བོད་ཡིག |
142a3 / //rgya gar skad du/ AR+ya nA ga ra a ba la ma bi kA
142a4 nA ma ma hA yA na sU tra/ bod skad du/ 'phags pa grong khyer gyis 'tsho ba zhes bya ba theg pa chen po'i mdo/ sangs rgyas dang / byang chub sems dpa' thams cad la phyag
142a5 'tshal lo/ /'di skad bdag gis thos pa dus gcig na/ bcom ldan 'das mnyam yod na rgyal bu rgyal byed kyi tshal mngon med zas sbyin gyi kun dga' rab na lha dang /
142a6 klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / rgyal
142a7 po dang / blon po dang / byang chub sems dpa' dang / dge slong dang / dge slong ma dang / dge bsnyen dang / dge ba snyen ma rnams kyis bkur stir byas/ bla mar byas/ mchod
142b1 cing rjed de pad+ma chus ma gos pa bzhin du bzhugs so/ /de nas de'i tshe rgyal po gsal rgyal gyis de bzhin gshegs pa la mchod pa'i phyir ston zla tha chung zla ba nya ba'i tshes bco
142b2 lnga la/ 'bru mar gyis zangs po che stong bkang ste dngar nas mar me spar ba'i 'od kyis khor khor yug tu dpag tshad bzhir snang bas khyab par byas so/ /de nas yang de'i tshe mnyan yod
142b3 kyi grong khyer chen po na dga' byed ma zhes bya ba grong khyer gyis 'tsho ba zhig 'dug go /des 'bru mar sran gre'u dang sbyar ba nyos nas zhag bzhi kha 'tshos te nyam chung bar gyur to/ /
142b4 de nas 'bru mar de khyer te rgyal bu rgyal byed kyi tshal du song nas khyim gyi nang logs su mar me spar te bzhag nas 'di ltar sems bskyed de/ bcom ldan 'das/ bdag dge
142b5 ba'i rtsa ba 'dis ma 'ongs pa'i dus na ji ltar da ltar gyi de bzhin gshegs pa dgra bcom pa yang dag par rdzogs pa'i sangs rgyas ji lta ba bzhin du bdag kyang ma 'ongs
142b6 pa'i dus na ston par gyur te chos ston par gyur cig /dge 'dun yang sdud par gyur cig ces byas so/ /'di ltar yang sems bskyed de/ gal te bdag ma 'ongs
142b7 pa'i dus na sangs rgyas su 'gyur ba zhig na mar me 'di bdag phyir ma 'ongs kyi bar du 'bar bar gyur cig ces byas nas mar me de spar te grong khyer du song na/ mar
143a1 me de'i 'od zer kyis dzam+bu'i gling thams cad snang bar gyur te nam nangs kyi bar du'ang mar me de ma shi'o/ /de nas tshe dang ldan pa maud+gal gyi bu chen
143a2 pos chos gos kyi mtha' mas mar me de gsad par byas nas gsad par ma nus so/ /de nas tshe dang ldan pa maud+gal gyi bu chen pos rnam par 'thor rlung gis gsad par byas kyang gsad
143a3 par ma nus so/ /de nas tshe dang ldan pa maud+gal gyi bu chen pos tshangs pa'i 'jig rten du 'dug nas stong gsum 'dir shing rta'i srog shing tsam gyi char gyi rgyun dbab par byin
143a4 gyis brlabs te mar me de yi steng du btang yang gsad par ma nus so/ /de nas bcom ldan 'das kyis bka' stsal pa/ maud+gal gyi bu/ thong shig/ mar me 'di ni byang chub kyi
143a5 sems kyis sbar ba yin la/ byang chub kyi sems ni nyan thos kyis zil gyis mnan par mi nus so/ /de ci'i phyir zhe na/ thams cad mkhyen pa nyid kyi sems ni nyan thos
143a6 dang / rang sangs rgyas thams cad kyis zil gyis mnan du med pa'i phyir ro/ /de nas re zhig na bud med de nyi ma shar te grong khyer nas phyir 'ongs nas des mar me de shin tu
143a7 'bar ba mthong ba dang / des mchog tu dga' ba chen pos rgyas par gyur to/ /de nas bcom ldan 'das kyis de'i tshe 'dzum pa mdzad do/ /sangs rgyas bcom ldan
143b1 'das rnams kyi chos nyid ni 'di yin te/ gang gi tshe sangs rgyas bcom ldan 'das 'dzum pa mdzad pa de'i tshe sangs rgyas bcom ldan 'das rnams kyi zhal gyi sgo nas 'od zer
143b2 kha dog du ma/ 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung bar gyur te/ 'jig rten gyi
143b3 khams mtha' yas mu med pa dag snang bas khyab par byas nas tshangs pa'i 'jig rten gyi bar du song ste/ zla ba dang / nyi ma'i 'od kyang zil gyis mnan nas yang slar log ste/
143b4 bcom ldan 'das la lan gsum bskor ba byas nas bcom ldan 'das kyi dbu'i gtsug tor du nub par gyur to/ /de nas 'od zer de dag gis bcom ldan 'das la lan gsum
143b5 bskor ba byas te bcom ldan 'das kyi dbu'i gtsug tor du mi snang bar gyur to/ /de nas bcom ldan 'das la tshe dang ldan pa kun dga' bos tshigs su bcad de gsol pa/ /rgyal
143b6 mchog rnam par 'dren pa gang zag mchog/ rgyu med par ni 'dzum pa mi mdzad na/ /ci yi rkyen gyis zhal ni 'dzum mdzad pa/ /'jig rten phan pa thugs brtses bdag la gsungs/ /
143b7 bcom ldan 'das kyis bka' stsal pa/ kun dga' bo/ grong khyer gyis 'tsho ba 'di bskal pa nyi shu rtsa brgyad kyi bar du ngan 'gro log par ltung bar 'gro bar mi 'gyur te/ rtag tu
144a1 lha dang / mi'i phun sum tshogs pa dag nyams su myong nas de bzhin gshegs pa dgra bcom pa yang dag par rdzogs pa'i sangs rgyas kun tu snang ba zhes bya
144a2 bar 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /stobs bcu ldan pa mchod phyir zangs chen phrag stong gsal rgyal gyis/ /mar me
144a3 bzang po sbar bas dpag tshad bzhir ni kun tu snang / /grong khyer 'tsho ba'i 'bru mar sran ma gre'u sbyar spar ba yis/ /'dzam gling snang bas khyab gyur de ni byang chub sems kyi mthus/ /
144a4 maud+gal gyis ni mar me gsad 'dod rdzu 'phrul rgya chen byas/ /rnam par 'thor ba'i rlung gi shugs btang gsad par yod ma nus/ /tshangs pa'i 'jig rten 'dug nas chu rgyun shing
144a5 rta'i srog shing tsam/ /phab kyang gsad par ma nus mar me nyi ma'i 'od bzhin snang / /de ni zhag bzhi kha 'tshos rgyal byed dga' ba'i tshal du 'ongs/ /dga' ba'i sems kyis bde
144a6 gshegs zhabs la phyag byas thal sbyar 'dug /mnyam med 'dzum pa mdzad pas kun dga' bo yang rab dga' nas/ /gzi brjid mtha' yas 'dzum mdzad 'di yi 'bras
144a7 bu ji 'dra gsungs/ /dga' byed 'di ni bskal pa nyi shu brgyad na rgyal bar 'gyur/ /rang 'byung kun snang zhes bya 'od kyis stong chen bzhi snang byed/ /ma 'ongs dus na bde bar
144b1 gshegs pa bye ba mchod par 'gyur/ /de ni kun tu 'khor los bsgyur 'gyur rgyal rnams bkur stir byed/ /sangs rgyas rtogs pa brjod pa yi ni dad rnams rab dga' byed/ /skye bo
144b2 mkhas pa dag gis de thos sems kyang rab tu dga'/ /de ltar rgyal ba bsam yas stobs bcu'i chos kyang bsam mi khyab/ /dga' ba bskyed na rnam smin mtshungs med bsam gyis mi khyab
144b3 'gyur/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / grong khyer gyis 'tsho ba de dang / byang chub sems dpa' de dag dang / dge slong de dag
144b4 dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa grong khyer gyis 'tsho ba
144b5 zhes bya ba theg pa chen po'i mdo rdzogs so// //rgya gar gyi mkhan po dz+nyA na gar+b+ha dang / lo tsA ba ban+de klu'i dbang pos bsgyur ba/ rgya gar gyi mkhan po pi d+ya ka ra sid+ha dang /
CLOSE WINDOW