བོད་ཡིག |
173b4 / //rgya gar skad du/ AR+ya sid+ha nA di ka na nA ma mahA yA na sU tra/ bod skad du/ 'phags pa seng ge'i sgra bsgrags pa zhes bya ba
173b5 theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das nyi zla'i gnas rnam par
173b6 rgyal byed kyi khang bzang gi nang na dge slong gi dge 'dun chen po dang / dgra bcom pa bye ba khrag khrig brgya stong phrag dgu bcu rtsa dgu dang thabs gcig tu bzhugs so/ /de'i tshe bcom ldan
173b7 'das kyis byang chub sems dpa' rnam par rgyal ba'i phung po la bka' stsal pa/ rnam par rgyal pa'i phung po/ khyod sangs rgyas kyi zhing 'di nas byang phyogs logs na gang+gA'i klung drug cu'i bye
174a1 ma snyed kyi sangs rgyas kyi zhing rdul phra rab snyed 'das pa na 'jig rten gyi khams mngon par dga' ba zhes bya ba zhig yod de/ de na de bzhin gshegs
174a2 pa dgra bcom pa yang dag par rdzogs pa'i sangs rgyas chos 'phags zhes bya ba da ltar bzhugs te/ 'tsho zhing gzhes la chos kyang ston to/ /de bzhin gshegs pa de la blta ba
174a3 dang / phyag bya ba dang / bsnyen bkur bya ba dang / mchod pa bya ba'i phyir song zhig/ de nas byang chub sems dpa' rnam par rgyal ba'i phung po 'jig rten gyi khams der stong nas /
174a4 bcom ldan 'das chos 'phags de'i zhabs la phyag btsal te lan bdun bskor ba byas nas phyogs gcig tu 'dug go/ byang chub sems dpa' rnam par rgyal ba'i phung po
174a5 phyogs gcig tu 'dug pa dang / de nas bcom ldan 'das de bzhin gshegs pa chos 'phags des byang chub sems dpa' de la 'di skad ces bka' stsal to/ /rigs kyi bu/
174a6 khyod ga las 'dir 'ongs/ de nas byang chub sems dpa' rnam par rgyal ba'i phung po bcom ldan 'das kyis bka' stsal pa de la cang mi smra bar kha rog 'dug go/ de'i tshe der
174a7 'khor 'dus pha gang lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa de dag 'di snyam du
174b1 sems te/ ci'i phyir byang chub sems dpa' rnam par rgyal ba'i phung po 'di 'jig rten gsum gyi bla mas bka' stsal pa la lan mi gsol bar kha rog 'dug zhig gu snyam mo/ /de nas
174b2 bcom ldan 'das kyis der seng ge bsgyings pa lta bus phyogs bcur gzigs nas 'khor thams cad the tshom du gyur pa thugs su chud nas 'dzum pa mdzad do/ /bcom ldan 'das de
174b3 bzhin gshegs pa chos 'phags de 'dzum pa mdzad pa'i 'od kyi snang ba gser gyi kha dog lta bu'i 'od gser brgya stong phrag du mas phyogs bcu snang bar mdzad do/ /de nas skad cig
174b4 de nyid la sa chen po g.yos par gyur to/ /phyogs bcu nas kyang byang chub sems dpa' gzugs dang / kha dog dang / tshul du ma 'chang ba dag bcom ldan 'das kyi cho 'phrul chen
174b5 po de mthong nas 'jig rten gyi khams der thams cad 'dus te/ bcom ldan 'das de'i zhabs la mgo bos phyag btsal nas rang rang gi dge bas bsgrubs pas 'dug ste/ pus
174b6 mo g.yas pa'i lhang sa la btsugs nas bcom ldan 'das ga la ba de logs su thal mo sbyar ba btud de/ ngo mtshar du gyur pa dang / rmad du gyur pas 'dzum dmul nas bcom
174b7 ldan 'das la 'di skad ces gsol to/ /bcom ldan 'das/ bdag cag gis 'od zer gyi cho 'phrul du ma dag mthong lags te/ bcom ldan 'das/ bdag cag gis 'od zer
175a1 gyi snang ba 'di lta bu dag sngon nam yang ma mthong lags so/ /bcom ldan 'das/ 'di'i don de ni legs pa lags te/ gang bcom ldan 'das kyis 'dzum
175a2 pa de lta bu mdzad pa'i don de bdag cag la thugs brtse bar dgongs te lung bstan du gsol/ de nas byang chub sems dpa' 'od phreng gis bcom ldan 'das la tshigs su bcad
175a3 de gsol pa/ rnam 'dren gang zag mchog ste thugs rje can/ /rgyu ma mchis par 'dzum pa mi mdzad na/ /bdag dang 'jig rten snang mdzad thugs rje can/ /'dzum mdzad rgyu dang mdzad
175a4 rgyu nges par gsungs/ /de nas bcom ldan 'das de bzhin gshegs pa chos 'phags dzam+bu chu bo'i gser ltar snang zhing 'od zer bye ba khrag khrig brgya stong phrag du ma rab tu 'gyed
175a5 pa| sku'i gzugs dang / mdog gzi brjid kyi sa 'bar ba de la byang chub sems dpa' 'od phreng gis 'di skad ces gsol to/ /bcom ldan 'das/ bdag gis cho 'phrul
175a6 mang po mthong lags te/ bdag gis sngon 'od zer gyi snang ba 'di lta bu nam yang ma mthong lags so/ /de bzhin gshegs pa des bka' stsal pa/ 'od phreng / phyogs 'dir
175a7 de bzhin gshegs pa'i 'od zer gyi snang ba 'di lta bu chung du zhig mdzad de/ mtshan ma snang ba de dag ni rgyu med pa ma yin/ byed rgyu med pa ma yin no/ /'od phreng / khyod de'i phyir
175b1 legs par rab tu nyon la yid la zungs shig dang / ngas khyod la bshad do/ /don gang gi phyir ngas 'dzum pa mdzad pa thos nas kyang rigs kyi bu khyod kyis skrag par mi bya/ dngangs bar
175b2 mi bya/ dngang bar 'gyur bar mi bya/ som nyir mi bya/ the tshom du mi bya'o/ /de ci'i phyir zhe na/ sangs rgyas bcom ldan 'das rnams kyi yul ni bsam gyi mi khyab bo/ /smon lam ni
175b3 bsam gyis mi khyab bo/ /rnam par 'phrul ba ni bsam gyis mi khyab bo/ /don de dag yang dag par mthong nas the tshom ma byed cig/ 'od phreng / gang 'di ltar de bzhin gshegs pa
175b4 shAkya thub pas nga'i drung du byang chub sems dpa' rnam par rgyal ba'i phung po btang ba 'di khyod kyis mthong ngam/ gsol pa/ bcom ldan 'das/ mthong lags so/ /bde bar
175b5 gshegs pa/ mthong lags so/ /rigs kyi bu/ byang chub sems dpa' rnam par rgyal ba'i phung po 'di langs khyod ga las 'ongs zhes de skad dris na/ de cang mi smra bar kha rog
175b6 'dug ste/ rigs kyi bu/ ngas don gyi dbang 'di mthong nas 'dir 'dzum pa mdzad do/ /de bzhin gshegs pas smras pa'i lan de ci'i phyir 'dis ma gsol snyam du 'khor 'di dag
175b7 thams cad the tshom du gyur to/ /rigs kyi bu/ ngas smras pa'i lan skyes bu dam pa 'dis ci'i phyir ma gsol ce na/ 'ong ba dang / 'gro ba med pa'i chos rnams la/ bcom ldan 'das
176a1 bdag la khyod ga las 'ongs zhes 'ong ba rmed par mdzad do snyam mo/ /chos thams cad brjod du ma mchis par yang glo bar chud na/ bcom ldan 'das
176a2 ga las 'ongs zhes byung ba'i gnas la bdag gis gsol ba spro ba ma mchis so snyam du sems te/ rigs kyi bu/ mdor na rigs kyi bu 'dis chos thams cad bstan te/ yang dag
176a3 pa'i chos ston pa yin no/ /rigs kyi bu/ byang chub sems dpa' rnam par rgyal ba'i phung po yi ge med pa'i chos dang / tshig med pa dang / brjod du med pa dang / yi ge dang bral
176a4 ba dang / mtshan ma med pa dang / mtshan ma dang bral ba dang / blang ba med pa dang / blang ba dang bral ba dang / 'ong ba med pa dang / mthong ba med pa dang / gnas pa med pa dang / sems
176a5 dang / yid dang / rnam par shes pa dang bral ba dang / rgyu rkyen dang bral ba dang / tshig med pa dang / rnam par rig pa med pa dang / lta ba med pa dang / ther zug tu gnas pa med pa
176a6 dang / tshig gis brjod du med pa dang / brda med pa dang / yi ge gcig la/ 'di lta ste/ yang dag pa ma yin pa dang / bsags pa med pa'i gnas pa dang / yi ge med pa dang /
176a7 gdul ba med pa rnams la su zhig ston snyam du shes nas/ rigs kyi bu/ bstan pa med pa 'dir bstan to/ /de nas bcom ldan 'das kyi mthus byang chub sems dpa'
176b1 lus 'od gsal gyis bcom ldan 'das la 'di skad ces gsol to/ /bcom ldan 'das/ gal te chos thams cad bstan du ma mchis pa lags na chos de dag thams cad lkugs
176b2 pas bstan par 'gyur lags so/ /bcom ldan 'das kyis bka' stsal pa/ rigs kyi bu/ ji skad smras pa de bzhin te/ lkugs pa 'ba' zhig gis ma yin gyi/ sems can thams
176b3 cad kyang mi shes bzhin du chos ston par byed do/ /gsol pa/ bcom ldan 'das/ ji ltar sems can thams cad ma 'tshal bzhin du chos ston pa de bshad du gsol/ bde bar
176b4 gshegs pa/ bshad du gsol/ de skad ces gsol pa dang / bcom ldan 'das kyis byang chub sems dpa' lus 'od gsal la 'di skad ces bka' stsal to/ /rigs kyi bu
176b5 'di lta ste/ dper na/ dbus long dag nyi ma shar kyang gzugs mthong bar mi 'gyur zhing nyi ma'i 'od ci 'dra ba'ang mi shes te/ ji ltar gzhan dag gis nyi ma'i mtshan nyid 'di lta
176b6 bu zhig yin no zhes bstan pa dang / de ltar gzhan gyi sgra las nyi ma yin par mngon par zhen to/ /rigs kyi bu/ de bzhin du chos thams cad nang du 'dus shing dbyings kyi nang du 'dus
176b7 te| dbyings med cing yi ge med pa/ yi ge dang bral ba/ chos thams cad brjod du med pa yin na rkyen gyi dbang gis sgra 'byung bar 'gyur ro/ /rigs kyi bu/ 'di lta ste/ dper na/ ri
177a1 brag dang / sgra la brten nas brag ca'i sgra 'byung yang / rigs kyi bu/ ri brag gi sgra ni stong pa yin no/ /rigs kyi bu/ de bzhin du rkyen la brten nas yi ge'i sgra 'byung
177a2 bar 'gyur te/ yi ge'i sgra ni stong pa yin no/ /rigs kyi bu/ sems can gang dag brjod pa de thams cad so so yang dag par rig pa'i nang du 'dus par blta ste/ tshig gis brjod
177a3 pa gang yin pa de ni chos so sor yang dag par rig pa yin par blta ba dang / tshig gis brjod pa gang yin pa de ni don so so yang dag par rig pa yin par blta bar bya'o/ /de
177a4 lta bas na rigs kyi bu khyod kyis sems can gyi gang cung zad g.yo ba de thams cad chos kyi sdom bzhir 'dus par blta bar bya ste/ 'byung po dag mi shes pas gnas mi g.yo'o/
177a5 de ltar mi dmus long de'i ltar shes pa de bzhin du chos de nyid la mngon par zhen to/ /rigs kyi bu/ don yongs su 'tshol bar 'dod pas rang gi rgyud las yongs su btsal
177a6 bar bya'o/ /rigs kyi bu/ byang chub yongs su 'tshol bar 'dod pas rang gi nye bar len pa'i phung po lnga las btsal bar bya'o/ /chos kyi rnam grangs 'di'i don ji lta ba bzhin
177a7 bshad pa na stong gsum gyi stong chen po'i 'jig rten gyi khams thams cad rnam pa drug tu g.yos so/ /snang ba chen pos 'jig rten khyab par shin tu snang bar gyur to/ /bcom
177b1 ldan 'das/ de bzhin gshegs pa chos 'phags kyi ljags kyi dbang po phyung nas stong gsum gyi stong chen po'i 'jig rten gyi khams thams cad ljags kyi dbang pos yang dag
177b2 par bkab par gyur to/ /ljags kyi dbang po de las 'od zer bye ba khrag khrig brgya stong phrag du ma byung ste/ 'od zer de dag gis sems can dmyal ba chen po la sogs pa nas srid
177b3 pa'i rtse mo'i bar gyi 'jig rten gyi khams thams cad snang bar byas so/ /de nas bcom ldan 'das kyi ljags kyi dbang po de nyid slar bsdus nas 'khor gyi dkyil 'khor thams cad
177b4 la bka' stsal pa/ grogs po dag/ lce 'di lta bu yod pa ni rdzun mi zer te/ grogs po dag/ ngas gtam cung zad ji lta ba bzhin bshad pa de ltar brtag pa dang / de ltar dad pa dang /
177b5 yid ches par gyis shig/ de nas sa bcu la gnas pa dang / lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po la sogs pa
177b6 dang / mi dang / mi ma yin pa'i 'khor thams cad stan las langs te thal mo sbyar nas tshig mthun par 'di skad ces gsol to/ /bcom ldan 'das/ yang dag pa'i don bstan pa bshad
177b7 du gsol/ bde bar gshegs pa/ bshad du gsol/ sangs rgyas kyi mthus som nyi mi bgyi zhing the tshom mi bgyi'o/ /de nas bcom ldan 'das kyis thams cad dang ldan pa'i 'khor
178a1 la lan gnyis lan gsum du gzigs nas 'di skad ces bka' stsal to/ /rigs kyi bu dag /skye bo mang po la phan pa dang / skye bo mang po la bde ba'i
178a2 phyir seng ge'i sgras bshad par bya'o/ /rigs kyi bu/ gang 'jig rten gyi khams mi mjed na de bzhin gshegs pa dgra bcom pa yang dag par rdzogs pa'i sangs rgyas shAkya
178a3 thub pa zhes bya ba da ltar bzhugs te/ 'tsho zhing gzhes la chos kyang ston to/ /rigs kyi bu/ de ni de bzhin gshegs pa chos 'phags pa nyid yin te/ 'jig rten gyi khams mi
178a4 mjed der sgrub pa rnam pa sna tshogs kyis sems can rnams la chos ston pa mdzad do/ /de nas thams cad dang ldan pa'i 'khor ngo mtshar du gyur cing rmad du gyur pa de dag gis
178a5 bcom ldan 'das la legs so zhes bya ba gsol te/ bcom ldan 'das/ de ltar sems can thams cad la seng ge'i sgra bsgrags pa legs lags so/ /legs lags so/ /
178a6 bcom ldan 'das/ ji ltar 'khor 'dir seng ge'i sgra bsgrags pa'i bcom ldan 'das kyi seng ge'i sgra 'di thos par 'gyur zhing thos nas kyang yid ches par 'gyur ba'i
178a7 sems can gang lags pa de dag kyang / bcom ldan 'das/ dge ba'i rtsa ba ngan ngon dang ldan pa ma lags na gang 'dzin pa dang / 'chang ba dang / klog pa dang / gzhan dag
178b1 la'ang rgya cher yang dag par rab tu ston pa dang / mdo sde 'di la me tog dang / bdug spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang /
178b2 ba dan dag gis mchod pa bgyid pa lta smos kyang ci 'tshal te/ seng ge'i sgra bsgrags pa'i mdo sde 'di sems can gang gi rna bar thos par 'gyur ba de ni/ bcom ldan 'das/ sangs
178b3 rgyas thams cad kyis byin gyis brlabs pa lags so/ /de nas bcom ldan 'das kyis byang chub sems dpa' de dag la legs so zhes bya ba gnang ste/ rigs kyi bu/ ji skad smras
178b4 pa de bzhin te/ legs so/ /legs so/ /gang de bzhin gshegs pa'i yang dag pa'i seng ge'i sgra 'di thos nas rab tu dang ba'i sems kyis legs so zhes bya ba 'ga' zhig rjes
178b5 su 'bul na'ang rigs kyi bu'am/ rigs kyi bu mo de dge ba'i rtsa ba ngan ngon dang ldan pa ma yin te/ de dag ngas yongs su bzung ba yin no/ /byang chub sems dpa' sems dpa'
178b6 chen po byams pas kyang mgron du gnyer bar byed do/ /de dag gis nga yi byang chub phrag pa la khyer ba yin no/ /gang snyigs ma lnga dag la bab pa'i tshe mdo sde 'di la mos pa'i sems
178b7 can de dag ni ngas yongs su smin par byas pa yin te/ tshe rabs gzhan du'ang mi pham pas yongs su 'dzin par 'gyur ro/ /de'i skye ba'i rgya mtsho bskams pa yin no/ /bdud pham
179a1 par byas pa yin no/ /nyon mongs pa rnams bsal pa yin no/ /chos kyi rnga shin tu brdungs pa yin no/ /srid pa gsum rnam par bzlog pa yin no/ /phyir rgol ba
179a2 rnams las nges par rgyal ba yin no/ /nyon mongs pa rnams bsal ba yin no/ /rigs kyi bu'am/ rigs kyi bu mo gang la la zhig gis stong gsum gyi stong chen po'i 'jig rten
179a3 gyi khams grangs med pa phrag bcu'i rdul phra rab kyi rdul snyed kyi bskal par de bzhin gshegs pa thams cad la bde ba'i yo byad thams cad kyis bsnyen bkur byed kyang / de
179a4 bzhin gshegs pa'i sngon gyi rnam par 'phrul pa 'di thos nas dad par mi byed na de nyes pa che ba yin no/ /de bzhin gshegs pa'i bkas rigs kyi bu/ de de bzhin gshegs
179a5 pa la rim gror bya bas rim gror byed pa dang / rigs kyi bu'am/ rigs kyi bu mo gang gzhan zhig gis de bzhin gshegs pas yang dag par bstan pa 'di thos nas dad cing
179a6 sems rab tu dang bas legs so zhes bya ba 'bul na/ gang de bzhin gshegs pa la mchod cing bsnyen bkur byas pa de bas 'di bsod nams ches lhag par brgya phrag stong
179a7 gsog par 'gyur ro/ /de lta bas na rigs kyi bu gang dag nga la skyabs su song ba de dag gis mdo sde 'di bri bar bya/ bcang bar bya'o/ /de nas byang chub sems dpa' rnam par
179b1 rgyal ba'i phung po dang / 'od phreng dang / glog gi 'od dang / spyan rnam par dag pa dang / byams pa dang / mi 'jigs mdzad dang / spyan ras gzigs dbang phyug dang / mthu chen thob dang / 'jam
179b2 dpal dang / spobs pa dpa' bo dang / sgrib pa thams cad rnam par sel ba dang / spyan ras gzigs dang / kun tu bzang po dang / de dag la sogs pa byang chub sems dpa' bye ba khrag
179b3 khrig brgya stong phrag brgyad cu rtsa bzhis bcom ldan 'das la 'di skad ces gsol to/ /bcom ldan 'das/ slad ma'i dus slad ma'i tshe snyigs ma lnga la bab pa na bdag cag gis mdo
179b4 sde 'di rgyas par bgyi'o/ /bcom ldan 'das/ gang mdo sde 'di la mos pa'i sems can de ni yongs su mya ngan las 'das par rig par bgyi'o/ /bcom ldan 'das/ sems can
179b5 dge ba'i rtsa ba ma bskyed pa rnams kyi rna bar mdo sde 'di thos par mi 'gyur te/ gang dag rgya cher 'jug pa de dag gi yon tan gyi mtha' ni bskal pa bye ba khrag khrig brgya phrag stong
179b6 du rtogs par dka' ba lags so/ /de nas bcom ldan 'das kyis byang chub sems dpa' de dag la legs so zhes bya ba gnang ste/ rigs kyi bu dag /legs so/ /legs so/ /
179b7 de ltar khyed rnams kyis de bzhin gshegs pa'i bstan pa la gdos pa 'dzin pa lta bur gyis shig /bcom ldan 'das kyis de skad ces bka' stsal nas/ byang chub sems
180a1 dpa' rnam par rgyal ba'i phung po dang / thams cad dang ldan pa'i 'khor lha dang / mi dang / lha ma yin dang / dri zar bcas pa'i 'jig rten de dag bcom
180a2 ldan 'das kyis gsungs pa la yi rangs te mngon par bstod do/ /'phags pa seng ge'i sgra bsgrags pa zhes bya ba theg pa chen po'i mdo rdzogs so// //rgya gar
gyi mkhan po bid+yA ka ra sing+ha dang /
CLOSE WINDOW