བོད་ཡིག |
1a1 'dul ba ca pa bzhugs so//
1b1 @##/ /rgya gar skad du/ pra ti mok+Sha sU tra/ bod skad du/ so so thar ba'i mdo/
1b2 bam po dang po/thams cad mkhyen pa la phyag 'tshal lo/ /snyan pa'i ba dan
1b3 'jig rten gsum du grags//dam pa'i chos sgra seng ge'i sgra bsgrags pa/ /thams
1b4 cad mkhyen pa dkon mchog mdzod brnyes pa//zhabs la tshangs dbang gtsug gi
2a1 nor bus gtugs//sdug bsngal rgya mtsho gting mtha' med rgal ba/ /'gro ba'i gtso la spyi bos phyag
2a2 'tshal te//thams cad mkhyen pa'i bslab gzhi dkon mchog snod/ /'phags pa'i tshogs kyi dbus su dbye bar bya/ /sangs
2a3 rgyas 'dul ba gangs chen mtsho//gting mtha' med pa thams cad kyi/ /gnas pa'i snying dang snying po ni/ /so sor thar pa 'di yin
2a4 no| |'di ni dam chos rgyal po yi//chos kun gyi ni 'dren pa mchog /'di ni dge slong tshong tshogs kyi/ /bslab zong tshong khang
2a5 chen po yin//tshul khrims 'chal bas zin rnams kyi/ /gdug pa rnam sel sman 'di yin/ /'di ni lang tshos rnam 'khrul
2b1 ba'i| |rkang gnyis gzhon nu'i lcags kyu yin//mtsho bas zab pa'i 'khor ba las/ /sgrol ba'i rgal thabs 'di yin te/ /'di ni bzang
2b2 'gror 'gro ba yi//nges pa'i chu lon zam pa yin/ /'di ni nyon mongs pham byed lam/ /rgyal po yi ni 'dren pa mchog /'di ni thar pa'i grong
2b3 'jug pa'i//them skas gzhi dang 'dra bar gnas/ /nga ni mya ngan 'das gyur na/ /'di ni khyed kyi ston pa zhes/ /rang byung nyid kyis gus bcas
2b4 pa| |nan tan dge slong tshogs mdun bstod//sangs rgyas zhes bya'i sgra 'di yang / /'jig rten dag na rab tu dkon/ /mi nyid rnyed pa shin tu
2b5 dka'//rab tu byung ba shin tu dkon/ /de bzhin rab tu byung rnams kyi/ /tshul khrims phun tshogs rab tu dkon/ /tshul khrims yongs su dag
2b6 gyur kyang //grogs bzang shin tu rnyed par dka'/ /'jig rten sangs rgyas 'byung ba dang / /mi dang rab tu byung ba dang / /tshul khrims phun sum
3a1 tshogs pa dang //grogs bzangs rnyed dka' rnyed gyur nas/ /mkhas pa bdag la legs 'dod cing / /de dag 'bras bcas
3a2 byed 'dod pa'i//sdom brtson rnams kyis so sor thar/ /mnyan pa'i phyir ni 'bad par bya/ /dge slong dbang dul kun dbang po/ /sangs rgyas mi
3a3 'gyur rab byung ba//nges par thar pa 'dod rnams kyis/ /so sor thar pa rtag tu bsrungs/ /bskal pa bye ba rnams su yang / /so sor thar pa thos
3a4 pa dang //gzung dang 'dzin pa rnyed dka' ste/ /bsgrubs pa'ang shin tu rnyed par dka'/ /sangs rgyas rnams ni 'byung ba bde/ /chos bstan pa yang
3a5 bde ba yin//dge 'dun mthun pa bde ba ste/ /mthun pa rnams kyi dka' thub bde/ /'phags pa rnams ni mthong ba bde/ /dam pa dag dang 'grogs
3a6 pa bde//byis pa rnams ni ma mthong na/ /rtag tu bde ba nyid du 'gyur/ /tshul khrims ldan pa mthong ba bde/ /mang du thos pa mthong ba bde/ /
3b1 yang srid rnam par grol ba yi/ /dgra bcom pa dag mthong ba bde/ /'jug ngogs bde ba'i chu klung bde/ /chos la goms pa'i skye bo bde/ /shes rab thob par 'gyur ba bde/ /nga'o nga
3b2 rgyal zad pa bde//nges par byas shing dbang po thul ba dag/ dgon bzhi ba rnams su rgas gyur dang / /mang du thos pa nags kyi nang dag tu/ /lang tsho yol ba rnams kyis gnas pa bde/ /tshe
3b3 dang ldan pa dag sog rnams kyi 'das pa dang /lhag ma ji tsam pa/ de tsam mo/ /tshe dang ldan pa dag/ rga ba dang 'chi ba mngon par 'ong zhing / ston pa'i bstan pa yang 'jig par 'gyur
3b4 bas| tshe dang ldan pa dag gis bag yod pas rnal 'byor du bya'o//de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang / gzhan yang gang dag
3b5 de lta bu dang mthun pa/dge ba'i chos byang chub kyi phyogs rnams kyang bag yod pas 'thob bo/ /bcom ldan 'das kyi nyan thos kyi dge 'dun ni don nyung ba/ bya ba nyung ba yin pas/ dge 'dun
3b6 gyis thog mar bya ba ci yod/tshe dang ldan pa dag ma lhags pa rnams la 'dun pa dang yongs su dag pa dris shig /dris nas kyang brjod par bya'o/ /shAkya seng+ge de la ni/ /sor mo bcu
3b7 yi thal sbyar te//so sor thar pa gdon bar bya/ /gdul ba'i don du nga las nyon/ /thos nas drang srong chen po yis/ /ji skad gsungs bzhin bsgrubs bya zhing / /kha na ma tho phra rnams
4a1 la| |rtun cing byed pa nyid du gyis//rtag tu 'bad pas 'da' ba yi/ /sems rta kha blan dka' ba la/ /mthun pa'i gzer rnon brgyab pa yi/ /srab ni so sor
4a2 thar 'di yin//che ba gang dag ngag tsam gyis/ /ldog cing mtshams las mi 'da' ba/ /de dag mi rta bzang po yi/ /nyon mongs g.yul las nges rgyal 'gyur/ /su la srab 'di med pa
4a3 dang | |nang du'ang 'dod par mi 'gyur ba//de dag nyon mongs g.yul gyis dkrugs/ /'jog bral rnam par 'khyam par 'gyur/ /dge 'dun btsun pa rnams gsan du gsol/ deng
4a4 dge 'dun gyi gso sbyong bcu bzhi pa'am bco lnga pa ste/gal te dge 'dun gyis dus la bab cing bzod na/ dge 'dun gyis gnang bar mdzod cig dang / deng dge 'dun gso sbyong
4a5 mdzad de/so sor thar pa'i mdo gdon pa gdon no/ /'di ni gsol ba'o/ /tshe dang ldan pa dag bdag cag gso sbyong bya ste/ so sor thar pa'i mdo gdon pa gdon gyis/ khyed cag
4a6 su la ltung ba yod pa des mthol cig/ltung ba med na cang ma smra zhig/ cang mi smra na bdag gis tshe dang ldan pa dag yongs su dag par rig par bya'o/ /ji ltar so sor dris nas dge slong
4a7 gis lan btab pa de bzhin du dge slong gi 'khor 'di lta bu yang /lan gsum gyi bar du bsgrag par bya ba yin no/ /yang dge slong gang / dge slong gi 'khor 'di lta bur lan gsum
4b1 gyi bar du bsgrags pa na/ltung ba yod pa la dran bzhin du mi mthol na/ de shes bzhin du rdzun du smra ba yin no/ /tshe dang ldan pa dag shes bzhin du rdzun du smra ba ni/ bcom ldan 'das kyis
4b2 bar du gcod pa'i chos su gsungs so//de bas na dge slong gang ltung ba byung ba rnam par dag par 'dod pas/ ltung ba yod la dran zhing mthong ba mthol bar bya'o/ /mthol nas de bde ba la reg
4b3 par gnas par 'gyur ro//ma mthol ma bshags na ni mi 'gyur ro/ /tshe dang ldan pa dag bdag gis so sor thar pa'i mdo gdon pa'i gleng gzhi bton zin to/ /de la bdag gis tshe dang ldan
4b4 pa dag la ci 'di la khyed yongs su dag gam zhes dri'o//ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na/ 'di ltar
4b5 cang mi smra bas de de bzhin du 'dzin to//sdom la/ mi tshangs spyod dang rku ba dang / /mi la gsad par mi bya ba/ /rdzun du smra dang bcas pa yi/ /chos bzhi 'dir ni gsungs pa yin/ /
4b6 tshe dang ldan pa dag pham par 'gyur ba'i chos bzhi po 'di dag ni/ zla ba phyed phyed cing so sor thar pa'i mdo gdon pa las 'byung ngo / /yang dge slong gang dge slong rnams dang lhan cig
4b7 bslab pa mtshungs par gyur pas/bslab pa ma phul bslab pa nyams par ma byas par/ mi tshangs par spyod pa 'khrig pa las byung ba'i chos brten na tha na dud 'gro'i skye gnas su
5a1 skyes pa dang lhan cig kyang rung ste/dge slong de pham par gyur pa yin gyis/ gnas par mi bya'o/ /yang dge slong gang gzhan dag gi grong na 'dug pa'am/ dgon
5a2 pa na 'dug pa ma byin pa rku ba'i grangs su gtogs pa blangs na ci tsam ma byin par blangs pa de rgyal po'am/blon po chen pos bzung nas/ de la 'di skad ces/ kye mi khyod ni rkun ma'o/ /
5a3 byis pa'o/ /blun pa'o/ /rku ba'o zhes zer zhing gsod dam/ 'ching ngam/ spyugs kyang rung ste/ dge slong de ltar ma byin par len na/ dge slong de yang pham par gyur pa yin gyis/ gnas
5a4 par mi bya'o//yang dge slong gang mi'am mir chags pa la bsam bzhin du rang gi lag gis dar te srog bcad dam/ de la mtshon byin nam/ de la mtshon thogs pa gnyer tam/ de 'chir
5a5 bcug gam/de la 'chi ba'i bsngags pa brjod kyang rung ste/ de la 'di skad ces mi khyod 'tsho ba sdig pa/ mi gtsang ba ngan pa 'dis ci zhig bya ste/ kye mi khyod gson pa bas shi bla'o zhes
5a6 zer zhing /sems kyi 'dod pa dang / sems kyi kun tu rtog pa dag gis rnam grangs du mas de 'chir bcug gam/ de la 'chi ba'i bsngags pa brjod de/ de yang rtsom pa des dus byas na/
5a7 dge slong de yang pham par gyur pa yin gyis/ gnas par mi bya'o/ /yang dge slong gang mngon par mi shes shing yongs su mi shes la/ mi'i chos bla ma mtha' dang 'phags pa dang / bye
5b1 brag thob pa dang /shes pa dang / mthong ba dang / reg par spyod pa med la/ med bzhin du 'di shes so/ /'di mthong ngo zhes khas 'ches pa las de ltung ba byung ba rnam par dag par 'dod nas/
5b2 dus gzhan zhig na dris kyang rung / ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob/ gsog /
5b3 rdzun du smras so zhes zer na/ mngon pa'i nga rgyal ma gtogs te/ dge slong de yang pham par gyur pa yin gyis/ gnas par mi bya'o/ /tshe dang ldan pa dag bdag gis pham par gyur pa'i chos
5b4 bzhi po dag bton zin to//dge slong gis de dag las ltung ba gang yang rung ba zhig byas na/ thog ma ji lta bar phyis kyang de bzhin pham par 'gyur te/ dge slong rnams dang lhan cig gnas pa
5b5 dang | longs spyod du mi dbang gis gnas par mi bya'o//de la bdag gis tshe dang ldan pa dag la/ ci 'di la khyed yongs su dag gam zhes dri'o/ /ci 'di la khyed yongs su dag gam zhes
5b6 lan gnyis lan gsum du dri'o//'di la che dang ldan pa dag yongs su dag na/ 'di ltar cang mi smra bas de de bzhin du 'dzin to/ /sdom la/ khu ba 'dzin pa 'khrig tshig bsnyen bkur smyan/ /
5b7 khang pa khang chen dang ni gzhi med pa/ /bag tsam dge 'dun dbyen dang de rjes phyogs/ /khyim sun 'byin dang bka' blo mi bde ba'o/ /tshe dang ldan pa dag dge 'dun lhag ma'i chos bcu
6a1 gsum po 'di dag ni zla ba phyed phyed cing /so sor thar pa'i mdo 'don pa las 'byung ngo / /bsam bzhin du khu ba phyung na rmi lam gyi ma gtogs te/ dge 'dun lhag ma'o//
6a2 yang dge slong gang dral cing gyur pa'i sems kyis bud med kyi yul dang lhan cig lus reg par byed dam/ lag pa nas bzung ngam/ dpung pa nas bzung ngam/ lan bu nas bzung ngam/ yan lag
6a3 dang nyid lag gang yang rung ba la nom pa dang /nyug pa bdag gir byed na/ dge 'dun lhag ma'o/ /yang dge slong gang dral cing gyur pa'i sems kyis bud med kyi yul la gnas ngan len gyi tshig
6a4 sdig pa can/tshogs par mi dbyung ba/ 'khrig pa las byung ba dang ldan pa dag/ skyes bus na chung la ji lta ba bzhin du smras na/ dge 'dun lhag ma'o/ /yang dge slong gang dral cing gyur pa'i
6a5 sems kyis bud med kyi yul gyi mdun du bdag nyid kyi lus kyi bsnyen bkur bya ba'i phyir 'di lta ste/da lta bu'i dge slong tshul khrims dang ldan pa dge ba'i chos can/ tshangs par spyod pa la 'di
6a6 ltar 'khrig pa dang ldan pa'i chos 'dis bsnyen bkur byas na/sru 'di bsnyen bkur byas pa rnams kyi nang na mchog yin no zhes bsngags pa brjod na/ dge 'dun lhag ma'o/ /yang dge slong
6a7 gang bud med la skyes pa'i tshig dang /skyes pa la bud med kyi tshig gis chung ma nyid dam/ mdza' na mo nyid du smyan byed na tha na thang 'ga' phrad pa yang rung ste/ dge 'dun lhag ma'o/ /
6b1 dge slong gis bdag gis bslangs pa/ bdag po med pa/ bdag gi phyir khang pa rtsig tu 'jug na/ dge slong des khang pa tshad bzhin du brtsig tu chug cig/ de la khang pa'i tshad ni 'di yin te/ nang gi
6b2 srid du bde bar gshegs pa'i mtho'i mtho bcu gnyis/zheng du mtho bdun no/ /gzhi blta ba'i phyir dge slong des dge slong dag bkri bar bya'o/ /khrid pa'i dge slong dag gis kyang gzhi rung ba dang /
6b3 rtsod pa med pa dang / brtsam du rung bar blta bar bya'o/ /gal te dge slong gis gzhi mi rung ba'am/ rtsod pa dang bcas pa'am/ brtsam du mi rung bar bdag gis bslangs pa/ bdag po med pa/ bdag
6b4 gi phyir khang pa rtsig tu 'jug gam/gzhi blta ba'i phyir dge slong dag kyang mi khrid dam/ dge slong khrid pa dag la gzhi ston tam/ tshad las 'das na dge 'dun lhag ma'o/ /dge slong gis bdag
6b5 po yod pa/dge 'dun gyi phyir gtsug lag khang chen po rtsig tu 'jug na/ gzhi blta ba'i phyir dge slong des dge slong dag bkri bar bya'o/ /khrid pa'i dge slong dag gis kyang gzhi rung ba dang / rtsod
6b6 pa med pa dang /brtsam du rung bar blta bar bya'o/ /gal te dge slong gis gzhi mi rung ba'am/ rtsod pa dang bcas pa'am/ brtsam du mi rung bar bdag po yod pa dge 'dun gyi phyir gtsug lag
6b7 khang chen po rtsig tu 'jug gam/gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston na/ dge 'dun lhag ma'o/ /yang dge slong gang khros shing zhe sdang bar
7a1 gyur nas/ci nas kyang 'di tshangs par spyod pa dang dbral lo snyam nas/ dge slong dag pa ltung ba med pa la gzhi med par pham par 'gyur ba'i chos kyis skur pa las de
7a2 dus gzhan zhig na dris kyang rung /ma dris kyang rung / rtsod pa de yang gzhi med pa yin la/ dge slong yang zhe sdang la gnas pas zhe sdang gis smras so zhe na/ dge 'dun lhag ma'o/ /yang dge
7a3 slong khros shing zhe sdang bar gyur nas ci nas kyang 'di tshangs par spyod pa dang dbral lo snyam nas/dge slong dag pa ltung ba med pa la gzhan gyi cha ma yin pa dang / mthun pa pham par 'gyur
7a4 ba'i chos kyis skur pa las de dus gzhan zhig na/dris kyang rung / ma dris kyang rung / rtsod pa de yang gzhan gyi cha ma yin pa dang mthun pa yin la/ rtsod pa de gzhan gyi cha ma yin pa dang mthun
7a5 pas bag tsam las bsams pa tsam gyis chos 'ga' zhig blangs par gyur la/dge slong yang zhe sdang la gnas pas zhe sdang gis smras so zhe na/ dge 'dun lhag ma'o/ /yang dge slong gang
7a6 dge 'dun mthun pa dbye ba'i phyir rtul bar byed cing /dbyen byed par gyur pa'i rtsod pa yang dag par blangs nas rab tu bzung ste 'dug na/ dge slong de la dge slong rnams kyis 'di skad ces/
7a7 tshe dang ldan pa khyod dge 'dun mthun pa dbye ba'i phyir rtul par ma byed cig/ dbyen byed par 'gyur ba'i rtsod pa yang dag par blangs nas rab tu bzung ste ma 'dug cig/ tshe dang ldan pa dge
7b1 'dun dang mthun par gyis shig /dge 'dun mthun zhing mi phyed la kun tu dga' zhing mi rtsod de/ mchog gcig 'don pa gcig cing / chu dang 'o ma gcig tu 'dres pa lta bur gyur la/ ston pa'i
7b2 bstan pa yang gsal bar byed na/bde ba la reg par 'gyur gyis/ tshe dang ldan pa khyod dge 'dun 'byed par byed pa'i gzhi 'di lta bu 'di thong zhig /ces bsgo bar bya'o/ /dge slong de la dge
7b3 slong rnams kyis de skad bsgo ba na/gal te gzhi de gtong na de lta na legs/ gal te mi gtong na gzhi de gtong bar bya ba'i phyir/ lan gnyis lan gsum du yang dag par bsgo bar bya'o/ /
7b4 yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ /dge
7b5 slong de'i grogs byed pa'i dge slong mi mthun par smra ba nyid kyi rjes su phyogs pa gcig gam/gnyis sam/ mang po dag yod cing / gal te de dag dge slong rnams la 'di skad ces/ tshe dang
7b6 ldan pa dag khyed cag dge yang rung sdig kyang rung /dge slong 'di la ci yang ma smra zhig/ de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni
7b7 chos dang 'dul ba yang dag par blangs nas rab tu bzung ste rjes su tha snyad 'dogs par byed pa/dge slong 'di ni shes bzhin du smra'i/ mi shes par ma yin pa'i phyir te/ dge slong 'di
8a1 gang la 'dod cing bzod pa de la/bdag cag kyang 'dod cing bzod do zhes zer na/ dge slong de dag la dge slong rnams kyis 'di skad ces/ tshe dang ldan pa dag khyed
8a2 cag de skad ces tshe dang ldan pa dag khyed cag dge yang rung /sdig kyang rung dge slong 'di la ci yang ma smra zhig /de ci'i phyir zhe na/ tshe dang ldan pa dag dge slong 'di ni/ chos smra ba 'dul ba smra ba/
8a3 dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dogs par byed pa/ dge slong 'di ni shes bzhin du smra'i/ mi shes par ma yin pa'i phyir te/
8a4 dge slong 'di gang la 'dod cing bzod pa de la/ bdag cag kyang 'dod cing bzod do/ /zhes ma zer cig /de ci'i phyir zhe na/ tshe dang ldan pa dag dge slong 'di ni/ chos smra ba ma yin/ 'dul
8a5 ba smra ba ma yin gyi/tshe dang ldan pa dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas
8a6 rab tu bzung ste/rjes su tha snyad 'dogs par byed pa/ dge slong 'di ni mi shes bzhin du smra'i/ shes par smra ba ma yin pa'i phyir te/ dge slong 'di ni gang la 'dod cing bzod pa la/
8a7 tshe dang ldan pa dag 'dod cing bzod par ma byed cig/ tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun mthun pa nyid du 'dod par gyis shig/
8b1 dge 'dun mthun zhing mi phyed la/ kun tu dga' zhing mi rtsod de/ mchog gcig 'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/ bde
8b2 ba la reg par gnas par 'gyur gyis/tshe dang ldan pa dge 'dun 'byed pa'i rjes su phyogs shing / mi mthun par smra ba 'di lta bu 'di thong zhig ces bsgo bar bya'o/ /dge slong de dag la dge
8b3 slong rnams kyis de skad bsgo ba na/gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag
8b4 par bstan par bya'o//lan gnyis lan gsum du yang dag par bsgo/ yang dag par bstan pa na gzhi de dag gtong na de lta na legs/ gal te mi gtong na dge 'dun lhag ma'o/ /dge
8b5 slong rab tu mang po dag grong ngam/grong rdal zhig na nye bar rten cing gnas par gyur la/ de dag kyang khyim sun 'byin pa/ sdig pa'i chos kun tu spyod cing / de dag gis khyim sun phyung bar mthong ngam
8b6 thos sam rab tu shes sam/de dag sdig pa kun tu spyod par mthong ngam thos sam rab tu shes na dge slong de dag la dge slong rnams kyis 'di skad ces/ tshe dang ldan pa dag khyim sun 'byin pa sdig
8b7 pa'i chos kun tu spyod pa dag yin te/phyed kyis khyim dag sun phyung bar yang mthong zhing thos la/ rab tu shes te/ khyed sdig pa kun tu spyod par yang mthong zhing thos la/ rab tu shes kyis/ tshe
9a1 dang ldan pa dag khyed 'di na gnas pas chog gis/gnas 'di nas deng zhig ces bsgo bar bya'o/ /gal te de dag dge slong rnams la 'di skad ces/ tshe dang ldan pa
9a2 dag 'di na dge slong kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod bar byed/ kha cig
9a3 ni skrod par mi byed do zhes zer na/dge slong de dag la/ dge slong rnams kyis 'di skad ces tshe dang ldan pa dag khyed de skad ces tshe dang ldan pa dag 'di na dge slong kha cig 'dun pas 'gro ba/ zhe sdang
9a4 gis 'gro ba/gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do/ /zhes ma zer cig /de ci'i
9a5 phyir zhe na/dge slong 'di dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba dag ma yin gyi 'di ltar tshe dang ldan pa dag nyid
9a6 khyim sun 'byin pa sdig pa'i chos kun tu spyod pa dag yin te/khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos la
9a7 rab tu shes pa'i phyir te/tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam
9b1 'di lta bu 'di thong zhig ces bsgo bar bya'o//dge slong de dag la dge slong rnams kyis de skad ces bsgo ba na/ gal te gzhi de gtong na de ltan legs/ gal te mi gtong na/ gzhi de gtong bar bya ba'i
9b2 phyir| lan gnyis lan gsum du yang dag par bsgo bar bya/yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na/ gzhi de gtong na de lta
9b3 na legs/gal te mi gtong na dge 'dun lhag ma'o/ /'di na dge slong 'ga' zhig bka' blo mi bde ba'i rang bzhin can du gyur la/ de la dge slong rnams kyis gdon par gtogs pa bslab pa'i gzhi
9b4 rnams dang /bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ tshe dang ldan pa dag khyed cag dge yang rung sdig kyang rung / bdag
9b5 la ci yang ma smra zhig/bdag kyang dge yang rung sdig kyang rung / tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong zhig/ khyed la yang bdag gis smras
9b6 pas ci zhig bya zhes bdag nyid brjod par bya ba ma yin par byed na/dge slong de la dge slong rnams kyis 'di skad ces/ tshe dang ldan pa khyod dge slong rnams kyis gdon par gtogs pa bslab
9b7 pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba ma yin par ma byed
10a1 par/tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang / 'dul ba dang mthun par smras pa na/
10a2 tshe dang ldan pa yang dge slong rnams la chos dang mthun pa dang / 'dul ba dang mthun par smros shig/ de ci'i phyir zhe na/ 'di lta ste gcig la gcig brjod par bya ba nyid du byed pa dang / gcig
10a3 la gcig 'doms shing rjes su ston pa dang /gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs
10a4 rgyas de'i 'khor 'di 'phel bar 'gyur gyis/tshe dang ldan pa dag bdag nyid brjod par bya ba ma yin par byed pa'i las kyi mtha' 'di lta bu thong zhig ces bsgo bar bya'o/ /dge slong de la dge
10a5 slong rnams kyis de skad bsgo ba na/gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang
10a6 dag par bstan par bya'o//lan gnyis lan gsum du yang dag par bsgo/ yang dag par bstan pa na/ gzhi de gtong na de lta na legs/ gal te mi gtong na dge 'dun lhag ma'o/ /
10a7 tshe dang ldan pa dag bdag gis dge 'dun lhag ma'i chos bcu gsum po dag bton zin to/ /de dag las dgu ni ltung ba dang po dag nyid kyis so/ /bzhi ni lan gsum gyi bar gyis so/ /dge
10b1 slong gis de dag las ltung ba gang yang rung ba zhig byas la/ji srid du shes bzhin du 'chab par byed pa de srid du des mi 'dod bzhin du spo bar bya'o/ /dge slong gis mi 'dod bzhin du spo ba byas nas/
10b2 de'i 'og tu zhag drug gi bar dge 'dun mgu bar bya ba spyad par bya ba'o/ /dge slong gis mgu bar bya ba spyad nas/ dbyung bar bya ba la thogs te chos dang mthun par byas la/ dge slong gis dge 'dun gyi
10b3 sems mgu bar byas na/gang na dge slong nyi shu'i tshogs kyi dge 'dun yod pa der/ dge slong de dbyung bar bya'o/ /gal te dge slong nyi shur gcig gis ma tshang ba'i tshogs kyi dge 'dun gyis
10b4 dge slong de 'byin par byed na/dge slong de yang ma phyin la/ dge slong de dag kyang smad par bya ba yin te/ de la de ni cho ga yin no/ /de la bdag gis tshe dang ldan pa dag la ci 'di la khyed yongs su
10b5 dag gam zhes dri'o//ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to/ /sdom
10b6 la| dben pa skyabs yod 'dug pa'o//tshe dang ldan pa dag ma nges pa'i chos gnyis po 'di dag ni zla ba phyed phyed cing so sor thar pa'i mdo 'don pa las 'byung ngo / /yang dge slong gang bud med
10b7 kyi yul dang lhan cig gcig pu gcig bu dang dben pa skyabs yod pa na/'dod pa byar rung ba stan la 'dug par byed cing / de la gal te dge bsnyen ma yid ches pa'i tshig dang ldan pas chos
11a1 gsum po pham par gyur pa'am/dge 'dun lhag ma'am/ ltung byed las chos gang yang rung bas smras par gyur la/ dge slong gis 'dug par khas blangs na /
11a2 chos gsum po pham par gyur pa'am/ dge 'dun gyi lhag ma'am/ ltung byed las/ chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan
11a3 pas chos gang dang gang gis smras par gyur pa'i chos de dang des dge slong de byed du gzhug ste/de ni ma nges pa'i chos so/ /yang dge slong gang bud med kyi yul dang lhan cig gcig pu gcig
11a4 dang dben pa skyabs yod pa na/'dod pa byar mi rung bar stan la 'dug par byed cing / de gal te dge bsnyen ma yid ches pa'i tshig dang ldan pas chos gnyis po dge 'dun lhag ma'am/
11a5 ltung byed las chos gang yang rung bas smras par gyur la/ dge slong gis 'dug par khas blangs na/ chos gnyis po dge 'dun lhag ma'am/ ltung byed las chos gang yang rung bas byed
11a6 du gzhug cing /dge slong de la dge bsnyen ma yid ches pa'i tshig dang ldan pas/ chos gang dang gang gis smras par gyur pa'i chos de dang des/ dge slong de byed du gzhug ste/ de yang
11a7 ma nges pa'i chos so//tshe dang ldan pa dag bdag gis ma nges pa'i chos gnyis po dag bton zin to/ /de la bdag gis tshe dang ldan pa dag la ci 'di la khyed yongs su dag gam zhes dri'o//
11b1 ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to/ /sdom la/ 'chang ba 'bral ba 'jog
11b2 pa dang //'khrur 'jug pa dang len pa dang / /slong dang stod g.yogs smad g.yogs bcas/ /rin thang so sor bskur ba'o/ /tshe dang ldan pa dag spang ba'i ltung byed kyi chos sum cu po 'di dag ni/ zla ba
11b3 phyed phyed cing so sor thar pa'i mdo 'don pa las 'byung ngo //dge slong chos gos zin pas/ sra brkyang phyung na zhag bcu'i bar du gos lhag pa rnam par ma brtags pa bcang bar bya'o/ /de las 'das
11b4 par 'chang na spang ba'i ltung byed do//dge slong chos gos zin pas sra brkyang phyung na/ gal te nub gcig kyang chos gos gsum las chos gos gang yang rung ba dang mtshams kyi phyi rol tu 'bral bar byed
11b5 na| dge 'dun gyis gnang ba ma gtogs te/spang ba'i ltung byed do/ /dge slong chos gos zin pas sra brkyang phyung na/ dus ma yin pa'i gos shig rnyed la 'dod na dge slong des gos de blang bar
11b6 bya'o//blangs nas gal te langs na myur ba kho nar gos su byas la bcang bar bya'o/ /gal te mi langs la kha ma langs pa kha skong ba'i gos la re ba yod na/ dge slong des chos gos de zla ba gcig gi
11b7 mthar gzhag par bya'o//de las 'das par 'jog na spang ba'i ltung byed do/ /yang dge slong gang dge slong ma nye du ma yin pa la gos rnying pa 'khrur 'jug gam/ 'tshed du 'jug gam/ 'chag tu
12a1 'jug na spang ba'i ltung byed do//yang dge slong gang dge slong ma nye du ma yin pa las gos len na brjes pa ma gtogs te/ spang ba'i ltung byed do/ /yang dge slong gang
12a2 khyim bdag gam/khyim bdag gi chung ma nye du ma yin pa'i gan du song ste/ gos slong na dus ma gtogs te/ spang ba'i ltung byed do/ /de la dus ni 'di yin te/ dge slong gos phrogs sam/
12a3 gos rlag gam/ gos tshig gam/ gos rlung gis khyer ram/ gos chus khyer na/ de la de ni dus yin no/ /dge slong gos phrogs sam/ gos rlag gam/ gos tshig gam/ gos rlung gis khyer
12a4 ram/gos chus khyer na khyim bdag gam/ khyim bdag gi chung ma nye du ma yin pa'i gan du song la gos bslang bar bya'o/ /de la gal te bram ze'am/ khyim bdag dad pa can zhig gis/ dus
12a5 kyis gos mang po stobs la 'dod na/dge slong des de las gos stod g.yogs smad g.yogs dang bcas pa'i mthar thug pa blang bar bya'o/ /de las lhag par ben na spang ba'i ltung byed do/ /
12a6 dge slong gi phyir khyim bdag gam/ khyim bdag gi chung ma nye du ma yin pas gos kyi rin dag spags nas/ bdag gi gos kyi rin 'di dag gis gos 'di dang 'di lta bu zhig nyos la/ dge
12a7 slong ming 'di zhes bya ba 'ongs pa dang /de la gos rung ba dus su bskon no snyam pa las de na gal te dge slong de la sngar ma bstabs par rnam par rtog pa 'ga' zhig byung ste/ bzang po 'dod
12b1 pa'i phyir khyim bdag gam/khyim bdag gi chung ma nye du ma yin pa de'i gan du song nas/ 'di skad ces tshe dang ldan pas bdag gi phyir gos kyi rin gang dag spags pa'i gos kyi rin de dag gis tshe dang
12b2 ldan pa gos 'di dang 'di lta bu zhig nyos la bdag la gos rung ba dus su legs par skon cig ces smras te/gos grub pa na spang ba'i ltung byed do/ /dge slong gi phyir khyim bdag dang / khyim bdag
12b3 gi chung ma nye du ma yin pas gos kyi rin so so ba de dag spags nas/bdag cag gnyis kyis gos kyi rin so so ba 'di dag gis/ gos 'di dang 'di lta bu so so bdag nyos la/ dge slong ming 'di
12b4 zhes bya ba 'ongs pa dang /bdag cag gnyis kyis so so nas de la gos rung ba dus su bskon no snyam pa las/ de na gal te dge slong de la sngar ma bstabs par rnam par rtog pa 'ga' zhig byung ste/
12b5 bzang po 'dod pa'i phyir khyim bdag dang / khyim bdag gi chung ma nye du ma yin pa de dag gi gan du song nas 'di skad ces/ tshe dang ldan pa dag gis bdag gi phyir gos kyi rin so so ba dag spags
12b6 pa'i gos kyi rin so so ba de dag gis tshe dang ldan pa dag gos 'di dang 'di lta bu so so ba dag nyos la gnyi ga 'dus te/bdag la gos rung ba zhig dus su legs par skon cig /ces smras te/ gos
12b7 grub pa na spang ba'i ltung byed do//dge slong gi phyir rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul mi'am/ nor can nam/ tshong dpon nam/
13a1 ded dpon gyis pho nya'i lag tu gos kyi rin dag bskur bar gyur la/ de nas pho nya de gos kyi rin de dag khyer nas/ dge slong de ga la ba der song ste phyin nas/ dge
13a2 slong de la 'di skad ces 'phags pa mkhyen par mdzod cig/khyod la rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul gyi mi'am/ nor can
13a3 nam/tshong dpon nam/ ded dpon che ge mos gos kyi rin 'di dag bskur gyis/ 'phags pas thugs brtse ba'i slad du 'di dag bzhes shig ces zer na/ dge slong des pho nya de la
13a4 'di skad ces tshe dang ldan pa pho nya/dge slong dag ni gos kyi rin dag len du mi rung ste/ bdag cag gos rung ba dus su rnyed pa na ni len to zhes brjod par bya'o/ /gal te pho nya des dge slong
13a5 de la 'di skad ces 'phags pa rnams kyi zhal ta bgyid pa/'phags pa rnams kyi zhal ta nyams su len pa/ gang lags pa 'ga' mchis sam zhes zer na/ dge slong gos 'dod pas
13a6 pho nya la 'di skad ces/tshe dang ldan pa pho nya 'di ni dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o zhes/ kun dga'i ra ba pa'am/ dge bsnyen
13a7 zhal ta byed pa bstan par bya'o//de nas pho nya des gos kyi rin de dag khyir nas/ zhal ta byed pa ga la ba der 'gro bar bya zhing / phyin nas zhal ta byed pa la 'di skad ces tshes dang ldan pa zhal ta
13b1 byed pa/shes par gyis shig/ khyod kyis gos kyi rin 'di dag gis gos 'di dang 'di lta bu zhig nyos la/ dge slong ming 'di zhes bya ba 'ongs pa dang / de la gos rung ba dus su skon cig ces brjod par
13b2 bya'o//de nas pho nya des zhal ta byed pa de la shin tu legs par yang dag par bsgo zhing yang dag par bstan nas dge slong de ga la ba der 'gro bar bya zhing phyin nas/ dge slong de la 'di skad ces
13b3 'phags pas zhal ta bgyid pa bstan pa gang lags pa de la/bdag gis yang dag par bstan lags kyis de'i gan du bzhud cig dang / des khyod la gos rung ba dus su bskon par 'gyur ro/ /
13b4 zhes brjod par bya'o/ /dge slong gos 'dod pas zhal ta byed pa'i gan du song nas/ tshe dang ldan pa zhal ta byed pa bdag gos 'dod do/ /tshe dang ldan pa zhal ta byed pa bdag gos 'dod do zhes lan
13b5 gnyis lan gsum du bskul bar bya/dran par bya'o/ /lan gnyis lan gsum du bskul zhing dran par byas pa na/ gal te gos de grub na de lta na legs/ gal te ma grub na lan bzhi lan lnga
13b6 lan drug gi bar du phyogs su cang mi zer bar bsdad par bya'o//lan bzhi lan lnga lan drug gi bar du phyogs su cang mi smra bar bsdad pa na/ gal te gos de grub na de lta na legs/ gal te
13b7 ma grub na/de'i 'og tu gos bsgrub pa'i phyir/ brtsal te gos grub na/ spang ba'i ltung byed do/ /gal te ma grub na phyogs gang nas gos kyi rin de dag 'ongs pa der bdag 'gro bar bya'o/ /yang
14a1 na yid brtan pa'i pho nya las tshe dang ldan pa dag gis dge slong che ge mo'i phyir gos kyi rin gang dag bskur ba de dag ni/dge slong de'i don cir yang ma grub kyis shes
14a2 par gyis shig /tshe dang ldan pa dag gis rang gi nor chud ma gzan cig ces spring bar bya ste/ de la de ni cho ga yin no/ /sdom la/ srin bal 'ba' zhig cha gnyis dang / /drug dang mtho
14a3 gang lam dang ni//'khru ba dang ni gser dngul dang / /mngon mtshan can dang nyo tshong ngo / /yang dge slong gang srin bal gyi stan gsar pa byed na spang ba'i ltung byed do/ /yang dge slong gang
14a4 lug bal nag po 'ba' zhig gi stan gsar pa byed na/spang ba'i ltung byed do/ /dge slong gis stan gsar pa byed na cha gnyis ni lug bal nag po 'ba' zhig las gzhug par bya'o/ /gsum pa
14a5 ni dkar po las/bzhi pa ni 'khob bal las gzhug par bya'o/ /gal te dge slong gis cha gnyis lug bal nag po 'ba' zhig las ma bcug gam/ gsum pa dkar po las/ bzhi pa 'khob bal
14a6 las ma bcug par stan gsar pa byed na/spang ba'i ltung byed do/ /dge slong gis stan gsar pa byed na/ mi 'dod bzhin du lo drug tu bcang bar bya'o/ /gal te dge slong lo drug tshun chad du
14a7 stan rnying pa de spangs kyang rung /ma spangs kyang rung / stan gsar pa gzhan byed na/ dge 'dun gyis gnang ba ma gtogs te/ spang ba'i ltung byed do/ /dge slong gis gding ba gsar pa byed na/
14b1 sar pa kha dog mi sdug par bya ba'i phyir/ gding ba rnying pa bde bar gshegs pa'i mtho gang 'khor bas glan par bya'o/ /gal te dge slong gis gding ba sa bar kha dog mi sdug bar bya ba'i phyir/ gding ba
14b2 rnying pa bde bar gshegs pa'i mtho gang 'khor bas ma glan par gding ba sar pa spyod na spang ba'i ltung byed do//dge slong lam du zhugs pas lug bal dag rnyed la 'dod na dge slong des blang bar bya'o/ /
14b3 blangs nas khyer ba med na dpag tshad gsum gyi mtha'i bar du bdag nyid kyis bskur bar bya'o/ /de las 'das par khyer na spang ba'i ltung byed do/ /yang dge slong gang dge slong ma nye du ma yin pa la
14b4 lug bal 'khrur 'jug gam/'tshed du 'jug gam/ rmel du 'jug na/ spang ba'i ltung byed do/ /yang dge slong gang rang gi lag gis gser dngul len tam/ gzhan len du 'jug na spang ba'i
14b5 ltung byed do//yang dge slong gang mngon mtshan can gyi spyod pa rnam pa sna tshogs byed na spang ba'i ltung byed do/ /yang dge slong gang nyo tshong rnam pa sna tshogs byed na spang ba'i ltung byed do/ /sdom la/
14b6 lhung bzed gnyis dang tha ga gnyis/ /byin 'phrog ston zla tha chung dang / /dgon pa pa dang ras chen dang / /bsngos pa dang ni gsog 'jog go /yang dge slong gis lhung bzed lhag pa zhag bcu'i bar
14b7 du bcad par bya'o//de las 'das par 'chang na spang ba'i ltung byed do/ /yang dge slong gang / lhung bzed lhan ba lnga med pa spyad bzod pa yod bzhin du/ bzang po 'dod pa'i phyir lhung
15a1 bzed sar pa gzhan tshol zhing lhung bzed grub na spang ba'i ltung byed do//dge slong des lhung bzed de dge slong gi 'khor la dbul bar bya'o/ /dge slong gi 'khor de'i lhung
15a2 bzed tha mar gyur pa gang yin pa de dge slong de la/dge slong khyod kyis lhung bzed 'di byin gyis brlab par mi bya/ gtang ba mi bya/ gzhan la sbyin par mi bya bar chag pa'i mthar thug gi bar du
15a3 khad kyis dal bu dal bus spyad par bya'o//zhes sbyin par bya ste/ de la de ni cho ga yin no/ /yang dge slong gang rang gi lag gis bslangs pa'i dog pas tha ga pa nye du ma yin pa la 'thag tu
15a4 'jug na/gos grub na spang ba'i ltung byed do/ /dge slong gi phyir khyim bdag gam/ khyim bdag gi chung ma nye du ma yin pas tha ga pa nye du ma yin pa la gos 'thag tu bcug pa las/ de la
15a5 gal te dge slong de la sngar ma bstabs par rnam par rtog pa 'ga' zhig byung nas/tha ga pa nye du ma yin pa'i gan du song ste/ 'di skad ces tshe dang ldan pa tha ga pa shes par gyis shig /
15a6 gos 'di ni kho bo'i phyir 'thag gis/ tshe dang ldan pa tha ga pa gos 'di zheng che ba dang / khrun ring ba dang / thar gyis zhag pa dang / tha ga ran bzang bar legs par gyis shig /tshe dang ldan
15a7 pa tha ga pa 'di ltar kho bos gla rngan 'di lta ste/bza' ba'am/ bca' ba tsam mam/ bza' rgyu cung zad cig sbyin no zhes smras nas/ de la gal te dge slong des gos sgrub pa'i phyir
15b1 gla rngan 'di lta ste/bza' ba'am/ bca' ba tsam mam/ bza' rgyu cung zad cig sbyin zhing / gos grub na spang ba'i ltung byed do/ /yang dge slong gang dge slong la ges byin nas de'i 'og tu khros 'khrugs
15b2 rngams par gyur te yid ma rangs nas 'phrog gam 'phrog tu 'jug cing /de la 'di skad ces dge slong khyod la gos mi sbyin gyis/ phyir byin cig ces zer na/ dge slong des lhag ma yod pa phyir
15b3 sbyin par bya zhing btang na spang ba'i ltung byed do//dge slong gis ston zla tha chung / nyar zhag bcus ma tshang ba tshun chad du brtad pa las byung ba'i gos shig rnyed la/ 'dod na dge slong des
15b4 gos de bslang bar bya'o//bslangs nas gos sbyin pa'i dus kyi bar du bcang bar bya'o/ /de las 'das par bcang na spang ba'i ltung byed do/ /dge slong rab tu mang po dag gnas mal dgon pa dogs
15b5 pa dang bcas par grags pa/'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa dag tu dbyar phyi mar gyur la/ dge slong dgon pa pas
15b6 'dod na chos gos gsum las chos gos gang yang rung ba khyim gzhan du gzhag par bya'o//dge slong dgon pa pa la mtshams kyi phyi rol du 'gro dgos pa de lta bu'i rkyen zhig byung na/ dge slong
15b7 dgon pa pa des zhag drug gi mtha' tshun chad du chos gos de dang mtshams kyi phyi rol tu 'bral bar bya'o//de las 'das par 'bral na spang ba'i ltung byed do/ /dge slong rnams kyis so ga
16a1 rnams kyi zla ba gcig lus na dbyar gyi gos ras chen btsal bar bya'o//dbyar zad nas 'og tu zla ba phyed kyi bar du bcang bar bya'o/ /gal te dge slong gis so ga
16a2 rnams kyi zla ba gcig lus pa'i sngon rol tu dbyar gyi gos ras chen tshol bar byed dam/dbyar zad nas 'og tu zla ba phyed las lhag par 'chang na spang ba'i ltung byed do/ /yang dge slong gang
16a3 dge 'dun la bsngos pa'i rnyed pa shes bzhin du gang zag bdag la sgyur du 'jug na/spang ba'i ltung byed do/ /bcom ldan 'das kyis dge slong na ba rnams la phan pa so sor bsten par bya ba'i
16a4 sman gang dag bka' stsal pa 'di lta ste/zhun mar dang / 'bru mar dang / sbrang rtsi dang / bu ram gyi dbu ba de dag las/ dge slong na bas 'dod na rang gis zhag bdun par byin gyis
16a5 brlabs te/gsog 'jog gis yongs su longs spyod pas yongs su longs spyad par bya'o/ /de las 'das par yongs su longs spyod par byed na spang ba'i ltung byed do/ /tshe dang ldan pa dag
16a6 bdag gis spang ba'i ltung byed kyi chos sum cu po dag bton zin to//de la bdag gis tshe dang ldan pa dag la/ ci 'di la khyed yongs su dag gam zhes dri'o/ /ci 'di la khyed yongs su
16a7 dag gam zhes lan gnyis lan gsum du dri'o//'di la tshe dang ldan pa dag yongs su dag na/ 'di ltar cang mi smra bas de de bzhin du 'dzin to// //bam po gnyis
16b1 pa ste tha ma'o//spyi sdom ni/ shes bzhin dang ni sa bon dang / ma bskos pa dang yang yang dang / /chu dang khyim dang bsams bzhin dang / mgron mang rkun ma mchod ston no/ /sdom la/ rdzun
16b2 skyon dge slong phra ma dang /skyo sngogs byed dang ston pa dang / 'don dang gnas ngan len dang chos/ bshes ngor byed dang khyad du gsod/ /tshe dang ldan pa dag ltung byed kyi chos dgu bcu po
16b3 'di dag ni zla ba phyed phyed cing so sor thar pa'i mdo 'don pa las 'byung ngo //shes bzhin du brdzun du smra na ltung byed do/ /mi'i skyon nas smra na ltung byed do/ /dge slong la phra ma byed na ltung byed
16b4 do| |yang dge slong gang dge 'dun mthun pas chos bzhin du rtsod pa sbyangs par shes bzhin du yang las kyis skyo sngogs byed na ltung byed do//yang dge slong gang bud med kyi yul la tshig
16b5 lnga'am drug las lhag par chos ston na/rig pa'i skyes pa ma gtogs te ltung byed do/ /yang dge slong gang gang zag bsnyen par ma rdzogs pa dang tshig gis chos 'don na ltung byed do/ /
16b6 yang dge slong gang gang zag bsnyen par ma rdzogs pa la gnas ngan len gyi ltung ba brjod na/ dge 'dun gyis gnang ba ma gtogs te ltung byed do/ /yang dge slong gang gang zag bsnyen par ma
16b7 rdzogs pa la mi'i chos bla ma bden pa smra na ltung byed do//yang dge slong gang sngar legs par rung bar byas nas de'i 'og tu 'di skad ces tshe dang ldan pa dag gis 'di ltar bshes ngor byas te/
17a1 dge 'dun gyi rnyed par bsngos pa bdag gi gang zag la bsngos so zhes zer na ltung byed do/ /yang dge slong gang zla ba phyed phyed cing so sor thar pa'i mdo gdon pa 'don pa
17a2 na| 'di skad ces tshe dang ldan pa dag gang dag gis dge slong rnams 'gyod pa dang /yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis/ zla ba
17a3 phyed phyed cing so sor thar pa'i mdo gdon pa bton pa dag gis ci zhig bya zhes zer zhing bslab pa khyad du gsod na ltung byed do//sdom la/ sa bon 'phya ba bsgo ba dang / /khri dang gding dang skrod pa
17a4 dang | |phyis gnon 'byung ba 'debs pa dang //rim pa gnyis su rtsig pa'o/ /sa bon gyi tshogs dang 'byung po'i gnas 'jig gam 'jig tu 'jug na ltung byed do/ /'phya'am gzhog 'phyas
17a5 byed na ltung byed do//bsgo ba rna la gzon na ltung byed do/ /yang dge slong gang dge 'dun gyi khri'am/ khri'u'am/ stan nang tshangs can nam/ la ba'am/ sngas sam/ gor bu bla gab med
17a6 bar bting ngam/gding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na/ de 'dra ba'i rkyen ma gtogs te ltung byed do/ /yang
17a7 dge slong gang dge 'dun gyi gtsug lag khang du rtswa'i gding ba dang /lo ma'i gding ba bting ngam/ gding du bcug nas ma bsdus sam/ sdud du ma bcug gam/ dge slong 'khod pa la ma
17b1 bcol bar de nas song na/de 'dra ba'i rkyen ma gtogs te ltung byed do/ /yang dge slong gang khros 'khrugs rngam par gyur te yid ma rangs nas dge 'dun gyi gtsug lag khang nas/ dge slong skrod dam skrod
17b2 du 'jug na/de 'dra ba'i rkyen ma gtogs te ltung byed do/ /yang dge slong gang dge 'dun gyi gtsug lag khang nas/ dge slong dag snga na 'khod par shes bzhin du phyis 'ongs na su la gnod pa de 'gro
17b3 bar 'gyur ba de nyid du byas te/phyis gnon byas nas stan la nyal lam 'dug na ltung byed do/ /yang dge slong gang dag 'dun gyi gtsug lag khang gi steng gi nam mkha' la thog por bar khri'am
17b4 khri'u rtsa ba 'byung bar shes bzhin du lcid kyis phab ste/nyal lam 'dug na ltung byed do/ /yang dge slong gang shes bzhin du srog chags dang bcas pa'i chus rtsa'am/ lci ba'am/ sa la 'debs
17b5 sam/'debs su 'jug na ltung byed do/ /yang dge slong gis/ gtsug lag khang chen po zhig brtsig tu 'jug na/ sgo'i sbubs dang / gtan pa dang / snang ba'i gnas ji tsam pa'i 'du shes kyis brtags
17b6 pa nas bzung ste/pha gu'i rim pa 'jim pa dang bcas pa gnyis sam gsum brtsig par bya'o/ /de las lhag par rtsig na ltung byed do/ /sdom la/ ma bskos nyi ma nub pa dang / zas
17b7 dang chos gos gnyis dag dang //don mthun gru dang dben pa gnyis/ /dge slong ma yis sbyor bcug pa'o/ /yang dge slong gang dge 'dun gyis ma bskos par dge slong ma la ston na/ chos
18a1 'di lta bu dang ldan pa ma gtogs te ltung byed do//dge slong gang dge 'dun gyis bskos kyang nyi ma nub kyi bar du dge slong ma la chos ston na ltung byed do/ /yang dge
18a2 slong gang dge slong rnams la 'di skad ces/dge slong dag zas cung zad tsam gyi phyir dge slong ma la ston to zhes zer na ltung byed do/ /yang dge slong gang dge slong ma nye du ma yin pa la gos
18a3 sbyin na ltung byed do//yang dge slong gang dge slong ma nye du ma yin pa'i gos byed na ltung byed do/ /yang dge slong gang dge slong ma'i don mthun dang lhan cig 'thams nas mgron lam du 'jug
18a4 na| dus ma gtogs te ltung byed do//de la dus ni 'di yin te/ lam don mthun gyis bgrod par bya ba/ dogs pa dang bcas par grags pa/ 'jigs pa dang bcas par grags pa/
18a5 'jigs pa tha dad pas 'jigs su rung ba dang bcas par grags pa zhig na/ de la de ni dus yin no/ /yang dge slong gang dge slong ma'i don mthun dang lhan cig 'thams nas gru gcig
18a6 tu 'jug cing /gyen du 'gro'am thur du 'gro na thad kar pha rol tu 'gro ba ma gtogs te/ ltung byed do/ /yang dge slong gang bud med kyi yul dang lhan cig gcig pu gcig dang dben pa
18a7 skyabs yod pa na stan la 'dug na ltung byed do//yang dge slong gang dge slong ma dang lhan cig gcig pu gcig dang dben pa skyabs yod pa na 'greng na ltung byed do/ /yang dge slong gang
18b1 shes bzhin du dge slong mas sbyor du bcug pa'i zas za na sngar khyim du bos pa ma gtogs te/ltung byed do/ /sdom la/ yang yang dang ni 'dug gnas gcig /phye dang bca' dang stobs pa dang / /
18b2 dus dang dus min gsog 'jog dang / /kha nas mid dang bsod pa nyid/ /yang yang za na dus ma gtogs te/ ltung byed do/ /de la dus ni 'di yin te/ na ba dus so/ /las dus so/ /lam dus
18b3 so| |gos sbyin pa'i tshe dus te/de la de ni dus yin no/ /'dug gnas gcig tu zhag lon pa'i dge slong mi na bas bsod snyoms gcig bza' bar bya'o/ /de las lhag pa za na ltung byed do/ /
18b4 dge slong rab tu mang po dag khyim rnams su dong ba las/ gal te de dag la bram ze dang khyim bdag dad pa can dag gis phye dang 'khur ba dag dus kyis stobs par gyur la/ 'dod na dge slong de
18b5 dag gis lhung bzed gang ba gnyis sam gsum blang bar bya'o//de las lhag par len na ltung byed do/ /lhung bzed gang ba gnyis sam gsum bslangs nas phyi rol kun dga' ra bar song la/
18b6 dge slong 'khod pa rnams la yang bgo bsha' bya/ bdag cag kyang bza' bar bya ste/ de la de ni cho ga yin no/ /yang dge slong gang zas zos zin cing spangs pa las lhag por ma byas
18b7 par bca' ba'am/bza' ba 'cha'am za na ltung byed do/ /yang dge slong gang shes bzhin du dge slong zas zos zin cing spangs pa la/ skabs tshol zhing ci nas kyang dge slong 'di nyes pa
19a1 'byung bar bya'o snyam pa de nyid rkyen du byas nas tshe dang ldan pa 'di 'cho zhig /'di zo zhig ces lhag por ma byas pa'i bca' ba dang bza' ba dus kyis stobs na ltung byed
19a2 do//'dus shing za na dus ma gtogs te ltung byed do/ /de la dus ni 'di yin te/ na ba dus so/ /las dus so/ /lam dus so/ /grur zhugs pa dus dang / 'dus pa chen po dang / dge slong
19a3 gi zas dus te de la ni dus yin no//yang dge slong gang dus ma yin par bca' ba'am bza' ba 'cha'am za na ltung byed do/ /yang dge slong gang bca' ba dang bza' ba gsog 'jog byas pa 'cha'am
19a4 za na ltung byed do//yang dge slong gang ma byin par kha nas mid pa'i zas za na chu dang so shing ma gtogs te ltung byed do/ /bcom ldan 'das kyis dge slong rnams kyi zas bsod pa gang dag gsungs
19a5 pa 'di lta ste/'o ma dang / zho dang / mar dang / nya sha dang / sha dang / sha skam dag ste/ dge slong mi na bar bdag nyid kyi phyir zas bsod pa de lta bu dag gzhan gyi khyim dag nas blangs
19a6 te 'cha'am za na ltung byed do//sdom la/ srog chags bcas dang nyal sar 'dug /'greng dang gcer bu dmag dang ni/ /zhag gnyis bsham dkrug 'gro ba dang / /brdeg dang gzas dang
19a7 gnas ngan len//yang dge slong gang shes bzhin du srog chag dang bcas pa'i chu la spyod na ltung byed do/ /yang dge slong gang shes bzhin du nyal po byed par shom pa'i khyim du phyis gnon
19b1 byed de stan la 'dug na ltung byed do//yang dge slong gang shes bzhin du nyal po byed par shom pa'i khyim du dben pa skyabs yod par 'greng na ltung byed do/ /yang dge slong gang / gcer bu pa'am/
19b2 gcer bu ma kun tu rgyu ba'am/ kun tu rgyu mo la rang gi lag nas bca' ba'am bza' ba byin na ltung byed do/ /yang dge slong gang dmag chas pa la ltar 'gro na ltung byed do/ /yang dge slong gang dmag
19b3 chas pa la lta bar 'gro ba de lta bu'i rkyen zhig byung na/dge slong des dmag de'i nang du zhag gnyis tshun chad gnas par bya'o/ /de las lhag par gnas na ltung byed do/ /dge slong zhag gnyis
19b4 dmag de'i nang na gnas pa'i tshe/yang gal te bshams pa dkrug tu 'gro'am/ rgyal mtshan gyi mchog gam/ dpung gi mchog gam/ g.yul bshams pa'i dmag la lta ba nyams su myong
19b5 bar byed na ltung byed do//yang dge slong gang khros 'khrugs rngam par gyur te/ yid ma rangs nas dge slong la brdeg na ltung byed do/ /yang dge slong gang khros 'khrugs rngam par gyur te/ yid
19b6 ma rangs nas dge slong la brdeg par gzas na tha na thal mos kyang rung ste ltung byed do//yang dge slong gang shes bzhin du dge slong gi gnas ngan len gyi ltung ba 'chab na ltung byed do/ /sdom
19b7 la| bde dang me dang 'dun pa dang /bsnyen par ma rdzogs chos dang smra/ /dge tshul kha dog bsgyur ba dang / /rin po che dang tsha ba'i dus/ /yang dge slong gang klan ka tshol zhing ci nas kyang dge slong
20a1 'di la klan ka btsal bar 'gyur ro snyam pa de nyid rkyen du byas te/dge slong la 'di skad ces tshe dang ldan pa tshur shog khyim dag tu 'dong dang / khyod la bca' ba dang bza' ba
20a2 bsod pa ci tsam 'dod pa sbyin du gzhug go zhes smras nas/des de la sbyin du ma bcug par de'i 'og tu 'di skad ces/ tshe dang ldan pa kho bo la khyod dang lhan cig smra ba'am 'dug pa bde ba ma yin gyi
20a3 'di ltar kho bo gcig pu kho na smra'am 'dug na bdes khyod nyid song zhig ces zer na ltung byed do//yang dge slong gang mi na bar bdag nyid kyi phyir me la reg gam reg tu 'jug na ltung byed do/ /yang dge
20a4 slong gang dge 'dun gyi bya ba chos dang ldan pa la dge slong la 'dun pa phul nas/de'i 'og tu khros 'khrugs rngam par gyur te/ yid ma rangs nas spong ba'i chos su byed cing / 'di skad ces dge slong
20a5 'dun pa phyir byin cig /khyod la mi sbyin no zhes zer na ltung byed do/ /yang dge slong gang / gang zag bsnyen par ma rdzogs pa dang lhan cig tu nub gnyis las lhag par gnas gcig tu nyal na ltung
20a6 byed do//yang dge slong gang 'di skad ces ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar
20a7 bcom ldan 'das kyis chos bstan pa bdag gis shes so zhes zer na/dge slong de la dge slong rnams kyis/ 'di skad ces tshe dang ldan pa khyod ji ltar bcom ldan 'das kyis bar du gcod
20b1 pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das
20b2 la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tshe dang ldan pa bar du gcod pa'i chos rnams ni/ bar du gcod pa
20b3 nyid do zhes/bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis/ tshe dang ldan pa khyod sdig pa can gyi lta ba'i rnam pa 'di lta bu 'di thong zhig ces
20b4 bsgo bar bya'o//dge slong de la dge slong rnams kyis de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang
20b5 dag par bsgo bar bya/yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na/ gzhi de gtong na de lta na legs/ gal te mi gtong na ltung
20b6 byed do//yang dge slong gang shes bzhin du de skad zer ba'i gang zag chos bzhin du ma byas pa/ sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/
20b7 kun tu gnas par byed/ kun tu longs spyod par byed cing / de dang lhan cig gnas gcig tu nyal na'ang ltung byed do/ /dge tshul zhig kyang 'di skad ces/ ji ltar bcom ldan 'das kyis 'dod pa
21a1 dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis
21a2 shes so zhes zer na/dge tshul de la dge slong rnams kyis 'di skad ces/ dge tshul khyod ji ltar bcom ldan 'das kyis 'dod pa dag ni bar du gcod pa'o zhes gsungs pa gang yin pa de dag
21a3 bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes de skad ma zer cig/ bcom ldan 'das la skur pa ma 'debs shig/ khyod
21a4 bcom ldan 'das la skur bas legs par mi 'gyur ro//bcom ldan 'das ni de skad mi gsung ngo / /tshe dang ldan pa dge tshul 'dod pa dag ni bar du gcod pa nyid do zhes bcom ldan 'das
21a5 kyis rnam grangs du mar gsungs te/de dag bsten na bar du gcod par 'gyur gyis/ dge tshul khyod sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /dge tshul
21a6 de la dge slong rnams kyis de skad bsgo ba na/gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo
21a7 bar bya/yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na/ gzhi de gtong na de lta na legs/ gal te mi gtong na/ dge
21b1 tshul de la dge slong rnams kyis deng phyin chad dge tshul khyod/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig/ tshangs
21b2 pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro zhig /dge slong rnams dang / dge tshul lhan cig nub gnyis tshun chad gnas gcig tu nyal du dbang ba
21b3 gang yin pa de'ang deng phyin chad khyod la med de/mi gti mug can khyod bsnyil gyis gzhan du song zhig ces bsgo bar bya'o/ /yang dge slong gang shes bzhin du/ de ltar bsnyil ba'i dge tshul nye bar
21b4 'jog par byed dam/nye bar ston par byed dam/ de dang lhan cig gnas cig tu nyal na ltung byed do/ /dge slong gis gos gsar pa zhig rnyed na/ kha bsgyur ba gsum po sngon po'am/ dmar po'am/
21b5 ngur smrig las gang yang rung bas kha dog bsgyur bar bya'o/ /gal te dge slong gis gos gsar pa kha bsgyur ba gsum po sngon po'am/ dmar po'am/ ngur smrig las gang yang rung bar kha ma
21b6 bsgyur bar longs spyod na ltung byed do//yang dge slong gang rin po che'am/ rin po cher smos pa rang gi lag gis len tam/ len du 'jug na kun dga' ra bar gtogs pa na 'dug pa'am/ gnas
21b7 khang du gtogs pa na 'dug pa ma gtogs te ltung byed do//dge slong gis kun dga' ra bar gtogs pa'am/ gnas khang du gtogs pa na rin po che'am/ rin po cher smos pa 'dug pa
22a1 la 'di su'i yin pa de len par 'gyur grang snyam pa de lta bu'i sems kyis blang bar bya ste/de la de ni cho ga yin no/ /bcom ldan 'das kyis zla ba phyed phyed cing /
22a2 khrus bya bar gsungs pa de las 'dums par byed na dus ma gtogs te ltung byed do/ /de la dus ni 'di yin te/ so ga rnams kyi zla ba lhag ma phyed dang gnyis dang / dbyar rnams kyi dang po dang /
22a3 zla ba phyed dang gsum po 'di dag ni tsha ba'i dus so/ /lhag ma ni na ba dus so/ /las dus so/ /rlung dus so/ /char dus so/ /rdzi char dus te/ de la de ni dus yin no/ /sdom la/ dud 'gro
22a4 'gyod pa sor mo dang //rtse dang lhan cig dngangs byed dang / /sbed dang gdeng med gzhi med dang / /skyes pa med par lam 'gro ba'o/ /yang dge slong gang bsams bzhin du dud 'gro'i skye gnas
22a5 su gtogs pa'i srog chags gsod na ltung byed do//dge slong gang bsams bzhin du ci nas kyang dge slong 'di yud tsam zhig kyang bde ba la mi reg par bya'o snyam pa de nyid rkyen du byas te/ dge
22a6 slong la 'gyod pa skyed na ltung byed do//sor mos ga ga tshil byed na ltung byed do/ /chu la rtse na ltung byed do/ /yang dge slong gang / bud med kyi yul dang lhan cig gnas gcig tu nyal na
22a7 ltung byed do//yang dge slong gang dge slong la sdangs par byed dam byed du 'jug na/ tha na bzhad gad du bya bar bsams kyang rung ste ltung byed do/ /yang dge slong gang dge slong ngam/ dge
22b1 slong ma'am/dge slob ma'am/ dge tshul lam/ dge tshul ma'i lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba sbed
22b2 dam sbed du 'jug na/de 'dra ba'i rkyen ma gtogs te ltung byed do/ /yang dge slong gang dge slong la gos byin nas de'i 'og tu gdeng med par spyod na ltung byed do/ /yang dge slong gang khros shing zhe sdang
22b3 bar gyur nas dge slong dag pa ltung ba med pa la/gzhi med par dge 'dun lhag ma'i chos kyis skur na ltung byed do/ /yang dge slong gang skyes pa med par bud med dang lhan cig mgron lam du 'gro
22b4 na| tha na grong bar du yang rung ste ltung byed do//sdom la/ rku dang nyi shu ma lon dang / /rko dang mgron dang bslab pa dang / /'thab dang mi smra 'gro ba dang / /ma gus chang 'thung dus min pa'o/ /
22b5 yang dge slong gang don mthun pa rkun ma dang lhan cig mgron lam du 'gro na/ tha na grong bar du yang rung ste ltung byed do/ /yang dge slong gang gang zag lo nyi shu ma lon pa/ dge slong gi dngos por
22b6 bsnyen par rdzogs par byed na ltung byed do//gang zag de yang bsnyen par rdzogs par mi 'gyur la/ dge slong dag kyang smad par 'gyur ba yin te/ de la de ni cho ga yin no/ /yang dge slong gang
22b7 rang gi lag gis sa rko'am/rkor 'jug na ltung byed do/ /dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron
23a1 du bos pa dang /yang dang yang du mgron du bos pa dang / dus kyi mgron du bos pa dang / rtag tu mgron du bos pa ni ma gtogs te/ de la de ni dus yin no/ /yang dge
23a2 slong gang dge slong rnams kyis tshe dang ldan pa khyod kyis bslab pa 'di la bslab par bya'o zhes bsgo ba na/de dag la 'di skad ces bdag dge slong mdo sde 'dzin pa dang / 'dul ba 'dzin pa dang / ma
23a3 mo 'dzin pa rnams la 'dri ba'i bar du byis pa/rmongs pa mi gsal ba/ mi mkhas pa khyed kyi tshig gis bslab pa 'di la mi slob po zhes zer na ltung byed do/ /dge slong kun shes par 'dod pas kyang
23a4 bslab pa de la bslab par bya'o//dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya ste/ de la de ni cho ga yin no/ /yang dge slong gang dge slong rnams
23a5 'thab par 'gyur/mtshang 'dru bar 'gyur/ mi mthun par 'gyur/ rtsod par gyur cing 'khod pa las/ dge slong 'di dag ji skad zer ba de bdag gis mnyan te/ de lta de ltar rjes su tha snyad
23a6 gdags par bya'o snyam pa de nyid rkyen du byas te/cang mi smra bar nyan nas 'dug na ltung byed do/ /yang dge slong gang dge 'dun gyi chos dang ldan par gtam rnam par gtan la 'bebs par byung ba
23a7 na| cang mi smra bar stan las langs te 'gro zhing /dge slong 'dug pa la mi smra na de 'dra ba'i rkyen ma gtogs te ltung byed do/ /gus par mi byed na ltung byed do/ /'bru'i chang dang bcos pa'i chang
23b1 myos par 'gyur ba 'thung na ltung byed do//yang dge slong gang dus ma yin par grong du 'jug cing / dge slong 'dug pa la ni mi smra na de 'dra ba'i rkyen ma gtogs te ltung byed do/ /sdom la/ zas bcas skya
23b2 rengs da gdod dang //khab ral dang ni khri rkang dang / /bdal dang gding dang g.yan pa dang / /ras chen bde gshegs chos gos so/ /yang dge slong gang / zas dang bcas pa'i khyim du mgron du bos nas/
23b3 snga dro dang phyi dro khyim dag tu rgyu zhing / khyim pa 'dug pa la mi bsgo na/ de 'dra ba'i rkyen ma gtogs te ltung byed do/ /yang dge slong gang nam ma langs skya rengs ma shar bar rin po che dag gam/ rin po cher
23b4 smos pa dag ma bsdus par rgyal po rgyal rigs spyi bor dbang bskur ba'i sgo gtan nam/sgo gtan gyi nye 'khor las 'das na/ de 'dra ba'i rkyen ma gtogs te ltung byed do/ /yang dge slong gang zla ba phyed
23b5 phyed cing so sor thar pa'i mdo gdon pa 'don pa'i tshe/'di skad ces tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so zhes
23b6 zer la/de la gal te dge slong rnams kyis kyang / tshe dang ldan pa 'di sngon gso sbyong gi las la lan gnyis sam/ gsum gyi tshe 'dug par shes shing / lan mang du lta ci smos na/ tshe dang ldan
23b7 pa de mi shes par mi 'gro bas de ltung ba gang byung ba de chos bzhin du byed du gzhug gi steng du zla ba phyed phyed cing so sor thar pa'i mdo gdon pa 'don pa'i tshe/gus par byas te chos nyan par
24a1 mi byed/bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis
24a2 bsams te chos nyan par mi byed pas/tshe dang ldan pa khyod kyis ma rnyed de/ rnyed pa ma yin zhing / nyes pa rnyed de/ legs pa rnyed pa ma yin no zhes 'gyod par bya'o/ /tshe dang ldan pa de la 'gyod par
24a3 bya ba ni de yin te ltung byed do//yang dge slong gang / ba so'am/ rus pa'am/ ra'i khab ral byed dam byed du 'jug na/ bcag nas ltung byed do/ /yang dge slong gis dge 'dun gyi khri'am/ khri'u
24a4 byed du 'jug na/rtsa ba bu gar gzhug pa ma gtogs par bde bar gshegs pa'i sor brgyad kyi tshad du byed du gzhug par bya'o/ /de las lhag par byed du 'jug na/ bcad nas ltung byed do/ /yang
24a5 dge slong gang /dge 'dun gyi khri'am/ khri'u la shing bal bdal lam/ bdal du 'jug na bsdus nas ltung byed do/ /dge slong gis gding ba byed du 'jug na tshad bzhin du byed du chug cig/ de la
24a6 gding ba'i tshad ni 'di yin te/srid du bde bar gshegs pa'i mtho'i mtho do/ zheng du mtho phyed dang do/ srid du mtho gang gis srings shig /de las lhag par byed du 'jug na/ bcad nas
24a7 ltung byed do//yang dge slong gis g.yan pa dgab pa byed du 'jug na/ tshad bzhin du byed du chug cig/ de la g.yan pa dgab pa'i tshad ni 'di yin te/ srid du bde bar gshegs pa'i mtho'i
24b1 mtho bzhi/zheng du mtho do/ de las lhag par byed du 'jug na/ bcad nas ltung byed do/ /dge slong gis dbyar gyi gos ras chen byed du 'jug na/ tshad bzhin du byed du chug cig/ de la dbyar gyi gos ras
24b2 chen gyi tshad ni 'di yin te/srid du bde bar gshegs pa'i mtho'i mtho drug/ zheng du phyed dang gsum mo/ /de las lhag par byed du 'jug na/ bcad nas ltung byed do/ /yang dge slong gang / bde bar
24b3 gshegs pa'i chos gos kyi tshad kyi chos gos byed du 'jug gam/bde bar gshegs pa'i chos gos las lhag par byed du 'jug na ltung byed do/ /de la bde bar gshegs pa'i chos gos kyi tshad ni
24b4 'di yin te/srid du bde bar gshegs pa'i mtho'i mtho bcu/ zheng du mtho drug ste/ de la 'di ni bde bar gshegs pa'i chos gos kyi tshad do/ /tshe dang ldan pa dag bdag gis ltung byed kyi chos dgu
24b5 bcu po dag bton zin to//de la bdag gis tshe dang ldan pa dag la/ ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di
24b6 la tshe dang ldan pa dag yongs su dag na 'di ltar cang mi smra bas de de bzhin du 'dzin to//sdom la/ grong dang khyim gzhan nyid dang ni/ /slob pa rnams dang dgon pa ni/ /sangs rgyas phan pa gsung
24b7 ba yis//so sor bshags par bya bar gsungs/ /tshe dang ldan pa dag so sor bshags par bya ba'i chos bzhi po 'di dag ni/ zla ba phyed phyed cing so sor thar pa'i mdo 'don pa las 'byung ngo / /yang
25a1 dge slong gang dge slong ma nye du ma yin pa lam po che na 'dug pa/bsod snyoms kyi phyir grong du 'gro ba las bca' ba dang / bza' ba rang gi lag gis bslangs te 'cha' 'am
25a2 za na/dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis/ chos de so sor 'chags
25a3 so zhes so sor bshags par bya ba ste/chos 'di ni so sor bshags par bya ba'o/ /dge slong rab tu mang po dag khyim rnams su mgron du bos nas zan za ba'i tshe na/ gal te dge slong ma zhig
25a4 'di la ni bca' ba byin cig/'di la 'bras chan byin cig/ 'di la ni sran tshod byin cig/ 'di la ni btung ba byin cig/ yang byin cig ces bsgo zhing 'dug na/ dge slong ma de la dge slong rnams
25a5 kyis 'di skad ces sring mo khyod dge slong rnams zan za ba'i bar du re zhig sdod cig ces bsgo bar bya'o//gal te dge slong gcig gis kyang dge slong ma de la de skad smra ba ma spobs na/ dge
25a6 slong de dag thams cad kyis phyi rol kun dga' rwa bar dong ste/dge slong rnams la tshe dang ldan pa dag bdag cag la smad pa'i gnas mi rigs pa/ so sor bshags par bya ba byung gis/
25a7 chos de so sor bshags so zhes so sor bshags par bya ste/ chos 'di yang so sor bshags par bya ba'o/ /slob pa dag gis khyim gang dge 'dun gyi bslab pa'i sdom pas bsdams par
25b1 gyur la/yang dge slong gang slob pa dag gis khyim gang dge 'dun gyi bslab pa'i sdom pas bsdams pa de lta bu dag tu sngar mgron du ma bos par song ste/ rang gi lag gis bca' ba dang bza' ba blangs nas
25b2 'cha' 'am za na dge slong des phyi rol kun dga' ra bar song ste/dge slong rnams la tshe dang ldan pa dag bdag la smad pa'i gnas mi rigs pa/ so sor bshags par bya ba byung gis/ chos de so
25b3 sor bshags so zhes so sor bshags par bya ste/chos 'di yang so sor bshags par bya'o/ /dge 'dun gyi gnas mal dgon pa gang dag dogs pa dang bcas par grags pa/ 'jigs
25b4 pa dang bcas par grags pa/'jigs pa tha dad pas 'jigs su rung ba dang bcas par grags par gyur la/ yang dge slong gang dge 'dun gyi gnas mal dgon pa/ gang dag dogs pa dang
25b5 bcas par grags pa/'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa/ de lta bu dag tu sngar ma nyul bar kun dga' ra bar phyi rol tu
25b6 bca' ba dang /bza' ba blangs te 'cha' 'am za na dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa/ so sor bshags
25b7 par bya ba byung gis/chos de so sor bshags so zhes so sor bshags par bya ste/ chos 'di yang so sor bshags par bya ba'o/ /tshe dang ldan pa dag bdag gis so sor bshags par bya
26a1 ba'i chos bzhi po dag bton zin to//de la bdag gis tshe dang ldan pa dag la/ ci 'di la khyed yongs su dag gam zhes dri'o/ /ci 'di la khyed yongs su dag gam
26a2 zhes lan gnyis lan gsum gyi bar du dri'o//'di la tshe dang ldan pa dag yongs su dag na 'di ltar cang mi smra bas de de bzhin du 'dzin to/ /sdom la/ sham thabs la ni rnam bdun dang / /
26a3 stod g.yogs la yang rnam gsum dang / /shin tu bsdams la sogs pa lnga/ /mgo g.yogs la sogs rnam pa lnga/ /mchong pa la sogs rnam lnga dang / /lus la sogs pa rnam pa lnga//
26a4 'dug par bya ba dgu dag dang / /byin len bya ba brgyad rnams so/ /tshe dang ldan pa dag bslab pa'i chos mang po 'di dag rnams ni zla ba phyed phyed cing so sor thar pa'i mdo 'don pa las 'byung
26a5 ngo| |sham thabs zlum por bgo bar bslab par bya/sham thabs ha cang rtsengs pa ma yin pa dang / ha cang 'jol ba ma yin pa dang / glang po che'i sna ltar ma yin pa dang / ta la'i lo ma
26a6 ltar ma yin pa dang /'bru'i phur ma ltar ma yin pa dang / sbrul mgo'i gdengs ka ltar ma yin par bgo bar bslab par bya'o/ /chos gos zlum por bgo bar bslab par bya'o/ /chos gos
26a7 ha cang rtsengs pa ma yin pa dang /ha cang 'jol ba ma yin par bgo bar bslab par bya'o/ /shin tu bsdams pa dang / legs par bgos pa dang / sgra skyungs pa dang / mig g.yeng bar mi
26b1 bya ba dang /gnya' shing gang tsam du blta zhing khyim gzhan dag tu 'gro bar bslab par bya'o/ /mgo mi g.yogs pa dang / mi brdze ba dang / mi gzar ba dang / gnya' gong du mi bsnol ba dang / ltag
26b2 par mi bsnol bar khyim gzhan du 'gro bar bslab par bya'o//mi mchong ba dang / mi brkyang ba dang / tsog pur ma yin pa dang / brang pas ma yin pa dang / dkur mi brten par khyim gzhan du 'gro
26b3 bar bslab par bya'o//lus mi bsgyur ba dang / lag pa mi kyog pa dang / mgo mi bsgyur ba dang / phrag pa mi sprad pa dang / lag mi sbrel bar khyim gzhan du 'gro bar bslab par bya'o/ /ma bsgo
26b4 bar khyim gzhan du stan la mi 'dug par bslab par bya/stan la ma brtags pa dang / lus thams cad kyi brjid kyis mi dbab pa dang / rkang pa mi bsnol ba dang / brla mi bsnol ba dang /
26b5 long bu'i steng du long bu mi bzhag pa dang / rkang pa mi dgug pa dang / rkang pa mi gdang ba dang / 'doms mi snang bar khyim gzhan du stan la 'dug par bslab par bya'o/ /legs par zas blang
26b6 bar bslab par bya/mu dang kha da chad du ma yin pa dang / tshod ma dang mnyam par ma yin pa dang / mthar chags su dang / lhung bzed la lta ba dang / bca' ba dang bza' ba ma 'ongs par lhung
26b7 bzed mi bzed pa dang /yang 'dod pa'i phyir 'bras chan gyis tshod ma mi dgab/ tshod mas 'bras chan mi dgab pa dang / bca' ba dang bza' ba'i steng du lhung bzed mi gzung bar bslab par
27a1 bya'o//sdom la/ zas la legs par bya ba drug/ tsug tsug la sogs rnam pa lnga/ 'bru nas tha dad byed pa lnga/ /lag pa bldag la sogs pa lnga/ /legs par zas
27a2 bza' bar bslab par bya/kham ha cang chung ba ma yin pa dang / kham ha cang chen po ma yin pa dang / kham ran pa dang / kham ma gzas par kha mi gdang pa dang / kha kham gyis bkang ste mi smra bar
27a3 bslab par bya'o//tsug tsug mi bya ba dang / balcag balcag mi bya ba dang / hu hu mi bya ba dang / phu phu mi bya ba dang / lce phyung ste zas mi bza' bar bslab par bya'o/ /'bru nas tha dad du mi bya ba dang / phyas
27a4 mi gdags pa dang /mkhur ba mi spo ba dang / rkan mi gtog pa dang / kham 'phror mi bcad par zas bza' bar bslab par bya'o/ /lag pa mi bldag pa dang / lhung bzed mi byog pa dang / lag pa
27a5 mi sprug pa dang /lhung bzed mi skyo mas pa dang / mchod rten 'dra bar bcos te zas mi bza' bar bslab par bya'o/ /sdom la/ 'phya la sogs pa rnam pa bzhi/ /lhung bzed la yang rnam pa bcu/ /
27a6 'greng bar byed la sogs pa lnga/ /mgo g.yogs la sogs rnam pa lnga/ /do ker can la sogs lnga/ /glang chen la sogs bzhon pa lnga/ /lag na 'khar ba la sogs drug/ na ba rnam pa bzhi
27a7 rnams so//drung na 'dug pa'i dge slong gi lhung bzed la phyas gdags pa'i phyir mi blta bar bslab par bya/ lag pa zas dang 'bags pas chu snod la mi bzung bar bslab par bya/ drung na 'dug
27b1 pa'i dge slong la zas dang 'bags pa'i chus mi gtor bar bslab par bya/khyim pa 'dug pa la ma dris par chu zas dang 'bags pa khyim gzhan du mi dbo bar bslab par bya'o/ /lhung bzed kyi nang du
27b2 zas kyi lhag ma blugs te mi dor bar bslab par bya/'og gzhi med pa'i sa phyogs su lhung bzed mi bzhag par bslab par bya/ gad ka ma yin pa dang / g.yang sa ma yin pa dang / dkan gzar po
27b3 ma yin par lhung bzed bzhag par bslab par bya/'greng ste lhung bzed mi bkru bar bslab par bya/ gad ka ma yin pa dang / g.yang sa ma yin pa dang / dkan gzar po ma yin par lhung bzed
27b4 bkru bar bslab par bya/'bab chu drag po'i rgyun las bzlog ste lhung bzed kyis chu mi bcu bar bslab par bya'o/ /mi na bar 'dug pa la 'greng ste chos mi bshad par bslab par bya/ mi na bar nyal
27b5 ba la 'dug ste chos mi bshad par bslab par bya/mi na bar stan mthon po la 'dug pa la stan dma' ba la 'dug ste chos mi bshad par bslab par bya/ mi na bar mdun du 'gro ba la phyi nas
27b6 'gro zhing chos mi bshad par bslab par bya/mi na bar lam nas 'gro ba lam gyi 'gram nas 'gro zhing chos mi bshad par bslab par bya'o/ /mi na bar mgo g.yogs pa dang / brdzes
27b7 pa dang /gzar ba dang / gnya' gong du bsnol ba dang / ltag par bsnol ba la chos mi bshad par bslab par bya'o/ /mi na bar skra do ker can dang / zhwa gyon pa dang / mgo cod pan can dang /
28a1 mgo phreng ba can dang / mgo dkris pa la chos mi bshad par bslab par bya'o/ /mi na bar glang po che zhon pa dang / rta zhon pa dang / khyogs na 'dug pa dang / zhon pa'i steng
28a2 na 'dug pa dang /mchil lham gyon pa la chos mi bshad par bslab par bya'o/ /mi na bar lag na 'khar ba thogs pa dang / lag na gdugs thogs pa dang / lag na mtshon thogs pa dang / lag
28a3 na ral gri thogs pa dang /lag na dgra cha thogs pa dang / go cha gyon pa la chos mi bshad par bslab par bya'o/ /mi na bar 'greng ste bshang gci mi bya bar bslab par bya/ mi na bar chu'i nang
28a4 du bshang gci dang /mchil ma dang / snabs dang / skyugs pa dang / rlugs pa mi dor bar bslab par bya/ mi na bar rtswa sngon po yod pa'i sa phyogs su bshang gci dang / mchil ma
28a5 dang | snabs dang /skyugs pa dang / rlugs pa mi dor bar bslab par bya/ gnod pa byung ba ma gtogs pa shing la mi gang tsam las mthor mi 'dzeg par bslab par bya'o/ /tshe dang
28a6 ldan pa dag bdag gis bslab pa'i chos mang po rnams bton zin to//de la tshe dang ldan pa dag ci 'di la khyed yongs su dag gam zhes dri'o/ /ci 'di la khyed yongs su dag gam zhes
28a7 lan gnyis lan gsum du dri'o//'di la tshe dang ldan pa dag yongs su dag na 'di ltar cang mi smra bas de de bzhin du 'dzin to/ /sdom la/ mngon sum dran pa ma myos dang / /de bzhin
28b1 gang mang ngo bo nyid//rtswa rnams bkram pa lta bu dang / /khas blang par yang bya ba'o/ /tshe dang ldan pa dag rtsod pa zhi bar bya ba'i chos bdun po 'di dag ni/ zla ba phyed phyed cing so sor thar pa'i mdo 'don pa
28b2 las 'byung ngo //mngon sum gyis 'dul bar 'os pa la mngon sum gyis 'dul ba sbyin no/ /dran pas 'dul bar 'os pa la dran pas 'dul ba sbyin no/ /ma myos pas 'dul bar 'os pa la ma myos
28b3 pas 'dul ba sbyin no//gang tshul shing mang po sbyin par 'os pa la tshul shing mang po sbyin no/ /de'i ngo bo nyid tshol du gzhug par 'os pa la de'i ngo bo nyid btsal ba sbyin no/ /rtswa bkram pa lta bu
28b4 'os pa la rtswa bkram pa lta bu sbyin no//gang khas blang bar 'os pa la khas blang pa sbyin par bya'o/ /rtsod pa byung bar gyur pa rnams rtsod pa zhi bar bya ba'i chos bdun po 'di dag gis chos dang / 'dul ba
28b5 dang /ston pa'i bstan pa bzhin du dul bar bya/ zhi bar bya/ rnam par zhi bar bya'o/ /tshe dang ldan pa dag bdag gis rtsod pa zhi bar bya ba'i chos bdun po dag bton zin to/ /de la bdag gis tshe
28b6 dang ldan pa dag la ci 'di la khyed yongs su dag gam zhes dri'o//ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na/ 'di ltar
28b7 cang mi smra bas de de bzhin du 'dzin to//tshe dang ldan pa dag bdag gis so sor thar pa'i mdo gdon pa'i gleng gzhi bton zin to/ /pham par gyur pa'i chos bzhi dang / dge 'dun lhag ma'i
29a1 chos bcu gsum dang /ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi
29a2 dang /bslab pa'i chos mang po brgya rtsa bcu gnyis/ rtsod pa zhi bar bya ba'i chos bdun po dag bton zin to/ /bcom ldan 'das de bzhin gshegs pa dgra bcom pa yang dag par rdzogs pa'i sangs
29a3 rgyas de'i mdor gtogs shing /mdor bsdus pa ni 'di dag go /gang gzhan nas 'byung ba chos kyi rjes su mthun pa'i chos de la yang / khyed rnams 'dun pa dang / mthun pa dang / dga' ba dang /
29a4 mi rtsod par sems kun tu bsrung ba dang / dran pa dang / bag yod pas rnal 'byor du bya'o/ /bzod pa dka' thub dam pa bzod pa ni/ /mya ngan 'das pa mchog ces sangs rgyas gsung / /rab tu byung ba
29a5 gzhan la gnod pa dang //gzhan la 'tshe ba dge sbyong ma yin no/ /mig ldan 'gro ba yod pa yis/ /nyam nga ba dag ji bzhin du/ /mkhas pas 'tsho ba'i 'jig rten 'dir/ /sdig pa dag ni yongs
29a6 su spong //skur pa mi gdab gnod mi bya/ /so sor thar pa'ang bsdam par bya/ /zas kyi tshong kyang rig par bya/ /bas mtha'i gnas su gnas par bya/ /lhag pa'i sems la yang dag sbyar/ /'di
29a7 ni sangs rgyas bstan pa yin//ji ltar bung ba me tog las/ /kha dog dril mi gnong par/ /khu ba bzhibs nas 'phur ba ltar/ /de bzhin thub pa grong du rgyu/ /bdag gi rigs dang mi rigs la/
29b1 brtag par bya ste gzhan rnams kyi/ /mi mthun pa dang gzhan dag gi /byas dang ma byas rnams la min/ /lhag pa'i sems la bag bya ste/ /thub pa'i thub gzhi rnams la bslab/ /nyer zhi rtag tu dran pa yi//
29b2 skyob pa mya ngan med pa yin/ /sbyin pas bsod nams rab tu 'phel/ /legs bsdams dgra sogs mi 'gyur ro/ /dge dang ldan pas sdig pa spong / /nyon mongs zad pas mya ngan 'da'/ /sdig pa thams
29b3 cad mi bya ste//dge ba phun sum tshogs par spyad/ /rang gi sems ni yongs su 'dul/ /'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa'ang legs pa yin/ /yid
29b4 kyi sdom pa legs pa ste//thams cad du ni sdom pa legs/ /kun tu bsdams pa'i dge slong ni/ /sdug bsngal kun las rab tu grol/ /ngag rnams bsrung zhing yid kyis rab bsdams te/ /lus kyi
29b5 mi dge bdag mi byed cing //las lam gsum po 'di dag rab sbyangs na/ /drang srong gsungs pa'i lam mi 'thob par 'gyur/ /sangs rgyas rnam gzigs gtsug tor thams cad skyob/ /'khor ba
29b6 'jig dang gser thub 'od srung dang //shAkya thub pa go'u ta ma lha yi lha/ /mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan
29b7 rnams kyi so sor thar//'di ni rab tu rgyas par bton/ /'di la sangs rgyas rnams dang gang / /sangs rgyas nyan thos rnams kyang gus/ /'di la gus dang bcas gyur pas/ /'dus ma byas pa thob par
30a1 gyis//brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim na glang chen bzhin/ /'chi bdag sde ni gzhom par bya/ /gang zhig
30a2 rab tu bag yod par//chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal tha mar byed par 'gyur/ /phan tshun tshul khrims bsrung ba dang / /bstan pa 'phel bar
30a3 bya ba'i phyir//so sor thar pa 'di bton pas/ /dge 'dun gyis ni gso sbyong byas/ /gang gi phyir ni mdo bton dang / /gang phyir gso sbyong byas gyur pa/ /tshul khrims de ni bsrung bya ste/ /g.yag
30a4 rnga'i rtse mo ji bzhin no//so sor thar pa bton pa yi/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog/ so sor thar pa'i mdo rdzogs so// //
30a5 'phags pa gzhi thams cad yod par smra ba'i 'dul ba 'dzin pa/ kha che bye brag tu smra ba'i slob dpon dzi na mi tra dang / zhu chen gyi lo ts+tsha ba/ ban d+he cog gru klu'i rgyal mtshan gyis bsgyur cing zhus
te gtan la phab pa'o/