བོད་ཡིག |
192b1 / // rgya gar skad du/ pra tI t+ya sa mut+pA dA di tsa bi b+hang+ga nirde sha nA ma sU tra/ bod skad du/ rten cing 'brel
192b2 bar 'byung ba dang po dang / rnam par dbye ba bstan pa zhes bya ba'i mdo/ dkon mchog gsum la phyag 'tshal lo/ /'di skad bdag gis thos pa'i dus gcig na/ bcom ldan
192b3 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong
192b4 dag |khyed la rten cing 'brel par 'byung ba dang po dang / rnam par dbye ba bstan gyi/ de legs par rab tu nyon la yid la zungs shig dang bshad do/ /rten cing 'brel bar 'byung
192b5 ba dang po gang zhe na/ 'di lta ste/ 'di yod na 'di 'byung / 'di skyes pas 'di skye ba ste/ 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/
192b6 rnam par shes pa'i rkyen gyis ming dang / gzugs/ ming dang / gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen
192b7 gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde
193a1 ba dang / 'khrug pa rnams 'byung bar 'gyur ro/ /de ltar na sdug bsngal gyi phung po chen po 'ba' zhig po 'di 'byung bar 'gyur ro/ /'di ni rten cing 'brel par 'byung ba dang
193a2 po zhes bya'o/ /rten cing 'brel bar 'byung ba'i rnam par dbye ba gang zhe na/ ma rig pa'i rkyen gyis 'du byed ces bya ba'i ma rig pa gang zhe na/ gang de sngon gyi mtha' mi shes pa dang /
193a3 phyi ma'i mtha' mi shes pa dang / sngon dang / phyi ma'i mtha' mi shes pa dang / nang mi shes pa dang / phyi mi shes pa dang / nang dang / phyi mi shes pa dang / las mi shes pa dang / rnam
193a4 par smin pa mi shes pa dang / las dang / rnam par smin pa mi shes pa dang / sangs rgyas mi shes pa dang / chos mi shes pa dang / dge 'dun mi shes pa dang / sdug bsngal mi
193a5 shes pa dang / kun 'byung dang / 'gog pa dang / lam mi shes pa dang / rgyu mi shes pa dang / rgyu las yang dag par 'byung ba'i chos mi shes pa dang / dge ba dang / mi dge ba dang /
193a6 kha na ma tho ba dang bcas pa dang / kha na ma tho ba med pa dang / bsten par bya ba dang / bsten par bya ba ma yin pa dang / ngan pa dang / gya nom pa dang / nag po dang / dkar po
193a7 dang | rnam par dbye ba dang bcas pa'i rten cing 'brel bar 'byung ba dang / reg pa'i skye mched drug yang dag pa ji lta ba bzhin khong du mi chud pa dang / gang de dang / der yang dag
193b1 pa ji lta ba bzhin du mi shes pa dang / ma mthong ba dang / mngon par ma rtogs pa dang / rmongs pa dang / kun tu rmongs pa dang / ma rig pa dang / mun pa'i rnam pa zhes bya ba 'di ni ma
193b2 rig pa zhes bya'o/ /ma rig pa'i rkyen gyis 'du byed ces bya ba'i 'du byed gang zhe na/ 'du byed ni rnam pa gsum ste/ gsum gang zhe na/ lus kyi 'du byed dang / ngag gi 'du byed
193b3 dang | yid kyi 'du byed do/ /'du byed kyi rkyen gyis rnam par shes pa zhes bya ba'i rnam par shes pa gang zhe na/ rnam par shes pa'i tshogs drug ste/ mig gi rnam par shes pa
193b4 dang | rna ba dang / sna dang / lce dang / lus dang / yid kyi rnam par shes pa'o/ /rnam par shes pa'i rkyen gyis ming dang / gzugs zhes bya ba la ming gang zhe na/ gzugs can ma
193b5 yin pa'i phung po bzhi ste/ tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po'o/ /gzugs gang zhe na/ gzugs gang yin pa
193b6 ci'ang rung / de dag thams cad 'byung ba chen po bzhi dang / 'byung ba chen po bzhi dag rgyur byas pa ste/ gzugs 'di dang / snga ma'i ming gnyis ka gcig tu mngon par bsdus
193b7 nas ming dang / gzugs zhes bya'o/ /ming dang / gzugs kyi rkyen gyis skye mched drug ces bya ba'i skye mched drug gang zhe na/ nang gi skye mched drug ste/ mig nang gi skye mched dang /
194a1 rna ba dang / sna dang / lce dang / lus dang / yid nang gi skye mched do/ /skye mched drug gi rkyen gyis reg pa zhes bya ba'i reg pa gang zhe na/ reg pa'i
194a2 tshogs drug ste/ mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa'o/ /reg pa'i rkyen gyis tshor ba zhes bya ba'i tshor ba gang zhe na/ tshor
194a3 ba ni gsum ste/ bde ba dang / sdug bsngal ba dang / bde ba'ang ma yin/ sdug bsngal ba'ang ma yin pa'o/ /tshor ba'i rkyen gyis sred pa zhes bya ba'i sred pa gang zhe na/ sred pa ni gsum
194a4 ste| 'dod pa'i sred pa dang / gzugs kyi sred pa dang / gzugs med pa'i sred pa'o/ /sred pa'i rkyen gyis len pa zhes bya ba'i len pa gang zhe na/ len pa ni bzhi ste/ 'dod pa nye bar
194a5 len pa dang / lta ba nye bar len pa dang / tshul khrims dang / brtul zhugs nye bar len pa dang / bdag tu smra ba nye bar len pa'o/ /len pa'i rkyen gyis srid pa zhes bya ba'i srid pa gang zhe
194a6 na| srid pa ni gsum ste/ 'dod pa'i srid pa dang / gzugs kyi srid pa dang / gzugs med pa'i srid pa'o/ /srid pa'i rkyen gyis skye ba zhes bya ba'i skye ba gang zhe na/ gang sems can
194a7 de dang / de dag gi sems can gyi ris de dang / de dag tu gang skye ba dang / shin tu skye ba dang / 'pho ba dang / mngon bar 'byung ba dang / rab tu 'byung ba dang / phung po so sor thob pa dang /
194b1 khams so sor thob pa dang / skye mched so sor thob pa dang / phung po rnams mngon par grub pa dang / srog gi dbang po rab tu skyes pa 'di ni skye ba zhes bya'o/ /skye ba'i rkyen gyis rga
194b2 shi zhes bya ba'i rga shi gang zhe na/ gang de'i spyi ther dang / skra dkar dang / gnyer ma'i tshogs pa dang / rnyis pa dang / zhum pa dang / ba lang chu 'thung ba ltar gug pa dang / lus nag po'i
194b3 thig les gang ba dang / lud pa lu zhing dbugs rgod pa dang / mdun du lus 'bub pa ltar byed pa dang / 'khar ba la brten pa dang / blun pas mong rtul ba nyid dang / zhan pa nyid dang /
194b4 nyams pa dang / yongs su nyams pa dang / dbang po rgud pa dang / nyams pa dang / 'du byed rnams rnyings pa dang / shin tu rnyings par gyur pa 'di ni rga ba zhes bya'o/ /'chi ba gang zhe na/
194b5 sems can gang yin pa de dang / de dag sems can gyi ris de dang / de dag nas 'phos pa dang / 'pho ba nyid dang / zhig pa dang / nang nyams pa dang / tshe nyams pa dang / drod yal ba
194b6 dang / srog gi dbang po 'gags pa dang / phung po rnams 'dor ba dang / shi ba dang / dus byed pa 'di ni shi ba zhes bya ste/ shi ba 'di dang / snga ma rga ba gnyis gcig tu bsdus nas
194b7 rga shi zhes bya ste/ 'di ni rten cing 'brel bar 'byung ba rnam par dbye ba yin no/ /dge slong dag /khyed la rten cing 'brel bar 'byung ba dang po dang / rnam par dbye ba bshad par bya'o//
195a1 zhes ngas smras pa gang yin pa de'i ched du ngas smras pa 'di dag yin no/ /rten cing 'brel bar 'byung ba'i dang po dang / rnam par dbye ba bstan pa zhes bya ba'i
mdo rdzogs so/
CLOSE WINDOW