi bu/ sa bon de la ji skad ces bya/ gsol pa/ bcom ldan 'das/ nyes pa thams cad dang bral bas na/ de ni/ yongs su rdzogs pa zhes
8b6 bgyi'o| |bka' stsal pa/ rigs kyi bu/ de bzhin du de bzhin gshegs pa de'i mtshan thos pa dang ldan pa'i phyir mi ldog pa'i sa bon yod pa'i sems can rnams ni/ bla na med
8b7 pa yang dag par rdzogs pa'i byang chub las phyir mi ldog pa yin no/ /de skad ces bka' stsal pa dang / bcom ldan 'das de bzhin gshegs pa pad+ma'i spyan de la byang chub sems
9a1 dpa' sems dpa' chen po sgrib pa thams cad rnam par sel bas 'di skad ces gsol to/ /bcom ldan 'das/ bdag mi mjed kyi 'jig rten gyi khams
9a2 de blta ba dang / bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal ba dang / bsnyen bkur bgyi ba
9a3 dang / btsun par bgyi ba dang / ri mor bgyi ba dang / bkur stir bgyi ba dang / mchod par bgyi ba'i slad du mchi'o/ /de skad ces gsol pa dang / bcom ldan 'das de
9a4 bzhin gshegs pa pad+ma'i spyan des byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ /rigs kyi
9a5 bu| de'i dus la bab par shes na khyod song zhig/ bcom ldan 'das de bzhin gshegs pa pad+ma'i spyad de la byang chub sems dpa' de dag thams cad kyis kyang
9a6 'di skad ces gsol to/ /bcom ldan 'das/ bdag cag kyang mi mjed kyi 'jig rten gyi khams de blta ba dang / bcom ldan 'das shAkya thub pa de bzhin gshegs
9a7 pa dgra bcom pa yang dag par rdzogs pa'i sangs rgyas de la'ang phyag 'tshal ba dang / bsnyen bkur bgyi ba dang / btsun par bgyi ba dang / ri mor bgyi ba dang / bkur
9b1 stir bgyi ba dang / mchod par bgyi ba'i slad du mchi'o/ /de skad ces gsol pa dang / bcom ldan 'das de bzhin gshegs pa pad+ma'i spyan des byang chub sems dpa' de
9b2 dag la 'di skad ces bka' stsal to/ /rigs kyi bu dag /de'i dus la bab par shes na khyod dengs shig /'jig rten gyi khams der bag yod par gnas pas gnas par
9b3 gyis shig /de ci'i phyir zhe na/ 'di ltar 'jig rten gyi khams de'i sems can de dag ni/ rab tu 'dod chags mang ba/ zhe sdang mang ba/ gti mug mang ba/ dge sbyong du mi
9b4 'dzin pa/ bram zer mi 'dzin pa/ phar mi shes pa/ mar mi shes pa/ chos ma yin pa 'dod pa mang ba/ brlang ba/ gtum pa/ zhe gcod pa/ mu cor smra ba/ pho theg can/
9b5 g.yeng ba/ brkam pa/ le lo can/ ngan pa'i ngan tshul can/ sdig pa'i chos can/ phrag dog dang ser snas yongs su dkris pa/ nyon mongs pa du mas nye bar nyon mongs par
9b6 gyur pa rnams te/ sems can de 'dra ba de dag gi nang na de bzhin gshegs pa de chos ston to/ /byang chub sems dpa' de dag gis gsol pa/ bcom ldan 'das/ gang 'di
9b7 'dra ba'i sems can rnams kyi nang na chos ston pa ni/ de bzhin gshegs pa de dka' ba mdzad pa lags so/ /bcom ldan 'das des bka' stsal pa/ de de bzhin no/ /rigs
10a1 kyi bu dag /de de bzhin te/ gang 'di 'dra ba'i sems can rnams kyi nang na chos ston pa ni/ de bzhin gshegs pa de dka' ba mdzad pa yin no/ /rigs kyi bu
10a2 dag/ gang de lta bur kun nas nyon mongs par gyur pa'i 'jig rten gyi khams na dge ba'i sems gcig tsam bskyed pa'i sems can de dag kyang dka' ba byed pa yin no/ /de
10a3 ci'i phyir zhe na/ gang yongs su dag pa'i 'jig rten gyi khams na sems can yongs su dag pa yod pa lta ci ngo mtshar gyi/ gang dag de ltar kun nas nyon mongs par gyur
10a4 pa'i 'jig rten gyi khams de na se gol gtogs pa srid du'ang dad pa rnyed pa dang / se gol gtogs pa srid du'ang sangs rgyas la skyabs su 'gro ba dang / chos la skyabs
10a5 su 'gro ba dang / dge 'dun la skyabs su 'gro ba dang / se gol gtogs pa srid du'ang tshul khrims yang dag par bzung ste spyod pa 'di ni/ ches ngo mtshar to/ /de
10a6 bas kyang gang dag se gol gtogs pa srid du'ang 'dod chags dang bral ba la gnas pa'i sems yang dag par bzung ste gnas pa 'di ni/ ches ngo mtshar to/ /de bas
10a7 kyang gang dag se gol gtogs pa srid du'ang snying rje ba'i sems nye bar bzhag ste bla na med pa yang dag par rdzogs pa'i byang chub tu sems bskyed pa 'di ni/ ches ngo
10b1 mtshar to/ /byang chub sems dpa' de dag gis gsol pa/ bcom ldan 'das/ ngo mtshar to/ /bde bar gshegs pa/ ngo mtshar to/ /de nas sgrib pa thams cad rnam par sel ba
10b2 la sogs pa byang chub sems dpa' de dag thams cad kyis legs so bcom ldan 'das zhes gsol nas bcom ldan 'das de las 'di lta bu mthun pa'i rjes su bstan pa
10b3 'di mnyan nas bcom ldan 'das de'i zhabs la mgo bos phyag btsal te rang rang gi gnas nas dong ngo / /dong nas bcom ldan 'das shAkya thub pa la mchod pa'i phyir la
10b4 las ni| rin po che'i shing me tog dang bcas pa/ 'bras bu dang bcas pa/ chu dang zheng du ldan pa rnams mngon par sprul/ la las ni/ bai DUR+ya'i shing rnams/ la las ni/
10b5 shel gyi shing rnams/ la las ni/ dpag bsam gyi shing rnams/ la las ni/ gser gyi shing rnams/ la las ni/ me tog gi shing rnams/ la las ni/ 'bras bu'i
10b6 shing rnams/ la las ni/ gos kyi sprin rnams/ la las ni/ rgyan gyi sprin rnams/ la las ni/ spos kyi sprin rnams/ la las ni/ phreng ba'i sprin rnams/ la las ni/ phye
10b7 ma'i sprin rnams/ la las ni/ gdugs kyi sprin rnams/ la las ni/ rgyal mtshan gyi sprin rnams/ la las ni/ sil snyan gyi sprin rnams mngon par sprul to/ /mngon
11a1 par sprul nas gcig tu 'dus te byang chub sems dpa' sems dpa' chen po sgrib pa thams cad rnam par sel ba dang lhan cig tu mi mjed kyi 'jig
11a2 rten gyi khams ga la ba der dong ngo / /de nas byang chub sems dpa' sgrib pa thams cad rnam par sel bas byang chub sems dpa' de dag la 'di skad ces smras so/ /kye ma
11a3 grogs po dag /mi mjed kyi 'jig rten gyi khams kyi sems can rnams sdug bsngal lo/ /de bas na/ gang gis sems can de dag thams cad bde ba mchog gis
11a4 bstabs par 'gyur ba de lta bu'i rdzu 'phrul mngon par bya ba legs par mngon par bya'o/ /byang chub sems dpa' de kun gyis legs so zhes smras nas byang chub sems
11a5 dpa' sgrib pa thams cad rnam par sel ba'i ltar mnyan to/ /de nas byang chub sems dpa' sgrib pa thams cad rnam par sel bas ji lta bu'i rdzu 'phrul mngon par bya
11a6 ba mngon par byas pas byang chub sems dpa' sgrib pa thams cad rnam par sel ba'i lus las 'od dang ba/ dri ma med pa/ rnam par dag pa/ yid du 'ong ba/ lus
11a7 dang sems shin tu dga' bar byed pa byung ste/ 'od des stong gsum gyi stong chen po'i 'jig rten gyi khams khyab cing snang bar gyur pa dang / gang stong gsum gyi stong chen
11b1 po'i 'jig rten gyi khams 'di'i sems can dmyal ba pa'i lus su gnas pa dang / byol song gi skye gnas pa'i lus su gnas pa dang / gshin rje'i 'jig rten pa'i lus su
11b2 gnas pa de dag 'od des reg nas sdug bsngal gyi tshor ba dang bral te/ bde zhing khro ba dang gnod sems dang yang bral te phan tshun du pha mar 'du shes par gyur pa dang / gang
11b3 yang stong gsum gyi stong chen po'i 'jig rten gyi khams 'di na 'jig rten gyi khams kyi bar mun pa mun nag gang du nyi ma dang / zla ba 'di ltar rdzu 'phrul che ba/ 'di ltar mthu che
11b4 ba| 'di ltar dbang che bar grags pa 'di dag gis kyang lam me/ lhan ne/ lhang nger ma gyur pa de dag kyang 'od des khyab nas snang bar gyur te/ gang der skyes pa'i sems can
11b5 dag kyang gcig gis gcig mthong ba dang / stong gsum gyi stong chen po'i 'jig rten gyi khams 'di'i gang khor yug gi ri rnams dang / khor yug gi ri chen po rnams
11b6 dang / ri btang bzung dang / ri btang bzung chen po rnams dang / de ma yin pa'i ri nag po gzhan de dag kyang 'od des khyab ste snang bar gyur pa dang / blar ni tshangs pa'i 'jig
11b7 rten man chad /'og tu mnar med pa'i sems can chen po yan chad de'i bar du gang 'od des snang bar ma byas pa'i sa phyogs de gang yang med pa de lta bu'i rdzu 'phrul mngon
12a1 par bya ba mngon par byas so/ /de ma yin pa'i byang chub sems dpa' gzhan gdag gis kyang ji lta bu'i rdzu 'phrul mngon par bya ba mngon par byas pas
12a2 zas 'dod pa'i sems can rnams ni/ zas thob/ btung ba 'dod pa rnams ni/ btung ba/ gos 'dod pa rnams ni/ gos/ bzhon pa 'dod pa rnams ni/ bzhon pa/ nor 'dod
12a3 pa rnams ni/ nor thob/ long ba rnams ni/ mig thob/ 'on pa rnams ni/ sgra thos/ sgren mo rnams ni/ gos can du gyur/ smyon pa rnams ni/ dran pa thob/ sdug bsngal
12a4 ba rnams ni/ bde bar gyur/ sbrum pa rnams ni/ bde bar btsas pa de lta bu'i rdzu 'phrul mngon par bya ba mngon par byas so/ /de nas sgrib pa thams cad rnam par sel
12a5 ba la sogs pa byang chub sems dpa' de dag thams cad yul ga ya dang ga ya mgo'i ri ga la ba der nye ba dang / skyes bu dam pa de dag nye bar gyur ma thag tu stong gsum
12a6 gyi stong chen po'i 'jig rten gyi khams 'di rin po che'i dra bas khebs bar kun tu snang ngo / /steng gi bar snang las kyang lha'i pad+ma'i char mngon par rab tu phab bo/ /lha'i
12a7 me tog gi sprin rnams dang / lha'i shing tog gi sprin rnams dang / lha'i phreng ba'i sprin rnams dang / lha'i spos kyi sprin rnams dang / lha'i gos kyi sprin rnams dang / lha'i
12b1 phye ma'i sprin rnams dang / lha'i chos gos dang / gdugs dang / rgyal mtshan dang / ba dan gyi sprin gyi char mngon par rab tu phab bo/ /de dag mngon par rab tu phab pas sems
12b2 can gang la reg pa de dag thams cad rab tu bde bar gyur/ yul ga ya dang ga ya mgo'i ri la shing tha mal pa dang / sa phyogs tha mal pa gang yod pa de dag thams cad kyang
12b3 med par gyur par snang ngo / /sa phyogs de dag rin po che'i shing rnams dang / dpag bsam gyi shing rnams dang / me tog gi shing rnams dang / 'bras bu'i shing rnams dang /
12b4 tsan+dan gyi shing rnams dang / a ga ru'i shing rnams kun tu snang ste/ de dag kun tu bzang por 'dug par gyur to/ /bar snang las lha'i sil snyan dag kyang sgra 'byin cing sil
12b5 snyan de dag las 'di lta bu'i tshigs su bcad pa 'di dag kyang byung ngo / /lum+bi'i tshal rab mchog tu gang skyes pa/ /mnyam med gzhar yang nyon mongs dbang mi 'gyur/ /
12b6 nam mkha' mtshungs mnyam de la phyag 'tshal du/ /ri bo mchog rab 'di la bdag cag lhags/ /byang chub mchog sus byang chub shing dbang drung / /bdud kyi sde stobs bcom
12b7 nas sangs rgyas pa/ /dri med gzi ldan de la phyag 'tshal du/ /ri bo mchog rab 'di la bdag cag lhags/ /chos tshul 'di dag sgyu ma smig rgyu dang / /chu zla 'dra bar gang gis
13a1 rtogs gyur pa/ /bsod nams zhing rab de la phyag 'tshal du/ /ri bo mchog rab 'di la bdag cag lhags/ /chos rnams sna tshogs 'ja' dang 'dra ba dang / /
13a2 gar mkhan tshon 'drar gang gis rab rtogs pa/ /mi g.yo bsod nams gter la phyag 'tshal du/ /ri bo mchog rab 'di la bdag cag lhags/ /gang gis bskal pa brgya
13a3 phrag mang por ni/ /thugs rje'i thugs kyi tshogs kun rdzogs mdzad pa/ /dri med zla zhal de la phyag 'tshal du/ /ri bo mchog rab 'di la bdag cag lhags/ /byang chub sems
13a4 dpa' bye ba brgya mang dang / /lha yi tshogs kyis de bzhin gang mchod pa/ /gti mug mun bral de la phyag 'tshal du/ /ri bo mchog rab 'di la bdag cag lhags/ /gang gis
13a5 mchog gi chos kyi gter brnyes shing / /thugs rje nyid kyis 'jig rten dag la btang / /mnyam med phan mdzad de la phyag 'tshal du/ /ri bo mchog rab 'di la bdag cag
13a6 lhags| |gang zhig thugs zhi rtag par byams pa'i yid/ /pad+ma chus ltar nyon mongs ma gos pa/ /yon tan mchog rab mnga' la phyag 'tshal du/ /ri bo mchog rab 'di
13a7 la bdag cag lhags/ /mtshan gyi me tog rgyas pa yongs su dag pa'i sku/ /dpe byad bzang po'i 'bru chags 'gro ba'i 'tsho ba gang / /yal ga mtha' yas rin chen shing
13b1 la phyag 'tshal du/ /bdag cag thams cad lhan cig mchod pa thogs te lhags/ /tshigs su bcad pa 'di dag byung ma thag tu de nas tshe dang ldan pa maud+gal gyi bu chen po stan
13b2 las langs te bla gos phrag pa gcig la gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom
13b3 ldan 'das la 'di skad ces gsol to/ /bcom ldan 'das/ sngon ma thos/ sngon ma mthong ba'i snga ltas gda' ba 'di dag su'i lags/ de skad ces gsol pa dang / bcom
13b4 ldan 'das kyis tshe dang ldan pa maud+gal gyi bu chen po la 'di skad ces bka' stsal to/ /maud+gal gyi bu/ shar na sangs rgyas kyi zhing 'di nas 'jig rten gyi khams gang+ga'i klung
13b5 gi bye ma snyed 'das pa na 'jig rten gyi khams pad+ma can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas pad+ma'i spyan
13b6 zhes bya ba da ltar bzhugs so/ /'tsho'o/ /gzhes so/ /chos ston to/ /de bzhin gshegs pa de'i sangs rgyas kyi zhing nas byang chub sems dpa' sems dpa' chen po sgrib pa
13b7 thams cad rnam par sel ba zhes bya ba 'jig rten gyi khams mi mjed 'dir 'ongs pa dang / de ma yin pa'i byang chub sems dpa' gzhan bye ba khrag khrig brgya stong gang skyes
14a1 bu dam pa de nyid dang lhan cig tu mi mjed kyi 'jig rten gyi khams 'dir 'ongs pa de dag gi snga ltas 'di yin no/ /bcom ldan 'das kyis de skad
14a2 ces bka' stsal ma thag tu de nas byang chub sems dpa' sgrib pa thams cad rnam par sel ba byang chub sems dpa' bye ba khrag khrig brgya stong phrag du mas bskor cing
14a3 mdun du bdar te rdzu 'phrul gyi mthu chen po dang / byang chub sems dpa'i mthu chen pos bcom ldan 'das ga la ba der 'ongs te phyin nas bcom ldan 'das kyi zhabs la
14a4 mgo bos phyag btsal te byang chub sems dpa' de dag dang lhan cig tu bcom ldan 'das kyi spyan sngar 'khod nas bcom ldan 'das la tshul dang 'dra ba'i tshigs su
14a5 bcad pa 'di dag gis mngon par bstod do/ /grags chen shes rab chen po pa/ /thub chen dpa' bo chen po pa/ /srid pa'i mya ngan rgal ba po/ /nyon mongs rgal la phyag
14a6 'tshal lo/ /thams cad du yang tha le ste/ /kun nas rab tu lhan ner bzhugs/ /kun nas rnam par grol ba po/ /phyag 'tshal mi mtshungs mtshungs med la/ /rab tu mi sgul
14a7 ri bo bzhin/ /gting tshod yangs pa rgya mtsho 'dra/ /mu stegs kun nas mi bskyod pa/ /chos rgyal khyod la phyag 'tshal lo/ /chos kyi 'khor lo bskor ba na/ /gzod nas zhi
14b1 zhing ma skyes pa/ /rang bzhin mya ngan 'das pa yi/ /chos rnams mgon po khyod kyis bstan/ /la la la ni lam yang bstan/ /la la yang dag nyid la bkod/ /la la yang dag mya
14b2 ngan bzlas/ /la la byang chub lung yang bstan/ /bag la nyal dang bsam pa mkhyen/ /khyod kyis mi mkhyen ci yang med/ /de phyir 'dul ba'i bya ba rnams/ /gzigs pas khyod
14b3 kyi bka' 'grub bo/ /byang chub snying por bzhugs pa na/ /'dod chags zhe sdang gti mug dang / /dri ma sna tshogs gzhan rnams kyang / /khyod kyi ye shes me yis bsregs/ /rgal
14b4 nas sems can rnams sgrol zhing / /grol nas skye rgu sgrol mdzad de/ /srid pa'i mya ngan 'khyams pa yi/ /'jig rten tshol ba khyod lags so/ /srid pa'i btson rar sems can
14b5 dag /yun ring mi shes gnyid log rnams/ /sad par mdzad pa mgon po khyod/ /gnyen gyur khyod la phyag 'tshal lo/ /khyod kyi sras mchog 'di dag kyang / /thams cad byang chub
14b6 slad du zhugs/ /dam pa'i chos ni nyan 'tshal na/ /'dren pas de dag bstan du gsol/ /de nas bcom ldan 'das la byang chub sems dpa' sgrib pa thams cad rnam par sel
14b7 bas tshul dang 'dra ba'i tshigs su bcad pa 'di dag gis mngon par bstod nas bcom ldan 'das kyis gnang ste pad+ma'i snying po la phyogs gcig tu 'dug go /byang chub sems
15a1 dpa' de dag thams cad kyang bcom ldan 'das kyis gnang nas pad+ma'i snying po la so so ci rigs par 'khod do/ /de nas byang chub sems dpa' sgrib pa
15a2 thams cad rnam par sel ba stan las langs te bla gos phrag pa gcig la gzar nas pus mo g.yas pa'i lha nga pad+ma'i snying po la btsugs te bcom ldan 'das ga la ba
15a3 de logs su thal mo sbyar ba btud de bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la
15a4 skabs phye na/ bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ /de skad ces
15a5 gsol pa dang / bcom ldan 'das kyis byang chub sems dpa' sgrib pa thams cad rnam par sel ba la 'di skad ces bka' stsal to/ /skyes bu dam pa khyod la de bzhin
15a6 gshegs pa thams cad kyis rtag tu skabs phye'i/ de bzhin gshegs pa la khyod ci dang ci 'dod pa dris shig dang / dris pa lung bstan pa de dang de nyid kyis ngas khyod
15a7 kyi sems rangs par bya'o/ /bcom ldan 'das kyis skabs phye ba dang / bcom ldan 'das la byang chub sems dpa' sgrib pa thams cad rnam par sel bas 'di skad
15b1 ces gsol to/ /bcom ldan 'das/ ji ltar na/ byang chub sems dpa' sems dpa' chen po sbyin pa phun sum tshogs pa rnams lags/ ji ltar na/ tshul khrims phun sum tshogs pa rnams
15b2 lags| ji ltar na/ bzod pa phun sum tshogs pa rnams lags/ ji ltar na/ brtson 'grus phun sum tshogs pa rnams lags/ ji ltar na/ bsam gtan phun sum tshogs pa rnams
15b3 lags| ji ltar na/ shes rab phun sum tshogs pa rnams lags/ ji ltar na/ thabs mkhas pa rnams lags/ ji ltar na/ smon lam phun sum tshogs pa rnams lags/ ji ltar
15b4 na| stobs phun sum tshogs pa rnams lags/ ji ltar na/ ye shes phun sum tshogs pa rnams lags/ bcom ldan 'das/ ji ltar na/ byang chub sems dpa' sa dang mtshungs pa
15b5 rnams lags/ ji ltar na/ chu dang mtshungs pa rnams lags/ ji ltar na/ me dang mtshungs pa rnams lags/ ji ltar na/ rlung mar dang mtshungs pa rnams lags/ ji ltar na/ nam
15b6 mkha' dang mtshungs pa rnams lags/ ji ltar na/ zla ba lta bu rnams lags/ ji ltar na/ nyi ma lta bu rnams lags/ ji ltar na/ seng+ge lta bu rnams lags/ ji ltar na/ dul ba
15b7 rnams lags/ ji ltar na/ cang shes pa rnams lags/ ji ltar na/ pad+ma lta bu rnams lags/ bcom ldan 'das/ ji ltar na/ byang chub sems dpa' sems rgya che ba rnams lags/
16a1 ji ltar na/ sems rnam par dag pa rnams lags/ ji ltar na/ sems nem nur ma mchis pa rnams lags/ bcom ldan 'das/ ji ltar na/ byang chub sems
16a2 dpa' blo rgya mtsho lta bu rnams lags/ ji ltar na/ blo zhi ba pa rnams lags/ bcom ldan 'das/ ji ltar na/ byang chub sems dpa' rig pa'i spobs pa can rnams lags/ ji ltar
16a3 na| grol ba'i spobs pa can rnams lags/ ji ltar na/ rnam par dag pa'i spobs pa can rnams lags/ ji ltar na/ sems can thams cad mgu bar byed pa'i spobs pa can
16a4 rnams lags/ bcom ldan 'das/ ji ltar na/ byang chub sems dpa' tshig gzung ba rnams lags/ bcom ldan 'das/ ji ltar na/ byang chub sems dpa' chos brjod
16a5 rnams lags/ ji ltar na/ chos kyi rjes su 'brang ba rnams lags/ ji ltar na/ chos kyi dbyings la mkhas pa rnams lags/ bcom ldan 'das/ ji ltar na/ byang chub
16a6 sems dpa' stong pa nyid spyod yul ba rnams lags/ ji ltar na/ mtshan ma med pa la gnas pa rnams lags/ ji ltar na/ smon lam la gnas pa thams cad dang bral ba rnams
16a7 lags| ji ltar na/ byams pa'i bdag nyid can rnams lags/ ji ltar na/ snying rje'i bdag nyid can rnams lags/ ji ltar na/ dga' ba la gnas pa rnams lags/ ji ltar
16b1 na| btang snyoms la gnas pa rnams lags/ bcom ldan 'das/ ji ltar na/ byang chub sems dpa' mngon par shes pas rnam par rol pa rnams lags/ ji ltar na/ mi khom pa brgyad rnam
16b2 par spangs pa rnams lags/ ji ltar na/ byang chub kyi sems kyi ma stor ba rnams lags/ ji ltar na/ skye ba dran pa rnams lags/ ji ltar na/ dge ba'i bshes gnyen dang ma bral
16b3 ba rnams lags/ ji ltar na/ sdig pa'i grogs po yongs su spangs pa rnams lags/ bcom ldan 'das/ ji ltar na/ byang chub sems dpa' de bzhin gshegs pa'i sku'i chos nyid thob
16b4 par 'gyur ba rnams lags/ ji ltar na/ lus rdo rje ltar sra ba rnams lags/ bcom ldan 'das/ ji ltar na/ byang chub sems dpa' ded dpon chen po rnams lags/ ji ltar na/ lam
16b5 la mkhas pa rnams lags/ ji ltar na/ lam la log par spyod pa rnams lags/ bcom ldan 'das/ ji ltar na/ byang chub sems dpa' rtag tu rgyun mi 'chad par sems mnyam par bzhag
16b6 pa rnams lags/ bcom ldan 'das/ ji ltar na/ byang chub sems dpa' phyag dar khrod pa rnams lags/ ji ltar na/ chos gos gsum pa rnams lags/ ji ltar na/ phying pa can
16b7 rnams lags/ bcom ldan 'das/ ji ltar na/ byang chub sems dpa' bsod snyoms pa rnams lags/ ji ltar na/ stan gcig pa rnams lags/ ji ltar na/ zas phyis mi len pa
17a1 rnams lags/ bcom ldan 'das/ ji ltar na/ byang chub sems dpa' dgon pa pa rnams lags/ ji ltar na/ shing drung pa rnams lags/ ji ltar na/ bla gab med pa
17a2 rnams lags/ ji ltar na/ dur khrod pa rnams lags/ ji ltar na/ tsog pus rnams lags/ ji ltar na/ gzhi ji bzhin pa rnams lags/ bcom ldan 'das/ ji ltar na/ byang chub sems
17a3 dpa' rnal 'byor spyod pa rnams lags/ ji ltar na/ mdo sde 'dzin pa rnams lags/ ji ltar na/ 'dul ba 'dzin pa rnams lags/ ji ltar na ma mo 'dzin pa rnams lags/ ji ltar na/ cho ga dang /
17a4 spyod yul dang / spyod pa dang / smon lam phun sum tshogs pa rnams lags/ ji ltar na/ ser sna dang phrag dog dang bral ba rnams lags/ ji ltar na/ sems can thams cad la sems
17a5 snyoms pa rnams lags/ ji ltar na/ de bzhin gshegs pa la mchod pa dang rim gro bgyid pa la mkhas pa rnams lags/ ji ltar na/ nga rgyal bcom pa rnams lags/ ji ltar na/
17a6 dad pa mang pa rnams lags/ ji ltar na/ kun rdzob la mkhas pa rnams lags/ ji ltar na/ don dam pa la mkhas pa rnams lags/ ji ltar na/ rten cing 'brel pa 'byung ba la mkhas
17a7 pa rnams lags/ ji ltar na/ bdag shes pa rnams lags/ ji ltar na/ 'jig rten shes pa rnams lags/ bcom ldan 'das/ ji ltar na/ byang chub sems
17b1 dpa' sangs rgyas kyi zhing yongs su dag par skye ba rnams lags/ ji ltar na/ mngal gyi dri mas ma gos par skye ba rnams lags/ ji ltar na/ khyim gyi gnas nas mngon par byung ba rnams la
17b2 ji ltar na/ 'tsho ba yongs su dag pa rnams lags/ ji ltar na/ yid yongs su mi skyo ba rnams lags/ ji ltar na/ de bzhin gshegs pa rnams kyi bka' bzhin bgyid pa rnams lags/
17b3 ji ltar na/ bzhin 'dzum zhing khro gnyer ma mchis pa rnams lags/ ji ltar na/ mang du thos pa rnams lags/ ji ltar na/ dam pa'i chos yongs su 'dzin pa rnams lags/ ji ltar na/
17b4 chos kyi rgyal po'i sras rnams lags/ ji ltar na/ brgya byin dang / tshangs pa dang / 'jig rten skyong bas bsu ba rnams lags/ ji ltar na/ bsam pa dang / bag la nyal 'tshal ba rnams
17b5 lags/ ji ltar na/ sems can yongs su smin par bgyi ba'i cho ga 'tshal ba rnams lags/ ji ltar na/ des pa rnams lags/ ji ltar na/ 'grogs na bde ba rnams lags/ ji ltar na/
17b6 bsdu ba'i dngos po la mkhas pa rnams lags/ ji ltar na/ tshul du shis pa rnams lags/ ji ltar na/ gnas bca' ba rnams lags/ ji ltar na/ rtsi'i rgyal po'i shing chen po lta bu rnams
17b7 lags/ ji ltar na/ bsod nams bgyi ba la brtson pa rnams lags/ ji ltar na/ sprul pa la mkhas pa rnams lags/ bcom ldan 'das/ ji ltar na/ byang chub sems dpa' dag /
18a1 myur du bla na med pa yang dag par rdzogs pa'i byang chub mngon par rdzogs par 'tshang rgya/ de skad ces gsol pa dang / bcom ldan 'das kyis byang chub sems dpa'
18a2 sems dpa' chen po sgrib pa thams cad rnam par sel ba la 'di skad ces bka' stsal to/ /rigs kyi bu/ legs so legs so/ /yang rigs kyi bu/ khyod skye bo mang po la phan pa dang /
18a3 skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang bde ba'i phyir zhugs shing / de ltar de bzhin gshegs pa la
18a4 khyod 'di lta bu'i don 'dri bar sems pa legs so/ /rigs kyi bu/ de'i phyir legs par shin tu nyon la yid la zungs shig dang ngas khyod la bshad do/ /bcom ldan 'das/ legs
18a5 so| |zhes byang chub sems dpa' sgrib pa thams cad rnam par sel bas bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ /rigs kyi
18a6 bu| chos bcu dang ldan na/ byang chub sems dpa' sbyin pa phun sum tshogs pa rnams yin no/ /bcu gang zhe na/ 'di lta ste/ chos kyi sbyin pa phun sum tshogs pa rnam sbyin/ mi 'jigs
18a7 pa'i sbyin pa phun sum tshogs pa rnams yin/ zang zing gi sbyin pa phun sum tshogs pa rnams yin/ lan du phan 'dogs pa la mi re ba'i sbyin pa phun sum tshogs pa rnams yin/ snying
18b1 rje ba'i sbyin pa phun sum tshogs pa rnams yin/ mi brnyas pa'i sbyin pa phun sum tshogs pa rnams yin/ bsti stang gi sbyin pa phun sum tshogs pa rnams yin/ mchod pa dang rim gro'i sbyin
18b2 pa phun sum tshogs pa rnams yin/ mi gnas pa'i sbyin pa phun sum tshogs pa rnams yin/ yongs su dag pa'i sbyin pa phun sum tshogs pa rnams yin no/ /rigs kyi bu/ de la ji ltar na/
18b3 byang chub sems dpa' chos kyi sbyin pa phun sum tshogs pa yin zhe na/ rigs kyi bu/ 'di la byang chub sems dpa' bzang zing med pa'i sems kyis chos rnams 'dzin cing kun chub par
18b4 byed de| rnyed pa dang bkur sti'i phyir ma yin/ shes kyi khe 'dod pa'i phyir ma yin/ grags pa 'dod pa'i phyir ma yin te/ gzhan du na 'di ltar sems can 'di dag gi sdug bsngal thams
18b5 cad ji ltar zad par bya snyam ste/ chos de dag kyang zang zing med pa'i sems kyis gnyis su med par gzhan dag la'ang yang dag par ston to/ /ji ltar rgyal po'am/ blon po chen po la yang
18b6 dag par ston pa de ltar gdol pa'am/ gdol bu la'ang dag par ston na/ de ma yin pa grong rdal gyi mi dang / yul gyi mi gzhan dag lta ci smos/ chos kyi sbyin pa des khengs par yang mi
18b7 'gyur te/ rigs kyi bu/ de ltar na/ byang chub sems dpa' chos kyi sbyin pa phun sum tshogs pa yin no/ /ji ltar na/ byang chub sems dpa' mi 'jigs pa'i sbyin pa phun sum tshogs pa yin zhe
19a1 na| rigs kyi bu/ 'di la byang chub sems dpa' bdag gis dbyig pa bor ba dang / mtshon cha bor ba yin te/ gzhan dag kyang bslab pa de nyid la gzhog go/
19a2 de sems can thams cad la par 'du shes pa yin/ mar 'du shes pa yin/ bur 'du shes pa yin/ gnyen bshes su 'du shes pa yin/ nye du'am snag gi gnyen mtshams dag
19a3 kyang rung bar 'du shes pa yin no/ /de ci'i phyir zhe na/ de 'di snyam du sems te/ de bzhin gshegs pas kyang skye ba 'pho ba de dang de dag tu sems can gyi ris su gang khyod kyi pha'am/
19a4 ma'am| bu'am/ gnyen bshes sam/ nye du'am/ snag gi gnyen mtshams dag gang yang rung ba'i gnas su ma gyur pa'i sems can de lta bu med do/ /zhes gsungs so snyam nas
19a5 de srog chags su gyur pa phra mo'i phyir yang bdag gi sha dag gis kyang phan 'dogs na/ srog chags chen po pa gzhan la lta ci smos te/ de ltar na/ byang chub sems dpa' mi 'jigs
19a6 pa'i sbyin pa phun sum tshogs pa yin no/ /ji ltar na/ byang chub sems dpa' zang zing gi sbyin pa phun sum tshogs pa yin zhe na/ rigs kyi bu/ 'di la byang chub sems dpa' sems
19a7 can gang mi dge ba'i las byed pa rab tu mthong na/ de dag zang zing gis sdud cing / zang zing gis bsdus nas mi dge ba'i gnas de nas bslang ste dge ba'i gnas su 'god do/ /de'ang
19b1 'di snyam du sems te/ bcom ldan 'das kyis kyang sbyin pa ni/ byang chub sems dpa'i byang chub bo/ /byang chub sems dpa' sbyin pa sbyin pa na mi dge ba'i chos phrag dog dang / ser sna dang /
19b2 ngan sems gsum spangs pa yin no/ /zhes gsungs te/ de bas na/ bdag gis de bzhin gshegs pa'i rjes su bslab cing sbyin pa sbyin par bya'o/ /snyam ste/ de sbyin pa'ang sbyin zhing sbyin
19b3 pa des khengs par yang mi 'gyur te/ de ltar na/ byang chub sems dpa' zang zing gi sbyin pa phun sum tshogs pa yin no/ /ji ltar na/ byang chub sems dpa' lan du phan 'dogs pa la mi ro/
19b4 ba'i sbyin pa phun sum tshogs pa yin zhe na/ byang chub sems dpa' sbyin pa sbyin pa'ang 'dod pa'i phyir sbyin pa mi sbyin/ phan 'dogs su re ba'i phyir ma yin/ don gyi phyir ma yin/ g.yog
19b5 gi phyir ma yin/ 'jig rten gyi tshul gyis phyir ma yin gyi/ gzhan du na 'di snyam du sems te/ gang byang chub sems dpa' sbyin pa'i ngang tshul can du 'gyur ba 'di ni/ chos nyid yin no snyam
19b6 ste| de de'i rgyu/ de'i rkyen/ de'i gzhis phan btags pa'i lan du phan 'dogs pa thams cad la mi re bar sbyin pa sbyin par byed de/ de ltar na/ byang chub sems dpa' lan du phan 'dogs pa
19b7 la mi re ba'i sbyin pa phun sum tshogs pa yin no/ /ji ltar na/ byang chub sems dpa' snying rje ba'i sbyin pa phun sum tshogs pa yin zhe na/ 'di la byang chub sems dpa' sems can
20a1 sdug bsngal ba dang / bkres pa dang / skom pa dang / gcer bu dang / gos ngan pa dang / bgo ba ngan pa dang / mgon med pa dang / dpung gnyen med pa dang / skyabs
20a2 med pa dang / gnas med pa dang / rten med pa lta bu'i bsod nams med pa dag mthong na/ de dag la snying rje ba'i sems rab tu bskyed cing / de 'di snyam du sems te/ sems can gang
20a3 dag gi phyir bdag gis bla na med pa yang dag par rdzogs pa'i byang chub tu sems bskyed pa'i sems can de dag ni/ sdug bsngal ba/ mgon med pa/ dpung gnyen med pa/ skyabs
20a4 med pa| gnas med pa/ rten med pa 'di dag yin te/ kun tu 'khyams na nam zhig bdag sems can de dag gi mgon dang / dbung gnyen dang / skyabs dang / gnas dang / rten du
20a5 'gyur snyam nas de snying rje rab tu mi bzod de/ bdog pa ci yod pa'i dngos pos sems can de dag la phan 'dogs so/ /phan btags pa'i mod la skyes pa'i dge ba'i rtsa ba des
20a6 kyang khengs par mi 'gyur te/ de ltar na/ byang chub sems dpa' snying rje ba'i sbyin pa phun sum tshogs pa yin no/ /ji ltar na/ byang chub sems dpa' mi bsnyes pa'i sbyin pa phun sum
20a7 tshogs pa yin zhe na/ byang chub sems dpa' sbyin pa sbyin pa na bor ba'i sbyin pa mi sbyin/ brnyas shing sbyin pa mi sbyin/ gshe zhing sbyin pa mi sbyin/ nyon mongs shing sbyin pa mi sbyin/
20b1 phyug pas rgyags shing dregs te sbyin pa mi sbyin/ grags pa 'dod cing sbyin pa mi sbyin/ mang du thos pas rgyags shing dregs pas sbyin pa mi sbyin gyi/ ci sbyin pa de'ang bsti stang du byas shing
20b2 sbyin pa sbyin par byed do/ /btsun par byas shing sbyin pa sbyin par byed do/ /ri mor byas shing sbyin pa sbyin par byed do/ /de ltar na/ byang chub sems dpa' mi brnyas pa'i sbyin pa phun sum
20b3 tshogs pa yin no/ /ji ltar na/ byang chub sems dpa' bsti stang gi sbyin pa phun sum tshogs pa yin zhe na/ byang chub sems dpa' slob dpon dang / mkhan po dang / bla ma lta bu dang / tshangs pa
20b4 mtshungs par spyod pa dag mthong na/ lus kyis gus pa dang bcas pa yin/ sems kyis ri mo dang bcas pa yin te/ des gus pa bskyed/ ri mo bskyed nas gus par smra ba dang / phyag
20b5 'tshal ba dang / bsu ba dang / thal mo sbyar ba dang / 'dud pa'i las dag byed do/ /de dag gi dge ba dang ldan pa'i bya ba de dang de dag la'ang grogs su 'gyur te/ de ltar na/ byang chub sems
20b6 dpa' bsti stang gi sbyin pa phun sum tshogs pa yin no/ /ji ltar na/ byang chub sems dpa' mchod pa dang rim gro'i sbyin pa phun sum tshogs pa yin zhe na/ byang chub sems dpa' sangs
20b7 rgyas dang / chos dang / dge 'dun la bya ba dag byed de/ ji ltar na/ sangs rgyas la bya ba dag byed ce na/ 'di lta ste/ de bzhin gshegs pa'i mchod rten dag dang / de bzhin gshegs
21a1 pa'i sku gzugs la spos dang / me tog gam/ bdug gam/ byug pa'am/ skyang nul lam/ de bzhin gshegs pa'i mchod rten zhig pa bcos pa dag gis
21a2 te| de ltar na/ sangs rgyas la bya ba dag byed do/ /ji ltar na/ chos la bya ba dang byed ces na/ de chos nyan to/ /klog go/ 'chang ngo / /yi ger 'bri'o/ /kha ton byed do/ /kun chub par byed do/ /
21a3 sems so/ /ma log par sgom pa'i sbyor bas goms par byed de/ de ltar na/ chos la bya ba dag byed do/ /ji ltar na/ dge 'dun la bya ba dag byed ces na/ de gos dang / bsod snyoms
21a4 dang / mal cha dang / na ba'i rkyen sman dang / yo byad rnams dang / chung du na chu grang mo khyor gang tsam yang dge 'dun la 'bul te/ de ltar na/ dge 'dun la bya ba dag byed de/ de ltar na/
21a5 byang chub sems dpa' mchod pa dang rim gro'i sbyin pa phun sum tshogs pa yin no/ /ji ltar na/ byang chub sems dpa' mi gnas pa'i sbyin pa phun sum tshogs pa yin zhe na/ 'di
21a6 la byang chub sems dpa' sbyin pa sbyin pa na/ sbyin pa 'dis bdag lha'am lha la la zhig tu shog cig ce'am/ rgyal po'am rgyal po la la zhig tu shog cig ces de ltar sems mi
21a7 skyed de/ de ltar na/ byang chub sems dpa' mi gnas pa'i sbyin pa phun sum tshogs pa yin no/ /rigs kyi bu/ ji ltar na/ byang chub sems dpa' yongs su dag pa'i sbyin pa phun sum
21b1 tshogs pa yin zhe na/ rigs kyi bu/ 'di la byang chub sems dpa' sbyin pa 'di dag ji skad du bshad pa la so sor rtog pa'i rang bzhin can yin te/ sbyin pa ci dang ci sbyin yang sbyin pa de dang de
21b2 la so sor rtog pa'i rang bzhin can yin no/ /de de ltar so sor rtog pas gang 'di sbyin pa'i snyes pa dang / sbyin pa'i dri ma dang / sbyin pa'i bar du gcod pa de dag mi 'byung ste/ de ltar sbyin
21b3 rigs kyi bu/ byang chub sems dpa' yongs su dag pa'i sbyin pa phun sum tshogs pa yin no/ /rigs kyi bu/ chos bcu po de dag dang ldan na/ byang chub sems dpa' sbyin pa phun
21b4 sum tshogs pa rnams yin no/ /rigs kyi bu/ chos bcu dang ldan na/ byang chub sems dpa' tshul khrims phun sum tshogs pa rnams yin no/ /bcu gang zhe na/ 'di lta ste/ so sor
21b5 thar pa'i sdom pas bsdams pa rnams yin/ byang chub sems dpa'i bslab pa'i sdom pas bsdams pa rnams yin/ nyon mongs pa thams cad kyi yongs su gzung ba dang bral ba
21b6 rnams yin/ tshul bzhin ma yin pa'i yid la byed pa dang bral ba rnams yin/ las kyis 'jigs pa rnams yin/ kha na ma tho bas 'jigs pa rnams yin/ 'jigs par lta ba
21b7 rnams yin/ yang dag par blangs pa la brtan pa rnams yin/ mi gnas pa'i tshul khrims pa rnams yin/ 'khor gsum yongs su dag pa'i tshul khrims pa rnams yin no/ /
22a1 rigs kyi bu/ de la ji ltar na/ byang chub sems dpa' so sor thar pa'i sdom pas bsdams pa yin zhe na/ rigs kyi bu/ 'di la byang chub sems dpa' de bzhin
22a2 gshegs pas mdo sde'am/ 'dul ba'am/ gnas gang yang rung ba la la dag tu bslab pa'i gnas 'di dag gang bcas pa de dag ston pas bstan pa'i snyam du sems te/
22a3 gnas de dang de dag la shin tu legs par slob kyi/ rigs la 'dod chags bsam yin/ lta ba la 'dod chags pas ma yin/ 'khor ba la 'dod chags pas ma yin/ gang
22a4 zag gi skyon gyi phyir bslab pa'i gnas de dang de dag la ri mo med pa ma yin te/ de ltar na/ byang chub sems dpa' so sor thar pa'i sdom pas bsdams pa yin no/ /ji ltar na/
22a5 byang chub sems dpa' byang chub sems dpa'i bslab pa'i sdom pas bsdams pa yin zhe na/ 'di la byang chub sems dpa' 'di snyam du so sor thar pa'i sdom pa tsam gyis
22a6 ni| bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus kyi/ de bzhin gshegs pas mdo sde de dang de dag las byang chub sems
22a7 dpa'i yang dag par spyad pa dang / byang chub sems dpa'i bslab pa'i gnas 'di dag gang bcas pa de dag la bdag gis bslab par bya'o/ /zhes rnam par dpyod do/ /byang chub sems
22b1 dpa'i yang dag par spyad pa de dag ni/ gang / byang chub sems dpa'i bslab pa'i gnas de rnams kyang gang zhe na/ 'di la byang chub sems dpa' gang gi phyir de la sems can rnams dad par
22b2 'gyur ba'i gnas ma yin par mi spyod/ yul ma yin par mi spyod/ dus ma yin par mi smra ba yin/ dus mi shes pa ma yin/ yul mi shes pa ma yin/ tshod mi shes pa ma yin te/ de
22b3 sems can de rjes su bsrung ba dang / bdag gi byang chub kyi tshogs yongs su rdzogs par bya ba'i phyir spyod lam phun sum tshogs shing 'jam dpar smra ba dang / dal bus smra ba dang / 'du 'dzi
22b4 mi mang ba dang / rab tu dben pa la mngon par phyogs pa dang / bzhin gyi mdangs rab tu dang ba yin te/ de ltar na/ byang chub sems dpa' cho ga phun sum tshogs pa yin no/ /ji ltar na/
22b5 byang chub sems dpa' byang chub sems dpa'i bslab pa'i sdom pas bsdams pa yin zhe na/ de bzhin gshegs pa'i mdo sde de dang de dag la byang chub sems dpa' rnams kyis
22b6 bslab pa'i gnas 'di dag gang bcas pa'i gnas de dag la gus par byed pa yin/ brtson par byed pa yin te/ de ltar na/ byang chub sems dpa' byang chub sems dpa'i bslab pa'i
22b7 sdom pas bsdams pa yin no/ /ji ltar na/ byang chub sems dpa' nyon mongs pa thams cad kyi yongs su gdung ba dang bral ba yin zhe na/ 'di la byang chub sems dpa' 'dod chags kyi
23a1 yongs su gdung ba'am/ zhe sdang gi yongs su gdung ba'am/ gti mug gi yongs su gdung ba'am/ nyon mongs pa'i yongs su gdung ba gang yang rung ba la la'am/ yo
23a2 byad kyis phongs pa'i yongs su gdung ba gang yang rung ba la las yongs su gdung bar mi 'gyur te/ de 'dod chags kyi gnyen po la rten cing 'dod chags skye ba'i rkyen rnams yongs su spang
23a3 ngo / /'dod chags kyi gnyen po de ni/ gang / 'dod chags skye ba'i rkyen de dag ni/ gang zhe na/ mi sdug pa sgom pa ni/ 'dod chags kyi gnyen po'o/ /yul gyi bzang mo ni/ 'dod
23a4 chags skye ba'i rkyen te/ mi sdug pa sgom pa de gang zhe na/ 'di lta ste/ lus 'di la skra dang / spu dang / sen mo dang / so dang / rdul dang / dri ma dang / pags pa dang / sha dang / rus pa
23a5 dang / rgyus pa dang / rtsa dang / mkhal ma dang / snying dang / mchin pa dang / glo ba dang / rgyu ma dang / gnye ma dang / pho ba dang / sul mang dang / long ka dang / lgang pa dang / mtsher pa dang / phyi sa
23a6 dang / mchi ma dang / rdul dang / snabs dang / ngar snabs dang / zhag dang / chu ser dang / rkang dang / tshil dang / mkhris pa dang / bad kan dang / rnag khrag dang / klad pa dang / klad rgyas dang /
23a7 gcin dag yod de/ dngos po de dag la byang chub sems dpa' yongs su rtog pa'i rang bzhin can yin te/ yongs su rtog pa'i rang bzhin can de 'di snyam du byis pa/ blun po/ mi
23b1 gsal ba/ mi mkhas pa de'ang dngos po 'di dag shes nas 'dod chags kyi sems mi skyed na/ shes rab dang ldan pa'i rang bzhin can lta smos kyang ci dgos snyam ste/ de ltar na/ byang chub
23b2 sems dpa' mi sdug pa sgom pa med pa yin no/ /yul gyi bzang mo de gang zhe na/ 'di la byang chub sems dpas chags par 'gyur ba'i bud med gzugs bzang ba/ yid du 'ong ba/ mdzes pa/
23b3 mig tu sdug pa/ sems 'phrog pa mthong yang des de lta bu dag mthong na 'di ltar yongs su rtog ste/ bcom ldan 'das kyis kyang yul ni/ rmi lam dang 'dra ba dag ste/ byung nas med par
23b4 'gyur ba yin na/ mkhas pa'i rang bzhin can su zhig rmi lam lta bu'i yul dag la 'dod chags skyed par byed ces gsungs so snyam ste/ de ltar na/ byang chub sems dpa' 'dod chags
23b5 kyi gnyen po la rten cing 'dod chags skye ba'i rkyen rnams yongs su spong ngo / /ji ltar na/ byang chub sems dpa' zhe sdang gi gnyen po la rten cing zhe sdang skye ba'i rkyen rnams yongs su spong
23b6 zhe na| 'di la byang chub sems dpa' sems can rnams la byams pa mang ba yin te/ de gzhi gang dang / rgyu gang dang / rkyen gang gis khro zhing gnod sems su 'gyur ba dang / 'khon du 'dzin
23b7 par 'gyur ba'i rgyu de dag dang / rkyen de dag yongs su spangs te/ de ltar na/ byang chub sems dpa' zhe sdang gi gnyen po la rten cing zhe sdang skye ba'i rkyen rnams yongs su spong ba yin no/ /ji
24a1 ltar na| byang chub sems dpa' gti mug gi gnyen po la rten cing gti mug skye ba'i rkyen rnams yongs su spong zhe na/ de de ltar yongs su rtog pas gti mug
24a2 dang bral bar 'gyur ro/ /gti mug dang bral bas 'dod pa ma 'byor tam/ yo byad ma 'byor kyang yongs su yi chad pa med de/ de ltar na/ byang chub sems dpa' nyon mongs pa thams
24a3 cad kyi yongs su gdung ba dang bral ba yin no/ /ji ltar na/ byang chub sems dpa' tshul bzhin ma yin pa'i yid la byed pa dang bral ba yin zhe na/ 'di la byang chub sems dpa'
24a4 gcig pu lkog tu song ste rab tu dben pa la gnas shing 'di ltar bdag ni/ ma 'dres par gnas pa ste/ bdag ni/ rab tu dben pa na 'dug pa'o/ /bdag ni/ de bzhin gshegs
24a5 pa'i chos 'dul ba la zhugs pa'o/ /dge sbyong ngam/ bram ze gzhan dag ni/ kun kyang 'dres par gnas pa/ 'du 'dzi mang ba/ de bzhin gshegs pa'i chos 'dul ba las nyams
24a6 pa'o snyam du sems mi skyed de/ de ltar na/ byang chub sems dpa' tshul bzhin ma yin pa'i yid la byed pa dang bral ba yin no/ /ji ltar na/ byang chub sems dpa' las kyis
24a7 'jigs pa yin zhe na/ 'di la byang chub sems dpa' 'di ltar bcom ldan 'das kyis kyang dge slong rnams bsod nams dag gus par bya'o/ /tshul khrims gus par srung ngo //
24b1 shes rab gus par sgom mo/ /de ci'i phyir zhe na/ bsod nams gus par byas pa rnams kyi rnam par smin pa ni/ 'dod pa dang / 'thad pa dang / dga' ba dang / yid du 'ong bar nyams su myong bar
24b2 'gyur ro/ /zhes gsungs so snyam du dpyod do/ /de de ltar mngon par yid ches pas mi dge ba'i chos thams cad dang bral bar 'gyur te/ de ltar na/ las kyis 'jigs pa yin no/ /
24b3 ji ltar na/ byang chub sems dpa' kha na ma tho bas 'jigs pa yin zhe na/ 'di la byang chub sems dpa' kha na ma tho ba phra mo tsam dag la'ang 'jigs par lta zhing sdig pa chung
24b4 du'ang khyad du mi gsod pa yin te/ de 'di snyam du bcom ldan 'das kyis kyang dge slong rnams dug chung dus kyang skyes bu 'chi bar 'gyur ro/ /dge slong rnams dug chen pos kyang
24b5 skyes bu 'chi bar 'gyur ro/ /de bzhin du sdig pa chen pos kyang ngan song rnams su phyin par byed do/ /sdig pa chung dus kyang ngan song rnams su phyin par byed do/ /zhes gsungs so snyam
24b6 du sems te/ de de ltar yongs su rtog pas kha na ma tho bas 'jigs pa yin te/ de ltar na/ byang chub sems dpa' kha na ma tho bas 'jigs pa yin no/ /ji ltar na/ byang chub sems
24b7 dpa' 'jigs par lta ba yin zhe na/ 'di la byang chub sems dpa' bram ze dang / rgyal rigs dang / grong rdal gyi mi dang / yul gyi mi rnams kyis yid brtan du rung ba yin te/
25a1 bram ze dang / rgyal rigs dang / grong rdal gyi mi dang / yul gyi mi rnams byang chub sems dpa' de gcig pu gnyis su med pa la 'gron bu dang / gser dang / nor
25a2 bu dang / mu tig dang / bai DUR+ya dang / dung dang / man shel dang / byi ru la sogs pa nor dang / yo byad kyi rnam pa dag 'dems kyang de la byang chub sems dpa' brnab sems kyang mi skyed
25a3 do| |gal te byang chub sems dpa' mchod rten gyi'am/ dge 'dun gyi dngos po'i phyir las su bskos nas yang dngos po des kyang nye bar mi 'tsho ste/ de 'di snyam du sems shing
25a4 bcom ldan 'das kyis kyang byang chub sems dpas ni/ bdag gi lus las sha zos kyang bla'i/ gzhan gyi zas sam/ skom mam/ yo byad kyi rnam pa gang ci'ang rung ba dag ma
25a5 byin la| ma gnang bar spyad pa ni/ mi rung ngo / /zhes gsungs so snyam ste/ de ltar na/ byang chub sems dpa' 'jigs par lta ba yin no/ /ji ltar na/ byang chub sems dpa'
25a6 yang dag par blangs pa la brtan pa yin zhe na/ 'di la byang chub sems dpa' la bdud dang bdud kyi ris kyi lha rnams kyis gtses sam/ nor dang / 'khrig pa'i yan lag
25a7 gis brjod kyang mi g.yo mi 'gyur zhing nyams par mi 'gyur te/ de ltar na/ byang chub sems dpa' yang dag par blangs pa la brtan pa yin no/ /ji ltar na/ byang chub sems
25b1 dpa' mi gnas pa'i tshul khrims pa yin zhe na/ 'di la byang chub sems dpa' tshul khrims srung na/ tshul khrims 'dis bdag lhar shog cig ce'am/ lha la lar shog cig ce'am/ rgyal
25b2 por shog cig ce'am/ rgyal po la lar shog cig ces sems mi bskyed de/ de ltar na/ byang chub sems dpa' mi gnas pa'i tshul khrims pa yin no/ /rigs kyi bu/ ji ltar na/
25b3 byang chub sems dpa' 'khor gsum yongs su dag pa'i tshul khrims pa yin zhe na/ 'di la byang chub sems dpa' lus kyis yongs su dag pa yin/ ngag dang / yid kyis yongs
25b4 su dag pa yin te/ ji ltar na/ lus kyi yongs su dag pa yin zhe na/ de gang lus kyi ngan du spyod pa 'di dag thams cad du thams cad yongs su spong ste/ lus kyi ngan du spyod pa de dag kyang
25b5 gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa ste/ de ltar na/ lus kyis yongs su dag pa yin no/ /ji ltar na/ ngag gis yongs
25b6 su dag pa yin zhe na/ de gang 'di dag ngag gi ngan du spyod pa de dag thams cad du thams cad yongs su spong ste/ ngag gi ngan du spyod pa de dag kyang gang zhe na/ 'di lta ste/ brdzun du smra ba
25b7 dang / phra ma dang / tshig rtsub po dang / tshig kyal pa ste/ de ltar ngag gis yongs su dag pa yin no/ /ji ltar na/ yid kyis yongs su dag pa yin zhe na/ de gang 'di dag yid kyi ngan du
26a1 spyod pa de dag thams cad du thams cad yongs su spong ste/ yid kyi ngan du spyod pa de dag kyang gang zhe na/ 'di lta ste/ brnab sems dang / gnod sems dang / log
26a2 par lta ba'o/ /de ltar na/ yid kyi yongs su dag pa yin te/ rigs kyi bu/ de ltar na/ byang chub sems dpa' 'khor gsum yongs su dag pa'i tshul khrims can yin no/ /rigs
26a3 kyi bu| chos bcu po de dag dang ldan na/ byang chub sems dpa' tshul khrims phun sum tshogs pa rnams yin no/ /rigs kyi bu/ chos bcu dang ldan na/ byang chub sems dpa' bzod
26a4 pa phun sum tshogs pa rnams yin no/ /bcu gang zhe na/ 'di lta ste/ nang gi bzod pa phun sum tshogs pa rnams yin/ phyi'i bzod pa phun sum tshogs pa yin/ chos kyi bzod
26a5 pa phun sum tshogs pa rnams yin/ sangs rgyas kyis gnang ba'i bzod pa phun sum tshogs pa rnams yin/ nyi tshe ba ma yin pa'i bzod pa phun sum tshogs pa rnams yin/ tha
26a6 dad med pa'i bzod pa phun sum tshogs pa rnams yin/ dgos pa la mi lta ba'i bzod pa phun sum tshogs pa rnams yin/ rnam par mi 'khrugs pa'i bzod pa phun sum tshogs
26a7 pa rnams yin/ snying rje'i bzod pa phun sum tshogs pa rnams yin/ dam bcas pa las sgrol bar byed pa'i bzod pa phun sum tshogs pa rnams yin/ rigs kyi bu/ de la ji ltar
26b1 na| byang chub sems dpa' nang gi bzod pa phun sum tshogs pa yin zhe na/ rigs kyi bu/ 'di la byang chub sems dpa' gang 'di dag nang gi mya ngan dang / smre sngags 'don pa dang / sdug
26b2 bsngal ba dang / yid mi bde ba dang / 'khrug pa de dag bzod cing dang du len la yongs su yi mi chad de/ de ltar na/ byang chub sems dpa' nang gi bzod pa phun sum tshogs pa yin no/ /ji
26b3 ltar na| byang chub sems dpa' phyi'i bzod pa phun sum tshogs pa yin zhe na/ 'di la byang chub sems dpa' ma las smos pa'am/ pha las smos pa'am/ nye du las smos pa'am/
26b4 mkhan po las smos pa'am/ slob dpon las smos pa'i tshig gi lan ngan du brjod pa dang / ngan du smras pa pha rol las thos sam/ sangs rgyas sam/ chos sam/ dge 'dun la mi
26b5 snyan par brjod pa thos na/ mi khro zhing gnod par mi sems la 'khon du mi 'dzin te/ de bzod cing dang du len la gnod sems mi mang ba yin te/ de ltar na/ byang chub sems dpa'
26b6 phyi'i bzod pa phun sum tshogs pa yin no/ /ji ltar na/ byang chub sems dpa' chos kyi bzod pa phun sum tshogs pa yin zhe na/ 'di la byang chub sems dpa' gang 'di dag mdo sde
26b7 zab mo zab mo dag las de bzhin gshegs pas chos bstan pa rgyud chad pa/ mtshams sbyor ba las rnam par grol ba bsdur med pa 'di lta ste/ chos thams cad thog ma nas zhi ba'o//
27a1 chos thams cad rang bzhin gyi mya ngan las 'das pa'o/ /zhes bstan pa de dag thos kyang mi 'jigs/ mi dngang / skrag par mi 'gyur te/ chos 'di
27a2 dag ma shes ma thos par ni/ bla na med pa yang dag par rdzogs pa'i byang chub mngon par 'tshang rgya bar mi nus so/ /snyam du sems te/ de'i phyir gang chos 'di dag 'dzin pa dang / sems
27a3 pa dang / sgom pa dang / yongs su klog pa dang / mos pa 'di ni/ chos kyi bzod pa zhes bya ste/ de ltar na/ byang chub sems dpa' chos kyi bzod pa phun sum tshogs pa yin no/ /ji ltar
27a4 na| byang chub sems dpa' sangs rgyas kyis gnang ba'i bzod pa phun sum tshogs pa yin zhe na/ 'di la byang chub sems dpa' khro ba'i bsam pa skyes sam/ gnod sems kyi bsam
27a5 pa skyes na/ 'di ltar khro ba 'di gang nas byung / gang du 'gag /gang las 'byung / ji ltar 'byung / ci'i don du 'byung zhes yongs su rtog ste/ des de ltar yongs su brtags na/ khro
27a6 ba'i skye ba'ang yang dag par rjes su mi mthong / 'gag pa'ang yang dag par rjes su mi mthong / gang la skye ba de yang dag par rjes su mi mthong / ji ltar skye ba de'ang yang dag par rjes su
27a7 mi mthong / rkyen gang gis skye ba de'ang yang dag par rjes su mi mthong ste/ de de'i phyir bzod cing dang du len la kun nas ldang ba mi mnga' ba yin te/ de ltar na/ byang chub sems
27b1 dpa' sangs rgyas kyis gnang ba'i bzod pa phun sum tshogs pa yin no/ /ji ltar na/ byang chub sems dpa' nyi tshe ba ma yin pa'i bzod pa phun sum tshogs pa yin zhe na/ byang chub sems
27b2 dpa' ni/ nyin par bzod la mtshan mo mi bzod pa'am/ mtshan mo bzod la nyin par mi bzod pa'am/ bdag gi yul na bzod la gzhan gyi yul na mi bzod pa'am/ gzhan gyi yul na bzod
27b3 la bdag gi yum na mi bzod pa'am/ bshes pa la bzod la mi bshes pa la mi bzod pa'am/ mi bshes pa la bzod la bshes pa la mi bzod pa ma yin gyi/ byang chub sems dpa' ni/
27b4 dus thams cad du'ang bzod/ yul thams cad du'ang bzod/ thams cad la'ang bzod pa yin te/ 'di ni/ byang chub sems dpa'i nyi tshe ba ma yin pa'i bzod pa phun sum tshogs pa yin no//
27b5 ji ltar na/ byang chub sems dpa' tha dad pa med pa'i bzod pa phun sum tshogs pa yin zhe na/ 'di la byang chub sems dpa' pha dang / ma dang / bla ma dang / bu dang / bu mo dang / chung ma dang /
27b6 nye du dang / snag gi gnyen mtshams la bzod la/ gzhan la mi bzod pa ma yin gyi/ byang chub sems dpa' ni/ tha na gdol pa gzhon nu yan chad la'ang bzod de/ de ltar na/ byang chub
27b7 sems dpa' tha dad pa med pa'i bzod pa phun sum tshogs pa yin no/ /ji ltar na/ byang chub sems dpa' dgos pa la mi lta ba'i bzod pa phun sum tshogs pa yin zhe na/ 'di la byang
28a1 chub sems dpa' don gyi phyir bzod pa ma yin/ 'jigs pa'i phyir ma yin/ phan thogs su re ba'i phyir ma yin/ 'jig rten gyi tshul gyis ma yin no/ /ngo tsha
28a2 bas bzod pa ma yin gyi/ byang chub sems dpa' ni/ rtag par yang bzod pa mang ba yin te/ de ltar na/ byang chub sems dpa' dgos pa la mi lta ba'i bzod pa phun sum tshogs pa
28a3 yin no| |ji ltar na/ byang chub sems dpa' rnam par mi 'khrug pa'i bzod pa phun sum tshogs pa yin zhe na/ 'di la byang chub sems dpa' nam de la khro ba skyed pa'i rkyen gang gis
28a4 zil gyis non na/ khu tshur gyis 'tshog par 'gyur ba'am/ thal mos 'tshog par 'gyur ba'am/ dbyig pas rdeg par 'gyur ba'am/ mtshon gyis 'debs par 'gyur ba'am/
28a5 mi gtsigs pa'i tshig gis ngan du brjod par 'gyur ba de lta bu'i rkyen ma byung gi bar du bzod pa ma yin gyi/ byang chub sems dpa' ni/ gal te la la zhig gis brdegs sam/
28a6 bsdigs sam/ spyos sam/ brgyad na/ de la byang chub sems dpas 'di snyam du bdag nyid kyis las 'di dag byas te bdag nyid la rnam par smin par 'gyur ro/ /mas ma byas/
28a7 phas ma byas/ nye du dang / snag gi gnyen mtshams gang yang rung ba dag gis ma byas te/ las 'di dag bdag nyid kyis byas pas/ de'i phyir bdag nyid la rnam par smin par
28b1 'gyur gyi/ phyi rol gyi sa'i khams la rnam par smin par mi 'gyur/ de bzhin du chu'i khams dang / me'i khams dang / rlung gi khams la rnam par smin par mi 'gyur ro/ /de bzhin du nang gi
28b2 sa'i khams la rnam par smin par mi 'gyur/ de bzhin du chu'i khams dang / me'i khams dang / rlung gi khams la rnam par smin par mi 'gyur ro snyam du sems gzhag par bya'o/ /de de
28b3 ltar ma log par rtog pas de'i rgyu/ de'i rkyen/ de'i gzhis rnam par dkrugs kyang bzod/ rnam par ma dkrugs kyang bzod de/ de ltar na/ byang chub sems dpa' rnam par mi 'khrug
28b4 pa'i bzod pa phun sum tshogs pa yin no/ /ji ltar na/ byang chub sems dpa' snying rje'i bzod pa phun sum tshogs pa yin zhe na/ 'di la byang chub sems dpa' rgyal po'am/ blon po
28b5 chen po phyug cing nor mang ba/ longs spyod che ba/ sems can sdug bsngal ba rnams kyi bdag por 'gyur la/ de la sems can gzhan de dag gi mi snyan par brjod kyang rung / kyal
28b6 kyang rung / gtses kyang rung ste/ mi khro zhing gnod sems su mi byed la/ bdag por gyur pa lta bur mi ston gyi/ gzhan du na de 'di snyam du sems can 'di dag ni/ bdag nyid kyis bzung
28b7 ba ste| sems can 'di dag ni/ bdag nyid kyis yongs su bskyang bar bya ba yin la/ de ltar yongs su bsrung ba na brlag par bya ba ni/ bdag gi mi cha'o/ /zhes de de'i phyir snying rje'i sems nye
29a1 bar bzhag ste bzod cing dang du len la gnod sems mi mang ba yin te/ de ltar na/ byang chub sems dpa' snying rje'i bzod pa phun sum tshogs pa yin no/ /
29a2 rigs kyi bu/ ji ltar na/ byang chub sems dpa' dam bcas pa las sgrol ba'i bzod pa phun sum tshogs pa yin zhe na/ 'di la byang chub sems dpa' 'di snyam du bdag gis de
29a3 bzhin gshegs pa dgra bcom pa yang dag par rdzogs pa'i sangs rgyas de dag gi spyan sngar bdag gis bla na med pa yang dag par rdzogs pa'i byang chub mngon par rdzogs par
29a4 sangs rgyas te 'khor ba'i rgya mtsho'i 'dam du byid ba'i sems can rnams bsgral bar bgyi'o/ /zhes seng+ge'i sgra bsgrags kyi/ de ltar na/ sems can thams cad bsgral ba dang /
29a5 sems can thams cad dgrol ba dang / sems can thams cad dul ba dang zhi ba la rab tu bkod par brtson pa la bdag nyid khro ba mang ba dang / gnod sems mang ba dang / mi bzod
29a6 pa mang ba dang / phog snya byed pa ni/ bdag gi mi cha'o snyam du sems so/ /rigs kyi bu/ 'di lta ste/ dper na/ sman pa thur ma can zhig yod la/ sems can rnams kyang rab rib
29a7 kyis ldongs par gyur nas sman pa des 'di snyam du bdag gis sems can 'di dag gi rab rib kyi skyon bsal bar bya'o/ /zhes bsam la/ de nas sman pa de bdag nyid kyang ldongs
29b1 par gyur na/ rigs kyi bu/ de ji snyam du sems/ ji ga sman pa des sems can de dag gi rab rib kyi skyon thams cad bsal bar nus sam/ gsol ba/ bcom ldan 'das/ de ma lags
29b2 so| |bcom ldan 'das kyis bka' stsal pa/ rigs kyi bu/ de bzhin du byang chub sems dpa' yang 'di ltar 'jig rten mi shes pa'i rab rib kyis ldongs pa'i gti mug gi dri ma
29b3 shes rab kyi mig gis bsal bar 'dod la/ bdag nyid kyang mi shes pa'i rab rib kyis ldongs na bdag gi mi cha'o snyam du sems te/ de de'i phyir bzod cing dang du len la gnod sems
29b4 mi mang ba yin te/ de ltar na/ byang chub sems dpa' dam bcas pa las sgrol bar byed pa'i bzod pa phun sum tshogs pa yin no/ /rigs kyi bu/ chos bcu po de dag dang ldan na/ byang
29b5 chub sems dpa' bzod pa phun sum tshogs pa rnams yin no/ /'phags pa dkon mchog sprin/ bam po gnyis pa/ rigs kyi bu/ chos bcu dang ldan na/ byang chub sems
29b6 dpa' brtson 'grus phun sum tshogs pa rnams yin no/ /bcu gang zhe na/ 'di lta ste/ rdo rje lta bu'i brtson 'grus can rnams yin/ mi 'phrog pa'i brtson 'grus can rnams yin/ mtha'
29b7 gnyis dang bral ba'i brtson 'grus can rnams yin/ rlabs po che'i brtson 'grus can rnams yin/ 'bar ba'i brtson 'grus can rnams yin/ rgyun du chud pa'i brtson 'grus can
30a1 rnams yin/ rnam par dag pa'i brtson 'grus can rnams yin/ thun mong ma yin pa'i brtson 'grus can rnams yin/ mi brnyas pa'i brtson 'grus can rnams
30a2 yin| snyems pa med pa'i brtson 'grus can rnams yin no/ /rigs kyi bu/ de la ji ltar na/ rdo rje lta bu'i brtson 'grus can rnams yin zhe na/ rigs kyi bu/ 'di la byang chub sems
30a3 dpa' sems can phyi khams yongs su mya ngan las ma 'das pa yongs su mya ngan las bzla ba dang / ma rgal ba bsgral ba dang / ma grol ba dgrol ba dang / dbugs ma phyin pa dbugs
30a4 dbyung ba dang / mngon par rdzogs par sangs ma rgyas pa mngon par rdzogs par sangs rgyas par bya ba'i phyir brtson 'grus brtsams pa yin te/ de de ltar brtson 'grus brtsams shing
30a5 gnas pa'i drung du bdud sdig can 'ongs nas byang chub sems dpa' de la rigs kyi bu/ 'di lta bu'i brtson 'grus thong zhig /de ci'i phyir zhe na/ rigs kyi bu/ ngas kyang sems can gyi
30a6 khams yongs su mya ngan las ma 'das pa yongs su mya ngan las bzla ba dang / ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / mngon
30a7 par rdzogs par sangs ma rgyas pa mngon par rdzogs par sangs rgyas par bya ba'i phyir brtson 'grus 'di lta bu brtsams te/ de ni/ rdzun dang 'drid pa'i chos can/ byis pa'i skye bo
30b1 slu ba'o| |rigs kyi bu/ ngas ni/ sems can brtson 'grus brtsams pa gcig gis kyang bla na med pa yang dag par rdzogs pa'i byang chub tu mngon par rdzogs par sangs rgyas par ma
30b2 shes so| |rigs kyi bu/ ngas ni/ sems can bye ba du ma nyan thos kyi theg pa dang / rang sangs rgyas kyi theg pas yongs su mya ngan las 'das par ngas shes kyi/ rigs kyi bu/ khyod kyis de'i
30b3 phyir brtson 'grus zlog cig /don med par nyon mongs pa la sten pa por gyur ta re zhes dad pa dang bral bar byed cing kyal ka byed kyang de la byang chub sems dpa' 'di snyam dud sems te/ kye
30b4 ma 'di ni/ bdud sdig can bdag la kyal ka byed par 'dod do snyam ste/ des de ltar shes nas bdud sdig can de la 'di skad du/ sdig can/ khyod bya ba nyung du gyis shig /'jig rten gyi
30b5 bsko sham gyis khyod la ci zhig bya/ sdig can/ bcom ldan 'das kyis kyang las bdag gir bya ba ni/ 'jig rten yin te/ las kyi bgo skal la spyod pa'o/ /las kyi skye gnas pa'o/ /las
30b6 la rten pa'o/ /zhes gsungs te/ sdig can/ khyod kyang las bdag gir bya ba yin te/ las kyi bgo skal la spyod pa/ las kyi skye gnas pa/ las la rten pa yin gyi/ sdig can/ khyod gang nas
30b7 'ongs pa'i lam nas song zhig /nga la kyal ka byas pas khyod yun ring por don med pa dang / gnod pa dang / sdug bsngal bar gyur ta re zhes bsgo'o/ /bdud sdig can de'ang bdag gi sems ni/
31a1 sems kyi tshor bar rig nas yibs yibs te de nyid du mi snang bar 'gyur ro/ /de ltar byang chub sems dpa' bdud thams cad dam/ bdud kyi ris kyi lha
31a2 thams cad kyis kyal ka byas te dad pa dang dbral bar byas kyang mi 'gyur/ mi 'dzum/ zhum par mi 'gyur te/ de ltar na/ byang chub sems dpa' rdo rje lta bu'i brtson 'grus can
31a3 yin no| |ji ltar na/ byang chub sems dpa' mi 'phrog pa'i brtson 'grus can yin zhe na/ 'di la byang chub sems dpa' brtson 'grus brtsams pa'i rnam pa ji lta bus yun ring
31a4 po nas theg pa la yang dag par zhugs pa'i byang chub sems dpa' gzhan dag kyang byang chub sems dpa' de la grangs su'ang nye bar mi 'gro /cha dang / bgrang ba dang / dpe dang / rgyu'i
31a5 bar du'ang nye bar mi 'gro na/ nyan thos dang / rang sangs rgyas thams cad lta ci smos te/ de'i sems 'byung ba re re la brtson 'grus kyi stobs bskyed pas sangs rgyas kyi chos thams
31a6 cad yongs su 'dzim cing / sdig pa mi dge ba'i chos thams cad rab tu spong ba de lta bu'i brtson 'grus rtsom ste/ de ltar na/ byang chub sems dpa' mi 'phrog pa'i brtson 'grus can
31a7 yin no| |ji ltar na/ byang chub sems dpa' mtha' gnyis dang bral ba'i brtson 'grus can yin zhe na/ 'di la byang chub sems dpa' ha cang brtun ngas pa'am/ ha cang zhan pa'i brtson
31b1 'grus mi rtsom ste/ de ci'i phyir zhe na/ ha cang brtun ngas pa'i brtson 'grus ni/ yab yab por 'gyur/ ha cang zhan pa ni/ le lor 'gyur te/ de ltar na/ byang chub sems dpa' mtha' gnyis
31b2 dang bral ba'i brtson 'grus can yin no/ /ji ltar na/ byang chub sems dpa' rlabs po che'i brtson 'grus can yin zhe na/ 'di la byang chub sems dpa' 'di ltar brtson 'grus rtsom
31b3 ste| de bzhin gshegs pa'i sku ci 'dra bar bdag gi lus kyang de dang 'dra bar 'gyur/ gang de bzhin gshegs pa'i spyi gtsug bltar mi snang ba dang / 'od 'dom gang pa dang / mtshan
31b4 dang dpe byad bzang po phun sum tshogs pa dang / ye shes thogs pa med cing mtha' yas pa dang / sangs rgyas kyi che ba nyid dang / sangs rgyas kyi che ba khyu mchog de'ang bdag la'ang yod
31b5 par 'gyur ro/ /zhes brtson 'grus rtsom ste/ de ltar na/ byang chub sems dpa' rlabs po che'i brtson 'grus can yin no/ /ji ltar na/ byang chub sems dpa' 'bar ba'i brtson
31b6 'grus can yin zhe na/ rigs kyi bu/ 'di lta ste/ dper na/ gser ram/ nor bu rin po che chen po dri ma dang skyon thams cad dang bral ba ni/ lham me/ lhan ne/ lhang nge ste/ de ni/ a la la
31b7 'bar ba'i gser ro/ /a la la 'bar ba'i nor bu rin po che zhes bya'o/ /de bzhin du byang chub sems dpa'i brtson 'grus kyang brtson 'grus kyi dri ma dang skyon thams cad dang bral ba
32a1 yin no| |brtson 'grus kyi dri ma dang skyon de dag gang zhe na/ le lo ni/ brtson 'grus kyi dri ma dang skyon no/ /snyom las ni/ brtson 'grus kyi dri ma dang skyon
32a2 no| |zas la tshod mi shes pa ni/ brtson 'grus kyi dri ma dang skyon no/ /bdag mi shes pa ni/ brtson 'grus kyi dri ma dang skyon no/ /tshul bzhin ma yin pa ni/ brtson 'grus kyi dri ma dang
32a3 skyon no| |'du 'dzi ni/ brtson 'grus kyi dri ma dang skyon te/ de dag ni/ brtson 'grus kyi dri ma dang / brtson 'grus kyi skyon zhes bya'o/ /de dag ni/ byang chub sems dpa' la med
32a4 pa yin te/ de'i phyir brtson 'grus de 'bar zhing dri ma med pa dang / 'od gsal zhing yongs su dag pa dang / yongs su byang ba yin no/ /de ltar na/ byang chub sems dpa' 'bar ba'i
32a5 brtson 'grus can yin no/ /ji ltar na/ byang chub sems dpa' rgyun du chud pa'i brtson 'grus can yin zhe na/ 'di la byang chub sems dpa' spyod lam thams cad du brtson
32a6 'grus rtsom ste/ ci nas kyang lus skyo bar mi 'gyur ba dang / sems skyo bar mi 'gyur ba de ltar rtsom pa de ni/ byang chub sems dpa'i brtson 'grus rgyun du chud pa zhes bya ste/ de
32a7 ltar na| byang chub sems dpa' rgyun du chud pa'i brtson 'grus can yin no/ /ji ltar na/ byang chub sems dpa' rnam par dag pa'i brtson 'grus can yin zhe na/ de ltar rgyun du
32b1 chud pa'i brtson 'grus can de'i gang sdig pa mi dge ba'i chos byang chub kyi lam gyi bar du gcod pa gnod pa dang ldan pa de dag spangs pa yin/ gang yang 'di dag dge ba'i chos mya ngan las 'das pa
32b2 dang mthun pa/ byang chub kyi lam gyi tshogs dang mthun pa/ byang chub kyi phyogs byang chub tu 'brang ba de dag 'phel ba dang / rgyas pa dang / yangs par 'gyur te/ de la mi dge ba'i sems skye ba
32b3 phra zhing chung ba 'ga' yang mi skye na/ che ba lta ci smos te/ de ni/ rnam par dag pa'i brtson 'grus zhes bya ste/ de ltar na/ byang chub sems dpa' rnam par dag pa'i brtson 'grus can yin
32b4 no| |ji ltar na/ byang chub sems dpa' thun mong ma yin pa'i brtson 'grus can yin zhe na/ 'di la byang chub sems dpa' 'di snyam du sems te/ gal te phyogs bcu kun tu 'jig
32b5 rten gyi khams gang+gA'i klung gi bye ma snyed cig mnar med pa'i me'i phung po chen pos byur bur gang par gyur la/ 'jig rten gyi khams de dag 'das pa na sems can gcig cig sdug
32b6 bsngal zhing skyabs med/ mgon med de/ gnas med/ rten med pa zhig yod na'ang sems can gcig po de'i don gyi phyir me'i phung po de la rkang gis 'bogs te 'jig rten gyi khams
32b7 de dag 'das nas sems can gcig po de dag thar par bya bar bdag spro na/ sdug bsngal phal pa lta ci zhig smos snyam ste/ de ni/ byang chub sems dpa'i brtson 'grus nyan thos
33a1 dang / rang sangs rgyas thams cad dang / mu stegs can thams cad dang thun mong ma yin pa zhes bya ste/ de ltar na/ byang chub sems dpa' thun mong ma yin pa'i
33a2 brtson 'grus can yin no/ /ji ltar na/ byang chub sems dpa' mi brnyas pa'i brtson 'grus can yin zhe na/ 'di la byang chub sems dpa' 'di snyam du mir gyur pas ni/ byang
33a3 chub thob par dka' ste/ bdag gi brtson 'grus 'di ni/ chung shing zhan la bdag kyang le lo can te/ byang chub ni/ mgo'i thod la me 'bar ba bzhin du bskal pa mang po/ /bskal pa
33a4 brgya phrag mang po/ /bskal pa stong phrag mang po/ /bskal pa brgya stong phrag mang por sgrub dgos pas bdag ni/ de lta bu'i khur bkur bar mi spro'o snyam du sems mi skyed de/ byang
33a5 chub sems dpas ni/ 'di ltar de bzhin gshegs pa dgra bcom pa yang dag par rdzogs pa'i sangs rgyas gang mngon par rdzogs par sangs rgyas pa de dag dang / gang mngon
33a6 par rdzogs par 'tshang rgya ba de dag dang / gang mngon par rdzogs par 'tshang rgya bar 'gyur ba de dag kyang tshul 'di 'dra ba dang / lam 'di 'dra ba dang / brtson 'grus 'di 'dra bas
33a7 mngon par rdzogs par sangs rgyas/ mngon par rdzogs par 'tshang rgya/ mngon par rdzogs par 'tshang rgya bar 'gyur te/ de bzhin gshegs pa de dag kyang de bzhin gshegs
33b1 bar gyur pa sha stag las mngon par rdzogs par sangs rgyas pa ma yin gyi/ bdag kyang ci nas kyang bla na med pa yang dag par rdzogs pa'i byang chub mngon par rdzogs par 'tshang rgya bar
33b2 'gyur par sems can thams cad dang thun mong gi brtson 'grus dang / sems can thams cad la dmigs pa'i brtson 'grus kyis bdag gis kyang de lta de ltar btsal lo 'bad do/ /
33b3 bdag sems can thams cad la phan par brtson pa la ni/ sems can dmyal ba na gnas kyang bla'i/ bdag la phan par brtson na mya ngan las 'das pa ni/ ma yin no snyam du sems
33b4 bskyed par bya ste/ de ltar na/ byang chub sems dpa' mi brnyas pa'i brtson 'grus can yin no/ /rigs kyi bu/ ji ltar na/ byang chub sems dpa' snyems pa med pa'i brtson 'grus can
33b5 yin zhe na/ 'di la byang chub sems dpa' brtson 'grus rtsom na brtson 'grus de'i ro myang bar mi byed de/ brtson 'grus des gzhan la mi smod/ bdag la mi bstod de/ de 'di snyam du
33b6 shes rab dang ldan pa'i rang bzhin can su zhig bdag gi las la brtson pas gzhan la smod snyam du sems te/ rigs kyi bu/ de ltar na/ byang chub sems dpa' snyems pa med pa'i
33b7 brtson 'grus can yin no/ /rigs kyi bu/ chos bcu po de dag dang ldan na/ byang chub sems dpa' brtson 'grus phun sum tshogs pa rnams yin no/ /rigs kyi bu/ chos bcu dang ldan
34a1 na| byang chub sems dpa' bsam gtan phun sum tshogs pa rnams yin no/ /bcu gang zhe na/ 'di lta ste/ bsod nams kyis brtan pa rnams yin/ skyo ba
34a2 mang ba rnams yin/ brtson 'grus brtsams pa rnams yin/ mang du thos pa rnams yin/ ma log par gdams ngag sgom pa la brtson pa rnams yin/ chos kyi rjes su mthun
34a3 pa'i chos la zhugs pa rnams yin/ dbang po rno ba rnams yin/ sems la mkhas pa rnams yin/ zhi gnas dang lhag mthong la mkhas pa rnams yin/ de la ma zhen pa rnams
34a4 yin no| /rigs kyi bu/ de la ji ltar na/ byang chub sems dpa' bsod nams kyis brtan pa yin zhe na/ 'di la byang chub sems dpa' theg pa chen po la dge ba'i rtsa ba shin tu
34a5 bsags shing tshe rabs tha dad pa dang de dag tu spyad pa legs par spyad pa dang / dge ba'i bshes gnyen gyis yongs su bzung ba yin te/ de bram ze'i rigs shing sA la chen
34a6 po lta bu'am/ rgyal rigs shing sa la chen po lta bu'am/ khyim bdag gi rigs shing sA la chen po lta bu gang dang gang du skyes kyang khyim de'i mi dad pa yin te/ de skyes nas kyang
34a7 rgyu de dag dang / rkyen de dag de bas kyang 'phel zhing rgyas pa dang / yangs par 'gyur te/ dge ba'i bshes gnyen rnams dang mi 'bral ba yin/ dge ba'i bshes gnyen de dag kyang
34b1 gang zhe na/ 'di lta ste/ sangs rgyas bcom ldan 'das dag gam/ byang chub sems dpa' dag go /de skyes nas sngon dge ba'i rtsa ba la goms pas 'di ltar dpyod de/ kye ma skye rgu 'di ni/
34b2 sdug bsngal ba'o/ /kye ma skye rgu 'di ni/ nyam thag pa'o/ /kye ma skye rgu 'di ni/ na ba'o/ /kye ma skye rgu 'di ni/ mi gnas pa'o/ /kye ma skye rgu 'di ni/ yun ring po nas nad par gyur pa'o/ /kye ma skye
34b3 rgu 'di ni/ gti mug gis ldongs pa'o/ /de'ang 'dod pa'i rgyu dang 'dod pa'i phyir te/ de bas na/ 'jig rten gnas pa de lta bu la bdag gis 'dod pa rnams la bsten pa ni/ bdag gi mi
34b4 cha'i| 'dod pa zhes bya ba 'di ni/ yang dag pa ma yin par yongs su brtags pa ste/ bcom ldan 'das kyis kyang rnam grangs du mar 'dod pa rnams kyi nyes pa 'di lta ste/ 'dod pa
34b5 rnams ni/ gsal shing lta bu'o/ /'dod pa rnams ni/ mtshon shag ti lta bu'o/ /'dod pa rnams ni/ ral gri'i so lta bu'o/ /'dod pa rnams ni/ spu gri'i so lta bu'o/ /'dod pa rnams ni/
34b6 sprul gyi mgo lta bu'o/ /'dod pa rnams ni/ dbu ba rdos pa lta bu'o/ /'dod pa rnams ni/ rul pa'o/ /'dod pa rnams ni/ dri nga ba'o/ /zhes gsungs so snyam ste/ de de ltar skyo nas skra dang
34b7 kha spu bregs te gos dur smrig dag bgos nas dad pas khyim nas khyim med par yang dag par rab tu 'byung ngo / /de rab tu byung nas ma thob pa thob par bya ba dang / khong du ma chud pa
35a1 khong du chud par bya ba dang / mngon du ma byas pa mngon du bya ba'i phyir brtson 'grus brtsams pa yin no/ /de de'i rgyu/ de de'i rkyen de de'i gzhis kun rdzob kyi
35a2 bden pa'i tshul du bshad pa dang / don dam pa'i bden pa'i tshul du bshad pa thos pa 'dzin to/ /de gnyis ka la'ang mkhas pas gdams ngag yang dag par sgom mo/ /gdams ngag
35a3 ma log par sgom pa la brtson pas chos kyi rjes su mthun pa'i chos la 'jug ste/ chos kyi rjes su mthun pa'i chos de'ang gang zhe na/ 'di lta ste/ yang dag pa'i lta ba dang / yang dag
35a4 pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting
35a5 nge 'dzin to/ /des la ma khong du chud pas dbang po rno ba dang / dbang po gsal ba dang / de shes pa'i dbang po can yin no/ /de dbang po rno zhing dbang po gsal la de shes pa'i dbang
35a6 po can yin pas/ dben pa mang ba yin te/ de 'du ba thams cad du thams cad yongs su spong ngo / /'du 'dzi thams cad du thams cad yongs su spong ngo / /smra ba la dga' ba dang / 'dod
35a7 pa'i rnam par rtog pa dang / gnod sems kyi rnam par rtog pa dang / gtse ba'i rnam par rtog pa dang / lha la rnam par rtog pa thams cad du thams cad yongs su spong ngo| /shes kyi khe
35b1 'dod pa dang / grags pa 'dod pa dang / rnyed pa 'dod pa thams cad du thams cad yongs su spong ste/ de lus dang sems rab tu dben pas sems la mkhas pa yin te/ de sems la 'di snyam
35b2 du bdag gis sems 'di ci dge ba la spyod dam/ de ste mi dge ba'am/ 'on tam lung du ma bstan pa'am/ chos gang la spyod ces rnam par dpyod de/ gal te dge ba la spyod na de la sems
35b3 dga' ba dang / rangs pa dang / mos pa skyed do/ /dge ba'i chos de dag kyang gang zhe na/ 'di lta ste/ byang chub kyi phyogs kyi chos sum cu rtsa bdun no/ /'on te mi dge ba la spyod na de la skyo ba mang
35b4 ba dang / rtog pa mang ba yin te/ mi dge ba'i chos de dag spang ba la brtson pa yin no/ /mi dge ba'i chos de dag kyang gang zhe na/ 'di lta ste/ 'dod chags dang / zhe sdang dang / gti mug go /de
35b5 la 'dod chags rnam pa gsum du rig par bya ste/ chen po dang / 'bring po dang / chung du'o/ /de la 'dod chags chen po gang zhe na/ gang lus thams cad du khyab ste sems kun nas bzung zhing
35b6 gnas pa dang / gang gis de la gzhol zhing 'dod chags dang bral ba'i sems mi 'thob pa ste/ de la gzhol ba de la ngo tsha ba dang / 'dzem pa thams cad du thams cad med par 'gyur te/
35b7 ji ltar na/ ngo tsha ba dang / 'dzem pa thams cad du thams cad med pa yin zhe na/ de gcig pu lkog tu song ste/ de nyid rjes su rnam par sems/ de nyid rjes su rnam par rtog cing / de nyid legs
36a1 par shin tu smon pa dang / de nyid la'ang yon tan du lta ba yin te/ de ltar na/ de la ngo tsha ba med pa yin no/ /ji ltar na/ 'dzem pa med pa yin zhe na/ de'i rgyu/ de'i rkyen
36a2 de'i gzhis pha ma'am/ bla ma lta bu gzhan dag dang rtsod cing phyir zlog pa dang / rgol par byed cing des ngo mi tsha la yon tan du lta ba yin te/ de ltar na/ de la ngo tsha ba med pa yin te/ de
36a3 de'i rgyu| de'i rkyen/ de'i gzhis ngan song rnams su skye bar 'gyur te/ de ni/ 'dod chags chen po zhes bya'o/ /de la 'dod chags 'bring po gang zhe na/ gang gis 'dod chags
36a4 rnams la sten par gyur na bya ba grub kyi bar du sten gyi/ bya ba grub nas 'dod chags dang bral ba'i sems 'thob pa dang / 'gyod pa 'thob pa dang / sems la mi cha ba 'thob
36a5 pa ste| de ni/ 'dod chags 'bring po zhes bya'o/ /de la 'dod chags chung du gang zhe na/ gang gis 'dod pa rnams bsnyen par gyur kyang ma nams pa dang / byugs pa dang / lus kyis
36a6 reg pa tsam mam/ tshig tu smra ba tsam mam/ mthong ba tsam gyis tshim par 'gyur ba de ni/ 'dod chags chung du zhes bya'o/ /mdor na 'tsho ba'i yo byad thams cad la chags pa'i
36a7 sems su gyur pa ste/ de ni/ 'dod chags zhes bya'o/ /de la zhe sdang gang zhe na/ zhe sdang yang rnam pa gsum du rig par bya ste/ chen po dang / 'bring po dang / chung du'o/ /de la zhe sdang
36b1 chen po gang zhe na/ zhe sdang gi rnam pa gang gis zhe sdang zhing rnga ma 'khrugs gtum par gyur nas mtshams med pa lnga las gang yang rung ba la la byed pa'am/ dam pa'i chos spong ba gang byas pa la
36b2 mtshams med pa lnga bsdoms kyang grangs su'ang nye bar mi 'gro /cha dang / bgrang ba dang / dpe dang / rgyur yang nye bar mi 'gro ba de lta bu byed do/ /de de'i rgyu/ de'i rkyen/ de'i gzhis lus zhig nas sems
36b3 can dmyal ba chen po dag tu skye zhing / gal te brgya lam na mir skye na'ang nag cing mig dmar la gtum zhing gnod sems mang bar 'gyur te/ de de'i rgyu/ de'i rkyen/ de'i gzhis yang sems can
36b4 dmyal ba dag tu skye bar 'gyur ba de ni/ zhe sdang chen po zhes bya'o/ /de la zhe sdang 'bring po gang zhe na/ gang gis zhe sdang bar gyur te sdig pa mi dge ba'i las byas na myur ba myur ba/ skyen pa skyen
36b5 pa| la gor la gor du 'gyod cing de'i gnyen po la'ang sten pa ste/ de ni/ zhe sdang 'bring po zhes bya'o/ /de la zhe sdang chung du gang zhe na/ gang gis zhe sdang bar gyur nas tshig tsam dang / mi snyan pa
36b6 tsam dang / ngan du brjod pa tsam gyis mi dge ba'i las gsog pa ste/ de'ang de la brgyal bar 'ga' 'byung ste/ byung na'ang de'i skad cig/ yud tsam/ de'i thang gcig la gnyen po la sten pa
36b7 ste| de ni/ zhe sdang chung du zhes bya'o/ /de la gti mug gang zhe na/ gti mug kyang rnam pa gsum du rig par bya ste/ chen po dang / 'bring po dang / chung du'o/ /gang de la gti mug chen po gang
37a1 zhe na/ gang ji skad du smos pa'i gnas de dag la nyes kyang dga' zhing mya ngan du mi byed/ smre sngags mi 'don/ 'gyod pa med pa yin te/ de ni/ gti mug chen po
37a2 zhes bya'o/ /de la gti mug 'bring po gang zhe na/ gang gis mi dge ba'i las la la byas kyang la gor la gor du 'gyod cing / tshangs pa mtshungs par spyod pa rnams kyi drung du 'chags shing
37a3 mi 'chab la/ de yon tan du'ang mi lta ba yin te/ 'di ni/ gti mug 'bring po zhes bya'o/ /de la gti mug chung du gang zhe na/ gang gis rang bzhin gyis kha na ma tho ba ma yin pa/ bcas
37a4 pa'i kha na ma tho ba bslab pa kun spyad pa'i lam gnyis gsum las 'da' ba ste/ de ni/ gti mug chung du zhes bya'o/ /de la'ang byang chub sems dpa' sems phyir zlog pa la
37a5 mkhas pa yin te/ de de ltar sems la mkhas pa la/ gang 'dod pa rnams la dga' ba dang / 'dod pa rnams la mos pa dang / 'dod pa rnams la lhag par chags pa de lta bu med pa
37a6 yin te| de ci'i phyir zhe na/ de ltar sems la mkhas pa'i phyir ro/ /'on te lung du ma bstan pa la spyod na/ de la dran pa dang ldan zhing nan tan du byed la/ de brtag pa la brtson pa
37a7 yin te/ de la ji ltar na lung du ma bstan pa la spyod pa yin zhe na/ gang gi tshe sems phyi rol tu'ang mi rgyu/ nang du'ang mi rgyu/ dge ba la'ang mi spyod/ mi dge ba la'ang mi spyod/ lhag
37b1 mthong ba'ang mi spyod/ zhi gnas kyang mi 'dzin cing zhum la gnyid kyis non par gnas pa ste/ 'di lta ste/ dper na/ skyes bu nyal nyal ba las sad pa mig gnyid kyis bsgribs pa'i sems mi
37b2 gsal ba de bzhin du de'i tshe sems la mi gsal bar 'gyur ba ste/ de la byang chub sems dpa' sems gzengs bstod pa dang / rab tu dga' bar bya ba dang / yang dag par gzhag pa la
37b3 mkhas pa yin te/ de ltar na/ byang chub sems dpa' sems la mkhas pa yin no/ /de de ltar sems la mkhas pa'i chos 'di dag ni/ sgyu ma lta bu'o/ /chos 'di dag ni/ rmi lam lta bu'o//
37b4 chos 'di dag ni/ dge ba'o/ /chos 'di dag ni/ mi dge ba'o/ /chos 'di dag ni/ 'byung ba'o/ /chos 'di dag ni/ mi 'byung ba'o/ /zhes chos rnams la yongs su rtog ste/ de 'di snyam du
37b5 chos 'di dag thams cad ni/ sems la gnas pa/ sems las byung ba/ sems sngon du 'gro ba ste/ sems shin tu bcil/ shin tu btul/ shin tu khong du chud par byas na/ chos
37b6 de dag thams cad kyang shin tu bcil ba dang / shin tu btul ba dang / shin tu khong du chud par 'gyur te/ des chos rnams de ltar mthong bas/ de'i rgyu/ de'i rkyen/ de'i gzhis sems
37b7 zhi bar bya ba'i phyir nan tan byed de/ de sems nyid la sems 'dogs so/ /sems nyid kyis sems zhi bar byed do/ /sems nyid la sems rab tu bzhag go /de de ltar zhi ba la
38a1 brtson pas sems rtse gcig tu 'gyur te/ rtse gcig tu red nas mnyam par gzhog go /sems mnyam par bzhag pa la dben pa las skyes pa'i dga'
38a2 ba mngon du 'gyur te/ de yid dga' bar gyur nas 'dod pa las dben/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las
38a3 skyes pa'i dga' ba dang bde ba can bsam gtan dang po rdzogs par byas te gnas so/ /de rtog pa dang dpyod pa mi snang bar bya ba'i phyir nan tan byed cing dga' ba dang / bde ba'i
38a4 ro'ang myang bar mi byed de/ mi rtag go snyam nas bsam gtan dang po las sems skyed do/ /de rtog pa dang dpyod pa dang bral zhing chags pa med pa'i yid du gyur pas nang yongs
38a5 su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas
38a6 te gnas so/ /de dga' ba dang sdug bsngal ba yin par khong du chud par byed de/ sdug bsngal lo snyam nas btang snyoms la gnas pa yin/ btang snyoms la gnas pas dran
38a7 pa dang ldan zhing shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa bde ba la gnas pa btang snyoms pa'o/ /zhes brjod pa
38b1 de dga' ba med pa'i bsam gtan gsum pa rdzogs par byas te gnas so/ /de bsam gtan gsum pa gtong ngo snyam nas bsam gtan bzhi pa la sems gtong ste/ de bsam gtan
38b2 bzhi pa thob pas bdag tu 'dzin pa phyir ldog go /bdag tu 'dzin pa phyir ldog pas bde ba'ang spong / sdug bsngal ba'ang spong ste/ de bde ba'ang spangs/ snga nas sdug bsngal yang spangs
38b3 shing yid bde ba dang yid mi bde ba'ang nub pas bde ba'ang ma yin/ sdug bsngal ba'ang ma yin pa btang snyoms dang / dran pa yongs su dag pa bsam gtan bzhi pa rdzogs par byas te
38b4 gnas so/ /de bdag gi lus dang nam mkha'i lus su gcig tu mos par byed de/ de de ltar mos pas gzugs kyi 'du shes las thams cad du thams cad yang dag par 'das pa yin/
38b5 thogs pa'i 'du shes kyang nub pa yin/ de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing sna tshogs
38b6 kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas so/ /de nam mkha' mtha' yas skye mched
38b7 las yang dag par 'das nas rnam par shes pa mtha' yas so snyam nas rnam shes mtha' yas skye mched rdzogs par byas te gnas so/ /de rnam shes mtha' yas skye mched las yang
39a1 dag par 'das nas ci yang med do snyam nas ci yang med pa'i skye mched rdzogs par byas te gnas so/ /de ci yang med pa'i skye mched las yang dag par
39a2 'das nas 'du shes med 'du shes med min skye mched rdzogs par byas te gnas so/ /de'i gong na gang sems kyi mtshan ma med pa/ rgyu pa thams cad 'gags pa/ sgrib pa thams
39a3 cad dang bral ba 'di ni/ 'gog pa'o/ /zhes bya ba ste/ de ni/ shes par bya'o snyam nas byang chub sems dpa' snyoms par 'jug gi /de la mngon par dga' ba'i rten gyi gnas
39a4 mi skyed do/ /de byams pa dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa/ mi gnyis pa shin tu bsgoms
39a5 pas phyogs gcig tu mos te khyab par byas nas rdzogs par byas te gnas so/ /gcig tu ji lta ba de bzhin du gnyis pa dang / de bzhin du gsum pa dang / de bzhin du bzhi pa
39a6 dang / bla dang / 'og dang / gra'i 'jig rten 'di dag thams cad kyi rnam pa thams cad du byams pa dang ldan pa'i sems 'khon med pa/ 'gran zla med pa/ gnod pa med pa/ yangs
39a7 pa| rgya chen por gyur pa/ tshad med pa/ mi gnyis pa/ shin tu bsgoms pas mos te khyab par byas nas rdzogs par byas te gnas so/ /de bzhin du snying rje dang ldan pa dang / dga'
39b1 ba dang btang snyoms dang ldan pa'i sems 'khon med pa/ 'gran zla med pa/ gnod pa med pa/ yangs pa/ chen por gyur pa/ tshad med pa/ mi gnyis pa shin tu bsgoms pas phyogs
39b2 gcig tu mos te khyab par byas nas rdzogs par byas te gnas so/ /gcig tu ji lta ba de bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang /
39b3 gra'i 'jig rten 'di thams cad kyi rnam pa thams cad du btang snyoms dang ldan pa'i sems 'khon med pa/ 'gran zla med pa/ gnod pa med pa/ yangs pa/ chen por gyur pa/ tshad med pa/
39b4 mi gnyis pa shin tu bsgoms pas mos te khyab par byas nas rdzogs par byas te gnas so/ /de mngon par shes pa lnga skyed do/ /de la'ang ma zhen pa yin te/ gong du'ang byang chub kyi tshogs
39b5 yongs su rdzogs par byed pa'i chos rnams yongs su tshol lo/ /rigs kyi bu/ chos bcu po de dag dang ldan na/ byang chub sems dpa' bsam gtan phun sum tshogs pa rnams yin no/ /
39b6 rigs kyi bu/ chos bcu dang ldan na/ byang chub sems dpa' shes rab phun sum tshogs pa rnams yin no/ /bcu gang zhe na/ 'di lta ste/ bdag med pa la mkhas pa rnams yin/ las kyi
39b7 rnam par smin pa la mkhas pa rnams yin/ 'dus byas la mkhas pa rnams yin/ 'khor ba'i rgyun la mkhas pa rnams yin/ 'khor ba ldog pa la mkhas pa rnams yin/ nyan thos
40a1 dang / rang sangs rgyas kyi theg pa la mkhas pa rnams yin/ theg pa chen po la mkhas pa rnams yin/ bdud kyi las yongs su spangs pa la mkhas pa rnams
40a2 yin| ma log pa'i shes rab can rnams yin/ mnyam pa med pa'i shes rab can rnams yin no/ /rigs kyi bu/ de la ji ltar na/ byang chub sems dpa' bdag med pa la
40a3 mkhas pa yin zhe na/ rigs kyi bu/ 'di la byang chub sems dpa' yang dag pa'i shes rab kyis gzugs la rtog /tshor ba dang / 'du shes dang / 'du byed rnams dang / rnam
40a4 par shes pa rnams la rtog ste/ de gzugs la rtog pa na gzugs kyi skye ba mi dmigs/ kun 'byung ba mi dmigs/ 'gag pa mi dmigs so/ /de bzhin du tshor ba dang /
40a5 'du shes dang / 'du byed rnams dang / rnam par shes pa'i skye ba mi dmigs/ kun 'byung ba mi dmigs/ 'gog pa mi dmigs so/ /de'ang don dam par yin gyi tha snyad kyi
40a6 rang bzhin ni/ ma yin te/ des don dam pa'i rang bzhin gang yin pa dang / tha snyad kyi rang bzhin gang yin pa'i rang bzhin de gnyis ka'ang brjod pa'i rang bzhin mi dmigs
40a7 te| de'i phyir brtson 'grus kyang nyams par mi byed de/ mgo'i thod la me 'bar ba bzhin du sems can rnams kyi don du rtsol zhing 'bad la brtson 'grus rtsom ste/ rigs
40b1 kyi bu/ de ltar na/ byang chub sems dpa' bdag med pa la mkhas pa yin no/ /ji ltar na/ byang chub sems dpa' las kyi rnam par smin pa la mkhas pa yin zhe na/ 'di la byang chub
40b2 sems dpa' 'di ltar dpyod de/ 'jig rten gnas pa 'di ni/ gar mkhan gyi tshon dang 'dra ba/ dri za'i grong khyer lta bu rang bzhin gyis stong la sems can 'di dag kyang sems can
40b3 ma yin no/ 'on kyang bdag tu 'dzin pa la mngon par zhen pas de dag de'i phyir la ma khong du chud pa mi 'thob bo/ /de dag ni/ 'di snyam du gal te bdag gam/ sems can nam/ srog
40b4 gam/ skye bo'am/ gso ba'am/ skyes bu'am/ gang zag gam/ shed las skyes sam/ shed bu med na/ dge ba dang mi dge ba'i las kyi rnam par smin pa'ang med par 'gyur ro snyam
40b5 du sems mod kyi/ sems can med du zin kyang las kyi rnam par smin pa ni/ mngon no snyam ste/ de la byang chub sems dpa' de ltar sems can de'ang med la/ ji ltar dge ba dang / mi
40b6 dge ba'i las kyi rnam par smin pa'ang mngon te yang dag pa'i shes rab kyis yang dag pa ji lta ba bzhin du rab tu shes te/ de ltar na/ byang chub sems dpa' las kyi rnam par smin
40b7 pa la mkhas pa yin no/ /ji ltar na/ byang chub sems dpa' 'dus byas la mkhas pa yin zhe na/ 'di la byang chub sems dpa' 'dus byas kyi chos rnams yang dag pa'i shes
41a1 rab kyis rtog par byed cing de 'di snyam du sems te/ 'dus byas kyi chos 'di dag mi gnas pa/ g.yo ba zil pa'i thigs pa lta bu/ ri bo'i 'bab chu lta bu yin
41a2 te| de la mkhas pa su zhig 'di lta bu'i chos rnams la zhen pa dang / chags par byed pa'am/ de dag med par gyur pas mya ngan du byed snyam nas de'i rgyu/ de'i rkyen/ de'i gzhis skye ba
41a3 dang / 'dod chags dang bral ba dang / 'gog pa la sems gtong ste/ de ltar na/ byang chub sems dpa' 'dus byas la mkhas pa yin no/ /ji ltar na/ byang chub sems dpa'
41a4 'khor ba'i rgyun la mkhas pa yin zhe na/ 'di la byang chub sems dpa' 'di ltar dpyod de/ kye ma'o 'jig rten gnas pa 'di ni/ ma rig pas ldongs pa/ 'khor ba la phyogs pa/
41a5 srid pa'i zhags pas bcings pa ste/ len pa nye bar len to/ /de len pa'i rgyus dge ba dang / mi dge ba'i las mngon par 'du byed de/ de dge ba dang / mi dge ba'i las mngon
41a6 par 'du byed pa dang ldan pas srid par yang mtshams sbyor bar 'gyur te/ de'i rgyu las skye bar 'gyur ro/ /skye ba yod pas rga bar 'gyur ro/ /rga ba'i chos can ni/ 'chi bar 'gyur
41a7 ro| |'chi ba las mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rgyun chags pa nyid du 'gyur te/ de ltar na/ sdug bsngal gyi phung
41b1 po chen po 'ba' zhig po de zo chun rgyud mo'i 'khor lo ltar 'khor ba'i 'khor lo'i rgyud du 'gyur ro snyam ste/ de'ang byang chub sems dpas yang dag pa'i shes rab kyis yang dag pa ji lta
41b2 ba bzhin du rab tu shes te/ de ltar na/ byang chub sems dpa' 'khor ba'i rgyun la mkhas pa yin no/ /ji ltar na/ byang chub sems dpa' 'khor ba ldog pa la mkhas pa yin zhe na/ 'di
41b3 la byang chub sems dpa' 'di ltar dpyod de/ ma rig pa med par gyur pas 'du byed la zhen par mi 'gyur/ 'du byed la zhen pa med par gyur pas rnam par shes par mi 'gyur/ rnam par
41b4 shes pa med par gyur pas ming dang gzugs dang / skye mched drug dang / reg pa dang / tshor ba dang / sred pa med par 'gyur ro/ /sred pa med par gyur pas len pa mi 'byung ste/ len pa
41b5 med pas srid par yang mtshams sbyor ba med par 'gyur/ srid par yang mtshams sbyor ba med par gyur pas/ skye bar mi 'gyur/ skye ba med par gyur pas rga shi dang / mya ngan dang / smre
41b6 sngags 'don pa dang / sdug bsngal ba dang / yid mi bde ba dang / 'khrug pa rnams rgyun chad par 'gyur te/ de'ang byang chub sems dpa' yang dag pa'i shes rab kyis yang dag pa ji lta ba
41b7 bzhin du rab tu shes te/ de ltar na/ byang chub sems dpa' 'khor ba ldog pa la mkhas pa yin no/ /ji ltar na/ byang chub sems dpa' nyan thos dang / rang sangs rgyas kyi theg pa la
42a1 mkhas pa yin zhe na/ 'di la byang chub sems dpa' 'di ltar dpyod de/ chos 'dis ni/ rgyun du zhugs par 'gyur ro/ /'dis ni/ lan gcig phyir 'ong bar
42a2 'gyur ro/ /'dis ni/ lan gcig phyir mi 'ong bar 'gyur ro/ /'dis ni/ dgra bcom pa zag pa zad pa/ srid pa kun tu sbyor ba chad pa'ang mtshams sbyor ba med pa/ mya ngan las
42a3 'das pa la yang dag par gzhol bar 'gyur ro/ /chos 'dis ni/ rang sangs rgyas bse ru lta bu gcig pu spyod par 'gyur ro snyam ste/ de thams cad kyang byang chub sems dpa' yang
42a4 dag pa'i shes rab kyis rab tu rtogs par byed de/ chos 'di dag mngon du mi byed do/ /de ci'i phyir zhe na/ de 'di snyam du sems te/ sems can gyi khams bdag gis bzung bdag
42a5 gis seng+ge'i sgra bsgrags te sems can 'khor ba'i 'brog dgon pa na gnas pa thams cad sgrol lo/ /zhes dam bcas la/ gcig pu 'khor ba'i 'brog dgon pa nas 'byung
42a6 ba ni| bdag gi mi che'o snyam ste/ de ltar na/ byang chub sems dpa' nyan thos dang / rang sangs rgyas kyi theg pa la mkhas pa yin no/ /ji ltar na/ byang chub sems dpa' theg pa chen
42a7 po la mkhas pa yin zhe na/ 'di la byang chub sems dpa' bslab pa thams cad la'ang slob la slob pa'ang mi dmigs/ bslab pa'i lam yang mi dmigs so/ /gang slob pa de'ang
42b1 mi dmigs so/ /de'i rgyu/ de'i rkyen/ de'i gzhis chad par lta bar mi ltung ste/ de ltar na/ byang chub sems dpa' theg pa chen po la mkhas pa yin no/ /ji ltar na/ byang chub sems dpa'
42b2 bdud kyi las spong ba la mkhas pa yin zhe na/ 'di la byang chub sems dpa' mi dge ba'i grogs po thams cad du thams cad yongs su spong ste/ mi cha ba'i yul la gnas pa dang / 'jig
42b3 rten rgyang phan pa'i gsang tshig la rten cing sgom pa dang / rnyed pa dang / bkur sti dang / mchod pa dang / rim gro la ched cher 'dzin pa thams cad du thams cad yongs su spong ngo / /nye ba'i nyon
42b4 mongs pa gzhan gang byang chub kyi lam gyi bar chad du 'gyur ba de dag kyang thams cad du thams cad yongs su spong zhing de dag gi gnyen po la'ang sten to/ /de ltar na/ byang chub sems dpa'
42b5 bdud kyi las yongs su spang ba la mkhas pa yin no/ /ji ltar na/ byang chub sems dpa' ma log pa'i shes rab can yin zhe na/ 'di la byang chub sems dpa' 'jig rten pa'i gtsug lag
42b6 dang / gsang tshig dang / bzo'i gnas thams cad la shes rab gtong ste/ de'ang sems can thams cad yongs su smin par bya ba'i phyir te/ shes kyi khe 'dod pa dang / grags pa 'dod pa
42b7 dang / rnyed pa dang / bkur sti 'dod pa'i phyir ma yin gyi/ de bzhin gshegs pa'i bstan pa'i che ba nyid brjod pa'i phyir te/ de la yon tan du blta ba'i phyir ni/ ma yin no/ /gzhan du na de 'di
43a1 snyam du sems te/ gsung rab 'di ni/ dam pa ste/ 'di ltar de bzhin gshegs pa'i chos 'dul ba'o snyam nas de de la yon tan du lta bas mu stegs can
43a2 gzhan gyi lta ba can du mi 'gyur te/ de ltar na/ byang chub sems dpa' ma log pa'i shes rab can yin no/ /rigs kyi bu/ ji ltar na/ byang chub sems dpa' mnyam pa med pa'i shes
43a3 rab can yin zhe na/ rigs kyi bu/ 'di la byang chub sems dpa' lha dang bcas pa'i 'jig rten bdud dang bcas pa/ tshangs pa dang bcas pa/ skye rgu'i dge sbyong dang bram zer bcas pa/
43a4 lha dang / mi dang / lha ma yin du bcas pa'i nang na de bzhin gshegs pa dgra bcom pa yang dag par rdzogs pa'i sangs rgyas ma gtogs par gang de dang shes rab mnyam pa de lta
43a5 bu'i sems can sems can gyi ris la med de/ de ni/ 'jig rten lha dang bcas pa/ bdud dang bcas pa/ tshangs pa dang bcas pa/ skye rgu'i dge sbyong dang bram zer bcas pa/ lha dang /
43a6 mi dang / lha ma yin du bcas pa'i nang na shes rab kyi bye brag gis zil gyis mnan pa yin te/ de ltar na/ byang chub sems dpa' mnyam pa med pa'i shes rab can yin no/ /rigs
43a7 kyi bu| chos bcu po de dag dang ldan na/ byang chub sems dpa' shes rab phun sum tshogs pa rnams yin no/ /rigs kyi bu/ chos bcu dang ldan na/ byang chub sems dpa' thabs
43b1 mkhas pa rnams yin no/ /bcu gang zhe na/ 'di lta ste/ yongs su bsngo ba'i thabs mkhas pa rnams yin/ mu stegs can rnam par zlog pa'i thabs mkhas pa rnams yin/ yul las
43b2 rnam par zlog pa'i thabs mkhas pa rnams yin/ 'gyod pa yid la gcags pa sel ba'i thabs mkhas pa rnams yin/ sems can la dpung gnyen byed pa'i thabs mkhas pa rnams yin/
43b3 sems can 'tsho ba'i thabs mkhas pa nye bar sbyor ba la mkhas pa rnams yin/ len pa'i thabs mkhas pa rnams yin/ gnas nas gnas su slong ba'i thabs mkhas pa rnams yin/
43b4 yang dag par 'dzin du 'jug pa dang / gzengs bstod pa dang / shin tu dga' bar byed pa'i thabs mkhas pa rnams yin/ de bzhin gshegs pa la mchod pa dang rim gro bya ba'i thabs
43b5 mkhas pa rnams yin no/ /rigs kyi bu/ de la ji ltar na/ byang chub sems dpa' yongs su bsngo ba'i thabs mkhas pa yin zhe na/ rigs kyi bu/ 'di la byang chub sems dpa' gang 'di dag
43b6 me tog gi rnam pa'am/ 'bras bu'i rnam pa nga yir bya ba med pa/ yongs su bzung ba med pa de rnams nyin lan gsum mtshan lan gsum sangs rgyas dang / byang chub sems dpa' rnams la
43b7 'bul lo/ /dge ba'i rtsa ba de'ang bla na med pa yang dag par rdzogs pa'i byang chub tu yongs su bsngo'o/ /de gang 'di dag bdug pa'i shing ngam/ spos kyi shing ngam/ rin po che'i shing ngam/
44a1 dpag bsam gyi shing ngam/ me tog gi shing ngam/ 'bras bu'i shing nga yir bya ba med pa yongs su bzung ba med pa de dag kyang nyin lan gsum mtshan lan gsum
44a2 sangs rgyas dang / byang chub sems dpa' rnams la 'bul lo/ /dge ba'i rtsa ba de'ang bla na med pa yang dag par rdzogs pa'i byang chub tu yongs su bsngo'o/ /de mdo sde rnams las
44a3 mchod pa dang / rim gro bya ba gang 'di dag rgya chen po rgya che ba dag nyan cing de dag snying thag pa nas lhag pa'i bsam pa mchog gis sangs rgyas dang / byang chub sems dpa' rnams
44a4 la yongs su bsngo'o/ /gang phyogs bcu na byang chub sems dpa' rnams dang / de ma yin pa'i sems can dag dge ba'i las rnams byed cing byang chub kyi tshogs rnams yongs su
44a5 rdzogs par byed pa de dag la snying thag pa nas rjes su yi rang ste/ dge ba'i rtsa ba de'ang bla na med pa yang dag par rdzogs pa'i byang chub tu yongs su bsngo'o/ /de bzhin gshegs
44a6 pa'i mchod rten nam/ de bzhin gshegs pa'i sku gzugs la me tog gam/ bdug pa'am/ spos gsol na/ sems can thams cad kyi ngang tshul ngan pa'i dri nga ba bsal ba
44a7 dang / de bzhin gshegs pa'i tshul khrims kyi dri thob par yongs su bsngo'o/ /de phyag dar dang / zhal zhal byed na/ sems can thams cad kyi spyod lam mi sdug pa med par 'gyur
44b1 pa dang / spyod lam mdzes pa phun sum tshogs par yongs su bsngo'o/ /de me tog gi gdugs gsol na/ sems can thams cad kyi nyon mongs pa dang / nye ba'i nyon mongs pa'i gdung ba med par
44b2 bya ba'i phyir yongs su bsngo'o/ /de gtsug lag khang gi nang du 'gro na/ 'di ltar sems can thams cad mya ngan las 'das pa'i grong khyer du gzud do snyam du sems bskyed do/ /de phyir 'byung
44b3 na| 'di ltar sems can thams cad 'khor ba'i btson ra nas 'don to snyam du sems bskyed do/ /de gnas khang gi sgo 'byed na/ 'di ltar 'jig rten las 'das pa'i ye shes kyis bde
44b4 'gro thams cad kyi sgo dbye'o snyam du sems bskyed do/ /de sgo gcod na/ 'di ltar ngan 'gro thams cad kyi sgo rnams gcad do snyam du sems bskyed do/ /de 'dug na/ 'di ltar sems
44b5 can thams cad byang chub kyi snying po la dgod do snyam du sems bskyed do/ /de glo g.yas pas nyal na/ 'di ltar sems can thams cad sangs rgyas kyi mya ngan las 'das pas yongs
44b6 su mya ngan las bzla'o snyam du sems bskyed do/ /de de nas ldang na/ 'di ltar sems can thams cad nyon mongs pa'i kun nas ldang ba rnams las bslang ngo snyam du sems bskyed do/ /
44b7 de lus kyi ched la 'gro na/ 'di ltar sems can thams cad skyes bu chen po'i 'gros su 'gro bar gyur cig snyam du sems bskyed do/ /de der 'dug na/ 'di ltar sems can thams
45a1 cad kyi 'dod chags dang / zhe sdang dang / gti mug gi zug rngu dbyung ngo snyam du sems bskyed do/ /de bkru bshal byed na/ 'di ltar sems can thams cad kyi nyon
45a2 mongs pa'i dri ma'i skyon rnams bkru'o snyam du sems bskyed do/ /de lag pa bsnyal na/ 'di ltar sems can thams cad kyi nyon mongs pa'i dri nga ba rnams bsal lo snyam du sems
45a3 bskyed do/ /de rkang pa 'khru na/ 'di ltar sems can thams cad kyi nyon mongs pa'i rdul rnam pa sna tshogs bsal lo snyam du sems bskyed do/ /de so shing za na/ 'di ltar sems
45a4 can thams cad kyi dri ma rnam pa sna tshogs bsal lo snyam du sems bskyed do/ /de lus kyi g.yo ba thams cad sems can thams cad la phan pa dang bde bar yongs su bsngo'o/ /
45a5 de de bzhin gshegs pa'i mchod rten la phyag 'tshal na/ 'di ltar sems can thams cad lha dang bcas pa'i 'jig rten gyis phyag bya bar shog cig snyam du sems bskyed de/ rigs
45a6 kyi bu| de ltar na/ byang chub sems dpa' yongs su bsngo ba'i thabs mkhas pa yin no/ /ji ltar na/ byang chub sems dpa' mu stegs can rnam par zlog pa'i thabs mkhas pa yin zhe na/
45a7 'di la byang chub sems dpa' 'di lta ste/ mu stegs can spyod pa pa dang / kun tu rgyu dang / gcer bu pa la sogs pa'i mu stegs can gyi gnas pa de dang de dag tu 'phrul pa dag
45b1 mngon par sprul te/ de sems can thams cad yongs su smin par bya ba'i phyir thabs byed cing de 'di snyam du sems te/ kye ma'o sems can 'di rnams nga rgyal gyi zil gyis non pas bdag gis
45b2 slar slob dpon gyi tshul gyis gdul bar mi nus pas slob mar khas blang ngo snyam ste/ de dag gi khrod du rab tu 'byung ngo / /de rab tu byung nas ji ltar spyod pa dang / spyod yul dang / mang du thos pa
45b3 dang / spyod pa dman tshegs kyis kyang mu stegs can gzhan de dag zil gyis gnon pa de lta de lta bur rtsol lo/ /'bad do/ /brtson 'grus rtsom mo/ /de dag gi nang na slob dpon dang bla ma lta
45b4 bur bkur bar 'gyur/ tshig gzung zhing ngag mi gcog par 'gyur te/ de kye sems can de dag nye bar gyur pa'o snyam du shes nas grogs po dag/ 'di ni/ skyo ba dang / 'dod chags dang
45b5 bral ba dang / 'gog par 'gyur ba'i lam ma yin no/ /zhes mu stegs can de dag gi ma legs pa brjod par 'gyur te/ des mu stegs can gzhan de dag gnas de rnams las bslang nas
45b6 de bzhin gshegs pa'i chos 'dul ba la 'god do/ /de phyi rol gyi mngon par shes pa lnga dang ldan pa dag gi gan du tshangs par spyod pa spyod do/ /de tshangs par spyad pa spyod cing chos de thob par
45b7 bya ba'i phyir spyod cing rtsol lo/ /'bad do/ /rtsol zhing 'bad pas bsam gtan dang / ting nge 'dzin dang / snyoms par 'jug pa rnams sgrub ste/ ci nas kyang mngon par shes pa lnga dang ldan
46a1 pa gzhan de dag pas ches mchog tu 'gyur ba dang / ches 'bar bar 'gyur ba dang / slob dpon gyi mchog tu 'gyur ba dang / mkhas par bkur bar
46a2 'gyur ba de ltar sgrub bo/ /des sems can de rnams yongs su smin pa'i dus dang / tshod shes nas grogs po dag/ lam 'di ni/ skyo ba dang / 'dod chags dang bral ba dang / 'gog
46a3 par 'gyur pa'i lam ma yin no/ /zhes bsam gtan dang / ting nge 'dzin dang / snyoms par 'jug pa de dag gi ma legs pa brjod pa yin te/ des sems can de dag gnas de las
46a4 bslang nas de bzhin gshegs pa'i chos 'dul ba la rab tu 'god de/ de ltar na/ byang chub sems dpa' mu stegs can rnam par zlog pa'i thabs mkhas pa yin no/ /ji ltar na/
46a5 byang chub sems dpa' yul las rnam par zlog pa'i thabs mkhas pa yin zhe na/ 'di la byang chub sems dpa' sems can gang rab tu 'dod chags can rab tu 'dod chags
46a6 mang pa'i sems can rnams mthong na/ des de dag gdul ba'i thabs gzhan med do snyam nas des de dag gi drung du bud med sprul pa bzang mo blta na sdug pa bud med thams cad
46a7 kyi mchog dag sprul te/ sems can de rnams de dag la rab tu chags par rig nas sprul pa'i bud med de ma la de nyid du 'chi ba'i dus byed du 'jug go /de'ang skad cig de nyid dang /
46b1 yud tsam de nyid dang / thang gcig de nyid la rul cing dri nga ba dang 'jigs par 'gyur te/ de dag gis kyang de mthong nas dngangs skrag skyo bar red de/ bdag cag 'di 'dra ba'i dring ba'i nang
46b2 nas gnag thar par byed pa su zhig yod ces nyam thag par 'gyur ro/ /de'i tshe na byang chub sems dpa' sems can de dag gi mdun du 'dug ste/ de byang chub gsum las gang yang rung ba'i byang
46b3 chub tu nges par 'gyur ba de ltar sems can de dag la chos ston te/ de ltar na/ byang chub sems dpa' yul las rnam par zlog pa'i thabs mkhas pa yin no/ /ji ltar na/ byang chub sems
46b4 dpa' 'gyod pa yid la gcags pa sel ba'i thabs mkhas pa yin zhe na/ 'di la byang chub sems dpa' sems can su mtshams med pa'i las byed pa'am/ mi dge ba'i las byed pa
46b5 mthong na/ de'i gan du song ste kye skyes bu/ ci'i phyir yid mi bde zhing mi dga' bar gnas zhes de skad zer ro/ /des kyang smras pa/ rigs kyi bu/ bdag gis mtshams med pa'i las byas pas
46b6 de'i phyir bdag la yun ring por gnod pa dang / phan pa med pa dang / sdug bsngal bar mi 'gyur grang zhes yid mi bde zhing mi dga' bar gnas so/ /de'i phyir de la byang chub sems dpa'
46b7 sdom pa 'dzin du 'jug go /nyes pa'ang 'chags su 'jug go /de la chos bstan pa zab mo zab mo'ang byed de/ de ste 'gyod pa mi gtong na/ de'i phyir de la byang chub sems dpa' thog ma
47a1 'di lta ste/ rdzu 'phrul lam/ sems kun bsten pas yang dag par yid ches pa skyed do/ /de nas sems can de yang dag par yid ches pa skyes nas byang
47a2 chub sems dpa' de la dga' ba dang / mos pa dang / rangs pa rnyed par 'gyur ro/ /de dag dga' ba dang / mos pa dang / rangs pa rnyed pas de chos bstan du rung bar 'gyur/ byang chub
47a3 sems dpa' de dag dang mthun pa 'dzin par 'gyur ro/ /de nas byang chub sems dpa' des de'i mdun du 'di lta ste/ pha mar sprul pa mngon par sprul te 'di skad zer ro/ /kye skyes bu/
47a4 khyod ltos la 'gyod pa chod cig /nga'ang khyod kyi grogs te/ las 'di lta bus su'ang shin tu sems can dmyal bar 'gro ba'am/ don thams cad las nyams par 'gyur ba med
47a5 do| |las de ye shes kyis bsal du mi nus pa'ang ma yin no/ /zhes de skad smras nas pha ma srog dang phral lo/ /srog dang phral nas kyang rdzu 'phrul de ston to/ /de nas sems can de 'di
47a6 snyam du sems te/ rdzu 'phrul dang ldan pas kyang pha ma srog dang phral na/ bdag 'dra ba lta ci zhig smos snyam mo/ /byang chub sems dpa' de'ang de'i tshe sems can de la ci nas kyang
47a7 de'i las de sbrang ma'i 'dab ma 'dra bar 'gyur ba de lta de lta bu'i chos ston par byed do/ /de ltar na/ byang chub sems dpa' 'gyod pa yid la gcags pa sel ba'i thabs mkhas
47b1 pa yin no/ /ji ltar na/ byang chub sems dpa' sems can la dpung gnyen byed pa'i thabs mkhas pa yin zhe na/ 'di la byang chub sems dpas sems can gang chos bstan par rung zhing nus pa
47b2 dag mthong la/ de dag kyang shin tu mi dge ba'i las byed par gyur na/ de dag gdul ba'i thabs su byang chub sems dpas 'phrul pa dag mngon par sprul te/ de la sems can gang rnams
47b3 rgyal pos 'dul bar 'gyur ba de dag la rgyal por sprul pa mngon par sprul par byed do/ /sems can gang rnams blon po chen pos 'dul bar 'gyur pa de dag la blon po chen por sprul pa
47b4 mngon par sprul par byed do/ /sems can gang rnams bram ze dang / rgyal rigs dang / grong pa dang / yul mis 'dul bar 'gyur ba de dag la bram ze dang / rgyal rigs dang / grong pa dang /
47b5 yul mir sprul pa dang / sems can gang rnams lhas 'dul ba de dag la lhar sprul pa dang / gang lag na rdo rjes 'dul ba de dag la lag na rdo rjer sprul pa mngon par sprul par byed do/ /sems
47b6 can gang rnams 'jigs pas 'dul bar 'gyur ba de dag la 'jigs pa ston/ sems can gang rnams brdegs pa dang / bsdigs pa dang / bcad pa dang / bcing bas gdul ba de dag
47b7 ba de 'dra bar ston/ sems can gang rnams des pas 'dul ba de dag la des pas 'dul/ sems can gang rnams mtshams med pa byed 'dod pa dang / byang chub sems dpa' dag la
48a1 brgyad par 'dod pa de dag thabs sna tshogs kyis bzlog cing zil gyis gnon par byed/ phyogs gzhan du'ang bskor bar byed do/ /mtshams med par 'gyur
48a2 ba'i dngos po sbas te/ de 'dra bar de'i mdun du sprul pa ston to/ /yang na sems can dmyal ba ston to/ /mngon par shes pa ma skyes pa'i byang chub sems dpa' tshe'i mtshan ma shes pa ni/
48a3 byed 'dod pa dang / gsod 'dod pa'i sems can de dag mthong nas snying rje chen po'i sems skyes te/ de yang 'di snyam du/ kye ma sems can 'di rnams ni/ phung bar 'dod pa'o/ /kye
48a4 ma sems can 'di rnams ni/ brlag par 'dod pa'o snyam du sems shing / de dag des lag mthil du skyu ru ra'i 'bru bzhag pa ltar mthong nas mi dga' ba'i sems chen po bskyed
48a5 de| de'ang 'di snyam du sems so/ /bdag sems can gcig gi phyir yang sems can de phung po'i lhag ma ma lus pa'i mya ngan las 'das pa'i dbyings su rab tu bzhag pa'i bar
48a6 du mnar med pa'i sdug bsngal bskur bar bzod na/ sems can 'di rnams kyang mi dge ba'i las byas te mnar med pa'i sems can dmyal ba chen por skye bar 'dod pa thabs gzhan
48a7 gyis ni| bzlog par mi nus te/ sems can de rnams tshe'ang thung / dad pa'ang med pa dag cig la yul gzhan du bskor ba'am/ zil gyis mnan par bya ba de lta bu'i dbang ni/ bdag la
48b1 med na| sems can 'di rnams mi dge ba'i lus zhig nas mnar med pa'i sems can dmyal ba chen por skye bar mi 'gyur grang / de'i phyir snying rje'i sems nye bar bzhag nas las bdag
48b2 gir bya ba dang 'dra bar byas nas sems can de rnams la byams pas khyab par byas te/ thabs gzhan gyis mi nus nas chad pa rab kyis 'chos te/ de ltar byang chub sems dpa' sems can
48b3 la dpung gnyen byed pa'i thabs mkhas pa yin no/ /ji ltar na/ byang chub sems dpa' sems can 'tsho ba'i thabs nye bar sbyor ba la mkhas pa yin zhe na/ 'di la byang chub sems dpa' sems
48b4 can gang rnams 'phags pa'i chos 'dul ba shes par mi lcogs mi nus te/ zas dang gos lhur 'dzin cing de kho nas chog par rtsi ba mthong na/ de rnams la byang chub sems dpa' yi ge
48b5 dang / gtsug lag dang / rgya dang / grangs dang / shod thabs la sogs pa'i las dge ba dang ldan pa dag ston te/ mi dge ba dang ldan pa mi ston to/ /de ltar na/ byang chub sems dpa' sems
48b6 can 'tsho ba'i thabs nye bar sbyor ba la mkhas pa yin no/ /ji ltar na/ byang chub sems dpa' len pa'i thabs mkhas pa yin zhe na/ 'di la byang chub sems dpa' rin po che'i phung po ri rab
48b7 tsam thob na'ang len te/ dngos po ngan pa zhig thob na'ang len to/ /de ci'i phyir zhe na/ 'di ltar sems te/ sems can 'di dag ni/ ser sna can/ brkam pa/ 'dod pas 'khol ba/ 'jungs pa
49a1 yin te| de'i rgyu/ de'i rkyen/ de'i gzhis chu'i phung po chen pos non pa bzhin du 'khor ba'i rgya mtshor 'byung nub byed pa de dag la de ni/ yun ring por don
49a2 dang / phan pa dang / bde bar 'gyur ro snyam ste/ de blangs nas bdag gir mi byed/ chags pa'i sems mi bskyed de/ gzhan du na sems can thams cad dang thun mong du sangs rgyas dang /
49a3 chos dang / dge 'dun dag la bya ba byed do/ /sems can sdug bsngal ba rnams la'ang phan par byed do/ /sbyin pa'i bdag po de'ang gzengs bstod pa dang / shin tu dga' bar byed de/
49a4 de ltar na/ byang chub sems dpa' len pa'i thabs mkhas pa yin no/ /ji ltar na/ byang chub sems dpa' gnas nas gnas su slong ba'i thabs mkhas pa yin zhe na/ 'di la byang
49a5 chub sems dpa' sems can gang bla na med pa yang dag par rdzogs pa'i byang chub mngon par rdzogs par 'tshang rgya bar lcogs shing nus pa zhig la/ de'ang nyan thos dang / rang
49a6 sangs rgyas kyi theg pa thob par rtsol zhing 'bad de brtson 'grus rtsom pa mthong na/ de gnas de nas bslang ste tha na 'khor dbye ba'ang byas nas theg pa chen po la 'jog ste/ de ltar na/
49a7 byang chub sems dpa' gnas nas gnas su slong ba'i thabs mkhas pa yin no/ /ji ltar na/ byang chub sems dpa' yang dag par 'dzin du 'jug pa dang / gzengs bstod pa dang /
49b1 shin tu dga' bar byed pa'i thabs mkhas pa yin zhe na/ 'di la byang chub sems dpa' byang chub kyi sems ma bskyed pa'i sems can rnams byang chub kyi sems bskyed du 'jug /byang chub kyi
49b2 sems bskyed pa'i sems can le lo can brtson 'grus chung ba/ tshul khrims tsam gyis chog par 'dzin pa dag ni/ brtson 'grus la 'jog /sems can gang rnams bslab ba kun spyod pa
49b3 phra mo las 'gal ba dag de'i rgyu/ de'i rkyen/ de'i gzhis sems can kun khebs shing 'khod de/ dga' mgu rangs pa'ang mi rnyed pa de dag la de ci nas kyang gnas de nas ldang ba de lta de lta bur
49b4 chos ston par byed de/ de ltar na/ byang chub sems dpa' yang dag par 'dzin du 'jug pa dang / gzengs bstod pa dang / shin tu dga' bar byed pa'i thabs mkhas pa yin no/ /rigs kyis
49b5 bu| ji ltar na/ byang chub sems dpa' de bzhin gshegs pa la mchod pa dang / rim gro bya ba'i thabs mkhas pa yin zhe na/ rigs kyi bu/ 'di la byang chub sems dpa' rab tu byung bar
49b6 'gyur te/ rnyed pa chung yang chos rnyed pas chog par 'dzin pa yin/ de gcig pu lkog tu song ste rab tu dben par gnas nas de 'di ltar sems te/ ma la bdag gis de bzhin gshegs pa
49b7 la mchod pa dang / rim gro bya ba bsam mo snyam nas de de bzhin gshegs pa la mchod pa dang / rim gro bya ba rnam pa sna tshogs sems te/ de ltar de'i sems pha rol tu phyin pa drug sgom pa
50a1 yongs su rdzogs par 'gyur ro/ /ji ltar pha rol tu phyin pa drug sgom pa yongs su rdzogs par 'gyur zhe na/ de la gang mchod pa dang / rim gro bya ba mngon par
50a2 byed pa 'di ni/ de'i sbyin pa'i pha rol tu phyin pa'o/ /mchod pa dang / rim gro bya ba de la gang sems can thams cad la dmigs pa'i sems skye ba 'di ni/ de'i tshul khrims kyi pha rol tu
50a3 phyin pa'o/ /mchod pa dang / rim gro bya ba de dag la gang sems mngon par mos shing shin tu dga' ba 'di ni/ de'i bzod pa'i pha rol tu phyin pa'o/ /mchod pa dang / rim gro bya ba de la
50a4 gang sems can thams cad la dmigs pa'i sems skye ba 'di ni/ de'i brtson 'grus kyi pha rol tu phyin pa'o/ /mchod pa dang / rim gro bya ba de nyid la gang nye bar rtog pa 'di ni/ de'i
50a5 bsam gtan gyi pha rol tu phyin pa'o/ /mchod pa dang / rim gro bya ba de dag nyid la gang sna tshogs pa 'di ni/ de'i shes rab kyi pha rol tu phyin pa ste/ rigs kyi bu/ de ltar na/ byang
50a6 chub sems dpa' de bzhin gshegs pa la mchod pa dang / rim gro bya ba'i thabs mkhas pa yin no/ /rigs kyi bu/ chos bcu po de dag dang ldan na/ byang chub sems dpa'
50a7 thabs mkhas pa rnams yin no/ /rigs kyi bu/ chos bcu dang ldan na/ byang chub sems dpa' smon lam phun sum tshogs pa rnams yin no/ /bcu gang zhe na/ 'di lta ste/ mi dman
50b1 pa'i smon lam pa rnams yin/ ma zhum pa'i smon lam pa rnams yin/ sems can thams cad kyi don la brtson pa'i smon lam pa rnams yin/ sangs rgyas thams cad kyis yang dag par
50b2 bsngags pa'i smon lam pa rnams yin/ bdud thams cad shin tu tshar gcod pa'i smon lam pa rnams yin/ gzhan gyi dring mi 'jog pa'i smon lam pa rnams yin/ mtha' yas pa'i smon
50b3 lam pa rnams yin/ mi skrag pa'i smon lam pa rnams yin/ yongs su mi skyo ba'i smon lam pa rnams yin/ legs par yongs su rdzogs pa'i smon lam pa rnams yin no/ /rigs kyi bu/
50b4 de la ji ltar na/ byang chub sems dpa' mi dman pa'i smon lam pa yin zhe na/ rigs kyi bu/ byang chub sems dpa' srid pa'i bde ba 'dod cing smon lam mi 'debs te/ de ltar na/ byang chub
50b5 sems dpa' mi dman pa'i smon lam pa yin no/ /ji ltar na/ byang chub sems dpa' ma zhum pa'i smon lam pa yin zhe na/ byang chub sems dpa' ni/ khams gsum las skyo ba dang /
50b6 'dod chags dang bral ba dang / 'gog par smon lam mi 'debs te/ de ltar na/ byang chub sems dpa' ma zhum pa'i smon lam pa yin no/ /ji ltar na/ byang chub sems dpa' sems can
50b7 thams cad kyi don la brtson pa'i smon lam pa yin zhe na/ 'di la byang chub sems dpa' 'di ltar sems can gyi khams ji snyed pa ma lus par de thams cad yongs su mya ngan las 'das
51a1 nas bdag phyis sangs rgyas kyi yongs su mya ngan las 'da' bas yongs su mya ngan las 'da'o/ /zhes smon lam 'debs te/ de ltar na/ byang chub sems dpa' sems
51a2 can thams cad kyi don la brtson pa'i smon lam pa yin no/ /ji ltar na/ byang chub sems dpa' sangs rgyas thams cad kyis yang dag par bsngags pa'i smon lam pa yin zhe na/ 'di la
51a3 byang chub sems dpa' 'di ltar byang chub kyi sems ma bskyed pa'i sems can gyi khams ji snyed pa de dag thams cad byang chub tu sems bskyed du bcug ste mthar gyis byang chub
51a4 kyi spyod pa spyod du btsud nas byang chub kyi snying por 'dug pa rnams la mchod pa dang / bkur sti bya'o/ /chos kyi 'khor lo rab tu bskor bar gsol pa gdab bo/ /yongs su mya ngan las
51a5 'da' ba rnams kyang sems can la phan pa'i phyir bzhugs su gsol zhes smon lam 'debs te/ de ltar na/ byang chub sems dpa' sangs rgyas thams cad kyis yang dag par
51a6 bsngags pa'i smon lam pa yin no/ /ji ltar na/ byang chub sems dpa' bdud thams cad shin tu tshar gcod pa'i smon lam pa yin zhe na/ 'di la byang chub sems dpa' ni/ 'di ltar
51a7 bdag mngon par rdzogs par sangs rgyas pa'i sangs rgyas kyi zhing na ci nas kyang bdud kyi sgra'am/ bdud kyi ris kyi lha rnams 'byung bar mi 'gyur ba de ltar bdag gis bya'o/ /
51b1 des smon lam 'debs te/ de ltar na/ byang chub sems dpa' bdud thams cad shin tu tshar gcod pa'i smon lam pa yin no/ /ji ltar na/ byang chub sems dpa' gzhan gyi dring mi 'jog
51b2 pa'i smon lam pa yin zhe na/ byang chub sems dpa' ni/ gzhan gyi dring la bla na med pa yang dag par rdzogs pa'i byang chub tu smon lam mi 'debs kyi/ byang chub sems dpa' ni/ bdag nyid
51b3 kyis shes rab kyis dpyad de/ sems can gyi khams sdug bsngal ba la bltas nas bla na med par yang dag par rdzogs pa'i byang chub tu smon lam 'debs te/ de ltar na/ byang chub sems
51b4 dpa' gzhan gyi dring mi 'jog pa'i smon lam pa yin no/ /ji ltar na/ byang chub sems dpa' mtha' yas pa'i smon lam pa yin zhe na/ byang chub sems dpa' ni/ 'di lta ste/ byang chub
51b5 kyi tshogs rnams kyi phyogs 'ga' zhig bzung nas nyi tshe ba'i smon lam mi 'debs kyi/ byang chub sems dpa' ni/ bla gos phrag pa gcig tu gzar nas pus mo g.yas pa'i lha nga sa la
51b6 btsugs te sems mi skyo bar byas nas phyogs bcu'i 'jig rten gyi khams rnams su bltas te/ byang chub sems dpa' gang dag phyogs bcu na gnas pa dang / gang dag dka' ba spyod pa
51b7 la gnas pa dang / gang dag byang chub kyi snying po la gnas pa dang / sangs rgyas gang dag mngon par rdzogs par sangs rgyas pa dang / gang dag chos kyi 'khor lo bskor ba de dag rnams la snying
52a1 thag pa nas bsam ste/ de dag gis chos bstan pa ji snyed pa de dag la mos par byed do/ /mos par gyur nas rjes su yi rang ngo / /rjes su yi rang nas bla na med pa
52a2 yang dag par rdzogs pa'i byang chub tu yongs su bsngo ste/ de ltar na/ byang chub sems dpa' mtha' yas pa'i smon lam pa yin no/ /ji ltar na/ byang chub sems dpa' mi skrag pa'i smon
52a3 lam pa yin zhe na/ 'di la byang chub sems dpa' las dang po pa yin yang chos zab mo zab mo rnams thos pa dang / sangs rgyas kyi che ba zab mo thos pa dang / byang chub sems dpa'i rnam
52a4 par rol pa zab mo thos pa dang / thabs mkhas pa'i tshul zab mo thos kyang mi skrag/ rab tu mi skrag /shin tu mi skrag par mi byed do/ /de 'di snyam du sangs rgyas kyi byang chub kyang mtha'
52a5 yas| sangs rgyas kyi yul kyang mtha' yas/ sangs rgyas bcom ldan 'das rnams kyis sems can yongs su smin par mdzad pa'ang mtha' yas te/ de ni/ bdag 'dra bas shes par mi
52a6 nus kyi| sangs rgyas nyid kyis mkhyen gyi bdag gis mi shes so snyam du sems te/ de ltar na/ byang chub sems dpa' mi skrag pa'i smon lam pa yin no/ /ji ltar na/ byang chub sems dpa'
52a7 yongs su mi skyo ba'i smon lam pa yin zhe na/ 'di la byang chub sems dpa' sems can dmu rgod gdul dka' bar rig ste/ de rnams kyis yi chad nas 'di lta bu'i dmu rgod 'di lta bur
52b1 gdul dka' ba'i sems can 'di dag gis chog go/ zhes te/ de'i phyir yongs su skyo zhing rgyab kyis phyogs par gyur te gang na sems can 'di lta bu dag gi ming yang mi thos pa'i 'jig rten
52b2 gyi khams yongs su dag par smon lam mi 'debs so/ /sems can gyi don la ma phyogs pa'i byang chub sems dpa' ni/ yongs su dag pa'i 'jig rten gyi khams su skye bar yang mi 'gyur
52b3 te| de la byang chub sems dpa' shes rab can ni/ 'di ltar sems can gyi khams thams cad na sems can gang rnams ngan pa/ brtson 'grus chung ba/ blun po glen pa/ lug ltar lkug pa'i
52b4 rang bzhin can/ yongs su mya ngan las mi 'da' ba'i chos can/ sems can gyi khams ma lus pa de las bsnyigs pa/ sangs rgyas thams cad dang / byang chub sems dpa' thams cad
52b5 kyis spangs par gyur pa yod pa de dag bdag gi sangs rgyas kyi zhing du 'dus par gyur la/ bdag gis de dag byang chub kyi snying po la 'dug tu bcug ste/ bla na med pa yang dag par rdzogs pa'i
52b6 byang chub mngon par rdzogs par 'tshang rgya bar bya'o snyam du sems bskyed de/ byang chub sems dpa' de ltar sems pa'i sems bskyed pa re re la'ang bdud kyi gnas thams cad rab tu g.yo'o//
52b7 sangs rgyas thams cad kyang de'i bsngags pa gsung bar 'gyur ro/ /de'i sangs rgyas kyi zhing yang yongs su dag par 'gyur ro/ /bla na med pa yang dag par rdzogs pa'i byang chub kyang myur du mngon
53a1 par rdzogs par 'tshang rgya ste/ de ltar na/ byang chub sems dpa' yongs su mi skyo ba'i smon lam pa yin no/ /rigs kyi bu/ ji ltar na/ byang chub sems dpa'
53a2 legs par yongs su rdzogs pa'i smon lam pa yin zhe na/ rigs kyi bu/ 'di la byang chub sems dpa' gang byang chub kyi snying po la 'dug ste bdud kyi dpung gzhom pa dang / bla na med pa
53a3 yang dag par rdzogs pa'i byang chub mngon par rdzogs par 'tshang rgya ba dang / yang de las 'das par smon lam mi 'debs pa 'di ni/ legs par yongs su rdzogs pa'i smon lam
53a4 pa zhes bya'o/ /'di lta ste/ dper na/ mar ram/ 'bru mar gyi snod kha da chad du gang ste/ lhag par rdul phra rab tsam gyi thigs pa'ang mi shong na/ de'i phyir e ma'o snod gang ba/ e
53a5 ma'o snod shin tu gang ba zhes bya'o/ /de bzhin du byang chub sems dpa' byang chub mngon par rdzogs par sangs rgyas pa la smon lam legs par yongs su rdzogs pa'i phyir smon
53a6 lam ma rdzogs pa rdul phra rab tsam yang med do/ /de bas na/ legs par yongs su rdzogs pa'i smon lam zhes bya ste/ rigs kyi bu/ chos bcu po de dag dang ldan na/ byang chub sems
53a7 dpa' smon lam phun sum tshogs pa rnams yin no/ /rigs kyi bu/ chos bcu dang ldan na/ byang chub sems dpa' stobs phun sum tshogs pa rnams yin no/ /bcu gang zhe na/ 'di
53b1 lta ste| zil gyis mi non pa'i stobs phun sum tshogs pa rnams yin/ mi tshugs pa'i stobs phun sum tshogs pa rnams yin/ bsod nams kyi stobs phun sum tshogs pa rnams
53b2 yin| shes rab kyi stobs phun sum tshogs pa rnams yin/ 'khor gyi stobs phun sum tshogs pa rnams yin/ rdzu 'phrul gyi stobs phun sum tshogs pa rnams yin/ dbang gi
53b3 stobs phun sum tshogs pa rnams yin/ gzungs kyi stobs phun sum tshogs pa rnams yin/ rnam par mi 'khrugs pa'i phyin gyi rlabs kyi stobs phun sum tshogs pa rnams yin/
53b4 bka' mi gcog pa'i stobs phun sum tshogs pa rnams yin no/ /rigs kyi bu/ de la ji ltar na/ byang chub sems dpa' zil gyis mi non pa'i stobs phun sum tshogs pa yin zhe na/ rigs
53b5 kyi bu| 'di la byang chub sems dpa' pha rol rgol ba kun gyis zil gyis mi non pa yin te/ de ltar na/ zil gyis mi non pa'i stobs phun sum tshogs pa yin no/ /ji ltar na/ byang chub
53b6 sems dpa' mi tshugs pa'i stobs phun sum tshogs pa yin zhe na/ 'di la byang chub sems dpa' de'i stobs la gang stobs kyis thub pa'i sems can de lta bu sems can gyi ris na
53b7 med de| de ltar na/ byang chub sems dpa' mi tshugs pa'i stobs phun sum tshogs pa yin no/ /ji ltar na/ byang chub sems dpa' bsod nams kyi stobs phun sum tshogs pa yin zhe na/
54a1 'di la byang chub sems dpas ma bsgrubs pa'i bsod nams kyi tshogs 'jig rten pa'am/ 'jig rten las 'das pa de gang yang med de/ de ltar na/
54a2 byang chub sems dpa' bsod nams kyi stobs phun sum tshogs pa yin no/ /ji ltar na/ byang chub sems dpa' shes rab kyi stobs phun sum tshogs pa yin zhe na/ 'di la byang chub
54a3 sems dpas de bzhin gshegs pa'i ye shes ma gtogs par sangs rgyas kyi chos gang yang yang dag pa'i shes rab kyis ma mthong ba dang / mngon du ma byas pa dang / khong du ma chud
54a4 pa de dag med de/ de ltar na/ byang chub sems dpa' shes rab kyi stobs phun sum tshogs pa yin no/ /ji ltar na/ byang chub sems dpa' 'khor gyi stobs phun sum tshogs pa
54a5 yin zhe na/ 'di la byang chub sems dpa'i 'khor tshul khrims nyams pa ma yin/ lta ba nyams pa ma yin/ cho ga nyams pa ma yin/ 'tsho ba nyams pa ma yin gyi/ byang chub sems
54a6 dpa'i 'khor ni/ byang chub sems dpa' mtshungs par spyod pa rnams nyid yin te/ de ltar na/ byang chub sems dpa' 'khor gyi stobs phun sum tshogs pa yin no/ /ji ltar na/ byang chub sems
54a7 dpa' rdzu 'phrul gyi stobs phun sum tshogs pa yin zhe na/ 'di la byang chub sems dpa' 'jig rten pa'i rdzu 'phrul gyi yul thams cad dang / nyan thos dang / rang sangs rgyas kyi rdzu 'phrul
54b1 gyi yul thams cad zil gyis gnon te/ de'ang rdzu 'phrul gyi stobs bskyed pa mchog gis zil gyis gnon to/ /de 'dod na dzam+bu'i gling skra nyag ma gcig gi rtse mo la 'jog go /de bzhin
54b2 du gling bzhi pa dang / stong gi 'jig rten gyi khams dang / stong gnyis dang / stong gsum gyi stong chen po'i 'jig rten gyi khams kyang de bzhin no/ /de 'dod na gang+gA'i klung gi bye ma snyed kyi
54b3 'jig rten gyi khams rdul phra rab gcig la 'jog go /de bzhin du gang+gA'i klung gnyis kyi bye ma snyed dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu
54b4 dang / lnga bcu nas brjod du med pa'i yang brjod du med pa'i gang+gA'i klung gi bye ma snyed kyi 'jig rten gyi khams rdul phra rab gcig la 'jog kyang rdul phra rab de la gang ba dang / bri bar
54b5 yang mi mngon te/ 'jig rten gyi khams de rnams kyang phan tshun du 'dres par mi 'gyur/ sems can de rnams la gnod par yang mi 'gyur te/ de ltar na/ byang chub sems dpa' rdzu
54b6 'phrul gyi stobs phun sum tshogs pa yin no/ /ji ltar na/ byang chub sems dpa' dbang gi stobs phun sum tshogs pa yin zhe na/ 'di la byang chub sems dpa' 'dod na stong gsum gyi stong
54b7 chen po'i 'jig rten gyi khams rin po che sna bdun gyis gang bar byin gyis rlob bo/ /de 'dod na brjod du med pa'i yang brjod du med pa'i 'jig rten gyi khams kyi bar du rin po che rnam pa sna
55a1 tshogs kyis yongs su gang bar byin gyis rlob ste/ de ltar na/ byang chub sems dpa' dbang gi stobs phun sum tshogs pa yin no/ /ji ltar na/ byang chub sems
55a2 dpa' gzungs kyi stobs phun sum tshogs pa yin zhe na/ 'di la byang chub sems dpa' brjod du med pa'i yang brjod du med pa'i sangs rgyas kyi zhing dag na sangs rgyas bcom ldan 'das
55a3 ji snyed cig don tha dad pa dang / tshig dang yi ge tha dad pa dang / brjod pa tha dad pa dang / tshul tha dad pa'i chos bshad pa de dag byang chub sems dpas skad cig yud tsam thang gcig
55a4 gcig la thams cad 'dzin par byed/ khong du chud par byed/ sgom par byed de/ de ltar na/ byang chub sems dpa' gzungs kyi stobs phun sum tshogs pa yin no/ /ji ltar na/ byang
55a5 chub sems dpa' rnam par mi 'khrugs pa'i byin gyi rlabs kyi stobs phun sum tshogs pa yin zhe na/ de bzhin gshegs pa dgra bcom pa yang dag par rdzogs pa'i sangs rgyas rnams
55a6 ma gtogs par byang chub sems dpas byin gyi rlabs kyis byin gyis brlabs pa gang rnam par 'khrug par byed pa'i sems can de lta bu sems can gyi ris na med de/ de ltar na/ byang
55a7 chub sems dpa' rnam par mi 'khrugs pa'i byin gyi rlabs kyi stobs phun sum tshogs pa yin no/ /rigs kyi bu/ ji ltar na/ byang chub sems dpa' bka' mi gcog pa'i stobs
55b1 phun sum tshogs pa yin zhe na/ thabs mkhas pa ma gtogs par gang byang chub sems dpa'i bka' gcog pa'i sems can de lta bu sems can gyi ris na ma mthong ste/ rigs kyi bu/ de
55b2 ltar na| byang chub sems dpa' bka' mi gcog pa'i stobs phun sum tshogs pa yin no/ /rigs kyi bu/ chos bcu po de dag dang ldan na/ byang chub sems dpa' stobs phun sum tshogs pa
55b3 rnams yin no/ /rigs kyi bu/ chos bcu dang ldan na/ byang chub sems dpa' ye shes phun sum tshogs pa rnams yin no/ /bcu gang zhe na/ 'di lta ste/ gang zag la bdag med pa'i ye shes
55b4 phun sum tshogs pa rnams yin/ chos la bdag med pa'i ye shes phun sum tshogs pa rnams yin/ nyi tshe ba ma yin pa'i ye shes phun sum tshogs pa rnams yin/ ting nge 'dzin gyi spyod
55b5 yul gyi ye shes phun sum tshogs pa rnams yin/ byin gyi rlabs kyi ye shes phun sum tshogs pa rnams yin/ mi 'phrog pa'i ye shes phun sum tshogs pa rnams yin/ sems can
55b6 thams cad kyi spyod pa la rnam par lta ba'i ye shes phun sum tshogs pa rnams yin/ lhun gyis grub pa'i ye shes phun sum tshogs pa rnams yin/ chos thams cad kyi mtshan nyid kyi ye
55b7 shes phun sum tshogs pa rnams yin/ 'jig rten las 'das pa'i ye shes phun sum tshogs pa rnams yin no/ /rigs kyi bu/ de la ji ltar na/ byang chub sems dpa' gang zag la
56a1 bdag med pa'i ye shes phun sum tshogs pa yin zhe na/ rigs kyi bu/ 'di la byang chub sems dpas phung po rnams skye ba yang dag par mthong / 'jig pa dang / 'gog
56a2 pa'ang yang dag par mthong ngo / /des phung po skye ba rnams snying po med pa dang / byed pa med pa dang / gsog tu yang dag par mthong / phung po 'gag pa rnams 'jig par yang dag par mthong
56a3 ste| de 'di snyam du phung po 'di dag ni/ bdag med pa/ sems can med pa/ srog med pa/ gso ba med pa/ gang zag med pa yin mod kyi/ 'on kyang byis pa so so'i skye bo bdag tu 'dzin
56a4 pa la mngon par zhen pa 'di dag ni/ 'di ltar bdag cag gi phung po rnams bdag go /bdag cag gi phung po rnams la bdag yod do/ /bdag cag gi bdag la phung po rnams yod
56a5 do| |bdag cag gi bdag ni/ phung po can no snyam ste/ de dag bdag tu 'dzin pa la mngon par zhen pas de kho na nyid khong du mi chud do/ /de kho na nyid khong du mi chud pas mgal me'i 'khor
56a6 lo ltar 'khor bar 'khyams mo snyam du sems shing / de thams cad kyang byang chub sems dpas yang dag pa ji lta ba bzhin du rab tu shes te/ de ltar na/ byang chub sems dpa' gang
56a7 zag la bdag med pa'i ye shes phun sum tshogs pa yin no/ /ji ltar na/ byang chub sems dpa' chos la bdag med pa'i ye shes phun sum tshogs pa yin zhe na/ 'di la byang chub
56b1 sems dpas chos la sgro 'dogs pa dang / chos la skur pa'ang yang dag pa ji lta ba bzhin du rab tu shes te/ de 'di snyam du glo bur du byung ba'i chos la kun brtags pa'i ming gdags te/
56b2 chos de'ang de'i ngo bo nyid ma yin/ yi ge de dag kyang de'i ngo bo nyid ma yin mod kyi/ 'di ni/ ming tsam dang / tha snyad tsam du bya'i/ 'di la mngon par zhen par mi bya'o/ /glo bur du byung ba'i
56b3 chos de'ang thams cad du thams cad med pa ma yin te/ gzhan gyi rkyen dang / gzhan gyi rkyen la sdod pa dang / gzhan gyi rkyen rnams kyis 'byung zhing rkyen dang bral na 'gag pa'i chos 'di ni/
56b4 yod do| |zhes de thams cad byang chub sems dpas yang dag pa ji lta ba bzhin du rab tu shes te/ de ltar na/ byang chub sems dpa' chos la bdag med pa'i ye shes phun sum tshogs
56b5 pa yin no/ /ji ltar na/ byang chub sems dpa' nyi tshe ba ma yin pa'i ye shes phun sum tshogs pa yin zhe na/ byang chub sems dpa' nyi tshe ba'i ye shes skad cig gcig la 'jug cing
56b6 skad cig gnyis pa la mi 'jug pa ma yin gyi/ byang chub sems dpa'i ye shes mthong ba ni/ skad cig thams cad la thogs pa med par 'jug ste/ de ltar na/ byang chub sems dpa'
56b7 nyi tshe ba ma yin pa'i ye shes phun sum tshogs pa yin no/ /ji ltar na/ byang chub sems dpa' ting nge 'dzin gyi spyod yul gyi ye shes phun sum tshogs pa yin zhe na/ 'di la byang chub
57a1 sems dpas nyan thos kyi ting nge 'dzin rnams kyang rab tu shes/ rang sangs rgyas kyi ting nge 'dzin rnams kyang rab tu shes/ byang chub sems dpa'i ting nge 'dzin
57a2 rnams kyang rab tu shes/ de bzhin gshegs pa'i ting nge 'dzin rnams kyang rab tu shes so/ /des ting nge 'dzin gang dang / ting nge 'dzin gyi spyod yul gang la nyan thos spyod pa de'ang rab
57a3 tu shes| ting nge 'dzin gang dang / ting nge 'dzin gyi spyod yul gang la rang sangs rgyas spyod pa de'ang rab tu shes/ ting nge 'dzin gang dang / ting nge 'dzin gyi spyod yul gang la byang chub
57a4 sems dpa' spyod pa de'ang rab tu shes/ des ting nge 'dzin gang dang / ting nge 'dzin gyi spyod yul gang la de bzhin gshegs pas spyod pa de'ang rab tu shes te/ de bzhin gshegs
57a5 pas skabs phye na de bzhin gshegs pa'i ting nge 'dzin ni/ rab tu shes kyi/ rnam par smin pas grub pa'i rang gi ye shes kyis ni/ ma yin no/ /ting nge 'dzin gzhan rnams ni/ rnam
57a6 par smin pas grub pa'i rang gi ye shes kyis rab tu shes te/ de ltar na/ byang chub sems dpa' ting nge 'dzin gyi spyod yul gyi ye shes phun sum tshogs pa yin no/ /ji ltar na/ byang
57a7 chub sems dpa' byin gyi rlabs kyi ye shes phun sum tshogs pa yin zhe na/ 'di la byang chub sems dpas nyan thos kyi byin gyi rlabs kyang ji lta ba bzhin du rab tu shes/ rang sangs
57b1 rgyas kyi byin gyi rlabs kyang ji lta ba bzhin du rab tu shes/ byang chub sems dpa'i byin gyi rlabs kyang ji lta ba bzhin du rab tu shes na/ sems can de ma yin pa gzhan dag lta ci smos te/ de
57b2 ltar na| byang chub sems dpa' byin gyi rlabs kyi ye shes phun sum tshogs pa yin no/ /ji ltar na/ byang chub sems dpa' mi 'phrog pa'i ye shes phun sum tshogs pa yin zhe na/ 'di la
57b3 byang chub sems dpa'i ye shes ni/ mu stegs can thams cad dang / bdud thams cad dang / nyan thos dang / rang sangs rgyas thams cad kyis mi 'phrog pa yin te/ de ltar na/ byang chub
57b4 sems dpa' mi 'phrog pa'i ye shes phun sum tshogs pa yin no/ /ji ltar na/ byang chub sems dpa' sems can thams cad kyi spyod pa la rnam par lta ba'i ye shes phun sum tshogs
57b5 pa yin zhe na/ 'di la byang chub sems dpa' ye shes yongs su dag cing rnyog pa med pas sems can gyi khams la rnam par lta ste/ des de na sems can la la byang chub tu sems
57b6 bskyed pa dag dang / la la byang chub kyi sems ma bskyed pa dag dang / la la byang chub kyi sems bsgrubs pa dag dang / la la byang chub kyi sems ma bsgrubs pa dag dang / la la sa
57b7 dang po la gnas pa dag dang / la la sa bcu'i bar la gnas pa dag dang / la la mngon par rdzogs par sangs rgyas pa dag dang / la la mngon par rdzogs par sangs rgyas te chos kyi
58a1 'khor lo rab tu bskor ba dag dang / la la bya ba kun byas te yongs su mya ngan las 'da' ba dag dang / la la nyan thos kyi theg pas yongs su mya ngan las 'da' ba
58a2 dag dang / la la rang sangs rgyas kyi theg pas yongs su mya ngan las 'da' ba dag dang / la la bde 'gror skye ba dag mthong ngo / /de ltar na/ sems can thams cad kyi spyod pa la rnam par
58a3 lta ste| de ltar na/ byang chub sems dpa' sems can thams cad kyi spyod pa la rnam par lta ba'i ye shes phun sum tshogs pa yin no/ /ji ltar na/ byang chub sems dpa' lhun gyis
58a4 grub pa'i ye shes phun sum tshogs pa yin zhe na/ 'di la byang chub sems dpa' spyod pa'am/ 'greng ba'am/ 'dug pa'am/ 'gro ba'am/ 'ong ba na lhun gyis grub cing ye shes 'byung
58a5 ste| 'di lta ste/ dper na/ mi gnyid kyis log pa'i dbugs 'byung ba dang / rdub pa dag lhun gyis 'grub cing 'byung ngo / byang chub sems dpa'i ye shes de'ang de bzhin du blta'o/ /
58a6 ye shes de'ang thams cad du mi chags par 'jug ste/ de ltar na/ byang chub sems dpa' lhun gyis grub pa'i ye shes phun sum tshogs pa yin no/ /ji ltar na/ byang chub sems
58a7 dpa' chos thams cad kyi mtshan nyid kyi ye shes phun sum tshogs pa yin zhe na/ 'di la byang chub sems dpas chos thams cad mtshan nyid mtshungs par yang rab tu shes/ mtshan
58b1 nyid gcig par yang rab tu shes/ mtshan nyid du mar yang rab tu shes/ sgyu ma'i mtshan nyid du'ang rab tu shes/ yang dag pa ma yin par yongs su btags pa'i mtshan nyid du'ang rab tu
58b2 shes te| de ltar na/ byang chub sems dpa' chos thams cad kyi mtshan nyid kyi ye shes phun sum tshogs pa yin no/ /rigs kyi bu/ ji ltar na/ byang chub sems dpa' 'jig rten las 'das
58b3 pa'i ye shes phun sum tshogs pa yin zhe na/ rigs kyi bu/ 'di la byang chub sems dpa' zag pa med pa'i ye shes 'jig rten thams cad las 'das pa dang ldan pa yin te/ rigs kyi bu/
58b4 de ltar na/ byang chub sems dpa' 'jig rten las 'das pa'i ye shes phun sum tshogs pa yin no/ /rigs kyi bu/ chos bcu po de dag dang ldan na/ byang chub sems dpa' ye shes phun sum
58b5 tshogs pa rnams yin no/ /'phags pa dkon mchog sprin/ bam po gsum pa/ rigs kyi bu/ chos bcu dang ldan na/ byang chub sems dpa' sa dang mtshungs pa rnams yin no/
58b6 bcu gang zhe na/ 'di lta ste/ yangs shing tshad med pa rnams yin/ sems can thams cad kyi 'tsho bar gyur pa rnams yin/ gnod pa dang lan du phan 'dogs pa dang bral ba rnams yin /chos
58b7 kyi sprin chen po kun zed pa rnams yin/ sems can thams cad kyi gnas su gyur pa rnams yin/ dge ba'i chos sa bon gyi gzhir gyur pa rnams yin/ rin po che'i snod du gyur pa rnams
59a1 yin| rtsi chen po'i snod du gyur pa rnams yin/ mi sgul ba rnams yin/ mi dngang ba rnams yin no/ /rigs kyi bu/ de la ji ltar na/ byang chub sems dpa'
59a2 yangs shing tshad med pa yin zhe na/ rigs kyi bu/ 'di lta ste/ dper na/ sa chen po ni/ thams cad du yangs shing tshad med do/ /de bzhin du byang chub sems dpa' yang 'di lta ste/ bsod
59a3 nams dang ye shes kyi tshogs kyis kun tu yangs shing tshad med pa yin te/ de ltar na/ byang chub sems dpa' yangs shing tshad med pa yin no/ /ji ltar na/ byang chub sems dpa' sems
59a4 can thams cad kyi 'tsho bar gyur pa yin zhe na/ rigs kyi bu/ 'di lta ste/ dper na/ sa chen po ni/ 'di ltar yo byad rnam pa de dang de dag gis sems can thams cad kyi 'tsho bar
59a5 gyur pa yin no/ /de bzhin du byang chub sems dpa' yang sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la sogs pa byang chub kyi
59a6 tshogs rnams dang / phan par 'gyur ba'i yo byad rnam pa du ma de dang de dag gis sems can thams cad kyi 'tsho bar gyur pa yin te/ de ltar na/ byang chub sems dpa' sems can
59a7 thams cad kyi 'tsho bar gyur pa yin no/ /ji ltar na/ byang chub sems dpa' gnod pa dang lan du phan 'dogs pa dang bral ba yin zhe na/ 'di lta ste/ rigs kyi bu/ dper na/ sa chen
59b1 po ni| gnod pas kyang khong khro bar mi 'gyur/ phan pas kyang chags par mi 'gyur te/ de la gnyis su 'du shes pa'ang mi 'byung ngo / /de bzhin du byang chub sems dpa' yang gnod pa dag
59b2 gis khong khro bar mi 'gyur/ phan pa dag gis kyang chags par mi 'gyur te/ de ni/ sems can de dag la chags pa dang / khong khro ba'ang mi skyed de/ de ltar na/ byang chub sems dpa' gnod
59b3 pa dang lan du phan 'dogs pa dang bral ba yin no/ /ji ltar na/ byang chub sems dpa' chos kyi sprin chen po kun zed pa yin zhe na/ rigs kyi bu/ 'di lta ste/ dper na/ sa chen po ni/ sprin chen
59b4 po las 'bab pa'i chu klung chen po kun zed de/ bzod cing kun 'dzin to/ /de bzhin du byang chub sems dpa' yang de bzhin gshegs pa chos kyi sprin chen po las chos kyi char pa chen po rang
59b5 tu phab pa kun zed cing bzod la 'dzin te/ de ltar na/ byang chub sems dpa' chos kyi sprin chen po kun zed pa yin no/ /ji ltar na/ byang chub sems dpa' sems can thams cad kyi gnas
59b6 su gyur pa yin zhe na/ rigs kyi bu/ 'di lta ste/ dper na/ sa chen po ni/ sems can thams cad 'gro ba dang / 'ong ba'i gnas su gyur pa yin no/ /de bzhin du byang chub sems dpa'
59b7 yang sems can thams cad kyi bde 'gro dang / mya ngan las 'das par 'gro ba'i gnas su gyur pa yin te/ de ltar na/ byang chub sems dpa' sems can thams cad kyi gnas su gyur pa
60a1 yin no| |ji ltar na/ byang chub sems dpa' dge ba'i chos kyi sa bon gyi gzhir gyur pa yin zhe na/ rigs kyi bu/ 'di lta ste/ dper na/ sa bon thams cad ni/ sa
60a2 chen po'i gzhir gyur pa las skye'o/ /de bzhin du sems can thams cad kyi dge ba'i chos kyi sa bon thams cad kyang byang chub sems dpa'i gzhir gyur pa las skye ste/ de ltar na/
60a3 byang chub sems dpa' dge ba'i chos kyi sa bon gyi gzhir gyur pa yin no/ /ji ltar na/ byang chub sems dpa' rin po che'i snod du gyur pa yin zhe na/ rigs kyi bu/ 'di lta ste/ dper
60a4 na| sa chen po ni/ rin po che rnam pa sna tshogs kyi snod yin te/ sa chen po la rin po che sna tshogs kun snang ngo / /de bzhin du byang chub sems dpa' yang yon tan rin po che rnam pa sna
60a5 tshogs kyi snod du gyur pa yin te/ byang chub sems dpa' la yon tan rin po che sna tshogs kun snang ste/ de ltar na/ byang chub sems dpa' rin po che'i snod du gyur pa yin no/ /ji
60a6 ltar na| byang chub sems dpa' rtsi chen po'i snod du gyur pa yin zhe na/ rigs kyi bu/ 'di lta ste/ dper na/ rtsi chen po gang dag nad rnam pa sna tshogs zhi bar 'gyur ba dag kyang sa
60a7 chen po la gnas te 'jig rten na snang ngo / /de bzhin du gang dag gis nyon mongs pa'i nad rnam pa sna tshogs pa rnams zhi bar 'gyur ba'i chos kyi rtsi chen po rnams kyang byang chub
60b1 sems dpa' la gnas shing 'jig rten du snang bar 'gyur te/ de ltar na/ byang chub sems dpa' rtsi chen po'i snod du gyur pa yin no/ /ji ltar na/ byang chub sems dpa' mi sgrul ba yin zhe na/
60b2 rigs kyi bu/ 'di lta ste/ dper na/ sa chen po ni/ 'di ltar sha sbrang dang / sbrang bu dang / rlung dang / nyi ma dang / sbrul gyis reg pa'i sdug bsngal thams cad kyis mi sgul ba yin no/ /de bzhin
60b3 du byang chub sems dpa' yang 'di lta ste/ sems can thams cad las byung ba'i phyi nang gi sdug bsngal thams cad kyis mi sgul ba yin te/ de ltar na/ byang chub sems dpa' mi sgul ba
60b4 yin no| |rigs kyi bu/ ji ltar na/ byang chub sems dpa' mi dngang ba yin zhe na/ rigs kyi bu/ 'di lta ste/ dper na/ sa chen po ni/ glang po che'i rgyal po dang / ri dwags kyi rgyal po rnam pa
60b5 sna tshogs kyi sgra thos kyang mi skrag /rab tu mi skrag/ shin tu mi skrag/ skrag par mi 'gyur ro/ /de bzhin du byang chub sems dpa' yang bdud dang mu stegs can thams cad kyi sgra thos na mi
60b6 skrag /rab tu mi skrag /shin tu mi skrag /skrag par mi 'gyur te/ rigs kyi bu/ de ltar na/ byang chub sems dpa' mi dngang ba yin no/ /rigs kyi bu/ chos bcu po de dag dang ldan na/
60b7 byang chub sems dpa' sa chen po dang mtshungs pa rnams yin no/ /rigs kyi bu/ chos bcu dang ldan na/ byang chub sems dpa' chu dang mtshungs pa rnams yin no/ /bcu gang zhe na/ 'di lta
61a1 ste| dge ba'i chos la gzhol ba rnams yin/ dkar po'i chos thams cad skyed pa rnams yin/ dga' ba dang dad pa dang rangs pa'i gsher ba can rnams
61a2 yin| nyon mongs pa'i rtsa ba'i rgyud thams cad srul ba rnams yin/ dang zhing rnyog pa med de gsal ba rnams yin/ nyon mongs pa'i yongs su gdung ba rab tu zhi bar byed pa rnams
61a3 yin| 'dod pa la sred pa zlog pa rnams yin/ zab cing gting dpag dka' ba rnams yin/ mtho dma' 'gengs pa rnams yin/ nyon mongs pa'i rdul thams cad rab tu zhi bar byed
61a4 pa rnams yin no/ /rigs kyi bu/ de la ji ltar na/ byang chub sems dpa' dge ba'i chos la gzhol ba yin zhe na/ rigs kyi bu/ 'di lta ste/ dper na/ chu ni/ gzhol bar 'gro ba
61a5 dang / gzhol bar rgyu ba yin no/ /de bzhin du byang chub sems dpa' yang dge ba'i chos la gzhol zhing dge ba'i chos kyi phyir rgyu ba yin te/ de ltar na/ byang chub sems dpa' dge
61a6 ba'i chos la gzhol ba yin no/ /ji ltar na/ byang chub sems dpa' dkar po'i chos thams cad skyed pa yin zhe na/ rigs kyi bu/ 'di lta ste/ dper na/ chu ni/ rtswa dang / shing gel pa
61a7 dang / rtsi dang / nags tshal thams cad skyed de/ skyes pa rnams kyang phyir zhing rgyas par byed do/ /de bzhin du byang chub sems dpa' yang ting nge 'dzin gyi chus byang chub kyi phyogs
61b1 kyi chos thams cad rnam par skyed do/ /skyes pa rnams kyang thams cad mkhyen pa nyid kyi shing du gyur gyi bar du phyir zhing rgyas par byed do/ /thams cad mkhyen pa nyid kyi shing du gyur pa dag
61b2 gis sangs rgyas kyi chos kyi 'bras bu rnam pa sna tshogs dag gis sems can rnams 'tsho bar 'gyur te/ de ltar na/ byang chub sems dpa' dkar po'i chos thams cad skyed pa yin no/ /
61b3 ji ltar na/ byang chub sems dpa' dga' ba dang / dad pa dang / rangs pa'i gsher ba can yin zhe na/ rigs kyi bu/ 'di lta ste/ dper na/ chu ni/ ngo bo nyid kyis gsher ba can yin te/ gzhan
61b4 yang gsher bar byed do/ /de bzhin du byang chub sems dpa' yang ngo bo nyid kyis dga' ba dang / dad pa dang / rangs pa'i gsher ba can yin te/ sems can gzhan yang dga' ba dang / dad
61b5 pa dang / rangs pa'i gsher ba can du byed do/ /de la dga' ba ni/ 'jig rten las 'das pa'i chos tshol ba'o/ /dad pa ni/ sangs rgyas dang / chos dang / dge 'dun la brten pa'o/ /rangs pa ni/
61b6 gang sems dag pa ste/ de ltar na/ byang chub sems dpa' dga' ba dang / dad pa dang / rangs pa'i gsher ba can yin no/ /ji ltar na/ byang chub sems dpa' nyon mongs pa'i rtsa ba'i rgyun thams
61b7 cad srul ba yin zhe na/ rigs kyi bu/ 'di lta ste/ dper na/ chu ni/ shing gi rnam pa dang / rtswa'i rnam pa'i rtsa ba dag gi rgyun thams cad srul lo/ /de bzhin du byang chub sems dpa' yang sgom
62a1 pa la gnas pa'i ting nge 'dzin gyi chus nyon mongs pa'i rtsa ba'i rgyun thams cad srul te/ ji ltar na/ nyon mongs pa'i rtsa ba'i rgyun 'di dag gi ming yang mi shes pa
62a2 dang / nyon mongs pa'i dri nga ba'i bag chags kyang med par 'gyur ba de lta bur srul te/ de ltar na/ byang chub sems dpa' nyon mongs pa'i rtsa ba'i rgyun thams cad srul ba yin
62a3 no| |ji ltar na/ byang chub sems dpa' dang zhing rnyog pa med de gsal ba yin zhe na/ rigs kyi bu/ 'di lta ste/ dper na/ chu ni/ rang bzhin gyis dang zhing rnyog pa med de gsal lo/ /
62a4 de bzhin du byang chub sems dpa' yang rang bzhin gyis dang zhing rnyog pa med de gsal ba yin no/ de la bag la nyal ba dang / kun nas ldang ba dang bral bas na/ dang ba'o/ /'dod
62a5 chags dang / zhe sdang dang / gti mug dang bral bas na/ rnyog pa med pa'o/ /dbang po rab tu dang bas na/ gsal ste/ de ltar na/ byang chub sems dpa' dang zhing rnyog pa med de gsal
62a6 ba yin no/ /ji ltar na/ byang chub sems dpa' nyon mongs pa'i yongs su gdung ba rab tu zhi bar byed ce na/ rigs kyi bu/ 'di lta ste/ dper na/ chu ni/ sa chen po dpyid kyi tsha bas
62a7 gdungs pa dang / de las gzhan yang sems can rnams dpyid kyi tsha bas gdungs pa rnams rab tu zhi bar byed do/ /de bzhin du byang chub sems dpa' yang nyon mongs pas gdungs
62b1 pa'i sems can gyi khams thams cad chos kyi chus rab tu zhi bar byed de/ de ltar na/ byang chub sems dpa' nyon mongs pa'i yongs su gdung ba rab tu zhi bar byed pa yin no/ /ji ltar
62b2 na| byang chub sems dpa' 'dod pa la sred pa zlog pa yin zhe na/ rigs kyi bu/ 'di lta ste/ dper na/ chu ni/ skom pas nyen pa'i sems can rnams kyi skom pa rnam par zlog go /de
62b3 bzhin du byang chub sems dpa' yang yul la sred pas nyen pa'i sems can nyen par gyur pa dag la gang gis sems can de dag gi yul la sred pa zlog par 'gyur ba de lta bu'i chos
62b4 kyi char mngon par 'bebs te/ de ltar na/ byang chub sems dpa' 'dod pa la sred par zlog par byed do/ /ji ltar na/ byang chub sems dpa' zab cing gting dpag dka' ba yin zhe na/
62b5 rigs kyi bu/ 'di lta ste/ dper na/ chu'i 'jings ni/ zab cing gting dpag dka' ba yin no/ /de bzhin du byang chub sems dpa' ye shes yang dag par grub pa'ang 'di lta ste/ bdud
62b6 thams cad dang / mu stegs can thams cad kyis gting dpag dka' zhing zab pa yin te/ de ltar na/ byang chub sems dpa' zab cing gting dpag dka' ba yin no/ /ji ltar na/ byang chub sems
62b7 dpa' mtho dma' 'gengs pa yin zhe na/ rigs kyi bu/ 'di lta ste/ dper na/ chu'i klung ni/ so'i phyogs mtho dma' 'gengs so/ /de bzhin du byang chub sems dpa' yang chos kyi chu'i
63a1 klung gis sems can gyi khams mtho dma' 'gengs te/ ji ltar na/ chus 'gengs pa ltar sems can la gnod pa byed pa de lta bu byang chub sems dpa' ma yin
63a2 gyi| sems can de rnams la snying brtse ba'i phyir chos kyi chu klung 'bebs shing de dag la gnod par mi byed de/ de ltar na/ byang chub sems dpa' mtho dma' 'gengs pa yin no//
63a3 ji ltar na/ byang chub sems dpa' nyon mongs pa'i rdul thams cad rab tu zhi bar byed pa yin zhe na/ rigs kyi bu/ 'di lta ste/ dper na/ chus ni/ sa'i phyogs skam zhing rdul 'thul
63a4 ba thams cad snum par byed cing / rdul de dag zhi bar byed do/ /de bzhin du byang chub sems dpa' yang sems can sems rtsub pa rnams 'di lta ste/ shes rab la gnas pa'i
63a5 ting nge 'dzin gyi chus sems snum par byed cing sems can de dag gi nyon mongs pa'i rdul thams cad rab tu zhi bar byed de/ de ltar na/ byang chub sems dpa' nyon mongs pa'i
63a6 rdul thams cad rab tu zhi bar byed pa yin no/ /rigs kyi bu/ chos bcu po de dag dang ldan na/ byang chub sems dpa' chu dang mtshungs pa rnams yin no/ /rigs kyi bu/ chos bcu dang
63a7 ldan na| byang chub sems dpa' me dang mtshungs pa rnams yin no/ /bcu gang zhe na/ 'di lta ste/ nyon mongs pa'i phyag dar khung thams cad kyang sreg par byed/ sangs rgyas kyi chos
63b1 rnams kyang yongs su smin par byed/ nyon mongs pa'i 'dam thams cad kyang skem par byed/ me'i phung po dang 'dra ba rnams yin/ snang bar gyur pa rnams yin/ skrag par byed pa rnams
63b2 yin| dbugs 'byin pa rnams yin/ sems can thams cad kyi thun mong du gyur pa rnams yin/ mchod par bya ba rnams yin/ mi brnyas pa rnams yin no/ /rigs kyi bu/ de la
63b3 ji ltar na/ byang chub sems dpa' nyon mongs pa'i phyag dar khung thams cad sreg ce na/ rigs kyi bu/ 'di lta ste/ dper na/ me ni/ phyag dar khung dang / rtswa dang / shing gel pa dang /
63b4 rtsi dang / sdong po thams cad sreg go /de bzhin du byang chub sems dpa' yang shes rab kyis bag la nyal dang / kun nas ldang ba dang / 'dod chags dang / zhe sdang dang / gti mug gi
63b5 nyon mongs pa'i phyag dar khung thams cad sreg ste/ de ltar na/ byang chub sems dpa' nyon mongs pa'i phyag dar khung thams cad sreg pa yin no/ /ji ltar na/ byang chub sems dpa'
63b6 sangs rgyas kyi chos rnams yongs su smin par byed ce na/ rigs kyi bu/ 'di lta ste/ dper na/ me ni/ lo tog dang / rtsi dang / sdong bu'i rnam pa thams cad yongs su smin par byed do/ /de bzhin
63b7 du byang chub sems dpa' yang shes rab kyis nang gi sangs rgyas kyi chos rnams yongs su smin par byed pa'ang ji ltar 'jig par mi 'gyur ba de ltar yongs su smin par byed de/ de ltar
64a1 na| sangs rgyas kyi chos rnams yongs su smin par byed pa'o/ /ji ltar na/ byang chub sems dpa' nyon mongs pa'i 'dam thams cad skem par byed ce na/ rigs
64a2 kyi bu| 'di lta ste/ dper na/ me ni/ chu bran gyi 'dam thams cad skem par byed do/ /de bzhin du byang chub sems dpa' yang shes rab kyis zag pa'i nyon mongs pa'i 'dam thams
64a3 cad skem par byed de/ de ltar na/ byang chub sems dpa' nyon mongs pa'i 'dam thams cad skem par byed do/ /ji ltar na/ byang chub sems dpa' me'i phung po dang 'dra ba yin zhe na/
64a4 rigs kyi bu/ 'di lta ste/ dper na/ sems can grang ba'i nad kyis nyen pa rnams kyi grang ba med par bya ba'i phyir me'i phung po byed do/ /de bzhin du byang chub sems dpa' yang nyon mongs
64a5 pa'i grang ba'i nad kyis btab pa'i sems can rnams kyi nyon mongs pa'i grang ba'i nad med par bya ba'i phyir shes rab kyis rab tu dro bar byed de/ de ltar na/ byang chub sems dpa' me'i
64a6 phung po dang 'dra ba yin no/ /ji ltar na/ byang chub sems dpa' snang bar gyur pa yin zhe na/ rigs kyi bu/ 'di lta ste/ dper na/ gangs kyi rtse mo'am/ ri bin da'i rtse mo la me'i phung po
64a7 chen po 'bar na/ des dpag tshad gcig kho ra khor yug tu snang bar byed/ dpag tshad gnyis kho ra khor yug dang / dpag tshad gsum kho ra khor yug tu'ang snang bar byed do/ /de
64b1 bzhin du byang chub sems dpa' yang ye shes kyi snang bas dpag tshad brgyar yang khyab par byed/ dpag tshad stong du'ang khyab par byed/ dpag tshad stong phrag brgyar yang khyab par byed pa
64b2 nas 'jig rten gyi khams dpag tu med/ grangs med pa'i bar du'ang khyab par byas nas sems can thams cad la ye shes kyis snang bar byed de/ ye shes kyi snang ba des mi shes pa'i
64b3 mun pa mun nag thams cad rnam par sel te/ de ltar na/ byang chub sems dpa' snang bar gyur pa yin no/ /ji ltar na/ byang chub sems dpa' skrag par byed pa yin zhe na/ rigs kyi bu/
64b4 'di lta ste/ dper na/ ri dwags khro bo'am/ ri dwags kyi rgyal po khro bos me'i phung po chen po mthong na/ skrag/ rab tu skrag/ shin tu skrag par gyur cing / 'di lta ste/ me'i 'jigs pas
64b5 skrag pas gnas de ring ba bas kyang shin tu ring bar spong ngo / /de bzhin du bdud rnams sam bdud kyi ris kyi lha rnams kyis byang chub sems dpa' mthong na/ skrag/ rab tu skrag /
64b6 shin tu skrag par gyur cing / 'di lta ste/ gzi brjid chung pa'i phyir gang du byang chub sems dpa' rnams kyi ming yang mi thos na mthong ba lta smos kyang ci smos par ring ba bas kyang
64b7 shin tu ring bar sa'i phyogs de yongs su spong ngo / /de ltar na/ byang chub sems dpa' skrag par byed pa yin no/ /ji ltar na/ byang chub sems dpa' dbugs 'byin pa yin zhe na/
65a1 rigs kyi bu/ 'di lta ste/ dper na/ mi la la zhig 'brog dgon par 'khyams pa las me'i phung po chen po mthong ste/ de de logs su song ba dang / des de
65a2 na grong ngam/ rdzi'u brang mthong na/ de shugs phyin te rab tu dbugs phyin nas 'jigs pa thams cad dang bral bar 'gyur ro/ /de bzhin du byang chub sems dpa' yang 'khor ba'i
65a3 'brog dgon par 'khyams pa'i sems can rnams kyis byang chub sems dpa' mthong na shugs phyin par 'gyur/ rab tu dbugs phyin par 'gyur/ nyon mongs pa'i 'jigs
65a4 pa thams cad dang bral bar 'gyur te/ de ltar na/ byang chub sems dpa' dbugs 'byin pa yin no/ /ji ltar na/ byang chub sems dpa' sems can thams cad kyi thun mong du
65a5 gyur pa yin zhe na/ rigs kyi bu/ 'di lta ste/ dper na/ me ni/ sems can thams cad kyi thun mong du gyur pa ste/ ji ltar na/ rgyal po la phan par nye bar gnas pa ltar gdol
65a6 bu la'ang de bzhin no/ /de bzhin du byang chub sems dpa' yang sems can thams cad kyi thun mong du gyur pa yin te/ ji ltar rgyal po la phan par nye bar gnas pa ltar gdol bu
65a7 la'ang de bzhin te/ de ltar na/ byang chub sems dpa' sems can thams cad kyi thun mong du gyur pa yin no/ /ji ltar na/ byang chub sems dpa' mchod par bya ba yin zhe na/ rigs
65b1 kyi bu| 'di lta ste/ dper na/ me la ni/ bram ze dang / rgyal rigs dang / grong pa dang / yul gyi mi rnams kyis mchod do/ /de bzhin du byang chub sems dpa' yang 'di lta ste/ lha dang / mi dang /
65b2 lha ma yin dang / dri zar bcas pa'i 'jig rten gyis ston par 'du shes pas mchod de/ de ltar na/ byang chub sems dpa' mchod par bya ba yin no/ /ji ltar na/ mi brnyas pa yin zhe na/
65b3 rigs kyi bu/ 'di lta ste/ dper na/ me stag chung du'ang tshig pa'i bdag nyid yin pas na mi brnyas pa yin no/ /de bzhin du mos pas spyod pa la gnas pa'i byang chub sems dpa' mthu
65b4 stobs ma rnyed pa theg pa chen po la las dang po pa'ang lha dang / mi dang / lha ma yin du bcas pa'i 'jig rten gyis mi brnyas pa yin no/ /de ci'i phyir zhe na/ lha dang / klu dang / gnod spyin dang /
65b5 dri za dang / lha ma yin rnams kyis byang chub sems dpa' 'di ring po mi thogs par byang chub kyi snying po la 'dug ste bla na med pa yang dag par rdzogs pa'i byang chub tu mngon par rdzogs
65b6 par 'tshang rgya bar khong du chud de/ de ltar na/ byang chub sems dpa' mi brnyas pa yin no/ /rigs kyi bu/ chos bcu po de dag dang ldan na/ byang chub sems dpa' me dang mtshungs pa
65b7 rnams yin no/ /rigs kyi bu/ chos bcu dang ldan na/ byang chub sems dpa' rlung mar lta bu rnams yin no/ /bcu gang zhe na/ 'di lta ste/ gnas med par spyod pa dang / spyod yul kun mu med
66a1 pa dang / sems can nga rgyal gyis snyems pa'i rtse mo 'thor zhing 'jig la rab tu snyil bar byed pa dang / chos kyi char sprin chen po kun nas skyed pa dang / 'gro ba
66a2 thams cad kyi nyon mongs pa'i gdung ba rab tu zhi bar byed pa dang / sems can thams cad la chos dkar po las mthun par 'gyur ba'i dbugs 'byung ba dang / rdub pa'i srog nye bar
66a3 sbyor ba dang / chos kyi char sprin dpag tu med pa kun 'dzin pa dang / chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs
66a4 su 'god pa dang / 'khor gyi dkyil 'khor dpag bsam gyi shing las shin tu byung ba'i chos kyi gtam yang dag par gdon mi za ba'i me tog yid du 'ong ba'i char rtag tu mngon par
66a5 'bebs pa dang / bskal pa grangs med par dkar po'i dkyil 'khor yongs su bsags pa'i ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / 'od
66a6 dang / zla ba dang / nyi ma dang / chos kyi tshul dang / nags tshal dang / khang pa dang / dge ba'i 'khor yug gi ri la sogs pas yongs su bskor ba'i sems can gyi khams kyi dkyil
66a7 'khor na 'dul ba yongs su smin pa mang po yang dag par gnas pa bla na med cing lus med pa'i gnas 'pho bar 'jig pa'i ye shes kyi rlung gi dkyil 'khor rab tu gtong ba'i phyir
66b1 ro| |rigs kyi bu/ de la ji ltar na/ byang chub sems dpa' gnas med par spyod pa yin zhe na/ rigs kyi bu/ 'di lta ste/ dper na/ rlung mar ni/ thams cad du thogs pa med cing gnas med
66b2 rten med de/ gzugs med kyang nags tshal dang / khang pa dang / gzhal med khang dang / ri rab dang / rgya mtsho la sogs pa thams cad la rang gi dgos pa byed par snang ngo / /de bzhin du byang
66b3 chub sems dpa'i rlung mar yang chos thams cad la kun tu mi gnas pa yin te/ phung po dang / khams dang / skye mchod rnams dang / gzugs dang / tshor ba dang / 'du shes dang / 'du byed
66b4 dang / rnam par shes pa dang / mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes
66b5 pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi
66b6 khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams dang / mig gi skye mched
66b7 dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang /
67a1 reg bya'i skye mched dang / yid kyi skye mched dang / chos kyi skye mched la mi gnas pa yin/ 'jig rten pa'i chos rnams dang / 'jig rten las 'das pa'i chos rnams
67a2 dang / lha dang / mi phun sum tshogs pa thams cad dang / 'khor los bsgyur ba dang / brgya byin dang / tshangs pa dang / 'jig rten skyong ba dag tu 'gyur pa dang / dbang phyug chen po dag
67a3 tu 'gyur ba dang / nyan thos dang / rang sangs rgyas dag tu 'gyur ba dang / byang chub sems dpa'i sa rnams dang / thams cad mkhyen pa nyid dag la'ang gnas par mi byed de/ de
67a4 thams cad la mi gnas pas dngos po dang / dngos po med pa dang / gcig pa dang / tha dad pa dang / de bzhin nyid la sogs par rlom sems kyi rnam pa du mar ma gyur cing
67a5 dmigs pa med la rnam par thar pa sgrib pa med pa'i spyod yul dang ldan pas/ brgya byin dang / tshangs pa dang / 'jig rten skyong ba la sogs pa'ang byed la/ phyogs bcu mtha'
67a6 yas mu med pa'i 'jig rten gyi khams kun tu sems can thams cad kyi don thams cad thob par bya ba'i phyir phyi ma'i mtha'i myur thug pa'i bskal par thams cad du'ang rgyu la/ chos kyi lus kyis mi snang ba'ang yin zhing mi rtog /
67a7 rnam par mi rtog ste/ de ltar na/ byang chub sems dpa' gnas med par spyod pa yin no/ /rigs kyi bu/ ji ltar na/ byang chub
67b1 sems dpa' spyod yul kun tu mu med pa yin zhe na/ rigs kyi bu/ 'di lta ste/ dper na/ rlung mar ni/ phyogs bcu'i 'jig rten gyi khams dpag tu med pa dag tu reg par byed de/ g.yob
67b2 cing rgyu'o/ /rigs kyi bu/ de bzhin du byang chub sems dpa'i rlung mar yang chos mu med pa dag kun rdzob dang / don dam par kun nas mthong zhing rgyas par byed/ rig par byed/ rnam par
67b3 'god cing ston te/ de bzhin gshegs pa'i 'khor gyi dkyil 'khor dag dang / byang chub sems dpa'i 'khor gyi dkyil 'khor dag dang / 'gro ba thams cad kyi gnas dag tu yid
67b4 kyi mgyogs pa dang ldan zhing / phyogs bcu thams cad kyi mthar thug pa'i spyod yul bar gyur nas rgyu zhing 'gro ste/ rigs kyi bu/ de ltar na/ byang chub sems dpa' spyod yul kun tu
67b5 mu med pa yin no/ /rigs kyi bu/ ji ltar na/ byang chub sems dpa' sems can nga rgyal gyis snyems pa'i rtse mo 'thor zhing 'jig la rab tu snyil bar byed pa yin zhe na/ rigs kyi
67b6 bu| 'di lta ste/ dper na/ rlung mar ni/ ri dang / khyim dang / nags tshal gyi rtse mo dag tu 'dud par byed/ rab tu rnyil bar byed/ rnam par 'jig par byed/ 'thor bar byed/ mi snang bar
67b7 byed do| |de bzhin du byang chub sems dpa'i rlung mar yang sems can nga rgyal dang / rlom sems dang / dregs pa dang / 'jig tshogs la lta ba'i rtse mos snyems pa rnams gzugs
68a1 dang / dar la bab pa dang / longs spyod dang / dbang dang / stobs dang / tshe dang / nad med pa dang / 'tsho ba dang / bzo dang / thos pa dang / yid gzhungs pa
68a2 dang / g.yog dang / smra mkhas pa dang / dpal che ba'i dregs pas myos pa dag dang / yang dag pa'i nan tan gyis bdag bstod pa rnams la de dag khyad zhugs pa'i phun sum
68a3 tshogs pa bstan pa dang / chos bstan pas nga rgyal chom par byed cing dge ba dri ma med pa la sbyor bar byed de/ de ltar na/ byang chub sems dpa' sems can nga rgyal gyis snyems
68a4 pa'i rtse mo 'thor zhing 'jig la rab tu rnyil bar byed pa yin no/ /rigs kyi bu/ ji ltar na/ byang chub sems dpa' chos kyi char sbrin chen po kun nas skyed pa yin zhe na/ rigs kyi bu/
68a5 'di lta ste/ dper na/ rlung mar ni/ phyogs bzhi nas sbrin gyi dkyil 'khor kha dog sna tshogs can dang / zab cing gsal la mnyen zhing 'jam pa'i 'brug sgra rgya mtsho'i dbyangs can/
68a6 glu rol sna tshogs kyi sgra 'byin cing yid du 'ong ba'i dbyangs rjes su grag pa/ glog gi phreng ba'i rgyan gyis rnam par brgyan pa gang dag gis 'jig rten gyi khams bye ba khrag khrig
68a7 stong phrag brgya dag kun nas yongs su khebs par byas te 'gro ba thams cad dga' ba dang / lo tog dang / sdong po yongs su bskyed pa'i phyir char gyi rgyun chen po rtag tu rgyun mi chad par
68b1 mngon par 'bebs pa'i sbrin chen po kun nas slong ngo / /de bzhin du byang chub sems dpa'i rlung mar yang lus sna tshogs kyi sprin sems can thams cad dga' bar byed pa/ phyogs bcu'i
68b2 'jig rten gyi khams mtha' yas mu med pa snang bar byed pa/ 'od zer kha dog mtha' yas ba'i glog gi phreng ba'i rgyun 'byung ba/ yang dag pa de kho na nyid kyi chos kyi 'brug sgra yan lag
68b3 stong phrag drug cu pa sgrog pa/ snying rje chen po'i rlung mar gyis yang dag par mtho ba/ chos kyi dbyings kyis klas pa'i 'gro ba thams cad kyi nam mkha' khyab par byed pa dag gi 'jig
68b4 rten gyi khams thams cad kun nas khebs par byas shing ngan song dang mi khom pa la sogs pa nas sems can rnams rnam par bslang ste rnam pa thams cad du mtshan dang / dpe byad
68b5 bzang po dang / 'od kyi dkyil 'khor snang bar rnam par dag pa'ang byin gyis brlabs te/ bkod pa thams cad kyi rgyan gyis brgyan pa'i 'jig rten gyi khams dag kyang byin gyis brlabs nas
68b6 lha dang mi dga' ba dang / mgu ba dang / rangs pa mchog tu gyur pa/ dga' ba dang bde ba mchog thob pa dang ldan pa rnams kyi 'jig rten pa dang / 'jig rten las 'das pa'i chos dkar po'i
68b7 lo tog dang / rtsi chen po dang / sdong po thams cad rnam par skyed pa dang / thams cad du skyid par chos kyi dbang bskur ba'i phyir sems can thams cad kyi phun sum tshogs pa dang / dga' bar
69a1 byed pa dang / rgud pa rab tu zhi bar byed pa'i chos kyi char chen po mngon par 'bebs te/ rigs kyi bu/ de ltar na/ byang chub sems dpa' chos kyi char sbrin chen po
69a2 kun nas skyed pa yin no/ /rigs kyi bu/ ji ltar na/ byang chub sems dpa' 'gro ba thams cad kyi nyon mongs pa'i gdung ba rab tu zhi bar byed pa yin zhe na/ rigs kyi bu/ 'di lta ste/
69a3 dper na/ rlung mar dri zhi ma po'i char gyi rgyun gyi snying po can ldang na/ sems can rnams kyi gdung ba yongs su zhi bar byas shing lus shin tu sim pa dang / bsil bar byed do/ /de bzhin
69a4 du byang chub sems dpa'i rlung mar yang sems can rnams kyi 'dod chags dang / zhe sdang dang / gti mug dang / ngan 'gro dang / ngan par lta ba dang / nyes byas dang / the tshom dang /
69a5 phongs pa mi zad pa dang / yul la sred pa dang / sdug pa dang / mi sdug pa dang bral zhing phrad pa dang / nad rnams bcil nas dam pa ma yin pa'i chos la sred pa la sogs pa'i gdung
69a6 bdag dam pa'i chos kyi char dang 'dres pa'i bla na med pa'i tshul khrims rnam par dag pa dang / smon lam dang / mthong ba dang / reg pa dang / 'grogs pa dang / bstan pa don yod pa
69a7 la sogs pas rab tu zhi bar byed de/ rigs kyi bu/ de ltar na/ byang chub sems dpa' 'gro ba thams cad kyi nyon mongs pa'i gdung ba rab tu zhi bar byed cing nyon mongs pa med pa'i
69b1 sa la 'god pa yin no/ /rigs kyi bu/ ji ltar na/ byang chub sems dpa' sems can thams cad la chos dkar po las mthun par gyur pa'i dbugs 'byung ba dang / rdub pa'i srog nye bar
69b2 sbyor ba yin zhe na/ rigs kyi bu/ 'di lta ste/ dper na/ dbugs 'byung ba dang / rngub pa'i rlung gi mthus sems can thams cad 'tsho'o/ /de bzhin du byang chub sems dpas mngon par
69b3 bsgrub pa dang / byang chub sems dpas bstabs pa'i chos dkar po'i rlung mar nye bar spyor ba phun sum tshogs pa thams cad skyed pas kyang sems can thams cad dga' bar 'gyur
69b4 ro| |rigs kyi bu/ gzhan yang 'di lta ste/ dper na/ rlung mar ni/ 'jig rten gyi khams thams cad du 'di lta ste/ rdo rje'i dkyil 'khor rnams dang / khor yug ri dag dang / khor yug
69b5 ri chen po rnams dang / gling chen po bzhi yongs su 'dzin pa'i gser gyi dkyil 'khor rnams dang / rgya mtsho rin po che'i 'byung gnas dang bcas pa rnams dang / ri rab dang / ri rab chen
69b6 po dang / de ma yin pa'i rin po che'i ri dang / gangs dang / ri spos kyi ngad ldang ba dang / grong rdal dang / nags tshal dang / gzhal med khang dag dang / dzam+bu'i gling dag dang / gling chen po
69b7 bzhi dag dang / stong dag dang / stong gnyis pa dag dang / stong gsum gyi stong chen po dag dang / bkod pa rnam par phye ba sna tshogs mngon par sgrub bo/ /de bzhin du byang chub sems dpa'i
70a1 rlung mar yang phyogs bcu kun tu sems can thams cad kyi bsod nams kyi phung po phun sum tshogs pa nye bar sgrub bo/ /skyed do/ /yongs su gzhog go/ de la ji ltar
70a2 gangs kyi ri phun sum tshogs pa de ltar ni/ 'jig rten pa'i bsod nams phun sum tshogs pa rnams blta'o/ /ji ltar gling chen po bzhi ba dang ri rab phun sum tshogs pa de ltar na ni/ nyan
70a3 thos kyi phun sum tshogs pa rnams blta'o/ /ji ltar stong gi 'jig rten gyi khams phun sum tshogs pa de ltar ni/ rang sangs rgyas kyi phun sum tshogs pa rnams blta'o/ /ji ltar stong
70a4 gnyis pa'i 'jig rten gyi khams phun sum tshogs pa de ltar ni/ byang chub sems dpa'i phun sum tshogs pa rnams blta'o/ /ji ltar stong gsum gyi stong chen po'i 'jig rten gyi
70a5 khams phun sum tshogs pa de ltar ni/ 'jig rten thams cad las mngon par 'phags pa'i 'jig rten gyi khams thams cad kyi nam mkha'i dbyings kyi mthar gtugs pa/ shin
70a6 tu rnam par dag par grags pa mchod pa la dmigs pa thams cad la yang dag par gnas pa rnams kyis thams cad mngon du byas te/ de bzhin gshegs pa'i sku bsod nams
70a7 brgya pa'i mtshan dang ldan pa rtag tu mnyam par bzhag pa phun sum tshogs pa rnams blta'o/ /de la rgya mtsho ltar ni/ ting nge 'dzin gyi rgya mtsho rnams blta'o/ /gling dang / bar gyi gling
70b1 dang / ri gzhan dang / gling chen po bzhi pa la sogs pa ltar ni/ sbyor ba dang / gzungs dang / sems can yongs su smin par bya ba dang / slob ma'i dge 'dun la sogs pa blta'o/ /grong rdal dang /
70b2 nags tshal dang / gzhal med khang ltar ni/ sangs rgyas kyi zhing yongs su dag pa'i yon tan bkod pa rnams blta'o/ /dpag bsam shing gi nags tshal ltar ni/ sa dang / pha rol tu phyin
70b3 ba dang / ting nge 'dzin dang / gzungs dang / mngon par shes pa dang / rig pa dang / ye shes snang ba dang / dbang dang / byang chub sems dpa' dang / yang dag par rdzogs pa'i sangs rgyas kyi
70b4 stobs dang / mi 'jigs pa dang / ma 'dres pa dang / snying rje chen po la sogs pa dbang sgyur ba dam pa phun sum tshogs pa'i chos rnams blta'o/ /rigs kyi bu/ de la sangs rgyas bcom
70b5 ldan 'das rnams kyi bsod nams brgya pa'i mtshan gang zhe na/ rigs kyi bu/ 'di lta ste/ dper na/ yongs su brtag pa bzung ste phyogs bcu'i phyogs re re'i 'jig rten gyi khams
70b6 gang+gA'i klung grangs med pa'i bye ma snyed dag na sems can gang ji snyed yod pa de dag thams cad stong gsum phrag bcu'i 'khor los bsgyur ba'i bsod nams kyi phung po dang ldan par gyur la
70b7 de lta bu'i 'khor los bsgyur ba'i dngos po nyid dang ldan pa'i sems can de dag gi bsod nams kyi phung po ji tsam pa de bsdoms pa dang / 'khor los bsgyur ba chen po gcig cig ldan
71a1 par gyur te/ rnam grangs des shar phyogs su 'jig rten gyi khams thams cad 'das te/ de snyed kyi 'jig rten gyi khams su gtogs pa'i sems can de snyed
71a2 cig 'khor los bsgyur ba'i dngos po de 'dra ba nyid dang so sor ldan par gyur la/ snga ma bzhin du phyogs bcu'i 'jig rten gyi khams thams cad nam mkha'i khams kyi mthas
71a3 gtugs pa dag na sems can yod do cog ji snyed pa de dag thams cad 'khor los bsgyur ba'i dngos po de lta bu sha stag dang so sor ldan par gyur te/ de bzhin du bgrang ba de snyed
71a4 kyis 'jig rten gyi khams de snyed du gtogs pa'i sems can rnams brgya byin gyi bsod nams kyi phung po dang ldan pa'i brgya byin sha stag tu gyur la/ phyogs bcu'i phyogs re re'i
71a5 'jig rten gyi khams gang+gA'i klung grangs med pa'i bye ma snyed du gtogs pa'i brgya byin rnams kyi bsod nams kyi phung po ji tsam pa de dang brgya byin gcig cig ldan par gyur te/ d
71a6 e bzhin du 'jig rten gyi khams chos kyi dbyings kyis klas ba nam mkha'i mthas gtugs pa thams cad na sems can gang ji snyed 'khod pa de thams cad brgya byin de dang 'dra ba
71a7 sha stag tu gyur la/ bgrang ba de nyid kyis phyogs bcu'i phyogs re re'i 'jig rten gyi khams gang+gA'i klung grangs med pa'i bye ma snyed du gtogs pa'i sems can de dag thams cad
71b1 tshangs pa chen por gyur la/ bsod nams de thams cad gcig tu bsdoms pa dang tshangs pa chen po gcig cig ldan par gyur la/ tshangs pa chen po ji ltar sems can thams cad kyang de
71b2 bzhin du gyur te/ snga ma bzhin du bgrang ba de nyid kyis nyan thos dag dang / rang sangs rgyas dag dang / byang chub sems dpa' sa chen po thob pa/ 'od zer gyi sbrin chen po'i dbang bskur bas
71b3 dbang bskur ba/ dbang bcu thob pa sha stag tu gyur te/ de ltar rigs kyi bu/ de lta bu'i sems can thams cad phyogs bcu mu med pa'i 'jig rten gyi khams dang / nam mkha'i dbyings
71b4 su gtogs pa'i dus gsum pa thams cad kyi bsod nams kyi phung po ji tsam pa de dus gsum gyi nam mkha'i dbyings su gtogs pa dang / 'jig rten gyi khams su gtogs pa'i
71b5 'jig rten gyi khams thams cad ni/ rdul phra rab brgyar bsgyur bas/ de bzhin gshegs pa'i ba sbu'i khung bu gcig mngon par 'grub bo/ /ba spu'i khung bu thams cad du gtogs
71b6 pa'i bsod nams kyi phung po brgya stong grangs med pa bcur bsgyur bas/ dpe byad bzang po brgyad cu las dpe byad bzang po re re mngon par 'grub bo/ /dpe byad bzang por gtogs pa'i
71b7 bsod nams kyi phung po thams cad brjod du med pa bcur bsgyur bas/ de bzhin gshegs pa'i mtshan nyi shu rtsa dgu las mtshan re re mngon par 'grub bo/ /de'ang brjod du med pa
72a1 bcur bsgyur bas/ de bzhin gshegs pa'i smin mtshams kyi mdzod spu zla ba nya ste dri ma med pa'i dkyil 'khor stong pas kyang lhag par mdzes pa'i 'od
72a2 dang ldan pa mngon par 'grub bo/ /de'ang brjod du med pa stong phrag bcur bsgyur bas/ de bzhin gshegs pa'i spyi gtsug 'gro ba thams cad las mngon par 'phags shing bltar
72a3 mi snang ba gtsug tor gyis yongs su brgyan pa mngon par 'grub bo/ /de'ang brjod du med pa'i yang brjod du med pa'i bye ba khrag khrig brgya stong phrag bcur bsgyur bas/ de bzhin
72a4 gshegs pa'i sangs rgyas kyi gsung yan lag stong phrag drug cu pa dmigs pa thams cad las gsung gi sgra mtha' yas par 'byung ba lhun gyis grub pas sems can
72a5 thams cad bsam pa yongs su sim par gyur la/ 'jig rten gyi khams thams cad du go bar byed pa mngon par 'grub ste/ rigs kyi bu/ 'di ni/ sangs rgyas bcom ldan
72a6 'das rnams kyi bsod nams brgya pa'i mtshan ces bya'o/ /rigs kyi bu/ de ltar de bzhin gshegs pa'i bsod nams dang ye shes kyi tshogs mi zad pa dang ldan zhing kun tu rgyas
72a7 par byed pa bkod pa dang ldan pas sems can thams cad nye bar 'tsho ba yin te/ rigs kyi bu/ yongs su brtag pa bzung na/ gal te phyogs bcu'i 'jig rten gyi khams chos
72b1 gyi dbyings kyis klas pa nam mkha'i dbyings kyi mthas gtugs pa thams cad du gtogs pa'i sems can rnams sa bcu pa chos kyi sbrin la gnas pa/ rnam pa thams cad kyi mchog dang ldan pa'i lus
72b2 dang / ngag dang / yid kyi rgyan 'chang ba/ dbang bcu la dbang sgyur ba sha stag tu gyur te/ de bzhin gshegs pa'i ba spu'i khung bu gcig tu gtogs pa'i bsod nams kyi phung po la dzam+bu chu bo'i
72b3 gser las byas pa'i snod rin po che sna tshogs rnam pa sna tshogs kyis spras pa nam mkha'i tshad tsam gang+gA'i klung gi bye ma snyed so so nas thogs te phyi ma'i mthar thug pa'i bskal par yongs
72b4 su bkang zhing skad cig skad cig tu blangs shing khyer yang ba spu'i khung bu gcig tu gtogs pa'i bsod nams kyi phung po de gang ba'am 'bri bar mi mngon te/ rigs kyi bu/ de ltar de bzhin
72b5 gshegs pa'i bsod nams brgya'i mtshan ni/ bsam gyis mi khyab bo/ /de la sa bcu gnyis gang zhe na/ 'di lta ste/ byang chub kyi sems ma bskyed pa'i sa dang / rab tu dga' ba dang / dri ma
72b6 med pa dang / 'od byed pa dang / 'od 'phro ba can dang / shin tu dka' rgyal dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sbrin dang / sangs
72b7 rgyas kyi sa kun tu 'od de/ bcu gnyis po de ni/ de dag go/ de la byang chub kyi sems ma bskyed pa'i sa gang zhe na/ 'di la byang chub sems dpa' byis pa'i spyod pa dang / log pa'i nan tan
73a1 thams cad las yang dag par 'das pa/ 'jig rten gsum po thams cad kyi brgya byin dang / tshangs pa dang / 'jig rten skyong ba dang / nyan thos dang / rang sangs rgyas
73a2 thams cad dang khyad zhugs pa'i 'gro ba thams cad las mngon par 'phags pa/ rnam pa thams cad du dpal dang ldan pa'i lus dang / ngag dang / yid kyi rgyan gyis brgyan pa/ phyogs
73a3 bcu'i 'jig rten gyi khams mu med pa snang bar byed pa'i 'od kyi dkyil 'khor dang ldan pa/ sgrib pa med pa'i stobs kyi shugs 'chang ba/ 'jig rten gyi khams grangs med par skad
73a4 cig re re la 'gro zhing 'ong na dri zhim po dang / 'od zer gyi dra ba'i tshogs chen po gling chen po bzhi pa'i 'jig rten gyi khams kun tu 'byung ba'i pad+mas rkang pa yongs su brtan pa/ stong
73a5 gi 'jig rten gyi khams kyi mtha' dang mnyam pa'i stan gyi rgyan dang ldan pa/ chos thams cad shin tu rnam par non pa'i lhag mthong rnam par bsgoms pas thogs pa med cing yid
73a6 du 'ong ba'i dmigs pa'i mtshan ma chen po bcu la sogs pa grangs med pa'i ltas bzang po mthong ba/ phyir mi ldog pa/ phyogs kyi nags tshal thibs po mtha' yas pa thams cad du
73a7 'od kyi dra ba bsam gyis mi khyab pa rab tu 'gyed pas zhing dpag tu med pa'i rgyan byed pa/ 'jig rten gyi khams brjod du med pa'i 'jig rten gyi khams dpag tu med pa snyed kyi bdag
73b1 gi gzugs brnyan gyis dbang bskur ba/ yang dag par non pa'i dbang dang byin gyi rlabs la mkhas pa/ 'jig rten pa dang / 'jig rten las 'das pa'i chos rin po che'i char gyi snang ba'i
73b2 sgo dpag tu med pa thams cad gtan pa med par kun tu rgyas par 'gengs pa'i mchod sbyin chen po'i sprin gtong ba lhur byed pa/ blta na bzang zhing yid du 'ong la mdzes shing dge la 'gro
73b3 ba thams cad mi mthun pa med cing don yod par bsam pa thams cad yongs su rdzogs par byed pa/ 'jig rten gyi khams grangs med pa rab tu g.yo bar byed cing 'gro ba/ ngan 'gro la
73b4 sogs pa las sems can mtha' yas pa yongs su skyob pa/ mtha' yas pa'i sangs rgyas mchod pa dang chos kyi sgo 'dzin nus pa/ ting nge 'dzin dang / gzungs dang / rnam par thar pa dang /
73b5 mngon par shes pa dang / rig pa grangs med pas rnam par rol pa/ chos mtha' yas pa la dga' zhing mos pas zang zing med par phyi ma'i mtha'i bskal pa'i mthar thug par rnam par
73b6 mi rtog cing lhun gyis grub pa'i dga' ba'i shugs kyi snang ba thob pa/ bskal pa bye ba khrag khrig brgya stong ther 'bum dpag tu med par theg pa chen po la zhugs pa'i sgom pa sna tshogs yongs
73b7 su rdzogs la/ gzhan gyi don gyi nan tan tshar phyin pa'i bsod nams dang / ye shes kyi tshogs mngon par bsgrubs par grub pa'i sngon gyi sbyor ba brgya stong phun sum tshogs pa'i mos pa
74a1 chen po'i yang chen pos spyod pa'i chos nyid kyis sa dang po de ma thag tu 'thob par gang gnas pa de ni/ byang chub sems dpa'i byang chub kyi sems ma bskyed pa'i
74a2 sa'o| |rigs kyi bu/ 'di lta ste/ dper na/ 'khor los bsgyur ba'i rgyal po ni/ mi'i kha dog las 'das la/ lha'i kha dog ni/ ma thob pa yin te/ de bzhin du byang chub sems dpa' yang
74a3 'jig rten pa dang / nyan thos dang / rang sangs rgyas kyi sa thams cad las ni| 'das pa yin/ don dam pa'i byang chub sems dpa'i sa ni/ ma thob pa yin no/ /sangs rgyas kyis kun tu
74a4 'od ni| mtha' dang dbus med pa ma lus pa dri ma med pa'i chos thams cad la dbang sgyur ba ste/ kun tu shin tu lta ba/ sems can thams cad kyi don thams cad thob par byed pa'i
74a5 mtshan nyid do/ /de la ting nge 'dzin rnams gang zhe na/ bcu po 'di dag ni/ byang chub sems dpa' rnams kyi ting nge 'dzin rnams te/ bcu gang zhe na/ 'di lta ste/ rin chen kun tu
74a6 'phags dang / shin tu gnas pa dang / mi sgul ba dang / phyir mi ldog pa dang / rin chen 'byung gnas dang / nyi ma'i 'od kyi gzi brjid dang / don thams cad grub pa dang / ye shes
74a7 sgron ma dang / da ltar gyi sangs rgyas mngon du bzhugs pa dang / dpa' bar 'gro ba'i ting nge 'dzin te/ de dag la sogs pa byang chub sems dpa' rnams kyi ting nge 'dzin ni/ mtha'
74b1 yas so| |gzungs ni/ bcu gnyis te/ bcu gnyis gang zhe na/ 'di lta ste/ dbang bskur ldan dang / ye shes ldan dang / sgra dbyangs rnam par dag pa dang / mi zad pa'i za ma tog dang / 'khyil pa
74b2 mtha' yas dang / rgya mtsho mtha' yas dang / rgya mtsho'i phyag rgya dang / pad+ma bkod pa dang / chags pa med pa'i sgor 'jug pa dang / so so yang dag par rig pa rnams par gdon mi za ba la 'jug pa
74b3 dang / sangs rgyas kyi rgyan gyi byin gyis brlabs pa dang / kha dog mtha' yas pa dang / sangs rgyas kyi sku'i kha dog rdzogs pa mngon par sgrub pa'i gzungs te/ de dag la sogs pa snga ma
74b4 bzhin no/ /mngon par shes pa ni/ drug ste/ drug gang zhe na/ 'di lta ste/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa shes pa dang / rdzu
74b5 'phrul mngon par shes pa'i shes pa dang / gang zag pa zad pa shes pa'i mngon par shes pa ste/ drug po de dag go /dbang ni/ bcu ste/ bcu gang zhe na/ 'di lta ste/ tshe'i tshad bskal pa
74b6 grangs med pa dpag tu med par byin gyis rlob pas tshe la dbang ba dang / ting nge 'dzin brjod du med pa'i yang brjod du med pa la nges par rtog cing 'jug pa'i tshul gyis sems la dbang ba dang /
74b7 'jig rten gyi khams thams cad du bkod pa'i rgyan du mas brgyan par byin gyis rlob pa ston pa'i tshul gyis yo byad la dbang ba dang / dus ji bzhin du las kyi rnam par smin pa byin gyis rlob pa
75a1 ston pas las la dbang ba dang / 'jig rten gyi khams thams cad du skye ba ston pas skye ba la dbang ba dang / 'jig rten gyi khams thams cad sangs rgyas
75a2 kyi zhing yongs su gang ba ston pas mos pa la dbang ba dang / dus dang zhing gang du 'dod pa mngon par rdzogs par byang chub pa ston pa'i smon lam la dbang ba dang / 'jig rten gyi khams
75a3 thams cad du rdzu 'phrul gyis rnam par 'phrul pa mtha' yas pa ston pas rdzu 'phrul la dbang ba dang / chos kyi sgo snang ba mtha' dang dbus med pa yongs su ston pas chos la dbang ba
75a4 dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / ma 'dres pa dang / mtshan dang / dpe byad bzang po dang / mngon par rdzogs par
75a5 byang chub pa dang / dus thams cad du gtogs pa'i sangs rgyas kyi zhing thams cad kyi rdul shin tu phra ba'i grangs la sogs pa skad cig gcig la yongs su shes pa rnams thams
75a6 cad kyi mchog dang ldan pa'i thams cad mkhyen pa'i ye shes mngon par rdzogs par byang chub pa smon pas ye shes la dbang ba ste/ bcu po de dag ni/ byang chub sems dpa' rnams
75a7 kyi dbang rnams so/ /de la byang chub sems dpa'i stobs bcu gang zhe na/ 'di lta ste/ bsam pa'i stobs dang / lhag pa'i bsam pa'i stobs dang / sbyor ba'i stobs dang / shes rab
75b1 kyi stobs dang / smon lam gyi stobs dang / spyod pa'i stobs dang / theg pa'i stobs dang / rnam par 'phrul pa'i stobs dang / byang chub kyi stobs dang / chos kyi 'khor lo rab tu bskor ba'i
75b2 stobs te/ bcu po de dag ni/ byang chub sems dpa'i stobs rnams so/ /de la byang chub sems dpa'i mi 'jigs pa bzhi gang zhe na/ 'di lta ste/ gzungs kyis thos pa 'dzin cing don
75b3 bstan pa la mi 'jigs pa dang / bdag med pa khong du chud pas gzhan gyis gtse ba'i mtshan ma mi 'byung zhing rang bzhin gyi spyod lam smad du med pa'i las gsum yongs su dag pa'i srung ba
75b4 chen po phun sum tshogs pa'i mi 'jigs pa dang / chos bzung ba yun du mi brjed pa dang / thabs dang shes rab mthar phyin pas sems can sgrol zhing dad pa ston pa dang / dge ba'i bar chad du
75b5 mi 'gyur ba'i mi 'jigs pa dang / thams cad mkhyen pa nyid kyi sems mi nyams shing theg pa gzhan gyis mi 'byung bar dbang yongs su rdzogs pa dang / sems can gyi don rnam pa thams
75b6 cad du yang dag par thob par bya ba la mi 'jigs pa ste/ bzhi po de dag ni/ byang chub sems dpa'i mi 'jigs pa rnams so/ /de la byang chub sems dpa'i chos ma 'dres pa bco brgyad gang zhe
75b7 na| 'di lta ste/ byang chub sems dpa' rnams ni/ ma bstan pa'i sbyin pa can rnams yin/ ma bstan pa'i tshul khrims can rnams dang / ma bstan pa'i bzod pa can rnams dang / ma bstan
76a1 pa'i brtson 'grus can rnams dang / ma bstan pa'i bsam gtan can rnams dang / ma bstan pa'i shes rab can rnams dang / bsdu ba'i dngos pos sems
76a2 can thams cad sdud pa rnams dang / yongs su bsngo ba'i cho ga shes pa rnams dang / thabs la mkhas pas sems can thams cad kyi spyod pa'i dbang gis theg pa'i mchog gis
76a3 'byung ba ston pa rnams dang / theg pa chen po las ma nyams pa rnams dang / mya ngan las 'das pa'i sgo ston pa rnams dang / zung dang snrel gzhi'i rgyud la mkhas pa rnams dang /
76a4 ye shes sngon du 'gro ba'i mngon par 'du mi byed cing kha na ma tho ba med par tshe rabs thams cad du mngon par 'phags pa rnams dang / lus dang / ngag dang / yid kyi las kyi mtha'
76a5 dge ba bcu dang ldan pa rnams dang / sdug bsngal gyi phung po thams cad bzod pa'i lus len pas sems can gyi khams thams cad yongs su mi gtong ba rnams dang / 'gro ba
76a6 thams cad mngon par dga' bar ston pa rnams dang / byis pa dang / nyan thos mi zad pa ji snyed cig gi nang na'ang dge ba mang po'i rin po che'i shing dpag bsam ltar bsten
76a7 pa'i thams cad mkhyen pa nyid kyi sems yongs su ma nyams pa rnams dang / chos thams cad kyi thabs sbyin pas dbang bskur ba thob par bya ba'i phyir sangs rgyas kyi chos btsal
76b1 pa bstan pa las mi ldog pa rnams te/ bco brgyad po de dag ni/ byang chub sems dpa' rnams kyi chos ma 'dres pa rnams so/ /de la de bzhin gshegs pa'i stobs bcu gang zhe na/ 'di lta ste/
76b2 gnas dang gnas ma yin pa mkhyen pa'i stobs dang / 'das pa dang / ma 'ongs pa dang / da ltar gyi las kyi rgyu'i rnam par smin pa len pa mkhyen pa'i stobs dang / mos pa sna tshogs
76b3 mkhyen pa'i stobs dang / khams sna tshogs mkhyen pa'i stobs dang / dbang po mchog dang mchog ma yin pa mkhyen pa'i stobs dang / thams cad du 'gro ba'i lam mkhyen pa'i stobs
76b4 dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / rnam par ldang ba thams cad mkhyen
76b5 pa'i stobs dang / sngon gyi gnas rjes su dran pa mkhyen pa'i stobs dang / 'chi 'pho dang skye ba mkhyen pa'i stobs dang / zag pa zad pa mkhyen pa'i stobs te/ bcu po de dag ni/ de bzhin
76b6 gshegs pa'i stobs rnams so/ /de la de bzhin gshegs pa'i mi 'jigs pa bzhi gang zhe na/ chos thams cad mngon par rdzogs par byang chub pa la mi 'jigs pa dang / zag pa
76b7 thams cad zad par shes pa la mi 'jigs pa dang / bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa dang / phun sum tshogs pa thams
77a1 cad thob par 'gyur ba'i 'byung ba'i lam de bzhin du 'gyur ba la mi 'jigs pa ste/ bzhi po de dag ni/ de bzhin gshegs pa'i mi 'jigs pa rnams so//
77a2 de la sangs rgyas kyi chos ma 'dres pa bco brgyad gang zhe na/ 'di lta ste/ de bzhin gshegs pa la 'khrul pa med pa dang / ca co med pa dang / bsnyel ba med pa dang / sems mnyam par ma
77a3 bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / mos pa nyams pa med pa dang / brtson 'grus nyams pa med pa dang /
77a4 dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / 'das pa'i dus la ma chags ma thogs
77a5 pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar gyi dus la ma chags ma thogs pa'i ye shes mthong
77a6 ba 'jug pa dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su
77a7 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba ste/ bco brgyad po de dag ni/ sangs rgyas kyi chos ma 'dres pa rnams so/ /de la de bzhin
77b1 gshegs pa'i snying rje chen po gang zhe na/ rigs kyi bu/ de bzhin gshegs pa'i snying rje chen po ni/ rnam pa sum cu rtsa gnyis dang ldan par phyogs bcu'i 'jig rten gyi khams mtha' yas mu
77b2 med pa dag tu bsam gyis mi khyab pa'i rang bzhin du 'byung ste/ sum cu rtsa gnyis gang zhe na/ 'di lta ste/ chos thams cad bdag med pa na sems can rnams ni/ bdag med par ma mos pas
77b3 de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ sems can med pa na sems can rnams ni/ sems can du smra'o/ /zhes sems can rnams
77b4 la de bzhin gshegs pa'i snying rje chen po skye'o/ /chos thams cad ni/ srog med pa na sems can rnams ni/ srog tu smra'o/ /zhes de'i phyir sems can rnams la de bzhin gshegs pa'i snying
77b5 rje chen po skye'o/ /chos thams cad ni/ gang zag med pa na sems can rnams ni/ gang zag la gnas pa'o/ /zhes sems can rnams la de bzhin gshegs pa'i snying rje chen po skye'o/ /chos
77b6 thams cad ni/ med pa na sems can rnams ni/ yod par lta'o/ /zhes sems can rnams la de bzhin gshegs pa'i snying rje chen po skye'o/ /chos thams cad ni/ gnas med pa na sems can
77b7 rnams ni/ gnas la rten to/ /zhes sems can rnams la de bzhin gshegs pa'i snying rje chen po skye'o/ /chos thams cad ni/ gzhi med pa na sems can rnams ni/ gzhi la dga'o/ /zhe
78a1 sems can rnams la de bzhin gshegs pa'i snying rje chen po skye'o/ /chos thams cad ni/ nga yir bya ba med pa na sems can rnams ni/ nga yir bya ba la brten
78a2 to| |zhes sems can rnams la de bzhin gshegs pa'i snying rje chen po skye'o/ /chos thams cad ni/ bdag po med pa na sems can rnams ni/ yongs su bzung ba la brtson no/ /zhes
78a3 sems can rnams la de bzhin gshegs pa'i snying rje chen po skye'o/ /chos thams cad ni/ dngos po med pa na sems can rnams ni/ dngos po la brten to/ /zhes sems can rnams la
78a4 de bzhin gshegs pa'i snying rje chen po skye'o/ /chos thams cad ma skyes pa na sems can rnams ni/ skye ba la brten to/ /zhes sems can rnams la de bzhin gshegs pa'i snying rje chen
78a5 po skye'o| |chos thams cad ni/ ma 'phos ma byung ba na sems can rnams ni/ 'chi 'pho dang / skye ba la brten to/ /zhes sems can rnams la de bzhin gshegs pa'i snying rje chen po skye'o//
78a6 chos thams cad ni/ kun nas nyon mongs pa na sems can rnams ni/ kun nas nyon mongs so/ /zhes sems can rnams la de bzhin gshegs pa'i snying rje chen po skye'o/ /chos thams
78a7 cad ni| 'dod chags dang bral ba na sems can rnams ni/ 'dod chags par byed do/ /zhes de'i phyir sems can rnams la de bzhin gshegs pa'i snying rje chen po skye'o/ /chos thams
78b1 cad ni| zhe sdang dang bral ba na sems can rnams ni/ zhe sdang bar byed do/ /zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ gti mug
78b2 dang bral ba na sems can rnams ni/ gti mug par gyur to/ /zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ 'ong ba med pa na
78b3 sems can rnams ni/ 'ong ba la gnas pa'o/ /zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ 'gro ba med pa na sems can
78b4 rnams ni/ 'gro ba la gnas so/ /zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ mngon par 'du byed pa med pa na sems can
78b5 rnams ni/ mngon par 'du byed pa la spyod do/ /zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ spros pa med pa na sems can
78b6 rnams ni/ spros pa la dga'o/ /zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ stong pa na sems can rnams ni/ lta ba la zhen to/ /
78b7 zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ mtshan ma med pa na sems can rnams ni/ mtshan ma'i spyod yul can no/ /zhes
79a1 de'i phyir sems can rnams la de bzhin gshegs pa'i snying rje chen po skye'o/ /chos thams cad ni/ smon pa med pa na sems can rnams ni/ smon lam la spyod
79a2 do| |zhes de'i phyir sems can rnams la de bzhin gshegs pa'i snying rje chen po skye'o/ /kye ma 'jig rten gnas pa 'di ni/ phan tshun rtsod pas yongs su zin cing gnod sems kyi tha
79a3 ba'i skyon la zhugs par gzigs nas de dag la gnod sems kyi tha ba'i skyon spong ba'i phyir chos bstan par bya'o/ /zhes sems can rnams la de bzhin gshegs pa'i snying rje chen
79a4 po skye'o| |kye ma 'jig rten gnas pa 'di ni/ phyin ci log dang ldan zhing lam nyam nga bar zhugs pa/ lam gol ba la gnas pa yin gyi/ de dag yang dag pa'i lam du gzud par bya'o/ /
79a5 zhes sems can rnams la de bzhin gshegs pa'i snying rje chen po skye'o/ /kye ma 'jig rten gnas pa 'di ni/ brkam zhing 'dod pa'i zil gyis non pa ste/ chog mi shes shing gzhan gyi
79a6 nor la 'phrog pa yin gyi/ de dag 'phags pa'i nor dad pa dang / tshul khrims dang / thos pa dang / gtong pa dang / shes rab dang / ngo tsha shes pa dang / khrel yod pa'i nor la 'god
79a7 do| |zhes sems can rnams la de bzhin gshegs pa'i snying rje chen po skye'o/ /kye ma sems can 'di dag ni/ bu smad dang / khyim dang / nor dang / 'bru la sred pas 'khor ba ste/
79b1 snying po med pa la snying por 'du shes pa yin gyi/ de dag la shin tu mi rtag par bstan par bya'o/ /zhes de'i phyir sems can rnams la de bzhin gshegs pa'i snying rje chen po skye'o/ /
79b2 kye ma sems can 'di dag ni/ mi rigs pas 'tsho ste/ gcig la gcig 'drid par gnas pa yin gyi/ de dag la 'tsho ba yongs su dag par bya ba'i phyir chos bstan to/ /zhes sems
79b3 can rnams la de bzhin gshegs pa'i snying rje chen po skye'o/ /kye ma sems can 'di dag ni/ chog mi shes pa ste/ rnyed pa dang / bkur sti dang / tshigs su bcad pa la spyod kyang bdag
79b4 cag ni| chog shes pa'o/ /snyam du 'dzin gyi/ de dag la gang 'di sdug bsngal shin tu zhi zhing bde ba'i mya ngan las 'das pas shin tu chog par bya'o/ /zhes sems can rnams la de
79b5 bzhin gshegs pa'i snying rje chen po skye'o/ /kye ma sems can 'di dag ni/ khyim gyi gnas sdug bsngal gyi snod shin tu nyon mongs pa la rtag tu dga' ba yin gyi/ de dag las phyung
79b6 zhing khams gsum pa las yang dag par 'da' bar bya ba'i phyir chos bstan to/ /zhes sems can rnams la de bzhin gshegs pa'i snying rje chen po skye'o/ /chos thams cad ni/ rgyus
79b7 nye bar gnas pa'i mtshan nyid yin na/ de la sems can rnams ni/ 'phags pa'i rnam par grol ba la le lo byed kyi/ de dag la rnam par grol ba lhur blang ba'i phyir brtson 'grus
80a1 brtsam par chos bstan to/ /zhes sems can rnams la de bzhin gshegs pa'i snying rje chen po skye'o/ /sems can rnams ni/ chags pa med pa'i ye shes rnam
80a2 khyad par du 'phags pa'i yongs su mya ngan las 'das pa 'di btang zhing gang 'di nyan thos kyi theg pa dang / rang sangs rgyas kyi theg pa dman pa tshol ba yin gyi/ de dag la gang 'di
80a3 sangs rgyas kyi ye shes la dmigs par bya ba'i phyir rgya chen po la blo mos par bya'o/ /zhes sems can rnams la de bzhin gshegs pa'i snying rje chen po skye ste/ rigs kyi bu/ rnam
80a4 pa sum cu rtsa gnyis po de dag dang ldan na/ sems can rnams la de bzhin gshegs pa'i snying rje chen po skye'o/ /de bas na/ de bzhin gshegs pa thugs rje chen po la gnas pa
80a5 zhes bya ste/ rigs kyi bu/ byang chub sems dpa' gang la la zhig sems can dag la rnam pa sum cu rtsa gnyis po de dag dang ldan pa'i snying rje chen po skye na/ byang chub sems
80a6 dpa' sems dpa' chen po de ni/ bsod nams kyi zhing gzi brjid chen pos rgyas pa phyir mi ldog pa sems can gyi don la brtson par rig par bya'o/ /snying rje chen po'i chos kyi
80a7 sgo'i le'u 'di bcom ldan 'das kyis bshad pa na srog chags stong phrag sum cu rtsa gnyis ni/ bla na med pa yang dag par rdzogs pa'i byang chub tu sems skyes so/ /srog chags
80b1 brgya stong ni/ mi skye ba'i chos la bzod pa thob bo/ /lha'i bu stong phrag bdun cu rtsa gnyis ni/ chos rnams la chos kyi mig rdul med cing dri ma dang bral ba rnam par dag go /rigs kyi bu/ de
80b2 ltar de dag la sogs pa de bzhin gshegs pa rnams dang / byang chub sems dpa' rnams kyi dbang sgyur gyi chos kyi rnam par 'god pa na dpag tu med grangs med de/ de dag gi phyi ma'i
80b3 mtha'i mur thug pa'i bskal par de bzhin gshegs pas bstan kyang mtha' med na/ sems can rnams kyi dga' ba dang / dad pa dang / rangs pa bskyed pa'i phyir phyogs tsam zhig
80b4 bstan te/ de ltar na/ byang chub sems dpa' sems can thams cad la chos dkar po las mthun par 'byung ba'i dbugs 'byung ba dang / rdub pa'i srog nye bar sbyor ba la mkhas pa
80b5 yin no| |ji ltar na/ byang chub sems dpa' chos kyi char sprin dpag tu med pa kun 'dzin nus pa yin zhe na/ rigs kyi bu/ 'di lta ste/ dper na/ rlung mar ni/ rlung gi dkyil 'khor mu
80b6 med cing rgya che la brtan zhing sra bas 'jig rten gyi khams 'jig pa dang 'byung ba char sprin dang bcas pa/ rgya mtsho dang / gling chen po bzhi par bcas pa/ ri rab dang / ri btang bzung dang /
80b7 ri btang bzung chen po dang / gangs dang / khor yug ri dang / khor yug gi ri chen po dang / ri spos kyi dad ldang ba dang / grong rdal dang / 'bab chu dang / nags tshal dang / gzhal med khang
81a1 gi rnam par bcas pa dag yongs su 'dzin to/ /de bzhin du byang chub sems dpa' sems dpa' chen po'ang gzungs kyi rlung mar gyi dkyil 'khor mu med pas
81a2 yang dag par rdzogs pa'i sangs rgyas kyi sprin gyis phab pa'i gtan pa med pa'i chos kyi char gyi rgyun chen po thams cad yongs su 'dzin to/ /'jig rten gyi khams thams cad 'byung
81a3 ba'i tshe ji skad du brjod pa'i ri rab dang / rgya mtsho dang / gling chen po bzhi pa dang / ri btang bzung dang / ri btang bzung chen po dang / gangs dang / khor yug ri dang / khor yug ri chen
81a4 po dang / ri spos kyi ngad ldang ba dang / grong rdal dang / 'bab chu dang / nags tshal dang / gzhal med khang gi rnam pa lta bu bsod nams brgya ba'i mtshan dang / sa dang / pha rol tu phyin
81a5 pa dang / ting nge 'dzin dang / gzungs dang / mngon par shes pa dang / dbang dang / stobs dang / mi 'jigs pa dang / so so yang dag par rig pa dang / ma 'dres pa dang / snying rje chen
81a6 po la sogs pa sangs rgyas dang / byang chub sems dpa'i phun sum tshogs pa thams cad yongs su 'dzin to/ /'jig rten pa dang / 'jig rten las 'das pa'i chos kyi phung po brgya
81a7 stong mu med pa phun sum tshogs pa thams cad kyang rtag tu rgyun mi chad par yongs su 'dzin te/ de ltar na/ byang chub sems dpa' chos kyi char sprin dpag tu med pa kun 'dzin nus
81b1 pa yin no/ /ji ltar na/ byang chub sems dpa' chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa yin zhe na/
81b2 rigs kyi bu/ 'di lta ste/ dper na/ rlung mar ni/ gzhal med khang dgod pa'i rnam par dbye ba sna tshogs thams cad kun nas gzhog par byed/ rnam par 'byed par byed de/ nags tshal
81b3 dang / shing dang / yal ga dang / 'dab ma dang / ldum bu dang / myu gu dang / me tog dang / 'bras bu dang / lo ma dang / sdong po la sogs pa dang / sems can thams cad kyi yan lag dang / nying
81b4 lag rnam par dbye ba sna tshogs rtag tu rgyun mi chad par yongs su gzhog cing rnam par 'byed de gsal bar byed do/ /de bzhin du byang chub sems dpa'i rlung mar yang so so yang dag par rig
81b5 pa dang / spobs pa'i ye shes ma thogs ma chags shing mtha' yas pas 'jig rten pa dang / 'jig rten las 'das pa'i phun sum tshogs pa thams cad sgo sna tshogs nas yongs su gzhog
81b6 par byed/ rnam par 'byed par byed/ snang bar byed/ yongs su ston par byed/ thob par byed cing rnam pa 'di dag 'di lta ste/ chos 'di dag ni/ ngan song sgrub pa'o/ /'di dag ni/ bde 'gro
81b7 sgrub pa'o/ /'di dag ni/ bdag po sgrub pa'o/ /'di dag ni/ sems can dmyal ba sgrub pa'o/ /'di dag ni/ byol song gi skye gnas sgrub pa'o/ /'di dag ni/ gshin rje'i 'jig rten sgrub pa'o/ /
82a1 'di dag ni/ mi sgrub pa'o/ /'di dag ni/ lha sgrub pa'o/ /'di dag ni/ 'khor los bsgyur ba sgrub pa'o/ /de bzhin du mdor bsdus te/ 'di dag ni/ brgya byin dang /
82a2 tshangs pa dang / 'jig rten skyong ba sgrub pa'o/ /'di dag ni/ gzugs dang / g.yog dang / yid gzhungs pa dang / dpal chen po sgrub pa'o/ /'di dag ni/ rig pa'o/ /'di dag ni/ sgyu rtsal to/ /
82a3 'di dag ni/ bzo'i gnas so/ /'di dag ni/ gtsug lag sna tshogs la rnam pa thams cad du mkhas pa'o/ /'di dag ni/ nyan thos kyi theg pa ste/ nyan thos su 'gyur ba'o/ /'di dag ni/
82a4 rang sangs rgyas kyi theg pa ste/ rang sangs rgyas su 'gyur ba'o/ /'di dag ni/ theg pa chen po ste/ rnam pa thams cad kyi mchog dang ldan pa/ bdag dang / gzhan gyi don yang dag par thob
82a5 par byed pa/ kun tu bzang po thams cad mkhyen pa nyid du 'gyur ba'o/ /de bzhin du mdor bsdus te/ 'di dag ni/ sa rnams dang / pha rol tu phyin pa rnams dang / ting nge 'dzin rnams dang / rig
82a6 pa rnams dang / dbang rnams dang / gzungs rnams dang / mngon par shes pa rnams dang / rnam par thar pa rnams dang / stobs rnams dang / mi 'jigs pa rnams dang / so so yang dag
82a7 par rig pa rnams dang / ma 'dres pa rnams so/ /zhes rigs kyi bu/ de ltar byang chub sems dpa' ni/ de dag la sogs pa rnam pa tshad med pas gzungs pad+ma bkod pa la sogs pa la
82b1 mkhas pa'i chos bkod pa rnam par bkod pa dag byed de/ de ltar na/ byang chub sems dpa' chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su
82b2 'god pa yin no/ /ji ltar na/ byang chub sems dpa' 'khor gyi dkyil 'khor dpag bsam gyi shing las shin tu byung ba'i chos kyi gtam yang dag par gdon mi za ba'i me tog yid du 'ong ba'i char
82b3 rtag tu mngon par 'bebs pa yin zhe na/ rigs kyi bu/ 'di lta ste/ dper na/ rlung mar ni/ dpag bsam gyi shing gi nags tshal dag las gang gis lha dang mi rnams shin tu dga' ba dang /
82b4 yid bde ba skyes nas mya ngan med par rnam par rtse ba dang / nyams bde zhing yongs su spyod de/ rtag tu rgyun mi chad par kha dog dang / stobs dang / mthu dang / yid bde ba las yongs su mi nyams
82b5 pa de lta bu'i spos dang / me tog dang / rgyan dang / gos dang / rnga dang / sil snyan la sogs pa phun sum tshogs pa'i char mngon par 'bebs/ yongs su skyod cing 'byin par byed do/ /de bzhin
82b6 du byang chub sems dpa' rlung mar yang yongs su dag pa'i 'jig rten gyi khams kyi de bzhin gshegs pa dang / byang chub sems dpa'i 'khor gyi dkyil 'khor nas sems can dag la gang
82b7 gis sems can de dag rtag tu rgyun mi chad par chos kyi dga' ba la mos shing 'dun pa dang / lus dang / ngag dang / yid kyi las kha na ma tho ba med pa dang / gzi dang ldan pa dang / yongs su skyo
83a1 bar mi 'gyur ba dang / lha dang mi'i phun sum tshogs pa thams cad nyams su myong bar byed pa dang / mi nyams pa'i chos can du 'gyur ba dang / shes rab kyis snang
83a2 bar gyur pas rtag tu khyad par gyi rnam par 'dod par 'gyur ba'i mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang /
83a3 rtogs pa brjod pa dang / 'di lta bu 'das pa dang / skyes pa'i rabs dang / shin tu rgyas pa dang / chos rmad du byung ba dang / gtan la bab par bstan pa dag dang ldan pa'i dam pa'i chos rin po che'i
83a4 me tog la sogs pa'i char mngon par 'bebs so/ /lugs dang mthun pa dang / lugs dang mi mthun pa dang / snel zhi dang / spyi'u tshugs kyi rgyud la sogs pa'i gtam rnam par gdon mi
83a5 za ba nye bar sgrub bo/ /tha snyad kyi dmigs pa thams cad la bdag med pa zhi zhing rnam par dag pa'i chos nyid brjod cing ston la rnam par dag par byed do/ /chos thams cad ston/ kun tu yang
83a6 dag par gzhol ba yongs su ston to/ /sgyu ma'i rnam pa bsam gyis mi khyab pa la 'jug pa nye bar sbyor ro/ /ye shes sgyu ma rnam par rgyas par byed de/ chos thams cad la dga' bar rtse ba'i
83a7 rnam par 'phrul pa rnams kyis sems can rnams yongs su rgyas par byed do/ /dri ba thams cad kyi lung bstan pas tshim par byed do/ /mtha' dang dbus med pa'i rdzu 'phrul la mkhas par byed
83b1 do| |de ltar na/ byang chub sems dpa' 'khor gyi dkyil 'khor dpag bsam gyi shing las shin tu byung ba'i chos kyi gtam yang dag par rnam par gdon mi za ba'i me tog yid du 'ong ba'i char
83b2 rtag tu mngon par 'bebs pa yin no/ /ji ltar na/ byang chub sems dpa' bskal pa grangs med par dkar po'i dkyil 'khor yongs su bsags pa/ ting nge 'dzin dang / rnam par thar pa dang /
83b3 gzungs kyi sgo rgya mtsho dang / ri rab dang / ri rab dang / 'od dang zla ba dang / nyi ma dang / chos kyi tshul dang / nags tshal dang / khang pa dang / dge ba'i khor yug ri la sogs pas yongs su bskor ba'i sems can gyi
83b4 'khor gyi dkyil 'khor na gdul ba yongs su smin pa mang po yang dag par gnas pa/ bla na med cing lus med pa'i gnas 'pho bar 'jig pa'i ye shes kyi rlung gi dkyil 'khor yongs su gtong ba yin
83b5 zhe na| rigs kyi bu/ 'di lta ste/ dper na/ rlung mar ni/ bskal pa'i mthar thug ste 'jig rten gyi khams 'jig par 'gyur ba'i dus na gang gis stong gsum gyi stong chen po'i 'jig rten gyi khams
83b6 bye ba khrag khrig brgya stong ri rab dang / khor yug ri dang / rgya mtsho la sogs par bcas pa kun nas 'jig cing rnam par 'thor ba dang / rmeg med par byed cing nam mkha'i rang bzhin du byed pa de lta
83b7 bu'i stobs kyi shugs thogs pa med par ldang ngo / /rigs kyi bu/ de bzhin du byang chub sems dpa'i rlung mar yang bskal pa mang por bsags pa'i sems can bsod nams dang / ye shes
84a1 sna tshogs rnam par bkod pa'i ri mthon po dang ldan pa rnams la byang chub sems dpa'i stobs kyi shugs dang / rdzu 'phrul dang / rnam par 'phrul pa chen po yongs
84a2 su bstan pa dang / chos kyi 'khor lo thogs pa med par rab tu bskor ba'i sgra skad kyi dbyangs rab tu bsgrags pas chos kyi phung po'i rlung gi dkyil 'khor gang gis 'dul ba chos snang
84a3 ba'i lhag mthong dang ldan pa/ bzod par mi nus pa'i 'du byed kyi stobs thams cad mnyam par gzhog pa/ tshul bzhin yid la byas nas yang dag par sems nang du gnas pa'i ting nge
84a4 'dzin phun sum tshogs pa la brten te srid pa dang / phung po dang / khams dang / skye mched kyi 'du byed kyi lus thams cad bshig cing rnam par gtor te lus med par byas nas yang
84a5 dag pa ma yin par yongs su brtags pa rnam par bshig ste/ 'jig rten thams cad las yongs su 'das pa bsam gyis mi khyab cing gzugs med pa'i bsod nams phun sum
84a6 tshogs pa dang / gzugs thams cad yongs su bstan pa rnam par gzhig pas gnas gyur pa rnam par dag pa phyi ma'i mtha'i mur thug par gnas pa/ rnam pa thams cad du mtha' dang
84a7 bral ba rnams thob par byed pa de lta bu kun nas rab tu gtong ste/ rigs kyi bu/ de ltar na/ byang chub sems dpa' bskal pa grangs med par dkar po'i dkyil 'khor yongs su bsags
84b1 pa| ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / 'od dang / zla ba dang / nyi ma dang / chos kyi tshul dang / nags tshal dang / khang pa dang / dge ba'i 'khor yug ri
84b2 la sogs pas yongs su bskor ba'i sems can gyi 'khor gyi dkyil 'khor gdul ba yongs su smin pa mang po yang dag par gnas pa/ bla na med cing lus med pa'i gnas 'pho ba dang /
84b3 'jig pa'i ye shes kyi rlung gi dkyil 'khor rab tu gtong ba yin te/ rigs kyi bu/ chos bcu po de dag dang ldan na/ byang chub sems dpa' rlung med lta bu rnams yin no/ /de nas bcom ldan
84b4 'das la byang chub sems dpa' sgrib pa thams cad rnam par sel bas 'di skad ces gsol to/ /a la la de ltar bcom ldan 'das kyis rnams pa thams cad kyi mchog dang ldan zhing sems
84b5 can rlabs po che rnams yongs su tshim par 'gyur ba'i chos kyi tshul bcu po 'di bstan pa/ bcom ldan 'das/ ngo mtshar to/ /bde bar gshegs pa/ ngo mtshar to/ /bcom ldan 'das/ lha dang /
84b6 mi gang la la chos 'di dag la mos shing nan tan bgyid na/ de dag thams cad ji skad du gsungs pa'i phun sum tshogs pa bde ba dang bcas pa/ yid bde ba dang bcas par thob par 'gyur te/
84b7 brgya byin dang / tshangs pa dang / 'jig rten skyong ba la sogs pa zhig bgyid na'ang gzhan gyi don la gzhol zhing tshe 'di dang / tshe rabs gzhan gyi phun sum tshogs pa thams cad thob par
85a1 'gyur ro/ /bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ sems can gang de lta bu'i chos rnams la nan tan du byed
85a2 pa de dag ni/ 'jig rten thams cad las mngon par 'phags pa dang / kun tu rnam par bltas pa dang / mi dge ba'i chos thams cad rab tu spangs pa dang / dge ba'i chos thams cad dang
85a3 ldan pa dang / 'jig rten thams cad kyi rten du 'gyur ro/ /gang spong ba'i skyes bu glen pa de dag ni/ mun pa nas mun par gzhol ba ste/ sdug bsngal thams cad la brten pa'o/ /lha
85a4 dang / mi dang / lha ma yin du bcas pa'i 'jig rten gyis mya ngan du bya ba'o/ /'phags pa dkon mchog sprin/ bam po bzhi pa/ rigs kyi bu/ chos bcu dang ldan na/ byang
85a5 chub sems dpa' nam mkha' dang mtshungs pa rnams yin no/ /bcu gang zhe na/ 'di lta ste/ dri ma med pa rnams yin/ ma chags pa rnams yin/ zhi ba rnams yin/ shes rab mtha'
85a6 yas pa rnams yin/ ye shes mtha' yas pa rnams yin/ chos kyi dbyings mnyam pa nyid kyi rjes su song ba rnams yin/ chos thams cad ni/ nam mkha'i dbyings kyi ngo bo nyid du mos
85a7 pa rnams yin/ so sor mi rten pa rnams yin/ mtshan ma'i spyod yul las 'das pa rnams yin/ rtog ge'i spyod yul las 'das pa rnams yin no/ /rigs kyi bu/ chos bcu po de
85b1 dag dang ldan na/ byang chub sems dpa' nam mkha' dang mtshungs pa rnams yin no/ /rigs kyi bu/ gzhan yang chos bcu dang ldan na/ byang chub sems dpa' nam mkha' dang mtshungs pa rnams yin
85b2 no| |bcu gang zhe na/ 'di lta ste/ yid du 'ong ba dang / yid du mi 'ong ba'i gzugs rnams la chags par yang mi 'gyur/ khong khro bar yang mi 'gyur ba dang / yid du 'ong ba dang yid du mi 'ong ba'i
85b3 sgra rnams dang / dri rnams dang / ro rnams dang / reg bya rnams dang / yid du 'ong ba dang yid du mi 'ong ba'i chos rnams la chags par yang mi 'gyur/ khong khro bar yang mi 'gyur ba dang / rnyed
85b4 pa dang / ma rnyed pa dang / bde ba dang / sdug bsngal ba dang / grags pa dang / ma grags pa dang / bstod pa dang / smad pas chags par yang mi 'gyur/ khong khro bar mi 'gyur ba ste/ rigs kyi
85b5 bu| chos bcu po de dang ldan na/ byang chub sems dpa' nam mkha' dang mtshungs pa rnams yin no/ /rigs kyi bu/ chos bcu dang ldan na/ byang chub sems dpa' zla ba dang 'dra ba rnams yin
85b6 no| |bcu gang zhe na/ 'di lta ste/ sems can thams cad kyi lus rab tu sim par byed pa dang / mthong na dga' ba rnams yin/ chos dkar po rnams skye bar byed pa dang / chos nag po rnams bri
85b7 bar byed pa dang / rab tu bsngags pa rnams yin/ lus yongs su dag pa rnams yin/ bzhon pa mchog la zhon pa rnams yin/ rtag tu brgyan pa rnams yin/ chos kyi dga' ba la mos
86a1 shing 'dun pa rnams yin/ 'phrul che zhing mthu che ba rnams yin no/ /rigs kyi bu/ de la ji ltar na/ byang chub sems dpa' sems can thams cad kyi lus rab tu
86a2 sim par byed pa nas ji ltar na 'phrul che zhing mthu tshe ba'i bar du yin zhe na/ rigs kyi bu/ 'di lta ste/ dper na/ zla ba shar na 'di ltar sems can thams cad kyi lus bsil ba dang / yid
86a3 du 'ong bas rab tu sim par byed do/ /de bzhin du byang chub sems dpa' zla ba shar na'ang 'di lta ste/ nyon mongs pa'i gdung ba thams cad dang bral ba dang / dga' ba dang / dad pa dang /
86a4 rangs pa dang / yid du 'ong bas sems can thams cad kyi lus rab tu sim par byed do/ /rigs kyi bu/ 'di lta ste/ dper na/ zla ba shar na 'di lta ste/ zhi ba dang / dang ba dang / sems shin
86a5 tu dga' bar byed pas sems can thams cad mthong na dga' ba yin no/ /de bzhin du byang chub sems dpa' zla ba shar na'ang 'di lta ste/ dbang po rnam par gsal ba dang / sems kyi
86a6 rgyud dang ba dang / spyod pa dang / spyod lam dang / yon tan phun sum tshogs pas sems can thams cad mthong na dga' zhing yid du 'ong ba yin no/ /rigs kyi bu/ 'di lta ste/ dper na/
86a7 zla ba yar gyi ngo la zla ba nya ste/ rnam pa thams cad du rgyas kyi bar du nyi ma re re zhing 'phel lo/ /yongs su rdzogs par 'gyur ro/ /de bzhin du byang chub sems dpa' zla ba'ang thog ma
86b1 sems bskyed pa nas bzung ste/ byang chub kyi snying po la 'dug gi bar du nyi ma re re zhing chos dkar po rnams 'phel zhing yongs su rdzogs par 'gyur te/ nam byang chub kyi snying po la 'dug pa de rnam pa
86b2 thams cad du yongs su rdzogs pa yin no/ /rigs kyi bu/ 'di lta ste/ dper na/ zla ba mar gyi ngo la dkyil 'khor kha dog dang / snang ba dang / chu zheng yang yongs su 'bri ste/ bco lnga la ji ltar rnam pa thams
86b3 cad du thams cad mi mngon pa de ltar 'bri'o/ /de bzhin du byang chub sems dpa' zla ba'ang nam 'jig rten las 'das pa'i ye shes thob par gyur pa de na de'i mi dge ba'i chos rnams thams
86b4 cad du thams cad rab tu 'bri ste/ ji ltar byang chub kyi snying po la thams cad du thams cad med par 'gyur ba de ltar rab tu 'bri'o/ /rigs kyi bu/ 'di lta ste/ dper na/ zla ba shar na bram ze
86b5 dang / rgyal rigs dang / grong pa dang / yul gyi mi skyes pa dang / bud med dang / khye'u dang / bu mo rnams kyis rab tu bsngags par bya ba yin no/ /de bzhin du byang chub sems dpa' zla ba shar
86b6 na'ang lha dang / mi dang / lha ma yin dang / dri zar bcas pa'i 'jig rten gyis rab tu bsngags par bya ba yin no/ /rigs kyi bu/ 'di lta ste/ dper na/ lha'i bu zla ba'i lus 'di ltar rang gi bsod
86b7 nams kyi las rnam par smin pas grub pa ni/ yongs su dag ste/ rnyog pa med cing dang ba dang / gsal ba yin no/ /de bzhin du byang chub sems dpa' zla ba'i lus kyang 'di lta ste/ chos nyid
87a1 kyis mngon par grub pa/ rdzus te skyes pa/ pha ma'i btsog pa dang / mer mer po las byung ba ma yin te/ yongs su dag la rnyog pa med cing dang ba dang / gsal ba yin
87a2 no| |rigs kyi bu/ 'di lta ste/ dper na/ lha'i bu zla ba ni/ bzhon pa mchog la zhon te gling bzhir snang bar byed do/ /de bzhin du byang chub sems dpa' zla ba'ang byang chub sems dpa'i
87a3 theg pa mchog la zhon te/ 'jig rten gyi khams mtha' yas mu med par snang bar byed do/ /rigs kyi bu/ 'di lta ste/ dper na/ lha'i bu zla ba ni/ rtag tu brgyan cing rgyan ma rnyings pa
87a4 yin no| |de bzhin du byang chub sems dpa' zla ba'ang 'di ltar yon tan gyi rgyan rnams kyis rtag tu brgyan pa yin no/ /rigs kyi bu/ 'di lta ste/ dper na/ lha'i bu zla ba ni/ rtag tu rgyun
87a5 mi chad par lha'i 'dod pa'i dga' ba la mos pa yin no/ /de bzhin du byang chub sems dpa' zla ba'ang rtag tu rgyun mi chad par chos kyi dga' ba la mos shing 'dun pa yin gyi/ 'dod pas
87a6 dga' ba la dga' ba ma yin no/ /rigs kyi bu/ 'di lta ste/ dper na/ lha'i bu zla ba ni/ 'phrul che zhing mthu che ba yin no/ /de bzhin du byang chub sems dpa' zla ba'ang 'di lta ste/ bsod
87a7 nams chen po dang / ye shes chen pos 'phrul che zhing mthu che ba yin te/ rigs kyi bu/ de ltar na/ byang chub sems dpa' sems dpa' chen po thams cad kyi lus rab tu sim par byed pa nas
87b1 'phrul che zhing mthu che ba'i bar du yin no/ /rigs kyi bu/ chos bcu po de dag dang ldan na/ byang chub sems dpa' zla ba dang 'dra ba rnams yin no/ /rigs kyi bu/ chos bcu dang ldan na/ byang chub sems
87b2 dpa' nyi ma dang 'dra ba rnams yin no/ /bcu gang zhe na/ 'di lta ste/ ma rig pa'i mun pa sel ba rnams yin/ 'dul ba'i sems can rnam par 'byed pa rnams yin/ phyogs bcu thams cad du
87b3 lhan ner byed pa rnams yin/ dge ba'i chos mngon par shar ba rnams yin/ de dag gi zag pa nub par 'gyur ba rnams yin/ snang bar byed pa rnams yin/ mu stegs can ngan pa'i lugs
87b4 rnams zil gyis mnan te 'dug pa rnams yin/ mnyam pa dang mi mnyam pa kun ston pa yin/ chos dkar po'i las kyi mtha' thams cad 'byung bar byed pa rnams yin/ skye bo dge bar
87b5 dga' ba rnams yin no/ /rigs kyi bu/ de la ji ltar na/ byang chub sems dpa' ma rig pa'i mun pa sel ba nas ji ltar skye bo dge ba dga' ba'i bar du yin zhe na/ rigs kyi bu/ 'di lta
87b6 ste| dper na/ nyi ma shar na mun pa mun nag thams cad rnam par sel to/ /de bzhin du byang chub sems dpa' nyi ma shar na'ang ma rig pa'i mun pa thams cad rnam par sel to/ /rigs
87b7 kyi bu| 'di lta ste/ dper na/ nyi ma shar na pad+ma rnam par 'byed bar byed do/ /de bzhin du byang chub sems dpa' nyi ma shar na'ang gdul ba'i sems can gyi pad+ma rnam par 'bye bar byed do/ /
88a1 rigs kyi bu/ 'di lta ste/ dper na/ nyi ma shar na phyogs bcu thams cad du lhan ner byed do/ /de bzhin du byang chub sems dpa' nyi ma shar na 'ang phyogs bcu thams
88a2 cad du shes rab kyi gzi brjid dang / ye shes kyi 'od zer gyis rab tu lhan ner byed kyang sems can rnams la gnod par mi 'gyur ro/ /rigs kyi bu/ 'di lta ste/ dper na/ dzam+bu'i gling
88a3 du nyi ma'i 'od zer dag nam snang ba de'i tshen shar ces bya'o/ /de bzhin du byang chub sems dpa' nyi ma'i ye shes kyi 'od zer rnams nam snang ba de'i tshe na dge ba'i chos rnams shar ces
88a4 bya'o| |rigs kyi bu/ 'di lta ste/ dper na/ dzam+bu'i gling du nyi ma'i snang ba nam med par gyur pa de'i tshe na nub ces bya'o/ /de bzhin du byang chub sems dpa' nye ba'i nyon mongs pa rnams
88a5 thams cad du thams cad nam med par gyur pa de'i tshe na zag pa zad ces bya'o/ /rigs kyi bu/ 'di lta ste/ dper na/ nyi ma shar na dzam+bu'i gling gi sems can rnams la snang bar byed do/ /
88a6 de bzhin du byang chub sems dpa' nyi ma shar na'ang sems can thams cad la ye shes kyi snang bar byed cing / gti mug gi mun pa'i rab rib kyis khebs pa rnam par sel to/ /rigs
88a7 kyi bu| 'di lta ste/ dper na/ nyi ma shar na 'od thams cad kyi 'od med par byed kyang nyi ma ni/ ngas 'od thams cad kyi 'od mi snang bar bya'o snyam du mi sems mod kyi/ 'on kyang chos nyid
88b1 thob pas 'od med par 'gyur ro/ /de bzhin du byang chub sems dpa' nyi ma shar na'ang mu stegs can ngan pa'i 'od dang / mu stegs can ngan pa'i lugs thams cad 'od med par 'gyur
88b2 mod kyi/ byang chub sems dpa'i nyi ma ni/ ngas 'di dag 'od med par bya'o snyam du mi sems mod kyi/ 'on kyang chos nyid thob pas 'od med par 'gyur ro/ /rigs kyi bu/ 'di lta ste/ dper
88b3 na| nyi ma shar na dzam+bu'i gling gi mi rnams la mnyam pa dang mi mnyam pa legs par ston to/ /de bzhin du byang chub sems dpa' nyi ma shar na'ang sems can thams cad la ye shes kyi snang
88b4 bas mnyam pa dang mi mnyam pa legs par ston to/ /rigs kyi bu/ mnyam pa zhes bya ba 'di ni/ 'phags pa'i lam gyi tshig bla dwags so/ /rigs kyi bu/ mi mnyam pa zhes bya ba 'di ni/ lam
88b5 ngan pa'i tshig bla dwags so/ /rigs kyi bu/ 'di lta ste/ dper na/ nyi ma shar na rmo rko ba'i las kyi mtha' thams cad 'byung ngo / /de bzhin du byang chub sems dpa' nyi ma shar na'ang dge ba'i chos
88b6 las kyi mtha' thams cad 'byung ngo / /rigs kyi bu/ 'di lta ste/ dper na/ nyi ma shar na skye bo dge ba ni/ dga' bar 'gyur la/ mi srun pa'i rang bzhin can dag mi dga' bar 'gyur ro/ /de
88b7 bzhin du byang chub sems dpa'i nyi ma shar na'ang skye bo dge ba rnams dang / mkhas pa rnams dang / shes rab kyi rang bzhin can rnams ni/ dga' bar 'gyur la/ lam ngan par zhugs pa
89a1 rnams dang / mi srun pa'i rang bzhin can rnams dang / byis pa'i rang bzhin can rnams dang / shes rab 'chal ba'i rang bzhin can rnams dang / 'khor ba
89a2 la mngon par dga' ba rnams dang / mya ngan las 'das pa las phyir phyogs pa rnams ni/ mi dga' bar 'gyur te/ rigs kyi bu/ de ltar na/ byang chub sems dpa' rnams ma rig
89a3 pa'i mun pa sel ba nas skye bo dge ba dga' ba'i bar du yin no/ /rigs kyi bu/ chos bcu po de dag dang ldan na/ byang chub sems dpa' nyi ma dang 'dra ba rnams yin no/ /rigs kyi
89a4 bu| chos bcu dang ldan na/ byang chub sems dpa' seng+ge dang 'dra ba rnams yin no/ /bcu gang zhe na/ 'di lta ste/ bag mi tsha ba rnams yin/ mi brtabs pa rnams yin/ mi zlog pa
89a5 rnams yin/ seng+ge'i sgra sgrog pa rnams yin/ mi 'jigs pa rnams yin/ nags tshal dang / nags tshal gyi 'dabs na rgyu ba rnams yin/ ri'i phug na gnas pa rnams yin/
89a6 len pa med pa rnams yin/ bdag gi brtson 'grus dang / stobs dang / mthu thob pas bdud kyi sde rab tu 'joms pa rnams yin/ dge ba'i chos kyi lo thog srung ba rnams yin no/ /
89a7 rigs kyi bu/ de la ji ltar na/ byang chub sems dpa' bag mi tsha ba nas dge ba'i chos kyi lo thog srung ba'i bar du yin zhe na/ rigs kyi bu/ 'di lta ste/ dper na/ seng+ge ni/ gar 'gro
89b1 yang bdag dang 'dra ba med par mthong bas bag mi tsha zhing mi skrag par 'gro'o/ /de bzhin du byang chub sems dpa' seng+ge'ang bdag dang 'dra ba med par mthong bas gar 'gro bar pag mi tsha
89b2 zhing mi skrag par 'gro'o/ /rigs kyi bu/ 'di lta ste/ dper na/ seng+ge ni/ wa thams cad kyi sgras mi brtabs pa yin no/ /de bzhin du byang chub sems dpa' seng+ge'ang pha rol gyi rgol ba thams
89b3 cad kyis brtsad pas brgal byang mi brtabs shing rgod pa dang / zhum par mi 'gyur ro/ /rigs kyi bu/ 'di lta ste/ dper na/ seng+ge ni/ bskugs na phyir mi ldog pa yin no/ /de bzhin du byang chub
89b4 sems dpa' seng+ge'ang pha rol rgol ba thams cad kyis bskugs na mi zlog cing mi zhum par 'gyur ro/ /rigs kyi bu/ 'di lta ste/ dper na/ seng+ge ni/ sgra gang gis ri dwags phra mo thams cad
89b5 dang / wa thams cad phyogs bcur 'byer bar 'gyur ba de lta bur sgrog go /de bzhin du byang chub sems dpa' seng+ge'ang bdag med pa'i seng+ge'i sgra gang gis bdag tu 'dzin pa la mngon par
89b6 chags pa'i gzhan mu stegs can gyi ri dwags rnams dang / gzhan mu stegs can gyi wa thams cad phyogs bcur 'byer bar 'gyur ba de lta bu sgrog ste/ byang chub sems dpa' seng+ge ni/
89b7 bdag tu 'dzin pa las bzlog par bya ba dang / sems can gzhan dag gdul ba'i dbang du bya ba ma gtogs par de dag la gnod pa bya ba'i phyir bdag med pa'i seng+ge'i sgra mi sgrog go /rigs kyi
90a1 bu| 'di lta ste/ dper na/ seng+ge ni/ kun tu lta'ang mi 'jigs pa yin no/ /de bzhin du byang chub sems dpa' seng+ge'ang spyod pa yongs su dag pa'i nan tan la lta'ang mi
90a2 'jigs pa yin no/ /rigs kyi bu/ 'di lta ste/ dper na/ seng+ge ni/ rang bzhin gyis nags tshal dang / nags tshal gyi 'dabs na rgyu ba yin no/ /de bzhin du byang chub sems dpa' seng+ge'ang
90a3 rang bzhin gyis dben pa la mngon par phyogs shing nags tshal dang / nags tshal gyi 'dabs na spyod pa yin no/ /rigs kyi bu/ 'di lta ste/ dper na/ seng+ge ni/ ri'i phug na gnas pa yin
90a4 no| |de bzhin du byang chub sems dpa' seng+ge'ang ye shes kyi brag ri'i phyug na gnas pa yin no/ /rigs kyi bu/ 'di lta ste/ dper na/ seng+ge ni/ mi len par 'gro ba yin no/ /de bzhin
90a5 du byang chub sems dpa' seng+ge'ang nyon mongs pa'i khur thams cad por zhing len pa med par 'gro ba yin no/ /rigs kyi bu/ 'di lta ste/ dper na/ seng+ge ni/ gcig bu gnyis su med pa
90a6 bdag gi brtson 'grus dang / stobs dang / mthu thob pas pha rol gyi sde 'joms so/ /de bzhin du byang chub sems dpa' seng+ge'ang gcig pu gnyis su med par byang chub kyi snying po la
90a7 'dug nas bdag gi brtson 'grus dang / stobs dang / mthu thob pas bdud kyi sde 'joms so/ /rigs kyi bu/ 'di lta ste/ dper na/ grong gi 'dabs gang na seng+ge rgyu ba der ri dwags phra mo
90b1 dag gis lo thog rnams chud mi gzon to/ /de bzhin du byang chub sems dpa' seng+ge'ang yul dang yul gyi phyogs gang na 'dug pa der mu stegs can gyi ri dwags phra mo dag gis dge ba'i chos
90b2 kyi lo thog chud mi gzon te/ rigs kyi bu/ de ltar na/ byang chub sems dpa' bag mi tsha ba nas dge ba'i chos kyi lo thog srung ba'i bar du yin no/ /rigs kyi bu/ chos bcu po de dag dang ldan na/
90b3 byang chub sems dpa' seng+ge dang 'dra ba rnams yin no/ /rigs kyi bu/ chos bcu dang ldan na/ byang chub sems dpa' 'dul ba rnams yin no/ /bcu gang zhe na/ 'di lta ste/ byang chub kyi sems
90b4 brtan pa rnams yin/ byang chub kyi sems byi dor shin tu byas pa rnams yin/ dbang po bsdams pa rnams yin/ lam du zhugs pa rnams yin/ khur chen po 'khyer phod pa rnams yin/
90b5 sems can gyi don rnams la yongs su mi skyo ba rnams yin/ yang dag pas 'tsho ba rnams yin/ tshul 'chos pa dang / kha gsag gi rnyed pa thams cad dang bral ba rnams yin/ g.yo sgyu dang
90b6 bral ba rnams yin/ drang ba'i rang bzhin can pas drang pa rnams yin no/ /rigs kyi bu/ chos bcu po de dag dang ldan na/ byang chub sems dpa' 'dul ba rnams yin no/ /rigs kyi bu/ chos
90b7 bcu dang ldan na/ byang chub sems dpa' cang shes pa rnams yin no/ /bcu gang zhe na/ 'di lta ste/ stong pa nyid la sgom pa mang bas rnal 'byor spyod pa rnams yin/ sgrib pa med cing kun nas
91a1 ldang ba thams cad dang bral bas lam gyi rgyun ma bcad pa rnams yin/ de bzhin gshegs pa'i bka' mi gcog pas bka' bzhin byed pa rnams yin/ chos kyi
91a2 dbyings kyi tshul rtogs pas chos thams cad kyi tshul mnyam pa nyid khong du chud pa rnams yin/ dma' ba dma' ba'i yid kyis gdol bu ltar 'jig rten na spyod pa rnams yin/ rtag
91a3 tu rgyun mi chad par bsod snyoms blang bar 'du shes nye bar bzhag pas nga rgyal dang / rgyags pa dang / dregs pa dang bral ba rnams yin/ 'di ltar de mngon sum du shes pa'i phyir sangs
91a4 rgyas kyi chos thams cad la nem nur med pa rnams yin/ chos rang gis rig pa'i phyir the tshom med pa rnams yin/ rang gis lam mthong bas gzhan gyis mi bkri zhing pha rol gyi dring
91a5 mi 'jog pa rnams yin/ rab tu zhugs pas 'jig rten na sbyin pa'i gnas su gyur pa rnams yin no/ /rigs kyi bu/ chos bcu po de dag dang ldan na/ byang chub sems dpa' cang shes
91a6 pa rnams yin no/ /rigs kyi bu/ chos bcu dang ldan na/ byang chub sems dpa' pad+ma dang 'dra ba rnams yin no/ /bcu gang zhe na/ 'di lta ste/ ma gos pa rnams yin/ sdig pa chung ngu'ang
91a7 lhan cig mi gnas pa rnams yin/ tshul khrims kyi dri zhim pa rnams yin/ gtsang ba rnams yin/ bzhin 'dzum pa rnams yin/ mi rtsub pa rnams yin/ mthong na bkra shis pa
91b1 rnams yin/ blo rnam par bye ba rnams yin/ blo yongs su smin pa rnams yin/ shin tu yongs su bzung ba rnams yin no/ /rigs kyi bu/ de la ji ltar na/ byang chub sems dpa' ma gos pa
91b2 yin pa nas ji ltar na/ shin tu yongs su bzung ba'i bar du yin zhe na/ rigs kyi bu/ 'di lta ste/ dper na/ pad+ma ni/ chu'i nang nas byung yang ma chags par skye'o/ /de ci'i phyir zhe na/ 'di ltar de'i
91b3 chos nyid thob pa'i phyir ro/ /de bzhin du byang chub sems dpa' 'khor ba'i chu las 'byung yang mi chags par skye'o/ /de ci'i phyir zhe na/ 'di ltar de'i thabs dang / shes rab kyi chos nyid thob
91b4 pa'i phyir ro/ /byang chub sems dpa' thabs mkhas pa ni/ 'khor ba na spyod kyang 'khor ba'i nyes pa dag gis mi gos te/ de'i thabs de ni/ shes rab kyis yang dag par zin pa yin no/ /
91b5 rigs kyi bu/ 'di lta ste/ dper na/ pad+ma la ni/ chu'i thigs pa chung ngu'ang mi chags so/ /de bzhin du byang chub sems dpa' la sdig pa chung ngu'ang mi chags so/ /rigs kyi bu/ 'di lta ste/ dper
91b6 na| sa'i phyogs gang du pad+ma skyes par gyur pa'i sa'i phyogs de dris khyab par 'dug go /de bzhin du yul dang yul gyi phyogs gang na byang chub sems dpa' gnas pa de thams cad tshul
91b7 khrims kyi dris khyab par 'dug go /rigs kyi bu/ 'di lta ste/ dper na/ pad+ma ni/ sa'i phyogs gar skyes pa'i sa phyogs de gtsang zhing bram ze dang / rgyal rigs dang / grong pa dang / yul gyi
92a1 mi thams cad kyang 'du ba yin no/ /de bzhin du byang chub sems dpa' gar skyes kyang rung 'di lta ste/ tshul khrims dang / gtsang sbra kun spyod pas gtsang ba yin te/ lha
92a2 dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams 'du ba rnams yin/ sangs rgyas
92a3 bcom ldan 'das rnams kyis dgongs pa yin/ byang chub sems dpa' rnams kyis rab tu bsngags pa yin no/ /rigs kyi bu/ 'di lta ste/ dper na/ pad+ma ni/ kha bye na/ 'di lta ste/
92a4 sems can rnams kyi yid du 'ong bas 'dzum pa lta bur snang ngo / /de bzhin du byang chub sems dpa' yang khro gnyer med cing dbang po shin tu dang bas bzhin rtag tu 'dzum pa yin no/ /
92a5 rigs kyi bu/ 'di lta ste/ dper na/ pad+ma ni/ rang bzhin gyis 'jam zhing mi rtsub pa yin no/ /de bzhin du byang chub sems dpa' yang rang bzhin gyis 'jam zhing dal gyis smra ba
92a6 yin| mi brlang zhing mu cor mi smra ba'i rang bzhin can yin no/ /rigs kyi bu/ 'di lta ste/ dper na/ pad+ma ni/ rmi lam dang / ltas dang / yud tsam dag la mthong na'ang 'di lta ste/ don
92a7 'grub pa'i phyir bkra shis shing rab tu bsngags pa yin no/ /de bzhin du byang chub sems dpa' mthong ba'ang 'di lta ste/ thams cad mkhyen pa nyid thob par bya ba la dus thams
92b1 cad du'ang bkra shis shing rab tu bsngags pa yin no/ /rigs kyi bu/ 'di lta ste/ dper na/ pad+ma ni/ nam rgyas pa de na rnam par bye ba zhes bya'o/ /de bzhin du byang chub sems dpa' yang
92b2 nam shes rab dang byang chub kyi yan lag me tog rgyas pa de na blo rnam par bye ba zhes bya'o/ /rigs kyi bu/ 'di lta ste/ dper na/ pad+ma ni/ nam yongs su smin par gyur pa de ni bltas na
92b3 mig gi dbang po tshim par byed/ mnyan na rna ba'i dbang po tshim par byed/ rnams na sna'i dbang po tshim par byed/ myangs na lce'i dbang po tshim par byed/ reg na lus kyi dbang po
92b4 tshim par byed/ sems rab tu dga' bas yid kyi dbang po tshim par byed do/ /de bzhin du byang chub sems dpa' yang nam shes rab kyi snang ba yongs su smin par gyur pa de'i tshe na
92b5 bltas na mig gi dbang po rnam par dag par byed/ mnyan na rna ba'i dbang po rnam par dag par byed/ tshul khrims dang yon tan gyi dri ma nams na sna'i dbang po rnam par dag par
92b6 byed| myangs na lce'i dbang po rnam par dag par byed/ reg pa dang bsnyen bkur byas na lus kyi dbang po rnam par dag par byed/ yon tan brjod pa rnam par bsam pas yid kyi dbang
92b7 po rnam par dag par byed do/ /rigs kyi bu/ 'di lta ste/ dper na/ pad+ma ni/ skye ba'i tshe 'di lta ste/ mi dang / mi ma yin pa dag gis shin tu yongs su bzung ba yin te/ de bzhin du byang chub
93a1 sems dpa' yang skye ba'i tshe sangs rgyas dang / byang chub sems dpa' rnams dang / de ma yin pa gzhan brgya byin dang / tshangs pa dang / 'jig rten skyong ba
93a2 dag gis shin tu yongs su bzung ba yin no/ /rigs kyi bu/ de ltar na/ byang chub sems dpa' ma gos pa nas shin tu yongs su bzung ba'i bar du yin te/ rigs kyi bu/ chos bcu po
93a3 de dag dang ldan na/ byang chub sems dpa' pad+ma dang 'dra ba rnams yin no/ /rigs kyi bu/ chos bcu dang ldan na/ byang chub sems dpa' sems rgya che ba rnams yin no/ /bcu
93a4 gang zhe na/ 'di lta ste/ pha rol tu phyin pa thams cad yang dag par sgrub bo/ /zhes sems rgya cher bskyed do/ /sangs rgyas kyi chos thams cad yongs su rdzogs par bya'o/ /zhes
93a5 sems rgya cher bskyed do/ /sems can thams cad gdul lo/ /zhes sems rgya cher bskyed do/ /byang chub kyi snying por 'dug ste bla na med pa yang dag par rdzogs pa'i byang chub tu
93a6 mngon par rdzogs par 'tshang rgya bar bya'o/ /zhes sems rgya cher bskyed do/ /mngon par rdzogs par sangs rgyas nas 'jig rten du dge sbyong ngam/ bram ze'am/ lha'am/ bdud
93a7 dam| tshangs pa'am/ sus kyang chos dang ldan par sngon ma bskor ba'i chos kyi 'khor lo bskor ro/ /zhes sems rgya cher bskyed do/ /'jig rten gyi khams mtha' yas mu med
93b1 par song ste sems can gyi don bya ba'i dngos po de dang de dag gis sems can rnams kyi don bya'o/ /zhes sems rgya cher bskyed do/ /shes rab kyi gru sbyar te sems can rnams 'khor ba'i rgya
93b2 mtsho las bsgral lo/ /zhes sems rgya cher bskyed do/ /mgon med pa dang / skyabs med pa dang / gnas med pa dang / rten med pa dang / dpung gnyen med pa dang / nyon mongs pa'i sems can
93b3 rnams kyi gnyen bya'o/ /zhes sems rgya cher bskyed do/ /lha dang bcas/ bdud dang bcas/ tshangs pa dang bcas pa'i 'jig rten dang / dge sbyong dang / bram ze dang / lha dang / mi dang /
93b4 lha ma yin du bcas pas skye rgu'i nang du sangs rgyas kyi khyu mchog nyid bstan to/ /sangs rgyas kyi seng+ge'i sgra sgrog go /sangs rgyas kyi rnam par rol pas rnam par rtse'o/ /glang po chen
93b5 po'i blta bas blta bar bya'o/ /zhes sems rgya cher bskyed do/ /sangs rgyas kyi che bas sems can rnams gdul bar bya'i/ spyod pa ngan pas ma yin/ dka' bar spyod pas ma yin/
93b6 zhan pa'i spyod pas ma yin/ zhum pa'i spyod pas ma yin no/ /zhes sems rgya cher bskyed do/ /rigs kyi bu/ chos bcu po de dag dang ldan na/ byang chub sems dpa' sems rgya che ba
93b7 rnams yin no/ /rigs kyi bu/ chos bcu dang ldan na/ byang chub sems dpa' sems rnam par dag pa rnams yin no/ /bcu gang zhe na/ 'di lta ste/ bsam pa mi g.yo bas bsam pa
94a1 phun sum tshogs pa rnams yin/ 'di lta ste/ bsam pa la sgyu med pas bsam pa shin tu gnas pa rnams yin/ 'di lta ste/ nyan thos kyi byang chub yid la byed pa mi
94a2 bskyed pa dang / rang sangs rgyas kyi byang chub yid la byed pa mi bskyed pa dang / brtson pa chung ba'i yid la byed pa mi spyod pas tshul bzhin ma yin pa'i yid la byed pa dang bral ba rnams
94a3 yin| 'di lta ste/ nyon mongs pa'i dri ma dang bral bas dri ma thams cad dang bral ba rnams yin/ 'di lta ste/ sgyu ma'i spyod lam dang bral bas lus kyi tshul 'chos pa dang bral ba rnams
94a4 yin| 'di lta ste/ yang dag pa'i don kun ston pas ngag gi tshul 'chos pa dang bral ba rnams yin no/ /'di lta ste/ lus kyis 'du 'dzi med pa dang / ngag gis 'dod pa chung ba dang /
94a5 sems kyis smon pa med pa'i phyir sems kyi tshul 'chos pa dang bral pa rnams yin/ cung zad byas pa'ang chud mi gzon na mang po lta ci smos te/ byas pa gzo ba rnams yin/ byas pa
94a6 tshor ba rnams yin te/ dgos pa byas pa la mi smod/ mi skyud/ yon tan ma yin par mi lta ste/ gzhan du na cung zad byas pa'ang tshor zhing de la bstod par byed/ gzengs bstong par
94a7 byed| yang dag par dga' bar byed/ rab tu bsngags par byed/ de la yon tan du lta ba yin no/ /ji ltar lta ba de ltar byed pa rnams yin te/ byang chub sems dpa' rnams ngag
94b1 gis snyan par ston cing sems kyis mi mthun par sems pa ma yin/ byang chub sems dpa' rnams ngag gis bstod cing sems kyis ngan du bya ba'i sbyor ba mi byed/ byang chub sems dpa'
94b2 rnams ngag gis 'jam par smra zhing sems kyis zhe la non te shar gnyer ba rnams ma yin/ byang chub sems dpa' rnams lus kyis des pa ston cing sems kyis 'khon gyi mdud par 'dzin
94b3 pa rnams ma yin/ byang chub sems dpa' rnams lus kyis ri mor bya ba ston cing sems kyis brnyas par byed pa ma yin/ byang chub sems dpa' rnams tshul mi 'chos/ kha gsag mi byed
94b4 'jungs pa dang phrag dog gis kun tu glags pa ma yin/ sgyu dang g.yos mi spyod/ byang chub sems dpa' rnams 'thab smyan mi byed/ phan tshun du bar 'jug pa ma yin gyi/ byang chub sems
94b5 dpa' rnams ni/ lus kyis kyang ri mo bskyed pa yin/ ngag gis kyang yang dag pa'i don smra ba las su rung ba'ang sgrub bo/ /byang chub sems dpa' rnams de bzhin gshegs pa'i bstan
94b6 pa la skur ba'i phyir zhugs pa ma yin pas de bzhin gshegs pa'i bstan pa la skur ba dang bral ba rnams yin no/ /ji ltar na/ de bzhin gshegs pa'i bstan pa la skur pa ma btab pa
94b7 yin zhe na/ 'di la byang chub sems dpa' bla na med pa yang dag par rdzogs pa'i byang chub tu sems bskyed de skra dang kha spu bregs/ gos ngur smrig dag gyon nas yang dag par dad pas de
95a1 bzhin gshegs pa'i bstan pa la rab tu 'byung ngo / /de rab tu 'byung ba na rgyal pos mnar ba med par rab tu 'byung / rkun pos gtse ba med pa dang / bu lon gyis
95a2 gtse ba med pa dang / 'jigs pas gtse ba med pa dang / 'tsho ba med pa'i 'jigs pas skrag pa med par rab tu 'byung ngo / /de dang de rab tu byung nas dge ba ci yin zhes tshol ba yin te/ de
95a3 dge ba ci yin zhes tshol ba yin pas dge ba'i bshes gnyen rnams la bsnyen par byed/ sten par byed/ bsnyen bkur byed do/ /de dag las chos kyang nyan to/ /thos nas kyang nan tan
95a4 byed| nga rgyal gyi zil gyis gnon pa yin te/ de nga rgyal dang bral bas ma log par 'dzin pa yin/ ma log par 'dzin pas lam shin tu rtogs pa thob bo/ /de lam shin tu rtogs pas
95a5 chos nyid thob bo/ /chos nyid thob pas bla na med pa yang dag par rdzogs pa'i byang chub tu nges par 'gyur te/ de ltar na/ de bzhin gshegs pa'i bstan pa la skur ba ma btab pa yin no//
95a6 rigs kyi bu/ chos bcu po de dag dang ldan na/ byang chub sems dpa' sems rnam par dag pa rnams yin no/ /rigs kyi bu/ chos bcu dang ldan na/ byang chub sems dpa' sems
95a7 nem nur med pa rnams yin no/ /bcu gang zhe na/ 'di lta ste/ de bzhin gshegs pa'i sku'i gsang ba la mngon par dad/ de bzhin gshegs pa'i gsung gi gsang ba dang / de bzhin
95b1 gshegs pa'i yid kyi gsang ba dang / byang chub sems dpa' yang dag par sgrub pa dang / byang chub dang / de bzhin gshegs pa 'byung ba dang / theg pa gcig gi tshul bstan pa dang / tshul
95b2 sna tshogs bstan pa dang / de bzhin gshegs pa'i gsung sgra'i dbyangs zab mo dang / sems can gyi bsam pa ji lta ba bzhin du 'dul ba la mngon par dad do/ /rigs kyi bu/ de la ji ltar na/
95b3 de bzhin gshegs pa'i sku'i gsang ba la mngon par dad pa nas ji ltar na/ sems can gyi bsam pa ji lta ba bzhin du 'dul ba la mngon par dad pa'i bar du yin zhe na/ rigs kyi bu/
95b4 'di la byang chub sems dpa' 'di snyam du sems so/ /gang 'di de bzhin gshegs pa'i chos kyi sku dang / zhi ba'i sku dang / mi mnyam pa dang mnyam pa'i sku dang / tshad med pa'i sku dang /
95b5 phal la med pa'i sku dang / rdo rje'i sku zhes bya ba thos pa 'di ni/ yang dag pa'o/ /'di ni/ de kho na'o/ /'di ni/ mi slu ba'o snyam ste/ gnas 'di la nem nur med cing the tshom med de/ de ltar na/
95b6 byang chub sems dpa' de bzhin gshegs pa'i sku'i gsang ba la mngon par dad do/ /ji ltar na/ byang chub sems dpa' de bzhin gshegs pa'i gsung gi gsang ba la mngon par dad
95b7 ce na/ de 'di ltar sems so/ /gang 'di de bzhin gshegs pa'i gsung gi gsang ba de bzhin gshegs pa ni/ma mngon sum du lung ston pa dang / gsang ste lung ston pa dang / ldem po dag
96a1 gis kyang sems can rnams la lung ston mod kyi/ de bzhin gshegs pa la 'khrul pa'am/ ca co med de/ de'i phyir de la brdzun du smra ba'i nyes pa mi 'byung
96a2 ngo / /de ci'i phyir zhe na/ de bzhin gshegs pa ni/ skyon thams cad spangs pa/ dri ma thams cad spangs pa/ rdul thams cad spangs pa/ yongs su gdung ba thams cad dang bral ba/
96a3 nyon mongs pa med pa/ dbang du gyur ba/ zhi ba/ dang ba/ yongs su dag pa/ rnyog pa med pa/ rnam par gsal ba ste/ gang de bzhin gshegs pa rnams la 'khrul pa'am/ ca co
96a4 'byung ba de ni/ gnas ma yin zhing skabs med do/ /zhes thos pa 'di ni/ yang dag pa'o/ /'di ni/ de kho na'o/ /'di ni/ mi slu ba'o snyam ste/ gnas 'di la nem nur med/ the tshom med
96a5 de/ de ltar na/ de bzhin gshegs pa'i gsung gi gsang ba la mngon par dad do/ /ji ltar na/ byang chub sems dpa' de bzhin gshegs pa'i yid kyi gsang ba la mngon par
96a6 dad ce na/ de 'di ltar sems so/ /gang 'di de bzhin gshegs pa'i yid kyi gsang ba de bzhin gshegs pas ci dgongs pa'i don gang sems dang 'grogs pa/ sems la
96a7 gnas pa de ni/ de bzhin gshegs pa'i byin gyi rlabs kyis gyur pa ma gtogs par nyan thos dang / rang sangs rgyas thams cad dang / byang chub sems dpa' thams cad dang / sems
96b1 can thams cad kyis shes par mi nus so/ /de ci'i phyir zhe na/ rigs kyi bu/ de bzhin gshegs pa ni/ zab cing gting dpag dka' ba/ brtag par bya ba ma yin pa/ rtog ge'i spyod yul
96b2 las shin tu 'das pa/ dpag tu med pa/ rgya che ba/ yangs pa/ nam mkha'i dbyings dang mtshungs pa/ rtog ge thams cad kyi yul las 'das par thos pa 'di ni/ yang dag pa'o/ /'di ni/
96b3 de kho na'o/ /'di ni/ mi slu ba'o snyam ste/ gnas 'di la nem nur med/ the tshom med pa yin te/ de ltar na/ de bzhin gshegs pa'i yid kyi gsang ba la mngon par dad do/ /ji ltar na/ byang
96b4 chub sems dpa' byang chub sems dpa'i yang dag par sgrub pa la mngon par dad ce na/ de 'di ltar sems so/ /gang 'di lta ste/ byang chub kyi rgyu/ byang chub kyi gzhi/ byang chub kyi phyir byang
96b5 chub sems dpa' de dag sems can gyi don la mngon du phyogs pa dang / sems can gyi bya ba dang / sems can gyi byed pa dang / yongs su mi skyo ba dang / mi skrag pa dang / khur chen po khyer
96b6 ba dang / mthu brten pa dang / rtul ba brtan pa dang / pha rol tu phyin pa yang dag par sgrub pa dang / sangs rgyas kyi chos rnams mthar gyis yang dag par sgrub pa dang / thogs pa med pa'i blo
96b7 dang / mtha' yas pa'i blo dang / mi mnyam pa dang mnyam pa'i blo dang / phal la med pa'i blo dang / brtson 'grus brtan pa dang / go cha brtan pa dang / dam bcas pa la brtan pa dang / dam bcas
97a1 pa las mi g.yo ba dang / dam bcas pa phal la med pa de dag thams cad rim gyis 'phel zhing rgyas pa dang / yangs par yongs su rdzogs par 'gyur ro/ /
97a2 zhes thos pa 'di ni/ yang dag pa'o/ /'di ni/ de kho na'o/ /'di ni/ mi bslu ba'o snyam ste/ gnas 'di la de nem nur med/ the tshom med de/ de ltar na/ byang chub sems dpa' yang dag
97a3 par sgrub pa la mngon par dad do/ /ji ltar na/ byang chub sems dpa' byang chub dang / de bzhin gshegs pa 'byung ba la mngon par dad ce na/ de 'di ltar sems so/ /gang byang
97a4 chub sems dpa' byang chub kyi snying por 'dug nas lha'i mig chags pa med cing thogs pa med pa sgrib pa med pa 'thob bo/ /lha'i rna ba dang / gzhan gyi sems shes pa dang / sngon
97a5 gyi gnas rjes su dran pa'i shes pa dang / rdzu 'phrul gyi rnam pa shes pa dang / zag pa zad pa shes pa dang / dus gsum pa skad cig gcig dang ldan pas shes pa chags pa med pa/
97a6 thogs pa med pa/ sgrib pa med pa 'thob bo/ /de'i phyir sems can gyi khams la yang dag pa ji lta ba bzhin du lta ste/ sems can 'di rnams ni/ lus kyi ngan du spyod pa dang
97a7 ldan pa| ngag gi ngan du spyod pa dang ldan pa/ yid kyi ngan du spyod pa dang ldan pa/ 'phags pa la skur pa 'debs pa/ log par lta ba rnams te/ log par lta ba'i las dang / chos
97b1 yang dag par blangs pa'i phyir de'i rgyu/ de'i rkyen/ de'i gzhis lus zhig nas shi ba'i 'og tu ngan 'gro log par ltung ba sems can dmyal ba dag tu skye'o/ /sems can 'di rnams ni/ lus kyi
97b2 legs par spyod pa dang ldan pa/ ngag gi legs par spyod pa dang ldan pa/ yid kyi legs par spyod pa dang ldan pa/ 'phags pa la skur pa mi 'debs pa/ yang dag par lta ba rnams te/
97b3 yang dag par lta ba'i las dang / chos yang dag par blangs pa'i phyir de'i rgyu/ de'i rkyen/ de'i gzhis lus zhig nas bde 'gro mtho ris kyi 'jig rten du lha'i nang du skye'o snyam nas de ltar yang
97b4 dag pa ji lta ba bzhin du sems can gyi khams la lta ste/ sems can gyi khams de nyid kyang dge ba dang / mi dge ba'i las rnams la rnam par lta'o/ /de'ang 'di snyam du sems te/ sngon
97b5 bdag byang chub sems dpa'i sbyad pa spyod pas gang 'di ltar bdag nyid rnam par sangs rgyas nas gzhan yang rnam par sangs rgyas par bya'o/ /zhes dam bcas pa'i bdag gi smon lam
97b6 de yongs su rdzogs so/ /bdag gi brang pa de yongs su rdzogs so snyam mo/ /zhes thos pa 'di ni/ yang dag pa'o/ /'di ni/ de kho na'o/ /'di ni/ mi slu ba'o snyam ste/ gnas 'di la nem
97b7 nur med/ the tshom med do/ /gang la byang chub sems dpa' de rnam par sangs rgyas pa de ni/ byang chub ces bya'o/ /bdag nyid rnam par sangs rgyas pas des na/ rdzogs par sangs rgyas
98a1 zhes bya'o/ /de ltar na/ byang chub sems dpa' byang chub dang / de bzhin gshegs pa 'byung ba la mngon par dad do/ /ji ltar na/ byang chub sems dpa' theg pa
98a2 gcig gi tshul bstan pa la mngon par dad ce na/ de 'di ltar sems so/ /gang 'di theg pa ni/ gcig kho na ste/ 'di lta ste/ de bzhin gshegs pa'i theg pa'o/ /zhes thos pa 'di ni/
98a3 yang dag pa'o/ /'di ni/ de kho na'o/ /'di ni/ mi slu ba'o/ /'di ni/ de bzhin pa'o/ /ma nor pa'o/ /gzhan ma yin pa'o/ /de ci'i phyir zhe na/ theg pa gzhan rnams kyang 'di las byung
98a4 ngo / /rigs kyi bu/ 'di lta ste/ dper na/ dzam+bu gling na gang gling yod pa rnams ming gis tha dad par shes mod kyi/ 'on kyang de dag ni/ dzam+bu'i gling du 'du'o/ /dzam+bu'i gling la brten to//
98a5 dzam+bu'i gling gi grangs su 'gro'o/ /de'i phyir gling gcig kho na ste/ de ni/ dzam+bu'i gling ngo / /de bzhin du thag pa thams cad ni/ de bzhin gshegs pa'i theg par 'du'o/ /de bzhin gshegs
98a6 pa'i theg pa la gnas so/ /de bzhin gshegs pa'i theg pa las byung ngo / /de'i phyir theg pa gcig kho na ste/ 'di ltar de bzhin gshegs pa'i theg pa'i snyam ste/ gnas 'di la de
98a7 nem nur med/ the tshom med de/ de ltar na/ byang chub sems dpa' theg pa gcig gi tshul bstan pa la mngon par dad do/ /ji ltar na/ tshul sna tshogs bstan pa la mngon par dad
98b1 ce na/ de 'di ltar sems so/ /gang 'di mdo sde de dang de dag las de bzhin gshegs pa'i tshul sna tshogs bshad pa thos pa 'di ni/ yang dag pa'i/ /'di ni/ de kho na'o/ /'di ni/ mi slu ba'o
98b2 de ci'i phyir zhe na/ 'dul ba'i dbang gi phyir de bzhin gshegs pa dad pa ji lta ba bzhin du sems can rnams la chos ston to snyam ste/ gnas 'di la nem nur med/ the tshom med de/ de
98b3 ltar na/ byang chub sems dpa' tshul sna tshogs bstan pa la mngon par dad do/ /ji ltar na/ byang chub sems dpa' de bzhin gshegs pa'i gsung sgra'i dbyangs zab mo la mngon
98b4 par dad ce na/ de 'di ltar sems so/ /gang de de bzhin gshegs pa'i gsung sgra'i dbyangs zab mo thos pa 'di ni/ yang dag pa'o/ /'di ni/ de kho na'o/ /'di ni/ mi slu ba'o/ /de ci'i phyir
98b5 zhe na/ dge ba'i rtsa ba chung ngu'i lha'i bu rnams kyi dbyangs kyang zab cing snyan pa yin na/ bskal pa brgya stong du mar dge ba'i rtsa ba bsgrubs pa'i de bzhin gshegs pa rnams kyi lta ci smos
98b6 snyam ste/ gnas 'di la nem nur med/ the tshom med de/ de ltar na/ byang chub sems dpa' de bzhin gshegs pa'i gsung sgra'i dbyangs zab mo la mngon par dad do/ /rigs kyi bu/ ji
98b7 ltar na/ byang chub sems dpa' sems can gyi bsam pa ji lta ba bzhin du 'dul ba la mngon par dad ce na/ de 'di ltar sems so/ /gang 'di de bzhin gshegs pas bsam pa dang / bag la
99a1 nyal mkhyen te/ sems can mos pa tha dad pa dang / 'dul ba tha dad pa rnams la gsung sgra'i dbyangs gcig brjod pas the tshom gcod cing yongs su smin pa
99a2 ji lta ba bzhin du sems can rnams 'dul lo/ /sems can rnams kyang so so nas de bzhin gshegs pa bdag la chos ston to/ /de bzhin gshegs pa bdag la chos ston to snyam
99a3 byed kyang de bzhin gshegs pa ni/ mi rtog /rnam par mi rtog go /zhes thos pa 'di ni/ yang dag pa'o/ /'di ni/ de kho na'o/ /'di ni/ mi slu ba'o snyam ste/ gnas 'di la de nem
99a4 nur med/ the tshom med de/ de ltar na/ byang chub sems dpa' sems can gyi bsam pa ji lta ba bzhin du 'dul ba la mngon par dad do/ /rigs kyi bu/ chos bcu po de dag dang ldan
99a5 na| byang chub sems dpa' sems nem nur med pa rnams yin no/ /rigs kyi bu/ chos bcu dang ldan na/ byang chub sems dpa' blo rgya mtsho dang mtshungs pa rnams yin no/ /bcu gang
99a6 zhe na| 'di lta ste/ rin po che'i 'byung gnas su gyur pa rnams yin/ zab cing gting dpag dka' ba rnams yin/ rgya che zhing tshad med pa rnams yin/ bags kyis gzhol ba rnams
99a7 yin| nyon mongs pa'i ro dang lhan cig mi 'dug pa rnams yin/ ro gcig pa rnams yin/ chu bo kun zad pa rnams yin/ dus las mi yol ba rnams yin/ 'byung po mang po'i
99b1 gnas su gyur pa rnams yin/ mi zad pa rnams yin no/ /rigs kyi bu/ de la ji ltar na/ byang chub sems dpa' rin po che'i 'byung gnas su gyur pa yin pa nas ji ltar na mi zad pa'i bar du
99b2 yin zhe na/ rigs kyi bu/ 'di lta ste/ dper na/ rgya mtsho chen po ni/ rin po che thams cad kyi 'byung gnas yin te/ dzam+bu'i gling gi mi thams cad kyis rin po che blang bas mi zad do/ /de
99b3 bzhan du byang chub sems dpa' yang yon tan rin po che thams cad kyi 'byung gnas yin te/ sems can thams cad kyis yon tan rin po che blang bas mi zad do/ /rigs kyi bu/ 'di
99b4 lta ste/ dper na/ rgya mtsho chen po ni/ zab cing gting dpag dka' ba yin no/ /de bzhin du byang chub sems dpa' ye shes yang dag par grub pa'ang zab cing sems can thams cad kyis
99b5 gting dpag dka' zhing zab pa yin no/ /rigs kyi bu/ 'di lta ste/ dper na/ rgya mtsho chen po ni/ 'di lta ste/ chu tshad med pas na/ yangs shing rgya che ba yin no/ /de bzhin du byang chub sems
99b6 dpa' yang 'di lta ste/ blo tshad med pas na/ yangs shing rgya che ba yin no/ /rigs kyi bu/ 'di lta ste/ dper na/ rgya mtsho chen po ni/ bags kyis gzhol/ bags kyis 'bab/ bags kyis
99b7 bab bo/ /de bzhin du byang chub sems dpa' yang thams cad mkhyen pa nyid la gzhol/ thams cad mkhyen pa nyid la 'bab/ thams cad mkhyen pa nyid la bab bo/ /rigs kyi bu/ 'di lta ste
100a1 dper na/ rgya mtsho chen po ni/ shi ba'i ro dang lhan cig mi 'dug go/ /de ci'i phyir zhe na/ de ni/ rgya mtsho chen po'i chos nyid do/ /de bzhin du byang chub sems dpa'
100a2 yang nyon mongs pa'i ro dang mi dge ba'i grogs po rnams dang lhan cig mi gnas so/ /de ci'i phyir zhe na/ de ni/ byang chub sems dpa' chos nyid do/ /rigs kyi bu/ 'di lta ste/ dper na/
100a3 rgya mtsho chen por chu bo ji snyed bab pa de thams cad kyang ro gcig pa yin te/ 'di lta ste/ lan tshwa'i ro'o/ /de bzhin du byang chub sems dpa' yang chos dkar po rnams ji snyed sdud pa de
100a4 dag thams cad ro gcig pa yin te/ 'di lta ste/ thams cad mkhyen pa'i ro'o/ /rigs kyi bu/ 'di lta ste/ dper na/ rgya mtsho chen po ni/ chu bo tshad med pa kun zed kyang de la bri ba'am/
100a5 gang bar yang mi mngon no/ /de bzhin du byang chub sems dpa' yang chos kyi chu bo tshad med pa kun zed kyang de la bri ba'am/ gang bar mi mngon no/ /rigs kyi bu/ 'di lta ste/ dper na/
100a6 rgya mtsho chen po ni/ dus las mi yol lo/ /de bzhin du byang chub sems dpa' yang gdul bar bya ba'i sems can yongs su smin par bya ba'i dus las mi yol lo/ /rigs kyi
100a7 bu| 'di lta ste/ dper na/ rgya mtsho chen po ni/ 'byung po mang po'i gnas so/ /de bzhin du byang chub sems dpa' yang sems can thams cad dang / chos dkar po thams cad kyi
100b1 gnas so/ /rigs kyi bu/ 'di lta ste/ dper na/ rgya mtsho chen po ni/ sems can thams cad kyis chu bcus kyang mi zad pa yin no/ /de bzhin du byang chub sems dpa' yang sems can
100b2 thams cad la chos ston pa mi zad pa yin te/ rigs kyi bu/ de ltar na/ byang chub sems dpa' rin po che'i 'byung gnas su gyur pa nas mi zad pa'i bar du yin no/ /rigs kyi bu/ chos
100b3 bcu po de dag dang ldan na/ byang chub sems dpa' blo rgya mtsho dang mtshungs pa rnams yin no/ /rigs kyi bu/ chos bcu dang ldan na/ byang chub sems dpa' blo zhib pa rnams yin no/ /
100b4 bcu gang zhe na/ 'di lta ste/ 'byung ba tshol ba la mkhas pa rnams yin/ chos thams cad brtag pa la mkhas pa rnams yin/ chos thams cad kyi mnyam pa nyid khong du chud pa rnams yin/ chos
100b5 thams cad sgyu ma'i mtshan nyid du khong du chud pa rnams yin/ chos thams cad yongs su shes pa la mkhas pa rnams yin/ rten cing 'brel bar 'byung ba zab cing gting dpag dka' ba
100b6 la mkhas pa rnams yin/ las bsam gyis mi khyab pa la mkhas pa rnams yin/ smad pa'i don shes pa rnams yin/ don yang dag pa ji lta ba bzhin du rtogs pa rnams yin/ de kho na la
100b7 mkhas pa rnams yin no/ /rigs kyi bu/ de la ji ltar na/ byang chub sems dpa' 'byung ba tshol ba la mkhas pa yin pa nas ji ltar na/ de kho na la mkhas pa'i bar du yin zhe na/ 'di la
101a1 byang chub sems dpa' 'di ltar dpyod de/ kye ma'o 'jig rten gnas pa 'di ni/ 'di lta ste/ 'dod chags kyi mes kun tu 'bar ro/ /rab tu 'bar ro/ /kun tu
101a2 rab tu mched cing 'bar ro/ /kye ma'o 'jig rten gnas pa 'di ni/ 'di lta ste/ zhe sdang gi du ba 'khrigs pa'i du ba 'tshub pas rnam par rmongs so/ /kye ma'o 'jig rten gnas pa
101a3 'di ni/ 'di lta ste/ gti mug gi mun pas mun nag tu gyur to snyam mo/ /de 'di ltar sems can 'di dag ji ltar 'byung bar 'gyur snyam sems te/ de de dag gi 'byung ba yongs su
101a4 tshol zhing chos thams cad la rtog go/ /chos thams cad la brtags pas chos thams cad kyi mnyam pa nyid khong du chud par 'gyur ro/ /chos thams cad kyi mnyam pa nyid khong du chung
101a5 pas chos thams cad sgyu ma'i mtshan nyid du yang dag pa ji lta ba bzhin du rab tu shes so/ /chos rnams sgyu ma'i mtshan nyid du yang dag pa ji lta ba bzhin du shes pas chos thams
101a6 cad yang dag pa ji lta ba bzhin du rab tu shes so/ /chos thams cad yang dag pa ji lta ba bzhin du yongs su shes pas rten cing 'brel bar 'byung ba zab mo la rnam par sems so/ /de
101a7 rten cing 'brel bar 'byung ba zab mo la rnam par sems pas las bsam gyis mi khyab pa la rnam par rtog ste/ de 'di snyam du dngos po med pa'i chos rnams la las snang ba ni/ ngo
101b1 mtshar to snyam du sems so/ /de ltar na/ blo zhib mo dang ldan pas sangs rgyas rnams sam/ byang chub sems dpa' rnams kyis gsungs pa tsam gyis don shes so/ /des don shes pas don
101b2 yang dag pa ji lta ba bzhin du rab tu rtogs so/ /don yang dag pa ji lta ba bzhin du rab tu rtogs pas de kho na mthong ngo / /de kho na mthong bas sems can rnams 'khor ba'i btson ra nas
101b3 thar par byed do/ /rigs kyi bu/ de ltar na/ byang chub sems dpa' 'byung ba tshol ba la mkhas pa nas de kho na la mkhas pa'i bar du yin no/ /rigs kyi bu/ chos bcu po de dag dang ldan
101b4 na| byang chub sems dpa' blo zhib pa rnams yin no/ /rigs kyi bu/ chos bcu dang ldan na/ byang chub sems dpa' rig pa'i spobs pa can rnams yin no/ /bcu gang zhe na/ 'di lta ste/
101b5 chos thams cad bdag med par 'jog go /chos thams cad sems can med pa dang / srog med pa dang / gso ba med pa dang / gang zag med pa dang / byed pa po dang tshor ba po med pa dang / shes pa
101b6 po dang mthong ba po med pa dang / gsog gso ba ste dbang phyug med pa dang / stong pa/ yang dag pa ma yin pa las yongs su brtags pa dang / rkyen las byung bar 'jog ste/ rigs kyi bu/ de
101b7 la chos thams cad bdag med ces bya ba 'di ni/ rigs pa'o/ /'di ni/ chos nyid dang mthun pa'o/ /chos thams cad sems can med pa srog med pa zhes bya ba 'di ni/ rigs pa'o/ /'di ni/
102a1 chos nyid dang mthun pa'o/ /de bzhin du chos thams cad gso ba med pa dang / gang zag med pa dang / byed pa po dang / tshor ba po med pa dang / shes pa po dang / mthong
102a2 ba po med pa dang / gsog gsob ste dbang phyug med pa dang / stong pa/ yang dag pa ma yin pa las yongs su brtags pa dang / rkyen las byung ba'o/ /zhes bya ba 'di ni/ rigs pa'o/ /
102a3 'di ni/ chos nyid dang mthun pa'o/ /rigs kyi bu/ gang chos nyid dang mthun pa de ni/ rigs pa'o/ /gang chos nyid dang mi 'gal ba de ni/ rigs pa'o/ /gang chos nyid las mi 'khrul ba de
102a4 ni| rigs pa'o/ /gang chos nyid la 'bab pa de ni/ rigs pa'o/ /gang chos nyid ston pa de ni/ rigs pa'o/ /de'ang de dag spobs pas na/ de'i phyir rigs par spobs pa rnams shes
102a5 par bya'o/ /rigs kyi bu/ chos bcu po de dag de dang ldan na/ byang chub sems dpa' rig pa'i spobs pa rnams yin no/ /rigs kyi bu/ chos bcu dang ldan na/ byang chub sems
102a6 dpa' grol ba'i spobs pa can rnams yin no/ /bcu gang zhe na/ 'di lta ste/ spobs pa thogs pa med pa rnams yin/ spobs pa rgyun chags pa rnams yin/ spobs pa mi zad pa rnams
102a7 yin| spobs pa mi brtabs pa rnams yin/ spobs pa ma zhum pa rnams yin/ spobs pa mi skrag pa rnams yin/ spobs pa phal la med pa rnams yin/ spobs pa zil gyis mi
102b1 non pa rnams yin/ spobs pa mtha' yas pa rnams yin/ so so yang dag par rig pa thob pa'i spobs pa can rnams yin no/ /rigs kyi bu/ chos bcu po de dag dang ldan na/ byang chub sems
102b2 dpa' grol ba'i spobs pa can rnams yin no/ /rigs kyi bu/ chos bcu dang ldan na/ byang chub sems dpa' rnam par dag pa'i spobs pa can rnams yin no/ /bcu gang zhe na/ 'di lta ste/ 'dar
102b3 'dar po med pa'i spobs pa can rnams yin/ mi 'khrul pa'i spobs pa can rnams yin/ mi zhan pa'i sobs pa can rnams yin/ yeng yeng po med pa'i spobs pa can rnams yin/ de dag
102b4 gi spobs pa don dang bral ba ma yin/ tshig 'bru dang bral ba ma yin/ sbyor ba dang bral ba ma yin/ dus dang bral ba ma yin/ rtsub pa ma yin/ mi gsal ba'i spobs pa can ma yin no/ /
102b5 rigs kyi bu/ byang chub sems dpa' rnams kyi spobs pa ni/ 'dar 'dar po ma yin no/ /de ci'i phyir zhe na/ 'khor gyis 'jigs pa'i bag tsha ba dang bral ba'i phyir ro/ /byang chub sems
102b6 dpa' rnams kyi spobs pa ni/ 'khrul pa ma yin no/ /de ci'i phyir zhe na/ blo brtan zhing mi mthun pa med pa'i phyir ro/ /byang chub sems dpa' rnams kyi spobs pa ni/ zhan pa ma yin no/ /de
102b7 ci'i phyir zhe na/ 'jigs pa med pa'i phyir te/ rigs kyi bu/ byang chub sems dpa' ni/ 'khor gyi nang du phyin na mi 'jigs mi skrag ste/ seng+ge ltar 'jigs pa med cing mi skrag mi dngang ba
103a1 yin no| |byang chub sems dpa' rnams kyi spobs pa ni/ yeng yeng po med pa yin no/ /de ci'i phyir zhe na/ nyon mongs pa dang bral ba'i phyir ro/ /rigs kyi bu/ nyon mongs pa
103a2 dang bcas pa'i spobs pa ni/ yeng yeng bor 'gyur ba yin te/ nyon mongs pa med pa'i ni/ ma yin no/ /byang chub sems dpa' rnams kyi spobs pa ni/ don dang bral ba ma yin no/ /de ci'i phyir zhe na/
103a3 chos nyid thob pa'i phyir te/ rigs kyi bu/ chos nyid ma thob pa rnams kyi don dang bral bar 'gyur gyi/ chos nyid thob pa rnams kyi ni ma yin no/ /byang chub sems dpa' rnams kyi spobs pa
103a4 ni| tshig 'bru dang bral ba ma yin no/ /de ci'i phyir zhe na/ gtsug lag thams cad la 'jigs pa med pa'i phyir te/ rigs kyi bu/ gtsug lag gi phyogs 'ga' shes pa rnams kyi ni/ tshig
103a5 'bru dang bral bar 'gyur gyi/ gtsug lag thams cad la 'jigs pa med pa rnams kyi ni/ ma yin no/ /byang chub sems dpa' rnams kyi spobs pa ni/ sbyor ba dang bral ba ma yin no/ /de
103a6 ci'i phyir zhe na/ sbyor ba thams cad yang dag par sgrub pa'i phyir te/ rigs kyi bu/ sbyor ba la mi mkhas pa rnams kyi ni/ sbyor ba dang bral bar 'gyur gyi/ sbyor ba mtha' yas pa dang ldan
103a7 pa rnams kyi ni/ ma yin no/ /byang chub sems dpa' rnams kyi spobs pa ni/ gang phyis smra bar bya ba de sngar smra ba'am/ gang sngar smra bar bya ba phyis smra ba lta bur dus dang bral ba ma yin
103b1 no| |de ci'i phyir zhe na/ byang chub sems dpa' rnams ni/ dus shes pa yin/ tshod shes pa yin/ skabs shes pa yin no/ /byang chub sems dpa' rnams kyi spobs pa ni/ rtsub pa/ yid du mi 'ong ba/
103b2 mi snyan pa ma yin no/ /de ci'i phyir zhe na/ ngag gi gnas ngan len dang bral ba'i phyir te/ rigs kyi bu/ gnas ngan len dang bcas pa rnams kyi spobs pa ni/ rtsub pa yin gyi/ gnas ngan len dang
103b3 bral ba rnams kyi ni/ ma yin no/ /byang chub sems dpa' rnams kyi spobs pa ni/ mi gsal ba ma yin te/ de ci'i phyir zhe na/ dbang po rno ba'i phyir ro/ /rigs kyi bu/ dbang po rtul po rnams kyi spobs
103b4 pa mi gsal ba yin gyi/ dbang po rnon po rnams kyi ni/ ma yin te/ rigs kyi bu/ chos bcu po de dag dang ldan na/ byang chub sems dpa' rnam par dag pa'i spobs pa can rnams yin no/ /rigs
103b5 kyi bu/ chos bcu dang ldan na/ byang chub sems dpa' sems can thams cad mgu bar byed pa'i spobs pa can rnams yin no/ /bcu gang zhe na/ 'di lta ste/ dper na/ 'jam par smra ba rnams
103b6 yin/ bzhin 'dzum zhing khro gnyer med pa rnams yin/ don du smra ba rnams yin/ chos su smra ba rnams yin/ mtshungs par smra ba rnams yin/ mi ngom pa rnams yin/ brnyas pa dang bral ba
103b7 rnams yin/ nyon mongs par 'gyur ba med pa rnams yin/ 'khrug pa med pa rnams yin/ spobs pa sna tshogs pa rnams yin no/ /rigs kyi bu/ byang chub sems dpa' 'jam par smra ba ni/
104a1 'jam par smra bas sems can rnams mgu bar byed do/ /byang chub sems dpa' ni/ bzhin 'dzum zhing khro gnyer med pa yin te/ mdangs bzang pos sems can
104a2 rnams mgu bar byed do/ /byang chub sems dpa' don du smra ba ni/ tshig ran pas sems can rnams mgu bar byed do/ /byang chub sems dpa' chos su smra ba ni/ phan par smra bas
104a3 sems can rnams mgu bar byed do/ /byang chub sems dpa' mtshungs par smra ba ni/ sems can thams cad la mtshungs par chos ston pas sems can rnams mgu bar byed do/ /
104a4 byang chub sems dpa' mi ngom pa ni/ nga rgyal dang dregs pa dang rgyags pa dang bral zhing spyod pa mtshungs pas sems can rnams mgu bar byed do/ /byang chub sems dpa' brnyas pa
104a5 dang bral ba ni/ ri mor byas shing chos bstan pas sems can rnams mgu bar byed do/ /byang chub sems dpa' nyon mongs par 'gyur ba med pa ni/ ngang tshul des pas sems can
104a6 rnams mgu bar byed do/ /byang chub sems dpa' 'khrug pa med pa ni/ bzod pa mang bas sems can rnams mgu bar byed do/ /rigs kyi bu/ byang chub sems dpa' spobs pa sna
104a7 tshogs can ni/ dga' ba'i tshig gis sems can rnams mgu bar byed do/ /rigs kyi bu/ chos bcu po de dag dang ldan na/ byang chub sems dpa' sems can thams cad mgu bar
104b1 byed pa'i spobs pa can rnams yin no/ /rigs kyi bu/ chos bcu dang ldan na/ byang chub sems dpa' tshig gzung bar byed pa rnams yin no/ /bcu gang zhe na/ 'di lta ste/ byang chub sems dpa'
104b2 rnams snod du ma gyur pa'i sems can rnams la chos mi ston to/ /zhe 'gras pa rnams la ma yin/ klan ka tshol ba rnams la ma yin/ mu stegs can rnams la ma yin/ ri mo med pa rnams
104b3 la ma yin/ ma dad pa med pa rnams la ma yin/ g.yo dang sgyus glags pa rnams la ma yin/ 'tsho ba'i bsam pa can rnams la ma yin/ rnyed pa dang / bkur sti dang / phrag dog dang / ser
104b4 snas glags pa rnams la ma yin/ sems can glen pa rmongs pa lug ltar lkug pa'i rang bzhin can rnams la chos mi ston te/ rigs kyi bu/ de ci'i phyir zhe na/ byang chub sems dpa'
104b5 rnams la chos kyi ser sna'ang med/ chos la slob dpon 'chab pa'ang med/ sems can rnams la ri mor mi byed pa'ang med/ sems can gyi don la rgyab kyis phyogs pa'ang med mod kyi/ sems
104b6 can 'di dag ni/ de bzhin gshegs pa'i chos 'dul ba'i snod du ma gyur pa'o/ /zhes btang snyoms su gnas pa rnams yin no/ /byang chub sems dpa' sgrib pa thams cad rnam par sel bas
104b7 gsol pa/ bcom ldan 'das/ 'o na sems can ci 'dra ba rnams la sangs rgyas rnams dang / byang chub sems dpa' rnams chos ston/ bcom ldan 'das kyis bka' stsal pa/ rigs kyi bu/
105a1 sems can dad pa rnams la sangs rgyas rnams dang / byang chub sems dpa' rnams chos ston to/ /sems can dge ba'i rtsa ba smin pa rnams dang / snod du gyur pa
105a2 rnams dang / sngon gyi rgyal ba la bya ba byas pa rnams dang / g.yo med pa rnams dang / sgyu med pa rnams dang / spyod lam mi 'chos pa rnams dang / rnyed pa dang / bkur sti la chags pa dang
105a3 bral ba rnams dang / bsam pa phun sum tshogs pa rnams dang / dge ba'i bshes gnyen gyis yongs su zin pa rnams dang / tshul bzang po dang ldan pa rnams dang / legs par ston
105a4 nus pa rnams dang / dbang po rno ba/ gang bshad pa'i don rig par 'gyur ba de thob par bya ba'i phyir brtson 'grus brtsams par 'gyur ba/ de bzhin gshegs pas ji skad gsungs pa
105a5 bzhin byed par 'gyur ba'i sems can de lta bu dag la rigs kyi bu/ sangs rgyas rnams dang / byang chub sems dpa' rnams chos ston to/ /rigs kyi bu/ chos bcu po de dag dang
105a6 ldan na/ byang chub sems dpa' tshig gzung bar 'gyur ba rnams yin no/ /rigs kyi bu/ chos bcu dang ldan na/ byang chub sems dpa' chos rjod pa rnams yin no/ /bcu gang zhe na/
105a7 'di lta ste/ sangs rgyas kyi chos yang dag par bsgrub pa'i phyir chos ston kyang sangs rgyas kyi chos rnams dang / yang dag par sgrub pa'ang mi dmigs so/ /pha rol tu phyin pa yang dag
105b1 par bsgrub pa'i phyir chos ston kyang pha rol tu phyin pa yang dag par sgrub pa'ang mi dmigs so/ /byang chub sems dpa' yang dag par bsgrub pa'i phyir chos ston kyang byang chub yang dag par sgrub
105b2 pa'ang mi dmigs so/ /nyon mongs pa spong ba'i phyir chos ston kyang nyon mongs pa spang ba'ang mi dmigs so/ /skyo ba dang 'dod chags dang bral ba dang 'gog pa'i phyir chos ston kyang skyo ba dang /
105b3 'dod chags dang bral ba dang / 'gog pa'ang mi dmigs so/ /rgyun tu zhugs pa dang / lan gcig phyir 'ong ba dang / phyir mi 'ong ba'i 'bras bu thob par bya ba'i phyir chos ston kyang rgyun du
105b4 zhugs pa yang mi dmigs so/ /lan gcig phyir 'ong ba dang / phyir mi 'ong ba'ang mi dmigs/ phyir mi 'ong ba'i 'bras bu'ang mi dmigs so/ /dgra bcom pa'i 'bras bu thob par bya ba'i phyir
105b5 chos ston kyang dgra bcom pa dang / dgra bcom pa'i 'bras bu'ang mi dmigs so/ /rang sangs rgyas kyi 'bras bu thob par bya ba'i phyir chos ston kyang rang sangs rgyas dang / rang sangs rgyas kyi
105b6 'bras bu'ang mi dmigs so/ /bdag tu 'dzin pa la mngon par zhen pa spang ba'i phyir chos ston kyang bdag tu 'dzin pa'ang mi dmigs so/ /las kyi rnam par smin pa'ang 'jog mod kyi/ las
105b7 dang las kyi rnam par smin pa'ang mi dmigs so/ /de ci'i phyir zhe na/ de dag 'di snyam du sems te/ chos gang ming gang gis brjod pa de ming des yod pa ma yin no/ /de ci'i phyir zhe na/ chos ni/ yi
106a1 ge'i rang bzhin ma yin/ yi ge rnams ni/ chos kyi rang bzhin ma yin mod kyi/ kun rdzob kyi bden pa la brten/ tha snyad la brten/ brtag pa la brten te/ ming med pa'i
106a2 chos rnams la ming du 'jog ste/ ming de'ang gsog go /gsob bo/ /gang gsog dang gsob de la don dam pa med do/ /gang la don dam pa med pa de rdzun te/ slu ba'i chos so/ /gang rdzun
106a3 zhing slu ba'i chos de ni/ byis pa'i skye bo slu ba'o/ /rigs kyi bu/ chos bcu po de dag dang ldan na/ byang chub sems dpa' chos rjod pa rnams yin no/ /'phags pa dkon mchog
106a4 sprin/ bam po lnga pa/ rigs kyi bu/ chos bcu dang ldan na/ byang chub sems dpa' chos kyi rjes su 'brang ba rnams yin no/ /bcu gang zhe na/ 'di lta ste/ rigs kyi bu/ 'di la byang chub
106a5 sems dpa' rnams chos kyi rjes su'ang 'brang la gzugs las kyang mi 'byung / chos kyi rjes su'ang 'brang la tshor ba dang / 'du shes dang / 'du byed rnams dang / rnam par shes pa
106a6 las kyang mi 'byung / chos kyi rjes su'ang 'brang la 'dod pa'i khams las kyang mi 'byung / chos kyi rjes su'ang 'brang la gzugs kyi khams las kyang mi 'byung / chos kyi rjes su'ang
106a7 'brang la gzugs med pa'i khams las kyang mi 'byung / chos kyi rjes su'ang 'brang la chos las kyang mi 'byung / chos kyi rjes su'ang 'brang la chos las 'da' bar yang mi 'byung /
106b1 chos kyi rjes su'ang 'brang la sems can gyi phyir yang mi 'brang / chos kyi rjes su'ang 'brang la chad par lta ba'i phyir yang mi 'brang / chos kyi rjes su'ang 'brang la lam las kyang mi 'byung ste/ de
106b2 ni/ thabs mkhas pa dang ldan pa'i shes rab kyi phyir ro/ /rigs kyi bu/ chos bcu po de dag dang ldan na/ byang chub sems dpa' chos kyi rjes su 'brang ba rnams yin no/ /rigs kyi bu/ chos bcu
106b3 dang ldan na/ byang chub sems dpa' chos kyi dbyings la mkhas pa rnams yin no/ /bcu gang zhe na/ 'di lta ste/ shes rab can rnams yin/ dge ba'i bshes gnyen gyis yongs su bzung ba
106b4 rnams yin/ brtson 'grus brtsams pa rnams yin/ sgrib pa thams cad dang bral ba rnams yin/ shin tu yongs su dag pa rnams yin/ gdams ngag la ri mo dang bcas pa rnams yin/
106b5 stong pa nyid la sgom pa mang pa rnams yin/ dmigs par lta ba dang bral ba rnams yin/ lam du zhugs pa rnams yin/ de kho na mthong ba rnams yin no/ /rigs kyi bu/ byang chub sems
106b6 dpa' shes rab dang ldan pa ni/ dge ba'i bshes gnyen tshol te/ des dge ba'i bshes gnyen mthong nas dga' zhing rangs te/ de la ston par 'du shes skyed cing de la brten te gnas so/ /de
106b7 la dge ba'i bshes gnyen la brten pas na/ mi dge ba'i chos thams cad spang ba dang / dge ba'i chos thams cad yongs su rdzogs par bya ba'i phyir brtson 'grus brtsams pa yin no/ /
107a1 brtson 'grus brtsams pas na/ sgrib pa thams cad nub par 'gyur ro/ /sgrib pa med cing lam gyi rgyun ma bcad pas shin tu yongs su dag cing lus dang ngag dang yid
107a2 kyi gnas dan len dang bral bar 'gyur ro/ /de shin tu yongs su dag pas gdams ngag la ri mo dang bcas pa yin no/ /de gdams ngag la ri mo dang bcas pas stong pa nyid la sgom pa
107a3 mang ba yin no/ /stong pa nyid la sgom pa mang bas dmigs pa'i lta bar mi 'gyur ro/ /de dmigs pa'i lta ba dang bral bas lam du 'jug go /de lam du zhugs pas de kho na mthong ngo //
107a4 byang chub sems dpa' sgrib pa thams cad rnam par sel bas gsol pa/ bcom ldan 'das/ de kho na zhes bgyi ba de ci lags/ bcom ldan 'das kyis bka' stsal pa/ rigs kyi
107a5 bu| 'di lta ste/ de kho na zhes bya ba 'di na/ yang dag pa'i don gyi tshig bla dwags so/ /gsol pa/ bcom ldan 'das/ yang dag pa zhes bgyi ba 'di ci lags/ bcom ldan 'das kyis
107a6 bka' stsal pa/ rigs kyi bu/ gang mi slu ba de ni/ yang dag pa'o/ /gsol pa/ bcom ldan 'das/ mi slu ba zhes bgyi ba 'di ci lags/ bcom ldan 'das kyis bka' stsal pa/ de ni/
107a7 de bzhin nyid dang / ma nor ba de bzhin nyid dang / gzhan ma yin pa de bzhin nyid do/ /gsol pa/ bcom ldan 'das/ de bzhin nyid ces bgyi ba 'di ni/ ci lags/ bcom ldan 'das
107b1 kyis bka' stsal pa/ rigs kyi bu/ chos 'di ni/ so so rang gis rig pa yin te/ 'di ni/ yi ge dag gis gdams par mi nus so/ /de ci'i phyir zhe na/ chos 'di ni/ yi ge thams cad las yang
107b2 dag par 'das pa/ smra ba thams cad las yang dag par 'das pa/ tshig gi spyod yul thams cad las yang dag par 'das pa/ ngag gi lam thams cad las yang dag par 'das pa/ spros pa
107b3 thams cad dang bral ba/ blang ba dang dor ba thams cad dang bral ba/ phye ba dang btsums pa thams cad dang bral ba/ rtog ge thams cad dang bral ba/ brtag par bya ba ma yin pa/ rtog ge'i spyod
107b4 yul ma yin pa/ rtog ge'i spyod yul las yang dag par 'das pa/ mtshan ma med pa/ mtshan ma dang bral ba/ mtshan ma'i spyod yul las yang dag par 'das pa/ byis pa'i spyod yul las
107b5 yang dag par 'das pa/ bdud thams cad kyi yul las yang dag par 'das pa/ nyon mongs pa thams cad kyi spyod yul las yang dag par 'das pa/ rnam par shes pa'i spyod yul las
107b6 yang dag par 'das pa/ gnas ma yin pa/ mi gnas pa/ zhi ba/ 'phags pa'i ye shes kyi spyod yul te/ de dag nyid kyi so so rang gis rig pa/ dri ma med pa/ ma gos pa dang rnam par dag pa/
107b7 gya nom pa/ mchog dam pa/ phul/ rtag pa/ brtan pa/ ther zug /mi 'jig pa'i chos can te/ de bzhin gshegs pa rnams byung yang rung / ma byung yang rung ste/ chos kyi dbyings 'di ni/
108a1 'dug pa kho na'o/ /rigs kyi bu/ 'di ltar byang chub sems dpa' dag chos nyid 'di thob nas sems can de dag kyang chos nyid 'di kho na la rab tu dgod do snyam
108a2 ste| don gang gi phyir 'bad cing rtsol ba dang / brtson 'grus rtsom pa dang / dka' ba brgya dag byed pa rigs kyi bu/ de ni/ de bzhin nyid ces bya'o/ /yang dag pa'i mtha' zhes bya'o/ /
108a3 thams cad mkhyen pa nyid ces bya'o/ /rnam pa thams cad mkhyen pa nyid ces bya'o/ /bsam gyis mi khyab pa'i dbyings zhes bya'o/ /gnyis su med pa'i dbyings zhes bya'o/ /byang chub
108a4 sems dpa' sgrib pa thams cad rnam par sel bas gsol pa/ bcom ldan 'das/ chos 'di ji ltar mngon du bgyi/ ji ltar khong du chud par bgyi/ bcom ldan 'das kyis bka'
108a5 stsal pa| rigs kyi bu/ 'jig rten las 'das pa'i shes rab kyis mngon du bya'o/ /rang gis rig par khong du chud par bya'o/ /byang chub sems dpa' sgrib pa thams cad rnam par sel
108a6 bas gsol pa/ bcom ldan 'das/ gang shes rab kyis mngon du bgyis pa de rang gis rig pa khong du chud pa nyid ma lags sam/ bcom ldan 'das kyis bka' stsal pa/ rigs
108a7 kyi bu| ma yin no/ /de ci'i phyir zhe na/ shes rab kyis ni/ chos rnams yang dag pa ji lta ba bzhin du mthong ngo / /lus kyis ni/ mngon du byed do/ /byang chub sems dpa' sgrib pa thams
108b1 cad rnam par sel bas gsol pa| bcom ldan 'das/ rigs kyi bu/ gang gis thos pa las byung ba'am/ bsam pa las byung ba'i shes pas chos khong du chud par gyur pa de rang gis rig pa
108b2 ma lags sam bcom ldan 'das kyis bka' stsal pa/ rigs kyi bu/ ma yin te/ thos pa tsam mam/ bsam pa tsam gyis ni/ rang gis rig pa'i chos khong du chud par mi nus so/ /rigs kyi bu/ de lta bas na/ dpe nyon cig
108b3 rigs kyi bu/ 'di lta ste/ dper na/ 'brog chen po'i dpyid kyi zla ba tha ma la mi la la zhig shar phyogs nas nub phyogs su 'gro ba de nas mi gzhan zhig nub phyogs nas shar phyogs su 'ongs te/ de'ang
108b4 dpyad kyi tsha bas yongs su gdungs par gyur nas skom gyis nyen pa de shar phyogs nas 'ongs pa'i mi de la 'di skad ces smras te/ kye skyes bu/ kho bo dpyid kyi tsha bas yongs su gdungs
108b5 te skom gyis nyen na/ mtsho'am/ lteng ka'am/ rdzing gang chu bsil ba dang rnyog pa med pa/ gsal bas gang ba yod de/ gang du bdag tsha ba dang / skom pa rab tu zhi bar 'gyur ba'i lam
108b6 bdag la ston cig ces zer na/ shar phyogs nas 'ongs pa'i mi de'ang lam shes pa/ lam mkhas pa/ lam mthong ba/ lam gyi mtshan ma mthong ba zhig yin te/ des de na chu'i nyes pa dang
108b7 bral ba'i chu sngon chad mthong la/ sngon myangs shing sngon yang zhugs pa yin te/ des mi de la 'di skad du kye grogs po/ lam 'di nas lam kha brag mthong gi bar du song la/ kye
109a1 skyes bu| khyod kyis g.yon gyi lam 'or te g.yas kyi lam nas nags tshal sngon po dang / nags tshal de'i dbus nas mtsho'am/ lteng ka'am/ rdzing bu chu
109a2 bsil zhing dang la rnyog pa med pa gsal bas gang ba mthong gi bar du song la der skyes bu khyod skom pa dang / tsha ba med par byos shig ces zer na/ rigs kyi bu/ de ji snyam du
109a3 sems| dpyid kyi tsha bas yongs su gdungs te skom gyis nyen pa'i mi des chu thos ma thag dang / bsam pa tsam gyis tsham med par 'gyur ram/ skom pa dang yang bral bar
109a4 'gyur ram/ chu de'i bsil ba'ang rang gis rig par 'gyur ram/ gsol pa/ bcom ldan 'das/ ma lags so/ /bcom ldan 'das/ mi de nam der phyin nas des chu der
109a5 zhugs te 'tshal bar gyur pa de'i tshe mi de'i tsha ba de ma mchis par 'gyur ro/ /skom pa dang yang bral bar 'gyur ro/ /des bsil ba'ang rang gis rig par 'gyur ro/ /bcom
109a6 ldan 'das kyis bka' stsal pa/ de bzhin du rigs kyi bu/ thos pa tsam dang / bsam pa tsam gyis rang gis rig pa'i chos khong du chud par mi nus so/ /de la rigs kyi bu/
109a7 'brog ces bya ba de ni/ 'khor ba'i 'brog gi tshig bla dwags so/ /mi dpyid kyi tsha bas yongs su gdungs shing skom gyis nyen pa zhes bya ba gang yin pa de ni/ nyon mongs
109b1 pa'i gdung bas yongs su gdungs shing yul gyi sred pas nyen pa'i sems can rnams kyi tshig bla dwags so/ /lam shes pa'i mi zhes bya ba 'di ni/ byang chub sems dpa' thams
109b2 cad mkhyen pa nyid kyi lam la mkhas pa/ chos myong ba/ chos rang gis rig pa rnams kyi tshig bla dwags so/ /chu bsil zhing dang la rnyog pa med pa gsal ba zhes bya ba 'di ni/
109b3 don dam pa'i chos nyid kyi tshig bla dwags so/ /yang rigs kyi bu/ dpe nyon cig /rigs kyi bu/ de ji snyam du sems/ gal te de bzhin gshegs pas tshe'i tshad bskal par
109b4 bzhugs te dzam+bu'i gling gi mi rnams kyi mdun du 'di lta ste/ lha'i bdud rtsi dri zhim pa dang / gtsang ba dang / gya nom pa dang / shin tu zhim pa dang / reg na bde ba las
109b5 brtsams te bsngags pa brjod na/ rigs kyi bu/ de ji snyam du sems/ ci sems can de dag gis lha'i bdud rtsi de'i bsngags pa rang gis rig par 'gyur ram/ gsol pa/
109b6 bcom ldan 'das/ ma lags so/ /bcom ldan 'das kyis bka' stsal pa/ rigs kyi bu/ de lta bas na/ khyod kyis rnam grangs 'dis ji ltar thos pa tsam mam/ bsam pa tsam gyis
109b7 rang gis rig pa'i chos khong du chud par mi nus par rig par bya'o/ /rigs kyi bu/ yang dpe nyon cig /rigs kyi bu/ 'di lta ste/ dper na/ mi zhig gis shing thog
110a1 gi rnam pa sngon sems can sus kyang ma myangs pa zhig myangs par gyur la/ des mi gzhan zhig gi mdun du shing thog gi rnam pa de'i bsngags pa 'di
110a2 lta ste| kha dog phun sum tshogs pa dang / ro phun sum tshogs pa dang / dri zhim pa las brtsams te brjod na/ rigs kyi bu/ de ji snyam du sems/ ci mi des shing thog gi
110a3 ro de rang gis rig par 'gyur ram/ gsol pa/ bcom ldan 'das/ ma lags so/ /bcom ldan 'das kyis bka' stsal pa/ rigs kyi bu/ de lta bas na/ khyod kyis rnam
110a4 grangs 'dis ji ltar thos pa tsam mam/ bsam pa tsam gyis so so rang gis rig pa'i chos khong du chud par mi nus par rig par bya'o/ /de nas byang chub sems dpa' sgrib pa
110a5 thams cad rnam par sel bas gsol pa/ bcom ldan 'das/ legs par gsungs so/ /bde bar gshegs pa/ shin tu legs par gsungs so/ /bcom ldan 'das/ chos
110a6 kyi tshul 'di su dag gi rnar thos par 'gyur ba'i rigs kyi bu de dag gis chos 'di khong du chud pa nyid du rig par bgyi'o/ /de ci'i slad du zhe na/ bcom ldan 'das /rigs
110a7 kyi bu| de dag gis chos 'di thob par bgyi ba la 'di nyid ma log pa'i rgyur 'gyur ro/ /bcom ldan 'das kyis bka' stsal ba/ rigs kyi bu/ de de bzhin no/ /de de bzhin
110b1 te| rigs kyi bu/ de dag gis chos 'di thob par bya ba la 'di nyid ma log pa'i rgyur 'gyur ro/ /rigs kyi bu/ chos bcu po de dag dang ldan na/ byang chub sems dpa' chos kyi
110b2 dbyings la mkhas pa rnams yin no/ /rigs kyi bu/ chos bcu dang ldan na/ byang chub sems dpa' stong pa nyid spyod yul pa rnams yin no/ /bcu gang zhe na/ 'di lta ste/ stobs
110b3 kyi stong pa nyid kyang rab tu shes/ mi 'jigs pa'i stong pa nyid kyang rab tu shes/ sangs rgyas kyi chos ma 'dres pa'i stong pa nyid kyang rab tu shes/ tshul khrims kyi phung po'i stong
110b4 pa nyid kyang rab tu shes/ ting nge 'dzin gyi phung po'i stong pa nyid kyang rab tu shes/ shes rab kyi phung po'i stong pa nyid kyang rab tu shes/ rnam par grol ba'i phung po'i stong pa
110b5 nyid kyang rab tu shes/ rnam par grol ba'i ye shes mthong ba'i phung po'i stong pa nyid kyang rab tu shes/ stong pa'i stong pa nyid kyang rab tu shes/ don dam pa'i stong pa nyid kyang
110b6 rab tu shes te/ de'i rgyu/ de'i rkyen/ de'i gzhis stong pa nyid du dmigs pa dang / stong pa nyid du 'dzin pa dang / stong pa nyid du lta ba dang / stong pa nyid la gnas pa'ang mi dmigs/
110b7 de'i rgyu| de'i rkyen/ de'i gzhis med par yang mi ltung ngo / /rigs kyi bu/ chos bcu po de dag dang ldan na/ byang chub sems dpa' stong pa nyid spyod yul pa rnams yin no/ /
111a1 rigs kyi bu/ chos bcu dang ldan na/ byang chub sems dpa' mtshan ma med pa la gnas pa rnams yin no/ /bcu gang zhe na/ 'di lta ste/ phyi rol gyi
111a2 mtshan ma dang bral ba rnams yin/ nang gi mtshan ma dang bral ba rnams yin/ spros pa thams cad dang bral ba rnams yin/ rnam par rtog pa thams cad dang bral ba
111a3 rnams yin/ dmigs pa thams cad dang bral ba rnams yin/ g.yo ba thams cad dang bral ba rnams yin/ rgyu ba thams cad dang bral ba rnams yin/ dmigs par bya ba
111a4 thams cad dang bral ba rnams yin/ rnam par shes pa mi dmigs pa rnams yin/ rnam par shes par bya ba'i dngos po mi dmigs pa rnams yin no/ /rigs kyi bu/
111a5 chos bcu po de dag dang ldan na/ byang chub sems dpa' mtshan ma med pa la gnas pa rnams yin no/ /de nas bcom ldan 'das la byang chub sems dpa' sgrib pa thams
111a6 cad rnam par sel bas 'di skad ces gsol to/ /bcom ldan 'das/ byang chub sems dpa' rnams kyi mtshan ma ma mchis pa la gnas pa'ang de 'dra na/ de bzhin
111a7 gshegs pa rnams kyi ci 'dra bar bgyi/ bcom ldan 'das kyis bka' stsal pa/ rigs kyi bu/ gnas 'di ni/ bsam gyis mi khyab bo/ /de ci'i phyir zhe na/ bsam pa'i
111b1 yul dang bral ba'i phyir te/ rigs kyi bu/ de bzhin gshegs pa'i chos nyid rjes su bsam na/ sems can thams cad myos par 'gyur gyi/ de bzhin gshegs pa'i chos nyid
111b2 kyang pha rol tam/ tshur rol mthong bar mi 'gyur/ mi dmigs kyi/ tha mar na dub pa'i bskal pa can du 'gyur ro/ /de ci'i phyir zhe na/ rigs kyi bu/ de bzhin gshegs pa ni/ zab
111b3 cing gting dpag dka' la bsam gyis mi khyab pa/ dpag tu med pa/ rgya che ba/ rgya che ba nam mkha' dang 'dra ba/ rtog gi ba thams cad kyi yul las 'das pa/ dmigs pa can
111b4 thams cad kyi yul las 'das pa ste/ de ni/ brtag pa'am/ bsam pa'am/ gzhal ba'am/ tshad gzung bar mi nus so/ /byang chub sems dpa' sgrib pa thams cad rnam par sel
111b5 bas gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bdag bcom ldan 'das de bzhin gshegs pa dgra bcom pa yang dag par rdzogs
111b6 pa'i sangs rgyas la phyogs 'ga' zhig zhu'o/ /bcom ldan 'das kyis bka' stsal pa/ rigs kyi bu/ khyod la de bzhin gshegs pas rtag tu skabs phye'i/ /khyod dris shig /byang
111b7 chub sems dpa' sgrib pa thams cad rnam par sel bas gsol pa/ bdag bstod pa ni/ bcom ldan 'das kyis skyes bu dam pa ma lags pa'i chos su gsung na/ de ji ltar
112a1 chos kyi rje bcom ldan 'das nyid bdag la bstod pa mdzad/ bcom ldan 'das kyis bka' stsal pa/ rigs kyi bu/ legs so legs so/ /khyod kyi dri ba
112a2 tshul bzhin du dris so/ /rigs kyi bu/ de'i phyir legs par shin tu nyon la yid la zungs shig dang / ngas khyod la bshad do/ /bcom ldan 'das/ legs so/ /zhes byang
112a3 chub sems dpa' sgrib pa thams cad rnam par sel bas bcom ldan 'das kyi ltar nyan pa dang / bcom ldan 'das kyis 'di skad ces bka' stsal pa/ rigs kyi bu/ de
112a4 bzhin gshegs pa ni/ sems can 'di dag la ci nas kyang phan pa dang / bde ba dang / chos nyid thob par bya ba'i phyir bdag bstod pa ma gtogs par nga rgyal gyi zil gyis
112a5 non pa dang / rnyed pa'i zil gyis non pa dang / bkur sti'i zil gyis non pa dang / grags pa 'dod pa dang / shes kyi khe 'dod pa'i phyir tshul 'chos pa'am/ kha gsag
112a6 byed cing yang dag pa ma yin par bdag bstod pa ma yin no/ /de ci'i phyir zhe na/ sems can 'di dag ni/ de bzhin gshegs pa la dga' ba dang / dad pa dang / rangs
112a7 pa nye bar bzhag pas chos bstan pa'i skal pa yod par 'gyur/ dge ba'i chos rnams kyi snod du 'gyur te/ de'ang de dag la yun ring por don dang / phan pa dang / bde bar
112b1 'gyur ro/ /byang chub sems dpa' sgrib pa thams cad rnam par sel bas gsol pa/ bcom ldan 'das/ ci lags/ sems can de dag de bzhin gshegs pa'i mthu ma
112b2 'tshal tam/ bcom ldan 'das kyis bka' stsal pa/ rigs kyi bu/ mi shes so/ /de ci'i phyir zhe na/ rigs kyi bu/ sangs rgyas kyi zhing 'di'i sems can rnams ni/ rgya chung la
112b3 mos pa| dman tshegs la mos pa/ shes rab chung ba/ dad pa chung ba/ dge ba'i rtsa ba chung ngus bstan pa dag ste/ de dag gis de bzhin gshegs pa'i yon tan gyi che ba mi shes
112b4 pas de dag la de bzhin gshegs pa bdag nyid bdag gi yon tan gyi bsngags pa brjod pa mdzad de/ de'ang nan tan gyis sgrub bo/ /rigs kyi bu/ 'di lta ste/ dper na/ sman
112b5 pa mkhas pa zhig yod la/ sems can rnams kyang nad kyis nyen par gyur/ sa'i phyogs de'ang sman pa gcig pur zad de gnyis su med la de'i yon tan gyi che ba sus kyang mi
112b6 shes pa dang / de nas sman pa de 'di snyam du sems te/ kye ma'o sems can 'di dag ni/ sdug bsngal pa/ nad kyis nyen pa/ sman la mi mkhas pa/ gnod pa la sten pa yin
112b7 gyi| bdag gis de dag gso bar bya'o/ /snyam nas sman pa des sems can de dag gi mdun du kye sems can dag /da ni/ sman pa ste/ nad la mkhas pa'o/ /nad kyi gzhi la
113a1 mkhas pa'o/ /sman la mkhas pa'o/ /zhes bdag gi yon tan gyi bsngags pa bdag nyid kyis brjod pa dang / sems can de dag 'di ni/ sman pa'o/ /
113a2 zhes bya bar shes shing yid ches par gyur nas sman pa de la rten to/ /de nas sman pa de sems can de dag gso zhing nad zhi bar byed na/ rigs kyi bu/ de ji snyam du
113a3 sems| sman pa de bdag la bstod par 'gyur ram/ gsol pa/ bcom ldan 'das/ ma lags so/ /bcom ldan 'das kyis bka' stsal pa/ rigs kyi bu/ de bzhin
113a4 gshegs pa'ang sman pa'i rgyal po chen po bla na med pa te/ nyon mongs pa'i nad la mkhas pa/ nyon mongs pa'i nad kyi gzhi la mkhas pa/ nyon mongs pa'i nad gso ba
113a5 la mkhas pa/ chos kyi sman chen po stob pa yin yang nyon mongs pa'i nad kyis nad par gyur pa'i sems can rnams kyi ni/ shes te/ nyon mongs pa'i nad kyis nad par
113a6 gyur pa'i sems can rnams gzigs nas de dag gi mdun du bdag gi yon tan dang / bsngags pa dag nyid brjod de/ de nas nyon mongs pa'i nad kyis nad par gyur pa'i
113a7 sems can de dag gis de bzhin gshegs pa'i yon tan gyi bsngags pa'i che ba thob nas yid ches par gyur pa dang / de bzhin gshegs pa la rten to/ /de nas de dag
113b1 la de bzhin gshegs pa sman gyi rgyal po chen po chos kyi sman de dag gis nyon mongs pa'i nad zhi bar mdzad do/ /chos kyi sman chen po de dag kyang gang zhe na/ 'di lta ste/ mi sdug
113b2 pa dang / byams pa dang / rten cing 'brel bar 'byung ba la sogs pa ste/ rigs kyi bu/ de bzhin gshegs pa ni/ don gyi dbang 'di gzigs nas bdag la bdag nyid bstod pa/
113b3 mdzad do/ /rigs kyi bu/ chos bcu dang ldan na/ byang chub sems dpa' rnams smon lam thams cad la gnas pa dang bral ba yin no/ /bcu gang zhe na/ 'di lta ste/ sbyin pa la smon
113b4 kyang sbyin pa la mi gnas pa rnams yin/ de bzhin du tshul khrims dang / bzod pa dang / brtson 'grus dang / bsam gtan dang / shes rab dang / khams gsum pa dang / byang
113b5 chub dang / lam dang / mya ngan las 'das pa la smon kyang mya ngan las 'das pa la mi gnas pa rnams yin te/ rigs kyi bu/ de ci'i phyir zhe na/ byang chub sems dpa' ni/
113b6 gnas pa thams cad dang bral ba ste/ mi gnas par 'jig rten thams cad du rnam par spyod do/ /rigs kyi bu/ chos bcu po de dag dang ldan na/ byang chub sems dpa' smon lam
113b7 thams cad la gnas pa dang bral ba yin no/ /rigs kyi bu/ chos bcu dang ldan na/ byang chub sems dpa' rnams byams pa'i bdag nyid can rnams yin no/ /bcu gang zhe na/ 'di
114a1 lta ste| nyi tshe ba med pa'i byams pa dang ldan pa rnams yin/ tha dad pa med pa'i byams pa dang ldan pa rnams yin/ chos kyi byams pa dang ldan pa rnams
114a2 yin| nges par rtogs pa'i byams pa dang ldan pa rnams yin/ gnod pa med pa'i byams pa dang ldan pa rnams yin/ phan pa'i byams pa dang ldan pa rnams yin/ sems
114a3 can thams cad la snyoms pa'i byams pa dang ldan pa rnams yin/ gnod sems med pa'i byams pa dang ldan pa rnams yin/ phyogs bcu kun tu khyab pa'i byams pa
114a4 dang ldan pa rnams yin/ 'jig rten las 'das pa byams pa dang ldan pa rnams yin te/ rigs kyi bu/ chos bcu po de dag dang ldan na/ byang chub sems dpa'
114a5 byams pa'i bdag nyid can rnams yin no/ /rigs kyi bu/ chos bcu dang ldan na/ byang chub sems dpa' snying rje'i bdag nyid can rnams yin no/ /bcu gang zhe na/ 'di
114a6 lta ste| sems can sdug bsngal ba dang / skyabs med pa dang / mgon med pa dang / rten med pa dang / dpung gnyen med pa dag mthong na/ byang chub tu sems bskyed
114a7 do| |byang chub tu sems bskyed nas chos nyid thob par bya ba'i phyir 'bad cing rtsol/ brtson 'grus rtsom ste/ dka' bar spyod pa brgya dag kyang byed do/ /de dag chos
114b1 thob nas sems can rnams la phan par byed de/ 'di lta ste/ sems can ser sna can rnams sbyin pa la gzhog par byed/ tshul khrims ngan pa can rnams tshul khrims la/ gnod
114b2 sems can rnams bzod pa la/ le lo can rnams brtson 'grus la/ sems 'khrugs pa rnams bsam gtan la/ sems can shes rab 'chal pa rnams mthong nas shes rab
114b3 la gzhog par byed cing / sems can gyi sdug bsngal mi zad pa/ rtsub pa/ tsha ba dag gis nyen kyang byang chub las phyir ldog par mi 'gyur ro/ /rigs kyi bu/ chos bcu po de dag
114b4 dang ldan na/ byang chub sems dpa' snying rje'i bdag nyid can rnams yin no/ /rigs kyi bu/ chos bcu dang ldan ba/ byang chub sems dpa' dga' ba la gnas pa rnams yin no/
114b5 bcu gang zhe na/ 'di lta ste/ bdag ni/ 'khor ba'i btson ra rab tu 'bar ba nas byung ba'o/ /zhes rab tu dga' ba skyed do/ /bdag gis 'khor ba'i dpyang thag yun ring po nas
114b6 thogs pa chad do/ /zhes dga' ba skyed do/ /bdag ni/ rnam par rtog pa sna tshogs mang po'i chu srin gyis dkrugs pa'i 'khor ba'i rgya mtsho las rgal to/ /zhes rab tu dga' ba
114b7 skyed do| |bdag gis yun ring po nas bsgrengs pa'i nga rgyal gyi rgyal mtshan bsnyal lo/ /zhes rab tu dga' ba skyed do/ /bdag gis nyon mongs pa'i ri rnams ye shes kyi rdo rjes
115a1 bcom ste ji ltar rdul kyang mi nang ba de ltar bcom mo/ /zhes rab tu dga' ba skyed do/ /bdag nyid ni/ dbugs phyin pa yin gyi/ da ni/ gzhan yang
115a2 dbugs dbyung bar bya'o/ /zhes rab tu dga' ba skyed do/ /bdag nyid ni/ 'jig rten gnas pa/ yun ring po nas gnyid log pa/ sred pa'i snyoms pas yongs su zin
115a3 pa| mig gti mug gis bsgribs pa'i nang nas sad pa yin gyi/ da ni/ gzhan yang sad par bya'o/ /zhes rab tu dga' ba skyed do/ /bdag nyid ni/ ngan 'gro dang / ngan song
115a4 dang / log par ltung ba thams cad las rnam par grol ba yin gyi/ da ni/ gzhan yang ngan song dang / ngan 'gro dang / log par ltung ba thams cad las rnam par grol
115a5 bar bya'o/ /zhes rab tu dga' ba skyed do/ /bdag 'khor ba'i 'brog dgon par yun ring po nas 'khyams te grogs med cing gnyis su med par gar yang 'khyams
115a6 shing lam la mi mkhas la/ lam mi shes shing yul mi shes pas lam stor ba rnyed do/ /zhes rab tu dga' ba skyed do/ /bdag ni/ thams cad mkhyen pa nyid kyi grong
115a7 khyer dang nye bar gyur to/ /zhes rab tu dga' ba skyed do/ /rigs kyi bu/ chos bcu po de dag dang ldan na/ byang chub sems dpa' dga' ba la gnas pa rnams yin no/ /
115b1 rigs kyi bu/ chos bcu dang ldan na/ byang chub sems dpa' btang snyoms la gnas pa rnams yin no/ /bcu gang zhe na/ 'di lta ste/ mig gis rnam par shes par bya ba'i gzugs
115b2 rnams la btang snyoms su gnas pa rnams yin te/ mig gis rnam par shes par bya ba'i gzugs rnams kyis smas par mi 'gyur/ gnod par mi 'gyur/ rma phyung bar mi 'gyur
115b3 ba rnams dang / de bzhin du rna bas rnam par shes par bya ba'i sgra rnams dang / snas rnam par shes par bya ba'i dri rnams dang / lces rnam par shes par bya ba'i ro rnams dang /
115b4 lus kyis rnam par shes par bya ba'i reg bya rnams dang / yid kyis rnam par shes par bya ba'i chos rnams la btang snyoms su gnas pa rnams yin te/ yid kyis rnam par
115b5 shes par bya ba'i chos rnams kyis smas par mi 'gyur/ gnod par mi 'gyur/ rma phyung bar mi 'gyur ro/ /'du byed kyi sdug bsngal dang / sdug bsngal gyi sdug bsngal dang /
115b6 'gyur ba'i sdug bsngal la btang snyoms su gnas pa yin te/ 'du byed kyi sdug bsngal ba dang / sdug bsngal gyi sdug bsngal dang / 'gyur ba'i sdug bsngal gyis smas par
115b7 mi 'gyur/ gnod par mi 'gyur/ rma phyung bar mi 'gyur ro/ /bya ba byas pa'i sems can rnams la btang snyoms su gnas pa rnams yin te/ de dag la dga' ba dang / dang
116a1 ba dang / rangs pa skyed cing de dag 'di snyam du sems te/ gang bdag gis bsgral bar bya ba de dag nyid rgal bar gyur to/ /zhes btang snyoms su
116a2 gnas pa rnams yin no/ /rigs kyi bu/ chos bcu po de dag dang ldan na/ byang chub sems dpa' btang snyoms la gnas pa rnams yin no/ /rigs kyi bu/ chos bcu dang ldan
116a3 na| byang chub sems dpa' mngon par shes pas rnam par rol pa rnams yin no/ /bcu gang zhe na/ 'di lta ste/ shi 'pho ba'ang ston/ skye ba'ang ston/ btsas pa dang / byis pa'i
116a4 spyod pa dang / slas kyi nang na rtse ba'ang ston/ mngon par 'byung ba'ang ston/ dka' ba spyod pa'ang ston/ byang chub kyi snying por 'gro ba'ang ston/ bdud 'dul ba'ang ston/
116a5 mngon par rdzogs par 'tshang rgya ba'ang ston/ chos kyi 'khor lo bskor ba'ang ston/ yongs su mya ngan las 'das pa chen po'ang ston to/ /de nas bcom ldan 'das la
116a6 byang chub sems dpa' sgrib pa thams cad rnam par sel bas 'di skad ces gsol to/ /bcom ldan 'das/ ci'i rgyu/ ci'i rkyen gyis byang chub sems dpa' dga' ldan gyi
116a7 pho brang dam pa nas shi 'pho ston pa nas yongs su mya ngan las 'das pa chen po'i bar du ston pa lags/ bcom ldan 'das kyis bka' stsal pa/ rigs kyi bu/ dga'
116b1 ldan gyi pho brang dam pa na sems can gang dag rtag par 'du shes pa de dag gis byang chub sems dpa' 'jig rten thams cad dang khyad zhugs pa/ 'jig rten thams cad las
116b2 mngon par 'phags pa/ 'jig rten kun gyi phul du byung ba/ mi mnyam pa/ 'dod pa'i yon tan rnams kyis ma gos ma chags pa shi 'pho par mthong na/ rtag pa'i 'du shes
116b3 ldog cing mi rtag pa'i 'du shes 'byung ste/ mi rtag pa'i 'du shes la gnas pas bag yod pa la gnas par 'gyur ro/ /rigs kyi bu/ dga' ldan gyi pho brang dam pa na sems
116b4 can gang dag bag med par spyod pa de dag byang chub sems dpa' la dga' ba yod/ dad pa yod/ rangs pa yod kyang yul la mngon par zhen pas byang chub sems dpa'i
116b5 drung du mi 'dong / mi rten/ bsnyen bkur mi byed cing / de dag la 'di snyam du sems te/ byang chub sems dpa' yang bzhugs la/ bdag cag kyang 'khod de/ dus kyang ring du
116b6 yod kyi| slabs kyis 'dong bar bya'o snyam du sems pa de dag gi bag med pa bzlog par bya ba'i phyir byang chub sems dpa' shi 'pho ston te/ de dag gis byang chub sems
116b7 dpa' shi 'pho mthong nas skyo ba la gnas par 'gyur zhing / de dag skyo bar gyur nas bag med pa mi byed de/ bag yod pas bla na med pa yang dag par rdzogs pa'i byang chub
117a1 tu nges par 'gyur ro/ /rigs kyi bu/ sems can gang dag skye bas 'dul ba yod pa de dag gis byang chub sems dpa' ma'i mngal na 'dug pa de dag gi
117a2 mthu mthong na ngo mtshar rmad du byung bar 'gyur te/ de dag ci nas kyang bla na med pa yang dag par rdzogs pa'i byang chub tu nges par 'gyur ba de ltar byang chub sems
117a3 dpa' ma'i mngal na 'dug bzhin du chos ston to/ /rigs kyi bu/ sems can gang dag byang chub sems dpa' btsas pa dang / byis pa'i spyod pa dang / slas kyi nang na 'dug
117a4 pas yongs su smin par bya ba yod pa de dag yongs su smin par bya ba dang / dman pa la mos pa'i sems can rnams bsrung ba'i phyir byang chub sems dpa' btsas pa
117a5 dang / byis pa'i spyod pa dang / slas kyi nang na 'dug pa ston to/ /rigs kyi bu/ sems can gang dag byang chub sems dpa' mngon par 'byung ba dang / rab tu 'byung bas
117a6 yongs su smin par bya ba yod pa de dag yongs su smin par bya ba'i phyir byang chub sems dpa' mngon par 'byung ba ston cing rab tu 'byung ngo / /rigs kyi bu/ sems can
117a7 gang dag lha dang / klu dang / gnod sbyin dang / dri za dang / lha ma yin la sogs pa spyod pa dman pa la mos pa/ byang chub sems dpa' dka' ba'i spyod pas yongs su
117b1 smin par bya ba yod pa de dag yongs su smin par bya ba dang / mu stegs can gzhan tshar gcad pa'i phyir byang chub sems dpa' dka' ba spyod pa ston to/ /rigs kyi bu/ sems
117b2 can gang dag gis yun ring bo nas bdag cag gis byang chub sems dpa'i byang chub kyi snying por 'gro ba'i tshe mchod pa'i las la brtson par bya'o/ /zhes smon lam btab pa
117b3 yod pa de dag la byang chub sems dpa' byang chub kyi snying por 'gro ba ston la/ de dag byang chub sems dpa' 'gro ba la so so'i tshul bzhin du mchod pa byed de/ de dag gis
117b4 byang chub sems dpa' la mchod pa byas pas bla na med pa yang dag par rdzogs pa'i byang chub tu nges par 'gyur ro/ /rigs kyi bu/ sems can gang dag nga rgyal dang / rgyags
117b5 pa dang / dregs pas rlom pa yod de/ de dag las bzlog pa'i phyir byang chub sems dpa' byang chub kyi snying po la 'dug 'dul ba ston to/ /sems can gang zhi ba
117b6 la gnas pa de dag de las gong du khyad par thob par bya ba'i phyir byang chub sems dpa' mngon par rdzogs par 'tshang rgya ba ston te/ gang gi tshe byang chub sems dpa' mngon
117b7 par rdzogs par 'tshang rgya ba de'i tshe stong gsum gyi stong chen po'i 'jig rten gyi khams na sgra sna tshogs dang / ca co sna tshogs yod pa de dag thams cad med cing stong
118a1 gsum gyi stong chen po'i 'jig rten gyi khams kyang zhi bar 'gyur te/ de dag gis mthu de mthong na/ bdag cag kyang de ltar byang chub kyi snying po la
118a2 'khod de/ bla na med pa yang dag par rdzogs pa'i byang chub mngon par rdzogs par bya'o/ /zhes smon lam 'debs so/ /rigs kyi bu/ sems can gang ston par bkur
118a3 ba dang / ston par dam bca' ba de dag gis 'byung ba dang / phyi ma'i chos mngon par rdzogs par sangs ma rgyas pa yod pa de dag tshar bcad pa dang / sems can dge
118a4 ba'i rtsa ba yongs su smin cing snod du gyur pa rnams la lam bstan pa'i phyir byang chub sems dpa' byang chub mngon par rdzogs par sangs rgyas pa ka shi'i grong rdal du
118a5 song nas chos kyi 'khor lo lan gsum rnam pa bcu gnyis su bskor ro/ /rigs kyi bu/ sems can gang dag yongs su mya ngan las 'das pas 'dul ba yod pa de
118a6 dag 'dul ba'i phyir byang chub sems dpa' yongs su mya ngan las 'das par ston te/ rigs kyi bu/ 'di ni/ rgyu/ 'di ni/ rkyen te/ des byang chub sems dpa' dga' ldan
118a7 gyi pho brang dam pa nas shi 'pho ston cing yongs su mya ngan las 'das pa chen po'i bar du ston to/ /rigs kyi bu/ chos bcu po de dag dang ldan na/ byang chub sems
118b1 dpa' mngon par shes pas rnam par rol pa rnams yin no/ /rigs kyi bu/ chos bcu dang ldan na/ byang chub sems dpa' mi khom pa brgyad rnam par spangs pa rnams yin
118b2 no| |bcu gang zhe na/ 'di lta ste/ mi dge ba'i chos las phyir log pa rnams yin/ de bzhin gshegs pas bslab pa bcas pa las mi 'da' ba rnams yin/ ser sna dang bral
118b3 ba rnams yin/ sngon gyi rgyal ba la bya ba byas pa rnams yin/ bsod nams bya ba la mkhas pa rnams yin/ shes rab phun sum tshogs pa rnams yin/ thabs la mkhas pa
118b4 rnams yin/ smon lam phun sum tshogs pa rnams yin/ skyo ba mang ba rnams yin/ brtson 'grus brtsams pa rnams yin no/ /rigs kyi bu/ byang chub sems dpa' ni/
118b5 mi dge ba'i las mngon par 'du bya ba gang gis sems can dmyal ba dag tu skye zhing de dag tu skyes nas kyang tshor ba mi zad pa/ rtsub pa/ tsha ba/ yid du mi 'ong ba myong bar
118b6 'gyur ba'am/ yun ring por gnas par 'gyur ba'am/ sems can dmyal ba'i sems can de dag la gnod pa'i sems skyes par 'gyur ba de lta bur mi 'gyur gyi/ byang
118b7 chub sems dpa' ni/ rang bzhin gyis dge ba bcu'i las kyi lam dang ldan pa yin te/ de ltar na/ de ni/ sems can dmyal bar skye bar mi 'gyur ro/ /rigs kyi bu/ byang
119a1 chub sems dpa' ni/ de bzhin gshegs pas bslab pa bcas pa las 'da' ba gang gis byol song gi nang du skye bar 'gyur ba'am/ de dag tu skyes nas
119a2 kyang byol song gi sdug bsngal mi zad pa myong bar 'gyur ba med do/ /rigs kyi bu/ byang chub sems dpa' ni/ ser snar 'gyur ba'i rgyu de dang / rkyen de dang / gzhi des yi dwags
119a3 kyi nang du skye zhing de dag tu skyes nas kyang yi dwags kyi sdug bsngal mi zad pa rtsub pa myong bar 'gyur ba mang ngo / /byang chub sems dpa' ni/ gang du skyes pas dge ba'i
119a4 bshes gnyen dang 'grogs pa 'thob pa'i rkyen dang bral bar 'gyur ba'i log par lta ba'i rigs su mi skye'o/ /de ci'i phyir zhe na/ byang chub sems dpa' rnams ni/ sngon spyad
119a5 pa ste| sngon gyi rgyal ba la bya ba byas pa yin pas de dag yang dag par lta ba'i rigs su skye ba yin te/ de dag tu skyes nas kyang rkyen phun sum tshogs par 'gyur zhing rkyen
119a6 de dag de bas kyang 'phel ba dang / rgyas pa dang / yangs par 'gyur ro/ /byang chub sems dpa' ni/ dbang po ma tshang ba'i rnam pa gang gis sangs rgyas kyi chos rnams kyi
119a7 snod du mi rung bar 'gyur bar dbang po dang mi ldan par 'gyur ba ma yin gyi/ byang chub sems dpa' ni/ bsod nams bya ba la brtson zhing bsod nams kyis brtan pa
119b1 yin te| de bzhin gshegs pa'i mchod rten nam/ chos sam/ dge 'dun la bya ba gang byas shing / bsnyen pa dang / bsten pa dang / bsgoms pa dang / mang du byas pas dbang po
119b2 phun sum tshogs par 'gyur ba'i bya ba de dang de dag byed cing / dbang po phun sum tshogs pas sangs rgyas kyi chos rnams kyi snod du 'gyur ba yin no/ /byang chub sems dpa' rnams
119b3 ni| mtha' 'khob kyi yul gang na sems can blun pa/ rmongs pa/ lug ltar lkugs pa'i ngang tshul can/ skal ba med pa/ legs par bshad pa dang nyes par bshad pa'i don shes
119b4 par bya ba'i mthu med pa/ sangs rgyas kyi chos rnams kyi snod du ma gyur pa/ mar mi shes pa/ phar mi shes pa/ dge sbyong du mi 'dzin pa/ bram zer mi 'dzin pa dag gi nang du mi
119b5 skye'o| |byang chub sems dpa' rnams ni/ dbus kyi yul gang na sems can dbang po rno ba/ dbang po gsal ba/ mkhas pa/ mkhas par bkur ba/ skal ba yod pa/ legs par
119b6 bshad pa dang nyes par bshad pa'i don yongs su shes par byed pa'i mthu yod cing / sangs rgyas kyi chos rnams kyi snod du gyur pa/ phar shes pa/ mar shes pa/ dge sbyod du 'dzin
119b7 pa| bram zer 'dzin pa dag gi nang du skye'o/ /de ci'i phyir zhe na/ de ni/ sngon gyi shes rab dang / ye shes kyi stobs kyi mthu dang ldan pa'i phyir ro/ /byang chub sems dpa' rnams ni/
120a1 gang na gnas pas sangs rgyas skyes pa du ma 'bras bu med par 'gyur ba dang / sems can gyi don 'grib par 'gyur ba lha tshe ring po'i nang du mi skye'o/ /
120a2 byang chub sems dpa' ni/ 'dod pa'i khams nyid du gang na sems can gdul bar bya ba dang / sangs rgyas skyes pa mnyes par byar yod par skye'o/ /de ci'i phyir zhe na/ de
120a3 ni| thabs mkhas pa'i phyir ro/ /byang chub sems dpa' rnams ni/ gang na sangs rgyas mi zhugs pa dang / chos mi thos pa dang / dge 'dun la bsnyen bkur byar med pa'i
120a4 sangs rgyas kyi zhing stong pa dag tu mi skye'o/ /byang chub sems dpa' ni/ dkon mchog gsum phun sum tshogs pa'i sangs rgyas kyi zhing dag tu skye'o/ /de ci'i phyir zhe na/
120a5 de ni| sngon gyi smon lam phun sum tshogs pa'i phyir ro/ /byang chub sems dpa' rnams ni/ gnas de lta bu dag thos kyang skyo ba mi mnga' ba dang / dmu rgod kyi ngang tshul
120a6 can ma yin gyi/ byang chub sems dpa' rnams ni/ gnas de lta bu dag thos ma thag tu skyo bar 'gyur te/ skyo bar gyur nas mi dge ba'i chos 'di dag spang ba'i phyir dge
120a7 ba'i chos rnams la brtson 'grus brtsams pa yin no/ /rigs kyi bu/ chos bcu po de dag dang ldan na/ byang chub sems dpa' mi khom pa brgyad rnam par spangs pa
120b1 rnams yin no/ /rigs kyi bu/ chos bcu dang ldan na/ byang chub sems dpa' byang chub kyi sems ma stor ba rnams yin no/ /bcu gang zhe na/ 'di lta ste/ g.yo dang sgyu med de drang
120b2 zhing sems gya gyu med la sems dang ba rnams yin/ sangs rgyas kyi chos rnams dang / de 'dzin pa'i gang zag rnams la yid gnyis dang / nem nur dang / the tshom med pa rnams
120b3 yin| chos la slob dpon 'chab pa dang bral ba rnams yin/ chos kyi ser sna dang bral ba rnams yin/ chos kyis phongs par 'gyur ba'i las kyi mtha' dang bral ba rnams yin/
120b4 ji skad du smras pa de ltar byed de mi slu ba rnams yin/ theg pa chen po yongs su 'dzin pa rnams yin/ de yongs su 'dzin pa'i gang zag rnams la chos mtshungs pa'i 'du shes
120b5 kyis zhes dang bcas/ ri mo dang bcas pa rnams yin/ theg pa chen po la gzhol/ theg pa chen po la gnas/ theg pa chen po la bab pa rnams yin/ chos smra ba'i gang zag
120b6 rnams la ston par 'du shes pa dang / dge ba'i bshes gnyen du 'du shes skyed pa rnams yin te/ rigs kyi bu/ chos bcu po de dag dang ldan na/ byang chub sems dpa' byang
120b7 chub kyi sems ma stor ba rnams yin no/ /rigs kyi bu/ chos bcu dang ldan na/ byang chub sems dpa' tshe rabs dran pa rnams yin no/ /bcu gang zhe na/ 'di lta ste/ sangs
121a1 rgyas mang po la bsnyen bkur byas pa rnams yin/ dam pa'i chos yongs su 'dzin pa rnams yin/ tshul khrims yongs su dag pa rnams yin/ 'gyod
121a2 pa med pa rnams yin/ sgrib pa med pa rnams yin/ dga' ba mang ba rnams yin/ sgom pa mang ba rnams yin/ sems mnyam par bzhag pa rnams yin/ rdzus te skye ba
121a3 rnams yin/ rnam par shes pa ma rmongs pa rnams yin te/ rigs kyi bu/ sangs rgyas mang po la bsnyen bkur byas pa'i byang chub sems dpa' ni/ dam pa'i chos la rim
121a4 gro yod cing bkur sti yod pa yin/ dam pa'i chos yongs su 'dzin pa'i gang zag rnams la rim gro yod cing bkur sti yod pa yin te/ de de'i rgyu/ de'i rkyen/ de'i gzhis
121a5 lus dang / srog la mi lta bar dam pa'i chos yongs su 'dzin cing 'chang ngo / /klog go /kun chub par byed do/ /gzhan la'ang rgya cher ston to/ /de dam pa'i chos yongs
121a6 su 'dzin pa la brtson pas 'di lta ste/ lus dang / ngag dang / sems kyi tshul khrims rnam pa gsum gyis tshul khrims rnam par dag pa yin/ tshul khrims yongs su
121a7 dag pas 'gyod pa med pa yin te/ de'ang rim gro med pa ma yin gyi/ tshul khrims yongs su dag pa'i phyir 'gyod pa med pas sgrib pa med pa yin/ sgrib pa med pas
121b1 dga' ba mang ba yin/ dga' ba mang bas sgom pa mang ba yin/ sgom pa mang bas sems mnyam par bzhag par 'gyur ro/ /sems mnyam par bzhag pas 'gro ba yongs su
121b2 dag par 'gyur/ 'gro ba yongs su dag pas rdzus te skye bar 'gyur/ rdzus te skyes pas rnam par shes pa ma rmongs pa yin no/ /rnam par shes pa ma rmongs pa'i phyir tshe rabs
121b3 dran pa yin te/ tshe rabs gcig kyang rjes su dran no/ /gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu nas tshe rabs
121b4 brgya stong du ma'i bar du rjes su dran no/ /rigs kyi bu/ chos bcu po de dag dang ldan na/ byang chub sems dpa' tshe rabs rjes su dran pa rnams yin no/ /rigs kyi bu/ chos
121b5 bcu dang ldan na/ byang chub sems dpa' dge ba'i bshes gnyen dang ma bral ba rnams yin no/ /bcu gang zhe na/ 'di lta ste/ sangs rgyas mthong ba dang / thos pa dang / dran
121b6 pa dang ma bral ba rnams yin/ chos mnyan pa dang ma bral ba rnams yin/ dge 'dun mchod cing bsnyen bkur ba dang ma bral ba rnams yin/ sangs rgyas dang byang chub
121b7 sems dpa' rnams la gus par smra ba dang / phyag 'tshal ba dang / ldang ba dang / thal mo sbyar ba dang / 'dud pa'i las dang ma bral ba rnams yin/ mang du thos pa'i gang
122a1 zag chos smra ba rnams dang ma bral ba rnams yin/ pha rol tu phyin pa mnyan pa dang ma bral ba rnams yin/ byang chub kyi phyogs kyi chos mnyan pa dang ma
122a2 bral ba rnams yin/ rnam par thar pa'i sgo gsum mnyan pa dang ma bral ba rnams yin/ tshangs pa'i gnas bzhi mnyan pa dang ma bral ba rnams yin/ thams cad mkhyen
122a3 pa nyid mnyan pa dang ma bral ba rnams yin no/ /rigs kyi bu/ chos bcu po de dag dang ldan na/ byang chub sems dpa' dge ba'i bshes gnyen dang ma bral ba rnams yin
122a4 no| |rigs kyi bu/ chos bcu dang ldan na/ byang chub sems dpa' sdig pa'i grogs po yongs su spangs pa rnams yin no/ /bcu gang zhe na/ 'di lta ste/ tshul khrims nyams
122a5 pa'i gang zag rnam par spangs pas sdig pa'i grogs po yongs su spangs par rig par bya'o/ /lta ba nyams pa'i gang zag rnam par spangs pa dang / cho ga nyams pa'i gang
122a6 zag rnam par spangs pa dang / 'tsho ba nyams pa'i gang zag rnam par spangs pa dang / 'du 'dzi la dga' ba'i gang zag rnam par spangs pa dang / le lo can gyi gang zag rnam par
122a7 spangs pa dang / 'khor ba la dga' ba'i gang zag rnam par spangs pa dang / byang chub la rgyab kyis phyogs pa'i gang zag rnam par spangs pa dang / khyim pa dang sten pa rnam
122b1 par spangs pa dang / nyon mongs pa thams cad rnam par spangs pas na sdig pa'i grogs po rnam par spangs par rig par bya ste/ rigs kyi bu/ byang chub sems dpa' des gnas 'di
122b2 dag rnam par spong ba'i tshe gang zag de dag la zhe sdang ba'i sems bskyed par mi bya'o/ /khong khro ba'i sems dang / brnyas pa'i sems bskyed par mi bya'i/ des 'di ltar bcom ldan
122b3 'das kyis kyang sems can rnams ni/ khams so sor bsten te/ bsten par gyur nas chud za bar 'gyur ro/ /zhes bka' stsal gyi/ de bas na/ bdag gis bsten pa yongs su spang
122b4 bar sems nye bar gzhag par bya'o/ /rigs kyi bu/ chos bcu po de dag dang ldan na/ byang chub sems dpa' sdig pa'i grogs po yongs su spangs pa rnams yin no/ /rigs kyi bu/
122b5 chos bcu dang ldan na/ byang chub sems dpa' de bzhin gshegs pa'i sku'i chos nyid thob pa rnams yin no/ /bcu gang zhe na/ 'di lta ste/ lus mnyam pa rnams yin/ lus yongs su
122b6 dag pa rnams yin/ lus rma med pa rnams yin/ lus legs par grub pa rnams yin/ chos kyi lus rnams yin/ lus brtag par bya ba ma yin zhing gting dpag dka' ba
122b7 rnams yin/ lus bsam gyis mi khyab pa rnams yin/ lus zhi ba rnams yin/ lus nam mkha' dang mtshungs pa rnams yin/ ye shes kyi lus dang ldan pa rnams yin no/ /
123a1 rigs kyi bu/ chos bcu po de dag dang ldan na/ byang chub sems dpa' de bzhin gshegs pa'i sku'i chos nyid 'thob pa rnams yin no/ /byang chub sems
123a2 dpa' sgrib pa thams cad rnam par sel bas gsol ba/ bcom ldan 'das/ gang dang gang gi tshe byang chub sems dpa' rnams kyis de bzhin gshegs pa'i sku'i chos
123a3 nyid 'thob par 'gyur/ bcom ldan 'das kyis bka' stsal pa/ rigs kyi bu/ sa dang po la byang chub sems dpa' lus mnyam pa nyid thob bo/ /de ci'i phyir zhe na/ lus mi mnyam
123a4 pa thams cad dang bral ba dang / byang chub sems dpa' thams cad dang mnyam pa nyid du 'gyur ba'i phyir ro/ /sa gnyis pa la byang chub sems dpa' tshul khrims yongs su dag pa'i phyir lus
123a5 yongs su dag pa 'thob bo/ /sa gsum pa la byang chub sems dpa' khong khro ba dang / gnod sems thams cad dang bral ba'i phyir lus rma med pa 'thob bo/ /sa bzhi pa la byang
123a6 chub sems dpa' sangs rgyas kyi chos yongs su grub pa'i phyir lus legs par grub pa 'thob bo/ /sa lnga pa la byang chub sems dpa' chos thams cad rab tu rtogs pa'i phyir
123a7 chos kyi lus 'thob bo/ /sa drug pa la brtag par bya ba ma yin zhing gting dpag dka' ba'i chos yongs su grub pa'i phyir lus brtag par bya ba ma yin zhing gting dpag dka' ba
123b1 'thob bo/ /sa bdun pa la sangs rgyas kyi chos yongs su grub pa dang / thabs mkhas pa yang dag par grub pa'i phyir lus bsam gyis mi khyab pa 'thob bo/ /sa brgyad pa la spros pa
123b2 thams cad bral ba dang / nyon mongs pa med pa'i phyir lus zhi ba 'thob bo/ /sa dgu pa la lus tshad med pas khyab pa'i phyir lus nam mkha' dang mtshungs pa 'thob bo/ /sa bcu
123b3 pa la byang chub sems dpa' ye shes kyi lus 'thob bo/ /de ci'i phyir zhe na/ shes par bya ba thams cad yang dag par grub pa'i phyir ro/ /byang chub sems dpa' sgrib pa thams
123b4 cad rnam par sel bas gsol pa/ bcom ldan 'das/ ci lags/ de bzhin gshegs pa'i sku'i chos nyid dang / byang chub sems dpa'i lus kyi chos nyid tha dad du bgyi ba
123b5 mchis sam/ bcom ldan 'das kyis bka' stsal pa/ rigs kyi bu/ lus tha dad pas tha dad du bya ba med de/ yon tan gyi mthus ni/ tha dad du bya ba yod do/ /byang chub
123b6 sems dpa' sgrib pa thams cad rnam par sel bas gsol pa/ bcom ldan 'das/ ji ltar lus tha dad pas tha dad du bgyi ba ma mchis la/ yon tan gyi mthus tha dad du bgyi
123b7 ba mchis pa gang lags/ bcom ldan 'das kyis bka' stsal pa/ rigs kyi bu/ lus lus zhes bya ba 'di ni/ tha dad pa med pa ste/ de ci'i phyir zhe na/ lus su brjod pa'i
124a1 mtshan nyid gcig pa'i phyir ro/ /yon tan dang / mthu'i mtshan nyid ni/ tha dad par blta'o/ /byang chub sems dpa' sgrib pa thams cad rnam par sel bas
124a2 gsol pa/ bcom ldan 'das/ ji ltar gang lta bur yon tan gyi mthu'i mtshan nyid tha dad du blta bar bgyi/ bcom ldan 'das kyis bka' stsal pa/ rigs kyi bu/ de bas
124a3 na| don gyi dbang 'di nyid khong du chud par bya ba'i phyir khyod la dper bya'o/ /rigs kyi bu/ 'di lta ste/ dper na/ byi dor ma byas pa'i nor bu rin po che dang / byi dor byas pa'i
124a4 nor bu rin po che ni/ 'di lta ste/ nor bu rin po che nor bu rin po che zhes bya bar nor bu rin po che zhes bya ba'i grangs su 'gro mod kyi/ ji ltar byi dor byas pa'i nor bu rin po che'i
124a5 mthu dang / yid du 'ong bas khyab par byed pa de ltar ni/ byi dor ma byas pas ma yin no/ /de bzhin du byang chub sems dpa'i lus nor bu rin po che'ang de bzhin gshegs pa'i
124a6 sku'i nor bu rin po che dang bcas su de bzhin gshegs pa'i sku'i chos nyid kyi grangs su 'gro mod kyi/ byang chub sems dpa'i lus nor bu rin po che ni/ de bzhin gshegs
124a7 pa'i sku'i nor bu rin po che'i drung du yongs su dag pa zhes mi brjod do/ /de ci'i phyir zhe na/ de bzhin gshegs pa'i sku nor bu rin po che ni/ sems can gyi khams tshad
124b1 med pa dang / nam mkha'i dbyings tshad med pa 'od kyis khyab par byas te gnas so/ /de ci'i phyir zhe na/ de ni/ shin tu yongs su dag pa dang / dri ma thams cad dang bral ba'i phyir te/
124b2 byang chub sems dpa'i lus nor bu rin po che ni/ de tsam du khyab par bya ba ma yin no/ /de ci'i phyir zhe na/ de ni/ 'di ltar dri ma'i lhag ma lus pa'i phyir ro/ /rigs kyi bu/ 'di lta
124b3 ste| dper na/ tshes gnyis kyi zla ba ni/ zla ba zhes bya ba'i grangs su 'gro ba nas zla ba nya ba'i bar du zla ba yang zla ba zhes bya ba'i grangs su 'gro mod kyi/ chos gnyis kyi zla ba ci 'dra ba
124b4 de lta bur zla ba nya ba la ma yin no/ /de ci'i phyir zhe na/ de ni/ 'di ltar chos nyid thob pa'i phyir te/ rigs kyi bu/ de bzhin du byang chub sems dpa'i lus dang / de bzhin gshegs
124b5 pa'i skur bcas te lus kyi grangs su 'gro mod kyi/ byang chub sems dpa'i lus ni/ de bzhin gshegs pa'i sku'i drung na lam mer mi 'gyur/ lhan ner mi 'gyur/ lhang nger mi
124b6 'gyur ro/ /rigs kyi bu/ 'di lta ste/ dper na/ zla ba nya ba'i drung na tshes gnyis kyi zla ba ji lta ba de bzhin du de bzhin gshegs pa'i sku dang / byang chub sems dpa'i lus kyang lus
124b7 su brjod pa'i mtshan nyid kyis mtshan nyid gcig mod kyi/ yon tan gyi mthu'i mtshan nyid kyis ni/ ma yin no/ /rigs kyi bu/ chos bcu dang ldan na/ byang chub sems dpa'
125a1 lus rdo rje ltar sra ba rnams yin no/ /bcu gang zhe na/ 'di lta ste/ 'dod chags dang / zhe sdang dang / gti mug dag gis mi tshugs pa rnams yin/ khro ba
125a2 dang / gnod sems kyi tha ba dang / dri ma dang / nga rgyal dang / rgyags pa dang / dregs pa dang / lta ba phyin ci log dag gis mi tshugs pa rnams yin/ 'jig rten gyi chos brgyad
125a3 po de dag gis mi tshugs pa rnams yin/ ngan song gi sdug bsngal thams cad kyis mi tshugs pa rnams yin/ sems can gyi sdug bsngal dag gis mi tshugs pa rnams yin /
125a4 skye ba dang / rga ba dang / na ba dang / 'chi ba'i sdug bsngal dag gis mi tshugs pa rnams yin/ mu stegs can dang pha rol rgol ba thams cad kyis mi tshugs pa rnams yin/
125a5 bdud thams cad dang bdud kyi ris su gtogs pa'i lha thams cad kyis mi tshugs pa rnams yin/ nyan thos dang / rang sangs rgyas thams cad kyis mi tshugs pa rnams
125a6 yin| 'dod pa la spyod pa thams cad kyis mi tshugs pa rnams yin te/ rigs kyi bu/ chos bcu po de dag dang ldan na/ byang chub sems dpa' lus rdo rje ltar sra ba rnams
125a7 yin no| |rigs kyi bu/ chos bcu dang ldan na/ byang chub sems dpa' ded dpon chen po rnams yin te/ bcu gang zhe na/ 'di lta ste/ bkur ba rnams yin/ mchod
125b1 par 'os pa rnams yin/ phyin par byed pa rnams yin/ brtan par bya ba rnams yin/ nye bar 'tsho bar bya ba rnams yin/ rgyags shin tu phun sum tshogs pa rnams yin/
125b2 tshogs shin tu bsags pa rnams yin/ mi ngoms pa rnams yin/ thog mar 'gro ba rnams yin/ thams cad mkhyen pa nyid kyi grong khyer chen por phyin par bya ba la mkhas
125b3 pa rnams yin no/ /rigs kyi bu/ de la ji ltar na/ byang chub sems dpa' bkur ba yin pa nas ji ltar na/ thams cad mkhyen pa'i grong khyer chen por phyin par bya ba la mkhas
125b4 pa'i bar du yin zhe na/ rigs kyi bu/ 'di lta ste/ dper na/ ded dpon chen po ni/ rgyal po dang / rgyal po chen po'i blon po dag gis bkur ba yin no/ /de bzhin du byang chub
125b5 sems dpa' ded dpon chen po'ang sangs rgyas rnams dang / sangs rgyas kyi nyan thos rnams kyis bkur ba yin no/ /rigs kyi bu/ 'di lta ste/ dper na/ ded dpon chen po ni/
125b6 bram ze dang / rgyal rigs dang / grong pa dang / yul gyi mi rnams kyis mchod par 'os pa rnams yin no/ /de bzhin du byang chub sems dpa' ded dpon chen po'ang slob pa dang /
125b7 mi slob pa dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dag gis mchod par 'os
126a1 pa yin no/ /rigs kyi bu/ 'di lta ste/ dper na/ ded dpon chen po ni/ 'brog dgon pa lam grogs kyi tshogs 'chan pas gtses pa dag legs par bde
126a2 zhing yongs su mi skyo bar phyin par byed pa yin te/ de bzhin du byang chub sems dpa' ded dpon chen po'ang 'khor ba'i 'brog dgon pa chen po'i nang na sems can lam grogs
126a3 kyi tshogs nyon mongs pa'i 'chan pas gtses pa dag legs par bde zhing yongs su mi skyo bar phyin par byed pa yin no/ /rigs kyi bu/ 'di lta ste/ dper na/ ded dpon
126a4 chen po la brten na/ sdug bsngal ba dang / phongs pa dag 'brog dgon pa nas 'byung bar 'gyur ro/ /de bzhin du byang chub sems dpa' ded dpon chen po la brten
126a5 na| mu stegs can gzhan spyod pa can dang / kun tu rgyu dang / gcer bu pa rnams 'khor ba'i 'brog dgon pa chen po nas 'byung bar 'gyur ro/ /rigs kyi bu/ 'di lta ste/
126a6 dper na/ ded dpon chen po ni/ rgyal po dang / las byed pa'i mi dang / zho shas 'tsho ba dang / de ma yin pa'i sems can gzhan rnams nye bar 'tsho ba yin te/ de bzhin
126a7 du byang chub sems dpa' ded dpon chen po'ang 'khor ba la mngon par dga' ba'i sems can rnams nye bar 'tsho ba yin no/ /rigs kyi bu/ 'di lta ste/ dper na/ ded
126b1 dpon chen po ni/ nam phyogs su 'gro bar chas te lam grogs mang po dang lhan cig tu grong khyer chen por phyin par bya ba'i phyir 'brog dgon par zhugs pa de'i tshe grong khyer chen
126b2 por phyin gyi bar du rgyags phun sum tshogs pas 'brog dgon pa de nas legs par bde zhing yongs su skyo ba med par 'byung bar byed do/ /de bzhin du byang chub sems dpa'
126b3 ded dpon chen po'ang nam sangs rgyas kyis bsten pa'i phyogs su 'gro bar 'dod cing sems can lam grogs mang po dang de 'khor ba'i 'phrog dgon pa chen por 'jug par
126b4 'dod la thams cad mkhyen pa nyid kyi grong khyer chen por phyin par bya bar 'dod pa de'i tshe bsod nams kyi rgyags kyi tshogs shin tu phun sum tshogs pas 'gro'o/ rigs kyi bu
126b5 'di lta ste/ dper na/ ded dpon chen po ni/ 'tsho ba'i yo byad 'di lta ste/ gser dang / nor bu dang / mu tig dang / baiDUR+ya dang / dung dang / man shel dang / byu ru la sogs pa mang
126b6 po bsags shing phyogs su 'gro'o/ /de bzhin du byang chub sems dpa' ded dpon chen po'ang nam thams cad mkhyen pa nyid kyi grong khyer chen por mngon par zhugs pa de'i
126b7 tshe sangs rgyas kyi chos kyi tshogs shin tu bsags shing 'gro'o/ /rigs kyi bu/ 'di lta ste/ dper na/ ded dpon chen po ni/ nor bsags pas chog mi shes pa yin no/ /byang chub
127a1 sems dpa' ded dpon chen po'ang chos kyi nor bsags pas chog mi shes pa yin no/ /rigs kyi bu/ 'di lta ste/ dper na/ ded dpon chen po ni/ 'di lta
127a2 ste| nor phun sum tshogs pa dang / gtso bo dang / dbang yod pa dang / ngag mnyan pas lam grogs kyi tshogs thams cad kyi thog mar 'gro ba yin no/ /de bzhin du byang chub
127a3 sems dpa' ded dpon chen po'ang 'di lta ste/ yon tan phun sum tshogs pa dang / yongs kyi gtso bo dang / chos la dbang ba dang / ma log par smra bas sems can lam
127a4 grogs kyi tshogs thams cad kyi thog mar 'gro ba yin no/ /rigs kyi bu/ 'di lta ste/ dper na/ ded dpon chen po ni/ grong khyer chen por phyin par bya ba la mkhas pa yin
127a5 no| |de bzhin du byang chub sems dpa' ded dpon chen po'ang thams cad mkhyen pa nyid kyi grong khyer chen por phyin par bya ba la mkhas pa yin te/ rigs kyi bu/ de ltar
127a6 na| byang chub sems dpa' bkur ba yin pas na thams cad mkhyen pa nyid kyi grong khyer chen por phyin par bya ba la mkhas pa'i bar du yin no/ /rigs kyi bu/ chos bcu po de
127a7 dag dang ldan na/ byang chub sems dpa' ded dpon chen po rnams yin no/ /rigs kyi bu/ chos bcu dang ldan na/ byang chub sems dpa' lam la mkhas pa rnams yin no//
127b1 bcu gang zhe na/ 'di lta ste/ lam mnyam pa'ang rab tu shes/ lam nyam nga ba'ang rab tu shes/ lam bde ba'ang rab tu shes/ 'tsham pa'i lam yang rab tu shes/ lam chu che ba dang /
127b2 chu med pa'ang rab tu shes/ lam gyi dgong ma la dag kyang rab tu shes/ lam gyi tshugs dag kyang rab tu shes/ lam 'khyog pa dag kyang rab tu shes/ lam drang po dag kyang rab
127b3 tu shes| lam 'byung ba'ang rab tu shes so/ /rigs kyi bu/ chos bcu po de dag dang ldan na/ byang chub sems dpa' lam la mkhas pa rnams yin no/ /rigs kyi bu/ chos bcu dang
127b4 ldan na| byang chub sems dpa' lam ma log par ston pa rnams yin no/ /bcu gang zhe na/ theg pa chen pos 'dul ba'i sems can rnams la byang chub sems dpa'i lam ston
127b5 gyi nyan thos kyi lam mi ston to/ /nyan thos kyis 'dul ba'i sems can rnams la nyan thos kyi lam ston gyi byang chub sems dpa'i lam mi ston to/ /thams cad mkhyen pa nyid
127b6 kyis 'dul ba'i sems can rnams la thams cad mkhyen pa nyid kyis lam ston gyi rang sangs rgyas kyi lam mi ston to/ /rang sangs rgyas kyis 'dul ba'i sems can rnams la rang
127b7 sangs rgyas kyi lam ston gyi thams cad mkhyen pa nyid kyi lam mi ston to/ /bdag tu 'dzin pa la mngon par zhen pa'i sems can rnams dang / chos su 'dzin pa la mngon par zhen
128a1 pa rnams la bdag med pa'i lam dang / stong pa nyid kyi lam ston gyi/ bdag dang / sems can dang / srog dang / gso ba dang / skyes bu dang / gang zag gi
128a2 lam mi ston to/ /mtha' gnyis la gnas pa'i sems can rnams la mtha' gnyis dang bral ba'i lam ston gyi mtha' gnyis la gnas pa mi ston to/ /sems g.yeng pa'i
128a3 sems can rnams la zhi gnas dang / lhag mthong gi lam ston gyi g.yeng ba'i lam mi ston to/ /spros pa la mngon par dga' ba'i sems can rnams la de bzhin nyid kyi
128a4 lam ston gyi byis pa spros pa la mngon par dga' ba'i lam mi ston to/ /'khor ba la mngon par dga' ba'i sems can rnams la mya ngan las 'das pa'i lam ston gyi 'khor
128a5 ba'i lam mi ston to/ /lam gol bar zhugs pa'i sems can rnams la lam srol ma dod pa ma yin pa dang / tsher ma med pa'i lam ston gyi nyon mongs pa'i tsher mas gang
128a6 ba'i lam mi ston to/ /rigs kyi bu/ chos bcu po de dag dang ldan na/ byang chub sems dpa' lam log par ston pa rnams yin no/ /rigs kyi bu/ chos bcu dang ldan na/ byang
128a7 chub sems dpa' rtag tu rgyun mi 'chad par sems mnyam par bzhag pa rnams yin no/ /bcu gang zhe na/ 'di lta ste/ lus la dran pa shin tu nye bar bzhag cing gnas
128b1 so| |tshor ba rnams dang / sems rnams dang / chos rnams dang / yul rnams dang / dgon pa rnams dang / grong dang / grong khyer dang / grong rdal dang / gzhongs dang / yul 'khor dang /
128b2 rgyal po'i pho brang 'khor rnams dang / rnyed pa dang / bkur sti dang / grags pa dang / sgra dang / tshigs su bcad pa rnams dang / de bzhin gshegs pas bslab pa bcas pa rnams
128b3 dang / nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin tu nye bar bzhag cing gnas so/ /rigs kyi bu/ de la ji ltar na/
128b4 byang chub sems dpa' lus la dran pa shin tu nye bar bzhag cing gnas she na/ rigs kyi bu/ 'di la byang chub sems dpa' gang lus dang ldan pa'i sdig pa mi dge ba'i chos de dag
128b5 yang dag pa'i shes rab kyis rab tu brtags shing yongs su spong ngo / /de 'og gi rkang pa'i mthil nas brtsams te yar la klad pa'i bar du lus kyi nyes pa la rtog go /lus la bdag
128b6 med par yang rtog go /lus mi brtan pa dang / 'jig pa dang / chu rgyus kyis glags pa dang / dri mi zhim pa dang / dri nga ba dang / kha dog mi sdug par rtog ste/ de de ltar rtog pa'i tshe
128b7 gang lus la lus su 'dod pa dang / lus la 'dod chags pa dang / lus la dga' ba dang / lus la bdag gir 'dzin pa dang / lus la zhen pa de dag mi 'byung ste/ de'i rgyu/
129a1 de'i rkyen/ de'i gzhis lus dang ldan pa'i chos rnams kyi dbang du 'gro bar mi 'gyur te/ gzhan du na lus dang ldan pa'i chos rnams de nyid kyi dbang du 'gyur
129a2 te| de ltar na/ lus la dran pa shin tu nye bar bzhag cing gnas pa'o/ /ji ltar na/ byang chub sems dpa' tshor ba rnams la dran pa shin tu nye bar bzhag cing gnas she na/ 'di
129a3 la byang chub sems dpa' 'di snyam du sems te/ tshor ba gang ji snyed pa de dag thams cad ni/ sdug bsngal na/ byis pa phyin ci log gis phyin ci log tu gyur pa rnams ni/ bde
129a4 bar 'dzin te/ byis pa rmongs pa rnams sdug bsngal bde ba zhes bya bar 'dzin gyi/ 'phags pa rnams kyis ni/ thams cad sdug bsngal bar thugs su chud do snyam nas de spang
129a5 pa'i phyir nan tan du byed do/ /sems can gzhan dag kyang bslab pa de nyid la 'god kyi/ bdag gis kyang de dag gi rjes su bslab par bya'o snyam ste/ de de ltar rtog pas tshor
129a6 ba rnams la dran pa shin tu nye bar bzhag cing gnas so/ /de tshor ba dag la chags pa'ang med/ khong khro ba'ang med cing de dag spang ba'i phyir rab tu zhugs pa yin no/ /gzhan
129a7 dag kyang bslab pa de nyid la 'god de/ de ltar na tshor ba rnams la dran pa shin tu nye bar bzhag cing gnas so/ /ji ltar na/ byang chub sems dpa' sems la dran pa shin tu
129b1 nye bar bzhag cing gnas she na/ de 'di snyam du sems te/ sems 'di ni/ mi rtag pa la rtag par mngon par dga' ba'o/ /sdug bsngal la bde bar mngon par dga' ba'o/ /bdag
129b2 med pa la bdag tu mngon par dga' ba'o/ /mi gtsang ba la gtsang bar mngon par dga' ba'o/ /g.yo zhing mi brtan pa la myur du 'gyur ba'o/ /nyon mongs pa rnams kyi rtsa ba'o/ /
129b3 ngan song rnams kyi sgo'o/ /nye ba'i nyon mongs pa rnams kyi gzhi'o/ /bde 'gro rnams chud son pa'o/ /'dod chags dang / zhe sdang dang / gti mug rnams kyi rkyen du gyur pa'o/ /chos
129b4 thams cad kyi bdag por gyur pa'o/ /chos thams cad kyi thog mar sems 'gro ste/ sems yongs su shes na/ chos thams cad kyang yongs su shes par 'gyur ro/ /gzhan yang
129b5 'jig rten sems kyis bris pa ste/ /sems ni sems kyis mi mthong ngo / /dge ba'am yang na mi dge ba'i/ /las ni sems kyis bsags pa'o/ /sems ni 'gal me lta bur 'khor//
129b6 sems ni rta ltar 'khyams pa yin/ /sems ni nags kyi me ltar tshig/ sems ni chu chen bzhin du skyed/ /de de ltar rtog pas sems la dran pa shin tu nye bar bzhag cing gnas
129b7 te| sems kyi dbang du mi 'gro'o/ sems nyid de'i dbang du 'gro ste/ sems nyid de'i dbang du gyur pas chos thams cad dbang du gyur pa yin te/ de ltar na/ byang chub sems
130a1 dpa' sems la dran pa shin tu nye bar bzhag cing gnas so/ /ji ltar na/ byang chub sems dpa' chos rnams la dran pa nye bar bzhag cing gnas she na/ 'di
130a2 la byang chub sems dpa' 'di lta ste/ 'dod chags dang / zhe sdang dang / gti mug la sogs pa dang / de dag la gnas pa gzhan dag la 'di dag ni/ mi dge ba'i chos rnams
130a3 so| |zhes yang dag pa ji lta ba bzhin du rab tu shes te/ de 'dod chags kyi gnyen po la sten/ zhe sdang dang / gti mug gi gnyen po la sten cing de dag spang ba'i phyir brtson
130a4 pa yin no/ /chos 'di dag ni/ dge ba'o/ /zhes bya bar shes nas chos de dag la sems gtong zhing dran pa nye bar gzhog ste/ chos de dag kyang yang dag par blangs shing
130a5 gnas so/ /gzhan yang bslab pa de nyid la 'god de/ de ltar na/ byang chub sems dpa' chos rnams la dran pa shin tu nye bar bzhag cing gnas so/ /ji ltar na/ byang
130a6 chub sems dpa' yul rnams la dran pa shin tu nye bar bzhag cing gnas she na/ 'di la byang chub sems dpa' yid du 'ong ba dang / yid du mi 'ong ba'i gzugs dang / sgra
130a7 dang / dri dang / ro dang / reg bya la chags par 'dzin par yang mi 'gyur/ khong khro ba'i sems kyang mi skyed de/ de 'di snyam du sems te/ de ltar bdag dngos po med pa'i
130b1 chos rnams la chags pa skyed pa ni/ bdag gi mi cha ste/ de ni/ bdag byis pa dang / rmongs pa dang / mi gsal ba dang / mi mkhas par 'gyur ro/ /bcom ldan 'das kyis kyang chags
130b2 par gyur nas zhen par 'gyur ro/ /zhen nas rmongs par 'gyur ro/ /rmongs nas dge ba'am/ mi dge ba'i chos rnams bar sgom par mi 'gyur te/ de'i rgyus ngan song du 'gro bar
130b3 gsungs so/ /zhes de 'di snyam du de ltar bdag chos gsog rnams la khong khro ba'i sems bskyed pa ni/ bdag gi mi cha ste/ de ni/ bdag gi mi bzod pa dang / dang du mi lan pa
130b4 dang / khro ba kun nas ldang bar 'gyur te/ 'phags pa rnams kyis ni/ smad par 'gyur/ tshangs pa mtshungs par spyod pa rnams kyis ni/ dpya bar 'gyur ro/ /zhes de de ltar rtog
130b5 pas yul rnams la dran pa shin tu nye bar bzhag cing gnas te/ yul rnams kyis mi rmas shing rma byung bar mi 'gyur la/ gzhan yang bslab pa bcas pa de nyid la 'god de/
130b6 de ltar na/ byang chub sems dpa' yul rnams la dran pa shin tu nye bar bzhag cing gnas so/ /ji ltar na/ byang chub sems dpa' dgon pa rnams la dran pa shin tu nye bar
130b7 bzhag cing gnas she na/ de 'di snyam du dgon pa zhes bya ba 'di ni/ nyon mongs pa med par rnam pa spyod pa rnams kyi gnas so/ /zhi bar rnam par spyod pa rnams kyi gnas
131a1 so| |dgon pa la ni/ lha dang / klu dang / gnod sbyin dang / dri za gzhan gyi sems mngon par shes pa dag kyang yod de/ de dag bdag gis sems dang / sems las
131a2 byung ba'i chos rnams rab tu shes na/ bdag tshul bzhin ma yin pa'i yid la byed cing sems pa de ni/ bdag gi mi cha'o snyam ste/ de tshul bzhin ma yin pa yid la bya ba thams cad
131a3 dang bral nas tshul bzhin du chos rnams la sems gtong zhing chos de dag la sgom pa mang ba yin te/ de ltar na/ byang chub sems dpa' dgon pa rnams la dran pa shin tu
131a4 nye bar bzhag cing gnas so/ /ji ltar na/ byang chub sems dpa' grong dang / grong khyer dang / grong rdal dang / gzhongs dang / yul 'khor dang / rgyal po'i pho brang 'khor
131a5 rnams la dran pa shin tu nye bar bzhag cing gnas she na/ 'di la byang chub sems dpa' grong dang / grong khyer dang / grong rdal dang / gzhongs dang / yul 'khor dang / rgyal
131a6 bo'i pho brang 'khor dag na byang chub sems dpa' spyad pa spyod pa na gnas gang tshul dang mi 'dra zhing yongs su spang bar bya ba rab tu byung ba'i tshul dang mi mthun pa de dag
131a7 yongs su spong ngo / /de dag kyang gang zhe na/ 'di lta ste/ chang ma'i khyim mam/ smad tshong gi khyim mam/ rgyal po'i pho brang ngam/ rgyan po'i gnas sam/ ra ro ba'i 'khor gyi
131b1 tshogs sam/ gar mkhan dang / glu gar gyi gnas dang / de ma yin pa gzhan yang rung ste/ rab tu byung ba'i tshul dang mi 'dra ba de dag yongs su spong zhing / de dag la dran pa
131b2 shin tu nye bar bzhag cing gnas te/ de ltar na/ byang chub sems dpa' grong dang / grong khyer dang / grong rdal dang / gzhongs dang / yul 'khor dang / rgyal po'i pho brang 'khor
131b3 dag la dran pa shin tu nye bar bzhag cing gnas so/ /ji ltar na/ byang chub sems dpa' sems rnyed pa dang / bkur sti dang / grags pa dang / sgra dang / tshigs su bcad pa dag
131b4 la dran pa shin tu nye bar bzhag cing gnas she na/ 'di la byang chub sems dpa' sbyin pa byed pa rnams kyi bsod nams kyi dngos po nye bar bzung zhing rnyed pa dang / bkur sti la
131b5 sems gtong ste/ ci nas kyang zhen par mi 'gyur/ sred pa mi skyed/ chags pa mi skyed/ bdag gir mi byed/ nor du mi 'dzin pa dang / bdag gir mi 'dzin pa dang / ci nas kyang
131b6 sems can thams cad dang mthun mong du byas shing sdug bsngal ba'i sems can rnams la phan par 'gyur ba de ltar gtong ste/ gal te yang de'i rgyu/ de'i rkyen/ de'i gzhis
131b7 grags pa dang / sgra dang / tshigs su bcad pa zhig byung yang des khengs par mi 'gyur/ nga rgyal mi skye/ rgyags pa mi skye ste/ de 'di snyam du sems so/ /ring por mi thogs par
132a1 grags pa dang / sgra dang / tshigs su bcad pa 'di dag gang las byung ba dang / gang gis byung ba dang / grags ba dang / sgra dang / tshigs su bcad pa gang yin
132a2 pa de dag thams cad kyang med par 'gyur na/ de la mkhas pa'i rang bzhin can su zhig mi rtag cing mi gnas pa'i chos mi brtan pa/ yid brtan du mi rung ba dag la dga'
132a3 ba'i sems skyes pa'am/ khengs par 'gyur ba dang / nga rgyal dang / rgyags pas dregs par 'gyur snyam ste/ de ltar na/ byang chub sems dpa' rnyed pa dang / bkur sti dang /
132a4 grags pa dang / sgra dang / tshigs su bcad pa rnams la dran pa shin tu nye bar bzhag cing gnas so/ /ji ltar na/ byang chub sems dpa' de bzhin gshegs pas bslab
132a5 pa bcas pa la dran pa shin tu nye bar bzhag cing gnas she na/ 'di la byang chub sems dpa' 'di snyam du sems te/ gang 'das pa'i de bzhin gshegs pa de dag kyang
132a6 bslab pa 'di nyid la bslab ste mngon par rdzogs par sangs rgyas so/ /yongs su mya ngan las 'das so/ /gang ma byon pa 'byung bar 'gyur ba de dag kyang bslab pa 'di
132a7 nyid la bslabs shing mngon par rdzogs par 'tshang rgya bar 'gyur ro/ /yongs su mya ngan las 'da' bar 'gyur ro/ /gang da ltar gyi de bzhin gshegs pa de dag kyang
132b1 bslab pa 'di nyid la bslab ste mngon par rdzogs par sangs rgyas so/ /yongs su mya ngan las 'da'o/ /zhes de ltar yid ches pas bslab pa rnams la nan tan du byed pa yin te
132b2 brtson par byed pa dang / legs par bya ba byed cing shin tu rdzogs par byed pa yin te/ de ltar na/ byang chub sems dpa' de bzhin gshegs pas bslab pa bcas pa la dran pa
132b3 shin tu nye bar bzhag cing gnas so/ /rigs kyi bu/ ji ltar na/ byang chub sems dpa' nye ba'i nyon mongs pa dang / yongs su nyon mongs pa dang / kun nas nyon mongs pa thams
132b4 cad la dran pa shin tu nye bar bzhag cing gnas she na/ 'di la byang chub sems dpa' nye ba'i nyon mongs pa rnams la dran pa dang ldan pa yin/ yongs su nyon mongs pa dang / kun
132b5 nas nyon mongs pa rnams la dran pa dang ldan pa yin te/ de dag gang las byung ba dang / rkyen gang gis byung ba'i gzhi'ang rab tu shes te/ des de ltar shes nas 'byung ba de
132b6 dang / rkyen de dag yongs su spong ste/ rigs kyi bu/ de ltar na/ byang chub sems dpa' nye ba'i nyon mongs pa dang / yongs su nyon mongs pa dang / kun nas nyon mongs pa thams
132b7 cad la dran pa shin tu nye bar bzhag cing gnas pa yin no/ /rigs kyi bu/ chos bcu po de dag dang ldan na/ byang chub sems dpa' rtag tu rgyun mi 'chad par sems mnyam
133a1 par bzhag pa rnams yin no/ /'phags pa dkon mchog sprin/ bam po drug pa/ rigs kyi bu/ chos bcu dang ldan na/ byang chub sems dpa' phyag dar
133a2 khrod pa rnams yin no/ /bcu gang zhe na/ 'di lta ste/ yang dag par blangs pa la brtan pa rnams yin/ sems dma' ba rnams yin/ yongs su mi skyo ba rnams yin/ de la ma
133a3 zhen pa rnams yin/ nyes par lta ba dang bral ba rnams yin/ yon tan du lta ba rnams yin/ bdag la mi bstod pa rnams yin/ gzhan la mi smod pa rnams yin/ tshul khrims
133a4 phun sum tshogs pa rnams yin/ lha 'du ba rnams yin no/ /rigs kyi bu/ de la ji ltar na/ byang chub sems dpa' yang dag par blangs pa la brtan pa yin pa nas ji ltar
133a5 na| lha 'du ba'i bar du yin zhe na/ rigs kyi bu/ 'di la byang chub sems dpa' dad cing bsam pa phun sum tshogs pa rnams yin/ de bzhin gshegs pa rnams la dad
133a6 cing yid ches pa yin/ de srog gi phyir yang yang dag par blangs pa mi 'jig cing yang dag par blangs pa las mi 'gyur te/ de yang dag par blangs pa la brtan pas bsam
133a7 pa phun sum tshogs pa dang / de sems dma' zhing nga rgyal med pa yin/ de nga rgyal med cing sems dpa' bas phyag dar khrod pa ngan ngon yongs su bor ba skye bo thams cad
133b1 dang mi mthun pa dag sdud do/ /de dag bsdus nas 'khru bar byed do/ /de 'khru ba dang / glan pa dang / btsem pa dang / btso bar byed pa na kun nas nyon mongs pa med cing yongs su mi skyo
133b2 ste| yongs su mi skyo ba rkyen du byas nas ji tsam gyis don 'grub par 'gyur ba ma gtogs par de la zhen par yang mi 'gyur ro/ /kye ma'o phyag dar khrod pa 'di dag ni/ zhigs pa'o/ /kye
133b3 ma'o phyag dar khrod pa 'di dag ni/ sbom pa'o/ /kye ma'o phyag dar khrod pa 'di dag ni/ shig mang ba ste/ lus la mi bde zhing rdul 'byin to/ /zhes nyes par lta ba ma yin gyi/ phyag dar
133b4 khrod pa 'di dag ni/ drang srong gis bgos pa'o/ /'dod chags dang bral ba dang mthun pa'o/ /'phags pa'i rigs dang mthun pa'o/ /de bzhin gshegs pas bstod pa'o/ /de bzhin
133b5 gshegs pas bsngags pa'o/ /zhes phyag dar khrod pa de dag la yon tan tu lta ba yin te/ de'i rgyu/ de'i rkyen/ de'i gzhis bdag la mi bstod do/ /gzhan la mi smod do/ /de
133b6 bdag la bstod cing gzhan la smod pa dang bral bas tshul khrims phun sum tshogs pa yin te/ tshul khrims phun sum tshogs pas lha rnams 'du ba yin/ de bzhin gshegs
133b7 pa rnams kyis bsngags pa yin/ byang chub sems dpa' rnams kyis yongs su btsa' ba yin/ mi dang mi ma yin pa rnams kyis yongs su bsrung ba yin/ bram ze dang / rgyal
134a1 rigs dang / grong pa dang / yul gyi mi rnams kyis phyag bya ba yin/ tshangs pa mtshungs pa spyod pa rnams kyis gzengs bstod par bya ba yin no/ /rigs kyi bu/ chos bcu
134a2 po de dag dang ldan na/ byang chub sems dpa' phyag dar khrod pa rnams yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das/
134a3 byang chub sems dpa' sems rgya chen po rnams la spyod pa dman tshegs kyis ci zhig bgyi/ bcom ldan 'das kyis bka' stsal pa/ rigs kyi bu/ byang chub sems dpa'
134a4 rnams ni/ 'jig rten gyi yid dang sbyor ba yin te/ stobs kyi mthu thob pa rnams 'jig rten dang mthun par spyod kyi stobs kyi mthu ma thob pa rnams ma yin te/ rigs
134a5 kyi bu| byang chub sems dpa' stobs kyi mthu ma thob pas ni/ nyon mongs pa ma langs pa'i gnyen po bsten par bya'o/ /gzhan yang rigs kyi bu/ de ji snyam du sems/
134a6 de bzhin gshegs pa rgya chen po la mos sam/ 'on te dman pa la mos pa yin/ byang chub sems dpa' sgrib pa thams cad rnam par sel bas gsol pa/ bcom
134a7 ldan 'das kyis bka' stsal pa'i lan gsol du bdag gis tshig mi phyin to/ /de ci'i phyir zhe na/ bcom ldan 'das de bzhin gshegs pa ni/ mos pa la smos
134b1 pa lags kyi/ bcom ldan 'das ni/ chos gzigs pa/ bde bar gshegs pa ni/ chos gzigs pa ste/ de bzhin gshegs pas chos gang la'ang mos par bgyi ba ma mchis so/ /
134b2 bcom ldan 'das kyis bka' stsal pa/ rigs kyi bu/ de ji snyam du sems/ de bzhin gshegs pa gling bzhi'i mi rnams dang / lha dang / klu dang / gnod sbyin dang / dri za mos pa
134b3 dman pa gzhan dag la spyad pa dman tshegs ston cing de dag gi mdun du sbyangs pa'i yon tan rnams kyi bsngags pa brjod pa de ci'i phyir byang chub sems dpa' sgrib pa thams
134b4 cad rnam par sel bas gsol pa/ bcom ldan 'das/ sems can de dag de lta bus 'dul ba'i slad du ste/ gzhan yang byang chub sems dpa' theg pa la gsar du zhugs pa
134b5 rnams kyi nyon mongs pa skyes pa'i gnyen por de bzhin gshegs pa ston pa mdzad do/ /bcom ldan 'das kyis bka' stsal pa/ rigs kyi bu/ de bzhin du byang chub sems dpa'
134b6 stobs kyi mthu thob pa rnams kyang 'dul ba'i dbang gi phyir phyag dar khrod par 'gyur gyi/ dman pa la mos pa'i phyir ma yin te/ rigs kyi bu/ de'i phyir byang chub sems dpa'
134b7 phyag dar khrod pa rnams yin no/ /rigs kyi bu/ chos bcu dang ldan na/ byang chub sems dpa' chos gos gsum pa rnams yin no/ /bcu gang zhe na/ 'di lta ste/ chog shes pa
135a1 rnams yin/ 'dod pa chung ba rnams yin/ kun tu btsal ba dang bral ba rnams yin/ gsog pa dang bral ba rnams yin/ bsags pa chud zos pa dang bral
135a2 ba rnams yin/ bsags pa chud zos pa'i sdug bsngal dang bral ba rnams yin/ yid mi bde ba dang bral ba rnams yin/ 'khrug pa dang bral ba rnams yin/ len pa med
135a3 pa rnams yin/ zag pa zad par bya ba'i phyir zhugs pa rnams yin te/ rigs kyi bu/ byang chub sems dpa' chos gos ngan ngon gyis chog shes shing 'dod pa chung ba yin/
135a4 de 'dod pa chung bas na kun tu tshol ba med pa yin/ kun tu tshol ba med pas na gsog pa med pa yin/ gsog pa med pas na bsags pa chud za ba med pa yin/ bsags
135a5 pa chud za ba med pas na bsags pa chud zos pa las byung ba'i sdug bsngal med pa yin/ sdug bsngal med pas na yid mi bde ba med pa yin/ yid mi bde ba med pas na
135a6 'khrug pa med pa yin/ 'khrug pa med pas na len pa med pa yin/ len pa med pas na zag pa zad par bya ba'i phyir zhugs pa yin te/ rigs kyi bu/ chos bcu po de
135a7 dag dang ldan na/ byang chub sems dpa' chos gos gsum pa rnams yin no/ /rigs kyi bu/ chos bcu dang ldan na/ byang chub sems dpa' phying pa can rnams yin no/ /
135b1 bcu gang zhe na/ 'di lta ste/ 'dod chags kyi bsam pas mi 'gro ste/ de'i phyir phying pa can zhes bya'o/ /de bzhin du zhe sdang gi bsam pas mi 'gro/ gti mug gi bsam pas mi 'gro
135b2 khro ba dang gnod sems kyi bsam pas mi 'gro/ phrag dog dang ser sna'i bsam pas mi 'gro/ nga rgyal gyi bsam pas mi 'gro/ grags pa 'dod pa'i bsam pas mi 'gro/ shes
135b3 kyi khe 'dod pa'i bsam pas mi 'gro/ rnyed pa dang bkur sti 'dod pa'i bsam pas mi 'gro zhing bdud la mi 'dud/ dga' bar byas nas snyems pa ma yin te/ de'i phyir phying pa
135b4 can zhes bya'o/ /rigs kyi bu/ chos bcu po de dag dang ldan na/ byang chub sems dpa' phying pa can rnams yin no/ /rigs kyi bu/ chos bcu dang ldan na/ byang chub sems dpa'
135b5 bsod snyoms pa rnams yin no/ /bcu gang zhe na/ 'di lta ste/ sems can rnams la phan par zhugs pa rnams yin/ mthar gyis bsod snyoms len pa rnams yin/ yongs su
135b6 yi chad pa med pa'i rang bzhin can rnams yin/ chog shes pa rnams yin/ bgo bsha' byed pa'i ngang tshul can rnams yin/ ma chags pa rnams yin/ bsod snyoms bza' ba
135b7 la tshod shes pa rnams yin/ dge ba'i phyogs la mngon du phyogs pa rnams yin/ dge ba'i rtsa ba shin tu yongs su bsdus pa rnams yin/ ril po'i 'du shes med pa rnams
136a1 yin no/ /rigs kyi bu/ de la ji ltar na/ byang chub sems dpa' sems can rnams la phan par zhugs pa yin pa nas ji ltar na/ ril po'i 'du shes med pa'i bar
136a2 du yin zhe na/ rigs kyi bu/ 'di la byang chub sems dpa' sems can dge ba'i rtsa ba chung ba dang / dge ba'i rtsa ba chung du dang ldan pa sdug bsngal pa dag mthong na/ sems can
136a3 de dag la phan par bya ba'i phyir bsod snyoms pa'i yi dam 'dzin te/ de nam grong ngam/ grong khyer ram/ grong 'dab tu bsod snyoms kyi phyir 'gro ba de'i tshe dran pa shin tu nye bar
136a4 bzhag pa dang / spyod lam mdzes pas dbang po mi g.yo ba dang / dbang po mi rgod pa dang / dbang po dul ba dang / gnya' shing gang tsam du lta ba dang / dge ba'i chos rnams la dran
136a5 pa shin tu nye bar bzhag cing bsod snyoms kyi phyir 'gro'o/ /de bsod snyoms kyi phyir 'gro na de bsod snyoms mthar gyis len pa yin te/ mgo 'phang bstod cing bram ze'i
136a6 rigs shing sA la ltar che zhing mtho ba'i grong ngam/ rgyal rigs shing sA la ltar che zhing mtho ba'i grong ngam/ khyim bdag shing sA la ltar che zhing mtho ba'i grong 'byor pa dag
136a7 tu mi 'jug gi /mtha' gcig nas bzung ste na ma de'i don grub par gyur gyi bar du bsod snyoms la spyod de/ gzhan du na gnas gang na khyi za ba'am/ ba drus ma'am/
136b1 byol song gi skye gnas su gtogs pa rang bzhin gyis ngang tshul ngan pa'i srog chags sam/ bud med dang / skyes pa dang / khye'u dang / bu mo kyal ka bya ba'i bsam pa can dag yod
136b2 pa'am| smad pa'i gnas thams cad du thams cad yongs su spong ste/ de mthar gyis bsod snyoms la 'gro na yongs su yi mi chad cing kun nas nyon mongs pa med la/ sems
136b3 can de dag la chags pa'ang mi skyed/ khong khro ba'ang mi skyed de/ yongs su yi chad pa med pas so so ci rigs pa'i bsod snyoms ngan ngon gyis chog shes pa yin te/ des bsod snyoms
136b4 de blangs nas bdag gi gnas su 'ongs te lhung bzed dang / chos gos bzhag /rkang lag bkrus te/ de bzhin gshegs pa'i gzugs sam/ de bzhin gshegs pa'i mchod
136b5 rten rnams la bkur sti dang / rim gro byas te gnas su song nas bsod snyoms de las cha gcig ni/ tshangs pa mtshungs par spyod pa rnams kyi phyir gzhog go /gnyis pa ni/
136b6 sdug bsngal ba rnams kyi phyir gzhog go/ gsum pa ni/ sems can log par ltung ba rnams kyi phyir gzhog go /cha bzhi pa ni/ bdag za ste/ de za ba na 'dod chags med
136b7 par za ste/ chags par ma yin/ brkam par ma yin/ zhen par ma yin gyi/ gzhan du na ji tsam du lus gnas par 'gyur ba dang / 'tsho bar bya ba'i phyir za ste/ ji ltar ha
137a1 cang yang nyams dma' ba dang / ha cang yang lus lci bar mi 'gyur ba ltar ba ste/ de ci'i phyir zhe na/ ha cang yang nyams dmas na ni/ dge ba'i phyogs
137a2 la rgyab kyis phyogs par 'gyur ro/ /lus ha cang lcis na ni/ gnyid kyis non par 'gyur ro/ /des bsod snyoms de zos nas dge ba'i phyogs la mngon du phyogs pa
137a3 dang | brtson 'grus brtsams pa dang / le lo med pa dang / snyom pa med pa dang / byang chub kyi phyogs kyi chos yongs su rdzogs par 'gyur bar bya'o/ /byang chub kyi phyogs kyi
137a4 chos yongs su 'dus pas bdag tu 'dzin pa med pa yin/ bdag tu 'dzin pa med pas bdag gi shas kyang sems can rnams la phan 'dogs pa yin no/ /rigs kyi
137a5 bu| chos bcu po de dag dang ldan na/ byang chub sems dpa' bsod snyoms pa rnams yin no/ /rigs kyi bu/ chos bcu dang ldan na/ byang chub sems dpa' stan gcig
137a6 pa rnams yin no/ /bcu gang zhe na/ 'di lta ste/ bdud thams cad kyis bsdigs kyang byang chub kyi snying po'i stan gcig las mi g.yo ba rnams yin/ 'jig rten
137a7 las 'das pa'i bsam gtan las mi g.yo ba rnams yin/ 'jig rten las 'das pa'i shes rab las mi g.yo ba rnams yin/ 'jig rten las 'das pa'i ye
137b1 shes las mi g.yo ba rnams yin/ stong pa nyid las mi g.yo ba rnams yin/ sangs rgyas kyi chos thams cad yang dag pa ji lta ba bzhin du rtogs pa las mi g.yo ba rnams
137b2 yin| lam las mi g.yo ba rnams yin/ yang dag pa'i mtha' las mi g.yo ba rnams yin/ de bzhin nyid las mi g.yo ba rnams yin/ thams cad mkhyen pa nyid kyi
137b3 stan las mi g.yo ba rnams yin no/ /rigs kyi bu/ stan gcig po ni/ 'di yin te/ de ni/ thams cad mkhyen pa nyid kyi stan no/ /rigs kyi bu/ stan gcig po ni/
137b4 'di yin te/ de ni/ chos kyi stan no/ /stan de las byang chub sems dpa' de dag mi g.yo ste/ de bas na/ stan gcig pa zhes bya'o/ /rigs kyi bu/ chos bcu po de dag dang
137b5 ldan na/ byang chub sems dpa' stan gcig pa rnams yin no/ /rigs kyi bu/ chos bcu dang ldan na/ byang chub sems dpa' zas phyis mi len pa rnams yin no/ /
137b6 bcu gang zhe na/ 'di lta ste/ mi brkam pa'i rang bzhin can rnams yin/ mi chags pa'i rang bzhin can rnams yin/ de dag gis nam tshod bzung bar gyur pa de'i tshe nyi tshod
137b7 yod dam med kyang rung ste/ de dag gi lus ston pa'i yo byad 'di lta ste/ mar ram/ 'bru mar ram/ sbrang rtsi'am/ bu ram mam/ rtsa ba'i khu ba'am/ sdong po'i khu ba'am/
138a1 'bras bu'i khu ba de lta bu dag bzar mi rung ngo / /gzhan za ba mthong na'ang khong khro ba'i sems dang / 'jungs pa'i sems kyang mi skyed do/ /yang gal te
138a2 zas phyis mi len pa'i byang chub sems dpa' de ji lta bu'i nad kyis srog gi bar chad du 'gyur ba'am/ dge ba'i phyogs kyi bar chad du 'gyur te nad tshabs che na/ des 'gyod
138a3 pa med cing the tshom med par byas la sman yin par sems nye bar bzhag pas spyad par bya ste/ rigs kyi bu/ de ltar na/ byang chub sems dpa' zas phyis mi len pa
138a4 rnams yin no/ /rigs kyi bu/ chos bcu po de dag dang ldan na/ byang chub sems dpa' zas phyis mi len pa rnams yin no/ /rigs kyi bu/ chos bcu dang ldan na/ byang
138a5 chub sems dpa' dgon pa pa rnams yin no/ /bcu gang zhe na/ 'di lta ste/ yun ring po nas tshangs par spyod pa la gnas pa rnams yin/ 'dul ba la mkhas pa rnams
138a6 yin| dbang po ma nyams pa rnams yin/ mang du thos pa rnams yin/ nus pa rnams yin/ bdag tu 'dzin pa'i 'jigs pa dang bral ba rnams yin/ ri dwags dang 'dra
138a7 ba rnams yin/ lus kyi mtha' bsrings pa rnams yin/ dben pa la mngon du phyogs pa rnams yin/ mi dga' ba dang ma 'dres pa rnams yin no/ /rigs kyi bu/
138b1 de la ji ltar na/ byang chub sems dpa' yun ring po nas tshangs par spyod pa la gnas pa yin pa nas ji ltar na/ mi dga' ba dang ma 'dres pa'i bar du yin zhe na/ rigs kyi bu/
138b2 'di la byang chub sems dpa' legs par bshad pa'i chos 'dul ba la rab tu byung ba yin/ 'khor gsum yongs su dag pa'i tshul khrims dang ldan pa yin/ chos nyid la
138b3 mkhas shing cho ga dang / spyod yul dang / 'gro ba dang / phyir 'gro ba la mkhas pas gang 'di de bzhin gshegs pas rgan rabs dang / bar ma dang / gsar bu rnams kyi
138b4 bslab pa'i lam bstan pa de la 'di lta ste/ don dang / tshig dang / 'byung ba la mkhas pa dang / gzhan gyi dring mi 'jog cing gzhan gyis mi bkri ba yin no/ /de ltung ba byung
138b5 na ltung ba las 'byung ba rab tu shes shing gnas de dag kyang yongs su spong ngo / /gnas de dag la gus pa byed cing 'chags pa mang ba yin no/ /sdig pa de la smod cing 'gyod
138b6 de mthol bar byed do/ /gnas gang dag tu ltung bar 'gyur ba de dag kyang rab tu shes/ gang dag tu mi 'gyur ba de dag kyang rab tu shes/ gang dag tu chen por 'gyur ba
138b7 dang | gang dag tu 'bring dang / gang dag tu chung dur 'gyur ba de dag kyang rab tu shes/ gang las kyi rnam par smin pa'i yun ji srid pa de dag kyang rab tu shes/ de'ang
139a1 nan tan gyis sgrub bo/ /de mig gi dbang po ma nyams pa dang / rna ba'i dbang po ma nyams shing yan lag dang nyid lag thams cad ma nyams par dgon phan
139a2 gnas te/ gnas gang na 'tsho ba med pa'i gnas de dag tu gnas so/ /gnas gang dag na bsod snyoms blang ba'i spyod yul dang ha cang yang mi ring / ha cang yang mi nye
139a3 ba dang / gnas gang dag na chu dang zhing rnyog pa med pa/ gtsang zhing dri ma med pa/ tshegs chung ba yod pa dang / gnas gang na shing phun sum tshogs pa/ me tog phun
139a4 sum tshogs pa/ 'bras bu phun sum tshogs pa/ lo ma phun sum tshogs pa/ gcan gzan khro bo med pa/ phug dang ldan pa/ sman gshong dang ldan pa/ thag thug med
139a5 pa| 'gro na bde ba/ zhi ba/ gnyis su med pa'i gnas de 'dra ba dag na gnas so/ /de gnas de dag na gnas shing gang des sngon blags pa dang / sngon thos pa de nyin lan
139a6 gsum mtshan lan gsum du sgra ha cang yang mi che/ ha cang yang mi chung ba dang / dbang po mi rgod cing phyir rol tu ma song ba'i sems kyis dad pas nye bar 'tsho zhing tshig nye
139a7 bar bzung ste mtshan ma 'dzin cing gnyid kyis ma log par kha ton byed do/ /gal te dge slong dgon pa pa'i drung du rgyal po'am/ blon po chen po'am/ de ma yin pa gzhan
139b1 bram ze'am/ rgyal rigs sam/ grong pa'am/ yul gyi mi dag 'ongs na/ de de dag la gus par legs par 'ongs so/ /zhes brjod par bya ste/ des rgyal po chen po ji ltar gdan bting
139b2 pa la bzhugs shig /ces de skad byas nas gal te 'dug nas gnyi ga'ang 'dug par bya'o/ /de ste mi 'dug na gnyi ga'ang mi 'dug par bya'o/ /gal te dbang po rgod par gyur na/
139b3 rgyal po chen po gang khyod kyis phyogs na dge slong dang / bram ze rnams tshul khrims dang ldan pa/ yon tan dang ldan pa/ mang du thos pa dag mi rgod dang / spre'u rnams kyis ma
139b4 gtses par gnas pa de ni/ rnyed pa legs par rnyed do/ /zhes bstod par bya'o/ /de ste brtan zhing dul la dbang po rab tu zhi ba zhig yin te/ chos bstan par rung na/ de la chos
139b5 sna tshogs bstan par bya'o/ /de ste chos sna tshogs bstan pa la mi dga' na/ de la skyo ba dang mthun pa'i chos bstan par bya'o/ /de ste skyo ba dang mthun pa'i chos bstan pa la
139b6 mi dga' na/ de la de bzhin gshegs pa'i che ba rgya che ba/ rgya che ba dag bstan par bya'o/ /bram ze dang / rgyal rigs dang / grong pa dang / yul gyi mi dag 'ongs na'ang ci
139b7 rigs par bya ba dag bya'o/ /de de ltar mang du thos pas chos nyan pa rnams kyi sems mgu bar byed nus pa yin te/ sems can de dag kyang de la dga' ba dang / dad pa
140a1 dang | rangs pa 'thob par 'gyur ro/ /nyon mongs pa kun nas langs pa rnams kyi gnyen po'ang nus pa yin no/ /mang du phos pa'i stobs bskyed pas bdag
140a2 tu 'dzin pa dang bral ba yin no/ /de bdag tu 'dzin pa'i 'jigs pa dang bral bas dgon pa de na mi 'jigs/ mi skrag /mi dngang / bag tsha ba med cing / rab tu dben pa la
140a3 mngon du phyogs par gyur te gnas so/ /de dgon pa de na dben pa la mngon du phyogs shing 'du 'dzi med par gnas pas ri dwags dang 'dra ba yin no/ /rigs kyi bu/ byang chub
140a4 sems dpa' dgon pa pa ni/ ri dwags ltar rtag tu 'jigs pa ma yin te/ de la ri dwags kyi nyes pa yang med mod kyi/ ji ltar ri dwags dag bdag 'di'i lan bon gyi/ srog
140a5 gi bar chad du 'gyur du 'ong ngo / /zhes yul dang yul gyi phyogs ring po bas kyang ring por spong ba 'di bzhin du byang chub sems dpa' yang bdag 'di'i lan bon gyi/ yi dam
140a6 gyi bar chad dam/ sems g.yeng bar gyur na mi rung ngo / /zhes bud med dang / skyes pa dang / khye'u dang / bu mo rnams dang 'du 'dzi mi byed cing 'du 'dzi dag thag ring po
140a7 bas kyang ring por yongs su spong ngo / /de de ltar thag bsrings te gnas pas dben pa la mngon par phyogs pa yin/ de rab tu dben pa la mngon du phyogs pas dgon
140b1 pa de la yon tan du lta ba dang / zhi bar lta ba yin/ de yon tan du lta zhing zhi bar lta bas na/ mi dga' ba dang mi 'dre'o/ /mi dga' ba dang ma 'dres pas na/ dgon pa'i chos rnams
140b2 yang dag par blangs nas spyod de/ de ltar na/ rigs kyi bu/ byang chub sems dpa' yun ring po nas tshangs par spyad pa la gnas pa nas mi dga' ba dang ma 'dres pa'i bar du yin
140b3 no| |rigs kyi bu/ chos bcu po de dag dang ldan na/ byang chub sems dpa' dgon pa pa rnams yin no/ /rigs kyi bu/ chos bcu dang ldan na/ byang chub sems dpa' shing
140b4 drung pa rnams yin no/ /bcu gang zhe na/ 'di lta ste/ grong dang ha cang nye ba'i shing drung du mi rten/ grong dang ha cang ring ba'i shing drung du mi rten/ ldam ldum tsher ma can gyis
140b5 gang ba'i shing drung du mi rten/ shing ma lu ta dang / ka bya ka tsu'i 'khri shing gis gang ba'i shing drung du mi rten/ shing lo ma bskams pa'i shing drung du mi rten/ spre'u gnas
140b6 pa'i shing drung du mi rten/ bya gnas pa'i shing drung du mi rten/ gcan gzan khro bo gnas pa'i shing drung du mi rten/ 'gron po gnas pa'i shing drung du mi rten/ mi g.yon can
140b7 gnas pa'i shing drung du mi rten gyi/ gang na lus bag yangs shing sems dga' bar 'gyur ba'i shing drung de lta bur rten to/ rigs kyi bu/ chos bcu po de dag dang ldan na
141a1 byang chub sems dpa' shing drung pa rnams yin no/ /rigs kyi bu/ chos bcu dang ldan na/ byang chub sems dpa' bla gab med pa rnams yin no/ /bcu gang zhe
141a2 na| 'di lta ste/ dgun nam/ dpyid dam/ dbyar ram/ ston yang rung ste/ rtsig drung na mi gnas/ shing drung na ma yin/ sog ma spubs par ma yin/ ri'i sman gshong du ma yin/
141a3 chu lkog tu ma yin/ grang ba skyob par yang mi byed/ rlung skyob par ma yin/ char skyob pa ma yin/ nyi ma skyob pa ma yin/ ba mo'i skyabs kyang mi byed kyi/ gzhan du na gal te byang
141a4 chub sems dpa' bla gab med pa pa nam lus kyis mi nus par gyur na/ des gtsug lag khang du gnas te nyon mongs pa'i gnyen po'i phyir de bzhin gshegs pas sbyangs pa'i
141a5 yon tan bcas te/ ci nas kyang bdag gtsug lag khang na gnas bzhin du nyon mongs pa rnams spong bar 'bad pa de ltar bya'o/ /zhes sems bskyed par bya'o/ /gtsug lag
141a6 khang de la'ang chags pa mi skyed de zhen par yang ma yin no/ /de'ang 'di ltar sems te/ sbyin pa'i bdag po rnams la phan gdags par bya'i/ bdag cag gis bdag nyid
141a7 gso bar mi bya'o snyam ste/ de rtag tu rgyun mi chad par bla gab med pa'i 'du shes nye bar 'jog pa yin no/ /rigs kyi bu/ chos bcu po de dag dang ldan na/ byang chub sems
141b1 dpa' bla gab med pa rnams yin no/ /rigs kyi bu/ chos bcu dang ldan na/ byang chub sems dpa' dur khrod pa rnams yin no/ /bcu gang zhe na/ 'di lta ste/ gnas gang na gnas kyang
141b2 rung | skyo ba med pa rnams yin/ de dag shi ba'i 'du shes rtag tu rgyun mi 'chad par nye bar gzhog pa yin/ de dag rnam par zos par 'du shes pa dang / rnam par dmar bar 'du
141b3 shes pa dang / rnam par sdos par 'du shes pa dang / rnam par dul bar 'du shes pa dang / rnam par bam par 'du shes pa dang / rnam par tshig par 'du shes pa dang / rnam par 'thor bar
141b4 'du shes pa dang / keng rus su 'du shes pa rtag tu rgyun mi 'chad par nye bar gzhog pa yin no/ /rigs kyi bu/ byang chub sems dpa' dur khrod pas ni/ byams pa'i sems su bya'o/ /
141b5 phan pa'i sems dang / sems can la snying brtse ba dang / tshul khrims dang / gtsang sbra'i cho ga dang ldan zhing sha dang 'bags pa med par bya'o/ /rigs kyi bu/ de ci'i phyir zhe na/ dur
141b6 khrod kyi gam yon ni/ byang chub sems dpa' sha za ba mthong na ma dad pa skye zhing gtse bar sems pa'i mi ma yin pa dag gnas pa yod do/ /rigs kyi bu/ byang chub sems dpa'
141b7 dur khrod pas gtsug lag khang du zhugs te de bzhin gshegs pa'i mchod rten la phyag byas/ dge slong rgan rabs rnams la phyag byas te/ gsar bu rnams kyang dga' bar byas
142a1 la 'greng ste 'dug par bya'o/ /dge 'dun gyi mal stan la 'dug par mi bya'o/ /rigs kyi bu/ de ci'i phyir zhe na/ byang chub sems dpa' 'jig rten gyi yid dang sbyar
142a2 bar bya ste/ byang chub sems dpa' dur khrod pa ni/ 'phags pa ma yin pa'i 'jig rten dang mi mthun gyi/ 'phags pa dang ni/ mi mthun pa med do/ /gal te byang chub sems dpa'
142a3 dur khrod pa gang zag gi mal stan la bdar na/ des ci nas kyang 'gyod par mi 'gyur la/ gzhan gyis kyang dpya bar mi 'gyur bar shin tu rtogs par byas la/ dge slong de'i
142a4 bsam pa'ang shes nas gdod stan de la gdol bu dang 'dra bar dma' ba'i sems kyis stan de la 'dug par bya'o/ /rigs kyi bu/ chos bcu po de dag dang ldan na/ byang chub
142a5 sems dpa' dur khrod pa rnams yin no/ /rigs kyi bu/ chos bcu dang ldan na/ byang chub sems dpa' tsog pu pa rnams yin no/ /bcu gang zhe na/ 'di lta ste/ lus yongs
142a6 su gdung bar bya ba'i phyir 'dug pa ma yin/ sems yongs su gdung bar bya ba'i phyir 'dug pa ma yin/ gnyid kyis non te 'dug pa ma yin/ lus dub pas 'dug pa ma
142a7 yin gyi byang chub sems dpa' tsog pu pa 'dug pa ni/ byang chub kyi tshogs yongs su bkang ba'i phyir 'dug go /sems rtse gcig tu bya ba'i phyir 'dug go /lam mngon
142b1 du bya ba'i phyir 'dug go /byang chub kyi snying por 'gro bar bya ba'i phyir 'dug go /sems can la phan pa'i phyir 'dug go /nyon mongs pa thams cad spang ba'i phyir 'dug go /rigs
142b2 kyi bu| chos bcu po de dag dang ldan na/ byang chub sems dpa' tsog pu pa rnams yin no/ /rigs kyi bu/ chos bcu dang ldan na/ byang chub sems dpa' gzhi ji bzhin pa rnams
142b3 yin no| |bcu gang zhe na/ 'di lta ste/ mal stan la ma chags pa rnams yin/ bdag nyid kyang mal snyan mi 'ding / gzhan yang 'ding du mi 'jug /gding ba'i phyir brda mi byed
142b4 cing | gzhan du na lo mas gang ba'am/ rtswa sa gang ba'i gnas kyang rung ste/ gnas de dag tu nyal bar byed cing sa gang gi phyogs na sprul gyis gang ba'am/ sbrang ma dang / sha
142b5 sbrang gis gang ba'am/ khung mang ba de dag ring po bas kyang ring por yongs su spong ngo / /de dag nyal ba na glo g.yas pas nyal bar byed de/ rkang pa'i steng du rkang pa bzhag nas
142b6 lus chos gos dag gis shin tu g.yogs shing dran pa dang shes bzhin du snang ba'i 'du shes dang / ldang ba'i 'du shes su nyal bar byed de/ gnyid kyis bde ba la chags par
142b7 mi byed/ snyes pa'i bde ba la'ang ma yin te/ gzhan du na de dag ci com 'byung ba chen po gnas shing 'tsho ba'i phyir nyal bar byed la/ rtag tu rgyun mi 'chad par yang dag
143a1 pa'i phyogs la mngon du phyogs pa rnams yin no/ /rigs kyi bu/ chos bcu po de dag dang ldan na/ byang chub sems dpa' gzhi ji bzhin pa rnams yin
143a2 no| |rigs kyi bu/ chos bcu dang ldan na/ byang chub sems dpa' rnal 'byor spyod pa rnams yin no/ /bcu gang zhe na/ 'di lta ste/ mi sdug pa sgom pa mang ba rnams
143a3 yin| byams pa sgom pa mang ba rnams yin/ rten cing 'brel par 'byung ba bsgom pa mang ba rnams yin/ skyon la mkhas pa rnams yin/ stong pa nyid sgom pa mang ba
143a4 rnams yin/ mtshan ma med pa sgom pa mang ba rnams yin/ rnal 'byor sgom pa mang ba rnams yin/ rgyun du sgom pa mang ba rnams yin/ 'gyod pa med pa rnams yin/
143a5 tshul khrims phun sum tshogs pa rnams yin no/ /rigs kyi bu/ de ltar na/ byang chub sems dpa' mi sdug pa sgom pa mang ba yin zhe na/ rigs kyi bu/ 'di la byang chub sems
143a6 dpa' gcig pu dben par song ste nang du yang dag par bzhugs nas rab tu dben pa la mngon du phyogs shing shin tu skyo ba'i sems kyis lus drang po drang po dang / lus bags
143a7 kyis glod pas skyil mo krung bcas nas dran pa mngon du bzhag ste phyi rol tu ma byung ba'i sems kyis de 'di snyam du sems so/ /ji snyed du mi'i nang na kha zas dang / zas
143b1 skom gtsang ma'ang rung / bzang po'ang rung / ngan pa'ang rung / ro phun sum tshogs pa'ang rung / ro chung ba'ang rung ste/ de thams cad lus kyi mes reg pa dang / btsog par 'gyur te/ rul
143b2 cing dri nga ba dang / 'jig rten thams cad dang mi 'phrod pa yin na/ de la byis pa 'di dag ni/ shin tu zhen cing rab tu chags so/ /bdag cag ni/ 'phags pa'i chos 'dul ba la gnas
143b3 te| yang dag pa'i shes rab kyis yang dag pa ji lta ba bzhin du brtags te/ 'di 'dra ba'i lus la ma zhen ma chags par bya'o/ /de'i phyir skyo ba'i sems kyang mi bskyod do snyam ste/ de
143b4 ltar na/ byang chub sems dpa' mi sdug pa sgom pa mang ba yin no/ /ji ltar na/ byang chub sems dpa' byams pa sgom pa mang ba yin zhe na/ rigs kyi bu/ 'di la byang chub sems
143b5 dpa' gcig pu 'byung bar 'gyur te nang du yang dag par bzhag nas rab tu dben pa la mngon du phyogs te shin tu skyo ba'i sems kyis lus drang po drang po dang / lus bags kyis
143b6 glod pas skyil mo krung bcas nas dran pa mngon du bzhag ste phyi rol tu ma byung ba'i sems kyis 'di snyam du sems so/ /sems can gang dag khro ba dang gnod sems mang ba/ mi
143b7 dge ba'i las byed pa rnams dang / gang rnams bdag la rgol ba dang / dgra bo gcugs med par shar gnyer ba rnams byung ba'am/ 'byung bar 'gyur ba'ang rung ste/ bdag gis de dag
144a1 thams cad kyi khro ba dang / gnod sems rab tu zhi bar byas te byang chub kyi snying po la 'god par bya'o/ /de'ang ngag tsam gyis ma yin gyi bsam pa thag pas sems
144a2 te| de ltar na/ byang chub sems dpa' byams pa sgom pa mang ba yin no/ /ji ltar na/ byang chub sems dpa' rten cing 'brel bar 'byung ba sgom pa mang ba yin zhe na/ 'di la
144a3 byang chub sems dpa' 'dod chags skyes pa dang / khro ba skyes pa dang / gnod sems kyi sems skyes na/ 'di snyam du sems so/ /chos 'di su la skye ba de yang rten cing 'brel
144a4 bar 'byung ba'o/ /chos gang skye ba de'ang rten cing 'brel bar 'byung ba'o/ /rkyen gang dag gis skye ba de dag kyang rten cing 'brel bar 'byung ba'o/ /rten cing 'brel par 'byung ba'i chos
144a5 gsog de dag la mkhas pa'i rang bzhin can su zhig bdag la rma 'byin snyam ste/ de ltar na/ byang chub sems dpa' rten cing 'brel bar 'byung ba sgom pa mang ba yin no/ /ji
144a6 ltar na/ byang chub sems dpa' skyon la mkhas pa yin zhe na/ 'di la byang chub sems dpa' gang bdag gi rgyud la skyon yod pa de dag spang ba'i phyir nan tan byed/ gzhan
144a7 gyi rgyud la yod pa mi nus pa'i rang bzhin de dag la'ang btang snyoms su gnas so/ /skyon de dag gang zhe na/ 'di lta ste/ sangs rgyas la ri mo mi byed pa dang / chos dang /
144b1 dge 'dun dang / bslab pa dang / 'phags pa rnams dang / tshangs pa mtshungs par spyod pa rgan rabs dang / bar ma dang / gsar bu rnams la ri mo mi byed pa ni/ skyon no/ /bdag la
144b2 ri mo byed pa dang / gzhan la brnyas pa dang / yul la mngon du phyogs pa dang / mya ngan las 'das pa la rgyab kyis phyogs pa dang / bdag tu lta ba dang / sems can du lta ba dang /
144b3 srog tu lta ba dang / gang zag tu lta ba dang / chad par lta ba dang / rtag par lta ba dang / stong pa nyid du 'dzin pa dang / rtag par 'dzin pa dang / mi rtag par 'dzin pa dang / 'phags pa
144b4 rnams la mnyes par mi byed pa dang / byis pa'i skye bo dang sten pa dang / tshul khrims dang ldan pa yongs su spong ba dang / sems can ngan pa'i ngang tshul can la bsnyen bkur byed pa
144b5 dang | sdig pa'i grogs po la sten pa dang / dge ba'i bshes gnyen yongs su spong ba dang / mdo sde zab mo spong ba dang / mdo sde zab mos skrag pa dang / snyoms las dang / le lo
144b6 dang | bdag la brnyas pa dang / gzi brjid chung ba dang / spobs pa med pa dang / gnas ma yin pa la 'gyod pa dang / mi 'gyod pa la 'gyod pa dang / 'gyod pa la mi 'gyod pa dang / sgrib
144b7 pa kun nas ldang bas glags pa dang / g.yo sgyus bcings pa dang / rmugs shing gnyid kyis non pa dang / rnyed pa dang / bkur sti 'dod pa dang / rus la 'dod chags pa dang / rigs
145a1 la 'dod chags pa dang / lta ba la 'dod chags pa dang / yul la 'dod chags pa dang / 'khor la 'dod chags pa dang / 'jig rten rgyang pan gyi gsang tshig
145a2 la sten pa dang / dam pa'i chos las 'byol ba dang / yi dam 'dor ba dang / mi dge ba dang ldan pa dag la rtsol ba dang / dge ba dang ldan pa dag la mi rtsol ba dang / rab tu
145a3 byung ba dang sde ba dang / skyes pa dang sde ba dang / bud med dang sde ba dang / khye'u dang bu mo dang sde ba dang / mu stegs can dang sde ba dang / dgon pa la mngon par mi dga' ba dang /
145a4 zas kyi tshod mi shes pa dang / bla ma'i drung du mi 'gro ba dang / kha ton gyi dus mi shes pa dang / spyod yul gyi gnas mi shes pa dang / bslab pa phra mo dag la gus par mi byed pa
145a5 dang | sdig pa chung ngu rnams la 'jigs par mi lta ba dang / dbang po gti mug gis bsgribs pa dang ldan pa dang / g.yeng ba la dbang po grims pa dang / rgod par spyod pa
145a6 dang | bcos dka' ba dang / bka' blo mi bde ba dang / yid du 'ong ba dang / yid du mi 'ong ba'i gzugs dag la mtshan ma dang / mngon rtags su 'dzin pa dang / khro ba rnams
145a7 la sems mi byams pa dang / sdug bsngal ba rnams la snying mi brtse ba dang / na bas skyo bar mi byed pa dang / shi bas mi skrag pa dang / kun nas 'bar ba las mi 'byung
145b1 ba dang / lus la so sor mi rtog pa dang / tshul khrims la so sor mi rtog pa dang / ci byas ci byed ci bya zhes so sor mi rtog pa dang / mi bsam pa la sems pa dang / mi rtag pa la
145b2 rtog pa dang / mi smon pa la smon pa dang / mi 'byung ba la 'byung bar 'du shes pa dang / mi dga' ba la dga' bar 'du shes pa dang / lam ma yin pa la lam du 'du shes pa dang /
145b3 ma thob pa la thob par 'du shes pa dang / 'phral gyi bya ba la chags pa dang / byed pa ngan pas g.yeng ba dang / dge ba'i phyogs rgya chen po rnam par spong ba dang / theg pa chen po la
145b4 mi bsngags pa brjod pa dang / nyan thos kyi theg pa la bsngags pa brjod pa dang / theg pa chen po la mngon par dad pa'i gang zag rnams la mi bsngags pa brjod pa dang / nyan
145b5 thos kyi theg pa la mngon par dad pa'i gang zag rnams la bsngags pa brjod pa dang / rtsod pa lhur byed pa dang / 'thab pa'i ngang tshul can dang / brlang ba dang / rtsub pa dang /
145b6 pho theg can dang / spyi rtol che ba dang / gtum pa dang / gdug pa dang / ngag mi snyan pa dang / mu cor smra ba dang / mi gtsigs par smra ba dang / ngan du smra bas smra ba dang / rdzun zer
145b7 ba dang / spros pa la mngon par dga' ba dang / spros pa la gzhol ba ni/ skyon no/ /de de ltar skyon la mkhas pas spros pa thams cad dang bral bar bya ba'i phyir stong pa nyid
146a1 sgom pa la rnal 'byor du byed do/ /de stong pa nyid la sgom pa mang bas gnas gang dang gang dag la sems 'jug cing sems mngon par dad pa'i gnas
146a2 de dang de dag la ngo bo nyid yongs su btsal na stong par rtogs so/ /sems de gang yin pa de'ang yongs su brtags na stong pa'o/ /gang gis brtags pa de yang stong par
146a3 rtogs so/ /de de ltar rtog pas mtshan ma med pa la rnal 'byor du byed do/ /de la nang gi mtshan ma gang dang gang snang bar gyur pa de dang de dag mtshan ma med par
146a4 byed do| |ci nas kyang lus mi dmigs pa dang / lus la dran pa nye bar mi 'jog pa dang / lus la sems mi gtong ba dang / phyi rol gyi mtshan ma rnams mi dmigs
146a5 pa dang / phyi rol gyi mtshan ma rnams la dran pa nye bar mi 'jog pa dang / sems mi gtong ba de ltar mtshan ma med par byed de/ /de phyi rol gyi mtshan ma rnams dang bral
146a6 ba dang / lus kyi mtshan ma rnams dang bral bas nang gi mtshan ma rnams spang ba'i phyir zhugs te sgom pa la mngon par dga' ba bskyed do/ /de sgom pa mang bas rtag tu sgom
146a7 pa la brtson pa yin/ rgyun mi 'chad par zhi gnas dang / lhag mthong la gnas pas gnas pa yin/ de la zhi gnas ni/ sems rtse gcig pa'o/ /lhag mthong ni/
146b1 yang dag pa ji lta ba bzhin du chos so sor rtog pa'o/ /de sems mnyam par bzhag pas 'gyod pa med cing rab tu dga' ba yin no/ /de ci'i phyir zhe na/ de ltar tshul khrims
146b2 yongs su dag pa'i phyir ro/ /tshul khrims yongs su dag pa'i byang chub sems dpa' rnams ni/ rnal 'byor spyod pa yin te/ tshul khrims phun sum tshogs pa rnams la ni/ rnal
146b3 'byor yang dag par 'grub bo/ /tshul khrims phun sum tshogs pa rnams ni/ rnal 'byor la spyod de/ de bas na/ rnal 'byor la spyod pa rnams zhes bya'o/ /rigs kyi bu/ chos bcu
146b4 po de dag dang ldan na/ byang chub sems dpa' rnal 'byor spyod pa rnams yin no/ /rigs kyi bu/ chos bcu dang ldan na/ byang chub sems dpa' mdo sde 'dzin pa rnams yin no/ /
146b5 bcu gang zhe na/ 'di lta ste/ dam pa'i chos kun bsrung ba'i phyir thos pa 'dzin gyi zang zing gi phyir ma yin no/ /bstan pa kun bsrung ba'i phyir thos pa 'dzin gyi rnyed pa'i phyir ma
146b6 yin no| |dkon mchog gsum gyi rigs mi 'chad pa'i phyir thos pa 'dzin gyi bkur sti'i phyir ma yin no/ /theg pa chen po la yang dag par zhugs pa'i sems can rnams rjes
146b7 su gzung ba'i phyir thos pa 'dzin gyi grags pa dang / sgra dang / tshigs su bcad pa'i phyir ma yin no/ /mgon med pa'i sems can rnams la phan par bya ba'i phyir thos pa
147a1 'dzin to/ /sdug bsngal ba'i sems can rnams la bde bar bya ba'i phyir thos pa 'dzin to/ /shes rab kyi mig dang bral ba'i sems can rnams shes rab kyi
147a2 mig thob par bya ba'i phyir thos pa 'dzin to/ /nyan thos kyi theg pa la yang dag par zhugs pa'i sems can rnams la nyan thos kyi theg pa'i lam bstan pa'i phyir thos
147a3 pa 'dzin to/ /theg pa chen po la yang dag par zhugs pa'i sems can rnams la theg pa chen po'i lam bstan pa'i phyir thos pa 'dzin to/ /bdag nyid kyang bla na med pa'i
147a4 ye shes khong du chud par bya ba'i phyir thos pa 'dzin gyi theg pa chung ngu la ni/ mi smon to/ /rigs kyi bu/ chos bcu po de dag dang ldan na/ byang chub sems dpa' mdo sde
147a5 'dzin pa rnams yin no/ /rigs kyi bu/ chos bcu dang ldan na/ byang chub sems dpa' 'dul ba 'dzin pa rnams yin/ bcu gang zhe na/ 'di lta ste/ 'dul ba'ang rab tu
147a6 shes| 'dul ba'i tshul yang rab tu shes/ 'dul ba zab pa'ang rab tu shes/ 'dul ba zhib pa'ang rab tu shes/ rung ba dang mi rung ba'ang rab tu shes/ rang bzhin gyis kha
147a7 na ma tho ba'ang rab tu shes/ bcas pa'i kha na ma tho ba'ang rab tu shes/ so sor thar pa'i bslab pa'i gleng gzhi dang 'byung ba'ang rab tu shes/ nyan thos kyi 'dul ba'ang rab
147b1 tu shes| byang chub sems dpa'i 'dul ba'ang rab tu shes so/ /rigs kyi bu/ chos bcu po de dag dang ldan na/ byang chub sems dpa' 'dul ba 'dzin pa rnams yin no/ /rigs kyi
147b2 bu| chos bcu dang ldan na/ byang chub sems dpa' cho ga dang / spyod yul dang / spyod pa dang / spyod yul phun sum tshogs pa rnams yin no/ /bcu gang zhe na/ 'di lta ste/ nyan thos kyi
147b3 bslab pa dag la shin tu bslab pa rnams yin/ rang sangs rgyas kyi bslab pa dag la shin tu bslab pa rnams yin/ byang chub sems dpa'i bslab pa dag la shin tu bslab pa
147b4 rnams yin/ de dag shin tu bslab pas na/ cho ga dang spyod yul phun sum tshogs pa rnams yin/ cho ga dang spyod yul phun sum tshogs pas dge sbyong gi tshul dang mthun pa ma
147b5 yin pa'i spyod yul rnams yongs su spong / de dag de'i phyir gnas ma yin par mi spyod/ yul ma yin pa dang / dus ma yin par mi spyod/ de dag dge sbyong gi spyod yul la spyod pa
147b6 phun sum tshogs pa rnams yin te/ dge sbyong ngam/ bram zes 'di lta ste/ don dang mi ldan pa de dang / des mtshang 'drur med la gzhan dag kyang bslab pa de snyed la 'jog par
147b7 byed do| |de dag spyod pa phun sum tshogs pas spyod lam mdzes pa phun sum tshogs pa yin/ spyod lam rab tu zhi bas spyod lam bcos pa med pa dang ldan pa yin no/ /rigs
148a1 kyi bu/ chos bcu po de dag dang ldan na/ byang chub sems dpa' cho ga dang / spyod yul dang / spyod pa dang / spyod lam phun sum tshogs pa rnams yin no/ /rigs
148a2 kyi bu| chos bcu dang ldan na/ byang chub sems dpa' ser sna dang phrag dog dang bral ba rnams yin no/ /bcu gang zhe na/ 'di lta ste/ bdag nyid kyang sbyin pa'i bdag po
148a3 yin| gzhan yang sbyin pa la yang dag par 'dzud/ sbyin pa'i bsngags pa smra ba rnams yin/ gzhan dag gis sbyin pa la rjes su yi rang bar byed/ sbyin pa'i bdag po gzhan
148a4 dag la'ang gzengs bstod cing rab tu dga' bar byed/ gzhan dag la byin na yang 'di snyam du bdag cag la byin cig gzhan la ni/ ma yin no/ /bdag cag gir
148a5 gyur la| gzhan dag gir ma gyur cig/ ces sems mi skyed/ 'di snyam du 'di lta ste/ sems can thams cad 'tsho ba'i yo byad de dang de dag thob par gyur cig /
148a6 'jig rten dang 'jig rten las 'das pa'i bde ba dang ldan te bde bar gyur cig/ bdag cag gis kyang de nyid kyi don du 'bad par bya/ btsal bar bya'o/ bdag cag
148a7 gis der ser sna dang / phrag dog gi sems bskyed par mi bya'o/ /zhes sems bskyed do/ /rigs kyi bu/ chos bcu po de dag dang ldan na/ byang chub sems dpa' ser sna
148b1 dang phrag dog dang bral ba rnams yin no/ /rigs kyi bu/ chos bcu dang ldan na/ byang chub sems dpa' sems can thams cad la sems snyoms pa rnams yin no/ /bcu gang zhe
148b2 na| 'di lta ste/ sems can thams cad la snyoms par spyod pa rnams yin/ sems can thams cad la khong khro ba'i sems med pa rnams yin/ sems can thams cad la
148b3 gnod sems med pa rnams yin/ sems can thams cad kyi don kho nar sbyin pa dag sbyin/ tshul khrims srung / bzod pa sgom/ brtson 'grus rtsom/ bsam gtan la bsam
148b4 gtan du byed/ shes rab sgom/ thams cad mkhyen pa nyid kyang yang dag par sgrub mod kyi/ gnyis la gnas pa'i sems kyis sgrub pa ma yin gyi/ sems can thams cad la
148b5 mthun mong gi sems dang / sems can thams cad la dmigs pas sgrub ste/ ci nas kyang chos nyid myur du 'thob par 'gyur ba de ltar grub bo/ /de dag 'khor ba rab tu 'bar
148b6 ba nas bdag nyid byung nas gzhan dag kyang 'byin te/ de'ang mnyam pa nyid kyi sems nye bar bzhag cing 'byin gyi sdug pa'i sems kyis ma yin te/ khong khro bas ma yin no/ /rigs
148b7 kyi bu| 'di lta ste/ dper na/ tshong dpon nam khyim bdag la bu sdug pa/ phangs pa/ byams pa/ yid du 'ong ba drug cig yod la/ bu de dag la tshong dpon nam khyim bdag de
149a1 mtshungs par byams shing / mtshungs par sbyor bar gyur pa las de'i bu de dag byis pa yin te/ gog pa/ mi shes pa/ mi mkhas pa dag cig yod la/ de nas
149a2 tshong dpon nam khyim bdag de'i khyim me thar te/ de'i bu de dag kyang so so na 'khor bar gyur nas rigs kyi bu/ de ji snyam du sems/ tshong dpon nam khyim bdag de 'di
149a3 ni| sngar je dbyung ngo / /de nas phyis 'di dbyung ngo snyam du de ltar sems sam/ byang chub sems dpa' sgrib pa thams cad rnam par sel ba bas gsol pa/ bcom ldan 'das/
149a4 ma lags so/ /de ci'i slad du zhe na/ bcom ldan 'das/ tshong dpon nam khyim bdag de bu rnams la sems snyoms pas de gang dang gang dag ji ltar mjal ba de dang de
149a5 dag de bzhin du 'byin to/ /bcom ldan 'das kyis bka' stsal pa/ rigs kyi bu/ de bzhin du byis pa lta bu'i sems can thams cad ni/ byang chub sems dpa'i bu dang
149a6 'dra ste| 'phags pa rnams ni/ ma yin te/ byang chub sems dpa' de byis pa/ mi gsal ba/ mi mkhas pa/ 'gro ba drug so so na gnas pa de dag 'khor ba'i khyim me thar
149a7 pa nas gang dang gang ji ltar yongs su smin par 'gyur ba de dang de nyid de ltar 'byin to/ /phyung nas kyang mya ngan las 'das pa'i dbyings zhi bar rab tu gzhog go /
149b1 rigs kyi bu/ chos bcu po de dag dang ldan na/ byang chub sems dpa' sems can thams cad la sems snyoms pa rnams yin no/ /rigs kyi bu/ chos bcu dang ldan na/ byang
149b2 chub sems dpa' de bzhin gshegs pa la mchod pa dang / rim gro bya ba la mkhas pa rnams yin no/ /bcu gang zhe na/ 'di lta ste/ chos la mchod pas de bzhin gshegs
149b3 pa la mchod pa dang / bsnyen bkur byas pa yin gyi/ zang zing gi mchod pas ni/ ma yin no/ /nan tan gyis mchod pa dag sems can rnams la phan zhing bde bar bya ba dang /
149b4 sems can rnams la phan 'dogs par byed pa dang / sems can rnams kyi don la zhugs pa dang / yi dam mi gtong ba dang / byang chub sems dpa'i las mi gtong ba dang /
149b5 ji ltar smras pa bzhin du byed pa dang / yid yongs su mi skyo ba dang / byang chub kyi sems mi gtong bas rigs kyi bu/ de bzhin gshegs pa rnams la mchod pa dang / bsnyen
149b6 bkur byas pa yin gyi/ zang zing gi mchod pas ni/ ma yin no/ /rigs kyi bu/ de ci'i phyir zhe na/ de bzhin gshegs pa rnams ni/ chos kyi sku ste/ chos la mchod na/ de bzhin
149b7 gshegs pa rnams la mchod par 'gyur ro/ /rigs kyi bu/ de bzhin gshegs pa rnams ni/ nan tan gyis yang dag par grub pa yin te/ sems can thams cad la
150a1 phan zhing bde ba dang / sems can thams cad la phan 'dogs pa dang / sems can gyi don bya ba'i phyir skye'o/ /rigs kyi bu/ sems can gyi don
150a2 de'ang yi dam btang ba dang / byang chub sems dpa'i las la rgyab kyis phyogs pa dang / brdzun du smra ba dang / smras pa las nyams pa dang / dam bcas pa las nyams pa
150a3 dang / yid yongs su skyo ba dang / byang chub kyi sems dang bral bas yang dag par 'thob par mi nus so/ /rigs kyi bu/ de ci'i phyir zhe na/ byang chub sems dpa' rnams
150a4 kyi bla na med pa yang dag par rdzogs pa'i byang chub ni/ sems can gyi don la rag las pa ste/ gal te sems can rnams med na/ byang chub sems dpa' rnams mngon
150a5 par rdzogs par 'tshang rgya bar mi nus so/ /de bas na/ rigs kyi bu/ chos la mchod pas de bzhin gshegs pa rnams la mchod cing rim gro byas pa yin gyi/ zang zing
150a6 gi mchod pas ma yin pa de ltar blta'o/ /rigs kyi bu/ chos bcu po de dag dang ldan na/ byang chub sems dpa' de bzhin gshegs pa la mchod pa dang / rim gro bya ba
150a7 la mkhas pa rnams yin no/ /rigs kyi bu/ chos bcu dang ldan na/ byang chub sems dpa' nga rgyal bcom pa rnams yin no/ /bcu gang zhe na/ rigs kyi bu/ 'di lta ste/ byang
150b1 chub sems dpa' khyim gyi gnas nas mngon par byung ste rab tu byung nas bdag ni/ grogs po dang / blon po dang / gnyen bshes dang / snag gi gnyen mtshams shing dang
150b2 'dra'o| |zhes nga rgyal bcom pa yin/ bdag gis gzugs mi sdug par khas blangs shing bdag gis gos kha dog mi sdug pa bgyis te tshul bzhin du bsgyur to/ /zhes nga
150b3 rgyal bcom pa yin/ spong ba'i rgyu spong ba'i phyir mgo bregs shing lag na lhung bzed thogs te grong nas grong du 'gro'o/ /zhes nga rgyal bcom pa yin/ gdol bu dang 'dra bar
150b4 dri ma'o ba'i sems kyis bsod snyoms kyi phyir 'gro'o/ /zhes nga rgyal bcom pa yin/ bdag ni/ bsod snyoms pa ste/ bdag gi 'tsho ba gzhan la rag lus so/ /zhes nga rgyal
150b5 bcom pa yin/ brnyes pa'i bsod snyoms ngan don len to/ /zhes nga rgyal bcom pa yin/ bdag gis slob dpon dang / bla ma dang / sbyin pa'i gnas rnams mnyes par bya
150b6 dgos so/ /zhes nga rgyal bcom pa yin/ bdag gis tshangs pa mtshungs par spyod pa rnams la 'di lta ste/ tshig dang / spyod yul dang / kun spyod pa de dang des mgu bar
150b7 bya'o| |zhes nga rgyal bcom pa yin/ sangs rgyas kyi chos ma thob pa rnams thob par bya'o/ /zhes nga rgyal bcom pa yin/ sems can khros pa dang / gnod sems can rnams
151a1 kyi nang na bzod pa mang bar bya'o/ /zhes nga rgyal bcom pa yin no/ /rigs kyi bu/ chos bcu po de dag dang ldan na/ byang chub sems dpa' nga rgyal bcom
151a2 pa rnams yin no/ /rigs kyi bu/ chos bcu dang ldan na/ byang chub sems dpa' dad pa mang ba rnams yin no/ /bcu gang zhe na/ 'di lta ste/ sngon gyi dge ba'i rtsa bas brtan
151a3 pa'i rgyu phun sum tshogs pas bsod nams kyis brtan pa yin/ gzhan gyis dring mi 'jog/ gzhan gyis mi bkri/ ston pa gzhan med pas yang dag par lta ba
151a4 rnams yin/ g.yo dang sgyus spyod pa dang bral bas bsam pa phun sum tshogs pa rnams yin/ gya gyu med pa'i rang bzhin can pas drang ba rnams yin/ dbang po rno bas
151a5 shes rab phun sum tshogs pa rnams yin/ rgyu dang bas sgrib pa dang kun las ldang ba dang bral ba rnams yin/ sdig pa'i grogs po dang bral bas dge ba'i bshes
151a6 gnyen la rten pa rnams yin/ legs par bshad pa tshol bas mngon pa'i nga rgyal med pa rnams yin/ chos bstan pa la log par mi 'dzin pa rnams yin/ rgya
151a7 chen po la mos pas de bzhin gshegs pa'i che ba rab tu shes pa yin no/ /rigs kyi bu/ chos bcu po de dag dang ldan na/ byang chub sems dpa' dad pa mang ba rnams
151b1 yin no| |byang chub sems dpa' sgrib pa thams cad rnam par sel bas gsol pa/ bcom ldan 'das/ bdag ni/ de bzhin gshegs pa'i che ba'i phyogs 'ga' tsam zhig nyan par
151b2 gsol lo/ /bcom ldan 'das kyis bka' stsal pa/ rigs kyi bu/ de'i phyir de bzhin gshegs pa'i che ba'i phyogs 'ga' zhig ngas bstan gyi/ legs par shin tu nyon la yid
151b3 la zungs shig/ bcom ldan 'das/ legs so/ /zhes byang chub sems dpa' sgrib pa thams cad rnam par sel pa bcom ldan 'das kyi ltar nyan pa dang / bcom ldan 'das
151b4 kyis 'di skad ces bka' stsal to/ /rigs kyi bu/ de bzhin gshegs pa ni/ sems can thams cad la thun mong ba'i byams pa chen po dang ldan te/ des de bzhin
151b5 gshegs pa ji ltar sems can gcig la khyab pa de bzhin du sems can gyi khams ma lus pa thams cad la'ang khyab ste/ sems can gyi khams thams cad la khyab
151b6 nas nam mkha'i dbyings la khyab kyang de bzhin gshegs pa'i byams pa chen po'i mtha' dang ma shes pa'ang med do/ /rigs kyi bu/ de bzhin gshegs pa ni/ nyan thos
151b7 dang / rang sangs rgyas dang / byang chub sems dpa' thams cad dang mthun mong ma yin pa'i snying rje chen po dang ldan te/ des de bzhin gshegs pa ji ltar sems can
152a1 gcig la snying rje ba bzhin du sems can gyi khams ma lus pa thams cad la snying rje zhing de la phan par mdzad do/ /rigs kyi bu/ de bzhin gshegs
152a2 pa ni| chos ston pa mi zad pa dang ldan te/ des de bzhin gshegs pa bskal pa du ma nas bskal pa brgya stong tshad med/ grangs med pa du ma'i bar du rnam grangs
152a3 gzhan dang gzhan dag dang / tshul gzhan dang gzhan dag gis sems can thams cad la dus gcig tu chos ston kyang de bzhin gshegs pa'i chos bstan pa zang
152a4 par mi 'gyur ro/ /rigs kyi bu/ de bzhin gshegs pa ni/ dri ba la lung bstan pa shin tu ston pa tshad med pa dang ldan te/ rigs kyi bu/ gal te sems can ji snyed
152a5 sems can gyi grangs su gtogs pa de dag thams cad kyis de bzhin gshegs pa la dus gcig tu tshig dang / yi ge gzhan dang gzhan dag gis dri ba tha dad du dris
152a6 kyang de dag la de bzhin gshegs pas skad cig thang gcig yud tsam gcig la dris pa lung bstan pa'i ston pa bstan kyang de bzhin gshegs pa'i dri ba la lung
152a7 bstan pa'i ston pa zad par mi 'gyur ro/ /rigs kyi bu/ de bzhin gshegs pa ni/ chags pa med pa'i bsam gtan gyi spyod yul pas yin te/ rigs kyi bu/ gal
152b1 te sems can thams cad byang chub sems dpa' sa bcu la gnas par 'gyur la/ de dag thams cad dus gcig tu ting nge 'dzin brgya stong du ma la snyems par zhugs te/ de bzhin
152b2 du snyoms par zhugs nas bskal pa brgya stong du mar ting nge 'dzin gzhan dang gzhan dag la snyoms par zhugs kyang de dag gis de bzhin gshegs pa'i ting nge 'dzin tam/ de bzhin gshegs pa'i ting nge 'dzin gyi spyod yul gyi mtha' ma mu mi rnyed do/
152b3 /rigs kyi bu/ de bzhin gshegs pa ni/ tshad med pa'i gzugs kyi sku mngon par grub pa dang /
152b4 ldan te| rigs kyi bu/ gal te sems can thams cad de bzhin gshegs pa'i gzugs kyis 'dul bar gyur na/ de dag la de bzhin gshegs pa skad cig thad gcig yud
152b5 tsam gcig la sems can re re'i mdun du de bzhin gshegs pa'i gzugs nye bar ston to/ /gal te gzugs gzhan dang gzhan la mos par gyur na/ de la'ang de bzhin
152b6 gshegs pa skad cig thang gcig yud tsam gcig gis sems can re re'i mdun du gzugs gzhan dang gzhan nye bar ston to/ /rigs kyi bu/ de bzhin gshegs pa'i
152b7 'phral gyi spyan gyi yul tshad med de/ rigs kyi bu/ 'phrul gyi spyan gyis gzigs kyi mi'i mig gis ma yin pa'i sems can yod pa gal te rigs kyi bu/ grangs dang bsam
153a1 pa las 'das pa'i 'jig rten gyi khams kyi sems can ma lus pa kun de 'dra bar gyur kyang de bzhin gshegs pas phyag gi mthil na skyu ru ra'i 'bras
153a2 bu ltar yang dag pa ji lta ba bzhin du gzigs so/ /rigs kyi bu/ de bzhin gshegs pa'i 'phrul gyi snyan gyi yul tshad med de/ rigs kyi bu/ gal te de lta bu nyid kyi sems
153a3 can gyis mtha' yas mu med pa'i 'jig rten gyi khams yongs su gang bar gyur la/ de dag thams cad kyis skad cig thang gcig yud tsam gcig la sgra dbyangs brjod
153a4 pa'i sgra lhan cig tu phyung ste brjod kyang de bzhin gshegs pas de dag bdag bdag gi sgra rnams kyang so sor gsan to/ /so sor rab tu mkhyen to/ /rigs kyi bu/ de
153a5 bzhin gshegs pa ni/ ye shes tshad med pa/ mi zad pa/ mu med pa/ nam mkha' dang 'dra ba dang ldan te/ rigs kyi bu/ gal te sems can gyi khams ma lus pa so sor
153a6 rnam par rtog pa rjes su rnam par rtog cing / bsam pa rnam pa sna tshogs rjes su sems la/ so so na las sna tshogs byed pa de dag kyang de bzhin gshegs pas skad
153a7 cig thang gcig yud tsam gcig la sems can 'di ni/ 'di la rnam par rtog go /sems can 'di ni/ 'di la sems so/ /sems can 'di ni/ las 'di byed do/ /
153b1 de'i 'bras bu ni/ 'dir 'gyur ro/ /zhes rab tu mkhyen te/ de'ang de bzhin gshegs pas dus gsum char la'ang thogs pa med pa'i ye shes kyis skad cig thang gcig yud
153b2 tsam gcig la rab tu mkhyen to/ /rigs kyi bu/ de bzhin gshegs pa ni/ rtag tu mnyam par bzhag pa/ rgyun mi 'chad par mnyam par bzhag pa'o/ /rigs kyi bu/ de
153b3 ci'i phyir zhe na/ de bzhin gshegs pa la bsnyel ngas pa med/ dbang po bslad pa med/ sems 'khrug pa med do/ /rigs kyi bu/ de ci'i phyir zhe na/ de bzhin gshegs
153b4 pa ni| nyon mongs pa'i bag chags dang bcas pa thams cad spangs pa ste/ zhi ba/ rab tu zhi pa/ nye bar zhi ba'o/ /rigs kyi bu/ gang la nyon mongs pa yod pa de'i sems ni /
153b5 bslad par 'gyur te/ sems bslad pas mnyam par 'jog par mi 'gyur ro/ /de bzhin gshegs pa ni/ nyon mongs pa med pa/ rdul med pa/ zag pa med pa/ nyon
153b6 mongs pa'i bag chags thams cad spangs pa/ chos thams cad la dbang ba/ mnyam pa nyid thob pa/ ting nge 'dzin dang snyoms par 'jug pa'i spyod yul thams cad
153b7 las byung ba yin te/ rigs kyi bu/ de bzhin gshegs pa spyod lam re re la'ang ting nge 'dzin re res spyod pa nas de bzhin gshegs pa de bzhin du spyod cing mya ngan
154a1 las 'das pa'i lus kyi tshe dbang du spyod na gang de bzhin gshegs pa rtag tu mnyam par bzhag pa lta ci smos/ rigs kyi bu/ de bzhin gshegs pa ni/ bskal
154a2 pa grangs med pa du mas yang dag par grub pa yin te/ rigs kyi bu/ de bzhin gshegs pa ni/ dpag pa dang / bsam pa dang / brtag par mi nus so/ /byang chub sems
154a3 dpa' sgrib pa thams cad rnam par sel bas gsol pa/ bcom ldan 'das/ bskal pa grangs ma mchis pa gsum gyis de bzhin gshegs pa rnams yang dag par 'grub
154a4 pa ma lags sam/ bcom ldan 'das kyis bka' stsal pa/ rigs kyi bu/ ma yin no/ /rigs kyi bu/ de ci'i phyir zhe na/ byang chub sems dpas de bzhin gshegs pa'i
154a5 yul bsgrub par bya ba ni/ bsam gyis mi khyab ste/ de ni/ bskal pa grangs med pa gsum gyis yang dag par sgrub par mi nus kyi/ nam byang chub sems dpa' chos
154a6 mnyam pa nyid du zhugs par gyur pa de'i tshe nas brtsams te bskal pa bgrang bar bya'i/ thog ma'i sems nas brtsams te ni ma yin no/ /byang chub sems dpa'
154a7 sgrib pa thams cad rnam par sel bas gsol pa/ bcom ldan 'das/ sus de bzhin gshegs pa'i che ba 'di thos nas dga' ba dang / dad pa dang / rangs pa rnyed
154b1 pa'i sems can de dag ni/ skyid de ba/ legs par bgyi ba'i las bgyid pa/ las kyi sgrib pa spangs pa/ dad pa dang mos pa mang zhing byang chub tu nye ba lags na/ su dag thos
154b2 nas 'dzin pa dang / 'chang ba dang / klog pa dang / kun chub par bgyid pa dang / gzhan la'ang rgya cher ston pa rnams lta ci smos te/ bcom ldan 'das/ sems can de dag
154b3 ring por mi thogs par de bzhin gshegs pa'i che ba 'di 'dra ba dag nyid kyi snod du gyur par mchi'o/ /bcom ldan 'das kyis bka' stsal pa/ rigs kyi bu/ de de bzhin no//
154b4 de de bzhin te/ rigs kyi bu/ de bzhin gshegs pa'i che ba 'di thos par 'gyur ba'i sems can de dag sangs rgyas kyis yongs su bzung ba yin no/ /dge ba'i rtsa ba bskyed
154b5 pa dang / sangs rgyas mang po la bsnyen bkur byas par 'gyur te/ rigs kyi bu dang / rigs kyi bu mo de dag gis the tshom dang / yid gnyis dang / nem nur mi bskyed par
154b6 bya'o| |rigs kyi bu'am/ rigs kyi bu mo gang gis nub bdun du yid la bya ba gzhan med cing sems ma 'khrugs par bsam pa drag po dang / dad pa drag por zhugs te/
154b7 de bzhin gshegs pa'i che ba 'di rjes su sems la zhag bdun 'das pa dang des mchod pa'i cho ga nye bar bzhag nas gtsang bas gos gtsang ma bgos te dad pa mngon
155a1 du byas la 'dug par byas na/ des de'i nub mo de bzhin gshegs pa mthong bar 'gyur ro/ /de ste mi byed dam cho ga ma tshang bar byed na/ de sems
155a2 rtse gcig par 'gyur zhing 'chi ba'i tshe 'ang de bzhin gshegs pa de'i mdun na bzhugs par 'gyur ro/ /byang chub sems dpa' sgrib pa thams cad rnam par sel bas
155a3 gsol pa/ bcom ldan 'das/ de bzhin gshegs pa'i che ba 'di bshad na/ sems can gang la la ma dad par 'gyur ba mchis sam/ bcom ldan 'das kyis bka' stsal
155a4 pa| rigs kyi bu/ de bzhin gshegs pa'i che ba 'di bshad na/ sems can gang mi zad pa rtsub pa'i bsam pa'i gnod sems bskyed par 'gyur ba dang / chos smra ba de la
155a5 yang dgrar 'du shes par 'gyur ba dag yod do/ /de dag de'i phyir lus zhig nas sems can dmyal ba dag tu skye bar 'gyur ro/ /yang rigs kyi bu/ sems can gang
155a6 rnams de bzhin gshegs pa'i che ba bshad pa 'di la dad pa rnyed par 'gyur ba dang / chos smra ba de la'ang dge ba'i bshes gnyen du 'du shes pa dang / ston par 'du shes
155a7 skyed na| rigs kyi bu/ sngon yang de bzhin gshegs pa'i che ba 'di tshe rabs de dang de dag gzhan la'ang rigs kyi bu/ de dag gis thos par nges par bya'o/ /de nas 'khor
155b1 der 'dus pa'i sems can kha cig 'di snyam du sems te/ kye ma'o bcom ldan 'das kyis ji skad du bshad pa'i chos kyi rnam grangs 'di sngon bdag cag gis kyang thos pa lta ci
155b2 zhig snyam mo/ /de nas bcom ldan 'das kyis de'i tshe ljags kyi dbang po phyung ste ljags kyi dbang pos zhal gyi dkyil 'khor mngon par bkab bo/ /zhal gyi dkyil 'khor mngon par
155b3 bkab nas dbu mngon par bkab bo/ /dbu mngon par bkab nas sku mngon par bkab bo/ /sku mngon par bkab nas seng+ge'i khri mngon par bkab bo/ /seng+ge'i khri mngon par bkab
155b4 nas byang chub sems dpa'i 'khor mngon par bkab bo/ /de nas nyan thos kyi 'khor/ de nas brgya byin dang / tshangs pa dang / 'jig rten skyong ba'i 'khor/ de nas thams cad yod
155b5 pa'i 'khor mngon par bkab bo/ /de nas stong gsum gyi stong chen po'i 'jig rten gyi khams mngon par bkab bo/ /de nas bcom ldan 'das kyis ljags kyi dbang po phyir bsdus
155b6 te thams cad yod pa'i 'khor la bka' stsal pa/ rigs kyi bu/ 'di 'dra ba'i ljags kyis de bzhin gshegs pa rnams rdzun gsung bar mi 'gyur gyi/ rigs kyi bu/ khyed
155b7 rnams dad par gyis shig/ rigs kyi bu/ khyed rnams mngon par dad par gyis shig /de ni/ khyed kyi yun ring po'i don dang / phan pa dang / bde bar 'gyur ro/ /de nas bcom
156a1 ldan 'das kyis bstan pa 'di bstan pa'i tshe byang chub sems dpa' stong phrag brgyad cu rtsa bzhis mi skye ba'i chos rnams la bzod pa thob bo/ /srog
156a2 chags brgya stong du ma ni/ chos rnams la chos kyi mig rdul dang bral zhing dri ma med par rnam par dag go /sngon sems ma bskyed pa'i sems can du mas ni/ byang chub tu
156a3 sems bskyed do/ /'phags pa dkon mchog sbrin/ bam po bdun pa ste/ tha ma/ de nas bcom ldan 'das kyis yang byang chub sems dpa' sgrib pa thams cad rnam
156a4 par sel pa la bka' stsal pa/ rigs kyi bu/ chos bcu dang ldan na/ byang chub sems dpa' kun rdzob la mkhas pa rnams yin no/ /bcu gang zhe na/ 'di lta ste/ gzugs
156a5 su'ang 'dogs la don dam par na gzugs su'ang mi dmigs shing mngon par mi chags so/ /de bzhin du tshor ba dang / 'du shes dang / 'du byed rnams dang / rnam
156a6 par shes pa'ang 'dogs la don dam par na rnam par shes pa'ang mi dmigs shing mngon par mi chags so/ /sa'i khams su'ang 'dogs la don dam par na sa'i
156a7 khams su'ang mi dmigs shing mngon par mi chags so/ /de bzhin du chu'i khams dang / me'i khams dang / rlung gi khams dang / nam mkha'i khams dang / rnam par
156b1 shes pa'i khams su'ang 'dogs la don dam par na rnam par shes pa'i khams su'ang mi dmigs shing mngon par mi chags so/ /mig gi skye mched du'ang 'dogs la don
156b2 dam par na mig gi skye mched du'ang mi dmigs shing mngon par mi chags so/ /de bzhin du rna ba'i skye mched dang / sna'i skye mched dang / lce'i skye mched dang / lus kyi skye
156b3 mched dang / yid kyi skye mched du'ang 'dogs la don dam par na yid kyi skye mched du'ang mi dmigs shing mngon par mi chags so/ /bdag tu'ang 'dogs la don dam par
156b4 na bdag tu'ang mi dmigs shing mngon par mi chags so/ /sems can du'ang 'dogs la don dam par na sems can du'ang mi dmigs shing mngon par mi chags so/ /srog
156b5 dang / gso ba dang / skyes bu dang / gang zag dang / shed las skyes pa dang / shed bur yang 'dogs la don dam par na srog dang / gso ba dang / skyes bu dang / gang zag dang / shed
156b6 las skyes pa dang / shed bur yang mi dmigs shing mngon par mi chags so/ /'jig rten du'ang 'dogs la don dam par na 'jig rten du'ang mi 'jigs shing mngon par
156b7 mi chags so/ /'jig rten gyi chos rnams su yang 'dogs la don dam par na 'jig rten gyi chos rnams su'ang mi dmigs shing mngon par mi chags so/ /sangs rgyas
157a1 kyi chos rnams su'ang 'dogs la don dam par na sangs rgyas kyi chos rnams su'ang mi dmigs shing mngon par mi chags so/ /byang chub tu'ang 'dogs
157a2 la don dam par na byang chub dang byang chub par byed pa'ang mi dmigs shing de la mngon par mi chags so/ /rigs kyi bu/ de lta bas na/ gang ming dang / 'dogs pa dang /
157a3 tha snyad de ni/ kun rdzob ces bya ste/ kun rdzob kyi chos rnams la ni/ don dam pa med mod kyi/ kun rdzob kyi chos rnams med par yang don dam pa bstan par yang mi nus
157a4 so| |rigs kyi bu| byang chub sems dpa' gang gnas de dag la kun rdzob tu mkhas shing don dam par ma yin pa de ni/ kun rdzob la mkhas pa zhes bya'o/ /rigs kyi
157a5 bu| chos bcu po de dag dang ldan na/ byang chub sems dpa' kun rdzob la mkhas pa rnams yin no/ /rigs kyi bu/ chos bcu dang ldan na/ byang chub sems dpa' don
157a6 dam pa la mkhas pa rnams yin no/ /bcu gang zhe na/ 'di lta ste/ mi skye ba'i chos nyid dang ldan pa rnams yin/ mi 'gag pa'i chos nyid dang / mi 'jigs pa'i chos
157a7 nyid dang / mi len mi 'dor ba'i chos nyid dang / tshig gi spyod yul las yang dag par 'das pa'i chos nyid dang / smrar med pa'i chos nyid dang / spros pa med pa'i chos
157b1 nyid dang / brjod du med pa'i chos nyid dang / zhi ba'i chos nyid dang / 'phags pa'i chos nyid dang ldan pa rnams yin no/ /rigs kyi bu/ de ci'i phyir zhe na/ don dam pa ni/ mi skye'o/ /
157b2 mi 'gag go /mi 'jig go /mi len to/ /mi 'dor ro/ /yi ge dag gis smra bar bya ba ma yin no/ /yi ge rnams kyis mi brjod do/ /spros pas mi rtogs so/ /rigs kyi bu/
157b3 don dam pa ni/ brjod du med pa ste/ zhi ba'o/ /'phags pa rnams kyi so so rang gis rig pa'o/ /rigs kyi bu/ don dam pa ni/ de bzhin gshegs pa rnams skyes kyang rung
157b4 ma skyes kyang rung mi 'jigs pa ste/ rigs kyi bu/ de'i phyir byang chub sems dpa' rnams skra dang kha spu bregs te gos ngur smrig gyon la yang dag par dad pas khyim nas khyim
157b5 med par rab tu 'byung ngo / /rab tu byung nas kyang chos 'di kho na thob par bya ba'i phyir mgo'i thod la me 'bar ba bzhin du brtson 'grus brtsams shing gnas so/ /rigs
157b6 kyi bu| gal te don dam pa med du zin na tshangs par spyod pa don med par 'gyur ro/ /de bzhin gshegs pa rnams 'byung ba'ang don med par 'gyur ro/ /gang gi phyir
157b7 don dam pa yod pas na/ de'i phyir byang chub sems dpa' rnams don dam pa la mkhas pa zhes bya'o/ /rigs kyi bu/ chos bcu po de dag dang ldan na/ byang chub sems dpa'
158a1 don dam pa la mkhas pa rnams yin no/ /rigs kyi bu/ chos bcu dang ldan na/ byang chub sems dpa' rten cing 'brel par 'byung ba la mkhas pa rnams
158a2 yin no| |bcu gang zhe na/ 'di lta ste/ chos rnams gsog nyid du rab tu shes/ gso ba nyid dang / snying po med pa nyid dang / mig yor lta bu nyid dang / gzugs brnyan lta bu
158a3 nyid dang / sgra brnyan lta bu nyid dang / sgyu ma lta bu nyid dang / mi gnas pa nyid dang / gso ba nyid dang / rten cing 'brel par 'byung ba nyid du'ang rab tu shes so/ /de dag 'di snyan
158a4 du sems te/ chos 'di dag ni/ 'di ltar gsog/ 'di ltar gsob/ 'di ltar snying po med pa/ 'di ltar mig yor lta bu/ 'di ltar gzugs brnyan lta bu/ 'di ltar sgra
158a5 brnyan lta bu/ 'di ltar sgyu ma lta bu/ 'di ltar mi gnas pa/ 'di ltar g.yo ba/ 'di ltar rten cing 'brel bar 'byung ba yin yang 'di dag skye bar snang ngo / /gnas pa
158a6 dang / 'jig par yang snang ngo snyam mo/ /de dag 'di ltar sems te/ yang chos 'di rnams skye ba'i rkyen ni/ gang rnams yin/ chos 'di rnams 'gag pa'i rkyen ni/ gang
158a7 rnams yin snyam mo/ /de dag 'di ltar sems te/ ma rig pa'i rkyen gyis chos 'di dag skyes te/ ma rig pa las byung ba'o/ /ma rig pa sngon du 'gro ba'o/ /ma rig pa la
158b1 brten pa'o/ /ma rig pa la brten nas 'du byed rnams 'byung ba yin/ 'du byed la brten nas rnam par shes pa snang bar 'gyur ro/ /rnam par shes yod na ming dang gzugs su
158b2 'dogs par 'gyur ro/ /ming dang gzugs su btags na skye mched drug rnams su 'dogs par 'gyur ro/ /skye mched rnams yod na reg par 'gyur ro/ /reg pa yod na tshor ba
158b3 rnams 'byung bar 'gyur te/ tshor ba'i rgyus byis pa rnams sred pas nyen par 'gyur ro/ /sred pas nyen na len pa 'dzin to/ /len pa bzung na srid pa'i mtshams su sbyor bar
158b4 'gyur ro/ /srid pa yod na skye bar 'gyur ro/ /skye ba yod na rga bar 'gyur ro/ /skyes bu gang zag rga ba'i chos ni/ 'chi bar 'gyur ro/ /shi ba la gnas pa'i mya ngan dang / smre
158b5 sngags 'don pa dang / yi mug pa dang / 'khrug pa rnams 'byung ste/ 'di lta ste/ 'di ltar sdug bsngal gyi phung po chen po 'di 'ba' zhig 'byung bar 'gyur ro/ /de lta bas na
158b6 mkhas pa'i rang bzhin can gyis ma rig pa spang bar nan tan bya'o/ /ma rig pa gzhig pa dang / ma rig pa rtsa ba nas dbyung ba dang / ma rig pa dgag pa'i phyir nan tan bya'o/
158b7 ma rig pa 'gags pas ma rig pa'i rkyen las skyes pa/ ma rig pa las byung ba dang / ma rig pa sngon du 'gro ba/ ma rig pa la brten pa'i chos 'di dag 'gag par 'gyur
159a1 rigs kyi bu/ 'di lta ste/ dper na/ srog gi dbang po 'gags na/ dbang po lhag ma rnams kyang 'gag par 'gyur ro/ /de bzhin du ma rig pa 'gags
159a2 na mi shes pa la brten pa'i chos 'di dag kyang 'gag par 'gyur ro/ /mi shes pa spangs pas nyon mongs pa rnams kyang mi 'byung ngo / /'gro ba rnams kyang mi 'byung ngo / /
159a3 'khor ba'i rgyu rnams kyang 'gags par 'gyur ro/ /mya ngan las 'das pa dang yang nye bar 'gyur ro/ /rigs kyi bu/ chos bcu bo de dag dang ldan na/ byang chub sems dpa'
159a4 rten cing 'brel bar 'byung ba la mkhas pa rnams yin no/ /rigs kyi bu/ chos bcu dang ldan na/ byang chub sems dpa' bdag shes pa rnams yin no/ /bcu gang zhe na/
159a5 rigs kyi bu/ 'di lta ste/ 'di la byang chub sems dpa' 'di ltar ci bdag bram ze'i rigs sam/ 'on te rgyal rigs sam/ 'on te khyim bdag gi rigs sam/ ci mtho
159a6 zhing phyug po'am/ 'on te dma' zhing dbul po'i rigs su skyes sam/ gang du skyes snyam du yongs su rtog ste/ de gal te rigs mtho zhing phyug par skyes na yang de la
159a7 rigs kyis dregs par mi byed do/ /'on te dma' zhing dbul ba'i rigs su skyes par gyur na yang bdag 'di lta bu'i rigs su skyes pa las bdag gis sngon las 'dren
159b1 mar byas so/ /zhes de snyam du sems skyed cing / de de'i rgyus skyo ba mang ba yin te/ skyo ba mang bar gyur nas rab tu 'byung ngo / /rab tu byung nas kyang bdag ci'i phyir rab tu byung
159b2 zhes yongs su rtog ste/ bdag ni/ rang rgal nas gzhan dag kyang bsgral bar bya/ rang grol nas gzhan dag kyang dgrol bar bya'o/ /zhes rab tu byung ngo snyam nas de de'i phyir le
159b3 lo la mi rten cing snyom las mi byed de/ de bdag rab tu byung nas sdig pa mi dge ba'i chos gang dang gang nub cing yongs su zad de kun byang bar gyur ces de snyam du yongs su
159b4 rtog ste| de sdig pa mi dge ba'i chos shig spangs par gyur na/ de la dga' ba dang / dad pa dang / rangs pa skyed do/ /gang ma spangs pa de dag ni/ spang ba'i phyir rtsol zhing 'bad
159b5 do| |de bdag rab tu byung nas dge ba'i chos gang dang gang 'phel ba dang / rgyas pa dang / rgya cher gyur ces de snyam du yongs su rtog ste/ de'i dge ba'i chos gang dag 'phel ba
159b6 dang / rgyas pa dang / rgya cher gyur pa de la dga' ba dang / dad pa dang / rangs pa skyed do/ /gang de ltar ma gyur pa de dag 'phel ba dang / rgyas pa dang / rgya cher bya ba'i phyir rtsol
159b7 zhing 'bad do/ /de bla ma la brten na dge ba'i chos rnams ni/ 'phel bar 'gyur/ sdig pa rnams ni/ 'grib par 'gyur ro snyam du yongs su rtog ste/ de de'i rgyu/ de'i rkyen/ de'i
160a1 gzhis mkhan po nyung du thos pa'am/ mang du thos pa'am/ shes pa'am/ mi shes pa'am/ tshul khrims dang ldan pa'am/ tshul khrims ngan pa can yang rung ste/
160a2 de la ston pa'i 'du shes skyed do/ /de ji ltar ston pa la dga' zhing dang ba nye bar gnas pa de bzhin du mkhan po la'ang byed do/ /de slob dpon rnams la rim gro yod cing rjes
160a3 yod pa yin te/ de 'di ltar slob dpon rnams la brten na bdag gi byang chub kyi phyogs yongs su ma rdzogs pa rnams ni/ yongs su rdzogs par 'gyur/ nyon mongs pa ma spangs
160a4 pa rnams ni/ spangs par 'gyur ro snyam du yongs su rtog ste/ de de dag la mkhan por 'du shes skyed cing / dga' ba dang / dad pa dang / rangs pa 'thob pa dang / dge ba'i chos rnams
160a5 la de dag dang mthun par spyod pa yin /mi dge ba'i chos rnams la mi mthun par spyod pa yin te/ de 'di snyam du bdag gi ston pa gang zhes yongs su rtog cing / de 'di snyam du
160a6 sems te/ bdag gi ston pa ni/ thams cad mkhyen pa/ thams cad thugs su chud pa/ 'jig rten thams cad la thugs brtse ba/ thugs rje chen po dang ldan pa/ sbyin pa'i gnas
160a7 chen po ste/ lha dang / mi dang / lha ma yin du bcas pa'i 'jig rten gyi ston pa'o snyam ste/ de'i rgyu/ de'i rkyen/ de'i gzhis dga' ba dang / dad pa dang / rangs pa skyed de/ de 'di
160b1 snyam du sems te/ bdag gi ston pa bcom ldan 'das yin pa ni/ bdag gi rnyed pa legs par rnyed do/ /bcom ldan 'das des bslab pa'i lam gang bcas pa de las kyang bdag
160b2 gis srog gi phyir yang 'da' bar mi bya ste/ de ltar na/ bdag gis bcom ldan 'das de la rim gro dang / rjes su 'brang par byas par 'gyur ro/ /de 'di snyam du bdag su'i bsod snyoms
160b3 la yongs su spyod ces sems shing de 'di snyam du sems te/ bdag ni/ bram ze dang / rgyal rigs dang / grong pa dang / yul gyi mi rnams kyi bsod snyoms la yongs su spyod kyi/ bdag
160b4 gis ci nas kyang de dag gi bsod snyoms 'bras bu yod pa dang / don che ba dang / mthu che ba dang / bdag gis kyang yul 'khor gyi bsod snyoms 'bras bu yod par yongs su spyod
160b5 pa de ltar bya'o snyam mo/ /de 'di snyam du bram ze dang / rgyal rigs dang / grong pa dang / yul gyi mi 'di dag 'du shes ci dang ldan zhing bdag la bsod snyoms gtang snyam zhing /
160b6 de 'di ltar rjes su sems te/ bram ze dang / rgyal rigs dang / grong pa dang / yul gyi mi 'di dag ni/ bdag la dge sbyong gi 'du shes dang ldan/ dge slong gi 'du shes dang
160b7 ldan| sbyin pa'i gnas kyi 'du shes dang ldan zhing bdag la bsod snyoms sbyin par byed kyi/ ci nas kyang bdag gis dge sbyong gi yon tan yang dag par blangs te gnas par
161a1 bya ba dang / dge slong gi yon tan dang / sbyin pa'i gnas kyi yon tan rnams yang dag par blangs te gnas par bya ba de ltar spyod do snyam mo/ /de 'di snyam
161a2 du bdag gis thog ma dang tha ma med pa'i skye ba 'khor ba las rgal bar gyur tam zhes sems shing / de 'di snyam du bdag gis dge slong gi tshul thob pa 'di ni/ rgal ba dang
161a3 po'o| |bdag dge slong gi yon tan dang ldan pa 'di ni/ rgal ba gnyis pa'o/ /bdag le lo med cing chos thob pa'i phyir ci nas kyang thog ma dang tha ma med pa'i skye ba'i
161a4 'khor ba las rgal bar 'gyur ba de ltar brtson 'grus brtsams te gnas par bya'o snyam du sems te/ rigs kyi bu/ de ltar yongs su rtog pa'i byang chub sems
161a5 dpa' ni/ bdag shes pa yin no/ /rigs kyi bu/ chos bcu po de dag dang ldan na/ byang chub sems dpa' bdag shes pa rnams yin no/ /rigs kyi bu/ chos bcu dang
161a6 ldan na| byang chub sems dpa' 'jig rten shes pa rnams yin no/ |bcu gang zhe na/ 'di lta ste/ khengs pa dag la dma' ba rnams yin/ nga rgyal can dag la nga rgyal
161a7 med pa rnams yin/ gya gyu can dag la drang po rnams yin/ brdzun du smra ba dag la bden par smra ba rnams yin/ kha mi mkhas par smra ba dag la snyan par smra ba
161b1 rnams yin/ rtsub pa dag la 'jam par smra ba rnams yin/ khro ba dag la bzod pa mang ba rnams yin/ gtum pa dag la byams pa'i bdag nyid can rnams yin/ sdug bsngal
161b2 bdag la snying rje'i bdag nyid can rnams yin/ ser sna can dag la bgo bsha' byed pa'i ngang tshul can rnams yin no/ /rigs kyi bu/ chos bcu po de dag dang ldan na/
161b3 byang chub sems dpa' 'jig rten shes pa rnams yin no/ /rigs kyi bu/ chos bcu dang ldan na/ byang chub sems dpa' rnams sangs rgyas kyi zhing yongs su dag pa dag tu
161b4 skye'o| |bcu gang zhe na/ 'di lta ste/ skyon med pa dang / ma 'dres pa dang / ma 'phags pa'i tshul khrims dang ldan pas tshul khrims yongs su dag pa dang ldan pa rnams yin/
161b5 sems can thams cad la sbyor ba mnyam pas sems snyoms pa rnams yin/ dge ba'i rtsa ba mi chung bas dge ba'i rtsa ba rgya chen po dang ldan pa rnams yin/ gos pa med
161b6 bas rnyed pa dang / bkur sti dang / grags pa dang / sgra dang / tshigs su bcad pa'i sems yongs su spangs pa rnams yin/ nem nur med pa'i sems dang ldan pas dad pa
161b7 rnams yin/ sems le lo med pa dang ldan pas brtson 'grus brtsams pa rnams yin/ sems mi g.yeng ba dang ldan pas bsam gtan phun sum tshogs pa rnams
162a1 yin| shes rab 'chal pa'i rang bzhin can ma yin pas mang du thos pa rnams yin/ shes rab rno bas dbang po mi rtul ba rnams yin/ gnod sems
162a2 med pa'i sems dang ldan pas byams pa'i bdag nyid can rnams yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das/ ci
162a3 chos de dag tshogs pas skye bar 'gyur ram/ 'on te la la ma tshang yang skye bar 'gyur/ bcom ldan 'das kyis bka' stsal pa/ rigs kyi bu/ gang la chos tshogs pa de
162a4 dag las chos gcig kyang skyon med pa/ ma 'dres pa/ ma 'bags pa/ yongs su dag pa/ byang ba/ yongs su rdzogs par gyur pa de la rigs kyi bu/ chos de dag thams cad
162a5 yongs su rdzogs par 'gyur bas rigs kyi bu/ de'i phyir chos de dag tshogs pas skye'i/ ma tshogs pas ni/ ma yin te/ rigs kyi bu/ chos bcu po de dag dang ldan na/ byang
162a6 chub sems dpa' rnams sangs rgyas kyi zhing yongs su dag pa dag tu skye'o/ /rigs kyi bu/ chos bcu dang ldan na/ byang chub sems dpa' mngal gyi dri mas ma gos par skye'o/ /
162a7 bcu gang zhe na/ 'di lta ste/ de bzhin gshegs pa'i gzugs byed pa dang / mchod rten zhig pa 'chos pa dang / de bzhin gshegs pa'i mchod rten dag la spos kyi byug
162b1 pa 'dul ba dang / de bzhin gshegs pa'i sku gzugs dag la khrus kyi spos chu 'bul ba dang / de bzhin gshegs pa'i mchod rten dag la phyag dar dang / skyang nul bya ba 'bul
162b2 ba dang / pha ma dag la lus kyi rim gro byed pa dang / mkhan po dang slob dpon dag la lus kyi rim gro byed pa dang / tshangs pa mtshungs par spyod pa rnams la lus kyi rim gro byed
162b3 cing / de'ang zang zing med pa'i sems kyis te/ zang zing dang bcas pa ma yin la/ dge ba'i rtsa ba 'di yang 'di ltar dge ba'i rtsa ba 'dis sems can thams cad mngal gyi dri mas
162b4 ma gos par skye bar gyur cig ces yongs su bsngo zhing / de'ang bsam pa thag pa nas sems pa ste/ rigs kyi bu/ chos bcu po de dag dang ldan na/ byang chub sems dpa' rnams
162b5 mngal gyi dri mas ma gos par skye'o/ /rigs kyi bu/ chos bcu dang ldan na/ byang chub sems dpa' khyim gyi gnas nas mngon par byung ba rnams yin no/ /bcu gang zhe na/ 'di
162b6 lta ste| nye bar len pa med pa rnams yin/ 'du 'dzi med par spyod pa rnams yin/ yul la rgyab kyis phyogs pa rnams yin/ yul la sred pa dang bral ba rnams yin/ yul
162b7 gyi nyes pas mi tshugs pa rnams yin/ de bzhin gshegs pas tshul khrims bcas pa la rim gro byed cing brtson pa dang / shin tu bslab pa rnams yin/ gos dang / bsod
163a1 snyoms dang / mal cha ngan ngon dang / nad kyi rkyen rtsi dang / yo byad ngan don dag gis chog shes pa rnams yin/ lhung bzed dang / chos gos dang / yo byad gsog
163a2 pa dang bral ba rnams yin/ rtag par 'jigs pa'i yid dang ldan zhing yul rnams las skye ba rnams yin/ dben pa la dga' zhing rtag tu sgom pa la brtson pa rnams yin no/ /
163a3 rigs kyi bu/ chos bcu po de dag dang ldan na/ byang chub sems dpa' khyim gyi gnas nas mngon par byung ba rnams yin no/ /rigs kyi bu/ chos bcu dang ldan na/ byang chub
163a4 sems dpa' 'tsho ba yongs su dag pa rnams yin no/ /bcu gang zhe na/ 'di lta ste/ tshul 'chos pa dang / kha gsag gi rnyed pa dang bral ba rnams yin/ brda'i rnyed pa dang
163a5 bral ba rnams yin/ gzhogs slong gi rnyed pa dang bral ba rnams yin/ thob kyis 'jal pa'i rnyed pa dang bral ba rnams yin/ mi rigs par btsal ba'i rnyed pa dang bral
163a6 ba rnams yin/ chos ma yin pa'i rnyed pa dang bral ba rnams yin/ yongs su ma dag pa'i rnyed pa dang bral ba rnams yin/ rnyed pa la zhen pa med pa rnams yin/ rnyed pa
163a7 la chags pa med pa rnams yin/ yongs su yi chad pa'i rang bzhin med pa rnams yin/ chos kyi rnyed pas cho ga shes pa rnams yin no/ /rigs kyi bu/ ji ltar na/ byang
163b1 chub sems dpa' tshul 'chos pa dang / kha gsag gi rnyed pa dang bral ba yin zhe na/ rigs kyi bu/ 'di la byang chub sems dpa' rnyed pa'i rgyu rnyed pa'i phyir lus kyis tshul 'chos
163b2 par mi byed/ ngag gis tshul 'chos par mi byed/ sems kyis tshul 'chos par mi byed do/ /ji ltar na/ lus kyis tshul 'chos par mi byed pa yin zhe na/ byang chub sems dpa'
163b3 ni| sbyin pa byed pa dang / sbyin pa'i bdag po mthong na/ spyod lam mi 'chos so/ /ji ltar na/ spyod lam mi 'chos she na/ gnya' shing gang tsam du lta ba dang / skyo bar lta ba dang /
163b4 sgrib pa med par lta bas gom pa bags kyis dal dal nas 'dor zhing 'degs pa ma yin/ de ltar na lus kyis tshul 'chos pa mi byed do/ /ji ltar na/ ngag gis tshul 'chos pa
163b5 mi byed ce na/ byang chub sems dpa' ni/ rnyed pa'i rgyu rnyed pa'i phyir bcom bskyungs shing smra ba ma yin/ 'jam por smra ba ma yin/ dga' bar smra ba ma yin/ rjes su 'bras ba'i
163b6 tshig brjod pa ma yin te/ de ltar na/ ngag gis tshul 'chos pa mi byed do/ /ji ltar na/ sems kyis tshul 'chos pa mi byed ce na/ byang chub sems dpa' ni/ sbyin pa byed pa'am/
163b7 sbyin pa'i bdag pos rnyed pa bstabs na/ tshig gis 'dod pa chung bar ston cing sems kyis 'dod pa skyed pa ma yin no/ /rigs kyi bu/ 'di lta ste/ tshig gis 'dod pa chung la/
164a1 sems kyis rnyed pa 'dod pa 'di ni/ nang gi gdung ba yin te/ de ltar na/ sems kyis tshul 'chos pa mi byed do/ /de ltar na/ byang chub sems dpa' tshul
164a2 'chos pa dang / kha gsag gi rnyed pa dang bral ba yin no/ /ji ltar na/ brda'i rnyed pa dang bral ba yin zhe na/ byang chub sems dpa' ni/ sbyin pa byed pa'am/ sbyin bdag mthong
164a3 na| bdag gos kyis phongs so/ /bdag lhung bzed kyis phongs so/ /bdag nad kyi rkyen rtsis phongs so/ /zhes brda mi byed cing / sbyin pa byed pa'am/ sbyin bdag la mi slong
164a4 zhing tshig tu mi brjod de/ de ltar na/ byang chub sems dpa' brda'i rnyed pa dang bral ba yin no/ /ji ltar na/ gzhogs slong gi rnyed pa dang bral ba yin zhe na/ byang chub sems
164a5 dpa' ni/ sbyin pa byed pa dang / sbyin bdag mthong na/ bdag la sbyin pa'i bdag po che ge mo zhig gis dngos po che ge mo zhig byin te/ de la bdag gis kyang phan pa che ge mo
164a6 zhig byas so/ /des kyang bdag la 'di ni/ tshul khrims dang ldan par rig ste/ mang du thos pa'o/ /'dod pa chung ba'o/ /zhes 'di dang 'di byin no/ /bdag gis kyang de la
164a7 snying rje ba'i sems nye bar bzhag ste blangs so/ /zhes de skad kyi tshig mi brjod de/ de ltar na/ byang chub sems dpa' gzhogs slong gi rnyed pa dang bral ba yin no/ /ji ltar
164b1 na| byang chub sems dpa' mi rigs par bcal ba'i rnyed pa dang bral ba yin zhe na/ rigs kyi bu/ byang chub sems dpa' ni/ lus la rma byung ba dang / sems la rma byung bar rnyed pa tshol
164b2 ba ma yin te/ de la lus kyi rma ni/ 'di lta ste/ rnyed pa'i rgyu rnyed pa'i phyir rgyu ga pa dang / kun tu rgyug pa dang / tshul khrims 'chal bar spyod pa'o/ /sems kyi rma ni/ 'di lta ste/ rnyed pa
164b3 la smon pa dang / tshangs pa mtshungs par spyod pa gzhan gyis rnyed pa dag la gnod sems mang ba ste/ de ltar na/ byang chub sems dpa' mi rigs pa btsal ba'i rnyed pa dang bral ba
164b4 yin no| |ji ltar na/ byang chub sems dpa' chos ma yin pa'i rnyed pa dang bral ba yin zhe na/ rigs kyi bu/ 'di la byang chub sems dpa' sreng la sgyu med pa dang / gzhal ba la sgyu
164b5 med pa dang / yid brtan pa la gnod par byed pa med pa dang / g.yos rnyed pa mi sgrub pa ste/ de ltar na/ byang chub sems dpa' chos ma yin pa'i rnyed pa dang bral ba yin no/ /
164b6 ji ltar na/ byang chub sems dpa' yongs su ma dag pa'i rnyed pa dang bral ba yin zhe na/ 'di la byang chub sems dpa' gang mchod rten gyi dang 'dres pa'am/ chos kyi dang
164b7 'dres pa'am/ dge 'dun gyi dang 'dres pa'am/ ma byin pa'am/ ma gnang ba de dag mi len cing bdag gir mi byed/ /chags pa'i sems mi skyed de/ de ltar na/ byang
165a1 chub sems dpa' yongs su ma dag pa'i rnyed pa dang bral ba yin no/ /ji ltar na/ byang chub sems dpa' rnyed pa la zhen pa med pa yin zhe na/ rigs kyi bu
165a2 'di la byang chub sems dpa' rnyed pa rnyed kyang dag gir mi byed/ nor du mi rtsi/ tshogs su mi byed cing / dus dus su dge sbyong dang / bram ze dang / pha ma dang / mdza'
165a3 ba dang / blon po dang / gnyen bshes dang / snag gi gnyen mtshams dag la gtong zhing / dus dus su bdag kyang yongs su spyod la/ yongs su spyod pa'i tshe chags pa med
165a4 pa dang / zhen pa med par yongs su spyod do/ /rnyed pa ma rnyed na'ang skyo ba'i sems mi skyed cing yongs su yi mi chad de/ sbyin pa byed pa dang / sbyin bdag rnams la ma dad
165a5 par mi 'dzin pa yin pa ste/ de chos dang mthun par rnyed pa/ dge 'dun gyir gtogs pa/ de bzhin gshegs pas bsngags pa/ byang chub sems dpas ma smad pa/ lhas
165a6 bstod pa/ tshangs pa mtshungs par spyod pas mi dpya bas chog shes pa yin no/ /rigs kyi bu/ chos bcu po de dag dang ldan na/ byang chub sems dpa' 'tsho ba yongs su
165a7 dag pa rnams yin no/ /rigs kyi bu/ chos bcu dang ldan na/ byang chub sems dpa' yid yongs su mi skyo ba rnams yin no/ /bcu gang zhe na/ 'di lta ste/ sems can
165b1 gyi rgyu sems can gyi phyir 'khor pa na gnas pas yongs su mi skyo'o/ /sems can gyi rgyu sems can gyi phyir 'khor ba'i sdug bsngal gyis yongs su mi skyo'o/ /sems can gyi don
165b2 rnams la yongs su mi skyo'o/ /sems can gyi dgos pa rnams la yongs su mi skyo'o/ /sems can gyi bya ba rnams la yongs su mi skyo'o/ /gang zag nyan thos kyi theg pa pa rnams
165b3 la lam stong pas yongs su mi skyo'o/ /de dag la ma dad par yang mi byed do/ /byang chub kyi phyogs kyi chos yongs su bsdu bas kyang yongs su mi skyo'o/ /byang chub kyi tshogs
165b4 yongs su rdzogs par bya bas kyang yongs su mi skyo'o/ /bsam pa mya ngan las 'das par gyur kyang mya ngan las 'das pa la mngon par mi lta'i/ byang chub la gzhol/ byang chub
165b5 la 'bab/ byang chub la bab pa rnams yin no/ /rigs kyi bu/ chos bcu po de dag dang ldan na/ byang chub sems dpa' yid yongs su mi skyo ba rnams yin no/ /rigs kyi bu/ chos
165b6 bcu dang ldan na/ byang chub sems dpa' de bzhin gshegs pa rnams kyi bka' bzhin byed pa rnams yin no/ /bcu gang zhe na/ 'di lta ste/ bag med pa thams cad dang bral
165b7 zhing bag yod par spyod pa rnams yin/ lus kyis shin tu bsdams shing lus kyi ngan du spyod pa mi spyod pa rnams yin/ ngag gis shin tu bsdams shing ngag gi ngan du spyod
166a1 pa mi spyod pa rnams yin/ yid kyis shin tu bsdams shing yid kyi ngan du spyad pa mi spyod pa rnams yin/ 'jig rten pha rol gyis 'jigs shing mi dge
166a2 ba'i chos thams cad rnam par spangs pa rnams yin/ rigs par smra zhing mi rigs pa thams cad dang bral ba rnams yin/ chos smra zhing chos ma yin pa la smod pa rnams yin/
166a3 smad pa'i las rnam par spangs shing dge ba'i las kyi rjes su 'brang ba rnams yin/ de bzhin gshegs pa'i bstan pa la sun 'byin cing nyon mongs pa'i dring ba'i yul
166a4 thams cad dang bral ba rnams yin/ de bzhin gshegs pa'i chos nyid yongs su skyong zhing sdig pa mi dge ba'i chos rnams la srung ba rnams yin no/ /rigs kyi bu/ chos
166a5 bcu po de dag dang ldan na/ byang chub sems dpa' de bzhin gshegs pa rnams kyi bka' bzhin byed pa rnams yin no/ /rigs kyi bu/ chos bcu dang ldan na/ byang chub
166a6 sems dpa' bzhin 'dzum zhing khro gnyer med pa rnams yin no/ /bcu gang zhe na/ 'di lta ste/ dbang po shin tu dang ba rnams yin/ dbang po yongs su dag pa rnams yin/
166a7 dbang po gsal ba rnams yin/ dbang po dri ma med pa rnams yin/ dbang po yongs su byang ba rnams yin/ gnod sems dang bral ba rnams yin/ bag la nyal ba dang /
166b1 bral ba rnams yin/ kun nas ldang ba dang bral ba rnams yin/ tha ba dang mdud par 'dzin pa dang bral ba rnams yin/ khro ba dang bral ba rnams yin no/ /rigs kyi bu/ chos bcu
166b2 po de dag dang ldan na/ byang chub sems dpa' bzhin 'dzum zhing khro gnyer med pa rnams yin no/ /byang chub sems dpa' sgrib pa thams cad rnam par sel bas gsol ba/ bcom
166b3 ldan 'das kyis gsungs pa'i don ji ltar bu lags pa bdag gis 'tshal te/ byang chub sems dpa' rnams dbang po yongs su dag pas na/ bzhin 'dzum pa lags/ nyon mongs pa
166b4 rnams dang bral bas na/ khro gnyer ma mchis pa lags so/ /bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ byang chub sems dpa' rnams
166b5 dbang po yongs su dag pas na/ bzhin 'dzum pa yin/ nyon mongs pa rnams dang bral bas na/ khro gnyer med pa yin no/ /rigs kyi bu/ chos bcu dang ldan na/ byang chub sems dpa'
166b6 mang du thos pa rnams yin no/ /bcu gang zhe na/ 'di lta ste/ 'khor ba ni/ 'dod chags kyi mes rab tu 'bar ba'o/ /zhes yang dag pa ji lta ba bzhin du rab tu shes so/ /zhe sdang
166b7 gi /mes rab tu 'bar ba'o/ /zhes yang dag pa ji lta ba bzhin du rab tu shes so/ /gti mug gi mes rab tu dkrugs pa'o/ /zhes yang dag pa ji lta ba bzhin du rab tu shes
167a1 so| |'du byas ni/ mi rtag pa'o/ /zhes yang dag pa ji lta ba bzhin du rab tu shes so/ /'du byad rnams ni/ sdug bsngal ba'o/ /zhes yang dag pa ji lta ba
167a2 bzhin du rab tu shes so/ /'jig rten ni/ stong pa'o/ /zhes yang dag pa ji lta ba bzhin du rab tu shes so/ /chos thams cad ni/ bdag med pa'o/ /zhes yang dag pa ji lta
167a3 ba bzhin du rab tu shes so/ /'jig rten ni/ spros pa la mngon par dga' ba'o/ /zhes yang dag pa ji lta ba bzhin du rab tu shes so/ /chos thams cad ni/ rkyen las byung
167a4 ba'o| |zhes yang dag pa ji lta ba bzhin du rab tu shes so/ /mya ngan las 'das pa ni/ zhi ba'o/ /zhes yang dag pa ji lta ba bzhin du rab tu shes so/ /de yang thos pa dang /
167a5 bsam pa dang / sgom pas shes kyi sgrar brjod pa tsam gyis ma yin te/ de ltar shes nas kyang snying rje'i sems brtan pa nye bar bzhag ste sems can rnams kyi don du rtsol
167a6 zhing 'dab la brtson 'grus rtsom mo/ /rigs kyi bu/ chos bcu po de dag dang ldan na/ byang chub sems dpa' mang du thos pa rnams yin no/ /rigs kyi bu/ chos bcu dang
167a7 ldan na/ byang chub sems dpa' dam pa'i chos yongs su 'dzin pa rnams yin no/ /bcu gang zhe na/ 'di lta ste/ phyi ma'i dus phyi ma'i tshe lnga brgya tha ma la dam pa'i chos rnam
167b1 par 'jig cing bstan pa 'khrugs par gyur pa dang / sems can rnams lam ngan par zhugs pa dang / ye shes kyi sgron ma mya ngan las 'das te ston pa med pa'i tshe mdo sde rgya
167b2 chen po don che zhing mthu che ba/ dam pa'i chos thams cad kyi ma mo dang 'dra ba dag 'dzin cing klog la kha ton byed cing kun chub par byed pa dang / gzhan la brjod cing ston la ya
167b3 dag par ston cing gsal bar byed pa dang / de la zhugs pa'i gang zag rnams la dga' ba dang / dad pa dang / rangs par byed cing de dag la phan 'dogs pa dang / zang zing med
167b4 pa'i sems kyis dam pa'i chos nyan pa dang / chos smra ba'i gang zag rnams la ston par 'du shes skyed pa dang / dam pa'i chos la bdud rtsir 'du shes skyed pa dang / bcud kyis
167b5 len du 'du shes skyed pa dang / rtsi'i 'du shes skyed pa dang / lus dang srog la mi lta bar dam pa'i chos yongs su tshol ba dang / btsal nas kyang nan gyis sgrub pa'o/ /rigs kyi bu/
167b6 chos bcu po de dag dang ldan na/ byang chub sems dpa' dam pa'i chos yongs su 'dzin pa rnams yin no/ /rigs kyi bu/ chos bcu dang ldan na/ byang chub sems dpa' chos kyi rgyal
167b7 po'i sras rnams yin no/ bcu gang zhe na/ 'di lta ste/ lus mtshan gyi rgyan gyis brgyan pa rnam yin/ lus dang byad bzang po'i me tog rgyas pa rnams yin/ dbang po rnam pa
168a1 thams cad kyi mchog dang ldan zhing shin tu yongs su rdzogs pa rnams yin/ de bzhin gshegs pas bstan pa'i gnas la rjes su sten pa rnams yin/
168a2 de bzhin gshegs pa rnams bzhud pa'i lam rjes su thob par byed pa rnams yin/ de bzhin gshegs pas thugs su chud pa'i gnas khong du chud par byed pa rnams yin/
168a3 'jig rten sdug bsngal ba yongs su skyob pa rnams yin/ 'phags pa'i tshul la shin tu bslabs pa rnams yin/ tshangs pa'i gnas rnams pa shin tu mthar phyin pa rnams
168a4 yin| de bzhin gshegs pa bzhugs pa'i thams cad mkhyen pa nyid kyi pho brang na gnas pa rnams yin te/ rigs kyi bu/ chos bcu po de dag dang ldan na/ byang chub sems
168a5 dpa' chos kyi rgyal po'i sras rnams yin no/ /rigs kyi bu/ chos bcu dang ldan na/ byang chub sems dpa' brgya byin dang / tshangs pa dang / 'jig rten skyong bas bsu ba rnams
168a6 yin no| |bcu gang zhe na/ 'di lta ste/ byang chub las phyir mi ldog pa rnams yin/ bdud thams cad kyis mi sgul ba rnams yin/ sangs rgyas kyi chos thams cad las mi g.yo
168a7 ba rnams yin/ chos thams cad kyi tshul la zhugs pa rnams yin/ chos thams cad kyi mnyam pa nyid khong du chud pa rnams yin/ sangs rgyas kyi chos la gzhan gyi dring mi
168b1 'jog pa rnams yin/ shin tu rtogs pa'i ye shes dang ldan pa rnams yin/ nyan thos dang / rang sangs rgyas thams cad dang thun mong ma yin pa rnams yin/ 'jig rten thams cad
168b2 las mngon par 'phags pa rnams yin/ mi skye ba'i chos kyi bzod pa thob pa rnams yin no/ /rigs kyi bu/ chos bcu po de dag dang ldan na/ byang chub sems dpa' brgya byin dang / tshangs
168b3 pa dang / 'jig rten skyong bas bsu ba rnams yin no/ /rigs kyi bu/ chos bcu dang ldan na/ byang chub sems dpa' bsam pa dang / bag la nyal shes pa rnams yin no/ /bcu gang zhe na/ 'di
168b4 lta ste| sems can 'dod chags kyi bsam pa can yang dag pa ji lta ba bzhin du rab tu shes so/ /zhe sdang gi bsam pa can dang / gti mug gi bsam pa can dang / dma' ba'i bsam pa
168b5 can dang / bar ma'i bsam pa can dang / zhen pa'i bsam pa can dang / dge ba'i bsam pa can dang / brtan pa'i bsam pa can dang / yun ring po'i bsam pa can dang / sems can
168b6 gtum pa'i bsam pa can dag kyang yang dag pa ji bzhin du rab tu shes shing / de'ang sems can gcig la ji ltar shes pa bzhin du sems can gyi khams kun la'ang yang dag pa
168b7 ji lta ba bzhin du rab tu shes so/ /rigs kyi bu/ chos bcu po de dag dang ldan na/ byang chub sems dpa' bsam pa dang / bag la nyal shes pa rnams yin no/ /rigs kyi bu/ chos
169a1 bcu dang ldan na/ byang chub sems dpa' sems can yongs su smin par bya ba'i cho ga shes pa rnams yin no/ /bcu gang zhe na/ 'di lta ste/ sangs rgyas kyi
169a2 gzugs kyis 'dul ba'i sems can rnams la sangs rgyas kyi gzugs nye bar ston to/ /byang chub sems dpa'i gzugs kyis 'dul ba'i sems can rnams la byang
169a3 chub sems dpa'i gzugs/ rang sangs rgyas kyi gzugs kyis 'dul ba'i sems can rnams la rang sangs rgyas kyi gzugs/ nyan thos kyi gzugs kyis 'dul ba'i sems
169a4 can rnams la nyan thos kyi gzugs/ brgya byin gyi gzugs kyis 'dul ba'i sems can rnams la brgya byin gyi gzugs/ bdud kyi gzugs kyis 'dul ba'i sems can rnams
169a5 la bdud kyi gzugs/ tshangs pa'i gzugs kyis 'dul ba'i sems can rnams la tshangs pa'i gzugs/ bram ze'i gzugs kyis 'dul ba'i sems can rnams la bram ze'i
169a6 gzugs/ rgyal rigs kyi gzugs kyis 'dul ba'i sems can rnams la rgyal rigs kyi gzugs/ khyim bdag gi gzugs kyis 'dul ba'i sems can rnams la khyim
169a7 bdag gi gzugs nye bar ston to/ /rigs kyi bu/ de ltar rnam pa gang dang gang gis sems can rnams 'dul bar 'gyur ba'i rnam pa de dang de byang chub sems dpa'
169b1 rnams nye bar stan to/ /rigs kyi bu/ chos bcu po de dag dang ldan na/ byang chub sems dpa' sems can yongs su smin par bya ba'i cho ga shes pa rnams yin no/ /rigs kyi bu/
169b2 chos bcu dang ldan na/ byang chub sems dpa' des pa rnams yin no/ /bcu gang zhe na/ 'di lta ste/ drang ba rnams yin/ 'jam pa rnams yin/ gya gyu med pa'i sems dang ldan pa
169b3 rnams yin/ gnod sems med pa'i sems dang ldan pa rnams yin/ dri ma med pa'i sems dang ldan pa rnams yin/ rnam par dag pa'i sems dang ldan pa rnams yin/ mi
169b4 brlang ba'i sems dang ldan pa rnams yin/ rtsub pa spangs pa rnams yin/ bzod pa mang ba rnams yin/ des pa phun sum tshogs pa rnams yin te/ rigs kyi bu/ chos bcu
169b5 po de dag dang ldan na/ byang chub sems dpa' des pa rnams yin no/ /rigs kyi bu/ chos bcu dang ldan na/ byang chub sems dpa' 'grogs na bde ba rnams yin no/ /bcu gang
169b6 zhe na/ 'di lta ste/ lta ba yongs su dag pas lta ba phun sum tshogs pa rnams yin no/ /tshul khrims phun sum tshogs pa rnams yin/ cho ga yongs su dag pa rnams yin/
169b7 tshul dang cha mthun pa'i spyod yul du spyod pa rnams yin/ kun nas nyon mongs pa med par spyod pa rnams yin/ khong yangs pa rnams yin/ tshangs pa mtshungs par spyod
170a1 pa la mchod pa rnams yin/ skal pa mnyam pa rnams yin/ lam gcig tu zhugs pa rnams yin/ ston pa gzhan med pa rnams yin no/ /rigs kyi bu/ chos
170a2 bcu po de dag dang ldan na/ byang chub sems dpa' 'grogs na bde ba rnams yin no/ /rigs kyi bu/ chos bcu dang ldan na/ byang chub sems dpa' bsdu pa'i dngos po la mkhas
170a3 ba rnams yin no/ /bcu gang zhe na/ 'di lta ste/ phan pa'i sbyin pas sems can rnams sdud do/ /bde ba'i sbyin pa dang / mi zad pa'i sbyin pa dang / phan pa smra ba dang / don du smra ba
170a4 dang / chos su smra ba dang / rigs par smra ba dang / don bya ba dang / zang zing gis don mthun pa dang / 'tsho ba'i yo byad kyis don mthun pas sems can rnams sdud do/ /rigs kyi
170a5 bu| phan pa'i sbyin pa ni/ gang chos sbyin pa'o/ /bde ba'i sbyin pa ni/ gang zang zing sbyin pa'o/ /mi zad pa'i sbyin pa ni/ gang lam gyi lung sbyin pa'o/ /phan par smra ba ni/ gang dge
170a6 ba'i rtsa ba bstan pa'o/ /don du smra ba ni/ gang yang dag pa'i bstan pa'o/ /chos su smra ba ni/ gang de bzhin gshegs pa'i bstan pa dang mthun par chos bstan pa'o/ /rigs
170a7 par smra ba ni/ gang don yang dag par chud mi son pa'o/ /don bya ba ni/ gang mi dge ba'i gnas nas bslangs te dge ba'i gnas su gzhog pa'o/ /zang zing gis don mthun pa ni/
170b1 gang bza' ba dang / bca' ba dang / bldag pa dang / btung ba dang / gzhib pa dang / gos la sogs pa thun mong du yongs su spyod pa'o/ /rigs kyi bu/ 'tsho ba'i yo byad kyis don mthun pa ni/
170b2 gang gser dang / nor bu dang / mu tig dang / bai DUR+ya dang / dung dang / man shel dang / byu ru dang / sa le sbram dang / dngul dang / rta dang / glang po che dang / shing rta dang / bzhon pa thun mong
170b3 du spyod pa yin no/ /rigs kyi bu/ chos bcu po de dag dang ldan na/ byang chub sems dpa'i bsdu ba'i dngos po la mkhas pa rnams yin no/ /rigs kyi bu/ chos bcu dang ldan na/ byang
170b4 chub sems dpa' tshul du shes pa rnams yin no/ /bcu gang zhe na/ 'di lta ste/ spyod lam rab tu zhi ba rnams yin/ spyod lam sgyu med pa rnams yin/ spyod lam yongs su dag pa
170b5 rnams yin/ blta na dga' ba rnams yin/ blta na 'jam pa rnams yin/ lta bas chog mi shes pa rnams yin/ blta na yid du 'ong ba rnams yin/ blta na sems can thams
170b6 cad khong khro ba med par 'gyur ba rnams yin/ blta na sems can thams cad sems tshim par 'gyur ba rnams yin/ blta na sems can thams cad kyi sems dang bar 'gyur ba
170b7 rnams yin te/ rigs kyi bu/ chos bcu po de dag dang ldan na/ byang chub sems dpa' tshul du shes pa rnams yin no/ /rigs kyi bu/ chos bcu dang ldan na/ byang chub sems
171a1 dpa' gnas bca' ba rnams yin no/ /bcu gang zhe na/ 'di lta ste/ sems can thams cad nyon mongs pa'i 'jigs pa dag las yongs su srung ba rnams yin/
171a2 'khor ba'i 'brog dgon pa nas 'don pa rnams yin/ 'khor ba'i rgya mtsho las sgrol ba rnams yin/ mgon med pa rnams la gnyen du gyur pa rnams yin/ nyon mongs pa'i nad
171a3 kyis nad par gyur pa rnams pa sman par gyur pa rnams yin/ rten med pa dag la rten pa rnams yin/ gnas med pa dag la gnas pa rnams yin/ skyabs med pa dag la
171a4 skyabs rnams yin/ gling med pa dag la gling rnams yin/ dpung gnyen med pa dag la dpung gnyen rnams yin no/ /rigs kyi bu/ chos bcu po de dag dang ldan na/ byang chub
171a5 sems dpa' gnas bca' ba rnams yin no/ /rigs kyi bu/ chos bcu dang ldan na/ byang chub sems dpa' rtsi'i rgyal po'i shing chen po lta bu rnams yin no/ /bcu gang zhe na/
171a6 'di ltar rigs kyi bu/ 'di lta ste/ dper na/ rtsi'i rgyal po shing chen po blta na bzang ba zhes bya ba de ni/ rtsa bas kyang sems can nad pa rnams nye bar 'tsho'o/ /sdong po dang /
171a7 yal ga rnams dang / lo ma rnams dang / me tog rnams dang / 'bras bu rnams dang / mthong ba dang / mnams pa dang / myangs pa dang / reg pas kyang nye bar 'tsho ba yin
171b1 te/ rigs kyi bu/ de bzhin du byang chub sems dpa' sems dang po bskyed pa nas bzung ste nyon mongs pa sna tshogs kyi nad kyis nad par gyur pa'i sems can rnams sbyin pas kyang nye bar
171b2 'tsho ba yin/ tshul khrims dang / bzod pa dang / brtson 'grus dang / bsam gtan dang / shes rab dang / mthong ba dang / thos pa dang / yon tan gyi ro myangs pa dang / bsnyen bkur byas
171b3 pas kyang nye bar 'tsho ba yin no/ /rigs kyi bu/ chos bcu po de dag dang ldan na/ byang chub sems dpa' rtsi'i rgyal po shing chen po lta bu rnams yin no/ /rigs kyi bu/ chos bcu dang
171b4 ldan na| byang chub sems dpa' bsod nams bya ba la brtson pa rnams yin no/ /bcu gang zhe na/ 'di lta ste/ dkon mchog gsum la ci nus su bya ba byed pa dang / sems can nad
171b5 pa rnams la rtsi sbyin pa dang / sems can bkres pa dang / skom pas nyen pa rnams la zas dang skom gyi sbyin pa dang / rlung dang lhags pa dang nyi mas nyen pa'i sems can rnams la
171b6 dga' ba sbyin pa dang / mkhan po dang / slob dpon rnams la gus par rim gro byed pa dang / tshangs pa mtshungs par spyod pa rnams la gus par smra/ phyag 'tshal/ ldang / thal mo sbyar zhing
171b7 'dud par byed pa dang / kun dga' ra ba dang / gtsug lag khang dang / skyed mos tshal bya ba dang / dus dus su nor dang / 'bru dang / mdzod dang / bang ba gtong ba dang / bran pho dang / bran
172a1 mo dang / las mi dang / zho shas 'tsho ba la bgo bshas yongs su skyong ba dang / dus dus su tshul khrims dang ldan pa'i dge sbyong dang bram ze dag la bsnyen bkur
172a2 byed pa'o/ /rigs kyi bu/ chos bcu po de dag dang ldan na/ byang chub sems dpa' bsod nams bya ba la brtson pa rnams yin no/ /rigs kyi bu/ chos bcu dang ldan na/ byang chub
172a3 sems dpa' sgrub pa la mkhas pa rnams yin no/ /bcu gang zhe na/ 'di lta ste/ sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs
172a4 pa rnams la yongs su 'dri'o/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la chos nyan to/ /sangs rgyas kyi zhing
172a5 gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la mchod cing bsnyen bkur byed do/ /sangs rgyas kyi zhing du mar yang byang chub kyi
172a6 tshogs yongs su rdzogs par byed do/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang byang chub sems dpa' mngon par rdzogs par 'tshang
172a7 rgya ba rnams la rim gror byed/ bkur sti byed/ bsti stang byed/ mchod pa byed do/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang byang chub
172b1 kyi snying por 'gro ba ston to/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang bdag mngon par rdzogs par 'tshang rgya bar yang snang ngo / /sangs
172b2 rgyas kyi zhing gcig nas kyang mi g.yo la/ sangs rgyas kyi zhing du mar yang chos kyi 'khor lo rab tu bskor ro/ /sangs rgyas kyi zhing gcig nas kyang mi g.yo la/ sangs rgyas kyi
172b3 zhing du mar yang yongs su mya ngan las 'da' bar snang ngo / /sangs rgyas kyi zhing gcig nas kyang mi g.yo la/ sangs rgyas kyi zhing du mar yang sems can 'dul ba ji snyed pa la de
172b4 snyed kyi sprul pa 'gyed cing de dag sprul pa 'gyed pa'i tshe rtog pa med cing rnam par rtog pa med do/ /byang chub sems dpa' sgrib pa thams cad rnam par sel bas gsol pa/
172b5 bcom ldan 'das/ ji ltar gang lta bur byang chub sems dpa' sprul pa 'gyed na mi rtog rnam par mi rtog pa lags/ bcom ldan 'das kyis bka' stsal pa/ rigs kyi bu/ de'i
172b6 phyir dpe nyon cig /rigs kyi bu/ 'di ltas te/ dper na/ nyi ma dang / zla ba ni/ gling bzhir snang bar byed cing sems can rnams la phan 'dogs pa yin kyang nyi ma dang / zla ba ni/
172b7 bdag cag gis snang bar bya'o/ /bdag cag ni/ sems can la phan 'dogs pa'o/ /zhes mi rtog/ rnam par mi rtog mod kyi/ 'on kyang sngon gyi las rnam par smin pa'i mngon par
173a1 'du byed pas zla ba dang / nyi ma gnyis kyi bya ba de lta bu 'byung ngo / /rigs kyi bu/ de bzhin du byang chub sems dpa' yang sprul pa 'gyed na mi rtog/ rnam par mi
173a2 rtog ste| bsgrim pa'am/ mngon par 'du bya ba mi byed do/ /de ci'i phyir zhe na/ de ni/ sngon gyi rnam par smin pas mngon par 'du bya ba rnams la mngon par grub pa'i phyir
173a3 te| sngon gyi byang chub sems dpas byang chub sems dpa'i spyad pa spyod pa'i tshe ci nas kyang rnam par rtog pa med par yang sprul pa rnams 'byung bar 'gyur ba de lta de
173a4 ltar smon lam btab/ de lta de ltar mngon par 'dus byas pa'i phyir ro/ /rigs kyi bu/ chos bcu po de dag dang ldan na/ byang chub sems dpa' sprul pa la yang mkhas
173a5 pa rnams yin no/ /rigs kyi bu/ chos bcu dang ldan na/ byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya ba
173a6 rnams yin no/ /bcu gang zhe na/ 'di lta ste/ sbyin pa shin tu grub pas sbyin pa phun sum tshogs pa rnams yin/ tshul khrims shin tu grub cing tshul khrims kyi phung po skyon
173a7 med pa dang / ma 'dres pa dang / ma 'bags pa dang / nyan thos dang / rang sangs rgyas thams cad las 'das pa/ yongs su dag pa/ yongs su byang ba dang ldan pas tshul
173b1 khrims shin tu phun sum tshogs pa rnams yin/ bzod pa shin tu phun sum tshogs pa rnams dang / brtson 'grus shin tu phun sum tshogs pa rnams dang / bsam gtan shin tu
173b2 phun sum tshogs pa rnams dang / shes rab shin tu phun sum tshogs pa rnams dang / thabs shin tu phun sum tshogs pa rnams dang / smon lam shin tu phun sum tshogs pa
173b3 rnams dang / stobs shin tu phun sum tshogs pa rnams dang / ye shes shin tu grub cing thun mong ma yin pa'i ye shes nyan thos dang / rang sangs rgyas thams cad las 'das
173b4 pas dang po la ngas pa'i byang chub sems dpa' yan chad sa dgu pa la gnas pa'i byang chub sems dpa'i bar gyi ye shes las 'das pa dang ldan pas ye shes shin tu
173b5 rdzogs pa rnams yin no/ /rigs kyi bu/ chos bcu po de dag dang ldan na/ byang chub sems dpa' myur du bla na med pa yang dag par rdzogs pa'i byang chub mngon par dzogs
173b6 par 'tshang rgya'o/ /bcom ldan 'das kyis chos kyi rnam grangs 'di bshad pa'i tshe stong gsum gyi stong chen po'i 'jig rten gyi khams 'di rnam pa drug tu rab tu 'gul te/
173b7 rab tu g.yos par gyur to/ /stong gsum gyi stong chen po'i 'jig rten gyi khams 'di na ri rab ri'i rgyal po dag gam/ ri btang bzung nga / ri btang bzung chen po dag
174a1 gam| 'khor yug gi ri'am/ khor yug gi ra chen po dag gam/ de ma yin pa'i rin po che'i ri dang / ri nag po de dag thams cad kyang yul ga ya gang na ba
174a2 dang / ga ya mgo'i ri gang na ba de logs su bcom ldan 'das la chos kyi dgab pa bya ba'i phyir 'dud par gyur to/ /gang stong gsum gyi stong chen po'i 'jig rten gyi
174a3 khams 'di na me tog gi shing ngam/ 'bras bu'i shin ngam/ spos kyi shing ci yod pa de dag thams cad kyang bcom ldan 'das la chos kyi dgab pa bya ba'i phyir ga ya
174a4 mgo'i ri gang na ba de logs su 'dud par gyur to/ /byang chub sems dpa' bcom ldan 'das la chos kyi dga' pa 'bul ba bye ba khrag khrig brgya stong phrag du mas
174a5 kyang na bza' dang / rgyan gyi bye brag rnam pa sna tshogs kyi phung po ri rab tsam byas par gyur to/ /brgya byin dang / tshangs pa dang / 'jig rten skyong ba brgya stong du ma'ang
174a6 mgo pos phyag 'tshal zhing thal mo sbyar ba byas te 'dud cing bcom ldan 'das la me tog man+dA ra ba dang / man+dA ra ba chen po dag 'thor bar gyur to/ /lha'i bu brgya
174a7 stong du ma'ang nam mkha'i dbyings la gnas te gos g.yob cing ca co dang / ga zha brgya stong du ma byed par gyur te/ lha rdzas kyi me tog gis bcom ldan 'das la
174b1 mngon par 'thor bar gyur cing /kye ma'o deng ni/ 'jig rten du sangs rgyas gnyis pa skyes par gyur te/ kye ma'o chos kyi 'khor lo gnyis pa bskor to/ /sems can gnag gi rna
174b2 lam du chos kyi rnam grang 'di grags par gyur pa de dag kyang bsod nams dang ldan zhing dge ba'i las byed pa ste/ sngon gyi de bzhin gshegs pa rnams la dge ba'i rtsa ba rab tu
174b3 bsags pa yin na/ gang 'di la dad pa rnyed pa de dag lta smos kyang ci dgos zhes de skad ces ched du brjod pa ched du brjod do/ /lto 'phye chen po brgya stong du ma'ang chos kyi
174b4 rnam grang 'di nyid la chos kyi dgab pa bya ba'i phyir 'brug ltar sgra 'ur ru ru 'byin/ sgrog par byed/ shin tu sgrog par byed cing / spos kyi spron sna tshogs mngon par
174b5 sprul te stong gsum gyi stong chen po'i 'jig rten gyi khams dang / ga ya ma mgo'i ri la spos chu'i char mngon par 'bebs kyang sems can rnams la gnod par mi
174b6 snang ngo / /klu'i bu mo brgya stong du ma'ang bcom ldan 'das kyi spyan sngar klu'i nga ro'i sgra 'byin par gyur ro/ /dri zad dang mi'am ci brgya stong du ma'ang snyan cing zab pa'i
174b7 dbyangs kyis glu len cing ga ya mgo'i ri dang / stong gsum gyi stong chen po'i 'jig rten gyi khams la bskor ba byed par gyur to/ /gnod sbyin byed ba khrag khrig brgya
175a1 stong du ma'ang pad+ma'i char mngon par 'bebs par gyur to/ /bram ze dang / rgyal rigs dang / grong rdul gyi mi dang / yul gyi mi brgya stong du ma'ang
175a2 me tog dang / bdug spos dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / bdan dag gis bcom ldan
175a3 'das la mchod pa byed par gyur to/ /sangs rgyas kyi zhing du ma dag nas kyang sangs rgyas bcom ldan 'das rnams kyis chos kyi dgab pa bya ba'i phyir so so'i smon
175a4 mtshams kyi mdzod spu nas 'od zer mang po bkye bar gyur te/ 'od zer de dag kyang kha dog sna tshogs/ gzugs sna tshogs/ snang ba sna tshogs can sha stag ste/ 'di
175a5 lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog ste/ de dag stong gsum gyi stong chen po'i 'jig rten gyi
175a6 khams 'di la bskor ba byed cing mun pa thams cad rnam par sel bar gyur te 'khor nas ga ya mgo'i ri la bskor ba byas/ de bzhin gshegs pa la'ang bskor ba
175a7 byas nas bcom ldan 'das kyi dbu'i gtsug tu nub par gyur to/ /rlung yang bde bar langs par gyur to/ /chos kyi rnam grangs 'di bshad pa dang / mchod pa mngon
175b1 par 'du bya ba 'di byung ba'i tshe byang chub sems dpa' bye ba khrag khrig bdun cu rtsa gnyis kyis mi skye ba'i chos la bcod pa thob bo/ /srog chags bye ba khrag khrig brgya stong
175b2 du ma'ang chos rnams las dru la med cing dri ma dang bral ba chos kyi mig rnams par dag go/ srog chags bye ba khrag khrig brgya stong du mas kyang sngon chad ma bskyed pa las byang
175b3 chub tu sems bskyed par gyur to/ /de nas ga ya mgo'i ri la gnas pa'i lha mo mi 'chi ba zhes bya ba dpung dang bcas/ 'khor dang bcas te 'khor 'dus pa de nyid du
175b4 'dus shing 'dug 'dug pa las de stan las langs nas bdag gi gnas su song ste bcom ldan 'das kyi mchod pa blangs nas phyir bcom ldan 'das kyi spyan sngar phyin
175b5 te bcom ldan 'das la bkur stir byas/ btsun pa byas/ ri mor byas/ mchod pa byas/ bsti stang byas/ rim gror byas so/ /bkur sti dang / btsun pa dang / ri mo dang /
175b6 mchod pa dang / bsti stang dang / rim gro byas nas bcom ldan 'das la 'di skad ces gsol to/ /bcom ldan 'das/ tshe rabs gzhan de dang de dag la ga ya mgo'i
175b7 ri 'di nyid du chos kyi rnam grangs 'di sangs rgyas stong phrag bdun cu rtsa gnyis kyis don 'di nyid dag dang / tshul 'di nyid dag dang / tshig dang yi ge 'di nyid dag
176a1 gis bstan pa bdag gis mngon par dran no/ /bcom ldan 'das kyis bka' stsal pa/ mi 'chi ba/ de ltar khyod kyis dkon mchog 'byung ba de lta bu
176a2 thos par gyur pa ni/ khyod kyis thob par bya ba legs par thob bo/ /de nas 'khor der tshogs pa'i nang na lha'i bu kha cig 'di snyam du sems par gyur to/ /lha mo 'dis
176a3 ji srid cig nas chos kyis rnam grangs 'di thos nas de snyed kyi de bzhin gshegs pa mang po la bsnyen bkur byas kyang 'di bud med kyi lus las ma bsgyur snyam pa dang / de nas byang chub sems dpa' sems dpa' chen po sgrib pa thams cad rnam par sel bas/
176a4 lha'i bu de dag gi sems kyi rtog pa sems kyis yongs su shes nas bcom
176a5 ldan 'das la 'di skad ces gsol to/ /bcom ldan 'das/ de ltar lha mo mi 'chi ba 'dis chos kyi rnam grangs 'di ltar rdzu 'phrul che ba thob la/ de bzhin gshegs pa
176a6 de snyed du mang pa zhig bsnyen bkur bgyis na/ ci'i rgyu ci'i rkyen gyis bud med kyi lus las ma bsgyur/ bcom ldan 'das kyis bka' stsal pa/ rigs kyi bu/ 'di la sems
176a7 can gyi don ni/ rgyu'o/ /sems can gyi don ni/ rkyen te/ /de ci'i phyir zhe na/ rigs kyi bu/ lha mi 'chi ba ni/ rnam par thar pa bsam gyis mi khyab pa la gnas pa/ rdzu
176b1 'phrul che ba/ mthu che ba ste/ rigs kyi bu/ lha mo mi 'chi bas yang dag par len du btsud pa dang / gzengs bstod pa dang / byang chub tu sems bskyed pa las yongs su mya ngan las
176b2 'das pa'i sangs rgyas ni/ brang ba las 'das pa zhig ngas mngon par shes te/ rigs kyi bu/ de ltar na/ lha mo mi 'chi ba ni/ rdzu 'phrul che ba/ mthu che ba ste/ rigs kyi bu/ lha mo mi
176b3 'chi ba 'di ni/ bskal pa bzang po'i sangs rgyas rnams la bsnyen bkur byas nas sangs rgyas kyi zhing 'di nyid du mngon par rdzogs par 'tshang rgya bar 'gyur te/ mngon par rdzogs par
176b4 sangs rgyas nas kyang mi 'chi ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ /de nas bcom ldan 'das kyis lha mo mi
176b5 'chi ba la bka' stsal pa/ mi 'chi ba/ khyod kyis rang gi sangs rgyas kyi zhing ston cig/ de nas lha mo mi 'chi ba gzugs thams cad yongs su ston pa zhes bya ba'i ting nge
176b6 'dzin la snyoms par zhugs par gyur te/ lha mo mi 'chi ba gzugs thams cad yongs su ston pa'i ting nge 'dzin de la snyoms par zhugs ma thag tu de'i tshe stong gsum
176b7 gyi stong chen po'i 'jig rten gyi khams 'di lag mthil lta bur mnyam zhing bai DUR+ya'i gzhir snang bar gyur te/ ri nag po med cing shing tha mal pa med la/ gnas gnas
177a1 dag na yang dpag bsam gyi shing sha stag snang bar gyur to/ /gnas gnas dag na chu mig dang / mtshe'u dang / lteng ka dang / rdzing yan lag brgyad dang
177a2 ldan pa'i chus yongs su gang ba dag snang bar gyur to/ /mi phal pa med par snang bar gyur to/ /de na bud med kyi sgra'ang mi grag par gyur to/ /gnas dang gnas dag
177a3 na pad+ma shing rta'i 'khor lo tsam dag snang bar gyur te/ pad+ma de dag la'ang byang chub sems dpa'i gzugs skyil mo krung du 'khod pa sha stag snang bar gyur to/ /bcom
177a4 ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'chi ba de'ang byang chub sems dpa' de dag la chos ston par snang ste/ brgya
177a5 byin dang / tshangs pa dang / 'jig rten skyong ba bye ba khrag khrig brgya stong du mas yongs su bskor cing byang chub sems dpa' bye ba khrag khrig brgya stong du mas mdun du
177a6 bdar te/ 'di ltar chos nyid 'di kho na brtsams nas chos ston par snang bar gyur to/ /de nas lha mo mi 'chi ba'ang ting nge 'dzin de las langs te/ bcom ldan 'das la lan
177a7 gsum du g.yas phyogs su bskor ba byas nas de nyid du mi snang bar gyur to/ /de nas bcom ldan 'das la byang chub sems dpa' sgrib pa thams cad rnam par sel bas
177b1 'di skad ces gsol to/ /bcom ldan 'das/ rigs kyi bu dang / rigs kyi bu mo gnag chos kyi rnam grangs 'di snyan tam/ 'dzin tam/ 'chang ngam/ klog gam/ kun chub par bgyid
177b2 dam/ kha ton bgyid dam/ gzhan dag la'ang rgya cher yang dag par ston par bgyid na/ de bsod nams ji tsam zhig skyed par 'gyur/ bcom ldan 'das kyis bka' stsal pa/
177b3 rigs kyi bu'am/ rigs kyi bu mo gang la la zhig gis stong gsum gyi stong chen po'i 'jig rten gyi khams su gtogs pa'i sems can rnams la sbyin pa lhug par byin te/ de ltar
177b4 sbyin pa bskal pa brgya stong mang por byin pa bas/ rigs kyi bu'am/ rigs kyi bu mo gnag gis chos kyi rnam grangs 'di legs par bris/ legs par zhus te sems dad pas sems can
177b5 dad pa la byin na/ de bas kyang 'di bsod nams ches mang du bskyed do/ /rigs kyi bu/ de ci'i phyir zhe na/ zang zing gi sbyin pa ni/ phran tshegs te/ chos kyi sbyin pa ni/ rdzu 'phrul che ba'o//
177b6 de ci'i phyir zhe na/ rigs kyi bu/ 'khor ba na 'khor ba'i sems can rnams kyis zang zing ni/ rnam par du mar myong gi /'jig rten las 'das pa'i chos kyi ro ni/ nam yang ma myong ste/ 'jig
177b7 rten pa ni/ ma yin no/ /rigs kyi bu/ gnag la las stong gsum gyi stong chen po'i 'jig rten gyi khams su gtogs pa'i sems can rnams dge ba bcu'i las kyi lam rnams la bkod
178a1 pa bas| gang gis chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan dag la'ang rgya cher ston na/ de bas 'di bsod
178a2 nams ches mang du skyed do/ /de ci'i phyir zhe na/ rigs kyi bu/ dge ba bcu'i las kyi lam rnams ni/ 'di las byung ngo / /rigs kyi bu/ gang la la zhig gis stong gsum gyi stong chen po'i
178a3 'jig rten gyi khams su gtogs pa'i sems can rnams rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa nyid kyi 'bras bu la bkod pa bas kyang
178a4 chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan dag la'ang rgya cher ston na/ de bas 'di bsod nams ched mang du skyed do/ /
178a5 de ci'i phyir zhe na/ rigs kyi bu/ chos 'di nyid la brten na/ nyan thos dang / rang sangs rgyas rnams snang bar 'gyur ro/ /chos 'di nyid la brten na byang chub sems dpa' rnams snang
178a6 bar 'gyur ro/ /chos 'di nyid la brten na de bzhin gshegs pa rnams 'jig rten du 'byung bar 'gyur te/ rigs kyi bu/ chos kyi rnam grangs 'di bzung ba dang / bklag pa dang / spel ba
178a7 dang / kha ton byas pas mdo sde thams cad bzung ba dang / bklag pa dang / spel ba dang / kha ton byas par 'gyur ro/ /de ci'i phyir zhe na/ rigs kyi bu/ 'di ni/ chos thams cad kyi ma mo
178b1 ste| rigs kyi bu/ chos nyid 'di ma thob par chos nyid rgya chen po 'thob par mi 'gyur te/ rigs kyi bu/ 'di ni/ byang chub sems dpa' rnams kyi 'dul ba'o/ /de nas sangs rgyas kyi
178b2 mthus nyan thos chen po de dag thams cad stan las langs te bla gos phrag pa gcig tu gzar te pus mo g.yas pa'i lha nga sa la btsugs nas bcom ldan 'das ga la pa de logs su
178b3 thal mo sbyar ba btud de bcom ldan 'das la 'di skad ces gsol to/ /bcom ldan 'das/ bdag cag gis kyang chos nyid 'di thob pas skye ba'i 'khor ba chen po bas par bgyis so/
178b4 bcom ldan 'das kyis bka' stsal pa/ dge slong dag /de de bzhin no/ /de de bzhin te/ ji skad smras pa de bzhin no/ /de nas yang bcom ldan 'das kyis 'khor mang po dag la bka'
178b5 stsal pa| rigs kyi bu /sa phyogs gang du chos kyi rnam grangs 'chad pa dang / ston pa'i sa'i phyogs de byang chub sems kyi snying por gzung bar bya'o/ /chos kyi 'khor lo rab tu
178b6 bskor bar gzung bar bya'o/ /mchod rten chen por gzung bar bya'o/ /bdag cag gi ston pa gnas 'di na bzhugs par gzung bar bya'o/ /rigs kyi bu/ de ci'i phyir zhe na/ chos
178b7 nyid 'di ni/ byang chub bo/ /chos nyid 'di ni/ chos kyi 'khor lo rab tu bskor ba'o/ /rigs kyi bu dag /de bzhin gshegs pa ni/ chos kyi sku ste/ rigs kyi bu dag /chos mchod
179a1 pas de bzhin gshegs pa rnams mchod par 'gyur ro/ /sa phyogs gang na chos smra ba de gnas pa de la'ang mchod rten du 'du shes bskyed par bya ste/ chos
179a2 smra ba de la'ang bla mar 'du shes bskyed par bya'o/ /dge ba'i bshes gnyen du 'du shes bskyed par bya'o/ /lam ston par 'du shes bskyed par bya'o/ /chos smra ba de mthong na
179a3 dga' ba dang / dad pa dang / rangs pa bskyed par bya'o/ /rim gror byas te stan la bdar bar bya'o/ /chos smra ba de'i bsngags pa brjod par bya'o/ /legs so/ /zhes brjod pa
179a4 mang bar bya'o/ /rigs kyi bu dag /ngas bskal pa'am/ bskal pa las lhag par chos smra ba de'i bsngags pa brjod kyang chos smra ba de la cung zad kyang phan par byas pa med do/ /
179a5 de ci'i phyir zhe na/ rigs kyi bu dag /'di lta ste/ bkur stir bya ba dang / btsun par bya ba dang / bsngags pa brjod pa ni/ gyi na cung zad du zad do/ /rigs kyi bu dag /gal te chos
179a6 'di 'dod pa'i rigs kyi bu'am rigs kyi bu mo dag gis chos smra ba de 'ong ba'i lam bdag gi khrag gis chag chag byas na yang chos smra ba de la phan pa cung zad kyang byas pa
179a7 med do| |de ci'i phyir zhe na/ rigs kyi bu dag /'di lta ste/ de bzhin gshegs pa'i chos kyi tshul gzung ba 'di ni/ dga' ba'o/ /rigs kyi bu dag /chos smra ba des kyang chos
179b1 kyi rnam grangs 'di bshad pa dang / bstan pa dang / yang dag par ston pa'i tshe 'jigs pa med par bya'o/ /ma zhum pa dang / sba ma gong ba dang / zhe ma 'gras pa'i sems dang / gos
179b2 gtsang ma bgos te dad pa bskyed par bya'o/ /bdag gi bsngags pa brjod kyang mi snyems pa dang / nga rgyal du mi gzung bar bya ste/ bdag mi bstod/ gzhan mi smod cing / des zang zing
179b3 med pa'i sems kyis ri mor byas te chos bstan par bya'o/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das /dog sa'i phyogs
179b4 gang du chos kyi rnam grangs 'di bshad pa'am/ bstan par 'gyur ba'i sa phyogs der chos kyi rnam grangs 'di mnyan pa dang / chos smra ba de la sman par bgyi ba'i slad du bdag cag
179b5 dpung dang bcas/ 'khor dang bcas te mchi'o/ /bcom ldan 'das kyis bka' stsal pa/ kau shi ka /legs so/ /legs so/ /khyod kyis de ltar gyis shig /kau shi ka /khyod kyis de bzhin
179b6 gshegs pa'i chos nyid yongs su bsrung bar bya'o/ /de nas bcom ldan 'das la byang chub sems dpa' sgrib pa thams cad rnam par sel bas gsol pa/ bcom ldan 'das/ chos
179b7 kyi rnam grangs 'di'i ming ci zhes bgyi/ 'di ji ltar gzung bar bgyi/ bcom ldan 'das kyis bka' stsal pa/ rigs kyi bu/ de'i phyir khyod kyis chos kyi rnam grangs 'di dkon mchog
180a1 sprin ces bya bar zungs shig /yon tan rin po che'i 'byung gnas kyi le'u zhes bya bar yang zungs shig /ye shes sgron ma zhes bya bar yang zungs shig /sgrib pa
180a2 thams cad rnam par sel bas kun dris pa zhes bya bar yang zungs shig/ bcom ldan 'das kyis de skad ces bka' stsal pa dang / byang chub sems dpa' sgrib pa thams cad rnam
180a3 par sel ba yid dga' zhing / byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba dang / dbang phyug chen po dang / gnas
180a4 gtsang ma'i lha'i bu la sogs pa dang / lha'i bu brgya stong du ma dag dang / de ma yin pa gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang /
180a5 mi'am ci dang / lto 'phye chen po brgya stong dag kyang bcom ldan 'das kyis gsungs pa la mngon par dga'o/ /'phags pa dkon mchog sprin ces bya ba theg pa chen po'i mdo rdzogs
so|| /
CLOSE WINDOW