བོད་ཡིག |
428b2 zhu chen gyi lo tsA ba ban+d+he dpal brtsegs kyis zhus te gtan la phab pa/ rgya gar skad du/ ma hA san+ni pA tA da ma hA yA na sU trAt+ta thA ga ta shrI sa ma ya nA ma
428b3 ma hA yA na sU tra/ bod skad du/ 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo/ bam po dang po/ sangs
428b4 rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das tshangs pa chen po'i phur bu mtha' yas mu med pa
428b5 lung bstan pa/ drang srong rnams kyi gnas thub pa'i rten ri ther sgra la nyan thos kyi dge 'dun chen po la 'di lta ste/ bcom ldan 'das kyi nyan thos bgrang ba las 'das pa dag dang /
428b6 byang chub sems dpa'i dge 'dun chen po 'di lta ste/ phyogs bcu'i sangs rgyas kyi zhing thams cad nas der 'dus pa'i byang chub sems dpa' sems dpa' chen po bgrang ba
428b7 las 'das pa dag dang thabs cig tu bzhugs so/ /de'i tshe 'khor 'dus pa chen po de na dpal lha mo chen mo chos mnyan pa'i phyir bcom ldan 'das kyi spyan sngar thag mi ring
429a1 ba zhig na 'dug go /de nas dpal lha mo chen mo stan las langs te bcom ldan 'das ga la ba de logs su thal mo sbyar ba btud nas bcom ldan
429a2 'das la 'di skad ces gsol to/ /btsun pa bcom ldan 'das/ 'di ni/ sbyin pa las byung ba'i bsod nams bgyi ba'i dngos po'i gzings kyis skye ba'i rgya mtsho las sgrol bar
429a3 mi bgyid pa dag mchis lags so/ /de ci'i slad du zhe na/ sangs rgyas kyi zhing nyon mongs pa can snyigs ma lnga dang ldan pa 'di na sems can bsod nams su gdags pa dang
429a4 bral ba dag phal che lags te/ rgyu de dang / rkyen des na byang chub sems dpa' sems dpa' chen po dag 'dir sems can rnams la snying rje chen po dag skyed par bgyid
429a5 lags so/ /'di na sems can rnams gang gis na rgyu ma mchis par smra zhing longs spyod dang bral la/ tshol khros sdug bsngal zhing nyam thag pa dang / don ma mchis par 'bad pa
429a6 de dag ni/ sbyin pa rnam par bged pa ma mchis par yongs su smin par bgyid pa'i rngo mi thogs te/ de lta bas na/ bdag cag gis sbyin pa'i go bgos te brtson 'grus brtsam par
429a7 bgyi zhing / 'di ltar bdag cag gis sbyin pa'i gzings kyis skye ba'i rgya mtsho las bsgral bar bgyi'o/ /zhes byang chub sems dpa' sems dpa' chen po de dag sbyin pa las
429b1 byung ba'i bsod nams kun tu sbyor bar bgyi ba'i dngos pos sangs rgyas kyi ye shes kyi rgya mtsho bla na ma mchis pa la 'jug par bgyid pa nas chos kyi rgyal po bla na ma mchis par dbang bskur
429b2 ba rab tu thob par bgyid pa'i bar du'o/ /btsun pa bcom ldan 'das/ 'di na sems can rtag par smra ba 'di dag longs spyod dang / nye bar spyod pa rgya chen po dang bral la tshol khros sdug
429b3 bsngal zhing nyam thag pa dag mchis te/ de dag tshul khrims rnam par bged pa ma mchis par yongs su smin par bgyid par rngo mi thogs pas/ 'dir sems can rtag par smra ba rnams
429b4 la byang chub sems dpa' sems dpa' chen po de dag snying rje chen po dag skyed par bgyid cing / tshul khrims kyi go bgos pa'i gzings kyis sems can rtag par smra ba 'di dag skye ba'i
429b5 rgya mtsho 'di las bsgral bar bgyi'o/ /zhes byang chub sems dpa' sems dpa' chen po de dag tshul khrims las byung ba'i bsod nams kun tu spyod par bgyid pa'i dngos po sems can
429b6 rnams dge ba bcu'i las kyi lam gyis yongs su smin par bgyid pa dang / sangs rgyas kyi ye shes kyi rgya mtsho bla na ma mchis pa la 'jug par bgyid pa nas chos kyi rgyal po bla na ma
429b7 mchis par dbang bskur ba rab tu thob par bgyid pa'i bar du'o/ /btsun pa bcom ldan 'das/ 'di na sems can gang dag phra ma dang / tshig rtsub po dang / chags sems dang / gnod
430a1 sems kun tu spyod pa'i yid kyis de dag 'jig tshogs la lta ba dang ldan zhing longs spyod dang / nye bar spyod pa dang bral la/ tshol khros sdug bsngal zhing
430a2 nyam thag pa dag mchis te/ sems can de dag rab tu 'byung ba'i tshul khrims dang / sdom pa ma mchis par yongs su smin par bgyid par rngo mi thogs pas sems can phra ma
430a3 dang / tshig rtsub po dang / chags sems dang / gnod sems kun tu spyod cing / 'jig tshogs la lta ba dang ldan pa spyod pa de dag la byang chub sems dpa' sems dpa' chen
430a4 po de dag snying rje chen po dag spyod par bgyid de/ bcom ldan 'das/ sems can de dag mi rtag pa'i tshul gyis bstan pa la 'jug par bgyid pa dang / rab tu 'byung ba'i sdom
430a5 pas sems can rnams yongs su smin par bgyid pa'ang bdag cag gis bzod pa dang / brtson 'grus brtsams nas bdag cag gis rab tu 'byung ba'i sdom pa'i gzings
430a6 kyis skye ba'i rgya mtsho las bsgral bar bgyi'o/ /zhes byang chub sems dpa' sems dpa' chen po de dag tshul khrims las byung ba'i bsod nams bgyi ba'i dngos po rtag pa'i
430a7 tshul gyis sems can rnams rab tu 'byung ba'i tshul khrims dang / sdom pas yongs su smin par bgyid de/ de nas byang chub sems dpa' sems dpa' chen po de dag sangs
430b1 rgyas kyi ye shes kyi rgya mtsho bla na ma mchis par 'jug par bgyid pa nas chos kyi rgyal po bla na ma mchis par dbang bskur ba thob par bgyid pa'i bar du'o/ /bcom ldan 'das/ byang
430b2 chub sems dpa' sems dpa' chen po dag bsam gtan dang po'i pha rol tu phyin pa yongs su sbyong zhing slob pa na bsam gtan gyi yan lag rnams 'tshal ba dang / 'dod pa'i
430b3 khams las yang dag par 'da' ba dang / yan lag lnga dang ldan zhing yan lag lnga spangs pa dang / rdzu 'phrul gyi rkang pa bzhis rnam par rtse ba mngon par 'tshal ba dang / sangs
430b4 rgyas bcom ldan 'das de dag thams cad la mchod pa dang / bkur sti bgyi ba dang / dam pa'i chos mnyan pa'i slad du sangs rgyas kyi zhing thams cad du glog lta bu'i shugs kyis
430b5 mchi ba la mkhas pa dang / sems can rnams kyi lam gsum mo/ /gsum 'di lta ste/ las kyi lam dang / nyon mongs pa'i lam dang / sdug bsngal gyi lam dag skem par
430b6 bgyid pa dang / bsgoms pa las byung ba'i bsod nams bgyi ba'i dngos po rdzogs par bgyid pa dag ji lta bu lags/ de bzhin du bsam gtan gyi pha rol tu phyin pa yongs su
430b7 rdzogs par bgyid pa ji lta bu lags/ de'i pha rol tu phyin pa drug po yongs su rdzogs par 'gyur ba dang / myur du bla na med pa yang dag par rdzogs pa'i byang chub mngon par
431a1 rdzogs par 'tshang rgya bar 'gyur ba dag ji lta bu lags/ bcom ldan 'das kyis bka' stsal pa/ dpal chog shes/ legs so/ /legs so/ /dpal
431a2 chog shes/ khyod kyis gang gi tshe chos bzhi po 'di la yongs su rdzogs par spyad cing goms par byas kyang khyod kyis sems can gzhan dang / gang zag gzhan dag gi don du
431a3 de bzhin gshegs pa la don 'di 'dri bar sems pa/ dpal chog shes/ de'i phyir legs par nyon la rab tu yid la zungs shig dang bshad do/ /btsun pa bcom ldan
431a4 'das| de ltar 'tshal lo/ /zhes bya ba nas bcom ldan 'das kyis 'di skad ces bka' stsal to/ /zhes bya ba'i bar du'o/ /dpal chog shes/ byang chub sems dpa'
431a5 sems dpa' chen po dag bsam gtan dang po'i pha rol tu phyin pa yongs su sbyong zhing slob pa na bsam gtan gyi yan lag rnams shes pa dang / 'dod pa'i khams las
431a6 yang dag par 'da' ba dang / yan lag lnga dang ldan zhing yang yan lag lnga spangs pa dang / rdzu 'phrul gyi rkang pa bzhis rtse ba mngon par shes pa dang / sangs rgyas bcom
431a7 ldan 'das de dag thams cad la mchod pa dang bkur sti bya ba dang / dam pa'i chos mnyan pa'i phyir sangs rgyas kyi zhing thams cad du glog lta bu'i shugs kyis 'gro ba la
431b1 mkhas pa/ sems can rnams kyi lam gsum po las kyi lam dang / nyon mongs pa'i lam dang / sdug bsngal gyi lam dag bskams pa dang / bsgoms pa las byung ba'i bsod
431b2 nams bya ba'i dngos po rdzogs par byed pa dang / bsam gtan gyi pha rol tu phyin pa yongs su rdzogs par byed pa dang / de'i pha rol tu phyin pa drug po yongs su rdzogs par 'gyur
431b3 ba dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dag ji lta bu yin zhe na/ dpal chog shes/ 'di la byang chub
431b4 sems dpa' sems dpa' chen po dag thams cad kyi dang por dbugs rngub pa dang / dbugs 'byung ba'i mtshan ma'i dmigs pa thams cad la sems gtod par byed de/ de
431b5 g.yeng ba med pa'i sems kyis dbugs rngub par byed do/ /dbugs 'byung bar byed do/ /de dang por dbugs rngub pa'i sems kyis sel bar byed pa de dag ni/ de'i rnam par rtog pa
431b6 yin no| |de nges par 'byung ba na dbugs 'byung ba'i sems kyis sel ba de dag ni/ de'i rnam par dpyod pa yin no/ /de la dga' zhing tshim pa gang yin pa dang / sems rtse gcig pa
431b7 nyid gang yin pa dang / g.yeng ba med pa gang yin pa des na de nges par 'byung ba la gnas shing rnam par rtog pa dang / rnam par dpyod pa spong ba'i sems dang ldan pa yin no/ /de
432a1 ltar na der des rnam par rtog pa dang / rnam par dpyod pa dang bcas pa'i bsam gtan dang po thob pa yin no/ /de la mtshan ma 'di dag 'byung ste/ de'i
432a2 lus thams cad g.yo bar 'gyur ro/ /dro bar 'gyur ro/ /der de 'dod pa'i 'dun pa'i sgrib pa spong ba yin no/ /de mi dge ba'i chos thams cad gnon par byed do/ /de gang gi
432a3 tshe brtson pa drag po yid la byed cing gnas pa des na de rnam par rtog pa dang / rnam par dpyod pa nye bar zhi ba yin te/ des na rnam par rtog pa dang / rnam par dpyod pa med
432a4 pa'i bsam gtan gnyis pa thong ba yin no/ /de ltar de'i lus thams cad shin tu sim pa dang / bde ba dang / tshim par 'gyur ba ni/ dper na/ 'o ma 'jam tsam gyis lus
432a5 la gcig car blugs na bde ba myong ba bzhin no/ /des bdag ni/ 'di ltar gyur par shes te/ des zang zing med pa'i dga' ba dang / bde ba de lta bu dang ldan no snyam du shes
432a6 so| |byang chub sems dpa' des dkon mchog gsum la dad pa thob nas de 'di snyam du bdag gis ni/ sems can thams cad kyi don du go cha chen po bgos nas bsam gtan
432a7 la'ang mngon par brtson par bya zhing bdag gis ci nas kyang lus dang sems kyi bde ba'ang dor bar bya'o snyam du sems so/ /byang chub sems dpa' sems dpa' chen po de
432b1 dbugs rngub pa dang / dbugs 'byung ba goms par bya ba sems kyi dmigs pa dag 'dor bar byed do/ /de sna'i rtse mor sems gtod par byed de gang gis 'jug pa dang / nges
432b2 par 'byung ba dbugs rngub pa dang / dbugs 'byung ba la gnas pa'i sems kyis nye bar rtog par byed do/ /de sems de'i skad cig ma la zhig pa dang / skye ba dang / 'jig pa nye
432b3 bar rtog par byed de/ sems dang / yid dang / rnam par shes pa dang / phung po dang / khams dang / skye mched thams cad la chu zla dang / mig yor dang / smig rgyu lta bu dang /
432b4 glog lta bu dang / bdag po med pa dang / thams cad skad cig ma 'jig pa dang ldan par rtogs te/ de de ltar dga' ba dang / bde ba rab tu gtong bar byed de/ des der bsam
432b5 gtan gsum pa'ang thob pa yin no/ /gang du chos de dag 'phel bzhin du 'gog pa yid la byed pa'i sems kyis bsam gtan bzhi pa rdzogs par byas te gnas pa de la mtshan
432b6 ma 'di dag 'byung ste/ des mig gnyis ka btsums kyang nyi ma'i snang ba chen po lta bur snang ba dag yang dag par lta bar byed pa na/ de 'di snyam du mtshan ma'i stobs snang ba'i
432b7 rkyen las sems can thams cad kyi phung po dang / khams dang / skye mched dang / nyon mongs pa dang / nye ba'i nyon mongs pa rnam par 'phel zhing 'bar bas bdag gis ci nas
433a1 kyang yid la byed pa'i sems kyi dmigs pa'i snang ba dag dor bar bya'o snyam du sems so/ /de der de'i tshor ba dang / 'du shes dang / sems pa dang /
433a2 reg pa gang yin pa yid la byed pa kun tu byung ba dag skye zhing 'jig pa dang / 'gog pa'i tshul gyis rab tu zhi bar byed la/ 'gog pa'i grong khyer shin tu yongs su dag
433a3 par 'jug par yang byed do/ /de lus dang / ngag dang / yid la byed pa shin tu sbyangs pa la gnas so/ /yang de las kyang ldang ngo / /yang na dbugs rngub pa dang / dbugs
433a4 'byung ba'i mtshan ma dag 'dzin par byed la/ reg pa yid la byed pas mtshan ma la nye bar rtog par yang byad do/ /yang stong pa nyid kyi ting nge 'dzin la 'jug par yang byed
433a5 la| yang na dbugs rngub pa dang / dbugs 'byung ba'i skye ba dang / 'jig pa mtshan ma'i dmigs pa yang dag par lta bar byed do/ /smon pa'i ting nge 'dzin de la'ang
433a6 gnas la/ yang na dbugs rngub pa dang / dbugs 'byung ba'i zhi ba dang / 'gog pa la yang dag par lta bar yang byed do/ /mtshan ma med pa'i ting nge 'dzin la gnas
433a7 pa de bzhin du dran pa nye bar gzhag pa bzhi sgom pa'ang yongs su rdzogs par 'gyur ro/ /de la rnam par thar pa gsum sgom pa yongs su rdzogs par yang 'gyur la/
433b1 yang na dbugs rngub pa dang / dbugs 'byung bar mi smon cing 'jig pa'i tshul gyi dmigs pas nye bar rtog par yang byed do/ /de la yang dag pa'i spong ba bzhi sgom pa yongs su rdzogs
433b2 par yang 'gyur la/ yang na dbugs rngub pa dang / dbugs 'byung ba'i skye ba dang / nub pa'i mtshan ma la nye bar rtog par yang byed do/ /de rdzu 'phrul gyi rkang pa bzhi sgom pa yongs
433b3 su rdzogs par yang 'gyur la/ yang na dbugs rngub pa dang / dbugs 'byung ba'i mtshan ma la dmigs pas nyi zer gyi rdul dang 'dra bar phye mar brlags pa bzhin du rang gi
433b4 lus la nye bar rtog par yang byed do/ /de dbang po lnga sgom pa yongs su rdzogs par yang 'gyur la/ yang na dbugs rngub pa dang / dbugs 'byung ba skye ba dang / nub pa'i tshul gyis
433b5 'du byed gsum la nye bar rtog par yang byed do/ /de stobs lnga sgom pa yongs su rdzogs par yang 'gyur la/ yang na dbugs rngub pa dang / dbugs 'gyung ba'i tshor ba'i mtshan ma
433b6 gsal ba'i tshul gyis phung po dag la zhi ba dang / nye bar zhi bar rtog par yang byed do/ /de bzhin du byang chub kyi yan lag bdun sgom pa yongs su rdzogs par yang 'gyur la/ yang na
433b7 dbugs rngub pa dang / dbugs 'byung ba'i rlung gi rnal 'byor yid la byed pas sa'i khams gzugs su snang ba thams cad rdul du brlags te gtor nas mtshan ma med pa/ lus
434a1 pa med pa/ brjod du med pa/ mtshan nyid med pa/ rnam par rig pa med pa/ 'du byed gsum zhi ba/ nye bar zhi ba/ 'gags pa/ dmigs pa med pa'i
434a2 ting nge 'dzin dag rab tu thob bo/ /bsam gtan la rnam par rtse ba'i ting nge 'dzin de lta bu de ni/ byang chub sems dpa' sems dpa' chen po rnams kyi bsam gtan gyi pha
434a3 rol tu phyin pa yongs su sbyong ba thun mong yin la/ bsam gtan gyi pha rol tu phyin pa yongs su sbyong ba na nyan thos dang / rang sangs rgyas thams cad kyi 'ang thun mong yin
434a4 no| |gang dag kha cig de la gnas na rgyun du zhugs pa'i 'bras bu la gnas pa yin no/ /btson 'grus zhan pa kha cig ni/ nyan thos kyi chos rnams la 'phel lo/ /kha cig
434a5 ni| dgra bcom pa'i 'bras bu la gnas pa'i bar du'o/ /gang dag byang chub sems dpa' sems dpa' chen po snying rje chen po dang ldan pa/ 'bad pa brtan pa/ sems can
434a6 thams cad la lta ba/ bsod nams dang / shes rab kyi tshogs dpag tu med pa goms par byas te bsam gtan yongs su spyod pas rnam par rtse ba'i ting nge 'dzin gyi
434a7 rnal 'byor de lta bu de la gnas nas rnam par ldog par yang mi byed la/ nyan thos kyi nges pa la 'jug par yang mi byed do/ /byang chub sems dpa' sems dpa' chen po
434b1 de dag go cha chen bgos nas bsam gtan gyi pha rol tu phyin pa dang / so so yang dag par rig pa la sbyor ba yongs su spyod pa la gnas pa nas bsam gtan gyi pha rol tu phyin pa
434b2 rdzogs par byed pa dang / de pha rol tu phyin pa drug po yongs su rdzogs par 'gyur ba'i bar du'o/ /dpal chog shes/ yul 'khor de na dge slong dang / dge slong ma dang / dge
434b3 bsnyen dang / dge bsnyen ma dang / nyan thos kyi theg pa la yang dag par zhugs pa dang / rang sangs rgyas kyi theg pa la yang dag par bzhugs pa dang / theg pa chen po la yang dag par
434b4 zhugs pa'i rigs kyi bu dang rigs kyi bu mo dag bsam gtan yongs su sbyong bas rnam par rtse ba yid la byed pa di lta bu dag gis gnas pa nas yul 'khor de lha'i dbang po thams
434b5 cad kyis legs par bsrungs par 'gyur ro/ /yul 'khor de klu'i dbang po dang / gnod sbyin gyi dbang po dang / lha ma yin gyi dbang po dang / nam mkha' lding gi dbang po dang / mi
434b6 'am ci'i dbang po dang / lto 'phye chen po'i dbang po dang / yi dwags kyi dbang po dang / sha za'i dbang po thams cad kyis legs par bsrungs par 'gyur ro/ /de na ting nge 'dzin de lta bu
434b7 dang ldan pa'i sbyin gnas dag 'khod pa'i bar du'o/ /yul 'khor de'i rgyal po'ang yid dang 'thad pa'i chos bcu thob par 'gyur te/ bcu gang zhe na/ nad med pa dang / nad thams cad
435a1 rab tu zhi ba dang / tshe ring ba dang / gzugs bzang ba dang / mdog bzang po dang ldan pa dang / yan lag dang nying lag sdug pa dang / 'khor skye bo
435a2 bzang ba dang / las kyi mtha' legs par spyad pa spyod pa dang / byams pa dang snying rje la sbyor ba dang / snyan par grags pa dag ste/ ting nge 'dzin de lta bu dag dang ldan
435a3 pa'i sbyin gnas snod du gyur pa/ mtho ris su 'gro ba'i yul 'khor de ni/ yon tan dang / phan yon chen po bcu po de dag gis rgya par 'gyur ro/ /rang gi dpung dang /
435a4 gzhan gyi dpung dang / chom rkun dang / mi rgod dang / ri dwags dang / stag dang / sbrang ma dang / sha sbrang dang / phye ma leb dang / char ches pa dang / than ches pa dang /
435a5 dus ma yin pa'i rlung dang / lhags pa dang / nyi mas gdungs pa dang / tsha ba'i reg pa dag gis gnod pa mi 'gyur ro/ /yul 'khor de sa gzhi mnyams te/ dgon pa dang /
435a6 gtsong rong med do/ /tsha ba dang / kha ba med do/ /de na sa bon sna tshogs dag 'phel lo/ /'bru dang / sman dang / rtswa dang / shing dang / shing ljon pa dang / chu dag phun sum tshogs
435a7 shing chud mi za ba 'byung ngo / /de na me tog dang / sman dang / 'bru dang / ro rnams chud mi za bar phun sum tshogs par 'gyur ro/ /yul 'khor der yid du mi 'ong ba'i sgra dang /
435b1 phyi dgra dang / nang 'khrug gi dpung dag dang / lo nyes dang / nad dang / dus ma yin pa'i nad dang / 'chi ba dag mi 'byung ngo / /de nas sems can rnams tshe ring zhing kha dog dang ldan no//
435b2 bde ba mang zhing sems la rnyog ma med do/ /rtse dga' dang mtshungs par ldan zhing chos spyod la mtho ris dag la gzhol lo/ /yul 'khor de na sbyin gnas snod du gyur pa dag rnal
435b3 'byor yid la byed pa dang mthun par mngon par dga' ba dang bcas pas gnas so/ /de na bza' btung gi longs spyod ma tshang ba med do/ /'byung ba chen po yid du 'ong ba dag gis
435b4 brtan to/ /dbang po dang / khams dag rgyas shing mi mthun pa med do/ /yul 'khor de na mi rnams dpa' zhing dran pa dang ldan la/ byams pa dang snying rje dang ldan zhing mtho ris dag
435b5 la gzhol lo/ /dpal chog shes/ /yul 'khor de chos bcu po de dag gis legs par brgyan pa yin no/ /dpal chog shes/ byang chub sems dpa' rnams kyi las kyi sgrib pa ni/
435b6 'di yin te/ theg pa chen po gtong ba dang / slu zhing nyan thos kyi sa la 'jog par byed pa'o/ /sems can thams cad yongs su smin par bya ba'i phyir nyan thos kyi bsam gtan dang /
435b7 ting nge 'dzin gyis rnam par rtse ba'i pha rol tu phyin pa ni/ de lta bu yin no/ /nyan thos gang dag gis bsam gtan gyi yan lag yongs su rdzogs par mi shes pa de dag ni/ khams
436a1 gsum gyi btson ra'i gnas kyi yan lag lnga ma spangs shing yan lag lnga dang ldan pa yin no/ /gang dag khams gsum las yang dag par 'das pa/
436a2 mi slob pa'i sa la rab tu gnas pa/ rnam par thar pa brgyad la bsam gtan pas rnam par rtse ba/ mngon par shes pa pha rol tu phyin pa thob pa/ bskal pas nges par
436a3 'byung ba/ sangs rgyas bcom ldan 'das thams cad kyi zhal nas skyes pa/ chos dang ldan zhing chos kyi sprul pa de dag gis ni/ sangs rgyas bcom ldan 'das dag la
436a4 mchod pa dang / bkur sti bya ba dang / chos mnyan pa'i phyir sangs rgyas kyi zhing gzhan dag tu 'gro bar yang mi nus la sems can gzhan dag dang / gang zag gzhan
436a5 dag gi lam gsum po dag kyang bskam par mi nus so/ /gang na nyan thos bsam gtan gyi rnam par rtse ba mngon par shes pa dag ni/ de lta bu yin la/ yul 'khor de'i
436a6 yon tan dang phan yon ni/ de lta bu yin te/ sngar ji skad gsungs pa lta bu'o/ /'dus pa chen po theg pa chen po'i mdo bco lnga pa ri'i snying po'i le'u las/ nyan thos mtshon pa ste
436a7 dang po rdzogs so// //dpal chog shes/ de la ji ltar na/ byang chub sems dpa' sems dpa' chen po rnams dang / nyan thos dang / rang rgyal thams cad kyi
436b1 bsam gtan gyi pha rol tu phyin pa yongs su sbyong ba thun mong dug zhag pa dang / gang gis byang chub sems dpa' sems dpa' chen po dag pha rol tu phyin pa lhag ma lnga po 'di dag
436b2 yongs su rdzogs par byed ce na/ dpal chog shes/ byang chub sems dpa' sems dpa' chen po 'di dag dbugs rngub pa dang / dbugs 'byung ba thams cad du nye bar len
436b3 pa'i phung po lnga po dag gi skye ba dang / 'jig pa la rtog par byed de/ des na sred pa dang / chags bdag skem par yang byed la nges pa la 'jug par yang mi byed do/ /rdzu 'phrul gyi
436b4 rkang pa bzhis rnam par rtse ba mngon par shes pa'ang yin no/ /sangs rgyas bcom ldan 'das de dag thams cad la mchod pa dang / bkur sti bya ba dang / dam pa'i chos mnyan
436b5 pa'i phyir sangs rgyas kyi zhing thams cad du glog lta bu'i shugs kyis 'gro ba la mkhas pa'ang yin no/ /sems can rnams kyi lam gsum po las kyi lam dang / nyon mongs
436b6 pa'i lam dang / sdug bsngal kyi lam dag skem par yang byed do/ /'dod pa'i khams las yang dag par 'da' bar yang byed la/ 'dod pa'i khams dag gtong bar yang mi byed do/ /
436b7 sems can thams cad yongs su smin par bya ba'i phyir 'gro ba sna tshogs kyi skye ba'i sa dag ston par yang byed la/ mngal gyi nyes pas gos par yang mi byed do/ /sems can
437a1 rnams kyi nyon mongs pa'i dra ba gcod par yang byed la/ sems can rnams dmigs par yang mi byed do/ /dpal cho ga shes/ 'di la byang chub
437a2 sems dpa' sems dpa' chen po dag dbugs rngub pa dang / dbugs 'byung ba phan tshun mi 'dra ba la ji lta ba bzhin rtog par yang byed la/ 'phral 'phral du de shes par
437a3 yang mi byed do/ /dbugs rngub pa dang / dbugs 'byung ba'i gzugs nye bar len pa'i phung po dang / de bzhin du tshor ba dang / 'du shes dang / 'du byed rnams dang / de bzhin du dbugs
437a4 rngub pa dang / dbugs 'byung ba'i rnam par shes pa nye bar len pa'i phung po dag la ji lta ba bzhin du'ang rab tu shes shing 'bugs rngub pa'ang gzhan la/ dbugs 'byung
437a5 ba'ang gzhan no/ /dbugs rngub pa so so yang dag par rig pa'ang gzhan la/ dbugs 'byung ba so so yang dag par rig pa'ang gzhan no/ /dbugs rngub pa'i tshor ba dang / 'du
437a6 shes dang / sems pa yid la byed pa'ang gzhan la/ dbugs 'byung ba'i tshor ba dang / 'du shes dang / sems pa yid la byed pa'ang gzhan no/ /dbugs rngub pa'i sems
437a7 pa'ang gzhan la/ dbugs 'byung ba'ang gzhan no/ /gang gi tshe dbugs rngub pas so so yang dag par rig pa de'i tshe dbugs 'byung ba so so yang dag par rig pa ma yin no/ /gang gi
437b1 tshe dbugs 'byung ba so so yang dag par rig pa de'i tshe dbugs rngub pa so so yang dag par rig pa ma yin no/ /'khor ba'i 'khor lo dum bu gsum par tshor ba dang / 'du shes
437b2 dang / sems pa yid la byed pa'ang de lta bu yin te/ 'jug pa'i rgyus na bar chad med par skye ba'i rgya mtshor bdas shing thar par yang mi byed do/ /yang dang yang skye bar byed do/ /rga bar byed
437b3 de| |'chi bar byed do/ /yang skye bar yang byed do/ /chos gang 'di dag mngon par rdzogs par sangs rgyas pa des na rga shi las des par 'byung ba dag yang dag pa ji lta ba bzhin rab tu
437b4 shes so| |de dag dbugs rngub pa dang / dbugs 'byung ba yang dag pa ji lta ba bzhin nye bar rtog par mi byed do/ /'di ltar srid pa'i rgya mtsho'i sgo dag gi dbugs rngub pa dang /
437b5 dbugs 'byung ba 'jug pa dang / nges par 'byung bar yang byed do/ /de bzhin du ba spu'i khung bu'i sgo 'bum phrag khrag khrig dgu bcu rtsa dgu snyed thams cad kyi dbugs rngub pa dang /
437b6 dbugs 'byung ba 'jug pa dang / nges par 'byung bar byed kyang pa spu'i khung bu'i sgo 'bum phrag khrag khrig dgu bcu rtsa dgu de dag nyams par yang mi mngon no/ /rgyas par yang mi
437b7 mngon no/ /sngon gyi mtha' dang / phyi ma'i mtha' dang / thog ma dang / bar ma dang / tha ma'ang mi mngon no/ /'jug pa dang / 'byung ba'ang mi mngon no/ /de 'di snyam du bdag gis ci
438a1 nas kyang ba spu'i khung bu thams cad kyi dbugs rdub pa dang / dbugs 'byung ba de la skye ba dang / 'jig pa'i tshul gyis skye 'jig gi mtshan nyid la
438a2 brtson pa dang ldan par gnas par bya'o snyam du sems te/ byang chub sems dpa' sems dpa' chen po de rma'i sgo dgu'i dbugs rdub pa dang / dbugs 'byung ba'i skye
438a3 ba dang / 'jig pa la sbyor zhing so sor rtog par byed do/ /de bzhin du ba spu'i khung bu'i sgo 'bum phrag khrag khrig dgu bcu rtsa dgu snyed re re'i ba spu'i khung bu'i dbugs rdub
438a4 pa dang / dbugs 'byung ba'i skye ba dang / 'jig pa'i mtshan nyid la brtson pa dang ldan par gnas par byed do/ /yang na de ba spu'i khung bu'i sgo skra'i nyag ma tsam du chung bar
438a5 rtog na'ang der dbugs rdub pa dang / dbugs 'byung ba rgyu ba de dag chung bar yang mthong ngo / /yang na che bar rtog na'ang yungs 'bru chen po tsam du yang dag par rjes su mthong
438a6 ngo / /yang na skyu ru ra tsam du rtog na'ang skyu ru ra tsam du mthong ngo / /yang na ba spu'i khung bu re re la bil ba'i 'bras bu tsam du rtog na'ang bil ba'i 'bras bu tsam du mthong ngo / /yang na dpag
438a7 tshad stong tsam du rtog na'ang dpag tshad stong tsam du mthong ngo / /yang na gling bzhi pa gcig tsam du rtog na'ang gling bzhi pa gcig tsam du mthong ngo / /yang na ba spu'i khung bu re re la rgya che bar rtog na'ang rgya che
438b1 par yang dag par rjes su mthong ngo / /de bzhin du mig gi tshad la'ang sbyar bar bya'o/ /gang du rga shi dang 'brel ba'i sems can dag bar chad med par 'khor ba'i chu bor bdas
438b2 pas sdug bsngal rnam pa sna tshogs dag nyams su myong ba na/ de 'di snyam du bdag gis ci nas kyang rnam pa thams cad du gzugs kyi 'du shes dag dor bar bya'o snyam du sems te/
438b3 de rlung gi khams la sems nye bar gtod par byed do/ /de rnam pa thams cad du gzugs kyi 'du shes dag spong bas des brjod du med pa'i ting nge 'dzin rab tu thob ste/ de ni/
438b4 nyan thos dang / rang rgyal ba thams cad kyi sa ma yin no/ /de la sa'i khams mi dmigs so/ /chu'i khams mi dmigs so/ /me'i khams mi dmigs so/ /rlung gi khams mi
438b5 dmigs so/ /nam mkha'i khams mi dmigs so/ /rnam par shes pa'i khams mi dmigs so/ /phung po dang / khams dang / skye mched rnams rgyu ba mi dmigs so/ /sngon
438b6 gyi mtha' mi dmigs so/ /phyi ma'i mtha' mi dmigs so/ /'jig rten 'di mi dmigs so/ /'jig rten pha rol mi dmigs so/ /legs par spyad pa dang / nyes par spyad pa'i
438b7 las rnams kyi 'bras bu rnam par smin pa mi dmigs so/ /skye ba mi dmigs so/ /'jig pa mi dmigs so/ /kun nas nyon mongs pa mi dmigs so/ /rnam par byang ba mi dmigs
439a1 so| |byang chub sems dpa' sems dpa' chen po de zhi ba la gnas pa de dag gis gnas so/ /gal te chos thams cad stong pa nyid brjod du med
439a2 pa'i ting nge 'dzin 'dis bskal pa tshad med par byin gyis rlob par 'dod na'ang de bzhin du ting nge 'dzin gyi stobs kyis byin gyis rlob bo/ /de chos thams cad stong pa nyid
439a3 brjod du med pa'i ting nge 'dzin 'dis bskal pa tshad med par gnas par 'dod na'ang de bzhin du gnas par byed do/ /'di ltar sems can yongs su smin par bya ba'i phyir
439a4 pha rol tu phyin pa drug yongs su rdzogs par byed do/ /dper na/ byang chub sems dpa' sems dpa' chen po sa'i snying po bzhin no/ /dpal chog shes/ byang chub
439a5 sems dpa' sems dpa' chen po gang gis chos thams cad stong pa nyid brjod du med pa'i ting nge 'dzin gyi pha rol tu phyin pa la dbang thob par gyur pa/ byang chub
439a6 sems dpa' sems dpa' chen po de gang gi tshe ting nge 'dzin 'di la 'jug par 'dod pa de'i tshe des dang po kho nar sems can yongs su smin par bya ba'i phyir bsod
439a7 nams dang / shes rab kyi stobs kyis smon lam 'di lta bur 'debs par byed de/ 'di ltar bdag yun ji srid du ting nge 'dzin las ma langs pa de srid kyi bar du yul 'di
439b1 nyid dang / gling bzhi pa 'di nyid ces bya ba nas sangs rgyas kyi zhing 'di nyid kyi sems can zhes bya ba'i bar gyi sems can rnams longs spyod dang / yongs su spyod pa dang / yo
439b2 byad rnam pa sna tshogs dag phun sum tshogs par gyur cig /'di lta ste/ de na sems can rnams kyi gnas dang / lus dang / lus kyi dbyibs mdog dang / yan lag
439b3 dang / nying lag dang / rgyan dang / lhab lhub dang / phyang phrul dang / phreng ba dang / mal cha dang / gos dang / bza' ba dang / btung ba dang / gzugs dang / sgra dang / dri dang /
439b4 ro dang / reg pa yid du 'ong ba ci dang ci 'dod pa dang / ji lta bu zhig 'dod pa dang / ji snyed cig 'dod pa rnams 'byung bar gyur cig ces smon lam btab nas de'i rjes la
439b5 byang chub sems dpa' sems dpa' chen po de ting nge 'dzin de la 'jug par byed do/ /ting nge 'dzin la zhugs pa'i byang chub sems dpa' sems dpa' chen po de ji srid du
439b6 snyoms par zhugs pa de srid kyi bar du de na sems can rnams kyi longs spyod dang / yo byad de lta bu dag 'byung ba ni/ sngar ji skad gsungs pa yin no/ /gzhan yang byang chub
439b7 sems dpa' sems dpa' chen po de smon lam 'di lta bur 'debs par byed do/ /'di ltar bdag yun ji srid du ting nge 'dzin de lta bu dang ldan pa de srid kyi bar du tshad bzung
440a1 ste| sems can rnams kyi lus kyi nad rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa
440a2 dang / de bzhin du sems kyi nad 'dod chags dang / zhes dang dang / gti mug la sogs pa dag rab tu zhi bar gyur cig /mi dang mi ma yin pa'i gnod pa las 'byung ba'i
440a3 nad dag rab tu zhi bar gyur cig /dge ba bcu'i las kyi lam dag la gnas par gyur cig ces smon lam btab nas de'i rjes la ting nge 'dzin la 'jug par byed do/ /
440a4 byang chub sems dpa' sems dpa' chen po de 'di ltar yun ji srid du ting nge 'dzin de lta bu dang ldan pa de srid kyi bar du tshad bzung ba'i sems can rnams kyi lus dang /
440a5 sems kyi sdug bsngal gyi nad de lta bu dag rab tu zhi bar byed do/ /gzhan yang byang chub sems dpa' sems dpa' chen po smon lam 'di lta bu 'debs par byed de/
440a6 bdag yun ji srid du ting nge 'dzin de lta bu dang ldan par gnas pa de srid kyi bar du sems can dmyal ba rnams dang / dud 'gro rnams dang / gshin rje'i 'jig rten pa
440a7 rnams kyi sdug bsngal dang / bkres pa dang / skom pa dang / tsha ba dang / grang ba dang / mi sdug pa dang phrad pa dang / sdug pa dang bral ba dang / ngal ba'i sdug bsngal dang /
440b1 tshol khro'i sdug bsngal dag rab tu zhi bar gyur cig /yun ji srid du ting nge 'dzin de lta bu dang ldan pa de srid kyi bar du sems can rnams brtson 'grus dang ldan par gyur cig /dge ba'i
440b2 chos thams cad dang bral ba rnams dge ba'i chos thams cad la brtson 'grus par gyur cig /yun ji srid du ting nge 'dzin de lta bu dang ldan pa de srid kyi bar du sems can rnams sems
440b3 can gzhan dag la byams pa'i sems dang ldan pa dang / phan pa'i sems dang ldan pa dang / mi 'khrug pa'i sems dang ldan pa dang / 'khon med pa'i sems dang dan pa dang /
440b4 rnyog pa med pa'i sems dang ldan pa dang / snying rje'i sems dang ldan pa dang / snying brtse ba'i sems dang ldan pa dang / bsam gtan gyi sems dang ldan pa dang / snyoms par
440b5 'jug pa la mkhas par gnas pa'i sems dang ldan pa dang / 'khrul ba med pa'i sems dang ldan par gyur cig /ji srid du ting nge 'dzin de lta bu dang ldan pa de srid kyi bar du sems
440b6 can rnams kyi gti mug gi mun pa dang / rtag pa dang chad par lta ba dag rab tu zhi bar gyur cig /dus thams cad du lta bar 'dzin pa rnams rab tu zhi bar gyur cig /yun ji srid du
440b7 ting nge 'dzin de lta bu dang ldan pa de srid kyi bar du sems can rnams dkon mchog gsum la blo 'jug cing zhes dang ri mo byed par gyur cig /phyin ci log bzhi dang bral zhing bden
441a1 pa bzhi'i rnam pa la gnas pa'i sems dang ldan par gyur cig /'phags pa don dam pa'i bden pa la rnam par gnas pa'i sems dang ldan par gyur
441a2 cig /byang chub sems dpa' sems dpa' chen po de sems can yongs su smin par bya ba'i phyir gang gi tshe ting nge 'dzin la 'jug par 'dod pa de'i tshe 'di ltar shes rab dang /
441a3 bsod nams kyi stobs dang / thabs kyi stobs kyis 'di lta bur byin gyis rlob par byed de/ bdag yun ji srid du ting nge 'dzin las ma lags na pa de srid kyi bar du yul 'di nyid
441a4 dang / gling bzhi pa 'di nyid ces bya ba nas sangs rgyas kyi zhing 'di nyid kyi sems can zhes bya ba'i bar dag ji ltar tshad bzung ba rnams la 'di lar bde bar sbyar bar byin
441a5 gyis rlob par byed do/ /de'i rjes la chos thams cad stong pa nyid brjod du med pa'i ting nge 'dzin de lta bu la 'jug par byed do/ /byang chub sems dpa' sems dpa' chen po
441a6 snyoms par zhugs ma thag pa des ji ltar sems can rnams tshad bzung ba de bzhin du/ byang chub sems dpa' ting nge 'dzin gyi stobs kyis bde bar sbyar ba yon tan sna
441a7 tshogs de lta bu dag gis sems can rnams yongs su smin par byed de/ byang chub sems dpa' sems dpa' chen po dag chos thams cad stong pa nyid brjod du med pa'i ting
441b1 nge 'dzin las de srid du ldang bar mi byed de/ de ltar byang chub sems dpa' sems dpa' chen po snyoms par zhugs pa de'i lus la gnod pa dang 'gyur ba mi 'byung ngo / /bkres pa
441b2 dang skom pa'i gnod pa mi 'byung ngo / /me'i gnod pa mi 'byung ngo / /bskal pa'i mes tshig par mi 'gyur ba nas me phal bas tshig par mi 'gyur ro/ /chus khyer bar mi 'gyur ro/ /nad
441b3 kyi bskal pas zad par mi 'gyur ro/ /mu ges dgon par gyur pa'i bskal pas zad par mi 'gyur ro/ /bsam bzhin du tshe'i 'du byed 'dor ba las ma gtogs par tshe'i 'du byed
441b4 dang / srog gi dbang bo yongs su zad par mi 'gyur ro/ /lus dang / srog la mi dang / mi ma yin pa dang / rlung dang / nyi mas gdungs pa dag gis gnod par mi 'gyur te/ de lta bu ni/
441b5 snyoms par zhugs pa yin no// ting nge 'dzin de las langs nas kyang 'dod na skra'i rtse mo gcig gi nang du sangs rgyas kyi zhing dpag tu med bdag gzhug par nus so/ /'dod na sangs rgyas
441b6 bcom ldan 'das 'khor dang bcas pa thams cad dang / byang chub sems dpa' sems dpa' chen po 'khor dang bcas pa thams cad gcig tu bsdoms pa ma lus pa dag sor mo
441b7 gcig gi sen mo'i nang du blta bar yang nus so/ /'dod na skra'i rtse mo gcig gi nang du sems can dpag tu med pa thams cad gzhug par yang nus la/ de na de sems can re re'i rang
442a1 rang gi yul dang / spyod yul dag yangs par yang mthong ngo / /'dod na sangs rgyas kyi zhing mtha' yas mu med pa dag gi rlung gi khams thams cad skra'i rtse mo
442a2 gcig gi nang du bcug ste der nam mkha'i gtos yangs pa bzhin du spyod par byed kyang de che bar yang mi mngon no/ /chung bar yang mi mngon no/ /'dod na byang chub sems dpa'
442a3 sems dpa' chen po de sangs rgyas kyi zhing thams cad kyi chu'i khams thams cad mon sran sde'u'i 'brum bu gcig gi nang du bcug ste/ der nam mkha'i gtos yangs pa bzhin du
442a4 spyod par byed kyang de che bar yang mi mngon no/ /chung bar yang mi mngon no/ /byang chub sems dpa' de rang gi smon lam gyi stobs ma gtogs par yang dang yang mngal gyi gnas su
442a5 skye bar mi 'gyur ro/ /ngan 'gror skye bar mi 'gyur ro/ /bud med du mi 'gyur ro/ /skye ba dman pa 'thob par mi 'gyur ro/ /yan lag nyams par mi 'gyur ro/ /lus dang / ngag dang
442a6 yid kyi spyod pa la 'khrul par mi 'gyur ro/ /sems can yongs su smin par bya ba'i phyir rang gi smon lam gyi stobs ma gtogs par sangs rgyas kyi zhing stong pa dag tu skye bar mi
442a7 'gyur ro/ /de rtag par sangs rgyas blta ba dang / chos mnyan pa dang / dge 'dun la bkur sti bya ba dang mi 'bral ba yin no/ /de shes rab dang / bsod nams dang / ting nge 'dzin
442b1 dang / thabs mkhas pa dag gis sems can yongs su smin par byed pa nas yongs su mya ngan las 'das pa bla na med pa'i bar la 'jigs pa med par dang ma bral ba yin no/ /dpal
442b2 chog shes/ byang chub sems dpa' sems dpa' chen pos go cha chen po de lta bu ba gos nas bsam gtan dang po'i pha rol tu phyin pa yongs su sbyong zhing slob pa na 'dod pa'i khams
442b3 las yang dag par 'da' bar byed do/ /de bzhin du bsam gtan gyi yan lag rnams kyang shes par byed do/ /yan lag lnga dang ldan zhing yan lag lnga rnam par spangs pa yin no/ /
442b4 de bzhin du rdzu 'phrul gyi rkang pa bzhis tse ba mngon par shes pa yin no/ /sangs rgyas bcom ldan 'das de dag thams cad la mchod pa dang bkur sti bya ba dang / dam pa'i chos mnyan
442b5 pa'i phyir sangs rgyas kyi zhing thams cad du glog lta bu'i shugs kyi sa 'gro ba la mkhas pa yin no/ /gang gis na sems can thams cad kyi lam gsum po las kyi lam dang / /
442b6 nyon mongs pa'i lam dang / sdug bsngal gyi lam dag skem par byed pa yin no// byang chub sems dpa' de ltar skem par byed pa'i phyir bsam gtan gyi pha rol tu phyin pa
442b7 yongs su rdzogs par byed do/ /de bzhin du de'i pha rol tu phyin pa drug yongs su rdzogs par 'gyur zhing myur du bla na med pa yang dag par rdzogs pa'i byang chub mngon par
443a1 rdzogs par 'tshang rgya bar 'gyur ro/ /yang bcom ldan 'das kyis bsam gtan gyi pha rol tu phyin pa yongs su rdzogs par bstan pa na/ 'khor
443a2 de na sems can lnga khri po gang dag gis sngon chos bzhi po 'di dag goms par byas pa de dag gis mi skye ba'i chos la bzod pa rab tu thob pa dang ldan no/ /de na srog
443a3 chags brgyad khri bzhi stong dag gis ni/ dpa' bar 'gro ba'i ting nge 'dzin rab tu thob par gyur to/ /de na srog chags khrag khrig stong phrag dgu bcu rtsa dgu dag
443a4 gis ni| bsam gtan gyi pha rol tu phyin pa yongs su rdzogs pa rab tu thob par gyur to/ /de na sems can sngon byang chub tu sems ma bskyed pa khrag khrig 'bum
443a5 phrag dpag tu med pa dag gis ni/ bla na med pa yang dag par rdzogs pa'i byang chub tu sems bskyed nas bla na med pa yang dag par rdzogs pa'i byang chub las phyir
443a6 mi ldog par gyur to/ /'dus pa chen po theg pa chen po'i mdo bco lnga pa ri'i snying po'i le'u las/ bsam gtan mtshon pa ste gnyis pa rdzogs so// //de nas
443a7 de nyid du byang chub sems dpa' sems dpa' chen po sa'i snying pos dpal lha mo chen mo la 'di skad ces smras so/ /dpal chog shes/ gling chen po bzhi pa 'di byang
443b1 chub sems dpa' sems dpa' chen po de dag thams cad kyis yun ring por shin tu mchod pa cher bya ba dang / rjes su bsrung bar bya ba dang / rjes su dran par bya ba dang /
443b2 phyag bya bar 'os pa dag ji tsam pa ni/ da ltar de bzhin gshegs pa dgra bcom pa yang dag par rdzogs pa'i sangs rgyas shAkya thub pas byang chub sems dpa' sems dpa' chen po
443b3 de dag thams cad kyi 'dus pa chen po de lta bu dag bsdus pa dang / byang chub kyi lam mtha' dag la 'jug pa dang / phyir mi ldog pa'i 'khor lo'i thabs mkhas pa'i pha rol tu 'gro ba
443b4 dang / sangs rgyas su dbang bskur ba'i sa rab tu bsgrags pa de lta bu dag ltos shig /khyod phyir mi ldog pa'i 'khor lo yongs su rdzogs par byas te sbyin pa'i pha rol tu phyin pa dag la
443b5 yang dag par mngon du zhon nas khyod kyis sbyin gnas de lta bu dag la bza' ba dang / btung ba'i yo byad dag 'byor bar byas pa yin te/ khyod brtson pa des na myur du pha rol tu phyin
443b6 pa drug yongs su rdzogs par byed dam/ rnam pa thams cad mkhyen pa nyid kyi ye shes la gnas par byed dam/ de la dpal lha mo chen mos 'di skad ces smras so/ /skyes bu chen
443b7 po dam pas ji skad smras pa de ltar lags te/ sngon byung ba 'das pa'i dus bskal pa dpag tu med pa dag 'das pa na gang gi tshe byang chub sems dpa' de bzhin gshegs pa shAkya
444a1 thub pa de byang chub sems dpa' spyad pa spyod pa na/ 'di ltar bdag dang gcig la gcig dam tshig bcas pa gang gi tshe khyod bla na med pa yang dag
444a2 par rdzogs pa'i byang chub mngon par rdzogs par 'tshang rgya ba de'i tshe bdag gling chen po bzhi pa der dpal chen mo'i go 'phang thob par shog cig pa dang / de na sems
444a3 can rnams la bza' ba dang / btung ba'i yo byad thams cad kyis sbyin pa byed par 'gyur bar bgyis lags so/ /rigs kyi bu/ khyod bdag las gson cig dang / sngon
444a4 byung ba 'das pa'i dus bskal pa dpag tu med pa 'das pa gang de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas dbang po'i tog
444a5 gi rgyal mtshan rgyal po zhes bya ba zhig byung bar gyur to/ /skye rgu'i tshe lo stong zhes bya ba nas de'i tshe de'i dus na dge bsnyen skar ma dri med dpal zhes bya ba dul ba/ gsal ba/
444a6 'jigs pa med pa/ thos pa mang ba/ 'khor bzhi po dag la chos ston pa/ 'khor mang ba/ 'khor phun sum tshogs pa zhig byung bar gyur te zhes bya ba'i bar du ste/ de'i bu
444a7 thu bo dri med dpal zhes bya ba zhig byung ba des rang gi pha la tshigs su bcad pas smras pa/ yab cig ci slad rang gi lus srog btang nas kyang / /zhum pa med pa'i sems
444b1 kyis brtson zhing rtsol bar mdzad/ /yab cig tshe 'dis mya ngan 'das par mi gshegs par/ /sems can rnams la mchog tu srung mdzad shin tu brtson/ /des rang gi bu dri med
444b2 dpal la tshigs su bcad pas lan smras pa/ sems can 'khor ba'i sdug bsngal dag gis rmongs pa dang / /lam ngan zhugs shing nyon mongs pa yi me 'bar ba/ /rtag tu sdug bsngal
444b3 dag gis nyon mongs ngas mthong nas/ /nyon mongs pa yi me dag gsad phyir nga brtson byed/ /shes rab rnam par nyams shing mtha' las 'das pa dang / /lam las rab tu nyams
444b4 shing ngan song 'gro ba dang / /'khor ba shin tu bzod rlag chu bor ltung ba rnams/ /rab tu bsgral ba'i phyir ni nga yang spyod par byed/ /sbyin dang dul dang sdom pa rnam par spangs pa
444b5 dang / /lha dang mi yi bde las rtag tu nyams pa dang / /dge ba'i bshes gnyen dag dang rtag tu bral ba rnams/ /de dag la ni bdag gis lam ston 'gyur bar bya/ /sems can
444b6 nyon mongs pa yis btson rar rtag bcings pa/ /mgon med gyur pa mig ni rnam par nyams gyur cing / /lta ngan dag la chags pa sha dang khrag za ba/ /de dag dag par bya phyir nga ni
444b7 spyod par byed/ /sems can re re'i don du mnar med spyod byed pa/ /de 'dra'i snying rje sems can rnams la bskyed par bya/ /ji ltar sems can re re de dag thar bya'i phyir/ /sdug
445a1 bsngal bzod rlag bzod dka' bdag gis dang du blang / /bu gcig nga yis byang chub spyod mchog spyad par bya/ /nyan thos dag gi shes pa btsal bar
445a2 mi bya zhing / /rang sangs rgyas kyi shes pa'ang btsal bar mi bya ste/ /bla na med pa'i ye shes dag ni btsal bar bya/ /ji srid gang+gA'i bye snyed sems can du ma dag /sdug
445a3 bsngal dag las thar par byas par ma gyur par/ /de srid byang chub mchog rab 'dir ni 'tshang mi rgya/ /phyi nas byang chub mchog rab de la reg par bya/ /bu gcig khyod kyis
445a4 sems can rnams la mtshungs par ni/ /snying rje 'di lta bu dag bskyed par byas nas kyang / /khyod kyis dge dang rtag tu ldan par byas pa rnams/ /byang chub mchog rab
445a5 'phags pa dag tu bsngo bar gyis/ /sems can nyon mongs me las rab tu thar bya'i phyir/ /sdug bsngal bzod rlag bzod dka' ba dag dang du longs/ /sbyin dang dul
445a6 dang sdom pa dag la legs spyod cing / /rdzogs sangs rgyas par 'gyur ba 'di ni the tshom med/ /gang tshe nga ni byang chub mchog ma thob pa ni/ /de tshe khyod ni sems can
445a7 rnams kyi sbyin por 'gyur/ /nga yis khyod ni byang chub mchog tu lung bstan nas/ /'di la dam bcas brtan por legs par gnas pa yin/ /rigs kyi bu/ de'i tshe
445b1 bdag gis de bzhin gshegs pa dbang po'i tog gi rgyal mtshan rgyal po'i spyan sngar 'di lta bur dam bcas te/ bdag yun ji srid du 'khor ba na 'khor ba de srid kyi bar du
445b2 brtul zhugs dang / dka' thub dang / dka' ba spyad pa dang / sbyin pa dang / dul ba dang / sdom pa dang / bsam gtan dang / thos pa dang / gtong ba dang / zhal ta sna
445b3 tshogs dag la goms par bgyi'o/ /dka' ba spyad pa dang / yongs su gtong ba rnam pa sna tshogs dag la goms par bgyi'o/ /gang gi tshe skye rgu'i tshe lo brgya ba'i tshe nyon
445b4 mongs pa dang / nyon mongs pa'i rnyog pa dag gis kun tu rmongs par gyur pa'i zhing dag tu bdag gi pha bla na med pa yang dag par rdzogs pa'i byang chub mngon par rdzogs
445b5 par 'tshang rgya bar 'gyur ba'i zhing der bdag gis kyang dpal gyi go 'phang gi bdag po bla na med pa dag bstan par bgyi'o/ /de'i bstan pa la bza' ba dang / btung ba'i yo
445b6 byad bla na med pa'i sbyin pa por 'gyur bar bgyi'o/ /de na de bzhin gshegs pa shAkya thub pa 'khor dang bcas pa dag la bdag gis zhal zas dang / btung ba sna tshogs
445b7 dag gis rim gro bgyi'o/ /der de bzhin gshegs pa shAkya thub pas mngon sum du bdag bla na med pa yang dag par rdzogs pa'i byang chub tu lung bstan pa thob par bgyi'o/ /
446a1 der sems can gang dag ma rungs pa/ rtsub pa/ snying mi brtse ba/ byas pa mi gzo ba/ mi mnyam pa/ yang bar spyod pa/ sdig pa'i sems dang ldan
446a2 pa dag 'byung bar 'gyur ba de dag gis dus ma yin pa'i rdzi char dang / tsha ba dang / grang ba dang / char mo che dag 'bebs par byed pas gang dag sems can rnams kyi
446a3 'bru dang / 'bras bu dang / lo tog dang / sman dang / ljon shing dang / ro dag ma rungs par byed pa/ mdangs 'phrog pa/ sems can rnams kyi longs spyod dang / yongs
446a4 su spyod pa dag chud gzon par byed pa/ mun nag tu byed pa de dag thams cad bdag gis bsod nams kyi mthu dang / shes rab kyi stobs kyis bzlog par bgyi'o/ /
446a5 dad par bgyi'o/ /'dus pa chen po theg pa chen po'i mdo sde/ bam po gnyis pa/ gang gi tshe sems can de dag longs spyod dang / nye bar spyod pa dang bral bas
446a6 sems can de dag mi dge ba bcu la spyod par byed do/ /dge ba bcu'i chos rnams yongs su nyams par byed do/ /'di ltar de ltar bcom ldan 'das kyi gdul bya
446a7 rnams bstan pa dang / dkon mchog gsum gyi gdung dang / yo byad dag dang mi ldan pas grags pa med par 'gyur te/ des na der bdag gis longs spyod dang / nye
446b1 bar spyod pa'i yo byad phun sum tshogs pa'i rgyu dag gis sems can rnams bla na med pa yang dag par rdzogs pa'i byang chub tu yongs su smin par bgyi'o/ /gang gi tshe 'di
446b2 ltar bdag gis bcom ldan 'das kyi spyan sngar smon lam btab pas ma 'ongs pa'i dus na de ltar bdag gis bsam pa yongs su rdzogs par byas pa de'i tshe bcom ldan
446b3 'das des legs so/ /zhes bya ba gnang ste/ de'i tshe ji ltar smon lam btab pa bzhin bsam pa yongs su rdzogs par byas pas rigs kyi bu/ de ltar smon lam btab pa
446b4 legs so legs so/ /zhes de bzhin gshegs pa dbang po'i tog gi rgyal mtshan rgyal pos legs so/ /zhes bya ba gnang ba yin no/ /rigs kyi bu/ khyod la bdag gis
446b5 'byor byed chu khyim snying po zhes bya ba'i gzungs sbyin gyi/ khyod kyis gzungs kyi snying po 'dis de lta bur sems can rnams shin tu yongs su smin par byed nus sam/ sems
446b6 can tshad med pa dag longs spyod dang / nye bar spyod pa'i yo byad phun sum tshogs pa dang ldan pa dag gis nyon mongs pa'i chu bo las sgrol bar byed dam/ tad+ya thA/ dza lam+b+ha/ ma hA
446b7 dza lam+b+ha/ a nu dza lam+b+ha/ sarba dza lam+b+ha/ o ga dza lam+b+ha/ yak+Sha bri dza lam+b+ha/ nA ga bri dzam+b+ha/ u ga ra bri dza lam+b+ha/ hasti bri dza lam+b+ha/ a dza lam+b+ha/ dza lam+b+ha/ na ma DU ka bri dza lam+b+ha/
447a1 kha mu bri dza lam+b+ha/ bad ka bri dza lam+b+ha/ a ma bri dza lam+b+ha/ sU tsi mu kha bri dza lam+b+ha/ ba mra ba mra/ dza la ba mra/ bi dza b+ha na da/ pra ta tra puSh+pa pha lam+b+ha/ mu k+Shan ri
447a2 b+ha na sa/ d+ha rma ya dz+nyA/ briSh+Ti so/ hri lam+b+ha/ sha shastu da la/ gung gung sa ra gu na tsi/ dung gung / ba ra dzra bai swAhA/ 'byor byed chu khyim snying po zhes bya ba'i gzungs ni/ de yin te/
447a3 gzungs kyi snying po 'dis de lta bur sems can rnams shin tu yongs su smin par byed nus sam/ rigs kyi bu/ der bdag gis ni/ de bzhin gshegs pa dbang po'i tog
447a4 gi rgyal mtshan rgyal po de las 'byor byed chu khyim snying po zhes bya ba'i gzungs 'di mnos so/ /mnos nas kyang de bzhin gshegs pa de la bdag gis mchod pa dang / rim gro
447a5 rnam pa sna tshogs 'di dag byas te tshul khrims dang / thos pa dang / brtul zhugs dag kyang spyad do/ /de'i 'og tu'ang sangs rgyas khri snyed la de lta bu'i smon lam dag btab pa
447a6 des na bdag gis da ltar bskal pa bzang po 'di la dpal chen po'i go 'phang thob pa yin no/ /da ltar bdag 'dir don chen po de lta bu bgyid pa'i tshe mi nyal ba de ci'i slad du
447a7 zhe na| de tshun chad klu khro bo phal mo che dag byung ba dang / gnod sbyin dang / srin po dang / lha ma yin dang / grul bum dang / yi dwags dang / sha za ma rungs pa/ rtsub pa/ ma dad
447b1 pa| snying rje med pa/ snying brtse ba med par zhugs pa phal mo che dag lhags pas srog chags su gyur pa rnams la gnod pa dang / yang bar spyod pa de dag gis dus ma yin pa'i
447b2 rlung dang / char mo che dang / than chen dang / ser drag 'bebs pa dang / tsha ba dang / grang ba dag 'byin par byed do/ /phyi dgra dang / nang 'khrug dang / phung par 'gyur ba dang / phas
447b3 kyi dmag tshogs kyi gnod pa dang / 'thab mo dang / nyi mas gdungs pa dang / rlung dmar dag gtong bar byed do/ /de dag kyang sngon gyi rgyal pas byin gyis ma brlabs la/ de dag
447b4 'jig rten pha rol la'ang mi lta bas 'byor byed chu khyim snying po zhes bya ba'i gzungs 'di la ri mo mi byed do/ de dag sems can rnams kyi sa bon dang / myu gu dang / 'dab ma dang /
447b5 me tog dang / 'bras bu dang / ro dang / 'bru dang / sman dang / longs spyod dang / nye bar spyod pa dag chud gzon par byed do/ /'jig par byed do/ /mdangs 'phrog par byed do/ /
447b6 de dag sa'i bcud rnams la dbugs gtong bar byed de/ de dag gis sa'i bcud rnams skyon dang bcas pa dang / snyigs ma dang bcas pa dang / nad dang bcas pa dang / ldam
447b7 ldum gyis 'gags pa dang / rtsub pa dang / ro med pa dang / sra ba dang / dri mi zhim pa dag tu byed do/ /de dag gis sems can rnams mngon par dga' bar mi byed do/ /sems
448a1 can gang dag sa'i bcud 'di la brten pa rnams sa bon dang / sdong bu dang / lo ma dang / me tog dang / 'bras bu dang / ro dang / 'bru dang / sman dang /
448a2 longs spyod dang / nye bar spyod pa dag la spyod par byed pas de dag gi sems 'jig rten pha rol la mi blta zhing sems can rnams la sems rtsub pa dang / zhe 'gras pa
448a3 dang / gdug pa dang / sdang ba dang / snying rje med pa dang / snying brtse ba med par zhugs pa yin no/ /nad sna tshogs kyis gzir cing gzugs mi sdug la lus rtsub pa/
448a4 nyon mongs pa dang / nad du mas nyams smad pa/ lta ba ngan par zhugs pa/ skyabs ngan pa la brten pa yin no/ /de dag ces bya ba nas ri dwags dang bya dag gi bar du dkon
448a5 mchog gsum la dad pa dang / dang pa dang / dga' ba dang / bla ma dang / zhe sa dang / ri mo byed pa'i sems dag ma thob pa yin te/ de dag nad sna tshogs dang / lta ba ngan
448a6 pas gzir cing ngan g.yo can khar bros pas dkon mchog gsum la lus dang / ngag dang / yid 'khrul par spyod pa yin no/ /sdig pa'i sems dang ldan pa/ tshul
448a7 khrims 'chal ba/ sdom pa ma yin pa la spyod pa de dag dge slong tshul khrims dang ldan zhing yon tan gyis phyug pa/ spobs pa grol ba dang ldan pa de dag gis spong
448b1 bar byed do/ /da ltar 'di na sems can dag gshe ba dang / spyo ba dang / smod pa dang / bshung ba dang / nyams par byed pa dang / brnyas pa dang / 'drid pa dang / sdig pa dang / grags
448b2 pa ma yin par spyod pa dang / ngo tsha shes pa dang khrel yod pa spangs pa dang / mi dge ba bcu'i las kyi lam rnams la mngon par dga' ba'i sems dang ldan pa dang / dge ba thams
448b3 cad la spyod pa spangs pa'i sems dang ldan pa dang / bsod nams dang shes rab dang bral ba dang / tshe thung zhing ngan song du 'gro ba des na sems can 'di dag thams cad de dag
448b4 gis ni| longs spyod dang / nye bar spyod pa thams cad kyis tshim par byed kyang mi nus/ yongs su smin par byed kyang mi nus so/ /'di ltar skyes bu dam pa khyod ni/ sangs
448b5 rgyas thams cad kyi chos la rag ma lus par shes shing mkhas pa/ khyod ni/ ting nge 'dzin dang / gzungs dang / bzod pa thams cad la rnam par spyod pa la mkhas pa'i
448b6 pha rol tu son pa/ snying rje dang snying brtse bas brgyan pa/ mkhas pa chen po shes pa'i pha rol tu son pa/ khyod ni/ byang chub sems dpa'i tshogs thams cad kyi nang na rgyal
448b7 mtshan gyi mchog tu gyur pa sems can thams cad yongs su smin par byed pa yin pas da khyod kyis gling bzhi pa 'dir snying rje dang snying brtse ba dag skyed cig /gling bzhi pa
449a1 'di na klu khro bo dag ji ltar zlog par nus pa dang / gnod sbyin dang / srin po dang / lha ma yin dang / grul bum dang / yi dwags dang / sha za khro bo
449a2 dang / lus srul po khro bo dag ji ltar zlog par nus pa dang / de dag ci nas kyang dus su char 'bebs shing chu 'byin par 'gyur pa dang / lo tog phun sum tshogs pa sgrub par
449a3 'gyur ba dang / tsha ba dang / grang ba dus su sbyor bar 'gyur ba dag blos rtogs shig dang / gzhi des sems can rnams kyi longs spyod dang / nye bar spyod pa mi nyams la sa'i
449a4 bcud thams cad la'ang skyon med pa dang / nad med pa dang / snying po dang ldan pa dang / dran pa'i rgyu can dang / dri zhim pa dang / ro zhim po phun sum tshogs par 'gyur ro/ /
449a5 sa'i bcud 'di la brten pa'i sems can gang dag gi longs spyod dang / nye bar spyod pa la longs spyod pa de dag ni/ nad med pa dang / dran pa dang ldan pa dang zhes bya ba'i bar du
449a6 sngar ji skad gsungs pa yin no/ /de nas byang chub sems dpa' sems dpa' chen po sa'i snying pos dpal lha mo chen mo de la 'di skad ces smras so/ /dpal chog shes/ bdag
449a7 gis ni| sangs rgyas kyi zhing 'di thams cad kyi 'byung ba chen po ma lus pa dag lha'i bde bar sprul nas 'dir sems can rnams bskal pa 'bum phrag snyed kyi bar du longs
449b1 spyod par bya bar nus kyang 'dir sems can rnams kyis longs spyod par mi nus so/ /de ci'i phyir zhe na/ sems can 'di dag ni/ bsod nams dang bral ba ste/ longs spyod dang / nye
449b2 bar spyod pa rgya chen po dag la longs spyod pa'i snod ma yin no/ /bdag gis ni/ sangs rgyas kyi zhing mi mjed 'di thams cad lha'i gzhal med khang rgya chen por sprul pa dang / lha'i
449b3 gnas mal dang / rgyan dang / gos dang / lhab lhub dang / spos dang / me tog dang / phreng ba dang / 'bras bu dang / shing ljon pa dang / rol mo'i sgra dang / sil snyan dang / glu dbyangs
449b4 dang / rin po che sna tshogs kyis brgyan pa dag tu sprul par nus kyang 'dir sems can de dag bsod nams dang bral bas snod du ma gyur ba'i phyir longs spyod par mi nus te/ de
449b5 bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' sems dpa' chen po sa bcu pa de dag dang / dpa' bar 'gro ba'i ting nge
449b6 'dzin la dbang thob pa dag longs spyad par spyod pa ni/ ma gtogs so/ /bdag gis sems can gyi khams ma lus pa dag bsam gtan bzhi la snyoms par zhugs par gzhag
449b7 bar nus na/ 'di na klu khro bo zhes bya ba nas lus srul po khro bo zhes bya ba'i bar dag zhi bar bya ba lta smos kyang ci dgos/ 'di ltar bdag ni/ de bzhin gshegs pas ma gnang
450a1 bar bdag gis rdzu 'phrul gyi yul dag bstan pa ni/ tshul dang mthun pa ma yin te/ dper na/ 'khor los bsgyur ba'i rgyal pos ma gnang bar blon po rin
450a2 po che dang / khyim bdag rin po che dag gis dpung gi tshogs yan lag bzhi pa shom pa de ni/ gnas med do/ /de ci'i phyir zhe na/ byang chub sems dpa' sems dpa' chen
450a3 po ma lus pa de dag thams cad ni/ de bzhin gshegs pa'i sras/ thugs las skyes pa/ gsung las skyes pa/ chos las byung zhing chos kyis sprul pa ste/ de'i phyir de
450a4 bzhin gshegs pas ma gnang bar rdzu 'phrul gyi yul bstan par ni/ sus kyang mi nus so/ /dpal chog shes/ 'on kyang chu klung nor bu'i gzhal med khang zhes bya ba'i
450a5 gzungs kyi tshogs kyi rig sngags dang / gsang sngags kyi tshig mdor bsdus pa dang / dus gsum gyi sangs rgyas bcom ldan 'das de dag thams cad kyi dkon mchog gsum
450a6 gyi gdung gi byin gyi rlabs kyis rnam par 'phrul pa dag yod kyi/ dpal chog shes/ nga de bzhin gshegs pa de la tshig dag zhus shig dang / da de bzhin gshegs pas
450a7 khyod la chu klung nor bu'i gzhal med khang zhes bya ba'i gzungs kyi tshogs kyi rig sngags dang / gsang sngags kyi tshig mdor bsdus pa dag ston par 'gyur te/ bdag kyang rjes
450b1 su yi rang ngo / /khyod kyis kyang bsam pa thams cad rdzogs par gyis shig /de nas dpal lha mo chen mo dang / lha mo chen mo dbyangs can dang / lha mo chen mo brtan ma dang / lha mo
450b2 chen mo 'od byed dang / lha mo chen mo gzi brjid can dang / lha mo chen mo dge lngan dang / lha mo chen mo ta ma la'i snying po dang / lha mo chen mo nyi ma bdag dang / lha mo chen mo shel
450b3 can dang / de dag la sogs pa lha gzhan khrag khrig 'bum phrag brgyad cu snyed kyis yongs su bskor cing mdun du bdar nas stan las langs te bcom ldan 'das ga la ba de
450b4 logs su thal mo sbyar ba btud nas dpal lha mo chen mos de'i tshe tshigs su bcad pas gsol pa/ spyod pa rnam dag dri ma'i dri med pa/ /nyi mas nyon mongs rnyog sel bstan du
450b5 gsol| |chu klung gzugs kyis bdag cag skom lags na/ /bde gshegs gzugs tshogs zhi bgyid bstan du gsol/ /chu klung rig sngags gsang sngags tshig rab mchog /
450b6 thub pa rin po che yis bstan du gsol/ /des na rnyog ldan klung dag dang 'gyur bas/ /sa yi bcud rnams slan chad chab mi 'tshal/ /dus min rlung dang nyi mas gdungs pa dang / /rdul
450b7 dang than pa chen po zhi bgyid la/ /lo tog 'bras bu sus kyang mdangs mi 'phrog /gang dag srung bar 'gyur ba bstan du gsol/ /des na nad med dran dang ldan pa dang / /dge ba dag
451a1 la spyod par gyur nas kyang / /rgyal ba'i bstan la lta ba ngan pa po/ /ya nga ba dag rnam par spong bar 'gyur/ /rgyal bas bdag gi snying la mya ngan dang / /nyon mongs
451a2 sel bgyid mdangs ni 'grub pa dang / /gang gis bdag ni sems can thams cad dag /yongs smin bgyid bar rngo thogs bstan du gsol/ /thub pa'i thad na lha rnams 'di dag
451a3 gsol 'debs pa/ /theg pa chen po zab mo'i lam la gzhug tu gsol/ /sems can yon tan phyug po 'bras bcas 'dus pa po/ /phyogs bcu'i byang chub sems dpa' khyod la
451a4 bsngags pa brjod/ /chu bo legs 'bab lo tog mi nyams bgyi slad du/ /sdig can klu rnams bzlog phyir 'di dag bstan du gsol/ /de nas bcom ldan 'das kyis bka' stsal
451a5 ba| dpal chog shes/ 'dus pa rnams kyi mdun du de bzhin gshegs pa ni/ dus su byin gyis rlob par mdzad la/ de bzhin gshegs pa da ni/ 'dus pa rnams kyi nang dus
451a6 gsum gyi sangs rgyas bcom ldan 'das de dag thams cad kyis byin gyis brlabs pa/ 'byor byed chu khyim snying po zhes bya ba'i gzungs ston to/ /phyogs bcu nas 'dir lhags
451a7 pa'i byang chub sems dpa' sems dpa' chen po dag gis de thos nas kyang phyogs bcu'i sangs rgyas kyi zhing snyigs ma lnga can stong pa de na sems can rnams la 'byor byed chu
451b1 khyim snying po zhes bya ba'i gzungs 'di rab tu ston par byed do/ /gzungs kyi rgyu des na der dus ma yin pa'i rlung dang / nyi mas gdungs pa dang / grang ba dang / tsha ba dang / char mo che dang /
451b2 than chen dag rab tu zhi bar byed do/ /de nas der 'jig rten pha rol la mi lta ba'i lha dang / gnod sbyin dang / srin po dang / lha ma yin dang / grul bum dang / yi dwags dang / sha za
451b3 dang / srul po dang / lus srul po dang / mi dang / mi ma yin pa dang / tha na ri dwags dang / bya ma rungs pa/ gtum pa/ sems can rnams la snying brtse ba med pa dang / snying rje med
451b4 par zhugs pa dag dad pa can du 'gyur ro/ /sems 'jam par 'gyur ro/ /dge ba dran par 'gyur ro/ /chos tshol ba la 'dod par 'gyur ro/ /chos srung par 'gyur ro/ /dkon mchog
451b5 gsum gyi gdung 'bar ba byed par 'gyur ro/ /gzungs 'di'i mthus de na sems can rnams tshe ring bar 'gyur ro/ /kha dog 'phel bar 'gyur ro/ /lo tog 'phel bar 'gyur ro//
451b6 longs spyod 'phel bar 'gyur ro/ /bde ba 'phel bar 'gyur ro/ /nad med pa 'phel bar 'gyur ro/ /grags pa 'phel bar 'gyur ro/ /tshul khrims 'phel bar 'gyur ro/ /thos
451b7 pa 'phel bar 'gyur ro/ /byams pa 'phel bar 'gyur ro/ /snying rje 'phel bar 'gyur ro/ /ye shes 'phel bar 'gyur ro/ /thabs 'phel bar 'gyur ro/ /ting nge 'dzin 'phel bar
452a1 'gyur ro/ /gzungs 'phel bar 'gyur ro/ /sa rnam par dpyod pa 'phel bar 'gyur ro/ /rnam par spong ba 'phel bar 'gyur ro/ /sems can yongs
452a2 su smin par byed pa 'phel bar 'gyur ro/ /theg pa chen po'i bsngags pa yongs su 'phel bar 'gyur ro/ /smon lam gyi khyad par 'phel bar 'gyur ro/ /sa nas sar 'phar
452a3 ba 'phel bar 'gyur ro/ /phung po dang / khams dang / skye mched lhag par mthong ba 'phel bar 'gyur ro/ /ngo tsha shes pa dang khrel yod pa 'phel bar 'gyur ro/ /sangs rgyas
452a4 kyi zhing gi yon tan bkod pa rab tu 'dzin pa 'phel bar 'gyur ro/ /phyogs bcu'i sangs rgyas bcom ldan 'das thams cad rtag par dus su dgongs pa 'phel bar 'gyur
452a5 ro| |sangs rgyas bcom ldan 'das rnams dang / byang chub sems dpa' sems dpa' chen po dag la rtag tu dge ba'i bshes gnyen yin par 'dzin pa 'phel bar
452a6 'gyur ro/ /rdzu 'phrul gyi rkang pas rnam par rtse bar 'gyur ro/ /nyon mongs pa thams cad skye zhing 'phel ba dang / las 'phel ba dag las kun nas sgrol bar byed do/ /mya
452a7 ngan las 'das pa bla na med pa la thug pa'i bar du dge ba'i chos thams cad kyis nyams par mi 'gyur ro/ /yongs su nyams par mi 'gyur ro/ /tad+ya thA/ swa ra bra ti/ na
452b1 ya bra ti| biSh+Tha tsha ti/ a na ya bra ti/ shAsti ra bra ti/ shA ra Na bra ti/ ku mu da pra ti/ saM tsi ra bra ti/ tshe da sa la bra ti/ sa ra bra ti/ sa ra ba ri hA re/ sa ra pra ta pa ri hA re/ nA ya na pra ta
452b2 pa ri hA re/ bi bi d+he ka pa ri hA re/ ya dz+nyA pa ri hA re/ bin+du pa ri hA re/ dza la pa ri hA re/ k+She tra pa ri hA re/ dak+She pa ri hA re/ sa nA sa pa ri hA re/ shra ba bA drai/ go ma ya ba Ne/ ma da sa khe/
452b3 su na ya b+ha dra dza me la/ ban+de a ra na dzu She/ kha ra ba dzA b+he/ na rA ya na bi dza b+he/ u ra ga /a ni mi She/ ku dza ra b+he me/ dza ha ni ma b+he/ karma bi ra le/ shra ma sa li lai/ kha Da ka sha me/
452b4 a si nA me/ ag+ni b+ha dre/ nang+ga tum+bu re/ ba ya be/ ba ru Ne/ kan+tha ni bra/ sha kra dz+nyA ye/ a na tshe bye nri na ya/ ni ye trai yad+d+ha/ bud+d+ha a d+hiSh+thi te swAhA/ na rA ya ni ni la ye swAhA/ tsakra brta kra me
452b5 swAhA| bcom ldan 'das kyis 'byor byed chu khyim snying po zhes bya ba'i gzungs 'di bstan ma thag tu de nas de'i mdo la sa chen po g.yos par gyur te/ sangs rgyas kyi zhing mi
452b6 mjed thams cad kyi sa rnam pa drug tu g.yos par gyur lo/ /thams cad dang ldan pa'i 'khor ji snyed lhags pa rnams kyang 'dar shig shig ste/ 'khrugs shing skyo ba skyes nas
452b7 sangs rgyas la phyag 'tshal lo/ /sangs rgyas la phyag 'tshal lo/ /zhes 'dzer to/ /de nas bcom ldan 'das kyis dpal lha mo chen mo la 'di skad ces bka' stsal to/ /
453a1 dpal cho ga shes/ khyod kyi 'byor byed chu khyim snying po zhes bya ba'i gzungs ni/ de lta bu yin te/ de'i mthus rtsod pa dang / 'thab mo thams cad rab
453a2 tu zhi bar byed do/ /klu khro bo dang / ma rungs pa thams cad zhi bar byed do/ /gnod sbyin nas mi dang / mi ma yin pa dang / tha na ri dwags dang / bya khro bo dang / ma rungs pa
453a3 thams cad kyang zhi bar byed do/ /dus ma yin pa'i rlung dang / nyi mas gdungs pa dang / grang pa dang / tsha ba dang / than chen thams cad rab tu zhi bar byed do/ /lo tog thams
453a4 cad 'phel zhing 'grub par byed do/ /sems can rnams tshe ring bar byed do/ /longs spyod 'phel bar byed do/ /las 'phel ba sgrol bar byed pa'i bar du byed do/ /mya ngan
453a5 las 'das pa bla na med pa la thug gi bar du dge ba'i chos thams cad kyis nyams par mi 'gyur ro/ /yongs su nyams par mi 'gyur ro/ /la la zhig gzungs chen po
453a6 'di nyan tam/ klog gam/ sgrub par byed na/ de phyis 'gal ba med pa'i chos dang / sdom pa gsum la gnas par 'gyur ro/ /de nas byang chub sems dpa' sa'i
453a7 snying pos gsol pa/ btsun pa bcom ldan 'das/ 'dir bdag gis kyang mtshon cha'i stobs zhes bgyi ba'i gzungs chen po bshad par bgyi'o/ /mtshon cha'i stobs
453b1 zhes bgyi ba'i gzungs des sems can rnams kyi longs spyod dang / yongs su spyod pa thams cad kyi ched du sa'i bcud thams cad nyams par mi 'gyur lags so/ /yongs su
453b2 nyams par mi 'gyur lags so/ /sa'i bcud kyi mdangs rnams gang gis kyang dbrog par rngo mi thogs lags so/ /dbugs gdug pa gtong ba'am/ bskam par yang rngo mi
453b3 thogs lags so/ /rtsub pa dang / ro ma mchis par bgyi bar rngo mi thogs lags so/ /nyams pa dang ma mchis par bgyi bar rngo mi thogs lags so/ /dog sa las lo thogs mi
453b4 'khrungs par bgyi bar rngo mi thogs lags so/ /rtsub pa dang ro ma mchis par bgyi bar rngo mi thogs lags so/ /lo tog gi sa bon dang / myu gu dang / 'dab ma dang / me tog dang / 'bras
453b5 bu dang / 'bru dang / sman rnams kyi mdangs 'phrog par rngo mi thogs lags so/ /de la dbugs gdug pa gtong ba'am/ bskam par yang rngo mi thogs lags so/ /rtsub pa'am ro ma
453b6 mchis par bgyi ba'ang rngo mi thogs lags so/ /ma smin pa rnams chab stsal bar yang rngo mi thogs lags so/ /lhags pa dang / tsha ba dag gis tshig pa dang / 'tshal du mi rung bar bgyi bar rngo mi
453b7 thogs lags so/ /'tshal ba tsam gyis sems can la la'i lus la dbugs gdug pa gtang bar rngo mi thogs lags so/ /gzhi de lta bu las sems can rnams kyis zas tshol ba slon nas
454a1 lto bro 'tshal ba dang / yan lag dang nying lag bro 'tshal cing 'khums par bgyi bar rngo mi thogs lags so/ /rims nad dang / brjed byed dang / sems
454a2 g.yeng ba dang / dran pa nyams par bgyid par rngo mi thogs lags so/ /phan tshun 'thab mo dang dmag bgyid par rngo mi thogs lags so/ /kha cig srog gcod pa dang / ma byin par
454a3 len pa dang / sbyor ba nas log par lta ba la mi sbyor ba'i bar gyi chos de dag gis sems can rnams kyi sems la sbyor la/ lha dang / klu dang / gnod sbyin dang / srin po dang /
454a4 grul bum dang / mi 'am ci dang / dri za dang / yi dwags dang / sha za dang / srul po dang / lus srul po dang / mi dang / mi ma yin pa dag gis kyang sems can rnams la gnod pa de
454a5 lta bu dag bgyi bar rngo mi thogs lags so/ /tad+ya thA/ nA bi/ ma hA nA bi/ k+Shu k+Sha ra nA be/ a bid+gu nA be/ saM sho Sha na nA be/ ni rA dza kha b+he/ a ba ra mu ni/ ta ru Na ru he/ na rA bad tre/ dza ba bra me/
454a6 ma su ra tre/ ti mi ra bat+t+re/ khaN+Da niR+ha re/ tsak+Sho b+ha se/ ga Na bi me/ k+Shi ti/ two ye swAhA/ ang+gu rak+She swAhA/ puSh+pa ma ye swAhA/ pa la ni ma b+he swAhA/ na mo two ye swAhA/ sha rI ra na ba kra ma bi Sha
454a7 swAhA| dpal cho ga shes/ khyod kyi mtshon cha'i stobs zhes bya ba'i gzungs chen po ni/ de yin te/ mtshon cha'i stobs zhes bya ba'i gzungs chen po'i mthu des ni/ sems can rnams
454b1 la de lta bur rgyas par byed do/ /bde ba chen po skyed par byed do/ /rgyu des na des sems can rnams myur du 'dul bar 'gyur ro/ /byang chub sems dpa' sems dpa' chen po sa'i snying po
454b2 de la thams cad dang ldan pa'i 'khor lhags pa rnams kyis kyang legs so/ /zhes bya ba byin zhing / bcom ldan 'das kyis kyang legs so/ /zhes bya ba gnang ste/ rigs kyi bu/ legs
454b3 so| |legs so/ /rigs kyi bu/ khyod ni/ sems can rnams kyi rtsi sman yin zhing sems can rnams kyi sman par gyur pa'o/ /'di ltar gling bzhi pa 'di'i sems can thams cad kyi 'bru
454b4 dang / rtsi sman yin zhing sdug bsngal thams cad rab tu zhi bar byed pa'o/ /bde bar sbyar ba thams cad sbyin par byed do/ /snying rje chen po kun nas slong ba dang mtshungs par ldan pa'o//
454b5 mtshon cha'i stobs zhes bya ba'i gzungs chen po shin tu zab pa de lta bu ston pa yin no/ /gzungs chen po des ni/ 'di na sems can rnams kyi sa'i bcud kyi mdangs dang / sa bon dang /
454b6 myu gu dang / 'dab ma dang / me tog dang / ro dang / 'bru dang / sman rnams mi nyams shing skyon med la 'phel zhing 'byor par byed do/ /sems can gang dag gis zos pa de dag gi rgyud
454b7 la rtsod pa'i rnyog pa thams cad zhi bar byed do/ /'dir sems can rnams dge ba'i chos thams cad la spyod par 'gyur ro/ /gling bzhi pa 'dir dus ma yin pa'i rlung dang / nyi mas
455a1 gdungs pa dang / tsha ba dang / grang ba dang / char mo che dang / than chen dang / zla ba dang / nyi ma dang / gza' dang / rgyu skar dang / nyin mtshan dang / zla ba dang / zla ba phyed
455a2 pa dang / lo dang / dus tshigs log pa thams cad nye bar zhi bar byed do/ /gzungs chen po bstan pa des ni/ nga'i dkon mchog gsum gyi gdung dang / chos kyi tshul yun ring du
455a3 gnas par 'gyur ro/ /gal te 'dir mun pa can skal pa chung ba/ rgyags pa dang / dregs pas khengs shing dge ba'i rtsa ba ma skyed pa/ rgyal rigs gdol pa dang / blon po gdol
455a4 pa dag gis 'di ltar nga'i bstan pa dka' bas bsgrubs pa dang / nga'i dge slong dang / dge slong ma dang / dge bsnyen dang / dge bsnyen ma dag la 'tshe bar byed pa nas rgyu des na
455a5 lha dang / klu dang / gnod sbyin dag 'khrug par mi byed pa'i bar du'o/ /de bzhin du sems can rnams la bde bar sbyar ba thams cad 'byung ba ni/ sngar ji skad gsungs pa bzhin
455a6 no| |'dus pa chen po theg pa chen po'i mdo bco lnga ba ri'i snying po'i le'u las/ than chen rab tu zhi bar byed pa mtshon pa ste gsum pa rdzogs so// //de nas bcom ldan 'das
455a7 kyis dpal lha mo chen mo la 'di skad ces bka' stsal to/ /dpal lha mo cho ga shes/ sngon de bzhin gshegs pa dbang po'i tog gi rgyal mtshan rgyal po'i spyan sngar bdag cag
455b1 gnyis kyis phan tshun dam bcas pa de bzhin du bdag cag gnyis kyi bsam pa yongs su rdzogs shing grub bo/ /de nas dpal lha mo chen mos 'di skad ces gsol to/ /btsun pa bcom
455b2 ldan 'das/ de lta lags so/ /btsun pa bde bar gshegs pa/ de lta lags te/ skol gyi bsam pa rdzogs lags so/ /sngon skol gyis de bzhin gshegs pa dbang po'i tog gi
455b3 rgyal mtshan rgyal po'i spyan sngar phan tshun dam bcas pa bzhin 'di ltar skol gyi bsam pa yongs su grub ste/ da ltar khyod nyid ni/ de bzhin gshegs pa ste/ 'jig rten du byung la/ da
455b4 ltar bdag gis ni/ dpal gyi go 'phang thob pa lags so/ /da ltar bdag gis sems can rnams la sems can yongs su smin par rngo mi thogs par gyur pa de ci'i slad du zhe na/ 'di na klu
455b5 glang po che lta bu dang / klu rta lta bu dang / klu sprul lta bu dang / klu nya lta bu dang / klu sbal pa lta bu de dag dus 'dir yang sgrub par bgyid lags so/ /bdag gis 'jig rten snang bar byed pa zab mo
455b6 dag bstan pa na gang dag dus ma lags pa'i lhags pa dang / tsha ba dang / sprin dang / khug rna dang / rdzi char dang / char mo che dang / than chen dag 'byung bar bgyid pa/ sems can rnams kyi lo
455b7 tog dang / lo ma dang / me tog dang / 'bras bu dang / 'bru dang / sman rnams ma rungs par bgyid pa'i klu dang / klu chen po de dag ma bskrad lags so/ /btsun pa bcom ldan 'das/ dus 'dir da
456a1 ltar gling bzhi pa'i 'jig rten gyi khams 'di na klu dang / klu chen po dang / klu'i 'khor dang / skyes pa dang / bud med dang / khye'u dang / bu mo dang / gling bzhi pa 'di na gang
456a2 kha cig klu'i skye gnas pa de dag thams cad da ltar 'dir mchis pa rnams dang / phyogs bcu'i sangs rgyas kyi zhing thams cad nas byang chub sems dpa' sems dpa' chen po de dag
456a3 da ltar 'dus pa chen po 'dir mchis pa rnams dang / da ltar 'dir lha dang / klu dang / gnod sbyin dang / srin po dang / dri za dang / mi 'am ci dang / lha ma yin dang / lto 'phye chen po dang /
456a4 yi dwags dang / sha za dang / sprul po dang / lus srul po 'dus pa thams cad dang / bcom ldan 'das kyi nyan thos mi dang mi yin pa de dag da ltar 'dus pa chen po 'dir chos nyan
456a5 pa'i slad du bcom ldan 'das kyi spyan sngar mchis pa'i sems can de dag thams cad zas bzhi la rten cing 'tsho bar bgyid lags so/ /btsun pa bcom ldan 'das/ da lta'i dus
456a6 su klu khro bo phung bar bgyid pa dag zhi bar mdzad du gsol/ gang dag klu khro bo rnams ni/ bcom ldan 'das kyi bka' la mngon par ma dad pas rtag par yang sgrub par bgyid pa/
456a7 sems can rnams la mtho 'tsham pa/ sems can rnams kyi longs spyod pa dang / nye bar longs spyod pa dag ma rungs par bgyid pa/ 'jig rten pha rol la mi lta ba/ sems can rnams
456b1 la snying brtse ba ma mchis shing snying rje ma mchis par zhugs pa/ sdang pa/ rtsub pa lags te/ bdag sems can yongs su smin par bgyid pa la bar chad bgyid pa lags pas/ de dag gi don
456b2 du bcom ldan 'das kyis thugs rje chen po bskyed du gsol/ bcom ldan 'das kyis de dag gi sdig pa de thams cad zhi bar mdzad du gsol/ de nas bcom ldan 'das kyis klu'i gnas
456b3 na gnas pa byang chub sems dpa' sems dpa' chen po ri'i snying po la bka' stsal pa/ rigs kyi bu/ khyod kyis de bzhin gshegs pa mar me mdzad kyi spyan sngar klu yongs su smin
456b4 par brtson pas smon lam btab pa ci 'dra zhe na/ sngon dang / da ltar dang / ma 'ongs pa'i dus kyi klu dang / klu chen po klu khro bo skye gnas bzhi pa dag dbugs gdug pa dang / klu rnams kyi mig
456b5 gdug pa dang / reg pa gdug pa dang / lce gdug pa dang / 'dod chags kyi dug dang / zhe sdang gi dug dang / gti mug gi dug dang / klu khro bo rnams kyi sdig pa'i chos dag ci nas kyang chos
456b6 dang ldan pas bsal bar nus par bya'o/ /ci nas kyang klu khro bo de dag gis sems can rnams kyi longs spyod dang / nye bar spyod pa dang / yo byad sna tshogs dang ldan pa rnams la gnod
456b7 par mi 'gyur bar bya'o/ /dkon mchog gsum po de dag la dad pa dang / dga' ba thob par bya'o/ /'jig rten pha rol la lta ba dang bcas shing sdig pa'i chos rnams dang 'bral bar 'gyur
457a1 bar bya'o/ /zhes smon lam btab bo/ /de skad ces bka' stsal pa dang / byang chub sems dpa' sems dpa' chen po ri'i snying pos bcom ldan 'das la 'di skad ces
457a2 gsol to/ /btsun pa bcom ldan 'das/ bdag gis gang dag klu khro bo de dag ni/ gnas der zhugs te mchis nas klu rnam par bsgyings pa'i gnas zhes bgyi ba'i ting nge 'dzin la
457a3 snyoms par zhugs nas gnas par bgyi lags so/ /de ting nge 'dzin gyi mthus bdag gis de dag gi khro ba dang / nga rgyal dang / dregs pa dang / 'dod chags de dag nye bar zhi bar
457a4 bgyi lags so/ /de dag 'jam pa dang / snod du rung ba dang / sems zhi bar 'gyur ba dang / sems 'jig rten pha rol la lta bar 'gyur ba dang / sems can thams cad la sems
457a5 byams pa dang / snying rje ba dang / snying brtse ba dang / sems brtse ba can du 'gyur bar bgyi lags so/ /klu khro bo dang / klu ma rungs pa rnams dad par 'gyur bar bgyi lags so/ /
457a6 sems can thams cad la mi 'tshe zhing snying brtse ba can gyi sems kyi sa la gnas par bgyi lags so/ /gzhan yang gang dag rdzi char dang / char mo che dang / than chen dang / sprin dang /
457a7 sprin chen dang / lhags pa dang / tsha ba dag gis gnod par gyur pa'i sems can de dag gis thal mo sbyar te/ bdag gi ming brjod nas 'di skad du ri'i snying po thugs rje rgya che ba/
457b1 klu yongs su smin par mdzad pa bdag cag dran lags so/ /bla na med pa'i byang chub la spyod par mdzad pa/ thabs dang ye shes sna tshogs la brtson pas mi spyod lags sam/ bdag cag
457b2 sdug bsngal las thar par mdzad du gsol/ yongs su bskyab tu gsol zhes smra ba dag gis 'di skad du brjod par bgyi'o/ /tad+ya thA/ stam+b+ha b+hu dza/ bi re Du b+hu dza/ go g+ha bi re dzra b+hu dza/
457b3 me ru b+hu dza/ ga tu ba b+hu dza/ hUM hUM/ a ne ba b+hu dza/ sma ra b+hu dza/ sma ra a brta b+hu dza/ ni ma b+ha b+hu dza swAhA/ btsun pa bcom ldan 'das/ sems can gang kha cig klu khro bo de dag gi
457b4 rgyus gnod pa dag gis gnod pa bgyis par gyur pa de lta bu de dag gis bdag gi ming nas brjod par bgyi zhing / klu khro bo/ nga rgyal can/ dregs pa/ phrag dog dang / 'dod
457b5 chags kyi sems zhi bar bgyi ba'i slad du gsang sngags 'don pa na bdag gis lha'i rna ba rnam par dag pa mi las 'das pas thos nas skye gnas bzhi ba'i klu dang / klu chen po
457b6 dang / klu rgan po dang / klu'i bu dang / klu'i 'khor rnams dad par ma bgyis sam/ dus ma lags par don chen ya nga ba la zhugs pa dag ma bzlog gam/ de'i tshe dus ma
457b7 lags pa'i char mo che dang / than chen po dang / dus ma lags pa'i lhags pa dang / tsha ba dang / rlung dang / sprin dang / 'khrug pa dag rab tu zhi bar ma bgyis sam/ bdag
458a1 gis bde ba'i yo byad thams cad kyis sems can de dag gi bsam pa dag yongs su rdzogs par ma bgyis na/ bdag gis dus gsum gyi sangs
458a2 rgyas bcom ldan 'das thams cad bslus par gyur cig /bdag nyid kyang bla na med pa yang dag par rdzogs pa'i byang chub tu mngon par rdzogs par 'tshang rgya bar ma
458a3 gyur cig /btsun pa bcom ldan 'das/ bdag gis sngon 'di ltar de bzhin gshegs pa mar me mdzad 'khor tshogs pa dang bcas pa'i spyan sngar sems can yongs su
458a4 smin par bgyi ba'i slad du smon lam brtan por btab ste/ shin tu gnas par gyur lags so/ /de'i 'og tu'ang sangs rgyas bcom ldan 'das sangs rgyas bye ba khrag khrig
458a5 'bum phrag snyed 'tsho zhing gzhes pa 'khor tshogs pa dang bcas pa'i spyan sngar smon lam brtan po 'di lta bu dag btab ste/ bdag gis der rtag par sems can yongs
458a6 su smin par bgyi ba'i slad du pha rol gnon pa'i brtson 'grus chen pos shin tu brtan par gnas par bgyi'o/ /zhes brtson par bgyis lags so/ /da ltar bcom ldan
458a7 'das kyi spyan sngar yang klu khro bo rnams yongs su smin par bgyi ba'i slad du rtsol ba brtan po bgyis la/ bdag gis de lta bu'i rtsol ba brtan pos brtson 'grus brtsams
458b1 pa ni| bskal pa grangs ma mchis par skad cig tsam yang btang ma myong lags so/ /bdag gis rtag par pha rol gnon pa'i rtsol ba dang / brtson pa brtan pos sems can yongs su
458b2 smin par bgyis lags pa rnams kyang yang yongs su smin par bgyi lags so/ /gzhan yang bdag gis klu'i dbang po dag theg pa chen po'i spyod pa la brtson par bgyis lags te/
458b3 klu glang po che rnams kyi bdag po klu'i rgyal po shin tu rab gnas 'di dang / klu sprul rnams kyi bdag po klu'i rgyal po dga' bo dang / bsnyen dga' bo 'di gnyis dang / klu rta rnams kyi
458b4 bdag po klu'i rgyal po ma dros pa 'di dang / klu nya rnams kyi bdag po klu'i rgyal po chu lha dang / klu sbal pa rnams kyi bdag po klu'i rgyal po yid bzang 'di rnams te/ klu de lta bu dag ni/
458b5 sems can rnams la gnod pa bgyid par rngo thogs pa dag go /klu'i rgyal po gzhan dag de lta bu de dag kyang rang rang gi mthus sems can rnams la de lta bur gnod pa bgyid par rngo thogs
458b6 pa dag go /'di ltar theg pa chen po la rab tu zhugs pa'i rgyal po de dag thams cad kyis kyang so so rang rang gi 'khor dang / dpung gi tshogs rnams dus ma lags par de lta bur ya nga ba bsgrubs pas
458b7 rang rang gi 'khor rnams bskyod par bgyid lags so/ /'di ltar 'dir bcom ldan 'das kyi bstan pa chos kyi sgron ma dang / dkon mchog gsum gyi gdung myur du mi 'chad par bgyi ba'i slad du
459a1 'khor der mchis pa rnams kyis byang chub sems dpa' sems dpa' chen po ri'i snying po klu'i drang srong la legs so/ /zhes bgyi ba stsal to/ /de'i
459a2 tshe klu'i rgyal po shin tu rab gnas stan las langs te bcom ldan 'das ga la ba de logs su thal mo sbyar ba btud nas 'di skad ces gsol to/ /btsun pa bcom ldan 'das/
459a3 bdag la brten pa'i klu dang / klu'i rgyal po gang dag sgo nga las skye ba dang / mngal nas skye ba dang / drod dang gsher las skye ba dang / rdzus te skye ba'i klu de dag gang na bcom ldan
459a4 'das kyi 'khor nyan thos rnams dang / 'khor byang chub sems dpa' de dag la phan tshun byams pa'i sems dang ldan pa dang / yul 'khor der sha 'khon ma mchis pa'i sems
459a5 kyis gnas par 'gyur lags so/ /gnod sems ma mchis pa dang / sems mnyam pas gnas par 'gyur lags so/ /gang dag yul 'khor de'i rgyal po de dag kyang
459a6 bcom ldan 'das kyi bstan pa la sems shin tu dad par 'gyur lags so/ /de dag bcom ldan 'das kyi bstan pa'ang 'dzin par 'gyur lags so/ /dbang phyug gi
459a7 rgyags pa dang dregs pas bcom ldan 'das kyi bstan pa 'jig par mi 'gyur lags so/ /dge slong dang / dge slong ma dang / dge bsnyen dang / dge bsnyen ma dag la 'tshe
459b1 bar mi 'gyur lags so/ /btsun pa bcom ldan 'das kyi slad du rab tu byung nas skra bregs te gos ngur smrig bgos pa/ snod du gyur pa dang / snod du ma gyur ba lhag pa'i bsam pa can
459b2 rnams kyang bcom ldan 'das kyi bstan pa 'dzin par bgyid lags so/ /gzhan yang yul 'khor de na gang dag mi rnams bcom ldan 'das kyi bstan pa de'i tsher mar gyur pa de dag chos dang
459b3 ldan pas skrod par bgyid lags so/ /de nas yul 'khor der dge sbyong dang / bram ze bsod snyoms pa rnams la sngon gyi rgyal po dag gis sngon lhag pa'i bsam pas sbyin pa phul pa rnams
459b4 rgyal rigs dge bas 'phrog par mi bgyid la/ rgyal rigs dge ba blon po dang / mdun na 'don dang / skye bo dmag mi rnams dang bcas pas tshogs sbyor ba ni/ don chen la brtson pa lags so//
459b5 snying po blangs pa lags so/ /lag brkyang nas lhug par gtong ba lags te/ rgyal rigs dge ba de yul 'khor dang bcas par bsrung bar bgyi lags so/ /yongs su bskyang bar bgyi lags so/ /
459b6 de'i yul phyogs na rtsod pa'i rnyog pa thams cad dang / so so'i 'khor dag sngar ji skad bstan pa bzhin bskrad par bgyi lags so/ /de ci'i slad du zhe na/ chos gos ngur smrig kha bsgyur ba 'di ni/
459b7 sngon gyi sangs rgyas bcom ldan 'das thams cad kyis byin gyis brlabs pa lags so/ /byang chub sems dpa' rnams kyi rgyal mtshan lags so/ /mya ngan las 'das par mchi ba rnams kyi lam
460a1 lags so/ /nyon mongs pa rnams kyi ral gri lags so/ /mya ngan las 'das pa'i sa bon lags so/ /lam las rab tu nyams pa rnams kyi sgron ma lags so/ /
460a2 phung po rnams kyi sman lags so/ /ma rig pa'i mun pa'i rlung lags so/ /ngan 'gro rnams kyi srog shing lags so/ /nyon mongs pa'i skyon gyis nyams par gyur pa rnams kyi skyug sman
460a3 lags so/ /dgra rnams kyi rdo rje lags so/ /dge ba'i rtsa ba thams cad kyi gter lags so/ /sdig pas gos pa rnams kyi chab lags so/ /nongs pa bgyid pa rnams kyi me long lags
460a4 so| |sems g.yeng ba rnams kyi ting nge 'dzin lags so/ /ting nge 'dzin rnams kyi za ma tog lags so/ /pha rol tu phyin pa rnams kyi sa gzhi lags so/ /gzungs rnams kyi nor bu
460a5 lags so/ /bzod pa rnams kyi khyim lags so/ /sa rnams kyi snod lags so/ /phas kyi rgol ba rnams kyi mkhar lags so/ /nad pa rnams kyi sman pa lags so/ /bslab pa rnams kyi
460a6 ri lags so/ /nyon mongs pas kun nas gdungs pa rnams kyi zla ba lags so/ /lta ba ngan par lhung ba rnams kyi nyi ma lags so/ /ye shes kyi rgya mtsho lags so/ /byang chub kyi phyogs pa
460a7 rnams kyi phreng bar gyur pa lags so/ /thams cad mkhyen pa'i ye shes kyi bum pa bzang po lags so/ /chos gos ngur smrig 'di ni/ yid bzhin gyi nor bu rin po che dang 'dra ba lags
460b1 so| |chos gos ngur smrig 'di ni/ sems can rnams la chos kyi char dbab pa'i don gyi slad du sangs rgyas thams cad kyis byin gyis brlabs pa lags so/ /btsun pa bcom ldan 'das /
460b2 'di ltar gang dag rgyal rigs gdol pa de dag ni/ bcom ldan 'das kyi bstan pa 'jig par bgyid cing dge slong dag la mtho 'tsham par bgyid pa nas bcom ldan 'das kyi slad du
460b3 rab tu byung ba snod du gyur pa dang / snod du ma gyur pa'i lus la gnod pa bgyid pa dang / nor 'phrog pa dang / srog gi bar chad dag bgyid pa'i bar du'o/ /yul 'khor der gang dag
460b4 sangs rgyas la dad pa'i lha dang / klu dang / gnod sbyin dang / srin po dang / lha ma yin dang / grul bum dang / yi dwags mthu bo che de dag thams cad kyang rgyal rigs gdol pa la gshe
460b5 bar 'gyur te/ de dag gis de'i yul 'khor du 'thab mo dang / rtsod pa dang / lo nyes dang / nad dang / pha rol gyi dmag tshogs dag 'byung bar bgyid lags/ dus ma lags pa'i char mo
460b6 che dang / than chen dang / lhags pa dang / tsha ba dang / rlung dang / nyi mas gdungs pa dag gis sa bon dang / myu gu dang / 'dab ma dang / me tog dang / 'bras bu dang / 'bru dang / sman dang /
460b7 ro rnams ma rungs par bgyid kyang de na klu rnams la skyon ni/ ma mchis lags te/ de na klu rnams rgyu des na grags pa ma lags pas ni/ gos par 'gyur lags so/ /btsun pa bcom ldan
461a1 'das| dper bgyi na/ yul gyi bud med bzang mos zas ngan pa 'tshal na dbugs dri mi bda' bar 'gyur lags so/ /de bzhin du rgyal rigs gdol
461a2 pas kyang rgyal rigs kyi chos rnams spangs nas dmangs rigs kyi chos rnams spyod par bgyid na yul phyogs thams cad srung ba'i lha nas yi dwags mthu bo che dag gi bar du
461a3 khros par 'gyur te/ de dag gis yul 'khor ma rung bar bgyid la/ klu dang klu chen po rnams grags pa ma lags pas kyang gos par 'gyur lags so/ /bcom ldan 'das
461a4 kyis bka' stsal pa/ klu'i bdag po/ rgyal po rnams rgyal po'i bslab pa'i gzhi gnas par bstan pa de dang de dag mtho ris dang / mya ngan las 'das pa'i bde ba la brtson pa yin
461a5 no| |gang dag rgyal rigs gdol ba rgyal rigs kyi bslab pa la mi gnas pa de dag ni/ sems can dmyal ba mnar med pa'i bar la gzhol ba yin no/ /klu'i bdag po/ nga rang gi
461a6 'khor bslab pa las mi 'da' bar bstan pa des na de dag da ltar gyi dus dang / ma 'ongs pa'i dus su nga'i bstan pa dang / dkon mchog gsum gyi gdung med par mi byed par 'gyur
461a7 ro| |gsol pa/ btsun pa bcom ldan 'das/ de ltar lags so/ /btsun pa bde bar gshegs pa/ de ltar lags so/ /btsun pa bcom ldan 'das/ yul 'khor gang dang gang dag
461b1 na grong dang / grong khyer dang / grong rdal dang / ljongs dang / ri brag gi gnas yul 'khor de na bcom ldan 'das kyi nyan thos tshul khrims dang ldan zhing thos pa mang po sbyin gnas da
461b2 lta bu dag gnas shing mchis pa der bdag gi 'khor gang dag klu dang / klu mo dang / klu rgan po dang / klu rgan mo dang / klu'i bu pho dang / klu'i bu mo dang / klu'i 'khor pho dang / klu'i 'khor mo
461b3 rnams dus ma lags par rdzi char dang / ser drag dang / char mo che dang / than chen dag gtong bar bgyid dam/ lhags mche dang / shin tu tsha ba dang / nyi mas gdungs pa dag 'byung bar
461b4 bgyid dam/ sems can rnams kyi lo tog dang / me tog dang / 'bras bu dang / 'bru dang / sman gyi ro dang / longs spyod dang / yongs su spyod pa dag chab 'tshal bar bgyid na/ klu de dag
461b5 gis bdag bslus pas de'i lus thams cad 'khums par gyur cig /de dag rdzu 'phrul dang bral nas 'gro mi nus par gyur cig /rims nad kyis gdungs par gyur cig /longs spyod
461b6 thams cad dang bral bar gyur cig /spobs pa med par gyur cig /don byed mi nus par gyur cig ces mnas bsgag par bgyi'o/ /tad+ya thA/ nA ga dza na du she/ nA ga me ne/ nA ga d+ha ra gU
461b7 g+h+ra gU g+h+ra/ dza la gU g+h+ra/ a bi mA ra ge/ sa ha sra mu khe/ ka la ti ma bu se/ nA ga sta m+b+ha ri/ dza ya ba pha le/ bi mu sha krai swAhA/ thams cad dang ldan pa'i 'khor gyis de nyid du legs so/ /
462a1 zhes bya ba byin no/ /de nyid kyi tshe thams cad dang ldan pa'i klu'i 'khor rnams shugs drag por 'khrugs shing dngangs par gyur to/ /de'i tshe klu'i rgyal po
462a2 dga' bo dang / bsnyen dga' bo gnyis stan las langs te bcom ldan 'das ga la ba de logs su thal mo sbyar ba btud nas 'di skad ces gsol to/ /btsun pa bcom ldan 'das/ da ltar
462a3 dang / ma 'ongs pa'i dus su rgyal rigs gdol pa de dag gzhan la sbyin par ma dad cing bdag nyid longs spyod par 'tshal la 'jungs pa/ longs spyod la sems kun tu 'dzin cing lag mi
462a4 rkyong pas dge sbyong dang / bram ze dang / bkren pa dang / phongs pa dang / 'gron po slong ba rnams kun nas tshim par mi bgyid lags so/ /pho brang 'khor dang / ljongs kyi mi dang / 'khor
462a5 rnams yang dag pa'i bde bas tshim par mi bgyid lags so/ /rgyal rigs gdol pa de dag la yul phyogs srung ba'i lha dang / klu dang / gnod sbyin dang / srin po dang / lha ma yin
462a6 dang / grul bum dang / yi dwags mthu bo che de dag thams cad kyang khros par gyur te/ de dag gi yul 'khor du 'thab mo dang / rtsod pa dang / mu ge dang / nad dang / pha rol gyi dmag
462a7 tshogs dag kun tu 'byung bar bgyid lags so/ /'bru dang / sman gyi ro rnams ma rungs par bsgyid kyang de na klu dang / klu chen po rnams la skyon ni/ ma mchis lags te/ de na klu
462b1 rnams rgyu des nas gos pa ma lags pas ni/ gos par 'gyur lags so/ /btsun pa bcom ldan 'das/ dper bgyi na/ phyis khung gi dri ma bda' ba bser mas 'tshal na dri mi bda' bar
462b2 'byung ba de bzhin du/ btsun pa bcom ldan 'das/ rgyal rigs gdol pa rnams kyis kyang yul phyogs thams cad srung ba dag khros par gyur te/ yul 'khor de ma rungs par bgyid
462b3 lags so/ /klu rnams kyang brags pa ma lags pas gos par 'gyur lags so// bam po gsum pa ste tha ma/ yang na klu thams cad bdag gi bslab pa las mi 'da' bar bdag gis
462b4 lung dbog par bgyi ste/ yul 'khor gang dang gang dag na grong dang / grong khyer dang / grong rdal dang / ljongs dang / ri brag gi gnas yul 'khor de na da ltar dang / ma 'ongs pa'i dus su
462b5 bcom ldan 'das kyi nyan thos tshul khrims dang ldan zhing thos pa mang po sbyin gnas de lta bu dag gnas shing mchis pa der bdag gi 'khor gang dag klu dang / klu mo dang / klu rgan po dang /
462b6 klu'i bu pho dang / klu'i bu mo dang / klu'i 'khor pho dang / klu'i 'khor mo sgo nga las skye ba dang / mngal nas skye ba dang / drod gsher las skye ba dang / rdzus te skye ba dag dus ma lags par
462b7 dzi char dang / ser drag dang / char mo che dang / than chen dag gtong bar bgyid dam/ lhags mo che dang / shin tu tsha ba dang / nyi mas gdungs pa dag 'byung bar bgyid dam/ sems can
463a1 rnams kyi lo tog dang / me tog dang / 'bras bu dang / 'bru dang / sman dang / ro dang / longs spyod dang / yongs su spyod pa dag chab 'tshal bar bgyid na /klu
463a2 de dag gis bdag bslus pas de'i lus thams cad 'khums par gyur cig /de dag rdzu 'phrul dang bral nas 'gro mi nus par gyur cig /rims nad kyis gdungs par gyur
463a3 cig |longs spyod thams cad dang bral bar gyur cig /spobs pa med par gyur cig /don byed mi nus par gyur cig /ces mnas bsgag par bgyi'o/ /tad+ya thA/ karna gU
463a4 me |kun+d+ha rak+She/ ba ra ma gu Ne/ a ka la k+She/ bai sha ne/ bi mArga k+She/ ku na bir ke /a ta sa le/ na ya na tu ma b+he/ kA la ku she /nang gu pra b+he/ gan+d+he ra ba se swAhA/ de nas thams
463a5 cad dang ldan pa'i 'khor des legs so/ /zhes bgyi ba stsal lags so/ /de nas klu'i rgyal po ma dros pa zhes bya ba nas sngar ji skad gsungs pa'i bar du'o/ /tad+ya thA/ na ba b+hi she/
463a6 na ba na ma b+hi she/ A nA+o k+She/ na ba kuny+dza b+hi she/ kha ga bai kha/ sa ra tro na T+ya/ bA pa ya si la/ na rA ya Na gu Ne/ bi na ste le/ da sha kra me/ a k+Shu d+hA nye se/ A ni sa be swAhA/ klu'i
463a7 rgyal po chu lha zhes bya ba nas sngar ji skad gsungs pa'i bar du'o/ /ta d+ya thA/ hi ma bai me/ ya li k+Shi na gu Ne/ ru Na bin+du hri Nai/ tsa rak+Sha d+ha re/ mo g+ha sar kra me/ bya pu Tu ke she/ dru mo de/ mA
463b1 ye ta na ku se/ tsa ra ma hi ke /tsa lang+ge/ nA na dat+te/ ka Tu ka Tu le swAhA/ sngar ji skad gsungs pa'i bar du'o/ /de'i tshe klu'i rgyal po yid bzang stan las langs te bcom ldan 'das ga la ba der
463b2 logs su thal mo sbyar ba btud nas 'di skad ces gsol to/ /btsun pa bcom ldan 'das/ bdag la brten pa'i klu dang / klu chen po de dag ni/ sgo nga las skye ba dang / mngal nas skye ba dang /
463b3 drod gsher las skye ba dang / rdzus te skye ba dag lags so/ /btsun pa bcom ldan 'das/ da ltar dang / ma 'ongs pa'i dus na rgyal rigs gdol ba de dag gis rgyal rigs kyi chos
463b4 spangs nas dmangs rigs kyi chos rnams spyod par bgyid de/ sems can dmyal ba mnar ma mchis pa'i bar dag la gzhol bar gnas so/ /rgyal rigs gdol ba de dag gi skyon
463b5 gyis klu rnams ma nongs bzhin du grags pa ma lags pas gos par 'gyur lags so/ /rgyu des na klu rnams las kyi sgrib pa dag bgyid par 'gyur lags so/ /de lta lags pas
463b6 bdag cag gis ni/ bcom ldan 'das kyi bka' la bkur sti bgyi zhing gzung bar bgyi ste/ dper bgyi na/ 'khor los bsgyur ba'i rgyal po des yul gyi bud med bzang mo khrus legs
463b7 par bgyis te spos kyis byugs nas gos mchog tu bzang ba bskon te/ yan lag gi dam pa mgo bo la rin po che sna bdun las grub pa'i phreng ba mang po dag btags shing dpung rgyan dang /
464a1 gser skud dang / sor gdub dang / lag rgyan dang / rkang rgyan dag gis brgyan nas glang po che'i bzhon pa la bskyon te 'khor phal mo che dang lhan cig khrid pa
464a2 de bzhin du da ltar 'khor los bsgyur ba'i rgyal po chos dang ldan pa de bzhin gshegs pas kyang bdag cag klu rnams dud 'gro'i skye gnas su bsdus pa'i lus ma snang ma nyams
464a3 la| mchog tu khro ba dang / nga rgyal dang / dregs pa'i dri mas bsgos pa bdag cag klu thams cad rgyags pas myos pa ma mchis pa'i chos kyis chus bkrus lags so/ /bdag cag
464a4 la ngo tsha shes pa dang / khrel yod pa'i gos bskyon lags so/ /byang chub kyi phyogs kyi chos sum cu rtsa bdun gyi phreng bas bcings lags so/ /bdag cag gi sems dang / yid dang /
464a5 rnam par shes pa dag bzod pa dang / gzungs dang / sa rnam pa sna tshogs kyis legs par brgyan lags so/ /theg pa chen po'i shing rta dag gis bteg lags so/ /gang na sangs
464a6 rgyas kyi zhing snyigs ma lnga dang bral ba shin tu yongs su dag par sangs rgyas bcom ldan 'das byang chub sems dpa'i tshogs yongs su dag pas bskor nas theg pa chen po'i
464a7 chos kyi gtam dag ston pa der bdag cag mchi lags so/ /de ci'i slad du zhe na/ da ltar bdag cag bcom ldan 'das kyi bka' la bkur sti bgyid cing 'dzin par bgyid legs
464b1 so| |de lta lags pas bdag cag 'khor dang bcas pa bcom ldan 'das kyi bka' la shin tu gnas par bgyid lags so/ /grong dang / grong khyer dang / grong rdal dang / ljongs dang / ri
464b2 brags kyi gnas gang dang gang na sems can nyan thos kyi theg pa pa dang / rang sangs rgyas kyi theg pa pa dang / theg pa chen po pa dag khyim na gnas pa'am/ rab tu byung ba'am/ tshul
464b3 khrims dang ldan pa'am/ tshul khrims 'chal pa'am/ thos pa mang ba'am/ thos pa nyung ba'am/ brtson 'grus brtsams pa'am/ le lo can nam/ mnyam par bzhag pa'am/ mnyam par ma
464b4 bzhag pa'am/ dran pa dang ldan pa'am/ dran pa nyams pa rnams bcom ldan 'das dang / chos dang / dge 'dun dang / 'phags pa dgyes pa'i tshul khrims dag la dga' zhing dad pa dag bkur
464b5 sti dang / bla mar bgyid pa dang / ri mor bgyid pa dang / byang chub rnam gsum gang yang rung bdag la rab tu zhugs pa/ bcom ldan 'das kyi nyan thos sbyin gnas de lta bu dag gnas shing mchis pa
464b6 de dang der bdag cag yid kyis dga' zhing dad pa dang / bkur sti dang / bla mar bgyi ba dang / ri mo dag gis gnas par bgyi lags so// yul 'khor de dang de'i grong dang / grong khyer dang / grong rdal
464b7 dang / ljongs dang / ri brag der bdag gi 'khor klu dang / klu mo dang / klu rgan pho dang / klu rgan mo dang / klu'i bu dang / klu'i bu mo dang / klu'i 'khor pho dang / klu'i 'khor mo dag dus ma lags par rdzi
465a1 char dang / ser drag dang / char mo che dang / than chen dag gtong bar bgyid dam/ lhags mo che dang / shin tu tsha ba dag 'byung bar bgyid dam/ sems can
465a2 rnams kyi lo tog dang / lo ma dang / me tog dang / 'bras bu dang / 'bru dang / sman gyi ro dang / longs spyod dang / yongs su spyod pa dag chab 'tshal bar bgyid na/ klu de dag gis bdag cag
465a3 bslus pas de dag thams cad kyi lus 'khums par gyur cig /de dag rdzu 'phrul nyams nas 'gro mi nus par gyur cig /rims nad kyis kun tu gdungs par gyur cig /dbang po
465a4 thams cad ma tshang bar gyur cig /longs spyod dang / yongs su spyod pa thams cad dang bral bar gyur cig /las byed mi nus par gyur cig /tad+ya thA/ bud+ha dza ye/ ba le k+She/ a ma
465a5 na me| b+hu ta sa li le/ a na ma d+d+h+ya/ pra t+ya ni le/ a ba ni la me/ khi la sho me/ na stu bi pa le/ dzi sa dza hA/ skan+d+ha ba le/ b+ha ra ni kri ye swAhA/ der thams cad dang ldan pa'i 'khor ji snyed
465a6 lhags pa rnams bzhin dang mig yid du 'ong bas shin tu dgod cing thal mo sbyar nas legs so/ /zhes bya ba byin te/ 'di skad du skyes bu dam pa khyod sems can thams cad la phan
465a7 par 'dod pa yin te/ skyes bu dam pa khyod kyis de ltar bya ba ni/ legs so legs so/ /zhes smras nas thams cad dang ldan pa'i klu'i 'khor de dag shugs drag pos 'khrugs shing dngangs
465b1 la kun tu 'gul zhing mngon par mi dga' ba dang / kun tu 'khor bar gyur to/ /de'i tshe dri za'i drang srong dga' ba 'byung ba zhes bya ba stan las langs te bcom ldan 'das ga la ba de logs su
465b2 thal mo sbyar ba btud nas 'di skad ces gsol to/ /thams cad dang ldan pa'i 'khor dang bcas pa bdag la dgongs su gsol/ da ltar dang ma 'ongs pa'i dus su gang dag rgyal rigs gdol
465b3 ba blun po mkhas so snyam pa'i nga rgyal can/ nga rgyal dang rgyags pas nyams pa/ 'jig rten pha rol la mi lta ba/ g.yo sgyu can/ snying rje ma mchis pa/ dge slong la mtho 'tsham par bgyid pa nas
465b4 tha na bcom ldan 'das kyi slad du skyabs su mchis nas nye bar gnas pa/ skra bregs te gos dur smrig bgos pa la mtho 'tsham pa dag 'byung ste/ bcom ldan 'das kyi slad du rab tu byung
465b5 ba| sangs rgyas thams cad kyis kyin gyis brlabs pa/ dkon mchog gsum gyi gdung 'bar bar bgyid pa dag la mtho 'tsham pa'i rgyal rigs gdol ba de dag ting nge 'dzin gyi dbang gis
465b6 mnas bsgag par bgyi ba ni/ longs spyod kyis 'khrugs par gyur cig /rgyal phran gyis 'khrugs par gyur cig /rgyal pos 'khrugs par gyur cig /nang dmag dang / pha rol gyi dmag
465b7 tshogs dag gis 'khrugs par gyur cig /chu med pas 'khrugs par gyur cig /nad kyis 'khrugs par gyur cig /gzas 'khrugs par gyur cig /bya ma rtas 'khrugs par gyur cig /
466a1 rtse dgas 'khrugs par gyur cig /pha tshan gyis 'khrugs par gyur cig /'khor gyis 'khrugs par gyur cig /'byung ba chen pos 'khrugs par
466a2 gyur cig /yi dwags mthu bo ches 'khrugs par gyur cig ces bgyi ba nas rgyal rigs kyis 'khrugs par gyur cig /bram ze dang / dmangs rigs dang / bud med dang / seng+ge
466a3 dang | stag dang / spyang ki dag gis 'khrugs par gyur cig ces bgyi ba'i bar du rgyal rigs gdol ba de dag mnas bsgag par bgyi lags so/ /tad+ya thA/ ba ne ya ba na ba le/
466a4 ma hA brta na trai/ dru ma ts+tsha te/ ku su me/ pa ra Te/ yu ga te/ sam+b+hA k+She/ b+hi mA dri ba k+She/ sa lo ba na ya/ ba ri ba rai/ b+hU ma dru kra me/ nai ran+ta na/ dza si la man+d+rai/ bai ma ba ta/ ma shra kha dze/
466a5 na ya na hing ku le/ bai bad tsha/ b+h+ri se/ d+ha na mu tse/ sad+ga byo k+She/ pa la min+d+ha da le/ b+hU mi baSh+Te/ ro ma da lai/ ba na ga dzai/ tu Ta pa Te/ a ba Te d+ha/ na ya Te Sh+Ti/ dzi hA kran/ u ta
466a6 rak+She| gan+b+ha r+b+he si mi swAhA/ gang dag rgyal rigs gdol ba 'jig rten pha rol la mi lta zhing / bcom ldan 'das kyi nyan thos rnams la mtho 'tsham pa de dag de ltar gyur cig /
466a7 de'i tshe thams cad dang ldan pa'i dri za'i 'khor rnams kyis 'di skad ces gsol to/ /bcom ldan 'das kyi bstan pa la mtho 'tsham par bgyid pa'i rgyal rigs gdol ba de
466b1 dag la bdag cag ci dga' bgyid du stsal du gsol/ /bdag cag rang rang gi gnas na rtsed mo la chags shing yongs su spyod par bgyid dam/ dga' skyed nyams su myong bar bgyid na/
466b2 bdag cag kyang mna'i khongs su gtogs par gyur cig /de'i tshe thams cad dang ldan pa'i 'khor ji snyed lhags pa rnams kyis legs so/ /zhes bya ba byin no/ /de'i tshe byang chub
466b3 sems dpa' sems dpa' chen po sa'i snying pos bcom ldan 'das ga la ba de logs su thal mo sbyar ba btud nas 'di skad ces gsol to/ /btsun pa bcom ldan 'das /bdag
466b4 gis kyang ting nge 'dzin thams cad la rnam par rtse ba mngon par shes pa'i rgyal mtshan gyi srog shing zhes bya ba'i gzungs kyi sgo chen po bshad par bgyi ste/ rgyal mtshan gyi srog
466b5 shing zhes bya ba'i gzungs chen po sgo gang gi rna lam du grag pa de'i rna ba'i nad dag rab tu zhi bar bgyid do/ /de'i 'dod chags dang / zhe sdang dang / gti mug la sogs pa nyon mongs
466b6 pa rnams rab tu zhi bar bgyid do/ /gal te na bsrabs par 'gyur ro/ /rgya mtsho'i shun pa man dza na la gsang sngags kyi tshig 'di lan 'bum bzlas brjod bgyis nas rgyal rigs
466b7 kyi rnga la bskus nas rnga de'i sgra gang dang gang gi rna lam du grag pa de dang de'i 'dod chags dang / zhe sdang dang / gti mug la sogs pa nyon mongs pa rnams bsrabs par 'gyur ro/ /de dang
467a1 de dag bcom ldan 'das kyis bstan pa la shin tu dga' zhing bkur sti dang / bla mar byed pa dang / ri mo byed pa dag rab tu 'thob par 'gyur ro/ /chos
467a2 kyi rjes su 'brang bas 'jug par 'gyur ro/ /'jig rten pha rol la lta ba dang / longs spyod dang / yongs su spyod pa dang mi 'bral la/ sems can thams cad kyi mig tu 'ong
467a3 ba dang / snying du sdug par 'gyur ro/ /tad+ya thA/ purba mArga a ma lo ma ti/ k+Shit+ti la/ b+hu bai pra na khaN+Dai/ durma khi lai/ mat+sa tu lai/ gau ra san+d+hai na/ k+Shu ba ra mai/ bud+d+ha ra sh+mi pid+ga lai
467a4 g+h+ri me| lo hi tA ra b+he/ nang+ga la sUR+yai/ b+ha ga ba ri Ne/ an+d+ha r+pa u re/ ka ra hu dze/ ke sha lo hi/ sa mA d+hi d+hu re swAhA/ de nas de nyid du bcom ldan 'das kyis legs so/ /zhes
467a5 bya ba gnang ngo / /thams cad dang ldan pa'i 'khor des kyang legs so/ /zhes bya ba byin no/ /de'i tshe byang chub sems dpa' sems dpa' chen po blo gros mi zad pas 'di
467a6 skad ces gsol to/ /bdag gis de bzhin gshegs pa thams cad kyi gsung dbyangs dang / sgra brjod par bgyid pa/ gdugs dang rgyal mtshan gyi smon lam gyi tshul
467a7 zhes bgyi ba'i gzungs chen po de bshad par 'tshal gyi/ bcom ldan 'das de bzhin gshegs pa 'khor dang bcas pa rnams bdag la rjes su yi rang bar mdzad du
467b1 gsol| de ni/ mthu che zhing stobs che la pha rol gnon pa snad par bgyid pa chen po lags te/ bcom ldan 'das kyi nyan thos rnams kyi thos pa yongs su rdzogs par bgyid pa'i gter
467b2 dang / ye shes yongs su rdzogs par bgyid pa'i gtar du 'gyur ba lags so/ /btsun pa bcom ldan 'das/ bcom ldan 'das kyi slad du ji srid 'tsho'i bar du sdom pa la gnas pa 'di lta ste/ dge
467b3 bsnyen gyi sdom pa dang / dge sbyong gi sdom pa dang / bsnyen par rdzogs pa'i sdom pa la gnas pa snod du gyur pa dang / snod du ma gyur pa dag gis gdugs dang rgyal mtshan gyi smon lam gyi tshul
467b4 zhes bgyi ba'i gzungs chen po 'di lhag mthong gi sbyor bas nyin mtshan bdun gyi bar du klog na/ phyir zhing nye bar len pa'i phung po lnga po de dag la rtog par 'gyur ro/ /nyin mtshan bdun 'das
467b5 nas gdugs dang rgyal mtshan gyi smon lam zhes bgyi ba'i gzungs chen po lan 'bum snyed du yang yang dran par bgyid pa de ni/ rgyal rigs rnams dang / bram ze'i rigs rnams dang / rje'u rigs rnams
467b6 dang / dmangs rigs rnams dad par bgyid pa nas sems can thams cad kyi bar du shin tu mngon par dad par bgyid pa lags so/ /thams cad longs spyod pa dang / yongs su spyod pa rgya chen po
467b7 mchog dang mi 'bral zhing mtho ris la gzhol bar 'gyur lags so/ /de sangs rgyas bcom ldan 'das bzhugs pa rnams dang skal ba mnyam par skye bar 'gyur lags so/ /tad+ya thA/ tri ni sa nyi ke/
468a1 bi trai Na bi ma be/ ka ra prA k+She/ b+hu ta sU me tsa/ pa ra dzi mi/ a b+ha k+She/ ak+Sha ya yo be/ a d+h+ya ma/ ni mi re/ shI ta ba sta re/ ad+gu dza d+ha dz+nyA/ dza dza ra No sai/ a na sa shud+d+he/
468a2 mr-i ga g+h+ri k+She/ ku la ba Te/ ma ga bA bA/ k+She b+hau ba swa re/ a b+hi ti ma b+hu re/ sa ra kha dze smri ti mo ni swAhA/ de nas bcom ldan 'das kyis byang chub sems dpa' blo gros mi zad pa la legs so/ /
468a3 zhes bya ba gnang ste/ skyes bu dam pa khyod kyis gdugs dang rgyal mtshan gyi smon lam gyi tshul zhes bya ba'i gzungs chen po 'di bshad pas sems can dpag tu med pa rnams kyi thos pa'i
468a4 mig kun tu ston par byed la/ nga'i bstan pa'ang ston par byed pa ni/ legs so/ /legs so/ /de nas de nyid du thams cad dang ldan pa'i byang chub sems dpa'i 'khor gyis kyang byang chub
468a5 sems dpa' blo gros mi zad pa la legs so/ /zhes bya ba byin te/ 'di skad du skyes bu dam pa khyod kyis gdugs dang rgyal mtshan gyi smon lam zhes bya ba'i gzungs chen po 'di rdzogs
468a6 par bshad pas da ltar dang ma 'ongs pa'i dus su theg pa chen po la yang dag par zhugs pa'i sems can de dag thams cad kyi thos pa mang po'i tshogs rgyas par byed pa dang / ston
468a7 pa ni| skyes bu dam pa legs so legs so/ /de'i tshe 'jam dpal gzhon nur gyur pa stan las langs te bcom ldan 'das ga la ba de logs su thal mo sbyar ba btud nas 'di skad ces
468b1 gsol to/ /btsun pa bcom ldan 'das/ bdag gis kyang gling bzhi pa 'di'i me tog dang / 'bras bu dang / shing dang / 'bru dang / sman dang / lo tog dag srung bar 'tshal lo/ /sems can
468b2 rnams kyi longs spyod dang / yongs su spyod pa dang / rtswa dang / 'dab ma dang / lo ma sa la brten pa rnams srung bar 'tshal lo/ /bcom ldan 'das nang gu dpal rdul zhes bgyi gzungs
468b3 chen po de de ltar 'di gling bzhi pa de dag gis sngon ma thos ma mthong bas 'di ltar ngo mtshar rmad du byung bar gyur te/ 'dus pa chen po de lta bu dag byung bar bgyis lags so/ /nang gu dpal
468b4 rdul zhes bya ba'i gzungs chen po 'di ni/ mthu che bas lo tog thams cad 'phel bar bgyid pa lags so/ /sa bon dang / myu gu dang / sdong bu dang / 'dab ma dang / me tog dang / 'bras
468b5 bu dang / shing dang / 'bru dang / sman dang / ro rnams skyed par bgyid pa dang / 'phel bar bgyid pa dang / snum mchis par bgyis pa dang / 'jam par bgyid pa dang / mang por bgyid pa
468b6 lags so/ /sems can thams cad dad par bgyid pa dang / tshul khrims can du bgyid pa dang / thos par bgyid pa dang / shes par bgyid pa dang / byams pa dang / snying rje can du bgyid pa dang /
468b7 thabs dang ldan par bgyid pa nas byang chub kyi phyogs kyi chos thams cad kyi bar du ston par bgyid pa lags so/ /tad+ya thA/ a na N+ya b+hu mi/ ga ba k+Sha bi dze/ gu lo tsa lo me/ phaT k+Sha lo me/ shrI
469a1 yak+Sha ku su mi/ na ba ku mun+De/ rA dza ba ra me/ tsa Ta na ba/ ba ma Te/ bi Shu lang+ge/ a ba b+ha su ne/ ha sa ga ba k+She /lo ma b+hu dze k+She/ gam+b+hi ra ba su me/ a no ma ya sa re/
469a2 pa lA sha to ye swAhA/ btsun pa bcom ldan 'das/ nang gu dpal rdul zhes bya ba'i gzungs chen po 'di rgyal mtshan gyi rtse mo la btags te sgreng bar bgyid dam/ skad chen por sgrog
469a3 gam| gsang sngags kyi tshig 'di chu la lan stong gi bar du bzlas brjod bgyis nas zhing dang / shing dang / lo tog sna tshogs la gtor tam/ rnga dang / rdza rnga dang / dung dag la
469a4 bsngags nas de dag gi sgra gang du thos pa'i lo ma dang / me tog dang / 'bras bu dang / 'bru dang / sman gyi rngo dang / sa la brten pa'i lo tog thams cad sems can rnams kyi sngon
469a5 gyi las kyi sgrib pa'i rgyu las ma gtogs par lha dang / klu dang / gnod sbyin dang / yi dwags mthu bo che dang / bdud dang / bdud kyi bu dang / bdud kyi 'khor gyi tshogs gang gis
469a6 kyang gnod par bgyi ba'am/ chud gzan pa'am/ tshig par bgyi ba'am/ bskam pa'am/ mdangs 'phrog pa'am/ mthu chung bar bgyi ba'am/ ma mchis par bgyi ba dag
469a7 tu rngo mi thogs na/ sems can dang / sems can gyi grangs su gtogs pa gzhan dag gis lta smos kyang ci 'tshal/ de nas bcom ldan 'das kyis 'jam dpal gzhon nur
469b1 gyur pa la legs so/ /zhes bya ba gnang ste/ rigs kyi bu/ khyod gling bzhi pa 'dir sbyin pa chen po'i dpal gyi shing rta la zhon nas rigs kyi bu/ 'dir bla na med pa'i byang chub kyi
469b2 lam du sems can dpag tu med pa rnams rton par byed pa ni/ rigs kyi bu/ khyod legs so legs so/ /de nas de nyid du byang chub sems dpa'i 'khor thams cad kyis kyang
469b3 'jam dpal gzhon nur gyur pa la legs so/ /zhes bya ba byin te/ rigs kyi bu/ khyod kyis de ltar byas pa ni/ legs so legs so/ /de'i tshe byang chub sems dpa' sems
469b4 dpa' chen po spyan ras gzigs dbang phyug gis byang chub sems dpa' byams pa la 'di skad ces smras so/ /byams pa/ khyod la bdag gi dpal me tog gsar pa zhes bya ba'i
469b5 gzungs chen po sbyin gyi/ gzungs chen po de nas rigs kyi bu/ khyod kyis byams pa chen po'i go bgos nas 'dir sems can rnams la tshig gis chos ston na/ ting nge 'dzin gyi
469b6 rnam par 'phrul pa'i stobs bskyed pa'i chos de dag sems can gang dag gis thos pa'i sdig pa'i sems dang / sdig pa'i lta ba dag spong bar byed do/ /sdig pa'i grogs po dang / sdig
469b7 pa'i bshes gnyen dag spong bar byed do/ /sems kyis byams pa dang / snying rje dang / dge ba'i rtsa ba dag yid la byed par 'gyur ro/ /sems can thams cad la snying brtse ba dang /
470a1 sems 'jig rten pha rol la lta ba can du 'gyur ro/ /sems mi dge ba bcu'i las kyi lam dag las ldog par 'gyur ro/ /sems dge ba bcu'i las kyi lam
470a2 dag la rnam par gnas par 'gyur ro/ /sems sems can thams cad la mngon par dga' bar 'gyur ro/ /gzungs chen po 'di ni/ sems can thams cad kyi bsam pa
470a3 yongs su rdzogs par byed pa'i phyir chos kyi char 'bebs par byed pa'i dgra thams cad rab tu dad par byed cing bshes gnyen thams cad mngon par 'phel bar byed pa'o/ /
470a4 tad+ya thA/ li ba ta swa re/ kA shA ya/ ba ra me/ sa me bag+g+he/ d+h+wa rang+ga dza le/ su to k+She /su ma hA b+ha k+Sha re/ su ha pung ge /gau a pa lo ka da le/ sid+d+hi b+hi ba k+She/ d+h+ya na na bI ba re/ a bin+d+ha
470a5 lung ba/ so tsa ra tsa la/ a ba b+ha sa re/ ba rA ha shat+te/ e ka hA da to ye/ sa mA d+hi ka ra Ne/ bA la dza bi ti/ ma hA dA b+hu ta ku se/ a ra Na ni le/ mA lA ma sha me/ nI la ku su me swAhA/
470a6 dpal me tog gsar pa zhes bya ba'i gzungs 'dis ni/ byang chub sems dpa' sems dpa' chen po khyod kyis byams pa chen po'i go bgos nas sems can rnams la chos ston na/
470a7 de'i sgra tha na sems can srog chags su gyur pa phra mo chung du gang dag gi rna lam du grag pa de dag gi sems kyi rnyog pa nye bar zhi bar byed pa dang / de dag gi sems dge ba'i rtsa ba la
470b1 gnas par yang 'gyur na/ mir gyur pa rnams la lta smos kyang ci dgos/ sems can la la dag gis char dbab pa'i phyir dri za dang / klu'i gnas dag tu gzungs chen po 'di bzlas
470b2 brjod byas te/ na le sham gyi phye ma dang / e raN+Da'i mar du bsres pa la des lan stong du bsngags nas gos kyi mtha' mar phur ma byas te khron par bcug na/ des na de la klu rnams
470b3 dga' bar 'gyur te/ char gyi rgyun chen po'ang 'bebs par byed do/ /de'i tshe yul der 'dus pa'i klu dang / klu chen po rnams kyis dpal me tog gsar ba zhes bya ba'i gzungs chen po
470b4 'di thos nas sems rangs pa dang / sdang sems med pa dang / sems rab tu dga' ba dang / sems byams pa dang ldan pa dang / sems 'jig rten pha rol la lta bar gnas par
470b5 gyur to| |sems dkon mchog gsum la dad cing bkur sti dang / bla mar byed pa dang / ri mor byed pa dag thob par gyur to/ /sems dud 'gror skye ba'i rang gi sdig pa'i las dag rab tu
470b6 'chags pa dang / sems theg pa chen po bla na med pa la 'jug par gnas par gyur to/ /klu dang / klu chen po de dag thams cad kyi nad nas mthu ci yod pa dang / ci nus pa dag gis de na
470b7 bcom ldan 'das la mchod pa bya ba'i phyir kha cig ni/ gser mang po'i char mngon par 'bebs so/ /kha cig ni/ dngul dang / a ga ru dang / rgya spos dang / gau shiR+sha dang / tsan+da sbrul
471a1 gyi snying po'i phye ma dang / ta ma la'i lo ma'i char dag mngon par 'bebs pa nas kha cig ni/ ut+pa la dang / me tog sna tshogs dang / ras bcos bu sna tshogs
471a2 dang | gdugs dang / rgyal mtshan dang / ba dan sna tshogs dang / gser skud dang / mu tig gi do shal gyi bar dag gi char mngon par 'bebs so/ /de nas klu dang / klu chen po de dag
471a3 thams cad kyis bcom ldan 'das ga la ba de logs su thal mo sbyar bar btud nas tshig mthun par 'di skad ces gsol to/ /btsun pa bcom ldan 'das/ da ltar bdag cag ni/
471a4 dkon mchog gsum la sems shin tu legs par rab tu zhugs pa lags so/ /btsun pa bcom ldan 'das kyi spyan sngar bdag cag 'di rnams kyis dam bca' bar bgyi ba
471a5 ni| btsun pa bcom ldan 'das/ grong dang / grong khyer dang / grong rdal dang / ljongs gang dang / gang dag na dpal me tog gsar ba zhes bya ba'i gzungs chen po 'di rab tu sgrog pa
471a6 dang | de bzhin du gzungs lhag ma chu khyim snying po zhes bgyi ba dang / mtshon cha'i stobs zhes bgyi ba dang / gdugs dang / rgyal mtshan gyi smon lam gyi tshul zhes bgyi ba dang /
471a7 nang gu dpal rdul zhes bgyi ba dang / dpal me tog gsar ba zhes bgyi ba'i gzungs chen po rnams dang / rgyal po chen po bzhis bshad pa'i gzungs de dag dang / klu'i snying po bzhi po dag
471b1 grong dang / grong khyer dang / grong rdal dang / ljongs dang / ri brag gi gnas gang dang gang dag tu re re tsam yang ston tam/ 'chad dam/ rab tu sgrog gam/ dran par bgyid pa de dang de dag tu bdag cag
471b2 gis dus dus su char 'bebs pa dang / gdugs dang / bser ma dag gtong bar bgyi'o/ /dus ma lags par ni ma lags so/ /de dang der bdag cag gis phyi dgra dang / nang 'khrug dang /
471b3 'thab mo dang / rtsod pa dang / gnod sems dang / nad dang / mi ngas dang / mu ge dag rab tu zhi bar bgyi lags so/ /de dang der bdag cag gis skyid pa dang / lo legs pa dang / dga' bar 'gyur
471b4 ba dag bsgrub par bgyi lags so/ /de dang der sems can rnams kyi sa bon dang / myu gu dang / sdong bu dang / 'dab ma dang / me tog dang / 'bras bu dang / shing dang / sman dang / ro dag mi nyams
471b5 par 'phel bar bgyi lags so/ /longs spyod dang / yongs su spyod pa phal cher dri zhim pa dang / ro zhim pa dang / snum pa dang / 'jam pa dag tu bsgrub par bgyi lags so/ /bdag cag gis
471b6 'dzam bu'i gling 'di'i rgyal po rnams kyang gcig la gcig byams pa'i sems dang / phan pa'i sems dang / 'khon ma mchis pa'i sems dang / rtsod pa ma mchis pa'i sems su bsgrub
471b7 par bgyi lags so/ /de bzhin du bram ze'i rigs dang / rje'u rigs dang / dmangs rigs dang / gnod sbyin rnams nas dge bsnyen dag gi bar dag tu byams pa'i sems dang ldan par
472a1 bsgrub par bgyi lags so/ /gang na gzungs chen po 'di rab tu sgrog pa der nang phan tshun sems mthun par bsgrub par bgyi lags so/ /de nas bcom ldan 'das kyis
472a2 klu de dag thams cad la legs so legs so zhes bya ba gnang ngo / /thams cad dang ldan pa'i 'khor ji snyed lhags pa rnams kyis kyang legs so/ /zhes bya ba byin no/ /de nas byang chub
472a3 sems dpa' ri'i snying pos kyang legs so/ /zhes bya ba byin no/ /de nas bcom ldan 'das kyis dpal lha mo chen mo la 'di skad ces bka' stsal to/ /dpal cho ga shes/ khyod la snying
472a4 brtse ba'i grogs 'di dag yod na/ 'dir sems can yongs su smin par bya ba'i phyir da dung du ci'i phyir gdul ba'i tshogs rnams gzhug par mi nus/ dpal lha mo chen mos gsol pa/
472a5 byang chub sems dpa' sems dpa' chen po de ni/ smon lam gyi khyad par gyis sangs rgyas kyi zhing snyigs ma lda dang ldan pa thams cad du de lta bur skye ba len cing grogs dge ba'i
472a6 bshes gnyen mthun pa de lta bu dag dang phrad pa thob lags so/ /da ltar bdag kyang grogs dge ba'i bshes gnyen mthun pa khyod lta bu dang phrad pa lags so/ /bla na med pa yang dag par
472a7 rdzogs pa'i byang chub kyang de'i lag tu thob ste/ de'i pha rol tu phyin pa drug kyang yongs su rdzogs pa brjod par bgyi lags so/ /byang chub sems dpa' sems dpa' chen po dge ba'i
472b1 bshes gnyen gyis yongs su zin pa/ brtson 'grus brtsams pa ni/ thams cad mkhyen pa'i ye shes la shin tu gnas par blta bar bgyi lags so/ /bcom ldan 'das kyis bka'
472b2 stsal pa| dpal cho ga shes/ khyod kyis ji skad smras pa de ltar yin te/ byang chub sems dpa' sems dpa' chen po de ni/ smon lam gyi khyad par gyis sems can yongs su smin par
472b3 bya ba'i phyir sangs rgyas kyi zhing snyigs ma lda dang ldan pa thams cad du de lta bur skye ba len la/ bsdu ba'i dngos po bzhi po dag la brtson zhing der brtson pa brtan pa dang / brtson 'grus brtsams
472b4 pa yin no/ /grogs dge ba'i bshes gnyen de lta bus yongs su zin pa yin no/ /rnam pa thams cad mkhyen pa'i ye shes de'i lag tu thob pa yin te/ de'i pha rol tu phyin pa drug yongs su
472b5 rdzogs pa'ang brjod par bya'o/ /des rnam par gnon pa'ang brjod par bya'o/ /mngal gyi skyon las thar par yang brjod par bya'o/ /mi slob pa'i sa la gnas pas zag pa zad par yang brjod
472b6 par bya'o/ /de sangs rgyas bcom ldan 'das thams cad kyis dgongs pa dang / byin gyis brlabs par yang brjod par bya'o/ /'dod chags dang bral ba'i sa la shin tu gnas par brjod par
472b7 bya'o/ /de nas brgya byin gzi brjid dri ma med pa/ bcom ldan 'das ga la ba de logs su thal mo sbyar ba btud nas 'di skad ces gsol to/ /btsun pa bcom ldan 'das/ ci'i slad du 'tsho ba'i
473a1 'jig rten 'dir klu dang / klu chen po rnams sems can rnams kyi longs spyod dang / yongs su spyod pa dag la gnod pa bgyid lags/ bka' stsal pa/ lha'i
473a2 dbang po/ rgyu dang rkyen gnyis kyis 'tsho ba'i 'jig rten 'dir klu dang / klu chen po rnams sems can rnams kyi longs spyod dang / yongs su spyod pa dag la gnod par byed do/ /gnyis gang zhe
473a3 na| 'dod chags kyi dbang dang / khro ba'i dbang gis dus ma yin pa'i sprin dag 'byung bar byed cing rdzi'i char dang / ser drag dag 'bebs par byed do/ /lhags pa dang / tsha ba dag 'byung
473a4 bar byed do/ /des na 'dir sems can rnams kyi sa bon dang / myu gu dang / 'dab ma dang / me tog dang / 'bras bu dang / 'bru dang / sman dang / ro dag tshig par byed do/ /skem par byed do/ /
473a5 'brul bar byed do/ /ma rungs par byed do/ /de nas sems can rnams longs spyod dang / yongs su spyod pa dang mi ldan pas lus dang / ngag dang / yid kyi sdig pa'i las mi bzad pa rnam pa
473a6 sna tshogs dag kun tu spyod par byed do/ /las kyi sgrib pa mi bzad pa des na sngon dge ba'i rtsa ba bskyed pa thams cad kyang sreg par byed do/ /skem par byed do/ /thal bar rlog par byed do/ /
473a7 dge ba'i bshes gnyen dag spong zhing ngan song gsum po dag la gzhol bar byed do/ /kha cig gos dang / bza' ba dang / btung ba tsam gyi phyir tshe gcig gis de lta bur sdig pa'i las
473b1 mtshams med pa dag gi bar du kun tu spyod par byed de/ de bskal pa mang po zhig gi bar du phyis mir skye ba thob par mi 'gyur ro/ /gal te de dag yun ring po 'das nas brgya la brgya la ma
473b2 na mi'i lus thob nas yang kha cig ni/ yan lag nyams par 'gyur ro/ /kha cig ni/ dran pa nyams par 'gyur ro/ /gdol ba'i rigs su yang skye bar 'gyur ro/ /g.yung po'i rigs dang /
473b3 smyig ma mkhan gyi rigs dang / bkren pa dbul po'i rigs rnams su'ang skye bar 'gyur ro/ /bza' ba dang btung ba'i longs spyod dang / yongs su spyod pa dag dang yang bral bar 'gyur la/
473b4 yang rgyu des na dge ba'i bshes gnyen dang bral bas lus dang / ngag dang / yid kyi sgrib pa mi bzad pa dag kun tu spyod par byed do/ /yang kha cig ngan song gsum po dang / mnar med pa dag
473b5 tu'ang gzhol bar 'gyur ro/ /rigs kyi bu/ de ltar longs spyod dang / nye bar spyod pa dang mi ldan pa'i sems can rnams 'khor bar yun ring du nyam thag par 'gyur ro/ /ngan song gsum po
473b6 dag tu sdug bsngal mi bzad pa sna tshogs dag nyams su myong bar 'gyur ro/ /gsol pa/ sdug bsngal gang cung zad ci byung ba thams cad ni/ zas kyi rkyen las gyur pa lags te/ zas
473b7 ma mchis na sdug bsngal 'byung ba'ang ma mchis lags so/ /de nas de'i tshe brgya byin gzi brjid dri ma med pas tshigs su bcad de 'di skad ces gsol to/ /sred pa'i dug gis bsgyur bas na/
474a1 du ba dang ni rgod par bgyid/ /nye bar gnas shing ltung bar bgyid/ /kun tu spyod cing rnam par rgyug /sa gzhi dag la til brdungs ltar/ /sdug bsngal 'khrul 'khor
474a2 gnod par bgyid/ /lhar bcas 'jig rten thams cad la/ /da ltar sred pas gnod par bgyid/ /kye ma sred pa'i zhags pa yis/ /srid pa'i rtse mor mthar gtugs pas/ /de ltar zhags 'di
474a3 rgya che ba/ /kha zas dag gi rgyu las byung / /so so'i skye bo rgyu gnyis kyi/ /sred pa'i rdul gyis yan lag bcings/ /ri dwags zhags pas bcings pa ltar/ /'bros pa dag tu nus ma lags/ /
474a4 lhar bcas 'jig rten sems can dag /sred pas gar bgyid rtsol ba ltar/ /gar gzhung dag la gar mkhan brgyus/ /de ni gar bgyid rtsol mi nus/ /sred pa'i dug gis bsgyur bas
474a5 na| |ji ltar skye bo myos pa ltar/ /btung ba myos bgyid bslad pa yis/ /myos pa dag tu mi bgyid do/ /sred pa'i gnod sbyin gdon dag gis/ /skye bo brlams nas 'khyal ba ltar/ /'byung
474a6 po'i gdon gyis myos pa dag /'khyal ba dag tu mi bgyid do/ /nor 'dzin de dag 'dzin pa btang / /srid pa'i 'jigs pa rnam par spangs/ /gang gis sred pa bskams nas kyang / /de dag 'khor
474a7 bar mi gnas so/ /byang chub sems dpa' spyan ras gzigs kyi dbang phyug gis kyang 'di skad ces gsol to/ /zhe sdang khro bas skye rgu brlams/ /sems kyang g.yeng 'gyur de yis na/ /dge
474b1 ba thams cad mi 'tshal zhing / /bzod rlag las la spyod par bgyid/ /mi dge ba la gnas bgyid pa/ /pha ma dag la rim gro chung / /gang dag mtshams ma mchis bgyis pa/ /dkon mchog gsum la brnyas
474b2 par bgyid/ /snying brtse snying rje ma mchis pa/ /'jigs bgyid gtum po drag shul can/ /khro sems dbang gis de dag ni/ /sems dmyal mnar ma mchis par gnas/ /sems can 'di dag khro ba'i rgyus//
474b3 gcig la gcig ni za bar bgyid/ /yang dang yang ni ngan song du/ /sdug bsngal du mas rab tu gzir/ /sdig pa'i sems kyis brid gyur cing / /dge ba'i bshes gnyen spangs nas kyang / /srid pa'i mtshor
474b4 ni ltung ba ste/ /mun pa mun nag gzhol ba po/ /de 'dra'i sems can don slad du/ /byang chub sems dpa'i snying brtse ba'i/ /bsam pas bdag bde btang nas kyang / /sems can sdig pa bsal slad du/ /
474b5 byang chub spyad pa spyod pa na/ /bsod nams bgyi ba'i dngos sum gyis/ /sdig pa'i sems can grol bgyid cing / /chos kyi rgyal mtshan sgreng bar bgyid/ /sems can 'ga' yi don slad du/ /lus dang srog
474b6 dag btang nas kyang / /dka' thub brtul zhugs spyad ldan pa/ /dka' ba dag ni mang du spyad/ /gang tshe sems can 'ga' slad du/ /bskal brgyar sdug bsngal sel bgyid na/ /sems can rnams slad yun ring du/
474b7 'khor bar sdug bsngal bzod par bgyi/ /sems can yongs su smin slad gnas/ /de 'dra'i bsam dang ldan pa yis/ /sems can srid pa'i bsam pa can/ /sems ni byang chub mngon bgyid stsal/ /de nas
475a1 dpal lha mo chen mos byang chub sems dpa' sems dpa' chen po spyan ras gzigs dbang phyug la bre bo lo tog gis bkang pa de phul nas smras pa/ gling bzhi pa 'di'i
475a2 sems can rnams kyi longs spyod dang / yongs su spyod pa dag gi rgyur sa bon dang / lo tog thams cad 'phel bar bgyid pa dang / grub par bgyi ba'i slad du skyes bu dam pa khyod la lhung bzed 'bul
475a3 lo| |des na dge ba'i rtsa ba yang dag par 'chad pa/ ma rungs pa/ gtum po/ /drag shul can kun tu sdug bsngal thams cad las bsgral ba dang / byang chub kyi sa bon la bzhag par rdo thogs so/ /de nas
475a4 byang chub sems dpa' sems dpa' chen po 'phags pa spyan ras gzigs dbang phyug gis bre bo lo tog gis bkang ba de blangs nas phyogs bcur bltas te 'di skad ces smras so/ /sangs
475a5 rgyas bcom ldan 'das byang chub sems dpa' sems dpa' chen po'i 'khor dang bcas pa thams cad dgongs su gsol/ /gang gis gling bzhi pa 'dir sa bon dang / myu gu dang / 'dab ma dang /
475a6 me tog dang / 'bras bu dang / 'bru dang / sman dang / ro dang / sa'i bcud dang / gzi byin dang / sems can gyi gzi byin dang / dam pa'i chos kyi ro dang / nying khu dang / gzi byin dag mi nyams shing
475a7 'phel bar bgyid pa dang / dam pa'i chos kyi sgron ma dang / dkon mchog gsum gyi gdung rgyun mi gcad par bgyid pa dang / gang gis de longs spyod pa dang / nye bar spyod pa thams cad kyis sems
475b1 can rnams yongs su smin par bgyid pa dang / sdig pa las zlog par bgyid pa dang / byang chub kyi sems la dgod par rdo thogs pa dang / gang gis 'dir sems can de dag thams cad kyis ngan
475b2 song rnams yongs su spangs nas mtho ris la gzhol bar 'gyur ba dang / gang gis dpal lha mo chen mo de'i bsam pa yongs su rdzogs par 'gyur ba de ltar phyogs bcu na gang dag de bzhin gshegs
475b3 pa ma lus par bzhugs shing 'tsho la gzhes pa thams cad 'dir dgongs su gsol/ /tad+ya thA/ mu ni shi ba/ mu ni na tre/ mu ni pa le/ mu ni sa le/ san+ta u sa k+Shi ti/ k+Sha nu pra Na nI la ba ya sarba bi dza ba
475b4 sti la li swAhA/ de nas bcom ldan 'das kyis legs so/ /zhes bya ba gnang nas dpal lha mo chen mo la 'di skad ces bka' stsal to/ /dpal cho ga shes/ khyod kyis gling bzhi pa 'dir sa bon dang /
475b5 myu gu dang / lo tog 'phel bar bya ba dang / sems can yongs su smin par bya ba'i phyir khyod ni/ sangs rgyas bcom ldan 'das 'khor tshogs pa dang bcas pa ma lus pa thams cad kyis byin
475b6 gyis brlabs so/ /de nas lha'i dbang po brgya byin kau shi kas bcom ldan 'das la 'di skad ces gsol to/ /bcom ldan 'das/ chos kyi rnam grangs 'di'i ming ci lags/ chos kyi rnam grangs
475b7 'di ji ltar gzung bar bgyi lags/ bcom ldan 'das kyis bka' stsal pa/ de bzhin gshegs pa'i dpal gyi dam tshig ces bya'o/ /ri'i snying pos zhus pa zhes bya'o/ /gzungs kyi za ma tog
476a1 ces bya'o/ /sa'i bcud 'phel bar byed pa zhes bya'o/ /ting nge 'dzin gyi rnal 'byor sems can yongs su smin par byed pa zhes bya'o/ /bcom ldan 'das
476a2 de skad ces bka' stsal nas dpal lha mo chen mo dang / byang chub sems dpa' sems dpa' chen po ri'i snying po dang / thams cad dang ldan pa'i 'khor rnams bcom ldan 'das
476a3 kyis gsungs pa la yi rang ste mngon par bstod do/ /'dus pa chen po theg pa chen po'i mdo sde las/ de bzhin gshegs pa'i dpal gyi dam tshig ces bya ba theg pa chen po'i
476a4 mdo rdzogs so// //rgya gar gyi mkhan po sarba dz+nyA de ba dang / zhu chen gyi lo tsA ba ban+d+he dpal brtsegs kyis bsgyur cing zhus nas gtan la phab pa/
CLOSE WINDOW