བོད་ཡིག |
169b1 bcom ldan 'das kyis bka' stsal pa la mngon par bstod do/ /glang po'i rtsal zhes bya ba theg pa chen po'i mdo rdzogs so// //rgya gar skad du/
169b2 AR+ya mahA ra Na nA ma mahA yA na sU tra/ bod skad du/ 'phags pa sgra chen po zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal
169b3 lo| |'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge
169b4 'dun mang po dang thabs gcig tu bzhugs so/ /de nas tshe dang ldan pa kun dga' bo snga dro sham thabs dang / chos gos bgos te/ lhung bzed thogs nas mnyan yod du bsod
169b5 snyoms la song ngo / /mnyan yod du bsod snyoms la 'gro ba na/ tshe dang ldan pa kun dga' bos khang pa brtsegs pa chen po phyi nang byugs shing byi dor byas pa/ sgo gtan legs
169b6 par bcug pa/ skar khung bcad pa zhig mthong ngo / /mthong nas kyang 'di snyam du sems te/ gang zhig gis khang pa brtsegs pa 'di lta bu zhig byas te phyogs bzhi'i dge
169b7 slong gi dge 'dun la 'bul bar byed pa dang / gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam mchod rten gyi bum
170a1 ba skyu ru ra tsam gyi nang du bcug ste/ srog shing khab tsam btsugs nas gdugs rgya shug gi lo ma tsam 'dogs par byed pa'am/ de bzhin gshegs
170a2 pa'i sku gzugs tshon gang tsam zhig byed na/ de gnyis las gang bsod nams ches mang du 'phel snyam mo/ /de nas tshe dang ldan pa kun dga' bo mnyan yod nas
170a3 bsod snyoms las slar 'khor nas zan zos te zas phyi ma spangs nas lhung bzed dang / chos gos bzhag ste rkang pa bkrus nas/ bcom ldan 'das gan ba der song ste phyin
170a4 nas/ bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas bcom ldan 'das la tshe dang ldan pa kun dga' bos
170a5 'di skad ces gsol to/ /btsun pa/ 'di na bdag snga dro sham thabs dang / chos gos bgos te lhung bzed thogs nas mnyan yod du bsod snyoms la mchis te/ btsun pa /
170a6 bdag mnyan yod du bsod snyoms la mchis pa na khang pa brtsegs pa chen po slad nang byugs shing byi dor bgyis pa/ sgo gtan legs par stsal pa/ skar khung bkum pa
170a7 zhig mthong lags so/ /mthong nas kyang bdag nyid 'di snyam du sems te/ gang zhig gis khang pa brtsegs pa 'di lta bu zhig bgyis te phyogs bzhi'i dge slong gi dge
170b1 'dun la dbul bar bgyid pa dang / gang zhig gis de bzhin gshegs pa yongs su mya ngan 'das pa'i ring bsrel yungs 'bru tsam mchod rten gyi bum pa skyu ru ra tsam gyi nang du stsal te/
170b2 srog shing khab tsam btsugs nas gdugs rgya shug gi lo ma tsam 'dogs par bgyid pa'am/ de bzhin gshegs pa'i sku gzugs tshon gang pa tsam zhig bgyid na/ de gnyis
170b3 las gang bsod nams ches mang du 'phel snyam bgyid lags te/ bcom ldan 'das la bdag don 'di yongs su zhu lags so/ /de skad ces gsol pa dang / bcom ldan 'das
170b4 kyis tshe dang ldan pa kun dga' bo la 'di skad ces bka' stsal to/ /kun dga' bo/ legs so/ legs so/ /kun dga' bo/ khyod gang zhig gis khang ba brtsegs pa de lta bu zhig byas te
170b5 phyogs bzhi'i dge slong gi dge 'dun la dbul bar byed la/ gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam mchod rten gyi bum
170b6 pa skyu ru ra tsam gyi nang du bcug ste/ srog shing khab tsam btsugs nas gdugs rgya shug gi lo ma tsam 'dogs par byed pa'am/ de bzhin gshegs pa'i sku gzugs tshon
170b7 gang tsam zhig byed na/ de gnyis las gang bsod nams ches mang du 'phel zhes pa ni khyod kyi zhu ba bzung la spobs pa legs te dpyod pa dge'o/ /kun dga' bo/ de'i phyir legs
171a1 par rab tu nyon la yid la zungs shig dang ngas bshad do/ /kun dga' bo/ gang zhig gis khang pa brtsegs pa de lta bu zhig byas nas phyogs bzhi'i dge
171a2 slong gi dge 'dun la dbul bar byed la/ gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam mchod rten gyi bum pa skyu ru ra tsam
171a3 gyi nang du bcug ste/ srog shing khab tsam btsugs nas gdugs rgya shug gi lo ma tsam 'dogs par byed pa'am/ de bzhin gshegs pa'i sku gzugs tshon gang tsam zhig
171a4 byed na/ kun dga' bo/ bsod nams 'di la bsod nams snga ma des brgya'i char yang nye bar mi 'gro/ stong gi cha dang / 'bum gyi cha dang / grangs dang / cha dang / dpe dang / rgyur
171a5 yang nye bar mi 'gro'o/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni dpag tu med pa'i chos 'di lta bu dag dang ldan
171a6 te| tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol pa dpag tu med pa dang / rnam par grol ba'i ye
171a7 shes gzigs pa dpag tu med pa dang ldan pa'i phyir ro/ /kun dga' bo/ dzam+bu'i gling chu zheng dang / rgyar dpag tshad bdun stong yod pa 'di rgyun du zhugs pa rnams dang / lan
171b1 gcig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams kyis/ 'di lta ste/ 'bras sA lu'i zhing ngam/ til gyi zhing ngam/ smyig
171b2 ma'i tshal lam/ 'dam bu'i tshal lam/ bu ram shing gi tshal bzhin du gang bar gyur pa de dag la/ mi la la zhig gis ji srid 'tsho'i bar du chos gos dang / bsod snyoms dang /
171b3 mal stan dang / nad kyi gsos sman dang / yo byad rnams kyis ci 'dod pa bstabs te/ de dag thams cad yongs su mya ngan las 'das nas kyang mchod rten byas te/ gdugs dang /
171b4 sil snyan dang / ba dan dang / dri dang / bdug pa dang / phreng ba dang / phye ma dang / byug pa dag gis mchod pa byed la/ gang zhig gis de bzhin gshegs pa yongs su mya ngan las
171b5 'das pa'i ring bsrel yungs 'bru tsam mchod rten gyi bum pa skyu ru ra tsam gyi nang du bcug ste/ srog shing kha ba tsam btsugs nas gdugs rgya shug gi lo ma tsam 'dogs par
171b6 byed pa'am/ de bzhin gshegs pa'i sku gzugs tshon gang tsam zhig byed na/ kun dga' bo/ bsod nams 'di la bsod nams snga ma des brgya'i char yang nye bar mi 'gro/
171b7 stong gi cha dang / 'bum gyi cha dang / grangs dang / cha dang / dpe dang / rgyur yang nye bar mi 'gro'o/ /de ci'i phyir zhe na/ de bzhin gshegs pa dgra bcom pa yang dag par rdzogs
172a1 pa'i sangs rgyas rnams ni dpag tu med pa'i chos 'di lta bu dag dang ldan te/ tshul khrims dpag tu med pa dang / ting nge 'dzin dpag tu med pa dang / shes
172a2 rab dpag tu med pa dang / rnam par grol pa dpag tu med pa dang / rnam par grol ba'i ye shes gzigs pa dpag tu med pa dang ldan pa'i phyir ro/ /kun dga' bo/ shar gyi
172a3 lus 'phags gling chu zheng dang / rgyar dpag tshad brgyad stong yod pa rgyun du zhugs pa rnams kyis kyang gang bar gyur ces bya ba nas rnam par grol ba'i ye shes gzigs pa zhes
172a4 bya ba'i bar du rgya cher snga ma bzhin du brjod par bya'o/ /kun dga' bo/ nub kyi ba lang spyod kyi gling chu zheng dang / rgyar dpag tshad dgu stong yod pa rgyun du zhugs pa rnams kyis
172a5 kyang gang bar gyur ces bya ba nas snga ma bzhin du rgyas par sbyar ro/ /kun dga' bo/ byang gi sgra mi snyan gyi gling chu zheng du dpag tshad khri yod pa rgyun du zhugs pa rnams kyis
172a6 kyang gang bar gyur ces bya ba nas snga ma bzhin du rgyas par sbyar ro/ /kun dga' bo/ lha'i dbang po brgya byin gyi khang bzang rnam par rgyal ba zhes bya ba ka ba brgyad khri bzhi
172a7 stong rab tu brtan pa dag yod de/ ka ba de dag thams cad kyang lha'i bai DUR+ya sngon po yin no/ /kun dga' bo/ khang bzang rnam par rgyal ba gser gyi bye ma brdal ba la tsan+dan
172b1 gyi chus chag chag btab pa/ gser gyi dra bas g.yogs shing gser gyi dril bu g.yer kas bskor ba ste/ kun dga' bo/ gang zhig stong gsum gyi stong chen po'i 'jig rten gyi khams
172b2 khar bzang de lta bu sha stag gis bkang ste/ phyogs bzhi'i dge slong gi dge 'dun la dbul bar byed la/ gang zhig gis de bzhin gshegs pa yongs su mya ngan las 'das pa'i
172b3 sku gdung yungs 'bru tsam zhes bya ba nas rgya cher snga ma bzhin du sbyar ro/ /kun dga' bo/ lus 'phags mo'i bu yul ma ga ng+hA'i rgyal po ma skyes dgras pha rgyun du zhugs pa bsad nas
172b4 de de bzhin gshegs pa'i sku gdung la mchod pa bya ba'i phyir sku gdung gi brgyad cha la bkur stir bya ba dang / bla mar bya ba dang / ri mor bya ba dang / mchod par bya ba dang / rjod par
172b5 bya ba dang / gsol bar bya ba la brtson par 'gyur ro zhes sangs rgyas kyis bsngags pa'i dge ba'i las de des byas pas sems can dmyal bar lan gcig song nas las de nyid
172b6 dang / dge ba'i rtsa ba de nyid dang / sngon legs par spyad pa de nyid kyis de nas thar nas bskal pa nyi shur log par ltung bar mi 'gyur la/ skra dang / kha spu bregs nas gos ngur
172b7 smrig bgos te/ yang dag par khyim nas khyim med par rab tu byung nas rang byang chub mngon du byed par 'gyur te/ rang sangs rgyas rnam par rgyal ba'i sde zhes bya bar 'gyur ro/ /
173a1 de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni dpag tu med pa'i chos 'di lta bu dag dang ldan
173a2 te| tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i ye
173a3 shes gzigs pa dpag tu med pa dang ldan pa'i phyir ro/ /kun dga' bo/ 'di ltar de bzhin gshegs pa dgra bcom pa yang dag par rdzogs pa'i sangs rgyas rnams dpag tu
173a4 med pa'i chos rnams dang ldan pa de'i phyir de la mchod pa'i rnam par smin pa'ang de ltar dpag tu med par shes par bya'o/ /chos kyi rnam grangs 'di bshad pa'i tshe sa chen po
173a5 'di rnam pa drug tu g.yos te/ shar phyogs mtho na nub phyogs dma'/ nub phyogs mthon shar phyogs dma'/ lho phyogs mtho na byang phyogs dma'/ byang phyogs mtho na lho
173a6 phyogs dma'/ dbus mtho na mtha' dma'/ mtha' mtho na dbus dma' bar gyur to/ /de nas bcom ldan 'das la tshe dang ldan pa kun dga' bos 'di skad ces gsol to//
173a7 bcom ldan 'das/ chos kyi rnam grangs 'di'i ming ci lags/ bdag gis ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir chos kyi
173b1 rnam grangs 'di bdud rtsi'i rnga zhes bya bar zungs shig /sgra chen po zhes bya bar yang zungs shig/ de nas tshe dang ldan pa kun dga' bo bcom ldan 'das kyis gsungs pa la mngon par bstod de
173b2 rjes su yi rangs nas bcom ldan 'das kyi zhabs la phyag btsal te/ bcom ldan 'das la lan gsum bskor bya byas nas/ bcom ldan 'das kyi spyan snga nas song ngo / /'phags pa sgra chen po
173b3 zhes bya ba theg pa chen po'i mdo rdzogs so// //rgya gar gyi mkhan po bi shud+d+ha sid+ha dang / lo tsA ba ban+de dge ba dpal gyis bsgyur/ rgya gar gyi mkhan po bid+yA ka ra sid+ha dang / zhus chen
gyi lo tsA ba ban+de de wa tsan+d+ras zhus te gtan la phab pa/
CLOSE WINDOW