བོད་ཡིག |
284a5 / //rgya gar gyi mkhan po sarba dz+nyA de ba dang / zhu chen gyi lo tsA ba ban+d+he dpal brtsegs kyis bsgyur cing zhus te gtan la phab pa/ rgya gar skad
284a6 du| AR+ya b+he ba saM krAn+ti nA ma ma hA yA na sU tra/ bod skad du/ 'phags pa srid pa 'pho ba zhes bya ba theg po'i mdo/ sangs rgyas dang / byang chub sems dpa' thams
284a7 cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya ka lan+ta ka gnas pa na dge slong stong nyis brgya lnga
284b1 bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de nas bcom ldan 'das 'khor brgya stong du
284b2 mas yongs su bskor cing mdun gyis bltas nas chos ston to/ /tshangs par spyod pa/ thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ ma
284b3 'dres pa/ yongs su rdzogs pa/ yongs su dag pa/ yongs su byang ba yang dag par ston to/ /de'i tshe yul ma ga d+ha'i rgyal po bzo sbyangs gzugs can snying po rgyal po'i kha ba kyi
284b4 grong khyer chen po nas byung ste/ rgyal po'i 'byor pa chen po dang / rgyal po'i mthu chen pos phyir 'od ma'i tshal ga la ba dang / bcom ldan 'das ga la ba der song ste phyin nas bcom
284b5 ldan 'das kyi zhabs la mgo bos phyag 'tshal te lan gsum bskor ba byas nas phyogs gcig tu 'dug go /phyogs gcig tu 'dug nas yul ma ga d+ha'i rgyal po bzo sbyangs
284b6 gzugs can snying pos bcom ldan 'das la 'di skad ces gsol to/ /bcom ldan 'das/ ji ltar na/ las bgyis shing bsags pa 'gags nas yun ring du 'gags pa 'gum pa'i
284b7 dus kyi tshe nye bar gnas shing yid la mngon du 'gyur lags/ 'du byed thams cad stong pa la ji ltar las rnams chab mi 'tshal bar gda'/ de skad ces gsol pa dang / bcom
285a1 ldan 'das kyis yul ma ga d+ha'i rgyal po bzo sbyangs gzugs can snying po la 'di skad ces bka' stsal to/ /rgyal po chen po/ 'di lta ste/ dper na/
285a2 mi zhig nyal ba'i rmi lam na yul gyi bud med bzang mo dang lhan cig tu yongs su spyod pa rmis la/ de nya la ba las sad nas yul gyi bud med bzang mo de dran na/ rgyal po chen po/
285a3 'di ji snyam du sems/ rmi lam gyi yul gyi bud med bzang mo de yod dam/ gsol pa/ bcom ldan 'das/ de ni/ ma mchis lags so/ /bcom ldan 'das kyis bka'
285a4 stsal pa| rgyal po chen po/ 'di ji snyam du sems/ 'o na gang rmi lam gyi yul gyi bud med bzang mo la mngon par zhen pa'i mi de ci mkhas pa'i rang bzhin can yin nam /gsol
285a5 pa| bcom ldan 'das /de ni/ ma lags te/ de ci'i slang du zhe na/ bcom ldan 'das/ rmi lam gyi yul gyi bud med bzang mo'ang shin tu ma mchis shing mi dmigs
285a6 lags na/ de dang yongs su spyod pa lta ga la mchis te/ 'di ltar mi de ni/ phongs shing dub pa'i skal pa can du 'gyur lags so/ /bcom ldan 'das kyis bka' stsal
285a7 pa| rgyal po chen po/ de bzhin du byis pa so so'i skye bo thos pa dang mi ldan pa'ang mig gis gzugs rnams mthong na yid bde bar 'gyur ba'i gzugs rnams la mngon par
285b1 zhen te| mngon par zhen par gyur nas rjes su chags par 'gyur ro/ /rjes su chags nas kun tu chags par 'gyur ro/ /kun tu chags nas 'dod chags las byung ba dang / zhe
285b2 sdang las byung ba dang / gti mug las byung ba'i las lus dang / ngag dang / yid kyis mngon par 'du byed de/ las de mngon par 'dus byas par gyur nas 'gag go /'gag pa
285b3 na shar phyogs su brten te gnas pa ma yin/ lho phyogs su ma yin/ nub phyogs su ma yin/ byang phyogs su ma yin/ steng du ma yin/ 'og tu ma yin/ phyogs mtshams
285b4 rnams su brten te gnas pa ma yin no/ /dus gzhan ji tsam zhig na 'chi ba'i dus dang tshod nye bar gnas pa'i tshe de dang skal pa 'dra ba'i las zad nas rnam par shes pa tha ma
285b5 'gag pa'i tshe 'di lta ste/ dper na/ nyal nyal ba las sad pa'i mi'i yul gyi bud med bzang mo lta bur las de yid la mngon du 'gyur ro/ /rgyal po chen po/ de ltar rnam par
285b6 shes pa tha ma 'gag cing skye ba'i char gtogs pa'i rnam par shes pa dang / po yang na ni/ lha'i nang du/ yang na ni/ mi'i nang du/ yang na ni/ lha ma yin gyi nang du/ yang na ni/ sems
285b7 can dmyal ba'i rnams su/ yang na ni/ dud 'gro rnams su/ yang na ni/ yi dwags rnams su 'byung bar 'gyur ro/ /rgyal po chen po/ rnam par shes pa dang bo de 'gags ma
286a1 thag tu gang la rnam par smin pa myong bar 'gyur ba mngon pa de dang skal pa 'dra ba'i sems kyi rgyud 'byung ngo / /rgyal po chen po/ de la chos gang yang 'jig
286a2 rten 'di nas 'jig rten pha rol tu 'pho ba'ang med la 'chi 'pho dang skye bar mngon pa'ang yod de/ rgyal po chen po/ de la gang rnam par shes pa tha ma 'gag pa de ni/ 'chi 'pho zhes
286a3 bya| gang rnam par shes pa dang po 'byung ba de ni/ skye ba zhes bya'o/ /rgyal po chen po/ rnam par shes pa tha ma 'gag pa'i tshe'ang gang du'ang mi 'gro /rnam par shes pa dang po skye ba'i
286a4 char gtogs pa 'byung ba'i tshe'ang gang nas kyang mi 'ong ngo / /de ci'i phyir zhe na/ ngo bo nyid dang bral ba'i phyir ro/ /rgyal po chen po/ de la rnam par shes pa tha ma ni/ rnam par shes
286a5 pa tha mas stong / 'chi 'pho ni/ 'chi 'phos stong / las ni/ las kyis stong / rnam par shes pa dang po ni/ rnam par shes pa dang pos stong / skye ba ni/ skye bas stong la/ las
286a6 rnams chud mi za bar mngon pa'ang yod do/ /rgyal po chen po/ rnam par shes pa dang po'i skye ba'i char gtogs pa 'gags ma thag tu bar ma chad par gang la rnam par smin pa myong
286a7 bar 'gyur ba mngon pa'i sems kyi rgyud 'byung ngo / /bcom ldan 'das kyis de skad ces bka' stsal to/ /bde bar gshegs pas de skad gsungs nas ston pas gzhan yang 'di
286b1 skad ces bka' stsal to/ /'di dag thams cad ming tsam ste/ /'du shes tsam du gnas pa yin/ /brjod pa las ni gzhan gyur pa/ /brjod par bya ba yod ma yin/ /ming ni gang dang gang
286b2 gis su| |chos rnams gang dang gang brjod pa/ /de la de ni yod ma yin/ /'di ni chos rnams chos nyid do/ /ming gis ming nyid stong pa ste/ /ming ni ming gis yod ma yin/ /ming med pa yi
286b3 chos rnams kun/ /ming gis yongs su brjod par byas/ /chos rnams 'di dag yod min te/ /rtog pa las ni kun tu 'byung / /gang gis stong par rnam rtog pa/ /rtog pa de'ang 'di na med/
286b4 mig gis gzugs ni mthong ngo zhes/ /yang dag gzigs pas gang gsungs pa/ /'jig rten log pa'i ngang can la/ /kun rdzob bden par de gsungs so/ /tshogs nas mthong zhes gang
286b5 dag tu| |'dren pas rab tu bstan mdzad pa/ /de ni don dam gdags pa'i sa/ /blo dang ldan pas bka' stsal to/ /mig gis gzugs rnams mi mthong zhing / /yid kyis chos rnams mi
286b6 rig pa| |de ni bden pa mchog yin te/ /de la 'jig rten mi dpog go /bcom ldan 'das kyis de skad ces bka' stsal nas yul ma ga d+ha'i rgyal po bzo sbyangs gzugs can snying po
286b7 dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon
287a1 bstod do/ /'phags pa srid pa 'pho ba zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / dA na shI la dang /
CLOSE WINDOW