བོད་ཡིག |
468b1 rgya'i skad du/ kwan ji li'u phus zhang sh+yan te'u shis th+yan kyin/ bod skad du/ 'phags pa byang chub sems dpa' byams pa dga' ldan gnam du skye ba blangs pa'i mdo/ sangs rgyas
468b2 dang | byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod kyi yul/ rgyal bu rgyal byed kyi tshal/ mgon
468b3 med zas sbyin gyi kun dga' ra ba na/ dge slong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bzhugs te/ de nas bcom
468b4 ldan 'das mtshan mo'i thun dang po la sku las 'od zer gser gyi kha dog lta bu byung nas rgyal byed kyi tshal lan bdun bskor te/ khyim bdag su ta shal sogs pa 'od kyis reg
468b5 par byas nas/ 'od gser gyi kha dog lta bu nam mkha' la sprin bzhin du khyab par byas nas mnyan du yod pa'i yul kun tu gser gyi kha dog lta bu'i me tog char rab tu phab bo/ /'od
468b6 gser gyi kha dog lta bu'i nang nas sprul pa'i de bzhin gshegs pa dpag tu med pa brgya stong snang ba thams cad kyis gsung mthun par bskal pa 'di nyid du/ byang chub sems dpa'
468b7 stong gi dang po log par dad sel sangs rgyas pa nas/ tha mar snang mdzad sangs rgyas pa'i don bka' stsal to/ /de skad ces bka' stsal nas/ tshe dang ldan pa kun shes kauN+Di n+ya ting nge
469a1 'dzin las langs nas 'khor nyis brgya lnga bcu dang / tshe dang ldan pa 'od srung chen po 'khor nyis brgya lnga bcu dang / tshe dang ldan pa maud gal gyi bu 'khor
469a2 nyis brgya lnga bcu dang / tshe dang ldan pa shA ri'i bu 'khor nyis brgya lnga bcu dang / ma ha ba sha pa ti la sogs pa dge slong ma stong dang / khyim bdag su ta sha la sogs pa dge bsnyen pha
469a3 sum stong dang / byi shwa khra 'pho ta la sogs pa dge bsnyen ma nyis stong dang / kun tu bzang po la sogs pa bskal pa bzang po'i byang chub sems dpa' bcu drug dang / chos kyi rgyal
469a4 bu 'jam dpal gzhon nur gyur pa la sogs pa byang chub sems dpa' lnga brgya dang / lha dang / klu dang / gnod sbyin dang / lha ma yin la sogs pa 'khor thams cad/ de
469a5 bzhin gshegs pa'i 'od kyis bskul nas sprin bzhin du 'dus so/ /de nas bcom ldan 'das kyis ljags kyi dbang po las 'od zer stong phyung nas/ 'od zer re re kha dog
469a6 stong stong / kha dog re re'i nang nas sprul pa'i de bzhin gshegs pa dpag tu med pa snyeng snang ngo / /de bzhin gshegs pa de dag thams cad kyis gsung mthun par byang chub
469a7 sems dpa' chen po thams cad kyi chos thams cad rnam par dag pa zab mo'i gzungs bstan pa 'di lta ste/ a nan ta mu dra zhes bya ba'i gzungs dang / stong pa nyid kyi ye shes
469b1 zhes bya ba'i gzungs dang / sgrib pa med pa'i dngos po zhes bya ba'i gzungs dang / mtshan ma med par rnam par grol ba chen po zhes bya ba'i gzungs la sogs pa/ sgra skad gcig gis
469b2 brgya phrag bye ba'i gzungs kyi sgo bka' stsal to/ /gzungs kyi sgo bka' stsal ma thag tu 'khor 'dus pa'i nang nas byang chub sems dpa' byams pa zhes bya ba/ bcom ldan 'das
469b3 kyis bka' stsal pa thos nas/ de ma thag tu bye ba brgya phrag khri'i gzungs kyi sgo thob nas/ stan las langs te gos tshags bcos nas thal mo sbyar te/ bcom ldan 'das kyi spyan sngar
469b4 'khod do/ /de nas tshe dang ldan pa u pA li stan las langs te/ gdong dang / spyi bos phyag btsal lo/ /bcom ldan 'das la 'di skad ces gsol to/ /bcom ldan 'das/ bcom
469b5 ldan 'das kyis sngon du'ang mdzod kyi chos thams cad las/ ma pham pa ma 'ongs pa'i dus su sangs rgyas par gsung na/ ma pham pa so so'i skye bo'i lus dang ma bral/ zag pa'ang
469b6 ma zad/ ma pham pa 'di nyid du rab tu byung yang / ting nge 'dzin mi bsgom/ nyon mongs pa ma spangs na/ bcom ldan 'das kyis nges par sangs rgyas par bka' stsal na/ ma pham pa
469b7 de tshe'i dus byas nas khams gang du skye ba len par 'gyur/ de nas bcom ldan 'das kyis u pA li la bka' stsal pa/ u pA li/ gcig tu gyis la nyon cig /de bzhin gshegs
470a1 pa thams cad mkhyen pas 'khor 'di'i nang du/ byang chub sems dpa' sems dpa' chen po byams pa bla na med pa yang dag par rdzogs pa'i byang chub tu
470a2 mngon par rdzogs par 'tshang rgyas par 'gyur bar lung bstan gyi/ dus 'di nas lo bcu gnyis kyi 'og tu tshe'i dus byas nas/ nges par dga' ldan gyi gnam du skye ba len par 'gyur
470a3 ro| |de nas dga' ldan gyi gnam gyi steng na/ lha'i bu bye ba khrag khrig phrag lnga brgya yod pa/ lha'i bu re res kyang sbyin pa'i pha rol tu phyin pa zab mo la spyod pas/ skye ba gcig gis
470a4 thogs pa'i byang chub sems dpa' la mchod pa'i don du/ lha'i bsod nams kyi mthus gzhal med khang byas te/ rang rang gi lus kyi gos dang / tsan+da na dang / rin po che'i dbu rgyan
470a5 phud de/ pus mo btsugs nas thal mo sbyar te/ smon lam 'di skad ces btab bo/ /bdag gi rin thang med pa'i rin po che dang / lha'i dbu rgyan gyis byang chub sems dpa' chen po la
470a6 mchod pa'i don du/ ma pham pa 'di ma 'ongs pa'i dus su ring po mi thogs par/ bla na med pa yang dag par rdzogs pa'i byang chub tu lung bstan pa thos nas/ bdag cag gi rin po
470a7 che'i dbu rgyan 'di/ sangs rgyas kyi zhing khams rgyan thams cad kyis brgyan pa'i mchod pa'i rdzas su gyur cig ces lha'i bu thams cad rang rang pus mo btsugs te/ smon lam de
470b1 skad ces btab pa dang / de nas lha thams cad kyis smon lam btab ma thag tu/ rin po che'i dbu rgyan thams cad bye ba khrag khrig phrag lnga brgya'i gzhal med khang du gyur te/ rin po che'i
470b2 gzhal med khang re re la'ang skyed mos tshal bdun bdun/ skyed mos tshal re re 'ang rin po che sna bdun bdun las grub pa/ rin po che re re las kyang bye ba phrag lnga brgya'i 'od kyi
470b3 'od zer re re las bye ba phrag brgya'i pad ma/ pad ma re re las bye ba phrag lnga brgya'i rin po che sna bdun gyi shing gi phreng ba/ shing re re'i lo ma las bye ba phrag lnga brgya'i rin po che'i
470b4 kha dog /rin po che'i kha dog re re las kyang bye ba phrag lnga brgya'i 'dzam bu'i gser gyi 'od/ 'dzam bu'i gser gyi 'od re re'i nang nas kyang bye ba phrag lnga brgya'i rin po che'i lha'i bu
470b5 mo| lha'i bu mo re re'ang shing gi drung na 'dug nas/ lag na bye ba phrag lnga brgya'i rin po che grangs med pa'i do shal thogs/ ngo mtshar che ba'i glu dbyangs snyan pa len/ glu dbyangs
470b6 snyan pa'i nang nas phyir mi ldog pa'i sa'i chos kyi 'khor lo spyod/ shing de dag las 'bras bu skyes pa'i kha dog bai DUR+ya bzhin du 'dug /kha dog de dag thams cad bai DUR+ya'i nang
470b7 du 'dug pa/ 'od zer de dag thams cad g.yas phyogs su 'khor ba/ sgra snyan pa sna tshogs 'byung ba/ sgra thams cad las byams pa chen po dang / snying rje chen po'i chos 'chad
471a1 pa| re re'i pho brang mtho khyad ni dpag tshad drug cu rtsa gnyis/ rngams su dpag tshad bcu bzhi/ klu'i rgyal po bye ba phrag lnga brgyas ni pho brang bskor/
471a2 klu'i rgyal po re re'ang bye ba phrag lnga brgya'i rin po che sna bdun gyi shing gi char phab pas pho brang gi steng brgyan/ rang bzhin rlung byung bas shing de dag bskyod pa dang / shing de las
471a3 mi rtag pa dang / sdug bsngal ba dang / stong pa dang / bdag med pa dang / pha rol tu phyin pa thams cad kyi sgra byung bar gyur to/ /de nas pho brang de'i nang na rgyal po chen po le'u
471a4 du ba ti zhes bya ba/ stan la 'dug pa las langs te/ phyogs bcu'i de bzhin gshegs pa thams cad la phyag btsal nas/ smon lam 'di skad ces btab bo/ /bdag
471a5 gi bsod nams kyis byang chub sems dpa' byams pa'i chos kyi pho brang byed pa'i bsod nams dang ldan na/ bdag gi smin mtshams par nas nor bu rin po che rang
471a6 byung bar gyur cig ces smon lam btab pa dang / de ma thag tu bye ba phrag brgya'i rin po che byung nas/ rin po che bai DUR+ya la sogs pa'i kha dog thams cad rdzogs par grub pa/
471a7 shel gyi kha dog bzhin phyi nang gsal ba/ rin po che de dag nam mkha' stong pa la 'khor zhing / ngo mtshar che ba'i rin po che'i pho brang rim pa bzhi bcu rtsa dgu sprul par gyur
471b1 to| |re re'i lan zhun re re las kyang bye ba 'bum phrag gi rin po che pad ma 'dis spras pa la grub pa/ lan zhun gyi bar thams cad na rdzus te skyes pa'i lha'i bu bye ba phrag dgu dang /
471b2 lha'i bu mo bye ba phrag lnga brgya la/ lha'i bu re re'i lag nas rin po che sna bdun bdun las grub pa'i pad+ma dpag tu med pa bye ba phrag bcu/ pad+ma re re'i steng du 'od bye ba phrag
471b3 dpag tu med pa/ 'od de dag gi nang na lha'i rol mo'i cha spyad ma dkrol bar sgra rang byung ba/ sgra de dag byung ba dang / bu mo thams cad langs nas rol mo'i cha spyad thogs te gar
471b4 dang | glu dbyangs snyan pa len pa'i sgra las dge ba bcu dang / smon lam bzhi la sogs pa'i sgra lha thams cad kyis thos pas bla na med pa'i byang chub tu sems bskyed do/ /de
471b5 nas skyed mos tshal thams cad kyi nang na skyed mos tshal kha dog brgyad kyi bai DUR+ya'i rdzing bu/ rdzing bu re re'i nang na bye ba phrag lnga brgya'i rin po che las grub pa/ rdzing bu re re'i nang na
471b6 yan lag brgyad dang ldan pa'i chus gang ba/ chu de dag kyang gyen du 'bab pa/ sgo bzhi'i phyi rol na rdzus te skyes pa'i pad+ma bzhi/ pad+ma de dag las chu byung ba rin po che'i pad+ma'i
471b7 kha dog bzhin du 'bab pa/ pad+ma re re'i steng du lha'i bu mo nyi shu rtsa bzhi bzhi/ lus kyi kha dog ngo mtshar che ba/ byang chub sems dpa' bzhin du brgyan pa/ lus mtshan dang ldan pa
472a1 lag na rin po che'i rang bzhin gyi snod bye ba phrag lnga brgya sprul/ snod re re'i nang na lha'i bdud rtsi'i rang bzhin thams cad kyis gang ba phrag pa g.yon
472a2 la thogs pa/ do shal dpag tu med pa phrag pa g.yas la thogs pa/ rol mo'i cha byad dpag tu med pa sprin bzhin du nam mkha' la 'dug pa/ chu las byung ba/ byang chub sems
472a3 dpa' pha rol tu phyin pa drug brjod pa/ dga' ldan gyi gnam du skyes pa'i lha'i bu gang la la zhig rang bzhin gyis lha'i bu mo rnams kyis g.yog byas pa/ rin po che sna bdun
472a4 gyi seng ge'i khri 'phang du dpag tshad bzhi yod pa/ 'dzam bu'i gser dang / rin po che dpag tu med pas brgyan pa/ zur bzhi la 'dug pa/ pad+ma bzhi las skyes pa/ pad+ma re re
472a5 la'ang rin po che phrag brgya las grub pa/ rin po che re re la'ang bye ba phrag brgya'i 'od zer/ 'od zer de dag las ngo mtshar che ba sprul pa'i rin po che sna tshogs kyi me tog sprul
472a6 pas brgyan pa/ rin po che'i yol ba bres pa de'i phyogs na tshangs pa'i rgyal po bye ba phrag stong gis rang rang gi tshangs pa'i lha'i ngo mtshar che ba'i dril bu khyer nas yol ba'i steng
472a7 du dbyangs pa/ tshangs pa'i rgyal po chung dus kyang rin po che sna tshogs pa'i dra bas yol ba'i steng du bres pa/ de nas lha'i bu dang / lha'i bu mo brgya stong grangs med pa'i 'khor
472b1 gyis rin po che'i me tog pad+ma thams cad khyer nas khri'i steng du bdal ba/ pad+ma de dag thams cad rin po che'i rang bzhin gyi bu mo bye ba phrag lnga brgya byung ba de dag gi lag na rnga yab
472b2 dkar po thogs pa/ yol ba'i nang na 'dug pa/ pho brang zur bzhi la rin po che'i ka ba bzhi yod pa/ rin po che'i ka ba re re la'ang brgya phrag stong gi khang pa brtsegs pa/ bu mo 'di'i nor
472b3 bu ni bres/ lan kan bar kun tu lha'i bu mo brgya stong yod/ kha dog ngo mtshar che ba dpag tu med pa'i rol mo'i cha spyad lag na thogs pa/ rol mo'i sgra'i nang nas sdug bsngal ba
472b4 dang | stong pa dang / mi rtag pa dang / bdag med pa dang / pha rol tu phyin pa thams cad kyi sgra 'byung ba / lha'i pho brang de dag nas rin po che'i kha dog dpag tu med pa bye ba phrag brgya
472b5 yod pa/ bu mo re re kun kyang rin po che'i kha dog dang mthun par sprul to/ /de nas phyogs bcu'i lha dpag tu med pa thams cad dga' ldan gyi lha'i pho brang du skye ba len par smon
472b6 lam btab bo/ /de nas dga' ldan gyi pho brang na rgyal po chen po lnga po la rgyal po chen po dang po ni/ rin po che'i rgyal mtshan zhes bya ba lus la rin po che sna bdun gyi char 'bebs
472b7 pas pho brang gi nang du 'thor ba/ rin po che'i nor bu re re'ang rol mo'i cha spyad dpag tu med par sprul pa/ nam mkha' la kun tu 'phyang ba/ ma brdungs par sgra snyan pa dpag tu
473a1 med pa rang 'byung ba/ sems can gyi yid rtog pa/ rgyal po gnyis pa me tog 'thor ba zhes bya ba lus la me tog sna tshogs kyi char 'bebs pa/ pho brang
473a2 thams cad khyab par me tog gi gdugs sprul/ gdugs re re'ang brgya phrag stong gi rgyal mtshan dang / 'phan gyis lam drangs pa/ rgyal po gsum pa ni/ spos kyi dbyangs zhes bya
473a3 ba lus kyi ba spu'i khung bu'i nang nas ngo mtshar che ba'i rgya mtsho'i 'gram gyi tsan+dan gyi spos kyi char 'bebs pa/ spos de dag sprin bzhin du chags pa/ kha dog brgya phrag gis
473a4 pho brang lan bdun du bskor ba/ rgyal po chen po bzhi pa/ dga' ba bde ba zhes bya ba lus la yid bzhin gyi nor bu rin po che'i char 'bebs pa/ rin po che re re'ang rang bzhin gyis rgyal
473a5 mtshan dang / 'phan gyi steng du 'dug nas sangs rgyas la skyabs su 'gro ba dang / chos dang / dge 'dun la skyabs su 'gro bar 'chad pa dang / yan lag lnga'i tshul khrims kyi
473a6 sgra dang / dge ba'i chos dpag tu med pa dang / pha rol tu phyin pa thams cad dang / byams pa byang chub kyi yan lag gi sgra la 'dzud pa/ rgyal po chen po lnga pa/ sgra dbyangs drag po
473a7 zhes bya ba lus kyi ba spu'i khung bu thams cad nas chu 'bebs pa/ chu re re'i steng du me tog pad+ma bye ba phrag lnga brgya yod pa/ pad+ma re re'i steng du shel gyi bu mo nyi shu rtsa lnga lnga/
473b1 shel gyi bu mo re re'i lus thams cad kyi ba spu'i bu ga re re'i nang nas lha'i bdud las rgyal ba'i sgra snyan pa 'byung ba sprul lo/ /bcom ldan 'das kyis u pA li la bka' stsal pa/
473b2 dga' ldan gyi lha'i gnas zhes bya bar dge ba bcu dang / rgyal ba la drin bsab pa dang / ngo mtshar che ba bskyed pa'i bsod nams ni ngas bskal pa chung du gcig gi bar du 'dug
473b3 nas skye ba gcig gis thogs pa'i byang chub sems dpa' drin bsab pa dang / dge ba bcu'i 'bras bu bshad kyang rdzogs pa'i mtha' med de/ 'dir ngas khyed la sogs pa la mdo
473b4 tsam zhig bshad cing bstan par bya'o/ /u pA li/ dge slong ngam/ 'khor thams cad kyang rung ste gang la la zhig skye shi la mi skyo bar lha'i gnas su skye bar 'dod na/ bla na med
473b5 pa'i byang chub tu sems bskyed pa byams pa'i zhabs 'bring byed 'dod par lta ba ni/ yan lag lnga'i khrims brgyad rdzogs pa/ lus sems kyi brtson 'grus rgyun mi 'chad pa/
473b6 dge ba bcu'i chos la spyod pa/ bde skyid phun sum tshogs par 'dod pa/ sems rtse gcig tu dga' ldan gyi gnas su skye bar 'dod pa de dag ni yang dag par lta ba zhes bya ste/
473b7 gzhan du lta ba ni log par lta ba zhes bya'o/ /de nas u pA li stan las langs te gos tshags bcos nas gdong dang / spyi bos phyag btsal te/ bcom ldan 'das la 'di
474a1 skad ces gsol to/ /bcom ldan 'das/ dga' ldan gyi gnam du de lta bu'i bde skyid phun sum tshogs pa der skyes bu chen po 'di dus ci tsam du 'dzam
474a2 bu'i gling nas lha'i gnas de lta bur skye par 'gyur/ bcom ldan 'das kyis bka' stsal pa/ dus 'di nas lo bcu gnyis lon nas dpyid zla 'bring po'i tshes bco lnga'i nyi ma la
474a3 yul bar ni kra ba li'i grong khyer na bram ze chen po pa pa li zhes bya ba'i khyim nas skye ba blangs pa'i sa nas skyil mo krung bcas nas ting nge 'dzin la mnyam par bzhag pa bzhin du
474a4 lus gser gyi kha dog dang / 'od zer dmar po nyi ma brgya stong bas lhag /steng gi dga' ldan gyi gnam du lus kyi sku gdung yang / dper na/ gser gyi gzugs bzhin du mi g.yo
474a5 mi 'gul bar lus kyi 'od zer gyi dkyil 'khor gyi nang nas rnam pa thar pa gsum dang / shes rab kyi pha rol tu phyin pa'i yi ge gsal bar ston te/ de nas lha mi thams
474a6 cad rjes su 'brang nas/ rin po che sku gdung gyi mchod rten la mchod nas/ de nas dga' ldan gyi gnam du rin po che sna bdun gyi pho brang na 'di gzhal med khang seng ge'i
474a7 pad+ma'i steng du skyil mo krung bcas nas lus 'dzam bu gser gyi kha dog bzhin du rdzus te skyes nas/ sku tshur dpag tshad bcu drug /mtshan sum cu rtsa gnyis/ dpe byad
474b1 bzang po brgyad cus rdzogs par brgyan pa/ dpu'i thor tsugs dang ldan/ dbu skra bai DUR+ya'i kha dog dang 'dra ba/ shi kra bi li kra dang / ma 'di dang / gyen shugs kyi rin po che sa lha'i dbu rgyan
474b2 brgyan pa/ rin po che lha'i dbu brgyan de dag la bye ba phrag brgya'i rin po che'i kha dog re re'i nang nas/ sprul pa'i de bzhin gshegs pa dpag tu med pa brgya stong phrag khri'i sprul pa'i byang chub
474b3 sems dpa' mang pos zhabs 'bring byas pa/ de nas zhing khams gzhan gyi byang chub sems dpa' thams cad cho 'phrul bco brgyad ston cing / lha'i dbu rgyan gyi nang na yid la smon
474b4 pa'i rjes su mthun par lha'i dbu rgyan gyi nang na gnas so/ /byams pa'i smin mtshams nas 'od zer dkar po byung ste 'od zer de dag las brgyan phrag gi rin po che'i kha dog dang /
474b5 ldan pa'i mtshan sum cu rtsa gnyis/ mtshan re re'i nang nas bye ba phrag lnga brgya'i rin po che'i kha dog dpe byad bzang po/ dpe byad re re la'ang bye ba phrag lnga brgya'i rin po che'i
474b6 mtshan dang / dpe byad kyi kha dog 'bar ba'i lha'i bu re re'i 'od zer brgyad khri bzhi stong gi sprin thams cad pad+ma las rang rang 'dug nas/ nyin mtshan rtag par phyir mi ldog
474b7 pa'i sa'i chos kyi 'khor lo spyod pa/ bgrod pa gcig cing don grub par byed pa phrag lnga brgya'i lha'i bu de dag phyir mi ldog pa'i bla na med pa yang dag par rdzogs pa'i byang chub
475a1 'di dag tu/ dga' ldan gyi gnam du nyin mtshan rtag tu phyir mi ldog pa'i sa'i chos kyi 'khor lo la lha'i bu thams cad 'khod pa/ 'dzam bu'i
475a2 gling gi tshe lo'i grangs bye ba 'bum phrag lnga bcu rtsa drug lon nas byams pa dga' ldan gyi gnam nas 'dzam bu'i gling du skye ba blangs pa'i mdo bshad par 'gyur ro/ /u
475a3 pA li/ byang chub sems dpa' byams pa zhes bya ba 'dzam bu'i gling nas tshe 'phos nas dga' ldan gnam du skyes pa'i yon tan ni/ de bzhin gshegs pa mya ngan
475a4 las 'das nas de'i 'khor nye gnas las gang la la zhig brtson 'grus su bsod nams bsags pa/ sdom pa ma zhig cing mchod rten la phyag ba dar dang / maN+Dal byed pa
475a5 dang | spos dri zhim pa dang / me tog gi mchod pa dang / rnam par thar pa gsum la spyod cing / zab cing drang ba'i chos la spyod pa dang / mdo sde klog cing / sems rtse gcig tu rgyun
475a6 mi 'chad par yid la zlos pa dang / mngon par shes pa drug thob par byed pa dang / de bzhin gshegs pa'i sku gzugs byed pa dang / byams pa'i mtshan brjod pa de lta bu la
475a7 sogs pa'i mi de dag ni 'di skad cig tsam du khrims brgyad mnos nas sdig pa thams cad byang bar byed cing / smon lam btab nas tshe'i dus byas pa'i 'og tu/ dper na/
475b1 skyes bu stobs dang ldan pa lag pa brgyang ba tsam du dga' ldan du skyes nas pad+ma'i steng du skyil mo krung bcas nas/ brgya phrag stong gi lha'i bus lha'i rol mo byed cing me
475b2 tog man+dAr ba dang / man+dA ra ba chen po 'thor zhing legs so/ /legs so/ /zhes bsngags pa brjod nas/ rigs kyi bu/ khyod ni 'dzam bu'i gling du bsod nams rgya chen po bsags
475b3 nas| 'chi 'pho ba'i 'og tu 'di ni dga' ldan gyi gnas zhes bya ba yin te/ 'dir lha'i rgyal po byams pa zhes bya ba la/ khyod skyabs su gsol/ phyag 'tshol cig dang / phyag
475b4 'tshal na smin mtshams kyi mdzod sku nas 'od zer dkar pos reg par byas nas/ bskal pa dgu bcu'i skye shi las grol zhing sdig pa 'byang bar 'gyur ro/ /de nas byang chub
475b5 sems dpa'i rjes su mthun pa'i yon tan gyis ngo mtshar chos bshad nas/ brtson pa mi 'dor ba phyir mi ldog pa'i 'khor lo dang / bla na med pa'i lam yid la sems pa de lta bu la
475b6 sogs pa'i sems can sdig pa thams cad byang zhing chos drug la spyod na the tshom med par nges par dga' ldan gyi gnam du skyes nas/ 'phags pa byams pa'i zhal mthong / byams
475b7 pa'i zhabs 'bring nas 'dzam bu'i gling du dang por chos thos nas ma 'ongs pa'i bskal pa 'di nyid kyi sangs rgyas dang / bskal pa skar ma lta bu'i sangs rgyas thams cad kyi'ang
476a1 zhal mthong nas sangs rgyas de dag thams cad kyi drung du byang chub tu lung ston pa thob par 'gyur ro/ /u pA li/ de bzhin gshegs pa mya ngan las
476a2 'das pa'i 'og tu dge slong dang / dge slong ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po
476a3 la sogs pa 'khor thams cad las gang la la zhig byang chub sems dpa' sems dpa' chen po byams pa'i mtshan thos nas dga' ba dang / gus par phyag 'tshal ba'i
476a4 mi de dag tshe'i dus byas nas se gol gtogs pa tsam du gong ma ci lta ba bzhin du/ byams pa'i mtshan thos nas tshe'i dus byas pa'i 'og tu mun pa'i khams su mi ltung /
476a5 mtha' 'khob kyi yul dang / log par lta ba dang / mi dge ba thams cad spyod par mi skye/ skye ba thams cad du drang por lta ba dang / 'khor phun sum tshogs pa dang / dkon
476a6 mchog gsum la mi smod par skye'o/ /u pA li/ rigs kyi bu dang / rigs kyi bu mo gang la la zhig/ sdom pa bshig pa dang / sdig pa mi dge ba'i las byas pas byang
476a7 chub sems dpa' thugs rje chen po'i mtshan thos pas mtshan nas brjod cing / yan lag lnga gtugs te/ sems rtse gcig tu bshags na sdig pa thams cad myur du
476b1 byang nas ma 'ongs pa'i dus kyi sems can thams cad byang chub sems dpa' thugs rje chen po'i mtshan brjod pa dang / sku gzugs bris nas spos dang / me tog dang / gos
476b2 dang | gdugs dang / rgyal mtshan dang / ba dan dang / phyag btsal zhing yid la zlos na mi de dag tshe'i dus byas pa'i tshe na byang chub sems dpa' byams pas/ mi chen po'i
476b3 mtshan smin mtshams kyi mdzod spu nas 'od dang / lha'i bu thams cad kyis man+dA ra ba'i char phab nas mi de dag bsdus nas skad cig yud tsam gyis lha'i gnas su skyes/ /'phags
476b4 pa byams pa'i zhal mthong nas gdong dang / spyi bos phyag btsal nas de ma thag tu chos thos pa dang / bla na med pa'i byang chub kyi la mthob pa dang / phyir mi ldog pa'i 'khor lo dang / /
476b5 ma 'ongs pa'i dus kyi tshe de bzhin gshegs pa gang gA'i klung gi bye ma snyed kyi de bzhin gshegs pa mthong bar 'gyur ro/ /u pA li/ khyod rtse gcig tu nyon la yid la gyis shig /
476b6 byang chub sems dpa' byams pa zhes bya ba la ma 'ongs pa'i sems can thams cad skyabs su 'gro ba na gang la la zhig skyabs su 'gro ba'i mi de dag ni bla na med pa'i lam
476b7 dang | phyir mi ldog pa'i 'khor lo 'thob nas byang chub sems dpa' byams pa de bzhin gshegs pa dgra bcom pa yang dag par rdzogs pa'i sangs rgyas pa'i dus kyi tshe/ mi de dag de bzhin gshegs pa'i 'od zer mthong nas lung bstan pa thob par 'gyur ro/
477a1 /u pA li/ de bzhin gshegs pa mya ngan las 'das pa'i 'og
477a2 tu 'khor bzhi po dang / lha dang / klu dang / gnod sbyin la sogs pa gang la la zhig dga' ldan gyi gnas su skyes pa'i dus kyi tshe/ 'di ltar blta bar bya ste/ dga' ldan yid
477a3 la byed pas de bzhin gshegs pa'i sdom pa blangs nas/ nyi ma gcig gam/ nyi ma bdun gyi bar du/ dge ba bcu yid la byed pa dang / dge ba bcu'i lam la spyod pa'i bsod
477a4 nams de dag byams pa'i mdun du bsngo zhing smon lam btab pa de dag ni lta ba de dag gi lha'i bu mthong ba dang / pad+ma mthong bar 'gyur ro/ /gang la la zhig skad cig tsam
477a5 byams pa'i ming nas brjod pa'i mi de dag ni/ bskal pa stong nyis brgya'i skye shi las grol zhing sdig pa 'byang bar 'gyur ro/ /byams pa'i mtshan thos pas thal mo sbyar
477a6 ba'i mi de dag ni/ bskal pa lnga bcu'i skye shi las thar bar 'gyur ro/ /gang la la zhig byams pa la gus par phyag btsal bas bskal pa bye ba brgya'i skye shi las grol /
477a7 thar zhing sdig pa byang bar 'gyur ro/ /lha'i gnas la mi chags shing ma 'ongs pa'i dus su klu'i sdong po byang chub kyi shing drung du bla na med pa'i byang chub kyi lam du sems
477b1 bskyed pa'ang thob par 'gyur ro/ /de skad ces bka' stsal pa dang / 'khor mang po dpag tu med pa stan las langs te bcom ldan 'das kyi zhabs la spyi bos phyag btsal nas
477b2 byams pa'i zhabs la'ang phyag btsal nas bcom ldan 'das dang / byams pa la la na brgya stong du bskor nas lam mthob par dag rang rang gi smon lam btab pa/ bdag
477b3 cag la sogs pas lha dang / mi dang / sde brgyad po 'dir bcom ldan 'das kyi spyan sngar mos pas smon lam btab pas ma 'ongs pa'i dus su lus spangs nas/ 'phags pa
477b4 byams pa'i zhal mthong ba dang / thams cad dga' ldan gyi gnam du skye ba thob par gyur cig /bcom ldan 'das kyis bka' stsal pa/ khyod la sogs pa ma 'ongs pa'i dus su
477b5 bsod nams byed pa dang / tshul khrims bsrung ba dang / thams cad byang chub sems dpa' byams pa'i drung du skye ba blangs nas byang chub sems dpa' byams pas phyin gyis
477b6 rlob par 'gyur ro/ /bcom ldan 'das kyis u pA li la bka' stsal pa/ u pA li/ de lta bur lta ba ni yang dag par lta ba zhes bya'o/ /gzhan du lta ba ni log par lta ba zhes
477b7 bya'o| |de nas tshe dang ldan pa kun dga' bo stan la 'dug pa las langs te pus mo btsugs nas thal mo sbyar te bcom ldan 'das la 'di skad ces gsol to/ /legs
478a1 so| |bcom ldan 'das/ byams pa'i yon tan legs par bshad do/ /ma 'ongs pa'i dus kyi tshe bsod nams byed pa'i sems can 'bras
478a2 bu thob pa bdag cag gis thob par 'tshal bas/ bcom ldan 'das/ chos kyi rnam grangs 'di'i mtshan ci lags/ bdag cag gis ci ltar gzung bar bgyi/ bcom ldan
478a3 'das kyis/ kun dga' bo la bka' stsal pa/ kun dga' bo/ khyod kyis de bzhin gshegs pas gsungs pa ma brjed par gzung la ma 'ongs pa'i don du lha'i gnas su skye
478a4 pa'i lam 'byed pa dang / byang chub kyi mtshan dang / de bzhin gshegs pa'i gdung rgyun mi gcod pas mdo sde'i ming / byang chub sems dpa' byams pa mya ngan las 'das pa
478a5 zhes kyang bya/ byang chub sems dpa' byams pa dga' ldan gyi gnam du skye ba blangs nas byang chub kyi snying po la bskul ba zhes bya bar zungs shig /bcom ldan 'das kyis de
478a6 skad ces bka' stsal nas/ zhing khams gzhan nas 'ongs pa'i byang chub sems dpa' 'bum phrag bcu bzhi'i le'u brgyan pa'i ting nge 'dzin thob par gyur to/ /lha'i bu 'bum
478a7 phrag brgyad kyis bla na med pa'i byang chub tu sems bskyed nas thams cad kyis byams pa'i rjes su 'brang nas 'dzam bu'i gling du skye bar smon lam btab bo/ /bcom ldan
478b1 'das kyis de skad ces bka' stsal nas/ 'khor bzhi po dang / lha dang / klu la sogs pa sde brgyad po/ bcom ldan 'das kyis bka' stsal nas/ thams cad mngon par dga' ste/
478b2 bcom ldan 'das la phyag btsal nas phyir dong ngo / /'phags pa byang chub sems dpa' byams pa dga' ldan gnam du skye ba blangs pa'i mdo rdzogs so// //zhu ba'i
lo ts+tsha ba ban+de ba btong dang /
CLOSE WINDOW